| བོད་ཡིག |
166b1 @##/ /rgya gar skad du/ bo d+hi satwa saM ba ra bing shi ka /bod skad du/ byang chub sems dpa'i sdom pa nyi shu pa/ 'jam dpal gzhon nur gyur pa la phyag 'tshal lo/ /sangs rgyas sras dang bcas pa la/ /gus pas phyag 'tshal ci
166b2 nus mchod//phyogs dus kun na bzhugs pa yi/ /byang chub sems dpa' rnams kyi khrims/ /bsod nams kun gyi gter gyur gang / /de ni bsam pa dam pa yis/ /bla ma sdom pa gnas shing mkhas/ /nus dang ldan la blang bar bya/ /de tshe de la dge ba'i phyir/ /
166b3 rgyal ba sras dang bcas rnams kyis/ /dge ba'i thugs kyis rtag par yang / /bu sdug 'dra bar dgongs par 'gyur/ /gzhan rnams dang ni bdag la'ang rung / /sdug bsngal yin yang gang phan dang / /phan dang bde ba rnams bya ste/ /bde yang mi phan mi bya'o/ /nyon mongs drag
166b4 las byung ba yis//sdom pa zhig par gang gyur pa/ /de yi nyes pa bzhi po ni/ /pham pa 'dra bar dgongs pa yin/ /rnyed dang bkur sti chags pa yis/ /bdag bstod gzhan la smod pa dang / /sdug bsngal mgon med gyur pa la/ /ser snas chos nor mi ster dang / /gzhan
166b5 gyis bshags kyang mi nyan par//khros nas gzhan la 'tshog pa dang / /theg pa chen po spong byed cing / /dam chos 'drar snang ston pa'o/ /sdom pa slar yang blang bar bya/ /zag pa 'bring ni gsum la bshags/ /gcig gi mdun du lhag ma rnams/ /nyon mongs
166b6 mi mongs bdag sems bzhin//dkon mchog gsum la gsum mi mchod/ /'dod pa'i sems kyi rjes su 'jug /rgan pa rnams la gus mi byed/ /dris pa la ni lan mi 'debs/ /mgron por bdag gir mi byed cing / /gser la sogs pa len mi byed/ /
166b7 chos 'dod pa la sbyin mi byed/ /tshul khrims 'chal rnams yal bar 'dor/ /pha rol dad phyir slob mi byed/ /sems can don la bya ba chung / /snying brtser bcas na mi dge med/ /'tsho ba log pa dang du len/ /'phyar nas rab tu rgod la sogs/ /'khor ba gcig
167a1 bu bgrod par sems//grags pa ma yin mi spong ba/ /nyon mongs bcas kyang chos mi byed/ /gshe la lan du gshe la sogs/ /khros pa rnams ni yal bar 'jog /pha rol shad kyis 'chags pa spong / /khro ba'i sems kyi rjes su 'jug /
167a2 bsnyen bkur 'dod phyir 'khor rnams sdud/ /le lo la sogs sel mi byed/ /chags pas bre mo'i gtam la brten/ /ting nge 'dzin gyi don mi tshol/ /bsam gtan sgrib pa spong mi byed/ /bsam gtan ro la yon tan lta/ /nyan thos theg pa spong bar byed/ /rang tshul yod bzhin
167a3 de la brtson//brtson min phyi rol bstan bcos brtson/ /brtson par byas kyang de la dga'/ /theg pa chen po spong bar byed/ /bdag la stod cing gzhan la smod/ /chos kyi don du 'gro mi byed/ /de la smod cing yi ge brten/ /dgos pa'i grogs su 'gro mi byed/ /nad pa'i
167a4 rim gro bya ba spong //sdug bsngal sel bar mi byed pa/ /bag med rnams la rigs mi ston/ /byams la lan du phan mi 'dogs/ /gzhan gyi mya ngan bsang mi byed/ /nor 'dod pa la sbyin mi byed/ /'khor rnams kyi ni don mi byed/ /gzhan gyi blo dang mthun mi 'jug /
167a5 yon tan bsngags pa smra mi byed/ /rkyen du 'tsham par tshar mi gcod/ /rdzu 'phrul sdig la sogs mi byed/ /snying rjer ldan zhing byams phyir dang / /sems dge ba la nyes pa med/ /byang chub sems dpa'i sdom pa nyi shu pa/ /slob dpon tsan dra go mis mdzad pa rdzogs so// //