བོད་ཡིག |
145a7 #/ /rgya'i skad du/ ta'i ching pa'i hA ming mun lun/ bod skad du/ theg pa chen po'i chos brgya gsal ba'i sgo'i bstan bcos/ 'jam dpal gzhon nur gyur pa la phyag 'tshal lo/ /bcom ldan 'das kyis chos thams cad bdag med do zhes gsungs pa ni chos thams cad
145b1 ces bya ba gang yin pa dang /bdag med pa de gang la brjod ce na/ chos thams cad ni bsdu na ngo bo lnga yod de/ sems kyi chos dang sems las byung ba'i chos dang / gzugs kyi chos dang / 'du byed phan tshun mi ldan pa'i chos dang / 'dus ma byas kyi chos so / /de la thams cad khyad
145b2 par du bya ba'i phyir dang /'di dang phan tshun ldan pa'i phyir dang / mngon du gyur pa'i phyir dang / bye brag 'di rnams mi 'dra ba'i phyir dang / don mngon du bya ba'i phyir rim pa 'di ltar dbye bar bya'o/ /sems kyi chos la ngo bo brgyad yod de/ mig gi rnam par shes pa dang / rna ba'i rnam
145b3 par shes pa dang /sna'i rnam par shes pa dang / lce'i rnam par shes pa dang / lus kyi rnam par shes pa dang / yid kyi rnam par shes pa dang / rnam par smin pa'i rnam par shes pa dang / nyon mongs pa can gyi yid kyi rnam par shes pa'o/ /sems las byung ba'i chos la bsdu na
145b4 ngo bo drug yod de/kun du 'gro ba lnga yod pa dang / gzhan yul nges pa la lnga yod pa dang / dge ba la bcu gcig yod pa dang / rtsa ba'i nyon mongs pa drug yod pa dang / rjes su 'gro ba'i nyon mongs pa nyi shu yod pa dang / gzhan du 'gyur ba bzhi yod pa'o/ /kun du 'gro ba lnga gang
145b5 zhe na/yid la byed pa dang / reg pa dang / tshor ba dang / sems pa dang / 'du shes so/ /gzhan yul nges pa lnga gang zhe na/ 'dun pa dang / khyad par dran pa dang / mos pa dang / ting nge 'dzin dang / shes rab bo/ /dge ba bcu gcig gang zhe na/ dad pa dang / brtson 'grus dang /
145b6 ngo tsha yod pa dang / khrel yod pa dang / 'dod chags med pa dang / zhe sdang med pa dang / gti mug med pa dang / shin tu sbyangs par gnas pa dang / bag yod pa dang / btang snyoms dang / rnam par mi 'tshe ba'o/ /rtsa ba'i nyon mongs pa drug gang zhe na/ 'dod chags dang / zhe sdang
145b7 dang /ma rig pa dang / nga rgyal dang / the tshom dang / phyin ci log gi lta ba'o/ /rjes su 'gro ba'i nyon mongs pa nyi shu gang zhe na/ khro ba dang / khon du 'dzin pa dang / 'tshig pa dang / 'chab pa dang / g.yo ba dang / rgyags pa dang / sgyu dang / rnam par 'tshe ba dang / phrag dog
146a1 dang /ser sna dang / ngo tsha med pa dang / khrel med pa dang / ma dad pa dang / le lo dang / bag med pa dang / rmugs pa dang / rgod pa dang / dran pa dor ba dang / shes pa phyin ci log dang / rnam par g.yeng ba'o/ /gzhan du 'gyur ba bzhi gang zhe
146a2 na/gnyid dang / dpyod pa dang / 'gyod pa dang / rtog pa'o/ /gzugs kyi chos la bsdu na ngo bo bcu gcig gang zhe na/ mig gi dbang po dang / rna ba'i dbang po dang / sna'i dbang po dang / lce'i dbang po dang / lus kyi dbang po dang / gzugs dang / sgra dang / dri dang / ro dang /
146a3 reg bya dang / chos kyi phyogs so/ /btags pa pa 'du byed phan tshun mi ldan pa'i chos la bsdu na ngo bo nyi shu rtsa bzhi gang zhe na/ thob pa dang / srog gi rtsa ba dang / skal ba rigs mthun pa dang / so so'i skye bo dang / 'du shes med pa pa dang / rdzogs pa'i 'du shes pa dang / 'gog
146a4 pa snyoms par 'jug pa dang /ming gi tshogs dang / tshig gi tshogs dang / yi ge'i tshogs dang / skye ba dang / rgas pa dang / gnas pa dang / mi rtag pa dang / rgyun 'khor ba dang / so sor nges pa dang / phan tshun 'brel ba dang / stobs myur ba dang / go rims dang / dus dang /
146a5 phyogs dang / grangs dang / spyod pa mthun pa'i tshogs dang / spyod pa mi mthun pa'i tshogs so/ /'dus ma byas pa'i chos la bsdu na ngo bo drug gang zhe na/ stong pa nyid kyi 'dus ma byas dang / brtags pas 'gog pa'i 'dus ma byas dang / brtags pas 'gog pa ma yin pa'i
146a6 'dus ma byas dang /mi g.yo ba'i 'dus ma byas dang / 'du shes dang / tshor ba'i 'dus ma byas dang / rnam pa de bzhin nyid kyi 'dus ma byas so zhes bya ba'i phyir bdag gi chos de med par gsungs so/ /de rnams bsdu na ngo bo yang gnyis yod de/ dang po gang zag gi bdag med pa
146a7 dang /gnyis pa chos kyi bdag med pa'o/ /theg pa chen po'i chos brgya gsal ba'i sgo'i bstan bcos yongs su rdzogs so// //rgya'i dpe las slob dpon dbyig gnyen gyis mdzad par snang / ding sang bod rnams dpal ldan chos skyong gis mdzad ces grags so/ /
146b1 dpal ldan dbang phyug rgya'i lo tsA ba thang sam tsang zhes bya bas rgya gar las rgya'i yul du bsgyur zhing phyis ston pa dge slong chos kyi rgyal mtshan zhes bya bas bsgyur bar zhus pa'i don du gzhi thams cad yod par smra ba'i sde pa las rab tu byung ba/ rgya nag chen po'i lha btsun chos kyi rin chen gyis
dpal sa skya'i gtsug lag khang du bsgyur zhing legs par gtan la phab pa'o/