CLOSE WINDOW

D4055
བོད་ཡིག

@#/ /rgya gar skad du/ tring shi ka kA ri kA/ bod skad du/ sum cu pa'i tshig le'ur byas pa/ 'jam dpal gzhon nur gyur pa la phyag 'tshal lo/ /bdag dang chos su nyer 'dogs pa//sna tshogs dag ni gang byung ba/ /de ni rnam par shes par gyur/ /gyur pa de yang rnam gsum ste/ /rnam par smin dang ngar sems dang / /yul la rnam par rig pa'o//de la kun gzhi rnam shes ni/ /rnam smin sa bon thams cad pa/ /de ni len pa dag dang gnas/ /rnam par rig pa mi rig pa/ /rtag tu reg dang yid byed dang / /rig dang 'du shes sems par ldan//de la tshor ba btang snyoms te/ /de ni ma bsgribs lung ma bstan/ /reg la sogs pa'ang de bzhin no/ /de ni rgyun 'bab chu bo bzhin/ /dgra bcom nyid na de ldog go//de la gnas te rab 'byung zhing / /de la dmigs pa yid ces bya/ /rnam shes ngar sems bdag nyid can/ /bsgribs la lung du ma bstan pa'i/ /nyon mongs bzhi dang rtag tu 'grogs //bdag tu lta dang bdag tu rmongs/ /bdag rgyal bdag chags 'du shes pa/ /gang du skyes pa de'i 'o gzhan/ /reg sogs kyang de dgra bcom med/ /'gog pa'i snyoms par 'jug la med//'jig rten 'das pa'i lam na'ang med/ /'di ni gyur pa gnyis pa'o/ /gsum pa yul rnam drug po la/ /dmigs pa gang yin de dag ste/ /dge dang mi dge gnyi ga min/ / kun tu 'gro dang bye brag nges/ /sems las byung ba dge ba dang / /de bzhin nyon mongs nye nyon mongs/ /tshor ba gsum dang de mtshungs ldan/ /dang po'i reg la sogs pa dang / /'dun mos dran dang bcas pa dang //ting nge 'dzin blo bye brag nges/ /dad dang ngo tsha khrel yod dang / /ma chags la sogs gsum brtson 'grus/ /shin tu sbyangs dang bag yod bcas/ /rnam mi 'tshe dge nyon mongs ni/ /'dod chags khong khro gti mug dang //nga rgyal lta ba the tshom mo/ /khro dang khon du 'dzin pa dang / /'chab dang 'tshig dang phrag dog dang / /ser sna dang ni sgyur bcas dang / /g.yo rgyags rnam 'tshe ngo tsha med/ /khrel med rmugs dang rgod pa dang //ma dad pa dang le lo dang / /bag med pa dang brjed ngas dang / /rnam g.yeng shes bzhin ma yin dang / /'gyod dang gnyid kyang de bzhin te/ /rtog pa dang ni dpyod pa dang / /nye ba'i nyon mongs gnyis rnam gnyis/ /lnga rnams rtsa ba'i rnam shes las/ /ji lta'i rkyen las 'byung ba ni//rnam shes lhan cig gam ma yin/ /chu la rlabs rnams ji bzhin no/ /yid kyi rnam shes 'byung ba ni/ /rtag tu'o 'du shes med pa dang / /snyoms par 'jug pa rnam gnyis dang / /sems med gnyid dang brgyal ma gtogs/ /rnam par shes par gyur pa 'di//rnam rtog yin te de yis gang / /rnam brtags de med des na 'di/ /thams cad rnam par rig pa tsam/ /rnam shes sa bon thams cad pa/ /phan tshun dag gi dbang gis na/ /de lta de ltar 'gyur bar 'gro/ /des na rnam rtog de de skye/ /las kyi bag chags 'dzin gnyis kyi//bag chags bcas pas snga ma yis/ /rnam par smin pa zad nas gzhan/ /rnam smin skyed pa de yin no/ /rnam par rtog pa gang gang gis/ /dngos po gang gang rnam brtags pa/ /de nyid kun tu brtags pa yi/ /ngo bo nyid med de med do/ / gzhan gyi dbang gi ngo bo nyid/ /rnam rtog yin te rkyen las byung / /grub ni de la snga ma po/ /rtag tu med par gyur pa gang / /de phyir de nyid gzhan dbang las/ /gzhan min gzhan ma yin pa'ang min/ /mi rtag pa sogs bzhin du brjod/ /de ma mthong bar de mi mthong / / ngo bo nyid ni rnam gsum gyis/ /ngo bo nyid med rnam gsum la/ /dgongs nas chos rnams thams cad kyi/ /ngo bo nyid med bstan pa yin/ /dang po pa ni mtshan nyid kyi/ /ngo bo nyid med gzhan pa yang / /de ni rang nyid mi 'byung bas/ /ngo bo nyid med gzhan yin no/ /chos kyi don gyi dam pa'ang de//'di ltar de bzhin nyid kyang de/ /dus rnams kun na'ang de bzhin nyid/ /de nyid rnam par rig pa tsam/ /ji srid rnam rig tsam nyid la/ /rnam par shes pa mi gnas pa/ /'dzin pa gnyis kyi bag la nyal/ /de nyid rnam par mi ldog go/ /'di dag rnam rig tsam nyid ces//de snyam du ni dmigs nas su/ /ci yang rung ste mdun 'jog na/ /de ni tsam la mi gnas so/ /nam zhig shes pas dmigs pa rnams/ /mi dmigs de yi tshe na ni/ /rnam par rig pa tsam la gnas/ /gzung ba med pas de 'dzin med//de ni sems med mi dmigs pa/ /'jig rten 'das pa'i ye shes med / /gnas kyang gzhan du gyur pa ste/ /gnas ngan len gnyis spangs pa'o/ /de nyid zag pa med dang dbyings/ /bsam gyis mi khyab dge dang brtan/ /de ni bde ba rnam grol sku/ /thub pa chen po'i chos zhes bya// sum cu pa'i tshig le'ur byas pa slob dpon chen po dbyig gnyen gyis mdzad pa rdzogs so// //rgya gar gyi mkhan po dzi na mi tra dang shI len dra bo d+hi dang / zhu chen gyi lo tsA ba ban de ye shes sdes bsgyur zhing zhus te gtan la phab pa'o// //