| བོད་ཡིག |
10a3 / /rgya gar skad du/ tri swa b+hA ba nir de sha/ bod skad du/ rang bzhin gsum nges par bstan pa/ bcom ldan 'das 'jig rten dbang phyug la 'tshal lo/ /brtags dang gzhan gyi dbang dang ni/ /yongs su grub pa nyid dag ste/ /rang bzhin gsum po brtan rnams kyi / /
10a4 zab mo yi ni shes byar 'dod/ /rkyen gyi dbang gis 'jug pa dang / /brtags pa tsam gyi dngos yin pas/ /gang zhig snang de gzhan dbang ste/ /ji snang de kun brtags pa yin/ /gang snang de yi ji ltar snang / /rtag tu med pa gang yin de/ /gzhan du 'gyur med ces bya
10a5 bas//yongs su grub pa'i rang bzhin yin/ /de dag gang snang kun brtags te/ /ji ltar snang de gnyis po'o/ /de la de med gang yin pa / /de nyid de yi gnyis med chos/ /gang phyir de la med brtags dang / /de yi ji ltar don brtags pa/ /de ltar shin tu med pas na/ /
10a6 sems ni kun rtogs zhes bya yin/ /rgyu dang 'bras bu'i dngos po yis/ /sems de rnam pa gnyis 'dod do/ /kun gzhi rnam shes zhes bya dang / /'jug pa zhes bya rnam bdun no/ /dang po kun nyon mongs sa bon/ /bag chags bsags pas sems zhes bya/ /gnyis pa rnam
10a7 pa sna tshogs su//rab tu 'jug pas brjod pa yin/ /yang dag ma yin kun rtog de/ /rnam par smin dang de bzhin du/ /ngar 'dzin gzhan du snang ba yi / /dbye bas rnam pa gsum du'ang 'dod/ /dang po rnam smin bdag nyid de/ /'di ni rtsa ba'i rnam shes yin/ /gzhan
10b1 ni 'jug pa'i rnam par shes//blta bya mthong byed rtog pas 'jug /yod dang med pa gnyis dang gcig /kun nas nyon mongs rnam byang dag /mtshan nyid kyis ni rab dbye bas/ /rang bzhin dag ni zab par 'dod/ /yod par bzung ba gang yin pa/ /de nyid shin tu
10b2 med pa ste//des na brtags pa'i rang bzhin te/ /yod dang med pa'i mtshan nyid 'dod/ /'khrul pa'i ngo bor yod pa dang / /ji ltar snang bzhin med pa ste/ /des na gzhan gyi dbang de yang / /yod dang med pa'i mtshan nyid 'dod/ /gang phyir gnyis po med pa dang / /gnyis
10b3 su med par yod pa ste//des na yongs su grub rang bzhin/ /yod dang med pa'i mtshan nyid 'dod/ /brtag pa'i don gyi rnam gnyis te/ /yod dang med pa ngo bor gcig /des na byis pa brtags rang bzhin/ /gnyis dang gcig gi bdag nyid 'dod/ /snang ba'i
10b4 cha yi gnyis yin la//'khrul ba tsam dngos gcig yin pas/ /gzhan dbang zhes bya'i rang bzhin yang / /gnyis dang gcig gi bdag nyid 'dod/ /gnyis kyi ngo bo'i rang bzhin nyid/ /gnyis su med par gcig gyur pas/ yongs su grub pa'i rang bzhin yang / /
10b5 gnyis dang gcig gi bdag nyid 'dod/ /brtags dang gzhan gyi dbang dag ni/ /shes bya kun nyon mongs mtshan nyid/ /yongs su grub pa rnam byang gi /mtshan nyid du ni 'dod pa yin/ /mi bden gnyis po'i rang bzhin te / /dngos med rang bzhin nyid yin pas/ /
10b6 brtags pa'i rang bzhin zhes bya las/ /grub pa'i mtshan nyid gzhan ma yin/ /gnyis med pa yi rang bzhin nyid/ /gnyis pos med pa'i rang bzhin pas/ /yongs su grub las brtags pa yi/ /mtshan nyid gzhan min shes par bya/ /bden min ji ltar snang gyur pa/ /de
10b7 ltar med pa'i rang bzhin pas// gzhan dbang zhes bya'i rang bzhin las/ /yongs grub mtshan nyid tha dad min/ /yang dag min pa gnyis rang bzhin/ /ji ltar snang ba'i dngos med pas/ /yongs grub las kyang gzhan dbang gi /mtshan nyid tha dad min zhes bya/ /tha snyad
11a1 la ni ltos pa yi//rang bzhin dbye ba'i go rims dang / /de la 'jug pa'i dbang byas pa'i/ /rtogs pa'i rim pa bzhin du brjod/ /kun brtags tha snyad bdag nyid de/ /tha snyad 'dogs pa gzhan bdag nyid/ /tha snyad yongs su chad pa yi/ /
11a2 rang bzhin yang ni gzhan du 'dod/ /sngon du gnyis po bdag med la/ /zhugs pas gzhan dbang la 'jug ste/ /yod pa ma yin gnyis po dag /de la rtags tsam yin phyir ro/ /de nas gnyis dngos med rang bzhin/ /yongs grub la ni 'dir 'jug ste/ /'di
11a3 ltar de nyid de yi tshe//yod dang med pa dag tu'ang brjod/ /rang bzhin gsum po de dag ni/ /dmigs med gnyis med mtshan nyid de/ /shin tu med dang de bzhin med/ /de dngos med pa'i rang bzhin no/ /sngags mthus sgyu ma byas pa yis/ /ji nas glang po snang
11a4 gyur pa//rnam pa tsam zhig snang bar 'dod/ /glang po kun du yod ma yin/ /brtags pa'i rang bzhin glang po 'dra/ /gzhan dbang de'i rnam lta bu'o/ /de la glang po dngos med gang / /de 'dra yongs su grub par 'dod/ /rtsa ba'i sems las gnyis
11a5 bdag tu//yang dag ma yin kun rtog snang / /gnyis po shin tu med pas na/ /de ni rnam pa tsam du yod/ /rtsa ba'i rnam shes sngags dang 'dra/ /de bzhin nyid ni shing 'drar 'dod/ /rnam rtog glang po'i rnam pa 'dra/ /gnyis ni glang po lta bu'o/ /don gyi de nyid
11a6 rig pa na//yongs su shes dang spang ba dang / /thob bya go rims ji bzhin du/ /cig car mtshan nyid gsum rig byed/ /dmigs su med pa yong shes dang / /snang ba dag ni spong bar 'dod/ /gnyis su med pas dmigs pas na/ /thob bya mngon du byas
11a7 pa'ang yin//glang po dmigs su med pas na/ /de yi rnam pa nub 'gyur te/ /shing gi dum bu dmigs 'gyur ba/ /sgyu ma la ni ji bzhin du/ /'di ltar gnyis po mi dmigs tshe/ /gnyis su snang ba nub par 'gyur/ /nub na de yi yongs grub pa/ /gnyis dngos
11b1 mid pa rtog par 'gyur//mi mthun blo yi dbang sgyur dang / /don med bzhin du blos mthong dang / /ye shes gsum ga'i rjes 'brang dang / /'bad med grol bar thal 'gyur phyir/ /sems tsam du ni nyer dmigs te/ /shes bya'i don la dmigs mi
11b2 bya//shes bya'i don ni dmigs med pas/ /sems kyang dmigs su med pa yin/ /gnyis po dmigs su med pas na/ /chos kyi dbyings la dmigs par 'gyur/ /chos kyi dbyings la dmigs pa yis/ /phun sum tshogs pa nyer dmigs
11b3 'gyur//phun sum tshogs pa nyer dmigs pas/ /sku gsum bdag nyid bla med pa'i/ /byang chub blo ldan gyis thob nas/ /bdag gzhan don ni rab grub 'gyur/ /slob dpon dbyig gnyen gyis mdzad pa'i rang bzhin gsum nges par bstan pa rdzogs so// //