CLOSE WINDOW

D4087
བོད་ཡིག

'jig rten gzhag pa rdzogs so//[ ]@##/ /rgya gar skad du/ kA ra Na pradz+nyA ste/ bod skad du/ rgyu gdags pa/ bam po dang po/ dkon mchog gsum la phyag 'tshal lo/ /'di skad bdag gis thos pa dus gcig na/ bcom ldan 'das wA rA Na sI'i drang srong smra ba'i ri dgas kyi nags kyi nang na bzhugs te/de'i tshe dge slong mang po rim gro'i khang par 'dug ste/ 'khod pa rnams kyis skabs su gtam 'di lta bu zhig glengs te/ tshe dang ldan pa dag skyes bu chen po'i mtshan sum cu rtsa gnyis dang ldan pa'i skyes bu chen po ni rnam pa gnyis su 'gyur gyi/gzhan du mi 'gyur te/ gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba chos kyi rgyal po chos dang ldan pa rin po che sna bdun dang ldan par 'gyur ro/ /de'i rin po che sna bdun ni 'di lta bu yin te/'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa ste/ blon po rin po che'o/ /de'i bu ni stong tham pa yod de/ dpa' ba rtul phod pa dang / yan lag mchog gi gzugs dang ldan pa pha rol gyi sde rab tu 'joms pa sha stag go/ /de ni rgya mtsho chen po la thug pa'i sa chen po ma lus pa gnod par sngo ba med cing 'tshe ba med pa 'di nyid chad pa med cing mtshon gyis bda' ba med la chos dang mthun zhing snyoms pas legs par phab ste gnas so//gal te skra dang kha spu rnams bregs te/ gos ngur smrig dag bgos nas dad pas khyim nas khyim med par legs pa kho nar rab tu byung na ni/ 'jig rten 'dir de bzhin gshegs pa dgra bcom pa yang dag par rdzogs pa'i sangs rgyas su 'gyur te/sgra cher grags par 'gyur ba de ni ngo mtshar to zhes glengs so/ /dge slong mang po rim gro'i khang par 'dus te 'khod pa rnams kyis gtam de lta bu glengs pa bcom ldan 'das nyin mo gnas na bzhugs pas lha'i snyan rnam par dag pa mi las 'das pas gsan to//gsan nas kyang bcom ldan 'das phye ma red nang du yang dag 'jog las bzhengs te rim gro'i khang pa ga la ba der gshegs so/ /gshegs nas kyang bcom ldan 'das dge slong gi dge 'dun gyi gung la gdan bshams pa la bzhugs so/ /bzhugs nas kyang bcom ldan 'das kyis dge slong rnams la bka' stsal pa/dge slong dag dge slong mang po rim gro'i khang par tshogs shing 'dus pa khyed kyis skabs su gtam ci zhig glengs/ khyed gtam gang gi phyir da ltar 'dus shing 'khod/ de skad ces bka' stsal nas/dge slong rnams kyis bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to/ /btsun pa bdag cag dge slong mang po rim gro'i khang pa 'dir 'dus shing mchis pa rnams kyis skabs su bka' mchid 'di lta bu zhig glengs te/tshe dang ldan pa dag skyes bu chen po'i mtshan sum cu rtsa gnyis dang ldan pa'i skyes bu chen po ni rnam pa gnyis su 'gyur gyi gzhan du mi 'gyur te/ gal te khyim par 'dug cing / khyim na gnas na ni 'khor los sgyur ba'i rgyal por 'gyur zhes bgyi ba nas/'jig rten 'dir de bzhin gshegs pa dgra bcom pa yang dag par rdzogs pa'i sangs rgyas kyi bar du 'gyur te/ sgra cher grags par 'gyur ba de ni ngo mtshar to zhes/ btsun pa bdag cag dge slong mang po rim gro'i khang pa 'dir 'dus shing mchis pa rnams kyis skabs su bka' mchid glengs te/bka' mchid de'i slad du bdag cag da ltar 'dus shing mchis lags so/ /de skad ces gsol pa dang / bcom ldan 'das kyis dge slong mang po la bka' stsal pa/ dge slong dag skyes bu chen po'i mtshan gang dag dang ldan pa'i skyes bu chen po ni rnam pa gnyis su 'gyur gyi gzhan du mi 'gyur te/gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba zhes bya ba nas/ rgyas par 'jig rten 'dir de bzhin gshegs pa dgra bcom pa yang dag par rdzogs pa'i sangs rgyas kyi bar du 'gyur te/sgra cher grags par 'gyur ba'i skyes bu chen po'i mtshan sum cu rtsa gnyis po de dag gang yin/ de skad ces bka' stsal pa dang / dge slong de dag bcom ldan 'das ga la ba de logs su thal mo sbyar ba btud de/ bcom ldan 'das la 'di skad ces gsol to//btsun pa chos rnams kyi rtsa ba ni bcom ldan 'das lags/ ston pa ni bcom ldan 'das lags pas na/ bcom ldan 'das kyi don de nyid dge slong rnams la legs par bka' stsal du gsol/ bcom ldan 'das las thos na dge slong rnams 'dzin par 'gyur lags so/ / dge slong dag de'i phyir legs par nyon la shin tu yid la zung shig dang bshad par bya'o/ /dge slong dag skyes bu chen po ni rkang pa shin tu gnas pa ste/ 'di lta ste/ rkang pa gnyis shin tu gnas pas na sa la mnyam par gnon te/ dge slong dag 'di ni skyes bu chen po'i skyes bu chen po'i mtshan yin no//de'i rkang pa gnyis kyi 'og gi mthil nas kyang 'khor lo rtsibs stong pa lte ba dang bcas pa/ mu khyud dang bcas pa rnam pa thams cad yongs su rdzogs pa 'byung ste/ dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni sor mo ring ba ste/dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni rkang pa'i rting pa yangs pa ste/ dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni lag pa dang rkang pa dra ba dang ldan te/dper na ngang pa'i rgyal po skyid de bar 'dug pa lta bur de'i lag pa gnyis dang rkang pa gnyis dra ba dang ldan te/ dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni lag pa dang rkang pa 'jam zhing gzhon sha chags pa ste/dper na shing bal gyi 'da' ba'am/ ras bal gyi 'da' ba lta bu ste/ dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni rkang pa long mo'i tshigs mi mngon pa ste/ dge slong dag 'di ni skyes bu chen po'i skyes bu chen po'i mtshan yin no//dge slong dag skyes bu chen po ni rje ngar ri dgas e n+ya ya'i lta bu ste/ dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po'i lus ma btud pa ste/ lus ma btud pa lags pas pus mor slebs shing /kun tu slebs pa ste/ dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni mdoms kyi sba ba sbubs su nub pa ste/ dper na glang bo che cang shes sam/ rta cang shes skyid de bar 'dug pa'i lta bur de'i mdoms [(]gyi [,]kyi [)]sba ba sbubs su nub ste/dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni shing n+ya gro d+ha ltar chu zheng gab pa ste/ lus ji tsam la 'dom gyi tshad kyang de tsam la/ 'dom gyi tshad ji tsam pa lus kyi tshad kyang de tsam ste/dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni lus kyi spu gyen du phyogs pa dang / dge slong dag skyes bu chen po ni spu re re nas skye ba ste/ lus kyi spu rnams re re nas skye zhing 'jam la reg na bde ba dang /mthon mthing du 'dug pa dang / 'khyil ba dang / g.yas phyogs su 'khyil ba ste/ dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po'i lus kyi pags pa gser 'dra bas na gser gyi mdog can yin te/ dge slong dag 'di ni skyes bu chen po'i skyes bu chen po'i mtshan yin no//dge slong dag skyes bu chen po ni 'od 'dom gang dang ldan te/ dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni lus kyi pags pa srab pa ste/ pags pa srab pas na lus la rdul dang dri mas mi chags te/dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni bdun shin tu mtho ba ste/ lus kyi bdun mtho bar gyur pa ni lag pa gnyis dang / rkang pa gnyis dang / thal gong gnyis dang /ltag pa ste/ dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni thal gong rgyas pa ste/ dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni ro stod seng ge 'dra ba ste/dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni lus che zhing drang ba ste/ dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni dpung mgo shin tu zlum pa ste/dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni so bzhi bcu yod pa ste/ dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni so mnyam pa ste/ dge slong dag 'di ni skyes bu chen po'i skyes bu chen po'i mtshan yin no//dge slong dag skyes bu chen po ni so thags bzang ba ste/ dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni mche ba shin tu dkar ba ste/ dge slong dag 'di ni skyes bu chen po'i skyes bu chen po'i mtshan yin no//dge slong dag skyes bu chen po ni 'gram pa seng ge 'dra ba ste/ dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni ro bro ba'i mchog brnyes pa ste/ dge slong dag 'di ni skyes bu chen po'i skyes bu chen po'i mtshan yin no//dge slong dag skyes bu chen po ni lce ring zhing srab pa ste/ lce ring zhing srab pas na kha nas phyung na lces skra'i mtshams su thug par kha thams cad khebs te/ dge slong dag 'di ni skyes bu chen po'i skyes bu chen po'i mtshan yin no/ / dge slong dag skyes bu chen po ni tshangs pa'i dbyangs bya ka la ping ka'i ltar sgra snyan cing rnga bo che'i sgra lta bu dang ldan pa ste/ dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni mig mthon mthing lta bu ste/ dge slong dag 'di ni skyes bu chen po'i skyes bu chen po'i mtshan yin no//dge slong dag skyes bu chen po ni ba'i rdzi ma lta bu dang ldan te/ dge slong dag 'di ni skyes bu chen po'i skyes bu chen po'i mtshan yin no/ /dge slong dag skyes bu chen po ni mgo bo gtsug tor dang ldan pa ste/ dge slong dag 'di ni skyes bu chen po'i skyes bu chen po'i mtshan yin no//dge slong dag skyes bu chen po ni smin mtshams su mdzod spu skyes pa dkar zhing 'jam la reg na bde ba dang / g.yas su 'khyil pa dang ldan te/ dge slong dag 'di ni skyes bu chen po'i skyes bu chen po'i mtshan yin no//dge slong dag skyes bu chen po'i mtshan sum cu rtsa gnyis ni de dag yin te/ skyes bu chen po'i mtshan de dag dang ldan na rnam pa gnyis su 'gyur gyi gzhan du mi 'gyur te/ gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba chos kyi rgyal po chos dang ldan pa rin po che sna bdun dang ldan par 'gyur ro//de'i rin po che sna bdun ni 'di lta bu yin te/ 'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang /bdun pa ste/ blon po rin po che'o/ /de'i bu ni stong tham pa yod de/ dpa' ba rtul phod pa yan lag mchog gi gzugs dang ldan pa pha rol gyi sde rab tu 'joms pa sha stag go/ /de ni rgya mtsho la thug pa'i sa chen po ma lus pa gnod par sdo ba med cing 'tshe ba med pa 'di nyid chad pa med cing mtshon gyis bda' ba med la chos dang mthun zhing snyoms pas legs par phab ste gnas so//gal te skra dang kha spu rnams bregs te gos ngur smrig dag bgos nas/ dad pas khyim nas khyim med par legs pa kho nar rab tu byung na ni 'jig rten 'dir de bzhin gshegs pa dgra bcom pa yang dag par rdzogs pa'i sangs rgyas su 'gyur te/rgya cher grags par 'gyur ro/ /bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal to//thub chen bdag nyid rab bsgoms pa/ /lus kyi tha ma 'dzin pa yi/ /lus kyi mtshan rnams yod pa dag /nga yis rab tu bshad par bya/ /de yi rkang pa shin tu gnas/ /sa la mnyam par gnon pa yin/ /de yi rkang gnyis 'og mthil na/ /'khor lo rab tu dbyibs legs yod//lag sor yang ni ring ba ste/ /rkang pa rting pa yangs par ldan/ /lag dang rkang pa dra bar 'brel/ /shing bal lta bur 'jam pa yin/ /de yi long mo'i tshigs mi mngon/ /mi mchog rje ngar e ne ya/ /lus ni thur du ma btud par/ /lag gis pus mo'i lha ngar slebs//mdoms kyi sba ba sbubs su nub/ /n+ya gro d+ha ltar chu zheng gab/ /lus spu rnams ni gyen du phyogs/ /de spu g.yas phyogs re re 'khyil/ /gser gyi kha dog 'dra ba dang / /'dom gang 'od ni kun nas 'khor/ /lus kyi pags pa srab pa dang //de yi bdun po mtho ba yin/ /sgrog rus dag kyang sha yis gang / /ro stod seng ge 'dra ba yin/ /lus ni che zhing drang ba dang / /de yi phrag pa dbyibs kyang legs/ /so ni bzhi bcu yod pa ste/ /yongs su tshang zhing nyams pa med/ /mnyam zhing thags kyang bzang ba ste//de yi so rnams dbyibs kyang legs/ /mche ba rab dkar seng ge'i 'gram/ /ro rnams bro ba'i mchog rnyed pa/ /lce ni ring zhing srab pa ste/ /tshangs pa'i dbyangs dang ldan pa yin/ /mig ni mthin mthong ba rdzi ma/ /de yi mgo ni gtsug tor ldan/ / de ni smin mtshams mdzod spu yod/ /dung ltar dkar zhing mdzes pa yin/ /thub chen bdag nyid rab bsgoms pa/ /lus kyi tha ma 'dzin pa yi/ /lus la mtshan rnams yod pa ni/ /sum cu rtsa gnyis de dag yin/ /gang gi lus la mtshan rtags rnams/ /sum cu rtsa gnyis ldan gyur pa//de lta bu ni rgyal gyur nas/ /sa yi steng ni 'dul bar byed/ /yang na byang chub mchog kyang 'thob/ /dran dang ldan zhing bu mang la/ /nad med shin tu mkhas par 'gyur/ /zas dang skom dang bgo ba dang / /mal cha stan rnams rnyed par 'gyur/ / de ni mi phyed 'khor dang ldan/ /lus can kun gyi yid du 'ong / /de lta bu ni lha mi rnams/ /rjes su mthun par byed par 'gyur/ /de lta bu yi mi dag ni/ /chos kyi dbang gis mchog yin no/ /mi mnyam pa dang zla med dang / /mtshungs med rnam par 'dren par 'gyur/ /bcom ldan 'das kyis de skad ces bka' stsal nas/dge slong de dag yi rangs te/ bcom ldan 'das kyis gsungs pa la mngon par bstod do/ /ci'i phyir byang chub sems dpa' skyes bu chen po'i mtshan rkang pa shin tu gnas pa thob ce na/ smras pa/ byang chub sems dpas ni sngon gyi srid pa dang / sngon gyi gnas dang / sngon gyi lus dang / sngon gyi bdag nyid thob pa dang / sngon gyi tshe rabs gzhan dag dang / 'das pa dang / zad pa dang / 'gags pa dang / bral ba dang / rnam par gyur pa dang / yongs su zad pa dag tu dge ba'i chos 'di lta ste/bden pa'am/ tshul khrims sam/ gtong ba'am/ brtul zhugs sam/ yi dam gang dang gang yang dag par blangs te gnas par gyur kyang rung ste/ de tshul khrims dang / brtul zhugs dang / yi dam de la yi dam dam por gyur cing yi dam brtan por gyur to//yi dam brten por gyur nas kyang mi g.yo kun nas mi g.yo/ kun tu rab tu mi g.yo'o/ /mi 'gul/ kun tu mi 'gul kun tu rab tu mi 'gul lo/ /mi 'khrugs/ kun tu mi 'khrugs/ kun tu rab tu mi 'khrugs so//mi 'phrogs/ kun tu mi 'phrogs/ kun tu rab tu mi 'phrogs te/ de las de dang / yang dag par blangs pa de lta bu dang / yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o/ /de der skyes nas ring po ma lon par dga' ldan gyi ris kyi lha sngar skyes pa rnams las lha'i gnas gsum gyis 'phags te/gsum gang zhe na/ 'di lta ste/ lha'i tshe dang / lha'i kha dog dang / lha'i grags pas 'phags so/ /de der tshe'i tshad ji tsam pa de srid du gnas nas de nas shi 'phos nas khams 'dir mi rnams dang skal ba mnyam par skye'o//de 'dir rgyal po'i pho brang ngam/ mdun na 'don gyi khyim du skye bar 'gyur te/ der byang chub sems dpa' des skyes bu chen po'i mtshan rkang pa shin tu gnas pa rnyed par 'gyur ro/ /de'i snga ltas ni 'di yin te/ gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba chos kyi rgyal po chos dang ldan pa/rin po che sna bdun dang ldan par 'gyur ro/ /de'i rin po che sna bdun ni 'di lta bu yin te/ 'di lta ste/ 'khor lo rin po che nas bdun pa ste/ blon po rin po che'i bar rnams so//de'i bu ni stong tham pa yod de/ dpa' ba rtul phod pa yan lag mchog gi gzugs dang ldan pa/ pha rol gyi sde rab tu 'joms pa sha stag go/ /de ni rgya mtsho la thug pa'i sa chen po ma lus pa gnod par sdo ba med cing 'tshe ba med pa 'di nyid chad pa med cing mtshon gyis bda' ba med la chos dang mthun shing snyoms pas legs par phab ste gnas la/rgyal srid de las dgra 'am/ phyir rgol ba'am/ rgyal po do zla'am/ sa'i bdag po'am/ rgyal rigs kyis mi g.yo/ kun tu mi g.yo/ kun tu rab tu mi g.yo'o/ /mi 'gul/kun tu mi 'gul/ kun tu rab tu mi 'gul lo/ /mi 'khrugs/ kun tu mi 'khrugs/ kun tu rab tu mi 'khrugs so/ /mi 'phrogs/ kun tu mi 'phrogs/ kun tu rab tu mi 'phrogs so/ /btsun mo'i 'khor dang / gzhon nu rnams dang / blon po rnams dang /gtso bo dang / dmag gi ru dang / grong mi dang / yul mi rnams kyis bkur stir byed/ bla mar byed/ ri mor byed/ mchod par byed do/ /gal te skra dang kha spu rnams bregs te gos ngur smrig dag bgos nas/ dad pas khyim nas khyim med pa legs pa kho nar rab tu byung na ni 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/sgra cher grags par 'gyur ro zhes gsungs te/ de dge slong gi tshul des dge sbyong ngam/ bram ze'am/ lha 'am/ bdud dam/ tshangs pa'am/ gzhan su yang rung bas chos dang mthun pas mi g.yo/kun tu mi g.yo/ kun tu rab tu mi g.yo'o/ /mi 'gul/ kun tu mi 'gul/ kun tu rab tu mi 'gul lo/ /mi 'khrugs/ kun tu mi 'khrugs/ kun tu rab tu mi 'khrugs so/ /mi 'phrogs/ kun tu mi 'phrogs/ kun tu rab tu mi 'phrogs so/ /dge slong rnams dang / dge slong ma rnams dang / dge bsnyen rnams dang / dge bsnyen ma rnams dang / lha rnams dang / klu rnams dang / lha ma yin rnams dang / nam mkha' lding rnams dang / dri za rnams dang /mi'am ci rnams dang / lto 'phye chen po rnams dang / gnod sbyin rnams dang / srin po rnams dang / mi rnams dang / mi ma yin pa rnams kyis bkur stir byed/ bla mar byed/ ri mor byed/ mchod par byed de/ 'di ni de'i snga ltas yin no/ /'di la chos nyid ni 'di yin te/de la 'di skad ces bya'o/ /gang tshe bde gshegs zhabs ni shin tu gnas pa yi/ /mtshan ni gang gis brnyes gyur de dag mnyan par gyis/ /bde ba dang ni tshul khrims brtul zhugs gtong ba dang / /chos dge bde ba skyed pa gzhan rnams gang yin pa/ / nyid kyis yang dag blangs te brtan por gnas gyur des/ /gom pa brtan por lhun po bzhin du g.yo ba med/ /ci'i phyir byang chub sems dpas skyes bu chen po'i mtshan rkang pa gnyis kyi 'og mthil nas 'khor lo skye ba thob ce na/ smras pa/ byang chub sems dpas ni sngon gyi srid pa zhes bya ba nas/rgyas par sngon gyi skye ba gzhan dag gi bar dang / 'das pa dang / zad pa dang / 'gags pa dang / bral ba dang / rnam par gyur pa dang / yongs su zad pa dag tu pha ma dang / nye du dang / rgan rabs dang / bla ma lta bu rnams dang / gzhan dge sbyong dang /bram ze gnod par bya ba ma yin pa rnams dang / gnod par bya ba la mi dga' ba gang yin pa de dag dang / tha na bya dang / ri dgas yan chad la yang chos dang mthun par bsrung ba dang / bskyab pa dang / sba ba byas la/ de nas snying brtse ba can gyi tshul khrims kyang yang dag par blangs te gnas par gyur to//de las de dang / yang dag par blangs pa de lta bu dang / yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o/ /de der skyes nas ring po ma lon par dga' ldan gyi ris kyi lha sngar skyes pa rnams las lha'i gnas gsum gyis 'phags te zhes bya ba nas rgyas par sbyar te/de de nas shi 'phos nas khams 'dir mi rnams dang skal ba mnyam par skye'o zhes bya ba'i bar du sbyar ro/ /de 'dir rgyal po'i pho brang ngam/ mdun na 'don gyi khyim du skye bar 'gyur te/ / der byang chub sems dpa' des skyes bu chen po'i mtshan rkang pa gnyis kyi 'og gi mthil 'khor lo 'byung ba thob par 'gyur ro/ /de'i snga ltas ni 'di yin te/ gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba zhes bya ba nas/ rgyas par chos dang mthun zhing snyoms pas legs par phab ste gnas so zhes bya ba'i bar du sbyar te/ lha'i 'khor lo rin po che thob par 'gyur la/ de nas gling bzhi legs par phab te gling bzhir rgyal srid kyi dbang phyug la dbang byed do/ /btsun mo'i 'khor dang / gzhon nu rnams zhes bya ba nas rgyas par ri mor byed/mchod par byed ces bya ba'i bar du sbyar ro/ /gal te skra dang / kha spu rnams bregs te zhes bya ba nas/ rab tu byung na ni/ 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/ sgra cher grags par 'gyur ba'i bar du gsungs te/ 'phags pa'i lam yan lag brgyad pa brnyes par gyur la/ des na nyon mongs pa thams cad spangs nas chos thams cad la sgrib pa med pa'i ye shes brnyes par gyur te/ dge slong rnams dang / dge slong ma rnams zhes bya ba nas rgyas par ri mor byed/mchod par byed ces bya ba'i bar du sbyar te/ 'di ni de'i snga ltas yin no/ /'di la chos nyid ni 'di yin te/ de la 'di skad ces bya'o/ /pha ma dang ni gnyen rnams dang / /de bzhin gzhan yang bla ma gang / /ri dgas bya rnams de bzhin te/ /chos dang mthun pas bsrung byas pa//dge ba de yi rnam smin gyis/ /rtsibs stong bcas dang lte bar bcas/ /mu khyud bcas pa'i 'khor lo dag /rkang pa gnyis kyi mthil du byung / /ci'i phyir byang chub sems dpas skyes bu chen po'i mtshan sor mo ring ba dang / rkang pa'i rting pa yangs pa dang / lus che zhing drang ba gsum thob ce na/smras pa/ byang chub sems dpas ni/ sngon gyi srid pa zhes bya ba nas rgyas par sbyar te/ srog chags 'byung ba sems can thams cad tha na srog chags grog spur yan chad kyi phyir srog gcod pa spangs te/ srog gcod pa las phyir log nas/dbyug pa spangs shing mtshon cha spangs ste ngo tsha shes shing snying rje dang ldan pas srog gcod pa spangs pa dang / gzhan yang byang chub sems dpas ma byin par len pa spangs te ma byin par len pa las phyir log nas/ byin pa len pa dang / byin pa la dga' ba dang /byin pa dang / btang ba dang / bor ba 'dod pa dang / mi rku ba dang / gtsang mar gyur pa dang / dag pa dang / gtsang mas bdag nyid bsrungs te/ ma byin par len pa spangs nas ma byin par len pa las sems yongs su dag par byas par gyur pa dang /gzhan yang byang chub sems dpas pha ma dang / nye du dang / rgan rabs dang / bla ma lta bu rnams dang / gzhan yang dge sbyong dang / bram ze kha na ma tho ba med pa dang / kha na ma tho ba med pa la dga' ba gang yin pa de dag la gsong por smra ba dang / phyag 'tshal ba dang /langs te stan stobs par byed de/ de las de dang yang dag par blangs pa de lta bu dang / yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o/ /de der skyes nas ring po ma lon par dga' ldan gyi ris kyi lha sngar skyes pa rnams las lha'i gnas gsum gyis 'phags te zhes bya ba nas rgyas par sbyar te/de de nas shi 'phos nas khams 'dir mi rnams dang skal ba mnyam par skye'o zhes bya ba'i bar du sbyar ro/ /de 'dir rgyal po'i pho brang ngam/ mdun na 'don gyi khyim du skye bar 'gyur te/ der byang chub sems dpa' des/ skyes bu chen po'i mtshan sor mo ring ba dang / rkang pa'i rting pa yangs pa dang / lus che zhing drang ba thob par 'gyur ro/ /de'i snga ltas ni 'di yin te/ gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba zhes bya ba nas rgyas par sbyar te/tshe ring zhing yun ring du gnas par 'gyur ba dang / bkur stir byed/ bla mar byed/ ri mor byed/ mchod par byed ces bya ba'i bar du rgyas par sbyar ro/ /gal te skra dang / kha spu bregs te zhes bya ba nas/ rab tu byung na ni 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/sgra cher grags par 'gyur ro zhes bya ba'i bar du gsungs te/ bcom ldan 'das kyis bzhed na bskal pa 'am/ bskal pa las lhag par yang sku tshe ring zhing yun ring du gnas par 'gyur ba dang /bkur stir byed/ bla mar byed ces bya ba'i bar du rgyas par sbyar te/ 'di ni de'i snga ltas yin no/ /'di la chos nyid ni 'di yin te/ de la 'di skad ces bya'o/ /gang tshe rgyal ba sor mo ring bar gyur pa dang / /zhabs kyi rting yangs sku che drang bar gyur pa ni//srog chags srog gcod pa las slar ni log gyur dang / /ma byin pa dang rku ba spangs par gyur pa dang / /dge sbyong bram ze rnams la gsong bor smra ba dang / /des ni bla ma rnams la ldang zhing stan byin pa'i/ /las dge bde ba skyed pa rnam smin dge ba de//skye ba gzhan dag tu ni ston pa mdzad pa'i phyir/ /ston pa de la las kyi rnam smin de 'dra ba'i/ /mtshan rnams sku las byung ste gsum dang gsum du sbyar/ /ci'i phyir byang chub sems dpas skyes bu chen po'i mtshan lag pa dang rkang pa dra ba dang ldan pa thob ce na/smras pa/ byang chub sems dpas ni sngon gyi srid pa zhes bya ba nas rgyas par sbyar te/ bsdu ba'i dngos po bzhis 'khor bsdus te/ 'di lta ste/ sbyin pa dang / snyan par smra ba dang / don spyod pa dang / don mthun pas so/ /de las de dang yang dag par blangs pa de lta bu dang /yang dag par gzung ba de lta bus lus zhig nas dga' ldan gyi lha rnams dang skal ba mnyam par skye'o zhes bya ba nas rgyas par sbyar te/ de de nas shi 'phos nas khams 'dir mi rnams dang skal ba mnyam bar skye'o zhes bya ba'i bar du sbyar ro/ / de 'dir rgyal po'i pho brang ngam/ mdun na 'don gyi khyim du skye bar 'gyur te/ der byang chub sems dpa' des/ skyes bu chen po'i mtshan lag pa dang rkang pa dra ba dang ldan pa thob par 'gyur ro/ /de'i snga ltas ni 'di yin te/ gal te khyim bar 'dug cing khyim na gnas na ni 'khor los sgyur ba'i rgyal po mtha' bzhir rgyal ba zhes bya ba nas rgyas par sbyar te/btsun mo'i 'khor dang / gzhon nu rnams dang / blon po rnams dang / gtso bo dang / dmag gi ru dang / grong mi dang / yul gyi mi rnams kyis bsten pa dang /bkur sti byed pa nas rgyas par sbyar ro/ /gal te skra dang kha spu rnams bregs te gos ngur smrig dag bgos nas/ dad pas khyim nas khyim med par legs pa kho nar rab tu byung na ni 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/sgra cher grags par 'gyur ro zhes gsungs te/ dge slong rnams dang / dge slong ma rnams dang / dge bsnyen rnams dang / dge bsnyen ma rnams dang / gzhan mu stegs can dang / dge sbyong dang / bram ze dang / spyod pa pa dang / kun tu rgyu rnams kyis bsten pa dang / bkur sti byed/ bla mar byed ces bya ba nas rgyas par sbyar te/ 'di ni de'i snga ltas yin no/ /'di la chos nyid ni 'di yin te/ de la 'di skad ces bya'o/ /gang gi lag pa rkang pa la/ /dra bar ldan pa yongs rdzogs pa//ngang pa'i rgyal po ji lta bar/ /skyes bu mchog kyang de dang 'dra/ /'dir ni sems can rnams la yang / /sbyin dang snyan par smra ba dang / /don spyod dang ni don mthun pa/ /de dang de la ci rigs par/ /bsdu ba'i dngos po bzhi rnams kyis/ /sngon gyis bsdus par gyur pas na//las kyi rnam par smin pa des/ /lag dang rkang pa dra bar ldan/ /ci'i phyir byang chub sems dpas skyes bu chen po'i mtshan lag pa dang rkang pa 'jam zhing gzhon sha chags pa thob ce na/ smras pa/ byang chub sems dpas ni sngon gyi srid pa zhes bya ba nas rgyas par sbyar te/pha ma dang / nye du dang / rgan rabs dang / bla ma lta bu rnams dang / gzhan yang dge sbyong dang / bram ze gnod par bya ba ma yin pa dang / gnod par bya ba la mi dga' ba gang yin pa de dag la lus bsku zhing dril ba dang / khrus bya ba dang / mar dang / til mar rnams kyis dad pa'i sems kyis rang gi lag gis byi dor byas te/ de las de dang yang dag par blangs pa de lta bu dang / yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o zhes bya ba nas rgyas par sbyar te/ de de nas shi 'phos nas khams 'dir mi rnams dang skal ba mnyam par skye'o zhes bya ba nas rgyas par sbyar ro/ /der byang chub sems dpa' des skyes bu chen po'i mtshan lag pa dang rkang pa 'jam zhing gzhon sha chags pa thob par 'gyur ro/ /de'i snga ltas ni 'di yin te/ gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba zhes bya ba nas rgyas par sbyar te/ lus bsku zhing dril ba dang / khrus bya ba dang / mar dang til mar rnyed ces bya ba dang / bkur sti byed/ bla mar byed ces bya ba nas rgyas par sbyar ro//gal te skra dang kha spu rnams bregs te gos ngur smrig dag bgos nas/ dad pas khyim nas khyim med par legs pa kho nar rab tu byung na ni 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/ sgra cher grags par 'gyur ro zhes gsungs te/lus bsku zhing dril ba dang / khrus bya ba dang / mar dang / til mar rnams rnyed ces bya ba dang / bkur sti byed/ bla mar byed ces bya ba nas rgyas par sbyar te/ 'di ni de'i snga ltas yin no/ /'di la chos nyid ni 'di yin te/ de la 'di skad ces bya'o/ /shing bal gyi ni 'da' ba ltar/ /lag pa rkang pa 'jam pa dang / /reg na bde bar 'gyur ba yi/ /mtshan de gang gis thob ce na/ /bsku zhing dril dang khrus byas gang / /mar dang til mar sbyin pa dang / /des na de yi rkang lag ni/ /'jam zhing reg na bde ba yin//ci'i phyir byang chub sems dpas skyes bu chen po'i mtshan rkang pa long mo'i tshigs mi mngon pa dang / lus kyi sru gyen du phyogs pa gnyis thob ce na/ smras pa/ byang chub sems dpas ni sngon gyi srid pa zhes bya ba nas rgyas par sbyar te/dge ba'i chos 'di lta ste/ bde ba'am/ tshul khrims sam/ gtong ba'am/ brtul zhugs sam/ yi dam gang dang gang yang dag par blangs te gnas par gyur kyang rung ste/ de lan 'ga' yang dma' bas chog par mi 'dzin cing / ches gong nas gong du khyad par shin tu 'dod pas cher gnas te/de las de dang / yang dag par blangs pa de lta bu dang / yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o/ /de nas shi 'phos nas khams 'dir ni mi rnams dang skal ba mnyam par skye'o zhes bya ba nas rgyas par sbyar te/der byang chub sems dpa' des skyes bu chen po'i mtshan rkang pa long mo'i tshigs mi mngon pa dang / lus kyi spu gyen du phyogs pa gnyis thob par 'gyur ro/ /de'i snga ltas ni 'di yin te/ gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba zhes bya ba nas rgyas par sbyar te/grong rnams dang / grong khyer rnams dang / ljongs rnams kyis 'phel bar 'gyur ba dang / bkur sti byed/ bla mar byed ces bya ba nas rgyas par sbyar ro/ / gal te skra dang kha spu rnams bregs te zhes bya ba nas/ rab tu byung na ni 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/ sgra cher grags par 'gyur ro zhes bya ba'i bar du gsungs so/ /nges par 'byung ba dang / dben pa las skyes pa'i dag ba'i chos rnams kyis 'phel ba dang /bkur sti byed ces bya ba nas rgyas par sbyar te/ 'di ni de'i snga ltas yin no/ /'di la chos nyid ni 'di yin te/ de la 'di skad ces bya'o/ /gang tshe bde gshegs zhabs kyi long mo'i tshigs mi mngon/ / gang tshe de yi spu rnams gyen du phyogs gyur pa/ /bden pa dang ni tshul khrims brtul zhugs gtong ba dang / /chos dge bde ba bskyed pa gzhan rnams gang yin pa/ /de dag gong nas gong du khyad par 'dod byed cing / /bzang zhing dkar ba rnams kyis chog par mi 'dzin pa//des na de ni der yang khyad par thob par 'gyur/ /de phyir de yi lus la mtshan ni rnam gnyis 'byung / /ci'i phyir byang chub sems dpas skyes bu chen po'i mtshan rje ngar ri dgas e ne ya'i lta bu thob ce na/ smras pa/ byang chub sems dpas ni sngon gyi srid pa zhes bya ba nas rgyas par sbyar te/gus pas chos blangs pa dang / gzung ba dang / 'dzin du bcug pa dang / bklags pa dang / gzhan yang byang chub sems dpas sems can skye ba'i chos can rnams kyi skye ba spong ba'i phyir chos ston pa dang / sems can rga ba'i chos can rnams dang /na ba dang / 'chi ba dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa'i chos can rnams kyi 'khrug pa spong ba'i phyir chos ston pa dang / gzhan yang byang chub sems dpas pha ma dang / nye du dang / rgan rabs dang / bla ma lta bu rnams dang / gzhan yang dge sbyong dang / bram ze gnod par bya ba ma yin pa dang / gnod par bya ba la mi dga' ba gang yin pa de dag gi chos dang mthun pa'i phrin rnams dus bzhin du bskyal te/ de las de dang yang dag par blangs pa de lta bu dang /yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o zhes bya ba nas rgyas par sbyar ro/ /de de nas shi 'phos nas khams 'dir mi rnams dang skal ba mnyam par skye'o zhes bya ba'i bar du rgyas par sbyar te/der byang chub sems dpa' des skyes bu chen po'i mtshan rje ngar ri dgas e ne ya'i lta bu thob par 'gyur ro/ /de'i snga ltas ni 'di yin te/ gal te khyim par 'dug cing khyim na gnas na ni 'khor bos sgyur ba'i rgyal po mtha' bzhir rgyal ba zhes bya ba nas rgyas par sbyar te/dran pa dang ldan pa'i mchog dang / /blo gros dang ldan pa'i mchog dang / bkur sti byed/ bla mar byed ces bya ba nas rgyas par sbyar ro/ /gal te skra dang kha spu rnams bregs te zhes bya ba nas/ rab tu byung nas 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/sgra cher grags par 'gyur ro zhes bya ba'i bar du gsungs te/ dran pa dang ldan pa'i mchog dang / blo gros dang ldan pa'i mchog dang / bkur sti byed/ bla mar byed ces bya ba nas rgyas par sbyar te/'di ni de'i snga ltas yin no/ /'di la chos nyid ni 'di yin te/ de la 'di skad ces bya'o/ /gang tshe bde bar gshegs pa'i rje ngar ni/ /e ne ya'i 'dra gus pas chos 'dzin dang / /'gro la phan phyir chos rnams ston pa dang / /mang po rnams la thugs brtse don mdzad dang //pha dang ma dang dge sbyong bram ze yi/ /phrin gyi bya ba slan chad mdzad gyur pa/ /las dge bde ba skyed par byed pa 'di/ /tshe rabs gzhan du ston pa de mdzad de/ /las kyi rnam par smin pa de nyid kyis/ /rje ngar e ne ya yi lta bur gyur/ /ci'i phyir byang chub sems dpas skyes bu chen po'i mtshan shing n+ya gro d+ha lta bur chu zheng gab pa dang /lus ma btud par lag pas pus mo'i lha ngar slebs pa gnyis thob ce na/ smras pa/ byang chub sems dpas ni sngon gyi srid pa zhes bya ba nas rgyas par sbyar te/ gnod par mi byed pa'i rang bzhin can du gyur pas des su la yang lus dang ngag dang yid kyis gnod par ma byas pa dang /gzhan yang byang chub sems dpa' zas la tshod rig par gyur te/ ran par byed cing lto mi che ba dang / lto 'dun mi byed cing lto 'dun gyi sbyor ba la mi brtson pa dang / gzhan yang byang chub sems dpas ni 'di lta ste/zas dang / skom dang / bca' ba dang / bza' ba dang / gos dang / spos dang / me tog phreng dang / byug pa dang / mal cha dang / stan dang / gnas dang / mar me'i sbyin pa rnams rang gi lag gis gus pa dang / brnyas pa med par dus su sbyin pa dang / gzhan yang byang chub sems dpas pha ma dang /nye du dang / rgan rabs dang / bla ma lta bu rnams dang / gzhan dge sbyong dang / bram ze gnod par bya ba ma yin pa dang / gnod par bya ba la mi dga' ba gang yin pa de dag na ba dang / sdug cing phongs pa rnams dang / nad tshabs che ba rnams la mthun pa'i sman rnams dang /phan pa'i zas rnams dang / rkyen du 'tsham pa'i g.yog rnams byin te/ de las de dang / yang dag par blangs pa de lta bu dang / yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o zhes bya ba nas rgyas par sbyar te/ de de nas shi 'phos nas khams 'dir mi rnams dang skal ba mnyam par skye'o zhes bya ba'i bar du rgyas par sbyar te/der byang chub sems dpa' des skyes bu chen po'i mtshan shing n+ya gro d+ha ltar chu zhing gab pa dang / lus ma btud par lag pas pus mo'i lha ngar slebs pa gnyis thob par 'gyur ro/ /de'i snga ltas ni 'di yin te/gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba zhes bya ba nas rgyas par sbyar te/ gnod pa med cing nad med pa'i rang bzhin can dang / bkur sti byed/ bla mar byed ces bya ba nas rgyas par sbyar ro/ /gal te skra dang kha spu rnams bregs te/gos ngur smrig dag bgos nas zhes bya ba nas rab tu byung na ni/ 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/ sgra cher grags par 'gyur ro zhes bya ba'i bar du gsungs te/ gnod pa med cing nad med pa'i rang bzhin can dang /bkur sti byed/ bla mar byed ces bya ba'i bar du rgyas par sbyar te/ 'di ni de'i snga ltas yin no/ /'di la chos nyid ni 'di yin te/ de la 'di skad ces bya'o/ /chu zhing gab pa n+ya gro d+ha/ /ljon pa chen po sdong por ldan/ /yal ga lo ma phun sum tshogs/ /skyes bu mchog ni de dang 'dra//lus ni thur du ma btud par/ /gyen du langs te 'dug bzhin du/ /pus mo'i lha nga gnyi ga yang / /lag pa gnyis kyis kun du slebs/ /lus dang ngag dang de bzhin yid kyis kyang / /'jig rten su la 'ang gnod pa yong mi byed/ /de bzhin mkhas pa zas la ran par byed/ / des ni de dang de la tshod kyang rig /gus par dus su brnyas pa med par ni/ /sngon gyi skye bar sbyin pa dag kyang byin/ /zas dang skom dang de bzhin gos rnams dang / /spos dang me tog phreng dang byug pa dang / /bdug pa phye ma de bzhin mal cha dang / /bzhon pa de bzhin gnas dang mar me dang //nad kyi gsos dang sman rnams pha ma dang / /dge sbyong bram ze rnams la sngon byin te/ /las dge bde ba skyed par byed pa 'di/ /tshe rabs gzhan du ston pa des mdzad des/ /las kyi rnam par smin pa de yis ni/ /ston pa'i sku la mtshan ni 'di gnyis byung / /ci'i phyir byang chub sems dpas skyes bu chen po'i mtshan mdoms kyi spa ba sbubs su nub pa thob ce na/smras pa/ byang chub sems dpas ni sngon gyi srid pa zhes bya ba nas rgyas par sbyar te/ pha ma dang / nye du dang / rgan rabs dang / bla ma lta bu rnams dang / gzhan dge sbyong dang / bram ze gnod par bya ba ma yin pa dang /gnod par bya ba la mi dga' ba gang yin pa de dag grong dang / zhing gang nas spyugs pa dang spangs pa de dag phyir chud par bya ba'i phyir shin tu spro ba drag po byas pa dang / gzhan yang byang chub sems dpas ni bya ba dang / don la gsol ba btab pa gang yin pa rnams dang / phongs pa byung ngo cog tu de dag bsgral ba dang /kun du bsgral ba dang / kun du rab tu bsgral ba'i phyir shin tu spro ba drag po byas te/ de gus par byed pa dang / rtag tu byed pa dang / gzhan yang byang chub sems dpa' ngo tsha shes pa dang / khrel yod par gyur pa dang / gcer bu rnams 'gebs par byed pa yin te/de las de dang / yang dag par blangs pa de lta bu dang / yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o zhes bya ba nas rgyas par sbyar ro/ /de de nas shi 'phos nas khams 'dir mi rnams dang skal ba mnyam par skye'o zhes bya ba'i bar du rgyas par sbyar te/der byang chub sems dpa' des skyes bu chen po'i mtshan mdoms kyi sba ba sbubs su nub pa thob par 'gyur ro/ /de'i snga ltas ni 'di yin te/ gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba zhes bya ba nas rgyas par sbyar te/ btsun mo'i 'khor dang /gzhon nu rnams dang / blon po rnams dang / gtso bo dang / dmag gi ru dang / grong mi rnams dang / yul gyi mi rnams kyis bsrung ba dang / srung du bcug par 'gyur ba dang / bkur sti byed/ bla mar byed ces bya ba nas rgyas par sbyar ro/ /gal te skra dang kha spu rnams bregs te gos ngur smrig dag bgos nas zhes bya ba nas rab tu byung na ni 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/sgra cher grags par 'gyur ro zhes bya ba'i bar du gsungs te/ dge slong rnams dang / dge slong ma rnams dang / dge bsnyen rnams dang /dge bsnyen ma rnams kyis bsrung ba dang / srung du bcug par 'gyur ba dang / bkur sti byed/ bla mar byed ces bya ba'i bar du rgyas par sbyar te/ 'di ni de'i snga ltas yin no/ /'di la chos nyid ni 'di yin te/ de la 'di skad ces bya'o/ /ci yi rgyus na mi mchog gi/ /mdoms kyi sba ba sbubs su nub//spangs dang de yi thad du 'ongs/ /gang yin de ni sngon byas dang / /gcer bu rnams ni bkab pa dang / /ngo tsha shes dang khrel yod pa/ /des ni sbubs su nub par 'gyur/ /ci'i phyir byang chub sems dpas skyes bu chen po'i mtshan lus kyi pags pa srab pa dang / spu re re nas skye ba gnyis thob ce na/smras pa/ byang chub sems dpa' ni sngon gyi srid pa zhes bya ba nas rgyas par sbyar te/ dge sbyong dang / bram ze gsal ba dang / yid gzhungs pa dang / mkhas pa dang / yongs su rdzogs par byed pa gang yin pa de dag gi thad du song nas bsten cing bsnyen te bsnyen bkur byas nas/dge ba'i las ni gang yin/ mi dge ba'i las ni gang yin/ kha na ma tho ba med pa dang / kha na ma tho ba dang bcas pa ni gang yin/ gang byas na ni legs par 'gyur te/ sdig par mi 'gyur zhes dris shing dri ba'i bya ba byas te/ de dag las thos nas de dang de bzhin nyid du byas pa dang /gzhan yang byang chub sems dpa' ni rtog par byed cing sems pa'i rang bzhin can du gyur pa dang / gzhan yang byang chub sems dpa' ni rtog par byed pa yin te/ pha ma dang / nye du dang / rgan rabs dang / bla ma lta bu rnams dang / gzhan dge sbyong dang / bram ze gnod par bya ba ma yin pa dang /gnod par bya ba la mi dga' ba gang yin pa de dag la dgab pa dang / khrus bya ba dang / mnye ba byas pa dang / sa phyogs mi gtsang ba rnams gtsang bar byas te/ dag par byas shing phyag dar byas nas phyag dar rnams bor te/ de las de dang yang dag par blangs pa de lta bu dang /yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o zhes bya ba nas rgyas par sbyar ro/ /de de nas shi 'phos nas khams 'dir mi rnams dang skal ba mnyam par skye'o zhes bya ba'i bar du rgyas par sbyar te/ der byang chub sems dpa' des skyes bu chen po'i mtshan lus kyi pags pa srab pa dang /spu re re nas skye ba gnyis 'thob par 'gyur ro/ /de'i snga ltas ni 'di yin te/ gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba zhes bya ba nas rgyas par sbyar te/dran pa dang ldan pa dang / blo gros dang ldan par 'gyur zhing dran pa dang ldan pa'i mchog dang blo gros dang ldan pa'i mchog tu 'gyur ba dang / bkur sti byed/ bla mar byed ces bya ba'i bar du sbyar ro/ /gal te skra dang kha spu rnams bregs te/ gos ngur smrig dag bgos nas zhes bya ba nas/rab tu byung na ni 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/ sgra cher grags par 'gyur ro zhes bya ba'i bar du gsungs te/ dran pa dang ldan pa dang / blo gros dang ldan par 'gyur zhing / dran pa dang ldan pa'i mchog dang /blo gros dang ldan pa'i mchog tu 'gyur ba dang / bkur sti byed/ bla mar byed ces bya ba'i bar du rgyas par sbyar te/ 'di ni de'i snga ltas yin no/ /'di la chos nyid ni 'di yin te/ de la 'di skad ces bya'o/ /gang gis 'dir ni ston pa'i pags pa srab/ /gang tshe spu rnams re rer skye bar 'gyur//mkhas brtags mang du thos pa bsten pa dang / /rtogs par byed cing sems par gyur ba dang / /sa phyogs rnams kyang gtsang mar byas pa dang / /bsku zhing dril dang khrus rnams byas pa ste/ /las dge bde ba skyed par byed pa 'di/ /tshe rabs gzhan dag tu ni ston pas mdzad//las kyi rnam smin des na rgyal ba yi/ /pags pa srab cing spu rnams re rer skye/ /ci'i phyir byang chub sems dpas skyes bu chen po'i mtshan gser gyi kha dog dang / 'od 'dom gang ba gnyis thob ce na/ smras pa/ byang chub sems dpas ni sngon gyi srid pa dang /sngon gyi gnas dang / sngon gyi lus dang / sngon gyi bdag nyid thob pa dang / sngon gyi tshe rabs gzhan dag dang / 'das pa dang / zad pa dang / 'gags pa dang / bral ba dang / rnam par gyur pa dang / yongs su zad pa dag tu pha ma dang / nye du dang / rgan rabs dang / bla ma lta bu rnams dang /gzhan dge sbyong dang / bram ze gnod par bya ba ma yin pa dang / gnod par bya ba la mi dga' ba gang yin pa de dag la bca' ba dang bza' ba zhim po rnams byin pa dang / khang khyim bzang po rnams dang / gding ba dang / bgo ba dang / zas dang / skom dang / bca' ba dang / bza' ba dang / gos dang / spos dang / byug pa dang / mal cha dang / stan dang / gnas dang / mar me bzang po rnams kyis sems kyi rgyud rnam par dag pas chos rnam par dag pa dang ldan pa'i sems can rnams la bya ba byas pa dang / gzhan yang byang chub sems dpa' khro ba med cing khro gnyer dang bral bar 'gyur te/de las de dang / yang dag par blangs pa de lta bu dang / yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o/ /de der skyes nas ring po ma lon par dga' ldan gyi ris kyi lha sngar skyes pa rnams las lha'i gnas gsum gyis 'phags te/gsum gang zhe na/ 'di lta ste/ lha'i kha dog dang / lha'i grags pas 'phags so/ /de der che'i tshad ji tsam pa de srid du gnas te/ de der tshe tshad ji tsam pa de srid du gnas nas de nas shi 'phos te khams 'dir mi rnams dang skal ba mnyam par skye'o/ /de 'dir rgyal po'i pho brang ngam/mdun na 'don gyi khyim du skye bar 'gyur te/ der byang chub sems dpa' des skyes bu chen po'i mtshan gser gyi mdog dang / 'od 'dom gang ba gnyis thob par 'gyur ro/ /de'i snga ltas ni 'di yin te/ gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba chos kyi rgyal po chos dang ldan pa/rin po che sna bdun dang ldan par 'gyur ro/ /de'i rin po che sna bdun ni 'di lta bu yin te/ 'di lta ste/ 'khor lo rin po che nas/ bdun pa ste/ blon po rin po che'i bar rnams so//de'i bu ni stong tham pa yod de/ dpa' ba rtul phod pa yan lag mchog gi gzugs dang ldan pa pha rol gyi sde rab tu 'joms pa sha stag go/ /de ni rgya mtsho la thug pa'i sa chen po ma lus pa gnod par sngo ba med cing 'tshe ba med pa 'di nyid chad pa med cing mtshon gyis bda' ba med la chos dang mthun zhing snyoms pas legs par phab ste gnas la/de gser gyi mdog de dang / 'od 'dom gang ba des ya mtshan du gyur pa dang / btsun mo'i 'khor dang / gzhon nu rnams dang / blon po rnams dang / gtso bo dang / dmag gi ru dang / grong mi dang yul gyi mi rnams kyis gces par byed/bkur sti byed/ bla mar byed/ ri mor byed/ mchod par byed do/ /gal te skra dang kha spu rnams bregs te gos ngur smrig dag bgos nas/ dad pas khyim nas khyim med par legs pa kho nar rab tu byung na ni 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/sgra cher grags par 'gyur ro zhes gsungs te/ de gser gyi mdog de dang / 'od 'dom gang ba des dge slong rnams dang / dge slong ma rnams dang / dge bsnyen rnams dang / dge bsnyen ma rnams dang / lha rnams dang / klu rnams dang / lha ma yin rnams dang /nam mkha' lding rnams dang / dri za rnams dang / mi'am ci rnams dang / lto 'phye chen po rnams dang / gnod sbyin rnams dang / srin po rnams dang / mi rnams dang / mi ma yin pa rnams kyis gces par byed/ bkur sti byed/ bla mar byed/ ri mor byed/ mchod par byed de/'di ni de'i snga ltas yin no/ /'di la chos nyid ni 'di yin te/ /de la 'di skad ces bya'o/ /gang gis sngon ni gser gyi mdog can gyur/ /'dom gang 'od ni bar snang nyi ma bzhin/ /bgo ba skom dang kha zas zhim po dag /sngon gyi tshe rabs dag tu byin pa dang / /sngon gyi tshe rabs dag tu ston pa ni//khro ba med cing khro gnyer bral gyur te/ /las dge bde ba skyed pa byed pa 'di/ /tshe rabs gzhan dag tu ni ston pas mdzad/ /las kyi rnam par smin pa de yis na/ /gser gyi mdog can 'dom gang 'od dang ldan// //rgyu gdags pa/ bam po gnyis pa/ci'i phyir byang chub sems dpas skyes bu chen po'i mtshan lus kyi bdun mtho ba thob ce na/ smras pa/ byang chub sems dpas ni sngon gyi srid pa zhes bya ba nas rgyas par sbyar te/ dge sbyong dang / bram ze rnams dang / bkres pa dang / sdug phongs pa rnams dang / slong ba rnams la sbyin pa mtho ba 'di lta ste/zas dang / skom dang / bca' ba dang / bza' ba dang / gos dang / spos dang / me tog phreng dang / byug pa dang / mal cha dang / stan dang / gnas dang / mar me dag byin te/ sems kyi rgyud rgya chen pos rnam par dag pa dang ldan pa'i sems can rnams la bya ba byas te/de las de dang / yang dag par blangs pa de lta bu dang / yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o zhes bya ba nas rgyas par sbyar ro/ /de de nas shi 'phos nas khams 'dir mi rnams dang skal ba mnyam par skye'o zhes bya ba'i bar du rgyas par sbyar te/der byang chub sems dpa' des skyes bu chen po'i mtshan lus kyi bdun mtho ba thob par 'gyur ro/ /de'i ltas ni 'di yin te/ gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba zhes bya ba nas rgyas par sbyar te/de'i grong dang / grong khyer dang / ljongs rnams dang / mdzod dang / bang mdzod la sogs pa mtho bar 'gyur ba dang / bkur sti byed/ bla mar byed ces bya ba'i bar du rgyas par sbyar ro/ /gal te skra dang kha spu rnams bregs te gos ngur smrig dag bgos nas zhes bya ba nas/rab tu byung na ni 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/ sgra cher grags par 'gyur ro zhes bya ba'i bar du gsungs te/ de'i mngon par 'byung ba dang / dben pa las skyes pa'i dge ba'i chos rnams dang /bsam gtan dang / rnam par thar pa dang / ting nge 'dzin dang / snyoms par 'jug pa dang / yid la byed pa'i khyad par mtho bar 'gyur ba dang / bkur sti byed/ bla mar byed ces bya ba'i bar du rgyas par sbyar te/ 'di ni de'i snga ltas yin no/ /'di la chos nyid ni 'di yin te/de la 'di skad ces bya'o/ /lo grangs drug cu lon pa'i glang po ltar/ /sngon gang gis bdun ni mtho bar gyur/ /lag pa rkang pa de bzhin thal gong dang / /ltag par gang gis mtshan rnams byung bar gyur/ /des ni sngon gyi skye bar sbyin pa byin/ /dge slong rnams dang de bzhin bram ze la//dgab pa dang ni skom dang zas mang byin/ /de bzhin 'dron dang slongs dang sdug phongs la/ /zas dang skom dang de bzhin gos rnams dang / /spos dang me tog phreng dang byug pa dang / /bdug pa phye ma de bzhin rol mo'i sgra/ /mar me dag dang gnas dang mal cha byin//las dge bde ba skyed par byed pa 'di/ /tshe rabs gzhan dag tu ni ston pas mdzad/ /las kyi rnam par smin pa de yis na/ /bcom ldan de yi bdun ni mtho bar gyur/ /ci'i phyir byang chub sems dpas skyes bu chen po'i mtshan ro stod seng ge'i 'dra ba dang / thal gong rgyas pa dang /dpung mgo shin tu zlum pa gsum thob ce na/ smras pa/ byang chub sems dpas ni sngon gyi srid pa zhes bya ba nas rgyas par sbyar te/ nan gyis 'dzin par mi byed pa dang / mchog tu 'dzin pa med pa dang / nyes par bsams pa legs par 'dor ba dang dngan then byed cing smra bar mi byed pa dang /gzhan yang byang chub sems dpas dge sbyong dang / bram ze mkhas pa de dang de dag la brjod par bya ba'i rnam grangs sna tshogs ston te/ gnang bar bya ba dag la rjes su gnang ba dang / gzhan yang byang chub sems dpas rgyal po byed dam/ blon po byed pa na bde bar byas pa dang /dge ba'i byed pa'i gtso bor gyur cig gtso bor bsgo ba byas te/ de las de dang / yang dag par blangs pa de lta bu dang / yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o zhes bya ba nas rgyas par sbyar ro/ /de de nas shi 'phos nas khams 'dir mi rnams dang skal ba mnyam par skye'o zhes bya ba'i bar du rgyas par sbyar te/der byang chub sems dpa' des skyes bu chen po'i mtshan ro stod seng ge'i 'dra ba dang / thal gong rgyas pa dang / dpung mgo shin tu zlum pa gsum thob par 'gyur ro/ /de'i snga ltas ni 'di yin te/ gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba zhes bya ba nas rgyas par sbyar te/ bde bar byas pa dang / dge ba byed pa'i gtso bor gyur cing gtso bor bskor ba byas pa dang / bkur sti byed/ bla mar byed ces bya ba'i bar du rgyas par sbyar ro/ / gal te skra dang kha spu rnams bregs te gos ngur smrig dag bgos nas zhes bya ba nas rab tu byung na ni 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/ sgra cher grags par 'gyur ro zhes bya ba'i bar du gsungs te/ bde bar byas pa dang / dge ba byed pa'i gtso bor gyur cing gtso bor bsko ba byas pa dang /bkur sti byed/ bla mar byed ces bya ba'i bar du rgyas par sbyar te/ 'di ni de'i snga ltas yin no/ /'di la chos nyid ni 'di yin te/ /de la 'di skad ces bya'o/ /nags khung seng ge'i rgyal po ji bzhin du/ /gang gi ro stod seng ge 'dra bar gyur//sngon ni thal gong shin tu rgyas gyur dang / /dpung mgo yang ni shin tu zlum par gyur/ /nan gyis mi 'dzin mchog tu 'dzin pa med/ /nyes par bsams pa legs spong brtul zhugs bzang / /dge sbyong bram ze rnams kyis bzod par byed/ /des ni gnang bar bya ba'i chos rnams gang //bde bar byed dang dge ba'i gtso bo gang / /de dang de yang gtso bor bsko bar gyur/ /las dge bde ba skyed par byed pa 'di/ /tshe rabs gzhan dag tu ni ston pas mdzad/ /las kyi rnam smin des na ston pa yin/ /sku la mtshan ni 'di gsum byung bar gyur/ /ci'i phyir byang chub sems dpas skyes bu chen po'i mtshan so bzhi bcu dang /so mnyam pa dang / so thags bzang ba gsum thob ce na/ smras pa/ byang chub sems dpas ni sngon gyi srid pa zhes bya ba nas rgyas par sbyar te/ phra ma'i tshig spangs shing phra ma'i tshig las slar log ste/ tshu rol ba rnams kyi tshig thos na tshu rol ba rnams dbye ba'i phyir pha rol ba rnams la ma bsnyad la/pha rol ba rnams kyi tshig thos na yang pha rol pa rnams dbye ba'i phyir tshu rol pa rnams kyi thad du 'ongs te ma bsnyad do/ /de ltar bye ba rnams gcig tu sdud pa dang / 'dus pa rnams la rjes su dga' ba dang mthun par dga' zhing mthun par mos te mthun par gyur pa'i tshig smra ba dang /gzhan yang byang chub sems dpas sems can bye ba rnams dang / kun tu bye ba rnams dang / rnam par bye ba rnams dang / sdums ma byas pa rnams kyi sdums byas shing mthun par byas te/ yang dag par dga' bar byas nas mthun pa dang 'dus pa de dag gis dga' zhing mngon par dga' la des gdung bar mi byed cing yongs su yi chad par mi byed de/de las de dang / yang dag par blangs pa de lta bu dang / yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o zhes bya ba nas rgyas par sbyar ro//de de nas shi 'phos nas khams 'dir mi rnams dang skal ba mnyam par skye'o zhes bya ba'i bar du sbyar te/ der byang chub sems dpa' des skyes bu chen po'i mtshan so bzhi bcu dang / so mnyam pa dang / so thags bzang ba gsum thob par 'gyur ro/ /de'i snga ltas ni 'di yin te/ gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba zhes bya ba nas rgyas par sbyar te/ mi phyed pa'i 'khor dang ldan pa dang / bkur sti byed/ bla mar byed ces bya ba'i bar du rgyas par sbyar ro/ /gal te skra dang kha spu rnams bregs te/ gos ngur smrig dag bgos nas zhes bya ba nas rab tu byung na ni 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/sgra cher grags par 'gyur ro zhes bya ba'i bar du gsungs te/ mi phyed pa'i 'khor dang ldan pa dang / bkur sti byed/ bla mar byed ces bya ba'i bar du rgyas par sbyar te/'di ni de'i snga ltas yin no/ /'di la chos nyid ni 'di yin te/ de la 'di skad ces bya'o/ /gang gis so ni bzhi bcur gyur pa dang / /so mnyam pa dang thags ni bzang por gyur/ /gal te phra ma dbyen du 'gyur ba'i tshig /dbye bar byed pa rnam par spong ba dang //sngon ni rnam par smin dang mthun par byas/ /de ni 'dus pa rnams kyis de bzhin dga'/ /de bzhin du ni mgu zhing rangs par gyur/ /las dge bde bskyed par byed pa 'di/ /tshe rabs gzhan dag tu ni ston pas mdzad/ /las kyi rnam par smin pa de yis na/ /ston pa'i sku la mtshan gsum byung bar gyur//ci'i phyir byang chub sems dpas skyes bu chen po'i mtshan mche ba shin tu dkar ba thob ce na/ smras pa/ byang chub sems dpas ni sngon gyi srid pa zhes bya ba nas rgyas par sbyar te/ 'dod pa na spyod pa'i byams pa thob nas sems can thams cad la byams pa'i sems kyis khyab par byas pa dang /gzhan yang byang chub sems dpa' ni rtog par byed cing sems pa'i rang bzhin can du gyur te/ de las de dang / yang dag par blangs pa de lta bu dang / yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o zhes bya ba nas rgyas par sbyar ro//de de nas shi 'phos nas khams 'dir mi rnams dang skal ba mnyam par skye'o zhes bya ba'i bar du rgyas par sbyar te/ der byang chub sems dpa' des skyes bu chen po'i mtshan mche ba shin tu dkar ba thob par 'gyur ro/ /de'i snga ltas ni 'di yin te/ gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba zhes bya ba nas rgyas par sbyar te/de mche ba shin tu dkar ba des gces par byed/ bkur sti byed/ bla mar byed ces bya ba'i bar du sbyar ro/ /gal te skra dang kha spu rnams bregs te gos ngur smrig dag bgos nas dad pas khyim nas khyim med par legs pa kho nar rab tu byung na ni/'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/ sgra cher grags par 'gyur ro zhes bya ba'i bar du gsungs te/ de mche ba shin tu dkar ba des gces par byed bkur sti byed/bla mar byed ces bya ba'i bar du rgyas par sbyar te/ 'di ni de'i snga ltas yin no/ /'di la chos nyid ni 'di yin te/ de la 'di skad ces bya'o/ /sngon ni gang gis mche ba rab dkar ba'i/ /mtshan ni gang gis thob gyur de nyon cig /'dod pa dag na spyod pa'i byams pa thob//rtog par byed dang sems par gyur pa des/ /las dge bde ba skyed par byed pa 'di/ /tshe rabs gzhan dag tu ni ston pas mdzad/ /las kyi rnam par smin pa de yis na/ /bcom ldan mche ba shin tu dkar bar gyur/ /ci'i phyir byang chub sems dpas skyes bu chen po'i mtshan 'gram pa seng ge 'dra ba thob ce na/smras pa/ byang chub sems dpas ni sngon gyi srid pa zhes bya ba nas rgyas par sbyar te/ sems kyis 'di lta bu'i yi dam du bcas te bdag la su yang rung ba ci slong yang de bdag la yod na bdag gis de la sbyin par bya ste/ ma byin gyi bar du phyir gtang bar mi bya'o snyam ste/ de las de dang / yang dag par blangs pa de lta bu dang / yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o zhes bya ba nas rgyas par sbyar ro/ /de de nas shi 'phos nas khams 'dir mi rnams dang skal ba mnyam par skye'o zhes bya ba'i bar du rgyas par sbyar te/der byang chub sems dpa' des skyes bu chen po'i mtshan 'gram pa seng ge'i 'dra ba thob par 'gyur ro/ /de'i snga ltas ni 'di yin te/ gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba zhes bya ba nas rgyas par sbyar te/ci 'dod pa dang / ci bsams pa dang / ci sgrub pa de dag thams cad rdzogs par thob par 'gyur ba dang / bkur sti byed/ bla mar byed ces bya ba'i bar du rgyas par sbyar ro/ /gal te skra dang kha spu rnams bregs te gos ngur smrig dag bgos nas/dad pas khyim nas khyim med par legs pa kho nar rab tu byung na ni 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/ sgra cher grags par 'gyur ro zhes bya ba'i bar du gsungs te/ de ci bzhed pa dang / ci dgongs pa dang / ci sgrub pa de dag thams cad rdzogs par thob par gyur pa dang / bkur sti byed/ bla mar byed ces bya ba'i bar du rgyas par sbyar te/ 'di ni de'i snga ltas yin no/ /'di la chos nyid ni 'di yin te/ de la 'di skad ces bya'o/ /sngon gyi tshe rabs gzhan du ston pa yi/ /thugs kyis thugs dam bcas pa 'di yin te//bdag la su yang rung ba ci slong yang / /de ni bdag gis ma byin mi btang snyam/ /de ltar brtul zhugs dam pa rnam pa gsum/ /mtshan rdzogs de yi dgongs par ldan pa yis/ /sngon gyi tshe rabs gzhan du blangs par gyur/ /las kyi rnam smin des na drang srong che//rgyal ba'i 'gram pa seng ge'i 'dra bar gyur/ /ci'i phyir byang chub sems dpas skyes bu chen po'i mtshan ro bro ba'i mchog thob ce na/ smras pa/ byang chub sems dpas ni sngon gyi srid pa zhes bya ba nas rgyas par sbyar te/ tho 'tshams pa med pa'i rang bzhin can du gyur nas/ des sems can su la yang lag pa'am/ bong ba'am/ dbyug pa'am/ mtshon cha'am/ bsnun par bya ba gang yang rung bas tho 'tshams pa ma byas pa dang / gzhan yang byang chub sems dpas pha ma dang / nye du dang / rgan rabs dang / bla ma lta bu rnams dang / gzhan dge sbyong dang / bram ze gnod par bya ba ma yin pa dang /gnod par bya ba la mi dga' ba gang yin pa de dag la mthun pa'i sman rnams dang / phan pa'i zas rnams dang / 'tsham pa'i g.yog byin te/ de las de dang / yang dag par blangs pa de lta bu dang / yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o zhes bya ba nas rgyas par sbyar ro//de de nas shi 'phos nas khams 'dir mi rnams dang skal ba mnyam par skye'o zhes bya ba'i bar du rgyas par sbyar te/ der byang chub sems dpa' des skyes bu chen po'i mtshan ro bro ba'i mchog thob par 'gyur ro/ /de'i snga ltas ni 'di yin te/gal te khyim par 'dug cing khyim na gnas na ni/ 'khor los sgyur ba'i rgyal po mtha' bzhir rgyal ba zhes bya ba nas rgyas par sbyar te/ gnod pa chung zhing nad med pa'i rang bzhin can du 'gyur ba dang / bkur sti byed/ bla mar byed ces bya ba'i bar du rgyas par sbyar ro//gal te skra dang kha spu rnams bregs te/ gos ngur smrig dag bgos nas dad pas khyim nas khyim med par legs pa kho nar rab tu byung na ni 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/ sgra cher grags par 'gyur ro zhes bya ba'i bar du gsungs te/gnod pa chung zhing nad med pa'i rang bzhin can du 'gyur ba dang / bkur sti byed/ bla mar byed ces bya ba'i bar du rgyas par sbyar te/ /'di ni de'i snga ltas yin no/ /'di la chos nyid ni 'di yin te/ de la 'di skad ces bya'o/ / de yi lus la ro rnams bro ba'i mchog /sngon ni 'khor ba'i tshe na gang las gyur/ /lag pa'am yang na dbyug pa'am mtshon cha yis/ /sems can su la'ang gnod par ma byas la/ /pha ma dang ni dge sbyong bram ze rnams/ /sngon ni nad kyi gsos sman dag kyang byin/ /las dge bde bskyed par byed pa 'di//tshe rabs gzhan dag tu ni ston pas mdzad/ /las kyi rnam par smin pa de yis na/ /bcom ldan ro rnams bro ba'i mchog dang ldan/ /ci'i phyir byang chub sems dpas skyes bu chen po'i mtshan lce ring zhing srab pa dang / mgo gtsug tor dang ldan pa gnyis thob ce na/smras pa/ byang chub sems dpas ni sngon gyi srid pa zhes bya ba nas rgyas par sbyar te/ bdag nyid kyang srog gcod pa spangs shing srog gcod pa las phyir log la/ gzhan dag kyang srog gcod pa spong ba yang dag par 'dzin du bcug pa dang / bdag nyid kyang ma byin par len pa dang /'dod pas log par g.yem pa dang / brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas spong ba yang dag par 'dzin du 'jug par byed de/ de las de dang / yang dag par blangs pa de lta bu dang / yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o zhes bya ba nas rgyas par sbyar ro//de de nas shi 'phos nas khams 'dir mi rnams dang skal ba mnyam par skye'o zhes bya ba'i bar du rgyas par sbyar te/ der byang chub sems dpa' des skyes bu chen po'i mtshan lce ring zhing srab pa dang /mgo gtsug tor dang ldan pa gnyis thob par 'gyur ro/ /de'i snga ltas ni 'di yin te/ gal te khyim par 'dug cing khyim na gnas na ni/ 'khor los sgyur ba'i rgyal po mtha' bzhir rgyal ba zhes bya ba nas rgyas par sbyar te/ lce ring zhing srab pa dang / mgo gtsug tor dang ldan pa des gces par byed/bkur sti byed/ bla mar byed ces bya ba'i bar du rgyas par sbyar ro/ /gal te skra dang kha spu rnams bregs te gos ngur smrig dag bgos nas/ dad pas khyim nas khyim med par legs pa kho nar rab tu byung na ni 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/sgra cher grags par 'gyur ro zhes bya ba'i bar du gsungs te/ de lce ring zhing srab pa dang / mgo gtsug tor dang ldan pa des gces par byed/ bkur sti byed/ bla mar byed ces bya ba'i bar du rgyas par sbyar te/ 'di ni de'i snga ltas yin no//'di la chos nyid ni 'di yin te/ de la 'di skad ces bya'o/ /gang tshe rgyal ba'i dbu ni gtsug tor ldan/ /ljags kyang ring zhing srab par gang las gyur/ /srog chags ma bsad ma byin ma blangs dang / /'dod na log par ma spyod brdzun ma byas/ /chang btung ba yang rtag tu spang byas nas//mang po gzhan rnams kyang ni de la btsud/ /las dge bde ba skyed par byed pa 'di/ /tshe rabs gzhan dag tu ni ston pas mdzad/ /las kyi rnam smin des na rgyal ba yi/ /ljags kyang ring zhing srab la gtsug tor ldan/ /ci'i phyir byang chub sems dpas skyes bu chen po'i mtshan tshangs pa'i dbyangs thob ce na/smras pa/ byang chub sems dpas ni sngon gyi srid pa zhes bya ba nas rgyas par sbyar te/ tshig rtsub po spangs nas tshig rtsub po las phyir ldog ste/ de zhe gcod pa'i tshig rtsub po dang / gzhan gyis mi bzod pa dang / gzhan tshig pa za bar 'gyur ba dang /skye bo mang po'i yid du mi 'thad pa dang / skye bo mang po mi dga' ba dang / skye bo mang po'i yid du mi 'ong ba dang / mnyam par gzhag pa ma yin pa dang / ting nge 'dzin du mi 'gyur ba gang yin pa de lta bu'i tshig rnams spangs nas/ tshig snyan pa dang / rnar snyan pa dang / yid la 'bab pa dang /dga' bar byed pa dang / pho brang 'khor gyi skad dang / snyan cing 'jebs pa dang / gsal ba dang / brda phrad pa dang / mnyan par 'os pa dang / rten pa med pa dang / mi mthun pa med pa dang / skye bo mang po'i 'dod pa dang / skye bo mang po'i yid du 'thad pa dang / skye bo mang po dga' ba dang /skye bo mang po'i yid du 'ong ba dang / shin tu mnyam par gzhag pa dang / ting nge 'dzin du 'gyur ba gang yin pa lta bu'i tshig rnams smra bar byed do/ /gzhan yang byang chub sems dpas tshig kyal pa spangs nas tshig kyal pa las slar log ste/de dus su smra ba dang / bden par smra ba dang / don yod par smra ba dang / brtags te smra ba dang / gtan tshigs dang bcas pa dang / gdams ngag dang bcas pa dang / rigs pa dang mnyam par gzhag pa dang / chos dang ldan pa dang / don dang ldan pa dang / ma 'dres pa'i tshig rjod par byed de/de las de dang yang dag par blangs pa de lta bu dang / yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o zhes bya ba nas rgyas par sbyar ro/ /de de nas shi 'phos nas khams 'dir mi rnams dang skal ba mnyam par skye'o zhes bya ba'i bar du rgyas par sbyar te/der byang chub sems dpa' des skyes bu chen po'i mtshan tshangs pa'i dbyangs thob par 'gyur ro/ /de'i snga ltas ni 'di yin te/ gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba zhes bya ba nas rgyas par sbyar te/de tshangs pa'i dbyangs des gces par byed/ bkur sti byed/ bla mar byed ces bya ba'i bar du rgyas par sbyar ro/ /gal te skra dang kha spu rnams bregs te gos ngur smrig dag bgos nas/ dad pas khyim nas khyim med par legs pa kho nar rab tu byung na ni 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/sgra cher grags par 'gyur ro zhes bya ba'i bar du gsungs te/ de tshangs pa'i dbyangs des gces par byed/ bkur sti byed/ bla mar byed ces bya ba'i bar du rgyas par sbyar te/ 'di ni de'i snga ltas yin no//'di la chos nyid ni 'di yin te/ de la 'di skad ces bya'o/ /tshangs pa'i dbyangs ni rnga sgra'i gdangs kyis mtshan/ /gang gis 'thob par 'gyur ba mnyan par gyis/ /'jam por smra zhing rtsub pa rnam par spangs/ /dga' ba smra zhing mi dga' smra mi byed/ /kyal pa'i tshig ni spangs par gyur pa dang //dus su don dang chos ni smra bar byed/ /las dge bde ba skyed par byed pa 'di/ /tshe rabs gzhan dag tu ni ston pas mdzad/ /las kyi rnam smin des na bde bar gshegs/ /drang srong chen po'i tshangs pa'i gsung dang ldan/ /ci'i phyir byang chub sems dpas skyes bu chen po'i mtshan mig mthon mthing lta bu dang /ba'i rdzi ma lta bu gnyis thob ce na/ smras pa/ byang chub sems dpas ni sngon gyi srid pa zhes bya ba nas rgyas par sbyar te/ 'dod pa na spyod pa'i byams pa thob la/ de ni sems can du 'gyur bar 'dod pa gang yin pa rnams dang / don med par 'gyur bar 'dod pa gang yin pa rnams dang / phan par 'dod pa gang yin pa rnams dang / gnod par 'dod pa gang yin pa rnams dang / bde bar 'dod pa gang yin pa rnams dang / mi bde bar 'dod pa gang yin pa rnams dang / bde ba la reg par 'dod pa gang yin pa rnams dang / bde ba la reg par mi 'dod pa gang yin pa rnams dang / grub pa dang bde bar 'dod pa gang yin pa rnams dang / grub pa dang bde bar mi 'dod pa gang yin pa de dag thams cad la byams pa'i mig gis bltas te/ dper na mas bu gcig pa sdug pa dang / phangs pa dang / dga' ba dang / yid du 'ong ba dang / bzod cing mthong na mi mthun pa med de/ zla ba brgyad dam/ dgu lon gyi bar du ma phrad pa las mthong bar gyur na byams pa'i mig gis lta ba de bzhin du/ byang chub sems dpas kyang sems can don du 'gyur bar 'dod pa gang yin pa nas grub pa dang bde bar 'dod pa gang yin pa'i bar gyi sems can de dag la byams pa'i mig gis bltas te/de las de dang / yang dag par blangs pa de lta bu dang / yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o zhes bya ba nas rgyas par sbyar ro/ /de de nas shi 'phos nas khams 'dir mi rnams dang skal ba mnyam par skye'o zhes bya ba'i bar du rgyas par sbyar te/der byang chub sems dpa' des skyes bu chen po'i mtshan mig mthon mthing lta bu dang / ba'i rdzi ma lta bu gnyis thob par 'gyur ro/ /de'i snga ltas ni 'di yin te/ gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba zhes bya ba nas rgyas par sbyar te/de mig mthon mthing lta bu dang / ba'i rdzi ma lta bu des gces par byed/ bkur sti byed/ bla mar byed ces bya ba'i bar du rgyas par sbyar ro//gal te skra dang kha spu rnams bregs te/ gos ngur smrig dag bgos nas dad pas khyim nas khyim med par legs pa kho nar rab tu byung na ni 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/ sgra cher grags par 'gyur ro zhes bya ba'i bar du gsungs te/de mig mthon mthing lta bu dang / ba'i rdzi ma lta bu des gces par byed/ bkur sti byed/ bla mar byed ces bya ba'i bar du rgya par sbyar te/ 'di ni de'i snga ltas yin no/ /'di la chos nyid ni 'di yin te/ de la 'di skad ces bya'o/ /gang tshe bde gshegs spyan ni mthon mthing ldan//gang tshe ston pa ba yi rdzi mar ldan/ /don 'dod gang yin don med 'dod pa gang / /mi rnams bde reg mi 'dod gnod 'dod gang / /ji ltar ma ni bu la snying brtse ba/ /de ltar thub pas 'jig rten kun la gzigs/ /las dge bde ba skyed par byed pa 'di//tshe rabs gzhan dag tu ni ston pas mdzad/ /las kyi rnam smin des kyin ston pa yi/ /sku la mtshan ni rnam gnyis byung bar gyur/ /ci'i phyir byang chub sems dpas skyes bu chen po'i mtshan smin mtshams kyi mdzod spu thob ce na/ smras pa/ byang chub sems dpas ni sngon gyi srid pa dang /sngon gyi gnas dang / sngon gyi lus dang / sngon gyi bdag nyid thob pa dang / sngon gyi tshe rabs gzhan dag dang / 'das pa dang / zad pa dang / 'gags pa dang / bral ba dang / rnam par gyur pa dang / yongs su zad pa dag tu pha ma dang / nye du dang / rgan rabs dang / bla ma lta bu rnams dang / gzhan dge sbyong dang / bram ze gnod par bya ba ma yin pa dang / gnod par bya ba la mi dga' ba gang yin pa de dag gis bsngags pa dus su bden par bsgrags te/ de las de dang / yang dag par blangs pa de lta bu dang / yang dag par bzung ba de lta bus lus zhig nas dga' ldan gyi lha rnams dang skal ba mnyam par skye'o//de der skyes nas ring po ma lon par dga' ldan gyi ris kyi lha sngar skyes pa rnams las lha'i gnas gsum gyis 'phags te/ gsum gang zhe na/ 'di lta ste/ lha'i tshe dang / lha'i kha dog dang / lha'i grags pas 'phags so//de der tshe'i tshad ji tsam pa de srid du gnas nas/ de nas shi 'phos te khams 'dir mi rnams dang skal ba mnyam par skye'o/ /de 'dir rgyal po'i pho brang ngam/ mdun na 'don gyi khyim du skye bar 'gyur te/ der byang chub sems dpa' des skyes bu chen po'i mtshan smin mtshams kyi mdzod spu thob par 'gyur ro//de'i snga ltas ni 'di yin te/ gal te khyim par 'dug cing khyim na gnas na ni 'khor los sgyur ba'i rgyal po mtha' bzhir rgyal ba chos kyi rgyal po chos dang ldan pa rin po che sna bdun dang ldan par 'gyur ro/ /de'i rin po che sna bdun ni 'di dag yin te/'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa ste/ blon po rin po che'o/ /de'i bu ni stong tham pa yod dpa' ba rtul phod pa/ yan lag mchog gi gzugs dang ldan pa pha rol gyi sde rab tu 'joms pa sha stag go/ /de'i rgya mtsho la thug pa'i sa chen po ma lus pa gnod par sngo ba med cing 'tshe ba med pa 'di nyid chad pa med cing mtshon gyis bda' ba med la/ chos dang mthun zhing snyoms pas legs par phab ste gnas la/gang gi tshe 'jig rten du 'khor los sgyur ba'i rgyal po byung bar gyur pa na sgra de skye bo mang po'i dga' ba yid du 'ong bar 'gyur te/ sgra de yang gzhan 'phrul dbang byed kyi lha rnams kyi bar du grags par 'gyur te/ btsun mo'i 'khor dang / gzhon nu rnams dang / blon po rnams dang / gtso bo dang / dmag gi ru dang / grong mi dang / yul gyi mi rnams kyis bkur sti byed/ bla mar byed/ ri mor byed/ mchod pa byed do/ /gal te skra dang kha spu rnams bregs te/ gos ngur smrig dag bgos nas/ dad pas khyim nas khyim med par legs pa kho nar rab tu byung na ni/ 'jig rten du de bzhin gshegs pa dgra bcom pa yang dag par rdzogs pa'i sangs rgyas su 'gyur te/ sgra cher grags par 'gyur ro zhes gsungs te/ gang gi tshe 'jig rten du de bzhin gshegs pa dgra bcom pa yang dag par rdzogs pa'i sangs rgyas byung bar gyur pa na sgra de skye bo mang po'i dga' ba dang /yid du 'ong bar 'gyur te/ sgra de yang 'og min man chad du grags par 'gyur te/ dge slong rnams dang / dge slong ma rnams dang / dge bsnyen rnams dang / dge bsnyen ma rnams dang / lha rnams dang / klu rnams dang / lha ma yin rnams dang /nam mkha' lding rnams dang / dri za rnams dang / mi'am ci rnam dang / lto 'phye chen po rnams dang / gnod sbyin rnams dang / srin po rnams dang / mi rnams dang / mi ma yin pa rnams kyis bkur sti byed/ bla mar byed/ ri mor byed/ mchod pa byed de/ 'di ni de'i snga ltas yin no//'di la chos nyid ni 'di yin te/ /de la 'di skad ces bya'o/ /de bzhin mdangs ni gser mdog 'dra ba yi/ /smin ma'i mtshams su mdzod spu skyes pa de/ /dag cing dkar la sdug cing bzang ba dang / /mdzes shing dung gi mdog dang 'dra ba ste/ /bsngags par 'os pa rnams kyis bsngags pa ni//bden par dus su de bzhin rig par brjod/ /las dge bde ba skyed par byed pa 'di/ /tshe rabs gzhan dag tu ni ston pas mdzad/ /las kyi rnam par smin pa de yis na/ /smin mtshams su ni mdzod spu skyes par gyur/ /chos mngon par gdags pa'i bstan bcos rgyu gdags pa las//mtshan gyi phung po zhes bya ba phung po dang po rdzogs so// //gleng gzhi ni mnyan du yod pa na ste/ dge slong dag 'khor los sgyur ba'i rgyal po 'jig rten du byung na rin po che sna bdun 'jig rten du 'byung bar 'gyur te/ bdun gang zhe na/'di lta ste/ 'khor lo rin po che dang / glang po rin po che dang / rta rin po che dang / nor bu rin po che dang / bud med rin po che dang / khyim bdag rin po che dang / bdun pa ste/ blon po rin po che'o/ /dge slong dag de ltar na 'khor los sgyur ba'i rgyal po 'jig rten du byung na rin po che sna bdun de lta bu dag 'jig rten du 'byung bar 'gyur ro//dge slong dag de bzhin du de bzhin gshegs pa dgra bcom pa yang dag par rdzogs pa'i sangs rgyas 'jig rten du byung na byang chub kyi yan lag rin po che bdun 'jig rten du 'byung bar 'gyur te/ bdun gang zhe na/ 'di lta ste/ dran pa yang dag byang chub kyi yan lag rin po che dang / chos rnam par 'byed pa dang / brtson 'grus dang / dga' ba dang / shin tu sbyangs pa dang / ting nge 'dzin dang / bdun pa ste btang snyoms yang dag byang chub kyi yan lag rin po che'o/ /dge slong dag de ltar na/ de bzhin gshegs pa dgra bcom pa yang dag par rdzogs pa'i sangs rgyas 'jig rten du byung na byang chub kyi yan lag rin po che bdun po de lta bu dag 'jig rten du 'byung bar 'gyur ro zhes de skad gsungs so/ /ci'i phyir 'khor los sgyur ba'i rgyal pos 'khor lo rin po che thob par 'gyur zhe na/smras pa/ 'khor los sgyur ba'i rgyal pos ni sngon gyi srid pa zhes bya ba nas rgyas par sbyar te/ bdag nyid kyis kyang srog gcod pa spangs shing srog gcod pa las phyir log ste/ dbyug pa spangs shing mtshon cha spangs la ngo tsha shes shing snying rje dang ldan te/ srog chags su gyur pa'i sems can thams cad las tha na srog chags grogs sbur yan chad kyi srog gcod pa las sems yongs su sbyangs la/gzhan dag kyang srog gcod pa spong ba yang dag par 'dzin du bcug pa dang / bdag nyid kyis kyang ma byin par len pa dang / 'dod pa la log par g.yem pa dang /brdzun du smra ba dang / phra ma dang / tshig rtsub po dang / tshig kyal pa dang / brnab sems dang / gnod sems dang / log par lta ba spangs nas yang dag pa'i lta ba can du gyur la/ gzhan dag kyang yang dag pa'i lta ba yang dag par 'dzin du bcug pas na/ de gso sbyong gi dus tshes bco lnga de nyid kyi tshe khrus byas nas gso sbyong blangs te blon po'i tshogs kyis bskor ba na/nyi ma 'char ka'i tshe shar phyogs nas lha'i 'khor lo rin po che rtsibs stong ba lte ba dang bcas mu khyud dang bcas pa dag cing gtsang la mkhan bzos ma byas pa lha rdzas ril gyis gser las grub pa 'byung bar 'gyur te/der rgyal rigs spyi bo nas dbang bskur ba'i rgyal pos mthong nas de 'di snyam du sems te/ bdag gis sngon gyi 'khor los sgyur ba rnams kyi gtam thos na/ rgyal rigs spyi bo nas dbang bskur ba'i rgyal po gang la gso sbyong gi tshul tshes bco lnga de nyid kyi tshe khrus byas nas gso sbyong blangs te/blon po'i tshogs kyis bskor ba na/ nyi ma 'char ka'i tshe shar phyogs nas lha'i 'khor lo rin po che rtsibs stong pa lte ba dang bcas mu khyud dang bcas pa dag cing gtsang la mkhan bzos ma byas pa lha rdzas ril gyis gser las grub pa 'byung bar 'gyur ba de'i 'khor los sgyur ba'i rgyal por 'gyur ro zhes zer ba dang sbyar na/bdag ni 'khor los sgyur ba'i rgyal po yin par nges so snyam mo/ /de nas 'khor los sgyur ba'i rgyal po stan las langs te bla gos phrag pa gcig tu gzar nas bus mo g.yas pa'i lha nga sa la btsugs te/lha'i 'khor lo rin po che lag pa gnyis kyis blangs nas lag pa g.yon par bzhag ste/ lag pa g.yas pas shar phyogs logs su phul nas 'di skad du/ 'khor lo rin po che sngon gyi 'phags pa 'khor los sgyur ba'i lam gang yin pa las rnam par rgyal bar gyis shig /kye 'khor lo rin po che sngon gyi 'phags pa 'khor los sgyur ba'i lam gang yin pa las rnam par rgyal bar gyis shig /rnam par rgyal bar gyis shig ces byas nas lha'i 'khor lo rin po che sngon gyi 'khor los sgyur ba'i lam gang yin par 'gro bar 'gyur ro//'khor los sgyur ba'i rgyal po yang dpung gi tshogs yan lag bzhi pa dang lhan cig tu lha'i 'khor lo rin po che de'i phyi bzhin 'gro bar 'gyur la/ lha'i 'khor lo rin po che phyogs gang du sdod pa der 'khor los sgyur ba'i rgyal po dpung gi tshogs yan lag bzhi pa dang lhan cig tu mtshan mo'i dgongs mal 'debs so//shar phyogs kyi rgyal phran ji snyed yod pa de dag thams cad 'khor los sgyur ba'i rgyal po ga la ba der dong ste lhags nas 'di skad du/ lha tshur gshegs lha gshegs pa legs so/ /yul 'di dag ni lha'i lags te/'byor pa dang / rgyas pa dang / bde ba dang / lo legs pa dang / skye bo dang mi mang pos gang ba lags kyi/ 'di dag lhas legs par gdul du gsol/ bdag cag ni lha'i zham ring 'tshal lo zhes zer to/ /'khor los sgyur ba'i rgyal pos kyang de dag la 'di skad du/yul gyi gtso bo dag de bas na rang rang gi yul 'khor ji lta ba bzhin du chos dang mthun par legs par thul cig /chos ma yin pas ma byed cig /yul 'khor 'dir chos ma yin pa spyod pa dang / 'gal bar byed pa su yang gnas su ma gzhag cig /de ltar byed dang khyed nga'i zham ring byed pa yin no zhes bsgo'o//de nas lha'i 'khor lo rin po ches shar phyogs legs par btul te shar phyogs kyi rgya mtsho chen po las brgal nas lho phyogs su sngon gyi 'phags pa 'khor los sgyur ba'i lam gang yin pa logs su 'gro ste/ 'khor los sgyur ba'i lam der 'khor lo rin po che 'gro'o//'khor los sgyur ba'i rgyal po yang dpung gi tshogs yan lag bzhi pa dang lhan cig tu lha'i 'khor lo rin po che de'i phyi bzhin 'gro bar 'gyur la/ lha'i 'khor lo rin po che phyogs gang du sdod pa der 'khor los sgyur ba'i rgyal po dpung gi tshogs yan lag bzhi pa dang lhan cig tu mtshan mo'i dgongs mal 'debs so//lho phyogs kyi rgyal phran ji snyed yod pa de dag thams cad kyang 'khor los sgyur ba'i rgyal po ga la ba der dong ste zhes bya ba nas rgyas par sngar ji skad bstan pa bzhin du brjod par bya'o/ /de nas lha'i 'khor lo rin po ches lho phyogs legs par btul te lho phyogs kyi rgya mtsho las brgal nas nub phyogs su sngon gyi 'phags pa 'khor los sgyur ba'i lam gang yin pa logs su 'gro ste/'khor los sgyur ba'i lam der lha'i 'khor lo rin po che 'gro'o/ /'khor los sgyur ba'i rgyal po yang dpung gi tshogs yan lag bzhi pa dang lhan cig tu lha'i 'khor lo rin po che de'i phyi bzhin du 'gro bar 'gyur la/lha'i 'khor lo rin po che phyogs gang du sdod pa der 'khor los sgyur ba'i rgyal po dpung gi tshogs yan lag bzhi pa dang lhan cig tu mtshan mo'i dgongs mal 'debs so//nub phyogs kyi rgyal phran ji snyed yod pa de dag thams cad kyang 'khor los sgyur ba'i rgyal po ga la ba der dong ste zhes bya ba nas rgyas par sngar ji skad bstan pa bzhin du brjod par bya'o/ /de nas lha'i 'khor lo rin po ches nub phyogs legs par btul te nub phyogs kyi rgya mtsho las brgal nas/byang phyogs su sngon gyi 'phags pa 'khor los sgyur ba'i lam gang yin pa logs su 'gro ste/ 'khor los sgyur ba'i lam der lha'i 'khor lo rin po che 'gro'o/ /'khor los sgyur ba'i rgyal po yang dpung gi tshogs yan lag bzhi pa dang lhan cig tu lha'i 'khor lo rin po che de'i phyi bzhin 'gro bar 'gyur la/lha'i 'khor lo rin po che phyogs gang du sdod pa der 'khor los sgyur ba'i rgyal po dpung gi tshogs yan lag bzhi pa dang lhan cig tu mtshan mo'i dgongs mal 'debs so/ /byang phyogs kyi rgyal phran ji snyed yod pa de dag thams cad kyang 'khor los sgyur ba'i rgyal po ga la ba der dong ste zhes bya ba nas rgyas par sngar ji skad bstan pa bzhin du brjod par bya'o//de nas lha'i 'khor lo rin po ches byang phyogs legs par btul te byang phyogs kyi rgya mtsho chen po las brgal nas rgyal po'i pho brang de nyid du 'ongs te/gdan tshom po'i steng na srog shing la bzhag pa bzhin du gnas so/ /'di la chos nyid ni 'di yin te/ de la 'di skad ces bya'o/ /srog gcod pa ni spangs pa dang / /ma byin len pa spangs pa dang / /gzhan gyi chung ma spangs pa dang / /bden smra phra ma mi byed dang / / tshig rtsub smra bar mi byed dang / /dus min kun du smra mi byed/ /nor rnams la ni brnab sems med/ /log par lta ba spangs nas kyang / /yang dag lta ba spyod pa rgyur/ /dkar po'i las lam bcu po rnams/ /sngon ni yang dag blangs par gyur/ /des na 'khor lo rtsibs stong pa/ /lte bar bcas dang mu khyud bcas//rgyal po yis ni thob par gyur/ /gzhan yang 'khor los sgyur ba'i rgyal po ni bzhi yod de/ gang gi gser gyi 'khor lo rin po che 'byung bar 'gyur ba'i 'khor los sgyur ba'i rgyal po yang yod do/ /gang gi dngul gyi 'khor lo 'byung bar 'gyur ba'i 'khor los sgyur ba'i rgyal po yang yod do//gang gi zangs kyi 'khor lo 'byung bar 'gyur ba'i 'khor los sgyur ba'i rgyal po yang yod do/ /gang gi lcags kyi 'khor lo 'byung bar 'gyur ba'i 'khor los sgyur ba'i rgyal po yang yod do/ /de las 'khor los sgyur ba'i rgyal po gang gi gser gyi 'khor lo rin po che 'byung bar 'gyur ba'i 'khor los sgyur ba'i rgyal po des ni sngon gyi srid pa zhes bya ba nas rgyas par sbyar te/bdag nyid kyis kyang dge ba bcu'i las kyi lam rnam par dag pa yang dag par blangs te gnas la/ gzhan dag kyang dge ba bcu'i las kyi lam yang dag par 'dzin du bcug pas/de gso sbyong gi dus tshes bco lnga de nyid kyi tshe khrus byas nas gso sbyong blangs te blon po'i tshogs kyis bskor ba na/ nyi ma 'char ka'i tshe shar phyogs nas lha'i 'khor lo rin po che rtsibs stong pa lte ba dang bcas pa mu khyud dang bcas pa dag cing gtsang la mkhan bzos ma byas pa lha rdzas ril gyis gser las grub pa 'byung bar 'gyur te/der rgyal rigs spyi bo nas dbang bskur ba'i rgyal pos mthong nas de 'di snyam du sems te/ bdag gis sngon gyi 'khor los sgyur ba rnams kyi gtam thos na/ rgyal rigs spyi bo nas dbang bskur ba'i rgyal po gang la gso sbyong gi dus tshes bco lnga de nyid kyi tshe khrus byas nas gso sbyong blangs te blon po'i tshogs kyis bskor ba na/nyi ma 'char ka'i tshe shar phyogs nas lha'i 'khor lo rin po che rtsibs stong pa lte ba dang bcas mu khyud dang bcas pa dag cing gtsang la mkhan bzos ma byas pa/lha rdzas ril gyis gser las grub par 'byung bar 'gyur ba de 'khor los sgyur ba'i rgyal por 'gyur ro zhes zer ba dang sbyar na/ bdag ni 'khor los sgyur ba'i rgyal po yin par nges so snyam mo/ /de nas 'khor los sgyur ba'i rgyal po stan las langs te bla gos phrag pa gcig tu gzar nas pus mo g.yas pa'i lha nga sa la btsugs te/lha'i 'khor lo rin po che lag pa gnyis kyis blangs nas lag pa g.yon par bzhag ste/ lag pa g.yas pas shar phyogs logs su phul nas 'di skad du/ 'khor lo rin po che sngon gyi 'phags pa 'khor los sgyur ba'i lam gang yin pa las rnam par rgyal bar gyis shig /kye 'khor lo rin po che sngon gyi 'phags pa 'khor los sgyur ba'i lam gang yin pa las rnam par rgyal bar gyis shig /rnam par rgyal bar gyis shig ces byas na/lha'i 'khor lo rin po che sngon gyi 'khor los sgyur ba'i lam gang yin par 'gro bar 'gyur ro/ /'khor los sgyur ba'i rgyal po yang dpung gi tshogs yan lag bzhi pa dang lhan cig tu lha'i 'khor lo rin po che de'i phyi bzhin 'gro bar 'gyur la/ lha'i 'khor lo rin po che phyogs gang du sdod pa der 'khor los sgyur ba'i rgyal po dpung gi tshogs yan lag bzhi pa dang lhan cig tu mtshan mo'i dgongs mal 'debs so//shar phyogs kyi rgyal phran rnams kyis kyang 'khor los sgyur ba'i rgyal po gshegs so zhes thos so/ /thos nas kyang mchod yon khyer nas 'khor los sgyur ba'i rgyal po ga la ba der dong ste lhags nas 'di skad du/tshur gshegs lha gshegs pa legs so/ /yul 'di dag ni lha'i lags te/ 'byor pa dang / rgyas pa dang / bde ba dang / lo legs pa dang / skye bo dang / mi mang pos gang ba lags kyis/'di dag lhas legs par gdul du gsol/ bdag cag ni lha'i zham ring 'tshal lo zhes 'dzer to/ /'khor los sgyur ba'i rgyal pos kyang de dag la 'di skad du/ yul gyi gtso bo dag de bas na/ rang rang gi yul 'khor ji lta ba bzhin du chos dang mthun par legs par thul cig /chos ma yin par ma byed cig /yul 'khor 'dir chos ma yin pa spyod pa dang / 'gal bar byed pa su yang gnas su ma gzhug shig /de ltar byed dang khyed nga'i zham ring byed pa yin no zhes bsgo'o/ /de nas lha'i 'khor lo rin po che shar phyogs legs par phab ste shar phyogs kyi rgya mtsho chen po las brgal nas lho phyogs dang /nub phyogs dang / byang phyogs nas rgyas par rgyal po'i pho brang de nyid kyi bar du 'ongs te/ gdan tshom pa'i steng na srog shing la bzhag pa bzhin du gnas so/ /de la 'khor los sgyur ba'i rgyal po gang gi dngul gyi 'khor lo 'byung bar 'gyur ba'i 'khor los sgyur ba'i rgyal po des ni sngon gyi srid pa zhes bya ba nas rgyas par sbyar te/bdag nyid kyis kyang dge ba bcu'i las kyi lam yang dag par blangs te gnas la/ gzhan dag kyang dge ba bcu'i las kyi lam yang dag par 'dzin du bcug pas na/de yang snga ma bzhin du de gso sbyong gi dus tshes bco lnga de nyid kyi tshe khrus byas nas gso sbyong blangs te/ blon po'i tshogs kyis bskor ba nas/ nyi ma 'char ka'i tshe shar phyogs nas lha'i 'khor lo rin po che rtsibs stong pa/ lte ba dang bcas mu khyud dang bcas pa dag cing gtsang la mkhan bzos ma byas pa/ lha rdzas ril gyis dngul las grub pa 'byung bar 'gyur te/ der rgyal rigs spyi bo nas dbang bskur ba'i rgyal pos mthong nas de 'di snyam du sems te/ bdag gis sngon gyi 'khor los sgyur ba rnams kyi gtam thos nas/rgyal rigs spyi bo nas dbang bskur ba'i rgyal po gang la gso sbyong gi dus tshes bco lnga de nyid kyi tshe/ khrus byas nas gso sbyong blangs te/ blon po'i tshogs kyis bskor ba na/ nyi ma 'char ka'i tshe shar phyogs nas lha'i 'khor lo rin po che rtsibs stong pa lte ba dang bcas mu khyud dang bcas pa/dag cing gtsang la mkhan bzos ma byas pa lha rdzas ril gyis dngul las grub pa 'byung bar 'gyur ba de 'khor los sgyur ba'i rgyal por 'gyur ro zhes zer ba dang sbyar na/ bdag ni 'khor los sgyur ba'i rgyal po yin par nges so snyam mo//de nas 'khor los sgyur ba'i rgyal po stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ lha'i 'khor lo rin po che lag pa gnyis kyis blangs nas lag pa g.yon par bzhag ste/ lag pa g.yas pas shar phyogs logs su phul nas 'di skad du/'khor lo rin po che sngon gyi 'phags pa 'khor los sgyur ba'i lam gang yin pa las rnam par rgyal bar gyis shig /kye 'khor lo rin po che sngon gyi 'phags pa 'khor los sgyur ba'i lam gang yin pa las rnam par rgyal bar gyis shig / rnam par rgyal bar gyis shig ces byas na lha'i 'khor lo rin po che sngon gyi 'khor los sgyur ba'i lam gang yin par 'gro bar 'gyur ro/ /'khor los sgyur ba'i rgyal po yang dpung gi tshogs yan lag bzhi pa dang lhan cig tu lha'i 'khor lo rin po che de'i phyi bzhin 'gro bar 'gyur la/lha'i 'khor lo rin po che phyogs gang du sdod pa der 'khor los sgyur ba'i rgyal po dpung gi tshogs yan lag bzhi dang lhan cig tu mtshan mo'i dgongs mal 'debs so/ /shar phyogs kyi rgyal phran rnams kyis kyang 'khor los sgyur ba'i rgyal po gshegs so zhes thos so//thos nas kyang 'khor los sgyur ba'i rgyal po'i thad du 'dong bar ni mi byed kyi/ gang gi tshe 'khor los sgyur ba gshegs pa de'i tshe/ mchod yon khyer nas 'khor los sgyur ba'i rgyal po ga la ba der dong ste lhags nas 'di skad du/ lha tshur gshegs lha gshegs pa legs so//yul 'di dag ni lha'i lags te/ 'byor pa dang / rgyas pa dang / bde ba dang / lo legs pa dang / skye bo dang mi mang pos gang ba lags kyis/ 'di dag lhas legs par 'dul du gsol/ /bdag cag ni lha'i zham ring 'tshal lo zhes 'dzer to//'khor los sgyur ba'i rgyal pos kyang de dag la 'di skad du/ yul gyi gtso bo dag de bas na rang rang gi yul 'khor ji lta ba bzhin du chos dang mthun pas legs par thul cig /chos ma yin pas ma byed cig /yul 'khor 'dir chos ma yin pa spyod pa dang /'gal bar byed pa su yang gnas su ma gzhug shig /de ltar byed dang khyed nga'i zham ring byed pa yin no zhes bsgo'o/ /de nas lha'i 'khor lo rin po ches shar phyogs legs par btul te/ shar phyogs kyi rgya mtsho chen po las brgal nas/ lho phyogs dang / nub phyogs dang / byang phyogs nas rgyas par rgyal po'i pho brang de nyid kyi bar du 'ongs te/ gdan tshom pa'i steng na srog shing la bzhag pa bzhin du gnas so/ /de la 'khor los sgyur ba'i rgyal po gang gi zangs kyi 'khor lo 'byung bar 'gyur ba'i 'khor los sgyur ba'i rgyal po des ni sngon gyi srid pa zhes bya ba nas rgyas par sbyar te/bdag nyid kyis kyang dge ba bcu'i las kyi lam yang dag par blangs te gnas la/ gzhan dag kyang dge ba bcu'i las kyi lam yang dag par 'dzin du bcug pa na/ de las yang snga ma bzhin du de gso sbyong gi dus tshes bco lnga de nyid kyi tshe khrus byas nas gso sbyong blangs te/blon po'i tshogs kyis bskor ba na/ nyi ma 'char ka'i tshe shar phyogs nas lha'i 'khor lo rin po che rtsibs stong pa lte ba dang bcas mu khyud dang bcas pa dag cing gtsang la mkhan bzos ma byas pa lha rdzas ril gyis zangs las grub pa 'byung bar 'gyur te/der rgyal rigs spyi bo nas dbang bskur ba'i rgyal pos mthong nas de 'di snyam du sems te/ bdag gis sngon gyi 'khor los sgyur ba rnams kyi gtam thos nas/ rgyal rigs spyi bo nas dbang bskur ba'i rgyal po gang la gso sbyong gi dus tshes bco lnga de nyid kyi tshe/khrus byas nas gso sbyong blangs te/ blon po'i tshogs kyis bskor ba na/ nyi ma 'char ka'i tshe shar phyogs nas lha'i 'khor lo rin po che rtsibs stong pa lte ba dang bcas mu khyud dang bcas pa/ dag cing gtsang la mkhan bzos ma byas pa/ lha rdzas ril gyis zangs las grub pa 'byung bar 'gyur ba de/'khor los sgyur ba'i rgyal por 'gyur ro zhes zer ba dang sbyar na/ bdag ni 'khor los sgyur ba'i rgyal po yin par nges so snyam mo/ /de nas 'khor los sgyur ba'i rgyal po stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/lha'i 'khor lo rin po che lag pa gnyis kyis blangs nas/ lag pa g.yon par bzhag ste/ lag pa g.yas pas shar phyogs logs su phul nas 'di skad du 'khor lo rin po che sngon gyi 'phags pa 'khor los sgyur ba'i lam gang yin pa las rnam par rgyal bar gyis shig /kye 'khor lo rin po che sngon gyi 'phags pa 'khor los sgyur ba'i lam gang yin pa las rnam par rgyal bar gyis shig /rnam par rgyal bar gyis shig ces byas nas/ lha'i 'khor lo rin po che sngon gyi 'khor los sgyur ba'i lam gang yin par 'gro bar 'gyur ro//'khor los sgyur ba'i rgyal po yang dpung gi tshogs yan lag bzhi pa dang lhan cig tu lha'i 'khor lo rin po che de'i phyi bzhin du 'gro bar 'gyur la/ lha'i 'khor lo rin po che phyogs gang du sdod pa der 'khor los sgyur ba'i rgyal po dpung gi tshogs yan lag bzhi pa dang lhan cig tu mtshan mo'i dgongs mal 'debs so//shar phyogs kyi rgyal phran rnams kyis kyang 'khor los sgyur ba'i rgyal po gshegs so zhes thos so/ /thos nas kyang dpung gi tshogs yan lag bzhi pa glang po che'i tshogs dang /rta pa'i tshogs dang / shing rta'i tshogs dang / dpung bu chung gi tshogs go cha bgos nas 'khor los sgyur ba'i rgyal bo dang / g.yul 'gyed pa'i phyir 'byung bar byed de/ 'khor los sgyur ba'i rgyal po dang 'thab pa dang / mtshang 'dru ba dang /'gyed pa dang / rtsod par byed kyi/ mtshon bzo bar ni mi byed kyi/ de dag dang 'thab pa dang / mtshang 'dru ba dang / 'gyed pa dang / rtsod pas bye brag phye nas de'i 'og tu chad pa med cing mtshon gyis bda' ba med la/ chos dang mthun zhing snyoms pas legs par phab ste gnas so//de nas lha'i 'khor lo rin po ches shar phyogs legs par btul te/ shar phyogs kyi rgya mtsho chen po las brgal nas/ lho phyogs dang / nub phyogs dang / byang phyogs nas/ rgyas par rgyal po'i pho brang de nyid kyi bar du 'ongs te/ gdan tshom pa'i steng na srog shing la bzhag pa bzhin du gnas so//de la 'khor los sgyur ba'i rgyal po gang gi lcags kyi 'khor lo 'byung bar 'gyur ba'i 'khor los sgyur ba'i rgyal po des ni/ sngon gyi srid pa zhes bya ba nas rgyas par sbyar te/ bdag nyid kyis kyang dge ba bcu'i las kyi lam yang dag par blangs te gnas la/gzhan dag kyang dge ba bcu'i las kyi lam yang dag par 'dzin du bcug pas na/ de la yang snga ma bzhin du de gso sbyong gi dus tshes bco lnga de nyid kyi tshe/ khrus byas nas gso sbyong blangs te/ blon po'i tshogs kyis bskor ba na/ nyi ma 'char ka'i tshe shar phyogs nas lha'i 'khor lo rin po che rtsibs stong pa lte ba dang bcas mu khyud dang bcas pa dag cing gtsang la mkhan bzos ma byas pa/lha rdzas ril gyis lcags las grub pa 'byung bar 'gyur te/ der rgyal rigs spyi bo nas dbang bskur ba'i rgyal pos mthong nas de 'di snyam du sems te/bdag gis sngon gyi 'khor los sgyur ba rnams kyi gtam thos na/ rgyal rigs spyi bo nas dbang bskur ba'i rgyal po gang la gso sbyong gi dus tshes bco lnga de nyid kyi tshe/ khrus byas nas gso sbyong blangs te/ blon po'i tshogs kyis bskor ba na/ nyi ma 'char ka'i tshe shar phyogs nas lha'i 'khor lo rin po che rtsibs stong pa/lte ba dang bcas pa dag cing gtsang la mkhan bzos ma byas pa/ lha rdzas ril gyis lcags las grub pa 'byung bar 'gyur ba de/ 'khor los sgyur ba'i rgyal por 'gyur ro zhes zer ba dang sbyar na/ bdag ni 'khor los sgyur ba'i rgyal po yin par nges so snyam mo//de nas 'khor los sgyur ba'i rgyal po stan las langs te/ bla gos phrag pa gcig tu gzar nas pus mo g.yas pa'i lha nga sa la btsugs te/ lha'i 'khor lo rin po che lag pa gnyis kyis blangs nas lag pa g.yon par bzhag ste/lag pa g.yas pas shar phyogs logs su phul nas/ 'di skad du 'khor lo rin po che sngon gyi 'phags pa 'khor los sgyur ba'i lam gang yin pa las rnam par rgyal bar gyis shig /kye 'khor lo rin po che sngon gyi 'phags pa 'khor los sgyur ba'i lam gang yin pa las rnam par rgyal bar gyis shig /rnam par rgyal bar gyis shig ces bya ba na/ lha'i 'khor lo rin po che sngon gyi 'khor los sgyur ba'i lam gang yin par 'gro bar 'gyur ro/ /'khor los sgyur ba'i rgyal po yang dpung gi tshogs yan lag bzhi pa dang lhan cig tu lha'i 'khor lo rin po che de'i phyi bzhin 'gro bar 'gyur la lha'i 'khor lo rin po che phyogs gang du sdod pa der 'khor los sgyur ba'i rgyal po dpung gi tshogs yan lag bzhi pa dang lhan cig tu mtshan mo'i dgongs mal 'debs so//shar phyogs kyi rgyal phran rnams /kyis kyang / 'khor los sgyur ba'i rgyal po gshegs so zhes thos so/ /thos nas kyang dpung gi tshogs yan lag bzhi pa glang bo che'i tshogs dang / rta'i tshogs dang / shing rta'i tshogs dang / dpung bu chung gi tshogs go cha bskor nas/ 'khor los sgyur ba'i rgyal po dang g.yul 'gyed pa'i phyir 'byung bar byed de/ 'khor los sgyur ba'i rgyal po dang 'thab pa dang / mtshang 'dru ba dang / 'gyed pa dang / rtsod par byed cing / mtshon bzo bar byed kyi/ gcig la gcig gsod par ni mi byed kyi/ de dag dang 'thab pa dang /'tshang 'dru ba dang / 'gyed pa dang / rtsod pas bye brag phyed nas de'i 'og tu chad pa med cing mtshon gyis bda' ba med la/ chos dang mthun zhing snyoms pas legs par phab ste gnas so/ /de nas lha'i 'khor lo rin po ches shar phyogs legs par btul te/ shar phyogs kyi rgya mtsho chen po las brgal nas/lho phyogs dang / nub phyogs dang / byang phyogs nas rgyas par rgyal po'i pho brang de nyid kyi bar du 'ongs te/ gdan tshom pa'i steng na srog shing la bzhag pa bzhin du gnas so/ /'di la chos nyid ni 'di yin te/ de la 'di skad ces bya'o//gang la mi ma yin pa yi/ /gser gyi 'khor lo 'byung 'gyur ba/ /de ni tshul khrims yang dag blangs/ /yongs su rdzogs shing nyams pa med/ /rgyal po de ni rdzu 'phrul che/ /sa steng 'di ni thul bar 'gyur/ /de la rgyal phran thams cad kyis/ /bsu nas kyang ni 'di skad smra//tshur gshegs lha ni gshegs pa legs/ /yul 'di dag ni lha yi lags/ /'byor pa dang ni rgyas pa dang / /bde ba dang ni lo legs dang / /skye bo mi mang rnams kyis gang / /'di dag lha yis gdul du gsol/ /bdag cag lha yi zham ring 'tshal/ /rgyal po 'khor los sgyur ba yis//de dag la ni 'di skad bsgo/ /yul gyi gtso rnams de bas na/ /rang rang gi ni yul 'khor rnams/ /chos bzhin du ni gdul bar gyis/ /chos min spyod dang mi mthun spyod/ /su yang 'dir ni gnas ma gzhug /de ltar byed na khyed rnams kyang / /nga yi zham ring byed pa yin//gang la mi ma yin pa yi/ /dngul gyi 'khor lo 'byung 'gyur ba/ /des ni tshul khrims yang dag blangs/ /des na snga nas dman pa med/ /rgyal po de ni rdzu 'phrul che/ /sa steng 'di ni thul bar 'gyur/ /de la rgyal phran rnams kyis ni/ /bsu zhing smra bar mi byed de//'ongs nas der ni 'gro ba dang / /myur du de dang mthun par byed/ /tshur gshegs lha ni gshegs pa legs/ /yul ni 'di dag khyod kyi lags/ /'di dag lha yis gdul du gsol/ /bdag cag khyod kyi zham ring 'tshal/ /rgyal po chos dang ldan pa yis/ / de dag bsgo ba rgyas par sbyar/ /gang la mi ma yin pa yi/ /zangs kyi 'khor lo 'byung 'gyur ba'i/ /des ni tshul khrims yang dag blangs/ /snga ma gnyis la dman pa med/ /rgyal po de ni rdzu 'phrul che/ /sa steng 'di ni thul bar 'gyur/ /de la rgyal phran thams cad kyi/ /g.yul 'gyed phyir ni bsu bar byed//de dag dang ni rtsod nas kyang / /de ni mtshon cha bzo ba med/ /de nas chad pa med pa dang / /mthun pas legs par gdul bar 'gyur/ /gang la mi ma yin pa yi/ /lcags kyi 'khor lo 'byung 'gyur ba/ /des ni tshul khrims yang dag blangs/ /snga ma dag las dman pa med//rgyal po de ni rdzu 'phrul che/ /sa steng 'di ni thul bar 'gyur/ /de la rgyal phran thams cad kyis/ /g.yul 'gyed phyir ni bsu bar byed/ /de dag dang ni rtsod nas kyang / /su yang gsod par mi byed de/ /de nas chad pa med pa dang / /mthun pas legs par gdul bar 'gyur// //rgyu gdags pa/ bam po gsum pa/ 'khor lo rin po che de ga las 'ongs she na/ smras pa/ gang gi tshe 'khor los sgyur ba'i rgyal po 'jig rten du byung ba de'i tshe/ lha rnams kyi dbang po brgya byin gyis lha'i bu las thams cad pa la bsgo ba/las thams cad pa 'khor los sgyur ba'i rgyal po 'jig rten du byung ba shes par gyis la/ de'i lha'i 'khor lo rin po che mngon par sprul par gyis shig /de nas lha'i bu las thams cad pas lha rnams kyi dbang po brgya byin gyis bsgo ba bzhin du mnyan te/ lha'i 'khor lo rin po che rtsibs stong pa lte ba dang bcas mu khyud dang bcas pa/rnam pa thams cad yongs su rdzogs pa dag pa bzang ba/ mkhan bzos ma byas pa/ lha rdzas ril gyis gser las grub pa mngon par sprul to/ /de nas lha'i bu las thams cad pas/ lha'i 'khor lo rin po che mngon par sprul nas/ rgyal po chen po bzhi la bsgo ba/ grogs po dag 'khor los sgyur ba'i rgyal po 'jig rten du byung ba shes par gyis la de la lha'i 'khor lo rin po che skur cig /de nas rgyal po chen po bzhis lha'i bu las thams cad pas bsgo ba bzhin du mnyan te/zho shas 'tsho ba rnams la bsgo ba/ grogs po dag 'khor los sgyur ba'i rgyal bo 'jig rten du byung ba shes par gyis la/ de la lha'i 'khor lo rin po che phul cig /de nas rgyal po chen po bzhis bsgo ba bzhin du/ zho shas 'tsho ba rnams kyis mnyan nas/ 'khor los sgyur ba'i rgyal po la gso sbyong gi dus tshes bco lnga de nyid kyi tshe/khrus byas nas gso sbyong blangs te/ blon po'i tshogs kyis bskor ba na/ nyi ma 'char ka'i tshe shar phyogs nas/ lha'i 'khor lo rin po che 'bul bar byed do/ /'di la chos nyid ni 'di yin te/ de la 'di skad ces bya'o//rdzu 'phrul chen po las kun la/ /lha yi rgyal pos bskul nas kyang / /gser gyi 'khor lo rtsibs stong pa/ /lte ba mu khyud bcas pa sprul/ /lha yi bu ni rdzu 'phrul che/ /lha rgyal rnams kyis bskul nas kyang / /bsod nams byas pa'i rgyal de la/ /'khor lo yang ni 'bul bar byed//las kyi lam bcu dkar ba rnams/ /sngon ni yang dag blangs par gyur/ /des na las ni thams cad pas/ /sprul pa'i 'khor lo rgyal pos thob/ /ci'i phyir 'khor los sgyur ba'i rgyal pos glang po rin po che thob ce na/ smras pa/ 'khor los sgyur ba'i rgyal pos ni sngon gyi srid pa zhes bya ba nas rgyal par sbyar te/pha ma dang / nye du dang / bla ma lta bu rnams dang / gzhan dge sbyong dang / bram ze gnod par bya ba ma yin pa dang / gnod par bya ba la mi dga' ba gang yin pa de dag la bde bar sbyar ba rnam pa sna tshogs 'di lta ste/ glang po che'i bzhon pa rnams dang /rta'i bzhon pa rnams dang / shing rta'i bzhon pa rnams dang / khyogs kyi bzhon pa rnams dang / /smyig ma'i 'khar ba rnams dang / sba 'khar rnams dang / khri rnams byin pa dang / stegs 'char bcug pa dang / gru dang zam pa rnams dang / lham rnams byin pa dang /de dag dang gzhan yang bde ba'i bzhon pa rnam pa sna tshogs byin te/ rgyu des na 'khor los sgyur ba'i rgyal pos glang po rin po che thob bo/ /glang po rin po che de yang me tog ku mu da'i mdog ltar thal kar du 'dug pa la yan lag bdun legs par gnas pa ste/ glang po che'i rgyal po bsnyen gnas zhes bya'o//de la 'khor los sgyur ba'i rgyal pos mthong nas sems dga' ste/ glang po rin po che 'di ni bzang ste/ lan cig gis dul bar 'gyur ro snyam mo/ /de nas 'khor los sgyur ba'i rgyal pos glang po che'i 'dul sbyong mkhan legs 'gro pho nyas bkug nas glang po che'i 'dul sbyong mkhan legs 'gro la bsgo ba/legs 'gro shes par gyis shig /glang po rin po che bzang po 'di myur du 'dul spyod byos la 'on cig /de nas glang po che'i 'dul sbyong mkhan legs 'gros/ lha bka' bzhin 'tshal zhes byas nas 'khor los sgyur ba'i rgyal pos bsgo ba bzhin du nyan te/glang po rin po che'i brda rnams slob tu bcug nas nyi ma gcig gis brda thams cad lobs te/ dper na de ma yin pa'i glang po che rnams lo du ma lo brgya phrag du mas brda rnams lobs pa de bzhin du glang po rin po ches nyi ma gcig gis brda thams cad lobs so//de nas glang po che'i 'dul sbyong mkhan legs 'gros glang po rin po che shin tu dul bar rig nas/ 'khor los sgyur ba'i rgyal po ga la ba der song ste phyin nas 'khor los sgyur ba'i rgyal po la 'di skad ces gsol to/ /lha mkhyen par mdzad du gsol/ /lha'i glang po rin po che bdag gis btul ba lags kyi/lhas gang gi dus la bab par mkhyen pa bzhin du mdzad par gsol/ de nas 'khor los sgyur ba'i rgyal pos glang po rin po che de sad par 'dod de/ nyi ma 'char ka'i tshe glang po rin po che la zhon nas/ sa chen po rgya mtsho'i mthar thug pa 'di bskor te/rgyal po'i pho brang de nyid du 'ongs nas khye'u sus za'o/ /'di la chos nyid ni 'di yin te/ de la 'di skad ces bya'o/ /bde ba'i bzhon pa byin pa dang / /bzhon ba mang po byin pa dang / /glang po rin chen mang dang khyogs/ /smyig 'khar sba 'khar khri rnams dang //stegs kyang 'dogs su bcug pa dang / /gru dang zam pa rnams dang ni/ /lham rnams kyang ni byin pa dang / /kun tu dga' ba sna tshogs byin/ /des na rgyal pos glang po che/ /yan lag bdun po legs gnas thob/ /glang po rin po che de gang las 'ongs she na/smras pa/ byang phyogs na gser gyi brag lha ma yin gyi ngos zhes bya ba bya skyibs su 'dug la/ chur dpag tshad lnga bcu/ zhing du dpag tshad lnga bcu/ mtha' skor du dpag tshad brgya lnga bcu/ 'phang du dpag tshad phyed dang bzhi yod pa/ gzugs bzang zhing blta na sdug la mdzes pa zhig yod do//de'i kho ra khor yug na yang gser gyi brag bya skyabs brgyad stong yod de/ de dag thams cad kyang gzugs bzang zhing blta na sdug la mdzes pa sha stag go/ /de na glang po che'i rgyal po rab brtan zhes bya ba gzugs bzang zhing blta na sdug la mdzes pa/ me tog ku mu da'i mdog ltar thal kar du 'dug la/yan lag bdun legs par gnas pa ste/ de'i mgo bo yang gzugs bzang zhing blta na sdug la mdzes pa/ mdog sngo zhing srog chags lham bu chu gsher gyi mdog lta bur dbus dmar la/ mche ba drug yod pa cig gnas so/ / de'i 'khor glang po che'i rgyal po brgyad stong yod de/ de dag thams cad kyang gzugs bzang zhing blta na sdug la mdzes pa/ me tog ku mu da'i mdog ltar thal kar du 'dug la yan lag bdun legs par gnas pa ste/ de dag gi mgo bo yang gzugs bzang zhing blta na sdug la mdzes pa/mdog sngo zhing srog chags lham bu chu gsher gyi mdog lta bu dbus dmar la mche ba drug yod pa sha stag go/ /gang gi tshe 'khor los sgyur ba'i rgyal po 'jig rten du 'byung ba de'i tshe/ lha rnams kyi dbang po brgya byin gyis glang bo che'i rgyal po rab brtan la bsgo ba/ rab brtan 'khor los sgyur ba'i rgyal po 'jig rten du byung ba shes par gyis la de'i glang po rin po che thong shig /de nas glang po che'i rgyal po rab brtan gyis lha rnams kyi dbang po brgya byin gyis bsgo ba bzhin du mnyan nas bu thu bo gtong bar byed do/ /gal te de ches sngar 'chi bar gyur na ni de'i tshe des yang de'i 'og ma gtong bar byed do//ji ste 'khor los sgyur ba'i rgyal po ches sngar 'chi bar gyur na ni de'i tshe glang po rin po che rang gi gnas su 'gro bar 'gyur ro/ /ci'i phyir 'khor los sgyur ba'i rgyal pos rta rin po che thob ce na/ smras pa/ 'khor los sgyur ba'i rgyal pos ni sngon gyi srid pa zhes bya ba nas rgyas par sbyar te/pha ma dang / nye du dang / bla ma lta bu rnams dang / gzhan yang dge sbyong dang / bram ze gnod par bya ba ma yin pa dang / gnod par bya ba la mi dga' ba gang yin pa de dag la ci rigs par bde bar sbyar ba rnam pa sna tshogs 'di lta ste/ glang po che'i bzhon pa rnams dang rta'i bzhon pa rnams dang /shing rta'i bzhon pa rnams dang / khyogs kyi bzhon pa rnams dang / smyig ma'i 'khar ba rnams dang / spa 'khar rnams dang / khri rnams byin pa dang / stegs 'char bcug pa dang / gru dang zam pa rnams dang / lham rnams byin pa dang / kun du dga' bar byed pa rnams dang /gser gyi khyogs rnams sems dga' bas rang gi lag nas byin pa dang / de dag dang gzhan yang yo byad rnam pa sna tshogs ci rigs par byin te/ rgyu des na 'khor los sgyur ba'i rgyal pos rta rin po che thob bo/ /rta rin po che de yang thams cad sngo la mgo gnag cing phum phum yid du 'ong ba ste/rta'i rgyal po sprin gyi shugs can zhes bya'o/ /rta de 'khor los sgyur ba'i rgyal pos mthong nas sems dga' ste/ rta rin po che 'di ni bzang ste/ lan cig gis dul bar 'gyur ro snyam mo/ /de nas 'khor los sgyur ba'i rgyal pos rta'i 'dul sbyong mkhan legs 'gro pho nyas bkug nas rta'i 'dul sbyong mkhan legs 'gro la bsgo ba/legs 'gro shes par gyis shig /rta rin po che bzang po 'di myur du 'dul sbyong byos la 'on cig /de nas rta'i 'dul sbyong mkhan legs 'gros lha bka' bzhin 'tshal zhes byas nas/'khor los sgyur ba'i rgyal pos bsgo ba bzhin du mnyan te/ rta rin po che'i brda rnams slob du bcug nas/ nyi ma gcig gis brda thams cad lobs te/ dper na de ma yin pa'i rta rnams lo du ma lo brgya phrag du mas brda rnams lobs pa de bzhin du/rta rin po ches nyi ma gcig gis brda thams cad lobs so/ /de nas rta'i 'dul sbyong mkhan legs 'gros/ rta rin po che shin tu dul bar rig nas/ 'khor los sgyur ba'i rgyal po ga la ba der song ste phyin nas 'khor los sgyur ba'i rgyal po la 'di skad ces gsol to//lha mkhyen par mdzad du gsol/ lha'i rta rin po che bdag gis btul lags kyi/ lhas gang gis dus la bab par mkhyen pa bzhin du mdzad du gsol/ de nas 'khor los sgyur ba'i rgyal pos rta rin po che sad par 'dod de zhes bya ba nas rgyas par sbyar ste/'di la chos nyid ni 'di yin te/ de la 'di skad ces bya'o/ /sbyin pa mang po brgyan byas nas/ /ci rigs pa ni byin par gyur/ /glang po rta dang shing rta khyogs/ /smyig 'khar spa 'khar khri rnams dang / /stegs kyang 'dogs su bcug pa dang / /gru dang zam pa rnams dang ni//gser las byas pa'i khyogs rnams kyang / /dga' bzhin rang gi lag nas byin/ /des na sngo zhing mgo gnag pa'i/ /rta ni rgyal pos thob par 'gyur/ /rta rin po che de ga las 'ongs she na/ smras pa/ nub phyogs na gling phran kham bu can zhes bya ba zhig yod de/ de na rta'i rgyal po sprin gyi shugs can zhes bya ba gzugs bzang zhing blta na sdug la mdzes pa/thams cad sngo la mgo bo gnag cing phum phum yid du 'ong ba zhig gnas so/ /de'i 'khor rta'i rgyal po khri brgyad stong yod de/ de dag thams cad kyang gzugs bzang zhing blta na sdug la mdzes pa/thams cad sngo la mgo bo gnag cing phum phum yid du 'ong ba sha stag go/ /gang gi tshe 'khor los sgyur ba'i rgyal po 'jig rten du byung ba de'i tshe/ lha rnams kyi dbang po brgya byin gyis rta'i rgyal po sprin gyi shugs can la bsgo ba/ sprin gyi shugs can 'khor los sgyur ba'i rgyal po 'jig rten du byung ba shes par gyis la de'i rta rin po che thang shig /de nas rta'i rgyal po sprin gyi shugs can gyis lha rnams kyi dbang po brgya byin gyis bsgo ba bzhin du/ mnyan nas bu thu bo gtong bar byed de/ gal te de ches sngar 'chi bar gyur na ni de'i tshe des yang de'i 'og ma gtong bar byed do//ji ste 'khor los sgyur ba'i rgyal po ches sngar 'chi bar gyur na ni/ de'i tshe rta rin po che de rang gi gnas su 'gro bar 'gyur ro/ /ci'i phyir 'khor los sgyur ba'i rgyal pos nor bu rin po che thob ce na/ smras pa/ 'khor los sgyur ba'i rgyal pos ni sngon gyi srid pa zhes bya ba nas rgyas par sbyar te/pha ma dang / nye du dang / bla ma lta bu rnams dang / gzhan dge sbyong dang / bram ze gnod par bya ba ma yin pa dang / gnod par bya ba la mi dga' ba gang yin pa de dag la mun pa snang ba med pa mun gnag mar me med par mar me'i 'bru mar dang / mar me'i snying po dang / mar me'i snod rnams byin pa dang / sgron ma rnams dang / mar me rnams dang / snang ba rnams byas nas mun pa chen po med par byas te/ de bas na 'khor los sgyur ba'i rgyal pos nor bu rin po che thob bo/ /nor bu rin po che de yang bai DUR+Ya zur brgyad pa/ bzang po rags pa che ba/dag cing rnyog pa med pa/ rnam par gsal ba ste/ 'khor los sgyur ba'i rgyal po'i btsun mo'i 'khor du snang ba ci tsam dgos pa thams cad nor bu de'i 'od kyis byed do/ /de nas 'khor los sgyur ba'i rgyal pos/ nor bu rin po che de sad par 'dod de/ de nas mtshan mo mun pa mun nag thibs po char sim bu 'bab cing /glog 'gyu ba'i nang du nor bu rin po che rgyal mtshan gyi rtse mo la btags nas/ dpung gi tshogs yan lag bzhi pa dang bcas te/ skyed mos tshal gyi thog tu song na/ 'khor los sgyur ba'i rgyal po'i dpung gi tshogs yan lag bzhi pa ji snyed pa thams cad dang /nye 'khor kho ra khor yug tu dpag tshad phyed tshun chad nor bu de'i 'od kyis khyab po/ /'di la chos nyid ni 'di yin te/ de la 'di skad ces bya'o/ /mun pa snang ba med pa dang / /mun gnag mar me med par ni/ /mar me til mar snying po rnams//lhug par gtong dang ldan pas byin/ /gzhan yang snang dang gsal ba dang / /sgron ma 'bar ba rnams kyang byin/ /de nas rgyal pos gsal dag pa'i/ /bai DUR+Ya yi nor bu thob/ /nor bu rin po che de ga las 'ongs she na/ smras pa/ gang gi tshe 'khor los sgyur ba'i rgyal po 'jig rten du 'byung ba na/de la klu rnams sam/ yang na rgyal po chen po bzhis 'bul bar byed do/ /ci'i phyir 'khor los sgyur ba'i rgyal pos bud med rin po che thob ce na/ smras pa/ 'khor los sgyur ba'i rgyal pos ni/ sngon gyi srid pa zhes bya ba nas rgyas par sbyar te/dge sbyong dang / bram ze rnams dang / bkren pa rnams dang / sdug phongs pa rnams la sbyin pa 'di lta ste/ zas dang / skam dang / bca' ba dang / bza' ba dang / gos dang / spos dang / me tog phreng dang / byug pa dang / mal cha dang / stan dang / gnas dang / mar me rnams byin te/ rgyu des na 'khor los sgyur ba'i rgyal pos bud med rin po che thob bo/ /bud med de yang gzugs bzang zhing blta na sdug la mdzes pa/ mi'i mdog las ni 'das/ lha'i mdog ni ma thob pa yin te/ btsun mo de ni ha cang yang mi dkar/ ha cang yang mi sngo ste/pags pa'i mdog pri yang ku'i me tog ltar 'dug la/ ha cang yang mi ring / ha cang yang mi thung ste/ lus ran par 'dug pa dang / ha cang skem pa yang ma yin ha cang sha che ba yang ma yin te/ sha ran la btsun mo de grang ba'i dus na ni lus rnams la reg na dro bar 'gyur la/tsha ba'i dus na ni reg na bsil bar 'gyur ro/ /btsun mo de'i spu'i khung bu thams cad nas tsan+dan gyi dri 'byung la/ kha nas ut+pa la'i dri 'byung ste/ de nas 'khor los sgyur ba'i rgyal po'i sngon du ldang zhing / phyi nas nyal ba dang / ci bya ba'i lung mnod pa dang / mkhas shing yid du 'ong bar byed la/snyan par smra bar byed do/ /de ni yid kyi dgu la yang 'khor los sgyur ba'i rgyal po'i yid dang 'gal bar mi byed na/ lus dang / ngag gis lta ga la byed/ btsun mo de ni gal te kha cig gis 'gro ba mthong na de dag 'di snyam du/ kye ma 'di ye 'gro na ci ma rung snyam du sems la/gal te 'greng ba dang / 'dug pa dang / 'phres pa mthong na yang de dag 'di snyam du/ kye ma 'di ye 'phres na ci ma rung snyam du sems so/ /btsun mo des ni ji ltar pa wa sangs kyis skar ma rnams zil gyis non pa de bzhin du/ bud med thams cad zil gyis non par 'dug go//btsun mo de ni bu 'byung bar mi 'gyur ro/ /bud med rin po che sngar 'chi bar 'gyur la/ 'khor los sgyur ba'i rgyal po phyis 'chi bar 'gyur ro/ /bud med rin po che thams cad ni mtho ris su nye bar 'gro bar 'gyur ro/ /'di la chos nyid ni 'di yin te/de la 'di skad ces bya'o/ /zas dang skom dang gos dang spos/ /me tog phreng dang byug pa rnams/ /rang gi 'khor bcas dga' bzhin du/ /sngon gyi skye ba dag tu byin/ /las kyi rnam smin de yis ni/ /'khor los sgyur ba'i rgyal po yi/ /bud med mchog tu bzang ba dang / / rnam pa thams cad phun sum tshogs/ /ci'i phyir bud med rin po che gzugs bzang zhing blta na sdug la mdzes pa dang / mi'i mdog las ni 'das/ lha'i mdog ni ma thob par gyur ce na/ smras pa/ bud med rin po ches ni sngon gyi srid pa zhes bya ba nas rgyas par sbyar te/ sbyin pa rnam par dag pa dag byin te/rgyan rnams dang / zas dang / skom dang / bca' ba dang / bza' ba dang / gos dang / spos dang / me tog phreng dang / byug pa dang / mal cha dang / stan dang / gnas dang / mar me rnam par dag pa byin te/ rgyu des na bud med rin po che gzugs bzang zhing blta na sdug la mdzes pa dang /mi'i mdog las ni 'das/ lha'i mdog ni ma thob par gyur to/ /ci'i phyir bud med rin po che ha cang yang mi dkar ha cang yang mi sngo ste/ pags pa'i mdog pri yang ku'i me tog ltar 'dug la/ ha cang yang mi ring / ha cang yang mi thung ste/lus ran par 'dug pa dang / ha cang skem pa yang ma yin/ ha cang sha che ba yang ma yin te sha ran par gyur ce na/ smras pa/ bud med rin po ches ni sngon gyi srid pa zhes bya ba nas rgyas par sbyar te/ sbyin pa kha dog phun sum tshogs pa dang / dri phun sum tshogs pa dang /ro phun sum tshogs pa rnams rang gi lag nas gus par byas te/ ma brnyas par dus su byin te/ rgyu des na bud med rin po che ha cang yang mi dkar/ ha cang yang mi sngo ste/ pags pa'i mdog pri yang ku'i me tog ltar 'dug la/ ha cang yang mi ring /ha cang yang mi thung ste/ lus ran par 'dug pa dang / ha cang skem pa yang ma yin ha cang sha che ba yang ma yin te/ sha ran par gyur to/ /ci'i phyir bud med rin po che grang ba'i dus na lus rnams la reg na dro bar 'gyur zhe na/ smras pa/ bud med rin po ches ni sngon gyi srid pa zhes bya ba nas rgyas par sbyar te/grang zhing mchog tu grang ba'i dus gang yin pa'i dgun smad zla ba gnyis 'od ma 'gas par byed pa'i rlung ldang ba de lta bu'i grang zhing shin tu grang ba'i dus dgun smad zla ba gnyis 'od ma 'gas par byed pa'i rlung ldang ba na/ pha ma dang /nye du dang / bla ma lta bu rnams dang / gzhan dge sbyong dang / bram ze gnod par bya ba ma yin pa dang / gnod par bya ba la mi dga' ba gang yin pa de dag la/ khyim dron po rnams dang / gding ba dang / bgo ba dron po rnams byin pa dang / zas dang / skom dang / gos dang / spos dang / me tog phreng dang / byug pa dang / mal cha dang / stan dang / gnas dang / zhugs ling dang / zhugs thab rnams dang / gzhan yang dro ba'i yo byad rnam pa sna tshogs byin te/ de bas na bud med rin po che grang ba'i dus na lus rnams la reg na dro bar 'gyur ro//ci'i phyir bud med rin po che tsha ba'i dus na lus la reg na bsil bar 'gyur zhe na/ smras pa/ bud med rin po ches ni sngon gyi srid pa zhes bya ba nas rgyas par sbyar te/ tsha zhing mchog tu tsha la lhag par tsha ba la bab ste/ mi bzad par yongs su gdungs pa la bab cing /mi bzang par yongs su gdungs pa'i ngo la bab pa na/ pha ma dang / nye du dang / bla ma lta bu rnams dang / gzhan dge sbyong dang / bram ze gnod par bya ba ma yin pa dang / gnod par bya ba la mi dga' ba gang yin pa de dag la khyim bsil ba rnams dang / gding dang /bgo ba bsil ba rnams byin pa dang / zas dang / skom dang / bca' ba dang / bza' ba dang / gos dang / spos dang / me tog phreng dang / byug pa dang / mal cha dang / stan dang / gnas dang / nor bu'i lam dang / nor bus spras pa'i lam dang / shing ta ma la'i yal ga'i bsil yab dang /ta ma la'i lo ma las snod du byas pa de lta bu dag dang / gzhan yang bsil ba'i yo byad rnam pa sna tshogs byin te/ rgyu des na bud med rin po che tsha ba'i dus na lus la reg na bsil bar 'gyur ro/ /ci'i phyir bud med rin po che spu'i khung bu thams cad nas tsan+dan gyi dri 'byung la kha nas ut+pa la'i dri 'byung zhe na/smras pa/ bud med rin po ches ni sngon gyi srid pa zhes bya ba nas rgyas par sbyar te/ pha ma dang / nye du dang / bla ma lta bu rnams dang / gzhan dge spyod dang / bram ze gnod par bya ba ma yin pa dang /gnod par bya ba la mi dga' ba gang yin pa de dag la a ka ru dang / rgya spos dang / gur kum dang / ka la nu sa ri dang / ta ma la'i lo ma de lta bu dag dang / gzhan yang dri zhim po rnams byin te/ rgyu des na bud med rin po che'i spu'i khung bu thams cad nas tsan+dan gyi dri 'byung la kha nas ut+pa la'i dri 'byung ngo //ci'i phyir bud med rin po che 'khor los sgyur ba'i rgyal po'i sngon du ldang zhing phyi nas nyal ba dang / ci bya ba'i lung nod pa dang / mkhas shing yid du 'ong bar byed la snyan par smra bar byed ce na/ smras pa/ 'khor los sgyur ba'i rgyal pos yun ring po nas bsnyen bkur byed pa 'thob par 'gyur ba'i las don yod pa dag byas shing bstsags pas de dag mngon du phyogs shing rnam par smin pa nye bar 'ongs te/rgyu des na bud med rin po che 'khor los sgyur ba'i rgyal po'i sngon du ldang zhing phyi nas nyal ba dang / ci bya ba'i lung nod pa dang /mkhas shing yid du 'ong bar byed la snyan par smra bar byed do/ /ci'i phyir bud med rin po che'i yid kyi dgu la yang 'khor los sgyur ba'i rgyal po'i yid dang 'gal bar mi byed na lus dang / ngag gis lta ga la byed ce na/ smras pa/ 'khor los sgyur ba'i rgyal po ni dbang che bar grags pa'i sems can yin pas na/de'i phyir de sems dman pa'i mi la sems 'jug par mi 'gyur te/ rgyu des na bud med rin po che yid kyi dgu la yang 'khor los sgyur ba'i rgyal po'i yid dang 'gal bar mi byed na lus dang / ngag gis lta ga la byed/ci'i phyir bud med rin po che gal te kha cig gis 'gro ba mthong na de dag 'di snyam du sems te/ kye ma 'di ye 'gro na ci ma rung snyam du sems la/ gal te 'greng ba dang / 'dug pa dang / 'phres pa mthong na yang de dag 'di snyam du sems te/ kye ma 'di ye 'phres pa na ci ma rung snyam du sems she na/smras pa/ bud med rin po ches ni sngon gyi srid pa zhes bya ba nas rgyas par sbyar te/ 'dod pa na spyod pa'i byams pa thob par 'gyur te/ sems can don du 'dod pa gang yin pa rnams dang / phan par 'dod pa rnams dang / grub pa dang bde bar 'dod pa gang yin pa rnams dang /gnod par 'dod pa gang yin pa rnams dang / mi phan par 'dod pa dang / grub pa dang bde ba med par 'dod pa gang yin pa de dag thams cad la byams pa'i mig gis bltas te/ rgyu des na bud med rin po che gal te kha cig gis 'gro ba mthong na de dag 'di snyam du sems te/kye ma 'di ye 'gro na ci ma rung snyam du sems la/ gal te 'greng ba dang / 'dug pa dang / 'phres pa mthong na yang de dag 'di snyam du sems te/ kye ma 'di ye 'phres na ci ma rung snyam du sems so/ /ci'i phyir bud med rin po ches ji ltar pa wa sangs kyis skar ma gzhan thams cad zil gyis non pa bzhin du bud med thams cad zil gyis non par 'dug ce na/smras pa/ bud med rin po ches ni sngon gyi srid pa zhes bya ba nas rgyas par sbyar te/ bdag nyid kyis kyang srog gcod pa spangs la/ gzhan dag kyang srog gcod pa spong ba yang dag par 'dzin du bcug pa dang /bdag nyid kyis kyang ma byin par len pa dang 'dod pa la log par g.yem pa dang / brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas spangs la/ gzhan dag kyang 'bru'i chang dang / bcos pa'i chang myos par 'gyur ba bag med pa'i gnas spong ba yang dag par 'dzin du bcug ste/rgyu des na bud med rin po ches ji ltar pa wa sangs kyis skar ma rnams zil gyis non pa bzhin du/ bud med thams cad zil gyis non par 'dug go/ /ci'i phyir bud med rin po che'i bu 'byung bar mi 'gyur zhe na/smras pa/ 'di lta ste/ mngal du bu 'chags pa de ni bud med rnams kyi nad yin la/ bud med rin po ches ni yun ring po nas nad nyung bar 'gyur ba'i las 'bras bu yod cing rnam par smin pa yod pa dag byas shing bsags te/ de dag rnam par smin par mngon du phyogs shing nye bar 'ongs te/rgyu des na bud med rin po che'i bu 'byung bar mi 'gyur ro/ /ci'i phyir bud med rin po che sngar 'chi bar 'gyur la 'khor los sgyur ba'i rgyal po phyis 'chi bar 'gyur zhe na/ smras pa/ bud med rin po ches yun ring po nas khyim thab dang 'bral bar mi 'gyur ba'i las 'bras bu yod cing rnam par smin pa yod pa dag byas shing bsags pas de dag rnam par smin pa mngon du phyogs shing nye bar 'ong ste/rgyu des na bud med rin po che sngar 'chi bar 'gyur la 'khor los sgyur ba'i rgyal po phyis 'chi bar 'gyur ro/ /ci'i phyir bud med rin po che thams cad mtho ris su nye bar 'gro zhe na/smras pa/ bud med rin po che de ni rang bzhin gyis dge ba'i steng du dge ba bcu'i las kyi lam rnams yang dag par blangs te gnas pas na/ de'i phyir bud med rin po che thams cad mtho ris su nye bar 'gro bar 'gyur ro/ /ci'i phyir 'khor los sgyur ba'i rgyal pos khyim bdag rin po che thob ce na/smras pa/ 'khor los sgyur ba'i rgyal pos ni sngon gyi srid pa zhes bya ba nas rgyas par sbyar te/ grang zhing mchog tu grang ba dang / tsha zhing mchog tu tsha ba'i dus gang yin pa de lta bu'i grang zhing mchog tu grang ba dang / tsha zhing mchog tu tsha ba'i dus dag tu pha ma dang /nye du dang / bla ma lta bu rnams dang / gzhan dge sbyong dang / bram ze gnod par bya ba ma yin pa dang / gnod par bya ba la mi dga' ba gang yin pa de dag gi thad du song nas mthun pa'i sman rnams dang / phan pa'i zas rnams dang / 'tsham pa'i g.yog rnams byin te/de dag de rnams kyis longs spyad nas lus ma gsher ba dang / gos ma brlan par de'i nyin mtshan du bde ba la reg par gnas te/ rgyu des na 'khor los sgyur ba'i rgyal pos khyim bdag rin po che thob bo/ /khyim bdag de yang phyug cing nor mang la longs spyod che ste/nor rdzas mang zhing bdog pa mang la nor dang / 'bru dang / mdzod dang / bang mdzod dang / rdzas dang / yo byad kyi tshogs mang ngo / /de ni las kyi rnam par smin pa las byung ba'i lha'i mig dang ldan te/ des gter bdag po yod pa rnams dang / bdag po med pa rnams dang / chu'i nang na yod pa rnams dang / thang la yod pa rnams ring ba yang rung / nye ba yang rung ste mthong ngo / /de 'khor los sgyur ba'i rgyal po'i thad du song nas nor ci 'dod pas skabs 'byed par byed de/ nor la lha'i thugs las chung bar mdzad du gsol bdag gis nor gyi sgo nas lha'i nor gyi don bsgrub par 'tshal lo zhes zer ro//de nas 'khor los sgyur ba'i rgyal pos khyim bdag rin po che sad par 'dod de chu la 'gro ba'i grur zhugs nas chu'i nang na 'dug bzhin du khyim bdag rin po che la bsgo ba khyim bdag nga la nor dgos so//de nas khyim bdag rin po ches 'khor los sgyur ba'i rgyal po la 'di skad ces gsol to/ /lha 'o na chab gru 'gram du bcar dang bdag gis nor gyi sgo nas lha'i nor gyi don sgrub par 'tshal lo/ /khyim bdag nga la 'gram du nor dgos pa med do/ /'di nyid du nga la nor dgos so//lha 'o na chab gru sdod du stsal bar gsol/ de nas 'khor los sgyur ba'i rgyal pos chu'i nang du gru sdod du bcug go/ /de nas khyim bdag rin po che stan las langs te bla gos phrag pa gcig tu gzar nas pus mo g.yas pa'i lha nga gru'i nang du btsugs te/ lag pa gnyis chu'i nang du bcug nas lcags zangs zung bzhi gser dngul rdungs su byas pa dang /rdungs su ma byas pas gang ba phyung nas 'khor los sgyur ba'i rgyal po la phul te/ lha nor 'di dag lags kyi/ 'di las nor gyi dgos pa mdzad nas lhag ma 'di nyid du dor bar gsol/'di la chos nyid ni 'di yin te/ de la 'di skad ces bya'o/ /char bab yul ngan byung ba dang / /sos ka'i dus la bab pa'i tshe/ /bsu ba byas nas sbyin pa byin/ /sdug phongs rnams ni tshim par byed/ /longs spyad nas ni bde bar gyur/ /des na slong ba rnams kyang rangs//las [(]gyi [,]kyi [)]rnam smin de yis na/ /tshong dpon phyug cing nor mang la/ /lha yi mig ldan rdzu 'phrul che/ /'khor los sgyur bas thob par gyur/ /ci'i phyir khyim bdag rin po che phyug cing nor mang la longs spyod che ste/ nor rdzas mang zhing bdog pa mang la nor dang / 'bru dang /mdzod dang / bang mdzod dang / rdzas dang / yo byad kyi tshogs mang bar gyur ce na/ smras pa/ khyim bdag rin po ches ni sngon gyi srid pa zhes bya ba nas rgyas par sbyar te/ dge sbyong dang / bram ze rnams dang / sdug phongs pa rnams dang / 'dron po rnams dang / slong ba rnams la sbyin pa 'di lta ste/zas dang / skom dang / bca' ba dang / bza' ba dang / gos dang / spos dang / me tog phreng dang / byug pa dang / mal cha dang / stan dang / gnas rnams byin te/ rgyu des na khyim bdag rin po che phyug cing nor mang la longs spyod che ste/ nor rdzas mang zhing bdog pa mang la nor dang /'bru dang / mdzod dang / bang mdzod dang / rdzas dang / yo byad kyi tshogs mang bar gyur to/ /ci'i phyir khyim bdag rin po che las kyi rnam par smin pa las byung ba'i lha'i mig dang ldan par gyur la/ des gter rnam pa sna tshogs bdag po yod pa rnams dang /bdag po med pa rnams dang / chu'i nang na yod pa rnams dang / thang la yod pa rnams ring ba yang rung / nye ba yang rung ste mthong zhe na/ smras pa/ khyim bdag rin po ches ni sngon gyi srid pa zhes bya ba nas rgyas par sbyar te/ pha ma dang / nye du dang / bla ma lta bu rnams dang /gzhan dge sbyong dang / bram ze gnod par bya ba ma yin pa dang / gnod par bya ba la mi dga' ba gang yin pa de dag la/ mun pa snang ba med pa mun nag mar me med par mar me'i 'bru mang dang / mar me'i snying po dang / mar me'i snod rnams byin pa dang / sgron ma rnams dang /mar me rnams dang / snang ba rnams byas nas/ de lta bu dag dang / gzhan yang mun pa chen po med par byas te/ rgyu des na khyim bdag rin po ches las kyi rnam par smin pa las byung ba'i lha'i mig dang ldan par gyur la/ des gter rnam pa sna tshogs bdag po yod pa rnams dang /bdag po med pa rnams dang / chu'i nang na yod pa rnams dang / thang la yod pa rnams ring ba yang rung / nye ba yang rung ste mthong ngo / /'di la chos nyid ni 'di yin te/ de la 'di skad ces bya'o/ /sngon gyi tshe rabs rnams su dad pas rang gi lag pa nas//zas skom gos dang spos dang me tog phreng dang byug pa byin/ /snang ba rnams dang gsal ba rnams dang sgron dang 'bar ba byas/ /des na 'khor los sgyur ba'i rgyal po'i khyim bdag phyug pa dang / /nor mang gos dang ldan zhing lha yi mig dang ldan par gyur/ /ci'i phyir 'khor los sgyur ba'i rgyal pos blon po rin po che thob ce na/smras pa/ 'khor los sgyur ba'i rgyal pos ni/ sngon gyi srid pa zhes bya ba nas rgyas par sbyar te/ pha ma dang / nye du dang / bla ma lta bu rnams dang / gzhan dge sbyong dang / bram ze gnod par bya ba ma yin pa dang / gnod par bya ba la mi dga' ba gang yin pa de dag la mun pa snang ba med pa mun nag mar me med pa la mar me'i 'bru mar dang /mar me'i snying po dang / mar me'i snod rnams byin pa dang / sgron ma rnams dang / mar me rnams dang / snang ba rnams byas nas mun pa chen po med par byas te/ rgyu des na 'khor los sgyur ba'i rgyal pos blon po rin po che thob bo//blon po rin po che de yang mkhas shing gsal la yid gzhungs pa dang / ci la yang thogs pa med pa'i rtogs pa'i shes rab dang ldan te/ de 'khor los sgyur ba'i rgyal po'i thang du song nas tshe 'di'i don la yang 'dzud par byed/ tshe phyi ma'i don la yang 'dzud par byed/ tshe 'di dang phyi ma'i don la yang 'dzud par byed do/ /de ni 'khor los sgyur ba'i rgyal po la dpung dbul bar 'os pa yang 'bul bar byed la/ dpung bstsal bar 'os pa yang bstsal bar byed do/ /de ni 'gro ba yang 'khor los sgyur ba'i rgyal po'i dpung gi tshogs yan lag bzhi pa yang ngal ba dang /dub par mi byed la/ zham ring byed pa gzhan dag gi yang ngal ba dang / dub par yang mi byed do/ /'di la chos nyid ni 'di yin te/ de la 'di skad ces bya'o/ /mun pa snang ba med pa dang / /mun nag sgron ma med par ni/ / mar me'i til mar snying po rnams/ /lhug par gtong bas byin par gyur/ /pha ma dag la snang ba rnams dang gsal dang sgron dang 'bar ba byas/ /gnyen rnams la ni ji bzhin dge sbyong bram ze rnams la'ang de dang 'dra/ /las dge bde ba 'byung ba 'di ni tshe rabs gzhan du byas gyur te//las kyi rnam par smin pa des na rgyal po'i blon po mkhas par gyur/ /ci'i phyir blon po rin po che mkhas shing gsal ba yid gzhungs pa ci la yang thogs pa med pa'i shes rab dang ldan par gyur ce na/ smras pa/ blon po rin po ches ni sngon gyi srid pa dang / sngon gyi gnas dang / sngon gyi lus dang / sngon gyi bdag nyid thob pa dang / sngon gyi tshe rabs gzhan dag dang / 'das pa dang / zad pa dang / 'gags pa dang / bral ba dang / rnam par gyur pa dang / yongs su zad pa dag tu dge sbyong dang bram ze mkhas shing gsal la yid gzhungs pa dang / byang zhing shin tu rtogs par byed pa gang yin pa de dag gi thad du song nas bsten par byas shing bsnyen bkur byas te/dge ba ni gang yin/ mi dge ba ni gang yin/ kha na ma tho ba dang bcas pa ni gang yin/ kha na ma tho ba med pa ni gang yin/ ci zhig byas na legs par 'gyur la sdig par mi 'gyur zhes yongs su dris shing yongs su dri ba byas so//de dag las thos nas kyang de bzhin du bdag nyid kyis kyang bsgrubs so/ /gzhan yang blon po rin po che ni rtog par byed cing sems pa'i rang bzhin can du gyur to/ /gzhan yang blon po rin po che la 'bras bu'am/ rgyu'i sgo nas bsten pa gang yin pa de dag bsgral zhing kun tu bsgral ba'i phyir shin tu bsgrim pa drag po la zhugs te/ rgyu des na blon po rin po che mkhas shing gsal la yid gzhungs par gyur to/ /'di la chos nyid ni 'di yin te/ de la 'di skad ces bya'o/ /sngon ni blon po rin po ches//mkhas pa rnams la bsnyen bkur byas/ /gzhan yang rtog par byed pa dang / /sgrub phod pa dang le lo med/ /des na de ni mkhas par gyur/ /blo ldan brtson 'grus ldan la gsal/ /'khor los sgyur ba'i rgyal po yi/ /sde rnams la ni bsgo bar gyur//chos mngon pa'i bstan bcos chen po rgyu gdags pa las tshigs gnyis pa'o// //sdom ni/ rgyal po 'khor lo glang po dang / /rta dang nor bu bud med dang / /khyim bdag blon po rin po che/ /tshe dang nad med kha dog bzang / /yid du 'ong dang bu mang ba/ /phung po gsum par bsdus pa yin//'khor los sgyur ba ji ltar rgyal po yin pa bzhin du de bzhin gshegs pa dgra bcom pa yang dag par rdzogs pa'i sangs rgyas kyang de dang 'dra bar blta bar bya ste/ brag gu'i tshigs su bcad pa las/ /brag gu nga ni rgyal po ste/ /chos kyi rgyal po bla na med//sa yi dkyil 'khor 'di nyid na/ /chos kyi 'khor los sgyur bar mdzad/ /ces gsungs pa bzhin no/ /'khor los sgyur ba'i rgyal po bzhin/ /thugs brtse ldan zhing thugs rje ldan/ /thub pa 'jig rten kun la phan/ /de bzhin gshegs la de 'drar ltos/ /'khor los sgyur ba'i rgyal po'i 'khor lo rin po che ji lta ba bzhin du/de bzhin gshegs pa dgra bcom pa yang dag par rdzogs pa'i sangs rgyas kyi 'phags pa'i lam yan lag brgyad pa yang de dang 'dra bar blta bar byas te/ 'phags pa'i lam yan lag brgyad pas bcom ldan 'das kyis nyon mongs pa thams cad spangs nas chos thams cad la sgrib pa med pa brnyes so//'di la chos nyid ni 'di yin te/ de la 'di skad ces bya'o/ /ji ltar rgyal po 'khor lo yis/ /sa 'di rnam par rgyal bar gyur/ /de bzhin sangs rgyas lam gyi byin/ /bdud kyi 'ching ba gcod par mdzad//'khor los sgyur ba'i rgyal po'i glang po rin po che ji lta ba bzhin du/ de bzhin gshegs pa dgra bcom pa yang dag par rdzogs pa'i sangs rgyas kyi rdzu 'phrul gyi rkang pa bzhi yang de dang 'dra bar blta bar bya ste/ rdzu 'phrul gyi rkang pa bzhis bcom ldan 'das kyis nyon mongs pa thams cad spangs nas chos thams cad la sgrib pa med pa brnyes so//ji ltar rgyal po'i glang po che/ /dkar zhing mkha' la 'gro bar gyur/ /gau ta ma grags ldan gyi/ /rdzu 'phrul rkang rnams de dang 'dra/ /'khor los sgyur ba'i rgyal po'i rta rin po che ji lta ba bzhin du/ de bzhin gshegs pa dgra bcom pa yang dag par rdzogs pa'i sangs rgyas kyi yang dag pa'i spong ba bzhi yang de dang 'dra bar blta bar bya ste/yang dag pa'i spong ba bzhis bcom ldan 'das kyi nyon mongs pa thams cad spangs nas chos thams cad la sgrib pa med pa brnyes te/ brag gu'i tshigs su bcad pa las/nga yi shing rta legs par bcas pa tshul khrims yin/ /ngo tsha shes pa kha lo pa ste srab mda' dran/ /yang dag spong ba bzhi ni skad mi 'byin pa'i rta/ /nga ni nges par zhi ba 'dus ma byas par song / /ji ltar sprin shugs rgyal po'i rta/ /sngo la mgo bo gnag pa bzhin//gau ta ma ni grags ldan gyi/ /yang dag spong rnams de dang 'dra/ /'khor los sgyur ba'i rgyal po'i nor bu rin po che ji lta ba bzhin du/ de bzhin gshegs pa dgra bcom pa yang dag par rdzogs pa'i sangs rgyas kyi lha'i spyan yang de dang 'dra bar blta bar bya ste/lha'i spyan gyis ni bcom ldan 'das kyis gang gi tshe bzhed pa dang / ji snyed bzhed pa de'i tshe dang de snyed gzigs so/ /ji ltar nor bu bai DUr+ya/ /kho ra khor yug snang ba bzhin/ /sangs rgyas kyi ni spyan gyis kyang / /kho ra khor yug kun tu gzigs/ /'khor los sgyur ba'i rgyal po'i bud med rin po che ji lta ba bzhin du/de bzhin gshegs pa dgra bcom pa yang dag par rdzogs pa'i sangs rgyas kyi dga' ba yang dag byang chub kyi yan lag kyang de dang 'dra bar blta bar bya ste/ dga' ba yang dag byang chub kyi yan lag gis bcom ldan 'das kyis nyon mongs pa thams cad spangs nas chos thams cad la sgrib pa med pa brnyes so//ji ltar rgyal po'i btsun mo ni/ /yid du 'ong zhing blta na sdug /de bzhin gau tam grags ldan gyi/ /dga' ba byang chub yan lag yin/ /'khor los sgyur ba'i rgyal po'i khyim bdag rin po che ji lta ba bzhin du/de bzhin gshegs pa dgra bcom pa yang dag par rdzogs pa'i sangs rgyas kyis rigs bzhi rgyal rigs dang / bram ze dang / rje'u rigs dang / dmangs rigs kyang de dang 'dra bar blta bar bya ste/ rigs bzhi po dag bcom ldan 'das la na bza' dang /zhal zas dang / gzims cha dang / gdan dang / snyun gyi gsos sman dang / yo byad rnams kyis bsnyen bkur byed do/ /ji ltar 'khor los sgyur ba yi/ /tshong dpon phyug cing nor che ba/ /de bzhin gau tam grags ldan gyi/ /rigs bzhi rnams kyang de dang 'dra/ / 'khor los sgyur ba'i rgyal po'i blon po rin po che ji lta ba bzhin du/ de bzhin gshegs pa dgra bcom pa yang dag par rdzogs pa'i sangs rgyas kyi shes rab kyang de dang 'dra bar blta bar bya ste/ shes rab kyis ni bcom ldan 'das kyi nyon mongs pa thams cad spangs nas chos thams cad la sgrib pa med pa brnyes so//ji ltar blon po rtog byed cing / /don kyang sems par byed pa ltar/ /sangs rgyas bcom ldan shes rab kyis/ /bdud kyi 'ching ba gcod par mdzad/ /'khor los sgyur ba'i rgyal po ji ltar tshe ring zhing yun ring du gnas pa bzhin du/ de bzhin gshegs pa dgra bcom pa yang dag par rdzogs pa'i sangs rgyas kyang /sku tshe ring zhing yun ring du bzhugs te/ bcom ldan 'das bzhed na bskal pa'am bskal pa las lhag par yang bzhugs so/ /rgyal po chos dang ldan pa'i mchog /ji ltar tshe ni ring ba ltar/ /de bzhin sangs rgyas bcom ldan yang //bskal pa tshang ba'i bar du bzhugs/ /'khor los sgyur ba'i rgyal po ji ltar gnod pa chung zhing nad med pa'i rang bzhin can yin pa bzhin du/ de bzhin gshegs pa dgra bcom pa yang dag par rdzogs pa'i sangs rgyas kyang gnod pa chung zhing nad med pa'i rang bzhin can yin no//rgyal po chos dang ldan pa'i mchog /ji ltar gnod pa chung ba ltar/ /ston pa grags dang ldan pa yang / /de bzhin nad med rang bzhin can/ /'khor los sgyur ba'i rgyal po ji ltar gzugs bzang zhing blta na sdug la mdzes te skyes bu chen po'i mtshan sum cu rtsa gnyis dang ldan pa de bzhin du/de bzhin gshegs pa dgra bcom pa yang dag par rdzogs pa'i sangs rgyas kyang gzugs bzang zhing blta na sdug la mdzes pa ste/ skyes bu chen po'i mtshan sum cu rtsa gnyis dang ldan no/ /rgyal po chos dang ldan pa'i mchog /ji ltar mdzes par gyur pa ltar/ /de bzhin sangs rgyas bcom ldan yang / /gzugs kyi mtshan gyis brgyan pa yin/ /'khor los sgyur ba'i rgyal po ji ltar skye bo mang po'i snying du sdug cing yid du 'ong ba de bzhin du/ de bzhin gshegs pa dgra bcom pa yang dag par rdzogs pa'i sangs rgyas kyang skye bo mang po'i snying du sdug cing yid du 'ong ngo //rgyal po chos dang ldan pa'i mchog /ji ltar yid du 'ong ba ltar/ /ston pa bla med 'jig rten na/ /yid du 'ong ba'i rang bzhin yin/ /'khor los sgyur ba'i rgyal po la ji ltar bu stong yod de/ dpa' ba rtul phod pa yan lag mchog gi gzugs dang ldan pa pha rol gyi sde rab tu 'joms pa de bzhin du/ de bzhin gshegs pa dgra bcom pa yang dag par rdzogs pa'i sangs rgyas la yang sras mang po mnga' ste/ zhugs pa dang / 'bras bu la gnas pa dpa' ba rtul phod pa yan lag mchog gi gzugs dang ldan pa nyon mongs pa'i dgra'i dpung 'joms pa rnams mnga'o//de la chos nyid ni 'di yin te/ de la 'di skad ces bya'o/ /ji ltar 'khor los sgyur ba'i bu/ /chos dang ldan zhing bden pas sprul/ /dpa' zhing yan lag mchog gzugs ldan//de bzhin bcom ldan 'das kyi sras/ /zhugs dang 'bras bur gnas pa ste/ /dpa' bo zung ni bzhir gyur cing / /skyes bu gang zag brgyad po yin/ /chos mngon pa'i bstan bcos chen po rgyu gdags pa las tshigs gsum pa'o// //rgyu gdags pa/bam po bzhi pa/ sdom ni/ 'ong ba rnam pa gnyis po dang / /srung dang sbugs dang bag yangs dang / /'dod pa'i yon tan brtul zhugs bde/ /g.yos dang 'od dang mi 'dug dang / /ri dgas pags pa gom pa bdun/ /phyogs dang smra dang klu gnyis dang / /lha gnyis dang ni zhag bdun dang //'jug pa dang ni kun dga' bo/ /phyogs bzhi dang ni gsung ba dang / /ut+pal rol mo'i sgra sna tshogs/ /gzim mal gnyis dang sgo dag dang / /nges pa dang ni rgyan rnams dang / /ngur smrig rtswa dang mi gzhig dang / / mngon par shes dang snying brtse'i sems/ /ci'i phyir gang gi tshe byang chub sems dpa' dga' ldan gyi lha'i ris nas shi 'phos te yum gyi lhums su zhugs pa de'i tshe sa cher g.yo zhing sa shin tu cher g.yo bar 'gyur zhe na/ smras pa/ klu'i mthus g.yo bar 'gyur te/ byang chub sems dpa' dbang che bar grags pa'i sems can gang gi tshe dga' ldan gyi lha'i ris nas shi 'phos te yum gyi lhums su zhugs pa de'i tshe/chu na gnas pa'i klu dbang che bar grags so cog gis byang chub sems dpa' dga' ldan gyi lha'i ris nas shi 'phos te yum gyi lhums su zhugs so zhes thos so//thos nas kyang tshim zhing mgu la yi rangs te rab tu dga' zhing yid bde ba skyes nas byang chub sems dpa' la blta ba dang / rjed pa'i phyir 'ong zhing 'gro ba dang / steng du 'byung ste de dag 'ong zhing 'gro ba dang / steng du 'byung bas chu 'khrug par 'gyur la/chu 'khrugs pas g.yo bar 'gyur ro/ /gzhan yang gang gi phyir de bzhin gshegs pa dgra bcom pa yang dag par rdzogs pa'i sangs rgyas su 'gyur bas mngon par 'gyur ba dang / dben pa las skyes pa'i dge ba'i chos rnams mtho bar 'gyur ba'i phyir rlung gyen du ldang la/rlung gyen du langs pas chu 'khrugs te sa g.yo bar 'gyur ba 'di ni de'i snga ltas yin no/ /ci'i phyir gang gi tshe byang chub sems dpa' dga' ldan gyi lha'i ris nas shi 'phos te yum gyi lhums su zhugs pa de'i tshe 'jig rten thams cad snang ba chen pos khyab ste/ 'jig rten dag gi 'jig rten gyi bar mun pa mun nag thibs po gang du nyi ma dang zla ba 'di ltar rdzu 'phrul che zhing / 'di ltar mthu che ba 'di gnyis kyi 'od kyis snang bar ma gyur pa gang yin pa de dag kyang de'i tshe snang ba chen pos khyab par gyur te/ der sems can gang dag skyes pa de dag snang ba chen po des gcig gis gcig mthong nas shes te/'di skad du kye sems can gzhan dag kyang 'dir skyes pa lta zhes zer bar gyur zhe na/ smras pa/ byang chub sems dpa' dbang che bar grags pa'i sems can gang gi tshe dga' ldan gyi lha'i ris nas shi 'phos te yum gyi lhums su zhugs pa de'i tshe/'dod pa na spyod pa'i lha rnams dang / gzugs na spyod pa'i lha dbang che bar grags so cog gis byang chub sems dpa' dga' ldan gyi lha'i ris nas shi 'phos te yum gyi lhums su zhugs so zhes thos so/ /thos nas kyang tshim zhing mgu la yi rangs te rab tu dga' zhing bde ba skyes nas/byang chub sems dpa' la blta ba dang / rjed pa'i phyir 'ong zhing 'gro ba dang / yas 'ongs te de dag 'ong zhing 'gro ba dang / yas 'ongs pas 'jig rten thams cad snang ba chen pos khyab ste/ 'jig rten dag gi 'jig rten gyi bar mun pa mun nag thibs po gang du nyi ma dang zla ba 'di ltar rdzu 'phrul che zhing /'di ltar mthu che ba 'di gnyis kyi 'od kyis snang bar ma gyur pa gang yin pa de dag kyang de'i tshe snang ba chen pos khyab par gyur te/ der sems can gang dag skyes pa de dag snang ba chen po des gcig gis gcig mthong nas shes te/ 'di skad du kye sems can gzhan dag kyang 'dir skyes pa lta/ kye sems can gzhan dag kyang 'dir skyes pa lta zhes 'dzer to/ /gzhan yang gang gi phyir de bzhin gshegs pa dgra bcom pa yang dag par rdzogs pa'i sangs rgyas su 'gyur bas shes rab kyi snang ba chen po 'jig rten du 'byung bar 'gyur ba'i phyir te/'di ni de'i snga ltas yin no/ /ci'i phyir gang gi tshe byang chub sems dpa' dga' ldan gyi lha'i ris nas shi 'phos te yum gyi lhums su zhugs pa de'i tshe lha'i bu bzhi byang chub sems dpa'i yum gyi phyogs bzhir 'khod de chos dang ldan par bsrung ba dang /bskyab pa dang / sba bar byed ce na/ smras pa/ sum cu rtsa gsum pa'i lha rnams yun ring po nas 'di lta bur yid smon byed par gyur te/ kye ma 'jig rten long ba 'dren pa med pa/ yongs su 'dren pa med par de bzhin gshegs pa dgra bcom pa yang dag par rdzogs pa'i sangs rgyas byung na ci ma rung snyam ste/don de'i dbang la brten nas lha de rnams/ byang chub sems dpa'i yum gyi phyogs bzhir 'khod de chos dang ldan par bsrung ba dang / bskyab pa dang / sbed par byed do/ /ci'i phyir byang chub sems dpa' yum gyi lhums na sbubs kyi nang na bzhugs te/mngal gyi dri mas kyang ma gos/ khrag gi dri mas kyang ma gos/ mi gtsang ba dang / mi gtsang ba las gyur pa ci yang rung ba gang gis kyang ma gos she na/ smras pa/ byang chub sems dpas ni sngon gyi srid pa zhes bya ba nas rgyas par sbyar te/ pha ma dang /nye du dang / bla ma lta bu rnams dang / gzhan dge sbyong dang bram ze gnod par bya ba ma yin pa dang / gnod par byed pa la mi dga' ba gang yin pa de dag la khyim rnam par dag pa rnams dang / gding ba dang bgo ba rnam par dag pa rnams dang / zas dang / skom dang / bca' ba dang /bza' ba dang / gos dang / spos dang / me tog phreng dang / byug pa dang / mal cha dang / stan dang / gnas dang / mar me byin pa dang / rnam par dag pa'i chos dang ldan pa'i sems can rnams la bya ba byas pas na las de dang mthun par yum gyi lhums kyang de ltar grub bo/ /ci'i phyir byang chub sems dpa' yum gyi lhums na lus bag yangs su gnas par gyur la/de skyed pa'i yum gyi lhums na gnas pa thams cad tshang bar mthong zhe na/ smras pa/ byang chub sems dpas ni sngon gyi srid pa zhes bya ba nas rgyas par sbyar te/ pha ma dang / nye du dang / bla ma lta bu rnams dang /gzhan dge sbyong dang / bram ze gnod par bya ba ma yin pa dang / gnod par bya ba la mi dga' ba gang yin pa de dag la/ khyim yangs pa rnams dang / gding ba dang / bgo ba yangs pa rnams dang / zas dang / skom dang / bca' ba dang / bza' ba dang / gos dang / spos dang / me tog phreng dang / byug pa dang / mal cha dang / stan dang / gnas dang / mar me byin pa dang / rnam par dag pa'i chos dang ldan pa'i sems can rnams la bya ba byas pas na las de dang mthun par yum gyi lhums na de ltar gnas so/ /ci'i phyir gang gi tshe byang chub sems dpa' yum gyi lhums na zhugs pa de'i tshe de skyed pa'i yum 'di lta ste/'dod pa'i yon tan dang ldan pa rnams kyis skyes pa la yid mi sems she na/ smras pa/ byang chub sems dpas ni sngon gyi srid pa zhes bya ba nas rgyas par sbyar te/ bdag nyid kyang tshangs par spyad par gyur cing thag bsrings te spyod pa dang /dag cing gtsang la dri nga ba med pa dang / 'khrig pa spangs shing grong gi chos dang bral ba/ gzhan dag kyang tshangs par spyod pa yang dag par 'dzin du bcug pas na/ las de dang mthun par yum gyi sems kyang de ltar gnas so/ /ci'i phyir byang chub sems dpa' gang gi tshe yum gyi lhums na bzhugs pa de'i tshe skyed pa'i yum brtul zhugs kyi gnas lnga yang dag par blangs te/ji srid 'tsho'i bar du srog gcod pa spangs nas srog gcod pa las slar log par gyur/ ma byin par len pa dang / mi tshangs par spyod pa dang /brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas spangs te/ 'bru'i chang dang / bcos pa'i chang myos par 'gyur ba bag med pa'i gnas las slar log par gyur ce na/ smras pa/ byang chub sems dpas ni sngon gyi srid pa zhes bya ba nas rgyas par sbyar te/bdag nyid kyang srog gcod pa spangs te srog gcod pa las slar log par gyur la gzhan dag kyang srog gcod pa spong ba yang dag par 'dzin du bcug pa dang / bdag nyid kyis kyang ma byin par len pa dang / mi tshangs par spyod pa dang / brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas spangs te/ 'bru'i chang dang / bcos pa'i chang dang / myos par 'gyur ba bag med pa'i gnas las slar log par gyur la/ gzhan dag kyang 'bru'i chang dang / bcos pa'i chang myos par 'gyur ba bag med pa'i gnas spong ba yang dag par 'dzin du bcug pas na/las de dang mthun par yum gyi sems kyang de ltar gnas so/ /ci'i phyir gang gi tshe byang chub sems dpa' yum gyi lhums na zhugs pa de'i tshe de skyed pa'i yum lus ngal ba med cing lus dub pa med de bde ba dang nad med par gyur zhe na/smras pa/ byang chub sems dpa' ni dbang che bar grags pa yin te/ de'i gzi byin chen pos yum gyi 'byung ba chen po rnams rgyas par gyur te/ rgyu des na byang chub sems dpa'i yum zhes bya ba nas rgyas par sbyar ro/ / ci'i phyir gang gi tshe byang chub sems dpa' yum gyi lhums nas byung ba de'i tshes cher g.yos par gyur zhe na/ smras pa/ byang chub sems dpa' ni dbang che bar grags pa'i sems can yin te zhes bya ba nas rgyas par sngar bstan pa bzhin du sbyar ro/ /ci'i phyir gang gi tshe byang chub sems dpa' yum gyi lhums nas byung ba de'i tshe 'jig rten thams cad snang ba chen pos khyab par gyur zhe na/de yang rgyas par sngar bstan pa bzhin du sbyar ro/ /ci'i phyir gang gi tshe byang chub sems dpa' yum gyi lhums nas byung ba de'i tshe/ de skyed pa'i yum 'dug pa'am/ 'phres par ma gyur te/'greng bzhin du rgyal rigs mo de las rgyal rigs bltams she na/ smras pa/ byang chub sems dpa'i yum gyi ring po nas nyung bar 'gyur ba'i las 'bras bu yod pa rnams byas shing bsags te/ rnam par smin pa mngon du phyogs shing nye bar 'ongs pas na des 'dug pa'am/'phres pa'i sdug bsngal gyi tshor ba myong bar mi 'gyur te/ rgyu des zhes bya ba nas rgyas par sbyar ro/ /ci'i phyir gang gi tshe byang chub sems dpa' yum gyi lhums nas byung ba de'i tshe lha'i bu bzhi phyogs bzhir 'khod nas ri dgas a dzi na'i pags pa'i sleb mos blang she na/smras pa/ byang chub sems dpas ni yun ring po nas nad nyung bar 'gyur ba'i las 'bras bu yod pa rnams byas shing bsags te rnam par smin pa mngon du phyogs shing nye bar 'ongs pas na/ de sa la lhung na sdug bsngal gyi tshor ba myong bar 'gyur ba de yang myong bar mi 'gyur te/ rgyu des na zhes bya ba nas rgyas par sbyar ro/ /ci'i phyir byang chub sems dpa' bltams ma thag tu sus kyang ma bzung bar gom pa bdun bor zhe na/ smras pa/ byang chub sems dpas ni yun ring po nas nges par 'byung ba dang ldan pa'i dran pa kun du bsten cing bsgoms te mang du byas pas na des de nyid dgongs so//gzhan yang de bzhin gshegs pa dgra bcom pa yang dag par rdzogs pa'i sangs rgyas su gyur te/ byang chub kyi yan lag bdun 'byung ba de'i snga ltas ni de yin te/ rgyu des na zhes bya ba nas rgyas par sbyar ro/ /ci'i phyir byang chub sems dpa' bltams ma thag tu phyogs bzhir gzigs she na/smras pa/ byang chub sems dpas ni yun ring po nas rnam par rtog pa dang ldan pa'i dran pa kun du bsten cing bsgoms te mang du byas pas na des de nyid dgongs so/ /gzhan yang de bzhin gshegs pa dgra bcom pa yang dag par rdzogs pa'i sangs rgyas su 'gyur te/'phags pa'i bden pa bzhi gzigs pa de'i snga ltas ni de yin te/ rgyu des na zhes bya ba nas rgyas par sbyar ro/ /ci'i phyir byang chub sems dpas btsas ma thag tu tshig tu 'di ni bdag gi srid pa rnams kyi nang na skye ba'i tha ma yin no//'di ni bdag gi srid pa rnams kyi nang na skye ba'i tha ma yin no zhes gsung zhe na/ smras pa/ byang chub sems dpa' ni yum gyi lhums so cog gis yongs su gzir cing yongs su gdungs pa'i phyir thugs chad pa'i tshig tu 'di ni bdag gi srid pa rnams kyi nang na skye ba'i tha ma yin no//'di ni bdag gi srid pa rnams kyi nang na skye ba'i tha ma yin no zhes gsungs so/ /gzhan yang de bzhin gshegs pa dgra bcom pa yang dag par rdzogs pa'i sangs rgyas su 'gyur te/ chos ston pa de'i snga ltas ni de yin te/ rgyu des na zhes bya ba nas rgyas par sbyar ro//ci'i phyir byang chub sems dpa' bltams ma thag tu bar snang las chu'i rgyun gnyis la gcig ni dron po/ /gcig ni bsil ba bab ste byang chub sems dpa' bltams ma thag tu 'khru bar byed ce na/ smras pa/ klu'i mthu yin te/ byang chub sems dpa' la klu gang dag mngon par dga' ba de dag gi mthu ni de yin no//ci'i phyir byang chub sems dpa' bltams ma thag tu skyed pa'i yum gyi mdun du chu chen po'i rgyun 'bab pa byung bar gyur te/ chu de skyed pa'i yum gyis chu'i dgos pa byas she na/ smras pa/ klu'i mthu yin te byang chub sems dpa'i yum la klu gang dag mngon par dga' ba de dag gi mthu ni de yin no//ci'i phyir byang chub sems dpa' bltams ma thag tu bar snang las rol mo'i sgra rnams grag ce na/ smras pa/ lha'i mthu yin te/ byang chub sems dpa' la lha gang dag mngon par dga' ba de dag gi mthu ni de yin no//gzhan yang de bzhin gshegs pa dgra bcom pa yang dag par rdzogs pa'i sangs rgyas su 'gyur te/ 'jig rten du sgra cher grags par 'gyur ba de'i snga ltas ni de yin no/ /ci'i phyir byang chub sems dpa' bltams ma thag tu bar snang las lha'i me tog ut+pa la dang /pad+ma dang / ku mu da dang / pad+ma dkar po dang / me tog man dar ba rnams rab tu bab la/ a ka ru'i phye ma dang / tsan+dan gyi phye ma dang / rgya spos kyi phye ma dang / gos rnams 'thor bar gyur zhe na/ smras pa/ lha'i mthu yin te/ byang chub sems dpa' la lha gang dag mngon par dga' ba de dag gi mthu ni de yin no//gzhan yang de bzhin gshegs pa dgra bcom pa yang dag par rdzogs pa'i sangs rgyas su 'gyur te/ grags par 'gyur zhing bsod nams chen po dang ldan te/ na bza' dang / zhal zas dang / gzims cha dang /gdan dang / snyun gyi gsos sman dang / yo byad rnams brnyes par 'gyur ba de'i snga ltas ni de yin no/ /ci'i phyir byang chub sems dpa' bltams nas zhag bdun lon na skyed pa'i yum grongs par gyur zhe na/ smras pa/ byang chub sems dpa' ni dbang che bar grags pa'i sems can yin te/de gang gi tshe yum gyi lhums su zhugs pa de'i tshe sum cu rtsa gsum gyi lha rnams byang chub sems dpa' la gus pas byang chub sems dpa'i yum gyi spu'i khung bu thams cad du lha'i gzi byin 'jug par byed la/ gang gi tshe byang chub sems dpa' yum gyi lhums nas byung ba de'i tshe yang gzi byin 'jug par mi byed do//mi la ni gang de'i lus rtag par byed pa de lta bu'i gzi byin med pas na de ltar de gsos med pas na grongs par gyur to/ /byang chub sems dpa' ni yum gyi lhums su mkhyen bzhin du 'jug cing / mkhyen bzhin du gnas la/mkhyen bzhin du 'byung ngo zhes gsungs pa la/ ji ltar byang chub sems dpa' yum gyi lhums su mkhyen bzhin du 'jug cing / mkhyen bzhin du gnas la/ mkhyen bzhin du 'byung zhe na/ smras pa/ byang chub sems dpas ni kye ma 'jig rten long ba/ 'dren pa med pa/ yongs su 'dren pa med pa'i nang du/ bdag de bzhin gshegs pa dgra bcom pa yang dag par rdzogs pa'i sangs rgyas su gyur cig ces phyi ma la byang chub par bya ba'i phyir yang dag par rdzogs pa'i sangs rgyas 'od srungs la smon lam btab nas tshangs par spyod pa spyad de/ de dran pa de kun du bsten cing bsgom ste mang du byed do//de dran pa de kun du bsten cing bsgoms te mang du byas pa des phyi ma la mngon par byang chub par bya ba'i phyir yang dag par rdzogs pa'i sangs rgyas 'od srungs la smon lam btab ste/ tshangs par spyod pa spyad nas dga' ldan gyi lha'i ris su skyes so//skyes nas kyang de 'di snyam du sems te/ bdag ni de bzhin gshegs pa dgra bcom pa yang dag par rdzogs pa'i sangs rgyas su 'gyur ro snyam ste/ de dran pa de kun du bsten cing bsgoms te mang du byed do/ /de dran pa de kun du bsten cing bsgoms te mang du byas pa des bltams nas ring po ma lon par dga' ldan gyi ris kyi lha sngar skyes pa rnams las lha'i gnas gsum gyis 'phags te/gsum gang zhe na/ lha'i tshe dang / lha'i kha dog dang / lha'i grags pas 'phags so/ /de 'di snyam du sems te/ bdag ni de bzhin gshegs pa dgra bcom pa yang dag par rdzogs pa'i sangs rgyas su 'gyur ro snyam mo//de ma yin pa'i dga' ldan gyi ris kyi lha rnams kyis kyang 'di ni de bzhin gshegs pa dgra bcom pa yang dag par rdzogs pa'i sangs rgyas su 'gyur bar shes te/ de'i rkyen des bsnyen bkur byed/ bla mar byed/ri mor byed/ mchod par byed de/ de dran pa de kun du bsten cing bsgom ste mang du byed do/ /de dran pa de kun du bsten cing bsgoms te mang du byas pa des dga' ldan kyi lha'i ris su tshe'i tshad ji tsam pa de srid du gnas so/ /gnas nas kyang de 'di snyam du sems te/bdag ni de bzhin gshegs pa dgra bcom pa yang dag par rdzogs pa'i sangs rgyas su 'gyur ro snyam mo/ /de ma yin pa'i dga' ldan gyi ris kyi lha rnams kyis kyang 'di ni de bzhin gshegs pa dgra bcom pa yang dag par rdzogs pa'i sangs rgyas su 'gyur bar shes te/de'i rkyen des bkur sti byed/ bla mar byed/ ri mor byed/ mchod par byed/ de dran pa de kun du bsten cing bsgom ste mang du byed do/ /de dran pa de kun du bsten cing bsgoms te mang du byas pa des dga' ldan gyi lha'i ris nas shi 'phos nas yum gyi lhums su mkhyen bzhin du 'jug ste/'jug ba ni de 'di snyam du sems te/ bdag ni de bzhin gshegs pa dgra bcom pa yang dag par rdzogs pa'i sangs rgyas su 'gyur ro snyam ste/ de dran pa de kun du bsten cing bsgoms te mang du byed do/ /de dran pa de kun du bsten cing bsgoms te mang du byas pa des mkhyen bzhin du yum gyi lhums na gnas shing de 'di snyam du sems te/bdag ni de bzhin gshegs pa dgra bcom pa yang dag par rdzogs pa'i sangs rgyas su 'gyur ro snyam te/ de dran pa de kun du bsten cing bsgom ste mang du byed do/ /de dran pa de kun du bsten cing bsgoms te mang du byas pa des de bzhin du yum gyi lhums nas 'byung ngo //bcom ldan 'das kyis kyang tshe dang ldan pa kun dga' bo la 'di skad ces bka' stsal to/ /kun dga' bo ngas mngon par shes pa/ kye ma 'jig rten long ba 'dren pa med pa/ yongs su 'dren pa med pa'i nang du/ bdag de bzhin gshegs pa dgra bcom pa yang dag par rdzogs pa'i sangs rgyas su gyur cig ces phyi ma la byang chub par bya ba'i phyir yang dag par rdzogs pa'i sangs rgyas 'od srungs la smon lam btab nas tshangs par spyod pa spyad de/nga dran pa de kun du bsten cing bsgom ste mang du byed do/ / kun dga' bo nga dran pa de kun du bsten cing bsgoms te mang du byas pa des phyi ma la byang chub par bya ba'i phyir yang dag par rdzogs pa'i sangs rgyas 'od srungs la smon lam btab ste tshangs par spyod pa spyad de dga' ldan gyi lha'i ris su skyes so/ /skyes nas kyang nga 'di snyam du sems te/ bdag ni de bzhin gshegs pa dgra bcom pa yang dag par rdzogs pa'i sangs rgyas su 'gyur ro snyam ste/ nga dran pa de kun du bsten cing bsgom ste mang du byed do/ /nga dran pa de kun du bsten cing bsgoms te mang du byas pa de bltams nas ring po ma lon par dga' ldan gyi ris kyi lha sngar skyes pa rnams las lha'i gnas gsum gyis 'phags te/gsum gang zhe na/ 'di lta ste/ lha'i tshe dang / lha'i kha dog dang / lha'i grags pas 'phags so/ /nga 'di snyam du sems te/ bdag ni de bzhin gshegs pa dgra bcom pa yang dag par rdzogs pa'i sangs rgyas su 'gyur ro snyam mo//de ma yin pa'i dga' ldan gyi ris kyi lha rnams kyis kyang nga la 'di ni de bzhin gshegs pa dgra bcom pa yang dag par rdzogs pa'i sangs rgyas su 'gyur bar shes te/ de'i rkyen gyis de dag nga la bsnyen bkur byed/ bla mar byed/ ri mor byed/ mchod par byed do//nga dran pa de kun du bsten cing bsgom ste mang du byed do/ /kun dga' bo nga dran pa de kun du bsten cing bsgoms te mang du byas pa des dga' ldan gyi lha'i ris su tshe'i tshad ji tsam pa de srid du gnas so/ /gnas nas kyang nga 'di snyam du sems te/ bdag ni de bzhin gshegs pa dgra bcom pa yang dag par rdzogs pa'i sangs rgyas su 'gyur ro snyam mo//de ma yin pa'i dga' ldan gyi ris kyi lha rnams kyis kyang nga la 'di ni de bzhin gshegs pa dgra bcom pa yang dag par rdzogs pa'i sangs rgyas su 'gyur bar shes te/ de'i rkyen gyis de dag nga la bsnyen bkur byed/bla mar byed/ ri mor byed/ mchod par byed do/ /nga dran pa de kun du bsten cing bsgom ste mang du byed do/ /kun dga' bo nga dran pa de kun du bsten cing bsgoms te mang du byas pa des dga' ldan gyi lha'i ris nas shi 'phos nas yum gyi lhums su shes bzhin du 'jug ste/'jug pa na nga 'di snyam du sems te/ bdag ni de bzhin gshegs pa dgra bcom pa yang dag par rdzogs pa'i sangs rgyas su 'gyur ro snyam ste/ nga dran pa de kun du bsten cing bsgom ste mang du byed do/ /kun dga' bo nga dran pa de kun du bsten cing bsgoms te mang du byas pa des shes bzhin du yum gyi lhums na gnas te/gnas pa na nga 'di snyam du sems te bdag ni de bzhin gshegs pa dgra bcom pa yang dag par rdzogs pa'i sangs rgyas su 'gyur ro snyam ste/ nga dran pa de kun du bsten cing bsgom ste mang du byed do//kun dga' bo nga dran pa de kun du bsten cing bsgoms te mang du byas pa des shes bzhin du yum gyi lhums nas 'byung ste/ byung ba na nga 'di snyam du sems te/ bdag ni de bzhin gshegs pa dgra bcom pa yang dag par rdzogs pa'i sangs rgyas su 'gyur ro snyam ste/ nga dran pa kun du bsten cing bsgom ste mang du byed do/ /kun dga' bo nga dran pa de kun du bsten cing bsgoms te mang du byas pa des yum gyi lhums nas byung nas ring po ma lon par sus kyang ma bzung bar gom pa bdun bor nas/ kun dga' bo nga 'di snyam du sems te/ bdag ni de bzhin gshegs pa dgra bcom pa yang dag par rdzogs pa'i sangs rgyas su 'gyur te/byang chub kyi yan lag bdun 'byung ngo snyam pa de'i snga ltas ni de yin no/ /kun dga' bo nga yum gyi lhums nas byung nas/ ring po ma lon par phyogs bzhir bltas nas nga 'di snyam du sems te/bdag ni de bzhin gshegs pa dgra bcom pa yang dag par rdzogs pa'i sangs rgyas su 'gyur te/ 'phags pa'i bden pa bzhi 'byung ngo snyam pa de'i snga ltas ni de yin no/ /kun dga' bo nga yum gyi lhums nas byung nas ring po ma lon par tshig tu 'di ni bdag gi srid pa rnams kyi nang na skye ba'i tha ma yin no//'di ni bdag gi srid pa rnams kyi nang na skye ba'i tha ma yin no zhes smras nas/ kun dga' bo nga 'di snyam du sems te/ bdag ni de bzhin gshegs pa dgra bcom pa yang dag par rdzogs pa'i sangs rgyas su 'gyur te/rga ba dang / 'chi ba mthar thug par bya'o snyam pa de'i snga ltas ni de yin no/ /kun dga' bo nga yum gyi lhums nas byung nas ring po ma lon par lha rnams par snang las lha'i me tog ut+pal dang / pad+ma dang / ku mu da dang / pad+ma dkar po dang / me tog man+da ra ba rnams 'thor zhing a ga ru'i phye ma dang /tsan+dan gyi phye ma dang / rgya spos kyi phye ma dang / gos rnams 'thor bar gyur nas/ kun dga' bo nga 'di snyam du sems te/ bdag ni de bzhin gshegs pa dgra bcom pa yang dag par rdzogs pa'i sangs rgyas su 'gyur te/ grags par 'gyur zhing bsod nams chen po dang ldan te/ gos dang / zas dang / mal cha dang / stan dang / na ba'i gsos sman dang / yo byad rnams rnyed par 'gyur ro snyam pa de'i snga ltas ni de yin no/ /kun dga' bo nga yum gyi lhums nas byung nas ring po ma lon par lha rnams bar snang las lha'i rol mo'i sgra dag sgrogs par gyur nas/kun dga' bo nga 'di snyam du sems te/ bdag ni de bzhin gshegs pa dgra bcom pa yang dag par rdzogs pa'i sangs rgyas su 'gyur te/ 'jig rten du sgra cher grags par 'gyur ro snyam pa de'i snga ltas ni de yin no/ / kun dga' bo ngas mngon par shes te/ bud med dang mal gcig tu nyal ba na 'di ni bdag gi bud med dang lhan cig du khyim gcig na nyal ba'i tha ma yin no snyam du sems bskyed do/ /kun dga' bo nga mal chen po las 'bab pa na 'di snyam du 'di ni bdag gi mal chen po la gnas pa'i tha ma yin no snyam du sems bskyed do//mal chen po las babs nas btsun mo'i 'khor gyi sgo gal ba der song nas/ kun dga' bo nga la lha rnams sgo 'byed do/ /nga btsun mo'i 'khor nas byung nas khyim gyi phyi sgo ga la ba der song nas/ kun dga' bo nga la lha rnams sgo 'byed do/ /kun dga' bo nga'i khyim gyi phyi sgo nas byung nas grong khyer gyi sgo ga la ba der song nas/kun dga' bo nga la lha rnams grong khyer gyi sgo 'byed do/ /kun dga' bo nga 'di snyam du sems te/ bdag ni de bzhin gshegs pa dgra bcom pa yang dag par rdzogs pa'i sangs rgyas su 'gyur te/ bdud rtsi'i sgo 'byed par 'gyur ro snyam pa de'i snga ltas ni de yin no//kun dga' bo nga rab tu 'byung ba'i phyir rta rin po che bsngags ldan la zhon te/ gzhan gyi yul 'khor dang / gzhan gyi yul du song nas/ kun dga' bo nga rta rin po che bsngags ldan las 'bab pa na 'di ni bdag gi khyim pa'i bzhon pa'i tha ma yin no snyam du sems bskyed do//kun dga' bo ngas lus las rgyan thams cad bkrol te 'dun pa'i lag tu gtad pa na 'di snyam du/ 'di ni bdag gi khyim pa'i rgyan dang / lhab lhub kyi tha ma yin te/ bdag gis phyin chad khyim pa'i rgyan thob par mi bya'o snyam du sems bskyed do//kun dga' bo nges ral gyi ut+pa la'i kha dog lta bus thor tshugs gcod pa na 'di snyam du/ 'di ni bdag gi khyim pa'i thor tshugs 'chang ba'i tha ma yin te/ bdag gis phyin chad khyim na gnas pa'i thor tshugs bcang bar mi bya'o snyam du sems skyed do//kun dga' bo ngas thag ring po kho na zhig nas mi lus la smad g.yogs ngur smrig gon la gos ngur smrig dag bgos shing ngur smrig gis g.yogs pa zhig mthong ngo / /mthong nas kyang nga mi dge la ba der song ste phyin nas mi de las gos ngur smrig dag blangs te gyon la ka shi ba'i gos rnams de la byin pa na 'di snyam du/'di ni bdag gi khyim pa'i gos bcang ba'i tha ma yin te/ bdag gis phyin cad khyim na gnas pa'i gos bcang bar mi bya'o snyam du sems bskyed do/ /kun dga' bo ngas rtswa brnga ba'i mi las rtswa bkra shis ldan dag blangs nas byang chub kyi shing drung ga la ba der song ste phyin nas/bdag nyid kyis rtswa bting ba la skyil mo krung bcas te 'dug nas lus drang por bsrangs te dran pa mngon du bzhag nas/ ngas bla na med pa yang dag par rdzogs pa'i byang chub ma thob kyi bar du skyil mo krung mi bshig go snyam du sems bskyed de tshig tu smras nas/kun dga' bo ngas bla na med pa yang dag par rdzogs pa'i byang chub ma thob kyi bar du skyil mo krung ma bshig go/ /kun dga' bo nga 'di snyam du sems te/ gang bdag gis skye dgu ma rig pa'i nang na 'khod cing ma rig pa la dga' ba dang / ma rig pa'i sgo nga'i sbubs kyi ling tog gis dkris kun nas dkris pa'i mig can rnams kyi nang nas ma rig pa'i sgo nga'i sbubs mngon par brtol te/ /bde legs dang bde bar ma rig pa'i sgo nga'i sbubs nas byung ba ni bdag gis rnyed pa legs par rnyed do snyam mo/ /kun dga' bo nga mngon par rdzogs par sangs rgyas nas ring po ma lon par sems can 'jig rten du skyes pa rnams dang /'jig rten du 'phel ba rnams dang / dbang po rnon po rnams dang / dbang po 'bring rnams dang / dbang po rtul po rnams dang / spu la bab pa rnams dang / gdul sla ba rnams dang / nyon mongs pa shas chung ba rnams dang / nyon mongs pa shas chung ba'i rang bzhin rnams yod de/ de dag gis dam pa'i chos ma thos nas yongs su nyams par 'gyur bar mthong ngo / /mthong nas kyang kun dga' bo ngas sems can de dag la snying rje chen po bskyed de de dag la chos ston to/ / kun dga' bo nga 'di snyam du sems te/ gang nga skye dgu rnyog pa'i nang na 'khod pa'i nang nas rnyog pa med pa'i sems kyis shas cher gnas pa ni ngas rnyed pa legs par rnyed do snyam mo/ /chos mngon pa'i bstan bcos chen po rgyu gdags pa las tshigs bzhi pa'o// //sdom ni/ sras dang rigs dma' dbul po dang / / mtha' 'khob dang ni snga rol dang / /bcu pa dang ni ba lang spyod/ /shar byang bdag gir mi 'dzin dang / /'dod dang gzugs dang nges pa dang / /dgra bcom bde gshegs bzhengs pa dang / /chos gos gnyis ni tshig mi 'gyur/ /ci'i phyir byang chub sems dpa' de ltar sems can thams cad las khyad par du 'phags par gyur nas sras ma skyed par dad pas khyim nas khyim med par legs pa kho nar rab tu byung bar ma gyur zhe na/smras pa/ byang chub sems dpa' ni yun ring po nas sras mnga' bar 'gyur ba'i las 'bras bu yod pa dag byas shing bsags te/rnam par smin par mngon du phyogs shing nye bar 'ongs pa'i phyir ro/ /gzhan yang sras ma skyed par dad pas khyim nas khyim med par legs pa kho nar rab tu 'byung bar mi 'gyur ba 'di ni byang chub sems dpa' gang gA'i klung gi bye ma snyed kyi chos nyid yin no/ /gzhan yang 'dod pa la longs spyod par mi nus so zhes/'phya bar 'gyur ba'i phyir ro/ /ci'i phyir byang chub sems dpa' rigs dma' bar mi skye zhe na/ smras pa/ rigs dma' bar skye ba ni nga rgyal kun tu bsten cing bsgoms te mang du byas pa las 'gyur na/ byang chub sems dpa' ni yun ring po nas nga rgyal med pa kun du bsten cing bsgoms te mang du byas pas na de ni nges par rigs mthon por skye bar 'gyur ro//gzhan yang rigs dma' bar skyes na smod par 'gyur ba'i phyir ro/ /ci'i phyir byang chub sems dpa' dbul po'i khyim du mi skye zhe na/smras pa/ dbul po'i khyim du skye ba ni ser sna kun du bsten cing bsgoms te mang du byas pa las gyur na/ byang chub sems dpas ni yun ring po nas ser sna'i dri ma dang bral ba kun du bsten cing bsgoms te mang du byas pas na de ni nges par phyug po'i khyim du skye bar 'gyur te/des na yid du 'ong ba'i gzugs dang / sgra dang / dri dang / ro dang / reg bya rnams tshegs med par brnyes la/ gzhan dag la yang bgo bsha' mdzad do/ /gzhan yang dbul po'i khyim du skyes na smod par 'gyur ba'i phyir ro/ /ci'i phyir byang chub sems dpa' mtha' 'khob kyi mi rkun ma kla klo rnams kyi nang du mi skye zhe na/smras pa/ mtha' 'khob kyi mi rnams ni tshul khrims kyis phongs pa dang / lta bas phongs pa dang ldan pa yin pas de dag dang byang chub sems dpa' lhan cig tu mtshungs mnyam par 'gyur du 'ong ste/ byang chub sems dpa' ni yun ring po nas dbang che bar grags par 'gyur ba'i las 'bras bu yod pa dag byas shing bstsags te/rnam par smin pa mngon du phyogs shing nye bar 'ongs pas na de ni nges par yul chen por skye bar 'gyur te/ de der sems can dbang che bar grags shing sems can dbang po rno la dag pa rnams dang lhan cig phrad par 'gyur la/de na ni 'di lta ste/ bla na med pa yang dag par rdzogs pa'i byang chub dang / rang sangs rgyas kyi byang chub dang / nyan thos kyi pha mthar phyin pa'i zag pa med pa'i dge ba rgya che zhing mchog tu gyur pa rnams dang / de ma yin pa'i zag pa med pa'i dge ba'i rtsa ba mchog tu gyur pa rnams kyang skye ba med pa'i phyir ro//ci'i phyir byang chub sems dpa' mi rnams kyi tshe lo brgyad khri thub pa'i snga rol bskal pa dang po'i mi rnams kyi nang du mi skye zhe na/ smras pa/ bskal pa dang po'i mi rnams ni dbang po rtul zhing bya ba la mi gsal te rmun pa'i rang bzhin can yin pas de dag dang byang chub sems dpa' lhan cig tu mtshungs mnyam par 'gyur du 'ong ste/byang chub sems dpas ni yun ring po nas dbang che bar grags par 'gyur ba'i las 'bras bu yod pa dag byas shing bstsags te/ rnam par smin par mngon du phyogs shing nye bar 'ongs pas na de ni nges par rigs chen por skye bar 'gyur te/de der sems can dbang che bar grags shing sems can dbang po rno la dag pa rnams dang lhan cig phrad par 'gyur la/ de na ni zag pa med pa'i dge ba rnams skye ba gtan med pa'i phyir ro/ /ci'i phyir byang chub sems dpa' tshe lo bcu thub pa'i mi rnams kyi nang du mi skye zhe na/smras pa/ tshe lo bcu thub pa'i mi rnams ni las shas che ba dang / nyon mongs pa shas che ba yin pas de dag dang byang chub sems dpa' lhan cig tu mtshungs mnyam par 'gyur du 'ong ste/ byang chub sems dpas ni yun ring po nas dbang che bar grags par 'gyur ba'i las 'bras bu yod pa dag byas shing bstsags te/rnam par smin par mngon du phyogs shing nye bar 'ongs pa sna de ni nges par rigs chen por skye bar 'gyur te/ de der sems can dbang che bar grags shing sems can dbang po rno la dag pa rnams dang lhan cig phrad par 'gyur la/de na ni zag pa med pa'i dge ba rnams skye ba gtan med pa'i phyir ro/ /ci'i phyir byang chub sems dpa' nub kyi ba lang spyod kyi gling du mi skye zhe na/ smras pa/ nub kyi ba lang spyod kyi mi rnams ni dbang po rtul zhing bya ba la mi gsal te/ ha cang rmun pa'i rang bzhin can yin pas de dag dang byang chub sems dpa' lhan cig tu mnyam par 'gyur du 'ong ste/byang chub sems dpas ni yun ring po nas dbang che bar grags par 'gyur ba'i las 'bras bu yod pa dag byas shing bstsags te/ rnam par smin par mngon du phyogs shing nye bar 'ongs pas na de ni nges par gling chen por skye bar 'gyur te/de der sems can dbang che bar grags shing sems can dbang po rno la dag pa rnams dang lhan cig 'phrad par 'gyur la/ de na ni 'di lta ste/ bla na med pa yang dag par rdzogs pa'i byang chub dang / rang sangs rgyas kyi byang chub dang / nyan thos kyi pha mthar phyin pa'i zag pa med pa'i dge ba rgya che zhing mchog tu gyur pa de lta bu dag dang /de ma yin pa'i zag pa med pa'i dge ba'i rtsa ba mchog tu gyur pa rnams kyang skye ba med pa'i phyir ro/ /ci'i phyir byang chub sems dpa' shar gyi lus 'phags kyi gling du mi skye zhe na/rgyas par nub kyi ba lang spyod bzhin du brjod par bya'o/ /ci'i phyir byang chub sems dpa' byang gi sgra mi snyan gyi gling du mi skye zhe na/ smras pa/ byang gi sgra mi snyan gyi mi rnams ni dbang po rtul zhing bya ba la mi gsal te/ ha cang rmun ches pa'i rang bzhin can yin la/yul gtso bor byed pa yin pas de dag dang byang chub sems dpa' lhan cig tu mtshungs mnyam par 'gyur du 'ong ste/ byang chub sems dpas ni yun ring po nas dbang che bar grags par 'gyur ba'i las 'bras bu yod pa dag byas shing bstsags te/ rnam par smin par mngon du phyogs shing nye bar 'ongs pas na de ni nges par gling chen por skye bar 'gyur te/ de der sems can dbang che bar grags shing sems can dbang po rno la dag pa rnams dang lhan cig phrad par 'gyur la/ de na ni 'di lta ste/ zag pa med pa'i dge ba'i rtsa ba rnams gtan skye ba med pa dang /gzhan yang byang gi sgra mi snyan gyi mi rnams ni bdag gir 'dzin pa med cing yongs su 'dzin pa med pa'i phyir ro/ /ci'i phyir byang gi sgra mi snyan gyi mi rnams bdag gir mi 'dzin cing yongs su mi 'dzin zhe na/ yul rnams mang la mnyam ste/ de dag gi yul yangs la yid du 'ong ba'i phyir ro/ /ci'i phyir byang chub sems dpa' 'dod pa na spyod pa'i lha rnams kyi nang du mi skye zhe na/ smras pa/ 'dod pa na spyod pa'i lha rnams ni bag med cing dga' ba'i shas che la yul la spyod pa yin pas de dag dang byang chub sems dpa' lhan cig tu mtshungs mnyam par 'gyur du 'ongs pa dang /tshangs par spyod pa phyogs gcig par 'gyur te/ 'di lta ste/ dge slong dang / dge slong ma dang / dge bsnyen dang / dge bsnyen ma'i 'khor bzhi med pa'i phyir dang / tshangs par spyod pa rgyas shing skye bo mang po rgya chen po nas lha dang mi rnams kyi bar du yang dag par legs par bstan pa yang med pa'i phyir te/de bas na zhes bya ba nas rgyas par sbyar ro/ /ci'i phyir byang chub sems dpa' gzugs na spyod pa'i lha rnams kyi nang du mi skye zhe na/ smras pa/ der yongs su mya ngan las 'das pa'i chos can du 'gyur ba dang /tshangs par spyod pa phyogs gcig par 'gyur te/ 'di lta ste/ dge slong gi 'khor nas dge bsnyen ma'i bar gyi 'khor gyi 'khor bzhi med par 'gyur ba dang tshangs par spyod pa rgyas par mi 'gyur te/ skye bo mang po rgya chen po nas gzhan 'dod pa na spyod pa'i lha rnams la yang dag par legs par bstan pa yang med la/gzugs na spyod pa rnams la ni nges pa la 'jug pa yang med pa'i phyir ro/ /ci'i phyir gzugs na spyod pa'i lha rnams la nges pa la 'jug pa med ce na/ smras pa/ skye bar 'gyur ba'i gnas gang yid la byas na yang dag pa'i nges pa la 'jug par 'gyur ba de lta bu med pa'i phyir ro//ci dge ba'i sems kyis yongs su mya ngan las 'da' zhes bya'am/ 'on te lung du ma bstan pa'i sems kyis yongs su mya ngan las 'da' zhes bya zhe na/ smras pa/ lung du ma bstan pa'i sems kyis yongs su mya ngan las 'da' zhes bya'o//ci'i phyir sangs rgyas bcom ldan 'das rnams bzhugs te 'tsho zhing gzhes bzhin du thog mar nyan thos bzang po zung yongs su mya ngan las 'da' la/ de'i 'og tu sangs rgyas bcom ldan 'das rnams yongs su mya ngan las 'da' zhe na/ smras pa/ tshe dang ldan pa de gnyis kyis yun ring po nas ston pa dang 'bral bar mi 'gyur ba'i las 'bras bu yod pa dag byas shing bstsags te/rnam par smin par mngon du phyogs shing nye bar 'ongs pa'i phyir te/ gal te bcom ldan 'das kyi 'og tu yongs su mya ngan las 'da' bar 'gyur na de dag gi 'bras bu med cing rnam par smin pa med par 'gyur ba'i phyir ro//gzhan yang sngar nyan thos bzang po zung yongs su mya ngan las 'da' la/ de'i 'og tu sangs rgyas bcom ldan 'das rnams yongs su mya ngan las 'da' bar 'gyur ba 'di ni yang dag par rdzogs pa'i sangs rgyas gang gA'i klung gi bye ma snyed kyi chos nyid yin no//sangs rgyas bcom ldan 'das spyan dang ldan pa bsam gtan bzhi pa la snyoms par zhugs pa ni mi g.yo bzhi ba la brten nas yongs su mya ngan las 'das so zhes 'byung ba de la/ ci bcom ldan 'das snyoms par zhugs bzhin du yongs su mya ngan las 'das sam/'on te bzhengs nas yongs su mya ngan las 'da' zhe na/ smras pa/ bzhengs nas bcom ldan 'das yongs su mya ngan las 'das te/ snyoms par zhugs bzhin du ma yin no/ /ci'i phyir bcom ldan 'das yongs su mya ngan las 'das nas zhugs la bzhen pa na nang dang phyi rol gyi chos gos gnyis ma tshig ce na/smras pa/ lha'i mthu las gyur te/ lha gang dag bcom ldan 'das la mngon par dga' ba de dag gi mthu ni de yin no/ /gzhan yang rnam pa gnyis bsrung ba'i phyir ma tshig ste/ sku gdung bsrung ba dang /sku'i sha bsrung ba'i phyir ro/ /de la nang gi ni sku gdung bsrung ba'i phyir ma tshig go/ /phyi rol gyi ni sku'i sha bsrung ba'i phyir ma tshig go/ /chos mngon pa'i bstan bcos chen po rgyu gdags pa las tshigs lnga pa'o// //sdom ni/ gnyis dang rang rgyal zung gnyis dang //bud med gsum dang stong gsum dang / /snying rje dang ni byams pa dang / /sems med gnyis dang rjes 'brang dang / /pho nya rgal ba tha ma dang / /sems can rnams las khyad par 'phags/ /gshin rje dang ni sa srung bu/ /rab brtan dang ni dmyal ba pa//ci'i phyir skyes bu chen po'i mtshan dang ldan pa gnyis yod pa las gcig ni 'khor los sgyur ba'i rgyal po mtha' bzhir rgyal bar 'gyur la/ gcig ni de bzhin gshegs pa dgra bcom pa yang dag par rdzogs pa'i sangs rgyas su 'gyur zhe na/ smras pa/ 'khor los sgyur ba'i rgyal pos ni sngon gyi srid pa zhes bya ba nas rgyas par sbyar te/yun ring po nas kye ma bdag 'khor los sgyur ba'i rgyal po mtha' bzhir rgyal bar gyur cig ces de ltar sems bskyed nas sbyin pa dag byin zhing bsod nams dag byas te/ gso sbyong blangs nas tshul khrims yang dag par blangs te gnas pas/de las de dang / yang dag par blangs pa de lta bu dang / yang dag par bzung ba de lta bu dang / smon lam des de'i tshe de nyid de'i rgyur 'gyur te/ 'khor los sgyur ba'i rgyal po mtha' bzhir rgyal bar 'gyur ro/ /sangs rgyas bcom ldan 'das kyis ni sngon gyi srid pa zhes bya ba nas rgyas par sbyar te/yun ring po nas kye ma bdag 'jig rten mun nag 'dren pa med cing yongs su 'dren pa med pa'i nang du/ de bzhin gshegs pa dgra bcom pa yang dag par rdzogs pa'i sangs rgyas su gyur cig ces de ltar sems bskyed nas sbyin pa dag byin zhing bsod nams dag byas te/gso sbyong blangs nas tshul khrims yang dag par blangs te gnas pas de las de dang / yang dag par blangs pa de lta bu dang / yang dag par bzung ba de lta bu dang / smon lam des srid pa tha mar de nyid de'i rgyur gyur te/ khyim nas khyim med par rab tu byung ste/ rgyu des na skyes bu chen po'i mtshan dang ldan pa gnyis yod pa las gcig ni 'khor los sgyur ba'i rgyal po mtha' bzhir rgyal bar 'gyur la/ gcig ni de bzhin gshegs pa dgra bcom pa yang dag par rdzogs pa'i sangs rgyas su 'gyur ro/ / ci'i phyir sangs rgyas rnams dang / rang sangs rgyas rnams dus skabs gcig tu mi 'byung zhe na/ smras pa/ tshe dang ldan pa de dag gis yun ring po nas dbang che bar grags par 'gyur ba'i las 'bras bu yod pa dag byas shing bstsags te/ rnam par smin par mngon du phyogs shing nye bar 'ong ba'i phyir te/gal te de dag phrad par 'gyur na ni de lta na de dag kyang don med par 'gyur la/ gzhan yang tshe dang ldan pa de dag ni su la yang mi 'dud la/ tshe dang ldan pa de dag la ni gong du bya ba ci yang med de/ gang gi don du tshe dang ldan pa de dag bcom ldan 'das la blta ba dang / bsnyen bkur bya ba'i phyir thad du 'gro ba med pa'i phyir ro/ /de bas na sangs rgyas rnams dang / rang sangs rgyas rnams dus gcig tu phrad par mi 'gyur ro/ /ci'i phyir dus gcig tu 'khor los sgyur ba'i rgyal po gnyis 'jig rten du mi 'byung zhe na/ smras pa/ 'khor los sgyur ba'i rgyal pos ni sngon gyi srid pa zhes bya ba nas rgyas par sbyar te/yun ring po nas gdugs gcig pa thob par 'gyur ba'i las rnams byas shing bstsags pa dang / rgyal srid gcig pa thob pa'i las rnams dang / rgyal tshab gcig pa thob par 'gyur ba'i las rnams dang /'khor los sgyur ba gcig pa thob par 'gyur ba'i las rnams dang / rgyal phran du bkur ba rnams kyis bkur bar 'os pa gcig par 'gyur ba'i las rnams byas shing bsags pas de'i tshe 'khor los sgyur ba gnyis pa skye bar 'gyur ba rnam par smin pa'i las mngon du phyogs shing nye bar 'ongs pa med de/ci'i phyir zhe na/ smras pa/ dkon pa'i phyir te/ de bas na dus gcig tu 'khor los sgyur ba gnyis 'jig rten du mi 'byung ngo / /ci'i phyir de bzhin gshegs pa dgra bcom pa yang dag par rdzogs pa'i sangs rgyas gnyis dus gcig tu 'jig rten du mi 'byung zhe na/smras pa/ byang chub sems dpa' ni sngon gyi srid pa zhes bya ba nas rgyas par sbyar te/ yun ring po nas ston pa gcig pa thob par 'gyur ba'i las rnams byas shing bsags pa dang / sgrol ba gcig par 'gyur ba rnams dang / grol bar byed pa gcig par 'gyur ba rnams dang /'dren pa gcig par 'gyur ba rnams dang / mkhas pas bkur ba rnams kyis bkur bar 'os par 'gyur ba'i las rnams byas shing bstsags pas/ de'i tshe de bzhin gshegs pa gnyis pa skye bar 'gyur ba rnam par smin pa'i las mngon du phyogs shing nye bar 'ong ba med do//de ci'i phyir zhe na/ smras pa/ dkon pa'i phyir te/ de bas na de bzhin gshegs pa dgra bcom pa yang dag par rdzogs pa'i sangs rgyas gnyis dus gcig tu 'jig rten du mi 'byung ngo / /ci'i phyir bud med kyis 'khor los sgyur ba'i rgyal po mi byed/brgya byin du 'gyur ba dang / tshangs par 'gyur ba dang / bdud du 'gyur ba dang / rang byang chub dang / bla na med pa yang dag par rdzogs pa'i byang chub mngon par rdzogs par 'tshang rgya bar mi byed ce na/ smras pa/ skyes pa dang / bud med kyi 'dun pa rnam par gzhag cing las dang dbang po rnam par gzhag nas skyes pa'i 'dun pa ches che'i bud med kyi ni de lta ma yin pa dang /skyes pa las byed pa ches stobs dang ldan gyi/ bud med kyi ni de lta ma yin pa dang / skyes pa ches dbang po rno'i bud med ni de lta ma yin pa dang / gnas de dag kyang 'dun pa chen po dang / las stobs dang ldan pa dang / dbang po rno ba rnams kyis thob par 'gyur te/ de bas na bud med kyis 'khor los sgyur ba'i rgyal po mi byed/ brgya byin du 'gyur ba dang / tshangs par 'gyur ba dang / bdud du 'gyur ba dang / rang byang chub dang / bla na med pa yang dag par rdzogs pa'i byang chub mngon par rdzogs par 'tshang rgya bar mi byed kyi skyes pa kho nas byed do//ci'i phyir sangs rgyas bcom ldan 'das rnams ye shes mtha' yas pa dang / shes rab mtha' yas pa dang / spobs pa mtha' yas pa dang ldan zhe na/ smras pa/ byang chub sems dpas ni yun ring po nas thos pa las byung byung ba dang /bsams pa las byung ba dang / bsgoms pa las byung ba'i shes rab gsum kun du bsten cing bsgoms te mang du byas pa dang / bsgoms pa'i shes rab kyis shas cher 'bad pa drag po byas te/ rgyu des na sangs rgyas bcom ldan 'das rnams ye shes mtha' yas pa dang / shes rab mtha' yas pa dang / spobs pa mtha' yas pa dang ldan no/ /sangs rgyas bcom ldan 'das kyis stong gsum gyi stong chen po'i 'jig rten gyi khams su ji ltar gsung gis go bar mdzad ce na/ smras pa/ bcom ldan 'das mngon par rdzogs par sangs rgyas nas ring po ma lon par tshangs pa'i 'jig rten du bzhugs te/nye ba dang kun du nye bar mos nas tshigs su bcad pa bka' stsal pa/ brtsam byos mngon par 'byung bar gyis/ /sangs rgyas bstan la brtson par byos/ /'dam bu'i khyim la glang chen bzhin/ /'chi bdag sde ni gzhom par gyis//gang zhig rab tu bag yod par/ /chos 'dul 'di la spyod byed pa/ /skye ba'i 'khor ba rab spangs nas/ /sdug bsngal tha mar 'byin par 'gyur/ /gal te 'jig rten gyi khams re rer sems can re res sgra de thos par gyur na yang / de bzhin gshegs pas stong gsum gyi stong chen po'i 'jig rten gyi khams su gsung gis go bar mdzad ces brjod de//ci'i phyir bcom ldan 'das mngon par rdzogs par sangs rgyas nas ring po ma lon par sems can rnams la thugs rje chen po 'jug ce na/ smras pa/ nyon mongs pas snad cing nyon mongs pas gzir te nyon mongs pa rnam pa sna tshogs kyis gnod par byas la/skyob ba med pa dang / skyabs med pa dang / dpung gnyen med par gzigs pa'i phyir te/ rgyu des na bcom ldan 'das mngon par rdzogs par sangs rgyas nas ring po ma lon par sems can rnams la thugs rje chen po 'jug go//ci'i phyir byang chub sems dpa' byams pa'i snyoms par zhugs pa'i lus la me dang / mtshon dang / dug dang / chus mi tshugs shing bar ma dor 'chi ba med ce na/ smras pa/ gnod pa la mi dga' ba'i ting nge 'dzin yin pa'i phyir ting nge 'dzin de la snyoms par zhugs pa ni gnod pa'i reg pas gnod par mi 'gyur ba dang /mi 'dra ba'i sems kyis 'chi ba'i dus byed pa med de/ rgyu des na byams pa'i snyoms par zhugs pa'i lus la me dang / mtshon dang / dug dang / chus mi tshugs shing bar ma dor 'chi ba med do//ci'i phyir 'du shes med pa'i snyoms par zhugs pa dang / 'gog pa'i snyoms par zhugs pa'i lus la me dang / mtshon dang / dug dang / chus mi tshugs shing bar ma dor 'chi ba med ce na/ smras pa/ gnod pa la mi dga' ba'i ting nge 'dzin yin pa'i phyir ting nge 'dzin de la snyoms par zhugs pa ni gnod pa'i reg pas gnod par mi 'gyur ba dang /sems med pa de la ni 'chi ba'i dus byed pa med de/ rgyu des na zhes bya ba nas rgyas par sbyar ro/ /ci'i phyir 'khor los sgyur ba mngal na gnas pas 'khor los sgyur ba'i ma'i lus la me dang / mtshon dang / dug dang / chus mi tshugs shing bar ma dor 'chi ba med ce na/ smras pa/ 'khor los sgyur ba'i mthu las gyur te/ mthu de ni 'khor los sgyur ba kho na'i yin te/ des na 'khor los sgyur ba mngal na gnas pas 'khor los sgyur ba'i ma'i lus la zhes bya ba nas rgyas par sbyar ro/ /ci'i phyir 'khor los sgyur ba'i lus la me dang /mtshon dang / dug dang / chus mi tshugs shing bar ma dor 'chi ba med ce na/ smras pa/ mi thams cad las khyad par du 'phags te/ 'khor los sgyur bar gyur pa ni mi ji snyed pa de dag las khyad par du 'phags te/ rgyu des na zhes bya ba nas rgyas par sbyar ro//ci'i phyir byang chub sems dpa' lhums na gnas pas byang chub sems dpa'i yum gyi lus la me dang / mtshon dang / dug dang / chus mi tshugs shing bar ma dor 'chi ba med ce na/ smras pa/ byang chub sems dpa'i mthu las gyur te/ mthu de ni byang chub sems dpa' kho na'i yin te/des na byang chub sems dpa' lhums na gnas pas byang chub sems dpa'i yum gyi lus la zhes bya ba nas rgyas par sbyar ro/ /ci'i phyir byang chub sems dpa'i sku la me dang / mtshon dang / dug dang / chus mi tshugs shing bar ma dor 'chi ba med ce na/ smras pa/ sems can thams cad las khyad par du 'phags te/byang chub sems dpa' gyur pa ni sems can ji snyed pa de dag las khyad par du 'phags te/ rgyu des na zhes bya ba nas rgyas par sbyar ro/ /ci'i phyir rgyal po gshin rje'i lus la me dang / mtshon dang / dug dang / chus mi tshugs shing bar ma dor 'chi ba med ce na/smras pa/ gshin rje'i sems can rnams las khyad par du 'phags pa'i phyir te/ rgyu des na rgyal po gshin rje zhes bya ba nas rgyas par sbyar ro/ /ci'i phyir glang po che'i rgyal po sa srung gi bu dang / glang po che rab brtan gyi lus la me dang / mtshon dang / dug dang / chus mi tshugs shing bar ma dor 'chi ba med ce na/smras pa/ dud 'gro'i skye gnas pa'i sems can rnams las khyad par du 'phags pa'i phyir te/ rgyu des na zhes bya ba nas rgyas par sbyar ro/ /ci'i phyir sems can dmyal ba pa'i sems can gnod pa drag po mi bzad pa dag gis btags pa rnams la bar ma dor 'chi ba med ce na/las kyi rnam par smin pas nye bar brtan pa'i phyir te/ ji srid du de dag gi sdug bsngal myong bar 'gyur ba'i las kyi rnam par smin pa yongs su ma zad kyi bar du bar ma dor 'chi ba med do/ /rgyu des na sems can dmyal ba pa'i sems can gnod pa drag po mi bzad pas btags pa rnams la bar ma dor 'chi ba med do//chos mngon pa'i bstan bcos chen po rgyu gdags pa las tshigs drug pa'o// //rgyu gdags pa/ bam po lnga pa/ gleng gzhi ni mnyan yod na ste/ dge slong dag gsum po dag ni nang gi dri ma dang /nang gi dgra zla dang / nang gi phyir rgol ba dang / nang gi dgra bo yin te/ gsum po gang zhe na/ 'di lta ste/ 'dod chags dang / zhe sdang dang / gti mug rnams so/ /dge slong dag ci'i phyir 'dod chags nang gi dri ma dang / nang gi dgra zla dang / nang gi phyir rgol ba dang / nang gi dgra bo yin zhe na/ dge slong dag dgras ni dgra la yang na ni longs spyod las nyams par byed/ yang na ni gtan du gsod par byed pa kho nar zad na/ de ni de'i rgyu dang / de'i rkyen gyis lus zhig nas shi ba'i 'og tu ngan song ngan 'gro log par lhung ba sems can dmyal ba rnams su skye bar mi 'gyur gyi/dge slong dag gang chags shing 'dod chags kyis zil gyis non te lus kyis nyes par spyod pa spyad cing / ngag dang / yid kyis nyes par spyod par spyad pa de ni lus kyis nyes par spyod pa spyad cing / ngag dang / yid kyis nyes par spyod pa spyad nas rgyu de dang /rkyen des na lus zhig nas shi ba'i 'og tu ngan song ngan 'gro log par lhung ba sems can dmyal ba rnams su skye bar 'gyur ro/ /dge slong dag de lta bas na 'dod chags dang / zhe sdang dang / gti mug ni nang gi dri ma dang / nang gi dgra zla dang / nang gi phyir rgol ba dang /nang gi dgra bo yin no/ /bcom ldan 'das kyis de skad ces bka' stsal te/ bde bar gshegs pas de skad gsungs nas/ ston pas gzhan yang 'di skad ces bka' stsal pa/ chags pa yis ni don mi shes/ /chags pa yis ni chos mi mthong / /mi gang 'dod chags dang du len//de ni mun pa mun nag 'gro/ /'dod chags gnod pa skyed pa ste/ /'dod chags sems ni chags par byed/ /nang nas 'jigs pa skyes gyur pa/ /de ni skye bos mi rtogs so/ /gang gis 'dir ni 'dod spangs nas/ /chags par 'gyur la chags mi byed//pad+ma las ni chu thigs bzhin/ /de yi 'dod chags ldog par 'gyur/ /zhe sdang bas ni don mi shes/ /zhe sdang bas ni chos mi mthong / /mi gang zhe sdang dang du len/ /de ni mun pa mun nag 'gro/ /zhe sdang gnod pa skyed pa ste/ /zhe sdang sems ni sdang bar byed/ /nang nas 'jigs pa skyes gyur pa//de ni skye bos mi rtogs so/ /gang gis 'dir ni zhe sdang spangs/ /sdang bar 'gyur la sdang mi byed/ /'bras bu smin pa thag chad bzhin/ /de yi zhe sdang ltung bar 'gyur/ /rmongs pa yis ni don mi shes/ /rmongs pa yis ni chos mi mthong / / mi gang rmongs pa dang du len/ /de ni mun pa mun nag 'gro/ /rmongs pa gnod pa skyed pa ste/ /rmongs pas sems ni rab rmongs byed/ /nang nas 'jigs pa skyes gyur pa/ /de ni skye bos mi rtogs so/ /gang gis 'dir ni rmongs spangs nas/ /rmongs par 'gyur la rmongs mi byed//nyi ma shar ba'i mun pa bzhin/ /de yi gti mug med par 'gyur/ /gang gi chos rnam gsum po 'di/ /ta la'i mgo ltar bcad byas te/ /gtugs nas ring po mi thogs par/ /de ni skye gnas 'gro mi 'gyur/ /de phyir 'dod chags zhe sdang dang / /ma rig pa ni spong byed cing //rig pa skyed pa'i dge slong ni/ /sdug bsngal zad pa thob par 'gyur/ /ci'i phyir 'dod chags kyi shas che bar 'gyur zhe na/ smras pa/ des chags pa mi dge ba'i rtsa ba kun du bsten cing bsgoms te mang du byas pa dang / ma chags pa dge ba'i rtsa ba kun du ma bsten cing ma bsgoms te mang du ma byas pa'i phyir ro//gzhan yang des 'dod pa'i 'du shes dang / 'dod pa'i khams dang / 'dod pa'i rtog pa kun du bsten cing bsgoms te mang du byas pa dang / mngon par 'byung ba'i 'du shes dang / mngon par 'byung ba'i khams dang / mngon par 'byung ba'i rtog pa kun du ma bsten cing ma bsgoms te mang du ma byas pa'i phyir ro/ /gzhan yang des brgyan pa dang / bklubs pa la brtson pa kun du bsten cing bsgoms te mang du byas pa dang / brgyan pa dang / bklubs pa dang bral ba kun du ma bsten cing ma bsgoms te mang du ma byas pa'i phyir ro//gzhan yang des sdug pa'i mtshan ma kun du bsten cing bsgoms te mang du byas pa dang / mi sdug pa'i sems kyi ting nge 'dzin kun du ma bsten cing ma bsgoms te mang du ma byas pa'i phyir ro/ /gzhan yang des dbang po'i sgo rnams ma bsdams pa kun du bsten cing bsgoms te mang du byas pa dang /dbang po'i sgo rnams bsdams pa kun du ma bsten cing ma bsgoms te mang du ma byas pa dang / de bzhin du zas kyi tshod ma rigs pa dang / nam gyi cha stod dang nam gyi cha smad mi nyal ba la mi brtson pa dang /zhi gnas bsgom pa la mi brtson pa dang / lhag mthong bsgom pa la mi brtson pa dang / des rigs pa dang ldan pa ma yin pa yid la byed pa kun du bsten cing bsgoms te mang du byas pa dang / rigs pa dang ldan pa yid la byed pa kun du ma bsten cing ma bsgoms te mang du ma byas pa'i phyir ro//gzhan yang sems can gang dag 'dod chags kyi shas che ba de dag gi nang nas nye zhing du bas nye bar shi 'phros pa rnams yin te de dag kyang gang zhe na/ 'di lta ste/ zlos gar mkhan dang / gar mkhan dang / bzhad gad pa dang / byi dor mkhan dang /tshar mkhan dang / smad 'tshong ma dang / smad 'tshong ma'i gtso mo dang / 'dod pa na spyod pa'i lha rnams te/ rgyu des na 'dod chags kyi shas che bar 'gyur ro/ /ci'i phyir zhe sdang gi shes che bar 'gyur zhe na/ smras pa/ des zhe sdang mi dge ba'i rtsa ba kun du bsten cing bsgoms te mang du byas pa dang /zhe mi sdang ba dge ba'i rtsa ba kun du ma bsten cing ma bsgoms te mang du ma byas pa'i phyir ro/ /gzhan yang des gnod sems kyi 'du shes dang / gnod sems kyi khams dang / gnod sems kyi rtog pa kun du bsten cing bsgoms te mang du byas pa dang / gnod sems med pa'i 'du shes dang / gnod sems med pa'i khams dang / gnod sems med pa'i rtog pa kun du ma bsten cing ma bsgoms te mang du ma byas pa'i phyir ro/ /gzhan yang des gnas ma yin par 'khrug pa kun du bsten cing bsgoms te mang du byas pa dang / byams pa'i sems kyi ting nge 'dzin kun du ma bsten cing ma bsgoms te mang du ma byas pa'i phyir ro/ /gzhan yang des kun nas mnar sems kyi gzhi rnam pa dgu kun du bsten cing bsgoms te mang du byas pa dang / kun nas mnar sems 'dul ba rnam pa dgu kun du ma bsten cing ma bsgoms te mang du ma byas pa'i phyir ro//gzhan yang des dbang po'i sgo rnams ma bsdoms pa kun du bsten cing bsgoms te mang du byas pa dang / dbang po'i sgo rnams bsdams pa kun du ma bsten cing ma bsgoms te/ mang du ma byas pa dang / de bzhin du zas kyi tshod ma rig pa dang /nam gyi cha stod dang / nam gyi cha smad mi nyal ba la mi brtson pa dang / zhi gnas bsgom pa la mi brtson pa dang / lhag mthong bsgom pa la mi brtson pa dang / des rigs pa dang ldan pa ma yin pa yid la byed pa kun du bsten cing bsgoms te mang du byas pa dang / rigs pa dang ldan pa yid la byed pa kun du ma bsten cing ma bsgoms te mang du ma byas pa'i phyir ro//gzhan yang sems can gang dag zhe sdang gi shas che ba de dag gi nang nas/ nye zhing du bas nye bar shi 'phos pa rnams yin pa ste/ de dag kyang gang zhe na/ 'di lta ste/ sbrul dang / sdig pa dang /sbrang rgod mdung gsum pa dang / sbrang rgod mdung gsum pa chen po dang / srin gyi med la stsogs pa ste/ rgyu des na zhe sdang gi shas che bar 'gyur ro/ /ci'i phyir gti mug gi shas che bar 'gyur zhe na/ smras pa/ des gti mug mi dge ba'i rtsa ba kun du bsten cing bsgoms te mang du byas pa dang /gti mug med pa dge ba'i rtsa ba kun tu ma bsten cing ma bsgoms te mang du ma byas pa'i phyir ro/ /gzhan yang des rnam par 'tshe ba'i 'du shes dang / rnam par 'tshe ba'i khams dang / rnam par 'tshe ba'i rtog pa kun du bsten cing bsgoms te mang du byas pa dang /rnam par 'tshe ba med pa'i 'du shes dang / rnam par 'tshe ba med pa'i khams dang / rnam par 'tshe ba med pa'i rtog pa kun du ma bsten cing ma bsgoms te mang du ma byas pa'i phyir ro/ /gzhan yang des lta bar 'gyur ba rnams kun du bsten cing bsgoms te mang du byas pa dang /dge mtshan dang / bkra shis kun du bsten cing bsgom ste mang du byas pa dang / rkyen 'di pa nyid kyi rten cing 'brel par 'byung ba'i rgyud la ma bzhugs pa dang / nye bar len pa'i phung po lnga la 'di lta ste/ 'di ni gzugs so/ / 'di ni gzugs kyi kun 'byung ba'o/ /'di gzugs kyi nub pa'o/ /'di ni tshor ba dang / 'du shes dang / 'du byed dang / rnam par shes pa'o/ /'di ni rnam par shes pa'i kun 'byung ba'o/ /'di ni rnam par shes pa nub pa'o zhes skye ba dang / 'jig pa mthong bas rgyun du mi gnas pa'o//gzhan yang des dbang po'i sgo rnams ma bsdams pa kun du bsten cing bsgoms te mang du byas pa dang / dbang po'i sgo rnams bsdams pa kun du ma bsten cing ma bsgoms te mang du ma byas pa dang / de bzhin du zas kyi tshod ma rig pa dang / nam gyi cha stod dang nam gyi cha smad mi nyal ba la mi brtson pa dang /zhi gnas bsgom pa la mi brtson pa dang / lhag mthong bsgom pa la mi brtson pa dang / des rigs pa dang ldan pa ma yin pa yid la byed pa kun du bsten cing bsgoms te mang du byas pa dang / rigs pa dang ldan pa yid la byed pa kun du ma bsten cing ma bsgoms te mang du ma byas pa'i phyir ro//gzhan yang sems can gang dag gti mug gi shas che ba de dag gi nang nas/ nye zhing du bas nye bar shi 'phos pa rnams yin te/ de dag kyang gang zhe na/ 'di lta ste/ glang po che dang / rta dang / rnga mo dang / bong bu dang / ra dang / ma te dang / ri dgas dang / phag la stsogs pa ste/ rgyu des na gti mug gi shas che bar 'gyur ro/ /ci'i phyir 'dod chags kyi shas che bar mi 'gyur zhe na/ smras pa/ des ma chags pa dge ba'i rtsa ba kun du bsten cing bsgoms te mang du byas pa dang / chags pa mi dge ba'i rtsa ba kun du ma bsten cing ma bsgoms te/mang du ma byas pa'i phyir ro/ /gzhan yang des mngon par 'byung ba'i 'du shes dang / mngon par 'byung ba'i khams dang / mngon par 'byung ba'i rtog pa kun du bsten cing bsgoms te mang du byas pa dang / 'dod pa'i 'du shes dang /'dod pa'i khams dang / 'dod pa'i rtog pa kun du ma bsten cing ma bsgoms te mang du ma byas pa'i phyir ro/ /gzhan yang des brgyan pa dang bklubs pa la brtson pa kun du ma bsten cing ma bsgoms te mang du ma byas pa dang / brgyan pa dang / bklubs pa dang bral ba kun du bsten cing bsgoms te mang du byas pa'i phyir ro//gzhan yang des mi sdug pa'i sems kyi ting nge 'dzin kun du bsten cing bsgoms te mang du byas pa dang / sdug pa'i mtshan ma kun du ma bsten cing ma bsgoms te mang du ma byas pa'i phyir ro/ /gzhan yang des dbang po'i sgo rnams bsdams pa kun du bsten cing bsgoms te mang du byas pa dang /dbang po'i sgo rnams ma bsdams pa kun du ma bsten cing ma bsgoms te mang du ma byas pa dang / de bzhin du zas kyi tshod rig pa dang / nam gyi cha stod dang / nam gyi cha smad mi nyal ba la brtson pa dang /zhi gnas bsgom pa la brtson pa dang / lhag mthong bsgom pa la brtson pa dang / des rigs pa dang ldan pa yid la byed pa kun du bsten cing bsgoms te mang du byas pa dang / rigs pa dang ldan pa ma yin pa yid la byed pa kun du ma bsten cing ma bsgoms te/ mang du ma byas pa'i phyir ro/ /gzhan yang sems can gang dag 'dod chags kyi shas che ba ma yin pa de dag gi nang nas/ nye zhing du bas nye bar shi 'phos pa rnams yin te/ de dag kyang gang zhe na/ 'di lta ste/ drang srong rnams dang / rab tu byung ba rnams dang / khyim bdag rnams dang /gzugs dang / gzugs med pa na spyod pa'i lha rnams te/ rgyu des na 'dod chas kyi shas che bar mi 'gyur ro/ /ci'i phyir zhe sdang gi shas che bar mi 'gyur zhe na/ smras pa/ des zhe mi sdang ba'i dge ba'i rtsa ba kun du bsten cing bsgoms te mang du byas pa dang / zhe sdang mi dge ba'i rtsa ba kun du ma bsten cing ma bsgoms te mang du ma byas pa'i phyir ro/ /gzhan yang des gnod sems med pa'i 'du shes dang / gnod sems med pa'i khams dang / gnod sems med pa'i rtog pa kun du bsten cing bsgoms te mang du byas pa dang / gnod sems kyi 'du shes dang / gnod sems kyi khams dang / gnod sems kyi rnam par rtog pa kun du ma bsten cing ma bsgoms te mang du ma byas pa'i phyir ro/ /gzhan yang des byams pa'i sems kyi ting nge 'dzin kun du bsten cing bsgoms te mang du byas pa dang /gnas ma yin par 'khrugs pa kun du ma bsten cing ma bsgoms te mang du ma byas pa'i phyir ro/ /gzhan yang des kun nas mnar sems 'dul ba rnam pa dgu kun du bsten cing bsgoms te mang du byas pa dang / kun nas mnar sems kyi gzhi rnam pa dgu kun du ma bsten cing ma bsgoms te mang du ma byas pa'i phyir ro//gzhan yang des dbang po'i sgo rnams bsdams pa kun du bsten cing bsgoms te mang du byas pa dang / dbang po'i sgo rnams ma bsdams kun du ma bsten cing ma bsgoms te mang du ma byas pa dang / de bzhin du zas kyi tshod rig pa dang /nam gyi cha stod dang / nam gyi cha smad mi nyal ba la brtson pa dang / zhi gnas bsgom pa la brtson pa dang / lhag mthong bsgom pa la brtson pa dang / des rigs pa dang ldan pa yid la byed pa kun du bsten cing bsgoms te mang du byas pa dang / rigs pa dang ldan pa ma yin pa yid la byed pa kun tu ma bsten cing ma bsgoms te mang du ma byas pa'i phyir ro//gzhan yang sems can gang dag zhe sdang gi shas che ba ma yin pa de dag gi nang nas/ nye zhing du bas nye bar shi 'phos pa rnams yin te/ de dag kyang gang zhe na/ 'di lta ste/ drang srong rnams dang /rab tu byung ba rnams dang / khyim bdag rnams dang / gzugs dang / gzugs med pa na spyod pa'i lha rnams te/ rgyu des na zhe sdang gi shas che bar mi 'gyur ro/ /ci'i phyir gti mug gi shas che bar mi 'gyur zhe na/ smras pa/ des gti mug med pa dge ba'i rtsa ba kun du bsten cing bsgoms te mang du byas pa dang /gti mug mi dge ba'i rtsa ba kun du ma bsten cing ma bsgoms te mang du ma byas pa'i phyir ro/ /gzhan yang des rnam par 'tshe ba med pa'i 'du shes dang / rnam par 'tshe ba med pa'i khams dang / rnam par 'tshe ba med pa'i rtog pa kun du bsten cing bsgoms te mang du byas pa dang /rnam par 'tshe ba'i 'du shes dang / rnam par 'tshe ba'i khams dang / rnam par 'tshe ba'i rtog pa kun du ma bsten cing ma bsgoms te/ mang du ma byas pa'i phyir ro/ /gzhan yang des lta bar gyur pa rnams kun du ma bsten cing ma bsgoms te mang du ma byas pa dang /dge mtshan dang / bkra shis kun du ma bsten cing ma bsgoms te mang du ma byas pa dang / rkyen 'di pa nyid kyi rten cing 'brel bar 'byung ba'i rgyud la zhugs pa dang / nye bar len pa'i phung po lnga la 'di lta ste/ 'di ni gzugs so/ / 'di ni gzugs kyi kun 'byung ba'o/ /'di ni gzugs kyi nub pa'o/ /'di ni tshor ba dang / 'du shes dang / 'du byed dang / rnam par shes pa'o/ /'di ni rnam par shes pa'i kun 'byung ba'o/ /'di ni rnam par shes pa'i nub pa'o zhes skye ba dang / 'jig pa mthong bas rgyun du gnas pa dang /gzhan yang des dbang po'i sgo rnams bsdams pa kun du bsten cing bsgoms te mang du byas pa dang / dbang po'i sgo rnams ma bsdams pa kun du ma bsten cing ma bsgoms te mang du ma byas pa dang / de bzhin du zas kyi tshod rig pa dang / nam gyi cha stod dang / nam gyi cha smad mi nyal ba la brtson pa dang / zhi gnas bsgom pa la brtson pa dang / lhag mthong bsgom pa la brtson pa dang / des rigs pa dang ldan pa yid la byed pa kun du bsten cing bsgoms te mang du byas pa dang / rigs pa dang ldan pa ma yin pa yid la byed pa kun du ma bsten cing ma bsgoms te mang du ma byas pa'i phyir ro//gzhan yang sems can gang dag gti mug gi shes che ba ma yin pa de dag gi nang nas/ nye zhing du bas nye bar shi 'phos pa rnams yin te/ de dag kyang gang zhe na/ 'di lta ste/ drang srong rnams dang / rab tu byung ba rnams dang /khyim bdag rnams dang / gzugs dang / gzugs med pa na spyod pa'i lha rnams te/ rgyu des na gti mug gi shas che bar mi 'gyur ro/ /chos mngon pa'i bstan bcos chen bo rgyu gdags pa las tshigs bdun pa'o// //sdom ni/ mtha' dang dri nga rengs pa dang //gyen du 'byung dang lci dang 'ju/ /'drul dang dbugs rgyu nyin mtshan dang / /nya dang skam sa rus sbal rnams/ /bcom ldan 'das kyis dge slong dag srid pa'i sred pa'i sngon gyi mtha' mi mngon la srid pa'i sred pa 'di nas sngon chad ma byung ba zhig 'di nas phyin chad 'byung ba ma yin te/gang gi rkyen gyis byung ba'i srid pa'i sred pa ni/ mngon pa kho na'o zhes gsungs pa la/ ci yod de mi snang ngam/ 'on te med de mi snang zhe na/ smras pa/ med pa'i phyir mi snang gi /yod pa'i phyir ni ma yin te/ gang gi phyir ma rig pa dang ldan pa'i sems can rnams 'di snyam du sems te bdag cag 'das pa'i dus na byung bar gyur te/bdag cag 'das pa'i dus na ma byung ba ma yin no snyam du sems na ni/ de'i tshe rtag par 'gyur ro/ /gang gi phyir de dag 'di snyam du sems te/ 'das pa'i dus na bdag cag ma byung ngo snyam du sems na ni/de'i tshe chad par lhung bar 'gyur ro/ /'du byed thams cad ni rgyu dang bcas pa yin te/ 'du byed 'di rnams kyi rgyu ni/ sngon gyi 'du byed rnams yin la/ 'du byed de rnams kyi rgyu yang snga rol gyi 'du byed rnams yin na/ gal te sngon gyi mtha' mngon par gyur na dang po'i 'du byed gang yin pa de dag rgyu med pa las byung bar 'gyur ro//ci'i phyir 'dod chags dang ma bral ba shi bar 'gyur te gal te lus mes bsregs na de'i lus las dri nga ba 'byung la/ 'dod chags dang bral ba shi bar 'gyur te/ gal te lus mes bsregs na de'i lus las dri nga ba mi 'byung zhe na/smras pa/ 'dod chags dang ma bral ba 'chi na ni/ mi gtsang ba 'byung zhing khu chu 'byung bar 'gyur te/ de'i mi gtsang bas lus kyi dbang po thams cad du chub par 'gyur te/ gal te mer bsregs na de'i lus las dri nga ba 'byung la/ lha dbang che bar grags pa rnams kyang lus la mchod cing de'i lus kyi dri nga ba bsal ba'i phyir/shas cher spro bar mi byed do/ /'dod chags dang bral ba 'chi na ni/ mi gtsang ba mi 'byung zhing khu chu 'byung bar mi 'gyur te/ de'i lus kyi dbang po thams cad du mi gtsang bas chub par 'gyur ba med de/ gal te de'i lus mer bsregs na de'i lus las dri nga ba mi 'byung la/ lha dbang che bar grags pa rnams kyang lus la mchod cing de'i lus kyi dri nga ba bsal ba'i phyir shas cher spro bar byed de/ rgyu des na zhes bya ba nas rgyas par sbyar ro/ /ci'i phyir 'dod chags dang ma bral ba shi na lus rengs shing mi mnyen par 'gyur la/'dod chags dang bral ba shi ba'i lus ni mnyen zhing rengs par mi 'gyur zhe na/ smras pa/ 'dod chags dang ma bral ba 'chi ba ni rlung lto nas gyen du ldang bas na de'i lus rengs shing mi mnyen no/ /'dod chags dang bral ba 'chi ba ni rlung lto nas gyen du mi ldang bas de'i lus mnyen zhing rengs par mi 'gyur te/rgyu des na zhes bya ba nas rgyas par sbyar ro/ /ci'i phyir 'dod chags dang ma bral ba 'chi ba na rlung lto nas gyen du ldang la/ 'dod chags dang bral ba 'chi ba ni lto nas gyen du mi ldang zhe na/ smras pa/ 'dod chags dang ma bral ba 'chi ba na pha rol gyi skye ba rnams su sems rjes su gtod cing rjes su 'brang ste rjes su rgyug pas na rlung gis de'i mig gnyis 'byed pa dang / 'dzums par 'gyur la/ de'i snying gi nye 'khor du rlung 'gags par 'gyur te/ de ltar na rlung de'i lto nas gyen du ldang ngo //'dod chags dang bral ba 'chi ba na ni/ pha rol gyi skye gnas rnams su sems rjes su mi gtod cing rjes su mi 'brang ste/ rjes su mi rgyug pas na de'i mig rlung gis 'byed pa dang / 'dzums par mi 'gyur la/ de'i lte ba'i nye 'khor du rlung 'gag par 'gyur ro/ / de ltar na rlung de'i lto nas gyen du mi ldang ste/ rgyu des na zhes bya ba nas rgyas par sbyar ro/ /ci'i phyir gson po'i lus yang zhing mnyen la/ shi ste shi bar gyur pa'i lus ni lci zhing mi mnyen zhe na/ smras pa/ shi ste shi bar gyur pa'i khong na 'dug pa'i me'i khams dang / rlung gi khams gnyis 'gags pas na de'i lus lci zhing mi mnyen no//gson po'i ni khong na 'dug pa'i me'i khams dang / rlung gi khams gnyis ma 'gags pas na de'i lus mnyen zhing yang ste/ rgyu des na zhes bya ba nas rgyas par sbyar ro/ /de'i phyir 'tsho zhing gson te 'dug cing sred pas zos pa zhu bar 'gyur la/shi ste shi bar gyur pa'i zhu bar mi 'gyur zhe na/ smras pa/ 'tsho zhing gson te 'dug cing sdod pa ni khong na 'dug pa'i me'i khams dang / chu'i khams dang / rlung gi khams ma 'gags te/ chus ni des zos pa de srul bar byed/ mes ni yongs su tshos par byed/ rlung gis ni glong bar byed pas na des zos pa de zhu bar 'gyur ro/ /shi ste shi bar 'gyur ba ni nang na 'dug pa'i me'i khams dang / chu'i khams dang / rlung gi khams rnams 'gags te/ des zos pa de chu des srul bar mi byed/ mes yongs su tshos par mi byed/rlung gis rnam par glong bar mi byed pas na des zos pa de zhu bar mi 'gyur te/ rgyu des na zhes bya ba nas rgyas par sbyar ro/ /ci'i phyir 'tsho zhing gson la 'dug cing sdod pa'i lus mi 'drul la/ shi ste shi bar gyur pa'i lus 'drul bar 'gyur zhe na/ smras pa/ 'tsho zhing gson te 'dug cing sdod pa ni khong na 'dug pa'i me'i khams dang / rlung gi khams gnyis ma 'gags te/ de'i mthun pa'i chu'i khams de zad par byed pas na de'i lus mi 'drul lo/ /shi ste shi bar 'gyur ba'i ni khong du 'dug pa'i me'i khams dang / rlung gi khams 'gags te/de'i mthun pa'i chu'i khams de zad par mi byed pas na de'i lus 'drul bar 'gyur te/ rgyu des na zhes bya ba nas rgyas par sbyar ro/ /ci'i phyir 'tsho zhing gson te/ 'dug cing sdod pa la dbugs rngub pa dang / dbugs 'byung ba yod la/ shi ste shi bar gyur pa la med ce na/smras pa/ dbugs rngub pa dang / dbugs 'byung ba rnams sems la rag las pa yin te/ 'tsho zhing gson te 'dug cing sdod pa'i lus sems dang bcas pa yin la/ shi ba'i lus ni sems med de/ rgyu des na zhes bya ba nas rgyas par sbyar ro/ /ci'i phyir 'ug pa rnams mtshan mo mthong la nyin mo mi mthong zhe na/smras pa/ 'ug pa rnams kyi mig gi mi'u ni dmar te/ de la ni mtshan mo mi gnod la nyin mo gnod de/ rgyu des na zhes bya ba nas rgyas par sbyar ro/ /ci'i phyir mi rnams nyin mo mthong la mtshan mo mi mthong zhe na/ smras pa/ mi rnams kyi mig gi mi'u gnag ste/ de la nyin mo mi gnod la mtshan mo gnod de/ rgyu des na zhes bya ba nas rgyas par sbyar ro/ /ci'i phyir rta dang khyi rnams mtshan mo yang mthong la nyin mo yang mthong zhe na/ smras pa/ rta dang khyi rnams kyi mig gi mi'u ser smug tu 'dug ste/ de la nyin mo yang mi gnod mtshan mo yang mi gnod de/rgyu des na zhes bya ba nas rgyas par sbyar ro/ /ci'i phyir nya rnams chu'i nang nas mthong la skam sar mi mthong zhe na/ smras pa/ nya rnams kyi mig gi mi'u tshil las grub pa yin te/ de la ni chu mi gnod la skam sa gnod de/ rgyu des na nya rnams chu'i nang na mthong la skam sar mi mthong ngo / /ci'i phyir mi rnams kyi mig la skam sa mi gnod la chu gnod ce na/ smras pa/ mi rnams kyi mig gi mi'u chu bur yin pas skam sa mi gnod la/ chu gnod de/ rgyu des na zhes bya ba nas rgyas par sbyar ro/ /ci'i phyir rus sbal dang /sbal ba dang / sbal ba dkar po dang / srog chags bu lu ka la sogs pa chu'i nang na yang mthong la/ skam sa la yang mthong zhe na/ smras pa/ rus sbal dang / sbal ba dang / sbal ba dkar po dang / srog chags bu lu ka la sogs pa'i mig gi mi'u rus pa las grub pa yin pas/chu yang mi gnod skam sa yang mi gnod de/ rgyu des na zhes bya ba nas rgyas par sbyar ro/ /chos mngon pa'i bstan bcos chen po rgyu gdags pa las tshigs brgyad pa'o// //sdom ni/ gnyid dang gtum dang rgod pa dang / /smra 'dod smra nyung yid gzhungs pa/ / 'dzin pa dang ni dran pa dang / /nyon mongs pa dang rtog pa myur/ /ci'i phyir gnyid che bar 'gyur zhe na/ smras pa/ des gnyid kun du bsten zhing bsgoms te mang du byas pa dang des snang ba'i 'du shes kyang kun du ma bsten zhing ma bsgoms te mang du ma byas pa'i phyir ro/ /gzhan yang sems can gang dag gnyid che ba rnams kyi nang nas nye zhing du bas nye bar shi 'phos pa rnams yin te/de dag kyang gang zhe na/ 'di lta ste/ sbrul dang / sbrul po che dang / klu dang / bam sgo da rnams te/ rgyu des na gnyid che bar 'gyur ro/ /ci'i phyir gnyid che bar mi 'gyur zhe na/smras pa/ des snang ba'i 'du shes kun du bsten zhing bsgoms te mang du byas pa dang / des rmugs pa dang / gnyid kun du ma bsten zhing ma bsgoms te mang du ma byas pa'i phyir ro/ /gzhan yang sems can gang dag gnyid mi che ba rnams kyi nang nas nye zhing du bas nye bar shi 'phos pa rnams yin te/de dag kyang gang zhe na/ 'di lta ste/ drang srong rnams dang / rab tu byung ba rnams dang / khyim bdag rnams dang / gzugs dang / gzugs med pa na spyod pa'i lha rnams te/ rgyu des na gnyid che bar mi 'gyur ro/ /ci'i phyir gtum par 'gyur zhe na/smras pa/ des gtum pa kun du bsten zhing bsgoms la mang du byas te/ 'di lta ste/ dbyug pa kun du spyad pa dang / mtshon cha kun du spyad pa dang / lag cha kun du spyad pa dang / nges gtum pa med pa kun du ma bsten zhing ma bsgoms la mang du ma byas te/ 'di lta ste/ dbyug pa med pa kun du ma spyad pa dang / mtshon cha med pa kun du spyad pa dang / lag cha med pa kun du ma spyad pa'o/ /gzhan yang sems can gang dag gtum pa rnams kyi nang nas nye zhing du bas nye bar shi 'phos pa rnams yin te/ de dag kyang gang zhe na/ 'di lta ste/ lug gsod pa rnams dang /bya pa rnams dang / nya pa rnams dang / ri dgas kyi rngon pa rnams dang / chom rkun pa rnams dang / gshed ma rnams dang / 'thab gcugs byed pa rnams dang / rta dang glang po che 'dul ba rnams dang / gnod pa byed pa rnams dang / btson srung rnams te/ rgyu des na gtum por 'gyur ro//ci'i phyir gtum por mi 'gyur zhe na/ smras pa/ des mi gtum pa kun du bsten zhing bsgoms la mang du byas te/ 'di lta ste/ dbyug pa kun du ma spyad pa dang / mtshon cha kun du ma spyad pa dang / lag cha kun du ma spyad pa dang / des gtum pa kun du ma bsten zhing ma bsgoms la mang du ma byas te/'di lta ste/ dbyug pa med pa kun du spyad pa dang / mtshon cha med pa kun du spyad pa dang / lag cha med pa kun du spyad pa'o/ /gzhan yang sems can gang dag gtum pa ma yin pa rnams kyi nang nas/ nye zhing du bas nye bar shi 'phos pa rnams yin te/ 'di lta ste/drang srong rnams dang / rab tu byung ba rnams dang / khyim bdag rnams dang / gzugs dang / gzugs med pa na spyod pa'i lha rnams te/ rgyu des na gtum par mi 'gyur ro/ /ci'i phyir rgod bag can du 'gyur zhe na/ smras pa/ des rgod pa kun du bsten zhing bsgoms te mang du byas pa dang /de zhi gnas kun du ma bsten zhing ma bsgoms te mang du ma byas pa'i phyir ro/ /gzhan yang sems can gang dag rgod bag can rnams kyi nang nas nye zhing du bas nye bar shi 'phos pa rnams yin te/ de dag kyang gang zhe na/ zlos gar mkhan dang / gar mkhan dang /bzhad gad pa dang / byi dor mkhan dang / tshar mkhan dang / smad 'tshong ma dang / smad 'tshong ma'i gtso mo dang / 'dod pa na spyod pa'i lha rnams te/ rgyu des na rgod bag can du 'gyur ro/ /ci'i phyir rgod bag can du mi 'gyur zhe na/ smras pa/ des zhi gnas kun tu bsten zhing bsgoms te mang du byas pa dang /des rgod pa kun du ma bsten zhing ma bsgoms te mang du ma byas pa'i phyir ro/ /gzhan yang sems can rgod bag can ma yin pa rnams kyi nang nas/ nye zhing du bas nye bar shi 'phos pa rnams yin te/ de dag kyang gang zhe na/ 'di lta ste/ drang srong rnams dang /rab tu byung ba rnams dang / khyim bdag rnams dang / gzugs dang / gzugs med pa na spyod pa'i lha rnams te/ rgyu des na rgod bag can du mi 'gyur ro/ /ci'i phyir smra 'dod par 'gyur zhe na/ smras pa/ des mang du smra ba kun du bsten zhing bsgoms te mang du byas pa dang / des smra ba nyung ba kun du ma bsten zhing ma bsgoms te mang du ma byas pa'i phyir ro/ /gzhan yang sems can gang dag smra 'dod pa rnams kyi nang nas nye zhing du bas nye bar shi 'phros pa rnams yin te/ de dag kyang gang zhe na/ 'di lta ste/ ne tso dang / ri skegs dang / lcung ka dang / khrung khrung dang khu byug la sogs pa ste/rgyu des na smra 'dod par 'gyur ro/ /ci'i phyir smra 'dod par mi 'gyur zhe na/ smras pa/ des smra ba nyung ba kun du bsten zhing bsgoms te mang du byas pa dang / des mang du smra ba kun du ma bsten zhing ma bsgoms te mang du ma byas pa'i phyir ro/ / gzhan yang sems can gang dag smra 'dod pa ma yin pa rnams kyi nang nas/ nye zhing du bas nye bar shi 'phos pa rnams yin te/ de dag kyang zhe na/ 'di lta ste/ drang srong rnams dang / rab tu byung ba rnams dang / khyim bdag rnams dang / gzugs dang / gzugs med pa na spyod pa'i lha rnams te/rgyu des na smra 'dod par mi 'gyur ro/ /ci'i phyir yid rtul por 'gyur zhe na/ smras pa/ des thos pa nyung ba kun du bsten zhing bsgoms te mang du byas pa dang / des thos pa kun du ma bsten zhing ma bsgoms te mang du ma byas pa dang / 'jig rten na bshad pa tha dad pa'i rnam pa gang yin pa de dag rgyas par ma bslabs shing kha ton du ma byas te/rgyu des na yid rtul por 'gyur ro/ /ci'i phyir yid rtul por mi 'gyur zhe na/ smras pa/ des thos pa mang ba kun du bsten zhing bsgoms te mang du byas pa dang / des thos pa nyung ba kun du ma bsten zhing ma bsgoms te mang du ma byas pa'i phyir ro//gzhan yang 'jig rten na bshad pa tha dad pa'i rnam pa gang yin pa de dag des rgyas par bslabs shing kha ton du byas pa'i phyir ro/ /gzhan yang bram ze 'don du 'jug pa rnams las shi 'phos pa'am/ dge slong kha ton 'don du 'jug pa rnams las shi 'phos te/rgyu des na yid rtul bar mi 'gyur ro/ /gzhan yang smra ba nyung ba rnam pa gnyis te/ ngan pa dang / khyad par du 'phags pa'o/ /smra ba nyung ba ngan pa'i rnam pa ni gang dag yin/ rtags ni gang dag yin/ mtshan ma ni gang dag yin zhe na/ smras pa/ sems can gang dag lci zhing dbang che bar grags pa yin la bla ma 'di lta ste/ pha'am/ ma'am/ slob dpon nam/ mkhan po'am/ bla ma lta bu gang yang rung ba la ma bsten pa 'di dag ni smra ba nyung ba ngan pa'i rnam pa yin no/ /'di dag ni rtags yin no/ /'di dag ni mtshan ma yin no//smra ba nyung ba khyad par du 'phags pa'i rnam pa ni gang dag yin/ rtags ni gang dag yin/ mtshan ma ni gang dag yin zhe na/ smras pa/ sems can gang dag lci zhing dbang che bar grags pa yin la/ bla ma 'di lta ste/ pha'am/ ma'am/ slob dpon nam/ mkhan po'am bla ma lta bu gang yang rung ba la brten pa 'di dag ni/smra ba nyung ba khyad par du 'phags pa'i rnam pa yin no/ /rtags ni 'di dag yin no/ /mtshan ma ni 'di dag yin no/ /ci'i phyir ldob skye pa dang ldan la blo dang mi ldan zhe na/ smras pa/ chos rnams la kun chub par byed pa la mkhas la nye bar brtag pa mang du mi byed de/rgyu des na ldob skyen pa dang ldan la blo dang mi ldan par 'gyur ro/ /ci'i phyir blo dang mi ldan la ldob skyen pa dang mi ldan zhe na/ smras pa/ chos rnams la kun chub par byed pa la yang mi mkhas la nye bar brtag pa yang mang du mi byed de/rgyu des na blo dang yang mi ldan la/ ldob skyen pa dang yang mi ldan no/ /ci'i phyir ldob skyen pa dang yang ldan la/ blo dang yang ldan zhe na/ smras pa/ chos rnams la kun chub par byed pa la yang mkhas la/ nye bar brtag pa yang mang du byed de/ rgyu des na ldob skyen pa dang ldan la/blo dang yang ldan no/ /ci'i phyir 'dzin pa dang mi ldan zhe na/ smras pa/ des 'di lta ste/ skye mched kyi rten gyi chos rnams la/ mtshan ma legs par ma bzung ste/ rgyu des na 'dzin pa dang mi ldan no/ /ci'i phyir 'dzin pa dang ldan zhe na/ smras pa/ des 'di lta ste/ skye mched kyi rten gyi chos rnams la mtshan ma legs par bzung ste/rgyu des na 'dzin pa dang ldan no/ /ci'i phyir brjed ngas pa dang ldan zhe na/ smras pa/ sems can gang dag mi dge ba'i chos yang dag par blangs te/ 'dug na nye bar spyod pa kun du bsten zhing bsgoms te/ mang du byas pa des lus zhig nas shi ba'i 'og tu ngan song ngan 'gro log par lhung ba/sems can dmyal ba rnams su skye bar 'gyur la/ de dag de nas shi 'phos nas gal te mi rnams dang skal ba mnyam par 'dir skyes par 'gyur na/ de dag 'dir tshe thung ba 'dzin par 'gyur te/ de dag yang dang yang du 'chi 'pho bar 'gyur la phyir skye bar mi 'gyur bas/de dag gis der dran pa la byang bar mi 'gyur te/ rgyu des na brjed ngas pa dang ldan no/ /ci'i phyir dran pa dang ldan par 'gyur zhe na/ smras pa/ sems can gang dag dge ba'i chos rnams yang dag par blangs te 'dug nas/ de dag legs par spyod pa kun du bsten zhing bsgoms te/ mang du byas pa des lus zhig nas/ shi ba'i 'og tu bde 'gro mtho ris kyi 'jig rten lha rnams kyi nang du skye bar 'gyur ro/ /de dag de nas shi 'phos nas gal te mi rnams dang skal ba mnyam par 'dir skyes par gyur na/'dir tshe ring ba 'dzin par 'gyur te/ de dag yang dang yang du 'chi 'pho bar mi 'gyur la/ phyir skye bar 'gyur bas de dag gis der dran pa la legs par byang bar 'gyur te/ rgyu des na dran pa dang ldan par 'gyur ro/ /ci'i phyir nyon mongs pa shas che bar 'gyur zhe na/smras pa/ des 'dod pa'i 'du shes dang / gnod sems kyi 'du shes dang / rnam par 'tshe ba'i 'du shes dang / 'dod pa'i khams dang / gnod sems kyi khams dang / rnam par 'tshe ba'i khams dang / 'dod pa'i rtog pa dang / gnod sems kyi rtog pa dang / rnam par 'tshe ba'i rtog pa kun du bsten zhing bsgoms te mang du byas pa'i phyir ro/ /gzhan yang sems can gang dag nyon mongs pa'i shas che ba de dag gi phyi bzhin 'brang zhing phyi na 'dug pa'i phyir te/ rgyu des na nyon mongs pa shes cha bar 'gyur ro/ /ci'i phyir nyon mongs pa'i shas che bar mi 'gyur zhe na/smras pa/ des nges par 'byung ba'i 'du shes dang / gnod sems med pa'i 'du shes dang / rnam par 'tshe ba med pa'i 'du shes dang / nges par 'byung ba'i khams dang / gnod sems med pa'i khams dang / rnam par 'tshe ba med pa'i khams dang / nges par 'byung ba'i rtog pa dang /gnod sems med pa'i rtog pa dang / rnam par 'tshe ba med pa'i rtog pa kun du bsten zhing bsgoms te mang du byas pa'i phyir ro/ /gzhan yang sems can gang dag nyon mongs pa'i shas che ba de dag gi phyi bzhin du mi 'brang zhing phyi na mi 'dug pa'i phyir te/ rgyu des na nyon mongs pa shas che bar mi 'gyur ro//ci'i phyir dge ba'i rtsa ba'i chos rnams la brtag pa'i bzod pa myur bar mi 'gyur zhe na/ smras pa/ des 'di lta ste/ don dam par nges pa'i chos rnams la mtshan ma legs par ma bzung ste/ rgyu des na dge ba'i rtsa ba'i chos rnams la brtag pa'i bzod pa myur bar mi 'gyur ro//ci'i phyir dge ba'i rtsa ba'i chos rnams la brtag pa'i bzod pa myur bar 'gyur zhe na/ smras pa/ des 'di lta ste/ don dam par nges pa'i chos rnams la mtshan ma legs par bzung ste/ rgyu des na dge ba'i rtsa ba'i chos rnams la brtag pa'i bzod pa myur bar 'gyur ro/ /chos mngon pa'i bstan bcos chen po rgyu gdags pa las tshigs dgu pa'o// //sdom ni/ lhun po dang ni phyogs dang / /ri rnams dang ni rtswa mang ba/ /shing che ba dang lo ma rnams/ /me tog 'bras bu phun sum tshogs/ /ci'i phyir ri thams cad kyi nang na ri'i rgyal po ri rab mchog ces bya zhe na/ smras pa/ 'jig rten 'chag pa'i tshe rgyu'i mchog dang / snying po'i mchog dang / bzang ba'i mchog dang / zong gi mchog de de'i phyogs su 'dus nas de las de grub ste/ rgyu des na ri thams cad kyi nang na ri'i rgyal po ri rab mchog ces bya'o/ /ci'i phyir byang phyogs na shing mang ba dang / rtswa mang bar gyur ce na/ smras pa/ 'jig rten 'chags pa na/ byang phyogs logs su rlung langs te/ de dag gis rgyu'i mchog gang yin pa dang / snying po'i mchog gang yin pa dang / bzang po'i mchog gang yin pa dang / zong gi mchog gang yin pa de de'i phyogs su bsdus nas/ de las de dag grub ste/rgyu des na byang phyogs na shing mang ba dang / rtswa mang bar gyur to/ /ci'i phyir sa chen po 'di la sa phyogs kha cig mtho la kha cig dma' bar gyur ce na/ smras pa/ sa chen po 'di la sa phyogs gang nas snag che la/ char pa'i thigs pa chen po 'bab pas/ thur du bshongs pa'i sa phyogs de dag ni dma' bar gyur to//sa chen po 'di la sa phyogs gang dag ni de ma yin pa'i gzhi 'di lta ste/ lcags kyi gzhi dang / khro chu'i gzhi dang / zangs kyi gzhi dang / tshon mo steng gi gzhi dang / ro nye'i gzhi dang / sa tshur gyi gzhi dang / gser gyi gzhi dang / dngul gyi gzhi dang /btsag gi gzhi dang / sa dkar gyi gzhi che ba de dag ni char pa'i thigs pa chen po bab kyang / thur du lcong bar mi 'gyur te/ sa phyogs de dag ni mtho bar gyur to/ /rgyu des na sa chen po 'di la sa phyogs kha cig mtho la/ kha cig dma' bar 'gyur ro/ /ci'i phyir ri kha cig mtho la/kha cig dma' bar gyur ce na/ smras pa/ 'jig rten chags pa na/ rlung chen po dang / khams chen po gang dag gis bsdus pa de dag ni mtho la/ rlung chung ngu dang / khams chung ngu gang dag gis bsdus pa de dag ni dma' bar gyur to/ /gzhan yang ri gang dag la sa'i khams che pa de dag char pa'i thigs pa chen po bab pas/thur du bshongs pa de dag ni dma' bar 'gyur la/ ri gang dag la de ma yin pa'i gzhi 'di lta ste/ lcags kyi gzhi dang / khro chu'i gzhi dang / zangs kyi gzhi dang / tshon mo steng gi gzhi dang / ro nye'i gzhi dang / sa tshur gyi gzhi dang / gser gyi gzhi dang / dngul gyi gzhi dang / btsag gi gzhi dang / sa dkar gyi gzhi che ba de dag ni/ char pa'i thigs pa chen po bab kyang / thur du lcong bar mi 'gyur te/ de dag ni mtho bar gyur to/ /rgyu des na ri kha cig mtho la/ kha cig dma' bar gyur to/ /ci'i phyir ri kha cig la shing mang ba dang /rtswa mang bar gyur la kha cig la shing mi mang ba dang / rtswa mi mang bar gyur ce na/ smras pa/ ri gang dag la klu'i gnas mang po yod pa de dag la ni shing mang ba dang / rtswa mang bar gyur to/ /ri gang dag la klu'i gnas mang po med pa de dag la ni shing mang po dang / rtswa mang po med do//gzhan yang ri gang dag la sa snag gi khams che ba de ni/ shing mang po dang / rtswa mang po yod do/ /ri gang dag la de ma yin pa'i gzhi 'di lta ste/ lcags kyi gzhi dang / khro chu'i gzhi dang / zangs kyi gzhi dang / tshon mo steng gi gzhi dang / ro nye'i gzhi dang / sa tshur gyi gzhi dang /gser gyi gzhi dang / dngul gyi gzhi dang / btsag gi gzhi dang / sa dkar gyi gzhi che ba de dag la ni shing mang bo dang / rtswa mang po med do/ /gzhan yang ri gang dag gi 'og na/ nyi tshe ba'i sems can dmyal ba rnams yod pa de dag la ni shing mang po dang / rtswa mang po med la/ ri gang dag gi 'og na nyi tshe ba'i sems can dmyal ba med pa de dag la ni shing mang po dang /rtswa mang po yod de/ rgyu des na ri kha cig la shing mang po dang / rtswa mang po yod la/ ri kha cig la shing mang po dang / rtswa mang po med do/ /ci'i phyir shing kha cig che la/ kha cig chung bar gyur ce na/ smras pa/ shing gang dag la sa'i khams kyi mthu chen po yod pa dang / chu'i khams che ba dang / me'i khams ran pa dang / rlung gi khams snyoms pa de dag ni che'o/ /shing gang dag la sa'i khams kyi mthu chen po med pa dang / chu'i khams chung ba dang / me'i khams ma ran pa dang / rlung gi khams ma snyoms pa de dag ni chung ste/rgyu des na shing kha cig che la/ kha cig chung bar gyur to/ /ci'i phyir shing kha cig gi lo ma che la/ shing kha cig chung bar gyur ce na/ smras pa/ shing gang dag la sa'i khams kyi mthu chen po yod pa dang / chu'i khams che ba dang / me'i khams ran pa dang / rlung gi khams snyoms pa de dag gi lo ma ni che ba/ shing gang dag la sa'i khams kyi mthu chen po med pa dang / chu'i khams chung ba dang / me'i khams ma ran pa dang / rlung gi khams ma snyoms pa de dag gi lo ma ni chung ste/ rgyu des na shing kha cig gi lo ma che la/ kha cig gi lo ma chung ngo //ci'i phyir shing kha cig la me tog yod la/ kha cig la me tog med par gyur ce na/ smras pa/ shing gang dag khams bzang po'i shas che ba de dag la ni me tog yod do/ /shing gang dag la khams bzang po'i shas mi che ba de dag la me tog med de/ rgyu des na shing kha cig la me tog yod la/kha cig la me tog med do/ /ci'i phyir shing kha cig la 'bras bu yod la/ kha cig la 'bras bu med par gyur ce na/ smras pa/ shing gang dag la ro'i khams kyi shas che ba de dag la ni 'bras bu yod la/ shing gang dag la ro'i khams kyi shas chung ba de dag la ni 'bras bu med de//rgyu des na shing kha cig la 'bras bu yod la/ kha cig la 'bras bu med do/ /ci'i phyir me tog kha cig dri zhim la/ kha cig mi zhim par gyur ce na/ smras pa/ me tog gang dag la khams bzang po yod la/ me'i khams kyis ma tshig pa de dag ni dri zhim mo/ /me tog gang dag la khams bzang po yod la/me'i khams kyis tshig pa de dag ni dri mi zhim ste/ rgyu des na me tog kha cig dri zhim la/ kha cig dri mi zhim par gyur to/ /ci'i phyir 'bras bu kha cig ro dang ldan la/ kha cig ro dang mi ldan par gyur ce na/ smras pa/ 'bras bu gang dag la ro'i khams yod la/me'i khams kyis ma tshig pa de dag ni ro dang ldan no/ /'bras bu gang dag la ro'i khams yod la me'i khams kyis tshig pa de dag ni ro dang mi ldan te/ rgyu des na 'bras bu kha cig ro dang ldan la/ kha cig ro dang mi ldan par gyur to/ /kha dog dang ldan pa dang /kha dog dang mi ldan pa yang de 'dra'o/ /chos mngon pa'i bstan bcos chen po rgyu gdags pa las tshigs bcu pa'o// //sdom ni/ bcom ldan 'das dang nyan thos dang / /bzhi tshan rnam pa gnyis po dang / /zos dang med 'gyur dud pa dang / /'bar ba dang ni tshig dang nor//ci'i phyir sangs rgyas bcom ldan 'das kyi sprul pa/ gzugs bzang zhing blta na sdug la mdzes pa/ skyes bu chen po'i mtshan sum cu rtsa gnyis sprul pa ni/ gang gi tshe sangs rgyas bcom ldan 'das gsung pa de'i tshe/ sprul pa mi smra bar 'gyur zhing / gang dag gi tshe sprul pa smra ba de'i tshe/sangs rgyas bcom ldan 'das mi gsung bar 'gyur la/ nyan thos kyi sprul pa gzugs bzang zhing blta na sdug la/ mdzes pa skra bregs pa gos ngur smrig bgos pa sprul pa ni gang gi tshe nyan thos smra ba de'i tshe/ sprul pa yang smra zhing / gang gi tshe nyan thos mi smra ba de'i tshe/sprul pa yang mi smra bar 'gyur zhe na/ smras pa/ sangs rgyas bcom ldan 'das ni sems dang ting nge 'dzin la mnga' brnyes pa yin pas na/ de ni myur bar snyoms par 'jug cing bzhengs te/ dmigs pa yang mi gtong la/ nyan thos ni de lta ma yin pa'i phyir ro/ / gzhan yang sangs rgyas bcom ldan 'das ni thams cad mkhyen pa yin te/ ye shes dang / dbang gi pha rol tu phyin pa yin la/ nyan thos ni de lta ma yin no/ /rgyu des na sangs rgyas bcom ldan 'das kyi sprul pa/ gang gzugs bzang zhing blta na sdug la mdzes pa/ skyes bu chen po'i mtshan sum cu rtsa gnyis dang ldan pa'i lus sprul pa ni/gang gi tshe sangs rgyas bcom ldan 'das gsung ba de'i tshe sprul pa mi smra zhing / gang gi tshe sprul pa smra ba de'i tshe sangs rgyas bcom ldan 'das gsung bar mi 'gyur la/ nyan thos kyi sprul pa gang gzugs bzang zhing blta na sdug la mdzes pa/skra bregs shing gos ngur smrig bgos pa sprul pa ni gang gi tshe nyan thos smra ba de'i tshe/ sprul pa yang smra zhing gang gi tshe nyan thos mi smra ba de'i tshe/ sprul pa yang mi smra bar 'gyur ro/ /la la ni dri ba de las bzlog ste/ bcom ldan 'das kyi rnam grangs gang yin pa de ni/ nyan thos kyi rnam grangs su sgyur ba byed la/ nyan thos kyi rnam grangs gang yin pa de ni/ bcom ldan 'das kyi rnam grangs su sgyur bar byed do/ /sprul pa 'byung ba chen po bzhi las byung ba zhes bya ba'am/ 'on te 'byung ba chen po bzhi las byung ba ma yin pa zhes bya zhe na/ smras pa/ 'byung ba chen po bzhi las byung ba zhes bya'o/ /sprul pa rgyu las byung ba'i gzugs can zhes bya 'am/ 'on te rgyu las byung ba'i gzugs can ma yin pa zhes bya zhe na smras pa/ rgyu las byung ba'i gzugs can zhes bya'o/ /sprul pa sems yod pa zhes bya 'am/ 'on te sems med pa zhes bya zhe na/smras pa/ sprul pa ni rnam pa gnyis te/ skyes nas thob pa dang / bsgoms pa las byung ba'o/ /de la skyes nas thob pa gang yin pa de ni sems yod pa zhes bya'o/ /bsgoms pa las byung ba gang yin pa de ni sems med pa zhes bya'o/ /sprul pa gang gi sems kyi dbang gis 'gyur zhes bya zhe na/smras pa/ sprul pa ni rnam pa gnyis te/ skyes nas thob pa dang / bsgoms pa las byung ba'o/ /de la skyes nas thob pa gang yin pa de ni/ sems can de'i sems kyi dbang gis 'gyur zhes bya'o/ /bsgoms pa las byung ba gang yin pa de ni/ sprul pa po'i sems kyi dbang gis 'gyur zhes bya'o/ /bar ma do'i srid pa 'byung ba chen po bzhi las byung zhes bya'am/ 'on te 'byung ba chen po bzhi las byung ba ma yin zhes bya zhe na/ smras pa/ 'byung ba chen po bzhi las byung ba zhes bya'o/ /bar ma do'i srid pa rgyu las byung ba'i gzugs can zhes bya'am/'on te rgyu las byung ba'i gzugs can ma yin pa zhes bya zhe na/ smras pa/ rgyu las byung ba'i gzugs can zhes bya'o/ /bar ma do'i srid pa sems yod pa zhes bya'am/ 'on te sems med pa zhes bya zhe na/ smras pa/ sems yod pa zhes bya'o/ /bar ma do'i srid pa gang gi sems kyi dbang gis 'gyur zhes bya zhe na/smras pa/ rang gi sems kyi dbang gis 'gyur ba zhes bya'o/ /sprul pas zos pa gang yin pa de/ sprul pa'am/ sprul pa po gang gi ltor 'ju bar 'gyur zhe na/ smras pa/ sprul pa ni rnam pa gnyis te/skyes nas thob pa dang / bsgoms pa las byung ba'o/ /de la skyes nas thob pas zos pa gang yin pa de ni/ sprul pa'i ltor 'ju bar 'gyur ro/ /bsgoms pa las byung bas zos pa gang yin pa de ni sprul pa po'i ltor 'ju bar 'gyur ro/ /ci sprul pa med par 'gyur ba zhes bya 'am/ 'on te med par 'gyur ba ma yin pa zhes bya zhe na/ smras pa/ sprul pa ni rnam pa gnyis te/ skyes nas thob pa dang / bsgoms pa las byung ba'o/ /de la bsgoms pa las byung ba gang yin pa de ni med par 'gyur ba zhes bya'o/ /skyes nas thob pa gang yin pa de la ni med par 'gyur ba yod/med par mi 'gyur ba yang yod do/ /med par 'gyur ba gang zhe na/ smras pa/ dper na/ lha'am/ mi'am/ lha ma yin nam/ gzugs bzang po'am/ gzugs ngan par sprul pa de ni med par 'gyur ba'o/ /med par mi 'gyur ba gang zhe na/ smras pa/ ring du song du zin kyang /de'i 'og tu rang bzhin ji lta ba kho na bzhin du gnas pa gang yin pa de ni med par mi 'gyur ba'o/ /ci'i phyir sprul pa dud par 'thul zhe na/ smras pa/ sprul pa po'i dbang gis 'gyur te/ gang gi tshe sprul pa po 'di snyam du sems te/ sprul pa dud par 'thul bar gyur cig snyam pa de'i tshe/dud par 'thul bar 'gyur te/ rgyu des na sprul pa dud par 'thul lo/ /ci'i phyir sprul pa mer 'bar zhe na/ smras pa/ sprul pa po'i dbang gis 'gyur te/ gang gi tshe sprul pa po 'di snyam du sems te/ kye ma sprul pa mer 'bar bar gyur cig snyam pa de'i tshe mer 'bar bar 'gyur te/rgyu des na sprul pa mer 'bar ro/ /ci'i phyir sprul pa rang gi gos dang / rang gi lus sreg par byed la/ gzhan gyi gos dang / gzhan gyi lus sreg par mi byed ce na/ smras pa/ sprul pa po'i dbang gis 'gyur te/ sprul pa pos 'di tshig par gyur cig snyam du bsams na de tshig par 'gyur te/rgyu des na sprul pas rang gi gos dang / rang gi lus sreg par byed kyi/ gzhan gyi gos dang / gzhan gyi lus sreg par mi byed do/ /ci'i phyir tshe dang ldan pa gyad bu nor gyis/ nam mkha' la bdag nyid kyi nang gi me'i khams kyis/ lus bsregs te tshig par byas na/dud pa yang med/ thal ba'am/ lhag ma lus pa yang med ce na/ smras pa/ tshe dang ldan pa gyad bu nor gyis/ nam mkha' de las gzhi sprul te/ stegs bu dang / 'chags dang / khri dang ldan pa'i sa gzhi sprul nas/ stegs bu dang / 'chags dang /khri dang / me dang / me'i rgyur sprul to/ /me dang me'i rgyur sprul nas kyang / bdag nyid kyi nang gi me'i khams kyis lus bsregs te/ de'i bdag nyid kyi me'i khams kyis lus bsregs shing tshig par byas na/ dud pa yang med/ thal ba'am/ lhag ma lus pa yang med de/rgyu des na tshe dang ldan pa gyad bu nor gyis/ bdag nyid kyi nang gi me'i khams kyis lus bsregs te tshig par byas na/ dud pa yang med/ thal ba'am/ lhag ma lus pa tsam yang med do/ /chos mngon pa'i bstan bcos chen po rgyu gdags pa las tshigs bcu gcig pa'o// // rgyu gdags pa/ bam po drug pa/ sdom ni/ gzhol dang gang zag dus rlabs dang / /lan tshwa rin chen chen po gnas/ /rul pa'i ro dang gcig mi gnas/ /chu klung rgyan dang sna tshogs mdog /rgya mtsho chen po ni byin gyis gzhol zhing byin gyis 'bab la/ byin gyis bab ste mu kho na nas gang bar 'dug pa ma yin no zhes gsungs pa de/ci'i phyir rgya mtsho chen po byin gyis gzhol zhing byin gyis 'bab la byin gyis bab ste/ mu kho na nas gang bar 'dug pa ma yin zhe na/ smras pa/ rgya mtsho chen po ni byin gyis gzhol zhing byin gyis 'bab la/ byin gyis bab pa yang ma yin mu kho na nas gang bar 'dug pa yang ma yin gyi/gling de dag de ltar 'dug ste/ dper na nas kyi phung po'am/ 'bras kyi phung po byin gyis gzhol zhing byin gyis 'bab la/ byin gyis 'bab pa bzhin te/ rgyu des na rgya mtsho chen po byin gyis gzhol zhing byin gyis 'bab la/byin gyis bab ste mu kho na nas gang bar 'dug pa ma yin no/ /rgya mtsho chen po ni zab cing mur thug par dka' ba'o zhes gsungs pa/ de ci'i phyir rgya mtsho chen po zab cing mur thug par dka' zhe na/ smras pa/ rgya mtsho chen po ni zab cing mur thug par dka' ba ma yin te/rgya mtsho chen po ni zab kyi tshad dang / rgya'i tshad kyang yod kyi/ de'i nang na 'dug pa'i chu la chu 'di tsam zhig yod do zhe'am/ chu bum pa gcig gam/ chu bum pa brgya 'am/ chu bum pa stong ngam/ chu bum pa 'bum zhes gzhal bar mi nus te/ rgyu des na rgya mtsho chen po zab cing mur thug par dka'o//rgya mtsho chen po ni dus rlabs la bab na/ yol bar mi 'gyur ro zhes gsungs pa de/ ci'i phyir rgya mtsho chen po dus rlabs la bab na yol bar mi 'gyur zhe na/ smras pa dus rlabs ni gnyis te/ nang par dang phye ma red kyi dus rlabs dang / dus rlabs chen po'o//nang par dang phye ma red kyi dus rlabs gang zhe na/ 'di lta ste/ rgya mtsho'i nang na gnas pa'i srog chags bkres shing nyam chung bar gyur te/ zas tshol ba rnams nang par sngar chu'i nang nas byung ste thang la 'gro la/ de dag bkres bzhin du phye ma red phyir ldog ste/ de dag gyen du 'byung ba dang / phyir ldog pa las dus rlabs kyi rlabs 'byung bar 'gyur ba 'di ni/ nang par dang phye ma red kyi dus rlabs zhes bya'o/ /dus rlabs chen po gang zhe na/ 'di lta ste/ rgya mtsho chen po'i nang na gnas pa rnams/ tshes brgyad dang / tshes bcu bzhi dang / cho 'phrul gyi zla ba phyed dang /de la sogs pa'i tshes grangs dag tu chu'i nang nas thang la byung nas/ zla ba la dad pa rnams ni zla ba la phyag 'tshal/ nyi ma la dad pa rnams ni nyi ma la phyag 'tshal/ skyem byed la dad pa rnams ni skyem byed la phyag 'tshal/ sangs rgyas la dad pa'i dge bsnyen rnams ni gso sbyong la gnas par byed de/de dag gyen du 'byung ba dang / phyir ldog pa las dus rlabs chen po'i rlabs 'byung bar 'gyur te/ rgyu des na rgya mtsho chen po dus rlabs la bab na yol bar mi 'gyur ro/ /rgya mtsho chen po ni 'dra bar lan tshwa'i ror ro gcig go zhes gsungs pa de/ci'i phyir rgya mtsho chen po 'dra bar lan tshwa'i ror ro gcig ce na/ smras pa/ rgya mtsho chen po'i nang nas/ srog chags skye yang skye/ rga yang rga/ 'chi yang 'chi ba dag yod de/ de dag gi lus kyi dri ma dang / lus kyi snyag snyig gis rgya mtsho chen po lan tshwa'i ro bro bar 'gyur ro//gzhan yang rgya mtsho chen po'i nang na lan tshwa'i ro dag yod de/ de dag zhu ba las rgya mtsho chen po la lan tshwa'i ro bro bar 'gyur ro/ /gzhan yang gling rnams la mi 'khod pa rnams kyis rtswa dang / shing dang yal ga dang / lo ma dang / lo ma gre'u dang / 'dab ma rnams chu klung gi nang du bor ba de dag kun du rul ba las rgya mtsho chen po lan tshwa'i ro bro bar 'gyur te/rgyu des na rgya mtsho chen po 'dra bar lan tshwa'i ror ro gcig go/ /rgya mtsho chen po rin po che mang po dang / rin po che sna tshogs kyis gang ngo zhes gsungs pa de/ ci'i phyir rgya mtsho chen po rin po che mang po dang /rin po che sna tshogs kyis gang bar gyur ce na/ smras pa/ 'jig rten chags pa na/ rgyu'i mchog dang / snying po'i mchog dang / bzang po'i mchog dang / zong gi mchog gang yin pa phyogs der bsdus te/ de las ri'i rgyal po ri rab dang / gser gyi ri bdun po rnams grub bo//khams bzang po lhag ma rnams ni de nyid du bying ba'i phyir ro/ /gzhan yang rgya mtsho chen po'i nang na klu dbang che bar grags pa rnams kyi gnas/ rin po che mang po dang / rin po che sna tshogs kyis gang ba yod de/ rgyu des na rgya mtsho chen po rin po che mang po dang / rin po che sna tshogs kyis gang ngo //rgya mtsho chen po'i nang na sems can chen bo rnams gnas so zhes gsungs pa de/ ci'i phyir rgya mtsho chen bo'i nang na sems can chen po rnams gnas she na/ smras pa/ sems can gang dag sngon mir gyur cing 'dug 'dug pa rnams kyis/ chos ma yin pas longs spyod rnams bsgrubs nas/bdag nyid kyang bde bas tshim par byas/ bu dang / chung ma dang / khrom gyi ru dang / zas dang / skom gyis rgyas par byas pa de dag nyes par spyad pa de dang / yang dag par blangs pa de lta bu dang / yang dag par gzung ba de lta bus lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur la/de dag sems can dmyal ba rnams nas shi 'phos nas kyang las kyi lhag ma des/ rgya mtsho chen po'i nang du dud 'gro rnams su skye bar 'gyur te/ de dag der lus che ba dang / mang du za bar 'gyur te/de dag srog chags stong phrag mang po dag gis bza' bar 'gyur la/ de dag kyang mang po rnams la za bar 'gyur te/ gling gang dag tu gnas nas/ sdig pa mi dge ba'i las kyi rnam par smin pa nyams su myong bar 'gyur ba'i go skabs med do/ /rgyu des na rgya mtsho chen po'i nang na/sems can chen po rnams gnas so/ /rgya mtsho chen po ni shi ba'i ro dang lhan cig mi gnas so zhes gsungs pa de/ ci'i phyir rgya mtsho chen po shi ba'i ro dang lhan cig mi gnas she na/ smras pa/ rgya mtsho chen po'i nang na klu gtsang sbra spyod pa rnams kyi gnas dag yod de/klu'i gnas gang gi steng du shi ba'i ro gnas par gyur pa des de'i mtshan mo nyid du klu'i gnas gnyis par phul lo/ /gnas gnyis pa nas gsum par phul lo/ /gsum pa nas bzhi par phul te/ de lta bu'i rim pas 'gram du bskyal nas thang la 'dor te/rgyu des na rgya mtsho chen po shi ba'i ro dang lhan cig mi gnas so/ /rgya mtsho chen por ni 'dzam bu'i tshal gyi chu klung 'bab pa gang yin pa rnams dang / bar snang las char gyi rgyun shing rta'i srog shing tsam 'bab kyang des rgya mtsho chen po de 'grib par 'gyur ba yang med gang bar 'gyur ba yang med do zhes gsungs pa de/ci'i phyir 'dzam bu'i tshal nas/ chu klung 'bab pa gang yin pa rnams dang / bar snang las char gyi rgyun shing rta'i srog shing tsam 'bab kyang / des rgya mtsho chen po de 'grib par 'gyur ba yang med/ gang bar 'gyur ba yang med ce na/smras pa/ rgya mtsho chen po'i nang na gnas pa'i srog chags rnams kyi longs spyod du 'gro la/ lhag ma rlung dang nyi tshan gyis zad cing gtugs par 'gyur te/ rgyu des na rgya mtsho chen po 'grib par 'gyur ba yang med/ gang bar 'gyur ba yang med do/ /rgya mtsho chen po'i nang na srog chags kha dog sna tshogs dang /rtags sna tshogs dang / dbyibs sna tshogs dang / kha dog du ma dang / rtags du ma dang / dbyibs du ma yod do zhes gsungs pa de/ ci'i phyir rgya mtsho chen po'i nang na/ srog chags kha dog sna tshogs dang / rtags sna tshogs dang /dbyibs sna tshogs dang / kha dog du ma dang / rtags du ma dang / dbyibs du ma yod ce na/ smras pa/ sems can gang sngon mir gyur cing 'dug 'dug pa rnams kyi/ lus kyis sdig pa mi dge ba'i las ji lta bu byas pa dang / ngag gis ji lta bu smras pa'i nyes par spyad pa de dang /yang dag par blangs pa de lta bu dang / yang dag par bzung ba de lta bus lus zhig nas shi ba'i 'og tu ngan song ngan 'gro log par ltung ba/ sems can dmyal ba rnams su skye bar 'gyur la/ de dag sems can dmyal ba rnams nas shi 'phos nas kyang / las kyi lhag ma des rgya mtsho chen po'i nang du/dud 'gro rnams su skye bar 'gyur te/ de dag der kha dog sna tshogs dang / rtags sna tshogs dang / dbyibs sna tshogs dang / kha dog du ma dang / rtags du ma dang / dbyibs du mar 'gyur te/ rgyu des na rgya mtsho chen po'i nang na srog chags kha dog sna tshogs dang /rtags sna tshogs dang / dbyibs sna tshogs dang / kha dog du ma dang / rtags du ma dang / dbyibs du ma yod do/ /chos mngon pa'i bstan bcos chen po rgyu gdags pa las tshigs bcu gnyis pa'o// //sdom ni/ gcig tu gyur dang gnyis ma yin/ /rtsig pas chod dang sa la 'dzul//chu dang nam mkha' nyi zla dang / /tshangs gnas 'chag dang 'greng 'dug nyal/ /de gcig tu gyur nas mang por 'gyur zhes gsungs pa de ji ltar na gcig tu gyur nas mang por 'gyur zhe na/ smras pa/ 'di la dge slong 'jig rten pa'i ting nge 'dzin gang dang gang la ci 'dod pa bzhin 'thob pa dang /dka' ba med par 'thob pa dang / tshegs med par 'thob pa des/ de skyed cing bskrun te yang dag par skyed yang dag par sgrub par byed la gsal bar byed do/ /des de bskyed cing bskrun te yang dag par bskrun cing yang dag par bsgrubs la gsal bar byas nas glang po che'i lus sam/rta'i lus sam/ shing rta'i lus sam/ dpung bu chung gi lus sam/ khyu mchog gi lus sam/ bya'i lus sam/ shing gi lus sam/ rtsig pa'i lus sam/ ci dang ci 'dod pa'i phyi rol du mngon par sgrub cing / mngon par spyod de/ mngon par rtsom par byed la/mngon par bsgrubs shing mngon par spyad de/ mngon par brtsams pa de dag gi sgo nas/ de ltar gcig tu gyur nas mang por 'gyur ro/ /de mang por gyur nas gcig tu 'gyur ro/ zhes gsungs pa de/ ji ltar na mang por gyur nas gcig tu 'gyur zhe na/ smras pa/ 'di na dge slong gi rnam pa gang dag dang /rtags gang dag dang / mtshan ma gang dag gis glang po'i lus dang / rta'i lus dang / shing rta'i lus dang / dpung bu chung gi lus dang / khyu mchog gi lus dang / bya'i lus dang / shing gi lus dang / rtsig pa'i lus rnams phyi rol du mngon par bsgrubs shing /mngon par sbyad de/ mngon par brtsams pa'i sbyor ba de dag des btang ste/ mtshan ma rnams kyang mi snang bar byas nas/ sbyor ba rnams btang zhing / mtshan ma rnams mi snang bar byas pa de lta bu la mang por gyur nas gcig tu 'gyur zhes bya'o/ /des snang bar gyur cing mi snang bar 'gyur ba shes pa dang /mthong bas nyams su myong ngo zhes gsungs pa de ji ltar na snang ba las mi snang bar 'gyur zhe na/ smras pa/ des sems can de dag la snang bzhin du 'dug pa las 'di snyam du sems te/ ci nas bdag mi shes par bya'o/ /ci nas bdag mi mthong bar bya'o snyam ste/de der rtsig pas chod pa'am/ brag gis chod pa'am/ ra bas chod par mos par byed de/ de ltar na snang bzhin du 'dug pa las mi snang bar 'gyur ro/ /ji ltar na mi snang zhing 'dug pa las snang bar 'gyur zhe na/ smras pa/ de sems can de dag la mi snang zhing 'dug pa las 'di snyam du sems te/ci nas bdag shes par bya'o/ /ci nas bdag mthong bar bya'o snyam ste/ de de dag dang nye zhing thub par mos par byed de/ de ltar na de mi snang zhing 'dug pa las snang bar 'gyur ro/ /de ltar na snang bar gyur cing mi snang bar yang 'gyur ba rnams la snang zhing 'dug pa las mi snang bar 'gyur ba dang /mi snang zhing 'dug pa las snang bar 'gyur la/ shes pa yang de yin/ mthong ba yang de yin te/ dge slong gis shes pa dang mthong ba de myong zhing so sor myong la/ rig cing nyams su myong ngo / /de la shes pa dang / mthong ba ni rtogs pa dang /yang dag par rtogs pa dang / nye bar rtogs pa dang / rten pa dang / yang dag par khong du chud pa dang / mang du shes pa dang / yid gzhungs pa dang / blo dang / mkhas pa dang / shes rab dang / spyod pa dang / lhag mthong gang yin pa ste/ de ltar na snang bar gyur pa'am/ mi snang par gyur pa shes pa dang /mthong bas nyams su myong ngo / /de rtsig pas chod pa'am/ brag gis chod pa'am/ ra bas chod pa las lus mi thogs par 'gro ste/ dper na nam mkha' la bya ba bzhin no zhes gsungs pa de ji ltar rtsig pas chod pa'am/ brag gis chod pa'am/ ra bas chod pa la lus mi thogs par 'gro ste/dper na nam mkha' la bya ba bzhin zhe na/ smras pa/ nam mkha'i snyoms par 'jug pa la snyoms par zhugs pas na/ rtsig pas chod pa'am/ brag gis chod pa'am/ ra bas chod pa la lus mi thogs par 'gro ste/ dper na nam mkha' la bya ba bzhin te/de ltar na rtsig pas chod pa'am/ brag gis chod pa'am/ ra bas chod pa las lus mi thogs par 'gro ste/ dper na nam mkha' la bya ba bzhin no/ /de sa la steng du 'byung ba dang / byi'u zul byed de/ dper na chu la bya ba bzhin no zhes gsungs pa ste/ ji ltar na sa la steng du 'byung ba dang /byi'u zul byed de/ dper na/ chu la bya ba bzhin no zhe na/ smras pa/ chu'i snyoms par 'jug pa la snyoms par zhugs pas na sa la steng du 'byung ba dang / byi'u zul byed de/ dper na chu la bya ba bzhin te/ de ltar na sa la steng du 'byung ba dang / byi'u zul byed de/ dper na nam mkha' la bya ba bzhin no/ /de chu'i rgyun la mi nub par 'gro ste/ dper na/ sa la bya ba bzhin no zhes gsungs pa ste/ ji ltar na chu'i rgyun la mi nub par 'gro ste/ dper na sa la bya ba bzhin zhe na/ smras pa/ sa'i snyoms par 'jug pa la snyoms par zhugs pas na/chu'i rgyun la mi nub par 'gro ste/ dper na sa la bya ba bzhin te/ de ltar na chu'i rgyun la mi nub par 'gro ste/ dper na/ sa la bya ba bzhin no/ /de nam mkha' la skyil mo krung bcas bzhin du 'gro ste/ dper na 'dab chags bya bzhin no zhes gsungs pa de ji ltar na nam mkha' la skyil mo krung bcas bzhin du 'gro ste/dper na 'dab chags bya bzhin zhe na/ smras pa/ 'di la dge slong 'jig rten pa'i snyoms par 'jug pa gang dang gang la/ ci 'dod pa bzhin thob pa dang / dka' ba med par thob pa dang / tshegs med par thob pa des de skyed cing bskrun te yang dag par skyed cing yang dag pa sgrub par byed la gsal bar byed do//des de skyed cing bskrun te yang dag par bskrun cing yang dag par bsgrubs pa gsal bar byas nas/ phyogs gang na 'greng ngam/ 'dug gam nyal yang rung ste/ des der me'am/ me lce 'am/dud pa'am/ dud pa'i rtags can nam/ rlung ngam/ rlung gi dkyil 'khor du mos par byed de/ de der me'am/ me lce'am/ dud pa'am/ dud pa'i rtags can nam/ rlung ngam/ rlung gi dkyil 'khor du mos nas kyang de'i 'og tu bdag rlung gi dkyil 'khor gyis gyen du khyer bar gyur cig snyam du mos pa dang /yang na glang po che'am/ rta'am/ shing rta'am/ dpung bu chung ngam/ bya'am/ rtsig pa'am/ shing khyer bar gyur cig snyam du mos par byed de/ ji lta ji ltar mos pa de lta de ltar gzhan gyis sha'i mig thal bas mthong ngo / /de 'di snyam du sems te kye ma rdzu 'phrul 'di lta bu zhig myong bar bya'o//so sor myong bar bya'o/ /rig par bya'o/ /nyams su myong bar bya'o snyam du bsams na/ de bzhin du 'grub par 'gyur te/ 'di lta ste/ rdzu 'phrul gyi rkang pa rnams legs par bsgoms pa'i phyir ro/ /de ltar na nam mkha' la skyil mo krung bcas bzhin du 'gro ste/dper na 'dab chags bya bzhin no/ /des nyi ma dang zla ba 'di gnyis lag pas 'dzin cing / kun du nyug par byed do zhes gsungs pa de/ ji ltar na nyi ma dang zla ba 'di gnyis la lag pas 'dzin cing kun du nyug par byed ce na/ smras pa/ nyi ma zhes bya ba ni nyi ma'i dkyil 'khor yin no//zla ba zhes bya ba ni zla ba'i dkyil 'khor yin te/ dge slong des nyi ma'i dkyil 'khor 'di dang / zla ba'i dkyil 'khor 'di la nye zhing thug par mos nas lag pas 'dzin cing kun du nyug par byed la/ nom zhing kun du nom ste/ de ltar na nyi ma dang zla ba 'di gnyis la lag pas 'dzin cing kun du nyug go//de tshangs pa'i 'jig rten du lus dbang byed do zhes gsungs pa de/ ji ltar na tshangs pa'i 'jig rten du lus kyis dbang byed ce na/ smras pa/ dge slong 'jig rten pa'i ting nge 'dzin gang la ci 'dod pa bzhin thob pa dang / dka' ba med par thob pa dang /tshegs med par thob pa des de skyed cing bskrun te/ yang dag par byed cing yang dag par sgrub par byed la/ gsal bar byed do/ /des de skyed cing bskrun te/ yang dag par bskrun cing / yang dag par bsgrubs pa la gsal bar byas nas/ lus kyang sems la 'jog la/sems kyang lus la 'jog par byed de/ lus sems la gzhag la/ sems kyang lus la bzhag nas kyang / gcig tu gyur cing kun du 'dres te/ dper na mar ram/ til mar ram/ sbrang rtsi'am/ bu ram gyi dbu ba chu dang gcig tu 'gyur zhing / kun du 'dres pa de bzhin du dge slong gis lus sems la bzhag cing sems kyang lus la bzhag nas lus la yang ba'i 'du shes dang /'jam pa'i 'du shes bskyed nas 'phags par byed cing yang dag par byed la/ gyen du 'gro bar byed cing / kun du gyen du 'gro bar byed de/ dper na za ma tog khyer ba'i mis za ma tog blangs te/blangs nas kyang 'phags par byed cing kun du 'phags par byed la/ 'gro bar byed cing kun du 'gro bar byed pa dang / dge slong bsod snyoms pas kha zas lhung bzed kyi snod du bcug nas 'phags par byed cing kun du 'phags par byed la/ 'gro bar byed cing kun du 'gro bar byed pa de bzhin du dge slong gis lus la yang pa'i 'du shes dang /'jam pa'i 'du shes bskyed nas 'phags par byed cing kun du 'phags par byed la/ gyen du 'gro bar byed cing / kun du gyen du 'gro bar byed de/ lus la tshangs pa'i 'jig rten bsams na sems bskyed pa'i mod la dbang yod pa dang /'gro ba dang / rag las pa dang / bdag po dang / mthu yod pa dang / skal ba can dang / dbang byed pa dang / tshangs pa'i 'jig rten na gnas pa zhes brjod do/ /de ltar na bcom ldan 'das kyis kyang tshe dang ldan pa kun dga' bo la bka' stsal te/kun dga' bo yid kyi rdzu 'phrul 'dis tshangs pa'i gzhal med khang du phyin par ngas mngon par shes so/ /de skad ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to/ /gzugs can rags pa 'byung ba chen po bzhi las byung ba'i sku 'dis tshangs pa'i gzhal med khang du gshegs par bcom ldan 'das kyis mngon par mkhyen tam/kun dga' bo gzugs can rags pa 'byung ba chen po bzhi las byung ba/ pha dang ma'i mi gtsang bar mer mer po las byung ba/ 'bras chan dang / zan dron gyis bskyed pa/rtag tu dril ba dang / khrus bya ba dang / mnye dgos pa dang / 'gyes pa dang / 'thor ba dang / rnam par 'jig pa'i chos can gyi lus 'dis kyang tshangs pa'i gzhal med khang du phyin par ngas mngon par shes so/ /bcom ldan 'das kyis dpe bstan du gsol/ /bde bar gshegs pas dpe bstan du gsol//kun dga' bo dper na lcags kyi gar bu 'am/ lcags kyi snod ni gang gi tshe tsha ba yod cing me yod pa de'i tshe shin tu ches yang ba dang / ches 'jam ba dang ches las su rung ba dang / ches 'od gsal bar 'gyur la/ gang gi tshe grang mor gyur cing me med pa de'i tshe ni/ches lci ba dang / ches sra ba dang / ches las su mi rung ba dang / chos 'od mi gsal bar 'gyur ba de bzhin du/ kun dga' bo gang gi tshe de bzhin gshegs pas lus sems la bzhag cing sems kyang lus la bzhag ste/ lus la yang ba'i 'du shes dang / 'jam pa'i 'du shes bskyed na ni/kun dga' bo de'i de bzhin gshegs pa'i lus shin tu ches yang ba dang / ches 'jam pa dang / ches las su rung ba dang / ches 'od gsal bar 'gyur ba dang / sems kyi rgyu las 'byung ba dang / sems la brten pa dang / sems la rag las par 'gyur te/ sems la brten nas lus la dbang byed do/ /ci'i phyir sprul pa nam mkha' la 'chag ce na/ smras pa/ sprul pa po'i dbang gis 'gyur te/ sprul pa bos nam mkha' de la stegs bu 'am/ 'chags sprul par byed de/ rgyu des na sprul pa nam mkha' la 'chag go/ /ci'i phyir sprul pa nam mkha' la 'greng zhe na/smras pa/ sprul pa po'i dbang gis 'gyur te/ sprul pa pos nam mkha' de la sa gzhi 'am/ gnas sprul par byed de/ rgyu des na sprul pa nam mkha' la 'greng ngo / /ci'i phyir sprul pa nam mkha' la 'dug ce na/ smras pa/ sprul pa po'i dbang gis 'gyur te/sprul pa pos nam mkha' de la stan nam 'dug sa sprul par byed de/ rgyu des na sprul pa nam mkha' la 'dug go/ /ci'i phyir sprul pa nam mkha' la nyal zhe na/ smras pa/ sprul pa po'i dbang gis 'gyur te/ sprul pa pos nam mkha' de la mal lam/ khri sprul par byed de/rgyu des na sprul pa nam mkha' la nyal lo/ /rdzu 'phrul kyi yon tan lhag ma rnams kyang de bzhin du rtogs par byas nas gzhi ji lta ba bzhin du brjod par bya'o/ /chos mngon pa'i bstan bcos chen po rgyu gdags pa las tshigs bcu gsum pa'o// //sdom ni/ mthon dman brgyad dang char mi 'bab//'char 'bab so ga chu thigs dang / /ser ba kha ba glog dang 'brug /phru ba dang ni bzhi drug bdun/ /char pa ji tsam na 'dug ste 'bab ce na/ smras pa/ sprin ni brgyad yod do/ /de la sprin dang po ni dpag tshad phyed dang gnyis na 'dug go/ /gnyis pa ni rgyang grags lnga'o//gsum pa ni dpag tshad gcig go/ /bzhi pa ni rgyang grags gsum mo/ /lnga pa ni dpag tshad phyed do/ /drug pa ni rgyang grags gcig go/ /bdun pa ni rgyang grags phyed do/ /brgyad pa ni rgyang grags kyi bzhi cha gcig na 'dug ste/ char 'bab bam yang na mi 'bab po/ / ci'i phyir bskal pa dang po'i mi rnams kyis sprin dpag tshad phyed dang gnyis su brdzes te/ sa thams cad du char 'bab la/ da ltar gyi mi rnams kyi ni dma' ba nas char 'bab ce na/ smras pa/ bskal pa dang po pa'i mi rnams ni dbang che bar grags par 'gyur te/ de dag la klu dbang che bar grags pa dag spro bar byed de/des na sprin dpag tshad phyed dang gnyis su gyen du 'phags nas/ sa thams cad du char 'bab la/ da ltar gyi mi rnams ni dbang chung bar grags pa yin te/ de dag la ni klu yang dbang che bar grags pa rnams spro bar byed de/ des na da ltar dma' ba nas char 'bab ste/rgyu des na bskal pa dang po pa'i mi rnams kyi sprin dpag tshad phyed dang gnyis su gyen du 'phags te sa thams cad du char 'bab la/ da ltar gyi mi rnams kyi ni dma' ba nas char 'bab po/ /ci'i phyir char mi 'bab ce na/ smras pa/ rgyu rnam pa brgyad kyis char mi 'bab ste/brgyad gang zhe na/ sprin yang yod la/ glog kyang 'byung ba dang / 'brug kyang zer la/ phyogs bzhi nas kyang rlung ngad bsil ba dag ldang ba de'i dus kyang yod la/ de'i skabs yod de/ ltas pa rnams kyang ma rtogs par char 'bab po zhes ston mod kyi/ 'on kyang sa chen po 'di las me'i khams gyen du 'phags nas char pa de bar ma dor zad par byed de/rgyu dang po 'dis na char mi 'bab po/ /gzhan yang sprin yang yod la/ glog kyang 'byung ba dang / 'brug kyang zer la/ phyogs bzhi nas kyang rlung ngad bsil ba dag ldang ba de'i dus kyang yod la/de'i skabs kyang yod de/ ltas pa rnams kyang ma rtogs par char 'bab po zhes ston mod kyi 'on kyang nam mkha' la rlung drag po dag ldang ste/ de dag gi char pa de dan dka'i dgon pa rnams dang / ka ling ka'i dgon pa rnams dang / ma tang ka'i dgon pa rnams dang / dgon pa stong pa rnams ga la ba der 'dor bar byed de/rgyu gnyis pa 'dis na char mi 'bab po/ /gzhan yang sprin yang yod la/ glog kyang 'byung ba dang / 'brug kyang zer la/ phyogs bzhi nas kyang rlung ngad bsil ba dag ldang ba de'i dus kyang yod la/ de'i skabs kyang yod de/ ltas pa rnams kyang ma rtogs par char 'bab bo zhes ston mod kyi/'on kyang lha ma yin gyi dbang po sgra gcan gyis/ char pa de dag lag pa gnyis kyis blangs nas rgya mtsho chen por 'dor bar byed de/ rgyu gsum pa 'dis na char mi 'bab po/ /gzhan yang sprin yang yod la/ glog kyang 'byung ba dang /'brug kyang zer la/ phyogs bzhi nas kyang rlung ngad bsil ba dag ldang ba de'i dus kyang yod la/ de'i skabs kyang yod de/ ltas pa rnams kyang ma rtogs par char 'bab po zhes ston mod kyi 'on kyang char 'bebs pa'i lha'i bu rnams bag med cing bag med par gnas pas char mi 'bab ste/rgyu bzhi pa 'dis na char mi 'bab po/ /gzhan yang sprin yang yod la/ glog kyang 'byung ba dang / 'brug kyang zer la/ phyogs bzhi nas kyang rlung ngad bsil ba dag ldang ba de'i dus kyang yod la de'i skabs kyang yod de/ ltas pa rnams kyang ma rtogs par char 'bab po zhes ston mod kyi/'on kyang mi rnams chos ma yin pa spyod cing / mi mthun par spyod de/ de dag chos ma yin pa spyod cing mi mthun pa spyod pas char mi 'bab ste/ rgyu lnga po 'dis ni char mi 'bab po/ /gzhan yang rdzu 'phrul gyis char mi 'bab pa yod de/ rdzu 'phrul che zhing mthu che ba 'ga'i rdzu 'phrul gyis char 'bab pa las gcod par byed de/rgyu drug pa 'dis na char mi 'bab po/ /gzhan yang chos nyid kyis char mi 'bab pa yod de/ /char mi 'bab pa gang yin pa 'di ni 'jig rten gyi chos nyid de/ rgyu bdun pa 'dis ni char mi 'bab po/ /gzhan yang bden pas bskul bas char mi 'bab pa yod de/rdzu 'phrul che zhing mthu che ba 'gas bden pas bskul bas char 'bab pa las gcod par byed de/ rgyu brgyad pa 'dis na char mi 'bab po/ /ci'i phyir char 'bab ce na/ smras pa/ rgyu rnam pa brgyad kyis char 'bab ste/ brgyad gang zhe na/klu'i mthu dang / gnod sbyin gyi mthu dang / grul bum gyi mthu dang / lha'i mthu dang / mi'i mthu dang / rdzu 'phrul dang / chos nyid dang / bden pas bskul bar char 'bab ste/ rgyu des na char 'bab po/ /ci'i phyir so ka dang / dbyar char cher 'bab ce na/ smras pa/ de'i tshe klu rnams bag ma len pa dang /bag ma gtong ba dang / dga' ston dang / dus ston dag byed de/ de dag dga' zhing de dang / de dag tu 'dong bar byed de/ de dag dga' zhing 'dong ba na char cher 'bab po/ /gzhan yang mi rnams kyis de lta bur 'gyur ba'i las rnams byas shing bstsags te/ de dag byas shing bstsags pas na sog dang /dbyar char cher 'bab ste/ rgyu des na so ka dang / dbyar char cher 'bab po/ /ci'i phyir chu'i thigs pa 'bab ce na/ smras pa/ phyogs gnyis nas rlung chen po dag ldang ste/ de dag gis chu de gcig tu bsdus pas na/ de la chu'i thigs par 'gyur ro//gzhan yang mi rnams kyis de lta bu'i las rnams byas shing bstsags te/ de dag byas shing bstsags pas mi ma yin pa rnams 'khrugs nas chu'i thigs pa 'bebs te/ des de dag la gnod pa chen por 'gyur te/ rgyu des na chu'i thigs pa 'bab po/ /ci'i phyir ser ba 'bab ce na/smras pa/ phyogs gnyis nas rlung shin tu bsil ba dag ldang ste/ de dag gis chu'i khams de gcig tu bsdus la sa'i khams kyis kyang sra bar byas nas kha ba 'am/ ser bar gyur pa de rlung gis thur du phab ste/ rgyu des na ser ba 'bab po/ /ci'i phyir glog 'byung zhe na/ smras pa/phyogs gnyis nas rlung shin tu tsha ba dag ldang ste/ de dag thug pa las glog 'byung ste/ rgyu des na glog 'byung ngo / /ci'i phyir 'brug zer zhe na/ smras pa/ phyogs gnyis nas rlung chen po dag ldang ste/ de dag brdabs pa las sgra 'byung ste/ rgyu des na 'brug zer ro/ /ci'i phyir phru ba lud ce na/ smras pa/ 'og na me 'joms pa 'bar bas me'i shas che bar gyur la me'i shas che bar gyur pas rlung gi shas che bar 'gyur ro/ /rlung gi shas che bar gyur pas chu phyi rol du bo bar 'gyur te/ rgyu des na phru ba ldud do/ /ci'i phyir kha dog sngo bar 'gyur zhe na/ smras pa/ chu'i khams shas che ba'i phyir ro/ / ci'i phyir ser ba dang / dmar bar 'gyur zhe na/ smras pa/ me'i khams shas che ba'i phyir ro/ /ci'i phyir dkar bar 'gyur zhe na/ smras pa/ khams rnams mnyam pa'i phyir te/ rgyu des na kha dog sngo ba dang / ser ba dang / dmar ba dang / dkar bar 'gyur ro/ /ci'i phyir ro kha ba dang / skyur ba dang / lan tshwa'i ro dang / tsha ba dang / bska bar 'gyur zhe na/ smras pa/ khams mnyam pa'i phyir te rgyu des na ro kha ba dang / skyur ba dang / lan tshwa'i ro dang / bsta bar 'gyur ro/ /ci'i phyir mngar bar 'gyur zhe na/ smras pa/ khams mnyam pa'i phyir te/ rgyu des na mngar bar 'gyur ro//ci'i phyir lci ba dang / rtsub pa dang / mkhrang pa dang / sra bar 'gyur zhe na/ smras pa/ sa'i khams shas che ba'i phyir ro/ /ci'i phyir mnyen pa dang / 'jam pa dang / las su rung bar 'gyur zhe na/ smras pa/ chu'i khams shas che ba'i phyir te/ rgyu des na mnyen pa dang /'jam pa dang / las su rung bar 'gyur ro/ /chos mngon pa'i bstan bcos chen po rgyu gdags pa las tshigs bcu bzhi pa'o// //sdom ni/ skye gnas 'gro ba yod pa dang / /ci'i phyir dmyal sogs mtho ris dang / /lha mo ma la sogs pa drug /'o ma kha spu rgyal dang gdol//gleng gzhi ni mnyan yod na bzhugs te/ skye gnas ni bzhi yod de/ sgo nga las skye ba'i skye gnas dang / mngal nas skye ba dang / drod gsher las skye ba dang / rdzus te skye ba ste/ 'di ni skye gnas yin par gsungs so/ /sgo nga las skye ba'i skye gnas gang zhe na/ smras pa/ sems can gang dag sgo nga las skye ba rnams dang / sgo nga na 'dug pa rnams dang / sgo nga'i sbubs kyi spris g.yogs pa rnams dang / sgo nga'i sbubs brtol te skye zhing kun du skye la/ 'grub cing mngon par 'grub pa dang / yang dag par 'grub cing 'byung ba rnams te/ de dag kyang gang zhe na/smras pa/ 'di lta ste/ ngang pa dang / khrung khrung dang / rma bya dang / ne tso dang / ri skegs dang / khu byug dang / shang shang te'u la sogs pa dang / klu kha cig dang / nam mkha' lding kha cig dang / mi kha cig dang / gzhan yang sems can gang dag sgo nga las skyes pa rnams dang /sgo nga na 'dug pa rnams dang / sgo nga'i sbubs kyi spris g.yogs pa rnams dang / sgo nga'i sbubs brtol te skye zhing kun du skye la/ 'grub cing mngon par 'grub pa dang / yang dag par 'grub cing 'byung ba rnams te/ 'di ni sgong nga las skye ba'i skye gnas zhes bya'o/ /mngal nas skye ba'i skye gnas gang zhe na/smras pa/ sems can gang dag mngal nas skye ba rnams dang / mngal na 'dug pa rnams dang / mngal gyi sbubs kyis g.yogs pa rnams dang / mngal gyi sbubs brtol te skye zhing kun du skye la/ 'grub cing mngon par 'grub pa dang / yang dag par 'grub cing 'byung ba rnams te/de dag kyang gang zhe na/ 'di lta ste/ glang po che dang / rta dang / rnga mo dang / ba lang dang / bong bu dang / ma he dang / ri dgas dang / phag la sogs pa dang / klu kha cig dang / nam mkha' lding kha cig dang / yi dags kha cig dang / mi kha cig dang / gzhan yang sems can gang dag mngal nas skye ba rnams dang /mngal na 'dug pa rnams dang / mngal gyi sbubs kyis g.yogs pa rnams dang / mngal gyi sbubs brtol te skye zhing kun du skye la 'grub cing mngon par 'grub pa dang / yang dag par 'grub cing 'byung ba rnams te/ 'di ni mngal nas skye ba'i skye gnas zhes bya'o//drod gsher las skye ba'i skye gnas gang zhe na/ smras pa/ sems can gang dag phan tshun gyi drod dang / phan tshun gyi me dang / phan tshun gyi rdul dang / phan tshun gyi gnod pa dang / phan tshun btsir bas nyal nyil gyi phung po la brten tam/ stor khung dang /phyi sa'i gnas sam/ sha rul lam/ nya rul lam/ zan dron rul ba'am/ rtswa stug po'am/ nags tshal stug po'am/ rtswa'i spyil po'am/ lo ma'i spyil po'am/ chu rul pa'am/ khyim gyi sang seng ngam/ sbrang bu'i tshangs la brten nas/ skye zhing kun du skye la 'grub cing mngon par 'grub pa dang /yang dag par 'grub cing 'byung ba rnams te/ de dag kyang gang zhe na/ 'di lta ste/ srin bu dang / sbur bu dang / phye ma leb dang / sbrang bu mchu rings dang / til dang / phub ma dang / shing za ba la sogs pa dang / klu kha cig dang / nam mkha' lding kha cig dang /mi kha cig dang / gzhan yang sems can gang dag phan tshun gyi drod dang / phan tshun gyi me dang / phan tshun gyi rdul dang / phan tshun gnod pa dang / phan tshun bcir bas/ skye zhing kun du skye la 'grub cing mngon par 'grub pa dang / yang dag par 'grub cing 'byung ba rnams te/ 'di ni drod gsher las skye ba'i skye gnas zhes bya'o/ /rdzus te skye ba'i skye gnas gang zhe na/ smras pa/ sems can gang dag yan lag dang / nying lag thams cad dang ldan zhing rdzogs pa dbang po ma tshang ba med pa rnams cig car skye zhing kun du skye la 'grub cing mngon par 'grub pa dang /yang dag par 'grub cing mngon par 'grub pa rnams te/ de dag kyang gang zhe na/ lha thams cad dang / sems can dmyal ba pa thams cad dang / bar ma do'i srid pa thams cad dang / klu kha cig dang / nam mkha' lding kha cig dang / yi dags kha cig dang / mi kha cig dang / gzhan yang sems can gang dag yan lag dang / nying lag thams cad dang ldan zhing rdzogs pa dbang po ma tshang ba med pa rnams cig car skye zhing kun du skye la 'grub cing mngon par 'grub pa dang / yang dag par 'grub cing 'byung ba rnams te/ 'di ni rdzus te skye ba'i skye gnas zhes bya'o/ / 'gro ba lnga ni 'di lta ste/ sems can dmyal ba'i 'gro ba dang / dud 'gro'i 'gro ba dang / yi dags kyi 'gro ba dang / lha dang mi'o/ /sems can dmyal ba'i 'gro ba gang zhe na/ smras pa/ sems can dmyal ba pa rnams dang 'dra bar gyur pa dang / grogs su gyur pa dang / skal ba mnyam pa dang /gnas thob pa dang / gzhi thob pa dang / skye mched thob pa dang / sems can dmyal ba pa der skyes pa rnams kyi ma bsgribs la lung du ma bstan pa'i gzugs dang / tshor ba dang / 'du shes dang / 'du byed rnams dang / rnam par shes pa gang yin pa de yang sems can dmyal ba'i 'gro ba zhes bya'o//gzhan yang lus kyis nyes par spyod pa dang / ngag gis nyes par spyod pa dang / yid kyis nyes par spyod pa chen po kun du bsten zhing bsgoms te mang du byas pas sems can dmyal bar 'gro zhing sems can dmyal ba rnams su skye ste/ sems can dmyal ba rnams su nying mtshams sbyor ba de ni sems can dmyal ba'i 'gro ba zhes bya'o//gzhan yang ming dang rnam pa'i tshig dang / tshig bla dgas dang / ming du btags pa dang / kun du rig pa dang / gdags pa dang / tha snyad kyi sems can dmyal ba'i 'gro ba yang sems can dmyal ba zhes bya'o//dud 'gro'i 'gro ba gang zhe na/ smras pa/ dud 'gro rnams dang 'dra bar gyur pa dang / grogs su gyur pa nas skye mched thob pa'i bar dang / dud 'gro'i skye gnas su gyur pa der skyes pa rnams kyi ma bsgribs la lung du ma bstan pa'i gzugs nas rnam par shes pa'i bar gang yin pa de yang dud 'gro'i 'gro ba zhes bya'o//gzhan yang lus kyi las dang / ngag gi las dang / yid kyi las yon po kun du bsten zhing bsgoms te mang du byas pas dud 'gror 'gro zhing dud 'gro rnams su skyes te dud 'gro rnams su nying mtshams sbyor ba de ni dud 'gro'i 'gro ba zhes bya'o//gzhan yang ming dang / rnam pa'i tshig dang / tshig bla dgas zhes bya ba nas snga ma bzhin du sbyar ro/ /yi dags kyi 'gro ba gang zhe na/ smras pa/ yi dags rnams dang 'dra bar gyur pa nas skye mched thob pa'i bar gang yin pa dang / yi dags der skyes pa rnams kyi ma bsgribs la lung du ma bstan pa'i gzugs nas/rnam par shes pa'i bar gang yin pa de yang yi dags kyi 'gro ba zhes bya'o/ /gzhan yang ser sna kun du bsten cing bsgoms te mang du byas pas yi dags su 'gro zhing yi dags rnams su skye ste yi dags rnams su nying mtshams sbyor ba de ni yi dags kyi 'gro ba zhes bya'o//gzhan yang ming dang / rnam pa'i tshig dang / tshig bla dgas zhes bya ba nas snga ma bzhin du sbyar ro/ /lha'i 'gro ba gang zhe na/ smras pa/ lha rnams dang 'dra bar gyur pa nas skye mched thob pa'i bar dang / lha der skyes pa rnams kyi ma bsgribs la lus du ma bstan pa'i gzugs nas/rnam par shes pa'i bar gang yin pa de yang lha'i 'gro ba zhes bya'o/ /gzhan yang lus kyis legs par spyod pa dang / ngag gis legs par spyod pa dang / yid kyis legs par spyod pa chen po kun du bsten zhing bsgoms te mang du byas pas lhar 'gro zhing lha rnams kyi nang du skye ste/lha rnams kyi nang du nying mtshams sbyor ba de ni/ lha'i 'gro ba zhes bya'o/ /gzhan yang ming dang rnam pa'i tshig ces bya ba nas snga ma bzhin du sbyar ro/ /mi'i 'gro ba gang zhe na/ smras pa/ mi rnams dang 'dra bar 'gyur ba dang / grogs su gyur pa dang / skal ba mnyam pa dang / gnas thob pa dang / gzhi thob pa dang / skye mched thob pa dang / mi 'dir skyes pa rnams kyi ma bsgribs la lung du ma bstan pa'i gzugs dang / tshor ba dang / 'du shes dang / 'du byed rnams dang / rnam par shes pa gang yin pa de yang mi'i 'gro ba zhes bya'o//gzhan yang lus kyis legs par spyod pa dang / ngag gis legs par spyod pa dang / yid kyis legs par spyod pa chung ngu kun du bsten zhing bsgoms te mang du byas pas mir 'gro zhing mi rnams kyi nang du skye ste/ mi rnams kyi nang du nying mtshams sbyor ba de ni/ mi'i 'gro ba zhes bya'o//gzhan yang ming dang / rnam pa'i tshig dang / tshig bla dgas dang / ming du btags pa dang / kun du rig pa dang / gdags pa dang / tha snyad kyi mi'i 'gro ba yang mi'i 'gro ba zhes bya'o/ /'gro ba gang la skye gnas du yod ce na/ smras pa/ sems can dmyal ba pa rnams ni rdzus te skye ba'i skye gnas gcig pu yod do//dud 'gro rnams la skye gnas du yod ce na/ smras pa/ bzhi po thams cad yod do/ /yi dags rnams la skye gnas du yod ce na/ smras pa/ rdzus te skye ba gcig pu yod do/ /la la ni yi dags rnams la mngal nas skye ba yang yod do zhes zer ba yang yod de/ji lta zhe na/ smras pa/ dper na yi dags mo zhig gis tshe dang ldan pa maud gal gyi bu'i mdun du tshigs su bcad pa smras pa/ 'dir ni nyin mo bu lnga btsas/ /mtshan mo gzhan lnga btsas gyur nas/ /zos su zin kyang de dag gis/ /bdag ni 'grangs par ma gyur to//zhes smras pa lta bu'o/ /lha rnams la skye gnas du yod ce na/ smras pa/ rdzus te skye ba gcig pu yod do/ /mi rnams la skye gnas du yod ce na/ smras pa/ bzhi po thams cad yod do/ /mi rnams la sgo nga las skye ba'i skye gnas ji ltar yod ce na/ smras pa/ dper na 'dzam bu'i gling pa'i tshong pa mang po rgya mtsho'i 'gram nas bskor ba rnams kyis khrung khrung gzhon nu ma gnyis mthong ba las gcig ni bros/gcig ni de dag gis bzung ste/ de dag de dang lhan cig tu 'tshos nas/ de dag 'tshos pa'i rkyen gyis sgo nga gnyis byung ste/ de gnyis smin te brtol ba las byis pa gzugs bzang zhing blta na sdug la mdzes pa gnyis byung nas/bcom ldan 'das kyi bstan pa la rab tu byung ste/ de nyid kyis brtson pa dang sbyor ba dang / 'bad pa byas pas mchog gi 'bras bu dgra bcom pa nyid mngon sum du byas te/ tshe dang ldan pa de gnyis rdzu 'phrul che zhing mthu che bar gyur te/brag dang nye ba'i brag ces bya bar gyur pa lta bu dang / dper na ri dgas dgra'i bu mo sa ga las sgo nga sum cu rtsa gnyis byung ste/ de dag smin te brdol ba las byis pa gzugs bzang zhing blta na sdug pa mdzes pa/ tshan po che chen po'i stobs dang ldan pa sum cu rtsa gnyis byung ste/de dag gis nyes pa 'ga' zhig byas pa'i phyir ko sa la'i rgyal po gsal rgyal skrag pas bsad pa lta bu dang / dper na 'das pa'i dus na lnga len gyi rgyal po'i btsun mo pad+ma can las sgo nga lnga brgya byung ste/ de dag smin te brdol ba las byis pa gzugs bzang zhing blta na sdug la mdzes pa/tshan po che chen po'i stobs dang ldan pa lnga brgya byung ste/ de dag 'ga' zhig las skyo ba skyes nas skra dang kha spu rnams bregs te rab tu byung nas/ de dag brtson pa dang sbyor ba dang / 'bad pas rang sangs rgyas kyi byang chub mngon par sangs rgyas pa lta bu'o//de la sogs pa gzhan dag kyang brjod par bya ste/ de ltar na mi rnams la sgo nga las skye ba'i skye gnas yod do/ /mi rnams la mngal nas skye ba'i skye gnas ji ltar yod ce na/ smras pa/ da ltar gyi mi rnams ji lta ba bzhin te/ de ltar na mi rnams la mngal nas skye ba'i skye gnas yod do//mi rnams la drod gsher las skye ba'i skye gnas ji ltar yod ce na/ smras pa/ dper na rgyal po tshangs pas byin gyi brang nas/ thor bu 'di lta ste/ shing bal gyi 'da' ba'am/ ras bal gyi 'da' ba lta bur 'jam zhing shin tu 'jam la gnod pa cung zad kyang med pa zhig byung ste/de smin te brdol ba las bu mo gzugs bzang zhing blta na sdug la mdzes pa zhig skyes te/ phug ron phreng ldan zhes bya bar gyur nas/ de dus gzhan zhig na skyes shing dbang po rnams yongs su smin par gyur pa na/ sngon ma thos par tshigs su bcad pa 'di lta bu zhig dran te/smras pa/ mtshon rnams gang nas ldog par gyur/ /lam ni gang du ldog par 'gyur/ /bde dang sdug bsngal 'jig rten na/ /gang du ma lus 'gag par 'gyur/ /zhes smras so/ /de nas bram ze'i khye'u gcam bu mu cor smra ba spyi brtol can zhig gis bu mo de la 'di skad du/bu mo de ni ci yang ma yin pa zhig go zhes smras te/ de skad smras pa dang / bu mo de ci yang med pa'i skye mched la snyoms par zhugs pa lta bu dang / dper na rgyal po gso sbyong 'phags kyi spyi bo las thor bu 'di lta ste/ shing bal lam/ ras bal lta bur 'jam zhing shin tu 'jam la gnod pa cung zad kyang med pa zhig byung ste/de smin te brdol ba las byis pa gzugs bzang zhing blta na sdug la mdzes pa skyes bu chen po'i mtshan sum cu rtsa gnyis kyis brgyan pa zhig skyes te/ spyi bo nas skyes so/ /spyi bo nas skyes so zhes zer nas/ ming nga las nu nga las nu zhes bya bar gyur to/ / byis pa de rdzu 'phrul che zhing mthu che bar gyur te/ des kyang gling bzhir rgyal srid kyi dbang phyug la dbang byas pa lta bu dang / dper na rgyal po nga las nu'i brla g.yas pa las thor bu 'di lta ste/ shing bal lam/ ras bal lta bur 'jam zhing shin tu 'jam la/ cung zad kyang gnod pa med pa zhig byung ste/ de smin te brdol ba las byis pa gzugs bzang zhing blta na sdug la mdzes pa skyes bu chen po'i mtshan sum cu rtsa gnyis kyis brgyan pa zhig skyes te/rkang pa g.yas pa nas skyes so/ /rkang pa g.yas pa nas skyes so zhes zer nas/ ming mdzes pa mdzes pa zhes bya bar gyur to/ /byis pa de rdzu 'phrul che zhing mthu che bar gyur te/des kyang gling gsum du rgyal srid kyi dbang phyug la dbang byas pa lta bu dang / dper na rgyal po mdzes pa'i brla g.yon pa nas thor bu 'di lta ste/ shing bal gyi 'da' ba 'am/ ras bal gyi 'da' ba lta bur 'jam shing shin tu 'jam la/ cung zad kyang gnod pa med pa zhig byung ste/de smin te brdol ba las byis pa gzugs bzang zhing blta na sdug la mdzes pa skyes bu chen po'i mtshan sum cu rtsa gnyis kyis brgyan pa zhig skyes te rkang pa g.yon pa nas skyes so/ /rkang pa g.yon pa nas skyes so zhes zer nas/ ming nye mdzes nye mdzes zhes bya bar gyur to//byis pa de rdzu 'phrul che zhing mthu che bar gyur te/ des kyang gling gnyis su rgyal srid kyi dbang phyug la dbang byas pa lta bu dang / dper na rgyal po nye mdzes kyi rkang pa'i steng gi bol nas thor bu 'di lta ste/ shing bal gyi 'da' ba'am/ ras bal gyi 'da' ba lta bur 'jam zhing shin tu 'jam la/gnod pa cung zad med pa zhig byung ste/ de smin te brdol ba las byis pa gzugs bzang zhing blta na sdug la mdzes pa skyes bu chen po'i mtshan sum cu rtsa gnyis kyis brgyan pa zhig skyes te/ rkang pa'i steng gi bol nas skyes so/ /rkang pa'i steng gi bol nas skyes so zhes zer nas/ming mdzes ldan mdzes ldan zhes bya bar gyur to/ /byis pa de rdzu 'phrul che zhing mthu che bar gyur nas des kyang gling gcig tu rgyal srid kyi dbang phyug la dbang byas pa lta bu dang / dper na rgyal bo mdzes ldan gyi rkang pa'i 'og gi mthil nas thor bu 'di lta ste/shing bal gyi 'da' ba dang / ras bal gyi 'da' ba lta bur 'jam zhing shin tu 'jam la gnod pa cung zad kyang med pa zhig byung ste/ de smin te brdol ba las byis pa gzugs bzang zhing blta na sdug la mdzes pa/ skyes bu chen po'i mtshan sum cu rtsa gnyis kyis brgyan pa zhig skyes te/ rkang pa'i 'og gi mthil nas skyes so//rkang pa'i 'og gi mthil nas skyes so zhes zer nas/ ming mdzes can mdzes can zhes bya bar gyur to/ /byis pa de rdzu 'phrul che zhing mthu che bar gyur te/ des kyang 'dzam bu'i gling du rgyal srid kyi dbang phyug la dbang byas pa lta bu dang / dper na yangs pa can na ming chen gyi skyed mos tshal du shing a mra las bu mo gzugs bzang zhing blta na sdug la mdzes pa zhig skyes te/ming a mras bskyangs ma zhes bya bar gyur nas/ bu mo de yang tshogs kyis tshogs kyi spyad par byas pa lta bu'o/ /de la sogs pa gzhan dag kyang brjod par bya ste/ de ltar na mi rnams la drod gsher las skye ba'i skye gnas yod do//de rnams la rdzus te skye ba'i skye gnas ji ltar yod ce na/ smras pa/ dper na bskal pa dang po pa thams cad rdzus te skyes pa lta bu dang / dper na dge slong ma dgon pa ma skra bregs shing gos ngur smrig gon bzhin du dgon pa nas byung ba lta bu'o//de la sogs pa gzhan dag kyang brjod par bya ste/ de ltar na mi rnams la rdzus te skye ba'i skye gnas yod do/ /ci'i phyir sems can dmyal ba rnams zhes bya zhe na/ smras pa/ yid du 'ong ba med cing bde ba dang yid bde ba dang bral ba'i phyir rgyu des na sems can dmyal ba rnams zhes bya'o//ci'i phyir dud 'gro rnams zhes bya zhe na/ smras pa/ dud de 'gro zhing dud de 'ongs pas na/ de'i phyir dud 'gro rnams zhes bya'o/ /ci'i phyir yi dags rnams zhes bya zhe na/ smras pa/ da ltar yi dags rnams kyi rgyal po gshin rje ji lta ba bzhin du de'i dus na yi dags rnams kyi rgyal po pha zhes bya bar gyur te/pha'i yul du 'gro'o/ /pha'i yul nas 'ong ngo zhes zer nas/ ming yi dags yi dags zhes bya bar gyur te/ rgyu des na yi dags rnams zhes bya'o/ /ci'i phyir mi rnams zhes bya zhe na/ smras pa/ rgyal po nga las nu des bstan pa'i mi rnams ni las chen po'o cog blos bskyed pa dang /bsams te 'jam zhing nye bar brtags nas byed pa dang / brtags shing gzhal te nye bar rtog par byed pas na mi mi zhes bya bar gyur te/ rgyu des na mi rnams zhes bya'o/ /ci'i phyir lha rnams zhes bya zhe na/ smras pa/ 'bar ba'i phyir na lha rnams zhes bya'o/ / gzhan yang 'gro ba rnams dang / skye ba rnams dang / lus thob pa rnams kyi mchog yin pas na lha rnams zhes bya'o/ /ci'i phyir mtho ris zhes bya zhe na/ smras pa/ sems can de dag bde ba dang ldan zhing skyid la/ gnod pa med cing / gnod pa med pa'i chos dang ldan te/ bde ba dang /yid bde ba mchog dang / gnod pa med pa'i bde ba dang / bde ba'i tshor ba dang ldan pas na mtho ris zhes bya'o/ /ci'i phyir lha'i bu mo zhes bya zhe na/ smras pa/ gsal zhing rnyog pa med pa'i phyir lha'i bu mo zhes bya ba dang / bag byed cing dga' ba'i shas che ba'i phyir lha'i bu mo zhes bya ste/rgyu des na lha'i bu mo rnams zhes bya'o// //rgyu gdags pa/ bam po bdun pa ste tha ma/ ci'i phyir ma zhes bya zhe na smras pa/ nu zho snun par byed pa dang / gso bar byed pa'i phyir ma zhes bya ba dang / mkhas shing blo dang ldan pa'i phyir ma zhes bya ste/ rgyu des na ma zhes bya'o/ / ci'i phyir pha zhes bya zhe na/ smras pa/ skye ba 'grub pa la bu rgyud kyi las dang 'brel pa'i rgyu dang po de yin pa dang / rkyen de yin pas na de'i phyir pha zhes bya'o/ /ci'i phyir zhang po zhes bya zhe na/ smras pa/ ma dang rigs gcig tu 'brel pas na/ de'i phyir zhang po zhes bya'o/ /ci'i phyir khu bo zhes bya zhe na/smras pa/ skyed pa'i pha la ni pha zhes bya ste/ 'di ni bdag gi pha'i thabs so/ /zhes bya bas na de'i phyir khu bo zhes bya'o/ /ci'i phyir phu nu zhes bya zhe na/ smras pa/ rigs las skal ba gcod pas na de'i phyir phu nu zhes bya'o/ /ci'i phyir sring mo zhes bya zhe na/smras pa/ rigs las bkur ster bya ba dang / bla mar bya ba dang / ri mor bya ba dang / mchod par bya ba dang / rim gror bya ba'i skal ba dbang ba na/ de'i phyir sring mo zhes bya'o/ /ci'i phyir ma las 'o ma 'byung la pha las mi 'byung zhe na/ smras pa/ ma'i mngal nas skye ba dang 'brel bar 'gyur gyi/pha dang 'brel ba med pa'i phyir ro/ /gzhan yang ches lhag par ma bu la byams kyi pha ni de lta ma yin te/ rgyu des na ma las 'o ma 'byung gi pha las mi 'byung ngo / /ci'i phyir bud med la 'gram spu dang kha spu med ce na/ smras pa/ ma ning bzhin du de'i dbang po rnams zhan pas na/de'i phyir bud med la 'gram spu dang kha spu med do/ /ci'i phyir ma ning la 'gram spu dang kha spu med ce na/ smras pa/ bud med bzhin du de'i dbang po rnams zhen pas na de'i phyir 'gram spu dang kha spu med do/ /ci'i phyir rgyal po zhes bya zhe na smras pa/ chos dang / ngang tshul dang / spyod tshul kun du spyod pas 'khor rangs par byed pas na/ de'i phyir rgyal po zhes bya'o/ /ci'i phyir rgyal rigs zhes bya zhe na/ smras pa/ zhing rnams kyi bdag por gyur pas na de'i phyir rgyal rigs zhes bya'o/ /ci'i phyir bram ze zhes bya zhe na/ smras pa/ phyi rol du sems pas na de'i phyir bram ze zhes bya'o//ci'i phyir rje'u rigs zhes bya zhe na/ smras pa/ nyon mongs pa rnam pa sna tshogs dang ldan pa'i las byed pas na/ de'i phyir rje'u rigs zhes bya'o/ /ci'i phyir dmangs rigs zhes bya zhe na/ smras pa/ ngan las byed pa dang / gnod pa'i las byed pas na de'i phyir dmangs rigs zhes bya'o//ci'i phyir gdol pa zhes bya zhe na/ smras pa/ bskal pa dang po'i mi rnams su yang pha rol gyi mi len pa las phyis mi zhig gis pha rol gyi ma byin par blangs nas de rgyal po'i srung ma'i mis bzung ste/ rgyal rigs spyi bo nas dbang bskur ba'i rgyal po la phul nas/ lha mkhyen par mdzad du gsol/mi 'dis ni pha rol gyi ma byin par blangs lags so/ /rgyal pos de dag la smras pa/ khyed deng la mi 'di sod cig ces byas na/ mi de dag las su yang mi de gsad par spro ba ma byung nas/ de dag la spyi bo nas dbang bskur ba'i rgyal pos 'di skad ces smras te/su mi 'di gsod pa de la ngas nor gyi phung po chen po sbyin no/ /de nas mi gzhan nor don du gnyer zhing nor 'dod la nor la brkam zhing nor gyi nyes sdig can zhig gis mi de bsad do/ /mi de bsad nas de dag 'di snyam sems te/ mi 'di ni gtum po zhig ste/ 'di ltar nor don du gnyer ba dang /nor 'dod pa dang / nor la brkam pa dang / nor gyi nyes sdig gis mi sun ma phyung zhing nyes pa med pa bsad kyis/ mi 'di ni dgos pa med do/ /mi 'di ni gtum po'i zhes zer nas ming gdol pa gdol pa zhes bya bar gyur te/ rgyu des na gdol pa rnams zhes bya'o/ / chos mngon pa'i bstan bcos chen po rgyu gdags pa las tshigs bcwa lnga pa'o// //sdom ni/ dud 'gro sbrul dang glang po rta/ /rnga mo ba lang phyugs dang glang / /rwa dang 'jam dang drag pa dang / /chu gnas bkren pa tshigs kyi sdom/ /ci'i phyir dud 'gro zhes bya zhe na/ smras pa/ sems can las shin tu gnag pa dang ldan pa zhig 'od gsal gyi lha'i ris nas shi 'phos nas 'jig rten gyi khams 'dir mi rnams dang skal ba mnyam par bskal pa dang po'i mi rnams kyi nang du skyes so//de 'dir skyes nas des lag pa gnyis sa la btsugs te/ dud de 'gro ba las ming dud 'gro dud 'gro zhes bya bar gyur te/rgyu des na dud 'gro rnams zhes bya'o/ /ci'i phyir sbrul zhes bya zhe na/ smras pa/ sems can las shin tu gnag pa dang ldan pa zhig 'od gsal gyi lha'i ris nas shi 'phos nas 'jig rten gyi khams 'dir mi rnams dang skal ba mnyam par bskal pa dang po'i mi rnams kyi nang du skyes so//de 'dir skyes nas lag pa gnyis dang rkang pa gnyis med par gyur te/ de ltos 'phye bar gyur nas de dag 'di skad du/ sems can 'di ltos phye'o sems can 'di ltos phye'o zhes zer nas/ ming lto 'phye lto 'phye zhes bya bar gyur te/ rgyu des na sprul zhes bya'o//ci'i phyir glang po che zhes bya zhe na/ smras pa/ sems can las shin tu gnag pa dang ldan pa zhig 'od gsal gyi lha'i ris nas shi 'phos nas 'jig rten gyi khams 'dir mi rnams dang skal ba mnyam par bskal pa dang po'i mi rnams kyi nang du skyes te/ de 'dir skyes nas des lag pa gnyis sa la btsugs te/de'i sna yang ring por gyur nas/ lag pas 'gro zhing lag pas 'ong bas ming glang po che glang po che zhes bya bar gyur te/ rgyu des na glang po che rnams zhes bya'o/ /ci'i phyir rta zhes bya zhe na/ smras pa/ sems can las shin tu gnag pa dang ldan pa zhig 'od gsal gyi lha'i ris nas shi 'phos nas 'jig rten gyi khams 'dir mi rnams dang skal ba mnyam par bskal pa dang po'i mi rnams kyi nang du skyes te/de 'dir skyes nas dgon pa'i gnas rnams su rgyu bar gyur to/ /de nas sems can de dag gis mthong nas 'di skad du kye su'i zhes byas pa dang /smras pa/ kye 'di ni su'i yang ma yin no zhes zer nas ming rta rta zhes bya bar gyur te/ rgyu des na rta rnams zhes bya'o/ /ci'i phyir rnga mo zhes bya zhe na/ smras pa/ sems can las shin tu gnag pa dang ldan pa zhig 'od gsal gyi lha'i ris nas shi 'phos nas 'jig rten gyi khams 'dir mi rnams dang skal ba mnyam par bskal pa dang po'i mi rnams kyi nang du skyes te/de 'dir skyes nas mchu gnyis 'phyang la mgrin pa yang gye gu can du gyur nas/ de dag 'di skad du/ mchu gnyis 'phyang ngo mchu gnyis 'phyang ngo zhes zer nas/ de dag gis de'i ming rnga mo zhes btags te/ rgyu des na rnga mo rnams zhes bya'o/ /ci'i phyir ba lang zhes bya zhe na/ smras pa/ sems can las shin tu gnag pa dang ldan pa zhig 'od gsal gyi lha'i ris nas shi 'phos nas 'jig rten gyi khams 'dir mi rnams dang skal ba mnyam par bskal pa dang po'i mi rnams kyi nang du skyes te/ de 'dir skyes nas tshogs kyi nang nas byung ste/dgon pa'i gnas dag na rgyu zhing / sems can de tshogs kyi nang nas byung nas dgon pa'i gnas dag na rgyu zhing tshogs kyi nang na mi gnas pa'i phyir de'i ming ba lang zhes bya bar gyur te/ rgyu des na ba lang rnams zhes bya'o/ /ci'i phyir phyugs zhes bya zhe na/ smras pa/ sems can las shin tu gnag pa dang ldan pa zhig 'od gsal gyi lha'i ris nas shi 'phos nas 'jig rten gyi khams 'dir mi rnams dang skal ba mnyam par bskal pa dang po'i mi rnams kyi nang du skyes te/ de 'dir skyes nas dgon pa'i gnas rnams su rgyu ba mi de dag gi glo nas 'dzin cing /glo nas 'dzin pas na ming phyugs zhes btags te rgyu des na phyugs rnams zhes bya'o/ /ci'i phyir glang bu zhes bya zhe na/ smras pa/ sems can las shin tu gnag pa dang ldan pa zhig 'od gsal gyi lha'i ris nas shi 'phos nas 'jig rten gyi khams 'dir mi rnams dang skal ba mnyam par bskal pa dang po'i mi rnams kyi nang du skyes te/de 'dir skyes nas shin tu stobs che zhing khal khyer ba'i phyir ming glang bu glang bu zhes bya bar gyur te/ rgyu des na glang bu rnams zhes bya'o/ /ci'i phyir sems can kha cig ni rwa'i stobs dang ldan/ kha cig ni sder mo'i stobs dang ldan//kha cig ni mche ba'i stobs dang ldan par gyur ce na/ smras pa/ sems can gang dag sngon mir gyur pa na mtshon chas brgyan pa dang / mtshon cha lag char thogs par gyur te/ de dag nyes par spyod pa kun du bsten cing bsgoms te mang du byas pas des lus zhig nas shi ba'i 'og tu ngan song ngan 'gro log par lhung ba sems can dmyal ba rnams su skyes te/de dag sems can dmyal ba rnams nas shi 'phos nas las kyi lhag ma lus pa des dud 'gro rnams su skye bar gyur te/ der kha cig ni rwa'i stobs dang ldan/ kha cig ni sder mo'i stobs dang ldan/ kha cig ni mche ba'i stobs dang ldan par gyur te/rgyu des na kha cig ni rwa'i stobs dang ldan/ kha cig ni sder mo'i stobs dang ldan/ kha cig ni mche ba'i stobs dang ldan par gyur to/ /ci'i phyir spu gshor bar gyur ce na/ smras pa/ sa'i khams kyi shas che ba'i phyir ro/ /gzhan yang sems can gang dag sngon mir gyur pa na lus kyi las rtsub pa dang /ngag gi las rtsub pa dang / yid kyi las rtsub pa de dag nyes par spyod pa kun du bsten cing bsgoms te mang du byas pa des/ lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skyes te/ de dag de nas shi 'phos nas gal te mi rnams dang skal ba mnyam par khams 'dir skyes na yang las kyi lhag ma lus pa des spu gshor bar gyur to//ci'i phyir spu 'jam par gyur ce na/ smras pa/ sems can gang dag sngon mir gyur pa na lus kyi las rtsub pa ma byas/ ngag gi las rtsub pa ma byas/yid kyi las rtsub pa ma byas te/ de dag legs par spyod pa kun du bsten cing bsgoms te mang du byas pa des/ lus zhig nas shi ba'i 'og tu bde 'gro mtho ris kyi 'jig rten du lha rnams kyi nang du skyes te/ de nas shi 'phos nas gal te mi rnams dang skal ba mnyam par khams 'dir skyes na yang las kyi lhag ma lus pa des spu 'jam par gyur te/rgyu des na spu 'jam par gyur to/ /ci'i phyir dug drag par 'gyur zhe na/ smras pa/ gnod sems kyi shas che ba'i phyir ro/ /gzhan yang sems can gang dag dug drag pa de dag gi nang nas nye zhing du bas nye bar shi 'phos pa rnams yin te/de dag kyang gang zhe na/ 'di lta ste/ sbrul dang / sdig pa dang / sbrang rgod mdung gsum pa dang / sbrang rgod mdung gsum pa chen po dang / srin gyi med la sogs pa ste/ rgyu des na dug drag por 'gyur ro/ /ci'i phyir dug drag por mi 'gyur zhe na/smras pa/ gnod sems med pa'i khams shas che ba'i phyir ro/ /gzhan yang sems can gang dag dug drag pa ma yin pa de dag gi nang nas nye zhing du bas nye bar shi 'phos pa rnams yin te/ de dag kyang gang zhe na/ 'di lta ste/ drang srong rnams dang / rab tu byung ba rnams dang /khyim bdag rnams dang / gzugs dang / gzugs med pa na spyod pa'i lha rnams te/ rgyu des na dug drag por mi 'gyur ro/ /ci'i phyir chu na gnas pa'i sems can rnams dang skal ba mnyam par skye bar 'gyur zhe na/ smras pa/ sems can gang dag skom zhing gdungs la/skams te chu 'dod bzhin du 'chi ba de dag la lus zhig nas chu na gnas pa'i sems can rnams dang skal ba mnyam par skye bar 'gyur ro/ /ci'i phyir bya rnams dang skal ba mnyam par skye bar 'gyur zhe na/ smras pa/ sems can gang dag dog cing yongs su gzir bar 'gyur te/go skabs yangs pa 'dod bzhin du 'chi ba de dag lus zhig nas bya rnams dang skal ba mnyam par skye bar 'gyur ro/ /'gro ba der smin par 'gyur ba'i las byas shing bstsags pa las kyang 'gyur te/ chu na gnas pa rnams la yang de bzhin du brjod par bya'o/ /ci'i phyir sa'i phyogs bkren pa zas dang skom nyung ba rnams su skye bar 'gyur zhe na/smras pa/ sems can gang dag sngon mir gyur pa na/ lus kyi las rtsub po dang / ngag gi las rtsub po dang / yid kyi las rtsub por gyur pa de dag nyes par spyod pa kun du bsten cing bsgoms te mang du byas pa des/ lus zhig nas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur te/ gal te de nas shi 'phos nas khams 'dir mi rnams dang skal ba mnyam par skyes na yang las kyi lhag ma lus pa des/ 'dir sa phyogs bkren pa zas dang skom nyung ba dag tu skye bar 'gyur te/rgyu des na sa phyogs bkren pa zas dang skom nyung ba dag tu skye bar 'gyur ro/ /ci'i phyir sa phyogs gshin pa zas dang / skom mod pa dag tu skye bar 'gyur zhe na/ smras pa/ sems can gang dag sngon mir gyur pa na/ lus kyi las drang po dang / ngag gi las drang po dang /yid kyi las drang por gyur pa de dag legs par spyod pa kun du bsten cing bsgoms te mang du byas pa des/ lus zhig nas shi ba'i 'og tu bde 'gro mtho ris kyi 'jig rten lha rnams kyi nang du skyes par gyur te/ gal te de nas shi 'phos nas khams 'dir mi rnams dang skal ba mnyam par skye na yang las kyi lhag ma lus pa des 'dir sa phyogs gshin pa zas dang skom mod pa dag tu skye bar 'gyur te/rgyu des nas phyogs gshin pa zas dang skom mod pa dag tu skye bar 'gyur ro/ /chos mngon pa'i bstan bcos dge ba dang mi dge ba'i rgyu dang 'bras bu bstan pa/ rgyu gdags pa las tshigs bcu drug pa'o// //sdom ni/ sems dmyal sbrul dang byi ba khyi/ /glang chen rta dang rnga mo dang / /ba lang bod bu ri dgas dang / /ra lug khwa rnams tshigs kyi sdom/ /sems can dmyal bdag nas shi 'phos pa rnams kyi rnam pa ni gang dag yin/ mtshan ma ni gang dag yin/ rtags ni gang dag yin zhe na/ smras pa/ sems can gang dag skem pa dang / ngan pa la dga' ba dang / mdog ngan pa dang / 'jigs pa dang / bag tsha ba dang / sdang skyen pa dang / 'bros pa dang / lus mdog tshig pa ltar 'dug pa dang /rmi lam na me dang / ral gri dang / mdung thung dang / mda' bo che dang / mtshon nas 'bras lta bu dang / mde'u thung dang / lcags zangs dang / khar zangs kyi nang du bsregs pa rmi ba de dag ni nye zhing dubs nye bar sems can dmyal ba dag nas shi 'phos pa yin te/ sems can dmyal ba dag nas shi 'phos pa rnams kyi rnam pa ni de dag yin no//mtshan ma ni de dag yin no/ /rtags ni de dag yin no/ /sbrul dag gi nang nas shi 'phos pa rnams kyi rnam pa ni gang dag yin/ mtshan ma ni gang dag yin/ rtags ni gang dag yin zhe na/ smras pa/ sems can gang dag shugs myur zhing mgyogs pa dang /rang bzhin gyis gnyid che ba dang / rgod bag can dang / khas bub tu nyal ba dang / nyal ba la rtag pa dang / lce 'byin pa dang / lce ldag pa dang / khro skyen pa dang / 'jems par 'dug pa dang / shas cher 'dug pa dang / khon du 'dzin pa de dag ni nye zhing du bas nye bar sbrul dag gi nang nas shi 'phos pa yin te/sbrul dag gi nang nas shi 'phos pa rnams kyi rnam pa ni de dag yin no/ /mtshan ma ni de dag yin no/ /rtags ni de dag yin no/ /byi ba dag gi nang nas shi 'phos pa rnams kyi rnam pa ni gang dag yin/ mtshan ma ni gang dag yin rtags ni gang dag yin zhe na/smras pa/ sems can gang dag shugs myur zhing mgyogs pa dang / spu ring ba dang / spu mang ba dang / gnod par byed pa dang / 'tshe bar byed pa dang / khyim 'bigs pa dang / mun pa'i nang du dga' ba dang / kha zas myur ba myur bar za ba dang /kha zas nyung dus kyang chog par 'dzin pa de ni zhi zhing du bas nye bar byi bdag gi nang nas shi 'phos pa yin te/ byi ba dag gi nang nas shi 'phos pa rnams kyi rnam pa ni de dag yin no/ /mtshan ma ni de dag yin no/ /rtags ni de dag yin no/ /khyi dag gi nang nas shi 'phos pa rnams kyi rnam pa ni gang dag yin/mtshan ma ni gang dag yin/ rtags ni gang dag yin zhe na/ smras pa/ sems can gang dag shugs myur zhing mgyogs pa dang / spu ring ba dang / spu mang ba dang / spu gshor ba dang / snying nye ba dang / zas la gdung ba dang / ngo mi shes pa la sdang ba de dag ni nye zhing du bas nye bar khyi dag gi nang nas shi 'phos pa yin te/khyi dag gi nang nas shi 'phos pa rnams kyi rnam pa ni de dag ma yin no/ /mtshan ma ni de dag yin no/ /rtags ni de dag yin no/ /glang po che dag gi nang nas shi 'phos pa rnams kyi rnam pa ni gang dag yin/ mtshan ma ni gang dag yin/ rtags ni gang dag yin zhe na/ smras pa/ sems can gang dag shugs myur zhing mgyogs pa dang / spu ring ba dang / spu mang ba dang / spu gshor ba dang / lus ring ba dang / che ba dang / stobs dang ldan pa dang / lto che ba dang / lus kyi mdog ngan pa dang /sna ring ba dang / zlan ba 'bur ba dang / kha dog la dga' ba dang / rkang pa zlum pa dang / so drung mtho ba de dag ni nye zhing du bas nye bar glang po che dag gi nang nas shi 'phos pa yin te/ glang po che dag gi nang nas shi 'phos pa rnams kyi rnam pa ni de dag yin no/ /mtshan ma ni de dag yin no//rtags ni de dag yin no/ /rta dag gi nang nas shi 'phos pa rnams kyi rnam pa ni gang dag yin/ mtshan ma ni gang dag yin/ rtags ni gang dag yin zhe na/ smras pa/ sems can gang dag shugs myur zhing mgyogs pa dang / spu ring ba dang / spu mang ba dang /spu gshor ba dang / rta skad 'byin pa dang / brgyan pa la dga' ba dang / nyon mongs pa'i shas che ba de dag ni nye zhing dubs nye bar rta dag gi nang nas shi 'phos pa yin te/ rta dag gi nang nas shi 'phos pa rnams kyi rnam pa ni de dag yin no//mtshan ma ni de dag yin no/ /rtags ni de dag yin no/ /rnga mo dag gi nang nas shi 'phos pa rnams kyi rnam pa ni gang dag yin/ mtshan ma ni gang dag yin/ rtags ni gang dag yin zhe na/ smras pa/ sems can gang dag shugs myur zhing mgyogs pa dang /spu ring ba dang / spu mang ba dang / spu gshor ba dang / stobs che ba dang / skra ring ba dang / mchu 'phyang ba dang / mgrin pa gye gur 'dug pa de dag ni nye zhing du bas nye bar rnga mo dag gi nang nas shi 'phos pa yin te/rnga mo dag gi nang nas shi 'phos pa rnams kyi rnam pa ni de dag yin no/ /mtshan ma ni de dag yin no/ /rtags ni de dag yin no/ /ba lang dag gi nang nas shi 'phos pa rnams kyi rnam pa ni gang dag yin/ mtshan ma ni gang dag yin/ rtags ni gang dag yin zhe na/ smras pa/ sems can gang dag shugs myur zhing mgyogs pa dang / spu ring ba dang / spu mang ba dang / spu gshor ba dang / lto che ba dang / stobs che ba dang / lu ba dang / zlos shing bldad pa dang / mang du za ba dang / rwa'i sa 'bur ba de dag ni nye zhing dubs nye bar ba lang dag gi nang nas shi 'phos pa yin te/ba lang dag gi nang nas shi 'phos pa rnams kyi rnam pa ni de dag yin no/ /mtshan ma ni de dag yin no/ /rtags ni de dag yin no/ /bong bu dag gi nang nas shi 'phos pa rnams kyi rnam pa ni gang dag yin/ mtshan ma ni gang dag yin/ rtags ni gang dag yin zhe na/ smras pa/ sems can gang dag shugs myur zhing mgyogs pa dang / spu ring ba dang / spu mang ba dang / spu gshor ba dang / bum gsus por 'dug pa dang / sa rko ba dang / skad mi snyan pa dang / dung skad can dang / mi gtsang ba 'dam pa de dag ni nye zhing dubs nye bar bong bu dag gi nang nas shi 'phos pa yin te/bong bu dag gi nang nas shi 'phos pa rnams kyi rnam pa ni de dag yin no/ /mtshan ma ni de dag yin no/ /rtags ni de dag yin no/ /ri dgas rnams kyi nang nas shi 'phos pa rnams kyi rnam pa ni gang dag yin/ mtshan ma ni gang dag yin/ rtags ni gang dag yin zhe na/smras pa/ sems can gang dag shugs myur zhing mgyogs pa dang / spu ring ba dang / spu mang ba dang / spu gshor ba dang / 'jigs pa dang / bag tsha ba dang / sdang skyen pa dang / 'bros pa dang / dgon par dga' zhing der mngon par dga' ba de dag ni nye zhing dubs nye bar ri dgas dag gi nang nas shi 'phos pa yin te/ri dgas rnams kyi nang nas shi 'phos pa rnams kyi rnam pa ni de dag yin no/ /mtshan ma ni de dag yin no/ /rtags ni de dag yin no/ /ra dag gi nang nas shi 'phos pa rnams kyi rnam pa ni gang dag yin/mtshan ma ni gang dag yin/ rtags ni gang dag yin zhe na/ smras pa/ sems can gang dag shugs myur zhing mgyogs pa dang / spu ring ba dang / spu mang ba dang / spu gshor ba dang / shing 'cha' ba dang / yang bar rgyu ba dang / nyi ma la dga' ba dang / lhags pa la sdar ba de dag ni nye zhing dubs nye bar ra dag gi nang nas shi 'phos pa yin te/ra dag gi nang nas shi 'phos pa rnams kyi rnam pa ni de dag yin no/ /mtshan ma ni de dag yin no/ /rtags ni de dag yin no/ /lug ngag gi nang nas shi 'phos pa rnams kyi rnam pa ni gang dag yin/ mtshan ma ni gang dag yin/rtags ni gang dag yin zhe na/ smras pa/ sems can gang dag shugs myur zhing mgyogs pa dang / spu ring ba dang / spu mang ba dang / spu 'jam pa dang / rmongs rtul ba dang / sa rdul glong bar byed pa dang / mgo 'phang smad de 'gro ba dang / snabs mang ba dang /mi gtsang ba kun du spyod pa de dag ni nye zhing dubs nye bar lug gi nang nas shi 'phos pa yin te/ lug gi nang nas shi 'phos pa rnams kyi rnam pa ni de dag yin no/ /mtshan ma ni de dag yin no/ /rtags ni de dag yin no/ /khwa dag gi nang nas shi 'phos pa rnams kyi rnam pa ni gang dag yin/mtshan ma ni gang dag yin/ rtags ni gang dag yin zhe na/ smras pa/ sems can gang dag gcam bu dang / mu cor smra ba dang / spyi rtol can dang / snying ring ba dang / byas pa mi gzo ba dang / snying rje med pa dang / dgang dka' ba dang / ma byin par len pa dang / stsogs 'jog byed pa dang /ca co can de dag ni nye zhing dubs nye bar khwa dag gi nang nas shi 'phos pa yin te/ khwa dag gi nang nas shi 'phos pa rnams kyi rnam pa ni de dag yin no/ /mtshan ma ni de dag yin no/ /rtags ni de dag yin no/ /chos mngon pa'i bstan bcos chen po rgyu gdags pa las tshigs bcu bdun pa'o// //sdom ni/ phag dang spre'u dom rnams dang / /ce spyang spyang ki 'phar ba dred/ /gung dang stag dang seng ge dang / /klu dang de bzhin dri za dang / /yi dags dang ni mi rnams dang / /lha rnams tshigs kyi sdom du byas/ /phag dag gi nang nas shi 'phos pa rnams kyi rnam pa ni gang dag yin/mtshan ma ni gang dag yin/ rtags ni gang dag yin zhe na/ smras pa/ sems can gang dag shugs myur zhing mgyogs pa dang / spu ring ba dang / spu mang ba dang / spu gshor ba dang / bum gsus por 'dug pa dang / gdong ring ba dang /sna 'khor lo ltar 'dug pa dang / sa rdul gyi nang du 'dre ba dang / ngan pa za ba dang / mi gtsang ba kun du spyod pa dang / so drung mtho ba de dag ni nye zhing du bas nye bar phag gi nang nas shi 'phos pa yin te/ phag dag gi nang nas shi 'phos pa rnams kyi rnam pa ni de dag yin no/ / mtshan ma ni de dag yin no/ /rtags ni de dag yin no/ /spre'u dag gi nang nas shi 'phos pa rnams kyi rnam pa ni gang dag yin/ mtshan ma ni gang dag yin/ rtags ni gang dag yin zhe na/ smras pa/ sems can gang dag shugs myur zhing mgyogs pa dang / spu ring ba dang / spu mang ba dang /spu 'jam pa dang / spre'u 'dra ba dang / dmar ser du 'dug pa dang / shing la dga' ba dang / shing tog la dga' ba dang / 'dzeg pa la dga' ba dang / shing la 'dzeg pa dang / 'dzegs nas kyang 'dzeg pa la yun ring ba dang / thams cad du yang mal gcig la mi 'dug pa de dag ni nye zhing dubs nye bar spre'u dag gi nang nas shi 'phos pa yin te/spre'u dag gi nang nas shi 'phos pa rnams kyi rnam pa ni de dag yin no/ /mtshan ma ni de dag yin no/ /rtags ni de dag yin no/ /dom dag gi nang nas shi 'phos pa rnams kyi rnam pa ni gang dag yin/ mtshan ma ni gang dag yin/rtags ni gang dag yin zhe na/ smras pa/ sems can gang dag shugs myur zhing mgyogs pa dang / spu ring ba dang / spu mang ba dang / spu gshor ba dang / ngam sdur da/ can dang / tug rid can dang / lus 'gul ba dang / du ba dang / shing la dga' ba dang /shing tog la dga' ba dang / 'dzeg pa la dga' ba dang / de dag ni nye zhing dubs nye bar dom dag gi nang nas shi 'phos pa yin te/ dom dag gi nang nas shi 'phos pa rnams kyi rnam pa ni de dag yin no/ /mtshan ma ni de dag yin no/ /rtags ni de dag yin no/ /ce sbyang dag gi nang nas shi 'phos pa rnams kyi rnam pa ni gang dag yin/mtshan ma ni gang dag yin/ rtags ni gang dag yin zhe na/ smras pa/ sems can gang dag shugs myur zhing mgyogs pa dang / spu ring ba dang / spu mang ba dang / spu gshor ba dang / g.yo byed pa dang / g.yo can dang /sgyu can dang / dbyen byed pa dang / mtshang 'dru ba dang / spyod yul spen pa de dag ni nye zhing dubs nye bar ce spyang dag gi nang nas shi 'phos pa yin te/ ce spyang dag gi nang nas shi 'phos pa rnams kyi rnam pa ni de dag yin no/ /mtshan ma ni de dag yin no/ /rtags ni de dag yin no//spyang ki dag gi nang nas shi 'phos pa rnams kyi rnam pa ni gang dag yin/ mtshan ma ni gang dag yin/ rtags ni gang dag yin zhe na/ smras pa/ sems can gang dag shugs myur zhing mgyogs pa dang / spu ring ba dang / spu mang ba dang / spu gshor ba dang / gcam pa dang /mu cor smra ba dang / spyi brtol che ba dang / snying brtse ba med pa dang / snying rje med pa dang / snying ring ba dang / byas pa mi gzo ba dang / sha khrag za zhing 'thung ba de dag ni nye zhing dubs nye bar spyang ki dag gi nang nas shi 'phos pa yin te/ spyang ki dag gi nang nas shi 'phos pa rnams kyi rnam pa ni de dag yin no//mtshan ma ni de dag yin no/ /rtags ni de dag yin no/ /spyang ki ji lta ba bzhin du 'phar ba dang / dred dang / gung rnams kyang de dang 'dra bar sbyar ro/ /stag dag gi nang nas shi 'phos pa rnams kyi rnam pa ni gang dag yin/ mtshan ma ni gang dag yin/ rtags ni gang dag yin zhe na/smras pa/ sems can gang dag shugs myur zhing mgyogs pa dang / spu ring ba dang / spu mang ba dang / spu gshor ba dang / dpa' ba dang / gtum pa dang / rtsal che ba dang / gcam pa dang / mu cor smra ba dang / spyi brtol che ba dang / snying brtse ba med pa dang / snying rje med pa dang /snying ring ba dang / byas pa mi gzo ba dang / sha khrag za zhing 'thung ba de dag ni nye zhing dubs nye bar stag dag gi nang nas shi 'phos pa yin te/ stag dag gi nang nas shi 'phos pa rnams kyi rnam pa ni de dag yin no/ /mtshan ma ni de dag yin no/ / rtags ni de dag yin no/ /seng ge dag gi nang nas shi 'phos pa rnams kyi rnam pa ni gang dag yin/ mtshan ma ni gang dag yin/ rtags ni gang dag yin zhe na/ smras pa/ sems can gang dag shugs myur shing mgyogs pa dang / spu ring ba dang / spu mang ba dang / spu gshor ba dang /dpa' ba dang / gtum pa dang / stobs che ba dang / snying brtse ba med pa dang / snying rje ba med pa dang / sha khrag za zhing 'thung ba dang / sar pa za ba de dag ni nye zhing dubs nye bar seng ge dag gi nang nas shi 'phos pa yin te/ seng ge dag gi nang nas shi 'phos pa rnams kyi rnam pa ni de dag yin no//mtshan ma ni de dag yin no/ /rtags ni de dag yin no/ /klu dag gi nang nas shi 'phos pa rnams kyi rnam pa ni gang dag yin/ mtshan ma ni gang dag yin/ rtags ni gang dag yin zhe na/ smras pa/ sems can gang dag shugs myur zhing mgyogs pa dang /rang bzhin gyis gnyid che ba dang / khas bub tu nyal ba dang / nyal ba la rtag pa dang / chu la dga' ba dang / ser sna che ba dang / yo byad rnams kun tu 'dzin pa dang / mi ster ba'i rang bzhin can de dag ni nye zhing dubs nye bar klu dag gi nang nas shi 'phos pa yin te/ klu dag gi nang nas shi 'phos pa rnams kyi rnam pa ni de dag yin no//mtshan ma ni de dag yin no/ /rtags ni de dag yin no/ /dri za dag gi nang nas shi 'phos pa rnams kyi rnam pa ni gang dag yin/ mtshan ma ni gang dag yin/ rtags ni gang dag yin zhe na/ smras pa/ sems can gang dag gzugs bzang zhing blta na sdug la mdzes pa dang /rol mo la sred pa dang / sil snyan dang / pheg rdob pa la spyod pa dang / rtsed mo la sred pa dang / dga' dgur spyod pa la sred pa de dag ni nye zhing dubs nye bar dri za dag gi nang nas shi 'phos pa yin te/ dri za dag gi nang nas shi 'phos pa rnams kyi rnam pa ni de dag yin no//mtshan ma ni de dag yin no/ /rtags ni de dag yin no/ /yi dags dag gi nang nas shi 'phos pa rnams kyi rnam pa ni gang dag yin/ mtshan ma ni gang dag yin/ rtags ni gang dag yin zhe na/ smras pa/ sems can gang dag skem pa dang /ngan pa la dga' ba dang / mdog ngan pa dang / gsus pa che ba dang / phra ma zer ba dang / ser sna che ba dang / 'jungs pa dang / yo byad rnams kun tu 'dzin pa dang / lag gis kha zas rul bar byed pa dang / kha zas mang pos kyang mi 'grangs pa de dag ni nye zhing du bas nye bar yi dags dag gi nang nas shi 'phos pa yin te/yi dags dag gi nang nas shi 'phos pa rnams kyi rnam pa ni de dag yin no/ /mtshan ma ni de dag yin no/ /rtags ni de dag yin no/ /mi dag gi nang nas shi 'phos pa rnams kyi rnam pa ni gang dag yin/ mtshan ma ni gang dag yin/rtags ni gang dag yin zhe na/ smras pa/ sems can gang dag las la sred pa dang / bzo la sred pa dang / thabs shes pa dang / pha ma la gus pa dang / srid zhu che ba dang / rtog pa'i rang bzhin can dang / dge ba gang yin pa tshol ba de dag ni nye zhing dubs nye bar mi dag gi nang nas shi 'phos pa yin te/mi dag gi nang nas shi 'phos pa rnams kyi rnam pa ni de dag yin no/ /mtshan ma ni de dag yin no/ /rtags ni de dag yin no/ /lha dag gi nang nas shi 'phos pa rnams kyi rnam pa ni gang dag yin/ mtshan ma ni gang dag yin/ rtags ni gang dag yin zhe na/ smras pa/ sems can gang dag gzugs bzang zhing blta na sdug la mdzes pa dang / kha na ma tho ba med pa dang / bden par smra ba de dag ni nye zhing dubs nye bar lha dag gi nang nas shi 'phos pa yin te/ lha dag gi nang nas shi 'phos pa rnams kyi rnam pa ni de dag yin no/ /mtshan ma ni de dag yin no//rtags ni de dag yin no/ /de rnams dang lus thob pa gzhan dag kyang rtogs par byas nas gzhi ji lta ba bzhin du brjod par bya ste/ yi ge mangs su dogs pa'i phyir ma smos so/ /chos mngon pa'i bstan bcos chen po rgyu gdags pa las tshigs bco brgyad pa'o// //sdom ni/ shing bzhin dang ni lo mar bcas/ /ras bal dgun dang gye dgu dang / /de bzhin drang po phyogs gcig dang / /'byung bcas 'di ni tshigs mtha' rdzogs/ /ci'i phyir 'dzam bu'i gling pa'i shing thams cad kyi nang nas shing 'dzam bu de dag gi mchog ces bya zhe na/smras pa/ 'jig rten 'chags pa'i tshe khams kyi mchog dang / snying po'i mchog dang / bzang po'i mchog dang / zong gi mchog gang yin pa de phyogs der rlung gis bsdus nas de las de grub par 'gyur te/ rgyu des na 'dzam bu'i gling gi shing thams cad kyi nang nas shing 'dzam bu de dag gi mchog ces bya'o//ci'i phyir rgya mtsho'i 'gram gyi shing thams cad kyi nang nas shing shal ma li mthon po de dag gi mchog ces bya zhe na/ smras pa/ 'jig rten 'chags pa'i tshe khams kyi mchog dang / snying po'i mchog dang /bzang po'i mchog dang / zong gi mchog gang yin pa de phyogs der rlung gis bsdus nas de las de grub par 'gyur te/ rgyu des na rgya mtsho'i 'gram gyi shing thams cad kyi nang nas shing shal ma li mthon po de dag gi mchog ces bya'o/ /ci'i phyir lha ma yin gyi ris kyi shing thams cad kyi nang nas shing pa ta li sna tshogs can de dag gi mchog ces bya zhe na/smras pa/ 'jig rten 'chags pa'i tshe khams kyi mchog dang / snying po'i mchog dang / bzang po'i mchog dang / zong gi mchog gang yin pa de phyogs der rlung dag gis bsdus nas de las de grub par 'gyur te/rgyu des na lha ma yin gyi ris kyi shing thams cad kyi nang na shing pa ta li sna tshogs can de dag gi mchog ces bya'o/ /ci'i phyir sum cu rtsa gsum pa'i shing thams cad kyi nang nas/ shing yongs 'dus brtol de dag gi mchog ces bya zhe na/ smras pa/ 'jig rten 'chags pa'i tshe khams kyi mchog dang /snying po'i mchog dang / bzang po'i mchog dang / zong gi mchog gang yin pa de phyogs der rlung gis bsdus nas de las de grub par gyur te/ rgyu des na sum cu rtsa gsum pa'i shing thams cad kyi nang na shing yongs 'du sa brtol de dag gi mchog ces bya'o//ci'i phyir so ga dang dbyar shing kha cig lo ma yod pa dang / me tog yod pa dang / 'bras bu yod par 'gyur la/ shing kha cig ni lo ma med pa dang / me tog med pa dang / 'bras bu med par 'gyur zhe na/ smras pa/ zla ba drug nyi ma byang phyogs na 'dug ste byang phyogs na 'dug pa na dpag tshad bzhi khri nas nyi ma'i 'od zer rnams byung nas gling rnams su 'bab ste/de nas rgya mtsho chen po'i chu bsil bar 'gyur la/ chu bsil ba de yang gling rnams kyi nang du 'gro ste/ shing gang dag chu bsil ba des bde bar skye bar 'gyur ba'i shing de dag ni lo ma yod pa dang / me tog yod pa dang /'bras bu yod par 'gyur la shing gang dag chu bsil ba des bde bar skye bar mi 'gyur ba de dag ni lo ma med pa dang / me tog med pa dang / 'bras bu med par 'gyur te/ rgyu des na so ga dang dbyar shing kha cig la lo ma yod pa dang / me tog yod pa dang / 'bras bu yod par 'gyur la/shing kha cig ni lo ma med pa dang / me tog med pa dang / 'bras bu med par 'gyur ro/ /ci'i phyir dgun shing kha cig lo ma yod pa dang / me tog yod pa dang / 'bras bu yod par 'gyur la/ shing kha cig ni lo ma med pa dang / me tog med pa dang / 'bras bu med par 'gyur zhe na/smras pa/ zla ba drug nyi ma lho phyogs na 'dug ste/ lho phyogs na 'dug pa na dpag tshad bzhi khri nas nyi ma'i 'od zer rnams byung nas rgya mtsho chen por 'bab ste/ des na rgya mtsho chen po'i chu'i dro bar 'gyur la/ chu dron po de yang gling rnams kyi nang du 'gro ste/ shing gang dag chu dron po des bde bar skye bar 'gyur ba'i shing de dag ni lo ma yod pa dang /me tog yod pa dang / 'bras bu yod par 'gyur la/ shing gang dag chu dron po des bde bar skye bar mi 'gyur ba de dag ni lo ma med pa dang / me tog med pa dang / 'bras bu med par 'gyur te/ rgyu des na dgun shing kha cig lo ma yod pa dang /me tog yod pa dang / 'bras bu yod par 'gyur la shing kha cig ni lo ma med pa dang / me tog med pa dang / 'bras bu med par 'gyur ro/ /ci'i phyir ras bal zhes bya zhe na/ smras pa/ bskal pa dang po'i mi rnams kyi dpag bsam shing las ras byung ba gang yin pa de'i rgyu mthun pa las byung ba ni de yin te/rgyu des na ras bal zhes bya'o/ /ci'i phyir dgun zhes bya zhe na/ smras pa/ bskal pa dang po'i mi rnams kyi nags kyi ldum bur gyur pa gang yin pa de'i rgyu mthun pa las byung ba ni de yin te/ rgyu des na dgun zhes bya'o//ci'i phyir shing kha cig gye gur 'dug la/ kha cig drang por 'dug ce na/ smras pa/ rlung gi dbang gis 'gyur te/ shing gang dag la rlung rnams mthun par 'gyur ba de dag ni drang por 'gyur ro/ /shing gang dag la rlung rnams mi mthun par gyur pa de dag ni gye gur 'dug ste/rgyu des na shing kha cig gye gur 'dug la/ kha cig drang por 'dug go/ /ci'i phyir chu gcig gis brlan pa'i sa phyogs gcig tu shing kha dog sna tshogs dang / rtags sna tshogs dang / dbyibs sna tshogs su gyur te/ kha dog gcig par ma gyur/ rtags gcig par ma gyur/ dbyibs gcig par ma gyur zhe na/smras pa/ sa bon gyi dbang gis 'gyur te/ sa bon ji ltar 'dug pa de bzhin du sa yang sa'i bcud len par byed/ chu yang chu'i bcud len par byed/ me yang me'i bcud len par byed/ rlung yang rlung gi bcud len par byed de/ /rgyu des na chu gcig gis brlan pa'i sa phyogs gcig tu shing kha dog sna tshogs dang /rtags sna tshogs dang / dbyibs sna tshogs su 'gyur te/ kha dog gcig par ma gyur/ rtags gcig par ma gyur/ dbyibs gcig par ma gyur te/ /ci'i phyir shing thams cad la 'byung po yod par 'gyur te/ 'byung po rnams kyis dben par ma gyur zhe na/smras pa/ 'jig rten 'chags pa'i tshe/ shing snang bar byed pa'i 'byung po'i bdag po zhig tsan+dan gyi shing chen po zhig la gnas par gyur to/ /'byung po lhag ma rnams ni de ma yin pa'i shing de dag la gnas par gyur te/ de dag gi thog mar gnas su byas pas gcig nas gcig tu brgyud de gzhan dag kyang gnas par gyur pa dang /'byung po dag gi shing rnams sme bag med pa dang / mchod rten gyi gnas lta bu dang / gtsang ba dang / yid du 'ong ba dang bsten pa'i 'os su byas te sme bag med par gyur pa dang / mchod rten gyi gnas lta bur gyur pa dang /gtsang bar gyur pa dang / yid du 'ong bar gyur pa dang / bstan ba'i 'os su gyur pa'i phyir 'byung po dag gis shing rnams gnas su byas te/ rgyu des na shing thams cad la 'byung po yod par gyur te/ 'byung po rnams kyis dben par ma gyur te/ chos kyi rigs pa'i skabs bya ba dang /don dang rgyu dang 'bras bu la rmongs pa zlog par byed pa/ bzang 'gro thob par byed pa/ sdug pa'i 'bras bur 'gyur bar byed pa/ sangs rgyas dang / rang sangs rgyas dang / nyan thos kyis brtags pa'i chos mngon pa gdags pa'i bstan bcos rgyu gdags pa las tshigs bcu dgu pa rdzogs so// //rgyu gdags pa rdzogs te gnyis pa'o// //rgya gar gyi mkhan po dzi na mi tra dang pradz+nyA bar ma dang / zhu chen gyi lo tsA ba ban de ye shes sde la stsogs pas bsgyur cing zhus te gtan la phab pa/