217b5 lo tsA ba mang 'or dge slong byang chub shes rab kyis bsgyur cing zhus te gtan la phab pa'o//[ ]@##/ /rgya gar skad du/ d+harma bi ni sh+tsa ya nA ma pra ka ra Na/ bod skad du/ chos rnam par nges pa zhes bya ba'i rab tu byed
217b6 pa/'jam dpal gzhon nur gyur pa la phyag 'tshal lo/ /'phags pa klu sgrub la sogs pas/ /sangs rgyas bstan la goms byas nas/ /chos dang chos min log rtog pa'i/ /rab 'joms 'di ltar sgrub pa'o/ /gang gis dang po 'khor ba'i dpal/ /phyi nas thar pa
217b7 thob byed pa//de ni dam pa'i chos yin te/ /mdor bsdus dad pa shes rab kyis/ /'di dag sgrub par byed pa'o/ /dad pas chos rnams kun du tshol/ /shes rab kyis ni de nyid rig /shes rab gtso bor gyur pa ste/ /dad pa sngon du 'gro ba yin/ /'dun dang zhe sdang 'jigs
218a1 rmongs pas//gang zhig chos las mi 'da' ba/ /de ni dad par shes bya ste/ /mchog gi go 'phang nyid yin no/ /lus dang ngag dang yid kyi las/ /thams cad yang dag brtag bya ste/ /bdag dang gzhan la phan gyur pa/ /shes nas brtag byed mkhas
218a2 pa yis//srog gcod ma byin len spong dang / /gzhan gyi bud med rnam par spong / /brdzun dang dbyen dang tshig rtsub dang / /ngag kyal ba ni rnam par spong / /brnab sems gnod sems log lta spong / /'di rnams dge ba'i las lam bcu/ /bzlog pa nag po'i phyogs nyid do/ /
218a3 chang mi 'thung dang 'tsho ba bzang / /rnam par mi 'tshe gus sbyin dang / /mchod par 'os la mchod par byed/ /sems can kun la byams sems te/ /mdor bsdus 'di rnams chos yin no/ /lus gdung nyi tshe byed pa la/ /dam chos yod pa ma yin te/ /gang phyir gzhan
218a4 'khu las ma log /gzhan la phan 'dogs med phyir ro/ /sbyin pa tshul khrims bzod brgyan pa'i/ /chos kyi lam ni chen po ste/ /gang gis bor te gzhan du 'gro/ /lam ngan phugs ma'i lam 'gro ba/ /lus nyon mongs pa 'khor bar 'gyur/ /'khor ba'i
218a5 'brog dgon mi bzad pa//dpag med skye bo'i shing gis gang / /nyon mongs sbrul gyis lus la 'khril/ /shin tu yun ring 'khyam par 'gyur/ /srog gcod pas ni tshe thung 'gyur/ /rnam par 'tshe bas nad mang ba'o/ /ma byin len pas longs spyod med/ /'dod log
218a6 spyod pas dgra dang bcas//brdzun du smra bas tshig mi btsun/ /dbyen gyis mdza' bshes 'bye bar 'gyur/ /tshig rtsub kyis ni mi snyan thos/ /ngag 'khyal gyis ni ma 'brel tshig /brnab sems kyis ni yid 'ong 'joms/ /gnod sems kyis ni 'jigs pa ster/ /
218a7 log par lta bas lta ngan 'gyur/ /chang gi btung bas blo gros 'khrul/ /ser snas phongs par 'gyur ba yin/ /log par 'tsho bas bslus par 'gyur/ /nga rgyal gyis ni rigs dman 'gyur/ /phrag dog gis ni phun tshogs srab/ /khro bas kha dog ngan par 'gyur/ /
218b1 mkhas la ma dris rmongs par 'gyur/ /'bras bu 'di rnams mir gyur la'o/ /kun gyi sngon du ngan 'gror 'gro/ /mi dge 'di rnams bshad pa ni/ /rnam par smin par rab tu grags/ /de yis mi mthun phyogs kun gyi/ /bsod nams 'bras bu 'byung ba yin/ /chags
218b2 dang zhe sdang gti mug dang //de las skyes pa'i las mi dge/ /chags med zhe sdang gti mug med/ /de las skyes pa'i las kyang dge/ /mi dge ba las sdug bsngal kun/ /de bzhin ngan 'gro thams cad kyang / /dge bas bde ba thams cad dang / /de bzhin bde 'gro thams
218b3 cad do//chags pas yi dwags 'gro bar 'gyur/ /zhe sdang gis ni dmyal bar 'gro/ /gti mug gis ni dud 'gror skye/ /mi dang lha las go bzlog pa'o/ /sdig pa kun las bzlog par bya/ /rtag tu dge ba kun la 'jug /lus dang ngag dang yid dag gi/ /chos ni rnam
218b4 pa gsum du brjod//dmyal ba yi dwags dud 'gro las/ /chos 'di yis ni rnam par grol/ /mi dang lha dag thob 'gyur zhing / /dge ba rgyal srid rgyas pa'ang thob/ /bsam gtan gzugs med tshad med kyis/ /tshangs pa la sogs bde ba thob/ /'di rnams mtho ris chos
218b5 dag gi//'bras bu dag kyang mdor bsdus pa'o// //gzhan yang nges par legs pa'i chos/ /dngos po'i de nyid rnam par nges/ /de ni sems can bsam dbye bas/ /rnam pa bzhi ru yongs su grags/ /bye brag tu ni smra ba yi/ /sna tshogs dang ni de kho nyid/ /phung po lnga
218b6 yi bdag nyid 'dod//de dag zad par grol bar bshad/ /yang na gang zag gcig pu gnas/ /mdo sde pa yi lta ba'i gzhung / /dbang po lnga dang shes pa dgu/ /gzugs dang sgra sogs rnam pa lnga/ /me long nang gi gdong pa bzhin/ /glog gi gzugs brnyan bems
218b7 por mthong //skad cig mar gnas sna tshogs 'dod/ /de bzhin de kho na nyid ni/ /'khor dang mya ngan 'das las grol/ /zag med thams cad mkhyen pa'o/ /rnal 'byor spyod pa'i gzhung lugs ni/ /thams cad rmi lam lta bu ste/ /gang gang snang ba de de'i rnams/ /thog ma
219a1 tha ma med pa nas//gzung dang 'dzin med sems kyi rgyun/ /rnam shes tsam gyi bdag nyid ni/ /sna tshogs zhes ni bshad pa yin/ /snying rjes tshogs gnyis la goms byas/ /rnam par grol ba 'di lta bu/ /longs spyod rdzogs dang bde ba che/ /
219a2 yon tan dam pa mtha' yas sprul/ /gzung dang 'dzin las rnam par grol/ /ji srid dpal gyi mthar thug thob/ /srid dang mya ngan 'das las grol/ /ye shes 'od 'phro rab tu gsal/ /'khor ba'i sems can sdug bsngal las/ /yongs su skyob pa'i brtul zhugs
219a3 che//gzung dang 'dzin med rgyu 'bras med/ /sna tshogs gnyis su med par rig /sgro btags kun las rnam par grol/ /dbu ma'i gzhung ni rab rtogs pas/ /kun rdzob rgyu la rab brten nas/ /ji ltar gsungs pa'i 'bras bu bsgrub/ /gnyis med bsgrub bya skyon
219a4 med pas//gtan tshigs med par dgag mi nus/ /'gro kun rang bzhin med pa ste/ /de phyir dngos po med pa yin/ /gang du dngos po med gyur pa/ /de ru med par ji ltar 'gyur/ /de phyir kun rdzob nyid du 'di/ /gzugs la sogs pa'i phung po lnga/ /dngos po med cing dngos med
219a5 min//sangs rgyas nyid ni rnam gsum 'dod/ /la la phung po lnga bdag nyid/ /gzugs tsam nyid kyi bdag nyid gzhan/ /ma skyes pa yi bdag nyid ni/ /dbu ma gzhan dag smra ba yin/ /phung po lnga ni med pa nyid/ /gsal ba rnams med nyid kyang min/ /brdzun pa'i rnam
219a6 pa'i rnal 'byor dang //bde ba gcig pu'i rnam pa'ang spangs/ /kun rdzob tsam du'ang med pa ste/ /phyogs dus bdag dang dbang phyug bzhin/ /de phyir rnam bcas rnam shes kyi/ /bdag nyid tsam gyi 'gro gsum ste/ /snang yang rigs pas gnod pa'i phyir/ /brdzun pa
219a7 tsam ste kun rdzob bo//mtha' bzhi las ni rnam grol ba/ /gzhan gyi lugs kyi dbu ma'o/ /phyogs 'di gnyis ka mi rung ste/ /gang du sangs rgyas la sogs pa'i/ /'gro ba rnams ni rlag byed pa/ /dbu ma'i tshig can chad ltar brjod/ /dngos po bkag pas dngos med de/ /sna
219b1 tshogs dngos po mi 'dod pa//de phyir khyod kyi dbu ma ni/ /dngos po med pa ci ste min/ /dgag bya'i yul dag med pa nas/ /'gegs pa'i rab 'byor med smra na/ /de nyid rang gi tshig gis gsal/ /gzhan la'ang ji ltar go bar bya/ /ma brtags na ni sna tshogs mthong / /
219b2 brtags na mthong ba med zer na/ /dngos dang dngos med de bzhin min/ /de phyir de dag gnyis spangs pa/ /stong phrag du mar spyad kyang ni/ /gsal ba tsam ni bsal mi nus/ /gal te dpyad pas nus med na/ /nye bar dgod par mi rigs so/ /nus byas gsal ba tsam nyid
219b3 dang //kun rdzob don dam nyid mi rigs/ /gang phyir dpyad pa bzod kyang ni/ /kun rdzob ces brjod mi rigs so/ /de ni dpyad pa'i nus pa las/ /gsal par dgag par mi nus pa'o/ /de nyid 'gro ba 'di dag rnams/ /'khrul par brjod kyis gzhan du min/ /bden dang
219b4 bden min las grol ba'i//'gro ba 'di rnams sgyu ma nyid/ /bden te 'gro ba sgyu ma nyid/ /phyi rol brdzun te nang ni bden/ /phyi rol don ni med pa ste/ /thams cad rang gi sems su mthong / /de ltar sgyu ma rnam par bsgom/ /des ni stong pa rjes su dran/ /ji ltar byis
219b5 pas rnam brtags pa'i//phyi yi don ni med pa ste/ /bag chags kyis ni bsgribs pa'i sems/ /don du snang ba rab tu 'byung / /yid la mi byed rnal 'byor pas/ /chos kun rab tu mi gnas pa/ /thog ma nas zhi zag pa med/ /dbu ma zhes ni brjod pa yin/ /chos
219b6 kun rab tu mi gnas pa//sgro btags kun spangs gnyis med shes/ /'di yang spong bar gyur na ni/ /mo gsham bu yi bdag nyid de/ /kye ma las ngan me yis bsregs/ /mo gsham bu yang dbu mar 'dod/ /gang gi chos ni 'di lta bu/ /de yi chos min ji lta bu/ /
219b7 nga yi dbu ma 'di yin mod/ /de la gnod pa ci zhig smos/ /rtog pa dang bral ma 'khrul pa'i/ /sems kyi gsal bas gnod pa yin/ /rten cing 'brel par 'byung ba dang / /ma skyes pa yi gtan tshigs dang / /gcig dang du mar bral bas kyang / /'di la gnod pa yod ma yin/ /
220a1 gsal ba tsam du yod pas so/ /sngon dang phyi ma de shes pa/ /gnyis med gang gis ma grub pa'o/ /so sor skyes pa de yi phyir/ /gtan tshigs de ni ma grub pa'o/ /skyes shing don gyi bya ba byed/ /de nyid don dam grub pas na/ /gtan tshigs 'di yang
220a2 'gal ba'o//ma skyes gtan tshigs ma grub ste/ /brjod pa nyid kyis de ma grub/ /gzung 'dzin rgyu 'bras ma grub kyang / /gsal ba'i tshul tsam gang du song / /sems tsam nyid du rnam gzhag pa/ /ma skyes zhes ni ngas bshad de/ /chos kyi rje bos gsungs kyang ni/ /
220a3 chad lta nyid kyi dri mas g.yogs/ /gcig dang du mas dngos po la/ /khyab pa la lar grub pa na/ /thams cad stong pa'i grub mtha' la/ /gtan tshigs 'dod pa'i bar chad byed/ /yang na 'jig rten grags pas sam/ /'jig rten kun gyis brtags pa yi/ /dngos po rnams
220a4 la yid mi brtan//'on kyang tshad mas rigs pa yin/ /mngon sum rjes su dpag pa yis/ /gcig pu la lar ma mthong ste/ /de bsags pa ni du ma yin/ /khyab bya'i dngos kyang cung zad med/ /gcig dang du ma yod la khyab/ /de ltar 'dod pa'i gzhung la 'thad/ /ma
220a5 'khrul bar du snang tsam gyis//yod par smra ba rgyal ba yin/ /gsal zhing don gyi bya ba byed/ /rig gis rig pa rnams spangs nas/ /de ltar brdzun du smra ba ni/ /dmus long nyid kyis rab tu btags/ /gang zhig dpyad pa'i yi dwags kyis/ /gsal ba'i dngos la
220a6 gnod mi nus//de ni sems can so so la/ /rnam bcas gsal ba tsam du snang / /ji ltar gsungs pa'i bsod nams tshogs/ /thams cad du ni srog yin te/ /de la rnam snang sdig pa'i bdag /'og tu kha bltas mnar med 'gro/ /gal te sku gzugs mchod rten
220a7 dang //dam chos sbyin tshogs 'khrul yin na/ /bud med dang ni sha chang sogs/ /mkhan slob la sogs cis ma 'khrul/ /gal te de yang 'khrul zer na/ /slob dpon la sogs kha sogs la/ /mi gtsang ci ste dor mi bya/ /pha dang ma sogs rang gi sha/ /ci ste mi za rgyu ci
220b1 yod//khro chu khol ma cis mi 'thung / /'khrul kyang slob dpon ma gus sogs/ /rnam smin mi 'dod 'byung smra na/ /'khrul kyang sangs rgyas mchod sogs kyis/ /yid 'ong 'bras bu mi 'byin cing / /dge dang mi dge bas ci bya/ /rang nyid sangs rgyas yin zer na/ /yi dwags
220b2 kha nas me 'bar yin//de phyir grol lam ma grol bas/ /rgyal ba'i bstan pa nges byas te/ /dam pa'i las kun la gnas bya/ /dman pa'i las kun spang bar bya/ /de phyir snying rje brtsam byas te/ /de nyid rig pas byams sems bskyed/ /'khor ba ma stongs 'gro ba
220b3 bskyab//bsod nams bskyed la brtson par bya/ /bcom ldan 'das kyi sku gzugs dang / /mchod rten lha khang mchog dag bya/ /mchog tu yid 'ong bza' btung tshogs/ /mal stan la sogs dbul bar bya/ /pad ma'i dbus su bzhugs pa yi/ /gzugs
220b4 bzang legs par bris pa dag /rin chen kun gyi rang bzhin gyis/ /sangs rgyas gzugs bya ba'o/ /dam chos dge slong dge 'dun rnams/ /srog kyang btang nas bsrung bar bya/ /gser dang rin chen dngul la sogs/ /mchod rten la ni rang gis 'bul/ /gser dang
220b5 dngul gyi me tog dang //rdo rje byi ru mu tig sogs/ /dbang sngon dang ni mthon kha che/ /bai DU R+Ya sogs mchod rten mchod/ /dam chos smra ba rnams la ni/ /rdzas la sogs pas mchod par bya/ /de yi sems ni dga' bar bya/ /rtag par dam pa'i chos bsten te/ /bla ma gong ma'i ya
220b6 rabs la//gus pas bsnyen bkur bya ba ste/ /byang chub sems dpa' rnams mchod bya/ /rdzas la sogs pas mchod par bya/ /sangs rgyas bzhin du sa bcu la/ /gnas pa'i byang chub sems dpa' mchod/ /dge slong rnams kyang mchod bya ste/ /sdom pa gsum
220b7 la gnas phyir ro//mu stegs pa ni gzhan rnams la/ /gus pas phyag mchod mi bya ste/ /de rnams skyon dang bcas phyir ro/ /thub pa'i dbang po'i gsung rab dang / /de las byung ba'i bstan pa bri/ /glegs bam sbyin par btang ba dang / /snag tsha la sogs sbyin par bya/ /
221a1 'bri mkhan dang ni yig dpon dang / /'chad mkhan rnams kyi 'tsho ba sbyar/ /zhing la sogs pa'ang nges par dbul/ /de yis shes rab 'phel bar 'gyur/ /grong khyer pa yi ched du ni/ /'dreg mkhan sman pa la zhing sbyin/ /skra la
221a2 sogs pa bregs pa yis//sems can rnams kyi sdug bsngal zhi/ /sems can thams cad gnas sa ru/ /skyed mos tshal dag bya ba ste/ /rdzing bu khron pa 'bab chu ldan/ /shes rab can ni gnyer bar bsgo/ /bza' btung stan dang gos bcas bya/ /grong chung kun tu 'du
221a3 khang bya//grong khyer kun du lha khang bya/ /chu med pa yi lam kun du/ /snod chus bkang ba kun du bzhag /nad pa sdug bsngal mgon med dang / /phongs dang dman gzhan yongs su bsdu/ /rtag tu snying rje bya ba yin/ /'di rnams bde bar 'gyur bar 'bad/ /dus tshigs
221a4 las byung gsar thog gi//bza' dang btung ba'i bye brag dang / /'bru rnams dang ni 'bras bu sogs/ /dang por bdag bza' rigs ma yin/ /dge slong ngam ni sdug phongs sam/ /dang por mchod bya rnams la sbyin/ /chu dag gnas pa'i sa ru ni/ /bcag lham gdugs
221a5 dang dril chu dang //chu skyogs dang ni chu snod dang / /khab dang skud pa la sogs gzhag /'bras bu gsum dang tsha ba gsum/ /rgun 'brum mar dang mig sman stsogs/ /chu gnas sa ru gzhag par bya/ /grub pa'i sngags dag bris ste gzhag/ /smin rnams dang ni bya ba'i
221a6 rim//lus dang rkang pa mgo bo dag /skud pa'i mar khu'ang gzhag par bya/ /shing stan dang ni me long dang / /bum pa khar gzhong sta ri stsogs/ /wa ti'i gnas su gzhag par bya/ /chu med pa yi gnas kun du/ /sa yis skyor ba'i rdzing chu bya/ /brtags pa'i chu yis nang
221a7 bkang bya//til dang 'bras dang nas stsogs 'bru/ /zan dang bu ram snum gyis bskor/ /grog ma'i tshang gi sgo rnams su/ /bu ram gyis bsgos bza' btung dag /yid ches mi la bskur nas ni/ /rtag par sbyin par bya ba yin/ /yi dwags rnams la ci bde bar/ /zos pa'i
221b1 gting ngam gong du'ang rung //bza' btung sbyin par bya ba yin/ /khyi dang 'bu srin bya sogs la/ /ji ltar 'tsham par sbyin par bya/ /mu ge yi ni gnod pa dang / /phas kyi rgol ba'i gnod pa dang / /nad stsogs gnod pa byung gyur na/ /sems can rnams ni rjes bzung
221b2 gi//so nam lo tog brlag gyur na/ /sa bon zan gyis rjes su gzung / /dpya dag dbab par mi bya ste/ /yang na nyung zad dbab par bya/ /skyed 'gyed rnams la yongs su bskyab/ /sho gam spang ba'am mi dbab bya/ /sgo nas yongs su nyon mongs pa/ /'di rnams las ni bsgral
221b3 bar bya//rang gi yul ba'am gzhan yul gyi/ /chom rkun rnams ni nyer zhi bya/ /rdzas kyi rin thang nges par bya/ /rigs pas bya ba thams cad bya/ /mang du smra ba ci zhig dgos/ /shes rab stobs kyis bgros byas te/ /rang ngam gzhan la phan 'gyur bya/ /gang zag 'jig
221b4 rten phan grub pa//de de thams cad brtag par bya/ /ci dang ci nas rang phan byed/ /de bzhin 'jig rten la phan bya/ /sa chu me rlung sman rnams dang / /dgon pa yi ni shing bzhin du/ /bdag nyid yud tsam gcig pu yang / /'dod dgur spyad pa nyid du mdzod/ /gom pa bdun por
221b5 bar du yang //bdog pa kun gtong sems 'chad pa'i/ /byang chub sems dpa' rnams la ni/ /bsod nams dpag med mkha' 'dra ste/ /bu mo gzugs mdzes legs brgyan pa/ /de don gnyer ba rnams byin na/ /de ni dam chos yongs 'dzin pa'i/ /gzugs ni so sor thob par
221b6 'gyur//rgyan rnams kun dang ldan pa yi/ /bu mo stong phrag brgyad cu dag /yo byad kun dang lhan cig tu/ /thub pa yi ni sngon stsal to/ /gsal zhing rnam par bkra ba yi/ /gos dang rgyan rnams dag dang ni/ /dri dang phreng ba'i longs spyod stsogs/ /slong la rjes su brtse bas sbyin/ /
221b7 gang phyir nor dang chos med pas/ /phongs shing sdug bsngal chen por 'gyur/ /de la de ma thag byin na/ /de las gzhan pa'i sbyin pa med/ /gang phyir dug gis phan gyur skabs/ /dug kyang sbyin par bya ba yin/ /gang phyir gnod par gyur na ni/ /zas mchog kyang ni sbyin mi
222a1 bya//sbrul sos reg pa'i sor mo bcad/ /lam ni ji lta de lta bar/ /gzhan la phan na sdug bsngal kyang / /thub pas bya bar gsungs pa yin/ /dam pa'i chos la gus par bya/ /chos smra ba la mchog tu bya/ /chos kyi nyan pa rtag tu bya/ /chos
222a2 kyi sbyin pa rang gis bya//'jig rten chos la chags mi bya/ /'jig rten 'das chos chags par bya/ /ji ltar bdag nyid de bzhin gzhan/ /yon tan kun ni bskyed par bya/ /dam chos thos pas mi ngoms bya/ /gzungs thob don ni 'byed par 'gyur/ /bla ma la yon
222a3 phul nas ni//des ni rtag par bsten par bya/ /'jig rten smin phyir thos pa btsal/ /rtsod pa'i don dang nga rgyal spang / /rang gi yon tan brjod mi bya/ /dgra'i yang yon tan brjod par bya/ /gzhan gyi mtshang rnams 'bru mi bya/ /gdug pa'i sems ni bsdu mi bya/ /bdag
222a4 nyid dam ni gzhan rnams kyi//'khrul pa so sor brtag par bya/ /kha na ma tho gang zhig gis/ /gzhan gyi rgyud dag skyon can gyur/ /rang gi rgyud la mthong gyur na/ /mkhas pas de ma thag tu btang / /gzhan la phan dag gdags par bya/ /lan la lta bar mi bya'o/ /sdug
222a5 bsngal bdag nyid gcig pus spyad//bde ba thun mong longs spyod bya/ /gal te phun sum tshogs gyur kyang / /nga rgyal mtho sems mi bya zhing / /phun sum tshogs med yi dwags 'dra/ /longs spyod med kyang zhum mi bya/ /'chi'am rgyal srid nyams gyur kyang / /bden
222a6 pa'i tshig tu smra bar bya//rang gi don du cang mi smra/ /don ni ji bzhin brjod gyur kyang / /gzhan la gnod na bden ma yin/ /gzhan la gcig tu phan gyur na/ /don min brjod kyang bden pa yin/ /ji ltar smras pa de bzhin byed/ /brtul zhugs brtan par gyur pa 'di/ /sa steng
222a7 kun gyi dbang mchog tu//ma 'ongs pa na 'gyur ba yin/ /legs par brtags nas gang byed pa/ /thams cad kyis ni rtag par bstod/ /ji ltar gyur pa'i don bstan na/ /gzhan rnams yid ni ches par 'gyur/ /pha dang ma la mchod pa dang / /skye bo ya rabs mchod pa dang / /
222b1 'tsho ba dag cing bzod pa dang / /gtong phod tshig mi rtsub pa dang / /dbyen dang brdzun dag mi smra ba/ /brtul zhugs 'di dag brten byas na/ /lha yi dbang por skye bar 'gyur/ /der yang lha dbang byed par 'gyur/ /de phyir chos 'di spyad par bya/ /nyin re bzhin du dus
222b2 gsum du//'khar gzhong sum brgya'i bza' byin pa'i/ /bsod nams tshogs kyi phung po yis/ /yud tsam byams pa bsgoms pa yi/ /bsod nams tshogs la char mi phod/ /lha dang mi la sdug par 'gyur/ /'di rnams kyis kyang srung bar byed/ /yid bde ba dang lus bde
222b3 dang //dug dang mtshon gyis gnod mi 'gyur/ /tshegs med pa yis nor thob 'gyur/ /tshangs pa'i 'jig rten du yang skye/ /byams pa'i chos 'brel brgyad po 'di/ /spyad cing gal te ma bral na'o/ /sems can rnams la sems bskyed bya/ /byang chub tu ni brtag par bya/ /
222b4 ri rab lta bur brtan pa yi/ /byang chub sems ni thob par 'gyur/ /dad pas mi khom brgyad spangs te/ /tshul khrims kyis ni bde 'gror 'gro/ /stong pa nyid la goms byas pas/ /dge ba ma nyams thob par 'gyur/ /g.yo sgyu med pas dran pa 'thob/ /sems pa po yis blo gros
222b5 thob//gus par byas pas don rtogs 'gyur/ /dam chos bsrungs pas shes rab thob/ /chos kyi mnyan pas sbyin pa dang / /sgrib pa med pa'i bya byas na/ /sangs rgyas nyid ni myur thob 'gyur/ /ma chags pas ni don grub 'gyur/ /ser sna med pas longs spyod 'phel/ /nga
222b6 rgyal med pas mchog tu 'gyur//chos la bzod pas gzungs thob yin/ /snying po lnga ni rab sbyin na/ /'jigs pa las kyang 'jigs med 'gyur/ /stobs chen mchog tu gyur pa yi/ /bdud kun gyis ni mi brdzi ba'o/ /mchod rten la sogs rnams la ni/ /mar me yi ni
222b7 phreng ba dbul//mun nag rnams su mar me spor/ /mar me'i ched du 'bru mar ster/ /lha yi mig dag thob par 'gyur/ /mchod rten la sogs mchod pa'i phyir/ /sgra yi rnam grangs dril sogs dang / /dung dang rnga sogs mchod pa'i phyir/ /sgra yi rnam grangs sgra 'bul na/ /
223a1 lha yi rna ba thob par 'gyur/ /gzhan gyi skyon mthong mi sgrogs shing / /'khrul pa mthong yang lkugs pa bzhin/ /gzhan sems rjes su bsrungs pa yis/ /gzhan gyi sems shes thob par 'gyur/ /bcag lham gru stsags bzhon pa ster/ /
223a2 nyam ngar lhung las sgrol ba dang / /bla ma rnams la sems pa yis/ /rdzu 'phrul dag ni thob par 'gyur/ /chos kyi 'bras bu rnams dran dang / /de bzhin chos gzhung don dran pas/ /skye ba dran par 'gyur ba yin/ /dri med chos kyi sbyin pa dang / /sna tshogs rnam dag smon lam gyis/ /
223a3 sangs rgyas zhing ni rnam spyod byed/ /rin chen sbyin pas thub dbang gi/ /'od zer dpag med rab tu 'gyed/ /dngos rnams ngo bo nyid med par/ /yang dag ji bzhin yongs shes pas/ /mngon shes mchog tu gyur pa yi/ /drug pa zag pa kun zad pa'o/ /yon tan de rnams mdor bsdus
223a4 te//byang chub sems dpas bsten par bya/ /sbyin pa tshul khrims bzod brtson 'grus/ /bsam gtan shes rab snying rje stsogs/ /rang rdzas gtong ba sbyin pa de/ /gzhan la phan byed tshul khrims so/ /bzod pas khro ba yongs gtong ba'o/ /dkar po'i chos 'phel brtson
223a5 'grus yin//bying rgod zhi ba bsam gtan te/ /yang dag don ston shes rab yin/ /sems can kun la ro gcig blo/ /snying rje zhes ni brjod pa yin/ /sbyin pas longs spyod thob par 'gyur/ /tshul khrims kyis ni bde 'gro ste/ /bzod pa yis ni gzugs bzang ba'o/ /brtson 'grus
223a6 kyis ni gzi mdangs che//bsam gtan gyis ni shes rab grol/ /snying rjes don kun sgrub par byed/ /bdun po de rnams ma lus par/ /cig car pha rol phyin pa yi/ /bsam mi khyab pa'i ye shes yul/ /'jig rten mgon nyid thob par 'gyur/ /de ltar las dang 'bras bu
223a7 dag /ma 'khrul tshul ni shes byas nas/ /rtag par 'gro la phan gdags bya/ /de nyid bdag la'ang phan par 'gyur/ /chos rnams nges pa zhes bya ba/ /byis pa'i skye bos rtogs bya'i phyir/ /gzhung rgyas gzhan las bdag gis ni/ /mdo ru bsdus te bris
223b1 pa yin//'di brtsams dge ba gang thob des/ /mtha' yas sems can ma lus kun/ /rtag chad mtha' las grol gyur te/ /bla med byang chub thob par shog /paN+Di ta chen po rat+na kI rtis mdzad pa'i/ chos rnam par nges pa zhes bya ba'i rab tu byed pa rdzogs so// //