བོད་ཡིག |
139b1 @##/ /rgya gar skad du/ byA khyu yuk+ti TI ka /bod skad du/ rnam par bshad pa rigs pa'i bshad pa/ bam po dang po/ 'jam dpal gzhon nur gyur pa la phyag 'tshal lo/ /gti mug gnyid gnyis zad phyir dang / /zhes bya ba ni/ gti mug nyid gnyid yin pas
139b2 gti mug gnyid do//don rtogs pa'i bgegs su gyur pa'i phyir ro/ /gti mug gi gnyid ni gti mug gnyid gnyis so/ /de zad pa ni gti mug gnyid gnyis zad pa'o/ /de'i phyir de nyon mongs pa can dang nyon mongs pa can ma yin pa'i kun du rmongs pa dang / gtan du bral ba'i phyir ro zhes
139b3 bya ba'i tha tshig go//blo rgyas phyir na zhes bya ba no/ shes bya thams cad la rab tu rnam par 'phros pa'i phyir ro zhes bya ba'i tha tshig go/ /thub la spyi bos phyag 'tshal te/ /zhes bya ba ni nges pa'i tshig gi tshul gyis na grol ba'i phyir dang / mya ngan las 'das pa'i phyir thub pa ste/ thub pa de la dad pa
139b4 sngon du 'gro ba'i mgo bos btud nas zhes bya ba'i tha tshig go//de dag la/ de la phan par bya ba'i phyir ni mdo rnam par 'chad par 'dod pa de dag la rnam par bshad pa la phan par bya ba'i phyir ro/ /chos gang dag thog mar dge ba zhes bya ba mdo las rgya cher zhes bya ba ji lta bu zhe na/ chos gang
139b5 dag thog mar dge ba/bar du dge ba/ tha mar dge ba/ don bzang po/ tshig 'bru bzang po/ ma 'dres pa/ yongs su rdzogs pa/ yongs su dag pa/ yongs su byang ba/ tshangs par spyod pa/ mngon par brjod pas mngon par rjod par byed pa'i chos de lta bu mang po thos pa dang / gzung
139b6 ba dang /kha ton bya ba dang / yid kyis brtags pa dang / mthong bas shin tu rtogs pa yin no zhes bya ba yin no/ /de la tshangs pa ni mchog tu gtso bo yin pa'i don gyis zhes bya ba ni gtso bo ste/ dper na lam lta bu yang yod pas de'i phyir de ni mchog tu gtso bo yin no zhes bya ba'i tha
139b7 tshig go//tshul khrims dang ldan pa yin zhes rgya cher gsungs pa ji lta bu zhe na tshul khrims dang ldan par gnas pa dang / so sor thar pa'i sdom pas bsdams pa dang / cho ga dang spyod yul phun sum tshogs pa dang / kha na ma tho ba phra rab tsam dag la yang 'jigs par lta ba dang /
140a1 bslab pa'i gzhi dag yang dag par blangs te slob pa'o/ /'dod pa dag las dben pa zhes bya ba nas rgyas par bsam gtan bzhi pa'i bar du rdzogs par byas te gnas pa yin zhes bya ba ji lta bu zhe na/ 'dod pa dag las dben pa sdig pa mi dge ba'i chos rnams las
140a2 dben pa/rtog pa dang bcas pa dpyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas te gnas so/ /de rtog pa dang dpyod pa dang bral zhing nang yongs su dang ste/ sems kyi rgyud gcig tu gyur pas rtog pa med pa dpyod pa med pa ting
140a3 nge 'dzin las skyes pa'i dga' ba dang /bde ba can bsam gtan gnyis pa rdzogs par byas te gnas so/ /de dga' ba'i 'dod chags dang bral bas btang snyoms la gnas shing dran pa dang shes bzhin can yin te/ bde ba lus kyis myong la 'phags pa rnams kyis gang de dran pa
140a4 dang ldan pa bde ba la gnas pa btang snyoms pa'o zhes brjod pa ste/dga' ba med pa'i bsam gtan gsum pa rdzogs par byas te gnas so/ /de bde ba yang spangs te snga nas sdug bsngal yang spangs shing yid bde ba dang yid mi bde ba yang nub pas bde ba yang ma yin sdug
140a5 bsngal yang ma yin pa btang snyoms dang /dran pa yongs su dag pa bsam gtan bzhi pa rdzogs par byas te gnas so/ /'di ni sdug bsngal 'phags pa'i bden pa'o zhes bya bar yang dag pa ji lta ba bzhin du rab tu shes pa dang / 'di ni sdug bsngal kun 'byung ba/ 'di
140a6 ni sdug bsngal 'gog pa/'di ni sdug bsngal 'gog par 'gyur ba'i lam 'phags pa'i bden pa'o zhes bya bar yang dag pa ji lta ba bzhin du rab tu shes te/ de de ltar shes shing de ltar mthong ba dang / 'dod pa'i zag pa las sems rab tu rnam par 'grol/ srid pa'i zag
140a7 pa dang /ma rig pa'i zag pa las sems rab tu rnam par 'grol zhing de rnam par grol ba la rnam par grol lo snyam pa'i ye shes mthong bar 'gyur ro zhes rgya cher 'byung ngo / /go rims bzhin du phyin ci ma log pa dang / go bar byed pa gnyis kyis zhes bya ba la/ phyin ci ma
140b1 log pa nyid kyis ni brjod par bya ba phun sum tshogs pa yin no//go bar byed pa nyid kyis ni brjod pa phun sum tshogs pa yin no/ /ma 'dres pa la sogs pa ni go rims bzhin no zhes bya ba ji lta bu zhe na/ ma 'dres pa ni thun mong ma yin pa'i phyir ro/ /yongs su rdzogs pa ni nyon
140b2 mongs pa thams cad kyi gnyen po'i phyir te/srid pa'i rtse mo pa'i nyon mongs pa dag ni 'jig rten pa'i lam gyis mi spong bas so/ /yongs su dag pa ni 'di ltar zag pa med pa ni ngo bo nyid kyis rnam par grol bas rnam par grol ba'i phyir ro/ /yongs su byang ba ni rgyud rnam par grol bas
140b3 rnam par grol ba'i phyir te/zag pa zad pa'i rgyud la 'byung ba'i phyir ro/ /gzhan yang zhes bya ba rgya cher 'byung ba ni rnam grangs gzhan yang thog mar dge ba ni don bzang po yin pa'i phyir ro/ /bar du dge ba ni tshig 'bru bzang po yin pa'i phyir ro/ /tha mar dge ba ni ma 'dres pa la
140b4 sogs pa yin pa'i phyir ro zhes bya ba ni ma 'dres pa dang /yongs su rdzogs pa dang / yongs su dag pa dang / yongs su byang ba yin pa'i phyir ro/ /ma 'dres pa yang ma yin te/ gzhan dang thun mong yin pa'i phyir ro zhes bya ba ni 'di ltar de'i tshangs par spyod pa ni thod pa can la
140b5 sogs pa gzhan rnams dang mi mthun pa yin pas so//yongs su rdzogs pa yang ma yin te/ nyi tshe'i gnyen po yin pa'i phyir ro zhes bya ba ni nyon mongs pa thams cad kyi gnyen po ma yin pa'i phyir ro zhes bya ba'i tha tshig ste/ 'jig rten pa'i lam ni sa 'og ma nyid kyi gnyen po yin
140b6 la/zag pa med pa mi lcogs pa med pa la sogs pas bsdus pa ni thams cad kyi yin no/ /yongs su dag pa yang ma yin te/ rang gi sa pa'i nyon mongs pa kun du spyod pa'i don du gyur pa'i phyir ro zhes bya ba ni rang gi sa pa'i nyon mongs pa kun du spyod pa ste/ nyon mongs pa mngon du gyur pa'i
140b7 rten du gyur pa'i phyir te/dmigs par gyur pa'i phyir ro zhes bya ba'i tha tshig go/ /yongs su byang ba yang ma yin te zhes bya ba rgya cher 'byung ba la yongs su byang ba yang ma yin te/ sa gzhan pa'i nyon mongs pa'i bag la nyal sa bon gyi mtshan nyid dang ldan pa'i phyir te/ ma bral ba'i phyir
141a1 ro//'di pa'i chos rnams ni de las bzlog pa yin no zhes bya ba ni ji skad bshad ma thag pa lta bu'o/ /de las ni don dang bcas pa dang / tshig 'bru dang bcas par dge ba yin par ston to zhes bya ba ji ltar byas pas she na/ don dang bcas pa dang / tshig 'bru dang bcas
141a2 par thog mar dge ba/bar du dge ba/ tha mar dge ba'o/ /de kun nas slong bar byed pa'i zhes bya ba rgya cher 'byung ba la/ de kun nas slong bar byed pa'i chos rnams ni bstan pa'i chos kun nas slong bar byed pa sems dang sems las byung ba rtog pa dang dpyod pa dang bcas pa rnams
141a3 so//ngag gi rang bzhin ma yin pa'i phyir rang gis don go bar byed mi nus kyi brgyud pas go bar byed do zhes bya ba ni bstan pa'i chos gang dag gi don de go bar byed pa de dag kun du slong bar byed do/ /gzhan yang zhes rgya cher 'byung ba la/ gzhan yang zhes bya ba ni rnam pa gzhan no/ /gang
141a4 dag de'i rang bzhin yin pa'i phyir zhes bya ba ni mngon par brjod pa'i rang bzhin yin pa'i phyir tshangs par spyod pa ste mngon par brjod pas mngon par rjod par byed pa yin gyi yi ge bsgyur te rnam par bshad pas mngon par brjod pas ni ma yin te zhes bya ba ni yi ge rnams bsgyur nas rnam par
141a5 bshad pa ni yi ge bsgyur te rnam par bshad pa ste/yi ge bsgyur te rnam par bshad pa des mngon par brjod pas mngon par rjod par byed pa ma yin no/ /ci'i phyir zhe na/ ha cang thal bar gyur na mi rung ba ste/ ji ltar bdud kyis smras pa'i tshigs su bcad pa las/ mi rnams tshe ni ring
141a6 ba ste//zhes bya ba rgya cher 'byung ba gang yin pa ni 'di ni de'i rang bzhin yin pa'i phyir bdud kyis bsams pa'i don mngon par brjod pas mngon par rjod par byed pa yin pa las/ slob dpon gyis yi ge bsgyur te rnam par bshad pas mngon par brjod pas don de kho na las don gzhan
141a7 du mngon par rjod par byed pa yin pa dang /ji ltar bye brag pa'i mdo la sogs pa sangs rgyas pa kha cig yi ge bsgyur te rnam par bshad pas sangs rgyas kyi gsung gi don du bshad pa lta bu de ltar ha cang thal bar gyur na mi rung bas so/ /bdud kyis/ mi rnams tshe ni ring ba ste/ /zhes
141b1 bya ba tshigs su bcad pa rgya cher smras pa 'di ni bcom ldan 'das kyis dge slong dag mi rnams tshe ni thung ba yin te skyes na mi 'chi ba med pas tshe phyi mar 'gro ba la phan pa'i dge ba bya zhing tshangs par spyod pa spyad par bya'o zhes gsungs pa gang yin pa de'i gnyen por smras pa yin te/de
141b2 la mi rnams ni tshe thung ba yin te zhes gsungs pa gang yin pa de'i gnyen por ni/mi rnams tshe ni ring ba ste/ /zhes bya ba smras so/ /skyes bu dam pa slu mi byed/ /ces bya ba ni tshe de nyid skyes bu bzang po rnams la slu bar mi byed de/ skyes bu dam pa rnams la mi bslu'o zhes bya ba'i tha tshig
141b3 ste/de bzhin du 'os 'os su sbyar bar bya'o/ /nyan pa zhes bya ba rgya cher 'byung ba la/ nyan pa las ni thos pa 'byung ngo / /'dzin pa las ni gzung ba 'byung ngo / /'jug par byed pa las ni kha ton byang ba 'byung ngo / /don sems pa las ni yid kyis brtags pa 'byung ngo / /de dmigs
141b4 kyis phyed pa las ni mthong bas shin tu rtogs pa 'byung ngo //de ltar na go rims bzhin no/ /de gnyis kyis ni mang du thos pa dang / thos pa'i gzhi can yin no zhes bya ba ni mdo la sogs pa'i chos de dag nyan pa las ni mang du thos pa 'byung la/ 'dzin pa las ni thos pa'i gzhi can
141b5 'byung ste/gang la gzhi thos pa yod pa de ni thos pa'i gzhi can yin no/ /lhag ma 'jug par byed pa la sogs pa gsum po rnams kyis ni thos pa bstsags pa yin te/ de ji ltar zhe na/ brtan por byed pa'i phyir ro/ /gang la thos pa bstsags pa yod pa de ni thos pa bstsags pa yin no/ /
141b6 bshad pa 'di ni zhes bya ba ni chos gang dag ces bya ba rgya cher bshad pa gang yin pa 'di ni'o/ /gang las zhes bya ba rgya cher 'byung ba la/ gang las ji ltar na mang du thos pa la sogs pa yin pa zhes bya ba ni mdo sde la sogs pa gang las so/ /ji ltar na mang du thos pa la sogs
141b7 pa yin pa zhes bya ba ni nyan pa dang 'dzin pa la sogs pa rnam pa gang gis mang du thos pa dang /thos pa'i gzhi can dang / thos pa bstsags pa yin pa'o/ /de yongs su ston pa yin par rig par bya'o zhes bya ba ni de gnyi ga rab tu ston par byed pa yin par shes par bya'o zhes bya ba'i tha tshig
142a1 go//dgos pa bsdus pa'i don bcas dang / /zhes bya ba rgya cher 'byung ba ni mdo sde'i dgos pa bsdus pa'i don dang bcas pa bsnyad par bya ba ste/ bsdus pa'i don dang bcas pa ni bsdus pa'i don dang bcas te/ brgal lan bcas par zhes bya ba'i
142a2 bar du dgos pa de nyid dang sbyar bar bya'o//nyan pa po ni gus byed pas/ /gang la zhe na/ nyan pa dang ni 'dzin pa la'o/ /nyan pa po ni gus byed pas/ /thog mar dgos pa brjod par bya/ /de 'grub ni dgos pa 'grub pa'o/ /gang las she na/ de'i bsdus don las so zhes
142a3 bya ba ni mdo sde'i bsdus don las so//bsdus pa'i don ni tshig don las so/ /'grub bo zhes bya ba'i skabs so/ /go rims rigs pa snga phyi dag /mi 'gal ba ni go rims mi 'gal ba dang / rigs pa mi 'gal ba dang / snga phyi mi 'gal te gnyis las so/ /go rims mi 'gal
142a4 ba ni mtshams sbyor ba las so//rigs pa mi 'gal ba dang / snga phyi mi 'gal ba ni brgal ba dang lan las so/ /gzhan yang zhes bya ba ni rnam grangs gzhan no/ /don gyi dbang du byas pa yin la zhes bya ba ni don 'di'i dbang du byas pa yin no zhes shes par 'gyur ba'o/ /tshig gi
142a5 don brjod pa las ni zhes bya ba rgya cher 'byung ba ni tshig gi don brjod pa las bsdus pa'i don dang /chos kyi mtshan nyid dang / dgongs pa'i mtshan nyid shes par 'gyur ro/ /'bras bu phun sum dbang byas dang / /zhes bya ba rgya cher 'byung ba la dbang du byas pa ni dbang byas so/ /'bras
142a6 bu phun sum tshogs pa dang dbang du byas pa ni 'bras bu phun sum dbang byas dang ngo //de la 'bras bu phun sum tshogs pa ni dgos pa brjod pa las yin la/ dbang du byas pa ni bsdus pa'i don brjod pa las shes par 'gyur ro zhes 'chad do/ /de bzhin bsdus don la sogs gsum/ /
142a7 shes par 'gyur te/ bsdus pa'i don dang / chos kyi mtshan nyid dang / dgongs pa'i mtshan nyid 'di gsum mo/ /gang las shes par 'gyur zhe na/ tshig gi don las so/ /'brel dang mi 'gal shes par 'gyur/ /gang las she na/ mtshams sbyar ba brjod pa las so/ /rang
142b1 dang spyi'i mtshan nyid kyi don bstan pa na zhes bya ba la/rang gi mtshan nyid ni gzugs su rung bas gzugs yin la/ spyi'i mtshan nyid ni mi rtag pa la sogs pa ste de bstan pa na'o/ /zag pa dang bcas pa dang 'du byed kyi sdug bsngal las dgongs pa yin no zhes bya ba la/ zag pa dang
142b2 bcas pa ni mi rtag pa gang yin pa de ni sdug bsngal ba'o zhes dgongs pa'o//zag pa med pa'i gzugs la sogs pa mi rtag pa yin yang sdug bsngal ba ma yin pa'o/ /'du byed kyi sdug bsngal las dgongs pa yin no zhes bya ba ni zag pa dang bcas pa thams cad ni 'du byed kyi sdug
142b3 bsngal gyis khyab pa de lta bu'i phyir ro//dgongs pas mtshon pa ni dgongs pa'i mtshan nyid do/ /de bzhin du rnyed pa dang bkur stis ni zhes bya ba rgya cher 'byung ba'i mdo sde'i dum bu 'di'i gzhung ni re zhig dge slong dag rnyed pa dang bkur stis ni mi zad pa mchog tu mi zad pa ma thob
142b4 pa thob par bya ba dang /ma rtogs pa rtogs par bya ba dang / mngon sum du ma byas pa mngon sum du byas pa'i bar du gcod par byed pa bgegs byed pa yin no/ /dge slong dag rnyed pa dang bkur stis ni pags pa 'chad par byed do/ /pags pa chad nas sha 'chad do/ /sha chad
142b5 nas rgyus pa 'chad do//rgyus pa chad nas rus pa 'gyes so/ /rus pa gyes nas rkang la thug ste 'dug go zhes bya ba 'di yin no/ /mdo sde'i dum bu 'dir dbang po lnga po dag pags pa la sogs pa lta bur dgongs pa yin no/ /dbang po lnga po dag gang zhe na/ dad pa'i dbang po
142b6 dang /brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /dad pa la sogs pa ni pags pa la sogs pa bzhin du 'og ma ni nang du gyur pa'i phyir ro zhes bya ba ni ji ltar pags pa la sogs pa 'og ma 'og ma dag nang
142b7 yin pa ni sha ni pags pa bas nang yin pa nas rkang gi bar du rus pa bas nang yin pa de bzhin du dad pa la sogs pa yang 'og ma 'og ma nang yin pa'i phyir te/brtson 'grus ni dang pa bas nang yin pa nas shes rab kyi bar du ting nge 'dzin pas nang yin te/ de ltar na 'og ma
143a1 'og mar chos mthun pa nyid kyis dad pa la sogs pa dbang po lnga po dag ni pags pa la sogs pa bzhin du rnyed pa dang bkur stis 'chad do//ches gtso bo yin pa'i phyir ro zhes bya ba ni dad pa la sogs pa dbang po lnga dag ni pags pa la sogs pa bzhin du 'og mar
143a2 ches gtso bo yin pa'i phyir ro zhes bya bar dgongs so//lung las kyang dad pa tsam ni pags pa lta bu yin te/ srab pa'i phyir ro zhes bya ba ni rnyed pa dang bkur stis 'chad do zhes bya bar dgongs pa'o/ /de bzhin du brtson 'grus ni sha lta bu yin te zhes bya ba de lta bu la sogs
143a3 pa sbyar bar bya'o//brtson 'grus ni rtag tu rtsom pas sdug pa yin no/ /shes rab ni rkang lta bu yin te/ mnyam par gzhag pa'i sems la gnas pa'i phyir ro zhes bya ba ji ltar rkang ni rus pa la gnas pa de bzhin du 'di ltar shes rab kyang mnyam par gzhag pa'i sems la gnas
143a4 so//ji ltar rigs par zhes bya ba ni ji ltar 'os par zhes bya ba'i tha tshig go/ /de dang de las zhes bya ba ni mdo sde las so/ /le lo dang / 'dun pa med pa dang / g.yen spyo ba dang ldan pa'i phyir ro zhes bya ba ni le lo dang ldan pa'i phyir dang / 'dun pa med pa dang ldan pa'i phyir dang / g.yen
143a5 spyo ba dang ldan pa'i phyir ro//kun du zhum pa rnams ni zhes bya ba rgya cher 'byung ba ni kun du zhum pa rnams ni dman pa la mos pa dang ldan pa'i phyir dang / /bdag nyid mi nus par sems pa dang ldan pa'i phyir te/ bdag nyid la nus pa med par sems zhes bya bar tshig rnam par sbyar ro/ /
143a6 'gyod pa dang ldan pa'i phyir dang / bya ba mang pos 'jigs pa dang ldan pa'i phyir ro/ /yang dag par zhugs pa rnams ni zhes bya ba rgya cher 'byung ba ni yang dag par zhugs pa rnams ni phyin ci ma log pa'i brtson 'grus sgrub pa dang ldan pa'i phyir dang / mnyam pa'i brtson 'grus
143a7 sgrub pa dang ldan pa'i phyir te/brtson 'grus mnyam pa yang ha cang rtsom pa yang ma yin ha cang zhum pa yang ma yin pa dang / chog mi shes pa'i brtson 'grus sgrub pa dang ldan pa'i phyir ro/ /de ldog pa la zhes bya ba ni nag po'i phyogs ldog pa la'o/ /de lta bu la sogs pa
143b1 zhes bya ba la sogs pa'i sgras ni sgom pa'i don tam/so sor bshad pa'i don tam/ smras pa yongs su spong ba'i don tam de lta bu la sogs pa'o/ /ci rigs par bya'o zhes bya ba ni ji lta bar 'os par rig par bya'i grangs bzhin du ma yin no zhes bya ba'i tha tshig ste/ 'di ltar
143b2 yang dag par bstan pa ni res 'ga' yon tan gyi khyad par gyi don dang /res 'ga' yongs su spong bar byed pa'i yon tan gyi khyad par gyi don du ste/ mdo sde gang las mi dge ba'i las kyi lam dag bshad pa'o/ /res 'ga' ston par byed pa'i yon tan gyi khyad par gyi don du ste/
143b3 mdo sde gang las dge ba bshad pa'o/ /res 'ga' skyo ba'i yon tan gyi khyad par gyi don du ste/ mdo sde gang las mi dge ba'i las kyi rnam par smin pa bshad pa'o/ /res 'ga' dang ba'i yon tan gyi khyad par gyi don du ste/ mdo sde gang las sangs rgyas kyi yon tan rnams bshad pa'o/
143b4 ji skad du bstan pa'i don rnams la kun tu rmongs pa dag la de lta bu la sogs pa yon tan gyi khyad par rnams kyi don du yang dag par bstan pa yin no/ /de bzhin du yang dag par len du gzhug pa yang res 'ga' yongs su spong bar byed pa'i yon tan gyi khyad par gyi don dang / res 'ga'
143b5 skyo ba'i zhes bya ba de ltar rgya cher sbyar bar bya zhing yang dag par dga' ba'i bar du ci rigs par sbyar bar bya'o//ji ltar na yang dag par bstan pa la sogs pa kho na mdo sde'i dgongs pa dag tu 'gyur zhe na zhes bya ba ni 'dul bar byed pa la sogs pa yang de'i dgongs pa yin pa'i
143b6 phyir ro//de nyid kyis ma yin zhe na zhes bya ba ni ji ltar dang por bstan pa lta bus so/ /tshig gcig la don du ma 'byung bas don gzhan du rtog pa bsal ba'i phyir zhes bya ba ni tshig gcig la yang don du mar 'dren pa'i phyir ji ltar na rnam grangs dang po gsal bar byed pa rnam grangs gnyis pa
143b7 la sogs pas rnam grangs dang bo'i don shes par 'gyur zhig gu zhes don gzhan du rtog pa bsal ba'i phyir rnam grangs su gsungs so//nyid la chos so so yang dag par rig pa mnga' bar bstan pa'i phyir zhes bya ba ni de bzhin gshegs pa'i chos bstan pa ni de ltar dpag tu med pa yin/
144a1 chos kyi tshig dang yig 'bru yang de ltar dpag tu med pa yin/ shes rab dang spobs pa 'phags pa yang de ltar dpag tu med pa yin zhes bcom ldan 'das nyid la chos so so yang dag par rig pa mnga' bar bstan pa'i phyir ro/ /gzhan dag la de'i sa bon skyed pa'i
144a2 phyir zhes bya ba ni nyan pa po gzhan dag la rnam grangs gsungs pa'i sa bon bskyed pa'i phyir ro zhes bya ba'i tha tshig go//ji ltar na mdo sde las dgos pa mang po mi 'byung zhe na zhes bya ba ni 'dul bar byed pa la sogs pa'i don tha dad pa'i phyir dgos pa bdun du 'gyur ro zhe na/ 'dir mi 'byung
144a3 ngo zhes bya ba gsungs so//ci'i phyir zhe na/ 'dul bar byed pa la sogs pa rnams kyi 'bras bu ni nye bar 'dun par byed pa yin pa'i phyir ro zhes bya ba ni 'di ltar 'dul bar byed pa dang / 'dzud par byed pa dang / rab tu 'jog par byed pa rnams kyi 'bras bu ni nye bar 'dun par byed
144a4 pa yin la/nye bar 'dun par byed pa yang yang dag par len du 'jug pa kho na yin no/ /rnam grangs kyis zhes bya ba rgyas par smras te/ 'o na rnam grangs kyis nye bar 'dun par byed pa 'di lta ste/ sbyor bar bya ba ni rigs so zhes bya ba rgyas par 'byung ba la nye bar 'dun par byed pa ni
144a5 tshig nyid kyis ma yin par sbyor bar bya ba ni rigs so zhes rgyas par 'byung ba dang /de bzhin du rnam grangs kyis 'dun pa zlog par byed pa ni kun dga' bo dge slong 'du 'dzi la kun dga' ba dang zhes bya ba rgyas par 'byung ba la/ 'dun pa zlog par byed pa yang tshig de nyid kyis ma yin par kun dga'
144a6 bo 'du 'dzi la kun dga' ba dang zhes bya ba rgyas par 'byung ba gang yin pa de dag ci dgos pa bzhi las gzhan dgos pa lnga pa'am drug pa gzhan zhig tu 'gyur ram/'on te yang dag par bstan pa la sogs pa de dag las gang yang rung ba zhig tu 'dus sam zhe na/ 'dir de dag kyang zhes bya ba
144a7 gsungs te/nye bar 'dun par byed pa dang / 'dun pa zlog par byed pa dag kyang ngo / /'dul ba bag med pa'i rang bzhin can gyi zhes bya ba ni 'dul ba bag med pa'i rigs can gyi'o/ /dbang du mdzad nas yang dag par len du 'jug pa yin la zhes bya ba ni sbyor bar bya ba'i rigs so zhes
144b1 bya ba rgyas par 'byung ba ste nye bar 'dun par byed pa ni yang dag par len du 'jug pa yin no//kun dga' bo dge slong 'du 'dzi la kun dga' ba dang zhes pa 'dun pa zlog par byed pa yang yang dag par len du 'jug pa kho na yin te/ 'di ltar 'jug pa la 'dun pa zlog pa'i phyir
144b2 ldog pa yang dag par len du 'jug pa yin no//kun du rmongs pa'i dbang du mdzad nas ni yang dag par bstan pa zhes bya ba ni gdul ba mi shes pa la sogs pas kun du rmongs ba'i rang bzhin can gyi dbang du mdzad nas ni nye bar 'dun par byed pa yang yang dag par bstan pa yin la/
144b3 'dun pa zlog par byed pa yang dag par bstan pa yin no/ /smras pa/ ji ltar byas pas she na/ sbyor bar bya ba ni rigs so zhes bya ba rgyas par 'gyur bas nye bar 'dun par byed pa ni yang dag par bstan pa yin la/ de bzhin du kun dga' bo dge slong 'du 'dzi la kun dga' ba dang
144b4 zhes bya ba rgyas par 'byung bas 'dun pa zlog par byed pa ni yang dag par bstan pa yin te/'dir rigs pa dang rigs pa ma yin pa nyid gnyis yang dag par ston pa'i phyir ro zhes bya ba gsungs so/ /rigs pa dang rigs pa ma yin pa ni rigs pa dang rigs pa ma yin pa'o/ /
144b5 de'i dngos po ni rigs pa dang rigs pa ma yin pa nyid de/ de gnyis yang dag par ston pa'i phyir ro/ /'di ltar mdo sde'i dum bu dang pos ni rmongs pa'i dbang du mdzad nas rigs pa yang dag par bstan pa yin no/ /ji ltar byas pas she na/ sbyor bar bya ba ni rigs so zhes
144b6 bya ba smos te/'di ltar don 'di ni sbyor bar bya ba ni rung ngo zhes bya ba ni 'di yin par mngon te/ sbyor ba'i sgra'i don ni brtson 'grus yin pa'i phyir la rigs pa'i sgra'i don ni rung ba yin pa'i phyir ro/ /de nas 'di skad du brtson 'grus la sbyor bar bya ba ni rung ba yin no zhes bstan pa
144b7 yin no//bag yod par bya ba ni rigs so zhes bya ba ni bag yod par bya ba ni rung ba yin te/ mi mthun pa'i phyogs yongs su spangs pa zhes bya ba'i tha tshig go/ /ston pa'i bstan pa la rnal 'byor du bya ba ni rigs so zhes bya ba ni ston pa'i bstan pa la mi mthun pa'i phyogs kyis
145a1 gnyen po bsten pa ni rung ba yin no zhes bya ba'i tha tshig go//kun dga' bo dge slong 'du 'dzi la kun dga' ba dang zhes bya ba la sogs pa mdo sde'i dum bu gnyis pas kyang rigs pa ma yin pa nyid yang dag par bstan pa'i phyir te/ 'di ltar kun dga' bo dge
145a2 slong 'du 'dzi la kun dga' ba ni rung ba ma yin no zhes bya bar mngon no//de ltar na de dag ni yang dag par len du 'jug pa dang / yang dag par bstan par 'dus te dgos pa gzhan gnyis su mi 'gyur ro/ /ci la brten nas she na/ brtson 'grus brtsams pa la'o zhes bya ba ni
145a3 sbyor bar bya ba ni rigs so zhes bya ba'i tshig 'dis nye bar 'dun par byed do//ci zhig bya zhe na/ mi mthun pa'i phyogs spangs pa dang zhes bya ba ni bag yod par bya ba ni rigs so zhes bya ba'i tshig 'dis nye bar len par byed la/ gnyen po'i phyogs bsten par bya'o zhes bya ba ni ston pa'i
145a4 bstan pa la rnal 'byor du bya ba ni rigs so zhes bya ba'i tshig 'dis nye bar 'dun par byed do//gzhan yang gdul ba le lo can gyi dbang dang zhes bya ba rgyas par 'byung ba la/ gzhan yang zhes bya ba ni rnam grangs gzhan yang ngo / /gdul ba le lo can gyi rang bzhin can las
145a5 brtsams nas nye bar 'dun par byed pa ni 'di yin te/sbyor bar bya ba ni rigs so zhes bya ba'i tshig 'dis rig par bya'o/ /gdul ba rnyed pa dang bkur sti'i don du thos pa dang bsam pa la brtson pa'i rang bzhin can las brtsams nas nye bar 'dun par byed pa ni 'di yin te/ bag yod
145a6 par bya ba ni rigs so zhes bya ba'i tshig 'dis rig par bya'o//gdul ba ting nge 'dzin tsam gyis chog par 'dzin pa'i rang bzhin can las brtsams nas nye bar 'dun par byed pa 'di yin te/ ston pa'i bstan pa la rnal 'byor du bya ba ni rigs so zhes bya ba'i tshig 'dis rig par bya'o/ /
145a7 gzhan yang zhes bya ba rgyas par 'byung ba la ting nge 'dzin la nye bar 'dun par byed pa ni sbyor bar bya ba ni rigs so zhes bya ba tshig dang po 'dis so/ /de la ro myang ba med pa zhes bya ba ni ting nge 'dzin la ro myang ba med par te/ bag yod par bya ba ni rigs so zhes bya ba'i tshig gnyis pa 'dis
145b1 so//de tsam gyis chog mi shes pa ni ston pa'i bstan pa la rnal 'byor du bya ba ni rigs so zhes bya ba'i tshig gsum pa 'dis 'dun par byed pa yin no/ /lung las ni go rims bzhin du zhes bya ba rgyas par 'byung ba ni lhag pa'i tshul khrims las brtsams nas ni sbyor bar bya ba ni
145b2 rigs so zhes bya ba'i tshig dang po 'dis nye bar 'dun par byed do//lhag pa'i sems las brtsams nas ni tshig gnyis pas so/ /lhag pa'i shes rab las brtsams nas ni tshig gsum pas so/ /tshig gsum po de dag rig par bya ste zhes bya ba ni go rims bzhin du da ltar byung ba'i
145b3 'du 'dzi las brtsams nas ni kun dga' bo dge slong 'du 'dzi la kun dga' ba zhes bya ba'i tshig dang po 'di yin par rig par bya'o//'das pa'i 'du 'dzi las brtsams nas ni 'du 'dzi la dga' ba zhes bya ba'i tshig gnyis pa 'di yin par rig par bya'o/ /ma 'ongs pa'i 'du 'dzi las
145b4 brtsams nas ni 'du 'dzi la kun dga' ba'i sbyor ba la rjes su brtson zhing gnas pa ni legs pa ma yin no zhes bya ba'i tshig gsum pa 'di yin par rig par bya'o//de la dga' ba dang / ro myong bar byed pa dang / mngon par dga' ba'i phyir ro zhes bya ba ni 'di ltar da ltar byung ba'i
145b5 'du 'dzi la ni dga'/'das pa la ni ro myong bar byed/ ma 'ongs pa la ni mngon par dga' ste/ de'i phyir 'das pa la sogs pa'i 'du 'dzi las brtsams nas tshig gsum dag rig par bya'o/ /spong ba la kun dga' ba zhes bya ba de la yang de bzhin no zhes bya ba ni da ltar
145b6 byung ba dang /'das pa dang ma 'ongs pa'i spong ba las brtsams nas tshig gsum po dag rig par bya ste/ spong ba la kun dga' ba dang / spong ba la dga' ba dang / spong ba la kun dga' ba'i sbyor ba la rjes su brtson pa yin zhes bya ba rgyas par 'byung ba mdo sde'i dum bu 'di yin no/ /
145b7 spong ba la kun dga' ba zhes bya ba ni da ltar byung ba'i spong ba las brtsams nas so/ /spong ba la dga' ba zhes bya ba ni 'das pa las so/ /spong ba la kun dga' ba'i sbyor ba la rjes su brtson pa zhes bya ba ni ma 'ongs pa las so/ /'di lta ste zhes bya ba rgyas par 'byung ba ni 'di lta ste/ yang
146a1 dag par ldan pa'i lung las dge slong dag gzugs yod pa 'di la mi rtag par yang dag par rjes su lta ba de la ni yang dag pa'i lta ba de 'byung ste/yang dag par mthong na skyo zhing dga' ba zad pa'i phyir 'dod chags zad par 'gyur la/ dga' ba dang 'dod
146a2 chags zad pa las sems shin tu rnam par grol ba yin no zhes smra'o//dge slong dag dge slong tshor ba dang / 'du shes dang / 'du byed rnams dang / rnam par shes pa yod pa 'di la mi rtag par yang dag par rjes su lta ba de la ni yang dag pa'i lta ba de 'byung ste/ yang dag pa
146a3 mthong na skyo zhing dga' ba zad pa'i phyir 'dod chags zad par 'gyur la/dga' ba dang 'dod chags zad pa las sems rab tu rnam par grol ba yin no zhes smra'o/ /de ltar dge slong sems yang dag par shin tu rnam par grol na/ gal te 'dod na bdag nyid kyis bdag nyid la
146a4 bdag gi skye ba zad do//tshangs par spyod pa spyad do/ /bya ba byas so/ /'di las srid pa gzhan mi shes so zhes lung ston par byed do zhes bya ba la sogs pa'i mdo sde ste/ ci zhig yongs su shes par bya zhe na/ gzugs la sogs pa sdug bsngal gyi bden pas bsdus pa'o zhes
146a5 bya ba bstan pa ste/tshig gang gis she na/ gzugs nas rnam par shes pa zhes bya ba'i bar 'dis so/ /ji ltar yongs su shes par bya zhe na mi rtag par ro zhes bya ba ni/ mi rtag par zhes bya ba'i tshig 'dis bstan to/ /yongs su shes pa gang zhe na/ yang dag pa'i lta ba'o/ /tshig
146a6 gang gis bstan zhe na/de la yang dag pa'i lta ba de 'byung ste zhes bya ba 'dis so/ /yongs su shes pa'i 'bras bu gang yin zhe na/ skyo ba la sogs pa'i rim gyis sems shin tu rnam par grol ba nyid do/ /ji ltar na skyo ba la stsogs pa'i rim gyis she na/ yang dag par mthong
146a7 na skyo zhing dga' ba zad pa'i phyir 'dod chags zad par 'gyur la/dga' ba can dang 'dod chags zad pa las sems shin tu rnam par grol ba yin no zhes smra'o zhes bya ba ste/ de lta bu ni skyo ba la sogs pa rim gyis so/ /tshig 'di dag gis ni yongs su shes pa'i 'bras bu
146b1 bstan to//de rjod par byed pa gang yin zhe na/ kun du ston par byed pa gang yin pa de yin te/ bdag nyid kyis bdag nyid la bdag gi skye ba zad do zhes bya ba de lta bu la sogs par lung ston par byed do zhes bya ba'i tshig 'dis so/ /de rjod par byed de zhes bya ba ni sems shin tu rnam par
146b2 grol ba ni lung ston pa'o zhes bya ba'i tshig go//bsdu na zhes bya ba rgyas par 'byung ba ni bsdu na mdo sde 'dir yang dag pa ji lta ba bzhin du mthong ba yin par bstan te/ tshig gang gis she na de las yang dag pa'i lta ba de 'byung ste zhes bya ba 'dis so/ /skyo ba bstan pa ni tshig gang gis
146b3 she na/yang dag pa mthong na skyo zhing zhes bya ba 'dis so/ /'dod chags dang bral ba bstan pa ni tshig gang gis she na/ dga' ba zad pa'i phyir 'dod chags zad par 'gyur la zhes bya ba 'dis so/ /rnam par grol ba bstan pa ni tshig gang gis she na sems shin tu rnam par grol
146b4 ba yin no zhes smra'o zhes bya ba 'dis so//rnam par grol ba'i ye shes mthong ba bstan pa ni tshig gang gis she na/ bdag gi skye ba zad do zhes bya ba rgyas par 'byung bas so/ /de ltar na sems mnyam par gzhag na yang dag pa ji lta ba bzhin du rab tu shes yang dag pa ji lta ba
146b5 bzhin du mthong ngo //yang dag pa ji lta ba bzhin du shes/ yang dag pa ji lta ba bzhin du mthong na skyo bar 'gyur/ skyo na 'dod chags dang bral bar 'gyur/ 'dod chags dang bral na rnam par grol bar 'gyur/ rnam par grol na bdag gi skye ba zad do zhes bya ba nas rgyas par rnam
146b6 par grol ba nyid du shes pa mthong ba 'byung ngo zhes bya ba'i mdo sde 'di thams cad bstan pa yin no//re zhig gcig la du ma 'byung ba zhes bya ba rgyas par 'byung ba la sems kyi rnam grangs mngon par shes pa bstan pa las sems 'dod chags dang bcas na sems 'dod chags dang
146b7 bcas so snyam du yang dag pa ji lta ba bzhin du rab tu shes sems 'dod chags dang bral na sems 'dod chags dang bral lo snyam du yang dag pa ji lta ba bzhin du rab tu shes so//'dod chags dang bcas pa dang / 'dod chags dang bral ba ji lta ba de bzhin du zhe sdang dang bcas pa dang /
147a1 zhe sdang dang bral ba dang / gti mug dang bcas pa dang / gti mug dang bral ba dang / bsdus pa dang / rnam par g.yengs pa dang / zhum pa dang / rab tu gzung ba dang / rgod pa dang / rgod pa ma yin pa dang / nye bar ma zhi ba dang / nye bar zhi ba dang / mnyam
147a2 par ma bzhag pa dang /mnyam par bzhag pa dang / ma bsgoms pa dang / bsgoms pa dang / sems rnam par ma grol ba la sems rnam par ma grol lo snyam du yang dag pa ji lta ba bzhin du rab tu shes/ sems rnam par grol ba la sems rnam par grol lo snyam du yang dag pa ji lta
147a3 ba bzhin du rab tu shes so zhes bya ba ste/de las ni tshig de dag 'byung ngo / re zhig tshig gcig la don du ma byung ba ni/ 'dod chags dang bral ba dang / zhe sdang dang bral ba dang / gti mug dang bral ba zhes bya ba tshig 'di rnams la ni re re la yang don du ma byung ngo / /de dag dang mi
147a4 ldan par shes par bya ste zhes bya ba ni 'dod chags la sogs pa dag dang mi ldan pa yin par shes par bya'o zhes bya ba'i tha tshig go//ji ltar shes she na/ kun du chags pa ma yin pa'i chos can zhes bya ba la sogs pa gsungs pa'i phyir zhes bya bar rgyas par 'byung ba'o/ /ji ltar
147a5 byas pas she na/ma zla ba'i bu mo'i bu'i mdo las rgyas par bka' stsal nas ma zla ba'i bu mo'i bu lhas byin dge slong rnams la 'di ltar tshe dang ldan pa dag dge slong sems kyis sems shin tu sbyangs pa de'i sems de ni 'dod chags dang bral ba dang / zhe sdang dang bral ba dang / gti
147a6 mug dang bral ba yin te/kun du chags pa ma yin pa'i chos can/ kun du zhe sdang ba ma yin pa'i chos can/ kun du gti mug pa ma yin pa'i chos can/ 'dod pa'i srid pa dang / gzugs kyi srid pa dang / gzugs med pa'i srid par mi ldog pa'i chos can yin no
147a7 zhes chos dang mi ldan pa'i gtam de lta bu mi ston pa'i dge slong de bdag gi skye bzad do//tshangs par spyod pa spyad do/ /bya ba byas so/ /'di las srid pa gzhan mi shes so zhes lung bstan par rung ba yin nam/ tshe dang ldan pa shA ri'i bu ma yin no zhes 'byung ba ste/ de ltar na
147b1 kun du chags pa ma yin pa'i chos can zhes bya ba la sogs pa gsungs pa'i phyir dang /phyir mi ldog pa'i chos can zhes gsungs pa'i phyir te/ yongs su nyams pa med pa dang / phyir ldog pa med pas zhes bya ba smos te/ yongs su nyams pa med pa'i dbang du mdzad nas gsungs
147b2 pa'i phyir dang /phyir ldog pa med pa'i dbang du mdzad nas gsungs pa'i phyir ro zhes bya ba'i tha tshig go/ /'di skad du yongs su nyams pa med pa'i dbang du mdzad nas kun du 'dod chags ma yin pa'i chos can gsungs pa'i phyir dang / kun du zhe sdang ma yin pa'i chos can gsungs pa'i
147b3 phyir dang /kun du gti mug ma yin pa'i chos can gsungs pa'i phyir de dag dang mi ldan par shes par bya'o/ /de bzhin du phyir mi ldog pa med pa'i dbang du mdzad nas ni phyir mi ldog pa'i chos can zhes gsungs pa'i phyir te/ 'dod pa'i srid pa dang / gzugs kyi srid pa dang / gzugs
147b4 med pa'i srid par mi ldog pa'i chos can yin pas de dag dang mi ldan par shes par bya'o//ci'i phyir kun du chags pa ma yin pa'i chos can zhes bya ba la sogs pa gsungs pa'i phyir dang zhes de ltar rgyas par bstan zhe na/ phyi rol pa'i 'dod chags dang bral ba dang chos dang mi
147b5 mthun pa'i phyir te/phyi rol pa'i 'dod chags dang bral ba las nyams par 'gyur la/ gal te de'i sa'i 'dod chags dang bral ba las de'i tshe yongs su nyams par 'gyur/ yang gdon mi za bar de dag las sa 'og mar ldog par ni 'gyur ro/ /de dang chos mi mthun pa ni
147b6 slob pa ste/de'i phyir de ltar bstan to/ /ma chags pa la sogs pa dag dang / mtshungs par ldan par shes par bya'o zhes bya ba ni dge ba'i rtsa ba ma chags pa dang / zhe sdang med pa dang / gti mug med pa rnams dang mtshungs par ldan par shes par bya'o zhes bya ba'i tha tshig go/ /'dod
147b7 chags la sogs pa dag dang mi ldan pa yang ma yin la lung du ma bstan pa yang ma yin par shes par bya'o//ci'i phyir zhe na/ so sor thar pa'i dbang du mdzad pa'i phyir te/ yan lag lnga pa'i phywa mkhan gyi mdo las rgyas par gsungs nas/ mi dge ba'i ngang tshul de dag gang du
148a1 lhag ma 'gag cing gang du lhag ma ma lus par yongs su zad pa dang /yongs su gtugs par 'gyur ro zhe na/ phywa mkhan 'di la dge slong tshul khrims dang ldan pa/ so sor thar pa'i sdom pas bsdoms pa/ spyod yul dang cho ga phun sum tshogs pa/ kha
148a2 na ma tho ba phra rab tsam la yang 'jigs par lta ba/bslab pa'i gzhi rnams yang dag par blangs nas slob pa yin zhes rgyas par 'byung pas de ltar na so sor thar pa'i sdom pa'i dbang du mdzad pa'i phyir ma chags pa la sogs pa dag dang mtshungs par ldan par shes par bya'o zhes
148a3 bya ba rgyas par gsungs so//'dod chags la sogs pa dag dang mtshungs par ldan pa ma yin par shes par bya'i zhes bya ba ni 'dod chags la sogs pa mngon du ma gyur pa yin par shes par bya'o zhes bya ba'i tha tshig go/ /gdon mi za bar ma chags pa la sogs pa dang mtshungs
148a4 par ldan pa yang ma yin par shes par bya ste/ci'i phyir zhe na/ gal te dge ba zag pa dang bcas pa ma yin yang lung du bstan par 'gyur bas so/ /ci'i phyir mi ldan pa ma yin zhe na zhes bya ba rgyas par rnam par gtan la dbab pa rtsom mo/ /de logs shig tu bstan par mi 'gyur
148a5 la zhes bya ba ni sems rnam par grol ba la sems rnam par grol lo snyam du yang dag pa ji lta ba bzhin du rab tu shes so zhes bya bar 'dod chags la sogs pa dang mi ldan pa'i sems de logs shig tu bstan par mi 'gyur ro//mngon par shes pa byi bo dag tu yang zhes bya ba ni
148a6 'di las phyi rol pa rnams kyi mngon par shes pa lnga po gang dag yin pa de dag ni mngon par shes pa byi bo dag ces bya ste/de dag tu yang 'dod chags la sogs pa dang bral ba smos par mi 'gyur te rnam par grol ba bzhin no zhes bya ba ni ji ltar der sems rnam par grol ba la
148a7 sems rnam par grol lo snyam du yang dag pa ji lta ba bzhin du rab tu shes so zhes bya ba 'di smos pa med pa de bzhin du 'dod chags la sogs pa dang bral ba yang smos par mi 'gyur te/ci'i phyir zhe na 'dod chags la sogs pa dang bral ba gang yin pa de nyid rnam par grol ba yin pas
148b1 so//gzhan yang gal te 'dod chags la sogs pa dang bral ba de dang mi ldan pa yin na zhes bya ba ni 'dod chags la sogs pa dang mi ldan pa yin zhes bya ba'i tha tshig go/ /'dod chags dang bcas pa la sogs pa de dag dang ldan pa yin gyi zhes bya ba ni 'dod chags la sogs pa'i
148b2 'thob pa dang 'brel pa yin gyi zhes bya ba'i tha tshig go//'di ni 'dod chags dang bcas pa'o/ /'di ni zhe sdang dang bcas pa'o/ /'di ni gti mug dang bcas pa'o zhes tha dad par smos par mi 'gyur te/ ci'i phyir zhe na/ gcig la yang gsum char dang ldan pa'i phyir te/
148b3 'di ltar 'dod chags la sogs pa dang bcas pa ni gang yang rung ba cig la yang 'dod chags dang zhe sdang dang gti mug gsum char dang ldan pa nyid do/ /gzhan yang sems rnam par ma grol ba la sems rnam par ma grol ba'o snyam du yang dag pa ji lta ba bzhin du rab tu shes so zhes
148b4 bya ba'i rnam par ma grol ba yang logs shig tu smos par mi 'gyur ro//de ci'i phyir zhe na/ 'dod chags la sogs pa dang bcas pa gang yin pa de nyid rnam par ma gral ba yin pas so/ /de ltar bkag na ji ltar na sems 'dod chags dang bcas pa la sems 'dod chags dang
148b5 bcas so snyam du yang dag pa ji lta ba bzhin du rab tu shes so zhes rgyas par gang gsungs pa 'dod chags dang bcas pa la sogs pa tha dad par smos par 'gyur la/sems 'dod chags dang bral ba la/ sems 'dod chags dang bral lo snyam du yang dag pa ji lta ba bzhin du
148b6 rab tu shes so zhes rgyas par gang gsungs pa 'dod chags dang bral ba la sogs pa yang de dang mi ldan par 'gyur/'di skad du gal te nag po'i phyogs dang mthun pa de dang mtshungs par ldan pa yin la zhes bya ba smos te/ 'dod chags la sogs pa dang mtshungs
148b7 bar ldan pa yin la zhes bya ba'i tha tshig go//dkar po'i phyogs dang mthun pa ni de dang mi ldan pa yin na zhes bya ba ni zag pa dang bcas pa'am/ zag pa med pa ni 'dod chags la sogs pa dang mi ldan pa yin no zhes bya ba'i tha tshig go/ /bshad pa cir 'gyur zhe na
149a1 zhes smras pa gang yin pa la/sems rnam par grol ba la sems rnam par grol lo snyam du yang dag pa ji lta ba bzhin du rab tu shes so zhes bya ba'i rnam par grol ba logs shig tu smos par mi 'gyur zhing / 'dod chags la sogs pa dang
149a2 zhes bya ba rgyas par smos pa'i skyon 'di yang yod de/'dod chags dang zhe sdang dang gti mug rnams dang mtshungs par ldan pa yang ma yin la mi ldan pa yang ma yin pa gang yin pa ste/ 'dod chags la sogs pa'i 'thob pa ma chad pa'o/ /ci 'dra ba zhig ce na/ dge ba
149a3 zag pa dang bcas pa dang /lung du ma bstan pa gang yin pa ste/ de yang smos par mi 'gyur ro/ /de ni nag po'i phyogs dang mthun pa yang ma yin te/ 'dod chags la sogs pa dang mtshungs par mi ldan pa'i phyir ro/ /dkar po'i phyogs dang mthun pa yang ma yin te/
149a4 de dang mi ldan pa ma yin pas so/ /re zhig ces bya ba rgyas par 'byung ba la/ re zhig 'dod chags la sogs pa las gzhan pa the tshom la sogs pa nyon mongs pa gzhan dang / ngo tsha med pa la sogs pa nye ba'i nyon mongs pa thams cad dang mtshungs par ldan pa'i sems kyang
149a5 ji ltar smos par 'gyur te/der ni the tshom dang bcas pa'i sems la the tshom dang bcas pa'i sems zhes rgyas par ma gsungs la/ de yang dag pa ji lta ba bzhin du rab tu mi shes pa yang ma yin no/ /dge ba zag pa dang bcas pa dang / lung du ma bstan pa smos pa de la yang
149a6 de bzhin du 'gyur te/de yang shes par 'gyur ro zhe na/ de lta ma yin te/ ci'i phyir zhe na/ tshor ba rnam pa gsum la gnas pa'i sems kyi zhes bya ba rgyas par gsungs te/ tshor ba rnam pa gsum la gnas pas na/ tshor ba rnam pa gsum la gnas pa'o/ /de dang mtshungs
149a7 par ldan pa zhes bya ba ni tshor ba rnam pa gsum la gnas pa'i sems de dang mtshungs par ldan pa'i zhes bya ba'i tha tshig go//nyon mongs pa'i rtsa ba gsum po dag smos pa'i phyir zhes bya ba ni 'dod chags dang / zhe sdang dang gti mug gsum po dag smos pa'i phyir ro zhes bya ba'i tha
149b1 tshig go//de la gnas pa'i sems dang mtshungs par ldan pa zhes bya ba ni tshor ba rnam pa gsum la gnas pa'i sems dang mtshungs par ldan pas na tshor ba rnam pa gsum la gnas pa'i sems dang mtshungs par ldan pa ste de'i nyon mongs pa dang / nye ba'i nyon mongs pa zhes bya ba de
149b2 la nyon mongs pa rnams ni 'dod chags la sogs pa gsum po las gzhan pa rnams yin la nye ba'i nyon mongs pa rnams ni thams cad yin pas nyon mongs pa dang /nye ba'i nyon mongs pa de dag smos pa kho na yin te/ de dang mtshungs par ldan pa'i sems ma smos pa ma yin no/ /
149b3 'on tang ci zhe na smos pa kho na'o/ /de'i phyogs dang mthun pa gzhan rnams kyang zhes bya ba la de'i phyogs ni 'dod chags la sogs pa'i phyogs so/ /'dod chags la sogs pa'i phyogs la yod pa dag ni de'i phyogs dang mthun pa ste/ de rnams ni de'i phyogs dang mthun pa rnams
149b4 so//gang gis ci'i phyir mi ldan pa ma yin zhe na zhes smos pa de nyid na re gal te 'o na 'dod chags dang mtshungs par ldan pa ma yin pa ni 'dod chags dang bral ba yin na zhe sdang dang mtshungs par ldan pa yang 'dod chags dang bral ba yin no zhe na zhes zer te/ de yang 'dod chags
149b5 dang mtshungs par ldan pa ma yin no zhe na/'dod chags dang mtshungs par ldan pa de la 'dod chags dang bral ba zhes de ltar gzung ba go ba ma yin te/ zhe sdang dang mtshungs par ldan pa de la ni zhe sdang dang bcas pa nyid du gzung ste/ ji lta bu dang mtshungs par ldan par gzung ba'i
149b6 phyir te/gang dang gang gis mtshungs par ldan pa ni ji lta bu dang mtshungs par ldan pa'o/ /ji lta bu dang mtshungs par ldan par de gzung ba'i phyir 'dod chags dang bcas pa dang / zhe sdang dang bcas pa dang / gti mug dang bcas pa'o zhes de ltar bstan to/ /smras pa/
149b7 gal te de lta yin na 'dod chags dang bral ba ji ltar 'dzin zhe na/ 'dod chags la sogs pa dang bral ba ni zhes bya ba rgyas par gsungs te/ 'dod chags la sogs pa gzhan dang yang mtshungs par ldan pa ma yin pa las so/ /tha dad pa ma yin pa yang gzung ste/ 'dod
150a1 chags la sogs pa thams cad dang mtshungs par mi ldan pa las so//'di gnyis la bye brag ni 'di yod de/ snga ma ni nyon mongs pa can gyis bar du chod pa'i phyir dge ba zag pa dang bcas pa rgyun dang mi ldan pa bar chad dang bcas pa yin par gzung ngo / /
150a2 phyi ma ni zag pa dang bcas pa rgyun dang ldan pa yin par gzung ngo / /des dmigs pa'am/ de'i thob pa'i sgo nas yin grang na zhes bya ba ni 'dod chags des dmigs pa'i phyir ram/ 'dod chags de'i thob pa las de dang ldan pa yin grang na/ de gnyis kyang des mi 'dzin te zhes
150a3 bya ste/'dod chags de dang thob pa de gnyis kyang pha rol gyi sems shes pas mi 'dzin to zhes bya ba'i tha tshig go/ /ci'i phyir zhe na/ pha rol gyi sems shes pas zhes bya ba rgyas par gsungs so/ /de la dmigs pa can dang / sems dang mi ldan pa la zhes bya ba ni pha rol gyi
150a4 sems de la mi dmigs pa'o//de 'dod chags gang la yod pa ni de la dmigs pa can no/ /de la dmigs pa can dang / sems dang mi ldan pa ni de la dmigs pa can dang sems dang mi ldan pa dag ste/ de gnyis la dmigs pa pha rol gyi sems shes pa gang la yod pa
150a5 de ni de la dmigs pa can dang sems dang mi ldan pa la dmigs pa can no//de la yang de bzhin du 'gyur ro zhes bya ba ni 'dod chags dang bcas pa la byung ngo / /yang dper brjod par bya ste zhes bya ba ni yang tshig gcig la don du ma 'byung ba zhes rgyas par 'byung ba'i dper brjod par
150a6 bya ste'o//'dir gzugs kyi 'dod chags zhes bya ba 'di ni dper brjod pa yin no/ /tha chad do zhes bya bar mngon no zhes bya ba ni smad pa zhes bya bar mngon no zhes bya ba'i tha tshig go/ /tshigs kyi sa bon zhes bya ba ni tshigs kyi sa bon no/ /mang po la ni khrom gyi ru zhes bya ba ni khrom
150a7 gyi tshogs zhes bya bar mngon no//yid brel ba zhes bya ba ni dmigs pa sna tshogs pa zhes bya ba'i tha tshig go/ /mgu ba nyid du gyur/ yi rangs pa nyid du gyur ces bya ba ni yid bde bar gyur ces bya bar mngon te/ 'di yang 'dir dper brjod pa yin te/ ji skad du mdo las/ tshe
150b1 dang ldan pa 'dun pa mgu ba nyid du gyur/yi rangs pa nyid du gyur ces gsungs pa lta bu'o/ /uta dang / saM dang / pra ti zhes bya ba 'di dag ni nye bar bsgyur ba dag go/ /chos kyi bgo skal la spyod cing zhes bya ba ni chos kyi bgo skal la spyod par byed cing ngo / /zang zing gi bgo
150b2 skal la sbyong ba yang de bzhin no//zang zing zhes bya ba ni rnyed pa yin te/ rnyed pa'i bgo skal la spyod pa ni ma yin no zhes bstan pa yin no/ /bgo skal gyi sgra ni sbyin pa'i don to/ /byung ba la zhes bya ba ni 'dus byas la zhes bya ba'i tha tshig go/ /bdag nyid la ji ltar yod pa bzhin
150b3 du zhes bya ba ni bdag nyid la ji ltar bdog pa bzhin du zhes bya ba'i tha tshig go//de ni yid kho na'i yul yin zhing zhes bya ba ni mig la sogs pa nas lus kyi dbang po la thug pa rnams kyis ma yin pa ste/ de ltar na gzugs la sogs pa bsal ba yin no/ /mig gi rnam
150b4 par shes pa la sogs pa dag kyang de ltar thal bar 'gyur na mi rung bas yul kho na yin gyi rten na ma yin no zhes bya ba 'di smos te/mig gi rnam par shes pa la sogs pa ni yid kyi rten yang yin pas so/ /mthong ba'i chos la myong bar 'gyur ba zhes bya ba ni mthong ba'i tshe la myong bar
150b5 'gyur ba'o//de lta bu'i chos so zhes bya ba ni de ltar 'gyur ba'o zhes bya ba'i tha tshig go/ /rga ba'i chos can yin no zhes bya ba ni lus 'di rga bar 'gyur ba'o zhes bya bar mngon no// //rnam par bshad pa'i rigs pa'i bshad pa bam po gnyis pa/ spangs pa la
150b6 sogs pa'i spangs pa zhes bya ba la spangs pa zhes bya ba ni spangs pa la sogs pa dag la yang yod pa yin no zhes bya ba'i tha tshig go//'dod pa'i 'dun pa spangs nas zhes bya ba ni re zhig gi dus su rnam par mnan nas zhes bya bar mngon no/ /kun du sbyor ba gsum spangs pa la zhes bya ba la/ kun du
150b7 sbyor ba gsum na 'jig tshogs la lta ba dang /tshul khrims dang brtul zhugs mchog tu 'dzin pa dang / the tshom mo/ /nyan thos la bshad pa'i mdo sde gnyis las rnam pa gnyis su rnam par phye'o zhes bya ba ni sde can no/ /mdo sde gnyis las ji ltar rnam par phye zhe na/ re zhig mdo
151a1 sde kha cig las rgyas par gsungs nas spangs pas spong ba gang zhe na/sdig pa mi dge ba'i chos skyes pa rnams spang ba'i phyir zhes rgyas par 'byung ba dang / sdom pas spong ba gang zhe na/ sdig pa mi dge ba'i chos ma skyes pa rnams mi bskyed pa'i phyir zhes rgyas par 'byung ba
151a2 dang /rjes su bsrung bas spong ba gang zhe na/ dge ba'i chos ma skyes pa rnams bskyed pa'i phyir zhes rgyas par 'byung ba dang / bsgom pas spong ba gang zhe na/ dge ba'i chos skyes pa rnams gnas pa dang / phyir zhing 'byung ba dang / nyams par mi 'gyur ba dang zhes rgyas par 'byung la/ mdo sde
151a3 cig shos las kyang rgyas par gsungs nas spangs pas spong ba gang zhe na/sdig pa mi dge ba'i chos skyes pa rnams spang ba'i phyir zhes rgyas par 'byung ba nas/ dge ba'i chos skyes pa rnams gnas pa dang / phyir zhing 'byung ba dang / nyams par mi 'gyur ba dang / zhes rgyas par 'byung la/
151a4 'di ni spangs pas spong ba yin no zhes 'byung zhing / sdom pas spong ba gang zhe na/ mig gis gzugs rnams mthong nas mtshan mar mi 'dzin cing mngon rtags su mi 'dzin pa yin zhes rgyas par 'byung la/ rjes su bsrung bas spong ba gang zhe na/ dge slong 'di la dge slong gis ting nge 'dzin
151a5 mtshan ma bzang po gang yang rung ba zhes rgyas par 'byung zhing /bsgom pas spong ba gang zhe na/ dran pa nye bar gzhag pa bzhi rnams sgom par byed ces rgyas par 'byung ba lta bu'o/ /'phags pa'i tshul gyi sgra zhes rgyas par 'byung ba la/ 'phags pa'i tshul gyi sgra ni bden pa rnams la yang
151a6 mthong ste/ji lta zhe na/ re zhig mdo sde kha cig las rgyas par gsungs nas/ ji ltar na 'dis 'phags pa'i tshul yang dag pa ji lta ba bzhin du yang dag pa'i shes rab kyis mthong ba yin zhe na/ 'di ni sdug bsngal 'phags pa'i bden pa'o zhes yang dag pa ji lta ba bzhin du rab tu
151a7 shes zhes rgyas par 'byung ba dang /mdo sde gzhan las kyang rgyas par gsungs nas/ ji ltar na 'dis 'phags pa'i tshul yang dag pa ji lta ba bzhin du yang dag pa'i shes rab kyis mthong ba yin zhe na/ 'di lta ste/ yang dag pa'i lta ba zhes rgyas par 'byung ba dang / mdo sde
151b1 gzhan dag las kyang rgyas par gsungs nas/ji ltar na 'dis 'phags pa'i tshul yang dag pa ji lta ba bzhin du yang dag pa'i shes rab kyis mthong ba yin zhe na/ 'dis rten cing 'brel bar 'byung ba'i yan lag bcu gnyis lugs su 'byung ba dang lugs las bzlog pa yang dag
151b2 pa ji lta ba bzhin du yang dag pa'i shes rab kyis mthong ba yin te/'di lta ste 'di yod pas zhes rgyas par 'byung ba lta bu'o/ /bram ze nga ni 'phags pa'i chos 'dul ba 'di la 'phags pa'i tshul gyis zhes bya ba ni 'phags pa nyid tshul yin te/ mi slob pa'i rigs pa gsum pa dag go/ /dran
151b3 pa nye bar gzhag pa bzhi rnams dang mi mthun par byed pa zhes bya ba ni 'gal bar byed pa zhes bya ba'i tha tshig go//'phags pa'i tshul la de dag gis mi mthun par byas pa yin no zhes bya ba ni 'gal bar byas pa yin no zhes bya ba'i tha tshig go/ /tshul nyid kyis chos ni mya ngan las 'das
151b4 pa ni zhes bya ba'i tha tshig go//sbom pa dang ldan pa zhes bya ba ni sdong po dang ldan pa zhes bya ba'i tha tshig go/ /skye mched bcu dang gcig gi phyogs kyis bsdus so zhes bya ba ni skye mched bcu dang gcig gi phyogs kyi rang bzhin yin no zhes bya bar mngon no/ /bsdu ba zhes bya ba la/ rang bzhin
151b5 dang rjes su mthun pa la ni ji ltar byas pas she na/mdo sde las rgyas par gsungs nas 'phags pa phung po gsum po dag ces kyang bgyi la 'phags pa'i lam yan lag brgyad ces kyang bgyi ba 'phags pa'i phung po gsum po dag gis 'phags pa'i lam yan lag brgyad bsdus sam/
151b6 'on te 'phags pa'i lam yan lag brgyad kyis phung po gsum bsdus she na/ tshe dang ldan pa sa ga 'phags pa'i lam yan lag brgyad kyis ni phung po gsum po dag ma bsdus kyi/ 'on kyang phung po gsum po dag gis ni 'phags pa'i lam yan lag brgyad bsdus so/ /'phags
151b7 pa dpe ji ltar na phung po gsum po de dag gis 'phags pa'i lam yan lag brgyad bsdus kyi/'phags pa'i lam yan lag brgyad kyis ni phung po gsum po dag ma bsdus she na/ tshe dang ldan pas g.yang dag pa'i ngag gang yin pa dang / yang dag pa'i las kyi mtha' gang yin
152a1 pa dang /yang dag pa'i 'tsho ba gang yin pa de ni bcom ldan 'das kyis tshul khrims kyi phung por gsungs so/ /yang dag pa'i dran pa dang / yang dag pa'i ting nge 'dzin gang yin pa de ni bcom ldan 'das kyis ting nge 'dzin gyi phung por gsungs so/ /yang dag
152a2 pa'i lta ba dang /yang dag pa'i rtog pa dang / yang dag pa'i rtsol ba gang yin pa de ni bcom ldan 'das kyis shes rab kyi phung por gsungs so/ /tshe dang ldan pa sa ga de ltar na phung po gsum po dag gis 'phags pa'i lam yan lag brgyad bsdus kyi/ 'phags pa'i lam yan lag
152a3 brgyad kyis ni phung po gsum po dag ma bsdus so zhes 'byung ba lta bu ste/de ltar na tshul khrims dang ting nge 'dzin dang shes rab kyi phung po gsum dag las tshul khrims kyi phung pos ni 'phags pa'i lam yan lag brgyad las yang dag pa'i ngag dang las kyi mtha' dang / 'tsho ba rang
152a4 bzhin gyis bsdus pa yin te/de'i rang bzhin kho na yin pa'i phyir ro/ /ting nge 'dzin gyi phung pos ni yang dag pa'i ting nge 'dzin rang bzhin gyis bsdus pa yin te/ de'i rang bzhin kho na yin pa'i phyir ro/ /shes rab kyi phung pos ni yang dag pa'i lta ba rang bzhin gyis bsdus
152a5 pa yin te/de'i rang bzhin kho na yin pa'i phyir ro/ /re zhig de ltar na bsdus pa zhes bya ba rang bzhin la yod pa yin no/ /rjes su mthun pa la yang yod de/ yang dag pa'i dran pa ni ting nge 'dzin gyi phung po'i rjes su mthun pa kho na'i phyir ting nge 'dzin gyi phung pos bsdus
152a6 so//yang dag pa'i rtog pa dang / yang dag pa'i rtsol ba ni shes rab kyi phung po'i rjes su mthun pa nyid kyi phyir shes rab kyi phung pos bsdus so/ /bsdu ba'i dngos po bzhi po dag ces bya ba ni dga' ba'i dngos po bzhi po dag ces bya bar mngon te de dag kyang mdo sde las ji skad
152a7 'byung ba lta bu'o//'di ni dbang po lnga po dag ces bya ba ni dad pa'i dbang po la sogs pa'o/ /sdud par byed pa yin te zhes bya ba ni yongs su nyams pa med pa'i rgyu yin par mngon te/ dga' ba'i dngos po bzhi po 'di ltar shes rab kyi phung pos ni dad pa la sogs pa las nyams
152b1 par mi 'gyur ro//srid pa'i yan lag bcu gnyis pa'i tshig rnams kyis zhes bya ba ni ma rig pa dang 'du byed la sogs pa rnams kyis so/ /don bsdus pa gang yin pa ste/ ji ltar ma rig pa la sogs pa srid pa'i yan lag bcu gnyis pa'i tshig rnams kyi mdor kun nas nyon mongs pa
152b2 gsum po nyon mongs pa dang /las dang / skye ba'i kun nas nyon mongs pa rnams yongs su bstan pa ni nyon mongs pa'i kun nas nyon mongs pa dang / las kyi kun nas nyon mongs pa dang / skye ba'i kun nas nyon mongs pa ste/ nyon mongs pa nyid kun nas nyon mongs pa ma yin pas nyon mongs
152b3 pa'i kun nas nyon mongs pa ste/las dang skye ba'i kun nas nyon mongs pa gnyis kyang de bzhin no/ /de la yan lag gsum po ma rig pa dang / srid pa dang len pa dag ni nyon mongs pa'i kun nas nyon mongs pa yin no/ /'du byed dang / srid pa dang yan lag gnyis ni las kyi kun nas
152b4 nyon mongs pa yin no//rnam par shes pa la sogs pa yan lag lhag ma rnams ni skye ba'i kun nas nyon mongs pa yin no/ /shes rab 'chal pa ni shes rab phun sum tshogs pa la zhes bya ba'i bar zhes bya ba ji lta bu zhe na/ ma dad pa ni dad pa phun sum tshogs pa la yang dag par len du
152b5 'jug//'dul bar byed/ 'dzud par byed rab tu 'jog par byed cing tshul khrims 'chal pa ni tshul khrims phun sum tshogs pa dang / ser sna can ni gtong ba phun sum tshogs pa dang / shes rab 'chal pa ni shes rab phun sum tshogs pa la yang dag par len du 'jug /'dul bar byed/ 'dzud
152b6 par byed/rab tu 'jog par byed pa yin no/ /mdor na zhes bya ba rgyas par 'byung ba ni mdor na 'jug pa dang bcas pa'i mngon par mtho ba'i rgyu yang dag par len du 'jug pa bstan cing mdor na 'jug pa dang bcas pa'i nges par legs pa'i rgyu bstan pa yin te/ rab tu bstan to zhes bya ba'i tha tshig
152b7 go//'di ltar dad pas ni tshul khrims la sogs pa la 'jug la zhes bya ba ni gang gi phyir dad pas ni tshul khrims dang / gtong ba dang / shes rab la 'jug par byed la zhes bya ba'i tha tshig go/ /tshul khrims dang gtong ba gnyis kyis ni zhes bya ba rgyas par 'byung ba ni tshul khrims kyis ni
153a1 lus phun sum tshogs pas bsdus pa'i mngon par mtho ba thob la/gtong bas ni longs spyod phun sum tshogs pas bsdus pa'i mngon par mtho ba thob cing shes rab kyis ni nges par legs pa 'thob ste/ de lta bu la sogs pa ni don tha dad pa'i tshig rnams kyi
153a2 don bsdus pa yin par sbyar ro//lhag ma ni bshad pa'o/ /ji lta zhe na/ kun dga' bo 'di la dge slong lus la lus kyi rjes su lta zhing gnas la de lus la lus kyi rjes su lta zhing gnas pa na lus kyi zhum pa dang sems las byung ba'i rmugs pa 'byung ste/ kun dga' bo dge slong des
153a3 dang bar 'gyur ba sdug pa'i mtshan ma 'ga' zhig yid la bya'o//kun dga' bo dge slong des dang bar 'gyur ba sdug pa'i mtshan ma 'ga' yid la byed pa nas rab tu dga' ba skye'o/ /rab tu dga' na dga' ba skye'o/ /yid dga' na lus shin tu sbyangs par 'gyur ro/ /lus shin tu
153a4 sbyangs na bde ba myong bar 'gyur ro//bde ba myong na sems mnyam par 'jog par 'gyur ro/ /sems mnyam par bzhag na kun dga' bo 'di ltar slob ste/ bdag gang gi don du yid phyi rol du gzhag pa'i bdag gi don de rjes su thob nas/ ma la bdag gis bsdu bar bya'o zhes
153a5 rgyas par 'byung ba'o//rang bzhin dang / dus kyi khyad par gnyis kyis zhes rgyas par 'byung ba ni rang bzhin gyi khyad par gyis shin tu gzhon pa nyid rdzogs par bshad pa'i phyir ro/ /dus kyi khyad par gyis kyang shin tu gzhon pa nyid rdzogs par bshad pa'i phyir ro/ /sangs rgyas
153a6 bcom ldan 'das rnams kyi shin tu gzhon pa nyid ni bde bas bskrun pa nyid yin no//lhag ma zhes bya ba rgyas par 'byung ba ni nga dga' zhing rtse ba'i phyir nga'i yab shAkya zas gtsang ma des pho brang du khang bzangs brtsigs so zhes rgyas par 'byung bas bde ba phun sum tshogs pa yang dag par bsngags
153a7 pa ni rgyas par bshad pa yin no//de bzhin du zhes rgyas par 'byung ba ni tshe dang ldan pa dag bcu gnyis po 'di dag ni khom par gyur pa yin no/ /bcu gnyis po gang zhe na/ bdag phun sum tshogs pa dang gzhan phun sum tshogs pa dang / mir gyur pa dang / yul dbus su
153b1 skyes pa dang dbang po ma tshang ba med pa nyid dang /log pa'i las kyi mtha' med pa nyid dang / skye mched kyi gnas la dad pa dang / sangs rgyas rnams 'byung ba dang / dam pa'i chos ston pa dang / bstan pa'i chos rnams gnas pa dang / chos gnas pa rnams kyi rjes su 'jug pa dang /
153b2 gzhan la snying brtse ba nyid do/ /de la khom par gyur pa zhes bya ba ni rang gi don bya ba'i dus nye bar gnas pa nyid do / /bstan pa dang bshad pa gnyis kyis bcu gnyis su 'gyur te/ ji lta zhe na/ bdag phun sum tshogs pa zhes bya ba ni bstan pa'o/ /de'i rgyas par bshad pa ni mir gyur
153b3 pa dang /yul dbus su skyes pa dang / dbang po ma tshang ba med pa nyid dang / log pa'i las kyi mtha' med pa nyid dang / skye mched kyi gnas la dad pa zhes bya ba'i tshig lnga po 'di rnams kyis so/ /de bzhin du gzhan phun sum tshogs pa zhes bya ba ni bstan pa'o/ /de'i rgyas
153b4 par bshad pa nyid ni sangs rgyas rnams 'byung ba dang zhes bya ba la sogs pa rgyas par 'byung ba'i tshig lnga po 'di rnams kyis so//de'i don gyi nus pa nyid ces bya ba ni tshig gi don rnams kyi nus pa nyid ces bya ba'i tha tshig go/ /de la rnam grangs gsungs pa dag gi dgos pa'i
153b5 don ni sngar bshad par zad pa ji ltar zhe na/dgos pa dag ni brgyad de zhes rgyas par 'byung bas so/ /de las gzhan pa rnams la zhes rgyas par 'byung ba ni mgo smos pas go ba de las gzhan pa rnams te/ de rnams gang dag yin zhe na/ rnam par spros na go ba tshig la
153b6 'chel ba gang dag yin pa'o//de rnams la tshe phyi ma la skye ba gzhan du mgo smos pas go ba nyid kyi rgyu bsags pa'i phyir ro zhes bya ba'i tha tshig go/ /gzhan pa rnams zhes bya ba ni sangs rgyas las gzhan pa rnams so/ /de lta bu la goms pa las zhes bya ba ni bstan pa dang
153b7 bshad pa la goms pa las zhes bya ba'i tha tshig go//de'i sa bon bskyed pa'i phyir ro zhes bya ba ni bsdus pa dang rgyas par bshad pa bstan pa'i sa bon bskyed pa'i phyir ro zhes bya ba'i tha tshig go/ /gang la la'i sems zhes bya ba rgyas par 'byung ba ni gang la la'i sems nye ba'i nyon mongs pa nyi shu
154a1 rtsa gcig gis nye bar nyon mongs pa can yin na/'di ltar de ni 'di snyam du bdag ni dag cing mchog tu dag pa dang ldan pa yin no snyam du sems kyis ngan song ngan 'gror yang 'gro zhing dman pa'i lus su yang skye'o/ /nyi shu rtsa gcig po gang dag gis she na/ log
154a2 par lta ba dang /mi rigs par chags pa dang / brnab sems dang / gnod sems dang / rmugs pa dang / gnyid dang / rgod pa dang / 'gyod pa dang / the tshom gyis sems nye bar nyon mongs pa can yin/ khro ba dang khon du 'dzin pa dang / 'chab pa dang / 'tshig pa dang / phrag
154a3 dog dang /ser sna dang / g.yo dang / sgyu dang / rgyags pa dang / ngo tsha med pa dang / khrel med pa dang / nga rgyal dang / che ba'i nga rgyal dang / bag med pas sems nye bar nyon mongs pa can yin no/ /chos gcig ni gces spras byed pa yin te zhes bya ba nas bcu'i bar du zhes
154a4 bya ba ni tshe dang ldan pa dag chos gcig ni gces spras byed pa yin te/'di lta ste dge ba'i chos rnams la bag yod pa yin no zhes bya ba nas/ chos bcu dag ni gces spras byed pa/ chos bcu dag ni mgon byed pa yin te/ tshe dang ldan pa dag 'di la dge slong de bzhin gshegs pa
154a5 la dad pa dag gnas pa yin no zhes bya ba ni rgyas par mdo sde las ji skad 'byung ba lta bu'o//de bzhin du dge slong dag chos gcig spongs shig dang / khyed phyir mi 'ong bar 'gyur bar khas len te/ 'di ltar chags pa'o/ /dge slong dag chags pa spongs shig dang zhes bya ba rgyas
154a6 par mdo sde las 'byung ba lta bu'o//'di dag ni lnga dag tu gyur na zhes bya ba ni dbang po lnga dag tu gyur pa'o/ /gsum dag tu 'gyur la zhes bya ba ni bde ba'i dbang po dang / sdug bsngal gyi dbang po dang / btang snyoms kyi dbang po'o/ /ji ltar byas pas she na/ bde ba'i dbang po
154a7 gang yin pa dang /yid bde ba'i dbang po gang yin pa de ni bde ba'i tshor bar blta bar bya'o/ /sdug bsngal gyi dbang po gang yin pa dang / yid mi bde ba'i dbang po gang yin pa de ni sdug bsngal gyi tshor bar blta bar bya'o/ /de bzhin du gsum dag tu 'gyur na/ lnga dag tu gyur te/ bde ba
154b1 dang sdug bsngal gyi dbang po gnyis la rnam pa gnyis gnyis su phye ba'i phyir ro//bzang po'i sde ba drug cu dag gi tshogs zhes bya ba ni mi drug cu po kha cig gi tshogs zhes bya ba'i tha tshig go/ /bya ba dang / zas dang / gnyen po mtshungs pa'i phyir na zhes bya ba ni chos gnyis kyi bya ba dang /
154b2 zas mtshungs pa'i phyir dang / gnyin po mtshungs pa'i phyir ro/ /dper na sgrib pa lnga rnams zhes bya ba ni 'dir sgrib pa lnga po 'dod pa la 'dun pa dang / gnod sems dang rmugs pa dang gnyid dang / rgod pa dang 'gyod pa dang / the tshom rnams las chos gnyis po rmugs pa dang / gnyid
154b3 gnyis kyi bya ba dang /zas dang gnyen po ni mtshungs pa nyid yin la/ rgod pa dang 'gyod pa gnyis kyang de bzhin no/ /ji ltar byas pas she na/ re zhig mdo sde las rmugs pa dang gnyid gnyis kyi zas dang zas ma yin pa gcig tu gsungs te/ rmugs pa dang gnyid kyi sgrib pa'i
154b4 zas ni chos lnga dag ste/snyom pa dang / skyo ba dang / glal ba dang / zas la tshod mi 'dzin pa dang / sems zhum pa nyid do/ /rmugs pa dang gnyid kyi zas ma yin pa gang yin zhe na/ snang ba'i 'du shes so/ /'di gnyi ga'i bya ba yang gcig pa yin te/ 'di gnyi gas sems zhum
154b5 par byed pa'i phyir ro//rgod pa dang 'gyod pa gnyis kyi zas kyang chos bzhi rnams so zhes gcig tu gsungs te/ nye du la rnam par rtog pa dang / yul la rnam par rtog pa dang / mi 'chi bar rnam par rtog pa dang / sngon dgod dgod pa dang rtse rtse ba rjes su dran pa yin no/ /rgod pa
154b6 dang 'gyod pa'i sgrib pa'i zas ma yin pa gang yin zhe na/zhi gnas so/ /'di gnyis kyi bya ba yang gcig ste/ 'di gnyi gas sems rnam par ma zhi bar byed do/ /de ltar na kha cig ni dngos po gcig tu shes par bya ba'i phyir grangs gsungs pa yin no/ /kha cig ni zhes bya ba rgyas
154b7 par 'byung ba la/grangs gsungs pa kha cig ni sangs rgyas bcom ldan 'das nyid la snga nas so so yang dag par rig par gyur pa'i don gsungs pa nyid du yang dag par bstan pa'i phyir te zhes bya ba 'di la snga nas so so yang dag par rig par gyur pa'i don gsungs pa'i ngang tshul mda'
155a1 bas 'di ni snga nas so so yang dag par rig par gyur pa'i don gsungs pa'o//de'i dngos po ni snga nas so so yang dag par rig par gyur pa'i don gsungs pa nyid de/ de yang dag par bstan pa'i phyir ro/ /ji skad du bshad pa'i gar rigs pa'am/ gzhan las
155a2 kyang rung ste/gar rigs pa ni re zhig phung po lnga rnams dang / nang gi skye mched drug rnams zhes ji skad gsungs pa ni rigs pa'o/ /gsung rab gzhan las bden pa bzhi rnams dang / 'phags pa'i lam yan lag brgyad dang / bsam gtan bzhi rnams dang / gzugs med pa bzhi
155a3 rnams dang /de lta bu la sogs pa ni gang rigs pa'o/ /'grol ba la sogs pas zhes bya ba la/ sogs pa'i sgras ni bsnyen bkur dang phyag bya ba la sogs pa gzung ngo / than pa la sogs pa'i zhes bya ba la/ sogs pa'i sgras ni mi ma yin pa la sogs pa'i 'jigs pa gzung ngo / /
155a4 nar chags gnod pa'i phyir zhes bya ba la/ chags zhes bya ba ni 'dod chags so/ /gdul bas nga'i shes zhes bya ba rgyas par 'byung ba la/ gdul bas nga'i shes mi nus pa ni chos bstan pa la dbang po ma smin pa'i phyir ro/ /chos bstan pa mnyan pa la gus pa dang bcas pa'am med
155a5 pas na rgyu des na bstan par mi bya bar mkhyen zhing de dag skom par bya ba'i phyir zla ba phyed dang gsum dag tu zhes bya ba rgyas par gsungs so//byas gzo zhes bya ba ni byas pa gzo ba zhes bya ba'i tha tshig go/ /de dang gzhan la snying brtse dang zhes bya ba la/ de la snying brtse ba ni gang dang gang gi drung
155a6 du 'gro ba la'o//gzhan la snying brtse ba ni de dang 'brel pa la'o/ /de gnyis la snying brtse bas so/ /rnam par bshad pa'i rigs pa'i bshad pa las le'ur bcad pa dang po'o// //tshig gi don bshad pa las mkhas pa nyid bskyed pa'i phyir zhes bya ba la tshig gi don ni tshig gi don
155a7 to//de bshad pa ni tshig gi don bshad pa'o/ /tshig gi don bshad pa la mkhas pa can ni tshig gi don bshad pa la mkhas pa nyid do/ /tshig gi don bshad pa la mkhas pa nyid skyed pa'i phyir ni 'phel bar bya ba'i phyir te/ tshig gi don bshad pa la mkhas pa nyid bskyed pa'i phyir ni 'di
155b1 ltar yang bcom ldan 'das de ni de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa lha dang mi rnams kyi ston pa/ sangs rgyas bcom ldan
155b2 'das so zhes bya ba ste/bgegs bcom nas zhes bya ba rgyas par 'byung ba ni bgegs bcom nas zhes bya ba 'di yongs su bstan to/ /ston pa nyid phun sum tshogs pa gang du zhes bya ba yongs su bstan to/ /gang gis zhes bya ba 'di yongs su bstan to/ /ji ltar gshegs pa
155b3 zhes bya ba 'di yongs su bstan to//ston pa'i phrin las gang yin pa zhes bya ba 'di yongs su bstan to/ /gang dag gis yongs su bzung bas zhes bya ba 'di yongs su bstan to/ /bgegs zhes bya ba la/ bgegs kyi rgyu ni bgegs so/ /bdud sdig can du 'dod ces bya ba 'di ni
155b4 bdud kyi ming 'di yin te/nges pa'i tshig gi tshul gyis na sdig byed pa bdag gir 'dod pa ni bdud sdig 'dod do/ /nges pa'i tshig gi tshul gyis na de bcom pa dang ldan pa'i phyir bcom ldan 'das so/ /go rims bzhin du zhes bya ba ji lta bu zhe na/ ma nor bar gsungs pa'i phyir ni
155b5 ji lta ba bzhin du gsungs pa nyid do//spangs pa dang mkhyen pa phun sum tshogs pa'i phyir ni sgrub pa nyid do/ /ji ltar na spangs pa phun sum tshogs pa yin zhe na/ nyon mongs pa ma lus pa spangs pa'i phyir ro/ /ji ltar na mkhyen pa phun sum tshogs pa yin zhe na/ thams cad mkhyen pa
155b6 nyid kyis yang dag pa ji lta ba bzhin du rdzogs par byang chub pa'i phyir ro//gzhan yang ni rnam grangs gzhan yang ngo / /ston pa nyid phun sum tshogs pa ni ma nor ba zhes bya ba rgyas par 'byung ba ste/ ma nor bar gsungs pa nyid dang / nyon mongs can ma yin par gsungs pa nyid dang / ji
155b7 tsam du gsung bar bya ba gsung ba nyid ni ston pa nyid phun sum tshogs pa nyid do//de ltar na rnam grangs gnyis pas ni gsung ba nyid phun sum tshogs pas ston pa nyid phun sum tshogs pa bstan pa yin te/ sgrub pa nyid phun sum tshogs pas ni ma yin no/ /de ni zhes bya ba rgyas par
156a1 'byung ba ni ston pa nyid phun sum tshogs pa de ni'o//de bzhin gshegs pa la sogs pa nyid kyi zhes bya ba ni de bzhin gshegs pa dgra bcom pa yang dag par rdzogs pa'i sangs rgyas zhes bya ba ste/ 'dis ni ji lta ba bzhin du gsung pa nyid dang / ji lta ba bzhin
156a2 du sgrub pa nyid rnam pa gnyi ga yang yin par bstan par bya'o//ji ltar byas pas she na/ re zhig rnam grangs dang pos ni ston pa nyid phun sum tshogs pa ji lta ba bzhin du gsung ba nyid ma nor ba gsung ba'i phyir na de bzhin gshegs pa zhes bya ba'i tshig 'dis ston par byed do/ /ji lta zhe na/
156a3 de bzhin te/ ma nor bar gsungs pas na de bzhin gshegs pa ste/ de'i phyir nges pa'i tshig gi tshul gyis na yi ge gshegs pa zhes bya ba gsung par sgyur ba'i phyir de bzhin gshegs pa yin no zhes mdo las gsungs pa'i phyir te/ mdo las gsungs pa ni rgyas par gsungs nas
156a4 dge slong dag byang chub sems dpa' mtshan mo gang la bla na med pa yang dag par rdzogs pa'i byang chub mngon par rdzogs par sangs rgyas pa dang /de bzhin gshegs pa mtshan mo gang la phung po lhag ma med pa'i mya ngan las 'das pa'i dbyings su yongs su mya ngan las 'das par
156a5 'gyur ba de'i bar du de bzhin gshegs pas gang chung zad bstan pa dang gsungs pa dang bshad pa dang rab tu bshad pa de thams cad ni de bzhin nyid dang /ma nor ba dang / gzhan ma yin pa dang / yang dag pa dang / bden pa dang / de kho na nyid dang / ma log pa ji lta ba bzhin dang /
156a6 phyin ci ma log pa yin te/ des na de bzhin gshegs pa zhes bya'o zhes gsungs so/ /dgra bcom pa zhes bya ba zhes pas kyang spangs pa phun sum tshogs pas ji lta ba bzhin du sgrub pa nyid kyis ston pa nyid phun sum tshogs pa ston par byed do/ /yang dag par rdzogs pa'i
156a7 sangs rgyas zhes bya ba 'dis kyang ye shes phun sum tshogs pas ji lta ba bzhin du sgrub pa nyid ston to//rnam grangs gnyis pas kyang ma nor pa dang / nyon mongs pa can ma yin pa dang / ji tsam du gsung par bya ba gsung pa nyid kyis ji lta ba bzhin du gsungs pa nyid kyis ston
156b1 pa nyid phun sum tshogs pa'o//de bzhin gshegs pa la sogs pa nyid kyis te/ de bzhin gshegs pa zhes bya ba'i tshig 'di dang / dgra bcom pa zhes bya ba 'di dang / yang dag par rdzogs pa'i sangs rgyas zhes bya ba 'dis ston par byed do/ /gang gis zhes bya ba
156b2 rgyas par 'byung la/gang gis gshegs pa zhes bya ba ni lam gang gis gshegs pa ste/ rig pa dang zhabs su ldan pa nyid kyis so/ /de ni rig pa dang zhabs su ldan pa zhes bya ba'i tshig 'dis yongs su bstan to/ /lam gyi yan lag lhag ma dag ni yang dag pa'i
156b3 rtog pa la sogs pa'o//de'i zhabs ni zhes bya ba ni shes rab de'i tshogs zhes bya ba'i tha tshig go/ /de ltar na zhes bya ba rgyas par 'byung ba ni ji skad bstan pa de ltar na bslab pa gsum po lhag pa'i tshul khrims dang / lhag pa'i sems dang lhag pa'i shes rab kyi bslab
156b4 pa gsum po 'di dag gis gshegs pa yin par bstan pa yin te/rig pa dang zhabs su ldan pa zhes bya ba'i tha tshig 'dis so/ /shes rab sngar smos pa ji ltar zhe na/ rig pa dang zhabs su ldan pa zhes bya ba ste/ rig pa yang yang dag pa ji lta ba bzhin pa'i shes rab
156b5 yin no//de'i dbang gis tshul khrims la sogs pa rtsom pa rnam par dag pa'i phyir la zhes bya ba ni shes rab kyi dbang gis tshul khrims dang ting nge 'dzin rtsom pa rnam par dag pa'i phyir ro zhes bya ba'i tha tshig go/ /gzhan yang zhes bya ba rgyas par 'byung ba ni rnam grangs gzhan
156b6 yang mi slob pa'i rig pa gsum dag ni rig pa zhes bya ba ste/gsum gang zhe na/ sngon gyi gnas rjes su dran pa shes pa mngon sum du bya ba'i mngon par shes pa dang 'chi 'pho dang skye ba shes pa mngon sum du bya ba'i mngon par shes pa dang / zag pa zad pa shes pa mngon sum du
156b7 bya ba'i mngon par shes pa ste/de dag ni mi slob pa'i rig pa gsum dag go/ /zhabs ni tshul khrims nas bzung nas mngon par shes pa gsum po'i bar dag ste zhes bya ba la/ ji ltar na tshul khrims nas bzung nas she na/ /tshul khrims dang / dbang po'i sgo bsdams
157a1 pa nyid dang shes bzhin du gnas pa nyid dang /gnas mal dben par gnas pa dang / bsam gtan bzhi dang / mngon par shes pa gsum po rdzu 'phrul gyi yul shes pa mngon sum du bya ba'i mngon par shes pa dang / lha'i rna ba shes pa mngon sum du bya
157a2 ba'i mngon par shes pa dang /sems kyi rnam grangs shes pa mngon sum du bya ba'i mngon par shes pa'o/ /de ltar na zhes bya ba rgyas par 'byung ba ni ji skad bstan pa de ltar na rig pa gsum po'i tshogs tshul khrims nas bzung nas mngon par shes pa gsum po'i bar dag gi
157a3 tshogs dang bcas pa ji skad du bshad pa rnams kyis ston pa nyid phun sum tshogs pa brnyes par bstan pa yin te/rig pa dang zhabs su ldan pa zhes bya ba'i tshig 'dis so/ /ji ltar gshegs pa zhes bya ba rgyas par 'byung ba la/ ston pa nyid phun sum tshogs par
157a4 rnam pa gang gis gshegs pa ni ji ltar gshegs pa ste/gang du phyir mi ldog par gshegs pa dang / ji tsam du gshegs par bya bar gshegs pa zhes bya bar sbyar ro/ /nyan thos dang rang sangs rgyas gnyis la ni bgrod par bya ba ste/ thob par bya ba yang yod de/ nyan
157a5 thos la ni rang sangs rgyas nyid thob par bya ba yod la/rang sangs rgyas la yang sangs rgyas nyid thob par bya ba yod kyi/ sangs rgyas nyid du gyur nas ni thob par bya ba dang rtogs par bya ba cung zad kyang med de/ de'i phyir ji tsam du gshegs par bya bar gshegs pa yin
157a6 no//yang na ji tsam du gshegs par bya bar gshegs pa zhes bya ba ni ji tsam du thugs su chud par bya ba dang / thob par bya bar zhes bya ba'i tha tshig go/ /nyan thos dang rang sangs rgyas ni ji tsam du bgrod par bya bar ma son cing / ji tsam du rtogs par bya ba dang / thob
157a7 par bya bar ma son to//des na bde bar gshegs pa zhes bya ba ste/ phyi rol pa'i zhes bya ba rgyas par 'byung ba ni phyi rol pa'i 'dod chags dang bral ba dag las khyad par du bya ba'i phyir bde bar gshegs pa zhes bya ba ste/ de dag ni phyir ldog pa can yin no/ /phyi rol pa'i
157b1 'dod chags dang bral ba de las gzhan pa dgra bcom pa dag las khyad par du bya ba'i phyir bde bar gshegs pa zhes bya ste/de dag ni gal te phyir mi ldog pa yin yang sangs rgyas kyi yon tan rab dang phul ma thob cing ji tsam du bgrod par bya bar ma son pa dag yin no/ /gdul
157b2 ba gdul ba yang ston pa nyid kyi phrin las gnyis pa yin te/rgyu des na skyes bu 'dul ba'i kha lo sgyur ba bla na med pa zhes bya'o/ /bla na med pa nyid kyang skyes bu 'dul ba zhes bya ba rgyas par 'byung ste/ chu klung 'od srungs la sogs pa 'dod chags dang zhe sdang dang gti mug
157b3 gi shas che ba'i phyir gdul dka' ba de dag kyang go rims bzhin du 'dul ba'i phyir bla na med pa'o//gzhan yang gtan du ma yin pa ji srid kyi dus kyi bla na med pa'i ched du thabs dka' ba kha na ma tho bas gdul dka' ba rnams 'dul bar byed du zin kyang sangs rgyas bcom ldan
157b4 'das ni thabs slab zhes bya ba rgyas par smos so//de ni zhes gsungs pa ji lta bu zhe na/ 'di ltar yang bcom ldan 'das de ni zhes bya ba'o/ /rgyas pa ni tshig dgu po dag gis ji skad gsungs pa lta bu zhe na/ bcom ldan 'das de bzhin gshegs pa dgra bcom
157b5 pa yang dag par rdzogs pa'i sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa zhes bya ba'o/ /nges pa'i tshig gi tshul gyis na shes bya thams cad
157b6 thugs su chud pa'i phyir na sangs rgyas so//bdud dang phas kyi rgol ba thams cad rab tu 'joms pa'i phyir na bcom ldan 'das so/ /smras pa/ tshig thams cad kyi don ni bshad na 'di ltar yang zhes bya ba 'di'i don ni ci zhig yin zhe na/ de bzhin gshegs pa'i rnam par
157b7 rjes su dran pa ltar te/ji ltar zhe na/ rgyas par ji skad du gsungs pa/ 'di ltar yang ste 'di ltar byas nas zhes bya ba'i tha tshig go/ /mdo sde'i dum bu gnyis pa las 'byung ba ni de'i tshe nga ni lha dang bcas pa'i 'jig rten dang / bdud dang bcas pa dang / tshangs pa dang
158a1 bcas pa dang /dge sbyong dang bram zer bcas pa'i skye dgu dang / lha dang mir bcas pa'i tshogs las grol ba dang / nges par 'byung ba dang / bral ba dang / rab tu rnam par grol ba dang / sems phyin ci ma log pa lan mang du gnas shing / de'i tshe bdag
158a2 ni bla na med pa yang dag par rdzogs pa'i byang chub mngon par rdzogs par sangs rgyas so zhes bya bar shes so zhes bya ba gang yin pa de yin no//shes bya'i sgrib pa las kyang rnam par grol ba'i khyad par ston to/ /de las zhes bya ba ni lha dang bcas pa'i 'jig rten las so/ /rnam par grol
158a3 ba la sogs pas ston to zhes bya ba ni grol ba nyid kyang nges par 'byung ba nyid dang /bral ba nyid dang / rab tu rnam par grol ba nyid kyis so/ /de las gzhan pa nyid ces bya ba ni lha gtso bo bdud dang tshangs pa rnams dang mi gtso bo dge sbyong dang bram ze rnams las gzhan pa lha
158a4 dang mi rnams dang bcas pa'i skye dgu gang yin pa de ni lha dang mi'i gtso bo ma yin pa rnams so//bag la nyal rjes su 'brang ba'i phyir ro zhes bya ba ni nyon mongs pa'i sa bon ma bton pa'i phyir ro zhes bya ba'i tha tshig go/ /rab tu rnam par grol ba dag gi nges pa'i tshig ni slar
158a5 'ong ba dang bral bar 'grol ba ni rab tu rnam par grol ba dag yin pas so zhes bya ba gsungs pa'o//de dag dang chos mi mthun pas zhes bya ba rgyas par 'byung ba ni phyi rol pa'i 'dod chags dang bral ba yongs su mi nyams pa'i chos can grol ba dang / nges par 'byung ba dang de dag
158a6 dang chos mi mthun pas na bcom ldan 'das kyis nyid kyi grol ba la sogs pa nyid ston par mdzad pa ni grol ba dang /nges par 'byung ba dang / bral ba dang / rab tu rnam par grol ba'o/ /dgra bcom pa dang / chos mi mthun pas ni ma yin te/ de dang rnam par grol ba thun
158a7 mong yin pa'i phyir ro//sa de pa'i zhes bya ba rgyas par 'byung ba ni sa de dag la yod pa'i sa de dag ni sa de pa'o/ /de dag ni sa de pa dag kyang yin la nyon mongs pa dag kyang yin pas sa de pa'i nyon mongs pa'o/ /sa de pa'i nyon mongs pa rnams kyi kun nas dkris pa ste
158b1 mngon du gyur pa ni sa de pa'i nyon mongs pa kun nas dkris pa'o//de nyid 'ching ba yin pas sa de pa'i nyon mongs pa kun nas dkris pa'i 'ching ba'o/ /de chad pa ni sa de pa'i nyon mongs pa kun nas dkris pa'i 'ching ba chad pa ste/ de las ni sa de pa'i nyon mongs pa kun nas dkris
158b2 pa'i 'ching ba chad pa las so//sa de pa'i btson ra nas zhes bya ba ni skye ba de'i gnas nas zhes bya ba'i tha tshig go/ /kun du sbyor ba gsum rnams kyis zhes bya ba ni 'jig tshogs la lta ba dang / tshul khrims dang / brtul zhugs mchog tu 'dzin pa dang / the tshom rnams kyis so/ /rnam
158b3 par grol ba rnam pa bzhi ston par mdzad pa ni grol ba zhes bya ba rgyas par 'byung bas so//sdug bsngal las kyang rab tu rnam par ma grol ba dag yin pa ni yang 'dod pa'i khams su skye ba'i phyir ro/ /de dag las khyad par du bya ba'i phyir yang grol ba zhes bya ba rgyas par 'byung ba snga
158b4 ma bzhin no//'di ltar yang yin te zhes bya ba ni shin tu bzhed pa'i rnam grangs gsungs pa yin no/ /bag la nyal dang 'brel ba'i phyir ro zhes bya ba ni sa de pa'i nyon mongs pa'i sa bon dang 'brel pa'i phyir ro zhes bya ba'i tha tshig go/ /snga ma bzhin du bcom ldan 'das kyis
158b5 nyid kyi rnam par grol ba rnam pa bzhi ston par mdzad do//de dag ni so so'i skye bo la sogs pa'o/ /de mi mnga' ba'i phyir zhes bya ba ni phyin ci log mi mnga' ba'i phyir te/ sems phyin ci ma log pas lan mang du gnas pa yin no/ /nyon mongs pa'i sgrib pa las zhes bya ba ni nyon mongs
158b6 pa nyid sgrib pa yin pas na nyon mongs pa'i sgrib pa ste/de las so/ /rnam par grol ba de kho na mkhyen pas 'dod chags la sogs pa bsal bas thugs dri ma med pa nyid do/ /shes bya'i sgrib pa las zhes bya ba ni shes bya la sgrib pas shes bya'i sgrib pa ste/ de yang ye shes
158b7 dam pa skye ba'i bgegs te/gnas ngan len dang sems las su mi rung ba nyid ces bya ba ni rnam grangs so/ /thugs su chud par mkhyen pa'i phyir ro zhes bya ba ni rang gi bdag nyid du mkhyen pas mkhyen par gyur to zhes bya ba'i tha tshig ste/ rtog ge pa'i shes pas kyang ma yin la
159a1 gzhan la thos pas kyang ma yin no//mdo sde'i dum bu gsum pa las 'byung ba ni rgyas par gsungs nas/ btsun pa bcom ldan 'das ni ma dul ba rnams dul bar mdzad pa/ ma zhi ba rnams zhi bar mdzad pa/ dbugs ma phyin pa rnams dbugs phyin
159a2 par mdzad pa/yongs su mya ngan las ma 'das pa rnams yongs su mya ngan las 'da' bar mdzad pa zhes bya ba gang yin pa de yin no/ /zhi bar mdzad pa ni zhes bya ba rgyas par 'byung ba ni snyoms par 'jug pa'i bde bar gnas pa ni snyoms par 'jug pa'i bde bar gnas pa'o/ /zhi ba
159a3 yang yin la snyoms par 'jug pa'i bde bar gnas pa yang yin pas zhi ba'i snyoms par 'jug pa'i bde bar gnas pa ste/de la rab tu 'jog par mdzad pa'i phyir ro/ /snyoms par 'jug pa dag ni bsam gtan dang / gzugs med pa dag go/ /de gnyis dang ldan pa'i phyir
159a4 zhes bya ba ni nyon mongs pa spangs pa dang /zhi ba'i snyoms par 'jug pa'i bde bar gnas pa dang ldan pa'i phyir zhes bya ba'i tha tshig go/ /mdo sde gzhan las thugs dul ba dang rnam par zhi ba dang rnam par zhi ba mchog dang ldan pa zhes gsungs so zhes bya ba ni nyon mongs pa spangs pa dang
159a5 ldan pa'i phyir thugs dul ba mchog dang ldan pa yin la/zhi ba'i snyoms par 'jug pa'i bde bar gnas pa dang ldan pa'i phyir rnam par zhi ba mchog dang ldan pa yin no/ /mdor na ni dul ba dang dul ba'i phan yon la rab tu 'jog par mdzad pa nyid du bstan pa yin te zhes bya ba ni ma dul ba
159a6 rnams dul bar mdzad pa zhes bya ba'i tshig 'dis ni dul ba la rab tu 'jog par mdzad pa nyid du bstan la/lhag ma gsum po dag gis ni dul ba'i phan yon la ste/ dul ba'i phan yon ni mthong ba'i chos la zhi ba'i bde bar gnas pa ste/ ma zhi ba rnams zhi bar mdzad pa zhes bya ba'i
159a7 tshig 'dis bstan to//tshe phyi ma la ngan song dang yang srid pa mi 'byung ba ni tshig gnyis kyis bstan pa yin te/ dbugs ma phyin pa rnams dbugs phyin par mdzad pa zhes bya ba'i tshig 'dis ni tshe phyi ma la ngan song gi sdug bsngal mi 'byung ba bstan to/ /yongs su mya ngan las
159b1 'das pa rnams yongs su mya ngan las 'das par mdzad pa zhes bya ba 'dis ni tshe phyi ma la yang srid pa mi 'byung ba bstan to//go rims bzhin du zhes bya ba rgyas par bya ba ni nyon mongs pa rnams las grol bar mdzad pa'i phyir ma dul ba rnams dul bar mdzad pa'o/ /sdug bsngal las
159b2 grol bar mdzad pa'i phyir ma zhi ba rnams zhi bar mdzad pa'o//nyon mongs pa rnams dang sdug bsngal las gtan du grol bar mdzad pa'i phyir dbugs ma 'byin pa rnams dbugs phyin par mdzad pa'o/ /de rnams nyid las ma lus par grol bar mdzad pa'i phyir yongs su mya ngan las
159b3 ma 'das pa rnams yongs su mya ngan las 'das par mdzad pa'o//phyi rol pa dag ni gal te nyon mongs pa rnams dang sdug bsngal las rnam par grol bar byed pa yin yang gtan du grol bar byed pa dag ma yin te/ de'i 'dod chags dang bral ba las yongs su nyams pa'i phyir dang / yang
159b4 slar ldog pa'i phyir ro//ma lus par grol bar byed pa dag kyang ma yin te/ srid pa'i rtse mo pa'i nyon mongs pa rnams ni de'i gnas skabs nyid yin pa'i phyir ro/ /lus ngag ces bya ba rgyas par 'byung ba ni lus dang ngag dang dbang po dul ba la 'jog par mdzad pa'i phyir te/ tshul
159b5 khrims kyi phung po la 'jog par mdzad pa'i phyir zhes bya ba'i tha tshig go//bsam gtan la 'jog par mdzad pa'i phyir dang / bden pa mthong ba la 'jog par mdzad pa'i phyir ni 'phags pa'i bden pa mthong ba la 'jog par mdzad pa'i phyir zhes bya ba'i tha tshig go/ /zad pa la 'jog
159b6 par mdzad pa'i phyir ni mya ngan las 'das pa la 'jog par mdzad pa'i phyir zhes bya ba'i tha tshig go//'dul mdzad la sogs nyid rig bya/ /zhes bya ba ni ma dul ba rnams dul bar mdzad pa zhes bya ba de lta bu la sogs par rig par bya'o zhes bya ba'i tha tshig go/ /ji ltar rnam pa gang gis rig
159b7 bar bya zhe na/n+ya gro d+ha'i mdo bzhin te/ ji ltar n+ya gro d+ha'i mdo las 'byung ba lta bu'o/ /ji ltar zhe na/ de las rgyas par gsungs nas/ tshul khrims dang ldan par gnas pa dang / so sor thar pa'i sdom pas bsdams pa dang / cho ga dang spyod lam phun sum tshogs pa dang zhes bya ba nas bzung
160a1 nas/de 'phags pa'i tshul khrims kyi phung po 'di dang ldan pa dang / dbang po'i sgo bsdams pa 'dis zhes bya ba'i bar du 'byung bas lus dang ngag dang dbang po dul ba la 'jog par mdzad pa yin par rig bar bya'o/ /de'i phyir ma dul ba rnams dul bar mdzad pa'o/ /'gro
160a2 ba dang ldog pa la shes bzhin du gnas pa yin/mdun du blta ba dang / g.yas g.yon du blta ba nas bzung nas/ bsam gtan bzhi pa nye bar rdzogs par byas te gnas zhes bya ba'i bar du 'byung bas bsam gtan la 'jog par mdzad par rig par bya'o/ /de'i phyir ma zhi ba rnams zhi
160a3 bar mdzad pa'o//de ltar sems mnyam par bzhag cing yongs su dag ste yongs su byang na zhes bya ba nas bzung nas/ 'di ni sdug bsngal 'phags pa'i bden pa'o snyam du yang dag pa ji lta ba bzhin du rab tu shes/ 'di ni sdug bsngal kun 'byung ba 'di ni sdug bsngal 'gog pa/ 'di ni
160a4 sdug bsngal 'gog par 'gyur ba'i lam 'phags pa'i bden pa'o snyam du yang dag pa ji lta ba bzhin du rab tu shes so zhes bya ba'i bar du 'byung bas bden pa mthong ba la 'jog par mdzad pa yin par rig par bya'o//de'i phyir dbugs ma phyin pa rnams dbugs phyin par mdzad pa ste/ ngan 'gro'i
160a5 'jigs pa sel bar mdzad pa'i phyir ro//de de ltar shes shing de ltar mthong ba na 'dod pa'i zag pa dang / srid pa'i zag pa dang ma rig pa'i zag pa las sems rnam par grol bar 'gyur zhes bya ba nas bzung nas/ rnam par grol ba la rnam par grol ba nyid du ye shes mthong ba 'byung ste/ bdag
160a6 gi skye ba zad do//tshangs par spyod pa spyad do/ /bya ba byas so/ /'di las srid pa gzhan mi shes so zhes bya ba'i bar du 'byung bas spangs pa la 'jog par mdzad pa yin par rig par bya'o/ /de'i phyir yongs su mya ngan las ma 'das pa rnams yongs su mya ngan las 'das par mdzad
160a7 pa'o//de la bsam gtan ni shes bzhin du gnas pa nas bzung nas zhes bya ba ni shes bzhin par gnas pa ni shes bzhin du gnas pa ste/ de nas yin pas na shes bzhin du gnas pa nas bzung nas so/ /ji ltar zhe na/ dbang po'i sgo bsdams pa 'dis 'gro ba dang ldog pa las shes
160b1 bzhin du gnas pa yin zhes bya ba 'di nas bzung nas bsam gtan bzhi dag gi bar dag yin par rig par bya ste/ci'i phyir zhe na/ sbyor ba dang bcas pas bzung ba'i phyir te/ 'di ltar shes bzhin du gnas pa yin zhing g.yas g.yon du lta ba dang rnam par lta ba zhes bya ba de lta bu la sogs pa'i
160b2 sbyor ba dang bcas pa'i bsam gtan ni bsam gtan dag tu bzung ba yin no//dbugs phyin pa dang / dbugs mchog tu phyin pa gnyis la rab tu 'jog par mdzad pa'i phyir ro zhes bya ba de la/ dbugs phyin pa ni kun du sbyor ba gsum po dag spangs pa rgyun du zhugs pa'i 'bras bu ste/ mdo
160b3 las ji skad 'byung ba bzhin no//dbugs mchog tu phyin pa ni lan cig phyir 'ong ba'i 'bras bu ste mdo las ji skad 'byung ba bzhin no/ /de nyid kyis bsil bar gyur pa dang / mchog tu bsil bar gyur pa gnyis la rab tu 'jog par mdzad pa'i phyir ro zhes bya ba ni shes rab rnam par dag
160b4 pa de nyid kyis bsil bar gyur pa phyir mi 'ong ba'i 'bras bu la/rab tu 'jog par mdzad pa'i phyir dang / shes rab rnam par dag pa de nyid kyis mchog tu bsil bar gyur pa dgra bcom pa nyid kyi 'bras bu la rab tu 'jog par mdzad pa'i phyir 'bras bu 'di gnyi ga yang bsil bar gyur pa dang /
160b5 mchog tu bsil bar gyur pa yin te/ mdo las ji skad 'byung ba bzhin no/ /rgyu dang bcas pa'i zhes bya ba rgyas par 'byung ba la/ rgyu dang bcas pa ni rgyu dang bcas pa ste/ rgyu ni dbang po dul ba'o/ /bslab pa gsum yongs su rdzogs pa zhes bya ba la bslab pa gsum ni lhag pa'i tshul
160b6 khrims dang /lhag pa'i sems dang / lhag pa'i shes rab ste/ de yongs su rdzogs pa la rab tu rdzogs par mdzad pa nyid du bstan pa yin no/ /mdo sde'i dum bu bzhi pa las 'byung ba ni de bzhin gshegs pa ni lam mkhyen pa lam thugs su chud pa lam ston pa/ lam gsungs pa lam
160b7 yongs su 'dren pa lags so zhes bya ba gang yin pa de yin no//tshig dang po gnyis po lam mkhyen pa dang / lam thugs su chud pa zhes bya ba gnyis kyis ni rang gi don phun sum tshogs pa yongs su bstan to/ /lhag ma gsum dag gis ni gzhan gyi don sgrub pa phun sum tshogs pa
161a1 yongs su bstan to//lam dang lam ma yin pa gnyis mkhyen pa'i phyir ro zhes bya ba ni lam mkhyen pa'i phyir dang / lam ma yin pa mkhyen pa'i phyir/ lam dang lam ma yin pa gnyis yang dag par rab tu ston pa'i phyir ro zhes bya ba ni lam dang lam ma yin pa
161a2 yang dag par rab tu ston pa'i phyir ro//rnam grangs gnyis par lam yongs su 'dren pa zhes bya ba'i tshig 'di'i don 'chad do/ /de ci'i phyir zhe na/ rnam grangs gnyis par yang 'di gzhan gyi don sgrub pa phun sum tshogs pa kho nar 'chad pas rnam par bshad pa gcig cig mdzad
161a3 do//'jig tshogs kun 'byung ba dang / 'gog par 'gyur ba gnyis kyi sgrub pa gnyis zhes bya ba ni 'jig tshogs kun 'byung bar 'gyur ba'i lam dang / 'jig tshogs 'gog par 'gyur ba'i lam mo/ /de la 'jig tshogs ni nye bar len pa'i phung po lnga'i mtshan nyid sdug bsngal
161a4 yin no//'jig tshogs de kun 'byung ba na skye ba yin pas 'jig tshogs kun 'byung ba yin no/ /'di la 'jig tshogs kun 'byung bar 'gyur ba'i ngang tshul yod pas 'di ni 'jig tshogs kun 'byung bar 'gyur ba'o/ /'di ni 'jig tshogs kun 'byung bar 'gyur ba yang yin la sgrub pa
161a5 yang yin pas 'jig tshogs kun 'byung bar 'gyur ba'i phyir ro//'dis sgrub par byed pas sgrub pa lam yin te/ srid pa'i mtshan nyid ni sdug bsngal 'byung ba'i rgyu yin no/ /'jig tshogs 'gog par gyur pa'i sgrub pa yang de bzhin te/ de yang 'phags pa'i lam yan
161a6 lag brgyad pa yin no//sgrub pa de gnyis yongs su mkhyen pa'i phyir dang / thugs su chud pa'i phyir dang / yang dag par rab tu ston pa'i phyir lam mkhyen pa zhes bya ba rgyas par 'byung ba dang go rims bzhin no/ /ji ltar zhe na/ 'jig tshogs kun 'byung bar 'gyur ba'i lam yongs
161a7 su mkhyen pa'i phyir lam mkhyen pa'o//'jig tshogs 'gog par 'gyur ba'i sgrub pa thugs su chud pa'i phyir mngon sum du mdzad pa brnyes pa'i phyir lam thugs su chud pa ste/ thugs su chud pa ni brnyes pa'i don yin pa'i phyir ro/ /sgrub pa de gnyis go rims bzhin du yang dag par
161b1 rab tu ston pa'i phyir te/'jig tshogs kun 'byung bar 'gyur ba'i lam yang dag par rab tu ston pa'i phyir lam ston pa'o/ /'jig tshogs 'gog par 'gyur ba'i sgrub pa yang dag par rab tu ston pa'i phyir lam gsung ba'o/ /lam yongs su 'dren pa zhes bya ba ni mthar thug par 'dren
161b2 pa zhes bya ba'i tha tshig go//ji lta zhe na/ lam gyi gong nas gong du khyad par du 'gro bas lam gyi mthar thug par 'dren pa'i phyir ro/ /ji lta bu zhe na/ nges par 'byed pa'i cha dang mthun pa'i gnas skabs kyi sbyor ba nas brtsams nas mi slob pa'i lam gyi khyad par ro/ /lam nyid du thugs su
161b3 chud pas na lam thugs su chud pa'o zhes bya ba la/lam mo snyam pa ni lam nyid du ste/ de brnyes pas na lam 'di kho na yin no zhes de ltar thugs su chud pa ste/ dang pos ni mkhyen pa 'ga' zhig tu zad kyi lam mo snyam du mkhyen pa ni ma yin no/ /bsam pa yongs su smin pa rnams la
161b4 zhes bya ba ni dge ba'i rtsa ba yongs su smin pa rnams la'o//rnam par grol ba yongs su smin par byed pa'i zhes bya ba ni rnam par grol ba yongs su smin par byed pas rnam par grol ba yongs su smin par byed pa ste/ de 'byung ba'i rgyu'i gnas skabs yin pa'i phyir ro/ /yongs su smin par
161b5 mdzad pa'i phyir ro zhes bya ba ni de 'byung ba dang rjes su mthun par 'jog par mdzad pa'i phyir ro zhes bya ba'i tha tshig go//de nas 'gro ba'i bar du gcod pa sel ba'i phyir ro zhes bya ba ni lam nas 'gro ba'i bar du gcod pa kun nas nyon mongs pa'i phyogs sel ba'i phyir ro zhes bya ba'i tha tshig go/ /de la mdo sde
161b6 dum bu dang po las 'byung ba ni bcom ldan 'das kyis chos ni legs par gsungs pa/yang dag par mthong ba/ nad med pa dus chad pa med pa/ nye bar gtod pa/ 'di mthong ba la don yod pa/ mkhas pa rnams kyis rang gis rig par bya'o zhes bya ba gang yin pa de yin te/ dus chad pa med pa
161b7 zhes bya ba ni dus nges pa med pa zhes bya ba'i tha tshig go//'di mthong ba rnams la yod pa'i phyir ro zhes bya ba ni 'di mthong ba ni chos 'di pa rnams so/ /de las bzlog pa'i phyir ni phyin ci log tu 'chad pa'i phyir dang / don ma mthong ba'i phyir dang zhes bya ba de lta bu la sogs pa ni bzlog
162a1 pa'o//ji skad du sangs rgyas kyi gsung ni 'gro ba dang 'greng ba dang 'dug pa dang nyal ba na yang bya sla ba yin te/ de yang shes rab dang ldan pa la yin no zhes bya ba rgyas par gsungs pa lta bu'o/ /ji skad du/ nga'i nyan thos kyi dge slong g.yo med pa sgyu med pa drang po drang po'i rang
162a2 bzhin can tshur shog shig dang ngas de la gdams par bya/ngas de la rjes su bstan par bya'o/ /ngas de la chos bstan par bya'o zhes bya ba rgyas par gsungs pa lta bu'o/ /lhag ma ni snga ma bzhin te/ phyin ci ma log par yang dag par gsungs pa'i phyir legs par gsungs pa'o/ /don ma
162a3 mthong ba'i phyir yang dag par mthong ba yin gyi zhes bya ba de lta bu la sogs pa bzhin no//yang dag don dang zhes bya ba rgyas par 'byung ba la/ yang dag don ni 'phags pa'i lam yan lag brgyad po ste/ phyin ci ma log par yang dag par gsungs pa'i phyir ro/ /don ni mthong ba yang 'phags
162a4 pa'i lam gyi yan lag brgyad po ste don mthong ba nyid kyi phyir ro//gnyen po yang de nyid yin te nyon mongs pa'i bag la nyal gyi gnyen po yin pa'i phyir ro/ /gtan kyang de nyid yin te/ yongs su mi nyams pa'i phyir ro/ /bag la nyal ma lus pa'i yang gnyen po'o/ /'phags pa'i lam gyi yan
162a5 lag brgyad po ste/sdug bsngal ma lus pa las nges par 'byung ba la nye bar gtod pa'i phyir ro/ /thun mong min dang rtog ge'i yul min dang / /zhes bya ba la thun mong ma yin pa yang 'phags pa'i lam gyi yan lag brgyad po yin te/ thun mong ma yin pa kho na yin pa'i phyir ro/ /rtog ge
162a6 pa'i yul ma yin pa yang de nyid yin te//brtag mi nus pa'i phyir ro/ /gang gi phyir de lta bu yin pa de'i phyir legs par gsungs pa zhes bya ba rgyas par 'byung ba yin no// //rnam par bshad pa'i rigs pa'i bshad pa bam po gsum pa/ rnam grangs gnyis pa ni gzhan yang de ni dus
162a7 chad pa med pa'i phyir zhes bya ba rgyas par 'byung ba ni dus chad pa med pas bya sla bar rig par bya ste/de yang 'phags pa'i lam yan lag brgyad po yin no/ /tshur shog ltos shig ces/ slob dpon dpe mkhyud bral ba yang 'phags pa'i lam yan lag brgyad po de nyid yin no/ /lhag ma
162b1 snga ma ste phyin ci ma log par yang dag par gsungs pa'i phyir zhes bya ba de lta bu la sogs pa bzhin du shes par bya'o//yang dag par mthong ba ni mngon sum du gyur pa zhes bya ba'i tha tshig go/ /mdo sde'i dum bu gnyis pa las 'byung ba ni bcom ldan 'das kyis legs par gsungs pa'i
162b2 chos 'dul ba ni legs par bstan pa/nges par 'byung ba rdzogs pa'i byang chub tu 'gro bar byed pa ni/ mi mthun pa med cing 'dus pa dang ldan pa zhes bya ba/ brten pa yod pa zhes bya ba ni 'di ston pa de bzhin gshegs pa dgra bcom pa yang dag par rdzogs pa'i sangs rgyas so zhes bya ba gang
162b3 yin pa de yin no//nyes par bstan pa nyid kyis zhes bya ba ni nyes par gdags pa nyid kyis zhes bya ba'i tha tshig go/ /rdzogs pa'i byang chub tu 'gro bar mi 'gyur ba nyid kyis nges par mi 'byung ba ni 'di ltar byang chub gsum po gang yang rung ba ni phyi rol pa'i chos kyis rdzogs pa'i byang chub tu mi 'gro
162b4 ste/de'i phyir nges par mi 'byung ba yin no/ /'dus pa dang mi ldan pa nyid kyis mi mthun pa ni ma tshogs pa nyid kyis zhes bya ba'i tha tshig go/ /de bzhin gshegs pa la sogs pa ma yin pa nyid ni de bzhin gshegs pa ma yin pa dang dgra bcom pa ma yin pa dang / yang dag par rdzogs pa'i sangs
162b5 rgyas ma yin pa'o//mdor na zhes bya ba rgyas par 'byung ba la/ mdor na skyon rnam pa 'di bzhi bstan pa yin te/ bstan pa'i chos la don phyin ci log pa nyid kyi skyon ni bstan pa'i chos ni de dag gi chos kyi bstan bcos grangs can gyi rnal 'byor shes pa la sogs pa ste/ bstan pa'i chos de
162b6 ni nyes par bstan pa nyid kyis don phyin ci log pa nyid kyi skyon yongs su bstan to//sgrub pa'i chos la mya ngan las 'das par mi 'gro ba nyid kyi skyon ni rdzogs pa'i byang chub tu 'gro bar mi 'gyur ba nyid kyis yongs su bstan pa yin te/ sgrub pa'i chos kyang de dag gis 'jig rten pa'i lam yin te
162b7 nges so//nyan pa po rnams la blo du ma dang ldan pa nyid kyi skyon ni 'dus pa dang mi ldan pa nyid kyis yongs su bstan pa yin te/ 'di ltar de dag las kha cig ni thar pa'i thabs la tshig gi don drug yongs su shes pa la sogs pa'i bstan bcos yin no zhes ston par byed pas so/ /ston pa la the tshom
163a1 thams cad gcod mi nus pa'i skyon ni ston pa de bzhin gshegs pa la sogs pa ma yin pa nyid kyis yongs su bstan pa yin na/de ltar gzhan gyi bstan bcos dang zhes bya ba rgyas par 'byung ba ni ji skad du bshad pa'i rnam grangs gnyis po de ltar ro/ /'di las phyi
163a2 rol pa gzhan gyi bstan bcos ni rnam grangs dang po nyes par bshad pa nyid dang /nges par mi 'byung ba nyid kyi skyon dang ldan pa yin no/ /slob ma rnams ni mi mthun pa nyid kyi skyon dang ldan pa yin no/ /ston pa yang de bzhin gshegs pa la sogs pa ma yin pa nyid kyi skyon dang ldan pa yin no/ /
163a3 gnyis pas kyang gzhan gyi bstan bcos skyon dang ldan pa yin te/ 'di ltar/ tshig 'bru bzang min don bzang min/ /grol dang rig pa'i thabs ma yin/ /snga ma phyi ma'i 'gal ba yin pa'i phyir ro/ /slob ma yang skyon dang ldan pa yin te/ 'di ltar gzhan gyi chos 'dul ba la de dag
163a4 'dul bar byed pa'i chos 'dul ba de ni bsdu ba bzhis spangs pa yin te/bsdu ba'i dngos po bzhi rnams kyis spangs zhes bya ba'i tha tshig go/ /bsdu ba'i dngos po bzhi po de dag kyang sbyin pa dang / snyan par smra ba dang / don spyod pa dang / don mthun pa ste mdo las ji skad 'byung ba
163a5 lta bu'o//de bas na des ma bsdus pa'i phyir skyon ston pa yin no/ /de dag gi chos 'dul ba de ni brtan pa bzhi dag gis spangs pa'i phyir yang de dag skyon dang ldan pa yin no/ /brtan par bya ba nas brtan pa ste rton pa zhes bya ba'i tha tshig go/ /de dag kyang chos la rton pa yin gyi gang zag la ma yin
163a6 pa dang /don la rton pa yin gyi tshig 'brul ma yin pa dang / nges pa'i don gyi mdo sde la rton pa yin gyi bkri ba'i don la ma yin pa dang / ye shes la rton pa yin gyi rnam par shes pa la ma yin pa'o/ /de'i phyir de la rton pa med pa'i phyir lta ba phyin ci log de la brten pas na slob ma de dag ni skyon dang
163a7 ldan pa yin no//gzhan gyi rton pa yang skyon dang ldan pa yin te/ ji lta ba bzhin du smra ba nyid phun sum tshogs pa med pa'i phyir ro/ /chos 'dul ba 'di ni de las bzlog pas skyon med pa yin no/ /ji ltar byas pas she na/ re zhig rnam grangs dang po las nyes par bstan pa nyid kyis nyes par bshad
163b1 pa yin no zhes bya ba 'di las bzlog pa ni legs par gsungs pa dang /legs par bstan pa yin no/ /rdzogs pa'i byang chub tu 'gro bar mi 'gyur ba nyid kyis nges par mi 'byung ba yin no zhes bya ba 'di las bzlog pa ni nges par 'byung ba dang / rdzogs pa'i byang chub tu 'gro bar byed pa'o/ /
163b2 'dus pa dang mi ldan pa nyid kyis mi mthun pa yin zhes bya ba 'di las bzlog pa ni mi mthun pa med cing 'dus pa dang ldan pa zhes bya'o/ /ston pa de bzhin gshegs pa la sogs pa ma yin pa nyid kyis brten pa med pa yin zhes bya ba 'di las bzlog pa ni brten pa yod pa zhes bya ba dang / 'di ston
163b3 pa de bzhin gshegs pa dgra bcom pa yang dag par rdzogs pa'i sangs rgyas so//mdor na skyon rnam pa 'di bzhi bstan pa yin te zhes bya ba 'di las bzlog pa ni mdor na yon tan rnam pa bzhi bstan pa yin te/ bstan pa'i chos la don phyin ci ma log pa nyid kyi yon tan dang / sgrub pa'i chos
163b4 la mya ngan las 'das par 'gro ba nyid kyi yon tan dang /nyan thos rnams la blo mthun pa nyid kyi yon tan dang ston pa la the tshom thams cad gcod pa'i yon tan no/ /de lta bu ni re zhig rnam grangs dang po las bzlog pa yin no/ /gnyis pa las kyang tshig 'bru bzang min zhes bya ba 'di las
163b5 bzlog pa ni legs par gsungs pa'o//don bzang min zhes bya ba 'di las bzlog pa ni legs par bstan pa'o/ /grol dang rig pa'i thabs ma yin/ /zhes bya ba 'di las bzlog pa ni nges par 'byung ba dang / rdzogs pa'i byang chub tu 'gro ba'o/ /nges par 'byung ba ni nges par 'byung
163b6 ba nyid de rnam par grol ba 'dus ma byas so//chos 'dul ba 'di la dgos pa nges par 'byung ba de yod pas 'di ni nges par 'byung ba'o/ /de ltar na bzlog na rnam par grol ba'i thabs yin no/ /rdzogs pa'i byang chub kyang zad pa mkhyen pa dang mi skye ba mkhyen pa yin te/ de nyid rig pa zhes
163b7 bya'o//rdzogs pa'i byang chub der 'gro bar byed pas rdzogs pa'i byang chub tu 'gro bar byed pa ste/ de bzlog na rig pa'i thabs kyang yin no/ /snga ma phyi ma 'gal ba yin/ /zhes bya ba 'di las bzlog pa ni mi mthun pa med cing blo gcig pa yin pa'i phyir ro/ /bsdu ba bzhi spangs pa 'di las
164a1 bzlog pa ni 'dus pa dang ldan pa zhes bya'o//brtan pa bzhi dag spangs pa zhes bya ba 'di las bzlog pa ni brten pa yod pa zhes bya'o/ /ston pa bzlog pa ni 'di ston pa de bzhin gshegs pa dgra bcom pa yang dag par rdzogs pa'i sangs rgyas so/ /chos 'dul ba
164a2 zhes bya ba'i don ni rigs pa yin pa'i phyir zhes bya ba rgyas par 'byung ba'o//de ltar na zhes bya ba rgyas par 'byung ba ni ji ltar chos dang 'dul ba'i don bshad pa de ltar ro/ /sangs rgyas kyi bstan pa ni yang dag pa'i ye shes 'dren pa nyid yin par bstan pa yin te/ phyin ci ma log pa
164a3 nyid kyis rigs pa yin pa'i phyir chos zhes bya bas so//spangs pa 'dren pa nyid yin par bstan pa ni nyon mongs pa 'dul ba'i phyir 'dul ba'o zhes bya bas so/ /mdo sde dum bu gsum pa las 'byung ba ni dge slong dag nga'i chos ni legs par gsungs pa/ gsal ba/ phyer/ rgyu ba
164a4 bcad pa/lha dang mi'i bar dag la yang dag par shin tu bstan zhes bya ba gang yin pa de yin pa'o/ /rnam pa drug gis chos kyi yon tan yongs su bstan pa yin te zhes bya ba ni tshul drug gis yongs su bstan pa yin te zhes bya ba'i tha tshig go/ /ji ltar 'os pa'i 'dul ba la bstan pa nyid
164a5 ces bya ba la ji ltar 'os pa'i 'dul ba rnams la bstan pa ni ji ltar 'os pa'i 'dul ba la bstan pa'o//de'i dngos po nyid ni de 'dod chags spyod pa gang yin pa de la ni mi sdug pa kho na bstan gyi/ byams pa la sogs pa bstan pa ma yin no zhes bya ba de lta bu la sogs pa'o/ /bde bar
164a6 'jug pa nyid ni gsal ba nyid kyis yin te gsal ba zhes bya ba'o//phye ba nyid kyis kyang bde bar 'jug pa 'di yin pa ni phye ba'o zhes bya'o/ /lhag ma gsum ni zhes bya ba rgyas par 'byung ba la lhag ma gsum gang zhe na/ lha dang mis yang dag par bzung ba nyid dang / ji ltar 'os pa la
164a7 gdul ba la bstan pa nyid dang /slob dpon gyi dpe mkhyud med par rgyun du bstan pa nyid kyis te/ lhag ma 'di gsum ni go rims bzhin du lha dang mi'i bar dag la yang dag par shin tu bstan pa las rig par bya'o/ /ji ltar zhe na lha dang mis yang dag par bzung ba nyid ni lha dang mi'i bar
164b1 dag la zhes bya ba las rig par bya ste/yang dag par shin tu bstan pa'i phyir ro/ /ji ltar 'os pa'i gdul bya la bstan pa nyid ni yang dag par bstan pa las rig par bya'o/ /slob dpon gyi dpe mkhyud med par rgyun du bstan pa nyid ni shin tu bstan pa las rig par bya'o/ /de nyid don
164b2 ni legs gsungs phyir//zhes bya ba rgyas par 'byung ba la/ de nyid don ni legs gsungs phyir ni legs par gsungs pa'o/ /bde bar 'jug phyir ni gsal ba dang phye ba'o/ /bla med phyir ni rgyu ba bcad pa'o/ /rab tu bzung phyir ni lha dang mi'i bar dag la'o/ /ji ltar 'os/ ma lus par
164b3 ni bstan phyir ro ni yang dag par shin tu bstan pa'o//'di las bzlog pa'i phyir te zhes bya ba la/ bzlog pa ni phyi rol pa dag gi chos ni mi gsal ba dang / ma phye ba'o zhes bya ba de lta bu la sogs pa'o/ /bcom ldan 'das kyi nyan thos kyi dge 'dun ni legs par zhugs pa rigs par
164b4 zhugs pa/drang por zhugs pa/ mthun par zhugs pa/ chos dang rjes su mthun par spyod pa'o zhes bya ba ni mdo sde'i dum bu'o/ /'dis ni zhes bya ba rgyas par 'byung ba ni mdo sde'i dum bu 'dis so/ /nyan thos kyi dge 'dun zhes bya ba nas dge sbyong gi tshul bstan pa las brtsams nas legs
164b5 par zhugs pa nyid kyi bar ni bcom ldan 'das kyi nyan thos kyi dge 'dun ni legs par zhugs pa nyid du ston to//brtsams nas ni dbang du byas nas dang / ched du zhes bya ba'i tha tshig go/ /rigs pa'i chos ni bla na med pa zhes bya ba ni mya ngan las 'das pa'i chos bla na med pa zhes bya ba'i tha tshig go/ /
164b6 nges pa'i tshig tu na zhes bya ba ni nges pa'i tshig gi tshul gyis na'o/ /gnas par bya ba ni rten zhes bya ba'i tha tshig go/ /mthun pa zhes bya ba ni yang dag pa'i rang bzhin du gyur pas na yang dag pa'i rang bzhin yin te mthun pa'o/ /byams pa'i lus la sogs pa'i las kyis zhes bya ba ni dge ba'i
164b7 lus dang ngag dang yid kyi lus kyi zhes bya ba'i tha tshig go//longs spyod dang tshul khrims dang lta ba mthun pa nyid kyis kyang yang dag pa'i rang bzhin no/ /de la longs spyod mthun pa nyid ni zang zing ngo / /tshul khrims mthun pa nyid ni tshul khrims so/ /lta ba mthun pa nyid ni lta ba'o/ /rnam grangs
165a1 gzhan yang don gyi mchog ces bya ba rgyas par 'byung ba ni don gyi mchog sgrub pa las brtsams nas legs par zhugs pa nyid du ston pa ni rigs par zhugs pa zhes bya ba'i tshig 'dis so//phyin ci ma log par sgrub pa las brtsams nas legs par zhugs pa
165a2 nyid du ston pa ni drang por zhugs pa zhes bya ba'i tshig 'dis so//tha mi dad par sgrub pa las brtsams nas legs par zhugs pa nyid du ston pa ni mthun par zhugs pa zhes bya ba'i tshig 'dis so/ /ji ltar rjes su bstan pa bzhin sgrub pa las brtsams nas legs par zhugs
165a3 pa nyid du ston pa ni chos dang rjes su mthun par spyod pa zhes bya ba'i tshig 'dis so//dge slong gang tshul khrims 'chal ba sdig pa'i chos can/ khong myags pa/ 'dzag pa/ shing rul lta bu/ bong bu ltar kun du spyod pa/ dge sbyong ma yin par dge sbyong du khas 'che ba/ tshangs
165a4 par spyod pa can ma yin par tshangs par spyod pa can du khas 'che ba de ni zhes bya ba ni mdo sde'i dum bu'o//sdig pa'i chos can ni ngo tsha shes pa dang / khrel yod pa chud gzon pa'i phyir ro zhes bya ba ni khrel med pa ni sdig pa yin pas so/ /de kun du spyod pa mi spong ba nyid kyi phyir ro zhes bya ba ni
165a5 sdig pa kun du spyod pa mi spong ba'i phyir ro zhes bya ba'i tha tshig go//shing rul ni shing rul pa'o/ /ji skad du lung bong gi mdo las gsungs pa lta bu ni dge slong dag dper na lung bong ni ba lang gi tshogs chen po'i phyi bzhin 'brang zhing nga yang ba lang yin no/ /nga yang ba lang yin no
165a6 snyam mod kyi/de la ji ltar ba lang lta bu'i chu zheng gab pa med cing / ji ltar ba lang lta bu'i kha dog bzang po yang med la/ ji ltar ba lang lta bu'i skad kyi nga ro yang med do/ /dge slong dag de bzhin du 'di na skyes bu gti mug can kha cig dge slong gi dge 'dun chen po'i phyi bzhin 'brang
165a7 zhing nga yang dge slong ngo //nga yang dge slong ngo snyam mod kyi/ de ni dus dus su mos pa rgya chen po yang med cing / dus dus su lhag pa'i tshul khrims dang / lhag pa'i sems dang / lhag pa'i shes rab kyi bslab pa la mi slob bo/ /dge slong dag gzhan yang skyes bu gti mug can de
165b1 ni dge slong gi dge 'dun chen po'i phyi bzhin 'brang yang 'on kyang de ni dge slong gi dge 'dun las ring ba yin la/dge slong gi dge 'dun yang de las ring ba yin no zhes 'byung ba yin no/ /don dam pa'i dge sbyong gi tshul khas 'che ba'i phyir zhes bya ba ni don dam par dge sbyong gi tshul yin pa
165b2 ni don dam pa'i dge sbyong gi tshul te/'phags pa'i lam yan lag brgyad de/ de khas 'che ba'i phyir ro/ /'bras bu gang yang rung ba yang khas 'ches pa yin te/ de'i phyir dge sbyong ma yin par dge sbyong du khas 'che ba'o/ /de'i phyir bong bu ltar kun du spyod pa'o/ /'khrig pa spong pa
165b3 khas 'che ba'i phyir ni tshangs par spyod pa can ma yin par tshangs par spyod pa can du khas 'che ba ste/de'i phyir yang bong bu lta bur kun du spyod pa'o/ /sbyor ba log pa'i skyon ni tshul khrims 'chal ba zhes bya ba'i tshig 'dis yongs su bstan to/ /bsam pa log pa'i skyon ni sdig pa'i chos
165b4 can zhes bya ba 'dis so//kha na ma tho ba de las mi ldang ba'i skyon ni khong myags pa zhes bya ba 'dis so/ /thal ba'i skyon ni 'dzag pa zhes bya ba 'dis so/ /rtogs pa'i skal pa med pa nyid kyi skyon ni shing rul lta bu zhes bya ba 'dis so/ /log par 'tsho ba'i skyon ni bong bu ltar kun du spyod pa
165b5 nas/tshangs par spyod pa can ma yin par tshangs par spyod pa can du khas 'che ba zhes bya ba'i tshig 'di'i bar gyis yongs su bstan to/ /khong myags pa ni rtog pa mi zad pa sbrang rkyag la gnas par byed pa'i phyir ro zhes bya ba ni ji skad du mdo las ji ltar na/ sbrang rkyag mi sel ba yin zhe na/
165b6 'dod pa la rnam par rtog pa byung ba dang du len par byed/ mi spong bar byed/ sel bar mi byed/ mthar mi byed/ gnod sems la rnam par rtog pa byung ba dang du len par byed pa nas/ mthar mi byed pa'i bar de lta bu ni sbrang rkyag sel bar mi byed pa yin no zhes gsungs pa lta bu'o/ /rnam
165b7 grangs 'dis ni zhes bya ba rgyas par 'byung ba ni khong myags pa zhes bya ba 'di dang /'dzag pa zhes bya ba tshig 'di gnyis kyi rnam grangs 'dis ni mdo sde'i dum bu 'di'i bsdus pa'i don gzhan nyid du yongs su bstan pa yin te/ gang zhe na/ log pa rnam pa drug yongs su bstan pa yin te/
166a1 sbyor ba log pa ni tshul khrims 'chal ba nyid kyis so/ /bsam pa log pa ni sdig pa'i chos can nyid kyis so/ /gnas pa log pa ni khong myags nyid kyis te/ gnas pa ni nam gyi cha stod la sogs pa dag tu spyod lam la rnam par rtog pa'o/ /rgyu ba log pa ni 'dzag
166a2 pa nyid kyis te/rgyu ba yang bsod snyoms kyi ched du khyim du 'gro ba ste/ de log pa ni dbang po rnams kyi sgo ma bsdams pa nyid do/ /skal ba log pa ni shing rul lta bu nyid kyis so/ /'tsho ba log pa ni bong bu ltar kun du spyod pa nyid kyis te/ sdig pa 'dod pa la brten nas don dam pa'i
166a3 dge sbyong gi tshul khas 'che ba'i phyir ram/'khrig pa spong ba khas 'che ba'i phyir ro/ /btsun pa bdag cag res 'ga' ni yan lag brgyad dang ldan pa'i bsnyen gnas la nye bar gnas so/ /res 'ga' ni nye bar mi gnas so/ /res 'ga' ni cho 'phrul gyi phyogs la mi nyal bar brtson
166a4 no//res 'ga' ni mi nyal bar mi brtson no/ /gau ta ma dag khyed ni skye dgu nyon mongs pa can/ sdug bsngal can/ mya ngan can/ 'khrugs pa can yin na/ khyed cag la rnyed pa dag ni ci dag yod de/ legs par rnyed pa dag ni ci dag yod na/ res 'ga' ni yan lag brgyad dang ldan pa'i bsnyen
166a5 gnas la nye bar gnas/res 'ga' ni nye bar mi gnas zhes bya ba ni mdo sde'i dum bu'o/ /mi la sogs pa rnyed pa'i sogs pa'i sgras ni yul dbus su skyes pa dang / dbang po rnams ma tshang ba med pa nyid ces bya ba de lta bu la sogs pa'o/ /nyon mongs pa la sogs pa can nyid kyis
166a6 zhes bya ba rgyas par 'byung ba la sogs pa'i sgras ni sdug bsngal can dang /mya ngan can dang / 'khrugs pa can no/ /sdug bsngal gyi rgyu la ni nyon mongs pa can nyid kyis so/ /sdug bsngal la ni sdug bsngal can nyid dang / mya ngan can nyid dang / 'khrugs pa can nyid kyis skye dgu
166a7 gnas par ston to//ji ltar phal cher thams cad chom rkun du gyur to zhes bya ba ni chom rkun phal che ba nyid kyi phyir ro/ /'khrugs pa ni yid mi bde ba ste de'i phyir ro/ /de ni zhes bya ba rgyas par 'byung ba'i phyir skye dgu de ni dus gsum dag tu sdug bsngal la sogs pa can yin te/
166b1 dus gsum po gang dag tu zhe na/ mi sdug pa'i dngos po dang phrad pa dang zhes bya ba rgyas par 'byung ba'o/ /nyon mongs pa can ni dus de dag gsum char la khong khro ba ste/ mi sdug pa'i dngos po dang phrad pa dang / sdug pa'i dngos po dang bral ba dang / sdug pa'i dngos po dang mi ldan pa'o/ /sdug
166b2 pa'i dngos po dang phrad pa la 'dod chags pas kyang nyon mongs pa can no//sdug bsngal la sogs pa can dang go rims bzhin du rig par bya ste/ ji ltar zhe na/ dbul ba ni sdug bsngal can no/ /phyug pa ni mya ngan can no/ /'bring ni 'khrugs pa can no/ /ji ltar byas pas she na/ 'tsho bas phongs
166b3 pas ni dbul ba sdug bsngal can no//rgud pa des dogs pas ni 'byor pa mya ngan can no rgud pa dang dogs pa'o/ /des kyi sgras ni rgud pa kho na dang sbyar ro/ /rgud pa dang des dogs pa de gnyis kyis na rgud pa dang des dogs pas so/ /tshegs chen pos 'tsho ba 'byor pas ni 'bring 'khrugs pa can
166b4 no//tshegs chen pos 'tsho ba 'byor pa ni tshegs chen pos 'tsho ba 'byor pa'o/ /tshegs chen pos 'tsho ba 'byor pas na tshegs chen pos 'tsho ba 'byor pas so/ /de ltar na go rims bzhin no/ /dge slong dag dge sbyong ngam bram ze gang la la mig ro myong bar byed pa de dag ni dge sbyong ngam bram ze bdud
166b5 sdig 'dod kyi dbang du shas kyis song ba dang /dbang du song ba dang / lag tu song ba dang / bdud kyi ci 'dod dgur bya ba dang / bdud kyi 'ching ba dag gis bcings pa dang / bdud kyi zhags pa dag las yongs su ma grol ba zhes bya'o/ /rna ba dang sna dang lce dang lus dang yid kyi yang de bzhin no
166b6 zhes bya ba ni mdo sde'i dum bu'o//de dang du len pa'i phyir zhes bya ba ni nyon mongs pa dang du len pa'i phyir ro/ /de'i dbang gis zhes bya ba ni nyon mongs pa'i dbang gis so/ /des mi 'dzem pa'i phyir zhes bya ba ni las des mi 'dzem pa'i phyir ro/ /gnas skabs de thams cad du zhes bya ba ni de bdud kyis
166b7 'ching ba dag gis nyon mongs pa kun du spyod pa'i gnas skabs dang /de dang du len pa'i gnas skabs dang / de'i dbang gis las kun nas slong bar byed pa'i gnas su bcings pa'o/ /mngon sum du gyur pa yin yang zhes bya ba ni nyon mongs pa kun du spyod pa la sogs pa'i gnas skabs dag go/ /
167a1 thams cad la zhes bya ba rgyas par 'byung ba ni dge sbyong dang bram ze thams cad la rnam pa nyon mongs par kun du spyod pa la sogs pa'i rnam pa thams cad 'byung ba ma yin gyi mig ro myong bar byed pa dag la de 'byung ba'i phyir ni nyon mongs pa kun du spyod pa la sogs pa 'byung ba'i phyir/ la la
167a2 zhes bya ba gsungs pa yin no//bcings pa nyid kyi rgyus 'khor ba las skyo bar bya ba'i phyir ro/ /mdor na zhes bya ba rgyas par 'byung ba ni mdor na mdo sde'i dum bu 'dir nyon mongs pa'i rten gyi dbye ba dang / dmigs pa'i dbye ba dang / rang bzhin gyi dbye ba dang / gnas skabs kyi dbye ba las nyes
167a3 dmigs bstan pa ni dge slong dag dge sbyong ngam bram ze gang la la mig ro myong bar byed pa zhes bya ba'i tshig 'di dag gis so//gnas skabs kyi dbye ba ni rnam pa drug ste/ kun du spyod pa'i gnas skabs kyi dbye ba las mdo sde'i dum bu de las nyes dmigs bstan pa ni tshig gang gis she na/ bdud sdig
167a4 'dod kyi dbang du shes kyis song ba zhes bya ba 'dis so//dang du len pa'i gnas skabs kyi dbye ba las nyes dmigs bstan pa ni tshig gang gis she na/ dbang du song ba zhes bya ba'i tshig 'dis so/ /zil gyis gnon pa'i gnas skabs kyi dbye ba las nyes dmigs bstan pa ni tshig gang gis she na/
167a5 lag tu song ba zhes bya ba 'dis so/ /yon tan du lta ba'i gnas skabs kyi dbye ba las nyes dmigs bstan pa ni tshig gang gis she na/ bdud kyi ci 'dod dgur bya ba zhes bya ba'i tshig 'dis so/ /mngon du gyur pa'i dbye ba las nyes dmigs bstan pa ni tshig gang gis she na/ bdud kyi 'ching ba
167a6 dag gis bcings pa zhes bya ba 'dis so//ma spangs pa'i gnas skabs kyi dbye ba las nyes dmigs bstan pa ni tshig gang gis she na/ bdud kyi zhags pa dag las yongs su ma grol ba zhes bya ba 'dis so/ /mi dge ba'i chos rnams yang dag par blangs pa'i rgyus mthong ba'i chos nyid la sdug
167a7 bsngal bar gnas pa dang /sdug bsngal dang bcas pa dang / phongs pa dang bcas pa dang / gnod pa dang bcas pa dang / yongs su gdung ba dang bcas par gnas pa dang / lus zhig nas ngan 'gror 'gyur bar rig par bya'o zhes bya ba ni mdo sde'i dum bu'o/ /mi dge ba'i chos rnams ni
167b1 srog gcod pa la sogs pa ste/de dag yang dag par len pa ni mi dge ba 'di dag gis yang dag par blangs te gnas par bya'o snyam pa'o/ /yang dag par blangs pa nyid rgyu yin pas de'i rgyus so/ /ji ltar rgyas par 'byung bas she na/ grang ba na lhags pas sbrebs pa dang / tsha ba na tsha
167b2 bas gdungs pa dang /bkres skom gyis nyen pa dang / sbrang bu dang / sha sbrang dang / rlung dang / nyi ma dang / sdig sbrul gyi 'dus te reg pa dag gis gzir ba zhes 'byung ba'o/ /mya ngan dang / mi tshim pa dang / yid la gcags pa'i yongs su gdung ba dang ldan pa'i phyir zhes bya ba ni mya ngan gyi
167b3 gdung ba dang ldan pa'i phyir dang /mi tshim pa'i yongs su gdung ba dang ldan pa'i phyir dang / yid la gcags pa'i yongs su gdung ba dang ldan pa'i phyir ro/ /dus gang du zhe na/ rgud pa dang longs spyod dang / 'chi ba'i dus dag tu ste/ go rims bzhin no/ /ji ltar zhe na/ rgud pa'i dus ni mya
167b4 ngan gyi yongs su gdung ba dang ldan pa'i phyir ro//longs spyod kyi dus na ni mi tshim pa'i yongs su gdung ba dang ldan pa'i phyir ro/ /'ching ba'i dus na ni yid la gcags pa'i yongs su gdung ba dang ldan pa'i phyir ro/ /srog gcod pa kun du bsten cing bsgoms la lan mang du byas pas/ sems
167b5 can dmyal ba rnams su skye bar 'gyur ro zhes bya ba ni mdo sde'i dum bu'o//bsgoms pa lan mang du byas pas zhes bya ba ni bstsags pa nyid du ston to/ /ji ltar byas pas she na/ de la brtson pa dang phyir zhing byed pa gnyis kyis bsam pa dang sbyor bas de rgyas par byed pa'i phyir te brtson pa'i byed
167b6 pas ni bsam pas te 'dun pas de brtas par byed pa'i phyir las de brtas par byed pa'i phyir bsgoms la zhes bya bas ni bstsags pa nyid du ston to//phyir zhing byed pas ni sbyor bas de brtas par byed pa'i phyir yan lag mang du byas pas zhes bya ba bstsags pa nyid du ston to/ /'di la bsgom pa byas
167b7 pa zhes bya ba ni srog gcod pa'i las 'di la bsgom pa ste/bsam pa byas pas na bsgom pa'am 'di la bsgom pa byung bas na yang bsgom pa ste/ ji ltar nam mkha' de la skar ma byung zhes bya ba lta bu ste/ de ni nam mkha' la skar ma shar ba zhes bya ba yin no/ /de lta bu ni re zhig brda sprod pa pa'i
168a1 tshul gyis tshig gi don bshad pa yin no//gzhan yang nges pa'i tshig gi tshul gyis bsgom par gyur pas na ste/ gyur pa ni son pa zhes bya ba'i tha tshig ste/ bsam pa nyid kyis so/ /yang dang yang du byed pa dang 'dun par byed pas ni bstsags pa yin par ston to zhes bya
168a2 bar gnas so//ji ltar ston ce na/ kun du bstsags pa'i rnam grangs kyis yin te/ sdig pa kun bstsags zhes bya ba'i tshig 'dis so/ /kha cig la ni byas par yang 'gyur te/ skal ba chung ba'i phyir las de rnam par smin pa nges par 'gyur te/ sems kyi rgyud de bsod nams dag gis
168a3 yongs su ma bsgos pa'i las de ni rnam par smin pa nges pa dang mthun par gnas pas so//zhing dang sems pa'i khyad bar las kyang kha cig las byas pa yang rnam par smin pa yang nges par 'gyur ro/ /ji ltar rung zhe na/ ji ltar mi rung / las ma yin pa'i rang bzhin gyi chos mi sdug
168a4 pa la sogs pa ni byas pa dang bstsags pa'i sgrar bshad pa yin te/las gang yin pa de ni byas pa dang bsags pa zhes bya bas so/ /de la skye ba dang / gnas pa dang / 'phel ba dang ldan par yang ston to/ /mi sdug pa de la skye ba dang ldan par ston pa ni mi sdug pa kun du bsten cing zhes bya
168a5 ba'i tshig 'dis so//gnas pa dang ldan par ston pa bsgoms la zhes bya ba 'dis te/ gnas pa yang rgyun no/ /'phel ba dang ldan par ston pa ni lan mang du byas pas zhes bya ba'i tshig 'dis so/ /gzhan yang sbyor ba dang / rnyed pa dang / grub pa'i gnas skabs kyang yin par ston te/ kun
168a6 du bsten cing zhes bya ba la sogs pa dang go rims bzhin no//yid la byed pa rnam pa bzhi ste/ stobs 'byung ba dang / skabs dang bcas pa 'byung ba dang / skabs med pa 'byung ba dang / lhun gyis grub pa 'byung ba'o/ /mi sdug pa kun du bsten cing bsgoms la lan mang du byas pas ni
168a7 'bras bu chen por 'gyur ro zhes bya ba la/kun du bsten cing zhes bya ba la sogs pa tshig gsum dag gis stobs dang / skabs dang bcas pa dang / skabs med pa 'byung ba'i yid la byed pa'i gnas skabs ston te/ ting nge 'dzin ma thob pa dang / thob pa dang / goms pa na ste/ go rims
168b1 bzhin no//lhun gyis grub pa'i yid la byed pa ni ting nge 'dzin la byang ba na yin pas so/ /gzhan yang rnal 'byor spyod pa rnam pa gsum gyi gnas skabs yin par ston te/ kun du bsten cing zhes bya ba la sogs pa'i tshig gsum dag gis te/ kun du bsten pa ni las dang po pa'i gnas skabs
168b2 na'o//bsgoms pa ni yongs su sbyang ba byas pa'i gnas skabs na'o/ /lan mang du byas pa ni yid la byed pa las 'das pa'i gnas skabs na'o/ /mngon sum du byed pa'i phyir dang zhes bya ba rgyas par 'byung ba ni srog gcod pa dang mi sdug pa de mngon sum du byed pa'i phyir ro/ /sems la de'i sa
168b3 bon brtas par byed pa'i phyir ni de nyid kyi sa bon ni de'i sa bon to//sems la de brtas par byed pa'i phyir ro/ /brtas pa yang chen po nyid yin no/ /brtas pa de'i phyir zhing mngon sum du gyur pa nyid kyi phyir ni sa bon brtas pa de'i phyir zhing ste/ yang dang yang du mngon sum du gyur pa'i phyir kun du
168b4 bsten pa la sogs pa gsum yin te/mngon sum du byed pa'i phyir ni kun du bsten pa yin no/ /sems la de'i sa bon brtas par byed pa'i phyir ni bsgoms pa yin no/ /brtas pa de'i phyir zhing mngon sum du gyur pa nyid kyi phyir ni lan mang du byas pa yin no/ /brjod par bya ba rnam pa du ma yin kyang
168b5 brjod pa ni gcig yin no zhes bya ba ni bsgrubs zin to//ji ltar zhe na/ gzugs zhes bya ba gzugs phung dang / /kha dog bsam gtan rnam par 'dren/ /zhes bya ba de lta bu la sogs pa'o/ /de bas na mdo sde'i dum bu dang por kun du bsten pa la sogs pa brjod pa dag gis brjod par bya ba
168b6 yang gzhan nyid yin la/mi sdug pa kun du bsten pa la sogs pa dag gis yang gzhan nyid yin pas der gal te kun du bsten pa la sogs pas zhes bya ba rgyas par 'byung ba de ltar mi 'gyur ro/ /sgrib pa lnga po sems nye bar nyon mongs par byed pa dag ni 'dod pa la 'dun pa'i sgrib pa dang /
168b7 gnod sems dang / rmugs pa dang / gnyid dang / rgod pa dang / 'gyod pa dang / the tshom gyi sgrib pa'o zhes bya ba ni mdo sde'i dum bu'o/ /nyon mongs pa thams cad kyang sgrib pa nyid yin pas de la lnga kho na'i dgos pa ni dge ba'i chos skye ba'i bgegs su gyur pa nyid kyis so/ /sems nang du
169a1 sdud pa'i phyir zhes bya ba ni sems nang du sdud pa'i phyir na sems nang du sdud pa'i phyir te/rmugs pa dang gnyid kyi sgrib pa'o/ /phyi rol du rnam par g.yeng ba'i phyir ni rgod pa dang 'gyod pa'i sgrib pa'o/ /yang dag par sbyor ba la nges pa mi rnyed pa'i phyir ni de la yang dag
169a2 par sbyor ba ni sdud pa dang rnam par g.yeng ba dang zhum pa nyid la sogs pa mnyam pa nyid du sgrub pa ste/yang dag par sbyor bde la nges pa mi rnyed pa'i phyir the tshom gyi sgrib pa yin no/ /zhi gnas ni ting nge 'dzin gyi khyad par kho na yin te/ rnal 'byor pa rnams kyi rang gi mngon sum kho na yin no/ /
169a3 lhag mthong ni shes rab kyi khyad par ro/ /zhi gnas kyi sgrib pa ni gcig yin te/ rmugs pa dang gnyid kyi sgrib pa'o/ /lhag mthong la zhugs pa'i ni rnam par ma zhig pa dang / ma nges pa'i skyon yod pa'i phyir ni rnam par ma zhi ba'i skyon yod pa'i phyir dang / ma nges pa'i skyon yod pa'i phyir ro/ /
169a4 lhag mthong gi sgrib pa ni gnyis te/ rgod pa dang 'gyod pa dang / the tshom ste go rims bzhin no/ /tshul khrims kyi sgrib pa ni sgrib pa gcig yin te/ 'dod pa la 'dun pa'o/ /ci'i phyir zhe na/ tshangs par spyod pa las nyams par byed pa'i phyir ro/ /gdams ngag gi sgrib pa yang gcig yin
169a5 te/gnod sems kyi sgrib pa'o/ /ci'i phyir zhe na/ des tshig mi bzod pa'i phyir ro/ /tshig la bzod pa ni tshig bzod pa'o/ /tshig la mi bzod pa ni tshig mi bzod pa ste/ de'i dngos po ste de'i phyir ro/ /zhi gnas dang / rab tu 'dzin pa dang / btang snyoms kyi dus dag tu ni zhi gnas kyi dus
169a6 dang /rab tu 'dzin pa'i dus dang / btang snyoms kyi dus so/ /rab tu 'dzin pa ni dbang po sbyong ba ste/ /dbang po de dag lhung ba rnams rab tu 'dzin par byed pas na rab tu 'dzin pa'o/ /de 'grub pa'i sgrib pa ni zhi gnas la sogs pa rnams 'grub pa'i sgrib pa zhes bya ba'i tha tshig ste/ sgrib pa
169a7 gsum dang go rims bzhin no//zhi gnas kyi rgyu dang / rab tu 'dzin pa'i rgyu dang / btang snyoms kyi rgyu de yang nyan thos kyi sa las 'di ni zhi gnas so/ /'di ni zhi gnas kyi rgyu'o zhes bya ba nas/ de bzhin du btang snyoms kyi bar du rgyas par 'byung bar shes par bya'o/ /sgyu rtsal shes dag gsum
169b1 po 'di dag ni sems can rnams kyi las kyi gzhi dang kun 'byung ba dag yin par rig par bya ste/sgyu rtsal shes dag gsum po gang zhe na/ chags pa ni sems can rnams kyi las kyi gzhi dang kun 'byung ba yin par rig par bya'o/ /sgyu rtsal shes dag zhe sdang dang gti mug ni sems can rnams
169b2 kyi las kyi gzhi dang kun 'byung ba yin par rig par bya ba ste/sgyu rtsal shes dag chags pa can dang / chags pas zil gyis gnon pa dag ni lus kyis nyes par spyad pa spyod pa dang / ngag dang yid kyis nyes par spyad pa spyod cing / des lus kyis nyes par spyad pa spyod la/ ngag dang yid
169b3 kyis nyes par spyad pa spyod na rgyu de dang /rkyen des lus zhi gnas shi ba'i 'og tu ngan song ngan 'gro log par ltung ba sems can dmyal ba rnams su skye bar 'gyur ro/ /zhe sdang can dang / zhe sdang gis zil gyis non pa dang / gti mug can dang / gti mug gis zil gyis non pa dag kyang de
169b4 bzhin no zhes bya ba ni mdo sde'i dum bu'o//sgyu rtsal shes dag gsum po 'di dag ni sems can rnams kyi las kyi gzhi zad par byed par rig par bya ste/ sgyu rtsal shes dag gsum po gang zhe na/ ma chags pa dang / zhe sdang med pa dang / gti mug med pa ni sems can rnams kyi las kyi gzhi zad par
169b5 rig par bya ste/sgyu rtsal shes dag chags pa med pa dang / chags pas zil gyis gnon pa ni lus kyis legs par spyad pa spyod/ ngag dang yid kyis legs par spyad pa spyod cing / des lus kyis legs par spyad pa spyod la/ ngag dang yid kyis legs par spyad pa spyod na/ rgyu de dang rkyen des
169b6 lus zhig nas shi ba'i 'og tu bde 'gro mtho ris kyi 'jig rten lha rnams su skye bar 'gyur ro//zhe sdang med pa dang / zhe sdang gis zil gyis ma non pa dang / rmongs pa med pa dang / gti mug gis zil gyis ma non pa yang de bzhin no/ /de la las kyi gzhi dang kun 'byung ba dag ces bya ba ni las kyi gzhi
169b7 dag dang kun 'byung ba dag ste/chags pa la sogs pa yin no zhes bya ba'i tha tshig go/ /rab tu 'jug par byed pa dang / rjes su 'jug par byed pa'i rgyu yin par ston te zhes bya ba ni las kyi gzhi dag ces bya ba 'dis ni rab tu 'jug par byed pa'i rgyu ston to/ /las kyi kun 'byung ba dag ces bya ba 'dis
170a1 ni rjes su 'jug par byed pa'i rgyu ston to//chags pa la sogs pa gang zhes bya ba rgyas par 'byung ba ni chags pa la sogs pa gang dang du len pa na nyes par spyod pa kun nas slong bar byed pa ni rab tu 'jug par byed pa'i rgyus so/ /chags pa la sogs pa gang gis mi 'dzem pa na nyes par
170a2 spyod pa las mi ldog pa ni rjes su 'jug par byed pa'i rgyus so//de ltar na ji skad bshad pa'i rab tu 'jug par byed pa dang / rjes su 'jug par byed pa'i rgyu gnyis kyis na nyes par spyad pa des byas pa dang bsags pa yin no/ /gzhan yang zhes bya ba rgyas par 'byung ba ni chags pa la sogs pa ni kun
170a3 du spyod pa'i gnas skabs yin par ston pa ni las kyi gzhi zhes bya ba'i tshig 'dis so//chags pa la sogs pa zil gyis gnon pa'i gnas skabs kyang yin par ston pa ni las kyi kun 'byung ba zhes bya ba'i tshig 'dis so/ /gzhan yang chags pa la sogs pa ni sbyor ba'i gnas skabs dang / mthar thug
170a4 pa'i gnas skabs kyang yin par ston te/las kyi gzhi dang kun 'byung ba zhes bya ba dang go rims bzhin te/ las kyi gzhi zhes bya bas ni chags pa la sogs pa gsum sbyor ba'i gnas skabs yin par ston la/ kun 'byung ba zhes bya bas ni mthar thug pa'i gnas skabs te/ 'di yang rnam
170a5 grangs 'dir ni chags pa la sogs pa dag zil gyis gnon pa'i gnas skabs yin par yang rig par bya'o//kun du spyod pa tsam ni ma yin te/ 'di ltar de dag gis zil gyis gnon la/ las de la sbyor zhing phyis las de mthar thug par byed pas so/ /smras pa/ lus kyis nyes par spyod pa dang
170a6 ngag gis nyes par spyod pa la ni sbyor ba'i gnas skabs dang /mthar thug pa'i gnas skabs kyang yod pas chags pa la sogs pa de sbyor ba'i gnas skabs dang / mthar thug pa'i gnas skabs yin par rigs na/ yid kyis nyes par spyod pa ni brnab sems la sogs pa mngon du gyur pa tsam las
170a7 'byung ba yin na/ji ltar na de la chags pa la sogs pa yod pa sbyor ba'i gnas skabs dang / mthar thug pa'i gnas skabs yin par bstan zhe na/ de'i phyir 'di skad du yid kyis nyes par spyod pa la zhes bya ba rgyas par gsungs so/ /gzhan yang chags pa la sogs pa ni chags pa dang zhe sdang dang gti
170b1 mug go//lus dang ngag dang yid byed pa dang smra ba dang rtog pa'i gzhi sems kyi zhes bya ba na lus kyi las byed pa'i gzhi sems dang / ngag gi las sma ba'i gzhi sems dang / yid kyi las rtog pa'i gzhi sems kyi'o/ /kun 'byung ba dag ni 'di las kun 'byung bas na kun 'byung ba'o/ /de
170b2 ltar na rnam grangs dang po dag tu chags pa la sogs pa 'byung ba ni gzhi nyid kyang yin la kun 'byung ba yang yin no//de lta na ni zhes bya ba rgyas par 'byung ba ni ji skad du lus dang ngag dang yid kyi gzhi zhes bya ba rgyas par bstan pa de lta na'o/ /de dkar po'i phyogs la yang kun 'byung ba smos par 'gyur ro/ /
170b3 ji ltar zhe na/ sgyu rtsal shes dag gsum po 'di dag ni sems can rnams kyi gzhi dang kun 'byung ba zad par byed par rig par bya ste zhes bya bar ro/ /rnam grangs dang po dag tu ste/ de la las kyi gzhi dang kun 'byung ba dag ces bya ba ni rab tu 'jug par byed pa dang rjes su 'jug par byed pa'i rgyu ston par byed pa
170b4 yin te zhes bya ba de lta bu la sogs pa dag tu ni gzhi zad pa zhes 'byung ba nyid kyis kun 'byung ba zad pa yang rab tu grub pa'i phyir na/de lta na ni dkar po'i phyogs la ni kun 'byung ba smos par 'gyur ro zhes bya ba gang smras pa ltar mi 'gyur te/ der ni gzhi yang rgyu yin kun 'byung ba yang rgyu yin te/ 'di las
170b5 kun 'byung ba'i phyir ro//smas pa/ dkar po'i phyogs las brtsams te ma chags pa la sogs pa yang dge ba'i rtsa ba yin pa'i phyir/ las kyi gzhi dang kun 'byung ba dag ces ci'i phyir mi smos/ ji ltar zhe na/ sgyu rtsal shes dag gsum po 'di dag ni las kyi gzhi dang kun 'byung ba dag ste zhes bya bar
170b6 te/las dkar po'i gzhi rnams dang kun 'byung ba rnams te/ zad pa zhes ma smos na ni'o/ /de ltar na rnam par rtog pa 'di dag ni mi dge ba rnams dang / sdug bsngal ba rnams dang / 'phags pa ma yin pa rnams dang / don med pa dang ldan pa rnams so zhes bya ba ni mdo sde'i dum bu'o/ /rnam par
170b7 byang ba dang /'gal ba can nyid yin pa'i phyir ro zhes bya ba de la rnam par byang ba ni byang chub kyi phyogs dang mthun pa'i chos sum cu rtsa bdun po rnams te/ 'di rnams kyis rnam par byang bar byed rnam par dag par byed pa'i phyir ro/ /'gal ba ni de skye ba'i bgegs byed pa'o/ /'gal ba la yod pas
171a1 'gal ba can no//de'i dngos po ni 'gal ba can nyid de'i phyir na 'gal ba can nyid yin pa'i phyir ro/ /don gang gis 'gal ba can yin zhe na/ dge ba'i chos yongs su nyams par 'gyur ba nyid kyis so/ /mi dag gi 'dod pa rnams ni mi gtsang ba rnams dang / dri mi zhim
171a2 pa rnams dang /dring ba rnams dang / mi mthun pa rnams yin no/ /lha dag gi 'dod pa rnams ni lhag par ches 'phags pa dang / ches gya nom pa rnams yin no zhes bya ba ni mdo sde'i dum bu yin no/ /'khrig pa'i gzhi'i 'dod pa rnams ni zhes bya ba la 'khrig pa ni gnyis kyis gnyis sprod
171a3 pa'o//de'i gzhi ni yul gzugs la sogs pa sems can du ston pa dag go/ /de dag ni 'dod par bya ba yin pas 'dod pa rnams so/ /bkru bar 'os pa'i phyir ro/ /don gang gis bkru bar 'os she na/ lus dri ma can du 'gyur ba nyid kyis te/ dri mar 'gyur ba ni rten gyi don du 'gro bas na/ dri
171a4 ma can du 'gyur ba'o//de'i dngos po ni nyid kyis so/ /rdzas re re yang skyug bro ba'i gzhi yin pa'i phyir dang 'khrig pa bsten pa'i mjug tu mi mthun pa skye ba'i phyir na mi mthun pa rnams so/ /de ltar na tshig gcig dang zhes bya ba rgyas par 'byung ba ni ji ltar bstan pa de ltar na 'dod pa rnams kyi 'brel pa'i
171a5 skyon yongs su bstan pa ni tshig gcig pu mi gtsang ba zhes bya ba 'di lta ste/'brel pa ni dri ma dang ngo / /'dod pa rnams kyi 'dzag pa'i skyon yongs su bstan pa yang tshig gcig pu dri mi zhim pa zhes bya ba 'dis so/ /'dod pa rnams kyi rang gi mtshan nyid kyi skyon yongs su bstan pa ni tshig gnyis so/ /
171a6 dring ba rnams dang mi mthun pa rnams zhes bya ba 'di dag gis so/ /'di ltar 'dod pa mi gtsang ba rnams zhes bya ba rgyas par 'byung bas ni don 'di nyid bsdus pa yin no/ /nyon mongs pa mi gtsang ba nyid ni ji skad du mi ga chung gang dag dang ldan na 'di na kha cig lus zhig nas shi ba'i 'og tu ngan song ngan 'gro log
171a7 par ltung ba sems can dmyal ba rnams su skye bar 'gyur ba'i chos gnag pa rnam par smin pa gnag pa mi gtsang ba byed pa/lci ba 'og ma'i phyogs su 'gro bar 'gyur ba rnams kyang yod do/ /mi ga chung gang dag dang ldan na 'di ni kha cig lus zhig nas shi ba'i 'og tu bde 'gro mtho ris kyi 'jig
171b1 rten lha rnams su skye bar 'gyur ba'i chos dkar ba rnam par smin pa dkar ba gtsang bar byed pa/yang ba gong ma'i phyogs su 'gro bar 'gyur ba rnams kyang yod do/ /mi ga chung gang dag dang ldan na 'di na kha cig lus zhig nas shi ba'i 'og tu ngan song ngan 'gro log par ltung ba sems can dmyal ba
171b2 rnams su skye bar 'gyur ba'i chos gnag pa rnam par smin pa gnag pa/mi gtsang ba mi gtsang ba byed pa/ lci ba 'og ma'i phyogs su 'gro bar 'gyur ba rnams gang zhe na/ 'di na srog gcod par byed pa kha cig ces bya ba nas rgyas bar lta ba log par zhes bya ba'i bar ro zhes 'byung ba lta bu'o/ /
171b3 ji skad du gsungs pa 'di la 'di ltar shes par bya ste/ nyon mongs pa dang nye ba'i nyon mongs pa thams cad ni mi gtsang ba rnams kho na'o/ /sems kyi dri ma mi dge ba'i las kyi lam bcu po de rnams las gzugs can bdun dag ni nyon mongs pa'i mi gtsang bas kun nas bslang ba'i dbang gis mi gtsang
171b4 ba rnams so//gnod sems la sogs pa gsum ni ngo bo nyid kyis so/ /mi mthun pa rnams ni snga ma bzhin no/ /ji ltar zhe na/ rdzas re re yang skyug bro ba'i gzhi yin pa'i phyir dang / 'khrig pa bsten pa'i mjug tu mi mthun pa skye ba'i phyir ro zhes 'byung ba'o/ /mi dag gi 'dod pa rnams ni mi
171b5 gtsang ba rnams dang zhes bya ba'o//mi gtsang ba ma brjod na ni ste/ ji ltar brjod par bya zhe na/ mi dag gi 'dod pa rnams ni dri mi zhim pa rnams dang / dri nga ba rnams dang / mi mthun pa rnams zhes bya bar ro/ /'di ni rnam grangs gnyis pa'i dbang du mdzad nas bstan pa yin no/ /mi dag gi 'dod pa
171b6 rnams ni mi gtsang ba rnams dang /dri mi zhim pa rnams dang zhes bya ba'i dri mi zhim pa ma brjod na ni ste/ ji ltar brjod par bya zhe na/ mi dag gi 'dod pa rnams ni mi gtsang ba rnams dang / dri nga ba rnams dang / mi mthun pa rnams zhes bya bar ro/ /yongs su 'gyur ba nyid kyis mi mthun pa rnams te
171b7 zhes bya bas ni 'khrig pa bsten pa'i mjug tu'o//'dod pa'i rgyu dang / 'dod pa'i gzhi dang / 'dod ba'i dbang du bya ba dang / 'dod pa rnams kho na'i rgyus ma dang bu dang / bu dang ma dang / pha dang bu dang / bu dang pha dang / ming po dang sring mo dang / sring mo dang ming po dang / grogs po dang /
172a1 grogs por rtsod par byed na/ skye bo dang skye bor lta ci smos zhes bya ba 'di ni mdo sde'i dum bu'o/ /nyon mongs pa'i 'dod pa zhes bya ba ni 'dod par byed pas 'dod pa ste/ nyon mongs pa nyid 'dod pa yin pas nyon mongs pa'i 'dod pa'o/ /'dun pa dang 'dod chags so/ /
172a2 de la 'dun pa ni yul ma rnyed pa la'o/ /'dod chags ni rnyed pa la'o/ /gzhi'i 'dod pa la yang rnam pa gnyis te zhes bya ba la/ gzhi ni yul gzugs la sogs pa dag go/ /gzhi nyid 'dod pa yin pas gzhi'i 'dod pa ste/ 'dod par bya ba yin pa'i phyir ro/ /de la zhes bya ba rgyas par 'byung ba ni/
172a3 de la 'dod pa'i rgyu ni yul ma thob pa la 'dun pa'i rgyu'o/ /'dod pa'i gzhi ni yul thob pa la 'dod chags kyi gzhi yin te/ ma dang bur rtsod par byed ces bya bar rgyas par 'byung ba lta bu'o/ /de ltar na re zhig nyon mongs pa'i 'dod pa rnam pa gnyis kyis ma dang bu dang zhes bya ba nas skye bo dang skye
172a4 bor lta ci smos zhes bya ba'i bar bsgrubs zin to//'dod pa'i dbang du bya ba dang zhes bya ba rgyas par 'byung ba la 'dod pa'i dbang du bya ba ni gzhi'i 'dod pa ma thob pa'i dbang du byas nas so/ /'dod pa rnams kho na'i rgyus ni gzhi'i 'dod pa thob pa rnams kyi don du ste/ ma dang bu dang zhes bya ba rgyas par
172a5 'byung ba'o//de ltar na rgyu gang gis dang zhes bya ba rgyas par 'byung ba ni ji skad bstan pa de ltar na nyon mongs pa'i 'dod pa rnam pa gnyis kyi rgyu gang gis rtsod par byed pa dang / gang gi don du ste/ gzhi'i 'dod pa rnam pa gnyis kyi don du'o/ /de yongs su bstan pa ni rab tu bstan pa yin no/ /dge slong dag
172a6 ngas ji ltar skyes pa bud med kyi gzugs la zhen par 'gyur ba dang /rgyags par 'gyur ba dang / 'dod par 'gyur ba dang / sdug par 'gyur ba dang / dga' bar 'gyur ba dang / chags par 'gyur ba dang / brgyal bar 'gyur ba dang / 'ching bar 'gyur ba dang / kun du sbyor bar 'gyur
172a7 ba lta bu'i gzugs ni gcig kyang ma mthong ste/skyes pa ni bud med kyi gzugs la chags pa dang / zhen pa dang / 'chums pa dang / mdud pa bor ba dang / brgyal ba dang / lhag par chags pa dang / lhag par zhen par gyur pa zhes bya ba ni mdo sde'i dum bu yin no/ /'dod chags kyi
172b1 kun nas dkris pa skyes pa'i phyir ni chags pa'o//skyes pa dang du len pa'i phyir ni 'dod chags kyi kun nas dkris pa skyes pa dang du len pa'i phyir ni zhen pa'o/ /thob pa dang longs spyod 'dod pa'i phyir ni bud med kyi gzugs de thob par 'dod pa'i phyir dang / thob nas kyang longs spyod par
172b2 'dod pa'i phyir ni 'chums pa'o//de'i thabs la lan mang du rjes su rnam par rtog pa'i phyir ni thob pa'i thabs la lan mang du rjes su rnam par rtog pa'i phyir ni mdud pa bor ba'o/ /'dod chags kyi kun nas dkris pa la sogs pa la nyes dmigs mi mthong ba'i phyir ni brgyal ba'o/ /yongs su bzung
172b3 ba la kun du 'dzin pa skye ba'i phyir ni bud med kyi gzugs yongs su bzung ba la kun du 'dzin pa ni yongs su bzung ba la kun du 'dzin pa'o//de skye ba de'i phyir lhag par chags pa'o/ /de bsten pa la zhes bya ba rgyas par 'byung ba ni bud med kyi gzugs de bsten pa la sems gzhol bas lan mang du
172b4 gnas pa'i phyir/lhag par zhen par gyur pa'o/ /ji ltar zhe na mi tshim pa nyid kyi rgyu ste/ mi tshim pa nyid kyi phyir ro/ /kye kA t+yA'i bu gang gis na rgyal po rnams dang / rgyal po rnams su rtsod par byed pa dang / bram ze rnams dang bram ze rnams su rtsod par byed pa dang / khyim bdag rnams dang /
172b5 khyim bdag rnams su rtsod par byed pa'i rgyu ni gang / rkyen ni gang / bram ze 'dod pa la 'dod chags dang / lhag par zhen pa dang / rnam par bcings pa dang yongs su zhen pa dang / kun du 'dod chags kyi rgyus rgyal po rnams dang rgyal po rnams su rtsod par byed/ bram ze rnams dang / bram ze
172b6 rnams su rtsod par byed/khyim bdag rnams dang / khyim bdag rnams su rtsod par byed do/ /kye kA t+yA'i bu gang gis ni rab tu byung ba rnams dang rab tu byung ba rnams su rtsod par byed pa'i rgyu ni gang / rkyen ni gang / bram ze lta ba la 'dod chags dang / lhag par zhen pa dang / rnam par bcings
172b7 pa dang /yongs su zhen pa dang / kun du 'dod chags kyi rgyus rab tu byung ba rnams dang / rab tu 'byung ba rnams su rtsod par byed do zhes bya ba ni mdo sde'i dum bu yin no/ /go rims bzhin ni kun du spyod pa ni 'dod pa la 'dod chags so/ /dang du len pa ni lhag par zhen pa'o/ /zil gyis gnon
173a1 pa ni rnam par bcings pa'o//des mi 'dzem pa ni 'dod pa la 'dod chags kyis zil gyis gnon pa des mi 'dzem pa ste/ yongs su zhen pa'o/ /de la kun du dga' ba nyid ni kun nas dga' bas kun du dga' ba'o/ /'dod pa'i 'dod chags de la kun du dga' ba ni de la
173a2 kun du dga' ba'o//de'i dngos po ni de la kun du dga' ba nyid de kun du 'dod chags so/ /rgyus kyi sgras ni tshig thams cad la sbyar bar bya ste/ ji ltar zhe na/ 'dod pa la 'dod chags kyi rgyus rgyal po rnams dang rgyal po rnams su rtsod par byed do zhes rgyas par bya ba dang / de bzhin du 'dod
173a3 pa la 'dod chags la lhag par zhen pa'i rgyus zhes bya ba nas kun du 'dod chags kyi rgyus zhes bya ba'i bar du'o//rang gi 'dod pa la mngon par dga' ba dang / yongs su gzung ba dang mi 'bral bar 'dod pa dang zhes bya ba ni rang gi 'dod pa gzugs dang sgra la sogs pa la mngon par dga'
173a4 ba dang /yongs su gzung ba dang mi 'bral bar 'dod pa ni/ rang gi 'dod pa la mngon par dga' ba dang / yongs su gzung ba dang mi 'bral bar 'dod pa'o/ /gzhan gyi 'dod pa la mngon par dga' bar byed pa dang / kun du 'dod chags pa gnyis ni gzhan gyi 'dod pa rnams la mngon par dga'
173a5 bar byed pa dang /kun du 'dod chags ni gzhan gyi 'dod pa la mngon par dga' bar byed pa dang / kun du 'dod chags pa gnyis so/ /'dod pa la 'dod chags dang / lhag par zhen pa dang / rnam par bcings pa dang / yongs su zhen pa dang / kun du 'dod chags dang go rims
173a6 bzhin no//ji ltar zhe na/ rang gi 'dod pa la mngon par dga' ba ni 'dod pa la 'dod chags so/ /rang gi 'dod pa la yongs su gzung ba ni lhag par zhen pa'o/ /rang gi 'dod pa la mi 'bral bar 'dod pa ni rnam par bcings pa'o/ /gzhan gyi 'dod pa la mngon par dga' bar byed pa ni yongs
173a7 su zhen pa ste/'dod pa ni yongs su zhen pa'o/ /gzhan gyi 'dod pa la kun du 'dod chags pa ni kun du 'dod chags pa kho na'o/ /lta ba rnams la yang zhes rgyas par 'byung ba de la lta ba rnams ni 'jig tshogs la lta ba la sogs pa lnga'o/ /de rnams la yang lta ba la 'dod chags pa dang / lhag
173b1 par zhen pa dang /rnam par bcings pa ni ji ltar rnam grangs gnyis pa las 'byung ba de bzhin no/ /ji ltar zhe na/ rang gi lta ba la mngon par dga' ba dang / yongs su gzung ba dang mi 'bral bar 'dod pa dang / lta ba la 'dod chags dang / lhag par zhen pa dang / rnam par bcings pa dang
173b2 go rims bzhin no//lta ba mi mthun pa rnams yin na ni rang gi lta bar mngon par dga' bar byed pas yongs su zhen pa ni 'di dag ji ltar na bdag gi lta bar 'gyur zhig gu snyam pa'o/ /lta ba mthun pa dag yin na ni de'i lta ba la rjes su chags pa ni lta ba mthun pa de dag gi lta ba ni de'i lta ba'o/ /de'i
173b3 lta ba la rjes su chags pa ni de'i lta ba la rjes su chags pa ste/kun du 'dod chags su rig par bya'o/ /'dir yang lta ba la 'dod chags kyi rgyus zhes bya ba nas/ lta ba kun du 'dod chags kyi rgyus rab tu byung ba rnams dang rab tu byung ba rnams su rtsod par byed do zhes re re la sbyar bar bya'o/ /yang na lta
173b4 ba la 'dod chags dang /lhag par zhen pa dang / rnam par bcings pa ni ji ltar rnam grangs dang po las kun du spyod pa dang / dang du len pa dang / zil gyis gnon pa zhes 'byung ba dang go rims bzhin no/ /sngar ji skad bshad pa lta bu ni dgos pa dag ni brgyad de/ rnam grangs gsungs pa ni 'dul ba tha
173b5 dad pa'i phyir te/de'i tshe dang phyi ma'i tshe kha cig la la las khong du chud par bya ba'i phyir dang zhes bya ba de lta bu la sogs pa'o/ /dge slong dag sems can de dag la ni don spyod pa med/ chos spyod pa med/ bsod nams spyod pa med/ dge ba spyod pa med/ dge legs spyod pa med do zhes bya ba ni mdo sde'i
173b6 dum bu yin no//de gnyis ka la brten nas zhes bya ba ni don dang chos spyod pa la brten nas zhes bya ba'i tha tshig go/ /bsod nams kyi las byed pa ni bsod nams kyi las byed pa'o/ /mi g.yo ba'i las byed pa zhes bya ba ni gzugs dang gzugs med pa na spyod pa'i las ni mi g.yo ba'o/ /de byed pa ni
173b7 byed pa po'o//dge ba spyod pa ste/ mi dge ba spangs pa'i phyir te/ 'di ltar des mi dge ba spangs pa yin no/ /ji ltar na des mi dge ba spangs pa yin zhe na/ gnyen po yin pa'i phyir ro/ /nges par legs pa zhes bya ba rgyas par 'byung ba ni nges par legs pa'i ched du byang chub kyi phyogs dang mthun pa
174a1 sum cu rtsa bdun po dag sgom pa ni dge legs spyod pa'o//ci'i phyir zhe na/ gser bzhin du dri ma med pa'i phyir dang / 'gyur ba med pa'i phyir ro/ /byang chub kyi phyogs dang mthun pa rnams kyi dri ma med pa nyid kyang ci zhig yin/ 'gyur ba med pa nyid kyang ci zhig yin zhe na/
174a2 dri ma med pa nyid ni zag pa med pa nyid yin no/ /'gyur ba med pa nyid ni de rnams las yongs su mi nyams pa nyid kyis rig par bya'o/ /gzhan la mi gnod pa'i phyir ro zhes bya ba ni 'di ltar tshul khrims dang ldan pa ni gzhan dag la gnod pa mi byed de/ srog gcod pa la sogs pa rnams spong ba
174a3 yang dag par blang ba'i phyir ro//don spyod pa dang / chos spyod pa ni snga ma kho na bzhin no// //rnam par bshad pa rigs pa'i bshad pa/ bam po bzhi pa/ dge slong dag byis pa so so'i skye bo thos pa dang mi ldan pa dag ni rgya mtsho zhes tshig tu brjod bar byed do/ /'phags pa'i chos 'dul ba la
174a4 ni de rgya mtsho dang /dge slong dag de ni chu gter chen po dang / chu'i chu bo chen po dang / chu'i tshogs chen po dang / chu'i chu chen po ma yin gyi/ dge slong dag skyes bu'i mig ni rgya mtsho yin no zhes bya ba rgyas par 'byung ba ni mdo sde'i dum bu yin no/ /rtag tu chur 'dug pa'i phyir ro zhes bya ba ni rtag par
174a5 chu yod pa'i phyir ro zhes bya ba'i tha tshig go//chu chen po sdud pa'i don gyis na chu gter chen po ste/ skad kyi dbyings las 'dzin pa'i don du 'byung ba'i phyir ro/ /mi skye ba'i don gyis na chu'i chu bo chen po ste/ chu'i chu bo chen po kho nar snang ba'i phyir ro/ /skye bar mi mngon pa'i phyir gcig tu 'gyur ba'i
174a6 don gyis na chu'i tshogs chen po ste/kun nas 'bab pa'i chu gcig tu 'gyur bas gnas pa'i phyir ro/ /mi zad pa'i don gyis na chu'i chu chen po ste/ chu chen po de ni nam yang yongs su zad par mi 'gyur bas so/ /dge slong dag khyed la gang gis na skye dgu 'di sgrib pa dang / chod pa dang /
174a7 g.yogs pa dang / kun nas g.yogs pa dang / bkag pa dang / yog pa dang / kun nas dkris pa dang / thags 'khrugs pa lta bu dang / dru bu 'dzings pa lta bu dang / rtswa mun dza dang ba la ba dza lta bur 'ong ba dang 'gro bar gyur cing 'jig rten 'di nas 'jig rten pha rol dang 'jig rten
174b1 pha rol nas 'jig rten 'dir kun du rgyug par byed 'khor bar byed/'khor ba las mi 'da' bar byed pa'i sred pa bshad par bya zhes bya ba ni mdo sde'i dum bu yin no/ /de dang 'brel pa'i rnam par rtog pa mang du byed pa'i phyir zhes bya ba ni nor dang / khyim dang / bu dang / chung ma la sogs pa dang
174b2 'brel pa'i rnam par rtog pa mang du byed pa'i phyir zhes bya ba'i tha tshig go//'khor ba las rnam par grol bar dka' ba nyid kyis skye dgu 'di ni dru bu 'dzings pa lta bu ste/ dru bu 'dzings pa ni drub 'gul 'khrugs pa'o/ /de yongs su gzung ba la kun du 'dzin pas zhes bya ba rgyas par 'byung ba ni nor
174b3 dang /khyim dang / bu dang / chung ma la sogs pa de dag yongs su bzung ba ni de yongs su bzung ba'o/ /de yongs su bzung ba la kun du 'dzin pa ni bdag gir 'dzin pa yin pas de yongs su bzung ba la kun du 'dzin pa ste/ de yongs su bzung ba la kun du 'dzin pa des so/ /sdug bsngal mang
174b4 pos gzir ba'i rten du gyur pa nyid kyi phyir ni sdug bsngal mang po dag gis gzir ba ni sdug bsngal mang pos gzir ba'o//de'i rten ni gzhi yin pas sdug bsngal mang pos gzir ba'i rten du gyur pa ste/ de'i dngos po nyid kyi phyir ro/ /rtswa mun dza dang bal ba dza lta bur gyur pa ni rtswa mun dza lta bur gyur
174b5 ba dang /bal ba dza lta bur gyur pa ste/ ji ltar rtswa mun dza dang bal ba dza gdug pa'i gzhi yin pa bzhin no/ /lta bu dang gyur pa'i sgra gnyis ni rnam pa'i don du yang rig par bya ste/ ji ltar zhe na/ thags 'khrugs pa lta bu ni thags 'khrugs pa lta bu'o/ /dru bu 'dzings pa lta bu yang dru bu 'dzings
174b6 pa'i rnam pa'o//de lta bu dang gyur pa'i sgra gnyis ni dpe'i don kyang yin te/ ji ltar zhe na/ thags bzhin du 'khrugs pas thags 'khrugs pa lta bu'o/ /dru bu 'dzings pa 'dra bas dru bu 'dzings pa lta bu ste/ dper na ma lta bu zhes bya ba yang ma dang 'dra zhes bya ba ste dpe'i don du go'o/ /de ltar na zhes
174b7 bya ba rgyas par 'byung ba ni ji skad bstan pa de ltar na 'dun pa dang ldan pa'i phyir thags 'khrugs pa lta bur rig par bya'o//rnam par rtog pa dang ldan pa'i phyir dru bu 'dzings pa lta bur rig par bya'o/ /lhag par zhen pa dang ldan pa'i phyir na rtswa mun dza dang bal ba dza lta bur gyur par rig par bya'o/ /gzhan yang
175a1 zhes bya ba rgyas par 'byung ba ni phrad pa la sred pa dang ldan pa'i phyir thags 'khrugs pa lta bu'o//mi 'bral ba la sred pa dang ldan pa'i phyir dru bu 'dzings pa lta bu'o/ /nyes dmigs kyi gnod pa dang ldan pa'i phyir na rtswa mun dza dang bal ba dza lta bur gyur pa ste/ nyes dmigs
175a2 dag gis gnod pa ni nyes dmigs kyi gnod pa ste/de dang ldan pa'i phyir ro/ /dge slong dag byis pa so so'i skye bo thos pa dang mi ldan pa ni lus la reg pa'i tshor ba sdug bsngal ba/ mi zad pa/ rtsub pa/ tsha ba/ yid du mi 'ong ba/ srog 'phrog pa dag gis mya ngan byed/ dum bur byed/ smre sngags
175a3 'don par byed/brang rdung bar byed/ ngu bar byed/ kun du rmongs par byed do zhes bya ba ni mdo sde'i dum bu yin no/ /rtag tu rtse mi 'jil ba'i rgyun nyid kyis zhes bya ba ni rtsub pa gang yin pa de ni rtse mi 'jil ba ste/ rtag tu mi 'bral ba'i rgyun yin pas rtag tu rtse mi 'jil ba'i rgyun yin no/ /de'i dngos po
175a4 ni nyid kyis yin no//yid du mi 'ong ba ni dran pa'i dus na brjed du mi sto ba nyid kyis so zhes bya ba ni sdug bsngal gyi tshor ba la dmigs pa dran pa'i dus na de las phyir phyogs pa nyid kyi phyir yid du mi 'ong ba zhes bya ba'i tha tshig go/ /mdor na zhes bya ba rgyas par 'byung ba ni bsdu na rang bzhin gyi khyad par gyis tshor
175a5 ba'i khyad par ston par byed pa ni sdug bsngal ba zhes bya ba'i tshig 'dis so//rnam par khyad par gyis tshor ba'i khyad par ston par byed pa ni mi bzad pa zhes bya ba'i tshig 'dis so/ /gnas pa'i khyad par gyis tshor ba'i khyad par ston par byed pa ni rtsub pa zhes bya ba'i tshig 'dis so/ /las kyi khyad
175a6 par gyis tshor ba'i khyad par ston par byed pa ni tshig lhag ma lus pa gsum dag gis so//de la tshor ba rnams kyi las kyi khyad par ni lus dang sems dang srog la gnod pa nyid kyis rig par bya ste/ tsha ba zhes bya ba ni lus la gnod pa ston par byed do/ /yid du mi 'ong ba zhes bya bas ni sems la
175a7 gnod pa ston par byed do//srog 'phrog pa zhes bya bas ni srog la gnod pa ston par byed do/ /gang las drag pa/ sdug bsngal ba zhes 'byung ba ni mdo sde'i dum bu gang las tshe dang ldan pa bde ldan ci khyod la zad par 'gyur ba yod dam/ ci khyod la drag pa/ sdug bsngal ba/ mi bzad pa/ rtsub
175b1 pa/tsha ba/ yid du mi 'ong ba/ srog 'phrog pa skyes pa lus las 'bral zhing mi skye la de bral zhing mi skye bar mngon pa yin nam/ tshe dang ldan pa dag la zhes bya ba rgyas par 'byung ba ni mdo sde'i dum bu gang yin pa de yin no/ /mdo sde'i dum bu der ni rang bzhin la sogs pa'i khyad par gyis te/
175b2 rang bzhin dang / rnam pa dang / gnas pa dang / las kyi khyad par gyis drag pa nyid khyad par du byed do/ /ji ltar zhe na/ sdug bsngal ba zhes bya ba ni rang bzhin gyi khyad par gyis drag pa nyid khyad par du byed pa yin no/ /mi bzad pa zhes bya ba ni rnam pa'i khyad par gyis so/ /rtsub pa zhes bya
175b3 ba ni gnas kyi khyad par gyis so//yid du mi 'ong ba zhes bya ba ni las kyi khyad par gyis drag pa nyid khyad par du byed pa yin no/ /tshor ba de bral ba'am mi ldan par 'dri ba ni go rims bzhin no/ /skabs skabs su de yod par 'dri ba'o/ /zhes bya ba ni skabs skabs su bral ba yod par 'dri ba ni de
175b4 'bral zhing zhes bya ba 'dis so//skabs skabs su de mi ldan pa yod pa yin par 'dri ba ni mi skye bar mngon pa yin nam zhes bya ba 'dis so/ /sdug bsngal nyid gsum ste/ sdug bsngal gyi sdug bsngal nyid dang / 'du byed kyi sdug bsngal nyid dang / 'gyur ba'i sdug bsngal nyid do zhes
175b5 bya ba ni mdo sde'i dum bu yin no//'du byed rnams kyi zhes bya ba rgyas par 'byung ba la/ 'du byed rnams kyi rang gi mtshan nyid mi mthun pa nyid kyis sdug bsngal gyi sdug bsngal nyid ni sdug bsngal nyid sdug bsngal yin pas na sdug bsngal gyi sdug bsngal te/ bska ba'i bska ba bzhin no/ /sdug bsngal gyi
175b6 sdug bsngal nyid yin no//spyi'i mtshan nyid 'byung ba dang 'jig pa mi mthun pa nyid ni spyi'i mtshan nyid 'byung ba dang 'jig pa mi mthun pa nyid de/ de ni spyi'i mtshan nyid 'byung ba dang 'jig pa mi mthun pa nyid kyis 'du byed kyi sdug bsngal nyid de/ 'du byed kyi sdug bsngal yin pas na 'du byed kyi sdug
175b7 bsngal lo//de'i dngos po ni 'du byed kyi sdug bsngal nyid yin no/ /de bzhin du gzhan du gyur pa'i mtshan nyid mi mthun pa nyid kyis 'gyur ba'i sdug bsngal nyid de/ 'gyur ba nyid sdug bsngal yin pas na 'gyur ba'i sdug bsngal nyid yin no/ /gang zhig ces bya ba rgyas par 'byung ba ni tshor ba'i khyad par gang
176a1 zhig sdug bsngal yang ma yin bde ba yang ma yin pa dang /bde ba la sdug bsngal nyid ces bya ba ni dgongs pa can yin gyi/ rang gi mtshan nyid kyis ma yin pa'o/ /de'i dgongs pa ston pa ni ji skad du rang dang spyi'i mtshan nyid gnyis kyis rgyas par bstan ma thag pa lta bu'o/ /
176a2 rang gi mtshan nyid kyis rang bzhin gyi sdug bsngal ba'i dbang du mdzad de sdug bsngal gyi sdug bsngal nyid gsungs pa yin la/ spyi'i mtshan nyid kyis rang bzhin gyis sdug bsngal ba'i dbang du mdzad de/ 'du byed kyi sdug bsngal nyid gsungs la/ 'gyur ba'i sdug bsngal nyid ni 'du byed yid du 'ong ba
176a3 rnams 'gyur ba'o//de ltar na sdug bsngal gyi tshor ba dang de myong bar 'gyur ba'i 'du byed rnams ni sdug bsngal gyi sdug bsngal nyid kyis sdug bsngal ba yin no/ /sdug bsngal yang ma yin bde ba yang ma yin pa'i tshor ba dang de myong bar 'gyur ba'i 'du byed rnams ni 'du byed rnams kyi sdug bsngal nyid kyis sdug
176a4 bsngal ba ma yin no//bde ba'i tshor ba dang de myong bar 'gyur ba'i 'du byed rnams ni 'gyur ba'i sdug bsngal 'di nyid kyis sdug bsngal ba yin no/ /de ltar na zag pa dang bcas pa'i 'du byed thams cad sdug bsngal ba yin no zhes bstan pa yin no/ /srog gcod pa dang / drag shul can dang / lag pa
176a5 khrag dmar ba dang /gsod pa dang / rab tu gsod pa la gnas pa dang / sems can srog chags su gyur pa la ngo tsha med cing / snying mi brtse ba la zhugs pa yin la/ tha na srog chags srin bu dang / spre'u dang / grog sbur yan chad kyi srog gcod pa mi spong ba yin no zhes bya ba ni mdo sde'i dum
176a6 bu yin no//de la zhes bya ba rgyas par 'byung ba ni de la gsad pa'i bsam pa nyid kyis srog gcod pa yongs su bstan pa ni drag shul can zhes bya ba'i tshig 'dis so/ /gsad par sbyor ba nyid kyis ni lag pa khrag dmar ba zhes bya ba 'dis so/ /de gnyi ga la mngon par dga' ba nyid ni bsam pa dang sbyor ba
176a7 la mngon par dga' ba nyid kyis te/gsod pa dang / rab tu gsod pa la gnas pa zhes bya ba 'di gnyis kyis so/ /de'i gzhi nyid kyis ni sems can srog chags su gyur pa la ngo tsha med cing / snying mi brtse ba la zhugs pa yin zhes bya ba 'di gnyis kyis so/ /de dang rjes su 'brel ba nyid kyis ni than
176b1 zhes bya ba nas brtsams nas lhag mas srog gcod pa yongs su bstan pa yin no//rnam grangs gzhan yang srog gcod pa dang zhes bya ba ni drag shul can nyid kyis ni shan pa la sogs pa'i srog gcod pa nyid khyad par du byed pa yin no zhes bya ba bstan pa gang yin pa de yin te/ drag shul can
176b2 zhes bya ba'i tshig 'dis so//drag shul can nyid kyang zhes bya ba rgyas par 'byung ba ni drag shul can nyid kyang lus drag shul can nyid dang / sems drag shul can nyid dang / der gcig tu nges pa nyid dang / der gtan du ba nyid kyis ston par byed de/ /ji ltar byas pas she na/ ngo tsha med pa nyid
176b3 dang /snying mi brtse ba dang ldan pa nyid kyis te/ ngo tsha med cing snying mi brtse ba la zhugs pa yin zhes bya ba 'di gnyis kyis ni der gcig tu nges pa nyid yin par rig par bya'o/ /ngo tsha med pa dang / snying mi brtse ba med pa ni ngo tsha med pa dang snying mi brtse ba'o/ /de dag gang la yod pa de ni ngo tsha med
176b4 pa dang /snying mi brtse ba dang ldan pa'o/ /de'i dngos po ni ngo tsha med pa dang / snying mi brtse ba dang ldan pa nyid de/ des na ngo tsha med pa dang / snying mi brtse ba dang ldan pa nyid kyis so/ /mi spong ba nyid kyis te/ srog gcod pa mi spong ba yin no zhes bya ba'i tshig 'dis ni der gtan du ba nyid yin par rig par
176b5 bya'o//lus drag shul can nyid ni lag pa khrag dmar zhes bya ba'i tshig 'dis rig par bya'o/ /sems drag shul can nyid ni gsod pa dang / rab tu gsod pa la gnas pa zhes bya ba 'dis so/ /dge slong dag srog rnams las gnyid log pa ni stong pa dang / gsog dang / 'bras bu med pa dang /
176b6 don med pa dang / phan yon med pa yin no zhes bya ba ni mdo sde'i dum bu yin no/ /gang dag la gnyid mi 'byung ba zhes bya ba ni gson pa'i bya ba gang dag la gnyid mi 'byung ba zhes bya ba'i tha tshig go/ /de dag med pa'i phyir zhes bya ba rgyas par 'byung ba la/ de dag ni brtson 'grus dang brtson 'grus de las
176b7 'bras bu dang /dge sbyong gi tshul gyi don te/ dge sbyong gi tshul ni dri ma med pa'i lam ste/ de'i 'bras bu mya ngan las 'das pa'i dang / tshe 'di'i bde ba de dag med pa'i phyir srog ni gsog dang zhes bya ba rgyas par 'byung ba dang go rims bzhin no/ /phal cher rnam par smin par mi 'gyur ba'i phyir 'bras
177a1 bu med pa'o zhes bya ba ni gnyid log pa na srog gcod pa la sogs pa la zhugs pa na tshe gzhan gyi las dang /de'i rkyen gyis sems can dmyal ba la sogs par 'grub par 'gyur te/ de'i phyir phal cher zhes bya ba la sogs pa smos so/ /gzhan yang stong pa'i sgra'i don
177a2 tha dad pa nyid du bstan pa ni srog rnams las gnyid kyi gnas skabs sems med pa'i gnyid log pa ni stong pa yin la/gnyid kyi gnas skabs sems dang bcas pa'i ni lhag ma ste snga ma bzhin no/ /ji ltar zhe na/ gsog dang 'bras bu med pa dang / don med pa dang / phan yon med pa yin
177a3 no//tshig bzhi po 'di rnams kyi don kyang snga ma bzhin no/ /mi shes pa dang / the tshom dang / log pa'i shes pa dang ldan pa'i phyir ni mi shes pa dang ldan pa'i phyir rmongs pa'o/ /the tshom dang ldan pa'i phyir mi gsal ba'o/ /log pa'i shes pa dang ldan pa'i phyir mi mkhas pa'o/ /ci'i phyir na
177a4 log pa'i shes pa dang ldan pa'i phyir mi mkhas pa yin la/mi shes pa dang the tshom dang ldan pa'i phyir ma yin zhe na/ tshul bzhin ma yin pa la mkhas pa ni mi mkhas pa ste/ tshul bzhin ma yin pa la zhes bya ba ni phyin ci log la mkhas pa zhes bya ba'i tha tshig go/ /byis pa ni nyes par
177a5 bsams pa sems pa la sogs pas so zhes bya ba ni dge slong dag byis pa ni nyes par bsams pa sems pa yin/nyes par smra ba smra ba yin/ nyes par byed pa'i las byed pa yin no zhes mdo sde las 'byung ba'i phyir ro/ /smras pa/ bsgoms pa las byung ba'i shes rab dang mi ldan pa'i phyir
177a6 mi mkhas pa yin gyi thos pa dang bsams pa las byung ba'i shes rab gnyis ni ma yin no zhes bya ba 'di ci'i phyir zhe na/mi dge ba'i gnyen po ni bsgoms pa las byung ba'i shes rab yin gyi/ thos pa dang bsams pa las byung ba'i shes rab de gnyis ni ma yin no/ /de'i phyir de dang mi ldan
177a7 pa nyid kyi phyir mi mkhas pa zhes bya bar rigs so//gzhan yang zhes bya ba rgyas par 'byung ba ni shes rab ma byang ba nyid kyis byis pa'i rang bzhin can no/ /shes rab zhen pa nyid kyis rmongs pa'i rang bzhin can no/ /shes rab log pa nyid kyis shes rab 'chal ba'i rang bzhin can no/ /thos
177b1 kyang legs par gsungs pa dang nyes par bshad pa'i chos de rnams kyi don shes par mi nus pa nyid kyi phyir na rmongs pa'i rang bzhin can no//de bzhin du de dag rnams la phyin ci log tu mngon par zhen pa'i phyir shes rab 'chal ba'i rang bzhin can yin no/ /gro bzhin skyes dge slong ngam bram
177b2 ze gang la la dag gzugs mi rtag pa/mi brtan pa/ yid brtan du mi rung ba/ 'gyur ba'i chos can gyis che ba yin no snyam du rlom par byed/ mi 'dra'o snyam du rlom par byed/ dman pa ma yin no snyam du rlom par byed de/ gro bzhin skyes dge slong ngam bram ze de thams cad ni de ltar yang dag
177b3 pa ji lta ba bzhin du ma mthong ba'i phyir ro//gro bzhin skyes dge sbyong ngam bram ze tshor ba mi rtag pa dang / 'du shes mi rtag pa dang / 'du byed rnams mi rtag pa dang / rnam par shes pa mi rtag pa/ mi brtan pa zhes bya ba snga ma bzhin no zhes bya ba ni mdo sde'i dum bu yin no/ /gnas skabs mi 'dra ba
177b4 nyid kyi 'jig pa nyid yin te/gnas skabs mi 'dod pa gzhan du 'gro ba'i phyir ro/ /'di ltar 'dug pa dang de las gzhan gnas skabs mi 'dod pa gzhan du 'gro ste/ spyod lam gzhan bsten pa'i phyir ro/ /'di ltar yang lang tsho la bab pa'i gnas skabs nas kyang rga ba'i gnas
177b5 skabs gzhan du 'gro bar byed cing zhes bya ba de lta bu la sogs pa'o//gcig gis ni zhes bya ba rgyas par 'byung ba ni mdo sde'i dum bu gzugs mi rtag pa nas rnam par shes pa'i bar gyi mi rtag pa zhes bya ba'i tshig gcig gis so/ /de skad ces 'byung ba ni lus nye bar len pa'i phung po lnga'i
177b6 mtshan nyid ni 'dus byas kyi mtshan nyid gnyis dang ldan par ston par byed de/'dus byas kyi mtshan nyid skye ba dang / 'jig pa dang ngo / /gnyis kyi ni zhes bya ba rgyas par 'byung ba ni mi brtan pa dang / yid brtan du mi rung ba zhes bya ba'i tshig gnyis kyis te/ gzugs mi brtan pa nas rnam
177b7 par shes pa mi brtan pa'i bar dang /de bzhin du yid brtan du mi rung ba zhes 'byung bas ni gnas pa'i khyad par ston par byed do/ /ji ltar zhe na/ rgyun ni yun mi ring ba dang / dus ma nges pa nyid kyi phyir te/ rgyun gyis gnas pa ni dus yun mi ring ba'i phyir mi brtan pa zhes bya ba 'dis so/ /dus
178a1 ma nges pa nyid kyi phyir ni yid brtan du mi rung ba zhes bya ba 'dis so//bzhi pas ni zhes bya ba rgyas par 'byung ba ni bzhi pa 'gyur ba'i chos can gyis te/ 'gyur ba'i chos can zhes 'byung ba ni gnas pa'i rgyun gyi mtshan nyid de nyid gzhan du 'gyur ba nyid du ston par byed de/
178a2 mi 'dod pa'i gnas skabs gzhan du 'gro ba'i phyir ro/ /gzhan yang gcig gis ni lus mi 'jig pa 'gog par byed la zhes bya ba rgyas par 'byung ba ni mdo sde'i dum bu dang po gzugs mi rtag pa nas rnam par shes pa'i bar mi rtag pa zhes bya ba'i tshig gcig po 'dis lus nye bar len
178a3 pa'i phung po lnga'i mtshan nyid mi 'jig pa'i 'gog par byed pa yin no//gnyis pas te mi brtan pa zhes bya ba 'dis ni yun ring po nas 'jig pa 'gog par byed pa yin no/ /gsum pas te yid brten du mi rung ba zhes bya ba 'dis ni dus nges par 'jig pa 'gog par byed pa yin no/ /bzhi pas
178a4 te 'gyur ba'i chos can zhes bya ba 'dis ni 'gyur ba med par 'jig pa 'gog par byed pa yin no//gzhan yang zhes bya ba rgyas par 'byung ba ni gzhan yang gcig gis ni ste gzugs mi rtag pa nas rnam par shes pa'i bar mi rtag pa 'dis so/ /gnyis kyis ni ste mi brtan pa/ yid brtan
178a5 du mi rung ba zhes bya ba 'di gnyis kyis te go rims bzhin du rigs mthun pa la brten nas yun ring du mi gnas pa nyid kyi phyir dang /dus ma yin par 'chi ba srid pa'i phyir na mi brtan pa/ yid brtan du mi rung ba gnyis kyi rgyun 'jig pa'i mi rtag pa nyid ston par byed do/ /bzhi pas ni ste 'gyur ba'i chos
178a6 can zhes bya ba 'dis so//dang po na zhes bya ba rgyas par 'byung ba ni skad cig mar 'jig pa'i mi rtag pa nyid do/ /rang gi sgras bstan pa ni gzugs mi rtag pa nas rnam par shes pa'i bar mi rtag pa nyid kyis yin gyi rgyun 'jig pa'i mi rtag pa nyid dang / 'gyur ba'i mi rtag pa nyid ni rang gi sgras
178a7 bstan pa ma yin no//don dam pa pa yin pa'i phyir ro zhes bya ba ni skad cig mar 'jig pa'i mi rtag pa nyid don dam pa ma yin te/ skad cig ma las logs shig na rgyun dang 'gyur ba med pas de gnyis ni rang gi sgras ma bstan to/ /'dir smras pa ni rgyas par bshad pa'i don mi 'jig pa
178b1 yun ring zhes bya ba rgyas par 'byung ba'i tshigs su sbyar ba ste/mi 'jig pa bkag pa dang / yun ring por 'jig pa bkag pa dang / dus su 'jig pa bkag pa dang / 'gyur ba med pa 'jig pa bkag pa yin no/ /ji skad du bstan pa/ skad cig dang ni tshe dang ni/ /'gyur zad rnam pa
178b2 gsum yang bstan pa yin te/skad cig mar zad pas ni skad cig mar 'jig pa'i mi rtag pa nyid bstan pa yin no/ /tshe zad pas ni rgyun 'jig pa'i mi rtag pa nyid bstan pa yin no/ /'gyur ba zad pas ni 'gyur ba'i mi rtag pa nyid bstan pa yin no/ /de nas dge slong zhig gcig pu dben par song
178b3 ste nang du yang dag gzhag pa dang /'di lta bur sems la gzugs gang rtag pa dang / brtan pa dang / ther zug dang / mi 'gyur ba'i chos can dang / yang dag par de bzhin du gnas par 'gyur ba'i gzugs de lta bu 'ga' yod dam/ tshor ba dang / 'du shes dang / 'du byed de lta
178b4 bu 'ga' yod dam/rnam par shes pa gang rtag pa dang / brtan pa dang / ther zug dang / mi 'gyur ba'i chos can dang / yang dag par de bzhin du gnas par 'gyur ba'i rnam par shes pa de lta bu yod dam zhes sems kyis yongs su rtogs pa 'byung ngo zhes bya ba ni mdo sde'i dum bu yin no/ /
178b5 rnam pa snga ma mi srid na phyi ma 'dri ba yin pa ni mi rtag pa la sogs pa rnam pa snga ma mi srid na brtan pa la sogs pa phyi ma 'dri ba yin no/ /ji ltar zhe na/ gal te gzugs rtag pa 'ga' yang med na skad cig mar 'jig pa med pa'i phyir dus gzhan du gnas pa med pa'i phyir brtan pa yod dam/ 'on
178b6 te dus gzhan du gnas pa brtan pa med na rgyun 'jig pa med pa'i phyir ther zug yod de/tshe rabs tshe rabs su mi la sogs pa'i rigs gang yin pa kho na'i rgyud yin gyi gzhan ni ma yin no zhes bya ba'i tha tshig go/ /'on te ji skad du bshad pa'i ther zug med na 'gyur ba med pa'i phyir tshe de nyid la skad
178b7 cig skad cig la yang gzhan zhig skye bzhin du 'gyur ba med par skye ba gang yin pa mi 'gyur ba'i chos can zhig yod dam zhes bya ba yin no//skad cig mar 'jig pa la sogs pa zhes rgyas par 'byung ba ni skad cig mar 'jig pa med pa'i phyir brtan pa zhes bya ba'i tshig 'dis gzugs rtag pa
179a1 'ga' yod dam zhes bstan pas rtag pa nyid 'dri bar byed pa yin no//dang po'i skad cig mar 'jig pa la sogs pa med pa'i phyir dang / gnyis pa brtan pa la sogs pa'i sgras ni ther zug ces bya ba'i tshig 'dis rgyud 'jig pa med pa'i phyir ther zug nyid du rtag
179a2 pa nyid 'dri bar byed pa yin la/mi 'gyur ba'i chos can zhes bya ba 'dis ni 'gyur ba med pa'i phyir/ 'gyur ba med pa nyid du rtag pa nyid 'dri bar byed pa yin no/ /de ltar na mi rtag pa nyid gsum po skad cig mar 'jig pa mi rtag pa nyid dang / rgyud 'jig pa mi rtag pa nyid dang 'gyur ba mi rtag
179a3 pa nyid med pa'i phyir brtan pa la sogs pa'i tshig gsum dag gis gzugs gang rtag pa de lta bu 'ga' yod dam zhes yang dag par de bzhin du gnas par 'gyur ba zhes bya bas dris pa yin no//rnam grangs gzhan yang rtag pa ni zhes bya ba rgyas par 'byung ba ni 'dir 'di ltar shes par bya ste/
179a4 go rims bzhin du bstan pa'i tshig gnyis ni bshad pa'i tshig gnyis kyis go rims bzhin du rnam par bshad pa yin no/ /tshig gnyis ni tshig gnyis kyis rnam par bshad pa yin par yang 'og nas bstan par bya'o/ /ji ltar zhe na/ res 'ga' tshig gnyis ni tshig gzhan gnyis kyis rnam par
179a5 'chad de/dper na sems mgu ba dang / sems nyams bde ba zhes bya ba ni sems dga' ba dang / sems dri ma med pa zhes bya ba 'dis so zhes 'byung ba lta bu'o/ /'phags pa nyan thos shes nas dad pa bzhi dag dang ldan pa ni/ 'tsho ba dag gis dbul ba ma yin/ bkren pa ma yin/
179a6 phongs pa ma yin par 'tsho zhing phyug pa dang nor mang bas longs spyod che ba yin no zhes bya ba ni mdo sde'i dum bu yin no/ /'phags pa'i nor bdun dang ldan pa'i phyir zhes bya ba la/ 'phags pa'i nor bdun po dag ni dad pa'i nor dang / tshul khrims kyi nor dang / ngo tsha shes pa'i nor dang / khrel
179a7 yod pa'i nor dang /thos pa'i nor dang / gtong ba'i nor dang / shes rab kyi nor ro/ /'jigs pa lnga dag ste/ 'tsho ba med pa'i 'jigs pa dang / tshigs su bcad pa med pa'i 'jigs pa dang / 'khor gyi nang du bag tsha ba'i 'jigs pa dang / 'chi ba'i 'jigs pa dang / ngan 'gro'i
179b1 'jigs pa'o//'jigs pa lnga po dag las 'tsho ba med pa'i 'jigs pa spang ba'i phyir bkren pa ma yin par 'tsho ba'o/ /tshigs su bcad pa med pa'i 'jigs pa zhes bya ba ni snyan pa med pa'i 'jigs pa'o/ /'khor gyi nang du bag tsha ba'i 'jigs pa ni 'khor gyi nang na bag tsha bas bag
179b2 'khums pa ste/des 'jigs pa'o/ /nor dang / sems dang / 'tsho ba ngan pa dang ldan pa'i phyir ni nor ngan pa dang ldan pa'i phyir dang / sems ngan pa dang ldan pa'i phyir dang / 'tsho ba ngan pa dang ldan pa'i phyir go rims bzhin du dbul ba dang / bkren pa dang / phongs pa nyid du rig par
179b3 bya'o//gal te ting nge 'dzin du byed pas zin cing chu bzhin du 'chor ba la chos nyid kyis zin cing / zhi ba ma yin pa dang / gya nom pa ma yin pa dang / lam bag yangs su gyur pa thob pa ma yin pa dang / sems rgyud gcig tu gyur pa rtogs pa ma yin pa'i ting nge 'dzin de ni 'di lta ste/ zag pa
179b4 rnams zad par bya ba'i phyir yang dag par legs par mnyam par mi 'jog pa yin no//gal te ting nge 'dzin 'du byed pas zin cing / chu bzhin du 'chor ba ma yin la/ chos nyid kyis zin cing / zhi ba dang / gya nom pa dang / lam bag yangs su gyur pa thob pa dang / sems rgyud gcig
179b5 tu gyur pa rtogs pa de lta bu'i ting nge 'dzin de ni 'di lta ste zag pa rnams zad par bya ba'i phyir yang dag par legs par mnyam par 'jog pa yin no zhes bya ba ni mdo sde'i dum bu yin no//'du byed pas zin pa zhes bya ba ni 'bad pa dang bcas pas zin pa zhes bya ba'i tha tshig ste/ yun ring po na
179b6 mngon du 'gyur ba'i phyir ro//chos nyid kyis zin pa zhes bya ba la chos nyid ni bag yod pa'o/ /nyon mongs pa shin tu ma thul ba'i phyir ro zhes bya ba ni nyon mongs pa thag bsring ba'i gnyen pos thag ma bsrings pa'i phyir ro zhes bya ba'i tha tshig go/ /rang gi sa pa'i nyon mongs pa dang 'dres pa nyid kyi
179b7 phyir ro zhes bya ba ni 'di ltar skabs skabs su ro myang ba dang mtshungs par ldan pas dag pa la ro myong bar byed pas so//lam bag yangs su gyur pa thob pa ma yin pa zhes bya ba ni de'i bag yangs su gyur pa ste/ lhun gyis grub par 'byung ba yang yin la/ thob pa yang yin pas bag yangs su
180a1 gyur pa thob pa'o//de nyid lam yin pas lam bag yangs su gyur pa thob pa'o/ /ci'i phyir lam bag yangs su gyur pa thob pa ma yin zhe na/ rang gi ngang gis mi 'byung ba'i phyir te/ lhun gyis grub par mi 'gyur ba'i phyir ro zhes bya ba'i tha tshig go/ /ji ltar na rang gi ngang
180a2 gis mi 'byung zhe na/shin tu ma goms pa nyid kyi rgyus te/ shin tu ma goms pa nyid la brten nas sems rgyud gcig tu gyur pa rtogs pa ma yin pa zhes bya ba la/ rgyud gcig ni rnam pa yin pas rgyud gcig go/ /der gyur pa ni rgyud gcig tu gyur pa'o/ /de rtogs pa ni rgyud gcig tu gyur
180a3 pa rtogs pa ste/sems rnam pa gcig tu gyur pa ma thob pa yin zhes bya ba'i tha tshig go/ /ci'i phyir zhe na/ g.yo ba dang bcas pa nyid kyi phyir te/ skyon dang bcas pa'i phyir ro zhes bya ba'i tha tshig go/ /de la g.yo ba ni bsam gtan dang po na ni rtog pa dang dpyod pa yin gnyis pa na ni dga' ba
180a4 yin/gsum pa na ni bde ba yin no/ /de ltar na rtog pa la sogs pa'i skyon med pa'i phyir bzhi pa ni rgyud gcig tu gyur pa rtogs pa yin te/ mi g.yo ba yin zhes bya ba'i tha tshig go/ /ma zhi ba la sogs pa'i rgyus zhes bya ba ni ma zhi ba nyid nas sems rgyud gcig tu gyur pa rtogs pa ma yin
180a5 pa'i bar gyis so//dkar po'i phyogs ni de las bzlog pas rig par bya'o zhes bya ba ji lta bu zhe na/ gal te ting nge 'dzin 'du byed pas ma zin cing zhes bya ba ni mdo sde'i dum bu'o/ /'du byed pas ma zin pa ni myur du mngon du 'gyur ba'i phyir ro/ /chu bzhin du 'chor ba yin pa ni myur bar mi 'brel
180a6 ba'i phyir ro//chos nyid kyis ma zin pa ni rtag tu bag yod pas bsrung bar bya ba ma yin pa'i phyir ro/ /zhi ba ni de'i mi mthun pa'i phyogs sa 'og ma pa'i nyon mongs pa shin tu thul ba'i phyir ro/ /gya nom pa ni rang gis pa'i nyon mongs pa dang ma 'dres pa nyid kyi phyir ro/ /lam bag yangs su
180a7 gyur pa thob pa ni shin tu goms pa nyid kyi rgyus rang gi ngang gis 'byung ba'i phyir ro//sems rgyud gcig par gyur pa rtogs pa ni mi g.yo ba'i phyir ro/ /de la rtag tu bag yod pas bsrung bar bya ba nyid ma yin pa ni zhi ba la sogs pa'i rgyus rig par bya'o/ 'dir smras pa ni bzlog pa'i dkar po'i
180b1 phyogs de'i bsdu ba yin no//myur du mngon sum du 'gyur ba dang zhes bya ba rgyas par 'byung ba la/ 'du byed zin pa la sogs pa min gyi don ci zhe na/ myur du mngon du 'gyur ba dang zhes bya ba de lta bu la sogs pa'i don tshigs su bcad pas bstan pa'i rgyu smos pa yin no/ /ji ltar zhe na/
180b2 'di ltar 'du byed pas mngon par zin pa ma yin pa de'i phyir myur du mngon du 'gyur ba'o/ /stsogs pa'i sgras ni gang gi phyir chu bzhin du 'chor ba ma yin pa de'i phyir myur bar 'bral ba yang ma yin no/ /gang gi phyir chos nyid kyis zin pa ma yin pa de'i phyir rtag tu bag yod pas bsrung bar
180b3 bya ba nyid ma yin no//zhi ba ma yin pa ma yin te/ ci'i phyir zhe na/ de'i mi mthun pa'i phyogs bcom pa'i phyir ro/ /gya nom pa ma yin pa ma yin te/ de ci'i phyir zhe na/ rang gi nyon mongs pa dang ma 'dres pa'i phyir ro/ /lam bag yangs su gyur pa thob pa yin te/ ci'i phyir zhe na/ shin tu
180b4 goms pas bsgrim pa med par 'byung ba'i phyir ro//rgyud gcig pa yin te/ ci'i phyir zhe na/ mi g.yo ba'i phyir ro/ /gzhan yang tshigs su sbyar bas lung smras pa ni/ myur bar mngon 'gyur nyid kyi phyir/ /zhes bya ba rgyas par 'byung ba ni/ myur bar mngon 'gyur nyid kyi phyir/ /'du
180b5 byed pas ma zin pa yin no//mi nyams phyir chu bzhin 'chor ba ma yin no/ /rtag bsrung phyir chos nyid kyis zin pa yin no/ /nyon mongs min phyir zhi ba yin no/ /dge nyid phyir gya nom pa yin no/ /ngang gis 'byung phyir lam bag yangs su gyur pa thob pa yin no/ /yongs rdzogs phyir rgyud gcig
180b6 tu gyur pa rtogs pa yin te/bsam gtan dang po nas bzhi pa'i bar ni yongs su rdzogs pa yin no/ /gzhan yang dngos gzhi dang dag pa pa yin no/ /de ltar na lung las go rims bzhin du 'du byed pas ma zin pa nas rgyud gcig tu gyur pa rtogs pa'i bar du yin no zhes 'byung ba yin no/ /
180b7 de de ltar na sems mnyam par gzhag pa yongs su dag pa dang / yongs su byang ba dang / nyon mongs pa med pa dang / nye ba'i nyon mongs pa dang bral ba dang / drang por gyur pa dang / las su rung ba dang / gnas pa dang mi g.yo ba thob na zhes bya ba ni mdo sde'i dum bu yin no/ /de ltar
181a1 na zhes bya ba rgyas par 'byung ba ni de ltar na ting nge 'dzin de ni dge ba nyid rnam grangs kyi mtshan nyid dang bcas pa yongs su bstan pa yin te/yongs su dag pa zhes bya ba'i tshig 'di ni dge ba nyid yin la/ yongs su byang ba zhes bya ba 'di ni rnam grangs kyi mtshan nyid yin no/ /
181a2 ji ltar na de dge ba nyid yin pa rnam grangs kyi mtshan nyid dang bcas pa yang yongs su bstan pa yin te/ nyon mongs pa med pa dang / nye ba'i nyon mongs pa dang bral ba zhes bya ba'i tshig 'di gnyis dang go rims bzhin no/ /dbang du byas pa nyid rnam grangs kyi mtshan nyid dang bcas pa yang
181a3 yongs su bstan pa yin te drang por gyur pa dang /las su rung ba zhes bya ba'i tshig 'di gnyis dag go rims bzhin no/ /yongs su grub pa nyid rnam grangs kyi mtshan nyid dang bcas pa yang yongs su bstan pa yin te/ gnas pa dang / mi g.yo ba thob na zhes bya ba'i tshig 'di gnyis kyis
181a4 so//de la sems yongs su dag pa ni yongs su byang ba'i don gyis zhes bya ba de lta bu la sogs pa'i tshig gzhan gcig gis rnam par bshad pa byas nas/ res 'ga' tshig gnyis ni zhes bya ba rgyas par 'byung bas 'di bye brag tu sgrub par byed de/ dper na sems mgu ba dang / sems
181a5 nyams bde ba zhes bya ba ni sems dga' ba dang /sems sgrib pa med pa yin no/ /sems sgrib pa med pa ni sems nyams bde ba yin no/ /de ni sems sgrib pa dang bral ba ste/ de gang la yod pa ni sems sgrib pa med pa ste/ sems sgrib pa med pa de'o/ /de bzhin du res 'ga' tshig
181a6 gcig tshig gzhan gcig gis yin pa ni skal pa yod cing nus pa yin zhes bya ba yin te/skal pa yod cing zhes bya ba'i tshig 'di ni nus pa yin zhes bya ba'i tshig gzhan gyis rnam par 'chad do/ /skal ba yod cing nus pa 'di don gang las 'byung zhe na/ yang dag phul gyi chos bstan pa kun du
181a7 shes par ro//don de nyid tshigs su sbyar bas 'dir smras pa/ mi mthun phyogs dri grol phyir dang / /zhes bya ba rgyas par 'byung ba ni mi mthun pa'i phyogs kyi dri ma dang grol ba'i phyir tshig gnyis kyis yongs su dag pa nyid du rig par bya ste/ yongs su dag pa dang / yongs su byang ba zhes
181b1 bya ba 'di gnyis kyis so//nyon mongs pa med pa'i phyir tshig 'di gnyis kyis nyon mongs pa med pa nyid du rig par bya ste/ nyon mongs pa med pa dang / nye ba'i nyon mongs pa dang bral ba zhes bya ba 'di gnyis kyis so/ /sgrib pa med par 'byung ba'i phyir tshig gnyis kyis drang po nyid du rig
181b2 par bya ste/drang por gyur pa dang / las su rung ba zhes bya ba 'di gnyis kyis so/ /g.yo ba med pa'i phyir tshig gnyis kyis gnas pa nyid du rig par bya ste/ gnas pa dang / mi g.yo ba thob na zhes bya ba 'di gnyis kyis so/ /de ltar na ting nge 'dzin de ni dge ba nyid dang zhes bya ba rgyas
181b3 par ji skad bstan pa de yang de bzhin du tshigs su sbyar bas bsdus pa ni gnyis dang gnyis kyis ting nge 'dzin gyi zhes bya ba rgyas par 'byung ba yin te/gnyis kyis ting nge 'dzin gyi dge ba nyid mtshan nyid dang bcas pa rab tu bstan pa yin te/ yongs su dag pa dang / yongs su byang ba zhes bya ba
181b4 'di gnyis kyis so//gnyis kyis ni ting nge 'dzin gyi dge ba nyid de/ de lta bu yin pa mtshan nyid dang bcas par rab tu bstan pa yin te/ nyon mongs pa med pa dang nye ba'i nyon mongs pa dang bral ba zhes bya ba 'di gnyis kyis so/ /gnyis kyis ni ting nge 'dzin gyi dbang du bya ba nyid mtshan nyid dang
181b5 bcas par rab tu ston pa yin te/drang por gyur pa dang / las su rung ba zhes bya ba 'di gnyis kyis so/ /gnyis kyis ni ting nge 'dzin grub pa nyid mtshan nyid dang bcas par rab tu bstan pa yin te/ gnas pa dang / mi g.yo ba thob na zhes bya ba 'dis so/ /yongs su dag pa ni nyon mongs pa med pa
181b6 dang /nye ba'i nyon mongs pa dang bral ba nyid kyis te zhes bya ba ni nyon mongs pa med pa nyid kyis dang / nye ba'i nyon mongs pa dang bral ba nyid kyis so/ /rnyed pa dang bkur sti dang tshigs su bcad pa dang ldan pa'i 'dod pa rgyu ba dag dang bral ba'i phyir ni rnyed pa dang ldan pa dang / bkur sti dang ldan pa
181b7 dang /tshigs su bcad pa dang ldan pa'i 'dod pa rgyu bdag ste/ 'dod pa 'byung ba dag dang bral ba'i phyir nyon mongs pa med pa nyid kyis yongs su dag pa yin te/ tshe dang ldan pa dga' byed nyon mongs pa zhes bya ba de ni sdig pa 'dod pa rnam pa du ma rgyu ba dag gi tshig bla dgas yin no zhes mdo
182a1 sde las byung ba'i phyir ro//sred pa dang / lta ba dang / nga rgyal dang / the tshom gyi nye ba'i nyon mongs pa dag dang bral ba'i phyir nye ba'i nyon mongs pa dang bral ba nyid kyis yongs su dag pa yin no/ /ji skad bstan pa de ltar na go rims bzhin no/ /ci'i phyir sred
182a2 pa la sogs pa kho na'i nyon mongs pa dang nye ba'i nyon mongs pa dang bral ba nyid kyis yongs su dag pa zhes bstan pa yin zhe na/de dag kho nar yang ma zad mod kyi/ bsam gtan pa sred pa shas che ba dag dang / bsam gtan pa lta ba shas che ba dag dang / bsam gtan pa the tshom shas
182a3 che ba kha cig yod pa de'i phyir nye ba'i nyon mongs pa 'di dag dang bral ba'i phyir de'i sems de yongs su dag pa yin no zhes bstan to//yongs su bya bar ni drang por gyur pa la sogs pa nyid kyis te/ drang por gyur pa nyid kyis dang / las su rung ba nyid kyis dang / gnas pa nyid kyis dang / mi g.yo ba
182a4 thob pa nyid kyis yongs su byang ba yin no//shin tu thul ba'i phyir ro/ /ji ltar shin tu thul ce na/ 'bad pa med par 'byung ba nyid kyis so/ /g.yo ba thams cad dang bral ba'i phyir ro zhes bya ba ni skyon brgyad dang bral ba'i phyir ro zhes bya ba'i tha tshig go/ /skyon brgyad po de dag kyang rtog pa
182a5 dang dpyod pa gnyis dang /dbugs 'byung ba dang rngub pa gnyis dang / bde ba la sogs pa bzhi'o/ /don de nyid 'dir smras pa/ gnyis kyis yongs dag yin la zhes bya ba ni nyon mongs pa med pa nyid dang / nye ba'i nyon mongs pa dang bral ba nyid kyis so/ /tshig gzhan dag gis ni drang
182a6 por gyur pa la sogs pa dag gis so//don drug dag gis go rims bzhin/ /nyon mongs med stsogs nyid shes bya/ /ji ltar byas pas she na/ rnyed 'dod la sogs sred la sogs/ /bral ba'i phyir te/ rnyed pa 'dod pa la sogs pa dang bral ba'i phyir nyon mongs pa med pa nyid du shes
182a7 par bya'o//sred pa la sogs pa dang bral ba'i phyir nye ba'i nyon mongs pa dang bral ba nyid du shes par bya'o/ /shin tu thul ba'i phyir drang por gyur par shes par bya'o/ /mngon shes yon tan rung nyid phyir/ /las su rung ba nyid du shes par bya'o/ /nyams med phyir gnas pa nyid du shes par bya'o/ /
182b1 g.yo zad pa'i phyir mi g.yo ba rnyed pa nyid du shes par bya'o/ /de kun du rgyu ba thag ring du byas pa'i phyir ro zhes bya ba ni rang gi sa pa'i nyon mongs pa dang nye ba'i nyon mongs pa de rnams kun du rgyu ba thag ring du byas pa'i phyir ro zhes bya ba'i tha tshig go/ /'bad pa med pa dang / ji ltar 'dod par
182b2 'byung ba'i phyir ro zhes bya ba ni 'bad pa med par 'byung ba'i phyir dang /ji ltar 'dod par 'byung ba'i phyir ro zhes bya ba'i tha tshig go/ /mi g.yo ba thob pa ni snga ma bzhin no/ /ji ltar zhe na/ bsam gtan bzhi pa ni g.yo ba thams cad dang bral ba'i phyir ro zhes bya ba'o/ /sdom gyi tshigs
182b3 su bcad pa ji lta bu zhe na/ting nge 'dzin dang gnas dang ldang / /nyams bde ba dang spyod yul dang / /mngon par sgrub dang 'phrod pa dang / /mi 'phrod de bzhin gnyi ga dang / /skye dang 'bring dang de bzhin thabs/ /zhi gnas par 'dzin btang snyoms so/ /ting nge 'dzin dang gnas pa dang / /ldang
182b4 ba la sogs pa'i tshig 'di nyid rnams kyis bsdus pa ni mdo sde las 'byung ba ste/bsam gtan pa dag ni bzhi ste/ bsam gtan pa ting nge 'dzin la mnyam par 'jog pa la mkhas la snyoms par 'jug pa la ma yin pa yang yod ces pa nas/ de bzhin du rgyas par gsungs nas/ yang bka'
182b5 stsal pa/bsam gtan ba snyoms par 'jug pa la gnas pa mkhas la ting nge 'dzin la gnas pa mi mkhas pa yang yod/ bsam gtan pa ting nge 'dzin la gnas pa mkhas la snyoms par 'jug pa la gnas pa mi mkhas pa yang yod/ bsam gtan pa ting nge 'dzin la gnas pa yang mkhas
182b6 la snyoms par 'jug pa la gnas pa mkhas pa yang yod/bsam gtan pa ting nge 'dzin la gnas pa yang mi mkhas la snyoms par 'jug pa la gnas pa mi mkhas pa yang yod ces rgyas par 'byung ba nas/ bsam gtan pa ting nge 'dzin la mkhas pa yang yod ces bya ba'i bar du rgyas par
182b7 mu bzhir brjod par bya'o//sa gzhan pa'i ni sems mngon du gyur pa'o/ /'phrod pa ni rnyed pa dang mthun pa yin no zhes bya ba ni gang zhig ting nge 'dzin thob pa dang mthun pa de ni 'phrod pa ste/ 'dis 'phrod par bya ba'i phyir ro/ /mi 'phrod pa ni de dang mi mthun pa yin no zhes bya ba ni thob pa dang mi
183a1 mthun pa yin no//sred pa yang sred pa 'byung bar byed pa dga' ba'i 'dod chags dang ldan pa de dang de la mngon par dga' ba de ma lus par spangs pa dang / bor ba dang / bsal ba dang / zad pa dang / 'dod chags dang bral ba dang / 'gog pa dang / rnam par zhi ba
183a2 dang /nub pa gang yin zhes bya ba ni mdo sde'i dum bu yin no/ /ci'i phyir lhag ma ni bshad pa yin zhe na/ gnas skabs thams cad kyi spong ba kun du bstan pa'i phyir te/ sel ba'i gnas skabs spong ba zhes bya ba ni thams cad la sbyar bar bya'o/ /de yang bor ba zhes bya ba ni tshig 'dis ston par byed do/
183a3 sel ba ni nyon mongs pa skyes pa la phyir phyogs pa'i dngos pos spong ba yin no/ /rnam par gnon pa'i gnas skabs spong ba ni bsal ba zhes bya ba 'dis so/ /mthong ba'i lam gyi gnas skabs spong ba ni zad pa zhes bya ba 'dis so/ /bsgom pa'i lam gyi gnas skabs spong ba ni 'dod chags dang
183a4 bral ba zhes bya ba 'dis so//mi slob pa'i lam gyi gnas skabs spong ba ni 'gog pa zhes bya ba 'dis so/ /kun nas dkris pa dang bral ba'i gnas skabs spong ba dang / bag la nyal ba dang bral ba'i gnas skabs spong ba ni sred pa langs pa ni zhes bya ba rgyas par 'byung bas go bar byed do/ /rnam pa
183a5 gcig kyang ma brjod na zhes bya ba ni bor ba la sogs pa rnam pa gcig kyang zhes bya ba'i tha tshig go//de lta bu'i tshig rnams ni rnam grangs su brjod pa yin yang zhes bya ba rgyas par 'byung ba ni gal te bor ba la sogs pa'i tshig de dag rnam grangs su brjod pa yin yang skyon med par sngar ji skad bstan pa lta bu
183a6 yin no//ji skad du zhe na gal te sangs rgyas rnams kyis rnam grangs gsungs pa dgos pa med pa zhig yin na ni skyon der 'gyur ro/ /'dir dgos pa ci zhig yin zhe na/ dgos pa dag ni brgyad de zhes bya ba rgyas par 'byung bas so/ /rtog ge pa yin/ dpyod pa pa dang / rtog ge la zhugs
183a7 pa dang /rang gi spobs pa dang ldan pa nyid dang / so so'i skye bo dang ldan pa nyid dang / dpyod pa'i rjes su dpyod pa'i sa la gnas pa yin zhes bya ba ni mdo sde'i dum bu yin no/ /de'i spyod yul las mi 'da' ba nyid kyis zhes bya ba ni rtog ge'i spyod yul las mi 'da' ba'i phyir rtog ge pa yin no zhes
183b1 bya ba'i tha tshig go//des na dpyod ba pa dang zhes bya ba rgyas par 'byung ba ni rgyu gang gis de'i spyod yul las ma 'das pa des na dpyod pa pa dang / rtog ge la zhugs pa'i sa la gnas pa zhes 'byung ba smos pa yin te/ rang gi spobs pa dang ldan pa rnams kyi sa zhes 'og nas 'chad de/ rang
183b2 gi spobs pa dang ldan pa zhes bya ba'i tshig 'dis go bar byed do//so so'i skye bo rnams kyi zhes bya ba 'di la yang sa sbyar bar bya'o/ /de yang so so'i skye bo dang ldan pa zhes bya ba'i tshig 'dis te/ so so'i skye bo la yod pa'i phyir so so'i skye bo dang ldan pa ste de dang ngo / /sa mngon par rtogs pa dang
183b3 ldan pa de yang dpyad pa'i rjes su dpyod pa'i zhes bya ba'i tshig 'dis bstan to//de kho na'i lung dang ldan pa ma yin pa ni de kho na'i 'am de kho na la yod pa'i lung ni de kho na'i lung ngo / /de kho na'i lung de dang mi ldan pa ni de kho na'i lung dang ldan pa ma yin pa'o/ /de ltar na tshig gcig ni zhes bya ba
183b4 rgyas par 'byung ba ni ji ltar rnam par bshad pa de ltar na tshig gcig ni bstan pa kho na yin te/rtog ge pa yin zhes bya ba yin no/ /gnyis ni bshad pa yin te/ dpyod pa dang rtog ge la zhugs pa'i sa la gnas pa zhes bya ba yin no/ /tshig gsum pa ni bstan pa yin te/ rtog ge ba la zhugs
183b5 ba'i sa la gnas ba zhes bya ba yin no//de nyid kyi bshad pa ni gsum yin no zhes brjod par bya'o/ /gsum po gang dag cig ce na/ rang gi spobs pa dang ldan pa dang / so so'i skye bo dang ldan pa dang / dpyod pa'i rjes su dpyod pa'i sa la gnas pa yin zhes bya ba yin no/ /de yang tshe rabs snga
183b6 ma la zhes bya ba rgyas par 'byung ba ni rtog ge la zhugs pa'i sa de yang tshe rabs snga ma rtog ge la goms pas bsgos pa'i sems kyi rgyud ni spobs pa dang ldan pa zhes bya ba'i tshig 'dis ston par byed do//de kho na mthong ba dang bral ba zhes bya ba la de kho na mthong ba ni de kho na ma mthong ba ste/ de dang
183b7 bral ba'o//sa de ni rgyud ces bya ba ste/ so so'i skye bo dang ldan pa zhes bya ba 'dis ston par byed do/ /sa de ni rtog ge la 'dres par byas pa thog ma med pa nas zhugs pa ste/ dbang po med pa nas zhugs pa kho na ste/ dpyod pa'i rjes su mthun pa'i sa la gnas zhes bya ba'i tshig 'dis ston
184a1 bar byed do//gzhan yang lung las ni zhes bya ba rgyas par 'byung ba la rtog ge pa ni de'i ngang tshul yin pa'i phyir yang rig par bya ste/ rtog ge'i ngang tshul can ni rtog ge ba ste/ dpyod pa pa zhes bya ba'i tshig 'dis rig par bya'o/ /brtag rtog phyir yang rig par bya ste/
184a2 gang la rtog ge'i yul med pa nyid ni brtag par bya ba ma yin pa la rtog pa'i phyir na ma yin no/ /de yang rtog ge la zhugs pa'i sa la gnas pa zhes bya ba 'dis so/ /sngon goms phyir yang rtog ge bar rig par bya ste/ rang gi spobs pa dang ldan pa zhes bya ba'i tshig 'dis so/ /mngon sum du ma
184a3 byas phyir yang rtog ge par rig par bya ste/so so'i skye bo dang ldan pa zhes bya ba'i tshig 'dis so/ /mngon sum du ma byas pa nyid kyang de kho na mngon sum du mi byed pa ste/ so so'i skye bo yang de kho na mngon sum du mi byed pas so/ /lung la mi brten nyid phyir zhes bya ba la lung la mi brten pa ni
184a4 lung la mi brten pa ste/de'i dngos po de'i phyir rtog ge bar rig par bya ste/ dpyod pa dang 'brel pa'i sa la gnas pa yin zhes bya ba'i tshig 'dis rig par bya'o/ /brtson phyir zhes bya ba rgyas par 'byung ba ni brtson pa'i phyir rtog ge phun sum tshogs pa yin pa nas yongs su byang bar byas pa'i
184a5 phyir gyi bar gyis rtog ge phun sum tshogs pa yin no//de dang ldan pa ni rtog ge pa yin no zhes bya ba ni rtog ge phun sum tshogs pa rnam pa lnga po de dang ldan pa ni rtog ge pa yin no zhes bya ba'i tha tshig go/ /rtog ge phun sum tshogs pa rnam pa lnga po de yang dpyod pa pa zhes bya ba de la sogs pa tshig lnga
184a6 rnams dang go rims bzhin no//tshad ma'i rigs pa rnam pa gsum yongs su gzung ba'i phyir ro zhes bya ba ni tshad ma rnam pa gsum po mngon sum dang / rjes su dpag pa dang lung ngo / /tshad ma rnam pa gsum de nyid rigs pa yin pas tshad ma'i rigs pa rnam pa gsum ste/ de yongs su gzung
184a7 ba de'i phyir ro//de ni so so'i skye bo rnams kyi sa yin na zhes bya ba ni sa gang la tshad ma'i rigs pa rnam pa gsum yongs su gzung ba yod pa'o/ /dge slong dag skyes bu gang zag yid la gcags pa can gyi 'chi ba ni bzang po ma yin/ dus byed pa ni bzang po ma yin/ tshe phyi ma ni bzang po
184b1 ma yin no zhes bya ba ni mdo sde'i dum bu yin no//go rims bzhin du zhes bya ba rgyas par 'byung ba ni sems nyams pas 'chi ba'i phyir dang / rmongs pas 'chi ba'i phyir 'chi ba ni bzang po ma yin par rig par bya'o/ /'chi ba ni 'chi ba'i skad cig nyid yin par rig par mi bya'o/ /'o na ci
184b2 zhe na/'chi bar nges pa'i yin no/ /de lta bu ni sems nyams pa la sogs pa'i gnas skabs yin no/ /bsod nams ma byas par 'chi 'pho ba'i phyir na dus byed pa ni bzang po ma yin par rig par bya'o/ /dus byed pa yang 'chi ba'i srid pa'i phung po dang bral ba ste 'chi 'pho ba yin no/ /
184b3 'gro ba mi 'dod par 'gro ba'i phyir na tshe phyi ma ni bzang po ma yin par rig par bya'o/ /tshe phyi ma yang srid pa'i kun du sbyor ba ma zad pa rnams kyi 'gro ba kho na yin no/ /bzang po gsum yin no zhes bya ba ni 'chi ba dang / dus byed pa dang / tshe phyi ma yin te/ 'dir yang shing shun can khyod
184b4 la 'dun pa'am/'dod chags med pas khyod kyi 'chi ba ni bzang po yin/ dus byed pa ni bzang po yin/ tshe phyi ma ni bzang po yin no zhes mdo sde las gsungs pa'i phyir ro/ /de ltar na phung po rnams dang bral ba tsam ni dus byed pa zhes bya bar grub ste/ dgra bcom pa ni phung po
184b5 gzhan du nying mtshams mi sbyor ba'i phyir ro//de'i mya ngan las 'das pa ni tshe phyi ma zhes bya bar grub ste/ dgra bcom pa ni 'gro ba thams cad bcad pa'i phyir ro zhes rgyas par gsungs so/ /dge slong dag de'i phyir khyed kyis tsher ma phyung ba rnams dang / tsher ma dkrugs pa rnams dang /
184b6 tsher ma dang bral ba rnams dang / tsher ma med pa rnams gang yin par 'gyur bar bya'o snyam du de ltar bslab par bya'o/ /ci'i phyir zhe na/ dgra bcom pa ni tsher ma med pa rnams yin no zhes bya ba ni mdo sde'i dum bu yin no/ /so sor rtog pa'i stobs la brten nas zhes bya ba ni shes rab kyi khyad
184b7 par gyi stong pa la brten nas so//bsgom pa'i stobs la brten nas zhes bya ba ni ting nge 'dzin gyi khyad par gyi stobs la brten nas so/ /mthong ba'i lam gyi bag la nyal gyi phyogs yang dag par bcom pa'i phyir zhes bya ba ni mthong ba'i lam gyis phra rgyas brgyad yang dag par bcom pa'i phyir
185a1 tsher ma dang bral ba rnams so//'bras bu dang po la zhes bya ba ni rgyun du zhugs pa'i 'bras bu la'o/ /gnyis pa la yang 'bras bu zhes bya bar gnas pa yin/ de yang lan cig phyir 'ong ba'i 'bras bu yin no/ /gsum pa la ni phyir mi 'ong ba'i 'bras bu la ste/ de mtha'
185a2 dag spangs pa'i phyir zhes bya ba'i tha tshig go///rnam par bshad pa rigs pa'i bshad pa/ bam po lnga pa/ dang ba skyes nas 'gro bar byed/ /song nas chos nyan par byed do/ /des chos de thos nas sems par byed do/ /bsams nas 'jal bar byed do/ /bcal nas nye bar rtog
185a3 par byed la/bden pa de yang lus kyis mngon sum du byed cing / shes rab kyis so sor 'bigs par byed do zhes bya ba ni mdo sde'i dum bu yin no/ /'jal bar byed pa ni rigs pas te/ legs par gsungs pa nyid kyi khyad par dmigs kyis 'byed pa'i phyir ro/ /de la rigs pa tshad ma rnam
185a4 pa gsum gyis yin pas na rigs pas te'o//legs par gsungs pa nyid ni phyin ci ma log pa nyid de/ de'i khyad par dmigs kyis 'byed pa'i phyir ro/ /khyad par yang 'phags pa'i bden pa dang mthun pa bstan pa'o/ /sangs rgyas bcom ldan 'das rnams kyi ni dper na byang gi sgra mi snyan
185a5 pa rnams yin no zhes gsungs pa lta bu ste/thams cad kyang legs par gsungs pa nyid yin pas de'i phyir de'i khyad par bstan pa ni ji skad smos pa lta bu yin no/ /yang na legs par gsungs pa nyid ni gzhan dag gi chos rnams las khyad par yin no/ /bsgom pa'i rnam pas te zhes bya ba ni
185a6 mnyam par gzhag pa'i rnam pas te'o//bden pa de yang zhes bya ba ni 'gog pa'i bden pa'o/ /yang dag pa ji lta ba bzhin du mngon par rtogs pa'i phyir ro zhes bya ba ni yang dag pa ji lta ba bzhin du mngon par rdzogs par byang chub pa'i phyir ro zhes bya ba'i tha tshig go/ /sems pas ni bsams pa
185a7 las byung ba'i shes pa ston par byed do//'jal ba dang nye bar rtogs pa nyid kyis ni mthong ba dang bsgom pa'i lam gyi bsgoms pa las byung ba'i shes ba ston par byed do/ /ji ltar byas pas mthong ba dang bsgom pa'i lam gnyis kyis 'jal bar byed ce na/ mthong ba'i lam gyis ni zhes bya ba
185b1 rgyas par 'byung ba ste/de la de bzhin nyid ni gang zag dang chos la bdag med pa'o/ /de so sor rtog pa ni mngon par rdzogs par byang chub pa'o/ /sgro 'dogs pa med pa dang skur pa 'debs pa med pa nyid kyis te/ bdag gam bdag gi'o zhes sgro 'dogs pa med pa dang / rnam
185b2 par smin pa med do//sdug bsngal la sogs pa'i bden pa med do zhes skur ba mi 'debs pas mnyam pa la 'jog par byed pa'i phyir de ltar na 'jal bar byed pa yin no/ /gnas gyur pa nyid kyis te/ rnam par grol ba thob pa'i phyir ro/ /gnas gyur pas na gnas gyur pa nyid kyis
185b3 so//ji ltar na gnas gyur pa nyid kyis she na/ rnam par grol ba thob pa'i phyir ro/ /rnam par grol ba yang sems nyon mongs pa'i bag la nyal gyi gnas ngan len dang bral ba'o/ /rnam par grol ba'i ye shes kyis so zhes bya ba ni rnam par grol ba'i mtshan nyid ji skad bstan pa la ye shes
185b4 'byung ba ni rnam par grol ba'i ye shes te/rnam par grol ba la dmigs pa'i ye shes gang yin pa'o/ /de ltar na zhes bya ba rgyas par 'byung ba ni ji skad bstan pa de lta na'o/ /dad pa la brten nas zhes bya ba ni dad pa skyes nas 'gro bar byed ces bya ba'i tshig 'dis ston par byed do/ /
185b5 tshogs dang bcas pa'i lam ston par byed pa ni chos nyan par byed do/ /des chos de thos nas sems par byed do zhes bya ba'i tshig 'di gnyis kyis ni tshogs ston par byed do/ /bsams nas 'jal bar byed do/ /bcal nas nye bar rtog par byed la zhes bya ba 'dis ni lam gnyi ga kun du
185b6 ston par byed do//lam gyi 'bras bu rnam par grol ba kun du ston par byed pa ni bden pa de yang lus kyis mngon sum du byed cing zhes bya ba'i tshig 'dis so/ /rnam par grol ba'i ye shes kun du ston par byed pa ni shes rab kyis so sor 'bigs par byed do zhes bya ba'i tshig 'dis so/ /
185b7 dge slong tshul khrims dang ldan pa dge ba'i chos can gyis gang gi bsod snyoms yongs su spyod nas sems la tshad med pa'i ting nge 'dzin lus kyis mngon sum du byas nas rdzogs par byas te gnas na gzhi de las sbyin pa po dang sbyin bdag gi bsod nams rgyun rgyas pa dang / dge ba
186a1 rgyun rgyas pa dang /bde ba 'dren pa tshad med pa yod par rig par bya'o zhes bya ba ni mdo sde'i dum bu yin no/ /dad pa la sogs pa'i sgras ni bag yod pa dang / shin tu sbyangs pa dang btang snyoms la sogs pa dge ba mang po pa rnams so/ /de'i zhes bya ba ni sbyin
186a2 bdag gi'o//de gnyis zhes bya ba ni ji skad bstan pa'i bag chags gnyis so/ /go rims bzhin du zhes bya ba ni 'bras bu rnam par smin pa yid du 'ong ba 'grub par byed pa'i bag chags brtas pa'i khyad par du 'gro ba dag ni bsod nams rgyun byas pa tshad med pa yin par rig par bya'o/ /dad
186a3 pa la sogs pa dge ba'i chos kyi rgyu mthun pa'i 'bras bu 'grub par byed pa'i bag chags brtas pa'i khyad par du 'gro ba dag ni dge ba rgyun rgyas pa tshad med pa yin par rig par bya'o//rgyun rgyas pa yang rgyun 'phel ba'o/ /de rgyun rgyas pa yang zhes bya ba ni bag chags de gnyis nyid do/ /de gnyis
186a4 kyi khams brtas pa zhes bya ba ni sbyin pa las byung ba'i bsod nams dang /de rab tu 'jug par byed pa'i dge ba yang dag pa'i lta ba de gnyis kyi sa bon brtas pa'o/ /yang dag pa'i lta ba thams cad dge ba yin na dge ba yang dag pa'i lta ba zhes dge ba smos pa ni dge ba rgyun rgyas pa zhes bya ba'i
186a5 tshig 'di dang 'dra ba nyid du bya ba'i phyir ro//ji ltar na de'i de gnyis kyi khams brtas pa yin zhe na/ yon gnas kyi khyad par gyis sbyin par bya ba'i dngos po yongs su spyad pa'i phyir ro/ /de gnyis kyi zhes bya ba rgyas par 'byung ba ni bsod nams rgyun rgyas pa dang / dge ba rgyun rgyas pa
186a6 gnyis kyi 'bras bu'i sa bon brtas pa ni bde ba 'dren pa yin te/'dis 'dren par byed pas 'dren pa ste/ sbyin pa las byung ba'i bsod nams rgyun rgyas pa 'bras bu yid du 'ong ba'i rnam par smin pa'i rgyu yin pa'i phyir te/ 'di ltar 'bras bu yid du 'ong ba'i rnam par smin pa'i rgyu yin pas
186a7 so//rdzu 'phrul gyi yul rnam pa mang po nyams su myong bar byed de/ gcig tu gyur nas mang por 'gyur/ mang por gyur nas gcig tu 'gyur la/ snang bar gyur cing mi snang bar 'gyur ba yang shes pa dang mthong bas nyams su myong bar byed pa dang / rtsig pa la yang thad kar 'gro/ /ri la yang
186b1 thad dkar 'gro/ra ba la yang thad kar 'gro ste/ lus kyis mi thogs par 'gro la/ /sa la yang steng du 'byung ba dang byi'u zul byed de/ dper na chu la bya ba bzhin no/ /chu la yang mi nub pa'i rgyun gyis 'gro ste/ dper na sa la bya ba bzhin no/ /nam mkha' la yang skyil mo krung gis
186b2 'gro ste/dper na 'dab chags bya bzhin no/ /nyi ma dang zla ba 'di gnyis ni 'di ltar rdzu 'phrul che ba 'di ltar mthu che ba 'di ltar gzi brjid che ba la yang lag pas 'dzin cing nyug par byed/ kun du nyug par byed do/ /tshangs pa'i 'jig rten gyi bar du sems can rnams la lus kyis dbang
186b3 bsgyur ro zhes bya ba ni mdo sde'i dum bu yin no//de nyams su myong bar ston te zhes bya ba ni rdzu 'phrul gyi yul rnam pa mang po nyams su myong bar ston to zhes bya ba'i tha tshig go/ /de rgyas par byed pa dang sdud pa'i phyir ro zhes bya ba ni rdzu 'phrul rgyas par byed pa dang sdud pa'i phyir ro zhes bya ba'i tha tshig ste/
186b4 gcig tu gyur dus mang por 'gyur mang por gyur nas gcig tu 'gyur la zhes bya ba 'dis bstan to/ /re zhig 'di ni dbang rnam pa dang po'o/ /ston pa dang mi ston pa la dbang ba ni ji lta bu zhe na/ lus snang bar byed pa dang / snang bar mi byed pa'i phyir ro zhes bya ba ni snang bar byed pa'i phyir dang /
186b5 snang bar mi byed pa'i phyir ro/ /tshig gang gis bstan zhe na/ snang bar gyur cing mi snang bar 'gyur ba yang shes pa dang mthong bas nyams su myong bar byed pa zhes bya bas so/ /de la lus snang bar byed pa ni snang bar gyur pa'o/ /snang bar mi byed pa ni mi snang bar 'gyur ba yang shes pa dang mthong
186b6 bas nyams su myong bar byed pa'o//bdag snang bar gyur ba ni gzhan gyi shes pas dang mthong bas te/ yid kyi rnam par shes pa dang mig gi rnam par shes pas nyams su myong bar byed ces bya ba'i tha tshig go/ /shes pa smos pa ni gtso bo nyid yin pa'i phyir ro/ /mi snang bar 'gyur ba yang de
186b7 bzhin no//'di ni dbang rnam pa gnyis pa'o/ /thad kar dang bla dang 'og thogs pa can la yang 'gro ba'i phyir ro zhes bya ba la/ thad kar 'gro ba ni rtsig pa la yang thad kar 'gro/ ri la yang thad kar 'gro/ rab la yang thad kar 'gro ste zhes gsungs pa'i phyir ro/ /bla dang 'og la ni sa
187a1 la yang steng du 'byung ba dang byi'u zul byed de zhes gsungs pa'i phyir ro//'di ni dbang rnam pa gsum pa'o/ /gnas pa la dbang ba ni thogs pa med pa las kyang mi ltung ba'i phyir ro zhes bya ba ni chu la yang mi nub pa'i rgyun gyis 'gro ste/ dper na sa la bya ba bzhin no/ /
187a2 nam mkha' la skyil mo krung gis 'gro ste/ dper na 'dab chags bya bzhin no zhes bya ba'i tshig 'dis bstan te/ 'di ni dbang rnam pa bzhi pa'o/ /'gro ba dang khams khyad par du 'phags pa'i gnas gnyis su zhes bya ba rgyas par 'byung ba ni 'gro ba khyad par du 'phags pa'i gnas su rang
187a3 gi lus 'jug pa la dbang ba dang /khams khyad par du 'phags pa'i gnas su rang gi lus 'jug pa la dbang ba ste/ 'di gnyi ga bsdus nas dbang rnam pa lnga pa'o/ /nyi ma dang zla ba 'di gnyis zhes bya ba rgyas par 'byung bas ni 'gro ba khyad par du 'phags pa'i gnas su rang gi lus 'jug
187a4 pa la dbang bstan to/tshangs pa'i 'jig rten gyi bar du sems can rnams la lus kyis dbang bsgyur ro zhes gsungs pas ni khams khyad par du 'phags pa'i gnas su rang gi lus 'jug pa la dbang ba bstan to/ /tshangs pa'i 'jig rten ni lha'i 'gro bar 'gro ba'i phyir khams kyi khyad par du
187a5 dbye ste/gzugs kyi khams su gtogs pa'i phyir ro/ /nyi ma dang zla ba gnyis ni 'dod pa'i khams su gtogs pa'i phyir ro/ /rtsig pa dang ri dang ra ba dag smos pa ste/ rtsig pa la yang thad kar 'gro/ ri la yang thad kar 'gro/ ra ba la yang thad kar 'gro zhes bya ba ni/ gtsug lag
187a6 khang dang ri dang grong na gnas pa na rig par bya ste/rtsig pa la yang thad kar 'gro ste/ lus kyis mi thogs par 'gro ba ni gtsug lag khang na gnas pa'o/ /grong na gnas pa'i bar la yang de bzhin no/ /'jig tshogs 'gog pa mya ngan las 'das pa la sems 'jug par byed/ dad par
187a7 byed/kun du gnas par byed/ rnam par grol bar byed ces bya ba ni mdo sde'i dum bu yin no/ /'jig tshogs zhes bya ba ni nye bar len pa'i phung po lnga yin par dgongs so/ /de la zhes bya ba rgyas par 'byung ba ni mya ngan las 'das pa de la mi skrag pa'i phyir na sems 'jug par byed ces bya
187b1 bar shes par bya ste/de la rab tu 'jug par byed ces bya ba'i tha tshig go/ /de la mngon par dga' ba'i phyir na dad par byed ces bya bar shes par bya'o/ /rtse gcig ba nyid kyi phyir na kun du gnas par byed ces bya bar shes par bya'o/ /ma chags par 'byung ba'i phyir na rnam par grol bar byed ces
187b2 bya bar shes par bya'o//bzlog pa'i phyir ni bzlog pa yin no/ /ji ltar zhe na/ mya ngan las 'das pa la skrag pa'i phyir 'jug par mi byed pa nas/ ma chags par mi 'byung ba'i phyir rnam par grol bar mi byed ces bya ba'i bar du shes par bya'o/ /de lta na ni rgyu ba bstan pa yin gyi/ ji ltar
187b3 rnam grangs dang pos 'jug par byed ces bya ba la sogs pa'i tshig rnams kyi don mi skrag phyir dang zhes bya ba la sogs pa yin par bstan pa ltar don ni ma yin te/brjod par bya ba ni ma yin no zhes bya ba'i tha tshig go/ /thos pa la sogs pa de ni rgyu yang ma yin no/ /ci'i phyir zhe na/ 'di ltar mdo
187b4 las/tshe dang ldan pa 'dun pas kyang zhes bya ba rgyas par 'byung ba ste/ 'on kyang bdag 'du byed thams cad zhi bar gnas pa dang / stong pa nyid du dmigs pa dang / sred pa zad pa dang / 'dod chags dang bral ba dang / 'gog pa dang / mya ngan las 'das pa la sems 'jug par mi
187b5 byed/dad par mi byed do zhes 'byung ba'o/ /de la thos pa las byung ba dang / bsams pa las byung ba'i shes rab kyang med pa ni ma yin te/ ji ltar shes she na/ 'di ltar gnas brtan bdag kyang zhes rgyas par gsungs pa yin no/ /gsungs pa de kho na'i phyir mang du thos pa nyid yin te/
187b6 mang du thos pa nyid kyi phyir ni thos pa las byung ba'i shes rab bo/ /rgyud yongs su smin pa nyid kyi phyir ni gnyis ka yang yod de/ thos pa las byung ba dang / bsams pa las byung ba'i shes rab med par ni rgyud yongs su smin par 'gyur ba ni ma yin pas so/ /de lta bas na zhes bya ba rgyas
187b7 par 'byung bas ni mjug sdud par mdzad do//bar chad dang bcas pa dang bar chad med par kun du rgyu ba'i phyir te/ bar chad dang bcas pa ni rgyun ring du bar chad pa'o/ /bar chad med pa ni yun thung ngur bar chad pa'o/ /de nyid kyi phyir zhes bya ba rgyas par 'byung ba ni de nyid kyi phyir yid phyir
188a1 ldog ste/'di ltar nga'o snyam pa'i nga rgyal rags pa bar chad dang bcas pa dang / bar chad med pa kun du rgyu ba'i phyir ro/ /de nyid kyi phyir mya ngan las 'das pa las yid phyir ldog go/ /yid nyid yid do/ /yongs su yi chad pa'i rgyus te yongs su yi 'chad
188a2 pa ni 'dod pa'i khams kyi 'dod chags dang bral ba rnams la yid bde ba'i rnam pa 'byung gi /yid mi bde ba ni ma yin te/ de'i khams kyi 'dod chags dang bral ba'i phyir ro/ /yongs su yi chad pa'i rgyus ni brten nas te/ de'i rgyu las byung zhes bya ba'i tha tshig go/ /ji ltar yid
188a3 phyir ldog ce na/'o na da nga'i bdag gang yin snyam du'o/ /de la mi skrag pa la sogs pa dang ldan pa'i phyir gyi sogs pa'i sgras ni mngon par dga' ba dang / rtse gcig pa nyid dang / ma chags par 'byung ba'i phyir ro/ /dge slong dag 'di la mig gi dbang po bsrung ba'i phyir dang / sba ba'i
188a4 phyir dang /dul bar gnas par bya ba'i phyir rab tu zhugs pa yin no/ /yid kyi dbang po'i bar du yang de bzhin no zhes bya ba ni mdo sde'i dum bu yin no/ /ji ltar na go rims bzhin du zhe na/ dran pa la brten nas mig gi dbang po bsrung ba'i phyir rab tu zhugs pa yin no/ /ting nge 'dzin la
188a5 brten nas sba ba'i phyir rab tu zhugs pa yin no//shes rab la brten nas dul bar gnas par bya ba'i phyir rab tu zhugs pa yin no/ /dul ba nyid dul bar gnas pa ste zhi gnas bzhin no/ /gzhan yang zhes bya ba rgyas par 'byung ba ni yul gang la mig gi dbang po de 'jug par bya ba'i yul de
188a6 la bsrung bar bya ba'i phyir rab tu zhugs pa yin te dran pas byin gyis brlabs pa'i phyir ro//yul gang la mig gi dbang po de 'jug par bya ba ma yin pa de la ni sba ba'i phyir rab tu zhugs pa yin te/ de mi 'jug pa'i phyir ro zhes bya ba ni mig gi dbang po de mi 'jug pa'i phyir ro zhes bya ba'i tha tshig
188a7 ste dran pas byin gyis brlabs pa'i phyir ro//de'i sgo nas nyon mongs pa kun du rgyu ba'i ni mig gi sgo de nas kun du rgyu ba ste/ de'i sgo nas nyon mongs pa kun du rgyu ba de ni de'i sgo nas nyon mongs pa kun du rgyu ba'i bag la nyal yang dag par gzhom pa'i phyir zhes bya ba rgyas par smos so/ /dge slong
188b1 dag dbang po drug po 'di dag shin tu dul ba dang /shin tu spas pa dang / shin tu bsrungs pa dang / shin tu bsdams pa dang / shin tu bsgoms pa ni phyi ma la bde ba 'dren pa yin no/ drug po gang dag ce na/ mig gi dbang po nas yid kyi dbang po'i bar zhes bya ba ni mdo sde'i dum bu yin
188b2 no//dran pa dang shes bzhin nyid kyis te/ shes bzhin ni shes rab bo/ /de ltar na zhes rgyas par 'byung ba ni ji skad bstan pa de ltar na shin tu dul ba zhes bya ba'i tshig 'dis sems dul ba yongs su bstan pa yin no/ /ci'i phyir zhe na/ mig gi dbang po sems kun du rgyu ba dul bar byed pa'i phyir
188b3 mig gi dbang po la sogs pa dag ni shin tu dul ba yin no//shin tu sbas pa dang zhes bya ba'i tshig de la sogs pa rnams kyis ni sems dul ba'i thabs yongs su bstan pa yin no/ /'di yang smras pa zhes bya ba rgyas par 'byung ba ni dran pas nyon mongs pa'i kun nas dkris pa ma skyes pa'i
188b4 phyir na spas pa yin no//shes bzhin gyis ni nyon mongs pa'i kun nas dkris pa skyes pa las te byung ba las bsrungs pa yin no/ /gnon dang rtsa ba bcom gnyis kyis/ /bsdams dang bsgoms pa yin par 'dod/ /rnam par gnon pas ni shin tu bsdams pa yin par 'dod do/ /rnam par gnon
188b5 pa yang 'jig rten pa'i bsgom pa'i lam gyis so//rtsa ba bcom pas shin tu bsgoms pa yin par 'dod do/ /rtsa ba ni bag la nyal lo/ /rtsa ba bcom pa yang 'jig rten las 'das pa'i lam gyis so/ /lung las ni 'jug par bya ba ma yin pa la mi 'jug pa'i phyir te/ 'jug par bya ba ma yin
188b6 pa'i dngos po gang la mig gi dbang po de 'jug par bya ba ma yin pa de la mi 'jug pa'i phyir shin tu sbas pa yin no//'jug par bya ba la dran pa shin tu nye bar gzhag pas 'jug pa'i phyir te/ 'jug par bya ba'i dngos po la dran pa shin tu nye bar gzhag pas 'jug pa'i phyir de shin tu bsrungs
188b7 pa yin no//rang nyid kun nas nyon mongs par mi 'gyur ba'i phyir shin tu bsgoms pa yin no zhes bya ba ni don gyi dbang gis mig gi dbang po de zhugs na yang chags par 'gyur ba'am/ zhe sdang bar 'gyur ba'i dngos po la rang nyid kun nas nyon mongs par mi 'gyur ba'i phyir te/ so sor
189a1 rtog pa'i stobs kyis ni ma yin no//'o na ci zhe na/ bsgoms pa'i stobs kho nas te/ de ltar na de shin tu bsgoms pa yin no/ /de ltar na shin tu dul ba yin no zhes 'byung ngo zhes bya ba ni ji skad bstan pa de ltar na 'jug par bya ba ma yin pa la mi 'jug pa'i phyir zhes
189a2 rgyas par 'byung bas mig gi dbang po la sogs pa ste/shin tu dul ba yin no/ /de byams pa dang ldan pa'i sems kho na med pa/ 'gran zla med pa/ gnod pa med pa/ yangs pa rgya chen por gyur pa/ tshad med pa/ shin tu bsgoms pas phyogs gcig tu smos te khyab par byas nas
189a3 rdzogs par byas te gnas so zhes bya ba ni mdo sde'i dum bu yin no//phan pa dang bde ba'i bsam pa ni byams pa'o zhes bya ba ni phan pa'i bsam pa dang bde ba'i bsam pa ni byams pa'o bsam pa ni sems pa ste/ zhe sdang med pa'i ngo bo'o/ /de ni zhes bya ba ni byams pa dang ldan pa'i sems dang sbyar bar
189a4 bya'o//nye ba'i nyon mongs pa rnam pa gsum gyi gnyen po yin pa'i phyir khon med pa dang / 'gran zla med pa dang / gnod pa med pa dang / ji ltar byas pas she na/ khon du 'dzin pa'i gnyen po yin pa'i phyir khon med pa'o/ /phrag dog gi gnyen po yin pa'i phyir 'gran zla med pa'o/ /
189a5 zhe sdang gi gnyen po yin pa'i phyir gnod pa med pa yin no/ /gnod pa byed pa dag la khon du 'dzin pa zhes pa ni gnod pa byed pa dag la kun nas mnar sems kyi dngos po lan mang du byed pa zhes bya ba'i tha tshig go/ /gnod pa mi byed pa dag la phrag dog ces bya ba ni sems can mnyam pa dang khyad par
189a6 du 'phags pa gnod pa mi byed pa de dag la sems khong nas 'khrugs pa zhes bya ba'i tha tshig go//de nyid dang ldan ba'i dman pa dag la ni zhes bya ba rgyas par 'byung ba ni sems can gnod pa byed pa dang gnod pa mi byed pa de gnyis dang ldan pa dman pa dag la zhe sdang gang gis na de gnyis dang ldan pa
189a7 dman pa de dag la gnod par 'gyur ba'i zhe sdang yin no//mi mthun pa'i phyogs shin tu thul ba'i phyir zhes bya ba ni mi mthun pa'i phyogs de ni nye ba'i nyon mongs pa rnam pa gsum po yin no/ /de ltar na zhes bya ba rgyas par 'byung ba ni ji ltar bstan pa de ltar na byams pa dang ldan pa'i sems de
189b1 gnyen po nyid kyis te/tshig gsum po khon med pa 'gran zla med pa gnod pa med pas yongs su bstan pa yin no/ /sems de 'bras bu nyid kyis te/ yangs pa zhes bya ba'i tshig 'dis yongs su bstan pa yin no/ /sems de gnyis kyis te/ rgya chen por gyur pa zhes bya ba'i tshig
189b2 'dis yongs su bstan pa yin no//sems de dmigs pa nyid kyis te/ tshad med pa zhes bya ba'i tshig 'dis yongs su bstan pa yin no/ /sems de rnam par dag pa nyid kyis te/ shin tu bsgoms pa zhes bya ba'i tshig 'dis yongs su bstan pa yin no/ /gnas kyis gnas pa po
189b3 bstan pa yin te zhes bya ba ni phyogs kyis sems can rnams ston par byed do zhes bya ba'i tha tshig go//dper na khri dga' bod do/ /ri dag tshig go zhes bya ba lta bu'o zhes bya ba ni khri'i steng na 'dug pa'i mi dag 'bod pa dang / ri'i steng na 'dug pa dag mes tshig pa yin no/ /mos pa yid la
189b4 byed pa nyid ston pa yin gyi/de kho na nyid yid la byed pa ni ma yin no/ /cig car du mtha' dag la mos pa'i phyir ro zhes bya ba ni mnyam du sems can thams cad la smos pa'i phyir ro zhes bya ba'i tha tshig go/ /de ston pa yin no zhes bya ba ni byams pa ston pa yin no/ /dus gzhan du yang rjes su 'jug
189b5 par ston pa yin no zhes bya ba ni yun thung ngur ma yin gyi dus yun ring por rjes su 'jug par ston pa yin no//de de ltar shes shing de ltar mthong ba na brtson 'grus brtsams zhing zhum pa med pa yin/ lus shin tu sbyangs shing nyes par brtsams pa med pa yin/ dran pa nye bar gzhag cing kun du rmongs pa
189b6 med pa yin/sems mnyam par gzhag cing rtse gcig pa yin zhes bya ba ni mdo sde'i dum bu yin no/ /tshig phyi mas rnam par bshad pa dang bcas pa zhes bya ba ni tshig phyi ma zhum pa med pa yin pa la sogs pa rnams kyis tshig bzhi po brtson 'grus brtsams shing zhes bya ba la sogs pa de dag rnam par
189b7 bshad pa dang bcas pa ni tshig phyi mas rnam par bshad pa dang bcas pa'o//ji ltar na go rims bzhin du yin zhe na/ sems ha cang zhum pa'i gnyen por brtson 'grus brtsams shing zhum pa med pa yin zhes bya ba ni tshig phyi mas rnam par bshad pa dang bcas pa 'di yin no/ /ha cang rab tu bzung
190a1 ba'i gnyen por lus shin tu sbyangs shing nyes par brtsams pa med pa yin zhes bya ba 'di yin no//nyes par brtsams pa med pa nyid kyang lus mnyen zhing lus las su rung ba nyid du rig par bya'o/ /nang du bsdus pa zhes bya ba 'di ni dran pa nye bar gzhag cing kun du rmongs
190a2 pa med pa yin zhes bya ba ni 'di yin no//phyi rol du rnam par g.yengs pa zhes bya ba 'di ni sems mnyam par gzhag cing rtse gcig pa yin zhes bya ba'i tshig phyi mas rnam par bshad pa dang bcas pa 'di yin no/ /ha cang zhum pa la sogs pa 'di rnams kyi mtshan nyid ni mdo las ji ltar sems
190a3 ha cang zhum pa yin zhe na/sems le lo dang ldan pa'o/ /ji ltar na sems ha cang rab tu bzung ba yin zhe na/ sems rgod pa dang ldan pa gang yin pa'o/ /ji ltar na sems nang du bsdus pa yin zhe na/ sems rmugs pa dang gnyid dang ldan pa gang yin pa ste/ sems nang du 'gog pa
190a4 dang ldan pa yin gyi/lhag mthong dang ldan pa ni ma yin te/ de ltar na sems nang du bsdus pa yin no/ /ji ltar na sems phyi rol du rnam par g.yengs pa yin zhe na/ 'dod pa'i yon tan lnga rnams la rjes su rnam par g.yengs pa dang rjes su 'phros pa gang yin pa de/ de ltar na sems phyi rol du
190a5 rnam par g.yengs pa yin no zhes 'byung ba yin no//de kho na'i zhes rgyas par 'byung ba ni sems rnam pa bzhi po de kho na'i gnyen po song ba'i 'du byed rnam pa gnyis gnyis yin te/ re re la yang gnyis gnyis yin pas de ltar na spong ba'i 'du byed brgyad du 'gyur ro/ /brgyad gang zhe na/ mdo
190a6 las shin tu rgyas par gsungs nas 'dun pa gang yin pa dang /rtsol ba gang yin pa dang / dad pa gang yin pa dang / shin tu sbyangs pa gang yin pa dang / dran pa gang yin pa dang / shes bzhin gang yin pa dang / sems pa gang yin pa dang / btang snyoms gang yin pa ste/ 'di dag spong pa'i
190a7 'du byed rnams zhes bya'o zhes 'byung ba yin no//de la ha cang zhum pa'i gnyen por ni 'dun pa dang rtsol ba gnyis te/ le lo'i gnyen po yin pa'i phyir ro/ /ha cang rab tu bzung ba'i ni dad pa dang / shin tu sbyangs pa yin te dad pa yod na shin tu sbyangs pa gnyen bor 'gyur bas so/ /nang du
190b1 bsdus pa'i ni dran pa dang /shes bzhin gnyis te/ de gnyis kyis ni rmugs pa dang gnyid du yang mi 'gyur la/ lhag mthong yang nye bar gnas par byed do/ /phyi rol du rnam par g.yengs pa'i gnyen por ni sems pa dang / btang snyoms yin no/ /ji ltar byas pas she na/
190b2 sems pa ni mngon par 'du byed pa yin te/ lus 'di nyid rkang mthil nas spyi bo dang / skra dang / klad pa nas 'og tu pags pa la thug par mi gtsang ba rnam pa sna tshogs kyis gang bar so sor rtog ste/ lus 'di la skra dang / spu dang zhes bya ba rgyas par 'byung ba yin no/ /de nas 'du
190b3 byed de dag la btang snyoms kyis btang snyoms su byed do//gzhan yang zhes bya ba rgyas par 'byung ba ni mnyam par gzhag pa'i gnas skabs ni rnam par rtog pa rnams kyis sems rnam par g.yeng zhing rnam par ma zhi la rgod par gyur pa na dmigs pa la byed pa med pa nyid dang / zhi bar 'gyur
190b4 ba nyid dang /lhun gyis grub par 'byung ba ni zhi gnas so/ /rab tu 'dzin pa ni zhum par 'gro ba na mchog tu dga' ba'i gzhi la dmigs pas de la sbyangs pa'o/ /de nyid kyis nye ba'i nyon mongs pa'i gnyen por tshig nyid yin te/ brtson 'grus brtsams shing zhum pa med pa yin/ lus shin
190b5 tu sbyangs shing nyes par brtsams pa med pa yin zhes bya ba'i tshig 'di gnyis so//ci'i phyir zhe na/ go rims bzhin du zhum pa dang rgod pa'i gnyen po yin pa'i phyir la zhum pa dang rgod pa de gnyis kyang zhi gnas dang rab tu 'dzin pa kho na'i nye ba'i nyon mongs pa yin pas so/ /zhum pa zhes bya ba ni
190b6 gang gis na tshogs de ha cang zhan par 'gyur ba'i sems las byung ba'i chas 'ga' zhig yod pa yin pa'o//de bzhin du rgod pa yang gang gis na rgod par gyur pa'o/ /btang snyoms kyi nye ba'i nyon mongs pa'i gnyen por yang tshig gnyis yin te/ dran pa nye bar gzhag cing kun du rmongs pa med
190b7 pa yin/sems mnyam par gzhag cing rtse gcig pa yin zhes bya ba 'di dag go/ /btang snyoms kyang gal te sems zhum pa yang ma yin/ rgod pa yang ma yin te mnyam par gyur pa de'i tshe de btang snyoms su byed pas btang snyoms so/ /tshig bzhi dag yin no zhes bya ba'i tshig phyi mas rnam
191a1 par bshad pa dang bcas pa'i tshig de dag nyid yin no//rgyu gang gis na lus nyes par brtsams pa dang zhes bya ba rgyas par 'byung ba yin no/ /de nyid kyi phyir te/ gang gi phyir brtson 'grus ma brtsams na sems zhum par 'gyur ba nas sems nyams pa'i bar de
191a2 nyid kyi phyir de'i gnyen po nyid yang dag par bstan pa'i phyir ni sems zhum pa dang /lus dub pa dang / brjed ngas pa dang / sems nyams pa de dag gi gnyen po nyid yang dag par bstan pa'i phyir brtson 'grus la sogs pa ste/ brtson 'grus dang / shin tu sbyangs pa dang / dran pa
191a3 dang /ting nge 'dzin tshig phyi mas khyad par du byed pa can yin te/ tshig phyi ma phyi mas khyad par du byed pa can yin par rig par bya'o/ /ji ltar zhe na/ brtson 'grus brtsams shing zhum pa med pa yin zhes bya ba nas/ sems mnyam par gzhag cing rtse gcig pa yin zhes bya ba'i bar ro/ /dge
191a4 slong dag 'di ni sdug bsngal 'phags pa'i bden pa'o zhes sngar ma thos pa'i chos rnams la tshul bzhin yid la byed pa na mig skyes shing /shes pa dang / rig pa dang / blo skyes pa yin no zhes bya ba ni mdo sde'i dum bu yin no/ /nges pa'i tshig gi chos nyid kyi rgyus na rnam par dag pa'i phyir yig ge
191a5 bsgyur na blo yin no//de ltar na nges pa'i tshig gi chos nyid kyi rgyus so/ /mig la zhan pa dang / nor ba dang rnyog pa nyid med pa yang dag par bstan pa'i phyir rnam pa gsum gyis khyad par du byed pa yin no zhes bya ba ni shes rab kyi mig de la zhan pa nyid med pa yang dag par bstan pa'i phyir shes pa zhes bya
191a6 bas khyad par du byed de/sha'i mig ni the tshom du gzugs mthong ba'i phyir zhan pa zhes bya ba ste/ gtan la phebs pa'i shes pa med pa'i phyir ro/ /nor ba nyid med pa yang dag par bstan pa'i phyir rig pa zhes bya bas khyad par du byed do/ /sha'i mig ni yang dag pa ji lta ba bzhin ma mthong ba'i phyir
191a7 nor ba zhes bya'o//rnyog pa nyid med pa yang dag par bstan pa'i phyir blo zhes bya bas khyad par du byed de/ sha'i mig ni rnam par dag pa ma mthong ba'i phyir rnyog pa can no zhes bya'o/ /de ltar na rnam pa gsum gyis khyad par du byed pa ni sha'i mig dang chos mi mthun pa'i phyir ro/ /bden pa rnams
191b1 la ngan par lta ba dang /the tshom dang / ma rig pa rnams kyi gnyen po ma yin pa zhes bya ba ni bden pa la dmigs pa dang / log par lta ba dang / the tshom dang / ma rig pa rnams kyi gnyen po ma yin no zhes bya ba'i tha tshig go/ /de las khyad par du bya ba'i phyir mig la sogs pa smos so
191b2 zhes bya ba ni phyi rol pa rnams kyi lta ba de las khyad par du bya ba'i phyir mig dang /shes pa dang / rig pa dang / blo smos so/ /ji ltar zhe na/ tshul bzhin yid la byed pa na mig skyes shing / shes pa dang / rig pa dang / blo skyes pa yin no zhes 'byung ba yin te/ zag pa med pa'i shes rab kyi
191b3 mig de ni don mngon sum du gyur pa'i phyir log par lta ba'i gnyen po yin no//de nyid the tshom med pa'i phyir shes pa ste/ the tshom gyi gnyen po yin no/ /de nyid yang dag par don du gyur pa'i phyir rig pa ste/ ma rig pa'i gnyen po yin no/ /bzlas pa gsum dag la thog mar mthong ba ni mig go zhes
191b4 bya ba ni mthong ba'i lam la 'di ni sdug bsngal 'phags pa'i bden pa zhes bya ba nas/'di ni sdug bsngal 'gog par 'gyur ba'i lam 'phags pa'i bden pa'o zhes bya ba'i bar thog mar mthong ba gang yin pa dang / bsgom pa'i lam la sdug bsngal 'phags pa'i bden pa'o/ /mngon par
191b5 shes pas yongs su shes par bya zhes bya ba nas sdug bsngal 'gog par 'gyur ba'i lam 'phags pa'i bden pa de mngon par shes pas bsgom par bya zhes bya ba'i bar thog mar mthong ba gang yin pa dang /mi slob pa'i lam gang yin pa la sdug bsngal 'phags pa'i bden pa de bdag gis
191b6 mngon par shes pas yongs su shes so zhes bya ba nas sdug bsngal 'gog par 'gyur ba'i lam 'phags pa'i bden pa de dag gis mngon par shes pas bsgoms so zhes bya ba'i bar thog mar mthong ba gang yin pa ste/bslab pa gsum po 'di dag la thog mar mthong ba 'di ni mig go/ /ji ltar
191b7 mthong ba la rnam par dpyod pa ni shes pa'o zhes bya ba ni lam gsum po 'di dag la sdug bsngal la sogs pa 'phags pa'i bden pa ji ltar mthong ba rnams la rnam par 'jog pa'i ye shes dang /rnam par mi 'jog pa'i ye shes 'jig rten las 'das pa'i rjes las thob par rang dang spyi'i mtshan
192a1 nyid gnyis su rnam par dpyod pa ste/so sor rtog pa ni shes pa zhes bya'o/ /de yang zag pa med pa'i ye shes yin par rig par bya ste/ de la zag pa rgyas par mi 'gyur bas so/ /de yang 'di ltar shes par bya ste/ lam gsum char la yang thog mar rnam par
192a2 mi 'jog pa 'jig rten las 'das pa skye la/de nas de'i rjes la rnam par 'jog pa skye'o/ /rnam par mi 'jog pa dang rnam par 'jog pa'i ye shes de gnyis kyi rab tu dbye ba rgyas pa dang bcas pa ni rnal 'byor spyod pa'i sar blta bar bya'o/ /gnyis po de nyid kyis bya ba rgyas par 'byung ba ni
192a3 mig dang shes pa gnyis po de nyid do//de snyed yod pa can nyid la brten nas te/ dngos po ji snyed pa 'phags pa'i bden pa bzhi po 'di la yod pas de ni ji snyed yod pa can no/ /de'i dngos po de ni ji snyed yod pa can nyid de/ de la ni ji snyed yod pa can nyid la brten nas te/ brtan pa nas de la
192a4 dmigs par byed pa na gnyis po de rig pa'o//ci'i phyir zhe na/ ji snyed yod pa la 'dzin pa'i phyir ro/ /'di ltar sdug bsngal 'das pa dang / da ltar byung ba dang / ma 'ongs pa dang / de kun 'byung ba dang / de 'gog pa dang / de'i lam ji snyed yod pa de 'dzin pas de'i phyir de gnyis ka rig
192a5 pa'o//ji ltar yod pa can nyid la brten nas blo ste/ sdug bsngal nyid la sogs pa'i rnam pa ji ltar yod pa ni ji ltar yod pa'o/ /de 'phags pa'i bden pa bzhi po gang la yod pa de ni ji ltar yod pa can no/ /de'i dngos po ni ji ltar yod pa can nyid do/ /de la ni ji ltar yod pa can nyid la
192a6 brten nas te/de la dmigs par byed pa na de gnyis ka blo'o/ /ci'i phyir zhe na/ yang dag pa ji lta ba bzhin du rtogs pa'i phyir ro/ /'di ltar sdug bsngal la sogs pa'i bden pa de yang dag pa ji lta ba bzhin du rtogs pa'i phyir ro/ /gzhan yang zhes bya ba rgyas par 'byung ba ni chos ma thos pa
192a7 rnams la thos pa las byung ba'i shes pa med pas rjes su dpag pa can yin no snyam du sems na de rjes su dpag pa can ma yin pas/de dgag pa'i phyir mig ces bya ba gsungs so/ /gal te thos pa las byung ba yang ma yin/ rjes su dpag pa can yang ma yin na mos pa las byung ba'i
192b1 mthong ba yin te/ji ltar mi sdug pa bsgoms pa na rus pa dang rus gong du mos pa'i phyir mos pa yid la byed pas rus pa dang rus gong rnams kyis sa gang bar mthong ba lta bu yin no snyam du sems na de'i phyir mos pa las byung ba'i mthong ba dgag pa'i phyir shes pa'o zhes bya ba gsungs so/ /
192b2 gal te de thos pa las byung ba yang ma yin/ rtog ge pa yang ma yin mos pa las byung ba yang ma yin na mngon pa'i nga rgyal can yin te/ mngon pa'i nga rgyal can rnams ni bdag gis mthong ngo snyam du sems pa yin no snyam du sems na de'i phyir mngon pa'i nga rgyal dgag pa'i phyir rig pa'o/ /gal
192b3 te de rnams ma yin yang zag pa dang bcas pa yin no snyam du sems na de'i phyir zag pa dang bcas pa nyid dgag pa'i phyir blo zhes bya ba gsungs so//ci'i phyir zhe na/ rnam par dag pa'i don gyis so/ /rnam par dag pa de ni dri ma med pa yin no/ /kha cig na re zhes bya ba ni bye brag tu smra ba pa
192b4 rnams so//de ni zhes bya ba rgyas par 'byung ba ni bzod pa ni mthong ba nyid yin pa'i phyir mig yin la zhes bya ba de ni'o/ /bzlas pa gsum dag la 'thad pa ma yin te zhes bya ba ni rigs pa ma yin te/ ci'i phyir zhe na/ mig la sogs pa de dag ni mthong ba dang / bsgom pa dang mi slob pa'i
192b5 lam gyis bsdus pa'i phyir te/bsgom pa'i lam dang / mi slob pa'i lam la yang bzod pa med pa ma yin pas so/ /dge slong dag 'di ni khyod la phan pa'i phyir dang / 'di ni bde ba'i phyir dang / 'di ni phan pa dang bde ba'i phyir zhes bya ba ni mdo sde'i dum bu yin no/ /'dod pa'i bsod
192b6 nyams kyi rjes su sbyor ba ni 'dod pa'i bde ba la ro myong ba'i rjes su 'jug pa'o//bdag nyid dub par gnas pa'i rjes su sbyor ba ni dub pa nyid dub par gnas pa yin pas bdag nyid dub par gnas pa'o/ /gdung bar byed pa dang / yongs su gdung bar byed pa dang / skra 'bal ba la sogs
192b7 pa las skyes pa'i sdug bsngal ni bdag nyid dub par gnas pa'o//bdag nyid dub par gnas pa la rjes su sbyor ba ste/ rjes su 'jug pa ni bdag nyid dub par gnas pa'i rjes su sbyor ba'o/ /gnyi ga'i mtha' spangs nas zhes bya ba ni 'dod pa'i bsod nyams kyi rjes su sbyor ba'i mtha'
193a1 dang /bdag nyid dub par gnas pa'i rjes su sbyor ba'i mtha' spangs nas zhes bya ba'i tha tshig go/ /dbu ma'i lam bsgoms pa yin no zhes bya ba ni 'phags pa'i lam yan lag brgyad pa ste/ de ni dbu ma'i lam yin no/ /gzhan yang phan pa'i phyir ni sdug bsngal
193a2 dang bcas pa'i nye ba'i nyon mongs pa'i gnyen po bsten pa ste/ji ltar 'dod chags shas che ba rnams so sor brtags shing tshangs par spyod pa bsten pa lta bu'o/ /bde ba'i phyir ni nyon mongs pa rnams med par sdug bsngal gyi gnyen po bsten pa yin te/ ji skad du mdo las/ brnab sems
193a3 kyis sgrub pa'i sdug bsngal gyis bdag nyid la gnod par yang mi 'gyur la/chos kyis rnyed pa'i bde ba yang yongs su nyams par mi 'gyur ro zhes gsungs pa lta bu'o/ /phan pa dang bde ba'i phyir ni bde ba dang bcas pa'i nyon mongs pa'i gnyen po bsten pa yin te/ ji ltar 'dod chags chung ba
193a4 rnams tshangs par spyod pa bsten pa lta bu'o//gzhan yang zhes bya ba rgyas par 'byung ba ni gzhan yang phan pa'i phyir ni lhag pa'i sems mthong ba'i chos la bde bar gnas pa rnams ma gtogs pa mi lcogs pa med pa la brten nas nyon mongs pa zad pa'i lam mo/ /de dag kyang bsam gtan bzhi
193a5 rnams so//nyon mongs pa zad pa'i lam ma gtogs pa zhes bya ba ni spong ba'i lam ma gtogs pa'o/ /lhag pa'i sems mthong ba'i chos la bde bar gnas pa rnams dang bcas pa zhes bya ba ni gang gi tshe zag pa med pa'i bsam gtan la brten nas nyon mongs pa rnams spong ba de'i tshe nyon mongs
193a6 pa spong ba zad pa'i lam de dag phan pa dang bde ba'i phyir yin no//gzhan yang zhes bya ba rgyas par 'byung ba ni gzhan yang phan pa'i phyir ni slob pa rgyun du zhugs pa dang / lan cig phyir 'ong ba dang / phyir mi 'ong ba rnams kyi dka' ba'i lam ste/ de yang mi lcogs pa med pa dang bsam
193a7 gtan khyad par can dang gzugs med pas bsdus pa'i lam ste/ci rigs par sbyar ro/ /dka' ba yang yan lag gis yongs su ma zin pa'i phyir dang / zhi gnas dang lhag mthong ma tshang ba'i phyir ro/ /zhi gnas ma tshang ba ni mi lcogs pa med pa dang / bsam gtan khyad par can
193b1 gnyis so//lhag mthong ma tshang ba ni gzugs med pa rnams so/ /bde ba'i phyir ni mi slob pa dgra bcom pa rnams kyi sla ba'i lam ste/ dngos gzhi'i bsam gtan gyis bsdus pa'i lam mo/ /sla ba yang yan lag gis yongs su zin pa dang / zhi gnas dang lhag mthong dang ldan
193b2 pa gnyis kyis 'bad pa med par 'byung ba'i phyir ro//dgra bcom pa rnams kyi lam de ni khams gsum pa'i nyon mongs pa thams cad spangs pa'i phyir sla ba ma yin no/ /phan pa dang bde ba'i phyir ni slob pa rnams kyi sla ba'i lam ste/ phan pa'i phyir ni nyon mongs pa'i gnyen po yin pa'i
193b3 phyir ro//bde ba'i phyir ni dngos gzhi zag pa med pa'i bsam gtan rten yin pa'i phyir ro/ /shing thags btsugs pa ni zab ring ba/ legs par btsugs pa/ sra ba/ brtan pa/ mkhregs pa dang ldan pa/ mi g.yo ba mi 'chag pa yin no zhes bya ba ni mdo sde'i dum bu yin no/ /shun pa med
193b4 pa dang /khong na lu med pa'i phyir/ shun pa med pa'i phyir dang / khong na lu med pa'i phyir ro/ /lu ni mi sra ba'o/ /mi 'chag pa ni mi chog pa'i phyir te zhes bya ba ni gcag par mi nus pa'i phyir te zhes bya ba'i tha tshig go/ /gzhi dang rang bzhin gyi khyad par de gnyis dang zhes bya ba rgyas par
193b5 'byung ba ni de gnyis dang ste/gzhi'i khyad par gyis mi g.yo ba yin la rang bzhin gyi khyad par gyis mi 'chag pa yin te/ de ltar na go rims bzhin yin no/ /de ltar na de dag ni zhes bya ba rgyas par 'byung ba ni de ltar na shing thags de dag go/ /rnam pa gnyis kyis ni tshul gnyis kyis te/
193b6 zab ring ba nyid kyi rnam pa dang / legs par btsugs pa nyid kyi rnam pas te/ zab ring ba/ legs par btsugs pa zhes gsungs pa'i phyir gzhi nyid de/ gzhis phun sum tshogs pa ni grong khyer las phyi rol pa des de las rgal bar 'dod pa de rnams kyis gnas mi tshugs pas na phyi rol pa
193b7 rnams kyis gnas mi thod pa yin no//rnam pa gsum ni sra ba nyid kyi rnam pas te/ sra ba zhes gsungs pa'i phyir dang / brtan pa nyid kyi rnam pas te/ brtan pa zhes gsungs pa'i phyir dang / mkhregs pa nyid kyi rnam pas te/ mkhregs pa dang ldan zhes gsungs pa'i phyir te/ rang bzhin
194a1 nyid kyis phun sum tshogs pa ni phyi rol pa rnams kyis gnas mi thod pa yin no//rnam pa gnyis kyis ni mi g.yo ba nyid kyi rnam pa dang / mi 'chag pa nyid kyi rnam bas te/ mi g.yo ba zhes gsungs pa'i phyir dang / mi 'chag pa zhes gsungs pa'i phyir des byas pa'i phan
194a2 yon gyis te/gzhi dang rang bzhin gyi khyad par de gnyis kyis byas pa'i phan yon ni des byas pa'i phan yon te/ des byas pa'i phan yon gyi phyir na des byas pa'i phan yon gyi phyir phun sum tshogs pa ni phyi rol pa rnams kyis gnas mi thod pa yin no/ /rgyas par gsungs nas/ des longs spyod pa dang /
194a3 brtson 'grus kyis thob pa/ lag mthus bsgrubs pa/ rngul zhing dri ma chags chags su bsgrubs pa/ chos dang ldan zhing chos kyis thob pa de dag gis bdag nyid dang / pha ma dang / bu dang / chung ma dang / bran pho dang / bran mo dang / las byed pa dang / zho shas 'tsho ba dang / grogs
194a4 po dang /blon po dang / nye du dang / snag gi gnyen mtshams dag legs par bde bar tshim par byed pa dang dus dus su dge sbyong dang bram ze rnams la yon tshe phyi ma la 'gro ba gong mar 'gyur ba dang / bskal pa bzang por 'gyur ba dang / rnam par smin pa bde bar 'gyur ba dang / mtho ris 'grub
194a5 par byed pa 'bul bar byed do zhes bya ba 'di ni mdo sde'i dum bu gnyis pa yin no//de la zhes rgyas par 'byung ba ni de la spyod pa dang brtson 'grus kyis thob ba zhes bya ba ni spyod pas thob pa dang / brtson 'grus kyis thob pa ste/ gnyi gas kyang sems kyi rtsal gyis bsgrubs pa nyid du yongs su bstan
194a6 pa yin no//sems kyi rtsal gyi brtson 'grus ni sems kyi rtsal te/ des bsgrubs pa de'i dngos po'o/ /de yang sngar ni 'di dang 'di lta bu zhig tu bya'o zhes nye bar spyod par byed la/ phyis byed pa'i tshe ni brtson 'grus rtsom par byed do/ /bde ba ni gsum ste/ gnyid kyi bde ba dang / glos 'bebs
194a7 pa'i bde ba dang /nyal ba'i bde ba'o/ /de la gnyid kyi bde ba ni gnyid kyi bde ba'o/ /glos 'bebs pas bde ba ni glos 'bebs pa'i bde ba'o/ /nyal bas bde ba ni nyal ba'i bde ba'o/ /gnyid kyi bde ba'i gnyen por spyod pa pa zhes bya ba ston to/ /glos 'bebs pa dang / nyal
194b1 ba'i bde ba gnyis kyi gnyen por ni brtson 'grus kyis thob pa zhes bya ba bstan to//de ltar na go rims bzhin no/ /ji ltar theg pa la sogs pa rnams kyi longs spyod dag lus kyi rtsal gyis bsgrubs pa yin yang shin tu ngal bas bsgrubs pa ma yin pas de las khyad par du bya ba'i phyir rngul cing dri
194b2 ma chags chags su zhes bya ba gsungs te gos gos su dang /'dres 'dres su dang / phog phog tu'o/ /sangs rgyas la sogs par gtogs pa nyid ma yin pa'i phyir zhes bya ba ni sangs rgyas kyi ma yin pa dang / chos kyi ma yin pa dang / dge 'dun gyi ma yin pa zhes bya ba'i tha tshig go/ /
194b3 bskal pa bzang por 'gyur ba ni yon gang la 'bras bu bskal pa bzang po yod pa de ni bskal pa bzang por 'gyur ba yin no/ /gzhan yang 'gro ba gong mar 'gyur ba de nyid lhag mas te bskal pa bzang por 'gyur ba zhes bya ba de la sogs pas gsal bar byed pa yin no/ /dge slong dag ngas
194b4 khyed la skyes bu dam pa'i 'gro ba bdun dag dang /len pa med par mya ngan las 'das pa bshad par bya'o/ /skyes bu dam pa'i 'gro ba bdun dag gang zhe na/ dge slong dag 'di la dge slong ni 'di ltar bdag ma byung yang rung bdag gi ma byung yang rung / bdag mi 'byung bar 'gyur ro/ /bdag gi
194b5 mi 'byung bar 'gyur ro snyam du zhugs pa yin no//de de ltar na gang yod pa dang / gang 'byung ba de spang ngo snyam du btang snyoms 'thob la zhes bya ba ni mdo sde'i dum bu yin no/ /bdun nyid ni mya ngan las 'das pa thob pa'i dus kyi dbye ba las so/ /ji ltar byas pas she na/ bar ma dor yongs su mya ngan
194b6 las 'da' ba la rnam pa gsum gsum du dbye ba'i phyir ro//bar ma dor yongs su mya ngan las 'da' ba ni re zhig dpe gsum gyis myur ba dang / myur ba ma yin pa dang / yun ring bas yongs su mya ngan las 'da' ba'i phyir ro/ /skyes nas yongs su mya ngan 'da' ba la yang dpe gsum gyis
194b7 skyes pa dang /mngon par 'du byed pa dang bcas pa dang / mngon par 'du byed pa med par yongs su mya ngan las 'da' ba'i phyir ro/ /de ltar na phyir mi 'ong ba de dag drug dang bdun dang gong du 'pho ba yin no/ /de ltar na mya ngan las 'das pa 'thob pa'i dus kyi dbye ba las bdun kho na yin no/ /dpe de
195a1 dag kyang mdo sde 'di kho na las blta bar bya'o//ci'i phyir skyes bu dam pa'i 'gro ba bdun po 'di dag kho nar zad kyi slob pa'i 'gro ba gzhan dag ma yin/ gzhan de dag kyang skyes bu dam pa ni yin te/ ji skad du mdo las/ dge slong dag skyes bu dam pa dang / skyes bu dam
195a2 pa'i 'gro ba dag bshad par bya'o//skyes bu dam pa gang zhe na/ slob pa'i yang dag pa'i lta ba dang ldan pa dang zhes rgyas par gsungs pa lta bu yin te/ de'i 'gro ba rnams kyang skyes bu dam pa'i 'gro ba yin no zhe na/ /'dir bshad pa/ 'phags pa ma yin pa yang zhes bya ba rgyas par 'byung ba ni
195a3 'phags pa ma yin pa yang srid pa bdun dag gis yongs su mya ngan las 'das pa'i phyir ro//de'i phyir 'bras bu dang po la gnas pa bkag pa'o/ /lan cig phyir 'ong ba zhes bya ba ni 'phags pa ma yin pa de nyid rgyud yongs su smin pas 'dir lan cig 'ongs nas yongs su mya ngan las 'da' ba'i
195a4 phyir ro//de'i phyir 'bras bu gnyis pa la gnas pa bkag go/ /ji ltar gzugs kyi khams phyir mi 'ong ba ltar bar ma dor yongs su mya ngan las 'da' ba yang ma yin/ skyes nas yongs su mya ngan las 'da' ba yang ma yin/ mngon par 'du byed pa dang bcas par yongs su mya ngan las 'da' ba
195a5 yang ma yin/mngon par 'du byed pa med par yongs su mya ngan las 'da' ba yang ma yin/ gong du 'pho ba yang ma yin no/ /de'i phyir 'di dag kho na skyes bu dam pa'i 'gro ba bdun dag yin gyi/ slob pa'i 'gro ba gzhan dag ni ma yin no/ /mtshan ma med pa la sbyor ba zhes bya ba ni mtshan ma med
195a6 pa'i ting nge 'dzin la sbyor ba'o//mtshan ma med pa'i ting nge 'dzin gang yin pa de ni 'gog pa'i rnam pa bzhin no/ /smon pa med pa la sbyor ba zhes bya ba ni smon pa med pa'i ting nge 'dzin la sbyor ba de yin no/ /smon pa med pa'i ting nge 'dzin gang yin pa de ni mi rtag pa la sogs pa'i rnam pa yin no/ /
195a7 rnam grangs gzhan yang smon pa dang nges pa'i dus gnyis su zhes bya ba ni smon pa'i dus su dang / nges pa'i dus su'o/ /de la smon pa ni don du gnyer ba'o/ /smon pa'i dus ni bdag ma byung yang rung / bdag gi yang srid pa ma byung yang rung zhes bya ba yin no/ /nges pa'i dus ni bdag mi 'byung
195b1 bar 'gyur//bdag gi lus 'di mi 'byung bar 'gyur ro zhes bya ba yin no/ /dus 'di gnyis su mya ngan las 'das pa la sems rab tu 'jug par byed pa'i phyir te/ sems rab tu gtod pa'i phyir 'di ni mtshan ma med pa la sbyor ba yin no/ /'dus byas mi rtag pa tsam 'gog par mthong
195b2 ba'i phyir ni 'dus byas mi rtag pa tsam zhig 'gog par mthong ba'i phyir zhes bya ba'i tha tshig go//dge slong dag ngas khyed la skyes bu dam pa'i 'gro ba bdun dang / len pa med par mya ngan las 'das pa bshad par bya'o zhes gang gsungs pa de la/ len pa med par mya ngan las 'das pa ni mdo kha
195b3 cig las ni phung po'i lhag ma med par yin par 'byung ba ste/dper na rnam par grol ba'i rgyus len pa med par yongs su mya ngan las 'das pa yin no zhes 'byung ba lta bu'o/ /len pa med par yongs su mya ngan las 'das pa 'di la rnam par grol ba'i rgyus te 'byin par byed pa yod pa de ni rnam par
195b4 grol ba'i rgyus len pa med par yongs su mya ngan las 'das pa yin no//kha cig las ni phung po'i lhag ma dang bcas pa zhes bya ba rgyas par 'byung ba nas 'dir ni phung po'i lhag ma med pa la bya bar mngon te zhes bya ba ni mdo 'dir ni phung po'i lhag ma med pa la len pa med par mya ngan las 'das
195b5 pa zhes bya bar mngon te/phung po thams cad yongs su zad pas mya ngan las 'das pa gang yin pa de la bya bar mngon te zhes bya ba'i tha tshig go/ /ji ltar mngon zhe na/ tshe phyi ma'i 'gro ba'i dbang du mdzad pa'i phyir te/ gang gi phyir skyes bu dam pa'i 'gro ba bdun dag tshe phyi ma ste/ tshe rabs
195b6 gzhan gyi 'gro ba'i dbang du mdzad pa de'i phyir/tshe phyi ma'i 'gro ba gang yin pa de len pa med par mya ngan las 'das pa zhes bya bar grub bo/ /gzhan yang mdo sde 'di las shar phyogs su 'gro bar mi smra zhing zhes bya ba rgyas par gsungs pa'i phyir ro/ /ji skad 'byung zhe na/ shar phyogs su
195b7 'gro bar mi smra zhing /lho phyogs su ma yin/ nub phyogs su ma yin/ byang phyogs su ma yin/ steng du ma yin/ 'og tu ma yin/ phyogs mtshams rnams su ma yin te/ gzhan du na mthong ba'i chos la dri ma med pa dang / mya ngan las 'das pa dang / zhi ba dang / bsil bar gyur
196a1 pa dang /tshangs par gyur pa yin no zhes de lta bur rgyas par gsungs pa'i phyir 'dir ni phung po'i lhag ma med pa la bya bar mngon te zhes bya bar grub bo/ /nga'i nyan thos kyi dge slong g.yo med pa/ sgyu med pa/ drang po/ drang po'i rang bzhin can tshur shog dang / de ni ngas
196a2 nang par gdams ngag phog na ni nub mo khyad par du 'gyur la/nub mo gdams ngag phog na ni nang par khyad par du 'gyur/ yod pa la yang yod pa nyid dang / med pa la yang med pa nyid dang / bla ma dang bcas pa la yang bla ma dang bcas pa nyid dang / bla na med pa la yang bla na med pa nyid du shes par
196a3 'gyur zhes bya ba ni mdo sde'i dum bu yin no//yod pa la yang yod pa nyid du shes par 'gyur zhes bya ba ni 'dus byas dang 'dus ma byas kyi dngos po yod par shes par 'gyur zhes bya ba'i tha tshig go/ /med pa la yang med pa nyid du shes par 'gyur zhes bya ba ni med pa ni bdag gi rdzas te/ 'dus byas
196a4 dang 'dus ma byas te/bdag gi mtshan nyid du med pas med do zhes bya bar shes par 'gyur zhes bya ba'i tha tshig go/ /de ltar gang gis shes par 'gyur zhe na/ stong pa nyid kyi ting nge 'dzin gyis so/ /de lta de ltar shes nas yang bla ma dang bcas pa la yang bla ma dang bcas pa nyid du ste/ bla ma dang
196a5 bcas pa de ni 'dus byas zag pa dang bcas pa dang zag pa med pa ste/mya ngan las 'das pa bla ma gtso bos bla ma dang bcas pa ma yin par smon pa med pa'i ting nge 'dzin gyis shes par 'gyur zhes bya ba'i tha tshig go/ /bla na med pa la yang bla na med pa nyid du shes par 'gyur te/ bla na med pa ni mya ngan las
196a6 'das pa ste/sdug bsngal spangs pa'i phyir na bla na med pa yin par mtshan ma med pa'i ting nge 'dzin gyis shes par 'gyur zhes bya ba'i tha tshig go/ /ji ltar na stong pa nyid la sogs pa'i ting nge 'dzin shes pa'i ngo bo ma yin pa rnams kyis de ltar shes par 'gyur zhe na/ stong pa nyid la sogs
196a7 pa'i ting nge 'dzin rnams kyis de ltar shes pa ni ma yin te/'on kyang stong pa nyid la sogs pa'i ting nge 'dzin la brten nas shes rab kyis shes par 'gyur bas stong pa nyid la sogs pa'i ting nge 'dzin de rnams kyis shes zhes tha snyad du gdags te/ de rnams gtso bo nyid yin pa'i phyir ro/ /
196b1 de de ltar shes nas smon pa med pas ni bla ma dang bcas pa la yid smon par mi byed do/ /mtshan ma med pas ni bla na med pa la smon par byed pas stong pa nyid la sogs pa de rnams kyi go rims ni de kho na'i phyir ro/ /don 'di nyid tshigs su bcad pas nye bar sbyar ba ni/ de la zhes bya ba rgyas par
196b2 'byung ba yin no//de la yod pa la ni yod par shes la/ med pa la ni med par shes so/ /gang gis she na/ stong pa nyid kyis te/ de gnyi ga stong pa nyid kyi ting nge 'dzin gyis so zhes bya ba'i tha tshig go/ /de nas de ltar shes nas/ gnyis kyi bla bcas bla med rig /smon pa med pa dang
196b3 mtshan ma med pa gnyis kyi bla ma dang bcas pa dang bla na med pa nyid du'o zhes bya ba'i tha tshig go//ji ltar gang yod la ste/ 'dus byas dang / 'dus ma byas pa'o/ /'dus byas ni bla ma dang bcas pa'o/ /'dus ma byas pa ni bla na med pa'o/ /de nyid kyi phyir ro zhes bya ba ni gang gi phyir sngar
196b4 stong pa nyid kyis yod pa la yod pa nyid du dang /med pa la med pa nyid du shes par byed do/ /de nas mjug thogs su gnyis kyis yod pa la bla ma dang bcas pa dang / bla na med par shes par byed pa de kho na'i phyir stong pa nyid la sogs pa'i ting nge 'dzin rnams kyi ste/ stong pa nyid dang smon pa
196b5 med pa dang mtshan ma med pa'i ting nge 'dzin rnams kyi go rims bzhin no//gzhan yang smras pa ni stong pa nyid la sogs pa'i ting nge 'dzin de rnams ji ltar na gnyen po nyid yin pa dang / ji ltar na gsum yin pa dang go rims ji lta bu yin pa'o/ /mdo sde'i dum bu'i tshig rnams kyi don ni bshad zin
196b6 to//gsum po de'i gnyen por ni/ /stong nyid la sogs ting 'dzin rnams/ /zhes bya ba ni bdag tu 'dzin pa dang / srid pa la sred pa dang / sred pa zad pa mi 'dod pa de gsum gyi gnyen por stong pa nyid la sogs pa'i ting nge 'dzin rnams so/ /gzhan yang mdo sde'i dum bu'i tshig de rnams
196b7 las ting nge 'dzin gang gis gang zhig ji ltar rig par bya ba dang /de rnams gsum nyid yin pa dang / /go rims ji lta bu yin pa de smras pa/ /gcig gis ni stong pa nyid kyi ting nge 'dzin gyis so/ /yod dang med pa rig pa ni ji ltar bstan pa lta bu'o/ /gnyis kyis ni smon pa med pa
197a1 dang /mtshan ma med pas so/ /yod la skyon yod rig pa ni ji skad bstan ma thag pa lta bu'o/ /de'i phyir ni rgyu'i phyir gsum mo/ /de dag gi rim pa ni sngar stong pa nyid kyi ting nge 'dzin de nas smon pa med pa dang / de nas mtshan ma med pa'o zhes bya ba ni snga mas phyi ma drangs te/
197a2 'di ltar go rims ni ting nge 'dzin snga mas ting nge 'dzin phyi mas phyi ma drangs pas so/ /lung las ni med dang zhes bya ba rgyas par 'byung bas ni med pa'i dngos po la ni bdag med pa'i mtshan nyid de med pa'i dngos po de la'o/ /de bzhin zhes bya ba ni tshig gi phrad do/ /skyon ldan gyi dngos po ni mi rtag pa
197a3 la sogs pa'i skyon rnams kyis so//yon tan ldan dngos la ni yon tan dang ldan pa'i dngos po ni mya ngan las 'das pa'o/ /dngos po rnam pa de gsum la/ yod 'dzin yon tan ldan 'dzin dang / /yon tan mi ldan 'dzin gzhom phyir/ /go rims bzhin du stong pa nyid la sogs pa'i ting
197a4 nge 'dzin rnams so zhes 'byung ba ni med pa'i dngos po la yod par 'dzin pa gzhom pa'i phyir ni/stong pa nyid kyi ting nge 'dzin to/ /skyon dang ldan pa'i dngos po la yon tan dang ldan par 'dzin pa gzhom pa'i phyir ni smon pa med pa'i ting nge 'dzin to/ /yon tan dang ldan pa'i dngos po la yon tan ma yin pa
197a5 dang ldan par 'dzin pa gzhom pa'i phyir ni mtshan ma med pa'i ting nge 'dzin to// //rnam par bshad pa rigs pa'i bshad pa/ bam po drug pa/ dge slong dag gang gi phyir 'phags pa nyan thos thos pa dang ldan pas 'jig rten kun 'byung ba dang / 'jig rten 'gog pa yang dag pa'i shes
197a6 rab kyis yang dag pa ji lta ba bzhin du de 'di ltar legs par mthong ba dang /legs par rig pa dang / legs par yid la byas pa dang / logs par bsten pa dang / legs par rtogs pa yin zhes bya ba ni mdo sde'i dum bu yin no/ /dga' ba dang bcas pa yin pa'i phyir ro/ /gang gi
197a7 phyir shes rab kyi dga' ba dang bcas pa yin pa de'i phyir legs par bsten pa zhes bya ste/bsten pa'i skad kyi dbyings ni dga' ba zhes bya ba yin par 'dod pa'i phyir ro/ /don dam pa la 'jug phyir ro/ /don dam pa bdag med pa nyid rtogs pa'i phyir te/ 'di ltar mdo las/ 'jig
197b1 rten kun 'byung ba dang /'jig rten 'gog pa ni rten cing 'brel par 'byung ba yin par bstan pas so/ /dge slong dag bzhi po 'di dag ni yang dag pa'i spong ba dag go/ /bzhi gang dag ce na/ 'di la dge slong sdig pa mi dge ba'i chos skyes pa rnams spang ba'i phyir 'dun pa skyed par byed/ rtsol
197b2 bar byed/brtson 'grus rtsom par byed/ sems rab tu 'dzin par byed/ rab tu 'jog par byed do/ /sdig pa mi dge ba'i chos ma skyes pa rnams mi skye ba'i phyir snga ma bzhin no/ /dge ba'i chos ma skyes pa rnams skyed pa'i phyir snga ma bzhin no/ /dge ba'i chos skyes pa rnams gnas pa dang /
197b3 nyams par mi 'gyur ba dang / bsgom pa yongs su rdzogs pa dang / phyir zhing 'byung ba dang / 'phel zhing rgyas pa dang / ye shes kyis mngon sum du bya ba'i phyir 'dun pa skyed par byed ces rgyas par 'byung ba yin no/ /de dag go rims bzhin du rig par bya'o zhes bya ba ni 'dun pa la sogs pa lta
197b4 po'o//spang ba la sogs par 'dod pa nyid kyi phyir zhes bya ba ni sdig pa mi dge ba'i chos skyes pa rnams spang bar 'dod pa'i phyir 'dun pa skyed par byed do/ /de dag ma skyes pa rnams mi skyed par 'dod pa'i phyir 'dun pa skyed par byed do/ /de bzhin du dge ba'i chos ma skyes pa rnams skyed par 'dod
197b5 pa'i phyir 'dun pa skyed par byed do//skyes pa rnams gnas par 'dod pas 'dun pa skyed par byed do/ /de'i thabs yongs su gzung ba nyid kyi phyir zhes bya ba ni spong ba la sogs pa de rnams kyi thabs yongs su bzung ba'i phyir rtsol bar byed do/ /de lan mang du bya ba dang / brtan por bya ba nyid kyi phyir
197b6 zhes bya ba ni de'i thabs yongs su bzung ba de lan mang du bya ba dang /brtan por bya ba ste/ de gnyis kyi phyir ni de lan mang du bya ba dang / brtan por bya ba de nyid kyi phyir brtson 'grus rtsom par byed do/ /de la lan mang du bya ba ni rtag tu bya ba nyid do/ /brtan por bya ba ni gus par bya ba nyid do/ /zhum pa dang
197b7 rgod pa'i gnyen po bsgom pa nyid kyi phyir zhes bya ba ni zhum pa'i gnyen po bsgom pa'i phyir sems rab tu 'dzin par byed do//rgod pa'i gnyen po bsgom pa'i phyir sems rab tu 'jog par byed do zhes bya bar sbyar ro/ /gzhan yang spang ba la sogs par 'dod pa nyid kyi phyir zhes bya ba ni rnam
198a1 grangs dang po dang don mthun no//de dag la sbyor ba nyid kyi phyir zhes bya ba ni spang ba la sogs pa de dag la sbyor ba'i phyir rtsol bar byed do/ /rnam grangs gzhan 'di yang rnam grangs snga ma dang don mthun no/ /de la brtson pa'i zhes bya ba rgyas par 'byung ba ni spang ba la sogs
198a2 pa de dag la brtson pa'i lus dang sems dub par byed na ste/lus dub par gyur pa dang / sems dub par gyur pa na brtson 'grus rgyun mi 'chad pa'i phyir brtson 'grus rtsom par byed do/ /zhi gnas zhes bya ba rgyas par 'byung ba ste/ zhi gnas kyis nye ba'i nyon mongs pa spang ba'i phyir sems
198a3 rab tu 'dzin par byed do//lhag mthong gis nye ba'i nyon mongs pa spang ba'i phyir rab tu 'jog par byed do/ /nye ba'i nyon mongs pa de dag gang zhe na/ zhum pa dang rgod pa gnyis so/ /gzhan yang zhes bya ba rgyas par 'byung ba ni rnam grangs gzhan yang rtsol bar byed pa ni so sor rtogs pa'i
198a4 dus na ste/so sor rtog pa ni mi mthun pa'i phyogs dang / gnyen po gnyis dang / nyes dmigs dang / phan yon la lta ba yin par mdo las gsungs pa'i phyir te/ dge slong dag le lo can ni sdug bsngal bar gnas shing sdig pa mi dge ba'i chos kun nas nyon mongs pa can yang 'byung
198a5 bar rims nad dang sdug bsngal gyi rnam par smin pa dang bcas pa tshe phyi ma la skye ba dang rga shi rnams dang 'dres pa yin la/de'i don chen po yang yongs su nyams par 'gyur ro/ /brtson 'grus brtsams pa ni sdig pa mi dge ba'i chos rgyas par 'byung ba rnams dang ma 'dres pa yin no zhes 'byung
198a6 ba yin no//sgom pa'i dus na ting nge 'dzin la brten pa nyid kyi phyir te/ ji ltar na dus 'di gnyis su 'di gnyis la brten pa'i phyir rtsol bar byed pa yin zhe na/ sems zhum pa rab tu bzung nas nang du rab tu 'jog pa'i phyir na dge slong ma'i mdo sde las 'byung ba bzhin no/ /dge slong ma'i mdo sde
198a7 las shin tu rgyas par gsungs nas/de lus la lus kyi rjes su lta zhing gnas pa na lus kyi rmugs pa dang / sems kyi zhum pa nyid du 'byung na kun dga' bo dge slong des dang bar 'gyur ba'i sdug pa'i mtshan ma 'ga' zhig yid la bya'o/ /de dang bar 'gyur ba'i sdug pa'i mtshan ma 'ga'
198b1 zhig yid la byed pa na mchog tu dga' ba nyid skye'o//mchog tu dga' ba las dga' ba skye'o zhes rgyas par 'byung ba yin no/ /de nas gzhan mu stegs can kun du rgyu ba rab tu mang po rtog khang du 'dus te 'khod pa dag gtam 'di lta bu dag kun du rjod par gyur to/ /shes ldan dag 'od
198b2 srungs rdzogs byed 'di ni 'dus pa dang ldan pa/tshogs dang ldan pa tshogs kyi slob dpon skye bo mang pos dge ba'i rang bzhin du kun du shes pa/ tshogs chen pos mdun gyis bdar ba'o zhes bya ba rgyas par 'byung ba ni mdo sde'i dum bu yin no/ /go rims bzhin ni nyan pa po'i tshogs 'dus pa
198b3 ni 'dus pa dang ldan pa ste/'di la 'dus pa yod pas so/ /'khod pa ste/ yul gzhan la 'khod pa ni tshogs dang ldan pa ste/ 'di la tshogs yod pas so/ /de rnams la rang gi bstan bcos kyis rjes su ston pa'i phyir ro/ /nyan pa po de rnams la rang gi bstan bcos kyis rjes su ston pa'i
198b4 phyir te/'dul ba'i phyir tshogs kyi slob dpon yin no/ /yid ches pa phun sum tshogs pa ni kun du sgrogs par byed pa mang po rnams kyis rtogs pa la yid ches pa nyid yin pa'i phyir yin gyi gzhan du na bzo'i las la ni ma yin no/ /'od srungs rdzogs byed ji lta ba bzhin du kun du rgyu gnag lhas
198b5 kyi bu dang /smra 'dod kyi bu mo'i bu yang dag rgyal ba can dang / mi pham skra'i la ba can dang / ka t+ya'i bu nog can dang / gcer bu pa gnyen gyi bu yang de bzhin du 'dus pa dang ldan pa/ tshogs dang ldan pa/ tshogs kyi slob dpon zhes bya ba snga ma bzhin no/ /dmag ldan chos 'di ni zab pa/ zab
198b6 par snang ba/mthong bar dka' ba/ khong du chud par dka' ba/ brtag mi nus pa/ rtog ge'i spyod pa ma yin pa/ zhib mo brtag pa mkhas pa dang / mdzangs pas rig par bya ba yin no zhes bya ba ni mdo sde'i dum bu yin no/ /de nas bcom ldan 'das kyis chos bdag med pa thugs su chud pa gang
198b7 yin pa de'i dbang du mdzad pa'i phyir ro zhes bya ba ni dmag ldan gyi mdo de las chos bdag med pa de'i dbang du mdzad pa nyid yin pa'i phyir te/skabs dang sbyar ba'i phyir ro/ /ji ltar na de las de'i dbang du mdzad pa yin zhe na/ rgyas par gsungs nas dmag ldan de'i phyir khyod nyid la dris/ khyod
199a1 nyid kyis ji ltar bzod pa de ltar lan thob shig /dmag ldan ji snyam du sems/ khyod gzugs de bzhin gshegs pa yin par yang dag par rjes su lta'am/ kye gau ta ma ma lags so/ /khyod tshor ba dang 'du shes dang 'du byed rnams dang / rnam par shes pa de
199a2 bzhin gshegs pa yin par yang dag par rjes su lta'am/kye gau ta ma ma lags so/ /dmag ldan khyod ji snyam du sems/ khyod gzugs la de bzhin gshegs pa yod par yang dag par rjes su lta'am/ kye gau ta ma ma lags so/ /khyod tshor ba dang / 'du shes dang / 'du byed rnams
199a3 dang /rnam par shes pa la de bzhin gshegs pa yod par yang dag par rjes su lta'am/ kyai gau ta ma ma lags so/ /khyod gzugs las gzhan dang / tshor ba las gzhan dang / 'du shes las gzhan dang / 'du byed rnams las gzhan dang / rnam par shes pa las gzhan pa zhig na de
199a4 bzhin gshegs pa yod par yang dag par rjes su lta'am/kye gau ta ma ma lags so/ /khyod gzugs dang / tshor ba dang / 'du shes dang / 'du byed rnams dang / rnam par shes pa rnams la de bzhin gshegs pa yod par yang dag par rjes su lta'am/ kye gau ta ma ma lags so/ /'o na de
199a5 bzhin gshegs pa de 'di ltar yin nam/khyod gzugs med pa/ tshor ba med pa/ 'du shes med pa/ 'du byed med pa/ rnam par shes pa med pa zhig de bzhin gshegs pa yin par yang dag par rjes su lta'am/ kye gau ta ma ma lags so zhes 'byung bas so/ /ston pa na rtog ge'i spyod
199a6 pa ma yin te zhes bya ba ni chos bdag med pa de ston pa na rtog ge'i spyod pa ma yin te/des na khong du chud par dka' ba yin no/ /ci'i phyir rtog ge'i spyod pa ma yin zhe na/ de ni rtog ge'i la ma grags pa zhes bya ba nyid yin pa'i phyir ro/ /'di ltar de ni rtog ge'i bstan bcos 'ga' la yang ma
199a7 grags pa yin te/chos bdag med pa de ma bstan to zhes bya ba'i tha tshig go/ /don dam par mthong bar dka' ba nyid kyi phyir zab pa'o zhes bya ba ni 'jig rten las 'das pa'i ye shes dam pa'i don te/ yul yin pas don dam pa'o/ /der mthong bar dka' ba nyid kyi phyir zab pa'o/ /kun rdzob kyi
199b1 don du zhes bya ba rgyas par 'byung ba ni kun rdzob ste/bstan pa'i don ni kun rdzob kyi don te/ don gang zhig kun rdzob kyi khong du chud par bya'o/ /kun rdzob kyi don dam pa'i ye shes dang mthun pa de lta bur khong du chud par dka' ba nyid kyi phyir zab par snang ba'o/ /don dam par brtag par mi nus pa nyid kyi
199b2 phyir mthong bar dka' ba ste/ye shes dam pa'i don gang yin pa der brtag par mi nus pa nyid kyi phyir mthong bar dka' ba'o/ /de bzhin du kun rdzob kyi don du rtog ge'i spyod yul ma yin pa nyid kyi phyir khong du chud par dka' ba'o/ /ci'i phyir zhe na/ bdag med pa bstan pa'i chos de ni rtog ge la rgyu ba ma
199b3 yin pa'i phyir ro//ci'i phyir rtog ge la rgyu ba ma yin zhe na/ don dam pa'i dbang du mdzad pa ste/ gang gi phyir mdo sde 'di las don dam pa'i dbang du mdzad pa yin te/ dmag ldan de'i phyir khyod nyid la dris zhes rgyas par 'byung bas so/ /de ltar na ji ltar na zab pa zhes bya ba rgyas par 'byung
199b4 ba ni ji skad bstan pa de ltar na/ji ltar na zab pa ste/ rnam pa gang ltar chos bdag med pa de zab pa dang / ji ltar na zab par snang ba de tshig gnyis kyis yongs su bstan pa ni mthong bar dka' ba dang / khong du chud par dka' ba zhes bya ba dang go rims bzhin no/ /rgyu gang gis mthong bar dka' ba
199b5 dang /khong du chud par dka' ba de yang brtag par mi nus pa dang / rtog ge'i spyod pa ma yin pa zhes bya ba tshig gnyis kyis bstan to/ /de kho na'i don la 'jug pa nyid dang / de rnams kyi don mtha' dag la 'jug pa nyid kyang ji lta ba bzhin dang / ji snyed yod pa nyid can gyi rgyus so zhes bya ba ni ji
199b6 lta ba bzhin yod pa nyid can gyi rgyus dang /ji snyed yod pa nyid can gyi rgyus te go rims bzhin no/ /de gnyis kyang zhes bya ba rgyas par 'byung ba ni zhib mo dang / brtag pa de gnyis kyang rnam pa gnyis te/ mkhas pa rnams te/ so so'i skye bo gang dag sngon blo yongs su smin par byas pa skye bas thob
199b7 pa don de gnyi ga la 'jug nus pa ste/de kho na'i don la 'jug nus pa dang / don mtha' dag la 'jug nus pa'i shes rab dang ldan pa ste/ go rims bzhin no/ /zhib mo dang / brtag pa de gnyis ni mdzangs pa rnams kyang yin te/ bden pa mthong ba rnams so/ /ji ltar na de dag mdzangs pa
200a1 nyid yin zhe na/de rnams ni zhes bya ba rgyas par smos te/ bden pa mthong ba de rnams ni de gnyi ga'i don la zhugs pa'i shes pa can nyid yin pa'i phyir te/ de gnyis ka'i don phra ba dang mtha' dag la zhugs pa'i shes pa can nyid yin pa'i phyir mdzangs pa rnams so/ /
200a2 de bzhin gshegs pas phan yon bcu gzigs nas 'dul ba la nyan thos rnams kyi bslab pa'i gzhi 'cha' bar mdzad do/ /bcu gang zhe na/ 'di lta ste/ dge 'dun bsdu ba'i phyir dang / dge 'dun legs par bya ba'i phyir dang / dge 'dun bde bar bya ba'i phyir dang / mngon par ma
200a3 dad pa rnams dad par bya ba'i phyir dang /mngon par dad pa rnams phyir zhing 'byung bar bya ba'i phyir dang / gang zag gnod mi bkur ba rnams tshar gcod pa'i phyir dang / ngo tsha shes pa rnams bde bar gnas par bya ba'i phyir dang / mthong ba'i chos kyi zag pa rnams bsdam pa'i phyir dang / tshe
200a4 rabs phyi ma'i zag pa rnams bzlog pa'i phyir dang /tshangs par spyod pa rjes su gzung ba'i phyir dang / tshangs par spyod pa yun ring du gnas par bya ba'i phyir te/ da'i tshangs par spyod pa yun ring du gnas par 'gyur ba dang / skye bo mang po la phan pa dang rgyas pa dang lha dang mi rnams kyi bar dag
200a5 la yang dag par legs bar rab tu bstan pa'o zhes bya ba ni mdo sde'i dum bu yin no//yang dag par blang ba dang / rjes su bsrung ba dang / sor gzhug pa rnams ni slob pa yin no/ /de la yang dag par blang ba ni rang bzhin gyi kha na ma tho ba dang bcas pa dang / bcas pa'i kha na ma thob dang bcas
200a6 pa srog gcod pa spang ba la sogs pa blang ba'o//yang dag par blang ba rnams ni rjes su bsrung ba'o/ /ral pa rnams sor gzhug pa ni mthol ba'o/ /bslab pas na bslab pa ste sgrub pa yin no/ /bya ba ma yin pa dang zhes bya ba ni rgyas par 'byung ba ni bya ba ma yin pa dang / bya ba yang dag par blang
200a7 bar bya ba ni bslab pa'i gzhi yin no//de la bya ba ma yin pa ni rang bzhin gyi kha na ma tho ba dang bcas pa rnams dang bcas pa'i kha na ma tho ba dang bcas pa rnams so/ /bya ba ni kun du spyad par bya ba'i chos gos gsum bgo ba la sogs pa rnams so/ /bya ba dang bya ba ma yin pa rjes su bsrung bar bya ba yang
200b1 bslab pa'i gzhi'o//bya ba dang bya ba ma yin pa sor gzhug par bya ba yang bslab pa'i gzhi yin no/ /bslab pa dag gi gzhi ni bslab pa'i gzhi ste/ bslab pa'i rten ces bya ba'i tha tshig go/ /gzhan yang zhes bya ba rgyas par 'byung ba ni spang ba dang / blang ba dang / so sor bshags pa dang
200b2 nyin mtshan du slob pa ni spang ba dang /blang ba dang / so sor bshags pa dang / nyin mtshan du slob pa ni bslab pa yin te/ sgra gcan zin gyi mdo sde las byung ba bzhin no/ /ji skad 'byung zhe na/ rgyas par gsungs nas/ sgra gcan zin gal te khyod de ltar so sor rtog pa ni lus kyi las
200b3 'di bdag dang gzhan la gnod pa dang ldan pa mi dge ba sdug bsngal 'byung ba/sdug bsngal rnam par smin pa can yin par shes na/ sgra gcan zin khyod kyis lus 'di las de spangs shig /sgra gcan zin gal te khyod de ltar so sor rtog pa na bdag gis lus kyi las bya bar gang bsams
200b4 pa'i lus kyi las de bdag dang gzhan la mi gnod pa can yin na long shig ces 'byung ba ni spang ba dang blang ba'o//so sor bshags pa yang rgyas par gsungs nas sgra gcan zin khyod kyis lus kyi las de ston pa dang / tshangs pa mtshungs par spyod pa mkhas pa rnams la so sor bshags par bya
200b5 zhing phyin chad bsdam par bya'o zhes 'byung ba dang /nyin mtshan du slob pa yang rgyas par gsungs nas sgra gcan zin gal te/ khyod dran pa dang / shes bzhin gyis dga' ba dang / mchog tu dga' ba de kho nas nyin mtshan du slob pa la lan mang du gnas bar bya'o zhes 'byung ba yin no/ /tshul
200b6 khrims kyi yan lag rnams te//srog gcod pa spong ba la sogs pa rnams ni bslab pa'i gzhi yin no/ /bslab pa nyid gzhi yin te/ bslab pa 'dod pa rnams khyad par du 'gyur ba'i phyir ro zhes bya ba ni mya ngan las 'das pa'i bar du thob pa'i phyir ro zhes bya ba'i tha tshig go/ /bslab pa mthun pa
200b7 nyid kyis ni gcig gis gcig bsdus pa yin no//de'i phyir de bzhin gshegs pas nyan thos rnams kyi bslab pa'i gzhi 'cha' bar mdzad do/ /dge 'dun legs par bya ba'i phyir ni dge 'dun legs par bya ba'i ched du'o/ /don gang gis she na/ mdzes pa nyid kyis so/ /dge 'dun
201a1 bde bar bya ba'i phyir ni dge 'dun bde bar bya ba'i ched du'o//don gang gis she na/ yang dag par blang ba sgrub pas mchog tu dga' ba mang ba nyid kyis so/ /yang dag par blang ba sgrub pa des mchog tu dga' ba ni yang dag par blang ba sgrub pas mchog tu dga' ba ste/
201a2 de mang ba nyid ni yang dag par blang ba sgrub pas mchog tu dga' ba mang ba nyid de/ /phyir zhing 'byung bar bya ba'i phyir zhes bya ba ni phyir zhing skye ba nyid yin pas phyir zhing 'byung ba ste/ 'phel ba zhes bya ba'i tha tshig go/ /de bya ba'i phyir na phyir zhing 'byung bar bya ba'i phyir ro/ /de nyid kyis de 'phel
201a3 par byed pa nyid kyis so zhes bya ba ni mdzes pa de nyid kyis de 'phel bar byed pa de nyid kyis te/dad pa 'phel bar byed pa nyid kyis so/ /gang zag gnong mi bkur ba zhes bya ba rgyas par 'byung ba ni gang zag gnod mi bkur ba ste/ ngo tsha mi shes pa rnams tshar bcad pa'i phyir ro/ /don gang
201a4 gis she na/bslab pa las 'da' bas mi 'dzem pa rnams te/ bslab pa mi 'dod pa rnams gnas nas dbyung ba dang bskrad pa nyid kyis so/ /gang dag bslab pa las 'da' bas 'dzem par mi byed pa de rnams ni bslab pa las 'da' bas mi 'dzem pa rnams te/ bslab pa mi 'dod pa rnams
201a5 gnas nas dbyung ba nyid kyis dang /bskrad pa nyid kyis so/ /nyes par byed pa de kha cig ni dge 'dun gyi nang nas gnas nas dbyung ngo / /kha cig ni bskrad par bya'o/ /ngo tsha shes pa rnams bde bar gnas par bya ba'i phyir ni ngo tsha shes pa rnams bde bar gnas par bya ba'i ched du'o/ /don gang
201a6 gis she na/bslab pa 'dod pa rnams tshul khrims mtshungs pa nyid kyis te/ tshul khrims 'dra ba nyid kyis bskyod pa med par 'grogs na bde ba nyid kyis so/ /bskyod pa med pa rnams 'grogs na bde ba nyid kyis de bzhin gshegs pa nyan thos rnams kyi bslab pa'i gzhi 'cha' bar
201a7 mdzad de zhes bya bar skabs dang sbyar ro//bsdam pa'i phyir ni bzlog pa'i phyir ro/ /de ltar byung ba'i zhes bya ba ni mthong ba'i chos kyi zhes bya ba'i tha tshig go/ /gang rnam pa zhes bya ba ni zag pa rnams so/ /tshe rabs phyi ma'i zhes bya ba ni ma 'ongs pa ste/ tshe rabs gzhan gyi zhes bya ba'i tha tshig
201b1 go//gang dag la zhes bya ba ni zag pa dag la zhes bya ba'i tha tshig go/ /tshangs par spyod pa rjes su gzung ba'i phyir dang / tshangs par spyod pa yun ring du gnas par bya ba'i phyir te zhes bya ba phan yon bcu'i tshig gnyis po 'di'i rnam par bshad pa ni nga'i tshangs par spyod pa yun ring du gnas par
201b2 'gyur ba zhes bya ba 'di yin no//ji ltar na yun ring du gnas par 'gyur zhe na/ tshangs par spyod pa brda can dang / don dam pa pa'i rjes su 'jug pas so/ /de la tshangs par spyod pa brda can ni 'khrig pa'i chos las ldog pa'o/ /brda can ni tha snyad can zhes bya ba'i tha tshig ste/ de'i rjes su
201b3 'jug pas dang /tshangs par spyod pa don dam pa'i rjes su 'jug pas so/ /tshangs par spyod pa don dam par ni 'phags pa'i lam yan lag brgyad do/ /ji ltar na de'i rjes su 'jug pa yin zhe na/ rab tu byung ba dang / rtogs pa brgyud pa gnyis kyis so/ /rab tu byung ba brgyud pa dang /
201b4 rtogs pa brgyud pas so/ /de rnams las gcig ni zhes bya ba rgyas par 'byung ba ni phan yon bcu po de rnams las dge 'dun bsdu ba'i phyir zhes bya ba phan yon gcig po 'di ni bstan pa mi byed par bya ba'i dbang du mdzad nas yin no/ /dge 'dun legs par bya ba'i phyir zhes bya ba gcig po 'di ni kha na
201b5 ma tho ba med pa nyid kyi dbang du mdzad nas so//dge 'dun bde bar bya ba'i phyir zhes bya ba gcig po 'di ni rgyu phun sum tshogs pa'i dbang du mdzad nas te/ rgyu phun sum tshogs pa'i ched du mdzad nas zhes bya ba'i tha tshig go/ /ji ltar byas pas she na/ mdo las tshul khrims dang ldan pa ni yid
201b6 la gcags pa med pas yin no//yid la gcags pa med na mchog tu dga' ba skye'o/ /mchog tu dga' na dga' ba skye'o/ /yid dga' na lus shin tu sbyangs par 'gyur ro/ /lus shin tu sbyangs na bde ba myong ngo / /sems bde na mnyam par 'jog par 'gyur ro/ /sems mnyam
201b7 par bzhag nas yang dag pa ji lta ba bzhin du rab tu shes pa yin no zhes gsungs pa yin no//gnyis ni zang zing gi longs spyod phun sum tshogs pa'i dbang du mdzad nas so/ /gnyis po gang dag ce na/ mngon par ma dad pa rnams dad par bya ba'i phyir dang mngon par dad pa rnams phyir
202a1 zhing 'byung bar bya ba'i phyir zhes bya ba 'di gnyis te/khyim pa de dag ni de rnams la sems dang bas de rnams la bkur sti byed do/ /gnyis ni chos kyi longs spyod phun sum tshogs pa'i dbang du mdzad nas so/ /gnyis po gang dag ce na/ /gang zag gnong mi bkur
202a2 ba rnams tshar gcad pa'i phyir dang /ngo tsha shes pa rnams bde bar gnas par bya ba'i phyir zhes bya ba 'di gnyis so/ /de rnams ni bslab pa las 'das pas mi 'dzem pa rnams te/ bslab pa mi 'dod pa rnams gnas nas dbyung ba dang / bskrad pa nyid kyis yin la/ bslab pa 'dod pa
202a3 rnams ni tshul khrims mtshungs pa nyid kyis bskyod pa med par 'grogs na bde ba nyid kyis chos kyi longs spyod nyams su myong bar 'gyur ro//gnyis ni mya ngan las 'das pa thob pa phun sum tshogs pa'i dbang du mdzad nas te/ mya ngan las 'das par phyin pa'i dbang du mdzad nas zhes bya ba'i tha tshig
202a4 go//gnyis po gang dag ce na/ mthong ba'i chos kyi zag pa rnams bsdam par bya ba'i phyir dang / tshe rabs phyi ma'i zag pa rnams bzlog pa'i phyir zhes bya ba 'di gnyis so/ /de rnams ni de'i gnyen por gnas pa na myur du yongs su mya ngan las 'da' bar byed do/ phan yon gcig ni bstan pa'i
202a5 don che ba nyid phun sum tshogs pa'i dbang du mdzad nas so//gang zhe na/ tshangs par spyod pa rjes su gzung ba'i phyir dang / tshangs par spyod pa yun ring du gnas par bya ba'i phyir te zhes bya ba 'dis te/ bstan pa'i don che ba nyid kyi phyir du mdzad nas bca' ba mdzad do/ /ji ltar na de'i don
202a6 che ba nyid yin zhe na/rab tu byung ba dang / rtogs pa brgyud pa gnyis kyis so/ /skye bo mang po la phan pa ni skye bo mang po la brten pas so/ /rgyas pa ni rgya che ba'o/ /lha dang mi rnams kyi bar dag la zhes bya ba ni mi rnams 'ba' zhig la ma yin pa'o/ /dge slong dgra
202a7 bcom pa zag pa zad pa'i sdug bsngal gang yin pa de 'gags pa dang /de nye bar zhi ba dang / de bsil bar gyur pa dang / de nub pa zhes bya ba ni mdo sde'i dum bu yin no/ /yang 'byung ba pa zhes bya ba ni yang 'byung ba la yod pas yang 'byung ba pa'o/ /'jig rten pa'i 'gog pa las
202b1 khyad par du bya ba'i phyir nye bar zhi ba smos pa ni 'jig rten pa'i 'dod chags dang bral ba rnams la ni yang 'byung ba'i sdug bsngal 'gog pa yod pa dang /de gtan du mi skye ba'i chos nyid ma yin no/ /de'i phyir de las khyad par du bya ba'i phyir nye bar zhi ba smos pa yin no/ /gal te de ltar de 'gags
202b2 pa zhes bya ba'i 'gog pa smos par mi bya'o zhe na/bsrabs pa'i dngos po nye bar zhi ba las khyad par du bya ba'i phyir 'gog pa smos pa ni sdug bsngal bsrabs par gyur pa la yang nye bar zhi ba zhes bya bas so/ /nyon mongs pa'i bag la nyal gyi drod dang bral ba'i phyir na zhes bya ba ni/ nyon mongs
202b3 pa'i bag la nyal nyid drod yin pas/nyon mongs pa'i bag la nyal gyi drod yin te/ de dang bral ba ni nyon mongs pa'i bag la nyal gyi drod dang bral ba ste de'i phyir na'o/ /bum pa'i gyo mo tsha ba bsil bar gyur pa bzhin no/ /ji ltar bum pa'i gyo mo tsha ba drod dang bral na bsil bar gyur pa zhes bya ba de bzhin no/ /
202b4 bag la nyal lus pa'i phyir ro zhes bya ba ni nyon mongs pa'i sa bon lus pa'i phyir ro zhes bya ba'i tha tshig go/ /dgra bcom pa'i ni de las bzlog pa'i phyir nye bar zhi ba yin te/ phyis mi skye ba'i chos nyid yin pa'i phyir ro/ /bsil bar gyur pa yin te/ bag la nyal spangs pa'i phyir ro/ /nub
202b5 pa yin te/sa gong ma pa'i sdug bsngal 'gags pa'i phyir ro/ /de'i rnam pa dang mthun par zhes bya ba rgyas par 'byung ba ni 'phags pa rnams kyi sdug bsngal 'gog pa de'i rnam pa zhi ba la sogs pa ni de'i rnam pa rnams so/ /de'i rnam pa dang mthun pa ste/ rjes su mthun pa der ni de'i
202b6 rnam pa dang rjes su mthun par ro//dgra bcom pa'i sdug bsngal 'gags pa dang / nub pa zhes bya ba'i bar yin par bstan pa ni de la 'gags pa zhes bya ba ni 'gog pa'i rnam pa'o/ /nye bar zhi ba zhes bya ba ni zhi ba'i rnam pa'o/ /bsil bar 'gyur ba zhes bya ba ni gya nom pa'i rnam pa'o/ /nub
202b7 pa zhes bya ba ni nges par 'byung ba'i rnam pa ste/de ltar na de dang rjes su mthun par bstan to/ /bram ze ni 'di lta ste/ som nyi med cing / 'gyod pa chad pa dang / 'byung ba dang 'jig pa la sred pa dang bral ba dang / chags pa rgyas par mi 'gyur ba yin no zhes bya ba ni mdo sde'i dum bu yin
203a1 no//ye shes dang spangs pa phun sum tshogs pas bstan pa ni ye shes phun sum tshogs pa dang / spangs pa phun sum tshogs pas don dam pa'i bram ze'i mtshan nyid bstan to/ /de la ye shes phun sum tshogs pas ni don dam pa dang / rang gis thob pa la
203a2 som nyi med pa'i phyir ro zhes bya ba ni don dam pa sdug bsngal la sogs pa'i bden pa rnams la the tshom dang ba'i phyir dang rang gis thob pa rgyun du zhugs pa la sogs pa'i 'bras bu la ci bdag gis 'bras bu de thob pa ma 'thob snyam du de ltar the tshom med pa'i phyir ro//lhag mas ni spangs pa phun sum
203a3 tshogs pa ste/lhag ma gang gis she na/ 'gyod pa 'chad pa dang / 'byung ba dang 'jig pa sred pa dang bral ba dang / chags pa rgyas par mi 'gyur ba yin no zhes bya ba 'dis ni spangs pa phun sum tshogs pas de bstan to/ /spangs pa phun sum tshogs pa yang ji lta bu zhe na ngan song ba dang /
203a4 yang 'byung ba pa'i kun nas nyon mongs pa spangs pa'i phyir te/ ngan song ba'i kun nas nyon mongs pa spangs pa'i phyir dang / yang 'byung ba pa'i kun nas nyon mongs pa spangs pa'i phyir ro zhes bya ba'i tha tshig go/ /ngan song du 'gyur ba'i kun nas nyon mongs pa ni ngan song ba'o/ /yang 'byung ba pa
203a5 yang de bzhin no//de gnyis spangs pa yang ji lta bu zhe na/ re zhig ngan song ba'i kun nas nyon mongs pa ni 'gyod pa chad pa nyid kyis te 'gyod pa chad pa zhes bya ba'i tha tshig 'dis so/ /ji ltar na 'gyod pa chad pa nyid kyis she na/ nyon mongs par 'gyur ba'i las spangs pa'i phyir
203a6 te/nyon mongs par 'gyur ba'i las ni lus dang ngag gis nyes par spyad pa ste/ de byas na nyon mongs par 'gyur bas so/ /lhag mas ni yang 'byung ba pa'i kun nas nyon mongs pa spangs pa ni 'byung ba dang 'jig pa la srid pa dang bral ba dang / chags pa rgyas par mi 'gyur ba yin no/ /
203a7 zhes bya ba'i lhag ma 'dis so/ /ji ltar byas pas she na/ 'dun pa dang 'dod chags spang bar yongs su bstan pa'i phyir ro/ /'dun pa spang bar yongs su bstan pa'i phyir ni 'byung ba dang / 'jig pa la sred pa dang bral ba zhes bya ba'i tshig 'dis so/ /'dod chags spang bar yongs su bstan
203b1 pa'i phyir ni chags pa rgyas par mi 'gyur ba yin no zhes bya ba'i tshig 'dis so//'dun pa ni gang yin/ 'dod chags ni gang yin zhe na/ de gnyis kyi mtshan nyid ni 'byung ba dang 'jig pa la zhes bya ba rgyas par gsungs pa yin no/ /chags pa rgyas par mi 'gyur ba yin no zhes bya ba ni
203b2 mtshungs par ldan pas sam/sa bon gyi sgo nas 'ching bar mi 'gyur ba yin no zhes bya ba'i tha tshig go/ /sred pa thams cad ces bya ba'i rgyas par 'byung ba'i tshigs su bcad pa 'di dang yang sbyar bar bya ste/ ji ltar zhe na/ sred pa thams cad rnam spangs nas/ /zhes bya ba ni 'byung ba dang /
203b3 'jig pa la sred pa dang bral ba zhes bya ba 'di dang sbyar bar bya'o/ /'du byed thams cad zad phyir dang / /zhes bya ba ni 'gyod pa chad pa zhes bya ba 'di dang ngo / /phung bo thams cad yongs shes nas/ /zhes bya ba de la phung po ni nye bar len pa lnga'i mtshan nyid kyi sdug bsngal te/ de zag pa
203b4 med pa'i ye shes kyis yongs su shes par bya ba yin no//'di yang som nyi med pa nyid dang sbyar bar bya ste/ don mthun pa nyid du bya'o/ /go rims tha dad pa tsam zhig khyad par yod de/ ji skad bstan pa'i tshigs su bcad pa 'di las kyang mdor na ye shes phun sum tshogs pa dang / spangs
203b5 pa phun sum tshogs pa bstan to//las dang sred dang zhes bya ba'i tshigs su bcad pa 'di dang yang sbyar bar bya'o/ /ji ltar zhe na/ tshigs su bcad pa las las dang sred pa dang ma rig pa gsum 'byung ba gang yin pa de'i gnyen por mdo sde'i dum bu sbyar bar bya'o/ /de la 'gyod pa chad
203b6 pa zhes bya ba ni las kyi gnyen por sbyar bar bya'o//'byung ba dang 'jig pa la sred pa dang bral ba zhes bya ba ni sred pa'i gnyen por ro/ /som nyi med pa zhes bya ba ni ma rig pa'i gnyen por ro/ /ji skad bstan pa 'di la yang go rims tha dad pa tsam zhig khyad par yod do/ /gzhan yang zhes bya ba
203b7 rgyas par 'byung ba ni som nyi med pa nyid kyis ni shes nas dad pa gsum thob par ston la zhes bya ba ni sangs rgyas dang chos dang dge 'dun la shes nas dad pa thob par ston to//gang gi tshe dad pa de thob ce na/ bden pa mngon par rtogs pa'i tshe ste/ mthong ba'i lam nas langs pa na 'di ltar kye ma
204a1 bcom ldan 'das ni yang dag par rdzogs pa'i sangs rgyas so//de'i chos ni legs par gsungs pa yin no/ /de'i nyan thos kyi dge 'dun ni legs par zhugs pa yin no zhes mngon sum du byed do/ /shes nas dad pa zhes bya ba'i don ci zhe na bden pa yang dag pa ji lta ba
204a2 bzhin du rtogs nas dad pa ni shes nas dad pa'o//mthong ba'i lam kho na la 'gyod pa chad pa nyid kyis ni 'phags pa dgyes pa'i tshul khrims thob bo/ /'phags pa dgyes pa'i tshul khrims de dag kyang zag pa med pa'i sdom pa yin no/ /'phags pa dgyes pa zhes bya ba ni zag pa med pa ni 'phags
204a3 pa rnams dgyes pa ste/thugs su 'thad pa yin pa'i phyir 'phags pa dgyes pa dag go/ /de ltar na zhes bya ba rgyas par 'byung ba ni ji skad bstan pa de ltar na mthong ba'i lam gyi bram ze'i tshul gyis te/ som nyi med pa nyid dang 'gyod pa chad pa nyid kyis te/ go rims bzhin du shes nas dad pa
204a4 dang /'phags pa dgyes pa'i tshul khrims gnyis kyis slob pa'i bram ze'i mtshan nyid yongs su bstan to/ /lhag mas te 'byung ba dang / 'jig pa la sred pa dang bral ba dang / chags pa rgyas par mi 'gyur ba yin no zhes bya ba 'dis ni/ mi slob pa'i bram ze'i mtshan nyid yongs su bstan
204a5 pa/ji ltar zhe na/ 'dun pa dang 'dod chags spangs par yongs su bstan pa'i phyir ro zhes bya ba ni 'dun pa spangs par yongs su bstan pa'i phyir dang / 'dod chags spangs par yongs su bstan pa'i phyir ro/ /de la 'byung ba dang 'jig pa la sred pa dang bral ba bzhin bya ba'i tshig 'dis ni gson pa
204a6 dang 'chi ba la mngon par mi dga' ba'i phyir go rims bzhin du 'dun pa spangs pa yin par rig par bya'o//ji ltar byas pas she na/ 'byung ba la sred pa dang bral ba ni gson pa la mngon par mi dga' ba'i phyir 'dun pa spangs pa yin no/ /'jig pa la sred pa dang bral ba ni 'chi ba la mngon par
204a7 mi dga' ba'i phyir 'dun pa spangs pa yin te/ji skad du gnas brtan ma 'gags pas/ 'chi la mngon par mi dga' la/ /gson la'ang mngon par mi dga'o/ /shes bzhin dang ni dran pa yis/ /lus la so sor brtag par bya/ /zhes tshigs su bcad pa gsungs pa lta bu yin no/ /
204b1 mngon pa'i nga rgyal can ni zhes bya ba rgyas par 'byung ba ni mngon pa'i nga rgyal can ni zab mo la ste/ ci 'dra ba zhig la zhe na/ /stong pa nyid dang ldan pa'i gtam brjod pa na som nyi za ste/ yid gnyis 'byung ngo / /stong pa nyid dang ldan pa'i gtam yang rten cing 'brel par 'byung ba rkyen 'di pa nyid
204b2 dang mthun pa'o//ma rig pa la sogs pa'i yan lag rnams la byed pa med pa'i phyir 'du byed la sogs pa'i mtshan nyid kyi chos 'di la rkyen ma rig pa la sogs pa'i mtshan nyid kyi chos 'di yod pas de ni rkyen 'di pa ste/ de'i dngos po ni rkyen 'di pa nyid do/ /rten cing 'brel par 'byung ba nyid rkyen
204b3 'di pa nyid yin pas rten cing 'brel par 'byung ba rkyen 'di pa nyid do//de dang mthun pa ste/ rjes su mthun pa ni rten cing 'brel par 'byung ba rkyen 'di pa nyid dang mthun pa'o/ /phyis kyang yid la gcags par 'gyur te/ ji skad du lha'i mdo las gsungs pa lta bu yin zhing zhes bya ba ni rgyas par
204b4 gsungs nas ma thob par thob pa'i 'du shes can dang /ma rtogs par rtogs pa'i 'du shes can dang / mngon sum du ma byas par mngon sum du byas pa'i 'du shes can de ni de las phyis rnam par nyams shing phongs par 'gyur ro zhes 'byung ba lta bu ste/ de ltar yid la gcags pa yin no/ /
204b5 mngon pa'i nga rgyal can de lus sam snyoms par 'jug pa la sred pa kun du 'byung la/ mngon pa'i nga rgyal can de nyid la 'dod chags kyi bag la nyal yang rtag tu rjes su 'brang ba kho na nyid yin no/ /de ltar na mdo sde'i dum bu 'di rnams kyis ni mngon pa'i nga rgyal can gyi nye ba'i nyon mongs pa ji skad du
204b6 bstan pa rnams kyi gnyen por bram ze nyid la mngon pa'i nga rgyal can de nyid la 'dod chags kyi bag la nyal med pa nyid du yongs su bstan pa yin no//ji ltar byas pas she na/ som nyi'i nye ba'i nyon mongs pa'i gnyen por som nyi med pa zhes bya ba gsungs te/ 'dis kyang bram ze nyid
204b7 la mngon pa'i nga rgyal med pa nyid du yongs su bstan to//yid la gcags pa'i nye ba'i nyon mongs pa'i gnyen por 'gyod pa chad pa zhes bya ba gsungs te/ 'dis kyang bram ze nyid la mngon pa'i nga rgyal med pa nyid du yongs su bstan to/ /sred pa pa'i nye ba'i nyon mongs pa'i gnyen por 'byung ba
205a1 dang 'jig pa la sred pa dang bral ba zhes bya ba gsungs te/'dis kyang bram ze nyid la mngon pa'i nga rgyal med pa nyid du yongs su bstan to/ /'dod chags kyi nye ba'i nyon mongs pa'i gnyen por chags pa rgyas par mi 'gyur ba yin no zhes bya ba gsungs te/ 'dis kyang bram
205a2 ze nyid la mngon pa'i nga rgyal med pa nyid du yongs su bstan te bshad do zhes bya ba'i tha tshig go//dge slong dag mi rtag pa'i 'du shes sgoms shig /dge slong dag mi rtag pa'i 'du shes kun du bsten cing bsgoms la lan mang du byas/ bgrod par byas/ rten du byas/ nan tan du byas/ shin tu
205a3 rdzogs par byas shing legs par brtsams pa ni 'dod pa'i 'dod chags thams cad yang dag par 'joms shing /gzugs kyi 'dod chags thams cad dang / gzugs med pa'i 'dod chags thams cad dang / rgod pa dang / nga rgyal dang / ma rig pa thams cad yang dag par 'joms te/
205a4 dper na khyim bdag zhing pa dbyar 'das nas ston gyi dus kyi tshe gshol chen pos zhing rnams rmed pa na ram pa'i rtsa rgyus thams cad gcod par byed/ kun du gcod par byed mngon du gcod par byed pa de bzhin du dge slong dag mi rtag pa'i 'du shes bstan zhing bsgoms la lan mang du byas bgrod par
205a5 byas zhes bya ba snga ma bzhin no//dge slong dag dper na mi rtswa ba la ba dza rnga ba zhig gis rtswa ba la ba dza chung zhing nyung la mi mang ba shas cig mchog ma nas bzung ste/ sprug cing bar bur thams cad sel bar byed pa de bzhin du mi rtag pa'i 'du shes kun du bsten zhing zhes bya ba nas nga rgyal dang ma rig pa'i bar
205a6 du yang dag par 'joms so//dper na shing thog a mra'i dog pa la a mra gang yin pa de thams cad ni rtsa rgyus dang ldan pa/ rtsa rgyus la brten pa/ rtsa rgyus dang 'brel pa/ rtsa rgyus dang 'du ba/ rtsa rgyus dang ma bral ba dag yin zhing / de dag las byung ba yin pa de bzhin du mi rtag pa'i 'du
205a7 shes kun du bsten zhing zhes bya ba snga ma bzhin no//dper na gtsang khang byur bu'i phyam dgu bo gang ji snyad pa de thams cad spyi rten la gnas/ spyi rten la brten/ spyi rten la rag las/ spyi rten la gzhol bas/ spyi rten ni de rnams kyi mchog yin par bstan te/ 'di lta ste/ kun du 'dzin pa'i
205b1 phyir ro//de bzhin du mi rtag pa'i 'du shes kyang snga ma bzhin no/ /dper na srog chags dud 'gro'i skye gnas su gtogs pa'i 'gro ba rnams kyi rjes gang ji snyed pa de thams cad glang po che'i rjes su 'dus shing khongs su chud pas glang po che'i rjes ni de rnams kyi mchog tu bstan te/ 'di lta ste/
205b2 che ba nyid kyi phyir ro/ /de bzhin du mi rtag pa'i 'du shes kyang snga ma bzhin no/ /dper na 'dzam bu'i gling gi 'bab chu gang ji snyed yod pa de thams cad ni rgya mtshor gzhol ba/ rgya mtshor 'bab pa/ rgya mtshor bab pa yin pas rgya mtsho ni de rnams kyi mchog yin par bstan te/ 'di lta ste/ kun du
205b3 sdud pa'i phyir ro//de bzhin du mi rtag pa'i 'du shes kyang snga ma bzhin no/ /dper na gnam las nyi ma shar ba ni gnam la yog ma'i mun pa thams cad 'od kyis zil gyis mnan nas/ lham me lhan ne lhag ge'o/ /de bzhin du mi rtag pa'i 'du shes kyang snga ma bzhin no/ /dper na 'khor
205b4 los sgyur ba'i rgyal po ni khams kyi rgyal po gang ji snyed pa de rnams kyi mchog yin te/'di lta ste/ dbang byed pa nyid kyis so/ /de bzhin du mi rtag pa'i 'du shes kun du bsten zhing bsgoms la lan mang du byas/ bgrod par byas/ rten du byas/ nan tan du byas/ shin tu rdzogs par byas
205b5 shing legs par brtsams pa ni 'dod pa'i 'dod chags thams cad yang dag par 'joms shing /gzugs kyi 'dod chags thams cad dang / gzugs med pa'i 'dod chags thams cad dang / rgod pa dang / nga rgyal dang ma rig pa thams cad yang dag par 'joms so/ /zhing pa la sogs pa'i
205b6 dpe dang bcas pa zhes bya ba ni zhing ba dang /rtswa bal ba dza la sogs pa'i dpe dang bcas pa ste/ ldan pa ni zhing pa la sogs pa'i dpe dang bcas pa'o/ /nyon mongs pa ma byung ba dang / byung ba'i dbang du byas pa'i phyir ro zhes bya ba ni zhing pa'i dpes ni nyon mongs pa ma byung ba bag la nyal gyi
205b7 gnas skabs kyi dbang du mdzad pa'i phyir gnyen po nyid du yongs su bstan to//rtswa ba la ba dza'i dpes ni nyon mongs pa byung ba'i dbang du byas pa'i phyir kun nas dkris pa'i gnyen po nyid du'o/ /de las gzhan pa zhes bya ba ni mi rtag pa'i 'du shes de las gzhan pa ste/ de dag ni de las gzhan
206a1 pa'o//smon pa med pa dang / stong pa nyid dang / mtshan ma med pa'i 'du shes dag ces bya ba ni de la smon pa med pa'i 'du shes ni mi rtag pa dang / sdug bsngal ba dang / rgyu dang / kun 'byung ba dang / rab tu skye ba dang / rkyen dang / lam dang / rig pa dang / sgrub
206a2 pa dang /nges par 'byin pa'i rnam pa'i 'du shes so/ /stong pa nyid kyi 'du shes ni stong pa nyid dang / bdag med pa'i rnam pa'i 'du shes so/ /mtshan ma med pa'i 'du shes ni 'gog pa dang / zhi ba dang / gya nom pa dang / nges par 'byung ba'i rnam pa'i 'du shes de dag ste/ a mra'i dog pa'i
206a3 dpes ni de las gzhan pa'i 'du shes dag 'dren par byed pa yin no//de las gzhan pa zhes bya ba ni mi rtag pa'i 'du shes las gzhan ni de las gzhan pa ste de dag go/ /mi sdug pa la sogs pa'i 'du shes dag ni mi sdug pa dang / nad dang / 'bras dang / zug rngu dang / byams pa dang /
206a4 snying rje dang / dga' ba dang / btang snyoms la sogs pa'i 'du shes dag go/ /ji ltar na mi sdug pa la sogs pa'i 'du shes dag kun du 'dzin par byed pa nyid du bstan zhe na/ yongs su mi nyams par 'gyur ba'i phyir ro/ /'di ltar mi sdug pa la sogs pa'i 'du shes de dag las yongs su mi
206a5 nyams par 'gyur bas so//de dag nyid ces bya ba ni smon pa med pa la sogs pa'i 'du shes de dag nyid mi rtag pa'i 'du shes kyi spyod yul gyi nang du chud pa nyid yin par yongs su bstan to zhes bya bar skabs dang sbyar ro/ /de la mi rtag pa'i 'du shes kyi spyod yul te dmigs pa ni mi rtag pa'i 'du
206a6 shes kyi spyod yul lo//mi rtag pa'i 'du shes kyi spyod yul gyi nang du chud par byed pas na mi rtag pa'i 'du shes kyi spyod yul gyi nang du chud pa'o/ /mi rtag pa'i 'du shes kyi spyod yul gyi nang du chud pa rnams kyi dngos po ni mi rtag pa'i spyod yul gyi nang du chud pa nyid do/ /ci'i phyir zhe na/ mi rtag pa nyid
206a7 du yongs su rtag par bya ba nyid yin pa'i phyir ro//'di ltar smon pa med pa la sogs pa'i 'du shes de dag ni mi rtag pa'o zhes yongs su rtag par bya ba yin pa'i phyir ro/ /de las gzhan pa sun 'byin pa'i rnam pa dag ces bya ba ni mi rtag pa'i 'du shes de las so/ /gzhan pa sun 'byin pa'i rnam pa
206b1 dag ces bya ba ni nad nyid dang /'bras nyid dang / zug rngu nyid dang / de lta bu la sogs pa'i rnam pa dag go/ /der thug pa nyid ces bya ba ni mi rtag pa'i 'du shes su thug pa nyid du yongs su bstan pa yin te zhes bya ba'i tha tshig go/ /ji ltar byas pas she na/ 'du byed kyi sdug bsngal nyid la 'jug pa nyid
206b2 yin pa'i phyir ro//mi rtag pa'i 'du shes ni 'du byed kyi sdug bsngal nyid la 'jug pas so/ /ji ltar na mi rtag pa'i 'du shes 'du byed kyi sdug bsngal nyid la 'jug pa yin zhe na/ gang mi rtag pa de ni sdug bsngal ba yin no zhes de ltar mos pa'i phyir ro/ /'du byed kyi sdug bsngal nyid kyis kyang
206b3 zag pa dang bcas pa'i dngos po thams cad las 'dod chags dang bral bar 'gyur gyi/rnam par sun 'byin pa gzhan rnams kyis ni ma yin pas so/ /de ltar na der thug pa nyid yin no/ /'du byed kyi sdug bsngal nyid ces bya ba ni 'du byed kyi sdug bsngal bas na 'du byed kyi sdug bsngal te/ de'i
206b4 dngos po ni 'du byed kyi sdug bsngal nyid do//go rims bzhin du zhes bya ba ni nyi mas ni mi slob pa'i gnas skabs na mi slob pa'i mi rtag pa'i 'du shes ni mi brjed pa'i chos nyid du byed pa yin par yongs su bstan to/ /khams kyi rgyal po gzhan gyis ni mi slob pa'i gnas skabs na mi slob pa'i 'du
206b5 shes ni/'jig rten pa'i 'du shes gzhan las dbang sgyur ba nyid yin par yongs su bstan pa yin te/ de dag ji ltar 'dod par mngon sum du byed pa'i phyir ro/ /'jig rten pa'i 'du shes de dag kyang mi sdug pa dang / dbugs rngub pa dang 'byung ba dran pa dang / nad dang / 'bras dang / zug rngu
206b6 la sogs pa dag go//de ltar na zhes bya ba rgyas par 'byung ba ni de ltar zhing pa'i dpe dang / rtswa bal ba dza'i dpes ni ji ltar na/ mi rtag pa'i 'du shes ni mtha' dag ni gnyen po yin pa yang yin te/ bag la nyal ba dang / kun nas dkris pa'i gnyen po nyid yin pa'i phyir na de yongs su bstan te/
206b7 a mra'i dog pa'i dpes ni ji ltar na gnyen po'i rtsa ba yin pa yang yin te/ gnyen po gzhan 'dren pa'i phyir na de yongs su bstan to/ /ji ltar na mi rtag pa'i 'du shes ni kun nas dkris pa'i gnyen po gzhan te/ mi sdug pa la sogs pa'i 'du shes rnams las khyad par rnam pa gsum dag gis khyad
207a1 par du 'phags pa yin pa yang yin no//gang dag gis she na/ spyi rten gyis ni de las gzhan pa zhes bya ba rgyas par 'byung ba dang / glang po che'i rjes kyis ni de dag nyid ces bya ba rgyas par 'byung ba dang / 'bab chu rnams kyis de ni las gzhan pa zhes bya ba rgyas
207a2 par 'byung ba ste/khyad par 'di dag gis de yongs su bstan to/ /ji ltar na gnyen po bla na med pa nyid yin pa ni ma rig pa dang / rig pa gzhan thams cad zil gyis gnon pa'i phyir ro/ /ma rig pa thams cad zil gyis gnon pa'i phyir dang / rig pa thams cad zil gyis gnon pa'i phyir
207a3 nyi ma dang khams kyi rgyal pos go rims bzhin du de yongs su bstan to//tshe dang ldan pa dag dge slong chos sgrogs pas chos kyi gtam byed pa na rnam pa nyi shu dang ldan pas gtam bya ste/ dus su dang / bsgrims pa dang / go rims dang / mtshams sbyar ba dang / rjes su mthun pa dang / dga'
207a4 bar bya ba dang /'dod par bya ba dang / mgu bar bya ba dang / spro ba mi skyed pa dang / mi smad pa dang / rig pa dang / 'brel pa dang / ma 'dres pa dang / chos dang ldan pa dang / 'khor ji lta ba bzhin dang / byams pa'i sems dang / phan pa'i sems dang / snying brtse ba'i sems dang /
207a5 rnyed pa dang bkur sti dang tshigs su bcad pa la mi brten pa dang / gtam de dag brjod pa nas bdag la bstod par mi bya zhing gzhan la smad par mi bya bar gtam bya ba ste/ rnam pa nyi shu po 'di dag dang ldan pas gtam bya'o zhes bya ba ni mdo sde'i dum bu yin no/ /ka t+ya'i bu mo smyug ma can bzhin no/
207a6 ji ltar ka t+ya'i bu mo smyug ma can zhes gnas brtan 'char kas phyis nyan 'dod pa nyid dang / bshad pa'i 'os su gyur pa nyid du mkhyen nas chos bstan pa mdzad kyi sngar ni ma yin pa lta bu'o/ /ji ltar sngar bshad pa'i 'os su ma gyur la/ phyis bshad pa'i 'os su gyur pa ni ka t+ya'i bu mo'i mdo de
207a7 nyid las rgyas par khong du chud par bya'o//seng ge mchong ba bzhin dge slong dag gal te ri dgas kyi rgyal po seng ge ri bong la mchong na bsgrims nas mchong gi ma bsgrims par ni ma yin no/ /gal te byi la dang glang po che la mchong na ni bsgrims nas mchong gi ma bsgrims par ni ma yin no zhes
207b1 rgyas par 'byung ba ste de dang 'dra'o//sbyin pa la sogs pa'i gtam zhes bya ba ni sbyin pa'i gtam dang / tshul khrims kyi gtam dang / mtho ris kyi gtam dang / de lta bu la sogs pa ste/ mdo las ji skad 'byung ba bzhin no// //rnam par bshad pa rigs pa'i bshad pa/
207b2 bam po bdun pa/ yang dag phul can zhes bya ba ni 'phags pa'i bden pa'i gtam mo/ /brtsams nas so zhes bya ba ni gtam rnam pa 'di gnyis kyi ched du byas nas so/ /go rims zhes bya ba 'di ni man ngag yin no/ /mtshams sbyar ba zhes bya ba rgyas par 'byung ba la mtshams sbyar ba zhes bya ba 'di
207b3 ni man ngag yin no//mdo sde rnam par bshad pa las brtsams nas ni mdo sde rnams rnam par bshad pa'i ched du byas nas zhes bya ba'i tha tshig go/ /mtshams sbyar ba yang rnam pa gnyis te/ don snga ma dang phyi mar sbyar ba'i mtshams sbyar ba dang rim pa snga ma dang phyi ma mtshams sbyar ba ste/ 'di gnyis kyang
207b4 slob dpon gyis phyis rnam par 'chad do//rjes su mthun pa zhes bya ba ni man ngag go/ /'dri ba lung ston pa las brtsams nas te/ mgo gcig tu lung bstan pa la sogs pa rnams ni mgo gcig tu lung bstan pa dang rnam par phye ste lung bstan pa dang / dris nas lung bstan pa dang / gzhag par
207b5 lung bstan pa ni 'dri ba ste/'di rnams la de bzhin du lung ston pa'i phyir te/ gang la ji ltar lung bstan par bya ba de bzhin du lung ston pa'i phyir ro/ /ji ltar byas pas she na/ ci sems can thams cad 'chi bar 'gyur ram zhe na/ 'chi bar 'gyur ro zhes mgo gcig tu lung bstan par bya'o/ /ci shi
207b6 ba thams cad skye bar 'gyur ram zhe na/nyon mongs pa dang bcas pa rnams ni skye bar 'gyur ro/ /nyon mongs pa med par ni mi 'gyur ro zhes rnam par phye ste lung bstan par bya'o/ /ci mi dman pa'am khyad par du 'phags pa yin zhe na/ gang gi dbang du byas nas 'dri zhes dris nas lung bstan par
207b7 bya'o//gal te lha las so zhe na/ dman pa yin no zhes lung bstan par bya'o/ /'on te ngan song las so zhe na khyad par du 'phags pa yin no zhes lung bstan par bya'o/ /ci sems can phung po rnams las gzhan nam gzhan ma yin zhe na/ gzhag pa ste/ sems can gyi rdzas med pa'i phyir mo
208a1 gsham gyi bu sngo bsangs dang dkar sham gnyis bzhin no//'di ji ltar lung bstan pa yin zhe na/ 'di ni lung bstan du med do zhes lung bstan pa'i phyir ro/ /gang su dag 'di 'dra ba thams cad ces bya ba rgyas par 'byung ba ni gang su dag dkar po'i phyogs la gnas pa
208a2 dang nag po'i phyogs la gnas pa 'di 'dra ba 'di thams cad ni yang dag par zhugs pa yin no zhes sam log pa la zhugs pa yin no zhes 'khor de dag la spro ba mi skyed la smad par mi bya'o//ji skad du nyon mongs pa med pa'i mdo las gsungs pa lta bu ste/ de las ji skad gsungs she na/
208a3 rgyas par gsungs nas spro ba skyed pa dang / smad pa yang shes par bya'o/ /spro ba skyed pa dang / smad pa yang shes nas spro ba bskyed par yang mi bya la/ smad par yang mi bya ste/ chos kho na bshad par bya'o zhes gsungs so/ /ci'i phyir zhe na/ gdul ba'i khyad par mngon par mi shes pa de ltar byed
208a4 pa ste/spro ba bskyed pa dang smad par bya'o/ /des gdul ba ma yin pa rnams te/ spro ba bskyed pa dang smad pa de gnyis kyis/ gdul ba ma yin pa de rnams ni des gdul ba ma yin pa rnams te/ snying na bskyed par 'gyur ro/ /rigs pa ni tshad ma dang mi 'gal bar bya ba'i phyir te/ mngon sum
208a5 dang /rjes su dpag pa dang / yid ches pa'i lung gi tshad ma rnams dang mi 'gal ba'i phyir ro/ /gzhan yang zhes bya ba rgyas par 'byung ba ni rnam grangs gzhan yang byams pa'i sems dang / phan pa'i sems dang / snying brtse ba'i sems zhes bya ba'i tshig 'di rnams dge ba dang / mi dge ba la phyogs
208a6 pa dang /tha mal pa dag la ste/ dge ba la phyogs pa dang / mi dge ba la phyogs pa dang / tha mal pa la byams pa la sogs pa'i sems kyis te/ go rims bzhin du'o/ /ji ltar zhe na/ dge ba la phyogs pa la ni byams pa'i sems kyis gtam bya/ mi dge ba la phyogs pa la ni phan pa'i sems
208a7 kyis gtam bya zhing /tha mal pa la ni snying brtse ba'i sems kyis so/ /rnyed pa dang / bkur sti dang tshigs su bcad pa la mi brten pa ni rnyed pa dang bkur sti ni rnyed pa dang bkur sti gnyis te/ rnyed pa dang bkur sti de gnyis dang / tshigs su bcad pa ste/ grags pa ni rnyed pa dang bkur sti dang tshigs
208b1 su bcad pa ste/rnyed pa dang bkur sti dang tshigs su bcad pa la mi brten pa'o/ /ji ltar na de la mi brten pa yin zhe na/ de 'dod pa nyid spangs pas so/ /rnyed pa dang bkur sti dang tshigs su bcad pa 'dod pa nyid spangs pas so zhes bya ba'i tha tshig go/ /bdag la bstod par mi bya zhing gzhan la
208b2 smad par mi bya ba'i don ci zhe na/smra ba po nyid kyis bdag la lhag par yid ches par byed 'dod pa nyid spangs pas te/ des na de'i phyir bdag la stod cing gzhan la smod par byed do/ /de ltar na ji lta bur dang / gang gi don du dang zhes bya ba rgyas par 'byung ba ni ji skad bstan pa de ltar na'o/ /ji lta
208b3 bur ni rnam pa gang gis gtam bya ba ste/de yang tshig lnga dag gis yongs su bstan to/ /lnga po gang dag gis she na/ dus su dang / bsgrims pa dang / go rims dang / mtshams sbyar ba dang / rjes su mthun pa zhes bya ba 'di rnams kyis so/ /gang gi don du ni gang gi ched du gtam bya ba zhes bya
208b4 ba'i tha tshig go//de yang tshig lnga dag gis yongs su bstan to/ /lnga po gang dag gis she na/ dga' bar bya ba dang / 'dod par bya ba dang / mgu bar bya ba dang / spro ba mi skyed pa dang / mi smad pa zhes bya ba 'di rnams kyis so/ /gtam gang 'dra bas gtam bya ba de yang tshig lnga dag gis
208b5 yongs su bstan te/gang dag gis she na/ rigs pa dang / 'brel pa dang / ma 'dres pa dang / chos dang ldan pa dang / 'khor ji lta ba bzhin zhes bya ba 'di rnams kyis so/ /gang 'dra bas gtam bya ba de dag tshig lnga dag gis yongs su bstan to/ /gang dag gis she na/ byams pa'i
208b6 sems dang /phan pa'i sems dang / snying brtse ba'i sems dang / rnyed pa dang bkur sti dang tshigs su bcad pa la mi brten pa dang / gtam de dag brjod pa na bdag la bstod par mi bya zhing gzhan la smad par mi bya zhes bya ba ni gcig tu byas nas 'di rnams kyis so/ /rnam pa nyi shu po
208b7 zhes bya ba ni bye brag nyi shu bo zhes bya ba'i tha tshig go//snod ma yin pa la brjod pa'i skyon zhes bya ba rgyas par 'byung ba la/ snod ma yin pa la brjod pa ni snod ma yin pa la brjod pa ste de nyid skyon yin no/ /brjod pa yongs su ma rdzogs pa ni brjod pa yongs su ma rdzogs pa ste de nyid skyon yin no/ /brjod pa
209a1 bar chad pa ni brjod pa bar chad pa ste/de nyid skyon yin no/ /brjod pa go bar mi byed pa ni brjod pa go bar mi byed pa ste de nyid skyon yin no/ /gtsug lag nyid yin pa'i phyir brda sprod pa rnams kyis ni de ltar bsgrub par bya ba yin no/ /'di la mchod par 'gyur ba med pas na
209a2 'di ni mchod par mi 'gyur ba yin par sbyar ro//'di la don 'thad pa med pas 'di ni don 'thad pa med pa'o/ /don 'thad pa med pa brjod pa ni don 'thad pa med pa brjod pa ste de nyid skyon yin no/ /spyod yul ma yin pa la brjod pa ni spyod yul ma yin pa la brjod pa de nyid skyon yin no/ /rnam par g.yengs
209a3 te brjod pa ni rnam par g.yengs nas brjod pa ste de nyid skyon yin no//don med pa dang ldan pa ste/ mtshungs par ldan pa 'brel pa ni don med pa dang ldan pa'o/ /don med pa dang ldan pa'i brjod pa ni don med pa dang ldan pa brjod pa ste/ de nyid skyon yin no/ /mi 'tsham par brjod pa ni mi 'tsham par
209a4 brjod pa ste de nyid skyon yin no//nyon mongs pa can gyi bsam pa ste/ sems pa ni nyon mongs pa can gyi bsam pa'o/ /nyon mongs pa can gyi bsam pas brjod pa ni nyon mongs pa'i bsam pa can gyis brjod pa ste/ de nyid skyon yin pas nyon mongs pa can gyi bsam pas brjod pa'i skyon yin no/ /snod ma
209a5 yin par brjod pa'i skyon zhes gang bstan pa ste/de la snod ma yin pa ni spyod lam mi sdug par 'dug pa ste/ ka t+ya'i bu mo smyug ma can gyi mdo las ji ltar gsungs pa lta bu ste/ de'i gnyen por dus su gtam bya ba'i rnam pa yin no/ /brjod pa yongs su ma rdzogs pa'i skyon gyi gnyen por bsgrims
209a6 pa zhes bya ba'i rnam pa yin no//brjod pa bar ma chad pa'i skyon gyi gnyen por ni go rims la sogs pa rnam pa gsum po de dag yin par rig par bya ba yin te/ go rims dang / mtshams sbyar ba dang / rjes su mthun pa zhes bya ba 'di dag yin no/ /rnam pa 'di dag ci'i dbang du mdzad nas
209a7 she na/bstan pa dang / rgol ba'i tshig dang / lan gyi tshig gi dbang du mdzad nas te/ de la bstan pa'i dbang du mdzad nas ni go rims kyi rnam pa'o/ /bstan pa ni dper na sdug bsngal gyi bden pa nas lam gyi bden pa zhes bya ba'i bar lta bu yin no/ /rgol ba'i dbang du mdzad nas ni mtshams
209b1 sbyar ba'i rnam pa yin no//rgol ba'i tshig kyang ci'i phyir sdug bsngal gyi bden pa dang por bstan zhes bya ba nas/ lam gyi bden pa ni phyis yin no zhes bya ba'i bar ro/ /lan gyi tshig gi dbang du mdzad nas ni rjes su mthun pa'i rnam pa yin no/ /lan gyi tshig kyang mdo las ji skad gsungs pa lta bu
209b2 yin brjod pa go bar mi byed pa'i skyon gyi gnyen por drug pa dang /bdun pa dang / brgyad pa dag ste/ rnam pa dag ces bya ba'i dkyus dang sbyar ro/ /rnam pa drug pa dang / bdun pa dang / brgyad pa de dag kyang dga' bar bya ba dang / 'dod par bya ba dang / mgu bar bya ba zhes bya ba 'di dag yin no
209b3 rnam pa 'di dag gang gi dbang du mdzad nas she na/dad pa can dang / zhe 'gras pa dang / bar na gnas pa'i dbang du mdzad nas te go rims bzhin no/ /brjod pa mchod par mi 'gyur ba'i skyon gyi gnyen por rnam pa dgu pa dang / bcu pa rnam pa gnyis te/ sdig pa'i las can la ni spro ba bskyed par
209b4 'os pa ma yin la/smad na yang mchod par mi 'gyur ba'i skyon du 'gyur bas so/ /de'i phyir spro ba mi skyed pa dang / mi smad par gtam bya'o/ /don 'thad pa med par brjod pa'i skyon gyi gnyen por rigs pa zhes bya ba'i rnam pa yin no/ /spyod yul ma yin pa brjod pa'i skyon gyi gnyen por 'brel ba zhes
209b5 bya ba'i rnam pa yin no//spyod yul ma yin pa ni don zab mo ste dbang po tha ma la'o/ /gsal ba ni spyod yul yin pas de ltar byas na 'brel pa yin no/ /rnam par g.yengs nas brjod pa'i skyon gyi gnyen por ma 'dres pa zhes bya ba'i rnam pa yin te/ gtam gzhan dang 'dres pa ni rnam par g.yengs pa
209b6 yin pas so//don med pa dang ldan pa brjod pa'i skyon gyi gnyen por chos dang ldan pa zhes bya ba'i rnam pa yin no/ /mi 'tsham par brjod pa'i skyon gyi gnyen por 'khor ji lta ba bzhin zhes bya ba'i rnam pa yin no/ /nyon mongs pa can gyi bsam pas brjod pa'i skyon gyi gnyen por byams pa'i sems la
209b7 sogs pa'i rnam pa lhag ma lus pa thams cad do//ji ltar byas pas she na/ nyon mongs pa can gyi bsam pa ni rnam pa gsum ste/ yid ches par bya ba'i bsam pa dang / dad nas bkur sti byed pa'i bsam pa dang / phrag dog gi bsam pas so/ /dang po ste yid ches par bya ba'i bsam
210a1 pa'i gnyen por byams pa dang /phan pa dang / snying brtse ba'i sems kyi rnam pa dag yin te/ byams pa'i sems dang / phan pa'i sems dang / snying brtse ba'i sems zhes bya ba 'di dag go/ /rnam pa gsum po 'di dag bsam pa gang gis bya zhe na/ mya ngan las 'das
210a2 pa dang /de'i lam rtogs par bya ba'i bsam pa nyid dang / bshad pa'i don khong du chud par bya ba'i bsam pa nyid kyis so/ /ji ltar byas pas she na/ byams pa'i sems ni mya ngan las 'das pa rtogs par bya ba'i bsam pa nyid kyis bya'o/ phan pa'i sems ni de'i lam rtogs par bya ba'i
210a3 bsam pa nyid kyis so//snying brtse ba'i sems ni bshad pa'i don khong du chud par bya ba'i bsam pa nyid kyis so/ /dad nas bkur sti byed pa'i bsam pa'i gnyen por rnyed pa dang / bkur sti dang tshigs su bcad pa la mi brten pa zhes bya ba'i rnam pa yin te/ dad pa can de dag dad nas chos
210a4 gos dang bsod snyoms la sogs pas bkur sti byed par gyur na mi rung ngo zhes bya ba de lta bu'o//phrag dog gi bsam pa'i gnyen por bdag la bstod par mi bya zhing gzhan la smad par mi bya zhes bya ba'i rnam pa yin no/ /gzhan yang mdor na zhes bya ba rgyas par 'byung ba ni gzhan yang mdor
210a5 bsdu na mdo sde las gtam gyi sbyor ba las bsams nas rnam pa lngar rig par bya ste/dus su gtam bya ba nas/ rjes su mthun pa zhes bya ba'i bar 'di dag yin no/ /gtam gyi las brtsams nas kyang rnam pa lngar rig par bya sti/ dga' bar bya ba nas mi smad pa zhes bya ba'i bar 'di dag go/ /
210a6 gtam gyi yon tan las brtsams nas kyang rnam pa lngar rig par bya'o/ /rigs pa nas 'khor ji lta ba bzhin zhes bya ba'i bar 'di dag yin no/ /smra ba po'i yon tan las brtsams nas kyang 'dir rnam pa lngar rig par bya ste/ byams pa'i sems nas gzhan la smad par mi bya ba'i bar 'di dag
210a7 yin no//tshe dang ldan pa dag chos nyan par 'dod pas ni/ rnam pa bcu drug dag dang ldan pas chos mnyan par bya ste/ dus su chos mnyan par bya ba dang / bkur sti dang nyan par gus pa dang / ma rangs pa med pa dang / bsgo ba bzhin byed pa dang / klan ka mi tshol ba dang / chos la gus
210b1 pa nye bar gzhag pa dang /gang zag chos smra ba la gus pa nye bar gzhag pa dang / chos la brnyas pa med pa nyid dang / gang zag chos smra ba la brnyas pa med pa nyid dang / bdag nyid la brnyas pa med pa nyid dang / kun du shes par bya ba'i sems dang / sems rtse gcig tu bya ba dang
210b2 rna blags pa dang /sems kun du btud pa dang / sems thams cad kyis bsams nas chos mnyan par bya ste/ tshe dang ldan pa dag rnam pa bcu drug po 'di dag dang ldan pas chos mnyan par bya'o zhes bya ba ni mdo sde'i dum bu yin no/ /smra ba po la bdag nyid kyis bskyod pa dang spyod lam gyi skyon gyi
210b3 gnyan por dus su chos mnyan par bya ba zhes bya ba'i rnam pa 'di yin par rig par bya'o//'gying ba'i skyon gyi gnyen por bkur sti'i rnam pa yin no/ /don du mi gnyer ba nyid kyi skyon gyi gnyen por nyan par gus pas zhes bya ba'i rnam pa 'di yin no/ /nyan par gus pa ni nyan par 'dod pa zhes bya
210b4 ba'i tha tshig go//gzhan gyi phyogs byed pas snying na ba'i skyon gyi gnyen por ma rangs pa med pas zhes bya ba'i rnam pa yin no/ /mchod par mi 'gyur bas smra ba po rab tu mi 'dzin pa'i skyon gyi gnyen por bsgom pa bzhin byed pa zhes bya ba'i rnam pa yin no/ /sun ci phyin du brgal ba'i bsam pa'i
210b5 skyon gyi gnyen por klan ka mi tshol ba zhes bya ba'i rnam pa 'di yin no//chos dang chos smra ba la yon tan yid la mi byed pa'i phyir rim gro med pa'i skyon gyi gnyen por go rims bzhin du chos la gus pa nye bar gzhag pa dang / gang zag chos smra ba la gus pa nye bar gzhag pa zhes bya ba'i rnam pa 'di
210b6 gnyis yin no//skyon yid la byed pa'i phyir brnyas pa'i skyon gyi gnyen por chos la brnyas pa med pa nyid dang / gang zag chos smra ba la brnyas pa med pa nyid ces bya ba'i rnam pa 'di gnyis yin no/ /smod pa'i skyon gyi gnyen por bdag nyid la brnyas pa med pa nyid ces bya ba'i rnam pa yin no/ /rnyed pa dang
210b7 bkur sti 'dod pa nyid kyi skyon gyi gnyen por kun du shes par bya ba'i sems zhes bya ba'i rnam pa 'di yin te/de la ni kun du shes par bya ba ste/ khong du chud par bya ba'i sems 'byung gi rnyed pa dang bkur sti 'dod pa nyid ni mi 'byung ngo / /rnam par g.yengs pa dang / bsdus pa gnyis kyis mi nyan
211a1 pa'i skyon gyi gnyen por go rims bzhin du sems rtse gcig tu bya ba dang /rna blags pa zhes bya ba'i rnam pa 'di gnyis yin no/ /legs par yid la mi byed pa'i skyon gyi gnyen por sems kun du btud pa zhes bya ba'i rnam pa 'di yin no/ /sems kun du btud pa zhes bya ba
211a2 ni sems dang bar byas pa zhes bya ba'i tha tshig go//sems nyid sems so/ /rab tu yid la mi byed pa'i skyon gyi gnyen bor sems thams cad kyis bsams nas chos mnyan par bya ste zhes bya ba'i rnam pa 'di yin no/ /de la zhes bya ba rgyas par 'byung ba ni de la skyon ji skad bstan pa rnams las skyon
211a3 gyi tshig kha cig slob dpon gyis rnam par bshad pa mdzad pa yin no//smra ba po nang du yang dag 'jog pa'i tshe nyan pa po nyan pa'i phyir dang / nyan pa po spyod lam mi sdug pas nyan pa'i phyir kat+ya'i bu mo smyug ma can gyi mdo las gsungs pa lta bu'o/ /'di ni skyon dang po yin te/ smra ba po la
211a4 bdag nyid kyis bskyod pa dang /spyod lam gyi skyon zhes bya ba 'di yin no/ /rigs mthon po nyid la sogs par nga rgyal 'byung ba'i phyir skyon no/ /sogs pa'i sgras ni rigs pa dang / rus dang / na tshod dang / byad gzugs dang / thos pa la sogs pa bsdus so/ /chos dang chos smra ba
211a5 la zhes bya ba rgyas par bstan pa gang yin pa de'i rnam par bshad pa ni/chos la ni yon tan legs par gsungs pa nyid du dang / 'bras bu chen po nyid du ste/ legs par gsungs pa nyid du dang / 'bras bu chen po nyid du'o/ /chos smra ba la ni yon tan dge ba'i bshes gnyen nyid yin par
211a6 ro//skyon yid la byed pa'i phyir brnyas pa'i skyon zhes bya ba bstan pa gang yin pa de'i rnam par bshad pa yang / chos la skyon ni zhes bya ba rgyas par 'byung ba yin no/ /rnam par g.yengs pa dang / bsdus pa gnyis kyis mi nyan pa'i skyon zhes bstan pa gang yin pa 'di'i rnam par bshad
211a7 pa yang /rnam par g.yengs pa ni zhes rgyas par 'byung ba yin no/ /legs par yid la mi byed pa'i skyon zhes bstan pa gang yin pa 'di'i rnam par bshad pa yang dgongs pa dang / chos nyid la zhes bya ba rgyas par gsungs pa yin no/ /ji ltar na legs par yid la mi byed pa yin zhe na/ dgongs
211b1 pa dang /chos nyid la phyin ci ma log pa nyid kyis te/ dgongs pa la phyin ci log pa nyid kyis dang / chos nyid la phyin ci log pa nyid kyis so/ /de la dgongs pa la phyin ci log pa nyid ni tshor ba gang ci yang rung ba de ni 'dir sdug bsngal ba'o zhes bya ba dang / pha dang ma ni bsad byas shing / /
211b2 zhes bya ba de lta bu la sogs pa la sgra ji bzhin du 'dzin pa'o/ /chos nyid la phyin ci log pa nyid ni ma rig pa'i rkyen gyis rnam par shes pa zhes bya ba dang / 'gro ba'i rgyu ni rang bzhin dang / skyes bu dang dbang phyug la sogs pa yin no zhes de lta bu la sogs par rgyu phyin ci log tu bstan to/ /rab
211b3 tu yid la mi byed pa'i skyon zhes bstan pa gang yin pa 'di'i rnam par bshad pa yang rab tu yid la mi byed pa ni 'dun pa dang /'jug pa zhan pa nyid kyis te/ 'dun pa zhan pa nyid kyis dang / 'jug pa zhan pa nyid kyis so/ /'dun pa ni byed par 'dod pa nyid kyis so/ /'jug pa ni yid
211b4 la byed pa'o//las kyi skyon zhes bya ba rgyas par 'byung ba ni las nyid skyon yin pas so/ /las kyi skyon yin pa nas/ 'dzin pa'i bar nyid skyon yin pas 'dzin pa'i skyon yin no/ /lus kyi las kyi skyon ni spyod lam mi sdug par 'dug pa'i phyir ro/ /skyon de'i gnyen por dus su chos
211b5 mnyan par bya zhes bya ba'i rnam pa 'di yin no//lus dang ngag gi las kyi skyon ji lta bu zhe na/ de gnyis kyis skul bar mi byed pa'i phyir te/ lus kyis skul bar mi byed pa'i phyir dang / ngag gis skul bar mi byed pa'i phyir ro/ /de'i gnyen por bkur sti zhes bya ba'i rnam pa yin no/ /yid
211b6 kyi las kyi skyon ni nyan par mi 'dod pa nyid kyis so//de'i gnyen por nyan par gus pa zhes bya ba'i rnam pa 'di yin no/ /mos pa med pa'i skyon gyi gnyen por ma rangs pa med pa zhes bya ba'i rnam pa 'di yin no/ /mchod par mi 'gyur ba'i skyon gyi gnyen por bsgo ba bzhin byed pa zhes bya
211b7 ba'i rnam pa yin no//bsgo ba bzhin byed pa ni mig rtsa dang bzhin la sogs pas dang bar ston pa'o/ /bsam pa'i skyon ji lta bu zhe na/ gzhan la klan ka btsal ba dang / 'di lta bu zhig tu rgol ba las thar bar bya ba'i bsam pa nyid kyis te/ gzhan la klan ka btsal ba'i bsam pa nyid kyis dang / 'di lta bu zhig tu rgol ba las
212a1 thar bar bya ba'i bsam pa nyid kyis so//'di lta bu zhig tu rgol ba las thar bar bya ba'i bsam pa ni 'di lta bu zhig tu rgol ba las thar bar bya ba'i bsam pa ste/ de'i dngos po ni nyid kyis so/ /'di skad du gang zhig grangs can la sogs pa'i rgol ba rnam pa 'di
212a2 lta bu zhig tu rgol ba las thar bar bya'o snyam pa'i bsam pa 'dis nyan gyi yang dag pa ji lta ba bzhin du khong du chud par bya ba'i phyir chos 'dod pa nyid kyis ni ma yin no zhes bstan pa yin no//rgol ba de'i gnyen por klan ka btsal ba'i bsam pa med pa zhes bya ba'i rnam pa yin no/ /mi mthun
212a3 pa nyid kyi skyon ni rnam pa lnga dag ste/de la chos la ni nges par 'byin pa ma yin par go ba nyid kyis gus pa mi skyed pa ste/ de'i gnyen por chos la gus pa nye bar gzhag pa zhes bya ba'i rnam pa yin no/ /bstan pa'i chos de nyid la tshig dang yi ge ma 'brel pa nyid kyis brnyas pa ste/ de'i gnyen
212a4 por chos la brnyas pa med pa nyid ces bya ba'i rnam pa yin no//de ltar na re zhig chos la ma gus pa dang / brnyas pa'i skyon gnyis kyi gnyen por tshig gnyis bstan pa yin no/ /gang zag la ni tshul khrims dang / tshig dang tshig 'byin pa'i skyon gyis gus pa med pa yin te/ tshul khrims
212a5 kyi skyon gyis dang /tshig dang tshig 'byin pa'i skyon gyis so/ /de'i gnyen por gang zag chos smra ba la gus pa nye bar gzhag pa zhes bya ba'i rnam pa yin no/ /rigs kyi skyon gyis brnyas pa ste/ de'i gnyen por gang zag chos smra ba la brnyas pa med pa nyid ces bya ba'i rnam pa yin no/ /khong du
212a6 chud pa dang /sgrub pa'i nus pa mi 'byung ngo snyam pa'i phyir bdag nyid la brnyas pa ni khong du chud pa'i nus pa mi 'byung ngo snyam pa'i phyir dang / sgrub pa'i nus pa mi 'byung ngo snyam pa'i phyir bdag la brnyas pa yin no zhes bya ba'i tha tshig go/ /de'i gnyen por bdag nyid la brnyas pa med pa nyid ces bya
212a7 ba'i rnam pa yin no//'dzin pa'i skyon yang rnam pa lnga ste/ log par 'dzin pa ste/ de'i gnyen por kun du shes par bya ba'i sems zhes bya ba'i rnam pa yin no/ /don mi 'dzin pa ste/ de'i gnyen por sems rtse gcig tu bya ba zhes bya ba'i rnam pa yin no/ /tshig 'bru mi 'dzin pa ste/ de'i gnyen
212b1 por rna blags pa zhes bya ba'i rnam pa yin no//brda ma phrad par 'dzin pa ste/ de'i gnyen por sems kun du btung ba zhes bya ba'i rnam pa yin no/ /ma lus par mi 'dzin pa ste/ de'i gnyen por sems thams cad kyis bsams nas chos mnyan par bya ba'i rnam pa yin no/ /lhag ma ni
212b2 go sla ba'i phyir rnam par ma phye'o//lhag ma gang zhe na/ re zhig skyon bcu gsum dang por bstan pa rnams las don du mi gnyer ba nyid kyi skyon dang / gzhan gyi phyogs byed pas snying na ba'i skyon dang / mchod par mi 'gyur bas smra ba po rab tu mi 'dzin pa'i skyon dang / sun ci phyin du brgal
212b3 ba'i bsam pa'i skyon zhes bya ba 'di ni lhag ma ste go sla ba'i phyir rnam par ma phye'o//skyon drug po rnams las kyang lhag ma mos pa med pa'i skyon dang / mchod par mi 'gyur ba'i skyon zhes bya ba 'di yang go sla ba'i phyir rnam par ma phye'o/ /gsung grong khyer pa dang gsung gsal ba dang / snyan
212b4 cing 'jebs pa dang /rnam par gsal ba dang / rnam par shes par bya ba dang / mnyan par 'os pa dang / mi brten pa dang / mi mthun pa med pa dang yongs su gtugs pa med pas chos ston par mdzad do zhes bya ba ni mdo sde'i dum bu yin no/ /de la zhes bya ba rgyas par 'byung ba las/ de la
212b5 rnam pa gnyis kyis te/khyad par gnyis kyis gsung snyan pa nyid du rig par bya ste/ gsung rgya che ba nyid kyis te 'khor la chub par mdzad pa'i phyir dang ste/ 'di ltar gsung des 'khor la chub par mdzad pa dang / gsung 'jam pa nyid kyis so/ /de la gsung rgya che ba nyid kyis ni gsung yon
212b6 tan dang po ste/gsung snyan pa nyid dang ldan par yang dag par sdud par byed pa rnams kyis gsung gsal ba zhes bya ba'i tshig 'dis yongs su bstan pa yin te/ rab tu ston pa yin no/ /gsung 'jam pa nyid kyis kyang gsung yon tan dang po nyid de/ gsung snyan pa nyid dang ldan par yang dag
212b7 par sdud par byed pa rnams kyis snyan cing 'jebs pa zhes bya ba'i tshig 'dis yongs su bstan pa yin no//rnam pa gnyis kyis na tshig 'bru bzang po nyid yin par rig par bya ste/ tshig 'bru nges pa'i tshig legs pa nyid dang / brjod pa go bar mdzad pa nyid kyis so/ /tshig 'bru nges pa'i tshig
213a1 legs pa nyid kyis na gsung yon tan gnyis pa nyid de/tshig 'bru bzang po nyid dang ldan par yang dag par sdud par byed pa rnams kyis rnam par gsal ba zhes bya ba'i tshig 'dis yongs su bstan pa yin no/ /brjod pa go bar mdzad pa nyid kyis kyang gsung yon tan
213a2 gnyis pa nyid de/tshig 'bru bzang po nyid dang ldan par yang dag par sdud par byed pa rnams kyis rnam par shes par bya ba zhes bya ba'i tshig 'dis yongs su bstan pa yin no/ lhag ma rnams ni re res te/ yon tan lhag ma don bzang po nyid la sogs pa bzhi ni rnam pa re res rig par bya'o/ /ji ltar
213a3 byas pas she na/rigs pa'i don dang ldan pa nyid kyis te mnyan par 'os pa'i phyir na don bzang po nyid du rig par bya ste/ 'dis ni gsung yon tan gsum pa ste/ don bzang po nyid dang ldan par mnyan par 'os pa zhes bya ba'i tshig 'dis yongs su bstan pa yin no/ /rnyed pa la sogs pa'i bzhed
213a4 pa dang mi ldan pa nyid kyis te/rnyed pa dang bkur sti dang tshigs su bcad pa'i bzhed pa dang mi ldan pa nyid kyis zang zing med pa nyid du rig par bya ste/ 'dis ni gsung yon tan bzhi pa ste/ zang zing med pa nyid dang ldan par mi brten zhes bya ba'i tshig 'dis yongs su bstan pa yin no/ /'khor ji
213a5 lta ba bzhin du sbyor ba nyid kyis na ji ltar 'os pa nyid yin par rig par bya'o//'dis ni gsung yon tan lnga pa ste/ ji ltar 'os pa nyid ces bya ba'i tshig 'dis yongs su bstan pa yin no/ /'khor ji lta ba bzhin du sbyor ba nyid kyang gang zhig sbyin pa la sogs pa'i gtam rnams las gtam
213a6 gang gis gdul bar bya ba de gtam de'i sbyor bas gdul bar bya ba yin no//spobs pa dpag tu med pa dang ldan pa nyid kyis na rgya che ba nyid yin par rig par bya'o/ /'dis kyang gsung yon tan drug pa ste/ rgya che ba nyid dang ldan par yang dag par sdud par byed pa de dag gis yongs su gtugs
213a7 pa med pa zhes bya ba'i tshig 'dis yongs su bstan pa yin no//mya ngan las 'das pa'i grong khyer gyi dbang du mdzad pa nyid ces bya ba rgyas par 'byung ba ni mya ngan las 'das pa nyid grong khyer yin pas gsung 'di mya ngan las 'das pa'i grong khyer gyi dbang du mdzad pa yin pas 'di ni mya ngan las 'das
213b1 pa'i grong khyer gyi dbang du mdzad pa ste/mya ngan las 'das pa'i grong khyer la brten pa zhes bya ba'i tha tshig go/ /de'i dngos po ni mya ngan las 'das pa'i grong khyer gyi dbang du mdzad pa nyid do/ /mya ngan las 'das pa'i grong khyer gyi dbang du mdzad pa de nyid kyi rgyus grong khyer pa zhes kyang bya ste/
213b2 grong khyer la yod pa'i phyir te/ de'i dbang du mdzad pa'i don gyis so/ /gsung 'jam pa nyid kyi rgyus ni snyan cing 'jebs pa yin no/ /tshig 'bru'i nges pa'i tshig legs pa nyid kyi rgyus na rnam par gsal ba yin te/ ji skad du bcom ldan 'das kyis dge slong dag tshig dang yig 'bru'i nges
213b3 pa'i tshig ma legs pa ni don yang drang bar dka' ba yin no zhes gsungs pa lta bu yin no//go bar mdzad pa nyid kyi rgyus na rnam par shes par bya ba yin no/ /chos dang don dang ldan pa nyid kyi rgyus na mnyan par 'os pa yin no/ /dad nas bkur sti byed pa la mi brten pa nyid kyi rgyus na mi brten pa
213b4 yin no//ran par gsungs pa nyid kyi rgyus na mi mthun pa med pa yin no/ /rgya che zhing thabs mkhas pa nyid kyi rgyus na rgya che ba nyid dang / thabs mkhas pa nyid kyi rgyus te/ yongs su gtugs pa med pa yin no/ /de la rgya che ba nyid ni gsung mang ba yin no/ /thabs mkhas pa ni gsung tshig dang
213b5 yig 'bru 'brel pa yin no//gsung yongs su gtugs pa med pa nyid ni yongs su zad mi shes pa nyid yin no/ /'di ni zhes bya ba ni gsung rnam pa brgyad dang ldan pa 'di ni'o/ /mya ngan las 'das pa'i grong khyer gyi dbang du mdzad pa la sogs pa'i rnam pa rnams kyis mdor na ste bsdu na yon
213b6 tan gsum dang ldan par rig par bya ste/ji ltar byas pas she na/ dbang du mdzad pa nyid ni mya ngan las 'das pa'i grong khyer gyi dbang du mdzad pa'i phyir rnam pa gcig gis te/ gsung grong khyer pa zhes bya ba'i tshig 'dis ni yon tan dang po dang ldan par rig par bya'o/ /rang bzhin nyid ni rnam pa
213b7 gnyis kyis te/snyan cing 'jebs pa dang / rnam par gsal ba zhes bya ba 'di gnyis kyis ni yon tan gnyis ba dang ldan par rig par bya'o/ /'di'i rang bzhin yang gang zhe na/ 'jam pa nyid do/ /sbyor ba nyid ni rnam pa lhag ma rnams kyis te/ rnam par shes par bya ba zhes bya ba dang / de la
214a1 sogs pa rnams kyis so//sbyor ba po des ji ltar rnam par shes par bya ba dang / mnyan par 'os pa dang rnyed pa dang / bkur sti dang tshigs su bcad pa 'dod pa la mi brten pa dang / mi mthun pa med pa dang / yongs su gtugs pa med par de sbyor ba de lta bur ni
214a2 sbyor ba nyid yin te/lhag ma rnams kyis yon tan gsum dang ldan par rig par bya'o/ /de nas tshe dang ldan pas ga dge slong rab tu mang po dag rim gro'i gnas su tshogs shing 'dus par gyur pa dag la skad gsal ba dang / snyan cing 'jebs pa dang / rnam par gsal ba dang / rnam par shes par
214a3 bya ba dang /mnyan par 'os pa dang / mi brten pa dang / mi mthun pa med pa dang / yongs su gtugs pa med pas chos ston par byed pa dang / de la dge slong de dag gis bkur stir byas/ bla mar byas/ gces par byas/ yid la byas/ sems rtse gcig tu byas te/ rna blags shing
214a4 sems thams cad kyis bsams nas chos nyan bar byed do zhes bya ba ni mdo sde'i dum bu yin no//'dis ni zhes bya ba rgyas par 'byung ba ni bshad pa 'dis ni bkur stir byas nas chos nyan pa skyon drug dang bral bar bstan pa yin no/ /ji ltar byas pas she na/ de la bla mar byas zhes bya ba'i tshig
214a5 'dis ni bkur stir byas nas nyan pa nga rgyal gyi skyon dang bral bar bstan to//de bzhin du sems thams cad kyis bsams nas zhes bya ba'i bar gyi tshig 'dis ni bkur stir byas nas nyan pa skyo ba'i skyon dang bral bar bstan to/ /dri ma zhes bya ba ni skyon zhes bya ba'i tha tshig go/ /chos mngon pa dang 'dul
214a6 ba mngon pa las dri ba dris pa yang shes shing /tshig dang yig 'bru rigs pa dang / 'brel ba dang / rjes su mthun pa dang / 'byor pa dang / thabs dang ldan pa dang / 'tsham pa dang / mthun pa dang / rtag tu 'grus skyong gi yan lag gi tshogs rnams kyis lan ldon par yang byed
214a7 do zhes bya ba ni mdo sde'i dum bu yin no//shes la lan ldon par yang byed do zhes bya ba ni 'dri ba de dag shes pa ste/ /khong du chud pa 'ba' zhig tu ma zad kyi/ 'o na ci zhe na/ lan ldon par yang byed do/ /lung ston par byed do zhes bya ba'i tha tshig go/ /'di las ni zhes bya ba rgyas par 'byung ba
214b1 ni mdo sde'i dum bu 'di las ni 'dri ba rnam pa gsum la lan gdab pa yon tan brgyad dang ldan pa ste/tshig dang yig 'bru rigs pa dang zhes bya ba de la sogs pa yon tan brgyad dag dang ldan pa yongs su bstan pa yin no/ /don dang mtshams sbyar ba'i dbang du byas nas zhes bya ba ni don gyi
214b2 dbang du byas nas dang /mtshams sbyar ba'i dbang du byas nas so/ /mi shes te 'dri ba de la ni mi shes nas 'dri ba la ni ste/ de'i lan gdab par yongs su bstan pa yin no/ /ji ltar byas pas she na/ don gyi dbang du byas nas ni don phyin ci ma log pa nyid kyis te/ tshig dang yig 'bru rigs
214b3 pa zhes bya ba'i tshig 'dis so//mtshams sbyar ba'i dbang du mdzad nas ni mtshams sbyar ba 'brel par byed pa nyid kyis te/ 'brel pa zhes bya ba'i tshig 'dis so/ /de ltar na re zhig mi shes nas 'dri ba dang po rnam pa gnyis la de'i lan gdab pa tshig gnyis kyis yongs su bstan pa yin
214b4 no//chos nyid dang snga phyi'i dbang du mdzad nas ni gnyis pas te/ de la chos nyid ni chos rnams kyi rang bzhin te/ dper na ma rig pa la sogs pa ni 'du byed la sogs pa'i rkyen gyi dngos po yin pa lta bu ste/ chos nyid de'i dbang du byas nas 'gal ba 'dri ba 'byung ngo / /'gal ba'i dbang du byas
214b5 nas 'dri ba'am/'gal bas 'dri ba ni 'gal ba 'dri ba ste/ ci'i phyir ma rig pa la sogs pa 'du byed la sogs pa'i rkyen yin zhes bya ba lta bu'o/ /snga phyi'i dbang du byas nas 'gal ba 'dri ba 'byung ba ni ci'i phyir na/ tshor ba gang ci yang rung ba de ni 'dir sdug bsngal ba'o zhes kyang gsungs
214b6 la/tshor ba ni gsum ste/ bde ba'i tshor ba dang / sdug bsngal gyi tshor ba dang / bde ba yang ma yin sdug bsngal ba yang ma yin pa'i tshor ba'o zhes kyang gsungs zhes bya ba lta bu'o/ /'gal ba 'dri ba rnam pa gnyis po 'di las re zhig dang po'i len gdab pa ni chos nyid kyi rjes su
214b7 mthun pa nyid kyis te//rjes su mthun pa zhes bya ba'i tshig 'dis so/ /gnyis pa ni dgongs pa bstan pa nyid kyis te/ 'byor pa zhes bya ba'i tshig 'dis so/ /'byor pa zhes bya ba ni dgongs pa bstan pa gang yin pa'o/ /'dri ba gnyi ga la yang ste/ mi shes nas 'dri ba dang /
215a1 'gal ba 'dri ba la yang go bar byed pa nyid kyis te/ thabs dang ldan pa zhes bya ba'i tshig 'dis lan gdab pa yin no/ /'dis 'grub pas na thabs so/ /thabs nyid thabs dang ldan pa ste/ gdul ba dang ldan pa zhes bya ba bzhin no/ /'dri ba gnyi ga la
215a2 yang gdul ba ji lta ba bzhin du 'chad pa nyid kyis kyang yin te/'tsham pa zhes bya ba'i tshig 'dis lan gdab pa yin no/ /rtogs pa'i dbang du byas nas ni gdams ngag 'dri ba ste/ gsum pa yin no/ /de la rtogs pa ni 'jig rten las 'das pa'i chos thob pa'o/ /de'i dbang du byas nas ni ched du byas
215a3 nas zhes bya ba'i tha tshig go//gdams ngag thob par bya ba'i phyir 'dri ba ni gdams ngag 'dri ba ste/ gdams ngag 'dri ba la ni 'jig rten pa'i yon tan mngon par sgrub pa dang rjes su mthun pa nyid kyis te/ /'jig rten pa rnams kyi yon tan rnams ni bsam gtan dang /
215a4 gzugs med pa dang / tshad med pa dang / rnam par thar pa la sogs pa zag pa dang bcas pa rnams so/ /mngon par sgrub pa dang / rjes su mthun pa nyid kyis ni skyes pa dang mthun pa nyid kyis te/ mthun pa zhes bya ba'i tshig 'dis lan gdab pa yin no/ /'jig rten las 'das pa'i
215a5 yon tan mngon par sgrub pa dang rjes su mthun pa nyid kyis ni 'jig rten las 'das pa'i yon tan rnams te/yang dag pa'i lta ba la sogs pa 'phags pa'i lam yan lag brgyad pa rnams mngon par sgrub pa dang rjes su mthun pa nyid kyis te/ rtag 'grus skyong gi yan lag gi tshogs rnams
215a6 kyis zhes bya ba'i tshig 'dis lan gdab pa yin par yongs su bstan pa yin no//'jig rten las 'das pa'i yon tan mngon bar sgrub pa dang rjes su mthun pa nyid kyis yin par ji ltar shes she na/ rtag 'grus skyong gi yan lag 'phags pa'i lam gyi yan lag gi tshogs yin pa'i phyir ro/ /
215a7 'di ltar rtog pa thob par bya ba'i phyir 'dri ba la ni rtag 'grus skyong ste/ slob pa'i yan lag 'phags pa'i lam gyi yan lag gi tshogs rnams kyis lan gdab pa yin pas so/ /rtag tu nas bya ba rgyas par 'byung ba ni rtag pa ste rtag tu dang 'grus pa ste/ bsgrims pas zag pa rnams las
215b1 te/nyon mongs pa rnams las sems bsrung ba'i phyir ro/ /gzhan yang zhes bya ba ni rnam grangs gzhan yang rigs pa nyid ni 'brel pa nyid kyis gsal bar byed pa ste/ tshig dang yig 'bru rigs pa dang 'brel pa zhes bya ba'o/ /ji ltar 'brel pa yin zhe na/ snga phyi ma 'brel pa med pa
215b2 nyid kyis so//rjes su mthun pa nyid ni 'byor pa nyid kyis gsal bar byed pa yin te/ rjes su mthun pa dang / 'byor pa zhes bya ba'i tshig 'dis so/ /don gang gis she na/ chos nyid dang mi mthun pa med pa nyid kyis so/ /thabs dang ldan pa nyid ni 'tsham pa nyid kyis gsal bar byed
215b3 pa yin te/thabs dang ldan pa dang / 'tsham pa zhes bya ba'o/ /ji lta zhe na/ gdul ba dang rjes su mthun par 'chad pa nyid kyis so/ /mthun pa nyid ni rtag 'grus skyong gi yan lag gi tshogs nyid kyis gsal bar byed pa yin te/ mthun pa dang / rtag 'grus skyong gi yan lag gi tshogs
215b4 rnams zhes bya'o//ji lta zhe na/ tshangs par spyod pa'i rjes su mthun pa nyid kyis so/ /de ltar gsung dbyangs yan lag lnga dang ldan pa'i bshad pa las 'byung ba lta bu ste/ tshig snga ma phyi mas gsal bar byed pa yin no/ /ji skad 'byung zhe na/ kye mkhan po gau ta ma shes ldan de ni 'khor
215b5 rnams la chos ston pa na gsung dbyangs yan lag lnga dang ldan pa zhal nas 'byung ba ste/brjid pa dang / 'brug ltar sgrogs pa dang / snyan cing 'jebs pa dang / rnar snyan pa dang / snying du 'thad pa dang / dga' bar byed pa dang / gsal ba dang / rnam par shes par bya ba dang / mnyan
215b6 par 'os pa dang /mi mthun pa med pa'o zhes 'byung ba ste/ tshig snga ma phyi mas gsal bar byed pa yin no/ /tshig phyi mas rnam par bshad pa dang bcas pa zhes bya ba rgyas par 'byung ba ni tshig phyi ma phyi mas rnam par bshad pa dang bcas pa tshig dang yig 'bru rigs pa dang 'brel pa dang zhes bya ba
215b7 de la sogs pa'i tshig 'di rnams kyis so//tshig phyi mas rnam par bshad pa ni tshig phyi mas rnam par bshad pa'o/ /tshig gang dag tshig phyi mas rnam par bshad pa'ang lhan cig pa ni tshig phyi mas rnam par bshad pa dang bcas pa ste de rnams kyis so/ /'dri ba thams cad la ste mi shes nas 'dri ba dang 'gal ba
216a1 'dri ba dang /gdams ngag 'dri ba rnam pa tha dad pa du ma la lan gdab pa yon tan bzhi dang ldan par bstan pa yin te/ snga phyi mi 'gal bar lan gdab pa ni tshig 'bru rigs pa dang 'brel pa zhes bya ba'i tshig phyi mas rnam par bshad pa dang bcas pa'i tshig 'dis bstan
216a2 pa yin no//chos nyid dang mthun par lan gdab pa ni rjes su mthun pa dang 'byor pa zhes bya ba'i tshig phyi mas rnam par bshad pa dang bcas pa'i tshig 'dis bstan pa yin no/ /gdul ba dang mthun pa ste/ gdul ba dang mthun par rjes su mthun par lan gdab pa ni thabs dang ldan pa dang
216a3 'tsham pa zhes bya ba'i tshig phyi mas rnam par bshad pa dang bcas pa'i tshig 'dis bstan pa yin no//don gyi mchog dang mthun par lan gdab pa ni mthun pa dang rtag 'grus skyong gi yan lag gi tshogs rnams kyis zhes bya ba'i tshig phyi mas rnam par bshad pa dang bcas pa'i tshig 'dis bstan
216a4 pa yin no//yon tan brgyad dag ni zhes bya ba rgyas par 'byung ba la/ don la 'jug pa nges par 'byin pa nyid ni tshig dang yig 'bru brjod par bya ba'i don la 'jug pa ste/ rtogs pa ni don la 'jug pa'o/ /'dis nges par 'byin pas na nges par 'byin pa ste/ de'i dngos po ni nges par 'byin
216a5 pa nyid do//don la 'jug pa ni nges par 'byin pa nyid yin pas don la 'jug pa nges par 'byin pa nyid do/ /lan gdab pa ni don la 'jug pa nges par 'byin pa nyid kyi yon tan dang po 'di dang yang ldan pa yin te/ tshig dang yig 'bru rigs pa zhes bya ba tshig dang po 'dis yongs su bstan pa
216a6 yin no//'jig rten la grags pa'i tshig dang yig 'bru dang 'brel pa nyid ni 'jig rten la grags pa'i tshig dang yig 'bru rnams dang 'brel pa nyid yin te/ lan gdab pa ni yon tan gnyis pa 'di dang yang dag pa yin te/ 'brel pa zhes bya ba'i tshig gnyis pa 'dis yongs su bstan pa yin
216a7 no//rgol ba 'gal ba'i rjes su mthun pa nyid ni rgol bas 'gal ba ni rgol ba 'gal ba'am/ rgol ba nyid 'gal ba yin pas rgol ba 'gal ba ste/ de'i rjes su mthun pa nyid ni rgol ba 'gal ba'i rjes su mthun pa nyid yin no/ /lan gdab pa ni yon tan gsum pa 'di dang yang ldan pa yin te/
216b1 rjes su mthun pa zhes bya ba'i tshig gsum pa 'dis yongs su bstan pa yin no/ /tshig zab mo'i don nges par byas pa nyid ni tshig zab mo rnams kyi don gsal bar byas pa nyid ni tshig zab mo'i don nges par byas pa nyid do/ /lan gdab pa ni tshig zab mo'i don nges par byas pa nyid kyi yon tan bzhi pa
216b2 'di dang yang ldan pa yin te/'byor pa zhes bya ba'i tshig bzhi pa 'dis yongs su bstan pa yin no/ /nyan pa po la phan 'dogs pa'i tshig dang yig 'bru rnam par g.yeng ba med pa'i gzhir gnas pa nyid ces bya ba la/ rnam par g.yeng ba med pa'i gzhir gnas pa nyid ni rten yin no/ /lan btab pa ni
216b3 yon tan gyi tshig lnga pa 'di dang yang ldan pa yin te/thabs dang ldan pa zhes bya ba'i tshig lnga pa 'dis yongs su bstan pa yin no/ /gdul ba'i bsam ba dang mos pa ji lta ba bzhin du rab tu rnam par phye ba nyid ni gdul ba'i bsam pa ji lta ba bzhin te/ sems pa ji lta ba bzhin dang mos
216b4 pa ji lta ba bzhin dag la rab tu rnam par phye ba nyid ni rab tu rnam par phye ba byas pa nyid de/yon tan drug pa yin no/ /lan gdab pa ni yon tan drug pa 'di dang yang ldan pa yin te/ 'tsham pa zhes bya ba'i tshig drug pa 'dis yongs su bstan pa yin no/ /'di skad du bsam pa ji lta ba bzhin dang /
216b5 mos pa ji lta ba bzhin du tshig dang yig 'bru 'tsham pa rnams kyis dri ba'i lan 'debs pa yin no zhes bstan pa yin no/ /lung 'bogs pa dang zhes bya ba rgyas par 'byung ba la/ lung 'bogs pa dang / kha ton byed pa dang / mos pa dang / sems pa dang / sgom pa ni lung 'bogs pa dang / kha
216b6 ton byed pa dang /mos pa dang / sems pa dang / sgom pa rnams so/ /de rnams dang mthun pa nyid ni rjes su mthun pa nyid de/ lung 'bogs pa dang / kha ton byed pa dang / mos pa dang / sems pa dang / sgom pa dang mthun pa nyid do/ /lan gdab pa ni yon tan bdun pa 'di dang yang ldan
216b7 pa yin te/mthun pa zhes bya ba'i tshig bdun pa 'dis yongs su bstan pa yin no/ /sgra ji lta ba bzhin du mngon par mi zhen par bstan pa nyid ni sgra ji lta ba bzhin la mngon par mi zhen pa'o/ /sgra ji lta ba bzhin du mngon par mi zhen par gtan la dbab par bstan pa ni sgra ji lta ba bzhin du mngon par mi zhen par
217a1 gtan la dbab par bstan pa yin no//de'i dngos po ni sgra ji lta ba bzhin du mngon par mi zhen par gtan la dbab par bstan pa nyid do/ /lan gdab pa ni sgra ji lta ba bzhin du mngon par mi zhen par gtan la dbab par bstan pa nyid kyi yon tan brgyad pa 'di dang yang ldan pa
217a2 yin te//rtag 'grus skyong gi yan lag gi tshogs rnams kyis zhes bya ba'i tshig brgyad pa 'dis yongs su bstan pa yin no/ /dge slong dag gtam la 'jug par bya na 'dun ba dang / zhe sdang dang / nga rgyal dang / 'chab ba dang / kun nas mnar sems dang / mi bzod pa dang / yid mi ches pa
217a3 yang spangs la/sems kyi tha ba dang / 'chab pa'i gzhi yang bor te/ lta ba'i yongs su gdung ba yang bsal nas/ ha cang smra bar yang mi bya zhing / 'gal bar yang mi bya la/ tshig rtsub mo smra bar yang mi bya ste/ don dang chos ston par bya/ kun du shes par bya/ yang dag par shes par bya/ nges
217a4 par sems su gzhug par bya zhing mgu bar bya/yang dag par mgu bar bya/ yongs su mgu bar bya la/ dang bar bya zhing dad pa bskyed par bya ste/ 'phags pa rnams ni de ltar brjod na 'phags pa rnams kyi brjod pa ni de lta bu yin no zhes bya ba ni mdo sde'i dum bu yin no/ /de la zhes bya ba ni don bkod
217a5 pa la'o//kun nas nyon mongs pa can gyi gtam gyi gzhi ni rgyu ste/ rnam pa dgu'o/ /rang gi phyogs rgyal bar 'dod pa zhes bya ba kun nas nyon mongs pa can gyi gtam gyi gzhi 'di yongs su spang ba ni 'dun pa yang spangs la zhes bya ba'i tshig 'dis yongs su bstan pa yin no/ /phyir rgol ba la khong khro ba nyid
217a6 ces bya ba 'di ni zhe sdang yang zhes bya ba 'dis so//rang gi phyogs grub pa na sems khengs pa nyid ces bya ba 'di ni nga rgyal yang zhes bya ba 'dis so/ /phyir rgol bas skyon byung ba glengs na de bcab par 'dod pa nyid ces bya ba 'di ni 'chab pa yang zhes bya ba 'dis so/ /skyon ma byung ba glengs na khro ba zhes bya ba
217a7 'di ni kun nas mnar sems kyang zhes bya ba 'dis so//khros na sha glan pa'i phyir khon du 'dzin pa zhes bya ba 'di ni mi bzod pa yang zhes bya ba 'dis so/ /khon du 'dzin pa zhes bya ba ni 'jig rten na mdud par 'dzin pa zhes bya ba gang yin pa'o/ /pham na yid mi bde ba'i mtshan nyid sems mi gsal ba nyid
217b1 ces bya ba kun nas nyon mongs pa can gyi gtam gyi gzhi 'dis yongs su spang ba ni yid mi ched pa yang spangs te zhes bya ba'i tshig 'dis yongs su bstan pa yin no//de ltar na re zhig kun nas nyon mongs pa can gyi gtam gyi gzhi bdun dag ni tshig bdun po dag kho nas yongs su spangs pa yin no/ /
217b2 lhag ma lus pa las brtsams nas 'di thams cad kyi rtsod pa'i rtsa ba'i zhes bya ba rgyas par smos te/ kun nas nyon mongs pa bdun po dang khong khro ba la sogs pa 'di thams cad kyi rtsod pa'i rtsa ba'i sngon du 'gro ba ni kun nas nyon mongs pa'i thog ma'i rgyu ni zhes bya ba'i tha tshig go/ /rab tu byung ba'i yang
217b3 sems kyi tha ba dang 'chab pa'i gzhi ni zag pa'i gnas dang mthun pa rnyed pa dang /bkur sti dang ldan pa'i yul rnams te/ rnyed pa dang bkur sti dang 'brel pa'i yul rnams so/ /sems kyi tha ba dang 'chab pa'i gzhi ni sems kyi tha ba'i gzhi dang / 'chab pa'i gzhi zhes bya ba'i tha tshig go/ /ji ltar
217b4 byas pas she na/de la ltos pa dang bcas pa ste/ rnyed pa dang bkur sti dang ldan pa'i yul la ltos pa dang bcas pa ni de'i dgra bor gyur pa dag la ste/ yul de'i phyir rgol bar gyur pa dag la zhe sdang skyed pa'i phyir dang / bdag nyid kyi skyon 'chab pa'i phyir ro/ /de'i phyir na yul de dag ni sems
217b5 kyi thab dang 'chab pa'i gzhi yin no//de ltar na tha ba ni zhe sdang yin no/ /kha na ma tho ba 'chab par byed pa de ni 'chab pa yin no/ /gzhi ni rgyu yin no/ /de la mi ltos pa nyid kyi ste/ yul de la mi ltos pa nyid kyis ni de spangs pas na ste/ sems kyi tha ba dang 'chab pa'i gzhi spangs bas na zhes bya ba'i
217b6 tha tshig go//rtsod pa'i rtsa ba dang po ste/ kun nas nyon mongs pa can gyi gtam gyi gzhi brgyad pa yongs su spangs pa yin no/ /rtsod pa'i rtsa ba gnyis pa ste/ kun nas nyon mongs pa can gyi gtam gyi gzhi dgu pa yongs su spangs pa ni lta ba'i yongs su gdung ba bsal ba'i phyir te/ lta ba'i yongs
217b7 su gdung ba yang bsal nas zhes gsungs pa'i phyir ro//lta ba ngan pa ni 'jig tshogs la lta ba la sogs pa ste sems yongs su gdung ba yin no/ /ci'i phyir zhe na/ de dag ni rab tu ma zhi ba'i mtshan nyid yin pa'i phyir ro/ /'dir yang smras pa zhes bya ba ni don 'di tshigs su bcad par sbyar
218a1 bas so//rgyal dang pham byed 'dod ces bya ba rgyas par 'byung ba ni rgyal ba la sogs pa 'di dag la 'dun pa la sogs pa bdun spangs te/ gtam de bstan par bya'o/ /ji ltar byas bas she na/ rgyal bar 'dun pa spangs nas dang / pham byed 'dod de pham par byed
218a2 'dod pa la zhe sdang dang /grub na nga rgyal dang / skyon 'byung ba la glengs na 'chab pa dang ma byung ba glengs na kun nas mnar sems dang / pham na mi bzod pa spangs so/ /rtsod pa'i gzhi gnyis ni snga ma ji skad bstan pa gnyis so/ /gang las skyon 'di 'byung ba zhes bya ba ni rtsod pa'i rtsa ba'i sngon du 'gro
218a3 ba rnyed pa dang /bkur sti dang ldan pa'i yul dang / lta ba ngan pa'i mtshan nyid gang las 'dun pa la sogs pa'i skyon 'di 'byung ba'o/ /de la kun nas nyon mongs pa can gyi gtam ni rnam pa gsum dag gis yongs su bstan pa yin te/ ji lta zhe na/ ma zhi zhing tshod mi 'dzin par smra ba nyid
218a4 kyi phyir dang ste/ma zhi bar smra ba nyid kyi phyir dang / tshod mi 'dzin par smra ba nyid kyi phyir ha cang smra bar yang mi bya ba zhes bya ba'i tshig 'dis ni de'i gnyen por gyur pas kun nas nyon mongs pa can gyi gtam de yang yongs su bstan pa yin te/ 'di ltar ma zhi bar smra ba gang yin pa de ni ha cang smra ba yin te/
218a5 gzu lums che ba yin no/ /tshod mi 'dzin pa ni ha cang mang ba yin no/ /grub pa'i mtha' las 'das par byed pa nyid kyi phyir na 'gal bar yang mi bya la zhes bya ba'i tshig 'dis kyang de'i gnyen por gyur pas kun nas nyon mongs pa can gyi gtam de yang yongs su bstan pa yin no/ /gzhan la smod pa
218a6 nyid kyi phyir ni tshig rtsub mo smra bar yang mi bya ste zhes bya ba'i tshig 'dis kyang gnyen por gyur pas kun nas nyon mongs pa can gyi gtam de yang yongs su bstan pa yin no//smod pa ni tshig rtsub po'o/ /don dang chos te zhes bya ba 'di ni don dang / chos bstan par bya zhes bya ba'i tshig 'di gnyis kyi rnam par
218a7 bshad pa yin no//de la don ni brjod par bya ba yin no/ /chos ni mdo'i sde la sogs pa'i mtshan nyid bstan pa yin no/ /gang gi don du gnyer ba'am zhes bya ba ni don nam chos so/ /gang gi chos la bab pa'o zhes bya ba ni don nam chos kyi'o/ /gzhan dag la shes rab rnam pa gsum nye bar bsgrubs
218b1 pas zhes bya ba ni thos pa dang bsams pa dang bsgoms pa las byung ba'i shes rab rnam pa gsum go rims bzhin du kun du shes par bya/yang dag par shes par bya/ nges par sems su gzhug par bya zhes bya ba'i tshig gsum po 'di rnams kyis nye bar bsgrubs pas bzod pa chung ngu dang /
218b2 'bring dang / chen po bskyed pa'i phyir go rims bzhin du mgu bar bya/ yang dag par mgu bar bya/ yongs su mgu bar bya'o/ /bdag dang gzhan gnyis la dad pa bskyed pa'i phyir ni go rims bzhin du dad par bya zhing / dad pa bskyed par bya'o/ /'di ni zhes bya ba rgyas par 'byung ba ni 'phags pa
218b3 rnams ni de ltar rjod cing zhes bya ba 'di ni gang zag nges par gzung ba yin par rig par bya ba 'phags pa rnams kyi rjod pa ni de lta bu yin no//'di lta bu'i don du yin te/ /'di lta ste/ zag pa rnams zad par bya ba'i phyir ro zhes gsungs pa lta bu'o/ /de las ni zhes bya ba rgyas par 'byung ba ni mdo sde
218b4 de las so//mdo sde'i dum bu 'dis dge slong gi sems yongs su dag pa dang / ngag yongs su dag pa yongs su bstan pa yin te/ dge slong dag gtam la 'jug par bya na/ 'dun pa dang zhe sdang dang zhes bya ba gang yin pa 'di ste/ mdo sde'i dum bu 'dis yongs su bstan to/ /ji ltar byas
218b5 pas she na/phyir rgol ba ni rgol ba la zhes bya ba rgyas par 'byung ba ste/ de pham par 'dun pa spangs shing zhes bya ba ni phyir rgol ba pham par 'dun pa spangs shing zhes bya ba'i tha tshig go/ /phyir rgol ba de nyid la yang zhes bya ba ni phyir rgol ba'i sbyor ba byung na yang ngo // //rnam par bshad
218b6 pa rigs pa'i bshad pa/bam po brgyad pa/ ma byung ba dang byung ba'i skur pa gnyis kyis zhes bya ba ni ma byung ba'i skur pa dang / byung ba'i skur pas so/ /kun nas mnar sems te/ sems 'khrugs pa spangs la'o/ /mi bzod pa ste/ mtshan nyid ci zhe na/ slar gshe ba dang / khro ba la
218b7 sogs pa 'dod pa nyid de/spangs la zhes 'og nas 'chad do/ /sogs pa'i sgras ni rdeg pa dang mtshang 'dru 'dod pa nyid spangs la'o/ /yid mi ches pa ste/ mtshan nyid ci zhe na/ rang gi sems kyi yang dag par sdom pa ma nges pa yang spangs la'o zhes bya ba yin no/ /'di lta ste/ slob dpon
219a1 gyi dpe mkhyud las byung ba bar chad dang bcas par bstan pa'i bsam pa dang /dad nas bkur sti byed 'dod pa yang bor te'o/ /ci'i phyir zhe na/ sems kyi tha ba ste/ sems kyi tha ba dang / 'chab pa'i gzhi ste/ rgyu ni 'dir slob dpon gyi dpe mkhyud las byung ba
219a2 bar chad dang bcas par bstan pa'i bsam pa dang /dad nas bkur sti byed 'dod pa nyid yin no/ /rang gi lta ba mchog tu 'dzin pa zhes bya ba ni rang gi lta ba ste/ 'jig tshogs kyi lta ba rnams las gang yang rung ba zhig mchog nyid du 'dzin pa ni rang gi lta ba mchog tu 'dzin pa ste/ rang gi lta ba
219a3 mchog tu 'dzin pa de bsal ba byas nas so//ha cang brjod par yang mi bya zhing zhes bya ba rgyas par 'byung ba ni kha cig ha cang brjod par yang mi bya zhing zhes bya bar 'don gyi ha cang smra bar yang mi bya zhes bya bar mi 'dod pas so/ /ha cang brjod par yang mi bya zhes bya ba'i tshig 'dis ni phyir rgol ba dang lhan
219a4 cig gtam la zhugs pa na nyes rtsom gyi tshig las zlog par byed pa yin no//de bzhin du 'gal bar yang mi bya la/ tshig the tshom can dang / bye brag mi phyed pa las brtsams nas te/ the tshom can las brtsams nas ni don bstan par bya la/ bye brag mi phyed pa las brtsams nas ni mdo sde la sogs
219a5 pa'i chos bstan par bya ba yin no//de la bsam gyis mi khyab pa'i gnas la sems pa la ni zhes bya ba la bsam gyis mi khyab pa'i gnas dag ni bzhi dag ste/ ji skad du mdo sde las/ dge slong dag bsam gyis mi khyab pa'i gnas bzhi po 'di dag la sems pa ni smyo ba dang / kun du rmongs pa
219a6 dang /sems rnam par g.yeng bar 'gyur ro/ /bzhi po gang dag ce na/ bdag la sems pa dang / 'jig rten pa dang sems can rnams kyi las kyi rnam par smin pa la sems pa dang / bsam gtan pa rnams kyi bsam gtan pa'i yul dang / rdzu 'phrul can rnams kyi rdzu 'phrul gyi yul yin no
219a7 zhes gsungs pa lta bu'o//de la bdag la sems pa ni ci bdag 'das pa'i dus na byung ngam/ 'on te ma byung zhes bya ba la sogs pa'o/ /bdag med pa nyid ni bsam pa yin te/ bdag gzugs la sogs pa zhig nas tha dad pa zhig gam/ tha dad pa ma yin zhes bsam par bya'o/ /'jig rten
219b1 la sems pa ni 'jig rten ni rtag pa yin/'jig rten ni mi rtag pa yin/ 'jig rten ni rtag kyang rtag la/ mi rtag kyang mi rtag pa yin zhes bya ba la sogs pa ste/ bsam gyis mi khyab pa yin no/ /bsam gyis mi khyab pa gzhan ni/ bsam gtan pa rnams kyi bsam gtan gyi
219b2 yul dang /rdzu 'phrul can rnams kyi rdzu 'phrul gyi yul te/ rnam pa thams cad du bsam par mi bya ba yin no/ /rtogs par bya ba rtogs par bya ba'i phyir zhes bya ba ni mngon sum du bya ba thob par bya ba'i phyir ro/ /de dag kho na zhes bya ba rgyas par 'byung ba ni kun du shes par bya/ yang dag par shes par
219b3 bya/nges par sems su gzhug par bya ba de dag kho nas mchog tu dga' ba rnam pa gsum skyed pa'i phyir na go rims bzhin du mgu bar bya/ yang dag par mgu bar bya/ yongs su mgu bar bya ba yin no/ /ji lta zhe na/ sems g.yengs pa spong ba'i mchog tu dga' ba sred pa'i phyir ni mgu bar bya ba
219b4 yin no//the tshom gcod pa'i mchog tu dga' ba skyed pa'i phyir ni yang dag par mgu bar bya ba yin no/ /'bras bu yongs su 'dzin pa'i mchog tu dga' ba skyed pa'i phyir ni yongs su mgu bar bya ba yin no/ /'bras bu yongs su 'dzin pa ni 'bras bu rnam pa lnga 'phen pa'o/ /'bras bu rnam pa lnga ni
219b5 nyon mongs pa zad pa dang /skye ba'i bsam gtan dang / mthong ba'i chos la bde bar gnas pa dang / yon tan mngon par sgrub pa dang / dbang po 'pho ba'o/ /'dir yang smras pa/ nyon mongs zad dang skye ba dang / /bder gnas yon tan mngon bar sgrub/ /dbang po 'pho ba bcas pa ni/ /bsam
219b6 gtan dgos rnam lnga pa yin//legs par yongs su dri ba'i phyir te/ 'di ltar 'di ni legs par yongs su 'dri bas de'i phyir 'di'i sems yongs su dag pa yin no/ /legs par lung ston pa'i phyir te/ 'di ltar 'di ni 'di lta bu yin no zhes logs par lung ston pas so/ /dge slong dag
219b7 bdag nyid gling du 'gyur ba dang /bdag nyid skyabs su 'gyur ba dang / chos nyid gling du 'gyur ba dang / chos nyid skyabs su 'gyur ba dang / gling gzhan ma yin pa dang / skyabs gzhan ma yin par gnas par gyis shig ces bya ba ni mdo sde'i dum bu yin no/ /nang gi sems kyi zhi gnas la brtson
220a1 pa'i phyir ro zhes bya ba ni nang gi yin gyi phyi rol gyi ma yin pa'o//sems kyi ste sems kyi zhi gnas ting nge 'dzin khyad par can la brtson ba'i phyir te rten pa'i phyir ro/ /smras pa/ ting nge 'dzin nam zhig gi tshe na ting nge 'dzin khyad par can du 'gyur zhe na/ gang gi tshe dmigs
220a2 par byed pa las yongs su skyo ste sems nang du sdud par byed pa na'o//lhag mthong ni shes rab khyad par can yin no/ /de'i mi mthun pa'i phyogs zhes bya ba rgyas par 'byung ba ni zhi gnas dang lhag mthong de gnyis kyi mi mthun pa'i phyogs gnyis ni de'i mi mthun pa'i phyogs so/ /de'i mi mthun
220a3 pa'i phyogs 'dod pa'i bsod nyams dang /bdag nyid dub par gnas par brtson pa de gnyis yongs su spangs pa'i phyir te/ zhi gnas kyi mi mthun pa'i phyogs 'dod pa'i bsod nyams la brtson pa yongs su spangs pa'i phyir dang / lhag mthong gi mi mthun pa'i phyogs bdag nyid dub par gnas pa
220a4 la brtson pa de dag yongs su spangs pa'i phyir ro//de la 'dod pa'i bsod nyams ni 'dod pa'i bde ba nyon mongs pa can 'dod pa nyid do/ /brtson pa'i bsgrub pa dang nan tan du byed pa dang bstan pa yin no/ /bdag nyid dub par gnas pa ni bdag nyid dub pa nyid de/ kun du gdungs pa dang /
220a5 yongs su gdungs pa'i brtul zhugs la sogs pa'i mtshan nyid do/ /de ltar na zhes bya ba rgyas par 'byung ba ni ji skad bstan pa de ltar na de'i mi mthun pa'i phyogs te/ zhi gnas dang lhag mthong gi mi mthun pa'i phyogs so/ /de'i mi mthun pa'i phyogs mtha' gnyis te/ 'dod pa'i bsod
220a6 nyams la brtson pa'i mtha' dang /bdag nyid dub par gnas pa la brtson pa'i mtha' yongs su spangs pa'i phyir bdag nyid la sogs pa gling dang skyabs su 'gyur ba nyid du ste/ bdag nyid gling dang / skyabs su 'gyur ba nyid dang / chos gling dang / skyabs dang gyur pa dang / gling dang skyabs
220a7 gzhan ma yin pa nyid du yongs su bstan pa yin no//gzhan yang zhes bya ba rgyas par 'byung ba ni gzhan yang rang gi skyes bu'i rtsal dpung gnyen nyid yin pa'i phyir te/ gzhan la mi smod pa'i phyir ni bdag nyid gling du 'gyur ba yin no/ /'dis ni ste dge slong dag bdag nyid gling du 'gyur bar gnas par
220b1 gyis shig ces bya ba'i tshig 'dis na bcom ldan 'das kyis brtson 'grus brtsams pa nyid la sbyor bar byed pa yin no//lung dang rtogs pa'i chos dpung gnyen nyid yin pa'i phyir ni chos gling du 'gyur ba yin te/ lung gi chos dpung gnyen nyid yin pa'i phyir dang / rtogs pa'i chos dpung gnyen
220b2 nyid yin pa'i phyir na chos gling du 'gyur ba yin no//de la lung gi chos ni mdo sde la sogs pa lung phog pa'o/ /rtogs pa'i chos ni byang chub kyi phyogs dang mthun pa sum cu rtsa bdun mngon sum du byed pa'o/ /'dis ni ste/ dge slong dag chos gling du 'gyur bar gnas par gyis shig ces bya ba'i
220b3 tshig 'dis ni thabs shes par bya ba la sbyor bar mdzad pa yin no//de dag la gcig tu nges pa nyid kyi phyir ni brtson 'grus brtsam pa nyid dang / thabs shes par bya ba de gnyis la gcig tu nges pa'i phyir ro/ /'dis ni ste/ gling gzhan ma yin pa zhes bya ba'i tshig 'dis ni brtson 'grus brtsams pa dang /
220b4 thabs shes pa de gnyis la skyon mi 'byung ba nyid du sbyor bar mdzad pa yin no/ /dran pa nye bar gzhag pa bsgoms pas de ltar gnas pa ste/ bdag nyid gling du 'gyur bar gnas pa dang / bdag nyid skyabs su 'gyur bar gnas par 'gyur ro zhes yang dag par ston pa yin no/ /'di la dge slong nang
220b5 gi lus la lus kyi rjes su lta zhing zhes bya ba mdo sde de nyid las rgyas par gsungs pa'i phyir ro//ji skad du zhe na/ rgyas par gsungs nas/ 'di la dge slong nang gi lus la lus kyi rjes su lta zhing brtun pa shes bzhin can dran pa dang ldan pa 'jig rten gyi brnab sems dang yid mi bde ba rnam par bsal
220b6 nas gnas so//phyi rol gyi lus la lus kyi rjes su lta zhing zhes bya ba yang snga ma bzhin no/ /lus la ji lta ba de bzhin du tshor ba dang / sems dang chos la yang chos kyi rjes su lta zhing zhes bya ba snga ma bzhin 'byung ngo / /de la dga' ba zhes bya ba ni brtson 'grus dang / thabs gnyis la gnas pa'o/ /
220b7 bdag la sogs pa gsum gling 'gyur ni/ bdag gling du 'gyur ba dang / chos gling du 'gyur ba dang / gling gzhan ma yin pa'o/ /rang gi tshul bzhin yid byed dang / /zhes bya ba rgyas par 'byung ba ni rang gi tshul bzhin yid la byed pa la brten pa ste/ bdag nyid phyin ci ma log pa'i yid la byed pa la brten
221a1 zhes bya ba'i tha tshig go//gzhan gyi sgra la brten pa ni gzhan gyis bstan pa'i chos la brten pa zhes bya ba'i tha tshig go/ /bsgom pa gcig tu nges pa ni ting nge 'dzin la skyon mi 'byung ba zhes bya ba'i tha tshig go/ /'di ni bdag sogs gling 'gyur te/ /bdag gling du 'gyur
221a2 ba dang /chos gling du 'gyur ba dang / gling gzhan ma yin par shes par bya'o/ /'di gsum zhes bya ba ni bdag dang / chos dang / gzhan ma yin pa'o/ /chu bo bzhis ded pa las yongs su skyob pa'i don gyis na gling du 'gyur ba yin te/ chu bo bzhi dag ni 'dod pa'i chu bo dang / srid pa'i chu bo
221a3 dang /ma rig pa'i chu bo dang / lta ba'i chu bo'o/ /skye ba la sogs pa'i sdug bsngal ni rga shi la thug pa'o/ /gzhan yang zhes bya ba rgyas par 'byung ba la gzhan yang ste/ rnam grangs gzhan yang nyon mongs pa skyes pa'i gnyen po nyid yin pa'i phyir ni bdag nyid gling du 'gyur ba yin no/ /nyon mongs
221a4 pa ma skyes pa'i gnyen po nyid yin pa'i phyir ni bdag nyid skyabs su 'gyur ba yin no//de dag chu dang thang 'dra ba zhes bya ba ni bdag nyid gling dang skyabs su 'gyur ba de dag ni ji ltar chu'i rgyun gyis bdas pa la gling yongs su skyob pa yin pa dang / thang la yang skyabs pa ni sdug bsngal las yongs
221a5 su skyob pa yin te/de dang 'dra'o/ /yang gzhan dag na re zhes bya ba ni gnas brtan sgra gcan zin dag na re'o/ /bdag nyid skyabs mi 'dod pa rnams la brten/ /zhes bya ba ni de la nang gi sems kyi zhi gnas la mi brtson pa'i phyir bdag nyid skyabs su 'gyur ba ma yin te/ bdag nyid skyabs su
221a6 'gyur ba ma yin pa de ni 'dod pa ste/gzugs la sogs pa yul rnams la brten to/ /chos skyabs 'gyur min sdug bsngal rnams la ste/ /chos ni bstan pa'i chos so/ /'di la bstan pa'i chos de yod pas de dang ldan pa'i phyir/ 'di ni chos kyi skyabs can no/ /chos skyabs su 'gyur bar
221a7 mi byed pa de ni chos skyabs su 'gyur min te/chos skyabs su 'gyur ba mi byed pa de ni mu stegs can gyi lta ba dang ldan pas sdug bsngal rnams la ste/ kun du gdung bar byed pa la sogs pa la brten pa yin no/ /bdag la rag las zhes bya ba ni bdag nyid skyabs su 'gyur ba yin te/ nang gi sems kyi
221b1 zhi gnas la brtson pa'i phyir ro//mkhas zhes bya ba ni chos skyabs su 'gyur ba yin te/ chos la brtson pa'i phyir ro/ /de gnyis ka skyabs su 'gyur bar byed pa ni skyabs gzhan ma yin pa ste/ de mi mthun pa'i phyogs la mi brten pa'i phyir ro/ /zhi bar 'gyur zhes bya ba ni mya ngan las 'das par 'gyur ro/ /
221b2 de dag ni mtha' gnyis kyi gnyen po la brten pa'i phyir zhes rgyas par 'byung ba ni de skad ces bya ba 'chad pa de dag ni mtha' gnyis po 'dod pa'i bsod nyams la brten pa'i mtha' dang / bdag nyid dub par gnas pa la brtson pa'i mtha'i gnyen po la brten pa'i phyir dang / srid pa gzhan nye bar mi len pa'i phyir
221b3 te/srid pa gzhan nye bar mi len pa'i phyir dang / mi 'dzin pa'i phyir bdag nyid la sogs pa gling du 'gyur ba nyid du yongs su ston pa yin te/ bdag nyid gling du 'gyur ba nyid dang / chos gling du 'gyur ba nyid dang / gling gzhan ma yin pa nyid du yongs su ston pa yin te/ mngon par gsal bar byed
221b4 pa yin no//lung las ni grogs la sred pa dang zhes bya ba rgyas par 'byung ba ni grogs la sred pa'i gnyen por ni bdag nyid gling du 'gyur ba nyid bstan to/ /rnyed pa la sred pa'i gnyen por ni chos gling du 'gyur ba nyid bstan to/ /yang srid pa la sred pa'i gnyen por ni gling gzhan ma yin pa nyid du ston to
221b5 zhes 'byung ngo //dge slong dag log par lta ba spongs shig /de ci'i phyir zhe na/ dge slong dag log par lta ba'i spangs pa ni rung bas so/ /dge slong dag gal te log par lta ba spang bar mi rung na ni log par lta ba spongs shig ces nga mi zer ba zhig na/ gang gi phyir log par lta ba spang du rung ba de'i
221b6 phyir dge slong dag log par lta ba spongs shig ces nga de skad zer ro//dge slong dag gal te log par lta ba spangs pas dus ring por don med pa dang mi phan pa dang / sdug bsngal ba 'grub par 'gyur na ni log bar lta ba spongs shig ces nga de skad mi zer ba zhig na/ gang gi phyir log par lta ba spang du rung
221b7 bas dus ring por don dang /phan pa dang / bde ba 'grub par 'gyur ba de'i phyir dge slong dag log par lta ba spongs shig ces nga de skad zer ro zhes bya ba ni mdo sde'i dum bu yin no/ /lhag ma zhes bya ba rgyas par 'byung ba ni mdo sde'i dum bu lhag ma dge slong dag log par lta ba ni spang bar rung bas so zhes bya
222a1 ba la sogs pa ste/bka' bzhin du sgrub pa'i rgyu rnam pa gsum bstan pa yin te/ nus pa nyid du ston pa ni dge slong dag log par lta ba ni spang bar rung bas so zhes bya ba rgyas par 'byung ba nas de'i phyir dge slong dag log par lta ba spongs shig ces nga de skad zer ro
222a2 zhes bya ba'i bar gyis so//skyon med pa nyid du ston pa ni don med pa la sogs pa mi 'grub pa yin pa'i phyir ro/ /ji lta zhe na/ dge slong dag gal te log par lta ba spangs pas dus yun ring por don med pa dang / mi phan pa dang / sdug bsngal ba 'grub par 'gyur na ni log par lta ba spongs
222a3 shig ces nga de skad mi zer ba zhig na zhes bya bas so//yon tan mang ba nyid du ston pa ni don la sogs pa grub pa'i phyir ro/ /ji lta zhe na/ gang gi phyir log par lta ba spangs pas dus yun ring por don dang / phan pa dang / bde ba 'grub par 'gyur ba de'i phyir/ dge slong dag log par lta ba
222a4 spongs shig ces nga de skad zer ro zhes bya bas so//bka' bzhin mi sgrub na yang ste/ mi spong na yang skyon mang ba nyid kyi rgyu rnam pa bzhi po glengs pa yin te/ ji ltar byas pas she na/ ma spangs na don med pa la sogs pa 'grub par glengs pa'i phyir ro/ /ji ltar na ma spangs na don med pa la
222a5 sogs pa 'grub par glengs pa yin zhe na/gang gi phyir log par lta ba spangs pas dus yun ring por don dang / phan pa dang / bde ba 'grub par 'gyur zhes gsungs pa de'i phyir bzlog na log par lta ba ma spangs pas dus yun ring por don med pa dang / mi phan pa dang / mi bde bar 'gyur
222a6 bar glengs pa yin no//ji ltar yang dag par spong ba phyi ma gnyis lta bus te/ dge ba'i chos ma skyes pa rnams skyed pa'i phyir 'dun pa skyed do/ /'bad do/ /brtson 'grus rtsom mo/ /sems rab tu 'dzin to/ /yang dag par rab tu 'jog go zhes bya ba 'di dang / skyes pa rnams gnas pa
222a7 dang mi nyams pa dang /bsgom pa yongs su rdzogs pa dang / phyir zhing 'byung ba dang / 'phel ba dang / rgyas pa dang / ye shes kyis mngon sum du bya ba'i phyir 'dun pa skyed pa nas yang dag par rab tu 'jog pa'i bar 'dis te tshig phyi ma 'di gnyis kyis te/ dge ba'i chos 'byung ba de/ skye ba
222b1 dang gnas pa la sogs pa'i mchan nyid ni don yin no//rgyan can gyi bu'i mdo sde las/ tshe dang ldan pa dag yang dag pa'i lta ba ni chos yin te/ gang la yang dag pa'i lta ba'i rkyen gyis dge ba'i chos rnam pa dum bsgom pa yongs su rdzogs par 'gyur ba 'di ni don yin no zhes gsungs pa lta
222b2 bu ste/yang dag pa'i lta ba ji lta ba bzhin du yang dag pa'i ting nge 'dzin gyi bar yang de bzhin no/ /ji ltar yang dag par spong ba snga ma gnyis lta bu'o/ /sdig pa mi dge ba'i chos skyes pa rnams spang ba'i phyir 'dun pa skyed do/ /'bad do/ /brtson 'grus rtsom mo/ /sems rab tu 'dzin
222b3 to//yang dag par rab tu 'jog go zhes bya ba 'di dang / sdig pa mi dge ba'i chos ma skyes pa rnams mi skyed pa'i phyir 'dun pa skyed do/ /'bad do/ /brtson 'grus rtsom mo/ /sems rab tu 'dzin to/ /yang dag par rab tu 'jog go zhes bya ba 'dis yang dag par spong ba snga ma 'di gnyis
222b4 kyis kyang mi dge ba'i chos dang 'brel pa yin par mngon te/skyes pa dang / ma skyes pa spong ba'i mtshan nyid ni phan pa yin no/ /bde ba ni mthong ba'i chos la bde bar gnas pa yin te zhes bya ba ni tshe mngon sum du gyur pa la bde bar gnas pa'o/ /de yang lus dang sems shin tu sbyangs pa'i khyad
222b5 par dang ldan pa'i phyir te/lus shin tu sbyangs pa'i khyad par dang ldan pa'i phyir dang / sems shin tu sbyangs pa'i khyad par dang ldan pa'i phyir 'byung ba gang yin pa'am/ rnam par grol ba'i dga' ba dang bde ba myong ba'i phyir mthong ba'i chos la bde bar gnas pa 'byung ba gang yin pa'o/ /de ni bde ba yin no zhes bya bar skabs dang sbyar
222b6 ro//de la rnam par grol ba ni zag pa med pa'i rnam par grol ba'o/ /dga' ba dang bde ba ni dga' ba dang bde ba ste/ rnam par grol bas dga' ba dang bde ba ni rnam par grol ba'i dga' ba dang bde ba'o/ /de myong ba ni nyams su myong ba ste/ rnam par grol ba'i dga' ba dang bde ba myong ba de'i phyir ro/ /rnam
222b7 grangs gzhan yang don ni dge sbyong gi tshul gyi don te/don gyi tshul de yang ji skad du mdo sde las dge sbyong gi tshul gyi don gang zhe na/ 'dod chags gtan nas spangs pa dang / nyon mongs pa thams cad gtan nas spangs pa gang yin pa de yin no/ /de 'dren par byed pa zhes bya ba ni dge sbyong gi tshul gyi
223a1 don 'dren par byed pa'o//dge sbyong gi tshul zhes bya ba ni lam dri ma med pa zhes bya ba'i tha tshig go/ /bde ba ni snga ma bzhin te/ mthong ba'i chos la bde bar gnas pa yin te zhes bya ba rgyas par smos pa yin te/ 'di gnyis kho na zhes bya ba ni phan pa dang bde ba yin no/ /dge
223a2 slong dag gang zag gis gang zag la tshod ma bzung zhig /gang zag la tshad ma 'dzin cig /de ci'i phyir zhe na/ gang zag gis gang zag la tshod 'dzin pa dang / gang zag la tshad 'dzin pa ni gnod par 'gyur te/ nga'am nga 'dra ba gang yin pas gang zag la tshod gzung ba'am/ tshad 'dzin pa yin no
223a3 zhes bya ba ni mdo sde'i dum bu yin no//yon tan yod pa dang med pa nyid kyis gang zag la tshod 'dzin pa zhes bya ba ni thos pa dang / bsams pa dang / bsgoms pa las byung ba'i yon tan rnams yod pa dang med pa nyid du gang zag la tshod 'dzin pa yin no zhes bya ba'i tha tshig go/ yon tan gyi tshad 'dzin
223a4 pas ni gang zag la tshod 'dzin pa yin no zhes bya ba ni yon tan ji skad bstan pa rnams kyi tshad 'dzin pas gang zag la tshad 'dzin pa yin no zhes bya ba'i tha tshig go//gzhan yang zhes bya ba rgyas par 'byung ba ni gzhan yang gzhan la brten nas te/ gzhan la ltos nas gang zag la tshod 'dzin to/ /ji ltar
223a5 zhe na/'di ni thos pa la sogs pas 'di ji lta ba de lta bu yin no zhes bya bar ro/ /gzhan la mi brten par te/ gzhan la mi ltos par gang zag la tshod 'dzin to/ /ji lta zhe na/ 'di la thos pa la sogs pa'i yon tan 'di snyed cig yod do zhes bya bar ro/ /de 'di snyam du kye ma bdag gis 'di lta
223a6 ste/lus dang ngag dang yid kyis sdig pa byas shing / kye ma bdag gis 'di lta ste/ lus dang ngag dang yid kyis bsod nams ma byas pas sdig pa byed byed pa rnams dang / drag shul byed byed pa rnams dang / gdug pa byed byed pa rnams dang / bsod nams ma byas pa rnams dang / dge ba ma byas
223a7 pa rnams dang /'jigs pas bag tsha ba rnams la skyob pa ma byas pa rnams kyi 'gro ba gang yin pa'i 'gro ba de dag tu 'gyur ro snyam du sems nas yid la gcags pa 'byung ste/ dge slong dag gang zag yid la gcags pa'i 'chi ba ni bzang po ma yin la dus byed pa ni bzang po ma yin zhing / tshe phyi
223b1 mar 'gro ba yang bzang po ma yin no zhes bya ba'i mdo sde'i dum bu yin no//smras pa/ sdig pa ste nyes par spyad pa zhes bya ba'i sdig pa de yang tha chad kyi don gyis yin par go zin mod kyi/ rab tu grub par bya ba'i phyir ji skad du zhes bya ba rgyas par 'byung ba'i khungs gnyis pa bshad zin pa yin te/ ji
223b2 skad du mdo sde las/lus kyis nyes par spyad pa'i rnam par smin pa sdig pa zhes gsungs pas rnam par smin pa thams cad ces bya bar mngon no/ /tha chad ces bya ba ni smad pa gang yin pa'o/ /khungs cig shos ni che ge mo nga ni khyod la mi 'jigs kyi zhes bya ba rgyas par 'byung ba bshad pa yin no/ /
223b3 ji skad du dri ni bsod nams yin no zhes bya ba lta bu ni bkra shis pa yin no zhes bya bar mngon no/ /don tha dad pas zhes bya ba rgyas par 'byung ba ni sdig pa 'di nyes par spyad pa dang / gdug pa zhes de skad gsungs pa yang don tha dad pas yin la/ bsod nams 'di la dge ba dang 'jigs pas
223b4 bag tsha ba las skyob pa zhes gsungs pa yang don tha dad pas de skad gsungs pa yin gyi/gzhi tha dad pas ni ma yin no/ /'di ji ltar shes she na ste rtogs par bya zhe na/ thog mar sdig pa dang bsod nams gnyis kho nas smos pa'i phyir ro/ /ji skad du zhe na/ kye ma bdag gis 'di lta ste/ lus
223b5 dang ngag dang yid kyis sdig pa byas shing /kye ma bdag gis 'di lta ste/ lus dang ngag dang yid kyis bsod nams ma byas pas zhes 'byung gi nyes par spyad pa la sogs pa gzhan rnams ni thog mar ma smos pas so/ /dge slong dag gson po rnams las gnyid log pa ni sbun pa dang / shin te
223b6 ma dang /'bras bu med pa dang / don med pa dang / phan yon med pa yin gyis kyang dge slong dag gnyid log pa bla'i 'thab mo dang / mtshang 'dru ba dang / rtsod pa dang / 'gyed pa gang dag skye bo mang po la mi phan pa dang / don med par 'gyur ba dang lha dang mi rnams la mi phan pa dang / sdug
223b7 bsngal bar 'gyur ba'i rnam par rtog pa gang la brten nas chags pa dang /'thab mo dang / mtshang 'dru ba dang / rtsod pa dang / 'gyed pa 'byung ba'i rnam par rtog pas brtags pa ni de lta bu yin no zhes bya ba ni mdo sde'i dum bu yin no/ /de mi bzod pa de ni zhes bya ba ni mtshang 'dru ba mi bzod pa yin
224a1 no//phan tshun mi mthun par smra ba zhes bya ba ni 'gal bar smra ba yin no zhes bya ba'i tha tshig go/ /dge sbyong du byed pa'i chos bzhi ni gshe yang slar mi gshe/ khros kyang slar mi khro/ /brdegs kyang slar mi rdeg /mtshang 'drus kyang slar mi 'dru ba'o zhes bya ba ni mdo sde'i dum bu
224a2 yin no//ngag dang byed pa zhes bya ba ni ngag dang byed pa ste/ byed pa ni ngag dang lus kyi 'gyur ba yin pas ngag dang byed pa'o/ /ngag dang byed pa yid du mi 'ong ba ni ngag dang byed pa yid du mi 'ong ba'o/ /mtshang 'dru ba ni snga ma bzhin no/ /ji lta bu zhe na/ gcig la gcig skyon smra ba ni mtshang 'dru ba yin
224a3 no zhes bya ba yin no//'di la 'phags pa'i nyan thos ni bdag nyid kyi tshul khrims dag la tshul khrims 'di dag ni ma nyams pa skyon med pa'o/ /'dren mar ma gyur pa/ thun tshags ma yin pa/ rang dbang can nog nog por ma gyur pa/ legs par chub pa/ legs par brtsams pa/ mkhas pa rnams kyis bsngags pa/
224a4 mkhas pa rnams kyis ma smad pa yin no zhes bya ba rnam pa yang dag par rjes su dran no zhes bya ba ni mdo sde'i dum bu yin no/ /bslabs pa las mi 'da' ba'i phyir ro zhes bya ba ni tshul khrims kyi yan lag srog gcod pa spong ba la sogs pa bdun po dag las mi 'da' ba'i phyir te/ mi nyams pa'i phyir ro/ /
224a5 rang dbang can ni zhes bya ba rgyas par 'byung ba la/ rang dbang can ni de'i gnyen po yongs su gzung ba ste/ tshul khrims nyams pa'i gnyen po ste/ so sor rtog pa'i stobs dang / bsgom pa'i stobs ni de'i gnyen po ste/ de yongs su bzung ba ni mngon sum du gyur pa yin no/ /yang dang yang du de'i
224a6 gnyen po yongs su bzung bas/bdag gi dbang nyid du 'gyur ba'i phyir ro/ /ji ltar na bdag gi dbang nyid yin zhe na rkyen gyis mi 'phrogs pa nyid kyi rgyus te/ rkyen sdig pa'i grogs po dang yul yid du 'ong ba nye bar bsgrub pa dang srog gcod pa la spro bar byed pa'i spros pa rnams kyis mi 'phrogs
224a7 pa nyid de/'phrogs par mi 'gyur ba de nyid kyi rgyus te de'i phyir ro/ /smras pa rang dbang can dag gi dbang nyid yin par ji ltar shes she na/ khye'u deng phyin chad nga'i bran ma yin zhing / mngag gzhug pa ma yin te/ rang dbang can dang / gar dga' dgur 'gro ba yin no zhes mdo sde las gsungs
224b1 pa'i phyir te/de ltar na rang dbang can ni bdag gi dbang nyid du gyur pa yin par grub bo/ /nog nog por ma gyur pa ni lta ba ngan pa dang / smon lam gnyis kyis te/ lta ba ngan pa ni 'jig tshogs la lta ba la sogs pa rnams las gang yang rung bas so/ /smon lam ni tshul khrims sam/ brtul
224b2 zhugs sam/dka' thub bam tshangs par spyod pa 'dis bdag lha'am/ lha gang yang rung ba zhig tu gyur cig ces bya ba yin no/ /yon tan gang zhig gi phyir 'di gnyis kyis nog nog por ma gyur pa yin zhe na/ bshad pa nges par 'byin pa nyid kyi rgyus te/ 'di ltar de ni thar pa bsgrub pa yin
224b3 pas so//'dis ni zhes bya ba rgyas par 'byung ba ni ma nyams pa zhes bya ba la sogs pa 'byung ba'i mdo sde'i dum bu 'dis ni tshul khrims yon tan bzhi dang ldan par ston te/ 'chal ba'i tshul khrims de'i rgyus mi thub pa dang / de'i gnyen po dang zhi la brten pa ste zhes 'byung ba yin no/ /de la ma
224b4 nyams pa dang skyon med pa dang /'dren mar ma gyur pa dang zhes bya ba'i tshig 'di gsum dag gis ni 'chal ba'i tshul khrims kyis mi thub pa yin par ston to/ /tshig lhag ma rnams kyis ni de'i rgyus mi thub pa la sogs pa re re dang go rims bzhin du sbyar ro/ /ji ltar zhe na/ de'i rgyus mi thub pa
224b5 yin te/'chal ba'i tshul khrims kyi rgyus nyon mongs pa dang nye ba'i nyon mongs pa rnams kyis mi thub pa ni thun tshags ma yin pa zhes bya ba'i tshig 'dis ston to/ /de'i gnyen po la brten pa ste/ 'chal ba'i tshul khrims kyi gnyen po la brten pa ni rang dbang can zhes bya ba'i tshig 'dis ston to/ /de la
224b6 rten mya ngan las 'das pa la brten cing skye ba'i srid pa la mi brten pa ni nog nog por ma gyur pa zhes bya ba'i tshig 'dis ston to//ma nyams pa dang / skyon med pa dang / 'dren mar ma gyur pa zhes bya ba rnam pa dang po 'di gsum dag gis ni legs par chub pa yin te/ yongs su rdzogs pa nyid kyi phyir ro/ /
224b7 gsum po gzhan te/ thun tshags ma yin pa dang / rang dbang can dang / nog nog por ma gyur pa zhes bya ba 'di dag gis ni legs par brtsams pa yin te/ legs par yongs su dag pa nyid kyi phyir yin no/ /mkhas pa rnams kyis ma smad pa ni zhes bya ba rgyas par 'byung ba ni mkhas pa dgra bcom
225a1 pa rnams kyis ma smad pa ni rnam grangs kyis kyang ma smad pa nyid kyi phyir te/ji ltar bsam gtan dang po la sogs pa'i zag pa dang bcas pa ni zag pa med pa'i rnam grangs kyis smad pa ltar 'di ni de ltar ma yin te/ zag pa med pa nyid kyi rgyus so ste/ zag pa med pa nyid kyi
225a2 yin pa'i phyir ro zhes bya ba'i tha tshig go//rgyas par gsungs nas/ dge slong dag gang zag bden pa mthong ba/ 'bras bu thob pa mngon par rtogs pa dang ldan pa'i sdug bsngal ni rdzing bu la brten pa'i mu ji tsam yod pa de snyed spangs pa dang yongs su shes pa yin no zhes bya ba rgyas par 'byung ba ni
225a3 mdo sde'i dum bu yin no//'di las ni dmigs pa dang zhes bya ba rgyas par 'byung ba ni mdo sde'i dum bu 'di las ni dmigs pas so/ /'bras bu bstan pas ni las kyis so/ /rang bzhin gyis ni rang bzhin gyis te/ lta ba phun sum tshogs par yongs su bstan pa yin no/ /bden pa mthong ba/
225a4 'bras bu thob pa/ mngon par rtogs pa dang ldan pa'i zhes bya ba'i tshig gsum po 'di dag gis ni go rims bzhin du bden pa la dmigs pas te/ bden pa bzhi la dmigs pa'i lta ba dang / 'bras bu thob par byed pa ste/ rgyun du zhugs pa'i 'bras bu la sogs pa thob par byed pa'i lta
225a5 ba dang /mngon par rtogs pa'i mtshan nyid de zag pa med pa'i lta ba ste/ 'dis phun sum tshogs pa ni lta ba phun sum tshogs pa yin no/ /bdag nyid kyis yang dag pa ji lta ba bzhin du rtogs pa yin par rig par bya'o zhes bya ba ni gzhan la rag ma las par phyin ci ma log par rtogs pa yin par
225a6 rig par bya'o zhes bya ba'i tha tshig go//mngon par rtogs pa'i don yid ches pa las 'byung ba ni shes bya shes pa phrad pa ste/ ji lta zhe na/ mngon sum nyid kyi don gyis su ste/ rgyu des na mngon par rtogs par 'dod ces 'byung ngo / /dge slong dag gsum po 'di dag ni nang gi dri ma yin/ nang gi
225a7 'gran zla dang bcas pa yin/nang gi phyir rgol ba yin/ nang gi dgra bo yin no/ /gsum po gang dag ce na/ dge slong dag 'dod chags ni nang gi dri ma yin no/ /nang gi 'gran zla dang bcas pa yin/ nang gi phyir rgol ba yin/ nang gi dgra bo yin no/ /'dod chags ji lta ba bzhin du zhe sdang dang
225b1 gti mug kyang de bzhin no zhes bya ba ni mdo sde'i dum bu yin no//de 'dra ba'i zhes bya ba ni de lta bu'o/ /ji ltar na go rims bzhin zhe na/ nang gi dri ma ni 'di ltar sems dri ma can du byed pa ste/ kun nas nyon mongs par byed pa'i phyir ro/ /nang gi 'gran zla dang bcas pa ni 'di ltar dge ba'i chos ma skyes
225b2 pa rnams skye ba'i bgegs byed pas so//nang gi phyir rgol ba ni 'di ltar dge ba'i chos skyes pa rnams las yongs su nyams par byed pas so/ /nang gi dgra bo ni 'di ltar gang gis ngan song rnams su yun ring por 'gro bar 'gyur ba de 'dra ba'i mi dge ba'i las kun nas slong bar byed pas so/ /dge
225b3 slong dag mig ni skyes bu'i rgya mtsho yin te/de las gzugs las byung ba'i shugs dag 'byung ngo / /gang zhig gzugs las byung ba'i shugs de bzod pa de ni mig gi rgya mtsho dba' rlabs dang bcas pa klong dang bcas pa 'dzin khri dang bcas pa/ srin po dang bcas pa las rgal ba yin no zhes bya ba
225b4 ni mdo sde'i dum bu yin no//gzugs las byung ba'i shugs zhes bya ba ni yul gzugs la dmigs pa'i nyon mongs pa'i shugs so/ /gang zhig gzugs las byung ba'i shugs de bzod pa zhes bya ba ni gang zhig yul gzugs la dmigs pa'i nyon mongs pa de dag gis zil gyis mi gnon
225b5 pa zhes bya ba'i tha tshig go//mig gi bdag pos byas nas zhes bya ba ni mig gi bdag pos rkyen byas nas zhes bya ba'i tha tshig go/ /chud za ba bzhi dang bcas pa rnam pa gnyis yang dag par bstan pa yin te/ bslab pa gtong ba chud za ba bzhi dang bcas pa gcig yang dag par bstan pa yin la/
225b6 nyams par byed pa ni chud za ba bzhi dang bcas pa gnyis pa yang dag par bstan pa yin no/ /ji lta zhe na/ dba' rlabs dang bcas pa klong dang bcas pa zhes gsungs pa'i phyir te/ dang po yang dag par bstan to/ /'dir chud za ba bslab pa gtong ba'i gzhi ni ji skad du rnam par bshad pa'i dba'
225b7 rlabs dang /ji skad du rnam par bshad pa'i klong yin no/ /'dzin khri dang bcas pa srin po dang bcas pa zhes gsungs pa'i phyir na gnyis pa yang dag par bstan pa yin no/ /'dir yang gzhi ni ji skad du rnam par bshad pa'i 'dzin khri dang / ji skad du rnam par bshad pa'i srin po yin no/ /chud za ba
226a1 yang nyams par byed pa yin no//shes rab myur ba/ shes rab mgyogs pa/ shes rab rno ba/ nges par 'byung ba'i shes rab can/ nges par 'byed pa'i shes rab can/ shes rab che ba/ shes rab yangs pa/ shes rab zab pa/ shes rab mnyam pa med pa/
226a2 shes rab rin po che dang ldan pa zhes bya ba ni mdo sde'i dum bu yin no/ /ji ltar na go rims bzhin zhe na/ don la myur bar 'jug pa'i phyir shes rab myur ba yin no/ /don mang po la 'jug pa'i phyir shes rab mgyogs pa yin no/ /don phra ba la 'jug pa'i phyir shes rab rno ba yin no/ /'khor ba
226a3 las nges par 'byung ba dang zhes bya ba rgyas par 'byung ba la/'khor ba las nges par 'byung ba ni nges par 'byung ba ste mya ngan las 'das pa'o/ /'di la nges par 'byung ba de'i shes rab yod pas de'i phyir nges par 'byung ba'i shes rab can no/ /de kho na nges par 'byed pa zhes bya ba la/ de kho na
226a4 'phags pa'i bden pa bzhi'i mtshan nyid nges par 'byed pa yang dag pa ji lta ba bzhin rab tu shes par byed pas na nges par 'byed pa'i shes rab bo//nges par 'byed pa'i shes rab yod pas na de'i phyir nges par 'byed pa'i shes rab can no/ /ji ltar byas pas go rims bzhin zhe na/ 'di la shes rab
226a5 chen po yod de/'dri ba dang lan gdab pa dag la phugs thug par mi 'gyur ba'i phyir ro zhes bya ba ni dri ba rnams dang lan 'debs pa rnams la yongs su gtugs par mi 'gyur ba'i phyir ro zhes bya ba'i tha tshig go/ /shes rab che ba yin no/ /shes rab che ba ni yangs pa yang yin te/ gang gi phyir
226a6 zhe na/mngon par shes pa lnga rgya che ba dang yongs su rdzogs pa'i phyir ro/ /mngon par shes pa rgya che ba'i phyir dang mngon par shes pa lnga char yongs su rdzogs pa'i phyir shes rab yangs pa yin no/ /rgya che ba ni de dag gi yul thag ring ba dang / phra ba nyid yin no/ /yongs su rdzogs pa nyid ni gcig
226a7 ma yin la bzhi'i bar ma yin gyi'o na ci zhe na lnga char yin no//shes rab de ni zab pa dang yangs pa yin te/ gzhan dag gis rtogs par dka' ba'i phyir ro zhes bya ba ni shes rab zab pa yin no/ /shes rab de ni mnyam pa med pa yang yin te/ 'jig rten thams cad las khyad par du 'phags
226b1 pa'i phyir ro//de'i phyir shes rab mnyam pa med pa yin no/ /shes rab de ni rin po che lta bu yang yin te/ rnyed par dka' ba'i phyir dang / don che ba yang dag par sgrub pa'i phyir dang / dga' bar byed pa'i phyir na nor bu rin po che dang chos mthun pa'i phyir te/ nor bu rin po che yang rnyed par
226b2 dka' ba dang /don chen po yang dag par sgrub pa dang / dga' bar byed pa yin no/ /de la don chen po yang dag par sgrub pa dang / dga' bar byed pa yin par ni rang dang gzhan gyi rgyud dag la rnam par grol ba dang / dga' ba skyed pa'i phyir ro zhes sgrub par byed do/ /rang dang gzhan gyi rgyud la
226b3 rnam par grol ba skyed pa'i phyir na don chen po yang dag par 'grub pa nyid yin par rig par bya'o//rang dang gzhan gyi rgyud la dga' ba skyed pa'i phyir na dga' bar byed pa nyid yin par rig par bya'o/ /de lta bu ni shes rab rin po che dang ldan pa yin no/ /'dir zhes bya ba rgyas par 'byung ba ni mdo
226b4 sde'i dum bu'o//'dir shes rab kyi yon tan gsum dag tu ste/ shes rab myur ba nyid dang / shes rab mgyogs pa nyid dang / shes rab rno ba nyid ni gnyi ga'i don gyi dbang du mdzad pa'i chos kyi don las brtsams nas rig par bya'o/ /gnyi ga ni bdag dang gzhan gnyis yin la/ don ni
226b5 ched yin pas/gnyis ka'i don to/ /dbang du bya ba chos kyi don 'di la yod pa ni bstan pa'i chos kyi don gang yin pa ste/ de la yod pa de ni gnyi ga'i don gyi dbang du mdzad pa'o/ /gnyis ka'i don gyi dbang du mdzad pa'i chos kyi don de las brtsams nas te/ ched du byas nas yon tan gsum
226b6 po 'di dag rig par bya'o//shes rab kyi yon tan gnyis te/ nges par 'byung pa'i shes rab can nyid dang / nges par 'byed pa'i shes rab can no/ /rang gi don las brtsams nas rig par bya ste/ 'di gnyis ni 'jig rten las 'das pa yin pa'i phyir ro/ /shes rab kyi yon tan lhag ma
226b7 rnams te/shes rab che ba la sogs pa lnga ni mi gzhan gyi don las brtsams nas rig par bya'o/ /ci'i phyir zhe na/ shes rab che ba nyid kyis ni gzhan gyi the tshom gcod pa'i phyir ro/ /shes rab yangs pa nyid kyis ni gzhan dag 'dud pa'i phyir ro/ /shes rab zab pa nyid kyis ni gzhan
227a1 dag ri mo'i khyad par skyed pa'i phyir ro//shes rab rin po che dang ldan pa nyid kyis ni don gyi mchog thob par byed pa'i phyir ro/ /gzhan yang 'phags pa shA ri'i bu'i dbang du mdzad nas tshig 'di dag gsungs pa yin te/ gang gi phyir tshe dang ldan pa btsun pa sha ra dwa ti'i bu ni
227a2 tshul khrims dang ldan pa/'dod pa chung ba/ chog shes pa/ rab tu dben pa/ brtson 'grus brtsams pa/ dran pa nye bar gzhag pa/ shes rab mnyam par gzhag pa/ shes rab myur ba zhes rgyas par gsungs so/ /lan cig tshigs su bcad pa thob pas don la zhugs pa'i phyir ro zhes
227a3 bya ba ni/chos gang rgyus byung de dag gi /rgyu dang de 'gog gang yin pa/ /de bzhin gshegs pas bka' stsal te/ /dge sbyong chen pos de skad gsungs/ /zhes bya ba'i tshigs su bcad pa 'di lan cig thos pas don la zhugs pa'i phyir ro/ /de nyid las zhes bya ba rgyas par 'byung ba ni 'di ltar
227a4 tshigs su bcad pa thos pa de nyid las 'jig rten las 'das pa'i shes rab thob pa'i phyir te zhes bya ba ste/zag pa med pa'i shes rab thob pa'i phyir ro/ /nyon mongs pa spangs pa dang / de kho na rtogs pa'i phyir ro/ /nyon mongs pa spangs pa'i phyir nges par 'byung ba'i shes rab can no/ /de kho na
227a5 rtogs pa'i phyir nges par 'byed pa'i shes rab can no//rnam par thar pa brgyad las bsam gtan byed pa'i phyir te/ rnam par thar pa brgyad po de dag kyang gzugs can gzugs rnams la lta ba 'di ni rnam par thar pa dang po'o/ /nang gzugs med par 'du shes shing phyi rol gyi gzugs rnams la
227a6 lta ba ni gnyis pa'o//sdug pa'i rnam par thar pa lus kyis mngon sum du byas nas rdzogs par byas te gnas pa ni gsum pa'o/ /gzugs med pa bzhi dang / brgyad pa 'du shes dang / tshor ba 'gog pa'o/ /phyogs thams cad du rnam par rgyug bar byed do zhes bya ba ni rnam par thar pa brgyad lus
227a7 kyis mngon sum du byas te rdzogs par byas nas gnas so zhes bya ba'i tha tshig go//der yang zhes bya ba rgyas par 'byung ba ni mdo der yang ngo / /bsam gtan rnams la mngon par shes pa dang rnam par thar pa rten pa nyid kyi phyir te/ mngon par shes pa rten pa nyid dang rnam par thar pa rten pa nyid kyi phyir
227b1 ni rgyus zhes bya bar rig par bya'o//'di skad du sngar bsam gtan bskyed nas de las bsam gtan la brten te mngon par shes pa dang / rnam par thar pa brgyad bskyed pa'o zhes bstan pa yin no/ /skyes bu cang mkhyen ni skyes bu cang shes te/ gang zhig sems la dbang byed pa thob cing sems kyis
227b2 mi 'phrogs pa'o//shes rab rin po che dang ldan pa yang snga ma bzhin du sbyar ro/ /ji lta zhe na/ rin po che ltar rnyed par dka' ba'i phyir dang / don chen po yang dag par bsgrub pa'i phyir dang / dga' bar byed pa'i phyir te/ bdag dang gzhan gyi rgyud dag la rnam par grol ba dang / dga' ba
227b3 bskyed pa'i phyir na shes rab rin po che dang ldan pa yin no//'di la 'phags pa nyan thos thos pa dang ldan pa ni bdag ni skye dgu ser sna'i dri mas kun nas dkris pa rnams las sems dri ma'i ser sna dang bral bas lhug par gtong ba dang / lag brkyang pa dang / rnam par gtong ba la dga' ba dang /
227b4 sbyin pa rgyun mi 'chad pa dang gtong ba phun sum tshogs pa dang / sbyin pa la bged par dga' bas khyim na gnas pa ni bdag gi rnyed pa legs par rnyed do zhes sbyin par bya ba'i chos kyi rnam pa yang dag par rjes su dran no zhes bya ba ni mdo sde'i dum bu yin no/ /de'i rgyu zhes bya ba ni ser sna'i rgyu zhes
227b5 bya ba'i tha tshig go//'bras bu'i shing lta bu ni ji ltar shing gang las 'bras bu 'byung ba de ni 'bras bu'i shing zhes bya ba lta bu ste/ de dang 'dra'o/ /ser ba'i sprin lta bu yang ji ltar sprin gang las ser ba 'bab pa de ni ser ba'i sprin zhes bya ba lta bu ste/ de dang 'dra'o/ /de nyid kyi phyir zhes
227b6 bya ba ni 'di ltar chags pa'i rnam pa de ni de'i rgyu yin pas so//de ltar na zhes bya ba rgyas par 'byung ba ni ji skad bstan pa de ltar na ser sna'i dri ma zhes ser sna sngar smos pa ni khyad par du bya ba'i phyir te/ 'bras bu'i shing lta bu dang / ser ba'i sprin lta bu'o/ /de ltar na dri ma'i khyad par chags
227b7 pa'i rnam pa 'ga' zhig rgyu yin gyi dri ma gang yang rung ngo cog ni ser sna'i rgyu ma yin no zhes de ltar khyad par du bya ba'i phyir ro//dri ma'i ser sna dang bral ba zhes ser sna phyis smos pa ni lhog pa'i go rims yang dag par bstan pa'i phyir ro/ /lhog pa'i go rims yang dag par bstan pa yang ser sna'i
228a1 dri ma chags pa dang sngar bral nas phyis ser sna dang bral ba yin no//ji ltar na sems dri ma'i ser sna dang bral bas khyim du gnas she na/ lhug par gtong ba zhes rgyas par 'byung ba yin te/ de la lhug par gtong ba zhes bya ba 'dis ni mi gnas par sbyin pa byed pa nyid
228a2 yin par ston la/sbyin pa la bged par dga' ba zhes bya ba 'dis ni phyogs med par sbyin pa byin pa'i bar yin par ston to/ /de la lhug par gtong ba zhes bya ba ni mi gnas par sbyin pa byed pa yin no/ /lag brkyang ba zhes bya ba ni rgya cher sbyin pa byed pa yin te/ sbyin pa la ma 'khums pa yin
228a3 no//rnam par gtong ba la dga' ba zhes bya ba la/ gzhan dag la gser la sogs pa rnam par gtong bar byed pa ni rnam par gtong ba ste/ de la dga' ba'o/ /sbyin pa rgyun mi 'chad pa dang zhes bya ba ni sbyin par byed pa'i ngang tshul can yin no/ /dge sbyong rnams nas slong mo pa rnams kyi bar
228a4 dag la zhes bya ba ni dge sbyong rnams dang /bram ze rnams dang / slong mo pa bkren pa rnams dang / sdug phongs pa rnams dang / lam nas 'gro ba rnams la'o/ /de la rigs kyi bu dga' bo'i zas la tshod 'dzin pa ni 'di yin te/ dge slong dag rigs kyi bu dag dga' bo ni longs pa'i
228a5 phyir ma yin/rgyags pa'i phyir ma yin/ cha ba'i phyir ma yin/ brgyan pa'i phyir ma yin gyi/ lus 'di kho na gnas par bya ba'i phyir dang / gso ba'i phyir dang / bkres pa dang bral bar bya ba'i phyir dang / tshangs par spyod pa rjes su gzung ba'i phyir te/ de lta bus tshor ba rnying ni gzhil
228a6 bar bya la/tshor ba gsar ni mi skye bar byas na bdag 'tsho ba dang stobs dang bde ba dang kha na ma tho ba med pa dang / rigs par gnas par 'gyur ro zhes so sor brtags nas zas za'o/ /dge slong dag dper na skyes bu shing rta bas/ mar ram 'bru mar gyis shing rta'i srog shing la skud par byed
228a7 pa na longs pa'i phyir ni ma yin/rgyags pa'i phyir ni ma yin/ cha ba'i phyir ni ma yin/ brgyan pa'i phyir ma yin/ khal kho na theg par bya ba'i phyir yin/ skyes bu rmas pa ser ba yang mar ram 'bru mar gyis rma la skud pa na longs pa'i phyir ma yin/ rgyags pa'i phyir ma yin/ cha ba'i
228b1 phyir ma yin/brgyan pa'i phyir ma yin gyi/ rma kho na gso ba'i phyir yin no/ /de bzhin du rigs kyi bu dga' bo yang longs pa'i phyir ma yin/ rgyags pa'i phyir ma yin/ cha ba'i phyir ma yin/ brgyan pa'i phyir ma yin gyi/ lus 'di kho na gnas par bya ba'i phyir dang / gso ba'i phyir
228b2 dang /bkres pa dang bral bar bya ba'i phyir dang / tshangs par spyod pa rjes su gzung ba'i phyir de lta bus tshor ba rnying ni gzhil bar bya la/ tshor ba gsar ni mi skye bar byas nas bdag 'tsho ba dang / stobs dang bde ba dang / kha na ma tho ba med pa dang / reg par gnas par 'gyur ro zhes so sor
228b3 brtags nas zas za'o zhes bya ba ni mdo sde'i dum bu yin no//'di thams cad ni 'dod pa la longs spyod pa kho na dag la zhes bya ba rgyas par 'byung ba ni slob dpon nyid kyi lugs rab tu bstan pa yin no/ /'di thams cad de longs pa'i phyir yin pa ni gzhon nu rnams lta bu ste/ de rnams ni dgod
228b4 pa dang rtsed mo'i bsam pa nyid kyis longs pa'i phyir za'o zhes rgyas par bshad pa gang yin pa'o//'di thams cad ni 'dod pa la longs spyod pa kho na dag la 'byung bas dgod pa dang rtsed mo la sogs pa'i bsam pa de lta bu'i bsam pas zas kyi bya ba 'gog par byed do/ /lus 'di kho na
228b5 zhes bya ba rgyas par 'byung ba la/lus 'di kho na gnas par bya ba'i phyir zhes bya ba ni lus 'di 'ba' zhig go/ /gnas par bya ba'i phyir zhes bya ba ni srog yod par bya ba'i phyir ro/ /gso ba'i phyir zhes bya ba ni stobs yod par bya ba'i phyir ro/ /ji ltar zhe na/ shing rta'i srog shing bsku
228b6 ba bzhin te/longs pa'i phyir ma yin zhes bya ba rgyas par 'byung ba ni bkres pa dang 'bral bar bya ba'i phyir zhes bya ba zas 'dod pa ni bkres pa'o/ /de dang bral ba ni bkres pa dang bral ba ste de'i phyir na/ bkres pa dang bral bar bya ba'i phyir ro/ /lus gnas pa dang / lus kyi stobs dang /
228b7 lus kyi nyon mongs pa med pa de dag la brten nas zhes bya ba ni 'dir lus gnas pa dang / lus kyi stobs ni ji skad du bshad ma thag pa'o/ /lus kyi nyon mongs pa med pa ni zas 'dod pa'i sdug bsngal bzlog pa'i phyir ro/ /'dis ni zhes bya ba rgyas par 'byung ba ni lung phog pa 'dis so/ /
229a1 zas chung ngu yongs su spong bar byed pa ni bkres pas kun nas slong ba'i tshor ba gang yin pa zhes bya ba 'dis so/ /zas lhag par za bar byed pa yongs su spong bar byed pa ni ha cang bza' ba drags pa las skye ba gang yin pa zhes bya ba 'dis so/ /de lta bus zhes smos pa
229a2 ni de lta bus tshor ba rnying ni zhes bya ba 'di yin no//de dag kyang zhes bya ba rgyas par 'byung ba ni 'tsho ba dang stobs dang bde ba de dag kyang lus la gnas pa la sogs pa sngar bstan pa gang yin pa ste/ lus gnas pa dang / stobs dang / bkres pa dang bral ba'o/ /de dag kyang zhes bya ba rgyas par
229a3 'byung ba ni kha na ma tho ba med pa nyid dang /reg par gnas pa de dag kyang tshangs par spyod pa rjes su bzung ba sngar bstan pa gang yin pa ste/ 'phags pa'i las sgrub pa'o/ /de la skyon ni lnga dag ste zhes bya ba ni de la ha cang bza' drags pa las skyon lnga de dag ste/ sems las byung ba snyom pa la
229a4 sogs pa'o//de la snyom pa ni ha cang bza' drags pa las gnyid kyi rnam pa 'ga' zhig 'byung ba'o/ /mi dga' ba ni de nyid kyi phyir stan la sogs pa dag la'o/ /glal ba ni sems las byung ba'i chos gang zhig yod na ha cang bza' drags pa las lus rnam par shig por gyes pa'o/ /
229a5 zas kyis gsud pa nyid ni gang zhig yod na ha cang bza' drags pa las sbos te 'dug pa'o/ /sems zhum pa nyid ni gang zhig yod na ha cang bza' drags pa las sems las su mi rung zhing sems blun pa'o/ /de ltar na bsam pa gang gis zhes bya ba rgyas par 'byung ba ni ji skad bstan pa de ltar na
229a6 bsam pa gang gis te/longs pa nyid kyi bsam pa nas brgyan pa'i bsam pa'i bar gyis mi bza' ba ste/ de la so sor brtags nas zas za ba'i phyir so sor brtags nas zas za ba yin no/ /bsam pa gang gis yin pa ni lus 'di kho na gnas par bya ba'i phyir dang / gso ba'i phyir dang / bkris
229a7 pa dang bral bar bya ba'i phyir dang /tshangs par spyod pa rjes su gzung bar bya ba'i phyir te zhes bya ba brjod par bya ste/ de la so sor brtags nas zas za ba'i phyir so sor brtags nas zas za ba yin no/ /tshod ji tsam du bza' ba zhes bya ba ni de lta bus tshor ba rnying ni gzhil bar bya la/ tshor ba gsar ni mi skye bar
229b1 bya ba ste/de la so sor brtags nas zas za ba'i phyir so sor brtags nas za ba'o/ /zas la tshod zin pa'i phan yon gang yin pa ste bdag 'tsho ba ste/ stobs dang / bde ba dang / kha na ma tho ba med pa dang / reg pa la gnas par 'gyur ro zhes bya ba ste/ de la so sor brtags nas zas za ba'i
229b2 phyir so sor brtags nas zas za ba'o//gzhan dag na re so sor brtags pa bzhi dag gis zhes bya ba brgyas par 'byung ba ni gzhan dag na re so sor brtags pa bzhi dag gis so sor brtags nas zas za ba ste/ de lta bu ni so sor brtags nas zas za ba yin no zhes zer te/ so sor brtags pa
229b3 bzhi po de dag kyang spong bar bya ba so sor brtags pa ni 'di ni bla na med pa zhes so sor brtags pa gang yin pa ste/de ni longs pa'i phyir ma yin pa dang / brgyan pa'i phyir ma yin pa zhes bya ba'i bar tshig bzhi dag gis so/ /ched so sor brtags pa ni bya ba'i don so sor brtags pa ste/ de yang
229b4 lus 'di kho na gnas par bya ba'i phyir dang zhes bya ba nas/tshangs par spyod pa rjes su gzung ba'i phyir zhes bya ba'i bar tshig bzhi dag gis so/ /tshod gzung ba so sor brtags pa ni de lta bus tshor ba rnyid pa ni gzhil bar bya la/ tshor ba gsar ba ni mi skye bar byas na zhes bya ba gnyis kyis so/ /tshod
229b5 zin pa'i phan yon so sor brtags pa ni bdag 'tsho ba dang zhes bya ba nas/reg par gnas par 'gyur ro zhes bya ba'i bar tshig lhag ma rnams kyis so/ /yong ni zhes bya ba ni slob dpon gyi dgongs pa'i don ston pa yin te/ tshig bzhi dag gis ni longs pa'i phyir ma yin pa nas brgyan pa'i phyir ma
229b6 yin zhes bya ba'i bar 'di dag gis so//gsum dag gis ni lus 'di kho na gnas par bya ba'i phyir dang / gso ba'i phyir dang / bkres pa dang bral bar bya ba'i phyir zhes bya ba 'di dag gis so/ /tshig gcig gis ni tshangs par spyod pa rjes su gzung ba'i phyir zhes bya ba 'dis so/ /tshig lnga
229b7 dag gis ni de lta bus tshor ba rnying ni gzhil bar bya la zhes bya ba nas bde ba dang zhes bya ba'i bar 'di dag gis so//gnyis kyis ni zhes bya ba rgyas par 'byung ba ni tshig gnyis po kha na ma tho ba med pa dang / reg pa la gnas par 'gyur ro zhes bya ba 'di gnyis kyis te/ dbu ma'i lam gyis sgrub pa'i
230a1 phan yon no//shing rta'i srog shing dang rma'i dpe gnyis ni sngar sbyar ba kho na ni chos mthun par sngar bstan pa nyid do/ /de la rigs kyi bu dga' bo dran pa dang shes bzhin mchog dang ldan pa ni 'di yin te/ dge slong dag rigs kyi bu dga' bo ni/ gal te shar phyogs su rnam par
230a2 lta na/de sems thams cad kyis bsams nas rnam par lta'o/ /de de ltar rnam par lta ba na brnab sems dang yid mi bde ba dang / sdig pa mi dge ba'i chos rnams sems la rjes su mi 'dzag par 'gyur la/ gal te lho dang nub dang byang phyogs su rnam par lta na yang sems thams cad kyis bsams nas
230a3 rnam par lta'o//de de ltar rnam par lta ba na snga ma bzhin du sems la rjes su mi 'dzag pa'i bar du 'gyur te/ dge slong dag rigs kyi bu dga' bo'i tshor ba yang shes bzhin du skye/ shes bzhin du gnas/ shes bzhin du nub pa dang / zad pa dang gtugs par 'gyur la/ 'du shes kyang shes
230a4 bzhin du skye/rnam par rtog pa yang shes bzhin du skye/ shes bzhin du gnas/ shes bzhin du nub pa dang / zad pa dang / gtugs par 'gyur zhes bya ba ni mdo sde'i dum bu yin no/ /rigs kyi bu dga' bo dran pa dang shes bzhin mchog dang ldan pa ni 'di yin te zhes bya ba ni dran pa mchog dang ldan pa dang
230a5 shes bzhin mchog dang ldan pa'o//de la dran pa ni dran pa nyid do/ /shes bzhin ni shes rab bo/ /sems thams cad kyis bsams nas zhes bya ba ni dran pa nye bar gzhag pa byas te'o/ /rgyu ba na yin par rig par bya'o zhes bya ba ni bsod snyoms la rgyu ban yin par rig par bya'o zhes bya ba'i tha tshig go/
230a6 de de ltar rnam par lta ba na brnab sems dang / yid mi bde ba dang / sdig pa mi dge ba'i chos rnams sems la rjes su mi 'dzag par 'gyur ba ni dmigs pa gzugs dang / sgra la sogs pa la rnam par shes pa skye ba na chos de dag sems la rjes su mi 'dzag par 'gyur/ rjes su mi 'brang bar 'gyur te/
230a7 de dang lhan cig mi 'byung ngo zhes bya ba'i tha tshig go/ /go rims bzhin no zhes bya ba ni bsam gtan la gnas pa na ni tshor ba shes bzhin pa yin la/ gzugs med pa la gnas pa na ni 'du shes shes bzhin pa yin te/ bsam gtan rnams ni tshor bas rab tu phye ba yin la/ gzugs med pa rnams
230b1 ni 'du shes kyis rab tu phye ba yin pas so//ji ltar na de dag shes bzhin pa yin zhe na/ gal te de dag gis zil gyis mi non na'o/ /gsum 'dus pa las reg pa 'byung ba'i rkyen gyis tshor ba dang / 'du shes dang / sems pa 'byung ba gang yin pa zhes bya ba ni dbang po dang yul dang rnam par
230b2 shes pa gsum 'dus pa las tshor ba dang /'du shes dang / sems pa 'byung ba gang yin pa'o/ /sems pa'i mtshan nyid ni 'dir rnam par rtog pa yin par rig par bya'o zhes bya ba la rnam par rtog pa ni gnyis te/ shes rab kyi mtshan nyid dang / sems pa'i mtshan nyid do/ /de la shes rab kyi
230b3 mtshan nyid ni de khon shes par bya ba'i phyir spyod pa'o//sems pa'i mtshan nyid ni 'di dang 'di lta bu zhig bya'o snyam du sems mngon par 'du byed pa gang yin pa ste/ de la tshor ba dang / 'du shes dang sems pa zhes bya ba 'di rnams las sems pa ni rnam par rtog pa yin par rig par bya'o/ /gzhan
230b4 yang zhes bya ba rgyas par 'byung ba ni rnam grangs gzhan yang sems thams cad kyis bsam nas rnam par lta ba'i phyir kun nas nyon mongs pa med pa ni rnam par lta ba kun nas nyon mongs pa med pa ste/de'i phyir gzugs la dran pa dang shes bzhin mchog dang ldan pa nyid yin par yongs su ston pa yin no/
230b5 shes bzhin du tshor ba la sogs pa skye ba la sogs pa nyid kyi tshor ba dang / 'du shes dang 'du byed rnams la dran pa dang shes bzhin mchog dang ldan pa nyid yin par yongs su ston pa nyid yin no/ /shes bzhin du tshor ba la sogs pa dag ni tshor ba dang 'du shes dang 'du byed rnams so/ /skye ba la sogs
230b6 pa dag ni skye ba dang /gnas pa dang / zag pa rnams te/ 'di la de yod pas na shes bzhin du tshor ba la sogs pa skye ba la sogs pa'o/ /de'i dngos po ni shes bzhin du tshor ba la sogs pa skye ba la sogs pa nyid do/ shes bzhin du tshor ba la sogs pa skye ba la sogs pa nyid kyis so/ /de
230b7 ltar na zhes bya ba rgyas par 'byung ba ni ji skad bstan pa de ltar na rnam par shes pa gnas pa bzhi dag ni rnam par shes pa gnas pa gzugs su nye bar 'gro ba dang tshor bar nye bar 'gro ba dang /'du shes su nye bar 'gro ba dang / 'du byed du nye bar 'gro ba dag la dran pa dang shes bzhin mchog dang ldan pa
231a1 nyid yin par yongs su bstan pa yin no//dge slong dag rgyal po legs mthong chen po ni ha cang mi grang zhing / ha cang mi dro ba dang / dus tshigs bde ba dang / gnod pa med pa dang / gang gis na des zos pa dang / 'thungs pa dang / 'chos pa dang /
231a2 myangs pa rnams legs par bde bar 'ju ste/ pho ba'i drod snyoms shing 'ju bar byed pa dang ldan pas gnod pa nyung ba dang / nad med pa'i rang bzhin du gyur to zhes bya ba ni mdo sde'i dum bu yin no/ /de'i phyir zhes bya ba rgyas par 'byung ba ni de'i phyir gnod pa nyung ba dang / nad med pa'i rang bzhin du gyur to
231a3 zhes gnyi ga brjod do//gcig gis gcig khyad par du bya ba'i phyir ni phan tshun du khyad par du bya ba'i phyir ro/ /ji lta zhe na/ gnod pa nyung ba ni nad med pa'i rang bzhin yin la/ nad med pa'i rang bzhin yang gnod pa nyung ba'o/ /gnod pa nyung ba nyid dang / nad med pa'i rang bzhin can nyid de la yang rgyu
231a4 ni pho ba'i drod snyoms shing 'ju bar byed pa dang ldan pa zhes bya bas yang dag par ston te/pho ba'i las dang bcas pa'i snyoms pa nyid du ston to/ /de la las ni 'ju bar byed pa nyid yin no/ /pho ba ni khog ba'i nang na me'i rten lus kyi phyogs shig gi khyad par ro/ /'dis ni zhes bya ba ni ha cang mi grang
231a5 zhing zhes bya ba la sogs pas so//ma snyoms pa nyid rnam pa gsum ni me ma snyoms pa nyid dang / zas ma snyoms pa nyid dang / dus tshigs ma snyoms pa nyid do/ /ma snyoms pa gsum dag gis skyon gang dag 'byung ba de dag gi me ma snyoms pa nyid kyis ni zhes bya ba rgyas par 'byung bas bstan to/ /
231a6 gang gis na 'ju bar byed pas so/ /'dis ni zhes bya ba rgyas par 'byung ba ni gang gis na des zhes bya ba rgyas par gsungs pa gang yin pa'i tshig 'dis so/ /de la zhes bya ba rgyas par 'byung ba ni de la zos pa ni bza' ba'o/ /'thungs ba ni btung ba'o/ /'chos pa ni bca' ba'o/ myangs pa ni
231a7 bldag pa dang gzhibs pa'o//dge slong dag dge slong 'di la brnyas pa'i sems ma skyed cig /de ci'i phyir zhe na/ dge slong dag dge slong 'di ni lhag pa'i sems mthong ba'i chos la bde bar gnas pa dang ldan pa bzhi rnams ci 'dod pa bzhin thob pa/ tshegs med par thob pa/ ngan ngon ma
231b1 yin par thob pa yin no zhes bya ba ni mdo sde'i dum bu yin no//lhag pa'i sems zhes bya ba ni lhag pa'i sems la yod pas/ lhag pa'i sems so/ /de dag kyang gang zhe na/ mthong ba'i chos la bde bar gnas pa rnams te/ mthong ba'i chos la bde bar gnas pa rnams so/ /mthong ba'i
231b2 chos la bde bar gnas pa rnams ni bsam gtan bzhi rnams so//mthong ba'i chos la bde bar gnas pa de rnams ji srid pa 'dod pa dang / nam 'dod pa dang / ji lta bu 'dod pa mngon sum du bya ba la dbang ba nyid kyi phyir na lhag pa'i sems mthong ba'i chos la bde bar gnas pa dang ldan pa bzhi
231b3 rnams ci 'dod pa bzhin thob pa tshegs med par thob pa dang ngan ngon ma yin par thob pa yin par rig par bya'o//ji srid 'dod pa la sogs pa rnams kyi don ni yun ring por zhes bya ba rgyas par 'byung bas ston te/ ji srid 'dod pa ni de rnams yun ring por mngon sum du bya ba la dbang ba nyid kyi phyir ro/ /nam 'dod
231b4 pa ni ring por mi thogs par mngon sum du bya ba la dbang ba nyid kyi phyir ro//ji lta bu 'dod pa ni de rnams las mchog tu byung ba rnams mngon sum du bya ba la dbang ba nyid kyi phyir ro/ /tha chad ni ngan song zhes bya ba'i phyir ro/ /de'i phyir na ngan ngon ma yin pa ni sngon mchog tu byung ba zhes so/ /gzhan
231b5 dag na re ni tshegs dang mnyam pa med pa nyid ngan ngon ma yin pa yin no zhes zer te/de rnams tshegs med par thob pa zhes bya ba'i tshig 'di'i rnam grangs ni ngan ngon ma yin par thob pa zhes bya ba yin no/ /de ni ci 'dod bzhin/ sogs thob yin par bzhed ces bya ba ni gang zhig de
231b6 rnams la rdzogs par snyoms par zhugs pa de ni ci 'dod pa bzhin thob pa yin no//gang zhig de rnams la myur bar snyoms par zhugs pa de ni tshegs med par thob pa yin no/ /gang zhig de rnams la brtan par snyoms par zhugs pa de ni ngan ngon ma yin par thob pa yin no/ /yid ches pa'i
231b7 lung 'dir ni cung zad tsam gyis gtong bar byed pas na de'i phyir ngan ngon zhes bya ste/'di skad du sgra dang reg bya la sogs pa'i rkyen gang ci yang rung ba zhig gis bsam gtan de gtong bar byed/ 'dor bar byed pas de'i phyir ngan ngon zhes bya la/ bzlog pa ni brtan pa yin no zhes bstan pa
232a1 yin no// //rnam par bshad pa rigs pa'i bshad pa/ bam po dgu pa/ dge slong dag dper na/ me tog ut+pa la'i phreng ba'am/ tsam pa ka'i phreng ba'am/ bar shi ka'i phreng ba'am/ a ti muk+ta ka'i phreng ba phrag pa la thogs pa'am/ snod du gzhag
232a2 pa ni mtshan mo dang nyin mo de dang de dag 'das/skad cig dang / thang cig dang / yud tsam cig de dang de dag 'das pa dang zegs pa nyid du 'gyur/ rnyings pa nyid du 'gyur/ skams pa nyid du 'gyur ro/ /dge slong dag me tog ut+pala'i phreng ba'am/ tsam pa ka'i phreng ba'am/ bar shi ka'i phreng
232a3 ba'am/a ti muk+ta ka'i phreng ba gang yin pa de zegs pa dang / rnyings pa dang / skams pa dang / phyag dar gyi phung po la thug par 'gyur ba de ni dus la bab pa yin no/ /dge slong dag de bzhin du lus gzugs can rags pa/ 'byung ba chen po bzhi las gyur pa/ pha dang ma'i khu ba nur nur po las
232a4 byung ba/chan dang nom bus gso gso ba/ rtag tu bsku ba dang / bkru ba dang / mnye ba byas pa/ 'gyes pa dang / 'jig pa'i chos can 'di yang rga ba nyid du 'gyur/ 'chi ba nyid du 'gyur ro/ /dge slong dag lus gzugs can rags pa/ 'byung ba chen po bzhi las gyur pa/ pha dang
232a5 ma'i khu ba nur nur po las byung ba/chan dang nom bus gso gso ba/ rtag tu bsku ba dang / bkru ba dang / mnye ba byas pa/ 'gyes pa dang / 'jig pa'i chos can gang yin pa 'di mtshan mo dang nyin mo de dang de dag 'das/ skad cig dang / thang cig dang / yud tsam de dang de dag 'das
232a6 na/rgas pa dang / nad bu can dang / shi ba dang / dur khrod du thug par 'gyur ba de ni dus la bab pa yin no zhes bya ba ni mdo sde'i dum bu yin no/ /tshig gcig ni bstan pa yin te/ zegs pa nyid du 'gyur zhes bya ba yin no/ /tshig gnyis ni bshad pa yin te/ rnyings pa nyid du 'gyur/
232a7 skams pa nyid du 'gyur zhes bya ba 'di gnyis so/ /rnam par 'gyur ba'i don ni ji srid du zhes bya ba rgyas par 'byung bas ston to/ /'dod pa la rnam par rtog pa byung ba dang du mi len cing / spong bar byed la sel bar byed cing byang bar byed do/ /gnod sems la rnam par rtog pa byung ba dang / rnam par 'tshe ba
232b1 la rnam par rtog pa byung ba dang du mi len cing /spong par byed la sel bar byed cing byang bar byed do zhes bya ba ni mdo sde'i dum bu yin no/ /de la 'dod pa la rnam par rtog pa byung ba zhes bya ba la 'dod pa'i gzhi ni 'dod pa rnams te/ gzugs dang sgra dang dri dang ro dang reg bya rnams so/ /de la dmigs
232b2 par byed pa'i sems mngon par 'du byed pa ni 'dod pa la rnam par rtog pa ste/'dod pa la rnam par rtog pa de spong bar byed do/ /ji ltar zhe na/ de'i dmigs pa'i mtshan ma sel ba'i phyir ro/ /'dod pa la rnam par rtog pa de'i dmigs pa ni de'i dmigs pa'o/ /mtshan ma ni don gzugs dang sgra
232b3 la sogs pa 'du shes kyis yongs su gcad par bya ba gang yin pa'o//de'i dmigs pa la brten pa'i mtshan ma ni de'i dmigs pa'i mtshan ma ste/ de sel ba ni yid la mi byed pa'o/ /de'i gnyen po bsgoms pas de'i dmigs pa'i mtshan ma sel ba ste/ de ci'i phyir na de'i dmigs pa'i mtshan ma
232b4 sel ba'i phyir ro//bzlog tu zin kyang rgyu bsags pa las byung ba'i rnam par rtog pa zhes bya ba la/ rgyu ni de'i bag chags yin pas sel bar byed do/ /ji lta zhe na/ sel bar byed/ 'dor bar byed de/ so sor brtags pa'i stobs kyis rgyun gcod pa'i phyir ro/ /don 'di nyid 'di dag gzhi
232b5 ni rnam par rtog la zhes bya ba rgyas par 'byung ba'i tshigs su bcad par sdebs pa yin no//'di dag gzhi ni dang du mi len cing zhes bya ba rgyas par gsungs pa gang yin pa ni'o/ /rnam par rtog pa la mi mthun par byed pas na dang du len pa ma yin no/ /de'i rgyu rnam par spong ba'i phyir na spong bar byed pa
232b6 yin no//rgyun gcod pa'i phyir na sel bar byed pa yin no/ /rjes su 'ching ba gcod pa'i phyir na byung bar byed pa yin no/ /skyon nyid du 'dzin pa'i phyir na dang du mi len pa yin no/ /ji ltar na skyon nyid du 'dzin pa yin zhe na/ bdag 'dod pa la rnam par rtog pa 'byung ba ni bdag la gnod
232b7 pa dang /gzhan la gnod pa dang / gnyi ga la gnod par 'gyur ba yin/ mthong ba'i chos la kha na ma tho ba 'phel ba yin zhing / tshe phyi ma la kha na ma tho ba 'phel ba yin no/ /mthong ba'i chos dang tshe phyi ma la kha na ma tho ba 'phel ba yin la de las skyes pa'i sems las byung ba sdug bsngal dang /
233a1 yid mi bde ba yang so sor nyams su myong bar 'gyur ro zhes rgyas par 'byung ba yin no/ /bram ze'i khye'u sems can rnams ni las bdag gir bya ba/ las kyi bgo skal la spyod pa/ las kyi skye gnas pa/ las la ston pa/ las kyis sems can rnams la mthon po dang /
233a2 dma' ba dang / ngan pa dang / gya nom pa 'ged par byed pa dag yin no zhes bya ba ni mdo sde'i dum bu yin no/ /bgo skal te longs spyod don du gnyer bar byed ces bya ba la bgo skal ni longs spyod ces bya ba 'dis ston bar byed do/ /bdag gi skye ba'i khyad par don du gnyer bar byed pa ni lha dang mi la
233a3 sogs pa rnams su'o//de ltar zhes bya ba rgyas par 'byung ba la/ de ltar byed pa na ste/ lha rnams la bgo skal te longs spyod dang bdag gi skye ba'i khyad par don du gnyer bar byed cing / bdag rgud par gyur na lha rnams la ston pa yin par rten par byed pa na lha rgyu ma yin pa la rgyur lta bas bslus par
233a4 'gyur ro//sems can rnams kyi las khon bdag gir bya ba yin zhing zhes bya ba rgyas par 'byung ba na/ las kho na ston pa yin gyi lha rnams ni ma yin no zhes bya ba'i bar du gang gsungs pa 'di la rigs pa ci yod ce na/ las ni zhes bya ba rgyas par 'byung ba la/ las ni rgyal po dang / chom rkun dang /
233a5 lha dang / mi la sogs pa rnams dang / thun mong ma yin pa'i phyir dang / las ni shi ba'i tshe yang mi gtong ba'i phyir ro/ /sems can rnams kyi las kho na bdag gir bya ba yin gyi nor dang / khyim dang / bu dang chung ma la sogs pa ni ma yin te/ de rnams ni rgyal po la sogs pa dang thun mong
233a6 yin pa'i phyir dang /shi ba'i tshe yang gtong ba'i phyir ro/ /lha la gus pa rnams longs spyod rgud par dmigs pa'i phyir dang / lha la ma gus pa rnams la longs spyod phun sum tshogs par dmigs pa'i phyir sems can rnams ni sngon gyi las kyi bgo skal la spyod cing za ba yin no/ /lha la gus
233a7 pa dang ma gus pa rnams la go rims bzhin du skye ba dman pa dang khyad par du 'phags pa dmigs pa'i phyir de rnams ni las kho na'i skye gnas las byung ba yin no//lha la gus pa dang ma gus pa rnams la yams kyi nad dang gnod pa nye bar ma zhi ba dang nye bar zhi ba dmigs pa'i phyir ro/ /lha la gus pa
233b1 rnams la yams kyi nad dang /gnod pa nye bar ma zhi ba dmigs pa'i phyir dang / lha la ma gus pa rnams la yams kyi nad dang gnod pa nye bar zhi ba dmigs pa'i phyir rgud par gyur pa rnams la las kho na ston pa yin gyi lha rnams ni ma yin no/ /'dod pa rnams la yid 'byung bar bya ba'i phyir dang / 'dod
233b2 chags dang bral bar bya ba'i phyir dang /'gog par 'gyur bar bya ba'i phyir sgrub pa yin no zhes bya ba ni mdo sde'i dum bu yin no/ /de la 'dod pa rnams kyi ji lta ba bzhin du gzugs rnams kyi mdo sde'i dum bu yang de bzhin no/ /rnam pa gcig tu na sdug bsngal gyi phung po can gyi mdo sde dang po las 'dod pa rnams dang /
233b3 gzugs rnams gsungs pa bzhin no/ /ji skad du zhe na/ rgyas par gsungs nas/ dge slong dag 'dod pa rnams la ro myang ba gang zhe na/ dge slong dag 'di dag ni 'dod pa'i yon tan lnga dag go/ /lnga gang zhe na/ mig gis rnam par shes par bya ba'i phyir gzugs sdug pa mdzes pa dga' ba yid du
233b4 'ong ba 'dod pa dang ldan pa chags par bya ba zhes rgyas par 'byung ba nas/lus kyis rnam par shes par bya ba sdug pa mdzes pa dga' ba yid du 'ong ba 'dod pa dang ldan pa chags par bya ba'i bar du 'byung ba ste/ 'dod pa'i yon tan lnga po 'di dag la brten nas bde ba'am yid bde ba skye ba gang yin pa
233b5 'di ni 'dod pa rnams la ro myang ba yin no//'on kyang 'di la nyes dmigs ni ches mang ba yin no zhes rgyas par 'byung ba dang / dge slong dag gzugs la ro myang ba gang zhe na/ dge slong dag 'di lta ste/ bram ze'i bu mo'am/ rgyal rigs kyi bu mo'am/ khyim bdag gi bu mo lo bco lnga lon
233b6 pa'am/lo bcu drug lon pa zhig gang gi tshe legs par khrus byas/ legs par byugs/ skra dang sen mo byi dor byas/ gos dkar po bgos pa de'i tshe de kha dog bzang po rgyas pa mchog dang ldan pa yin te/ kha dog bzang po de la brten nas bde ba'am yid bde ba skye ba gang yin pa de ni
233b7 gzugs rnams la ro myang ba yin no//'on kyang 'di la nyes dmigs ni ches mang ba yin no zhes rgyas par 'byung ba yin no/ /ji ltar na go rims bzhin zhe na/ ji skad du gsungs pa'i mtshan nyid kyi 'dod pa rnams dang / gzugs de rnams la yid 'byung bar bya ba'i phyir ni sdug bsngal nyid
234a1 yongs su shes par bya ba'i phyir sgrub pa yin no//de ltar na sdug bsngal nyid yongs su shes pa ni yid 'byung ba yin no/ /'dod chags dang bral bar bya ba'i phyir ni kun 'byung ba spang bar bya ba'i phyir sgrub pa yin no/ /'dod chags ni sdug bsngal gyi kun 'byung ba yin te/
234a2 de zad pa ni 'dod chags dang bral ba yin no/ /'gog par gyur par bya ba'i phyir ni 'gog pa mngon sum du bya ba'i phyir sgrub pa yin no/ /bsgrubs pas ni lam bsgom pa yongs su ston to/ /de ltar na bden pa bzhi mthong bar bya ba'i phyir sgrub pa yin no zhes bya bar rig par bya'o/ /gzhan yang
234a3 zhes bya ba rgyas par 'byung ba la/nye bar len pa'i phung po lnga rnams ni 'dod pa dang gzugs kyi khams gnyis na yod de/ nye bar len pa'i phung po lngas bsdus pa yin no/ /gzugs med pa'i khams na ni nye bar len pa'i phung po bzhis bsdus pa yin no/ /ci'i phyir zhe na/ de ni sred pas spungs
234a4 pa'i phyir de rnams ni sred pas sbyar ba'i phyir ro zhes bya ba'i tha tshig ste/des nying mtshams sbyor ba'i tshe nye bar len pa'i phung po lnga po gzhan dag tu spong bar byed do/ gzhan yang zhes bya ba rgyas par 'byung ba ni/ yang rnam grangs gzhan yang chags pa dang sred pa gnyis ni 'dod pa dang / sred pa'i
234a5 'dod chags gnyis yin te/go rims bzhin no/ /chags pa ni 'dod pa'i 'dod chags te/ 'dod pa na spyod pa'i 'dod chags so/ /sred pa ni sred pa'i 'dod chags te/ gzugs dang gzugs med pa'i khams las skyes pa'i 'dod chags so/ /sdug bsngal ni 'dod pa'i khams yin
234a6 te/ci'i phyir zhe na/ sdug bsngal gsum dag las sdug bsngal gyi sdug bsngal dang ldan pa'i phyir ro/ /sdug bsngal gyi sdug bsngal ni 'dod pa'i khams ni 'dod pa'i khams kho na yod kyi gzhan na med do/ /phung po ni gzugs dang gzugs med pa'i khams gnyis yin no/ /de ltar na 'dis
234a7 ni 'dod pa'i khams kyi sdug bsngal rgyu dang bcas pa dang /gzugs dang gzugs med pa'i khams kyi sdug bsngal rgyu dang bcas pa zad par bya ba'i phyir sgrub pa yin no zhes yongs su bstan pa yin no/ /rgyas par gsungs nas gro bzhin skyes de ltar na ha cang brtson 'grus brtsams drags na ni
234b1 rgod pa nyid du 'gyur la/ha cang zhum ches na ni le lo can du 'gyur ro/ /gro bzhin skyes de bas na mnyam pa nyid du rtogs par byed pa de la yang mtshan mar zung shig /des rlom sems kyang ma byed la/ de la bag med par yang ma byed cig ces bya ba ni mdo sde'i dum bu yin no/ /'dis ni zhes bya ba
234b2 rgyas par 'byung ba ni/gdams ngag 'dis ni sems mnyam pa nyid du yongs su shes par bya ba la sbyor bar mdzad pa yin te/ mnyam pa nyid du rtogs par byas la zhes bya ba'i tshig 'dis so/ /sems mnyam pa nyid kyang sems dmigs pa la ha cang rgod pa yang ma yin/ ha cang zhum pa yang ma
234b3 yin par btang snyoms su byed pa'o//de la yang mtshan mar zung shig ces bya ba 'dis ni mi brjed pa'i rgyu la sbyor bar mdzad pa yin no/ /des kyang rlom sems kyang ma byed la/ de la bag med par yang ma byed cig ces bya ba 'di gnyis kyis ni kun nas nyon mongs pa med pa'i rgyu la sbyor bar mdzad pa yin
234b4 no//mi brjed pa'i rgyu ni mtshan mar 'dzin pa'o zhes bya ba ni sems mnyam pa nyid de'i mi brjed pa'i rgyu ni mtshan mar 'dzin pa'o/ /mtshan ma de yang bsam gtan pa rnams kho na'i mngon sum yin no/ /kun nas nyon mongs pa med pa'i rgyu ni nga rgyal med pa ste/ mnyam pa nyid des khengs par mi 'gyur
234b5 ba'i phyir ro//gzhan yang bag yod pa yang yin te/ ro myong bar mi byed pa'i phyir ro/ /des rlom sems kyang ma byed la/ de la bag med par yang ma byed cig ces bya ba'i don ji skad gsungs pa'i lung phog pa 'di ni nga rgyal sred pa shas che ba'i bsam gtan pa'i gnyen por go rims bzhin no/ /
234b6 ji ltar zhe na/ nga rgyal shas che ba'i bsam gtan pa'i gnyen por des rlom sems kyang ma byed la zhes bya bar lung phog pa yin no/ /sred pa'i shas che ba'i bsam gtan pa'i gnyen por ni de la bag med par yang ma byed cig ces bya bar lung phog pa yin no/ /smras pa ci'i phyir lta ba shas che ba'i bsam gtan pa'i gnyen po dang the tshom shas che ba'i bsam
234b7 gtan pa'i gnyen por lung phog pa mdzad ce na/bden pa gzigs pa'i phyir zhes bya ba rgyas par 'byung ba la/ de bzhin zhes bya ba ni lta ba dang the tshom gnyis zhes bya ba'i tha tshig go/ /de la nga rgyal shas che ba'i bsam gtan pa ni bsam gtan des khengs par
235a1 'gyur ba'i phyir ro//sred pa shas che ba'i bsam gtan pa ni bsam gtan dag la ro myong bar byed pa'i phyir ro/ /lta ba shas che ba'i bsam gtan pa ni bsam gtan la brten nas rtag pa la sogs par lta ba 'byung ba gang yin pa'o/ /the tshom shas che ba'i bsam
235a2 gtan pa ni bsam gtan la brten nas ci 'di mya ngan las 'das pa'i lam yin nam/'on te gzhan zhig yin snyam pa dang / ci bdag 'das pa'i dus na byung ba'am/ 'on te ma byung snyam zhes bya ba de lta bu la sogs pa gang yin pa'o/ /nyon mongs pa rgyu'i gnas skabs 'di dag kyang
235a3 bsam gtan la snyoms par zhugs pa 'di dag kho na la 'byung ngo //nga rgyal shas che ba'i bsam gtan pa zhes bya ba nas/ the tshom shas che ba'i bsam gtan zhes bya ba'i bar gyi don ci zhe na/ sred pa shas che ba ni 'di la bsam gtan sred pa lhag pa can du bsam gtan byed pa'i ngang tshul yod pas
235a4 'di ni sred pa shas che ba'i bsam gtan pa'o//yang na de ni sred pa shas che ba yang yin la bsam gtan pa yang yin pas sred pa shas che ba'i bsam gtan pa'o/ /the tshom shas che ba'i bsam gtan pa zhes bya ba'i bar la yang de bzhin du sbyar bar bya'o/ /bcom ldan 'das kyis rgyang ring po nas
235a5 shing gi sdong po chen po zhig 'bar zhing rab tu 'bar la kun du rab tu mched cing me lce gcig tu gyur te/lam mer 'bar ba gzigs so zhes bya ba ni mdo sde'i dum bu yin no/ /go rims bzhin du sbyar bar bya ba ni lam mer 'bar ba zhes bya ba ni mi g.yo ba'o/ /dge slong dag byis ba so so'i skye bo
235a6 thos pa dang mi ldan pa rnams ni phung po lnga po 'di dag la rtag pa nyid dang brtan pa nyid du yang dag par rjes su lta/bde ba nyid dang / nad med pa nyid dang / bdag dang bdag gi nyid du sbyar bar bya ba ni rjes su lta ba yin no zhes bya ba ni mdo sde'i dum bu yin no/ /de la kun du rmongs pa zhes bya ba ni nye
235a7 bar len pa'i phung po lnga rnams la 'dus byas kyi mtshan nyid skye ba dang 'jig pa gnyis dang mi ldan pa yin no snyam du de ltar kun du rmongs pa nas/rang yang bdag ma yin la/ bdag gzhan gyis kyang stong pa'i bar du yin no snyam du kun du rmongs pa ni go rims bzhin du rtag pa la sogs pa nyid
235b1 du lta zhes bya ba yin par rig par bya'o//ji ltar na nye bar len pa'i phung po lnga rnams ni skye ba dang 'jig pa gnyis dang ldan pa yin na de ltar kun du rmongs pa ni de dag la rtag pa nyid du yang dag par rjes su lta la/ bdag gzhan gyis stong pa'i bar du yin la/ de ltar kun du rmongs pa ni bdag gi nyid
235b2 du yang dag par rjes su lta ba yin no//rtag pa dang bde ba dang / bdag tu phyin ci log pa rnams te/ lta ba gnyis dang gnyis kyis yongs su bstan pa yin par rig par bya'o/ /ji ltar byas pas she na/ rtag pa nyid du lta ba dang / brten pa nyid du lta bas ni nye bar len pa'i phung po lnga rnams la
235b3 rtag pa phyin ci log pa yin par yongs su bstan pa yin par rig par bya'o//bde ba nyid du lta ba dang / nad med pa nyid du lta bas ni nye bar len pa'i phung po lnga rnams la bde bar phyin ci log pa yin par bstan par rig par bya'o/ /bdag tu lta ba dang / bdag gir lta bas ni nye bar len pa'i phung po
235b4 lnga rnams la bdag tu phyin ci log yin par yongs su bstan par rig par bya'o//tshul 'chos pa dang / kha gsag dang / gzhogs slong dang / thob kyis 'jal ba dang / rnyed pas rnyed par byed 'dod pa dang zhes bya ba ni mdo sde'i dum bu yin no/ /ji ltar na yo byad bsnyungs pa kun du ston ce na/ rnyed pa
235b5 khyad par can mi len pa nyid kyis dang /ngan pa dang gya nom pa bsten pa dang mi bsten pa nyid kyis te/ kha zas la sogs pa ngan pa bsten pa'i phyir dang / gya nom pa mi bsten pa'i phyir ro/ /chos smra ba ni mdo sde la sogs pa'i chos rnams ston pa'o/ /gnod pa'i gzhi kun du ston zhes bya ba la gnod
235b6 par byed pa ni gnod pa'o//de'i gzhi ni gnod pa'i gzhi ste lus kyi 'gyur ba'o/ /gnod pa ni gzugs can ma yin pa'i chos yin pas gzhan du bstan par mi nus pas na rlung la sogs pas lus 'gyur ba byas pa kun du ston pa yin no/ /phongs pa'i gzhi kun du ston pa ni mchi la lham la sogs pa
235b7 rnyings par kun du ston pa yin no//tshig gis bsam pa'i gzhi bsngags par byed pa ni tshig gis bsam pa'i gzhi gos dang glegs bam la sogs pa yon tan las bsngags pa byed pa'o/ /de la sbyin par mi byed pa la smod pa ni de la sbyin par mi byed pa la smod pa'o/ /gzhan la sbyin par byed pa la
236a1 smod pa ni gzhan la sbyin par byed pa la smod pa'o//byed 'dod pa zhes bya ba ni bsgrub par 'dod pa zhes bya ba'i tha tshig go/ /gcig ni zhes bya ba rgyas par 'byung ba la gcig ni lus kyis yin te tshul 'chos pa'o/ /gnyis pa ni dag gis yin te kha gsag go/ /
236a2 lhag ma gzhogs slong la sogs pa 'tsho ba log pa rnams ni lus dang ngag gis yin no/ /ji ltar byas pas she na/ re zhig lus kyis ni gzhogs slong nyid de/ rnyed par bya ba'i bsam pas lus kyis gnod pa'i gzhi kun du ston pa'i phyir dang / phongs pa'i gzhi kun du ston pa'i phyir ro/ /
236a3 ngag gis ni bsam pa'i gzhi bsngags par byed pa'o/ /thob kyis 'jal ba nyid kyang yin te/ ngag gis rnam pa gsum bstan pa yin no/ /lus kyis kyang thog ma kho nar bslang ba byas nas phyis yang dang yang du mi smra bar mdun du 'dug pa'o/ /'tsho ba log par rnyed pas rnyed par byed 'dod
236a4 pa yang yin te/lus kyis ni gcig po ji skad bstan pa yin la ngag gis ni gnyis yin no/ /smras pa/ gzhogs slong la sogs pa 'tsho ba log pa lhag ma rnams las tshig gang yin pa la de dag ji ltar na kha gsag ma yin te/ kha gsag kyang ngag gi las yin pas so/ /bshad pa/
236a5 gzhan mgu bar bya ba'i phyir smra ba 'tsho ba lag pa gnyis pa ni 'dir kha gsag yin par dgongs kyi/ bsam pa'i gzhi bsngags pa byed pa la sogs pa'i tshig thams cad ni ma yin no/ /de bas na nyes pa med do/ /zla ba phyed cing tshes bco lnga la rgyal po chen po bzhi dag rang nyid kyis mi'i 'jig rten
236a6 na mar 'dzin pa dang /phar 'dzin pa dang / dge slong du 'dzin pa dang / bram zer 'dzin pa dang / rigs kyi nang na rgan rabs la ri mo byed pa dang / don byed pa dang / bya ba byed pa dang / bsod nams byed pa dang / 'jig rten 'di dang / 'jig rten pha rol gyi kha na ma tho ba rnams la 'jigs par lta
236a7 ba dang /sbyin pa byed pa dang / bsod nams byed pa dang / bsnyen gnas la nye bar gnas pa dang / tshul khrims yang dag par blangs nas gnas pa'i mi dag mang ngam zhes 'jig rten la rnam par lta bar byed do zhes bya ba ni mdo sde'i dum bu yin no/ /de la ji ltar shes par bya ba lta bus mar shes pa ni mar
236b1 'dzin pa ste/ji ltar de shes par bya zhe na/ de la gus par bya ba nyid kyi phyir ro zhes bya ba ni de la gus par bya ba nyid kyi rgyus so zhes bya ba'i tha tshig go/ /ldang ba dang thal mo sbyor ba dang / phyag bya ba dang / chos gos dang bsod snyoms la sogs pa ni mal stan la sogs pa'o/ /snyan par smra ba la
236b2 sogs pa zhes bya ba la sogs pa'i sgras ni ri mo bya ba la sogs pa'o//de dag de ltar gyur pa zhes bya ba ni mi de dag mar 'dzin pa nas bsod nams byed pa'i bar du'o/ /rnam pa de zhes bya ba ni sbyin pa las byung ba dang / tshul khrims las byung ba'i rnam pa'o/ /bsod nams kyi khang pa la sogs pa zhes
236b3 bya ba'i sogs pa'i sgras ni lam 'phyag pa la sogs pa'o//zas dang / skom la sogs pa gang yin pa dang / kun dga' ra ba la sogs pa'o/ /'jig rten rjes su 'dzin pa'i phyir gang yin pa 'di gnyi ga yang sbyin pa las byung ba'i bsod nams bya ba'i gzhi yin mod kyi/ tha dad par smos pa ni
236b4 khyad par dang khyad par med par sbyin pa'i dbye ba yang dag par bstan pa'i phyir te/khyad par gyi dbye ba yang dag par bstan pa'i phyir dang / khyad par med pa'i dbye ba yang dag par bstan pa'i phyir ro/ /go rims bzhin du zhes bya ba rgyas par 'byung ba ji ltar byas pas she na/ bla ma dang yon gnas pa ni tshig
236b5 gnyis dang gnyis kyis yang dag par bsgrub pa bstan pa yin te/re zhig bla ma rnams la ni mar 'dzin pa dang / phar 'dzin pa zhes bya ba 'di gnyis kyis so/ /yon gnas rnams la ni dge sbyong du 'dzin pa dang / bram zer 'dzin pa zhes bya ba 'di gnyis kyis so/ /gzhi rnams kyi re res ni rgan po
236b6 rnams dang /rgud pa rnams dang / rang gi las dang / bsod nams byed pa las yang dag par bsgrub par bstan pa yin no/ /tshig re res ni re res so/ /smras pa tshig du dag gis she na/ gzhi rnams kyi re res te/ ji ltar zhe na/ re zhig rgan po rnams la ni rigs kyi nang na rgan rabs la ri mo
236b7 byed pa zhes bya ba'i tshig go//rgud pa rnams la ni don byed pa zhes bya ba'i tshig gcig gis so/ /rang gi las la ni bya ba byed pa zhes bya ba'i tshig gcig gis so/ /bsod nams byed pa la ni bsod nams byed pa zhes bya ba'i tshig gcig gis yang dag par sgrub par bstan pa yin no/ /tshig 'jig rten
237a1 'di dang 'jig rten pha rol zhes bya ba de la sogs pa lhag ma rnams kyis ni yang dag par bsgrub pa de nyid kyi rgyu dang bsod nams bya ba'i rnam pa'i dbye ba yang dag par bstan pa yin no//de la 'jig rten 'di dang 'jig rten pha rol gyi kha na ma tho ba rnams la 'jigs par lta ba
237a2 zhes bya ba'i tshig 'di dag gis ni yang dag par bsgrubs pa de nyid kyi rgyu yang dag par bstan pa yin no//sbyin pa byed pa nas/ tshul khrims yang dag par blangs nas gnas pa zhes bya ba'i bar 'di rnams kyis ni bsod nams bya ba'i rnam pa'i dbye ba yang dag par bstan pa yin no/ /rgyas par gsungs
237a3 nas kye shA ri'i bu 'jig rten na chos smra ba ni su dag yin/legs par zhugs pa ni su dag yin/ bde bar gshegs pa ni su dag yin/ 'dzam bu'i grib ma can gang su dag 'dod chags gdul ba'i phyir dang / zhe sdang gdul ba'i phyir dang / gti mug gdul ba'i phyir chos ston pa 'di ni 'jig
237a4 rten na chos smra ba dag ces bya ba'o//gang su dag 'dod chags gdul ba'i phyir zhugs pa dang / zhe sdang gdul ba'i phyir dang / gti mug gdul ba'i phyir zhugs pa 'di ni legs par zhugs pa dag ces bya'o/ /gang su dag 'dod chags ma lus par spangs pa dang / yongs su shes pa dang /
237a5 zhe sdang dang / gti mug ma lus par spangs pa dang / yongs su shes pa 'di ni 'jig rten na bde bar gshegs pa dag ces bya ba'o zhes bya ba ni mdo sde'i dum bu yin no/ /'dir ni zhes bya ba rgyas par 'byung ba la mdo sde'i dum bu 'dir ni nges par legs pa las brtsams nas te ched du byas nas sems
237a6 can gnyis te rnam pa gnyis dris pa dang /lan btab pa yin no/ /dris pa ni kun du rgyu 'dzam bu'i grib ma can gyis so/ /lan gdab pa ni gnas brtan sha ra dwa ti'i bus so/ /dris pa ni yang dag par smra ba dang / byed pa po yin no/ /byed pa po yang rnam pa gnyis te zhes bya ba rgyas par 'byung ba yin no/ /
237a7 lan btab pa gang dag ce na/ yang dag par smra ba dang / byed pa po rnam pa gnyis po yang 'di dag nyid yin no/ /ji ltar dris she na/ shA ri'i bu 'jig rten na chos smra ba ni su dag yin zhes bya ba ni yang dag par smra ba yin no/ /legs par zhugs pa ni su dag yin bde bar gshegs pa ni su dag yin zhes
237b1 bya ba ni byed pa po rnam pa gnyis po dag yin no//gnas brtan gyis ji ltar lan btab ce na/ 'dzam bu'i grib ma can gang su dag 'dod chags gdul ba'i phyir dang / zhe sdang gdul ba'i phyir dang / gti mug gdul ba'i phyir chos ston pa 'di ni 'jig rten na chos smra ba dag ces bya'o zhes bya ba de lta
237b2 bu ni yang dag par smra ba lan btab pa yin no//ji ltar na byed pa po yang rnam pa gnyis su lan btab ce na/ gang su dag 'dod chags gdul ba'i phyir zhugs pa dang / zhe sdang gdul ba'i phyir dang / gti mug gdul ba'i phyir zhugs pa 'di ni legs par zhugs pa dag ces bya'o zhes bya
237b3 ba ni yang dag par byed pa po ste/brtson pa rnams lan btab pa yin no/ /gang su dag 'dod chags ma lus par spangs pa dang / yongs su shes pa dang / zhe sdang dang gti mug ma lus par spangs pa dang / yongs su shes pa 'di ni 'jig rten na bde bar gshegs pa dag ces bya'o zhes bya bas
237b4 kyang byed pa po ste/grol ba rnams kyi lan btab pa yin no/ /'dzam bu'i grib ma can gang su dag 'dod chags gdul ba'i phyir dang zhes bya ba rgyas par 'byung bas/ 'dod chags dang / zhe sdang dang / gti mug rnams kho na smos kyi/ lta ba dang / nga rgyal dang / the tshom rnams ma yin pa ni
237b5 de rnams kyis go rims bzhin du tshor ba gsum la bcings pa'i phyir te//ji ltar 'dod chags kyis ni bde ba'i tshor ba la bcings so/ /'di ltar zhe sdang gis ni sdug bsngal gyi tshor ba la bcings so/ /'di ltar gti mug gis ni bde ba yang ma yin sdug bsngal yang ma yin pa la bcings so/ /smras
237b6 pa/tshor ba gsum po de la bcings par ji ltar shes par bya zhe na/ 'di ltar zhes bya ba rgyas par 'byung ba la/ gang gi phyir bcom ldan 'das kyis dmigs pa dang / mtshungs par ldan pa dang / bde ba'i tshor ba la ni 'dod chags rgyas par 'gyur/ sdug bsngal la ni khong khro ba/ bde ba yang
237b7 ma yin sdug bsngal ba yang ma yin pa la ni ma rig pa'o zhes gsungs pas so//ji ltar rigs par zhes bya ba ni ji ltar 'os par te/ 'dod pa'i khams su ni 'dod chags dang zhe sdang dang gti mug rnams spangs pa'i phyir ro/ /de'i gong ma rnams su ni 'dod chags dang ma rig pa gnyis spangs
238a1 pa'i phyir ro//thob pa bag la nyal gyi mtshan nyid spangs pa'i phyir ro zhes bya ba ni nyon mongs pa'i sa bon de nyid ma bton cing nyams par ma byas pa ni thob pa yin te/ bag la nyal yang de nyid yin no/ /nyon mongs pa rnam pa dgu po chung ngu'i chung ngu la sogs pa'i rnam pa spangs
238a2 pa'i phyir ro//'di ltar chen po'i chen po'i rnam pa nas brtsams nas/ chung ngu'i chung ngu'i rnam pa'i bar du spangs pas so/ /gang su dag 'dod chags ma lus par spangs pa zhes gang gsungs pa'i spangs pas ni rnam par grol ba ston to/ /de la rnam par grol ba ni de kho na nyid las 'dod chags la sogs
238a3 pa bsal ba'i sems dri ma med pa nyid yin no//yongs su shes pas ni rnam par grol ba'i ye shes mthong ba ston to zhes bya ba'i skabs dang sbyar te/ spangs pa dang yongs su shes pa zhes gang gsungs pa 'dis so/ /ye shes nyid mthong ba yin te/ rnam par grol bar shes shing mthong ba ni rnam par grol
238a4 ba'i ye shes mthong ba'o//de ltar na zhes bya ba rgyas par 'byung ba la/ de ltar na ji skad gsungs pa'i yongs su shes pa zhes bya ba'i tshig 'dis ni/ ma lus par spangs pa ni so so rang gis rig par bya ba nyid du bstan pa nyid yin te/ ci'i phyir zhe na/ gzhan la rag las pa dang / som nyi dang
238a5 ldan pa rnams bsal ba'i phyir ro//gang dag nyon mongs pa spangs pa la gzhan la rag las pa dang / som nyi dang ldan pa dang / the tshom dang ldan pa ni gzhan la rag las pa dang ldan pa dang som nyi dang ldan pa de rnams te bsal ba'i phyir ni dga' ba'i phyir ro/ /gcin nad dang / 'byung po'i
238a6 gdon smos pa ni de gnyis ni byang du zin kyang dus gzhan 'ga' zhig na yang ldang bas so//'jig rten pa'i snyoms par 'jug pa dag las bzlog nas te/ ji ltar bzlog ce na/ 'jig rten pa'i snyoms par 'jug pa dag ni ji srid du bgrod par bya bar mi 'dod de/ srid pa'i rtse mo'i bar du 'gro ba'i
238a7 phyir dang /mya ngan las 'das par mi 'gro ba'i phyir dang / 'gro ba bzang po ma yin par 'gro ba'i phyir dang / slar yang ldog pa'i phyir ro/ /mya ngan las 'das par gshegs pa dag ni de ltar gshegs pa dag yin no zhes bya ba ni ji srid du bgrod par bya bar gshegs pa dag yin/ 'gro ba la
238b1 bzang por gshegs pa dag yin/phyir mi ldog par gshegs pa dag yin no zhes bya ba'i tha tshig go/ /de ltar na zhes bya ba rgyas par 'byung ba ni ji skad du bstan pa de ltar na mya ngan las 'das pa ni bla na med pa nyid yin par bstan pa yin te/ mya ngan las 'das par gshegs nas mya
238b2 ngan las 'das pa las pha rol na gshegs par bya ba med pas so//dge ba nyid kyang yin par bstan pa yin te/ bzang por gshegs pa'i phyir ro/ /rtag pa nyid du bstan pa yang yin te/ mya ngan las 'das pa las phyir mi ldog par gshegs pa'i phyir ro/ /dge slong dag 'di ltar sa
238b3 bon yang yod la/ma grugs pa dang / ma rul ba dang / rlung dang / nyi mas ma gdungs pa dang / gsar pa dang / snying po dang ldan pa dang / legs par gnas pa yang yin la/ sa'i smag dang chu yang yod na/ de lta bu'i sa bon de dag ni 'phel zhing rgyas la yangs par 'gyur ba'o/ /dge
238b4 slong dag de bzhin du 'di ltar las kyang yod la/nyon mongs pa rnams dang / sred pa dang lta ba dang / nga rgyal dang / ma rig pa yang yod na/ de lta bu ni tshe phyi ma la 'du byed rnams 'byung bar 'gyur ro zhes bya ba ni mdo sde'i dum bu yin no/ /las la nyon mongs pa rnams grogs su 'gyur bas
238b5 skye ba skyed par byed de/ji ltar shes she na/ dgra bcom pa nyid la nyon mongs pa zad pa ni mi skye ba'i phyir ro/ /las la yang nus pa yod de/ nyon mongs pa ma zad na las ji lta ba bzhin du skye ba'i phyir te/ sems can dmyal ba myong bar 'gyur ba la sogs pa'i las kyis sems can dmyal ba la
238b6 sogs pa dag tu skye ba'i phyir ro//nyon mongs pa de dag kyang sred pa la sogs pa'i zhes bya ba ni sred pa dang lta ba dang / nga rgyal dang / ma rig pa ji skad gsungs pa rnams so/ /lta ba dang / nga rgyal dang / ma rig pa de ni 'dren par byed pa dag yin te zhes bya ba ni sred pa 'dren par byed pa dag yin
238b7 te zhes bya ba'i tha tshig go//ji ltar byas pas she na/ bdag tu lta ba zhes bya ba rgyas par 'byung ba ste/ bdag tu lta ba'i sgo nas bdag med pa nyid la kun nas nyon mongs na de kun du rgyu ba dang mi spong ba'i phyir ro/ /sred pa kun du rgyu ba'i phyir dang / sred pa mi spong ba'i phyir ro zhes bya ba'i tha tshig
239a1 go//nga'o snyam pa'i nga rgyal gyi sgo nas zhes bya ba la yang de bzhin du sbyar bar bya'o/ /de'i phyir 'di dag kho nas smos kyi khong khro ba dang / the tshom gnyis ni ma yin no/ /ji ltar sred pa nyid ni mngon par bsgrub pa'i rgyu yin pas/ lta ba dang / nga rgyal dang / ma rig pa ni de
239a2 'dren par byed pa dag yin pas de'i phyir mdo las 'di dag kho na smos kyi khong khro ba dang the tshom gnyis ni ma yin no//gzhan yang zhes bya ba rgyas par 'byung ba ni rnam grangs gzhan yang 'dod pa'i khams kyi las kyi grogs ni nyon mongs pa thams cad yin te/ 'di ltar las kyang yod la nyon mongs pa
239a3 rnams dang zhes bya ba 'dis yang dag par ston to//mdo sde'i dum bu'i don phyi mas ni gzugs dang gzugs med pa'i khams gnyis kyi ni sred pa la sogs pa'i grogs yin te/ gzugs kyi khams kyi dang / gzugs med pa'i khams kyi ni sred pa dang / lta ba dang / nga rgyal dang / ma rig pa rnams
239a4 las kyi grogs yin no zhes bya bar yang dag par ston to//khams gnyis kyi las kyi grogs sred pa la sogs pa yin par ji ltar shes she na/ sred pa dang lta ba dang / nga rgyal dang / the tshom shas che ba'i bsam gtan gyi bag la nyal yod pa'i phyir ro/ /de ltar de na ni sred pa shas che ba'i bsam
239a5 gtan nyid yin na ni sred pa rgyas par 'gyur bas na/the tshom shas che ba'i bsam gtan gyi bar yin na ni the tshom mo/ /de'i phyir de'i las kyi grogs ni sred pa la sogs pa yin no zhes bya bar grub bo/ /smras pa/ mdo sde'i dum bu 'di las sred pa dang / lta ba dang / nga rgyal dang / ma rig pa zhes
239a6 ma rig pa gsungs na/'o na ci'i phyir sred pa dang / lta ba dang / nga rgyal dang the tshom shas che ba'i bsam gtan gyi bag la nyal yod pa'i phyir ro zhes the tshom bstan ce na/ 'dir bshad pa/ the tshom ni ma rig pas rab tu phye ba nyid kyi phyir te/ 'dir ma rig pa smos pas the tshom bstan pa yin te/
239a7 grogs the tshom yang yod pa dang / las skye ba'i phyir rgyur 'gyur bar shes par bya'o/ /gzhan yang gang dag bzhi ba chos ma rig pa shas che ba'i bsam gtan par 'don gyi/ the tshom shas che ba'i bsam gtan par mi 'don pa de dag gi ltar na ni brtsad du yang med la/ lan gdab tu yang med
239b1 do//dge slong dag dge slong gsar bu 'di dag ni dge sbyong gi gnod pas gtses pa tshangs par spyod pa'i 'dam gyis zil gyis non pa/ sdig pa mi dge ba'i chos kun nas nyon mongs pa can yang srid pa la/ rims nad dang bcas pa sdug bsngal gyi rnam par smin pa can/ tshe phyi ma la skye
239b2 ba dang /rga ba dang / 'chi bar 'gyur ba rnams zil gyis gnon pa zhes bya ba'o zhes bya ba ni mdo sde'i dum bu yin no/ /sdig pa zhes bya ba ni rgyas par 'byung ba dang / sdig pa mi dge ba'i chos nas nyon mongs pa can la sogs pa kun nas nyon mongs pa can dang / yang srid ba ba nas skye ba dang /
239b3 rga ba dang / 'chi bar 'gyur ba'i bar ro/ /smras pa/ sdig pa mi dge ba'i chos kun nas nyon mongs pa can la sogs pa'i rnam grangs can de dag gang yang yin/ 'dir bshad pa/ rnyed pa dang bkur sti'i rgyu rnams te/ rnyed pa'i rgyu dang bkur sti'i rgyu gang dag yin pa'o/ /de dag kyang gang
239b4 dag ce na/brnab sems can nyid la sogs pa ste/ brnab sems can dang gnod sems can dang / khro bar byed pa dang / khon du 'dzin par byed pa dang / 'chab par byed pa dang / 'jig pa dang / phrag dog can dang / ser sna can dang / g.yon can dang / sgyu can dang / ngo tsha mi shes can dang
239b5 khrel med pa can dang /sdig pa 'dod pa dang / lta ba log pa can no/ /rnyed pa dang bkur sti'i rgyu ni brnab sems la sogs pa yin no zhes brjod par bya ba las/ brnab sems can nyid la sogs pa zhes bstan pa ni brnab sems can dang / gnod sems can dang zhes rgyas par 'byung ba nas/
239b6 log par lta ba can zhes bya ba'i bar du 'byung ba'i mdo sde'i dum bu 'di dgod pa'i phyir ro/ /smras pa/ de lta na yang brnab sems can zhes bya ba nas log par lta ba can zhes bya ba'i bar du brjod na chos rnams su ji ltar sbyar bar bya zhe na/ brnab sems can nyid dang / gnod sems can nyid dang
239b7 zhes bya ba de ltar rgyas par sbyar bar bya ba nas/log par lta ba can nyid ces bya ba'i bar du de ltar dngos po brjod par sbyar bar bya'o/ /mdo sde'i dum bu 'dis ni nyes dmigs rnam pa gsum yod par ston to/ /mthong ba'i chos la bslab pa gtong ba ni nyes dmigs dang bo yin par ston to/ /
240a1 dge sbyong gi gnod pas gtses pa zhes bya ba'i tshig 'dis so/ /mya ngan las 'das par mi 'gro ba ni nyes dmigs gnyis pa yin par ston pa ste/ tshangs par spyod pa'i 'dam gyis zil gyis non pa zhes bya ba'i tshig 'dis so/ /tshe phyi ma la ngan 'gror 'gro ba
240a2 ni nyes dmigs rnam pa gsum pa yin par ston te/sdig pa mi dge ba'i chos zhes bya ba rgyas par 'byung bas so/ /de ltar na zhes bya ba rgyas par 'byung ba ni ji skad bstan pa de ltar na ste/ de la sdig pa zhes bya ba rgyas par 'byung bas ni kun nas nyon mongs pa can la sogs pa rnams ni gzhan
240a3 gyis dang /rang nyid kyis skyon yin par bstan pa yin no/ /re zhig gzhan gyis skyon yin par bstan pa ni sdig pa ni 'phags pa'i skye bos smad pa'i don gyis so zhes gsungs pa'i phyir ro/ /rang nyid kyis ni mi dge ba ni mi bde ba'i don gyis so zhes bya ba yin no/ /de ni kun nas nyon
240a4 mongs pa can yang srid pa pa nyid nyes dmigs dang bcas pas yang dag par ston to zhes bya ba ni kun nas nyon mongs pa can nyid nyes dmigs dang bcas pa dang /yang srid pa pa nyes dmigs dang bcas pas ni smad pa nyid yin par ston to/ /de bzhin du gnyis kas mi bde ba nyid yin par
240a5 yang ston to//ji lta zhe na/ rims nad dang bcas pa dang / sdug bsngal gyi rnam par smin pa can yin te/ mthong ba'i chos nyid la nyon mongs pa'i yongs su gdung ba rnams kyi rims nad dang bcas pa'o/ /ji lta zhe na/ da ltar byung ba'i tshe rabs la nyon mongs pas yongs su gdung ba
240a6 yin te/lus dang sems yongs su gdung bar byed pa'i phyir ro/ /lus yongs su gdung bar byed pa'i phyir dang / sems yongs su gdung bar byed pa'i phyir ro/ /ji ltar na sdug bsngal gyi rnam par smin pa can yin zhe na/ tshe phyi ma la ngan 'gror 'gro ba'i phyir ro/ /ji ltar na/
240a7 skye ba dang / rga ba dang / 'chi bar 'gyur ba yin zhe na/ skye ba dang / rga ba dang / 'chi bar 'gyur ba ni/ skye ba dang / rga ba dang / 'chi ba dang mthun pa ste/ yun ring por skye ba dang / rga ba dang / 'chi ba 'dren pa'i phyir ro/ /dge slong ngam/ dge slong ma gang la la cung zad cung zad dang /
240b1 yang tsam yud tsam dang / tha na se gol gtogs pa tsam yang sems can srog chags su gyur pa thams cad la byams pa'i sems sgom par byed pa'i dge slong ngam/ dge slong ma 'di ni ston pa'i bstan pa bzhin byed pa/ mi gtong bar sgom pa/ lhag mthong dang ldan pa/ khyim stong
240b2 pa rnams rgyas par byed pa/rang gi don gyi sbyor ba la rjes su brtson pa/ tshangs pa mtshungs par spyod pa mkhas pa rnams kyis ma smad pa/ yul 'khor gyi bsod snyoms 'bras bu yod par za ba zhes bya'o zhes bya ba ni mdo sde'i dum bu yin no/ /ston pa'i bstan pa bzhin du bsgrub pa'i phyir
240b3 zhes bya ba ni bcom ldan 'das kyi bka' bzhin du bsgrub pa'i phyir ro//de ltar brtson pa'i phyir te/ ji ltar de ltar brtson zhe na/ brtson 'grus mi gtong ba nyid kyis so/ /tshangs pa mtshungs par spyod pa mkhas pa rnams kyis zhes bya ba ni tshangs pa mtshungs par spyod pa de kho na rtogs pa rnams kyis so
240b4 zhes bya ba'i tha tshig go//de'i 'bras bu dang bcas pa nyid du byed pa'i phyir zhes bya ba ni sbyin pa po rnams kyi bsod snyoms dang bcas pa nyid du byed pa'i phyir ro/ /ston pa la yang dag par sgrub par yongs su bstan pa'i phyir de'i bstan pa bzhin du bsgrub pa'i phyir te/ ston pa'i bstan pa bzhin byed pa
240b5 zhes bya ba'i tshig 'dis so//bstan pa las yang dag par sgrub par yongs su bstan pa ni rtag tu las khyad par du 'phags pa las sbyor ba'i phyir dang ste/ mi gtong bar bsgom pa zhes bya ba 'dis so/ /phyin ci ma log par sbyor ba'i phyir dang ste/ lhag mthong dang ldan pa zhes bya ba 'dis so/ /rnam
240b6 par ma g.yengs par sbyor ba'i phyir dang ste/khyim stong pa rnams rgyas par byed pa zhes bya ba 'dis so/ /chog mi shes par sbyor ba'i phyir te/ rang gi don gyi sbyor ba la rjes su brtson pa zhes bya ba 'dis so/ /dge slong gi las khyad par du 'phags pa ni bsam gtan yin par rig par bya ba ni
240b7 las khyad par du 'phags pa la sbyor ba'i phyir zhes gang bstan pa yin no//rgyu 'di rnams kyis ni bstan pa la yang dag par sgrub par yongs su bstan pa yin no/ /gzhan yang ste/ rnam grangs gzhan yang bstan pa la yang dag par sgrub par yongs su bstan pa zhes bya ba ni rtag tu bsgom
241a1 pa'i phyir dang ste/mi gtong bar sgom pa zhes bya ba 'dis so/ /kun nas nyon mongs pa can ma yin par bsgom pa'i phyir dang ste/ lhag mthong dang ldan pa zhes bya ba'i tshig 'dis so/ /bar chad med par bsgom pa'i phyir dang ste/ khyim stong pa rnams rgyas par byed pa
241a2 zhes bya ba 'dis so//chog mi shes par bsgom pa'i phyir te/ rang gi don dang sbyor ba la rjes su brtson pa zhes bya ba'i tshig 'dis so/ /tshangs pa mtshungs par spyod pa rnams la yang dag par yongs su sgrub par bstan pa ni don mthun pa nyid du sbyor ba'i phyir te/ tshangs pa mtshungs par spyod pa
241a3 mkhas pa rnams kyis ma smad pa zhes bya ba'i tshig 'dis so//sbyin par byed pa rnams la yang dag par sgrub par yongs su bstan pa ni de'i sbyin pa 'bras bu chen po nyid du sbyor ba'i phyir te/ yul 'khor gyi bsod snyoms 'bras bu yod par bza' ba zhes bya ba'i tshig 'dis so/ /kye gau ta ma
241a4 gang gis na da ltar mi rnams stobs chung ba dang /gnod pa mang ba dang / mthu chung ba dang / tshe thung ba'i rgyu ni gang lags/ rkyen ni gang lags/ de skad ces gsol ba dang / bcom ldan 'das kyis bram ze gro bzhin skyes la 'di skad ces bka' stsal to/ /bram ze da ltar mi rnams
241a5 ni chos ma yin par chags pas chags pa dang /mi rigs par chags pas zil gyis non pa dang / chos log pas dkris pa yin no zhes bya ba ni mdo sde'i dum bu yin no/ /chom rkun dang / mthu stobs dang / brid pa la sogs pas ni chom rkun gyis dang / mthu stobs kyis dang / brid pas
241a6 so//sogs pa'i sgras ni log par lung 'bogs pa dang / 'jigs par bstan pa la sogs pas pha rol gyi nor don du gnyer ba gang yin pa'o/ /pha rol la 'tshe ba dang ldan pa zhes bya ba ni pha rol 'tshe ba dang 'brel pa ste/ pha rol la 'tshe bar byed pa zhes bya ba'i tha tshig go/ /rgyal po'i chos
241a7 sam/bram ze'i chos ni re zhig rgyal po'i chos su byas pa ni rkang pa'i phyed gcad ces bya ba de lta bu la sogs pa'o/ /bram ze'i chos kyang ba lang gi mchod sbyin byas la lor ba lang gi brtul zhugs byas na zhes bya ba de lta bu la sogs pa'o/ /des ni zhes bya ba rgyas par 'byung ba dang / des ni yul
241b1 yongs su spyad pa las brtsams nas mi rnams la log par sgrub pa yod par bstan pa ni da ltar mi rnams ni chos ma yin par chags pas chags pa zhes bya ba'i tshig 'dis so//longs spyod yongs su tshol ba las brtsams nas ni mi rigs par chags pas zil gyis non pa zhes bya ba 'dis so/ /
241b2 bde 'gro yongs su tshol ba las brtsams nas ni log pa'i chos kyis dkris pa zhes bya ba 'dis so/ /sangs rgyas bcom ldan 'das rnams kyi gtam dus sngar bya ba gang yin pa de ni 'di lta ste/ sbyin pa'i gtam dang / tshul khrims kyi gtam dang / mtho ris kyi gtam dang / 'dod pa rnams la
241b3 ro myong ba dang /nyes dmigs dang / kun nas nyon mongs pa dang / rnam par byang ba dang / nges par 'byung ba dang / rab tu dben pa dang / phan yon dang / rnam par byang ba'i phyogs dang mthun pa'i chos rnams rgya cher yang dag par rab tu ston par mdzad pa yin no/ /gang gi tshe de sems rangs
241b4 pa dang /sems nyams bde ba dang / sems dga' ba dang / sems sgrib pa med pa dang / yang dag phul can gyi chos bstan pa kun shes par bya ba skal ba dang ldan pa dang / nus par kun du mkhyen par gyur pa de'i tshe sangs rgyas bcom ldan 'das rnams kyi yang dag phul can gyi chos bstan pa gang
241b5 yin pa de ni 'di lta ste/sdug bsngal dang / kun 'byung ba dang / 'gog pa dang / lam mo zhes bcom ldan 'das kyis de la 'phags pa'i bden pa bzhi po dag yang dag par rab tu ston par mdzad pa yin no zhes bya ba ni mdo sde'i dum bu yin no/ /de ni zhes bya ba rgyas par 'byung ba ni gtam
241b6 sngar bya ba ni mdor na ste/mdor bsdu na longs spyod phun sum tshogs pa'i rgyu las brtsams nas rig par bya ba ni sbyin pa'i gtam zhes bya ba'i tshig 'dis so/ /lus phun sum tshogs pa'i rgyu las brtsams nas rig par bya ba ni tshul khrims kyi gtam zhes bya ba'i tshig 'dis so/ /phun sum tshogs
241b7 pa de gnyi ga'i khyad par dang /longs spyod phun sum tshogs pa'i khyad par dang / lus phun sum tshogs pa'i khyad par las brtsams nas rig par bya ba ni mtho ris kyi gtam zhes bya ba'i tshig 'dis so/ /de las phyir phyogs par byed pa'i gzhi las brtsams nas rig par bya ba ni 'dod pa
242a1 rnams la ro myang ba dang /nyes dmigs zhes bya ba'i tshig 'dis so/ /de las nges par 'byung ba'i thabs las brtsams nas rig par bya ba ni nges par 'byung ba dang / rab tu dben pa dang / phan yon dang / rnam par byang ba'i phyogs dang / mthun pa'i chos rnams rgya cher
242a2 yang dag par rig pa ston par mdzad pa zhes bya ba'i tshig 'dis so//de gnyis kyis kyang zhes bya ba rgyas par 'byung ba ni 'dod pa rnams la ro myang ba dang / de'i nyes dmigs bstan pa 'di gnyis kyis ni 'di ltar kun nas nyon mongs pa dang / rnam par byang bar byed do/ /de la ro myong bar byed pas ni
242a3 kun nas nyon mongs par byed do//de'i nyes dmigs bstan pas ni rnam par byang bar byed do/ /de las nges par 'byung ba'i thabs kyang yin te/ de las ni de las phyir phyogs par byed pa'i gzhi ni 'dod pa rnams la ro chung ba nyid dang / nyes dmigs mang ba nyid yin par rig par bya'o/ /'phags
242a4 par te khyad par du ches lhag pa dang /ches gya nom pa yin te/ de la lha rdzas kyi rang bzhin yin pa de nyid kyis ches lhag pa yin la/ kha dog la sogs pa phun sum tshogs pas ches gya nom pa dag yin no/ /gtam 'di'i phan yon yongs su bstan pa yin no zhes bya ba ni gtam dus sngar byas pa
242a5 'di'i phan yon yongs su bstan pa yin no zhes bya ba'i tha tshig go//go rims bzhin du sems dga' ba zhes bya ba ni rangs pa'i rnam par bshad pa yin la/ sems sgrib pa med pa zhes bya ba ni nyams bde ba'i bshad pa yin no/ /de ci'i phyir zhe na/ mchog tu bde ba nyid dang ldan pa'i phyir dang / sgrib
242a6 pa lnga dang mi ldan pa'i phyir te go rims bzhin no//sgrib pa lnga ni 'dod pa la 'dun pa dang / gnod sems dang / rmugs pa dang / gnyid dang / rgod pa dang / 'gyod pa dang / the tshom mo/ /sems de'i phan yon yongs su bstan pa ni sems dga' ba dang / sems sgrib pa med pa'i phan yon
242a7 yongs su bstan pa yin no zhes bya ba'i tha tshig go//de la sems dga' ba nyid kyis ni skal ba dang ldan pa yin te/ ji lta zhe na/ dga' ba la sogs pa'i rgyu'i rim pas so/ /dga' ba la sogs pa nyid kyi rgyu ste/ rgyu yin pas dga' ba la sogs pa'i rgyu'o/ /dga' ba la sogs pa'i
242b1 rgyu'i rim pas ni dga' ba la sogs pa'i rgyu'i rim pas so//ji lta zhe na/ rab tu dga' bas dga' ba skye'o/ /yid dga' ni shin tu sbyang bar 'gyur ro/ /lus shin tu sbyangs na bde ba myong bar 'gyur ro/ /bde na sems mnyam par 'jog go/ /sems mnyam par gzhag na yang dag pa ji lta ba
242b2 bzhin du rab tu shes so zhes bya'o//sems sgrib pa med pa nyid kyis ni zhes bya ba rgyas par 'byung ba ni bshad zin to/ /kun du mkhyen par gyur pa zhes bya ba ni kun du mkhyen pa dang ldan pa'o/ /gzhan yang zhes bya ba rgyas par 'byung ba la/ rnam grangs gzhan yang skal ba dang ldan pa nyid kyis ni
242b3 rigs phun sum tshogs pa yongs su bstan par rig par bya'o//nus pa nyid kyis ni yongs su smin pa phun sum tshogs pa yongs su bstan par rig par bya ste/ ci'i phyir zhe na/ de'i tshe na de la gnyi ga phun sum tshogs pa yin no/ /'di ltar gtam du sngar bya bas rgyud snod du byas pa na sems rangs
242b4 pa dang /nyams bde bar gyur pa la rigs dang / yongs su smin pa phun sum tshogs pa yin no/ /rigs ni nyan thos la sogs pa'i rigs rnams las gang yang rung ba'o/ /yongs su smin pa ni rgyud la 'bras bu nye bar gnas pa yin no/ /snga nas yod pa gtam du sngar bya ba'i tshe nas rigs kho nar
242b5 phun sum tshogs pa yin no//rigs ma smos na ste/ gal te nus pa zhes bya ba tsam zhig smos kyi/ skal ba dang ldan pa zhes bya ba 'di ma smos na/ sangs rgyas rnams kyis yang dag phul can gyi chos bstan pa ni rigs dang yongs su smin pa nyid ga la ltos pa'o zhes bya ba bstan par mi 'gyur ro/ /yang
242b6 dag phul can gyi gtam 'di gang zhig yin zhe na/'phags pa'i bden pa'i gtam ni yang dag phul can te/ ci'i phyir zhe na/ mthong ba dang bsgom pa'i lam gnyis kyis ngan 'gro dang 'khor ba las yang dag phul du byed pa'i phyir ro/ /mthong ba'i lam gyis ni ngan 'gro las yang dag phul du byed
242b7 pa'i phyir te/ngan 'gro sel ba'i phyir ro/ /bsgom pa'i lam gyis ni 'khor ba las yang dag phul du byed pa'i phyir ro/ /'bras bu de dang ldan pa'i phyir zhes bya ba ni 'bras bu mya ngan las 'das pa dang ldan pa'i phyir zhes bya ba'i tha tshig go/ /yang 'byung ba pa'i sred pa bzhin te/ 'bras bu yang srid pa
243a1 yin pa'i phyir ro// //rnam par bshad pa rigs pa'i bshad pa/ bam po bcu pa/ dge slong dag gzugs ni mi rtag pa ste/ gang mi rtag pa de ni sdug bsngal ba'o/ /gang sdug bsngal ba de ni bdag med pa'o/ /gang dag med pa de thams cad ni bdag
243a2 gi ma yin/de ni bdag ma yin/ de ni bdag gi bdag ma yin no zhes des de ltar yang dag pa ji lta ba bzhin gyi legs pa'i shes rab kyis blta bar bya'o/ /gzugs la ji lta ba bzhin du rnam par shes pa'i bar la yang legs pa'i shes rab kyis blta bar bya'o/ /'phags pa nyan thos
243a3 thos pa dang ldan pas de ltar mthong na gzugs la yid 'byung bar 'gyur zhing /tshor ba dang / 'du shes dang / 'du byed rnams dang / rnam par shes pa la yid 'byung bar 'gyur ro/ /yid 'byung na 'dod chags dang bral bar 'gyur ro/ /'dod chags dang bral na rnam par grol bar
243a4 'gyur ro zhes bya ba ni mdo sde'i dum bu yin no//'dir yid byung ba dang / 'dod chags dang bral ba dang rnam par grol ba dang rnam par grol ba rnams kyi rgyur gyur pa ni go rims bzhin du yongs su bstan pa yin no zhes bya ba ni yid byung ba dang / 'dod chags dang bral ba dang / rnam par grol ba rnams
243a5 kyi rgyur gyur pa ste/rgyur gyur pa ni go rims bzhin du yongs su bstan pa yin no/ /ji ltar zhe na/ yid 'byung ba ni 'dod chags dang bral ba'i rgyu yin la/ 'dod chags dang bral ba ni rnam par grol ba'i rgyu yin no/ /de'i thob pa chad pa'o zhes bya ba ni 'dod chags kyi thob pa chad pa'o/ /rnam
243a6 grangs gzhan yang ni ji skad bshad pa'i don 'di nyid do//dga' ba sngon du song ba'i 'dod chags zhes bya ba ni yid bde ba sngon du song ba'i 'dod chags so zhes bya ba'i tha tshig go/ /de'i phyir zhes bya ba rgyas par 'byung ba ni 'di ltar dga' ba sngon du song ba'i 'dod chags dang / gzugs la sogs
243a7 pa dag la 'dod chags sngon du song ba'i sems rang dbang med par 'jug pa nyid kyi 'ching ba yod pas de'i phyir go rims bzhin du de'i gnyen po dga' ba dang /'dod chags dang / 'ching ba rnams kyi gnyen po yid 'byung ba la sogs pa rnams ni yid 'byung ba dang / 'dod chags dang bral ba
243b1 dang /rnam par grol ba rnams so/ /yid 'byung ba dang / 'dod chags dang bral ba dang / rnam par grol ba rnams dus tha dad pa nyid ma yin par mi mthun pa'i phyogs kyi go rims kyi bshad pa yin te/ de la yid byung ba'i mi mthun pa'i phyogs ni dga' ba yin no/ /'dod chags dang bral ba'i
243b2 mi mthun pa'i phyogs ni 'dod chags yin no//rnam par grol ba'i mi mthun pa'i phyogs ni 'ching ba yin no/ /de ltar na mi mthun pa'i phyogs kyi go rims kyi bshad pa yin no/ /dper na ma rig pa 'gags pas 'du byed 'gag ces bya ba lta bu ste/ ma rig pa 'gag pa la sogs pa yang dus
243b3 tha dad pa ma yin pa yang go rims kyi bshad pa yin no//gzhan yang zhes bya ba ni rnam grangs gzhan yang bcom ldan 'das kyis rgyas par gsungs nas/ 'di la ji ltar dge slong rnam pa gang dag dang / rtags gang dag dang / mtshan ma gang dag gis sdig pa mi dge ba'i chos rnams las dben
243b4 pa rtog pa dang bcas pa dpyod pa dang bcas pa dben pa las skyes pa'i dga' ba dang bde ba can gyi bsam gtan dang po rdzogs par byas te gnas la/de rnam pa de dag dang / rtags de dag dang / mtshan ma de dag yid la mi byed cing / 'on kyang don yod pa'i gzugs su gtogs pa nas/ rnam
243b5 par shes par gtogs pa'i bar gang yin pa la dmigs pa yin zhes de ltar rgyas par gsungs nas/de chos de dag la nad nyid dang zhes bya ba rgyas par gsungs so/ /'dir ni rnam par bshad pa 'di ji ltar na ste rnam pa gang gis na 'chi ba med pa'i dbyings la sems nye bar sbyor ba zhes gang
243b6 gsungs pa zhes bya ba rgya cher 'byung ba'i mya ngan las 'das pa yid la byed pa las 'dod chags dang bral bar 'gyur ba la/phyis rnam par grol bar 'gyur ro zhes bya ba'i bsam pa brjod dgos so/ /gal te mya ngan las 'das pa yid la byed pa las 'dod chags kyi thob pa chad pa yin te/ de ltar
243b7 na sngar 'dod chags dang bral bar gyur pa yin la/de dang mi ldan par gnas gyur pa ni phyis rnam par grol bar 'gyur ba yin no zhes bya ba de lta na ni snga ma dang 'dra ba nyid kyi phyir khyad par 'ga' yang med do/ /'on te mya ngan las 'das pa yid la byed pa kho nas 'dod chags dang bral bar 'gyur ro zhe na/
244a1 de lta na ni thob pa yod bzhin du ji ltar na 'dod chags dang bral bar 'gyur la/ ji ltar na phyis rnam par grol bar 'gyur ro zhes bya ba'i bsam pa brjod dgos so/ /rgyas par gsungs nas/ sems zhes bya ba'am/ yid ces bya ba'am/ rnam par shes pa
244a2 zhes bya ba yang rung ste/gang 'di skad ces bya ba de ni byis pa so so'i skye bo thos pa dang mi ldan pas yun ring po nas byi dor byas shing sbas la bdag gir byas pa dang / 'di ni bdag gi yin/ 'di ni nga bdag yin/ 'di ni bdag gi bdag yin no zhes bya ba khas blangs la gzung ba yin no zhes
244a3 bya ba ni mdo sde'i dum bu yin no//ci'i phyir byi dor byas shing sbas pa yin zhe na/ bshad pa/ 'di ltar de bdag gir byas pas so/ /ji ltar de bdag gir byas pa yin zhe na/ bshad pa 'di ltar khas blang ba la gzung bas so/ /de'i rjes su 'brang bas zhes bya ba ni bdag gi ba dang /
244a4 bdag gir rnam par lta ba gnyis kyi rjes su 'brang ba zhes bya ba'i tha tshig go/ /rjes su 'brang ba ni rjes su 'gro ba'o/ /khas blangs pa ni lta bas te/ rnam pa gnyis kyis khas blangs pa'i phyir ro zhes gang bstan pa'i rnam pa gnyis po de ni 'di ni bdag gi yin zhes bya ba rgyas par 'byung
244a5 ba'i tshig gsum po dag gis sbyor bar byed do//rnam pa gnyis po zhes bya ba rgyas par 'byung ba ni bdag tu lta ba rnam pa gnyis po lhan cig skyes pa dang / kun du brtags pa dang / go rims bzhin no/ /ji lta zhe na/ bdag tu lta ba lhan cig skyes pa dang ni 'di ni nga bdag yin zhes bya ba ste/ ri dgas
244a6 dang bya la sogs pa yang yod pa'o//kun du brtags pa dang ni 'di ni bdag gi bdag yin no zhes bya ba ste/ mu stegs can rnams la gang yod pa'o/ /khas blangs pa ni zhen pa zhes bya ba'i tha tshig go/ /gzhan yang ste/ rnam grangs gzhan yang bdag tu lta ba rnam pa gnyis po zhes bya ba ni
244a7 gzhi tha mi dad pa dang /gzhi tha dad pa dang / go rims bzhin no/ /de la bdag tu lta ba gzhi tha mi dad pa ni gzhi nye bar len pa'i phung po'i mtshan nyid la tha mi dad par bzung nas 'di ni bdag yin no snyam pa'o/ /'jig tshogs la lta ba gzhi tha dad pa dang ni gzugs la sogs pa de rnams las gang
244b1 yang rung ba zhig bzung nas/'di ni bdag gi bdag yin no snyam pa'o/ /de'i rjes la mthun pa'i sred pa gnyis po zhes bya ba ni bdag gi ba'i rnam pa'i rjes su mthun pa'i sred pa dang / bdag tu lta ba rnam pa gnyis kyi rnam pa'i rjes su mthun pa'i sred pa ste gzung ba yin no zhes bya ba'i tha tshig
244b2 go//de'i rjes su mthun pa'i sred pa yang bdag dang / bdag gi ba'i rnam par lta ba'i mjug thogs su der lta ba'i rjes su 'brang bas chags pa gang yin pa'o/ /rnam grangs gzhan yang nga'o snyam pa'i nga rgyal dang / bdag tu lta ba gnyis kyis dang zhes bya ba rgyas par 'byung ba ni nga'o snyam pa'i
244b3 nga rgyal gyis ni 'di ni bdag yin zhes bya ba'o//bdag tu lta bas ni 'di ni bdag gi bdag yin no zhes bya ba dang / 'di ni bdag gi yin zhes bya ba bdag gi ba'i rnam pa'i rnam grangs dang por gsungs pa ste/ de mngon par khas blangs pa'i phyir khas blangs pa yin no/ /de'i rjes su mthun
244b4 pa'i sred pa gnyis kyi ni nga'o snyam pa'i nga rgyal gyi rjes su mthun pa dang /bdag tu lta ba'i rjes su mthun pa dang / rnam grangs dang po bdag gi ba'i rjes su mthun pa ste/ de la chags pa'i phyir gzung ba yin no/ /'di thams cad ni zhes bya ba rgyas par 'byung ba ni 'di ni bdag gi yin zhes bya ba
244b5 nas/khas blangs la bzung ba yin no zhes bya ba'i bar ni bdag gir byas pa zhes bya'o/ /ci'i phyir zhe na/ de'i rnam pa dang / de'i rgyu nyid kyis so/ /de'i rnam pa ni bdag gi ba'i rnam pa ste/ 'di ni bdag gi yin zhes bya ba 'dis so/ /de'i rgyu nyid kyis kyang yin te/ bdag gi ba'i rnam
244b6 pa'i rgyus te/'di ni nga bdag yin/ 'di ni bdag yin no zhes bya ba'i tshig 'di gnyis kyis so/ /smras pa/ ji ltar na de'i rgyu nyid kyis te/ 'di gnyis kyis de bdag gir byas pa yin zhe na/ bdag gi rnam pa yod na bdag gi ba'i rnam pa yang gdon mi za bar 'byung bas so/ /mdor na
244b7 zhes bya ba rgyas par 'byung ba ni mdor na mdo sde'i dum bu 'dis ni byis pa rnams kyi so so rnam par shes pa la bdag tu lta ba log par bsgrub pa dang /sred pa log par bsgrub pa las dang bcas pa yin par yongs su bstan pa yin no/ /de la las ni byi dor byas shing sbas pa zhes bya ba'i tshig
245a1 gnyis kyis rig par bya'o//bdag tu lta ba log par sgrub pa nyid bzung ba zhes bya ba'i tshig 'di bor te/ bdag gir byas pa dang / 'di ni bdag gi yin zhes bya ba la sogs pa tshig lnga dag gis rig par bya'o/ /sred pa log par bsgrub pa yang bzung ba zhes
245a2 bya ba 'dis rig par bya'o//bdag tu lta ba nyid log par bsgrub pa yin pas bdag tu lta ba log par bsgrub pa yin no/ /de bzhin du sred pa nyid log par bsgrub pa yin pas sred pa log par bsgrub pa'o/ /re zhig rnam grangs dang po'i bsdus pa'i don ni de lta bu yin no/ /gnyis pa'i ni
245a3 bdag tu lta ba dang /nga rgyal dang / sred pa log par bsgrub pa yin par yongs su bstan pa yin no/ /ji ltar byas pas she na/ re zhig bdag tu lta ba log par bsgrub pa las dang bcas par yongs su bstan pa ni snga ma bzhin du bzung ba dang / 'di ni nga bdag yin zhes bya ba'i tshig
245a4 'di gnyis bor te'o//nga rgyal log par bsgrub pa las dang bcas pa yang 'di ni nga bdag yin zhes bya ba'i tshig 'dis so/ /sred pa log par bsgrub pa las dang bcas pa yang snga ma bzhin no/ /bcom ldan 'das kyis dper na grong ngam grong rdal dang ha cang mi ring ba zhig na/
245a5 mdag ma me lce med pa du ba med pa'i mdag mas gang ba'i klung zhig yod la de nas mi byis pa'i rang bzhin can ma yin pa/ rmongs pa'i rang bzhin can ma yin pa/ shes rab kyi rang bzhin can bde ba 'dod pa/ sdug bsngal la mi dga' ba/ gson par 'dod pa/ 'chi bar mi 'dod pa/ 'chi
245a6 ba la mi dga' ba zhig 'ongs pa dang /de 'di snyam du mdag ma me lce med pa du ba med pa'i mdag mas gang ba'i klung 'dir bdag lhung na bdag 'chi ba'am/ 'chi ba la thug pa tsam gyis sdug bsngal bar 'gyur ro snyam du bsams nas/ de de las bsring bar sems pa dang / sring ba sngon du
245a7 gnyer bar byed cing /bsring ba la so sor brtags nas sems 'jog par byed do/ /mdag ma'i klung dang 'dra bar 'dod pa rnams kyang de bzhin du gsungs pa zhes bya ba ni mdo sde'i dum bu yin no/ /so sor brtags nas sems 'jog pa zhes bya ba ni shes rab kyis dpyad nas
245b1 sems gtod pa zhes bya ba'i tha tshig go//ji ltar don du gnyer ba dang yid la byed pa skye ba de ni yon tan nyid du zhes bya ba rgyas par 'byung bas ston to/ /dper na sman ro zhim pa'am tsha ba la byed pa bzhin no zhes bya ba ni sman ro zhim pa la ni rang gi ngang gis don du gnyer bar byed la/ tsha ba la ni so sor
245b2 brtags nas de la sems 'jog par byed/gtod par byed do/ /dge slong dag dge slong chos shes pa yang yin no/ /ji lta bu yin zhe na/ 'di la dge slong gis chos shes pa ni 'di lta ste/ mdo'i sde dang / dbyangs kyis bsnyad pa'i sde dang / lung du bstan pa'i sde dang / tshigs su bcad
245b3 pa'i sde dang /ched du brjod pa'i sde dang / gleng gzhi'i sde dang / rtogs pa rjod pa'i sde dang / de lta bu byung ba'i sde dang / skyes pa'i rabs kyi sde dang / shin tu rgyas pa'i sde dang / rmad du byung ba'i chos kyi sde dang / gtan la bab par bstan pa'i sde'o zhes bya ba ni mdo sde'i dum bu yin no/ /de'i don
245b4 mdor gleng ba'i don gyis na mdo'i sde'o zhes bya ba ni sangs rgyas kyis sam/nyan thos kyis bshad pa gang yin pa de'i don rnam par phye yang rung / don rnam par ma phye yang rung ste/ phyi'i mtshan nyid du mdor gleng ba'i don gyis na mdo'i sde'o/ /mdor bstan pa de nyid tshigs su bcad pas phyis
245b5 dbyangs su bsnyad pa ni dbyangs kyis bsnyad pa'i sde ste mdo sde de nyid tshigs su bcad pa rnams kyi dbyangs su bsnyad pa ni dbyangs kyis bsnyad pa'i sde yin te/dper na legs skyes kyi mdo las rgyas par gsungs nas/ kye ma dge slong dag rigs kyi bu 'di ni skra dang kha sbu bregs te gos ngur smrig
245b6 bgos nas yang dag par dad pa kho nas khyim nas khyim med par rab tu byung ba gang yin pa dang /mthong ba'i chos rnams la zag pa rnams zad nas zag pa med par sems rnam par grol ba dang / shes rab rnam par grol ba rang gi mngon par shes pas mngon du byas te/ rdzogs par byas nas
245b7 bdag gi skye ba ni zad do//tshangs par spyod pa spyad do/ /bya ba byas so/ /'di las srid pa gzhan mi shes so zhes brjod pa gang yin pa ni de gnyi ga nas mdzes so/ /bcom ldan 'das kyis de skad ces bka' stsal nas 'di skad gsungs te/ de nas ston pas gzhan yang 'di skad ces bka'
246a1 stsal to//kye ma dge slong nyer zhi zhing / /zag med chags bral mi ldan dang / /legs pa med par mya ngan 'das/ /bdud kyi sde ni pham byas nas/ /lus kyi tha ma 'dzin 'di mdzes/ /zhes 'byung ba lta bu'o/ /bkri ba'i don gang yin pa'i mdo sde de yang
246a2 dbyangs kyis bsnyad pa'i sde'o//de yang dbyangs kyis bsnyad pas bsnyad par bya ba nyid yin pa'i phyir te/ dper na gleng gzhi ni mnyan yod na ste/ dge slong dag gsum po 'di dag ni tshor ba yin te/ gsum po gang dag ce na/ bde ba dang / sdug bsngal dang / bde ba yang ma yin sdug bsngal
246a3 yang ma yin pa'o//bcom ldan 'das kyis de skad ces bka' stsal nas zhes bya ba rgyas par 'byung ba lta bu'o/ /gang dag las bcom ldan 'das kyis 'das pa dang ma 'ongs pa'i nyan thos la sogs pa rnams lung ston par mdzad pa ni mdo sde gang las 'das pa dang ma 'ongs pa'i nyan thos
246a4 dang /dge bsnyen dang dge bsnyen ma dang gzhan mu stegs can kun du rgyu ba la sogs pa rnams lung ston pa ste/ che ge mo zhig ni ga ge mo zhig tu skyes so/ /che ge mo zhig ni yongs su mya ngan las 'das so zhes bya ba de lung bstan pa'o/ /dper na btsun pa khyim bdag smra mkhas zhes bgyi ba
246a5 gang lags pa de zhes rgyas par 'byung ba nas/de 'gum pa'i dus kyi tshe/ dbang po rnams ni rnam par dang / /bzhin gyi mdangs ni yongs su dag /pags pa'i mdog ni dkar bar gyur na/ btsun pa de'i 'gro ba ni gang lags/ skye ba ni gang lags/ tshe phyi ma ni gang lags/ dge slong
246a6 dag rigs kyi bu de ni skal ba dang ldan pa'i rigs can yin zhing /nga'i chos dang mthun pa'i chos shes pa yin la/ ngal mtho btsams pa yang ma yin te/ 'di lta ste chos kyi dbang du byas pas so/ /dge slong dag rigs kyi bu de ni yongs su mya ngan las 'das pa yin gyi/ de'i rus bu la
246a7 mchod pa byos shig ces de las bcom ldan 'das kyis khyim bdag smra mkhas mchog tu lung bstan pa'i bar du de la sogs pa lta bu'o//nges pa'i don gang yin pa de yang lung du bstan pa'i sde yin te/ lung du bstan pa nyid kyi phyir ro/ /dper na mi'i mdo sde la sogs pa lta bu'o/ /tshigs
246b1 su bcad pa'i sde ni tshig gnyis dang /gsum dang / bzhi dang / lnga dang / drug tu tshigs su sbyar bas bshad pa gang yin pa'o/ /gang las bcom ldan 'das kyis ched du brjod pa ched du brjod pa mdzad do zhes bya ba ni dper na de nas bcom ldan 'das kyis phyi 'phred nang du yang dag
246b2 'jog las bzhengs nas/dge slong gi dge 'dun gyi gung la gdan bshams pa la bzhugs so/ /bzhugs nas bdag ma byung kyang rung bdag gi ma byung yang rung / bdag mi 'byung ngo / /bdag gi mi 'byung ngo zhes de ltar mos pa na/ dge slong gi tha ma'i cha dang mthun pa'i kun du sbyor
246b3 ba rnams 'chad par 'gyur ro zhes bcom ldan 'das kyis ched du brjod pa ched du brjod pa'o zhes bya ba de la sogs pa 'byung ba lta bu'o//gang las zhes bya ba rgyas par 'byung ba ni mdo sde gang las rtogs par bya ba'i phyir te/ khong du chud par bya ba'i phyir dpe gzhan rgyas par brjod pa ni bstan
246b4 pa ste/dpes rgyas par 'byung ba de ni nges pa'i tshig gi tshul gyis na rtogs pa brjod pa zhes bya'o/ /ring po len gyi rtogs pa brjod pa la sogs pa ste zhes bya ba ni dge slong dag sngon byung ba na yul ko sa la'i rgyal po ring po len dang / yul ka shi'i rgyal po tshangs pas byin zhes bya ba rgyas par
246b5 'byung ba nas/dge slong dag rgyal po rgyal rigs spyi bo nas dbang bskur ba/ ljongs kyi dbang phyug byed pa/ rtul phod par gyur pa sa'i dkyil 'khor chen po mngon par phebs te 'khod pa de dag kyang bzod pa dang bzod pa'i bsngags pa smra bar gyur na/ dge slong dag yang dag par dad pa kho
246b6 nas khyim nas khyim med par rab tu byung ba med kyang bzod pa dang bzod pa'i bsngags pa smra ba gang yin pa de cha yin gyi/dge slong dag khyed kyis de ltar slobs shig ces bya ba'i bar du 'byung ba yin no/ /de lta bu 'byung ba'i sde ni sngon gyi rgyud dang 'brel pa ste/ sngon gyi rgyud ni 'dul ba'i phyogs yin
246b7 te/de yang 'dul ba 'dzin pa rnams 'don to/ /skyes pa'i rabs kyi sde ni gang las bcom ldan 'das kyi sngon gyi byang chub sems dpa'i skyes pa'i rabs bstan pa 'byung ba ste/ gong ma sreg gi skyes pa'i rabs bstan pa la sogs pa'o/ /pha rol tu phyin pa bcu dag gis sa bcu dag tu ni de la pha
247a1 rol tu phyin pa bcu dag ni sbyin pa'i pha rol tu phyin pa la sogs pa drug dang /gzhan yang bzhi ste thabs mkhas pa'i pha rol tu phyin pa dang / smon lam gyi pha rol tu phyin pa dang / stobs kyi pha rol tu phyin pa dang / ye shes kyi pha rol tu phyin pa'o/ /sa bcu dag ni rab tu
247a2 dga' ba dang /dri ma med pa dang / 'od byed pa dang / 'od 'phro ba can dang / shin tu sbyang dka' ba dang / mngon du gyur pa dang / ring du song ba dang / mi g.yo ba dang / legs pa'i blo gros dang / chos kyi sprin no/ /rmad du byung ba'i chos kyi sde ni gang las sangs rgyas rnams dang / byang chub
247a3 sems dpa' rnams dang /nyan thos rnams kyi phul du byung ba bstan pa ni/ rmad du byung ba'i chos kyi mdo sde rnams las so/ /'di lta ste/ gzhan rnams zhes bya ba ni so so'i skye bo gzhan rnams kyis so/ /chos kyi rjes su mthun par ni mdo sde dang mthun par ro/ /de'i don rnam par 'chad
247a4 pas ni mdo sde'i don rnam par 'chad pas ma mo zhes bya ba ste/ci'i phyir zhe na/ mdo sde'i don bshad pa'i rten yin pa'i phyir te/ mdo sde'i don gzhan bshad pa'i gzhi yin pa'i phyir ro zhes bya ba'i tha tshig go/ /ji ltar na chos kyi mtshan nyid la mngon du phyogs par byed pa yin zhe na/ mtshan
247a5 nyid phyin ci ma log par ston pa nyid kyis so//de ltar na sangs rgyas kyi gsung rab yan lag bcu gnyis po 'di ni sde snod gsum du bsdus pa yin no/ /ji ltar byas pas she na/ re zhig chos mngon pa ni ji skad du bstan pa'i mtshan nyid yin no/ /gleng gzhi'i sde dang / de lta bu byung ba'i sde de
247a6 ni 'dul ba kho na yin te/der 'dus pa'i phyir ro/ /lhag ma ni mdo sde yin te/ de lta bu yin no/ /gzhan dag na re don rnams kyi ni gleng gzhi'i sde gang yin pa de ni 'dul ba yin no/ /gtan la phebs par bstan pa gang yin pa de ni chos mngon pa yin la/ lhag ma ni mdo sde yin te/ 'di
247a7 ni sde snod gsum yin no zhes bshad do zhes zer te/gtan la phebs par bstan pa ni gtan la bab par bstan pa'i sde'o/ /nges pa'i tshig gi tshul gyis te/ nges pa'i tshig gi rnam pas na shin tu rgyas pa'i sde zhes bya ba yin no/ /yon tan dang skyon skye ba dang 'grib pa thams cad kyi mthar
247b1 thug pa'i gnas ni yon tan skye ba thams cad kyi mthar thug pa'i gnas dang /skyon 'grib pa thams cad kyi mthar thug pa'i gnas bla na med pa yang dag par rdzogs pa'i byang chub tu sems bskyed pa yin pa'i phyir na'o/ /chos shin tu zab pa dang rgya che ba la mos pa'i phyir ro zhes bya ba ni chos
247b2 shin tu zab pa la mos pa'i phyir dang /chos shin tu rgya che ba la mos pa'i phyir ro/ /rtogs par dka' ba'i don gyis na shin tu zab pa yin la/ mthus ni shin tu rgya che ba yin no/ /bdag dang gzhan du mnyam pa nyid du ni bsam pa thob pa'i phyir ro/ /bdag dang gzhan gnyis su mnyam pa
247b3 nyid ni bdag ji ltar bde ba dang sdug bsngal thams cad nye bar zhi ba 'dod pa ltar gzhan dag la yang de bzhin du ste/de ltar bdag dang gzhan gnyis la mnyam pa nyid ni bdag dang gzhan du mnyam pa nyid de/ de'i bsam pa ni sems pa dang 'dod pa ste/ bdag dang gzhan du mnyam pa nyid kyis
247b4 bsam pa'o//de thob pa de'i phyir bdag dang gzhan du mnyam pa nyid kyi bsam pa thob pa yin pa'i phyir ro/ /lhag pa'i bsam pa dag pa'i sa la zhes bya ba la/ lhag pa'i bsam pa dag pa'i sa ni sa dang po yin no/ /sems can thams cad dang mi mnyam pa'i sangs rgyas kyi sku yang dag
247b5 par 'grub pa'i phyir ro zhes bya ba ni sems can thams cad dang mi mnyam pa'i sangs rgyas kyi sku yang dag par bsgrub pa'i phyir te/thob pa'i phyir ro zhes bya ba'i tha tshig go/ /mtshungs pa med pa'i sde zhes kyang bya ste/ nges pa'i tshig gi tshul gyis ni mtshungs pa dang bral ba yin pa'i phyir ro/ rgyas pa'i
247b6 phyir na zhes bya ba rgyas par 'byung ba'i tshigs su bcad pa'i don ni go ba yin no//don bshad pa ni tshig gi don bshad pa'i phyogs shig bstan pa'i phyir ro zhes bya ba la/ tshig gi don bshad pa'i phyogs ni tshig gi don bshad pa'i phyogs so/ /tshig gi don bshad pa'i phyogs de bstan pa'i phyir ni bstan pa'i phyir
247b7 te/ched du tshig gi don bshad pa'i phyogs shig bstan pa'i phyir ro/ /phyogs 'dis ni ste/ don gyi phyogs 'dis ni blo dang ldan pa rnams kyis tshig gzhan ma bstan pa rnams kyi don yang brtag par bya'o/ /rnam par bshad pa rigs pa'i bshad pa las le'ur bcad pa
248a1 gnyis so// //de ltar re zhig tshig gi don ni brjod pa gang gis brjod par bya ba gang yin pa ste zhes rgyas par gsungs pa dang / tshig gi don bshad pa'i phyogs shig bstan pa'i phyir mdo sde'i dum bu'i tshig brgya dag gi don yang bshad pa yin no/ /gzhan yang
248a2 rnam pa bzhi dag gis tshig gi don rig par bya ste zhes bya ba rgyas par 'byung ba la/bstan du yod pa dang / bstan du med pa la sogs pa'i rnam pa'i rab tu dbye ba zhes bya ba la sogs pa'i sgras ni dge ba dang / mi dge ba dang / lung du ma bstan pa dang / 'dod pa dang / gzugs dang / gzugs
248a3 med pa dang /rab tu ldan pa dang / mi ldan pa la sogs pa'o/ /so so yang dag par rig pa'i nye rgyu yang byas pa yin no zhes bya ba ni chos so so yang dag par rig pa la sogs pa so so yang dag par rig pa bzhi po dag gi nye rgyu ste/ rgyu yang bstan pa yin no/ /ji lta zhe na/ tshig gi don gyi rnam
248a4 grangs kyis ni chos so so yang dag par rig pa'i nye rgyu byas pa yin no//mtshan nyid kyis ni don so sor yang dag par rig pa yin/ nges pa'i tshig gis ni nges pa'i tshig so so yang dag par rig pa yin/ rab tu dbye bas ni spobs pa so so yang dag par rig pa yin no/ /rnam pa bzhi dag gis tshig
248a5 gi don rig par bya ste zhes bya ba 'di ni nges pa med do//gdul ba'i khyad par la ltos nas len 'ga' ni kha cig bshad par bya ste/ dper na bza' ba lta bu'i mdo las 'byung ba lta bu'o/ /don snga phyi 'brel pa'i mtshams sbyor ba zhes bya ba ni don snga ma dang phyi mar 'brel pa ni don snga phyi 'brel pa ste/
248a6 de nyid mtshams sbyar ba yin no/ /dge slong dag 'phags pa'i chos kyi phyag rgya rtogs pa dang / mthong ba shin tu rnam par dag pa bshad par bya'o zhes gsungs nas de'i rtogs pa gsungs par mjug thogs kho nar bka' stsal pa/ dge slong dag gang zhig 'di skad du bdag gis ni stong pa nyid
248a7 dang /mtshan ma med pa nyid dang / cung zad med pa nyid ma thob par mngon pa'i nga rgyal med pa'i ye shes bskyed par bya'o zhes zer ba ni tshig tsam ste zhes rgyas par 'byung ba 'di la/ mtshams sbyar ba brjod par bya'o/ /mtshams sbyor ba ni 'brel pa yin no/ /'phags pa'i chos kyi phyag rgya
248b1 ni stong pa nyid dang /mtshan ma med pa nyid dang / cung zad med pa nyid do/ /de la stong pa nyid ni bdag med pa dang / stong pa nyid kyi rnam pa gnyis dang mtshungs par ldan pa'i ting nge 'dzin rnam pa gnyis can yin no/ /mtshan ma med pa nyid ni 'gog pa'i rnam pa rnams dang mtshungs par
248b2 ldan pa'i ting nge 'dzin rnam pa bzhi can yin te/mya ngan las 'das pa ni mtshan ma bcu dang 'bral ba'i phyir mtshan ma med pa yin no/ /de la dmigs pa'i ting nge 'dzin ni mtshan ma med pa can yin no/ /cung zad med pa nyid la cung zad ni 'dod chags cung zad dang / zhe sdang cung zad dang
248b3 gti mug cung zad de/'di la cung zad yod pa ma yin pas cung zad med pa yin no/ /de'i dngos po ni cung zad med pa nyid de/ de ni spangs pa yin no/ /rtogs pa ni zag pa med pa'i shes rab kyis khong du chud pa'o/ /gzhi mthong ba ma gtogs par su zhig dad par 'gyur/ su zhig
248b4 yid ches par 'gyur zhes gsungs nas/nyi ma bdun 'char ba'i mdo sde de nyid las/ dge slong dag sngon byung ba na ston pa po spyan legs zhes bya ba zhig byung bar gyur to zhes 'byung ba'i mtshams sbyar ba yang gang yin zhe na/ spyan legs kyi skyes pa'i rabs brjod pa las bstan pa yin no/ /
248b5 don snga phyi'i 'brel pa'i mtshams sbyor ba ste dang po'o/ /de las te/ nyi ma bdun 'char ba'i mdo sde nyid las gzhi mthong ba ma gtogs par su zhig dad par 'gyur/ su zhig yid ches par 'gyur zhes gsungs nas te/ bden pa mthong ba ma gtogs par zhes gsungs nas/ dge slong
248b6 dag sngon byung ba na ston pa po spyan legs zhes bya ba zhig byung bar gyur to zhes bya ba ston pa po spyan legs kyi skyes pa'i rabs brjod pa'i mtshams sbyar ba yang gang yin/don snga phyir 'brel pa'i mtshams sbyar ba ste/ dang po bshad zin to/ /snga phyi nyid kyi go rims kyi mtshams sbyar ba zhes bya
248b7 ba la/snga phyi'i dngos po ni snga phyi nyid do/ /snga ma dang phyi ma nyid kyi go rims ni snga phyi nyid kyi go rims so/ /de nyid mtshams sbyar ba yin pas snga phyi nyid kyi go rims kyi mtshams sbyar ba yin no/ /de bzhin du bslab pa gsum rnams las kyang lhag pa'i tshul khrims kyi bslab pa dang / lhag
249a1 pa'i sems kyi bslab pa dang /lhag pa'i shes rab kyi bslab pa zhes 'byung ba tshul khrims dang / ting nge 'dzin dang shes rab kyi rang bzhin de rnams las ci'i phyir tshul khrims kyi 'og tu ting nge 'dzin dang shes rab bstan pa ji ltar zhe na/ tshul khrims kyi 'og tu ting nge
249a2 'dzin bstan pa ni lhag pa'i tshul khrims kyi bslab pa dang /lhag pa'i sems kyi bslab pa zhes 'byung ba yin no/ /ting nge 'dzin gyi 'og tu shes rab bstan pa ni lhag pa'i sems kyi bslab pa dang / lhag pa'i shes rab kyi bslab pa zhes 'byung ba yin no/ /snga phyi nyid kyi go rims kyi mtshams
249a3 sbyar ba bshad par bya ste/dper brjod pa'i mdo sde'i dum bu 'di rnams te/ dge slong dag 'phags pa'i chos kyi phyag rgya rtogs pa dang zhes bya ba rgyas par gsungs pa gang yin pa de dag gi mtshams sbyar ba ji ltar rig par bya'o/ /don ni 'di yin te/ gang zhe na/ de'i tshe na yang zhes bya ba la
249a4 rgyas par 'byung ba yin no//don che ba nyid dang / rnyed par dka' ba nyid du yongs su bstan pa'i phyir te zhes bya ba ni don che ba nyid du yongs su bstan pa'i phyir dang / rnyed par dka' ba nyid du yongs su bstan pa'i phyir ro/ /mi rtag pa nyid du yongs su bstan pa de don che ba nyid du yongs su bstan
249a5 pa'i phyir ni mdo sde 'di nyid las rgyas par gsungs nas/dge slong dag ngas da ni nyan thos rnams la shin tu mthar thug pa'i chos shin tu dri ma med pa shin tu tshangs par spyod pa'i mthar gtugs pa bshad par bya'o/ /rnyed par dka' ba nyid du yongs su bstan pa'i phyir ni gang sngon ma bshad pa da
249a6 bshad pas so//snga ma snga ma la rnam par spyod pa'i phyir ni snga ma snga ma la yang yongs su rtogs pa'i phyir zhes bya ba'i tha tshig go/ /de ltar bshad pa yin te zhes bya ba ni ji ltar mngon par rtogs pa de ltar zhes bya ba'i tha tshig go/ /yongs ni zhes bya ba rgyas par 'byung ba yin no/ /rgyu rnam pa
249a7 bcu dag gis bslab pa rnam pa gsum po dag bstan du zin kyang tshul khrims dang /ting nge 'dzin gyi 'og tu ting nge 'dzin dang shes rab bstan pa gang yin pa'i go rims ni 'di ltar tshul khrims dang ldan na sems mnyam par 'jog go zhes bya ba rgyas par 'byung ba de nyid bzang po yin no/ /rgyu rnam
249b1 pa bcu rnams las sdom brtson rnam pa gsum gyi rgyu nyid kyis yin te zhes bya ba ni rgyu dang dngos po yin pa nas/gnyis 'byung ba'i rgyu nyid dang / mnyam par 'jog pa dang / rnam par grol bar byed pas kyang yin te zhes bya ba'i bar ni rgyu bcu pa yin no/ /'chal ba'i tshul khrims yang dag
249b2 par sdom pa'i phyir ni sdom brtson dang po'o//de'i rgyu nyid du brjod pa ni lhag pa'i tshul khrims kyi bslab pa yin te/ thams cad la sbyar bar bya'o/ /yul la yang dag par sdom pa'i phyir ni gnyis pa ste/ de'i rgyu nyid ni lhag pa'i sems kyi bslab pa'o/ /nyon mongs pa yang dag par sdom
249b3 pa'i phyir ni gsum pa yin te/de'i rgyu nyid ni lhag pa'i shes rab kyi bslab pa'o/ /spong ba yang dag par len pa ni mi tshangs par spyod pa spong ba yang dag par len pa gang yin pa ste/ de'i rgyu nyid ni lhag pa'i tshul khrims kyi bslab pa'o/ /de bar skabs su spong ba ni mi tshangs par spyod pa de bar
249b4 skabs te de dus chung zad spong ba gang yin pa ste/de'i rgyu nyid du bstan pa ni lhag pa'i sems kyi bslab pa yin no/ /de gtan du spong ba ni mi tshangs par spyod pa de gtan du spong ba'o/ /de'i rgyu nyid du brjod pa ni lhag pa'i shes rab kyi bslab pa'o/ /kun nas nyon mongs pa rnam pa gsum gyi gnyen
249b5 pos kyang bslab pa gsum po dag go rims ji lta ba bzhin yin no//ngan 'gro dang bde 'gro gnod pa dang bcas pa dang / gnod pa med pa'i gnyen pos kyang yin te zhes bya ba ni dud 'gro ba'i gnyen po dang / bde 'gro gnod pa dang bcas pa'i gnyen po dang / bde 'gro gnod pa med pa'i
249b6 gnyen pos kyang bslab pa gsum po dag go rims bzhin du ji lta ba bzhin yin no//nag po dang / 'dren ma dang / dkar po'i gnyen pos kyang yin te zhes bya ba ni las nag po'i gnyen po dang / las 'dren ma'i gnyen po dang / las dkar po'i gnyen pos kyang bslab pa gsum po dag go
249b7 rims bzhin du ji lta ba bzhin no//de las gzhan pa'i 'dod pa'i khams su rnam par smin par byed pa zhes bya ba la/ sems can dmyal ba de las gzhan pa'i 'dod pa'i khams ni de las gzhan pa'i 'dod pa'i khams te/ der rnam par smin par byed pas na de las gzhan pa'i 'dod pa'i
250a1 khams su rnam par smin par byed pa'o//de'i gnyen po nyid ni zhes bya ba rgyas par 'byung ba ni nyon mongs pa gsum po de rnams kyi gnyen po nyid ni bslab pa gsum rnams yin no/ /ji lta zhe na/ dug gi ljon shing ra bas bskor ba dang / bcad pa dang dbyung ba'i
250a2 tshul gyis yin te/zil gyis gnon pa'i gnas skabs dang po'i gnyen por 'gyur ba ni dug gi ljon shing ra bas bskor ba'i tshul gyis so/ /kun du rgyu'i gnas skabs gnyis pa'i gnyen por 'gyur ba ni bcad pa'i tshul gyis so/ /bag la nyal ba'i gnas skabs gsum pa'i gnyen
250a3 por 'gyur ba ni dbyung ba'i tshul gyis so//sdig pa dang 'dod pa dang / drag po spyod pa'i gnyen pos kyang yin te zhes bya ba rgyas par 'byung ba ni sdig pa spyod pa dang / 'dod pa spyod pa dang / drag po spyod pa'o/ /rab tu byung bas mtha' gnyis brten par mi bya/ spyad par mi bya zhes bya ba la
250a4 brten par mi bya ba ni 'dod pa rnams la 'dod pa'i bsod nyams kyi sbyor ba gang yin pa dang /bdag nyid dub par gnas pa'i sbyor ba gang yin pa'o/ /de la sdig pa spyod pa'i gnyen por ni lhag pa'i tshul khrims kyi bslab pa yin no/ /'dod pa'i bsod nyams la sbyor ba'i mtha'i dbang du mdzad nas/
250a5 'dod pa spyod pa'i gnyen por ni lhag pa'i sems kyi bslab pa yin no/ /bdag nyid dub par gnas pa la sbyor ba'i dbang du mdzad nas drag po spyod pa'i gnyen por ni lhag pa'i shes rab kyi bslab pa yin no/ /bde 'gro dang / 'jig rten pa dang / 'jig rten las 'das pa'i rnam par shes pa'i
250a6 rgyu gnyis su yin no zhes bya ba ni bslab pa gsum rnams go rims ji lta ba bzhin no//ji ltar zhe na/ bde 'gro'i rgyu nyid yin pas na lhag pa'i tshul khrims kyi bslab pa yin no/ /'jig rten pa'i rnam par dag pa'i rgyu nyid yin pas na lhag pa'i sems kyi bslab pa yin no/ /'jig rten
250a7 las 'das pa'i rnam par dag pa'i rgyu nyid yin pas na lhag pa'i shes rab kyi bslab pa yin no//ting nge 'dzin dang / shes rab dang / rnam par grol ba'i rten nyid kyis kyang bslab pa gsum rnams dang go rims bzhin du sbyar ba yin no/ /ji ltar zhe na/ lhag pa'i tshul khrims kyi bslab pa ni
250b1 ting nge 'dzin gyi rten du 'gyur bas gzhag pa yin la/de bzhin du shes rab dang / rnam par grol ba'i rkyen du 'gyur bas so/ /gnyis 'byung ba ni rgyu nyid ces bya ba rgyas par 'byung ba ni gnyis 'byung ba'i rgyu nyid du byed pa dang / mnyam par 'jog par byed pa dang / rnam par grol bar byed pa
250b2 pas go rims bzhin du bslab pa gsum du gzhag go//ji ltar byas pas she na/ gcig gis te/ lhag pa'i tshul khrims kyi bslab pas ni gnyis skye ba ste/ ting nge 'dzin dang / shes rab skye ba'i rgyu nyid yin la/ gnyis pas te lhag pa'i sems kyi bslab pas ni sems mnyam par ma
250b3 bzhag pa mnyam par 'jog par byed pa yin zhing /gsum pas te/ lhag pa'i shes rab kyi bslab pas ni sems mnyam par gzhag pa rnam par grol bar byed pa yin no/ /bsdus pa'i tshigs su bcad pa ni rgyu bcu po de dag rnams kyi yin no/ /sdom brtson zhes bya ba rgyas par 'byung ba la/ sdom
250b4 brtson dang /tshangs par spyod pa dang / kun nas nyon mongs pa dang / 'gro ba dang / las rnam pa gsum ni/ sdom brtson tshangs spyod kun nyon mongs/ /'gro dang las rnam gsum phyir te/ /de dag gi phyir zhes sbyar bar bya'o/ /de bzhin du nyon mongs skabs dang ste/ nyon mongs pa'i
250b5 gnas skabs dang /spyod pa dang / rnam par dang / rten dang / byed pa rnam gsum ni/ nyon mongs skabs dang spyod dang dag /rten dang byed rnam gsum phyir te/ /de dag gi phyir ro zhes bya bar sbyar ro/ /sbyor ba 'di ni da ltar byung ba bzhin du 'das pa'i dus la bya ba rigs pa ma yin
250b6 no//sbyor ba de lta bu ni 'jig rten na yang ma mthong la/ da ltar byung ba ni da ltar nyid yin pas zhes bya ba'i tshul gyis kyang ma yin no zhes smra'o/ /dngos po tsam la zhes bya ba ni bya ba tsam la zhes bya ba'i tha tshig go/ /las dang bcas pa'i byed pa por bshad pa ni rigs pa ma yin zhes bya ba
250b7 de la/las ni shes par bya ba gang yin pa de dang / rnam par shes par bya ba gang yin pa de yin te/ las de dang lhan cig pa ni las dang bcas pa ste/ rab tu shes par byed ces bya ba dang / rnam par shes par byed ces bya ba'i byed pa por bshad pa ni rigs pa ma yin no zhes dper na 'gro
251a1 ba grong du 'gro bar byed ces bya ba lta bu'o zhes bya ba'i sgra de ltar sbyor ba na 'jig rten na mthong ngo //de bzhin du mig dang gzugs la brten nas zhes bya ba rgyas par 'byung ba ni 'di la yang 'jig rten tshad mar byas kyang sbyor ba 'di rigs pa ma yin la/ byed pa po gcig pu dag
251a2 la dus snga ma shos kyi dang /gzhan dang gzhan phrad pa la nas zhes bya ba 'byung bas byA ka ra Na'i tshul khrims kyang ma yin no zhes smra'o/ /gang zhig gis brten nas zhes bya ba ni gang zhig gis rnyed nas so/ /'di la mig dang gzugs las rgal nas mig gi rnam par shes pa yod do zhes bya ba
251a3 lta bur gzhan dang gzhan phrad pa yang med par bsams pa yin no//tshor ba gang ci yang rung ste/ de thams cad ni tshor ba'i tshogs drug go zhes ni ma gsungs la zhes bya ba la/ ji skad gsungs she na/ mdo sde de nyid las tshor ba nye bar len pa'i phung po gang zhe na/ tshor ba'i tshogs drug rnams
251a4 so zhes bya ba dang /de bzhin du rnam par shes pa'i tshogs drug rnams so zhes bya ba'i bar du 'byung ngo / /de bzhin du zhes bya ba rgyas par 'byung ba ni de bzhin du skye mched bcu gnyis po mig gi skye mched dang / gzugs kyi skye mched dang / yid kyi skye mched dang / chos kyi skye mched ces bya ba'i
251a5 bar 'di rnams las bcu char dang /bcu gcig pa chos kyi skye mched kyi phyogs rnam par rig byed ma yin pa'i gzugs kyang gzugs yin bzhin du mig gi skye mched dang / gzugs kyi skye mched ces gcig pu zhig gzugs kyi skye mched du gsungs pa yang mtshan nyid 'dra ba la dgongs
251a6 pa med par bye brag tu bshad pa ni rigs pa ma yin no//gzugs dang tshor ba yang mtshan nyid 'dra ba'i skabs su bab la/ mig la sogs pa'i skye mched bcu rnams dang / bcu gcig pa'i phyogs kyang gzugs kyi mtshan nyid yin par 'dra ba bzhin du/ ji skad du gzugs gang yin pa ci yang rung
251a7 ste zhes bya ba rgyas par gsungs pa lta bur dgos pa med par bye brag tu bshad pa ni rigs pa ma yin no//kha cig las/ bram ze'i bden pa gsum dag ces gsungs pa ji lta bu zhe na/ bram ze dang kun du rgyu dag ngas rang gis mngon par shes te mngon par rdzogs par byang chub nas bstan
251b1 pa gang yin pa 'di dag ni bram ze'i bden pa gsum dag go//bram ze dang kun du rgyu dag gsum gang dag ce na/ bram ze dang kun du rgyu dag na re 'di skad du sems can thams cad ni gsad par bya ba ma yin no zhes zer zhing / smra na bden par smras pa yin te/ brdzun pa ma yin la/ des de
251b2 dag mchog go snyam du mi sems/'dra'o snyam du mi sems/ dman pa'o snyam du mi sems/ dge sbyong ngo snyam du mi sems/ bram ze'o snyam du mi sems so/ /de ltar 'dir bden pa gang yin pa de la gnas nas 'jig rten thams cad la byams pa'i rang bzhin du gnas pa 'di ni
251b3 bram ze'i bden pa dang po ste/ngas rang gis mngon par shes te/ mngon par rdzogs par byang chub nas bshad pa gang yin pa'o/ /gzhan yang bram ze dang / kun du rgyu dag na re 'di skad du kun 'byung ba'i chos can gang yin pa ci yang rung ste/ de thams cad ni 'gog pa'i chos can yin no
251b4 zhes zer zhing smra na bden par smras pa yin te/brdzun pa ma yin la/ des de dag mchog go snyam du mi sems zhes bya ba rgyas par 'byung ba'i bar du ste/ de ltar 'dir bden pa gang yin pa de la gnas nas 'jig rten thams cad la 'byung ba dang 'jig par rjes su lta zhing gnas pa 'di ni bram ze'i
251b5 bden pa gnyis pa yin te/ngas rang gis mngon par shes te mngon par rdzogs par byang chub nas bstan pa gang yin pa'o/ /gzhan yang bram ze dang kun du rgyu dag na re 'di skad du nga'i bya ba ni gang na yang med/ cung zad kyang med la/ nga yang gang na yang med/ gang gi yang ma yin/ cung
251b6 zad kyang med do zhes zer zhing smra na bden pa kho nar smras pa yin te brdzun pa ma yin la/des de dag mchog go snyam du mi sems zhes bya ba rgyas par 'byung ba'i bar du ste/ de ltar 'dir ni bden pa gang yin pa 'di la gnas nas 'jig rten thams cad la nga yir 'dzin pa med pa'i rang bzhin
251b7 du gnas pa 'di ni bram ze'i bden pa gsum pa yin te/ngas rang gis mngon par shes te mngon par rdzogs par byang chub nas bstan pa gang yin pa'o zhes rgyas par 'byung ba yin no/ /kha cig las bden pa ni gcig kho na ste gnyis pa med do zhes bya ba dang / mi rnams kyi ni 'di na bsod
252a1 nams dang /sdig pa gang yin pa gnyi ga byed pa de zhes de ltar tshigs su bcad pa las byed pa po bshad nas/ /byed pa po ni mi dmigs so zhes 'byung ba ni snga phyi 'gal ba yin no/ /ci 'di zhes bya ba rgyas par 'byung ba la/ ci 'di rdzas kyi dbang du mdzad de gsungs
252a2 te/rdul phra rab kyi rdzas brgyad dang dgu la sogs pa tshogs pa rnams las sa'i khams la sogs pa rdzas re re'i dbang du mdzad de ched du mdzad de gsungs sam/ 'on te gong bu ste/ gzugs can 'dul ba ma yin pa de nyid khyad par du ma phye pa las sam/ 'on te rigs las te/ gzugs
252a3 kyi rigs te gzugs kyi rnam pa 'di snyed cig ni 'di lta ste/gzugs gang yin pa ci yang rung / de thams cad 'byung ba chen po bzhi dag dang / 'byung ba chen po bzhi dag rgyur byas pa'o zhes bya ba las sam/ 'byung ba dang 'byung ba las gyur pa rnams kyis so so'i zhes bya ba rgyas par 'byung ba ni
252a4 sa'i khams la sogs pa 'byung ba rnams dang /gzugs dang sgra la sogs pa 'byung ba las gyur pa rnams kyi so so'i mtshan nyid med par thal bar 'gyur te/ sa'i khams la sogs pa'i mtshan nyid sra ba nyid la sogs pa med pa dang / gzugs la sogs pa 'byung ba las gyur pa
252a5 rnams kyis so so'i mtshan nyid mig gi rnam par shes pas rnam par bya ba nyid la sogs pa yang med par 'gyur ro//ci'i phyir zhe na/ thams cad kyang mtshan nyid thams cad du 'gyur ba'i phyir te/ 'byung ba dang 'byung ba las gyur pa thams cad kyang re re yang mtshan nyid thams cad du gyur pa'i
252a6 phyir na mtshan nyid gang gis na 'byung ba dang 'byung ba las gyur pa de nges par gzung bar bya/gzhan yang dbang po thams cad kyis 'dzin par thal bar 'gyur ro/ /ji ltar 'byung ba rnams lus kyis gzung bar bya ba bzhin du gzugs dang / sgra dang / dri dang / ro zhes bya ba 'byung ba las gyur pa
252a7 yang de bzhin du 'gyur ba'am/ji ltar gzugs la sogs pa 'byung ba las gyur pa dag mig gi dbang po la sogs pas gzung bar bya ba yin pa bzhin du 'byung ba rnams kyang de bzhin du 'gyur ro/ /'on te gzugs gang yin pa ci yang rung zhes rgyas par 'byung ba ni gong bu'i dbang du mdzad de
252b1 gsungs so zhe na/gzugs 'dus pa 'od la sogs pa dang / sa la sogs pa thams cad la 'byung ba bzhi char dmigs par thal bar 'gyur na 'od dag la yang zhes bya ba rgyas par 'byung ba yin no/ /nor bu'i 'od la gsher ba dang tsha ba gnyis ka med cing / rdo ba la sogs pa dag
252b2 la yang de gnyi ga med do//brtan pa rdo rje dang rdo ba la sogs pa dag la yang zhing g.yo ba nyid med pa yin no/ /'byung ba gzhan shas che bas zhes bya ba rgyas par 'byung ba la/ shas che bas ni stobs dang ldan pas sam mtshan nyid brtas pas so/ /'byung ba gzhan gyis 'byung ba gzhan zil gyis
252b3 gnon na mi dmigs te/dper na zhes bya ba rgyas par 'byung ba yin no zhe na/ 'dir slob dpon gyis gsungs pa/ yod par rab tu grub na ni 'od la sogs pa la sra ba la sogs pa yang 'byung ba gzhan shas che bas 'byung ba gzhan zil gyis non na mi dmigs so zhes bya ba 'di shes par yang
252b4 nus na/yod par rab tu ma grub na 'od la sogs pa la sra ba nyid la sogs pa yod pa 'di shes par nus pa ma yin te/ ci'i phyir zhe na/ sngon po la sogs pa kha dog gi rnam pa thams cad la ser po dang dmar po la sogs pa kha dog la sogs pa'i bye brag thams cad yod par thal bar gyur na mi
252b5 rung bas so//'od la sogs pa gang la yang zhes bya ba rgyas par 'byung ba ni skyur ba'i ngos chu zil gyis non na mi dmigs pa lta bu zhes gang smras pa yin te/ 'dir slob dpon gyis gsungs pa/ chur skyur ba btab kyang chu de'i ro ni dmigs pa kho na yin te/ ci'i phyir zhe na/ 'dzin pa tha dad
252b6 pa'i phyir ro//gang gi phyir skyur ba bsres pa'i chu dang / ma bsres pa'i chu dang / gzhan dang ma bsres pa'i skyur ba'i ro 'dzin pa tha dad pa mthong ngo / /de'i phyir der skyur ba btab kyang de'i ro dmigs pa kho na yin no/ /bye brag tu smra ba dag gis smras pa/ 'o na ni chu dang rdo la sogs pa rnams la yang
252b7 zhes bya ba rgyas par 'byung ba la/sa'i dri bzhin no/ /ji ltar sa la dri yod bzhin du yang rkyen gyi khyad par dang phrad na ste/ chu'i khyad par dang phrad na mtshan nyid brtas pas phyis dmigs pa yin no zhes zer na/ slob dpon gyis gsungs pa/ mtshan nyid brtas pa'i phyir yin gyi/ skyes pa'i phyir
253a1 ma yin pa 'di ji ltar shes par bya/rkyen gyi khyad par dang phrad pas mtshan nyid brtas pa'i phyir dmigs pa yin gyi/ skyes pa'i phyir ma yin no zhe na de lta na ni ha cang thal ches bar gyur te/ ji ltar byas pas she na/ reg bya gzhan bzhin te/ ji ltar khyod kyi lugs
253a2 kyis sra ba nyid dang /gsher ba nyid dang / tsha ba nyid 'dod pa bzhin no/ /de lta na ni gzugs dang dri dang ro gzhan rnams dang / sgra yang rkyen rnyed pas dmigs pa'i phyi rol nas yod pa nyid du thal ba'i phyir te/ de dag kyang mtshan nyid brtas pa'i phyir dmigs pa yin gyi skyes pa'i phyir
253a3 ni ma yin no zhes bya ba ni ha cang thal ches par 'gyur ro//de ltar skyes pa'i phyir dmigs pa yin gyi/ mtshan nyid brtas pa'i phyir ni ma yin no zhes bya bar rigs pas bsgrubs nas mdo sde'i dum bur byed pa ni mdo sde gzhan las kyang dge slong bsam gtan byed pa dag yin zhing zhes bya ba
253a4 nas rgyas par gsungs so zhes bstan pa yin no//de ltar na zhes bya ba rgyas par 'byung ba ni ji ltar shing gi sdong po de la khams sna tshogs dag las khams gzhan de dag 'byung ba de ltar na rkyen gyi khyad par dang phrad pa na zhes bya ba rgyas par 'byung ba yin no/ /khams dag dum bu dag kyang ma yin te/
253a5 shing gi sdong po de la sa la sogs pa'i khams dag yod pa dum bu dag kyang ma yin no/ /dum bu dag kyang zhes bya ba ni sa la sogs pa'i khams kyi dum bu dag kyang zhes bya ba'i tha tshig go/ /ci'i phyir zhe na/ cha shas gcig la yang zhes bya ba rgyas par 'byung ba ni shing gi sdong po de'i cha shas
253a6 gcig la yang ji ltar mos pa bzhin du yongs su 'gyur ba'i phyir dang /de'i cha shas gcig po de la yang dum bu mtha' yas pa mi srid pa'i phyir ro zhes bya ba ni sa la sogs pa'i khams kyi dum bu mtha' yas pa dag mi srid pa'i phyir ro/ /de'i phyir khams kyi dum bu dag kyang ma yin no/ /khams sna
253a7 tshogs ni sa bon sna tshogs so//khams zhes bya ba ni 'bras bu skyed par byed pas na khams so/ /sa'i dri bzhin no zhes gang smras pa yang / sa'i dri ni zhes bya ba rgyas par 'byung ba yin no/ /'dus pa kha cig la 'byung ba chen po kha cig gang yod par khas ma blangs pa'i phyir ro zhes bya ba ni sa la
253b1 sogs pa 'dus pa kha cig la chu la sogs pa 'byung ba chen po kha cig yod par khas ma blangs pa'i phyir ro//de ltar na ni mdo sde dang 'gal te/ skye mched so sor phye ba'i mdo sde dang 'gal te/ skye mched so so'i mdo sde las skye mched dgu po rnams ni re re yang 'byung ba chen po bzhi dag
253b2 rgyur byas pa'o zhes bshad pa'i phyir ro//ji skad zhe na rgyas par gsungs nas btsun pa nang gi skye mched mig gang lags/ dge slong nang gi skye mched mig ni 'byung ba chen po bzhi dag rgyur byas pa yin zhing gzugs can bstan du med la thogs pa dang bcas pa yin no/ /de ltar nang gi skye
253b3 mched gzugs can dag rgyas par gsungs nas/dge slong phyi'i skye mched gzugs ni 'byung ba chen po bzhi po dag rgyur byas pa yin zhing gzugs can bstan du yod la thogs pa dang bcas pa yin no/ /de ltar nang gi skye mched gzugs can dag rgyas par gsungs nas/ dge slong phyi'i
253b4 skye mched gzugs ni 'byung ba chen po bzhi dag rgyur byas pa yin zhing gzugs can bstan du yod pa thogs pa dang bcas pa yin no//de bzhin du dge slong phyi'i skye mched reg bya ni 'byung ba chen po bzhi dag dang / 'byung ba chen po bzhi dag rgyur byas pa yin zhing gzugs can bstan du med la
253b5 thogs pa dang bcas pa yin no zhes bya ba'i bar du 'byung ba ste/de rnams las phyi'i skye mched reg bya bzhag ste/ skye mched dgu dag tu rig par bya'o/ /ci'i phyir zhe na/ reg bya'i skye mched ni 'byung ba chen po bzhi dag dang / 'jam pa nyid la sogs pa 'byung ba las gyur pa yang yin la 'byung
253b6 ba chen po bzhi dag ni 'byung ba chen po dag rgyur byas pa ma yin pas so//lag pa rdob pa lta bu las kyang / mig gi sha'i gong bu la 'byung ba chen po bzhi dag yod par bshad pa'i phyir ro/ /ji skad du zhe na/ mig gi sha'i gong bu la nang na yod cing rang la yod pas sra ba mkhregs par gyur pa nye bar
253b7 blangs shing zin pa gang yin pa de ni mig gi sha'i gong bu la yod pa nang gi sa'i khams zhes bya'o//de bzhin du mig gi sha'i gong bu la yod pa nang gi rlung gi khams zhes bya'o zhes bya ba'i bar du rgyas par 'byung ba yin no/ /'das pa dang ma 'ongs pa ni med pa nyid yin par mngon sum pa yin pas 'di
254a1 sgrub mi dgos te/dper na rus sbal gyi spu med pa nyid yin par mngon sum du 'gyur ba bzhin no/ /mngon sum dang 'gal ba 'ba' zhig tu ma zad de/ 'das pa yang ma yin la yod pa yang ma yin zhes bya ba 'di snga phyi 'gal ba yang yin te/ gal te yod na de ji ltar
254a2 'das pa dang /'das pa zhes bya ba ni 'jig rten na zad pa/ 'gag pa/ zhig pa/ rnam par gyur pa yin no/ /gal te yod na de ji ltar ma 'ongs pa yin te/ ma 'ongs pa yang de dang 'dra ba yin no de dang 'dir 'gal ba ni dge slong dag gzugs 'das pa yod do/ /gzugs ma 'ongs
254a3 pa yod do zhes gsungs pa gang yin pa de dang /mig skye ba na gang nas kyang mi 'ong la zhes bya ba rgyas par gsungs pa gang yin pa 'di dang 'gal ba yin no/ /mdo sde las/ gzugs rnams kyi nges par 'byung ba ni gzugs med pa'o zhes gsungs pa ji skad ce na/ rgyas par gsungs nas/
254a4 'dod pa rnams kyi nges par 'byung ba ni gzugs dag yin la/ gzugs rnams kyi nges par 'byung ba ni gzugs med pa'o/ /mngon par 'du byas shing mngon par bsags pa gang yin pa ci yang rung de'i nges par 'byung ba ni 'gog pa yin no zhes 'byung ba yin no/ /gzugs rnams kyi nges par 'byung ba
254a5 ni gzugs med pa'o zhes bya ba 'di ni rjes su dpag pa dang 'gal ba yin te/tshor ba la sogs pa rnams ni gzugs la rag las te skye bar mthong ba'i phyir ro/ /'di ltar tshor ba dang / 'du shes dang / 'du byed dang / rnam par shes pa rnams ni gzugs la rag las te skye bar mthong gi
254a6 gzugs med par ni ma yin no//de'i phyir gang na kha cig la tshor ba la sogs pa skye ba de ni gzugs la sogs pa med par ni ma yin par de ltar rjes su dpag go/ /mdo sde las ni/ gzugs rnams kyi nges par 'byung ba ni/ gzugs med par gsungs la/ gzugs med pa de dag tu ni
254a7 tshor ba la sogs pa skye bar khas blangs pas na rjes su dpag pa dang 'gal ba yin no//de bzhin du gang zhig skye ba'i kun du sbyor ba ni spangs la mngon par 'grub pa'i kun du sbyor ba ni ma spangs pa'i gang zag yod do zhes bya ba rjes su dpag pa dang 'gal ba yin te/ ji ltar byas pas she na/ skye bar
254b1 kun du sbyor ba ni nyon mongs pa 'dod chags la sogs pa ste/de spangs pa'i phyir mngon par 'grub pa ste/ srid pa bar mdo'i kun du sbyor ba nyon mongs pa 'dod chags la sogs pa gang yin pa de yang spangs pa yin no zhes rjes su dpag ste/ de las bsdus pa'i phyir ro/ /de ltar byas na skye
254b2 ba'i kun du sbyor ba ni spangs la mngon par 'grub pa'i kun du sbyor ba ni ma spangs zhes bya ba snyan pa yang rjes su dpag pa dang 'gal ba yin no// //rnam par bshad pa rigs pa'i bshad pa/ bam po bcu gcig pa/ dge bsnyen gyi bslab pa'i gzhi zhes bya ba rgyas par 'byung ba ni dge bsnyen gyi
254b3 bslab pa'i gzhi lnga ni srog gcod pa las ldog pa dang /ma byin par len pa dang / 'dod pa las log par g.yem pa dang / brdzun du smra ba dang / 'bru'i chang dang sbyar ba'i char myos par 'gyur ba bag med pa'i gnas las ldog pa'o/ /'dul ba'i bye brag tu smra ba pa rnams kyi lugs kyis
254b4 bslab pa'i gzhi so so'i tshig re re'i don rab tu dbye ba bshad pa de las te/tshig gi don rnam grangs dang / mtshan nyid dang nges pa'i tshig dang / rab tu dbye ba'i mtshan nyid rnam pa bzhi po las rab tu dbye ba bshad pa na/ chang 'thung ba bcas pa'i kha na ma tho ba dang bcas pa yin na zhes 'byung ba
254b5 yang lung dang 'gal ba yin te/lung gang dang zhe na/ lus kyis nyes par spyod pa rnam pa bzhi ste zhes bya ba rgyas par 'byung ba 'di dang ngo / /lus kyis nyes par spyad pa rnam pa bzhi ste zhes bya ba ni srog gcod pa dang / ma byin par len pa dang / 'dod pas log par g.yem pa dang / 'bru'i chang dang
254b6 sbyar ba'i chang myos par 'gyur ba 'thung ba'o//ci'i phyir zhe na/ bcas pa'i kha na ma tho ba dang bcas pa la ni nyes par spyad pa yin no zhes mi brjod de/ rang bzhin gyi kha na ma tho ba dang bcas pa la nyes par spyad pa zhes bya ba yin pas so/ /byang chub kyi bar du zhes bya ba ni ji skad du shes rab kyi pha rol
254b7 tu phyin pa las/rab 'byor gzugs ni dngos po med pa'o/ /rab 'byor tshor ba dang / 'du shes dang / 'du byed dang / rnam par shes pa ni dngos po med pa'o zhes bya ba rgyas par 'gyur ba nas/ byang chub kyi bar du yang dngos po med pa'o zhes bya ba 'byung ba yin no/ /bcom ldan 'das kyis ma rig
255a1 pa gang zhe na/gang de dang / sngon gyi mtha' mi shes pa'o zhes bya ba rgyas par 'byung ba nas chos rnams kyi rang bzhin yang bstan pas/ de la chos thams cad ni rang bzhin med pa zhes bstan pa gang yin pa lung dang 'gal ba yin no/ /'di yod pas 'di 'byung / 'di
255a2 skye ba'i phyir 'di skye/mig dang gzugs la brten nas mig gi rnam par shes pa skye zhes bya ba skye ba la sogs pa yang bstan pas/ de la chos thams cad ni ma skyes pa zhes bstan pa gang yin pa lung dang 'gal ba yin no/ /'du byed 'di dag thams cad ni 'das pa/ zad pa/ 'gags
255a3 pa/bral ba/ yongs su gyur pa'o zhes bya ba 'gags pa yang bstan pas/ de la chos thams cad ni ma 'gags pa zhes bstan pa gang yin pa lung dang 'gal ba yin no/ /chos thams cad ni gzod ma nas zhi ba rang bzhin gyis yongs su mya ngan las 'das pa zhes bstan pa gang yin pa de
255a4 yang lung dang 'gal ba yin te/'di ltar/ kye ma 'du byed rnams mi rtag /skye zhing 'jig pa'i chos can yin/ /zhes bya ba nas brtsams te/ 'di kun rgyu dang bcas las byung / /zhes bya ba gsungs so/ /rab 'byor gzugs ni dngos po med pa'o/ /rab 'byor byang chub kyi bar du yang
255a5 dngos po med do zhes bstan pa de yang lung dang 'gal ba yin te/'di ltar de bzhin du gzugs ni mi rtag pa zhes rgyas par gsungs pas so/ /sogs pa'i sgras ni las kyang yod rnam par smin pa yang yod la/ byed pa po ni mi dmigs so zhes bya ba bsdu'o/ /ma zin pa nyid la ni re lde byed
255a6 do zhes bya ba lta bu ni da ltar byung ba kho na'i dus so//de'i chos nyid la ste/ de'i chos kyi dngos po ni de'i chos nyid de de la'o/ /dngos po de la ji ltar na byed pa po nyid du bshad ces bya ba ni ji ltar na 'byung bar gyi bya ba la byed do zhes bya ba 'dis byed pa por bshad/ dper na skye bar byed pas na skyed do
255a7 zhes bya ba lta bur 'byung bar zhes bya ba 'dis 'byung bar bya ba zhig byed dam zhe na/gang gi phyir byed do zhes smos she na/ byed do zhes bya ba/ gal te nang yod gsal byed yin na ste/ gal te rang gi yod pa gsal bar byed de/ de'i phyir byed do zhes smos pa yin no snyam du sems na/ de nyid
255b1 dngos rang 'byung ba'i mtshan nyid kyis yod pa de nyid kyang dngos po kho na yin te/dngos po la gsal bar byed par 'gyur ro/ /re zhig 'byung bar gyi mtshan nyid kyi dngos po de nyid med na de las gzhan pa'i yod pa lta smos kyang ci dgos/ rtog pa 'di ni bzang po ma yin no/ /gzhan yang
255b2 yod pa gang yin pa de yang bdog go zhes kyang ji skad bya/yod pa de ni bdog go/ /yod pa ni byed do zhe na/ yod pa des 'byung ba'i bya ba zhig byed dam/ ci nas gang gi phyir byed do zhes bya/ ji ltar rang la gsal byed de/ ci ste rang la gsal bar byed do snyam du sems na/ de lta na ni 'byung
255b3 ba las bcas 'gyur/dper na an dzu'i skad kyi dbyings 'di rang la gsal bar byed pa dang 'dra ste/ an dzu ni gsal bar byed pa dang / nyugs pa dang / 'gro ba rnams su 'dren te/ 'di ni las dang bcas pa yin no/ /yod pa de yang gsal bar bya ba yin pas las su 'gyur te/ 'byung
255b4 ba'i skad kyi dbyings 'di yang de bzhin du 'byung ba ni yod pa la bya ba yin pas gsal bar bya ba yin pa'i don du ston pa las dang bcas par 'gyur na/'di ni las dang bcas pa yang ma yin pas grub pa'i mtha' ma rung bar byas pa yin no/ /gzhan yang las dang byed pa po ma nges te/ de nyid gsal
255b5 bar byed pa yang yin la/de nyid gsal bar bya ba yang yin pas so/ /ci ste yod pa ni bdog go/ /yod pa ni byed do zhes smras pa dang / bdag gi yod pa la 'dzin par byed do zhes bya ba don 'di khong du chud par 'gyur ro snyam du sems na/ rang 'dzin skyon der 'gyur/ ji lta bur 'gyur
255b6 zhe na/'byung ba las bcas 'gyur/ las dang byed pa por ma nges zhes bya ba lta bur 'gyur ro/ /gzhan yang byed do zhes bya ba ni mi 'jig yin par 'jig rten na khong du chud pa yin no/ /'o na ci zhe na/ skye bo zhes bya bar khong du chud do/ /de'i phyir 'dzin pa'i don 'di rigs pa ma yin no/ /
255b7 de ltar re zhig dngos po tsam la las dang bcas pa'i byed pa por bshad pa ni rigs pa ma yin no zhes smras pa gang yin pa de 'khrul pa yod par rgya cher bkag go/ /yul gzhan du grib ma 'grol bar byed do/ /me 'bar zhing 'gro bar byed do zhes bya ba gang yin pa 'di la zhes bya bas ni
256a1 dper na bya ba dang rang dbang yod pa med par yang byed pa por bshad pa ma mthong ba de lta bur ston par byed do//bya ba dang rang dbang yod pa yang ji ltar med ce na/ de'i rgyu 'dug pa bzhin du yang zhes bya ba rgyas par 'byung ba ni de'i rgyu lhas byin la sogs pa 'dug bzhin
256a2 du yang nyi ma 'khor ba dang /rgyang ring ba dang / nya ba las te/ nyi ma 'khor ba dang / rgyang ring ba dang / nye ba las de'i 'khor ba dang / che ba dang / chung bar 'gyur ba'i phyir te/ grib ma 'khor ba'i phyir dang / che ba'i phyir dang / chung bar 'gyur ba'i phyir ro/ /ji ltar byas bas she na/ lho
256a3 phyogs su song na de 'khor ba'i phyir ro//de rgyang ring ba nyid kyis te/ nyi ma gung nas nub phyogs su song na ni shar phyogs su de che bar 'gyur ba'i phyir ro/ /nyi ma shar ba las gung la bab ste nye bar gyur pa nyid kyis ni nub phyogs su de chung bar 'gyur ba'i phyir ro/ /de'i rgyu 'dug ste 'khor ba la
256a4 sogs pa mi byed bzhin du yang grib ma de 'khor ba la sogs pa ni rigs pa ma yin pas de'i phyir nyi ma las 'gyur gyi 'gro ba ni mi byed do zhes bya bar 'grub bo//de'i rgyu 'dug bzhin du yang zhes bya ba rgyas par 'byung ba de nyid kyi phyir rang dbang yod pa ni med pa'o/ /me 'bar ba yang mi 'pho ste/
256a5 bud shing gi rang gi phyogs bsregs nas de nyid du 'chi ba'i phyir ro/ /de nyid du 'chi bar ji ltar shes she na/ bud shing gi phyogs tha dad pa las mched pa dang / 'bri ba dang / rno ba dang / zhan pa dag gis de tha dad pa'i phyir te/ me 'bar ba tha dad pa'i phyir ro zhes bya ba'i tha tshig go/ /de tha dad
256a6 pa yang ji lta bu zhe na/mched pa dang / 'bri ba dang / rno ba dang / zhan pa dag gis so/ /gal te me 'bar ba de nyid 'pho na ni tha dad pa der mi 'gyur ba zhig na/ de yang mthong bas na de ni mi 'pho'o/ /de rnams ni ste/ dbang po la sogs pa rnams ni gcig la gcig ltos pa'i phyir rnam par shes pa
256a7 skyed pa de la rang dbang yod pa nyid ga la yod pa yin/de'i rnam par skyes pa nas zhes bya ba ni sngon po la sogs pa'i yul 'dzin pa'i rnam par skyes pas na'o/ /smas pa/ gal te de gnyis la ste/ grib ma dang mer 'bar ba gnyis la'o/ /slob dpon gyis bshad pa/ khong du chud pa rnams kyis
256b1 kyang zhes bya ba rgyas par 'byung ba yin no//gal te de lta yin du zin gyis kyang zhes bya ba rgyas par 'byung ba ni gal te bsam pa'i bya ba ste/ 'dod pa'i bya ba med par yang dper na grib ma dang me 'bar zhing 'gro bar byed do zhes bya ba'o/ /rnam par shes par byed pas na de'i phyir rnam par shes
256b2 par byed pa'o zhes bya ba 'di smra ba'i tshul de ni mtshan nyid med pa yin no zhes/slob dpon gyis bshad pa/ mtshan nyid ji lta bu smras pa/ ji ltar byA ka ra Na las 'byung ba'i mtshan nyid bzhin te/ dngos po dang / byed pa dang gzhi la rnam par shes pa zhes bya ba 'di 'byung ba ste/ re zhig dngos
256b3 po la ni shes pa kho na rnam par shes ba'o zhes bya ba lta bu'o//byed pa la ni 'dis rnam par shes pas na/ rnam par shes pa'o zhes bya ba lta bu'o/ /gzhi la ni 'di yod na rnam par shes pa'i phyir rnam par shes pa'o zhes bya ba lta bu'o/ /de dang 'dra bar ni byA kar Na las/ rnam par shes par byed
256b4 pas na de'i phyir rnam par shes pa'o zhes bya ba tsam la byed pa po'i bya ba mi 'byung ba'i phyir na mtshan nyid yod pa ma yin pas mtshan nyid med pa yin no//rig byed nyid kyang nyes par bshad pa yin te/ de dag las ni 'tshe ba la sogs pa bshad pa'i phyir ro/ /yon tan dang ni skyon dag rtogs
256b5 par mi byed pa zhes bya ba'i rtogs par mi byed ces bya ba ni 'jig rten na bya ba med par yang byed pa por bshad pa 'di mthong ngo //rmongs pa med par gang gis yid la bde bar mi byed pa de bde zhes ji skad bya zhes bya ba yang de dang 'dra la/ gang gi blo ni mang du thos kyang skye ba shes par mi byed ces bya bar
256b6 yang de dang 'dra ba dang /gang gi tshig gis snying ni sdud nus shing zhes bya ba yang de dang 'dra ste/ 'jig rten na bya ba med par yang de lta bur byed pa por bshad pa'i phyir mthong ba yin no/ /byA ka ra Na las kyang 'di ma nges par smras pa yin te/ mang du 'dren pa yin no zhes bshad pa'i phyir ro/ /ji lta
256b7 zhe na/kri t+ya'i don dang / lu Ta gnyis mang du 'dren pa yin no zhes bshad de/ kri t+ya dang / lu Ta gnyis don gang dag tu bshad pa de dag las gzhan du yang 'gyur ro zhes 'byung bas so/ /yang ni gtan tshigs kyi don du blta bar bya ste/ rab tu shes par byed pas zhes bya ba 'di'i'o/ /
257a1 gzhan la mi ltos par 'jug pa zhes bya ba ni grogs gzhan med par 'jug pa zhes bya ba'i tha tshig go/ /lhag ma rnams la yang de bzhin du sbyar ro zhes bya ba ni ji ltar gru rten du gyur pa nyid kyis ltos pa med par rang gi bya ba la 'jug pa de bzhin du/ ljon shing yang
257a2 rten du gyur pa nyid kyis ltos pa med par rang gi 'gul ba'i bya ba la 'jug ste/de lta bas na de ni de la rang dbang yod pa yin no/ /de bzhin du me yang rten du gyur pa nyid kyis ltos pa med par rang gi 'byung ba'i bya ba la 'jug ste/ de lta bas na de ni de la rang dbang yod pa ma yin no/ /de bzhin
257a3 du chu yang rten du gyur pa nyid kyis ltos pa med par rang gi gnas pa'i bya ba la 'jug pa ste/de lta bas na de ni de la rang dbang yod pa bzhin no/ /de skad ces smras pa dang / slob dpon gyis bshad pa/ de ni de lta ma yin te/ de ci'i phyir zhe na/ de la byung ba'i phyir na rten gyur pa'i/ /de yang
257a4 de dang gzhan dang 'brel phyir ro//tshigs su bcad pa phyed po 'di ni sngar/ /rang dgar 'jug pa rang dbang yod yin na/ /sems pa med pa byed por mi 'gyur ro/ /zhes smos pa gang yin pa de'i phyir yin no/ /byed po phyi ma 'di'i don ni 'di ltar de de la 'byung ba gang yin pa'i gru de zhes bya ba
257a5 rgya cher 'byung ba yin no//smras pa/ bya ba de la gru de ji ltar de la rang dbang yod pa nyid du 'gyur zhes gang bstan pa de la smra bar bya ste/ bya ba gang 'byung ba de ni de la gnas la/ de la gnas pa na rang dbang yod pa nyid yin no zhes smras na/ gang la de rang dbang yod pas rgyu gzhan dang
257a6 'brel ba las 'byung ba'i bya ba de 'byung na/de'i tshe de la ci zhig byar yod/ de lta bas na da ni gyi na'o/ /'dir re zhig gru dang bya ba don gzhan du 'gyur ba'i phyir de de'i rten du gyur pa'am/ de la rang dbang yod pa yin no snyam du rtog la rag go/ /skye ba yang skye ba so so'i bdag nyid du gyur pa
257a7 yin na/skye ba gang yin pa de ni skye ba po de'i yin na/ skye ba po de'i rten du ji ltar rigs/ bdag nyid du ma gyur pa dang ste/ skye ba po de las gzhan pa yang skye ba po de la ji ltar 'byung / gzhan yang skye ba la yang skye ba thug pa med par 'gyur bas ha cang thal ches bar 'gyur te/ skye ba yang skye
257b1 par gyur pas so//smras pa/ gal te de ltar rang dbang yod pa nyid byed pa por mi 'thad pa'i phyir byed pa po'i byed pa po mi rung na/ 'o na brjod par 'dod pa las zhes bya ba rgyas par smos pa yin no/ /slob dpon gyis/ gal te brjod par 'dod pa las yin na zhes bya ba rgya cher
257b2 bshad pa dang /brda sprad pa pas smras pa gnyi ga yin no/ /slob dpon gyis/ de ltar mtshan nyid gnyis med bzhin du yang / /zhes rgya cher bshad de/ de ltar dus gcig tu gzhan gyi dbang nyid dam rang dbang yod pa nyid med bzhin du yang mtshan nyid de sgra'i rig pa las mkhas
257b3 pas ci dgar byed pa po rnams sbyar bar rung ngam/smras pa rung ste/ 'di ltar gang gi phyir nges pa'i tshig gi chos nyid kyi rang gi mtshan nyid 'dzin pas na/ chos zhes bya'o zhes bya ba de la byed pa po dang / las dang bya ba'i byed pa yang med do/ /'di ltar de kho na'i tshe gzugs la sogs
257b4 pa'i mtshan nyid de nyid 'dzin pa ste bya ba'i byed pa por gang 'gyur ba'i byed pa po nyid dang /las dang bya ba dbyer med do/ /las kyi dbye bas kyang dbyer med do/ /ji ltar na rang gi mtshan nyid byed pa por gyur nas/ de nyid gzung bar bya ba las su 'grub par 'gyur/ bya ba'i dbye bas kyang dbyer
257b5 med de 'di ltar mtshan nyid de nyid 'dzin pa ste bya bar mi 'thad do//rang gi mtshan nyid las logs shig na yang 'dzin pa'i bya ba med do/ /'on kyang brjod par 'dod pa las ni rang gi mtshan nyid 'dzin pas na chos zhes bya'o zhes bya ba de'i sbyor bar 'gyur ro/ /sgra la mkhas pas ci'i phyir zhe na
257b6 zhes bya ba rgyas par smras pa dang /slob dpon gyis rnam par shes pa tsam la zhes bya ba rgya cher bshad do/ /bdag tu lta bas kun du brtags pa ni bdag tu lta ba dag gis kun du brtags pa'o/ /de bzhin du rab tu shes par byed pas na shes rab bo zhes bya ba yang rigs par bshad pa yin no
257b7 zhes bya ba ni shes rab tsam la byed pa po nyid du snyad gdags kyi bdag tu lta bas kun du brtags pa'i byed pa po ni 'ga' yang yod pa ma yin na zhes bstan pa'i phyir ro//de dag la brjod par 'dod pa byed pa po 'ga' yang ci zhig yod de zhes bya ba ni grwa dang / sgo dang / lam de dag la smra ba
258a1 po'i brjod par 'dod pa byed pa po nyid ci zhig yod na/gang gi phyir khyim gyi grwa zhum pa dang / grwa glos pa dang / sgo 'di yul bcom brlag tu 'byung ngo / /lam 'di yul bcom brlag tu 'gro'o zhes 'di byed pa po nyid du bshad/ de lta bu'i sbyor ba ni byed pa po tha dad
258a2 pa la yang mthong ste zhes bya ba ni nas zhes bya ba brjod pa'i rnam pa'i sbyor ba mthong ngo zhes bya ba'i tha tshig go//dper na mar 'thungs nas stobs 'byung ngo / /seng ge mthong nas 'jigs pa 'byung ngo zhes bya ba la de 'thung bar byed pa gang yin pa de ni bya ba mar 'thung ba'i byed pa po yin no/ /stobs ni bya
258a3 ba stobs 'byung ba'i byed pa po yin no//lta ba po ni bya ba lta ba'i byed pa po yin no/ /'jigs pa ni bya ba 'jigs pa 'byung ba'i byed ba po yin pas byed pa po tha dad pa la yang nas zhes brjod pa 'byung ngo / /'on te mar 'thung bar byed pa gang yin pa de nyid stobs 'byung ba yang de yin no/ /seng ge
258a4 mthong ba po gang yin pa de nyid 'jigs pa 'byung ba yang de nyid yin no zhes bya ba de ltar 'dren na/de bzhin du skar rgyal skyes zhes rgyas par 'byung ba yin no/ /dus snga ma shos ma yin pa la yang mthong ste zhes bya ba ni dus mnyam pa la yang nas zhes brjod pa mthong ngo zhes bya ba'i tha tshig go/ /brda sprod
258a5 ba pas smras pa/ci kha gdangs nas dus phyi ma la nyal ba ma yin nam/ mig btsums nas dus phyi ma la nyal ba ma yin nam/ gang gi phyir kha gdangs nas nyal zhes bya ba rgya cher smos she na/ 'dir slob dpon gyis bshad pa mi rung ste/ ji ltar sngar khrus byas nas zhes bya ba rgya cher smos
258a6 pa yin te/kha gdangs pa'am/ mig 'dzums pa ni nyal ba dang dus mnyam du 'byung ba yin par mngon no/ /ji ltar mngon zhe na/ 'di ltar zhes bya ba rgya cher smos pa dang / de ni sngar 'gengs pa'am zhes bya ba rgya cher smos pa yin te/ 'od dang ldan pa rnams ni 'od kyis sngar 'jig rten
258a7 'gengs pa'am/cha shas kyis sngar zhugs nas phyis 'char ba'am/ mun pa sel ba ni ma yin no/ /de bzhin du khar ba zhes bya ba rgya cher smos pa de ni dus phyi ma'i bya ba la yang nas zhes brjod pa mthong ba yin no zhes bya ba'i dper brjod pa yin no/ /rgyu de nyid kyis ji skad smos pa bzhin du 'byung
258b1 zhes bya ba ni bud shing la sogs pa'i rgyus me la sogs pa 'byung ngo zhes bya ba'i tha tshig go//don de nyid gsal bar mdzad pa na zhes bya ba ni rgyu'i don yin no/ /'dir mig dang gzugs la brten nas mig gi rnam par shes pa skye'o zhes bya ba'i sbyor ba 'di ni ci nas kyang rgyu'i don kho na
258b2 nyid yin par shes par bya ba'i dus snga ma shos kyis bya ba'i don du ni shes par mi bya'o//'byung ba ni skyes pa yin gyi yod pa ma yin no zhes bya ba ni 'on te/ 'byung ba 'das pa gang yin pa de skyes pa yin gyi/ yod pa ste da ltar byung ba gang yin pa ni ma yin par 'dod cing / khyod kyis kyang gal te
258b3 yod na de'i tshe de skyes pa nyid yin pas zhes dus 'gal bar smras pa yin no snyam du de ltar sems na rtog pa de la yang gang gi tshe de zhig pa de'i tshe skyes pa yin par 'gyur te/zhig pa yin par 'gyur ba'i skyon 'dir 'gyur ro/ /gzhan yang nges pa'i tshig las kyang zhes bya ba rgya cher smos pa yin
258b4 no//gzhan yang gal te yod la ma skyes pa zhig yin na/ skye ba'i snga rol de yod pa zhes bya bar 'gyur ro/ /de'i phyir brten nas zhes bya ba yang grub po/ /rgyu des na skye ba'i snga rol na rnam par shes pa de yod par 'gyur ro/ /de'i phyir mig dang gzugs la brten nas shes par yang 'gyur te/
258b5 grub pa yin pas de la rnam par shes pa ni gang zhig gis brten nas phyis skye bar 'gyur ba'i skye ba'i snga rol na yang med cing zhes gang smras pa de mi rung ngo / /yod pa ma skyes pa yin zhes zer na/ yang na skye ba'i tshe yang ma skyes pa yin zhes bya ba'i skyon gzhan 'di yang yod de/ skye ba'i tshe zhes bya ba ni
258b6 da ltar byung ba yin la/skyes ba zhes bya ba ni mthar thug pa'i dus yin no/ /de ltar byas na skye ba'i tshe yang ma skyes pa yin no/ /skye ba'i 'og tu rnam par shes pa de skyes pa yin pas skye ba'i 'og de'i tshe zhig pa kho na yin pas gang gi tshe zhig pa de'i tshe skyes pa yin par 'gyur bas de yang 'dod
258b7 pa ma yin no//de ltar na re zhig gang gi tshe rnam par shes pa skye ba na/ gal te de yod na de'i phyir skyon de dag yod do/ /'on te med pa zhig yin na zhes bya ba rgya cher smos pa yin no/ /yang na yod pa dang med pa zhes bya ba thal ches pa'i tshig mang po bor te zhes bya ba thal ches pa'i tshig
259a1 rnam pa mang po de yang ji lta bu zhe na/gal te yod na de'i tshe skye ba kho na yin no zhes rnam par rtog pa de la de'i tshig de thal ches par 'gyur te/ yod pa ni zhes bya ba rgyas par smos pa'i yod pa na da ltar byung ba'i dus yin la/ skyes pa zhes bya ba ni mthar thug pa yin no/ /
259a2 zhes bya ba dang / gal te de lta yin na 'byung ba ni skyes ba yin gyi yod pa ma yin no/ /gang gi tshe de zhig pa de'i tshe skyes pa yin par 'gyur ba zhig na zhes bya ba de lta bu la sogs pa thal ches pa'i tshig mang po bor te/ gang gi tshe rnam par shes pa skye ba ni ci de'i tshe rnam par shes pa rnam par
259a3 shes pa'i bdag nyid kyis bdag tu bcas pa yin nam/bdag med pa yin zhes dpyad par bya'o/ /gal te rnam par shes pa'i bdag nyid kyis bdag tu bcas pa yin na de'i tshe de skye ba nyid yin pas yang skye bas ci zhig bya/ 'on te zhes 'on te rnam par shes pa'i bdag nyid kyis bdag
259a4 med pa yin na ji ltar de bdag med par bya ba skye ba dag la skye ba'i byed pa po yin pa de bzhin du brten nas zhes bya ba yang grub pa yin te/rnam pa de nyid kyis brten nas zhes bya ba brten pa'i byed pa po nyid du grub pa yin no/ /yang na don gang gis na de byed ces bya ba/ ci'i phyir zhe na/ byed pa la
259a5 rang gi thun mong ma yin pa'i don ni 'ga' yang med de/'di ltar bde ba byed ces bya ba rgyas par smos pa la/ 'di ltar zhes bya ba ni gang gi phyir zhes bya ba'i tha tshig go/ /de lta bas na skye ba'i byed pa po'i byed ces bya ba'i don brjod par bya dgos so zhes bya ba ni gang gi phyir byed ces bya ba'i don mang
259a6 du snyegs pa de'i phyir skye ba'i byed pa po'i byed ces bya ba'i don brjod par bya dgos so//yang na de la skye ba'i rag lus pa ci zhig yod na gang gi phyir skye bar byed ces bya/ gal te 'byung bar byed do zhe na/ de nyid thug pa med par 'gyur te/ skye ba de 'byung ba la ni 'byung ba med pas de ni gyi
259a7 na'o//rkyen rnyed pa tsam la brten nas zhes bya ba ni mig la sogs pa'i rkyen rnams rnyed pa tsam la brten nas zhes bya bar 'gyur ro/ /de la bya ba 'ga' yang med la zhes bya ba rgyas par smos pa yin no/ /'di ltar gzugs de la gang ci yang rung ba zhes bshad pa ni/ gzugs kyi don du mar
259b1 rab tu bstan pa'i phyir ro zhes bya ba la/gzugs zhes bya ba nyid don yin pas gzugs kyi don to/ /gzugs kyi don du ma de rab tu bstan pa'i phyir ro/ /tshor ba la ni tshor ba'i don du ma nyid med de/ 'di ltar tshor ba thams cad ni myong ba'i mtshan nyid yin no/ /de'i phyir de la tshor ba gang ci yang
259b2 rung ba zhes bya ba gsungs so//yul brtag tu rung ba'i don zhes bya ba la/ yul brtag tu rung ba zhes bya ba ni bstan du rung ba zhes bya ba yin no/ /yul brtag tu rung ba nyid kyi don yin pas yul brtag tu rung ba'i don yin no/ /lag pa la sogs pa'i 'dus te reg pa dag gis 'gyur ba
259b3 bskyed pa gzugs su rung ba'i don zhes bya ba la/'gyur ba bskyed pa nyid gzugs su rung ba yin la/ rnam par gzhag pa ni 'gyur ba skyed pa gzugs su rung ba yin no/ /lag pa la sogs pa'i 'dus te reg pa dag gis 'gyur ba bskyed pa gzugs su rung ba nyid ni lag pa la sogs
259b4 pa'i 'dus te reg pa dag gis 'gyur ba bskyed pa gdags su rung ba'i don yin no//gzugs kyis de gdags pas gzugs su rung ba'i don zhes bya ba la/ gzugs zhes bya ba lus dang ngag gi gzugs kyis so/ /gdags pa nyid gzugs su rung ba ste/ rnam par bzhag tu rung
259b5 ba yin pas gdags pa gzugs su rung ba'o//rnam par rig byed ma yin pa'i gzugs der gdags pa gzugs su rung ba nyid don yin pas de gdags pa gzugs su rung ba'i don yin te/ 'di ltar zhes bya ba rgyas par smos pas ni gzugs kyi don rnam pa gsum char yang rgya cher rnam
259b6 par ma phye bas rnam par 'byed pa yin no//bstan du yod pa'i gzugs ni mig gi rnam par shes pas rnam par shes par bya ba sngon po dang / ser po la sogs pa gang yin pa ste/ 'di ni bstan du yod cing thogs pa dang bcas pa zhes bya'o/ /thogs pa dang bcas pa'i gzugs ni rna ba la
259b7 sogs pa'i rnam par shes pas rnam par shes par bya ba sgra dang dri la sogs pa gang yin pa ste/'di ni bstan du med cing thogs pa dang bcas pa zhes bya'o/ /bstan du med cing thogs pa med pa'i gzugs ni lus dang ngag gi rnam par rig byed kyi gzugs kyis de gdags pa'i phyir
260a1 lus dang ngag gi rnam par rig byed ma yin pa zhes bya ba yin te/lus kyi rnam par rig byed ma yin pa zhes bya ba dang / ngag gi rnam par rig byed ma yin pa zhes bya ba'o/ /smras pa/ rnam par rig byed ma yin pa de gdags pa yin na lus dang ngag gnyis kyis khas blangs
260a2 nas mi byed pa tsam la ci'i phyir gzugs zhes bya zhe na/gzugs kyis zhes bya ba rgyas par smos pa yin te/ gang gi phyir lus dang ngag gi gzugs kyi rnam par rig byed ma yin bar de gdags pa gzugs su rung ba rnam par gzhag tu rung ba lus kyi spong ba dang / ngag gi spong ba zhes bya ba yin
260a3 pas de'i phyir gzugs kyis gdags pa gzugs su rung ba'i phyir gsungs pa yin no//de ji ltar shes par bya zhe na/ 'di ltar rnam par rig byed ma yin pa'i gzugs de ni lus dang ngag gnyis med na gdags su yod pa ma yin te/ gzugs med pa na de gdags pa med pa'i phyir ro/ /gzugs
260a4 med pa na lus dang ngag gnyis med pas 'di ltar de gdags pa med do//gzugs can ma yin pa zhes bya ba ni ma gsungs pa yin la zhes bya ba ni de la gal te chos kyi skye mched du gtogs pa'i rnam par rig byed ma yin pa'i gzugs ma gzigs na cir dgos te/ de lta bas na rnam par rig byed ma
260a5 yin pa yod do//ji lta zhe na/ chos kyi skye mched bstan nas yid dang chos la brten nas yid kyi rnam par shes pa skye ste/ de la chos gzugs can yid las byung ba gang dag yin pa 'di ni gzugs kyi phung po yin no zhes gsungs pa yin no/ /gzugs can 'das pa dang ma 'ongs pa gang yin pa dang /
260a6 ces bya ba rgyas par smos pa ni smras pa chos gzugs can mig la sogs pa nas reg bya la thug pa 'das pa dang ma 'ongs pa gang yin pa de dag der chos kyi skye mched yin pa de ltar ci'i phyir mi 'dod ci'i phyir zhe na/ 'di ltar de dag ni de'i tshe skye zhing mched par mi byed kyi yid kyi rnam par shes pa'i
260a7 dmigs pa ni yin pa'i phyir de dag chos kyi skye mched nyid du rig pas de la rnam par rig byed ma yin pa bor na chos kyi skye mched du 'gyur ba chos gzugs can gzhan gang dag yod ces smras pa gang yin pa de mi rung ngo zhe na/'dir bshad pa skye mched so so ba'i mdo dang 'gal te zhes bya ba rgyas
260b1 par smos pa yin no//'di ltar de las ni btsun pa chos phyi'i skye mched de dag gang lags/ dge slong dag chos kyi skye mched bcu gcig po dag gis ma bsdus pa bstan du med cing thogs pa med pa yin no/ /bcu gcig gang dag gis ma bsdus she na/ mig gi skye mched la sogs pa dag
260b2 gis ma bsdus pa yin no zhes gsungs pa yin na//ji ltar de dang 'gal zhe na/ mig la sogs pa 'das pa dang zhes bya ba rgya cher smos pa yin te/ de la mig dang rna ba la sogs pa dang / gzugs dang sgra la sogs pa 'das pa dang ma 'ongs pa dag las gzugs gcig pu ni bstan du yod cing
260b3 thogs pa dang bcas pa yin no//lhag ma rnams ni bstan du med pa thogs pa dang bcas pa yin no/ /de lta na de dag ni skye mched bcu gcig gis bsdus pa'i phyir dang / ji ltar rigs par bstan du yod cing thogs pa dang bcas pa'i phyir mdo de dang 'gal ba yin no/ /'on te de dag ni de'i tshe de 'di
260b4 na'o//pa'i na'o zhes bshad du med pa thob par byar yang med pas de'i phyir bstan du med cing thogs pa dang bcas pa nyid med do zhe na/ de'i phyir 'di skad du yang na gzugs nyid du yang 'dod par mi bya ste/ 'di ltar de dag ni de'i tshe gzugs su med pas so zhes bya ba smos pa yin no/ /gzhan yang
260b5 rigs bcu po mig gi skye mched la sogs pa gzugs can dag kyang dus su mi 'gyur ro//ci'i phyir zhe na/ mig la sogs pa 'das pa dang / ma 'ongs pa dag ni chos kyi skye mched yin pas so/ /gnyis gnyis 'brel bar rab tu bstan pa'i phyir ro zhes bya ba ni mig gi skye mched dang / gzugs
260b6 kyi skye mched nas yid kyi skye mched dang /chos kyi skye mched kyi bar du gnyis gnyis 'brel par rab tu bstan pa'i phyir ro/ /ji ltar 'brel ce na/ yul can dang yul nyid du ste/ mig gi skye mched ni yul can yin/ gzugs kyi skye mched ni yul yin/ de bzhin du yid kyi skye mched ni
260b7 yul can yin/chos kyi skye mched ni yul yin pa'i bar du'o/ /yid kyi skye mched dang / chos kyi skye mched kyi phyogs zhes bya ba rgyas par smos pa ni yid kyi skye mched kyi yul yang mig gi skye mched nas/ chos kyi skye mched kyi bar thams cad yin la/ chos kyi skye mched kyi phyogs gcig ste/
261a1 mtshungs par ldan pa'i yul yang thams cad yin no/ /gnyis su nges pa nyams pa ma yin nam/ de nyams pa'i phyir bcu gnyis kho nar rnam par gzhag pa yang med do/ /de rnam par gzhag pa med na sgra la brgal bar skye mched bcu gnyis rnams las zhes bya ba rgya cher smras pa
261a2 gang yin pa de nyid kyi so na 'dug pa yin no zhe na/gal te de la lan du mi rung na/ 'o na de lta na ni zhes bya ba rgyas par smos te/ 'o na de lta na ni gzugs mang po las gcig gzugs kyi skye mched du bstan pa ni 'brel par rab tu bstan pa'i phyir ro/ /ji ltar byas pas 'brel par rab tu bstan pa'i phyir
261a3 yin zhe na/dbang po drug gi dbang du mdzad nas te/ mig la sogs pa nas yid kyi dbang po la thug pa las brtsams te/ mig la sogs pa nas lus kyi dbang po'i bar dbang po 'di'i yul ni gzugs la sogs pa nas/ reg bya'i bar 'di kho na yin gyi gzhan ni ma yin no zhes yul can dang
261a4 yul du 'brel pa nges pa 'di rab tu bstan pa'i phyir ro//gnyis tshan lnga dag ces bya ba ni mig dang gzugs ni gnyis tshan gcig yin pa nas lus dang reg bya zhes bya ba 'di ni gnyis tshan lnga pa yin no/ /dbang po 'di kho na'i yid kyi dbang po'i'o/ /yul ni 'di yin zhes bya ba ni chos te tshor
261a5 ba la sogs pa bdun no//gzhan gyi ni ma yin no zhes bya ba ni mig la sogs pa'i'o/ /gnyis tshan drug pa yin no zhes bya ba ni yid dang chos so/ /dbang po lnga dag kyang zhes bya ba ni mig la sogs pa nas lus kyi dbang po la thug pa yin no/ /dbang po drug kho na'i zhes bya ba yid kyi dbang
261a6 po'i yul yin gyi gzhan gyi ni ma yin pas gnyis tshan drug par nges pa yang nyams pa ma yin nam/de lta bas na 'di yang mi rung ngo zhe na/ 'o na ni dbang po gang kho na'i zhes bya ba rgya cher smos pa'i lan gzhan 'di yod do/ /de ni 'di skad du yid kyi dbang po zhes bya ba dbang po gang kho na'i yul kho na
261a7 gang yin pa tshor ba la sogs pa gang dag rten ma yin pa'o//tshor ba la sogs pa mtshungs par ldan pa rnams kyi rten ni sems kho na yin te/ de ma thag pa'i rkyen yin pa'i phyir ro/ /tshor ba la sogs pa sems las byung ba rnams ni ma yin no/ /de lta na gnyis tshan drug pa rnam par gzhag par
261b1 bya'o//'di ltar de dag ni yid kyi yul 'ba' zhig ma yin gyi rten yang yin te/ de dag yid kyi rten yang yin par ji ltar shes par bya zhe na/ yid ni rnam par shes pa'i tshogs drug gi mtshan nyid yin pa'i phyir ro/ /de la mig gi rnam par shes pa la sogs pa rnam par shes pa'i tshogs
261b2 lnga po gang dag yid kyi mtshan nyid yin pa de rnams kyi rten ni mig la sogs pa lnga po de dag yin no//bsdu ba'i tshigs su bcad pa ni don 'di nyid kyi dbang po gang gi ni mig la sogs pa'i dbang po'i'o/ /don gang nyid ni gzugs la sogs pa yul lo/ /de ltar na skye mched gnyis
261b3 tshan lnga dag yin no//gang nyid kyi zhes bya ba ni yid kyi dbang po'i'o/ /don nyid gang zhes bya ba ni tshor ba la sogs pa ste/ gnyis tshan skye mched drug pa yin no/ /de'i rgyun la dgongs nas gsungs pa'i phyir zhes bya ba la/ sems de'i rgyun ni rgyud yin pas de'i rgyun no/ /de'i rgyun la dgongs nas
261b4 te/thugs la dgongs nas gsungs pa ni de'i rgyun la dgongs nas gsungs pa ste/ de'i phyir ro/ /grib ma dang me 'bar zhing 'gro ba bzhin no zhes bya ba ni ji ltar grib ma 'gro'o/ /me 'bar zhing 'gro'o zhes bya ba de'i rgyun gyis yin par bstan pa la nyes pa med par bstan pa de dang 'dra'o/ /der yang
261b5 dgongs pa tha dad pa'i phyir 'gal ba med de zhes bya ba rgyas par 'byung ba la/dgongs pa tha dad pa ni dgongs pa tha dad pa ste/ de'i phyir dgongs pa tha dad pa'i phyir 'gal ba med do/ /ji ltar byas pas she na/ kun nas nyon mongs pa dang rnam par byang ba'i phyogs gnyis zhes bya ba la/ kun nas nyon
261b6 mongs pa'i phyogs dang /rnam par byang ba'i phyogs mdor bsdus na rgyu dang 'bras bu phyin ci ma log pa nyid yin par dgongs te/ kun nas nyon mongs pa'i phyogs la sdug bsngal phyin ci ma log pa ni 'bras bu yin no/ /kun 'byung ba phyin ci ma log pa ni 'bras bu de'i rgyu min no/ /rnam par byang
261b7 ba'i phyogs la yang 'gog pa phyin ci ma log pa ni 'bras bu yin no//lam phyin ci ma log pa ni 'bras bu de'i rgyu yin no/ /de ltar na phyin ci ma log pa nyid yin par dgongs nas bden pa bzhi dag tu gsungs pa yin no/ /ming gi bram ze rnams zhes bya ba rgyas par 'byung ba la/ ming gi bram ze
262a1 rnams ni mchod sbyin sreg la sogs pa'o//mngon par mtho ba'i rgyu'i skabs su zhes bya ba ni mngon par mtho ba'i rgyu'i skabs su'o/ /las dang las kyi 'bras bu dang / bdag ni de'i bdag po yin pa'i dbang du byas nas zhes bya ba la/ las kyi dbang du byas nas zhes bya ba'o/ /
262a2 ched du byas nas dang / 'bras bu'i dbang du byas nas dang / bdag ni de'i bdag po zhes bya ba la/ 'bras bu'i bdag po yin pa'i dbang du byas nas bram ze'i bden pa gsum dag tu rnam par 'jog par byed do/ /gsum gang dag ce na/ go rims bzhin du mchod sbyin rnams la phyugs la sogs
262a3 pa sems can de dang de dag ni gsad par bya ba yin no zhes bya ba ni las kyi dbang du byas nas bram ze'i bden pa dang po rnam par 'jog par byed pa yin no/'jig rten rtag pa dag 'thob bo zhes bya ba ni 'bras bu'i dbang du byas nas bram ze'i bden pa gnyis pa rnam par byed pa yin no/ /de'i 'bras bu
262a4 bdag la 'byung bas bdag ni de'i 'bras bu la za ba yin no zhes bya ba ni bram ze'i bden pa gsum pa'i dbang du byas nas rnam par 'jog par byed pa yin no//de yang don yang dag pa'i bram ze slob pa dang mi slob ba rnams la brdzun pa yin no/ /bzlog pa ni bden pa yin pa'i phyir de la dgongs nas bram ze'i
262a5 bden pa gsum dag tu gsungs so//ji lta zhe na/ rgyas par gsungs nas bram ze dang / kun du rgyu dag bram ze rnams 'di skad du sems can thams cad ni gsad par bya ba ma yin no zhes zer na bden pa kho na zer ba yin te/ brdzun pa ni ma yin no zhes bya ba rgya cher 'byung ba yin no/ /ma nor ba ni ma
262a6 'khrul pa yin no//dper na rkang pa gnyis kyis rgal bar byed pa'i 'bab stegs la zhes bya ba ni 'di nas rgal bar byed pas na 'bab stegs so/ /brgal bar bya ba'i sgra mi mngon par byas pa'i phyir ro/ /de bzhin du ko grus brgal bar bya ba'i 'bab stegs la ko gru'i 'bab stegs zhes bya
262a7 ba'o//de bzhin du kun rdzob des khong du chud par bya ba ni kun rdzob kyi bden pa ste/ khong du chud par bya ba'i sgra mi mngon par byas pa'i phyir ro/ /ston pa rnams kyi zhes bya ba rgyas par 'byung ba ni ston pa ser skya dang 'ug pa la sogs pa mu stegs can rnams kyi lugs tha dad pa ste/ de'i grub pa'i
262b1 mtha' tha dad pa la dgongs nas zhes bya ba ni thugs la dgongs nas bden pa ni gcig kho na ste/gnyis pa med do zhes bya ba gsungs pa yin no/ /ci'i phyir zhe na/ 'di ltar bden pa gnyis phan tshun 'gal ba dag ni 'di kho na bden pa yin zhes bya bar mi nus pas so/ /de la de gnyis kyi rgyu yod cing
262b2 zhes bya ba ni phung po'i rgyun de la de gnyis kyi sems pa la sogs pa yod do//rgyu tshogs pa'i mtshan nyid kyi rgyu byed pa po las dgongs nas byed pa po mi dmigs so zhes gsungs pa ni ma yin te/ 'di ltar mdo de nyid las gang zhig phung po 'di dag 'dor zhing phung po gzhan dag tu mtshams sbyor bar byed
262b3 pa'i zhes bya ba de lta bu'i mtshan nyid kyi byed pa po ni mdo lta bu'i mtshan nyid kyi byed pa po ni med do zhes bya ba khyad par du mdzad pa dag yin no//las rnams nub kyang de'i 'bras bu/ /skye ba de yi chos nyid do/ /ji lta zhe na/ las rnams nub par gyur du zin kyang las des yongs su bsgos pa'i
262b4 sems kyi khyad par las rim gyis rgyud de nyid las 'bras bu 'byung ngo //de kho na bzhin du khas blangs pa'i phyir ro/ /ji ltar na de ltar khas blangs pa yin zhe na/ 'dus pa kha cig la 'byung ba chen po kha cig yod par khas blangs pa'i phyir ro/ /de lta na ni mdo sde dang yang mi 'gal te/ ji ltar
262b5 byas pas she na/skye mched so so'i mdo sde las zhes bya ba rgya cher 'byung ba yin no/ /skye mched so so'i mdo sde las skye mched dgu po mig gi skye mched la sogs pa nas/ lus kyi skye mched la thug pa rnams ni re re yang rigs smos pas te skye mched dang skye mched re re yang gzugs kyi rnam pa smos pas
262b6 ji ltar srid par 'byung ba chen po bzhi dag rgyur byas pa'o zhes bshad pa'i phyir 'dus pa re re ni sa la sogs pa 'byung ba chen po bzhi dag rgyur byas pa'o zhes bshad pa ni ma yin te/dper na sems can thams cad skye gnas bzhi las skyes pa yin no zhes bshad pa na/ sems can re re yang skye gnas
262b7 bzhi las skyes pa nyid du ni shes par mi bya'o//sems can gyi rigs gang ji snyed pa de thams cad ni skye gnas bzhi las skyes pa nyid las logs shig na mi gnas pa lta bu ste/ de dang 'dra'o/ /lag pa rdob pa lta bu las ji skad gsungs pa de kho na bzhin du khas blangs pa'i phyir te/ de las ji skad
263a1 gsungs she na/mig gi sha'i gong bu la rang gi nang na yod pa sra ba dang mkhrang bar gyur la khas blangs shing zin pa gang yin pa 'di ni mig gi sha'i gong bu la yod pa nang gi sa'i khams zhes bya'o/ /de bzhin du mig gi sha'i gong bu la yod pa nang gi rlung gi khams zhes
263a2 bya'o zhes bya ba'i bar du rgya cher 'byung ba de skad du gsungs pa yin te/'di lta ste/ gang gi phyir mig gi sha'i gong bu la zhes bya ba rgya cher smos pas de ltar yang khas blangs pa'i phyir ro/ /de ltar snang ba'i phyir ro zhes bya ba gzugs sngon 'byung ba dang / gzugs 'byung bar 'gyur ba zhes bya
263a3 bar snang bar 'gyur ba'i phyir ro//smras pa/ gzhan yang gzugs gang zhig med par yang de yod do zhes bya ba ste/ 'das pa/ 'gags pa/ bral ba/ yongs su gyur pa de yod do zhes bya bar rigs sam/ don de rtogs pa las rnam pa gzhan du ni mi 'thad pa'i phyir te mi srid pa'i phyir de sems
263a4 kyi rgyud la 'bras bu 'byin pa'i nus pa skyed par dgongs nas gsungs pa yin no zhes bya bar gzugs bar bya'o//de las skyes pa las zhes bya ba ni de las skyes pas na/ de las skyes pas te de la'o/ /grong la spyod do zhes bya ba ni/ grong de nyid la spyod pa ni ma yin no/ /'o na ci zhe na/ grong nas
263a5 byung ba'i 'bras bu gang yin pa'o//'on kyang de la gdags so/ /de bzhin du pa na bza'o zhes bya ba yang pa na de nyid za ba ni ma yin no/ /'o na ci zhe na/ de dag las byung ba'i 'bras bu gang yin pa'o/ /'on kyang de la gdags so/ /sngon gyi las yin par yang rig par bya'o zhes bya ba yang de ni sngon gyi
263a6 las ma yin no//'o na ci zhe na/ grong nas byung ba'i 'bras bu gang yin pa'o/ /'on kyang de la gdags so/ /de'i 'bras bu yin no/ /'on kyang de la gdags pa yin te/ 'dir yang de bzhin no/ /dgongs pa 'dis 'das pa dang ma 'ongs pa yod pa nyid du gsungs pa yin no/ /gang gis she na/
263a7 sngon byung ba nyid kyi gzugs de yod pa yin gyi/ gzugs kyi bdag nyid kyis ni ma yin no/ /'byung bar gyur pa nyid kyis gzugs de yod pa yin gyi/ gzugs kyi bdag nyid kyis ni ma yin no zhes bya ba yin no/ /mig ni ma skyes pa las skye zhing skyes nas kyang 'jig go zhes bya ba 'di yang rigs pa
263b1 yin no//de'i phyir gzhan du na rdzas las yin na ni gzugs ma 'ongs pa yod do zhes gsungs na/ mig ni ma skyes pa las skye zhing zhes bya ba dang 'gal bar 'gyur ro/ /de bzhin du gzugs 'das pa yod do zhes gsungs na/ skyes nas kyang 'jig go zhes bya ba dang 'gal bar 'gyur te/
263b2 'jig pa med par 'gyur ba'i tha tshig go/ /de'i phyir mdo sde gzhan las mig skye ba na zhes rgya cher gsungs pa de 'gal ba zhes smras pa gang yin pa de yang len btab pa yin no/ /de lta bas na 'dir yang mngon sum dang 'gal ba med cing snga phyi 'gal ba yang med do/ /ji skad bshad pa lta bus
263b3 da ltar byung ba'i gzugs bzhin du yod pa nyid du khas blangs pa'i phyir ro//de yang de yin te zhes bya ba rgyas par 'byung ba la/ de yang de yin zhes bya ba ni tshor ba la sogs pa gzugs la rag las te skye ba zhes gang smras pa de yin no/ /de ltar dang / mthong ngo zhes bya ba'i tshig 'di dang sbyar bar
263b4 bya'o//yang tshor ba la sogs pa gzugs la rag las te skye ba de ltar mthong ba su dag la zhe na/ gang dag gzugs las 'dod chags dang ma bral ba rnams te/ gzugs las 'dod chags dang ma bral ba de dag gzugs dang lhan cig tu mngon par 'grub pa na de ltar ma mthong ngo / /gzugs
263b5 las 'dod chags dang bral ba rnams ni gzugs med bzhin du lus mngon par 'grub pa yin pas rjes su dpag pa de mi 'thad de/'dod pa dang gzugs kyi khams gnyis su tshor ba la sogs pa gzugs la rag las te mthong zhes te/ gzugs med pa'i khams su yang gzugs med par
263b6 tshor ba la sogs par skye bar mi 'gyur ro zhes bya ba de'o//'on te de ltar mi 'dod na ni yang na gzugs las 'dod chags dang bral ba yin no zhes bya bar khas blang bar mi bya'o/ /'o na ci zhe na/ khams gsum las 'dod chags dang bral ba dgra bcom pa kho nar 'gyur te/ gzugs kyi khams
263b7 las 'dod chags dang bral ba gzugs med pa na spyod pa med pa'i phyir ro//yang na gzugs las 'dod chags dang bral ba ni yin la/ gzugs las 'dod chags dang bral ba de la yang phyis gzugs med pa'i khams su gzugs mngon par 'grub pa kho na yin no zhes bya bar khas blang bar
264a1 bya grang na/de yang mi rigs te/ ci'i phyir zhe na/ gzugs med pa'i snyoms par 'jug pa rnams ni 'di nyid du rab tu grags pa'i phyir ro/ /'di ltar gzugs med pa'i snyoms par 'jug pa rnams ni gzugs kho na las 'dod chags dang bral ba yin gyi/ tshor ba la
264a2 sogs pa dag las ni ma yin par 'dod pa'i khams sam/gzugs kyi khams 'di nyid du rab tu grags pa'i phyir mi rigs so/ /'di'i phyir yang mi rigs te/ 'dod pa rnams la rnam par sun 'byin par byed pa na 'dod pa rnams las 'dod chags dang bral ba yin la/ gzugs
264a3 rnams la rnam par sun 'byin par byed pa na ni gzugs rnams las 'dod chags dang bral ba ma yin no zhes bya ba'i rigs pa med pa'i phyir ro//'on te gzugs rnams las 'dod chags dang bral ba las kyang phyis gzugs mngon par 'grub pa kho na yin par 'dod na/ de lta na ni 'phags pa dgra
264a4 bcom pa la yang phung po mngon par grub pa yongs su zin kyang thar pa med par thal bar 'gyur ba'i phyir mi rigs so//'bras bu 'byin pa la ni de rnams kyi las stobs dang stobs med pa yin par brtag par bya'i/ /de ni rjes su dpag pa dang 'gal ba yin no zhes brjod pa ni mi rigs so/ /ji ltar na
264a5 'bras bu 'byin pa la ser sna can gtong ba de rnams kyi las stobs dang stobs med pa yin par brtag par bya zhe na/ser sna can rnams kyi ser snas longs spyod kyis phongs par 'gyur ba'i las gang yin pa de lan cig snod khyad par can la phul ba las skyes pa'i las stobs dang ldan pas gegs byas pas de
264a6 ma thag pa'i tshe rabs la rnam par smin par mi 'gyur ro//gal te des ma byas na ni de ma thag tu smin par 'gyur ro/ /de'i 'bras bu nyams su myong nas ni smin par 'gyur ro/ /de bzhin du gtong ba rnams kyi las longs spyod chen po nyid 'grub par 'gyur ba gang yin pa de yang gzhan dag longs spyod
264a7 dang bral ba las stobs dang ldan pa gang yin pa des gegs byas pa'i phyir de ma thag pa'i tshe rabs la phyug po nyid du mi 'thob bo//gal te med na ni de 'thob par 'gyur ro/ /de yang 'dir lha rnams dga' bas ni spangs pa'i don mi shes te/ de ni spangs pa'i don de skad ces mi zer ro/ /'o na ci zhe na/
264b1 'dir don ni gang zhig skye ba'i srid pa las 'dod chags dang bral la srid pa bar ma do las ni ma yin pa'i gang zag yod do zhes bya ba 'di yin no zhes bya bar ro/ /de ltar yang yin te/ 'dir don ni zhes bya ba rgya cher 'byung ba mngon par shes pa myur ba ni myur du mngon par shes par byed pas na/
264b2 mngon par shes pa myur ba ste/ de yang dbang po rnon po yin no/ /de ni mi skye ba'i chos nyid du gnas pa'i phyir zhes bya ba ni de'i skye ba'i srid par mtshams sbyor bar byed pa gang yin pa de'i nyon mongs pa de ni lam bsgoms pas mi skye ba'i chos nyid du gnas pa'i phyir ro/ /gzhan dag na re ste/ bye brag tu
264b3 smra ba dag na re skye ba'i kun du sbyor ba ni spangs la mngon par 'grub pa'i kun du sbyor ba ni ma spangs pa zhes bya ba'i spangs pa zhes bya ba ni skye ba'i srid par nying mtshams sbyor ba'i nyon mongs pa de so sor brtags pa ma yin pa'i 'gog pas thob pa la dgongs nas gsungs pa yin no zhes zer ro//bar ma
264b4 dor ni zad pa'i zhes bya ba ni bar ma dor yongs su mya ngan las 'da' ba yin no//de de'i zhes bya ba ni kun du sbyor ba de'o/ so sor brtags min pa'i/ 'gog pas 'gags te zhes bya ba ni/ so sor brtags pa'i 'gog pas 'gags pa'o/ /des na ni de'i de spangs pa zhes bya bar brjod/ rgyu des na skye
264b5 ba'i kun du sbyor ba de spangs pa zhes bya bar brjod do//gnyis po so sor brtags pa'i 'gog pa/ cig car yin par 'dod ces bya ba ni skye ba'i kun du sbyor ba dang / mngon par 'grub pa'i kun du sbyor ba ste/ cig car du 'dod do zhes bya ba'i tha tshig go/ /des cir 'gyur zhe na zhes bya ba rgya cher 'byung ba
264b6 ni gal te chang gang zhig mi 'dod bzhin du yang nyon mongs pa can ma yin pa'i sems kyis sman pa'i lung las so sor brtags nas 'thung ba srid pa yod na nyon mongs pa can ma yin pa'i sems ji ltar nyes par spyad par 'thad/'on te nyon mongs pa can ma yin pa'i sems kyis 'thung ba srid pa med
264b7 do zhe na/de ltar te sman pa'i lung gis so sor brtags nas 'thung ba la ji ltar nyon mongs pa can gyi sems su 'thad ce na/ smras pa/ de gang la zhes bya ba rgya cher 'byung ba yin no/ /gang zhig tshod zin pas zhes bya ba rgya cher 'byung ba ni slob dpon gyi zhal nas so/ /de ltar yang shes nas 'thung
265a1 ba zhes bya ba ni tshad 'di tsam gyis bdag myos par mi 'gyur ro snyam du de ltar shes nas 'thung ba'o//de yang rang bzhin gyi kha na ma tho ba dang bcas pa yin te zhes bya ba rgya cher 'byung ba ni chang 'thung ba de yang gang zhig chang 'thung bar byed pa chang 'thung ba las mi ldog pa rnams
265a2 dga' ba nyid kyis dang bdag nyid myos par 'gyur ro snyam du sems shing 'thung ba de ni rang bzhin gyi kha na ma tho ba dang bcas pa yin te/dgag pa bcas pa med kyang srog gcod pa dang 'dra'o/ /ci'i phyir zhe na/ kha na ma tho ba dang bcas pa nyid yin pa'i phyir te/ nyon mongs pa can gyi sems kyis 'thung
265a3 ba ni kha na ma tho ba dang bcas pa yin no//rnam par bshad pa rigs pa'i bshad pa la/ le'ur bcad pa gsum pa'o// //rnam par bshad pa rigs pa'i bshad pa/ bam po bcu gnyis pa/ sngar brgal ba bstan par 'gal ba ste snga phyi 'gal ba bstan pa gang yin pa'i 'gal ba
265a4 de'i phyir ro//'di dag yod na zhes bya ba ni gzugs can ma yin pa'i phung po bzhi dag dang / mig gi dbang po yod na'o/ /gzhan dag na re nga'o snyam pa'i nga rgyal yin no zhes zer ro zhes bya ba ni pha'o/ /gzhan du na ni mdo sde snga ma don med par 'gyur te/ tshor ba ni gsum ste bde ba dang / sdug bsngal ba
265a5 dang /bde ba yang ma yin sdug bsngal ba yang ma yin zhes bya ba de lta bu la sogs pa dang / de bzhin du chos thams cad ni bdag med pa'o zhes bya ba de lta bu la sogs pa mdo sde snga ma gal te dgongs nas gsungs pa ma yin na don med par 'gyur ro/ /de lta bas na mdo sde 'di dag dang 'gal ba rnams
265a6 kyi don ni dgongs pa can yin pa'i phyir 'gal ba med pa yin no//de'i tshe bcom ldan 'das kyis bshad pa sus kyang ma byas pas gzhan yang med par gyur pa yin no/ /lo nyi shu lhag cig ces bya ba ni lo nyi shu rtsa lnga yin te/ 'di ltar sde pa gzhan las lo nyi shu rtsa lnga po zhes 'don to/ /chos kyi phung
265a7 po brgyad khri lhag ces bya ba ni chos kyi phung po gnyis lhag pa'o//gnyis ni dge slong dag las so zhes bya ba ni chos kyi phung po gnyis so/ /de ni dge slong rnams las zhes bya ba rgya cher 'byung ba de ni dge slong rnams las gzung ba gang yin pa de kho nar zad do zhes smra bar rigs pa ni ma yin te/ ci'i phyir
265b1 zhe na/dus de srid du ste lo nyi shur bzhi bcu cha bas kyang ni chos kyi phung po brgyad khri bzhi bcu'i cha ni chos kyi phung po nyis stong ngo / /bzhi bcu'i cha de bas kyang nyung ba'i chos bshad pa ni mi rung bas so/ /mdo sde de mi snang ngo zhes bya ba ni gang du bcom ldan 'das kyis rta cang shes bzhon bzangs kyi chos
265b2 kyi rnam grangs bshad pa'o//mdo sde de mi snang ngo zhes bya ba ni gang du bcom ldan 'das kyis gcer bu pa rnams kyi dbang du mdzad nas gdams ngag mdzad pa'o/ /mdo sde de mi snang ngo zhes bya ba ni gang du mu stegs can kun du rgyu ba rab tu mang po dag bcom ldan 'das ga la ba der lhags nas zhes bya ba rgya
265b3 cher 'byung ba'o//mdo sde mi snang ngo zhes bya ba ni gang du tshor ba bzhi bshad pa'o/ /mdo sde de mi snang ngo zhes bya ba ni gang du bcom ldan 'das kyis kun dga' bo nga ni da ltar stong pa nyid kyis lan mang du gnas so zhes bya'o/ /mdo sde de mi snang ngo zhes bya ba ni gang du bcom ldan 'das kyis rgyal po chen po
265b4 bdag gis ni dge slong ngam/bram ze gang la las lan cig shes par 'gyur ba'am zhes rgya cher 'byung ba'o/ /mdo sde de mi snang ngo zhes bya ba ni gang du sngon 'phags pa kun dga' bo gsar bur gyur pa na zhes bya ba nas/ zab cing zab pa'i chos dang ldan pa'i gtam 'di lta bu 'di bshad do zhes bya ba'o/ /
265b5 mdo sde de mi snang ngo zhes bya ba ni gang du bcom ldan 'das kyis de la bsam gtan thams cad bsngags so zhes bya ba'o/ /mdo sde de mi snang ngo zhes bya ba ni gang du bcom ldan 'das kyis bka' stsal pa/ des na ngas dge slong sten lnga rnams la bka' stsal pa/ sten lnga dag nga sngon zhes bya ba rgya cher 'byung
265b6 ba'o//mdo sde de mi snang ngo zhes bya ba ni gang du bcom ldan 'das kyis bka' stsal pa/ sangs rgyas bcom ldan 'das spyan dang ldan pa dag ces bya ba rgya cher 'byung ba'o/ /mdo sde de mi snang ngo zhes bya ba ni gang du lam bstan pa bzhi po bshad pa zhes bya ba'o/ /mdo sde de mi snang ngo zhes bya ba ni gong du
265b7 mgon med zas sbyin gyis bcom ldan 'das la kun dga' rab phul ba'i rgyus lus zhig nas bde 'gro mtho ris zhes bya ba rgya cher 'byung ba'o//mdo sde de mi snang ngo zhes bya ba ni gang du bcom ldan 'das kyis sngar gsungs pas bstan pa na/ maud gal gyi bu maud gal gyi bu zhes rgya cher 'byung ba dang /
266a1 gang du 'di ni 'phags pa'i gnas pa yin pas 'di la bag med par ma byed cig ces bya ba'o/ /mdo sde de dag ni mdo sde de dag kho na'i nang nas 'byung bas de'i phyir mdo sde de mi snang ngo zhes gang smras pa de yang brjod par mi bya'o zhe na/ yongs su mya ngan las 'das pa chen po la sogs
266a2 pa'i mdo sde gzhan dag gi nang nas byung ba'i mdo sde mang po rnams ni 'dod pa tha dad par snang ste dper na/dbyar tshul dang / nye ba 'khor dang / legs mthong chen po dang / mig chung gi mdo sde la sogs pa lta bu'o/ /de lta bas na 'di dag dang / mdo sde'i khungs gzhan mang po dag gis zhes bya ba rgya
266a3 cher 'byung ba yin no//yang dag par bsdus pa'i bzhi po 'od srungs chen po la sogs pa dgra bcom pa rnams kyis mdzad pa gang yin pa de yang da ltar nyams so/ /ji ltar shes she na/ sde pa gzhan dag las lung dang / le'u dang mdo rnam par gzhag pa tha dad pa'i phyir ro/ /'di ltar sde pa gzhan
266a4 dag las te/slob dpon gyi rigs gzhan dag las lung rnam par gzhan pa tha dad pa de dag kha cig las ni lung bzhi'o/ /kha cig las ni lnga'o/ /de bzhin du lung dang le'u las le'u rnam par gzhag pa tha dad cing / mdo rnam par gzhag pa tha dad do/ /gzhan yang lung dang zhes bya ba rgya cher
266a5 'byung ba dang /gzhan yang sil bu dang zhes bya ba rgya cher 'byung bas so/ /chos thams cad ni ngo bo nyid med pa/ ma byung ba/ ma 'gags pa/ gzod ma nas zhi ba/ chos thams cad ni rang bzhin gyis yongs su mya ngan las 'das pa zhes 'byung ba yin no/ /byang chub sems dpa'i skyon med pas
266a6 'jug par 'dod pa zhes bya ba ni byang chub sems dpa' rnams kyi skyon med pa ste/mthong ba'i lam la 'jug par 'dod pa ni mngon sum du bya bar 'dod pa'o/ /dor bar 'dod pa zhes bya ba ni gtong bar 'dod pa'o/ 'chal pa'i shes rab kyi sems mi spro bar 'dod pas zhes bya ba ni 'chal pa'i shes rab
266a7 ni spro ba ste/rnam par rtog pa zhes bya ba'i tha tshig go/ /de ni 'di skad du rnam par rtog par rnam par mi rtog par 'dod pas zhes bya bar bstan pa yin no/ /'di lta ste/ sha'i spyan ni bdag cag lta bu la yod pa gang yin pa'o/ /lha'i spyan ni mngon par shes pa'i spyan te/ bsam gtan dang po la
266b1 sogs pa'i sa pa'o//'phags pa'i shes rab kyi spyan ni zag pa med pa'i ye shes so/ /chos kyi spyan ni 'jig rten las 'das pa'i rjes las thob pa'i ye shes te/ gang gis chos rab tu rnam par 'byed pa'o/ /sangs rgyas kyi spyan ni shes bya thams cad la rnam pa thams cad mkhyen pa'o/ /de la
266b2 sogs pa ni bstan ma thag pa ste/yang de nyid las bshad pa zhes bya ba dang sbyar ro/ /gzhan yang sdig pa thams cad so sor bshags pa la sogs pa yang bstan te/ de nyid las sdig pa thams cad so sor 'chags so/ /bsod nams thams cad kyi rjes su yi rang ngo / /sangs rgyas thams cad
266b3 la gsol ba 'debs so//bdag gi ye shes rdzogs pa'i byang chub tu gyur cig ces 'byung ngo / /gal te ngo bo nyid med pa la sogs pa'i zhes bya ba rgya cher 'byung ba yin no/ /nges pa'i don bshad pa med par yang zhes bya ba ni mdo sde'am tshigs su bcad pa'o/ /tshigs su bcad pa 'di gnyis ni
266b4 sgra ji bzhin gyi don du nges par gzung bar mi bya ste/mdo sde gzhan dang 'gal ba'i phyir ro/ /'di ltar 'di la kha cig mtshams med pa lnga'i las gang dag yin pa byas shing bstsags pas lus zhig ma thag tu sems can dmyal ba rnams su skye bar 'byung bar 'gyur ro zhes bya ba'i mdo sde 'di dang 'gal
266b5 lo//mdo gzhan 'di dang 'gal ba'i phyir/ pha dang ma ni gsad bya zhing zhes bya ba sgra ji bzhin gyi don du nges par gzung bar mi bya'o/ /'di ltar btsun pa gang su yang rung ba dge ba'i chos rnams la dad pa ma mchis pa de ni gang zag ma dad pa yongs su nyams pa'i chos can no zhes rgyas par 'byung ba
266b6 dang /de bzhin du dge slong dag gang dag byas pa shes pa/ byas pa tshor ba de dag ni nga'i yin no zhes rgya cher 'byung ba ni mdo 'di dang yang 'gal lo/ /mdo 'di dang 'gal ba'i phyir/ /ma dad byas pa mi shes dang / /zhes bya ba sgra ji bzhin gyi don du nges par gzung bar mi bya'o/ /'di 'gal du zin kyang zhes
266b7 bya ba rgya cher 'byung ba ni nyan thos dag na re'o//de ni de dag gi shes rab kyi nyes pa yin pa'am zhes bya ba rgya cher 'byung ba ni slob dpon gyi zhal nas so/ /gong du 'gal ba'i phyir ro zhes bya ba mngon par sbyar ro/ /ji ltar 'gal zhe na/ mdo gzhan las gang dag de bzhin gshegs pas gsungs
267a1 pa'i don dang zhes bya ba rgyas par 'byung bas so//dgongs pa'i rnam grangs kyi rtag pa gsungs pa yin par nyid zhal gyis 'che bar mdzad ces bya ba'i rtag pa ni mya ngan las 'das pa gsung ba yin par nyid zhal gyis 'che bar mdzad ces bya ba'i tha tshig go/ /kun nas nyon
267a2 mongs pa gsum pa yin par nyid zhal gyis 'che bar mdzad pa ni kun nas nyon mongs pa 'char bar mdzad pas kun nas nyon mongs pa gsung pa ste/kun nas nyon mongs pa gsung ba de yin par nyid zhal gyis 'che bar mdzad pa yin no/ /sdig pa'i chos rnams chad pa gsung ba yin par nyid
267a3 zhal gyis 'che bar mdzad pa yin no//srog gcod pa la sogs pa dag ni mi bya ba yin pa/ mi bya bar gsung bas na mi bya bar gsung ba ste/ mi bya bar gsung ba yin par nyid zhal gyis 'che bar mdzad pa yin no/ /'di ni log par lta ba can yin no zhes de skad gsungs pas na log par lta ba can
267a4 yin par gsungs ba'o//log par lta ba can yin pa nyid zhal gyis 'che bar mdzad pa yin no/ /gzhan la dad par mi mdzad pas na ma dad pa yin te/ de ltar na ma dad pa yin par nyid zhal gyis 'che bar mdzad pa yin no/ /byas pa mi shes pa ni mya ngan las 'das pa shes pa ste/ de ni ma byas pa yin
267a5 pa'i phyir ro//de ltar na byas pa mi shes pa yin par nyid zhal gyis 'che bar mdzad pa yin no/ /yang srid pa'i mtshams sbyor ba 'joms par mdzad pas na khyim 'bugs pa yin te/ de ltar na khyim 'bugs pa yin par nyid zhal gyis 'che bar mdzad pa yin no/ /bcom ldan 'das de ni skyugs
267a6 pa bza' ba ste srid pa na skyugs pa ste/de spangs pa yin no/ /de ltar skyugs pa za ba yin par nyid zhal gyis 'che bar mdzad pa yin no/ /gang la khams gsum pa 'dir go skabs bcom pa yod pa de ni go skabs bcom pa yin te/ de ltar na go skabs bcom pa yin par nyid zhal gyis 'che
267a7 bar mdzad pa yin no//de bzhin gshegs pa ni zhes bya ba rgya cher 'byung ba la/ de bzhin gshegs pa ni bstan pa de dag la ste/ rtag pa la sogs pa bstan pa de dag la med cing mi snang ngo / /da ni de bzhin gshegs pas dgongs nas gsungs pa yin no/ /de bzhin gshegs pa ni
267b1 dgongs pa de gang gis te/thugs la dgongs pa gang gis bshad pa na sems can rnams kyis dgongs pa de rtogs nas mngon pa'i nga rgyal gtong ba'i dgongs pa de dag ston par mdzad pa yin no zhes bya ba rgya cher 'byung ba yin no/ /yang na 'dod na ni zhes bya ba ni sgra ji bzhin gyi don ma yin pa nyid
267b2 du'o//yod pa yang ma yin med pa yang ma yin pa'ang yin te zhes bya ba ni rtag pa dang chad pa'i mtha' spangs nas gsungs pa yin no/ /ci'i phyir zhe na/ 'di ltar chos 'di kun rgyu la brten nas 'byung ba yin zhes bya ba ni 'du byed la sogs pa'i chos 'di dag thams cad ni rgyu ma rig pa la sogs pa la
267b3 brten nas 'byung ba yin no//de'i phyir 'di la bdag med cing zhes bya ba rgya cher 'byung ba yin no/ /mi mos pa'i gnas su gyur pa'i nyes pa zhes bya ba ni mi dad pa'i gnas su gyur pa'i nyes pa zhes bya ba'i tha tshig go/ /brtsal ba nyams pa'i nyes pa zhes bya ba ni dge ba'i chos rnams la lhag par
267b4 gnas pa nyams pa zhes bya ba'i tha tshig go//rang dga' dag gis blo ni nyams su 'gyur la zhes bya ba la/ rang dga' ni rang gi lta ba mchog tu 'dzin cing sangs rgyas bcom ldan 'das rnams kyis bkrir mi btub pa ste/ blo nyams par 'gyur/ chos la khong khro sgrib par 'gyur ba yin zhes bya ba
267b5 ni chos la yang khong khro bar 'gyur zhing de la yang sgrib par 'gyur ro//kun du sbyor ba las byung ba'i ngo bo nyid ces bya ba ni kun du rtog pa'i ngo bo nyid la dgongs nas zhes bya ba'i tha tshig go/ /kun nas nyon mongs pa'i chos rnams dang zhes bya ba ni kun nas nyon mongs pa'i chos rnams ni nyon mongs pa
267b6 can rnams so//rnam par byang ba'i chos rnams la yang zhes bya ba ni rnam par byang ba'i chos dge ba rnams so/ /med pa nyid du mtshan mar bzung nas zhes bya ba ni 'du shes kyis med pa nyid du mtshan mar bzung nas zhes bya ba'i tha tshig go/ /lta ba ma yin par lta ba zhes bya ba ni lta ba yod pa bzhin du mi
267b7 lta'o zhes lta ba la lta ba ma yin par lta'o//skur pa 'debs pa'i lta ba zhes bya ba ni skur pa 'debs pa'i lta ba la sogs pa skur pa 'debs pa gsum po gang yin pa de dag ste/ der lta ba ni skur pa 'debs pa'i lta ba'o/ /bdag gam gzhan gyi phyir zhes bya ba ni bdag gam gzhan gyi dbang du byas nas
268a1 zhes bya ba'i tha tshig go//de ni bdag gam gzhan gyi phyir re zhig theg pa dman pa zhes bya ba rgya cher 'byung bas ni bstan pa yin no/ /ji skad bstan pa'i lta ba'i tshul nges par 'byin pa ma yin pa de gnyi ga yang 'di la yod pa 'di ni nges par 'byin pa ma yin pa'i lta ba'o/ /
268a2 thag ring du zhes bya ba ni rgyang ring du zhes bya ba'i tha tshig go/ /ston pa zhes bya ba ni gsal bar byed ces bya ba'i tha tshig go/ /bkur sti byed pa ni ma yin no zhes bya ba gang zhig med par lta ba de la brten pa'o/ /chos kyis phongs par 'gyur ba'i las ci 'dra ba zhig dus tshad med par sgrib pa yongs su
268a3 'dzin par byed pa ste/dus tshad med par sgrib pa yongs su 'dzin par byed pas na dus tshad med par sgrib pa yongs su 'dzin pa'o/ /dus tshad med par sgrib pa yongs su 'dzin par byed pa'i las dang 'jig rten kun du sbyor bar byed do/ /mi skye ba'i chos la bzod pa 'thob bo zhes bya ba ni de la mi skye ba'i
268a4 chos ni brgyad de/'di lta ste/ 'khor ba gzod ma nas mi skye ba'i chos ni 'khor bar sngon skyes skyes pa gang dag yin pa'i chos de dag kho na mi skye ba dang / 'khor bar sngon gang dag ma skyes pa nga'i chos kyi tshul sngon ma byung ba rnams kyang mi skye ba dang / kun brtags pa'i ngo bo nyid rang gi mtshan
268a5 nyid kyis mi skye ba dang /gzhan gyi dbang gi ngo bo nyid rang gis mi skye ba dang / yongs su grub pa'i ngo bo nyid dngos po gzhan du mi skye ba dang / dgra bcom pa la phyis kun nas nyon mongs pa mi skye ba dang / sangs rgyas dang chos kyi sku rnams la khyad par du mi skye ba ste/ mi skye ba'i chos brgyad po
268a6 'di dag la bzod pa 'thob bo//bdog pa thams cad yongs su gtong ba nyid ni rang gi dngos po yongs su gtong ba nyid ces bya ba'i tha tshig go/ /rgyu ci zhig gis na bdog pa thams cad yongs su gtong ba yin zhe na/ lta ba spangs pas te/ bdag dang bdag gir lta ba yongs su spangs pa zhes
268a7 bya ba'i tha tshig go//tshul khrims yongs su dag pa nyid ni byang chub sems dpa' rnams kyi gzugs na spyod pa'i tshul khrims yongs su dag pa yin no/ /rgyu ci zhig gis na de rnams kyi de yongs su dag pa zhes bya zhe na/ nyon mongs pa thams cad rab tu zhi bas te/ 'chal ba'i tshul khrims
268b1 kun nas slong bar byed pa 'dod pa na spyod pa'i nyon mongs pa rnams spangs pa zhes bya ba'i tha tshig go//bzod pa'i stobs dang ldan pa nyid ni rgyu gang gis na byang chub sems dpa' bzod pa'i stobs dang ldan pa yin zhe na/ chos la 'jug pas te/ rten cing 'brel bar 'byung ba'i chos nyid
268b2 rtogs pas zhes bya ba'i tha tshig go//brtson 'grus brtsams pa nyid ni rgyu gang gis na byang chub sems dpa' rnams brtson 'grus brtsams pa yin zhe na/ dben pa'i chos la mos pa ste/ stong pa nyid kyi chos la mos pas zhes bya ba'i tha tshig go/ /de rnams kyi sems ni de la mos pas
268b3 rnam par mi g.yeng ba'i stobs skye bar 'gyur ro//byang chub sems dpa' rnams ni bzhi po gzhan dag dang yang ldan no zhes rgya cher 'byung ste/ rgyu gang gis na byams pa chen po zhes bya zhe na/ sems can thams cad yongs su skyob pa nyid kyis te/ nges pa'i tshig gi tshul gyis bdag gis
268b4 sems can 'di dag thams cad yongs su bskyab par bya ba yin no//rgyu gang gis na snying rje chen po yin zhe na/ 'khor ba las yongs su mi skyo ba nyid kyis te/ byang chub sems dpa' rnams ni 'khor ba las yongs su mi skyo'o/ /rgyu gang gis na dga' ba chen po yin zhe na/ chos la dga' ba
268b5 dang rab tu dga' ba nyid kyis te/chos la dga' ba yang yin la rab tu dga' ba yang yin pas dga' ba dang rab tu dga' ba'o/ /chos rnams la dga' ba dang / rab tu dga' bas na chos la dga' ba dang rab tu dga' bas te des so/ /'dir yang 'di ltar yang shes par bya ste/ gal te
268b6 dga' ba dang rab tu dga' ba yin la/bde ba yin yang dga' ba zhes bya ba gang yin pa de ni yid bde ba'i khyad par 'ga' zhig kho na la bya'o/ /rab tu dga' ba zhes bya ba'i khyad par gang yin pa de yang yid bde ba'i khyad par 'ga' zhig yin te/ mdo las rab tu dga' ba las dga' ba skye
268b7 ba'i phyir ro zhes 'byung ba'i phyir ro//rgyu gang gis ni btang snyoms chen po yin zhe na/ rjes su chags pa dang khong khro ba spangs pas te/ de gnyis ka spangs pas btang snyoms la gnas pa yin no/ /mdo sde gzhan gyi khyad par gzhan mang po dag las zhes bya ba ni mdo sde gzhan dag gi mdo sde'i
269a1 khyad par de dag las mdo sde'i tshig gang dag 'byung ba de dag ni mdo sde gzhan gyi khyad par te/chos thams cad ni ngo bo nyid med pa zhes bya ba la sogs pa de lta bu yin no/ /dgongs pa med par mkhas pa su zhig smra bar byed do/ /'dir dgongs pa ni mtshan nyid ngo bo nyid
269a2 med/skye ba ngo bo nyid med don dam ngo bo nyid med do zhes ngas bshad de zhes bya ba yin no/ /de la mtshan nyid ngo bo nyid med pa ni kun du brtags pa'i ngo bo'o/ /skye ba ngo bo nyid med pa nyid ni gzhan gyi dbang gi'o/ /don dam pa ngo bo nyid med pa nyid ni yongs su grub pa'i'o/ /mtshan nyid ngo bo nyid med pa nyid ces
269a3 bya ba nas/don dam pa ngo bo nyid med ces bya ba'i bar gyi yi ge'i don ci zhe na/ rang gi dngos po ni ngo bo nyid do/ /'di la ngo bo nyid med pas ngo bo nyid med pa ste/ de'i dngos po ni skye ba ngo bo nyid med pa ste/ mtshan nyid gzugs la sogs pa'i ngo bo nyid med pa'o/ /de'i dngos po ni mtshan nyid med pa nyid ni
269a4 gzhan gyi dbang gi'o//gzhan gyi dbang gang las skye ba ngo bo nyid med pa ste/ de'i dngos po ni skye ba ngo bo nyid med pa nyid do/ /don dam pa ngo bo nyid med pa de ni don dam par ngo bo nyid med pa nyid do/ /de yang gzhan gyi dbang gi ngo bo nyid dag ni gzung ba dang 'dzin pa'i mtshan nyid dang mtshan nyid mi mthun
269a5 pa nyid yin no//de ltar byas na chos rnams ni ngo bo nyid med pa yin no/ /gang dag ngo bo nyid med pa de dag ni ma skyes pa yin no/ /gang dag ma skyes pa de dag ni ma 'gags pa yin no/ /gang dag ma 'gags pa de dag ni gzod ma nas zhi ba yin no/ /gang dag gzod ma nas zhi ba de dag ni rang bzhin gyis
269a6 yongs su mya ngan las 'das pa yin no zhes rab tu bstan pa yin no//de dag brtags pa bzhin du med/ /ces bya ba ni sems dang sems las byung ba de dag byis pa rnams kyis ji ltar brtags pa de ltar med do/ /de dag med pa 'ong ma yin no zhes bya ba ni de dag brjod du med pa'i ngo bor ro/ /gal te
269a7 chos thams cad kyi ngo bo nyid med par gyur na/dngos po thams cad med pa'i phyir/ /kun nas nyon mongs dag pa med/ /ces bya ba'i skyon 'dir 'gyur ro/ /chos rnams thams cad ma skyes pa/ /zhes bya ba ni 'dus byas rnams so/ /gal te kun du brtags pa'i rang bzhin gyis chos thams cad ma
269b1 skyes pa yin na ci la brten nas rnam par rtog pa skye zhe na/gzhan gyi dbang la zhes bya ba rgya cher 'byung ba yin te/ gzhan gyi dbang gi ngo bo nyid la brten nas rnam par rtog pa ste der rnam par rig pa skye'o/ /nam zhig gzhan gyi dbang dag ste/ ci lta bu zhe na/ rnam par rtog dang bral ba na/ /zhes bya ba
269b2 ni gzung ba dang 'dzin pa'i dngos po dang bral ba'o//shin tu gyur pa de bzhin nyid la gnas pa'o/ /de lta bu ni gzhan gyi dbang gi mtshan nyid shin tu gyur pa dang de bzhin nyid kyi bdag nyid la gnas pa yin no/ /phyi rol don mthong brtags na ni/ /phyi rol gyi don gzugs dang sgra la sogs pa mthong na ste
269b3 dmigs na brtags pa ni ste/brtags par bya ba gang yin pa ni kun du brtags pa'i rang bzhin no zhes bya ba 'di yin par khong du chud par bya'o/ /gzhan gyi dbang ni/ rtogs pa gang gis rtog byed pa/ /zhes bya ba rgyas par 'byung ba yin no/ /phyi rol don mthong log pa ste/ /zhes bya ba rgya cher 'byung
269b4 ba ni phyi rol gyi don gzugs dang sgra la sogs pa mthong ba ni log pa yin no//ji ltar log pa yin zhe na/ 'di ltar gzugs dang sgra la sogs pa'i don med kyi/ de ni sems 'ba' zhig ste/ gzugs dang sgra la sogs pa snang ba'i rnam par rig pa tsam skye'o zhes bya ba'i tha tshig go/ /de ltar/
269b5 rigs pas rnam par gzhigs na ni/ /gzung ba dang ni 'dzin pa 'gag /ces bya ba ni gzung ba gang yin pa dang / 'dzin pa gang yin pa de gnyi ga spangs so zhes bya ba'i tha tshig go/ /ji ltar byis pas brtags pa ltar/ /phyi rol gyi ni don med do/ /gal te phyi rol gyi don med na ji ltar der snang ba'i
269b6 rnam par shes pa skye zhe na/bag chags kyis ni dkrugs pa'i sems/ /don du snang ba shin tu 'byung / /rnam par rig pa'i bag chags kyis dkrugs pa ste/ bsgos pa'i sems kun gzhi rnam par shes pa la 'jug pa'i rnam par shes pa rab tu 'byung ngo / /de lta bas na kun gzhi rnam par
269b7 shes pa la de ltar bsgos pas gzugs la sogs pa'i rnam par 'dzin pa'i 'jug pa'i rnam par shes pa skye'o zhes bya ba'i tha tshig go//de la kun gzhi rnam par shes pa ni rgyu yin la/ lhan cig 'byung ba'i 'jug pa'i rnam par shes pa ni bdag po'i rkyen yin no/ /bshad pa 'di dag thams
270a1 cad kyi don gyi mtshams sbyar ba ni mi rung ste/kha cig theg pa chen po'i mdo sde kha cig las 'byung ngo / /stong pa nyid la sogs pa'i mdo sde zhes bya ba ni stong pa nyid dang / gzugs can snying po bsu ba dang / mi'i mdo la sogs pa'o/ /srid pa bar mdo dang ldan pa'i
270a2 mdo sde gang dag ce na/srid pa bdun zhes bya ba de lta bu la sogs pa ste/ srid pa bdun zhes bya ba'i mdo dang / phyir mi 'ong ba'i mdo dang / 'gro ba'i mdo dang mngal du 'jug pa'i mdo sde zhes bya ba de lta bu la sogs pa'i mdo sde rnams ni sa ston pa'i sde la sogs pa rnams kyis khas mi len
270a3 te/sa ston pa'i sde dang / chos srung ba'i sde dang / 'od srungs kyi sde la sogs pa de rnams kyis khas mi len pas de dag sangs rgyas kyi gsung du mi 'gyur ro/ /sde pa phan tshun tha dad pa'i mdo sde gang dag yin pa 'di lta ste/ chos kyi phyag rgya'i mdo dang / 'gro ba'i mdo sde la sogs pa'o/ /sangs
270a4 rgyas kyi gsung mtha' dag ni deng song mi snang ngo zhes de skad kyang bstan zin to//sangs rgyas kyi gsung gang mi snang ba de ni slob dpon gyi rigs 'gas kyang yongs su ma bzung bas de dag sangs rgyas kyi gsung du mi 'gyur ro/ /ci'i phyir zhe na/ de sangs rgyas kyi gsung yin zhe na/ chen po bstan pa
270a5 tshad ma nyid yin pa'i phyir ro//'di ltar mdo las chen po bstan pa tshad ma yin gyi/ nag po bstan pa ma yin te/ ji lta zhe na/ rgya cher gsungs nas/ 'di la kun dga' bo dge slong zhig 'ongs nas de 'di skad ces/ 'di lta ste/ 'di ni chos yin/ 'di ni 'dul ba yin/ 'di ni ston pa'i bstan pa
270a6 yin te/bcom ldan 'das las mngon sum du thos shing mngon sum du bzung ba yin no zhes zer na/ dge slong de'i bshad pa de la spro bar yang mi bya zhing smad par yang mi bya'o/ /spro bar yang ma byas shing smad par yang ma byas par mdo sde la 'jug par bya/ 'dul ba la snang bar bya'o/ /chos
270a7 nyid dang mthun par bya'o//gal te mdo sde la 'jug par byas/ 'dul ba la snang bar byas pa las/ mdo sde la mi 'jug /'dul ba la mi snang / chos nyid dang mi mthun par/ dge slong de la 'di skad ces tshe dang ldan pa gor ma chag par chos 'di dag ni bcom ldan 'das kyis gsungs pa ma
270b1 yin zhing tshe dang ldan pa nyid kyis nye bar bzung ba yin te/'di ltar chos 'di dag ni mdo sde la 'jug par byas/ 'dul ba la snang bar byas pa las/ mdo sde la mi 'jug /'dul ba la mi snang / chos nyid dang mi mthun pas 'di ni chos ma yin/ 'di ni 'dul ba ma yin/ 'di ni ston
270b2 pa'i bstan pa ma yin no snyam du shes par bya ste dor bar bya'o zhes brjod par bya'o//'o na 'phags pa'i bden pa'i mdo sde la 'jug pa ste/ 'di lta ste/ rgya cher gsungs nas/ dge slong dag bzhi po 'di dag ni 'phags pa'i bden pa dag go/ /bzhi po gang dag ce na/ sdug bsngal
270b3 'phags pa'i bden pa dang /kun 'byung ba dang / sdug bsngal 'gog pa dang / sdug bsngal 'gog par 'gro ba'i lam 'phags pa'i bden pa'o zhes rgya cher 'byung ba'o/ /nyon mongs pa 'dul ba la snang zhes bya ba ni nyon mongs pa 'dul ba ni nyon mongs pa'i gnyen po gang yin pa'o/ /
270b4 rten cing 'brel par 'byung ba'i chos nyid dang mi mthun pa ma yin pa zhes bya ba ni 'di yod pas 'di 'byung zhes bya ba'i chos nyid dang mi mthun pa ma yin pa'o/ /gal te 'gal ba'i phyir ro zhe na/ nyes pa de ni sngar bsal zin to/ /ji lta zhe na/ gal te de lta bu'i rang bzhin dang 'gal ba'i phyir theg
270b5 pa chen po sangs rgyas kyi gsung ma yin na khyed la grags pa'i sangs rgyas kyi gsung gang yin pa gzhan yang de bzhin du sangs rgyas kyi gsung du mi 'gyur ro//ci'i phyir zhe na/ 'gal ba'i phyir ro zhes rgya cher 'byung ba yin no/ /de lta bu'i tshig rnams ni zhes bya ba ni chos thams cad ni
270b6 ngo bo nyid med pa zhes bya ba de lta bu la sogs pa de lta bu'i rnam pa'i tshig rnams so//rang bzhin gyis mig skyon can du gyur pa dag la zhes bya ba ni ngo bo nyid kyis mig skyon can du gyur pa dag la'o/ /de med pa nyid yin pa dang 'dra bar zhes bya ba ni ji ltar de dag la der 'dzin pa bsal ba'i
270b7 phyir gzugs de med pa nyid yin par bstan pa de dang 'dra'o//mgo smos pa mi shes pa zhes bya ba rgya cher 'byung ba ni gang dag don rnam par ma phye ba mi rtogs pa de dag ni mgo smos pa mi shes pa ste/ mgo smos pa mi shes pa de rnams brjod du med pa'i chos gang yin pa ste/ brjod du med
271a1 pa'i ngo bo'i chos de med par 'dzin pa bsal ba'i phyir ro//de ltar na kha cig gi zhes bya ba rgyas par 'byung ba ni ji ltar bstan pa de ltar na kha cig gi sgro 'dogs pa'i mtha' ni sgro 'dogs pa nyid mtha' yin pas sgro 'dogs pa'i mtha' ste/ kun du brtags pa'i ngo bo nyid du
271a2 'dzin pa gang yin pa de spangs pa yin no//kha cig gi skur pa 'debs pa'i mtha' ni skur pa nyid mtha' yin te/ gzhan gyi dbang gi ngo bo nyid la skur pa 'debs pa spangs pa yin no/ /smos pa'i rnam pa bstan pa ni don rnam par ma phye bar bstan pa'o/ /mdor bsdus pa zhes bya ba rgya cher 'byung ba ni
271a3 gang zag cig 'jig rten du 'byung ba na zhes bya ba ni mdor bsdus pa'o//de'i don rjes su mthun pa nyid ni mi mthun pa med pa'i don du de bstan par rig par bya'o/ /dgongs pa sna tshogs kyi thabs te/ dgongs pa sna tshogs kyi thabs de dang mthun pa nyid du mgo smos pa'i rnam pa bstan pa yin par
271a4 rig par bya'o//bsgrim pa drag pos de kho na nyid rtogs pa ni bsgrim pa drag pos de kho na nyid rtogs pa ste/ de rtogs pa dang mthun pa nyid du smos pa'i rnam pa bstan pa yin par rig par bya'o/ /de'i don la khong du chud pa las te smos pa'i rnam pa bstan pa'i don khong du chud pa las dga' ba'i khyad
271a5 par gyis bde bar gnas pa dang mthun pa nyid du de bstan pa yin par rig par bya'o//'bel pa'i gtam nyid rnam par gtan la dbab pa ni 'dus nas gang brjod par bya ba de ni 'bel ba'i gtam mo/ /de'i dngos po ni 'bel ba'i gtam nyid do/ /'bel ba'i gtam nyid kyis rnam par gtan la
271a6 dbab pa ni 'bel ba'i gtam nyid rnam par gtan la dbab pa ste/des shes rab kyis dpyod pa ni 'bel ba'i gtam rnam par gtan la dbab pas shes rab dpyod pa'o/ /de'i thabs dang mthun pa nyid du bstan pa yin par rig par bya'o/ /gal te byis pas kun du brtags pa'i ngo bo nyid yod
271a7 pa nyid du 'dzin pa bsal ba'i phyir chos thams cad ni ngo bo nyid med pa/ma skyes pa/ ma 'gags pa zhes bya ba de lta bu la sogs pa de skad gdon mi za bar bstan par bya ba yin na/ ci'i phyir nyan thos rnams la yang nyan thos kyi theg par chos thams cad ni ngo bo nyid med pa/ ma skyes pa/ ma 'gags
271b1 pa zhes bya ba de lta bu la sogs pa de skad ma bstan pa yin zhe na/skyo bar bya ba yin pa'i phyir ro/ /'di ltar nyan thos kyi rigs de dag ni 'khor ba las skyo bar bya ba yin la/ chos la bdag med pa nyid la mos na ni 'khor ba las skyo bar mi 'gyur ro/ /gang zag la bdag med pa nyid la ni gzung
271b2 bar bya ste/ci'i phyir zhe na/ de la bdag tu 'dzin pa'i dbang gis lus la srid pas sdug bsngal las rnam par mi 'grol ba'i phyir ro/ /'di ltar gzugs dang tshor ba la sogs pa'i chos de rnams la bdag tu 'dzin pa'i dbang gis lus la sred pas sdug bsngal las rnam par
271b3 mi 'grol lo//de'i phyir de dag las grol bar bya'o/ /de lta bas na de dag la gang zag med pa kho na bstan gyi chos med pa ni ma yin no/ /ji ltar na phyed ni bden pa bstan/ phyed ni brdzun pa yin zhe na/ ji skad du zhes bya ba rgya cher 'byung ba ni/ 'di na bdag gam sems can med/ /ces bya ba ni bden
271b4 pa'o//chos ni rgyu dang bcas las 'byung / /zhes bya ba ni brdzun pa'o/ /las yod rnam par smin pa yod/ /ces bya ba yang brdzun pa'i don no/ /byed pa po ni mi dmigs so/ /zhes bya ba ni bden pa'o/ /ji ltar na ji ltar kun du brtags pa bzhin du 'dzin na bslus par mi 'gyur/ smras pa/
271b5 de rnams kyi lhan cig skyes pa'i sems can du lta ba de ni zhes bya ba rgya cher 'byung ba la/ de'i phyir yang de bshad pa yin no zhe na zhes bya ba ni bde 'gror 'gro bar bya ba'i phyir ro/ /de'i phyir yang de bshad pa yin no zhes bya ba ni mya ngan las 'das par 'gro bar bya ba'i phyir ro/ /gal te zhes bya ba rgya cher 'byung
271b6 ba ni smras pa/gal te yang dag pa ji lta ba bzhin ma yin par kun du rtog na ji ltar lhan cig skyes pa'i chos su lta ba de ni mya ngan las 'das pa'i bar du gcod par mi byed/ ji lta zhe na/ 'khor ba la ni sdug bsngal ba nyid dam/ mya ngan las 'das pa nyid ni zhi ba nyid du'o zhe na/ 'dir bshad pa/
271b7 yang dag pa ji lta ba bzhin ma yin par kun du rtog pa yang zhes bya ba rgya cher 'byung ba ni yang dag pa ma yin pa'i kun du rtog pa 'di la 'phags pa'i ye shes kyi rgyu mthun pa bstan pa'i rten yod pas 'di ni 'phags pa'i ye shes kyi rgyu mthun pa bstan pa'i rten can te/ de lta bu'i mtshan nyid
272a1 de ni rnam par byang ba dang mthun pa yin no//ci'i phyir de'i rten tsan yang dag pa ji lta ba bzhin ma yin par kun du rtog pa de nyid ni rnam par byang ba dang mthun pa yin la/ gzhan gyi rten can yang dag pa ji lta ba bzhin ma yin par kun du rtog pa gang yin pa kha cig ma yin zhe na/
272a2 bshad pa de nyid yin no/ /ci'i phyir zhe na/ de'i gzhi ni brjod du med pa'i mtshan nyid du yod pa'i phyir ro/ /'di ltar 'phags pa'i ye shes kyi rgyu mthun pa bstan pa'i gzhi rten gang yin pa de ni brjod du med pa'i mtshan nyid du yod pa yin te/ ji ltar 'phags pa rnams kyis dmigs pa'i chos de lta bur
272a3 yod do snyam du sems pa'i byang chub sems dpa' las dang po pa rnams la rnam par byang ba dang mthun pa yin no//dper na mi dag ci rigs su 'dod pa dang / gzugs dang / gzugs med pa na spyod pa'i lha rnams kyi lus phun sum tshogs pa thob nas rtog par byed/ rnam par grol ba dang / gnas
272a4 phun sum tshogs pa thob nas rtog par byed na/ci de bzhin yang dag pa ji lta ba bzhin du kun du rtog pa yin nam/ smras pa/ ma yin no/ /'on kyang rtog pa de de la brtson pa rnams kyis te/ de thob pa'i thabs tshul khrims dang / ting nge 'dzin la brtson pa rnams kyis de thob par bya ba'i phyir de'i lus
272a5 dang /gnas thob par bya ba'i phyir dang / rnam par grol ba thob par bya ba'i phyir mi mthun pa ma yin nam/ de bzhin du so so'i skye bo rnams ni mi rtag pa la sogs pa'i rnam pa dag gis chos rnams la kun du rtog pa na yang dag pa ji lta ba bzhin du rtog pa ma yin te/ ci'i phyir zhe na/ sgyu ma'i dra ba las
272a6 bcom ldan 'das kyis/'phags pa 'jig rten las 'das pa ni bden pa yin par gsungs so zhes 'byung ba'i phyir ro/ /ji skad ce na/ rgya cher gsungs nas/ mig gi rnam par shes par bya ba'i gzugs yid bde ba dang mthun pa 'das pa dang / ma 'ongs pa dang / da ltar byung ba gang
272a7 yin pa 'di dag ste/bdag ni 'di la rtag pa nyid dam/ brten pa nyid dam/ ther zug nyid dam/ yang dag pa nyid dam/ bden pa nyid dam/ de kho na nyid dam/ ji lta ba nyid dam/ ma log pa nyid dam/ phyin ci ma log pa nyid med pa dang / bcom ldan 'das kyis 'phags pa 'jig rten las
272b1 'das pa ni bden pa yin par gsungs kyi 'di ni gsog kyang yin gsob kyang yin/'di ni slu ba'i chos kyang yin pa zhes bya ba nas/ de bzhin du yid kyi rnam par shes par bya ba'i chos de dag gi bar du 'byung ba yin no/ /gzhan yang theg pa chen po las yang dag pa ma yin pa kun du rtog pa yang kha
272b2 cig thar pa dang mthun pa yin par tshigs su bcad pa bstan pa yang yin no//yang dag min pa yang dag min ni zag pa dang bcas pa'i thar pa dang mthun pa yin no/ /ji ltar byas pas she na/ re zhig yang dag pa ma yin pa ni brjod du med pa'i mtshan nyid mi rtogs pa'i phyir ro/ /yang dag pa ma yin
272b3 pa yang ma yin te/'o na ci zhe na/ yang dag pa kho na yin no/ /de ci'i phyir zhe na/ de rtogs pa dang mthun pa'i phyir ro/ /brjod du med pa'i mtshan nyid rtogs pa dang mthun pa'i phyir ro zhes bya ba'i tha tshig go/ /chos rnams kyi de bzhin nyid de gang zhe na/ gang zag dang chos la bdag med pa nyid do/ /
272b4 ci'i phyir 'jig rten las 'das pa'i lam dang / chos rnams kyi de bzhin nyid ni rtog pa gang yin zhe na/ rnam par rtog pa'i mtshan nyid med pa'i phyir ro/ /'di la de gnyi ga rnam par rtog pa'i mtshan nyid du med pas so/ /rtog min mi rtog ma yin pa ni 'phags pa rnams kyi 'jig rten las 'das
272b5 pa'i rjes las thob pa dag pa/'jig rten pa'i ye shes yin te/ ci'i phyir zhe na/ yang dag pa ji lta ba'i yul yin pa'i phyir rtog pa ma yin no/ /chos kyi mtshan nyid rnam par 'jog pa'i phyir rtog pa ma yin no/ /de ni tshig dang yi ge khong du chud par byed pa'i phyir rnam par rtog pa zhes bya'i/
272b6 yang dag pa ji lta ba bzhin ma yin par rtog pa'i phyir ni ma yin no/ /shes bya thams cad yin par bstan/ /zhes bya ba ni rnam par shes par bya ba ci yang rung ba ji snyed pa de thams cad ni ji skad bstan pa'i yang dag min rtog ces bya ba rgya cher 'byung ba de lta bu yin par bstan to/ /'khor ba las yongs
272b7 su mi skyo zhing kun nas nyon mongs pa med par bya ba'i phyir zhes bya ba ni 'khor ba las yongs su mi skyo bar bya ba'i phyir dang /kun nas nyon mongs pa med par bya ba'i phyir ro/ /de dag ni zhes bya ba rgya cher 'byung ba ni chos la bdag med pa nyid la mos pas sbyor ba ni chos la bdag med pa nyid la mos
273a1 pa'i sbyor ba'o//de la goms pa ni chos la bdag med pa nyid la mos pa'i sbyor ba la goms pa'o/ /chos la bdag med pa nyid la mos pa'i sbyor ba la goms pa des yang dag par 'grub pa na ste 'phel ba na'o/ /thos pa mtha' yas pa yongs su bsgoms pa'i gzungs
273a2 dang /ting nge 'dzin gyi sgo stong phrag zad mi shes pa'i snying po can ni zhi ba'i ting nge 'dzin 'di la thos pa mtha' yas pa yongs su bsgoms pa'i gzungs dang / ting nge 'dzin gyi sgo stong phrag zad mi shes pa'i snying po yod pas 'di ni thos pa mtha' yas pa yongs su bsgoms pa'i gzungs dang / ting
273a3 nge 'dzin gyi sgo stong phrag zad mi shes pa'i snying po can yin no//thos pa mtha' yas pa yongs su bsgoms pa'i gzungs dang / ting nge 'dzin gyi sgo stong phrag zad mi shes pa'i snying po can de ni chos thams cad la mngon par 'du byed pa med pa rnam par mi rtog pa'i ye shes ro gcig pa ste/ chos thams
273a4 cad la mngon par 'du byed pa med par mi rtog pa'i ye shes ni chos thams cad la mngon par 'du byed pa med pa rnam par mi rtog pa'i ye shes te/der ro gcig pa ste/ der tha mi dad pa ni chos thams cad la mngon par 'du byed pa rnam par mi rtog pa'i ye shes ro gcig pa zhi ba'i ting nge 'dzin to/
273a5 gang zag la bdag med pa'i rnam pa zhes bya ba rgya cher 'byung ba ni gang zag la bdag med pa'i rnam pa 'ba' zhig yid la byed pas sbyor ba ni gang zag la bdag med pa'i rnam pa 'ba' zhig yid la byed pa'i sbyor ba'o/ /de la goms pa ni gang zag la bdag med pa'i rnam pa 'ba' zhig yid la byed
273a6 pa'i sbyor ba la goms pa ste de las so//rgyud chos kyi mtshan ma la 'du shes pas zhes bya ba ni chos rnams kyi mtshan nyid ni chos kyi mtshan ma'o/ /chos kyi mtshan ma la 'du shes par byed pa ni chos kyi mtshan ma la 'du shes pa'o/ /chos kyi mtshan ma la 'du shes pa des gzir ba ni phyogs la gnas par
273a7 byed pa ste/rgyud chos kyi mtshan ma la 'du shes pas gnod par byas pa des so/ /'di skad du rgyud chos kyi mtshan ma la 'du shes pas gzir ba ni chos thams cad la mngon par 'du byed pa med pa rnam par mi rtog pa'i ye shes kyis ma khyab pa'i phyir ro/ /brtags pa'i chos kyi rnam rtog ni/ /zhes bya
273b1 ba rgya cher 'byung ba'i tshigs su bcad pa ni bshad pa'i don yin no//khams mang po pa dang dgra bcom pa'i mdo la sogs pa dag las zhes bya ba ni re zhig khams mang po pa las ni dge slong dag sgrib pa lnga po sems nye bar nyon mongs par byed pa/ shes rab nyam chung bar byed pa/ nyams par byed pa'i
273b2 phyir phyogs mya ngan las 'das pa ma yin pa 'grub par byed pa gang yin pa ma spangs par dran pa nye bar gzhag pa bzhi po dag la sems legs par nye bar gzhag ste gnas par 'gyur ba 'di ni gnas med cing skabs med de 'di ni gnas yod pa ma yin no//'di ni gnas yod de/ sgrib pa lnga po
273b3 gang dag yin pa spangs nas zhes bya ba nas dran pa nye bar gzhag pa bzhi po dag la sems legs par nye bar bzhag ste/gnas par 'gyur ba'i bar 'di ni gnas yod do/ /sgrib pa lnga po gang dag yin pa ma spangs shing zhes bya ba nas/ dran pa nye bar gzhag pa bzhi po dag la sems nye bar ma
273b4 bzhag par gnas shing byang chub kyi yan lag bdun sgom par byed pa'i bar 'di ni gnas med cing skabs med de/'di ni gnas yod pa ma yin no/ /'di ni gnas yod de/ sgrib pa lnga po gang dag yin pa ma spangs shing zhes bya ba nas/ dran pa nye bar gzhag pa bzhi po dag la sems nye bar bzhag
273b5 ste gnas shing byang chub kyi yan lag bdun sgom par byed pa'i bar 'di ni gnas yod do//sgrib pa lnga po gang dag yin pa yang ma spangs shing zhes bya ba nas/ dran pa nye bar gzhag pa bzhi po dag las sems nye bar ma bzhag par gnas shing byang chub kyi yan lag bdun yang ma bsgoms par yang
273b6 dag pa kho nar zag pa zad pa 'thob par 'gyur ba'i bar 'di ni gnas med cing skabs med de/'di ni gnas yod pa ma yin no/ /'di ni gnas yod de/ sgrib pa lnga po gang dag yin pa yang spangs shing zhes bya ba nas/ dran pa nye bar gzhag pa bzhi po de dag la yang sems nye bar gzhag ste gnas
273b7 shing byang chub kyi yan lag bdun yang bsgoms nas yang dag pa kho nar zag pa zad pa 'thob par 'gyur ba'i bar 'di ni gnas yod do//sgrib pa lnga po gang dag yin pa yang spangs shing zhes bya ba rgya cher 'byung ba nas/ dran pa nye bar gzhag pa bzhi po dag la yang sems legs par bzhag ste
274a1 gnas shing byang chub kyi yan lag bdun yang bsgoms nas yang dag pa kho nar zag pa zad par rang sangs rgyas kyi byang chub mngon sum du byed par 'gyur ba'i bar 'di ni gnas yod do//sgrib pa lnga po gang dag yin pa yang spangs shing zhes bya ba rgya cher 'byung ba nas/ dran pa nye bar gzhag pa
274a2 bzhi po de dag la yang sems nye bar gzhag par gnas shing byang chub kyi bar yan lag bdun yang bsgoms nas bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba 'di ni gnas yod do zhes 'byung ba yin te/de ltar na sangs rgyas rnams dang nyan thos rnams su rnam
274a3 par thar pa'i thabs mtshungs par bstan pa yin no//dgra bcom pa'i mdo las kyang rgya cher gsungs nas/ dge slong dag gzugs la yid 'byung ba dang / 'dod chags dang bral ba dang / 'gog pa dang / len pa med par rnam par thar pa las de bzhin gshegs pa dgra bcom pa yang dag par rdzogs
274a4 pa'i sangs rgyas zhes bya'o//dge slong dag tshor ba dang / 'du shes dang / 'du byed rnams dang / rnam par shes pa la skyo ba dang / 'dod chags dang bral ba dang / 'gog pa dang / len pa med par rnam par thar pa las de bzhin gshegs pa dgra bcom pa yang dag par rdzogs pa'i sangs rgyas so
274a5 zhes bya'o//dge slong dag dge slong yang gzugs la skyo ba dang / 'dod chags dang bral ba dang / 'gog pa dang / len pa med par rnam par thar pa las dgra bcom pa shes rab kyis rnam par grol ba zhes bya'o/ /dge slong dag /tshor ba dang / 'du shes dang / 'du byed rnams dang / rnam
274a6 par shes pa la skyo ba dang /'dod chags dang bral ba dang / 'gog pa dang / len pa med par rnam par thar ba las dgra bcom pa shes rab kyis rnam par grol ba zhes bya'o/ /de ltar na sangs rgyas rnams dang / nyan thos rnams su rnam par grol ba'i thabs mtshungs par bstan pa yin no// //
274a7 rnam par bshad pa rigs pa'i bshad pa/ bam po bcu gsum pa// sangs rgyas rnams kyi rnam par grol ba ni khyad par yod de/ ci'i phyir zhe na/ nyon mongs pa'i sgrib pa las ni nyon mongs pa bag chags dang bcas pa spangs pa'i phyir ro/ /'di ltar sangs rgyas bcom ldan 'das rnams kyis ni
274b1 nyon mongs pa bag chags dang bcas pa rnams spangs pa yin gyi/dgra bcom pa rnams kyis ni ma yin te/ 'di ltar gnas brtan mngon par shes pa drug dang ldan pa pi lin da bat+sas chu bo gang gA la dmangs mo sdod cig ces gsungs nas/ yang dmangs mo bzod pa gyis shig ces gsungs pa
274b2 yin no//shes bya'i sgrib pa spangs pa las kyang yin te/ shes bya thams cad kyi rnam pa thams cad mngon par rdzogs par byang chub pa'i phyir ro/ /thabs kyi khyad par yang yod de/ dran pa nye bar gzhag pa la sogs pa la khyad par yod pa'i phyir ro/ /dran pa nye bar gzhag pa dang yang dag par spong
274b3 ba dang /rdzu 'phrul gyi rkang pa dang / dbang po dang / stobs dang / byang chub kyi yan lag la sogs pa'i khyad par gyi phyir ro/ /sangs rgyas rnams kyi ni mtshungs pa nyid kyang yod pa zhes bya ba rgya cher 'byung ba la/ mtshungs pa nyid ni ji ltar nyan thos rnams kyi nyon mongs pa phra rgyas dang bcas pa spangs pa
274b4 yin pa ltar sangs rgyas kyi yang de bzhin no//ji ltar nyan thos rnams kyis sdug bsngal yongs su shes pa dang / kun 'byung ba spangs pa dang / 'gog pa mngon sum du byas pa dang / lam bsgoms pa ltar sangs rgyas kyis kyang de bzhin du'o zhes bya ba de lta bu la sogs pa ni mtshungs pa nyid yin
274b5 no//khyad par du 'phags pa nyid ni nyon mongs pa bag chags dang bcas pa spangs pa la sogs pa'o/ /skal ba mnyam pa nyid du gshegs pas zhes bya bas ni 'dra ba nyid du gshegs nas zhes bya ba'i tha tshig go/ /ji ltar rmad du byung ba dang po'i mdo las byung ba lta bu ste/ ji skad du zhe na/ rgya cher
274b6 gsungs nas/kun dga' bo ngas rgyal rigs kyi 'khor brgya phrag du ma lta bu'i phyir phyin pa mngon par shes te/ nga phyin pa na de rnams kyi chu zheng ci 'dra ba yin pa nga'i chu zheng yang de 'dra ba yin no/ /de rnams kyi kha dog rgyas pa ci 'dra ba yin pa nga'i kha dog rgyas pa yang de 'dra ba yin no/ /de rnams kyi sgra
274b7 'byin pa ci 'dra ba yin pa nga'i sgra 'byin pa yang de dang 'dra ba yin no//de dag gi don gang brjod pa nga yang don de nyid brjod do/ /de dag gi don gang mi brjod pa de nga yang mi brjod do/ /phyis de rnams la chos kyi gtam gyis yang dag par bstan/ yang dag par 'dzin du bcug /yang dag par gzengs
275a1 bstod/yang dag par mgu bar byas nas mi snang bar byas so/ /nga mi snang bar gyur kyang mi snang bar gyur pa de lha'am/ mi su yin snyam du mi shes so/ /rgyal rigs kyi 'khor du ji lta ba bzhin du bram ze'i 'khor du yang de bzhin du rgya cher sbyar ro/ /gang zag kun rdzob tu yod
275a2 kyi rdzas su ni ma yin no//ci'i phyir zhe na/ phung po rnams la de'i ming gdags pa'i phyir ro/ /gzugs la sogs pa phung po rnams la gang zag ces ming du gdags pa'i phyir ro/ /de gnyis kyi zhes bya ba rgya cher 'byung ba ni las dang rnam par smin pa de gnyis kyi rang gi mtshan nyid ni de'i yul te 'jig
275a3 rten las 'das pa'i shes pa'i yul ma yin no//'jig rten las 'das pa'i ye shes de'i yul ni brjod du med pa'i spyi'i mtshan nyid yin pa'i phyir ro/ /de bzhin du yul yin pa'i phyir ro zhes bya ba'i tha tshig go/ /mig dang rna ba sna yang tshad ma yin/ /zhes bya ba rgya cher 'byung ba ni mig la sogs
275a4 pa'i rnam par shes pa tshad ma ma yin no zhes bya ba'i tha tshig go//gnas kyis gnas pa bstan pa'i phyir ro/ /thams cad rang gi mtshan nyid du ni med pa kho na yin la zhes bya ba ni kun brtags pa 'ba' zhig ma yin gyi/ ngo bo nyid gsum char yang rang gi mtshan nyid du med pa kho na yin no/ /chos thams
275a5 cad ni ngo bo nyid med pa zhes bya ba la sogs pa de lta bu'i tshig rnams la sogs pa sgra ji bzhin pa nyid kyi don yin par brjod pa yin no//de dag la zhes bya ba rgya cher 'byung ba ni de skad ces smra ba de dag la ji ltar bstan pa'i brtsad pa 'di yang 'byung bar 'gyur ro/ ji skad bstan pa gang zhe na/ bcom ldan
275a6 'das kyis don dam pa stong pa nyid la las kyang yod/rnam par smin pa yang yod la zhes bya ba rgya cher bstan ma thag pa'o/ /gzhan yang kun rdzob ces bya ba yang brjod pa yin la ste ngag gi rnam par rig byed kyi mtshan nyid yin la/ de yang kun nas nyon mongs pa dang mthun pa ni nyes par bshad pa yin
275a7 te/srog gcod pa dang / ma byin par len pa dang / 'dod pas log par g.yem pa ston pa'i brjod pa gang yin pa'o/ /rnam par byang ba dang mthun pa ni legs par bshad pa yin no/ /mi dge ba'i las kyi lam las ldog par ston pa dang / bsam gtan dang / gzugs med pa dang / rnam par thar
275b1 zhes bya ba'i don bstan pa'i phyir ro//sems can gyi tshogs chen po'i dpon yang 'khor ba'i 'brog dgon pa nas sems can rnams sgrol bar byed do zhes bya ba'o/ /rnam pa la sogs pa rnams kyi don bstan par bya ste/ gang ye shes kyi rnam pas sam bsgom
275b2 pa'i rnam pas kyang rungs dang po la 'jug pa de ni rnam pa zhes bya ste/grong khyer du 'jug pa'i lam gyi rnam pa lta bu'o/ /de nyid 'jug pa ni 'thob pa ste/ /grong khyer du 'jug pa lta bu'o/ /zhugs nas kyang 'bras bu chen po'i phan yon 'grub cing yang dag par 'grub pa
275b3 zhes bya ba ni sa yongs su sbyor ba'i chos grub pa zhes bya ba'i tha tshig go//'grub pa zhes bya ba ni de dag nyid 'jug par sgrub par byed pa'o/ /byang chub sems dpa'i sa 'di la gnas pa'i byang chub sems dpa' de la ni sangs rgyas mang po ba ltar snang bar 'gyur te/ lta ba
275b4 rgya chen po dang /smon lam gyi stobs kyis so zhes mdo las gsungs pa'i don bstan pa ni gnas pa de la zhes bya ba la sogs pa la/ snang bar 'gyur zhes bya ba ni bltar snang bar zhes bya bar 'brel to/ /rgya che ba nyid bstan pa'i phyir/ thos pa dang bsam pa'i sgo nas
275b5 so//sems kyis mos pas zhes bya ba ni gang gi phyir thos pa med kyang de lta na 'jig rten gyi khams sna tshogs na sangs rgyas bcom ldan 'das dpag tu med pa bzhugs so zhes rang nyid mos par byed pa'o/ /rgya che ba nyid bstan pa'i phyir/ dad pa rgya chen po dang ldan
275b6 pa'i sems kyis zhes bya ba'o//'dod par byed pa zhes bya ba ni don du gnyer ba'o/ /de lta bur gyur pa de'i zhes bya ba ni bsam pa dag pa de'i ste/ sangs rgyas la bskrun pa'i dge ba'i rtsa ba zhes bya ba'i tha tshig go/ de ltar rgya che bas bsdus pa'i rgyu dang po
275b7 bstan nas/smon lam gyi stobs bstan pa'i phyir/ de ltar yang sems kyis smon par byed de zhes bya ba la sogs pa la/ gang du 'byung ba der zhes bya ba ni 'jig rten der zhes bya ba'o/ /rnam pa thams cad du sgrub par byed do zhes bya ba ni rnyed pa dang bkur sti dang
276a1 pa'i tshig yin te/ston pas btags pa'i tshig gang yin ba de ni kun du rtog pa las byung ba tha snyad du brjod pa yin la/ kun du rtog pa las byung ba tha snyad du brjod pa gang yin pa de ni kun du rtog pa sna tshogs kyi tha snyad du brjod pa gtan yongs su ma grub pa'i phyir 'dus ma byas ma
276a2 yin no//de yang de dang 'dra ba nyid du 'gyur te/ 'dus byas dang 'dus ma byas rgya cher gsungs pa ci 'dra bar ro/ /sbyar ba yin no zhes bya ba ni don gcig pa nyid du bstan pa yin no zhes bya ba'i tha tshig go/ /tshigs su bcad pa de ni/ chos rnams ngo bo nyid med chos rnams ma skyes dang / /zhes bya ba
276a3 de lta bu la sogs pa'o//bram ze'i khye'u bla ma nas bzung ste yongs su mya ngan las 'das pa chen po'i bar du sprul pa tsam zhig yin par bstan pa ji ltar byas pas she na/ bcom ldan 'das 'od srungs kyi drung na bram ze'i khye'u bla ma tshangs par spyod pa la gnas pa sprul pa yin par bstan to/ /de nas
276a4 dga' ldan du lha'i bu tog dkar por skye ba yin par bstan to//der yang lha'i rigs drug po dag la bka' stsal nas 'dir byon te/ zas gtsang ma'i sras byang chub sems dpa' don thams cad grub pa yin par bstan to/ /bltams pa dang / skyo ba dang / khab nas nges par 'byung nas gzhan mu
276a5 stegs can rnams las byang chub kyi lam tshol ba la zhugs pa yin par bstan to//rim gyis mngon par rdzogs par 'tshang rgya zhing mngon par rdzogs par sangs rgyas pa yin par bstan to/ /de nas bA rA Na sIr thog ma kho nar sten lnga dag la chos kyi 'khor lo bskor ba yin par bstan to/ /de nas
276a6 rim gyis yongs su mya ngan las 'das pa chen po'i bar du sprul pa tsam zhig yin par bstan to//dad pa la sogs pa'i khyad par skyes pa'i phyir te/ stsogs pa'i sgras ni ldang ba dang phyag 'tshal ba la sogs pa'i khyad par skyes pa'i phyir ro/ /sangs rgyas kyi dbang bskur ba thob pa zhes bya ba ni sangs
276a7 rgyas rnams kyi dbang bskur ba gang yin pa de 'dis thob bo zhes bya ba'i tha tshig ste/rgyal po'i dbang bskur thob pa dang 'dra'o/ /gzhal yas zhes bya ba rgya cher 'byung ba la/ gzhal yas ni bgrang ba mchog tu byung bas so/ /grangs med pa ni yon tan mang ba nyid kyis so/ /bsam yas ni yon
276b1 mthun pa yin pa'i phyir ro//de'i phyir mdo las bla na med pa yang dag par rdzogs pa'i byang chub tu ji ltar 'dod par sbyar bar bya'o zhes bstan pa yin no/ /bskal pa du ma bye ba khrag khrig phrag 'bum gyi bar du zhes bya ba 'dis ni sa yongs su sbyang bar bya ba'i dus chen po
276b2 nyid bstan to//dper na zhes bya bas ni dpe ston par byed do/ /rang bzhin du gnas pa zhes bya ba ni 'byung khungs nas byung ba'o/ /gser mgar mkhas pa zhes bya ba ni yongs su spyod pa la mkhas pa'o/ /de la gnas pa'i byang chub sems dpa' phal cher 'dzam
276b3 bu'i gling gi bdag por 'gyur zhing zhes bya ba'i mdo'i tshig gi don bstan pa ni de la gnas pa de ni zhes bya ba la sogs pa'o//dbang phyug chen po la dbang rab tu 'thob pa la chos rjes su srung zhing gtong zhing gtong ba chen pos sems can rnams sdud pa'i zhes bya ba'i/
276b4 mdo'i tshig gi don bstan pa ni ser sna'i dri ma thams cad dad bral ba zhes bya ba'o/ /sems can rnams kyi ser sna'i dri ma zlog pa la mkhas pa yin zhes bya ba'i mdo'i don bstan pa ni ser sna'i dri ma sel ba'i bdag por 'gyur ro zhes bya ba la sogs pa yin no/ /bsdu ba'i
276b5 dngos po bzhi'i sgo nas bsags pa'i dge ba yid la byed pa mdo nas gsungs pa bstan pa ni bsdu ba'i dngos po gzhi gang ci rtsom yang rung zhes bya ba'o//sangs rgyas dang / chos dang / dge 'dun yid la byed pa bstan pa ni dkon mchog dang zhes bya bas bstan pa
276b6 yin no//lhag mas ni byang chub yang dag par 'grub pa'i rnam pa thams cad du rtogs pa'i yid la byed pa'o/ /yid la byed pa 'di dag gi don bstan pa'i phyir bdag sems can thams cad kyi mchog ces bya ba la sogs pa la/ 'di ni don dam pa'i sangs rgyas la
276b7 sogs pa yid la byed par shes rab bya ste/gang sangs rgyas la sogs pa'i chos nyid yid la byed pas gang yang bdag gis sbyin par bya'o/ /'di la sbyin par bya'o/ /'di sbyin par bya'o/ /'di'i don du sbyin par bya'o zhes rlom sems med pa'o/ /de lta na yang
277a1 yongs su nyams so zhes bya ba'i tha tshig go//dka' ba spyad pas dag par thugs su chud pa'i phyir de'i 'dod pa na spyod pa'i tshul khrims dang brtul zhugs mchog tu 'dzin pa la lta bar 'gyur ro/ /'dod pa'i khams nas 'dod chags dang bral ba dag ni dka' ba spyad pas dag par
277a2 mi rtogs te/de'i sa pa'i nye bar len pa'i phung po lnga po dag la dag par 'dzin pa'i phyir tshul khrims dang brtul zhugs mchog tu 'dzin pa'i lta ba de ni de rnams la kun du 'byung ba'o/ /'gyur ba ni 'gyur ba'i ngang tshul lo/ /mi ston kyang zhes bya ba ni gsal bar mi mdzad kyang ngo / /las kyi rgyu ba ni las
277a3 kyi rnam pa'o//gdul ba dang skal ba mnyam pa'i sprul pa rnams kyi ni gdul ba rnams dang skal ba mnyam pa'i sprul pa rnams kyi zhes bya bar sbyar ro/ /de dang skal ba mnyam pa'i rigs la sogs pa dam bcas pa zhes bya ba ni gdul ba rnams dang skal ba mnyam pa'i rigs la sogs pa ni de dang skal ba
277a4 mnyam pa'i rigs la sogs pa ste/de dam bcas pa ni de dang skal ba mnyam pa'i rigs la sogs pa dam bcas pa'o/ /gzhan du na 'char ka dang / ci zhig gsung ba'i mdo la sogs pa de dag dang 'gal bar 'gyur ro/ /re zhig 'char ka'i mdo las ni rgya cher gsungs nas skyes bu blun
277a5 po long ba mig med pa khyod kyang dge slong shA ri'i bu dang lhan cig chos mngon pa dang 'dul ba mngon par brjod par sems sam zhes tshig rtsub po gsungs pa yin no//ci zhig gsungs pa'i mdo las kyang phal cher mdza' bo dang dbye bar 'gyur ba'i tshig gsungs te/ 'di ltar mdo de nyid las/
277a6 sngon gcer bu pa dge bsnyen gyi skye bo lag na ral gri thogs pa des 'di skad ces smras so/ /btsun pa dper na skyes bu dar ba don du gnyer ba/ dar ba tshol ba zhig rta dmu rgod gso bar bgyid kyang der dar ba de yang mi 'thob pa/ slad kyis phongs pa chen po'i skal ba can du 'gyur ba de bzhin du/ btsun pa
277a7 dar ba don du gnyer ba/dar ba tshor ba bdag gis gcer bu byis pa/ rmongs pa/ mi gsal ba/ mi mkhas pa la don ma mchis par dang / don ma mchis par bsnyen bkur bgyis pa las bdag gis dar ba de yang ma thob la/ slad kyis phongs pa chen po'i skal ba can du gyur to zhes 'byung ba
277b1 yin no//de bzhin du mdo sde gzhan las kyang tshig rtsub po la sogs pa bshad do/ 'di lta ste/ rgya cher gsungs nas/ shA ri'i bu dang maud gal gyi bu des pa gnyis la yang nga re zhig dge slong gi dge 'dun mi gtong na ro mchil ma mid pa khyod la lta mos kyang ci dgos zhes bya ba de lta bu la sogs pa
277b2 'byung ba yin no//thabs la mkhas pa'i mdo sde dang / 'jig rten las 'das pa'i le'u la sogs pa dag las ji ltar 'os par nges par gzung bar bya ste/ de'i dgos pa ni nged kyis gzhung mangs kyis dogs pas ma bris so/ /ci'o thug dang khwar 'dra ba nyid yin nam zhes bya ba ni ci dkar po'i phyogs
277b3 dang /nag po'i phyogs su 'dra ba nyid yin nam zhes bya bar dgongs pa yin no/ /mchod sbyin can gyi sdug bsngal gyis 'chi bar byed pa'am/ bsad pas zhes bya ba rgya cher 'byung ba ni mchod sbyin yod pa ni mchod sbyin can te des so/ /mchod sbyin can gyi sdug bsngal gyis 'chi bar byed pa zhes bya ni sdug
277b4 bsngal gyis 'chi bar byed pa zhes bya ba'i tha tshig go//mtho ris sam thar pa 'thob bo snyam pa ni gti mug yin no/ /las dang 'bras bu phyin ci log pa las mngon par zhen pa'i phyir ro/ /'di ltar las dang 'bras bu phyin ci log pa la mngon par zhen par byed de/ de ltar na re zhig des gsod par byed
277b5 pa de rnams kyi gti mug yin no//bdag las 'dis ma tho ris su 'gro bar 'gyur ro snyam pa ni gti mug dang chags pa yin no/ /dge ba'am lung du ma bstan pa'i sems kyi gnas skabs byas te zhes bya ba ni dge ba'i sems kyi gnas skabs byas te'am/ lung du ma bstan pa'i sems kyi gnas
277b6 skabs byas te zhes bya ba'i tha tshig go//ma chags pa la sogs pa dang mtshungs par ldan pa yin no zhes bya ba ni ma chags pa dang zhe sdang med pa dang / gti mug med pa dang mtshungs par ldan pa yin no zhes bya ba'i tha tshig go/ /ji skad gsungs pa'i mdo sde yang 'char ka'i mdo la sogs pa'o/ /der
277b7 nges par myong bar 'gyur ba'i las byed pa la mngon du phyogs pa'i lus pas zhes bya ba ni sems can dmyal ba der nges par myong bar 'gyur ba'i las de byed pa la mngon du phyogs pa ni der nges par myong bar 'gyur ba'i las byed pa la mngon du phyogs pa'o//de lta bas na nges par myong bar 'gyur ba'i
278a1 las byed pa la mngon du phyogs ba de bas so//gang zhe na lus so/ /sbyor ba de ni skyon can na mtshon 'debs par byed ces bya ba ni mtshon kyang 'chi ba'i phyir mgrin par 'debs par byed do/ /dge slong gis dge slong gsod ces bya ba ni dge slong gis dge slong gsod par byed
278a2 ces bya ba'i tha tshig go//byang chub sems dpa' rnams ni rgya chen po la mos pa yin pas byang chub sems dpa' de rnams la sprul pa shAkya thub pa sangs rgyas kyi sprul pa yin no zhes de ltar bstan par bya ba yin no/ /ci'i phyir zhe na/ sangs rgyas kyi ngo bo nyid dang / mthu'i bdag nyid chen po'i khyad
278a3 par bstan pa'i phyir te/sangs rgyas kyi ngo bo nyid kyi bdag nyid chen po'i khyad par bstan pa'i phyir dang / mthu'i bdag nyid chen po'i khyad par bstan pa'i phyir ro/ /de bzhin gshegs pa skye ba bstan pa'i mdo sde bzhin du zhes bya ba ni ji ltar de bzhin gshegs pa skye ba bstan pa'i mdo de las sangs
278a4 rgyas kyi ngo bo nyid dang /mthu'i bdag nyid chen po'i khyad par bstan pa lta bu'o/ /gzhan du na ni zhes bya ba rgya cher 'byung ba ni gzhan du na de ltar ma bstan na ni de rnams de ltar sems mngon par 'du byed par mi 'gyur te/ bdag cag kyang sangs rgyas rnams kyi ngo bo nyid dang / mthu'i bdag nyid chen
278a5 po'i khyad par dang ldan par gyur cig snyam du de ltar sems bskyed par mi 'gyur ro zhes bya ba'i tha tshig go /mi rigs par 'gyur ba ji skad du bstan pa ni byang chub sems dpa' thams cad mkhyen pa'i ye shes dang / nyon mongs pa bag chags dang bcas pa spangs pa dang nye bar gyur pa'i zhes bya ba de lta bu
278a6 la sogs pa ste/gal te 'di thams cad sprul pa yin no zhes ma bstan na byang chub sems dpa' the tshom thams cad gcod pa de dag gis ji ltar len 'debs par 'gyur/ nyan thos gang dag de lta bu la mos pa'i skal ba can de dag ni de nyid las te/ theg pa chen po las thos par 'gyur ro/ /gang dag
278a7 skal ba med pa de rnams la ni bstan pa skyon du 'gyur ro/rnam par bshad pa rigs pa'i bshad pa las le'ur bcad pa bzhi pa'i bshad pa rdzogs so// //dgos pa la sogs pa'i rim pas ni dgos pa dang / bsdus pa'i don dang / tshig gi don dang / mtshams sbyar ba dang / brgal
278b1 ba dang /lan te rim pa de lta bus so/ /rmugs pa dang gnyid dang / log pa'i rnam par rtog pa rnams kyis sems zhum pa dang / rnam par g.yengs pa rnams la zhes bya ba ni rmugs pa dang / gnyid kyis sems zhum pa rnams la rnam pa gsum dag gis gus par mnyan pa dang ldan pa bshad par
278b2 bya'o//ya mtshan zhes bya ba rgya cher 'byung ba ni ya mtshan gyi gtam nye bar sgrub pa nyid dang / rab tu dga' ba'i gtam nye bar sgrub pa nyid dang / skyo ba'i gtam nye bar sgrub pa nyid kyis so/ /ya mtshan dang / rab tu dga' ba dang / skyo ba'i gtam nye bar sgrub pa dang rnam pa gsum dag gis gus par
278b3 mnyan pa dang ldan pa bshad par bya'o//ci'i phyir zhe na/ gnyid dang rmugs pa dang ldan pa rnams la ya mtshan skyed pa'am/ rab tu dga' bar bya ba'am/ skyo ba'i gtam byas te/ gsal bar bya ba'i phyir ro zhes 'og nas ston pa'i phyir ro/ /log pa'i rnam par rtog pa rnams kyis sems rnam par
278b4 g.yengs pa rnams la skyo ba'i gtam nye bar bsgrub pa nyid kyis bshad par bya'o//ci'i phyir zhe na/ sems g.yengs pa rnams la skyo ba'i gtam bya ste/ skyo ba rnams sems rtse gcig pa nyid du bya ba'i phyir ro zhes 'og nas 'byung ba'i phyir ro/ /'di yang dag par 'dzud pa ni yang dag par 'dzin du gzhug
278b5 pa yin par rig par bya'o//sdud par byed pa'am 'jig rten pa'i don gzhan ma yin par rig par bya'o/ /'dis zhes bya ba ni mdo sde'i dum bu 'dis de bzhin gshegs pa'i dbyangs kyi yon tan lnga po yongs su bstan to/ /rab tu bstan to/ /rgya che ba nyid ni 'brug sgra ltar zab pa zhes bya ba 'dis so/ /
278b6 snyan pa nyid ni snyan cing 'jebs la rnar snyan pa zhes bya ba 'dis so/ /rigs pa'i don dang ldan pa nyid ni yid du 'ong zhing dga' bar byed pa zhes bya ba 'dis so/ /gzung sla ba nyid ni rnam par gsal zhing rnam par rig par bya zhes bya ba 'dis so/ /sna tshogs ci 'dod pa nyid ni mnyan par 'os shing mi
278b7 mthun pa med pa zhes bya ba 'dis so//ci 'dod pa nyid ni mang ba nyid do/ /ji ltar na go rims bzhin du 'gyur zhe na/ rgya che ba nyid ni mnyan pa'i yan lag tu 'gyur ba nas/ sna tshogs ci 'dod pa nyid ni yongs su smin par byed pa'i yan lag tu 'gyur ba'i bar du'o/ /dus su gtam bya ba dang /
279a1 gus pa dang go rims dang zhes bya ba la sogs pa ni ji skad bstan pa yin no/ /sri zhu dang zhes bya ba de lta bu la sogs pa ni ji skad bstan pa yin no/ /yang dag par 'dzin du gzhug pa 'di gang la yang dag par 'dzin du bcug ce na/ tshig bdun dag gis te/ gang dag
279a2 gis she na/ma chags pa'i sems zhes bya ba nas brtsams nas/ rgyud gcig tu gyur pa'i sems zhes bya ba'i tshig bdun po 'di dag gis ni sgrib pa lnga po yongs su spong ba la ste/ sgrib pa lnga ni 'dod pa la bdun pa dang / gnod sems dang / rmugs pa dang / gnyid dang / rgod pa dang / 'gyod pa
279a3 dang /the tshom ste sgrib pa lnga po spong ba 'di la yang dag par 'dzin du bcug pa yin no/ /rmugs pa dang / gnyid dang / rgod pa dang / 'gyod pa rnam pa gnyis su byas te'o/ /de ltar na sgrib pa lnga po 'di dag kyang tshig bdun dag tu 'gyur ro/ /de la ma chags pa'i sems zhes bya ba'i tshig
279a4 'dis ni 'dod pa la 'dun pa'i sgrib pa yongs su spong ba la yang dag par 'dzin du 'jug pa nas/rgyud gcig tu gyur pa'i sems zhes bya ba 'dis ni the tshom gyi sgrib pa yongs su spong ba la yang dag par 'dzin du 'jug pa'i bar yin no/ /tshig bzhi dag gis te/ dge ba'i sems dang /
279a5 bye brag phyed pa'i sems dang / gus pa'i sems dang / mos pa'i sems zhes bya ba 'di rnams kyis so/ /bcom ldan 'das kyis khyi lta bu'i gang zag bzhi bstan pa gang yin pa dag ste/ bzhi gang dag ce na/ khyi bzhi rgya cher gsungs nas de bzhin du 'phags pa'i chos 'dul ba la yang rngon
279a6 pa'i khyi lta bu'i gang zag bzhi po 'di dag yod cing bdog pa yin no//bzhi gang dag ce na/ rngon pa'i khyi dus ma yin par rtug pa lta bu'i gang zag dang / rngon pa'i khyi se gol la lta ba lta bu'i gang zag dang / rngon pa'i khyi 'khor ba lta bu'i gang zag dang / rngon pa'i khyi dam du 'dzin pa lta bu'i gang
279a7 zag go//rngon pa'i khyi dus ma yin par rtug pa lta bu'i gang zag gang zhe na/ dge slong dag 'di na dge slong gi mdun du gang zag chos mnyan pa'i phyir 'dug la/ dge slong gis de la chos thog mar dge ba/ bar du dge ba/ tha mar dge ba/ don bzang po/ tshig 'bru bzang po/ ma 'dres pa/
279b1 yongs su rdzogs pa/ yongs su dag pa/ yongs su byang ba/ tshangs par spyod pa yang dag par rab tu bstan pa ston pa/ de ni de'i tshe 'dod pa'i rnam par rtog pa la rtog par byed/ gnod sems kyi rnam par rtog pa dang / rnam par 'tshe ba'i rnam par rtog pa la rnam par rtog par byed pas de gang gi don
279b2 du dge slong gi mdun du 'dug pa'i don de mi 'thob ste/dper na rngon pa'i khyi dus ma yin par rtug pa ni gang gi tshe rngon pas phag gam ri dgas la btang ba na/ de de'i tshe bshad par byed/ gci bar byed pa lta bu ste/ nga gang zag de la de dang 'dra bar smra'o/ /'di ni rngon pa'i khyi dus ma yin par rtug pa'i gang
279b3 zag lta bu zhes bya'o//rngon pa'i khyi se gol la lta ba lta bu'i gang zag gang zhe na/ dge slong dag 'di na dge slong gi mdun du gang zag chos mnyan pa'i phyir 'dug la/ dge slong gis de la chos thog mar dge ba nas/ de ni de'i tshe gang zag chos smra ba'i gdong du lta ba dang / se gol la lta bar byed
279b4 pas de gang gi don du dge slong gi mdun du 'dug pa'i don de mi thob ste/dper na rngon pa'i khyi se gol la lta ba de gang gi tshe rngon pas phag gam ri dgas la btang na/ de de'i tshe rngon pa'i gdong du lta ba dang / se gol la lta bar byed de/ de gang gi don du rngon pas phag gam/ ri dwags la btang ba'i don
279b5 de dag mi thob pa rang 'dra bar/nga gang zag de la de dang 'dra bar smra'o/ /'di ni rngon pa'i khyi se gol la lta ba lta bu'i gang zag ces bya'o/ /rngon pa'i khyi 'khor ba lta bu'i gang zag gang zhe na/ dge slong dag 'di na dge slong gi mdun du gang zag chos mnyan pa'i phyir 'dug la/
279b6 dge slong gis de la chos thog mar dge ba nas/ des chos de dam du mi 'dzin/ brtan par mi 'dzin/ legs par gzung bar mi 'dzin/ bzung ba yang chud za bar byed pas de gang gi don du dge slong gi mdun du 'dug pa'i don de des ma thob ste/ dper na rngon pa'i khyi 'khor ba de ni gang gi
279b7 tshe rngon pas phag gam ri dgas la btang ba na/de de'i tshe phag gam ri dwags kyi nye 'khor na 'khor zhing dam du mi 'dzin/ brtan por mi 'dzin/ legs par gzung bar mi 'dzin/ bzung ba yang gtong bar byed pa dang 'dra bar nga gang zag de la de dang 'dra bar sma'o/ /'di ni rngon pa'i khyi 'khor ba
280a1 lta bu'i gang zag ces bya'o//rngon pa'i khyi dam du 'dzin pa lta bu'i gang zag gang zhe na/ dge slong dag 'di na dge slong gi mdun du gang zag chos mnyan pa'i phyir 'dug la/ dge slong gis de la chos thog mar dge ba nas tshangs par spyod pa rab tu bstan pa'i bar du ston
280a2 na/de chos de dam du 'dzin/ brtan por 'dzin/ legs par gzung bar 'dzin/ bzung ba yang chud mi za bar byed pas des gang gi don du dge slong gi mdun du 'dug pa'i don de thob ste/ dper na rngon pa'i khyi dam du 'dzin pa ni gang gi tshe mngon pas phag gam ri dgas la btang ba na des de'i tshe
280a3 phag gam ri dgas kyi nye 'khor bskor nas dam du 'dzin/brtan por 'dzin/ legs par gzung bar 'dzin/ bzung ba dang mi gtong ba dang 'dra bar nga gang zag de la de dang 'dra bar smra'o/ /'di ni rngon pa'i khyi dam du 'dzin pa lta bu'i gang zag ces bya'o/ /gsum ni nag po'i phyogs dang mthun pa
280a4 ni snga ma rnams so//gcig ni dkar po'i phyogs dang mthun pa ste tha ma'o/ /go rims bzhin du de lta bu nyid yongs su spangs pa la yang dag par 'dzin du bcug pa yin la/ de lta bu nyid la yang dag par 'dzin du bcug pa yin no/ /tshig lhag ma zhes bya ba rgya cher 'byung ba ni tshig lhag ma bcu drug
280a5 po gang dag la zhes bya ba ni legs par rnam par gnas pa'i sems dang zhes bya ba nas brtsams te/yid la byed pa drag po'i sems zhes bya ba'i bar tshig bcu drug po 'di dag gis rnam pa bcu drug po dag la yang dag par 'dzin du 'jug pa yin no/ /bcu drug po gang dag la zhe na/ don rgyas pa
280a6 las 'phags pa shA ri'i bus rnam pa bcu drug po gang dag gis chos mnyan par bya bar gsungs pa dus su chos mnyan par bya ba dang /gus pa dang / nyan par gus pa dang / ma rangs pa med pa dang / bsgo ba bzhin byed pa dang / klan ka mi tshol ba dang / chos la gus pa nye bar gzhag pa dang /
280a7 gang zag chos smra ba la gus pa nye bar gzhag pa dang / chos la brnyas pa med pa nyid dang / gang zag chos smra ba la brnyas pa med pa nyid dang / bdag nyid la brnyas pa med pa nyid dang / kun du shes par bya ba'i sems dang / sems rtse gcig tu bya ba nyid dang / rna blags pa dang / sems kun du
280b1 btud pa dang /sems thams cad kyis bsams nas chos mnyan par bya ba yin no/ /ji ltar na chos mnyan pa rnam pa bcu drug la yang dag par 'dzin du bcug pa yin zhe na/ de la chos mnyan pa dang mthun pa'i spyod lam la rnam par gnas pa'i phyir legs par rnam par gnas pa'i sems so zhes bya ba
280b2 rgya cher 'byung ba ste/de ltar na de rnams kyi de dag la go rims bzhin du yang dag par 'dzin du bcug pa yin no/ /lhag ma ni go sla ba'i phyir ma bshad do/ /lhag ma ni gang zhe na/ zhum pa med pa'i sems zhes bya ba nas brtsams te/ yid la byed pa drag po'i sems zhes bya ba'i bar ro/ /de la zhum pa
280b3 med pa'i sems zhes bya ba'i tshig 'dis ni bdag nyid la brnyas pa med pa nyid ces bya ba'i rnam pa 'di la yang dag par 'dzin du bcug pa yin no//yid la byed na drag po zhes bya ba'i bar 'dis ni sems thams cad kyis bsams nas zhes bya ba 'di la yang dag par 'dzin du bcug pa yin no/ /de lta bu ni
280b4 yang dag par 'dzin du gzhug pa nyid kyis son no//rnam par g.yeng ba dang / rmugs pa dang / gnyid dag gis zhes bya ba'i rnam par g.yeng ba dang / rmugs pa dang / gnyid kyis so/ /de'i skyon yongs su spang ba'i phyir ji skad bstan pa'i skyon gsum po de yongs su spang ba'i phyir bcom ldan 'das kyis
280b5 de'i phyir nyon la legs par rab tu yid la byos shig ces gsungs pa yin te/go rims bzhin no/ /de rnams las bar ma ni thams cad las tha chad yin no/ /gang gis nye bar bzung ba'o/ /de'i gnyen por zhes bya ba rgya cher 'byung ba ni de'i gnyen po ste/ bcom ldan 'das kyis gang zag de lta bu gsum
280b6 po'i gnyen por go rims bzhin du de'i phyir nyon la zhes bya bas mnyan pa la yang dag par 'dzud par mdzad pa yin no//legs par rab tu yid la byos shig ces bya ba nas legs par dang / rab tu yid la bya ba la yang dag par rab tu 'dzud par mdzad pa yin no/ /rnam par gzhag pa zhes bya ba rgya cher
280b7 'byung ba la/rnam par gzhag pa 'di ni ji skad bstan pa'i phung po dang / khams dang / skye mched la sogs pa re re dang sbyar bar bya'o/ /ji ltar zhe na/ phung po rnam par gzhag pa dang / khams rnam par gzhag pa dang / skye mched rnam par gzhag pa nas/ dad pa'i sems rnam par gzhag pa ste/
281a1 de ni rnam par gzhag pa yin no/ /phung po dang / khams dang / skye mched la sogs pa dag gi kun nas nyon mongs pa dang rnam par byang ba'i chos rnams kyi ji ltar rigs par rang dang spyi'i mtshan nyid dang / rgyu dang 'bras bu'i mtshan nyid phyin ci ma log pa ston pa yang de bzhin no/ /
281a2 bdag nyid du smra ba'i nye bar len pa spong ba yongs su ston pa de yang kun nas nyon mongs pa dang rnam par byang ba'i chos rnams kyi rnam par gzhag pa yin te/ ma thos par thos par 'gyur ro/ /'dod pa'i nye bar len pa dang / lta ba'i nye bar len pa dang / tshul khrims dang brtul zhugs kyi nye
281a3 bar len pa spong ba gang yongs su ston par ni mi mdzad de/'di ltar mu stegs can dag kyang de spong bar smra'o/ /'di ltar mdo sde las kyang dge sbyong ngam bram ze gang la la dag 'dod pa'i nye bar len pa dang / lta ba'i nye bar len pa dang / tshul khrims dang brtul zhugs kyi nye bar len pa spong ba
281a4 dang yongs su shes pa 'dogs par byed kyi bdag tu smra ba'i nye bar len pa ni ma yin no zhes bya ba 'byung ba yin no//gang zag slob pa dang / mi slob pa nas smon nas mi shes pa la sogs pa yang thob par 'gyur ro/ /yongs su byang bar 'gyur zhes bya ba ni dri ma med par byed ces bya ba'i tha
281a5 tshig go//yang ci'i phyir gus par chos mnyan par bya zhe na/ 'di ni zhes bya ba ni tshigs su bcad pa 'dis so/ /ji ltar go rims bzhin du zhe na/ yang dag pa'i lta ba rnyed pa ni/ thos pas chos rnams shes par 'gyur/ /zhes bya ba'i tshig 'dis yongs su bstan to/ /lhag pa'i tshul
281a6 khrims kyi bslab pa dang brten pas sdig pa las yang dag par rgal ba ni thos pas sdig las ldog par 'gyur zhes bya ba'i tha tshig 'dis yongs su bstan to//lhag pa'i sems kyi bslab pa la yang dag par brten pas 'dod pa yang dag par rgol ba ni/ thos pas don med spong bar
281a7 'gyur//zhes bya ba'i tshig 'dis yongs su bstan to/ /lhag pa'i shes rab kyi bslab pa la yang dag par brten pas yang srid pa las yang dag par brgal zhes bya ba ni thos pas mya ngan las 'das pa thob ces bya ba'i tha tshig gis yongs su bstan to/ /yang nyon mongs pa'i gnod pa'i rgyus
281b1 yin gyi 'dod pa'i gnod pa'i rgyus ni ma yin te/ji skad du/ 'di lta ste/ 'di ni kha cig ces bya ba rgyas par 'byung ba nas/ 'dod pa don med par gyur pa rnams rab tu spong bar 'gyur ro zhes bya ba'i bar du bstan ma thag pas so/ /tshig bzhi dag gis go rims bzhin du yang dag pa'i lta ba rnyed
281b2 pa dang zhes bya ba rgya cher 'byung ba'i phan yon rnam pa bzhi yongs su bstan to//yang phan yon rnam pa bzhi yongs su bstan te/ tshig dang pos ni dad pa rnyed pa'o/ /tshig gnyis pas ni rab tu 'byung ba'o/ /tshig gsum pas ni dbang po'i sgo bsrung ba nyid la sogs pa'i rim pas zhes bya ba rgya cher 'byung
281b3 ba'o//tshig bzhi pas ni 'phags pa'i bden pa zhes bya ba rgya cher 'byung ba'o/ /n+ya gro d+ha la sogs pa'i mdo sde rnams kyis bsgrub par bya'o/ /ji skad du zhe na/ n+ya gro d+ha 'jig rten 'dir ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde
281b4 bar gshegs pa/'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'jig rten 'dir 'byung zhing de'i chos thog mar dge ba/ bar du dge ba/ tha mar dge ba/ don bzang po/ /tshig 'bru bzang po/ /ma 'dres pa/ yongs su dag
281b5 pa/yongs su byang ba/ tshangs par spyod pa yang dag par rab tu bstan pa ston la khyim bdag gam/ khyim bdag gi bu gang zhig chos de nyan pa des chos de thos nas dad pa rnyed do/ /de dad pa rnyed pa de dang ldan pas 'di ltar slob ste/ khyim na gnas pa ni nyam nga ba rdul gyi gnas yin gyi/ rab tu byung ba ni
281b6 skabs yod pa yin no//khyim pa khyim na gnas pas ji srid 'tsho'i bar du ma 'dres pa/ yongs su rdzogs pa yongs su dag pa yongs su byang ba tshangs par spyod pa spyad par bya ba 'di sla ba ma yin gyi ma la bdag longs spyod kyi phung po mang yang rung nyung yang rung ba spangs/ nye du'i 'khor mang yang rung
281b7 nyung yang rung ba yang spangs nas/skra dang kha spu bregs te gos ngur smrig bgos nas yang dag pa kho nar dad pas khyim nas khyim med par rab tu byung bar bya'o snyam du des de ltar so sor rtog nas longs spyod kyi phung po mang yang rung nyung yang rung ba nas/ yang dag pa kho nar dad pas khyim nas khyim med par
282a1 rab tu 'byung bar byed do//de de ltar rab tu byung ba dang lus dang ngag gis bsdams shing gnas la yang dag pa'i 'tsho ba la yongs su sbyor bar byed do/ /de srog gcod pa spangs nas/ srog gcod pa las slar ldog ste/ dbyug pa spangs shing mtshon cha spangs la ngo tsha
282a2 shes pa dang ldan zhing sems can 'byung po thams cad la snying brtse ba dang ldan pa dang /tha na srog chags grog sbur yan chad la yang srog gcod pa las slar ldog par byed do/ /ma byin par len pa spangs nas ma byin par len pa las slar ldog ste/ byin pa len pa dang / sbyin pa la dga' ba
282a3 dang /byin pa dang bor ba 'dod pa dang / mi rku ba dang / bdag nyid brkam chags mi byed pa'i kha na ma tho ba med par ma byin par len pa las slar ldog par byed do/ /mi tshangs par spyod pa spangs nas/ mi tshangs par spyod pa las slar ldog ste/ tshangs par spyod pa dang / mi chags par spyod pa dang /
282a4 dag pa dang grong ba'i chos las ldog par byed do/ /brdzun du smra ba spangs nas brdzun du smra ba las slar ldog ste/ yid brtan par bya ba dang / yid ches par bya ba dang yid gcugs pa'i gnas dang / 'jig rten las mi slu zhing brdzun du smra ba las ldog par byed do/ /phra ma spangs nas phra ma las
282a5 ldog ste/de 'di dag las thos nas 'di dag dang dbye ba'i phyir de dag la mi smra/ de dag las thos nas de dag dang dbye ba'i phyir 'di dag la mi smra zhing bye ba rnams kyang sdums byed/ mthun pa rnams kyi rjes su mthun par byed/ mthun pa la kun du dga'/ mthun pa la dga'/ mthun par bya ba'i
282a6 phyir tshig smra zhing phra ma las slar ldog par byed do//tshig rtsub po spangs nas tshig rtsub po las slar ldog ste/ tshig zher 'debs pa dang / rtsub pa dang / drag pa dang / pha rol nang par byed pa dang / skye bo mang po mi 'dod pa dang / skye bo mang po la mi sdug pa dang / skye bo mang po la mi dga' ba dang /
282a7 skye bo mang po yid du mi 'ong ba dang / mnyam par ma bzhag pa dang / ting nge 'dzin ma yin pa 'grub pa gang yin pa de lta bu'i ngo bo'i tshig spangs nas/ tshig mi rtsub pa dang / rnar snyan pa dang / yid du 'thad pa dang / dga' bar byed pa dang / grong khyer ba dang / snyan cing 'jebs pa dang / rnam par
282b1 gsal ba dang /rnam par rig par bya ba dang / mnyan par 'os pa dang / mi brten pa dang / mi mthun pa med pa dang / yongs su ma gtugs pa dang / skye bo mang po 'dod pa dang / skye bo mang po'i yid du 'thad pa dang / skye bo mang po dga' ba dang / skye bo mang po'i yid du 'ong ba dang / mnyam par
282b2 gzhag pa dang /ting nge 'dzin 'grub par gyur pa de lta bu'i ngo bo'i tshig smra zhing tshig rtsub mo las slar ldog par byed do/ /tshig kyal pa spangs nas tshig kyal pa las slar ldog par/ dus su smra ba dang / yang dag par smra ba dang / de kho na nyid du smra ba dang / don smra ba dang / chos smra ba dang /
282b3 brtags te smra ba dang / brtags pa dang ldan pa dang / dus su dang / ma 'chol ba dang / mthar chags pa dang / man ngag dang bcas pa dang / chos dang ldan pa dang don dang ldan pa'i tshig smra zhing tshig kyal pa las slar ldog par byed do/ /nyo tshong spangs nas nyo tshong las slar ldog par byed do/ /bre
282b4 la g.yo byed pa dang /srang la g.yo byed pa dang / gzhal blugs la g.yo byed pa spangs nas brel g.yo byed pa dang / srang la g.yo byed pa dang / gzhal blugs la g.yo byed pa las slar ldog par byed do/ /gsug dang 'drid pa dang / 'tshe ba bdag gir byed pa spangs nas gsug dang / 'drid
282b5 pa dang /'tshe ba bdag gir byed pa las slar ldog par byed do/ /gsod pa dang / 'ching ba dang / gcod pa dang / rdeg pa la nom pa spangs nas/ gsod pa dang / 'ching ba dang / gcod pa dang / rdeg pa las slar ldog par byed do/ /sgron ma dang bcas pa'i khyim spangs nas sgron ma dang bcas pa'i
282b6 khyim las slar ldog par byed do//zhing gi gzhi dang / khyim gyi gzhi dang / tshong rdal gyi gzhi 'dzin pa spangs nas zhing gi gzhi dang / khyim gyi gzhi dang / tshong rdal gyi gzhi 'dzin pa las slar ldog par byed do/ /glang po che dang / rta dang / ba glang dang / lug dang / bya gag dang / phag bsrel ba
282b7 spangs nas/glang po che dang / rta dang / ba lang dang / lug dang / bya gag dang / phag bsrel ba las slar ldog par byed do/ /bran dang / bran mo dang / las byed pa dang / zho shas 'tsho ba bsrel ba spangs nas/ bran dang / bran mo dang / las byed pa dang / zho shas 'tsho ba bsrel ba las slar
283a1 ldog par byed do/bud med dang / skyes pa dang / khye'u dang / bu mo bsrel ba spangs nas/ bud med dang / skyes pa dang / khye'u dang / bu ma bsrel ba las slar ldog par byed do/ /gser dang / dngul len pa spangs nas gser dang dngul len pa las slar ldog par byed do/ /
283a2 'bras rjen len pa spangs nas 'bras rjen len pa las slar ldog par byed do/ /za gcig pa yin te/ nub mo spangs nas dus su 'gro bar sbyor ba la rjes su brtson pa yin no/ /dus ma yin par za ba spangs nas dus ma yin par za ba las slar ldog par byed do/ /lus g.yogs pa'i gos kyis mgu
283a3 zhing chog shes par byed do//zas lto 'grangs pa tsam gyis mgu zhing chog shes par byed do/ /de gang dang gang du 'gro bar lhung bzed dang bcas pa chos gos dang bcas te/ dper na 'dab chags bya ni gang dang gang du 'phur bar 'dab ma dang bcas pa/ gshog pa dang bcas so/ /de bzhin du gos
283a4 lus khebs pas mgu zhing chog shes/zas lto 'grangs pas mgu zhing chog shes la/ gang dang gang du 'gro bar lhung bzed dang bcas chos gos dang bcas so/ /de 'phags pa'i tshul khrims kyi phung po 'di dang ldan pas dbang po rnams kyi sgo bsrungs shing gnas te/ de mig gis gzugs
283a5 rnams mthong na mtshan mar mi 'dzin cing mngon rtags su mi 'dzin la mig gi dbang po rnams sdom pas bsdams te gnas pa ni gzhi gang kho na las brnab sems dang yid mi bde ba'i sdig pa mi dge ba'i chos sems la zag pa de rnams bsdams pa'i phyir mig gi dbang po sdom par byed do//mig gi
283a6 dbang po ji ltar sdom par byed pa bzhin du/rna ba nas yid kyi dbang po'i bar du yang de bzhin du sdom par byed do/ /'phags pa'i tshul khrims kyi phung po de dang ldan pa dang / dbang po'i sgo bsrungs pa de nyid kyis 'gro ba dang ldog pa dang shes bzhin du gnas par byed/ 'gro ba dang / 'greng ba dang /
283a7 'dug pa dang / nyal ba dang / mi nyal ba dang / smra ba dang / mi smra ba dang / gnyid dang / dub pa bsangs pa na shes bzhin du gnas par byed do/ /de 'phags pa'i tshul khrims kyi phung po dang ldan pa dang / dbang po'i sgo bsrungs pa 'di nyid dang dran pa dang shes bzhin dang ldan pas dgon pa dang /
283b1 nags tshal dang / ri khrod dang / bas mtha'i gnas mal dag tu gnas par byed cing de dgon par phyin kyang rung shing drung du phyin kyang rung skyil mo krung bcas nas lus drang por bsrang ste/ dran pa mngon du bzhag nas 'dug par byed do/ /de 'jig rten la brnab sems spangs nas brnab sems
283b2 dang bral ba'i sems kyis lan mang du gnas shing brnab sems la sems yongs su sbyong bar byed do//'jig rten la gnod sems dang / rmugs pa dang / gnyid dang / rgod pa dang / 'gyod pa dang / the tshom spangs nas som nyi las rgal zhing the tshom las rgal ba dang / dge ba'i chos
283b3 sems la yid gnyis med cing the tshom las sems yongs su spyod bar byed do//sgrib pa lnga po sems nye bar nyon mongs par byed pa/ phongs pas nyam chung bar byed pa/ phongs pa'i phyogs dang mthun par mya ngan las 'das pa ma yin par 'gyur ba spangs nas 'dod pa las dben pa/
283b4 sdig pa mi dge ba'i chos las dben pa rtog pa dang bcas pa/ dpyod pa dang bcas pa/ dben pa las skyes pa'i dga' ba dang bde ba can bsam gtan dang po rdzogs par byas te gnas so/ /de rtog pa dang dpyod pa dang bral zhing nang yongs su dang ste/ sems kyi rgyud gcig tu gyur pas rtog pa
283b5 med pa/dpyod pa med pa/ ting nge 'dzin las skyes pa'i dga' ba dang bde ba can bsam gtan gnyis pa rdzogs par byas te gnas so/ /de dga' ba'i 'dod chags dang bral bas btang snyoms la gnas shing dran pa dang / shes bzhin can yin te/ bde ba lus kyis myong ba/ 'phags pa rnams
283b6 kyis gang de dran pa dang ldan pa/bde ba la gnas pa btang snyoms pa'o zhes brjod pa ste/ dga' ba med pa'i bsam gtan gsum pa rdzogs par byas te gnas so/ /de bde ba yang spangs te/ snga nas sdug bsngal yang spangs shing yid bde ba dang / mi bde ba yang nub pas bde ba yang ma yin pa/
283b7 sdug bsngal yang ma yin pa/ btang snyoms dang dran pa yongs su dag pa bsam gtan bzhi pa rdzogs par byas te gnas so/ /des de ltar sems mnyam par gzhag cing yongs su dag pa/ yongs su byang ba dang nyon mongs pa med pa dang / nye ba'i nyon mongs pa dang bral ba dang / drang por gyur pa
284a1 dang /las su rung bar gnas pa dang / mi g.yo ba thob pa dang / zag pa zad pa shes par bya ba'i mngon par shes pa la sems mngon par gtod cing / des 'di ni sdug bsngal 'phags pa'i bden pa'o zhes yang dag pa ji lta ba bzhin du rab tu shes so/ /'di ni sdug
284a2 bsngal kun 'byung ba'o//'di ni sdug bsngal 'gog par 'gro ba'i lam 'phags pa'i bden pa'o zhes yang dag pa ji lta ba bzhin du rab tu shes so/ /de de ltar shes shing de ltar mthong ba na 'dod pa'i zag pa las sems rnam par grol bar 'gyur ba dang / srid pa'i zag pa dang / ma rig pa'i
284a3 zag pa las/sems rnam par grol bar 'gyur zhing / bdag gi skye ba ni zad do/ /tshangs par spyod pa ni spyad do/ /'di las srid pa gzhan ni mi shes so zhes rnam par grol ba la rnam par grol ba'i ye shes mthong ba 'byung ngo / /de ltar na n+ya gro d+ha'i mdos de bzhin gshegs pas gsungs
284a4 pa'i chos 'dul ba la dad pa rnyed pa dang /rab tu byung ba nas zag pa zad pa'i bar du bsgrubs pa yin no/ /sogs pa'i sgras ni mdo gzhan rtsis mkhan la sogs pa'i mdos kyang bsgrub par bya'o/ /de ltar phan yon rnam pa mang po yang dag par mthong ba nyid kyis te/ gang zhe na/ thos pas chos
284a5 rnams shes par 'gyur//zhes bya ba rgya cher 'byung ba gang yin pa ste/ gus par chos nyan par bya'o// //rnam par bshad pa rigs pa'i bshad pa/ bam po bcu bzhi pa/ yang zhes bya ba rgya cher 'byung ba la/ yang ni rnam grangs gzhan las kyang gus par chos mnyan par bya'o/ /
284a6 ci'i phyir zhe na/ 'di ltar bcom ldan 'das kyis chos 'dul ba ni legs par gsungs pa yin pas so/ /slob dpon gyi dpe mkhyud kyis 'ga' la yang bar chad ma byas par zhes bya ba ni slob dpon gyi dpe mkhyud kyis chos 'dul ba 'ga' la yang bar du bcad par ma byas par zhes bya ba'i tha
284a7 tshig go//ji ltar na rten nyid kyis she na/ dbyangs yan lag lnga dang ldan pa can yang dag par gsungs pa'i phyir ro/ /'di ltar dbyangs yan lag lnga dang ldan pa ni ming dang / tshig dang / yi ge'i tshogs gsung ba de'i rten yin pas so/ /de ltar na rten nyid kyis bcom ldan 'das kyis
284b1 chos 'dul ba legs par gsungs pa yin no//ji ltar na go bar mdzad pa nyid kyis she na/ dbyangs gcig gis 'jig rten gyi khams mtha' yas par go bar mdzad pa yang dag par gsungs pa'i phyir ro/ /'di ltar dbyangs gcig gis 'jig rten gyi khams mtha' yas par go
284b2 par mdzad pa de yang dag par gsungs pa'i phyir ro//gzhan yang 'khor gyi dkyil 'khor ji snyed pa la thug par go bar mdzad pa yang dag par gsungs pa'i phyir ro/ /'di ltar 'khor gyi dkyil 'khor ji snyed pa la thug par go bar mdzad pa de yang dag par gsungs pa'i phyir ro/ /de ltar na go
284b3 bar mdzad pa nyid kyis te/khong du chud par mdzad pa nyid kyis bcom ldan 'das kyis chos 'dul ba ni legs par gsungs pa yin no/ /ji ltar na gdags pa nyid kyis shon/ mtha' gnyis spangs pa'i lam gsungs pa'i phyir ro/ /'di ltar rtag pa dang chad pa la sogs pa'i mtha'
284b4 spangs pa'i 'phags pa'i lam gsungs pas so//de ltar na gdags pa nyid kyis bcom ldan 'das kyis chos 'dul ba ni legs par gsungs pa yin no/ /dge ba'i rtsa ba ston pa'i phyir ro zhes bya ba ni dge ba'i rtsa ba ma chags pa la sogs pa brtan por byed pa ste/ 'phel ba'i rgyu yin pa'i
284b5 phyir ro zhes bya ba'i tha tshig go//'jig rten las 'das pa gong na med pa'i rjes las thob pa'i phyir ro zhes bya ba ni 'jig rten las 'das pa ni rnam pa gnyis te/ gong na med pa dang gong ma dang bcas pa'o/ /de la gong na med pa gang yin pa de'i rjes las thob pa'i phyir ro zhes bya ba'i tha
284b6 tshig go//stobs kyi yan lag dang ldan pa'i phyir nges pa'i tshig gi tshul gyis na snyen cing 'jebs pa'o/ /sgrub pas nges par 'byin pa'i phyir ro zhes bya ba ni ci ltar gsungs pa de sgrub pas nges par 'byin pa yin te/ thar pa thob par byed pa yin zhes bya ba'i tha tshig go/ /bslab pa bca' ba'i
284b7 thabs bde ba'i phyir ro zhes bya ba ni rab tu byung ba dang /khyim pa'i bslab pa bca' ba de dag gis bde ba'i phyir mi rtsub pa yin no/ /mi brlang ba ni de las 'das na nges par 'byung ba'i thabs yang dag par ston pa'i phyir ro/ /'di ltar bslab pa de las 'das nas so sor bshags pa la sogs pa'i
285a1 thabs dag gis nges par 'byung ba yang dag par ston pa yin pas so//yongs su gdung ba med pa ni sgrub pa la 'gyod pa med pa'i phyir ro/ /'di ltar de'i don du sgrub pa'i sbyor ba la 'gyod pa med pa yin no/ /kun du shes par bya ba ni khong du chud par bya ba zhes bya ba'i tha
285a2 tshig go//ci'i phyir zhe na/ thos pa las byung ba'i shes pa phun sum tshogs pa'i rten yin pa'i phyir ro/ /'di ltar thos pa las byung ba'i shes pa don phyin ci ma log pa phun sum tshogs pa'i rten yin pas so/ /rang gi don rjes su thob pa rnams zhes bya ba ni dgra bcom pa rnams so/ /kun shes
285a3 par byed pa ni 'dis kun shes par byed pas ni kun shes par byed pa'o//ji lta zhe na/ bsam gyis mi khyab pa'i gnas bzhi po 'di yang dag par ston pa'i phyir ro/ /'di ltar thos pa las byung ba bsam gyis mi khyab pa'i chos yang dag par ston pas so/ /bsam gyis mi khyab pa'i chos de dag
285a4 kyang ji skad du bcom ldan 'das kyis dge slong dag bsam gyis mi khyab pa'i gnas bzhi po 'di dag sems na myos par yang 'gyur/rmongs par yang 'gyur ro/ /bzhi gang dag ce na/ bdag la sems pa dang / sems can rnams kyi las dang rnam par smin pa la sems pa dang / 'jig rten la
285a5 sems pa dang /sangs rgyas rnams kyi sangs rgyas kyi yul yin no/ /mdo sde'i dum bu gnyis pa las bzhi po 'di dag ces bya ba las brtsams nas sems can rnams kyi las dang rnam par smin pa dang / bsam gtan pa rnams kyi bsam gtan gyi yul dang / rdzu 'phrul dang ldan pa rnams kyi rdzu
285a6 'phrul gyi yul lo zhes gsungs pa yin no//rnam par rig par byed pa ni 'dis rnam par rig par byed pas na rnam par rig par byed pa'o/ /ji lta zhe na/ bsam gyis mi khyab pa'i chos de yang dag par ston pa'i phyir ro/ /'di ltar bsams pa las byung bas bsam gyis mi khyab pa'i chos yang
285a7 dag par ston pa don med pa ma yin pa'i phyir ro//'bras bu dang bcas pa'i phyir ro zhes bya ba'i tha tshig go/ /ka la ping ka'i sgra dbyangs ni rgyun mi 'chad pa dang / 'jig pa'i phyir ro/ /ka la ping ka ni bya yin te/ de'i sgra dbyangs ni rtag par rgyun mi 'chad pa dang / 'jig pa'i phyir te/ snyan pa'i
285b1 phyir ro zhes bya ba'i tha tshig go//'grub pa thams cad kyi sngon du 'gro ba'i bkra shis yin pa'i phyir ro/ /'di ltar shang shang te'u'i sgra dbyangs 'grub pa thams cad la bkra shis par 'gyur ba dang 'dra bar grub pa thams cad kyi sngon du 'gro ba nyid kyis bkra shis pa yin no/ /rnga'i sgra ni bdud
285b2 dang phyir rgol ba thams cad las rnam par rgyal ba'i sngon du 'gro ba yin pa'i phyir ro//'di ltar bdud thams cad dang / phyir rgol ba thams cad las rnam par rgyal bar byed pa'i sngon du 'gro ba yin pas de'i phyir rnga'i sgra'o/ /sgra thams cad kyi rjes su zhugs pa ni brda sprod pa thams cad kyi
285b3 mtshan nyid kyi rnam pa thams cad la rjes su zhugs pa'i phyir ro//'di ltar dbang pos byas pa la sogs pa'i brda sprod pa thams cad kyi mtshan nyid rnam pa thams cad la rjes su zhugs pa ste/ de'i mtshan nyid dang ldan pa'o/ /de lta bas na mtshan nyid thams cad rjes su zhugs pa yin no/ /
285b4 tshig zur chag med pa ni bsnyel te de mi gsung ba'i phyir ro/ /'di ltar bsnyel bas tshig zur chag de mi gsung bas so/ /ma tshang ba med pa ni gdul bar bya ba la dus thams cad du nye bar gnas pa'i phyir ro/ /'di ltar gdul ba'i bya ba la ste/ gleng ba dang / dran par bya ba dang / rjes su bstan pa
285b5 dang /gdams pa'i chos bstan pa'i bya ba dag la dus thams cad du nye bar gnas pa ste/ ji ltar nyan thos kyis las rgya cher bstan pa lta bu yin no/ /bsnyengs pa dang bral ba'i phyir ro zhes bya ba ni 'jigs pa dang bral ba'i phyir zhes bya ba'i tha tshig go/ /chub pa ni sems can rnams kyis de dag gi don thams
285b6 cad sgrub par byed pa'i phyir ro//'di ltar des sems can rnams kyi don mtha' dag sgrub pas so/ /de lta bas na nges pa'i tshig gis na chub pa yin no/ /'bel ba ni rnam pa sna tshogs su nye bar gnas pa'i phyir ro/ /'di ltar rnam pa sna tshogs pa tshig dang yi ge'i rnam pa dag tu nye bar gnas pas so/ /
285b7 sgra thams cad rdzogs par byed pas ni gsung gcig las sgra'i rnam pa du ma rnam par rig par nye bar gnas pa'i phyir ro/ /'di ltar rnam pa gcig gis sgra du ma rnam par rig par nye bar gnas pas so/ /dbang po thams cad tshim par byed pa ni gcig las don du ma'i rnam par rig pa nye bar gnas
286a1 pa'i phyir ro//'di ltar gcig las don du ma'i rnam par rig pa nye bar gnas pas so/ /ma smad pa ni dam bcas pa ji lta ba bzhin pa'i phyir ro/ /'di ltar ji lta ba bzhin du gsungs pa gang yin pa de de kho na bzhin du mi rtag pa la sogs pa yin la/ yon tan gang gsungs
286a2 pa de yang gsungs pa 'ba' zhig tu ma zad de/de kho na bzhin du bsgrubs pas so/ /rnam pa thams cad kyi mchog dang ldan pa ni 'jig rten pa don thams cad dpe'i chos su bsgyur ba'i phyir ro/ /'di ltar 'jig rten pa'i don thams cad dpe'i chos su sgyur ba ste/ ji ltar de bzhin gshegs pa skye
286a3 ba bstan pa'i mdo las/rgya mtshos bcom ldan 'das bsngags pa lta bu'o/ /de lta bas na rnam pa thams cad dang / chos mchog phul de dang ma bral ba'i phyir rnam pa thams cad kyi mchog dang ldan pa'o/ /de ltar na yon tan yongs su 'dzin pa de nyid kyis de bstan pa'i rnam pas bcom ldan
286a4 'das kyis chos 'dul ba legs par gsungs pa yin no//yang zhes bya ba rgya cher 'byung ba ni yang ci'i phyir gus par chos mnyan par bya zhe na/ 'di ltar 'khor lo legs par sbyar ba yang zhes bya ba rgya cher 'byung bas so/ /don dam pa'i chos dang ma bral ba ni chos dang ldan pa yin zhes bya ba ni don
286a5 dam pa'i chos skye ba dang mthun pa ni chos dang ldan pa yin no//rigs pa yang chos yin te/ ji skad du zhes bya ba rgya cher 'byung ba yin no/ /de lta bas na rigs pa'i chos dang ma bral ba ni chos dang ldan pa yin no/ /'khor lo dang chos mthun pas 'khor lo yin no/ chos mthun pa de ci yin zhe na/
286a6 sa gzhan du 'dril ba'o/ /chos dang ldan pa ni ma yin te/ rigs pa'i chos dang bral ba'i phyir ro/ /de rnams kyi thar pa'i thabs bstan pa de ni rang bzhin dang / skyes bu dang / nang gi shes pa la sogs pa ston pa ste/ rigs pa dang bral ba yin no/ /de ltar zhes bya ba ni ji skad du dus su dang / gus
286a7 par zhes bya ba rgya cher gsungs pa ltar ro//nyan pa'i dus na gzhan dang bdag rjes su 'dzin pa ste/ ji lta zhe na/ 'chad pa po'i bsam pa gang yin pa zhes bya ba rgya cher 'byung ba yin no/ /bya ba gnyis dus gcig pa nyid du bsams pa ste/ smra ba'i bya ba dang / 'gro ba'i bya ba'o/ /dper na mar
286b1 zos na brta bar byed do zhes bya ba yang zos pa nyid na brta bar mi byed par bsams pa'o//'o na ci zhe na/ mar zos pa'i rgyus brta bar byed do zhes bya ba bsams pa yin no/ skal ba med par lta ba log par zhugs pa dang / rna ma blags pa yang chos bstan pa la gus par nyan pa med na mtshungs pa
286b2 yin no//de lta bas na long ba dang zhes bya ba rgya cher 'byung ba yin no/ /phan pa rnam pa lnga la yang dad pa rnyed pa dang / las dang bcas pa'i bslab pa gsum las brtsams par rig par bya'o zhes bya ba ni dad pa rnyed pa las brtsams par rig par bya zhing las dang bcas pa'i bslab pa gsum las
286b3 brtsams par rig par bya'o zhes bya ba'i tha tshig go//ji ltar byas pas she na/ de la dad pa rnyed pa las brtsams nas/ sangs rgyas kyi gsung la dad pa bskyed pas gdul ba'i rgyud bangs par byed pa zhes bya ba gang yin pa ni phan pa dang so sor rig par bya'o/ /las dang bcas pa'i bslab pa
286b4 dang po lhag pa'i tshul khrims kyi bslab pa las brtsams nas/'chal ba'i tshul khrims kyi dri ma sel ba zhes bya ba gang yin pa ni phan pa gnyis par rig par bya ste/ lhag pa'i tshul khrims kyi bslab pa'i las ni 'chal ba'i tshul khrims kyi dri ma sel ba yin no/ /las dang bcas pa'i bslab
286b5 pa gnyis pa lhag pa'i sems kyi bslab pa las brtsams nas/'dod pa'i yongs su gdung ba sel ba zhes bya ba gang yin pa ni phan pa gsum par rig par bya'o/ /lhag pa'i sems kyi bslab pa'i las ni 'dod pa'i yongs su gdung ba sel ba ste/ med par byed pa yin no/ /las dang byed
286b6 pa'i bslab pa gsum pa lhag pa'i shes rab kyi bslab pa las brtsams nas/yang 'byung ba pa'i sred pa zhi bar byed pa zhes bya ba gang yin pa dang / byang chub kyi phyogs dang mthun pa'i zhes bya ba rgya cher 'byung ba gang yin pa ni phan pa bzhi pa dang / lnga pa gnyis su rig par bya ste/ lhag pa'i shes
286b7 rab kyi bslab pa de'i las ni yang 'byung ba pa'i sred pa zhi bar byed pa dang /byang chub kyi phyogs dang mthun pa'i yon tan rnams skyed pa dang / 'phel bar byed pa'i las can yin no/ /skyes pa ni de rnams 'byung bar byed pa'o/ /'phel bar byed pa ni skyes pa rnams rgyas par byed pa'o/ /skyo bar byed pa
287a1 rnams dang /the tshom zos pa dang / lam ngan par zhugs pa rnams la lam dang lam ma yin pa yang dag par rab tu ston pa'i phyir zhes bya ba ni skyon gyi the tshom zos pa'i lam la zhugs pa rnams dang / lam ngan par zhugs pa rnams la yang dag par rab tu ston pa'i phyir ro zhes
287a2 bya ba'i tha tshig go//ras 'gul ba dang / dri ma can dang / thag thug nyid kyi skyon gyi phyir zhes bya ba ni 'gul ba nyid kyi skyon gyi phyir dang / dri ma can gyi skyon gyi phyir dang / thag thug nyid kyi skyon gyi phyir ro/ /rnam par g.yeng ba dang sgrib pa dang sngon gyi sgrib pas zhes bya ba ni rnam par g.yeng bas
287a3 'gul ba'i skyon dang /sgrib pas dri ma can nyid kyi skyon dang / sngon gyi las kyi sgrib pas mi mnyam pa nyid kyi skyon no/ /blun po ni ste/ glen pa ni ston pa'i yon tan gyis kyang chos bstan pa'i lam mi rnyed do/ /'ga' zhig lam log par zhugs na yang zhes bya ba rgya cher 'byung ba nas/ dag gyur
287a4 'di yin zhes bya ba nas 'dod pa 'ang srid ces bya ba'i bar ni gnas brtan mkhol gyis 'jig rten de kho na nyid la 'jug par bya ba'i phyir gsungs pa yin no//slob dpon gyis kyang de'i snyan dngags 'ga' zhig lam log par ni zhugs na yang zhes bya ba rgya cher 'byung ba bdag nyid kyis snyan
287a5 dngags/yon tan de gsum zhes bya ba rgya cher 'byung ba bcus thub pa'i dbang po'i gsung gi ched du gsungs pa yin no/ /de la yon tan gsum ni tshigs su bcad pa las dman te/ ldog pa'i rgyur gyur pa dang / dge ba dang mi dge ba dpyod pa dang / 'dod pa tsam yang skye ba zhes bstan pa
287a6 gang yin pa'o//de yang zhes bya ba ni tshigs su bcad pa 'di las 'byung ba'i yon tan gang zag gsum po dag la dgongs nas gsungs pa'i gang zag gsum po dag ni nges par legs pa la log par zhugs pa ste/ de'i ched du 'ga' zhig lam log par ni zhugs na yang zhes bya ba rgya
287a7 cher bstan pa yin no//bsgrub par 'dod pa mngon par mi shes pa ste/ de'i ched du/ dge dang mi dge gnyis ka dpyad nas zhes rgya cher bstan pa yin no/ bsgrub par mi 'dod pa gcig tu bag med par gyur pa dri ma can gyi las can yin no/ /de'i ched du 'ga' zhig 'khrul ba bstsal nas
287b1 zhes bya ba rgya cher bstan pa yin no//gdul ba bag med pa rnams ni skyo bar byed pas gdung bar byed pa yin no/ /rdo thal gyi rdo mes bsregs pa ni ji ltar rdo thal gyi rdo mes bsregs pa chos 'jig par byed pa de bzhin du/ nyon mongs pa'i bag la nyal gyi rdo zhes bya ba log pa'i las kyi mtha'
287b2 dang rgya cher 'byung ba yin no//de bzhin du mel tshe ba so sor mi rtog pa dang / rol mo mkhan zhes bya ba rgya cher 'byung ba yin no/ /'chos pa ni tshar gcod pa zhes bya ba'i tha tshig go/ /srid pa las skyob pa ni thar pa thob par byed pa'i phyir ro/ /'chos skyo ba yon tan phyir na ni 'chos pa'i yon tan gyi
287b3 phyir dang /skyob pa'i yon tan gyi phyir ro/ /log par lta ba la sogs pa lam ngan pa yongs su spong ba'i sogs pa'i sgras ni log pa'i rtog pa dang / log pa'i ngag dang / log pa'i las kyi mtha' dang / log pa'i 'tsho ba rnams so/ /yang dag pa'i lta ba la sogs pa'i sgras ni yang dag pa'i
287b4 rtog pa la sogs pa'o//kun du 'tshol ba'i sdug bsngal zhes bya ba ni yul kun du tshol ba'i sdug bsngal zhes bya ba'i tha tshig go/ /gnod pa'i sdug bsngal ni rdeg pa dang gcod pa'i sdug bsngal lo/ /dogs pa'i sdug bsngal zhes bya ba ni bdag la 'di dag nyes byas kyi las byed pa yin par
287b5 dogs pa de'i sdug bsngal lo//de'i sman 'dod pas zhes bya ba ni mir bya ba'i sman gang yin pa de don du gnyer bas so/ /lus dang 'dra ba'i nad med ces bya ba ni lus dang 'dra ba zhes bya ba'i tha tshig go/ /'dis ni lus kyi nad 'di la skyon drug po na ba dang 'brel pa nyid ni sdug bsngal myong zhes bya ba'i
287b6 tshig 'dis so//lus thams cad la khyab pa nyid ni khyab pa zhes bya ba 'dis so/ /bar chad med par 'jug pa nyid ni rtag pa zhes bya ba 'dis so/ /gsor mi rung ba nyid ni thabs med ces bya ba 'dis so/ /gnod pa mang ba nyid ni gnod pa mang ba zhes bya ba 'dis so/ /srog 'phrog pa nyid
287b7 ni 'joms byed pa zhes bya ba'i tshig 'dis so//gtan du 'byin par byed pa yin zhes bya ba ni gtan du phyis mi skyo bar byed pas na gtan du 'byin par byed pa'o/ /yan lag brgyad ldan pa/ rdzas kyi tshogs zhes bya ba ni 'phags pa'i lam yan lag brgyad dang ldan pa'i rdzas kyi tshogs so/ /
288a1 nam yang bsgrub par mi nus so/ /lan 'ga' yang bsgrub bar mi nus so zhes bya ba'i tha tshig go/ /de yang gang las 'byung zhe na zhes bya ba ni sdang dang bag med rmongs na go rims bzhin du/ dad dang skye dang rtogs pas te/ /zhes bya ba gang yin pa de'o/ /dkon mchog
288a2 gsum gyi yon tan thos na mnyan pa'i rgyu skyo ba 'byung ngo //ji lta bu zhe na/ 'di ltar bcom ldan 'das de ni zhes bya ba rgya cher 'byung ba dang / bcom ldan 'das kyi chos ni legs par gsungs pa zhes bya ba rgya cher 'byung ba dang / bcom ldan 'das kyi nyan thos kyi dge 'dun ni legs par zhugs
288a3 pa zhes bya ba rgya cher 'byung ba yin no//skyon ni sdig 'dod srid rten can/ /skyon gang la rten sdig pa dang / /'dod pa dang srid pa yod pa de ni sdig pa dang / 'dod pa dang / srid pa'i rten can te/ de thos na mnyan pa'i dngos po'i rgyu skyo ba 'byung ngo / /sdig pa dang 'dod pa rnams dang srid pa'i yin no
288a4 zhes bya ba ni de la sdig pa ni tshul khrims nyams pa yin no//de'i skyon ni gsod pa dang 'ching ba la sogs pa'o/ /'dod pa ni dngos po'i 'dod pa dang / nyon mongs pa'i 'dod pa'o/ /de rnams kyi skyon ni ji skad du mdo las/ 'dod pa'i rgyu dang / 'dod pa'i gzhi dang / 'dod pa dbang du bya bas ma
288a5 dang bu lta bu lhan cig rtsod par byed do zhes bya ba rgya cher 'byung ba yin no//srid pa ni nye bar len pa'i phung po lnga'o/ /de'i skyon ni/ skye ba dang / rga ba dang / 'chi ba dang / mya ngan la sogs pa'o/ /de ltar na skyon rnam pa gsum po de ni sdig pa dang / 'dod pa dang / srid pa'i rten can yin no/ /mtshan
288a6 nyid rnam gnyis ni phung po la sogs pa dag gi rang gi mtshan nyid dang /spyi'i mtshan nyid do/ /de la re zhig phung po lnga po rnams kyi re re'i rang gi mtshan nyid ni gzugs su rung ba'i phyir dang / myong ba la sogs pa'o/ /spyi'i mtshan nyid ni mi rtag pa nyid la sogs pa yin no/ /de bzhin du mig
288a7 la sogs pa dag gi rang gi mtshan nyid ni mig gi rnam par shes pa la sogs pa'i rten gzugs dang ba'o//spyi'i mtshan nyid ni mi rtag pa nyid la sogs pa'o/ /mig gi khams la sogs pa dag gi yang de bzhin te/ de lta bu'i don de'i nges pa thob nas so/ /rgyu dang 'bras bur 'brel ba'i
288b1 mtshan nyid ni zhes bya ba rgya cher 'byung ba ni ma rig pa dang /'du byed dang / rnam par shes pa dang / ming dang gzugs la sogs pa srid pa'i yan lag bcu gnyis po dag gi rgyu dang 'bras bur 'brel ba'i mtshan nyid kyi don gyi nges pa thob nas so/ /sdug bsngal dang kun 'byung ba la
288b2 sogs pa 'phags pa'i bden pa bzhi po dag gi rgyu dang 'bras bur 'brel pa'i mtshan nyid kyi don gyi nges pa thob nas gnyen po'i dngos po'i rgyu rtogs pa 'byung ngo //de bas na yon tan 'di dag ni dam pa'i chos mnyan na yod par rig par bya ste/ de la gus par bya'o/ /nyan pa'i skye bo dag
288b3 ni phal cher phyir phyogs pa dang /nyan pa'i skye bo dag ni phal cher te mang du legs par bshad pa 'di dag las phyir phyogs pa de dag ni nyan pa'i skye bo dag ni phal cher phyir phyogs pa'o/ /yongs su 'dzin par byed pa phal cher 'das pa dang / legs par bshad pa 'di dag yongs su 'dzin par
288b4 byed pa phal cher 'das pa de dag ni yongs su 'dzin par byed pa phal cher 'das pa'o//nye bar rnam par bshad pa dag gis mthu bcom zhing / legs par bshad pa 'di dag gis mthu ste nus pa bcom pa de dag ni mthu bcom pa'o/ /gang dag gis she na/ nyes pa rnam par bshad pa dag gis te/
288b5 log par rnam par bshad pa dag gis zhes bya ba'i tha tshig go/ /tshigs su bcad pa 'dis ni zhes bya ba rgya cher 'byung ba ni tshigs su bcad pa 'dis ni deng sang zhes smos pa'i phyir deng sang phyogs gnyis la ste/ khyim pa'i phyogs dang / rab tu byung ba'i phyogs la sangs rgyas kyi bstan pa yongs
288b6 su nyams pa rnam pa bzhi las khyim pa'i phyogs la ni gcig /rab tu byung ba'i phyogs la ni gsum du ston to/ nub la thug pa nyid du ston pa yin no/ /ji ltar byas pas she na/ nyan pa'i skye bo dag ni phal cher phyir phyogs dang zhes bya ba rgya cher 'byung bas so/ /de nyid la zhes bya ba ni rab tu
288b7 byung ba'i phyogs la'o//de nus par mi byed pa'i phyir ro zhes bya ba ni dge sbyong gi tshul gyi 'bras bu rtog pa de legs par bshad pa de rnams las mthu med pa'i phyir ro/ /'di ni zhes bya ba rgya cher 'byung ba ni 'di ni mdor bsdus na yongs su nyams pa rnam pa gnyis su 'gyur te/ tshig dang
289a1 don gnyis kyi lung yongs su nyams pa ni ji skad du bstan pa'i tshig gsum dag gis so//rtogs pa yongs su nyams pa ni tshig bzhi pas so/ /thos pa yongs su nyams pa ston pa yin no zhes bya bar skabs thams cad du sbyar ro/ /sems la zhog cig ces bya ba
289a2 ni ston pa'i zhal nas bsngags pa'i sems la gnas par gyis shig /mig zhi bar mdzad pa'i phyir zhes bya ba ni skye bo'i mig ni zhi bar mdzad pa zhes gsungs pa'i phyir ro/ /bkra shis kyi 'byung khungs yin pa'i phyir zhes bya ba bkra shis kyi 'byung gnas zhes gsungs pa'i phyir ro/ /don bzang
289a3 ba nyid kyis brjod par bya ba phun sum tshogs pa nyid kyis zhes bya ba'i tha tshig go//nyon mongs pa'i dug thams cad sel bar mdzad pa'i don gyis te zhes bya ba ni nyon mongs pa'i dug thams cad sel ba'i don sangs rgyas kyi gsung 'di la yod pas 'di ni nyon mongs pa'i dug thams cad zhi bar
289a4 mdzad pa'i don to//'phags pa'i nor bdun sgrub pa'i phyir nor dang ldan pa ni nor bdun ni dad pa'i nor dang / tshul khrims kyi nor dang / ngo tsha shes pa'i nor dang / khrel yod pa'i nor dang / thos pa'i nor dang / gtong ba'i nor dang / shes rab kyi nor ro/ /skyon bdun 'khru ba'i phyir bsod
289a5 nams ni skyon bdun ni phra rgyas bdun te/'dod pa'i 'dod chags kyi phra rgyas dang / srid pa'i 'dod chags kyi phra rgyas dang / khong khro ba'i phra rgyas dang / nga rgyal gyi phra rgyas dang / ma rig pa'i phra rgyas dang / lta ba'i phra rgyas dang / the tshom gyi phra rgyas so/ /yon tan thams cad kyi sngon du 'gro ba'i
289a6 phyir bkra shis pa nyid ni 'di ltar 'jig rten pa de dang /'jig rten las 'das pa'i yon tan thams cad kyi sngon du 'gro ba ste snga ltas yin pas de'i phyir bkra shis pa nyid yin no/ /gtan gyi tshangs par spyod pa'i dbang du mdzad pa'i phyir tshe la phan pa ni 'di ltar 'dir gtan gyi tshangs par spyod pa'i
289a7 dbang du mdzad pa yin te/ji skad du thog mar dge ba zhes bya ba rgya cher gsungs pa lta bu yin no/ /de lta bas na tshe la phan pa'i phyir tshe la phan pa'o/ /rang bzhin gyis rnam par dag pa ni ngo bo nyid kyis rnam par dag pa'o/ /dgongs pa 'jam pa zhes bya ba ni bcos ma ma yin pa'o/ /don dang mthun
289b1 pa ni tshig 'bru bzang po nyid kyis so//'dul ba dang mthun pa zhes bya ba ni skal ba ji lta ba bzhin du ston pa nyid kyis so/ /dus la bab pa zhes bya ba ni rgyud yongs su smin pa la yongs su bstan pa nyid kyis so/ /ran par bshad pa zhes bya ba ni ji srid du gdul ba'i mdzad pa nyid kyi bar du'o/ /
289b2 'du byed pa'i khyad par gyis ni dge ba dang / mi dge ba gnyis 'bad pa dang mi 'bad pa mngon par 'dus byas pa'i phyir ro/ /'di ltar dge ba ni 'bad pas mngon sum du bya ba yin la/ mi dge ba ni ma 'bad par ro/ /rnam pa'i khyad par gyis ni zhes bya ba ni yang dag pa ji lta ba bzhin dang / phyin
289b3 ci log pa'i rnam pa yin pa'i phyir ro//dge ba ni yang dag pa ji lta ba bzhin du mi rtag pa la sogs pa'i rnam pa dag gis dmigs par byed la/ mi dge ba ni gtsang ba dang bde ba la sogs pa dag gis so/ /mtshungs par ldan pa'i khyad par gyis ni zhes bya ba rgya cher 'byung ba ni dge ba
289b4 thams cad ni dge ba'i rtsa ba gsum po ma chags pa dang /zhe sdang med pa dang / gti mug med pa rnams dang mtshungs par ldan no/ /mi dge ba ni mi dge ba'i rtsa ba gnyis po ma rig pa dang / 'dod chags dang / khong khro ba gnyis las gang yang rung ba zhig dang ngam/ mi dge ba'i rtsa ba
289b5 gcig tu ma rig pa dang yang mtshungs par ldan no//sa'i khyad par gyis ni sa thams cad dang sa gcig pa nyid yin pa'i phyir ro/ /dge ba ni skye ba'i sa dgu char du yang yin te/ 'dod pa'i khams nas srid pa'i rtse mo'i bar du'o/ /mi dge ba ni sa gcig pa ste/ 'dod pa'i khams kho nar ro/ /
289b6 'bras bu'i rnam grangs kyi khyad par gyis ni 'bras bu rnam pa lnga dang bzhi yin pa'i phyir ro/ /dge ba'i 'bras bu ni rnam pa lnga ste/ rnam par smin pa'i 'bras bu dang / rgyu mthun pa'i 'bras bu dang / skyes bu'i byed pa'i 'bras bu dang / bdag po'i 'bras bu dang / bral ba'i 'bras bu'o/ /
289b7 mi dge ba'i rnam pa bzhi ste/ bral ba'i 'bras bu ma gtogs so/ /dus khyad par du 'phags pa dang ngan par 'bras bur 'gyur ba'i phyir go rims bzhin te/ 'di ltar zhes bya ba rgya cher 'byung ba yin no/ /chung dus mang po yang dag par 'joms pa'i khyad par gyis ni zhes bya ba ni dge ba chung
290a1 ngus mi dge ba mang po yang dag par 'joms pa ste/'di ltar spong ba'i las skad cig ma gcig gis thog ma med pa'i dus nas zhugs pa'i mi mthun pa'i phyogs rnam pa mang po yang dag par 'joms pas so/ /dper na sdug bsngal la chos shes pa'i bzod pas
290a2 thog ma med pa'i dus nas zhugs pa mi mthun pa'i phyogs rnam pa mang po ste/mi mthun pa'i phyogs phra rgyas bcu'i mtshan nyid yang dag par 'joms pa lta bu'o/ /dpe rnams mang po rgya cher 'byung ba ni 'di dag ni mi dge ba bas dge ba stobs dang ldan pa'i dpe yin te/ de tsam dang chos mthun pa
290a3 yin gyi grangs bzhin du ni ma yin no//smras pa/ mi dge ba las sa gzhan gyi dge ba bsam gtan dang po la sogs pa'i sa pa ni de'i sa stobs dang ldan par rigs so zhe na/ 'dir bshad pa/ dge ba de dang sa gcig pa yin yang zhes bya ba rgya cher 'byung ba ni 'dod pa na spyod pa'i dge ba de dang sa
290a4 gcig pa yin yang dang po'i khyad par rnam pa gsum po rnams kyis mi dge ba'i sa stobs dang ldan pa nyid du rig par bya ste/'du byed kyi khyad par dang / rnam pa'i khyad par dang / mtshungs par ldan pa'i khyad par gyis so/ /gzhan yang mi dge ba zil gyis mnan nas zhes bya ba rgya cher 'byung ba ni 'di
290a5 ltar 'dod pa na spyod pa'i dge ba'i sa pas mi dge ba zil gyis mnan nas de'i gnyen pos mi dge ba'i gnyen po gzugs na spyod pa'i dge ba gzhan 'dren to//de'i phyir na yang dge ba stobs dang ldan par rig par bya'o/ /bsdus pa'i tshigs su bcad pa ni khyad par bcu po 'di rnams kyi'o/ /
290a6 'du byed rnam pa mtshungs par ldan/ /sa nyid ces bya ba rgya cher 'byung ba ni 'du byed pa nyid kyi khyad par dang / rnam pa nyid dang mtshungs par ldan pa nyid dang / sa nyid dang / 'bras bu nyid rnam pa gnyis te/ ji skad du 'bras bu grangs kyi khyad par bstan pa dang / ji skad du mthar phyin pa'i
290a7 khyad par bstan pa dang /'chad pa nyid dang / chung ngus yang dag par 'joms pa nyid dang / spong ba nyid dang phyogs su gyur pa'i khyad par nyid do/ /gnyis med ces bya ba ni 'di la sangs rgyas kyi gsung gi rang bzhin gnyis po med do zhes bya ba'i tha tshig go/ /legs 'thob ni legs
290b1 par rnyed pa zhes bya ba'i tha tshig go//bsgrub dka' ni sbyor ba dka' ba'i phyir ro/ /nad drag yun rings su mi sten/ /zhes bya ba ni gang la nad drag pa dang yun ring ba yod pa de ni nad drag yun ring ngo / /'di ni 'di skad du nad drag la yun ring po can su zhig sangs rgyas kyi gsung sman dang /
290b2 grub pa dang / gtan du ba dang / nad thams cad 'joms pa dang / gnyis su med pa dang / legs par 'thob pa dang / legs par bsten pa dang / bsgrub dka' ba la rten par mi byed ces bstan pa yin no/ /rnyed sogs 'dod ces bya ba'i sogs pa'i sgras ni grags pa dang / bsngags
290b3 pa dang /nor 'dod pa dang / ji skad du bstan pa'i skyon ni chags pa la sogs pa'o/ /zab mo ni 'jug par dka' ba'i don gyis so/ /'di la brten na zhes bya ba ni sangs rgyas kyi gsung 'di la gnas na zhes bya ba'i tha tshig go/ /kha na ma tho med ces bya ba ni rnam par ma smad pa'o/ /phul byung
290b4 zhes bya ba ni mang po'o//nges pa ni the tshom med pa'o/ /'bras bu mi zad ces bya ba ni 'bras bu zad mi shes pa zhes bya ba'i tha tshig go/ /thob pa zhes bya ba ni rnyed pa'o/ /thabs gzhan med ces bya ba ni thabs gzhan na med do zhes bya ba'i tha tshig go/ /sgrub pa po yang med ces bya ba ni de'i don du sgrub
290b5 pa po gzhan yang med do zhes bya ba'i tha tshig go//'o na de bya mod ces bya ba ni 'o na de bsgrub par bya mod ces bya ba'i tha tshig go/ /bsams pa dang bsgoms pa gnyis kyi dus su yang rjes su 'dzin pa yin no/ /yon tan gnyis ldan ni go bar byed pa dang / nges pa'i tshig legs pa 'di gnyis dang ngo / /
290b6 ci 'os zhes bya ba ni 'dul ba ji lta ba bzhin no/ /rtogs gyur pa ni bden pa rnams yang dag pa ji lta ba bzhin shes so/ /dam pa'i chos mnyan pa la phan yon lnga zhes bya ba rgya cher 'byung ba ni mdo las dam pa'i chos mnyan pa'i phan yon lnga po gsungs pa gang dag ma thos pa thos par byed pa dang / thos
290b7 pa yongs su byang bar byed pa dang /som nyi spong ba dang / lta ba drang por byed pa dang / shes rab kyis don dang tshig zab mo rtogs par byed ces bya ba'i yon tan lnga po dag ni mi shes pa dang / the tshom dang log pa'i shes pa dang / bden pa rnams rtogs pa bzhi po 'di dag tu bsdus te/ ji ltar byas
291a1 pas she na/gnyis kyis mi shes pa ldog ba'i phyir te/ ma thos pa thos par byed pa dang / thos pa yongs su byang bar byed pa zhes bya ba 'di gnyis kyis so/ /gang gi phyir mi shes pa ldog par byed pa de'i phyir ma thos pa thos par byed pa dang / thos pa yongs su byang bar
291a2 byed pa zhes bya ba yon tan 'di gnyis ni mi shes pa ldog pa zhes bya ba'i nang du 'dus so//som nyi spong ba zhes bya ba yon tan 'di ni the tshom gyi shes pa ldog pa'i nang du 'dus so/ /lta ba drang por byed ces bya ba 'di ni log pa'i shes pa ldog pa'i nang du 'dus so/ /shes rab kyis don dang tshig zab
291a3 mo rtogs par byed ces bya ba yon tan 'di ni bden pa rnams rtogs pa'i nang du 'dus so//gtan du phan pa dang bde ba'i phyir zhes bya ba ni gtan du ji ltar rigs par mya ngan las 'das pa dang / mtho ris thob pa'i phyir ro/ /yang dang yang du bsgrub par bya ba dang / sbyor ba gcig pa'i phyir ro zhes bya ba
291a4 ni chos ni yang dang yang du bsgrub par bya ba'i phyir dang /sbyor ba gcig pa'i phyir ro/ /'di ltar mya ngan las 'das pa thob pa'i chos la ni sbyor ba gzhan med pas so/ /des ni zhes bya ba ni byang chub sems dpas so/ /nyon mongs mya ngan las 'das pa spang phyir te zhes bya ba ni bdag nyid kyi kun nas nyon
291a5 mongs pa spang ba'i phyir ni bdag la chags pa zad par bya'o//mya ngan las 'das pa spang ba'i phyir ni gzhan la chags pa 'phel bar bya ste snying rje bya'o zhes bya ba'i tha tshig go/ /de dag gnyis kyi zhes bya ba ni bdag la chags pa dang / mya ngan las 'das pas so/ /shes rab snying brtse de zad
291a6 'phel rgyu yin//shes rab ni bdag nyid kyi kun nas nyon mongs pa zad pa'i rgyu yin la/ snying brtse ste snying rje ni gzhan la chags pa ste/ byang chub kyi phyogs 'phel ba'i rgyu yin no/ /gang gi phyir de lta bu yin pa de'i phyir/ byang chub rtsa ba gnyis su gsungs/ /de'i 'phel rgyu ni shes rab dang
291a7 snying brtse ba de gnyis 'phel ba'i rgyu ni de 'phel rgyu'o//'bras bur bcas 'gyur zhes bya ba ni sgrub pas so/ /dman pa dag /yongs su gzung la 'dzin pa dang ldan pa'i zhes bya ba ni dman pa yongs su gzung ba la 'dzin pa ste/ chags pa ni dman pa yongs su gzung ba la 'dzin pa'o/ /de gang
291b1 dag la yod pa de dag ni dman pa yongs su gzung ba la 'dzin pa dang ldan pa ste/dman pa yongs su gzung ba la 'dzin pa dang ldan pa de dag gi'o/ /nyon mongs pa dang nye ba'i nyon mongs pa rnams dang zhes bya ba ni de la nyon mongs pa rnams ni 'dod chags la sogs pa dag po/ /nye ba'i nyon
291b2 mongs pa rnams ni ngo tsha med pa dang /khrel med pa dang / phrag dog dang / ser sna la sogs pa dag go/ /de las byung ba'i las rnams so zhes bya ba ni nyon mongs pa dang / nye ba'i nyon mongs pa las byung ba'i las rnams so/ /sdug bsngal gsum po dag ces bya ba ni 'du byed kyi sdug bsngal
291b3 nyid dang /'gyur ba'i sdug bsngal nyid dang / sdug bsngal gyi sdug bsngal nyid do/ /mya ngan la sogs pa dag ces bya ba ni mya ngan dang / smre sngags 'don pa dang / sdug bsngal ba dang / yid mi bde ba dang / 'khug pa dag go zhes bya ba'i tha tshig go/ /na ba dang / rga shi la sogs pa
291b4 dag go zhes bya ba la sogs pa'i sgras ni sdug pa dang bral ba dang /mi sdug pa dang phrad pa la sogs pa'o/ /mnyan pa dang / 'jog pa zhes bya ba ni mnyan pa dang / 'jog pa'o/ /de la mnyan pa ni bstan pa'i chos so/ /'jog pa ni de'i don te/ bdag nyid la yang dag par skyed pa'o/ rten la
291b5 tshul khrims dang /thos pa dang / 'dod pa chung ba la sogs pa'i yon tan gyis yongs su bsgos pa'i phyir te/ sogs pa'i sgras ni chog shes pa dang / rab tu dben pa nyid la sogs pa ste/ mdo las ji skad 'byung ba lta bu'o/ /byed par 'dod pa nyid kyi sems chen po yin pa'i phyir ro zhes bya
291b6 ba la/byed pa por 'dod pa nyid kyi sems ni rgyus kun nas bslang ba yin no/ /skad cig de la kun nas bslang ba ni bya ba'i dus su rjes su 'jug pa yin no/ /'gro ba dang sdug bsngal ba dang / phan 'dogs pa dang / yon tan khyad par du 'phags pas so zhes bya ba ni 'gro ba khyad par du 'phags pas dang /
291b7 sdug bsngal ba khyad par du 'phags pas dang / phan 'dogs pa khyad par du 'phags pas dang / yon tan khyad par du 'phags pas te/ ji skad du chos mngon pa'i mdzod las rgya cher bstan pa lta bu'o/ /mjug nyid kyis zhes bya ba ni mjug nyid kyis stobs dang ldan par 'gyur ro/ /rab tu dga'
292a1 ba yid la byed pa'i kun du rtog pas rgyas pa'i phyir ro//de la rab tu dga' ba ni ting nge 'dzin la sbyor ba'i gnas skabs su tshul khrims la sogs pa'i tshogs la rnam par lta ba yid bde ba nyid gang yin pa ste/ de nyid bdag gi tshogs phun sum tshogs so zhes rab tu
292a2 dga' ba skyes so//mnyam par gzhag pa'i gnas skabs su yid bde ba nyid gang yin pa de ni 'gal ba yin no/ /de nyid kyi phyir rab tu dga' ba las dga' ba skye'o zhes gsungs pa yin no/ /rab tu dga' ba nyid dang mtshungs par ldan pa'i yid la byed pa ni rab tu dga' ba'i yid la byed pa'o/ /rab
292a3 tu dga' ba yid la byed pa rnams kyi kun du rtog pa rnams ni rab tu dga' ba yid la byed pa'i kun du rtog pa'o//de rnams kyis rgyas pa ni de bsgom pa brtas pa'o/ /rab tu dga' ba yid la byed pa'i kun du rtog pas rgyas pa de'i phyir na rab tu dga' ba yid la byed pa'i kun du rtog pas rgyas pa'i phyir ro/ /de ltar
292a4 na mjug nyid kyis te/mjug gis dge ba stobs dang ldan pa'i phyir ro/ /'khor de nyid kyis zhes bya ba rgya cher 'byung ba ni ji skad du mdo las sbyin pa las byung ba'i dge ba dang / tshul khrims las byung ba dang / bsgoms pa las byung ba las brtsams nas gzhan dag de la yang dag par 'dzin du 'jug
292a5 cing bsngags pa brjod la/chos mthun pa la yang shin tu dga' bar 'gyur ro zhes gsungs pa lta bu'o/ /mya ngan las 'das pa dang / bla na med pa yang dag par rdzogs pa'i byang chub tu yongs su bsngo ba'i phyir ro/ /mya ngan las 'das par yongs su bsngo ba'i phyir dang / bla na med pa yang dag par
292a6 rdzogs pa'i byang chub tu yongs su bsngo ba'i phyir ro//mi dge ba la yang de bzhin du ci rigs par rig par bya ba ni rten nyid kyis ni rten la 'chal ba'i tshul khrims dang / thos pa med pa dang / 'dod chen che ba nyid la sogs pa yon tan ma yin pas yongs su bsgos pa'i phyir ro/ dang po kun nas
292a7 bslang ba nyid kyis ni rgyus kun nas bslang bas byed par 'dod pa nyid kyi sems chen po nyid yin pa'i phyir ro//brtson pa drag po nyid kyis ni byed pa'i phyir gus par brtson pa'i phyir dang / yang dang yang du brtson pa'i phyir te/ rtag tu brtson pa'i phyir ro/ /zhing nyid kyis ni zhing rnam pa bzhi ste/ 'gro ba dang / sdug
292b1 bsngal ba dang /phan 'dogs pa dang / yon tan khyad par du 'phags pas so/ /gzhi nyid kyis ni srog gcod pa dang / ma byin par len pa la sogs pa mi spong ba'i khyad par gyi phyir ro/ /bya ba nyid kyis ni gnod pa byed pa'i khyad par gyi phyir ro/ /mjug nyid kyis ni byas nas rab tu dga' ba yid la
292b2 byed pa'i kun du rtog pa rgyas pa'i phyir ro//'khor nyid kyis ni gzhan dag yang dag par 'dzin du 'jug cing bsngags pa brjod pa dang / chos mthun pas mthong na shin tu yid dga' ba nyid dag gis so/ /de bzhin du ci rigs par rig par bya ba yin no/ /sems la 'dzin pa na legs par gsungs
292b3 pa'o zhes bya ba'i skabs so//ji ltar 'dzin zhe na ba lang rdzis ni zhes bya ba rgya cher 'byung ba yin no/ /legs ldan 'di zhes bya ba ni legs pa dang ldan pa 'di ni'o/ /legs ldan 'di su yin zhe na/ tshul bzang chu bo tshol ba can/ /mchog dang mchog tshol mchog min shes pa'i yin/ /de la tshul
292b4 bzang chu bo tshol ba can//zhes bya ba ni sangs rgyas dang byang chub sems dpa' rnams kyis bsngags pa tshul dang / byang chub kyi yan lag gi dge ba ston pa ni tshul bzang ngo / /'di la tshul bzang po'i chu bo tshol ba'i ngang tshul yod pas 'di ni tshul bzang po'i chu bo tshol ba can te/ tshul bzang po'i
292b5 chu bo tshol ba can de'i'o//mchog dang mchog tshol ni mchog dang mchog tshol bar byed pas na mchog dang mchog tshol te/ mchog dang mchog tshol ba de'i'o/ /mchog dang mchog min shes pa'i ni gtso bo dang gtso bo ma yin pa shes pa'o zhes bya ba'i tha tshig go/ /legs ldan 'di gang gi yin
292b6 par bstan pa'i legs ldan de gang yin zhe na/de yi snying po nyid ni rab tu rnams phye na/ /rang gi srog gi rin gyis legs gsungs nyo ba mdzad/ /ces bya ba rgya cher 'byung ba'o/ /mdzad pa ni mdzad par gyur pa'o/ /snying po nyid ni rab tu rnam phye nas/ /zhes bya ba ni legs par gsungs pa dang rang gi srog
292b7 gnyis la snying po dang snying po ma yin pa gnyis la rnam par dpyad nas rang gi srog gis legs par gsungs pa nyo ba mdzad do//bsam pa yongs su smin pa dag par 'gyur/ /zhes bya ba ni dge ba'i rtsa ba yongs su smin pa dag par 'gyur zhes bya ba'i tha tshig go/ /mi mnyes par zhes bya ba ni mi mnyes par zhes bya
293a1 ba'i tha tshig go//yongs su nyams pa rnam pa bzhir yongs su bstan te/ yo byad rnams la zang zing lhur len pa nyid kyis yo byad bsnyungs pa yongs su nyams pa ni sbyangs pa'i yan lag rnams 'gyur zhes bya ba'i tshig 'dis yongs su bstan to/ /tshangs pa mtshungs par spyod pa rnams
293a2 la byams pa yongs su nyams pa ni da ltar ni/dge slong tshogs kyang byams pas phyir phyogs shing zhes bya ba 'dis so zhes yongs su nyams pa ni/ sdom brtson skye bo dge 'dun nang dag tu/ /dogs med stag mtshan can dang bya thogs rgyu/ /zhes bya ba 'dis so/ /rang gi don thob par bya ba la mngon par brtson
293a3 pa yongs su nyams pa ni//sngon gyi bsam gtan sa ni gang yin pa/ /kye ma ji ltar 'bras bu'i sa dag byed/ /ces bya ba 'dis so/ /de la mnyan pa dang / gzung pa dang / bcang ba dang don dang mthun par sgrub pa dag gis 'bad par bya'o zhes bya ba ni mnyan pa dang / gzung ba dang / bcang ba dang don dang
293a4 mthun par sgrub pas 'bad par bya'o//myong ba zhes bya ba ni nyams su myong bar gyur pa'o/ /bstan pa ji lta bur na mi bya yin/ /zhes bya ba ni sangs rgyas bcom ldan 'das rnams kyi bka' ji ltar na bya ba ma yin par 'gyur zhes bya ba'i tha tshig go/ /tshigs su bcad pa 'dis zhes bya ba rgya cher 'byung ba ni tshigs
293a5 su bcad pa 'dis ci zhig bstan ce na//'du byed rnams ni rnam 'jig cing / /zhes bya ba yongs su bstan te/ gnas skabs su 'gyur zhing zhes bya ba 'dis te/ 'gro'o zhes bya ba'i rang gi ngang gis skad cig tu 'jig pa yin par yongs su bstan te/ gnas par mi mngon la zhes bya ba 'dis so/ /gtan du
293a6 'jig par yongs su bstan te/song zhing song ba mi 'ong zhes bya ba 'dis so/ /gtan du 'jig pa yin yang chad min zhes bya ba 'di yang yongs su bstan to/ /gsar du skye zhes bya ba 'dis so/ /'dus byas 'jig pa de dag la/ /mi shes bdag dang bdag gir 'dzin/ /mi shes pas bdag dang bdag gir
293a7 'dzin to zhes bya ba'i tha tshig go//gzhan yang zhes bya ba ni rnam grangs gzhan yang gnas skabs 'gyur zhing zhes bya ba rgya cher 'byung ba'i tshigs su bcad pa gang gsungs pa ni'o/ /mi 'jig lta zhes bya ba ni 'du byed rnams la rtag par lta'o/ /yun ring 'jig par lta zhes bya ba ni gal te 'du byed 'di dag mi rtag
293b1 pa yin yang yun ring zhig na 'jig go zhes de ltar lta ba'o//gzhan dag ni 'du byed de dag zhig na mya ngan byed do/ /gzhan dag ni de dag zhig lta ste chad par lta'o zhes bya ba'i tha tshig go/ /gang zhig 'du byed la de ltar lta ba de'i ched du/ de'i rtsa bzhi yis mi rtag 'di nyid bstan/ /tshigs su bcad
293b2 pa de'i rtsa ba bzhi po de dag gis te/gnas skabs 'gyur zhes bya ba dang pos dang / gnas par mi mngon zhes bya ba gnyis pas dang song zhing song ba mi 'ong zhes bya ba gsum pas dang / gsar du skye zhes bya ba bzhi pas so/ /de la rtsa ba gnyis kyis ni 'dus byas rnams la bdag med pa dang bdag
293b3 gi ba med pa nyid du yongs su bstan te/gang dag gis she na/ gnas skabs 'gyur zhing gnas par mi mngon la/ /zhes bya ba 'dis dang / song zhing song ba mi 'ong gsar du skye/ /zhes bya ba 'dis te/ mdo las gang mi rtag pa de ni sdug bsngal ba'o/ /gang sdug bsngal ba de ni bdag med pa dang /
293b4 de ni bdag gi med pa dang / de la nga med pa dang bdag de'i nga'i ma yin no zhes gsungs pa'i phyir ro/ /gcig gis ni de dag la bdag dang bdag gir lta ba ste/ 'on kyang bdag dang bdag gir 'dzin 'jug pa zhes bya ba 'dis so/ /gcig gis ni de'i rgyu ma rig pas zin pa nyid dang / 'gro ba 'di ni ma
293b5 rig pa yis med ces bya ba 'dis so//bdag tu phyin ci log pa'i gzhi dang / rang bzhin dang rgyu yongs su bstan pa yin no/ ji ltar zhe na/ re zhig bdag tu phyin ci log pa'i gzhi ni rtsa ba snga ma gnyis kyis yongs su bstan to/ /rang bzhin ni rtsa ba gsum pas yongs su bstan to/ /rgyu ni rtsa ba bzhi pas
293b6 yongs su bstan to//tshigs su bcad pa 'di gnyis kyi don yang snga ma dang mthun par brjod par bya'o/ /ji ltar zhe na/ de la re zhig tshigs su bcad pa dang po las byas pa kun mi bya ba ni phyis gang mi bya ba de ni mi bya ba zhes bya'o/ /byang chub gsum las brtsams nas thos pa dang / /bsams pa dang /
293b7 bsgoms pa las byung bas rgyud yongs su smin par bya ba gang yin pa de mi bya'o/ /yun ring na yang zhi ba 'thob/ /byas pa mi bya ba des dus ring por gang gi tshe brtson par byed pa de'i tshe thar pa gdon mi za bar 'thob bo zhes bya ba'i tha tshig go/ /gang byas pa yin ni gang byas pa yang bya ba yin na zhes bya ba'i tha
294a1 tshig go//yang bya ba de yis ni shin tu yun ring zhi mi 'thob/ shin tu dus yun ring por yang thar pa mi 'thob bo zhes bya ba'i tha tshig ste/ ji ltar phyi rol pa'i snyoms par 'jug pa dag lta bu'o// //rnam par bshad pa rigs pa'i bshad pa/ bam po bco lnga pa ste
294a2 tha ma'o//gnyis pa las kyang gang byas pa ni mi bya zhes bya ba ni byang chub chen po'i ched kyi bsod nams dang ye shes kyi tshogs gang yin pa yang mi bya'o/ /gang byas pa ste bsgrubs pas de mi bya'o/ /byas pa mi bya ba des sangs rgyas nyid du srid pa yod/ des gdon mi za bar sangs rgyas su 'gyur ro zhes
294a3 bya ba'i tha tshig go//gang byas pa ste bsgrubs pa bya ba ste/ gang zhig yang bya ba yin no/ /byas pa yang bya ba de yis ni thar pa yang srid par mi 'gyur ro/ /mya ngan las 'das pa yang mi 'thob na sangs rgyas nyid lta ci smos bdag la khros te bsad na mi rung ngo / /bsad par gyur na zhes bya ba'i tha tshig go/ /
294a4 de'i tshig bzlog par yang mi nus nas zhes bya ba ni de'i tshig bzhin mi bya bar yang mi nus nas zhes bya ba'i tha tshig go/ /shes te ni shes par gyur te'o/ /thabs ma yin pa byed pas bud med don du gnyer ba las zhes bya ba ni mi tshangs par spyod pa 'dod pas bud med don du gnyer ba las zhes bya ba'i tha tshig go/ /
294a5 dad pa'i rtags rnams las zhes bya ba ni dad pa'i rtags de dag 'byung ba yang dge slong dag gsum po 'di dag ni dad pa'i rtags dang / mtshan ma dang / dad pa rtogs par byed pa yin no/ /gsum po gang dag ce na/ dge slong dag dad pa can ni 'phags pa rnams mthong bar 'dod pa yin/ dam pa'i
294a6 chos nyan par 'dod pa yin/skye dgu ser sna'i dri mas dkris pa rnams kyi nang na ser sna'i dri ma dang bral ba'i sems kyis khyim na gnas shing lhug par gtong ba dang / lag brkyang ba dang / rnam par gtong ba la dga' ba dang / mchod sbyin khor mor byed pa dang / gtong ba phun sum tshogs pa dang / sbyin pa la
294a7 kun 'ged par dga' ba yin no zhes 'byung ba yin no//de bzhin du rgan zhugs bsnyen par rdzogs su gzhug par ma nus so/ /de bzhin du khyod skyes pa yin nam zhes bya ba de lta bu la sogs pa bsnyen par rdzogs par byed du 'jug pas ma bzlas pas so/ /de bzhin du khyod nyan du gzhug ma nus so zhes bya ba yin no/ /
294b1 gson 'drar ni gson ba lta bur ro/ /gang zhig thob pas zhes bya ba rgya cher 'byung ba ni 'bras bu gang zhig thob pas ngan song ba ste ngan song gi 'bras bu can no/ /nyon mongs pa dang skye ba dang / las kyi kun nas nyon mongs pa mthong bas spang bar bya ba rnams zad pa yin no/ /re zhig de lta bu ni bslab pa'i
294b2 gnas skabs kyi dbang du mdzad nas gsungs pa yin no//yang 'byung ba pa ste/ yang 'byung ba pa'i 'bras bu can gyi nyon mongs pa dang / skye ba'i kun nas nyon mongs pa bsgom pas spang bar bya ba gnyis spangs pa ni dgra bcom pa yin no/ /las kyi kun nas nyon mongs pa ni mi smos so/ /ci'i phyir zhe na/
294b3 ngan song ba'i las spangs pa la ni yang 'byung ba ba'i las kyi kun nas nyon mongs pa rnam par mi gzhag ste/ yang 'byung ba ni dge ba'i 'bras bu yin pa'i phyir ro/ /'di ltar slob pa rnams kyi yang 'byung ba ni so so'i skye bo'i gnas skabs nas bsags pa'i las dge ba las dge ba lan grangs gzhan
294b4 la myong bar 'gyur ba dang /skyes nas myong bar 'gyur ba'i 'bras bu yin pas so/ /ci'i phyir zhe na/ slob pa'i gnas skabs kyi 'byung ba pa ma yin te/ de rnams kyi dge ba zag pa dang bcas pa'i yin te/ de ni zad par dga' ba yin pa'i phyir ro/ /nyon mongs pa mthong bas spang bar bya ba rnams ni mngon par
294b5 rtogs pa'i bgegs yin pa'i phyir ro//tshigs su bcad pa 'di las bgegs zhes bstan pas bsgom pas spang bar bya ba rnams ni bden pa mngon par rtogs pa rnams la bgegs su gyur pa ma yin te/ 'di la mthong ba'i lam la mthong bas spang bar bya ba rnams kho na'i 'thob pa dag gcod kyi bsgom
294b6 pas spang bar bya ba rnams kyi ni ma yin no//nyon mongs pa la yang skye ba'i kun nas nyon mongs pa de'i nus pa yod par bstan pa'i phyir bar du de smos pa yin no zhes bya ba ni nyon mongs pa dang / las kyi kun nas nyon mongs pa gnyis kyi bar du skye ba smos pa yin no zhes bya ba'i tha tshig go/ /ji lta zhe na/ bgegs
294b7 ni ci dag spangs/ngan 'gro rnams las rgal tam ci yin mi bya'i nges pa'i las ni ci zhig thob ces bya ba yin no/ /ngan song ba'i skye ba dang / las kyi kun nas nyon mongs pa gnyis bdag dang gzhan la gnod pa'i dbang du mdzad pa'i phyir yang bar du de smos pa yin te/ de la bdag la gnod par byed pa ni skye
295a1 ba'i kun nas nyon mongs pa'o//bdag dang gzhan la gnod par byed pa ni las kyi kun nas nyon mongs pa'o/ /ngan song dang ni yang 'byung 'gyur ba gang / /nyon mongs yan lag gsum gnyis zad bya'i phyir/ /nyon mongs pa'i yan lag gsum zad par bya ba'i phyir te/ ngan
295a2 song du gyur pa gang yin pa'i nyon mongs pa'i kun nas nyon mongs pa la sogs pa zad par bya ba'i phyir de kho na nyid de rtogs pa med pa'o//nyon mongs pa'i yan lag gnyis zad par bya ba'i phyir te/ yang 'byung bar 'gyur ba gang yin pa nyon mongs pa dang / skye ba zad par bya ba'i phyir de kho na nyid de rtogs
295a3 pa med do zhes bya ba'i tha tshig ste/phra rgyas me rnams kyis bsregs srid pa rnams kyi zhes bya ba rgya cher 'byung bas so/ /slob pa'i gnas skabs kyi dbang du mdzad nas bshad pa snga ma bzhin no/ /ji lta zhe na/ rgyu gnyis dag gis srog dbugs ma phyin pa las srog dbugs phyin pa thob pa ni gson pa dang 'dra
295a4 bar nyal bar rung gi gzhan du ni ma yin no zhes bya ba yin no//rgyu gnyis po gang dag gis she na/ lung bstan pa thob pa zhes bya ba rgyu 'di ma gtogs pa'o/ /gzhan yang bshad pa/ yongs su nyams pa med par sbyor ba'i lam thob pa nyid kyis ni nges par 'byed pa'i cha dang mthun pa'i bzod pa
295a5 thob pa'i phyir ro//de thob pa'i phyir na yongs su nyams pa med par sbyor ba'i lam thob pa yin no/ /de thob pas yang ngan song du mi 'gro'o/ /'bras bu thob pa nyid kyis ni gang zhig thob pa'i phyir snga ma bzhin no/ /ji lta zhe na/ gang zhig thob pas ngan song ba'i nyon mongs pa dang zhes bya ba rgya cher 'byung ba
295a6 yin no//ci zhig rnyed pa las ni dbugs phyin na/ /zhes bya bas ni yongs su nyams pa med par sbyor ba'i lam ma thob pa nyid du yongs su ston pa yin no/ /ci zhig rtogs zhes bya ba ni 'bras bu ma thob pa nyid du'o/ /snga ma bzhin no/ /ji lta zhe na/ srog dbugs ma phyin pa las dbugs phyin pa thob pa ni
295a7 gson pa dang 'dra bar nyal bar rung gi gzhan du ni ma yin no zhes bya ba yin no//gsum po gang dag gis she na/ lung ston pa thob pa nyid kyis ni snga ma bzhin no/ /thob pa la rnam pa gnyis su phye ste/ bshad pa/ ye shes kyi khyad par thob pa nyid kyis dang / spangs pa'i khyad par thob pa nyid kyis so/ /spangs pa'i
295b1 khyad par yang zhes bya ba rgya cher 'byung ba yin no//de la ci zhig rnyed pa las ni dbugs phyin ces bya ba ni lung bstan pa ma thob pa nyid du yongs su ston pa yin no/ /ci zhig rtogs zhes bya ba ni ye shes kyi khyad par ma thob pa nyid du yongs su ston pa yin no/ /bde bar 'du shes phyin ci log gi gzhi nyid
295b2 yin pa'i phyir ro//bde ba ma yin pa de dag la bde ba'o snyam du 'du shes pa ste/ yongs su gdung ba dang bcas pa'i bde ba yin pa'i phyir gzhan pa bzhin no/ /bde bar 'du shes pa de nyid phyin ci log yin no/ /de'i gzhi ni bde bar 'du shes phyin ci log gi gzhi ste de'i dngos po'o/ /de'i phyir bde bar
295b3 'du shes pa ste/bde ba nyid du phyin ci log gi gzhi nyid yin pa'i phyir ro/ /da ni phyi ma'i phyed kyis ni 'di ltar de rnams ni zhes bya ba rgya cher 'byung bas ji ltar de dag rmongs par byed pa de lta bu ston pa yin no/ /smon pa na yang mi rnams kyi ni sems/ /rmongs na bdag nyid phrad na smos ci dgos/ /zhes bya bas de
295b4 rnams ni ma phrad kyang sred pa dang bcas pa rnams kyi sems bde bar 'du shes pas rmongs par byed na phrad na lta smos kyang ci dgos zhes bya bar ston to//smon pa na ni 'dod pa na ste/ don du gnyer ba na'o/ /bsdus pa'i tshigs su bcad pa gnyis te don ji skad du bstan pa'i'o/ /dpung thub dka' ba can zhes bya
295b5 ba ni gang dag gi dpung thub par dka' ba de dag ni dpung thub par dka' ba can zhes bya ba'i tha tshig go//'dod pa 'di dag ni zhes bya ba rgya cher 'byung ba ni 'dod pa 'di dag ni mnog chung zhing sdug bsngal mang ba yin te/ nyes dmigs mang ba yin no/ /'dir mnog chung ba ni nyes dmigs shin tu mang bas so/ /
295b6 zhes bya ba rgya cher sbyar ro/ /go rims bzhin no/ /ji lta zhe na/ gsal ba'i spangs par dka' ba nyid kyis ni bzlog par dka' ba yin no/ /rnam par gnon pa'i spang bar dka' ba nyid kyis ni dpung thub par dka' ba yin no/ /bag la nyal yang dag par gzhom pa ni yang dag par spang bar dka' ba nyid
295b7 kyis ni rgyu ba rnams rtogs par dka' ba yin no//de la gsal ba'i spang ba ni gsal ba nyid spang ba yin pas gsal ba'i spong ba ste/ so sor rtog pa'i stobs kyis te/ ji skad du 'dod pa 'di dag ni mnog chung zhing sdug bsngal mang ba yin no zhes bya ba de lta bu la sogs pa gsungs pa lta bu'o/ /
296a1 rnam par gnon pa'i spang ba ni rnam par gnon pa nyid spong ba yin pas rnam par gnon pa'i spong ba ste/ 'jig rten pa'i lam gyis 'dod pa'i khams kyi 'dod chags dang bral ba'o/ /de bzhin du bag la nyal yang dag par 'joms pa nyid spong ba yin pas bag la nyal yang
296a2 dag par 'joms pa'i spong ba ste/'jig rten las 'das pa'i lam gyis srid pa'i rtse mo las te/ 'dod pa ni sdug bsngal ba'o zhes rgya cher 'byung ba'o/ /sngon rdul bsags pa zhes bya ba rgya cher 'byung ba ni tshe rabs snga ma la nyon mongs pa bsags pa'o/ /'dir ni de ltar gyi tshe la'o/ /yid 'khrul
296a3 pa rnams kyi ni sems rnam par g.yengs pa rnams kyi'o//ting nge 'dzin dang / shes rab dang / tshul khrims kyi bar du gcod pa'i phyir te/ go rims bzhin no/ /ji lta zhe na/ ting nge 'dzin gyi bar du gcod pa'i phyir mos pa'i dgra rnams so/ /shes rab kyi bar du gcod pa'i phyir blo gros kyi dgra rnams so/ /
296a4 tshul khrims kyi bar du gcod pa'i phyir tshul khrims zad par byed pa dag yin no/ /'di dang phyi mar zhes bya ba rgya cher 'byung ba ni da ltar gyi tshe la bde ba'i rgyu gnyis yin pas nor dang 'dra ba'i phyir rdzas dang 'dra ba'i dge ba yin te/ grags pa'i rdzas dang chos mthun pas so/ /de bzhin du phyi mar sdug bsngal
296a5 yongs su skyob pa'i rgyu nyid yin pas nor dang 'dra ba'i phyir rdzas dang 'dra ba'i dge ba ste/grags pa'i rdzas dang chos mthun pas so/ /dge ba'i chos rnams las thob pa dang ma thob pa yongs su nyams pa nyid kyis yongs su nyams par byed pa'i phyir ro/ /dge ba'i chos rnams las thob pa yongs su nyams
296a6 pas yongs su nyams par byed pa'i phyir dang /de dag nyid las ma thob pa yongs su nyams pas yongs su nyams par byed pa'i phyir ro/ /yang mdor bsdus na zhes bya ba rgya cher 'byung ba ni yang mdor bsdu na tshigs su bcad pa 'dis ni 'dod pa rnams yongs su shes par dga' ba nyid ni tshig gcig
296a7 gis yongs su bstan te/shes dka' zhes bya ba 'dis so/ /spang bar dka' ba nyid ni tshig gsum dag gis yongs su bstan te/ bzlog dka' dpung thub dka' ba can rgyu ba/ rtogs dka' zhes bya ba 'di rnams kyis so/ /yongs su ma shes shing ma spangs pa dang / ji ltar gang zhig ni gang dag la gnod
296b1 par byed pa de ni tshig gsum dag gis yongs su bstan te/de la bzang po'i lam rnams 'joms pa zhes bya ba 'dis ni re zhig ji ltar byed pa de yongs su bstan to/ /mos dang blo yi dgra yin dang / /tshul khrims zad byed ces bya ba 'di gnyis kyis kyang gnod pa mang zhig byed pa yongs su ston to/ /tshigs
296b2 su bcad pa lhag mas ni gang dag la gnod pa byed pa de yongs su bstan to//gang gis she na/ 'dod chags rang dga'i dbang po can rnams kyi zhes bya ba rgya cher 'byung bas so/ /brtan pa yin te/ ji ltar zhe na/ 'phrigs na yang mi ldog pas so/ /thag ring zhing thibs por rgyu ba yin no/ /ji ltar na thibs por
296b3 rgyu ba yin zhe na/mi mngon pa dang bgrod dka' ba'i gnas su ste/ shes par dka' ba nyid kyis ston te/ shes dka' ba zhes bya ba'i tshig 'dis so/ /de lta bu ni srid pa'i sgo nas sbyar bar bya ba yin no/ /snying brtse ba med pa nyid ni bzang po'i lam 'joms pa la sogs pa nyid kyis so/ /tshul khrims la sogs
296b4 pa gang dag gi dang po bzang po'i lam 'joms pa yod pa de dag ni bzang po'i lam 'joms pa la sogs pa'o//de'i dngos po ni bzang po'i lam 'joms pa la sogs pa nyid de/ bzang po'i lam 'joms pa la sogs pa de nyid kyis so/ /mos dang blo yi dgra yin dang / /tshul khrims zad byed yin zhes bya
296b5 ba 'di rnams kyis dge ba'i rtsa ba ma lus par med par byed pa'i phyir ro//dpe gsum dag gis bstan zhe na zhes bya ba ni mar me dang / ljon shing dang / chu rnams kyis so/ /'di ni tshe'i dbang gis ming dang gzugs zhes bya brgya cher 'byung ba ni de las ming ni gzugs can ma yin pa'i phung po bzhi ste/ der gzhol
296b6 ba'i phyir ro//gzugs ni 'byung ba chen po bzhi dag dang 'byung ba chen po bzhi dag rgyur byas pa ste/ gzugs su rung ba'i phyir ro/ /tshe ni dod dang rnam par shes pa gnyis kyi gzhir gyur pa'i chos gang yin pa ste/ srog ces bya ba'i rnam grangs so/ /de'i dbang gis 'jug ces bya ba ni tshe de med par ming dang gzugs
296b7 mi 'byung ngo zhes bya ba'i tha tshig go//gsum po de phyir ji lta bur/ /mi brtan pa ni zhes bya ba ni tshe dang ming dang gzugs de dag dpe gsum po de'i phyir rnam pa gang gis mi brtan pa ste/ 'jig pa'i chos can yin pa de 'chi 'gyel zad pa las phyogs pa rnams kyis te/ de mi brtan pa nyid ni 'chi ba la phyogs pa dang /
297a1 'gyel ba la phyogs pa dang / zad pa la phyogs pa'i mar me ljon shing chu yis bstan/ mar mes ni ming 'chi ba la phyogs pa nyid du bstan te/ nang par mar me rlung gis bskyod pa 'dra bar zhes bya bas so/ /ljon shing gis ni gzugs 'gyel ba la phyogs pa nyid du bstan te/ chu bo'i
297a2 'gram gyi ljon shing rtsa ba 'gul 'dra bar//zhes bya bas so/ /chus ni tshe zad pa la phyogs pa nyid du bstan te/ snod chag yod pa'i chu ni 'dzag par byed pa ltar/ /zhes bya bas so/ /rgyu brgyad dag gis chos 'di la shin tu brtsal bar mi bya bar 'gyur te zhes rgya cher bstan pa gang yin pa de dang chos
297a3 mi mthun pa ni/don gnyer nus dang ma byas par/ /zhes bya ba rgya cher 'byung ba nas/ de ni nges par sdig las kyis/ /bsgribs shing sdug bsngal mang ston yin/ /zhes bya ba'i bar du bstan pa yin no/ /gzhan yang skyo bar byed pa ni/ /ngan song thos la yid ches shing / /zhes bya ba rgya cher 'byung ba
297a4 yin no//ngan song thos pa ni chos sgrogs pa rnams so/ /yid ches pa ni ngan song yod do/ /mi dge ba'i las kyis der skye'o snyam du'o/ /de yi gnyen por mi byed pa/ /de'i gnyen por dge ba'i las ngan song du skye ba'i bgegs byed pa dang / bde 'gro thob par byed pa mi byed do/ /'jigs pa ni ngan
297a5 song rnams la'o//nus dang ldan pa ni dge ba la sbyor ba la'o/ /tshe thung ba ni re ltar thogs na tshe lo brgya'o/ /de yang ma nges pa ni tshe de yang ma nges te/ res 'ga' ni mngal nyid du 'chi'o/ /res 'ga' ni byis par ro/ /res 'ga' ni dar la bab pa na'o/ /mi bya ba ni bya min/ dge ba mi dge bar bya ba ma
297a6 yin no zhes bya ba'i tha tshig go//byed pa po gzhan med/ de la byed pa po gzhan med pa'o/ /ma byas par bde legs med/ dge ba ma byas par sdug bsngal med pa med pa'o/ /byas pa yang mi 'jig dge ba dang mi dge ba'i las bsags pa yang 'bras bur ma smin par chud mi za'o/ /de byed mi shes min/
297a7 bdag gis ji ltar dge ba bya snyam pa dang / gang gis na ngan song du mi 'gro zhing bde 'gro thob par bya snyam du thabs mi shes pa la yang ma yin bzhin du'o/ /gal te so so'i skye bo dag /ces bya ba rgya cher 'byung ba ni 'dod pa nyid ni zang zing gi phub ma yin pas 'dod pa'i ni zang zing gi phub ma smos pas ni de la
297b1 snying po nyid 'gog par byed do//'di skad du 'di ji skad du bstan pa de ltar yin na/ /ci'i phyir so so'i skye bo 'di 'dod pa'i zang zing gi phub ma la 'jus nas kye ma rab tu myos pa'i glang po che'i nyal ba byed dam ci zhes bstan pa yin no/ /so so'i skye bo'i zhes bya ba ni skye bo gang bden pa mthong ba rnams las
297b2 so sor phyi rol du gyur pa de ni so so'i skye bo zhes bya ba'o//kye ma 'di ni zhes bya ba ni de la snying brtse bar ston pa yin no/ /rab myos pa'i glang chen nyal ba zhes bya ba ni rab tu myos pa nyid kyi glang chen nyal ba yin pas na rab tu myos pa'i glang chen nyal ba de'o/ /yang rnam pa gzhan gyis skyo bar byed pa ni/ byis
297b3 pa kun ni rten yod kyang //zhes bya ba rgya cher 'byung ba yin no/ /byis pa kun ni rten yod kyang / /zhes bya ba ni so so'i skye bo rnams ni rten pa yod kyang zhes bya ba'i tha tshig go/ /'dir byas legs zhes bya ba ni kyi hud tshig go/ /tshigs su bcad pa 'di rnams kyis ni zhes bya ba ni/ kye ma mi bzad kye ma dka'
297b4 zhes bya ba de lta bu la sogs pa rnams kyis so//log par bsgrub pa skyon lnga dang ldan pa zhes bya ba ni log par bsgrub pa de ni rnam pa gnyis te/ sangs rgyas kyi gsung mi nyan pa'i mtshan nyid yin par 'chad de/ log par bsgrub pa de yang tshigs su bcad pa gzhan gsum dag gis bstan pa yin no zhes bya ba
297b5 rgya cher 'byung bas so//tshigs su bcad pa gzhan gsum dag gis bstan pa yin no zhes bya ba ni sangs rgyas gsung zhes bya ba gang zhes bya ba rgya cher 'byung ba ste/ tshigs su bcad pa gsum po 'di dag gis so/ /de yang mdor bsdu na sangs rgyas kyi gsung mi nyan pa dang / mi 'dzin pa las brtsams
297b6 nas rig par bya'o//re zhig mi nyan pa las brtsams nas rig par bya ba ni sangs rgyas kyi gsung gang zhes bya ba rgya cher 'byung ba ste/ de ltar sangs rgyas kyi gsung mi nyan pa'i log par bsgrub pa ni sangs rgyas gsung zhes bya ba nas brtsams nas brlag pa'i rgyu/ grong pa'i sgra la mngon par dga'/ /zhes
297b7 bya ba'i bar gyi tshigs su bcad pa gnyis kyis bstan pa yin no//de la sangs rgyas kyi gsung gang rnyed par dka' ba dang zhes bya ba de lta bu la sogs pa'i tshig rnams sangs rgyas gsung zhes bya ba gang zhes bya ba de lta bu la sogs pa'i tshig rnams su ji ltar rigs par sbyar bar bya'o/ /mi 'dzin pa las
298a1 brtsams nas rig par bya ba ni thos nas yang phan par bzhed pa dang zhes bya ba rgya cher 'byung ba yin te/de lta bu'i 'dzin pa'i log par sgrub pa ni/ bdag la phan par brtson rnams kyis ni dgra yin yang / /zhes bya ba'i tshigs su bcad pa 'dis bstan pa yin no/ /'dir yang tshig
298a2 tu'am don du ji ltar rigs par sbyar bar bya'o//de ni mi bzad pa la sogs pa'i sgras bstan to zhes bya ba ni log par sgrub pa de ni mi bzad pa dang / dka' ba la sogs pa'i sgras bstan to/ ji ltar byas pas she na/ de rnams kyis log par sgrub pa de mthong nas/ kye ma mi bzad kye ma dka'/ /kye ma'o
298a3 sdug bsngal kye ma'o 'jigs//zhes bya ba de lta bu la sogs pa smos pa yin no/ /gnod pa'i rgyu yin pa'i phyir te/ lus la gnod pa'i rgyu yin pa'i phyir dang / sems la gnod pa'i rgyu yin pa'i phyir ro/ /ji ltar zhe na/ gsod pa dang / 'ching ba dang / rdeg pa la sogs pa gzhan gyi gnod pa dang /
298a4 mya ngan gyi gnas yin pa nyid kyis te/ gsod pa dang / 'ching ba dang / rdeg pa la sogs pa nyid gzhan gyi gnod pa yin pas gsod pa dang / 'ching ba dang / rdeg pa la sogs pa gzhan gyi gnod pa dang / sogs pa'i sgras ni rtsod pa la sogs pa gzung ngo / /gsod pa dang / 'ching ba dang / rdeg
298a5 pa la sogs pa gzhan gyi gnod pa de'i gnas yin pa nyid kyis ni rten yin pa nyid kyis so//de ltar na re zhig sdug bsngal ba ni lus la gnod pa'i rgyu yin pa'i phyir ro/ /sems la gnod pa'i phyir yang yin te/ mya ngan gyi gnas yin pa nyid kyis ni yid mi bde ba'i rten yin pa nyid kyis so zhes bya ba'i tha
298a6 tshig go//mya ngan byas pa ni gnas 'jog gi bu sa'i bcud nub pa dang sems can de dag 'dus shing phrad nas kye ma'o sa'i bcud ces mya ngan gyis dub par byed/ smre sngags 'don par byed do zhes 'byung ba yin no/ /de bzhin du khyed kyis mi khom pa'i ra ba brgyad phug ste zhes bya ba la/ mi khom brgyad po
298a7 gang dag gi zhe na/dge slong dag brgyad po 'di dag ni gang zag tshangs par spyod pa la gnas par bya ba'i phyir mi khom pa dang dus med pa dag yin no/ /brgyad po dag gang zhe na/ dge slong dag ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa bde bar
298b1 gshegs pa 'jig rten mkhyen pa/skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten 'dir byung ste/ chos nye bar zhi ba can yongs su mya ngan las 'das pa can rdzogs pa'i byang chub tu 'gro ba bde bar gshegs pas gsungs pa
298b2 ston par mdzad la sems can de sems can dmyal ba rnams su skyes pa yin te/'di ni gang zag tshangs par spyod pa la gnas par bya ba'i phyir mi khom pa dang / dus med pa dang po yin no/ /de bzhin du dud 'gro rnams su yin no/ /'di ni gnyis pa ste snga ma bzhin no/ /de bzhin du yi dags rnams su
298b3 yin no//'di ni gsum pa ste snga ma bzhin no/ /gzhan yang zhes bya ba rgya cher 'byung ba nas/ sems can de ni lha tshe ring po rnams kyi nang du skyes pa yin zhes bya ba'i bar du ste/ 'di ni bzhi pa yin no/ /gzhan yang zhes bya ba nas bde bar gshegs pas gsungs pa ston par mdzad la zhes bya
298b4 ba'i bar dang /sems can de ni yul mtha' 'khob tu gang na 'khor bzhi po dge slong dang / dge slong ma dang / dge bsnyen dang / dge bsnyen ma rnams mi snang ba'i mtha' 'khob kla klo rnams su skyes pa yin te/ 'di ni mi khom pa lnga pa yin te snga ma bzhin no/ /gzhan yang zhes bya ba rgya cher 'byung ba nas/
298b5 bde bar gshegs pas gsungs pa ston par mdzad la zhes bya ba'i bar dang / sems can de yang yul dbus su skyes nas/ de glen pa dang / lug ltar lkugs pa dang / lag brda can dang / legs par bshad pa dang nyes par smras pa'i chos rnams kyi don shes par mi nus pa yin te/ snga ma
298b6 bzhin du mi khom pa dang /dus med pa drug pa yin no/ /gzhan yang zhes bya ba rgya cher 'byung ba na/ bde bar gshegs pas gsungs pa ston par mdzad la zhes bya ba'i bar dang / sems can de yang yul dbus su skyes shing mi glen pa dang / lug ltar lkugs pa ma yin pa dang / lag brda
298b7 can ma yin pa dang /legs par bshad pa dang / nyes par smras pa'i chos rnams kyi don shes par nus pa yin na/ de log par lta ba can dang / phyin ci log par lta ba can dang / phyin ci log tu lta ba can yin pas 'di ltar lta zhing 'di skad du sbyin pa med do/ /mchod sbyin med do/ /sbyin
299a1 sreg med do//legs par spyad pa med do/ /nyes par spyad pa med do/ /legs par spyad pa dang nyes par spyad pa'i las rnams kyi 'bras bu rnam par smin pa med do/ /'jig rten 'di med do/ /'jig rten pha rol med do/ /pha med do/ /ma med do/ /sems can rdzus te
299a2 skye ba med do//'jig rten na dgra bcom pa med do/ /yang dag par song ba med do/ /yang dag par zhugs pa med do/ /'jig rten 'di dang 'jig rten pha rol rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod pa bsten to/ /bya ba byas so/ /'di las srid
299a3 pa gzhan mi shes so zhes go bar byed pa med do zhes smra ba 'di ni gang zag tshangs par spyod pa la gnas par bya ba'i phyir mi khom pa ste/dus med pa bdun pa yin no/ /gzhan yang sems can de ni yul dbus su skyes pa yin la/ de yang mi glen pa dang / lkugs pa ma yin pa dang / lag brda can ma yin
299a4 pa dang /legs par bshad pa dang nyes par smras pa'i chos rnams kyi don shes par nus pa yin la/ de yang dag pa'i lta ba can nas bya ba byas pa'o/ /'di las srid pa gzhan mi shes so zhes go bar byed pa'i bar yang yin na/ ston pa de bzhin gshegs pa dgra bcom pa yang dag par rdzogs pa'i
299a5 sangs rgyas rig pa dang zhabs su ldan pa/bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das 'jig rten du ma byung zhing chos nye bar zhi ba can/ yongs su mya ngan las 'das pa can/ rdzogs pa'i byang
299a6 chub tu 'gro ba bde bar gshegs pas gsungs pa ston par mi mdzad pa 'di ni gang zag tshangs par spyod pa la gnas par bya ba'i phyir mi khom pa dang dus med pa brgyad pa yin no//dge slong dag gang zag tshangs par spyod pa la gnas par bya ba'i phyir khom pa de ni gcig pu kho na dang / dus gcig pu
299a7 yin no//dge slong dag gang zag tshangs par spyod pa la gnas par bya ba'i phyir khom pa de gcig pu dang / dus gcig pu gang zhe na/ dge slong dag ston pa de bzhin gshegs pa dgra bcom pa yang dag par rdzogs pa'i sangs rgyas rig pa dang zhabs su ldan pa/ bde bar gshegs pa/ 'jig rten mkhyen
299b1 pa/skyes bu 'dul ba'i kha lo sgyur ba bla na med pa/ lha dang mi rnams kyi ston pa sangs rgyas bcom ldan 'das 'jig rten 'dir byung zhing chos nye bar zhi ba can/ yongs su mya ngan las 'das pa can rdzogs pa'i byang chub tu 'gro ba bde bar gshegs pas gsungs pa ston par mdzad la/ sems can
299b2 de yang yul gyi dbus su skyes shing /de mi glen pa dang / lug ltar lkugs pa ma yin pa dang / lag brda can ma yin pa dang / legs par spyad pa dang / nyes par smras pa'i chos rnams kyi don shes par nus pa yang yin la/ de yang dag pa'i lta ba can dang / phyin ci ma log pa'i
299b3 lta ba can yin pas 'di ltar lta zhing 'di skad du sbyin pa yod do//mchod sbyin yod do/ /sbyin sreg yod do/ /legs par spyod pa yod do/ /nyes par spyod pa yod do/ /legs par spyad pa dang / nyes par spyad pa gnyis kyi 'bras bu rnam par smin pa yod do/ /'jig rten 'di yod do/ /'jig rten pha rol yod
299b4 do//pha yod do/ /ma yod do/ /sems can rdzus te skye ba yod do/ /'jig rten na dgra bcom pa dang / yang dag par song ba dang / yang dag par zhugs pa dang / 'jig rten 'di dang / 'jig rten pha rol rang gi mngon par shes pas mngon sum du byas te bsgrubs nas bdag gi skye ba zad do/ /tshangs par spyod
299b5 pa bsten to//bya ba byas so/ /'di las srid pa gzhan mi shes so zhes go bar byed pa yod do zhes smra ba 'di ni dge slong dag gang zag tshangs par spyod pa la gnas par bya ba'i phyir khom pa de gcig pu yin zhing dus gcig pu yin no/ /phag mo thi ba'i phreng ldan ma'i sngon gyi tshul yang brjod par bya ste/ de bzhin
299b6 du dam pa'i chos mnyen pas zhes bya ba rgya cher 'byung ba ji lta bu zhe na/gleng gzhi ni rgyal po'i khab na ste/ bcom ldan 'das kyis phag mo phru gu mang po dag gis nu ba zhig gzigs so/ /gzigs nas kyang 'dzum pa mdzad pa dang / tshe dang ldan pa kun dga' bos bcom ldan 'das 'dzum pa mdzad pa mthong ngo / /
299b7 mthong nas kyang bcom ldan 'das la 'di skad ces gsol to/ /de bzhin gshegs pa dgra bcom pa yang dag par rdzogs pa'i sangs rgyas rnams ni rgyu ma mchis rkyen ma mchis par 'dzum pa mi mdzad na/ bcom ldan 'das 'dzum pa mdzad pa'i rgyu ni gang lags/ rkyen ni gang lags/ bcom ldan 'das kyis bka'
300a1 stsal pa/kun dga' bo sngon byung ba na rgyal po dbang chen sde zhes bya ba zhig byung bar gyur te/ de la bu mo thi ba'i phreng ldan ma zhes bya ba zhig yod de/ bu mo des pha la tshigs su bcad pa/ gang nas 'gro ba ldog par 'gyur/ /lam ni gang du ldog par 'gyur/ /'jig rten na ni bde ba dang / /sdug bsngal
300a2 ma lus gang du 'gag /ces bya ba 'di smras pa dang / de nas phas bram ze rnams bsdus te 'di ci zhig ces smras na/ de rnams kyis don khong du ma chud nas bgros te/ rgyal po chen po cis yang ma lags so/ /ci yang ma lags so zhes smras pa dang / bu mo des mang po dag gi sgra de thos nas sngon de'i snyoms par 'jug pa'i
300a3 tshogs yang dag par bsgrubs pa'i phyir rim gyis ci yang med pa'i skye mched kyi snyoms par 'jug pa la snyoms par zhugs so//rgyu des ci yang med pa'i skye mched dag tu skyes so/ /de nas shi 'phos nas lan grangs gzhan la myong bar 'gyur ba'i las kyi khyad par gyis de ltar phag mor gyur pa yin no/ /gal te bu mo des
300a4 tshigs su bcad pa 'dis las/mig dang rna ba de bzhin sna/ /lce dang lus dang de bzhin yid/ /ming dang gzugs ni gang dag tu/ /ma lus par ni 'gag 'gyur ba/ /de nas 'gro ba ldog gyur pa/ /zhes bya ba rgya cher 'byung ba'i lan thob na de gnas skabs der mi 'gyur ba yin no/ /de bzhin du dam pa'i chos mnyan
300a5 pas sems can rnams mngon par mtho ba'i 'gro bar skyes nas shugs zad pa ni 'phen pa zad pa zhes bya ba'i tha tshig ste/mda' gnam du 'phangs pa slar sa la ltung ba bzhin du yang ngan 'gror 'gro bar 'gyur ro/ /'dri ba'i tshigs su bcad pa gang nas 'gro ba ldog par 'gyur zhes bya ba rgya cher 'byung ba 'di dang / tshigs
300a6 su bcad pa de'i lan/mig dang rna ba de bzhin sna/ /zhes rgya cher 'byung bas tshigs su bcad pa'i don dang ldan pa yang shes par bya ste/ gzhung mangs kyis dogs pas bdag gis ma bris so/ /de lta bas na rnam pa de lta bu'i tshigs su bcad pa dang / gtam dang sngon gyi sbyor ba la sogs pa dag gis te/ ji skad
300a7 ston pa'i tshigs su bcad pa dag dang /gtam dag dang / sngon gyi sbyor ba la sogs pa dag gis so/ /sogs pa'i sgras ni rang gis legs par bshad pa sbyar ba dag gis skyo ba'i gtam nye bar bsgrub par bya'o/ /gces pa dang ni zhes bya ba rgya cher 'byung ba la/ mdo sde'i yang dag par bstan pa la sogs pa gces
300b1 pa ste dgos pa brjod par bya'o//mdo sde'i dgongs pa can gyi gsung de dag rnam pa mang du ni dgongs pa can gyi gsung ni dgongs pa can gyi gsung ngo / /rnam pa mang du ste rnam pa du mar brjod par bya'o zhes bya ba'i tha tshig go/ /tshig gi don yang brjod par bya ste/ brjod pa gang gis brjod par bya ba gang
300b2 yin pa yang smos par bya zhing brjod par bya'o//mtshams sbyar bsdebs pa 'dra bar ni mtshams sbyar ba ni tshig snga phyi gnyis 'brel bar bya'o/ /mtshams sbyar ba de'i bsdebs pa ni 'brel bar bya'o/ /'dra bar ni rig pa'i ngo bo brjod par bya'o zhes bya ba'i tha tshig go/ /'gal ba shes par bya ba ni brgal
300b3 ba rnam pa gnyis te/sgra la brgal ba dang / don la brgal bar bya'o zhes bya ba'i tha tshig go/ /lan gdab thabs kyang ni lan gdab ni brgal ba de'i lan no/ /lan gdab pa de yang thabs te/ thabs de nyid mang du ste mang por brjod par bya'o/ /yon tan 'di dag rnams dang ldan pas/ gal te smra na
300b4 legs smra yin//zhes bya ba ni dgos pa dang bcas pa nyid kyi yon tan du bstan pa yin te/ gces pa brjod ces bya ba'i tshig 'dis so/ /dgongs pa zad pa nyid ni/ dgongs pa can gyi gsung dag rnam pa mang du brjod/ /ces bya ba'i tshig 'dis so/ /mtshan nyid zab pa nyid ni tshig gi don ni brjod par bya/
300b5 zhes bya ba'i tshig 'dis so/ /snga phyi 'brel pa nyid ni mtshams sbyar bsdebs pa 'dra bar zhes bya ba'i tshig 'dis so/ /rigs pa dang 'brel pa nyid kyi yon tan bstan pa ni 'gal ba dag dang / lan gdab thabs kyang mang du shes par bya/ /zhes bya ba'i tshig 'dis so/ /gang zhig gsal dang zhes bya ba rgya
300b6 cher 'byung ba ni gang zhig don gsal bar smra ba nas gang zhig don go bar byed pa smra ba'i bar ro//rang gi phyogs 'dzugs pa dang chos ston pa'o/ /de la rang gi phyogs 'dzugs pa ni phas kyi rgol ba tshar bcad nas rang gi phyogs sangs rgyas kyi gsung 'dzugs pa byed pa yin par rig par bya'o/ /chos ston pa
300b7 ni gang zhig chos kho na phyin ci ma log par ston cing legs par bye brag phyed nas mkhas pa gang yin pa'o//de la dang po'i ngag yongs su dag pa ni rang gi phyogs 'dzugs pa yin la/ gzhan gyis brgal du zin kyang snyan par smra ba nyid dang / mi snyan pa mi smra ba nyid kyis so/ /phas kyi rgol ba la snyan par smra
301a1 ba dang /mi snyan par mi smra bas ngag yongs su dag par bstan pa yin te/ gang gis she na rtsa ba dang po nyid kyis so/ /sems yongs su dag pa ni gzhan gyis te/ de la bsngags pa dang rgyal ba thob kyang zhes bya ba ni bsngags pa thob cing rgyal ba thob kyang de'i nye ba'i nyon mongs pa mi skye bas so/ /'dir
301a2 bsngags pa thob cing rgyal ba thob kyang rgyags pa gang yin pa de'i nye ba'i nyon mongs pa mi skye ba ni de'i nye ba'i nyon mongs pa mi skye ba'o//de'i nye ba'i nyon mongs pa mi skye ba'i phyir de'i nye ba'i nyon mongs pa mi skye ba ste/ sems yongs su dag pa bstan pa yin te/ rtsa ba gnyis pas so/ /gnyis pa'i ngag yongs
301a3 su dag pa ni yongs su rdzogs pa dang mi zlos pa dang /tshad ma dang mi 'gal ba dang / don gsal ba'i tshig brjod pa nyid kyis ngag yongs su dag pa bstan pa yin te/ rtsa ba gsum pas so/ /ji ltar byas pas she na/ yongs su rdzogs pa brjod pas ngag yongs su dag pa bstan pa ni rgyas pa zhes bya
301a4 ba'i tshig 'dis so//mi zlos par brjod pas mi zlos pa brjod pa ste/ sna tshogs zhes bya ba'i tshig 'dis so/ /tshad ma dang mi 'gal ba'i don gyis na tshad ma dang mi 'gal ba'i don gyis te/ 'brel zhes bya ba'i tshig 'dis so/ /gsal ba'i tshig gis don brjod pas na gsal ba'i tshig brjod pa ste/
301a5 go byed ces bya ba'i tshig 'dis so/ /de'i sems yongs su dag pa ni bdag dang gzhan gyi rgyud la dge ba'i rtsa ba bskyed pa'i bsam pa'i sems zang zing med pa nyid kyis bstan pa yin te/ rtsa ba bzhi pas so/ /mdo sde'i bshad pa'i shan 'di ni mdo sde'i bshad pa ste/ rnam par bshad pa ni mdo sde'i bshad pa'o/ /
301a6 mdo sde'i bshad pa'i shan te/ phyogs gcig dang cha shas ni mdo sde'i bshad pa'i shan to/ /'di zhes bya bas ni ji skad du bstan pa ston par byed pa yin no/ /slob dpon mngon sum mnyan byas nas/ /dad dang ldan pa blo zhan pa/ /de rnams la ni phan 'dod pas/ /rnam bshad rigs pa'i 'grel bshad yin/ /rnam par
301a7 bshad pa rigs pa'i bshad pa rdzogs so// //rgya gar gyi mkhan po bi shu d+d+ha sing ha dang / shAkya sing ha dang / lo tsA ba ban+de de wen+d+ra rak+Shi tas bsgyur cing zhus te gtan la phab pa// //'di la tshigs su bcad pa ni bzhi stong chig brgya yod// //