CLOSE WINDOW

D4054
བོད་ཡིག

/ //rgya gar gyi mkhan po dzi na mi tra dang / shI len+d+ra bo d+hi dang / zhu chen gyi lo tsA ba ban de ye shes sdes bsgyur cing zhus te gtan la phab pa'o//[ ]@##//rgya gar skad du/ a b+hi d+harma sa muts+tsha ya byA khyA nA ma/ bod skad du/ mngon pa chos kun nas btus pa'i rnam par bshad pa zhes bya ba/'phags pa gsung gi dbang po la phyag 'tshal lo/ /rtogs pa nges gnas dri med don/ /gang spyod rgya mtsho'i pha rol gshegs/ /chos kun dbang phyug bsam mi khyab/ /'dul ba'i thabs kyis 'dren pa can/ gzhal med legs gyur yon tan ni//rang dang gzhan don gnyis la brten/ /sangs rgyas chos dang 'phags pa yi/ /tshogs la'ang de phyir phyag 'tshal lo/ /mdo sde rnam par bshad pa'i tshig /bstan bcos gang gis yang dag bsdu/ /rnam par dbye ba rnams kyang ste/ /rtogs par dka' rnams yang dag dgrol/ / tshigs su bcad pa 'di dag gis ni dkon mchog gsum gyi yon tan rgya cher bshad pa rnams nye bar bsdus te phyag mdzad pa dang / mdo sde'i rnam par bshad pa byed pa por mdzad de/ ji ltar 'byung ba dang gang mdzad pa rnams bstan bcos gzhan gyi gnas de rnams kun nas btus pa'i phyir ro/ / de la sangs rgyas bcom ldan 'das kyis mdo'i sde dang / dbyangs kyis bsnyad pa'i sde dang / lung du bstan pa'i sde la sogs pa'i chos bstan pa kun la brten pa dang / slob dpon rang gis chos kyi de kho na nyid mngon par rtogs pa bzhin de'i stobs kyis de ma thag par bstod pa la rab tu zhugs te/de'i rnam pa 'dir bstan pas 'phags pa slob pa'i sde la gnas shing phyir mi ldog pa'i chos kyi dbyings kyi gnas nyid kyi rgyu mthun pa'i phyir ro/ /mdo sde'i rnam bshad mdzad pa dag gis bcom ldan 'das kyi che ba'i yon tan gyi chos gcig bstan na'ang / blo chung ba rnams thos pa dang /bsam pa dang / bsgom pa'i rtogs pa la brten nas rjes su 'jug cing bstan bcos la spyod pa'i phyir ro/ /de la dang po'i tshigs su bcad pa gnyis po de dag gis ni bcom ldan 'das yang dag par rdzogs pa'i sangs rgyas kyi don drug yongs su bstan te/ rang gi ngo bo dang / rgyu dang / 'bras bu dang / phrin las dang / sbyor ba dang / 'jug pa rnams so/ /de la re zhig /rtogs pa nges gnas dri med don/ /zhes bya ba 'dis ni rang gi ngo bo yongs su bstan te/ sangs rgyas bcom ldan 'das kyi chos kyi sku rnam pa thams cad gnas pa la yongs su zhugs pa'i mtshan nyid kyi phyir ro//gang spyod rgya ma cho'i pha rol gshegs/ /zhes pa 'dis ni rgyu'i don te/ byang chub sems dpa' rnams kyis rab tu dga' ba la sogs pa'i sa bcu'i spyod pa rnam pa thams cad pa mtha' yas pa dus bskal ba grangs med par yongs su goms pa'i rgyus nges par 'byung ba'i phyir ro//chos kun dbang phyug ces pa 'dis ni 'bras bu'i don te/ nyon mongs pa dang / shes bya'i sgrib pa bag chags dang bcas pa mtha' yas pa bcom pa'i phyir dang yon tan bla na med par gyur pa'i rdzogs pa'i byang chub kyi 'bras bu thob pa na chos kun la dbang sgyur ba'i phyir ro//bsam mi khyab/ 'dul ba'i thabs kyis 'dren pa can/ /zhes pa 'dis ni phrin las kyi don te/ kun shes pas 'das pa'i yul kun brjod pa dang / rdzu 'phrul dang / rjes su bstan pa'i cho 'phrul la sogs pa dpag tu med pa 'dul ba'i thabs kyis btul te/sems can gyi sems kyi khams yongs su dag par 'dul ba'i phyir ro/ /gzhal med legs gyur yon tan ni/ /zhes pa 'dis ni sbyor ba'i don te/ rtog pa dang dpyod pa las shin tu 'das pa yongs su phan pa'i rnam pa ma lus pas dka' ba spyod pa'i nges par 'byung ba dang / bla na med pa'i snying rje chen po dang /stobs dang / mi 'jigs pa la sogs pa'i chos dkon mchog la sbyor ba'i phyir ro/ /rang dang gzhan don gnyis la brten/ /zhes pa 'dis ni 'jug pa'i don te/ rang dang gzhan gyi don gnyis la gnas pa'i mtshan nyid kyi phyir dang / longs spyod rdzogs pa'i sku dang /sprul pa'i sku dang / ngo bo nyid kyi de bzhin gshegs pa'i sku rnams ji ltar rigs par rang don gtso che ba la brten pa dang / mtha' yas pa'i gzhan don gtso che ba nyid la brten pa'o/ /brten zhes pa ni sku ston zhes pa'i don te/ gnyis la brten zhes pa ni gtso cher spyad par bya ba ste/longs spyod rdzogs pa'i sku ni sangs rgyas rnams kyi rang don gtso che ba ste/ 'khor gyi dkyil 'khor chen po rnams su des yongs su dgyes par zab mo'i chos kyi longs spyod so sor rjes su myong ba'i phyir ro/ gzhan don gtso che ba des phyogs bcu'i 'jig rten gyi khams thams cad du so so ji lta bar rang nyid bzo'i las la sogs pa'i sprul pa rnams kyis sems can gyi bya ba kun bsgrub pa'i phyir ro//ngo bo nyid kyi sku de bzhin gshegs pa kun dang thun mong ba shin tu phra ba'i sgrib pa thams cad de bzhin nyid kyi gnas su yongs su sgyur ba'i mtshan nyid chos kyi sku rang don gtso che ba ma thob pa thob par byed pa zhes bya ba la sogs pa de bzhin gshegs pa'i sku'i dbye ba rnam pa gsum la 'jug par byed do//bstod pa 'di nyid kyis chos dang / dge 'dun gyi yon tan kyang bshad par rig par bya ste/ rang gi ngo bo dang / rgyu dang / 'bras bu'i don bzung nas chos dkon mchog gi'o//de slob pa dang / mi slob pa'i nges par 'byung ba'i phyir dge 'dun dkon mchog gi'o/ /slob ma rnams kyis rtogs sla ba'i don du bstan bcos kyi lus rnam par gzhag pa'ang mdzad de/ du dang ci'i phyir nyer len rnams/ /mtshan nyid de yi gnas rnams te//go rims don dang dper dbye dang / /bsdus pa la sogs bzhi po ni/ /bsdus pas sbyor dang ldan de nyid/ /rnam par nges dang dbye ba bzhi/ /bden dang chos thob yang dag gtam/ /rnam par nges pa'i dbye ba ste/ /kun nas btus pa'i spyi sdom mo/ /ci'i phyir bstan bcos 'di brtsams she na//phung po la sogs pa las brtsams te/ du dang ci'i phyir zhes bya ba la sogs pa bsam pa'i gnas rnams la mkhas par bya ba'i phyir brtsams so/ /'di ltar mkhas pa 'dis ni phan yon rnam pa gnyis thob ste/ yid la byed pa'i phan yon dang / yang dag pa'i gtam gtan la 'bebs pa'i phan yon no//de la yid la byed pa'i phan yon ni/ zhi gnas kyi rjes su mthun pa dang / lhag mthong 'phel ba'i rjes su mthun par rig par bya'o/ /zhi gnas kyi rjes su mthun pa ni/ gnas 'di dag la'ang mkhas par byas pa na/ the tshom med pas ji ltar dmigs pa la sems rtse gcig pa'i tshul gyis bde bar sems mnyam par 'jog pa'i phyir ro//lhag mthong 'phel ba'i rjes su mthun pa ni/ rnam pa mang por shes bya yongs su brtags pas/ shes rab khyad zhugs par 'gro ba'i phyir ro/ /yang dag pa'i gtam gtan la 'bebs pa'i phan yon ni/gnas 'di dag la mkhas pas 'dri ba thams cad lung ston pa'i mthu dang ldan pas mi 'jigs pa thob par blta'o/ /phung po rnams ni du/ khams rnams ni du/ skye mched rnams ni du/ phung po rnams ni lnga ste/ gzugs kyi phung po dang / tshor ba'i phung po dang / 'du shes kyi phung po dang /'du byed kyi phung po dang / rnam par shes pa'i phung po'o/ /khams rnams ni bco brgyad de/ mig gi khams dang / gzugs kyi khams dang / mig gi rnam par shes pa'i khams dang / rna ba'i khams dang / sgra'i khams dang / rna ba'i rnam par shes pa'i khams dang /sna'i khams dang / dri'i khams dang / sna'i rnam par shes pa'i khams dang / lce'i khams dang / ro'i khams dang / lce'i rnam par shes pa'i khams dang / lus kyi khams dang / reg bya'i khams dang / lus kyi rnam par shes pa'i khams dang / yid kyi khams dang / chos kyi khams dang / yid kyi rnam par shes pa'i khams so/ /skye mched rnams ni bcu gnyis te/ mig gi skye mched dang / gzugs kyi skye mched dang / rna ba'i skye mched dang / sgra'i skye mched dang / sna'i skye mched dang / dri'i skye mched dang / lce'i skye mched dang /ro'i skye mched dang / lus kyi skye mched dang / reg bya'i skye mched dang / yid kyi skye mched dang / chos kyi skye mched do/ /ci'i phyir phung po rnam pa lnga kho na/ bdag gi dngos po rnam pa lnga 'byung ba nye bar len pa'i phyir te/ bdag gi dngos po lus yongs su gzung ba dang bcas pa 'byung ba nye bar len pa'i phyir dang /bdag gi dngos po nye bar longs spyod pa 'byung ba nye bar len pa'i phyir dang / bdag gi dngos po tha snyad 'byung ba nye bar len pa'i phyir dang / bdag gi dngos po chos dang chos ma yin par 'byung ba nye bar len pa'i phyir dang / bdag gi dngos po de rnams kyi rten 'byung ba nye bar len pa'i phyir ro//bdag gi dngos po rnam pa lnga 'byung ba nye bar len pa'i phyir te zhes bya ba 'di la rnam pa bzhi ni bdag gi gnas yin pas bdag gi dngos po'o/ /lnga pa ni bdag gi mtshan nyid kho na ste/ rten yin pas bdag gi dngos por rig par bya'o//lus yongs su gzung ba dang bcas pas ni phyi dang nang gi gzugs kyi phung po bsdus par rig par bya'o/ /tshor ba la sogs pa ni nye bar longs spyod pa la sogs pa nyid de/ de dag gi mtshan nyid ston par shes par bya'o/ /de dag gi rten ni bdag gi dngos po rnam par shes pa ste/lus yongs su gzung ba dang bcas pa la sogs pa de dag gi rten ni de dag gi mtshan nyid de dngos po zhes bya ba'i don to/ /'di ltar 'jig rten na phal ches rnam par shes pa la ni bdag tu 'dzin la/ lhag ma rnams la ni bdag gir 'dzin pa'i phyir ro/ /ci'i phyir khams rnams bco brgyad kho na/lus dang yongs su gzung ba rnams kyis 'das pa dang / da ltar gyi nye bar spyod pa rnam pa drug 'dzin pa nye bar len pa'i phyir ro/ /lus dang yongs su gzung ba dag gis zhes bya ba ni/ mig la sogs pa'i dbang po drug gis dang / gzugs la sogs pa'i yul drug gis so//'das pa dang da ltar gyi nye bar spyod pa rnam pa drug ni rnam par shes pa drug ste/ de 'dzin pa ni rten dang dmigs pa'i dngos por 'dzin to/ /dbang po dang yul rnams te/ bcu gnyis ni de ltar de 'dzin pa'i phyir khams nyid do/ /rnam par shes pa rnams ni yang nye bar longs spyod pa'i mtshan nyid 'dzin pa'i phyir khams nyid du rig par bya'o//ji ltar 'das pa dang da ltar byung ba'i dmigs pa la sogs pa nye bar longs spyod pa'i mtshan nyid 'dzin pa can ni ma 'ongs pa nyid do/ /ci'i phyir skye mched rnams bcu gnyis kho na/ lus dang yongs su gzung ba gnyis nyid kyis ma 'ongs pa'i nyer spyod rnam pa drug gi sgo nye bar len pa'i phyir ro//skye ba'i sgo tsam yin pa'i phyir/ dbang po dang don tsam gzung bas skye mched bcu gnyis kho na rnam par gzhag pa yin te/ nye bar longs spyod pa'i mtshan nyid rnam par shes pa drug gi skye mched ni med pa'i phyir ro/ /ci'i phyir nye bar len pa'i phung po rnams zhes brjod/nye bar len par sbyor bas des na nye bar len pa'i phung po rnams zhes brjod do/ /nye bar len pa'i rnam pa gang 'dir 'dun pa dang / 'dod chags nyid nye bar len pa ste/ ma 'ongs pa dang da ltar gyi phung po mngon par 'grub pa dang / yongs su mi gtong bar nye bar len pa'i phyir te/ma 'ongs pa la 'dod pa dang da ltar la lhag par chags pa'i phyir/ nye bar len pa ni 'dun pa dang 'dod chags te/ de la 'dun pa ni 'dod pa'o/ /'dod chags ni lhag par chags pa'o/ /'dun pas ni ma 'ongs pa'i lus 'dod pa'i sgo nas len te/des ma 'ongs pa'i phung po rnams mngon par 'grub bo/ /'dod chags kyis ni da ltar gyi lus la lhag par chags pa'i sgo nas len te/ des na lta ba'i phung po rnams yongs su mi btong ngo / /de bas na de gnyi ga la nye bar len pa zhes brjod par bya'o/ /rgyu gang gis khams dang skye mched rnams nye bar len pa dang bcas pa'i chos zhes brjod/de la phung po ltar bshad do zhes bya ba ni nye bar len pa dang ldan pa rnams te/ de'i phyir nye bar len pa dang bcas pa'i chos rnams zhes rig par bya'o/ /gzugs rnams kyi phung po'i mtshan nyid rnams gang gzugs kyi mtshan nyid rnam pa gnyis kyi tshul te/reg pas gzugs dang yul spyad pa'i gzugs so/ /reg pa gzugs gang lags pas kun du reg na reg pa gzugs te/ bong bas kun du reg pa'am/ dbyig pas kun du reg pa'am/ mtshon chas kun du reg pa'am/grang ba'am/ tsha ba'am/ bkres pa'am/ skom pa'am/ sbrang bu'am/ sha sbrang ngam/ rlung ngam/ gdung ba'am/ sdig sbrul gyis kun du reg pa reg na gzugs so/ /reg pas gzugs ni gzugs rnams la reg na dngos po gzhan du 'gyur bar rig par bya'o/ yul dpyad pa gang gang yul 'di dang 'di'o//gzugs 'di nyid dang 'di lta bu zhes mnyam par bzhag pa'am/ mnyam par ma bzhag pa'i yid rtog pa dang ldan pas sna tshogs su byed pa'o/ /gang yul la zhes bya ba ni mngon du gyur pa'i phyogs la'o/ /'di dang 'di'o zhes bya ba ni/ keng rus kyi rigs la sogs pa shes bya'i dngos po dang 'dra ba'i gzugs brnyan no//'di nyid dang 'di lta bu zhes bya ba ni kha dog dang dbyibs kyi bye brag go/ /sna tshogs su byed ces bya ba ni de ltar 'du shes so/ /tshor ba rnams kyi mtshan nyid rnams gang / rjes su myong ba'i mtshan nyid de/ gang rjes su myong ba'i ngo bos dge ba'am/mi dge ba rnams kyi las kyi rnam par smin pa'i 'bras bu so so'i rjes su myong ba'o/ /las dge ba rnams kyi 'bras bu rnam par smin pa ni bde ba rjes su myong ba'o/ /las mi dge ba rnams kyi 'bras bu rnam par smin pa ni sdug bsngal rjes su myong ba'o/ / gnyis ka'i 'bras bu rnam par smin pas sdug bsngal ba yang ma yin bde ba yang ma yin pa rjes su myong ba ste/ 'di ltar dge ba dang mi dge ba rnams kyi rnam par smin pa len pa'i rnam par shes pa ni rtag tu btang snyoms nyid dang mtshungs par ldan pa yin te/ btang snyoms de nyid rnam par smin pa'o/ /bde ba dang sdug bsngal ba ni rnam par smin pa las byung ba'i phyir/rnam par smin pa zhes nye bar btags so/ /'du shes kyi mtshan nyid rnams gang rab tu shes pas mtshan nyid de/ mtshan mar 'dzin pa'am/ bkra bar byed pa'i ngo bos gang ji ltar mthong ba dang / thos pa dang / zhen pa dang / rnam par shes pa'i don rnams kyi tha snyad do//mthong ba dang thos pa dang / zhen pa dang / rnam par shes pa'i don rnams la zhes bya ba la mthong ba la ni gang mig gis myong ba'o/ /thos pa ni gang rna bas myong ba'o zhes pa ni gang 'di lta bu dang 'di lta bur 'gyur ro zhes bdag nyid kyis mngon par rtogs pa'o/ / rnam par shes pa ni gang so so rang gis myong ba'o/ /tha snyad 'dogs pa zhes bya ba ni mngon par brjod pa rnams kyis go bar byed ces bya ba'i don to/ /'du byed rnams kyi mtshan nyid rnams gang / mngon par 'du byed pa'i mtshan nyid rnams te/ gang sems kyi mngon par 'du byed pa'i ngo bos dge ba'am/mi dge ba'am/ lung du ma byas pa'am/ gnas skabs sna tshogs rnams su sems 'jug go/ /gnas skabs sna tshogs rnams su ni bde ba la sogs pa'i gnas skabs rnams su'o/ /rnam par shes pa rnams kyi mtshan nyid rnams gang / rnam par shes pas mtshan nyid de/gang rnam par shes pa'i ngo bos gzugs rnams kyang rnam par shes pa dang / sgra rnams dang / dri rnams dang / ro rnams dang / reg bya rnams dang / chos rnams kyang rnam par shes pa'o/ /mig gi khams kyi mtshan nyid gang / gang mig rnams la gzugs rnams mthong ba can dang /blta ba ste/ gang de'i sa bon nye bar bsags pa rnam par smin pa'i rnam par shes pa rab tu len pa de mig gi khams kyi mtshan nyid rnams so/ /gang gis mig rnams la gzugs rnams mthong ba can dang / blta ba ste zhes bya ba ni 'das pa'i rnam par shes pa nye bar spyod pa 'dzin pa nyid kyis khams nyid du bstan to//blta ba zhes bya ba ni da ltar gyi rnam par shes pa nye bar spyod pa 'dzin pa nyid kyis so/ /mig gi sa bon nye bar bsags pa kun du len pa'i rnam par shes pa gang yin yang khams te/ gang las phyi ma la mig 'grub ba'o//rnam par smin pa'ang khams te/ gang las grub zin pa'o/ /sa bon rnam pa de gnyi ga yang mig gi rgyu yin pas mig gi khams zhes brjod par bya'o/ /mig gi khams ji lta bar/ rna ba dang / sna dang / lce dang / lus dang / yid kyi khams kyang de bzhin no//gzugs kyi khams kyi mtshan nyid gang / mig gang rnams la gzugs rnams mthong ba dang ldan pa dang mthong ba rnams te/ gang de la mig gi khams dbang ba de gzugs kyi khams kyi mtshan nyid do/ /mig gi khams ni gzugs la dbang byed pa ste/ dbang po'i dbang gis phyi rol gyi yul 'grub pa'i phyir te/rang gi rten dang dmigs pa'i bye brag can no/ /gzugs kyi khams ji lta bar sgra dang / dri dang / ro dang / reg bya dang / chos kyi khams kyi mtshan nyid kyang de bzhin no/ /mig gi rnam par shes pa'i khams kyi mtshan nyid gang / rten mig gis dmigs pa gzugs kyis so sor snang ba'i rnam par shes pa ste/gang de'i sa bon nye bar bsags pa dang / rnam par smin pa len pa'i rnam par shes pa de mig gi rnam par shes pa'i khams kyi mtshan nyid do/ /de bzhin du rna ba dang / sna dang / lce dang / lus dang / yid kyi rnam par shes pa'i khams kyi mtshan nyid kyang ngo //skye mched kyi mtshan nyid gang / de khams bzhin blta bar bya ste/ de yang ji ltar rigs par khams bzhin blta bar bya'o/ /de yang ji ltar rigs par zhes pa ni mig gang gis gzugs rnams mthong bar 'gyur ba dang / gang de'i sa bon zhes bya ba la sogs pa yang sbyar ro/ /gzugs kyi phung po'i rnam par gnas pa gang / gzugs gang cung zad de thams cad 'byung ba chen po bzhi dang / 'byung ba chen po bzhi rnams kyis nye bar blangs pa'o/ /'byung ba chen po bzhi rnams kyis nye bar blangs pa'i zhes bya ba la/nye bar blangs pa'i gzugs ji lta bu zhe na/ skyed pa dang / rjes su 'gyur ba dang / gnas par byed pa dang / gnod pa dang / 'phel bar byed pa'i rgyu yin pa'i phyir ro/ /'byung ba rnams kyis nye bar blangs pa'i gzugs la ni/ rgyu rnam pa lnga'i dbang du byas nas bskyed pa la sogs pa nyid rgyu yin te/bskyed pa'i rgyu nyid ni de dag med na de mi 'byung ba'i phyir ro/ /rjes su 'gyur ba'i rgyu nyid ni 'byung ba rnams gyur na de la gnas pa nye bar blangs pa'i gzugs rnams mi gnas par 'gyur ba'i phyir ro/ /gnas par byed pa'i rgyu nyid ni mtshungs par 'byung ba'i dus na 'byung ba rnams kyis nye bar blangs pa'i gzugs kyi rgyun rgyun mi 'chad pa'i tshul du 'dzin pa'i phyir ro//gnod pa'i rgyu nyid ni 'byung ba rnams bsal na nye bar blangs pa'i gzugs la so sor yul gnod pa'i mthu med pa'i phyir ro/ /'phel bar byed pa'i rgyu nyid ni 'phel ba'i dus na 'byung ba rnams kyis nye bar blangs pa'i gzugs yongs su rgyas par byed pa'i phyir ro//'byung ba chen po bzhi rnams gang / sa'i khams dang / chu'i khams dang / me'i khams dang / rlung gi khams so/ /sa'i khams gang / sra ba nyid do/ /chu'i khams gang / gsher ba nyid do/ /me'i khams gang / dro ba nyid do/ /rlung gi khams gang / yang zhing g.yo ba nyid do/ /nye bar blangs pa'i gzugs gang / mig gi dbang po dang / rna ba'i dbang po dang / sna'i dbang po dang / lce'i dbang po dang / lus kyi dbang po dang /gzugs dang / sgra dang / dri dang / ro dang / reg bya'i phyogs gcig dang / chos kyi skye mched pa'i gzugs so/ /mig gi dbang po gang / 'byung ba chen po bzhi rnams kyi nye bar blangs pa mig gi rnam par shes pa'i rten gzugs dang pa'o/ /rna ba'i dbang po gang / 'byung ba chen po bzhi rnams kyis nye bar blangs pa rna ba'i rnam par shes pa'i rten gzugs dang ba'o/ /sna'i dbang po gang / 'byung ba chen po bzhi rnams kyis nye bar blangs pa sna'i rnam par shes pa'i rten gzugs dang ba'o/ /lce'i dbang po gang / 'byung ba chen po bzhi rnams kyis nye bar blangs pa lce'i rnam par shes pa'i rten gzugs dang ba'o//lus kyi dbang po gang / 'byung ba chen po bzhi rnams kyis nye bar blangs pa lus kyi rnam par shes pa'i rten gzugs dang ba'o/ /gzugs gang / 'byung ba chen po bzhi rnams kyis nye bar blangs pa gang mig gi dbang po'i spyod yul gyi don te/ji ltar sngon po dang / ser po dang / dmar po dang / dkar po dang / ring ba dang / thung ba dang / lham pa dang / zlum po dang / rdul phran dang / rags pa dang / phyal le ba dang / phyal le ba ma yin pa dang / mtho ba dang / dma' ba dang / grib ma dang / nyi ma dang / snang ba dang / mun pa dang / sprin dang / du ba dang / rdul dang / khug rna dang / mngon par gsal ba dang / rnam par rig byed dang / nam mkha' kha dog gcig pa'o/ /de yang kha dog bzang po dang / kha dog ngan pa dang / de gnyi ga'i bar na gnas pa dang /kha dog dang 'dra ba'o/ /sngon po la sogs pa gzugs rnam pa nyi shu rtsa lnga ni mtshan nyid dang / dbyibs dang / phan gnod dang / phyed pa'i rten dang / byed pa'i mtshan nyid dang / rgyan dang / rnam pa drug gi rnam par gzhag par rig par bya ste/ bzhi dang bcu dang brgyad dang /gcig dang gcig gi go rims bzhin no/ /de la mngon par gsal ba zhes bya ba ni/ de las gzhan pa thogs par byed pa'i rig bya dang bral ba'i phyogs gang yin pa'i dmigs pa'o/ /nam mkha' zhes bya ba ni gang steng na sngon por snang ba'o/ /sgra gang 'byung ba chen po bzhi rnams kyis nye bar blangs pa rna ba'i dbang po'i gzung ba'i don gang yid du 'ong ba'am/yid du mi 'ong ba'am/ gnyi ga min pa'am/ zin pa'i 'byung ba chen po'i rgyu las sam/ ma zin pa'i 'byung ba chen po'i rgyu las sam/ de gnyi ga'am/ 'jig rten pas rab tu rtogs ba'am/ grub pas bstan ba'am/ yongs su brtags ba'am/ 'phags pa'i tha snyad dam/ 'phags min gyi tha snyad do/ /sgra ni mtshan nyid dang / phan gnod dang / rgyus rab tu dbye ba dang / bshad pas rab tu dbye ba dang / tha snyad kyis rab tu dbye ba'i rnam par gzhag go/ /mtshan nyid ni rna ba'i dbang po'i gzung ba'i don gang yin pa'o//bshad pa'i rab tu dbye ba ni/ 'jig rten pas rab tu rtogs pa la sogs pa gsum mo/ /lhag ma ni ji ltar mthun mthan du rig par bya'o/ /de la zin pa'i 'byung ba chen po'i rgyu las byung ba ni/ 'di lta ste/ ngag la sogs pa'i sgra'o/ /ma zin pa'i 'byung ba chen po'i rgyu las byung ba ni/'di lta ste shing la sogs pa'i sgra'o/ de gnyis ka ni 'di lta ste/ lag pa dang rdza rnga la sogs pa'i sgra'o/ /'jig rten pas rab tu rtogs pa ni 'jig rten pa'i skad kyis bsdus pa'o/ /grub pas bstan pa ni 'phags pa rnams kyis bstan pa'o/ /yongs su brtags pa ni mu stegs can rnams kyis bstan pa'o//'phags pa'i tha snyad dam/ 'phags min gyi tha snyad ni mthong ba la sogs pa'i tha snyad brgyad kyi dbang du byas par rig par bya'o/ /dri gang / 'byung ba chen po bzhi rnams kyis nye bar blangs pa sna'i dbang po'i gzung ba'i don gang /dri bzang ba'am/ dri nga ba'am/ dri mnyam ba'am/ lhan skyes las sam/ sbyar ba las sam/ gyur pa las so/ /dri ni mtshan nyid dang / phan gnod dang / rab tu dbye ba rnam par gzhag go/ /lhan skyes kyi dri ni tsan dan la sogs pa rnams so/ /sbyar ba ni bdug spos sbyar ba rnams kyi'o//gyur pa ni shing tog smin pa la sogs pa rnams kyi'o/ /ro gang / 'byung ba chen po bzhi rnams kyis nye bar blangs pa lce'i dbang po'i gzung ba'i don gang de yang kha ba'am/ skyur ba'am/ tsha ba'am/ bska ba'am/ lan tshwa'am/ mngar ba'am/ yid du 'ong ba'am/yid du mi 'ong ba'am/ de gnyis ka las rnam par grol ba'am/ lhan skyes sam/ sbyar ba las sam/ gyur pa las so/ /ro'i rnam par gzhag pa rnams ni dri ltar rig par bya'o/ /reg bya'i phyogs gcig gang / lus kyi dbang po'i gzung ba'i don gang 'byung ba chen po rnams kyis nye bar blangs pa 'jam pa nyid dam/rtsub pa nyid dam/ yang ba nyid dam/ lci ba nyid dam/ mnyen pa nyid dam/ lhod pa nyid dam/ lhod min nyid dam/ grang ba'am/ bkres pa'am/ skom pa'am/ tshim pa'am/ stobs sam/ stobs ngan nam/ brgyal ba'am/ g.ya' ba'am/ 'gred pa'am/ na ba'am/ rga ba'am/ 'chi ba'am/ ngal ba'am/ ngal sos pa'am/ spungs che ba'o/ /reg bya'i phyogs gcig ni/ kun du mnabs pa dang / kun du gzhal ba dang / reg pa dang / kun du gnod pa dang / 'dus pa dang / khams snyoms ma snyoms kyi rnam par gzhag go//chu dang rlung 'dus na grang ngo / /chu dang sa 'dus na 'gred do/ /khams snyoms nang la sogs pa dang / stobs dang spungs che bar 'gyur te/ spungs che ba ni mi 'jigs par rig par bya'o/ /tshim pa ni gnyi ga'o/ / bkres pa la sogs pa'i lhag ma rnams ni khams ma snyoms par rig par bya'o/ /chos kyi skye mched kyi rang bzhin gang / de ni rnam pa lngar blta ste/ mngon par bsdus pa can nam/ mngon par gsal ba can nam/ yang dag par blangs pa can nam/ yongs su brtags pa can nam/dbang 'byor pa can no/ /mngon par bsdus pa can ni rdul phra rab kyi gzugs so/ /mngon par gsal ba can ni de nyid de las gzhan pa thogs par byed pa'i reg bya dang bral ba'o/ /yang dag par blangs pa can ni rnam par rig byed ma yin pa'i gzugs so/ /yongs su brtags pa can ni gzugs brnyan gyi gzugs so//dbang 'byor ba can ni rnam par thar pa la bsam gtan pa'i spyod yul gyi gzugs gang yin pa'o/ /tshor ba'i phung po'i rnam par gnas pa gang tshor ba'i tshogs drug ste/ mig gi 'dus te reg pa las skyes pa'i tshor ba'i bde ba'am/ sdug bsngal lam/sdug bsngal dang bde ba'ang min pa'o/ /rna ba dang / sna dang / lce dang / lus dang / yid kyi 'dus te reg pa las skyes pa'i tshor ba'i bde ba'am/ sdug bsngal lam/ sdug bsngal dang bde ba'ang min pa ste/ bde ba lus kyis sam/ sdug bsngal lus kyis sam/sdug bsngal dang bde ba'ang min pa lus kyis sam/ bde ba sems kyis sam/ sdug bsngal sems kyis sam/ sdug bsngal dang bde ba'ang min par sems kyis sam/ bde ba dug bcas sam/ sdug bsngal lam sdug bsngal dang bde ba'ang min par dug bcas sam/ bde ba dug med dam/ sdug bsngal lam/ sdug bsngal dang bde ba'ang min pa dug med dam/ bde ba zhen pa brten pa'am/ sdug bsngal lam/ sdug bsngal dang bde ba'ang min pa zhen pa brten pa'am/ bde ba mngon par 'byung ba brten pa'am/ sdug bsngal lam/ sdug bsngal dang bde ba'ang min pa mngon par 'byung ba brten pa'ang rung ngo //lus kyi gang / rnam par shes pa'i tshogs lnga dang mtshungs ldan no/ /sems kyi gang / yid kyi rnam shes dang mtshungs ldan no/ /dug bcas gang / lus la sred pa dang mtshungs ldan no/ /dug med gang /de'i sred pa dang mi ldan pa'o/ /zhen pa brten pa gang / 'dod pa'i yon tan lnga la sred pa dang mtshungs ldan no/ /mngon par 'byung ba la brten pa gang / de dang mi ldan pa'o/ /tshor ba'i phung po ni gnas dang / rang gi ngo bo nyid dang / gnas sdom pa dang / kun nas nyon mongs pa dang /rnam par byang bas rnam par gzhag go/ /de la gzugs kyi gnas sdom pas ni/ lus kyi tshor ba rnam par gzhag go/ /gzugs med pa'i gnas sdom pas ni sems kyi tshor ba rnam par gzhag go/ /kun nas nyon mongs pas ni dug dang bcas pa la sogs pa rnams kyi'o//rnam par byang bas ni dug med pa la sogs pa rnams kyi rnam par gzhag par rig par bya'o/ /de'i sred pa dang mi ldan pa ni nyon mongs pa rnams mtshungs par ldan pa ma yin par rig par bya'o/ /'du shes kyi phung po'i rnam par shes pa gang / 'du shes kyi tshogs drug ste/mig gi 'dus te reg pa las skyes pa'i 'du shes dang / rna ba dang / sna dang / lce dang / lus dang / yid kyi 'dus te reg pa las skyes pa'i 'du shes te/ gang gi mtshan ma dang bcas pa'i yang dag pa shes shing mtshan ma med pa dang / chung ngu dang / chen por gyur pa dang /tshad med pa dang / ci yang med pa'i skye mched kyang yang dag par shes pa'o/ /mtshan ma dang bcas pa'i 'du shes gang / gang gis tha snyad la mi mkhas pa dang / mtshan ma med pa'i dbyings la snyoms par zhugs pas rnam par gnas pa dang / srid pa'i rtse mo la snyoms par zhugs pa'i 'du shes ma gtogs pa gang /de las gzhan pa'i 'du shes so/ /mtshan ma med pa'i 'du shes gang / 'du shes gang ma gtogs pa'o/ /chung ngu'i 'du shes gang / gang gis 'dod pa'i khams shes pa'o/ /chen por gyur pa'i 'du shes gang / gang gis gzugs kyi khams shes pa'o//tshad med pa'i 'du shes gang / gang gis nam mkha' mtha' yas skye mched dang / rnam shes mtha' yas skye mched shes pa'o/ /ci yang med pa'i 'du shes gang / gang gis ci yang med pa'i skye mched shes pa'o/ /tha snyad la mi mkhas pa ni skad ma bslabs pas ni gzugs la 'du shes ni 'byung na gzugs snyam du mi shes pa ste/de'i phyir mtshan ma med pa'i 'du shes zhes bya'o/ /mtshan ma med pa'i dbyings la snyoms par zhugs pa ni/ gzugs la sogs pa'i mtshan ma thams cad dang bral ba mtshan ma med pa'i mya ngan las 'das pa la 'du shes pa ni mtshan ma med pa'i 'du shes so//srid pa'i rtse mo la snyoms par zhugs pa'i 'du shes ni mi gsal bas dmigs pa la mtshan mar mi byed pa'i phyir mtshan ma med pa'i 'du shes so/ /chung ngu'i ni 'dod pa'i khams pas te ngan pa'i phyir ro/ /chen por gyur pa ni gzugs kyi khams pa ste/de bas mchog tu gyur pa'i phyir ro/ /tshad med pa ni nam mkha' dang / rnam shes mtha' yas skye mched pa ste/ mtha' yas pa'i phyir ro/ /des na de dag la dmigs pa'i 'du shes ni chung ngu la sogs pa'i 'du shes su rig par bya'o/ /'du byed kyi phung po'i rnam par gnas pa gang /sems pa'i tshogs drug ste/ mig gi 'dus te reg pa las skyes pa'i sems pa dang / rna ba dang / sna dang / lce dang / lus dang / yid kyi 'dus te reg pa las skyes pa'i sems pa ste/ gang gi dge ba'i phyir yang sems/ kun nas nyon mongs pa'i phyir yang sems/gnas skabs kyi dbye ba la yang sems te/ de ltar na/ tshor ba dang 'du shes ma gtogs pa sems pa 'di dang / de las gzhan pa'i sems las 'byung ba'i chos rnams dang / sems dang mi ldan pa'i 'du byed rnams ni 'du byed kyi phung po zhes brjod do/ /tshor ba dang 'du shes pa gtogs pa sems las byung ba thams cad dang /sems dang ldan pa ma yin pa rnams ni 'du byed kyi phung po'i mtshan nyid kho na yin te/ de bstan pa la dang po sems pa 'ba' zhig tsam bzung ba ni de gzhan dag gi sngon du 'gro ba'i phyir ro/ /shes par byed pa'i gtan tshigs bstan pa ni/ gang gis dge ba'i phyir yang sems zhes bya ba la sogs pa rnams so//de la dge ba ni dad pa la sogs pa 'chad par 'gyur ba rnams so/ /kun nas nyon mongs pa ni/ 'dod chags la sogs pa'i nyon mongs pa rnams dang nye ba'i nyon mongs pa rnams so/ /gnas skabs kyi dbye ba ni/ sems pas bskyed pa'i 'du byed kyi gnas skabs rnams la btags pa sems dang ldan pa ma yin pa'i 'du byed rnams so//de yang gang yid la byed pa dang reg pa dang / 'dun pa dang / mos pa dang / dran pa dang / ting nge 'dzin dang / shes rab dang / dad pa dang / ngo tsha dang / khrel dang / ma chags pa dang / zhe sdang med pa dang / gti mug med pa dang / brtson 'grus dang / shin tu sbyongs pa dang / bag yod pa dang / btang snyoms dang / rnam par mi 'tshe ba dang / 'dod chags dang / khong khro dang / nga rgyal dang / ma rig pa dang / the tshom dang / tshogs can la lta ba dang /mthar 'dzin par lta ba dang / lta ba mchog dang / tshul khrims dang brtul zhugs mchog dang / mi bden par lta ba dang / khro ba dang / khon dang / 'chab pa dang / 'tshig pa dang / phrag dog dang / ser sna dang / sgyu dang / g.yo dang / rgyags pa dang / rnam par 'tshe ba dang / ngo tsha med pa dang / khrel med pa dang / rmugs pa dang / rgod pa dang / ma dad pa dang / le lo dang bag med pa dang / brjed ngas pa dang / shes bzhin ma yin pa dang / rnam g.yeng dang / gnyid dang / 'gyod pa dang / rnam par rtog pa dang / rnam par dpyod pa'o/ /sems pa la sogs pa'i sems las byung ba rnams ni mtshan nyid dang /las kyis bstan par rig par bya'o/ /sems pa gang sems mngon par 'du byed pa yid kyi las dge ba dang / mi dge ba dang / lung du ma bstan pa rnams la sems 'jug par byed pa'i las can no/ /de la sems pa ni sems mngon par 'du byed pa yid kyi las de gces pas mtshan nyid bstan to//dge ba dang mi dge ba dang lung du ma bstan pa rnams la sems 'jug par byed pa'i las can zhes pas las bstan te/ 'di ltar ji ltar mngon par 'dus byas pa la dge ba la sogs pa'i chos rnams la sems 'jug par 'gyur ba'i phyir ro//yid la byed pa gang sems kyi 'jug pa dmigs pa la sems 'dzin pa'i las can no/ /dmigs pa la sems 'dzin pa ni de dag la yang dang yang du gtod par rig par bya'o/ /de'i phyir yid la byed pa thob pa ni/ ting nge 'dzin thob par brjod do/ /reg pa gang gsum 'dus nas dbang po'i rnam 'gyur yongs su gcod pa tshor ba 'byung ba'i rten gyi las can no//rnam par shes pa 'byung ba la/ bde ba la sogs pa'i tshor ba 'byung ba dang mthun par dbang po'i 'gyur ba gang yin pa'i rnam pa de ni reg par rig par bya'o/ /'dun pa gang / 'dod pa'i dngos po la de dang de nye bar len par byed 'dod pa nyid brtson 'grus rtsom pa 'byung ba'i rten gyi las can no//de dang de'i phyir byed 'dod pa nyid ces pa ni lta ba dang / nyan pa la sogs pa byed par 'dod pa thams cad bsdus pa'i phyir ro/ /mos pa gang / nges pa'i dngos po la ji ltar nges par 'dzin pas mi 'phrogs pa nyid kyi las can no//ji ltar nges par 'dzin pa ni 'di ni de bzhin te gzhan du ma yin pa'o zhes mos pa'o/ /de'i phyir de gces su byed pa ni/ gzhan dag gis 'phrogs par mi nus so/ /dran pa gang / 'dris pa'i dngos po la sems brjed pa med pa'i don rnam par mi g.yeng ba'i las can no//'dris pa'i dngos po ni sngon myong bar rig par bya'o/ /rnam par mi g.yeng ba'i las ni slar dran pas mngon par brjod par 'gyur ba na rnam par g.yeng ba med pa nye bar skyed pa'i phyir ro/ /ting nge 'dzin gang / nye bar brtag pa'i dngos po la sems rtse gcig pa shes pas 'byung ba'i rten gyi las can no//sems rtse gcig pa nyid rnam par g.yeng ba med pa'o/ /shes pa 'byung ba'i rten ni sems mnyam par gzhag na yang dag pa ji lta ba bzhin du shes pa'i phyir ro/ /shes rab gang / nye bar brtags pa nyid kyi dngos po'i chos rnams la rab tu rnam par 'byed pa som nyi bzlog pa'i las can no//som nyi bzlog pa ni shes rab kyis chos rnams rab tu rnam par phye na nges pa rnyed pa'i phyir ro/ /dad pa gang / yod pa nyid dang / yon tan can dang / nus pa rnams la mngon par yid ches pa dang / dang ba dang / 'dod pa dang /'dun pa 'byung ba'i rten gyi las can no/ /yod pa nyid la mngon par yid la byed pa'i dad pa dang / yon tan can la rab tu dang bar byed pa dang / nus pa nyid la bdag gis thob par byed pa'am/ sgrub par byed nus so snyam du 'dod par byed pa'o/ /ngo tsha gang / bdag la kha na ma tho bas 'dzem pa nyes pa spyod par legs par sdom pa 'byung ba'i rten gyi las can no//khrel gang / gzhan la kha na ma tho bas 'dzem pa de dang de'i las can no/ /ma chags pa gang / srid pa dang srid pa'i yo byad rnams la ma chags pa nye bar spyod pa la mi 'jug pa 'byung ba'i rten gyi las can no//zhe sdang med pa gang / sems can rnams dang / sdug bsngal dang / sdug bsngal gyi gnas kyi chos rnams la kun nas 'tshe ba med pa/ nyes par spyod pa la mi 'jug pa 'byung ba'i rten gyi las can no/ /gtig mug med pa gang / rnam smin nam lung ngam rtogs pa'am shes pas so sor brtags pa nyes bar spyod pa la mi 'jug pa 'byung ba'i rten gyi las can no//skye bas thob pa dang / thos bsams las byung ba dang / bsgoms pa las byung ba ni go rims bzhin du rnam par smin pa dang / lung dang / rtogs pa'i shes par rig par bya'o/ /brten pa dang 'brel ba'i shes rab ni so sor brtags pa'o/ brtson 'grus gang / sems mngon par spro ba'i go cha'am/ sbyor ba'am/ mi 'gong pa'am/ mi ldog pa'am/ chog par mi 'dzin pa dge ba'i phyogs yongs su rdzogs pa dang / yongs su sgrub pa'i las can no/ /dge ba'i chos rnams la mthu dang ldan pa dang / brtson 'grus dang ldan pa dang /spro ba dang ldan pa dang / brtul ba brtan pa dang / brtson pa mi 'dor ba dang zhes bya ba'i mdo'i tshig 'di rnams ni go cha la sogs pa la mngon par spro ba'i dngos po rnams dang go rims bzhin du sbyar ro/ /yongs su rdzogs par byed pa ni ji lta ba'i dngos gzhi la 'jug pa dang / yongs su sgrub pa ni de nyid legs par yongs su las su byas pa'o/ /shin tu sbyangs pa gang / lus dang sems kyi gnas ngan len rnams rab tu sbyangs pas lus dang sems las su rung ba sgrib pa thams cad sel ba ni de'i dbang gis gnas gyur par blta bar bya'o/ /bag yod gang / brtson 'grus dang bcas pas ma chags pa dang / zhe sdang med pa dang / gti mug med pa la gnas nas dge ba'i chos rnams bsgom pa dang / zag pa dang bcas pa'i chos rnams las sems bsrung ba dang / 'jig rten pa dang / 'jig rten las 'das pa'i phun sum tshogs pa thams cad yongs su rdzogs pa dang /yongs su sgrub pa'i las can no/ /dge ba thams cad bsgom pa'i sngon du brtson 'grus la sogs pa 'gro bas de dag bag yod par gdags so/ /zag pa dang bcas pa'i chos rnams ni 'dir zag pa rnams dang / zag pa'i gnas kyi yul rnams su rig par bya'o//btang snyoms dang / brtson 'grus dang bcas pas ma chags pa dang / zhe sdang med pa dang gti mug med pa la gnas nas kun nas nyon mongs pa can du gnas pa dang / mi mthun pa sems mnyam pa nyid dang / sems rnal du 'dug pa nyid dang / sems lhun gyis grub par gnas pa nyid de/kun nas nyon mongs pa'i skabs med pa 'byung ba'i rten gyi las can no/ /sems mnyam pa nyid la sogs pa rnams kyis btang snyoms kyi thog ma dang / bar ma dang / tha ma'i gnas skabs bshad de/ 'di ltar btang snyoms dang ldan pa'i sems la bying ba la sogs pa mi snyoms pa med pa'i phyir thog mar mnyam pa'o//de nas mngon par 'du byed pa med par 'jug pas rnal du 'jug pa'o/ /de nas kun nas nyon mongs pa'i dogs pa med pas lhun gyis grub par gnas pa'i phyir ro/ /rnam par mi 'tshe ba gang / zhe sdang med pa'i cha shas snying rje'i sems nyid rnam par mi 'tshe ba'i las can no//rnam par mi 'tshe ba ni zhe sdang med pa las gud na med pa'i phyir 'dir btags yod du rig par bya'o/ /'dod chags gang / khams gsum pa'i rjes su chags pa sdug bsngal bskyed pa'i las can no zhes pa ni sred pa'i dbang gis nye bar len pa'i phung po lnga 'grub pa'i phyir ro//khong khro gang / zhe sdang dang bcas pas sems can rnams dang / sdug bsngal dang / sdug bsngal gyi gnas kyi chos rnams la kun nas khong khro ba reg par mi gnas pa dang / nyes par spyod pa 'byung ba'i rten gyi las can no/ /reg par mi gnas pa ni/kun nas mnar sems kyi sems kyi sdug bsngal bar gnas pa'i phyir ro/ /nga rgyal gang / tshogs can la lta ba la brten nas sems khengs pa mi gus pa dang / sdug bsngal 'byung ba'i rten gyi las can no/ /mi gus pa ni bla ma rnams dang yon tan rnams la 'gying ba'o//sdug bsngal 'byung ba ni yang srid pas 'byung bar rig par bya'o/ /ma rig pa gang / khams gsum pa mi shes pa chos rnams la log par nges pa dang / the tshom dang kun nas nyon mongs pa'i rten gyi las can no/ /log par nges pa ni phyin ci log gi shes pas phyin ci log tu shes pa'o/ /the tshom ni som nyi za ba'o//kun nas nyon mongs pas byung ba ni 'dod chags la sogs pa'i nyon mongs pa kun 'byung ba'o/ /de'i rten ni rmongs pa la nyon mongs pa thams cad 'byung ba'i phyir ro/ /the tshom gang / bden pa rnams la yid gnyis za ba dge ba'i phyogs la mi 'jug pa 'byung ba'i rten gyi las can no//bden pa rnams la yid gnyis za ba ni lam gyi bden pa dang / 'gog pa'i bden pa la ji ltar rig par ro/ /des dge ba'i phyogs la mi 'jug ste/ nges pa ma rnyed na mi rtsom pa'i phyir ro/ /tshogs can la lta ba gang / nye bar len pa'i phung po lnga po rnams la bdag gam/bdag gir yang dag par rjes su lta ba gang / bzod pa dang / 'dod pa dang / blo gros dang / rtog pa dang / lta ba lta bar gtogs pa thams cad 'byung ba'i rten gyi las can no/ /mthar 'dzin par lta ba gang / nye bar len pa'i phung po lnga po rnams la rtag pa'am chad par yang dag par rjes su lta ba gang /bzod pa dang / 'dod pa dang / blo gros dang / rtog pa dang / lta ba dang / dbu ma'i lam gyis nges par 'byung ba'i bar du gcod pa'i las can no/ /dbu ma'i lam ni rtag pa dang chad pa spangs pa ste/ rten cing 'brel par 'byung ba shes pa'o/ /lta ba mchog 'dzin gang / lta ba dang lta ba'i gnas nye bar len pa'i phung po lnga po rnams la 'dzin pa dang /gtso bo dang khyad par du 'phags pa dang / dam par yang dag par rjes su lta ba gang brjod pa dang / 'dod pa dang / blo gros dang / rtog pa dang / lta ba dang / lta ba ngan pa la mngon par zhen pa 'byung ba'i rten gyi las can no/ / tshul khrims dang / brtul zhugs mchog 'dzin gang / tshul khrims dang / brtul zhugs dang / tshul khrims dang / brtul zhugs kyi gnas nye bar len pa'i phung po lnga po rnams la dag pa dang / grol ba dang / nges par 'byin par yang dag par rjes su lta ba gang /bzod pa dang / 'dod pa dang / blo gros dang / rtog pa dang / lta ba ngal ba la 'bras bu med pa 'byung ba'i rten gyi las can no/ /tshul khrims dang / brtul zhugs ni lta ba ngan pa sngon du 'gro bar rig par bya'o/ /ngal ba 'bras bu med pa ni des nges par mi 'byung ba'i phyir ro/ /mi bden par lta ba gang /rgyu'am/ 'bras bu'am/ byed pa la skur pa 'debs pa yod pa'i dngos po 'jig pa/ log par yongs su rtog pa gang / bzod pa dang / 'dod pa dang / blo gros dang / rtog pa dang / lta ba dang / dge ba'i rtsa ba kun du gcod pa'i las can dang / mi dge ba'i rtsa ba brtan por 'byung ba'i rten gyi las can dang /mi dge ba la 'jug pa'i las can dang / dge ba la mi 'jug pa'i las can no/ /sbyin pa med do/ /mchod sbyin med do/ /sbyin sreg med do/ /legs par spyad pa med do/ /nyes par spyad pa med do zhes bya ba 'di ni rgyu la skur pa 'debs pa'o/ /legs par spyad pa dang /nyes par spyad pa'i las rnams kyi 'bras bu rnam par smin pa med do zhes bya ba 'di ni 'bras bu la skur pa 'debs pa'o/ /'jig rten 'di med do/ /'jig rten pha rol med do/ /pha med do/ /ma med do/ /sems can 'byung ba med do zhes bya ba 'di ni byed pa la skur pa 'debs pa ste/ 'jig rten gzhan du 'gro ba dang 'ong ba'i byed pa dang / sa bon 'debs pa'i byed pa dang / nying mtshams sbyor ba'i byed pa la skur pa 'debs pa'i phyir ro/ /'jig rten na dgra bcom pa med do zhes bya ba la sogs pa ni yod pa'i dngos po 'jig pa'o/ /de las gzhan phyin ci log tu lta ba gang ci yang rung ste/de dag thams cad ni log par rnam par rtog par rig par bya'o/ /dge ba'i rtsa ba gcod pa ni log par lta ba khyad par can las 'byung gi/ thams cad las ni ma yin no/ /lta ba lnga po gang / de rnams la sgro 'dogs pa'i lta ba ni du/ skur pa 'debs pa'i lta ba ni du/bzhi ni sgro 'dogs pa ste/ shes bya la ngo bo dang / khyad par du sgro 'dogs pa nye bar len pa'i phyir dang / lta ba la mchog dang / dag par sgro 'dogs pa'i phyir ro/ /phung po lnga'i bdag nyid kyi shes bya la bdag dang / bdag gi ngo bo nyid du sgro 'dogs pa ni tshogs can la lta ba'o//bdag rtag go mi rtag go zhes khyad par du sgro 'dogs pa ni mthar 'dzin par lta ba'o/ /lta ba ngan pa la mchog la sogs par 'dzin pa ni lta ba la mchog tu 'dzin pa'o/ /de nyid la dag pa la sogs par sgro 'dogs pa ni/ tshul khrims dang brtul zhugs mchog tu 'dzin pa'o/ / gcig ni phal cher skur pa 'debs pa'i lta ba'o/ /gcig ni phal cher zhes bya ba ni log par rnam par rtog pa ni gdon mi za bar skur pa mi 'debs pa'i phyir ro/ /sngon gyi mthar rtog pa'i lta ba gang / phyi ma'i mthar rtog pa'i lta ba gang / de rnams gang rnams kyi lta ba rnams las rig par bya na/gnyis sam thams cad las so/ /lung du ma bstan pa'i dngos po rnams lta ba gang / de rnams lta ba gang rnams las rig par bya/ gnyis sam thams cad las so/ /mtshan nyid la brtags na ni mthar 'dzin pa dang / log par lta ba gnyis las 'byung ngo / /'khor dang bcas par brtags na ni lta ba lnga po thams cad las 'byung ngo //bcom ldan 'das kyis nyes pa gang gzigs nas/ phung po dang / khams dang / skye mched rnams la rnam pa lngas bdag bsal bar mdzad do/ /tshogs can la lta bas yongs su zin pa'i nyes pa lnga gzigs te/ mtshan nyid dang mi mthun pa'i nyes pa dang / mi rtag pa nyid kyi nyes pa dang / rang dbang med pa'i nyes pa dang / lus med pa'i nyes pa dang / bsgrim mi dgos par thar par 'gyur ba'i nyes pa'o/ /gzugs la sogs pa ni bdag ma yin te/ mtshan nyid dang mi mthun pa'i phyir de dag ni bdag gi mtshan nyid ma yin no//de dag la bdag med de gnas med na gnas par mi 'gyur bas/ mi rtag pa nyid kyi nyes par 'gyur ba'i phyir ro/ /gzugs ni bdag gi ba ma yin te de la dbang byed pa ma yin par rang dbang med pa'i nyes par 'gyur ba'i phyir ro/ /de dag las gzhan na yang bdag med de/lus med na bdag kun du brtag par mi dmigs pas lus med pa'i nyes par 'gyur ba'i phyir ro/ /ji ste la la zhig bdag rnam pa de lta bur yongs su rtogs na/ de lta na yang gzugs la sogs pa med pa'i bdag mi 'thad de/ lus la sogs pa'i 'ching ba med na rang gi ngang gis grol bar 'gyur bas/bsgrim mi dgos par thar par 'gyur ba'i nyes par 'gyur ba'i phyir ro/ /gang nye bar len pa'i phung po lnga po rnams la tshogs can la lta ba'i mtha' nyi shu po gzugs la bdag tu kun du rjes su lta ba dang / gzugs bdag dang ldan pa dang /gzugs bdag gi ba dang / gzugs la gzugs dang / tshor ba dang / 'du shes dang / 'du byed dang / rnam par shes pa la bdag tu kun du rjes su lta ba dang / bdag rnam shes dang ldan pa dang / rnam shes bdag gi ba dang / rnam shes la rnam shes so//de la bdag tu lta ba du/ bdag gir lta ba du/ lnga ni bdag tu lta ba'o/ /bco lnga ni bdag gir lta ba'o/ /ci'i phyir bco lnga ni bdag gir lta ba 'brel bas bdag gi nye bar len pa dang / dbang bsgyur bas bdag gi nye bar len pa dang / tha dad du mi 'jug pas bdag nye bar len pa'i phyir ro//gzugs la bdag tu kun du rjes su lta ba dang / tshor ba dang / 'du shes dang / 'du byed rnams dang / rnam par shes pa la bdag tu kun du rjes su lta ba ste/ de lnga bdag tu lta ba'o/ /gzugs bdag dang ldan pa zhes bya ba nas/ bdag rnam par shes pa dang ldan pa zhes bya ba'i bar du lhag ma bco lnga ni bdag gir lta ba'o//'brel bas bdag gi nye bar len pa ni 'di ltar de dang 'brel bas de dang ldan par 'gyur ro/ /gzugs bdag gi ba dang zhes bya ba nas rnam par shes pa bdag gi ba dang zhes bya ba'i bar ni/ dbang bsgyur bas bdag gi nye bar len pa'i phyir te/ gang zhig sbyin pa'am/ bsgo pa la gang gis dbang du 'gyur ba de ni de'i bdag gi zhes brjod do/ /gzugs la gzugs dang zhes bya ba nas rnam shes la rnam shes so zhes bya ba'i bar ni tha dad du mi 'jug pas bdag gi nye bar len pa'i phyir te/ bdag 'di ni 'di dag la rjes su zhugs shing rnam par zhugs nas bzhag pa ste/yan lag can gyi rjes su song bar kun du brtags pa'i phyir ro/ /tshogs can la lta ba gzugs kyi dngos po'am/ gzugs med kyi dngos por bya/ gzugs med kyi gzhir rig par bya ste/ thag pa la sbrul du rtog pa bzhin no/ /gzugs med pa'i dngos po ni gzugs la sogs pa'i mtshan nyid la dpyad na bdag tu lta ba'i go skabs med pa'i phyir ro//dper na kha gcig gis ma brtags par thag pa la sbrul du 'dzin pa dang 'dra ste/ slar thag pa yin par dpyad na de sbrul du 'dzin par mi 'gyur ba'i phyir ro/ /khro ba gang gnod pa'i rgyu nye bar gnas na/khong khro'i cha shas sems kun nas mnar sems pa dbyug pa dang mtshon cha len pa la sogs pa dang / gnod pa shom pa 'byung ba'i rten gyi las can no/ /khro ba la sogs pa ni btags yod du rig par bya ste/ khong khro ba la sogs pa las gud na med pa'i phyir ro/ /khon 'dzin gang / de'i 'og tu khong khro'i cha shas nyid kyis rjes su gnod pa'i lan mi gtang ba/ mi bzod pa/ 'byung ba'i rten gyi las can no/ /de'i 'og tu zhes pa ni khros pa'i 'og tu'o/ /mi bzod pa ni gnod par byed pa la ji mi snyam pa'o/ /'chab pa gang / legs par bskul ba la gti mug gi cha shas kha na ma tho ba sbed pa/'gyod pa dang / reg par mi gnas par 'byung ba'i rten gyi las can no/ /'di ni chos nyid do/ /kha na ma tho ba bcabs na 'gyod par 'gyur te/ de'i phyir reg par mi gnas pa zhes bya'o/ /'tshig pa gang / khong khro'i cha shas khro ba dang / khon sngon du 'gro ba'i sems byung kun nas 'tshe ba tshig rtsub mtho zhing drag po 'byung ba'i rten gyi las can dang //bsod nams ma yin pa 'phel ba'i las can dang / reg par mi gnas pa 'byung ba'i rten gyi las can no/ /tshig rtsub mtho zhing drag po ni gzhan gyi zhe la gnon pa'i tshul gyis mngon sum du brjod pa'o//phrag dog gang rnyed pa dang / bkur sti'i dbang gis gzhan gyi phun sum tshogs pa la mi bzod pa/ sems byung khong nas 'khrug pa zhe sdang gi cha shas yid mi bde ba dang / reg par mi gnas par 'byung ba'i rten gyi las can no/ /ser sna gang / rnyed pa dang bkur sti'i dbang gis yo byad rnams la sems byung gi kun du 'dzin pa 'dod chags kyi cha shas yo byad mi bsnyungs pa 'byung ba'i rten gyi las can no//yo byad mi bsnyungs pa ni/ ser snas yo byad mi mkho ba rnams kyang bsags pa las gyur par rig par bya'o/ /sgyu gang / rnyed pa dang /bskur sti'i dbang gis 'dod chags dang gti mug gi cha shas su gyur pa/ yon tan ma yin pa kun du ston pa log par 'tsho ba 'byung ba'i rten gyi las can no/ /g.yo gang rnyed pa dang bkur sti'i dbang gis/ 'dod chags dang gti mug gi cha shas su gyur pa nyes pa yang dag par sbyong ba ste/yang dag pa'i gdams ngag rnyed pa'i bar du gcod pa'i las can no/ /nyes pa yang dag par skyong ba ni gzhan nas gzhan du bsgyur bar rig par bya'o/ /yang dag pa'i gdams ngag rnyed pa'i bar du gcod pa'i las can no/ /bdag gi tshul yang dag pa ji lta ba bzhin du mi ston na gdams ngag gi 'os pa ma yin pa'i phyir ro//rgyags pa gang / nad med pa'am/ lang tsho'am/ tshe ring ba'i mtshan ma'am/ zag bcas kyi phun sum tshogs pa gang yang rung ba mthong nas 'dod chags kyi cha shas kyi dga' ba dang / yid bde ba dang / nyon mongs pa dang nye ba'i nyon mongs pa thams cad 'byung ba'i rten gyi las can no//tshe ring ba'i mtshan ma bzung nas de la rnam par rtogs pa'i phyir te/ mi 'chi ba'i rnam par rtog pa sngon du btang nas/ tshe la rgyags pa skye ba'o/ /zag bcas kyi phun sum tshogs pa gang yang rung ba ni rigs dang / stobs dang / gzugs dang / yid gzhungs pa dang / blo dang / longs spyod dang / dbang phyug la sogs par rig par bya'o/ /'dod chags kyi cha shas dga' ba dang / yid bde ba ni nyon mongs pa can gyi dga' ba'i bye brag go/ /rnam par 'tshe ba gang / khong khro'i cha shas snying brtse med pa'am/snying rje med pa'am/ brtse ba med pa'am/ rnam par 'tshe ba'i las can no/ /ngo tsha ba med pa gang / 'dod chags dang / zhe sdang dang gti mug gi cha shas kha na ma tho bas bdag la mi 'dzem pa/ nyon mongs pa dang nye ba'i nyon mongs pa thams cad kyi grogs kyi las can no/ / khrel med gang / 'dod chags dang / zhe sdang dang / gti mug gi cha shas kha na ma tho bas gzhan la mi 'dzem pa/ nyon mongs pa dang nye ba'i nyon mongs pa thams cad kyi grogs kyi las can no/ /rmug pa gang / gti mug gi cha shas sems byung las su mi rung ba nyon mongs pa dang / nye ba'i nyon mongs pa thams cad kyi las can no//rgod pa gang / sdug pa'i mtshan mi'i rjes su 'jug pa'i 'dod chags kyi cha shas sems byung rnam par ma zhi ba zhi gnas kyi bar du gcod pa'i las can no/ /sdug pa'i mtshan ma'i rjes su 'jug pa ni 'dod chags kyi rjes su mthun pa'o/ /sngon gyi bgad pa dang /rtses pa la sogs pa rjes su dran pas sems rnam par ma zhi bar rig par bya'o/ /ma dad pa gang / gti mug gi cha shas dge ba'i chos rnams la sems byung yid mi ches pa dang / ma dad pa dang / mi 'dod pa/ le lo 'byung ba'i rten gyi las can no/ /le lo'i rten byed pa'i las can ni ma dad na sbyor ba la 'dun pa med pa'i phyir ro//le lo gang / gnyid dam/ snyes pa'am/ 'phres pa'i bde ba 'dod pa gti mug gi cha shas sems byung mi spro ba/ dge ba'i phyogs la sbyor ba'i bar du gcod pa'i las can no/ /bag med pa gang / le lo dang bcas pas chags pa dang /zhe sdang dang / gti mug gis dge ba'i chos rnams mi bsgom zhing zag bcas kyi chos rnams las sems mi srung ba/ mi dge ba 'phel ba dang / dge ba 'grib pa 'byung ba'i las can no/ /brjed ngas gang / nyon mongs dang mtshungs ldan gyi dran pa g.yeng ba 'byung ba'i rten gyi las can no//shes bzhin ma yin pa gang / nyon mongs dang mtshungs ldan gyi shes rab/ des lus dang / ngag dang / sems kyi spyod pa la mi shes bzhin du 'jug pa/ ltung ba 'byung ba'i rten gyi las can no/ /lus dang / ngag dang / sems kyi spyod pa la mi shes bzhin du 'jug pa ni 'gro ba dang /ldog pa la sogs pa la legs par ma brtags par rig par bya'o/ /de ltar na 'di ni bya ba dang bya ba ma yin pa mi shes pas ltung bar 'gyur ro/ /g.yeng ba gang / 'dod chags dang / zhe sdang dang / gti mug gi cha shas sems byung rnam par 'phro ba/ de yang rang gi ngo bo'i g.yeng ba dang /phyi rol du g.yeng ba dang / nang gi g.yeng ba dang / mtshan ma'i g.yeng ba dang / gnas ngan len gyi g.yeng ba dang / yid la byed pa'i g.yeng ba'o/ /rang gi ngo bo'i g.yeng ba gang / rnam par shes pa'i tshogs lnga'o/ /rang bzhin gyi nang du mnyam par 'jog par de rnams kyis mi nus pa'i phyir ro//phyi rol tu g.yeng ba gang / dge ba la sbyor ba'i sems byung 'dod pa'i yon tan la rnam par 'phro ba'o/ /thos pa la sogs pa'i dge ba la zhugs pa de la dmigs pa las phyi rol tu 'dod pa'i yon tan lnga po dag la sems spro bar rig par bya'o//nang gi g.yeng ba gang / dge ba la sbyor ba'i bying ba dang / rgod pa dang / ro myang bar byed pa'o/ /ting nge 'dzin la zhugs pa nyid kyi tshe de las nyams par byed pa dang / bying ba dang / rgod pa dang / ro myang ba'o/ /mtshan ma'i g.yeng ba gang / gzhan la bsgom pa mdun du byas te/dge ba la sbyor ba'o/ /gzhan gyis bdag la yon tan dang ldan par yid ches par bya ba'i phyir te/ de'i mtshan ma ni de'i phyir ro/ /dge ba la zhugs pa na khad kyis de las nyams par rig par bya'o/ /gnas ngan len gyi g.yeng ba gang / ngar byed pa dang / nga yir byed pa dang / nga'o snyam pa'i phyogs kyi gnas ngan len dge ba la sbyor ba'i tshor ba 'byung ba rnams la ngar byed pa'am/ nga yir byed pa'am/ nga'o snyam du 'dzin pa dang / 'dres pa dang / mtshan mar 'dzin pa'o/ /ngar byed pa dang / nga yir byed pa la sogs pa'i gnas ngan len gyi dbang gis bde ba la sogs pa'i tshor ba byung ba rnams la/nga zhe'am/ nga'i zhe'am/ nga'o snyam du byed pa'i phyir dge ba'i phyogs yongs su ma dag par rig par bya'o/ /'dzin pa ni thog ma nyid du de ltar 'dzin pa'o/ /'dres pa ni de'i 'og tu de dang sems kyi rgyun 'dres par 'gyur ba'o//mtshan mar byed pa ni tshor ba de nyid la yang dang yang du bkra bar 'dzin par rig par bya'o/ /yid la byed pa'i g.yeng ba gang / snyoms 'jug gzhan nam/ theg pa gzhan la snyoms par 'jug gam/ gnas pa'i rnam par 'phro ba gang / 'dod chags dang bral ba'i bar du gcod pa'i las can no//snyoms par 'jug pa gzhan la snyoms par zhugs pa dang theg pa gzhan la gnas pa na snga ma las langs par rig par bya'o/ /'dod chags dang bral ba'i bar du gcod pa zhes pa ni/ nye ba'i nyon mongs pa'i bdag nyid kyi dbang du byas pa'o/ /gnyid gang /gnyid kyi rgyu la brten nas/ gti mug gi cha shas sdud pa'i sems byung dge ba'am/ mi dge ba'am/ lung du ma bstan pa'am/ dus sam/ dus min nam/ rigs pa'am/ mi rigs pa bya ba shor ba 'byung ba'i rten gyi las can no/ /gnyid kyi rgyu ni 'di lta ste/ nyam chung ba dang /ngal ba dang / lus lci ba dang / mun pa'i mtshan ma yid la byed pa dang / brtson pa thams cad yal bar 'dor ba dang / de'i dus su yang dang yang du goms pa dang / gzhan dag gi sngags kyi stobs kyis gnyid bro bar byed pa dang / de bzhin du lus mnye ba la sogs pa yang ngo //gti mug gi cha shas shes pa ni/ ting nge 'dzin la khyad par du dbye ba'i phyir ro/ /dge ba la sogs pa'i dngos po'i tshig gi gdon mi za bar gti mug gi cha shas ma yin zhes par mdzad do/ /dus ni nam gyi gung thun no/ /dus min ni de las gzhan pa'o/ /rigs pa ni dus su ji ltar gnang ba dang /dus ma yin yang na ba dang / las su rung bar bya ba'i phyir ro/ /mi rigs pa ni de las gzhan pa'o/ /bya ba shor ba 'byung ba'i rten gyi las can ni nye ba'i nyon mongs pa'i gnyid du rig par bya'o/ /'gyod pa gang / gang mngon par bsams pa dang / mngon par ma bsams pa'i bya ba dang / bya ba ma yin pa la brten nas gti mug gi cha shas sems byung rnam par 'phro ba/ dge ba dang / mi dge ba dang / lung du ma bstan pa dang / dus dang / dus ma yin pa dang / rigs pa dang / mi rigs pa dang / sems gnas pa'i bar du gcod pa'i las can no//mngon par bsams pa'i bya ba ni mngon par 'dod pa sngon du btang nas legs par spyad pa dang / nyes par spyad pa byed pa'o/ /mngon par ma bsams pa'i bya ba ni gzhan dag gi nan gyis byed du bcug pa'am/ nyon mongs pa'i zil gyis non pa ste/ ji ltar mthun par rig par bya'o//gti mug gi cha shas shes pa ni/ nye ba'i nyon mongs pas bsdus pa'o/ /dus ni ji srid mi spong ba'i bar du'o/ /dus min ni de'i 'og tu'o/ /rigs pa ni gnas la'o/ /mi rigs pa ni gnas ma yin pa la'o/ /rnam par rtog pa gang / sems pa'am shes rab la brten nas kun du tshol ba yid kyis brjod pa de ni sems byung rtsing ba'o//sems pa'am shes rab la brten zhes pa ni/ mngon par mi rtogs pa dang / mngon par rtogs pa'i gnas skabs dang go rims so/ /kun du 'tshol ba'i rnam par yid kyis brjod pas so/ /rnam par dpyod pa gang /sems pa'am shes rab la brten nas/ so sor rtog pa'i yid kyis brjod pa ste/ de ni sems zhi ba'o/ /sems pa'am/ shes rab la brten zhes pa ni mngon par mi rtogs pa dang / mngon par rtogs pa'i gnas skabs dang go rims so/ /so sor rtog pa'i rnam par yid kyis mngon par brjod pas so//reg par gnas pa dang / reg par mi gnas pa 'byung ba'i rten gyi las can no/ /de nyid ni rnam par rtog pa dang / rnam par dpyod pa dang / 'brel ba'i phyir rtsing ba dang / zhib pa'i gnas skabs la sogs pa'o/ /yang chos dge ba rnams rang gi mi mthun pa'i phyogs spong ba'i las so//nyon mongs pa dang / nye ba'i nyon mongs pa rnams rang gi gnyen po'i bar du gcod pa'i las so/ /'di lta ste/ ma chags pas chags pa rab tu spong ngo / /dad pas ma dad pa rab tu spong ngo / /'dod chags kyi gnyen po ni ma chags pa ste/ des na de'i de skye ba'i bar du gcod pa'i phyir ro//de ltar khro ba la sogs pa'i nye ba'i nyon mongs pa rnams kyang ste/ byams pa la sogs pa'i gnyen pos bar du gcod par byed par rig par bya'o/ /sems dang mi ldan pa'i 'du byed rnams gang thob pa dang / 'du shes med pa'i snyoms 'jug dang / 'gog pa'i snyoms 'jug dang / 'du shes med pa can dang / srog gi dbang po dang / ris mthun pa dang / skye ba dang / rga ba dang / gnas pa dang / mi rtag pa nyid dang / ming gi tshogs rnams dang / tshig gi tshogs rnams dang / gsal byed kyi tshogs rnams dang / so so'i skye bo nyid dang / 'jug pa dang / so sor nges pa dang /sbyor ba dang / mgyogs pa dang / go rims dang / dus dang / yul dang / grangs dang / tshogs pa'o/ /sems dang ldan pa ma yin pa'i 'du byed rnams ni gnas dang / rang bzhin dang / btags pas bshad par rig par bya'o/ /'du shes med pa'i snyoms 'jug dang /'gog pa'i snyoms 'jug ni sa dang / yid la byed pa dang / gnas dang / 'du shes sngon du 'gro ba can rnams kyis kyang bshad par bya'o/ /'du shes med pa can ni yid la byed pa spangs pa'i lhag ma gnas la sogs pa gsum po de rnams kyis kyang ngo / /thob pa gang /dge ba dang / mi dge ba dang / lung du ma bstan pa'i chos rnams 'phel ba dang / 'grib pa la thob pa dang / rnyed pa dang ldan pa zhes gdags so/ /de la dge ba dang / mi dge ba dang / lung du ma bstan pa'i chos rnams shes pas ni gnas bstan to/ /'phel ba dang / 'grib pa zhes pas ni rang bzhin bstan pa ste/'di ltar 'phel ba chen po yod pa tsam gyis dad pa chen po la sogs pa dang ldan pa zhes brjod do/ /'grib pa yod na chung ngu rnams kyi phyir ro/ /thos pa dang / rnyed pa dang ldan zhes gdags so zhes pas ni btags pa bstan pa'o/ /de bzhin du gzhan rnams la yang ji ltar rigs par sbyar bar bya'o//'du shes med pa'i snyoms 'jug gang / dge rgyas kyi 'dod chags dang bral ba steng ma'i 'dod chags dang ma bral ba'i 'byung ba'i 'du shes sngon du btang ba yid la byed pas/ sems dang sems las byung ba'i chos bstan pa ma yin pa rnams 'gog pa la 'du shes med pa'i snyoms par 'jug ces gdags so//dge rgyas kyi 'dod chags dang bral ba zhes pa ni bsam gtan gsum pa'i 'dod chags dang bral ba'o/ /steng ma'i 'dod chags dang ma bral zhes pa ni bsam gtan bzhi ba'i 'dod chags dang ma bral pa'o//'du shes sngon du btang zhes pa ni thar pa'i 'du shes sngon du btang ba'o/ /brtan pa ma yin pa rnams shes pa ni 'jug pa'i rnam par shes pas bsdus pa rnams so/ /'gog pa zhes pa ni snyoms par 'jug pa'i sems kyis byas pa ste/ dus gzhan na sems dang sems las byung ba brtan pa ma yin pa kun du 'byung ba 'gog pa la gnas pa'i gnas skabs kyi bye brag go//'dis 'gog par 'gyur bas na 'gog pa zhes bya'o/ /'gog pa'i snyoms 'jug gang / ci yang med pa'i skye mched kyi 'dod chags dang bral la/srid pa'i rtse mo la gyen du bskyod pa'i zhi bar gnas pa'i 'du shes sngon du btang bas yid la byed pas sems dang sems las byung ba'i chos brten pa ma yin pa rnams dang / brtan pa de dag las kyang kha cig 'gog pa la 'gog pa'i snyoms par 'jug ces gdags so//'gog pa'i snyoms par 'jug pa la ni steng ma'i 'dod chags dang bral ba zhes mi brjod de/ srid pa'i rtse mo'i 'dod chags dang bral ba'i dgra bcom pa yang de na yod pa'i phyir ro/ /brten pa de dag las kyang kha cig ces pa ni/ nyon mongs pa can gyi yid kyis bsdus pa rnams so//snyoms par 'jug pa 'di gnyis ni sa dang / yid la byed pa dang / gnas dang / rang bzhin dang brtags pas kyang bstan to/ /'du shes med pa can gang 'du shes med pa can gyi lha rnams kyi nang du skyes pa'i sems dang / sems las byung ba'i chos bstan pa ma yin pa rnams 'gog pa la 'du shes med pa can zhes gdags so//srog gi dbang po gang / ris mthun par sngon gyi las kyis 'phangs pa'i gnas pa'i dus nges pa la tshe zhes gdags so/ /ris mthun pa ni tshe gcig gi phung po'i rgyun no/ /gnas pa'i dus nges pa ni ris mthun pa 'dis lo brgya'am stong ngam dus ji srid du 'dir gnas par bya ba ste/las kyis byas pa'i nus pa'i bye brag go/ /ris mthun pa gang / sems can gyi ris de dang der sems can de dang / de dag gi ris 'dra ba la ris mthun pa zhes gdags so/ /sems can gyi ris de dang der zhes pa ni lha dang mi la sogs pa'i sems can gyi ris rnams so//ris 'dra ba zhes pa ni skye ba gcig pa rnams so/ /skye ba gang / ris mthun par 'du byed rnams ma byung ba las byung ba la skye ba zhes gdags so/ /phyi rol gyi gzugs kyang skye ba dang ldan pas ris mthun pa tsam du gzung ste/sems can gyi rgyud la mtshan nyid gdags pa shes par bya ba'i phyir ro/ /phyi rol gyi gzugs ni 'jig pa dang 'chags pa'i rab tu phye ba'o/ /nang gi 'du byed rnams ni skye ba dang / rga ba la sogs pas rab tu phye ba'o/ /rga ba gang / ris mthun par 'du byed rnams kyi rgyun gzhan du gyur pa la rga ba zhes gdags so//gnas pa gang / ris mthun par 'du byed rnams kyi rgyun mi 'jig pa la gnas pa zhes gdags so/ /mi rtag pa nyid gang / ris mthun par 'du byed rnams kyi rgyun 'jig pa la mi rtag pa nyid ces gdags so//rgyun 'jig pa ni 'chi bar rig par bya'o/ /skye ba la sogs pa 'di dag ni skad cig re re la rig par mi bya ste/ 'on kyang rgyun gyi gnas skabs la bya'o/ /ming gi tshogs rnams gang / chos rnams kyi rang gi ngo bo nyid kyi tshig bla dgas la ming gi tshogs rnams zhes gdags so/ /ngo bo nyid kyi tshig bla dgas ni mig dang /rna ba dang / lha dang mi zhes pa la sogs pa lta bu'o/ /tshig gi tshogs rnams gang / tshogs rnams kyi khyad par gyi tshigs bla dgas la tshig gi tshogs rnams zhes gdags so/ /khyad par gyi tshig bla dgas ni 'dus byas kun mi rtag pa dang / sems can thams cad 'chi bar 'gyur zhes pa lta bu la sogs pa'o/ /gsal byed kyi tshogs rnams gang / de gnyi ga'i gnas kyis 'gyur med rnams la 'gyur med kyi tshogs rnams zhes gdags so/ /de gnyi ga'i gnas rnams la zhes pa ni ngo bo nyid dang / khyad par gyi tshig bla dgas rnams kyis gnas 'gyur med ni a dang /i dang / u zhes pa lta bu la sogs pa rnams so/ /thams cad ni 'di tsam du zad de/ 'di lta ste/ ngo bo nyid dang / khyad par dang / de gnyi ga'i tha snyad do/ /de thams cad ni 'di dag gi tha snyad 'dogs te/ de'i phyir ming dang tshig dang / gsal byed kyi tshogs 'di dag rnam par gzhag go//gsal byed ni gsal ba'i don te/ de gnyi ga gsal bar byed pa'i phyir ro/ /nye bar brjod pa yang de yin te/ don yang dag par brjod pa'i phyir ro/ /yang 'gyur med nyid rnam grangs kyis mi 'gyur bar nye bar brjod pa'i phyir ro/ /rnam grangs kyis mi 'gyur ba ni dper na/mig ni mig ces pa'i rnam grangs de las gzhan pa 'dren byed dang / gsal byed dang / khrid byed dang lta ba la sogs pa'i rnam grangs gzhan du'ang 'gyur te/ de rnams kyang de'i ming nyid yin pa'i phyir ro/ /de bzhin du a dang / i zhes pa'i 'gyur med 'di ni/ a dang / i zhes pa'i rnam grangs 'di ma gtogs par rnam grangs gzhan gyis bstan par mi nus par shes par bya ste/ de'i phyir rnam grangs gzhan gyis mi 'gyur bas na 'gyur med nyid do/ /'gyur ba ni yang 'gro bar rig par bya'o/ /so so'i skye bo nyid gang / 'phags pa'i chos rnams ma thob pa las so so'i skye bo zhes gdags so/ /'jug pa gang / rgyu dang 'bras bu rgyun mi 'chad pa la 'jug pa zhes gdags so/ /rgyun ma chad pa la 'jug pa rnam par gzhag ste/ skad cig gcig tu'am rgyun chad pa la de nye bar 'dogs pa med pa'i phyir ro//so sor nges pa gang / rgyu dang 'bras bu tha dad pa la sogs pa la so sor nges pa zhes gdags so/ /rgyu dang 'bras bu tha dad pa 'dod pa ni legs par spyad pa'o/ /mi 'dod pa ni nyes par spyad pa zhes pa lta bu la sogs pa ste/ 'bras bu so so ba rnams ni rgyu so so ba gzhan nyid do//sbyor ba gang / rgyu dang 'bras bu rjes su mthun pa rnams la sbyor ba zhes gdags so/ /rgyu dang 'bras bu rjes su mthun pa ni gzhan yin du zin kyang / gang gis 'bras bur gang 'os pa ste/ 'di ltar sbyin pas ni longs spyod phun sum tshogs zhes pa lta bu la sogs pa'o//mgyogs pa gang / rgyu dang 'bras bu myur bar 'byung ba la mgyogs pa zhes gdags so/ /go rims gang / rgyu dang 'bras bu re re nas 'byung ba la go rims zhes gdags so/ /re re nas 'byung ba ni cig car mi 'byung bar rig par bya'o/ /dus gang / rgyu dang 'bras bu rgyun du 'byung ba la dus zhes gdags so//rgyu dang 'bras bu rgyun du 'byung ba la mgyogs pa zhes gdags so/ /rgyu dang 'bras bu rgyun du 'byung ba de la/ rgyu dang 'bras bu byung zin pa dang / 'gags zin pa gang yin pa de ni 'dus pa'i 'du shes gdags so/ / gang ma byung ba de ni ma 'ongs pa'i dus so/ /gang byung la ma 'gags pa de ni da ltar byung ba'i dus so/ /yul gang / shar dang / lho dang / nub dang / byang dang / 'og dang / steng dang / phyogs bcu thams cad kyi rgyu dang 'bras bu nyid la yul zhes gdags so/ /rgyu dang 'bras bu phyogs la khyab pa la/yul nye bar gdags te/ gzugs can ma yin pa ni phyogs la khyab par byed pa'i mthu med pas rgyu dang 'bras bu ni 'dir gzugs su bsdus par rig par bya'o/ /grangs gang 'du byed rnams kyi so so'i cha'i dbye ba la grangs zhes gdags so/ /so so'i cha'i dbye ba zhes pa ni/tha dad pa ma yin pa bdag nyid gcig pa la gnyis dang gsum la sogs pa'i grangs mi 'thad pa'i phyir ro/ /tshogs pa gang / rgyu dang 'bras bu rkyen las byung ba la tshogs pa zhes gdags so/ /rgyu dang 'bras bu'i rkyen rnams tshogs pa ni 'di lta ste/ rnam par shes pa zhes pa'i rgyu 'bras ni dbang po ma nyams pa dang /yul snang bar gyur pa dang / de skyed pa'i yid la byed pa nye bar gnas pa ste/ de bzhin du gzhan la yang sbyar bar bya'o/ /de ltar na sems dang ldan pa ma yin pa'i 'du byed kyi chos 'di rnams ni gnas skabs dag la brtags pa'i phyir/thams cad kyang brtags yod du rig par bya'o/ /de la dge ba dang mi dge ba la sogs pa 'phel ba dang 'grib pa'i gnas skabs la ni gcig go/ /sems dang sems las byung ba mi 'byung ba'i gnas skabs la ni gsum mo/ /gnas pa dang 'dra ba'i gnas skabs la ni re re'o//mtshan nyid kyi gnas skabs la ni bzhi'o/ /tha snyad kyi gnas skabs la ni gsum mo/ /ma rnyed pa'i gnas skabs la ni gcig go/ /rgyu dang 'bras bu'i gnas skabs la ni lhag ma rnams so/ /rgyu dang 'bras bu yang 'dir 'dus byas thams cad du rig par bya ste de las gzhan 'byung bas rgyu'o//gzhan las de 'byung bas 'bras bu'o/ /rnam shes kyi phung po'i rnam par gnas pa gang / gang sems sam/ yid dam rnam par shes pa'o/ /de la sems gang phung po dang / khams dang / skye mched rnams kyi bag chags yongs su goms pa sa bon thams cad pa kun du len pa'i rnam par shes pa dang /rnam par smin pa'i rnam par shes pa dang / len pa'i rnam par shes pa yang de'o/ /de rnams kyi bag chags bsags pa nye bar len pa'i phyir ro/ /phung po la sogs pa kun du 'byung ba la de'i sa bon yongs su rgyas pa ni bag chags su brjod par bya'o//sa bon thams cad pa ni phung po la sogs pa de dag nyid 'byung ba'i sa bon dang ldan pa'i phyir ro/ /kun du len pa der chos thams cad sa bon dang bdag tu 'dzin pa'i sems can du 'du ba'i phyir kun du len pa'i rnam par shes pa'o/ /sngon gyi las las nges par 'byung ba'i phyir rnam par smin pa'i rnam par shes pa'o//yang dang yang nying mtshams sbyor ba'i lus len pa'i phyir kun du len pa'i rnam par shes pa'o/ /de ni sems zhes kyang brjod do/ /chos thams cad kyi bag chags bsags pa'i phyir ro/ /kun du len pa'i rnam par shes pa de yod par ji ltar shes she na/'di ltar de med na/ len dang bzod dang gsal ba dang / /sa bon dang ni las rnams dang / /lus kyis myong na sems med pa'i/ /snyoms 'jug de bzhin 'chi mi rung / /sdom gyi tshigs su bcad pa'i rnam par dbye ba ni 'di lta ste/rnam par nges pa bsdus pa'i nang du byas pa'o/ /rnam pa brgyad kyis kun du len pa'i rnam par shes pa yod pa nyid du rtogs par bya ste/ 'di ltar kun du len pa'i rnam par shes pa med na lus nye bar len pa mi srid pa dang / gzod ma 'byung ba mi srid pa dang / gsal bar 'byung ba mi srid pa dang /sa bon nyid mi srid pa dang / las mi srid pa dang / lus kyi myong ba mi srid pa dang / sems med pa'i snyoms par 'jug pa mi srid pa dang / rnam par shes pa med na 'chi 'pho ba mi srid pa'i phyir ro/ /ci'i phyir lus nye bar len pa mi rung zhe na/ smras pa/ rnam pa lnga ste/ 'di ltar kun du len pa'i rnam par shes pa ni sngon gyi 'du byed kyi rgyu las byung ba'o//mig la sogs pa'i 'jug pa'i rnam par shes pa ni da ltar gyi rkyen gyi rgyu las byung ba ste/ ji skad du/ dbang po dang / yul dang / de skyed pa'i yid la byed pa'i dbang gis rnam par shes pa rnams 'byung bar 'gyur ro zhes rgya cher gsungs pa lta bu ste/'di ni gtan tshigs dang po'o/ /yang rnam par shes pa'i tshog drug ni dge ba dang mi dge bar dmigs pa ste/ 'di ni gtan tshigs gnyis so/ /yang rnam par shes pa'i tshogs drug po rnams la lung du ma bstan pa'i rnam par smin pas bsdus par 'gyur ba gang yin pa'i rnam pa mi dmigs te/'di ni gtan tshigs gsum pa'o/ /yang rnam par shes pa'i tshogs drug 'byung ba ni gnas so sor nges pa ste/ gnas gang dang gang las rnam par shes pa gang dang gang 'byung ba de dang de ni der zin par 'gyur gyi/ lhag ma ni ma zin par 'gyur te mi rung ngo //zin par yang mi rung ste/ rnam par shes pa med pa'i phyir ro/ /'di ni gtan tshigs bzhi pa'o/ /yang dang yang lus 'dzin pa'i nyes par yang 'gyur te/ 'di ltar mig gi rnam par shes pa res 'ga' ni 'byung / res 'ga' ni mi 'byung ngo //lhag ma rnams kyang de bzhin te/ 'di ni gtan tshigs lnga pa'o/ /de ltar sngon gyi las dang / da ltar 'du byed kyi rkyen las byung ba dang / dge ba dang mi dge ba yin pa dang / de'i rnam pa mi dmigs pa dang / gnas so sor nges pa dang / /yang dang yang nye bar len pas kyang mi rung ngo //ci'i phyir bzod pa'i 'jug pa 'byung bar mi rung zhe na/ gal te la la zhig 'di skad du/ ci ste kun du len pa'i rnam par shes pa yod na de'i phyir rnam par shes pa gnyis cig car 'byung bar 'gyur ro zhes zer na/ de la 'di skad ces brjod par bya ste/nyes pa med pa nyid la khyod nyes par 'du shes su zin gyi/ 'di ltar rnam par shes pa gnyis cig car 'byung ba'i phyir ro/ /de ci'i phyir zhe na/ 'di ltar kha cig cig car mthong bar 'dod pa nas/ rnam par shes pa'i bar du 'dod pa la/ thog mar rnam par shes pa gang yang rung ba zhig 'byung du mi rung ste/'di ltar de ni yid la byed pa dang / dbang po dang yul yang yod par bye brag med pa'i phyir ro/ /rnam par shes pa cig car 'byung ba med na ci'i phyir mig la sogs pa'i rnam par shes pa dang / lhan cig rjes su 'jug pa'i yid kyi rnam par shes pa gsal bar mi 'gyur zhe na/'di ltar gang gi tshe 'das pa'i yul myong ba rjes su dran pa de'i tshe yid kyi rnam par shes pas rgyu ba ni gsal ba ma yin la/ /da ltar gyi yul la rgyu ba'i yid ni de ltar mi gsal ba ma yin te/ de'i phyir yang cig car 'byung ba dang /yid kyi rnam par shes pa mi gsal bar yang rung ngo / /ci'i phyir rnam par shes pa'i tshogs drug po dag phan tshun gyi sa bon nyid ma yin zhe na/ 'di ltar dge ba'i 'og tu mi dge ba 'byung ba'am/ mi dge ba'i 'og tu dge ba dang / de gnyi ga'i 'og tu lung du ma bstan pa dang /khams ngan pa'i 'og tu khams bar ma dang / khams bar ma'i 'og tu khams bzang po dang / de bzhin du khams bzang po'i 'og tu khams ngan pa dang / zag pa dang bcas pa'i 'og tu zag pa med pa dang / zag pa med pa'i 'og tu zag pa dang bcas pa dang / 'jig rten pa'i 'og tu 'jig rten las 'das pa dang / 'jig rten las 'das pa'i 'og tu 'jig rten pa 'byung ba ste/ de dag ni de ltar sa bon nyid du mi rung ngo / /rgyud kyi rgyun chad nas yun ring du lon pa yang yun ring zhig na 'byung bas de'i phyir yang mi rung ngo / /rnam par shes pa cig car 'byung ba med na ci'i phyir las mi srid ce na/'di ltar mdor bsdus na las rnam pa bzhi ste/ snod kyi rnam par rig pa dang / gnas kyi rnam par rig pa dang / nga'o snyam pa'i rnam par rig pa dang / yul gyi rnam par rig pa'o/ /rnam par rig pa 'di dag ni skad cig skad cig la cig car 'byung ba dmigs te/rnam par shes pa gcig gi skad cig la ni ngo bo tha dad pa'i las 'di lta bu 'di mi rung ngo / /kun du len pa'i rnam par shes pa med na ci'i phyir lus kyi myong ba mi rung zhe na/ 'di ltar 'ga' zhig tshul bzhin nam/ tshul bzhin ma yin pa'i sems sam/ rjes su rnam par rtog gam/sems mnyam par bzhag gam/ sems mnyam par ma bzhag kyang rung ste/ lus kyi myong ba gang dag 'byung ba/ rnam pa du ma rnam pa sna tshogs mang po de dag 'byung ba dang / dmigs par yang mi rung ste/ de'i phyir yang kun du len pa'i rnam par shes pa yod do//kun du len pa'i rnam par shes pa med na/ ci'i phyir sems med pa'i snyoms par 'jug pa mi srid ce na/ 'di ltar 'du shes med pa la snyoms par 'jug pa'i rnam par shes pa nyid lus las 'da' bar 'gyur bar rigs na/ ma 'das te/ de'i phyir 'chi ba'i dus byed pa nyid du 'gyur ro//ji skad du/ bcom ldan 'das kyis kyang de'i rnam par shes pa lus dang ma bral ba yin no zhes gsungs pa lta bu'o/ /kun du len pa'i rnam par shes pa med na ci'i phyir 'chi 'pho yang mi rung zhe na/ 'di ltar 'chi ba'i rnam par shes pa lus kyi stod dam/ smad du drod yal bar byed cing 'dor na/yid kyi rnam par shes pa ni nam yang mi 'byung ba ma yin te/ de'i phyir yang kun du len pa'i rnam par shes pa lus 'dzin pa nyid dang bral ba'i phyir lus drod yal ba dang / lus tshor ba med par yang dmigs kyi/ yid kyi rnam par shes pa dang bral bas ni ma yin te/de'i phyir yang mi rigs so/ /yid gang / dus rtag tu rlom pa'i bdag nyid dang / kun du len pa'i rnam par shes pa la dmigs pa dang / nyon mongs pa bzhi po bdag tu lta ba dang / bdag la chags pa dang / nga'o snyam pa'i nga rgyal dang / ma rig pa dang mtshungs par ldan pa ste/de yang lam mngon du gyur pa dang / 'gog pa'i snyoms par 'jug pa dang / mi slob pa'i sa ma gtogs par dge ba dang mi dge ba dang / lung du ma bstan pa thams cad du 'gro ba dang / gang yang rnam par shes pa drug po rnams 'gags ma thag pa'i rnam par shes pa'o//yid ni nges pa'i tshig dang / dmigs pa dang / mtshungs par ldan pa dang / 'byung ba'i dus kyis bstan par rig par bya'o/ /lam mngon du gyur pa na de med pa ni don dam par shes pa dang / bdag tu lta bu kun du 'byung ba shin tu mi mthun pa'i phyir ro//slob pas ni ma spangs pa'i phyir/ de'i 'og tu yang kun du len pa'i rnam par shes pa las 'byung ngo / /'du shes med pa'i snyoms par 'jug pa bas/ 'gog pa'i snyoms par 'jug pa ches zhi ba'i phyir te/ de kun du 'byung ba dang mi mthun par rig par bya'o/ / 'gags ma thag pa yid du 'dod pas 'gags ma thag pa'i yid ces bya ba'i tha tshig go/ /rnam par shes pa gang / rnam par shes pa'i tshogs drug ste/ mig gi rnam par shes pa dang / rna ba dang / sna dang / lce dang / lus dang / yid kyi rnam par shes pa'o//mig gi rnam par shes pa gang / mig la brten cing gzugs la dmigs nas so sor rnam par rig pa'o/ /rna ba'i rnam par shes pa gang / rna ba la brten cing sgra la dmigs nas so sor rnam par rig pa'o/ /sna'i rnam par shes pa gang / sna la brten cing dri la dmigs nas so sor rnam par rig pa'o//lce'i rnam par shes pa gang / lce la brten cing ro la dmigs nas so sor rnam par rig pa'o/ /lus kyi rnam par shes pa gang / lus la brten cing reg bya la dmigs nas so sor rnam par rig pa'o/ /yid kyi rnam par shes pa gang /yid la brten cing chos la dmigs nas so sor rnam par rig pa'o/ /rnam par shes pa ni gnas dang dmigs pa dang / rang gi ngo bo nyid kyis rnam par gzhag par rig par bya'o/ /khams kyi rnam par gnas pa gang / gzugs kyi phung po gang de ni khams bcu ste/mig gi khams dang / gzugs kyi khams dang / rna ba'i khams dang / sgra'i khams dang / sna'i khams dang / dri'i khams dang / lce'i khams dang / ro'i khams dang lus kyi khams dang / reg bya'i khams dang / chos kyi khams kyi phyogs gcig kyang ngo //tshor ba'i phung po dang / 'du shes kyi phung po dang / 'du byed kyi phung po gang / de ni chos kyi khams kyi phyogs gcig go/ /rnam par shes pa'i phung po gang / de ni rnam par shes pa'i khams bdun te/ mig gi rnam par shes pa'i khams dang / rna ba dang / sna dang / lce dang / lus dang / yid kyi rnam par shes pa'i khams dang / yid kyi khams so/ /khams dang skye mched rnams kyi mtshan nyid ni logs shig tu rnam par gzhag tu med do/ /phung po bstan pa'i skabs su mig la sogs pa nye bar mtshon pa'i phyir ro/ /de bas na phung po rnams las dmigs kyis bton te/khams rnam par gzhag go/ /khams rnams las dmigs kyis bton gyi skye mched rnams rnam par gzhag go/ /khams rnams kyi nang nas phung po rnams kyis ci zhig ma bsdus/ chos kyi khams 'dus ma byas so/ /de yang 'dus ma byas gzhi brgyad de/chos dge ba rnams kyi de bzhin nyid dang / de ltar chos mi dge ba dang / chos lung du ma bstan pa rnams kyi de bzhin nyid dang / nam mkha' dang / so sor ma brtags pa'i 'gog pa dang / so sor brtags pa'i 'gog pa dang / mi g.yo ba dang / 'du shes dang / tshor ba 'gog pa'o/ /phung po rnams kyis gang ma bsdus pa'i 'dus ma byas de ni rnam pa brgyad du rnam par gzhag go/ /de bzhin nyid rnam pa gsum ni/ gnas kyi rnam pas tha dad kyi/ /ngo bo nyid kyis tha dad pa ni ma yin par rig par bya'o/ /chos dge ba rnams kyi de bzhin nyid gang /bdag med pa dang / stong pa nyid dang / mtshan ma med pa dang / yang dag pa'i mtha' dang / /don dam pa dang / chos kyi dbyings kyang de bzhin no/ /ci'i phyir de bzhin nyid la de bzhin nyid ces brjod na/ gzhan du mi 'gyur ba'i dngos po nye bar len pa'i phyir ro/ /gzhan du mi 'gyur ba ni rtag tu dngos po rnams ni bdag med pa'i dngos por blta bar bya'o//ci'i phyir stong pa nyid la stong pa nyid ces brjod na/ kun nas nyon mongs pa mi rgyu ba'i phyir ro/ /kun nas nyon mongs pa mi rgyu ba ni/ des kun nas nyon mongs pa'i dngos po la dmigs nas/ kun nas nyon mongs pa/ stong par byed pa'i phyir ro/ /gang gi tshe kun nas nyon mongs pa can zhes brjod pa de'i tshe yang / de la glo bur gyi nyon mongs par rig par bya'o/ /glo bur gyi nye ba'i nyon mongs pa de yang ci zhe na/ de yis zin pa'i gzung ba dang / 'dzin pa'i sems kyi sa bon nyes pa gzhan gyi dbang gis 'jug par byed pa'i phyir te/ sems kyi chos nyid ni rang bzhin gyis 'od gsal ba ste/chos rnams kyi chos nyid yin pa'i phyir ro/ /ci'i phyir mtshan ma med pa zhes brjod na/ mtshan ma nye bar zhi ba nye bar len pa'i phyir ro/ /mtshan ma rnams ni gzugs dang / tshor ba nas/ byang chub ces bya ba'i bar du spros pa rnams te/des de dag nye bar zhi ba'i phyir mtshan ma med pa'o/ /ci'i phyir yang dag pa'i mtha' zhes brjod na/ phyin ci ma log pa'i dmigs pa nye bar len pa'i phyir ro/ /yang dag pa ni gang phyin ci ma log pa'o/ /de'i mtha' ni mur thug pa ste/ bdag med pa las pha rol du de kho na btsal du med pa'i phyir ro//ci'i phyir don dam pa zhes brjod na ye shes dam pa'i spyod yul nye bar len pa'i phyir ro/ /ci'i phyir chos kyi dbyings zhes brjod na/ nyan thos dang / rang sangs rgyas dang / sangs rgyas kyi chos thams cad kyi rgyu nye bar len pa'i phyir ro/ / chos dge ba rnams kyi de bzhin nyid kyi lta ba bzhin/ chos mi dge ba dang / lung du ma bstan pa rnams kyi de bzhin nyid kyang de ltar blta bar bya'o/ /nam mkha' gang / gzugs med cing byed pa thams cad gsal bar 'byin pa nye bar len pa'i phyir ro/ /nam mkha' ni gzugs med ces bya ba ni gzugs nyid las bzlog pa/gzugs med pa'i mtshan nyid kyi chos/ yid kyi rnam par shes pa'i yul gang yin pa de ni nam mkha'o/ /yid kyi rnam par shes pa'i yul ni chos kyi khams kyi skabs yin par rig par bya'o/ /gzugs nyid ces bya ba ni brnan pa'i phyir te/tshor ba la sogs pa dang / thun mong ba'i de bzhin nyid dang / so sor brtags pa'i 'gog pa dang / mi rtag pa nyid sel to/ /ri bong gi rwa la sogs pa ni gtan med pa ste/ de dag las bzlog par ni mi shes so/ /'di ltar 'di dag ni gtan nas med pa'i phyir ro/ /ri bong gi rwa la sogs pa de dag ni gzugs yod pa 'di las bzlog pa ma yin te/tshor ba la sogs pa dang thun mong pa'i phyir ro/ /de bas na gzugs nyid las bzlog ces brjod do/ /gang gzugs ma yin pa zhes brjod par bya ste/ de med pa'i mtshan nyid kyi tshig gis ni tshor ba la sogs pa gzugs can ma yin pa rnams bsal te/de dag ni med pa'i mtshan nyid ma yin no/ /so sor ma brtags pa'i 'gog pa gang / gang 'gog la mi 'bral ba'o/ /gang 'gog la mi 'bral zhes bya ba ni bag la nyal kun du ma bcom pa'i phyir ro/ /so sor brtags pa'i 'gog pa gang //gang 'gog pa de 'bral ba'o/ /gang 'gog pa de 'bral ba zhes pa ni/ bag la nyal kun du bcom pa'i phyir ro/ /spang bar bya ba ni gnyis su blta'o/ /nyon mongs pa dang / de'i gnas su gyur pa'i tshor ba'o/ /tshor ba de yang rnam pa gnyis te/ 'gyur bar byed pa dang / 'gyur bar mi byed pa ste/ bde sdug dang / bde ba yang ma yin/ sdug bsngal yang ma yin pa dang go rims so/ /de la nyon mongs pa spong pas so sor brtags pa'i 'gog pa rnam par gzhag go/ /tshor ba rnam pa gnyis spong bas mi g.yo ba dang / 'du shes dang tshor ba 'gog pa rnam par gzhag go//de la nyon mongs pa spong ba ni de'i phyogs dang mthun pa'i gnas ngan len dang bral ba'i phyir gnas gyur pa'o/ /tshor ba spong ba ni/ de'i gnyen por gyur pa snyoms par 'jug pa'i sgrib pa dang bral ba'i phyir gnas gyur pa'o/ /de'i phyir bsam gtan gnyis par sdug bsngal 'gog pa la 'dus ma byas rnam par mi gzhag ste/'gyur bar byed pa'i tshor ba ma lus par ma spangs pa'i phyir ro/ /de'i phyir gsungs pa mi g.yo ba gang / dge rgyas kyi 'dod chags dang bral la/ gong ma'i 'dod chags dang ma bral ba'i bde ba dang / sdug bsngal 'gog pa'o/ /'du shes dang tshor ba 'gog pa gang / ci yang med pa'i skye mched kyi 'dod chags dang bral ba/ srid pa'i rtse mo las gyen du bskyed pa'i zhi bar gnas pa'i 'du shes sngon du btang ba yid la byed pas sems dang sems las byung ba'i chos brtan pa ma yin pa rnams dang /brtan pa de dag las kyang kha cig 'gog pa'o/ /yang gang gzugs rnam pa lnga dang / tshor ba'i phung po dang / 'du shes kyi phung po dang / 'du byed kyi phung po dang / 'dus ma byas kyi gzhi brgyad po gang / de dag gcig tu bsdus te/ bcu drug gi bdag nyid ni chos kyi khams so//skye mched kyi rnam par gnas pa gang / gzugs can gyi khams bcu po gang de nyid skye mched bcu'o/ /rnam par shes pa'i khams bdun gang / de yid kyi skye mched do/ /chos kyi khams gang / de chos kyi skye mched do/ /de nyid kyi phyir phung po dang / khams dang / skye mched rnams ni chos gsum du 'gyur te/gzugs kyi phung po dang / chos kyi khams dang / yid kyi skye mched do/ /gzugs kyi phung pos ni/ khams gzugs can bcu bsdus so/ /chos kyi khams kyis ni de nyid do/ /yid kyi skye mched kyis ni rnam par shes pa'i khams bdun te/ de ltar na chos thams cad ni gsum du 'gyur ro/ /phung po khams dang skye mched de ltar rnam par gzhag pa la zhar la byung ba de bstan par bya'o/ /mig dang / rna ba dang / sna rnams so so la yang gnyis gnyis yod na/ khams nyi shu rtsa gcig tu ji ltar mi 'gyur zhe na/ de dag gnyis gnyis yod du zin kyang gnyi ga yang mig gi mtshan nyid yin pas mtshan nyid 'dra ba dang /gnyi ga'i bya ba mig gi rnam par shes pa yin par gcig pa'i phyir/ bya ba mthun pas khams gzhan ma yin no/ /rna ba dang sna la yang de bzhin du sbyar bar bya'o/ /gnyis gnyis su grub pa ni gnas mdzes pa'i phyir ro//de ltar ngos gnyis shin du rnam par mdzes na gnas mdzes kyi gzhan du ma yin no/ /ci mig re re la brten te mig gi rnam par shes pa rtag tu 'byung ba'am/ /'on te gnyi ga la'ang brten smras pa/ gsal bar 'dzin pa'i phyir gnyi ga la'ang brten nas 'byung ste/dper na mig gnyi ga phye na gzugs 'dzin pa la gsal bar 'gyur gyi gcig gis ni de ltar ma yin no/ /dper na khang pa gcig tu mar me gnyis bus na/ mar me gnyis la brten nas 'od rgyas pa gcig gis shin tu gsal bar 'gyur ro/ /de bzhin du 'dir yang tshul de ltar blta bar bya'o//de'i yul sna tshogs nye bar gnas par gyur na/ de'i rnam pa rnams la dbang po re re'i sgo nas rnam par shes pa rnams rim gyis 'byung ngam/ 'on te gcig gis cig car 'dzin zhe na/ rnam par shes pa gcig kho nas cig car 'dzin te/ rnam pa ni sna tshogs su rig par bya'o//lce la zas kyi khams reg na/ lce dang lus kyi rnam par shes pa rtag tu cig car 'byung bar rig par bya'o/ /sgra ni rgyun chad pa'i phyir yul gzhan dag tu gcig nas gcig tu brgyud de/ 'byung ba'i rgyun gyis yul gzhan du 'gro ba med kyi 'on kyang 'di lta ste/rang gi yul na 'dug cing lan cig 'byung ste/ mar me'i 'od rgyas pa bzhin du/ sgra rgyas par 'gyur ba yang de ltar blta'o/ /nye yang bar du bcad pa'i sgra yang gsal bar mi thos pa'i sgra de thogs pa yod pa'i phyir/ sgrib pa'i gseb nas chung ngur 'byung bar rig par bya'o//rnam par shes pa'i tshogs drug po de dag las rnam par rtog pa dang bcas pa ni du zhig /rnam par mi rtog pa ni du zhig ce na/ rnam par rtog pa gsum gyis re zhig yid kyi rnam par shes pa gcig tu rtog pa dang bcas pa ste/ rnam par rtog pa gsum ni rang bzhin gyis rnam par rtog pa dang /rjes su dran pa'i rnam par rtog pa dang / mngon par dpyod pa'i rnam par rtog pa'o/ /de la rang bzhin gyis rnam par rtog pa ni/ da ltar byung ba'i 'du byed myong ba na/ gang rang gi mtshan nyid kyi rnam pa'i rnam par rtog pa'o/ /rjes su dran pa'i rnam par rtog pa ni/gang sngon myong ba'i 'du byed rnams kyi rnam par rtog pa'o/ /mngon par dpyod pa'i rnam par rtog pa ni/ gang 'das pa dang / ma 'ongs pa dang / da ltar gyi lkog tu gyur pa rnams la mngon par rtogs pa'i rnam par rtog pa'o/ /yang rnam par rtog pa bdun te/dmigs pa la rang gi ngang gis 'jug pa'i rnam par rtog pa dang / mtshan ma dang bcas pa dang / mtshan ma med pa dang / kun du tshol bar byed pa dang / so sor rtog pa dang / nyon mongs pa can dang / nyon mongs pa can ma yin pa'i rnam par rtog pa'o/ /de la rnam par rtog pa dang po'i rnam par shes pa'i tshogs lnga ste/dmigs pa la bkra bar ma bzung bar rang gi yul ji lta ba bzhin du rang gi ngang gis 'jug pa'i phyir ro/ /mtshan ma dang bcas pa ni rang bzhin dang rjes su dran pa'i rnam par rtog pa ste/ da ltar dang / 'das pa'i yul bkra bar 'dzin pa'i phyir ro//mtshan ma med pa ni ma 'ongs pa'i yul yin la 'jug pa'i rnam par rtog pa gang yin pa'o/ /lhag ma rnams ni mngon par dpyod pa'i rnam par rtog pa'i ngo bo nyid du rig par bya ste/ 'di ltar res 'ga' ni rnam par rtog pa'i kun du la tshol lo//res 'ga' ni so sor rtog go/ /res 'ga' ni nyon mongs pa can du 'gyur ro/ /res 'ga' ni nyon mongs pa can ma yin par 'gyur ro/ /gang gi tshe gzugs la sogs pa so sor rnam par rig pa'i rnam par shes pa de ci'i phyir/ mig la sogs pa'i rnam par shes pa zhes bya'i//gzugs la sogs pa'i rnam par shes pa zhes mi bya zhe na/ tshig rnam par sbyar ba rnam pa lnga 'thad pa dang / gzugs la sogs pa'i tshig mi 'thad pa'i phyir ro/ /ji ltar zhe na mig la rnam par shes pa ni/ mig gi rnam par shes pa ste/ gnas kyi yul la rnam par shes pa byung ba'i phyir ro//de yod na de yang yod pa'i phyir te/ 'di ltar mig yod na long ba ma yin pa rnams kyi mig gi rnam par shes pa 'byung ste/ tha na mun pa yang mngon pa'i phyir ro/ /gzugs yod du zin kyang gdon mi za bar 'byung ba ma yin te/ long ba rnams kyis mi mthong ba'i phyir ro//mig gi rnam par shes pa ni mig gi rnam par shes pa ste/ gzugs ma gyur kyang de'i dbang gis rnam par shes pa 'gyur ba'i phyir ro/ /dper na mig ser gyi nad kyis btab na/ gzugs sngon po la sogs pa la mig gis ser po nyid du mthong ba lta bu'o/ /mig las rnam par shes pa ni mig gi rnam par shes pa ste/mig ni mig gi rnam par shes pa'i sa bon dang 'brel pas/ de las grub pa'i phyir ro/ /mig gi phyir rnam par shes pa ni mig gi rnam par shes pa ste/ de la phan pa dang / mi phan pa'i phyir ro/ /'di ltar rnam par shes pa dang mtshungs par ldan par myong bas/dbang po la phan gnod du 'gyur gyi/ yul la ni ma yin no/ /mig dang mtshungs pa'i rnam par shes pa ni mig gi rnam par shes pa ste/ gnyi ga yang sems can gyi grangs su gtogs par 'gro ba'i phyir ro/ /gzugs ni gdon mi za bar sems can gyi grangs su gtogs pa ma yin no//ci mig gis gzugs rnams mthong ngam/ 'on te rnam par shes pas mthong zhe na/ chos rnams ni byed pa med pa'i phyir/ gcig gis kyang mi mthong la/ cig shos kyis kyang mi mthong bar rig par bya ste/ tshogs par gyur pa la mthong ba gdags so//yang rnam pa drug gis mig gis gzugs mthong ngo zhes gtso bor rig par bya ste/ rnam par shes pa ni ma yin no/ /rnam par shes pa drug gang zhe na/ 'byung ba'i rgyu'i phyir mig las de 'byung ba'i phyir ro/ /de'i gnas kyi phyir mthong ba'i rten mig yin pa'i phyir ro/ /mi g.yo bar 'jug pa'i phyir/mig ni rtag tu rigs gcig pa'i phyir ro/ /rang dbang du 'jug pa'i phyir skad cig re re la 'byung ba'i rkyen tshogs pa la mi ltos pa'i phyir ro/ /mdzes par 'jug pa'i phyir des gnas mdzes pa'i phyir ro/ /lung gi phyir mig gis gzugs rnams mthong ngo zhes gsungs pa'i phyir te/ji skad du bshad pa de thams cad ni rnam par shes pa la mi srid pa'i phyir ro/ /'di ni rnam pa mang por 'byung ba'i g.yo bar 'jug pa nyid du rig par bya'o/ /ji ltar khams rnams dang / skye mched rnams la 'dus ma byas rnam par bzhag pa de bzhin du phung po rnams la ci'i phyir rnam par ma bzhag ce na/phung po'i don med pa'i phyir ro/ /gzugs la sogs pa 'das pa la sogs pa'i rnam pa dag gis bsdus te/ spungs pa'i don ni phung po'i don du bstan pa/ de ni rtag tu yod pa ma yin pas phung po rnams la 'dus ma byas rnam par mi gzhag go/ /ci'i phyir chos 'di rnams khams dang /phung po rnams dang / skye mched kyi sgo nas logs shig tu bshad ce na/ gdul bya rnams bsdus pa dang / rgyas par bstan pa la mkhas pa skyed pa'i phyir te/ 'di ltar phung po bstan pa la gzugs dang rnam par shes pa gang dag mdor bstan pa de dag khams dang skye mched rnams la rnam pa bcu gcig dang /rnam pa bdun du phye nas rgyas par bstan te/ ji ltar mthun mthun du sbyar ro/ /der tshor ba la sogs pa gang dag rgyas par bstan pa de dag ni khams dang / skye mched rnams su chos kyi khams dang / skye mched du bsdus te bstan to//yang mtshan nyid tsam du rnam par gzhag pas phung po bstan to/ /'dzin pa dang / gzung ba dang / 'dzin par byed pa rnam par gzhag pas khams bstan to/ /'dzin par byed pa skye ba'i sgor gyur pa/ gzung ba dang 'dzin pa tsam rnam par gzhag pas skye mched bstan par rig par bya'o//zhar la byung ba rdzogs so// //'di man chad ni rtsa ba'i gzhung nyid kyi don bshad par blta'o/ /mig ces sam/ mig gi khams she na/ mig gang / mig gi khams kyang de'am/ mig gi khams gang mig kyang de'am zhe na/ mig la mig gi khams ma yin pa'ang / dgra bcom pa tha ma'i mig go/ /mig gi khams la mig ma yin pa yang / sgo nga'i nang na 'dug pa dang / nur nur por gyur pa dang / mer mer por gyur pa dang / nar nar por gyur pa dang / ma'i mngal na gnas pa'i mig ma dod pa dang / mig zhar ba dang / gzugs med par skyes pa'i so so'i skye bo'i mig gi rgyu'o/ /mig yin la mig gi khams kyang yin pa'ang / de ma yin pa'i gnas skabs gzhan rnams so/ /mig ma yin la mig gi khams kyang ma yin pa'ang / phung po lhag ma med pa'i mya ngan las 'das pa'i dbyings su yongs su mya ngan las 'das pa dang /gzugs med par skyes pa'i 'phags pa'i'o/ /mig dang mig gi khams ji lta bar rna ba dang / sna dang / lce dang / lus kyi de bzhin nyid de yang ji ltar rigs par ro/ /dgra bcom pa tha ma'i mig go zhes bya ba ni yongs su mya ngan las 'das pa'i dus na tha ma ste/de ni mig gzhan gyi sgyu ma yin pas khams ma yin no/ /gzugs med par skyes pa'i so so'i skye bo'i mig gi rgyu'o zhes bya ba ni de nas 'phos te/ gzugs can gyi khams su skye ba'i mig gi sa bon kun du len pa'i rnam par shes pa la gnas pa'i phyir/'di ltar yang mig mngon par 'grub par 'gyur te/ yang phyir mi 'ong bas 'phags pa rnams kyi ni ma yin no/ /lus kyi khams yin la lus ma yin pa yang / gzugs med par skyes pa'i so so'i skye bo'i rgyu zhes bya ba 'dir brjod par bya ste/ sgo nga'i nang na 'dug pa la sogs pa ni lus yod pa'i phyir ro//lus zhig pa ni mi 'tsho ba'i phyir ro/ /yid gang yid kyi khams kyang de'am/ yid kyi khams gang yin kyang de'am/ yid la yid kyi khams ma yin pa'ang dgra bcom pa tha ma'i yid do/ /yid kyi khams la yid ma yin pa'ang 'gog pa la snyoms par 'jug pa'i yid kyi khams so//yid yin la yid kyi khams kyang yin pa'am/ de ma yin pa'i gnas skabs gzhan rnams so/ /yid ma yin pa yid kyi khams kyang ma yin pa'ang / phung po lhag ma med pa'i mya ngan las 'das pa'i dbyings su yongs su mya ngan las 'das pa'i'o//yid kyi khams yin la yid ma yin pa yod ces bya ba 'dir 'du shes med pa la snyoms par 'jug pa ma bzung ba ni nyon mongs pa can gyi yid yod pa'i phyir ro/ /gang du byung zhing skyes par gyur pa de'i sa pa nyid kyis mig gis de'i sa pa'i gzugs rnams mthong ngam/byung zhing skyes par gyur zhes lku pa ni/ grub pa dang / rgyas par gyur pa'i dbang du byas pa ste/ go rims so/ /de yi sa ba'i mig gis de'i sa pa'i gzugs rnams mthong ba yang yod/ gzhan gyis sa pa'i mthong ba'ang yod/ 'dod pa'i khams su byung zhing skyes par gyur pa/'dod pa na spyod pa'i mig gis 'dod pa na spyod pa'i gzugs rnams mthong ba dang / gzugs na spyod pa'i sa gong ma pas sa 'og ma rnams mthong ba'o/ /mig gis gzugs rnams mthong ba ji lta bar rna bas sgra yang de bzhin no/ /'dod pa'i khams su skyes par gyur pa ji lta bar gzugs kyi khams su byung zhing skyes par gyur pa yang de bzhin no//'dod pa'i khams su skyes pa'i 'dod pa na spyod pa'i sna dang / lce dang / lus kyi 'dod pa na spyod pa nyid kyi dri rnams snom mo/ /ro rnams myong ngo / /reg bya rnams la reg go/ /gzugs kyi khams su skyes par gyur pa gzugs na spyod pa'i lus kyis rang gi sa pa nyid kyi reg bya rnams la reg go//de na dri dang ro ni rang bzhin gyis med de kham gyi zas kyi 'dod chags dang bral ba'i phyir ro/ /de'i phyir sna'i rnam par shes pa dang / lce'i rnam par shes pa yang med do//'dod pa'i khams su byung zhing skyes par gyur pa 'dod pa na spyod pa'i yid kyis khams gsum ni spyod pa rnams dang / zag pa med pa'i chos rnams kyang shes so/ /'dod pa'i khams su skyes par gyur pa ji lta bar gzugs su skyes par gyur pa yang de bzhin no/ /gzugs med pa'i khams su skyes par gyur pa ni gzugs med pa na spyod pa'i yid kyis gzugs med pa na spyod pa rang gi sa pa rnams dang /zag pa med pa'i chos rnams kyang shes so/ /zag pa med pa'i yid kyis ni khams gsum na spyod pa rnams dang / zag pa med pa'i chos rnams kyang shes so zhes pa ni/ 'phags pa nyan thos kyi dbang du byas pa ste/ phyi rol pa'i so so'i skye bo ni rang gi sa pa rnams nyid rnam par shes so/ /chos 'di pa ni/ la la sngon thos pas yongs su bsgoms pa'i dbang gis sa gong ma la yang dmigs te de las skyes pa'i phyir ro/ /ci'i phyir phung po rnams go rims su brjod ce na/rnam par shes pa'i gnas nyid kyi phyir te/ rnam par shes pa'i gnas bzhi dang rnam par shes pa'o/ /yang snga ma ni phyi ma'i rten nye bar len pa'i phyir te/ gzugs ji lta ba de bzhin du myong ngo / /ji ltar tshor bar byed pa de bzhin du 'du shes su byed do/ /ji ltar 'du shes su byed pa de bzhin du sems par byed do//ji ltar sems par byed pa de bzhin du rnam par shes par byed do/ /de dang der nye bar 'gro bar 'gyur ro/ /gzugs ji lta ba de bzhin du myong ngo zhes bya ba ni/ /bde ba la sogs pa myong bar 'gyur ba'i dbang po dang yul gnyis las bde ba la sogs pa'i tshor ba 'byung ba'i phyir ro//tshor bar byed pa de bzhin du/ 'du shes su byed do zhes pa ni/ ji ltar myong ba bzhin du 'du shes kyis mtshan mar 'dzin pa'i phyir ro/ /ji ltar 'du shes su byed pa de bzhin du sems par byed do zhes bya ba ni 'du shes ji lta ba de bzhin du las mngon par 'du byed pa'i phyir ro//ji ltar sems par byed pa de bzhin du rnam par shes par byed do/ /de dang der nye bar 'gro bar 'gyur ro zhes bya ba ni/ ji ltar mngon par 'du byas pa'i yul rnams dang / 'gro ba gzhan rnams su rnam par shes par 'gyur ba'i phyir ro//yang kun nas nyon mongs pa dang / rnam par byang ba nyid nye bar len pa'i phyir te/ gang du kun nas nyon mongs pa dang / rnam par byang ba'am/ rjes su myong ba dang / mtshan mar 'dzin pa dang / mngon par 'du byed pa gang gis kun nas nyon mongs pa dang / rnam par byang ba'am/gang kun nas nyon mongs pa dang rnam par byang ba ste phung po rnams kyi go rims bstan pa ni de lta'o/ /gang du kun nas nyon mongs pa dang rnam par byang ba zhes bya ba ni dbang po dang bcas pa'i yul lo/ /rjes su myong ba gang gis zhes bya ba ni dug dang bcas pa dang /dug med pa la sogs pa dang / go rims so/ /mtshan mar 'dzin pa dang / mngon par 'du byed pa gang gis zhes bya ba ni/ tshul bzhin ma yin pa dang / tshul bzhin du 'jug pas so/ /gang kun nas nyon mongs pa dang / rnam par byang ba zhes bya ba ni/ sems gnas ngan len dang bcas pa dang / gnas ngan len med par 'byung ba'i phyir ro/ /ci'i phyir khams rnams go rims su brjod ce na/ 'jig rten gyi tha snyad kyi rjes su 'jug pa nye bar len pa'i phyir te/ 'jig rten gyi tha snyad kyi rjes su 'jug pa nye bar len pa gang / de la thog ma kho nar phan tshun blta'o//blta ba la brten nas kun du smra ba'o/ /de'i 'og tu khrus dang / byug pa dang / phreng ba la longs spyod do/ /de'i 'og tu bza' ba dang / btung ba la longs spyod do/ /de'i 'og tu mal dang / bting ba dang / bud med la yongs su spyod do/ / thams cad du rnam par rtog pa can yid kyi khams so/ /nang gi khams rnams rgyur byas nas phyi'i khams rnams go rims so/ /de'i 'og tu rnam par shes pa'i khams rnams so/ /khams kyi go rims ji lta bar skye mched rnams kyi yang de bzhin no/ /phung po'i don gang gzugs gang ci yang 'das pa dang /ma 'ongs pa dang / da ltar byung ba'am/ nang gi'am/ phyi'i 'am/ rags pa'am/ phra ba'am/ ngan pa'am/ gya nom pa'am/ rgyang ring ba'am/ thag nye ba gang / de dag thams cad gcig tu bsdus te spungs pa'i phyir gzugs kyi phung po zhes brjod do//rnam par shes pa'i phung po'i bar du'ang de bzhin te/ nor gyi phung po bzhin no/ /sred pa rnam pa bcu gcig gi skabs kyis/ gzugs la sogs pa 'das pa la sogs pa'i rnam par ma bzhag par rig par bya'o/ /de yang kha bltas pa'i sred pa dang /mngon par dga' ba'i sred pa dang / lhag par chags pa'i sred pa dang / bdag la sred pa dang / yul la sred pa dang / 'dod pa la sred pa dang / snyoms par 'jug pa'i sred pa dang / nyes par spyad pa'i sdug bsngal la sred pa dang / legs par spyad pa'i bde ba la sred pa dang / ring ba la sred pa dang / nye ba la sred pa ste/ sred pa de dag gi dmigs pa nyid kyi go rims bzhin du 'das pa la sogs pa'i rnam par sbyar bar bya'o/ /yang rnam grangs gzhan du na/ byung ba dang / ma byung ba'i bye brag dang / 'dzin pa dang / gzung ba'i bye brag dang / phyi rol du bltas pa dang / nang du bltas pa'i bye brag dang / nyon mongs pa can dang / nyon mongs pa can ma yin pa'i bye brag dang / ring ba dang nye ba'i bye brag dang / 'das pa la sogs pa dang / ji ltar mthun mthun du rig par bya'o//de la byung ba ni 'das pa dang / da ltar ro/ /ma byung ba ni ma 'ongs pa'o/ /'dzin pa ni nang gi'o/ /gzung ba ni phyi'i'o/ /phyi rol du bltas pa ni mnyam par ma bzhag pa'i'o/ /nang du bltas pa ni mnyam par bzhag pa'i'o/ /lhag ma rnams go sla bas ma bshad do/ / yang sdug bsngal shin tu rgyas pa'i mtshan nyid nye bar len pa'i phyir te/ ji skad du/ sdug bsngal gyi phung po chen po 'ba' zhig 'byung bar 'gyur ro zhes gsungs pa lta bu ste/ shing gi phung po bzhin no/ /sdug bsngal shin tu rgyas pa'i mtshan nyid nye bar len pa'i phyir zhes pa ni/gzugs la sogs pa la brten nas skye ba la sogs pa'i sdug bsngal rgyas par 'gyur ba'i phyir ro/ /yang kun nas nyon mongs pa'i khur khyer ba nyid kyi phyir te phrag khur khyer ba bzhin no/ /kun nas nyon mongs pa'i khur khyer ba nyid kyi phyir te zhes pa ni nyon mongs pa la sogs pa'i kun nas nyon mongs pa gzugs la sogs pa la brten pa'i phyir te/dper na 'jig rten na phrag pa'i khur khyer ba'i phyir/ phrag khur khyer ba bzhin no/ /lus kyi phyogs gang gis khur khyer ba de la phrag pa zhes brjod cing 'dogs te phag khur khyer ba dang mtshungs pa'i phyir ro//khams kyi don gang / chos thams cad kyi sa bon gyi don to/ /kun du len pa'i rnam par shes pa la rgyu'i dbang du byas pa'i don to/ /yang rang gi mtshan nyid 'dzin pa'i don to/ /'bras bu dang rgyu'i dngos po 'dzin pa'i don te/ 'bras bu dang rgyu'i dngos po 'dzin pa ni/khams bco brgyad po de dag la rnam par shes pa'i khams drug dang / dbang don gyi khams rnams dang go rims so/ /yang chos kyi rnam pa thams cad bsdus nas 'dzin pa'i don to/ /chos kyi rnam pa thams cad bsdus nas 'dzin pa ni mdo sde'i nang du sa'i khams la sogs pa dang /khams gzhan dag bstan pa dag kyang khams bco brgyad po 'di dag tu ji ltar mthun par bsdus par rig par bya'o/ /skye mched kyi don gang / rnam par shes pa skye ba'i sgo'i don to/ /sa bon gyi don dang / chos kyi rnam pa thams cad bsdus pa'i don ni skye mched kyi don du yang rig par bya'o//dpe gang / gzugs ni dbu ba'i gong bu lta bu'o/ /tshor ba ni chu'i chu bur lta bu'o/ /'du shes ni smig rgyu lta bu'o/ /'du byed rnams ni chu shing gi phung po lta bu'o/ /rnam par shes pa ni sgyu ma lta bu'o zhes gang gsungs pa/ ci'i phyir gzugs la sogs pa rnams ni dbu ba'i gong bu la sogs pa lta bu nyid de/bdag med pa nye bar len pa dang / gtsang ba med pa nye bar len pa dang / ro bro ba chung ba nye bar len pa dang / mi brtan cing snying po med pa nye bar len pa'i phyir ro/ /rang gi mdo'i tshig 'di rnams kyi don ni yang med pa dang /gsob dang / gsog dang / snying po med par yang bshad par rig par bya'o/ /bdag dang / gtsang ba dang / bde ba dang / rtag par phyin ci log gi gnyen po ste/ bdag med pa nye bar len pa'i phyir zhes pa la sogs pa'i tshig rnams dang go rims ltar rig par bya'o//phung po dang / khams dang / skye mched rnams kyi rab tu dbye ba gang / sdom du na/ rdzas yod shes bya gzugs can sogs/ /zag bcas byung la sogs pa dang / /'das dang rkyen la sogs pa rnams/ /ji ltar du zhig ci yi phyir/ /phung po dang khams dang skye mched rnams ji ltar na rdzas su yod/rdzas su yod pa rnams ni du/ ci'i phyir rdzas su yod par brtag /dbang po'i spyod yul brjod pa la mi ltos pa dang / de las gzhan pa la mi ltos pa ni rdzas su yod pa'o/ /thams cad kyang rdzas su yod pa'o//bdag la rdzas su mngon par zhen pa spong ba'i phyir rdzas su yod par brtag go/ /ji ltar du zhig ci'i phyir zhes dri ba rnam pa gsum rnam par 'jog pa ni mtshan nyid dang / dngos po la rmongs pa dang / sgro 'dogs pa spang ba'i phyir ro/ /de la ji ltar na rdzas su yod ces bya ba ni/rdzas su yod pa'i mtshan nyid bstan pas de la rmongs pa spong ngo / /thams cad kyang rdzas su yod pa'o zhes bya ba 'dis ni dngos po la rmongs pa spong ngo / /bdag la rdzas su mngon par zhen pa spong ba'i phyir zhes bya ba 'dis ni sgro 'dogs pa spong ngo / /de bzhin du gzhan rnams la yang sbyar bar bya'o//dbang po'i spyod yul brjod pa la mi ltos pa ni 'di lta ste/ gzugs dang tshor ba dang zhes bya ba la sogs pa lta bu ni/ ming bkra bar mi 'dzin par don gang yin pa 'dzin pa yin no/ /de las gzhan pa la mi ltos pa ni 'di lta ste/ don gzhan la mi ltos par gang du de'i blo 'byung ba ste/ji ltar gzugs la sogs pa la ltos nas bum pa la sogs pa la bum pa la sogs pa'i blo byung ba lta bu ni ma yin no/ /ji ltar na btags pa'i yod pa/ btags pa'i yod pa rnams ni du/ ci'i phyir btags pa'i yod par brtag /dbang po'i spyod yul brjod pa dang / de las gzhan pa la ltos pa dang bcas pa ni btags pa'i yod pa'o/ /thams cad kyang btags pa'i yod pa'o/ /bdag la rdzas su mngon par zhen pa spang ba'i phyir brtags pa'i yod par brtag go/ /ji ltar na kun rdzob tu yod/ kun rdzob tu yod pa rnam ni du/ci'i phyir kun rdzob tu yod par brtag/kun nas nyon mongs par 'gyur ba'i dmigs pa ni kun rdzob tu yod pa'o zhes pa ni/ kun nas nyon mongs par 'gyur ba'i dmigs pa ni kun nas nyon mongs pa 'phel ba'i phyir ro/ /thams cad kyang kun rdzob tu yod pa'o//bdag la kun nas nyon mongs pa'i rgyur mngon par zhen pa spang ba'i phyir ro/ /bdag ni kun nas nyon mongs pa'i rgyu'o snyam du mngon par zhen pa spang ba'i phyir ro/ /ji ltar na don dam par yod/ don dam par yod pa rnams ni du/ ci'i phyir don dam par yod par brtag /rnam par dag par 'gyur ba'i dmigs pa ni don dam par yod pa'o/ /rnam par dag par 'gyur ba'i dmigs pa ni don dam par yod pa ste/ ye shes dam pa'i spyod yul yin pa'i phyir ro/ /thams cad kyang don dam par yod pa'o/ /bdag la rnam par dag pa'i rgyur mngon par zhen pa spang ba'i phyir ro//thams cad kyang don dam par yod pa'o zhes bya ba ni chos thams cad de bzhin nyid las gzhan ma yin pa'i phyir ro/ /ji ltar na shes par bya ba/ shes par bya ba rnams ni du/ ci'i phyir shes par bya ba brtag /shes par bya ba ni rnam pa lnga ste/gzugs dang sems dang sems las byung ba'i chos rnams dang sems dang ldan pa ma yin pa'i 'du byed rnams dang / 'dus ma byas so/ /de la gzugs ni gzugs kyi phung po ste/ gzugs can gyi khams bcu dang / skye mched bcu dang / chos kyi khams dang / chos kyi skye mched pa'i gzugs so/ /sems ni rnam par shes pa'i phung po ste/ rnam par shes pa'i khams bdun dang / yid kyi skye mched do/ /sems las byung ba'i chos rnams ni tshor ba'i phung po dang / 'du shes kyi phung po dang mtshungs par ldan pa'i 'du byed kyi phung po dang / chos kyi khams dang /skye mched kyi phyogs gcig kyang ngo / /ldan pa ma yin pa ni ldan pa ma yin pa'i 'du byed kyi phung po dang / chos kyi khams dang / skye mched kyi phyogs gcig kyang ngo / /'dus ma byas ni chos kyi khams dang / skye mched kyi phyogs gcig go/ /gang du kun nas nyon mongs pa dang /rnam par byang ba'am/ gang kun nas nyon mongs pa dang / rnam par byang ba'am/ gang gis kun nas nyon mongs pa'am/ rnam par byang ba dang / de'i gnas skabs gang dang / rnam par byang ba gang yin pa'i dbang du byas nas thams cad kyang shes par bya'o//gang gis kun nas nyon mongs pa'am/ rnam par byang ba dang zhes bya ba ni/ sems las byung ba 'dod chags la sogs pa dang / dad pa la sogs pa rnams dang / go rims so/ /de'i gnas skabs gang ni gzugs dang / sems dang sems las byung ba'i gnas skabs dag la btags pa sems dang ldan pa ma yin pa'i 'du byed rnams so//rnam par byang ba gang yin pa zhes bya ba ni 'dus ma byas te/ de ni ci rigs su sbyar ro/ /de rnams kyi dbang du byas pas na thams cad ces bya'o/ /yang shes bya'i chos rnams ni mos pas shes pa'i spyod yul dang /rig pas shes pa'i spyod yul dang / rnam par 'phro ba med pas shes pa'i spyod yul dang / so so rang gis shes pas spyod yul dang / gzhan gyis bdag nyid shes pas spyod yul dang / 'og ma shes pas spyod yul dang / gong ma shes pas spyod yul dang / rnam par sun 'byin pa shes pas spyod yul dang /kun nas ldang ba shes pas spyod yul dang / mi skye ba shes pas spyod yul dang / shes pa shes pas spyod yul dang / mthar thug pa shes pas spyod yul dang / don chen po shes pas spyod yul lo/ /bdag la shes pa po dang / mthong ba por mngon par zhen pa spang ba'i phyir ro//yang yul gyi rnam pa bcu gsum po 'dis shes bya gang yin pa rab tu bstan te/ de dag ni thos pa las byung ba'i shes pa dang / bsams pa las byung ba'i shes pa dang / 'jig rten pa'i bsgoms pa las byung ba'i shes pa dang / don dam pa'i shes pa dang /gzhan gyi sems shes pa dang / chos shes pa dang / rjes su rtogs pa'i shes pa dang / sdug bsngal shes pa dang / kun 'byung shes pa dang / 'gog pa shes pa dang / lam shes pa dang / zad pa dang mi skye ba shes pa dang / theg pa chen po shes pa ste/ de ni go rims bzhin du mos pa'i shes pa la sogs par rig par bya'o//de la gzhan gyi sems shes pa ni gzhan gyi bdag nyid shes pa ste/ gzhan gyi bdag nyid kyi sems yul yin pa'i phyir ro/ /chos shes pa ni 'og ma shes pa ste/ bden pa rnams la thog mar 'byung ba'i phyir ro//rjes su rtogs pa'i shes pa ni gang ma shes pa ste/ chos shes pa'i 'og tu 'byung ba'i phyir ro/ /rnam par sun 'byin pa'i phyir/ kun nas mi ldang bar bya ba'i phyir/ mi skye ba'i shes pa la/ mthar thug pa la/ don chen pa la/ shes pa gang yin pa de ni rnam par sun 'byin pa'i shes pa nas/don chen po'i shes pa zhes bya ba'i bar du sbyar bar bya'o/ /don chen po ni bdag dang gzhan gyi don gyi phyir ro/ /ji ltar na rnam par shes par bya/ rnam par shes par bya ba rnams ni du/ ci'i phyir rnam par shes par bya bar brtag /rnam par mi rtog pa dang / rnam par rtog pa dang / rgyu dang / 'jug pa dang / rgyu mtshan dang / rgyu mtshan las byung ba dang / mi mthun pa dang / gnyen po dang / phra ba'i rab tu phye bas kyang rnam par shes par bya bar blta bar bya'o/ /de la rnam par mi rtog pas zhes bya ba ni rnam par shes pa'i tshogs lnga po dag gis so/ / rnam par rtog pa ni yid kyi rnam par shes pas so/ /rgyu ni len pa'i rnam par shes pa'o/ /'jug pa ni de las gzhan pa'i rnam par shes pa'o/ /rgyu mtshan ni dbang po dang don rnams so/ /rgyu mtshan las byung ba ni rnam par shes pa rnams so/ /mi mthun pa dang gnyen po ni 'dod chags dang bcas pa dang /'dod chags dang bral ba dang / zhe sdang dang bcas pa dang / zhe sdang dang bral ba zhes pa la sogs pa lta bu'o/ /phra ba'i rab tu dbye ba ni/ rnam par shes pa dka' ba'i rnam par rig pa bdun gyi bye brag gi ste/ rnam par shes par dka' ba'i rnam par rig pa bdun ni 'di lta ste/ma rig pa'i rnam par rig pa ni/ snod kyi rnam par rig pa ste/ dus thams cad du rnam pa yongs su ma chad pa'i phyir ro/ /sna tshogs kyi rnam par rig pa ni/ gcig gi rnam pa ni gcig dang / sna tshogs te/ rnam par gzhag pa dka' ba'i phyir 'di ni phra ba nyid do//lhan cig 'byung ba'i rnam par rig pa ni dus gcig tu 'byung ba'i rnam par shes pa rnams ji ltar so so rang gi yul ji lta ba bzhin du yongs su gcod pa rnam par gzhag pa dka' ba'i phyir ro/ /phra ba nyid ces bya ba ni thams cad kyi dbang du byas par rig par bya'o//mi mthun pa'i phyogs las gnyen po myur du 'byung ba'i rnam par rig pa ni/ ji ltar 'dod chags la sogs pa'i 'ching ba thams cad dang ldan pa'i sems te/ yud tsam nyid la lan cig tu 'dod chags la sogs pa dang bral bar 'gyur ro//bag chags kyi rnam par rig pa ni/ ji ltar las kun du 'byung ba rnams kyis sems las bag chags bsgo bar 'gyur ba ste/ de las bag chags gzhan pa'ang ma yin la/ de tsam nyid kyang ma yin te/ 'bras bu 'byin pa yang rim gyis 'byung ba rnyed pa'o/ /nying mtshams sbyor ba'i rnam par rig pa ni/ji ltar lus rnams du mar 'grub pa'i las kyis yongs su bsgos pa'i rnam par shes pa yod pa dang / de bzhin du 'chi ba'i dus na shin tu mi gsal ba'i tshe/ 'phral la las kyi bag chags gang yang rung ba cig sad cing rgyas nas/ 'gro ba gang yang rung ba zhig tu nying mtshams sbyor bar 'gyur ro/ /grol ba'i rnam par rig pa ni dgra bcom pa'i sems mchog tu spros pa med pa'i chos nyid thob pa de 'khor ba na 'dris pa zag pa dang bcas pa'i spyod pa'i rnam pa thams cad las yang dag par shin tu 'das pa ste/rnam pa 'dis 'jug par rnam par gzhag par dka' ba'i phyir 'dis phra ba nyid du rig par bya'o/ /thams cad kyang rnam par shes par bya'o/ /bdag la mthong ba po la sogs par mngon par zhen pa spang ba'i phyir ro/ /mthong ba po dang por bzung bas ni nyan pa po dang /snom pa po dang / myong ba po dang / reg pa po dang / rnam par shes pa po'i zhes pa 'di dag gzung bar rig par bya'o/ /ji ltar na mngon par shes par bya ba/ mngon par shes par bya ba rnams ni du/ ci'i phyir mngon par shes par bya bar brtag /kun du 'gro ba dang /rjes su thob pa dang / spyod pa la 'jug pa dang / 'ong ba dang / 'gro ba dang / nges par 'byung ba'i phyir spong ngo / /mngon par shes pa ni mngon par shes pa drug gi yul lo/ /'gro ba'i bye brag gis rab tu phye ba'i phyir rdzu 'phrul gyi mngon par shes pa ste/ de'i yul ni kun du 'gro ba'i phyir mngon par shes par bya ba nyid do//rna ba'i mngon par shes pas 'gro ba sna tshogs kyi sgra yongs su shes pas na rjes su thob pa'o/ /'dod chags dang bcas pa la sogs pa'i sems shes pa'i phyir spyod pa la 'jug pa'o/ /'das pa'i tshe rabs brgyud nas 'ongs pa shes pa'i phyir 'ong ba'o//ma 'ongs pa'i skye bar 'gyur ba shes pa'i phyir 'gro ba'o/ /khams gsum las nges par thar pa dang thabs shes pa'i phyir nges par 'byung ba'o/ /thams cad kyang mngon par shes par bya ba'o/ /thams cad kyang tha ma gsum gyi yul yin pa'i phyir ro/ /bdag mthu dang bcas par mngon par zhen pa spang ba'i phyir ro//ji ltar na gzugs can/ gzugs can rnams ni du/ ci'i phyir gzugs can du brtag /gzugs de'i bdag nyid dang / 'byung ba rten du gyur pa dang / dga' ba'i kun 'byung dang / phyogs dang bcas pa dang / yul la khyab pa dang /yul nye bar bstan du rung ba dang / yul spyod yul du gyur pa dang / gnyis spyod yul du mtshungs pa dang / 'brel pa dang / rjes su 'brel pa dang / rab tu rtog pa dang / gnod par byed pa dang / go bar byed pa dang / bsags pa rnam par gzhag pa dang / phyi rol du bltas pa dang /nang du bltas pa dang / yun ring ba dang / dus yongs su chad pa dang / de'i dus dang / nges par ston pa'i phyir yang gzugs can du blta bar bya'o/ /de la gzugs ni chos de'i bdag nyid dang / ngo bo nyid yin te/ de'i phyir gzugs can yin gyi/ gzugs can gzhan dang ldan pa'i phyir ni ma yin te/gzugs kyi ngo bo nyid ces bya ba'i bar du brjod par 'gyur ro/ /'byung ba rten du gyur pa zhes bya ba ni/ gzugs gzhan dang ldan pa'i phyir yang gzugs can nyid du ston te/ kun du len pa'i gzugs ni 'byung ba'i gzugs dang ldan pa dang / 'byung ba'i gzugs rnams kyang nang phan tshun ldan pa'i phyir ro//dga' ba kun 'byung ba zhes bya ba ni/ dga' ba nyid gang gi kun 'byung ba yin pa de gzugs can yin gyi/ ji ltar tshor ba la sogs pa'i kun 'byung ba ni sngon gyi dga' ba dang / da ltar byung ba'i reg pa la sogs pa yang yin pa lta bu ni ma yin no//phyogs dang bcas pa zhes bya ba ni cha shas dang bcas pa'i phyir ro/ /yul la khyab pa'i phyir zhes bya ba ni/ phyogs rnams su lus kyis rgyas pa'i phyir ro/ /yul nye bar bstan du rung ba'i phyir zhes bya ba ni/ phyogs che ge mo zhig na'o zhes bstan par nus pa'i phyir ro//yul spyod yul du gyur pa'i phyir zhes bya ba ni phyogs 'ga' zhig na 'dug par dmigs par 'gyur ba'i phyir ro/ /gnyis spyod yul du mtshungs pa'i phyir zhes bya ba ni/ sems can gnyis kyis mtshungs par dmigs par 'gyur ba'i phyir ro//gzugs can ma yin pa ni de lta ma yin te/ ji lta bdag gis mngon pa bzhin du gzhan dag gis shes par mi nus pa'i phyir ro/ /'brel ba'i phyir zhes bya ba ni/ mig gi rnam par shes pa la sogs pa yang brgyud pas gzugs can nyid do/ dbang po gzugs can dang 'brel pa'i phyir ro//rjes su 'brel pa'i phyir zhes bya ba ni/ gzugs med pa'i so so'i skye bo rnams la gzugs kyi sa bon rjes su 'brel ba'i phyir ro/ /rab tu rtog pa'i phyir zhes bya ba ni/ rtog pa rnams dmigs pa la rab tu rtog pa'i phyir ro/ /gnod par bya ba yin pa'i phyir zhes bya ba ni/phung po lnga po dag lag pa la sogs pas kun du reg pa dang / mya ngan la sogs pas ji ltar mthun mthun du gnod par bya ba yin zhes bya ba'i tha tshig go/ /go bar byed pa'i phyir zhes bya ba ni/ bstan pas don la rtogs pa'i phyir ro/ /bsags pa rnam par gzhag pa'i phyir zhes bya ba ni/rdul phra mo las gong ma'i gzugs cha shas dang bcas par rnam par gzhag pa'i phyir ro/ /phyi rol du bltas pa'i phyir zhes bya ba ni/ 'dod pa na spyod pa'i gzugs 'dod pa'i yon tan lnga la sred pa las byung ba'i phyir ro/ /nang du bltas pa'i phyir zhes bya ba ni/gzugs na spyod pa'i gzugs snyoms par 'jug pa'i sems sred pa las byung ba'i phyir te/ de'i phyir 'di yid las 'byung ba nyid du rig par bya'o/ /rgyun ring ba'i phyir zhes bya ba ni/ so so'i skye bo'i gzugs kyi sngon gyi mtha' dang / phyi ma'i mtha'i mu rnam par gnas pa med pa'i phyir ro//yongs su chad pa'i phyir zhes bya ba ni/ slob pa'i gzugs 'khor ba'i mthar phyin par byed pa'i phyir ro/ /de'i dus kyi phyir zhes bya ba ni/ mi slob pa'i gzugs da ltar byung ba'i srid pa tsam zhig lus pa'i phyir ro/ /nges par bstan pa'i phyir zhes bya ba ni/sangs rgyas la sogs pa'i gzugs ni kun du ston pa tsam du zad kyi grub pa med pa'i phyir ro/ /thams cad kyang gzugs can no/ /yang na ci rigs su sbyar ro/ /de la thams cad kyang gzugs can no zhes pa ni/ gnod par bya ba'i gzugs can gyi phyir ro//lhag ma rnams ni ci rigs par rig par bya'o/ /phyi rol du bltas pa la sogs pa gzugs can gyi rab tu dbye ba drug ni/ tshor ba la sogs pa dang thun mong bar rig par bya'o/ /bdag la gzugs can du mngon par zhen pa spang ba'i phyir ro/ /ji ltar na gzugs can ma yin/gzugs can ma yin pe pa rnams ni du/ ci'i phyir gzugs can ma yin par brtag /gzugs can las bzlog pa ni gzugs can ma yin par blta bar bya'o/ /thams cad kyang gzugs can ma yin pa'o/ /yang na ci rigs su sbyar ro/ /bdag la gzugs can ma yin par mngon par zhen pa spang ba'i phyir ro//thams cad ni gzugs can ma yin pa'i gzugs dang 'brel pa'i phyir ro/ /ji ltar na bstan yod/ bstan yod rnams ni du/ ci'i phyir bstan yod du brtag /mig gi yul ni bstan yod do/ /lhag ma'i rab tu dbye ba ni gzugs can yin no//ji ltar rig par gzugs de'i bdag nyid ces pa rgya cher gzugs can la bshad pa de ltar bstan yod de'i bdag nyid ni bstan du yod pa zhes rgya cher sbyar bar bya'o/ /thams cad kyang bstan yod do/ /yang na ci rigs su sbyar ro/ /de la thams cad kyang bstan du yod pa ni/bstan du yod pa dang 'brel ba la sogs pas gzugs can ma yin pa rnams kyang bstan du yod ces sbyar ro/ /bdag mig gi yul du mngon par zhen pa spang ba'i phyir ro/ /ji ltar na bstan med/ bstan med rnams ni du/ ci'i phyir bstan med du brtag /bstan yod pas bzlog pa ni bstan med du blta bar bya'o/ /thams cad kyang bstan med do/ /yang na ci rigs su sbyar ro/ /bdag mig gi yul ma yin pa la mngon par zhen pa spang ba'i phyir ro/ /ji ltar na thogs bcas/ thogs bcas rnams ni du/ci'i phyir thogs bcas su brtag /bstan du yod pa gang de thogs bcas kyang ngo / /yang rnam pa gsum gyis thogs bcas su blta bar bya ste/ rigs dang / rgyas pa dang / yongs su sbyong ba ma byas pas kyang ngo / /de la rigs ni gang phan tshun sgrib par byed pa dang /bsgrib par bya ba'o/ /'gro ba'i gegs byed pa'i phyir sgrib par byed pa zhes de tsam du bstan pas so/ /bsgrib par bya ba zhes bya ba'i tshig gis 'od la sogs pa'i gzugs thogs pa dang bcas par rnam par gzhag pa'i phyir te/ de ni bsgrib par bya ba nyid yin gyi/ sgrib par byed pa ni ma yin no/ /'di ni de'i rigs te/ 'di ni de'i rang bzhin zhes pa'i don to/ /de la rgyas pa ni rdul phra rab las gong ma'i'o/ /rdul phra rab gcig ni thogs pa med pa yin pa'i phyir ro/ /de la yongs su sbyong ba ma byas pa ni gang ting nge 'dzin gyi dbang gis ma bsgyur ba'i gzugs so//ting nge 'dzin gyi dbang gis bsgyur ba'i gzugs thogs pa med pa'i phyir te/ sems mnyam pa'i lha bzhin no/ /rdul yang rab tu 'khrugs pa'i gzhi'i gnas yin pas thogs pa dang bcas par blta bar bya'o/ /gnas sam dmigs pa gang las 'dod chags dang zhe sdang skye ba'o//thogs pa dang bcas pa'i don 'dis ni/ thams cad kyang thogs bcas so/ /yang na ci rigs su sbyar ro/ /lhag ma rnams kyis so/ /bdag thams cad du song ba ma yin pa mngon par zhen pa spong ba'i phyir ro/ /ji ltar na thogs med/thogs med rnams ni du/ ci'i phyir thogs med du brtag /thogs bcas las bzlog pa ni thogs med do/ /thams cad kyang thogs med do/ /yang na ci rigs su sbyar ro/ /bdag la thams cad du song ba por mngon par zhen pa spang ba'i phyir ro/ /ji ltar na zag bcas/zag bcas rnams ni du/ ci'i phyir zag bcas su brtag /zag pa de'i bdag nyid dang / zag pa rnams dang bcas pa nyid de/ zag pa'i ngo bo nyid dang ldan pa'i phyir ro/ /zag pa de dang 'brel ba dang / de dang lhan cig 'byung ba'i sems dang sems las byung ba rnams dang /mig la sogs pa zag pa dang bcas pa dang / gnas yin pa'i phyir go rims bzhin no/ /zag pas bcings pa dang / de dag gi dbang gis dge ba zag pa dang bcas pa rnams kyang yang srid pa 'grub par byed pa'i phyir ro/ /zag pa'i rjes su 'brel pa dang / sa pa gzhan gyi zag pa'i gnas ngan len dang ldan pa'i phyir ro//zag pa'i rjes su mthun pa dang / nges par 'byed pa'i cha dang mthun pa rnams nyon mongs pa'i gnas ngan len dang ldan du zin kyang / zag pa med pa nyid du rnam par gzhag pa'i phyir te/ srid pa thams cad la rgyab kyis bltas pas de'i gnyen po la brten pa'i phyir ro//zag pa'i rgyu las byung ba'i phyir zag bcas su blta bar bya'o/ /dgra bcom pa rnams kyi phung po rnams ni tshe rabs snga ma'i kun nas nyon mongs pa las byung ba'i phyir ro/ /nye bar len pa'i phung po lnga rnams dang / khams bco lnga dang /tha ma'i gsum ma gtogs pa'o/ /skye mched bcu dang tha ma'i gnyis ma gtogs pa'o/ /khams gsum dang / skye mched gnyis kyi phyogs ni zag bcas rnams so/ /'phags pa'i lam 'khor dang bcas pa dang / 'dus ma byas ma gtogs so/ /bdag zag bcas su mngon par zhen pa spang ba'i phyir ro//ji ltar na zag med/ zag med rnams ni du/ ci'i phyir zag med du brtag /zag bcas las log pa ni zag med du blta bar bya'o/ /nye bar len pa med pa'i phung po lnga rnams dang / khams gsum dang / skye mched gnyis kyi phyogs so//bdag zag pa dang bral bar mngon par zhen pa spang ba'i phyir ro/ /ji ltar na 'thab bcas/ 'thab bcas rnams ni du/ ci'i phyir 'thab bcas su brtag /ngo bo'i 'dod chags dang / zhe sdang dang / gti mug la brten nas mtshon cha len pa dang /dbyig pa len pa dang / 'thab pa dang / mtshang 'dru ba dang / rtsod pa dang / 'gyed pa rnams 'byung ba/ mtshon cha len pa la sogs pa ni/ 'thab pa ste/ 'dod chags la sogs pa ni rgyu yin pas 'thab pa'o/ /de'i bdag nyid dang / de dang 'brel pa dang / des bcings pa dang / de'i rjes su 'brel ba dang / de'i rjes su mthun pa dang / de'i rgyu las byung ba'i phyir 'thab bcas su blta bar bya'o/ /zag bcas ji snyed par 'thab bcas kyang de snyed do/ /de'i rjes su 'brel bar rig par bya'o/ /bdag 'thab pa dang bcas par mngon par zhen pa spang ba'i phyir ro//ji ltar na 'thab med/ 'thab med rnams ni du/ ci'i phyir 'thab med du brtag /'thab bcas las bzlog pa ni 'thab med du blta bar bya'o/ /zag med ji snyed par 'thab med kyang de snyed do/ /bdag 'thab pa dang bral bar mngon par zhen pa spang ba'i phyir ro//ji ltar na dug bcas/ dug bcas rnams ni du/ ci'i phyir dug bcas su brtag /ngo bo 'dod chags dang / zhe sdang dang / gti mug gang la brten nas/ yang srid pa'i yul la lhag par chags pa/ yang srid pa la lhag par chags pa'i gnas 'dod chags la sogs pa ni dug bcas kyi rgyu'o//yang srid pa la lhag par chags pa'i rgyu nyid zhe sdang ji lta bu ste/ rnam par byang ba'i chos la zhe sdang bas/ yang srid pa la lhag par chags pa'i phyir ro/ /de'i bdag nyid dang de dang 'brel pa dang / des bcings pa dang /de'i rjes su 'brel ba dang / de'i rjes su mthun pa dang / de'i rgyu las byung ba'i phyir dug bcas su blta bar bya'o/ /'thab bcas ji snyed par dug bcas kyang de snyed do/ /bdag dug dang ldan par mngon par zhen pa spang ba'i phyir ro/ /ji ltar na dug med/ dug med rnams ni du/ci'i phyir dug med du brtag /dug bcas las bzlog pa ni/ dug med du blta bar bya'o/ /'thab med ji snyed par dug med kyang de snyed do/ /bdag dug dang bral bar mngon par zhen pa spang ba'i phyir ro/ /ji ltar na zhen rten/ zhen rten rnams ni du/ ci'i phyir zhen rten du brtag /ngo bo 'dod chags dang / zhe sdang dang / gti mug gang la brten nas/ 'dod pa'i yon tan lnga rnams la lhag par chags pa/ 'dod pa'i yon tan lnga la lhag par chags pa'i rgyu yin pas zhen pa'o/ /zhe sdang ci 'dra ba zhig gis lhag par chags she na/mngon par 'byung ba la zhe sdang bas so/ /de'i bdag nyid dang / de dang 'brel ba dang / des bcings pa dang / de'i rjes su 'brel ba dang / de'i rjes su mthun pa dang / de'i rgyu las byung ba'i phyir zhen rten du blta bar bya'o/ /dug bcas ji snyed par zhen rten kyang de snyed do/ /bdag la zhen pa dang ldan par mngon par zhen pa spang ba'i phyir ro//ji ltar na mngon 'byung rten pa/ mngon 'byung rten pa rnams ni du/ ci'i phyir mngon 'byung rten par brtag /zhen pa rten pa las bzlog pa ni mngon 'byung rten par blta bar bya'o/ /dug med pa ni ji snyed par mngon 'byung rten pa 'ong de snyed do//bdag zhen pa dang bral bar mngon par zhen pa spang ba'i phyir ro/ /ji ltar na 'dus byas/ 'dus byas rnams ni du/ ci'i phyir 'dus byas su brtag /gang la skye ba dang / 'jig pa dang / gnas pa dang / gzhan du 'gyur ba de 'dus byas su blta bar bya'o/ / chos kyi khams dang / skye mched kyi phyogs gcig ma gtogs pa thams cad kyang 'dus byas so/ /bdag mi rtag par mngon par zhen pa spang ba'i phyir ro/ /ji ltar na 'dus ma byas/ 'dus ma byas rnams ni du/ ci'i phyir 'dus ma byas su brtag /'dus byas las bzlog pa ni 'dus ma byas su blta bar bya'o//chos kyi khams dang / skye mched kyi phyogs gcig go/ /bdag rtag par mngon par zhen pa spang ba'i phyir ro/ /nye bar len pa'i phung po ma yin pa rnams 'dus byas su zhes brjod par bya'am/ 'dus ma byas zhes brjod par bya zhe na/'dus byas su brjod par mi bya la/ 'dus ma byas su'ang brjod par mi bya'o/ /de ci'i phyir/ las dang nyon mongs pas mngon par 'dus ma byas pa nyid kyi phyir ro/ /'dus byas su brjod par mi bya la 'dod pa bzhin du byed pas mngon du phyogs pa dang rgyab kyis blta ba'i dngos po nyid kyi phyir 'dus ma byas kyang ma yin par rig par bya'o//'dod pa bzhin du byed pas mngon du phyogs pa dang / rgyab kyis blta ba ni 'dus ma byas la mi srid de/ rtag pa'i phyir ro/ /bcom ldan 'das kyis kyang / 'dus byas dang 'dus ma byas zhes bya ba 'di ni gnyis so gang gsungs pa de ji lta bu/'dus byas dang 'dus ma byas gnyis las gud na med pa'i phyir ro/ /don gang gis 'dus byas su gyur pa'i don de 'dus ma byas ma yin no/ /don gang gis 'dus ma byas su 'gyur ba'i don de nyid kyis 'dus byas ma yin te/tshul 'di ni 'dir blta bar bya'o/ /'dod pa bzhin du byed pas mngon du phyogs pa dang / rgyab kyis blta ba'i phyir 'dus byas nyid du brjod par bya'o/ /las dang nyon mongs pas mngon par 'dus ma byas pa'i phyir ro/ /'dus ma byas nyid ces bya ste/ gnyis las gud na med par brjod do//ji ltar na 'jig rten pa/ 'jig rten pa rnams ni du/ ci'i phyir 'jig rten par brtag /khams gsum par brtags pa dang / 'jig rten las 'das pa'i rjes la thob pa de ltar snang ba yang 'jig rten pa'o/ /de ltar snang ba zhes pa ni/ khams gsum par gtogs pa'i rnam pa'o/ /de bzhin nyid la sogs par snang ba ni gcig tu ma 'dres pa'i phyir 'jig rten las 'das pa'o/ /phung po rnams kyi phyogs gcig dang / yang dag pa'i lam gyis bsdus pa dang / rjes la thob pa 'jig rten las 'das par snang ba ma gtogs pa'o//de dag dang 'dus ma byas ma gtogs pa ni/ khams bco lnga dang / skye mched bcu dang / khams gsum dang / skye mched gnyis kyi phyogs so/ /bdag la 'jig rten du mngon par zhen pa spang ba'i phyir ro/ /ji ltar na 'jig rten las 'das pa/ 'jig rten las 'das pa rnams ni du/ci'i phyir 'jig rten las 'das par brtag /khams gsum pa'i gnyen po rnam par mi rtog pa ni/ 'jig rten las 'das pa ste/ phyin ci log dang / spros pa med pa'i rnam par mi rtog pas na rnam par mi rtog pa'i phyir ro/ /khams gsum pa'i gnyen po rnam par mi rtog pa ni 'phags pa'i lam mo//de yang nyan thos dang / rang sangs rgyas rnams kyi ni rtag pa la sogs pa phyin ci log bzhi'i gnyen po yin pas 'jig rten las 'das pa'o/ /phyin ci log tu rnam par mi rtog pas na rnam par mi rtog pa'o/ /byang chub sems dpa' rnams ni gzugs la sogs pa spros pa'i chos thams cad kyi gnyen po yin pas 'jig rten las 'das pa'o//spros pa'i rnam par rtog pa med pas rnam par mi rtog pa'o/ /'dus ma byas ni rtog pa thams cad kyi gzhi'i gnas ma yin pas rnam par mi rtog pa'o/ /yang rnams grangs kyis na/'jig rten las 'das pa'i rjes la thob pa yang yin te/ 'jig rten las 'das pa la brten pa'i phyir ro/ /phung po rnams dang / /khams gsum dang / skye mched gnyis kyi phyogs gcig go/ /bdag 'ba' zhig tu mngon par zhen pa spang ba'i phyir ro/ /ji ltar na byung ba/byung ba rnams ni du/ ci'i phyir byung bar brtag /'das pa dang da ltar byung ba ni byung ba'o/ /thams cad ni phyogs gcig go/ /bdag ther zug ma yin par mngon par zhen pa spang ba'i phyir ro/ /yang byung ba ni rnam pa nyi shu rtsa bzhi ste/ dang po byung ba dang / rgyun gyis byung ba dang /rgyas pa las byung ba dang / rten byung ba dang / 'gyur ba dang / 'gyur ba byung ba dang / yongs su smin par byung ba dang / nyams par byung ba dang / khyad par du byung ba dang / 'od gsal bar byung ba dang / 'od gsal ba ma yin par byung ba dang / kun du 'gro bas byung ba dang /sa bon dang bcas pa las byung ba dang / sa bon ma yin par byung ba dang / gzugs brnyan dang / dbang 'byor pa dang / nges par bstan pa'i phyir byung ba dang / gcig nas gcig tu byung ba dang / skad cig zhig nas byung ba dang / phrad pa dang bral nas byung ba dang /gnas skabs gzhan du byung ba dang / 'chi 'pho dang skye bas byung ba dang / 'jig pa dang chags pas byung ba dang / sngon gyi dus na byung ba dang / 'chi ba'i dus na byung ba dang / bar du byung ba dang / nying mtshams sbyor ba'i dus na byung ba'o/ /de la dang po byung ba ni nying mtshams sbyor ba'i dus na'o//rgyun gyis byung ba ni de phyin chad do/ /rgyas pa las byung ba ni nyal ba dang / zas dang / tshangs par spyod pa dang / snyoms par 'jug pa dang / rgyas pa rnam pa bzhi'i rgyu las byung ba'o/ /rten byung ba ni nang gi dbang po'o/ /'gyur bar byung ba ni bde ba la sogs pa'i tshor ba 'byung ba na de dang mthun par dbang por 'gyur ba'o//yongs su smin par byung ba ni/ rgas pa'i gnas skabs so/ /nyams par byung ba ni bde 'gro nas shi 'phos te ngan 'gror skye ba'o/ /khyad par du byung ba ni de las bzlog pa'o/ /'od gsal bar byung ba ni rtse bas rab tu slu ba rnams dang /yid rab tu sun 'byin pa rnams dang / 'phrul dga' ba rnams dang / gzhan 'phrul dbang byed pa rnams dang / gzugs dang gzugs med pa na spyod pa'i lha rnams dga' ba mang ba dang / longs spyod dang / gnas pa la rang gis dbang bsgyur ba'i phyir te ci rigs su sbyar ro//'od gsal ba ma yin par byung ba ni de las gzhan pa'o/ /kun du 'gro bas byung ba ni 'gro ba'i gnas skabs na'o/ /sa bon dang bcas pa las byung ba ni dgra bcom pa tha ma'i phung po ma gtogs pa'o/ /sa bon ma yin par byung ba ni phung po tha ma rnams so//gzugs brnyan dang / dbang 'byor pa dang / nges par bstan pa'i phyir byung ba ni shes bya'i dngos po dang mthun pa dang / rnam par thar pa las byung ba dang / de bzhin gshegs pa'i gzugs te/ go rims bzhin no/ /gcig nas gcig tu byung ba ni tshe rabs kyi rgyun no//skad cig zhig nas byung ba ni/ 'du byed rnams ni skad cig so so'o/ /'phrul dga' ba rnams dang / gzhan 'phrul dbang byed pa rnams skad cig gis dbang bsgyur ba'i phyir ro/ /phrad pa dang bral nas byung ba ni sdug pa dang / mi sdug pa dang / phrad pa dang bral ba'i gnas skabs dang /sems 'dod chags dang bcas pa dang / 'dod chags dang bral ba'i gnas skabs na'o/ /gnas skabs gzhan du byung ba ni mer mer po la sogs pa'i gnas skabs rnams dang / nad la sogs pa'i gnas skabs rnams su'o/ /'chi 'pho dang /skye bas byung ba ni sems can gyi 'jig rten na'o/ /'jig pa dang chags pas byung ba ni snod kyi 'jig rten no/ /sngon gyi dus na byung ba ni sngon gyi dus kyi srid pa'o/ /'chi ba'i dus na byung ba ni 'chi ba'i dus kyi srid pa'o/ /bar du byung ba ni bar ma do'i srid pa'o/ /nying mtshams sbyor ba'i dus na byung ba ni skye ba'i srid pa'o//ji ltar na ma byung ba/ ma byung ba rnams ni du/ ci'i phyir ma byung bar brtag /ma 'ongs pa dang / 'dus ma byas ni ma byung bar blta bar bya'o/ /thams cad kyi phyogs gcig go/ /bdag ther zug tu mngon par zhen pa spang ba'i phyir ro/ / yang byung ba las bzlog pa ni ma byung bar blta bar bya'o/ /ji ltar na 'dzin pa/ 'dzin pa rnams ni du/ ci'i phyir 'dzin par brtag /dbang po'i gzugs can dang / sems dang sems las byung ba rnams ni 'dzin par blta bar bya'o/ /phung po gsum dang / gzugs dang / 'du byed kyi phung po'i phyogs gcig dang /dbang po'i mtshan nyid dang / mtshungs par ldan pa'i mtshan nyid la go rims so/ /khams bcu gnyis dang / skye mched drug dang / chos kyi khams dang / skye mched kyi phyogs gcig go/ /mtshungs par ldan pa'i ngo bo nyid do/ /bdag za ba por mngon par zhen pa spang ba'i phyir ro//zab po ni 'dod pa dang / mi 'dod pa'i yul rnams dmigs par rig par bya'o/ /yang ma phrad pa dang / phrad nas 'dzin pa dang / da ltar gyi rang gi mtshan nyid so sor 'dzin pa dang / rang dang spyi'i mtshan nyid dus thams cad pa'i yul thams cad 'dzin pa yang 'dzin par blta bar bya'o//de la ma phrad par 'dzin pa ni mig dang / rna ba dang / yid do/ /phrad par 'dzin pa ni de las gzhan pa'i dbang po'o/ /da ltar gyi rang gi mtshan nyid so so ba yul so sor nges par 'dzin pa ni/ dbang po lnga las byung ba'o/ /rang dang spyi'i mtshan nyid dus thams cad pa'i yul thams cad 'dzin pa ni/dbang po drug las byung ba'o/ /tshogs rnam par shes pa 'byung ba'i phyir brtags pa can yang 'dzin par bshad par blta bar bya'o/ /rkyen tshogs na rnam par shes pa 'byung ba'i dbang du byas te/ brtags nas 'dzin pa nye bar 'dogs par rig par bya'o//yang dag pa'i don du na chos rnams byed pa med pa'i phyir ro/ /ji ltar na gzung ba/ gzung ba rnams ni du/ ci'i phyir gzung ba brtag /'dzin pa gang yin pa gzung ba'ang de bzhin no/ /mig la sogs pa yang yid kyi rnam par shes pas 'dzin pa'i phyir ro//gzung ba yin la 'dzin pa ma yin pa yang yod do/ /'dzin pa'i spyod yul gyi don no/ /'dzin pa'i spyod yul nyid ces bya ba nges par gzung ba ni/ sems las byung ba bsal ba'i phyir ro/ /bdag la thams cad yul du mngon par zhen pa spang ba'i phyir ro//ji ltar na phyi rol du bltas pa/ phyi rol du bltas pa rnams ni du/ ci'i phyir phyi rol du bltas par brtag /sangs rgyas kyi bstan pa la thos pa las byung ba dang / bsams pa las byung ba dang / de'i rjes su mthun pa'i chos sgrub pas yongs su bsdus pa'i sems dang sems las byung ba'i chos rnams ma gtogs par 'dod pa dang /rab tu ldan pa ni phyi rol du bltas pa yin no/ /thos pa dang / bsams pa las byung ba dang / de'i rjes su mthun pa'i chos sgrub pas yongs su bsdus pa ni/ phyi rol du bltas pa ma yin pa nyid de/rgyu mthun pa'i chos kyi rgyu las byung ba'i phyir ro/ /de'i dbang gis mya ngan las 'das pa la sogs pa la dmigs par blta bar bya'o/ /rgyu mthun pa'i chos ni sangs rgyas la sogs pas thugs su chud pa'i rgyu las byung ba'i bstan par rig par bya'o//khams bzhi dang / sna'i rnam par shes pa'i khams dang / dri'i khams dang / ro'i khams so/ /skye mched gnyis dang / dri dang ro'i skye mched do/ /de las gzhan pa rnams kyi phyogs gcig go/ /'dod pa'i khams kyis bsdus pa'o/ /bdag 'dod chags dang bral ba ma yin par mngon par zhen pa spang ba'i phyir ro//ji ltar na nang du bltas pa/ nang du bltas pa rnams ni du/ ci'i phyir nang du bltas par brtag /phyi rol du bltas pa las bzlog pa ni nang du bltas par blta bar bya'o/ /khams bzhi dang / skye mched gnyis ma gtogs par de las gzhan pa dag gi phyogs gcig go//bdag la 'dod chags dang bral bar mngon par zhen pa spang ba'i phyir ro/ /ji ltar na nyon mongs pa can/ nyon mongs pa can ni du/ ci'i phyir nyon mongs pa can du brtag /mi dge ba dang / bsgribs la lung du ma bstan pa ni nyon mongs pa can du blta bar bya'o//bsgribs la lung du ma bstan pa ni kun du 'gro ba'i yid dang mtshungs par ldan pa'i lhan cig skyes pa'i 'jig tshogs dang / mthar 'dzin par lta ba dang / gzugs dang gzugs med pa dang mtshungs par ldan pa'o/ /phung po rnams dang / khams bcu dang /skye mched bzhi'i phyogs gcig go/ /khams bcu zhes bya ba ni/ rnam par shes pa'i khams bdun dang / gzugs dang / sgra dang / chos kyi khams so/ /skye mched bzhi zhes bya ba ni/ gzugs dang / sgra dang / yid dang / chos kyi skye mched do/ /bdag nyon mongs pa dang / ldan par mngon par zhen pa spang ba'i phyir ro/ /ji ltar nyon mongs pa can ma yin/ nyon mongs pa can ma yin pa rnams ni du/ ci'i phyir nyon mongs pa can ma yin par brtag /dge ba dang ma bsgribs la lung du ma bstan pa ni nyon mongs pa can ma yin par blta bar bya'o/ /khams brgyad dang /skye mched brgyad dang / phung po dang / khams dang / skye mched lhag ma rnams kyi phyogs gcig go/ /bdag nyon mongs pa dang bral ba'i mngon par zhen pa spang ba'i phyir ro/ /ji ltar na 'das pa/ 'das pa rnams ni du/ ci'i phyir 'das par brtag /byung ba ni 'gags pa rang gi mtshan nyid dang /rgyu dang 'bras bu spyad zin pa dang / kun nas nyon mongs pa dang / rnam par byang bar byed pa yang dag par shin du 'das pa dang / rgyu yongs su bzung nas zhig pa dang / 'bras bu dang / rang gi mtshan nyid yod pa dang / med pa dang / dran pa'i kun du rtog pa'i mtshan ma dang /ltos pas kun nas nyon mongs pa'i mtshan ma dang / btang snyoms kyi rnam par byang ba'i mtshan ma yin pas kyang 'das par blta bar bya'o/ /de la rgyu dang 'bras bu spyad zin pa zhes bya ba ni/ skyes zin pa dang / 'gags zin pa'i phyir te go rims bzhin no/ / kun nas nyon mongs dang rnam par byang bar byed pa shin du 'das pa zhes bya ba ni/ da ltar byung ba'i 'dod chags la sogs pa dang / dad pa la sogs pa bzhin du sems kun nas nyon mongs pa dang / rnam par byang bar byed pa'i mthu med pa'i phyir ro/ /rgyu yongs su bzung nas zhig pa zhes bya ba ni bag chags gzhan nas zhig pa'i phyir ro//'bras bu dang / rang gi mtshan nyid yod pa dang / med pa zhes bya ba ni/ da ltar gyi dus na des bskyed pa'i bag chags yod pa dang / de 'jog par byed pa'i rdzas med pa'i phyir ro/ /dran pa'i kun du rtog pa la sogs pa'i mtshan ma ni dmigs pa tsam du yod par rig par bya'o//thams cad kyi phyogs gcig go/ /ma 'ongs pa dang / da ltar byung ba dang / 'dus ma byas ma gtogs pa'o/ /bdag 'jug par byed par mngon par zhen pa spang ba'i phyir ro/ /ji ltar na ma 'ongs pa dang /ma 'ongs pa rnams ni du/ ci'i phyir ma 'ongs par brtag /rgyu yod kyang ma byung ba dang / rang gi mtshan nyid ma thob pa dang / rgyu dang 'bras bu ma spyad pa dang / kun nas nyon mongs pa dang / rnam par byang ba'i dngos po nye bar dmigs pa dang / rgyu dang / rang gi mtshan nyid yod pa dang med pa dang /mngon par dga' bas kun nas nyon mongs pa'i mtshan ma dang / mngon par dga' ba med pas rnam par byang ba'i mtshan mas kyang ma 'ongs par blta bar bya'o/ /de la rgyu yod kyang ma byung ba zhes bya ba ni 'dus ma byas las bye brag tu dbye ba'i phyir te/de ni ma byung ba la rgyu dang ldan pa yang ma yin no/ /rang gi mtshan nyid ma thob pa ni rang bzhin ma grub pa'i phyir ro/ /rgyu dang 'bras bu ma spyad pa ni de'i sa bon gyi bya ba ma byas pa dang / de la ma skyes pa'i phyir ro/ /thams cad kyi phyogs gcig go/ /bdag 'jug par byed par mngon par zhen pa spang ba'i phyir ro//ji ltar na da ltar byung ba/ da ltar byung ba rnams ni du/ ci'i phyir da ltar byung bar brtag /byung ba ma 'gags pa'i rang gi mtshan nyid dang / rgyu dang 'bras bu spyad zin pa dang / spyad ma zin pa dang / kun nas nyon mongs pa dang / rnam par byang ba'i byed pa nye bar gnas pa dang /'das pa dang ma 'ongs par rab tu gzhag pa'i rgyu dang / byed pa nye bar gnas pas kyang da ltar byung bar blta bar bya'o/ /rgyu dang 'bras bu spyad zin pa dang / spyad ma zin pa zhes bya ba ni yang mi 'grub pa dang / yod pa'i phyir ro/ / 'das pa dang ma 'ongs pa rab tu bzhag pa'i rgyu zhes bya ba ni da ltar byung ba la brten te/ 'das pa dang ma 'ongs pa brtags pa'i phyir te/ gang de'i gnas skabs thob par 'gyur ba de ni ma 'ongs pa'o/ /gang thob zin pa de ni 'das pa'o/ /byed pa nye bar gnas pas kyang zhes bya ba ni/mig la sogs pa ni rnam par shes pa'o/ /gnas la sogs pa ni yod pa'i phyir ro/ /thams cad kyi phyogs gcig go/ /bdag 'jug par byed par mngon par zhen pa spang ba'i phyir ro/ /'das pa la sogs pa bshad pa'i skabs kyis 'di yang ston te/ci'i phyir bcom ldan 'das kyis 'das pa la sogs pa ni gsum po nyid gtam gyi gzhi rnam par gzhag ce na/ 'das pa dang / ma 'ongs pa dang / da ltar byung ba ni gtam gyi gzhi yin no/ /mya ngan las 'das pa ni ma yin te/ so so rang gis rig par bya ba dang / brjod du med pa nyid dang / byung ba dang 'byung ba dang / da ltar gyi tha snyad kyi gnas ma yin pa'i phyir ro/ /ci'i phyir mya ngan las 'das pa ma yin/ mya ngan las 'das pa ni so so rang gis rig par bya ba dang / brjod du med pa nyid kyi phyir te/ ji ltar yang brjod par mi nus pa'i phyir zhes bya ba'i don to//byung ba dang 'byung ba dang da ltar gyi mthong ba dang / thos pa dang / bye brag phyed pa dang / rnam par shes pa'i tha snyad rnams kyi gnas yin pa'i phyir ro/ /ji ltar na dge ba/ dge ba rnams ni du/ ci'i phyir dge bar brtag /ngo bo nyid dang /'brel pa dang / rjes su 'brel pa dang / slong ba dang / don dam pa dang / skye bas thob pa dang / sbyor ba dang / mdun du byas pa dang / phan 'dogs pa dang / yongs su 'dzin pa dang / gnyen po dang / nye bar zhi ba dang / rgyu mthun pas kyang dge bar blta bar bya'o//phung po rnams dang / khams bcu dang / skye mched bzhi'i phyogs gcig go/ /de la khams bcu zhes bya ba ni/ rnam par shes pa'i khams rnams dang / gzugs dang / sgra dang / chos kyi khams so/ /skye mched bzhi zhes bya ba ni gzugs dang / sgra dang /yid dang / chos kyi skye mched do/ /bdag chos dang ldan par mngon par zhen pa spang ba'i phyir ro/ /ngo bo nyid kyis dge ba gang / dad pa la sogs pa sems las byung ba'i chos bcu gcig go/ /'brel bas dge ba gang / dad pa la sogs pa de dang mtshungs par ldan pa'i chos rnams so//rjes su 'brel bas dge ba gang / de dag nyid kyi bag chags gang yin pa'o/ /slong bas dge ba gang / de kun nas bslang ba'i lus dang ngag gi las so/ /don dam pas dge ba gang / de bzhin nyid do/ /skye bas thob pas dge ba gang / dge ba'i chos 'di dag nyid sngon goms par byas pa la brten nas/de'i ngo bo'i rnam par smin pa mngon par 'grub pa ste/ de dag nyid las des rang bzhin gyis so sor ma brtags par 'dod pa kun du gnas pa'o/ /de dag nyid la zhes bya ba ni dad pa la sogs pa'o/ /rang bzhin gyis so sor ma brtags pa zhes bya ba ni/ rang gi ngang gis te dge ba'i bshes gnyen la sogs pa'i stobs kyis ni ma yin zhes bya ba'i don to//'dod pas kun du gnas pa'o zhes bya ba ni/ skye bas thob pa'i 'dod pa 'ba' zhig ma yin gyi/ dad pa la sogs pa dang lhan cig tu'o/ /sbyor bas dge ba gang / skyes bu dam pa la brten pa dang / dam pa'i chos nyan pa dang /tshul bzhin du yid la byed pa dang / chos kyi rjes su mthun pa'i chos bsgrubs pa la brten nas dge ba bsgom pa'o/ /dge ba bsgom pa'o zhes bya ba ni thos pa la sogs pa thams cad dge ba'i chos rnams su rig par bya'o/ /mdun du byas pas dge ba gang / gang de bzhin gshegs pa'am/mchod rten nam/ gzugs su byas pa'am/ ri mor bris pa'am/ mdun du byas pa'am/ chos sam chos kyi gzhi glegs bam bdun du byas te/ mchod pa'i las byed pa'o/ /phan 'dogs pas dge ba gang / gang bsdu ba'i dngos po bzhi po rnams kyis sems can la phan 'dogs pa'o//yongs su 'dzin par dge ba gang / gang sbyin pa las byung ba'i bsod nams bya ba'i dngos po'am/ tshul khrims las byung ba'i mtho ris su skye ba yongs su 'dzin pa'am/ phyug po dang rigs mthon por skye ba yongs su 'dzin pa'am/ rnam par byang ba'i chos dang mthun pa yongs su 'dzin pa'o/ /mtho ris dang / phyug po'i rigs su skye ba yongs su 'dzin pa gnyis ni/ mngon par mtho ba'i rgyu ston to/ rnam par byang ba'i chos dang mthun pa yongs su 'dzin pas ni/ mya ngan las 'das pa thob pa'i rgyu ston to//gnyen pos dge ba gang / gang rnam par sun 'byin pa'i gnyen po dang / spang ba'i gnyen po dang / gzhi'i gnyen po dang / thag bsring ba'i gnyen po dang / rnam par gnon pa'i gnyen po dang / bral ba'i gnyen po dang / nyon mongs pa'i sgrib pa'i gnyen po dang / shes bya'i sgrib pa'i gnyen po'o/ /rnam par sun 'byin pa'i gnyen po la sogs pa 'di rnams slar 'chad par 'gyur ro/ /nye bar zhi bas dge ba gang / gang 'dod chags mtha' dag spong ba dang / zhe sdang mtha' dag spong ba dang / gti mug mtha' dag spong ba dang / nyon mongs pa mtha' dag spong ba dang / 'du shes dang tshor ba 'gog pa dang / phung po lhag ma dang bcas pa dang / phung po lhag ma med pa'i mya ngan las 'das pa'i dbyings dang / mi gnas pa'i mya ngan las 'das pa'o/ /rgyu mthun pas dge ba gang / nye bar zhi ba thob pa de'i dbang gis yon tan khyad par can 'jig rten pa dang /'jig rten las 'das pa'i mngon par shes pa la sogs pa dang / thun mong pa dang / thun mong ma yin pa rnams so/ /ji ltar na mi dge ba/ mi dge ba rnams ni du/ ci'i phyir mi dge bar brtag /ngo bo nyid dang / 'brel ba dang / rjes su 'brel ba dang /slong ba dang / don dam pa dang / skye bas thob pa dang / sbyor ba dang / mdun du bya ba dang / gnod par byed pa dang / yongs su 'dzin pa dang / mi mthun pa'i phyogs dang / yongs su gcod pas kyang mi dge bar blta bar bya'o/ /phung po rnams dang / khams bcu dang /skye mched bzhi'i phyogs gcig go/ /bdag chos ma yin pa dang ldan par mngon par zhen pa spong ba'i phyir ro/ /ngo bo nyid kyis mi dge ba gang / yid dang mtshungs par ldan pa dang / gzugs dang gzugs med pa na spyod pa'i nyon mongs pa ma gtogs par de las gzhan pa'i nyon mongs pa dang /nye ba'i nyon mongs pa dang / nyes spyod kun nas slong ba'o/ /de yang 'dod pa na spyod pa'i rang 'khrungs ma yin pa gang yin pa dang / rang 'khrungs pa las ni nyes par spyod pa kun nas slong ba gang yin pa de ni mi dge ba'o//de las gzhan pa ni/ bsgribs pa'i lung du ma bstan par rig par bya'o/ /'brel bas mi dga' gang / nyon mongs pa dang nye ba'i nyon mongs pa de dag dang mtshungs par ldan pa'i chos rnams so/ /rjes su 'brel bas mi dge ba gang / de dag nyid kyi bag chags so//slong bas mi dge ba gang / des kun nas slong ba'i lus dang / ngag gi las so/ /don dam pas mi dge ba gang / 'khor ba thams cad do/ /skye bas thob pa'i mi dge ba gang / 'di lta ste/ mi dge ba goms par byas pas de'i ngo bo'i rnam par smin pa mngon par grub pa ste/des mi dge ba nyid la 'dod pas kun nas gnas pa'o/ /sbyor bas mi dge ba gang / 'di lta ste/ skyes bu dam pa ma yin pa la brten pa dang / dam pa'i chos ma yin pa nyan pa dang / tshul bzhin ma yin pa yid la byed pa la brten nas lus kyis nyes par spyad pa spyod pa dang /ngag dang yid kyis nyes par spyad pa spyod pa'o/ /mdun du byas pas mi dge ba gang / 'di lta ste/ lha'i ris gang yang rung ba la brten pa mdun du byas nas 'tshe ba sngon du btang ba'am/ lta ba ngan pa sngon du btang nas lha rten byed pa dang / gang du skye bo phal po che bsod nams ma yin par sbyor ba de mchod pa'i las la sbyor ba'o//de la 'tshe ba sngon du zhes pa ni/ gang lug dang / ma he la sogs pa gsod pa'o/ /lta ba ngan pa sngon du btang nas bsod nams 'dod pa dang / mchog 'dod pa'i phyir ro/ /gang du zas mi za ba la sogs pas nyon mongs pas der lha rten byed pa'o//gnod par byed pas mi dge ba gang / 'di lta ste/ sems can rnams la lus dang ngag dang yid kyis log par byed pa'o/ /yongs su 'dzin pas mi dge ba gang / 'di lta ste/ lus kyis nyes par spyad pa spyod pa'am/ ngag dang yid kyis nyes par spyad pa spyod pa yang /ngan 'gro 'am bde 'gror 'bras bu mi 'dod pas 'phen pa'am/ yongs su rdzogs par byed pa 'dzin pa'o/ /'phen pa'am yongs su rdzogs par byed pa ni/ ngan 'gro'i dbang du byas nas 'phen pa'o/ /bde 'gror yongs su rdzogs par byed pa nyid de/gang gis der skyes nas dbul ba la sogs pa'i sdug bsngal myong bar 'gyur ba ni/ yongs su rdzogs par byed pa zhes bya'o/ /mi mthun pa'i phyogs kyis mi dge ba gang / gnyen po'i mi mthun pa'i phyogs kyi chos gang yin pa dag go/ /bar du gcod pas mi dge ba gang /dge ba'i bar chad byed pa'i chos gang yin pa dag go/ /de ni yang tshogs kyi nang du 'du ba la sogs pa'o/ /ji ltar na lung du ma bstan pa lung du ma bstan pa rnams ni du/ ci'i phyir lung du ma bstan par brtag /ngo bo nyid dang / 'bral ba dang / rjes su 'brel ba dang /slong ba dang / don dam pa dang / skye bas thob pa dang / sbyor ba dang / mdun du byas pa dang / phan 'dogs pa dang / nye bar spyad pa dang / yongs su 'dzin pa dang / gnyen po dang / nye bar zhi ba dang / rgyu mthun pas kyang lung du ma bstan par blta bar bya'o/ / khams brgyad dang / skye mched brgyad dang / phung po dang / khams dang / skye mched lhag ma rnams kyi phyogs gcig go/ /de la khams brgyad ces bya ba ni/ mig dang / rna ba dang / sna dang / lce dang / lus dang / dri dang / ro dang / reg bya'i khams so/ /skye mched brgyad ni/ de rnams nyid do/ /bdag la chos dang / chos ma yin pa dang bral bas mngon par zhen pa spang ba'i phyir ro/ /ngo bo nyid kyis lung du ma bstan pa gang / khams dang skye mched gzugs can brgyad dang mtshungs par ldan pa dang bcas pa'i yid dang / srog gi dbang po dang /ris mthun pa dang / ming gi tshogs dang / tshig gi tshogs dang / gsal byed kyi tshogs so/ /'brel pas lung du ma bstan pa gang / sdang ba yang ma yin/ dang ba yang ma yin pa'i sems su gyur pa'i ming dang / tshig dang / gsal byed dang / de dag nyid kyis yongs su zin pa'i sems dang sems las byung ba'i chos rnams so/ /sdang ba yang ma yin dang ba yang ma yin pa'i sems su gyur pa zhes bya ba ni/ dge ba dang mi dge ba las bzlog par ston to/ /de dag nyid kyis yongs su zin pa zhes bya ba ni/ de'i rnam par yid kyis brjod pa'i sgo nas 'jug pa'i phyir ro//rjes su 'brel bas lung du ma bstan pa gang / de dag nyid brjod pa'i bag chags so/ /ming gi tshogs la sogs pa phyi ma la mngon par brjod pa 'byung bar bya ba'i phyir sems la bag chags bsgos pa'o/ /slong bas lung du ma bstan pa gang /de dag nyid kyis yongs su zin pa'i sems dang sems las byung ba'i chos rnams kyis gang kun nas slong ba'i lus dang ngag gi las so/ /sdang ba yang ma yin dang ba yang ma yin pa'i sems kyi ming la sogs pa mngon par brjod pa'i rnam pa rnams kyis kun nas bslang ba'o//don dam pas lung du ma bstan pa gang / nam mkha' dang so sor ma brtags pa'i 'gog pa'o/ /skye bas thob pa'i lung du ma bstan pa gang / mi dge ba'i chos rnams dang / dge ba zag pa dang bcas pa'i chos rnams kyi rnam par smin pa'o//sbyor bas lung du ma bstan pa gang / nyon mongs pa can yang ma yin la/ dge ba yang ma yin pa'i sems dang ldan pa'i spyod lam mam bzo'i gnas so/ /nyon mongs pa can yang ma yin/ dge ba yang ma yin pa'i sems dang ldan pa'i spyod lam mam/ bzo'i gnas zhes bya ba ni gal te nyon mongs pa can yang ma yin la/dge ba yang ma yin pa'i sems su gyur na/ de la spyod lam la sogs pa lung du ma bstan par 'gyur ro/ /gzhan du na dge ba'am mi dge bar 'gyur te/ ci rigs su sbyar ro/ /mdun du byas pas lung du ma bstan pa gang /'di lta ste/ lha'i rigs gang yang rung ba la brten pa mdun du byas nas 'tshe ba'am lta ba ngan pa rnam par spangs pa ste/ lha rten byed pa dang / gang du skye bo phal po che bsod nams kyang mi skyed la/ bsod nams ma yin pa yang mi skyed par lha rten 'dzugs pa'o/ /phan 'dogs pas lung du ma bstan pa gang /'di lta ste/ bran dang / gla mi dang / las byed pa rnams sam/ bu dang chung ma rnams la sdang ba spang ba yin no/ /dad pa yang ma yin pa'i sems kyis sbyin pa byin pa'o/ /nye bar spyad pas lung du ma bstan pa gang / 'di lta ste/ so sor brtags pa ma yin la nyon mongs pa can yang ma yin pa'i sems kyis longs spyod rnams spyad pa'o//'di lta ste/ so sor brtags pa ma yin pa zhes bya ba ni dge ba las bye brag tu byed do/ /nyon mongs pa can ma yin pa'i sems kyis zhes bya ba ni/ mi dge ba la bye brag tu 'byed do//yongs su 'dzin pas lung du ma bstan pa gang / 'di lta ste/ bzo'i gnas la goms pa'i phyir ma 'ongs pa na de'i ngo bo'i lus yongs su 'dzin par byed pa ste/ des myur ba myur bar bzo'i gnas de nyid la bslab pa mthar phyin par 'gyur ro/ /yongs su 'dzin pas lung du ma bstan pa zhes bya ba'o//bzo'i gnas la goms pa'i bag chags kyis de lta bu'i lus yongs su 'dzin pa'i phyir ro/ /gnyen pos lung du ma bstan pa gang / 'di lta ste/ so sor ma brtags pas sman bsten pa'o/ /nad kyi gnyen po'i phyir ro/ /nye bar zhi bas lung du ma bstan pa gang /gzugs dang gzugs med pa na spyod pa'i nyon mongs pa ste/ zhi gnas dang ldan pa'i phyir ro/ /rgyu mthun pas lung du ma bstan pa gang / sprul pa'i sems dang lhan cig skyes pa'o/ /rgyu mthun pas lung du ma bstan pa sprul pa'i sems dang lhan cig skyes pa zhes pa ni/sems dang sems las byung ba gang gis rtse ba'i phyir sprul pa sprul pa ste/ sems can la phan pa'i phyir na/ dge bar rig par bya'o/ /yang bstan pas kyang dge ba dang / mi dge ba dang / lung du ma bstan par bya ste/ de yang gang / gang sangs rgyas rnams dang / byang chub sems dpa' pha rol tu phyin pa thob pa rnams kyis sems can la phan gdags pa'i phyir ston pa ste/ de na de dag de bzhin du yongs su grub pa ni gang yang med do/ /bstan pas kyang dge ba la sogs pa ni gang sangs rgyas la sogs pas 'dul ba'i don gyi dbang gi phyir kun du ston pa'o//mi dge ba ji ltar ston ce na/ chom rkun la sogs par sprul nas/ de las gzhan pa'i sems can 'jigs par bya ba'i phyir lag pa dang rkang pa gcod pa la sogs pa kun du ston pa'i phyir ro//ji ltar na 'dod pa dang rab tu ldan pa/ 'dod pa dang rab tu ldan pa rnams ni du/ ci'i phyir 'dod pa dang ldan par brtag /'dod pa la 'dod chags dang ma bral ba'i dge ba zag bcas dang / mi dge ba dang lung du ma bstan pa ni 'dod pa dang rab tu ldan par blta bar bya'o//'dod chags dang ma bral ba zhes bya ba ni/ 'dod chags dang bral ba nyid kyi phyogs tsam dang yang mi ldan pa ste/ ting nge 'dzin mthong ba zhes bya ba'i tha tshig go/ /gzhan du na ni mi lcogs pa med pa 'dod pa dang rab tu ldan par 'gyur ro/ /ting nge 'dzin thob ma thag tu spong ba la mngon par dga' ba'i mi mthun pa'i phyogs su gyur ba'i gnas ngan len spang ba'i phyir/'dod chags dang bral ba nyid kyi phyogs su yod par rig par bya'o/ /phyi rol gyi gzugs la sogs pa ni/ 'dir 'dod chags dang ma bral ba'i las kyi dbang gis grub pa'i phyir/'dod pa dang rab tu ldan no/ /sems can thams cad kyi thun mong gi las kyi dbang gis byung ba zhes bya ba gsungs na/ gzugs dang / gzugs med pa na spyod pa rnams na yang 'dod chags dang ma bral ba'i las kyi sa bon yod pa'i phyir ro/ /khams bzhi dang /dri dang / ro dang / sna dang / lce'i rnam par shes pa'i khams so/ /skye mched gnyis dang / dri dang ro'i skye mched do/ /de las gzhan pa'i phung po dang / khams dang / skye mched rnams kyi phyogs gcig go/ /gzugs dang / gzugs med pa na spyod pa dang /zag pa med pa ma gtogs pa'o/ /bdag 'dod pa la 'dod chags dang ma bral bar mngon par zhen pa spang ba'i phyir ro/ /ji ltar na gzugs dang rab tu ldan pa/ gzugs dang rab tu ldan pa rnams ni du/ ci'i phyir gzugs dang rab tu ldan par brtag /'dod pa la 'dod chags dang bral la/gzugs la 'dod chags dang ma bral ba'i dge ba dang / lung du ma bstan pa'i gzugs dang / rab tu ldan par blta bar bya'o/ /khams bzhi dang / skye mched gnyis ma gtogs pa bshad ma thag pa rnams so/ /de las gzhan pa'i phung po dang /khams dang / skye mched rnams dang phyogs gcig go/ /'dod pa dang gzugs med pa na spyod pa zag pa med pa ma gtogs pa'o/ /bdag 'dod pa la 'dod chags dang bral bar mngon par zhen pa spang ba'i phyir ro/ /ji ltar na gzugs med pa dang rab tu ldan pa/ gzugs med pa dang rab tu ldan pa rnams ni du/ ci'i phyir gzugs med pa dang rab tu ldan pa la brtag /gzugs la 'dod chags dang bral la/ gzugs med pa la 'dod chags dang ma bral ba'i dge ba dang / lung du ma bstan pa ni gzugs med pa dang rab tu ldan par blta bar bya'o//phung po bzhi dang tshor ba la sogs pa'o/ /khams gsum dang yid dang / chos dang / yid kyi rnam par shes pa'i khams so/ /skye mched gnyis kyi phyogs so/ /yid dang chos kyi skye mched do/ /'dod pa dang gzugs na spyod pa dang / zag pa med pa ma gtogs pa'o//bdag gzugs la 'dod chags dang bral bar mngon par zhen pa spang ba'i phyir ro/ /yang 'dod chags dang bral ba nyid ni phyogs gcig la 'dod chags dang bral ba nyid dang / mtha' dag la 'dod chags dang bral ba nyid dang / 'jig tshogs kyi 'dod chags dang bral ba nyid dang /rtogs pas 'dod chags dang bral ba nyid dang / gnon pa'i 'dod chags dang bral ba nyid dang / legs par ston pa'i 'dod chags dang bral ba nyid du blta bar bya'o/ /de la phyogs gcig la 'dod chags dang bral ba nyid ces bya ba ni/ sa'i dbang du byas pa ste/sa brgyad pa'i bar du nyon mongs pa'i rnam pa spang ba'i phyir ro/ /mtha' dag la 'dod chags dang bral ba nyid ces bya ba ni/ dgu ba'i spang pa'i phyir ro/ /yang 'jig tshogs la 'dod chags dang bral ba nyid kyi dbang du byas nas slob pa ni phyogs gcig la 'dod chags dang bral ba nyid do//mi slob pa ni mtha' dag la 'dod chags dang bral ba nyid du rig par bya'o/ /rtogs pas 'dod chags dang bral ba nyid ces bya ba ni mthong ba'i lam gyis so/ /gnon pa'i 'dod chags dang bral ba nyid ces bya ba ni/'jig rten pa'i lam gyis so/ /legs par ston pa'i 'dod chags dang bral ba nyid ces bya ba ni/ 'jig rten las 'das pa'i lam nyid kyis 'dod chags dang bral ba nyid du rig par bya'o/ /yang 'dod chags dang bral ba nyid bcu ste/ rang bzhin gyis 'dod chags dang bral ba nyid dang /gnod pas 'dod chags dang bral ba nyid dang / nye bar bstan pas 'dod chags dang bral ba nyid dang / phul du byung bas 'dod chags dang bral ba nyid dang / rmongs pas 'dod chags dang bral ba nyid dang / gnyen pos 'dod chags dang bal ba nyid dang / yongs su shes pas 'dod chags dang bral ba nyid dang /spong bas 'dod chags dang bral ba nyid dang / gong ma dang bcas pa'i 'dod chags dang bral ba nyid dang / gong na med pa'i 'dod chags dang bral ba nyid do/ /'dir 'dod chags dang bral ba rnam pa bcu ni mi 'phrod par 'dzin pa'i don ni 'dod chags dang bral ba nyid kyi don du rig par bya'o//gdon mi za bar spong ba'i don du ni ma yin no/ /rang bzhin gyis 'dod chags dang bral ba ni rang bzhin gyis 'dod chags dang bral ba ste/ ji srid du spangs pas 'dod chags dang bral ba ni spangs pa'i 'dod chags dang bral ba zhes pa lta bu'i tshig rnam par gzung bar bya ba'i rigs su rig par bya'o//rang bzhin gyis 'dod chags dang bral ba nyid gang / sdug bsngal gyi tshor ba dang / sdug bsngal gyi tshor ba'i gnas kyi chos rnams la gang mi 'phrod par 'dzin pa nyid do/ /gnod pas 'dod chags dang la ba nyid gang /'khrig pas zhugs pa gdung ba dang bral nas/ gang mi 'phrod par 'dzin pa nyid do/ /nye bar bstan pas 'dod chags dang bral ba nyid gang / 'grangs par zos pa zas zhim po la yang gang mi 'phrod par 'dzin pa nyid do/ /phul du byung bas 'dod chags dang bral ba nyid gang /thabs shin tu chen po thob pas thabs dmar ba la gang mi 'phrod par 'dzin pa nyid do/ /ji ltar 'jig rten na thabs shin tu che bas grong khyer gyi gtso bo la sogs pa'i gnas thob nas grong dpon la sogs pa'i gnas dman pa la mi 'phrod par shes pa lta bu'o/ /rmongs pas 'dod chags dang bral ba nyid gang /byis pa rnams mya ngan las 'das pa gang mi 'phrod par 'dzin pa nyid do/ /de la zhi ba nyid du mi shes pa gang / bdag 'jig tshogs la mngon par chags pa'i phyir ro/ /gnyen pos 'dod chags dang bral ba nyid gang / 'jig rten pa'am/'jigs rten las 'das pas lam gyi nyon mongs pa spang ba gang yin pa'o/ /yongs su shes pas 'dod chags dang bral ba nyid gang / mthong ba'i lam thob pa khams gsum pa la gang mi 'phrod par 'dzin pa nyid do/ /mthong ba'i lam thob pas khams gsum pa la zhes bya ba ni/'du byed sdug bsngal ba nyid du yongs su shes pa dang ldan pa zag pa dang bcas pa'i dngos po thams cad la yid 'byung ba'i phyir ro/ /spong bas 'dod chags dang bral ba nyid gang / sa dang sar nyon mongs pa rab tu spong ba'i mi mthun par 'dzin pa nyid gang yin pa'o//gong ma dang bcas pa'i 'dod chags dang bral ba nyid gang / 'jig rten pa dang nyan thos dang rang sangs rgyas rnams kyi 'dod chags dang bral ba nyid gang yin pa'o/ /gong na med pa'i 'dod chags dang bral ba nyid gang / sangs rgyas dang byang chub sems dpa' rnams kyi 'dod chags dang bral ba nyid gang yin pa ste/sems can rnams la phan pa dang bde ba'i gnas yin pa'i phyir ro/ /ji ltar na slob pa/ slob pa rnams ni du/ ci'i phyir slob par brtag /thar pa la brtson pa'i dge ba ni slob par blta bar bya'o/ /tshogs bsags pa'i gnas skabs nas bzung ste/thar bar bya ba'i phyir brtson par rig par bya'o/ /tshogs bsags pa'i gnas skabs ni/ mngon par 'gro bar thar pa'i cha dang mthun par rig par bya'o/ /phung po rnams dang / khams bcu dang / rnam par shes pa'i khams bdun dang /gzugs dang / sgra dang / chos rnams so/ /skye mched bzhi'i phyogs so/ /gzugs dang / sgra dang / yid dang / chos kyi skye mched rnams so/ /bdag thar pa brtson par mngon par zhen pa spangs pa'i phyir ro/ /ji ltar na mi slob pa/ mi slob pa rnams ni du/ ci'i phyir mi slob par brtag /bslab pa mthar phyin pa'i dge ba ni mi slob par blta bar bya'o/ /slob pa mthar phyin zhes pa ni lhag pa'i tshul khrims dang / lhag pa'i sems dang / lhag pa'i shes rab kyi bslab pa rnams mthar phyin zhes pa'i don no/ /phyung po rnams dang / khams bcu dang /skye mched bzhi'i phyogs so/ /bdag grol bar mngon par zhen pa spang ba'i phyir ro/ /ji ltar na slob pa yang ma yin/ mi slob pa yang ma yin/ slob pa yang ma yin mi slob pa yang ma yin pa rnams ni du/ ci'i phyir slob pa yang ma yin mi slob pa yang ma yin par brtag /so so'i skye bo'i dge ba dang / mi dge ba dang / lung du ma bstan pa dang / thar pa la brtson pa ma gtogs pa ste/ de ni bslab pa la slob par brjod par bya'o/ /slob pa'i nyon mongs pa can dang / lung du ma bstan pa dang / 'di la nyon mongs pa can ni mi dge ba'o/ /ji ltar rigs par lung du ma bstan pa ni/bsgribs pa'i lung du ma bstan du rig par bya'o/ /mi slob pa'i lung du ma bstan pa dang / ma bsgribs pa'i lung du ma bstan par rig par bya'o/ /'dus ma byas ni slob pa yang ma yin mi slob pa yang ma yin par blta bar bya'o/ /khams brgyad dang / skye mched brgyad dang / de las gzhan pa'i phung po dang / khams dang / skye mched kyi phyogs so/ /bdag grol ba ma yin par mngon par zhen pa spang ba'i phyir ro/ /ji ltar na mthong bas spang bar bya/ mthong bas spang bar bya ba rnams ni du/ ci'i phyir mthong bas spang bar bya bar brtag / nyon mongs pa can gyi lta ba yongs su brtag pa rnams dang / dam pa'i chos ma yin pa nyan pa la sogs pa'i sngon du 'gro ba'i lta ba lnga po dag go/ /yongs su brtag pa bzung ba ni lhan cig skyes pa'i 'jig tshogs dang / mthar 'dzin par lta ba bsal ba'i phyir ro/ /mthar 'dzin par lta ba lhan cig skyes pa ji lta bu zhe na/mngon par rtogs pa la zhugs pa'i nga'i bdag gang yin zhes skrag pa gang las byung ba'o/ /the tshom dang / lta ba'i gnas dang / lta ba dang lhan cig 'byung ba'i chos rnams dang / de'i sa bon ni/ the tshom gyi gnas kyang de bzhin du rig par bya'o/ /the tshom gyi gnas dang / lta ba log par zhugs pa'i nyon mongs pa dang /nye ba'i nyon mongs pa gang rnams dang / lta ba'i sgo nas zhugs pa dang / de la dmigs pa 'dod chags la sogs pa gang rnams so/ /gang yang lta bas kun nas bslang ba'i lus kyi las dang / ngag gi las dang / ngan song ba'i phung po dang /khams dang / skye mched thams cad ni mthong bas spong bar bya bar blta bar bya'o/ /thams cad kyi phyogs gcig go/ /bsgom pas spang bar bya ba dang / zag pa med pa ma gtogs pa'o/ /bdag mthong ba phun sum tshogs par mngon par zhen pa spang ba'i phyir ro/ / ji ltar na bsgom pas spang bar bya ba/ bsgom pas spang bar bya ba rnams ni du/ ci'i phyir bsgom pas spang bar bya bar brtag /mthong ba'i lam thob pa ste/ yan chad kyi mthong bas spang bar bya ba las bzlog par bag pa dang bcas pa'i chos rnams so/ /nyon mongs pa can gyi lta ba yongs su brtag pa las gzhan ni zag pa dang bcas pa rnams zhes bya ba'i don to//'dir ni zag pa dang bcas pa bzung bas nges par 'byed pa'i cha dang mthun pa rnams kyang bsdu bar rig par bya ste/ gnas ngan len rjes su 'brel pa'i phyir ro/ /thams cad kyi phyogs gcig go/ /mthong bas spang bar bya ba dang /zag pa med pa ma gtogs so/ /bdag bsgom pa phun sum tshogs par mngon par zhen pa spang ba'i phyir ro/ /ji ltar na spang bar bya ba ma yin/ spang bar bya ba ma yin pa rnams ni du/ ci'i phyir spang bar bya ba ma yin par brtag /zag pa med pa ni spang bar bya ba ma yin par blta bar bya'o//phung po rnams kyi phyogs gcig spang bar bya ba ma yin pa ni/ 'jig rten las 'das pa'i lam dang / de'i rjes la thob pa'o/ /nges par 'byed pa'i cha dang mthun pa ma gtogs par phung po rnams dang / khams bcu dang / skye mched bzhi'i phyogs so/ /de dang 'dus ma byas so/ /ci 'dra ba'i gzugs dang / sgra'i khams spang bar bya ba ma yin zhe na/ mi slob pa'i dge ba'i lus dang ngag gi las kyi rang bzhin no/ /bdag rtogs par mngon par zhen pa spang ba'i phyir ro/ /ji ltar na rkyen so so las kun tu skye/rkyen so so las kun du skye ba rnams ni du/ ci'i phyir rkyen so so las kun du skye bar brtag /mtshan nyid dang / yan lag rnam par dbye ba dang / yan lag mdor bsdu ba dang / yan lag rkyen nyid du rnam par gzhag pa dang / yan lag gi las rnam par gzhag pa dang / yan lag kun nas nyon mongs par bsdu ba dang / don dang rtogs dka' ba dang / rab tu dbye ba dang / rjes su mthun pa dang / so sor mi mthun pas kyang rkyen so so la kun du skye bar blta bar bya'o/ /chos kyi khams dang / skye mched kyi phyogs gcig ma gtogs pa thams cad do//'dus ma byas kyi mtshan nyid do/ /bdag la chos rgyu med pa dang / mi mthun pa'i rgyu las byung bar mngon par zhen pa spang ba'i phyir ro/ /dbang phyug la sogs pa'i rgyu las byung bar mngon par zhen pa spong ba'i phyir ro/ /mtshan nyid kyis ji lta bu/ g.yo ba med pa'i rkyen las byung ba dang /mi rtag pa'i rkyen las byung ba dang / nus pa'i rkyen las byung ba'i phyir ro/ /bcom ldan 'das kyis rten cing 'brel bar 'byung ba'i mtshan nyid gang gsungs pa ni 'di yod pas 'di 'byung / 'di skyes pa'i phyir 'di skye ba ste/ 'di ltar ma rig pa'i rkyen gyis 'du byed rnams zhes bya ba la sogs pa'o//de la 'di yod pas 'di 'byung ba ni/ g.yo ba med pa'i rkyen las byung ba'i phyir te/ rkyen yod na 'bras bu 'byung ba kho nar zad kyi/ 'bras bu 'byung bar bya ba'i phyir/ rkyen g.yo ba ni ci yang med ces bya ba'i tha tshig go/ /'di skyes pa'i phyir 'di skye zhes bya ba ni mi rtag pa'i rkyen las byung ba'i phyir te/ma byung ba'i rgyu las 'bras bu 'byung ba ma grub pa'i phyir ro/ /ma rig pa'i rkyen gyis 'du byed rnams zhes bya ba la sogs pa ni nus pa'i rkyen las byung ba'i phyir ro/ /'bras bu g.yo ba med cing mi rtag pa yin du zin kyang / rkyen gang yang rung ba las 'bras bu thams cad mi 'byung gi/'on kyang nus pa'i rkyen las 'byung ba ste/ 'di ltar ma rig pa'i rkyen gyis 'du byed rnams 'byung ba nas/ skye ba nas rga shi 'byung ba'i bar du'o/ /yan lag rnam par dbye bas ji lta bu'o/ /yan lag bcu gnyis rnams te/ rkyen so so las kun du skye ba'i yan lag bcu gnyis ni/ ma rig pa dang / 'du byed dang / rnam par shes pa dang / ming dang gzugs dang / skye mched drug dang / reg pa dang / tshor ba dang / srid pa dang / nyer len dang / sred pa dang / skye ba dang / rga shi'o/ /yan lag mdor bsdus pas ji lta bu/'phen pa'i yan lag gang / 'phongs pa'i yan lag dang / mngon par 'grub par byed pa'i yan lag dang / mngon par grub pa'i yan lag go/ /ma rig pa la sogs pa yan lag bcu gnyis rim par phye ba gang yin pa de dag ni mdor bsdu na/ yan lag bzhir 'gyur te/'phen pa'i yan lag la sogs pa'o/ /'byung ba ni 'di dag tsam du bstan pas bstan par bya ste/ 'di ltar rgyu'i dus na gang gis 'phen pa dang / gang 'phen pa dang / 'bras bu'i dus na gang gis mngon par 'grub pa dang / gang mngon par 'grub pa ste/de dag thams cad ni yan lag 'di rnams kyis bstan par rig par bya'o/ /de la 'phen pa'i yan lag ni/ ma rig pa dang / 'du byed dang / rnam par shes pa ste/ ma 'ongs pa'i skye ba mngon par 'grub par 'gyur ba bden pa rnams mi shes pa sngon du 'gro ba'i las kyis bag chags sems la bsgo ba'i phyir ro//'phongs pa'i yan lag ni ming dang gzugs dang / skye mched drug dang / reg pa dang / tshor ba ste/ de sems kyi bag chags kyis ming dang gzugs la sogs pa snga ma la phyi ma brten nas rim gyis mngon par 'grub par 'gyur ba'i sa bon brtas pa'i phyir ro//mngon par 'grub par byed pa'i yan lag ni sred pa dang / nye bar len pa dang / srid pa ste/ 'dod pa la sogs pa'i sred pa ma spangs pa'i dbang gis 'dod pa la sogs pa la legs par spyod pa dang / nyes par spyod pa'i rnam pa la sogs par dga' ba sngon du 'gro ba'i 'dun pa dang /'dod chags kyi nye bar len pa dang bcas pa'i rnam par shes pa yong par 'gyur na 'chi ba'i dus na 'bras bu 'byin par bya ba'i phyir 'dun pa dang / 'dod chags kyi rjes su mthun pa'i yang gang yang rung ba'i bag chags 'thob par 'gyur ba'i phyir ro//mngon par grub pa'i yan lag ni skye ba dang rga shi ste/ rnam pa des las gzhan pa'i bag chags 'ga' mngon du gyur pa na/ ji ltar 'phangs pa 'byin du 'gro ba dang / skye gnas la sogs pa'i bye brag tha dad pa'i ris mthun pa gang yang rung bar ming dang gzugs la sogs pa mngon par 'grub pa'i phyir ro//skye ba dang / rga shi smos pa ni 'dus byas kyi mtshan nyid gsum gyi skabs kyis skyo bar bya ba'i phyir ro/ /rga ba dang 'chi ba yan lag gcig tu bya ba ni/ dga' ba med par yang 'chi ba srid pa'i phyir ro/ /mngal nas skye ba'i skye gnas su ming dang gzugs la sogs pa med par skye mched drug la sogs pa 'byung ba ni de ltar ma yin te/de'i phyir de dag yan lag so sor dbye bar rig par bya'o/ /yan lag rkyen nyid du rnam par gzhag pa ji lta bu/ bag chags dang / shugs dang / yid la byed pa dang / lhan cig 'byung bas kyang yan lag rnams rkyen nyid du rnam par gzhag par rig par bya ste/de yang ci rigs su sbyar ro/ /yan lag rkyen nyid du rnam par gzhag pa ni/ rkyen bzhi'i dbang du byas te/ de la ma rig pa ni 'du byed rnams kyi rkyen te/ snga logs su 'byung ba'i bag chags kyi rgyu'i rkyen to//de yongs su bsgos pa'i rgyu las byung ba'i yan lag rnams kyang srid pa mngon par 'du byed nus pa'i phyir te/ de'i tshe kun du 'byung ba'i tshul can no/ /thugs kyis zhes bya ba ni de ma thag pa'i rkyen te/ de'i tshe 'phen pa'i bye brag gis 'du byed kyi rgyun chags par 'byung ba'i phyir ro//yid la byed pa zhes bya ba ni/ dmigs pa'i rkyen te/ rmongs pa'i dus na mchog la sogs par tshul bzhin ma yin pa yid la byed pa'i dmigs pa'i phyir ro/ /lhan cig 'byung ba zhes bya ba ni/ bdag po'i rkyen te/ de'i dbang gis de dang mtshungs par ldan pa'i sems las byung ba rnam pa dmigs pa phyin ci log tu mngon par 'du byed pa'i phyir ro//yan lag gi las rnam par gzhag pas ji lta bu/ ma rig pa ci'i las can srid pa la sems can rnams rmongs par byed pa dang / 'du byed rnams kyi rkyen yang yin no/ / ma rig pa ni srid pa la sems can rnams rmongs par byed ces pa ni des bsgribs pa rnams sngon gyi mtha' dang / phyi ma'i mtha' dang bar ma'i mtha' yang dag pa ji lta ba bzhin du yongs su mi shes pa'i phyir ro/ /'di ltar ci 'das pa'i dus na 'byung ba zhig gam/ 'on te ma byung ba zhig snyam pa la sogs par the tshom za'o//'du byed rnams kyi rkyen kyang yin no zhes bya ba ni/ de'i dbang gis yang srid pa'i las sogs pa'i phyir ro/ /'du byed rnams ci'i las can/ 'gro ba rnams su sems can rnams rnam par 'byed pa dang / rnam par shes pa'i bag chags kyi rkyen yang yin no//'gro ba rnams su sems can rnams/ /rnam par 'byed ces pa ni/ las kyi dbang gis sems can rnams 'gro ba gzhan du 'gro ba sna tshogs pa'i phyir ro/ /rnam par shes pa'i bag chags kyi rkyen kyang yin zhes pa ni/ phyi ma'i rkyen dang ming dang gzugs la sogs pa 'byung ba'i sa bon gso bar byed pa'i phyir ro//rnam par shes pa ci'i las can sems can rnams kyi las kyi 'ching ba 'dzin pa dang / ming dang gzugs kyi rkyen kyang yin no/ /sems can rnams kyi las kyi 'ching ba 'dzin zhes bya ba ni/ rnam par shes pa la 'du byed kyis bskyed pa'i bag chags dang lhan cig 'byung ba'i phyir ro//ming dang gzugs kyi rkyen kyang yin no zhes bya ba ni/ rnam par shes pa ma'i mngal du zhugs na ming dang gzugs 'phel bar 'gyur ba'i phyir ro/ /ming dang gzugs ci'i las can/ sems can rnams lus len du 'jug pa dang /skye mched drug gi rkyen kyang yin no/ /ming dang gzugs ni sems can rnams su lus len du 'jug ces pa ni/ de grub pas sems can rnams ris mthun pa gzhan la brten pa'i phyir ro/ /skye mched drug gi rkyen kyang yin no zhes pa ni ming dang gzugs la sogs pa skye mched drug la sogs pa'i rkyen du 'gyur ba ni/yan lag snga ma la brten nas yan lag phyi ma 'grub par blta'o/ /skye mched drug ci'i las can/ sems can rnams lus yongs su rdzogs par len du 'jug pa dang / reg pa'i rkyen kyang yin no//skye mched drug ni sems can rnams lus yongs su rdzogs par len du 'jug ces bya ba ni/ de grub na dbang po gzhan ma tshang ba med pa'i phyir ro/ /reg pa'i las can/ lus kyi longs spyod la sems can rnams 'dzud pa dang / tshor ba'i rkyen kyang yin no/ / de'i sgo nas bde ba myong ba la sogs pa'i yul rnam pa gsum la longs spyod pa'i phyir ro/ /tshor ba ci'i las can/ skye ba'i longs spyod la sems can rnams 'dzud pa dang / sred pa'i rkyen kyang yin no/ /de la brten nas 'dod pa la sogs pas las kyi rnams par smin pa la nye bar spyod pa'i phyir ro//de dang phrad pa la sogs par 'dod pa'i sgo nas sred pa 'byung ba'i phyir ro/ /sred pa ci'i las can/ sems can rnams kyi skye ba 'dren pa dang / nyer len gyi rkyen kyang yin no/ /de'i dbang gis tshe gzhan gyi rgyun rgyun mi 'chad pa'i phyir ro/ /ro myong bar byed pa'i sgo nas 'dod pa la 'dun pa dang 'dod chags 'byung ba'i phyir ro//nyer len ci'i las can/ yang srid pa len pa'i phyir sems can rnams kyi rnam par shes pa nye bar len pa dang bcas par byed pa dang / sred pa'i rkyen kyang yin no/ /sems can dmyal ba la sogs pa'i 'gro ba bye brag can du yang srid par nying mtshams sbyor bar 'gyur ba'i las kyi bag chags nges par 'byin pa'i phyir ro//de'i dbang gis 'du byed kyi bag chags 'byung ba rnyed pa'i phyir ro/ /srid pa ci'i las can/ yang srid par sems can rnams mngon du phyogs par byed pa dang /skye ba'i rkyen kyang yin no/ /de ma thag tu 'gro ba gzhan 'dren pa'i phyir ro/ /de las ris mthun pa gzhan du 'byung ba'i phyir ro/ /skye ba ci'i las can/ ming dang gzugs dang / skye mched drug dang / reg pa dang / tshor ba rim gyis sems can rnams mngon par 'grub par byed pa dang /rga shi'i rkyen kyang yin no/ /phyi ma'i gnas skabs gzhan 'dren pa'i phyir ro/ /skye ba yod na de'i rgyun gzhan du 'gyur ba dang / 'jig pa srid pa'i phyir ro/ /rga shi ci'i las can/ yang dang yang na tshod 'gyur ba dang / srog 'gyur ba la sems can rnams sbyor ba'o//dar la bab pa dang / tshe rnam par 'jig pa la sbyor ba'i phyir ro/ /yan lag kun nas nyon mongs par bsdus pas ji lta bu/ ma rig pa gang yin pa dang / sred pa gang yin pa dang / nye bar len pa gang yin pa 'di ni nyon mongs pa'i kun nas nyon mongs par bsdu'o/ / 'du byed gang yin pa dang / rnam par shes pa gang yin pa dang / sred pa gang yin pa 'di ni las kyi kun nas nyon mongs par bsdu'o/ /rnam par shes pa las kyi kun nas nyon mongs par bsdu ba ni/ rnam par shes pa'i yan lag 'du byed kyi bag chags kyis rab tu phye ba'i phyir ro//lhag ma rnams ni tshe'i kun nas nyon mongs par bsdu'o/ /don gyis ji lta bu/ byed pa po med pa'i don ni/ rkyen so so las kun du skye ba'i don dang / rgyu dang bcas pa las 'byung ba'i don dang / sems can med pa'i don dang / gzhan gyi dbang gi don dang / g.yo ba med pa'i don dang / mi rtag pa'i don dang / skad cig ma'i don dang / rgyu dang 'bras bu'i rgyun mi 'chad pa'i don dang / rgyu dang 'bras bu mthun pa'i don dang / rgyu dang 'bras bu sna tshogs pa'i don dang / rgyu dang 'bras bu so sor nges pa'i don ni rkyen so so la kun du skye ba'i don to/ /byed pa po med pa'i don zhes bya ba ni dbang phyug la sogs pa'i byed pa po dang bral ba'i phyir ro//rgyu dang bcas pa las byung ba zhes bya ba ni ma rig pa'i rgyu las byung ba'i phyir ro/ /sems can med pa'i don zhes bya ba ni/ rang gi ngang gis bdag med pa'i don to/ /gzhan gyi dbang gi don zhes bya ba ni rkyen la rag las pa'i phyir ro//g.yo ba med pa'i don zhes bya ba ni rkyen rnams byed pa med pa'i phyir ro/ /mi rtag pa'i don zhes bya ba ni ther zug ma yin pa'i phyir ro/ /skad cig ma'i don zhes bya ba ni/ skye ba'i dus las pha rol du mi gnas pa'i phyir ro/ /rgyu dang 'bras bu'i rgyud rgyun mi 'chad pa'i don zhes bya ba ni/rgyu'i skad cig 'gags pa dang dus mnyam du 'bras bu'i skad cig 'byung ba'i phyir ro/ /rgyu dang 'bras bu mthun pa'i don zhes bya ba ni thams cad las thams cad mi 'byung ba'i phyir ro/ /rgyu dang 'bras bu sna tshogs pa'i don zhes bya ba ni/rgyu du ma dang gcig gi rnam pa las 'bras bu du ma 'byung ba'i phyir ro/ /rgyu dang 'bras bu so sor nges pa'i don ni rkyen so so las kun du skye ba'i don zhes bya ba ni/ rgyu gzhan las 'bras bu mi 'byung ba'i phyir ro/ /rtogs dkas ji lta bu/ rgyus rtogs dka' dang / mtshan nyid kyis rtogs dka' dang / skye bas rtogs dka' dang / gnas pas rtogs dka' dang / 'byung bas kyang rtogs dka' bar blta bar bya'o/ /yang byed pa po med pa la sogs pa'i don 'di dag gis rkyen so so las kun du skye ba rnam pa lngas rtogs dka' bar rig par bya ste/rgyus rtogs dka' ba ni mi mthun pa'i rgyu dang rgyu med par smra ba'i gnyen por don gnyis kyis so/ /mtshan nyid kyis rtogs dka' ba ni bdag med pa nyid kyi don gcig gis so/ /skye bas rtogs dka' ba'i rkyen rnams las 'bras bu 'byung yang des ma byas pa'i phyir te/ don gnyis kyis so/ /gnas pas rtogs dka' ba ni/ rnam par gnas pa med kyang gnas par snang ba'i phyir te don gsum gyis so/ /'byung bas rtogs par dka' ba ni rgyu las 'bras bu 'byung ba rnam par shes pa dka' ba'i phyir te/ don bzhis so/ /yang rkyen so so las kun du skye ba skad cig ma yang yin la/gnas par yang dmigs/ rkyen so so las kun du skye ba g.yo ba med pa'i rkyen las 'byung ba yang yin la/ nus pa'i rkyen las byung bar yang dmigs/ rkyen so so las kun du skye ba sems can med pa yang yin la sems can du yang dmigs/ rkyen so so las kun du skye ba byed pa po med pa yang yin la/las dang 'bras bu chud mi za bar yang dmigs/ byed pa po med kyang las dang / byed pa dang / de'i 'bras bu la spyod pa yang yod de/ /'di ni 'dir las dang 'bras bu chud mi za bar rig par bya'o/ /bdag las ma yin gzhan las ma yin gnyi ga las ma yin/rang gi byed pa dang gzhan gyi byed pa dang / rgyu med pa las byung ba yang ma yin te/ de'i phyir rtogs dka'o/ /chos ni bdag nyid kyis ma byas pa ste/ gang gis byed pa de ma skyes te med pa'i phyir ro/ /gzhan gyis kyang ma byas pa ste/ rkyen rnams byed pa po ma yin pa'i phyir ro//gnyi gas kyang ma byas pa ste/ rgyu de gnyis kyis ma byas pa'i phyir ro/ /rang gis byed pa dang / gzhan gyis byed pa dang / rgyu med pa las byung ba ma yin pa ni rkyen rnams 'bras bu skyed nus pa'i phyir ro/ /rnams grangs gzhan du na/ bdag nyid kyis ma byas pa ni rkyen la ltos pa'i phyir ro//gzhan gyis ma byas pa ni rkyen yod kyang sa bon med na mi skye ba'i phyir ro/ /gnyi gas ma byas pa ni de gnyi ga g.yo ba med pa'i phyir ro/ /rgyu med pa las byung ba yang ma yin pa ni sa bon dang rkyen rnams las nus pa yod pa'i phyir ro/ /gzhan yang rang gi sa bon las te gzhan las min/de la ltos phyir rang gis byas ma yin/ /g.yo ba med phyir gnyis kyis ma byas la/ /de ni nus pas rgyu med 'byung ma yin/ /bdag las ma yin gzhan las ma yin zhes bya bas mu rnam pa gnyis spong na yang / rkyen so so las kun du skye ba rtogs dka' bar gyur ba na/gang du mu bzhi char spang ba lta smos kyang ci dgos te/ de bas na 'di mchog tu rtogs dka' bar rig par bya'o/ /rab tu dbye bas ji lta bu rnam par shes pa 'byung ba'i rab tu dbye ba dang / 'chi 'pho ba dang skye ba'i rab tu dbye ba dang / phyi'i lo tog 'byung ba'i rab tu dbye ba dang /'jig pa dang chags pa'i rab tu dbye ba dang / zas kyis bsten pa'i rab tu dbye ba dang / 'dod pa dang mi 'dod pas 'gro ba rnam par 'byed pa'i rab tu dbye ba dang / rnam par dag pa'i rab tu dbye ba dang / mthu stobs kyi rab tu dbye bas kyang rab tu dbye bar blta bar bya'o//rnam par shes pa 'byung ba'i rab tu dbye ba zhes bya ba ni/ ming dang gzugs la brten nas mig gi rnam par shes pa 'byung zhes bya ba la sogs pa'o/ /'chi 'pho dang skye ba'i rab tu dbye ba zhes bya ba ni/ sems can gyi 'jig rten gyi dbang du byas pa ste/ma rig pa'i rkyen gyis 'du byed rnams zhes bya ba la sogs pa'o/ /phyi'i lo tog 'byung ba'i rab tu dbye ba zhes bya ba ni sa bon la brten nas myu gu/ myu gu la brten nas sdong bu ste/ de bzhin du sbu gu dang / 'dab ma dang / me tog dang / 'bras bu rnams kyang sbyar bar bya'o//'jig pa dang chags pa'i rab tu dbye ba zhes bya ba ni/ sems can thams cad kyi thun mong gi las kyi dbang la brten nas sa chen po la sogs pa 'byung ba'i phyir ro/ /zas kyis bsten pa'i rab tu dbye ba zhes bya ba ni/ zas bzhi la brten nas sems can rnams khams gsum na gnas pa'i phyir ro//'dod pa dang mi 'dod pa'i 'gro ba rnam par 'byed pa'i rab tu dbye ba zhes bya ba ni/ legs par spyad pa dang nyes par spyad pa la brten nas bde 'gro dang / ngan 'gror 'gro ba'i phyir ro/ /rnam par dag pa'i rab tu dbye ba zhes bya ba ni/thar pa'i cha dang mthun pa la brten nas nges par 'byed pa'i cha dang mthun pa 'byung ba nas/ mthong ba'i lam dang bsgom pa'i lam gyis rim gyis dgra bcom pa thob pa'i bar dang / gzhan gyi sgra la brten nas nang du tshul bzhin du yid la byed pa dang / yang dag pa'i lta ba dang zag pa thams cad zad pa'i bar du'o//mthu stobs kyis rab tu dbye ba zhes bya ba ni/ thos pa la brten nas mngon par shes pa la sogs pa yon tan khyad par can rnams 'byung ba'i phyir ro/ /de ltar rab tu dbye ba 'di dag gi 'du byed rnams rkyen so so las kun du skye ba rgya cher rtogs par bya'o//rjes su mthun pa dang so sor mi mthun pas ji lta bu/ kun nas nyon mongs pa'i rjes su mthun pa dang / so sor mi mthun pa dang / rnam par byung ba'i rjes su mthun pa dang / so sor mi mthun pas kyang rkyen so so las kun du skye ba rjes su mthun pa dang / so sor mi mthun pa bstan par blta bar bya'o//kun nas nyon mongs pa'i rjes su mthun pa dang / so sor mi mthun pa zhes bya ba ni 'byung ba'i rim pa'i dbang du byas pa ste/ ma rig pa'i rkyen gyis 'du byed rnams zhes pa lta bu la sogs pa ni rjes su mthun par ston to/ /rga shi dang / rga shi kun 'byung ba dang /rga shi kun 'gog pa dang / rga shi 'gog par 'gro ba'i lam zhes bya ba ni bden pa rnam par gzhag pa'i dbang du byas pa ste/ so sor mi mthun par bstan par rig par bya'o/ /de bzhin du ma rig pa 'gags pas 'du byed 'gag ces pa la sogs pa lta bu ni rnam par byang ba'i rjes su mthun par ston to//gang med na rga shi mi 'byung ba dang / gang 'gags na rga shi 'gag ces bya ba ni so sor mi mthun par ston to zhes pa lta bu ni rkyen so so las rab tu skyes par blta bar bya'o/ /chos kyi khams dang / chos kyi skye mched kyi phyogs gcig ma gtogs pa thams cad do//bdag la rgyu med pa dang mi mthun pa'i rgyur mngon par zhen pa spang ba'i phyir ro/ /ji ltar na rkyen/ rkyen rnams ni du/ ci'i phyir rkyen du brtag /rgyu dang / de ma thag pa dang / dmigs pa dang / bdag pos kyang rkyen du blta bar bya'o//thams cad kyang rkyen no/ /chos bdag gi rgyur mngon par zhen pa spang ba'i phyir ro/ /rgyu'i rkyen gang / len pa'i rnam par shes pa dang / dge ba'i bag chags so/ /zag pa dang bcas pa dang / zag pa med pa'i 'du byed rnams dang go rims so/ /kun du len pa'i rnam par shes pa yang rnam pa gnyis te/rnam par smin pa las byung ba dang / mngon par 'du byed pa las byung ba'o/ /de la rnam par smin pa ni skye bas thob pa rnams kyi rgyu'i rkyen no/ /mngon par 'du byed pa las byung ba ni sbyor ba las byung ba rnams kyis te/ phyi ma len pa'i rnam par shes pa gzhan gyi rgyu'i rkyen du blta'o//mngon par 'du byed pa las byung ba'i len pa'i rnam par shes pa ni tshe de'i 'jug pa'i rnam par shes pa kun du spyod pa'i bag chags bsgos par rig par bya'o/ /dge ba'i bag chags ni thar pa'i cha dang mthun pa rnams kyi bag chags su blta bar bya ste//de dag ni 'jig rten las 'das pa thob pa'i rgyu mthun pa'i chos kyi rgyu las byung ba'i phyir te/ de'i bag chags ni 'jig rten las 'das pa'i chos kyi rgyu nyid du rig par bya'o/ /yang rang gi ngo bo nyid dang / rab tu dbye ba dang /grogs dang / mthun par rtogs pa dang / rgyas pa dang / bar du gcod pa dang / yongs su 'dzin pas kyang rgyu'i rkyen du blta bar bya'o/ /yang ngo bo nyid ces bya ba la sogs pas ni rgyu drug po dag rgyu'i rkyen du ston to/ /de la rang gi ngo bo nyid rab tu dbye ba ni byed rgyu rnams su rnam par gzhag par rig par bya'o//tshig lhag ma rnams ni go rims bzhin du lhan cig 'byung ba dang / mtshungs par ldan pa dang / skal ba mnyam pa dang / kun du 'gro ba dang / rnam par smin pa'i rgyu rnams su rnam par gzhag par rig par bya'o/ /rang gi ngo bo nyid kyi ji lta bu/ byed rgyu ste rgyu rang gi ngo bo nyid do/ /rgyu'i rang gi ngo bo nyid kyi dbang du byas nas byed pa'i rgyur rnam par gzhag pa'i phyir/ rgyu thams cad byed pa'i rgyu'i nang du 'dus par rig par bya'o/ /grogs la sogs pa'i bye brag bstan pa'i phyir so sor rnam par gzhag go/ /byed pa'i rgyu'i rab tu dbye ba tshogs pa las rnam par shes pa la sogs pa gang bstan pa de ni dpe tsam du blta bar bya'o//phyogs 'dis ni de lta bu'i rang bzhin can gzhan la yang mngon par brtag pa'i phyir ro/ /rab tu dbye bas ji lta bu/ 'byung ba'i byed rgyu ni dper na mig la sogs pa tshogs pa las rnam par shes pa lta bu'o//de las 'bras bu ma byung ba 'byung ba'i phyir ro/ /gnas pa'i byed rgyu ni dper na/ sems can 'byung po rnams dang / 'byung po tshol ba rnams kyi zas lta bu'o/ /de'i stobs skye ba'i rgyun rgyun mi 'chad par byed pa'i phyir ro/ /brten pa'i byed rgyu ni dper na/sems can rnams kyi lta bu'o/ /ltung pa'i gegs byed pa'i phyir ro/ /gsal ba'i byed rgyu ni dper na/ gzugs kyi sgron ma lta bu'o/ /bsgribs pa gsal bar byed pa'i phyir ro/ /'gyur ba'i byed rgyu ni dper na shing gi me lta bu'o/ /de'i rgyud gzhan du 'gyur bar byed pa'i phyir ro//'bral ba'i byed rgyu ni dper na/ brnga bar bya ba'i zor ba lta bu'o/ /sbrel pa gnyis su med par byed pa'i phyir ro/ /bsgyur ba'i byed rgyu ni dper na/ gser la sogs pa bzo'i gnas la sogs pa lta bu'o/ /de'i cha shas yul gzhan du 'pho bar byed pa'i phyir ro//yid ches pa'i byed rgyu ni dper na me'i du ba lta bu'o/ /des lkog tu gyur pa rjes su dpog pa'i phyir ro/ /yid ches par byed pa'i byed rgyu ni dper na/ sgrub pa'i dam bca' dang / gtan tshigs dang / dpe rnams lta bu'o/ /des yang dag par nges par 'byed pa'i phyir ro//'thob pa'i byed rgyu ni dper na mya ngan las 'das pa'i lam lta bu'o/ /des 'thob par byed pa'i phyir ro/ /tha snyad kyi byed rgyu ni dper na/ ming dang mtshan ma dang mthong ba lta bu'o/ /ming ji lta ba bzhin du mtshan mar 'dzin par mngon par zhin nas rjes su tha snyad 'dogs pa'i phyir ro//ltos pa'i byed rgyu ni gang la ltos nas gang don du gnyer ba 'byung ba ste/ dper na bkres pa la ltos nas zas lta bu'o/ /de la 'dod pa 'byung ba'i rgyu yin pa'i phyir ro/ /'phen pa'i byed rgyu ni rgyang ring ba'i rkyen te/ dper na rga shi'i ma rig pa lta bu'o/ /de'i rgyu las byung ba gnas skabs gzhan du gcig nas gcig tu brgyud de 'byung ba 'phel ba'i phyir ro//mngon par grub pa'i byed rgyu ni nye ba'i rkyen te/ /dper na 'du byed rnams kyi ma rig pa lta bu'o/ /de ma thag tu 'byung ba skyed pa yin pa'i phyir ro/ /yongs su 'dzin pa'i byed rgyu ni de las gzhan pa'i rkyen te/dper na lo tog 'byung ba'i zhing dang chu dang / lud la sogs pa lta bu'o/ rang gi sa bon las byung ba stobs bskyed pa'i phyir ro/ /chud par byed pa'i byed rgyu ni mthun pa'i rkyen te/ dper na rgyal po mnyes par bya ba'i rgyal po la legs par brten pa lta bu'o/ /de'i rjes su mthun pa 'gugs pa'i phyir ro//so sor nges pa'i byed rgyu ni de rkyen sna tshogs te/ dper na 'gro ba lnga po dag gis 'gro ba lnga'i rkyen lta bu'o/ /rang bzhin tha dad pas 'bras bu gzhan dang gzhan 'byung ba'i phyir ro/ /lhan cig byed pa'i rgyu ni rkyen tshogs pa ste/ dper na rnam par shes pa'i dbang po ma nyams pa dang /yul yang snang ba dang / de skyed pa'i yid la byed pa yang nye bar gnas pa lta bu'o/ /rang gi 'bras bu 'grub par byed pa la rgyu gzhan la mi ltos pa'i phyir ro/ /mi mthun pa'i byed rgyu ni bar chad byed pa ste dper na lo tog la ser ba lta bu'o//gegs byed pa'i phyir ro/ /mi mthun pa ma yin pa'i byed rgyu ni bar chad byed pa ste dper na bar chad byed med pa lta bu'o/ /de las bzlog par rig par bya'o/ /grogs kyi ji lta bu chos gang dag grogs yod na 'byung gi gang yang rung ba ma tshang na ma yin pa ste/'di lta ste/ 'byung ba rnams dang 'byung ba las gyur ba'o zhes bya ba ni ji ltar mthun mthun du sbyar gyi tshogs pa thams cad dang gzugs la sogs pa 'byung ba las gyur pa las 'byung ba chen po bzhi po dag gdon mi za bar 'byung ba ni ma yin no/ /de'i phyir gang na gang yod pa de ni de de dang lhan cig tu 'byung ste/gang la rung ba zhig med na ni ma yin no/ /mthun par rtogs pas ji lta bu/ chos gang dag lhan cig 'byung bas dmigs pa mthun par rtogs kyi/ gang yang rung ba ma tshang na ma yin pa ste/ 'di lta ste/ sems dang sems las byung ba rnams so//de ltar grogs su nges pa la lhan cig 'byung ba'i rgyu rnam par gzhag go/ /'byung ba dang 'byung ba las gyur pa zhes bya ba ni/ dper brjod pa tsam du rig par bya'o/ /sems dang sems las byung ba rnams ni gang yang rung ba zhig med na mi 'byung bar nges pa'i phyir ro/ / gal te de ltar na mtshungs par ldan pa'i rgyu logs shig tu gzhag tu med par 'gyur te/ sems dang sems las byung ba rnams lhan cig 'byung ba'i rgyu'i nang du 'dus pa'i phyir ro/ /de ltar yin du zin kyang don gzhan gyis mtshungs par ldan pa'i rgyur 'gyur te/ chos gang dag lhan cig 'byung ba'i dmigs pa mthun par rtogs kyi gang yang rung ba ma tshang na ni ma yin pas mtshungs par ldan pa'i rgyu rnam par gzhag ste/des na lhan cig 'byung ba tsam ni/ 'di lta ste/ sems dang sems las byung ba rnams so/ /rgyas pas ji lta bu/ sngon dge ba dang mi dge ba dang /lung du ma bstan pa'i chos rnams goms pa rnams phyi ma'i mthar gong nas gong du shin tu rgyas pa dang / mchog tu rgyas par 'byung ba gang yin pa'o/ /sngon goms par byas pa rnams te/ sngon kun du spyad ces bya ba'i tha tshig go/ /phyi ma'i mthar gong nas gong du shin tu rgyas pa dang /mchog tu rgyas par 'gyur ba gang yin pa zhes bya ba ni/ de dag gis sngon yongs su gsos pa rnams te/ de'i rgyu las byung ba rnams ma 'ongs pa'i dus na khyad par can du 'byung bar blta'o/ /de ltar skal ba mnyam pa'i rgyu 'di ni 'dra ba rnams kyi rgyas par byed pa'i rgyu rnam par gzhag go//bar du gcod pas ji lta bu/ gang mya ngan las 'das pa'i rgyud thag bsring ba'i phyir nyon mongs pa gang yang rung ba'i rgyun rgyas par ldan par byed pa'o/ /kun du 'gro ba'i rgyu ni 'dra bar byed pa 'ba' zhig tu ma zad kyi/ 'on kyang 'dod chags la sogs pa'i nyon mongs pa gang yang rung ba goms pas zhe sdang la sogs pa'i rgyun kyang rgyas par bstan par byed par 'gyur te/de'i phyir dam du 'ching bar byed pas na thar pa thob pa'i bar du gcod pa'i phyir/ rnam par gzhag par rig par bya'o/ /yongs su 'dzin pas ji lta bu/lus yongs su 'dzin pa'i phyir mi dge ba dang / dge ba zag pa dang bcas pa'i chos rnams so/ /rnam par smin pa'i rgyu ni phyi ma las gcig tu mi 'dra ba ma bsgribs la lung du mi ston par lus su bsdus pa ste/ rnam par smin pa 'phen pa'i phyir/ yongs su 'dzin pa'i don gyi rnam par gzhag go//dge ba zag pa dang bcas pa bzung ba ni/ zag pa med pa rnams kyis ni zag pa skye ba dang / mi mthun pas 'phen pa ma yin pa'i phyir ro/ /de ma thag pas ji lta bu/ rgyun mi 'chad par bar chad med pa dang mthun pa dang mi mthun pa las/ sems dang sems las byung ba 'byung ba'i de ma thag pas kyang de ma thag pa'i rkyen du blta bar bya'o//de la rgyun mi 'chad par bar chad med pa ni gdon mi za bar skad cig gi bar med pa ma yin gyi/ 'on kyang sems gzhan gyi bar chad med pa yang 'dir bar chad med par blta bar bya ste/ gzhan du na snyoms par 'jug pa'i sems ni sems med pa la snyoms par 'jug pa las langs pa'i snyoms 'jug gi sems kyi de ma thag pa'i rkyen du mi 'gyur bar rigs na 'gyur bas/de'i phyir rgyud gcig la phyi ma'i sems dang snga ma'i sems kyi bar du sems gzhan gyis bar du ma chod pa ni de ma thag pa'i rkyen no//sems la ji lta bar sems las byung ba rnams kyang de bzhin rig par bya'o/ /mthun pa dang mi mthun pa las sems dang sems las byung ba'i de ma thag pas zhes bya ba la sems dang sems las byung ba dge ba rnams ni mthun pa'i dge ba rnams kyi dang /mi mthun pa mi dge ba rnams dang / lung du ma bstan pa de ma thag tu 'byung ba rnams kyi de ma thag pa'i rkyen to/ /de bzhin du mi dge ba dang / lung du ma bstan pa rnams kyang rang gzhan gyi rnam pa rnams dang sbyar bar bya'o/ /de bzhin du 'dod pa na spyod pa rnams ni 'dod pa na spyod pa rnams dang /gzugs dang gzugs med pa na spyod pa dang / zag pa med pa de ma thag tu 'byung ba rnams kyi de ma thag pa'i rkyen to/ /de bzhin du gzugs na spyod pa la sogs pa yang so sor gzugs na spyod pa la sogs pa dang / 'dod pa na spyod pa la sogs pa de ma thag tu 'byung ba rnams kyi de ma thag pa'i rkyen to zhes sbyar bar bya'o//ci sems thams cad kyi de ma thag tu sems thams cad 'byung ba'am/ 'on te nges pa yod ce na/ nges pa yod ces bya ste/ sems 'di'i 'og tu sems 'di dang 'di 'byung ngo zhes brjod na ni brjod pa mang bar 'gyur ro/ /de lta bas na phyir sems 'byung ba'i mtshan nyid tsam rnam par gzhag go/'di ltar stobs bcus sems 'byung bar rig par bya'o/ /'dris pa'i stobs dang / 'dun pa'i stobs dang / sbyor ba'i stobs dang / snyoms par 'jug pa'i stobs dang / 'phen pa'i stobs dang / rgyu'i stobs dang /yul gyi stobs dang / dran pa'i stobs dang / yid la byed pa'i stobs dang / nying mtshams sbyor ba'i stobs kyis so/ /'dris pa'i stobs ni rnam pa gsum ste/ chung ngu dang 'bring dang chen pa'o/ /snyoms par 'jug pa dang / gnas pa dang / ldang ba'i rgyu rnams mi mngon pa'i phyir chung ngu'o//mngon pa legs par ma 'dris pa'i phyir 'bring po'o/ /legs par 'dris pa'i phyir chen po'o/ /de la 'dris pa chung ngu'i stobs kyis ni bsam gtan dang / gzugs med pa rnams la mthar gyis snyoms par 'jug par rig par bya'o/ /'bring ni gcig gis bar du chod pa'i tshul gyis thong rgal du snyoms par 'jug go//chen pos ni ji ltar 'dod pa'am thams cad la thod rgal du zhugs nas lugs dang mthun pa dang / lugs dang mi mthun par snyoms par 'jug par rig par bya'o/ /'dun pa'i stobs ni bsam gtan gnyis pa thob pas bsam gtan dang po la snyoms par zhugs la/gal te 'dod na bsam gtan gnyis pa'i sa pa las ldang ba'i sems mngon du byed do/ /gzhan du 'dod na yang 'dod pa na spyod pa de dge ba'am/ ma bsgribs pa'i lung du ma bstan pa mngon du byed do/ /de bzhin du gzhan rnams la yang rgya cher sbyar bar bya'o//sbyor ba'i stobs kyis ni 'dod pa na spyod pa'i dge ba nyid kyi mjug thogs su thog ma kho nar gzugs na spyod pa'i sems 'byung ngo / /mi lcogs pa med pa'i dge ba'i mjug thogs su dngos gzhi'o/ /dngos gzhi'i mjug thogs su bsam gtan gnyis pa'i nyer bsdogs zhes bya ba la sogs pa nas rgya cher srid pa'i rtse mo'i bar du rig par bya'o//snyoms par 'jug pa'i stobs kyis ni/ dag pa la snyoms par 'jug pa'i sems res 'ga' ni dag pa gnyis skye'o/ /res 'ga' ni nyon mongs pa can no/ /'phen pa'i stobs kyis ni ting nge 'dzin las langs nas rgyu ba na/ji srid du de dang mi mthun pa nyon mongs pa kun du 'byung bas yongs su nyams par ma gyur pa de srid du mnyam par bzhag pa'i sa pa'i sems dang / mnyam par ma bzhag pa'i skad cig 'dren par rjes su 'jug go/ /de dang mi mthun pa nyon mongs pa dang mtshungs par ldan pa'i sems ni rgyu ba la sogs pa'i stobs kyis kun du 'byung bar rig par bya'o//de la rgyu'i stobs kyis ni gal te gdon mi za bar yongs su nyams par 'gyur ba'i sgrib pa sngon bsags par gyur pa'o/ /yul gyi stobs kyis ni 'dod chags la sogs pa nyon mongs pa 'byung ba dang mthun pa sdug pa la sogs pa mtshan ma'i stobs shas che ba'i yul snang bar gyur pa'o//dran pa'i stobs kyis ni/ gal te dran pa'i kun du rtog pa dag gis 'das pa'i yul la 'phros par byed pa'o/ /yid la byed pa'i stobs kyis ni gal te spyod pa'i yid la byed pa sdug pa'i mtshan ma gang yang rung ba yid la byed pa'o//nying mtshams sbyor ba'i stobs kyis ni gsar du 'chi ba'i sems rnam pa dgu ste/ lus la sred pa dang mtshungs par ldan pa'i khams gsum du so sor 'dod pa dang / gzugs dang gzugs med pa na spyod pa dag go//de la 'dod pa'i khams nas shi 'phos nas/ 'dod pa'i khams nyid du nying mtshams sbyor ba'i 'dod pa na spyod pa'i lus la sred pa dang mtshungs par ldan pa ni 'chi ba'i sems su rig par bya'o/ /'dod pa'i khams su shi 'phos nas gzugs dang gzugs med pa'i khams su nying mtshams sbyor ba'i sems ni gzugs dang gzugs med pa na spyod pa'i 'chi ba'i sems su rig par bya'o//de bzhin du gzugs dang gzugs med pa'i khams nas shi 'phos nas de nyid dang gzhan du skye ba'i sems kyang drug tu sbyar bar bya'o/ /yul la sred pa de ni lhan cig skyes pa dang /dmigs pa la mi spyod pa dang / bsgribs pa'i lung du ma bstan pa'o/ /lus dang lhan cig skyes pa 'di'i dmigs pa rnam pa yongs su mi gcod par rig par bya'o/ /de'i dbang gis de ma thag pa'i so so'i skye bo rnams ni bar ma dor srid par nying mtshams sbyor ba'o//'phags pa 'dod chags dang ma bral ba rnams ni 'chi ba'i dus ji srid du 'du shes mi gsal ba'i gnas skabs su ma gyur pa de srid du srid pa de kun du 'byung ngo / /de dag ni de yongs su rtogs nas gnyen por tshar gcod do/ /'phags pa 'dod chags dang bral ba rnams ni ma spangs su zin kyang gnyen po'i stobs che bas kun du mi 'byung ngo //de'i bag la nyal gyi dbang gis ni nyid mtshams su sbyor ro/ /bar ma do'i srid par nying mtshams sbyor ba'i skad cig ma ni/ rtag tu ma bsgribs pa'i lung du ma bstan pa nyid de rnam par smin pa yin pa'i phyir ro//de'i 'og tu dge ba dang / mi dge ba dang / lung du ma bstan pa ji ltar mthun mthun du sbyar te/ 'chi 'pho ba'i sems ma gtogs pa'o/ /bar ma do'i 'chi 'pho ba'i sems ni rtag tu nyon mongs pa can te/ 'chi ba'i srid pa bzhin no/ /skye ba'i nying mtshams sbyor ba ni rtag tu ma bsgribs pa'i lung du ma bstan pa nyid du rig par bya'o//byang chub sems dpa' smon lam gyi stobs kyis skye ba rnams kyi 'chi ba'i sems la sogs pa thams cad kyang gcig tu dge bar rig par bya'o/ /de ma thag pa'i rkyen gyi skabs rdzogs so// //dmigs pas ji lta bu/yul yongs su chad pa'i dmigs pa dang / yul yongs su ma chad pa'i dmigs pa dang / yul la bkra bar 'dzin pa med pa'i dmigs pa dang / yul la bkra bar 'dzin pa'i dmigs pa dang / dngos po dang bcas pa'i yul gyi dmigs pa dang / dngos po med pa'i yul gyi dmigs pa dang /kun brtags pa'i yul gyi dmigs pa dang / phyin ci log gi dmigs pa dang / phyin ci ma log pa'i dmigs pa dang / thogs pa dang bcas pa'i dmigs pa dang / thogs pa med pa'i dmigs pas kyang dmigs pa'i rkyen du blta bar bya'o/ /de la yul yongs su ma chad pa'i dmigs pa zhes bya ba ni rnam par shes pa lnga po dag gis dmigs pa ste/rnam par shes pa lnga po dag gi yul so sor nges pa'i phyir ro/ /yul yongs su ma chad pa'i dmigs pa ni yid kyi rnam par shes pa'i dmigs pa ste/ chos thams cad yid kyi rnam par shes pa'i yul yin pa'i phyir ro//yul bkra bar 'dzin pa med pa'i dmigs pa zhes bya ba ni/ ming la ma byang ba rnams kyi yid kyi rnam par shes pa'i dmigs pa ste/ ming las yi ger byed mi nus pa'i phyir ro/ /yul la bkra bar 'dzin pa'i dmigs pa zhes bya ba ni de las bzlog par rig par bya'o//dngos po dang bcas pa'i yul gyi dmigs pa zhes bya ba ni/ lta ba dang / nga rgyal dang / de la mtshungs par ldan pa'i chos rnams ma gtogs par de las gzhan bdag gi dmigs pa'o/ /dngos po med pa'i yul gyi dmigs pa zhes bya ba ni/ ma gtogs pa rnams kyi dmigs pa ste/bdag gzhi yin pa'i phyir ro/ /dngos po dang bcas pa'i yul gyi dmigs pa zhes bya ba ni/ zag pa med pa la dmigs pa dang / skal ba mi mnyam pa'i khams dang / sa gzhan la ma 'ongs pa'i dmigs pa gzhi gtan la 'bebs pa med pa ma gtogs par de las gzhan pa dag gi dmigs pa'o//kun brtags pa'i dmigs pa zhes bya ba ni/ ma gtogs pa rnams kyi dmigs pa ste/ rang gis kun brtags pa tsam la dmigs pa'i phyir ro/ /phyin ci log gi dmigs pa zhes bya ba ni/ rtag pa la sogs pa'i rnam par byung ba rnams kyi dmigs pa'o//phyin ci ma log pa'i dmigs pa zhes bya ba ni/ /mi rtag pa la sogs pa'i rnam par byung ba rnams kyi dmigs pa'o/ /thogs pa dang bcas pa'i dmigs pa zhes bya ba ni/ shes bya'i sgrib pa ma spangs pa rnams kyi dmigs pa'o/ /thogs pa med pa'i dmigs pas kyang dmigs pa'i rkyen du blta bar bya'o zhes bya ba ni/shes bya'i sgrib pa spangs pa rnams kyi dmigs pa'o/ /dmigs pa'i rkyen gyi rnam par nges pa ni/ mtshan nyid dang / rab tu dbye ba dang / gzhag pa dang / yongs su shes pa dang / spangs pas kyang dmigs pa rnam par gzhag par rig par bya'o//mtshan nyid kyis ji lta bu zhe na/ don gang der snang ba'i sems dang sems las byung ba rnams 'byung ba'i rgyu dang / de dag byung nas kyang don de la mngon par zhen pa dang / tha snyad 'dogs pa dang / so so rang gis rig par 'gyur ba ni dmigs pa'i mtshan nyid do//rab tu dbye bas ji lta bu zhe na/ med pa'i dmigs pa ni/ 'di lta ste/ sems dang sems las byung ba phyin ci log pa rnams kyi dmigs pa dang / 'das pa dang / ma 'ongs pa dang / rmi lam dang / gzugs brnyan dang / sgyu ma la sogs pa'i dmigs pa'o//yod pa dag gi dmigs pa ni/ de las gzhan pa dag gi dmigs pa'o/ /dmigs pa med pa'i dmigs pa ni/ gzugs dang / sems dang ldan pa ma yin pa dang / 'dus ma byas so/ /dmigs pa dang bcas pa'i dmigs pa ni/ sems dang sems las byung ba'i chos rnams so//yang dag pa nyid du dmigs pa ni/ 'di lta ste/ dge ba'o/ /log pa nyid du dmigs pa ni 'di lta ste/ nyon mongs pa can no/ /yang dag pa nyid ma yin la log pa nyid kyang ma yin pa'i dmigs pa ni/ 'di lta ste/ ma bsgribs pa'i lung du ma bstan pa'o//tshul bzhin gyi dmigs pa ni/ 'di lta ste/ sems dang sems las byung ba'i dge ba rnams kyi dmigs pa'o/ /tshul bzhin ma yin pa'i dmigs pa ni 'di lta ste/ nyon mongs pa can gyi dmigs pa'o/ /tshul bzhin ma yin la/ tshul bzhin ma yin pa yang ma yin pa'i dmigs pa ni/de dag ma gtogs pa rnams kyi dmigs pa'o/ /'dra ba'i dmigs pa ni 'di lta ste/ dge ba la sogs pa rnams kyi dge ba la sogs pa dang / rang gi sa pa rnams kyi rang gi sa pa dang / zag pa dang bcas pa rnams kyi zag pa dang bcas pa dang / zag pa med pa rnams kyi zag pa med pa'o//mi mthun pa'i dmigs pa ni 'di lta ste/ dge ba la sogs pa rnams kyi mi dge ba la sogs pa dang / sa pa gzhan rnams kyi sa pa gzhan pa dang / zag pa dang bcas pa dang / zag pa med pa rnams kyi zag pa med pa dang / zag pa dang bcas pa'o/ /sna tshogs kyi dmigs pa ni 'di lta ste/sems dang sems las byung ba rtog pa dang bcas pa/ dpyod pa dang bcas pa rnams kyi dmigs pa'o/ /gcig pu'i dmigs pa ni 'di lta ste/ mi rtog mi dpyod pa rnams kyi dmigs pa'o/ /'bral ba med pa'i dmigs pa ni 'di lta ste/'du shes med pa la sbyor ba'i sems dang sems las byung ba rnams dang / nam mkha' dang / rnam shes mtha' yas skye mched rnams kyi dmigs pa'o/ /'bral ba ni med par gyur pa'o/ /gzhan dun 'bral ba chen po nyid la bya'o/ /bsdus pa phra ba'i dmigs pa ni 'di lta ste/ci yang med pa'i skye mched kyi dmigs pa'o/ /mthar phyin pa phra ba'i dmigs pa ni/ 'di lta ste/ 'du shes med/ 'du shes med min skye mched pa rnams kyi dmigs pa'o/ /nyon mongs pa'i dmigs pa ni dmigs par byed pa'i phyir dmigs pa zhes bya'o/ /mdo sde tshig la yod pa'i chos kyi dmigs pa ni 'di lta ste/gtsug lag rnams kyi ming gi tshogs dang / tshig dang / yi ge'i tshogs rnams so/ /don gyi dmigs pa ni de la brten pa brjod par bya ba'i don gang yin pa'o/ /chung ngu'i dmigs pa ni 'di lta ste/nyan thos kyi dmigs pa'o/ /rgya chen po'i dmigs pa ni 'di lta ste/ theg pa chen po'o/ /mtshan ma'i dmigs pa ni 'di lta ste/ zhi gnas dang rab tu 'dzin pa dang / btang snyoms kyi mtshan ma rnams so/ /mtshan ma med pa'i dmigs pa ni/ 'di lta ste/ mya ngan las 'das pa dang / srid pa'i rtse mo'o/ /de kho na'i dmigs pa ni 'di lta ste/ de bzhin nyid dang rnam pa bcu drug po dag gi dmigs pa bden pa rnams so/ /gnas par bya ba'i dmigs pa ni 'di lta ste/ 'gog pa'i snyoms par 'jug pa la sbyor ba'i sems dang sems las byung ba rnams kyi dmigs pa'o//dbang bsgyur ba'i dmigs pa ni 'di lta ste/ rnam par thar pa la sogs pa rnam pa thams cad mkhyen pa nyid kyang mthar thug pa'i yon tan rnams kyi dmigs pa'o/ /skad cig ma'i dmigs pa ni 'di lta ste/ mi slob pa rnams kyi tshe de nyid do//rjes su 'brang ba'i dmigs pa ni 'di lta ste/ sangs rgyas dang byang chub sems dpa' rnams kyi dmigs pa'o/ /gzhag pas ji lta bu zhe na/ de bzhin du rnam par gzhag pa'i dmigs pas yongs su ma grub pas so/ /rnam pa bzhi yongs su 'grub pa'i dmigs par rig par bya'o//rnam par shes pa mi mthun pa'i rgyu dang / dmigs pa med pa'i rnam par shes pa dmigs pa dang / bsgribs pa med par yang phyin ci log med par 'gyur ba dang / shes pa gsum gyi rjes su mthun par 'gyur bas so/ /de'i phyir 'dzin pa yang yongs su ma grub pa'o//shes pa rnam pa gsum ni dbang gi shes pa dang / lhag mthong gi shes pa dang / rnam par mi rtog pa'i shes pa'o/ /de la rnam pa bzhi'i dper brjod pa ni/ yi dags dud 'gro mi rnams dang / /lha rnams ji ltar ris ris su/ /dngos gcig yid ni tha dad phyir//don ma grub par 'dod pa yin/ /'das sogs de bzhin rmi lam dang / /gzugs brnyan rnam pa gnyis po yang / /med phyir dmigs pa med pa'i phyir/ /de ni dmigs par rung ba yin/ /don ni don du 'grub gyur na/ /shes pa rtog pa med mi 'gyur/ /de med pas na sangs rgyas nyid//thob par 'thad pa ma yin no/ /byang chub sems dpa' dbang thob dang / /rnal 'byor pa la 'di ltar yang / /mos pa'i dbang gis sa la sogs/ /dngos po de ltar dmigs par 'gyur/ 'di la rnam par 'byed grub dang / /blo ldan zhi ba thob pa yi/ /chos kun yid la byed pa la//de ltar don ni mi snang phyir/ /mi rtogs shes pa rgyu ba la/ don kun snang ba med phyir yang / /don med khong du chud par bya/ /de med pas na rnam rig med/ /yongs su shes pas ji lta bu zhe na/ /mtshan nyid dang / rab tu dbye ba dang / gzhag pa rnams yang dag pa ji lta ba bzhin du shes pa'i phyir ro//spong bas ji lta bu zhe na/ nyan thos dang / theg pa chen po gnas gyur pa ste/ nyan thos kyi theg pa gnas gyur pas ni/ phung po dang / khams dang / skye mched kyi dmigs pa dag las rnam par thar gyi/ de dag la dbang 'byor ba thob par ni ma yin no//theg pa chen po gnas gyur pas ni/ gnyi ga'o/ /dmigs pa'i rkyen gzhung ji lta ba bzhin du rnam par nges pa rdzogs so// //bdag pos ji lta bu/ rten la dbang byed pa dang / 'phen pa la dbang byed pa dang / lhan cig 'byung ba la dbang byed pa dang / yul la dbang byed pa dang /skye bar dbang byed pa dang / gnas par dbang byed pa dang / 'bras bu la nye bar spyod pa la dbang byed pa dang / 'jig rten pa'i rnam par dag pa la dbang byed pa dang / 'jig rten las 'das pa'i rnam par dag pa la dbang byed pas kyang bdag po'i rkyen du blta bar bya'o//de la rten la dbang byed pa zhes bya ba la/ rlung gi dkyil 'khor ni chu'i dkyil 'khor la sogs pa'i rten la dbang byed pas bdag po'i rkyen to/ /snod kyi 'jig rten ni sems can gyi 'jig rten gyi'o/ /'byung ba rnams ni 'byung ba las gyur pa rnams kyi'o/ /dbang po rnams ni rnam par shes pa rnams kyi'o zhes bya ba la sogs pa'o//'phen pa la dbang byed pa zhes bya ba la/ sems can thams cad kyi thun mong gi las kyi snod kyi 'jig rten 'phen pa la dbang byed pas bdag po'i rkyen to/ /sngon gyi zag pa dang bcas pa'i las ni rnam par smin pa'o zhes bya ba la sogs pa'o//lhan cig 'byung ba la dbang byed pa zhes bya ba la sems ni sems las byung ba rnams kyi lhan cig 'byung ba la dbang byed pas bdag po'i rkyen to/ /yid la byed pa ni sems kyi'o/ /reg pa ni tshor ba'i'o zhes bya ba la sogs pa'o/ /'di man chad ni dbang po nyi shu rtsa gnyis kyi dbang du bya ste/bdag por rnam par gzhag par rig par bya'o/ /de la yul la dbang byed pa zhes bya ba ni/ mig dang / rna ba dang / sna dang / lce dang / lus dang / yid kyi dbang po rnams te/ de'i dbang gis gzugs la sogs pa mngon par 'grub pa'i phyir ro/ /skye bar dbang byed pa zhes bya ba ni pho dang mo'i dbang po ste/de'i dbang gis mngal du 'jug pa'i phyir ro/ /gnas par dbang byed pa zhes bya ba ni srog gi dbang po ste/ de'i dbang gis ris mthun par gnas pa'i phyir ro/ /'bras bu la nye bar spyod par dbang byed pa zhes bya ba ni/ bde ba dang sdug bsngal dang / yid bde ba dang yid mi bde ba dang /btang snyoms kyi dbang po rnams te/ de'i dbang gis sdug pa dang mi sdug pa'i rnam par smin pa so sor myong ba'i phyir ro/ /'jig rten pa'i rnam par dag pa la dbang byed pa zhes bya ba ni/ dad pa dang / brtson 'grus dang / dran pa dang / ting nge 'dzin dang / shes rab kyi dbang po rnams te/de dag gis nyon mongs pa rnams gnon pa'i phyir ro/ /'jig rten las 'das pa'i rnam par dag pa la dbang byed pa zhes bya ba ni mi shes pa kun shes par byed pa'i dbang po dang / kun shes pa'i dbang po dang / kun shes pa dang ldan pa'i dbang po la rnam par gzhag par rig par bya ste/ de dag gis bag la nyal legs par bcom pa'i phyir ro//ji ltar na rten mtshungs dang de mtshungs/ rten mtshungs dang de mtshungs rnams ni du/ ci'i phyir rten mtshungs dang de mtshungs su brtag /rnam par shes pa dang ma bral zhing de dang 'dra ba'i dbang po'i yul la rgyun du 'byung ba dang / rnam par shes pa dang bral zhing de dang 'dra ba rgyun du 'byung bas kyang rten mtshungs dang de mtshungs su blta bar bya'o//gzugs kyi phung po'i phyogs gcig dang / gzugs can gye khams dang / skye mched lnga'o/ /rnam par shes pa dang ma bral zhing de dang 'dra ba'i dbang po yul la rgyun du 'byung ba zhes bya ba ni rten pa mtshungs par rig par bya ste/rnam par shes pa dang ldan zhing rnam par shes pa dang 'dra ba'i dbang po'i yul rnams la de rgyun du 'byung zhing rnam par shes pa 'byung ba dang 'dra ba'i phyir ro/ /dbang po de ni rten pa mtshungs pa zhes brjod do/ /gnyis pa rnam par shes pa dang bral zhing de dang 'dra ba rgyun du 'byung bas zhes bya ba ni de mtshungs te/rnam par shes pa dang mi ldan pa'i dbang po'i bdag nyid dang 'dra ba rgyun du 'byung zhing dbang po'i mtshan nyid dang 'dra ba'i phyir de mtshungs su blta bar bya'o/ /phung po rnams kyi phyogs gcig ni mig la sogs pa dbang po lnga'i mtshan nyid do/ /gzugs can gyi khams dang skye mched lnga ni mig la sogs pa de rnams nyid do//bdag rnam par shes pa dang ldan pa dang mi ldan par mngon par zhen pa spang ba'i phyir ro/ /ji ltar na zin pa zin pa rnams ni du/ ci'i phyir zin par brtag /tshor ba 'byung ba'i gnas kyi gzugs ni zin par blta bar bya'o/ /gzugs gang la brten nas tshor ba 'byung ba de ni zin pa zhes brjod do//gzugs kyi phung po'i phyogs gcig dang / gnas dang bcas pa'i dbang pos bsdus pa'o/ /khams dang skye mched gzugs can lnga dang / mig la sogs pa'o/ /bzhi'i phyogs gcig go/ /gzugs dang / sgra dang / dri dang /ro dang / reg bya dbang po las gzhan du ma gyur ba'o/ /bdag lus la dbang bsgyur ba mngon par zhen pa spang ba'i phyir ro/ /ji ltar na dbang po dang / dbang po rnams ni du/ ci'i phyir dbang por brtag /yul 'dzin par dbang byed pa dang / rigs kyi rgyud la dbang byed pa dang / ris mthun par gnas par dbang byed pa dang /dge ba dang mi dge ba'i las kyi 'bras bu la nye bar spyod par dbang byed pa dang / 'jig rten gyi 'dod chags dang bral ba nyid la dbang byed pa dang / 'jig rten las 'das pa'i 'dod chags dang bral ba nyid la dbang byed pas kyang dbang por blta bar bya'o/ / de la yul 'dzin par byed pa ni mig la sogs pa drug ste/ de'i dbang gis gzugs la sogs pa dmigs pa la sems dang sems las byung ba 'byung ba'i phyir ro/ /rigs kyi rgyud la dbang byed pa ni/ pho dang mo'i dbang po ste/ de las bu dang tsha bo la sogs pa'i rigs 'byung ba'i phyir ro//lhag ma ni bdag po'i rkyen du bstan pa de bzhin du khong du chud par bya'o/ /tshor ba'i phung po dang / rnam par shes pa'i phung po dang / gzugs dang 'du byed kyi phung po'i phyogs gcig dang / mig dang / rna ba dang / sna dang / lce dang / lus dang / pho dang / mo'i dbang po'i mtshan nyid dang /srog gi dbang po dang / dad pa dang / brtson 'grus dang / dran pa dang / ting nge 'dzin dang / shes rab kyi dbang po'i mtshan nyid dang go rims so/ /khams bcu gnyis dang / skye mched drug dang / dbang po dang / rnams par shes pa'i khams rnams dang / nang gi rnams so/ /chos kyi khams dang /skye mched kyi phyogs gcig go/ /srog gi dbang po dang / bde ba la sogs pa dang / dad pa la sogs pa lnga'o/ /bdag dbang byed par mngon par zhen pa spong ba'i phyir ro/ /ji ltar na sdug bsngal gyi sdug bsngal nyid/ sdug bsngal gyi sdug bsngal rnams ni du/ ci'i phyir sdug bsngal gyi sdug bsngal nyid du brtag /sdug bsngal gyi tshor ba'i rang gi mtshan nyid dang / sdug bsngal myong bar 'gyur ba'i chos kyi rang gi mtshan nyid kyis kyang sdug bsngal gyi sdug bsngal nyid du blta bar bya'o/ /de la sdug bsngal gyi tshor ba ni/ sdug bsngal gyi bdag nyid yin te/ rang gi mtshan nyid kho nas sdug bsngal gyi sdug bsngal nyid do/ /de 'byung ba'i rgyur gyur ba dbang po dang / don rnams dang de dang mtshungs par ldan pa rnams ni sdug bsngal myong bar byed pa'i phyir/ sdug bsngal gyi sdug bsngal nyid du blta bar bya'o/ /thams cad kyi phyogs gcig go/ / bdag sdug bsngal bar mngon par zhen pa spong ba'i phyir ro/ /ji ltar na 'gyur ba'i sdug bsngal nyid/ 'gyur ba'i sdug bsngal rnams ni du/ ci'i phyir 'gyur ba'i sdug bsngal nyid du brtag /bde ba'i tshor ba 'gyur ba'i mtshan nyid dang / bde ba myong bar 'gyur ba'i chos 'gyur ba rang gi mtshan nyid dang /de la yang rjes su chags pas sems 'gyur bas kyang 'gyur ba'i sdug bsngal nyid du blta bar bya'o/ /de la bde ba'i tshor ba dang / de myong bar byed pa'i chos rnams 'gyur bas yid mi bde ba 'byung ba'i phyir/ de 'gyur ba ni 'gyur ba'i sdug bsngal nyid do/ /de la yang rjes su chags pas sems 'gyur ba ni/'gyur ba'i sdug bsngal nyid du rig par bya ste/ ji skad du zhe na/ gnas 'gyur ba'i sems kyis zhes gsungs pa lta bu'o/ /thams cad kyi phyogs gcig go/ /bdag bde bar mngon par zhen pa spang ba'i phyir ro/ /ji ltar na 'du byed kyi sdug bsngal nyid/'du byed kyi sdug bsngal nyid rnams ni du/ ci'i phyir 'du byed kyi sdug bsngal nyid du brtag /sdug bsngal yang ma yin bde ba yang ma yin pa'i tshor ba'i rang gi mtshan nyid dang / sdug bsngal yang ma yin bde ba yang ma yin pa myong bar 'gyur ba'i chos kyi rang gi mtshan nyid dang /de gnyi ga'i gnas ngan len yongs su 'dzin pa dang / gnyi ga las ma thar ba mi rtag pa nyid kyis rjes su bcings pas grub pa dang / bde ba ma yin pas kyang 'du byed kyi sdug bsngal ba nyid du blta bar bya'o/ /de la sdug bsngal yang ma yin/ bde ba yang ma yin pa'i tshor ba ni/ len pa'i rnam par shes pa dang mtshungs par ldan pa dang / /de myong bar byed pa'i 'du byed rnams dang / sdug bsngal dang 'gyur ba'i sdug bsngal nyid kyi gnas ngan len dang ldan pa dang / sdug bsngal nyid/ de gnyis las rnam par ma grol bas res 'ga' ni bde ba'i gnas skabs la brten/ res 'ga' ni sdug bsngal gyi gnas skabs la brten te/dus rtag tu sdug bsngal yang ma yin bde ba yang ma yin pa'i gnas skabs nyid du 'gyur ba ni ma yin no/ /de lta bas na mi rtag pas rjes su bcings pas grub pa dang / bde ba ma yin pa'i phyir/ 'du byed kyi sdug bsngal du rig par bya'o/ / phung po rnams dang / khams gsum dang / yid dang / chos dang / yid kyi rnam par shes pa'i khams rnams so/ /skye mched gnyis kyi phyogs gcig ma gtogs pa thams cad do/ /yid dang chos kyi skye mched dang / zag pa med pa'i mtshan nyid dang / de las gzhan pa dag go/ /bdag sdug bsngal yang ma yin bde ba yang ma yin par mngon par zhen pa spang ba'i phyir ro//ji ltar na rnam par smin pa dang bcas pa rnam par smin pa dang bcas pa rnams ni du/ ci'i phyir rnam par smin pa dang bcas par brtag /mi dge ba dang / dge ba zag pa dang bcas pa ni/ rnam par smin pa dang bcas par blta bar bya'o/ /mi dge ba dang / dge ba zag pa dang bcas pa'i rnam par smin pa len pa'i rnam par shes pa mtshungs par ldan pa dang bcas pa ni phyi ma la yod de/ de'i phyir rnam par smin pa de nas de gnyis rnam par smin pa dang bcas pa zhes brjod do/ /phung po rnams dang /khams bcu dang / rnam par shes pa bdun dang / gzugs dang / sgra dang / chos kyi khams rnams so/ /skye mched bzhi'i phyogs gcig go/ /gzugs dang sgra dang / yid dang / chos kyi skye mched rnams dang / lung ma bstan dang / zag pa med pa ma gtogs so/ /bdag la phung po 'jog par byed pa dang /nying mtshams sbyor bar byed par mngon par zhen pa spang ba'i phyir ro/ /rnam par smin pa ni kun du len pa'i rnam par shes pa dang mtshungs par ldan pa dang bcas par blta bar bya'o/ /de las gzhan pa rnams ni rnam par smin pa las byung ba'o/ /de las gzhan pa ni 'dir mig la sogs pa dang /bde ba dang / sdug bsngal ba la sogs pa ni rnam par smin pa des 'byung bar brjod pa thob pa de de las skyes pa'i phyir ro/ /ji ltar na zas/ zas rnams ni du/ ci'i phyir zas su brtag /'ju bas kyang 'ju ba las gyur pa dang / lam gyi zas 'ju ba'i dus na dbang po'i 'byung ba chen po gso bar byed pa'i phyir ro//yul gyis kyang yul las gyur pa dang / reg pa'i zas te/ yid du 'ong ba'i yul gyi gnas kyi reg pas lus la phan 'dogs pa'i phyir ro/ /re bas kyang re ba las gyur ba dang / yid la sems pa'i zas te/ 'dod pa'i dngos po dang 'brel ba'i re ba'i dbang gis lus la phan 'dogs pa'i phyir ro//len pas kyang len pa las gyur pa nyid ni zas su blta bar bya'o/ /rnam par shes pa'i zas te/ kun du len pa'i rnam par shes pa nye bar len pa'i dbang gis lus gnas pa'i phyir te/ 'di ltar de dang bral na lus rul bar 'gyur ba'i phyir ro//phung po gsum dang / khams bcu gcig dang / skye mched lnga'i phyogs gcig go/ /bdag zas kyis gnas par mngon par zhen pa spangs pa'i phyir ro/ /yang zas rnam pa bzhi po 'di dag ni bsdus nas rnam pa bzhis rnam par gzhag go/ /yang thos ni ma dag pa'i lus gnas par byed pa dang /'di lta ste/ 'dod pa na spyod pa'i so so'i skye bo rnams kyi ste/ mtha' dag gi 'ching ba dang ldan pa'i phyir ma dag pa'i gnas so/ /dag pa dang ma dag pa'i lus gnas par byed pa dang / slob pa rnams dang / gzugs dang / gzugs med pa na spyod pa'i so so'i skye bo rnams kyi ste/'ching ba'i lhag ma dang bcas pa'i phyir ro/ /dag pa'i lus gnas par byed pa dang / dgra bcom pa rnams kyi ste/ 'ching ba thams cad las rnam par grol ba'i phyir ro/ /gnas pa kun du ston par yang blta bar bya'o/ /sangs rgyas rnams dang / byang chub sems dpa' mthu chen po thob pa rnams kyi ste/zas kyi dbang gis gnas pa kun du ston pa'i phyir ro/ /ji ltar na gong ma dang bcas pa gong ma dang bcas pa rnams ni du/ ci'i phyir gong ma dang bcas par brtag /'dus byas dang 'dus ma byas kyi phyogs gcig gis kyang gong ma dang bcas par blta bar bya'o//chos kyi khams dang / chos kyi skye mched kyi phyogs gcig ma gtogs pa thams cad do/ /mya ngan las 'das pa ma gtogs pa rnams te/ de'i mtshan nyid ni rnam par dag pa'i de bzhin nyid yin pas/ de ni chos thams cad kyi mchog yin pa'i phyir ro/ /bdag rdzas ngan par mngon par zhen pa spong ba'i phyir ro//ji ltar na gong na med pa/ gong na med pa rnams ni du/ ci'i phyir gong na med par brtag /'dus ma byas kyi phyogs gcig gi gong na med pa'o/ /chos kyi khams dang / skye mched kyi phyogs gcig go/ /bdag rdzas mchog tu mngon par zhen pa spang pa'i phyir ro//de ltar na tshul 'dis rab tu dbye ba'i tshul tshad med do/ /yang mdor bsdu na phung po dang / khams dang / skye mched rnams kyi rab tu dbye ba ni rnam pa gsum ste/ gang zag la bdag med pa'i tshul gyis ngo bo nyid rnam pa gsum gyi dbang du byas par rig par bya'o/ /kun brtags pa'i mtshan nyid kyis rab tu dbye ba dang /rnam par brtags pa'i mtshan nyid kyis rab tu dbye ba dang / chos nyid kyi mtshan nyid kyis rab tu dbye ba'o/ /de la kun brtags pa'i mtshan nyid kyis rab tu dbye ba gang / phung po dang / khams dang / skye mched rnams la bdag ce'am/sems can nam/ srog gam/ skye ba po'am/ gso ba po'am/ gang zag gam/ shed las skyes sam/ shed bu zhes gang kun du brtags pa'o/ /phung po la sogs pa la brten nas med par yang bdag la sogs pa'i ngo bo nyid du gang kun rtog pa'o/ /rnam par brtags pa'i mtshan nyid kyis rab tu dbye ba gang /phung po dang / khams dang / skye mched de rnams nyid do/ /gzhan gyi dbang gi ngo bo nyid ni phung po la sogs pa de nyid de/ gang du yang dag pa ma yin pa'i bdag la sogs pa'i rnam par rtog pa de 'byung ba'o/ /chos nyid kyi mtshan nyid kyis rab tu dbye ba gang /phung po dang / khams dang / skye mched de rnams nyid la bdag med cing sems can nam/ srog gam/ skye ba po'am/ gso ba po'am/ gang zag gam/ shed las skyes sam/ shed bu med la bdag med pa ni yod pa nyid do/ /yongs su grub pa'i ngo bo nyid ni/ dngos po dang / dngos po med pa dang / mi ldan pa'i mtshan nyid dang / phung po la sogs pa la bdag la sogs pa med pa dang / bdag med pa la sogs pa ni yod pa nyid kyi mtshan nyid kyi phyir ro/ /yang rab tu dbye ba rnam pa bzhi ste/ mtshan nyid kyis rab tu dbye ba dang / rnam pas rab tu dbye ba dang /lus kyis rab tu dbye ba dang / rgyun gyis rab tu dbye ba'o/ /mtshan nyid kyis rab tu dbye ba gang / phung po dang / khams dang / skye mched rnams so so rang gi mtshan nyid kyis rab tu dbye ba'o/ /chos rnams kyi rang bzhin gyi dbang du bya ste/ gzugs dang tshor ba zhes bya ba lta ba la sogs pa'o//rnam pas rab tu dbye ba gang / phung po dang / khams dang / skye mched de dag nyid kyis rdzas su yod pa dang / btags par yod pa dang / kun rdzob tu yod pa dang / don dam par yod pa dang / gzugs can dang / gzugs can ma yin pa dang / bstan du yod pa dang /bstan du med pa zhes pa la sogs pa ji skad bstan pa rnams so/ /rnam pas rab tu dbye ba ni khyad par gyi dbang du byas so/ /lus kyis rab tu dbye ba gang / sems can rnams kyi lus ji snyed pa phung po dang / khams dang / skye mched rnams kyang de snyed do/ /so so'i lus te phung po la sogs pa tha dad pa'i dbang du byas pa'o//rgyun gyis rab tu dbye ba gang / phung po dang / khams dang / skye mched rnams kyis skad cig re re 'byung ba'o/ /rgyun gyis rab tu dbye ba ni/ lus gcig pa las yang phung po la sogs pa'i skad cig so so gzhan gyi dbang du byas pa'o//mtshan nyid kyis rab tu dbye ba la mkhas pas ci zhig yongs su shes/ bdag la mngon par shes pa yongs su shes so/ /rnam pas rab tu dbye ba la mkhas pas ci zhig yongs su shes/ ril po'i 'du shes yongs su shes so/ /lus kyis rab tu dbye ba la mkhas pas ci zhig yongs su shes/ma byas pa dang phrad pa dang byas pa chud mi za ba'i 'du shes yongs su shes so/ /rgyun gyis rab tu dbye ba la mkhas pas ci zhig yongs su shes/ brtan pa'i 'du shes yongs su shes so/ /yang phung po dang / khams dang / skye mched de rnams nyid kyi rab tu dbye ba rnam pa drug ste/phyi rol du bltas pas rab tu dbye ba dang / nang du bltas pas rab tu dbye ba dang / rgyun ring ba'i dus kyis rab tu dbye ba dang / dus yongs su chad pas rab tu dbye ba dang / de'i dus kyis rab tu dbye ba dang / kun du ston pas rab tu dbye ba'o/ /phyi rol du blta bas rab tu dbye ba gang /gang phal cher 'dod pa'i khams na spyod pas rab tu dbye ba'o/ /phal cher bzung ba ni rgyu mthun pa'i chos kyi rgyu las byung ba'i thos pa dang / sems pa las byung ba ma gtogs par gdon pa'i phyir ro/ /nang du bltas pas rab tu dbye ba gang / mnyam par gzhag pa'i sa pa thams cad do//rgyun ring ba'i dus kyis rab tu dbye ba gang / so so'i skye bo rnams so/ /dus yongs su chad pas rab tu dbye ba gang / slob pa dang mi slob pa rnams kyi tha ma'i phung po dang / khams dang / skye mched ma gtogs pa'o/ /de'i dus kyis rab tu dbye ba gang / mi slob pa rnams kyi tha ma'i phung po dang / khams dang / skye mched rnams so/ /kun du ston pas rab tu dbye ba gang / gang sangs rgyas rnams dang / byang chub sems dpa' pha rol tu phyin pa thob pa rnams/ phung po dang / khams dang / skye mched rnams kun du ston pa'o//bsdus pa gang / de rnam pa bcu gcig tu blta bar bya ste/ mtshan nyid kyis bsdus pa dang / khams kyis bsdus pa dang / rigs kyis bsdus pa dang / gnas skabs kyis bsdus pa dang / grogs kyis bsdus pa dang / phyogs kyis bsdus pa dang / dus kyis bsdus pa dang / phyogs gcig gis bsdus pa dang / mtha' dag gis bsdus pa dang / gcig gis gcig bsdus pa dang / don dam pas bsdus pa'o/ /mtshan nyid kyis bsdus pa gang / phung po dang / khams dang / skye mched rnams kyi rang gi mtshan nyid des de dag nyid bsdus par rig par bya'o/ / dper na gzugs kyi phung po nyid kyis gzugs kyi phung po bsdus pa nas rgya cher chos kyi skye mched kyis chos kyi skye mched pa'i bar du'o/ /khams kyis bsdus ba gang / phung po dang / khams dang / skye mched rnams kyi sa bon gang / de rnams kun du len pa'i rnam par shes pa'i khams kyis bsdus pa'o//phung po dang / khams dang / skye mched thams cad kun du len pa'i rnam par shes pas bsdus pa ni/ de la thams cad kyi sa bon yod pa'i phyir ro/ /rigs kyis bsdus pa gang / phung po dang / khams dang / skye mched rnams mtshan nyid tha dad kyang phung po'i don dang khams dang /skye mched kyi don tshad mar byas nas/ thams cad phan tshun gyis bsdus pa dag go/ /rigs kyis bsdus pa ni phung po rnams kyis phung po la sogs pa'i don dang ldan pa gzugs la sogs pa rang gi mtshan nyid kyis phan tshun mtshan nyid mi 'dra na yang / rang gi mtshan nyid dang rigs gcig pa'i phyir thams cad bsdus so//de bzhin du khams rnams dang / skye mched rnams kyang nyer spyod 'dzin pa'i don dang ldan pa dang / skye ba'i sgo'i don dang ldan pa mig la sogs pa bsdus par rig par bya'o/ /gnas skabs kyis bsdus pa gang / bde ba'i gnas skabs kyi phung po dang / khams dang skye mched rnams ni de dag nyid kyis bsdus ba'o//de bzhin du sdug bsngal gyi gnas skabs dang / sdug bsngal dang bde ba yang ma yin pa'i gnas skabs kyang de dag nyid kyis bsdus pa'o/ /gnas skabs kyis bsdus pa ni phung po rnams rigs gcig tu zin kyang bde ba la sogs pa'i gnas skabs nges par byas nas/bde ba'i gnas skabs nyid ni bde ba'i gnas skabs nyid kyis bsdus kyi sdug bsngal gyi gnas skabs kyis ni ma yin no/ /de bzhin du sdug bsngal gyi gnas skabs dang / sdug bsngal yang ma yin bde ba yang ma yin pa'i gnas skabs kyang de nyid kyi gnas skabs kyis bsdus so//phung po rnams ji lta bar khams rnams dang / skye mched rnams kyang de bzhin no/ /grogs kyis bsdus pa gang / gzugs kyi phung po 'khor dang bcas pa ni de las gzhan pa'i phung po'i grogs rnams kyis grogs kyi bsdu bas bsdus pa'o//de bzhin du de las gzhan pa'i phung po dang / khams dang skye mched rnams la yang rig par bya'o/ /grogs kyis bsdus pa zhes bya ba la gzugs kyi phung po ni sdud pa na/ de la brten pa tshor ba la sogs pa grogs rnams dang lhan cig du phung po lnga po dag gis bsdus so/ / de bzhin du tshor ba la sogs pa 'khor dang bcas pa sdud pa na/ so sor phung po lnga po dag gis bsdus par 'gyur ro/ /de bzhin du khams rnams dang / skye mched 'khor dang bcas pa rnams kyang so sor khams dang / skye mched rnams kyis bsdus par rig par bya'o/ /phyogs kyis bsdus pa gang /shar phyogs kyi phung po dang / khams dang / skye mched gang de rnams de dag nyid kyis bsdus pa'o/ /de bzhin du de las gzhan pa'i phyogs bcu rnams la yang rig par bya'o/ /dus kyis bsdus pa gang / 'das pa'i phung po dang / khams dang / skye mched rnams ni de dag nyid kyis bsdus pa'o//de bzhin du ma 'ongs pa dang / da ltar byung ba'i phung po dang / khams dang / skye mched rnams kyang de dag nyid kyis bsdus pa'o/ /phyogs gcig gis bsdus pa gang / phung po dang / khams dang / skye mched rnams kyis bsdus pa'i chos ji snyed pa de dag gang yang rung bas bsdus pa ni phyogs gcig gis bsdus par rig par bya'o//phyogs gcig gis bsdus pa zhes bya ba la/ tshul khrims kyi phung po ni gzugs kyi phung po'i phyogs gcig gis bsdus so/ /ting nge 'dzin dang shes rab kyi phung po ni 'du byed kyi phung po'i phyogs gcig gis bsdus so//'dod pa dang / gnod sems dang / rnam par 'tshe ba'i khams ni chos kyi khams kyi phyogs gcig gis bsdus so/ /nam mkha' mtha' yas skye mched la sogs pa ni/ yid dang chos kyi skye mched kyi phyogs gcig gis bsdus so//de ltar byas na mdo sde gzhan du phung po dang / khams dang / skye mched kyis bsdus pa'i chos ji snyed pa de dag gang yang rung bas bsdus pa ni/ phyogs gcig gis bsdus par rig par bya'o/ /mtha' dag gis bsdus pa gang phung po dang / khams dang / skye mched rnams kyis bsdu ba'i chos ji snyed pa de dag ma lus pas bsdus pa ni/mtha' dag gis bsdus par rig par bya'o/ /mtha' dag gis bsdus pa zhes bya ba la/ sdug bsngal gyi phung po ni nye bar len pa'i phung po lnga po dag gis bsdus so/ /'dod pa'i khams ni khams bco brgyad dag gis bsdus so/ / 'du shes med pa'i sems can gyi skye mched ni dri dang ro'i skye mched ma gtogs pa skye mched bcu po dag gis bsdus so/ /de ltar byas na mdo sde gzhan du phung po dang / khams dang / skye mched rnams kyis bsdus pa'i chos ji snyed pa de dag ni mtha' dag gis bsdus par rig par bya'o/ / gcig gis gcig bsdus pa gang / gzugs kyi phung po khams du dang skye mched du dag gis bsdus/ khams bcu dang skye mched bcu dang / khams dang skye mched kyi phyogs gcig gis kyang ngo / /tshor ba'i phung po khams du dang / skye mched du dag gis bsdus/ khams gcig dang skye mched kyi phyogs gcig gis bsdus so//tshor ba'i phung po ji lta bar 'du shes kyi phung po dang / 'du byed kyi phung po yang de bzhin no/ /rnam par shes pa'i phung po khams dang / skye mched du dag gis bsdus/ khams bdun dang skye mched gcig gis bsdus so/ / mig gi khams phung po du dang / skye mched du dag gis bsdus/ gzugs kyi phung po'i phyogs gcig dang / skye mched gcig gis so/ /mig gi khams ji lta bar rna ba'i khams dang / sna'i khams dang / lce'i khams dang / lus kyi khams kyang de bzhin no/ /gzugs kyi khams phung po du dang /skye mched du dag gis bsdus/ gzugs kyi phung po'i phyogs gcig gis dang / skye mched gcig gis bsdus so/ /gzugs kyi khams ji lta bar/ sgra'i khams dang / dri'i khams dang / ro'i khams dang / reg bya'i khams kyang de bzhin no/ /mig gi rnam par shes pa'i khams phung po du dang /skye mched du dag gis bsdus/ rnam par shes pa'i phung po dang / yid kyi skye mched kyi phyogs gcig gis so/ /mig gi rnam par shes pa'i khams ji lta bar/ rna ba dang / sna dang / lce dang / lus dang / yid dang / yid kyi rnam par shes pa'i khams kyang de bzhin no//chos kyi khams phung po du dang / skye mched du dag gis bsdus/ phung po gsum dang / gcig gi phyogs gcig dang / skye mched gcig gis bsdus so/ /mig gi skye mched phung po du dang / khams du dag gis bsdus/ gzugs kyi phung po'i phyogs gcig dang / khams gcig gis so//mig gi skye mched ji lta bar rna ba dang / sna dang / lce dang / lus kyi skye mched rnams dang / gzugs dang / sgra dang / dri dang / ro dang / reg bya'i skye mched rnams kyang de bzhin no/ /yid kyi skye mched phung po dang / khams du dag gis bsdus/ rnam par shes pa'i phung po dang /sems can gyi khams bdun gyis so/ /chos kyi skye mched phung po du dang / /khams du dag gis bsdus/ phung po gsum dang / gcig gi phyogs gcig dang / khams gcig gis bsdus so/ /de bzhin du de las gzhan pa'i chos phung po bstan pa dang / khams bstan pa dang / skye mched bstan pa gang dag dang /gang dag de bzhin du ma bstan pa 'di lta ste/ rdzas yod pa dang / btags pas yod pa dang / kun rdzob tu yod pa dang / don dam par yod pa dang / shes par bya ba dang / rnam par shes par bya ba dang / mngon par shes par bya ba dang / gzugs can dang / gzugs can ma yin pa dang / bstan du yod pa dang / bstan du med pa la sogs pa de dag kyang / phung po dang / khams dang / skye mched rnams kyis bsdus par ji ltar rigs par blta bar bya ste/ de ltar thams cad ji ltar rigs par bstan pa yin no/ /gcig gis gcig bsdus pa zhes bya ba la/phung po rnams ni so sor khams rnams dang / skye mched rnams kyis bsdus te/ ji ltar mthun mthun du sbyar ro/ /de bzhin du khams rnams kyang skye mched rnams dang / phung po rnams kyis bsdus shing skye mched rnams kyang phung po dang / khams rnams kyis bsdus par rgya cher khong du chud par bya'o//don dam par bsdus pa dang / gang phung po dang / khams dang / skye mched rnams kyi de bzhin nyid do/ /yang sdud pa'i mtshan nyid ni 'jig rten gyi grags pas bsdus pa dang mthun par rnam pa drug tu blta ste/ de yang gang zhe na/ gzhi'i gnas kyis bsdus pa ni/dper na mi rnams ni 'dzam bu'i gling gis bsdus so/ /ri dgas rnams ni dgon pas bsdus so zhes bya ba 'jig rten na brjod pa de bzhin du/ 'dir yang mig la sogs pas mig gi rnam par shes pa la sogs pa bsdus par rig par bya'o/ /'ching bas bsdus pa ni/ dper na thag pa la sogs pas shing khur ba la sogs pa bcings pa de bzhin du/lus kyis mig la sogs pa'i dbang po rnams bcings so/ /don mthun pas bsdus pa ni dper na/ dgos pa thams cad mthun pa'i mi yid gcugs pa rnams phan tshun bstan pa de bzhin du/ dmigs pa gcig la 'byung ba mtshungs par ldan pa rnams kyang gcig gis gcig bsdus pa'o//nye bar 'dzin pas bsdus pa ni dper na/ jo bos bran la sogs pa la/ bdag gir yongs su bzung ba de bzhin du/ kun du len pa'i rnam par shes pas kyang lus bzung ngo / rnam par mi 'phro bas bsdus pa ni dper na/bum pas chu bzung ba de bzhin du/ ting nge 'dzin gyis kyang de las gzhan pa'i sems dang sems las byung ba rnams bzung ngo / /mngon par sdud pas bsdus pa ni dper na/ rgya mtshos 'bab chu rnams sdud pa de bzhin du/ gzugs kyi phung pos mig la sogs pa bsdus so/ / 'dir ni mngon par sdud pas bsdus ba'i dbang du byas nas sdud pa rnam pa bcu gcig tu rig par bya'o/ /de ltar bsdus pa la mkhas pas phan yon ci zhig thob/ dmigs pa mngon par bsdus pa'i phan yon thob ste/ ji lta ji ltar dmigs pa mngon par sdud pa de lta de ltar dge ba'i rtsa ba 'phel lo//sbyor ba gang / de yang rnam pa drug tu blta ste/ cha med pas sbyor ba dang / 'dres par gyur pas sbyor ba dang / phrad par sbyor ba dang / lhan cig 'byung bas sbyor ba dang / bya ba sgrub pas sbyor ba dang / mthun par rtogs pas sbyor ba'o/ /cha med par sbyor ba gang / rdul phra rab kyi phyogs la phyogs can thams cad tha dad pa med pa'o//rdul phra rab gcig tu gtogs pa'i gzugs la sogs pa ni cha med cing phyogs mthun pa nyid kyis tha dad med par rig par bya'o/ /'dres par gyur pas sbyor ba gang / rdul phra rab las gong ma phyogs can thams cad 'dres par gyur pa'o//'di lta ste/ chu rnyog ma can gyi nang du chu dang / sa'i rdul phra rab rnams phan tshun 'dren pa lta bu'o/ /phrad par sbyor ba gang / phyogs can 'dus pa rnams nyid phan tshun phrad pa'o/ /'di lta ste/ rtsig pa la 'jim gong dang / 'jim gong gzhan phrad pa lta bu'o/ / lhan cig 'byung bas sbyor ba gang / phung po dang / khams dang / skye mched gang dag lhan cig 'byung bas 'khod pa ste/ skye ba gcig pa dang / gnas pa gcig pa dang / 'gag pa gcig pa rnams so/ /lus gcig pu la phung po la sogs pa skad cig ma rnams so/ /bya ba sgrub bas sbyor ba gang 'di lta ste/dge slong gnyis dgos pa gang yang rung ba cig la phan tshun sbyor bas zhugs pa lta bu'o/ /dgos pa gcig la zhugs pa rnams phan tshun du'o/ /mthun par rtogs pas sbyor ba gang / sems dang sems las byung ba'i chos rnams dmigs pa gcig mthun par rtogs pa'o//mthun par rtogs pas sbyor ba de yang gzhan gyi dngos po yin gyi/ bdag gi dngos po ni ma yin no/ /'di ltar sems ni sems gzhan dang mtshungs par ma yin zhing / tshor ba yang tshor ba gzhan dang mtshungs par ldan pa ma yin pa la sogs pa lta bu'o/ /mthun pa gnyis yin gyi/mi mthun pa gnyis ni ma yin no/ /dper na 'dod chags dang zhe sdang gnyis dang / dge ba dang mi dge ba gnyis la sogs pa lta bu'o/ /dus 'dra ba gnyis yin gyi/ dus mi 'dra ba gnyis ni ma yin no/ /'di lta ste/ da ltar dang ma 'ongs pa gnyis dang /'das pa dang de ltar gnyis so/ /mthun pa'i khams dang sa pa nyid yin gyi/ mi mthun pa'i khams dang sa pa gnyis ni ma yin no/ /'di lta ste/ 'dod pa dang gzugs na spyod pa gnyis dang / bsam gtan dang po dang / gnyis pa'i sa la sogs pa lta bu'o/ /dbye ba mthun/ pa'i sbyor ba'i kun du 'gro ba ni 'di lta ste/ tshor ba dang / 'du shes dang / sems pa dang / reg pa dang / yid la byed pa dang / rnam par shes pa rnams so/ /tshor ba la sogs pa drug po 'di dag ni kun du 'gro ba'o/ /'di dag las gnas skabs thams cad du gang yang rung ba gcig med na med pa'i phyir ro//yang sbyor ba'i kun du 'gro ba nyon mongs pa can ni/ yid dang nyon mongs pa bzhi rnams so/ /res 'ga' sbyor ba ni 'di lta ste/ sems la dad pa la sogs pa dge ba rnams dang / 'dod chags la sogs pa nyon mongs pa dang / nya ba'i nyon mongs pa rnams so/ /gnas skabs las gyur pa'i sbyor ba ni/gang bde ba'i sbyor ba dang bcas pa'o/ /sdug bsngal dang / sdug bsngal yang ma yin bde ba yang ma yin pa'ang de bzhin no/ /rgyun mi 'chad par sbyor ba ni lus sems dang bcas pa'i gnas skabs na'o/ /rgyun chad pa'i sbyor ba ni sems med pa'i snyoms par 'jug pas bar du chod pa'i gnas skabs na'o//phyi rol du bltas pa'i sbyor ba ni 'dod pa'i khams dang rab tu ldan pa'i sems dang / sems las byung ba rnams las gang phal cher ro/ /nang du bltas pa'i sbyor ba ni mnyam par gzhag pa'i sa pa rnams kyi sems dang sems las byung ba rnams las kha cig gi'o//'dris pa'i sbyor ba ni so so'i skye bo rnams kyi sems dang sems las byung ba rnams dang / slob pa dang / mi slob pa de dag las kyang kha cig gi'o/ /de la slob pa dang mi slob ba zhes pa ni/ gcig tu 'jig rten pa'i dge ba rnams dang / mi dge ba dang / lung du ma bstan pa rnams kyi ste/ji ltar rigs par ro/ /ma 'dris pa'i sbyor ba ni/ 'jig rten las 'das pa rnams kyi sems dang sems las byung ba rnams kyi dang po dang / de'i 'og ma rnams dang / 'jig rten las 'das pa'i rjes la thob pa rnams kyi'o/ /dang po dang de'i 'og ma rnams zhes bya ba ni/ sngar med pa'i skyes pa nyid kyis skad cig dang po las byung ba rnams dang / skad cig gnyis pa la sogs pa las byung ba rnams kyang 'jig rten las 'das pa rnams kyi ma 'dris pa nyid du shes par bya ba'i don to/ /sbyor ba la mkhas pas phan yon ci zhig 'thob/ sems tsam la tshor ba la sogs pa dang / kun nas nyon mongs pa dang / rnam par byang ba'i chos rnams kyi sbyor ba dang / sbyor ba ma yin pa shes so/ /de shes na bdag tshor bar byed do/ /'du shes su byed do/ /sems par byed do/ /dran par byed do/ /kun nas nyon mongs so/ /rnam par byang ngo zhes mngon par zhen pa spong zhing bdag med pa la 'jug go//ldan pa gang / mtshan nyid kyis ni sngar bzhin no/ /'di lta ste/ dge ba dang / mi dge ba dang / lung du ma bstan pa'i chos rnams kyi 'phel ba dang 'grib pa la thob pa dang rnyed pa dang ldan pa zhes gdags so zhes pa'o/ /rab tu dbye bas ni yang rnam pa gsum ste/ sa bon dang ldan pa dang /dbang dang ldan pa dang / kun du 'byung ba dang ldan pa'o/ /sa bon dang ldan pa gang / 'dod pa'i khams su skyes par gyur pa ni 'dod pa'i khams dang rab tu ldan pa'i nyon mongs pa dang / nye ba'i nyon mongs pa rnams dang / gzugs dang gzugs med pa dang rab tu ldan pa'i nyon mongs pa dang /nye ba'i nyon mongs pa rnams dang / skye bas thob pa'i dge ba rnams kyi sa bon dang ldan pas ldan pa'o/ /'dod pa'i khams su skye bar gyur pa ni/ khams gsum pa'i nyon mongs pa dang / nye ba'i nyon mongs pa dang ldan pa ste/ de ni so so'i skye bo 'dod chags dang ma bral ba'i dbang du byas par rig par bya'o//'dod chags dang bral ba ni de'am gong mar skyes kyang rung ste/ sa gang gi 'dod chags dang bral ba de rnams dang / sa de dang mi ldan pa dang / ldan pa yang yin te/ gnyen pos gnod pa byas pa dang / bag la nyal legs par ma bcom pa'i phyir go rims bzhin no//skye bas thob pa'i dge ba rnams zhes bya ba ni/ gang du skyes pa'i sa pa nyid dang ldan no/ /gzugs kyi khams su skyes par gyur pa ni/ 'dod pa dang rab tu ldan pa'i nyon mongs pa dang / nye ba'i nyon mongs pa rnams kyis don dang ldan pa dang / ldan pa ma yin pa zhes kyang bya'o//gzugs dang rab tu ldan pa'i nyon mongs pa dang / nye ba'i nyon mongs pa rnams dang / skye bas thob pa'i dge ba rnams kyi sa bon dang ldan pas ldan pa'o/ /gzugs med par skyes par gyur pa ni 'dod pa dang rab tu ldan pa dang / gzugs dang rab tu ldan pa'i nyon mongs pa dang /nye ba'i nyon mongs pa rnams kyi sa bon dang ldan pa dang ldan pa ma yin pa zhes kyang bya'o/ /gzugs med pa dang rab tu ldan pa'i nyon mongs pa dang / nye ba'i nyon mongs pa rnams dang / skye bas thob pa'i dge ba rnams ni sa bon dang ldan pas ldan pa'o/ /khams gsum pa'i gnyen po thob pa ni/ rnam pa gang dang gang gi gnyen po byung ba de dang de'i sa bon dang mi ldan pas ldan pa ma yin gyi/gang gi gnyen po ma byung ba de'i sa bon dang ldan pas rab tu ldan pa'o/ /khams gsum pa'i gnyen po thob pa zhes bya ba ni/ 'jig rten las 'das pa'i lam thob pa'o/ /rnam pa gang dang gang gi gnyen por 'byung ba zhes bya ba ni/bsgom pas spang bar bya ba'i nyon mongs pa chen po la sogs pa'o/ /de na de'i sa bon dang mi ldan pas kyang ldan pa yin zhes bya ba ni bag la nyal legs par bcom pa'i phyir ro/ /dbang ldan gang / sbyor ba las byung ba'i dge ba'i chos 'jig rten pa rnams dang / 'jig rten las 'das pa'i bsam gtan dang /rnam par thar pa dang / ting nge 'dzin dang / snyoms par 'jug pa la sogs pa dang / lung du ma bstan pa de dag las kyang kha cig ni dbang dang ldan pas ldan pa'o/ /sbyor ba las byung ba'i dge ba'i chos 'jig rten pa rnams zhes bya ba ni/ thos pa las byung ba la sogs pa'i sa bon yod du zin kyang /de goms par ma byas pa skye ba de'i sa bon thob ma thag gis mngon sum du byed mi nus pa'i phyir ro/ /lung du ma bstan pa de dag las kyang kha cig ces bya ba ni bzo'i gnas dang / sprul pa'i sems la sogs pa'o/ /kun 'byung ba dang ldan pa gang / phung po dang / khams dang /skye mched rnams las dge ba'am/ mi dge ba'am/ lung du bstan pa'am/ lung du ma bstan pa yang rung chos gang dang gang mngon du gyur pa de nyid kun 'byung ba dang ldan pas ldan pa'o/ /dge ba'i rtsa ba chad pa ni dge ba'i chos rnams kyi sa bon dang ldan pas ldan pa dang / /ldan pa ma yin zhes kyang rig par bya'o//yang kun nas nyon mongs pa dang gtan du ldan pa ni yongs su mya ngan las mi 'da' ba'i chos can gyi 'dod chen pa rnams kyi yin par blta bar bya ste/ de dag la thar pa'i rgyu med pa'i phyir gtan du ste/ rgyu dang mi ldan pa'o/ /thar pa thob pa'i rgyu dang mi ldan pa zhes bya ba'i don to/ /thar pa thob pa'i rgyu gang zhe na/de bzhin nyid la nyon mongs pa'i gnas ngan len gnas pa yin te/ rgyud gang la gnyen po'i rjes su mthun pa'i rkyen rnyed na legs par 'joms nus pa/ de skal ba dang ldan pa'i phyir rgyu zhes brjod par bya'o/ /ldog pa ni rgyu dang mi ldan par rig par bya'o/ /ldan pa la mkhas pas phan yon ci zhig 'thob/chos rnams kyi 'phel ba dang 'grib pa shes par 'gyur ro/ /de ltar 'phel ba dang 'grib pa shes na 'jig rten pa'i phun sum tshogs pa'am/ rgud pa gang la yang gcig tu nges par 'du shes par mi 'gyur te/ ji snyed pa de dag la rjes su chags pa dang / khong khro ba spang bar 'gyur ro//mngon pa chos kun las btus pa las mtshan nyid kun nas btus pa zhes bya ba ste/ kun nas btus pa dang po'o// //rnam nges gang / bden pa rnam nges dang / chos rnam nges dang / thos pa rnam nges dang / yang dag pa'i gtam rnam nges so/ /bden pa rnam nges gang / 'phags pa'i bden pa bzhi po dag ste/ sdug bsngal dang / kun 'byung dang / 'gog pa dang / lam mo/ /sdug bsngal gyi bden pa gang / de ni sems can skye ba dang / skye ba'i gnas kyis kyang rig par bya'o/ /sems can gyi 'jig rten gang skye ba dang / snod kyi 'jig rten gang du skye ba de gnyi ga sdug bsngal zhes brjod do//sems can skye ba gang / sems can dmyal ba rnams su dang / sems can dud 'gro rnams dang / yi dags rnams dang / mi dang / shar gyi lus 'phags dang / nub kyi ba lang spyod dang / lho'i 'dzam bu gling dang / byang gi sgra mi snyan dang / rgyal chen bzhi'i ris kyi lha rnams dang /sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed dang / tshangs ris dang / tshangs pa mdun na 'don dang / tshangs chen dang / 'od chung dang / tshad med 'od dang / 'od gsal dang / dge chung dang / tshad med dge dang /dge rgyas dang / sprin med dang / bsod nams skyes dang / 'bras bu che dang / 'du shes med pa'i sems can dang / mi che ba dang / mi gdung ba dang / gya nom snang ba dang / shin tu mthong ba dang / 'og min dang / nam mkha' mtha' yas skye mched dang / rnam shes mtha' yas skye mched dang /ci yang med pa'i skye mched dang / 'du shes med 'du shes med min rnams su'o/ /skye ba'i gnas gang snod kyi 'jig rten te/ rlung gi dkyil 'khor rnams su ni/ chu'i dkyil 'khor brten to/ /chu'i dkyil 'khor la ni sa'i dkyil 'khor ro/ /sa'i dkyil 'khor la ri rab dang / gser gyi ri bdun dang / gling bzhi dang / bar gyi gling brgyad dang / nang gi rgya mtsho dang / phyi'i rgya mtsho bzhi dang / ri rab kyi bang rim bzhi dang / rgyal chen bzhi'i ris dang / sum cu rtsa gsum pa'i gnas gzhan rnams dang / khor yug gi ri dang / nam mkha' la gzhal med khang dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams dang / gzugs na spyod pa rnams dang / lha ma yin rnams kyi gnas gzhan dag dang / sems can dmyal ba rnams kyi gnas gzhan dag dang / tsha ba'i sems can dmyal ba rnams dang / grang ba'i sems can dmyal ba rnams dang /nyi tshe ba'i sems can dmyal ba rnams dang / dud 'gro dang / yi dags de dag kha cig gi gnas gzhan rnams dang / nyi ma rnam par snang byed kun du rgyu zhing phyogs snang bar byed pa ji snyed pa de snyed kyi stong gi 'jig rten na/ zla ba stong dang / nyi ma stong dang / ri'i rgyal po ri rab stong dang /shar gyi lus 'phags stong dang / lho'i 'dzam bu gling stong dang / nub kyi ba lang spyod stong dang / byang gi sgra mi snyan stong dang / rgyal chen bzhi'i ris kyi lha dang / sum cu rtsa gsum dang / 'thab bral dang / dga' ldan dang / 'phrul dga' dang / gzhan 'phrul dbang byed kyi lha rnams kyi gnas gzhan stong dang /tshangs pa'i 'jig rten gyi gnas gzhan stong po 'di ni/ stong spyi phud kyi 'jig rten gyi khams zhes bshad do/ /stong spyi phud kyi 'jig rten gyi khams stong gang 'di ni stong gnyis pa bar ma'i 'jig rten gyi khams zhes bshad do/ /stong gnyis pa bar ma'i 'jig rten gyi khams stong gang 'di ni stong gsum gyi stong chen po'i 'jig rten gyi khams zhes bshad do//stong gsum gyi stong chen po'i 'jig rten gyi khams ni 'khor yug chen pos kun du bskor ro/ /stong gsum gyi stong chen po'i 'jig rten gyi khams 'di ni mnyam du 'jig cing chags so/ /dper na chu'i rgyun gnya' shing tsam 'bab na bar snang la chu'i rgyun 'bab pa rnams kyi bar dang /mtshams med pa de bzhin du/ shar phyogs kyi 'jig rten gyi khams 'jig pa dang / chags pa rnams kyi bar dang / mtshams med de/ gzhan dag ni zhig nas 'jig go/ /gzhan dag ni zhig nas 'dug go/ / gzhan dag ni 'chags so/ /gzhan dag ni chags nas 'dug go/ /shar phyogs su ji lta bar phyogs bcu thams cad de bzhin no/ /sems can gyi 'jig rten gang dang / snod kyi 'jig rten gang las dang nyon mongs pas bskyed pas/ las dang nyon mongs pa'i dbang gis byung ba 'di mtha' dag ni sdug bsngal gyi bden pa'o//de la las dang nyon mongs pas bskyed pa/ las dang nyon mongs pa'i dbang gis byung ba zhes pa dag go rims ltar/ sems can dang snod kyi 'jig rten dag gi sdug bsngal nyid kyi rgyur bstan to/ /gang yang yongs su dag pa'i 'jig rten gyi khams de dag ni sdug bsngal gyi bden pa ma yin par blta bar bya ste/de dag las dang nyon mongs pas bskyed pa ma yin/ las dang nyon mongs pa'i dbang gis 'byung ba ma yin gyi/ gang yang smon lam dang dge ba'i rtsa ba'i dbang gis byung ba dag go/ /de lta bas na sangs rgyas rnams kyi yul yin pa'i phyir/ skye ba'i gnas de dag ni bsam gyis mi khyab ste/de dag ni bsam gtan rnams kyi bsam gtan pa'i yul yang ma yin na/ rtog ge ba rnams kyi yul yin pa lta smos kyang ci dgos/ sngar mtha' dag sdug bsngal gyi bden pa'i mtshan nyid du bstan nas/ da ni sdug bsngal gyi bden pa las brtsams te/ mdo las gsungs pa bstan pa'i don du/rnam par dbye ba brtsams te gsungs pa/ yang skye ba'i sdug bsngal dang / rga ba'i sdug bsngal dang / na ba'i sdug bsngal dang / 'chi ba'i sdug bsngal dang / mi dga' ba dang phrad pa'i sdug bsngal dang / dga' ba dang bral ba'i sdug bsngal dang /gang 'dod pa btsal te ma rnyed pa'i sdug bsngal dang / mdor na nye bar len pa'i phung po lnga ni sdug bsngal lo/ /ci'i phyir skye ba'i sdug bsngal/ dog pa'i sdug bsngal ba nyid dang / de las gzhan pa'i sdug bsngal gyi gnas kyi phyir ro/ /ma'i mngal na zhu ba dang / ma zhu ba gnyis kyi bar na 'dug pa las byung ba dang /mngal na mi gtsang ba'i rdzas sna tshogs kyis gzir te/ lus kyi yan lag kun du btsir ba'i sdug bsngal myong ba'i phyir ro/ /btsas nas kyang rga ba la sogs pa'i sdug bsngal zhar la 'byung ba'i phyir te go rims bzhin no/ /ci'i phyir rga ba'i sdug bsngal na tshod 'gyur ba sdug bsngal nyid kyi phyir ro//ci'i phyir na ba'i sdug bsngal khams 'gyur ba sdug bsngal nyid kyi phyir ro/ /ci'i phyir 'chi ba'i sdug bsngal/ srog 'gyur ba sdug bsngal nyid kyi phyir ro/ /ci'i phyir mi dga' ba dang phrad pa'i sdug bsngal/ phrad pa sdug bsngal nyid kyi phyir ro/ /ci'i phyir dga' ba dang bral ba'i sdug bsngal/bral ba sdug bsngal nyid kyi phyir ro/ /ci'i phyir gang 'dod pa btsal te ma rnyed pa de yang sdug bsngal/ re ba 'bras bu med pa sdug bsngal nyid kyi phyir ro/ /ci'i phyir mdor na nye bar len pa'i phung po lnga'i sdug bsngal gnas ngan len sdug bsngal nyid kyi phyir ro//de dag brgyad yin yang drug tu 'gyur/ drug yin yang brgyad du 'gyur te/ dog pa'i sdug bsngal dang / 'gyur ba'i sdug bsngal dang / phrad pa'i sdug bsngal dang / bral ba'i sdug bsngal dang / re ba 'bras bu med pa'i sdug bsngal dang / gnas ngan len gyi sdug bsngal lo/ /de rnams phan tshun brgyad du 'gyur te/gsum gyur pa'i sdug bsngal nyid du byas pa'i phyir ro/ /gang sdug bsngal nyid gsum gsungs na ci sdug bsngal nyid gsum po dag gis sdug bsngal rnam pa brgyad bsdus sam/ sdug bsngal rnam pa brgyad kyis sdug bsngal nyid gsum bsdus she na/ gcig gis gcig bsdus te/skye ba'i sdug bsngal dang / rga ba'i sdug bsngal dang / na'i sdug bsngal dang / 'chi ba'i sdug bsngal dang / mi sdug pa dang phrad pa'i sdug bsngal gang gsungs pa 'dis ni/ sdug bsngal gyi sdug bsngal nyid yongs su bstan to/ /skye ba la sogs pa'i sdug bsngal gyi sdug bsngal nyid yongs su bstan to zhes gsungs pa ni/sdug bsngal myong bar 'gyur ba'i chos kyi rang gi mtshan nyid yin pa'i phyir ro/ /sdug pa dang bral ba'i sdug bsngal dang / gang 'dod pa btsal te mi rnyed pa yang sdug bsngal zhes gsungs pa 'dis ni/ 'gyur ba'i sdug bsngal nyid yongs su bstan to//sdug pa dang bral ba la sogs pas 'gyur ba'i sdug bsngal nyid yongs su bstan to zhes gsungs pa ni/ phrad pa dang ma phrad pas bde ba myong bar 'gyur ba'i chos 'gyur ba'i rang gi mtshan nyid yin pa'i phyir ro/ /mdor na nye bar len pa'i phung po lnga sdug bsngal lo zhes gang gsungs pa 'di ni/ 'du byed kyi sdug bsngal nyid yongs su bstan to/ /nye bar len pa'i phung po lnga/ sdug bsngal lo zhes gsungs pa ni/ gnyis las rnam par ma grol zhing mi rtag pa nyid rjes su 'brel te/ grub pa dang bde ba ma yin pa'i phyir ro/ /kun rdzob kyi bden pa sdug bsngal ba dang / don dam pa'i bden pa sdug bsngal ba zhes gsungs pa la/kun rdzob kyi bden pa sdug bsngal ba ni gang / don dam pa'i bden pa sdug bsngal ba ni gang / skye ba'i sdug bsngal nas/ 'dod pa btsal te ma rnyed pa de yang sdug bsngal zhes bya ba'i bar ni/ kun rdzob kyi bden pa sdug bsngal ba'o/ /'jig rten pa'i shes pa'i yul yin pa'i phyir ro//mdor na nye bar len pa'i phung po lnga sdug bsngal lo zhes gsungs pa ni don dam pa'i bden pa'i sdug bsngal lo/ /gnas pa'i de bzhin nyid kyi sgo nas 'jig rten las 'das pa'i ye shes kyi yul yin pa'i phyir ro/ /sdug bsngal spyi'i mtshan nyid gang / mi rtag pa'i mtshan nyid dang / sdug bsngal ba'i mtshan nyid dang / stong pa'i mtshan nyid dang / bdag med pa'i mtshan nyid do/ /sdug bsngal spyi'i mtshan nyid ni/ rnal 'byor pa rnam pa gang gis sdug bsngal gyi bden pa de dag mi rtag pa la sogs par rnam par dpyod pa ste/ 'di lta ste/ mi rtag pa nyid dang / sdug bsngal ba nyid dang / stong pa nyid dang / bdag med pa nyid kyis so/ /mi rtag pa'i mtshan nyid gang / mi rtag pa'i mtshan nyid ni/ rnam pa bcu gnyis su rig par bya ste/ de yang / med pa'i mtshan nyid dang / rnam par 'jig pa'i mtshan nyid dang /'gyur ba'i mtshan nyid dang / bral ba'i mtshan nyid dang / nye ba'i mtshan nyid dang / chos kyi mtshan nyid dang / skad cig gi mtshan nyid dang / rgyun gyi mtshan nyid dang / nad la sogs pa'i mtshan nyid dang / sems sna tshogs kyi rnam par 'gyur ba'i mtshan nyid dang / longs spyod phun sum tshogs pa rgud pa'i mtshan nyid dang /snod 'jig pa dang chags pa'i mtshan nyid do/ /med pa'i mtshan nyid gang phung po dang / khams dang / skye mched rnams la bdag dang bdag gi dus rtag tu med pa'o/ /de yang med pa'i mtshan nyid ni/ 'di lta ste/ bdag dang bdag gi ba'i rang gi ngo bo nyid kyi sdug bsngal gyi bden pa rtag tu med pa'i don gang yin pa'i don de ni mi rtag pa sdug bsngal gyi bden pa'o//mi rtag pa ni dgag pa'i don yin pa'i phyir ro/ /rtag ces bya ba'i sgra ni dus thams cad pa'i don yin pa'i phyir ro/ /rnam par 'dzin pa'i mtshan nyid gang / gang 'du byed skyes pa rnams kyi rnam par 'jig pa'o//byung nas med par 'gyur ba'o/ /'gyur ba'i mtshan nyid gang / gang 'du byed rnams gzhan dang gzhan du 'byung ba'o/ /rgyud mi 'dra ba nyid du 'gyur ba'o/ /'brel ba'i mtshan nyid gang 'du byed rnams la dbang byed pa nyams pa dang / gzhan dag gis bdag gir byas pa'o/ / dngos po'i gnas skabs de nyid la rang bzhin gyi dbang nyams pa dang / kha cig tu gzhan dag gis bdag gir byas par rig par bya'o/ /nye ba'i mtshan nyid gang / mi rtag pa'i mtshan nyid kyis non pa'o/ /de nyid kyi che na mi rtag pa nyid myong ba gang yin pa'o/ /chos nyid kyi mtshan nyid gang / mi rtag pa nyid 'byung ba rgyus 'brel ba'o//gang gdon mi za bar myong bar 'gyur ba'o/ /skad cig gi mtshan nyid gang / 'du byed rnams skad cig las phan chad du mi gnas pa'o/ /bdag nyid 'byung nas de ma thag tu gdon mi za bar rnam par 'jig pa nyid do/ /rgyun gyi mtshan nyid gang / thog ma med pa'i dus kyi 'du byed rnams kyi skye mched rgyun mi 'chad pa'o//thog ma med pa can gyi 'khor ba 'ong ba dang / 'gro bar 'gyur bas 'byung zhes pa'i don to/ /nad la sogs pa'i mtshan nyid gang / khams dang / na tshod dang / srog rnams su 'gyur ba'o/ /na ba dang / rga ba dang / 'chi ba'i mtshan nyid ni/khams ma snyoms pa dang / spyi cer la sogs pa dang / gnas pa'i dus kyis 'phen pa spyad pa'o/ /sems sna tshogs kyi rnam par 'gyur ba'i mtshan nyid gang / res 'ga' 'dod chags dang / bcas pa'i sems dang / res 'ga' 'dod chags dang bral ba dang / de bzhin du zhe sdang dang bcas pa dang /zhe sdang dang bral ba dang / gti mug dang bcas pa dang / gti mug dang bral ba dang / bsdus pa dang g.yeng ba dang / bying ba dang rab tu bzung ba dang / rgod pa dang / mi rgod pa dang / nye bar ma zhi ba dang / nye bar zhi ba dang / mnyam par bzhag pa dang / mnyam par ma bzhag pa la sogs pa rnams so//sems sna tshogs kyi rnam par 'gyur ba'i mtshan nyid ni/ mi mthun pa'i phyogs dang gnyen po'i gnas skabs la gnas pa nyid do/ /longs spyod 'byor ba rgud pa'i mtshan nyid gang / 'byor ba thams cad kyi mtha' rgud pa nyid do/ /'jig rten pa'i 'byor pa thams cad gtan du 'dug pa ma yin pas mthar nyes pa nyid do//snod 'jig pa dang / 'chags pa'i mtshan nyid gang / 'jig par byed pa gsum ste/ me dang chu dang rlung ngo / /'jig pa na 'dus pa gsum ste/ bsam gtan gnyis pa dang / gsum pa dang / bzhi pa'o/ /bsam gtan bzhi pa'i sa ni/gzhal med khang rnams dang lhan cig 'byung ba dang / lhan cig 'gags pas 'jig cing 'chags so/ /sa chen po la sogs pa me la sogs pas yang dang yang du 'jig pa 'byung ste/ me dang / chu dang / rlung gis 'tshig par byed pa dang / 'drul bar byed pa dang / skam par byed pa'i bdag nyid kyis 'jig pa rnams dang /go rims bzhin du bsam gtan dang po dang / gnyis pa dang / gsum pa'i mthar thug par 'jig rten gnas pa 'jig go/ /de'i gong ma lhag ma lus pa bsam gtan gnyis pa dang / gsum pa dang / bzhi pa'i gnas gzhan gang yin pa de dag ni lus par rig par bya'o//bsam gtan bzhi pa rnams kyi gzhal med khang rnams gang gis 'jig cing 'chags she na/ phyi rol gang gis kyang ma yin gyi/ gzhal med khang de dag ni/ sems can de dag nyid skye ba dang / lhan cig tu grub cing / 'ching ba dang lhan cig tu 'gag ste/de nyid de dag gis 'chags pa dang / 'jig par rig par bya'o/ /bskal pa bar ma gsum ste/ mu ge'i bskal pa bar ma dang / nad kyi bskal pa bar ma dang / mtshon gyi bskal pa bar ma ste/ de dag gis bskal ba tshar phyin par 'gyur ro/ /yongs su rdzogs par 'gyur zhes bya ba'i don to//mar 'bri ba bar gyi bskal pa gcig dang / yar 'phel dang / mar 'bri ba bco brgyad dang / yar skye pa gcig ste/ de la mar 'bri ba bar gyi bskal pa gcig dang / yar 'phel dang / mar 'bri ba bco brgyad ces pa ni/ chags pa'i dus na mar 'bri ba bar gyi bskal pa gcig dang /yar 'phel ba dang / mar 'bri ba bco brgyad ni de dang bcu dgu'o/ /de'i 'og tu tha mar yar skye ba gcig go/ /bar gyi bskal pa nyi shur 'jig rten 'jig go/ /bar gyi bskal pa nyi shur 'jig rten zhig par 'gyur ro/ /bar gyi bskal pa nyi shur 'jig rten 'chags so/ /bar gyi bskal pa nyi shur 'jig rten chags nas 'dug go//de dag ni bar gyi bskal pa chen po brgyad cu ste/ de ni bskal pa chen po'o/ /bskal pa bgrang ba'i tshul des/ gzugs na spyod pa rnams dang / gzugs med pa na spyod pa'i lha rnams kyi tshe'i tshad do/ /sems can de dag gi tshe zad cing bsod nams zad pa las kyang zad nas gnas de nas 'chi 'pho bar 'gyur ro/tshe zad pas ji lta bu/ 'chi ba'i dus la bab pa'o/ /tshe zad pa zhes bya ba ni 'chi ba ste/ tshe'i 'phen pa ji tsam pa yongs su rdzogs pa'i phyir dus su 'chi ba'i dbang du byas pa'o/ /bsod nams zad pas ji lta bu/ dus ma yin par 'chi ba'o//'di ltar sems can de dag snyoms par 'jug pa'i ro myang bas bsod nams zad par 'gyur te/ des na dus la ma bab kyang 'chi'o/ /bsod nams zad ces bya ba ni/ dus ma yin par 'chi ba'i dbang du byas pa ste/ snyoms par 'jug pa'i ro myong bar byed pas/ de'i tshe 'phen par byed pa'i las dgos pa la gnod pa'i phyir ro//las zad pas ji lta bu/ der skyes nas myong bar 'gyur ba dang / len grangs gzhan la myong bar 'gyur ba'i las yongs su gtugs pa'o/ /las zad nas zhes bya ba ni/ rgyun chad nas 'chi ba'i dbang du byas pa ste/ gnas der skyes nas myong bar 'gyur ba dang /lan grangs gzhan la myong bar 'gyur ba'i las spyad zin pa'i phyir ram/ med pa'i phyir der yang mi skye bar rig par bya'o/ /sdug bsngal gyi mtshan nyid gang / sdug bsngal nyid gsum dang / sdug bsngal rnam pa brgyad ni sdug bsngal zhes brjod do/ /dog pa'i sdug bsngal nyid la sogs pa'o//ci'i phyir gang mi rtag pa ste/ sdug bsngal zhes gsungs/ mi rtag pa nyid ni gnas nyid kyi char gtogs pa ste/ skye ba'i char gtogs pa dang / 'jig pa'i char gtogs pa'o/ /skye ba'i char gtogs pa'i mi rtag pa nyid de la brten nas sdug bsngal gyi sdug bsngal nyid rab tu shes so//skye ba'i char gtogs pa'i mi rtag pa nyid ni/ ma byung ba las byung ba nyid do/ /de ni sdug bsngal gyi phyogs 'du byed rnams kyi gnod pa'i bdag nyid do/ /mi rtag pa nyid de la brten nas sdug bsngal gyi sdug bsngal nyid rab tu shes so/ /'jig pa'i char gtogs pa mi rtag pa nyid la brten nas/'gyur ba'i sdug bsngal nyid rab tu shes so/ /'jig pa'i char gtogs pa ni byung nas med par 'gyur ba ste/ de ni bde ba'i phyogs kyi 'du byed rnams kyi mi 'dod pa'o/ /de la brten nas 'gyur ba'i sdug bsngal nyid rab tu shes so/ /de gnyi ga'i char gtogs pa'i mi rtag pa nyid la brten nas/'du byed kyi sdug bsngal nyid rab tu shes so/ /gnas ngan len dang bcas pa'i 'du byed rnams kyi rgyun du 'byung ba dang / 'jig pa 'dod pa ma yin te/ de gnyi ga'i char gtogs pa'i mi rtag pa nyid la brten nas 'du byed kyi sdug bsngal nyid rab tu shes so/ /de la dgongs te bcom ldan 'das kyis ngas mi rtag pa nyid dang /'du byed 'gyur ba nyid la dgongs nas/ gang ci tshor yang rung / 'di ni 'dir sdug bsngal du gsungs so zhes bka' stsal to/ /ngas 'du byed mi rtag pa nyid dang / 'du byed sdug bsngal ba nyid la dgongs nas/ gang ci tshor yang rung ba 'dir sdug bsngal du gsungs so zhes bya ba 'di ni/sdug bsngal yang ma yin bde ba yang ma yin pa dang / bde ba myong ba ni sdug bsngal nyid kyi tshig tu dgongs par rig par bya'o/ /sdug bsngal myong ba ni/ sdug bsngal nyid du 'jig rten na grags pa'i phyir/ de yang dgongs pa brjod pa mi dgos so//yang skye ba dang 'jig pa'i chos nyid dang / rjes su 'brel ba'i 'du byed rnams la skye ba la sogs pa'i sdug bsngal brgyad mngon te/ de'i phyir sdug bsngal zhes bya'o/ /'du byed mi rtag pa gang dag la skye ba la sogs pa snang ba de dag ni mi rtag pa nyid kyi phyir/sdug bsngal du dgongs par rig par bya'o/ /gzhan du na ni lam yang mi rtag pa'i phyir sdug bsngal du 'gyur ro/ /stong pa'i mtshan nyid gang gang la gang med pa de ni des stong par yang dag par rjes su mthong ba ste/ yang 'di ltar lhag ma gang de ni 'di yod pa zhes yang dag pa ji lta ba bzhin rab tu shes so//'di ni stong pa nyid la 'jug pa yang dag pa ji lta ba ste/ phyin ci ma log pa zhes bshad do/ /gang na ci zhig med/ phung po dang / khams dang skye mched rnams la rtag pa dang / brten pa dang / ther zug dang / mi 'gyur ba'i chos can dang / bdag dang bdag gi med do/ /de lta bas na de dag ni des stong ngo //lhag ma gang bdag med pa nyid de/ de ltar bdag ni med kyi/ bdag med pa ni yod par stong pa nyid khong du chud par bya'o/ /stong pa nyid kyi mtshan nyid ni/ rtag pa la sogs pa'i mtshan nyid kyi bdag 'du byed rnams las don gzhan du gyur pa ste/ de dag la med do/ / 'du byed de dag ni rtag tu de dang bral ba'i rang bzhin gyi bdag nyid kyi bdag med pa'i ngo bo nyid yin te/ 'di gnyis ka yang stong pa nyid ces bya'o/ /'di la dgongs nas bcom ldan 'das kyis yod pa yang yod pa dang / med pa yang med par yang dag pa ji lta ba bzhin du rab tu shes so zhes gsungs so//yang stong pa nyid rnam pa gsum ste/ rang gi ngo bo nyid dang / de bzhin du yod pa ma yin pa'i stong pa nyid dang / rang bzhin gyis stong pa nyid do/ /dang po ni kun brtags pa'i ngo bo nyid nye bar bzung bar blta bar bya'o/ /ngo bo nyid ni kun brtags pa'i ngo bo nyid nye bar bzung ba ste/ rang gi mtshan nyid kho nas med pa'i phyir ro//gnyis pa ni gzhan gyi dbang gi ngo bo nyid nye bar bzung bar blta bar bya'o/ /de bzhin du yod pa ma yin pa'i stong pa nyid ni/ gzhan gyi dbang gis stong pa nyid nye bar bzung ba ste/ de ni rnam pa gang dang gang du kun du brtag par bya ba rnam pa de dag ni med pa'i phyir ro/ /gsum pa ni yongs su grub pa'i ngo bo nyid nye bar bzung bar blta bar bya'o//rang bzhin gyis stong pa nyid ni yongs su grub pa'i ngo bo nyid nye bar bzung ba ste/ de ni stong pa nyid kyi rang bzhin yin pa'i phyir ro/ /bdag med pa'i mtshan nyid gang / ji ltar bdag tu smra ba rnams kyi bdag tu btags pa'i mtshan nyid nges/phung po dang / khams dang / skye mched rnams ni bdag gi mtshan nyid kyis bdag med pa'o/ /bdag med pa'i mtshan nyid ni 'du byed de dag nyid bdag tu smra ba rnams kyi kun du brtags pa'i bdag nyid kyi mtshan nyid ma yin pa nyid do/ /'di la dgongs nas bcom ldan 'das kyis chos thams cad bdag med pa'o zhes gsungs pa'o//bcom ldan 'das kyis 'di dag thams cad ni nga yi ba med pa'o/ /'di ni nga ma yin pa'o/ /'di ni nga'i bdag ma yin pa ste/ de ni 'di bzhin no zhes yang dag pa'i shes rab kyis yang dag pa ji lta ba bzhin du blta bar bya'o zhes gsungs pa 'di'i don ci/ci'i phyir dngos po 'di ni bdag gi ba ma yin pa'o/ /nang gi dngos po 'di ni nga ma yin pa'o/ /'di ni nga'i bdag ma yin pa'o zhes bya bar dgongs nas gsungs pa ste/ 'di ltar phyi'i dngos po la ni bdag gi rnam pa dang / nang la ni bdag dang bdag gi rnam pa bkag pa'o/ /skad cig gi mtshan nyid ni mi rtag pa nyid do zhes gsungs pa ji lta bu/'di ltar sems dang sems las byung ba skad cig ma yin pa/ de ltar gzugs kyang skad cig mar blta bar bya ste/ /sems kyis zin pa dang / sems dang / grub pa bde ba gcig pa dang / sems 'gyur na de 'gyur ba dang / sems kyi gnas yin pa dang /sems kyi dbang gis byung ba dang / sems kyi dbang bsgyur ba'i phyir ro/ /yang mthar 'gyur bar dmigs pa dang / skyes nas kyang rkyen la mi ltos par rang gi ngang gis rnam par 'jig pa'i phyir/ gzugs kyang skad cig ma nyid du blta bar bya'o/ /'du byed thams cad 'jig pa la sogs pa'i mtshan nyid mi rtag pa nyid du ni grags la/skad cig ma'i mtshan nyid du ni ma grags te/ de'i phyir de 'grub par bya'o/ /de la sems dang sems las byung ba rnams ni skad cig pa nyid du 'jig rten na grags te/ de'i phyir de ma grub pa gzugs kyi skad cig pa nyid du bsgrub bo//ji ltar zhe na sems kyis zin pa zhes bya ba ni/ sems skad cig mas lus zin pa'o/ /ci'i phyir zhe na/ grub pa dang bde ba gcig pa'i phyir te/ 'di ltar rnam par shes pa dang bcas pa nyid kyi lus ni yang dag par grub kyi/ rnam par shes pa dang bral ba'i lus ni rul bar 'gyur ro//de lta bas na sems dang grub pa dang / bde ba gcig pa'i phyir/ de bzhin du 'di yang skad cig pa nyid du rig par bya'o/ /sems 'gyur na de 'gyur ba'i phyir zhes bya ba ni/ bde ba dang / sdug bsngal dang / 'dod chags dang / zhe sdang la sogs pa'i gnas skabs na sems 'gyur bas lus 'gyur bar snang ste/de'i phyir skad cig re re la 'gyur ba'i sems kyi rjes su 'gyur bas lus skad cig ma nyid du grub po/ /sems kyi gnas yin pa dang zhes bya ba las dbang po nyid dang bcas pa'i lus ni sems kyi gnas su grub pa ste/ gang zhig gi skye ba'i gnas yin pa de/ bdag 'jig pa med par de'i gnas su 'gyur ba mi snang ste/dper na ma dang myu gu la sogs pa dang / sa bon la sogs pa bzhin no/ /de lta bas na skad cig re re la sems kyi gnas su gyur pas/ skad cig re re kho na la rnam par 'jig par grub bo/ /sems kyi dbang gis byung ba dang zhes bya ba la/ nang dang phyi'i gzugs can thams cad ni sems kyi dbang gis byung ste/de bas na rgyu skad cig pa yin pa'i phyir/ 'bras bu yang skad cig pa nyid du rig par bya'o/ /gzugs 'byung ba'i rgyu gang yin pa dang / rkyen gang yin pa de dag ni mi rtag pa yin na rgyu rkyen mi rtag pa la brten nas byung ba'i gzugs rtag par ga la 'gyur zhes mdo las byung ba'i tshig gi tshul du rig par bya'o//sems kyis dbang bsgyur ba'i phyir zhes bya ba ni/ mthu khyad par du 'phags pa'i sems gzugs la dbang bsgyur ba ste/ des ji ltar 'dod pa bzhin du bsgyur ba'i phyir ro/ /de'i phyir skad cig re la rnam pa gzhan du mos pa gzhan 'byung ba'i skad cig pa nyid du grub bo/yang mthar 'gyur bar dmigs pa dang zhes bya ba ni/ skad cig re re la yang rang bzhin gyis 'gyur ba med par glo bur du gzugs kyi tha mar 'gyur ba mi rigs na/ de yang dmigs pas de bas na tha ma'i gzugs kyi 'gyur ba rang gi rkyen gyis skad cig re re las 'gyur ba 'phel ba'i rgyu las byung ba'i phyir gzugs skad cig par grub po//skyes nas kyang rkyen la mi ltos par rang gi ngang gis rnam par 'jig pa'i phyir zhes bya ba ni/ skyes pa thams cad ni rkyen la mi ltos par rang gi ngang nyid kyis 'jig par 'gyur ro/ /de'i phyir rkyen gzhan la mi ltos par gdon mi za bar 'jig ste/dngos po skyes pa tsam nyid kyis 'jig pa ma yin la/ phyis 'jig go zhes bya ba ni bye brag cung zad kyang med do/ /de lta bas na rnam par 'jig pa'i tshul can thams cad ni skyes pa tsam gyis 'jig par 'gyur bas skad cig pa nyid du grub bo/ /gzugs gang ci yang rung ste/de dag thams cad 'byung ba chen po bzhi dag dang / 'byung ba chen po bzhi dag rgyur byas pa'o zhes gsungs pa de dag ci las dgongs te gsungs she na/ srid pa la dgongs nas gsungs so/ /phyogs gcig la brten pa'i dngos po'i don ni rgyur byas pa'i don te/ 'byung ba'i phyogs gcig la mi ltos par 'byung ba las gyur ba logs shig na rang dbang du 'byung ba'i mthu med pa'i phyir ro//'dus pa gang las 'byung ba gang dmigs pa de ni de na yod do zhes rig par bya'o/ /'byung ba gcig las gyur pa'i 'dus pa yang yod de/ 'di lta ste/ sa rdog skam po lta bu'o/ /'byung ba gnyis las gyur pa yang yod de/de nyid gsher ba'o/ /'byung ba gsum las gyur pa yang yod de/ de nyid dro ba'o/ /'byung ba thams cad las gyur pa yang yod do/ /sa rdog de nyid gsher ba dang dro ba dang 'dril zhing 'gro ba'i gnas skabs na'o/ /rgyur byas pa'i gzugs la yang rgyur byas pa'i gzugs gang /'dus pa gang gang la dmigs pa de ni de na yod pa'o zhes rig par bya'o/ /'dus pa'i rgyur byas pa'i gzugs gcig pa'ang yod do/ /'di lta ste/ 'od lta bu'o/ /rgyur byas pa'i gzugs gnyis dang ldan pa'ang yod de/ 'di lta ste/ sgra dang dri dang bcas pa'i rlung lta bu'o/ /rgyur byas pa'i gzugs gsum dang ldan pa la yod do//'di lta ste du ba lta bu'o/ /de ni gzugs dang dri dang reg bya'i khyad par gyis rab tu dbye ba'i phyir te/ reg bya'i bye brag ni 'dir yang ba nyid du rig par bya'o/ /yang rgyur byas pa'i gzugs gsum dang ldan pa yod de/ dri rnam pa med pa'i nor bu'i snod kyi nang na yod pa'i tshul gzugs dang /ro dang / reg bya yod pa'o/ /rgyur byas pa'i gzugs bzhi dang ldan pa'ang yod de/ 'di lta ste bu ram gyi rngog ma lta bu'o/ /rgyur byas pa'i gzugs lnga dang ldan pa'ang yod de/ 'di lta ste/ de nyid sgra dang bcas pa'o/ /de ltar gzhan la'ang 'byung ba'am/'byung ba las gyur ba gang na gang yod pa de na de yod par rig par ba ste/ gzhan du ma yin no/ /rdul phra rab bsags pa ni gzugs 'dus pa'o zhes gang brjod pa de la rdul phra rab lus med par rig par bya'o/ /rang gi ngo bo nyid med pa ste/ rnam par gzhag pa tsam du zad do zhes bya ba'i don to//bshig na mu thug pa med pa'i phyir ro/ /blos mthar rab tu phye nas rdul phra rab tu rnam par gzhag ste/ 'di lta ste/ blos ci tsam du cha shas kyis bshig pa'i mthar rab tu dbye bar nus pa de rtsam rdul phra rab tu rnam par 'jog par byed do/ /ci'i phyir de ltar lus med kyang rdul phra rab tu rnam par 'jog ce na/ril po'i 'du shes rnam par gzhig pa dang / gzugs la blos cha shas kyis bshig na 'di thams cad ni gzugs gcig go zhes ril por 'du shes pa dang bral bar 'gyur te/ 'di ltar gang zag la bdag med par 'jug pa'i rjes su mthun par 'gyur ro/ /gzugs la rdzas su yongs su grub pa med par 'jug par bya ba'i phyir ro//de ltar blos rab tu phye nas gzugs ci yang med par rtogs nas/ gzugs la rdzas su yongs su grub pa med par 'jug ste/ 'di ltar rnam par rig pa tsam du 'jug bas chos la bdag med pa la sogs pa'i rjes su mthun par 'gyur ro/ / blo'i dbye ba dang rdzas kyi rab tu dbye bas rdul phra rab rnam par gzhag par shes par bya ste/ tshig gnyis dang go rims bzhin no/ /yang sdug bsngal 'di ni shin tu rgyas la ma bsrabs pa dang / bsrabs pa'ang yin la ma bsrabs pa'ang yin pa'ang yod/ bar ma ma bsrabs pa'ang yod/ rjes su bsrabs la ma bsrabs pa'ang yod/ches bsrabs la/ bsrabs pa'ang yod/ shin tu ches bsrabs la bsrabs pa'ang yod/ sdug bsngal ma yin pa sdug bsngal du snad zhing bsrabs pa chen po nye bar gnas pa yang yod do/ /sdug bsngal shin tu rgyas pha ma bsrabs pa gang / gang 'dod pa na spyod pa dge ba'i rtsa ba ma bsags pa rnams kyi'o//'dod pa'i khams na spyod ba'i dge ba'i rtsa ba ma bsags pa rnams kyi ste/ 'dod pa'i khams na sdug bsngal nyid thams cad dang / 'gro ba dang skye gnas kyi rab tu dbye ba dang dge ba'i rtsa ba ma bsags pas na thogs pa med par 'gro ba thams cad du 'gro ba'i phyir te/go rims bzhin du 'di ni shin tu rgyas la ma bsrabs par rig par bya'o/ /bsrabs pa gang / de nyid thar pa'i cha dang mthun pa skyes pa rnams kyi'o/ /de nyid thar pa'i cha dang mthun pa skyes pa ste/ gdon mi za bar yongs su mya ngan las 'das par nges par byas pa'i phyir ro/ / bsrabs pa'ang yin la/ ma bsrabs pa'ang yin pa/ de nyid 'jig rten pas 'dod chags dang bral ba nyid du byas pa'i phyir/ dge ba'i rtsa ba bsags pa rnams kyi'o/ /'dod pa na spyod pa'i sdug bsngal de nyid 'jig rten pa'i 'dod chags dang bral ba'i phyir dge ba'i rtsa ba skyed pa rnams kyi ste/sdug bsngal gyi sdug bsngal nyid la sogs pa las yang dag par 'da' bar shin tu nges par byas pa dang / gtan du ma yin pa'i phyir te/ go rims bzhin no/ /bar ma bsrabs pa la sogs pa yang de bzhin du ji ltar mthun mthun du sbyar bar bya'o/ /bar ma ma bsrabs pa gang / gzugs kyi khams su skyes pa thar pa'i cha dang mthun pa rnam par spangs pa rnams kyi'o//bsrabs la ma bsrabs pa gang / gzugs med par skyes pa thar pa'i cha dang mthun pa rnam par spangs pa rnams kyi'o/ /ches bsrabs pa la bsrabs pa gang / gang slob pa rnams kyi'o/ /shin tu ches bsrabs pa la bsrabs pa gang /gang mi slob pa rnams kyi srog gi dbang po'i rkyen gyi ming dang gzugs so/ /sdug bsngal ma yin la/ sdug bsngal du snang zhing bsrabs pa chen po nye bar gnas pa gang / gang byang chub sems dpa' pha rol tu phyin pa thob pa rnams kyi ste/ bsams bzhin du srid par skye ba'i phyir ro//sems can du ma'i rgyud la yod pa'i sdug bsngal gsal bar nye bar gnas pa'i phyir ro/ /'chi ba sdug bsngal lo zhes gsungs pa de la/ 'chi ba rnam pa gsum ste/ dge ba'i sems yod pa dang / mi dge ba'i sems yod pa dang / lung du ma bstan pa'i sems yod pa ste/rang gi dge ba'i rtsa ba'i stobs bskyed pas sam/ gzhan gyis bsgrubs pas kyang rung ste/ sems gsal ba ni dge ba'i sems yod pa'i 'chi bar blta bar bya'o/ /rang gi mi dge ba'i sems bskyed pas sam/ gzhan gyis bsgrubs pas kyang rung ste/ sems kyi rgyu ba gsal ba ni mi dge ba'i sems yod pa'i 'chi bar blta bar bya'o//sems kyi rgyu ba gsal yang rung / mi gsal yang rung / rkyen de gnyis ka ma tshang ba'i phyir/ mngon par 'du byed mi nus pa'ang rung ste/ lung du ma bstan pa'i sems yod pa'i 'chi bar blta bar bya'o/ /dge ba la sogs pa'i sems yod pa'i 'chi ba zhes bya ba ni/bdag la chags pa dang mtshungs par ldan pa'i 'chi 'pho ba'i sems kyi snga rol gyi gnas skabs kyi dbang du byas par rig par bya'o/ /dge ba byed pa'i lus ni thog ma nyid du smad grang bar 'gyur ro/ /mi dge ba byed pa'i lus ni stod grang bar 'gyur ro/ /de la mi dge ba byed pa'i bar ma do'i srid par mngon par 'jug pa ni/dper na gos nag po'am/ mtshan mo mun nag na snang ba lta bu'o/ /dge ba byed pa ni dper na gos dkar po'am/ zla ba'i 'od dang bcas pa'i mtshan mor snang ba lta bu'o/ /bar ma do'i srid pa ni 'dod pa'i khams dang / gzugs kyi khams su skye ba na'o/ / gzugs med pa nas ni 'chi 'pho ba na'o/ /de ni yid las byung ba dang / dri za zhes kyang ngo / rdzus te skye ba nyid de/ sems tsam gyi rgyu las byung ba'i phyir ro/ /dri za ni dris 'gro ba'i phyir te/ dri dang mthun par skye ba'i yul du 'gro ba'i phyir zhes pa'i don to/ /mchog tu thogs na zhag bdun du gnas te/ de tshun chad kyis 'chi 'pho'o//skye ba'i rkyen rnyed na'o/ /ci ste/ ma rnyed na zhag bdun pa'i 'og tu shi 'phos nas/ yang bar do'i srid pa nyid du grub pa'o/ /de ltar lan bdun gyi bar du byas nas so/ /ji sten ldog go/ /gal te gnas skabs de na gzhan du skye ba'i rkyen stobs dang ldan zhing mngon du gyur nas te/bsam gtan bzhi pa thob pa'i dge slong dgra bcom pa'o/ /mnyam pa'i mngon pa'i nga rgyal can/ sa de pa'i bar ma do'i srid pa mngon par grub pa na/ thar pa la skur pa 'debs pa'i log par lta ba rnyed nas/ sems can dmyal ba'i bar ma do'i srid pa mngon par grub pa bzhin no/ /de na gnas pa yang la sogs so//sngon gyi 'phen pa'i dbang gis dge ba'i las la sogs pa'i sems pa kun du 'byung ba'i phyir ro/ /skal ba mnyam pa'i sems can rnams kyang mthong ngo / /gang dag dang lhan cig sngon dge ba'am/ mi dge ba kun du spyod par gyur pa de dag dang bdag nyid lhan cig tu 'dug par rmi lam tsam gyi tshod du shes so//gang du skye bar 'gyur ba de'i byad gzugs so/ /de la sngon logs kyi srid pa'i byad gzugs 'grub bo/ /de'i 'og tu dbang po rnams mngon par 'grub ste/ 'gro ba la thags thogs med do/ /rdzu 'phrul dang ldan bzhin du myur du 'gro zhing skye ba'i gnas su thogs so//srang mda'i mthon dman gyi tshul du 'chi 'pho zhing nying mtshams sbyor ro/ /bar do'i srid pa na gnas pa ni skye ba'i gnas la 'dod chags bskyed de/ de las gzhan pa'i nyon mongs pa de rkyen du 'gyur ro/ /'dod chags dang bcas pa'i bar do'i srid pa 'gag cing nur nur por rnam par shes pa dang bcas pa byung ste/de ni rnam par smin pa'o/ /de'i 'og tu rten cing 'brel par 'byung ba las ji ltar 'byung ba bzhin du skye gnas bzhi po sgo nga las skye ba dang mngal nas skye ba dang / drod gsher las skye ba dang / rdzus te skye ba'i dbang po mngon par 'grub po/ /rten cing 'brel bar 'byung ba las ji skad 'byung ba bzhin zhes bya ba ni/ming dang gzugs la sogs par rim gyis so/ /ji skad du/ thog ma nyid du nur nur 'gyur/ /nur nur po las mer mer 'gyur/ /mer mer po las nar nar 'gyur/ /nar nar po las gor gor 'gyur/ /gor gor po las rkang lag 'gyus//skra spu sen mo la sogs 'byung / /dbang po gzugs can rnams dang ni/ mtshan rnams mthar gyis 'byung bar 'gyur/ /zhes bya ba gsungs pa lta bu'o/ /sdug bsngal gyi bden pa rnam par nges pa zhes bya ba rdzogs so// //kun 'byung gi bden pa gang / nyon mongs pa dang /nyon mongs pa'i dbang gis byung ba'i las so/ /kun 'byung ba'i bden pa ni/ gang las sdug bsngal kun 'byung ba ste/ de yang gang zhe na/ nyon mongs pa dang nyon mongs pa'i dbang gis byung ba'i las te/ zag pa dang bcas pa zhes bya ba'i don to/ /gal te de ltar yin na kun 'byung ba bsten pa la ci'i phyir bcom ldan 'das kyis srid pa nyid bstan zhe na/thams cad du 'gro ba'i gtso bor gyur pa'i phyir te/ gtso bor bstan pa ni bcom ldan 'das kyis sred pa yang 'byung ba can/ dga' ba'i 'dod chags dang ldan pa de dang der mngon par dga' ba la/ kun 'byung ba'i bden par bstan pas bstan to/ /gtso bo'i don gang / gang thams cad du 'gro ba'i don to/ /thams cad du 'gro ba'i don gang 'di ltar srid pa dngos po thams cad du 'gro ba gang / 'di ltar sred pa dngos po thams cad du 'gro ba ni/ thob pa dang ma thob pa'i lus dang yul gyi dngos po thams cad la khyab pa'i phyir ro//de lus thob pa la ni sred pa'o/ /ma thob pa la ni yang 'byung ba'o/ /thob pa'i yul rnams ni dga' ba'i 'dod chags dang ldan pa'o/ /ma thob pa'i yul rnams la ni de dang de dag la mngon par dga' bar rig par bya'o/ /gnas skabs thams cad du 'gro ba dang /gnas skabs thams cad du 'gro ba ni 'du byed rnams kyi sdug bsngal gyi sdug bsngal la sogs pa gnas skabs gsum po dag dang ldan pa'i phyir ro/ /de la sdug bsngal gyi sdug bsngal nyid kyi gnas skabs thob pa la ni 'bral bar sred do/ /ma thob pa la ni ma phrad pas sred do//'gyur ba'i sdug bsngal nyid kyi gnas skabs la ni/ thob pa dang ma thob pa'i bye brag gis ni 'brel ba'i sred pa dang / phrad pa'i sred pa'o/ /'du byed kyi sdug bsngal nyid kyi gnas skabs la ni gti mug gi sred pa ste/ nyon mongs pa dang / gnas ngan len gyis rab tu phye ba dang / sdug bsngal yang ma yin bde ba yang ma yin pa'i tshor bas rab tu phye ba'i phyir ro//bye brag tu na kun du len pa'i rnam par shes pa ni 'du byed sdug bsngal nyid kyi gnas skabs te/ de la bdag tu rmongs pa'i sgo nas sred pa 'byung bar rig par bya'o/ /dus thams cad du 'gro ba dang / dus thams cad du 'gro ba ni/dus gsum po dag gi rjes su 'gro ba'i phyir ro/ /'das pa'i dus la ni bltas pa'i rnam pas rjes su 'gro'o/ /ma 'ongs pa la ni mngon par dga' ba'i rnam pas rjes su 'gro'o/ /da ltar byung ba la ni lhag par chags pas rjes su 'gro'o/ /khams thams cad du 'gro ba dang / khams thams cad du 'gro ba ni/ 'dod pa dang gzugs dang / gzugs med pa dag gi sred pa dag gis khams gsum pa khyab pa'i phyir ro/ /tshol ba thams cad du 'gro ba dang / tshol ba thams cad du 'gro ba ni/ des 'dod pa dang / srid pa dang / log pas tshangs par spyod pa tshol ba'i phyir ro//'dod pa tshol ba ni 'dod pa'i khams las yongs su ma grol ba de nyid sdug bsngal 'grub par byed do/ /de bzhin du srid pa tshol ba ni gzugs dang / gzugs med pa'i khams su sdug bsngal bar byed do/ /log pas tshangs par spyod pa tshol bas ni 'khor ba las yongs su ma grol ba der 'khor ro//rnam pa thams cad du 'gro ba'o/ /rnam pa thams cad du 'gro ba ni byung ba dang / 'jig pa'i srid pa rtag pa dang chad pa'i rnam pa dang / ldan pa'i phyir ro/ /nyon mongs pa dang / grangs dang mtshan nyid dang / 'byung ba dang / dmigs pa dang mtshungs par ldan pa dang / rnam grangs dang log par zhugs pa dang /khams dang / ris dang / spong bar kyang nyon mongs par blta bar bya'o/ /grangs gang / nyon mongs pa drug gam bcu'o/ /nyon mongs pa drug gang / 'dod chags dang / khong khro dang / nga rgyal dang / ma rig pa dang / the tshom dang / lta ba'o/ /de dag nyid lta ba rnam pa lnga'i bye brag gis bcur 'gyur ro//lta ba rnam pa lnga'i bye brag ni/ 'jig tshogs la lta ba dang / mthar 'dzin pa'i lta ba dang / log par lta ba dang / lta ba mchog tu 'dzin pa dang / tshul khrims dang brtul zhugs mchog tu 'dzin pa'o/ /mtshan nyid gang / chos gang 'byung ba na/ rab tu ma zhi ba'i mtshan nyid du 'byung ste/de byung bas sems kyi rgyud rab tu ma zhi bas 'byung ba de nyon mongs pa'i mtshan nyid do/ /rab tu ma zhi ba'i mtshan nyid ni/ nyon mongs pa rnams kyi spyi'i mtshan nyid du rig par bya'o/ /de yang rnam pa drug ste/ 'di ltar rnam par g.yeng bas rab tu ma zhi ba dang /phyin ci log gis rab tu ma zhi ba dang / rgod pas rab tu ma zhi ba dang / rmugs pas rab tu ma zhi ba dang / bag med pas rab tu ma zhi ba dang / 'dzem pa med pas rab tu ma zhi ba'o/ /'byung ba gang nyon mongs pa'i bag la nyal ma spangs par gyur ba dang / nyon mongs pa'i gnas kyi chos kyang snang bar 'gyur ba dang /de la yang tshul bzhin ma yin pa'i yid la byed pa nye bar gnas pa yin te/ de lta bu las nyon mongs pas 'byung bar 'gyur ro/ de la nyon mongs pa'i bag la nyal ba spangs par gyur pa zhes bya ba ni/ de'i phyogs dang mthun pa'i gnas ngan len legs par ma bcom pa'i phyir ro//nyon mongs pa'i gnas kyi chos rnams kyang snang bar 'gyur ba zhes bya ba ni/ chags par 'gyur ba la sogs pa'o/ /de la yang tshul bzhin ma yin pa yid la byed pa nye bar gnas pa yin zhes bya ba ni/ yul de la sdug pa'i mtshan ma la sogs par 'dzin pa ste/'dod chags la sogs pa 'byung ba dang mthun pa'o/ /dmigs pa gang / nyon mongs pa thams cad ni/ nyon mongs pa thams cad kyi dmigs par blta bar bya'o/ /nyon mongs pa'i gzhi yang dmigs pa'o/ /ma rig pa gang / lta ba dang / the tshom ma gtogs par 'dod pa na spyod pa'i nyon mongs pa ni sa gong ma la dmigs pa'o//ma rig pa dang / lta ba dang / the tshom ma gtogs pas kyang gong ma la dmigs pa yang yod mod kyi de dag ni ji ltar rang gi sa pa la dmigs pa bzhin du sa de la mngon sum du dmigs pa ni ma yin par rig par bya ste/ de la kun du brtags pa'i sgo nas 'jug pa'i phyir de la dmigs par rnam par gzhag par rig par bya'o//de la ma rig pa sa gong ma la dmigs pa ni gang lta ba dang mtshungs par ldan ba'o/ /lta ba ni 'jig tshogs la lta ba ma gtogs pa ste/ gzhan gyi sa pa'i 'du byed la nga'o snyam du mngon par zhen pa ni ma mthong ngo //sa gong ma'i nyon mongs pa ni sa 'og ma pa la dmigs pa ma yin no/ /sa gong ma'i nyon mongs pa ni sa 'og ma la dmigs pa ma yin zhes bya ba ni de las 'dod chags dang bral ba'i phyir ro/ /'gog pa dang lam la dmigs pa'i nyon mongs pa gang yin pa de ni de dag la dmigs pa ma yin par blta bar bya ste/'gog pa dang lam la dmigs pa na/ de gnyi ga la dngos su dmigs pa ma yin te/ 'jig rten las 'das pa'i ye shes dang de'i rjes la thob pas so so rang gis rig par bya ba yin no/ /de'i dmigs pa ni des yongs su rtog pa'o zhes bya ba ni/ de'i dmigs pa ni des yongs su rtog pa'o zhes brjod par bya ste/de'i dmigs pa ni des yongs su rtog pa zhes bya ba'i tshig de las yongs su brtags pa gud na med pa'i phyir ro/ /gzhi med pa la dmigs pa'i nyon mongs pa ni/ lta ba dang mtshungs par ldan pa'o/ /de las gzhan pa ni gzhi dang bcas pa la dmigs pa'o//mtshungs par ldan pa gang 'dod chags ni khong khro dang mtshungs par ldan pa ma yin no/ /khong khro dang ji lta bar the tshom dang yang de bzhin no/ /lhag ma ni de dang mtshungs par ldan no/ /ci'i phyir 'dod chags ni khong khro dang mtshungs par ldan pa ma yin zhe na/ shin tu mi mthun pa gnyis gcig tu 'byung ba mi rigs pa'i phyir ro//the tshom dang yang mtshungs par ldan pa ma yin pa ni/ the tshom du gyur na blo gnas pa med pas chags par 'gyur ba med pa'i phyir ro/ /lhag ma ni de dang zhes bya ba ni/ nga rgyal la sogs pa dang mi mthun pa med pa'i phyir ro/ /mtshungs par ldan par rig par bya'o//'dod chags dang khong khro dang ji lta ba bzhin du/ khong khro yang 'dod chags dang / nga rgyal dang / lta ba dang / mtshungs par ldan pa ma yin no/ /khong khro ba yang 'dod chags dang / nga rgyal dang / lta ba dang / mtshungs par ldan pa ma yin zhes bya ba ni su zhig dngos po gang la zhe 'gras par 'gyur ba des de las khengs par mi 'gyur ro//de rtog par yang mi nus pa'i phyir ro/ /de bzhin du gzhan la yang sbyar bar bya'o/ /nga rgyal ni khong khro dang / the tshom dang / mtshungs par ldan pa ma yin no/ /ma rig pa ni nyon mongs pa thams cad dang mtshungs par ldan pa dang ma 'dres yang yin no/ /ma 'dres pa ni bden pa rnams mi shes so//lta ba ni khong khro dang the tshom dang mtshungs par ldan pa ma yin no/ /the tshom ni 'dod chags dang / nga rgyal dang lta ba dang mtshungs par ldan pa ma yin no/ /khro ba la sogs pa nye ba'i nyon mongs pa rnams ni phan tshun mtshungs par ldan pa ma yin no/ /mi mthun pa dag mi mthun pa dang mtshungs par ldan pa ma yin te/dper na 'dod chags kyi char gtogs pa rnams zhe sdang gi char gtogs pa dag dang mtshungs par ldan pa ma yin pa bzhin no/ /mi mthun pa med pa dag ni nyon mongs pa bzhin du mtshungs par rig par bya'o/ /ngo tsha med pa dang khrel med pa ni mi dge ba thams cad dang mtshungs par ldan no//bdag dang gzhan la mi lta ba med na kun du 'byung ba med pa'i phyir ro/ /rmugs pa dang / rgod pa dang / ma dad pa dang / le lo dang / bag med pa ni nyon mongs pa thams cad dang mtshungs par ldan no/ /rmugs pa la sogs pa yang nyon mongs pa can thams cad dang sbyar bar bya ste/las su mi rung ba nyid la sogs pa med par nyon mongs pa can mi srid pa'i phyir ro/ /rnam grangs gang kun du sbyor ba dang / 'ching ba dang / bag la nyal dang / nye ba'i nyon mongs pa dang / kun nas dkris pa dang / chu bo dang / sbyor ba dang / nye bar len pa dang / mdud pa dang / sgrib pa dang / tha ba dang /dri ma dang / sdig pa dang / zug rngu dang / ci yang dang / nyes par spyod pa dang / zag pa dang / phongs pa dang / yongs su gdung ba dang / 'khrug pa dang / 'thab pa dang / rims nad dang / nags sbyor dang / gags zhes bya ba dag go/ /kun du sbyor ba rnams ni du/ ji ltar gang du sbyor kun du sbyor ba dgu ste/rjes su chags pa'i kun du sbyor ba dang / khong khro'i kun du sbyor ba dang / nga rgyal gyi kun du sbyor ba dang / ma rig pa'i kun du sbyor ba dang / lta ba'i kun du sbyor ba dang / mchog tu 'dzin pa'i kun du sbyor ba dang / the tshom gyi kun du sbyor ba dang / phrag dog gi kun du sbyor ba dang / ser sna'i kun du sbyor ba'o//rjes su chags pa'i kun du sbyor ba ni/ khams gsum pa'i 'dod chags so/ /rjes su chags pa'i kun du sbyor ba dang ldan pa ni khams gsum pa la yid mi 'byung bar 'gyur ro/ /yid mi 'byung bas mi dge ba la spyod cing dge ba la mi spyod de/ gang gis phyi ma la sdug bsngal mngon par grub par byed pas sdug bsngal dang kun du sbyor ro//gang zhig rnam pa gang gis dngos po gang la kun du sbyor ba de ni bstan par rig par bya'o/ /kun du sbyor ba gang zhe na/ rjes su chags pa'i kun du sbyor ba ni/ khams gsum pa'i 'dod chags kyi ngo bo nyid de/ kun du sbyor bar byed do/ /rnam pa gang gis kun du sbyor zhe na/de dang ldan pa khams gsum pa la yid mi 'byung ba ni mi dge ba kun du spyod cing dge ba mi spyod pas so/ /gang kun du sbyor zhe na/ phyi ma la sdug bsngal kun du mngon par grub par 'gyur ro/ /de bzhin du khong khro ba'i kun du sbyor ba la sogs pa la yang sbyar bar bya'o/ /khong khro'i kun du sbyor ba gang /sems can dang / sdug bsngal dang / sdug bsngal gyi gnas kyi chos rnams la sems kyi kun nas mnar sems pa'o/ /khong khro'i kun du sbyor ba dang ldan pa ni/ khong khro'i rgyu las sems yal bar mi 'dor te/ gang gis mi dge ba spyod dge ba mi spyod do/ /gang gis phyi ma la sdug bsngal mngon par 'grub par byed pas sdug bsngal dang sbyar ro//nga rgyal gyi kun du sbyor ba gang / nga rgyal bdun te/ nga rgyal dang / che ba'i nga rgyal dang / nga rgyal las nga rgyal dang / nga'o snyam pa'i nga rgyal dang / mngon pa'i nga rgyal dang / cung zad snyam pa'i nga rgyal dang / log pa'i nga rgyal lo//nga rgyal gang / chung ngu bas bdag che ba'am/ mtshungs pa dang mtshungs so snyam du sems khengs pa gang yin pa'o/ /che ba'i nga rgyal gang / mtshungs pa bas bdag che ba'am/ che ba dang mtshungs so snyam du sems khengs pa gang yin pa'o/ /nga rgyal las nga rgyal gang / che ba bas kyang bdag che'o snyam du sems khengs pa gang yin pa'o/nga'o snyam pa'i nga rgyal gang / nye bar len pa'i phung po lnga po rnams la bdag gam/ bdag gir yang dag par rjes su lta ba'i sems khengs pa gang yin pa'o/ /mngon pa'i nga rgyal gang gong ma'i khyad par thob par bya ba ma thob par bdag gis thob bo snyam du sems khengs pa gang yin pa'o//cung zad snyam pa'i nga rgyal gang / khyad ches 'phags pa bas bdag cung zad cig gis chung ngo snyam du sems khengs pa gang yin pa'o/ /log pa'i nga rgyal gang / yon tan ma yin pa dang ldan pa la/ bdag yon tan dang ldan no snyam du sems khengs pa gang yin pa'o/ /nga rgyal gyi kun du sbyor ba dang ldan pa ni ngar 'dzin pa dang /ngar yir 'dzin pa yongs su mi shes so/ /yongs su ma shes na ngar 'dzin pa dang / nga yir 'dzin pa la mngon par zhen nas/ mi dge ba spyod cing dge ba mi spyod de/ gang gis phyi ma la sdug bsngal mngon par 'grub par byed pas sdug bsngal dang sbyor ro/ /ma rig pa'i kun du sbyor ba gang /khams gsum pa'i mi shes pa'o/ /ma rig pa'i kun du sbyor ba dang ldan pa ni sdug bsngal gyi chos rnams dang / kun 'byung ba'i chos rnams la lhag par chags so/ /'bras bu dang / rgyur gyur pa'i zag pa dang bcas pa'i 'du byed rnams dang / de'i nyes dmigs yongs su mi shes pa'i phyir ro//de dag la lhag par chags pas mi dge ba spyod cing dge ba mi spyod de/ gang gis phyi ma'i sdug bsngal mngon par 'grub par byed pa'i sdug bsngal dang sbyar ro/ /lta ba'i kun du sbyor ba gang / lta ba gsum ste/ 'jig tshogs la lta ba dang / mthar 'dzin par lta ba dang / log par lta ba'o/lta ba'i kun du sbyor ba dang ldan pa ni log par nges par 'byung ba yongs su tshol lo/ /mngon par zhen to/ /lta ba'i kun du sbyor ba dang ldan pa ni log par nges par 'byung ba yongs su tshol zhes pa ni bdag grol bar 'gyur ro/ /bdag grol lo/ /bdag grol nas kyang rtag par 'gyur ro snyam pa'am/chad par 'gyur te/ sangs rgyas pa la thar pa med do snyam du rtag tu sbyor bar 'gyur zhes pa'o/ /log par nges par 'byung ba la mngon par zhen pas mi dge ba spyod cing dge ba mi spyod de/ gang gis phyi ma la sdug bsngal mngon par 'grub par byed pas sdug bsngal dang sbyar ro/ /mchog tu 'dzin pa'i kun du sbyor ba gang /lta ba mchog tu 'dzin pa dang / tshul khrims dang brtul zhugs mchog tu 'dzin pa'o/ /mchog tu 'dzin pa'i kun du sbyor ba ba dang ldan pa ni log par nges par 'byung ba'i thabs la rtog cing / 'phags pa'i lam brgyad po bor nas 'jig tshogs la lta ba la sogs pa dang / de sngon du 'gro ba'i tshul khrims dang /brtul zhugs kyis dag par yid ches pa'i phyir ro/ /mngon par zhen pas mi dge ba spyod cing dge ba mi spyod de/ gang gis phyi ma la sdug bsngal mngon par 'grub par byed pas sdug bsngal dang sbyor ro/ /the tshom gyi kun du sbyor ba gang / gang bden pa rnams la yid gnyis za ba'o//the tshom gyi kun du sbyor ba dang ldan pa ni/ sangs rgyas dkon mchog la som nyi za zhing / chos dkon mchog dang / dge 'dun dkon mchog la som nyi za'o/ /dkon mchog rnams la som nyi za bas legs par sgrub par mi 'gyur ro/ /dkon mchog rnams legs par mi sgrub pas mi dge ba spyod cing dge ba mi spyod do//gang gis phyi ma la sdug bsngal mngon par 'grub par byed pas sdug bsngal dang sbyar ro/ /phrag dog gi kun du sbyor ba gang / rnyed pa dang bkur sti la lhag par chags pas pha rol gyi phun sum tshogs pa la mi bzod par byas pa'i sems khong nas 'khrug pa'o/ /phrag dog gi kun du sbyor ba dang ldan pa ni rnyed pa dang bkur sti la gces su 'dzin pa yin gyi chos gces su 'dzin pa ma yin no//rnyed pa dang bkur sti gces su 'dzin pas mi dge ba spyod cing dge ba mi spyod de/ gang gis phyi ma la sdug bsngal mngon par 'grub par byed pas sdug bsngal dang sbyar ro/ /ser sna'i kun du sbyor ba gang rnyed pa dang bkur sti la lhag par chags pas yo byad rnams la sems kyis kun du 'dzin pa'o//ser sna'i kun du sbyor ba dang ldan pa ni/ sog pa gces su 'dzin pa yin gyi/ yo byad bsnyungs pa gces su 'dzin pa ma yin te/ sog pa gces su 'dzin pas mi dge ba spyod cing dge ba mi spyod do//gang gis phyi ma la sdug bsngal mngon par 'grub par byed pas sdug bsngal dang sbyor ro/ /'ching ba ni gsum ste/ 'dod chags kyi 'ching ba dang / zhe sdang gi 'ching ba dang / gti mug gi 'ching ba'o/ /'dod chags kyi 'ching bas ni 'gyur ba'i sdug bsngal nyid la 'ching bar 'gyur ro/ / zhe sdang gi 'ching bas ni sdug bsngal gyi sdug bsngal nyid la 'ching bar 'gyur ro/ /gti mug gi 'ching bas ni 'du byed kyi sdug bsngal nyid la 'ching bar 'gyur ro/ /'dod chags la sogs pa'i 'ching bas 'gyur ba'i sdug bsngal nyid la sogs pas 'ching bar bstan pa ni 'dod chags la sogs pa ni bde ba la sogs pa'i tshor ba la phra rgyas su 'gyur ba'i phyir ro//yang 'dod chags dang / zhe sdang dang / gti mug la brten nas dge ba la sbyor ba na 'dod pa bzhin du byed pa mi 'thob ste/ de'i phyir yang de dag ni 'ching ba rnams so/ /phyi rol gyi 'ching bas bcings pa ni gnyis mi 'thob ste/ 'gro ba mi 'thob pa dang / 'dug kyang ji ltar 'dod pa dang / bsams pa dang spyod pa la 'dod bzhin du byed pa mi 'thob pa'o/ /nang gi 'dod chags la sogs pa'i 'ching ba yang de dang 'dra bar rig par bya'o/ /bag la nyal ni bdun te/ 'dod pa la 'dod chags kyi bag la nyal dang / khong khro'i bag la nyal dang / srid pa'i 'dod chags kyi bag la nyal dang /nga rgyal gyi bag la nyal dang / ma rig pa'i bag la nyal dang / lta ba'i bag la nyal dang / the tshom gyi bag la nyal lo/ /'dod pas 'dod chags kyi bag la nyal ni 'dod pa la 'dod chags kyi phyogs dang mthun pa'i gnas ngan len no/ /khong khro'i ngag la nyal ni khong khro'i phyogs dang mthun pa'i gnas ngan len no//srid pa'i 'dod chags kyi bag la nyal ni gzugs dang gzugs med pa'i 'dod chags kyi phyogs dang mthun pa'i gnas ngan len no/ /nga rgyal gyi bag la nyal ni/ nga rgyal gyi phyogs dang mthun pa'i gnas ngan len no/ /ma rig pa'i bag la nyal ni ma rig pa'i phyogs dang mthun pa'i gnas ngan len no//lta ba'i bag la nyal ni lta ba'i phyogs dang mthun pa'i gnas ngan len no/ /the tshom gyi bag la nyal ni the tshom gyi phyogs dang mthun pa'i gnas ngan len no/ /'dod pa tshol ba ma spangs pas 'dod pa la 'dod chags kyi bag la nyal dang / /khong khro'i bag la nyal rgyas par 'gyur ro//'dod pa 'tshol ba ma spangs pa'i 'dod pa las 'dod chags dang / khong khro'i bag la nyal phra rgyas su 'gyur te/ de'i sgo nas de gnyis rgyas par 'gyur ba'i phyir ro/ /srid pa tshol ba ma spangs pas srid pa'i 'dod chags kyi bag la nyal rgyas par 'gyur ro/ /log par tshangs par spyod pa tshol ba ma spangs pas nga rgyal gyi bag la nyal dang /ma rig pa'i bag la nyal dang / lta ba'i bag la nyal dang / the tshom gyi bag la nyal rgyas par 'gyur te/ 'di ltar de dag ni 'jig rten pa'i gnyen po chung ngu tsam gyis kyang khengs par 'gyur ro/ /bden pa rnams la'ang rmongs par 'gyur ro//log pa'i thar pa dang / thar pa'i thabs la'ang rtog par byed do/ /sangs rgyas rnams kyi bstan pa dam pa'i chos 'dul ba la som nyi za'o/ /the tshom za'o/ /log pa'i thar pa dang thar pa'i thabs la rtog par byed do zhes bya ba ni/ kun du sbyor ba'i nang du lta ba gsum dang / mchog tu 'dzin pa gnyis ji skad bshad pa dang go rims bzhin no//nye ba'i nyon mongs pa gang / nyon mongs pa gang dag yin pa de dag nye ba'i nyon mongs pa rnams kyang yin no/ /nye ba'i nyon mongs pa yin la/ nyon mongs pa ma yin pa yang yod do/ /nyon mongs pa rnams ma gtogs par de las gzhan pa'i sems las byung ba'i 'du byed kyi phung po nyon mongs pa can no//khro ba la sogs par rig par bya'o/ /yang 'dod chags ni sems las byung ba'i nye ba'i nyon mongs pa'o/ /zhe sdang dang gti mug gi sems las byung ba'i nye ba'i nyon mongs pa ste/ nye ba'i nyon mongs pa des sems nyon mongs pa can du gyur na chags pa dang bral bar mi 'gyur/grol bar mi 'gyur te/ sgrib pa de ma spangs pa'i phyir ro/ /bcom ldan 'das kyis ji skad du/ sems de ni yun ring po nas 'dod chags kyis kun nas nyon mongs pa can du gyur pa zhe sdang dang / gti mug gis kun nas nyon mongs pa can du gyur pa zhes gsungs pa lta bu'o//kun nas dkris pa ni brgyad de/ rmugs pa dang / gnyid dang / rgod pa dang / 'gyod pa dang / phrag dog dang / ser sna dang / ngo tsha med pa dang / khrel med pa'o/ /zhi gnas kyi dus dang / rab tu 'dzin pa'i dus dang / btang snyoms kyi mtshan ma bsgom pa'i dus dang / de dag gi gzhi dang po rnam par dag pa'i dus dang / yang dang yang shas cher sems la kun nas 'khri bar byed pa kun nas dkris pa dag go/ /rnal 'byor pa rnams kyi dge ba'i phyogs kyi bar chad bya ba'i phyir/ yang dang yang shas cher sems la kun nas 'khri bar byed pas kun du dkris pa dag go/ / dge ba'i phyogs ni zhi gnas dang / rab tu 'dzin pa dang / btang snyoms kyi rgyu bsgoms pa ste/ dus ji lta ba bzhin no/ /de dag gi gzhi ni tshangs par spyod pa la sogs pa dag las bsdus pa'i tshul khrims so/ /de la zhi gnas kyi dus na ni rmugs pa dang / gnyid kyis bar chad byed de/ nang du zhum par byed pa'i phyir ro//rab tu 'dzin pa'i dus na ni rgod pa dang 'gyod pa ste/ phyi rol du rnam par g.yeng bar byed pa'i phyir ro/ /btang snyoms kyi dus na ni phrag dog dang ser sna ste/ de dang ldan na gzhan dag gi phun sum tshogs pa la mi bzod pa yin/ kun du 'dzin pa'i sgo nas yang dang yang sems g.yo ba'i phyir ro//tshul khrims rnam par dag pa'i dus na ni/ ngo tsha med pa dang khrel med pa ste/ de gnyi ga dang ldan na rnam pa thams cad du ltung ba'i gnas kyis mi 'dzem pa'i phyir ro/ /chu bo ni bzhi ste/ 'dod pa'i chu bo dang / srid pa'i chu bo dang / lta ba'i chu bo dang / ma rig pa'i chu bo'o//rgyun phyogs su khyer bar byed pa'i phyir chu bo dag go/ /kun nas nyon mongs pa dang / rnam par byang ba'i rjes su mthun pa dang mi mthun pa'i phyir/ chu bo dang sbyor ba go rims bzhin du rnam par gzhag par rig par bya'o/ /'dod pa tshol ba la zhugs pa ni dang po'o/ / srid pa tshol ba la zhugs pa ni gnyis pa'o/ /log pa'i tshangs par spyod pa tshol ba la zhugs pa ni tha ma gnyis te/ gnas pa dang / gnas 'brel ba'i tshul gyis so/ /lta ba'i chu bo ni gnas pa'o/ /ma rig pa'i chu bo ni gnas te/ rmongs par gyur na thar pa dang de'i thabs la log par rtog pa'i phyir ro/ /sbyor ba ni bzhi ste/'dod pa'i sbyor ba dang / srid pa'i sbyor ba dang / lta ba'i sbyor ba dang / ma rig pa'i sbyor ba'o/ /bral ba'i bar du gcod pa'i phyir sbyor ba rnams te/ de dag kyang tshol ba la zhugs pa gsum po rnams kyi yin te/ ji ltar mthun par sbyar ro/ /nye bar len pa ni bzhi ste/ 'dod pa'i nye bar len pa dang /lta ba'i nye bar len pa dang / tshul khrims dang brtul zhugs kyi nye bar len pa dang / bdag tu smra ba'i nye bar len pa'o/ /rtsod pa'i rtsa ba nye bar len pa'i phyir te/ de'i phyir yang srid pa nye bar len pa'i phyir nye bar len pa rnams so/ /'dod pa la 'dod chags dang lhag par zhen pa dang /rnam par bcings pa dang / yongs su zhen pa dang / kun du 'dod chags kyi rgyus khyim pa rnams dang / khyim pa rnams lhan cig tu rtsod de/ rtsod pa de'i rtsa ba ni dang po yin no/ /lta ba la 'dod chags dang / lhag par zhen pa dang / rnam par bcings pa dang / yongs su zhen pa dang / kun du 'dod chags kyi rgyus rab tu byung ba rnams dang /rab tu byung ba rnams lhan cig tu rtsod de/ rtsod pa de'i rtsa ba ni nye bar len pa gsum po ste/ lta bar gyur ba drug cu rtsa gnyis ni lta ba'i nye bar len pa'o/ /phal cher brtul zhugs dang dka' thub drag po so sor tha dad pa ni/ tshul khrims dang brtul zhugs kyi nye bar len pa'o//de dag gi gnas 'jig tshogs la lta ba ni bdag tu smra ba'i nye bar len pa'o/ /lta ba'i nye bar len pa dang / tshul khrims dang brtul zhugs kyi nye bar len pa ni mu stegs byed phan tshun rtsod de/ de la 'dod pa du mar gyur pa'i phyir ro/ /bdag tu smra ba'i nye bar len pa la ni nang mi rtsod de/ thams cad kyang bdag yod pa nyid du blo mthun pa'i phyir ro/ /bdag tu smra ba'i nye bar len pas ni mu stegs can rnams dang / chos 'di pa rnams lhan cig rtsod de 'di pa bdag med par smra ba'i phyir ro/ /de ltar de dag rtsod pa'i rtsa ba nye bar len pa la mngon par zhen pas phyi ma la yang srid pa nye bar len te des na nye bar len pa rnams zhes bya'o//mdud pa ni bzhi ste/ brnab sems lus kyi mdud pa dang gnod sems lus kyi mdud pa dang / tshul khrims dang brtul zhugs mchog tu 'dzin pa lus kyi mdud pa dang / 'di bden no zhes mchog tu 'dzin cing mngon par zhen pa lus kyi mdud pa'o/ / mnyam par gzhag pa'i yid kyi rang bzhin gyi lus kyi bar du gcod pa'i phyir mdud pa rnams so/ /de dag gzugs lus kyi mdud pa ma yin par rig par bya ste/ mnyam par gzhag pa'i sems kyi rang bzhin gyi lus kyi bar du gcod pas mdud pa dag go/ /'di ltar g.yeng ba ni bzhi ste/ zang zing cung zad tsam gyi rgyus sems g.yeng ba dang /rtsod pa la legs par mi bsgrub pa'i rgyu dang / tshul khrims dang brtul zhugs drag pos sdug bsngal bar gnas pa'i rgyu dang tshul bzhin ma yin par shes bya la rtogs pa'i rgyus sems g.yeng bar byed pa'o/ /so so'i lta ba la brten nas 'di nyid bden gyi gzhan ni gti mug go zhes mngon par zhen nas shes bya la rtogs pas/tshul bzhin ma yin par shes bya la rtogs pa'i rgyus sems g.yeng bar byed do/ /gang la rnam par g.yeng bar byed ce na/ mnyam par gzhag pa'i sems yang dag pa ji lta ba bzhin du shes mthong ba las so/ /sgrib pa ni lnga ste/ 'dod pa la 'dun pa'i sgrib pa dang /gnod sems dang / rmugs pa dang / gnyid dang / rgod pa dang / 'gyod pa dang / the tshom gyi sgrib pa ste/ dge ba'i phyogs mi rtogs pa'i rgyu yin pas sgrib pa rnams so/ /dge ba'i phyogs mi rtogs par sems la sgrib par byed pas sgrib pa rnams te/ dge ba la 'jug pa'i bar chad byed ces bya ba'i don to//rab tu 'byung ba la mngon par dga' ba'i dus dang / bskul ba na legs par bsgrub pa'i dus dang / zhi gnas kyi dus dang / rab tu 'dzin pa'i dus dang / /btang snyoms kyi dus na'o/ /dge ba'i phyogs mi rtogs pa'i rgyu yin pas sgrib pa rnams so//de la 'dod pa la 'dun pa ni rab tu 'byung ba la mngon par dga' ba'i bar chad byed do/ /yul la nye bar spyod par 'dod pa'i sgo nas/ de la mngon par mi dga' ba'i phyir ro/ /gnod sems ni legs par bskul ba'i dus na ste/ tshangs pa mtshungs par spyod pa rnams kyis yang dag par bsgrub pa'i slob pa'i gnas la bskul na/gnod sems kyi sems kyis yang dag par mi slob pa'i phyir ro/ /rmugs pa dang / gnyid dang / rgod pa dang / 'gyod pa ni zhi gnas dang / rab tu 'dzin pa gnyis snga ma bzhin du zhum pa dang / rnam par g.yeng bar byed pa'i phyir ro/ the tshom ni btang snyoms te/gtan la phab pa med par btang snyoms su byed mi nus pa'i phyir ro/ /tha ba ni gsum ste/ 'dod chags kyi tha ba dang / zhe sdang gi tha ba dang / gti mug gi tha ba'o/ /'dod chags dang zhe sdang dang gti mug de rnams la brten nas/ sngon goms pa'i tshul gyis 'dod chags la sogs pa spyod par 'gyur te//spyod pa de ma spangs pas sems las su mi rung ba dang / 'bral dka' bar gyur pa de dag ni tha ba rnams zhes bya'o/ /gnyen po'i thong gshol gyis rlog par dka' ba'i phyir/ tha bar rnam par gzhag par rig par bya'o/ /tshe rabs gzhan du goms par byas pas spyod pa tha bar 'gyur ba'i phyir ro//dri ma ni gsum ste/ 'dod chags kyi dri ma dang / zhe sdang gi dri ma dang / gti mug gi dri ma'o/ /'dod chags dang zhe sdang dang gti mug de rnams la brten nas de'i ngo bo 'chal ba'i tshul khrims lhag par spyod de/ grong na 'dug kyang rung / /dgon pa na 'dug kyang rung / /tshangs pa mtshungs par spyod pa mkhas pa rnams kyis mthong na gang gi phyir 'di skad du/tshe dang ldan pa 'di ni 'di lta bu byed pa/ 'di lta bu spyod pa ste/ mi gtsang ba grong gi tsher ma zhes brjod par 'gyur ba de dag ni dri ma rnams zhes bya'o/ /'chal ba'i tshul khrims mi gtsang bar 'byung ba'i rgyu yin pa'i phyir dri ma rnams so/ / sdig pa ni gsum ste/ 'dod chags kyi sdig pa dang / zhe sdang gi sdig pa dang / gti mug gi sdig pa'o/ /'dod chags dang zhe sdang dang gti mug ste de rnams la brten nas dus ring por skye ba dang / rga ba dang / 'chi ba myong bar 'gyur ba de dag ni sdig pa rnams zhes bya'o/ /yang dang yang 'khor bar skye ba dang / rga ba dang //'chi ba'i tshul gyis gnod par byed pas sdig pa rnams so/ /zug rngu ni gsum ste 'dod chags kyi zug rngu dang / zhe sdang gi zug rngu dang / gti mug gi zug rngu'o/ /'dod chags dang zhe sdang dang gti mug de rnams la brten nas srid pa dang / srid pa'i yo byad rnams la shin tu 'dod pa skye zhing gnas te/ sangs rgyas dang chos dang dge 'dun rnams dang /sdug bsngal dang / kun 'byung ba dang / 'gog pa dang / lam rnams la the tshom za ba de dag ni zug rngu rnams zhes bya'o/ /srid pa dang srid pa'i yo byad rnams dang / dkon mchog rnams la sred pa dang / the tshom gyi sgo nas zhugs nas gnod pa'i phyir zug rngu rnams so/ / ci yang ni gsum ste/ 'dod chags kyi ci yang dang / zhe sdang gi ci yang dang / gti mug gi ci yang ngo / 'dod chags dang / zhe sdang dang gti mug de rnams la brten nas 'jigs pa dang bcas/ 'khon dang bcas shing / g.yeng ba rnams mang bar gnas pa de dag ni ci yang rnams zhes bya'o/ /yo byad mang po yongs su 'dzin pas ci yang dang bcas pas byas nas 'jig pa la sogs pa la sbyor ba'i phyir ci yang rnams so//nyes par spyod pa ni gsum ste/ 'dod chags kyi nyes par spyod pa dang / zhe sdang gi dang / gti mug gi nyes par spyod pa'o/ /'dod chags dang zhe sdang dang gti mug de rnams la brten nas/lus kyis nyes par spyad pa spyod pa dang / ngag dang / yid kyis nyes par spyad pa spyod pa rnams zhes bya'o/ /srog gcod pa la sogs pa'i mi dge ba la 'jug par byed pa'i phyir/ 'dod chags dang / zhe sdang dang / gti mug rnams ni nyes par spyod pa mi dge bas rnam par bzhag ste de rnams kyi sgo nas nyes par spyod pa'i phyir ro//yang zang zing cung zad tsam gyi rgyu dang / longs spyod don du gnyer ba rnams chags pa nyes par spyad pa spyod do/ /gnod par bya ba'i rgyu las yongs su rtog pa'i rgyu dang / gzhan gyis nyes par mi bzod pa rnams zhe sdang gi nyes par spyad pa spyod do/ /chos la log par mngon par zhen pa'i rgyus phyin ci log tu lta ba mchod sbyin la sogs pa dag gti mug gi nyes par spyad pa spyod do//sems can rnams nyes par spyad pa spyod do/ /de lta bas na 'dod chags dang / zhe sdang dang / gti mug gi nyes par spyod pa'i rtsa ba rnams zhes bya'o/ /zag pa ni gsum ste/ 'dod par zag pa dang /srid par zag pa dang / ma rig par zag pa'o/ /sems rnam par 'phro bar zag par byed pa dang / phyi rol du bltas te zag pa'i phyir 'dod par zag pa'o/ /nang du bltas te zag pa'i phyir srid par zag pa'o/ /zag pa de gnyi ga'i gnas yin pa'i phyir ma rig par zag pa'o//sems rnam par 'phro bar byed pa'i phyir zag pa rnams so/ phongs pa ni gsum ste/ 'dod chags kyi phongs pa dang / zhe sdang dang / gti mug gi phongs pa'o/ /'dod chags dang zhe sdang dang / gti mug de rnams la brten nas/ srid pa'i yo byad 'dod pa'i phongs pas gnod par byed pa de dag phongs pa rnams zhes bya'o//lus dang sems la phongs par byed pas phongs pa rnams so/ /yongs su gdung ba ni gsum ste/ 'dod chags kyis yongs su gdung ba dang / zhe sdang dang / gti mug gis yongs su gdung ba'o/ /'dod chags dang zhe sdang dang gti mug de rnams la brten nas/tshul bzhin ma yin par mtshan mar 'dzin pa dang / mngon rtags su 'dzin par 'gyur te/ mtshan mar 'dzin pa dang / mngon rtags su 'dzin pa gang gis lus yongs su gdung bar 'gyur ba dang / sems yongs su gdung bar 'gyur ba de dag gdung ba rnams zhes bya'o//tshul bzhin ma yin pa'i mtshan ma dang / mngon rtags su 'dzin du bcug nas lus dang sems la yongs su gdung bar byed pas gdung ba rnams so/ /'khrug pa ni gsum ste/ 'dod chags kyis 'khrug pa dang / zhe sdang gis 'khrug pa dang /gti mug gis 'khrug pa'o/ /'dod chags dang zhe sdang dang gti mug de rnams la brten nas gang du dga' ba dang / lhag par chags pa de rnam par gyur cing gzhan du gyur na mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams kyis reg par 'gyur ba de dag ni 'khrug pa rnams zhes bya'o//gzugs la sogs pa'i dngos po la dga' ba dang / lhag par chags par byed du bcug nas/ de rnam par gyur na mya ngan la sogs pas sems can rnams 'khrug par byed pa'i phyir 'khrug pa rnams zhes brjod do/ / 'thab pa ni gsum ste/ 'dod chags kyis 'thab pa dang / zhe sdang dang / gti mug gis 'thab pa'o/ /'dod chags dang / zhe sdang dang gti mug de rnams la brten nas/ chad pa gcod pa dang / mtshon cha len pa dang / dbyug pa len pa dang / 'thab pa dang / mtshang 'bru ba dang /rtsod pa dang / 'gyed pa rnams 'byung ba de dag ni 'thab pa rnams zhes bya'o/ /mtshon cha len pa la sogs pa'i 'thab par byed pas 'thab pa rnams so/ /rims nad ni gsum ste/ 'dod chags kyi rims nad dang / zhe sdang dang / gti mug gi rims nad do/ /'dod chags dang /zhe sdang dang / gti mug de rnams la brten nas/ chos ma yin pa la 'dod chags pas yongs su gdung ba chen pos yongs su gdung bar 'gyur ba dang / de la chos ma yin pa la 'dod chags pa ni/ gang mi dge ba'i lam rnams la rjes su chags pa'o/ /mi mthun pas chags pas yongs su gdung bar 'gyur ba dang /mi mthun pas chags pa ni mi rigs pa chos ma yin pas yul kun du tshol ba'o/ /chos log pa'i yongs su gdung ba chen pos yongs su gdung bar 'gyur ba chos log pa ni nyes par bshad pa'i chos su rig par bya'o/ /de dag ni rims nad rnams zhes brjod do//nags sbyor ni gsum ste/ 'dod chags kyi nags sbyor dang / zhe sdang dang / gti mug gi nags sbyor ro/ /'dod chags dang zhe sdang dang gti mug de rnams la brten nas/ skye ba'i rtsa ba 'du byed rnams la chags te/ 'gro ba lnga'i 'khor bar lus rnam pa sna tshogs mngon par 'grub par byed pa de dag ni nags sbyor rnams zhes bya ba'o//skye ba'i rtsa ba'i 'khor ba'i shing gi nags tshal la chags par byed pas nags sbyor rnams zhes brjod do/ /gags ni gsum ste/ 'dod chags kyi gags dang / zhe sdang dang / /gti mug gi gags so//'dod chags dang zhe sdang dang gti mug de rnams la brten nas/ lus la lta ba dang bcas pas dge ba la mi sbyor ba dang / lus la lta ba dang bcas pa de bzhin du longs spyod la lta ba dang bcas pa dang / blo ma byang ba dang / 'dre zhing gnas pa dang / cung zad tsam gyis chog par 'dzin pas dge ba la mi sbyor ba de dag ni gags rnams zhes bya'o//lus la lta ba la sogs pa dang bcas pas dge ba sbyor ba'i gags te/ yang lus la lta ba la sogs pa ni gags rnam pa lnga'o/ /log par zhugs pa ji lta bu/ 'dod chags ni yul dang lta ba la log par rtog pa'o//bsgom pas spang bar bya ba dang / mthong bas spang bar bya ba dang / go rims bzhin no/ /'dod chags ni sdug pa tsam du dmigs pa'i phyir ro/ /gang yang sems can la 'dod chags pa de ni yul gyi sgo nyid nas log par rtog par rig par bya'o/ /'dod chags ji lta bar khong khro'ang de bzhin no//de bzhin du khong khro ba ni mi mthun pa'i rgyu rkyen la dmigs pa'i phyir te/ sems can rnams la 'byung ba yang yul gyi sgo nyid ni log par rtog par rig par bya'o/ /nga rgyal ni sems can rnams dang / lta ba log par rtog pa'o/ /chung ngu bas bdag che ba'o zhes bya ba la sogs pa rnam par 'byung ba'i phyir sems can rnams la log par rtog par rig par bya'o//'jig tshogs la lta ba dang / mthar 'dzin par lta ba dang / log par lta ba ni shes bya la log par rtog pa'o/ /sgro 'dogs pa dang / skur pa 'debs pa'i sgo nas ji ltar mthun mthun du sbyar ro//lta ba mchog tu 'dzin pa dang / tshul khrims dang brtul zhugs mchog tu 'dzin pa ji lta ba la log par rtog pa'o/ /lta ba nyes pa nyid kyis tshul khrims dang brtul zhugs la yang dag par mchog tu 'dzin pa'i phyir ro/ /the tshom ni gnyen po la sogs par rtog pa'o/ /bden pa rnams la blo rnam pa gnyis su 'jug pa'i phyir ro//ma rig pa ni thams cad la log par rtog pa'o/ /nyon mongs pa bcu po thams cad ni/ sdug bsngal ba dang kun 'byung ba la de'i rgyu dang gzhi'i gnas kyis kyang log par rtog pa'o/ /nyon mongs pa bcu char yang sdug bsngal ba dang kun 'byung ba'i rgyu yin la/de gnyis kyang da dag gi gzhi'i gnas yin no/ /de'i phyir de'i rgyu dang gzhi'i gnas kyis kyang log par rtog ces brjod par bya'o/ /nyon mongs pa bcu po thams cad ni/ 'gog pa dang lam la yang de la skrag pa skyed pas log par zhugs pa'o/ /nyon mongs pa'i dbang gis 'khor ba la mngon par dga' ba dang /rnam par byang ba la g.yang sar 'du shes nas skrag pa dang / phyin ci log tu rtog pa 'gog pa dang / lam la log par rtog par rig par bya'o/ /mu stegs can rnams kyis ni rnam pa gzhan du kun du brtags nas de la log par rtog pa'i phyir ro//khams kyi ji lta bu/ khong khro ma gtogs pa khams gsum pa thams cad do/ /khong khro ni 'dod pa dang ldan pa'o/ /'dod chags ni 'dod pa'i khams na bde ba dang / yid bde ba dang / gtang snyoms dang mtshungs par ldan no/ /'dod pa'i khams la ji lta ba de bzhin du/bsam gtan dang po dang gnyis pa la yang de bzhin no/ /gsum pa ni bde ba dang / btang snyoms dang mtshungs par ldan no/ /de yan chad du ni btang snyoms nyid dang mtshungs par ldan no/ /de la 'dod pa na spyod pa'i 'dod chags rnam par shes pa'i tshogs lnga dang ldan pa ni bde ba dang mtshungs par ldan no//yid kyi rnam par shes pa'i tshogs dang ldan pa ni yid bde ba dang mtshungs par ldan no/ /'dod chags thams cad ni rgyun chad pa'i dus na btang snyoms dang mtshungs par ldan no/ /dga' ba'i rnam par 'gyur ba'i phyir ro/ /khong khro ni sdug bsngal dang / yid mi bde ba dang / btang snyoms dang mtshungs par ldan no/ /rnam par shes pa'i tshogs lnga dang ldan pa'i khong khro ba ni sdug bsngal dang mtshungs par ldan no/ /drug pa yid kyi sa pa ni yid mi bde ba dang mtshungs par ldan no/ /thams cad ni btang snyoms dang mtshungs par ldan te snga ma bzhin no//bde ba dang yid bde ba dang mtshungs par ldan pa ni ma yin te/ dman pa'i rnam par 'gyur ba'i phyir ro/ /nga rgyal ni 'dod pa'i khams na yid bde ba dang / btang snyoms dang mtshungs par ldan no/ /bsam gtan dang po dang gnyis pa la ni bde ba dang / yid bde ba dang / btang snyoms dang mtshungs par ldan no//gsum pa la ni bde ba dang btang snyoms dang mtshungs par ldan no/ /nge yan chad du btang snyoms kho na dang mtshungs par ldan no/ /nga rgyal ni 'dod pa'i khams na bde ba dang mtshungs par ldan pa ma yin te/ rnam par shes pa'i tshogs lnga dang / mtshungs par ldan pa med pa'i phyir ro/ /bsam gtan dang po dang gnyis pa na bde ba dang ji ltar ldan zhe na/ yid kyi sa pa'i bde ba dang mtshungs par ldan no/ /de na yid kyi sa pa'i bde ba ji lta bu zhe na/ dga' ba dang / bde ba zhes gang 'byung ba ste/ ji skad du dag pa gang zhe na/gang gnas gyur pa'i 'jug pa'i rnam par shes pa la brten pa'i sems tshim pa dang / sems shin tu dga' ba dang / sems rangs pa dang / sems dga' ba dang / bde ba myong ba ste/ tshor bar gtogs pa'o/ /bde ba gang zhe na/ gang gnas gyur pa'i kun du len pa'i rnam par shes pa la brten pa'i gnas la phan pa dang /gnas tshim pa dang / bde ba myong ba ste/ tshor bar gtogs pa'o zhes bshad pa lta bu'o/ /de ni 'di skad du 'jug pa'i rnam par shes pa la brten pa zhes bya ba ni yid kyi rnam par shes pa la brten pa yin te/gzhan la mnyam par gzhag pa med pa'i phyir ro/ /bde ba'i tshor ba la bsam gtan dang po dang gnyis pa la 'byung ba na/ sems dang sems las byung ba'i tshogs gang dang mtshungs par ldan pa de dga' ba'i rnam pas tshim par byed pa dang / gnas kun du len pa'i rnam par shes pa'i ngo bo nyid shin tu sbyangs pa'i bde bas tshim par byed pa ste/de bas na de gnyi ga'i bya ba byed pa'i phyir 'di ni dga' ba dang bde ba zhes bya ba rnam pa gnyi gar gzhag par rig par bya'o zhes bstan par 'gyur ro/ /de lta bas na de dang mtshungs par ldan pa'i nga rgyal ni bde ba dang mtshungs par ldan pa zhes bya'o//nga rgyal ji lta ba bzhin du 'jig tshogs la lta ba dang / mthar 'dzin par lta ba dang / lta ba mchog tu 'dzin pa dang / tshul khrims dang / brtul zhugs mchog tu 'dzin pa yang de bzhin no/ /log par lta ba ni 'dod pa'i khams na yid bde ba dang /yid mi bde ba dang / btang snyoms dang mtshungs par ldan no/ /gzugs dang gzugs med pa'i khams na ni tshor ba gang gang yod pa de dang mtshungs par ldan no/ /log par lta ba ni 'dod pa'i khams na yid bde ba dang / yid mi bde ba dang / ji ltar na mtshungs par ldan te/ logs par byas pa dang /nyes par bya ba byed pa rnams kyis de'i 'bras bu med par mthong nas mos pa dang dga' ba skye ba'i phyir ro/ /bde ba dang / sdug bsngal dang mtshungs par ldan pa ni ma yin te/ lta ba thams cad ni yid kyi sa ma yin pa'i phyir ro/ /the tshom ni 'dod pa'i khams yid mi bde ba dang /btang snyoms dang mtshungs par ldan no/ /gzugs dang gzugs med pa'i khams na ni/ tshor ba gang yod pa de dang mtshungs par ldan no/ /the tshom ni 'dod pa'i khams na yid bde ba dang yang mtshungs par ldan pa ma yin te/ nges pa med pa'i sems ni mos pa med pas yid la bde ba med pa'i phyir ro//gzugs kyi khams na ni the tshom gyi shas che ba'i bsam gtan pa rnams kyi dga' ba dang bde ba ni ting nge 'dzin gyi stobs bskyed pa'i rjes su 'gro ba nyid de/ de na bde ba dang yid bde ba dang yang mtshungs par ldan no/ /ma rig pa ni nyon mongs pa thams cad dang mtshungs par ldan pa can yin pas/gang na tshor ba gang yod pa de na de dang mtshungs par ldan par rig par bya'o/ /yang ma rig pa ma 'dres pa gang yin pa de ni/ 'dod pa'i khams ni yid mi bde ba dang / btang snyoms dang mtshungs par ldan no/ /de yan chad du tshor ba gang yod pa dang mtshungs par ldan no//ma rig pa ma 'dres pa gang yin pa de ni bde ba dang / yid bde ba dang mtshungs par ldan pa ma yin/ mtshungs par ldan pa ma yin pa las brtsams te the tshom dang tshul mtshungs par blta bar bya'o/ /ci'i phyir nyon mongs pa thams cad btang snyoms dang mtshungs par ldan/ tha mal par 'dug pa la brten nas nub par 'gyur ba'i phyir ro/ /nyon mongs pa'i rgyun je chung je chung du 'gro bas rgyun chad pa'i shugs kyis rgyun chad pa'i phyir ro/ /tha ma gdon mi za bar tha mal par 'dug pa'i sgo nas btang snyoms dang mtshungs par ldan par rig par bya'o/ /'dod chags ni 'dod pa'i khams na rnam par shes pa'i tshogs drug dang mtshungs par ldan no//'dod chags ji lta bar khong khro dang ma rig pa yang de bzhin no/ /gzugs kyi khams na ni rnam par shes pa'i tshogs bzhi dang ldan no/ /de na sna dang lce'i rnam par shes pa med pa'i phyir ro/ / gzugs med pa'i khams na ni yid kyi rnam par shes pa'i tshogs dang mtshungs par ldan no/ /'dod chags ji lta bar ma rig pa yang de bzhin no/ /nga rgyal dang / lta ba dang / the tshom ni thams cad du yang yid kyi rnam par shes pa'i tshogs dang mtshungs par ldan no//nga rgyal la sogs pa ni yid kyi rnam par shes pa'i tshogs dang mtshungs par ldan pa nyid de/ yongs su 'jal ba la sogs pa'i sgo nas 'byung ba'i phyir ro/ /'dod chags dang khong khro dang nga rgyal ni 'dod pa'i khams na dngos po'i phyogs gcig la 'jug go/ /'dod pa'i khams ji lta bar gzugs kyi khams dang gzugs med pa'i khams na'ang de bzhin no//nga rgyal ni phyogs gcig la'ang 'jug pa nyid de/ /gang yang rung ba'i yan lag gis khengs par 'gyur ba'i phyir ro/ /lhag ma rnams ni thams cad du yang dngos po mtha' dag la 'jug go /ris kyi ji lta bu/nyon mongs pa'i ris gnyis te/ mthong bas spang bar bya ba dang / bsgom pas spang bar bya ba'o/ /'dod pa'i khams na sdug bsngal mthong bas spang bar bya ba dag ni bcu'o/ /sdug bsngal mthong bas spang bar bya ba ji lta bar kun 'byung ba dang / 'gog pa dang / lam mthong bas spang bar bya ba rnams kyang de bzhin no//de la 'dod pa'i khams na sdug bsngal mthong bas spang bar bya ba dag ni bcu po zhes bya ba ni/ de na gang dag de'i rgyu dang gzhi'i gnas kyis log par rtog pa dag go/ /de bzhin du kun 'byung ba zhes pa la sogs pa yang ji ltar rigs par log par rtog pa dag ste/de ni mthong ba'i spang bya zhes pa'o/ /ci'i phyir gang dag gang gi tshe dmigs pa de dag de la log par rtog par rig par bya zhe na/ zag pa med pa'i dmigs pa dag ni gdon mi za ba ma yin gyi/ zag pa dang bcas pa'i dngos po ni phra rgyas su byed pa'i phyir ro/ /gzugs kyi khams na sdug bsngal mthong bas spang bar bya ba dag ni dgu'o//de na gang dag de'i rgyu dang gzhi'i gnas kyis kyang log par rtog pa rnams ni sdug bsngal mthong bas spang bar bya'o/ /sdug bsngal mthong bas spang bar bya ba ji lta bar kun 'byung ba dang / 'gog pa dang / lam mthong bas spang bar bya ba rnams kyang de bzhin no//de na khong khro ba med pa'i phyir ro/ /gzugs kyi khams na ji lta bar gzugs med pa'i khams na'ang de bzhin te/ de dag mdor bsdus nas nyon mongs pa brgyad cu rtsa gnyis ni mthong bas spang bar bya ba'i nyon mongs pa'i ris so/ /'dod pa'i khams na bsgom pas spang bar bya ba drug ste/'jig tshogs la lta ba dang / mthar 'dzin par lta ba lhan cig skyes pa dang / 'dod chags dang / khong khro dang / nga rgyal dang ma rig pa'o/ /de la 'jig tshogs su lta ba lhan cig skyes pa ni bsgom pas spang bar bya ba ste/ mthong ba'i lam skyes su zin kyang gang la brten nas 'phags pa nyan thos la nga'o snyam pa'i nga rgyal kun du 'byung ba'o//ji skad du/ tshe dang ldan pa bran can kho bos ni nye bar len pa'i phung po lnga po 'di dag la bdag gam bdag gir rjes su mi mthong mod kyi/ 'on kyang nye bar len pa'i phung po 'di dag la nga'o snyam pa'i nga rgyal dang /nga'o snyam pa'i 'dun pa dang / nga'o snyam pa'i bag la nyal ma spangs so/ /yongs su ma shes so/ /ma bkag go/ /mtha' med par ma byas so zhes gsungs pa lta bu'o/ /dper na ma ma'i gos dri ma can du gyur pa bul tog la sogs pas legs par bkrus te/ dri ma med par gyur kyang de zhen par gos pas dri'i bag yod de de spos dri zhim pos bsgos pas yang bsal bar bya dgos pa de bzhin du/mthong ba'i lam gyis 'jig tshogs la lta ba kun brtags pa'i dri ma spangs pa'i 'phags pa nyan thos la yang sngon mngon par zhen te/ goms par byas pa dngos po ma brtags pa'i bdag tu lta ba rjes su 'brang ste/de ni lam bsgom pas spang bar bya dgos pa yin no/ /mthar 'dzin par lta ba lhan cig skyes pa ni chad par lta bas bsdus par rig par bya ste/ des bdag gi bdag gang yin zhes yongs su yi chad pa'i phyir/ mya ngan las 'das pa las yid phyir ldog par byed de/lta ba'i phyogs dang mthun pa ma gtogs par 'dod chags la sogs pa ni bsgom pas spang bar bya ba dag go/ /gzugs kyi khams na ni khong khro ma gtogs pa lnga'o/ /gzugs kyi khams ni ji lta bar gzugs med pa'i khams na'ang de bzhin te/ de dag mdor bsdu na bcu drug ni bsgom pas spang bar bya ba'i nyon mongs pa'i ris so//spong bas ji lta bu ji ltar spong ba dang yid la byed pa ci 'dra ba dang / gang zhig gang las spang pa'o/ /ji ltar spang yongs su shes pa dang / yongs su spong ba dang / gnyen po rnyed pas so//yongs su shes pas gang / de'i gzhi'i dngos po yongs su shes pa dang / ngo bo nyid yongs su shes pa dang / nyes dmigs yongs su shes pa'o/ /de la de'i gzhi'i dngos po yongs su shes pa zhes bya ba ni nyon mongs pa'i bag la nyal ma spangs pa yin zhes pa la sogs pa bzhin no/ / ngo bo nyid yongs su shes pa ni sems kun nas nyon mongs par byed pa'i bdag nyid kyi nyon mongs pa ni 'byung ngo zhes pa'o/ /nyes dmigs yongs su shes pa ni bdag la gnod pa dang / gzhan la gnod pa dang / gnyi ga la gnod par 'gyur ba dang / mthong ba'i chos kyis kha na ma tho ba skyed pa dang / tshe phyi ma'i kha na ma tho ba skyed pa dang / de las byung ba'i sems las byung ba'i sdug bsngal dang / yid mi bde ba myong bar byed pa'o/ /yongs su spang ba gang byung bar gyur pa dang du mi len pa'o/ /de ltar rnam pa gsum gyis yongs su shes na nyon mongs pa rnams kyi de'i gzhi dngos po yongs su shes pa la sogs pa rnams kyis yongs su shes te byung bar gyur pa dang du mi len pa'i tshul gyis yongs su spang ngo //gnyen po rnyed pa gang ma skyes pa spang ba'i phyir lam rnyed pa gang yin pa'o/ /'di ltar ma skyes pa mi skye ba'i phyir lam bsgom pa'o/ /yid la byed pa ci 'dra bas spang / /'dres pa las dmigs pas spang ste/chos thams cad bdag med pa'o zhes bya ba'o/ /tha dad pa med pa la dmigs pa ste/ chos thams cad kyi spyi'i mtshan nyid kyi rnam pa zhes bya ba'i tha tshig go/ /gal te chos thams cad bdag med do zhes bdag med par shes pa nyid kyis nyon mongs pa spong bar 'gyur na ni/ mi rtag pa la sogs pa'i rnam pa ci'i phyir bstan ce na/de dag ni nyon mongs pa spong ba ma yin gyi 'on kyang bdag med pa'i rnam pa yongs su sbyang bar bya ba'i phyir ro/ /de'i phyir gsungs pa mi rtag pa la sogs pa'i rnam pa yang gang yin pa de dag ni bdag med pa'i rnam pa yongs su sbyor bar byed do/ /mi rtag pa'i rnam pa la brten nas sdug bsngal gyi rnam pa 'thob pa'o//sdug bsngal gyi rnam pa la brten nas bdag med pa'i rnam pa 'thob ste/ ji skad du gang mi rtag pa de sdug bsngal ba'o/ /de bdag med pa'o zhes gsungs pa lta bu'o/ /de bas na bdag med pa nyid kyi rnam pa ni bla na med pa nyid du rnam par gzhag go//bla na med pa'i rnam pa nyid las brtsams nas bla na med pa nyid gsum ste/ shes pa bla na med pa nyid dang / lam bla na med pa nyid dang / rnam par grol ba bla na med pa nyid do/ /de la shes pa bla na med pa nyid ni bdag med par shes pa ste/ de'i pha rol tu shes pa gzhan btsal du med pa'i phyir ro//lam bla na med pa nyid ni sla la mngon par shes pa myur ba ste/ de ni lam thams cad kyi mchog yin pa'i phyir ro/ /rnam par grol ba bla na med pa nyid ni mi slob pa mi 'khrugs pa'i rnam par grol ba ste/ rnam par grol ba thams cad las khyad par du 'phags pa'i phyir ro//bla na med pa nyid rnam pa gsum po 'di dag ni go rims bzhin du mthong ba dang / bsgom pa dang mthar phyin pa'i lam gyi dbang du byas par rig par bya'o/ /gang zhig gang la spang / 'das pa ni 'gags pa'i phyir ma yin no/ /ma 'ongs pa ni ma byung ba'i phyir ma yin no//da ltar byung ba ni lam dang mnyam du mi 'jug pa'i phyir ma yin no/ /'on kyang nyon mongs pa'i gnas ngan len gang yin pa de las spong ngo / /gnas ngan len gyi rnam pa gang gi gnyen po gang byung ba gnyen po'i rnam pa de 'byung ba dang / gnas ngan len gyi rnam pa de 'gog pa mnyam pas mnyam ste snang ba dang mun pa 'byung ba dang 'gag pa bzhin no//gnas ngan len gyi rnam pa dang bral bas ma 'ongs pa na mi skye ba'i chos can du gnas pa de ni spang ba'o/ /las gang sems pa'i las dang bsam pa'i las te las kyi mtshan nyid du bsdus pa'o/ /yang las rnam pa lnga ste/ dmigs pa'i las dang byed pa'i las dang / rtsol ba'i las dang / bsgyur ba'i las dang / 'thob pa'i las so/ /de la dmigs pa'i las zhes bya ba ni mig la sogs pa ste/ gzugs la lta ba la sogs pa'o/ /byed pa'i las ni sa la sogs pa ste rten la sogs pa'o/ /yang na rang gi mtshan nyid kyis byed pa gang yin pa ste/'di lta ste/ gzugs ni gzugs su yod pa'o zhes bya ba la sogs pa lta bu'o/ /rtsol ba'i las ni bsam pa sngon du btang ba'i lus la sogs pa'i las so/ /bsgyur ba'i las ni gser mgar la sogs pa'i las te rgyan la sogs par bsgyur ba'o//'thob pa'i las ni 'phags pa'i lam la sogs pa'i mya ngan las 'das pa'i 'thob pa la sogs pa'o/ /skabs 'dir ni phal cher rtsol ba'i las su 'dod do zhes bya ba ni/ 'thob pa dang byed pa'i las kyang yod pa'i phyir ro/ /sems pa gang sems mngon par 'du byed pa'i yid kyi las te/de yang bsod nams dang / bsod nams ma yin pa dang / mi g.yo ba'o/ /bsam pa'i las gang / lus kyi las dang / ngag gi las dang / yid kyi las so/ lus kyi las dang / ngag gi las dang / yid kyi las de la yang dge ba dang mi dge ba'o/ /mi dge ba ni mi dge ba'i las kyi lam bcu ste/'di lta ste/ srog gcod pa dang / ma byin par len pa dang / 'dod pa la log par g.yem pa dang / brdzun du smra ba dang / phra ma dang / ngag rtsub po dang / tshig 'khyal ba dang / brnab sems dang / gnod sems dang / log par lta ba'o/ /dge ba ni dge ba bcu'i las kyi lam rnams te 'di lta ste/srog gcod pa spong ba nas/ tshig 'khyal ba'i bar du spong ba dang / brnab sems med pa dang / gnod sems med pa dang / yang dag pa'i lta ba'o/ /lus la sogs pa'i las ni las kyi lam zhes bya ba ni/ mdo sde'i rjes su 'brangs nas ji ltar gtso bor bstan par rig par bya'o//de la sbyor ba la sogs pa la yang lus la sogs pa'i las kyi nang du 'dus pa'i phyir ro/ /las kyi lam gsum dang bzhi dang / gsum ni go rims bzhin du lus dang ngag dang yid kyi las kyi mtshan nyid du rig par bya'o/ /srog gcod pa la sogs pa rnams kyi mtshan nyid ni/gzhi dang / bsam pa dang / sbyor ba dang / nyon mongs pa dang / zin par byas pas kyang rig par bya'o/ /srog gcod pa la sogs pa'i gzhi ni sems can gyi grangs su gtogs pa dang / sems can grangs su ma gtogs pa dang / ji ltar mthun mthun du sbyar ste/ gang la brten nas srog gcod pa la sogs pa 'byung ba'o//bsam pa ni gzhi de la der 'du shes pa'i sems pa dang / las kyi lam de byed par 'dod pa'i bsam pa'o/ /sbyar ba ni de byed pa'i phyir bdag gam gzhan gyi lus dang ngag dang yid kyis rtsom pa'o/ /nyon mongs pa ni 'dod chags dang / zhe sdang dang / gti mug 'dus pa dang / so so ji ltar mthun mthun du sbyar ro/ /zin par byas pa ni sbyor ba de dang des de'i dus sam phyis las de yongs su rdzogs pa'o/ /de la srog gcod pa'i gzhi ni sems can no/ /bsam pa ni de la der 'du shes shing bsad pa'i bsam pa'o/ /sbyor ba ni gsad par bsams pa'i mtshon cha la sogs pa'o//nyon mongs pa ni chags pa la sogs pa'o/ /zin par byas pa ni sbyor ba des de ma thag tu'am phyis shi ba'o/ /ma byin par len pa la sogs pa'i gzhi dang / zin par byas pa bshad par bya'o/ /lhag ma ni ji ltar mthun mthun du sbyar ro/ /ma byin par len pa'i gzhi ni gzhan gyis yongs su gzung ba sems can gyi grangs su gtogs pa dang /sems can gyi grangs su ma gtogs pa'o/ /zin par byas pa ni bdag gir byas pa'o/ /'dod pa la log par g.yem pa'i gzhi ni spyod yul ma yin pa'i bud med dang / spyod yul yin yang yan lag ma yin pa dang /yul ma yin pa dang / dus ma yin pa dang / tshod ma yin pa dang / rigs ma yin pa dang / pho dang ma ning thams cad do/ /zin par byas pa ni/ gnyis kyis gnyis sprad pa'o/ /brdzun du smra ba'i gzhi ni/ mthong ba dang / thos pa dang / bye brag phyed pa dang / rnam par shes pa dang /ma mthong ba dang / ma thos pa dang / bye brag ma phyed pa dang / rnam par ma shes pa'o/ /bsam pa ni gzhan du 'du shes la gzhan du smra bar 'dod pa'o/ /zin par byas pa ni/ 'khor dang phyir rgol ba la go bar byed pa'o/ /phra ma'i gzhi ni sems can 'dum pa dang / mi 'dum pa dag go//bsam pa ni dbye ba dang bsdums mi bya bar sems pa'o/ /zin par byas pa ni phye bar shes par byed pa'o/ /ngag rtsub po'i rgyu ni kun nas mnar sems kyi rgyur gyur pa sems can rnams so/ /zin par byas pa ni ngag rtsub mo smras pa'o/ /tshig 'khyal ba'i gzhi ni don med pa dang ldan pa'i don to/ /zin par byas pa ni de smras pa'o//brnab sems kyi gzhi ni gzhan gyi nor dang yo byad do/ /bsam pa ni de la der 'du shes shing de bzhin du 'dod pa'o/ /sbyor ba ni bdag gir bya bar sems pa'o/ /zin par byas pa ni bdag gir byas par nges pa'o/ /gnod sems kyi gzhi ni kun nas mnar sems kyi rgyur gyur pa'i sems can rnams so//zin par byas pa ni bsad pa la sogs par nges pa'o/ /log par lta ba'i gzhi ni don yod pa'o/ /bsam pa ni yod pa med par 'du shes shing de bzhin du 'dod pa'o/ /zin par byas pa ni skur bar nges pa'o/ /sems pa las gyur ba'i las zhes gang bshad pa la/sems pa las gyur ba gang gzhan gyis bsgo ba sems pa las gyur ba dang / gzhan gyis gsol ba btab pa sems pa las gyur ba dang / mi shes pa'i sems pa las gyur ba dang / rtsa ba la mngon par zhen pa'i sems pa las gyur ba gang / /phyin ci log gi sems pa las gyur ba'o/ / de la gzhan gyis bsgo ba sems pa las gyur ba ni 'di lta ste/ 'ga' zhig mi 'dod bzhin du gzhan dag gis bsgo nas bsams te/ mi dge ba spyod pa'o/ /gzhan dag gis gsol ba btab pa sems pa las gyur ba 'di lta ste/ 'ga' zhig mi 'dod bzhin du gzhan dag gis gsol ba btab nas 'di ni phan pa'o zhes yang dag par 'dzin du 'jug len du bcug nas bsams te mi dge ba spyod pa'o//mi shes pa'i sems pa las gyur ba ni 'di lta ste/ kha cig yon tan dang nyes pa mngon par mi shes shing mngon par zhen pa med par 'dod gar bsams nas mi dge ba spyod pa'o/ /rtsa ba la mngon par zhen pa'i sems pa las gyur ba ni 'di lta ste/'ga' zhig mi dge ba'i rtsa ba chags pa la sogs pas zil gyis non cing sems non nas mngon par shes pa drag pos bsams te mi dge ba la spyod pa'o/ /phyin ci log gi sems pa las gyur ba ni 'di lta ste/ 'ga' zhig chos 'dod kyang mi mthun pa'i rgyu la lta ste/phyi ma la yid du 'ong ba'i 'bras bu'i don du bsams nas mi dge ba la spyod pa'o/ /de la rtsa ba la mngon par zhen pa'i sems pa las gyur ba dang / phyin ci log gi sems pa las gyur ba'i las byas shing bsags pa'i rnam par smin pa myong bar mi 'gyur ba ma yin no/ /sngon ma gsum ni las byas zin kyang sems pa las gyur ba'i las bsags pa nyid du mi 'gyur te/de'i phyir rnam par smin pa gdon mi za bar 'gyur ba ma yin no/ /sems pa las gyur ba'i las phyi ma dag ni gal te byas par gyur na bsags pa yin te/ de'i rnam par smin pa gdon mi za bar myong bar 'gyur ro/ /las byed pa ni kun du spyod pa'o//bsags pa ni bag chags 'phel ba'o/ /kun du len pa'i rnam par shes pa la rnam par smin pa'i sa bon gsos par rig par bya'o/ /myong bar nges pa'i las zhes gang bshad pa la/ nges pa gang las byed par nges pa dang / rnam par smin pa myong bar nges pa dang / dus nges pa'o//de la las byed par nges pa ni/ sngon gyi las rnams kyi rnam par smin pa'i rgyud nges par byas nas 'phangs par gyur ba ste/ gang tshe de la nges 'di byed par de nges pa de dang mi 'gal bar las de byed de/ rgyu'i nges pa ji lta ba bzhin du 'bras bu'i rgyun 'gyur ba'i phyir de mi bya bar bzlog par ni sangs rgyas bcom ldan 'das rnams kyis kyang mdzad par mi byed do//rnam par smin pa myong bar nges pa ni sems pa las gyur ba'i las kyis de snga ma bzhin no/ /dus nges pa ni mthong ba'i chos la myong bar 'gyur ba la sogs pa'i las rnams kyi dus kyang nges par byas pa yin te/ ji ltar rnam par smin pa 'dis ni mthong ba'i chos la myong bar byed do//'dis ni skye gnas so/ /'dis ni lan grangs gzhan la'o zhes bya'o/ /de la mi dge ba bcu'i las kyi lam rnams kyi rnam par smin pa'i 'bras bu ni ngan song rnams su'o/ /chung ngu dang / 'bring dang / chen po rnams te/ yi dags dang / dud 'gro dang / dmyal ba rnams su rig par bya'o/ /rgyu mthun pa'i 'bras bu ni so so dang mthun par mi'i lus dang / yongs su gzung ba'i 'byor ba'o/ /ngan song rnams nas shi 'phos nas mir skyes pa rnams kyis srog gcod pa dang / ma byin par len pa la sogs pa so so dang mthun pa'i lus dang yongs su bzung ba mi 'byor pa ste/'di ltar tshe thung ba dang / dbul ba la sogs pa ji ltar rig par ro/ /bdag po'i 'bras bu ni so so dang mthun pa nyid du phyi'i dngos po mi 'byor ba'o/ /so sor srog gcod pa'i rjes su mthun pa nyid kyi phyi'i dngos po lo thog la sogs pa mi 'byor pa ste/ 'di lta ste/ srog gcod pa'i dbang gis ni gzi brjid med par 'gyur zhes pa la sogs pa ji ltar bshad pa'o//mi dge ba bcu po thams cad kyi las kyi lam goms pa la brten cing mang du byas pas dmyal ba rnams su skye'o/ /de rnams su rnam par smin pa myong bar byas nas mi dang skal ba mnyam par 'ongs pa na/ srog bcad pas tshe thung bar 'gyur ro//ma byin par blangs pas longs spyod pa la chags par 'gyur ro/ /'dod pa la log par spyad pas bud med rnams la 'bad pa dang bcas par 'gyur ro/ /brdzun du smras pas mi dge ba sgrogs par 'gyur ro/ /phra mas ni grogs dang dbye bar 'gyur ro/ /tshig rtsub kyis ni yid du mi 'ong ba'i sgra thos par 'gyur ro//tshig kyal gyis ni ngag cal col du 'gyur ro/ /brnab sems kyis ni 'dod chags drag par 'gyur ro/ /gnod sems kyis ni zhe sdang bdo bar 'gyur ro/ /log ltas ni gti mug bdo bar 'gyur ro/ /slar yang de la rmongs par 'gyur ro/ /de rnams ni rgyu mthun pa'i 'bras bu'o//yang srog gcod pa brten pas ni phyi rol gyi dngos po snum bag chung bar 'gyur ro/ /ma byin par blangs pas ni mi brtan zhing nyams par byed pa mang bar 'gyur ro/ /'dod log spyad pas ni rdul gyis khebs par 'gyur ro/ /brdzun du smras pas ni dri mi zhim par 'gyur ro/ /phra mas ni kha bar 'gyur ro//tshig rtsub kyis ni mtho dman can dang rtsub pa dang / sdig pa can du 'gyur ro/ /tshig kyal gyis ni mi mthun zhing 'gyur ldog can du 'gyur ro/ /brnab sems kyis ni 'bras bu rnams phra mor 'gyur ro/ /gnod sems kyis ni 'bras bu rnams ngo tsha bar 'gyur ro/ /log ltas ni lo thog rnams la 'bras bu med par 'gyur ro//de rnams ni bdag po'i 'bras bu'o/ /dge ba bcu'i las kyi lam rnams kyi rnam par smin pa'i 'bras bu ni lha dang mi rnams su'o/ /rgyu mthun pa'i 'bras bu ni de dag nyid du so so dang mthun par lus dang yongs su gzung bar sbyor ba'o/ /bdag po'i 'bras bu ni de dag nyid du so so dang mthun pa'i phyi'i dngos po sbyor ba'o//ji ltar mi dge ba'i las kyi lam rnams kyi rnam smin gyi 'bras bu la sogs pa gsum rnam par gzhag par byas pa ltar/ dge ba'i las kyi lam zag pa dang bcas pa rnams kyi yang lha dang mi rnams su 'bras bu gsum ni ji ltar rig par sbyar bar bya'o//dge ba dang mi dge ba'i las kyis ni/ bde 'gro dang / ngan 'gror skye ba 'phen pa dang / yongs su rdzogs par byed pa'i las su rig par bya'o/ /'phen pa ni gang gis rnam par smin pa 'phen pa'o/ /yongs su rdzogs par byed pa ni gang gis skyes pa na/ 'dod pa dang mi 'dod pa myong ba'o/ /las gcig gis lus gcig 'phen pa'i las kyang yod do/ /las kyi skad cig gcig gis tshe gcig kho na'i rnam par smin pa'i sa bon gsos pa'i phyir ro/ /las gcig gis lus du ma 'phen pa'i las kyang yod do/ /de nyid kyi tshe rabs du ma'i rnam par smin pa'i sa bon gsos pa'i phyir ro//las gzhi du mas lus gcig 'phen pa'i las kyang yod do/ /las kyi skad cig mang po de nyid kyis yang dang yang sa bon gsos pa'i phyir ro/ /las gzhi du mas lung du ma 'phen pa'i las kyang yod do/ /mang po dag phan tshun ltos nas tshe rabs phan tshun brgyud de sa bon gsos pa'i phyir ro//las mang po dang ldan pa'i sems can rnams ji ltar rim gyis rnam par smin pa myong bar 'gyur/ de la gang shin tu lci bar gyur pa de thog mar rnam par smin par 'gyur ro/ /yang na 'chi ba'i dus na gang mngon du gyur pa'o/ /yang na gang goms par gyur pa'o//yang na gang thog mar spyad pa de thog ma nyid du rnam par smin par 'gyur ro/ /bsod nams kyi las dang / bsod nams ma yin pa'i las dang / mi g.yo ba'i las zhes gang bshad pa la bsod nams gang / gang 'dod pa dang rab tu ldan pa'i dge ba'o/ /bsod nams ma yin pa gang /gang mi dge ba'o/ /mi g.yo ba'i las gang / gang gzugs dang gzugs med pa dang rab tu ldan pa'i dge ba'o/ /ci'i phyir gzugs dang gzugs med pa dang rab tu ldan pa'i dge ba la mi g.yo ba zhes bshad ce na/ ji ltar 'dod pa na spyod pa'i 'gro ba gzhan gyi rdzogs byed dge ba gzhan du rnam par smin par 'byin par 'gyur la/gzugs dang gzugs med pa spyod pa na ni ma yin te/ sa nges pas 'bras bu 'byin pa'i phyir ro/ /de bas na rnam par smin pa 'byin par g.yo ba med pa dang / mnyam par gzhag pa'i sa pa yin pas mi g.yo ba'i phyir mi g.yo ba zhes bshad do//ma rig pa'i rkyen gyis bsod nams dang bsod nams ma yin pa dang / mi g.yo ba'i 'du byed rnams so zhes gang gsungs pa de la ji ltar bsod nams dang bsod nams ma yin pa dang / mi g.yo ba'i 'du byed rnams ma rig pa'i rkyen las byung ba yin/ rmongs pa ni gnyis te 'bras bu rnam par smin pa la rmongs pa dang de kho na'i don la rmongs pa'o//'bras bu rnam par smin pa la rmongs pa ni mi dge ba'i 'du byed rnams 'byung ngo / /de kho na'i don la rmongs pa ni bsod nams dang / mi g.yo ba rnams so/ /de la 'bras bu rnam par smin pa la rmongs pa ni mi dge ba'i 'du byed rnams 'byung ngo zhes bya ba ni/de dag gis ni gcig tu nyon mongs pa can ma yin pas ma rig pa yod par gyur na 'bras bu rnam par smin pa la mngon par yid ches pa'i rnam pa'i yang dag pa'i lta ba'i skabs med pa'i phyir ro/ /de kho na'i don la rmongs pa ni bsod nams dang mi g.yo ba rnams so zhes bya ba la/de kho na'i don ces bya ba ni 'phags pa'i bden pa bzhi po dag go/ /de la rmongs na dge ba'i sems yod du zin kyang bden pa ma mthong ba rnams la bag la nyal gyi rjes su 'brel bar 'gyur ro/ /de'i dbang gis de dag khams gsum pa sdug bsngal nyid du yang dag pa ji lta ba bzhin du yongs su ma shes pa'i phyir yang srid pa'i rgyur gyur pa bsod nams dang mi g.yo ba'i 'du byed rnams slong bar byed do//bden pa mthong ba rnams ni de lta ma yin te/ de kho na'i don la rmongs pa med pa'i phyir ro/ /de bas na de dag ni de'i rgyu las byung ba rnams zhes bshad do/ /srog gcod pa la ni chags pa dang /zhe sdang dang / gti mug gis sbyor te/ zhe sdang gis ni mthar phyin par byed do/ /srog gcod pa la ji ltar ngag rtsub mo dang gnod sems la yang de bzhin no/ /de la sha la sogs pa 'dod pa rnams ni chags pa sbyor ba'o/ /zhe 'gras pa la lan ldon pa ni zhe sdang gis so/ / mchod sbyin rnams la gti mug gis sbyor ro/ /zhe sdang gis ni mthar phyin par byed de snying rje med pa ma yin par sems can gsod mi srid pa'i phyir ro/ /de ltar ngag rtsub pa la sogs pa la yang ji ltar rigs par sbyar bar bya'o/ /ma byin par len pa ni/ chags pa dang / zhe sdang dang / gti mug gis sbyor te/chags pas mthar phyin par byed do/ /ma byin par len pa la ji lta bar 'dod pa la log par g.yem pa dang / brnab sems la yang de bzhin no/ /brnab sems la sogs pa la ji ltar chags pa la sogs pas sbyor zhe na/ de la brnab sems kyi las kyi lam ni gzhan gyi nor dang yo byad bdag gir byed par nges pa'o zhes bstan pa de la gzhan gyi nor dang yo byad de nyid 'dod par gyur na de dag bdag gir bya ba'i phyir mngon par 'du byed de/de'i phyir chags pas sbyor ba rnam par gzhag go/ /ji ste 'di yir ma gyur cig ce na/ de lta na ni zhe sdang gis sbyor ro/ /ji ste gzhan gyis bdag gir byas kyang nyes pa ci yang med do snyam na gti mug gis sbyor bar lta bar bya'o//gzhan la yang de bzhin du sbyar bar bya'o/ /brdzun du smra ba rnams la ni chags pa dang / zhe sdang dang / gti mug gis sbyor te/ gsum po dag la gang yang rung ba mthar phyin par byed do//brdzun du smra ba la ji lta bar/ phra ma dang / tshig 'khyal ba la yang de bzhin no/ /brdzun ni mthong ba la chags pa dang / zhe sdang dang / gti mug gis sbyor bar 'gyur ro/ /log par lta ba la yang chags pa dang / zhe sdang dang / gti mug gis sbyor te/ gti mug gis mthar phyin par byed do//las thun mong par yang bshad/ thun mong ma yin par yang bshad/ stobs dang ldan par yang bshad/ mthu chung bar yang bshad pa la thun mong ba gang / gang snod kyi 'jig rten rnam par 'byed pa'o/ /thun mong ma yin pa gang / gang sems can gyi 'jig rten rnam par 'byed pa'o//yang gang gis sems can rnams phan tshun gyi dbang gis byung ba zhes brjod pa/ sems can rnams kyi phan tshun gyi dbang gis 'byung ba'i las kyang yod do/ /phan tshun gyi dbang gis byung ba yang thun mong pa'i las su rig par bya ste/ de'i dbang gis sems can rnams phan tshun du sems dang sems las byung ba 'byung ba'i rgyur 'gyur ro//'di ltar gang sems can de las gzhan pa'i sems can rnams kyi gzugs la phan tshun du lta ba la sogs pa'i longs spyod par mi 'gyur ba de ni rnyed par sla ba ma yin no/ /stobs dang ldan pa'i las gang / gnyen po'i stobs can gyi gang zag gis sems pa las gyur ba'i las mi dge ba gang yin pa de ni gnyen po'i stobs bskyed pas/gang sems can dmyal ba myong bar 'gyur ba de/ mthong ba'i chos la myong bar 'gyur ba'am/ gang mthong ba'i chos la myong bar 'gyur ba de myong bar mi 'gyur ba ste mi mthun pa'i phyogs kyi las ni/gnyen po'i las stobs can gyi gnyen po'i las stobs dang ldan par blta bar bya ste/ mi mthun pa'i phyogs kyis 'bras bu 'phangs su zin kyang / gnyen po'i stobs kyis gzhan du bsgyur ba'i phyir ro/ /de ltar gnyen po las byung ba'i las dang /sems pa las byung ba'i dge ba'i las thams cad kyang stobs dang ldan par blta bar bya'o/ /gnyen po stobs can gyi dge ba'i las sems pa las gyur ba ni mi dge ba las stobs dang ldan par blta'o/ /'di la dgongs nas bcom ldan 'das kyis 'phags pa'i nyan thos sems shin tu bsgoms pas tshad med pa/rgya che ba la gang tshad du byas pa'i las des de khrid par mi byed do/ /de la de gnas par mi byed do/ /des de bgrang bar mi 'gyur ro zhes gsungs so/ /gang gnyen po mthu chung ba'i gang zag gi sems pa las gyur ba'i las mi dge ba gang yin pa de dang /gang yang sems pa las gyur ba'i las kyi rnam par smin par nges pa de ma spangs pa dang / yongs su ma shes pa de ni stobs dang ldan pa yin te 'dir ni mdor dgongs pa'o/ /gnyen po mthu chung ba'i mi dge ba ni/ dge bas stobs dang ldan no/ /de dge ba dang mi dge ba rnam par smin par nges par 'phags pa'i lam gyis ma spangs pa thams cad ni bye brag med par stobs dang ldan pa zhes bya'o//yang 'dod pa dang rab tu ldan pa'i mi dge ba gang yin pa dang / 'dod pa dang ldan pa mi dge ba ni rang bzhin gyis stobs dang ldan pa ste/ nyon mongs pa dang nye ba'i nyon mongs pa la sogs pa'i 'khor mang ba'i phyir ro//gang sngon goms par byas pa dang / de yang stobs dang ldan pa ste/ des rgyud la bsgos pa'i phyir ro/ /gang gnas la gnas pa dang / nar son pa rnams kyis te mngon par zhen pa dang dad pa drag po byed pa'i phyir ro/ /yongs su mya ngan las mi 'da' ba'i chos can rnams kyis sgrub tu med pa gang yin pa de ni rang bzhin gyis stobs dang ldan pa'o//gnyen pos sbyang du med pa'i phyir ro/ /zhing dang ma bsod pa la sogs pa'o/ /sems kyi mngon par 'du byed pas kyang stobs dang ldan pa'i las su rig par bya'o/ /byang chub chen por smon pa la sogs pa'o//yang rnam pa dgus stobs dang ldan pa'i las su rig par bya ste/ zhing dang dngos po dang / ngo bo nyid dang / gnas dang / yid la byed pa dang / bsam pa dang / grogs dang / lan mang du byed pa dang / skye bo mang pos kyang stobs dang ldan pa ste/ de las bzlog pa ni stobs dang mi ldan pa'i las so//rnam pa dgu po de rnams ni stobs dang ldan pa'i las te/ 'di lta ste/ zhing ni gal te yon tan dang ldan pa'i sbyin gnas zhing du gyur ba'o/ /dngos po ni gal te sbyin pa'i dngos po gya nom zhing mang bar 'gyur ba'o/ /ngo bo nyid ni sbyin pa bas tshul khrims stobs dang ldan no//tshul khrims pas bsgom pa'o zhes bya ba la sogs pa'o/ /gnas ni bsod nams byed pa gal te 'dod chags bral bar gyur ba'o/ /yid la byed pa ni gal te yid la byed pa dad pa drag po dang ldan par 'gyur ro/ /bsam pa ni mya ngan las 'das pa'i bsam par gyur pa'o/ /grogs ni de las gzhan pa'i bsod nams bya ba'i dngos pos yongs su zin par gyur ba'o//lan mang du byed pa ni/ yang dang yang du byas par gyur pa'am rjes su rnam par brtags pa'o/ /skye bo mang pos kyang zhes bya ba ni/ bdag gis kyang byas par gyur la/ gzhan dag kyang byed du bcug pa'o/ /bcom ldan 'das kyis su zhig 'di skad du skyes bu gang zag 'di ji lta ji ltar las byed cing sog pa de lta de ltar rnam par smin pa myong bar 'gyur na/de ltar na tshangs par spyod pa la gnas par mi 'gyur zhing / yang dag par sdug bsngal zad par mi 'gyur ba dang / sdug bsngal mthar dbyung ba'i skabs kyang mi snang ngo zhes zer ba de la dgongs pa ni/bcom ldan 'das kyis 'dir bde ba dang ldan pa'i las kyi rnam par smin pa bde ba dang ldan pa bkag go/ /de bzhin du sdug bsngal dang ldan pa'i sdug bsngal dang ldan pa dang / sdug bsngal yang ma yin/ bde ba yang ma yin pa dang ldan pa'i sdug bsngal yang ma yin bde ba yang ma yin pa dang ldan pa yang de bzhin no//yang su zhig 'di skad du skyes bu gang zag 'di ji ltar myong bar 'gyur ba'i las sog pa de ltar myong bar 'gyur ba'i rnam par smin pa myong bar 'gyur ba na/ de lta na ni tshangs par spyod pa la gnas par 'gyur zhing yang dag par sdug bsngal zad par 'gyur ba dang /sdug bsngal mthar dbyung ba'i skabs kyang snang ngo zhes zer ba la ji ltar byas na tshangs par spyod pa gnas par mi 'gyur zhe na/ nyon mongs pa drag po dang ldan pa so sor brtags nas/ sdug bsngal dang bcas shing yid mi bde ba dang bcas pa tshul khrims yongs su bsrungs ba'i phyir ro//gal te rnam par smin pa'ang de bzhin du sdug bsngal dang bcas shing yid mi bde ba dang bcas par myong na ni de yongs su bsrungs pa don med par 'gyur ro/ /gzhan gyi chung ma la sogs pa la bde ba dang bcas shing yid bde ba dang bcas par tshul khrims nyams par byas pa'i phyir gal te de'i rnam par smin pa de bzhin du myong na ni de spong ba don med par 'gyur te/de ltar byas na tshangs par spyod pas gnas par mi 'gyur ro/ /ji ltar na yang dag par sdug bsngal zad pa dang / sdug bsngal mthar dbyung ba'i skabs kyang mi snang zhe na/ de'i phyir de'i rgyur gyur pa tshangs par spyod pas/gnas pa'i rnam par smin pa sdug bsngal ba'i phyir ro/ /de ltar byas na bde ba dang bcas pa'i las kyi rnam par smin pas ni bde ba dang bcas pa nyid du 'gyur/ sdug bsngal dang bcas pa'i sdug bsngal nyid du 'gyur/ sdug bsngal yang ma yin bde ba yang ma yin pa dang bcas pa ni sdug bsngal yang ma yin bde ba yang ma yin pa dang bcas pa nyid du 'gyur ro zhes bya ba'i nges pa ni 'dir bcom ldan 'das kyis bkag go//yang bde ba dang ldan zhing bde ba myong bar 'gyur ba'i rnam par smin pa bde ba ni gnang ngo / /sdug bsngal myong bar gyur ba'i sdug bsngal dang / sdug bsngal yang ma yin bde ba yang ma yin pa myong bar 'gyur ba'i sdug bsngal yang ma yin bde ba yang ma yin pa dang /de la bde ba dang ldan pa'i dge ba dang mi dge ba phyi ma la ji ltar rigs par bde ba dang sdug bsngal dang sdug bsngal yang ma yin/ bde ba yang ma yin pa myong bar 'gyur ba'i rnam par smin pa bde ba ni gnang ba'o//sdug bsngal dang ldan la bde ba myong bar 'gyur ba'i rnam par smin pa bde ba ni gnang ngo / /sdug bsngal myong bar 'gyur ba'i sdug bsngal dang / sdug bsngal yang ma yin/ bde ba yang ma yin pa myong bar 'gyur ba'i sdug bsngal yang ma yin/ bde ba yang ma yin pa dang /sdug bsngal yang ma yin/ bde ba yang ma yin pa dang ldan la/ bde ba myong bar 'gyur ba'i rnam par smin pa bde ba ni gnang ngo / /sdug bsngal myong bar 'gyur ba'i sdug bsngal dang / sdug bsngal yang ma yin bde ba yang ma yin pa myong bar 'gyur ba'i sdug bsngal yang ma yin/bde ba yang ma yin pa'o zhes bya ba 'di ni 'dir dgongs pa'o/ /las kyi rab tu dbye ba ni sdom pa'i las dang / sdom pa ma yin pa'i las dang / sdom pa yang ma yin sdom pa ma yin pa yang ma yin pa'i las so/ /sdom pa'i las gang / so sor thar pa'i sdom pas bsdus pa dang / bsam gtan gyi sdom pas bsdus pa dang / zag pa med pa'i sdom pas bsdus pa'o/ /so sor thar pa'i sdom pa'i las gang / ris brgyad de/ dge slong gi sdom pa dang / dge slong ma'i sdom pa dang / dge slob ma'i sdom pa dang / dge tshul gyi sdom pa dang / dge tshul ma'i sdom pa dang / dge bsnyen gyi sdom pa dang / dge bsnyen ma'i sdom pa dang / bsnyen gnas pa'i sdom pa'o/ /rab tu byung ba'i sdom pa gang zag ji lta bu'i dbang du byas te rnam par gzhag /nyes bar spyod pa las dben par spyod pa dang / 'dod pa las dben par spyod pa dang / rab tu byung ba'i sdom pa ni rnam pa lnga ste/ dge slong ma'i sdom pa nas dge tshul gyi sdom pa'i bar du'o/ /nyes par spyod pa las dben par spyod pa dang / 'dod pa las dben par spyod pa'i gang zag gi dbang du byas nas rnam par gzhag pa ste/ 'di lta de 'dra ba de ni ji srid 'tsho'i bar du srog gcod pa la sogs pa nyes par spyod pa dang / mi tshangs par spyod pa spang ba'i phyir ro//dge bsnyen dang / dge bsnyen ma'i sdom pa gang zag ji lta bu'i dbang du byas te rnam par gzhag /nyes par spyod pa las dben par spyod pa yin gyi 'dod pa las dben par spyod pa ni ma yin no/ /de bas na 'di'i sdom pa ni ji srid 'tsho'i bar du/ 'dod pa la log par g.yem pa spong ba rnam par gzhag gi /mi tshangs par spyod pa spangs pa ni ma yin no/ /bsnyen gnas pa'i sdom pa gang zag ji lta bu'i dbang du byas te rnam par gzhag /nyes par spyod pa las dben par spyod pa yang ma yin/ 'dod pa las dben par spyod pa yang ma yin pa'o//de'i phyir 'di'i sdom pa ni nyin zhag gcig la bsnyen gnas kyi sdom par brtags te/ rim gyis ni de gnyi ga la sogs par bya ba'i phyir ro/ /dge bsnyen bslab pa'i gzhi'i phyogs gcig la slob na dge bsnyen gyi sdom pa dang ldan par rig par bya ba'am/ ldan pa ma yin par rig par bya/ldan par yang rig par bya ba la tshul khrims 'chal ba'i gzhir yang brjod par bya'o/ /za ma dang ma ning rnams la dge bsnyen gyi sdom pa bkag gam/ dge bsnyen gyi sdom pa ma bkag /dge bsnyen nyid ni bkag ste/ dge slong dang dge slong ma'i phyogs gnyis la brten nas bsnyen bkur bya ba'i 'os ma yin pa'i phyir ro//ji ltar za ma dang ma ning gnyis la ni/ dge slong dang dge slong ma'i phyogs gnyi ga la bsnyen bkur bya ba'i 'os ma yin pa'i phyir/ dge bsnyen nyid ni bkag pa bzhin du mtshan gnyis pa rnams kyang de bzhin du/ skyes pa dang bud med kyi nyon mongs pa kun tu spyod pas phyogs gnyi ga lag snyen bkur bya ba'i 'os ma yin pa'i phyir/de dag logs shig tu ma bshad do/ /ma ning ni lnga ste/ skyes nas ma ning du gyur ba dang / ma ning phrag dog can dang / ma ning zla ba phyed pa dang / blugs pa'i ma ning dang / nyams pa'i ma ning ngo / /bsam gtan gyi sdom pa gang //'chal pa'i tshul khrims kun nas slong ba dag gis nyon mongs pa rnams kyi sa bon 'joms pa'i dus na 'dod pa la 'dod chags dang bral bas spong ba gang yin pa dang / bsam gtan dang po la 'dod chags dang bral ba dang / bsam gtan gnyis pa la 'dod chags dang bral ba dang / bsam gtan gsum pa la 'dod chags dang bral ba spong ba gang yin pa'o/ /'chal pa'i tshul khrims kun nas slong ba la chags pa la sogs pa 'dod pa na spyod pa'i nyon mongs pa dang / nye ba'i nyon mongs pa rnams rnam par gnon pa'i gnyen pos sa bon bcom pas 'dod pa dag las 'dod chags dang bral bas 'chal pa'i tshul khrims de spong ba gang yin pa'o//bsam gtan gsum pa'i bar las 'dod chags dang bral ba'i ring du byed pa'i gnyen pos 'chal pa'i tshul khrims kun nas slong ba de/ de dag nyid kyis sa bon shin tu 'joms par rig par bya'o/ /bsam gtan bzhi la 'dod chags dang bral ba ni gzugs med pa rnams na gzugs med pa'i phyir/tshul khrims kyi sdom pa rnam par gzhag pa med par rig par bya'o/ /zag pa med pa'i sdom pa gang / bden pa mthong ba'i zag pa med pa'i yid la byed pa spangs pa gang yin pa'o/ /sdom pa ma yin pa gang / sdom pa ma yin pa shan pa dang /bya gag gsod pa dang / phag gis 'tsho ba dang / nya pa dang / ri dgas kyi rngon pa dang / bya pa dang / ri bong rgyas bshor ba dang / chos rkun pa dang / gshed ma dang / glang po che 'dzin pa dang / sbrul gyis 'tsho ba dang / btson bsrungs pa dang / nyan rna byed pa dang /gnod pa byed pa rnams kyi gang yin pa'o/ /de dag gi las skyes pas sam yang dag par blangs pa ste/ de dag gi las spyad par nges par byas so/ /shan pa ni gang dag phyugs rnams bsad nas 'tsho bar byed pa rnams so/ /bya gag gsod pa la yang de bzhin du ji ltar mthun mthun du sbyar bar bya'o//glang po che 'dzin pa ni gang dag nags nas glang po che bzung nas 'dul bar byed pa rnams so/ /sbrul gyis 'tsho ba rnams ni gang dag sbrul bzung nas rtse bas 'tsho bar byed pa rnams so/ /nyan rna ba ni gang dag gzhan dag la phra mas gnod par byas nas 'tsho bar byed pa rnams so/ /de dag gi las skyes pas sam/yang dag par blangs pa ste/ de la skyes pa zhes bya ba ni de'i rigs sam gzhan gyi rigs go rims bzhin no/ /de dag gi las spyad par nges par byas pa ni lus dang ngag gi sbyor ba sngon du btang ste/ de dag gi las spyad par nges par byas pa ni/ sdom pa ma yin pa zhes brjod par bya'o/ / sdom pa yang ma yin/ sdom pa ma yin pa yang ma yin pa gang / sdom pa'ang ma yin/ sdom pa ma yin pa'ang ma yin pa'i las dge ba'am mi dge ba gang yin pa'o/ /ji skad bshad pa'i sdom pa dang sdom pa ma yin pa dang mi ldan pa'i sbyin pa dang / ngag snyan pa la sogs pa dang / khu tshur dang / thal lcag la sogs pa'i las ni sdom pa yang ma yin/sdom pa ma yin pa yang ma yin zhes brjod par bya'o/ /bde ba myong bar 'gyur ba'i las gang / 'dod pa'i khams dang / bsam gtan gsum po dag gi dge ba gang yin pa'o/ /sdug bsngal myong bar 'gyur ba'i las gang /gang mi dge ba'o/ /sdug bsngal yang ma yin bde ba yang ma yin pa myong bar 'gyur ba'i las gang / bsam gtan gsum po las gong ma'i dge ba'o/ /mthong ba'i chos las myong bar 'gyur ba gang / gang mthong ba'i chos la rnam par smin par 'gyur ba ste/ 'di lta ste/ byams pa'i ting nge 'dzin las langs pa la phan 'dogs pa dang /gnod par byed pa las byung ba dang / byams pa'i ting nge 'dzin las ji lta bar/ nyon mongs pa med pa'i ting nge 'dzin dang / 'gog pa'i snyoms par 'jug pa dang / rgyun du zhugs pa'i 'bras bu dang dgra bcom pa'i 'bras bu las langs pa dang /sangs rgyas la sogs pa dge slong gi dge 'dun la yang de bzhin no/ /yang na bsam pa ni shin tu drag pos sbyar bas dge ba dang mi dge ba spyod pa'o/ /mthong ba'i chos la myong bar 'gyur ba'i las ni/ tshe gang la byas pa de nyid la gang rnam par smin par 'gyur ba'o/ /skyes nas myong bar 'gyur ba'i las gang /gang tshe phyi ma nyid la rnam par smin par 'gyur ba ste/ 'di lta ste/ mtshams med pa lnga'i las rnams so/ /yang na dge ba dang mi dge ba gzhan yang yin no/ skyes nas myong bar 'gyur ba'i las ni/ gang de ma thag tu 'byung ba'i tshe la myong bar 'gyur ba ste/ 'di ltar mtshams med pa lnga'i las rnams so//gang gis mtshams med pa gcig de'i rnam par smin pa de ma thag par rigs na/ de gang gi mang po gang yin pa de'i de dag gi rnam par smin pa ji ltar myong bar 'gyur zhe na/ thams cad kyi rnam par smin pa cig car myong bar 'gyur te/ 'di ltar mtshams med pa du ma byed pa'i lus shin tu rab tu gnon par mngon par 'grub la chad pa mang zhing /mi bzad pa sna tshogs par 'gyur te/ de'i dbang gis tshor ba shin tu mang po 'byung bar 'gyur te/ rtsom pa'i dbang du byas nas mthong ba'i chos la myong bar 'gyur ba la sogs pa 'di dag rnam par gzhag gi/de tsam la myong bar 'gyur ba'i dbang du byas pa ni ma yin no/ /tshe de nyid la gang gi rnam par smin pa rtsom pa de ni mthong ba'i chos la myong bar 'gyur ba'o/ /gang de ma thag pa'i tshe la rtsom pa de ni skyes nas myong bar 'gyur ba'o/ /gang de ma thag tu byung ba'i tshe thal nas rtsom pa de ni lan grangs gzhan la myong bar 'gyur ba ste de ltar byas na ni kyi hud sems zhes bya ba'i rtog pa brjod pa las mtshams med pa lnga'i las kyi rnam par smin pa'i sems can dmyal bar yang dang yang 'chi 'pho zhing skye bar rnam par smin pa myong ngo zhes gsungs pa dang mthun par byas pa yin no//lan grangs gzhan la myong bar 'gyur ba'i las gang /gang de phan chad du rnam par smin par 'gyur ba'o/ /gnag la rnam par smin pa'i las gang / gang mi dge ba'o/ /gnag la rnam par smin pa gnag pa'i las ni mi dge ba ste/ nyon mongs pa can dang rnam par smin pa yin pa'i phyir ro/ /dkar la rnam par smin pa dkar ba'i las gang /khams gsum pa'i dge ba'o/ /gang nyon mongs pa can ma yin pa'o/ /dkar gnag tu 'gyur la/ rnam par smin pa dkar gnag tu gyur pa dang / gang 'dod pa dang rab tu ldan pa'i 'dren ma ste/ de'i dge ba dang mi dge ba zhes bya ba'i tha tshig go/ / gcig ji ltar na dge bar yang 'gyur la mi dge bar 'gyur zhe na/ 'di la 'jug pa'i skad cig nges par de gnyi ga brjod pa ni ma yin gyi/ 'on kyang bsam pa dang lhan cig pa'i sbyor ba la gcig ces bya ste/ 'di ni 'di ltar dgongs pa yin par rig par bya'o/ /de gnyi ga nag po dang dkar po nyid du 'dra bar gyur bas de ltar nag po dang dkar po nyid du rnam par gzhag go//bsam pas gnag la sbyor bas dkar ba'am sbyor bas gnag la bsam pas dkar ba'o/ /de la bsam pas gnag la sbyor bas dkar ba ni/ dper na 'ga' zhig gzhan dag la slu bar 'dod na de dag yid ches par bya ba'i mtshan mar bsams nas sbyin pa nas rab tu 'byung ba'i bar du'o//sbyor bas gnag la bsam pas dkar po ni/ dper na 'ga' zhig bu'am slob ma mi phan pa bzlog par 'dod cing phan pa la sbyor bar 'dod nas snying brtse ba'i sems kyis lus dang / ngag drag tu byed pa'i tshe de las kun nas nyon mongs par 'gyur ro//mi gnag cing dkar la rnam par smin par mi 'gyur zhing las zad par 'gyur ba'i las gang / sbyor ba dang / bar chad med pa'i lam rnams la zag pa med pa'i las so/ /sbyor ba dang bar chad med pa'i lam rnams spong ba'i gnyen po yin pa'i phyir ro//de la mi gnas pa ni nyon mongs pa'i dri ma med pa'i phyir ro/ /dkar ba ni mtha' gcig tu rnam par byang ba'i phyir ro/ /rnam par smin par mi 'gyur ba ni 'khor ba dang 'gal ba'i phyir ro/ /las zad par 'gyur ba ni yang dag par bsgyur ba'i phyir ro//'dir mi gnag cing dkar ba la sogs pa rnam pa gsum ni zag pa med pa'i las so/ /de bas na zag pa med pa ni rnam par smin pa len pa med pa'i phyir kun du bcom pa'o/ /de'i phyir bye brag med par zag pa med pa'i las 'di thams cad kyi bar du gcod pa dang / rjes su mthun pa dang / ngo bo nyid kyi dbang du byas nas yon po dang /nyes pa dang / rnyog ma dang / gtsang ba dang / thub pa pa rnams go rims bzhin du rnam par gzhag par rig par bya'o/ de la yon po ni lus dang ngag dang yid kyi las drang po'i lam 'phags pa'i lam yan lag brgyad pa 'byung ba'i sgrib par 'gyur ro/ /nyes pa ni lus la sogs pa'i las gang gis rnam par sun 'byin pa'i sems kyi rgyud la de dang /de 'dra ba'i sgrib par 'gyur ba'i las 'byung ba'o/ /rnyog ma ni mu stegs can gyi lta ba la brten pa'i lus la sogs pa'i las gang yin pa ste/ sangs rgyas kyi bstan pa la dad pa'i mi mthun pa'i phyogs ma dad pa'i rnyog mas yongs su zin pa'i phyir ro//rnam grangs gzhan du na rtag pa dang / chad pa'i mthar lhung ste/ dbu ma'i lam dang mi mthun pa'i phyir yon po'o/ /skur pa'i lta bas yongs su bzung ste/ rnam par byang ba rnam par gzhag pa la rab tu sdang ba'i phyir nyes pa'o/ /'jig tshogs la lta bas yongs su bzung ste/bdag med pa kho na la lta ba'i bar du gcod pa'i phyir rnyog ma zhes bya'o/ /gtsang ba ni shin tu rnam par dag pa'i tshul khrims kyis yongs su zin pa dang / lta ba drag pos yongs su zin pa'i lus dang ngag dang yid kyi las gang yin pa ste/ tshul khrims dang lta ba log par zhugs pa'i dri ma spangs pa'i phyir ro//thub pa la ni gang slob pa dang mi slob pa rnams kyi lus dang ngag dang yid kyi las zag pa med pa ste/ de thub pa rnams kyi las yin pa'i phyir ro/ /sbyin pa'i las gang / de'i gzhi dang / kun nas slong ba dang / dngos po dang / ngo bo nyid kyis rig par bya ste/ gzhi ni ma chags pa dang /zhe sdang med pa dang / gti mug med pa'o/ /kun nas slong ba ni de dag dang ldan pa'i phyir tshor ba'o/ /dngos po ni sbyin par bya ba'i dngos po'o/ /ngo bo nyid ni stong pa na lus kyi las dang / ngag gi las so/ /ji ltar na sbyin pa phun sum tshogs pa yin/ phyir zhing sbyin pa dang / phyogs mi 'byed par sbyin pa dang /'dod pa yongs su rdzogs par sbyin pa'i phyir ro/ /de dag ni sbyin pa phun sum tshogs pa'i dbang du byas par rig par bya ste de la sbyin pa por 'gyur ro zhes bya ba 'dis ni phyir zhing sbyin pa ston te/ de'i ngang tshul can du gyur bas yang dang yang sbyin pa'i phyir ro/ /dge sbyong rnams dang bram ze rnams la gces pa la sogs pas ni phyogs mi 'byed par sbyin pa ston te/'dod pa thams cad la bye brag med par sbyin pa'i phyir ro/ /bza' ba sbyin pa zhes bya ba la sogs pas ni 'dod pa yongs su rdzogs pa'i sbyin pa ston te/ bsam pa ji lta ba bzhin du yo byad kyi dngos po ma rul zhing dri ma med pa'i gzhi thams cad yongs su gtong ba'i phyir ro//yang mi gnas par sbyin pa dang / rgya cher sbyin pa dang / dga' bas sbyin pa dang / phyir zhing sbyin pa dang / snod la sbyin pa dang / 'khor dang / glo bur du 'ongs pa la legs par bgos te sbyin pas sbyin pa phun sum tshogs par rig par bya'o/ / lhug par gtong ba dang / lag pa brkyang pa dang / gtong ba la dga' ba dang / mchod sbyin byed pa'i tshul can dang / sbyor ba phun sum tshogs pa dang / sbyin pa legs par 'gyed pa la dga' ba zhes bya ba 'di dag ni mi gnas par sbyin pa la sogs pa'i tshig dang go rims bzhin du rig par bya'o//mi gnas par sbyin pa ni/ srid pa dang longs spyod kyi phyir yongs su mi bsngo ba nyid du rig par bya'o/ /ji ltar na sbyin par bya ba phun sum tshogs par rig par bya'o/ /sbyin par bya ba'i dngos po gnod pas grub pa ma yin pa dang / sbyin pa la bya ba'i dngos po gzhan las phrogs pa ma yin pa dang /sbyin par bya ba'i dngos po ma rul zhing dri ma med pa dang / sbyin par bya ba'i dngos po rung ba dang / sbyin par bya ba'i dngos po chos kyis bsgrub pa'i phyir ro/ /sbyin par bya ba phun sum tshogs pa'i dbang du byas nas ldang ba'i brtson 'grus kyis thob pa zhes bya ba 'dis ni/ sbyin par bya ba'i dngos po gnod pas grub pa ma yin pa ston to//gnod pas grub pa ni ldang ba'i brtson 'grus kyis thob pa ma yin te/ rang gi gnas na 'dug cing gzhan gyis bcol ba bsnyon pas thob pa'i phyir ro/ /lag dar ba'i mthus bsgrub pa zhes bya ba 'dis ni/ sbyin par bya ba'i dngos po gzhan las phrogs pa ma yin pa ston to//gzhan las phrogs pa ni lag dar ba'i mthus bsgrubs pa ma yin te/ de dag gi sha thang bar thabs sna tshogs kyis bsgrubs pa phrogs pa'i phyir ro/ /rdul dang dri mas ma phog pa zhes bya ba 'dis ni/ sbyin par bya ba'i dngos po ma rul zhing dri ma med pa ston pa ste/ rdul dang dri mas ma phog pa zhes bya ba ni spangs zhes bya ba'i tha tshig go/ /chos dang mthun pa zhes bya ba 'dis ni sbyin par bya ba'i dngos po rung ba ston te mtshon cha dang / dug dang / chang la sogs pa rung ba ma yin pa'i dngos po yongs su spang ba'i phyir ro/ /chos kyis thob pa zhes bya ba 'dis ni/ sbyin par bya ba'i dngos po chos kyis bsgrubs pa ston to//gzhal ba las g.yo 'jug pa la sogs pa dang / log pas 'tsho ba la sogs pa yongs su spangs pas bsgrubs pa'i phyir ro/ /ji ltar na tshul khrims dang ldan pa yin/ yang dag par blangs pa'i tshul khrims rjes su bsrung ba'i phyir ro/ / ma nyams pas de dang ldan pa'i phyir tshul khrims dang ldan pa yin no/ /ji ltar na so sor thar pa'i sdom pas bsdoms pa yin/ nges par 'phyin pa'i tshul khrims yin pa'i phyir ro/ /thar pa'i phyir sdom pa gang yin pa de ni so sor thar pa'i sdom pa ste/ de ni 'khor ba las nges par 'byung ba yin no/ / ji ltar na cho ga dang spyod yul phun sum tshogs pa yin/ ma smad pa'i tshul khrims yin pa'i phyir ro/ /cho ga phun sum tshogs pa ni spyod lam la sogs pa dam pa rnams kyis ma smad pa'i phyir ro/ /spyod yul phun sum tshogs pa ni spyod yul ma yin pa lnga spangs pa'i phyir te/ dge slong gi skyod yul ma yin pa lnga ni gsod pa'i sa dang /smad 'tshong ma'i gnas dang / chang 'tshong ma'i khyim dang / rgyal po'i pho brang dang / gdol pa'i khyim ste lnga'o/ /ji ltar na kha na ma tho ba chung ngu tsam rnams la yang 'jigs par blta ba yin/ shin tu gus par slob pa'i tshul khrims yin pa'i phyir ro/ / bcas pa'i kha na ma tho ba rnams dang / rang bzhin gyi kha na ma tho ba rnams la yang bsam pa drag pos slob pas kha na ma tho ba chung ngu tsam rnams la yang 'jigs par lta ba yin no/ /ji ltar na yang dag par blangs pa la slob/ bslab pa'i gzhi rnams la bslab pa yongs su rdzogs par slob pa'i tshul khrims yin pa'i phyir ro//kun nas yongs su rdzogs par bslab pa rnams blangs nas slob pa'i phyir yang dag par blangs te/ bslab pa'i gzhi rnams la slob ces brjod do/ /'di man chad du ni tshul khrims las brtsams nas/ bcom ldan 'das kyis mdo sde gzhan du lus dang ngag gis bsdams pa yin no zhes bya ba la sogs pa gang bstan pa de'i don brjod par bya'o//ji ltar na lus dang ngag gi kun du spyad pa bsdams pa yin/ shes bzhin gyis yongs su zin pa'i phyir ro/ /ji ltar gnang ba bzhin du 'gro ba dang ldog pa la sogs pa la blo sngon du btang nas legs par bsgrubs pa'i phyir ro/ /ji ltar na lus dang ngag phun sum tshogs pa yin/ltung bas mi gnod pa'i phyir ro/ /ltung bas mi gnod pa'i phyir ni tshul khrims chud mi gzon pa'i phyir ro/ /ji ltar na lus dang ngag gi kun du spyod pa dag yin/ 'gyod pa med pa la sogs pa rim gyis ting nge 'dzin gyi bar la gnas pa'i phyir ro/ /ting nge 'dzin gyi stobs kyis 'chal ba'i tshul khrims kyi dri ma thag bsring ba'i phyir ro//ji ltar na lus dang ngag gi kun du spyod pa dge ba yin/ nyon mongs pa can gyi rtog pa dang ma 'dres pa'i phyir ro/ /gcig tu dge ba'i phyir ro/ /ji ltar na lus dang ngag gi kun du spyod pa kha na ma tho ba med pa yin/ de smon nas tshangs par spyod pa la gnas pa rnam par spangs pa'i phyir ro//srid pa longs spyod kyi phyir yongs su mi bsngo bas dam pa rnams kyis bsngags pa'i phyir ro/ /ji ltar na lus dang / ngag dang / yid kyi kun du spyod pa gnod pa med pa yin/ gzhan la brnyas thabs mi byed cing 'grogs na bde ba'i phyir ro//bdag la bstod pa la sogs pas gzhan khyad du gsod cing 'grogs na mi bde bas zher 'debs pa med pa'i phyir ro/ /ji ltar na lus dang ngag gi kun du spyod pa rjes su mthun pa yin/ mya ngan las 'das pa 'thob par byed pa dang mthun pa'i phyir ro/ /mya ngan las 'das pa 'thob par byed pa dang mthun pa'i phyir te/'phags pa'i lam la gzhol ba'i phyir ro/ /ji ltar na lus dang ngag gi kun du spyod pa rjes su 'byor ba yin/ dge ba mi bcom pa dang / sdig pa mi 'chab pa'i phyir ro/ /rang gi nyes pa mthol zhing yon tan 'chab pa'i phyir ro/ / ji ltar na lus dang ngag gi kun du spyod pa thabs dang ldan pa yin/ tshangs pa mtshungs par spyod pa nye bar sdud pa'i tshul khrims yin pa'i phyir ro/ /nye bar 'gro ba'i bya ba'i 'os yin pa'i phyir ro/ /ji ltar na lus dang ngag gi kun du spyod pa la 'tsham pa yin/ bla ma rnams dang / bla ma dang 'dra ba rnams la nga rgyal bcag pa'i phyir ro//ci rigs su bsnyen bkur byed pa yin pa'i phyir ro/ /ji ltar na lus dang ngag gi kun du spyod pa mthun pa yin/ gdams ngag la mthun par 'dzin pa'i phyir ro/ /rang gi lta ba la mchog tu 'dzin pa med pa'i phyir ro/ /ji ltar na lus dang ngag gi kun du spyod pa gdung ba med pa yin/dka' thub drag po dang ngan ngon la mos pa rnam par spangs pa'i phyir ro/ /rgyud la gdung ba mi byed pa'i phyir ro/ /ji ltar na lus dang ngag gi kun du spyod pa phyis 'gyod pa med pa yin/ longs spyod dang las kyi mtha' spangs pa la 'gyod pa med pa'i phyir ro/ /longs spyod dang las kyi mtha' spangs pa las brtsams nas phyir 'gyod pa med pa'i phyir ro//ji ltar na lus dang ngag gi kun du spyod pa yid la gcags pa med pa yin/ cung zad tsam gyis chog par mi 'dzin pa'i yid la gcags pa med pa'i phyir ro/ /dge ba'i phyogs la brtsams na cung zad tsam gyis chog par mi 'dzin pa'i yid la gcags pa med pa'i phyir te/sgrub nus pa'i bar du'i phyir ro/ /bcom ldan 'das kyis sems can 'di dag ni las bdag gir bya ba/ las kyi bgo skal la spyod la/ las kyi skye gnas pa dang / las brtan par bya ba la/ las ni sems can dag mthon po dang / dma' ba dang / ngan pa dang /gya nom pa rnam par 'byed pa'o zhes gang gsungs pa la/ las bdag gir bya ba ji lta bu yin/ 'di dag ni bdag gir bya ba yin pas/ 'di dag ni las bdag gir bya ba dag go/ /de dag gi las bdag gir bya ba ji lta bu zhe na/ rang gis byas pa'i las kyi rnam par smin pa myong ba'i phyir ro/ /gang gzhan dang thun mong ma yin pa de ni bdag gi zhes brjod do//ji ltar na las kyi bgo skal la spyod pa yin/ 'di dag ni las kyi bgo skal la spyod pa yin pas/ las kyi bgo skal la spyod pa dag go/ /ji ltar na las kyi bgo skal la spyod pa yin zhe na/ rang gis byas pa'i rnam par smin pa myong ba de la/ dge ba dang mi dge ba'i las so so'i bgo skal la spyod pa'i phyir ro//'di lta ste/ rang rang gi 'bras bu 'dod pa dang / mi 'dod pa 'byed pa'i phyir ro/ /rang gis byas pa'i las 'dod pa dang / mi 'dod pa dag gis rnam par smin pa myong ba'i sems can de dag thog ma gang las byung / ci rgyu med pa las byung ba zhig gam/ 'on te rang bzhin dang dbang phyug la sogs pa'i rgyu las byung ba zhig ce na/ smras pa/ las kyi skye gnas las 'gyur ro/ /ji ltar na las kyi skye gnas pa yin/ rgyu med pa dang / mi mthun pa'i rgyu rnam par spangs pa'i las kyi skye gnas las sems can 'byung ba'i phyir ro/ /'di dag gi las nyid rgyu med pa dang / mi mthun pa'i rgyu rnam par spangs pa'i skye gnas te/ sems can rnams 'byung ba'i phyir zhes bya ba'i tha tshig go/ /de ltar 'jug pa las kyang brtsams ldog pa las kyang brtsams te/ ji ltar na las brtan par bya ba yin las kyis bcings pa las rnam par thar par byed pa'i gnyen po'i las brtan pa yin pa'i phyir ro//las brtan par bya ba dag ste/ zag pa dang bcas pa'i las spangs pa'i phyir ro/ /zag pa med pa'i las rten yin pas 'di dag ni brtan par bya ba'i las yin no/ /sems can mthon po dang dma' ba gang / bde 'gro dang / ngan 'gro'i lus thob pa'o/ /ngan pa dang gya nom pa gang / de dag nyid skyon dang ldan pa dang /yon tan dang ldan pa'o/ /sems can rnams kyi las kyi rnam par smin pa bsam gyis mi khyab bo zhes gang gsungs pa rnam pa thams cad du bsam gyis mi khyab pa ma yin par rig par bya'o/ /de la las kyi rnam par smin pa bsam gyis khyab pa ni ji lta bu/ bsam gyis mi khyab pa ni ji lta bu/las dge ba'i rnam par smin pa lha dang mi rnams kyi nang du 'dod pa ni bsam gyis khyab ba'o/ /mi dge ba'i las kyi rnam par smin pa sems can dmyal ba dang / dud 'gro dang / yi dags dang / ngan song ngan 'gro log par ltung ba rnams su mi 'dod pa zhes bya ba ni/bsam gyis mi khyab pa'o/ /las 'dis sems can rnams kyi lus sna tshogs su 'gyur zhes bya ba 'di ni las bsam gyis mi khyab pa'o/ /dge ba dang mi dge ba'i rnam par smin pa bde 'gro dang ngan 'gror 'dod pa dang mi 'dod pa zhes bya ba bsam gyis khyab pa ste/ nus pa dang yang dag par lta ba la sogs pa'i yon tan 'dren pa'i phyir ro//las 'dis sems can rnams kyi lus kyi kha dog dang dbyibs la sogs pa rnam pa tha dad pa sna tshogs zhes bya ba ni bsam gyis mi khyab ba'o/ /mi nus pa dang / thams cad mkhyen pa las gzhan pa mgo rmongs pa la sogs pa'i nyes pa 'dren pa'i phyir ro//las dge ba dang mi dge ba de nyid gnas dang / dngos po dang / rgyu dang / rnam par smin pa dang / rab tu dbye bas ni bsam gyis mi khyab ste/ dge ba la sogs pa'i las de nyid gnas la sogs pa'i rab tu dbye bas ni bsam gyis mi khyab ba'o/ /de la gnas ni grong ngam grong khyer gyi phyogs gang du gnas nas las de byas zhes pa la sogs pa'o//dngos po ni sems can gyi grongs su gtogs pa'am/ sems can ma yin pa'i grongs su gtogs pa gang la brten te byas pa'o/ /rgyu ni dge ba dang mi dge ba'i rtsa ba rnams te/ ji ltar rigs pa rnams so/ /rnam par smin pa lus sna tshogs pa de nyid do/ /phyi'i dngos po sna tshogs mngon par 'grub par byed pa'i las bsam gyis mi khyab ba'o//las ci 'dra bar tsher ma la sogs pa'i rno ba la sogs pa byas te/ 'jig rten gyi khams pas mi rtogs pa'i phyir ro/ /nor bu dang / sngags dang / sman dang / mkhyud dpyad dang ldan pa'i las bsam gyi mi khyab pa'o//de la nor bu dang ldan pa ni/ zla ba chu shel la sogs 'byung ba la sogs pa'o/ /sngags dang ldan pa ni de dag gis btab na mi 'tshig pa la sogs pa'o/ /sman dang ldan pa ni/ des zin na mi snang bar 'gyur ba la sogs pa'o/ /mkhyud dpyad dang ldan pa ni mkhyud dpyad de dang des rims nad dang bral bar 'gyur ba la sogs pa'o//rnal 'byor pa thams cad kyi mthu'i bsam gyis mi khyab ba'o/ /de dag gi sems kyi mthus sa chen po g.yo bar byed dam/ /nam mkha' la 'phur bar byed pa la sogs pa'o/ /byang chub sems dpa' rnams kyi dbang gis las bsam gyis mi khyab pa ste/ 'di lta ste/tshe la dbang ba dang / sems la dbang ba dang / yo byad la dbang ba dang / skye ba la dbang ba dang / mos pa la dbang ba dang / smon lam la dbang ba dang / rdzu 'phrul la dbang ba dang / ye shes la dbang ba dang / chos la dbang ba'i phyir ro/ /byang chub sems dpa' rnams kyi dbang la sogs pa ni las gang byed pa de bsam gyis mi khyab pa ni 'di lta ste/tshe la dbang bas ni byang chub sems dpa' rnams ni tshe'i 'du byed byin gyis brlabs nas ji srid 'dod pa de srid du gnas so/ /sems la dbang bas ni ji srid 'dod pa bzhin du ting nge 'dzin la snyoms par 'jug go/ /yo byad la dbang bas ni sems can rnams la yo byad rin po che dpag tu med pa'i char 'bebs so//las la dbang bas ni khams dang sa dang 'gro ba dang / skye gnas dang gnas skabs gzhan myong bar 'gyur ba rnams gzhan du bsgyur ro/ /skye ba la dbang bas ni bsam gtan la gnas shing yongs su ma nyams bzhin du 'dod pa'i khams su skye'o/ /mos pa la dbang bas ni sa la sogs pa la chu la sogs par mos so//smon lam la dbang bas ni ji ltar 'dod pa bzhin du bdag dang gzhan gyi don phun sum tshogs par byed pa'i smon lam rgya chen po grangs med pa mngon par sgrub bo/ /rdzu 'phrul la dbang bas ni sems can rnams gdul bar bya ba'i phyir/ /rdzu 'phrul gyi cho 'phrul dpag tu med pa kun du ston to//ye shes la dbang bas ni chos dang don dang nges pa'i tshig dang spobs pa rnams kyi rab kyi mthar phyin par 'gro'o/ /chos la dbang bas ni ci rigs par ji tsam du sems can rnams la ming dang tshig dang yi ge'i tshogs gzhan dag gis mdo la sogs pa'i chos rnam par bzhag nas/ cig car sems can yongs su tshim par byed nus par 'gyur ro/ /sangs rgyas thams cad kyi sangs rgyas kyi mdzad pa sgrub pa'i phrin las kyi las bsam gyis mi khyab bo/ /ji lta bu zhe na/ sangs rgyas bcom ldan 'das thams cad lhun gyis grub par rtogs par khong du chud cing chos kyi dbyings ro gcig pa nyid du gyur nas/sems can rnams gang gi tshe dang / ji lta bu dang / ji srid du mdzad pa sgrub par byed pa de thams cad rjes su gnas te/ de ltar sangs rgyas rnams kyi sangs rgyas kyi yul bsam gyis mi khyab po/ /de dag mdor bsdus na kun 'byung ba'i bden pa'i mtshan nyid rnam pa bzhir rig par bya ste/ rgyu'i mtshan nyid dang / kun 'byung ba'i mtshan nyid dang / rab tu skye ba'i mtshan nyid dang / rkyen gyi mtshan nyid do/ /rgyu'i mtshan nyid gang yang srid pa'i bag chags 'jog par byed pa'i rgyu yin pa'i phyir rgyu'i mtshan nyid du rig par bya'o/ /yang srid pa'i bag chags 'jog par byed pa ni bsdu na rgyu'o/ /kun 'byung ba'i mtshan nyid gang sems can bag chags bsags pa de dang de dag sems can gyi ris de dang der kun 'byung ba'i byed rgyu yin pa'i phyir/kun 'byung ba'i mtshan nyid du rig par bya'o/ /sems can bag chags bsags pa rnams lha la sogs pa'i sems can gyi ris su de'i cha byad dang rang bzhin 'drar bar mthun pa'i byed rgyu zhes bya ba ni kun 'byung ba'o//rab tu skye ba'i mtshan nyid gang / so sor rang dang / rnam pa dang / mchog tu 'byung ba'i byed rgyu yin pa'i phyir rab tu skye ba'i mtshan nyid du blta'o/ /so so rang gi rgyud nges pa dang / 'gro ba dang skye gnas la sogs pa la rnam pa du mar rab tu 'byung ba srid pa'i rtse mo'i 'gro ba'i bar du 'byung ba'i byed rgyu zhes bya ba ni rab tu skye ba'o//rkyen gyi mtshan nyid gang / gzhan dang gzhan 'thob pa dang / 'da' ba'i byed rgyu yin pa'i phyir rkyen gyi mtshan nyid du rig par bya'o/ /sngon ma byung ba'i lus gzhan dang gzhan 'thob pa dang / sngon thob pa'i lus 'da' ba'i byed rgyu zhes bya ba ni rkyen to/ /kun 'byung ba'i bden pa rnam par nges pa zhes bya ba rdzogs so// //'gog pa'i bden pa gang / mtshan nyid dang / zab pa dang / brda dang / don dam pa dang / yongs su ma rdzogs pa dang / yongs su rdzogs pa dang / rgyan med pa dang / rgyan dang bcas pa dang / lhag ma dang bcas pa dang / lhag ma med pa dang /khyad par du 'phags pa dang / rnam grangs kyis kyang 'gog pa'i bden par rig par bya'o/ /mtshan nyid kyis ji lta bu/ de bzhin nyid dang / lam dang / nyon mongs pa mi 'byung ba ste/ gang du 'gog pa dang / gang gis 'gog pa dang / gang 'gog pa'o/ /bcom ldan 'das kyis ji ltar gang du mig dang rna ba dang //de bzhin sna dang lce dang lus/ /yid dang de bzhin ming dang gzugs/ /ma lus par ni 'gag par 'gyur/ /zhes gsungs pa'o/ /gzhan yang gsungs pa gang du mig 'gags pa dang / kha dog gi 'du shes med par 'gyur ba dang / chos kyi bar du 'gags pa dang / chos kyi 'du shes med par 'gyur ba de ni gnas su rig par bya zhes pa'o//rnam grangs 'dis ni de bzhin nyid la dmigs pa gang du zag pa dang bcas pa'i dngos po 'gog pa'i mtshan nyid do/ /gang gis 'gog pa dang / gang du 'gog pa dang / gang 'gog pa'o/ /zab pas ji lta bu/ 'du byed de dag gis 'jig pa las 'gog pa gzhan par mi bya/gzhan ma yin par yang mi bya/ gzhan yang ma yin/ gzhan ma yin pa'ang ma yin par yang mi bya'o/ /gal te ci'i rgyu 'du byed de dag gis 'jig pa las 'gog pa de gzhan zhig yin na de 'brel ba med do/ /de don gzhan du 'gyur ro/ /ci ste gzhan ma yin na ni kun nas nyon mongs pa'i mtshan nyid du 'gyur te/de'i phyir gnyi ga ma yin/ gnyi ga ma yin pa'ang ma yin no/ /de ci'i phyir/ spros pa med pa'i phyir ro/ /spros pa ni yang 'dir tshul bzhin ma yin par don la sems pa ste/ lam ma yin pa dang / rigs ma yin pa dang / thabs ma yin pa dang / sems pa zhes bya ba ni don to/ /bcom ldan 'das kyis ji ltar rig pa'i skye mched drug po dag zad pa dang /rnam par zhig pa dang / 'gog pa dang / nye bar zhi ba dang / nus pa las gzhan yod do zhe na/ spros pa med pa spros par byed do/ /gzhan med do zhe'am/ yod kyang yod la med kyang med do zhe'am/ gzhan yod pa'ang ma yin/ med pa'ang ma yin zhe na/yang spros pa med pa spros par byed do/ /ji srid du de skye mched drug yod pa de srid du spros pa'o/ /skye mched drug 'gag pas spros pa med pa ste myu ngan las 'das par gsungs pa'o/ /de ltar spros pa med pa mya ngan las 'das pa'o/ /spros pa ni tshul bzhin ma yin pa sems pa yin no//sems pa gang gzhan la/ sems par bya ba yang gzhan yin pa'i phyir ro/ /sems pa ji lta bu zhe na/ zhi ba dang gya nom pa zhes bya ba la sogs pa'i rnam pa rnams so/ /brdas ji lta bu/ 'jig rten pa'i lam gyi sa bon nyams smad pas 'gog pa gang yin pa ste/ de'i phyir bcom ldan 'das kyis de'i rnam grangs su de'i cha shas kyi mya ngan las 'das par gsungs so//don dam pas ji lta bu/ 'phags pa'i shes rab kyi sa bon kun du bcom pas 'gog pa yang yin no/ /yongs su ma rdzogs pas ji lta bu/ rgyun du zhugs pa'i 'bras bur bsdus pa'am/ lan cig phyir 'ong ba'i 'bras bur bsdus pa'am/phyir mi 'ong ba'i 'bras bur bsdus pa'ang rung ste/ slob pa rnams kyi 'gog pa gang yin pa'o/ /yongs su rdzogs pa gang / dgra bcom pa'i 'bras bur bsdus pa dang mi slob pa rnams kyi 'gog pa gang yin pa'o/ /rgyan med pa ji lta bu shes rab kyi rnam par grol ba'i dgra bcom pa rnams kyi 'gog pa gang yin pa'o//rigs pa la sogs pa khyad par du 'phags pa'i rgyan med pa'i phyir ro/ /rgyan dang bcas pas ji lta bu/ gnyi ga'i cha las rnam par grol bar rig pa gsum dang mngon par shes pa drug dang ldan pa'i dgra bcom pa rnams kyi 'gog pa gang yin pa'o/ / lhag ma dang bcas pas ji lta bu/ phung po'i lhag ma dang bcas pa'i 'gog pa gang yin pa'o/ /lhag ma med pas ji lta bu/ phung po'i lhag ma med pa'i 'gog pa gang yin pa'o/ /khyad par du 'phags pa ji lta bu/ sangs rgyas dang byang chub sems dpa' rnams kyis mi gnas pa'i mya ngan las 'das pas bsdus pa'i 'gog pa gang yin pa ste sems can thams cad la phan pa dang /bde bar nye bar gnas pa'i phyir ro/ /rnam grangs kyis ji lta bu/ ma lus par spangs pa dang / nges par spangs pa dang / byang bar 'gyur ba dang / zad pa dang / 'dod chags dang bral ba dang / 'gog pa dang / rnam par zhi ba dang / nub pa zhes bya ba la sogs pa'o//ci'i phyir ma lus par spangs pa tshig lhag ma rnams kyi phyir ro/ /ma lus par spangs pa zhes bya ba bstan pa'o/ /lhag ma ni bshad pa'o/ /de'i phyir de'i tshig lhag ma rnams kyi phyir ro zhes bya ba brjod do/ /de dag gis de bshad pa'i phyir ro/ /ji ltar byas nas ma lus par spangs she na/kun nas dkris pa dang / bag la nyal spangs pa'i phyir ro/ /ci'i phyir nges par spangs pa kun nas dkris pa por ba'i phyir ro/ /kun nas dkris pa'i dbang du byas pa ste/ 'byung ba yongs su spangs pa'i phyir ro/ /ci'i phyir byang bar 'gyur ba bag la nyal mthar phyin par byed pa'i phyir ro/ /bag nyal ba spangs pa ste/rtsa ba med na gtan mi skye ba'i phyir ro/ /ci'i phyir zad pa de ni gnyen po mthong ba dang / bsgom pa'i lam gyi bye brag gis rnam pa gnyis su rnam par gzhag ste/ zad pa dang 'dod chags dang bral ba zhes bya'o/ /de'i phyir gsungs pa/ ci'i phyir zad pa gnyen po mthong ba'i lam gyis bral ba'i phyir ro//de la zad pa ni/ mthong ba'i lam gyis bral ba nyid kyi dbang du byas pa nyon mongs pa'i tshig cung zad tsam lus pa'i phyir ro/ /ci'i phyir 'dod chags dang bral ba/ gnyen po bsgom pa'i lam gyis bral ba'i phyir ro/ /'dod chags dang bral ba nyid ni bsgom pa'i lam gyis bral ba nyid kyi dbang du byas pa ste/de ni sa la 'dod chags dang bral ba nyid du 'gyur bas rab tu phye ba'i phyir ro/ /de gnyis kyi 'bras bur gyur pa ni/ yang phyi ma la sdug bsngal 'gog par 'gyur te/ de'i dbang du byas nas gsungs pa ci'i phyir 'gog pa phyi ma la de'i 'bras bu sdug bsngal mi skyed pa'i phyir ro/ /ma skyes pa ni skye ba med pa'i chos nyid du byas pa'i phyir ro/mthong ba'i chos la yid mi bde ba nye bar zhi bar 'gyur ba'i phyir te/ de'i phyir de'i dbang du byas nas gsung pa/ ci'i phyir rnam par zhi ba/ mthong ba'i chos la de'i 'bras bu sems kyi sdug bsngal rgyu ba med pa'i phyir ro/ /ci'i phyir nus pa phung po lhag ma rnams 'jig pa'i phyir ro//sngon gyi las dang nyon mongs pas yang dag par bsgrubs pa'i phung po rnams ni rang gi ngang gis 'jig pa'i phyir ro/ /de ltar byas na ma lus pa spangs par bstan par rig par bya'o/ /ci'i phyir 'dus ma byas mtshan nyid gsum dang bral ba'i phyir ro/ /'dus byas las bzlog pa ste/skye ba dang / 'jig pa dang / gnas pa gzhan du 'gyur ba med pa'i phyir ro/ /ci'i phyir blta dka' ba sha'i mig dang / lha'i mig gi spyod yul las shin tu 'das pa'i phyir ro/ /'phags pa kho na'i shes rab kyi spyan gyi spyod yul yin pa'i phyir ro/ /ci'i phyir g.yo ba med pa 'gro 'pho dang bral ba'i phyir ro//dmyal ba la sogs pa'i 'gro bar mi 'pho bas brtan pa'i phyir ro/ /ci'i phyir mi 'dud pa/ srid pa gsum dang bral ba'i phyir ro/ /'dod pa dang / gzugs dang / gzugs med pa'i srid pa med pas mi 'dud pa'i phyir ro/ /ci'i phyir 'chi ba med pa/ phung po'i bdud dang bral ba'i phyir ro/ /'chi ba'i rten phung po med pa'i phyir ro/ /ci'i phyir zag pa med pa nyon mongs pa'i bdud dang bral ba'i phyir ro/ /zag pa med pa'i phyir ro/ /ci'i phyir gnas kha na ma tho ba med pa'i dga' ba'i gzhi yin pa'i phyir ro/ /rnam par grol ba'i bde ba'i gzhi yin pa'i phyir ro//ci'i phyir gling khams gsum yongs su chad pa'i phyir ro/ /'khor ba'i rgya mtsho chen po las thang lta bur gyur pa'i phyir ro/ /ci'i phyir skyob pa gnod pa thams cad bzlog pa'i phyir ro/ /de thob na skye ba la sogs pa'i gnod pa thams cad bzlog pa'i phyir ro/ /ci'i phyir skyabs/der bsam pa dang sbyor bas byas pa'i 'bras bu yod pa'i gzhi'i gnas yin pa'i phyir ro/ /der bsam pa dang sbyor bas byas pa'i gzhi'i rten yin pa'i phyir ro/ /ci'i phyir dpung gnyen 'phags pa'i mchog nyid du 'gro ba'i gzhi'i gnas yin pa'i phyir ro/ /dgra bcom pa nyid thob pa'i thabs la dmigs pa nyid yin pa'i phyir zhes bya ba'i tha tshig go//ci'i phyir 'chi 'pho med pa skye ba dang bral ba'i phyir ro/ /ma skyes pas nyams pa med pa'i phyir ro/ /ci'i phyir rims nad med pa/ 'dod pas phongs pa thams cad dang bral ba'i phyir ro/ /'dod pas phongs pa'i gdung ba bcom nas med pa'i phyir ro//ci'i phyir yongs su gdung ba med pa/ mya ngan dang / smre sngags 'don pa dang / sdug bsngal ba dang / yid mi bde ba dang 'khrug pa dang bral ba'i phyir ro/ /mya ngan la sogs pa'i yongs su gdung ba thams cad rgyun chad pas bsil ba'i phyir ro/ /ci'i phyir bde ba/ 'jigs pa med par gnas pa'i gzhi'i gnas yin pa'i phyir ro//na ba dang / rga ba dang / 'chi ba'i 'jigs pa dang bral bas 'phags pa gnas pa'i rten yin pa'i phyir ro/ /ci'i phyir zhi ba/ phan pa'i dngos po'i phyir ro/ /dge ba'i chos thams cad kyi gnas yin pa'i phyir ro/ /ci'i phyir bde ba'i gzhi don dam pa'i bde ba'i gzhi yin pa'i phyir ro//'jig rten las 'das pa thams cad kyi bde ba'i gzhi yin pa'i phyir ro/ /ci'i phyir dge bar 'gyur ba/ sbyor ba bde bas de thob pa'i gzhi'i gnas yin pa'i phyir ro/ /sbyor ba bde bas de 'thob par 'gyur ba'i dmigs pa yin pa'i phyir ro/ /ci'i phyir nad med pa/sgrib pa thams cad dang bral ba'i phyir ro/ /nyon mongs pa la sogs pa'i sgrib pa dang bral ba'i phyir ro/ /ci'i phyir mi g.yo ba/ g.yeng ba thams cad dang bral ba'i phyir ro/ /yul gyi spros pa'i rnam par g.yeng ba thams cad dang bral ba'i phyir ro/ /ci'i phyir mya ngan las 'das pa/ mtshan ma med cing zhi la bde bar gnas pa'i gzhi'i gnas yin pa'i phyir ro//gzugs la sogs pa'i 'du shes thams cad dang bral te/ zhi zhing bde bar gnas pa'i dmigs pa yin pa'i phyir ro/ /yang 'gog pa'i bden pa la brtsams nas ma skyes pa la sogs pa'i rnam grangs rnams te/ sdug bsngal gyi mtshan nyid las bzlog par rig par bya'o//sdug bsngal ni sems can gyi ris de dang / der mtshams sbyor bar byas pas skye ba'o/ /de las bzlog par gsungs pa/ ci'i phyir ma skyes pa nying mtshams sbyor ba dang bral ba'i phyir ro/ /sdug bsngal ni nying mtshams sbyor ba'i dus na lus yongs su rdzogs par 'phel lo//de las bzlog pa gsungs pa/ ci'i phyir ma byung ba/ de'i 'og tu byung ba dang bral ba'i phyir ro/ /sdug bsngal ba de yang sngon gyi las dang nyon mongs pas 'phangs te byas so/ /de las bzlog pa gsungs pa/ ci'i phyir ma byas pa/ sngon gyi mtha'i las dang nyon mongs pa'i 'phen pa dang bral ba'i phyir ro//sdug bsngal de yang las dang nyon mongs pa rnams kyi srid pa gzhan du byed pa'i gzhi'i gnas yin pa'i phyir ro/ /de las bzlog pa gsungs pa/ ci'i phyir 'dus ma byas/ da ltar nyon mongs pa las 'dus mi byed pa'i gzhi'i gnas yin pa'i phyir ro/ /de'i rgyun mi 'chad pa'i tshul gyis yang srid pa'i rgyun skye bar 'gyur ba'o//de las bzlog pa gsungs pa/ ci'i phyir skye ba med pa/ ma 'ongs pa'i rgyu 'byung ba dang bral ba'i phyir ro/ /sdug bsngal 'gog pa 'phags pa'i bden pa dang go rims ltar ma skyes pa dang / ma byung ba dang ma byas pa dang / 'dus ma byas pa dang / skye ba med par rig par bya'o//yang 'gog pa'i bden pa'i mtshan nyid rnam pa bzhir rig par bya ste/ 'gog pa'i mtshan nyid dang / zhi ba'i mtshan nyid dang / gya nom pa'i mtshan nyid dang / nges par 'byung ba'i mtshan nyid do/ /ci'i phyir 'gog pa'i mtshan nyid dang / nyon mongs pa dang bral ba'i phyir ro/ / 'byung ba'i rgyu nyon mongs pa rnams dang bral ba'i dbang du byas pa'o/ /ci'i phyir zhi ba'i mtshan nyid/ sdug bsngal dang bral ba'i phyir ro/ /'du byed kyi sdug bsngal nyid kyis ma zhi ba'i mtshan nyid nye bar len pa'i phung po rnams dang bral ba'i dbang du byas pa'o/ /ci'i phyir gya nom pa'i mtshan nyid/gtsang ba dang bde ba'i dngos po yin pa'i phyir ro/ /nyon mongs pa dang sdug bsngal dang bral ba'i phyir/ bdag nyid gtsang ba dang bde ba'i ngo bo nyid kyi dbang du byas pa'o/ /ci'i phyir nges par 'byung ba'i mtshan nyid/ rtag pa dang phan pa'i gzhi'i gnas yin pa'i phyir ro/ /rtag pa dang /phan pa'i ngo bo nyid kyi dbang du byas pa ste/ /yang phyir mi ldog pa dang bde ba'i phyir/ phan pa dang / dge ba dang / go rims bzhin no/ /'gog pa'i bden pa rnam par nges pa rdzogs so// //lam gyi bden pa gang yin/ lam gang gis sdug bsngal yongs su shes pa dang / kun 'byung spong ba dang /'gog pa mngon du byed pa dang / lam sgom pa ste/ 'di ni lam gyi mtshan nyid mdor bsdus pa'o/ /bden pa rnams la 'di'i bya ba'i skabs kyis mtshan nyid bstan par rig par bya'o/ /yang lam rnam pa lnga ste/ tshogs kyi lam dang / sbyor ba'i lam dang / mthong ba'i lam dang / bsgom pa'i lam dang /mthar phyin pa'i lam mo/ /lam rnam pa lnga zhes bya ba ni rab tu dbye ba'i skabs kyis so/ /rab tu dbye ba 'di yang lam gyi bden pa 'khor dang bcas pa'i skabs kyis rig par bya'o/ /de la tshogs kyi lam gang so so'i skye bo'i tshul khrims dang / dbang po'i sgo bsdoms pa dang / zas kyi tshod shes pa dang /nam gyi cha stod dang / nam gyi cha smad la mi nyal bar rnal 'byor la brtson pa dang / shes bzhin du gnas par mngon par dga' ba'o/ /yang gang rgyu mthun pa'i dge ba gzhan dang / thos pa las byung ba dang / bsams pa las byung ba dang / bsgoms pa las byung ba'i shes rab kyang ste/ de bsgoms pas mngon par rtogs pa dang /rnam par thar par 'gyur ba'i gnas kyi snod nyid thob par 'gyur ro/ /de la tshogs kyi lam ni so so'i skye bo'i tshul khrims shes pa nas brtsams nas/ shes bzhin du gnas pa zhes pa'i bar 'di'o/ /tshul khrims la sogs pa yongs su rdzogs pas dro bar gyur pa la go rims kyis bden pa mthong bar bya ba dang /de la sgrib pa spang bar bya ba'i phyir/ sems kyi rgyud 'os su gyur pa 'thob ces pa'o/ /gang yang rgyur gyur pa'i dge ba gzhan zhes pa la sogs pa'o/ /'gyod pa med pa la sogs par rig par bya'o/ /sbyor ba'i lam gang / tshogs kyi gang yin pa sbyor ba'i yang de yin no/ / sbyor ba yin la tshogs ma yin pa'ang yod de tshogs bsags pa'i nges par 'byed pa'i cha dang mthun pa'i dge ba'i rtsa ba rnams te/ de ni dro bar gyur ba dang / rtse mo dang / bden pa'i rjes su mthun pa'i bzod pa dang / 'jig rten pa'i chos kyi mchog rnams so/ /dro bar gyur pa gang / so so rang gi bden pa rnams pa snang ba thob pa'i ting nge 'dzin dang /shes rab dang mtshungs par ldan pa dang bcas pa'o/ /mnyam par gzhag pa'i sems kyis bden pa'i dbang du byas pa'i mdo sde la sogs pa yid kyis brjod pa'i sgo nas don snang bar gyur ba'i zhi gnas dang / lhag mthong dang ldan pa ni dro bar gyur par rig par bya'o//rtse mo gang / so so rang gi bden pa rnams la snang ba 'phel ba'i ting nge 'dzin dang / shes rab mtshungs par ldan pa dang bcas pa'o/ /de la 'phel ba ni rtse mo ste/ de'i 'og na rnam par gnas pa'i phyir ro/ /bden pa'i rjes su mthun pa'i bzod pa gang / so so rang gi bden pa rnams kyi phyogs gcig na zhugs pa dang /rjes su song ba'i ting nge 'dzin dang / shes rab mtshungs par ldan pa dang bcas pa'o/ /ji ltar na phyogs gcig la zhugs pa yin zhe na/ gcig tu gzung ba med par bzod pa'i phyir ro/ /ji ltar na phyogs gcig gi rjes su song ba yin zhe na/ 'dzin pa med par rtog pa'i rjes su mthun par gnas pa'i phyir ro//'jig rten pa'i chos kyi mchog gang / so so rang gi bden pa rnams la de ma thag pa'i sems kyi ting nge 'dzin dang / shes rab mtshungs par ldan pa dang bcas pa'o/ /gang gi 'og tu thog mar 'jig rten las 'das pa'i lam mo/ /mthong ba'i lam gang / mdor bsdu na 'jig rten pa'i chos kyi mchog gi mjug thogs su mi dmigs pa'i ting nge 'dzin dang / shes rab mtshungs par ldan pa dang bcas pa ste/ rnam par rtog pa zhi gnas dang / lhag mthong gi mtshan nyid du rig par bya'o/ /dmigs par bya ba dang / dmigs par byed pa mnyam pas mnyam par shes pa'ang de yin te/des gzung ba dang 'dzin pa dang med pa'i de bzhin nyid rtogs pa'i phyir ro/ /so so rang la sems can gyi brda dang / chos kyi brda gsal ba'ang thams cad du gnyi ga'i brda gsal ba la dmigs pa'i chos shes pa'ang de bzhin no/ /so so rang la sems can gyi brda gsal ba la dmigs pa'i chos shes pa ji lta bu zhe na/des rang gi rgyud nyid la bdag gi mtshan mar rnam par mi rtog pa'i phyir ro/ /so so rang la chos kyi brda gsal ba la dmigs nas chos shes pa ji lta bu zhe na/ des rang gi rgyud nyid la gzugs la sogs pa'i mtshan mar rnam par mi rtog pa'i phyir ro//thams cad du gnyi ga'i brda'i gsal ba la dmigs pa'i chos shes pa ji lta bu zhe na/ thams cad du bye brag med par bdag dang chos shes pa'i chos kyi mtshan ma la rnam par mi rtog pa'i phyir ro/ /yang mthong ba'i lam rab tu dbye na 'jig rten pa'i chos kyi mchog gi mjug thogs su/ sdug bsngal la chos shes pa'i bzod pa dang /sdug bsngal la chos shes pa dang / sdug bsngal la rjes su rtogs pa'i shes pa'i bzod pa dang / sdug bsngal la rjes su rtogs pa'i shes pa dang / kun 'byung ba la chos shes pa'i bzod pa dang / kun 'byung ba la chos shes pa dang / kun 'byung ba la rjes su rtogs pa'i shes pa'i bzod pa dang /kun 'byung ba la rjes su rtogs pa'i shes pa dang / 'gog pa la chos shes pa'i bzod pa dang / 'gog pa la chos shes pa dang / 'gog pa la rjes su rtogs pa'i shes pa'i bzod pa dang / 'gog pa la rjes su rtogs pa'i shes pa dang / lam la chos shes pa'i bzod pa dang /lam la chos shes pa dang / lam la rjes su rtogs pa'i shes pa'i bzod pa dang / lam la rjes su rtogs pa'i shes pa'o/ /mthong ba'i lam gyi rab tu dbye ba 'di rnams ni/ bden pa rnam pa bcu drug ste/ chos dang rjes su rtogs pa la bzod pa dang shes pa rnams so/ /sdug bsngal gang / sdug bsngal gyi bden pa'o//sdug bsngal la chos gang / sdug bsngal gyi bden pa'i dbang du byas pa'i chos bstan pa rnams so/ /chos shes pa gang / sbyor ba'i lam la sdug bsngal gyi dbang du byas pa las byung ba'i chos la rnam par dpyod pa'i shes pa'o/ /bzod pa gang / sngar rnam par dpyod pa'i dbang du byas nas/ so so rang la sdug bsngal gyi bden pa mngon sum du gyur ba'i zag pa med pa'i shes rab ste/gang gis sdug bsngal mthong bas spang bar bya ba'o nyon mongs pa spang ba sdug bsngal la chos shes pa'i bzod pa zhes bya ste/ sbyor ba'i lam la sdug bsngal gyi bden pa'i dbang du byas pa'i mdo la sogs pa'i chos la rnam par dpyod pa'i shes pa tshul bzhin yid la byed pas bsdus pa'i dbang du byas nas rang gi rgyud la yod pa'i sdug bsngal gyi bden pa la de bzhin nyid mngon sum du gyur ba'i 'jig rten las 'das pa'i chos shes rab yang dag pa'i lta ba'i rang bzhin 'byung ste/des sdug bsngal mthong bas spang bar bya ba'i khams gsum pa'i bag la nyal nyi shu rtsa brgyad rab tu spong ngo //de bas na de rnams sdug bsngal la chos shes pa'i bzod pa zhes de ltar bshad pa yin no/ /sdug bsngal la chos shes pa gang / shes pa gang gis bzod pa'i mjug thogs su rnam par grol ba mngon sum du byed pa'o/ /bzod pa des sdug bsngal mthong bas spang bar bya ba'i nyon mongs pa spangs pa'i phyir//gnas gyur nas de ma thag tu shes pa gang gis gnas gyur pa de myong ba de ni sdug bsngal la chos shes pa zhes brjod do/ /sdug bsngal la rjes su rtogs pa'i shes pa'i bzod pa gang / sdug bsngal la chos shes pa'i mjug thogs su sdug bsngal la chos shes pa'i bzod pa dang /sdug bsngal la chos shes pa 'di gnyis 'phags pa'i chos rnams kyi rgyu'o zhes so so rang la mngon sum du gyur pa'i zag pa med pa'i shes rab po/ /dang po bzod pa dang rjes su rtogs par shes pa 'di gnyis ni slob pa dang mi slob pa'i 'phags pa'i chos thams cad kyi rgyu yin te/ de la de yang dag par 'byung ba'i phyir ro/ /de'i phyir 'di ni 'phags pa'i chos rnams kyi rgyu'o zhes de la dmigs nas so so rang la mngon sum du gyur ba'i zag pa med pa'i shes rab ni sdug bsngal la rjes su rtogs pa shes pa'i bzod pa zhes brjod do/ /sdug bsngal la rjes su rtogs pa'i shes pa gang / shes pa gang gis rjes su rtogs pa'i shes pa des nges par 'dzin pa'o//rjes su rtogs pas shes pa'i bzod pa dang / shes pa gang gis myong ba de ni rjes su rtogs pa'i shes pa zhes brjod do/ /de bzhin du bden pa lhag ma rnams la brjod pa dang / shes pa rnams ci rigs su shes par bya'o/ /'jig rten las 'das pa'i lam gyi yul ni gnyis te/de bzhin nyid dang / yang dag pa'i ye shes so/ /de la chos shes pa'i phyogs kyi lam gyi yul ni de bzhin nyid do/ /rjes su rtogs pa'i shes pa'i phyogs kyi lam gyi yul ni yang dag pa'i ye shes so/ /de'i phyir 'di skad ces bya ste/ de la chos shes pa'i bzod pa dang /shes pa rnams kyis ni bzung ba rtogs so/ /rjes su rtogs pa'i bzod pa ni/ shes pa rnams kyis ni 'dzin pa rtogs so/ /bzod pa dang shes pa thams cad la yang mtshan ma med par gnas pa'i rnal 'byor can du rig par bya'o/ /bcom ldan 'das kyis gang mtshan ma med pa la gnas pa'i gang zag drug pa bka' stsal ba/de ni bzod pa dang shes pa de dag la gnas par rig par bya ste/ mtshan ma thams cad mi dmigs pa'i phyir ro/ /sems kyi skad cig bcu drug po 'di dag ni mthong ba'i lam mo/ /de dag bzod par shes pa'i bsdus pa'i sems kyi skad cig bcu drug ni mthong ba'i lam ste/ de dag gis sngon ma mthong ba'i 'phags pa'i bden pa re re la yang rnam pa bzhi bzhir mthong ba'i phyir ro/ /sems kyi skad cig ni shes bya la shes pa 'byung ba yongs su rdzogs par rig par bya'o/ /'dir dngos po ma byung ba las byung ba tsam la sems kyi skad cig tu rig par bya ba ni ma yin gyi/ 'on kyang ji tsam du shes bya la shes pa 'byung ba yongs su rdzogs par 'gyur ba la bya ste/'di lta ste/ sdug bsngal ni yongs su shes par bya'o zhes bya ba ni sems kyi skad cig go/ /kun 'byung ba ni spang bar bya'o zhes bya ba la sogs pa yang de bzhin no/ /gang mthong ba'i lam las brtsams te/ rgya chen rnam par spros pa de thams cad ni rnam par gzhag pa tsam du rig par bya ste/'jig rten las 'das pa'i gnas skabs ni so so rang gis rig par bya ba'i phyir ro/ /lam gyi bden pa thams cad ni rnam pa bzhir rig par bya ste/ rnam par gzhag pa dang / rnam par rtog pa dang / myong ba dang / yongs su rdzogs pa'o/ /de la rnam par gzhag pa ni/nyan thos la sogs pa ji ltar rang gi khong du chud pa mthar phyin nas/ de'i rjes la thob pa'i shes pas gzhan dag la go bar byed pa'i phyir ro/ /ming dang tshig dang / yi ge'i tshogs kyis lam gyi bden pa rnam par 'jog pa ste/ bden pa rnams la bzod pa dang / shes pa ni 'di lta bu'o zhes bya ba la sogs pa'o//rnam par rtog pa ni mngon par rtogs pa las zhugs pa 'jig rten pa'i shes pas ji ltar rnam par gzhag pa bzhin du rnam par rtog cing de goms par byed pa'o/ /myong ba ni de ltar goms par byed pa na/ mthong ba'i lam zhes brjod pa'i 'jig rten las 'das pa spros pa med pa'i gnas skabs gang yin pa dang por so so rang gis myong ba'o//yongs su rdzogs pa ni de'i 'og tu gnas gyur pa yongs su rdzogs pas thob pa mthar phyin pa'i bar thob pa'o/ /thob pa mthar phyin pa de dag ni rjes la thob pa'i shes pas lam gyi rnam par 'jog go/ /de ltar na rnam pa 'di bzhi ni lam gyi 'khor lo ste/ yang dang yang gzhan dang gzhan la brten nas 'jug par rig par bya'o//chos rnams la chos kyi mig rdul med cing dri ma dang bral ba skyes so zhes gang gsungs pa de ni mthong ba'i lam gyi dbang du mdzad nas gsungs pa ste/ chos la bzod pa rnams kyis ni rdul med pa'o/ /chos shes pa rnams kyis ni dri ma dang bral ba'o/ / yongs su shes pa dang / spong bas kyang lam rnam par dag pa'i phyir ro/ /thog ma kho nar bden pa rnams la 'phags pa'i shes rab kyi spyan gyi rang bzhin yin pa'i phyir ro/ /de la chos la bzod pa rnams kyis ni rdul med de/ de dag gis nyon mongs pa'i rdul spong ba'i phyir ro/ /chos shes pa rnams kyis ni dri ma dang bral te/de dag gis ni de'i sgrib pa'i dri ma spangs pa'i gnas su skyes pa'i phyir ro/ /yang bzod pa dang shes pa'i gnas skabs 'di gnyis ni go rims bzhin du yongs su shes pa dang / spangs pas lam nyid kyi rnam par dag pa'i dbang du byas te/ rdul med pa dang / rdul dang bral bar rig par bya'o/ /chos mthong ba/chos thob pa/ chos rig pa/ chos rtogs pa/ som nyi las brgal ba/ the tshom las brgal ba/ gzhan gyi dring la mi 'jog pa/ ston pa'i bstan pa las gzhan gyis mi bkri'o/ /chos rnams la mi 'jigs pa thob pa zhes gang gsungs pa de yang mthong ba'i lam gyi dbang du mdzad nas gsungs pa ste/'dul ba rnams bden pa mngon par rtogs pa zhes bya ba'i 'og tu gsungs pa'i phyir ro/ /de la chos la bzod pa rnams kyis chos mthong ngo / /de dag gi de kho na rtogs pa'i phyir ro/ /chos shes pa rnams kyis chos 'thob bo/ /de rnams kyi gnas gyur pa mngon sum du byed pa'i phyir ro/ /rjes su rtogs pa'i bzod pa rnams kyis chos rig go//de dag gis 'di ni 'phags pa'i chos kyi rgyu'o zhes de gnyis rig pa'i phyir ro/ /rjes su rtogs pa'i shes pa rnams kyis chos rtogs so/ /de dag gi shes bya ji snyed pa yongs su rdzogs pa'i phyir ro/ /thams cad kyis rang gi chos thob pa la som nyi las brgal to//bzod pa dang shes pa thams cad kyis som nyi las brgal te/ 'jig rten las 'das pa'i lam gyis thob pas yun ring po nas 'dod pa rang gis thob pa la the tshom med pa'i phyir ro/ /thams cad kyis gzhan gyis thob pa la the tshom las brgal to/ /de'i dus na gzhan gyis khyad par thob pa la yang yid gnyis za ba med pa'i phyir ro//lam bsgom pa la gzhan gyi dring la mi 'jog go/ /gzhan las lung du mnos pa med par yang bdag nyid mkhas pa'i phyir ro/ /mu stegs can rnams kyis mi 'phrogs pa'i phyir ston pa'i bstan pa dag gzhan gyis mi bkri'o/ /shes nas dad pa thob pas gzhan mu stegs can rnams kyis tshe rabs gzhan la yang ston pa'i bstan pa la mi 'phrogs pa'i phyir ro//chos rnams la mi 'jigs pa thob pa ni yongs su dri ba'i chos dang lung du bstan pa'i chos ni 'dir chos su 'dod do/ /sems zhum pa med pa'i phyir/ de la mi 'jigs pa 'thob pa'o/ /thob pa las yongs su dri ba'i chos rnams dang /lung du bstan pa'i chos rnams dang / sdig pa 'dod pa dang / mngon pa'i nga rgyal can bzhin du sems pa med pa'i phyir ro/ /bsgom pa'i lam gang / mthong ba'i lam las gong du gyur pa 'jig rten pa'i lam dang / 'jig rten las 'das pa'i lam dang / lam chung ngu dang / lam 'bring po dang / lam chen po dang / sbyor ba'i lam dang / bar chad med pa'i lam dang / rnam par grol ba'i lam dang / khyad par gyi lam mo/ /'phags pa nyan thos bden pa rnams mngon par rtogs pa dang ldan pa'o/ /de'i gong du gyur pa ni kun du sbyor ba'i lhag ma spang ba'i phyir zhugs pa ste/ gang 'jig rten pa la sogs pa'i lam ni bsgom pa'i lam zhes brjod do//de la 'jig rten pa'i lam gang / 'jig rten pa'i bsam gtan dang po dang / gnyis pa dang / gsum pa dang / bsam gtan bzhi pa dang / nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang /'du shes med 'du shes med min skye mched de/ bsam gtan dang gzugs med pa de dag kyang kun nas nyon mongs pa dang / rnam par byang ba dang / rnam par gzhag pa dang / rnam par dag par rig par bya'o/ /kun nas nyon mongs pas ji lta bu/ lung du ma bstan pa'i rtsa ba bzhi po srid pa dang /lta ba dang / nga rgyal dang / ma rig pa'o/ /de dag ni sems kun nas nyon mongs pa can du 'gyur ba rnams kyi nyon mongs pa'i bsam gtan gyi sgo nas gzugs dang gzugs med pa na spyod pa'i nyon mongs pa dang / nye ba'i nyon mongs pa thams cad bsgribs pa'i lung du ma bstan par 'gyur ba'i phyir ro/ /de la sred pas ni ro myang ba'i kun nas nyon mongs pas kun nas nyon mongs so//shin tu sbyong ba'i bde ba'i ro myong bar byed pa'i phyir ro/ /lta bas ni lta ba'i shas che ba'i bsam gtan pa nyid kyis kun nas nyon mongs so/ /bsam gtan la brten nas sngon gyi mtha' la rtog pa la sogs pa'i lta ba kun nas slong ba'i phyir ro//nga rgyal gyis ni nga rgyal gyi shas che ba'i bsam gtan pa nyid kyis kun nas nyon mongs pa'o/ /des khyad par thob nas khengs par 'gyur ba'i phyir ro/ /ma rig pas ni the tshom gyi shas che ba'i bsam gtan pa nyid kyis kun nas nyon mongs so/ /de kho na ma gtogs pas thar par 'dod pa khyad par de thob pa la thar pa yin nam ma yin snyam du the tshom skye ba'i phyir ro//de ltar sems kun nas nyon mongs pa dag la gzugs dang / gzugs med pa na spyod pa'i nyon mongs pa dang / nye ba'i nyon mongs pa rnams 'byung ngo / /rnam par byang bas ji lta bu/ dag pa'i bsam gtan dang / gzugs med pa rnams kyang dge ba'i phyir rnam par byang ba zhes brjod do//'jig rten pa rnams kyang kun nas dkris pa'i dri ma dang bral ba'i phyir ro/ /rnam par gzhag pas ji lta bu/ yan lag rnam par gzhag pa dang / snyoms par 'jug pas rnam par gzhag pa dang / tshad rnam par gzhag pa dang / ming du gdags pa rnam par gzhag pas so//bsam gtan rnams ji snyed pa de ltar bzhir rnam par gzhag ste/ yan lag dang / snyoms par 'jug pa dang / tshad dang / ming du gdags pas phye ba'i phyir ro/ /gzugs med pa rnams ni yan lag ma gtogs pa rnam pa gsum mo/ /yan lag rnam par gzhag pas ji lta bu/ bsam gtan dang po la yan lag lnga ste/yan lag lnga ni/ rtog pa dang / dpyod pa dang / dga' ba dang / bde ba dang / sems rtse gcig pa nyid do/ /bsam gtan gnyis pa la yang yan lag bzhi ste yan lag bzhi ni/ nang rab tu dang ba dang / dga' ba dang / bde ba dang / sems rtse gcig pa nyid do//bsam gtan gsum pa la yang yan lag lnga ste/ yan lag lnga ni btang snyoms dang / dran pa dang / shes bzhin dang / bde ba dang / sems rtse gcig pa nyid do/ /bsam gtan bzhi pa la yang yan lag bzhi ste/ yan lag bzhi ni/ btang snyoms yongs su dag pa dang / dran pa yongs su dag pa dang / sdug bsngal yang ma yin bde ba yang ma yin pa'i tshor ba dang / sems rtse gcig pa nyid do/ /gang gi dbang du byas nas chos gzhan dag kyang yod bzhin du rtog pa la sogs pa kho na mtha' gcig tu rnam par gzhag ce na/ de tsam gyi gnyen po dang / phan yon dang / de gnyi ga'i gnas kyi yan lag yongs su rdzogs pa'i phyir ro//de ltar gsungs pa/ gnyen po'i yan lag dang / phan yon gyi yan lag dang / de gnyi ga'i gnas kyi yan lag gi phyir ro/ /bsam gtan dang po la rtog pa dang / dpyod pa ni gnyen po'i yan lag ste/ de gnyis kyi 'dod pa dang / gnod sems dang / 'tshe ba'i rnam par rtog pa la sogs pa spang ba'i phyir ro//dga' ba dang bde ba ni phan yon gyi yan lag ste/ rtog pa dang dpyod pa gnyis kyi gnyen po byas pa'i mi mthun pa'i phyogs de las dben pa las skyes pa'i dga' ba dang bde ba thob pa'i phyir ro/ /sems rtse gcig pa nyid ni/ de gnyi ga'i gnas kyi yan lag ste/ ting nge 'dzin la brten pa'i stobs kyis rtogs pa la sogs pa la 'jug pa'i phyir ro//de bzhin du bsam gtan gnyis pa la nang rab tu dang ba ni gnyen po'i yan lag ste/ des rtog pa dang dpyod pa'i gnyen po byed pa'i phyir ro/ /dga' ba dang bde ba dang sems rtse gcig pa nyid ni yan lag lhag ma gnyis la snga ma bzhin no/ /bsam gtan gsum pa la btang snyoms dang dran pa dang shes bzhin ni gnyen po'i yan lag ste/de dga' ba'i gnyen po byed pa'i phyir ro/ /bde ba dang sems rtse gcig pa nyid ni yan lag lhag ma gnyis dang go rims bzhin no/ /bsam gtan bzhi pa la btang snyoms yongs su dag pa dang / dran pa yongs su dag pa ni gnyen po'i yan lag ste/ de gnyis bde ba'i gnyen po byed pa'i phyir ro//sdug bsngal yang ma yin bde ba yang ma yin pa ni phan yon gyi yan lag go/ /sems rtse gcig pa nyid ni gnyi ga'i gnas kyi yan lag go/ /gzugs med pa rnams ni zhi gnas su ro gcig pa nyid kyi phyir yan lag rnam par gzhag pa med do/ /snyoms par 'jug pa rnam par bzhag pas ji lta bu/yid la byed pa bdun gyis bsam gtan dang po la snyoms par 'jug ste/ 'du shes med 'du shes med min skye mched kyi bar du yang de bzhin no/ /yid la byed pa bdun gang / mtshan nyid rab tu rig pa'i yid la byed pa dang / mos pa las byung ba dang / rab tu dben pa las byung ba dang /dga' ba sdud pa dang / dpyod pa dang / sbyor ba'i mtha' dang sbyor ba'i mtha'i 'bras bu yid la byed pa'o/ /ji ltar na bsam gtan dang po la snyoms par 'jug pa'i yid la byed pa bdun du 'gyur zhe na/ mnyam par gzhag pa'i yid la byed pa gang gis 'dod pa rnams la nyes dmigs la sogs par blta bas/rags pa'i mtshan nyid du rig par byed pa de med pa'i phyir ro/ /bsam gtan dang po la zhi ba'i mtshan nyid du rab tu rig pa 'di ni mtshan nyid rab tu rig pa'i yid la byed pa zhes bya ste/ de'i thos pa dang / sems pa 'dres par rig par bya'o/ /de'i 'og tu thos pa dang / sems pa las 'das nas gcig tu bsgom pa'i rnam par de'i rigs pa dang zhi ba'i mtshan nyid kyi mtshan ma la dmigs pa'i zhi gnas dang lhag mthong bsgom zhing /yang yang ji ltar yongs su btsal bar rags pa dang zhi ba nyid du mos te/ 'di ni mos pa las byung ba zhes bya'o/ /de goms pas thog ma kho nar spong ba'i lam dang ldan pa'i yid la byed pa ni rab tu dben pa las byung ba ste/des nyon mongs pa'i rnam pa chen po spangs pa yang de'i phyogs kyi gnas ngan len dang bral ba'i phyir ro/ /rnal 'byor ba de'i 'og tu spong ba la dga' bar 'gyur zhing / spong ba la phan yon du blta ste/ rab tu dben pa'i dga' ba dang / bde ba chung ngus reg pa dang /dus dus su dad par 'gyur ba'i yid la byed pas ji tsam du rmugs pa dang / gnyid dang / rgod pa dang bral bar byas pa'i phyir/ rab tu dga' bar byed pa 'di ni dga' bar sdud pa zhes bya'o/ /de ltar legs par zhugs pa de dge ba'i phyogs la sbyor bas ldan pa'i phyir ro/ /'dod pa na spyod pa'i nyon mongs pa'i dga' ba dang bde ba kun du mi 'byung bas/de spangs sam ma spangs par khong du chud par bya ba'i phyir te/ 'byung ba dang mthun pa'i sdug bsngal ba'i mtshan nyid la byed pas so sor rtogs pa ni dpyod pa'i yid la byed pa'o/ /des ni 'di ltar dpyad nas gnyen po bsgoms pas dus de srid cig pa'i tshul gyis 'dod pa na spyod pa'i nyon mongs pa thams cad dang bral bar bya ba'i phyir/bsam gtan dang po la sbyor ba'i mthar thug pa'i gnyen po yid la byed pa ni/ sbyor ba'i mtha'o/ /de'i 'og tu dngos gzhi bsam gtan dang po la snyoms par zhugs par gyur pa ni sbyor ba'i mtha'i 'bras bu zhes bya'o//de la mtshan nyid rab tu rig pas ni spang bar byas pa dang / thob par bya bas legs par yongs su shes nas/ spang ba dang thob par bya ba'i phyir sems 'jog go/ /mos pa las byung bas ni de'i 'og tu yang dag par sbyor ba brtsam mo/ /rab tu dben pa las byung bas ni kun nas nyon mongs pa chen po rnams rab tu spang ngo //dga' ba sdud pa ni/ nyon mongs pa'i rnam pa 'bring rab tu spong ngo / /spyod pas ni thob pa'i mngon pa'i nga rgyal med pa las sems 'jog par byed do/ /sbyor ba'i mtha' ni nyon mongs pa rnam pa chung ngu rab tu spong ngo / /sbyor ba'i mtha'i 'bras bus ni yid la byed pa legs par bsgoms pa'i 'bras bu myong bar byed do//bsam gtan dang po la snyoms par 'jug pa'i phyir/ yid la byed pa bdun ji lta ba de bzhin du/ 'du shes med 'du shes med min skye mched kyi bar la snyoms par 'jug pa'i phyir yang ji ltar mthun mthun du sbyar bar bya'o/ /rags pa'i mtshan nyid ni sa 'og ma thams cad de ci yang med pa'i skye mched kyi bar du'o//mdor bsdu na rnam pa gnyis su rig par bya ste/ rab tu ma zhi bar gnas pas shin tu sdug bsngal bar gnas pa dang / shin tu tshe thung ba'o/ /de las bzlog pa ste/ sa gong ma la ni zhi ba'i mtshan nyid du rig par bya'o/ /tshad rnam par gzhag pas ji lta bu/ bsam gtan dang po la chung ngur yongs su bsgom pa dang /'bring du yongs su bsgom pa dang / chen por yongs su bsgom pa'o/ /bsam gtan dang po la ji lta bar bsam gtan lhag ma rnams dang / gzugs med pa rnams kyang de bzhin no/ /bsam gtan dang po la chung ngu dang / 'bring dang / cher yongs su bsgoms pa'i 'bras bu ni bsam gtan dang po'i skye ba gsum mo//bsam gtan dang po la ji lta bar/ bsam gtan lhag ma rnams kyi yang de bzhin te/ bsam gtan gyi skye ba rnam pa gsum gsum mo/ /bsam gtan rnams ni chung ngu dang / 'bring po dang / cher yongs su bsgom pa'i phyir ro/ /re re la yang bsam gtan gyi skye ba gsum gsum ni 'bras bu yin te/'di lta ste/ tshangs ris dang / tshangs pa mdun na 'don dang / tshangs chen zhes bya ba la sogs pa ji ltar gong du bshad pa'o/ /gzugs med pa rnams ni gnas gzhan med pa'i phyir skye ba tha dad pa yang med do/ /de rnams na gzhal med khang gi gnas gzhan med pa'i phyir/de ltar der skye ba'i bye brag rnam par gzhag pa med do/ /der yang chung ngu dang / 'bring dang / chen por yongs su bsgoms pas gzugs med pa rnams su skye ba mthon po dang / dma' ba dang / ngan pa dang / gya nom par shes so/ /der skye ba mthon po dang / dma' ba ni tshe la sogs pa'i khyad par ro//dma' ba dang gya nom pa ni nyon mongs pa can dang / nyon mongs pa can ma yin pa mang ba'i khyad par ro/ /ming du gdags pa rnam par gzhag pas ji lta bu/ bsam gtan dang pos bsdus pa'i ting nge 'dzin ji snyed la/ sangs rgyas dang byang chub sems dpa' rnams snyoms par 'jug pa de dag gi ming yang nyan thos dang rang sangs rgyas rnams kyis mi shes so//bsam gtan bzhi'i rab tu dbye ba'i ting nge 'dzin rnams kyi ming grangs med pa dang / bsam gyis mi khyab pa'o/ /'di ltar bsam gtan dang pos bsdus pa ji snyed las/ sangs rgyas bcom ldan 'das rnams dang / byang chub sems dpa' mthu chen po thob pa rnams snyoms par 'jug pa'i ting nge 'dzin de dag gi ming yang nyan thos rnams dang rang sangs rgyas rnams kyis mi shes na/de dag gi grangs su shes par 'gyur ba'am/ snyoms par 'jug par lta ga la 'gyur te/ ji ltar shes rab kyi pha rol tu phyin pa las ting nge 'dzin brgya lhag cig bstan pa dang /de bzhin du theg pa chen po'i mdo sde gzhan de dang de dag nas 'byung ba'o/ /bsam gtan dang pos bsdus pa ji lta bar bsam gtan lhag ma rnams dang / gzugs med pas bsdus pa rnams kyang de bzhin no/ /de ni bsam gtan gyi pha rol tu phyin pa rnams la brten nas so/ /rnam par dag dag pa ji lta bu/rab kyi mtha'i cha las byung ba bsam gtan dang po nas/ 'du shes med 'du shes med min skye mched kyi bar du rnam par dag pa zhes brjod do/ /rab kyi mtha'i cha las byung ba'i bsam gtan dang / gzugs med pa rnams ni rnam par dag pa zhes bya ste/ yon tan khyad par can mngon par bsgrub pa'i phyir ro//'dod pa bzhin du 'thob pa la sogs pas las su rung ba mchog tu phyin par khrid pa'i phyir ro/ /'jig rten las 'das pa'i lam gang / bsgom pa'i lam la sdug bsngal dang / kun 'byung ba dang / 'gog pa dang / lam rnams te/ chos shes pa dang / rjes su rtogs pa'i shes pa'i chos rnams dang /de rnams kyang brgyad de/ sdug bsngal la sogs pa la chos shes pa dang / rjes su rtogs pa shes pa brgyad rnams te/ ji ltar mthong ba'i lam la brten pa rnams so/ /de dag dang mtshungs par ldan pa'i ting nge 'dzin bsam gtan dang po nas bzung ste/ ci yang med pa'i skye mched kyi bar du'o//'du shes med 'du shes med min skye mched ni 'du shes kyi rgyu ba yongs su mi gsal ba'i phyir 'jig rten pa nyid do/ /de rnams ni 'du shes kyi rgyu ba yongs su mi gsal bas/ 'phags pa'i lam rgyu ba la mchog tu gsal ba'i gnas ma yin pa'i phyir/ de 'ba' zhig gcig tu 'jig rten par rig par bya'o//de'i phyir de 'du shes dman pas dmigs pa mtshan mar mi byed pa'i phyir/ de'i phyir mtshan ma med pa zhes brjod do/ /'du shes med 'du shes med min skye mched la yang 'phags pa'i lam med par gang las shes she na/ bcom ldan 'das kyis ji skad du ji srid du 'du shes kyi snyoms par 'jug pa de srid du kun shes pa rtogs so zhes so//'gog pa'i snyoms par 'jug pa ni/ 'jig rten las 'das pa ste/ ci'i phyir zhe na/ 'phags pa'i lam gyi rjes la thob pa'i phyir ro/ /mi rnams la mngon par bsgrub pa'o/ /thog ma nyid du skyed ces bya ba'i tha tshig go/ /mi rnams la mngon par grub nas mi rnams la'am gzugs kyi khams su mngon du byed do//sngar bskyed nas mi rnams kyi nang du tshe de nyid dam/ gzugs kyi khams su skyes nas mngon du 'gyur ro/ /gzugs med pa'i khams rnams su ni 'di mngon du 'gyur ba med de/ zhi ba rnam par thar pa'i rnam par smin pas gnas pa rnams ni de la 'bad pa'i rtsom pa med pa'i phyir ro//'phags pa nyan thos gzugs kyi khams la 'dod chags dang bral te/ gzugs med pa thob pa gzugs kyi khams su ji ltar skya zhe na/ gzugs kyi khams kyi 'dod chags dang bral ba kho na gzugs med pa la snyoms par 'jug pa'i nges pa med do/ /de'i phyir mu bzhir 'gyur te/ gzugs la 'dod chags dang bral ba de thams cad gzugs med pa zhi ba rnam par thar pa la snyoms par 'jug par byed pa gang / gzugs med pa zhi ba rnam par thar pa la snyoms par 'jug par byed pa de thams cad gzugs la 'dod chags dang bral ba ma yin nam zhes bya ba 'di la mu bzhir 'gyur ste/ mi lcogs pa med pa la brten nas gzugs la 'dod chags dang bral la/zhi ba rnam par thar pa ma thob pa ni mu dang po'o/ /bsam gtan bzhi pa thob pa'i 'phags pa gzugs med par skye ba don du mi gnyer bas spong ba'i lam bsal nas khyad par can gyi lam la gnas te/ gzugs med pa zhi ba rnam par thar pa la snyoms par 'jug par byed pa ni mu gnyis pa'o//de nyid 'dod chags dang bral ba don du gnyer zhing spong ba'i lam la gnas te/ gzugs med pa zhi ba rnam par thar pa la snyoms par 'jug par byed pa ni mu gsum pa'o/ /rnam pa de dag ma gtogs pa ni mu bzhi pa'o/ /gzugs med par skyes pa rnams ci'i phyir mngon sum du mi 'gyur zhe na/zhi bar gnas par 'dod pa'i khams rnams ni mi'i nang du mngon par bsgrubs nas mngon du byed do/ /gzugs med par skyes pa de dag ni bsgrib mi dgos par rnam par smin pa las byung ba'i mchog tu zhi ba/ rnam par thar pa la gnas pas gnas pa ste/ /de'i phyir de mngon sum du bya ba'i don du yang 'bad pa mi rtsom mo//lam chung ngu dang / chung ngu'i 'bring dang / chung ngu'i chen po ste/ gang gis sa dang sa na khams gsum na spyod pa'i nyon mongs pa rnams kyi nyon mongs pa rnam pa chen po'i chen po dang / /chen po'i 'bring po dang / chen po'i chung ngu spong ba'o/ /lam 'bring po gang //lam 'bring po'i chung ngu dang / 'bring po'i 'bring po dang / 'bring po'i chen po ste/ gang gis sa dang sa na khams gsum na spyod pa'i nyon mongs pa'i rnam pa 'bring po'i chen po dang / 'bring po'i 'bring po dang / 'bring po'i chung ngu spong ba'o/ /lam chen po gang / lam chen po'i chung ngu dang / lam chen po'i 'bring po dang /lam chen po'i chen po ste/ gang gis sa dang sa na khams gsum na spyod pa'i nyon mongs pa rnams kyi nyon mongs pa'i rnam pa chung ngu'i chen po dang / chung ngu'i 'bring po dang / chung ngu'i chung ngu spong ba'o/ /lam chung ngu dang / 'bring po dang / chen po re re la yang chung ngu la sogs pa rnam pa gsum gsum du phye nas rnam pa dgur rnam par bzhag ste/bsgom pas spang bar bya ba rnams rim gyis spang bar bstan pa'i phyir ro/ /ci'i phyir lam chung ngus nyon mongs pa chen po spong zhe na/ de ni ngo tsha shes pa dang / khrel yod pa dang / shin tu bral zhing 'dzem pa med pa'i sems kyi rgyud la kun du 'byung bas/des rtogs par sla zhing yongs su bcad par sla ba ste/ de'i phyir de ni dri ma chen po bzhin du gnyen po chung ngus sel to/ /yang yongs su bcad dka' bar kun du 'byung zhing phral/ rgyud la zhen pa'i nyon mongs pa chung ngu'i chung ngu de ni dri ma chung ngu bzhin du gnyen po chen po'i stobs kyis sel te de'i phyir mi mthun pa'i phyogs kyi rnam pa las bzlog nas/gnyen po'i phyogs kyi rnam par gzhag par rig par bya'o/ /sbyor ba'i lam gang / gang gis nyon mongs pa spong ba'o/ /lam gang bsgom pas chen po'i yang chen po la sogs pa nyon mongs pa'i rnam pa'i bye brag gi phyogs kyi gnas ngan len gyi cha shas re re dang bral ba'i phyir rim gyis gnas gyur pa ni/bsgom pa'i lam la sbyor ba'i lam zhes brjod do/ /bar chad med pa'i lam gang / gang gi 'og tu bar chad med par nyon mongs pa spong bar 'gyur ro/ /gang gi 'og tu nyon mongs pa'i bye brag gi rnam pa'i gnas ngan len ma lus pa dang bral ba'i phyir/ gnas ngan len de gnas gyur pa ni bar chad med pa'i lam mo/ / rnam par grol ba'i lam gang / gang gis nyon mongs pa spangs nas rnam par grol ba mngon du byed pa'o/ /gang gis gnas gyur pa mngon du byed ces bya ba'i tha tshig go/ /khyad par gyi lam gang nyon mongs pa'i rnam pa de las gzhan pa la sbyor ba dang / bar chad med pa dang / rnam par grol ba'i lam mo/ /de'i 'og tu nyon mongs pa'i lhag ma spong bar byed pa'i sbyor ba dang /bar chad med pa dang / rnam par grol ba la bshad pa yin no/ /yang nyon mongs pa spong ba'i sbyor ba bsal nas/ chos sems pa'am/ zhugs pa'i chos la gnas pa'am/ snyoms par 'jug pa'i khyad par gyi lam gang ngo / /rnam grangs gzhan du na khyad par can gyi khams 'dis nyon mongs pa spong ba'i sbyor ba de nyid bsal te zhes pa ni btang snyoms su byed ces pa'i tha tshig go//mdo la sogs pa'i chos sems pa'am/ sngar bsams pa dang / khong du chud pa'i chos la so sor rtog pa'i gnas pa'i gnas pa'am/ snyoms par 'jug pa'i de ma thag pa'i snyoms par 'jug pa'i lam gang yin pa nyid 'dir yang khyad par gyi lam zhes brjod do//yang yon tan khyad par can rnams mngon par bsgrub pa gnas pa'i lam gang ngo / /yang mngon par shes pa la sogs pa'i yon tan khyad par can rnams mngon par bsgrub pa'am skyed pa la sogs pa de dag gis gnas pa'i lam gang yin pa'o/ /de ltar bsgom pa'i lam rgya cher bshad nas/de'i zhar la byung ba ni lam bsgom pa gang / thob par bya ba'i phyir lam bsgom pa dang / bsten pa'i phyir bsgom pa dang / bsal ba'i phyir bsgom pa dang / gnyen po bsgom pa'o/ /thob par bya ba'i phyir bsgom pa gang / dge ba'i chos ma skyes pa rnams skyed pa'i phyir bsgom pa'o//bsten pa'i phyir bsgom pa gang / dge ba'i chos skyes pa rnams gnas pa dang / mi nyams pa dang / phyir zhing 'byung ba dang / 'phel ba dang / spang bar bya ba'i phyir gang bsgom pa'o/ /bsal ba'i phyir bsgom pa gang / sdig pa mi dge ba'i chos skyes pa rnams spang ba'i phyir gang bsgom pa'o/ /gnyen po bsgom pa gang //sdig pa mi dge ba'i chos ma skyes pa rnams mi skyed pa'i phyir gang bsgom pa'o/ /lam bsgom pa rnam pa bzhi yang dag par spong ba'i dbang du byas pa ste/ ji ltar mthun mthun du sbyar ro/ /de la thob par bya ba'i phyir bsgom pa ni/ thob par bya ba'i don du bsgom pa ste/ des dge ba'i chos ma thob pa rnams thob pa'i phyir ro//bsten pa'i bsgom pa ni bstan pa nyid bsgom pa ste/ dge ba'i chos thob pa goms par byed pa'i phyir ro/ /bsal ba'i phyir bsgom pa ni bsal ba'i don du bsgom pa ste/ kun tu 'byung ba'i gnas skabs su mi dge ba'i chos sel ba'i phyir ro/ /gnyen po bsgom pa ni/ gnyen po la bsgom pa ste/ma 'ongs pa'i mi dge ba'i chos mi skye ba'i chos can du byed pa'i phyir ro/ /yang lam skye ba na rang gi bag chags 'jog pa de ni thob par bya ba'i phyir bsgom mo/ /das de'i rgyu las byung ba rnams cher 'bar bar 'byung ba'i phyir ro/ /de nyid mngon du gyur nas bsgom par 'gyur ba de ni bsten pa'i bsgom pa'o//lam de nyid kyi kun du sbyor ba de nyid mngon du gyur pa'i phyir ro/ /rang gi sgrib pa spong ba de ni bsal ba'i phyir bsgom pa'o/ /des rang gi mi mthun pa'i phyogs kyi gnas ngan len 'gog par byed pa'i phyir ro/ /sgrib pa spangs nas kyang phyi ma la mi skye ba'i chos can du 'jog pa de ni gnyen po bsgom pa'o//gnas gyur pa'i phyir/ sbyor ba dang bar chad med pa'i lam de rnams kyis nyon mongs pa spangs nas phyi ma la mi skye ba'i chos can du 'jog pa'i phyir ro/ /yang gnyen po rnam pa bzhi ste/ rnam par sun 'byin pa'i gnyen po dang / spong ba'i gnyen po dang / rten gnyen po dang / thag bsring ba'i gnyen po bsgom pa'o//so so la bsgom pa zhes brjod par bya'o/ /rnam par sun 'byin pa'i gnyen po gang / zag pa dang bcas pa'i 'du byed rnams la nyes dmigs su blta ba'o/ /des nad dang 'bras la sogs pa'i rnam pa rnams kyis nye bar len pa'i phung po sun 'byin pa'i phyir ro/ /spong ba'i gnyen po gang /sbyor ba dang bar chad med pa'i lam mo/ /de rnams kyi nyon mongs pa spang ba'i phyir ro/ /rten gnyen po gang / rnam par grol ba'i lam mo/ /de rnams kyis spong ba'i 'thob pa kun du 'dzin pa'i phyir ro/ /thag bsring ba'i gnyen po gang / de'i gong ma'i lam mo/ /der sngar spangs pa'i nyon mongs pa thag ring du byed pa'i phyir ro//yang brtag bya'i gnyen po bsgom pa ni/ rnam par sun 'byin pa la sogs pa'i gnyen po rnam pa bzhir phye bar rig par bya'o/ /yang dngos po la yongs su rtog pa'i lam dang / rtsol ba las byung ba'i lam dang / ting nge 'dzin yongs su sbyor bar byed pa'i lam dang / mngon par rtogs par bya ba'i sbyor ba'i lam dang /mngon par rtogs pa dang bral ba'i lam dang / mngon par rtogs pa'i lam dang / rnam par dag par nges par 'byin pa'i lam dang / gnas dang dbang po tha dad pa'i lam dang / bslab pa gsum po yongs su sbyor ba'i lam dang / yon tan thams cad sgrub par byed pa'i rnal 'byor gyi lam dang /lam sdud pa'i lam ni lam zhes brjod do/ /yang byang chub kyi phyogs la sogs pa'i bye brag gis lam rnam pa bcu gcig tu rnam par bzhag ste/ de yang byang chub kyi phyogs kyi chos sum cu rtsa bdun dang / lam bzhi dang / chos kyi gnas bzhi dang / zhi gnas dang / lhag mthong dang / dbang po gsum dang go rims so//de la dngos po la yongs su rtog pa'i lam ni dran pa nye bar gzhag pa rnams te/ des thog ma nyid du mi gtsang ba la sogs pa'i rnam pa rnams kyi lus dang / tshor ba dang / sems dang chos kyi dngos po la yongs su rtog pa'i phyir ro/ /rtsol ba las byung ba'i lam ni yang dag par spong ba rnams te/ de ltar dngos po rnams yongs su brtags nas des sgrib pa spong ba'i don du brtson 'grus rtsom pa'i phyir ro//ting nge 'dzin yongs su sbyong bar byed pa'i lam ni/ rdzu 'phrul gyi rkang pa rnams te/ de ltar sgrib pa yongs su spangs pa ni/ 'dis 'dun pa dang / brtson 'grus dang / sems pa dang / dpyod pa'i sgo'i ting nge 'dzin rnams kyis las su rung bar byed pa'i phyir ro//mngon par rtogs par sbyor ba'i lam ni dbang po rnams te/ ji ltar ting nge 'dzin yongs su sbyang bar byas pa ni/ de la 'phags pa'i lam yang dag par bsgrub pa'i phyir dbang byed par 'gyur ba dro bar 'gyur ba dang / rtse mo la sbyor ba'i phyir ro/ /mngon par rtogs pa dang 'dres pa'i lam ni stobs rnams te/de ltar dbang byed pa thob pa ni 'dis de ma thag tu bden pa rtogs par bya ba'i phyir ro/ /ma dad pa la sogs pa'i mi mthun pa'i phyogs kyis zil gyis mi non pa bzod pa dang / 'jig rten pa'i chos kyi mchog la sbyor ro/ /mngon par rtogs pa'i lam ni/ byang chub kyi yan lag rnams te des thog ma kho nar so so rang gis de kho na mngon du yang dag par rtogs pa'i phyir ro//rnam par dag par nges par 'byin pa'i lam ni 'phags pa'i lam yan lag brgyad pa ste/ de'i 'og tu des bsgom pas spang bar bya ba'i nyon mongs pa rnams/ rnam par dag par bya bar nges par 'byung ba'i phyir ro/ /de'i phyir de ltar byang chub kyi phyogs de dag gi go rims ni de lta bu yin par rig par bya'o//gnas dang dbang po tha dad pa'i lam ni lam bzhi ste/ gnas ni bsam gtan gyi nyer bsdogs dang / dngos gzhi la sogs pa ni dbang po rtul po dang rnon po'i bye brag gis tha dad pa'i phyir ro/ /bslab pa gsum po yongs su sbyong ba'i lam ni chos kyi gnas bzhi ste/de rnams kyis lhag pa tshul khrims la sogs pa'i bslab pa gsum yongs su sbyong ba'i phyir ro/ /yon tan thams cad mngon par sgrub par byed pa'i lam ni zhi gnas dang lhag mthong ste/ de dag gis yon tan thams cad bsgrub pa'i phyir ro/ /lam sdud pa'i lam ni dbang po gsum ste/de rnams kyis thog ma dang / bar dang / mthar phyin pa'i lam yang dag par sdud pa'i phyir ro/ /byang chub kyi phyogs chos rnams ni bye brag med par rnam pa lngas rnam par gzhag par rig par bya'o/ /dmigs pa dang / ngo bo nyid dang grogs dang / bsgom pa dang / bsgoms pa'i 'bras bu'o//de'i phyir dang po re zhig dran pa nye bar gzhag pa rnams ni dmigs pa dang / ngo bo nyid dang / grogs dang / bsgom pa dang / bsgoms pa'i 'bras bur rig par bya'o/ /dran pa nye bar gzhag pa rnams la ji lta bar byang chub kyi phyogs lhag ma rnams la'ang de bzhin no/ /dran pa nye bar gzhag pa rnams ni dmigs pa gang /lus dang / tshor ba dang / sems dang / chos rnams dang / go rims so/ /yang dag pa'i gnas kyi dngos po dang / bdag gi longs spyod kyi gzhi dang / bdag gi dngos po dang / bdag kun nas nyon mongs pa dang rnam par byang ba'i dngos po'o/ /ci'i phyir 'di dag dmigs par rnam par gzhag ce na/'di ltar byis pa phyin ci log gi blo can rnams ni phal cher dbang po dang bcas pa'i lus la brten nas/ bde ba la sogs pa la spyod pa na dmigs pa'i mtshan nyid kyis bdag 'dod chags la sogs pa dang / dad pa la sogs pas kun nas nyon mongs par 'gyur ba dang / rnam par byang bar 'gyur bar rtog ste/ de'i phyir thog ma nyid du dngos po'i mtshan nyid de legs par yongs su brtags pa'i phyir dmigs pa rnam pa bzhi rnam par gzhag par rig par bya'o//ngo bo nyid gang shes rab dang / dran pa'o/ /lus la sogs pa la rjes su blta ba zhes bshad pa dang / dran pa nye bar gzhag pa zhes bshad pa'i phyir go rims bzhin no/ / grogs gang de dag dang mtshungs par ldan pa'i sems dang / sems las byung ba'i chos rnams so/ /de dag dang mtshungs par ldan pa zhes pa ni/ de dag ni shes rab dang / dran pa dag go/ /bsgom pa gang / nang gi lus la sogs pa la lus la sogs pa'i rjes su blta ba'o/ /nang la ji ltar phyi dang / nang dang / phyi la yang de bzhin no//nang gi lus gang / lus gang la nang gi skye mched gzugs can gang dag yin no/ /mig dang / rna ba dang / sna dang / lce dang / lus kyi dbang po rnams te/ nang gi skye mched kyis bsdus pa dang / sems can gyi grangs su gtogs pa'i phyir ro/ /phyi'i lus gang phyi'i skye mched gzugs can rnams so/ /gzugs dang / sgra dang / dri dang / ro dang / reg bya rnams te/ phyi'i skye mched rnams kyis bsdus pa dang / sems can gyi grangs su ma gtogs pa'i phyir ro/ /nang dang phyi'i lus gang / nang gi skye mched dang 'brel ba'i phyi'i skye mched dbang po'i gnas rnams dang / mig la sogs pa'i skye mched dang 'brel pa'i gzugs la sogs pa'i skye mched dbang po'i gnas su gyur pa rnams te sems can gyi grongs su gtogs pa dang /phyi'i skye mched kyis bsdus pa'i phyir ro/ /gzhan gyi rgyud la yod pa'i nang gi skye mched gzugs can rnams so/ /nang dang phyi'i lus ni skye mched rnam par gzhag pa dang / rgyud rnam par gzhag pa brtsan par byas pa'i phyir ro//lus la lus kyi rjes su blta bar gang / rnam par rtog pa'i gzugs kyi lus dang / rang bzhin gyi gzugs kyi lus la mnyam pa nyid du blta ba gang ngo / /lus la lus dang 'dra bar blta ba ste/ rnam par rtog pa'i gzugs brnyan gyi lus mthong ba dang mthun par rang bzhin gyi gzugs kyi lus la nges par 'dzin pa'i phyir ro//nang gi tshor ba gang / nang gi lus la brten nas byung ba'i tshor ba'o/ /mig la sogs pa'i skye mched la dmig pa dang / rang gi gnas las byung ba'i phyir ro/ /phyi'i tshor ba gang / phyi'i lus la brten nas byung ba'i tshor ba'o/ /gzugs la sogs pa la dmigs pa dang / gzhan gyi gnas las byung ba'i phyir ro//nang dang phyi'i tshor ba gang / nang dang phyi'i lus la brten nas byung ba'i tshor ba'o/ /rang gi rgyud la yod pa phyi'i skye mched la dmigs pa dang / gzhan gyi rgyud la yod pa'i nang gi skye mched la dmigs pa'i phyir ro/ /tshor ba ji lta bar sems la yang de bzhin no/ /lus la lus kyi rjes su lta ba ji lta bar tshor ba la sogs pa la tshor ba la sogs pa'i rjes su lta ba yang de bzhin no//ci rigs su rig par bya'o/ /yang bsgom pa ni 'dun pa dang / brtson 'grus dang / rtsol ba dang / spro ba dang / mthun pa dang / phyir nur ba med pa dang / dran pa dang / shes bzhin dang / bag yod pa'o/ /yid la mi byed pa'i nye ba'i nyon mongs pa'i gnyen por 'dun pa bsgom mo//le lo'i nye ba'i nyon mongs pa'i gnyen por brtson 'grus bsgom pa'o/ /bying ba dang rgod pa'i nye ba'i nyon mongs pa'i gnyen por rtsol ba bsgom mo/ /sems zhum pa nye ba'i nyon mongs pa'i gnyen por spro ba bsgom mo/ /khyad par thob pa'i bya ba la bdag dman par sems pa'i sgo nas sgyid lug pa'o//gnod pas yongs su skyo ba'i nyon mongs pa'i gnyen por mthun pa bsgom mo/ /gnod pa yongs su skyo ba ni sha sbrang dang / sbrang bu la sogs pa'i gnod pas nyen pa mi bzod pa'o/ /cung zad tsam gyis chog par 'dzin pa nye ba'i nyon mongs pa'i gnyen por phyir nur ba med par bsgom mo//cung zad tsam gyis chog par 'dzin pa ni gnyen po'i phyogs 'di tsam gyis chog pa'o zhes phyir bzlog pa'o/ /gdams ngag brjed pa nye ba'i nyon mongs pa'i gnyen por dran pa bsgom mo/ /ltung ba yid la gcags pa nye ba'i nyon mongs pa'i gnyen por shes bzhin bsgom mo/ /ltung ba yid la gcags pa ni/'gro ba dang ldog pa la sogs pa la shes bzhin med par spyod pa ste/ sngar bslab pa dang 'gal nas phyis 'gyod pa'o/ /brtson pa 'dor ba nye ba'i nyon mongs pa'i gnyen por bag yod pa bsgom mo/ /brtson par 'dor ba ni bag chags med pa'i nyes pa dge ba'i phyogs ji ltar brtsams pa la sbyor ba la sogs pa mthar phyin pa'i phyir ro//bsgoms pa'i 'bras bu gang / phyin ci log spong ba dang / bden pa la 'jug pa dang / lus la sogs pa dang bral ba'o/ /de la phyin ci log spong ba ni go rims bzhin du dran pa nye bar gzhag pa rnams la gtsang ba dang / bde ba dang / rtag pa dang bdag tu phyin ci log tu 'dzin pa la mi sdug pa bsgom pa'i phyir ro//gang ci tshor yang rung ste/ de ni 'di ltar sdug par shes pa'i phyir dang / gnas dang dmigs pa la sogs pa'i bye brag gis rnam par shes pa skad cig re re la gzhan du 'gyur bar rtogs pa'i phyir ro/ /kun nas nyon mongs pa dang / rnam par byang ba'i chos tsam du zad de/byed pa med par yongs su rtogs pa'i phyir ro/ /yang 'di dag gi 'bras bu ni go rims bzhin du bden pa bzhi la 'jug pa ste/ lus dran pa nye bar gzhag pas ni sdug bsngal gyi bden pa la 'jug ste/ lus ni 'du byed kyi sdug bsngal nyid gnas ngan len gyis rab tu phye ba'i phyir ro//'di ltar de'i gnyen por gyur pa shin du sbyangs pa'i lus nyid la khyad par can du 'byung ngo / /tshor ba dran pa nye bar gzhag pas ni kun 'byung ba'i bden pa 'jug ste/ bde ba la sogs pa'i tshor ba ni phrad pa la sogs par sred pa'i gnas yin pa'i phyir ro/ /sems dran pa nye bar gzhag pas ni 'gog pa'i bden pa la 'jug ste/bdag med cing rnam par shes pa tsam med par 'gyur bar lta ba ni/ bdag chad par dogs pa'i sgo nas mya ngan las 'das pa la skrag pa'i phyir ro/ /chos dran pa nye bar gzhag pa ni lam gyi bden pa la 'jug ste/ mi mthun pa'i phyogs kyi chos spang ba dang / gnyen po'i chos la brten pa'i phyir ro//yang de dag gi 'bras bu ni lus dang tshor ba dang sems dang / chos dang bral bar go rims bzhin du rig par bya ste/ de dag bsgoms pas lus la sogs pa'i phyogs kyi gnas ngan len dang bral ba'i phyir ro/ /yang dag par spong ba rnams kyi dmigs pa gang / mi mthun pa'i phyogs dang / gnyen po skyes pa dang ma skyes pa'o/ /dang po'i dmigs pa ni mi mthun pa'i phyogs skyes pa ste/ des sdig pa mi dge ba'i chos skyes pa rnams spang ba'i phyir ro/ /gnyis pa ni mi mthun pa'i phyogs ma skyes pa dang / gsum pa'i gnyen po ma skyes pa dang / bzhi pa yis ni gnyen po skyes pa ste/ ji ltar mdo sde las bsdus pa bzhin du sbyar bar bya'o//ngo bo nyid gang / brtson 'grus so/ /grogs gang / de dang mtshungs par ldan pa'i sems dang sems las byung ba'i chos rnams so/ /bsgom pa gang / gang 'dun pa skyed do/ /'bad do/ /brtson 'grus rtsom mo/ /sems rab tu 'dzin to/ /rab tu 'jog go zhes pa ste/ 'di ni brtson 'grus bsgom pa gnas dang bcas pa'o//'dun pa skyed do zhes bya ba la sogs pa'i tshigs rnams kyis ni brtson 'grus rtsom pa gnas dang bcas pa bstan to/ /de la gnas ni 'dun pa'o/ /de ni brtson 'grus rtsom pa'i sngon rol du 'gro ba'i phyir ro/ /'bad pa ni brtson 'grus so/ /zhi gnas dang / rab tu 'dzin pa dang /btang snyoms kyi mtshan ma yid la byed pa la brtson 'grus rtsom mo/ /bying ba dang rgod pa sel ba yang brtson 'grus nyid de/ 'di ltar de'i 'og tu sems rab tu 'dzin pa dang / rab tu 'jog pa smos so/ /gang gi tshe zhi gnas la sogs pa'i mtshan ma yid la byed pa gnyen po skyon med pa 'ba' zhig bsgom pa de'i tshe 'bad pa zhes brjod do//gang gi tshe nye ba'i nyon mongs pa bying ba byung ba de bsal ba'i phyir/ dga' bar 'gyur ba la sogs pa yid la byed pa rnams kyis ni sems 'bar bar byed pa dang / nye bar nyon mongs pa rgod par byed pa na/ nang du sdug pa'i sgo nas sems 'dzin pa de'i tshe brtson 'grus rtsom pa zhes brjod do/ / de'i phyir bying ba dang rgod pa bsal ba'i thabs bstan pa'i phyir/ de'i 'og tu sems rab tu 'dzin pa dang / rab tu 'jog pa smos so/ /'bras bu gang / mi mthun pa'i phyogs ma lus par nyams pa dang / gnyen po thob pa dang / 'phel ba'o/ /de la yang dag par spong ba dang po dang gnyis pa ni mi mthun pa'i phyogs ma lus par nyams pa ste/'bras bu de gnyis kyi ji ltar mthun mthun du sdig pa mi dge ba'i chos skyes pa dang / ma skyes pa rnams nyams par byed pa'i phyir ro/ /gsum pa ni gnyen po thob pa ste/ des dge ba'i chos ma skyes pa skyed pa'i phyir ro/ /bzhi pa ni gnyen po thob pa 'phel ba ste/des dge ba'i chos skyes pa rgyas par byed pa'i phyir ro/ /rdzu 'phrul gyi rkang pa rnams kyi dmigs pa gang / ting nge 'dzin gyi grub pa'i bya ba'o/ /rdzu 'phrul la sogs pa'i bya ba gang / ting nge 'dzin grub pa'i dbang du byas pa'o/ /ngo bo nyid gang / ting nge 'dzin to/ /grogs gang / 'dun pa dang /brtson 'grus dang sems pa dang / spyod pa dang / de dag dang mtshungs par ldan pa'i sems las byung ba'i chos rnams so/ /'dun pa'i ting nge 'dzin gang / gang gus par sbyor ba la brten nas sems rtse gcig pa nyid la reg pa'o/ /shin tu gus par sbyor ba ni 'dun pa drag po dang / rim gro cher byas te spyor ba'o/ / brtson 'grus kyi ting nge 'dzin gang / gang rgyun du sbyor ba la brten nas sems rtse gcig nyid la reg pa'o/ /gang rtag tu sbyor zhing nam yang mi sbyor ba ma yin pa de ni brtson 'grus zhes brjod par bya'o/ /sems kyi ting nge 'dzin gang / gang sngon ting nge 'dzin bsgoms pa la brten nas sems rtse gcig pa nyid la reg pa'o//tshe gzhan la des sems kyi sa bon yongs su brtas pa'i phyir/ rang gi ngang gis ting nge 'dzin gyi rjes su mthun par gyur nas sems rtse gcig pa nyid la reg pa'o/ /dpyod pa'i ting nge 'dzin gang / gang gzhan gyis brten nas chos rab tu rnam par 'byed pa la brten nas sems rtse gcig pa nyid la reg pa'o//yang 'dun pa'i ting nge 'dzin ni gang / 'dun pa bskyed pa nas sems rtse gcig pa nyid la reg pa'o/ /brtson 'grus kyi ting nge 'dzin ni gang / /'bad cing brtson 'grus rtsom ba ni sems rtse gcig pa nyid la reg pa'o/ /sems kyi ting nge 'dzin ni gang / sems rab tu 'jog pa na sems rtse gcig pa nyid la reg pa'o//dpyod pa'i ting nge 'dzin gang / sems rab tu 'dzin pa na/ sems rtse gcig pa nyid la reg pa'o/ /rdzu 'phrul gyi rkang pa mngon par bsgrub pa'i rgyu yang dag par bstan pa'i phyir ro/ /de ltar yang dag par spong ba bsgom pa la 'dun pa bskyed do zhes pa la sogs pa bstan par rig par bya'o//sems rab tu 'jog pa dang rab tu 'dzin pa zhes bya ba de ni/ 'dir brjod pa'i lugs kyi go rims su rig par bya'o/ /de la sems kyi ting nge 'dzin ni sems rab tu 'jog pa dang / sems rtse gcig pa nyid la reg pa'o zhes bya ba ni sems nyid la sems nang du 'dzin cing / zhi bar byed/ sdud par byed/ thob par byed ces bya ba'i tha tshig go//dpyod pa'i ting nge 'dzin ni/ sems rab tu 'dzin pa ni zhes bya ba ni/ chos la lhag mthong gi sgo nas sems 'bar bar byed ces bya ba'i tha tshig go/ /bsgom pa gang / spong ba'i 'du byed brgyad goms par byed pa ste/ spong ba'i 'du byed brgyad ni 'dun pa dang / rtsol ba dang / dad pa dang / shin tu sbyangs pa dang / dran pa dang / shes bzhin dang / sems pa dang / btang snyoms so/ /'di dag brgyad yin du zin kyang bzhir 'gyur te/ 'bad pa dang / phan 'dogs pa dang / nye bar 'dogs pa dang / gnyen po'o/ /de las 'dun pa ni rtsol ba'i gnas so/ /'dun pa'i rgyu ni dad pa ste/ 'di ltar gang zhig gang don du gnyer bar 'gyur ba ni thob par bya ba'i phyir rtsol ba'o//de yod pa nyid la sogs par yid ches pa med na don du gnyer bar mi 'gyur ro/ /phan 'dogs pa ni shin tu sbyangs pa ste/ des lus dang sems la phan 'dogs pa'i phyir ro/ /nye bar 'dogs pa ni dran pa dang shes bzhin te/ dmigs pa ma brjed par sems rtse gcig pa nyid la 'jug pa dang /de la bdag med par gyur na yongs su gcod pa'i phyir te go rims bzhin no/ /gnyen po ni sems pa dang btang snyoms so/ /sems rab tu 'dzin pa dang / rab tu 'jog pa mngon par 'du byed pas bying ba dang / rgod pa dang / byung ba dang / yongs su spong ba dang / nye bar nyon mongs pa med pa ni zhi gnas la sogs pa'i mtshan ma rjes su 'jug pa'i phyir ro//yang 'dun pa dang / brtson 'grus dang / sems pa dang dpyod pa rnams kyis bsdus pa dang / g.yeng ba gzhi dang bcas pa yongs su spangs pa dang / zhum pa med pa dang / g.yeng ba med pa dang / de gnyi ga'i gnas dang / mthun pa bsgom pa'o//yang 'dun pa la sogs pa 'di rnams kyis sdud pa dang / g.yeng ba gzhi dang bcas pa yongs su spangs pa la sogs pa bsgom pa de la sdud pa'i gzhi ni lhag mthong dang bral ba ste/ le lo'i sgo nas bying bar 'gyur ro/ /g.yeng ba'i gzhi ni mi sdug pa'i 'du shes dang bral ba ste/ rgod pa'i sgo nas yang dag par rab tu mi 'dzin to/ /sdud pa ni rmugs pa dang gnyid kyi sgo nas nang du zhum pa'o/ /g.yeng ba ni sdug pa'i mtshan ma'i rjes su 'brang ba'i sgo nas yul rnams la rnam par 'phro ba'o/ /zhum pa med pa dang mthun pa bsgom pa ni/ so sor rtog pa'i mtshan ma la brten nas chos la rnam par lta ba'o/ /g.yeng ba med pa dang mthun pa ni sgra la sogs pa'i rdzas la mi gtsang bar so sor rtog pa'o//de gnyi ga'i gnas dang mthun pa ni snang ba'i 'du shes so/ /de yang bdag gi 'dun pa ha cang zhum par mi 'gyur ba dang ha cang rab tu bzung ba yang ma yin pa dang nang du bsdus pa yang ma yin pa dang / phyi rol tu g.yeng ba ma yin pa dang / phyi ma dang snga ma'i 'du shes dang /steng dang 'og gi 'du shes su bya'o snyam pa dang / de ltar rnam par phye ba'i sems kun nas dkris pa med pas snang ba dang ldan pa'i sems bsgom par bya'i/ bdag gi sems 'dun pa can gyi tshul du ni mi 'gyur bar bya'o zhes bya ba'i dbang du mdzad nas/ bcom ldan 'das kyis go rims bzhin du gsungs so//'bras bu gang de ltar ting nge 'dzin legs par yongs su sbyang ba byas nas/ chos mngon par shes par bya ba gang dang gang mngon du bya bar 'dod pa de dang / de la sems mngon par gtod pa/ de rang rang gi gnas kyi chos rnams la mngon du 'gyur ba'i skal ba can du 'gyur ro/ /ji ltar 'dod bzhin rdzu 'phrul la sogs pa'i yon tan bsgrub pa'i phyir ro//dbang po rnams kyi dmigs pa gang 'phags pa'i bden pa bzhi po rnams so/ /bden pa bzhi mngon par rtogs pa sbyor ba'i bsdus pas de'i rnam par 'gyur ba'i phyir ro/ /ngo bo nyid gang / dad pa dang / brtson 'grus dang / dran pa dang / ting nge 'dzin dang / shes rab bo/ / grog gang / de dag dang mtshungs par ldan pa'i sems dang sems las byung ba'i chos rnams so/ /bsgom pa gang / dad pa'i dbang po ni bden pa rnams la mngon par yid ches pa'i tshul gyis bsgom par 'gyur ro/ /mngon par yid ches pa rnams ni bden pa mngon par rtogs par bya ba'i phyir spros pa'i tshul gyis brtson 'grus bsgom par 'gyur ro//brtson 'grus brtsoms pa ni/ bden pa rnams la nye bar gnas pa'i dran pa mi brjed pa'i tshul gyis bsgom par 'gyur ro/ /bden pa rnams la nye bar gnas pa'i ting nge 'dzin ni sems rtse gcig pa'i tshul gyis bsgom par 'gyur ro/ /bden pa rnams la mnyam par gzhag pa'i shes rab ni/rab tu rnam par 'byed pa'i tshul gyis bsgom par 'gyur ro/ /'bras bu gang bden pa myur du mngon par rtogs par byed pa dang / de'i dbang gis ring por mi thogs par mthong ba'i lam skye ba dang / dro bar gyur pa dang / rtse mo dang / bzod pa dang chos kyi mchog rnams bsgrub pa'o/ /de nyid kyi dus na nges par 'byed pa'i cha dang mthun pa la brten pa'i sems kyi rgyud do//dbang po rnams la ji lta bar stobs rnams la yang de bzhin no/ /'di ni bye brag yin te/ mi mthun pa'i phyogs nges par bsrabs pas mi brdzi ba'i phyir stobs rnams so/ /stobs rnams kyi dmigs pa la sogs pa ni dbang po rnams dang mthun no/ /'bras bu la ni bye brag yod do//'di ltar 'di dag ni 'bras bu de ni/ ji skad du/ ma dad pa la sogs pa mi mthun pa'i phyogs bsrabs pas lhag par brtan pa yin ste/ de'i phyir 'di dag gi dmigs pa dang / ngo bo nyid la sogs pa mthun du zin kyang mi brdzi ba'i don gyi bye brag gi byang chub kyi phyogs gzhan nyid do/ /byang chub kyi yan lag rnams kyi dmigs pa gang /'phags pa'i bden pa bzhi po dag gi yang dag pa nyid ji lta ba'o/ /don dam pa rnam par dag pa'i dmigs pa zhes bya ba'i tha tshig go/ /ngo bo nyid gang / dran pa dang / chos rnam par 'byed pa dang / brtson 'grus dang / dga' ba dang / shin tu sbyangs pa dang / ting nge 'dzin dang / btang snyoms so/ /de la dran pa ni gnas kyi yan lag go/ /dran pa nye bar gzhag pa ni dge ba'i chos thams cad mngon par rdzogs pa'i phyir ro/ /chos rnam par 'byed pa ni ngo bo nyid kyi yan lag go/ /byang chub kyi mtshan nyid yin pa'i phyir ro/ /brtson 'grus ni nges par 'byung ba'i yan lag go/ /des bgrod pa ji srid par 'gro ba'i phyir ro//dga' ba ni phan yon gyi yan lag go/ /des sems kyi rgyud tshim par byed pa'i phyir ro/ /shin tu sbyangs pa dang / ting nge 'dzin dang / btang snyoms ni kun nas nyon mongs pa med pa'i yan lag ste/ gang gis kyang kun nas nyon mongs par mi 'gyur ba dang / gang du yang kun nas nyon mongs par mi 'gyur ba dang /kun nas nyon mongs pa gang yang med pa'o/ /de la shin tu sbyangs pas ni kun nas nyon mongs par mi 'gyur te/ des gnas ngan len 'jig pa'i phyir ro/ /ting nge 'dzin la ni kun nas nyon mongs par mi 'gyur te/ de la gnas pa gnas gyur pa'i phyir ro//btang snyoms ni kun nas nyon mongs pa med pa ste/ brnab sems dang / yid la mi bde ba dang bral nas nyon mongs pa can ma yin pa'i gnas skabs kyi ngo bo nyid yin pa'i phyir ro/ /grogs gang de dag dang mtshungs par ldan pa'i sems dang sems las byung ba'i chos rnams so/ /bsgom pa gang / dran pa yang dag byang chub kyi yan lag dben pa la gnas pa/ 'dod chags dang bral ba la gnas pa 'gog pa la gnas pa/ rnam par spang ba yongs su bsgyur bar bsgom pa'o/ /dran pa yang dag byang chub kyi yan lag ji lta bar/ btang snyoms yang dag byang chub kyi yan lag gi bar du'ang de bzhin no/ /dben pa la gnas pa dang /'dod chags dang bral ba la gnas pa dang / 'gog pa la gnas pa dang / rnam par spang ba yongs su bsgyur ba zhes pa'i tshig bzhi po 'di rnams kyis bden pa bzhi la dmigs pa'i byang chub kyi yan lag bsgom pa yongs su bstan te/ 'di ltar sdug bsngal la sdug bsngal nyid du dmigs pa ni/ de las dben pa tshol bas sdug bsngal la dmigs pa ni dben pa la gnas pa zhes bya'o//srid pa'i mtshan nyid ni sdug bsngal kun 'byung ba ste/ sdug bsngal kun 'byung ba'i dmigs pa ni de dang bral ba tshol bas/ de la dmigs pa ni 'dod chags dang bral bar gnas pa'o/ /sdug bsngal 'gog pa la sdug bsngal 'gog par dmigs pa ni de mngon sum du byed par 'dod pa de la dmigs pa ni 'gog pa la gnas pa'o//sdug bsngal 'gog par 'gro ba'i lam ni/ des sdug bsngal rnam par spang ba'i phyir rnam par spang ba zhes bya ste/ de la de ltar dmigs pa ni de bsgom pa tshol bas de la dmigs pa ni rnam par spang bas yongs su bsgyur zhes bya'o//'bras bu gang mthong bas spang bar bya ba'i nyon mongs pa rnams spangs pa'o/ /byang chub kyi yan lag rnams ni mthong ba'i lam gyi ngo bo nyid yin pa'i phyir ro/ /lam gyi yan lag rnams kyi dmigs pa gang / de'i 'og tu 'phags pa'i bden pa bzhi po rnams kyi yang dag pa nyid ji lta ba'o/ / lam gyi yan lag gi dmigs pa ni mthong ba'i lam gyi 'og tu de nyid kyi ji ltar mthong ba'i bden pa rnams yang dag pa ji lta ba bzhin lam gyi yan lag rnams kyi dmigs pa'o/ /ngo bo nyid gang / yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang /yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /ngo bo nyid ni/ yang dag pa'i lta ba la sogs pa chos brgyad po de rnams so/ /de la yang dag pa'i lta ba ni/ yongs su gcod pa'i yan lag go/ /des ji ltar myong ba'i de kho na yongs su 'dzin pa'i phyir ro/ / yang dag pa'i rtog pa ni gzhan go bar byed pa'i yan lag go/ /des ji ltar rtog pas rnam par bzhag nas ngag kun du slong ba'i phyir ro/ /yang dag pa'i ngag dang / las kyi mtha' dang / 'tsho ba ni gzhan yid ches par byed pa'i yan lag ste/ lta ba dang / tshul khrims dang / 'tsho ba rnam par dag pa'i phyir ro/ /de dag gis rtog pa dang mthun pa'i lta ba la sogs pa rnam par dag pa'i go rims bzhin du gzhan dag gis gtan la phebs pa'i phyir ro//de la yang dag pa'i ngag gis ni rtogs pa dang / 'dri ba dang / lung ston pa 'brel ba'i gtam gtan la 'bebs pas/ de'i lta ba rnam par dag par rnam par shes so/ /yang dag pa'i las kyi mthas ni 'gro ba dang ldog pa la sogs pa spyod pa phun sum tshogs pas tshul khrims rnam par dag pa rnam par shes so//yang dag pa'i 'tsho bas ni ji ltar gnas pa bzhin du chos gos la sogs pa tshol ba yang dag pa'i 'tsho ba rnam par dag par shes so/ /yang dag pa'i rtsol bas ni nyon mongs pa'i sgrib pa rnam par sbyong ba'i yan lag go//des kun du sbyor ba ma lus pa spong ba'i phyir ro/ /yang dag pa'i dran pa ni nye ba'i nyon mongs pa'i sgrib pa rnam par sbyong ba'i yan lag go/ /des yang dag pa'i zhi gnas la sogs pa'i mtshan ma ma brjed pas nye ba'i nyon mongs pa bying ba la sogs pa'i skabs med pa'i phyir ro//yang dag pa'i ting nge 'dzin ni yon tan khyad par can la sgrib pa rnam par sbyong ba'i yan lag go/ /des mngon par shes pa la sogs pa yon tan mngon par bsgrub pa'i phyir ro/ /grogs gang / de dang mtshungs par ldan pa'i sems dang sems las byung ba'i chos rnams so/ /bsgom pa ni byang chub kyi yan lag bzhin no//'di lta ste/ yang dag pa'i lta ba dben pa la gnas par bsgom zhes rgya cher tshig de rnams kyi don ji lta bar gong du brjod pa de ltar 'dir khong du chud par bya'o/ /bsgoms pa'i 'bras bu gang / yongs su gcod par byed pa dang / gzhan go bar byed pa dang / gzhan yid ches par byed pa dang /nyon mongs pa'i sgrib pa rnam par dag pa dang / nye ba'i nyon mongs pa'i sgrib pa rnam par dag pa dang / yon tan khyad par can la sgrib pa rnam par dag pa'o/ /lam bzhi gang / mngon par shes pa bu la dka' ba dang / mngon par shes pa myur la dka' ba dang / mngon par shes pa bul la sla ba dang /mngon par shes pa myur la sla ba ste/ dang po ni dbang po rtul po dngos gzhi'i bsam gtan ma thob pa'i'o/ /gnyis pa ni dbang po rnon po dngos gzhi'i bsam gtan ma thob pa'o/ /gsum pa ni dbang po rtul po dngos gzhi'i bsam gtan thob pa'i'o/ /bzhi pa ni dbang po rnon po dngos gzhi'i bsam gtan thob pa'i'o//de la dka' ba'i lam ni mi lcogs pa med pa dang / gzugs med pa la brten pa ste/ go rims bzhin du zhi gnas dang / lhag mthong zhan pa'i phyir ro/ /sla ba ni bsam gtan la brten pa ste/ zung du 'brel bar 'jug pa'i phyir ro/ /mngon par shes pa bul ba ni/ dka' ba dang sla ba'i gnas 'di gnyis pa ste/dbang po rtul po rnams kyi'o/ /mngon par shes pa myur ba ni/ 'di nyid la brten te dbang po rnon po rnams kyi'o/ /chos kyi gnas bzhi gang / brnab sems med pa dang / gnod sems med pa dang / yang dag pa'i dran pa dang / yang dag pa'i ting nge 'dzin te/ de la brnab sems med pa dang / gnod sems med pa ni/ lhag pa'i tshul khrims kyi bslab pa rnam par sbyong ngo / /rjes su chags pa dang khong khro ba'i sgo nas bslab pa'i gnas mi nyams par byed pa'i phyir ro/ /yang dag pa'i dran pa ni lhag pa'i sems so/ /dmigs pa ma brjed na sems mnyam par 'jog pa'i phyir ro/ /yang dag pa'i ting nge 'dzin ni lhag pa'i shes rab bo//sems mnyam par gzhag pa las yang dag pa ji lta ba bzhin du shes pa'i phyir ro/ /zhi gnas gang / 'di lta ste/ nang nyid la sems 'jog pa dang / rgyun du 'jog pa dang / blan te 'jog pa dang / nye bar 'jog pa dang / 'dul bar byed pa dang / zhi bar byed pa dang / rnam par zhi bar byed pa dang /rtse gcig tu byed pa dang / mnyam par 'jog pa'o/ /zhi gnas ni sems gnas pa rnam pa dgu ste/ de la phyi rol gyi dmigs pa rnams las bsdus nas de nang du mi g.yeng bar gang dang po nyid du sems nye bar 'dogs pa ni 'jog pa'o/ /de ltar sems g.yo ba rags pa thog ma de nyid du nye bar btags pa de dmigs pa de nyid la rgyun gyi tshul dang /phra bar byed pas mngon par sdud pa ni rgyun du 'jog pa'o/ /dran pa brjed nas phyi rol tu g.yeng bar gyur pa de dran pas bkug pa ni blan te 'jog pa'o/ /sems phyi rol du mi 'phro bar bya ba'i phyir thog ma nyid du dran pa nye bar gnas pa ni nye bar 'jog pa'o/ / sngar ltar rnam par g.yeng ba'i rgyu gzugs la sogs pa la nye bar dmigs kyi 'du shes kyi dbang du byas nas thog ma nyid du sems rab tu 'phror mi ster ba ni 'dul bar byed pa'o/ /sems 'khrug par byed pa nye ba'i nyon mongs pa rnam par rtog pa rnams la nyes dmigs su blta bas 'phror mi ster ba ni zhi bar byed pa'o/ / dran pa brjed nas rnam par rtog pa la sogs pa kun du 'byung bas na de dang du mi len pa ni rnam par zhi bar byed pa'o/ /mngon par 'du byed pa skabs med cing bar ma chad par ting nge 'dzin la rgyun du blan te 'jog pa ni rtse gcig pa byed pa'o/ /shin tu goms pa'i rim gyis mngon par 'du byed pa med cing lhun gyis grub par sems kyi ting nge 'dzin gyi rgyun g.yeng ba med par byung ba ni mnyam par 'jog pa'o//lhag mthong gang / 'di lta ste/ chos rnams la rnam par 'byed pa dang / rab tu rnam par 'byed pa dang / yongs su rtog par byed pa dang / yongs su dpyod par byed pa ste/ de la spyod pa rnam par spyod pa la dmigs pa'am/ mkhas pa la dmigs pa'am/nyon mongs pa rnam par sbyor ba yang rung ste/ ji snyed yod pas rnam par 'byed pa dang / ji lta ba bzhin du yod pas rab tu rnam par 'byed pa'o/ /rnam par rtog pa dang bcas pa'i yid la byed pa shes rab dang bcas pas mtshan mar byed pa'i yongs su rnam par rtog pa'o/ /kun du rtog par byed pa ni yongs su dpyod par byed pa'o//gnas ngan len dang / mtshan ma'i gnyen po dang phyin ci log las 'byin pa dang / phyin ci ma log pa la sems 'jog pa'i phyir ro/ /yang zhi gnas dang lhag mthong la brten nas lam bzhir 'gyur te/ la la ni zhi gnas thob pa yin gyi lhag mthong ni ma thob pa ste/ de ni zhi gnas la brten nas lhag mthong la brtson par byed do//la la ni lhag mthong thob pa yin gyi zhi gnas ni ma thob ste/ de lhag mthong la brten nas zhi gnas la brtson par byed do/ /la la ni zhi gnas kyang thob pa ma yin la/ lhag mthong yang thob pa ma yin te/ de chos la rgod pa mngon par tshar gcad pa'i sems kyis gnyi ga la brtson par byed do//la la ni zhi gnas dang lhag mthong yang thob pa yin te/ de ni zhi gnas dang lhag mthong 'dres par 'gyur nas mnyam par zung du 'jug go/ /lam bzhi bstan pa'i dbang du byas pa ste/ de la dang po ni zhi gnas thob pa'i phyir 'dug bzhin du sems 'jog pa'i bar dang /lhag mthong ma thob pa'i phyir ting nge 'dzin de la brten nas phyis de bzhin du 'dug te/ chos de dag la rnam par 'byed pa nas yongs su dpyod par byed pa'i bar du'o/ /gnyis pa ni de las bzlog par rig par bya'o/ /gsum pa ni gnyi ga ma thob pa ste gnyi ga la brtson par byed pa'o/ /ji ltar byas she na/thos pa 'dzin pa'i sgo nas lhag mthong la brtson par byed do / /des sngon du 'gro bas ni zhi gnas la brtson par byed do/ /bzhi pa la ni gnyi ga thob pa'o/ /dbang po gsum po gang / mi shes pa kun shes par byed pa'i dbang po dang / kun shes pa dang / kun shes pa dang ldan pa'i dbang po'o/ / mi shes pa kun shes par byed pa'i dbang po gang / sbyor ba'i lam dang / mthong ba'i lam gyi sems kyi skad cig bco lnga la gang dbang byed pa'o/ /'di'i sbyor ba'i lam nges par byed pa'i cha dang mthun par bsdus pa dang / mthong ba'i lam gyi sems kyi skad cig bco lnga po dag la dbang ba gang yin pa ste/ 'di lta ste/yid kyi dbang po dang / dad pa la sogs pa lnga dang / mi lcogs pa med pa la sogs pa gnas kyi bye brag gis ji ltar mthun mthun du bde ba dang / yid bde ba dang / yid mi bde ba dang / btang snyoms kyi dbang po rnams las gang yang rung ba'o/ /yid mi bde ba'i dbang po ni sbyor ba'i dus ma nges par 'byed pa'i cha dang mthun pa'i rjes su rnam par thar pa mchog 'dod pas bsdus par rig par bya'o//de dag ni srid par dbang po rnam pa bcu'o/ /de kho na sngon ma shes pa kun shes par bya ba'i phyir zhugs pas mi shes pa kun shes par byed pa'i dbang po zhes brjod par bya'o/ /kun shes pa'i dbang po gang / mthong ba'i lam gyi sems kyi skad cig bcu drug po la brten nas/ slob pa'i lam thams cad la gang dbang byed pa'o/ /dbang po rnam pa bcu po de dag nyid mthong ba'i lam gyi sems kyi skad cig bcu drug pa nas rdo rje lta bu'i ting nge 'dzin zhes bya ba'i bar du slob pa'i lam de la kun shes pa'i dbang po zhes bya ste/ sngon ma mthong ba'i shes par bya ba med pa'i phyir ro//kun shes pa dang ldan pa'i dbang po gang / mi slob pa'i lam gang la dbang byed pa'o/ /yid mi bde ba'i dbang po ma gtogs par dbang po rnam pa dgus de dag nyid mi slob pa'i lam la kun shes pa dang ldan pa'i dbang po zhes bya'o/ /kun shes pa dang ldan pa ni/ dgra bcom pa'i dbang po yin pa'i phyir ro/ /bsgom pa'i lam gyi skabs su 'di yang brjod par bya ste/ bsam gtan dang po'i sa pa'i lam bsgom pa na 'dod pa dang rab tu ldan pa'i dge ba'i rtsa ba rnams bsgom par 'gyur te/ de dag la dbang 'byor pa thob pa'i phyir ro/ /bsam gtan dang po'i sa pa'i lam mngon du gyur te bsgom pa na mngon du gyur pa'i de las gzhan pa'i 'og ma'i dge ba'i rtsa ba rnams bsgom par 'gyur te/de rnams la sems kyis dbang thob pa'i phyir ro/ /bsam gtan dang po'i sa pa la 'dod pa na spyod pa rnams la ji lta ba de bzhin du sa gong ma pa'i lam thams cad bsgom pa ni/ sa 'og ma pa'i dge ba'i rtsa ba rnams bsgom par 'gyur te/de la dbang 'byor pa thob pa'i phyir ro/ /de ltar gsungs pa ni gong ma'i lam mngon du gyur te/ bsgom pa na/ mngon du ma gyur pa de las gzhan pa la 'og ma'i dge ba'i rtsa ba rnams bsgom par 'gyur te de rnams la dbang thob pa'i phyir ro/ /dbang thob pa ni mchog tu mngon du gyur pa la dbang byed par rig par bya'o//mthar phyin pa'i lam gang / gnas ngan len thams cad rgyun bcad pa dang / bral ba'i thob pa rnams thob pa'i phyir ro/ /rdo rje lta bu'i ting nge 'dzin la brten nas de ma thag tu gnas ma 'dus par 'gyur te/ zad pa shes pa dang mi skye ba shes pa'o//mi slob pa'i chos bcu yang yin te/ mi slob pa'i yang dag pa'i lta ba nas/ mi slob pa'i yang dag pa'i ting nge 'dzin gyi bar dang / mi slob pa'i yang dag pa'i rnam par grol ba dang / mi slob pa'i yang dag pa'i shes rab bo/ /gnas ngan len thams cad dang / mngon par brjod pa'i gnas ngan len kun du 'gro ba dang /tshor ba'i gnas ngan len dang / nyon mongs pa'i gnas ngan len dang / las kyi gnas ngan len dang / rnam par smin pa'i gnas ngan len dang / nyon mongs pa'i sgrib pa'i gnas ngan len dang / las kyi sgrib pa'i gnas ngan len dang / rnam par smin pa'i sgrib pa'i gnas ngan len dang /sgrib pa'i gnas ngan len dang / /rtog pa'i gnas ngan len dang / zas kyi gnas ngan len dang / 'khrig pa'i gnas ngan len dang / rmi lam gyi gnas ngan len dang / nad kyi gnas ngan len dang / rga ba'i gnas ngan len dang / 'chi ba'i gnas ngan len dang /yongs su ngal ba'i gnas ngan len dang / gnas ngan len brtan pa dang / gnas ngan len chen po dang / gnas ngan len 'bring po dang / gnas ngan len chung ngu dang / nyon mongs pa'i sgrib pa'i gnas ngan len dang / snyoms par 'jug pa'i sgrib pa'i gnas ngan len dang / shes bya'i sgrib pa'i gnas ngan len to//gnas ngan len de rnams ni nyi shu rtsa bzhi yin te/ de la mngon par brjod pa'i gnas ngan len kun du 'gro ba ni/ mig la sogs pa'i chos thams cad kyi ming la mngon par zhen pa'i bag chags kun du len pa'i rnam par shes pa la gnas pa/ thog ma med pa'i dus nas rjes su zhugs pa gang yin pa'o//de la mig la sogs pa'i chos ming la mngon par zhen pa dang bcas pa rnam pa yang dang yang 'byung ba'i phyir/ gang de ni spros pa'i bag chags zhes rtogs so/ /tshor ba'i gnas ngan len ni zag pa dang bcas pa'i tshor ba rnams kyi bag chags so/ /nyon mongs pa'i gnas ngan len ni nyon mongs pa rnams kyi bag la nyal lo//las kyi gnas ngan len ni zag pa dang bcas pa'i las kyi bag chags so/ /rnam par smin pa'i gnas ngan len ni rnam par smin pa las su mi rung ba nyid do/ /nyon mongs pa'i sgrib pa'i gnas ngan len ni nyon mongs pa mi zad cing rgyun ring ba'o/ /las kyi sgrib pa'i gnas ngan len ni lam gyi bar chad byed pa mtshams med pa la sogs pa'i las kyi sgrib pa nyid do//rnam par smin pa'i sgrib pa'i gnas ngan len ni/ bden pa mngon par rtogs pa dang mi mthun pa sems can dmyal ba la sogs pa'i lus thob pa'o/ /sgrib pa'i gnas ngan len ni dge ba'i phyogs la sbyor ba'i bar chad byed pa 'dod pa la 'dun pa la sogs pas zil gyis gnon pa nyid do//rtog pa'i gnas ngan len ni rab tu byung ba'i bgegs byed par 'dod pa rnam par rtog pa la sogs pa zil gyis gnon pa nyid do/ /zas kyi gnas ngan len ni/ zas ha cang nyung ba dang / mang du zos par sbyor ba'i 'os su ma gyur pa nyid do//'khrig pa'i gnas ngan len ni/ gnyis kyis gnyis sprad pa las gyur pa'i lus dang / sems la gnod pa nyid do/ /rmi lam gyi gnas ngan len ni gnyid las gyur pa'i lus bems po nyid do/ /nad kyi gnas ngan len ni khams ma snyoms pa las gyur pa'i nyams rab tu mi bde ba nyid do/ /rga ba'i gnas ngan len ni/'byung ba gyur pas dbang med pa nyid do/ /'chi ba'i gnas ngan len ni/ 'chi ba na'ang dbang po thams cad 'khrug pa nyid do/ /yongs su ngal ba'i gnas ngan len ni ha cang 'gro ba la sogs pas lus dub pa'o/ /gnas ngan len brten pa ni mngon par brjod pa'i gnas ngan len la sogs pa 'di dang /ji ltar mthun mthun du sbyar te/ yongs su mya ngan las mi 'da' ba'i chos can no/ /gzhan gnas ngan len chen po dang / 'bring dang chung ngu'i go rims bzhin 'dod pa dang / gzugs dang / gzugs med pa na spyod pa rnams su rig par bya'o/ /nyon mongs pa'i sgrib pa'i gnas ngan len ni nyan thos dang /rang sangs rgyas kyi byang chub kyi mi mthun pa'i phyogs so/ /snyoms par 'jug pa'i sgrib pa'i gnas ngan lan ni mthar gyis gnas pa'i snyoms par 'jug pa dgu mngon par bsgrub pa'i mi mthun pa'i phyogs so/ /shes bya'i sgrib pa'i gnas ngan len ni thams cad mkhyen pa nyid kyi mi mthun pa'i phyogs so//de ltar gnas ngan len 'di dag thams cad ji ltar gnas mthun mthun du rgyun bcad pa ni mthar phyin pa'i lam ste/ ji skad du sems rnam par grol ba yongs su rdzogs pa dang / shes rab rnam par grol ba yongs su rdzogs na lus kyi gnas ngan len rnams rgyun bcad de/dran pa dang ldan pa'i rgyus 'di ltar de'i sgo dang po 'di lta ste/ mig gi rnam par shes par bya ba'i gzugs rnams la shin tu dul ba dang / shin tu sbas pa dang / shin tu bsrungs pa dang / shin tu bsdams pa dang / shin tu bsgoms pa yin te/ yid kyi rnam par shes par bya ba'i bar gyi chos la 'dod do//phrad pa'i thob pa rnams gang / gnas ngan len bsags pa la phrad pa'i thob pa zhes gdags so/ /bral ba'i thob pa rnams gang / gnas ngan len zad pa la bral ba'i thob pa zhes gdags so/ /rdo rje lta bu'i ting nge 'dzin gang / bsgom pa'i lam gyi mtha' spang ba'i lam du rig par bya'o//de yang bsdu na rnam pa gnyis te/ sbyor ba'i lam gyis bsdus pa dang / bar chad med pa'i lam gyis bsdus pa'o/ /sbyor ba'i lam gyis bsdus pa ni/ gang phan chad sgrib pa thams cad kyis mi phyed cing / sgrib pa thams cad ni shig pa'o/ /bar chad med pa'i lam gyis bsdus pa ni/gang gis 'og tu zad pa shes pa dang / mi skye ba shes pa 'byung ste/ rdo rje lta bu'i ting nge 'dzin de yang bar med pa/ brtan pa/ sra ba ro gcig pas khyab pa'o/ /ji ltar na/ rdo rje lta bu'i ting nge 'dzin te bar chad med ce na/ de 'byung ba las 'jig rten pa'i lam gyi bar chad kyis 'phen pa med pa'i phyir ro//brtan pa ni/ sgrib pa thams cad kyis mi phigs pa dang / sgrib pa thams cad ni 'joms pa'i snying po yin pa'i phyir ro/ /ro gcig pa ni rnam par mi rtog pa'i phyir ro/ /khyab pa ni shes bya thams cad kyi phyi'i mtshan nyid kyi de bzhin nyid la dmigs pa'i phyir ro/ /de rnams kyi don dang 'dra bar bya ba'i don du de la dgongs nas bcom ldan 'das kyis dper na ri brags chen po ma grub pa/ser ga med pa/ khong stong ma yin pa gcig tu 'dus pa/ shin tu mkhregs pa de ni shar phyogs kyi rlung gi shugs kyis kyang mi bsgul zhing mi g.yos so/ /shar phyogs ji lta bar phyogs bcu thams cad kyang de bzhin no zhes gsungs so/ /de ma thag tu gnas ma lus par gyur pa gang /de rnam pa gsum ste/ gang mi slob pa'i lam thob pa'i sems kyi gnas gyur pa dang / lam gyi gnas gyur pa dang / gnas ngan len gyi gnas gyur pa'o/ /de la mi slob pa'i lam thob pa'i sems kyi gnas gyur pa ni/ chos nyid kyi sems rang bzhin gyis 'od gsal ba glo bur gyi nye ba'i nyon mongs pa ma lus pa dang bral bar gyur pa gang yin pa ste/de nyid de bzhin nyid gyur zhes bya ba'i tha tshig go/ /lam gyi gnas gyur pa ni/ 'jig rten pa'i lam la mngon par rtogs pa'i dus na/ 'jig rten las 'das pa nyid du gyur pa ste/ bya ba'i lhag ma yod pa'i phyir slob pa zhes kyang brjod par bya'o//gang gi tshe khams gsum pa la 'dod chags dang bral bas mi mthun pa'i phyogs ma lus par bsal ba de'i tshe/ lam gyi ngo bo nyid kyi gnas de'i gyur ba yongs su rdzogs par rnam par gzhag pa'o/ /gnas ngan len gyi gnas gyur ba ni/ kun du len pa'i rnam par shes pa nyon mongs pa thams cad kyi bag chags kyi bag la nyal dang 'bral bar gyur par rig par bya'o//zad pa shes pa gang / rgyu zad nas shes pa gang yin pa'am/ zad pa la dmigs pa'o/ /zad par gyur nas shes pa'am/ yul de la shes pa gang yin pa de ni zad pa shes pa'o/ /de ni 'di skad du/ kun 'byung ba ma lus par spangs nas shes pa gang yin pa dang /de'i gnas skabs na rgyu 'gog pa la dmigs pa ni zad pa shes pa zhes bya'o/ /mir skye bar shes pa gang / 'bras bu spangs nas shes pa gang yin pa'am/ 'bras bu mi skye ba la dmigs pa'o/ /de bzhin du mi skye bar gyur nas shes pa'am/ yul de la shes pa gang yin pa de ni mi skye ba shes pa ste/phyi ma la sdug bsngal thams cad gtan du mi skye ba'i chos nyid du gyur nas shes pa gang yin pa de ni bden pa gzhan la dmigs pa yang yin no/ /yang na sdug bsngal gyi bden pa la mi skye bar dmigs pa de ni mi skye ba shes pa zhes bya ba'i tha tshig go/ /mi slob pa'i chos bcu ni/mi slob pa'i tshul khrims kyi phung po dang / ting nge 'dzin gyi phung po dang / shes rab kyi phung po dang / rnam par grol ba'i phung po dang / rnam par grol ba'i ye shes mthong ba'i phung po'i dbang du byas par shes par bya'o/ /de la mi slob pa'i yang dag pa'i ngag dang / las kyi mtha' dang / 'tsho ba rnams ni mi slob pa'i tshul khrims kyi phung po'o//yang dag pa'i dran pa dang / ting nge 'dzin ni ting nge 'dzin gyi phung po'o/ /yang dag pa'i lta ba dang rtog pa dang rtsol ba rnams ni shes rab kyi phung po'o/ /yang dag pa'i rnam par grol ba ni rnam par grol ba'i phung po'o/ /yang dag pa'i shes rab ni rnam par grol ba'i ye shes mthong ba'i phung po'o//yang lam gyi bden pa'i mtshan nyid rnam pa bzhir shes par bya ste/ lam gyi mtshan nyid dang / rigs pa'i mtshan nyid dang / sgrub pa'i mtshan nyid dang / nges par 'byin pa'i mtshan nyid do/ /ci'i phyir lam gyi mtshan nyid ces bya/ de kho na'i don yongs su tshol ba'i phyir ro//de la 'dis ni de kho na'i don yongs su tshol ba'i lam mo/ /ci'i phyir rigs pa'i mtshan nyid/ nyon mongs pa'i gnyen po'i phyir ro/ /rigs pa ma yin par gyur ba'i nyon mongs pa rnams kyi gnyen por gyur bas rigs pa'o/ /ci'i phyir bsgrub pa'i mtshan nyid/ sems phyin ci log par bsgrub pa'i phyir ro//de kho na khong du chud pa'i nyes pas mi rtag pa la sogs par phyin ci log tu gyur ba'i sems de phyin ci log med par de kho na khong du chud pa la 'jog pas bsgrub pa'o/ /ci'i phyir nges par 'byin pa'i mtshan nyid/ rtag pa'i gnas su 'gro ba nyid kyi phyir ro/ /nges par 'byung ba'i gnas rtag par gzhan du 'gro bas nges par 'byin pa zhes bya'o//bden pa rnams la rnam pa bcu drug ni 'jig rten pa yang yod/ 'jig rten las 'das pa yang yod/ 'jig rten pa dang / 'jig rten las 'das pa la bye brag ci yod ce na/ shes bya la legs par ma zhugs pa dang /sa par zhugs pa dang / sgrib pa dang bcas pa dang / sgrib pa med pa dang / rnam par rtog pa dang bcas pa dang / rnam par rtog pa med pa'i phyir 'di ni bye brag go/ /de la 'jig rten pa rnams ni shes bya la legs par ma zhugs pa dang / sgrib pa dang bcas pa dang / rnam par rtog pa dang bcas pa ste/ de bzhin nyid ma rtogs pa dang /nyon mongs pa'i bag la nyal yod pa dang / mngon par brjod pa'i sgo nas spros pa'i phyir te go rims bzhin no/ /bzlog pa ni 'jig rten las 'das pa ste/ legs par zhugs pa dang / sgrib pa med par gyur na rnam par mi rtog pas 'jig rten pa rnams las khyad par du gyur to/ /de dag rnam par mi rtog pa na ji ltar shes bya la legs par zhugs par 'gyur zhe na/ji ltar 'jig rten las 'das pa'i rnam pa las 'jug pa na mi rtag pa'i don mthong gi/ mi rtag pa nyid ces bya bar mthong ba ni ma yin no/ /mi rtag pa nyid kyi don la ji lta ba de bzhin du/ rnam pa lhag ma rnams la yang ji lta bar sbyar bar rig par bya'o//ji ltar 'di dag la gnas pa ni mi rtag pa'i don mthong zhing mngon sum du myong gi /mi rtag go zhes mngon par brjod pa spros pa'i sgo nas mthong ba ni ma yin no/ /de bzhin du sdug bsngal la sogs pa'i rnam pa rnams la yang sbyar bar bya'o/ /bden pa rnam par nges pa zhes bya ba ste kun las btus pa gnyis pa'o//chos rnam par nges pa gang chos zhes brjod pa ni mdo dang / dbyangs kyis bsnyad pa dang / lung du bstan pa dang / tshigs su bcad pa dang / ched du brjod pa dang / gleng gzhi dang / rtog pa brjod pa dang / de lta bu byung ba dang / skyes pa'i rabs dang / shin tu rgyas pa dang / rmad du byung ba'i chos dang /gtan la phab par bstan pa'o/ /chos ni gsungs rab tu gtogs pa yan lag bcu gnyis pa'o/ /mdo gang gang smos pa'i tshul gyis rkyang par gsungs pa ste/ ci'i phyir de bzhin gshegs pas bzhed pa'i don rnam par phye te ma gsungs she na/ smras pa/ phan yon bcu gzigs nas de bzhin gshegs pas smos pa'i tshul gyis chos ston nas rnam par gzhag sla ba dang /bshad sla ba dang / gzung sla ba dang / chos la gus pas myur du tshogs yongs su rdzogs par byed pa dang / myur du chos nyid rtogs par 'gyur ba dang / sangs rgyas la shes nas dad pa thob pa dang / chos dang dge 'dun la shes nas dad pa thob pa dang /mthong ba'i chos la bde bar gnas pa'i mchog la reg pa dang / yang dag pa'i gtam gyis gtan la 'bebs pas dam pa rnams kyi sems mgu bar byed de/ mkhas pa mkhas pa zhes bya ba'i grongs su 'gro'o/ /de la ji ltar rnam par gzhag par sla ba ni/ ston pas go bar bya ba'i don mang du rnam par gzhag pa mdor bsdus te/tshegs chung ngus rnam par 'jog pa'i phyir ro/ /bshad sla ba ni nyung ngus don chen po rgyas par go bar byed pa'i phyir ro/ /'di lta ste/ 'jog pa dang / rgyun du 'jog pa zhes bya ba la sogs pa'o/ /nyan pas kyang gzung sla ba'o/ /chos la gus pas myur du tshogs yongs su rdzogs par byed pa ni chos 'di bsgoms pas shes par bya ba yin par gtogs pas gus pa skyed pas chos de la gces su byed pa'i sgo nas dad pa la sogs pa'i tshogs yongs su rdzogs par byed pa'o//myur du chos nyid rtogs par 'gyur ba nyid de ltar gces su bya ba'i sbyor ba'i shes rab rno bar 'gyur ba'i phyir ro//dkon mchog rnams la shes nas dad pa thob pa ni/ /bstan pa la legs par gnas par khong du chud nas ston pa la sogs pa la dad pa skye ba'i phyir ro/ /mthong ba'i chos la bde bar gnas pa'i mchog la reg par ni/ dgongs pa'i don rtsol ba chen pos sam/ rtogs pas rab tu dga' ba'i khyad par thob pa'i phyir ro//yang dag pa'i gtam gyis gtan la 'bebs pas dam pa rnams sems mgu bar byed do/ /don zab mo rnam par 'byed pas de'i phyir mkhas pa mkhas pa zhes bya ba'i grangs su 'gro ste/ gang de 'di la kun nges par rtogs pa zhes bya ba'i tha tshig go//tha ma ni gnyis ka bsdus te phan yon gcig tu blta bar bya'o/ /dbyangs kyis bsnyad pa gang / mdo de nyid du dbus dang mtha' mar tshigs su bcad de dbyangs kyis bsnyad pa'o/ /yang drang ba'i don gyi mdo rtog par byed na de dbyangs kyis bsnyad pa'o/ /lung du bstan pa gang / gang du nyan thos 'das pa'i dus dang /skye ba lung ston pa'o/ /yang nges pa'i don gyi mdo ni lung du bstan pa'o/ /des rnam par phye nas dgongs pa lung du ston pa'i phyir ro/ /tshigs su bcad pa gang / tshigs su sbyar nas gsungs pa ste/ de ni rkang pa gnyis pa dang / rkang pa gsum pa dang / rkang pa bzhi pa dang /rkang pa lnga pa dang / rkang pa drug pa'o/ /ched du brjod pa gang / gang yi rangs nas brjod pa'o/ /gang gi tshangs pa chos dang / kun du skyob pa dang / bsam gtan du bya ba 'di dag rab tu 'byung bar 'gyur ro zhes pa'o/ /gleng gzhi gang / 'di lta ste/ gang gi ched du gsungs pa dang / ltung ba dang bcas pa'i bslab pa gsungs pa'o//gling gzhi'i sde ni gang zag 'ga' zhig gi ched du gsungs pa dang / ltung ba dang bcas pa'i bslab pa gsungs pa ste/ 'di lta ste gzhi 'di dang / skabs 'di dang / rgya cher 'byung ba'o/ /rtog pa brjod pa gang / dpe dang bcas pa gsungs pa'o/ /des don gsal bar byed pa'i phyir ste/mngon par gsal bar byed ces bya ba'i tha tshig go/ /de lta bu byung ba gang / gang sngon gyi sbyor ba dang ldan pa'o/ /skyes pa'i rabs gang byang chub sems dpa'i spyod pa dang ldan pa'o/ /shin tu rgyas pa gang / byang chub sems dpa'i sde snod dang ldan pa'o/ /shin tu rgyas pa ji lta bar rnam par 'thag pa dang /mtshungs pa dang bral ba yang ngo / /ci'i phyir shin tu rgyas pa sems can thams cad la phan pa dang / bde ba'i gnas dang / rgyas pa dang / rgya che ba dang / dka' ba'i rnam par chos bstan pa'i phyir ro/ /ci'i phyir rnam par 'thag pa/ sgrib pa thams cad rnam par 'thag pa'i phyir ro//ci'i phyir mtshungs bral/ mtshungs pa med pa'i phyir ro/ /de rnams ni shin tu rgyas pa la sogs pa'i theg pa chen po'i rnam grangs te/ de ni chen po rnam pa bdun dang ldan pa'i phyir theg pa chen po zhes brjod do/ /rnam pa bdun ni/ dmigs pa chen po dang / bsgrub pa dang / ye shes dang /brtson 'grus dang / thabs dang / thob pa dang / las kyi khyad par gyi phyir ro/ /de la dmigs pa chen po ni/ stong phrag brgya pa la sogs pa'i mdo sde dpag tu med par bstan pa'i chos la dmigs pa'i phyir ro/ /bsgrub pa chen po ni byang chub sems dpa'i lam ni/ bdag gzhan gyi don thams cad bsgrub pa'i phyir ro//ye shes chen po ni gang zag dang chos la bdag med pa'i phyir ro/ /brtson 'grus chen po ni bskal pa grangs med pa chen po gsum du dka' ba spyod pa brgya stong la sbyar ba'i phyir ro/ /thabs la mkhas pa chen po ni/ 'khor ba dang mya ngan las 'das pa la mi gnas pa'i phyir ro//thob pa chen po ni stong pa dang mi 'jigs pa dang sangs rgyas kyi chos ma 'dres pa la sogs pa yon tan dang dpag tu med cing grangs med pa thob pa'i phyir ro/ /las chen po ni 'khor ba ji srid par bya dka' ba la sogs pa yang dag par ston pas sangs rgyas kyi mdzad pa sgrub pa'i phyir ro/ /rmad du byung ba'i chos gang /gang du nyan thos dang / byang chub sems dpa' dang sangs rgyas kyi ngo mtshar rmad du byung ba'i chos bstan pa'o/ /gtan la phab pa bstan pa gang / gang du chos kyi mtshan nyid phyin ci ma log par bstan pa'o/ /chos kyi mtshan nyid mdo sde la sogs pa'i chos bstan pa'o/ /ston pa sangs rgyas kyis mdzad pa mdo la sogs pa 'di dag ni sde snod gsum du 'gyur te/gang du mdo dang / dbyangs kyis bsnyad pa dang / lung du bstan pa dang / tshigs su bcad pa dang / ched du brjod pa 'di dag ni nyan thos kyi mdo'i sde snod do/ /gleng gzhi dang / rtog pa brjod pa dang / de lta bu byung ba dang /skyes pa'i rabs 'khor ba dang bcas pa 'di ni 'dul ba'i sde snod do/ /de la gling gzhi de ni ltung ba la bslab bya bcas pa gsungs pa bsdus pas 'dul pa'i sde snod do/ /rtog pa brjod pa la sogs pa ni de'i 'khor du rig par bya'o/ /shin tu rgyas pa dang rmad du byung ba'i chos gang / 'di ni byang chub sems dpa'i sde snod do/ /ci'i phyir byang chub sems dpa'i sde snod du de rnams bsdus she na/ de dag gi khyad par gyi mthus bsam gyis mi khyab cing rgya che ba'i khyad par dang ldan pa'i phyir ro/ /gtan la phab par bstan pa 'di ni gnyi ga'i chos mngon pa'i sde snod do/ / nyan thos kyi theg pa dang theg pa chen po'o/ /ci'i phyir de bzhin gshegs pa rnams kyis sde snod gsum rnam par gzhag /nye ba'i nyon mongs pa thams cad kyi gnyen po'i phyir mdo'i sde snod rnam par gzhag go/ /gdul bya rnams kyi the tshom skyes pa mi skyed pa gcad par bya ba'i phyir du mdo dang dbyangs kyis bsnyad pa la sogs pa bstan pa'i phyir ro//nye ba'i nyon mongs pa mtha' gnyis dang ldan pa'i phyir 'dul ba'i sde snod rnam par gzhag go/ /nye ba'i nyon mongs pa mtha' gnyis la sbyor ba'i gnyen po ni sog 'jog byas pa la yongs su longs spyod pa spang pa'i phyir dang / gos stong phrag brgya ri ba la sogs pa rjes su gnang ba'i phyir ro//yang mtha' gnyis ni 'dod pa bsod nams kyi mtha' dang bdag dub pa'i mtha'o/ /rang gi lta ba mchog tu 'dzin pa nye ba'i nyon mongs pa'i gnyen po'i phyir chos mngon pa'i sde snod rnam par gzhag go/ /der nye ba'i nyon mongs pa gzhol ba'i phyir chos kyi mtshan nyid rgya cher bstan pa'i phyir ro//yang bslab pa gsum goms par bya ba'i phyir mdo'i sde snod rnam par gzhag go/ /'di ltar de mdo sde'i sde snod la brten nas gdul bya rnams bslab pa gsum byang bar byed de/ de de dag rgyas par brjod pa'i phyir ro/ /lhag pa'i tshul khrims dang lhag pa'i sems kyi bslab pa bsgrub pa'i phyir 'dul ba'i sde snod rnam par gzhag go//'di ltar de 'dul ba la brten nas lhag pa'i tshul khrims dang / lhag pa'i sems kyi bslab pa bsgrub ste/ de so sor thar pa'i sdom pas bslab pa'i lam nye bar bstan pa la brten nas tshul khrims yongs su sbyong ba dang de yongs su dag par byed de/'gyod pa med pa la sogs pa'i rim gyis sems mnyam par 'jog pa'i phyir ro/ /lhag pa'i shes rab kyi bslab pa mngon par bsgrub pa'i phyir chos mngon pa'i sde snod rnam par gzhag go/ /chos mngon pa la brten nas lhag par shes rab kyi bslab pa mngon par bsgrub ste/ der chos rab tu rnam par 'byed pa la rgya cher nye bar bstan pa'i phyir te/de'i phyir sde snod gsum du rnam par gzhag go/ /yang chos dang don brjod pa'i phyir mdo'i sde snod rnam par gzhag go/ /mdo sde'i sde snod la brten nas tshig dang don la byang bar byed do/ /chos dang don mngon du bya ba'i gzhi'i gnas yin pa'i phyir 'dul ba'i sde snod rnam par gzhag go//'di dag 'dul ba la brten nas gnyi ga mngon sum du byed de/ 'dul ba'i sde snod ni bslab pa bsgrub pas rab tu phye ba'i phyir ro/ /de'i phyir chos dang don mngon sum du bya ba'i gnas yin pas gzhi'i gnas zhes brjod do/ /yang dag pa'i gtam gyis gtan la phab pas chos la rdzogs par longs spyod pas bde ba la reg par gnas par bya ba'i phyir chos mngon pa'i sde snod rnam par gzhag go//chos mngon pa la brten nas phan tshun yang dag pa'i gtam gyis gtan la 'bebs par byed pa na chos la rdzogs par longs spyod par bde ba la reg par gnas par 'gyur te/der chos rnam pa mang po rnams kyi rang gi mtshan nyid la sogs pa'i chos nyid la byang bar byed pa'i phyir ro/ /nyan thos kyi theg pa'i skabs su gnas brtan kun dga' bos chos kyi phung po brgyad khri bzhi stong gang dag gzung ba rnams ni sde snod gsum po 'di dag nyid yin no/ /chos kyi phung po gcig gi tshad ji tsam zhe na/grangs brgya phrag bcu ni chos kyi phung po ste/ grangs stong zhes bya ba'i tha tshig go/ /gal te de ltar yin na grangs stong zhes de skad du ci'i phyir mi brjod ce na/ phung po re re la'ang stong stong rnam par gzhag pa'i dgos pa bstan pa'i phyir te/ 'di ltar gcig la sogs par bskyed na grangs bcu ba 'gyur ro//bcur bskyed na grangs brgyar 'gyur ro/ /grangs stong la sogs pa'i gzhi ni grangs brgya phrag bcu yin par blta bar bya'o/ /'di lta ste brgya phrag bcu na stong ngo / /stong phrag brgya na 'bum mo/ /'bum phrag brgya na bye ba'o/ /de bzhin du grangs gong ma thams cad la yang / brgya dang bcu po 'di nyid las gang yang rung ba zhig na gdon mi za bar bzhir 'gyur te/de'i phyir de dag bsdu na grangs brgya phrag bcu po dag la chos kyi phung po gcig gi rnam par gzhag go/ /bgrang ba'i tshul 'dis ni chos kyi phung po brgyad khri bzhi stong ni tshig le'ur byas pa bye ba phrag brgya dang / 'bum phrag bzhi bcur 'gyur ro/ / chos 'di dag rnams kyi rnam par nges pa gang dang spyod yul gang / sde snod gsum gyis rnam par bsdus pa'i chos 'di dag gang gi spyod yul yin zhe na/ smras pa de rnams ni thos pa las byung ba dang / bsams pa las byung ba dang / bsgoms pa las byung ba dang / sems dang sems las byung ba'i chos rnams kyi spyod yul lo//dmigs pa zhes bya ba'i tha tshig go/ /de'i zhar la dmigs pa dang bcas pa la sogs pa'i mtshan nyid sems dang sems las byung ba rnams kyi chos las brtsams te/ dmigs pa la sogs pa rnam par gzhag go/ /sems dang sems las byung ba'i chos rnams ni dmigs pa dang bcas pa dang /rnam pa dang bcas pa dang / gnas dang bcas pa dang / mtshungs par ldan par yang brjod do/ /chos de rnams kyi dmigs pa gang zhe na mdo sde la sogs pa ste/ ming dang tshig dang yi ge'i tshogs kyis bsdus pa'i mdo sde la sogs pa bshad pa'o zhes bya ba'i tha tshig go/ /rnam pa gang phung po byung ba'i chos la sogs pa dang ldan pa'i chos rnams so//rnam pa ni gang phung po la sogs pa'i don gyi rnam pa rnams las brtsams te/ bstan pa gang yin pa de'i rnam pa rnams te de dag ni sems dang sems las byung ba rnams su rig par bya'o/ /gnas gang / gzhan las rnam par rig pa dang / dran pa dang / bag chags so/ /de la bshad pa'i dus la gzhan gyi rnam par rig pa ni gnas te/ de ni gzhan gyi sgra las shes pa 'byung ba'i phyir ro/ /de'i 'og gi dus na dran pa'i gnas te/ ji ltar thos pa bzhin du rjes su dran pas goms par byed pa'i phyir ro/ /de'i 'og tu bag chags ni gnas te rjes su dran pa med kyang /goms pa'i bag chags kyi dbang gis phyis rnam par 'gyur ba'i phyir ro/ /mtshungs par ldan pa gang gcig gi grogs gcig yin pa'i tshul gyis rnam par dmigs pa la yang dag par rtogs pa'o/ /sems dang sems las byung ba'i phan tshun grogs yin pa'i tshul gyis mdo la sogs pa dang /mtshungs par ldan pa'i rnam pa yang dag par rtogs pa'o/ /chos dmigs pa'i rab tu dbye ba gang / khyab pa'i dmigs pa dang spyod pa rnam par spyod pa'i dmigs pa dang nyon mongs pa rnam par sbyong ba'i dmigs pa'o/ /'dir chos kyi dmigs pa'i rab tu dbye ba khyab pa la sogs pa rnam pa bzhi'o//de la khyab pa'i dmigs pa gang / rnam par rtog pa dang bcas pa'i gzugs brnyan dang / rnam par mi rtog pa'i gzugs brnyan dang / dngos po'i mtha' dang / dgos pa yongs su grub pa'o/ /'dir rnam par rtog pa dang bcas pa'i gzugs brnyan la sogs pa rnam pa bzhi ni khyab pa'i dmigs pa'o//de la rnam par rtog pa dang bcas pa'i gzugs brnyan gang / mos pa yid la byed pas gang zhi gnas dang lhag mthong la dmigs pa'o/ /de la mos pa yid la byed pa ni/ gang gcig tu 'jig rten pa'i yid la byed pa'o/ /rnam par mi rtog pa'i gzugs brnyan gang / de kho na yid la byed pa gang zhi gnas dang lhag mthong la dmigs pa'o/ /de kho na yid la byed pa ni 'jig rten las 'das pa dang de'i rjes las thob pa'o/ /dngos po'i mtha' gang / gang chos rnams kyi ji snyed yod pa dang ji lta ba bzhin du yod pa'o/ /ji snyed yod pa ni/ de la chos rnams kyi ji snyed yod pa ni chos thams cad kyi dngos po 'di dag kun du zad do//nyes gang shes bya rnam par bzhag pa ste 'di ltar phung po dang khams dang skye mched rnams so/ /ji lta ba bzhin du yod pa ni 'phags pa'i bden pa bzhi dang / rnam pa bcu drug dang / de bzhin nyid dang / de ltar 'du byed thams cad mi rtag pa dang / 'du byed thams cad sdug bsngal ba dang / chos thams cad bdag med pa dang / mya ngan las 'das pa zhi ba dang / stong pa nyid dang / smon pa med pa dang / mtshan ma med pa'o/ /ji lta ba bzhin du yod pa ni/ rnam pa 'di dag tu de shes par bya ba ste/ 'di la bden pa'i sgo nas phung po dang khams dang skye mched de dag nyid ji ltar mthun mthun du sdug bsngal ba nyid du shes par bya ba nas lam gyi bar du'o//rnam pa'i sgo nas bden pa re re la'ang rnam pa bzhi bzhir rig par bya'o/ /bye brag med par ni thams cad kyang de bzhin nyid rnam par shes par bya'o/ /chos kyi sdom gyi skabs kyis ni 'du byed thams cad mi rtag pa nyid du shes par bya ba nas mya ngan las 'das pa zhi ba nyid kyi bar du'o//rnam par thar pa'i rnam pa'i skabs kyis ni stong pa nyid nas mtshan ma med pa'i bar du'o/ /dgos pa yongs su sgrub pa gang / gnas gyur pa'o/ /gnas gyur pa'i dmigs pa ni phyin ci ma log par snang ba'i phyir ro/ /ji lta ba bzhin du yod pa rnam pa bcu drug bstan pa las/ji lta ba bzhin du yod pa rnam pa bcu drug bstan pa dang / rnam par thar pa rnam pa gsum bstan pa de dag ni gcig gis gcig sdud do/ /de'i phyir gsungs pa/ rnam pa bcu drug la stong pa nyid kyi rnam pa du/ gnyis so/ /stong pa'i rnam pa gnyis ni/stong pa'i rnam pa dang / bdag po'i rnam pa'o/ /smon pa med pa'i rnam pa du/ drug go/ /mi rtag pa'i rnam pa dang / sdug bsngal ba'i rnam pa dang / rgyu dang / kun du 'byung ba dang / rab tu skye ba dang / rkyen gyi rnam pa ste/ de dag gis khams gsum pa la smon pa med pa'i phyir ro/ /mtshan ma med pa'i rnam pa du/brgyad do/ /lhag ma brgyad ni mtshan ma med pa'i rnam pa ste/ 'gog pa dang lam la mtshan mar byed mi nus pa'i phyir ro/ /spyod pa rnam par spyod pa'i dmigs pa gang / 'dod chags la spyod pa rnams kyis ni mi sdug pa'o/ /zhe sdang la spyod pa rnams kyis ni byams pa'o/ /gti mug la spyod pa rnams kyis ni rkyen 'di las byung ba'i rten cing 'brel bar 'byung ba'o//nga rgyal la spyod pa rnams kyis ni khams kyi rab tu dbye ba'o/ /rnam par rtog pa la spyod pa rnams kyis ni dbugs 'byung ba dang rngub pa rjes su dran pa'o/ /ci'i phyir 'dod chags la spyod pa la sogs pa mi sdug pa la sogs pa'i spyod pa rnam par sbyong ba la dmigs she na/des 'dod chags la sogs pa shas che ba nye bar zhi bar byed pa'i phyir ro/ /mkhas pa'i dmigs pa gang / phung po la mkhas pa dang / khams la mkhas pa dang / skye mched la mkhas pa dang / rten cing 'brel bar 'byung ba la mkhas pa dang / gnas dang gnas ma yin pa la mkhas pa'o//gnas dang gnas ma yin pa la mkhas pa ji ltar blta bar bya/ rten cing 'brel bar 'byung ba la mkhas pa blta bar bya'o/ /rten cing 'brel bar 'byung ba la mkhas pa dang / gnas dang gnas ma yin pa la mkhas pa'i bye brag ci/ chos rnams la chos rnams mngon par 'byung ba'i phyir/rgyu med pa dang / mi mthun pa'i rgyu yongs su spangs pas rten cing 'brel par 'byung ba la mkhas pa'o/ /ma rig pa la sogs pa'i chos rnams ni 'du byed la sogs pa'i chos rnams mngon du 'byin te/ 'di ltar rgyu med pa las byung ba ma yin zhing dbang phyug la sogs pa'i mi mthun pa'i rgyu la sogs pa yang ma yin par shes pa gang yin pa de ni rten cing 'brel par 'byung ba la mkhas pa'o//rgyu dang mthun par 'bras bu 'byung ba yongs su bzung ba'i phyir gnas dang gnas ma yin pa la mkhas pa'o/ /chos tsam gyi rgyu las byung ba yin du zin kyang mthun pa'i rgyu las mthun pa'i 'bras bu nyid 'byung ste 'di lta ste/legs par spyad pa'i rnam par smin pa dge ba dang / nyes par spyad pa'i rnam par smin pa mi dge ba zhes bya ba la sogs par shes pa gang yin pa 'di ni gnas dang gnas ma yin pa la mkhas par rig par bya'o/ /nyon mongs pa rnam par sbyong ba'i dmigs pa gang /sa 'og ma rnams kyis ni rags pa nyid do/ /sa gong ma rnams kyis ni zhi ba nyid do/ /de bzhin nyid dang 'phags pa'i bden pa bzhi'o/ /'jig rten pa'i lam gyi skabs su sa 'og ma dang gong ma rnams kyang rags pa dang zhi ba nyid de/ des kun nas dkris pa rnam par gnon pa'i phyir ro/ / 'jig rten las 'das pa'i lam gyi gnas su ni bsdu na de bzhin nyid do/ /spros nas 'phags pa'i bden pa bzhi ste des bag la nyal legs par bcom pa'i phyir ro/ /mdo sde la sogs pa'i chos dpyad pa dang 'brel pas rigs pa bzhi brjod par bya ste/ de dag gis dpyod pa'i phyir ro/ /de'i phyir brjod pa chos la brtson pa chos la rnam par dpyod pa na rigs pa du zhig gis rnam par dpyod/bzhis dpyod de/ ltos pa'i rigs pa dang / bya ba byed pa'i rigs pa dang / 'thad par sgrub pa'i rigs pa dang / chos nyid kyi rigs pa'o/ /ltos pa'i rigs pa gang / gang 'du byed rnams 'byung ba na rkyen la ltos pa'o//'di lta ste myu gu 'byung ba na sa bon dang / dus dang / chu dang / zhing rnam par ltos pa dang / rnam par shes pa ni dbang po dang / don dang yid la byed pa zhes bya ba la sogs pa'o/ /bya ba byed pa'i rigs pa gang / rang gi mtshan nyid tha dad pa'i chos rnams so so rang gi bya ba byed pa'o//'di lta ste/ mig la sogs pa ni mig gi rnam par shes pa la sogs pa'i gnas kyi dngos po'o/ /gzugs la sogs pa ni dmigs pa'i dngos po'o/ /mig gi rnam par shes pa la sogs pa ni gzugs la sogs pa so sor rnam par rig par bya'o/ /gser mgar la sogs pa lag bzo rnams ni gser bum la sogs pa byed ces bya ba la sogs pa'o//'thad pa bsgrub pa'i rigs pa gang / gang sgrub pa'i don tshad ma dang mi 'gal bar bstan pa'o/ /'thad pa bsgrub pa'i rigs pa ni bsgrub pa'i don ngo bo nyid dang / khyad par gyis bsdus pa mngon sum la sogs pa'i tshad ma dang mi 'gal bar dam bca' ba la sogs pa bstan pa'o//chos nyid kyi rigs pa gang / gang thog ma med pa'i dus nas rang dang spyi'i mtshan nyid du gnas pa'i chos rnams la chos nyid du grags pa'o/ /'di lta ste/ mes 'tshig chus ni 'drul zhes bya ba la sogs par grags pa'i chos rnams kyi chos nyid do//ji skad du/ 'byor ldan mig ni rtag pa nas bdag gi ba'i bar gyis stong ngo / /de ci'i phyir zhe na 'di'i rang bzhin ni 'di'o zhes gsungs pa lta bu'o/ /chos la rigs pas dpyod pa la brtson pa'i kun du tshol ba gang / kun du tshol ba bzhi ste/ ming kun du tshol ba dang / dngos po kun du tshol ba dang /ngo bo nyid du 'dogs pa kun du tshol ba dang / bye brag tu 'dogs pa kun du tshol ba'o/ /ming kun du tshol ba gang / gang gis ming gi tshogs dang / tshig gi tshogs dang / gsal byed kyi tshogs rnams kyi rang gi mtshan nyid yongs su grub pa med par rtogs pa'o/ /ming gi tshogs la sogs pa'i yod pa yin pa'i phyir 'di dag gi rang gi mtshan nyid yongs su grub pa med par dpyod pa'o//dngos po kun du tshol ba gang / gang de bzhin du phung po dang / khams dang / skye mched kyi mtshan nyid yongs su grub pa med par rtogs pa'o/ /ji ltar ming gi tshogs la sogs pa brjod pa de bzhin du phung po la sogs pa'i mtshan nyid yongs su grub pa med par rtogs pa ste yongs su rtogs zhes bya ba'i tha tshig go//ngo bo nyid du 'dogs pa kun du tshol ba gang / gang brjod pa dang / brjod par bya ba'i 'brel ba la ngo bo nyid du 'dogs pa tsam gyi tha snyad kyi rgyu nyid du rtog pa'o/ /brjod pa dang / brjod par bya ba'i 'brel pa ni phan tshun rtogs pa'i rgyu nyid do//'di ltar tha snyad la byang ba ni brjod pa tsam thob pas de'i brjod par bya ba la dran pa'i sgo nas rtog pa 'byung ngo / /brjod par bya ba dmigs na yang de'i brjod pa la rtog pa 'byung ba ste/ rnam pa de lta bur 'brel par grags pa la mig la sogs pa'i rang gi mtshan nyid du btags pa tsam du de brjod la/sha'i dum bu la sogs pa tha snyad kyi rgyur gyur pa gang kun du rtog pa de ni ngo bo nyid du 'dogs pa kun du tshol ba zhes brjod do/ /khyad par du 'dogs pa kun du tshol ba gang / gang brjod pa dang brjod par bya ba'i 'brel ba la khyad par du 'dogs pa tsam gyi tha snyad kyi rgyu nyid du rtog pa'o//gang de bzhi du brjod pa dang brjod par bya ba'i 'brel pa rtag pa dang / mi rtag pa dang / bla na yod pa dang bla na med pa dang / gzugs can dang / gzugs can ma yin pa dang / bstan pa yod pa dang / bstan du med par khyad par gyi mtshan nyid du 'dogs pa tsam gyi tha snyad kyi rgyu nyid du rtog pa'o//chos kun du tshol ba la brtson pa'i yang dag pa ji lta ba bzhin du yongs su shes pa gang / yang dag pa ji lta ba bzhin du yongs su shes pa bzhi ste/ ming tshol bar rtog pa yang dag pa ji lta ba bzhin du yongs su shes pa dang / dngos po tshol bar rtog pa dang / ngo bo nyid du rtog pa tshol bar rtog pa dang /khyad par du 'dogs pa tshol bar rtog pa yang dag pa ji lta ba bzhin du shes pa'o/ /ming tshol bar rtog pa yang dag pa ji lta ba bzhin du yongs su shes pa gang / ming mi dmigs par shes pa'o/ /dngos po tshol bar rtog pa yang dag pa ji lta ba bzhin du yongs su shes pa gang /de bzhin du dngos po'i mtshan nyid mi dmigs par shes pa'o/ /ngo bo nyid du 'dogs pa tshol bar rtog pa yang dag pa ji lta ba bzhin du yongs su shes pa gang / ngo bo nyid rdzas su mi dmigs par shes pa'o/ /khyad par du 'dogs pa tshol bar rtog pa yang dag pa'i lta ba bzhin du yongs su shes pa gang /bye brag rdzas su mi dmigs par shes pa'o/ /yongs su tshol ba bzhi po de rnams ni ming la sogs pa la mi dmigs par shes pa rnams so/ /chos la ting nge 'dzin du brtson pa'i rnal 'byor gyis gang de ni rnam pa lngar blta bar bya ste/ gzhi dang / bskyed pa dang / me long lta bu dang /snang ba dang / gnas so/ /gzhi gang / tshogs bsags pa'i bden pa las brtsams te/ mang du thos pa nyid do/ /de la gzhi ni mang du thos pa ji ltar dmigs pa'i tshul gyis zhi gnas dang / lhag mthong gi gnas su gyur pa ste/ de ni gzhi zhes brjod do/ /bskyed pa gang / de dmigs pa tshul bzhin yid la byed pa'o//des mang du thos pa de la phyin ci ma log par don sems kyi tshul gyis sems 'dzin pa'i phyir ro/ /me long lta bu gang / de la dmigs pa'i ting nge 'dzin mtshan ma dang bcas pa'o/ /mang du thos pa de nyid la dmigs pa'i ting nge 'dzin mtshan ma dang bcas pa ste/shes bya'i dngos po dang mtshungs par gzugs brnyan lta bu'o zhes bya ba'i tha tshig go/ /'di'i me long lta bu nyid ni shes bya'i gzugs brnyan la yongs su rtogs par rig par bya'o/ /snang ba gang gzung ba dang 'dzin pa mi dmigs par shes pa'o/ /mngon sum du byung ba'i phyir ma thob pa'i lam gyis bsdus so//'di la dgongs nas bcom ldan 'das kyis/ /byang chub sems dpa' mnyam gzhag pa/ /yid kyi gzugs brnyan mthong bas na/ /don gyi 'du shes ldog de nas/ /rang gi 'du shes nges par gzung / /de ltar nang gi sems gnas nas/ /gzung ba med par rtogs par byas/ /de yi 'og tu 'dzin med par//de nas mi dmigs rig par bya/ /zhes gsungs so/ /ji ltar na byang chub sems dpa' rnal 'byor gyis 'di la brtson pa mi dmigs pa la reg ce na/ bsod nams dang ye shes kyi tshogs bsags pa'i byang chub sems dpa' rnams ni bskal pa grangs med pa tshar phyin nas de bzhin nyid rtogs pa dang mthun pa'i thob pa tshul bzhin yid la byed cing ting nge 'dzin sgrub ste/de de ltar mnyam par gzhag pa'i sems kyis shes bya'i gzugs brnyan gang yin pa de la brten nas bsam gtan du byed do/ /mnyam par bzhag pa'i sems las de gzhan ma yin par mthong bas gzugs brnyan de la yul gyi 'du shes bzlog ste/de'i rnam pa rang gi 'du shes tsam du 'dzin to/ /de'i tshe rang gi sems tsam gnas pa'i phyir/ sems can du gnas par gyur nas bzung ba rnam pa thams cad du med par rab tu shes so/ /de'i 'og tu bzung ba med par 'dzin pa yang yongs su ma grub po zhes de yang med par rab tu rtogs so/ / de'i 'og tu so so rang gi de gnyi ga'i rang bzhin du dmigs pa dang bral nas dmigs pa med par khong du chud do/ /de nyid kyi dbang du mdzad nas bcom ldan 'das kyis/ byang chub sems dpa' mnyam gzhag pa/ /yid kyi gzugs brnyan mthong bas na/ /don gyi 'du shes ldog de nas/ /rang gi 'du shes nges par gzung //de ltar nang gi sems gnas nas/ /bzung ba med par rtogs par bya/ /de yi 'og tu 'dzin med par/ /de nas mi dmigs rig par bya/ /zhes gsungs so/ /gnas gang gnas gyur pa'o/ /gnas ngan len dang bral ba'i gnas yongs su dag ces bya ba'i tha tshig go/ /rnal 'byor gyi sa 'di ni rgyu dang /'bras bu bstan par rig par bya'o/ /de la bzhi la sogs pa bzhis ni rgyu bstan to/ /tha ma gcig gis ni 'bras bu bstan to/ /ji ltar na chos la mkhas pa yin/ ji ltar na don la mkhas pa yin/ ji ltar na yi ge la mkhas pa yin/ ji ltar na nges pa'i tshig la mkhas pa yin/ ji ltar na sngon gyi mtha' dang phyi ma'i mtha'i dgongs pa la mkhas pa yin zhes bya ba'i dri ba lnga po 'di rnams mdo sde'i tshig gi rjes su 'brangs pas rig par bya'o//ji skad du gnas brtan kun dga' bos tshe dang ldan pa shA ri'i bu/ chos lnga dang ldan pa'i dge slong myur du 'dzin to/ /mang du 'dzin to/ /legs par 'dzin to//gzung ba chud mi gzon to zhes mdo sder chos lnga po de rnams dang myur du 'dzin pa la sogs pa bzhi dang ci rigs su rig par bya'o/ /ji ltar na chos la mkhas pa yin/ mang du thos pa nyid kyi phyir ro/ /chos la mkhas pa ni myur du 'dzin pa ste/ mang du thos pa na tshig dang yi ge rnams tha mi dad pa'i phyir ro//ji ltar na don la mkhas pa yin/ chos mngon pa dang / 'dul ba mngon pa'i mtshan nyid shes pa'i phyir ro/ /don la mkhas pa ni mang du 'dzin te/ chos mngon pa la sogs pa'i mtshan nyid shes pa'i phyir te/ phung po dang khams la sogs pa'i bshad pa'i gnas skabs kyis gzhung la sogs pa shin tu 'dus che ba'i phyir ro//ji ltar na yi ge la mkhas pa yin/ nges pa'i tshig bzang po'i yi ge shes pa nyid kyi phyir ro/ /ji ltar na nges pa'i tshig la mkhas pa yin/ bdag go/ /bdag ces yul mi'i nges pa'i tshig la mngon par ma zhen par rjes su tha snyad 'dogs pa shes pa nyid kyi phyir ro/ / yi ge la mkhas pa dang / nges pa'i tshig la mkhas pa ni legs par 'dzin par 'gyur te/ gzhung don dag phyin ci ma log par 'dzin pa'i phyir ro/ /ji ltar na sngon gyi mtha' dang phyi ma'i mtha'i dgongs pa la mkhas pa yin/ sngon gyi mthar bzung ba dang / phyi ma'i mthar nges par 'byung bar bya ba shes pa nyid kyi phyir ro//sngon gyi mtha' dang phyi ma'i mthar dgongs pa la mkhas pas ni/ gzung ba chud mi gzon par 'gyur te/ bzung ba'i chos snga ma rnams la brten nas/ phyi ma 'byung bar bya ba'i dgongs pa shes pa'i phyir dang / khong du chud pas de'i snying po len pa'i phyir ro/ /ji ltar na chos la gnas pa nyid yin/bsgom pa la ma brten par thos pa dang / sems pa'i sbyor ba 'ba' zhig gis kyang chos la gnas pa ma yin la/ thos pa dang sems pa la ma brten par bsgom pa la sbyor ba 'ba' zhig gis kyang chos la gnas pa ma yin gyi/ gnyi ga la brten te gnyi ga la gnas na chos la mkhas pa yin no//btsun pa chos la gnas pa'i dge slong zhes bya ba'i mdo der ni/ bcom ldan 'das kyis thos pa dang bsam pa dang / bsgom pa thams cad kyis chos la gnas pa yin gyi sbyor ba gang yang rung ba tsam gyis ni ma yin par bstan to/ /'dzin pa dang / kha don byed pa dang / bshad pa la sogs pa rnams kyis thos pa las byung bar blta bar bya'o//de la kun chub par byed pa dang / kha ton byed pa dang / bshad pa mang ba dang / rtog pa mang ba dang / de 'ba' zhig ni thos pa dang sems pa la zhugs pa yin gyi/ bsgom pa la zhugs pa ma yin te rnal 'byor la sogs pa bor ba'i phyir ro/ /de'i phyir chos la gnas pa ma yin par gzhag go//ting nge 'dzin la sbyor ba dang chog par mi 'dzin pa dag gis bsgoms pa las byung bar blta bar bya'o/ /gang la la zhig thos pa dang sems pa la ma brten par bsgom pa 'ba' zhig la zhugs pa de yang chos la gnas pa ma yin pa rnam par gzhag go/ /de'i phyir bcom ldan 'das kyis chos la gnas pa'i dge slong la brtsams te/ci nas thos pa dang / bsam pa dang / bsgom pa'i shes pa la brten nas de gnyi ga la gnas pas chos la gnas pa yin pa'i phyir ro/ /'di ltar dge slong mdo dang / dbyangs kyis bsnyad pa dang / lung du bstan pa'i chos kun chub par byed pa zhes rgya cher gsungs nas/de'i 'og tu rnal 'byor mi 'dor ro zhes bya ba la sogs pa'o/ /rnal 'byor mi 'dor ro zhes bya ba la sogs pas ni ting nge 'dzin la sbyor ba dang / chog par mi 'dzin pa dag gis bsgoms pa las byung bar bstan to/ /sbyor ba ni rgyun du chud pa dang / gus par sbyor ba dang / ma log par sbyor bar blta bar bya'o//chog par mi 'dzin pa ni ro mi myang ba dang / gong du zhi gnas la sbyor bar blta bar bya'o/ /de ni rnam pa gnyis te/ rgyun du chud pa dang / gus par sbyor bas bsdus pa ni rnal 'byor mi 'dor ba zhes bya ba 'dis bstan to/ /ma log par sbyor bar bsdus pas ni/ yid la byed pa mi 'dor ba zhes bstan to//chog par mi 'dzin pa ni nang du sems zhi gnas su byed pa mi 'dor ba zhes bya ba 'dis bstan te/ de'i ro mi myang ba dang / gong du zhi gnas la sbyor ba mi 'dor bar rig par bya'o/ /ci'i phyir shin tu rgyas pa la byang chub sems dpa'i pha rol tu phyin pa'i theg pa'i sde snod ces brjod do/ /der pha rol tu phyin pa rnams kyi grangs bstan pa dang /mtshan nyid bstan pa dang / go rims bstan pa dang / nges pa'i tshig bstan pa dang / bsgom pa bstan pa dang / rab tu dbye ba bstan pa dang / bsdus pa bstan pa dang / mi mthun pa'i phyogs bstan pa dang / yon tan gyi bsngags pa bstan pa dang / gcig la gcig nges pa'i phyir ro//ci'i phyir mdo sde gzhan las shin tu rgyas pa byang chub sems dpa'i theg pa pha rol tu phyin pa'i sde snod ces bya zhe na der pha rol tu phyin pa rnams kyi grangs bstan pa nas/ gcig la gcig rnam par nges par bstan pa'i phyir ro/ /de la grangs ni rnam pa gnyis te/ bgrang ba'i grangs dang / de tsam gyi grangs so/ /pha rol tu phyin pa drug ces pa ni bgrang ba'i grangs so/ /byang chub sems dpa'i lam mngon par mtho ba dang / nges par legs pa rnam pa thams cad dang ldan pa gnyis gsum gsum gyis bsdus pa'i phyir ro/ /pha rol tu phyin pa drug nyid de/ mi mang mi nyung ba ni de tsam gyi grangs so/ /mngon par mtho ba ni rnam pa gsum ste/longs spyod chen po nyid dang / lus chen po nyid dang / phyogs chen po nyid do/ /de la sbyin pa las longs spyod chen po 'thob pa'i phyir sbyin pa'i pha rol tu phyin pa'i 'bras bu ni longs spyod chen po nyid do/ /de la tshul khrims kyis ni bde 'gro'i lus phun sum tshogs pa thob pa'i phyir ro//tshul khrims kyi pha rol tu phyin pa'i 'bras bu ni lus nyid do/ /bzod pas skye ba thams cad sngon du 'gro bar 'gyur ba thob pa'i phyir bzod pa'i pha rol tu phyin pa'i 'bras bu ni phyogs chen po nyid do/ /nges par legs pa'i lam yang rnam pa gsum te/ nyon mongs pa zil gyis mnan nas dge ba'i phyogs la sbyor ba'i thabs dang /sems can yongs su smin par bya ba'i thabs dang / sangs rgyas dang chos yang dag par bsgrub pa'i thabs te 'di dag las gang yang rung ba cig med na byang chub sems dpa'i nges par legs pa mi 'byung ba'i phyir ro/ /de la sems can yongs su smin par bya ba'i thabs ni/bsam gtan gyi pha rol tu phyin pa ste/ de la brten nas mngon par shes pa rnams kyis sems can yongs su smin par byed pa'i phyir ro/ /yang mi gnas pa'i mya ngan las 'das pa'i thabs su pha rol tu phyin pa drug nyid de/ byang chub sems dpa' mya ngan las 'das pa la gnas pa las bzlog ste/'khor ba na mngon par mthong ba yongs su gzung bar bya'o/ /'khor ba na gnas pa las bzlog ste der nyon mongs pa med par bya'o/ /de'i phyir gsum na mngon par mtho ba thob pa'i gnas so/ /gsum ni de ni nyon mongs pa med pa'i thabs te/ snga ma'i tshul du go rims bzhin du rig par bya'o/ kun nas nyon mongs pa med pa'i thabs la brtson 'grus kyis ni gnyen po bsgom mo/ /bsam gtan gyis ni nyon mongs pa rnam par gnon to/ /shes rab kyis ni bag la nyal legs par 'joms so/ /sems can rjes su 'dzin pa dang / nyon mongs pa'i gnyen po'i phyir yang rnam grangs gzhan te/ de la sbyin pas ni byang chub sems dpa' sems can rnams la yo byad nye bar bsgrub pa'i phan 'dogs pa rjes su 'dzin to//tshul khrims kyis ni phongs pa dang / gnod pa dang / rnam par 'tsho ba med pa'i tshul gyis rjes su 'dzin to/ /go rims bzhin du longs spyod dang / lus dang sems la gnod pa mi bsgrub pa'i phyir ro//bzod pas ni/ phongs pa dang gnod pa la ji mi snyam pas rjes su 'dzin to/ /gzhan dag gi longs spyod la sogs pa la 'dod pa la gnod pa la ji mi snyam pa'i phyir te de gsum gyis rjes su 'dzin to/ /brtson 'grus kyis ni nyon mongs pa rnam par mnan kyang dge ba'i phyogs la sbyor ro/ /bsam gtan gyis ni nyon mongs pa rnam par gnon to//shes rab kyis ni bag la nyal legs par 'joms par byed do/ /'di gsum ni nyon mongs pa'i gnyen por rig par bya'o/ /de la byang chub sems dpa'i pha rol tu phyin pa'i theg pa'i mtshan nyid gang zhe na/ sbyin pa'i pha rol tu phyin pa gang byang chub sems dpa'i chos nyid la gnas pa'i byang chub sems dpa' la brten nas/snying rje sngon du btang ba'i sems kyis bdog pa thams cad yongs su gtong ba'i lus dang / ngag dang yid kyi las te/ de ltar byas na sbyin pa'i pha rol tu phyin pa'i mtshan nyid rigs dang / smon lam dang / bsam pa dang / dngos po dang /ngo bo nyid kyis bstan par rig par bya'o/ /'di lta ste/ byang chub sems dpa'i chos nyid ni rigs so/ /byang chub kyi sems ni smon lam mo/ /snying rje sngon du btang ba'i sems ni bsam pa'o/ /bdog pa thams cad yongs su gtong ba ni dngos po'o/ /lus dang ngag dang yid kyi las ni ngo bo nyid do//de bzhin du shes rab kyi pha rol tu phyin pa'i bar la yang rgya cher rig par bya'o/ /tshul khrims kyi pha rol tu phyin pa gang / gang byang chub sems dpa'i chos nyid la gnas pa'i byang chub sems dpa' byang chub kyi sems la brtan nas snying rje sngon du btang ba'i sems kyis sdom pa dang bsdams pa thams cad yang dag par len pa dang /yongs su bsrung ba'i lus dang ngag dang yid kyi las so/ /bzod pa'i pha rol tu phyin pa gang / gang byang chub sems dpa'i chos nyid la gnas pa'i byang chub sems dpa' byang chub kyi sems la brten nas snying rje sngon du btang ba'i sems kyis gnod pa byed pa thams cad dang / sdug bsngal la ji mi snyam pa la lhag par gnas pa'i lus dang ngag dang yid kyi las so//brtson 'grus kyi pha rol tu phyin pa gang / gang byang chub sems dpa'i chos nyid la gnas pa'i byang chub sems dpa' byang chub kyi sems la brten nas snying rje sngon du btang ba'i sems kyis dge ba'i chos thams cad yang dag par bsgrub pa'i lus dang ngag dang yid kyi las so//bsam gtan gyi pha rol tu phyin pa gang / gang byang chub sems dpa'i chos nyid la gnas pa'i byang chub sems dpa'i byang chub kyi sems la brten nas snying rje sngon du btang ba'i sems kyis lus dang ngag dang yid kyi las kyi rnam pa thams cad dbang 'byor pa la sems kyi gnas pa thams cad dang ldan pa'o//shes rab kyi pha rol tu phyin pa gang / gang byang chub sems dpa'i chos nyid la gnas pa'i byang chub sems dpa' byang chub kyi sems la brten nas snying rje sngon du btang ba'i sems kyis lus dang ngag dang yid kyi las kyi rnam pa thams cad dbang 'byor ba la rnam pa thams cad du chos rnam par 'byed pa'o//yang sbyin pa ni mkhyen pa nyid las brtsams pa dang / thams cad mkhyen pa nyid du 'gyur ba dang / thams cad mkhyen pa nyid yongs su 'dzin pa dang / thams cad mkhyen pa nyid kyi bya ba byed pa ste/ de ni sbyin pa'i pha rol tu phyin pa zhes brjod do//sbyin pa'i tshig bzhi po 'di dag ni go rims bzhin du rtsom pa dang / bag chags dang / sku dang / rgyu mthun par yang rig par bya'o/ /de la rtsom pa ni thams cad mkhyen pa nyid las brtsams te/ byung ba ma byung ba dar yongs su bsngo ba'i phyir ro/ /sbyin pa de nyid rgyud la bag chags yongs su bsgos te de las phyi ma thams cad mkhyen pa nyid du 'gyur ro//gang gi tshe de nyid yongs su rdzogs par 'gyur ba de'i tshe chos kyi sku yongs su bsgrub pa'i tshul gyis thams cad mkhyen pa nyid yongs su 'dzin to/ /de'i 'og tu longs spyod rdzogs pa dang / sprul pa'i skus rgyu mthun pa'i sgo nas thams cad mkhyen pa nyid kyi bya ba byed de shes rab kyi pha rol tu phyin pa'i bar du yang de bzhin du rig par bya'o//go rims bzhin 'og ma 'og ma la brten pa'i phyir te/ sbyin pa'i pha rol tu phyin pas ni nang dang phyi'i dngos po thams cad yongs su gtong bar goms pas/ lus dang srog la mi lta ba'i byang chub sems dpa'i longs spyod kyi phung po chen po yang spangs nas tshul khrims yang dag par 'dzin par byed do//tshul khrims rjes su bsrungs pas ni/ gshe ba la yang bdag gis slar gshe bar mi bya'o zhes bya ba la sogs pa'i rnam pa rnams kyis bzod par 'gyur ro/ /grang ba la sogs pa bzod pa ni de'i gzhi las sbyor ba mi nyams par brtson 'grus brtsams pa yin no//brtson 'grus brtsams pa ni sbyor ba'i 'bras bu 'thob pas bsam gtan bsgrub pa'o/ /bsam gtan phun sum tshogs pa ste/ sems mnyam par gzhag pa ni yang dag pa ji lta ba bzhin du shes pas 'jig rten las 'das pa'i shes pa thob bo/ /yang gong ma gong ma gzhi yin pa'i phyir te/tshul khrims ni sbyin pa'i gzhi yin no/ /de bzhin du shes rab kyang bsam gtan gyi gzhi yin pa'i bar du'o/ /'di ltar tshul khrims dang ldan pa ni sbyin pas phan gdags pa la tshul khrims kyis gnod par mi byed pa'i phyir sbyin pa rnam par dag par 'gyur ro/ /de ltar byang chub sems dpa' len pa po de la rnam par 'tshe ba dang bral bar yo byad kyis bde bar 'byor bas tshul khrims kyi stobs kyis sbyin pa rnam par dag par rig par bya'o//de ltar bzod pa dang ldan pa ni gzhan gnod pa byed pa dag gis bslab pa'i gzhi mi 'dra bar tshul khrims rnam par dag go/ /brtson 'grus brtsams pa'i spro ba'i stobs kyis sems can gyi ched du 'khor ba khas blangs pa ni sems can log par bsgrub pa'i sdug bsngal bde blag tu bzod pas bzod pa rnam par dag go//bsam gtan pa ni bde ba dang bcas pa dang / yid bde ba dang bcas par dge ba'i chos thams cad la yang sbyor bas brtson 'grus rnam par dag go//shes rab dang ldan pa'i chos rnam pa mang po'ang rnam par bltas nas/ nang rab tu zhi bar byed pa ni ting nge 'dzin rnam par 'phel bas bsam gtan rnam par dag pa ste/ shes rab med la bsam gtan med ces tshigs su bcad pa las gsungs pa'i phyir ro/ /yang ji ltar rigs pa'i rim gyis go rims bzhin du rig par bya'o//sbyin pa ni thams cad kyi nang na rags te de'i phyir thog mar rnam par gzhag go/ /de'i 'og tu bzod pa la sogs pas tshul khrims rags so/ /de bzhin du shes rab pas bsam gtan rags pa'i bar du'o/ /shes rab ni thabs kyi nang na phra ste/ de'i phyir thams cad kyi tha mar bzhag go//nges pa'i tshig ni ci'i phyir sbyin pa la sbyin pa'i pha rol tu phyin pa zhes bya zhe na/ sbyin pa chen po dang / skyon med pa dang / dri ma med pa ni sbyin pa'i pha rol tu phyin pa zhes bya'o/ /de la sbyin pa chen po ni nang dang phyi'i dngos po rnam pa thams cad sbyin pa dang / dus yun ring du sbyin pa'i phyir ro//skyon med pa ni gnod pas kun du tshol ba la sogs pa rnam par spangs pa'i phyir te/ ji skad du 'phags pa blo gros mi zad pas bstan pa'i mdo las sbyin pa mi zad pa las brtsams te bstan pa/ btsun pa sha ra dwa ti'i bu byang chub sems dpa' rnams kyi sbyin pa yang mi zad pa ste/ de ci'i phyir zhe na tshad med pa'i phyir ro//btsun pa sha ra dwa ti'i bu/ byang chub sems dpa' rnams kyi sbyin pa yongs su sbyong ba yang tshad med pa ste tshe dang spobs pa dang / bde ba dang / stobs dang / kha dog nye bar bsgrub pa'i phyir/ zas 'dod pa rnams la zas sbyin pa'o/ /nyon mongs pa'i sred pa bsal ba'i phyir/btung ba 'dod pa rnams la btung ba sbyin pa'o/ /bde ba dang 'byor ba'i dngos po thams cad bsdu ba'i phyir bzhon pa 'dod pa rnams la bzhon pa sbyin pa'o/ /ngo tsha shes pa dang khrel yod pa dang / mdog gser gyi kha dog yongs su sbyang pa'i phyir gos 'dod pa rnams la gos sbyin pa'o//de bzhin gshegs pa'i lha'i spyan yongs su dag par bya ba'i phyir mar me 'dod pa rnams la mar me sbyin pa'o/ /de bzhin gshegs pa'i lha'i snyan yongs su dag par bya ba'i phyir/ sil snyan 'dod pa rnams la sil snyan sbyin no/ /tshul khrims dang thos pa dang ting nge 'dzin gyi dris byug pa'i phyir/spos dang byug pa 'dod pa rnams la spos dang byug pa sbyin pa'o/ /gzungs dang spobs pa dang byang chub kyi yan lag gi me tog thob par bya ba'i phyir phreng ba 'dod pa rnams la phreng ba sbyin pa'o/ /lus kyi dri yid du 'ong ba thob par bya ba'i phyir/ phye ma 'dod pa rnams la phye ma sbyin no/ /skyes bu chen po'i mtshan ro bro ba'i mchog yongs su rdzogs par bya ba'i phyir ro bro ba thams cad 'dod pa la ro bro ba thams cad sbyin no//sems can thams cad kyi gnas dang / skyabs dang mgon dang / dpung gnyen bya ba'i phyir/ gnas 'dod pa rnams la gnas sbyin pa'o/ /sgrib pa thams cad rab tu spangs pa dang /lha dang tshangs pa'i gnas pa de bzhin gshegs pa'i gzims cha thob par bya ba'i phyir mal cha 'dod pa rnams la mal cha sbyin pa'o/ /stong gsum gyi stong chen po'i sa thams cad byang chub kyi snying po'i rdo rje'i gdan thob par bya ba'i phyir/ stan 'dod pa rnams la stan sbyin pa'o/ /byang chub kyi yo byad thams cad yongs su sbyor ba'i phyir yo byad 'dod pa rnams la yo byad sbyin pa'o//mi rga mi 'chi ba'i bdud rtsi'i bde ba yongs su bskang ba'i phyir/ na ba sman 'dod pa thams cad la sman sbyin pa'o/ /rang dbang dang / rang nyams dang / rang byung gi ye shes yongs su bskang ba'i phyir/ byang chub sems dpa' rnams kyi bran po dang /bran mo yongs su gtong ba'i sbyin pa'o zhes rgya cher 'byung ba lta bu'o/ /dri ma med pa ni mi mthun pa'i phyogs ser sna bag chags dang bcas te spangs pa'i phyir ro/ /dam pa rnam pa 'di gsum gyis sbyin pa'i pha rol tu phyin pa zhes brjod pa yin te/ dam pa rnam pa gsum ni 'dris pa dang bcas pa'i ngo bo nyid dam pa dang /thabs dam pa dang / 'bras bu dam pa'o/ /'dris pa ni yun ring po nas sbyin par rig par bya'o/ /shes rab kyi pha rol tu phyin pa'i bar du yang de bzhin du rig par bya'o/ /tshul khrims la sogs pa skyon med pa ni bdag tu sgro 'dogs pa la sogs pa rnam par spang ba'i phyir te/ci rigs su blo gros mi zad pa las blta bar bya'o/ /yang dam pa rnam pa bcu gnyis dang ldan pa'i phyir pha rol tu phyin pa zhes bya'o/ /dam pa rnam pa bcu gnyis pa rgya che ba dam pa ni 'jig rten gyi phun sum tshogs pa thams cad mi 'dod pa dang / mchog tu gyur ba'i phyir ro/ /yun ring ba dam pa ni bskal pa grangs med pa gsum du yongs su bsgom pa'i phyir ro//ched du bya ba dam pa ni sems can thams cad kyi don bya ba'i phyir ro/ /mi zad pa'i shes pa dam pa ni/ byang chub chen por yongs su bsngos pas gtan du yongs su gtugs par mi 'gyur ba'i phyir ro/ /rgyun mi 'chad pa dam pa ni bdag dang gzhan pa nyid du mos pa'i phyir ro//sems can thams cad kyi sbyin pa la sogs pas pha rol tu phyin pa rnams yongs su rdzogs par byed pa'i phyir ro/ /tshegs med pa dam pa ni/ gzhan gyi sbyin pa la rjes su yi rang ba tsam gyis sbyin pa la sogs pa'i pha rol tu phyin pa yongs su rdzogs par byed pa'i phyir ro//dbang 'byor pa dam pa ni nam mkha' mdzod kyi ting nge 'dzin la sogs pas sbyin pa la sogs pa yongs su rdzogs par byed pa'i phyir ro/ /yongs su bzung ba dam pa ni rnam par mi rtog pa'i ye shes kyis yongs su bzung ba'i phyir ro/ /rtsom pa dam pa ni mos pa spyod pa'i sa la bzod pa cher gyur pa'o/ /mthong ba dam pa ni sa dang po la'o//rgyu mthun pa dam pa ni de ma yin pa gzhan brgyad po dag la'o/ /'grub pa dam pa ni sa bcu pa dang de bzhin gshegs pa'i sa la byang chub sems dpa' 'grub pa dang / sangs rgyas 'grub pa'i phyir ro/ /yang dam pa rnams kyis spyad par bya ba dang / bgrod pa'i phyir pha rol tu phyin pa ste/sangs rgyas dang byang chub sems dpa' rnams kyis spyad pa dang / bgrod ces bya ba'i tha tshig go/ /yang shes bya'i pha rol tu phyin pa pha rol tu phyin pa ste/ sangs rgyas nyid la gnas zhes bya ba'i tha tshig go/ /yang na gzhan dag bdag mchog tu gnod pa las sgrol bar byed pa'i phyir pha rol tu phyin pa rnams te/gzhan dang bdag sdug bsngal gyi rgya mtsho las bzla bar byed ces bya ba'i tha tshig go/ /'di ni re zhig thun mong nges pa'i tshig go/ /so so'i nges pa'i tshig ni sbyin bdag gi dbul ba sel ba dang / len pa po rnams kyi gdung ba sel ba'i phyir sbyin pa'o/ /dbang po zhi ba thob pa dang /'gro ba bzang po thob pa dang / bsil ba'i gnas yin pas tshul khrims te go rims bzhin du dbang po rnams sdom par byed pa dang / bde 'gror 'gro ba'i rgyur gyur pa dang / 'gyod pa med pa la sogs pa'i rim gyis mya ngan las 'da' ba'i bar gyi gnas yin pa'i phyir ro/ /khro ba'i tsha ba sel ba dang rma 'byin pa'i sems 'ongs pa sel ba dang /zhi ba brjod pa'i phyir bzod pa'o/ /rma 'byin pa'i sems zhes bya ba ni gang gis gnod par byed pa rnams la lan du gnod par byed pa ste/ de 'ongs pa 'dis bral bar byed pa ni sel bar rig par bya'o/ /rma 'byin pa 'di dag la shar gnyer ba yongs su rma 'byin pa can te de dag la mi 'jigs pa sgrogs pa ni bde ba brjod par rig par bya'o//sel ba dang 'phel bar spyod pa dang ldan pas brtson 'grus te/ de la sems pa'i phyir spyod pa ni yang dag par spong ba gnyis mi dge ba'i chos dang bral bar byed pa'o/ /'phel ba'i phyir spyod pa ni yang dag par spang ba gnyis kyis dge ba'i chos yang dag par bsgrub pa'o//'dzin pa dang / sdom pa dang / 'dul ba dang / thob par byed pas bsam gtan ste/ de la 'dzin pa ni dmigs pa la sems 'dzin pa'o/ /sdom pa ni rnam par g.yeng ba las sems yang dag par sdom pa'o/ /'dul ba ni kun nas dkris pa rnams rnam par gnon pa'o//thob par byed pa ni dbang 'byor ba thob par byed par rig par bya'o/ /gzhan gyis smra ba shes pa dang / so so rang gis shes pa dang / rnam par shes pa dang / rab tu zhi ba thob pa'i shes pa dang / yon tan mchog tu 'byin pa shes pas shes rab tu rig par bya ste/de la gzhan gyis smras pa shes pa ni/ gzhan gyi sgra'i rgyu las byung ba'i tshul bzhin yid la byed pa dang mtshungs par ldan pa'i shes rab bo/ /so so rang gis shes pa ni 'jig rten las 'das pa'o/ /rnam par shes pa ni 'jig rten las 'das pa'i rjes la thob pa'o/ /zhi ba thob par byed pa'i phyir shes pa ni bsgom pa'i lam la nyon mongs pa'i gnyen por gyur pa'o//yon tan mchog tu phyin par bya ba'i phyir shes pa na yon tan khyad par can mngon par bsgrub pa'i shes rab tu rig par bya'o/ /bsgom pa rnam pa lnga ste/ phung po la gnas pa dang / yid la byed pa la gnas pa dang /bsam pa la gnas pa dang / thabs la gnas pa dang / dbang 'byor ba la gnas pa'o/ /de la phung po la gnas pa rnam pa bzhi ste/ de la rgyu la gnas pa ni gang rigs kyi stobs kyis pha rol tu phyin pa rnams la nan tan gyis goms par byed pa'o/ /rnam par smin pa la gnas pa ni gang lus phun sum tshogs pa'i stobs kyis so//smon lam la gnas pa ni gang sngon gyi smon lam gyi stobs kyis so/ /so sor brtags pa'i stobs la gnas pa ni shes rab kyi stobs kyis pha rol tu phyin pa rnams la nan tan gyis goms par byed pa'o/ /yid la byed pa la gnas pa ni pha rol tu phyin pa bsgom pa rnam pa bzhi ste/mos pa yid la byed pa bsgom pa ni pha rol tu phyin pa bsgom pa na pha rol tu phyin pa thams cad dang ldan pa'i mdo sde la mos pa bsgom pa'o/ /ro myong ba'i yid la byed pa la bsgom pa ni pha rol tu phyin pa thob pa rnams la phan yon ma mthong ba'i tshul gyis ro myong bar byed pa'o/ /rjes su yi rang ba'i yid la byed pa bsgom pa ni 'jig rten gyi khams thams cad kyi sbyin pa la sogs pa la rjes su yi rang ba'o//mngon par dga' ba'i yid la byed pa bsgom pa ni bdag dang sems can rnams kyi bsgom pa'i pha rol tu phyin pa'i khyad par la mngon par dga' ba'o/ /bsam pa gnas pa ni pha rol tu phyin pa bsgom pa rnam pa drug ste/mi ngoms pa'i bsam pa dang / yangs pa'i bsam pa dang / dga' ba'i bsam pa dang / phan 'dogs pa'i bsam pa dang / ma gos pa'i bsam pa dang / dge ba'i bsam pa'o/ /de la byang chub sems dpa'i sbyin pa la mi ngoms pa'i bsam pa ni/ gang byang chub sems dpa' skad cig la gang gA'i klung gi bye ma snyed kyi 'jig rten gyi khams rin po che sna bdun gyis yongs su bkang ba dang /lus gang gA'i klung gi bye ma snyed sems can gcig la gcig sbyin par byed ce'o/ /de bzhin du skad cig re re la gang gA'i klung gi bye ma snyed kyi bskal par sbyin par byed cing sems can gcig la ji lta ba de bzhin du sems can gyi khams ji snyed pa bla na med pa yang dag par rdzogs pa'i byang chub la yongs su smin par byed la/rnam grangs 'dis de la byin yang mi ngoms pa nyid ni byang chub sems dpa'i sbyin pa mi ngoms pa'i bsam pa ste/ rnam pa 'di lta bu'i bsam pa gang yin pa de ni sbyin pa la byang chub sems dpa'i bsam pa mi ngoms pa yin no//byang chub kyi snying po la 'dug pa'i bar du byang chub sems dpa' rnams de lta bur sbyin pa gcig nas gcig tu brgyud pa skad cig tsam yang nyams par mi byed cing rgyun mi gcod do/ /rnam pa 'di lta bu'i bsam pa gang yin pa 'di ni sbyin pa la byang chub sems dpa'i bsam pa'o//de ltar sbyin pas sems can de dag rjes su 'dzin pa'i byang chub sems dpa' ni shin tu dga' ba yin gyi/ sbyin pa des rjes su bzung ba'i sems can de dag ni de lta ma yin te/ rnam pa 'di lta bu'i bsam pa gang yin pas de ni sbyin pa la byang chub sems dpa'i dga' ba'i bsam pa'o//gang dag la de ltar sbyin pas phan 'dogs pa'i sems can de dag ni bdag la shin tu phan 'dogs par byang chub sems dpa' mthong gi bdag gis ni ma yin te/ de dag ni bla na med pa yang dag par rdzogs pa'i byang chub ston pa'i phyir ro/ /rnam pa 'di lta bu'i bsam pa gang yin pa de ni sbyin pa la byang chub sems dpa'i phan 'dogs pa'i bsam pa'o//byang chub sems dpa' ni sems can rnams de ltar sbyin pa las byung ba'i bsod nams spangs pa mngon par 'du byas kyang / lan du phan 'dogs pa'am rnam par smin pa'i phan 'dogs pa med de/ rnam pa 'di lta bu'i bsam pa 'ba' zhig yin pa de ni sbyin pa'i pha rol tu phyin pa bsgom pa la byang chub sems dpa'i gos pa med pa'i bsam pa'o/ /byang chub sems dpa'i sbyin pa'i phung po spangs pa'i rnam par smin pa de lta bu yang sems can rnams kyi yin par dga' bar byed cing bdag la ni ma yin te/ sems can thams cad dang thun mong du byas te bla na med pa yang dag par rdzogs pa'i byang chub tu bsngo ba'o//rnam pa 'di lta bu'i bsam pa gang yin pa de ni sbyin pa'i pha rol tu phyin pa'i bsgom pa la/ byang chub sems dpa'i dge ba'i bsam pa'o/ /de la tshul khrims kyi pha rol tu phyin pa bsgom pa nas shes rab kyi pha rol tu phyin pa'i bsgom pa'i bar la byang chub sems dpa'i mi ngoms pa'i bsam pa ni/gang byang chub sems dpa'i lus gang gA'i klung gi bye ma snyed du gyur cing / tshe'i tshad bskal pa gang gA'i klung gi bye ma snyed du gyur la/ rgyun du yo byad thams cad kyis phongs par gyur cing stong gsum gyi stong chen po'i 'jig rten gyi khams mes rab tu gang ba na/spyod lam bzhi byed kyang skad cig gcig la tshul khrims kyi pha rol tu phyin pa nas/ skad cig gcig la shes rab kyi pha rol tu phyin pa'i bar du bsgom zhing / rnam grangs 'dis tshul khrims kyi phung po ji snyed pa dang / shes rab kyi phung po ji snyed pa gang gis bla na med pa yang dag par rdzogs pa'i byang chub tu mngon par rdzogs par sangs rgyas pa'i tshul khrims kyi phung pos bsdus pa dang /shes rab kyi phung po de bsgom yang byang chub sems dpa'i mi ngoms pa nyid ni tshul khrims kyi pha rol tu phyin pa mi ngoms pa'i bsam pa yin pa nas/ shes rab kyi pha rol tu phyin pa'i bar du bsgom pa la mi ngoms pa'i bsam pa ste/byang chub sems dpa'i bsam pa rnam pa 'di lta bu'i bar yin pa 'di ni tshul khrims kyi pha rol tu phyin pa bsgom pa la mi ngoms pa'i bsam pa nas shes rab kyi pha rol tu phyin pa'i bar du bsgom pa la mi ngoms pa'i bsam pa'o/ / byang chub sems dpa' byang chub kyi snying po la 'dug gi bar du tshul khrims kyi pha rol tu phyin pa la bsgom pa gcig nas gcig tu brgyud pa nas shes rab kyi pha rol tu phyin pa'i bar du bsgom pa gcig nas gcig tu brgyud pa nyams par mi byed cing rgyun mi gcod pa'i bsam pa rnam pa 'di lta bu gang yin pa de ni tshul khrims kyi pha rol tu phyin pa bsgom pa nas shes rab kyi pha rol tu phyin pa'i bar du bsgom pa byang chub sems dpa'i yangs pa'i bsam pa'o//tshul khrims kyi pha rol tu phyin pa bsgom pa nas/ shes rab kyi pha rol tu phyin pa'i bar du bsgom pa des sems can rjes su 'dzin pa'i byang chub sems dpa' de la rab tu dga' ba yin gyi/rjes su bzung ba'i sems can de dag ni de lta ma yin te/ rnam pa de lta bu'i bsam pa gang yin pa de ni tshul khrims kyi pha rol tu phyin pa bsgom pa nas shes rab kyi pha rol tu phyin pa'i bar du bsgom pa la byang chub sems dpa'i dga' ba'i bsam pa'o/ / tshul khrims kyi pha rol tu phyin pa bsgom pa nas/ shes rab kyi pha rol tu phyin pa'i bar du bsgom pas gang bdag la phan 'dogs pa'i sems can de ni bdag la shin tu phan 'dogs par byang chub sems dpas mthong gi bdag gis ni ma yin no/ /de dag ni bla na med pa yang dag par rdzogs pa'i byang chub ston pa'i phyir ro//rnam pa 'di lta bu'i bsam pa 'di ni tshul khrims kyi pha rol tu phyin pa bsgom pa nas/ shes rab kyi pha rol tu phyin pa'i bar du bsgom pa la byang chub sems dpa'i phan 'dogs pa'i bsam pa'o/ /byang chub sems dpa'i ni de ltar tshul khrims kyi pha rol tu phyin pa las byung ba nas shes rab kyi pha rol tu phyin pa'i bar du byung ba'i bsod nams yangs pa mngon par 'du byas kyang /de la lan du phan 'dogs pa'am rnam par smin pa 'dod pa med de/ rnam pa 'di lta bu'i bsam pa gang yin pa 'di ni tshul khrims kyi pha rol tu phyin pa bsgom pa nas/ shes rab kyi pha rol tu phyin pa'i bar du bsgom pa la byang chub sems dpa'i gos pa med pa'i bsam pa'o//de la byang chub sems dpa'i tshul khrims kyi pha rol tu phyin pa bsgoms pa las byung ba nas/ shes rab kyi pha rol tu phyin pa'i bar du bsgoms pa las byung ba'i bsod nams kyi phung po rnam par smin pa de lta bu yang sems can rnams kyi yin par mngon par dga' bar byed kyi bdag la ni ma yin no//sems can thams cad dang / thun mong du byas nas/ bla na med pa yang dag par rdzogs pa'i byang chub tu yongs su bsngo'o/ /rnam pa 'di lta bu'i bsam pa gang yin pa 'di ni tshul khrims kyi pha rol tu phyin pa bsgom pa nas/ shes rab kyi pha rol tu phyin pa'i bar du bsgom pas/ byang chub sems dpa'i dge ba'i bsam pa'o/ /thabs la gnas pa'i pha rol phyin pa gang zhe na/ rnam pa gsum ste/ so sor rtog pa'i phyir rnam par mi rtog pa'i ye shes kyis 'khor gsum yongs su dag pa ste/ thabs de ni yid la byed pa thams cad mngon par 'grub pa'i phyir ro//dbang 'byor ba la gnas te/ pha rol tu phyin pa bsgom pa ni rnam pa gsum ste/ lus la dbang 'byor pa dang / spyod pa la dbang 'byor ba dang / bshad pa la dbang 'byor ba'o/ lus la dbang 'byor ba ni/ de bzhin gshegs pa'i sku gnyis su blta bar bya ste/ rang bzhin dang / longs spyod rdzogs pa'o/ /de la spyod pa la dbang 'byor pa ni/ sprul pa'i skur blta bar bya'o/ /des sems can thams cad la 'byor ba dang / mthun par rnam pa thams cad kun du chos ston to/ /bshad pa la dbang 'byor ba ni/ pha rol tu phyin pa drug rnam pa thams cad du bshad pa la thogs pa med pa'o//rab tu dbye ba ni rton pa bco brgyad kyi pha rol tu phyin pa drug rab tu dbye bar blta'o/ /rton pa bco brgyad ni/ lus rton pa dang / sems rton pa dang / dge ba rton pa dang / bde 'gro la rton pa dang / byang chub rton pa dang / snying rje rton pa dang / sems can yongs su mi gtong ba rton pa dang /dman pa'i sems yongs su 'dor ba rton pa dang / mi skye ba'i chos la bzod pa rton pa dang / dge ba'i phyogs la sbyor ba rton pa dang / dge ba'i rtsa ba yang dag par bsgrub pa rton pa dang / dge ba'i rtsa ba mi zad pa rton pa dang / dge ba'i rtsa ba yongs su mi skyo ba rton pa dang / bsam pa'i don thams cad 'byor ba rton pa dang / tshogs sdud pa rton pa dang / sa la 'jug pa rton pa dang / sangs rgyas kyi chos yang dag par bsgrub pa rton pa dang / sangs rgyas kyi mdzad pa bsgrub pa rton pa dang / sbyin pa la sogs pa rnam pa gsum gsum tha dad pas gsum gsum gyis go rims bzhin du bsdus par rig par bya'o//de la sbyin pa gsum ni zang zing gi sbyin pa dang / mi 'jigs pa'i sbyin pa dang chos kyi sbyin pa'o/ /tshul khrims rnam pa gsum ni/ sdom pa'i tshul khrims dang dge ba'i chos sdud pa'i tshul khrims dang / sems can gyi don byed pa'i tshul khrims so/ /bzod pa rnam pa gsum ni gnod pa byed pa la ji mi snyam pa'i bzod pa dang /sdug bsngal dang du len pa'i bzod pa dang / chos la nges par sems pa'i bzod pa'o/ /brtson 'grus rnam pa gsum ni go cha'i brtson 'grus dang / sbyor ba'i brtson 'grus dang / sems can gyi don bya ba'i brtson 'grus so/ / bsam gtan rnam pa gsum ni/ mthong ba'i chos la bde bar gnas par bya ba'i bsam gtan dang / mngon par shes pa mngon par bsgrub pa'i bsam gtan dang / sems can gyi don bya ba'i bsam gtan no/ /shes rab rnam pa gsum ni/ kun rdzob la dmigs pa dang / don dam pa la dmigs pa dang /sems can gyi don la dmigs pa'o/ /de la zang zing gi sbyin pa ni/ lus rton pa ste/ bza' ba dang btung ba la sogs pa'i yo byad kyis ni lan pa'i lus la phan 'dogs pa'i phyir ro/ /mi 'jigs pa'i sbyin pa ni sems rton pa ste/ yid mi bde ba'i bye brag dang bral bar bya bar sems kyi dbugs 'byin pa nye bar bsgrub pa'i phyir ro//gzhan la yang de bzhin du sbyar bar bya'o/ /dman pa'i sems ni byang chub sems dpa' 'khor ba'i sdug bsngal gyis yongs su skyo bas nyan thos dang rang sangs rgyas kyi sems te de yongs su 'dor ba rton pa ste/ sdug bsngal dang du len pa'i bzod par rig par bya'o//dge ba'i rtsa ba mi zad pa ni sems can thams cad kyi don bya bar lhag par byed pas 'khor ba ji srid pa dang / phung po lhag ma med pa'i mya ngan las 'das pa'i dbyings su yongs su mi gtong ba ste/ de rton pa sems can gyi don bya ba'i brtson 'grus su rig par bya'o/ / tshogs sdud pa ni thob pa la brten nas gdul bya rnams sems mnyam par ma bzhag pa sems mnyam par gzhag par bya ba dang sems mnyam par bzhag pa rnam par thar par bya ba'i phyir gdams pa dang rjes su bstan pa rab tu sbyin pa ste/ de rton pa ni sems can gyi don byed pa'i bsam gtan no/ /sa la 'jug pa ni chos la mos pa sngon du btang ba'i bshad pa gang gis tshogs yongs su rdzogs par byas nas/sa dang po rab tu dga' ba la 'jug pa ste/ de rton pa ni kun rdzob kyi bden pa'i dmigs pa'o/ /lhag ma ni legs par sbyar ba'i phyir sbyar ba ma byas so/ /yang rab tu dbye ba ni sbyin pa rnam pa bdun te/rtsa ba'i sbyin pa ni/ rigs kyi gnas skabs pa'i byang chub sems dpa'i sbyin pa'i pha rol tu phyin pa ste/ rigs tsam la brten nas sbyin pa'i phyir ro/ /blangs pa'i sbyin pa ni sems bskyed pa'i gnas skabs pa ste/ smon lam yang dag par brten nas sbyin pa'i phyir ro/ /rjes su 'dzin pa'i sbyin pa ni bdag dang gzhan gyi don sgrub pa'i gnas skabs so//'dzin pa ngan pa med pa'i sbyin pa ni/ de kho na'i don la yongs su rtog pa'i gnas skabs te/ sbyin bdag la sogs par rnam par rtog pa la mngon par zhen pa'i 'dzin pa ngan pa med pa'i phyir ro/ /yongs su 'dzin pa med pa'i sbyin pa ni mthu'i gnas skabs pa'i ste/phyi rol gyi yo byad yongs su 'dzin pa med par yang nam mkha' mdzod la sogs pa'i ting nge 'dzin rnams kyis nam mkha' la lag pa brkyang nas ji ltar 'dod pa bzhin du rin po che la sogs pa'i char 'bebs pa'i phyir ro/ /so sor rig pa'i sbyin pa ni yongs su smin pa'i gnas skabs pa'i ste/ 'dul ba ji lta ba bzhin du mthun pa'i sbyin pa'i phyir ro/ /sbyin pa chen po ni byang chub mchog gi gnas skabs pa'i ste bla na med pa'i phyir ro/ /de bzhin du shes rab kyi pha rol tu phyin pa'i bar du ci rigs su sbyar bar rig par bya'o/ /bsdus pa ni sbyin pa la sogs pa'i byang chub sems dpa'i bsdus pa'i phyir te/ de la pha rol tu phyin pa rnams kyis rigs bsdus pa 'di ni dpe tsam mo//sbyin pa'i pha rol tu phyin pa la sogs pa ni rigs kyi rtags kyis bsdus par shes par bya'o/ /sems bskyed pas bsdus pa ni khyad par du 'phags pa'i sems bskyed pas bsdus par rig par bya'o/ /sems bskyed pa ni rnam pa gnyis te/ khyad par can ma yin pa dang / khyad par du 'phags pa'o/ /de la khyad par can ma yin pa ni/ kye ma'o/ /bdag bla na med pa yang dag par rdzogs pa'i byang chub mngon par rdzogs par sangs rgyas par shog shig snyam pa nas shes rab kyi pha rol tu phyin pa'i bar du'o/ /khyad par du 'phags pa'i sems bskyed pa 'dis ni pha rol tu phyin pa rnams bsdus par rig par bya ste/de dag gi rgyu yin pa'i phyir ro/ /bdag dang gzhan gyi don bsdus pa la/ gang sbyin pas phyug po yongs su 'dzin pa 'di ni bdag gi don te/ gang gzhan la yo byad nye bar bsgrub pas rjes su 'dzin pa 'di ni gzhan gyi don to/ /lhag ma rnams kyis bsdus pa yang de bzhin du rig par bya'o//don dam pa bsdus pa chos kyi dbyings las brtsams pa ni/ de bzhin nyid sbyin pa la sogs pa'i spyi'i mtshan nyid yin pa'i phyir ro/ /ye shes kyi tshogs las brtsams pa ni thams cad mkhyen pa nyid kyi snod du gyur ba'i phyir ro/ /ye shes yongs su 'dzin pa las brtsams pa ni thams cad mkhyen pa nyid yongs su bsgrub pa'i phyir ro//ye shes kyi rjes su 'jug pa las brtsams pa ni lnga po dag shes rab kyi pha rol tu phyin pa'i rjes su mthun pa'i phyir ro/ /ye shes kyi mtshan nyid las brtsams pa ni shes rab kyi pha rol tu phyin pa yang dag pa'i ye shes kyi ngo bo nyid yin pa'i phyir te/de ltar na de bzhin nyid dang / yang dag pa'i shes rab kyi ngo bo nyid don dam pa ni sbyin pa la sogs par rig par bya'o/ /dpe brjod pa 'dis bsdus pa lhag ma rnams kyang brtag par bya'o/ /mi mthun pa'i phyogs ni ser sna dang / 'chal ba'i tshul khrims dang / khro ba dang / le lo dang / rnam par g.yeng ba dang / 'chal ba'i shes rab ste sbyin pa la sogs pa dang go rims bzhin no/ /yang pha rol tu phyin pa rnams kyis bsdus pa'i dge ba'i chos ji snyed pa de dag ni mi mthun pa'i phyogs gang yin pa dang / shes bya'i sgrib pa gang yin pa de yang de dag gi mi mthun pa'i phyogs su rig par bya'o//phan yon ni 'bras bu rnam pa lnga'i rjes su 'brangs pas dpag tu med par rig par bya'o/ /'di lta ste/ ji ltar 'di dag gi rang gi mi mthun pa'i phyogs spong ba bral ba'i 'bras bu dang mthong ba'i chos la bdag dang gzhan rjes su 'dzin pa/ skyes bu byed pa'i 'bras bu dang / phyi ma la gong nas gong du khyad par du 'phags pa mchog dam pa 'byung ba'i rgyu mthun pa'i 'bras bu dang /byang chub chen po dbang gi 'bras bu dang / longs spyod chen po dang / bde 'gror 'gro ba dang / 'khon med pa dang / dbye ba med pa dang / bde ba dang yid bde ba mang ba dang / sems la dbang ba dang / lus la gnod pa med pa dang /dbang che bar grags pa ni go rims bzhin du sbyin pa la sogs pa'i rnam par smin pa'i 'bras bur rig par bya'o/ /gcig la gcig rnam par nges pa ni rnam pa gsum ste/ sbyor ba las gyur ba dang / rab tu dbye ba las gyur pa dang / rab tu phye nas bstan pa las gyur pa'o/ / de la sbyor ba las gyur pa ni sbyin pa la sbyor bas thams cad 'dus par dmigs te/ 'di lta ste/ nang dang phyi'i dngos po yongs su gtong ba'i sbyin pa la sbyor ba'o/ /de la gang yongs su btang ba de ni sbyin pa'i pha rol tu phyin pa'o/ /de la byams pa'i sems dang ldan pa'i gang gzhan la kun nas mnar sems dang /gnod pa dang / rnam par 'tshe ba sdom pa de ni tshul khrims kyi pha rol tu phyin pa'o/ /de nyid la gang nye bar bskor ba dang / 'phongs pa dang / skyo ba la ji mi snyam pa ste/ de ni bzod pa'i pha rol tu phyin pa'o/ /de nyid la gang phyir zhing phyir sems spro ba de ni brtson 'grus kyi pha rol tu phyin pa'o/ /de nyid la gang sems rtse gcig pa nyid de/dge ba las phyi rol tu mi 'phro ba de ni bsam gtan gyi pha rol tu phyin pa'o/ /de nyid la rgyu dang 'bras bu ji lta ba bzhin du legs par gzung ba dang / lta ba mchog tu 'dzin pa med pa de ni zhes shes rab kyi pha rol tu phyin pa'i bar la yang ci rigs su sbyar bar ba ste/ mi 'jigs pa'i sbyin pa ni thams cad du yang sbyin pa yin pa'i phyir ro//de la rab tu dbye ba las gyur pa ni/ ngo bo nyid kyi rab tu dbye ba dang / rjes su byed pas rab tu dbye ba dang / rjes su sbyor bas rab tu dbye ba dang / skyed pas rab tu dbye ba'o/ /de la sbyin pa la sogs pa'i ngo bo nyid ni/ rnam par gtong ba dang / sdom pa dang / ji mi snyam pa dang / bsod par spro ba dang / sems gnas pa dang rab tu rnam par 'byed pa ste go rims bzhin no/ /de la sbyin pa la sogs pa'i rjes su byed pa ni sbyin pa la sogs pa'i sbyor ba ni de las gzhan pa'i pha rol tu phyin pa rnams la rjes su 'jug pa ste snga ma bzhin no/ / de la sbyin pa la sogs pa'i rjes su sbyor ba ni 'dzin du bcug pa dang bsngags pa brjod pa dang rab tu dga' ba'o/ /de la sbyin pa la sogs pa skyes pa ni gzhan gyi sems kyi rgyud la 'jog pa'o/ /de la sbyin pa'i pha rol tu phyin pa ni zang zing gi sbyin pa'o/ /de ma yin pa gzhan lnga ni mi 'jigs pa'i sbyin pa'o/ /thams cad ni dam pa'i chos kyi sbyin pa ste/gzhan gyi sems kyi rgyud la bskyed pa'i phyir ro/ /de la rab tu phye nas bstan pa las gyur pa ni gcig nas rtogs pa la sogs pa ste/ 'di lta ste/ sbyin pa'i pha rol tu phyin pa gang yin pa tshul khrims kyi pha rol tu phyin pa yang de yin nam/ tshul khrims kyi pha rol tu phyin pa gang yin pa sbyin pa'i pha rol tu phyin pa'ang de yin nam zhe na/tshig 'og ma dang sbyar ba ste/ tshul khrims kyi pha rol tu phyin pa gang yin pa sbyin pa'i pha rol tu phyin pa'ang de'o/ /sbyin pa'i pha rol tu phyin pa yin la tshul khrims kyi pha rol tu phyin pa ma yin pa'ang yod de/ tshul khrims kyi pha rol tu phyin pas ma zin pa'i sbyin pa'i pha rol tu phyin pa'o//de bzhin du shes rab kyi pha rol tu phyin pas ma zin bar du sbyin pa'i pha rol tu phyin pa gang zhes pa ltar tshig 'og ma rnam dang sbyar bar bya'o/ /sbyin pa gang yin pa de thams cad sbyin pa'i pha rol tu phyin pa yin nam/ pha rol tu phyin pa gang yin pa de thams cad sbyin pa yin nam zhe na/mu gsum du 'gyur te/ sbyin pa yin pa pha rol tu phyin pa ma yin pa ni gang byang chub chen por yongs su ma bsngos pa'i sbyin pa'o/ /sbyin pa yang yin la pha rol tu phyin pa yang yin pa'ang yod de/ byang chub chen por yongs su bsngos pa'i sbyin pa'o/ /sbyin pa yang ma yin la pha rol tu phyin pa yang ma yin pa yang yod de bshad pa ma gtogs pa'i chos rnams so//de bzhin du shes rab kyi pha rol tu phyin pa'i bar las brtsams te/ re re la yang mu gsum du sbyar bar bya'o/ /sbyin pa la kun du spyod pa gang yin pa de thams cad sbyin pa'i pha rol tu phyin pa'i rgyu las byung ba'i bsod nams bskyed dam zhe na/mu bzhir 'gyur te/ mu dang po ni byang chub chen por yongs su ma bsngos pa'i sbyin pa sbyor ba'o/ /mu gnyis pa ni sbyin pa'i pha rol tu phyin pa yang dag par 'dzin du bcug nas bsngags pa brjod pa dang yid rab tu dga' bas so/ /mu gsum pa ni byang chub chen por yongs su bsngos pa'i sbyin pas so//mu bzhi pa ni 'di dag ma gtogs pa'o/ /de bzhin du shes rab kyi pha rol tu phyin pa'i bar du'o/ /ci'i phyir shin tu rgyas pa la rgya che ba dang zab par yang bstan ce na/ rnam pa thams cad mkhyen pa nyid rgya che ba dang zab pa'i phyir ro/ /khyad par du shin tu rgyas pa la rgya che ba dang zab par yang bstan pa ni de'i 'bras bu thams cad mkhyen pa nyid mchog tu rgya che ba dang zab pa'i phyir 'bras bu dang mthun pa'i rgyur blta bar bya'o//ci'i phyir shin tu rgyas pa la/ sems can kha cig rgya che ba dang / zab pa la mi mos shing skrag par 'gyur/ chos nyid dang bral ba dang / dge ba'i rtsa ba ma bskyed pa dang /sdig pa'i grogs pos yongs su zin pa'i phyir ro/ /de la chos nyid ni rigs su brjod de/ rang gi ngo bo nyid yin pa'i phyir ro/ /des na byang chub sems dpa'i rigs med pa'i phyir dang / rang bzhin gyis sems dman pa'i phyir/ zab mo la sogs pa bstan pa la mi mos shing mi dge bar gyur to//de'i rigs yin du zin kyang byang chub chen po la brtsams nas smon lam la sogs pa'i dge ba'i rtsa ba dang po ma bskyed pa'i phyir ro/ /de'i dge ba'i rtsa ba bskyed du zin kyang theg pa chen po spong ba'i sems kyis yongs su zin pa'i phyir ro/ /kha cig mi mos shing nges par mi 'gyur bar bshad pa yin no//ci'i phyir shin tu rgyas pa la sems can kha cig mos kyang nges par 'byung bar mi 'gyur zhe na/ bdag nyid lta ba la mchog tu 'dzin pa la gnas pa dang / don la sgra ji bzhin du mngon par zhen pa'i phyir ro/ /nges pa'i don gyi mdo sde ma brtsal te/ bdag nyid lta ba mchog tu 'dzin pa la gnas pa'i phyir/don la sgra ji bzhin du mngon par zhen par 'gyur te/ 'di lta ste/ chos thams cad ngo bo nyid med do zhes pa'i tshig las mtshan nyid thams cad kyi dngos po thams cad la skur pa 'debs pa'o/ /de bzhin du gzhan la yang don la sgra ji bzhin du mngon par zhen pa ni theg pa chen po yang nges par mi 'byung bar rig par bya ste/theg pa chen po ni dgongs pa sna tshogs kyis gsungs pa'i phyir ro/ /'di la dgongs nas bcom ldan 'das kyis chos kyi me long chen po'i chos kyi rnam grangs las gsung ba/ byang chub sems dpa' sgra ji bzhin du/ tshul bzhin ma yin par chos rnams 'byed pa la lta ba ngan pa nyi shu rtsa brgyad 'byung ste/lta ba ngan pa nyi shu rtsa brgyad po dag gang / mtshan mar lta ba dang / brtags pa la skur pa 'debs pa'i lta ba dang / kun du rtog pa la skur pa 'debs pa'i lta ba dang / de kho na la skur pa 'debs pa'i lta ba dang / yongs su 'dzin pa'i lta ba dang /bsgyur ba'i lta ba dang / kha na ma tho ba med par lta ba dang / nges par 'byung bar lta ba dang / brnyas pa'i lta ba dang / rab tu 'khrug pa'i lta ba dang / phyin ci log tu lta ba dang / 'phel ba'i lta ba dang / khas mi len pa'i lta ba dang / ngan g.yo'i lta ba dang / bkur sti'i lta ba dang rmongs pa'i lta ba dang /rtsa ba'i lta ba dang / lta ba la lta ba ma yin par lta ba dang / sbyor ba sel ba'i lta ba dang / nges par 'byin pa ma yin par lta ba dang / sgrib pa sogs pa'i lta ba dang / bsod nams ma yin pa 'phel ba'i lta ba dang / 'bras bu med pa'i lta ba dang / chad pas bcad pa'i lta ba dang /skur pa 'debs pa'i lta ba dang / bsnyad pa ma yin pa'i lta ba dang / lta ba chen po dang / mngon pa'i nga rgyal gyi lta ba'o/ /de la theg pa chen po la chos thams cad ngo bo nyid med pa dang / ma skyes pa dang ma 'gags pa la sogs pa'i sgra dmigs nas dgongs pa de la mi mkhas pa dag 'di'i don la sgra ji bzhin du mos nas 'di ni bcom ldan 'das kyis bstan to zhes chos thams cad ma skyes pa nyid du med pa la sogs pa'i mtshan mar mngon par zhen pa ni de dag gi mtshan mar lta ba yin no//de dag nyid med pa la sogs pa'i mtshan ma la mngon par zhen nas kun brtags pa'i ngo bo nyid dang /gzhan gyi dbang dang / yongs su grub pa'i ngo bo nyid gsum la skur ba 'debs pa'o/ /de la 'di ni kun brtags pa'i ngo bo nyid de/ gang gzugs zhes bya ba nas mya ngan las 'das pa zhes bya ba'i bar du brjod pas brtags pa tsam du zad na/ yang dag pa ma yin pa lus med pa'i don gang la byin pa rnams kyis gzugs la sogs pa mtshan nyid du sgro btags nas yongs su rtog pa'o//de la 'di ni gzhan gyi dbang gi ngo bo yin te/ gang yang dag pa ma yin pa'i kun du rtog pa tsam de nyid do/ /de la 'di ni yongs su grub pa'i ngo bo nyid de/ gang chos thams cad kyi de kho na de bzhin nyid do/ /de la skur pa 'debs pa'i lta ba dang ni rnam pa gsum du 'gyur te/btags pa la skur pa 'debs pa'i lta ba dang / kun du rtog pa la skur pa 'debs pa'i lta ba dang / de kho na la skur pa 'debs pa'i lta ba'o/ /de ltar de dag la rnam pa thams cad du chos thams cad la skur pa 'debs pa na/ skur pa 'debs pa'i lta ba ste gzhan pa'i phyir rigs pa 'ga' zhig yongs su 'dzin pa dang /nges pa'i don gyi mdo sde gang dag brjod du med pa'i chos nyid ston pa de dag kyang rang gi lta ba dang mthun par yongs su bsgyur ba de dag gi lta ba gnyis su 'gyur te/ yongs su 'dzin pa'i lta ba dang / bsgyur ba'i lta ba'o/ /de dag kyang lta ba 'di 'dra bar 'gyur te lta ba 'di lta bu la brten nas/dge ba'am mi dge ba yang spyad na/ kha na ma tho ba med pa dang / skyon med par 'gyur zhing de thams cad dge bar 'gyur ba dang / sngon bsags pa'i sgrub pa las de 'byung bar 'dzin pa de lta bu de dag gi lta ba gnyis te/ kha na ma tho ba med par lta ba dang /nges par 'byung bar lta ba'o/ /de dag lta ba de lta bu la mngon par zhen pas lta ba de las zlog pa/ phung po la sogs pa'i chos rnam par 'jog pa/ nyan thos kyi sde snod khyad du gsod pa dang / gang dag skur pa 'debs par lta ba de dag la mi mos pa/ nyan thos kyi theg pa bde dag la rab tu sdang ba'i lta ba 'di gnyis te/brnyas pa'i lta ba dang / rab tu 'khrug pa'i lta ba'o/ /rang gi lta ba'i rjes su 'brangs nas stong pa nyid dang / mtshan ma med pa dang / smon pa med pa ji lta ba bzhin du rnam par dag pa yin no snyam nas/ de'i mtshan nyid ma yin pa la de'i mtshan nyid du 'du shes pa ni de dag gi mtshan nyid phyin ci log tu rnam par 'jog cing 'di snyam du sems te/gang dag chos nyid 'di lta bu la 'jug pa dang / 'jud pa de dag thams cad bsod nams kyi phung po dpag tu med pa bskyed do snyam pa de lta bu'i lta ba gnyis te/ phyin ci log tu lta ba dang / 'phel ba'i lta ba'o//gang gi tshe de dag lta ba de las brtsams te/ gzhan dag gis dris pa de'i tshe bdag ni ci yang khas len par mi 'dod kyi/ tshig dor dang ltag chod kyis gzhan la 'dri ba'i lta ba gnyis te/ khas mi len pa'i lta ba dang / ngan g.yo'i lta ba'o/ /de dag la yang lta ba 'di lta bu'i nga rgyal can du 'gyur te/gang dag de ltar sgrub pa dag de ni yang dag par rdzogs pa'i sangs rgyas bcom ldan 'das rnams la mchod pa byed pa dang / rim gror byed par 'dzin pa de dag gi lta ba ni bkur sti'i lta ba'o/ /lta ba ma log pa'i chos nyid la mkhas pa de dag gis lta ba de 'byed pa na/ shin tu 'thad pa dang /rab tu grags pa'i rigs pas yid legs par byed pa na yang lta ba ji ltar yang yongs su mi 'dor te/ de nyid bden gyi gzhan ni log pa'o snyam pa de dag ni rmongs pa bstan pa'i lta ba'o/ /ji lta ba ji skad du bstan pa'i de dag gi bag chags gnas ngan len gang yin pa de ni rtsa ba'i lta ba'o/ / lta ba bcu bdun po de dag nyid skyon brjod pa'i sgo nas yang bshad par bya ba ste/ 'di lta ste/ mtshan mar lta ba ni lta ba la lta ba ma yin par lta ba zhes brjod de/ med pa la sogs pa'i mtshan ma la mngon par zhen pa nyid du gyur kyang mtshan ma thams cad la mngon par zhen pa med do snyam pa'i 'du shes can du gyur pa'i phyir ro//brtags pa la skur pa 'debs pa'i lta ba dang / kun du rtog pa la skur pa 'debs pa'i lta ba dang / de kho na la skur pa 'debs pa'i lta ba ni sbyor ba sel ba'i lta ba ste/ thams cad la skur pa 'debs pa ni 'bad pa mthu med pa'i 'du shes can du 'gyur ba'i phyir ro/ yongs su 'dzin pa'i lta ba dang /bsgyur ba'i lta ba ni nges par 'byin pa ma yin pa'i lta ba ste/ thabs ma yin pa la sbyor ba de ni 'bras bu mi 'thob pa'i phyir ro/ /kha na ma tho ba med par lta ba dang nges par 'byung bar lta ba ni sgrib pa la sogs pa'i lta ba ste/ log par sgrub pa'i phyir sgrib pa zad mi srid pa'i phyir ro//brnyas pa'i lta ba dang / rab tu 'khrug pa'i lta ba ni bsod nams ma yin pa 'phel ba'i lta ba ste/ dam pa'i chos dang / tshangs pa mtshungs par spyod pa la log par bsgrub pa'i sgo nas smras pa chen po thob pa'i phyir ro/ /phyin ci log tu lta ba dang / 'phel ba'i lta ba ni 'bras bu med pa'i lta ba ste/yang dag pa ma yin pa'i chos nyid rnam par 'jog pa 'dzin pa dang / 'dzin du bcug pas khyad par mi 'thob pa'i phyir ro/ /khas mi len pa'i lta ba dang / ngan g.yo'i lta ba ni chad pas bcad pa'i lta ba ste/ rigs pa ma yin pas rgol na rgyal mi srid pa'i phyir ro/ /bkur sti'i lta ba ni skur pa 'debs pa'i lta ba ste/de mi gsung pa la de'i sgro 'dogs pa'i phyir ro/ /rmongs pa brtan pa'i lta ba ni bsnyad pa ma yin pa'i lta ba ste log pa la mngon par zhen pa dang / yang dag pa'i gtam bya ba bkag pa'i phyir te/ don med pa'i phyir ro/ /rtsa ba'i lta ba ni lta ba chen po ste/ des phyi ma la lta bar gyur pa thams cad shin tu brtas pa rgyas par 'gyur ba'i phyir ro//lta ba nyi shu rtsa bdun po thams cad ni mngon pa'i nga rgyal gyi lta ba ste/ yang dag pa ma yin pa'i mngon pa'i nga rgyal gyis bslad pa'i phyir ro/ /de'i phyir mdo sde de nyid las de'i 'og tu de dag ni bcu bdun yin yang bcur 'gyur ro/ /bcu yin yang bcu bdun du 'gyur ro/ /nyi shu rtsa bdun yin yang gcig tu 'gyur ro//gcig yin yang nyi shu rtsa bdun du 'gyur ro zhes gsungs so/ /shin tu rgyas pa la chos thams cad ngo bo nyid med do zhes gang gsungs pa de la dgongs pa gang / bdag nyid kyis mi 'byung ba dang / rang gi bdag nyid du med pa dang / rang gi ngo bo nyid la mi gnas pa dang /byis pas bzung ba bzhin du mtshan nyid med pa'i phyir ro/ /de la rang gi ngo bo nyid med do zhes pa ni/ ngo bo nyid med pa ni rang gi ngo bo nyid med pa ste/ rkyen rnams la ltos nas 'byung ba bkag pa ni ma yin no/ /rang gi bdag nyid du med pa zhes pa ni/ ngo bo nyid gang du de dag sngar byung ba de'i ngo bo nyid der yang de dag bskyed mi nus pas ngo bo nyid dang bral ba'i phyir ngo bo nyid med pa'o//bden pa ma mthong ba rnams kyis chos kyi ngo bo nyid de mtshan nyid mngon par brjod pa spros pa'i bag chags kyi sgo nas ji ltar bzung ba bzhin du byis pas bzung ba dang mthun pa'i ngo bo nyid de dang bral ba'i phyir ngo bo nyid med pa'o/ /yang kun du brtags pa'i ngo bo nyid la mtshan nyid ngo bo nyid med pa dang /gzhan gyi dbang la skye ba'i ngo bo nyid med pa dang / yongs su grub pa la don dam pa'i ngo bo nyid med pa'i phyir ro/ /kun brtags pa'i ngo bo nyid ni rang gi mtshan nyid kyis med pa ste ngo bo nyid med pa'o/ /gzhan gyi dbang ni rkyen la ltos pa'i phyir bdag nyid kyis 'byung ba med pa ste/'dis ni rang gi byung ba med pas na skye ba'i ngo bo nyid med pas de'i ngo bo nyid med pa'o/ /yongs su grub pa ni rnam par dag pa'i dmigs pa yin pa'i phyir gzhan gyi dbang dang / kun brtags pa'i mtshan nyid med pa'i ngo bo nyid yin pa'i phyir/ don dam par rang gi ngo bo nyid rang bzhin med pa nyid kyis rab tu phye ste don dam par ngo bo nyid med pas rang bzhin med pa'o//de ltar byas na chos thams cad rang bzhin med par blta bar bya'i/ rnam pa thams cad du mtshan nyid med pa'i dbang du byas pa ni ma yin no/ /ma skyes pa/ ma 'gags pa/ gzod ma nas zhi ba rang bzhin gyis mya ngan las 'das pa zhes pa'i dgongs pa gang /ji ltar ngo bo nyid med par de ltar ma skyes so/ /ji ltar ma skyes pa de ltar ma 'gags so/ /ji ltar ma skyes pa dang ma 'gags pa de ltar gzod ma nas zhi ba'o/ /de ltar rang bzhin gyis yongs su mya ngan las 'das pa'o/ /yang gang dag gis shin tu rgyas pa la/de bzhin gshegs pa rnams kyi dgongs pa khong du chud par bya ba'i dgongs pa bzhi ste/ mnyam pa nyid la dgongs pa dang / dus gzhan la dgongs pa dang / don gzhan la dgongs pa dang / gang zag gi bsam pa la dgongs pa'o/ /yang theg pa chen po la de bzhin gshegs pa'i dgongs pa thams cad ni mdor bsdus na bzhir 'gyur te/'di lta ste/ mnyam pa nyid la dgongs pa ni/ gang gi tshe nga nyid ni de'i tshe yang dag par rdzogs pa'i sangs rgyas rnam par gzigs su gyur to zhes gang gsungs pa ste/ chos kyi sku la bye brag med pa'i phyir ro//dus gzhan la dgongs pa ni/ gang dag bde ba can gyi 'jig rten gyi khams su smon lam 'debs pa de dag der skye bar 'gyur zhes bya ba dang / de bzhin gshegs pa dri med zla 'od kyi mtshan bzung ba tsam gyis nges par bla na med pa yang dag par rdzogs pa'i byang chub thob bo zhes gang gsungs pa'o//don gzhan la dgongs pa ni/ chos thams cad ngo bo nyid med pa'o/ /ma skyes pa'o zhes bya ba la sogs pa gang gsungs pa ste/ sgra ji bzhin ma yin pa'i phyir ro/ /gang zag gi bsam pa la dgongs pa ni gang la la bsngags pa'i dge ba'i rtsa ba de nyid du cung zad tsam gyis chog par 'dzin pa la la la smad do//de bzhin du 'dod chags la spyod pa la ni sangs rgyas kyi zhing rnam par dag pa bsngags so/ /nga rgyal la spyod pa la ni sangs rgyas kha cig gi phun sum tshogs pa lhag par bsngags pa'o/ /'gyod pas sgrib pa ni/ gang dag sangs rgyas dang byang chub sems dpa' rnams la gnod pa byed pa de dag thams cad kyang mtho ris su nye bar 'gro bar 'gyur ro zhes gsungs so//ma nges pa'i rigs la ni nyan thos nyid kyi bsam pa 'dor ba'i phyir ro/ /nyan thos chen po rnams sangs rgyas nyid du lung ston cing theg pa gcig ste/ gnyis su med do zhes ston to/ /gang dag gis shin tu rgyas pa la de bzhin gshegs pa rnams kyi ldem por dgongs pa khong du chud par bya ba'i phyir lde ma por dgongs pa bzhi ste/gzhug pa la ldem por dgongs pa dang / mtshan nyid la ldem por dgongs pa dang / gnyen po la ldem por dgongs pa dang / bsgyur ba la ldem par dgongs pa'i/ /theg pa chen po la ldem por dgongs pa thams cad bzhi po de rnams su 'gyur ste/mdor bsdus na gzhug pa la ldem por dgongs pa la sogs pa'o/ /de la gzhug pa la ldem por dgongs pa ni/ nyan thos kyi theg pa la blta bar bya ste/ bstan pa la zhugs pa'i don du mi skrag par bya ba'i phyir gzugs la sogs pa yod pa skad du bstan pa'i phyir ro//mtshan nyid la ldem por dgongs pa ni/ kun du brtags pa la sogs pa ngo bo nyid gsum la blta bar bya ste/ chos thams cad ngo bo nyid med pa dang / ma skyes pa la sogs par bstan pa'i phyir ro/ /gnyen po la ldem por dgongs pa ni nyes pa rnams 'dul bar blta bar bya ste/dper na sgrib pa brgyad kyi gnyen por theg pa chen po mchog yang dag par bshad pa lta bu'o/ /sgrib pa brgyad ni/ sangs rgyas chos la brnyas pa dang / /zhes rgya cher 'byung ba ste/ de'i dper brjod pa ni ci rigs su dgongs pa bzhin bstan par blta'o/ /bsgyur ba la ldem por dgongs pa ni/brjod pa zab pa la blta ste/ ji skad du/ snying po med la snying por shes/ /phyin ci log la shin tu gnas/ /nyon mongs kun la rab nyon mongs/ /byang chub dam pa thob par 'gyur/ /zhes bya ba 'di la ldem por dgongs pa ni 'di yin te/ rnam par mi g.yeng ba la gang dag snying por blo 'byung ba dang /mchog tu blo 'byung ba'o/ /rnam par g.yeng ba ni sems rnam par 'phyo ba'o/ /phyin ci log la shin tu gnas/ /zhes bya ba ni rtag pa dang / bde ba dang / gtsang ba dang / bdag las bzlog ste mi rtag pa la sogs pa'i phyir phyin ci log la shin tu gnas pa yongs su mi nyams pa'i phyir ro//nyon mongs kun nas rab nyon mongs/ /zhes bya ba ni yun ring por dka' ba byed pa'i rtsol bas shin tu yongs su nyon mongs par gyur pa'o/ /shin tu rgyas pa la byang chub sems dpa' chos la ting nge 'dzin du mkhas par ji ltar khong du chud par bya/ rnam pa lnga ste/ skad cig re re la gnas ngan len gyi gnas thams cad 'jig par byed pa dang /sna tshogs kyi 'du shes dang bral te chos kyi dga' ba la dga' ba thob pa dang / chos kyi snang ba rnam pa yongs su ma chad pa thams cad du tshad med pa yang dag par shes pa dang / de la rnam par dag pa'i chi dang mthun pa rnam par mi rtog pa'i mtshan ma rnams kun du 'byung ba dang /chos kyi sku yongs su rdzogs par byed pa dang / yongs su sgrub pa'i phyir gong ma bas kyang ches gong ma'i rgyu yongs su 'dzin par byed pa'o/ /phan yon rnam pa lnga po de rnams kyi phan yon ni zhi gnas kyi phan yon dang / lhag mthong gi phan yon dang / de gnyi ga'i phan yon gyi dbang du byas par rig par bya'o//de la zhi gnas kyi phan yon ni rnam pa gnyis te/ skad cig skad cig la khyad par du 'gro ba'i shin tu sbyangs pa rgyun mi 'chad par lus la khyab pa'i phyir/ skad cig re re la gnas ngan len gyi gnas thams cad 'jig par byed pa dang / bstan pa'i chos thams cad khyad par med par ro gcig par mos pa de mnyam par 'jog pas phung po la sogs pa don gyi rnam pa tha dad pa'i 'du shes dang bral bas mdo la sogs pa'i chos kyi dga' ba la chos la dga' ba thob pa'o//lhag mthong gi phan yon yang gnyis te/ 'di ltar rab tu rnam par phye ba'i chos rgyun mi 'chad par mi brjod pas/so sor dran pa tsam gyi sgo nas mdo la sogs pa'i chos rnams la shes rab kyi snang ba rnam par yongs su ma chad pa tshad med pa dang / gnas gyur pa'i snga rtags su gyur pa rnam par mi rtog pa mngon par 'du ma byas pa'i mtshan ma rnams kun du 'byung ba'o/ /de gnyi ga'i phan yon ni chos kyi sku shes bya'i sgrib pa spangs pa gnas gyur pas bsdus pa/sa bcu pa la yongs su rdzogs par bya ba dang / de bzhin gshegs pa'i sa la yongs su sgrub pa'i phyir gong ma bas kyang gong ma'i rgyu mthun pa'i bag chags bskyed pa'i tshul gyis rgyu yongs su 'dzin par byed pa'o/ /de dang de dag gang gis rnam par bsgoms pa na 'bras bu rnam pa lnga 'grub par 'gyur zhes yang dag par bstan to//bsgom pa rnam pa lnga gang zhe na/ shin tu sbyangs pa'i mtshan ma bsgom pa dang / tha mi dad pa bsgom pa dang / mtshan ma med pa bsgom pa dang / spyod pa med pa bsgom pa dang / yongs su mya ngan las 'das pa bsgom pa'o//ci'i phyir chos kyi sku'i rgyu mthun pa nyid du 'dra ba la/ shin tu rgyas pa'i chos la bdug pa dang phye ma la sogs pas mchod par 'os kyi/ nyan thos kyi chos la de lta ma yin zhe na/ shin tu rgyas pa'i chos ni sems can thams cad la phan pa dang bde ba'i gzhir gyur pa'i phyir ro/ /don che bas bsod nams bla na med pa'i gnas su gyur pa'i phyir ro//chos rnam par nges pa zhes bya ba ste kun nas btus pa gsum pa'o// //thob pa rnam nges gang / de gang zag rnams gzhag dang / mngon rtogs rnam gzhag tu rig par bya'o/ /thob pa rnam par nges pa ni/ thob par byed pa'i gang zag rnam par gzhag pa dang /mngon par rtogs pa rnam par gzhag par blta bar bya'o/ /re zhig gang zag gi 'gro ba'i dbye ba ni/ gang zag rdzas su med kyang rnam pa bzhis gang zag rnam par gzhag ste/ sla bar tha snyad gdags pa'i phyir dang / 'jig rten pa'i rjes su 'jug pa'i phyir dang / 'jig rten pa mi skrag pa'i phyir dang /bdag go sla bar tha snyad gdags pa ji lta bu zhe na/ gzugs la sogs pa rnam pa mang po'i mtshan nyid dang ming bdag nyid gcig tu bsdus te/ sems can zhes brtags nas song zhes bya ba la sogs pa tshegs med pa nyid du tha snyad 'dogs pa'i phyir ro/ /'jig rten gyi rjes su 'jug pa ji lta bu zhe na/'jig rten na chos tsam gyi ming rnams kyis tha snyad thams cad la ma grags kyi 'on kyang phal cher sems can gyi ming gis so/ /'di ltar 'jig rten pas tha snyad phal cher gdon mi za bar 'jig rten dang mthun par bya'o/ /'jig rten pa mi skrag pa ji lta bu zhe na/ rten cing 'brel bar 'byung ba'i chos nyid la mi mkhas pa glo bur du thog mar rnam pa thams cad du sems can med par thos na skrag par 'gyur ba'i phyir ro//bdag ji lta bu zhe na/ gzhan dag nyes pa dang ldan pa dang / yon tan dang ldan pa brjod pa'i phyir ni gal te gang zag rnam par gzhag par bya'i/ /gzhan du na sems can gdags pa med par kun nas nyon mongs pa dang rnam par byang ba'i mtshan nyid tsam bstan na/che ge mo zhig gis sems can gyi rgyud la nyes pa 'di rnams spangs so/ /yon tan 'di rnams skyes so zhes shes par mi nus pa'i phyir ro/ /gang zag rnam gzhag gang / spyod pas rab dbye dang / nges 'byung gi rab dbye dang / nyer brten gyi rab dbye dang /sbyor bas rab dbye dang / 'bras bus rab dbye dang / rtogs pas rab dbyes kyang gang zag rnam gzhag tu rig par bya'o/ /spyod pa'i rab dbye la sogs pa 'di rnams rnam pa bdun du rnam par gzhag go/ /spyod pas rab dbye gang / 'dod chags spyod pa dang / zhe sdang spyod pa dang /gti mug spyod pa dang / nga rgyal spyod pa dang / cha mnyam la spyod pa dang / nyon mongs zhen pa'i gang zag go/ /nges 'byung gi rab dbye gang / nyan thos kyi theg pa pa dang / rkyen gcig gis rtogs pa'i theg pa dang / theg pa chen po'i gang zag go/ /nyer brtan gyi rab dbye gang /tshogs ma bsags pa dang / tshogs bsags pa'ang yin la ma bsags pa dang / tshogs bsags pa'i gang zag go/ /sbyor bas rab dbye gang / dad pas rjes 'brang dang / chos kyi rjes 'brang gi gang zag go/ /'bras bus rab dbye gang / dad pas mos pa dang / mthong bas thob pa dang /lus kyis mngon sum du byed pa dang / shes rab kyi cha la rnam grol dang / gnyi ga'i cha la rnam par grol ba dang / rgyun zhugs kyi 'bras bu mngon sum du bya ba'i phyir zhugs pa dang / rgyun zhugs dang / lan cig phyir 'ong gi 'bras bu mngon sum du bya ba'i phyir zhugs pa dang /phyir 'ong ba dang phyir mi 'ong ba'i 'bras bu mngon sum du bya ba'i phyir zhugs pa dang / phyir mi 'ong ba dang / dgra bcom pa nyid kyi 'bras bu mngon sum du bya ba'i phyir zhugs pa dang / dgra bcom pa dang / mchog tu thogs na srid pa bdun pa dang / rigs nas rigs su dang / bar chad gcig pa dang /bar dor yongs su mya ngan las 'da' ba dang / skyes nas yongs su mya ngan las 'da' ba dang / mngon par 'du byed pa med pas yongs su mya ngan las 'da' ba dang / mngon par 'du byed pa dang bcas pas yongs su mya ngan las 'da' ba dang / gong du zhugs pa dang / dgra bcom pa yongs su nyams pa'i chos can dang /bdag gsod pa'i chos can dang / rjes su srung ba'i chos can dang / gnas las mi g.yo ba dang / rtag tu rtogs pa'i skal bar gyur pa dang / mi 'khrugs pa'i chos kyi gang zag go/ /khams kyi rab tu dbye ba gang / 'dod pa na spyod pa'i so so'i skye bo dang /slob pa dang mi slob pa'o/ /'dod pa na spyod pa ji lta bar gzugs na spyod pa dang / gzugs med pa na spyod pa'ang de bzhin no/ /'dod pa na spyod pa dang / gzugs na spyod pa'i byang chub sems dpa' dang / 'dod pa na spyod pa'i rkyen gcig gis rtogs pa dang / de bzhin gshegs pa bsam gyis mi khyab pa'i gang zag go//rtogs pas rab dbye gang / mos pas spyod pa can dang / lhag pa'i bsam pas spyod pa can dang / mtshan ma dang bcas pas spyod pa can dang / mtshan ma med par spyod pa can dang / mngon par 'du byed pa med par spyod pa can gyi byang chub sems dpa'i gang zag go//'dod chags kyi spyod pa gang / gang chags pa rgyas pa'o/ /rnam rtog la spyod pa'i bar du yang de bzhin te/ rnam rtog rgyas pa'o/ /chags par gyur pas dngos po ngan pa la yang 'dod chags cher 'byung ba dang / byung nas kyang ring du rjes su 'brel ba'i phyir ro//rnam par rtog pa la spyod pa'i bar du yang de bzhin te/ rang gi dngos po ji lta ba bzhin du sbyar bar bya'o/ /cha mnyam spyod pa gang / nyon mongs pa'i rang bzhin gnas pa'o/ /nyon mongs pa shas chung ba rnam par spangs nas mnyam pa'i gnas skabs zhes bya ba'i tha tshig go/ /dngos po ji lta ba dang mthun par nyon mongs pa kun du 'byung ba'i phyir ro//nyon mongs zhen pa gang / gang nyon mongs pa shin tu srab pa'i rang bzhin du gnas pa'o/ /nyon mongs pa'i rang bzhin du gnas pa'i mtshan nyid bstan pa dag las nyon mongs pa ches srab pa yod pa de ni/ nyon mongs pa'i rang bzhin du gnas pa bas kyang srab pa ste/sngon gnyen po goms par byas pa'i dbang gis dngos po shas che ba la yang rang bzhin gyis nyon mongs pa chung ngu kun du 'byung ba'i phyir ro/ /nyan thos kyi theg pa pa'i gang zag gang / nyan thos kyi chos nyid nges pa'am ma nges pa la gnas pa dang / rang bzhin gyis dbang po rtul ba dang /bdag rnam par thar bar bya ba'i phyir smon pa dang / yid 'byung ba dang / chags pa dang bral ba dang / rnam par grol bar bya ba'i bsam pa can dang / nyan thos kyi sde snod la dmigs nas chos kyi rjes su mthun pa'i chos sgrub cing sdug bsngal gyi mthar phyin pa thob pa'o/ /de ltar nyan thos kyi theg pa ni rigs dang /dbang po dang / smon lam dang / bsam pa dang / dmigs pa dang / sgrub pa dang / 'bras bu'i rab tu dbye ba rnams kyis bstan par rig par bya'o/ /'di'i dbang po rtul po nyid ni rang sangs rgyas dang / byang chub sems dpa'i dbang po la ltos pa'o/ /gzhan du na chos kyi rjes su 'brang ba la sogs pa dbang po rnon po yin no zhes bya ba dang 'gal bar 'gyur ro//rkyen gcig gis rtogs pa'i gang zag gang / rkyen gcig gis rtogs pa'i chos nyid nges pa'am/ ma nges pa la gnas pa dang / rang bzhin gyis dbang po 'bring dang / bdag rnam par dag par bya ba'i phyir smon pa dang /yid 'byung ba dang / chags pa dang bral ba dang / rnam par grol bar bya ba'i phyir bsam pa can dang / bdag nyid mngon par rdzogs par rtogs par bya ba'i bsam pa can dang / nyan thos kyi sde snod la dmigs nas chos kyi rjes su mthun pa'i chos bsgrub pa dang / nges 'byed cha mthun sngon ma bskyed pa'am/sngon 'bras bu ma thob pa'am/ sngon 'bras bu thob pa'am/ sangs rgyas 'byung ba med par bdag nyid kyis lam mngon sum du byas na bse ru'i rtog pa ltar 'gyur te/ gcig pur gnas pa'am/ rkyen gcig gis rgyal bar 'gyur te/ mthong bar spyod pa gang sdug bsngal gyi mthar phyin pa thob pa'o//de la nges par 'byed pa'i cha dang mthun pa sngon ma bskyed pa dang / sngon 'bras bu ma thob pa ni bse ru lta bur gyur te/ gcig pu gnas pa'o/ /de las gzhan pa'i rang rgyal ba ni tshogs dang spyod par blta'o/ /theg pa chen po pa'i gang zag gang / byang chub sems dpa'i chos nyid nges pa'am ma nges pa la gnas pa dang / rang bzhin gyis dbang po rno ba dang / sems can thams cad rnam par thar bar bya ba'i phyir smon pa dang / mi gnas pa'i mya ngan las 'das pa'i bsam pa can dang / byang chub sems dpa'i sde snod la dmigs nas chos kyi rjes su mthun pa'i chos sgrub cing sems can thams cad kyang yongs su smin par byed/sangs rgyas kyi zhing yongs su sbyong la lung bstan pa yang thob cing / bla na med pa yang dag par rdzogs pa'i byang chub kyang mngon par rdzogs par 'tshang rgya'o/ /lung bstan yang 'thob ces bya ba ni/ sa brgyad pa la mi skye ba'i chos la bzod pa thob ces bya ba'i tha tshig go//tshogs ma bsags pa gang / gang bden pa'i dbang du byas pa'i chos la dmigs nas mos pa dang / dad pa chung ba'i gang zag ste/ der yang thar pa'i cha dang mthun pa chung zhing tshe rabs kyi dus nges pa med pa dang ldan pa'o/ /tshogs bsags pa dang /ma bsags pa yin pa gang / gang bden pa'i dbang du byas pa'i chos la dmigs nas mos pa dang / dad pa bar ma'i gang zag ste/ de yang thar pa'i cha dang mthun pa 'bring gi tshe rabs nges pa'i dus dang ldan pa'o/ /tshogs bsags pa'i gang zag gang / gang bden pa'i dbang du byas pa'i chos la dmigs nas mos pa dang /dad pa chen po'i gang zag ste/ de yang thar pa'i cha dang mthun pa chen po tshe rabs de nyid dus can dang ldan pa'o/ /yang tshogs ma bsags pa ni bden pa'i dbang du byas pa'i chos la dmigs nas/ bden pa rnams la chos nges par sems pa'i bzod pa chung ngu dang ldan pa ste/de yang nges 'byed cha mthun chung ngu tshe rabs kyi dus nges pa med pa dang ldan pa'o/ /tshogs bsags pa yang yin la ma bsags pa'i yin pa gang / gang bden pa'i dbang du byas pa'i chos la dmigs nas/ bden pa rnams la chos la nges par sems pa'i bzod pa 'bring dang ldan pa ste/de yang nges 'byed cha mthun 'bring po tshe rabs kyi dus nges pa dang ldan pa'o/ /tshogs bsags pa ni gang bden pa'i dbang du byas pa'i chos la dmigs nas/ bden pa rnams la chos la nges par sems pa'i bzod pa chen po dang ldan pa ste/ tshogs ma bsags pa la sogs pa de rnams dang ldan pa ni thar pa'i cha dang mthun pa rnams dang /nges par 'byed pa'i cha dang mthun pa chung ngu dang 'bring dang chen pos nges par 'byed pa'i phyogs gang bskyed pa'o/ /bden pa mngon par rtogs pa yang ma nges pa dang / nges pa dang / tshe rabs de nyid kyi dang ldan pa'i phyir go rims bzhin du rig par bya'o//de la bden pa'i dbang du byas pa'i chos ni mos pa dang dad pa'i mtshan nyid kyi thar pa'i cha dang mthun pa rnams te/ de nyid la chos nges par sems pa'i bzod pa'i mtshan nyid kyi nges par 'byed pa dang / mthun pa rnams ni dad pa mchog yin pa dang / shes rab mchog yin pa'i phyir te go rims bzhin no//de yang 'jig rten chos mchog ma gtogs par nges 'byed cha mthun chen po tshe rabs de nyid kyi dus can dang ldan pa'o/ /'jig rten chos mchog ni rang bzhin gyis skad cig ma ste tshe rabs de nyid kyi dus can kho na'o/ /rang bzhin gyis skad cig ma zhes pa ni rgyun ma yin zhes pa'i don te/tshe rabs de nyid kyi dus can kho na yin no/ /thar pa cha mthun dang / nges 'byed cha mthun chung ngu dang / 'bring rnams las yongs su nyams pa de ni kun du 'byung ba yongs su nyams par zad kyi/ bag chags su nyams pas yongs su nyams pa ni ma yin no zhes bya ba ni mya ngan las 'das par byed pa'i dge ba'i rtsa ba sngar ma bskyed pa yang bskyed mi dgos pa'i phyir ro//thar pa'i cha dang mthun pa chung ngu'i dbang du mdzad nas/ bcom ldan 'das kyis bka' stsal pa/ 'jig rten pa yi yang dag lta/ /chen po su la yod gyur pa/ /de ni tshe rabs stong du yang / ngan 'gror 'gro bar mi 'gyur ro//zhe'o/ /yang thar pa'i cha dang mthun pa bzhi ste/ skabs su gtogs pa dang / mos pa las gyur pa dang / lhag par 'dod pa las gyur pa dang / thob pa las gyur pa'o/ /dge ba'i chos la 'dun pa nas nye bar bzung ste/ thar pa'i don du bya ba ji snyed pa de ni skabs su gtogs pa'o//de dang rab tu ldan pa'i bstan pa la mos pa dang ldan pa gang yin pa de ni mos pa las gyur pa'o/ /dga' ba dang / dad pa dang ldan par thar pa la dmigs pa'i yid la byed pa mang ba gang yin pa de ni lhag par 'dod pa las gyur pa'o/ /de nyid las nges par 'byed pa'i cha dang mthun pa bskyed par nges pa gang yin pa de ni thob pa las gyur pa'o//nges par 'byed pa'i cha dang mthun pa ni rnam pa drug ste/ rjes su mthun pa dang / khyad par ba dang / rab tu rtogs pa dang / gzhan du yongs su bsgyur ba pa dang / skye ba gcig pa dang / stan gcig pa'o/ /de la gang bden pa la dmigs pa'i rnam par dge ba'i rtsa ba dang po nyid chung ngu 'byung ba ni rjes su mthun pa'o//gang 'bring du gyur pa de ni khyad par ba ste/ de bas ches mchog tu gyur pa'o/ /gang tshe de nyid la bden pa rtogs pa shas chen por gyur pa de rab tu rtogs pa'o/ /de yang gang ma nges pa'i rigs can rnams byang chub sems dpar 'gyur bar yongs su bsgyur ba dang /gang yang rang sangs rgyas rnams tshe gzhan la slob dpon med par mngon par rdzogs par byang chub par yongs su bsgyur ba de ni gzhan du yongs su bsgyur ba'o/ /gang tshe de nyid la rab tu rtogs par gyur pa de ni tshe gcig pa'o/ /gang stan de nyid la rab tu rtogs par gyur pa de ni stan gcig pa'o//dad pas rjes 'brang gi gang zag gang / gang tshogs bsags pa dbang po rtul po pha rol gyis bstan pa'i rjes su 'brang nas bden pa mngon par rtogs par bya ba'i phyir sbyor ba'o/ /chos kyi rjes 'brang gang / gang tshogs bsags pa dbang po rnon po/bdag nyid kyis bden pa'i dbang du byas pa'i chos kyi rjes su 'brangs nas bden pa mngon par rtogs par bya ba'i phyir sbyor ba'o/ /dad pas mos pa gang / dad pa'i rjes 'brang gi gang zag gang 'bras bu'i dus na'o/ /mthong bas thob pa gang / chos kyi rjes 'brang gi gang zag gang 'bras bu'i dus na'o//lus kyis mngon sum du byed pa gang / gang slob pa rnam par thar pa brgyad la bsam gtan pa'i gang zag go/ /lus kyis mngon sum du byed pa ni phyir mi 'ong bar brjod de/ rnam par thar pa thob pa rnams lus kyis mngon sum du rdzogs par byas nas gnas pa'i phyir ro/rnam thar brgyad ni gzugs can gzugs la lta ba la sogs pa ste/ phyis 'chad par 'gyur ro/ /shes rab kyi cha las rnam grol gang / gang zag pa zad pa de rnam par thar pa brgyad la bsam gtan pa ma yin pa'i gang zag go/ /shes rab kyis mi mthun pa'i phyogs nyon mongs pa'i sgrib pa can ma lus par spangs pa'i phyir ro//gnyi ga'i cha las rnam grol gang / gang zag pa zad pa rnam par thar pa brgyad la'ang bsam gtan pa'i gang zag go/ /gnyi ga'i cha la rnam par grol ba ni/ nyon mongs pa dang snyoms par 'jug pa'i sgrib pa thams cad las gang rnam par grol ba'o/ /rgyun du zhugs kyi 'bras bu gang //gang nges 'byed cha mthun rnams dang / mthong ba'i lam gyi sems kyi skad cig bco lnga rnams la gnas pa'i gang zag go/ /nges par 'byed pa'i cha dang mthun pa stan gcig pa nas brtsams te dang po'i 'bras bu ma thob kyi bar du'o/ /rgyun zhugs gang / gang mthong ba'i lam gyi skad cig bcu drug rnams la gnas pa'i gang zag go /mthong ba'i lam ni yang dag pa nyid du nges par gyur pa la zhugs pa ste/ chos mngon par rtogs pa yang de yin no/ /mthong ba'i lam gyi tha ma la dang po'i 'bras bu ma thob pa su zhe na/ 'dod pa rnams la 'dod chags dang ma bral ba'i gang zag ni yang dag pa nyid du nges par gyur pa la zhugs nas rgyun zhugs su 'gyur ro//gang rim pa bzhin du phyogs las 'dod chags dang bral ba yang 'dod pa las 'dod chags dang ma bral zhing yang dag pa nyid du nges par gyur pa la 'jug par brjod pa yin no/ /phal cher la 'dod chags dang bral ba ni yang dag pa nyid du nges par gyur pa la lan cig phyir 'ong du 'gyur ro//gang sngar 'jig rten pa'i lam gyis 'dod pa na spyod pa'i bsgom pa'i spang bar bya ba'i nyon mongs pa rnam pa drug po spangs nas/ phal cher las 'dod chags dang bral bar gyur te/ phyis yang dag pa nyid la nges par 'jug pa de ni sems kyi skad cig bcu drug la lan cig phyir 'ong ba nyid du 'gyur ba'o//'dod pa rnams las 'dod chags dang bral ba ni/ yang dag pa nyid du nges par gyur pa la zhugs nas phyir mi 'ong du 'gyur ro/ /gang rnam pa dgu char spangs nas 'dod pa las 'dod chags dang bral bar 'gyur te nges par gyur pa la 'jug pa de ni phyir mi 'ong ba nyid du 'gyur ro//gang mthong bas spang bar bya ba'i nyon mongs pa thams cad spangs nas rgyun du zhugs par 'gyur na/ ci'i phyir kun sbyor gsum spangs nas rgyun du zhugs pa zhes bshad ce na/ gtso bor bsdu ba'i phyir ro/ /thar pa thob pa'i gags su gyur ba gtso bo yin pa'i phyir te/ci'i phyir gtso bo zhe na/ mi 'gro ba'i rgyu yin pa dang / phyin kyang log par nges 'byung gi rgyu yin pa dang / yang dag pas nges 'byung ma yin pa'i rgyu yin pa'i phyir ro/ /de la 'jig tshogs su lta bas nye bar len pa'i phung po lnga po dag la bdag dang bdag gir mngon par zhen nas/gnas la dga' bas sdug bsngal las mi 'phag go/ /ji ste 'phags kyang thar par bya ba'i phyir tshul khrims dang brtul zhugs mchog tu 'dzin pa dang the tshom gyi lam ngan pa la mngon par zhen pa dang / lam bzang po la the tshom za ba'i phyir log par mi 'byung gi/ yang dag par nges par mi 'gyur ro/ /yang shes bya la log par rtogs pa'i rgyu yin pa dang / 'jig tshogs su lta bas shes bya la log par rtogs te/ sdug bsngal tsam la bdag dang bdag gi ba'i mtshan nyid du sgro 'dogs pa'i phyir ro/ /lta ba la log par rtogs pa'i rgyu yin pa dang / tshul khrims dang brtul zhugs mchog tu 'dzin pas lta ba la log par rtogs te de dag par yid ches pa'i phyir ro/ /gnyen po la log par rtogs pa'i rgyu yin pa'i phyir ro/ /the tshom gyis ni gnyen po la log par rtogs te dkon mchog gsum la nges par mi byed pa'i phyir ro/ /len cig phyir 'ong ba'i 'bras bu la 'jug pa gang /gang bsgom pa'i lam la 'dod pa na spyod pa'i nyon mongs pa rnams kyi rnam pa lnga spangs pa'i lam gyi gang zag go/ /mthong ba'i lam gyi sa gang du 'dod pa na spyod pa'i nyon mongs pa'i rnam pa 'bring po'i bar du spangs pa'i lam la rnam par gnas pa'o//lan cig phyir 'ong gi gang zag gang / bsgom pa'i lam la 'dod pa na spyod pa'i nyon mongs pa rnam pa drug spong ba'i lam gyi gang zag go/ /nyon mongs pa'i rnam pa 'bring po'i chung ngu spong ba'i lam yongs su rdzogs pa la rnam par gnas pa'o/ /phyir mi 'ong ba'i 'bras bu la 'jug pa gang /gang bsgom pa'i lam la 'dod pa na spyod pa'i nyon mongs pa rnam pa bdun pa dang / brgyad pa spong ba'i lam gyi gang zag go/ /lan cig phyir 'ong ba'i 'bras bu'i gong du 'dod pa na spyod pa'i nyon mongs pa'i rnam pa chung ngu'i chen po dang / 'bring po spong ba'i lam la rnam par gnas pa'o/ / phyir mi 'ong ba'i gang zag gang / gang bsgom pa'i lam la 'dod pa na spyod pa'i nyon mongs pa'i rnam pa dgu pa spong ba'i lam gyi gang zag go/ /dgu pa ni nyon mongs pa'i rnam pa chung ngu'i chung ngu spong ba'i lam la yongs su rdzogs pa la rnam par gnas pa'o/ /gang 'dod pa na spyod pa'i bsgom pas slang bar bya ba thams cad spangs pa'i phyir mi 'ong bar 'gyur na/ci'i phyir tha ma'i cha mthun gyi kun sbyor lnga spangs bas phyir mi 'ong zhes bshad ce na/ gtso bos bsdu ba'i phyir ro/ /ci'i phyir gtso bo zhe na/ 'gro ba dang / khams tha ma'i rgyu yin pa'i phyir ro/ /'gro ba dang khams tha ma'i rgyu nyid kyis gtso bo yin pa'i phyir te/'gro ba tha ma ni sems can dmyal ba dang / dud 'gro dang / yi dags kyi 'gro ba rnams so/ /khams tha ma ni 'dod pa'i khams so/ /de la 'jig tshogs la lta ba dang / tshul khrims dang brtul zhugs mchog tu 'dzin pa dang / the tshom rnams kyis ni 'gro ba tha ma las mi 'da' bas de'i rgyu nyid do//'dod pa la 'dun pa dang gnod sems gnyis kyis ni tha mas tha ma las mi 'da' bas de'i rgyu nyid do/ /dgra bcom pa nyid kyi 'bras bu la 'jug pa'i gang zag gang / gang srid pa'i rtse'i nyon mongs pa rnams kyi rnam pa brgyad kyi bar spong ba'i lam gyi gang zag go/ /dgra bcom pa nyid kyi gang zag gang /gang srid rtse'i nyon mongs pa rnam pa dgu pa spong ba'i lam gyi gang zag go/ /gang khams gsum na spyod pa'i nyon mongs pa thams cad spangs pas dgra bcom par 'gyur na/ ci'i phyir gong ma'i cha mthun gyi kun sbyor lnga spangs pas dgra bcom pa zhes bshad ce na/ gtso bos bsdu ba'i phyir ro//ci'i phyir gtso bo zhe na/ gong ma nye bar len pa'i rgyu dang / gong ma yongs su mi gtong ba'i rgyu yin pa'i phyir ro/ /gong ma nye bar len pa dang yongs su mi gtong ba'i rgyu nyid kyis gtso bo zhes pa'i don to/ /de la gzugs dang gzugs med pa'i 'dod chags gnyis kyis ni 'dod pa'i khams nas gong ma nye bar len te/gzugs dang gzugs med pa'i khams su skye zhes bya ba'i tha tshig go/ /rgod pa dang nga rgyal dang ma rig pa rnams kyis ni gong ma yongs su mi gtong ste/ sred pa dang / nga rgyal dang / the tshom gyi shas che ba'i bsam gtan de nyid du der kun nas nyon mongs pa'i phyir ro//mchog tu thogs na srid pa bdun pa gang / rgyun zhugs kyi gang zag nyid lha dang mi'i rnams su lan bdun 'dres par srid pa 'khor bar byas nas gang sdug bsngal gyi mtha' ma thob pa'o/ /rigs nas rigs su gang / lha'am mi rnams su rigs nas rigs su song nas sdug bsngal gyi mtha' ma thob pa'o//de rgyun du zhugs pa nyid do/ /lan cig phyir 'ong ba'i 'bras bu la 'jug pa lha'am mi rnams kyi nang du nges par srid pa gnyis 'khor bar byas nas yongs su mya ngan las 'das pa'o/ /bar chad gcig pa gang / lan cig phyir 'ong ba lha rnams su sdug bsngal gyi mtha' ma thob pa'o//de ni lan cig phyir 'ong ba nyid do/ /phyir mi 'ong ba'i 'bras bu la 'jug pa lha nyid kyi nang du srid pa gcig 'khor bar byas nas yongs su mya ngan las 'da' ba'o/ /bar chad gcig pa ni bar skabs te/ skye ba'i skabs yod pa de'i de ni bar chad gcig pa'o/ /bar ma dor yongs su mya ngan las 'da' ba gang /de rnam pa gsum ste/ skye ba'i kun sbyor ni spangs la mngon par 'grub pa'i kun sbyor ma spangs pa ste/ bar do'i srid pa mngon par 'grub pa na gang la mngon du byas nas sdug bsngal gyi mtha' ma thob pa dang / nyon mongs pa'i rnam pa gang gis skye ba'i yul du song nas nying mtshams sbyar te/de zad nas bag la nyal tsam gyis shi ba'i 'og tu phung po mngon par 'grub pa de'i lhag ma lus pas bar ma do'i srid pa mngon par 'grub ste/ mngon par goms par byas pa'i lam mngon du gyur nas/ bag la nyal lhag ma spangs te/ de nyid du yongs su mya ngan las 'da' ba dang /de'i 'og tu yongs su mya ngan las 'da' bar gang gsungs par rig par bya'o/ /bar ma do'i srid pa mngon par grub pa na skye ba'i srid par 'gro bar mi sems pa nyid ni lam gang mngon du byas nas sdug bsngal gyi mtha' ma thob pa'o/ /mngon par bsams nas skye ba'i srid pa la mngon par gnas pa ste/skye ba'i srid pa ni ma thob pa na/ gang lam mngon du byas nas sdug bsngal gyi mtha' ma thob pa'o/ /de yang skye ba'i yul la mi 'phags pa dang / 'phags pa tsam dang / ring du song ba'i gnas skabs kyis rnam pa gsum du rig par bya ste/ skyes bu dam pa 'gro ba'i mdo'i tshul gyis so//skyes nas yongs su mya ngan las 'da' ba ste/ gnyis kyi kun sbyor ma spangs pa gzugs khams su skyes pa tsam nyid kyi gang lam mngon du byas nas sdug bsngal gyi mtha' ma thob pa'o/ /mngon par 'du byed med par yongs su mya ngan las 'da' ba gang / gang skyes nas mngon par 'du byed med par lam mngon du byas nas sdug bsngal gyi mtha' ma thob pa'o//mngon par 'du byed pa med pa ni/ sngon shin tu goms par byas nas 'dzug pa'i phyir te/ bsgrim mi dgos zhes bya ba'i tha tshig go/ /de las bzlog pa ni mngon par 'du byed dang bcas pa'i yongs su mya ngan las 'da' ba'o/ /mngon par 'du byed dang bcas pa'i yongs su mya ngan las 'da' ba gang /gang skyes nas mngon par 'du byed pas lam mngon du byas te sdug bsngal gyi mtha' ma thob pa'o/ /gong du zhugs pa gang / gang gzugs kyi khams kyi sa dang sar skye zhing 'og min gyi bar zhugs nas/ der lam mngon du byas te sdug bsngal gyi mtha' ma thob pa'o//de la yang 'og min gyi nang du 'gro ba ni ro myong ba mang bas bsam gtan gyi rnam pa chung ngu la sogs pa skyes shing ro myang bar byed pa'i phyir tshangs ris nas bzung ste/ rgyun mi 'chad par gnas gzhan thams cad du len re re skyes nas 'og min gyi bar du zhugs te yongs su mya ngan las 'da' ba'o/ /gzhan ni yang srid rtse'i bar du song nas lam mngon du byas te/sdug bsngal gyi mtha' ma thob pa'o/ /'dir srid pa'i rtse mor 'gro ba ni bsam gtan bzhi pa la spel mar ma bsgoms pas gnas gtsang ma 'ba' zhig bkol te de bzhin du srid pa'i rtse mo'i bar du song nas yongs su mya ngan las 'da' ba'o/ /spel mar bsgom pa ni/bsam gtan bzhi pa chung ngur yongs su bsgoms pa dang / 'bring du yongs su bsgoms pa dang / cher yongs su bsgoms pa dang / shin tu ches cher bsgoms pas gnas gtsang ma rnams su skye'o/ /chung ngu la sogs pa rnam pa lnga bsgoms pas go rims bzhin du gnas gtsang ma rnams su skye bar rig par bya'o//dgra bcom pa yongs su nyams pa'i chos can gang / dbang po rtul po myos kyang rung / ma myos kyang rung / gsod kyang rung / mi gsod kyang rung ste/ gang mthong ba'i chos la bde bar gnas pa las yongs su nyams par 'gyur ba'i skal ba can no/ /de la gsod kyang rung /mi gsod kyang rung zhes bya ba ni bdag gis bdag gi srog gcod pa'am/ srog mi gcod ces bya ba'i tha tshig go/ /mthong ba'i chos la bde bar gnas pa las yongs su nyams pa zhes pa ni/ 'jig rten pa'i bsam gtan rnams las zhes bya ba'i tha tshig go/ /bdag gsod pa'i chos can gang /dbang po rtul po nyid myos kyang rung / ma myos kyang rung mi gsod na gang mthong ba'i chos la bde bar gnas pa las yongs su nyams par 'gyur ba'i skal ba can yin la bsad na skal ba can ma yin pa'o/ /rjes su bsrung ba'i chos can gang / gang dbang po rtul po nyid myos na mthong ba'i chos la dbang bar gnas pa las yongs su nyams pa'i skal ba can yin la/ma myos na skal ba can ma yin pa'o/ /gnas las mi g.yo ba gang / dbang po rtul po myos kyang rung / ma myos kyang rung / mthong ba'i chos la bde bar gnas pa las yongs su nyams par 'gyur ba'i skal ba can yin la/ dbang po rnams skyed pa'i skal ba can ma yin pa'i gang zag go//dbang po rnams sbyong ba zhes bya ba ni theg pa chen po thob par byed pa ste rno bar byed ces bya ba'i tha tshig go/ /de'i phyir mi 'khrugs pa'i chos can la dbang po rnams yongs su myong ba'i skal ba can zhes ma bshad de rang bzhin gyis dbang po rno ba'i phyir ro/ /rab tu rtogs pa'i skal bar gyur pa gang /gang dbang po rtul po myos kyang rung / ma myos kyang rung / mthong ba'i chos la bde bar gnas pa las yongs su nyams pa'i skal ba can ma yin la/ dbang po rnam par bskyed pa'i skal ba can gyi gang zag go/ /mi 'khrugs pa'i chos can gang / rang bzhin gyi dbang po rno ba ste/myos kyang rung / ma myos kyang rung / mthong ba'i chos la bde bar gnas pa las yongs su nyams par gyur pa'i skal ba can ma yin pa'o/ /'dod pa na spyod pa'i so so'i skye bo gang / gang 'dod pa'i khams su skyes par gyur la/ 'phags pa'i chos rnams ma thob pa'i gang zag go//'dod pa na spyod pa'i slob pa gang / 'dod pa'i khams su skyes par gyur te 'phags pa'i chos rnams thob pa/ gang kun du sbyor ba lhag ma dang bcas pa'i gang zag go/ /'dod pa na spyod pa'i mi slob pa gang / gang 'dod pa'i khams su skyes par 'gyur te 'phags pa'i chos rnams thob la/ gang kun du sbyor ba lhag ma med pa'i gang zag go//'dod pa na spyod pa'i gang zag gsum ji lta ba bzhin/ gzugs dang gzugs med pa na spyod pa gsum la'ang de bzhin du blta bar bya'o/ /'dod pa na spyod pa dang / gzugs na spyod pa'i byang chub sems dpa' gang / gang gzugs med pa'i khams rnam par spangs pa'i bsam gtan dang ldan pa/bsam gtan gyi bde bas gnas shing / 'dod pa'i khams sam/ gzugs kyi khams su skye ba'i gang zag go/ /ci'i phyir gzugs med pa spyod pa na byang chub sems dpa' med ce na/ sems can yongs su smin par bya ba'i mthu'i khyad par thob pa rnams der mi skye'o//gzugs med pa'i khams rnam par spangs pa'i bsam gtan zhes bya ba ni de gzugs med par mi skye ba'i ting nge 'dzin zhes bya ba'i tha tshig go/ /bsam gtan gyi bde ba'i gnas pa ni yongs su ma nyams pa nyid de/ bsam gtan rnams las de nyid bsam gtan rnam par bsgyur ba la mkhas pas sems can yongs su smin par bya ba'i phyir/'dod pa'i khams su skye ba'i byang chub sems dpa' zhes par rig par bya'o/ /'dod pa na spyod pa'i rkyen gcig gis rtogs pa gang / gang sangs rgyas 'byung ba med par 'dod pa'i khams su skyes par gyur te/ rkyen gcig gis rtogs pa mngon du byed pa'i gang zag go//de bzhin gshegs pa bsam gyi mi khyab pa gang dga' ldan gyi gnas na gnas pa nas bzung ste mya ngan las 'das pa'i bar du'o/ /byang chub sems pa'i spyod pa thams cad dang / sangs rgyas kyi spyod pa yang 'dod pa'i khams su ston pa'i gang zag go/ /byang chub sems dpa'i spyod pa thams cad ces bya ba ni dga' ldan gyi gnas na gnas pa nas bzung ste bdud las rgyal ba'i bar du'o//sangs rgyas kyi spyod pa zhes bya ba ni/ mngon par rdzogs par byang chub pa nas gzung ste/ yongs su mya ngan las 'das pa chen po'i bar du'o/ /mos pas rtogs pa can gang / mos pa rtogs pa'i sa rnams su bzod pa chung ngu dang /'bring dang / chen po dang ldan pa'i gang zag gang yin pa'i byang chub sems dpa'o/ /de nyid rigs la gnas pa thog mar byang chub chen por smon lam btab pa nas bzung nas rab tu dga' ba'i sa la ma zhugs kyi bar du ste/ so so rang gi 'jig rten las 'das pa'i rtogs pa med pa'i phyir mos pa'i rtogs pa can zhes brjod do//lhag pa'i bsam pas rtogs pa can gang / byang chub sems dpa'i sa bcu la gnas pa'i gang zag go/ /sa bcu rnams su 'jig rten las 'das pa thob pa bsam pa dag pa'i phyir ro/ /mtshan ma dang bcas pas rtogs pa can gang / byang chub sems dpa'i sa rab tu dga' ba dang /dri ma med pa dang / 'od byed pa dang / 'od 'phro ba can dang / shin tu sbyangs dka' ba dang / mngon du gyur pa'i sa'i gang zag go/ /sa drug po dag la mi 'dod bzhin du mtshan ma dang 'dre ba'i phyir ro/ /mtshan ma med par rtogs pa can gyi gang zag gang / byang chub sems dpa'i sa ring du song ba'i sa'i gang zag go//sa bdun pa la bsgribs na ji srid 'dod par mtshan ma kun du mi 'byung ba'i phyir ro/ /mngon par 'du byed pa med par rtogs pa can gang / gang byang chub sems dpa'i sa mi g.yo ba dang / legs pa'i blo gros dang / chos kyi sprin gyi sa'i gang zag go/ /sa lhag ma rnams su rnam par smin pa las byung ba'i rnam par mi rtog pa'i ye shes thob pa'i phyir ro//rgyun zhugs kyi gang zag ces gang gsungs pa la rgyun zhugs ni/ sngar bzhin pa dang / lan cig la nges par 'byin pa'o/ /sngar bzhin pa ni ji skad bstan pa'o/ /lan cig la nges par 'byin pa ni/gang bden pa rnams mngon par rtogs par byas nas mi lcogs pa med pa'i bsam gtan la brten te/ 'jig rten las 'das pa'i lam gyi khams gsum na spyod pa'i nyon mongs pa rnams lan cig la spong ba ste/ de ni 'bras bu gnyis la gnas te rgyun zhugs kyi 'bras bu dang / dgra bcom pa'i 'bras bu'o//rnam pas zhes bya ba ni bsgom pas spang bar bya ba la 'dod pa dang gzugs dang gzugs med pa na spyod pa chen po'i chen po cig car spong ba dang / de bzhin du rab chung ngu'i bar du ste mthong bas spang bar bya ba bzhin no/ /'jig rten pa'i lam bzhin du sa'i rnam pa'i bye brag gis so so ba'i ma yin no/ / zhes bya ba'i tha tshig go/ /'dir khungs ni sor mo'i rtse mo'i mdo las gzugs gang yin pa ci yang rung ste zhes bya ba nas rnam par shes pa'i bar du 'das pa dang ma 'ongs pa dang / da ltar byung ba zhes bya ba rgya cher 'byung ba nas rgyang ring po dang / thag nye ba zhes bya ba'i bar du de thams cad gcig tu bsdus te cha gcig tu byed do//gcig tu bzlum mo/ /gcig tu bsdam mo/ /phung po gcig tu byed do/ /cha gcig tu byed cing phung po gcig gi bar du byas nas/ 'di ltar yang dag par slob te/ 'di thams cad ni mi rtag pa/ 'di thams cad ni sdug bsngal ba'o zhes rgya cher gsungs pa lta bu'o/ /de ni 'bras bu dang po dang /tha ma gnyis kho na la btags te/ de gnyis ni khams gsum pa'i mthong ba dang / bsgom pas spang bar bya ba thams cad ma lus par spangs pas rab tu phye ba'i phyir rim bzhin no/ /bar ma dag la ni mi gdags te/ de dag ni bden pa mthong ba'i bsgom pas spang bar bya ba 'dod pa na spyod pa nyid lhag ma dang bcas pa dang lhag ma med pa spangs pas rab tu phye ba'i phyir ro//cig car nges par 'byin pa'i dbang du byas nas/ rnam par 'byed pa'i mdo las rgyun du zhugs pa'i 'og tu dgra bcom pa rnam par gzhag par rig par bya'o/ /gang phal cher ni mthong ba'i chos sam 'chi ba na kun shes pa rtogs so//thams cad ma lus par 'dod chags dang bral ba ma yin pas/ de gal te mthong ba'i chos la kun du thob par mi byed na/ gal te mi rtogs na yang de smon pa'i stobs can yin te/ smon pa'i dbang gis 'dod pa'i khams nyid du skye ste myur du mya ngan las 'da' bar bya ba'i phyir ro/ / sangs rgyas 'byung ba med pa na rkyen gcig gis rtogs pa'i rgyal bar 'gyur ro/ /mngon rtogs rnam gzhag gang / mngon rtogs rnams ni bcu ste/ chos mngon rtogs dang / don mngon rtogs dang / de kho na mngon rtogs dang / rjes la mngon rtogs dang / dkon mchog mngon rtogs dang / kun mi 'byung ba spyod pa'i mngon rtogs dang /mthar thug mngon rtogs dang / nyan thos kyi mngon rtogs dang / rkyen gcig gis rtogs pa'i mngon rtogs dang / byang chub sems dpa'i mngon rtogs so/ /chos mngon rtogs gang / bden pa'i dbang du byas pa'i chos rnams la mos pa dang / dad pa chen po thob pa'o/ /dad pa'i rjes su 'brang ba yang de nyid do//chos mngon par rtogs pa ji lta bu zhe na/ gzhan gyi sgra'i dbang du byas te/ gang bden pa'i dbang du byas pa'i mdo sde la sogs pa'i chos rnams la spyod pa na/ dad pa dang thar pa'i cha dang mthun pa tha mas bsdus pas mos pa dang / dad pa chen po thob par 'gyur ro zhes gsungs pa yin no//'di ltar de mos pa dang dad pa chen po thob pas bden pa de dag la chos mngon par rtogs par 'gyur zhes brjod do/ /don mngon rtogs gang / nges 'byed cha mthun pa'i gnas skabs na bden pa'i dbang du byas pa'i chos rnams kho na la/ bden pa rnams la chos la nges par sems pa'i bzod pa chen po thob pa ste/bzod pa de yang tshul bzhin yid la byed pa'i chen po'i chung ngu dang / chen po'i 'bring dang / chen po'i chen por bsgom pa rnam pa gsum mo/ /nges 'byed cha mthun gyi gnas skabs der chos rnams la zhes pa ni ji skad du gsungs pa la tshul bzhin yid la byed pa'i dbang du byas nas/ sdug bsngal la sogs pa rnams la nges par 'byed pa'i cha dang mthun pa tha mas bsdus pa'i chos la nges par sems pa'i bzod pa chen po thob pa rnyed ces pa'i tha tshig go//bzod pa de yang chos la nges par sems pa tshul bzhin yid la byed pa rnam pa gsum gyis phye ba ste/ chen po'i chung ngu dang / chen po'i 'bring dang /chen po'i chen pos so/ /de la chen po'i chung ngus ni tshe de'i dro bar gyur pa rnams so/ /chen po'i 'bring pos ni rtse mo dang bzod pa rnams so/ /chen po'i chen pos ni 'jig rten pa'i chos kyi mchog rnams su'o/ /de kho na mngon rtogs gang / gang mthong ba'i lam gyi sems kyi skad cig bcu drug po dag thob pa'o//mthong ba'i lam ni yang bden pa rnam par 'jog pa mngon par rtogs pa'i mtha' las byung ba kun rdzob shes pa rnams thob pa ste des mngon du byed pa ni ma yin no/ /de dag ni bsgom pa'i lam la mngon du byed do/ /de kho na mngon par rtogs pa ni mthong ba'i lam ste/ de ni bden pa rnam par 'jog pa mthong bar rtogs pa'i mtha' las byung ba kun rdzob shes pa rnams thob ste/'jig rten las 'das pa'i ye shes kyi dbang gis de'i sa bon gsos pa'i phyir yin gyi/ mngon du byed pa ni ma yin te/ mthong ba'i lam gyi sems kyi skad cig bcu drug po dag rgyun mi 'chad pas 'jig rten pa'i sems kyi skabs med pa'i phyir ro//kun rdzob shes pa de rnams ni bsgom pa'i lam la mngon du 'gyur ro/ /rjes la mngon rtogs gang / bsgom pa'i lam thams cad do/ /mthong ba'i lam gyi gong du 'jig rten pa dang / 'jig rten las 'das pa thams cad do/ /dkon mchog mngon rtogs dang / sangs rgyas la shes nas dad pa dang ldan pa dang /chos dang dge 'dun la shes nas dad pa'o/ /kye ma'o bcom ldan 'das ni yang dag par rdzogs pa'i sangs rgyas so/ /de'i chos 'dul ba ni legs par gsungs pa'o/ /nyan thos kyi dge 'dun ni legs par zhugs pa'o zhes de ltar shes te nges nas sangs rgyas la sogs pa la 'phags pa nyan thos dad pa'o//kun mi 'byung ba spyod pa'i mngon rtogs dang / gang gis bya ba'i sdom pa thob pa'i 'phags pa slob pa'i bsdus pa'i slob pa bdag gi sems can dmyal ba zad do/ /dud 'gro zad do/ /yi dags zad do/ /ngan song ngan 'gro log par ltung ba zad do/ /bdag kyang ngan song ba'i las byas nas ngan song rnams su rnam smin mngon par 'grub pa'i skal ba can ma yin no snyam mo//mi bya ba'i sdom pa 'phags pa dgyes pa'i tshul khrims kyis bsdus pa de thob pas/ de'i mi mthun pa'i phyogs dmyal ba la sogs pa kun du mi 'byung ste/ bdag gi sems can dmyal ba zad do zhes pa la sogs pa re re ltar nges par 'byung ba de ni kun mi 'byung ba spyod pa'i mngon rtogs so//mthar thug mngon rtogs gang / ji ltar lam bden las mthar phyin pa'i lam bstan pa lta bu'o/ /ji ltar gnas ngan len thams cad rgyun bcad pa dang bral ba'i thob pa rnams thob pa zhes pa la sogs pa'i mdo'o/ / nyan thos kyi mngon rtogs gang / mngon rtogs bdun po dag nyid mdor bsdus te nyan thos kyi mngon rtogs su brjod do/ /pha rol gyi sgra la brten nas nyan thos kyis thob pa'i phyir ro/ /rkyen gcig gis rtogs pa'i mngon rtogs gang / mngon rtogs bdun po de dag nyid gzhan gyi sgra la ma brten par thob pas rkyen gcig gis rtogs pa'i mngon rtogs su brjod do//byang chub sems dpa'i mngon rtogs gang / mngon rtogs bdun po de dag nyid la/ byang chub sems dpa'i yang dag par 'byung ba'i rtogs pa'i bzod pa ste/ mngon du byed pa ni ma yin no/ /nyan thos dang rang sangs rgyas 'dul ba'i thabs la mkhas par bya ba'i phyir sems can la ltos pas theg pa chung ngus nges par mi 'byung ba'i phyir ro//yang sa rab tu dga' ba la byang chub sems dpa'i skyon med par zhugs pa ni byang chub sems dpa'i mngon rtogs su bshad do/ /nyan thos kyi mngon rtogs las byang chub sems dpa'i mngon rtogs khyad ci/dmigs pa'i khyad par dang / nyer rton gyi khyad par dang / rab tu rtogs pa'i khyad par dang / khas len gyi khyad par dang / nges 'byung gi khyad par dang / yongs 'dzin gyi khyad par dang / gnas dang g.yog 'khor gyi khyad par dang / mngon par skye ba'i khyad par dang /skye ba'i khyad par dang / 'bras bu'i khyad par ro/ /de la dmigs pa'i khyad par ni/ shin tu rgyas pa la dmigs pa'i phyir ro/ /nye bar rton pa'i khyad par ji lta bu zhe na/ bskal pa chen po grangs med par bsod nams dang ye shes kyi tshogs yongs su rdzogs par byed pa'i phyir ro//rab tu rtogs pa'i khyad par ji lta bu zhe na/ gang zag dang chos la bdag med pa'i dbang du bya ba'i chos la sbyor ba'i 'phen pas 'jig rten las 'das pa'i ye shes kyis de gnyi gar rab tu rtogs pa'i phyir ro/ /khas len pa'i khyad par ci lta bu zhe na/ bdag dang sems can thams cad mnyam pa nyid du khas len pa'i phyir ro//nges par 'byung ba'i khyad par ji lta bu zhe na/ sa bcu dag gi nges par 'byung ba'i phyir ro/ /yongs su 'dzin pa'i khyad par ji lta bu zhe na/ mi gnas pa'i mya ngan las 'das pa'i dbyings yongs su 'dzin pa'i phyir ro/ /gnas dang 'khor g.yog gi khyad par ji lta bu zhe na/sangs rgyas kyi zhing yongs su sbyong ba dang / 'dul ba'i skye bo nye bar sdud pa'i phyir ro/ /mngon par skye ba'i khyad par ji lta bu zhe na/ pha bzhin du rang gi rigs yang dag par 'dzin pa'i gtso bo'i mtshan nyid yin pa'i phyir ro/ /skye ba'i khyad par ji lta bu zhe na/ 'khor gyi dkyil 'khor rnams su skye ba'i phyir ro//'bras bu'i khyad par ni gnas 'gyur ba'i khyad par dang / yon tan mang po'i khyad par dang / rnam pa lnga'i khyad par dang / sku gsum gyi khyad par dang / mya ngan las 'das pa'i khyad par dang / 'dres shing nyer 'dres kyi ye shes kyi nus pa thob pa'i khyad par dang / sgrib pa rnam par dag pa'i khyad par dang /'dres pa dang nyer 'dres kyi las byed pa'i khyad par dang / mngon par rdzogs par byang chub pa dang / mya ngan las 'das pa'i ston pa'i thabs kyi khyad par dang / yongs su skyob pa rnam pa lnga'i khyad par gyis kyang rig par bya'o/ /de la gnas gyur pa'i khyad par ji lta bu zhe na/ nyon mongs pa can gyi gnas ngan len gyi rnam pa thams cad spangs pa'i phyir/yon tan bla na med pa thams cad kyi gnas nyid du gyur pas gnas gyur pa'i phyir ro/ /yon tan phun sum tshogs pa'i khyad par ci lta bu zhe na/ stobs dang / mi 'jigs pa dang / sangs rgyas kyi chos ma 'dres pa la sogs pa yon tan dpag tu med pa bsgrub pa'i phyir ro//rnam pa lnga'i khyad par ji lta bu zhe na/ rnam par dag pa la sogs pa'i khyad par te/ de la rnam par dag pa'i khyad par ni/ bag chags dang bcas pa'i nyon mongs pa spong pa'i phyir ro/ /yongs su dag pa'i khyad par ni/ sangs rgyas kyi zhing yongs su sbyong ba'i phyir ro/ /lus kyi khyad par ni/chos kyi sku yongs su bsgrub pa'i phyir ro/ /longs spyod kyi khyad par ni/ rtag tu byang chub sems dpa' rnams dang lhan cig 'khor gyi dkyil 'khor rnams su chos sna tshogs la rdzogs par longs spyod pa'i phyir ro/ /las kyi khyad par ni/ ci rigs par sprul pa rnams kyis kun du 'jig rten gyi khams mtha' yas mu med pa rnams su sangs rgyas kyi mdzad pa bsgrub pa'i phyir ro//sku gsum gyi khyad par ji lta bu zhe na/ rang bzhin dang / longs spyod rdzogs pa dang / sprul pa'i sku yongs su 'grub pa 'thob pa'i phyir ro/ /mya ngan las 'das pa'i khyad par ji lta bu zhe na/ phung po lhag ma med pa'i mya ngan las 'das pa'i dbyings su sems can thams cad la phan pa kun rgyun mi gcod pa'i phyir ro//'dres shing nyer 'dres kyi ye shes kyi nus pa thob pa'i khyad par ji lta bu zhe na/ shin tu rnam par dag pa'i chos kyi dbyings ro gcig pa nyid dang / de la brten pa rnam pa thams cad kyi mchog shes pa nyid rnams la sangs rgyas thams cad sems so sor mthu dang ldan pa'i phyir ro//sgrib pa rnam par dag pa'i khyad par ji lta bu zhe na/ nyon mongs pa dang shes bya'i sgrib pa thams cad spong ba'i phyir ro/ /'dres shing nyer 'dres kyi las byed pa'i khyad par ji lta bu zhe na/ sems can re re 'dul ba'i phyir yang sangs rgyas thams cad kyi dbang gis byed pa'i phyir ro//mngon par rdzogs par byang chub pa dang / mya ngan las 'das par ston pa'i thabs kyi khyad par ji lta bu zhe na/ phyogs bcu'i 'jig rten gyi khams thams cad du ci rigs par phyi ma'i mtha'i bar du yang dang yang sangs rgyas 'byung ba la sogs pa ston pas/'dul ba thams cad yongs su smin par byed pa dang / rnam par thar par byed pa'i phyir ro/ /yongs su skyob pa rnam pa lnga'i khyad par ji lta bu zhe na/ nye bar 'tshe ba la sogs pa la yongs su skyob pa'i phyir ro/ /de la nye bar 'tshe ba la yongs su skyob pa ni/ grong khyer du 'jug pa la sogs pa rnams kyis 'ong ba la sogs pa'i mig la sogs pa thob pa'i phyir ro//thabs ma yin pa las yongs su skyob pa ni/ 'jig rten pa'i yang dag pa'i lta ba thob pas lta ba ngan pa thams cad dang bral bar byed pa'i phyir ro/ /ngan song las yongs su skyob pa ni/ mthong ba'i lam bskyed pas ngan 'gro las shin tu bzlog pa'i phyir ro//'jig tshogs las yongs su skyob pa ni dgra bcom pa nyid mngon du byed pas khams gsum pa la rnam par thar par byed pa'i phyir ro/ /theg pa las yongs su skyob pa ni/ byang chub sems dpa' rnams theg pa dman pa las 'dun pa bzlog pa'i phyir ro/ /tshad med pa la sogs pa yon tan khyad par can 'di rnams mngon rtogs gang gis bsdus she na/rjes la mngon rtogs gang / mthar thug mngon rtogs kyis bsdus par rig par bya'o/ /yon tan khyad par can rnams ni/ 'phags pa nyan thos rnams kyis bsgom pa'i lam dang mi slob pa'i lam mngon par bsgrub ste/ de'i phyir 'di dag rjes la mngon par rtogs pa dang /mthar thug mngon par rtogs par rig par bya'o/ /de rnams kyang gang / tshad med rnams dang / rnam thar rnams dang / zil gyis non gyi skye mched rnams dang / ma lus pa'i skye mched rnams dang / nyon mongs med pa dang / smon nas shes pa dang /so so yang dag par rig pa rnams dang / mngon shes rnams dang / mtshan dang dpe byad bzang po rnams dang / yongs su dag pa rnams dang / stobs rnams dang / mi 'jigs pa rnams dang dran pa nye bar gnas dang / bsrung med rnams dang / bsnyel ba med pa'i chos nyid dang / bag chags legs par bcom pa dang /thugs rje chen po dang / sangs rgyas kyi chos thun mong ma yin pa bco brgyad dang / rnam pa thams cad mkhyen pa nyid de/ mdo sde las ji ltar 'byung ba rnams so/ /byams pa la sogs pa mdo sde gzhan dag las ji skad bstan pa de dag ni nyan thos kyi theg pa dang / theg pa chen por yang de bzhin du rig par bya'o//de dag kyang mdor bsdu na/ rnam pa lngas ci rigs su mtshan nyid bshad par blta bar bya ste/ gnas dang / dmigs pa dang / rnam pa dang / rang bzhin dang / grogs kyis so/ /de la de rnams ni byams pa la sogs pa'i mtshan nyid do/ /byams pa gang /bsam gtan la brten te sems can rnams la phan pa dang / phrad pa'i bsam pa'i gnas yang dag par 'byor ba'i ting nge 'dzin dang / shes rab de dag dang mtshungs ldan gyi sems sems byung gi chos rnams so/ /de la byams pa'i gnas ni bsam gtan no/ /dmigs pa ni sems can no/ /rnam pa ni bde ba dang ldan par gyur cig snyam pa'o//rang bzhin ni ting nge 'dzin dang shes rab ste/ zhi gnas dang lhag mthong gis bsdus pa'i phyir ro/ /yon tan thams cad kyi grogs ni/ sems dang sems las byung ba rnams so/ /snying rje la sogs pa rnams la yang ji ltar mthun mthun du sbyar bar bya'o//snying rje gang / sems can rnams sdug bsngal dang bral ba'i bsam pa'i gnas yang dag par 'byor ba'i zhes pa snga ma bzhin no/ /byams pa ji lta bar ting nge 'dzin dang / shes rab dang / de dag dang mtshungs par ldan pa'i sems dang sems las byung ba'i chos zhes pa'i yon tan kun rig par bya'o//dga' ba gang / sems can rnams la bde ba dang mi 'bral ba'i gnas yang dag par 'byor ba'i ting nge 'dzin zhes bya ba snga ma bzhin no/ /btang snyoms gang / bsam gtan la brten te/ sems can rnams la phan pa'i bsam pa'i gnas yang dag par 'byor ba'i zhes pa snga ma bzhin no//phan pa'i gnas yang dag par 'byor ba zhes pa ni/ sems can bde bar gyur pa la sogs pa la rjes su chags pa la sogs pa btang snyoms su byed cing / kye ma nyon mongs pa rnam par grol bar gyur cig snyom pa ni btang snyoms kyi rnam par rig par bya ste/ de yang phan pa'i bsam pa'i gnas zhes brjod do//gzugs can gzugs rnams la lta ba ji lta bu/ 'di lta ste/ sprul pa'i sgrib pa las rnam par thar par bya ba'i phyir bsam gtan la brten te/ lta ba po bdag la gzugs su 'du shes pa dang ma bral ba'am/ bzhag pas kyang rung ste/ snang ba'i gzugs rnams la lta ba'i gnas yang dag par 'byor ba'i ting nge 'dzin dang /shes rab dang / de dag dang mtshungs ldan gyi sems sems byung gi chos rnams so/ /ji srid du mya ngan las 'das pa'i sgrib pa las rnam par thar pa brgyad ni/ gzugs can gzugs la lta ba 'di ni rnam par thar pa dang po'o zhes rgya cher 'byung ba'o/ /de la ji ltar na gzugs can zhes brjod pa ni gzugs med pa'i snyoms par 'jug pa la brten nas/bdag la gzugs kyi 'du shes rnam par mi 'jig pa'i phyir ram/ gzugs kyi 'du shes 'jog pa'i phyir ro/ /lta ba po la gzugs kyi 'du shes mngon par byed ces bya ba'i tha tshig go/ /ji ltar na gzugs rnams la lta ba zhes brjod ce na/kha dog mdzes pa dang / kha dog mi sdug pa la sogs pa'i gzugs rnams su mos nas lta ba'i phyir ro/ /ji ltar na rnam par thar pa zhes brjod ce na/ 'dis sprul pa'i sgrib pa las rnam par grol ba'i phyir ro/ /nang gzugs med par 'du shes pas phyi'i gzugs la ji lta bu/ lta ba po bdag la gzugs su 'du shes pa dang bral ba dang / gzugs med kyi 'du shes bzhag pas kyang rung ste/ snang ba'i gzugs rnams la blta ba'i gnas yang dag par 'byor ba'i zhes pa snga ma bzhin no/ /nang gzugs med pa'i 'du shes pa zhes brjod pa ni/ gzugs med pa'i snyoms par 'jug pa la brten nas gzugs kyi 'du shes rnam par 'jig pa'i phyir ram/gzugs med pa'i 'du shes 'jog pa'i phyir te/ lta ba po la ming du 'du shes pa mngon du byed ces bya ba'i tha tshig go/ /lhag ma ni snga ma bzhin no/ /sdug pa'i rnam thar lus kyi mngon sum du byas te rdzogs par byas nas gnas pa ji lta bu/ 'di lta ste/ ji srid sdug pa dang / mi sdug pa la kun nas nyon mongs pa 'byung ba'i sgrib pa las rnam par thar par bya ba'i phyir rang gi sdug pa dang mi sdug pa'i gzugs rnams la phan tshun ltos pa'i 'du shes dang / phan tshun rjes su 'brel ba'i 'du shes dang / phan tshun ro gcig pa'i 'du shes thob nas/ de'i gnas yang dag par 'byor pa'i zhes pa snga ma bzhin no//ji srid sdug pa dang mi sdug par sprul pa'i nyon mongs pa'i sgrib pa las rnam par thar par bya ba'i phyir ro/ /de la phan tshun ltos pa'i 'du shes zhes pa rgya cher gang gsungs pa ni/ sdug pa dang mi sdug pa'i gzugs rnams la phan tshun ltos pa'i 'du shes dang / phan tshun rjes su 'brel ba'i 'du shes la brten nas/phan tshun ro gcig pa'i 'du shes thob par 'gyur ro/ /'di ltar sdug pa'i gzugs kyi 'du shes la ltos nas/ de las gzhan pa rnams la mi sdug go zhes bya bar 'gyur ro/ /mi sdug pa la ltos nas sdug ces bya bar 'gyur gyi/ ma ltos par ni ma yin te/rigs gcig pa rnams nyid mthong na sdug pa dang mi sdug pa nyid kyi blo mi 'byung ba'i phyir ro/ /de bzhin du sdug pa rnams la yang mi sdug pa nyid rjes su 'brel te mi sdug pa rnams la yang sdug pa nyid rjes su 'brel to/ /sdug par grags pa la yang dpags pa tsam du zad de/ skra la sogs pa mi gtsang ba'i rdzas sum cu rtsa drug gi nang du 'dus pa'i phyir ro//de ltar gzugs thams cad phan tshun bsres te/ sdug pa nyid du ro gcig pa'i rnam pa'i 'du shes kyis mos par byed do/ /de ltar ji ltar 'dod pa bzhin du gzugs la mos pa la dbang 'byor ba thob pa de sdug pa dang mi sdug par sprul pa la sgrib pa spong ba ste/der ni kun nas nyon mongs pa 'byung ba'i sgrib pa spong ngo / /sprul pa la kun nas nyon mongs pa gang zhe na/ sdug pa'i gzugs sprul pa la ni chags pa'o/ /mi sdug pa'i gzugs sprul pa la ni mi mthun pa'o/ /nam mkha' mtha' yas skye mched kyi rnam thar gang / thar pa'i rjes mthun nam mkha' mtha' yas skye mched la gnas pa yang dag par 'byor ba'i zhes pa snga ma bzhin no//nam mkha' mtha' yas skye mched kyi rnam thar gyi lta bar rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched kyi rnam thar kyang de bzhin du blta bar bya ste/'di ltar ji srid zhi ba'i rnam thar la gnas pa'i sgrib pa las rnam par thar par bya ba'i phyir ro/ /nam mkha' mtha' yas skye mched la sogs pa bzhi po de rnams ni 'phags pa nyan thos kyi zag pa med pa'i rjes su mthun pa'i dag pa gang yin pa de dag rnam par thar pa zhes bya ba thob ste/de'i ro myong ba las rnam par thar par byed pa'i phyir ro/ /zhi ba'i rnam par thar pa ni/ gzugs rnams las shin tu 'das nas gzugs med pa gang yin pa dag ste de dag la mi chags pa las yongs su dag pa'o/ /de'i sgrib pa ni gzugs med pa'i ro myong ba'o/ /'du shes dang tshor ba 'gog pa'i rnam thar gang /'di lta ste/ 'du shes dang tshor ba 'gog pa'i sgrib pa las rnam par thar par bya ba'i phyir/ 'du shes med 'du shes med min skye mched kyi rnam par thar pa la brten te zhi ba'i rnam thar la gnas pa las yang dag par 'das nas thar pa dang mthun par gnas pa yang dag par 'byor ba'i gang sems dang sems byung gi chos rnams 'gog pa'o//'du shes dang tshor ba 'gog pa'i gnas ni 'du shes med 'du shes med min skye mched do/ /sems dang sems las byung ba rnams kyang med pa'i phyir dmigs pa dang rnam pa dang grogs ni med do/ /de'i rang bzhin ni sems dang sems las byung ba'i chos rnams 'gog pa'o//de yang thar pa dang mthun pa'i gnas te/ 'jig rten las 'das pa'i lam gyi gnas gyur pa'i gnas thob kyi sems dang sems las byung ba rnams kyang mi 'byung ba'i gnas skabs na mchog tu zhi ba dang / nyon mongs pa can gyi yid kyang kun du mi 'byung ba'i phyir ro/ /'phags pa rnams la ni 'di dag gis gnas pa'i phyir/'di dag ni 'phags pa gnas pa'i rnam par thar pa brgyad ces bya'o/ /de la 'phags pa dag ni gnas pa gnyis kyis lan mang du gnas te/ gsum pa dang brgyad pas de mchog tu gnas pa'i phyir ro/ /de'i phyir de gnyis lus kyi mngon sum du byed de rdzogs par byas nas gnas so zhes gsungs te gzhan rnams la ni ma yin no//gzugs can dang gzugs med pa'i rnam par thar pa la sgrib pa ma lus par spangs pa'i phyir go rims bzhin no/ /rnam grangs gzhan du na de gnyis kyi gnas gyur pa rdzogs par mngon du byed pa'i phyir ro/ /zil gnon gyi skye mched bzhi ni/rnam thar gnyis kyis rig par bya'o/ /bzhi ni gcig gis rig par bya'o/ /zil gyis gnon pa'i skye mched brgyad de dag la nang gzugs su 'du shes pas/ phyi rol gyi gzugs chung ngu kha dog mdzes pa dang / kha dog mi sdug pa dang / ngan pa dang / bzang po rnams la blta zhing gzugs de dag zil gyis mnan nas shes zil gyis mnan nas mthong ste/de lta bur 'du shes par gyur pa 'di ni zil gyis gnon pa'i skye mched dang po'o/ /nang gzugs su 'du shes pas phyi rol gyi gzugs chen po kha dog mdzes pa dang / kha dog mi sdug pa dang / ngan pa dang / bzang po rnams la blta zhing / gzugs de dag zil gyis mnan nas shes/ zil gyis mnan nas mthong ste/ de lta bur 'du shes par gyur pa 'di ni zil gyis gnon pa'i skye mched gnyis pa'o zhes bya ba zil gyis gnon pa'i skye mched 'di gnyis ni gzugs la blta ba zhes bya ba ni rnam par thar pa de las 'byung ngo / /nang gi gzugs med par 'du shes pas/phyi rol gyi gzugs chung ngu kha dog mdzes pa dang / kha dog mi sdug pa dang / ngan pa dang / bzang po rnams la blta zhing gzugs de dag zil gyis mnan nas shes/ zil gyis mnan nas mthong ste/ de lta bur 'du shes par gyur pa 'di ni zil gyis gnon pa'i skye mched gsum pa'o//nang gzugs med par 'du shes pas phyi rol gyi gzugs chen po kha dog mdzes pa dang / kha dog mi sdug pa dang / ngan pa dang / bzang po rnams la blta zhing gzugs de dag zil gyis mnan nas shes/ zil gyis mnan nas mthong ste/ de lta bur 'du shes par gyur pa 'di ni zil gyis gnon pa'i skye mched bzhi pa'o zhes bya ba zil gyis gnon pa'i skye mched 'di gnyis ni/nang gzugs med par 'du shes pas phyi rol gyi gzugs rnams la blta ba zhes bya ba'i rnam par thar pa de las 'byung ngo / /de ltar na zil gyis gnon pa'i skye mched bzhi ni rnam par thar pa gnyis kyis rig par bya'o/ /nang gzugs med par 'du shes pas phyi rol gyi gzugs sngon po/kha dog sngon po/ sngon po lta bur ston pa/ 'od sngon po 'byung ba rnams la blta ste/ dper na zar ma'i me tog gam/ yul bA rA Na sI'i ras phun sum tshogs pa sngon po/ kha dog sngon po/ sngon po lta bur ston pa/ 'od sngon po 'byung ba de bzhin du/nang gzugs med par 'du shes pas/ phyi rol gyi gzugs sngon po/ kha dog sngon po/ sngon po lta bur ston pa/ 'od sngon po 'byung ba rnams la blta zhing gzugs de dag zil gyis mnan nas shes/ zil gyis mnan nas mthong ste/ de lta bur 'du shes par gyur pa 'di ni zil gyis gnon pa'i skye mched lnga pa'o//nang gzugs med par 'du shes pas phyi rol gyi gzugs ser po/ kha dog ser po/ ser po lta bur ston pa/ 'od ser po 'byung ba rnams la blta ste/ dper na dong ka'i me tog gam/ yul bA rA Na sI'i ras phun sum tshogs pa sar po/kha dog ser po/ /ser po lta bur ston pa/ 'od ser po 'byung ba de bzhin du/ nang gzugs med par 'du shes pas/ phyi rol gyi gzugs ser po/ kha dog ser po/ ser po lta bur ston pa/ 'od ser po 'byung ba rnams la blta zhing / gzugs de dag zil gyis mnan nas shes/zil gyis mnan nas mthong ste/ de lta bur 'du shes par gyur pa 'di ni zil gyis mnan pa'i skye mched drug pa'o/ /nang gzugs med par 'du shes pas phyi rol gyi gzugs dmar po/ kha dog dmar po/ dmar po lta bur ston pa/ 'od dmar po 'byung ba rnams la blta ste/ dper na ban+du dzi ba ka'i me tog gam/yul bA rA Na sI'i ras phun sum tshogs pa dmar po/ kha dog dmar po/ dmar po lta bur ston pa/ 'od dmar po 'byung ba de bzhin du/ nang gzugs med par 'du shes pas phyi rol gyi gzugs dmar po/ kha dog dmar po/ dmar po lta bur ston pa/ 'od dmar po 'byung ba rnams la blta zhing /gzugs de dag zil gyis mnan nas shes/ zil gyis mnan nas mthong ste/ de lta bur 'du shes par gyur pa 'di ni zil gyis mnan pa'i skye mched bdun pa'o/ /nang gzugs med par 'du shes pas phyi rol gyi gzugs dkar po/ kha dog dkar po/ dkar po lta bur ston pa/'od dkar po 'byung ba rnams la blta ste/ dper na skar ma pa ba sangs kyi mdog gam/ yul bA rA Na sI'i ras phun sum tshogs pa dkar po/ kha dog dkar po/ dkar po lta bur ston pa/ 'od dkar po 'byung ba de bzhin du/ nang gzugs med par 'du shes pas/ phyi rol gyi gzugs dkar po/kha dog dkar po/ dkar po lta bur ston pa/ 'od dkar po 'byung ba rnams la blta zhing / gzugs de dag zil gyis mnan nas shes/ zil gyis mnan nas mthong ste/ de lta bur 'du shes par gyur pa 'di ni zil gyis mnan pa'i skye mched brgyad pa'o zhes bya ba 'di ni/bzhi ni sdug pa'i rnam par thar pa lus kyi mngon sum du byas te rdzogs par byas nas gnas so zhes bya ba'i rnam par thar pa de las byung ngo / /de la rnam par thar pa rnams kyis ni dmigs pa chung ngu la sogs pa la mos par byed do/ /zil gyis gnon pa rnams kyis ni dbang byed pa'i phyir zil gyis gnon te/de'i nang du 'dus par byed pa dang / di ltar 'dod bzhin du byed pa'i phyir ro/ /sems can dang sems can ma yin par gtogs pa'i gzugs ni chung ngu dang / chen po zhes bya'o/ /de la gzugs chung ngu rnams ni sems can du gtogs pa ste chung ba'i phyir ro/ /chen po rnams ni sems can ma yin par gtogs te khang pa dang gzhal med khang dang /ri la sogs pa che ba'i phyir ro/ /mi dang lha'i rnams ni ngan pa dang bzang po rnams so/ /kha dog mdzes pa dang / kha dog mi sdug pa ni/ kha dog sdug pa dang / kha dog mi sdug pas bsdus pa rnams so/ /mi dang lha rnams ni ngan pa dang bzang po rnams te go rims bzhin no//gzugs de dag zil gyis mnan nas shes zhes bya ba ni dbang bsgyur nas so/ /shes zhes bya ba ni zhi gnas kyi lam gyis so/ /mthong zhes bya ba ni lhag mthong gi lam gyis so/ /de lta bur 'du shes par gyur pa zhes bya ba ni zil gyis mnan tam/ zil gyis ma mnan kyang rung ste/de las mngon pa'i nga rgyal med pa'i 'du shes can gyi phyir ro/ /sngon po zhes bya ba ni bstan pa'i tshig go/ /kha dog sngon po zhes bya ba ni lhan cig skyes pa'i sngo ba nyid kyi phyir ro/ /sngon por ston pa zhes bya ba ni sbyar ba las gyur pa'i sngo ba nyid kyi phyir ro/ /'od sngon po 'byung ba rnams zhes bya ba ni de gnyis las 'od 'byung bas 'od gsal ba nyid kyi phyir ro//sngon po la ji lta ba bzhin du ser po dang / dmar po dang / dkar po rnams la yang rgya cher rig par bya'o/ /dpe gnyis po de re re la yang lhan cig skyes pa dang / sbyar ba las byung ba'i kha dog brjod pa'i phyir te/'di lta ste/ sngon po zhes bya ba ni me tog dang ras gnyi ga la mtshungs par bstan pa'i tha tshig go/ /kha dog sngon po zhes bya ba ni me tog nyid kyi dbang du byas pa ste/ de lhan cig skyes pa'i sngon po yin pa'i phyir ro/ /sngon po lta bur ston pa zhes bya ba ni ras kyi dbang du bya pa ste/de la sbyar ba las gyur pa'i sngo ba nyid yod pa'i phyir ro/ /'od sngon po 'byung ba zhes bya ba ni/ me tog dang ras gnyi ga'i dbang du byas pa de gnyi ga yang 'od gsal ba nyid yod pa'i phyir ro/ de ltar byas pa dper na zar ma'i me tog dang / yul bA rA Na sI'i ras phun sum tshogs pa sngon po kha dog sngon po zhes bya ba la sogs pa bstan pa'i dpe yang 'thad par 'gyur ro//de bzhin du ser po la sogs pa la yang sbyar bar bya'o/ /lhag ma ni rnam thar las 'byung ba ji bzhin no/ /lhag ma gang zhe na/ nang gzugs su 'du shes pas phyi rol gyi gzugs rnams mthong ba zhes bya ba la sogs pa ste de ni gzugs can gzugs rnams la blta ba zhes bya ba ji skad du bstan pa'i rjes su 'brangs nas blta bar bya'o//de ltar zil gnon gyi skye mched rnams kyi dmigs pa zil gyis mnan nas ma lus pa'i skye mched rnams kyis mtha' yas par byed pa'i gnas yang dag par 'byor pa'i ting nge 'dzin dang / shes rab gang dang /de dag dang mtshungs par ldan gyi sems sems byung gi chos rnams ni ma lus pa'i skye mched ces bshad do/ /ma lus pa ni khyab pa'i phyir te kun tu mtha' yas shing rgya che zhes bya ba'i don to/ /ma lus pa'i skye mched de dag ni bcu yin te/ zad par sa dang / zad par chu dang / zad par me dang /zad par rlung dang / zad par sngon po dang / zad par ser po dang / zad par dmar po dang / zad par dkar po dang / zad par nam mkha' mtha' yas skye mched dang / zad par rnam shes mtha' yas skye mched do/ /ci'i phyir ma lus pa'i skye mched rnams la sa la sogs pa ma lus par gdags she na/gnas dang bcas pa'i gzugs la khyab par bya ba 'byor pa nyid kyi phyir ro/ /gal te ma lus pa'i skye mched rnams la sogs pa ma bzhag na ni/ des na gnas 'byung ba chen po rnams med par rgyur byas pa'i gzugs sngon po la sogs pa des khyab par byed mi nus te/ des na gnas dang bcas pa'i gzugs la khyab par 'byor ba nyid kyi phyir/de dag ni ma lus par rnam par gzhag par rig par bya'o/ /lhag ma ni rnam thar bzhin ji ltar mthun mthun du sbyar ro/ /nam mkha' mtha' yas skye mched kyi ma lus pa la sogs pa'o/ /ma lus pa'i skye mched rnams kyi ni rnam thar rnams 'grub par byed do//de la rnam par thar pa rnams kyis ni rnam par thar pa rnams rtsom mo/ /zil gyis gnon pa'i skye mched rnams kyis ni sbyor ro/ /ma lus pa'i skye mched rnams kyis ni rnam par thar pa rnams yongs su bsgrub par rig par bya'o/ /nyon mongs med pa gang / bsam gtan la brten te gzhan gyi nyon mongs pa 'byung ba rjes su bsrung ba'i gnas pa yang dag par 'byor pa'i ting nge 'dzin dang shes rab gang dang /de dang mtshungs ldan gyi sems sems byung gi chos rnams so/ /nyon mongs pa med par gnas pa ni sems can gang dag gi mig lam du snang bar 'dod pa de dag bdag la nyon mongs pa kun du mi 'byung bar bya'o zhes bya ba'i bar du byas nas 'dug bzhin du bsams nas shes pa'i dbang gis ma 'ongs pa ni 'byung bar blta ste/de ltar de'i drung du 'gro yang rung ci nas der de dag la rjes su chags pa dang / khong khro ba dang / sor sna la sogs pa'i nyon mongs pa dang / nye ba'i nyon mongs pa 'thab rtsod mi skyed do//de'i phyir nyon mongs pa med pa ni bsam gtan la brten nas/ gzhan gyi nyon mongs pa 'byung ba rjes su bsrung bas gnas pa yang dag par 'byor pa zhes bya ba rgya cher 'byung ba la de skad ces bya'o/ /smon nas shes pa gang bsam gtan la brten te 'di shes par bya'o zhes bsams nas yang dag par 'byor pa zhes pa snga ma bzhin no//bsams nas shes pa ni de thob pa gal te dus gsum pa la sogs pa shes bya'i rnam pa de nyid shes par gyur pa 'dod par gyur na/ de dang der shes par bya'o zhes bsams nas bsam gtan la snyoms par 'jug cing / de las langs nas de'i smon pa 'grub par 'gyur te/shes bya de shes so zhes bya ba'i tha tshig go/ /so so yang dag par rig pa bzhi ste/ chos so so yang dag par rig pa dang / don so so yang dag par rig pa dang / nges tshig so so yang dag par rig pa dang / spobs pa so so yang dag par rig pa rnams so/ /chos so so yang dag par rig pa gang /bsam gtan la brten nas rnam grangs su gtogs pa rnams la thogs pa med par yang dag par 'byor pa'i zhes pa snga ma bzhin no/ /'di lta ste/ ma rig pa la sogs pa brtsams nas mi shes pa dang mi mthong ba dang / mngon par mi rtogs par zhes bya ba la sogs pa'i rnam grangs la thogs pa med pa yang dag par 'byor ba'i ting nge 'dzin zhes bya ba la sogs pa rgya cher 'byung ba'o//don so so yang dag par rig pa gang / mtshan nyid dang dgongs pa la thogs pa med pa yang dag par 'byor ba'i zhes pa snga ma bzhin no/ /chos rnams kyi rang dang spyi'i mtshan nyid dang /de na gzhan la dgongs pa la sogs pa la thogs pa med pa yang dag par 'byor ba'i zhes bya ba la sogs pa rgya cher 'byung ba'o/ /des tshig so so yang dag par rig pa gang / mi'i skad dang chos kyi nges tshig la thogs pa med pa yang dag par 'byor ba'i zhes pa snga ma bzhin no/ /yul mi'i skad ces pa ni/yul so so bas ji ltar phan tshun rang dang spyi la ming gzhan gyi tha snyad 'dogs pa'o/ /chos kyi nges pa'i tshig la zhes bya ba ni/ 'di lta ste/ 'jig pa dang rab tu 'jig pas de'i phyir 'jig rten zhes bya ba dang / gzugs su rung bas gzugs shes pa la sogs pa'o/ /spobs pa so so yang dag par rig pa gang /chos rab tu dbye ba la thogs pa med pas yang dag par 'byor ba'i zhes pa snga ma bzhin no/ /'di ni rdzas su yod pa'o/ /'di ni brtags pa'i yod pa'o/ /kun rdzob tu yod do/ /don dam par yod do zhes bya ba la sogs pa chos rab tu 'byed pa'o/ /mngon shes rnams ni drug ste/rdzu 'phrul gyi mngon shes dang / lha'i rna ba'i mngon shes dang / sems kyi rnam grangs kyi mngon shes dang / sngon gyi gnas rjes su dran pa'i mngon shes dang / 'chi ba dang skye ba'i mngon shes dang / zag pa zad pa'i mngon shes so/ /rdzu 'phrul gyi mngon shes gang / bsam gtan la brten nas rdzu 'phrul gyi rnam 'phrul sna tshogs yang dag par 'byor ba'i ting nge 'dzin dang /shes rab gang dang / de dag dang mtshungs ldan gyi sems sems byung gi chas rnams so/ /rdzu 'phrul gyi rnam 'phrul sna tshogs yang dag par 'byor pa'i ting nge 'dzin zhes pa ni/ 'di lta ste/ gcig tu gyur nas mang por 'gyur zhes pa la sogs pa'o//lha'i rna ba'i mngon shes gang / bsam gtan la brten nas sgra sna tshogs nyan pa yang dag par 'byor pa'i zhes pa snga ma bzhin no/ /sgra sna tshogs nyan pa yang dag par 'byor ba'i zhes bya ba ni lha dang mi la sogs pa'o/ /sems kyi rnam grangs kyi mngon shes gang / bsam gtan la brten nas sems can gzhan dag gi sems kyi spyod pa la 'jug pa yang dag par 'byor pa'i zhes pa snga ma bzhin no//'dod chags dang bcas pa la sogs pa sems kyi rgyu ba yang dag pa ci lta ba bzhin du 'du shes pa yang dag par 'byor ba'i sems zhes bya ba'i tha tshig go/ /sngon gyi gnas rjes su dran pa'i mngon shes gang /bsam gtan la brten nas sngon gyi mtha'i spyod pa rjes su dran pa yang dag par 'byor ba'i zhes pa snga ma bzhin no/ /'das pa'i tshe rabs gcig nas gcig tu brgyud pa las brtsams te/ ming dang rigs dang / rus la sogs pa'i rnam pa'i lo rgyus zhes bya ba'i tha tshig go/ /'chi ba dang skye ba'i mngon shes gang /bsam gtan la brten nas sems can rnams kyi 'chi ba dang / skye ba mthong ba yang dag par 'byor ba'i zhes snga ma bzhin no/ /lha'i mig gis sems can 'chi 'pho dang skye ba/ kha dog bzang po dang ngan pa dang / bde 'gro dang ngan 'gro dang / phyi ma'i mtha' la brtsams te/ 'chi 'pho dang skye ba mthong ba dag yang dag par 'byor ba'i ting nge 'dzin la sogs pa'o//zag pa zad pa'i mngon shes gang / bsam gtan la brten nas zag pa zad pa shes pa yang dag par 'byor ba'i ting nge 'dzin dang / shes rab gang dang / de dag dang mtshungs ldan gyi sems sems byung gi chos rnams so/ /thabs gang gis gang zag pa rnams yongs su zad pa gang yin pa de shes pa 'grub pa'i tha tshig go//mtshan dang dpe byad bzang po rnams gang / bsam gtan la brten nas mtshan dang dpe byad bzang pos brgyan pa'i sku kun du ston par yang dag par 'byor ba'i ting nge 'dzin dang / shes rab gang dang / de dag dang mtshungs ldan gyi sems sems byung gi chos rnams dang /de las byung ba'i chos rnam smin rnams so/ /gang ting nge 'dzin dang / shes rab kyi dbang gis sangs rgyas bcom ldan 'das rnams skyes bu chen po'i mtshan sum cu rtsa gnyis dang /[ (]dpa byed [,]dpe byad [)]bzang po brgyad cus rnam par mdzes pa'i gzugs kyi sku gdul bya rnams la kun du ston cing /de dag gis de dag ni de'i rang bzhin du rig par bya'o/ /sangs rgyas bcom ldan 'das rnams ni chos kyi skus rab tu phye ba'i phyir ro/ /byang chub sems dpa' de ltar ston nus pa rnams kyang ting nge 'dzin dang shes rab kyi rang bzhin no/ /de las gzhan pa 'khor gyi dkyil 'khor dag tu skyes pa rnams de las byung ba'i rnam par smin pa'i rang bzhin du rig par bya'o//yongs su dag pa bzhi po gang / gnas yongs dag dang / dmigs pa yongs dag dang / thugs yongs dag dang / mkhyen pa yongs dag go/ /sangs rgyas bcom ldan 'das rnams dang / byang chub sems dpa' mngon par shes pa chen po thob pa'i rnam pa thams cad yongs su dag pa ni bzhi ste/ de la gnas yongs dag gang / bsam gtan la brten nas ji ltar bzhed bzhin du gnas len pa dang / bzhugs pa dang / yongs su gtong ba dang / kun du ston pa yang dag par 'byor ba'i ting nge 'dzin dang /shes rab gang de dag dang mtshungs ldan gyi sems sems byung gi chos rnams so/ /gang du bzhed pa der skye ba 'dzin pa dang / der skyes nas kyang tshe'i 'du byed byin gyis brlabs te ji srid bzhed par bzhugs pa dang / gang gi tshe bzhed pa de'i dus na tshe'i 'du byed 'dor te go rims bzhin no/ /dmigs pa yongs dag gang /ji ltar bzhed bzhin du dmigs pa sprul pa dang / bsgyur ba mkhyen pa yang dag par 'byor pa'i zhes pa snga ma bzhin no/ /sngon ma byung ba'i gzugs la sogs pa sprul pa dang / sngon byung ba'i gzugs la sogs pa la gser la sogs par bsgyur ba dang / rnam pa thams cad du thugs su chud pa'i phyir te go rims bzhin no//thugs yongs dag gang / ji ltar bzhed bzhin du ting nge 'dzin gyi sgo la dbang bsgyur ba yang dag par 'byor pa'i zhes pa snga ma bzhin no/ /skad cig re re la ji ltar bzhed bzhin du ting nge 'dzin gzhan dpag tu med pa la snyoms par 'jug pa'i phyir ro/ /mkhyen pa yongs dag gang /bsam gtan la brten nas ji ltar bzhed bzhin du gzungs kyi sgo kun du 'dzin pa yang dag par 'byor ba'i zhes pa snga ma bzhin no/ /yi ge bzhi bcu rtsa gnyis las yi ge gang yang rung ba yid la byed pa des/ thog ma kho nar chos kyi rnam grangs thams cad brjod nus pa thob pa zhes bya ba'i tha tshig go//stobs bcu ni/ gnas dang gnas min pa mkhyen pa'i stobs dang / las dag gi can mkhyen pa'i stobs dang / bsam gtan dang / rnam thar dang / ting nge 'dzin dang snyoms 'jug mkhyen pa'i stobs dang / dbang po mchog dang mchog min mkhyen pa'i stobs dang / mos pa sna tshogs mkhyen pa'i stobs dang /khams sna tshogs mkhyen pa'i stobs dang / thams cad du 'gro ba'i lam mkhyen pa'i stobs dang / sngon gyi gnas rjes su dran pa mkhyen pa'i stobs dang / 'chi ba dang skye ba mkhyen pa'i stobs dang / zag pa zad pa mkhyen pa'i stobs so/ /de la gnas dang gnas ma yin pa mkhyen pa'i stobs gang /bsam gtan la brten nas gnas dang gnas min rnam pa thams cad mkhyen pa yang dag par 'byor pa'i ting nge 'dzin dang / shes rab gang dang de dag mtshungs ldan gyi sems dang sems byung gi chos rnams so/ /rgyu dang rgyu ma yin pa rnam pa thams cad mkhyen pa'i chags pa med pa thogs pa med pa mngon sum du gyur ba'i ting nge 'dzin la sogs pa'o//las bdag gi can mkhyen pa'i stobs gang / las bdag gi can rnam pa thams cad mkhyen pa yang dag par 'byor ba'i zhes pa snga ma bzhin no/ /rnam pa thams cad du las bdag gi can mkhyen pa la chags pa med cing thogs pa med pa mngon du gyur ba'i ting nge 'dzin la sogs pa'o//de bzhin du gzhan du yang sbyar bar bya'o/ /bsam gtan dang rnam par thar pa dang / ting nge 'dzin dang / snyoms 'jug mkhyen pa'i stobs gang / bsam gtan dang rnam thar dang / ting nge 'dzin dang / snyoms 'jug gi rnam pa thams cad mkhyen pa yang dag par 'byor pa'i zhes pa snga ma bzhin no//dbang po mchog dang mchog min mkhyen pa'i stobs gang / dbang po mchog dang mchog min gyi rnam pa thams cad mkhyen pa yang dag par 'byor pa'i zhes pa snga ma bzhin no/ /mos pa sna tshogs mkhyen pa'i stobs gang / mos pa sna tshogs kyi rnam pa thams cad mkhyen pa yang dag par 'byor pa'i zhes pa snga ma bzhin no//khams sna tshogs mkhyen pa'i stobs gang / khams sna tshogs kyi rnam pa thams cad mkhyen pa yang dag par 'byor ba'i zhes pa snga ma bzhin no/ /thams cad du 'gro ba'i lam mkhyen pa'i stobs gang / thams cad du 'gro ba'i lam gyi rnam pa thams cad mkhyen pa yang dag par 'byor ba'i zhes pa snga ma bzhin no//sngon gyi gnas rjes su dran pa mkhyen pa'i stobs gang / sngon gyi gnas rjes su dran pa'i rnam pa thams cad mkhyen pa yang dag par 'byor pa'i zhes pa snga ma bzhin no/ /'chi ba dang skye ba mkhyen pa'i stobs gang / 'chi ba dang skye ba'i rnam pa thams cad mkhyen pa yang dag par 'byor ba'i zhes pa snga ma bzhin no//zag pa zad pa'i mkhyen pa'i stobs gang / zag pa zad pa'i rnam pa thams cad mkhyen pa yang dag par 'byor ba'i zhes pa snga ma bzhin no/ /mi 'jigs pa bzhi ni/ mngon par rdzogs par byang chub pa la mi 'jigs pa dang / zag pa zad pa mkhyen pa la mi 'jigs pa dang / bar du gcod pa'i chos ston pa la mi 'jigs pa dang / nges par 'byung ba'i lam ston pa la mi 'jigs pa'o/ /de la mngon par rdzogs par byang chub pa la mi 'jigs pa gang / bsam gtan la brten nas rang gi don la brtsams te shes bya rnam pa thams cad mngon par byang chub par zhal gyis bzhes shing gnas pa yang dag par 'byor pa'i ting nge 'dzin dang /shes rab gang dang de dag dang mtshungs ldan gyi sems dang sems byung gi chos rnams so/ /nga mngon par rdzogs par 'tshang rgyas so zhes bya ba'i tha tshig 'di la chos 'di dag gis mngon par rdzogs par sangs ma rgyas so zhes dge sbyong dang /bram ze'am/ lha'am/ bdud dam/ tshangs pa'am/ sus kyang chos dang mthun par nga la rgol ba'am dran par byed pa'i mtshan ma mi mthong ste/ mtshan ma de dag mi mthong bas bde ba thob/ mi 'jigs pa thob/ bag tsha ba med pa thob nas gnas so/ /khyu mchog gi gnas rgya chen por zhal gyis 'che'o//tshangs pa'i 'khor lo bskor ro/ /'khor gyi nang du seng ge'i sgra yang dag par sgrog go/ /zag pa zad pa mkhyen pa la mi 'jigs pa gang / rang gi don la brtsams te/ zag pa'i rnam pa thams cad zad par zhal gyis 'ches shing gnas pa yang dag par 'byor pa'i zhes pa snga ma bzhin no//nga zag pa zad do zhes bya ba la/ zag pa 'di dag yongs su ma zad do zhes bya ba kun sngar bzhin no/ /bar du gcod pa la mi 'jigs pa gang / gzhan gyi don la brtsams te/ bar du gcod pa'i chos rnam pa thams cad ston par zhal gyis 'ches shing gnas pa yang dag par 'byor pa'i zhes pa snga ma bzhin no//ngas nyan thos rnams la bar du gcod pa'i chos gang dag bsnyad pa de dag bstan kyang bar du gcod par mi 'gyur ro zhes bya ba rgya cher ro/ /ngas par 'byin pa'i lam la mkhas pa gang / bsam gtan la brten nas gzhan gyi don las brtsams te/ nges par 'byin pa'i lam gyi rnam pa thams cad ston par zhal gyis 'che zhing gnas pa yang dag par 'byor ba'i zhes pa snga ma bzhin no//ngas nyan thos rnams la nges par 'byung bar bya ba'i phyir 'phags pa nges par 'byin pa nges par 'byung ba'i lam gang bshad pa de yang dag par nges par 'byung ba ma yin no zhe'am/ de byed pa'i sdug bsngal yang dag par zad par 'gyur ba dang /sdug bsngal gyi mtha' ma med par mi 'gyur ro zhes 'di la dge sbyong ngam/ bram ze sus kyang nga la zhes bya ba nas/ seng ge'i sgra yang dag par sgrogs zhes bya ba'i bar du rgya cher re re la yang brjod par bya'o/ /mi 'jigs pa bzhi po 'di dag ni rang gi don dang gzhan gyi don las brtsams par rig par bya ste/de la rang gi don ni rnam pa gnyis te/ ye shes kyi khyad par dang / spangs pa'i khyad par gyi phyir ro/ /gzhan gyi don yang rnam pa gnyis te/ mi mthun pa'i chos yongs su spong ba dang / gnyen po'i chos la brten pa'o/ /de la mngon par rdzogs par byang chub pa la mi 'jigs pa ni/ye shes kyi bdag nyid rang gi don la brtsams nas rnam pa thams cad du ngas rab tu dbye ba'i mtha' dang bcas par shes bya mngon par rdzogs par sangs rgyas so zhes zhal gyis 'ches pa de la yang dag par rgol ba med par 'jig rten thams cad du 'jog pa yang dag pa'i ting nge 'dzin dang / shes rab dang de dag dang mtshungs par ldan pa'i zhes pa snga ma bzhin no//mi 'jigs pa lhag ma rnams kyang de bzhin du sbyar bar bya'o/ /zag pa'i rnam pa thams cad ces pa ni bag chags dang bcas pa'i nyon mongs pa rnams su blta bar bya'o/ /bar du gcod pa'i chos rnam pa thams cad ces bya ba ni mi mthun pa'i phyogs kyi chos kun nas nyon mongs pa thams cad du blta bar bya'o//nges par 'byin pa'i lam gyi rnam pa thams cad ces bya ba ni sbyor ba'i lam nas bzung ste mthar phyin pa'i lam gyi bar du blta bar bya'o/ /dran pa nye bar gnas gsum gang tshogs yongs su sdud de/ kun nas nyon mongs pa'i rnam pa thams cad kun du mi 'byung ba rtogs pa yang dag par 'byor pa'i zhes pa snga ma bzhin no//thun mong ma yin pa'i dran pa nye bar gzhag pa gsum ni/ 'di la ston pa thugs brtse ba can thugs chen po dang ldan pa don bzhed pa/ phan pa bzhed pa/ thugs brtse ba can nyan thos rnams la dge sbyong dag 'di ni phan par 'gyur ba'o//'di ni bde bar 'gyur ba'o/ /'di ni phan pa dang bde bar 'gyur ba'o zhes chos ston pa de la nyan thos de dag gus par nyan pa dang / rna ba gtod pa dang / kun shes pa'i sems nye bar 'jog pa dang / chos kyi rjes su mthun pa'i chos sgrub pa de la de bzhin gshegs pa dgyes par mi 'gyur/yid bde bar mi 'gyur/ thugs dga' bar ya ya bor mi 'gyur gyi btang snyoms can du de bzhin gshegs pa de la gnas te dran pa dang / shes bzhin dang ldan pa 'di ni ma 'dres pa'i dran pa nye bar gzhag pa dang po ste/ gang 'phags pa sten pa bsten nas kyang 'khor la rjes su bstan par 'os pa'o//gzhan yang ston pa 'di ni phan pa dang bde bar 'gyur ro zhes bya ba'i bar du chos ston pa de la nyan thos de dag gus par mi nyan pa nas chos kyi rjes su mthun pa'i chos mi sgrub pa'i bar de la/ de bzhin gshegs pa kun nas mnar sems su mi 'gyur/ mi bzod par mi 'gyur/ thugs mi ches par mi 'gyur/ thugs mi mnyes par mi 'gyur gyi btang snyoms can du de la zhes bya bar rgya cher sbyar te 'di ni gnyis pa'o/ /gsum pa'i bye brag ni 'di yin te/ de la nyan thos kha cig gus par nyan pa dang / chos kyi rjes su mthun pa'i chos sgrub pa'i bar du byed pa dang / kha cig gus par mi nyan pa nas/ chos kyi rjes su mthun pa'i chos mi sgrub pa'i bar de la de bzhin gshegs pa dgyes par mi 'gyur ba nas/thugs mi mnyes par mi 'gyur ba'i bar du'o/ /dran pa nye bar gzhag pa gsum po 'di dag ni/ ston pa tshogs yongs su sdud pa la go rims bzhin du rjes su chags pa dang / khong khro ba dang / de gnyi ga'i kun nas nyon mongs pa dang /bag chags kyi rnam pa thams cad kun du mi 'byung ba dang yang dag par 'byor pa'i ting nge 'dzin la sogs pa'o/ /bsrung med gsum gang / tshogs yongs su srung ba nyid la ji ltar bzhed pa bzhin gdams pa dang / rjes su bstan par sbyor ba yang dag par 'byor ba'i zhes pa snga ma bzhin no//bsrung ba med pa gsum ni/ mdo gzhan las ji ltar de bzhin gshegs pa sku'i phrin las kyis spyod pa yongs su dag pa ste/ de bzhin gshegs pa la sku'i phrin las yongs su ma dag pa med pa ste/ bdag la gzhan gyi shes su 'ong ngo zhes dpyas par dgongs pa med pa dang / de bzhin du gsungs dang thugs kyi phrin las la yang rig par bya'o//de dag gi tha snyad gdags su med pas/ dogs pa mi mnga' ba'i phyir/ ston pa nyid kyis 'dul ba'i skye bo bsdu ba las brtsams te/ ji ltar bzhed pa de bzhin du tshar bcad de spa bkong nas gdams pa dang rjes su bstan pa la sbyor ba yang dag par 'byor pa gsum du 'gyur bar rig par bya'o//bsnyel ba med pa'i chos nyid gang / ji lta ba bzhin du mdzad pa dang / gsungs pa'i rnam pa thams cad mngon par rdzogs pa yang dag par 'byor ba'i zhes pa snga ma bzhin no/ /'dul ba'i bya ba thams cad la brtsams te ji lta ba bzhin du mdzad pa la sogs pa dang /de skad gsungs pa'i rnam pa thams cad mngon par brjod pa yang dag par 'byor pa'i ting nge 'dzin la sogs pa'o/ /bag chags legs par bcom pa gang / thams cad mkhyen pa nyid du gyur nas thams cad mkhyen pa ma yin pa'i g.yo ba kun du mi 'byung ba yang dag par 'byor pa'i zhes pa snga ma bzhin no//thams cad mkhyen par gyur nas nyon mongs pa dang / shes bya'i sgrib pa'i lhag ma yod par ston pa'i sku dang / gsung gi g.yo ba kun du mi 'byung ba yang dag par 'byor pa'i ting nge 'dzin la sogs pa'o/ /thugs rje chen po gang / rgyun mi 'chad pa sdug bsngal la dmigs pa'i thugs rje la gnas pa yang dag par 'byor pa'i zhes pa snga ma bzhin no//khams gsum na spyod pa'i sems can thams cad kyi sdug bsngal gyi rnam pa thams cad la dmigs nas thugs rje la gnas pa yang dag par 'byor pa'i ting nge 'dzin la sogs pa'o/ /sangs rgyas kyi chos thun mong ma yin pa de rnams kyang gang /sku dang / gsung dang / thugs kyi phrin las thun mong ma yin pa yongs su dag pa yang dag par 'byor pa dang / de bzhin gshegs pa'i dbang po gnas dang 'bras bu dang bcas pa rnams ma thob pa'i yongs su nyams pa med pa yang dag par 'byor ba dang / thun mong ma yin pa'i phrin las mdzad pa yang dag par 'byor ba dang /ye shes la gnas pa thun mong ma yin pa yang dag par 'byor pa'i ting nge 'dzin dang / shes rab gang zhe na snga ma bzhin no/ /mdo sde las ji skad gsungs pa'i rjes su 'brangs te de bzhin gshegs pa la 'khrul pa med pa dang /ca co med pa dang / bsnyel ba med pa dang / sems mnyam par ma bzhag pa med pa dang / tha dad pa'i 'du shes med pa dang / so sor ma brtags pa'i btang snyoms med pa dang / 'dun pa nyams pa med pa dang / brtson 'grus nyams pa med pa dang / dran pa nyams pa med pa dang / ting nge 'dzin nyams pa med pa dang /shes rab nyams pa med pa dang / rnam par grol ba nyams pa med pa dang / de bzhin gshegs pa'i lus kyi las thams cad ye shes sngon du 'gro zhing ye shes kyi rjes su 'brang ba dang / ngag gi las thams cad ye shes sngon du 'gro zhing ye shes kyi rjes su 'brang ba dang / yid kyi las thams cad ye shes sngon du 'gro zhing ye shes kyi rjes su 'brang ba dang / 'das pa'i dus la ma chags ma thogs pa'i ye shes dang / ma 'ongs pa'i dus la ma chags ma thogs pa'i ye shes dang / da ltar byung ba'i dus la ma chags ma thogs pa'i ye shes so/ /de dag gi rnam par bzhag pa ni 'di lta ste/dge slong dgra bcom pa zag pa zad pa bsod snyoms kyi phyir grong du rgyu ba na/ res 'ga' glang po che gtum po dang lhan cig 'gro ba dang / glang po che gtum po dang ji lta ba bzhin du/ rta gtum po dang / brdungs zhus pa dang / khyi za ba dang / tshang tshing tsher mas 'dzings pa dang / sprul rkang pa gnyi gas brdzis pa dang / gang du bud med mi rigs mas bskyed pas bos pa'i khyim de lta bur 'jug pa dang / dgon par lam nor nas lam log par 'gro ba dang / chom rkun rnams dang / rkun po dang / seng ge dang / stag dang / spyang ki dang lhan cig 'gro ba dang / de lta bu dang mthun pa la sogs pa dgra bcom pa'i 'khrul pa ste/de bzhin gshegs pa la thams cad du mi mnga'o/ /gzhan yang dgra bcom pa res 'ga' dgon pa nags khrod chen por rgyu ba na lam nor te/ grong stong du phyin nas sgra 'byin pa dang / sgra sgrogs pa dang / ku co cher 'don pa dang / bag chags kyi nyes pa la brten nas/nyon mongs pa can gyi gad mo rta gad so snang bar rgod pa dang / 'phya ba nye bar ston pa dang / de lta bu dang mthun pa'i dgra bcom pa'i ca co de dag de bzhin gshegs pa la thams cad kyi thams cad du mi mnga'o/ /de bzhin gshegs pa la bsnyel ba med pa nyid de/ nyon mongs pa med par yun ring po nas mdzad pa dang /gsungs pa rjes su dran pa'i phyir ro/ /gzhan yang dgra bcom pa ni snyoms par zhugs na mnyam par gzhag par 'gyur gyi/ langs nas mnyam par gzhag pa ma yin no/ /de bzhin gshegs pa la ni gnas skabs thams cad du sems mnyam par ma bzhag pa med do//gzhan yang dgra bcom pa ni phung po la shin tu mi mthun pa'i 'du shes su 'gyur zhing / phung po med pa mya ngan las 'das pa zhi ba'i 'du shes su 'gyur ro/ /de bzhin gshegs pa la ni phung po dang mya ngan las 'das pa ni tha dad pa'i 'du shes mi mnga'o/ /gzhan yang dgra bcom pa ni so sor ma brtags par sems can gyi don yal bar 'dor ro//de bzhin gshegs pa la ni de lta bu dang mthun pa so sor ma brtags pa'i btang snyoms mi mnga'o/ /gzhan yang dgra bcom pa ni shes bya'i sgrib pa rnam par ma dag pa las brtsams te 'dun pa las kyang ma thob pa'i yongs su nyams pas yongs su nyams pa'o/ / brtson 'grus dang / dran pa dang ting nge 'dzin dang / shes rab dang / rnam par grol ba las kyang yongs su nyams so/ /de bzhin gshegs pa la ni yongs su nyams pa 'di drug med do/ /gzhan yang dgra bcom pa ni res 'ga' lus kyi las dge ba la 'jug /res 'ga' lung du ma bstan pa la 'jug go/ / lus kyi las la ji lta ba bzhin du ngag gi las dang yid kyi las kyang de bzhin no/ /de bzhin gshegs pa'i phrin las gsum pa ni/ ye shes sngon du 'gro ba dang / ye shes kyi rjes su 'brang ba'i phyir lung du ma bstan pa'i las med do/ /de las ye shes kyis kun nas bslang pa'i phyir ye shes sngon du 'gro ba'o//ye shes dang lhan cig rgyu ba'i phyir dang ye shes kyi rjes su 'brang ba'o/ /gzhan yang dgra bcom pa ni rtsol ba tsam gyis dus gsum gyi shes bya'i dngos po rtogs par mi 'gyur te/ des na de'i ye shes mthong ba'i chags par 'gyur ro/ /thams cad rtogs par yang mi 'gyur te/ des na de'i ya shes mthong ba thogs par 'gyur ro//de bzhin gshegs pa ni rtsol ba tsam gyis dus gsum gyi shes bya'i dngos po thams cad rtogs te/ de lta bas na de dag ni sangs rgyas kyi chos ma 'dres pa bco brgyad ces bya ba'o/ /de la 'di dag las dang po drug ni/ sku dang gsung dang thugs kyi phrin las thun mong ma yin par yongs su dag pa yang dag par 'byor pa'i ting nge 'dzin la sogs pa'o//de la 'khrul pa med ces bya ba ni/ sku'i phrin las yongs su dag pa las brtsams pa'o/ /ca co med ces bya ba 'di ni gsung gi phrin las yongs su dag pa las brtsams pa'o/ /bsnyel ba med pa dang tha dad pa'i 'du shes med pa dang /sems mnyam par ma bzhag pa med pa dang / so sor ma brtags pa'i btang snyoms med ces bya ba 'di bzhi ni thugs kyi phrin las yongs su dag pa'i dbang du byas par rig par bya'o/ /'dun pa nyams pa med ces bya ba ni/ rnam par grol ba nyams pa med pa zhes bya ba'i bar du drug ni/de bzhin gshegs pa'i dbang po gnas dang bcas pa dang / 'bras bu dang bcas pa rnams ma thob pa'i yongs su nyams pa med par yang dag par 'byor ba'i ting nge 'dzin la sogs pa'o/ /de la gnas ni 'dun pa'o/ /'bras bu ni rnam par grol ba'o/ /dbang po ni brtson 'grus la sogs par rig par bya'o//lus kyi las dang / ngag gi las dang / yid kyi las thams cad ye shes sngon du 'gro zhing ye shes kyi rjes su 'brang ba 'di gsum ni thun mong ma yin pa'i phrin las mdzad pa yang dag par 'byor ba'i ting nge 'dzin la sogs pa'o/ /'das pa'i dus la ma chags ma thogs pa'i ye shes zhes bya ba nas/da ltar byung ba'i dus la zhes bya ba 'di gsum ni ye shes la gnas pa thun mong ma yin pa yang dag par 'byor ba'i ting nge 'dzin la sogs pa'o/ /rnam pa thams cad mkhyen pa nyid gang / phung po dang khams dang skye mched rnams la rnam pa thams cad mkhyen pa nyid yang dag par 'byor pa'i ting nge 'dzin dang shes rab gang /de dag dang mtshungs ldan gyi sems sems byung gi chos rnams so/ /phung po la sogs pa'i ngo bo nyid dang / khyad par gyi mtshan nyid rab tu dbye ba'i mthar thug pa mkhyen par grub ces bya ba'i tha tshig go/ /yon tan 'di rnams ji ltar mngon par sgrub/phyi rol pa'am/ nyan thos sam/ byang chub sems dpa' 'ang rung ste/ dag pa'i bsam gtan bzhi la brten nas tshad med pa rnams mngon par grub bo/ /tshad med pa rnams ji ltar mngon par shes pa lnga'am de bzhin no/ /yon tan lhag ma rnams ni nyan thos sam/ byang chub sems dpa'a'am de bzhin gshegs pa'ang rung ste/rab kyi mthar phyin pa'i bsam gtan bzhi pa la brten nas/ mngon par grub pa'o/ /de yang ci'i phyir bsam gtan la brten nas/ ji ltar rnam par bzhag pa bzhin du lan mang du yid la byed pa'i phyir ro/ /de dag ni mngon par grub pa'i gnas dang / mngon par grub pa po gang zag dang /mngon par sgrub pa'i thabs kyis yongs su bstan to/ /mngon par sgrub pa'i thabs ni ji ltar rnam par bzhag pa bzhin du lan mang du yid la byed pa ste/ ji ltar bstan pa bzhin du sems mnyam par bzhag pas yang dang yang du de la 'jog ces bya ba'i tha tshig go/ /'di lta ste/ tshad med pa mngon par bsgrub par 'dod pa byams pa dang ldan pa'i sems kho na med pa dang /'dren zla med ces bya ba la sogs pa bstan pa bsam gtan la brten nas bsam pa yid la byed pas mang du byed do/ /de bzhin du mngon par shes pa la sogs pa mngon par bsgrub par 'dod pa dang / gcig tu gyur nas mang por gyur ces bya ba la sogs pa rnam par gzhag pa yid la byed pas mang du byed do zhes bya ba sbyar bar bya'o//yon tan 'di dag ni rnam pa gnyis te/ rang gi bya ba la nye bar gnas pa dang / gnas pa las gyur pa'o/ /rang gi bya ba la nye bar gnas pa gang / de dag ni 'jig rten las 'das pa'i rjes la thob pa kun rdzob shes pa'i rang bzhin du blta bar bya'o//yang gnas pa las gyur pa gang / de dag ni 'jig rten las 'das pa'i ye shes kyi rang bzhin du blta bar bya'o/ /rang gi bya ba la nye bar gnas pa ni/ gang dag gi 'phags pa ci rigs su mi mthun pa'i phyogs spong ba la sogs pa'i las byed do//gnas pa las gyur pa ni mchog tu zhi ba rnam par mi rtog pa'i ye shes kyis bsdus pa dmigs pa med pa'i tshad med pa la sogs pa gang dag gi mthong ba'i chos la bde bar gnas pa'o/ /tshad med pa rnams kyis las ci mdzad/ mi mthun pa'i phyogs spong ngo / /thugs brtse bar gnas pas bsod nams kyi tshogs yongs su rdzogs par mdzad do//sems can yongs su smin par mdzad pa las mi skyo'o/ /de la tshad med pa rnams kyis ni mi mthun pa'i phyogs spong ngo zhes bya ba ni gnod sems dang / rnam par 'tshe ba dang / mi dga' ba dang / rjes su chags pa dang / khong khro ba dang /go rims bzhin no/ /tshad med pa bzhi po 'di dag ni snying brtse ba zhes bya ste/ 'di dag gis sems can gyi don gyi rjes su mthun par 'jug pa'i phyir ro/ /de'i phyir de dag gis gnas na sems can thams cad la thugs brtse bar gnas pas bsod nams kyi tshogs yongs su rdzogs par mdzad do/ /de nyid kyi phyir sems can thams cad yongs su smin par mdzad pa la mi skyo ste/sems can thams cad la thugs brtse bas bdag la mi lta ba'i phyir ro/ /rnam thar rnams kyis las ci mdzad/ sprul pa'i las mngon par sgrub bo/ /sdug par sprul ba la kun nas nyon mongs par mi 'gyur ro/ /zhi ba'i rnam thar rnams la mi chags so//mos pa'i phyir 'phags pa'i gnas pa mchog tu rab tu zhi ba'i gnas pas gnas so/ /rnam par thar pa rnams las gnyis ni sprul pa'i las mngon par sgrub bo/ /gsum pas ni/ dge ba sprul pa la kun nas nyon mongs par mi 'gyur ro/ /gzugs med pa'i rnam par thar pa bzhis ni zhi ba'i rnam par thar pa rnams la mi chags so//thabs ni 'phags pa'i gnas pa mchog tu rab tu zhi ba'i gnas te de de ltar mos pa'i don ni rnam par thar pa'i don du rig par bya'o/ /zil gnon gyi skye mched rnams kyis las ci mdzad dmigs pa zil gyis gnon pa'i phyir/ rnam thar gsum po dag dmigs pa las dbang bsgyur bar mdzad do//zil gyis gnon pa'i skye mched la sogs pa'i las kyang snga ma bzhin du de ltar bstan pa'i tshul du sbyar bar bya'o/ /ma lus pa'i skye mched rnams kyis las ci mdzad/ mtha' yas par mdzad pa'i phyir/ rnam thar gyi dmigs pas yongs su sgrub par mdzad do/ / nyon mongs pa med pas las ci mdzad/ bzung ba'i tshig tu 'gyur ro/ /gzhan gyi sems rjes su srung ba gces su byed pa ji ltar mthun pa bzhin du smra ba'i phyir ro/ /smon nas shes pas las ci mdzad/ byung ba dang 'byung bar 'gyur ba dang / da ltar gyi lung ston pa dang / 'jig rten mang pos bkur bar 'gyur ro//thams cad shes so zhes gus par byas pa'i phyir/ 'jig rten mang pos bkur bar 'gyur ro/ /so so yang dag par rig pa rnams kyis las ci mdzad/ bshad pas sems can rnams kyi sems tshim par mdzad do/ /rnam pa sna tshogs mang pos the tshom gcod pa'i phyir ro/ /mngon par shes pa rnams kyis las ci mdzad/lus kyi las kyis bstan pa la 'dun par mdzad do/ /ngag gi las kyis 'dun par mdzad do/ /sems kun rjod pas kyang 'dun par mdzad do/ /sems can gyi spyod pa dang / 'ong ba dang / 'gro ba mkhyen nas sems can rnams nges par 'byung ba la ji ltar tshig gsung ngo //rdzu 'phrul dang lha'i rna ba dang / gzhan gyi sems shes pa dang / sngon gyi gnas dang / 'chi 'pho dang / skye ba dang / zag pa zad pa'i mngon par shes pa rnams kyis ni go rims bzhin du lus kyi las la sogs pa bstan pa la 'dun par mdzad/ lha'i rna ba'i mngon par shes pas ni sgra'i rnam pa thams cad rtogs nas ngag gi las kyi 'dun par mdzad par rig par bya'o//mtshan dang dpe byad bzang po rnams kyis las ci mdzad/ mthong ma thag tu skyes bu chen po nyid du yid ches skye'o/ /gzhan gyi sems mngon par dang bar 'gyur ro/ /yongs su dag pas las ci mdzad/ bsams bzhin du srid par skye ba yongs su 'dzin to//bzhed na bskal pa las lhag par bzhugs so/ /tshe'i 'du byed kyang 'dor ro/ /chos la dbang bsgyur ro/ /ting nge 'dzin la dbang bsgyur ro/ /dam pa'i chos kyang yang dag par 'dzin to/ /gnas yongs su dag pa ni ji ltar bzhed pa bzhin du gnas ngan len pa dang / bzhugs pa dang /yongs su gtong ba'i dbang du mdzad nas srid par skye ba yongs su 'dzin pa la sogs pa gsum du rig par bya'o/ /dmigs pa yongs su dag pa ni chos la dbang bsgyur ro/ /sems yongs su dag pas ni ting nge 'dzin la dbang bsgyur ro/ /ye shes yongs su dag pas ni dam pa'i chos yang dag par 'dzin to//stobs kyis las ci mdzad/ rgyu med pa dang / mi mthun pa'i rgyur smra ba dang / ma byas pa dang / phrad par smra ba bsal nas yang dag par mngon par mthong ba'i lam ston to/ /sems can gyi sems kyi spyod pa dang / bshad pa'i snod dang / bsam pa dang / bag la nyal ba dang / dmigs pa dang /tshogs dang / 'os su 'gyur ba dang / nges par yang dag par rjes su rtogs nas ji lta bar 'os par legs pa'i lam ston to/ /bdud thams cad kyang tshar gcod do/ /thams cad du dri ba dris pa yang lung ston pa/ stobs rnams kyi nang nas stobs gnyis ni mngon par mtho ba'i lam ston to//lhag ma rnams kyis ni nges par legs pa'i lam ston to/ /sangs rgyas bcom ldan 'das rnams kyis mdzad pa ni 'di dag go/ /de la bcom ldan 'das kyis gnas dang gnas ma yin pa mkhyen pa'i stobs kyis ni/ mngon par mtho ba'i rgyu med pa las byung ba dang rang bzhin dang dbang phyug la sogs pa'i rgyu las byung ngo zhes rgyu med pa dang /mi mthun pa'i rgyur smra ba de spong ngo / /las bdag gir bya ba mkhyen pa'i stobs kyis ni bdag gis ma byas kyang las 'ong ngo zhes ma byas pa dang phrad par smra ba de spongs te/ 'di ltar yang dag par ma nor ba bde 'gro'i lam ston to/ /bsam gtan dang /rnam par thar pa dang / ting nge 'dzin dang / snyoms par 'jug pa mkhyen pa'i stobs kyis ni/ sems kyi rgyu ba sems kyi spyod pa rnams te/ sems kyi rgyu ba rnams rtogs so/ /dbang po mchog dang mchog ma yin pa mkhyen pa'i stobs kyis ni bshad pa'i snod dad pa la sogs pa'i dbang po yongs su smin pa rjes su rtogs so//mos pa sna tshogs mkhyen pa'i stobs kyis ni bsam pa ste/ ngan pa dang / bzang po la mos pa rjes su rtogs so/ /khams sna tshogs mkhyen pa'i stobs kyis ni/ bag la nyal sel nus pa'i nyon mongs pa rjes su rtogs so/ /thams cad du 'gro ba'i lam mkhyen pa'i stobs kyis ni/dmigs pa nyan thos kyi theg pa'am/ theg pa chen po bstan pa'i chos kyis bsdus pa rjes su rtogs so/ /sngon gyi gnas rjes su dran pa mkhyen pa'i stobs kyis ni/ tshe rabs snga ma dag la tshogs yang dag par bsgrub pa 'phags pa'i lam gyi rgyu rjes su rtogs so//'chi 'pho dang / skye ba mkhyen pa'i stobs kyis ni/ phyi ma la 'os su 'gyur ba rjes su rtogs so/ /zag pa zad pa mkhyen pa'i stobs kyis ni/ 'jig rten thams cad nges par 'byung ba rjes su rtogs te/ gang las ji lta ba bzhin du thar pa'i lam ston to/ /stobs nyid ni 'di dag gi phung po dang /nyon mongs pa dang / lha'i bu dang / 'chi bdag gi bdud tshar gcod pa'i khyad par gyi phyir ro/ /khyad par ni shes bya'i sgrib pa spangs nas bar chad mi byed pa dang / gnas dang gnas ma yin pa nas zag pa zad pa'i bar thams cad du dri ba dris na/ 'dri ba lung ston pa la thogs pa med pa'i phyir ro/ /mi 'jigs pa rnams kyis las ci mdzad/'khor gyi nang du bdag ston pa yang dag pa yin par rnam par 'jog go/ /rgol ba bzhin mu stegs can rnams kyang tshar gcod do/ /'khor gyi nang du bdag ston pa yang dag par bdag dang / gzhan la phan par zhugs pa nyid du rnam par 'jog go/ /mngon par rdzogs par byang chub pa nas lam gyi bar rgol ba'i mu stegs can rnams chos dang mthun par tshar gcod do//dran pa nyer gnas rnams kyis las ci mdzad/ kun nas nyon mongs pa can ma yin pa'i tshogs yongs su sdud do/ /gus par nyan pa la sogs pa la rjes su chags pa la sogs pa'i kun nas nyon mongs pa med pa'i phyir/ kun nas nyon mongs pa can ma yin pas tshogs yongs su sdud do/ /bsrung med rnams kyis las ci mdzad/ rgyun mi 'chad par tshogs la tshogs gsung ngo / /yang dag par rjes su ston to/ /rang gi nyes pa brjod du dogs nas bsrung ba med pa'i phyir rgyun mi 'chad par tshogs la yongs su 'doms so/ /bsnyel ba med pa'i chos nyid kyis las ci mdzad/sangs rgyas kyi mdzad pa mi 'dor ro/ /sems can gyi don bya ba nye bar gnas pa la skad cig tsam yang bag med pas 'dul bar mi mdzad pa'i phyir sangs rgyas kyi mdzad pa mi 'dor/ /bag chags legs par bcom pas las ci mdzad/ nyon mongs med pas nyon mongs pa'i tshul gyi sbyor ba mi ston to//ji ltar dge slong dgra bcom pa 'khrul pa la sogs pa ston pa lta bu ma yin te nyon mongs pa med pas nyon mongs pa lta bu'i spyod pa mi ston to/ /thugs rje chen pos las ci mdzad/ nyin mtshan lan drug tu 'jig rten pa la rnam par gzigs so/ /su 'phel bar gyur zhes bya ba la sogs pa'i rnam pa rnams kyis so sor rtog pa'i phyir/nyin mtshan lan drug tu 'jig rten la rnam par gzigs so/ /sangs rgyas kyi chos ma 'dres pa rnams kyis las ci mdzad/ sku dang gsung dang thugs kyi phrin las yongs su dag pa dang / 'thob pa dang / gshegs pa dang / bzhugs pas kyang nyan thos dang /rang sangs rgyas thams cad zil gyis gnon to/ /sku dang gsung dang thugs kyi phrin las thun mong ma yin pa yongs su dag par 'byor ba zhes bya ba la sogs pa'i mtshan nyid/ mtshan nyid bstan pa'i skabs bzhin du sbyar bar bya'o/ /rnam pa thams cad mkhyen pa nyid kyis las ci mdzad/sems can thams cad kyi the tshom gcod do/ /chos kyi tshul yang yun ring du 'jog go/ /des sems can ma smin pa rnams ni yongs su smin pa dang / yongs su smin pa rnams ni rnam par grol bar 'gyur ro/ /thams cad ye shes thogs pa med pas sems can thams cad kyi the tshom gcod do//the tshom bcad pa'i phyir de dang der bstan pa'i chos kyi rnam grangs yang dag par sdud pa'i rigs kyis yang dag par sdud pas/ chos kyi tshul yang yun ring du 'jog go/ /chos kyi tshul de la brten nas sems can rnams yongs su ma smin pa rnams ni yongs su smin par mdzad do/ / yongs su smin pa rnams ni rnam par grol bar mdzad do/ /mngon par rtogs pa 'di dag las gong nas gong du khyad par du 'phags pa'i lam thob na/ lam snga ma dman pa ni 'dor ro/ /bsdoms te spong ba yang mngon sum du byed do/ /khyad par du 'phags pa'i lam thob na/ lam dman pa 'dor ba ni 'di lta ste/'bras bus bsdus pa'i lam thob par gyur na 'jug pa'i lam dman pa 'dor zhes brjod do/ /yang mchog tu gyur pa mngon du byed pa'i phyir ro/ /bsdoms te spong ba yang mngon sum du byed do zhes pa ni/ 'bras bu thob pa'i dus te/ de'i mi mthun pa'i phyogs kyi gnas ngan len ma lus par spangs pa'i phyir ro//gnas gyur pa'i khyad par thob pa'o/ /phung po lhag ma med kyi mya ngan las 'das pa'i dbyings su/ nyan thos kyi lam thams cad rgyun yang dag par gcod pa'i rnam par 'dor bas rnam par spong ste byang chub sems dpa' ni ma yin no/ /de'i phyir byang chub sems dpa' dge ba'i rtsa ba mi zad pa dang /yon tan mi zad pa zhes brjod do/ /rgyun yang dag par spyod pa'i rnam par 'dor ba rnam par spong ba zhes bya ba ni/ gtan du kun du mi spyod pas rnam par 'dor zhes bya ba'i tha tshig go/ /byang chub sems dpa' ni de ltar rnam par spong ba ma yin te/ de'i lam ni thob par byed pa ni/ sems can thams cad yongs su mya ngan las bzla ba'i bsam pa sngon du gtong ba'i phyir ro/ /de'i phyir byang chub sems dpa' rnams ni dge ba'i rtsa ba mi zad pa dang yon tan mi zad pa zhes bya ste/ 'di ltar blo gros mi zad pas bstan pa'i mdo las mi zad pa bstan pa rnams yin no/ /lung du ma bstan pa'i dngos po gang dag rnam par gzhag pa ci'i phyir/tshul bzhin ma yin pa yongs su 'dri ba'i phyir ro/ /ci'i phyir tshul bzhin ma yin pa yongs su 'dri/ rgyu dang 'bras bu dang / kun nas nyon mongs pa dang / rnam par byang ba la sems pa yongs su spong ba'i phyir ro/ /'dri ba de dag gi 'dri ba don dang ldan pa ji lta bu yin zhe na/'di lta ste/ 'phags pa'i bden pa bzhi las brtsams nas gang 'dri ba ste/ 'di ltar de rgyu dang 'bras bu dang / kun nas nyon mongs pa dang / rnam par byang ba la sems pa'i nang du rtogs pa'i phyir ro/ /ci'i phyir byang chub sems dpa'/ byang chub sems dpa'i nges pa la zhugs ni rgyun du zhugs par mi 'gyur/rgyun la 'jug pa yongs su ma grub pa'i phyir ro/ /mi gnas pa'i lam thob pas rgyun la 'jug pa yongs su ma grub pa'i phyir ro/ /ci'i phyir lan cig phyir 'ong bar mi 'gyur/ bsams bzhin du srid par skye ba tshad med pa yongs su 'dzin pa'i phyir ro/ /ci'i phyir phyir mi 'ong bar mi 'gyur/bsam gtan rnams kyi gnas shing 'dod pa'i khams su skye ba'i phyir ro/ /byang chub sems dpa' rnams ni bden pa rnams mngon par rtogs par byas nas/ sa bcu rnams su bsgom pa'i lam la shes bya'i sgrib pa'i gnyen por lam bsgom gyi nyon mongs pa'i sgrib pa'i gnyen por ni ma yin te/ de'i byang chub thob pa na nyon mongs pa'i sgrib pa dang shes bya'i sgrib pa lan cig la spong ngo //lan cig la dgra bcom pa dang / de bzhin gshegs par 'gyur ro/ /de nyon mongs pa ma spangs su zin kyang sngags dang sman gyis gzung ba'i dug lta bu dang / dper na spangs pa'i dgra bcom pa ltar/ sa thams cad du nyon mongs pa'i nyes pa mi skyed do//yang byang chub sems dpa' shes bya la mkhas pa dang / thabs la mkhas pa dang / yang dag pa ma yin pa rnam par rtogs pa la mkhas pa dang / rnam par mi rtogs pa la mkhas par bya'o/ /dus dus su dbang po rnams sbyar bar bya'o/ /shes bya gang de yang rnam pa drug tu blta ste/'khrul pa dang / 'khrul pa'i gnas dang / 'khrul pa dang ma khrul pa yang ma yin pa dang / ma 'khrul pa dang / 'khrul pa'i rgyu mthun pa'o/ /de la 'khrul pa ni bzung ba dang 'dzin par mngon par zhen pa'o/ /'khrul pa'i gnas ni 'phags pa'i ye shes kyi spyod yul du byed kyi/rgyu tsam yang dag pa ma yin pa kun du rtog pa'i bdag nyid du gyur pa gang la byis pa rnams gang mngon par zhen pa 'jug pa'o/ /ma 'khrul pa'i gnas ni de bzhin nyid de/ de rnam par mi rtog pa'i ye shes kyi rten yin pa'i phyir ro/ /'khrul pa yang yin la ma 'khrul pa yin pa ni/'jig rten las 'das pa'i ye shes dang mthun pa thob pa las byung ba la sogs pa'i dge ba'i chos rnams te zhes bya ba la rnam par rtog pa dang / rnam par mi rtog pa'i ye shes dang mthun pa'i phyir ro/ /ma 'khrul pa ni rnam par mi rtog pa'i ye shes so/ /ma 'khrul pa'i rgyu mthun pa ni/ 'phags pa'i lam gyi rjes la thob pa'i dge ba'i chos rnams so//thabs la mkhas pa gang sems can yongs su smin par bya ba la mkhas pa dang / sangs rgyas kyi chos yongs su rdzogs par bya ba la mkhas pa dang / mngon par shes pa myur ba la mkhas pa dang / lam rgyun mi 'chad pa la mkhas pa'o/ /thabs la mkhas pa ni rnam pa bzhi ste/de la sems can yongs su smin par bya ba la mkhas pa ni/ bsdu ba'i dngos po bzhi ste/ de dag gis bsdus nas dge ba rnams la 'dzud pa'i phyir ro/ /sangs rgyas kyi chos rnams yongs su rdzogs par bya ba la mkhas pa ni shes rab kyi pha rol tu phyin pa ste/ sbyin pa'i pha rol tu phyin pa nas/rnam pa thams cad mkhyen pa nyid kyi bar du yongs su rdzogs par byed 'dod pa'i byang chub sems dpa' sems dpa' chen pos shes rab kyi pha rol tu phyin pa 'di nyid la bslab par bya'o zhes gsungs pa'i phyir ro/ /mngon par shes pa myur ba la mkhas pa ni/ nyin mtshan len drug tu sdig pa bshags pa dang /bsod nams kyi rjes su yi rang ba dang / sangs rgyas la gsol ba gdab pa dang / dge ba'i rtsa ba yongs su bsngo ba ste/ 'phags pa byams pas zhus pa las ji skad gsungs pa lta bu'o/ /lam rgyun mi 'chad pa la mkhas pa ni/ mi gnas pa'i mya ngan las 'das par byin zhing /rgyun mi 'chad par gtan du 'jig rten gyi khams kun du 'dul ba ji lta ba bzhin du sangs rgyas dang byang chub sems dpa'i spyod pa kun du ston pa'i phyir ro/ /yang dag pa ma yin par rnam par rtog pa gang / rtsa ba'i rnam rtog dang / mtshan ma'i rnam rtog dang / mtshan mar snang ba'i rnam rtog dang / mtshan mar 'gyur ba'i rnam rtog dang /mtshan mar snang bar 'gyur ba'i rnam rtog dang / gzhan gyis bstan pa'i rnam rtog dang / tshul bzhin ma yin pa'i rnam rtog dang / tshul bzhin gyi rnam rtog dang / mngon par zhen pa'i rnam rtog dang / rnam par g.yeng ba'i rnam rtog go/ /yang dag pa ma yin pa'i kun du rtog pa ni rnam pa bcu ste/de la rtsa ba'i rnam par rtog pa ni/ kun du len pa'i rnam par shes pa ste/ rnam par rtog pa thams cad kyi sa bon du gyur pa'i phyir ro/ /mtshan ma'i rnam par rtog pa ni lus dang gnas dang / longs spyod kyi rnam par rig par bya ste gzung ba mtshan mar gyur pa'i phyir ro/ /de dag ni dbang po gzugs can dang /snod kyi 'jig rten dang / gzugs la sogs pa yul gyi mtshan nyid dang go rims bzhin du blta bar bya'o/ /mtshan mar snang ba'i rnam par rtog pa ni/ rnam par shes pa'i tshogs drug dang / yid de/ gzung ba'i mtshan ma ji skad bstan pa'i rnam par 'gyur ba'i phyir ro/ /mtshan mar gyur pa'i rnam par rtog pa ni/ji skad bstan pa'i lus la sogs pa'i mtshan ma rnams gzhan du skyed pa'o/ /mtshan mar snang bar 'gyur ba'i rnam par rtog pa ni/ mig gi rnam par shes pa la sogs pa'i mtshan mar snang ba ji skad bstan pa dag bde ba la sogs pa'i gnas skabs gzhan du skye ba'o/ /gzhan gyis bstan pa'i rnam par rtog pa ni/bstan pas bsdus pa'i ming dang / tshig dang / yi ge'i tshogs kyi mtshan nyid do/ /de yang rnam pa gnyis te/ nyes par bshad pa'i chos kyi tshul gyi bdag nyid dang / legs par bshad pa'i chos kyi tshul gyi bdag nyid do/ /de'i phyir de'i dbang du byed pa'i yid la byed pas bsdus pa tshul bzhin ma yin pa'i rnam par rtog pa dang /tshul bzhin gyi rnam par rtog pa dang / go rims bzhin du rig par bya'o/ /mngon par zhen pa'i rnam par rtog pa ni/ tshul bzhin ma yin pa'i rnam par rtog pa las lta bar song ba drug cu rtsa gnyis su bsdus pa'i rnam par rtog pa gang yin pa'o//rnam par g.yeng ba'i rnam par rtog pa ni/ tshul bzhin gyi rnam par rtog pa las dngos po med pa la sogs par 'dzin pa'i mtshan nyid kyi rnam par rtog pa gang yin pa'o/ /rnam par g.yeng ba'i rnam par rtog pa yang / dngos po med pa'i rnam rtog dang / dngos po'i rnam rtog dang / sgro 'dogs pa'i rnam rtog dang / skur pa 'debs pa'i rnam rtog dang / gcig pa nyid du rnam rtog dang / tha dad pa nyid du rnam rtog dang / ngo bo nyid du rnam rtog dang / khyad par du rnam rtog dang / ming ji lta ba bzhin du don du rnam rtog dang / don ji lta ba bzhin du ming du rnam par rtog pa'o//rnam par rtog pa 'di bcu ni/ shes rab kyi pha rol tu phyin pa las thog mar bstan pa'i dbang du byas par rig par bya ste/ ji skad du shA ri'i bu 'di la byang chub sems dpa' ni byang chub sems dpa' nyid du yod bzhin du/ byang chub sems dpa' yang dag par rjes su mi mthong ngo / /byang chub sems dpa'i ming yang dag par rjes su mi mthong /shes rab kyi pha rol tu phyin pa yang dag par rjes su mi mthong / byang chub sems dpa' yang dag par rjes su mi mthong / spyod ces bya ba yang dag par rjes su mi mthong / mi spyod ces bya ba yang dag par rjes su mi mthong ste/ 'di ltar ming ni ngo bo nyid kyis stong ste/stong pa nyid kyis ni ma yin no/ /gzugs ni ngo bo nyid kyis stong ste/ stong pa nyid kyis ni ma yin no/ /rnam par shes pa'i bar du ngo bo nyid kyis stong ste/ stong pa nyid kyis ni ma yin no/ /de ci'i phyir zhe na/ gzugs kyi stong pa nyid gang yin pa de gzugs ma yin no/ /stong pa nyid las gzugs gzhan pa'ang ma yin no//gzugs nyid stong pa nyid do/ /stong pa nyid gzugs so/ /de bzhin du rnam par shes pa'i bar du'o/ /de ci'i phyir zhe na 'di lta ste/ byang chub sems dpa'i ming zhes bya ba dang / byang chub sems dpa' zhes bya ba dang / shes rab kyi pha rol tu phyin pa zhes bya ba dang /byang chub ces bya ba dang / gzugs zhes bya ba nas/ rnam par shes pa zhes bya ba'i bar 'di ni ming tsam ste/ ngo bo nyid kyis mi skye mi 'gag kun nas nyon mongs pa ma yin no/ /rnam par byang ba ma yin no/ /shes rab kyi pha rol tu phyin pa la spyod pa'i byang chub sems dpa' ni skye ba yang dag par rjes su mi mthong ba nas/rnam par byang ba'i bar du yang dag par rjes su mi mthong ngo / /de ci'i phyir zhe na/ mi bcos ma la chos de dag so sor brtags nas glo bur gyi ming gis rjes su tha snyad 'dogs pa'i phyir ro/ /ji lta ji ltar rjes su tha snyad 'dogs pa de lta de ltar mngon par zhen to/ /byang chub sems dpa' ni ming thams cad yang dag par rjes su mi mthong ngo //yang dag par rjes su ma mthong bar mngon par zhen pa med do/ /de la dngos po med pa'i rnam par rtog pa'i gnyen por byang chub sems dpa' yod do zhes bya ba la sogs pa gsungs pa yin te/ yod pa'i sgra ni dngos po'i don yod pa'i phyir/dngos por rnam par rtog pa'i gnyen por byang chub sems dpa' yang dag par rjes su mi mthong ba nas/ mi spyod do zhes bya ba'i bar yang dag par rjes su mi mthong ngo zhes bya ba gsungs te/ gang zag dang chos kyi dngos po bkag pa'i phyir ro/ /sgro 'dogs pa'i rnam par rtog pa'i gnyen por 'di ltar ming ni ngo bo nyid kyis stong ngo zhes gsungs te/yang dag pa ma yin pa kun du brtags pa'i ngo bo nyid bkag pa'i phyir ro/ /skur pa 'debs pa'i rnam par rtog pa'i gnyen por stong pa nyid kyis ma yin zhes bya ba gsungs te/ ming de kun brtags pa'i ngo bo nyid de dang bral ba nyid du thams cad du yod pa'i phyir ro//gcig pa nyid du rnam par rtog pa'i gnyen por gzugs stong pa nyid gang yin pa de gzugs ma yin zhes bya ba nas/ rnam par shes pa stong pa nyid gang yin par rnam par shes pa ma yin no zhes bya ba'i bar du gsungs te/ ngo bo nyid gzhan yin pa'i phyir gzugs la sogs pa ni kun brtags pa'i ngo bo nyid do//stong pa nyid ni yongs su grub pa'o/ /tha dad pa nyid du rnam par rtog pa'i gnyen por stong pa nyid las gzugs gzhan pa yang ma yin no/ /gzugs nyid stong pa nyid do/ /stong pa nyid gzugs so zhes bya ba nas rnam par shes pa'i bar du gsungs te/ kun brtags pa'i ngo bo nyid med pa'i mtshan nyid yin pas/de las ma gtogs par de med pas med pa'i phyir ro/ /ngo bo nyid du rnam par rtog pa'i gnyen por 'di lta ste/ gzugs zhes bya ba nas rnam par shes pa zhes bya ba'i bar 'di ni ming tsam mo zhes bya ba gsungs te/ brjod pa ma gtogs par brjod pa'i ngo bo nyid med pa'i phyir ro//khyad par du rnam par rtog pa'i gnyen por ngo bo nyid kyis mi skye ba'i zhes bya ba nas rnam par byang ba yang dag par rjes su mi mthong zhes bya ba'i bar du gsungs te/ skye ba la sogs pa'i khyad par gyi mtshan nyid bkag pa'i phyir ro/ /ming ji lta ba bzhin du don rnam par rtog pa'i gnyen por mi bcos ma la chos so sor brtags pas glo bur du ming gi rjes su tha snyad 'dogs pa zhes bya ba la sogs pa gsungs pa'o//don ji lta ba bzhin du ming du rnam par rtog pa'i gnyen por byang chub sems dpa' ming de dag thams cad yang dag par rjes su mi mthong ngo / /yang dag par rjes su mi mthong bas mngon par zhen pa med do zhes gsungs te/don ji lta ba bzhin du ming du mi mthong na mngon par zhen pa med pa'i phyir ro/ /rnam par mi rtog pa nyid gang / chog par mi 'dzin pa'i rnam par mi rtog pa nyid dang / phyin ci ma log pa'i rnam par mi rtog pa nyid dang / spros pa med pa'i rnam par mi rtog pa nyid de so so'i skye bo rnams dang /nyan thos rnams dang / byang chub sems dpa' rnams dang / go rims bzhin no/ /de la so so'i skye bo rnams ni/ gang mi rtag pa nyid la sogs pa chos nyid 'ga' zhig la brtsams nas sems pa mthar khrid de/ 'di ni de bzhin no zhes nges par byed cing yongs su tshim pa thob par 'gyur te/de dag gis ni chog par 'dzin pa'i rnam par rtog pa nyid ces bya ste/ de la mi rtog pa zhes bya ba'i rnam par rtog pa thams cad rgyun 'chad pa'i phyir/ nyan thos rnams ni phung po rnams la rtag pa la sogs pa'i phyin ci log gi gnyen por ji lta ba bzhin du gzugs la sogs pa la chos tsam du yongs su brtags nas 'jig rten las 'das pa'i shes pa bdag med par rtogs te/de'i phyir de dag gi de ni phyin ci ma log pa'i rnam par mi rtog pa nyid ces brjod do/ /byang chub sems dpa' rnams ni gzugs la sogs pa la chos tsam de yang spong bar rig nas/chos thams cad kyi mtshan ma rnam par bshig ste/ 'jig rten las 'das pa'i ye shes mchog tu zhi bas de bzhin nyid thams cad du 'gro bar rtogs te/ de'i phyir de dag ni spros pa med pa'i rnam par mi rtog pa nyid ces brjod do/ /spros pa med pa'i rnam par mi rtog pa nyid ni yid la byed pa med pas ma yin/yang dag par 'das pas ma yin/ rnam par zhi bas ma yin/ ngo bo nyid kyis ma yin/ dmigs pa la mngon par 'du byed pas ma yin par blta bar bya ste/ gal te yid la byed pa med pas de skad byas na/ des na gnyid kyis log pa dang / ra ro ba la sogs pa la yang rnam par mi rtog pa nyid du 'gyur te/de dag la chos kyi mtshan ma yid la byed pa med pa'i phyir ro/ /ji ste yang dag par 'das pas de skad ces bya na ni/ de bas na bsam gtan gnyis pa la sogs pa thams cad kyang rnam par rtog pa med pa nyid du 'gyur te/ rtog pa dang dpyod pa'i rnam par rtog pa rnams las yang dag par 'das pa'i phyir ro//de'i phyir na rnam par rtog pa'i lus ni/ khams gsum pa'i sems dang sems las byung ba'i zhes bya ba 'di dang 'gal lo/ /ji ste rnam par zhi bas de skad du bya ba ni/ des na 'du shes dang tshor ba 'gog pa'i snyoms par 'jug pa yang rnam par mi rtog pa nyid du 'gyur te/ des sems dang sems las byung ba'i rnam par rtog pa rnam par zhi ba'i phyir ro//de'i phyir shes pa med par 'gyur ro/ /ji ste ngo bo nyid kyis de skad ces bya na ni/ des na gzugs rnam par mi rtog par 'gyur te/ de rnam par mi rtog pa'i ngo bo nyid yin pa'i phyir ro/ /ji ste dmigs pa la mngon par 'du byed pas de skad bya na ni/ des na rnam par rtog pa dang bcas pa rnam par mi rtog par 'gyur te/'di ni rnam par mi rtog pa'o zhes mngon par 'du byed pa 'di ni/ mtshan ma la rnam par rtog pa'i mtshan nyid yin pa'i phyir ro/ /de lta bas na rnam pa de dag gis rnam par mi rtog pa nyid du mi blta bar bya ste/ /'on kyang dmigs pa la mngon par 'du byed pa med par blta bar bya'o//ji ltar zhe na/ gang gi tshe byang chub sems dpa' de rjes su mthun pa de nyid kyi gdams pa la brten nas chos thams cad kyi mtshan ma ni rang bzhin gyis yongs su ma grub par rnam par rtog ste/ rnam par rtog pa de la goms pa'i stobs bskyed pas so so rang gi mngon par 'du byed pa nyid kyis ji lta ba bzhin du spros pa med pa'i dbyings chos thams cad kyi de bzhin nyid la sems mnyam par 'jog ste/de ni de'i spros pa med pa'i rnam par mi rtog pa nyid ces brjod do/ /byang chub sems dpa' ni rang bzhin gyis dbang po rnon po yin na ji ltar dbang po rnams sbyor ce na/ dbang po rnon po chung ngu la brten te rnon po'i 'bring mngon par bsgrub bo//dbang po rnon po'i 'bring la brten te rnon po'i chen po mngon par bsgrub bo/ /byang chub sems dpa' ni rang bzhin gyis dbang po rnon po'o zhes sngar bshad na/ de ji ltar dus dus su dbang po rnams sbyar bar bya zhes brjod ce na/ rang gi rigs kyi rtul po la sogs pa'i rnam pa gong nas gong du mngon par bsgrub pas de sbyang bar rig par bya'o//gzhan du na dbang po rnon po'i rigs rnams kyis dbang po rnams dbang po gcig tu gyur na ni/ byang chub sems dpa' rnams kyi dbang por gyur pa'i khyad par mi dmigs par 'gyur na/ de yang dmigs pas de'i phyir ji skad bshad pa de grub bo//thob pa rnams des zhes bya ba ste kun nas btus pa bzhi pa'o// //yang dag pa'i gtam gyi rnam nges gang / rnam pa bdun te/ don rnam nges dang / rnam bshad rnam nges dang / rab tu phye nas kun du bstan pa rnam nges dang / yang dag par dri ba rnam nges dang /bsdu ba rnam nges dang / smra ba rnam nges dang / ldem por dgongs pa rnam nges dang / don rnam nges gang / don drug la brtsams nas gang rnams nges so/ /don drug gang / ngo bo nyid kyi don dang / rgyu'i don dang / 'bras bu'i don dang / las kyi don dang / sbyor ba'i don dang / 'jug pa'i don no//ngo bo nyid kyi don ni/ ngo bo nyid gsum ste/ kun brtags pa dang / gzhan gyi dbang dang / yongs su grub pa'o/ /rgyu'i don ni skye ba dang / 'byung ba dang / 'grub pa'i rgyu'o/ /de la skye ba'i rgyu ni rkyen rnam pa bzhi ste/ rgyu dang de ma thag pa dang / dmigs pa dang / bdag po'i rkyen rnams so/ / de las 'dus byas thams cad 'grub pa'i phyir ro/ /'byung ba'i rgyu ni 'di lta ste/ ma rig pa'i rkyen gyis 'du byed rnams zhes bya ba nas/ kun 'byung bar 'gyur ba dang / 'gog par 'gyur ro zhes bya ba'i bar 'dis mthar gyis kun nas nyon mongs pa rnam par byang ba 'byung ba'i phyir ro/ /'grub pa'i rgyu ni mngon sum du dmigs pa dang /mi dmigs par bsnyad pas bsdus pa ste/ des bsgrub pa ma grags pa'i don sgrub pa'i phyir ro/ /'bras bu'i don ni/ rnam par smin pa'i 'bras bu dang / rgyu mthun pa'i 'bras bu dang / bdag po'i 'bras bu dang / skyes bu byed pa'i 'bras bu dang / bral ba'i 'bras bu'o//de la rnam par smin pa'i 'bras bu ni 'di lta ste/ kun du len pa'i rnam par shes pa'o/ /rgyu mthun pa'i 'bras bu ni 'di lta ste/ sngar skyes pa'i dge ba la sogs pa'i chos rnams kyi de'i rgyu las byung ba dge ba la sogs pa'i chos phyi ma rnams so/ /bdag po'i 'bras bu ni 'di lta ste/ sems can thams cad kyi thun mong gi las kyi dbang gis snod kyi 'jig rten gyi chos so//skyes bu byed pa'i 'bras bu ni 'di lta ste/ lo thog la sogs pa'o/ /bral ba'i 'bras bu ni 'phags pa'i lam gyis bag la nyal legs par bcom pa'o/ /las kyi don gang / dmigs pa'i las gang / byed pa'i las dang / 'bad pa'i las dang / bsgyur ba'i las dang / thob pa'i las so/ /de la las de rnams kyi don ni/ 'di ltar las kyi kun nas nyon mongs par sngar bstan pa bzhin blta bar bya'o/ /sbyor ba ni lnga ste mang po las gyur ba dang / rjes su 'ching ba las gyur ba dang / 'brel ba las gyur pa dang / gnas skabs las gyur pa dang /gyur pa las gyur pa'i sbyor ba'o/ /mang po las gyur ba'i sbyor ba ni 'di lta ste/ khang pa'i shing dang pha gu la sogs pa'o/ /rjes su 'ching ba las gyur ba'i sbyor ba ni 'di lta ste/ bag la nyal la sogs pa'i rgyu ste/ 'di ltar de yod na kun du mi spyod kyang nyon mongs pa la sogs pa dang ldan pa zhes brjod do//'brel ba las gyur ba'i sbyor ba ni 'di lta ste/ rang gi skye bo rnams kyi phan tshun du 'brel ba'o/ /gnas skabs las gyur pa'i sbyor ba ni 'di lta ste/ phan 'dogs pa la sogs pa'i sems kyi rgyud kyi gnas skabs te/ 'di ltar de'i 'phral du bde ba dang ldan pa nas sdug bsngal yang ma yin bde ba yang ma yin pa dang ldan pa zhes bya ba'i bar du brjod do//gyur pa las gyur ba'i sbyor ba ni 'di lta ste/ glo bur gyi nye ba'i nyon mongs pa la sogs pa mngon du gyur ba ste/ 'di ltar de yod na 'dod chags la sogs pa dang / dad pa la sogs pa dang ldan pa zhes brjod do/ /'jug pa'i don ni 'jug pa la lnga ste/mtshan nyid kyi 'jug pa dang / phyin ci log gi 'jug pa dang / phyin ci ma log pa'i 'jug pa dang / rab tu dbye ba'i 'jug pa'o/ /'jug pa'i don rnam pa lnga ni/ de rnams kyi 'jug pa'i don du brjod do/ /de la mtshan nyid kyi 'jug pa ni/ skye ba la sogs pa 'dus byas kyi mtshan nyid gsum ste/de dag gi rnam par 'byung ba'i phyir ro/ /rten la 'jug pa ni rten la gnas par bya ba la gnas pa ste/ 'di ltar sa la sems can rnams so/ /phyin ci log gi 'jug pa ni/ kun nas nyon mongs pa'i chos rnams te/ yang dag pa ji lta ba bzhin ma yin par 'jug pa'i phyir ro//phyin ci ma log par 'jug pa ni 'phags pa'i lam ste/ de phyin ci ma log par 'jug pa'i phyir ro/ /rab tu dbye ba'i 'jug pa ni/ chos rnams kyi rnam pa tha dad pa yin te/ 'di ltar 'du byed thams cad 'das pa dang / ma 'ongs pa dang / da ltar byung ba dang / nang dang phyi la sogs pa'i rnam par 'jug pa'i phyir ro//rnam bshad rnam nges gang / gang gis mdo'i sde rnams rnam bshad byed pa ste/ don rgya cher ston zhes bya ba'i tha tshig go/ /de yang gang / yongs su shes par bya ba'i dngos po dang / yongs su shes par bya ba'i don dang / yongs su shes par bya ba'i rgyu dang / yongs su shes pa dang /yongs su shes pa'i 'bras bu dang / de rab tu shes pa'o/ /de rnams yongs su shes par bya ba'i dngos po la sogs pa don drug po dag mdo sde so sor rnam par bshad pa rnam par nges pa ji ltar mthun mthun du'o/ /de la yongs su shes par bya ba'i dngos po ni phung po la sogs pa'o//yongs su shes par bya ba'i don ni mi rtag pa la sogs pa'o/ /yongs su shes par bya ba'i rgyu ni tshul khrims dang / dbang po'i sgo sdom pa la sogs pa'o/ /yongs su shes pa ni byang chub kyi phyogs kyi chos rnams so/ /yongs su shes pa'i 'bras bu ni rnam par grol ba'o/ /de rab tu shes pa ni rnam par grol ba'i ye shes mthong ba'o//yang rnam bshad kyi sgo bcu bzhi ste/ sgo bcu bzhi ni rnam bshad bsdu ba'i sgo dang / dngos po bsdu ba'i sgo dang / yan lag dang nye ba'i yan lag gi sgo dang / gong nas gong du mngon par bsgrub pa'i sgo dang / spong ba'i sgo dang / yi ge yongs su bsgyur ba'i sgo dang / chud za ba dang chud mi za ba'i sgo dang /gang zag rnam gzhag gi sgo dang / rab tu dbye ba rnam bzhag gi sgo dang / tshul gyi sgo dang / yongs su shes pa la sogs pa'i sgo dang / stobs dang stobs ma yin pa'i sgo dang / bzlas te brjod pa'i sgo dang / mngon par sgrub pa'i sgo'o/ /de la rnam par bshad pa bsdu ba'i sgo ni mdo sde gang du 'thad pa dang bcas pas dgos pa'i don dang /tshig gi don dang / mtshams sbyar ba dang dgongs pa dang / brgal ba dang / lan brjod pa'o/ /dngos po bsdu ba'i sgo ni mdo sde gang du bslab pa dang / 'phags pa'i bden pa dang / dngos po la sogs pa ston pa ste/ 'di lta ste/ sdig pa thams cad mi bya ste//dge ba phun sum tshogs par spyad/ /rang gi sems ni yongs su gdul/ /'di ni sangs rgyas bstan pa'o/ /zhes bya ba'i tshigs su bcad pa bslab pa gsum gyi dbang du byas pa la sogs pa'o/ /yan lag dang nye ba'i yan lag gi sgo ni/ gang du tshig gcig gis bstan pa la lhags rnams kyis bshad do zhes rab tu ston pa ste/dper na dal ba phun sum tshogs pa bcu gnyis bstan pa las bdag phun sum tshogs pa dang / gzhan phun sum tshogs pa zhes bya ba'i tshig 'di gnyis go rims bzhin du tshig 'og ma lnga lngas bshad pa lta bu ste/ 'di lta ste/ mi nyid dang / 'phags pa'i yul gyi dbus su skyes pa dang /dbang po rnams ma tshang ba med pa dang / las kyi mtha' smin par ma gyur ba dang / gnas su gyur ba la dad pa dang / sangs rgyas rnams 'byung ba dang / dam pa'i chos ston pa dang / bstan pa'i chos rnams gnas pa dang / gnas pa'i chos kyi rjes su 'jug pa dang / gzhan gyi phyir snying brtse ba'o//gong nas gong du mngon par bsgrub pa'i sgo ni/ gang du 'og ma gong mar mngon par bsgrub pa'i gnas yin pa'i phyir ro/ /chos de dag ni de ltar bstan to zhes bstan pa'o/ /dper na dbang po lnga po rnams te/ 'di ltar dad na brtson 'grus rtsom mo/ /brtson 'grus brtsams na dran pa nye bar gnas so//dran pa nye bar gnas na sems mnyam par 'jog go/ /sems mnyam par bzhag na yang dag pa ji lta ba bzhin du rab tu shes so zhes bya'o/ /spong ba'i sgo ni 'di la brtsams nas 'di spong bar ston pa ste/ 'di lta ste/ ste'u lta bu'i mdo las zag pa zad pa las brtsams nas 'di las phyi rol pa dang /chos 'di la thos pa dang / sems pa tsam gyis tshogs par 'dzin pa dang / bsgom pas yongs su yi chad pa dang / tshogs yongs su ma rdzogs pa'i dge slong dag nga ni shes bzhin mthong bzhin du zag pa rnams zad par smra'o zhes bya ba la sogs pa'i mdo'i tshig gi dum bu dang pos ni gang zag spangs pa'o//bsgom par sbyor ba la brtson par bya'o zhes bya ba la sogs pas ni gnyis pa spangs so/ /ste'u'i dpes ni gsum pa spangs so/ /gru'i dpes ni bzhi pa spangs so/ /yi ge yongs su bsgyur ba'i sgo ni gang du don gzhan yang rab tu grub pa'i yi ge rnams gzhan du yongs su bsgyur ba ste/dper na mi gang mi dad byas mi gzo/ /zhes bya ba la sogs pa tshigs su bcad pa lta bu'o/ /chud za ba dang chud mi za ba'i sgo ni/ gang du rab tu chud za ba dang / rab tu chud mi za ba dang / de gnyi ga'i thabs dang / de gnyi ga'i rab tu dbye ba ston pa ste/ dper na legs par skyes pa'i mdo las rab tu chud za ba ni phyi nang gi rdzas la lhag par chags pa'o//de la phyi'i rdzas ni khyim dang chung ma la sogs pa'i mtshan nyid do/ /nang gi rdzas ni nye bar len pa'i phung po lnga'i mtshan nyid do/ /rab tu chud mi za ba ni de gnyi ga la lhag par chags pa dang bral ba'o/ /rab tu chud mi za ba'i thabs ni de rab tu mi 'byung ba dang / rab tu byung nas kyang zag pa zad par bya ba la bag byed pa'o//de las bzlog pa ni chud mi za bar bya ba'i thabs su blta bar bya'o/ /de la kye ma rigs kyi bu legs par skyed pas 'di ni gnyis kyis mdzes te/ skra dang kha spu bregs pa nas rab tu byung ba'i bar dang / gang zag pa zad pa nas rab tu shes so zhes bya ba'i bar 'dis chud mi za ba dang /de'i thabs nye bar bstan nas de las bzlog pa'i mtshan nyid du chud za ba dang / de'i thabs bstan par 'gyur ro/ /chud mi za ba rab tu dbye ba'i tshigs su bcad pa'i dbyangs kyis rab tu bstan pa/ dge slong 'di ni mdzes pa ste/ /nye bar zhi zhing zag pa zad/ /ces bya ba'o/ /de ltar rab tu byung ba dang /zag pa zad pa yongs su bstan to/ /zag pa zad pa de yang / 'dod chags bral zhing bral ba ste/ /nyer len med pas mya ngan 'das/ /bdud kyi sde ni pham byas nas/ /lus kyi tha ma 'dzin pa yin/ /zhes bya ba ste/ 'di ni 'jig rten pa'i lam la 'dod chags dang bral nas/ 'jig rten las 'das pa'i lam gyi tha ma'i cha dang mthun pa'i kun du sbyor ba spangs pa dang /gong ma'i cha dang mthun pa'i kun du sbyor ba yang spangs pa dang / nang gi rdzas spangs par yongs su bstan to/ /rgyu dang 'bras bu zad pa'i skabs yin pas kyang 'dir bstan par blta bar bya'o/ /'di las bzlog pa ni rab tu chud za ba'i dbye ba bstan par blta bar bya'o//gang zag rnam par gzhag pa'i sgo ni/ gang du gang zag 'di snyed kyi dbang du byas nas 'di gsungs so zhes bya bar ston pa ste/ dper na chu las gyur pa lta bu'i mdo las 'byung ba 'di lta ste/ de ni gang zag gnyis dang / gsum dang / bzhir rab tu dbye ba'i dbang du mdzad nas gsungs pa ste/ so so'i skye bo dang / bden pa mthong ba'o/ /so so'i skye bo gsum du rab tu phye nas blta bar bya ste/ dkar po ma yin pa dang / cung zad dkar ba dang / cher dkar ba'o/ /bden pa mthong ba ni bzhir rab tu dbye ste/ 'bras bu la gnas pa bzhi'o/ /gsum ni slob pa'o/ /gcig ni mi slob pa'o/ /rab tu dbye ba rnam par gzhag pa'i sgo ni/ gang du mu bzhi la sogs pa'i dri ba rnams kyi don de brjod pa ste/dper na mi rtag pa'i mdo las/ gang gis 'di legs par mthong ba des gzugs thams cad mthong ngam/ gang gis gzugs thams cad mthong ba des 'di thams cad legs par mthong ngam zhes bya bar mu bzhi'o/ /mu dang po ni tshor ba la sogs pa phung po bzhi la rtag pa dang /gtsang ba dang / bde ba dang / bdag tu phyin ci log tu sgro ma btags par yongs su shes par bya ba dang spang bar bya ba ste yang dag par rjes su blta ba'o/ /mu gnyis pa ni gzugs la rtag pa dang / gtsang ba dang / bde ba dang / bdag tu phyin ci log tu sgro btags nas yongs su shes par bya ba dang / spang bar bya ba ma yin pa yang dag par rjes su blta ba'o//mu gsum pa ni gzugs la rtag pa dang / gtsang ba dang bde ba dang / bdag tu phyin ci log tu sgro ma btags par yongs su shes par bya ba dang spang bar bya ba yang dag par rjes su blta ba'o/ /mu bzhi pa ni tshor ba la sogs pa phung po bzhi la rtag pa dang / gtsang ba dang / bde ba dang / bdag tu phyin ci log tu sgro btags nas yongs su shes par bya ba ma yin pa dang /spang bar bya ba ma yin par yang dag par rjes su blta ba'o/ /gzugs la mu bzhi ji lta ba de bzhin du tshor ba la sogs pa thams cad la yang rgya cher blta bar bya'o/ /gang bya ba byas pa thams cad 'di las srid pa gzhan mi shes so zhes bya ba yin nam/gang 'di las srid pa gzhan mi shes pa de thams cad bya ba byas pa yin nam zhes bya ba'i bar du'o/ /smras pa/ mu bzhi ste/ mu dang po ni ji srid 'tsho'i bar du legs par spyad pa spyod pa'i so so'i skye bo'o/ /gnyis pa ni chad par lta ba la sogs pa'o/ /gsum pa ni mi slob pa'o/ /bzhi pa ni rnam pa de dag ma gtogs so zhes 'byung ba lta bu'o//tshul gyi sgo ni gang du tshul drug gis don brjod pa ste/ de kho na'i don gyi tshul dang / 'thob pa'i tshul dang bshad pa'i tshul dang / mtha' gnyis spangs pa'i tshul dang / bsam gyis mi khyab pa'i tshul dang / dgongs pa'i tshul gyis so/ /tshul drug po 'di dag las tshul gong ma gsum ni tshul 'og ma gsum gyis go rims bzhin du rig par bya ste/dper na ro myang ba'i mdo las dge slong dag gzugs la ro myang ba yod do zhes bya ba la sogs pas ni sgur pa 'debs pa'i mtha' dang / sgro 'dogs pa'i mtha' spangs nas de kha na'i don gyi tshul ston to/ /ro myang ba dang / nyes dmigs dang /nges par 'byung ba yod do zhes bya ba 'dis ni skur ba 'debs pa'i mtha' spangs so/ /gzugs nas rnam par shes pa zhes bya ba'i bar 'dis ni sgro 'dogs pa'i mtha' spangs te/ phung po tsam la kun nas nyon mongs pa'am/ rnam par byang bar zad kyi bdag ni med do zhes rab tu bstan to/ /dge slong dag ji tsam du ngas bla na med pa yang dag par rdzogs pa'i byang chub tu mngon par rdzogs par sangs rgyas so zhes bya bar nang du shes so zhes bya ba 'dis ni/mthong ba'i tshul bsam gyis mi khyab pa'i tshul gyis yongs su bstan te/ so so rang gis rig par bya ba mthong bar ston pa'o/ /mdo 'di thams cad ni bshad pa'i tshul lo/ / de yang dgongs pa'i tshul gyis khong du chud par bya ste/ yongs su shes par bya ba'i dngos po dang / yongs su shes par bya ba'i don dang / yongs su shes pa dang / yongs su shes pa'i 'bras bu dang / de rab tu shes pa la dgongs nas mdo 'di bshad do/ /de la yongs su shes par bya ba'i dngos po ni gzugs la sogs pa'o//yongs su shes par bya ba'i don ni ro myang ba la sogs pa ste/ rnam pa des gzugs la sogs pa'i dngos po yongs su shes pa'i phyir ro/ /yongs su shes pa de ni nye bar len pa'i phung po lnga po de dag de ltar gsum du bsgyur bas yang dag pa ji lta ba bzhin du rtogs pa'i shes pa'o//yongs su shes pa'i 'bras bu ni lha dang bcas pa'i 'jig rten 'di las zhes bya ba nas/ lha dang mir bcas pa zhes bya ba'i bar las 'gro bas na rnam par rab tu grol zhes pa'i bar du'o/ /de rab tu shes pa ni bla na med pa yang dag par rdzogs pa'i byang chub tu mngon par rdzogs par sangs rgyas pa nang du shes so zhes bya ba'o//yongs su shes pa la sogs pa'i sgo ni/ gang du de kho na'i mtshan nyid las brtsams nas yongs su shes pa'i mtshan nyid dang / spong ba'i mtshan nyid dang / mngon sum du byed pa'i mtshan nyid dang / bsgom pa'i mtshan nyid dang / de kho na'i mtshan nyid la sogs pa 'di dag gi rnam pa rab tu dbye ba'i mtshan nyid dang /gnas dang gnas pa 'brel ba'i mtshan nyid dang / yongs su shes pa la sogs pa'i bar du gcod pa'i chos kyi mtshan nyid dang / rjes su mthun pa'i mtshan nyid dang / yongs su ma shes pa la sogs pa dang / yongs su shes pa la sogs pa la nyes dmigs dang phan yon gyi mtshan nyid kyis don ston pa ste//dper na ro myang ba'i mdo de nyid las 'byung ba de la de kho na'i mtshan nyid nye bar len pa'i phung po lngas bsdus pa sdug bsngal gyi bden pa'o/ /yongs su shes pa'i mtshan nyid ni ro myang ba la sogs pas de nyid yang dag pa ji lta ba bzhin du shes pa'o//spong ba'i mtshan nyid dang / mngon sum du byed pa'i mtshan nyid ni/ /'jig rten thams cad las rnam par grol ba ste/ sgrib pa spong ba dang / gnas su gyur ba mngon sum du byed pa'i phyir ro/ /bsgom pa'i mtshan nyid ni phyin ci log dang bral ba'i sems kyis lan mang du gnas pa'o/ /rnam pa rab tu dbye ba'i mtshan nyid ni/de kho na'i mtshan nyid rnam pa lngar dbye ba ste/ gzugs nas rnam par shes pa'i bar du ste yongs su shes pa'i mtshan nyid ni rnam pa gsum du dbye ba ste/ ro myang ba la ro myang ba dang / nyes dmigs la nyes dmigs dang / nges par 'byung ba'i bar la nges par 'byung ba'i bar yang dag pa ji lta ba bzhin du rab tu shes so//spong ba'i mtshan nyid dang / mngon sum du byed pa'i mtshan nyid ni rnam pa gnyis su dbye ste/ nyon mongs pa las rnam par grol ba dang / sdug bsngal las rnam par grol ba'o/ /de la lha dang bcas pa'i 'jig rten zhes bya ba nas/ lha dang mir bcas pa'i skye dgu'i bar las grol ba ni nyon mongs pa rnams las rnam par thar pa'i phyir ro//de bas na de bye brag tu byed pa'i phyir nges par 'byung ba zhes bya ba gsungs te/ 'di ltar mdo gzhan las nges par 'byung ba gang zhe na gang 'dir 'dun pa dang / 'dod chags 'dul ba dang / 'dun pa dang / 'dod chags spong ba dang / 'dun pa dang 'dod chags las yang dag par 'das pa'o zhes gsungs so//de ltar ma 'ongs pa'i sdug bsngal mngon par 'grub par byed pa'i nyon mongs pa dang bral na/ /sdug bsngal las kyang rnam par grol bar 'gyur ro zhes bye brag tu bya ba'i phyir/ bral ba dang rnam par rab tu grol zhes bya ba gsungs so/ /bsgom pa'i mtshan nyid rnam pa gnyis su dbye ste/mthong ba'i lam dang / bsgom pa'i lam mo/ /de la phyin ci log dang bral ba'i sems kyis zhes bya bas ni mthong ba'i lam ston to/ /lan mang du gnas par 'gyur ro zhes bya ba 'dis ni bsgom pa'i lam ston to/ /gnas dang gnas pa 'brel ba'i mtshan nyid ni/ de kho na'i mtshan nyid la sogs pa 'og ma gong ma'i gnas yin par ston pa'i phyir ro//yongs su shes pa la sogs pa'i bar du gcod pa'i mtshan nyid ni/ de ltar gsum du sbyar ba yang dag pa ji lta ba bzhin du rnam par mi shes pa'o/ /rjes su mthun pa'i mtshan nyid la gzugs la sogs pa 'di dag ji ltar gnas pa bzhin du nyes dmigs la sogs par rnam par dpyod pa'o//yongs su mi shes pa las nyes dmigs kyi mtshan nyid ni mi grol ba na bla na med pa yang dag par rdzogs pa'i byang chub mngon par rdzogs par 'tshang mi rgya ba'i bar du'o/ /de las bzlog pa ni phan yon gyi mtshan nyid du rig par bya'o/ /stobs dang stobs ma yin pa'i sgo ni/ gang du tshig gcig ma brjod na don 'di go bar mi 'gyur bas tshig so so thams cad kyi nus pa ston pa ste/dper na rten cing 'brel bar 'byung ba'i mdo las 'di yong bas 'di 'byung / /'di skyes pa'i phyir 'di skyes te/ 'di ltar ma rig pa'i rkyen gyis 'du byed rnam par shes zhes bya ba la sogs pa lta bu'o/ /tshig 'di dag gis so so'i nus pa ni/ji ltar gong du rten cing 'brel bar 'byung ba'i mtshan nyid bshad pa bzhin du rig par bya'o/ /bzlas te brjod pa'i sgo ni gang du mdo'i tshig gcig bzung nas rgya cher don yang dag par ston pa ste/ dper na chos drug dang ldan pa'i dge slong ni kha'i dbugs kyis ri'i rgyal po gangs ri yang 'thor na/ ma rig pa bag chags dang bcas pa'i rtsod pa lta smos kyang ci dgos/drug gang zhe na dge slong dag 'di la dge slong sems bskyed pa la mkhas pa yin pa nas thabs la mkhas pa yin no zhes bya ba'i bar du gsungs pa lta bu'o/ /mdo 'di las bskyed pa dang / gnas pa dang / ldang bar byed pa dang / 'phel ba dang / 'bri ba dang /thabs zhes gsungs so/ /ji ltar na dge slong sems bskyed la mkhas pa yin zhe na/ 'di la dge slong ni 'dod pa las dben pa nas/ bsam gtan bzhi pa'i bar du rdzogs par byas nas gnas te/ de ltar na dge slong sems bskyed pa la mkhas pa yin no/ /ji ltar na dge slong sems gnas pa la/ mkhas pa yin zhe na/ 'di la dge slong ni kun du brten pa'i rgyu'i bar gyis gang nyams pa'i cha dang mthun pa'i bsam gtan de gnas pa'i cha dang mthun par byed de/ de ltar na dge slong gnas pa la mkhas pa yin no/ /ji ltar na dge slong ldang bar byed pa la mkhas pa yin zhe na/ 'di la dge slong ni kun du rten rgyus gnas pa'i cha dang mthun pa'i bsam gtan te/khyad par du gyur pa'i cha dang mthun par byed de/ de ltar na dge slong ldang bar byed pa la mkhas pa yin no/ /ji ltar na dge slong 'phel ba la mkhas pa yin zhe na/ 'di la dge slong ni/ dge ba'i chos ma skyes pa rnams zhes bya ba yang dag par spong ba gnyis rgya cher byas te/de ltar na dge slong 'phel ba la mkhas pa yin no/ /ji ltar na dge slong 'bri ba la mkhas pa yin zhe na/ 'di la dge slong ni sdig pa mi dge ba'i chos ma skyes pa rnams zhes bya ba yang dag par spong ba gnyis rgyas par byas te/ de ltar na dge slong 'bri ba la mkhas pa yin no//ji ltar na dge slong thabs la mkhas pa yin zhe na/ 'di la dge slong ni 'dun pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa bsgom mo zhes bya ba la sogs pa rdzu 'phrul gyi rkang pa bzhi rgya cher sbyar te/ de ltar na dge slong thabs la mkhas pa yin no zhes 'byung ngo //mngon par sgrub pa'i sgo ni/ gang du tshig ra re la yang mu bzhi sogs par ston pa ste/ bzhi pa la sogs pa de dag gi tshig re re la yang / gzhan bzhi pa la sogs pas thug pa med par mngon par sgrub par rig par bya ste/ /dper na sangs rgyas rtsom pa'i mdo las/bzhi po 'di dag ni byang chub sems dpa' sems dpa' chen po rnams kyis byang chub yongs su sbyong bar byed pa'i chos rnams te/ stong pa nyid bsgom pa dang / sems can thams cad la zhe 'gras pa med pa'i sems dang / byang chub sems dpa' rnams la rtag tu phan pa nye bar bsgrub pa dang /zang zing med pa'i sems kyis sbyin pa yang dag par rab tu ston pa'o zhes bya ba 'di ni bdag gi don dang gzhan gyi don las brtsams te byang chub yongs su sbyong ba'i phyir/ mi mthun pa'i phyogs bzhi'i gnyen por rig par bya'o/ / mi mthun pa'i phyogs bzhi ni snyoms par 'jug pa'i ro myang ba dang / gnod sems dang / nga rgyal dang / rnyed pa dang / bkur sti la sred pa'o/ /rnam grangs gzhan du na chos dang pos ni nyon mongs pa spong ba'i gnyen po bstan to/ /lhag ma rnams kyis ni rgyu gsum gyi theg pa dman pa yongs su spong ba bstan te/byang chub kyi sems kyis sems can thams cad nye bar 'dzin pa dang / zhugs pa yongs su smin par byed pa dang / ma zhugs pa 'jug par byed pas so/ /rnam grangs gzhan du gcig gis ni ye shes kyi tshogs yongs su bstan to/ /gsum gyis ni bsod nams kyi tshogs yongs su bstan te/nye bar len pa dang / yongs su smin par byed pa dang / 'jug pa rnams re res bsod nams kyi khyad par skyed pa'i phyir ro/ /yang rgyu gnyis kyis rig par bya ste/ bsam pas ni byams pa'i sems su'o/ /sgrub pas ni thob pa dang lung du nye bar ston par rig par bya'o//chos bzhi dang ldan na byang chub sems dpa' stong pa nyid bsgom ste/ nang du sems rnam par mi rtog pa dang / mos pa la rab tu rnam par 'byed pa'i stobs skyed pa dang chos thams cad ji lta ba bzhin du rtog par byed pa dang / sgrib pa thams cad las rnam par thar pa ste/ 'di dag gis ni gang la brten nas 'jig rten bsgom pa ste yongs su brten to/ /gang la brten nas she na/ bsam gtan gyi pha rol tu phyin pa'o/ /ji ltar bsgom zhe na/ so so'i skye bo'i lam gyis thos pa dang / bsam pa'i stobs bskyed pa dang / slob pa'i lam dang / mi slob pa'i lam gyis so//byang chub sems dpa' chos bzhi dang ldan na/ sems can thams cad la zhe 'gras pa med pa'i sems dang ldan pa yin/ byams pa bsgom pa dang / sgrub pa la rnam par mi 'khrug pa dang / mtshan ma la rnam par mi rtog pa dang / skyo ba bzod pa'o/ /'dir yang gang la brten nas ji ltar zhe 'gras pa med pa'i sems dang ldan pa yin pa de yongs su bstan to//gang la brten nas shes she na/ tshe rabs snga ma'i byams pa bsgoms pa bsgom pa las so/ /ji ltar zhe 'gras pa med pa'i sems dang ldan pa yin zhe na/ /log par bsgrub pa la gnas pa rnams la sems rnam par mi 'khrugs pa dang /gnod par byed pa rnams la gnod par byed pa'i mtshan mar mi rtog pa dang / gzhan la phan pa'i don du rtsol ba la yongs su mi skyo ba'o/ /byang chub sems dpa' chos bzhi dang ldan na/ byang chub sems dpa' rnams la rtag tu phan pa nye bar bsgrub pa yin te/ bdag yongs su 'jal ba dang /yang dag pa'i gdams pa la 'jug pa dang / /des shing 'grogs na bde ba dang / mchod pa dang / rnyed pa dang / bkur sti dang / bsnyen bkur byas pa nye bar bsgrub pa'o/ /'dir yang gang la brten nas ji ltar bsgrub pa de yongs su bstan to/ /gang la brten nas she na/ nga rgyal bcag pa la'o//ji ltar nye bar bsgrub ce na/ ji skad bstan pa rnams la gsum gyis dman pa dang / 'bring po dang / khyad par du 'phags pa'i byang chub sems dpa' rnams la go rims bzhin no/ /byang chub sems dpa' chos bzhi dang ldan na/ zang zing med pa'i sems kyis chos kyi sbyin pa yang dag par rab tu ston to//bar du gcod pas legs par rab tu rtog pa dang / rmongs pa dang / bying ba sel ba la mkhas pa dang / yid bde ba nye bar sgrub pa dang / mgon med pa'i chos la dga' ba'o/ /'dir yang gang la brten nas/ ji ltar yang dag par rab tu ston pa de yongs su bstan to/ / gang la brten nas she na/ rnyed pa dang / bkur stis bar du gcod par byed pa nyid du legs par rtogs pa la'o/ /ji ltar yang dag par rab tu ston ce na/ rmongs pa med pa rnams la yang dag par rab tu ston pa dang / bag med pa la chags pa dang / bdag dman par 'dzin pas zhum pa rnams las yang dag par 'dzin du 'jug pa dang /yang dag par gzengs bstod pa dang yang dag par zhugs pa rnams la yang dag par rab tu dga' bar byed pa dang / rang bzhin gyis chos la dga' bas so/ /de ltar bzhi pa gzhan ni bzhi pa dang po'i tshig rab tu dbye ba la mngon par bsgrub par rig par bya'o/ /rab tu phye nas kun du bstan pa rnam nges gang //ji skad du bstan pa'i chos rnams la ci rigs su sbyar te/ gcig nas rtog pa dang / tshig gong ma dang sbyor ba dang / /tshig 'og ma dang sbyor ba dang / mu gnyis pa dang / mu gsum pa dang / mu bzhi pa dang / de de bzhin no zhes bya ba dang spong ba'o//rab tu phye nas kun du bstan pa rnam par nges pa ni/ ji skad du bstan pa'i phung po la sogs pa'i chos rnams la gcig nas rtog pa la sogs pa ci rigs su sbyar ro/ /de la gcig nas rtog pa zhes bya ba'i dri ba ni gang gis chos gcig chos lhag ma gzhan rnams dang lhan cig tu re re nas dris nas de bor te/des gnyis pa yang gzhan rnams dang lhan cig tu 'dri ba'o/ /de bzhin du re re nas thams cad dri ba ste/ dper na gang mig gi skye mched dang ldan pa ste/ gzugs kyi skye mched dang yang ldan nam/ gang gzugs kyi skye mched dang ldan pa de mig gi skye mched dang yang ldan nam zhes bya ba ni tshig gong ma dang sbyor ba'o//gang mig gi skye mched dang ldan pa de rna ba'i skye mched dang yang ldan nam zhes bya ba 'di la mu bzhi'o/ /de bzhin du yid kyi skye mched dang yang ldan zhes bya ba'i bar du 'di ci rigs su sbyar bar bya'o/ /de chos kyi skye mched dang yang ldan nam zhes bya ba 'di tshig gong ma dang sbyor ba'o//gzugs kyi skye mched dang yang ldan pa gang yin pa ste/ mig gi skye mched dang yang ldan nam/ gang mig gi skye mched dang ldan pa de gzugs kyi skye mched dang yang ldan nam zhes bya ba 'di ni tshig 'og ma dang sbyar ro/ /gang gzugs kyi skye mched dang ldan pa de ni rna ba'i skye mched dang yang ldan nam zhes bya ba 'di yang tshig 'og ma dang sbyar ba'o//de bzhin du chos kyi skye mched dang yang ldan nam zhes ci rigs su sbyar bar bya'o/ /gang rna ba'i skye mched dang ldan pa de mig gi skye mched dang yang ldan nam zhes bya ba 'di la mu bzhi'o/ /de bzhin du chos kyi skye mched kyi bar du yang sbyar bar bya'o//de ltar re re nas brtsams pa'i tshul gyis skye mched thams cad phan tshun du sbyar bar bya'o/ /tshig 'og ma dang sbyar ba gnyis pa ni/ chos 'ga' zhig la brtsams nas phan tshun 'dri na/ chos gong ma la brten nas gang lung ston pa ste/ dper na shes pa gang yin pa shes bya de'am zhes bya ba gang yin pa shes pa'ang zhes bya ba de tshig gong ma dang sbyor ba ste/shes pa gang yin pa shes bya'ang de yin no/ /shes bya yid la shes pa ma yin pa'ang yod de/ de las gzhan pa'i chos rnams so/ /tshig 'og ma dang sbyor ba ni de bzhin du gnyis gnyis dris pa la gang phyi ma la brten nas gang du lung ston pa ste/dper na gzung ba gang yin pa 'dzin pa'ang de'am/ 'dzin pa gang yin pa gzung ba'ang de'am zhes bya ba ni tshig 'og ma dang sbyor ba ste/ 'dzin pa gang yin pa gzung ba'ang de'o/ /gzung ba yin pa la 'dzin pa ma yin pa'ang yod de/gzugs la sogs pa yul lnga po de dang mtshungs par ldan pa ma gtogs pa'i chos kyi skye mched do/ /mu gnyis pa ni gang du mu gnyis ston pa ste/ de bas gzhan pa med pa'i phyir ro/ /dper na phung po rnam par gzhag pa dang / khams rnam par gzhag pa la brten nas brjod pa ste/ phung po'i grangs gang yin pa de khams kyang de'am/ khams kyi grangs gang yin pa phung po'i grangs kyang de'am zhes bya ba ni mu gnyis te/ phung po'i grangs yin la khams kyi grangs ma yin pa'ang yod de/ gzugs kyi phung po dang / rnam par shes pa'i phung po'o/ /'di ltar gzugs kyi phung po'i mtshan nyid mtha' dag gam/rnam par shes pa'i phung po'i mtshan nyid mtha' dag khams gcig tu gyur pa med do/ /khams kyi grangs yin la/ phung po'i grangs ma yin pa'ang yod de/ chos kyi khams so/ /mu gsum pa ni gang du mu gsum kho na ston pa ste/ dper na phung po'i grangs gang yin pa skye mched kyi grangs kyang de'am zhes bya ba ni mu gsum pa ste/phung po'i grangs yin la skye mched kyi grangs ma yin pa yang yod de/ gzugs kyi phung po'i/ /skye mched kyi grangs yin la phung po'i grangs ma yin pa'ang yod de/ chos kyi skye mched do/ /phung po'i grangs kyang yin la skye mched kyi grangs kyang yin pa'ang yod de/rnam par shes pa'i phung po dang yid kyi skye mched do/ /de gnyi ga ma yin pa'i grangs ni phung po dang skye mched la med do/ /mu bzhi pa ni gang du mu bzhi ston pa ste/ mig gi dbang po dang ldan pa de'am/ rna ba'i dbang po dang ldan pa mig gi dbang po dang ldan pa de'am zhes bya ba mu bzhi pa ste/mu dang po ni mig skyes shing ma nyams pa la 'on pa'o/ /mu gnyis pa ni rna ba skyes shing ma nyams pa la long ba'o/ /mu gsum pa ni mig dang rna ba skyes pa la ma nyams pa'o/ /mu bzhi ba'i ni rnam pa de dag ma gtogs pa'o/ /de de bzhin no zhes bya ba ni gang du dris pa lung bstan pa la de de bzhin no zhes brjod pa ste/de de bzhin no zhes khas len zhes bya ba'i tha tshig go/ /dper na gang dag mi rtag pa de thams cad 'du byed yin nam/ 'du byed gang yin pa de thams cad mi rtag pa'am zhes dris pa la de bzhin no zhes bstan par bya'o/ /spang ba ni gang du ma yin zhes spangs pa ste/dper na phung po la ma gtogs pa'i 'du byed rnams bden pa gang dag gis bsdus zhes zer ba la/ phung po las ma gtogs pa'i 'du byed dag med do zhes spong ba'o/ /yang dag par dri ba rnam nges gang / rnam pa brgyad de/ ci zhes brjod pa yang dag par dri ba rnam nges dang /'di lta ste/ su zhig mi dmigs she na/ shes rab kyi pha rol tu phyin pa thob pa'i byang chub sems dpa'o/ /ci mi dmigs she na gzung ba'i mtshan nyid dang / 'dzin pa'i mtshan nyid do/ /gang gis ni mi dmigs she na/ shes rab kyi pha rol tu phyin pas so/ /ci'i phyir mi dmigs she na/sems can thams cad yongs su bskyab pa dang / bla na med pa yang dag par rdzogs par byang chub par bya ba'i phyir ro/ /gang las mi dmigs she na/ sangs rgyas 'byung ba mnyes par byed pa dang / dam pa'i chos nyan pa dang / tshul bzhin yid la byed pa dang / chos kyi rjes su mthun pa'i chos bsgrub pa las so//gang gis mi dmigs she na/ chos thams cad kyi'o/ gang du mi dmigs she na/ mos pa spyad pa'i sa nas sa bcu'i bar du'o/ /rnam pa du zhig gis mi dmigs she na/ rnam pa bcu gcig ste/ skyes nas 'gag pa dang / ma skyes pa dang / mngon du gyur pa dang /rgyu'i stobs las byung ba dang / mdza' bo'i stobs las byung ba dang / chos thams cad mi dmigs pa dang / stong pa nyid mi dmigs pa dang / nga'o snyam pa'i nga rgyal dang bcas pa dang / nga'o snyam pa'i nga rgyal med pa dang / tshogs ma bsags pa dang / tshogs bsags pa'o//mi dmigs pa 'di dag ni gang ci yang rung ste/ 'das pa dang ma 'ongs pa dang / da ltar byung ba dang / nang dang / phyi'i dang / rags pa dang / phra ba dang / ngan pa dang / bzang po dang / rgyang ring ba dang / thag nye ba zhes bya ba 'di dag gi go rims kyi tshul gyis blta bar bya'o/ /ci brjod pa la ji lta bar gang brjod pa la'ang de bzhin no zhes bya ba ni/gang zhig mi dmigs pa dang / gang dang gang gis dang / gang gi phyir dang / gang las dang / gang gi dang / gang du mi dmigs pa dang / ji snyed cig mi dmigs pa'o/ /yang rnam nges kyi lam bzhi ste/ sun 'byin par byed pa la sogs pa'o//sun 'byin par byed pa dang / sgrub par byed pa dang / gcod par byed pa dang / khong du chud par byed pa'o/ /de la sun 'byin par byed pa ni/ gzhan gyi phyogs nyes par smras pa'ang 'di legs pa ma yin no zhes rnam par 'byed pa'o/ /sgrub par byed pa ni rang gi phyogs legs par smras pa la 'di ni legs pa'o zhes rjod par byed pa'o//gcod par byed pa ni gzhan dag gis the tshom skyes pa'am ma skyes pa la rnam par nges par 'byin par byed pa'o/ /khong du chud par byed pa ni/ don de dang de dag la rmongs pa rnams la don de ston par byed pa'o/ /bsdu ba rnam nges gang /gnas bcu'i rnam nges bsdus par 'gyur te/ gnas bcu gang bya ba bsgrub pa rnam nges dang / 'jug pa'i rnam nges dang / mos pa rnam nges dang / rig pa rnam nges dang / yang dag pa'i gtam rnam nges dang / rab tu rtogs pas rnam nges dang / rnam par dag pas rnam nges dang /mngon par bsgrub pas rnam nges dang / tshig rab tu dbye bas rnam nges dang / lhun gyis grub pa dang rtsol ba tsam gyis don thams cad 'grub pa rnam nges so/ /de la bya ba bsgrub pa rnam nges gang zhe na/ 'jig rten phan tshun du 'tsho ba'i thabs la sogs pa'i dgos pa bsgrub pa'o//'jug pa rnam nges gang zhe na/ theg pa gsum po dag las shes pa gang la 'jug par bya zhing gzhug par bya zhes rnam par dpyad pa'o/ /mos pa rnam par nges pa gang zhe na/ thos pa las byung ba'i shes rab kyis ji ltar thob pa bzhin du yid ches pa'o/ /rig pa rnam par nges pa gang zhe na/bsams pa las byung ba'i shes rab kyis snga phyi'i dgongs pa yongs su 'jal ba'o/ /yang dag pa'i gtam gyi rnam nges gang zhe na/ ji ltar thos pa dang bsam pa rnams dri ba dang / phyir 'dri bar bya ba'i tshul gyis phan tshun chos la rdzogs par longs spyod pa'o//rab tu rtogs pas rnam nges gang zhe na/ mthong ba'i lam ste des bden par rab tu rtogs pa'i phyir ro/ /rnam par dag pas rnam par nges pa gang zhe na/ bsgom pa'i lam ste/ de nyon mongs pa ma lus par spong ba'i phyir ro/ /mngon par bsgrub pas rnam par nges pa ni khyad par can gyi lam ste des yon tan khyad par can mngon par bsgrub pa'i phyir ro//tshig rab tu dbye bas rnam nges gang zhe na/ gnyis pa dang / gsum pa dang / bzhi pa la sogs pa'i rnam pa mngon par bsgrub pa'i sgo nas chos ston pa mtha' yas so/ /lhun gyis grub pa dang rtsol ba tsam gyis don thams cad 'grub pa rnam nges gang zhe na/de bzhin gshegs pa'i ye shes te/ sngon gyi rtsol ba med par yang don thams cad la rtsol ba med la chags pa med pa dang thogs pa med pa'i ye shes mthong ba la 'jug pa'i phyir ro/ /smra ba rnam nges dang / smra ba dang / smra ba'i zhal ce ba dang / smra ba'i gzhi dang /smra ba'i rgyan dang / smra ba la chad pas bcad pa dang / smra ba las byung ba dang / smra ba las gces spras byed pa'i chos rnams so/ /smra ba'i zhal ce ba la sogs pa la mkhas pa ni/ smra ba rnam par nges par brjod do/ /de la smra ba gang / smra ba dang / rmad khyer ba smra ba dang /rtsod pa smra ba dang / tshig ngan pa smra ba dang / mthun par smra ba dang / gdams par smra'o/ /de la smra ba ni tshig brjod pa thams cad do/ /rmad khyer ba smra ba ni 'jig rten na grags pa'o/ /'jig rten na rnam par smra ba ni rmad khyer bar smra ba'o/ /rtsod pas smra ba ni phan tshun mi mthun par gnas pa'o//gang zhig 'gal ba dag la rtsod pa ni rtsod pa smra ba'o/ /tshig ngan smra ba ni phan tshun tshig brlang pos nye bar gnas pa'o/ /gang dag ngan pa smra ba'o/ /mthun par smra ba ni ye shes mthong ba rnam par dag pa dang rjes su mthun pa'i yang dag pa'i gtam rnam nges so/ /rjes su mthun par smra ba ni/rjes su mthun pa'i yang dag pa'i gtam gyis gtan la 'bebs pa'o/ /gdams pa smra ba ni/ sems mnyam par ma gzhag par mnyam par gzhag par bya ba dang / sems mnyam par gzhag pa rnam par thar par bya ba'i phyir bstan pa'o/ /dbang du bya ba'i phyir gdams ngag brjod pa ni gdams par smra ba'o//smra ba'i zhal ce ba ni rgyal po bzhugs pa dang / bskos pa 'du ba'i sa dang / 'dus pa dang / tshad mar rung ba'i zla grogs rnams dang / dge sbyong dang / bram ze chos dang don la mkhas pa rnams so/ /'di lta ste/ rgyal po'i pho brang gang na rgyal po nyid bzhugs pa'o/ / bskos pa 'du ba'i sa ni/ gang du rgyal pos bskos pa rnams 'dus pa'o/ /'dus pa ni tshong pa 'dus pa la sogs pa'o/ /tshad mar rung ba'i zla grogs ni gang dag gi tshig rgol ba dang / phyir rgol ba gnyi gas mi gcag pa'o/ /dge sbyong dang bram ze chos dang don la mkhas pa ni/ gang dag bstan bcos de dang de dag gi tshig dang don la blo byang ba'o//smra ba'i bzhi bsgrub pa dang sgrub pa'o/ /smra ba'i gzhi ni gang smra ba'i gnas su byed pa ste/ 'di lta ste/ bsgrub pa dang / sgrub pa'o/ /bsgrub pa ni ngo bo nyid dang khyad par ro/ /sgrub pa ni dam bca' dang / gtan tshigs dang / dpe dang / nye bar sbyor ba dang /mjug sdud dang / mngon sum dang / rjes su dpag pa dang / yid ches pa'i lung ngo / /de la ngo bo nyid sgrub pa ni/ bdag gi ngo bo nyid dang / chos kyi ngo bo nyid dang / yod do zhe'am/ med do zhes pa'o/ /khyad par ni bdag gi khyad par dang / chos kyi khyad par ro/ /thams cad du song ba'am/thams cad du song ba ma yin pa'am/ rtag pa'am/ mi rtag pa'am/ gzugs can nam/ gzugs can ma yin pa zhes bya ba la sogs pa'i rnam pa rnams kyis so/ /dam bca' ba ni bdag 'dod pa sgrub pa'i don gzhan la go bar ston pa'o/ /gal te sgrub pa ma smos na bdag gi phyogs grub zin pa yang gzhan dag la bstan pas dam bca' bar 'gyur ro//gal te bdag 'dod pa'i don ma smos na ni/ gzhan gyi phyogs sgrub pa'i tshig kyang dam bca' bar 'gyur ro/ /gal te gzhan ma smos na ni gcig pu yang tshig de dag dam bca' bar 'gyur ro/ /gal te go ba ma smos na ni lus kyi don de brda sprod pa yang dam bca' bar 'gyur ro//gal te ston pa ma smos na ni nyan pa rnams kyis don de ma shes pa yang dam bca' bar 'gyur ro/ /ji ltar bstan pa bzhin du rnam par gzhag pa la nyes pa 'di dag thams cad med par 'gyur te/ de lta bas na 'di rnam par gzhag par rig par bya'o//gtan tshigs ni sgrub pa po de nyid la ma grags pa'i don yid ches par byed pa'i rgyu mngon sum du dmigs pa dang / mi dmigs pa bsnyad pa'o/ /yid ches par byed pa'i rgyu'i don ni 'dir gtan tshigs kyi don zhes bya bar ston te/ 'di ltar mngon sum du dmigs pa dang / ma dmigs pa zhes bstan pa 'dis bsgrub pa de nyid la ma grags pa'i don la yid ches pa bskyed pa ste/des na bsnyad pa'i rgyur gyur pa'i phyir gtan tshigs zhes brjod do/ /mngon sum du dmigs pa dang mi dmigs pa ni/ ngo bo nyid dang tshul gyis dbang du bya bar rig par bya'o/ /dpe ni mtha' mthong ba dang mtha' ma mthong ba mtshungs par sbyar zhing bsnyad pa'o//grags pa'i chas ma grags pa'i cha rtogs par bya ba'i phyir bsnyad ces bya ba'i tha tshig go/ /nye bar sbyor ba ni lhag ma de dang 'dra ba yang de'i chos sbyar ba'i phyir tshul gyis mthun par bsnyad pa'o/ /ji ltar bsgrub pa'i don yan lag gsum gyis bsgrub pa de bzhin du/lhag ma de dang 'dra ba bsgrub pa rnams la yang grub pa'i don gyi chos sbyar ba'i phyir/ tshul gyis mthun par bsnyad par ci rigs pas 'dra bar ston pa ni nye bar sbyor ba'o/ /mjug sdud ni mthar phyin par bsnyad pa'o/ /gang gi phyir de ltar rigs legs par 'thad pa de'i phyir 'di ni de bzhin no zhes bya ba 'di ni mjug sdud du rig par bya'o//dam bca' ba la sogs pa 'di dag ni dpe brjod pa tsam 'di rab tu bstan par bya ste/ dper na rtsod pa'i phyir rgol ba dang bcas pa de la bdag med par smra bas bdag med do zhes bya ba'i tshig gis ni dam bca' ba'o/ /phung po la 'dogs pa la nyes pa rnam pa bzhi dmigs pa'o zhes bya ba ni gtan tshigs te/bdag de la 'dogs na phung po la mtshan nyid du'am/ phung po rnams la'am/ phung po rnams las gzhan pa'am/ phung po med pa zhig tu gdags grang na/ de la gal te phung po'i mtshan nyid ces bya bar ni phung po de dag rang dbang med par rten cing 'brel bar 'byung ba dang /'jig pa'i chos can te/ bdag gi mtshan nyid du mi 'thad pas nyes par 'gyur ro/ /ji ste phung po rnams la 'dogs na ni/ des na phung po mi rtag pa la brten nas bdag mi rtag par gyur pa'i phyir nyes par 'gyur ro/ /ji ste phung po dag las gzhan du/ 'dogs na ni/ des na bdag lus med cing mi 'dogs pa'i phyir nyes par 'gyur ro/ /gal te phung po med par 'dogs na ni/ rang bzhin gyis grol ba ma 'dres pa yin pas thar par bya ba'i 'bad pa don med pa'i nyes par 'gyur ro/ /da ltar na 'das pa 'dogs pa bzhin no zhes bya ba ni dpe'o/ /'das pa de yod pa'i mtshan nyid kho nar 'dogs pa na da ltar gyi mtshan nyid du'am/da ltar byung ba la'am/ da ltar byung ba las gzhan du'am/ da ltar byung ba la mi ltos pa zhig tu gdags grang na/ de gal te da ltar gyi mtshan nyid du 'dogs na ni/ des na da ltar gyi byung ba ma 'gags pa yin pas de'i mtshan nyid 'das pa yang byung ba ma 'gags pa'i bdag nyid kyi nyes par 'gyur ro//ji ltar da ltar la 'dogs na des na ma 'gags pa ni 'gag pa'i bdag nyid dang 'brel bar mi rung bas nyes par 'gyur ro/ /ji ste da ltar las gzhan du 'dogs na ni/ des na da ltar bor na dngos po de ci yang mi dmigs te/ de la de 'dogs pa nyes par 'gyur ro//ji ste de da ltar la mi ltos na ni des na 'dus ma byas kyang 'das par 'gyur bas nyes par 'gyur ro/ /'das pa de ni mtshan nyid nyams pa'i phyir mtshan nyid kyis nyes par 'gyur ro/ /de'i phyir da ltar la 'dogs pa la nyes pa bzhi 'grub pa 'dis bdag med pa ma grub pa yang phung po la 'dogs pa la nyes pa rnam pa bzhi dmigs pa'i phyir med par rab tu grub bo//de ltar bdag tu phyin ci log pa bkag nas rigs pa 'dis rtag pa la sogs pa yang med do zhes 'dra bar ston pa ni nye bar sbyar ba'o/ /gang gi phyir de de ltar ma yin pa de'i phyir phung po lnga ni mi rtag pa nas bdag med do zhes bya ba ni mjug sdud pa'o//mngon sum ni rang gi don yod cing snang la ma nor ba'o/ /de la rang gi don ni 'di lta ste/ mig gi gzugs so/ /yod pa smos pa ni/ bum pa la sogs pa'i rdzas 'jig rten na mngon sum du grags pa rnams mngon sum ma yin par bsal ba'i phyir te btags pa tsam gyi phyir ro//snang ba smos pa ni bsgribs pa la sogs pa mi dmigs pa'i rgyu rnams kyis mi snang bar 'gyur ba'i yul bsal ba'i phyir ro/ /ma nor ba smos pa ni mgal me bskor ba dang / sgyu ma dang smig rgyu la sogs pa bsal ba'i phyir ro/ /rjes su dpag pa ni mngon sum gyi lhag ma la yid ches pa'o//mngon sum las gzhan pa gang yin pa ni lhag ma mngon sum ma yin pa ste/ nges pa de dang lhan cig gnas par mngon par mthong ba po la sngar rab tu grub pa'o/ /mngon sum du de la de lta bas na de las gzhan pa lhag ma la 'dir ni 'di de dang lhan cig gnas pa yin no zhes yid ches pa las byung ba de mngon sum mngon du song ba'i rjes su dpag pa ste/dper na du ba mthong ba la me lta bu'o/ /yid ches pa'i lung ni de gnyi ga dang mi 'gal bar ston pa'o/ /nye bar bstan pa gang la mngon sum dang rjes su dpag pa ste/ rnam pa thams cad du 'gal ba med cing 'khrul pa med pa ste/ yid ches par byed pa'i lung de ni yid ches par byed pa'i phyir ro//smra ba'i rgyan ni/ gang dang ldan na smra bar byed pa'i rtsod pa'i tshig shin tu mdzes pa'o/ /dpes bdag dang gzhan gyi gzhung lugs shes pa dang / tshig zur phyin pa phun sum tshogs pa gang / mi 'jigs pa dang / bstan pa dang / mthun par byed pa dang / smra ba chad pas bcad pa ni/de la bdag dang gzhan gyi gzhung lugs shes pa ni/ rang gi grub pa'i mtha' dang / gzhan gyi grub pa'i mtha' las brtsams te/ tshig dang don snga phyi rgyun chags par rnam par ston par lcogs pa'o/ /tshig zur phyin pa phun sum tshogs pa ni sgra smra ba 'og nas 'byung ba'i gtam gyis nyes pa las bzlog ste cal col la sogs med pa'i phyir ro//mi 'jigs pa ni dper brjod du ma la mngon par zhen pa can mkhas pa 'dus par yang smra zhing bag tsha ba med la zhum pa med pa'o/ /brtan pa ni phyir rgol ba'i tshig mjug tu phyin par bsdad nas yid dal du smra ba'o/ /mthun par byed pa ni rang bzhin gyis bzang bas gzu bo dang phyir rgol ba'i sems dang mthun pa'o//smra ba chad pas gcad pa ni/ gtam rjes gcad pa dang / gtam la 'phro lus pa dang / gtam gyi nyes pa'o/ /de rnams ni smra ba chad pas gcod pa rnam pa gsum mo/ /de rnams kyi smra ba chad pas gcad par bya'o/ /de la gtam rjes gcad pa ni/rang gi smra ba'i skyon khas blangs pa dang / gzhan gyi smra ba'i yon tan khas blangs pa'o/ /bdag gis ma legs so zhes khyod kyis legs so zhes bya ba la sogs pa'i rnam pa rnams kyis rang dang gzhan gyi smra ba'i skyon dang yon tan khas blangs pa'o/ /gtam 'phro lus pa ni 'di lta ste/ gzhan nas gzhan du brgyud pa'am/gtam gzhan smra ba ste mdo las ji skad 'byung ba bzhin no/ /gzhan nas gzhan du 'phros pa ni/ phyi rol gyi gtam gyi tshul te ji ltar mdo las gzhan nas gzhan du brgyud pa la sogs pas g.yeng bar byed pa'i tha tshig go/ /mdo las tshe dang ldan pa ts+tshan+di ka mu stegs rnams dang lhan cig rtsod par mi bya'o//rtsod pa mi shes pa shes par bya ba'i phyir te mi shes pa dang mi rtsod do zhes gang gsungs so/ /gtam gyis nyes pa ni/ cal col dang / 'khrugs pa dang / brda phrad du mi rung ba dang / ran pa ma yin pa dang / don dang ldan pa ma yin pa dang / dus tshigs ma yin par smra ba gang / mi brten pa dang / mi gsal ba dang /tshig rgyun chags pa ma yin pa'o/ /de la cal col ni gang skabs bor te gtam sna tshogs rgyas par byed pa'o/ /'khrugs pa ni gang / khros pas g.yengs pa dang / dga' bas g.yengs pa'o/ /brda phrad du mi rung ba ni/ gang chos dang don 'khor dang phyir rgol ba rnams kyis ma zin pa'o/ /ran pa ma yin pa ni/gang lhag pa dang zlos pa dang nyung ba'o/ /don dang ldan pa ma yin pa ni/ de rnam pa bcur blta bar bya ste/ don med pa dang / don dang bral ba dang / rigs dang bral ba dang / bsgrub par mtshungs pa dang / ltag chod dang ldan pa ste don mi dmigs pa'i phyir ro/ /don dang mi 'brel ba'i phyir ro/ / ma nges pa'i phyir ro/ /sgrub pa yang bsgrub dgos pa'i phyir ro/ /tshul bzhin ma yin pa dang / tshogs par byung ba ma yin pa dang / smra ba thams cad dang ldan pa'i phyir ro/ /dus tshigs ma yin par smra ba ni/ gang sngar smras pa ste phyis smra ba dang / phyis smra ba de sngar smra ba'o/ /mi brtan pa ni/ gang dam bcas nas smod pa dang /smad nas dam bca' ba dang / myur ches pas ha cang rtab rtab por gyur te mi gsal ba'o/ /tshig mi gsal ba ni gang sgra'i mtshan nyid 'gal ba dang / phyi ma bzlas par lan smra ba dang / legs par sbyar ba la brtsams te tha mal pas mthar byung ba dang / tha mal pas brtsams te legs par sbyar bas mthar phyung ba'o//tshig rgyun chags pa ma yin pa ni/ gang bar skabs su tshig dang spobs pa thogs pa dang / rgyun chad pa'o/ /smra ba las byung ba ni/ gang gis smra ba las byung ba ste/ smra ba'i yon tan dang nyes pa brtags nas mi phyed pas 'byung ba ni chad pa'i gnas su mi 'gyur ba'i phyir ro//byed pas 'byung ba ni/ mi gzhol ba'i phyir ro/ /de la phyir rgol ba snod ma yin pa dang / 'khor yon tan med pa dang / bdag kyang mi mkhas par rig nas smra bar mi bya ba dang / phyir rgol ba snod du gyur pa zhig gam/ 'khor yon tan dang ldan nam/ bdag kyang mkhas par rig nas smra bar byed do/ /de la phyir rgol ba snod ma yin pa ni/mi dge ba'i gnas nas blangs te dge ba'i gnas su gzhag par mi nus pa'o/ /'khor yon tan med pa ni tshogs pa rung ba ma yin pa dang / mngon par zhen pa can dang phyogs su lhung ba la sogs pa'o/ /bdag kyang mi mkhas pa ni/ smra ba nas smra ba'i rgyan gyi bar la ma byang ba'o/ /de las bzlog pa ni 'khor snod du gyur pa la sogs par rig par bya'o//smra ba la gces spras byed pa'i chos rnams ni/ gang dag smra ba rnams la ni gdon mi za bar dgos pa ste/ 'di lta ste/ bdag dang gzhan gyi gzhung lugs la mkhas pa ste/ bdag dang gzhan gyi gzhung lugs la mkhas pa ni smra ba la gces spras byed pa'i chos so//des thams cad du smra bar byed do/ /des gtam gyi gzhi thams cad smra bar byed do/ /mi 'jigs pa ni gang gis 'khor thams cad smra bar byed do/ /spobs pa ni gang gis thams cad du lan gdab pa shes pa'o/ /gang gi 'khor thams cad lan 'debs pa'o/ /yang bdag legs par 'dod par smra ba'i tshul shes par bya'i bcad cing smra bar ni mi bya ste/bcom ldan 'das kyis chos mngon pa'i mdo las ji skad gsungs pa lta bu ste/ gnas bcu gnyis mthong ba'i byang chub sems dpa' dge ba'i phyogs la brtson pa nan tan snying por byed pa/ sems can yongs su sdud pa dang / myur du bla na med pa yang dag par rdzogs pa'i byang chub mngon par rdzogs par 'tshang rgya bar 'dod pas gzhan dag dang rtsod par smra bar mi bya'o//bcu gnyis gang / dam pa'i chos don gyi mchog dang ldan pa'i bshad pa kun shes pa dkon pa dang / kun shes par bya ba'i bsam pas smra ba dkon pa dang / tshogs pas mkhas pa dang / rtog pa dang ldan pa rnams dkon pa dang / spong ba'i smra ba dang / phyogs ngan pa yongs su 'dzin cing mngon par zhen pa'i nyes pa dang / ngan g.yo smra ba'i nyes pa dang / dus ma yin par gtam la sbyor ba'i nyes pa dang / gtam khyad du gsod pa'i nyes pa dang / tshig brlang po'i nyes pa dang /yid 'khrugs pa'i nyes pa dang / gang nyes pa drug rnam par spangs te smra ba dkon pa dang / 'khrug pa med par smra ba dkon pa dang / gzhan gyi sems srung zhing smra ba dkon pa dang / ting nge 'dzin rjes su bsrung zhing smra ba dkon pa dang / rgyal ba'am pham pa'i sems med par smra ba dkon pa dang /rgyal ba'am pham pa kun nas nyon mongs pa med par smra ba dkon pa dang / kun nas nyon mongs par gyur na reg par gnas pa dkon pa dang / reg par mi gnas na dge ba'i chos rnams la rgyun du bsgom pa dkon pa dang / dge ba'i chos rgyun du ma bsgoms na sems mnyam par ma bzhag pa la mnyam par gzhag pa dang /sems mnyam par bzhag pa la rnam par grol ba dkon no/ /dge ba'i phyogs la rtsom zhes gsungs nas nan tan snying por byed pa zhes bka' stsal pa ni bsam pa rnam par dag par bstan pa'i phyir te/ rnyed pa dang / bkur sti la sogs pa'i rgyur thos pa la sogs pa dge ba'i phyogs la brtson pa ma yin zhes bya ba'i tha tshig go//sems can sdud pa ni/ nyan thos la sogs pa las bye brag tu bya ba'i phyir te/ gzhan la phan pa bsgrub pa lhur len ces bya ba'i tha tshig go/ /de ltar bdag la phan pa dang / gzhan la phan par zhugs pa ni/ myur du bla na med pa yang dag par rdzogs pa'i byang chub tu mngon par rdzogs par 'tshang rgya zhes bya ba 'di ni tshig 'di dag gis mtshams sbyar bar rig par bya'o//mi rtsod par smra bar byed du zin kyang theg pa chen po'i chos ni rang bzhin gyis zab pa'i phyir/ kun shes pa dkon na rtsod pas lta smos kyang ci dgos/ gang dang lhan cig tu rtsod par smra bar bya ba'i phyir/smra ba de dag kun shes par bya ba'i bsam pas phyir smra ba ma yin gyi/ 'on kyang skyon gdags pa'i bsam pas so/ /gzu bo gang dag gi mdun du de smra bar bya ba'i tshogs pa de dag kyang rung ba ma yin zhing byang ba ma yin pa'am mngon par zhen pa can dag go/ / smra bar bya ba thams cad kyang phal cher nyes pa drug dang ldan pa yin te/ 'di ltar smra bar byed pa ni res 'ga' byung rgyal du phyogs ngan pa yongs su bzung nas mngon par zhen pa dang / tshig dor dang ltag chod chad pa'i gnas rnams la yang sbyor ba dang / tshig mdzug tu phyin phyin mi sdong par dus ma yin par smra bar rtsom pa dang /phyir rgol bas legs par smras kyang gtam khyad du gsod de smod ces bya ba'i tha tshig go/ /tshig brlang po yang smra ste/ des phyir rgol ba la sogs pa'i sems 'khrugs par byed pa dang / bdag kyang de dag la sems 'khrugs pa zhes bya ba'i nyes pa 'di dag drug dang ldan pa yin no//nye bar zhi bas ni smra ba dkon no/ /nye bar ma zhi ba la ni gang dag gis gzhan dad pa thob par 'gyur ba dang / rnam par grol ba'i gnas dang ldan pas rang gi sems mnyam par 'jog par 'gyur ba gzhan gyi sems bsrung ba dang / rang gi sems bsrung ba gnyi ga dkon no//smra ba phal cher ni ji ltar na bdag rgyal bar 'gyur zhing pha rol pham par 'gyur snyam pa'i sems kun du 'byung ngo / /de yod na yongs su gdung ba'i sdug bsngal gyis kun nas nyon mongs par 'gyur ro/ /de yod na bde ba la gnas par mi 'gyur ro/ /de'i phyir rgyun mi chad par dge ba'i phyogs la sbyor mi nus so//de'i phyir khyad par thob par bya ba la ma thob pa'i yongs su nyams par 'gyur ro/ /ldem por dgongs pa'i rnam nges gang / ming gi tshogs dang / tshig gi tshogs dang / gsal byed kyi tshogs rnams kyi don gzhan du brjod pa don gzhan du yongs su bsgyur te/ ji skad du/ ma dang pha ni gsad bya zhing / / rgyal po gtsang sbra can gnyis dang / /yul 'khor 'khor dang bcas bcom nas/ /mi de dag par 'gyur zhes gsungs/ /gang 'jig rten na shin tu kha na ma tho bar sdig tor rtsi ba de brjod pa'i yi ge rnams rnam par dag par yongs su bsgyur ba'o/ /'jig rten na shin tu kha na ma tho bar grags pa de ni skye bo bla ma bsad pa dang /skye bo chen po bsad pa'o/ /skye bo bla ma de la yang rnam pa gnyis te/ so sor nges pa dang 'jig rten dang thun mong ba'o/ /'jig rten dang thun mong ba yang rnam pa gnyis te/ yongs su skyong bar byed pa dang sbyin gnas so/ /de la so sor nges pa'i bla ma ni pha dang ma'o/ /skyong bar byed pa ni rgyal po'o/ /sbyin gnas ni bram ze gtsang sbra can rnams te/de dag ni shin tu dag par grags pa'i phyir ro/ /de dag thams cad bsad pa de ni skye bo bla ma bsad pa zhes bya'o/ /skye bo chen po bsad pa ni/ yul 'khor 'khor dang bcas bcom nas/ /zhes bya'o/ /'khor ni ba lang dang rta dang rnga mo dang ma he la sogs par rig par bya'o/ /ji ltar yi ge 'di dag yang dag par yongs su bsgyur zhe na/ma la sogs pa gsad pa'i tshig ni sred pa la sogs pa spong bar yongs su bsgyur ba'i phyir te go rims bzhin du sred pa dang las kyi sred pa dang / nye bar len pa dang bcas pa'i rnam par shes pa dang / lta ba dang tshul khrims dang / brtul zhugs mchog tu 'dzin pa gnyis dang /skye mched drug spyod yul dang bcas pa'i dbang du byas nas ma la sogs par blta bar bya ste de dang 'dra ba'i phyir ro/ /de la sred pa ni mngon par bsgrub pa'i rgyu'o/ /las kyi sred pa ni skye ba'i rgyu ste/ de ni sgom pa'i bag chags skyed pa'i tshul gyis pha lta bur blta bar bya'o/ /rgyu 'di gnyis las las kyi nye bar len pa dang bcas pa'i rnam par shes pa 'byung ngo //de de ltar byung na thar pa 'dod du zin kyang mchog dang dag par yid ches par byed pa'i mchog tu 'dzin pa gnyis thar pa thob pa la gegs byed do/ /'di gnyis gtsang sbra can dang 'dra ba ni 'di lta bur rig par bya ste/ 'di ltar mchog dang dag par mngon par zhen pa'o//rnam par shes pa de'i gnas dang / dmigs pa'i dngos po skye mched drug yul dang bcas par rig par bya'o/ /yang gsungs pa/ yid mi ches dang byas mi gzo/ /mi gang khyim 'bigs byed pa dang / /go skabs bcom dang skyugs za ba/ de ni skyes bu mchog yin no//tshigs su bcad pa 'di ni don ngan pa brjod pa'i yi ge rnams mchog gi don du yongs su bsgyur ro/ /'jig rten na ngan pa rnam pa bzhi ste/ yid kyi las ngan pa dang / lus kyi las ngan pa dang / ngag gi las ngan pa dang / longs spyod ngan pa'o/ /yid kyi las ngan pa yang rnam pa gnyis te/ dge ba la 'jug pa dang mi mthun pas yid mi ches pa ste/'jig rten pha rol la sogs pa yod par yid mi ches pas sbyin pa la sogs pa la mi sbyor ba'i phyir ro/ /mi dge ba la 'jug pa dang / mthun par byas pa mi gzo ba ste/ sngon phan btags pa la mi lta bar ma gsod pa la sogs pa nyes par spyod pa la yang mi 'jigs pa'i phyir ro//lus kyi las ngan pa ni/ khyim 'bigs pa'i rkun po ste 'tsho ba shin tu smad pa'i phyir ro/ /ngag gi las ngan pa ni/ brdzun du smra ba la sogs pa lhur len pa ste de lta bu dang ldan pa ni tshogs pa la sogs pa'i nang du 'jug tu mi rung ba'i phyir ro/ /longs spyod ngan pa ni khyi dang bya rog dang yi dags la sogs pa ste/skyugs pa za ba'i phyir ro/ /ji ltar yi ge 'di dag mchog gi don du yongs su bsgyur zhe na/ yid mi ches pa la sogs pa'i tshig rnams ni dgra bcom par yongs su bsgyur ba'i phyir ro/ /de la yid mi ches pa ni rnam par grol ba'i ye shes mthong ba dang ldan pas rang gis yid ches pa'i phyir ro//byas pa mi gzo ba ni 'dus ma byas pa'i mya ngan las 'das pa shes pa'i phyir ro/ /khyim 'bigs byed pa ni/ yang srid par mtshams sbyor ba'i rgyu nyon mongs pa spangs pa'i phyir ro/ /go skabs bcom zhes bya ba ni/ phyi ma la 'gro ba thams cad du sdug bsngal mngon par mi 'grub pa'i phyir ro//skyugs pa za ba ni mthong ba'i chos la yo byad kyi stobs kyis lus 'dzin kyang / longs spyod dang srog la re ba med pa'i phyir ro/ /gang gsungs pa/ snying po med la snying por shes/ /phyin ci log la shin tu gnas/ /nyon mongs kun nas rab nyon mongs//byang chub dam pa thob par 'gyur/ /tshigs su bcad pa 'di'i don ni snga ma bzhin du bshad par blta bar bya'o/ /'di'i lus ni byang chub sems dpa'i ting nge 'dzin la brten nas/ mthong ba dang bsgom pa'i lam gnyis kyis byang chub chen po la reg pa'o/ /gzhan du yang gsungs pa/byang chub sems dpa' chos lnga dang ldan na sbyin pa'i pha rol tu phyin pa yongs su rdzogs par byed do/ /lnga gang / ser sna'i chos nyid yongs su 'phel bar byed pa dang / /sbyin pas yongs su skyo ba dang / slong ba la tshig pa za ba dang / res 'ga' ci yang sbyin par mi byed pa dang / sbyin pa las ring du gyur pa'o//ser sna'i chos nyid 'phel bar byed pa ni/ bag chags dang bcas pa'i ser sna'i bag la nyal spangs pas de'i de bzhin nyid gnas gyur pa mngon sum du byed pa'i phyir ro/ /sbyin pas yongs su skyo ba ni/ dus yun ring por sbyin pa'i rgyu mchog tu bya dka' bas ngal bar bya bar khas blangs pa'i phyir ro//slong ba la tshig pa za ba ni/ rang gi len par 'dod pas slong ba dang mi mthun pa'i phyir ro/ /res 'ga' ci yang mi byed pa ni/ dngos po thams cad rtag tu sbyin pa'i phyir ro/ /sbyin pa las ring du gyur pa ni/ nye ba la sbyin pa la sogs pa yongs su spang ba'i phyir ro/ /gzhan du yang gsungs pa/byang chub sems dpa' chos lnga dang ldan na/ tshangs par spyod pa yin zhing tshangs par spyod pa mchog dang ldan pa ste/ 'khrigs pa las gzhan du 'khrigs pa las nges par 'byung ba mi tshol ba dang / 'khrig pa spang ba la g.yel ba dang / 'khrig pa'i 'dod chags skyes pa dang du len pa dang / 'khrig pa'i gnyen po'i chos kyis skrag pa dang /yang yang gnyis gnyis snyoms par 'jug pa'o/ /tshangs par spyod pa mchog dang ldan pa zhes bya ba ni/ 'jig rten las 'das pa'i lam dang ldan pa'i tha tshig go/ /'khrig pa las gzhan du 'khrig pa las nges par 'byung ba mi tshol ba ni/ de nyid yang dag pa ji lta ba bzhin du yongs su shes nas spong ba'i phyir ro//de yang dag pa ji lta ba bzhin du yongs su shes pa ni de bzhin nyid rab tu rtogs par rig par bya'o/ /'khrig pa spang ba la g.yel ba ni/ mi tshangs par spyod pa spong ba'i thabs la rtogs pa'i phyir ro/ /'khrig pa'i 'dod chags skyes pa dang du len pa ni/ 'dod pa la 'dod chags nang du skyes pa phyi rol du spong ba'i phyir ro/ /'khrig pa'i gnyen po'i chos kyis skrag pa ni/ de'i gnyen po'i chos kyis sems can thams cad bsgral ba'i don du rtsom pa'i phyir ro/ /yang yang gnyis kyis gnyis snyoms par 'jug pa ni/ zhi gnas dang lhag mthong gnyis 'jig rten dang 'jig rten las 'das pa gnyis la snyoms par 'jug pa ste/kun nas nyon mongs pa dang rnam par byang ba gnyis 'bras bu dang rgyu'i bye brag gis bden pa bzhi'i bdag nyid du gyur ba'i don du/ 'jig rten dang 'jig rten las 'das pa'i lam gnyis la snyoms par 'jug pa'i phyir ro/ /bstan bcos 'di ci'i phyir mngon pa chos kun nas btus pa zhes brjod do//rtogs nas bsdus pa'i phyir ro/ /kun nas btus pa'i phyir ro/ /yang dag par mthong ba'i gnas yin pa'i phyir ro/ /bstan bcos 'di ci'i phyir chos mngon pa kun nas btus pa zhes bya bar ming btags she na/ nges pa'i tshig gi tshul gyis rtogs nas bsdus pa'i phyir te/byang chub sems dpa' rnams kyis de kho na nyid mngon par rtogs par khong du chud nas mdor bsdus zhes bya ba'i tha tshig go/ /kun nas btus pa'i phyir zhes bya ba ni chos mngon pa'i mdo las ta bsam pa'i gnas thams cad bsdus pa'i phyir zhes bya ba'i tha tshig go//yang dag par mthong ba'i gnas yin pa'i phyir zhes bya ba ni phyin ci ma log pa'i thabs kyis sangs rgyas nyid kyi bar du thob par byed pa'i phyir zhes bya ba'i tha tshig go/ /yang dag pa'i gtam rnam par nges pa zhes bya ba ste/ kun nas btus pa lnga pa'o/ /chos mngon pa kun nas btus pa'i rnam par bshad pa zhes bya ba slob dpon rgyal ba'i sras kyis mdzad pa rdzogs so// //rgya gar gyi mkhan po dzi na mi tra dang / zhu chen gyi lo tsA ba ban+de ye shes sdes bsgyur cing zhus te gtan la phab pa'o/ /rtsa 'grel 'di gnyis sngon gyi chos skyong ba'i mi'i dbang phyug rnams kyi bka' drin las/ lo paN ches cher mkhas pa rnams kyis legs par bsgyur te gtan la phab mod kyi/'on kyang rgya gar gyi dpe la 'grel pa'i nang na rtsa ba'i tshig yongs su rdzogs par yod pa dang / skabs la lar 'grel pa chad pa dang / de ltar dris lan dang mtshams sbyor gyi tshig chad pa dang 'grel pa'i tshig gong 'og ha cang bsnur ces par bsgyur ba dang /'grel pa'i tshig ji lta ba ma yin par don tsam bsdus te bsgyur ba dang / mdor bstan dang / rgyas bshad mi mtshungs par bsgyur ba dang / rang bzor bsdus pa'i tshigs bcad byas pa la sogs pa'i skyon 'ga' zhig mthong ste/ slar yang rgya gar gyi dpe dang mthun par mang du thos pa'i lo tsA ba shAkya'i dge slong nyi ma rgyal mtshan dpal bzang pos gtsug lag khang chen po dpal thar pa gling du cung zad dag par bcos pa'o//rnam dpyod blo yi bag chags mi chung zhing / /tshe 'dir nan tan snying por byas pa yis/ /gsung rab 'grel bshad kun la blo byang zhing / /lung ston sgra yi gtsug lag rab shes nas//chos mngon ma mo'i sde snod yang bsgyur las/ /skyes pa'i dge bas rgyal mtsho'i gos steng 'dir/ /nyi ma ltar gsal grags pa'i rgyal mtshan mchog /blo gsal dpal ldan blo yi dbang po rnams/ /bzang por byas nas thub dbang nyi ma yi/ /go 'phang mchog la skye dgu gnas par shog/ //