CLOSE WINDOW

D4039
བོད་ཡིག

/ //rgya gar gyi mkhan po pradz+nyA war+m+ma dang / su ren+d+ra bo d+hi dang / zhu chen gyi lo tsA ba ban+de ye shes sde la sogs pas bsgyur cing zhus te gtan la phab pa'o/ /[ ]@#/ /rnal 'byor spyod pa'i sa las gzhi bsdu ba bzhugs/ @##/ /rnal 'byor spyod pa'i sa las gzhi bsdu ba/ bam po dang po/ gzhi bsdu ba gang zhe na/ gnas gsum gyis gzhi bsdu bar 'gyur te/ 'di lta ste/ mdo sde'i gzhi dang / 'dul ba'i gzhi dang / ma mo'i gzhi'o/ /mdo sde'i gzhi gang zhe na/gnas nyi shu rtsa bzhis mdo sde thams cad bsdu bar 'gyur te/ nyi shu rtsa bzhi po gang zhe na/ 'di lta ste/ so sor thar pa'i mdo sde dang / gzhi'i mdo sde dang / nyan thos dang ldan pa'i mdo sde dang / theg pa chen po dang ldan pa'i mdo sde dang / ma rtogs pa'i don rtogs par byed pa dang /rtogs pa'i don yongs su byang bar byed pa dang / dus kyi dang por bya ba dang / khyad par du 'gro bar byed pa dang / nag po'i phyogs brjod pa dang / dkar po'i phyogs brjod pa dang / bkri ba'i don dang / nges pa'i don dang / don mdor bsdus la tshig dang /yi ge rgyas pa dang / don rgyas la tshig dang / yi ge mdor bsdus pa dang / don yang mdor bsdus la/ tshig dang yi ge yang mdor bsdus pa dang / don yang rgyas la tshig dang yi ge yang rgyas pa dang / don zab la tshig dang yi ge gsal ba dang / don gsal la tshig dang yi ge zab pa dang /don yang zab la tshig dang yi ge yang zab pa dang / don yang gsal la tshig dang yi ge yang gsal ba dang / ma 'ongs pa'i nyes pa bsal ba dang / nye bar gnas pa'i nyes pa bsal ba dang / the tshom skyes pa bsal ba'i mdo sde dang /dam pa'i chos yun ring du gnas par byed pa'i mdo sde'o/ /de la so sor thar pa'i mdo sde ni gang las nyes pa sde lnga dang / nyes pa sde lnga las dbyung ba las brtsams te/ bslab pa'i gzhi brgya lnga bcu rtsa gcig gis bstan pa 'byung ba ste/ gang yang dag la phan par 'dod pa'i rigs kyi bu rnams slob pa yin no//gzhi'i mdo sde ni lung rnam pa bzhi ste/ 'di lta ste/ yang dag par ldan pa dang / bar ma dang / ring po dang / gcig las 'phros pa'o/ /yang dag par ldan pa ni gang la phung po dang / skye mched dang / rten cing 'brel bar 'byung ba dang ldan pa ste/de dang der 'dul ba la gzigs nas bcom ldan 'das kyis gsungs pa dang / de'i 'og tu yang dag par sdud par byed pa rnams kyis bstan pa yun ring du gnas par bya ba'i phyir sdom gyi tshigs su bcad pa sbyar bas ci rigs par go rims su phab ste gtam du sbyar ba dang /de bzhin du zas dang bden pa dang / khams dang tshor ba dang ldan pa dang / nyan thos dang / de bzhin gshegs pas bstan pa dang ldan pa dang / dran pa nye bar gzhag pa dang / yang dag par spong ba dang / rdzu 'phrul gyi rkang pa dang /dbang po dang / stobs dang / byang chub kyi yan lag dang / lam gyi yan lag dang / dbugs phyi nang du rgyu ba dran pa dang / bslab pa rnams dang / shes nas dad pa dang ldan pa dang / 'khor brgyad kyi dbang du byas nas 'khor dang ldan pa'o/ /yang dag par ldan pa de dag thams cad kyang rnam pa gsum du shes par bya ste/gsum gang zhe na/ su ston pa dang / ci ston pa dang / gang la ston pa dang / nyan thos sam de bzhin gshegs pa ston pa ni 'di lta ste/ nyan thos kyis bstan pa dang / sangs rgyas kyis bstan pa'i sde tshan no//gang shes pa dang gang gis shes pa de ni bstan pa ste/ 'di lta ste/ nye bar len pa'i phung po lnga dang / skye mched drug dang / rgyu dang ldan pa rnams kyi sde tshan dang / lam gyi tshogs kyi sde tshan no/ /dge slong dang bdud la sogs pa'i 'khor de dag nyid kyi phyir bstan te/'di lta ste/ yang dag par brjod pa'i sde tshan las byung ba bzhin no/ /'di dag ni thams cad ces bya ba yin te/ 'di lta ste/ su ston pa dang / ci ston pa dang / gang la ston pa'o/ /gzhi thams cad dang ldan pa'i gtam de yang dag par ldan pa las 'byung bas na de'i phyir yang dag par ldan pa zhes bya'o//de dang ldan pa'i gtam nyid rnam pa gzhan du bar gyi mdo sde rnams kyis bstan pas na de'i phyir bar ma zhes bya'o/ /de nyid rnam pa gzhan du rgyud ring po'i mdo sde rnams kyis bstan pas na de'i phyir ring po zhes bya'o//gcig dang gnyis dang gsum la sogs pa nas gcig nas gcig tu sde tshan gyi tshul gyis 'byung bas na gcig las 'phros pa zhes bya'o/ /de dag ni lung bzhi zhes bya ba yin te/ slob dpon dang slob ma gcig nas gcig tu brgyud de 'ongs pas na lung zhes bya'o/ / 'di ni gzhi'i mdo sde'o/ /gsung rab tu gtogs pa'i yan lag bcu gnyis las shin tu rgyas pa'i yan lag ma gtogs pa rnams ni nyan thos dang ldan pa'o/ /shin tu rgyas pa'i yan lag de nyid ni theg pa chen po dang ldan pa'i mdo sde yin te/ de'i rnam par dbye ba yang snga ma bzhin du rig par bya'o//mdo sde rnam pa bzhi po 'di dag kyang ma rtogs pa'i don rtogs par bya ba la sogs pa rnam pa nyi shu po dag gzhan dag las ci rigs par rig par bya'o/ /mdo sde rab tu rnam par dbye bar bya ba'i phyir mdo sde rnam pa bzhi po 'di dag las lhag par bshad pa gang yin pa de las brtsams te/mdo sde'i ma mo de bzhin gshegs pas gsungs shing de bzhin gshegs pas bstan la bsngags shing brjod pa'i gtsug lag bstan par bya ste/ dper na ma mo med pa'i yi ge rnams gsal ba ma yin pa de bzhin du ma mos yongs su ma zin pa'i mdo sde rnams ni don mi mngon zhing don mi gsal ba yin no//de las bzlog pa ni don gsal ba yin te/ de bas na ma mo zhes bya'o/ /spyi sdom ni/ khams dang gdams ngag bsdus pa dang / 'du shes rnam pa mngon shes 'gyur/ /rgyu dang spong ba'i yan lag dang / / phyogs gnyis shes pa gzhi dang bcas/ /dgra bo dang ni nyes dmigs med/ /thugs khral chung ngur bzhugs pa'o/ /sdom ni/ khams dang legs gsungs sngon du 'gro/ /brtag pa dang ni byis pa'i rtags/ /mi rtag la sogs nges pa dang / /go rims rnam pa gnyis su bstan//rtag pa ma yin chad pa min/ /kun nas nyon mongs rnam par byang / /bzhi po 'di dag ni 'dul ba rnams kyi sngon log par mos pa dang / lta ba la goms pa las byung ba'i khams rnams yin te/ bzhi gang zhe na/ sngon gyi srid pa'i gnas su khog pa dang lus thob pa na/rtag par lta ba'i dbang gis dam pa'i chos ma yin pa thos pa dang / tshul bzhin ma yin pa yid la byed pa'i dbang du byas nas/ de ltar rgyu de dang rkyen des log par mos pa dang / lta ba la goms pa las byung ba ni khams yin te/ rtag par lta ba ji lta ba bzhin du/chad par lta ba dang / tshe 'di la mya ngan las 'da' bar lta ba dang / 'jig tshogs la lta ba yang de bzhin du sbyar ro/ /de la bcom ldan 'das kyis mos pa sna tshogs mkhyen pa'i stobs dang / khams sna tshogs mkhyen pa'i stobs kyi sgo nas sngon gyi mos pa yang brtags nas/phyi ma'i khams kyang ci rigs par log par mos pa'i khams gdul ba'i phyir bstan pa rnam pa bzhi phal cher 'jug par mdzad do/ /yang na de ma yin pa shes pa yongs su ma smin pa rnams kyi shes pa yongs su smin par bya ba dang / shes pa yongs su smin pa rnams nyon mongs pa las rnam par thar bar bya ba'i bstan pa 'jug par mdzad do//de la log pa'i khams dang po dang ldan pa rnams la ni log par mos pa'i khams de gdul ba'i phyir rgyu 'gags pas 'du byed 'gag go zhes 'du byed 'jig pa'i sgo nas mi rtag pa ston to//de'i 'og ma khams gnyis pa dang ldan pa rnams la ni rgyu kun 'byung bas 'du byed kun 'byung ngo zhes 'du byed 'byung ba'i sgo nas mi rtag pa ston to/ /de'i 'og ma khams gsum pa dang ldan pa rnams la ni 'du byed sdug bsngal ba'i sgo nas ston to//de'i 'og ma khams bzhi pa dang ldan pa 'du byed rnams las logs shig tu 'jig tshogs la lta ba la spyod pa rnams la ni stong pa nyid kyi sgo nas ston to/ /'du byed rnams nyid la 'jig tshogs la lta ba spyod pa rnams la ni bdag med pa'i sgo nas bstan pa 'jug go/ /ma 'dres pa'i yan lag gsum gyis ni legs par gsungs pa'i chos 'dul ba 'di las phyi rol ba rnams dang thun mong ma yin pa bstan te /de legs par gsungs pa zhes bya ba'i grangs su'ang 'gro'o/ /de la yan lag rnam pa gsum ni yongs su grub pa dang / yongs su mthar thug pa'i thams cad las rnam par grol ba bstan pa dang /de nyid kyi thabs bstan pa dang / de nyid kyis so so rang rig par bya'o / /yongs su grub pa dang yongs su mthar thug pa thams cad las rnam par grol ba gang zhe na/ bya ba dang bcas pa dang / bya ba med pa'i phyir rnam par grol ba rnam pa gsum yod de/'jig rten pa'i dang / slob pa'i dang / mi slob pa'i'o/ /de la 'jig rten pa'i ni phyir ldog pas na yongs su grub pa ma yin no/ /slob pa'i bya ba dang bcas pa'i phyir mthar thug pa ma yin te/ yongs su grub pa ni ma yin no/ /lhag ma ni gnyi ga yin par rig par bya'o//thabs gang zhe na/ 'du byed rnams kyi ji lta ba dang ji snyed pa yod pa las brtsams te/ mi rtag par 'du shes pa dang / mi rtag pa la sdug bsngal bar 'du shes pa dang / sdug bsngal ba la stong pa dang / bdag med par 'du shes pa bsgom pa la brten nas bden pa mngon par rtogs pa'i tshe shes bya mngon sum du byed pa'i phyir yang dag pa'i lta ba thob bo//lta ba de la brten nas bsgom pa'i lam la 'du byed rnams la mi mthun pa'i 'du shes kyi gnas pas gnas par gyur pa'i de dang ldan pa'i tshor ba yul lkog tu gyur pa dran pa la rtog pa'i snang ba nye bar gnas pas dga' ba med pa dang /dga' ba med pa de'i sgo nas rgyu ba la gnas pa na/ tshor ba de'i dmigs pa'i yul la lhag par zhen pa med de/ de gang gi don du yul la zhen par 'gyur ba de'i don de nyid kyang med na mngon par zhen pa ltag la yod de/de de ltar gnas pa dang / rgyu ba gnyis kyi dga' ba dang / 'dod chags kyi kun nas dkris pa yang dag par zad pa'i phyir yongs su dag pa'i sems kyis gnas shing ji ltar thob pa'i lam de nyid lan mang du byas pa'i rgyus de'i phyogs kyis gnas ngan len gyi bag la nyal bcom pas yongs su grub pa dang yongs su mthar thug pa'i rnam par grol ba rjes su 'thob ste/de thob na sems shin tu rnam par grol bar rig par bya'o/ /so sor rig par bya ba gang zhe na/ de ni rnam pa bzhir rig par bya ste/ gal te slob pa'i rnam par grol ba la gnas/ na ni de rnam pa gnyis su rang gi shes rab kyis so sor rig par 'gyur te/ bdag gi ngan song rnams su 'du byed mngon par 'grub pa zad do/ /skye ba bdun nam gnyis sam gcig ma gtogs pa de las gzhan pa yang srid par skye ba'i 'du byed mngon par 'grub par zad de / / de zad par byed pa'i lam yang gtan du yongs su nyams par mi 'gyur bar bdag gis bsten to snyam mo/ /gal te mi slob pa'i rnam par grol ba la gnas na ni de yang rnam pa gnyis kho nas so sor rig par 'gyur te/ bdag gis nyon mongs pa ma lus par spang ba'i phyir bslab par bya ba thams cad byas zin to//bdag gi skye ba gcig kyang ma lus na gnyis sam bdun lta ga la yod snyam pa ste/ 'dod na gzhan dag la yang lung ston par byed do zhes bya ba 'di ni so so rang rig pa zhes bya'o/ /rnam par grol ba de'i sngon du 'gro ba'i chos ni 'di gnyis yin te/lta ba'i sngon du 'gro ba dang / lam gyi 'bras bu'i sngon du 'gro ba'o/ /lta ba'i sngon du 'gro ba ni rnam par grol ba de dang / de'i thabs dang / de'i so so rang rig pa'i dbang du byas nas pha rol gyi sgra thos pa dang / bsams pa dang / bsgoms pa las byung ba/dge ba rigs dang ldan pa yid la byed pa ste/ yang dag pa'i skyon med pa la ma zhugs pa yang dag pa'i skyon med pa la 'jug par 'gyur ba dang / yang dag pa ji lta ba bzhin du lta ba 'jig rten las 'das pa'i yang dag pa'i lta ba thob par 'gyur ba'o//lam gyi 'bras bu'i sngon du 'gro ba ni de ltar thob pa'i yang dag pa'i lta ba de yin te/ de ma yin pa'i yang dag pa'i rtog pa la sogs pa lhan cig skyes pa dang / de'i 'og tu 'byung ba'i lam skye ba dang / nyon mongs pa lhag ma spong ba rnams kyi sngon du 'gro ba'o/ / rnam par grol ba de ma thob pa thob par bya ba la brtag pa'i gzhi rnam pa brgyad yod de/ 'du byed rnams kyi ro myang ba dang / nyes dmigs dang / nges par 'byung ba brtag pa dang / thos pa dang / bsams pa dang / so sor brtag pa'i stobs dang / mthong ba dang bsgom pa'i lam brtag pa'o//de la 'du byed rnams kyi ro myang ba la rtog na 'du byed rnams kyi ro myang ba las rang gi mtshan nyid mngon par rtogs par 'gyur ro/ /de dag nyid kyi nyes dmigs la rtog na tshor ba gsum gyi gnas skabs su gtogs pa'i nyes dmigs de la nyes dmigs kyi sgo nas spyi'i mtshan nyid du yongs su shes te/'di la mnog ni chung la nyes dmigs 'ba' zhig mang ba dang ro la lhag par zhen pa'i nyes dmigs dang yang ldan no snyam du rig nas ro'i gnas 'du byed rnams la 'dun pa'i 'dod chags byung ngo cog sel ba dang / rnam par gnon pa'i spong bas spangs pas kun tu mi spyod par spong bar 'gyur ro//de'i 'dun pa'i 'dod chags de kun tu mi spyod par spangs pas de'i dngos po'i sgo nas 'dod chags dang bral bar 'gyur te/ sems rnam par grol ba ni ma yin no/ /de'i bag la nyal las yang dag par 'das pas ni 'dod chags dang bral bar yang 'gyur la sems rnam par grol bar yang 'gyur te/'di ni rnam grangs gcig go/ /gzhan yang rnal 'byor pa 'du byed rnams la rtog pa na thog ma kho nar thos pa las byung ba'i shes rab kyis 'du byed rnams la mi rtag pa'am/ mi rtag pa la sdug bsngal ba'am/ sdug bsngal ba la stong pa dang / bdag med par lung ji lta ba bzhin du mos pa kho nas mngon par rtogs par 'gyur ro/ /des de ltar mngon par rtogs nas dpyod pa dang mtshungs par ldan pa'i bsams pa las byung ba'i yid la byed pa ches zhib pas shes pa de nyid yongs su shes so//mngon par rtogs pa dang yongs su shes pa de nyid kyi sgo nas de dang 'brel ba'i nyon mongs pa kun tu spyod pa la tshe 'di dang tshe phyi ma'i nyes dmigs yang dag par mthong nas so sor brtag pa'i stobs la brten pas byung ba dang du mi len par spong bar byed do//des mngon par rtogs pa dang / yongs su shes pa dang so sor rtog pa mang du byed pa'i rgyus yang dag pa'i skyon med pa la 'jug go/ /skyon med pa la zhugs nas gang bsgom pa'i lam gyi stobs kyis 'dod chags dang bral bar byed de des so sor rtog pa'i stobs dang /mthong ba'i lam gnyis kyis kun tu mi spyod pa'i spong ba dang / phyogs gcig spong bas ci rigs par spong bar byed do/ /bsgom pa'i lam gyis ni 'dod chags dang bral bar byed do/ /de ltar snga ma gnyis kho nas 'dun pa'i 'dod chags dang bral bar byed la bsgom pa'i lam gyis ni sems rnam par grol bar byed do//nyon mongs pa spong ba'i 'bras bu ni rnam pa gnyis te/ sdug bsngal 'gog pa mthong bas spang bar bya ba'i 'bras bu ni gang rtogs pas sems can dmyal ba rnams zad pa dang / dud 'gro rnams zad pa dang /yi dags rnams zad pa rgyun du zhugs pa log par ltung ba ma yin pa'i chos can la zhugs pa yin no zhes rgyas par sbyar ba dang / bsgoms pas spang bar bya ba spong ba'i 'bras bu ni gang rtogs pas lus tha ma 'dzin pa'i dgra bcom par 'gyur te/ srid pa gnyis pa mngon par 'grub par mi 'gyur ba'o//gzhan yang sdug bsngal 'gog pa ni rnam pa gnyis te/ da ltar gyi rgyu can ma 'ongs pa'i sdug bsngal 'gog pa dang / 'das pa'i rgyu can da ltar gyi sdug bsngal 'gog pa'o/ /gzhan yang rnam pa gnyis te/sems las byung ba'i sdug bsngal 'gog pa dang / lus kyi sdug bsngal 'gog pa'o/ /gzhan yang rnam pa gnyis te/ 'gyur ba'i sdug bsngal ba dang sdug bsngal gyi sdug bsngal ba'i sdug bsngal 'gog pa dang / 'du byed kyi sdug bsngal ba'i sdug bsngal 'gog pa'o//gzhan yang rnam pa gnyis te/ mi sdug pa'i las kyi 'bras bu'i sdug bsngal 'gog pa dang / sdug pa'i las kyi 'bras bu'i sdug bsngal 'gog pa'o/ /'phags pa nyan thos zhi ba mthong ba ni ngan song gi sdug bsngal gyi 'jigs pa las 'das pa yin mod kyi 'on kyang de'i kun tu sbyor ba yongs su ma zad pa'i phyir phyi ma la so so'i skye bo dang thun mong du gyur pa'i skye ba dang rga shi'i 'jigs pa gang spang bar bya ba'i phyir des 'dun pa drag po nas dran pa dang bag yod pa'i bar du brtson par bya ba yang yod do//'di gnyis ni byis pa'i rtags yin te/ gnyis gang zhe na/ 'dod pa gang yin pa de ni yang dag pa ji lta ba bzhin du rab tu mi shes la mi 'dod pa gang yin pa de ni mngon par 'grub pa ste/ byis pa ci 'dod ce na/ mya ngan las 'das pas skrag nas phyi ma la 'du byed rnams mngon par mi 'grub pa mi 'dod de 'du byed rnams mngon par 'grub pa 'ba' zhig 'dod pas na de 'dod pa yin la 'du byed rnams mngon par 'grub pa de ni sdug bsngal ba yin na sdug bsngal bar yang dag pa ji lta ba bzhin du rab tu mi shes so//mi 'dod pa gang yin pa de mngon par 'grub pa ni rga ba dang / na ba dang / 'chi ba dang / mi sdug pa dang phrad pa dang sdug pa dang bral ba dang / 'dod pas phongs pa dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams ni mi 'dod la de 'du byed de rnams mngon par 'grub pa la mngon par mos shing skye ba'i rtsa ba can gyi 'du byed rnams la mngon par dga' bas skye ba'i rtsa ba can gyi las rnams byas shing bsags pas skye bar 'gyur te/de skye ba'i sdug bsngal dang / skye ba'i rtsa ba can gyi rga ba la sogs pa'i sdug bsngal gyi khyad par rnams las kyang yongs su grol bar mi 'gyur te/ de ltar na mi 'dod pa gang yin pa de mngon par 'grub ces bya'o//'du byed rnams kyi nges pa ni bzhi yod de/ mi rtag par nges pa dang / sdug bsngal bar nges pa dang / stong par nges pa dang / bdag med par nges pa'o/ /de la 'das pa dang / ma 'ongs pa'i 'du byed rnams kyang rnam pa gsum gyis mi rtag par rig par bya na/da ltar byung ba rnams lta ci smos te/ gsum gang zhe na/ med pa sngon du 'gro ba'i yod pa dang / yod pa sngon du 'gro ba'i med pa dang / skye ba dang 'jig pa dang ldan pa'o/ /gal te ma 'ongs pa'i 'du byed ma byung ba rnams gtan med pa kho na yin te/med pa sngon du 'gro ba'i yod pa ma yin na ni de dag mi rtag par nges pa ma yin pa zhig na gang gi phyir de dag snga ma ni med la phyis ni med pa sngon du 'gro ba'i yod par 'gyur bar snang bas na de'i phyir de dag mi rtag par nges so/ /gal te da ltar byung ba'i 'du byed skyes pa rnams yod pa kho na yin te yod pa sngon du 'gro ba'i med pa kho na ma yin na ni 'di dag mi rtag par nges pa ma yin pa zhig na gang gi phyir 'di dag snga na ni yod la phyis ni yod pa sngon du 'gro ba'i med pa kho nar 'gyur bar snang bas na de'i phyir 'di dag mi rtag par nges so// gal te 'das pa'i 'du byed rnams kyi skye ba dang 'jig pa mi snang na ni de dag mi rtag par nges pa ma yin pa zhig na gang gi phyir de dag skyes pa dang zhig par gyur pas na de'i phyir de dag mi rtag par nges te/ 'di ni 'du byed rnams kyi mi rtag par nges pa zhes bya'o/ /de ltar mi rtag pa'i 'du byed rnams la sdug bsngal ba'i sdug bsngal ba yang snang la 'gyur ba'i sdug bsngal ba dang /'du byed kyi sdug bsngal ba yang snang ba 'di ni sdug bsngal bar nges pa zhes bya'o/ /de ltar mi rtag pa dang sdug bsngal ba'i 'du byed rnams tshogs pa de dang de la brten nas rgyu dang rkyen gyi stobs kyis skye la dbang phyug dang skye dgu'i bdag po'i rgyu la sogs pa dang bral ba 'di ni stong par nges pa zhes bya'o//byed pa med pa'i 'du byed rnams 'jug pa yod la byed pa po dang tshor ba po med cing / bdag dang bdag gi dang bral ba 'di ni 'du byed thams cad kyi bdag med pa zhes bya'o//de la 'du byed rnams kyi mi rtag pa ni rnam pa gnyis su rig par bya ste/ 'das pa'i dus dang sbyar na ni zhig par gyur pa'i phyir dang / ma 'ongs pa dang da ltar byung ba'i dus dang sbyar na ni 'jig pa'i chos can yin pa'i phyir ro/ / de la 'du byed rnams kyis sdug bsngal ba ni rnam pa gnyis su rig par bya ste/ skye ba la sogs pa sdug bsngal ba'i chos can yin pa dang / sdug bsngal rnam pa gsum gyi phyir te de yang snga ma bzhin du rig par bya'o/ /de la stong pa nyid ni rnam pa gnyis su rig par bya ste/gtan med pa'i stong pa nyid dang / phyis bral ba'i stong pa'o/ /gtan med pa'i stong pa ni 'di lta ste 'du byed rnams bdag dang bdag gis stong pa'o/ /phyis bral ba'i stong pa ni nyon mongs pa thams cad spangs pa'i sems 'di lta ste/ nyon mongs pa thams cad kyis stong zhing rnam par grol ba'o//de la bdag med pa ni rnam pa gnyis su rig par bya ste/ 'du byed rnam pa sna tshogs su 'dug cing mang bo'i bdag nyid yin pa'i phyir dang / rten cing 'brel bar 'byung ba la rang dbang med pa'i phyir ro/ /rnam pa bzhi po 'di dag ni rnam pa bcur yang rig par bya ste/'di lta ste/ 'jig pa dang / 'gyur ba dang / 'gyes pa dang / ma byung ba dang / chos nyid kyi rnam pa rnams dang / phrad pa dang / mi sdug pa dang / grub pa dang / bde ba med pa dang / 'bral ba dang / mi mthun pa'i rnam pa rnams te/sngar nyan thos kyi sa'i 'jig rten las 'das pa'i lam nas brtsams te yid la byed pa bskoms pa las bstan pa bzhin no / /lnga po 'di dag ni 'bral ba'i phyogs kyi khams te/ 'di lta ste/ spong ba'i khams dang / 'dod chags dang bral ba'i khams dang / 'gog pa'i khams dang /phung po'i lhag ma dang bcas pa'i mya ngan las 'das pa'i khams dang / phung po lhag ma med pa'i mya ngan las 'das pa'i khams so/ /de la mthong bas spang bar bya ba'i 'du byed thams cad spangs pas na spong ba'i khams so/ /bsgom pas spang bar bya ba'i 'du byed thams cad spangs pas na 'dod chags dang bral ba'i khams so//de nyid phung po tsam zhig lus pas na phung po'i lhag ma dang bcas pa'i mya ngan las 'das pa'i khams so/ /de'i phung po 'gag pa ni 'gog pa'i khams dang phung po'i lhag ma med pa'i mya ngan las 'das pa'i khams so//'du byed thams cad nye bar zhi bas na khams lnga bo 'di dag la 'du byed zhi ba zhes bya'o/ /bdag tu 'dzin pa dang / bdag gir 'dzin pa dang / nga'o snyam pa'i nga rgyal dang / mngon par zhen pa dang / bag la nyal ba dang bral bas na stong pa nyid ces bya'o/ / de'i mtshan ma dang bral bas na dmigs su med pa zhes bya'o/ /spong ba'i khams la zag pa'i gnas kyi chos thams cad la sred pa dang bral bas na sred pa zad pa zhes bya'o/ /'dod chags dang bral ba'i khams la 'dod chags med par gyur pas na 'dod chags dang bral ba zhes bya'o//'gog pa'i khams phung po'i lhag ma dang bcas pa dang phung po'i lhag ma med pa'i mya ngan las 'das pa gnyis ni go rims bzhin du 'gog pa dang / mya ngan las 'das pa zhes bya'o/ /de la spong ba'i khams ma thob pa thob par bya ba'i phyir brtson pa ni 'du byed rnams la skyo bar bya ba la brtson pa zhes bya'o//'dod chags dang bral ba'i khams ma thob pa thob par bya ba'i phyir brtson pa ni 'du byed rnams la 'dod chags dang bral bar bya ba la brtson pa zhes bya'o/ /'gog pa'i khams ma thob pa thob par bya ba'i phyir brtson pa ni 'du byed rnams 'gag par bya ba la brtson pa zhes bya'o//sems rnam par grol bar bya ba'i phyir brtson pa la go rims rnam pa gnyis yod de/ shes pa'i go rims dang / shes pa'i 'bras bu'i go rims so/ /shes pa'i go rims gang zhe na/ thog ma kho nar 'du byed rnams la skye ba dang 'jig pa rnam par 'byed pa'i tshul gyis mi rtag pa'i shes pa skye'o//de'i 'og tu skye ba dang 'jig pa dang ldan pa'i 'du byed gang yin pa 'di dag ni skye ba'i chos nyid dang / rga ba'i chos nyid nas yid mi bde ba dang / 'khrug pa'i chos nyid kyis sdug bsngal lo zhes mi rtag par shes pa snga ma la brten nas/sdug bsngal bar shes pa phyi ma skye bar 'gyur ro/ /skye ba'i chos can nas 'khrug pa'i chos can gyi bar gyi 'du byed gang yin pa 'di dag ni 'chi 'pho dang rten cing 'brel bar 'byung ba gcig nas gcig tu brgyud par zhugs pas rang dbang med pa'i rnam pa'i tshul gyis bdag med pa'i phyir sdug bsngal shes pa snga ma la brten nas phyis bdag med pa'i shes pa skye ste/mi rtag pa gang yin pa de ni sdug bsngal ba'o/ /sdug bsngal ba gang yin pa de ni bdag med pa ste/ de ltar na 'di ni shes pa'i go rims yin no//shes pa'i 'bras bu'i go rims gang zhe na/ skyo ba dang / 'dod chags dang bral ba dang / rnam par grol ba dang / yongs su grol ba'o/ /skyo ba gang zhe na/ gnyen po mngon du gyur ba na mi mthun pa'i 'du shes kyis nyon mongs pa kun tu mi spyod pa gang yin pa'o//'dod chags dang bral ba gang zhe na/ skyo bas yongs su bsgos pa'i sems kyis gnyen po yid la ma byas su zin kyang chags par bya ba'i dngos po la 'dod chags kun tu mi spyod pa gang yin pa ste/ 'di lta ste/ rnam par gnon pa'i spong ba'i dbang las byung ba'o/ / rnam par grol ba gang zhe na/ rnam par gnon pa'i spong ba de nyid mang du byas pa'i rgyus de'i bag la nyal ba yang dag par bcom pa gang yin pa ste/ 'di ni re zhig skyo ba dang / 'dod chags dang bral ba dang / rnam par grol ba rnams kyi rnam grangs gcig go/ /gzhan yang skyo ba'i gnas skabs ni spong ba'i khams yin te/skyo ba yongs su rdzogs pa'i phyir ro/ /des skyo ba de dag la brten nas 'du shes med 'du shes med min skye mched ma gtogs par de ma yin pa'i sa rnams la mi chags pa dang / chags pa dang bral ba ni 'dod chags dang bral ba'i gnas skabs so//'du shes med 'du shes med min skye mched las 'dod chags dang bral bar gyur ba las ni rnam par grol ba'i gnas skabs su gdags te 'di ni skyo ba dang / 'dod chags dang bral ba dang / rnam par grol ba rnams kyi rnam grangs gnyis pa'o/ /yongs su grol ba gang zhe na/de de ltar nyon mongs pa'i kun nas nyon mongs pa las kyang rnam par grol la/ skye ba la sogs pa sdug bsngal gyi kun nas nyon mongs pa las kyang yongs su grol ba 'di yongs su grol ba zhes bya'o/ /de ltar shes pa'i dbang du byas nas 'du byed rnams la skyo ba dang /skyo ba'i rgyus 'dod chags dang bral ba dang / 'dod chags dang bral ba'i rgyus rnam par grol ba dang / yongs su grol bar 'gyur ba 'di ni shes pa'i 'bras bu'i go rims so/ /bzhi po 'di dag ni nyes par bzung bas te/ bzhi po gang zhe na/lta ba nyes par bzung ba dang / nga rgyal nyes par bzung ba dang / rang gi nyes par bzung ba dang / gzhan gyi tshig las nyes par bzung ba'o/ /de la lta ba nyes par bzung ba ni 'du byed rnams la bdag tu 'dzin pa dang / bdag gir 'dzin pa gang yin pa'o/ / de la nga rgyal nyes par bzung ba ni 'du byed rnams la nga'o snyam du 'dzin pa'o/ /de la lta ba nyes par bzung ba ni bden pa rtogs pa la gegs byed pa'o/ /nga'o snyam pa'i nga rgyal nyes par bzung ba ni bsgom pas spang bar bya ba spong ba la gegs byed pa'o/ /de la rang gi nyes par bzung ba ni gcig pu'i rtog pa ngan pa la brten pa 'di ni bdag yin no snyam ste lta ba nyes par bzung ba'am/nga rgyal nyes par bzung ba'o/ /de la gzhan gyi tshig las nyes pa bzung ba ni gzhan dag gi tshig las mngon par zhen par gyur te/ 'di ni bdag gi bdag yin no snyam du rnam pa de lta bu la zhugs pa gang yin pa'o//yang 'di ni bdag gi yin no zhes bya ba ni bdag tu nyes par bzung ba yang yin/ rang gi nyes par bzung ba yang yin/ gzhan dag gi tshig las nyes par bzung ba yang yin te/ 'dzin pa de dag thams cad spong ba gang yin pa ni shes pa'i 'bras bu yin par rig par bya'o//'du byed thams cad ni rnam pa gsum gyis chad pa ma yin pa dang / rtag pa ma yin par rig par bya ste/ gsum gang zhe na/ 'du byed kyi rgyu mi gnas pa dang / skyes pa rnams gnas pa'i rgyu med pa dang /ma 'ongs pa rnams kyi rgyu'i ngo bo 'gag pa'i phyir ro/ /de la rgyu mi rtag pa dang / skyes pa gnas pa'i rgyu mi dmigs pa'i phyir rtag pa ma yin no/ /ma 'ongs pa rnams skye ba la da ltar byung ba rgyu'i ngo bo rnams 'gag pas na chad pa ma yin no/ /bzhi po 'di dag ni 'du byed rnams gcig nas gcig tu brgyud de 'jug pa'i rkyen yin te/bzhi gang zhe na/ rgyu'i rkyen dang / mtshungs pa de ma thag pa'i rkyen dang / dmigs pa'i rkyen dang / bdag po'i rkyen to/ /rkyen bzhi po de dag kyang rgyu dang rkyen gnyis su 'gyur ro/ /de la rgyu'i rkyen nyid ni rgyu yin no//lhag ma gsum ni rkyen kho na'o/ /de la rgyu'i rkyen ni 'du byed thams cad kyi sa bon gang yin pa'o/ /mtshungs pa de ma thag pa'i rkyen ni/ rnam par shes pa'i tshogs drug po mtshungs par ldan pa dang bcas pa rnams kyi mtshungs pa de ma thag pa 'gag pa'i rnam par shes pa'i tshogs drug po mtshungs par ldan pa dang bcas pa rnams so//de la dmigs pa'i rkyen ni rnam par shes pa'i tshogs lnga'i nges pa'i yul lnga dang / rnam par shes pa'i tshogs drug ni chos thams cad do/ /de la bdag po'i rkyen ni rnam par shes pa'i tshogs lnga'i nges pa'i rten te/mig la sogs pa dang / de las byung ba'i yid la byed pa rnams dang / yid kyi rnam par shes pa'i bdag po'i rkyen ni 'byung ba chen po bzhi'i lus dang / de las byung ba'i yid la byed pa'o/ /sngon gyi las sdug pa dang mi sdug pa'i 'bras bu 'grub par byed pa gang yin pa de yang de'i bdag po'i rkyen yin par rig par bya'o//de bzhin du tshogs ni lam gyi bdag po'i rkyan yin no/ /lam ni mya ngan las 'das pa 'thob pa'i bdag po'i rkyen yin par rig par bya'o/ /kun nas nyon mongs pa dang / rnam par byang ba rtag pa ni gzhi gsum dang rnam pa gnyis te/'di lta ste/ mnog la mnog gi sgo nas rtog pa na 'du byed rnams la kun nas nyon mongs pa'i rgyur rtog pa dang / nyes dmigs la nyes dmigs kyi sgo nas rtog pa na 'du byed rnams la rnam par byang ba'i rgyur rtog pa dang /nges par 'byung ba la nges par 'byung ba'i sgo nas rtog pa na 'du byed rnams la rnam par byang bar rtog pa 'di dag gcig tu bsdus pa ni kun nas nyon mongs pa dang / rnam par byang ba rtag pa'i gzhi gsum yin no/ /rtag pa rnam pa gnyis gang zhe na/ 'di lta ste/ ji lta ba bzhin du yod pa dang / ji snyed yod pa'o/ /de la ji lta ba bzhin du yod pa ni 'du byed rnams kyi mnog gang yin pa dang / nyes dmigs gang yin pa dang / nges par 'byung ba gang yin pa'o/ /de la ji snyed yod pa ni 'du byed rnams kyi mnog ji snyed pa dang / nyes dmigs ji snyed pa dang / nges par 'byung ba ji snyed pa'o/ /de la 'du byed rnams kyi rkyen gyis bde ba 'byung ba dang / yid bde ba 'byung ba gang yin pa 'di ni de dag gi mnog yin la/ mnog 'di dag ni chung ngu zhes bya bas te/ de ltar na rnam pa gnyis kyis 'di lta ste/ mnog ji lta ba bzhin du yod pa la nye bar rtog go/ /de la 'du byed rnams kyis mi rtag pa dang / sdug bsngal ba dang / rnam par 'gyur ba'i chos can gang yin pa 'di ni de dag gi nyes dmigs yin la nyes dmigs 'di ni che'o zhes bya ba ste/ de ltar na rnam pa gnyis kyis 'di lta ste/nyes dmigs ji lta ba bzhin du yod pa la nye bar rtog go/ /de la 'du byed rnams la 'dun pa'i 'dod chags 'dul ba dang / 'dun pa'i 'dod chags spong ba dang / 'dun pa'i 'dod chags las yang dag par 'da' ba gang yin pa 'di ni de dag las nges par 'byung ba yin la grub pa dang bde ba de ni zhi ba dang bla na med pa dang gzhan rdzas yin te/de ltar na rnam pa gnyis kyis 'di lta ste/ nges par 'byung ba ji lta ba bzhin du yod pa la nye bar rtog go/ /'du byed 'das pa dang / ma 'ongs pa dang / da ltar byung ba rnams dang / nang dang /phyi rol rnams dang / rags pa dang phra ba rnams dang / bzang po dang ngan pa rnams dang / ring ba rnams dang / nye ba rnams la 'di ni mnog dang nyes dmigs so/ /'di ni nges par 'byung ba'o snyam du rtog pa gang yin pa 'di ni 'di lta ste/ de dag gi mnog dang nyes dmigs dang nges par 'byung ba rnams ji snyed yod pa la rtog pa yin par rig par bya'o/ /gzhi gsum po 'di dag yod par brda sprad par bya ba ni sems can gyi tshogs gsum yin par rig par bya ste/ 'di lta ste/ 'dod pa dag la lhag par zhen pa rnams dang /'dod pa dag las dben pa rnams dang / 'dod pa dag dang bral ba rnams so/ /gnas gsum po 'di dag la lhar bcas pa'i 'jig rten dang dge sbyong dang bram zer bcas pa dang / lha dang mir bcas pa'i 'jig rten gsum kun tu rmongs so/ /'jig rten gsum po 'di dag kyang rgyu rnam pa gsum gyis rnam par gzhag par rig par bya ste/'di ltar 'dod pa'i dbang phyug dang / dga' ba'i dbang phyug thob pa ni 'di lta ste/ bdud du bcas pa dang / tshangs par bcas pa'i 'jig rten gnyis so/ /de thob par bya ba'i rgyu la brtson pa ni dge sbyong dang bram zer bcas pa'o//las dang rgyu dang 'bras bu rnam pa sna tshogs pa khas len pa ni lha dang mir bcas pa'o/ /gnas gsum po 'di dag ci rigs par spang ba dang / mngon sum du byas pa la lam gnyis yod de/ mthong ba'i sa la zhugs pa'i phyin ci log bzhi spong bar gtogs pa'i sems dang /gong du bsgom pa'i lam la de la shas cher gnas pa'o/ /lam rnam pa de gnyis kyis sems rnam par grol ba'i 'bras bu ni rnam pa bzhi yod de/ 'dod chags dang / zhe sdang dang / gti mug gi 'ching ba las rnam par grol ba'i rnam pa dang /'dod pa'i 'dun pa 'dul ba dang / spong ba dang / yang dag par 'da' ba dang / nges par 'byung ba'i rnam pa dang / kun tu sbyor ba dgu dang bral ba'i rnam pa dang / skye ba la sogs pa'i sdug bsngal las rnam par thar pa'i rnam pa'o/ /de la rgyu lta bu'i rnam pa gsum gyis ni nyon mongs pa las rnam par grol ba bstan to//tha ma'i 'bras bu lta bu'i rnam pa gcig gis ni sdug bsngal las rnam par grol ba bstan te/ dper na mi la la zhig bcing ba rnam pa sna tshogs shing sgrob bam/ rtswa bal ba dza'i thag pa'am/ lcags thag rnams kyis btags la de srung ma'i mi gzhan dag kyang bkod nas de btson byed pa de las bros te rgyang ring du song du zin kyang phyir khrid de 'ong ba'am/yang na 'gul du yang mi ster na/ 'bros su lta ga la yod pa'am/ gzhan yang btson byed pa de la 'dod pa'i yon tan rgya chen po rnam pa sna tshogs su chags su rung zhing kun tu sbyor bar byed pa dag dang ldan par byas na de dag la sems chags pas rang nyid 'bros par mi sems te/de ltar mi de bcing ba rnam pa thams cad kyis legs par bsrung ba dang / legs par bsdams pa'i bcing bas dam por bcings pa la ni dgras 'di lta ste/brdeg pa dang / gnod par bya'am/ chad pas gcad pa'am/ yang na gtan du gsad pa la ci dga' dgur byar yod la/ de gang gi tshe btson byed pa de las shor bar gyur na/ bcing ba rnam pa bzhi las shor ba zhes brjod par 'gyur ba de bzhin du gnas gsum po dag la kun tu rmongs pa'i sems can 'di dag kyang bcing ba rnam pa sna tshogs 'di lta ste/'dod chags dang / zhe sdang dang / gti mug gi bcing ba rnams kyis bcings so/ /de dag gi btson srung lta bu ni rtog pa ngan pa rnams dang / nyon mongs pa'i bag la nyal ma bsal ba'o//de la rtog pa ngan pa rnams kyis ni 'gul du'ang mi ster na/ 'dod chags dang bral bar 'gyur bas 'bros su lta ga la yod/ bag la nyal rnams kyis ni 'jig rten pa'i lam gyis bros te/ srid pa'i rtse mo man chad du song du zin kyang phyir khrid de 'ong ngo / /de'i kun tu sbyor ba dgu ni 'dod pa'i yon tan lta bu yin te/de dag gi 'du byed rnams la rang nyid dga' bas bdag nyid bcings pa las rnam par thar bar mi 'dod pa de ni de ltar rnam pa sna tshogs su legs par bsrungs pa dang / shin tu thabs legs par dam por bcings pa dang / shin tu bsdoms nas bcings pa yin te/ bdud bzhi'i dgra rnams kyis skye ba la sogs pa'i sdug bsngal bsgrub pa la ci dga' dgur byar yod la de de las thar bar gyur na de kho na dang 'dra bar bcing ba rnam pa bzhi las rnam par grol ba zhes brjod do/ /sdom ni/man ngag bsdus dang man ngag 'bras/ /'chi dang grangs su 'gro ba dang / /yongs su shes dang spong ba gsum/ /'ching dang shin tu rnam par grol/ /lta dang nga rgyal kun nyon mongs/ /rnam par byang ba brjod pa'i gnas/ /rab tu dben pa rnam bzhi dang / / phun sum tshogs pa rnam pa gsum/ /nyan thos ni rgyu rnam pa gsum gyis ston pa las gdams ngag bsdus te tshol bar byed do/ /gsum gang zhe na/ thos pa lhur byed cing de ma yin pa'i nan tan du bsgrub pa dag la mi phyogs pa rnams ni bsdus pa'i chos thos pa tsam gyis kyang rang gi don thob par 'gyur bas na thos pa lhur len pa don med pa dang /nan tan du bsgrub pa 'ba' zhig gces par khong du chud par bya ba'i phyir thos pa lhur len pa las mos pa bzlog pa'i don dang / bya ba mang po'am skrag ste 'jug pa la mi phyogs pa rnams thabs kyis 'jug par bya ba'i don dang /yang na de nyid chos mang po legs par thos shing legs par bsams pa yin pas de 'di snyam du sems te/ bdag ni chos mang po legs par thos shing legs par bsams pa yin te/ gal te bdag chos rnams ji snyed bdag gis thos shing bsams pa de dag thams cad la brten nas sems gnas pa'i dmigs pa'am/rnam par grol ba'i dmigs pa la sems nye bar 'dogs na ni bdag gi yid la byed pa yang rnam par 'khrug par 'gyur la sems gnas pa yang thob par mi 'gyur na/ rnam par grol bar lta ga la 'gyur snyam ste/thos pa dang bsams pa'i chos de dag las gang la brten na dmigs pa la sems gnas pa'am/ rnam par thar par bya ba la mngon par shes pa myur ba dang / myur du nges par 'byung bar 'gyur ba yang nges pa med de/ de de ltar bdag nyid la nges pa med par ston pa'am/de bzhin gshegs pa'i nyan thos mkhas pa mngon sum du gyur par mthong nas thad du song ste gdams ngag bsdus pa tshol bar byed do/ /yang dag pa'i gdams ngag gi 'bras bu ni rang gi don thob pa rnam pa bzhir rig par bya ste/ 'di lta ste/ gang gi don du rab tu 'byung ba dang / ji ltar rab tu 'byung ba ste/ cha lugs phun sum tshogs pa dang / las phun sum tshogs pa dang / bsam pa phun sum tshogs pa dang / gnas gtong zhing len pa phun sum tshogs pa de la brten nas bla na med pa 'thob pa dang /tshe 'di la 'thob pa dang / bdag gis 'thob pa dang / so so rang rig pa 'thob par 'gyur ba'o/ /drug po 'di dag ni 'chi ba yin te/ 'di lta ste/ 'das pa'i 'chi ba dang / da ltar byung ba'i 'chi ba dang / ma dul ba'i 'chi ba dang / dul ba'i 'chi ba dang /'dra ba'i 'chi ba dang / mi 'dra ba'i 'chi ba'o/ /de la 'das pa'i 'chi ba ni 'das pa'i 'du byed rnams 'pho ba nas/ srog gi dbang po 'gag pa'i bar gyi 'chi ba gang yin pa'o/ /de la da ltar byung ba'i 'chi ba ni da ltar byung ba'i 'du byed rnams 'pho ba dang / srog gi dbang po 'gag pa'i bar gang yin pa'o/ /de la ma dul ba'i 'chi ba ni 'das pa'i dus na ma dul zhing ma zhi la bag la nyal dang bcas pa'i 'du byed rnams gcig la gcig bag la nyal ba dang / tha snyad du gdags pa'i skyes bu'i bag la nyal rnams kyis shi nas da ltar byung ba'i dus na nying mtshams sbyor bar byed de/bag la nyal dang bcas pa'i 'du byed kyis yongs su zin pa'i lus mngon par 'grub pa la da ltar byung ba'i dus na yang tshe'i mtha' zad par byas nas de bzhin dum dul zhing rnam par ma dul ba nas rgyas par shi nas ma 'ongs pa na lus mngon par 'grub cing bag la nyal dang bcas pa'i 'du byed rnams nye bar len pa gang yin pa ste/de dag nye bar blangs pa'i phyir skye ba la sogs pa'i sdug bsngal gyi khyad par rnams dang / 'dod chags la sogs pa'i 'ching ba chen po rnams kyis bcings so/ /de la dul ba'i 'chi ba ni da ltar gyi dus na dul zhing rnam par dul la bag la nyal med pa shi nas ma 'ongs pa na lus mngon par 'grub par mi 'gyur zhing /bag la nyal dang bcas pa'i 'du byed rnams nye bar mi len pa ste/ de dag nye bar ma blangs pa'i phyir skye ba la sogs pa'i sdug bsngal gyi khyad par rnams dang /'dod chags la sogs pa'i 'ching ba chen po rnams las yongs su grol bar 'gyur ro/ /de la 'dra ba'i 'chi ba ni gal te 'das pa'i dus na ji ltar ma dul ba bzhin du shi ba de bzhin du da ltar byung ba'i dus na yang 'chi ba de ni de 'dra ba'i 'chi ba yin te/mtshungs pa'i 'chi ba dang / mthun pa'i 'chi ba yang de yin par rig par bya'o/ /de ma yin pa 'das pa'i dus na ma dul ba'i 'chi ba'i dus byas la da ltar byung ba'i dus na dul bar 'gyur te/ shi ba de ni de'i mi 'dra ba'i 'chi ba yin te/ mi mtshungs pa'i 'chi ba dang /mi mthun pa'i 'chi ba yang de yin par rig par bya'o/ /de la da ltar byung ba'i 'du byed bag la nyal dang bcas pa rnams ni gcig la gcig bag la nyal bzhin du 'pho ba ste/ 'das pa ni de kho na bzhin du 'dra ba'i 'chi bas 'chi 'pho zhing mthun par 'chi la/ 'das pa na mthun par 'chi ba de dang 'dra ba'i 'du byed kyi rgyud la nying mtshams sbyor zhing ma 'ongs pa nye bar len to//'chi ba rnam pa drug po de dag kyang rnam pa gnyis su rig par bya ste/ 'du byed 'jug pa'i nyes dmigs dang / 'du byed ldog pa'i phan yon no/ /de la 'das pa dang / da ltar byung ba dang / ma dul ba dang / 'dra ba'i 'chi ba rnams dang / ma 'ongs pa'i nye bar len pa dang / skye ba la sogs pa'i sdug bsngal dang / 'dod chags la sogs pa nyon mongs pa'i 'ching ba'i phyir ni 'du byed 'jug pa'i nyes dmigs so/ /da ltar byung ba na dul ba dang mi 'dra ba'i 'chi ba dang /ma 'ongs pa na nye bar mi len pa dang / sdug bsngal dang nyon mongs pa'i 'ching ba las rnam par grol ba'i phyir ni 'du byed ldog pa'i phan yon no/ /'du byed rnams mngon par 'grub pa la ni rnam pa brgyad po 'di dag gis gdags pa'i skyes bu'i grangs su 'gro bar 'gyur te/ming ni 'di zhes bya/ rigs ni 'di zhes bya/ rus ni 'di zhes bya/ zas ni 'di lta bu zhig za za/ bde ba dang sdug bsngal ni 'di lta bu zhig nyams su myong / tshe ni 'di ltar ring / yun ni 'di srid du gnas/ tshe'i mtha' ni 'di tsam zhig ces bya ba ste/rnam pa 'di dag gi dbye ba ni snga ma bzhin du 'di lta ste/ byang chub sems dpa'i sa'i sngon gyi gnas las brtsams pa bzhin du rig par bya'o/ /'du byed rnams la bdag med par yongs su shes pa dang / spong ba ni rnam pa gsum du rig par bya ste/ 'di lta ste/ nang yongs su shes pa dang / phyi rol yongs su shes pa dang / nang dang phyi rol yongs su shes pa ste/ spong ba yang de dang 'dra'o/ /de yang 'du byed 'di dag ni bdag ma yin no/ /'di dag ni bdag gi ma yin no/ /'di dag ni gzhan su'i yang ma yin no snyam du nang dang phyi rol dang gnyi ga yongs su shes pa dang /spong ba la ci rigs par rig par bya'o/ /de la chos kyi lugs shes pas nges par byas pa ni yongs su shes so/ /de la goms pas de dang mtshungs par ldan pa'i bag la nyal spangs pa ni de spong ba yin no/ /de la gang gis 'du byed rnams yongs su ma shes pa de la ni yongs su shes par bya ba'i phyir ston pa chos ston par mdzad do//gang gis yongs su shes la ma spangs pa de ni ji ltar thob pa'i yongs su shes pa la goms pa tsam gyis de spang bar bya ba'i phyir yang dag par 'dzud par mdzad do/ /gsum po 'di dag ni 'khor bar 'jug pa na 'ching ba yin te/de dag las sems rnam par grol bar dka'o/ /de yang legs par gsungs pa'i chos 'dul ba las rnam par grol bar 'gyur gyi nyes par bshad pas ni ma yin no/ /gsum gang zhe na/ 'di lta ste rjes su chags pa'i kun tu sbyor ba ma gtogs pa de ma yin pa'i kun tu sbyor ba rnams kyis kun tu sbyor bar byed pa ste/zag pa dang bcas pa'i dngos po gang yin pa dang / rjes su chags pa'i kun tu sbyor bas kun tu chags par byed pa ste/ zag pa dang bcas pa'i dngos po gang yin pa dang / phyi ma la yang srid pa 'byung ba'i 'du byed rnams mngon par 'grub pa'o//'ching ba rnam pa gsum po 'di dag las rgyu rnam pa gsum gyis sems rnam par grol bar dka' ste/ dang po ni rnam pa sna tshogs kyi phyir ro/ /gnyis pa ni khong du zhen pa dang 'dod par bya ba yin pa'i phyir ro//gsum pa ni cha phra ba'i phyir ro/ /rnam pa lngas yang srid par 'ching bas bcings pa ni nga'o snyam pa'i nga rgyal rnam pa lnga kun tu spyod par rig par bya ste/ 'di lta ste/ rten dang / dmigs pa dang / grogs dang / ngo bo nyid dang / rgyu dang 'bras bu'o/ /de la 'jig tshogs la lta ba la brten nas yod pa dang med pa la dmigs te/phyi ma la bdag yod par 'gyur ram/ /'on te med par 'gyur snyam pa'o/ /de la med pa la dmigs pa ni rnam pa gcig tu zad do/ /yod pa la dmigs pa ni rnam pa lnga ste/ 'di lta ste/ bdag gzugs can du 'gyur ram/gzugs med pa'am/ 'du shes can nam / 'du shes med pa'am/ 'du shes can yang ma yin/ 'du shes can ma yin pa yang ma yin pa zhig tu 'gyur ram snyam pa ste/ de dag thams cad gcig tu bsdus pa ni dmigs pa rnam pa drug yin no/ / de la grogs ni sems bskyod cing g.yeng bar byed pa'o/ /de la ngo bo nyid ni rang gi mtshan nyid kyi sgo nas rlom sems su byed pa dang / nyon mongs pa spyi'i mtshan nyid kyi sgo nas spros pa'i ngo bo nyid do/ /de la rgyu dang 'bras bu'i ngo bo ni skye ba dang mngon par 'grub pa'i rgyu'i ngo bos spyod de/ las mngon par 'du byed pa dang / sred pa'i rjes su song ba'i phyir ro/ /gzhan yang 'bras bu'i ngo bo'i sgo nas ni de la brten pa'i nga'o snyam pa'i nga rgyal kun tu spyod pa'i phyir ro/ /rnam pa gsum gyis ni sems shin tu rnam par grol bar rig par bya ste/ 'du byed thams cad yongs su shes pa dang /de dang mtshungs par ldan pa'i nyon mongs pa spong ba mngon sum du byed pa dang / nyon mongs pa spangs pa ni thams cad du sred pa med par gnas pa'i phyir ro/ /de la rnam pa bzhis ni ji lta ba bzhin du yod pa'i 'du byed rnams yongs su shes te/ 'di lta ste/ mi rtag pa la sogs pa'o//rnam pa bcu gcig gis ni ji snyed yod pa yongs su shes te/ 'di lta ste/ 'das pa dang / ma 'ongs pa la sogs pa ste snga ma bzhin no/ / / /rnal 'byor spyod pa'i sa las gzhi bsdu ba/ bam po gnyis pa/ 'di gnyis ni rnam pa lnga dang ldan pa'i kun nas nyon mongs pa rgyu mtshan rnam pa lnga dang bcas pa ste/de gnyis ni slob pas yongs su shes nas/ spang bar bya ba yin la mi slob pas ni spang ba yin te/ 'di lta ste/ lta ba'i kun nas nyon mongs pa dang / nga rgyal gyi kun nas nyon mongs pa'o/ /de gnyis kyang rnam pa dang /kun nas dkris pa dang / bag la nyal gyi sgo nas bye brag rnam pa lngar 'gyur te/ 'di lta ste/ bdag tu 'dzin pa dang / bdag gir 'dzin pa dang / nga'o snyam pa'i nga rgyal dang / mngon par zhen pa dang / bag la nyal lo/ /de la 'di gnyis ni bdag tu 'dzin pa dang /bdag gir 'dzin pa dang / nga'o snyam pa'i nga rgyal la brten te/ de'i dmigs pa'i gzhi la nan gyis mchog tu bzung nas mngon par zhen te/ 'di 'ba' zhig bden gyi gzhan ni don med do snyam ste/ de ltar kun nas dkris pa'i tshul gyis mngon par zhen par rig par bya'o//de'i sa bon rgyud kyi rjes su 'brang ba ni bag la nyal lo/ /de dag kyang rnam par shes pa dang bcas pa'i lus 'di dang / phyi rol la brten nas rgyu mtshan rnam pa lnga yod de / 'di lta ste/ bdag tu 'dzin pa'i rgyu mtshan nas/ bag la nyal gyi rgyu mtshan gyi bar rnams so//rgyu mtshan de yang rnam pa gnyis te/ dmigs pa'i rgyu mtshan dang / rgyu'i rgyu mtshan no/ /de la bdag tu 'dzin pa dang / nga'o snyam pa'i nga rgyal gnyis kyi dmigs pa'i rgyu mtshan ni rnam par shes pa dang bcas pa'i lus 'di yin no/ /bdag gir 'dzin pa ni gnyi ga yin no//de la mngon par zhen pa'i rgyu'i rgyu mtshan ni dam pa'i chos ma yin pa thos pa dang / tshul bzhin ma yin pa yid la byed pa dang / de'i bag la nyal lo/ /de'i bag la nyal gyi rgyu'i rgyu mtshan ni 'du byed rnams yang dag pa ji lta ba bzhin du yongs su mi shes pa dang / kun nas dkris pa la goms pa'o/ /bzhi po 'di dag ni sems can gyi rigs yin te/ de dag la kun nas nyon mongs pa 'di rnam par gzhag par rig par bya'o/ /bzhi gang zhe na/ 'di lta ste/ phyi rol gyi mu stegs can rnams dang / chos 'di pa'i so so'i skye bo rnams dang /slob pa rnams dang / mi slob pa rnams so/ /de la phyi rol pa rnams la ni thams cad tshang bar yod do/ /chos 'di pa'i so so'i skye bo rnams la ni rnam pa bzhi'i rgyu mtshan dang bcas pa dang / mngon par zhen pa'i phyogs gcig yod do/ / mngon par zhen pa ni med do/ /slob pa la ni bdag tu 'dzin pa dang / bdag gir 'dzin pa gnyis dang / rgyu dang bcas pa'i mngon par zhen pa dang / bag la nyal gnyis dang / nga'o snyam pa'i nga rgyal la mngon par zhen pa rgyu mtshan dang bcas pa ni med do/ /nga'o snyam pa'i nga rgyal bag la nyal dang bcas pa ni yod do//mi slob pa la ni thams cad med do/ /de la 'di las phyi rol pa ni de dag mi spong ba 'ba' zhig la zhugs so/ /chos 'di pa'i so so'i skye bo ni yang dag par spang ba'i phyir zhugs te yang dag pa ji lta ba bzhin du ma mthong ba'i phyir da dung spangs pa ni ma yin no//slob pa ni kha cig ni spangs/ kha cig ni spangs pa'i phyir zhugs te yang dag pa ji lta ba bzhin du yang mthong la zad pa dang mi skye ba'i shes pa ma thob pa'i phyir bdag gis mthong ngo snyam du ni mi shes so/ /mi slob pa ni thams cad kyang spangs la 'du byed du gtogs pa mtha' dag bdag gis yang dag pa ji lta ba bzhin du mthong ngo snyam du yang shes so//brgyad po 'di dag ni rnam par byang ba brjod pa'i gnas yin te/ brgyad gang zhe na/ lta ba dang nga rgyal las yang dag par 'das pa'i phyir rnam pa las yang dag par 'das pa'i yid ces bya ba rnam par byang ba brjod pa'i gnas dang /de'i mtshan ma spangs pa'i phyir mtshan ma dang bral ba dang / de la mngon par zhen pa spangs pa'i phyir zhi bar gyur ba dang / de'i bdag la nyal spangs pa'i phyir shin tu rnam par grol ba dang / gzhan yang slob pa'i rnam par byang ba brjod pa'i gnas gnyis te/ 'di lta ste/ sred pa bcad pa'am/ kun tu sbyor ba gsum bzlog nas 'di lta ste/ yang sred pa skyed pa'i 'du byed thams cad la kun tu mi spyod pa'i tshul dang / mi slob pa'i rnam par byang ba brjod pa'i gnas gnyis te/'di lta ste/ nga rgyal yang dag par mngon par rtogs pa dang / sdug bsngal thams cad kyi rtsa ba srid pa'i bag la nyal bcom pa'i phyir sdug bsngal mthar byas pa ste/ de rnams gcig tu bsdus te / rnam par byang bar brjod pa'i gnas rnam pa brgyad du 'gyur ro//rab tu dben par gnas pa rdzogs pa ni yan lag bzhis shin tu rdzogs par 'gyur te/ bzhi gang zhe na/ 'di lta ste/ zla med par gnas pa dang / bas mthar gnas mal 'cha' zhing lus dben pa dang / khyim na gnas pa dang / yul las skyes pa'i mtshan ma dang /rtog pa dang / 'dod pa'i 'dun pa dang / gnod sems rnams la bag yod pa la brten te/ sems kun tu srung ba ni sems dben pa dang / rnam pa lngas brtson 'grus brtsams pa'i mngon par shes pa myur bar 'gyur ba la mthu dang ldan pa ste/ brtson 'grus kyi go cha dang brtson 'grus dang ldan pa ste/ sbyor ba'i brtson 'grus dang / spro ba dang ldan pa ste/ chos rgya chen po dag la zhum pa med pa'i brtson 'grus dang / rtul phod pa brtan pa ste/ grang ba dang / tsha ba dang / sha sbrang dang / sbrang bu mchu rings la sogs pas 'khrug par mi 'gyur ba'i brtson 'grus dang brtson pa mi 'dor ba ste/ngan ngon gyis chog par mi 'dzin pa'i brtson 'grus so/ /zhi gnas dang lhag mthong gi phyogs kyi nye ba'i nyon mongs pa go rims bzhin du sbyar te/ rmugs pa dang / gnyid dang / rgod pa dang / 'gyod pa spangs nas chud mi za ba'i tshul gyis zhi gnas dang lhag mthong la yang dag par zhugs so/ /gsum po 'di dag ni legs par gsungs pa'i chos 'dul ba'i phun sum tshogs pa yin te/ gsum gang zhe na/ nan tan du sgrub pa phun sum tshogs pa dang / 'bras bu phun sum tshogs pa dang //ston pa phun sum tshogs pa'o/ /de la nan tan du sgrub pa phun sum tshogs pa ni spong ba dang / 'dod chags dang bral ba dang / 'gog pa'i khams rnams thob par bya ba dang / reg par bya ba'i phyir chos nyan zhing gzhan dag la yang ston par byed la bdag nyid kyang chos kyi rjes su mthun pa'i chos la nan tan du sgrub pa la zhugs pa yin te/'di ni nan tan du sgrub pa phun sum tshogs pa'o/ /'bras bu phun sum tshogs pa gang zhe na/ chos kyi rjes su mthun pa'i chos la nan tan du sgrub pa de nyid kyi dbang du byas nas/sems shin tu rnam par grol bar 'gyur te/ tshe de nyid la mya ngan las 'das pa 'thob pa 'di ni 'bras bu phun sum tshogs pa'o/ /de la ston pa phun sum tshogs pa ni tshangs bar spyod pa dang ldan pa'i chos thams cad kyi rtsa ba bcom ldan 'das yin la/de'i tshul 'jug par mdzad cing de'i rjes su 'brang bar mdzad de/ de bzhin gshegs pa byung na bstan pa de dag yod par 'gyur ro/ /de bas na de dag gi rtsa ba ni bcom ldan 'das yin no/ /byung nas kyang de dang de dag tu 'dul bar gzigs te bstan pas na/ gang gi phyir dam pa'i chos kyi tshul 'di slob dpon dang slob ma gcig nas gcig tu brgyud de 'ongs pa de'i phyir bcom ldan 'das kyi tshul can no//de ltar chos kyi tshul zhugs par byas pa'i the tshom skyes pa thams cad la bcom ldan 'das 'ba' zhig gi rjes su 'brang bas na de'i phyir de dag bcom ldan 'das kyi rjes su 'brang ba yin no//chos smra ba ni lung dang rtogs pa'i sgo nas rnam pa gnyis yod de gzhan las thos nas ston pa dang / slob pa dang mi slob pa'o/ /ston pa ni tshul bzhin du zhugs pa'i dus gsum du legs so zhes bya ba sbyin par mdzad de mngon par 'du byed pa dang /thad du 'ong ba dang / zhu ba'i dus rnams su'o/ /sdom ni/ 'du shes rnam pa byis pa'i rtags/ /mig dang phan yon 'gyur ba dang / shes pa dgu dang brjed mi ngas/ /khyad par dag tu 'gro ba dang / /bdag tu lta ba'i bye brag dang / /'du byed mtshan nyid rnam pa gsum//chos kyi mdo la sogs pa yi/ /sde tshan rgya chen tha ma yin/ /lnga po 'di dag ni 'du byed rnams la mi rtag pa'i 'du shes sgom pa'i rnam pa ste/ 'di lta ste/ mi rtag pa dang / mi brtan pa dang / ther zug ma yin pa dang / yid brtan du mi rung ba dang / 'gyur ba'i chos can no/ /de la skad cig re re la 'jig pas na mi rtag pa rnams so/ /tshe'i tshad nges pa dang 'brel pa'i lus su gnas pas na mi brtan pa rnams so/ /phyi rol pa rnams kyang bskal ba gcig las ring du mi gnas par nges par na ther zug ma yin pa rnams so/ / tshe'i mthar ma phyin par yang dus ma yin par 'chi ba'i rkyen rnams kyis 'jig par 'gyur ba srid pas na yid brtan du mi rung ba rnams so/ /ji srid tsam gyi bar du 'khor ba de srid tsam gyi bar du yang gcig tu nges par bde ba med pas na de'i phyir 'gyur ba'i chos can no/ /gsum po 'di dag ni byis pa rnams kyi byis pa'i rtags yin no//gsum gang zhe na/ byis pas de ltar 'du byed rnams kyi mi rtag pa rnam pa lnga yid la ma byas pas ngan pa dang bzang po yongs su ma grub pa rnams la ngan pa dang bzang por rtog pa'i sgo nas gzhan rnams dang bdag la yongs su 'jal bar byed de/ bdag che'o snyam du rlom sems su byed pa gang yin pa 'di ni byis pa'i rtags dang pa'o / /che ba ji lta ba bzhin du mtshungs pa dang / chung ngu yang de dang 'dra ste/ snga ma bzhin du sbyar ro/ /de nyid las bzlog pa gsum ni mkhas pa rnams kyi mkhas pa'i rtags yin par rig par bya'o/ / 'phags pa'i shes rab kyi mig ni rnam pa gnyis kyis rnam par dag par 'gyur bar rig par bya ste/ mthong bas spang bar bya ba'i nyon mongs pa'i kun nas dkris pa dang bral bas na rdul med pa'o/ /de'i bag la nyal dang bral bas na dri ma dang bral ba'o/ /gzhan yang mngon par rtogs pa'i tshe yid la byed pa la zhugs pa na nga'o snyam pa'i nga rgyal rags pa spel mar 'dug ste/de'i gzung ba'i 'dzin pa la dmigs pa mgo mnyam du yongs su shes pas spong bar 'gyur la de spangs pas na rdul med pa'o/ /mthong bas spang bar bya ba'i nyon mongs pa'i bag la nyal thams cad spangs pas na dri ma dang bral ba'o//rdul med cing dri ma dang bral ba des chos rnams la chos kyi mig thob pa'i mod la phan yon bcu 'byung bar rig par bya ste/ bcu gang zhe na/ 'phags pa'i bden pa bzhi po rnams legs par mthong bas na chos mthong ba zhes bya'o//dge sbyong gi 'bras bu gang yang rung ba thob pas na chos thob pa zhes bya'o/ /de dag nyid kyis thob par rig par 'gyur to / /bdag gi sems can dmyal ba rnams dang / dud 'gro dang yi dwags rnams zad do/ /bdag ni rgyun du zhugs pa yin no snyam pa nas rgyas par sbyar te/de ltar na chos rig pa zhes bya'o/ /shes nas dang ba thob pa'i phyir sangs rgyas dang chos dang / dge 'dun rnams yang dag pa ji lta ba bzhin du shes pas na chos kyi gting slebs pa zhes bya'o/ /de ni bdag gis thob pa la yang som nyi med la gzhan rnams kyis thob pa la the tshom med do//'phags pa'i bden pa dang ldan pa'i gtam brjod pa la yang gzhan gyi dring mi 'jog ste/ gzhan dag gi ngor lta zhing ngor rtog pa med do/ /pha rol rgol ba la sogs pa thams cad kyis kyang chos 'dul ba 'di las mi 'phrogs par 'gyur ro//de ni bdag gis thob pa'i shes pa brda sprod pa la yang 'jigs pa med do/ /yang dag pa'i brda dang / don dam pa'i rgyu rnam pa gnyis kyis kyang bstan pa la zhugs pa yin no/ /shes pa dgu po 'di dag ni 'du byed rnams yongs su shes pa dang / yang dag par 'da' bar 'gyur ba ste/'di lta ste/ 'du byed rnams kyi 'jug pa shes pa dang / ldog pa shes pa dang / kun nas nyon mongs pa'i rgyu shes pa dang / rnam par byang ba'i rgyu shes pa dang / rnam par byang ba shes pa dang / sdug bsngal shes pa dang / kun 'byung ba dang / 'gog pa dang / lam shes pa'o/ /de la 'jug pa shes pa ni mdor bsdu na rgyu rnam pa gsum byung bas 'du byed thams cad kun 'byung bar 'gyur ro snyam pa'i shes pa gang yin pa ste/ 'di lta ste/ dga' ba byung ba dang / reg pa byung ba dang / ming dang gzugs byung ba ste/ gzugs dang tshor ba la sogs pa dang / rnam par shes pa dang ci rigs par sbyar ro/ /rgyu rnam pa gsum po nyid 'gags pas 'du byed rnam pa gsum po 'gag par 'gyur bas na ldog pa shes pa'o/ /kun nas nyon mongs pa'i rgyu dang rnam par byang ba'i rgyu dang rnam par byang ba shes pa rnams ni mnog dang /nyes dmigs dang / nges par 'byung ba rnams kyi skabs su sngar bstan pa bzhin du rig par bya'o/ /sdug bsngal la sogs pa 'phags pa'i bden pa rnams kyi shes pa yang snga ma kho na bzhin du bden pa rnam par 'byed pa'i tshul du rig par bya'o//de la shes pa snga ma lnga so so'i skye bo'i gnas skabs su kun tu bstan pa las ni phyi ma'i bden pa shes pa bzhi thob par 'gyur te/ de dag thob pas yang dag pa ji lta ba bzhin du 'du byed rnams yongs su shes so/ /shes pa snga ma de dag ma tshang bar gyur na ni bden pa'i tshul gyis/'du byed rnams yongs su shes par 'gyur ba'i skal ba med do/ /tshang bar yod na ni bden pa'i tshul gyis skal ba yod de/ gzhan yang 'du byed yongs su shes pa med na ni gong du bsgoms pa'i stobs kyis nyon mongs pa thams cad spangs pas 'du byed thams cad las yang dag par 'da' ba'i skal ba med do//de las bzlog pa la ni skal ba yod de/ de bas na shes pa dgu 'du byed rnams yongs su shes pa dang / yang dag par 'da' bar 'gyur ba zhes bya'o/ /rnal 'byor pa ni gnas gsum gyis 'du byed thams cad la brjed ngas pa med par gnas te/gsum gang zhe na/ 'das pa'i 'du byed rnams la ni mi rtag par yang dag pa ji lta ba bzhin du rab tu shes so/ /da ltar byung ba rnams la ni 'jig pa'i chos can dang / ma 'ongs pa rnams la ni skye ba dang 'jig par yang dag pa ji lta ba bzhin du rab tu shes so//de de ltar dus gsum gyi 'du byed rnams la rmongs pa med cing kun nas nyon mongs pa med pas bde ba la reg par gnas te/ reg pa dang ldan pa zhes bya ba'i grangs su yang 'gro'o/ /de las bzlog pa ni brjed ngas par gnas pa dang / ma rig pa dang ldan pa yin par rig par bya'o//gsum po 'di dag ni nyon mongs pa'i rnam grangs yin te/ de dag ni phal cher kun nas nyon mongs pa'i phyogs su bstan par 'gyur ba ste/ 'di lta ste/ 'dod chags kyi rnam grangs dang / zhe sdang gi rnam grangs dang / gti mug gi rnam grangs so/ /de la 'dod chags kyi rnam grangs ni/ dga' ba dang / 'dod chags dang / lta ba yod pa dang / mngon par dga' ba dang / 'dun pa dang / byams pa dang / 'phangs pa dang / kun gnas pa dang / nges par zhen pa dang / lhag par zhen pa dang /'dod pa dang / chags pa dang / sred pa dang / rjes su chags pa dang / skom pa'o/ /de la zhe sdang gi rnam grangs ni/ 'di lta ste/ khong khro ba dang / zhe sdang dang / gnod sems dang / khro ba dang / kun nas mnar sems dang / mi bzod pa dang / yid mi ches pa dang /drag pa dang / 'chur ba dang / rtsub por smra ba dang / nang pa dang / 'khrug pa dang / gnod par sems pa dang / dom zum gnag ste 'dug pa dang / 'khrugs pa skyed pa'o/ /de la gti mug gi rnam grangs ni 'di lta ste/ mi shes pa dang / mi mthong ba dang /mngon par mi rtogs pa dang / mun pa lta bu dang / rmongs pa dang / ma rig pa dang / mun nag lta bu ste/ de rnams kyi rnam par dbye ba ni rnam grangs bsdu ba las rgyas par rig par bya'o/ /dga' ba dang 'dod chags gnyis kyi khyad par yang bstan par bya ste/ lus la yod pa'i tshor ba'i dmigs pa la kun tu dga' ba ni dga' ba'o//dmigs pa gang yin pa de'i tshor ba skyes pa'i yul de la lhag par zhen pa ni 'dod chags so/ /gzhan yang 'thob tu cha ba'i yul gyi tshe'i ni dga' ba'o/ /thob zin pa'i tshe'i ni 'dod chags so/ /gzhan yang thob zin pa la nye bar spyod du cha ba'i tshe ni dga' ba'o//de nyid la nye bar spyod pa'i tshe ni 'dod chags so/ /gzhan yang yul dang phrad par bya ba'i thabs kyi tshe'i ni dga' ba'o/ /yul nyid kyi tshe'i ni 'dod chags pa'o/ /gzhan yang srid par skye ba'i tshe'i ni dga' ba'o/ /yul gyi tshe'i ni 'dod chags so//gzhan yang 'dod pas bya ba'i sems can gzhan phun sum tshogs par gyur ba'i tshe'i ni dga' ba'o/ /bdag phun sum tshogs par gyur pa'i tshe'i ni 'dod chags so/ /bzhi po 'di dag ni 'du byed rnams la tshul bzhin du brtson pa'i khyad par du 'gro ba yin no/ / khyad par du 'gro ba'i 'du shes ni gsum ste/ 'di lta ste/ ma thob pa thob pa dang / ma rtogs pa rtogs pa dang / mngon sum du ma byas pa mngon sum du byed pa dang / tshe 'di la bde bar gnas pa ni khyad par du 'gro ba bzhi pa'o/ /de la sngon ma thob pa'i rgyun du zhugs pa'i 'bras bu dang po thob pas na ma thob pa thob pa yin par rig par bya'o//de nyid la brten nas slob pa gong ma'i 'bras bu rtogs pas na ma rtogs pa rtogs pa yin par rig par bya'o/ /de nyid la brten nas/ dgra bcom pa gnyid kyi 'bras bu 'thob pa ni nyon mongs pa thams cad spong ba mngon sum du byed pas na/mngon sum du ma byas pa mngon sum du byed pa yin par rig par bya'o/ /dgra bcom pa nyid thob pa ni yang ma thob pa thob par bya ba nas mngon sum du ma byas pa mngon sum du bya ba'i bar gyi phyir brtson pa med mod kyi/ 'on kyang brtson par byed pa ni rang gi don gyi dbang du byas nas/tshe 'di la bde bar gnas par bya ba'i phyir brtson par zad do/ /de la gsum po 'di dag ni khyad par du 'gro ba'i 'du shes yin te/ 'di lta ste/ 'du byed rnams la mi mthun par 'du shes pa dang / nyes dmigs su 'du shes pa dang / yang dag pa'i don du 'du shes pa'o//mi mthun pa'i 'du shes ni rnam pa bzhi ste/ 'du shes rnams la nad dang / 'bras dang / zug rngu dang / sdig pa yin par yid la byed pa ste/ dper na la la zhig khams ma snyoms pa'i rgyu las byung ba'i nad kyi sdug bsngal la mi mthun par 'du shes par 'gyur ba dang /sngon gyi las kyi rgyu las byung ba'i 'bras bu sdug bsngal dang / dgra gzhan gyis bsnun pa'i zug rngu'i rgyu las byung ba'i sdug bsngal dang / gnyen dang longs spyod la sogs pa las gyur pa'i phongs pa rnams la rang gi log par rtog pa'i sdig pa'i rgyu las byung ba'i sdug bsngal la mi mthun par 'du shes par 'gyur ba de bzhin du rnal 'byor pa yang 'du byed rnams la mi mthun par 'du shes par 'gyur ro//de la nyes dmigs su 'du shes pa ni rnam pa gnyis te/ 'di lta ste/ 'du byed rnams la mi rtag pa'am sdug bsngal bar yid la byed pa'o//de la yang dag pa'i don du 'du shes pa yang rnam pa gnyis kho na ste/ 'du byed rnams la stong pa'am bdag med par yid la byed pa'o/ /de la thog ma nyid du nyes dmigs dang / yang dag pa'i don du 'du shes pa la legs par 'dris par byas pas na/phyis mi mthun pa'i 'du shes yang dag par gnas par 'gyur te/ 'bras bu ni sngar bstan to/ /rgyu ni phyis bstan to/ /bdag tu lta ba rnam pa bzhi ni nga'o snyam pa'i nga rgyal skye ba'i rkyen gyi bya ba byed pa yin te/ 'di lta ste/ rnam par brtags pa ni 'di las phyi rol pa'i mu stegs can rnams kyi gang yin pa'o//lhan cig skyes pa ni tha na ri dgas dang bya rnams la yang yod pa gang yin pa'o/ /rang gi gnas la dmigs pa ni so so rang gi lus rnams la yod pa gang yin pa'o/ /gzhan gyi gnas la dmigs pa ni gzhan gyi lus rnams la yod pa gang yin pa ste/gal te rnam par brtags pa'i bdag tu lta ba la brten nas nga'o snyam pa'i nga rgyal skyed na ni de lta bu des rang gi lus dang gzhan gyi lus la bdag tu mthong nas bdag tu lta ba rnam pa gnyis la brten nas skyed par byed de / dper na bzhin la brten nas yongs su dag pa'i me long gi ngos la gzugs brnyan skye bar 'gyur la/gzugs brnyan la brten nas rang gi gnas la tha ma dang 'bring dang mchog tu 'du shes par 'gyur ba de bzhin du rtog pa'i ngan pas rang gi gnas la yod pa'i bdag tu lta ba'i rkyen las byung ba'i bzhin lta bu dang /gzhan gyi gnas la dmigs pa'i gzugs brnyan lta bu skye bar 'gyur ro/ /de'i rkyen las kyang gzhan rnams pas bdag che'o/ /bdag mtshungs so/ /bdag chung ngo snyam du nga'o snyam pa'i nga rgyal skye'o/ /de ste lhan cig skyes pa'i bdag tu lta ba'i rkyen gyis skyed na ni de la ni dpe'i khyad par du rig par bya ste/dper na mig dang ldan pa'i mi snod na 'dug pa'i chu dang ba'i nang du mig dang rna ba gnyis la lta ba bzhin no/ /lhag ma rnams ni snga ma bzhin du rig par bya'o/ /'jig tshogs la lta ba de ni rnam pa thams cad ni/ legs par gsungs pa'i chos 'dul ba 'ba' zhig gis spong bar 'gyur gyi gzhan gyis ni ma yin no/ /de ltar na de bzhin gshegs pa rnams dang / tshangs pa mtshungs par spyod pa mkhas pa rnams kyi phan pa'i lan ni nyan thos sam tshangs pa mtshungs par spyod pas ston pa'am/ tshangs pa mtshungs par spyod pas yongs su mya ngan las 'das pa la yang rnam pa gcig pus lan lon par 'gyur gyi gzhan gyis ni ma yin no/ /gal te gzhan la phan pa'i phyir lam de kho na la zhugs par gyur na ni de lta na des de dag gi bzhed pa yongs su bskang bas lan du phan btags pa yin no//mtshan nyid gsum pa'i 'du byed rnams 'gags pa'i phyir ro/ /lhag ma med pa'i mya ngan las 'das pa'i dbyings zhes bya ste/ 'di lta ste/ bskyed pa rnams dang / rang bzhin gyis 'jig pa rnams dang / nyon mongs pa dang bral ba rnams so/ / de la sngon gyi yang srid par skye ba'i las dang nyon mongs pa rnams kyis mngon par 'dus byas pa dang / sngon gyi smon lam gyis mngon par 'phangs pas na da ltar bskyed pa yin no/ /de ltar skyes nas kyang rang bzhin gyis 'jig pa'i phyir gtan du mi gnas so/ /nyon mongs pa ma lus par spangs pas na nyon mongs pa dang bral ba yin te/gang gi phyir da ltar 'gags nas phyis mi skye ba'i phyir ro/ /de bas na mtshan nyid gsum pa'i 'du byed 'di 'gag pa'i phyir 'gog pa zhes bya'i/ mtshan nyid gang yang rung ba ma tshang na ni 'gog par gdags su mi rung ngo //rnam par thar pa'i sgo gsum gyi sgo nas chos kyi mdo bzhi rnam par gzhag par rig par bya'o/ /'di lta ste/ stong pa nyid dang / smon pa med pa dang / mchan ma med pa'o/ /de la 'du byed thams cad ni mi rtag pa'o/ /'du byed thams cad ni sdug bsngal ba'o zhes bya ba ni smon pa med pa'i sgo nas chos kyi mdo dang po dang gnyis pa rnam par gzhag pa yin no//chos thams cad bdag med pa'o zhes bya ba ni stong pa nyid kyi sgo nas gsum pa rnam par gzhag pa'o/ /mya ngan las 'das pa ni zhi ba'o zhes bya ba ni mtshan ma med pa'i sgo nas bzhi pa rnam par gzhag pa'o//chos kyi mdo'i dbang gis byung ba'i 'du byed 'dod pa ni rnam pa gnyis su rig par bya ste/ mos pa dang ldan pa dang / bsam pa dang ldan pa'o/ /de la mos pa dang ldan pa'i 'dod pas ni chos kyi mdo bzhis 'du byed rnams 'dod de /'du byed thams cad nye bar zhi ba ni de 'dod pa de lkog dben par song nas bsam pa thag pa nas yid la byed pa ni/ rnam pa bzhis de las yid ldog par 'gyur te/ de la phan yon ma mthong bas mi 'jug pa'i phyir dang / de thob par yid mi ches pas ma dad pa'i phyir dang /dmigs pa de la mngon par mi dga' bas mi gnas pa'i phyir dang / de la mngon par mi dga' bas rnam par ma grol ba'i phyir ro/ /de las bzlog pa ni bsam pa'i sgo nas 'dod pa yin par rig par bya'o/ /rgyu gnyis kyis ni mos pa'i bdag med pa 'dod pa la brten pas mya ngan las 'das pa las sems phyir ldog par 'gyur te/yongs su yi 'chad pa'i phyir ro/ /de yang 'di lta ste/ 'dod pa de yang legs par byang ba ma yin la tshar phyin par yang ma gyur ba dang / de yid la byed pa'i tshe yang rgyu de nyid kyis brjed ngas par 'gyur ba'i phyir te/bzod pa de la yongs su ma byang ba'i phyir ni de'i tshe 'du byed rnams la 'du byed tsam du shes pa la sems rmongs par 'gyur te/ bdag gi bdag gang yin zhig gu snyam du bdag yongs su tshol ba'i rnam pas de zhib pa dang ldan pa'i bar du gcod pa 'jug par 'gyur te/des na de 'di snyam du bdag ni med par 'gyur ro snyam du sems kyi/ 'di snyam du 'du byed tsam po 'di ni med par 'gyur ro snyam du ni mi sems so/ /de de ltar rjes su 'brel ba'i 'jig tshogs la lta ba la brten nas rnam par 'gyur ba dang / rjes su 'brel ba'i rnam par shes pa bskyed de/yongs su yi 'chad pa'i phyir 'gog pa las yid phyir ldog par 'gyur ro/ /yongs su yi 'chad pa de spang ba la dben pa'i chos ni gnyis yod de/ 'di lta ste/ tshangs pa mtshungs par spyod pa mkhas pa dag la bdag nyid yang dag pa ji lta ba bzhin rab tu ston pa dang /dge ba'i chos la 'dun pa'i phyir shes par 'dod pa'i sems dang / mnyan zhing las su rung ba'i sems so/ /de ltar shes par 'dod pa'i sems kyis chos nyan pa na rnam pa gsum gyi sgo nas yid bde ba skye bar 'gyur te/ 'di lta ste/gang zag gi dbang gis byung ba dang / chos kyi dbang gis byung ba dang / bdag gi dbang gis byung ba'o/ /de la gang zag gi nus pa dang / mthu yod pa dang / 'tsham pa dang / ston pas bsngags pa'i ston pa po mthong ba'i phyir ro/ /chos bstan pa gang yin pa de ni sdug bsngal nges par 'byin pa yin pa'i phyir mchog gi don yin no snyam du mngon par yid ches pa'i phyir ro//bdag nyid kyang chos de rtogs par bya ba la nus pa dang / mthu yod par rtogs pa'i phyir ro/ /de ltar sems nyams bde bar 'gyur ba la ni lta ba gsum yod de/gang la gnas pa dang / des yongs su shes par bya ba gang yin pa dang / 'di lta ste/ bden pa mngon par ma rtogs pa rnams mngon par rtogs par bya ba'i phyir mngon par sgrub pa gang yin pa'o/ /de la mos pa dang ldan pa shin tu yongs su byang ba'i 'jig rten pa'i yang dag pa'i lta ba mngon par rtogs pa dang mthun pa la ni gnas so//gzhi gsum la bdag tu mngon par zhen pas 'jig tshogs la lta ba bag la nyal dang bcas pa rtag pa dang chad par lta ba'i rten du gyur pa gang yin pa de 'bras bu dang bcas par yongs su shes te/gang len pa dang / gang gis len pa dang / ji ltar len pa de dag ni gzhi gsum yin no/ /de la ci len zhe na/ nye bar len pa'i phung po lnga po rnams so/ /gang gis len zhe na/ len pa bzhi po rnams kyis so/ /ji ltar len zhe na/ rnam par shes pa'i gnas bzhi po rnams kyi sgo nas so//de dag ni go rims bzhin du phung po dang / nye bar len pa dang / sems kyi gnas rnams yin te/ de dag la kun nas dkris pa mi rigs pa dang ldan pas de'i dmigs pa 'jig tshogs la lta ba la mngon par zhen pa'o//bag la nyal ni snga ma bzhin du rig par bya'o/ /de la lam mngon par sgrub pa gang zhe na/ gang la gnas na 'jig tshogs la lta ba la gzhi gsum la mngon par zhen pa bag la nyal dang bcas par spong bar 'gyur la bden pa shes pa la yang gzhan gyi dring mi 'jog par 'gyur ba'o//de la yongs su shes par bya ba'i lta ba de la gnas pa gang yin pa de ni bdag gi sgo nas gnas gsum la mngon par zhen pa yang yin la bag la nyal dang bcas pa yang yin te/ 'du byed rnams kyi kun 'byung ba dang / nub par 'gyur ba mi shes pas dbu ma'i lam la 'jug pa'i skal ba yang med na/des nges par 'byung bar lta ga la 'gyur/ de la mngon par rtogs pa dang mthun pa la gnas pa ni gzhi gsum po dag la bdag gi sgo nas mngon par zhen pa dang bral ba yin te/ de'i bag la nyal dang ldan no/ /'du byed rnams kyi kun 'byung ba dang /nub par shes pa ni mtha' gnyis spangs pa'i dbu ma'i lam la zhugs par 'gyur te/ des nges par 'byung ba ni ma yin la nges par 'byung ba'i skal ba can ni yin no/ /de la bden pa mngon par rtogs pas mngon par bsgrubs pa'i yang dag pa'i lta bas ni gzhi gsum po rnams la bdag gi sgo nas mngon par zhen pa med cing bag la nyal med de dbu ma'i lam la snga nas kyang zhugs la des nges par 'byung bar 'gyur te lta ba de rnams la gnas pa rnams kyi khyad par ni de yin par rig par bya'o//sdom ni/ mngon shes myur dang lus kun dang //shes dang shes bya 'khor ba dang / /chog 'dzin spyod dang rgyun phyogs dang / /yongs su shes pa nyams dang rtags/ /'du shes rnam par gzhag pa dang / /tshogs dang mi mthun gang yin dang / /ston pa'i phrin las la sogs pa'i/ /sde tshan chen po tha ma yin//yongs su grub cing yongs su mthar thug pa'i rnam par grol ba ma thob pa thob par bya ba la chos gsum gyis mngon par shes pa myur bar byed de/ 'di lta ste/ shes pa'i stobs dang / bag yod pa'i stobs dang / goms pa'i stobs so/ /de la shes pa'i stobs ni gang la gnas na de'i mod la zag pa rnams zad pa'i skal ba can du 'gyur te /de yang slob pa'i shes pa dang / mthong ba yin par rig par bya'o/ /de la bag yod pa'i stobs ni de ltar shes pa dang mthong ba thob pa de nyid kyi lam de ltar thob pa bsgom pa la brtson pa dang /sdig pa mi dge ba'i chos rnams las sems kun tu srung ba'o/ /de la goms pa'i stobs ni bsgom pa la brtson pa de nyid la rtag tu byed pa dang / rtag tu gnas pa ste/ deng ngam sang ngam gnangs nyid du bdag gi sems len pa med par zag pa rnams las rnam par grol bar gyur cig snyam nas phyin ci log gi sems mngon par 'du byed pas skyo bar mi 'gyur ba'o//skyo ba med na yongs su yi 'chad par mi 'gyur ba'o/ /yongs su yi 'chad pa med na zag pa zad par bya ba'i sbyor ba mi gtong ngo / /de la shes pa dang mthong ba gnyis la khyad par ci yod ce na/'das pa dang ma 'ongs pa lkog tu gyur pa'i yul can gyi shes rab gang yin pa de ni shes pa'o/ /da ltar byung ba'i yul can gang yin pa de ni mthong ba'o/ /gzhan yang gzung ba la dmigs pa gang yin pa de ni shes pa'o/ /'dzin pa la dmigs pa gang yin pa de ni mthong ba'o//gzhan yang thos pa dang bsams pa las byung ba gang yin pa de ni shes pa'o/ /bsgoms pa las byung ba gang yin pa de ni mthong ba'o/ /gzhan yang gang gis nyon mongs pa spong ba de ni shes pa'o/ /spong ba dang rnam par grol ba'i shes rab gang yin pa de ni mthong ba'o//gzhan yang rang gi mtshan nyid la dmigs pa gang yin pa de ni shes pa'o/ /spyi'i mtshan nyid la dmigs pa gang yin pa de ni mthong ba'o/ /gzhan yang gdags pa la brten te nang dang phyi rol gyi 'du byed 'di lta ste/ bdag ces bya ba'am/sems can zhes bya ba'am/ lha dang / klu dang / gnod sbyin dang / lha ma yin dang / nam mkha' lding dang / mi'am ci dang / lto 'phye chen po zhes bya ba'am/ dmag dang / nags tshal dang / khang khyim dang / ri zhes bya ba'am/de la sogs pa'i rnam pa'i brda'i tshul gyis shes bya de dang de dag la dmigs pa'i shes rab gang yin pa de ni shes pa'o/ /rang gi mtshan nyid dang spyi'i mtshan nyid la 'dzin pa ni mthong ba'o/ /gzhan yang chos rnams yongs su tshol ba gang yin pa de ni shes pa'o//yongs su btsal zin pa rnams las so sor rtog pa ni mthong ba'o/ /gzhan yang rnam par mi rtog pa'i gzugs brnyan la dmigs pa ni shes pa'o/ /rnam par rtog pa dang bcas pa'i gzugs brnyan la dmigs pa ni mthong ba'o/ /gzhan yang shes bya gzugs can gyi gzugs brnyan la dmigs pa ni mthong ba'o//shes bya gzugs can ma yin pa'i gzugs brnyan la dmigs pa ni shes pa'o/ /de de ltar shes pa dang mthong ba la brten pas bsgom pa la zhugs pa ni mkhas pa'i gzhi bzhis sbyor bar byed de/'di lta ste/ nye bar rtog pa'i gzhi dang / gtong ba dang len pa'i gzhi dang / tshor ba rnams las nges par 'byung ba'i gzhi dang / thabs kyi gzhis so/ /de la nye bar rtog pa'i gzhi ni dran pa nye bar gzhag pa bzhi ste/ phyin ci log bzhi'i gnyen po'i sgo nas shes bya thams cad yang dag pa ji lta ba bzhin yongs su shes par bya ba'i phyir ro//gtong ba dang len pa'i gzhi ni yang dag par spong ba bzhi ste/ mi dge ba'i chos spong ba dang / dge ba'i chos yang dag par sgrub pa'i phyir ro/ /tshor ba rnams las nges par 'byung ba'i gzhi ni rdzu 'phrul gyi rkang pa bzhi ste/bsam gtan bzhi po rnams la yid mi bde ba'i dbang po nas bzung ste/ bde ba dang / sdug bsngal ba las yang dag par 'das pa'i bar gyi phyir ro/ /thabs kyi gzhi ni dbang po dang / stobs dang / byang chub kyi yan lag dang / lam gyi yan lag rnams yin par rig par bya ste//mthong ba dang bsgom pas spang bar bya ba'i nyon mongs pa rnams spang ba'i thabs yin pa'i phyir ro/ /de ltar mkhas pa la zhugs pa la ni rten dang / brten pa'i don bzhi yod par rig par bya ste/ de la rten gyi don ni rnal 'byor pa yang dag par zhugs pa gang yin pa de yin no//de la brten pa'i don ni slob pa'i zag pa med pa'i chos de dag dang ni ldan la rnam par dag pa rnams dang ldan pa ni ma yin te/ ma rig pa'i lhag ma'i sbubs kyis kun nas bskor ba'i phyir ro/ /chos de dag nyid rnam par dag pa'i lam gyis phyis rnam par dag pa dang ldan no//de la rnam par dag pa'i lam yang rnam pa bzhir rig par bya ste/ dam pa'i chos yang dag par brtag pa ni lhag par brten pa'o/ /dge ba'i bshes gnyen la brten pa ni yongs su bsten pa'o/ /tshul khrims dang dbang po bsdams pa dang /'dod pa nyung ba la sogs pas ni sems bsro bar bya'o/ /lkog dben pa na gnas shing zhi gnas dang lhag mthong gnyis kyis ni yang dag par bde blag tu bsrung bar bya'o/ /de la rnam par dag pa ni rnam par dag pa'i lam de nyid lan mang du byas pa'i rgyus slob pa'i chos de dag gis ma rig pa'i sbubs brtol bas mi slob pa'i sar nges par 'byung ba gang yang yin pa'o//yongs su grub pa dang / yongs su mthar thug pa'i rnam par grol ba de 'thob pa la yang rim pa lnga yod par rig par bya ste/ 'di lta ste/ sngon tshogs yang dag par bsgrubs pa'i rten dang /de la brten nas kyang zhi gnas dang / lhag mthong gnyis la goms pa dang / de la brten nas kyang bden pa rnams mngon par rtogs nas mya ngan las 'das pa la mos pa dang / de la brten nas kyang rtogs pa phal ba tsam gyis chog par mi 'dzin cing gnas par mi byed de/skyo bar byed pa'i chos rnams la skyo bar byed pa dang / de la brten nas kyang rdo rje lta bu'i ting nge 'dzin dang ldan pa'i slob pa'i sems tha ma'o/ /lus thams cad la ni rgyu rnam pa bzhis 'du byed thams cad mi rtag par rig par bya ste/ las thams cad kyi tshe'i tshad nges pa yod de/ dper na la la zhig gi ched du 'jim pa'i gong bu'am ba lang gi lci ba'i gong bu lag tu blangs pa la ni dus 'di tsam zhig na dor ro snyam du bsams na de ltar ched du blangs pa'i gong bu de la mi de de'i tshe ci dgar 'dor ba'i dbang byed de/gang gi tshe dor bar 'dod pa na yang dor du yod la ji srid du 'chang bar 'dod pa de srid du yang bcang du yod kyi 'chi ba'i rgyu'i lus blangs la tshe yang zad pa la ni rang dgar skad cig gnas par bya bar mi 'grub na de las lhag par lta ga la nus/ gzhan yang lus thams cad ni rgyu las byung ba yin la rgyu yang byas pa yin pa'i phyir mi rtog go//gzhan yang lus chen po dang phun sum tshogs pa zad pa yod pa'i phyir te/ 'di lta ste/ gzugs na spyod pa rnams dang / lha yul pa 'dod pa na spyod pa rnams dang / mi rnams te tshangs pa dang /brgya byin dang / 'khor los sgyur ba rnams so/ /gzhan yang yid ches pa'i man ngag las mngon pa'i phyir te/ gang las bcom ldan 'das mngon sum du gzigs pa nyid kyis mngon du 'gyur bar bstan to/ /gsum po 'di dag ni 'dod pa dang ldan pa rnams kyi 'dod pa phun sum tshogs pa yin te/de dag ni 'dod pa dang ldan pa rnams kyis rtag tu rgyun mi 'chad par 'dod pa ste/ 'di lta ste/ longs spyod kyi gzhi phun sum tshogs pa dang / lus phun sum tshogs pa dang / sems can rgya chen po rnam pa sna tshogs phal po ches mdun gyis lta ba phun sum tshogs pa'o//phun sum tshogs pa gsum po 'di dag 'thob pa'i rgyu ni rnam pa gsum yod par rig par bya ste/ 'di lta ste/ sbyin pa dang / dbang po dul ba dang ldan pa'i tshul khrims dang / bsgoms pa'i 'bras bu'i byams pa'i sngon du 'gro zhing rgyu'i tshul du 'dug pa'i 'dod pa na spyod pa'i byams pa ste/sems can rnams la kun nas mnar sems yang dag par bsdam pa'i rnam pas 'jug pa'i phyir ro/ /bdun po 'di dag ni shes bya'i gzhi yang dag pa ji lta ba bzhin du khong du chud par bya ba'i shes pa'i rnam pa yin par rig par bya ste/'di lta ste/ thob pa'i shes pas/ thob pa ma yin pa'i shes pa dang / phyin ci ma log pa'i shes pa dang / gang na med pa gang yin pa de ni de'i sgo nas med do zhes bya ba'i shes pa dang / 'dir lus gang yin pa de ni de'i sgo nas gsog ces bya ba'i shes pa dang /sdug bsngal ba dang mi sdug pa'o zhes bya ba'i shes pa dang / 'jigs pa'i shes pa'o/ /rnam pa bco lngas ni 'du byed rtogs pas 'du byed thams cad la rmongs pa spong bar 'gyur te/ bco lnga gang zhe na/ gzugs la ni chu'i khams las byung ba dang / bdag med pa la bdag lta bur snang ba dang /ji ltar 'dod pa bzhin du spyad par mi nus pa'i phyir dbu ba'i gong bu lta bur rtogs pa dang / tshor ba la ni gsum 'dus pa dang 'dra ba'i sgo nas sprin dang sa gzhi dang char pa gsum 'dus pa'i tshul gyis chu bur lta bur rtogs pa dang / 'du shes rnams la ni shes byar snang ba dang /gdungs pa dang / rmongs par 'dra ba'i sgo nas smig rgyu ba lta bur rtogs pa dang / 'du byed rnams la ni 'jig tshogs la lta ba'i rtsa ba chad pa dang / lus rnam pa du ma'i rgyu'i bye brag yin pa dang / skad cig tsam las yun ring du mi gnas par 'dra ba'i sgo nas chu shing gi sdong po lta bur rtogs pa dang /rnam par shes pa la ni len pa dang bcas pa'i rnam par shes pa dang / rnam par shes pa'i gnas bzhi dang lus sna tshogs kyi rjes su 'jug pa'i sgo nas sgyu ma lta bur rtogs pa dang / rgyas par rab tu byed pa ni 'di lta ste/rnam grangs bsdu ba las 'byung ngo / / / /rnal 'byor spyod pa'i sa la gzhi bsdu ba/ bam po gsum pa/ 'jig rten gnyis kyis ni 'du byed thams cad bsdus te/ sems can gyi 'jig rten dang snod kyi 'jig rten no/ /de la sems can gyis 'jig rten ni skye ba'i 'khor ba zhes bya ba yin te/gzhan la mi bya'o/ /skye ba'i 'khor ba ni mi 'dra ba rnam pa lngas snod kyi 'khor ba dang mi 'dra bar rig par bya ste/ 'di lta ste / snod kyi 'khor ba ni thun mong ba'i rgyus grub pa yin la/ skye ba'i 'khor ba ni sems can re re nyi tshe'i rgyus grub pa yin te/'di ni rgyu mi 'dra ba dang po'o/ /gzhan yang snod kyi 'khor ba ni sngon dang phyi ma'i mtha' chad pa'i phyir thog ma dang tha ma yod la/ skye ba'i 'khor ba ni rtag tu mi 'chad par rgyun 'jug pa'i phyir thog ma dang tha ma med de/ 'di ni mi 'dra ba gnyis pa'o //gzhan yang snod kyi 'khor ba ni me 'am chu 'am rlung gis 'jig cing rgyun 'chad par 'gyur la skye ba'i 'khor ba ni de lta ma yin te/ 'di ni mi 'dra ba gsum pa'o/ /gzhan yang snod kyi 'khor ba'i rgyu ni gtan du rgyun chad par 'gyur ba med la/ skye ba'i 'khor ba ni yod de/'di ni mi 'dra ba bzhi pa'o/ /gzhan yang snod kyi 'khor ba ni rgyun chad du zin kyang yang nying mtshams sbyor ba yod la/ skye ba'i 'khor ba ni nams kyang nying mtshams sbyor ba med de/ 'di ni mi 'dra ba lnga pa'o/ /byis pa rnams ni rnam pa lngas 'khor ba der 'khor bar 'gyur te /'di lta ste/ sred pa'i rgyu dang / sred pa'i 'bras bu dang / sred pa'i rang bzhin dang / rgyu gcig nas gcig tu brgyud pa dang / rgyu gcig nas gcig tu brgyud pa de nyid kyang sngon gyi mtha'i sgo nas thog ma med pa'o/ /de la ma rig pa ni sred pa'i rgyu'o//bde 'gro dang ngan 'gror 'gro ba'i las ni sred pa'i 'bras bu'o/ /de la bde 'gror 'gro ba'i las kyis ni sred pas byis pa kun tu sbyong bar byed de/ rang nyid 'gro ba der 'gro 'dod pa'i phyir ro/ /ngan 'gror 'gro ba'i las kyis ni sred pa'i ltung gis btags te/de ni 'gro 'dod pa na ma yin gyi mi 'dod bzhin du khrid do/ /de la sred pa rang bzhin gyi sgo nas ni de'i rang bzhin mdor bsdu na rnam pa gsum yod de/ yang srid pa skye bar byed pa dang / dga' ba dang 'dod chags dang ldan pa dang / de dang der mngon par dga' ba ste/de dag kyang mdor bsdu na/ srid pa'i sred pa dang / yul gyi sred pa'o/ /de la yang srid par skye bar byed pa gang yin pa de ni srid pa'i sred pa'o/ /dga' ba dang 'dod chags dang ldan pa gang yin pa de ni yul 'thob tu cha ba rnams dang / thob zin pa rnams dang /da dung longs ma spyad pa rnams dang / longs spyod cing 'dug pa rnams la'o/ /de dang der mngon par dga' ba ni ma 'ongs pa'i yul yongs su btsal ba rnams la'o/ /de la dga' ba dang 'dod chags dang ldan pa'i sred pa'i sgo nas ni sred pa'i kun tu sbyor ba zhes bya'o//yang srid par skye bar byed pa dang / de dang der mngon par dga' ba'i sgo nas ni sred pa'i ltung gis btags par rig par bya ste/ dngos po gang la sred pas kun tu sbyar ba der kun tu rgyug la/ gang du sred pa'i ltung gis btags pa der ni 'khor ro/ / de la 'du byed kyi rgyud mtha' med pas na yun ring ngo / /rgyu gcig nas gcig tu brgyud de byung bas na/ sngon gyi mtha' med do/ /rnam pa lngas ni byis pa'i 'khor ba'i 'ching ba rnam pa lnga ri rig par bya ste/ 'di lta ste/ gang du bcings pa dang / cis bcings pa dang / gang bcings pa dang /de ltar bcings pa yang rten gang gis nyams su myong ba dang / gang nyams su myong ba'o/ /de la bde 'gror 'gro ba'i las kyis ni bde 'gro ka ba dang 'dra ba la bcings so/ /ngan 'gror 'gro ba'i las kyis ni ngan 'gro phur bu dang 'dra ba la bcings so/ /yang na dga' ba dang 'dod chags dang ldan pa'i srid pas ni rang gi dngos po ka ba lta bu la bcings so//de dang der mngon par dga' ba dang / yang srid par skye bar byed pas ni rang gi dngos po phur bu lta bu la bcings so/ /ma rig pas kyang byis pa so so'i skye bo khyi bzhin du sdug bsngal la skyo ba med pa'i sgo nas bcings te phyi ma la phung po rnams la brten nas/skye ba la sogs pa'i sdug bsngal nyams su myong bar 'gyur ro/ /bzhi po 'di dag ni byis pa so so'i skye bo rnams zag pa dang bcas pa'i dngos pos chog par 'dzin pa ste/ de dag kyang phal cher ni 'di las phyi rol pa rnams yin par rig par bya ste/'di lta ste/ mi'i lus kyis chog par 'dzin pa dang / 'dod pa na spyod pa'i lha'i lus kyis chog par 'dzin pa dang / tshangs pa'i 'jig rten du skye bas chog par 'dzin pa dang / srid pa'i rtse mo nyid ni mthar thug pa yin te/chog par 'dzin pa bzhi pa'o/ /de dag la ni go rims bzhin du byis pa rgyug go/ /'greng ngo / /'dug go/ /nyal lo/ /gzhan yang bzhi po 'di dag ni byis pa sred pa spyod pa'i lam yin te/ 'di lta ste/ yang srid par skye ba dang / ma 'ongs pa na btsal bar bya ba'i yul dang 'thob tu cha ba dang /thob zin pa dang / longs spyod du cha ba ste/ de dag la go rims bzhin du rgyug pa la sogs pa'i rnam grangs sbyar bar rig par bya'o/ /de la yang srid par skye ba dang / btsal bar bya ba'i yul gnyis ni rgyug pa'i rnam grangs su rig par bya'o//gzhan yang rnam pa bzhis te/ yid kyi las ni yul yongs su tshol lo/ /ngag gi las dang lus kyi las kyis ni thob par byed do/ /thob pa rnams la ni ci dga' mgur 'jug pa dang / brten par byed de/ spyod pa'i lam de dag ni las 'di rnams 'byung bar byed pa'i sred pa'i yin no//yang na yul yongs su tshol ba dang / srid pa'i'o/ /spyod pa'i lam bzhi po 'di dag la yang go rims bzhin du rgyug pa la sogs pa'i rnam grangs sbyar bar rig par bya'o/ /rgyug pa la sogs pa ji lta ba de bzhin du ji skad bstan pa'i zag pa dang bcas pa'i dngos pos chog par 'dzin pa rnams dang /sred pa spyod pa'i lam rnams la yang mngon par dga' ba dang / mngon par chags pa dang / lhag par zhen pa dang / lhag par zhen nas gnas pa'i rnam grangs bzhi go rims bzhin du sbyar bar rig par bya'o/ / 'di gnyis ni sred pa spyod pa'i lam la rnam par spyod pa'i 'bras bu sna tshogs yin te/ 'di lta ste/ sems sna tshogs dang lus sna tshogs so/ /de la sems sna tshogs ni rnam pa gnyis te/ rnam pa sna tshogs dang / kun nas nyon mongs pa sna tshogs so/ /de la rnam pa sna tshogs ni 'di lta ste/rang bzhin dang / rten dang / dmigs pa dang / grogs so/ /kun nas nyon mongs pa sna tshogs ni 'dod chags dang / zhe sdang dang / gti mug la sogs pa nyon mongs pa dang / nye ba'i nyon mongs pa rnams so/ /de la lus sna tshogs kyang rnam pa gnyis te/lus tha dad pa sna tshogs dang / lus gcig gi sna tshogs so/ /de la sems kyi kun nas nyon mongs pa sna tshogs gang yin pa de ni lus sna tshogs rnam pa gnyis po gnyi ga'i yang rgyu lta bu yin par rig par bya ste/ de spang bar bya ba la rnal 'byor pas phyin ci ma log pa dang /rgyun mi 'chad pa'i yid la byed pa gnyis kyis brtson par bya'o/ /de la rnam pa bzhis ni rgyu sna tshogs kyis 'bras bu sna tshogs sgrub par byed de/ gang du sgrub pa dang / cis sgrub pa dang / gang sgrub pa dang / ji ltar sgrub pa'o/ /de bde 'gro'am ngan 'gror sgrub pa ni 'dod chags dang /zhe sdang dang / gti mug rnams kyis nye bar nyon mongs pa'i sems kyis sgrub par byed do/ /'du byed rnam pa lngar gtogs pa'i lus sna tshogs ni sgrub par byed do/ /'du byed rnams kyis 'jug pa dang / ldog pa dang / kun nas nyon mongs pa dang / rnam par byang ba'i rgyu dang / rnam par byang ba yang dag pa ji lta ba bzhin ma shes nas mngon par dga' ba la sogs pa dang / rgyug pa la sogs pa'i rnam grangs kyi sgo nas ni sgrub par byed do/ /byis pa 'du byed mi rtag par mi shes pa 'jig tshogs la lta ba la brten nas rgyun phyogs su zhugs pa ni rnam pa lngas rgyun phyogs su khyer bar rig par bya ste/'di lta ste/ gang du khyer ba dang / cis khyer ba dang / gang la brten te khyer ba dang / ji ltar khyer ba dang / khyer na cir 'gyur ba'o/ /de la bde 'gro dang /ngan 'gro 'gram dang 'dra ba gnyis su ni tshu rol nas pha rol dang / pha rol nas tshu rol du khyer ro/ /de la sred pa'i chu klung rlan pa'i rang bzhin can gyi mtshan nyid lnga dang ldan pas ni khyer bar byed de/ 'di lta ste/ thur du 'bab pa dang / yul rgyu ba la cha shas phra mor rgyu ba shin tu rtogs par dka' ba dang /yul las bzlog par dka' ba dang / srid pa'i rtse mo man chad thams cad du 'du byed rgya che zhing sna tshogs pa'i rjes su song ba dang rab tu ma zhi ba'i mtshan nyid yin pa'i phyir / lus dang sems 'khrug par byed pas khyer bar byed do/ / de la gzugs la sogs pa'i 'du byed lnga po dag la brten nas khyer bar byed pa ni bde 'gro dang / ngan 'gro 'gram dang 'dra ba gnyis su 'du byed rnam pa lnga po de dag skyes nas de dag la dmigs shing rgyun phyogs su khyer ro/ /ji ltar khyer ba ni snga ma bzhin du 'du byed rnams kyi 'jug pa la sogs pa'i go rims ma shes nas/bdag gam bdag gir 'dzin pa'i sgo nas khyer ro/ /de ltar khyer ba de'i sdug pa'i lus rnams ni rang bzhin gyis 'jig pas mi sdod do/ /ji ltar khyer ba de las bzlog pa ni rgyun phyogs ma yin par 'gro ba'i lam du zhugs pa yin par rig par bya'o//mkhas pa'i rnam pa thams cad du mkhas pa ni rnam pa bcur rig par bya ste/'di lta ste/ lhan cig skyes pa'i shes rab dang ldan pa dang / sbyor ba las byung ba'i thos pa dang / bsams pa dang bsgoms pa las byung ba'i yongs su smin pa dang /rgod bag med pa'i phyir legs pa'i bsam pa sems pa dang / legs par smra ba brjod pa dang / legs par bya ba'i las byed pa dang / bdag la rang dbang yod pa rnams kyang 'tsho ba'i phyir gzhan gyi dbang du mi byed pa dang / chos dang mthun pas bde ba 'dod kyi chos ma yin pas bde ba 'dod pa ma yin pa dang /tha mal ba'i tshe'i yo byad rnams legs par srung bar byed de mi rigs par chud gzon par mi byed la/ nyes dmigs su lta bzhin du yongs su spyod pa dang / na ba'i yo byad rnams la lta zhing so sor brtags nas sten par byed pa dang /dus ma yin par 'chi ba'i rkyen rnams bsrung ba ste/ rnam pa bcu po 'di dag ni mkhas pa'i rnam pa thams cad du mkhas pa yin par rig par bya'o/ /'du byed rnams la bdag med pa'i sgo nas yongs su shes pa dang / spangs pa gnyis ni rnam pa gsum gyis khyad zhugs par shes par bya ste/'du byed rnams la 'jig tshogs la lta ba yongs su shes la/ spangs pa ni ma yin pa gang yin pa de ni shas cher 'du byed rnams la brjed ngas pa kun tu spyod de/ brjed ngas pa ma yin pa'i shas chung ngo / /de las bzlog pa ni 'jig tshogs la lta ba spangs pa yin par rig par bya ste/'di ni de gnyis kyi khyad par dang po'o/ /gzhan yang 'jig tshogs la lta ba ma spangs pa ni bag yod pa yin du zin kyang chags par 'gyur ba'i dngos po bde ba dang yid bde ba'i gnas rgya chen po'am yang na shas cher sdug bsngal ba dang yid mi bde ba'i gnas kyi yul mngon du byung ba la dran pa nye bar 'jog mi nus na bag med pa lta ci smos/de ni de'i tshe 'jig tshogs la lta bas sems khyab par 'dug ste/ des na sems kyi ngo zin par mi nus so/ /de las bzlog pa ni 'jig tshogs la lta ba spangs pa yin par rig par bya ste/'di ni khyad par gnyis pa'o/ /gzhan yang 'jig tshogs la lta ba ma spangs pa ni phyi rol gyi rtswa dang / lo ma dang / yal ga dang / 'dab ma rnams la ji lta ba bzhin du nang gi 'du byed rnams la sems can med pa'i 'du shes nye bar gnas par mi 'gyur ro//de las bzlog pa ni 'jig tshogs la lta ba spangs pa yin te/ 'di ni dus gnyis kyi khyad par gsum pa yin par rig par bya'o/ /'jig tshogs la lta ba spangs pa de la ni khyad par gsum po las ma gtogs par phan yon gsum yang yod de/de la brten pas phyi ma la yang srid par 'grub par byed pa'i nyon mongs pa spong ba ring po mi thogs par 'gyur ro/ /de'i gnyen po'i lam yang dag par 'grub po/ /rang gi don byas nas kyang lam de la brten pa kho nas tshe 'di la bde bar gnas pa'i sbyor ba la brtson pas bde bar gnas so//rnam pa thams cad du mi rtag pa'i 'du shes bsgom pa'i bye brag ni rnam pa bzhi yod par rig par bya ste/ bzhi gang zhe na/ 'bras bu dang / rang bzhin dang / rnam pa dang / thabs so/ /de la 'bras bu'i sgo nas ni 'dod pa'i 'dod chags thams cad yang dag par spong ba dang /gzugs kyi 'dod chags dang / gzugs med pa'i 'dod chags thams cad dang / rgod pa dang /nga rgyal dang / ma rig pa ste/ nyon mongs pa rtsa ba gsum po spong bar bstan to/ /nye ba'i nyon mongs pa gsum po las rgod pa ni 'dod pa'i 'dod chags kyi grogs yin no//nga rgyal ni gzugs kyi 'dod chags kyi grogs yin no/ /ma rig pa ni gzugs med pa'i 'dod chags kyi grogs yin no/ /yang na tha ma dang gong ma'i cha dang mthun pa'i kun tu sbyor ba mthar thug pa bstan te/'di ni rnam grangs gzhan no/ /de la rang bzhin gyi sgo nas ni thos pa las byung bas ni kun du bstan to/ /bsams pa las byung bas bsgom pa la zhugs pa ni bsgom pa'o/ /bsgoms pa las byung bas ni mang du byed do/ /mtshan nyid so sor rig pa yid la byed pas ni kun tu bstan to//sbyor ba'i mthar thug pa ma gtogs pa lhag ma rnams kyis ni bsgom mo/ /sbyor ba'i mthar thug pas ni mang du byed de/ 'di ni rnam grangs gnyis pa'o/ /rten dang dmigs pa dang / yid la byed pa'i sgo nas ni theg par byas pa dang /gzhir byas pa dang nan tan du bsgrubs te go rims bzhin du rig par bya'o/ /yun ring por goms par byas pas ni byang bar byas so/ /rgyun ma chad pa dang / phyin ci ma log pa'i tshul gyis ni legs par blangs pa dang / legs par brtsams te 'di ni rang bzhin gyi bye brag go//de la rnam pa'i bye brag ni mi rtag pa'i 'du shes de de ltar goms par byed pa ni bag la nyal thams cad yang dag par 'joms so/ /sa 'og ma'i dge ba thams cad ni 'dor ro/ /sa gong ma'i dge ba thams cad ni yang dag par len to/ /de ma yin pa mi sdug pa la sogs pa'i 'du shes thams cad kyi nang na mchog dang rgya che ba'i tshul gyis gnas par 'gyur ro//thams cad du 'gro bar yang 'gyur te/ ji ltar thams cad du 'gro zhe na/ ji ltar gzung ba'i dngos po la yongs su rtog pa de bzhin du 'dzin pa la yang de dang 'dra ste/de'i mtshan nyid dang ma bral ba'i phyir ro/ /zag pa med pa'i mi rtag pa'i 'du shes kyang 'thob par 'gyur ro/ /zag pa dang bcas pa dang / zag pa med pa'i 'du shes gang yin pa de dag thams cad kyang mya ngan las 'das par gzhol zhing der 'bab la der bab ste/ ma rig pa'i mun pa chen po gtan du spong ba'i gnyen por yang 'gyur ro//de spangs nas kyang mi slob pa yongs su dag cing yongs su byang bar 'gyur te/ slob pa zag pa med pa thams cad kyi bdag po yang thob par 'gyur ro/ /de la thabs kyi sgo nas ni gcig pu lkog dben pa na 'dug cing 'du byed rnams la phyin ci ma log pa dang /rgyun mi 'chad par yid la byed pas mi rtag par nye bar rtog go/ /mi rtag pa'i 'du shes dang ldan pa de ni mthong ba'i lam la bdag tu 'du shes pas mi gnas te/ bdag med pa'i 'du shes la gnas pas gang du bsgom pa'i mi slob pa'i lam la nga'o snyam pa'i nga rgyal yang dag par bcom nas mya ngan las 'das pa rnam pa gnyis ka yang thob par 'gyur ro//mya ngan las 'da' bar bya ba la zhugs la/ tshogs ma bsags pa la ni tshogs dang mi mthun pa'i chos lnga yod de/ 'di lta ste/ sngon bgad pa dang /rtses pa dang / dga' ba dang / dga' mgur spyod pa la brten nas yid smon dang ldan pa'i yid la byed pa'i sgo nas mya ngan dang smre sngags 'don pa la sogs pa dang de dag la brten nas lung mnos pa dang / kun chub par byas pa'i chos rnams la brjed ngas shing chos rnams mi lcigs pa dang /ha cang mang du zos pa dang / ha cang nyung du zos pa'am/ lus lci ba dang / lus nyam chung bas tshangs par spyod pa la gnas par mngon par mi dga' ba dang / gnyid che ba'am/ de spong ba la ma goms pas shas cher gnyid kyi kun nas dkris pa la kun tu bsten pa dang /'du 'dzi'i nang na gnas shing yang dag par spyod pa'i sbyor ba btang ba'o/ /tshogs dang mi mthun pa'i chos lnga po 'di dag dang mthun pa'i chos kyang lnga yod par rig par bya ste/ 'di lta ste/ 'dod chags dang bral ba gnyis las gang yang rung bas 'dod chags dang bral bar ma gyur pa ste/dge ba'i phyogs la brtson pa na kun nas dkris pa thag bsring ba'i 'dod chags dang bral ba dang / gnyen po thob pa'i bag la nyal yang dag par bcom pa'i 'dod chags dang bral ba'i sgo nas 'dod chags dang ma bral ba dang /dbang po rnams kyi sgo ma bsdams pa dang / zas kyi tshod ma rig pa dang / srod dang tho rangs mi nyal bar brtson pas brtson par mi byed pa dang / dge ba'i chos thos pa dang kun chub par byas pa rnams la lhag mthong med pa'o//de las bzlog pa ni tshogs dang mthun pa dang mthun pa'i chos rnams yin par rig par bya'o/ /de ltar rgyu dang bcas pa'i tshogs dang mthun pa'i chos rnams la gnas shing dge sbyong gi gyen du mya ngan las 'das pa mngon par 'dod pa la ni yang dag pa'i lam gyi gdams ngag ston pas bstan pa lnga yod de/'di lta ste/ ji ltar thos pa'i chos mthong ba la brten nas 'du byed rnams mi rtag pa dang / chos bdag med pa dang / mya ngan las 'das pa zhi ba la 'jig rten pa'i yid la byed pa nyi tshes kyang som nyi med cing the tshom mi za ba'o//gnas shing 'dug pa na yang dngos po gsum gyi rtog pa ngan pa dang du len par mi byed do/ /de la dngos po gsum ni 'di dag yin te/ 'di lta ste/ 'tsho ba'i yo byad rnams dang / gzhan gyis gnod pa byas pa'i rgyu dang / gzhan dag gis 'khrugs par byas pa'am/yang na mi sdug pa gang yang rung ba kun tu spyad pa dang / tshangs pa mtshungs par spyod pa rnams dang mi mthun pa'i chos can du gyur pa'o/ /gdams ngag sngon du 'gro ba'i gzhan gyi sgra'i rgyu'i rjes su 'gro bas tshul bzhin yid la byed pa la brten nas yang dag pa'i lta ba ni skyed/log par lta ba ni spong ba dang / gsum po 'di dag ni gnas shing 'dug pa'i yang dag pa'i lam gyi gdams ngag yin par rig par bya'o/ /gnyis ni rgyu zhing 'gro ba yin te/ 'di lta ste/ tshangs pa mtshungs par spyod pa shes pa rnams kyi gnas dang gnas ma yin pa las glengs na mi khro ba dang /'tsho ba'i yo byad ngan pa rnyed pa'am ma rnyed pa dang / grang ba la sogs pa'i gnod pa rnams kyis sems 'khrug par mi 'gyur ba 'di ni gcig go/ /rnyed pa dang bkur sti skyes pa zil gyis mnan te/des yongs su 'dzin pa'i sems su mi 'gyur ba 'di ni gnyis pa yin te/ de ltar de ni rgyu zhing 'gro ba dang / gnas shing 'dug pas mya ngan las 'das pa'i lam la yang dag par zhugs te/ chud mi za bar ring por mi thogs par mya ngan las 'das pa thob par 'gyur ro//lnga po 'di dag ni ston pa nyan thos rnams la ston pa'i phrin las su mdzad pa yin te/ 'di lta ste/ yang dag par tshar gcad pa dang / yang dag par bsdu ba dang / yang dag par gleng ba dang / rtog pa yang dag par bstan pa dang / rnam par byang ba yang dag par bstan pa'o//rgyu gnyis kyis ni nyan thos rtsod pa'i 'gal ba byas pa rnams la rtsod pa de bsal bar ma bstan pa yin te/ lang long du gyur cing phal che ba'am/ yang na 'dul ba dang ldan pa'i phyir ro/ /ston pa ni nyan thos rnams la rgyu rnam pa bdun gyi sgo nas spong bar mdzad de /rnam pa thams cad du log par sgrub par gzigs pa'am/ mang po rnams la gzigs pa gnas brtan dang / slob dpon dang / mkhan po'i tshul gyis gtso bor gyur pa rnams la gzigs pa'am/ bstan du mi rung ba'i phyir ram/ spang bar 'os pa'i phyir ram/nyes pa dngos su byung ba bsal ba'i phyir ram/ ma 'ongs pa'i nyes pa mi skye bar mdzad pa'i phyir ro/ /de bzhin gshegs pa ni rgyu rnam pa bcus grong du bsod snyoms la gshegs te/ 'di lta ste/ sbyangs pa'i yon tan bstan pa dang / kha cig bsod snyoms la gzud pa'i phyir dang /kha cig don mthun pas bsdu ba'i phyir dang / ma 'ongs pa'i skye ba'i snang ba byas par 'gyur ba dang / de dag kyang tha na 'dod pa tsam yang skyed par 'gyur ba dang / mu stegs can ngan ngon tsam la mos pa rnams bsdu ba'i phyir dang / gtam thos pa tsam gyis zhe 'gras pa rnams spyod lam zhi ba dang gzugs mdzes pa legs par mthong bas sems g.yo bar bya ba'i phyir dang / skye bo tha mal par gnas pa/ tshegs chung ngus bsod nams kyi bya ba la yang dag par gzud pa'i phyir dang / dad pa can bag med pa rnams ngo tsha ba bskyed pa'i phyir dang /tshegs chung ngus bsod nams kyi las byed du gzhug pa'i phyir dang / bag med pa rnams ji lta ba de bzhin du rang bzhin gyis le lo can rnams kyang de dang 'dra ba dang / sems can long ba dang / 'on pa dang / smyon pa dang / sems 'khrugs pa la sogs pa'i gnod pa rnam pa sna tshogs yang dag par zhi bar bya ba'i phyir dang / de bzhin gshegs pa khyim gang du gshegs pa de dag tu lha dang / klu dang / gnod sbyin dang / lha ma yin dang / nam mkha' lding dang /mi'am ci dang / lto 'phye chen po mtha' yas pa rags pa rnams spro bar 'gyur la 'tshe bar ni mi byed par 'gyur ba'i phyir ro/ /de bzhin gshegs pa ni rgyu rnam pa brgyad kyis nyin mo bzhugs par mdzad pa'i phyir nang du yang dag 'jog la 'jug ste/'dre bar gnas pa rnams rab tu dben pa la gzud pa'i phyir dang / dben par gyur pa rnams don mthun pas bsdu ba'i phyir dang / nyid sku tshe 'di la bde bar bzhugs par mdzad pa'i phyir dang / lha che bar grags pa rnams dang thabs cig tu tshogs par bzhed pa dang /sangs rgyas kyi spyan gyis phyogs bcu dag tu 'jig rten la gzigs nas/ mthun mthun du sprul pa dag gis don mdzad par bzhed pa'am/ nyan thos rnams de bzhin gshegs pa mthong ba'i 'dod pa bskyed pa'i phyir ram/ nyan thos chen po rnams bsgrags pa'i phyir bstan pa mdor bsdus te bstan nas nang du gshegs pa dang /rnam par smra ba la brtson zhing rnam par smra ba la dga' ba rnams bskul ba'i phyir ro/ /nyan thos ni rnam pa lngas ston pas phan gdags par bya ba yin te/ 'di lta ste/ chos dang /zang zing dang / gnas sbyin pa dang / dang por yongs su gzung ba dang / spangs pa las yongs su gzung ba'o/ /tshangs pa dang brgya byin la sogs pa lha rnams ni rgyu rnam pa bdun gyi phyir/ de bzhin gshegs pa'i thad du 'ong bar 'gyur te/ 'di lta ste/ de bzhin gshegs pa la mchod pa bya bar 'dod pa dang / dam pa'i chos mnyan par 'dod pa dang / the tshom skyes pa bsal bar 'dod pa dang / che bar grags pa rnams kyi phyi bzhin 'brang ba yin pa'i phyir gzhan gyi g.yam la 'ong ba dang / snying brtse ba'i phyir gzhan gyi don la 'ong ba dang /bstan pa la dga' ba'i phyir dang / de bzhin gshegs pa'i 'jig rten pa'i thugs kyis 'ong bar bya ba'i dgongs pa bskyed pa rig pa'i phyir ro/ /gsar bu rnams kyi gsar bu'i rang bzhin ni rnam pa thams cad du rnam pa lngar rig par bya ste/ 'di lta ste/ phyis rab tu byung ba dang / na so gzhon nur rab tu byung ba dang / na tshod kyi yul la bab pa na rab tu byung ba dang / dge tshul bar rab tu byung ba dang / bsnyen par rdzogs par rab tu byung ba'o/ /'gyod pa skye ba na rnam pa gsum gyis skye bar 'gyur te/ 'di lta ste/bslab pa las 'gal bar byas pa'i dbang gis byung ba dang / chos 'dul ba khas blangs pa'i dbang gis byung ba dang / khyim spangs pa'i dbang gis byung ba'o/ /de bzhin gshegs pa ni nyan thos rnams la chos ston par bzhed pa na rnam pa bzhi'i sgo nas mtshan ma ston par mdzad de/gdan ches dma' ba las bzhengs nas gdan ches mtho ba la bzhugs pa dang / chos ston pa dang 'tsham pa'i spyod lam mdzad pa dang / gsung sel ba dang / su la chos ston par bzhed pa de'i gdong du glang po che'i lta stangs kyis gzigs pa'o//nyan thos 'gal ba byed byed pa ni ngo tsha ba'i gnas gsum la gnas nas ston pa'i thad du 'gro ste/ 'di lta ste/ bdag gis 'gal bar byas par rtogs pa'i dbang gis byung ba dang / ston pa ma mnyes par byas pa'i dbang gis byung ba dang / spyod lam dul bas ston pa mnyes par ma byas pa na thad du 'gro ba'i tshul gyis ngo tsha ba'o//ston pa ni nyan thos 'gal bar byed byed pa la rnam pa gsum gyi sgo nas yang dag par gleng bar mdzad de/ 'di lta ste/ 'tsho ba ngan pa khas blangs pa dang / bsam pa thag pa dang / 'tsho ba'i bsam pa 'tsham pa ma yin pa bsgrub pa'o//legs par gsungs pa'i chos 'dul ba la log par sgrub pa ni rnam pa thams cad du rnam pa drug yod par rig par bya ste/ 'di lta ste/ kun tu spyod pa'i nyes pa dang / bsam pa'i nyes pa dang / sbyor ba'i nyes pa dang /shes pa'i nyes pa dang / rtog pa'i nyes pa dang / rten gyi nyes pa'o/ /de la 'dod chags kyi kun nas dkris pas chags pa dang / zhe sdang gi kun nas dkris pas sdang ba ni kun tu spyod pa'i nyes pa'o/ /'dod chags shas che ba dang / zhe sdang shas che ba des ngo tsha med pa dang /ngo tsha ba med pas dang du len par byed pa ni bsam pa'i nyes pa yin te/ chags pa bas ni chags pa'i bsam pa tha chad yin no/ /de bzhin du sdang bas ni zhe sdang gi bsam pa tha chad yin no/ /de la sbyor ba'i nyes pa ni brtson 'grus mi rtsom pa'am/yang na brtson 'grus lhod pa'o/ /de la shes pa'i nyes pa ni thos pa dang bsams pa las byung ba'i shes rab la brjed ngas shing yid mi gzhungs par gnas la/ bsgoms pa las byung ba la ni mnyam par ma bzhag pa'o/ /de la rtog pa'i nyes pa ni khyim pa dang mthun pa'i sdig pa mi dge ba'i rtog pa chos 'dul ba 'di las sems 'khrul par byed pa la mang du rtog pa'o//de la rten gyi nyes pa ni de'i rten sngon gyi rgyus yang dag par grub pa ma yin te/ yang dag par grub pa ma yin pa de'i rgyus dad pa phal ba chung ngu dang ldan zhing tshul khrims rnams la gus par 'dod pa chung ngu dang /dran pa chung ngu dang / lhan cig skyes pa'i shes rab chung ngu phal pa dang ldan pa'o/ /bstan pa la 'jug pa ni rnam pa bzhis log par bsgrub par 'gyur te/ 'di lta ste/ yid rtul ba dang / bsam pa ma dag pa ste/chos la rku ba'i phyir glags lta ba dang / zas dang skom dang gos dang 'tsho ba'i phyir dang / rgyal po dang chom rkun gyis nges par byas pa dang / bu lon dang 'jigs pas gzir ba'o/ /de ltar log par sgrub pa yang slu ba rnam pa gnyis kyis bslus te khyim gyi rang gi don las nyams pas bsdus pa dang /rab tu byung ba'i rang gi don las nyams pas bslus pa'o/ /log par bsgrub pa de la yang rgyu rnam pa gnyis yod de/ 'di lta ste/ dngos po gsum gyi rtog pa ngan pa dang / de'i sngon du 'gro ba'i 'du shes ngan pa'o/ / dngos po gsum ni snga ma bzhin du rig par bya ste/ de dag la 'du shes ngan pas mtshan ma dang mngon rtags su 'dzin pa'o/ /de'i 'og tu de dang mthun pa'i chos la mang du rjes su rtog cing rjes su dpyod par byed do/ /log par sgrub pa'i rgyu de spang ba la yang gnyen po rnam pa gnyis kho na yod par rig par bya ste/rtog pa spang ba'i phyir ni phyin ci ma log pa dang rgyun mi 'chad pa gnyis kyis dran pa nye bar gzhag pa rnams la sems legs par gnas pa'o/ /'du shes spangs pa'i phyir ni mtshan ma med pa'i sems kyis ting nge 'dzin bsgom pa'o //gnyen po sgom pa de yang gnyen po bsgom pa la 'dun pa drag por byed pas 'grub par gyur gyi 'dun pa drag po med pas ni ma yin no/ /'dun pa drag po de yang rgyu rnam pa gnyis las 'byung ste/ gnyen po de nyid kyi 'bras bu che ba'i phyir dang / 'di las phyi rol pa rnams dang thun mong ma yin pa'i phyir ro//de la 'bras bu che ba ni mtshan ma med pa'i sems kyi ting nge 'dzin la goms par byed pa na khams gnyis kyi bdud rtsi'i sgo rnyed nas 'dug ste/ 'di lta ste/ spong ba'i khams dang / 'dod chags dang bral ba'i khams te/ phung po'i lhag ma dang bcas pa dang /phung po'i lhag ma med pa'o/ /de la gnas pa'i drung na ni mya ngan las 'das pa rnam pa gnyis 'dug la da dung rnam pa thams cad kyi thams cad du thob pa ni ma yin no/ /de la thun mong ma yin pa ni 'di yin te/ 'di las phyi rol pa rnams la ni mtshan ma med pa'i ting nge 'dzin med la chos 'di pa rnams la ni yod de/ci'i phyir zhe na/ de dag ni gang la dmigs pa de la sgro 'dogs par byed kyi/ de nyi tshe tsam du mthong ba ma yin pa dang / gang mi dmigs pa de la ni rnam par rtog par byed de/ bdag tu bltas pa des 'du byed rnams la kun tu rmongs te/yang na ni lus tsam la bdag tu mngon par zhen to/ /yang na ni gzugs med pa la yang na ni gnyi ga'i spyi la bdag tu mngon par zhen pa'i phyir te/ bdag tu mngon par zhen pa de dag ni bdag med par 'gyur du 'ong ngo snyam nas sems kyang mya ngan las 'das pa la mi 'jug na dga' ba'i tshul gyis gnas par lta ga la byed de/yongs su yi chad pa'i phyir sems phyir ldog pa 'ba' zhig tu 'gyur ro/ /de las ldog pa chos 'di pa sdug bsngal tsam zhig 'gog par zad do snyam du khong du chud pa rnams ni sems kyang phyir ldog par mi 'gyur la de la zhi bar yang lta bas na de gal te slob pa zhig yin na ni de rang nyid yongs su mya ngan las 'das par 'gyur te/lam bskyed pa'i phyir gzhan las gdams ngag dang rjes su bstan pa ni yongs su mi tshol ba'i phyir ro/ / gal te mi slob pa zhig yin na ni de yang rang nyid yongs su mya ngan las 'das par 'gyur gyi nyon mongs pa zad pa ni yongs su mi tshol te/ sngon gyi rgyu las byung ba'i 'du byed rnams rang gi ngang gis 'gag pa'i phyir yongs su mya ngan las 'da' ba kho nar zad do/ /sdom ni/ rgyu dang phan yon shes pa gnyis//byis pa'i gnas skabs rnam pa lnga/ /lta ba gnyis kyi khyad par dang / /de la bstan par 'gyur ba'o/ /'di gnyis ni 'du byed rnams kyi thun mong ba dang / thun mong ma yin pa'i rgyu yin no/ /de la thun mong ba ni dga' ba sngon gyi rgyu yin te/ dga' ba des skye ba'i gnas de dang der skyed pa dang mi mthun pa'i phyogs kyi sgo nas skye ba'i gnas der skye bar 'gyur bar lus brlan par byed de/ nyon mongs pa thams cad kyang skye ba'i gnas de dang der skye ba'i rgyu yin mod kyi skye ba'i gnas der dga' ba skyes na skye ba dang mi mthun pa'i 'du shes med pa'i phyir ro//de yang gzugs kho na'i yin par bstan te/ sngon gyi rgyu las skyes na rgyu gzhan la mi ltos te/ shin tu 'brel pa'i phyir ro/ /de la thun mong ma yin pa'i rgyu ni bde ba dang / sdug bsngal ba dang / sdug bsngal yang ma yin bde ba yang ma yin bar tshong bar 'gyur ba'i reg pa yin te/tshor ba la sogs pa sems las byung ba rnams kyi'o/ /rnam par shes pa drug gi ni 'gags ma thag pa'i yid dang bcas pa'i ming dang / gzugs rnam pa bcu yang yin te/ sngon gyi rgyu gzhan gyis skyed pa rnams ni skad cig re re la rgyu yang gzhan la ltos te skye ba'i phyir ro//dgra bcom pa sems shin tu rnam par grol ba ye shes mthong ba shin tu rnam par dag pa la ni 'di las phyi rol pa rnams dang thun mong ma yin pa'i phan yon bzhi yod par rig par bya ste/ 'di lta ste/ rgyu zhing 'gro ba'i rtag tu gnas pa dang /gnas shing 'dug pa'i mtshan ma med par gnas pa dang / sngon gyi rgyu las byung ba'i 'du byed rnams rang gi ngang gis 'gag pa dang / yang srid par skye ba'i 'du byed rnams kyi rgyud ltar yang dag par bcom pas phyi ma la mi skye ba'o/ /phan yon rnam pa bzhi po yang dag par 'grub pa la yang rim pa rnam pa gsum yod de/'di lta ste/ slob pa'i ye shes mthong ba la brten nas skyo ba thob na 'du byed rnams la mngon par dga' ba med pa nas/ mngon par zhen nas 'dug pa med pa'i bar du gnas pa dang / skyo ba sngon du 'gro ba'i 'dod chags dang bral ba dang /'dod chags dang bral ba sngon du 'gro ba'i sems shin tu rnam par grol ba dang / de'i 'og tu de ltar sems rnam par grol bas rgyu zhing 'gro ba'i rtag tu gnas par gyur pa rnams kyis ni rjes su chags par yang mi 'gyur mi mthun par yang mi 'gyur la gnas shing 'dug pa'i ni mtshan ma thams cad yid la mi byed pa dang /mtshan ma med pa'i dbyings yid la byed pa'i phyir ro/ /mtshan ma med pa la gnas par gyur bas de la bar chad byed pa'i lta bar gyur pa thams cad snga nas kyang spangs na bgegs byed par lta ga la zhig 'gyur/de rgyu zhing 'gro ba dang gnas pa de gnyis kyis mi slob par 'gyur te/ tshe'i tshad ci tsam pa zad nas rang nyid yongs su mya ngan las 'das pas yongs su mya ngan las 'da' bar 'gyur te/ de'i skye ba dang srid pa snga nas zad pa'i phyir phyi ma la 'du byed thams cad mngon par 'grub par mi 'gyur ro//'jig chogs la lta ba'i rtsa ba las byung ba'i lta bar gyur pa thams cad ni cha gsum du rnam par gzhag par rig par bya ste/ 'di lta ste/ sngon gyi mtha' dang ldan pa rnams dang / phyi ma'i mtha' dang ldan pa rnams dang /sngon gyi mtha' dang phyi ma'i mtha' dang ldan pa rnams so/ /de la sngon gyi mtha' dang ldan pa rnams ni ji ltar 'di na kha cig 'di snyam du sems te/ ci bdag sngon gyi dus na byung bar gyur tam/ 'on te ma byung su zhig tu ni gyur/ ji ltar ni gyur zhig gu snyom pa'o//phyi ma'i mtha' dang ldan pa rnams ni ci bdag ma 'ongs pa'i dus su 'byung bar 'gyur ram 'on te 'byung bar mi 'gyur/ su zhig tu ni 'gyur/ ji ltar ni 'gyur zhig gu snyam pa'o/ /sngon gyi mtha' dang phyi ma'i mtha' dang ldan pa rnams ni bdag ci zhig tu gyur ji zhig tu ni 'gyur/sems can 'di gang nas ni 'ongs/ 'di nas shi 'phos nas ni gang du 'gro bar 'gyur zhig gu snyom pa'o/ /gzhan yang 'di las phyi rol pa rnams kyi 'jig chogs la lta ba'i rtsa ba las byung ba'i lta bar gyur pa drug cu rtsa gnyis yod de/ 'di lta ste/rtag par smra ba rnams kyi bzhi dang / kha cig rtag par 'dzin pa rnams kyi bzhi dang / rgyu med par smra ba rnams kyi gnyis dang / mtha' dang mtha' med par 'du shes pa rnams kyi bzhi dang / rnam par mi g.yeng ba'i lha rnams kyi bzhi dang / lta bar gyur pa bco brgyad po 'di dag ni sngon gyi mtha' la rtog pa'i bdag tu smra ba rnams kyi'o//de la srid pa'i lta ba can 'du shes yod par smra ba rnams kyi bcu drug dang / 'du shes med par smra ba rnams kyi brgyad dang / 'du shes yod pa yang ma yin 'du shes med pa yang ma yin par smra ba rnams kyi brgyad dang /chad par smra ba rnams kyi bdun dang / tshe 'di la mya ngan las 'das par smra ba rnams kyi lnga dang / lta bar gyur pa bzhi bcu rtsa bzhi po 'di dag ni phyi ma'i mtha' la rtog pa'i bdag tu smra ba rnams kyi yin te/ phyi ma'i mtha' la rtog pa rnams kyi lta ba 'di dag bsdus na lngar 'gyur te/'du shes yod par smra ba rnams dang / 'du shes med par smra ba rnams dang / 'du shes yod pa yang ma yin 'du shes med pa yang ma yin par smra ba rnams dang / chad par smra ba rnams dang / tshe 'di la mya ngan las 'da' bar smra ba rnams so/ / lnga po de dag kyang gsum du 'gyur te/ rtag pa dang / chad pa dang / tshe 'di la mya ngan las 'da' bar smra ba rnams so/ /de la lta bar gyur pa 'di dag thams cad ni rgyu rnam pa drug gis rnam par gzhag ste/ 'di lta ste/ rgyu dang / bstan pa dang / bsam gtan la brten pa dang /dus dang lta ba la brten pa dang / skye ba'i gnas so/ /de la thams cad kyi rgyu ni 'jig tshogs la lta ba'o/ /bstan pa ni lta bar gyur pa ston pa dam pa'i chos ma yin pa nyan pa snod kyi lung 'dogs pa bzhin du nyin thor thos pa gang yin pa'o/ /de la bsam gtan la brten pa ni bsam gtan la brten nas sngar thos pa la mos pas nges pa thob pa'o//bsam gtan de yang sngon gyi gnas rjes su dran pa dang ldan pa dang /lha'i mig dang ldan pa'o/ /de la sngon gyi gnas rjes su dran pa dang ldan pa ni sngon gyi mtha' la rtog pa'i rtag par smra ba rnams las chung ngu dang 'bring dang chen por yongs su dag pa dang /mtha' dang mtha' med pa rnam pa bzhi las gang gis snod kyi 'jig rten 'jig pa dang 'chags pa'i bskal ba tshar phyin pa'i yul gyi dran pa ste/ gang gi tshe chags pa'i gnas skabs yang dag par rjes su dran pa de'i tshe ni 'du shes rnam pa gsum gyis gcig tu nges par steng dang 'og dran te thur du mnar med pa la thug pa dang /gyen du bsam gtan bzhi pa la thug pa'i 'jig rten gyi tshad nges shing mu thug nges par dran te de'i 'du shes can du 'gyur ro/ /gzhan yang thad kar ni gcig tu nges par tshad med pa'i rnam par yang dag par rjes su dran te mtha' yas pa'i 'du shes can du 'gyur ro//de gnyis ka dang ldan pa'i dran pas ni 'jig rten gnyi ga'i 'du shes dang ldan par gnas par 'gyur ro/ /'jig rten pa'i gnas skabs rjes su dran pa ni mtha'i 'du shes can yang ma yin mtha' med pa'i 'du shes can yang ma yin par gnas te snod rnam pa thams cad kyi thams cad du mi dmigs pa'i phyir ro//kha cig ni bsam gtan la brten pa nyi tshe'i sgo nas kha cig rtag pa rnams dang / rgyu med par smra ba rnams dang / rnam par mi g.yeng ba'i lha rnams yin par rig par bya'o//'di gnyis ni rnam par dag pa'i lha yin te/ shin tu rnam par dag pa ma yin pa dang shin tu rnam par dag pa'o/ /de la 'jig rten pa'i snyoms par zhugs pa gang yin pa de dag ni shin tu rnam par dag pa ma yin pa'i lha yin te/bden pa rnams mngon par mi shes pa dang / sems shin tu rnam par grol ba ma yin pa'i phyir ro/ /chos 'di pa'i snyoms par 'jug pa gang yin pa de dag ni shin tu rnam par dag pa'i lha yin te/ bden pa rnams mngon par shes pa dang sems shin tu rnam par grol ba yin pa'i phyir ro//rnam par mi g.yeng ba ni gnyis te/ rtog pa dang bcas mtshan ma dang bcas pa dang mtshan ma med pa'o/ /de la gcig ni shin tu rnam par dag pa ma yin pa'i lha rnams kyi'o/ /cig shos ni shin tu rnam par dag pa'i lha rnams kyi'o/ / de la snga ma shin tu rnam par dag pa ma yin pa'i lha rnams ni bdag nyid lha nyid yin pa dang / rnam par mi g.yeng bar gnas pa'i phyir rnam par mi g.yeng ba'i lha zhes bya ste/ de dag ni phyi ma shos dag gis rnam par mi g.yeng ba las dri ba dris na bden pa rnams dang / mtshan ma med pa'i sems kyi ting nge 'dzin la mi mkhas pa'i phyir gzhan nas gzhan du gtam rlung skur bar byed de/de dag ni snga nas sems kyis sems la mngon par 'du byed cing bdag kyang rnam par mi g.yeng ba'i lha yin mod kyi bdag cag ma yin pa gang gzhan rnam par mi g.yeng ba'i lha bden pa rnams dang /mtshan ma med pa la lhag par ches mkhas par gyur pa dag kyang yod de/ de dag gis bdag cag la de'i skabs nas dri ba dris na ni de la bdag cag gis lan gdab pa/ lan log par 'debs par 'ong ste/ yang na ni yod pa la skur ba 'debs par 'gyur ro//yang na ni med bzhin du khas len par 'gyur ro snyam ste/ de dag lan gdab pa la nyes pa de lta bu dag mthong nas thams cad kyi thams cad du lan mi gdab po snyam du rtog na de la yang nyes pa yod par mthong ste/ gzhan dag gis mi shes pa tsam du 'dzin cing des rnam par mi g.yeng ba'i lha las dmas par 'gyur la de dag g.yo spyod cing 'di snyam du rtog ste/bdag cag gi lan ni 'di skad du kho bo cag rnam par dag pa'i lha rnams kyi gsang chen ni/ 'di lta ste/ rang gis rtogs pa'am/ rnam par dag pa'i lam gyi sgo nas rlung sprugs te bstan par bya ba ma yin no zhes lan btab na legs so snyam ste/de dag gis de ltar brtags nas so sor brtags shing tshig gis gtam rlung skur bar byed do/ /de ltar log par kun tu rtog pa la gnas pa de dag gi sems rnam par dag pa'i lha mchog tu gyur pa rnams kyi sems kyis khyab par bya ste /rab tu shes so/ /de dag ni bdag cag dma' bar 'dzin par gyur na mi rung ngo snyam pas phal cher lan glon par mi byed de de kho nas yongs su grol ba ma yin la/ gnas de la yang gnas pa yin no/ /kha cig ni blun te/zhi gnas nyi tshe la spyod pas g.yo thabs kyis gtam rlung skur ba sbyor mi nus te/ de ji skad ston pa de bzhin du tshang bar khas blangs la de nyid brjod par bya'o snyam du rtog ste/ de dag ni rtog pa'i khyad par las rnam pa bzhir rnam par gzhag pa yin no/ /de la dus kyi sgo nas ni 'das pa dang da ltar byung ba'i dus la brten te rtog pa gang yin pa de dag ni sngon gyi mtha' la rtog pa yin no//ma 'ongs pa'i dus la brten te rtog pa gang yin pa de dag ni phyi ma'i mtha' la rtog pa yin no/ /de la lta ba la brten pa'i sgo nas ni lta ba gsum la brten te snga ma bzhin no//de la lta ba la brten pa dang pos ni tshe 'di la bdag gzugs can yin par rtog la de phyin chad kyang gzugs can nyid dam 'du shes can nam/ 'du shes can ma yin pa'am/ 'du shes can yang ma yin 'du shes can ma yin pa yang ma yin par rtog go//gnyis pas ni tshe 'di dang phyi ma la gzugs can ma yin par snga ma bzhin du rtog go/ /lta ba la brten pa gsum pas ni bdag tu smra ba rnam pa gnyis su 'gyur te kha cig ni gzugs can dang gzugs can ma yin par smra'o/ /kha cig ni gzugs can yang ma yin gzugs can ma yin pa yang ma yin par smra'o//lhag ma ni snga ma bzhin no/ /gzugs can de nyid kyang chung ngu 'am tshad med par rtog go/ /gzugs can ma yin pa yang de dang 'dra'o/ /lta ba gsum la brten pas bdag tu smra ba gnyis su gyur pa gang yin pa'i smra ba de gnyis las kyang kha cig ni chung ngur rtog go//kha cig ni tshad med par rtog go/ /de ltar na bdag tu smra ba rnam pa bzhi po 'di dag las bdag mtha' dang ldan pa dang / mtha' dang mi ldan pa dang / mtha' dang ldan pa yang yin la mtha' dang mi ldan pa yang yin pa dang / mtha' dang ldan pa yang ma yin mtha' dang mi ldan pa yang ma yin no zhes bya ba dang /go rims bzhin du sbyar ro/ /lhag ma ni snga ma bzhin no/ /lta ba la brten pa de nyid kyis bdag tu smra ba la brten nas bdag dag cing 'grol bar gyur la 'dod pa dang bsam gtan la dbang thob ste/ rnam par dag pa ni tshe 'di la rnam par rtse ba'i tshul gyis ci 'dod par sprul nas de la shas cher gnas pa dang /ci 'dod par bsam gtan la gnas te de ltar na lta ba la brten pa'i sgo nas rnam par gzhag par rig par bya'o/ /de la skye ba'i gnas kyi sgo nas ni 'di lta ste/ bdag ni 'du shes gcig dang ldan pa yin no zhes bya ba nas rgyas par sbyar ro//de la 'du shes gcig dang ldan pa ni gzugs med pa dag gi nam mkha' dang rnam shes mtha' yas skye mched gnyis so/ /'du shes sna tshogs dang ldan pa ni de man chad de/ ji skad bstan pa de dag las go rims bzhin du chung ngu'i 'du shes can dang /tshad med pa'i 'du shes can du rig par bya'o/ /bsam gtan gsum po rnams na ni gcig tu nges par bde ba dang ldan no/ /sems can dmyal ba rnams na ni gcig tu nges par sdug bsngal ba dang ldan no/ /dud 'gro rnams dang / yi dags rnams dang / mi rnams dang / 'dod pa na spyod pa'i lha rnams na ni bde ba dang sdug bsngal ba dang ldan no/ /bsam gtan bzhi pa yan chad 'du shes med 'du shes med min skye mched man chad na ni sdug bsngal yang ma yin bde ba yang ma yin pa dang ldan no/ /rnal 'byor spyod pa'i sa las gzhi bsdu ba/bam po bzhi pa/ gsum po 'di dag ni 'di las phyi rol pa'i mu stegs can gyi gnas rnams kyi thams cad du rgud pa yin par rig par bya ste/ 'di lta ste/ lta ba dang 'dod pa tha dad pa dang mi mthun par smra ba'i rgud pa dang / bdag shes par brjod pa'i sgo nas 'dri ba la lan 'debs pa'i rgud pa dang /chos kyi rjes su mthun pa'i chos sgrub pa'i sgo nas rtogs pa'i rgud pa'o/ /de la 'du shes can dang / 'du shes can ma yin pa dang / 'du shes can yang ma yin 'du shes can ma yin pa yang ma yin par smra ba gsum dang / chad par smra ba rnams kyis glag btsal ba dang /phan yon brjod pa dang / gal 'dzin pa las rgyal ba'i phan yon brjod pa'i sgo nas ni rgud pa dang por rig par bya ste/ 'di dag ni phyi ma'i mtha' la rtog pa yin te/ ma 'ongs pa'i dus la brten nas bdag nyid yod pa dang med par rtog pa'i phyir ro//de la gang kun nas nyon mongs par 'gyur ba dang / gang du kun nas nyon mongs par 'gyur ba dang / gang gis kun nas nyon mongs par 'gyur ba de dag thams cad kun rdzob kyi bden pa dang don dam pa'i bden pa gnyis kyi sgo nas yang dag pa ji lta ba bzhin du rab tu mi shes pa rnams ni dang por mi shes pa khas len pa'i phyir de las gzhan pa'i mi shes pa las mi shes pa'i lhag ma lus pa yin no//gang khas len zhe na/ 'di lta ste/ rnam pa gsum lan bzhir bsgyur ba rnams te/ rtag pa dang rtag pa ma yin pa la sogs pa rnams dang /mtha' dang ldan pa dang mtha' dang ldan pa ma yin pa la sogs pa dang / rang gis byes pa dang gzhan gyis byas pa la sogs pa ste/ 'di ltar de dag ni mi shes pa'i phyir thog mar 'di dag de ltar khas blangs nas de'i 'og tu 'dri ba'i lan 'debs par byed de 'di dag ni 'phags pa'i chos 'dul ba la 'di lta ste/kun rdzob kyi bden pa'i tshul lam don dam pa'i bden pa'i tshul gnyi ga ltar yang lan gdab tu med pa'i phyir shes pa dang ldan pa rnams kyi lan mi gdab pa'i gzhi yin no/ /de la gcig tu nges par rtag par smra ba bzhi ni sngon gyi mtha' la rtog pa yin no//sngon gyi mtha' la rtog pa gang yin pa de nyid ni/ rgyu med par smra ba rnam pa gnyis kyi sgo nas rgyu med par smra ba yin te sngar ni bdag med par rtog la phyis ni yod par rtog ste/ gcig tu nges par mi rtag par smra ba la dmigs so/ /de la bzhi po 'di dag ni sngon gyi mtha' la rtog pa nyid las kha cig ni rtag par lta ste/de dag gi bye brag las kha cig ni rtag pa dang rtag pa ma yin par smra ba la dmigs so/ /kha cig ni rtag pa yang ma yin mi rtag pa yang ma yin par smra ba la dmigs so/ /mtha' dang ldan pa dang mtha' dang mi ldan pa bsgyur ba ni 'di lta ste/mtha' dang ldan pa dang mtha' dang mi ldan pa'i skabs su sngar bstan pa bzhin no/ /thams cad sngon byas pa'i rgyu las byung bar 'dod pa gang yin pa de dag ni rang gis byas par smra ba yin no/ /thams cad dbang phyug gis sprul pa'i rgyu las byung bar 'dod pa gang yin pa de dag ni gzhan gyis byas par smra ba yin no//shas kyis ni dbang phyug gis sprul pa yin par 'dod la shas kyis ni mi 'dod pa gang yin pa de dag ni gnyi gar smra ba yin no/ /rgyu med par smra ba gang yin pa de dag ni gnyi gar smra ba ma yin pa ste / de ni de dag gi bdag shes par smra ba'i sgo nas rgud pa gnyis pa yin par rig par bya'o//'di dag ni sngon gyi mtha' la rtog pa yin te 'das pa dang / da ltar byung ba'i dus kyi sgo nas rtog pa'i phyir ro/ /de la dge sbyong dang bram ze gang glags tshol ba dang / phan yon la lta ba dang / gal 'dzin pa las rgyal ba'i phan yon la lta ba dang /rnyed pa dang bkur sti'i phyir bdag shes par brjod pa bsgrags par 'dod pa kho na yin pas nyes par bshad pa'i chos 'dul ba la rab tu byung ba de dag ni nges par 'byung bar 'dod pa dang /thar pa 'ba' zhig 'dod pa yin te/ de dag ni nyon mongs pa'i shas chung ba'i rang bzhin can blun zhing zhi bar spyod pa yin no/ /de dag ni bsam gtan dang po la snyoms par 'jug pa'i man ngag ston pa dang / rjes su ston pa la brten nas phyi ma'i mtha' dang ldan pa dang / sngon gyi mtha' dang ldan pa'i lta bar gyur pa de dag khas mi len zhing yang dag par 'das nas tshe 'di la yang 'dod pa'i kun tu sbyor ba las yang dag par 'das te rab tu dben pa'i dga' ba la reg par 'gyur la/de'i gang ma'i ni ma thos shing mi shes te/ de ni de nyid la mya ngan las 'das par 'dzin to/ /rab tu dben pa'i dga' ba la ji lta ba bzhin du bsam gtan gnyis pa dang /gsum pa'i zang zing med pa'i dga' ba dang / bsam gtan bzhi pa'i sdug bsngal yang ma yin bde ba yang ma yin pa'i tshor ba dang / de yan chad ni 'du shes med 'du shes med min skye mched la thug pa yang de dang 'dra ste/ 'du shes sna tshogs dang ldan pa'i sdug bsngal ba yang ma yin bde ba yang ma yin pa'i tshor ba las yang dag par 'das pa'i phyir ro//'di ni nye bar len pa thams cad du 'gro ba'i lam las ma log pa phyir ldog pa'i chos can yongs su mya ngan las ma 'das pa mya ngan las 'das so snyam pa'i nga rgyal can de dag gi rgud pa gsum pa yin par rig par bya'o//de la de bzhin gshegs pas ni zhi ba'i go 'phang mchog nyid kyis ji lta ba bzhin du mngon par rdzogs par sangs rgyas nas rnam pa thams cad du rgud pa gsum po de dag rnam pa lngas yang dag pa ji lta ba bzhin du rab tu mkhyen to //'di lta ste/ rang bzhin gang yin pa dang / lta ba gang yin pa dang / mi shes pa gang gis skye bar 'gyur ba dang / gang la dmigs te 'jug pa dang / dmigs pa de'i nyes dmigs kyi sgo nas rags pa dang gang du nges par 'byung ba ste/ de de ltar yang dag pa ji lta ba bzhin du yang rab tu mkhyen la nges par 'byung ba der yang bdag nyid gtan du nges par 'byung bar 'gyur ro//shes pa gnyis ni mthong ba dag pa dang / mthong ba shin tu rnam par dag par 'gyur ba ste/ 'di lta ste/chos kyi lugs shes pa dang / de sngon du 'gro ba'i mya ngan las 'das pa'i shes pa'o//de la chos kyi lugs shes pa ni gang gis 'du byed rnams kyi rang gi mtshan nyid kyang rab tu dbye ba'i sgo nas shes la/ spyi'i mtshan nyid kyang nyes dmigs kyi sgo nas shes pa ste/ 'di lta ste/ gnas skabs gsum du gtogs pa'i 'du byed rnams kyi bde ba dang /sdug bsngal ba dang / sdug bsngal yang ma yin bde ba yang ma yin pa dang mthun pa rnams kyis yin te/ sdug bsngal gsum po'i tshul gyis so/ /de la mya ngan las 'das pa'i shes pa ni de de ltar 'du byed rnams la sdug bsngal bar 'du shes pa ni 'di snyam du sems te/'di ltar sdug bsngal ba'i 'du byed 'di dag ma lus par spong ba ni zhes bya ba nas rgyas par mya ngan las 'das pa'i bar du sbyar te/ 'di ni mya ngan las 'das pa'i shes pa'o/ /mthong ba rnam par dag pa dang / shin tu rnam par dag pa de gnyis kyang sgo gnyis nas sbyor bas rnam par dag par 'gyur te/gang zag bdag nyid la mthu med de gzhan gyi tshig la brten pa'am/ mthu yod pa bdag nyid kyis mang du thos pa yongs su btsal nas rnam par dag par 'gyur ro/ /de la gang zag snga ma ni dad pa la sogs pa'i dbang po rnams mi gsal ba dang /zhi gnas dang lhag mthong gi dmigs pa ro gcig tu gyur pa'i phyir tshad nges pa'i chos la spyod pa'i bzod pa 'jug par 'gyur ro/ /de las bzlog pa ni cig shos kyi yin par rig par bya'o/ /gsum po 'di dag ni mngon par rtogs pa'i mtha' las byung ba'i shes pa yin te/'di dag gis mthong ba rnam par dag pa rab tu phye ste/ 'di lta ste/ zag pa med pa'i shes pa skye ba dang mthun pa dang / zag pa med pa dang / zag pa med pa'i rgyun las byung ba'o/ /de la dang po ni 'jig rten gyi chos kyi mchog tu gtogs pa'o//gnyis pa ni gang la gnas pas mthong bas spang bar bya ba'i nyon mongs pa rnams spong ba'o/ /gsum pa ni nyon mongs pa spong ba'i steng du rnam par grol ba'i rgyun las byung ba'o/ /de la shes pa bar ma la gnas pa'i tshe ni yang dag pa'i skyon med pa la zhugs pa yin te/so so'i skye bo'i sa las ni 'das/ rgyun du zhugs pa'i 'bras bu ni ma thob pa'o/ /gsum pa ste rnam par grol ba'i rgyun la gnas pa'i shes pa ma thob pa'i bar du ni des de ma thob kyi bar du de'i skad cig la gnas pa ni 'chi bar gyur pa'i rgyu ma yin te/ yun thung ba'i phyir ro//de'i rjes la ni gdon mi za bar gsum pa thob par 'gyur ro/ /de la gnas pa'i mthong ba ni rnam par dag pa yin te/ shes bya mngon sum du byed pa'i phyir ro/ /shin tu rnam par dag pas ni ma yin te/ nyon mongs pa'i lhag ma yod pa'i phyir ro/ /de nyid lan mang du byas pa'i rgyus dgra bcom pa shin tu rnam par dag pa nyon mongs pa thams cad dang bral bar 'gyur ro//de la ma lus par spong ba ni rnam pa gsum du rig par bya ste/ kun du mi spyod pa dang / khams dang / dngos po'o/ /de la byung ngo cog dang du mi len zhing shin tu spangs nas kyang dge ba la goms pas thag ring bar byed do //kun nas dkris pa kun du mi spyod pa'i phyir dang / /mas ni snga ma bzhin du gsum du rig par bya'o/ /dngos po ni gnyis te/ nyon mongs pa'i dngos po dang / sdug bsngal gyi dngos po'o/ /bde ba dang / phan pa dang 'brel pa'i bral ba'i phyogs kyi khams lnga'i ni zhi ba dang / gya nom pa la sogs pa nas mya ngan las 'das pa la thug pa rnams yin par rig par bya'o/ /phung po thams cad spangs pa ni 'dir pha ma la sogs pa las byung ba'i phung po 'dor ba'i sgo nas rig par bya'o //bar mdo'i srid pa dang / skye ba'i srid pa dang / de phyin chad kyi srid pa mngon par mi 'grub pa'i phyir gzhan dag gi go rims bzhin du nying mtshams sbyor ba med pa dang / nye bar len pa med pa dang / 'byung ba med pa yin par rig par bya'o/ /de la phyogs gsum du sgo gsum gyis bgegs byed pa'i phyir ni kun du sbyor ba gsum du rnam par gzhag par rig par bya ste/'di lta ste/ mi g.yo ba dang / g.yos su zin kyang log par 'dzin pa dang / chos rnams ni rtogs par byed pa'i phyir te/ khyim pa'i phyogs dang / nyes pa bshad pa'i chos 'dul ba la rab tu byung ba'i phyogs rnams dang /legs par bshad pa'i chos 'dul ba la zhugs pa rnams so/ /rgyun las bzlog pa'i phyogs su 'gro ba'i lam la ni zhugs so/ /ngan song las rnam par thar pa gcig dang yang ldan no//rnam par thar pa'i nges pa gnyis dang yang ldan te/ 'di lta ste/ nyon mongs pa las rnam par thar pa'i nges pa dang / yang srid par skye ba las rnam par thar pa'i nges pa ste/ de bas na rgyun du zhugs pa zhes bya ba nas rgyas par sbyar ro/ /dgra bcom pa nyid ma thob pa'i snga rol slob pa'i sa la ni 'du byed thams cad la bdag gam bdag gir nye bar len pa med de de'i 'og tu zag pa rnams las rnam par grol bar 'gyur ro//de la dgra bcom pa nyid kyi rnam pa ni don dang 'bral ba rnam pa bzhir rig par bya ste/ rang gi don mthar phyin pas gzhan gyi don bya bar 'os pa'i don dang /bdag nyid rdzogs pa dang / rigs pa'i don thob par bya ba'i don dang / ma 'ongs pa'i 'du byed kyi rgyu yang dag par bcom ste tshe 'di la bde bar gnas pa'i don dang / slob pa'i sa las yang dag par 'das nas mi slob pa'i sa la 'jug pa'i don to/ / lnga po 'di dag ni byis pa rnams kyi byis pa'i gnas skabs yin te/ de dag la byis pa gnas na byis pa'i grangs su 'gro bar 'gyur te/ 'di lta ste/ dang po nas lhan cig skyes pa'i shes rab ma thob pa dang / gzhan gyi sgra'i rgyu las byung ba'i shes rab ma thob pa dang / 'phags pa'i shes rab ma thob pa dang /rmongs pa'i kun nas dkris nas kun nas dkris shing 'dug pa dang / de'i bag la nyal dang yang 'brel pa'o/ /bzhi po 'di dag ni bdag tu smra ba yin te/ 'du byed rnams ni bdag yin no/ /bdag ni 'du byed rnams dang ldan no/ /'du byed rnams ni bdag gi'o//bdag ni 'du byed rnams la yod do zhes smra ba'o/ /bdag tu smra ba ni rgyu rnam pa gnyis kyis kun nas nyon mongs par byed pa yin te/ mngon par zhen pa dang / bag la nyal gyi sgo nas so/ /de la mngon par zhen pa'i sgo nas ni 'di lta ste/ 'di las phyi rol pa thar pa 'dod pa rnams te/nyon mongs pa thams cad kyi thob pa dang 'brel pa'i tshul gyis so/ /de la bag la nyal gyi sgo nas ni 'di lta ste/ chos 'di pa rnams te yul la yongs su zhen pas thang cig tsam du bar chad byed la gtan du ni ma yin no/ /bdag tu lta ba dang bdag med par lta ba gnyis ni 'dra bar 'du byed kyi gzhi la dmigs pas na mtshungs par rig par bya'o//gzhi de nyid la log pa dang yang dag par 'dzin pa las kun nas nyon mongs pa dang rnam par byang bar gyur pas na ni mi mtshungs par rig par bya'o/ /de la rnam pa bzhis dngos po la log par zhen pa'i phyir ni bdag tu lta ba kun nas nyon mongs par 'gyur te/'di lta ste/ rgyu dang / rang bzhin dang / 'bras bu dang / rgyu mthun pa'o/ /de la rgyu ni rmongs pa rnam pa gnyis las 'gyur te/ dngos po la rmongs pa dang / lta ba la rmongs pa'o/ /de la dam pa'i chos ma yin pa'i thos pa sngon du 'gro ba'i dngos po la rmongs pas na bdag tu lta ba skye bar 'gyur ro//lta ba de la rmongs pas lta ba de dang ldan pa'i ma rig pa'i 'dus te reg pa las byung ba'i tshor ba byung ngo cog la bdag go snyam du 'dzin to/ /de'i rkyen gyis kyang de'i lus sred pa dang 'brel par 'gyur te des na bdag tu lta ba spong mi nus so//de la rang bzhin ni de gzhi gnyis yongs su bzung ba'i lta ba de bag la nyal gyi sgo nas 'bral bar mi 'gyur ba'o/ /de la 'bras bu ni 'jig tshogs la lta ba de nyid la brten nas de bag la nyal gyi sgo nas nga'o snyam pa'i nga rgyal dang bral bar mi 'gyur ba yin te/de yang bag la nyal rnam pa gnyi ga'i sgo nas phyi ma la dbang po rnams mngon par 'grub par 'gyur ro/ /de rnams kyis kyang bde ba dang sdug bsngal ba nyams su myong bar 'gyur ro/ /de dag nyid la bdag dang bdag gir bzung ba la brten nas tshul bzhin ma yin pa yid la byed pa dang ldan pa'i yid kyi rnam par rtog pas bdag dang bdag gis nyams su myong bar 'gyur ro//de la rgyu mthun pa ni sngon gyi rgyu'i stobs bskyed pas lta ba'i sa bon dang ldan pa yin yang srid par skye bar byed pa gang yin pa de ni yid kyi khams so/ /de sngon gyi rgyus yongs su bsgoms pas yongs su grub pa yang srid par skye bar byed pa'i yid de nyid la ma rig pa'i sa bon yod pa ni ma rig pa'i khams so//sa bon rnam pa gnyis dang ldan pa'i yid kyi dmigs pa ni chos kyi khams so/ /de sngon nyes par bshad pa'i chos 'dul ba la brten pas rnam par btags pa'i 'jig tshogs la lta ba la brten pas da ltar khams yang dag par grub ste/des na de'i da ltar khams de'i dbang gis byung ba ni lhan cig skyes pa'i 'jig chogs la lta ba ste/ legs par gsungs pa'i chos 'dul ba la yang kun tu spyod pa'i sgo nas bgegs byed par 'gyur/de yang rnam pa gnyis rnam pa drug tu bskor ba dang bcas pas kun tu spyod de dus dang nga rgyal lo/ /de la dus ni ci bdag sngon gyi dus na byung ngam/ 'on te ma byung zhig gu zhes bya ba nas rgyas par ci rigs par rig par bya'o//de la nga rgyal ni bdag che'o zhes bya ba nas rgyas par sbyar ro/ /des de dag thams cad yang dag pa ji lta ba bzhin du mi shes shing mi mthong ste/ de nyid kyis na tshul bzhin ma yin pa log par mthong ngo / /gsum po 'di dag ni rig pa'i gnas skabs yin te/ gzhan gyi sgra la brten nas tshul bzhin yid la byed pa'i ni rig pa'i gnas skabs dang po'o/ /yang dag pa'i skyon med pa la zhugs pa'i ni rig pa'i gnas skabs gnyis pa'o/ /dgra bcom pa sems rnam par grol ba'i ni rig pa'i gnas skabs gsum pa'o/ /ma rig pa'i gnas skabs ni gnyis te snga ma dang phyi ma'o//de la snga ma ni bag la nyal gyi gnas skabs so/ /kun nas dkris pa'i gnas skabs ni phyi ma'o/ /rnam grangs gzhan yang mthong ba dang bsgom pas spang bar bya ba'i bye brag gis rig par bya'o/ /gang du bcom ldan 'das kyis nyid kyi bstan pa legs par gsungs pa'i sgo nas ni 'byor bar 'gyur bar bzhed la/pha rol gyi bstan pa nyes par bshad pa'i sgo nas ni mi rigs pas ma rung bar 'gyur bar brda sprad par bzhed pa'i chos kyi rnam grangs de la yang dag par sdud pa rnams bcom ldan 'das kyis ched du brjod pa ched du brjod do zhes brjod do//legs par gsungs pa'i chos 'dul ba ni rgyu rnam pa gnyis kyis 'bras bu che zhing phan yon che ba yin no/ /nyes par bshad pa ni gti mug pa yin te/ 'di lta ste/ legs par gsungs pa'i chos 'dul ba la ni sdug bsngal thams cad las nges par 'byung ba yang yod de/'di lta ste/ sdug bsngal gsum po rnams las so/ /kun tu sbyor ba thams cad spong ba yang yod de/ 'di lta ste/ tha ma dang gong ma'i cha dang mthun pa rnams las so/ /nyes par bshad pa la ni gnyi ga yang med de de dag ni 'jig tshogs la lta ba la brten nas spong ba'i 'dun pa la gnas pas 'du byed rnams la sdug bsngal ba'i yang sdug bsngal las sems skyo bar 'gyur te/de ltar mos par byed pa na bdag sdug bsngal dang ldan par ma gyur cig bdag la sdug bsngal 'ong bar ma gyur cig snyam mo/ /yang na sdug bsngal de rgyu'i sgo nas spangs pas phyi ma la 'bras bu 'ong bar 'gyur ba la rnam pa gnyis kyis mos par byed de/'di lta ste/ bdag sdug bsngal dang ldan par mi 'gyur/ bdag la sdug bsngal 'ong bar mi 'gyur snyam pa'i phyir ro/ /de dag de ltar spong ba'i 'dun pa la brten pa rnam pa bzhis 'dod pa'i 'dod chags dang bral ba dang /bsam gtan dang por skyes pa nas rim gyis 'du shes med 'du shes med min skye mched kyi snyoms par 'jug pa'i bar du skyes pas sdug bsngal ba'i yang sdug bsngal ba las yang dag par 'das su zin kyang tha ma'i cha dang mthun pa'i kun du sbyor ba rnams ni spong bar mi 'gyur te/de dag ma spangs pas na de dag sdug bsngal ba'i yang sdug bsngal las yang dag par ma 'das pa nyid du rig par bya'o/ /'gyur ba dang 'du byed kyi sdug bsngal spang ba'i phyir ni de dag 'dun pa yang skyed par mi byed na spang bar ltag la byed de/de ma spangs pa'i rim gyis ni gong ma'i cha dang mthun pa'i kun du sbyor ba rnams kyang ma spangs pa kho nar rig par bya'o/ /chos 'di pa rnams ni thog ma nyid du 'dod pa'i khams kyi 'dod chags dang ma bral bar yang 'du byed rnams la bdag med par lta ba la brten nas spong ba'i 'dun pa la gnas pas spyir sdug bsngal gsum po rnams las skyo bar byed de/de ltar mos par byed pa na bdag sdug bsngal rnam pa gsum gyis sdug bsngal bar ma gyur cig /bdag la sdug bsngal rnam pa gsum 'ong bar ma gyur cig snyam ste/de ltar zhugs pa de thog ma kho nar 'dod pa'i 'dod chags dang bral ba thob nas/ sdug bsngal ba'i yang sdug bsngal ba spangs pa na snga ma bzhin du bdag de ltar mi 'gyur ro/ /bdag la 'ong bar mi 'gyur ro snyam du sems te/ de ni sdug bsngal ba'i yang sdug bsngal ba de las gtan du rnam par grol bar 'gyur la tha ma'i cha dang mthun pa'i kun du sbyor ba las kyang yang dag par 'das so//lam de nyid kyang sgom par byed pa nas dgra bcom pa nyid kyi bar du yang thob par 'gyur ro/ /byis pa ni 'jig tshogs la lta ba la brten pas 'du byed dang 'gyur ba'i sdug bsngal las yang dag par 'da' ba dang /gong ma'i kun du sbyor ba las yang dag par 'da' ba la bdag med par 'ong ngo snyam du skrag par bya ba ma yin pa la skrag par 'gyur te/ 'dun pa tsam yang skyed par mi byed na spong bar lta ga la byed/de yang rgyu rnam pa gnyis kyis skrag par mi bya ba yin te/ 'di lta ste/ sems tsam zhig rnam par shes pa'i gnas bzhi po rnams la 'jug pa'i kun nas nyon mongs par 'gyur bar zad pa dang / sems tsam zhig rnam par shes pa'i gnas bzhi po rnams spong ba'i phyir 'jug pa med pa'i kun nas nyon mongs par mi 'gyur bar zad pa'i phyir ro//gzhi ni bzhi ste / gzugs dang / tshor ba dang / /'du shes dang / 'du byed rnams so/ /nye bar len pa ni bzhi ste/ 'dod pa blta ba dang / tshul khrims dang / brtul zhugs dang / bdag tu smra ba rnams la 'dun pa'i 'dod chags so/ /dmigs pa ni gnyis te/ gang la dmigs pa dang / gang gis dmigs pa'o/ /rnam par shes pa ni drug ste/ mig gi rnam par shes pa la sogs pa'o/ /rnam par shes pa la gnas pa ni gnyis te/ nyon mongs pa'i kun nas dkris pa'i gnas pa dang /de'i bag la nyal gyi gnas pa'o/ /de la nye bar len pa'i dbang du byas nas tshul bzhin ma yin pa'i rtog pa sngon du btang bas bdag dang bdag gir dmigs pa la log par 'dzin pa dang / rang gi mtshan nyid la dmigs pa 'dzin pa dang /lhan cig 'byung ba'i rten dang / rgyu 'di gsum gyis rnam par shes pa de 'jug cing kun nas nyon mongs par 'gyur ro/ /gzhan yang gsum ste/tshe 'di la kun 'byung ba'i bden pa 'dzin pa dang / phyi ma'i sdug bsngal la dmigs pa ste/ shi nas bdag 'di dang 'di lta bur mi 'gyur ro snyam pa dang /sngon gyi rgyu las byung ba'i da ltar byung ba'i sdug bsngal la gnas pa'i sgo nas so/ /gzhan yang gsum ste/ bde ba'i gnas skabs 'dzin pa dang / sdug bsngal gyi gnas skabs la dmigs pa dang / sdug bsngal yang ma yin bde ba yang ma yin pa'i gnas skabs la gnas pa'i sgo nas so//gzhan yang gsum ste/ ma 'ongs pa'i dus 'dzin pa dang / 'das pa'i dus la dmigs pa dang / da ltar gyi dus la gnas pa'i sgo nas so/ /gzhan yang gsum ste/ yang srid par skye bar byed pa'i srid pa'i sgo nas yang srid par skye ba 'dzin pa dang /de dang de la mngon par dga' ba'i sgo nas ma 'ongs pa'i yul la dmigs pa dang / dga' ba dang 'dod chags dang ldan pas da ltar byung ba'i yul thob pa la gnas pa'i sgo nas so/ /gzhan yang gsum ste/ brnab sems lus kyi mdud pa'i sgo nas brnab sems dang mthun pa'i dngos po 'dzin pa dang /gnod sems lus kyi mdud pa'i sgo nas de'i dngos po la dmigs pa dang / tshul khrims dang / brtul zhugs dang / 'di ni bden no snyam du mchog tu 'dzin pa dang lus kyi mdud pa gnyis kyi sgo nas de'i dngos po la gnas pa'o//bar sdom ni/ 'bras bu rgyu dang tshor ba dang / /dus dang sred dang mdud pa'o/ /dga' bas nye bar brlan pa ni snga ma bzhin du 'du byed rnams kyi rgyu bstan pa dang 'dra bar rig par bya'o/ /de ltar zhugs pa'i rnam par shes pa de ni skye ba'i gnas gnyis su nying mtshams sbyor ba dang 'brel par rig par bya ste /gzugs can dang / /gzugs can ma yin pa'i bar ro / /de la gzugs can ni bar ma do'i srid pa la brten pa'i sgo nas 'ong ba dang 'gro ba'o/ /gzugs can ma yin pa'i ni 'chi 'pho ba dang skye ba nyi tshe'o//gnas pa ni gnyi ga'i tshe'i tshad ji srid du gnas pa'i gnas skabs so/ /gnas pa de yang 'dod pa'i khams na mi rnams kyi ni gnas skabs gsum du rig par bya ste/ thog mar mngal du rnam par shes pa brlan pa dang mngal na gnas pa yongs su rdzogs pa dang mngal nas byung ba'o//rnam grangs gzhan yang 'dod pa dang gzugs dang gzugs med pa rnams su go rims bzhin du rig par bya'o/ /de la gang de bzhin gshegs pas gsungs pa'i rnam par shes pa 'jig pa'i lam bor nas 'di skad du bdag gis tha dad par gdags par bya'o/ / zhes zer ba ni des btags pa de yang tshig tha dad par zad pa dang / don tha dad pa ma yin pas na/ tshig gi gzhi tsam du zad do/ /yang na shes pa gzhan dag gis rigs pas bstan pa'i tshig tha dad pa de la khyod kyis tha dad par btags pa de gang yin zhes phyis dris na yang mi shes pa'am yang na rang nyid kyis phyis shes par gyur te/tshul bzhin du brtags pa na/ sngar rmongs pa de la rmongs pa yin par shes pas khong du chud nas bdag gis ni sngar log par zin par 'gyur gyi legs par zin pa ma yin no snyam mo/ /gzugs kyi khams ni gzugs can gyi khams bcu'o//tshor ba'i khams dang / 'du shes kyi khams dang / 'du byed kyi khams rnams ni rnam pa drug tu rig par bya'o/ /de la rnam par shes pa ni gnas skabs gsum du nyon mongs pa rnams las rnam par grol bar 'gyur bar rig par bya ste/ 'di lta ste/ 'du byed rnams la nyes dmigs su lta bas kun nas dkris pa dang thag ring zhing 'bral bar 'gyur ba'i phyir dang / mthong ba'i sa la 'di las phyi rol pa'i mdud pa'i bag la nyal thams cad spang ba'i phyir dang / bsgom pa'i lam la brten pas mthar thug pa thob pa'i phyir ro/ /de la 'di las phyi rol pa rnams kyis skye ba'i gnas rnam par brtags pa 'di lta ste/dbang phyug chen por 'gyur ba dang / sred med kyi bur 'gyur ba dang / tshogs kyi bdag por 'gyur ba la sogs pa rnam pa du ma dag tu skye bar 'dod pas na brnab sems kyi lus kyi mdud pa dang / gzhan lta ba mi mthun pa'i chos can la sdang bas gnod sems lus kyi mdud pa ste/ log par smon lam btab ste tshangs par spyod pa la gnas pa dang / tshangs pa mtshungs par spyod pa rnams kyi dga' bar bya ba'i chos la mi phyogs pa'i phyir te/ rgyu 'di nyid kyis ni de dag gi lhag pa'i tshul khrims kyi bslab pa'i kun nas nyon mongs par 'gyur bar rig par bya'o//tshul khrims dang brtul zhugs mchog tu 'dzin pa'i lus kyi mdud pas ni lhag pa'i sems kyi bslab pa'i kun nas nyon mongs par 'gyur ro/ /'di ni bden no snyam du mngon par zhen pa mchog tu 'dzin pa'i lus kyi mdud pas ni lhag pa'i shes rab kyi bslab pa'i kun nas nyon mongs par 'gyur te/chos bzhi po 'di rnams kyis ni gzugs kyi lus dang ming gi lus su gtogs pa rnams la 'dzin pa dang / dmigs pa dang / gnas pa'i dngos po rnams la de'i sems mdud par 'gyur te/de bas na lus kyi mdud pa zhes bya'o/ /de dag kyang yid kyi sa pa yin pa dang / yid kyis rnam par brtags pa dang / yid dang mtshungs par ldan pa dang / yid la bag la nyal bar 'gyur ba dang / yid kun nas nyon mongs par byed pa'i phyir na yid dang 'brel pa zhes bya'o//de rnams spangs pas ni nyon mongs pa gang gis dmigs pa'i dmigs par byed pa de chad par 'gyur gyi gang la dmigs pa de ni ma yin te/ de phyin ci ma log par yang dag par rtogs pa'i phyir ro/ /yang srid pa skye bar byed pa'i las dang nyon mongs pas yongs su zin pa'i yang srid par skye ba'i sa bon rnam par shes pa ni gnas der mi gnas par rig par bya'o//de med pas phyi ma la tshul rnam pa gsum gyis snga ma bzhin du skye ba dang / 'phel ba dang rgyas pa 'gag par rig par bya'o/ /mi gnas pa'i rnam par shes pa de yang rgyu'i rang bzhin dang 'bras bu'i rang bzhin gnyis kyi sgo nas mngon par skye ba med do//lam gyis yongs su zin pas mngon par skye ba gang yin pa de ni stong pa nyid kyi rnam par thar pa'i sgo la brten pas ni mngon par 'du ma byas pa'o/ /smon pa med pa'i rnam par thar pa'i sgo la brten pas ni chog shes pa'o//mtshan ma med pa'i rnam par thar pa'i sgo la brten pas ni gnas pa'o/ /de la mngon par dga' ba la goms pas ni shin tu rnam par grol ba'o/ /bag la nyal thams cad gtugs pas sems shin tu rnam par grol ba'i 'og tu rtag par gnas par gyur na 'du byed 'gyur ba la yongs su yi chad pa med de phung po thob par gyur pa rnams rang gi ngang gis 'gag la gzhan dag gi yang rgyu yang dag par chad pas skye ba med do//zag pa dang bcas pa'i rnam par shes pa 'gags pa de ni phyogs bcu dag tu 'gro ba med de/ rnam par shes pa'i phung po rnam par shes pa'i shing de grib ma dang 'dra ba'i tshor ba thams cad dang //mgo mnyam du mar me ltar mya ngan las 'da' bar rig par bya'o/ /phung po'i lhag ma dang bcas pa'i mya ngan las 'das pa'i dbyings ni kun nas dkris pa spong ba dang po'i sgo nas ni zhi ba'o/ /spong ba gnyis pa'i sgo nas ni bsil bar gyur ba'o//spong ba gsum pa'i sgo nas ni tshangs par 'gyur ba'o/ /rnam pa gsum gyis ni rnam par shes pa 'dzin pa'i rnam par shes pa'i gnas med de/ 'di lta ste/ rang nyid kun nas nyon mongs pa can ma yin pa dang / gzhan gyi kun nas nyon mongs pa'i rgyur ma gyur pa dang /de las gzhan pa'i rnam par shes pa'i grogs med pa'i phyir ro/ /sdom la/ spong ba'i yan lag yang dag snang / /rnam pa dang ni dmigs pa dang / /bstan pa mtshungs pa med pa dang / /sems can ris ni bzhi dag dang / /lam gyi rnam pa bzhi po dang //mthar thug pa ni rnam pa lnga/ /spong bar byed pa'i spong ba ni yan lag lngas bsdus te/ /yang dag pa ji lta ba bzhin du 'du byed yang dag par snang bar byed pa 'gyur te/ 'di lta ste/ lus dben pa dang / sems dben pa dang / zhi gnas kyi phyogs kyi ting nge 'dzin dang / lhag mthong gi phyogs kyi ting nge 'dzin dang rtag tu byang bar byed pa'o/ /yang dag pa ji lta ba bzhin du yang dag par snang bar byed pa ni rnam pa bcu gnyis su rig par bya ste/ 'di lta ste/ rnam grangs bsdu ba las 'byung ba bzhin te/ thos pa dang / rang gis legs par zin pa dang / log par zin pa dang / yid ches pa'i lung dang / mngon sum dang / rjes su dpag pa'i yul dang / rang gi mtshan nyid dang / spyi'i mtshan nyid dang / ji lta ba bzhin du yod pa dang / ji snyed yod pa dang mthong ba dang / mthar thug pa'i sa la 'jug pa'o/ /yang dag pa ji lta ba bzhin du yang dag par snang bar byed pa'i rnam pa dang ldan pa'i shes pa'i dmigs pa'i gzhi ni rnam pa bzhi ste/'di lta ste/ chos 'di pa'i so so'i skye bo rnams kyi yul nye bar sbyor ba las byung ba'i tshor ba rnams mi shes pa'i dbang gis 'du byed rnams 'jug pa'i kun nas nyon mongs pa dang /de shes pas rnam par byang bar 'gyur ba dang / gzhan yang khyim pa so so'i skye bo rnams kyi yang srid par skye ba la mngon par dga' ba la sogs pa la brten pa'i mi shes pa'i dbang gis 'du byed rnams 'jug pa'i kun nas nyon mongs pa dang / de las bzlog pas rnam par byang bar 'gyur ba dang /gzhan yang phyi rol gyi mu stegs can rnams kyis 'dod cing brtags pa'i snyoms par 'jug pa dang / skye ba rnams kyis dga' ba la brten nas 'du byed rnams la mi shes pa'i dbang gis 'du byed 'jug pa'i kun nas nyon mongs pa dang / de las bzlog pas rnam par byang bar 'gyur ba dang / gzhan yang chos 'di pa'i slob pa rnams kyi dbang po dang yul dang brjed ngas pa'i sgo nas 'du byed rnams mi shes pa'i lhag ma yod pa'i dbang gis 'du byed 'jug pa'i kun nas nyon mongs pa dang lhag ma de spangs pas rnam par byang bar 'gyur ba'o//de la phyogs thams cad kyi rnam par byang ba'i phyogs ni chos 'di pa rnams kyi nyi tshe yin par rig par bya ste/ 'di dag ni dmigs pa'i gzhi rnam pa bzhi yin no/ /de bzhin gshegs pa rnams kyi bstan pa ni rgyu rnam pa gsum gyis mtshungs pa med pa yin te/ 'di lta ste/ thun mong ma yin pa'i chos ston pa dang / phyin ci ma log par ston pa dang / nyid kyis mngon par rdzogs par sangs rgyas par ston pa'o/ /de la de 'jig tshogs kun 'byung bar 'gyur ba'i lam gang yin pa de ni sdug bsngal kun 'byung bar 'gyur ba yin la/'jig tshogs 'gog par 'gyur ba gang yin pa de ni sdug bsngal 'gog par 'gyur ba yin pas na thun mong ma yin par ston pa'o/ /de yang yod pas na phyin ci ma log par ston pa yin no/ /de yang rab tu shes pas na nyid kyis mngon par rdzogs par sangs rgyas par ston pa yin no//gsum po 'di dag ni 'du byed rnams 'jug pa'i rnam grangs yin no/ /'di lta ste/ 'jig tshogs ni sems can rnams kyi chags pa'i gnas kyi don gyi phyir ro/ /'jig rten ni gang la chags pa de 'jig pa'i don gyi phyir ro/ /srid pa ni zhig pa de yang 'byung bar 'gyur ba'i don gyis so//bzhi po 'di dag ni sems can gyi ris yin te/ bzhi gang zhe na/ 'di lta ste/ gcig tu nges par sdug pa'i las kyi 'bras bu la gnas pa rnams ni 'bras bu nye bar spyod pa ste/ 'di lta ste/ lha'i skye gnas dag na bag med par spyod pa gang yin pa rnams dang /gcig tu nges par rgyu la gnas pa ste/ 'di lta ste/ de 'dod pa'i dge sbyong dang / bram ze rnams dang / sems can gyi rigs gsum pa ste yongs su mya ngan las 'das pa dang / 'dren ma ste 'di na gnas pa rnams 'bras bu la yang gnas shing spyod la phyi ma la yang sdug pa'i 'bras bu yongs su gzung ba dang /mya ngan las 'das pa'i tshogs la yang dus dus su bag yod par byed pa gang yin pa rnams so/ /de la sems can gyi ris gsum po dag las ci rigs par 'jig rten dang / de'i kun 'byung ba dang / 'gog pa'i mtha' rnams dang / 'jig tshogs dang / de'i kun 'byung ba dang / 'gog pa'i mtha' rnams su rig par bya'o/ /ris tha ma bzhi pa las ni 'jig tshogs dang / de'i kun 'byung ba dang / de'i 'gog pa dang / de'i 'gro ba'i lam gyi rnam grangs su rig par bya'o/ /lam gnyis kyis rnam pa bzhi gdags pa yang rig par bya ste/'di lta ste/ mthong ba'i lam dang / bsgom pa'i lam gyi'o/ /de dag gi rnam pa bzhi gang zhe na/ yongs su shes par bya ba dang / spang bar bya ba dang / mngon sum du bya ba dang / bsgom par bya ba'i rnam pa rnams so/ /de la gsum ni mthong ba'i lam gyi'o//gcig ni bsgom pa'i lam gyi'o/ /mthong ba'i lam la zhugs te bden pa mngon par rtogs pa'i mod la ni sdug bsngal yongs su shes so/ /kun 'byung ba'i phyogs gcig ni spong ngo / /'gog pa'i phyogs gcig ni mngon sum du byed do/ /phyogs gcig ma spangs pa dang / mngon sum du ma byas pa de ma lus par spang ba dang / mngon sum du bya ba'i phyir bdag gis lam ji ltar thob pa bsgom par bya'o snyam ste/ bsgom pa'i lam la de ltar so sor brtags nas lam bsgom pa la brten te lhag ma spang ba dang / mngon sum du bya ba thob par 'gyur ro//des de ltar mthar thug pa thob pa'i mthar thug pa de yang rnam pa lngar rig par bya ste/ lnga gang zhe na/ sdug bsngal rgyu dang bcas pa ma lus par zad pa thob pa dang / gzhan gyi don la mthu yod pa dang / rang gi don rnam pa thams cad du phun sum tshogs pa dang / gtan du spangs pa'i shes pa thob pa dang mya ngan las 'das pa'i grong khyer du zhugs pa dang /der zhugs nas kyang 'phags pa'i gnas pas de ltar lhag par gnas pa'i phyir ro/ /de la rnam pa dang po la ni srid pa la sogs pa'i rgyun chad de/ snga ma bzhin du rnam grangs bzhir rig par bya'o/ / rnam pa gnyis pa la ni dgra bcom pa zag pa zad pa zhes bya ba la sogs pa'i rnam grangs su snga ma bzhin du rig par bya'o/ /rnam pa gsum pa la ni 'du byed kyi dngos po thams cad spangs pa'i phyir gtan du mthar thug pa dang / nyon mongs pa thams cad gtan spangs pa'i phyir gtan du dri ma med par gyur pa dang /de'i gnyen po'i lam thob pa'i phyir gtan du tshangs par spyod pa mthar phyin pa'o/ /rnam pa bzhi pa la ni dper na 'jig rten na yang rnam pa lngas grong khyer du 'jug par 'gyur te/ gang yang rung ba ma tshang bas ni ma yin pa de bzhin du de dang 'dra bar mya ngan las 'das pa'i grong khyer du yang rnam pa lngas 'jug par rig par bya ste/'di lta ste/ grong khyer gyi sgo yang phye la 'obs kyang bkang ste/ g.yang sa ma yin zhing zab pa ma yin pa dang / rgal bar nus pa dang / 'obs de rgal nas kyang sgo drung du thug par gyur pa dang /grong khyer der 'gro bar bdag nyid kyis gsol ba gdab kyang mi dgos la/ gzhan dag gi don du rgyal mtshan bsgrengs nas 'jug par yang mi byed de/ de ltar na de grong khyer du 'jug pa la bar du chod pa med do/ /de bzhin du mya ngan las 'das pa'i grong khyer du 'jug pa la yang tha ma'i cha dang mthun pa lnga spangs pas sgo phye bar gyur la mya ngan las 'das pa la g.yang sar 'du shes pas skrag par byed pa'i ma rig pa spangs pas ni 'obs bkang ba yin no//'jig tshogs kyi pha rol tu 'gro ba dang / lus kyi tha ma 'dzin pas ni phung po'i lhag ma med pa'i mya ngan las 'das pa'i dbyings su 'jug pa la sgo drung du thug par gyur pa yin te/srid pa'i sred pa spangs pa de ni yul rnams la yang srid pa mi 'jug la/ bden pa rnams la yang nga rgyal mi 'jug ste/ de ni snga ma bzhin du rgyu rnam pa lnga po 'di dag gis mya ngan las 'das pa'i grong khyer du zhugs par rig par bya'o//de la zhugs pa ni rnam pa gnyis kyis 'phags pa'i gnas pa yin te/ 'di lta ste/'gro zhing rgyu ba dang / gnas pa'o/ /de la 'gro zhing rgyu ba yang rnam pa gsum du rig par bya ste/ thun mong ma yin pa dang / kun nas nyon mongs pa can ma yin pa dang /yang dag pa'i gnas la gnas pa'o/ /de la tha ma'i cha dang mthun pa'i kun tu sbyor ba lnga spangs pas ni 'dod pa rnams la gtan du 'dod chags dang bral ba de dag nyid la spyod pas na thun mong ma yin pa'o/ /rtag tu gnas pa drug gis yongs su zin pas na kun nas nyon mongs pa can ma yin pa'o//brtags nas chos kha cig yongs su spong ba ni 'di lta ste/ glang po che dang / rta ma rungs pa la sogs pa'o/ /brtags nas kha cig rten par byed pa 'di ni 'di lta ste/ gos dang zas la sogs pa ste/ de ni yang dag pa'i gnas la gnas pa yin no//de la de ltar rgyu zhing 'gro ba dag par gyur pa'i gnas pa ni rnam pa lngar rig par bya ste/ 'di lta ste/ gang gis gnas pa dang / gang la gnas pa dang / gang dang bral ba dang / gang la brten pa dang / gang dang ldan pa'o/ / de la mi bskyod pa'i sems rnam par grol bas ni gnas so/ /brtags nas chos kha cig sel bar byed pa ste/ 'di lta ste/ rgyu zhing 'gro bas g.yeng ba'i ngal ba la sogs pas las dub pa'o/ /brtags nas kha cig dang du len par byed de/ 'di lta ste/ grang ba dang / tsha ba la sogs pa'o/ /kun nas nyon mongs pa gsum dang ni bral te/ 'di lta ste/ lta ba'i kun nas nyon mongs pa dang / sred pa'i kun nas nyon mongs pa dang / rtog pa'i kun nas nyon mongs pa'o/ /de la lta ba'i kun nas nyon mongs pa dang bral bas ni yang srid par skye bar sems g.yo ba med do//sred pa'i kun nas nyon mongs pa dang bral bas ni yul rnams la 'phrogs pa med do/ /rtog pa'i kun nas nyon mongs pa dang bral bas ni rtog pa na dge ba 'ba' zhig la rtog par byed kyi mi dge ba la ma yin no/ /de ni bsam gtan bzhi pa'i mi g.yo ba'i ting nge 'dzin la brten nas tshe 'di la bde bar gnas pa'i mchog gis bde bar gnas so//mi slob pa'i sems rnam par grol ba dang / shes rab rnam par grol ba dang / sred pa med pa'i lus phyi ma mngon par 'grub par mi 'gyur ba dang / mya ngan las 'das pa'i gnas la lhag par gnas pa dang /phun sum tshogs pa bla na med pa thob pa dang ni ldan no/ /de ltar na de rnam pa lnga po de dag gis gnas pa phun sum tshogs pa'i mchog yin par rig par bya'o/ /sdom ni/ phyogs gnyis po ni mdor bsdu dang / mi 'dra ba ni rnam pa gsum//mos pa spong dang 'jug pa dang / /yod dang shin tu rnam dag dang / /legs par gsungs dang nyes bshad la/ /ston pa la sogs khyad par rnams/ /nag po'i phyogs dang dkar po'i phyogs kyi chos rnams ni gnas gsum gyis bsdus te/ 'di lta ste/ yongs su shes par bya ba'i chos rnams dang /yongs su shes pa dang / yongs su shes pa bsrung ba'o/ /de la yongs su shes par bya ba ni sdug bsngal gyi bden pa dang / kun 'byung ba'i bden pa ste/ nag po'i phyogs su 'dus par rig par bya'o/ /yongs su shes pa ni 'gog pa'i bden pa ste/dkar po'i phyogs su 'dus so/ /yongs su shes pa bsrung ba'i gang zag ni lam gyi bden pa la gang zag tu btags pa ste/ de yang dkar po'i phyogs su 'dug pa kho nar rig par bya'o/ /de yang 'phags pa nyan thos kun rdzob kyi bden pa la mkhas pa dang /don dam pa'i bden pa la mkhas pa yin te/ des ni gnyi ga'i tshul gyis kyang lan gdab pa'i mi rigs par yang dag par mthong nas shi ba'i 'og tu yod do zhes kyang khas mi len zhing lan mi 'debs so/ /med ces bya ba dang /yod kyang yod la med kyang med ces bya ba dang /yod pa yang ma yin la med pa yang ma yin no zhes kyang khas mi len zhing lan mi 'debs te/ don dam par ni shi ba'i 'og tu yod pa'am/ med pa gang yin pa de ni mi dmigs so/ /kun rdzob tu ni 'du byed rnams sam mya ngan las 'das pa la de bzhin 'ongs pa zhes gdags grang na/de la shi ba'i 'og tu ni de bzhin 'ongs pa'i 'du byed gcig kyang 'jug pa med na de'i tshe ci la brten te de bzhin 'ongs pa gdags par 'gyur/ mya ngan las 'das pa spros pa med pa so so rang rig pa ni 'du byed med pa tsam gyis rab tu phye bar zad pas na dngos por gdags su mi rung ngo //med par gdags pa'i sgo nas kyang gdags su mi rung ste/ mya ngan las 'das par gdags pa yod pa dang /zhi ba yin bzhin du/ skur ba btab par 'gyur ba'i phyir ro/ /de yang shin tu rtogs par dka' ba dang cha phra bas na zab bo//'khor ba'i 'du byed kyi kun nas nyon mongs pa rnam pa sna tshogs du ma spangs pas rab tu phye bas na rgya che ba'o/ /mngon sum dang rjes su dpag pa dang / yid ches pa'i lung gi tshad ma rnams kyis dpag tu mi rung bas na dpag tu med do/ /phyi rol gyi khur khyer ba'i sdug bsngal bas ni nang gi khur khyer ba'i sdug bsngal rgyu gsum gyis khyad zhugs te/khur gang len pa dang / gang gis len pa dang / ji srid kyi bar du len pa'o/ /de la phyi rol gyi khur khyer ba ni gzugs kyi phyogs 'gar gtogs pa tsam zhig khyer bar zad de sogs ma'i khur ram shing khur ram/gzhan yang de dang mthun pa len par byed la byis pa ni 'du byed thams cad kyi khur len par byed do/ /gzhan yang phyi rol gyi khur khyer ba ni lus su gtogs pa'i phrag pas khur khyer bar byed la byis pa ni srid pa'i phrag pas khur khyer bar byed do/ /gzhan yang phyi rol gyi khur khyer ba ni phrag pa de nyid yod bzhin pas phyogs gcig tu khur 'dor bar byed la byis pa ni srid pa'i phrag pa ji srid yod kyi bar du khur khyer bar byed do//de ni khur 'dor bar 'dod na yang phrag pa dang bcas pas 'dor nus kyi de ma yin gyi bar du mi nus so/ /de ni ji srid 'dor mi nus pa de srid du khur chen po blangs pa dang /phrag pa nyam chung ba dang / de na mo ma yin pa dang / ma zhi ba blangs pa dang / yun ring por rgyun mi 'chad par khur khyer bas na khur sum rim du khyer ba'i sdug bsngal nyams su myong bar 'gyur gyi cig shos ni de lta ma yin te/'di ni de gnyis kyis mi 'dra ba yin no/ /phyi rol gyi 'ching ba pas ni nang gi byis pa'i 'ching ba rnam pa lngas khyad zhugs te/ phyi rol gyi 'ching ba ni gzugs kyi phyogs gcig gis bcings pa ste/ shing ngam/ lcags sam/ rtswa bal ba dza'i bcing bas bcings par zad la byis pa ni 'du byed thams cad kyis bcings so//gzhan yang phyi rol gyi ni gzhan gyis bcings pa yin la byis pa ni bdag gis bdag bcings so/ /phyi rol gyi ni bcings par gyur na 'ching ba de'i gzhi yang shes/ thar pa dang thar bar bya ba'i thabs kyang shes la byis pa ni thams cad mi shes so//pha rol gyi ni shi phan chad 'ching ba dang bral bar 'gyur la byis pa'i ni shi ba'i 'og tu 'khor ba na 'ong ba dang / 'gro ba byas kyang 'ching ba dang rjes su 'brel par 'dug go/ /phyi rol gyi ni rab tu byung ste 'dod pa spangs pas 'ching ba de las thar bar 'gyur te/dgra rnams kyang de 'ching bar mi byed la byis pa ni srid pa'i rtse mo man chad 'thob pa'i 'dod chags dang bral bar gyur kyang thar bar mi 'gyur na rab tu byung ba tsam lta ci smos de la 'dod chags dang bral ba'i gnas skabs rnams su yang shas kyi bdud kyi dbang du 'gyur ro//'dod chags dang ma bral ba'i gnas skabs rnams su ni dbang 'ba' zhig tu 'gyur ro/ /rab tu byung ba'i gnas skabs rnams su ni chad pa na 'dug pa yin no/ /khyim na gnas pa'i gnas skabs rnams su ni ci dga' mgur bya ba yin no/ / de la 'dod chags dang ma bral ba'i gnas skabs rnams su ni bdud kyi 'ching ba rnams kyis bcings pa yin te/ 'jig rten gyi lam gyis srid pa'i rtse mor skyes na yang bdud kyi zhags pa rnams las yongs su ma grol lo/ /de bzhin gshegs pa dang dgra bcom pa shes rab rnam par grol ba ni spyir na rnam pa bzhis 'dra ba dang /mi 'dra bar rig par bya'o/ /de la rnam pa gcig gis ni 'dra ste/ 'di lta ste/ spyir rnam par grol bas so/ /rnam pa gsum gyis ni mi 'dra ste/ 'di lta ste/ mngon par byang chub pa dang / ston pa'i mthu dang / nan tan du sgrub pas so/ /de la de bzhin gshegs pa ni slob dpon med par byang chub kyi phyogs kyi chos sum cu rtsa bdun bsgoms nas nyid kyis mngon par rdzogs par sangs rgyas la de ltar mngon par rdzogs par sangs rgyas nas kyang gzhan gyi don ma lus pa las brtsams te tshe 'di nyid la skal ba yod pa gang yin pa rnams dang /skal ba med pa gang yin pa rnams dang / chos mthong ba gang yin pa rnams dang / chos ma mthong ba gang yin pa rnams de dag gi rnam pa thams cad mngon par mkhyen to/ /de nyid kyis byang chub mngon par rdzogs par sangs rgyas la de ltar gzhan gyi don kyang mngon par mkhyen na sgrib pa gnyis po nyon mongs pa'i sgrib pa bag chags dang bcas pa dang /shes bya'i sgrib pa thams cad kyi sgrib pa las rnam par grol bar 'gyur te/ zla med pa dang / lhar bcas pa'i 'jig rten gyi thar pa'i slob dpon du yang 'gyur ro/ /de'i mngon par rdzogs par byang chub pa rnam pa bzhi po 'di dag ni nyan thos dang thun mong ma yin par rig par bya'o//de'i gzhan gyi don mdzad pa'i sgo nas bstan pa'i mthu yang rnam pa lngas thun mong ma yin par rig par bya ste/ lnga gang zhe na/ 'di la de bzhin gshegs pa ni lam la yang lam yin par rnam pa thams cad du yang dag pa ji lta ba bzhin du mkhyen la lam ma yin pa la yang lam ma yin par yang dag pa ji lta ba bzhin du mkhyen to//mkhyen nas kyang lam ma yin par 'gro bar mi 'gyur ba dang / lam du 'gro bar mdzad pa'i phyir lam dang lam ma yin pa ji lta ba bzhin du ston to/ /lam ji ltar bstan pa bzhin du 'gro 'dod pa gang yin pa de dag la ni lam de la yang dag par nan tan du bsgrub tu gzhug pa'i phyir thabs kyis yongs su zin cing rigs pas bskyed pa'i yid la byed pa'i gdams ngag bstan pa'i sgo nas gsungs so//ji skad du rjes su bstan cing nan tan du bsgrub pa de'i bar du gcod pa zhi gnas dang lhag mthong gi skyon gang yin pa de dag ni sel bar byed la mthun pa gang yin pa de dag ni sgrub par byed pa 'di ni bstan pa'i mthu mi 'dra ba'o //de la nan tan du sgrub pa mi 'dra ba ni de dag de bzhin gshegs pa la brten nas/ de'i 'og tu yang dag par nan tan du sgrub par byed kyi de bzhin gshegs pa ni su la yang brten pa med do//de dag ni nyan thos kyi rigs dang ldan pas nan tan du sgrub par byed kyi de bzhin gshegs pa ni nyid kyi rigs dang ldan pas so/ /de dag las kha cig ni yongs su smin pa yin la kha cig ni phyi ma la yongs su smin par bya ba yin gyi byang chub sems dpa' srid pa tha ma ba'i rgyud la ni rnam pa gnyis su dbye ba med do//yongs su ma smin pa gang yin pa de dag ni lam gyi rjes su 'gro ba yin te/ rgyud yongs su ma smin pa phyi ma la yongs su smin par byed do/ /yongs su smin pa gang yin pa de dag ni tshe 'di nyid la ston pa'i bstan pa bzhin du byed de/gnyi ga yang ji skad du bstan pa de kho na bzhin du nan tan du sgrub par byed de/ lam gyi rjes su 'gro ba gang yin pa de dag ni phyi ma la mya ngan las 'das pa grub par byed do/ /tshe de nyid la ston pa'i bstan pa bzhin du byed pa gang yin pa de dag ni lus de nyid kyis lam dang lam gyi 'bras bu mya ngan las 'das pa grub pa kho nar byed do//de la 'phags pa'i lam ni gnod pa med pa dang / bde ba yin pas na 'bras bu dang bcas pa'i rigs pa dang mi 'gal ba dang / chos shes bya la phan pa'i phyir na dag pa zhes kyang bya'o//'du byed rnams la bdag med par mos pa ni rnam pa gnyis yod do / /thos pa dang bsams pa'i dbang gis byung ba dang / bsgoms nas rtogs pa'i dbang gis byung ba'o/ /de la thos pa dang bsams pa'i dbang gis byung ba ni bsgoms nas rtogs pa'i dbang gis byung ba skye ba'i rten gyi bya ba byed de/de yang legs pa yang yin la rab kyang yin mod kyi 'on kyang dad pas rab tu byung ba'i rigs kyi bus ni de tsam gyis chog par gzung bar mi rigs te/ de la brten nas 'du byed rnams la mi rtag pa'i 'du shes la sogs pa bsgom pa'i rim pas rtogs pa'i dbang gis byung ba bdag med pa la mos pa rtogs par bya ba'i phyir brtson pa kho nar bya'o//'du byed rnams kyi spang ba ni rnam pa bzhi'i sgo nas rnam pa gnyis yod par rig par bya ste/ bzhi gang zhe na/ kun nas dkris pa spang ba dang / bag la nyal spang ba dang /yang srid par skye ba'i 'du byed kyi rgyu spang ba dang / de ltar gyi 'du byed kyi nyon mongs pa can du gyur pa'i spyod pa spang ba'o/ /de la rnam pa bzhi po 'di dag gis ni rnam pa gnyis spang bar rig par bya ste/ nyon mongs pa spang ba dang / dngos po spang ba'o/ /de la rnam pa snga ma gnyis kyis ni nyon mongs pa spong ngo //phyi ma gnyis kyis ni dngos po spong ngo / /'dod pa'i khams na ni 'du byed 'jug pa rnam pa gsum yod de/ thog ma dang / bar ma dang / tha ma rnams su sdug bsngal gyis dkris par rig par bya ste/ 'di lta ste/ skye ba'i tshe ni mngal gyis bcum pa'i sdug bsngal gyis dkris so//skyes nas byis pa'i gnas skabs rnams su ni nad mang po'i sdug bsngal gyis dkris so/ /rgas pa'i rgyu dang dbang po rnams yongs su smin par 'gyur bas ni rga shi'i sdug bsngal gyis dkris so/ /'du byed rnams mngon par mi 'grub pa'i phyir thog ma dang /bar ma dang tha mar 'gog par 'gyur bas ni sdug bsngal rnam pa gsum 'gog par 'gyur bar rig par bya'o/ /yod pa ni gsum ste/ de dag spang ba'i phyir 'phags pa nyan thos 'bad par byed de/ 'di lta ste/ 'das pa'i dus kyi sgo nas ni khyim nas khyim med par rab tu byung ba na de nyid kyi nyes dmigs mthong nas 'dod pa spang ba gang yin pa de dag phyis yang len par 'gyur ba'i rgyu yod pa dang /ma 'ongs pa'i dus kyi sgo nas ni 'du byed mngon par 'grub par 'gyur ba'i rgyu yod pa dang / de ltar gyi dus kyi sgo nas ni ma spangs pa'i bag la nyal gyi kun nas nyon mongs pa yod do//de la yod pa rnam pa gsum po de spang ba'i phyir/ 'di lta ste/ mi lta ba dang / mngon par mi dga' ba dang / lhag par zhen pa med pa rnam pa gsum gyis 'bad par byed de/ spong ba dang / 'dod chags dang bral ba dang 'gog pa'i khams yang dag par sgrub pa'i phyir ro// //rnal 'byor spyod pa'i sa las gzhi bsdu ba/ bam po lnga pa/ 'di gnyis ni 'du byed rnams la mngon pa'i nga rgyal med pa'i bdag med pa mthong ba yin te/ gnyis gang zhe na/ shin tu rnam par dag pa ma yin pa dang /shin tu rnam par dag pa'o/ /shin tu rnam par dag pa ma yin pa gang zhe na/ ji ltar 'di na kha cig dben pa na gnas te/ 'du byed rnams mi rtag pa'i bzod pa la brten nas 'jig rten pa'i shes pas bdag med pa la mos par 'gyur la/ des kyang mos pa'i rgyus mig gis shes par bya ba'i gzugs rnams nas yid kyis shes par bya ba'i chos rnams kyi bar dag la bdag tu 'dzin pa dang /bdag gir 'dzin pa'i mtshan ma kun tu spyod pa'i sgo nas spangs par yang dag par mthong ngo / /phyi rol pa'i mdud pa bzhir bsdus pa yang de dang 'dra ste/'dod chags tha chad dang / zhe sdang tha chad dang / gti mug tha chad de/ de la brnab sems lus kyi mdud pas ni 'dod chags tha chad bsdus so/ /gnod sems kyi mdud pas ni zhe sdang tha chad bsdus so/ /de ma yin pa gnyis kyis ni gti mug tha chad bsdus so//tha chad kyi don ni ngan pa'i don du rig par bya'o/ /'di ni mngon pa'i nga rgyal med pa'i bdag med pa shes pa ste/ tshul bzhin yid la byed pa dang mtshungs par ldan pa'i phyir dang / mnyam par gzhag pa'i sa pa yin pa'i phyir ro//de yang rgyu rnam pa gnyis kyis shin tu rnam par dag pa ma yin te/ de nges par 'byed pa'i cha dang mthun pa'i dge ba'i rtsa ba la 'jug pa de'i tshe nga'o snyam pa'i nga rgyal rags pa la cha phra ba'o snyam du spyod pa yid la byed pa la zhugs pa spel mar 'dug ste/ des na de 'di snyam du sems te bdag ni stong pa nyid bsgom pa'o//bdag ni de thob pa yin no/ /bdag la ni stong pa nyid yod do/ /bdag ni stong pa nyid 'dis 'phags so snyam pa gang yin pa ste stong pa nyid kyis ji lta ba bzhin du mtshan ma med pa dang / ci yang med pas kyang de dang 'dra'o/ /de kun tu spyod pa'i rgyu 'dod pa rnams sam 'jig tshogs la rjes su chags pa dang bcas pa'i rnam par shes pa'i rjes su chags pa dang bcas pa'i rnam par shes pa de yongs su ma shes pa'i phyir 'dod pa dang /'jig tshogs la chags pas bsgyur ba nas bsam pa thag pa nas mya ngan las 'das pa la mi 'jug cing sems kyang phyir ldog pa gang yin pa ste snga ma bzhin no//de yang des rnam pa brgyad kyis yongs su shes par bya ba yin te/ de yongs su shes pa'i mod la de'i nyes pa dang bral bar gyur pas bdag med pa mthong ba shin tu rnam par dag cing mngon pa'i nga rgyal med par rig par bya'o//de la zhig par gyur pa dang / 'jig pa'i chos can yin pas na mi rtag pa'o/ /las dang nyon mongs pa las yang dag par grub pas na 'dus byas so/ /sngon gyi smon lam las yang dag par 'grub pas na bsams pa'o/ /rang gi sa bon dang da ltar gyi phyi rol gyi rkyen las yang dag par grub pas na rten cing 'brel par 'byung ba'o//ma 'ongs pa'i dus kyi sgo nas rga ba'i chos can yin pas na zad pa'i chos can no/ /'chi ba'i chos can yin pas na med par 'gyur ba'i chos can no/ /rga ba dang 'chi ba'i snga rol na yang nad la sogs pa'i gnod pa rnam pa sna tshogs kyi snod du gyur pas na 'gyur ba'i chos can no//gnyen po la brten pas 'dod chags dang bral bar byar rung ba dang / 'gog par byar rung bas na tshe 'di la 'dod chags dang bral ba'i chos can dang / 'gog pa'i chos can yin no/ /de dag kyang mdor bsdu na/dus gsum du gtogs pa'i nyes dmigs brtag pa ste/ 'dod chags dang bral ba dang / 'gog pa'i chos las ma gtogs pa de las gzhan pa'i rnam pa dag gis rig par bya'o/ /de gnyis kyis ni nges par 'byung ba brtag par rig par bya'o/ /des nyes dmigs dang nges par 'byung ba gnyis kyis rnam par shes pa de yongs su shes pa ni shin tu yongs su shes pa yin no//de la chos thams cad kyi chos la bdag med pa thams cad ni chos kyi phyag rgya zhes bya ba kho na yin no/ /de yang ston pa chos kyi rgyal po bla na med pas gsungs pa 'phags pa thams cad kyi rgyud la rdugs pa med pa 'phags pa'i nor thams cad thob pas dga' bar 'gyur ba yin te/des ni bdag nyid 'khor ba'i gcong rong chen po lam ring po las bde legs dang / bde ba gnyis kyis yang dag par 'da' bar 'gyur ro/ /bde bas na de las 'phags pa'i chos kyi phyag rgya zhes bya ste/de ni shes pa snga ma shos kyis rtogs par rig par bya'o/ /phyi ma shin tu rnam par dag pa shos kyis ni mthong bar rig par bya'o/ /chos 'di pa rnams dang / phyi rol pa rnams kyi ston pa rnams dang slob ma rnams ni rnam pa lngas mtho ba dang dma' bar rig par bya ste/'di lta ste/ gnas pa dang / tshogs yongs su bskyang ba dang / 'brel ba'i gtam rnam par nges par 'byed par byed pa dang / lam gdags pa yang dag par bstan pa dang / nan tan du sgrub pa'o/ /de la 'di las phyi rol pa'i ston pa slob mar bcas pa rnams ni rtag tu rgyun mi 'chad par 'dres par gnas pa yin la chos 'di pa rnams kyis ni dus dus su nang du yang dag 'jog pa lhur len par byed de 'di ni mtho ba dang dma' ba dang po yin no//gzhan yang phyi rol pa'i ston pa rnams ni rang gi slob ma rab tu byung ba'i tshogs tshad nges pa'i tshogs can dang slob ma khyim pa'i sde tshan gyi sde tshan can yin te/de dag thams cad kyi nang na slob dpon du bkur bas na tshogs kyi slob dpon rnams zhes bya ba dang / skye bo byis pa'i rang bzhin can rnams kyis yon tan yod du re bas na shin tu dge bar bkur ba yin la/de bzhin gshegs pa ni de las bzlog par rig par bya ste/ lhar bcas pa'i 'jig rten gyi yang slob dpon nyid yin pa'i phyir slob dpon du bkur ba yin no/ /gzhan yang phyi rol pa'i slob dpon rnams ni rang rang gi slob ma rnams dang lhan cig tu 'bel pa'i gtam rnam par nges par byed pa la zhugs shing phan tshun mi mthun pa dang /'brel pa med pa'i gtam dang / rmongs par byed pa dang shes pa rnam par dag par byed pa ma yin pa'i gtam gyis dus 'da' bar byed la/ chos 'di pa rnams ni de las bzlog par rig par bya'o/ /gzhan yang phyi rol pa rnams kyi ston pa rnams ni slob ma rnams la rgyu med pa'am rgyu mi mthun pa'i sgo nas lam 'dogs par byed cing ston par byed de/chos ngan pa thos pa'i srin po chen pos sems dkrugs pa rtog pa ngan pa tshul bzhin ma yin pa'i sems dang mtshungs par ldan pa rnams kyis sems dkrugs pa gzhan dag la glags tshol ba'i bsam pa can yin te/des na de dag gzhan dag gis dris na gya tshom du thog tu ma bab cing ma brtags pa'i tshig smra bar byed de/ bdag nyid kyis kyang rgyu med pa'am/ rgyu mi mthun pa bzung bas kun nas nyon mongs pa can du gyur pas na de'i phyir byis pa'o//bdag dang gzhan rnams kyi kun nas nyon mongs pa'i rgyu yang dag pa ji lta ba bzhin du mi shes pas na de'i phyir rmongs pa'o/ /rnam par byang ba rnam par spangs pas na mi gsal ba'o/ /rnam par byang ba'i rgyu la mi mkhas pas na mi mkhas pa'o//tshig ci tsam zhig smra bar bya ba dang / ji skad smra bar bya ba dang / gang du smra bar bya ba de yang dag pa ji lta ba bzhin du mi shes pas na tshod mi shes pa dang / zhing mi shes pa'o/ /de las bzlog pa ni chos 'di pa rnams yin par rig par bya'o/ /gzhan yang phyi rol ba rnams kyi ston pa rnams kyi slob ma rnams ni ma nyams pa rnams dang [(]phyi [,]phyin [)]ci ma log par smra ba'i phyir ston pa la yang skur pa mi 'debs pa dang /lhag ma med pa dang sgro 'dogs pa med par smra ba'i phyir 'gal bar mi byed pa dang / don mthun pa'i phyir ji skad bstan pa bzhin du smra ba dang /tshig mthun pa'i phyir chos bzhin du smra ba yang yin pa dang / chos mthun pa de dag gi 'dod pa'i phyogs su smra ba'i phyir chos kyi rjes su mthun pa'i chos kyis lan 'debs pa dang / bag yod pa yin du zin kyang chos kyi rjes su mthun pa'i chos nan tan du sgrub pa'i rang gi don thob par bya ba la bslu ba 'ba' zhig byed par rig par bya na/bag med pa rnams la lta ci smos te/ de dag gi ni de ltar rang gi don la yang bslus par 'gyur la pha rol smra ba rnams kyis kyang tshar gcod par 'gyur ba dang / log par bzung ba'i chos de dang bcas par yang smod par 'gyur ro//de las bzlog pa ni chos 'di pa rnams yin par rig par bya ste/ 'di ni mtho ba dang dma' ba lnga pa yin par rig par bya'o/ /de la 'du byed rnams ni rnam pa bzhis sdug bsngal ba yang gcig tu nges par kun nas nyon mongs par 'gyur ba ma yin la rnam pa bzhis ni bde ba yang gcig tu nges par rnam par byang bar 'gyur ba ma yin par rig par bya'o//rnam pa bzhi po de dag kyang gzhi gsum gyi skabs su rig par bya ste/ skye ba'i gnas dang / tshor ba dang / dus so/ /de la bde ba ni bsam gtan gsum pa'i'o//bde ba dang 'brel pa ni mi rnams kyi yin te/ gang na gnyi ga yod pa'o/ /bde ba dang yid bde ba dang ldan pa ni bsam gtan dang po dang gnyis pa'i'o/ /bde ba las ma 'das pa kho na ni bsam gtan bzhi pa yan chad do/ /de la sdug bsngal ba ni dud 'gro dang yi dags rnams kyi'o//sdug bsngal dang 'brel pa ni mi rnams kyi'o/ /sdug bsngal ba dang yid mi bde ba dang ldan pa ni sems can dmyal ba rnams kyi'o/ /sdug bsngal ba las ma 'das pa ni steng gi lha'i ris rnams kyi yin te/ phyi ma la sdug bsngal ba dang 'brel ba'i phyir ro//de la bde ba'i 'du byed rnams ni sdug bsngal ba yang ma yin bde ba yang ma yin pa'i tshor ba mngon sum du gyur pa'i tshe'o/ /bde ba dang 'brel pa ni sdug bsngal ba'i tshe'o/ /bde ba dang yid bde ba dang ldan pa ni bde ba'i tshor ba mngon sum du gyur pa'i tshe'o//bde ba las ma 'das pa ni thams cad la yang bde ba'i rgyu dang rjes su 'brel pa'i phyir ro/ /de las bzlog pa ni sdug bsngal ba'i rnam grangs yin par rig par bya'o/ /de la bde ba'i 'du byed rnams ni bde ba dang bcas pa'i bde ba'i gnas 'gags pa gang yin pa de dag go//bde ba dang 'brel pa ni bde ba'i rgyu yod pas ma 'ongs pa'i dus na skye bar 'gyur ba gang yin pa'o/ /da ltar gyi dus kyi sgo nas bde ba dang mthun pa gang yin pa de dag ni bde ba dang yid bde ba dang ldan pa rnams so/ /de las gzhan pa'i dus gsum pa rnams ni bde ba las ma 'das pa'o//de las bzlog pa ni sdug bsngal gyi rnam grangs bzhi ste ci rigs par rig par bya'o/ /sdom ni/ shes pa gnyis ni gzhi dang bcas/ /bde ba yongs su 'gyur ba dang / /ched du gsungs pa'i mdo sde dang / /mya ngan 'das pa gnyis su 'gyur//shes pa ni gnyis te/ yang dag pa'i shes pa dang / log pa'i shes pa'o/ /de la yang dag pa'i shes pa yang gzhi dang bcas par 'byung ba la log pa'i shes pa yang gzhi dang bcas par 'byung ste/ de gnyi ga yang gzhi dang bcas pa yin mod kyi yang dag pa'i shes pa ni yang dag pa ji lta ba'i gzhi la 'dzin pa yin la/log pa'i shes pa ni rnam par brtags pas yang dag pa ji lta ba ma yin pa'i gzhi la 'dzin pa yin no/ /shes bya sngon du 'gro ba yod na yang dag par bstan pa yid la byed pa'i rgyus yang dag pa'i shes pa 'byung la shes bya yod na log par bstan pa yid la byed pa'i rgyus log pa'i shes pa 'byung ba yin mod kyi yang dag pa'i shes pa ni byung nas kyang shes bya 'jig par mi byed de/shes bya yod pa de nyid la log par mngon par zhen pa spangs nas/yang dag pa nyi tshe la mngon du gnas pa kho nar zad de dper na mun pa'i nang du 'dug pa'i gzugs rnams la mar me byung na gzugs rnams 'jig par mi byed kyi yod pa nyid gsal bar byed par zad de de dang 'dra bar rig par bya'o//bde bar tshor ba'i 'du byed rnams ni mi rtag pa'i mtshan nyid kyi tshul gyis gang gi tshe sdug bsngal ba'i gnas skabs su gyur na de'i tshe gnod par gyur to zhes bya'o//gang gi tshe sdug bsngal ba yang ma yin bde ba yang ma yin pa'i gnas skabs su gyur na ni de'i tshe/ 'du byed kyi sdug bsngal la brten nas sdug bsngal bar gyur to zhes bya ste/ bde ba'i tshor ba 'ba' zhig gtan du yod par gyur cig/ gzhan dag gi gnas skabs ni ye 'byung bar ma gyur cig ces bya ba'i gnas 'di ni rnyed par mi 'gyur ro//skye ba dang rga ba la sogs pa'i chos nyid dang 'brel pa'i 'du byed gang yin pa de dag ni sdug bsngal ba'o/ /de dag las kyang nad kyi gnas skabs su gyur ba ni gnod par gyur to zhes bya'o//skye ba la sogs pa'i sdug bsngal gyi gnas skabs su gyur pa na ni sdug bsngal bar gyur to zhes bya ste 'du byed de rnams la skye ba la sogs pa sdug bsngal gyi rgyu dang 'brel pa bzhin du 'bras bu'i gnas skabs su ye ma gyur cig ces bya ba'i gnas 'di ni rnyed par mi 'gyur ro//'du byed thams cad ni rang bzhin gyis rten cing 'brel par 'byung ba yin pas na rang dbang med pa dang bdag po med pa yin te/ gang bdag por gyur pa de ni 'du byed 'di dag mi rtag pa yin du zin kyang ji ltar 'dod pa bzhin du rgyun du 'jog par 'gyur ba'am/ yang na nam ma shi'i bar du gzhan rnams skyed par mi byed pa'i rigs so//mdo sde 'di gnyis yod de/ ched du bstan pa dang / ched du bstan pa ma yin pa'i mdo sde'o/ /de la ched du bstan pa ni gang zag gang 'du byed bstan pa'i rnam pa gang gis gdul bar bya ba de'i ched du de'i rnam pa'i 'du byed bstan pa 'jug par mdzad pa'o //ched du bstan pa ma yin pa ni gang du 'khor brgya phrag du ma'i nang du rnam grangs du mar dga' bar 'gyur ba'i gtam mdzad pa'am yang na ston pa'i drung du gnas pa kun dga' bo'i mdun du gtam mdzad pa gang yin pa ste/ 'di lta ste/ dam pa'i chos yun ring du gnas par mdzad pa'i phyir ro//yan lag gsum gyis yongs su zin na mya ngan las 'das pa yongs su rdzogs par rig par bya ste/ 'di lta ste/ mthun pa'i gdams ngag dang 'du byed thams cad yang dag par brtags pa dang nyon mongs pa thams cad spangs pa'o//de la mthun pa'i gdams ngag ni kun brjod pa'i rjes su ston pa/ kun brjod pa'i cho 'phrul gyis bsdus pa'i bstan pa ste/ de la de bzhin gshegs pa gang gi sems kun brjod par bzhed pa na nyid kyi thugs mnyam par bzhag pas gzhan gyi sems ma lus par rnam pa gsum gyi sgo nas khyad par mdzad de/gcig nas gcig tu brgyud pa 'gags nas yun ring du lon pa gang yin pa dang / 'gags ma thag pa gang yin pa dang / da ltar gyi dmigs pa la 'jug pa gang yin pa ste/ de ting nge 'dzin de las bzhengs nas/ ting nge 'dzin gyis nyams su myong ba'i pha rol gyi sems thugs la dgongs nas ji ltar myong ba de kho na bzhin du ma tshang ba med par lung ston par mdzad de sems 'di ni 'di lta bu zhig go zhes bya ba ni 'gags nas yun ring du lon pa'o/ /yid ni 'di lta bu zhig go zhes bya ba ni 'gags ma thag pa gang yin pa'o//rnam par shes pa ni 'di lta bu zhig go zhes bya ba ni da ltar gyi yin pa ste/de yang rigs nges pa'i sgo nas yin gyi/ skad cig pa nges pa'i sgo nas ni ma yin no/ /de yang de bzhin du kun du brjod pa'i cho 'phrul la brten nas gnas gsum du gdams ngag ston par mdzad de/'gro zhing rgyu bar gtogs pa la ni yul mngon sum du gyur pa dang / tshul bzhin yid la byed pa la ni gnang bar mdzad do/ /tshul bzhin ma yin pa yid la byed pa ni 'gog par mdzad do/ / gnas par gtogs pa la ni rtog pa ngan pa ni 'gog par mdzad do/ /rtog pa bzang po ni gnang bar mdzad do/ /zhi gnas dang lhag mthong bsgom pa la brtson pa la ni spang bar bya ba'i 'du byed thams cad spong ba dang / nyon mongs pa thams cad spangs pas mya ngan las 'das pa mngon sum du byed pa gnang bar mdzad do//gnas gsum du gtogs pa'i nye ba'i nyon mongs pa las sems yongs su dag pa de ni gdams ngag bstan pa yin te/ 'di lta ste/ rgyu zhing 'gro bar gtogs pa dang / gnas par gtogs pa dang / rten du gtogs pa dang / 'das pa dang ma 'ongs pa dang da ltar byung ba'i 'du byed rnams rtag pa na 'du byed thams cad rtag pa zhes bya'o/ /zag pa gsum dang / zag pa sngon du 'gro ba'i 'dun pa'i phongs pa dang / 'dun pa'i phongs pa sngon du 'gro ba'i rtog pas gdungs pa dang rtog pas gdungs pa sngon du 'gro ba'i yul du tshol bas 'khrugs pa yang dag par spangs pas na nyon mongs pa thams cad spangs pa zhes bya'o//nyon mongs pa thams cad spangs pas ni sems rnam par grol te yongs su yi 'chad pa med pas mtshan ma med pa'i bde bar gnas pas gnas shing tshe 'di nyid la yongs su rdzogs pa'i mya ngan las 'das pas mya ngan las 'das pa'i grangs su 'gro'o//chos gsum la rang gi don gyi sgo nas de la skyabs su gnas pa dang / gzhan gyi don gyi sgo nas de la gling du gnas te/ gsum gang zhe na/ nang gi yid la byed pa sngon du 'gro ba'i chos kyi rjes su mthun pa'i chos la nan tan du bsgrub pa dang /de bzhin gshegs pas gsungs pa'i dam pa'i chos nyan pa dang / chos mthun pa'i skyes bu dam pa la yang dag par brten par bya ba yin gyi/ gzhan dag la ni brten par mi bya ste/ 'di lta ste/ skyes bu dam pa ma yin pa'am/'di las phyi rol pa las brtsams te/ rnam pa thams cad kyi thams cad du bsten par mi bya ba ste/ chos gsum po 'di dag gis ni mir gyur pa la dben pa'i chos bzhi bstan pa yin te/ 'di lta ste/ skyes bu dam pa la yang dag par brten pa dang / dam pa'i chos mnyan pa dang /tshul bzhin yid la byed pa dang / chos kyi rjes su mthun pa'i chos nan tan du bsgrub pa'o/ /yan lag des mya ngan las 'das pa ni rgyu gsum du rig par bya'o/ /rnam pa lngas sdug bsngal yongs su shes pa dang /sdug bsngal gyi gnas 'du byed thams cad kyi nyes dmigs mthong ba dang /mya ngan la sogs pa'i sdug bsngal thams cad las 'das pa'o/ /de la sdug bsngal ba'i rigs la brten pas mya ngan la sogs pa skye bar 'gyur ba 'di ni de dag gi rang bzhin yongs su shes pa'o/ /rang gi sa bon yod na skye bar 'gyur ba 'di ni rgyu yongs su shes pa'o//rang gi spyod yul gyi yul la brten pa 'di ni rkyen yongs su shes pa'o/ /sdug bsngal gyi gnas 'du byed de dag la bdag gir mngon par zhen pa dang / bdag tu yang dag par mthong ba 'di ni grogs yongs su shes pa'o/ /dus gsum du 'dod pa dang ldan pa'i 'du byed rnams kyi nyes dmigs yang dag par mthong na mya ngan la sogs pa'i sdug bsngal thams cad spangs pa ni yan lag des mya ngan las 'das pa zhes bya ba yin par rig par bya'o//de la sdug pa'i dngos po rnam par 'gyur ba la mya ngan byed pa'i sgo nas sems gzir ba ni mya ngan zhes bya'o//de las byung ba'i tshig brjod pa ni smre sngags 'don pa'o/ /brang brdung ba'i phyir ni sdug bsngal ba'o/ /nang gi yid gdung ba'i phyir ni yid mi bde ba'o/ /kun tu rmongs par 'gyur ba ni 'khrug pa'o/ /gzhan yang longs spyod dang nad med pa dang /gnyen gyi sdug bsngal las gang yang rung ba'i sdug bsngal gsar du 'byung ba la brten te/ yid mi bde bar gyur ba gang yin pa de ni mya ngan zhes bya'o/ /de la brten nas de'i rjes thogs su tshig tu brjod pa dang lus yongs su gdungs pa ni smre sngags 'don pa dang sdug bsngal ba'i gnas skabs yin no//smre sngags 'don pa dang /lus yongs su gdung bar byed pa'i yid mi bde ba las 'das pa de'i nyin par cung zad zhi bar gyur te/ sems mi dga' bar gyur pa gang yin pa de ni yid mi bde ba'i gnas skabs so/ /dang po'i nyin mo las 'das pa'i 'og tu yang de'i rgyus nyin zhag gnyis sam gsum mam/lnga'am bcu'am/ zla ba phyed dam/ zla ba gcig gam/ de las lhag pa'i bar du sems mi dga' ba ni 'khrug pa zhes bya'o/ /sdom ni/ dgra dang myu gu lta bu yi/ /kun nas nyon mongs rgya che ba/ / bgrod pa gcig dang de bzhin slob/ /yongs su yi chad rnam pa bzhi/ /legs par gsungs dang nyes bshad la/ /dran pa'i khyad par yod pa yin/ /de bzhin gshegs pa ni rnam pa bzhis 'jig rten sdang ba'i dgra ma yin mod kyi 'on kyang 'jig rten ni dgra yin no snyam du 'dzin te/bzhi gang zhe na/ rigs pa'i don ston pa dang / yang dag pa'i don ston pa dang / phan pa'i don ston pa dang / la lar yid dang sbyor bar mdzad pa'o/ /'di la de bzhin gshegs pa ni rigs pa rnam pa bzhi la brten nas chos ston par mdzad de/ snga ma bzhin du ltos pa'i rigs pa dang /bya ba byed pa'i rigs pa dang / gtan tshigs kyis bsgrub pa'i rigs pa dang / chos nyid kyi rigs pa ste/ des na chos smra ba zhes bya'o/ /de bzhin gshegs pa ni 'di lta ste/ brtsad par bya ba'i don du klan ka btsal ba'i gzhi cung zad tsam gyi phyir chos ston pa mi mdzad do//de ci'i phyir zhe na/ 'jig rten pa rnams ni gzhan gyi don las bdag gi don phyin ci log pa dang / mi mthun pa yin par 'dzin pas rtsod par byed kyi/ de bzhin gshegs pa ni gzhan gyi don nyid rang gi don yin pas de rtsod par ga la mdzad de/ thugs brtse nas de nyid kyi don thob par mdzad pa'i phyir chos ston pa 'ba' zhig mdzad do/ /sdang ba'i 'jig rten rnams ni 'di'i don ni gzhan kho na yin la bdag cag gi don yang gzhan yin no snyam du phyin ci log tu 'dzin pas na rtsod par byed de/ 'di ni de bzhin gshegs pa'i rigs par gsungs pa yin par rig par bya'o//de la de bzhin gshegs pa'i yang dag par gsungs pa ni 'di yin te/ 'jig rten la mkhas pa rnams yod par 'dzin pa gang yin pa de la ni de bzhin gshegs pa yang yod do zhes gsungs te / 'di lta ste/ 'du byed rnams ni mi rtag ces bya ba lta bu'o//med par 'dzin pa gang yin pa de la ni med do zhes gsungs te/ 'di lta ste/ 'du byed rtag pa lta bu'o/ /de la de bzhin gshegs pa'i phan par gsungs pa ni 'di yin te/ 'jig rten dag gi 'jig rten ni chos rnams 'jig rten long ba rang gis mi shes pa gang yin pa de dag de bzhin gshegs pa nyid kyis mngon par rdzogs par sangs rgyas nas ston par mdzad pa lta bu'o//de la de bzhin gshegs pa'i kha cig tu 'jig rten gyi yid dang sbyor ba ni 'di yin te/ kha cig ni rnga btsa' dang / thun bu thu ba la brten te 'tsho bar byed pa de la skye bo dag phyug cing nor mang la longs spyod che bar 'dzin te/skye bo dag ji ltar 'dzin pa de bzhin du de bzhin gshegs pa yang de dang mthun par tha snyad 'dogs par mdzad pa dang / 'di lta ste/ yul khams kha cig na rdzas gcig pu de nyid la ming tha dad par 'dogs pa la gang du ji skad du ming 'dogs pa de la de kho na bzhin du de bzhin gshegs pa yang de dang mthun par tha snyad 'dogs par mdzad pa lta bu'o//dgra la ni dgra la rigs par smra bar yang mi byed/ yang dag par smra bar yang mi byed/ phan par smra bar yang mi byed/ yid dang sbyor bar yang mi byed de de bas na de bzhin gshegs pa ni dgra ma yin par rig par bya'o/ /ma dris par yang nyid kyis don yang dag par gzigs nas mngon par rdzogs par sangs rgyas pa'i chos ston cing ming gi tshogs dang / tshig gi tshogs dang / yi ge'i tshogs 'tsham pa dag gis 'dogs par mdzad de/de ni 'di lta ste/ rnam grangs bsdu ba las yang dag par ston pa zhes bya ba'i bar du ji skad bstan pa bzhin du rig par bya'o/ /yang srid par skye ba'i myu gu 'byung ba la ni rgyu gcig dang rkyen gnyis yod de/ 'du byed rnam pa lnga po dag la nyon mongs pa'i sa bon dang ldan pa'i rnam par shes pa ni rgyu'o//rnam par shes pa'i gnas gzhi zhing dang 'dra ba dang / dga' ba dang 'dod chags des rnam par shes pa skye ba de dang der nying mtshams sbyor ba'i phyir rlan par byed pa ni rkyen yin no/ /de la kha cig ni rnam par shes pa'i gnas gzhi phung por gtogs par 'gyur la dga' ba dang 'dod chags ni des tshe 'di la gsar du bsags shing bsdus na de yang de'i 'og tu dgra bcom pa thob nas rnam par shes pa sa bon dang bcas pa de rul bar byed cing med par byed de/de ltar na de'i myu gu 'byung bar mi 'gyur ro/ /gzhan yang 'di na kha cig ni 'ching ba thams cad kyang yod la yang dag par zhugs pa mya ngan las 'das pa'i bsam pa can yang yin te/skye ba'i gnas thams cad la mi mthun pa'i 'du shes can de ni 'ching ba thams cad yod pa'i phyir sa bon yang med par ma gyur la rnam par shes pa'i gnas kyang nye bar gnas te/ srid pa thams cad la yang mi mthun pa'i 'du shes can yin te/dga' ba dang 'dod chags ni med do/ /de ltar nan tan du sgrub pa de ni tshe 'di nyid la yongs su mya ngan las 'das par 'gyur ba'i skal ba can yin te/ de la yang myu gu 'byung ba med do/ /gzhan yang kha cig ni slob pa phyir mi 'ong ba yin te/'du shes med 'du shes med min skye mched kyi lhag ma srid pa'i rtse mo bsgrubs nas gnas te/ de'i sa bon ni rnam pa thams cad kyi thams cad du med par gyur ba ma yin te/ des ni rnam par shes pa'i gnas de yongs su shes shing khong du chud do/ /brjed ngas pa'i dbang las byung ba'i gong ma'i srid pa shas tsam ni yod de/de ltar na phyir mi 'ong ba de'i phyi ma la 'og ma'i myu gu 'byung bar mi 'gyur ro/ /de las bzlog pa thams cad la ni yang srid par skye ba'i myu gu yod par rig par bya'o/ /kun nas nyon mongs pa ni gnyis te/ lta ba'i kun nas nyon mongs pa dang /de ma yin pa'i nyon mongs pa'i kun nas nyon mongs pa'o/ /de la lta ba'i kun nas nyon mongs pa ni 'du byed rnams la bdag dang bdag gi rnam par log par bzung bas 'jug pa'i 'jig tshogs la lta ba ste/ des na 'du byed rnams la bdag gam bdag gir khas len pa dang /rtsa ba de las byung ba de de ma yin pa'i phyi rol pa'i lta bar gyur ba rnams khas len pa'o/ /de ma yin pa'i nyon mongs par 'dod chags la sogs pa ni kun nas nyon mongs pa gnyis pa yin par rig par bya'o/ /de la lta ba'i kun nas nyon mongs pa las rnam par grol ba'i tshe ni de ma yin pa rnams la gtan du rnam par grol bar 'gyur ba'i skal ba can du 'gyur gyi/de ma yin pa rnams las rnam par grol ba'i tshe ni lta ba'i kun nas nyon mongs pa las rnam par grol bar 'gyur ba'i skal ba can du mi 'gyur ro/ /de ci'i phyir zhe na/ 'di ltar 'dir skyes pa ci yang med pa'i skye mched man chad kyi 'dod chags dang bral ba ni sa 'og ma pa'i de ma yin pa'i nyon mongs pa rnams las 'jig rten pa'i lam gyi sems rnam par grol bar 'gyur gyi 'jig tshogs la lta ba las ni ma yin no//de yang des na sa 'og ma pa dang / sa gong ma pa'i 'du byed 'dres pa'i lus la bye brag med par bdag gam bdag gir khas len te/des na srid pa'i rtse mor song du zin kyang phyir ldog par 'gyur gyi/'jig rten las 'das pa'i lam gyi lus thams cad la sdug bsngal bar yongs su shes pas 'jig tshogs la lta ba spong ba sngon du 'gro ba'i nyon mongs pa spong bas phyir ldog par mi 'gyur te/de bas na 'dir ni lta ba'i kun nas nyon mongs pa 'ba' zhig kun nas nyon mongs pa chen po yin par rig par bya'o/ /lam gyi bgrod pa gcig pa ni rnam pa gsum du rig par bya ste/ so so'i skye bo'i sa la 'du byed brtag pa rnam pa lnga yod do//brtag pa de nyid kyang zhugs pa'i slob pa'i sa dang / mi slob pa'i sa'i dus gnyis su rnam par dag par 'gyur ba'i phyir ro/ /gnas lnga brtag pa gang zhe na/ 'du byed rnams kyi rang bzhin brtag pa dang / rgyu brtag pa dang / kun nas nyon mongs pa'i rgyu brtag pa dang /rnam par byang ba'i rgyu brtag pa dang / rnam par byang ba brtag pa'o/ /sngon so so'i skye bo'i gnas skabs rnams su gnas lnga la mkhas par gyur nas slob pas gnas lnga po de dag nyid la de ma yin pa rnam pa lngas rtog pa nas mngon par shes pa myur bar 'gyur te/ lnga gang zhe na/ 'du byed rnams kyi 'du byed kyi rgyu dang / kun nas nyon mongs pa'i rgyu dang / rnam par byang ba'i rgyu 'gog pa la zhi ba dang / rnam par byang bar 'gyur ba'i lam la nges par 'byin pa dang / 'du byed thams cad la yang sna tshogs mang ba'i bdag nyid can dang / rang gi sa bon las skye ba dang /de ma yin pa'i rkyen las skye ba'o/ /gnas gnyis la sgrib par byed pa'i yongs su yi 'chad pa rnam pa bzhir rig par bya ste/bzhi gang zhe na/ gang gi gnas skabs su skye ba dang / gang la brten te skye ba dang / ji ltar skye ba dang / rnam pa ji lta bu skye ba'o//de la 'phags pa ma yin pa bden pa rnams la mi mkhas pa nyi tshe'i skye bar 'gyur te/ 'phags pa ma yin pa de'i yang gnas lnga la mi mkhas pa la skye bar 'gyur ro/ /de la 'du byed rnams las bdag dang bdag gir khas len pa'i rnam pa'i 'jig tshogs la lta ba las ni brten te skye ba'o //de la 'du byed yongs su 'gyur ba rnam pa gnyis kyis ni skye bar 'gyur te/ rkyen gzhan yongs su 'gyur ba dang / rang gi sems kyi log par rtog pa yongs su 'gyur ba'o/ /de la sdug pa las yongs su 'gyur ba ma 'ongs pa'i dogs pas skrag pa'i rnam pa dang /gyur zin pa'i 'og tu phongs pa'i rnam pa dang / gyur zin nas kyang sdug pa de yang 'byung bar 'gyur ba la lta ba'i rnam pa dang / mya ngan las 'das na lus yongs su 'gyur ba la rtog pas yongs su yi 'chad pa'i rnam pa ste de de ltar zhugs pas bstan pa la mngon par dga' ba la yang sgrib par byed la mya ngan las 'das pa la mngon par dga' ba la yang sgrib par byed do//dmigs pa dang rang gi spyod yul la ni sgo gnyis nas bdag dang bdag gir 'dzin pa 'jug ste/ 'di lta ste/ rtog pa dang myong ba'i sgo nas 'jig tshogs la lta ba dang tshor ba dang sbyar ro//legs par gsungs pa dang nyes par bshad pa'i chos can gnyis ni sngon gyi gnas rjes su dran pa'i gzhi mtshungs mod kyi/ kun nas nyon mongs pa dang rnam par byang bar bya ba la rnam pa gsum gyis khyad par yod par rig par bya ste/ gsum gang zhe na/ 'di na nyes par bshad pa'i chos can ni sngon gyi gnas rjes su dran pa na/ 'du byed rnams kyi rang gi mtshan nyid dang / spyi'i mtshan nyid yang dag pa ji lta ba bzhin du mi shes te/ 'du byed de dag la rtag pa'am/kha cig rtag pa'am/ mi rtag pa'am/ rgyu med par rtog go/ / legs par gsungs pa'i chos can gyis ni shes pas na rtog par mi byed de/ 'di ni khyad par dang po'o/ /gzhan yang nyes par bshad pa'i chos can ni snyoms par 'jug pa gang la brten te dran pa de la sdug bsngal bar yang dag pa ji lta ba bzhin du mi shes pas ro myong bar byed de ro myang bas 'das pa'i 'du byed rnams la ni lta'o//ma 'ongs pa rnams la ni mngon par dga'o/ /da ltar byung ba rnams la ni skyo bar bya ba dang / 'dod chags dang bral bar bya ba dang / 'gog pa'i phyir mi 'jug go/ /legs par gsungs pa'i chos can de las bzlog par rig par bya ste/'di ni khyad par gnyis pa'o/ /gzhan yang nyes par bshad pa'i chos can ni de ltar log par zhugs pas kun nas nyon mongs pa rnam pa bzhis kun nas nyon mongs shing yang srid par skye ba mngon par 'grub par byed de/ 'di lta ste/ las kyi kun nas nyon mongs pa dang /lta ba dang nga'o snyam pa'i nga rgyal gyi kun nas dkris pa'i kun nas nyon mongs pa dang / sred pa'i kun nas dkris pa'i kun nas nyon mongs pa dang / de rnams kyi bag la nyal gyi kun nas nyon mongs pa'o/ /de ni las gsar yang byed cing sogs la las rnying rnams la yang reg cing 'dor bar mi byed de/'di ni las kyi kun nas nyon mongs pa'o/ /'du byed rnams la 'jig tshogs la lta zhing sems can gzhan dge sbyong dang bram ze rnams la yongs su 'jal bar byed cing brtags nas bdag ni che'o snyam pa'am/ bdag ni mnyam mo snyam pa'am bdag ni chung ngo snyam du 'dzin pa 'di ni lta ba dang nga'o snyam pa'i nga rgyal gyis kun nas dkris pa'i kun nas nyon mongs pa'o//sred pa'i kun nas dkris pa'i kun nas nyon mongs pa ni nang ngam phyi rol la brten nas sred pa spyod pa rnams las rig par bya'o/ /de rnams kyi bag la nyal gyi kun nas nyon mongs pa ni de rnams kyi rgyu dang 'brel ba'i lta ba dang nga'o snyam pa'i nga rgyal dang sred pa'i phyogs kyi gnas ngan len yin no//rnam pa bzhi po de rnams ni bsdus na gnyis su 'gyur te/ las dang nyon mongs pa rnams so/ /kun nas nyon mongs pa rnams kyang kun nas dkris pa dang /bag la nyal lo/ /de ma yin pa'i nyon mongs pa'i kun nas nyon mongs pa yang yod mod kyi 'du byed rnams la log par 'dzin pa sngon du 'gro ba'i mngon par chags pa'i dbang du byas nas nyon mongs pa 'di dag nyi tshe smos so/ /de la gzhan la mi rtog par rang gi 'du byed rnams la lta bas log par 'dzin pa dang /gzhan la brtags nas nga'o snyam pa'i nga rgyal gyis log par 'dzin pa'o/ /log par 'dzin pa de yang ma rig pa'i phyogs su gtogs pa yin no/ /de sngon du 'gro ba'i mngon par chags pa ni sred pa'i phyogs su gtogs pa'o/ /'di gnyis ni rtsa ba'i nyon mongs pa yin te/'di gnyis kyis 'khor ba'i rgyun 'jug par 'gyur ro/ /legs par gsungs pa'i chos 'dul ba can ni de ltar yang dag par zhugs pas kun nas nyon mongs pa rnam pa bzhi spangs nas tshe 'di la yongs su mya ngan las 'das shing yongs su rdzogs pa'i mya ngan las 'das pa de la yang gtan du gnas par 'gyur ro//cig shos ni yan lag des mya ngan las 'das pa la yang gtan du gnas pa ma yin te 'di ni khyad par gsum pa'o/ /de la lta ba dang nga'o snyam pa'i nga rgyal gnyis ni che ba zhes bya'o/ /sred pa ni dud pa zhes bya'o/ / de ci'i phyir zhe na/ 'du byed rnams la lta ba dang nga'o snyam pa'i nga rgyal gnyis kyis bsgribs pas 'du byed rnams rang bzhin gyis tha chad yin par ma shes nas lha dang mi rnams kyi nang du lus dang longs spyod che bar 'dod de/ /de bas na che ba zhes bya'o/ /dud pa dang 'dra bar sems tha mal par gnas par rab tu mi byed cing rnam par 'khrug par byed pas na de'i phyir dud pa zhes bya'o//sdom ni/ nyes dmigs med dang 'dun pa med/ /'dri ba'i lan la nor ba med/ /mtshan nyid dang ni bar du gcod/ /ngo mtshar dang ni rgyu 'jig dang / /kun nas nyon mongs gcig tu nges//gnyi ga yang ni tha ma yin/ /'di gnyis ni dad pa can yin yang dad pa dang 'tsham pa'i spyod pa dang ldan pa ma yin te/ gnyis gang zhe na/ khyim pa dad pa can mya ngan las 'das pa dang / 'du byed mi rtag pa la ni dad la 'du byed rnams nyes dmigs su mi lta bar gnas pa dang /nges par 'byung ba mi shes pas yongs su spyod pa gang yin pa dang / khyim spangs nas khyim nas khyim med par rab tu byung ba dad pa can yin du zin kyang mya ngan las 'da' bar bya ba'i phyir 'dun pa drag pos gnas pa med pa dang / tshe 'di nyid la yongs su mya ngan las 'da' bar bya ba'i phyir 'dun pa la brten pas dge ba'i chos rnams bsgom pa la rtag tu sbyor bar yang mi byed pa gang yin pa'o//de las bzlog pa ni dad pa dang 'tsham pa'i spyod pa gnyis yin par rig par bya'o/ /'di gnyis ni chos 'di pa mkhas shing gsal ba la dad pa can nam/mu stegs can gyis dris pa'i lan 'debs pa la nor ba med pa yin par rig par bya ste/ 'di lta ste/ dbu ma'i lam la brten nas 'du byed rnams kyi 'byung ba dang 'jig pa las brtsams te sems can du sgro mi 'dogs pa dang / dngos po yod pa bden pa la yang skur ba mi 'debs par 'du byed tsam nyi tshe skye ba'am 'jig pa yod par ston pa de ni 'dri ba'i lan 'debs pa la nor ba med pa yin no//sems can rnams skye ba'am 'jig pa yod do zhes bya ba 'di ni sgro 'dogs pa'i mtha' ste mtha' gcig go/ /ci yang skye ba'am 'jig pa med do zhes bya ba ni skur pa 'debs pa'i mtha' ste gnyis pa'o//'du byed tsam gyi skye ba'am 'jig pa yod do zhes bya ba ni dbu ma'i lam ste mtha' gnyis las rnam par grol ba yin no/ /de bas na des lan 'debs pa ni lan gdab pa legs pa yin te/ de bzhin gshegs pas bstod pa yin no//yang na ci'i phyir dge sbyong go ta ma'i thad du tshangs par spyod pa nyams su len par byed ces dris na snga ma bzhin du sgro 'dogs pa dang / skur ba 'debs pa'i mtha' gnyis spangs pa'i dbu ma'i lam gyis lan 'debs pa ni lan 'debs pa la nor ba med pa yin no/ / sems can kun nas nyon mongs pa can rnams rnam par byang bar bya ba'i phyir nyams su len to zhes bya ba 'di ni mtha' gcig go/ /ci'i don gyi phyir yang nyams su len pa med do zhes bya ba 'di ni mtha' gnyis pa'o/ /'du byed rnams la skyo bar bya ba'i phyir dang / 'dod chags dang bral bar bya ba'i phyir dang /'gog par bya ba'i phyir nyams su len to zhes bya ba 'di ni dbu ma'i lam ste /de bas na des lan 'debs pa ni ma nor zhing legs par yin no / /de bzhin gshegs pas bsngags pa yin par rig par bya'o/ /'di gnyis ni 'dus byas dang / 'dus ma byas pa ste/de la 'dus byas kyi mi rtag pa ni 'dus byas kyi mtshan nyid gsum gyis shes par 'gyur te/ 'di lta ste/skye ba dang 'jig pa dang gnas pa las gzhan du 'gyur ba'o/ /mtshan nyid gsum po de dag kyang 'du byed kyi rgyun gnyis la brten nas shes par 'gyur te/ 'di lta ste/ tshe rabs gcig nas gcig tu brgyud pa'i rgyun dang / skad cig pa gcig nas gcig tu brgyud pa'i rgyun no/ /de la rgyun snga ma shos kyi sems can gyi ris de dang der skye ba gang yin pa de ni skye ba'o/ /tha mar 'chi ba ni 'jig pa'o/ /thog ma dang tha ma'i bar gzhon nu la sogs pa'i/ gnas skabs rnams su ni gnas pa las gzhan du 'gyur ba ste/ tshe'i tshad ji tsam par gnas pas na gnas pa'o/ /gnas skabs phyi ma phyi ma'i bye brag yod pas na gzhan du 'gyur ba'o/ /de nas rgyun phyi ma shos kyi skad cig skad cig la 'du byed rnams sar pa sar pa skye ba gang yin pa de ni skye ba'o//skye ba'i skad cig pa de las lhag par mi gnas par ni 'jig pa'o/ /skye ba'i skad cig pa tsam la gnas pa ni gnas pa'o/ /gzhan du 'gyur ba ni gnyis te/ tha dad pa'i gzhan du 'gyur ba dang / tha dad par 'gyur ba'i gzhan du 'gyur ba'o/ /de la tha dad pa'i gzhan du 'gyur ba ni 'du byed rgyun 'dra bar 'jig pa gang yin pa'o//tha dad par 'gyur ba'i gzhan du 'gyur ba ni rgyun mi 'dra bar 'jug pa gang yin pa'o/ /gzhan du 'gyur ba'i lus ni gnas pa las logs shig na med de de bas na 'di gnyis gcig tu bsdus nas mtshan nyid gcig tu 'dogs so/ / de las bzlog pa las ni 'dus ma byas pa'i mtshan nyid gsum dang rtag pa nyid du rig par bya'o/ /gsum po 'di dag ni mya ngan las 'das pa'i tshogs bsags pa'i bar du gcod pa yin par rig par bya ste/ las kyi mtha' rgya chen pos longs spyod phun sum tshogs pa'i sgo nas bag med par gyur ba dang /dge ba'i bshes gnyen gyis skul ba med pa dang / chos ma thos shing chos ma thob par dus ma yin par 'chi ba'i rkyen gang yang rung ba dang phrad nas 'chi ba'o/ /de las bzlog pa ni bar du gcod pa med pa gsum du rig par bya'o/ /'di gnyis ni 'phags pa shi ba dang dus las 'das pa'i 'phags pa'i rtags yin te/'di lta ste/ 'chi ba'i tshe dbang po dang ba dang / ston pas lung bstan pa'o/ /ston pa ni 'phags pa 'das pa na rnam pa gsum gyis 'phags pa yin par lung ston par mdzad de/ rigs dang ldan pa'i phyir nor du gyur par lung ston pa dang /nga'i chos kyi rjes su mthun pa rtogs so zhes bya ba la chos zhes bya ba ni yang dag pa'i lta ba sngon du 'gro ba'i lam mo/ /de'i rjes su mthun pa'i chos ni chos de las brtsams pa'i pha rol gyi sgra ste/ tshul bzhin yid la byed pa'i rten to/ /'di lta ste/ chos kyi skabs nas nga la 'tshe bar mi byed pa'o zhes bya ba'o //de'i don ni de bzhin gshegs pa rnams kyis bka' stsal ba'i don dang / gsungs pa'i don ni 'di lta ste/ zag pa rnams zad par bya ba de'i phyir yin la zag pa zad pa de yang des thob bo / /'di gnyis ni de bzhin gshegs pa'i ngo mtshar rmad du byung ba'i chos yin te/'di lta ste/ ma dad pa rnams dad par bya ba dang / dad pa rnams phyir zhing 'phel bar bya ba dang / bstan pa 'di la myur du 'jug par bya ba'i phyir/ 'di lta ste/ ston pa yin pa'i rnam pa'am/ chos bstan pa'i rnam pa'am/ mchog gi thob pa brnyes pa'i rnam pa las brtsams te phyogs dang phyogs mtshams rnams su dge ba dang rgya che bar grags pa dang sgra dang tshigs su bcad pa dang ldan pa dang rgyu med par smra ba dang mi mthun par smra ba spangs nas yang dag pa'i rgyu gsungs pa ste/'di ltar rgyu med pa dang / rgyu mi mthun par smra ba ni 'di lta ste/mkhas pa rnams kyis bde 'gror 'gro ba dang / thar par 'gro ba'i phyir mos pa'i gnas kyang ma yin na 'jug par 'gyur ba dang nan tan du sgrub par lta ga la 'gyur/ yang dag pa'i rgyu smra ba ni de las bzlog pa las rig par bya'o/ /de la ston pa'i rnam pa rnams ni 'di lta ste/'di ltar bcom ldan 'das de ni de bzhin gshegs pa dgra bcom pa zhes bya ba nas/ bcom ldan 'das zhes bya ba'i bar dag yin te/ rgyas par rnam grangs bsdu ba las 'byung ba bzhin no/ /bstan pa'i rnam pa rnams ni 'di lta ste/ dam pa'i chos bstan pa ste/ thog mar yang dge ba zhes bya ba nas rgyas par sbyar te de dag kyang rnam grangs bsdu ba nyid las rig par bya'o/ /de la mchog gi thob pa brnyes pa'i rnam pa rnams ni 'di lta ste/ des ni 'jig rten 'di dang 'jig rten pha rol yang nyid kyi mngon par shes pas mngon par rdzogs par sangs rgyas so zhes bya ba nas rgyas par sbyar ro//de la 'dod pa'i khams ni 'jig rten 'di'o/ /gzugs dang gzugs med pa'i khams ni 'jig rten pha rol lo/ /rnam grangs gnyis pa ni da ltar dang / ma 'ongs pa dang / 'das pa'i dus kyi bye brag las rig par bya'o/ /slob dpon med pas na nyid do//mngon par shes pa zhes bya ba ni rnam pa drug pas so/ /mngon sum du byas zhes bya ba ni mngon sum du dmigs pa'i phyir ro/ /bsgrubs te zhes bya ba ni sems can thams cad kyi mchog tu gyur pa'i phyir ro/ /mchog de nyid kyis kyang mkhyen la gzhan dag la yang ston pas na brda sprod pa'o//rgyu med par smra ba rnams ni rnam pa gnyis kyis 'du byed rnams la rgyu med par 'dzin pa 'jug par 'gyur te/ de dag ni 'du byed rnams kyi skye ba'i rgyu dang / 'jig pa'i rgyu yang rab tu mi shes te/ gang skyes pas 'du byed gang dag skye bar 'gyur ba dang /gang 'gags pas gang dag 'gag par 'gyur ba'o/ /de dag gis de gnyis ni mi dmigs la 'du byed rnams ni dmigs pas 'di ltar lta zhing 'di skad du smra ste/ yod pa gang yin pa de ni yod pa kho na'o/ /med pa gang yin pa de ni med pa kho na'o/ / med pa la ni skye ba med do/ /yod pa la ni 'jig pa med do snyam mo/ /de skad du smra ba de dag ni gnas skabs gsum du 'du byed rnams kyi skye ba dang 'jig pa'i dmigs pa 'jig rten thams cad kyis shes pa rags pa mngon sum gyi tshad mar gyur ba la skur ba 'debs te/ 'di lta ste/ rgyal rigs dang / bram ze dang / rje'i rigs dang / dmangs rigs kyi gnas de dang der skyes pa dang bud med phrad pa'i rgyus zla ba brgyad dang dgu 'das pa na khye'u bu mo 'byung bar 'gyur ba dang / de ltar byung nas kyang kha cig ni de nyid kyi mod la tshe zad de bar ma dor 'chi ba dang / gzhan yang 'di na kha cig ni tshe'i tshad ji tsam par gnas pa dang / gson zhing 'dug la sdod cing 'tsho ste bde ba dang / sdug bsngal ba dang / sdug bsngal ba yang ma yin bde ba yang ma yin pa'i tshor ba'i gnas skabs kyi bye brag gis sems las byung ba'i chos rnams sar pa sar pa yin gyi/rnying pa rnying ba ma yin no/ /'di gnyis ni bdag bstod pa dang / gzhan smod pa ste/ 'di lta ste/ tshig tsam gyis byed pa dang / ston cing nan tan du sgrub pas byed pa'o/ /de la tshig tsam gyis bdag bstod pa dang gzhan smod pa gang yin pa de dag ni skyes bu dam pa ma yin pa'i chos des zil gyis non cing yongs su zin pa'i sems kyis dam pa rnams kyi nang du bdag nyid smad par 'gyur gyi/bstod par mi 'gyur ro/ /bstod cing nan tan du sgrub pas byed pa ni ma bstod pa dang ma smad pa rnams kyis bdag nyid bstod pa dang gzhan dag smad par yang 'gyur ro//de bzhin gshegs pa rnams kyi chos bstan pa ni mi shes pa rnam pa gnyis myur du sel bar byed pa ste/ dam pa'i chos ma yin pa la mos pas yun ring po nas skyes pa dang / nye bar skyes pa'o/ /de bzhin du lhan cig skyes pa bde 'gror 'gro ba'i lam mi shes pa dang /tshe 'di la mya ngan las 'da' bar 'gro ba'i lam mi shes pa'o/ /'du byed du gtogs pa rnam pa bcu gcig gcig tu bsdus na 'du byed kyi tshogs su 'gyur te/ tshogs kyi don ni phung po'i don du rig par bya'o/ /kun nas nyon mongs pa'i rgyu gcig tu nges pa'i dbang du byas nas nye bar len pa'i phung po rnam par gzhag par rig par bya'o//kun nas nyon mongs pa dang rnam par byang ba'i rgyu rnam pa gnyis kyi dbang du byas nas zag pa dang bcas pa dang / zag pa med pa'i 'du byed rnam par gzhag par rig par bya'o/ / 'du byed rnams la nyon mongs pa skye ba ni rnam pa gsum du rig par bya ste/ 'di lta ste/ rten dang / dmigs pa dang grogs so// //rnal 'byor spyod pa'i sa las gzhi bsdu ba/ bam po drug pa/ sdom ni/ mdzad pa nyung dang rang bzhin sogs/ /'phags pa'i bstan pa rnam pa gsum//dam chos lta bur bcos pa dang / /sems nyid kun du rmongs pa'i gnas/ /lan mi 'debs dang rnam par 'gyur/ /ston pa la ni brjod pa dang / /lta ba phun sum tshogs pa gsum/ /phyi rol rnams kyi byis pa'i rtags/ /de bzhin gshegs pa rnams ni rgyu gsum gyis mdzad pa nyung ngur gnas pa la thugs 'jug par mdzad de/de'i mod la 'dul ba'i don rdzogs par gyur nas tshe 'di la bde bar gnas pa gnas par bzhed pa dang / nyan thos rnams kyis nan tan du sgrub pa nyams su len pa dang / 'dul ba don mang zhing bya ba mang ba la zhugs pa rnams gdul ba'i phyir ro//nyin par gnas shing nang du yang dag 'jog pa'i rgyu thams cad ni snga ma bzhin du 'dir yang rig par bya'o/ /bzhi po 'di dag ni 'dul ba rnams kyis 'dul ba'i rang bzhin yin te/ 'di lta ste/ kun du rmongs pa rnams dang / bag med pa rnams dang /sems zhum pa rnams dang / yang dag par zhugs pa rnams so/ /rnam pa bzhis ni gnas bzhi la gus pa skyes te/ gnas pas myur ba nyid du bla na med pa thob par 'gyur te/ thob par bya ba gang yin pa de la 'dun pa drag pa dang / thob par bya ba'i thabs 'di lta ste/chos kyi rjes su mthun pa'i chos la nan tan du sgrub pa gang yin pa de la sdug par 'dzin pa drag pa dang / ston pa la phangs par 'dzin pa drag pa dang / des bstan pa'i chos la dad pa drag pa'o/ /bla na med pa ni gsum ste/ 'di lta ste/ shes pa bla na med pa dang / lam bla na med pa dang / rnam par grol ba bla na med pa'o/ /de la shes pa bla na med pa ni zad pa shes pa dang / mi skye ba shes pa dang / mi slob pa'i yang dag pa'i lta ba'o/ /mngon par shes pa myur la sla ba'i lam ni lam bla na med pa'o/ /sems rnam par grol ba nyams pa med pa ni rnam par grol ba bla na med pa ste/de rnams bsdus pa ni shes pa dang / spong ba dang / tshe 'di la bde bar gnas pa zhes bya bar rig par bya'o/ /slob pa'i shes pa gang yin pa dang / lam gang yin pa dang / rnam par grol ba gang yin pa de dag ni bla na med pa ma yin te/ bla na yod pa'i phyir ro//dgra bcom pa'i lam thams cad ni mngon par shes pa sla ba dang / myur bar rig par bya ste/ gnas ngan len thams cad bcom pa dang bya ba byas pa'i phyir ro/ /byang chub kyi phyogs dang mthun pa la brten pa 'du byed rnams rab tu rnam par 'byed pa na dus gnyis su rnam pa bzhis 'jig tshogs la lta ba yongs su shes na dus gnyis kyi rjes thogs su zag pa zad pa thob par 'gyur te/dus gnyis po gang zhe na/ so so'i skye bo'i sa dang / mthong ba'i sa'o/ /rnam pa bzhi bo gang zhe na/ 'di lta ste/ rang bzhin dang /gnas dang / kun nas slong ba dang / 'bras bu'o/ /de la 'jig tshogs la lta ba'i rang bzhin ni 'du byed do/ /'du byed rnam pa lnga ni de'i bdag gam bdag gir dmigs pa'i gnas yin no/ /lta ba'i nye bar len pas bsdus pa de'i kun nas slong ba ni ma rig pa'i 'dus te reg pa las byung ba'i rkyen gyis byung ba'i sred pa'o//de yang rten cing 'brel par 'byung ba'i rim pa rnam pa lngas 'byung ste 'di lta ste/ khams sna tshogs kyi rkyen gyis ni reg pa sna tshogs 'byung ngo / /reg pa sna tshogs kyi rkyen gyis ni tshor ba sna tshogs 'byung ngo / /tshor ba sna tshogs kyi rkyen gyis ni sred pa sna tshogs 'byung ngo //sred pa sna tshogs kyi rkyen gyis ni len pa sna tshogs 'byung ste/ rten cing 'brel par 'byung ba gang yin pa de ni mi rtag pa'o/ /de la 'bras bu ni dus skabs gsum du 'jig tshogs la lta bas sgrib par byed pa ste/ 'di lta ste/bdag med pa las brtsams nas chos la rtog pa'i bzod pa'i dus dang / mngon par rtogs pa'i dus dang / dgra bcom pa nyid 'thob pa'i dus kyi tshe'o/ /de la dus gcig tu ni bag la nyal gyi 'jig tshogs la lta ba'i sgo nas som nyi za ba dang / the tshom can du 'gyur ro//chos la rtog pa lan mang du byas pa'i rgyus som nyi bsal du zin kyang mngon par rtogs pa'i dus na bsam pa thag pa nas mya ngan las 'das pa la gtong ba'i tshe bag la nyal gyi 'jig tshogs la lta ba de nyid kyi sgo nas log pa'i 'du byed la yongs su brtags nas bdag ni chad par 'gyur/zhig par 'gyur/ med par 'gyur ro zhes mya ngan las 'das pa la chad par lta zhing med par lta bar 'gyur te/ des na de'i yid mya ngan las 'das pa las phyir ldog ste 'jug par mi 'gyur ro/ /de phyis nyes pa de las sems rnam par sbyangs nas bden pa rnams mngon par rtogs te/mngon par rtogs pa dang ldan du zin kyang de bag la nyal gyi sgo nas nga'o snyam pa'i nga rgyal gang yin pa de dang bral bar mi 'gyur te/ brgya la lan 'ga' brjed ngas par 'gyur bas nga rgyal gyi kun nas dkris pa'i sgo nas bdag gi bdag ni 'di'o snyam du yang dag par mthong ste/'di lta ste/ bdag ni che'o/ /bdag ni mnyam mo/ /bdag ni chung ngo snyam mo/ /de la gnas skabs gnyis su ni bag la nyal gyi stobs kyis sgrib par byed do/ /gsum pa'i skabs su ni bag chags kyi stobs kyis sgrib par byed do/ /'du byed rnams ni rgyu rnam pa gsum gyis 'byung bar 'gyur te/'di lta ste/ sngon gyi las dang nyon mongs pa'i stobs dang / smon lam gyi stobs dang / da ltar byung ba'i rgyu dang rkyen gyi stobs so/ /de la so so'i skye bo'i sa la ni yongs su shes nas mthong ba'i sa'i rjes thogs su mthong bas spang bar bya ba'i zag pa rnams zad pa 'thob par 'gyur ro//mthong ba'i sa la ni yongs su shes shing spang ba byas nas dgra bcom pa'i 'bras bu thob pa'i rjes thogs su zag pa rnams zad pa thob par 'gyur ro/ /'du byed rnams la ni rnam pa lngas tshul bzhin du 'dri zhing lan 'debs te/ lnga gang zhe na/ rang bzhin dang / ldog pa dang 'jug pa'i rtsa ba dang /ldog pa dang 'jug pa dang / ldog pa dang / 'jug pa'i thabs so/ /de la rang bzhin ni rnam pa lnga ste gzugs la sogs pa'o/ /de la ldog pa dang 'jug pa'i rtsa ba ni 'dun pa ste/ dge ba'i chos la 'dun pa yan chad zag pa zad pa thob pa'i bar gang yin pa ste/'di ni ldog pa'i rtsa ba'o/ /'dun pa nas bzung ste/ kye ma bdag ni skal ba ngan pa rnams nas tshangs ris pa rnams kyi bar du skal ba mnyam par skye bar gyur cig snyam ste/ der sems kyang kun du bsten cing bsgom la mang du byed de de nas der skye bar 'gyur ba gang yin pa 'di ni 'jug pa'i rtsa ba'o//de la ldog pa ni 'du byed rnams la 'dun pa dang 'dod chags kyi nye bar len pa tsam spangs pa'i phyir ro/ /gal te 'du byed rnams nye bar len pa yin du zin na ni ldog pa med par yang mi 'gyur te/ dgra bcom pa la yang 'du byed yod pa'i phyir ro//gal te 'du byed rnams la nye bar len pa tha dad pa zhig yin na ni des 'dus ma byas su 'gyur te/ 'dus ma byas yin pas rtag par yang 'gyur la de lta na ni ldog par yang mi 'gyur ro/ /de bas na nye bar len pa ni 'du byed rnams kyi phyogs gcig bzung ba yin te/de'i phyogs gcig kun du spyod pa gtan spangs pas ldog tu btub po/ /de la 'jug pa ni yang srid par skye ba'i rgyu dang / rnam pa dang / da ltar byung ba'i rgyu'o/ /de la yang srid par skye ba'i rgyu ni ji ltar 'di na kha cig phyi ma la smon nas las byed par 'gyur te/ /ma 'ongs pa'i dus su bdag 'du byed 'di lta bu zhig dang ldan par gyur cig snyam ste/des yang srid par skye ba'i 'du byed rnams kyi rgyu yang phangs par 'gyur la da ltar byung ba rnams kyang ma spangs te/ de ltar na 'du byed rnams kyi bye brag yod do/ /de la rnam pa ni 'du byed du gtogs pa rnam pa bcu gcig po rnams yin te snga ma bzhin du rig par bya'o//'di la da ltar byung ba'i rgyu ni 'di lta ste/ 'byung ba'i rgyu las byung ba'i gzugs yin te/ 'byung ba chen po bzhi po rnams la brten nas reg pa'i rkyen gyis tshor ba la sogs pa sems las byung ba rnams 'byung ba dang ming dang gzugs kyi rkyen gyis rnam par shes pa 'byung ba'o//de la 'jug pa'i thabs ni 'jig tshogs la lta ba la brten nas 'du byed rnams la nga'o snyam pa'i nga rgyal dang / ro myong bar byed pa gang yin pa dang / bdag dang bdag gir lta ba gang yin pa'o/ /de la ldog pa'i thabs ni 'du byed rnams la nga'o snyam pa'i nga rgyal med pa dang /nyes dmigs dang / nges par 'byung ba dang / bdag dang bdag gir mi lta ba gang yin pa'o/ /de la 'jug pa'i thabs ni mthun mthun du ma rig pa dang sred pa'i phyogs su gtogs par rig par bya'o/ /de'i gnyen po las ni ldog pa'i thabs so//nyan thos mi mkhas pa ni rgyu gnyis kyis ston pa'i bstan pa las 'das nas sdig pa'i lta bar ltung ba'am/ tshig tu smra ba dang / kun rdzob kyi bden pa la rnam par rmongs pa dang / don dam pa'i bden pa la rnam par rmongs par 'gyur ro/ /de de ltar rnam par rmongs pas kun rdzob kyi bden pa'i tshul las gcig tu nges par 'das pa dang /don dam pa'i bden pa'i tshul las gcig tu nges par 'das nas 'du byed rnams kyi 'jug pa la tshul bzhin ma yin par rtog par byed do/ /'phags pa 'ba' zhig bzhed na ston par mdzad pa ni gnas gsum yod do//byis pa so so'i skye bo ni de lta ma yin te gzhan las thos pa nyi tshe'o/ /'di lta ste/ 'du byed rnams la bdag dang bdag gir med par mthong bar bdag nyid yang dag pa ji lta ba bzhin du ston pa dang / gang la brten pas nga'o snyam pa'i nga rgyal 'jug pa de spangs na yang de thams cad kyi thams cad du ma spangs pa yang ston pa dang /'jug pa'i rten med du zin kyang nga'o snyam pa'i nga rgyal ma spangs pas ji ltar kun du spyod pa ji lta bu yin pa ston to/ /de la 'du byed rnams la nga'o snyam pa'i nga rgyal ni rnam pa gnyis te/ mngon par zhen pas kun du spyod pa dang / brjed ngas pas kun du spyod pa'o/ /de la mngon par zhen pas kun du spyod pa ni 'phags pas spangs te kun du mi spyod do/ /gnyis pa ni bag la nyal gyi sgo nas spyod de/ 'jig tshogs la lta ba spangs su zin kyang 'phags pa'i lam legs par ma bsgoms pa'i phyir kun du spyod do//de ni 'jig tshogs la lta ba'i bag chags tsam dang 'brel pa'i tshul gyis brjed ngas pas kun du spyod pa'i nga'o snyam pa'i nga rgyal gyis rten gyi bya ba byed do/ /de bas na spangs kyang kun du spyod pa yod do/ /de la 'phags pa ni rang gi mtshan nyid kyi sgo nas 'du byed rnams yid la byed pa na yang nga'o snyam pa'i nga rgyal kun du spyod par mi 'gyur na spyi'i mtshan nyid kyi sgo nas lta ci smos/gdags pa'i sgo nas yid la byed pa na yang dran pa nye bar gnas na ni nga'o snyam pa'i nga rgyal kun du mi spyod do/ /gdags pa nyid yid la byed pa na dran pa nye bar gnas pa med na ni nga'o snyam pa'i nga rgyal kun du spyod par 'gyur ro//so so'i skye bo ni spyi'i mtshan nyid kyi sgo nas 'du byed rnams yid la byed pa na yang sems kyi rgyud nga'o snyam pa'i nga rgyal gyis rnam par 'dres na gnas skabs gzhan dag la lta ci smos/ de la 'phags pa'i rgyud la ni 'jig tshogs la lta ba bag la nyal dang kun nas dkris pa'i sgo nas spangs pa yin no/ /bag chags dang 'brel pa'i sgo nas ni slob pas ma spangs so/ /nga'o snyam pa'i nga rgyal ni bag la nyal dang kun nas dkris pa'i sgo nas kyang ma spangs so/ / de la nga'o snyam du 'dun pa gang yin pa de ni nga rgyal gyis kun nas dkris pa yin par rig par bya'o/ /de ci'i phyir zhe na/ 'di ltar brjed ngas shing 'dod pa dang snyoms par 'jug pa'i ro myang bas 'phrog pa de ni 'dun pa'i sgo nas nga'o snyam pa'i nga rgyal gyis kun nas dkris pa kun tu spyod do/ /de yang des bag la nyal gyi sgo nas ma spangs la kun nas dkris pa'i sgo nas yongs su ma shes te 'di ltar de de'i tshe brjed ngas par 'gyur ro//'gog par ma gyur pa ni kun nas dkris pa dang bral du zin kyang yang kun tu spyod pa'i phyir ro/ /zad par ma byas pa ni de'i bag la nyal yang dag par ma bcom pa'i phyir ro//tshangs pa mtshungs par spyod pa rnams kyi tshangs pa mtshungs par spyod pa rnams la kun tu dga' bar bya ba'i dri ba ni rnam pa gnyis te/ nad pa dri ba dang / bde ba dri ba'o/ /de la nad pa dri ba ni ci khyod tshor ba dub pas bzod par gyur tam zhes bya ba dang / srog dang mthun pa'i phyir sdod pa dang /ci sdug bsngal gyi tshor ba shas che bar ma gyur tam/ rgyun chags par ma gyur tam/ mi sdug pa'i 'dus te reg pa dang / yid dang mi mthun pa rnams lus su zhugs par ma gyur tam/ zhugs pa las kyang med par song ngam zhes bya ba'o/ /de la bde ba dri ba ni 'di ltar 'di na kha cig kha cig la nad kyis nyon mongs par ma gyur pa'i phyir gnod pa chung ngam zhes dri ba'o//phyi rol gyi gnod pa med pa dang yang yams kyi nad las gyur pa med pa'i phyir nyam nga ba nyung ba'o/ /mtshan mo bde bar gnyid kyis log pa dang / kha zas bde bar zhu bar gyur pa'i phyir bskyod pa yang ba'o//'tsho ba dang / stobs dang / bde ba dang / kha na ma tho ba med pa dang / bde ba la reg par gnas par gnas pa'i rnam grangs rnams kyi dbye ba ni 'di lta ste/ nyan thos kyi sa las zas kyi tshod rig par bya ba las brtsams pa bzhin no/ /dri ba de yang gnas skabs rnam pa bzhir gtogs par rig par bya ste/nang gi gnod par gtogs pa dang / phyi rol gyi gnod par gtogs pa dang / mtshan mo gnas par gtogs pa dang / nyin mo gnas par gtogs pa'o / /dgra bcom pa tshe 'di nyid la kha zas dang tha snyad dang / phung po dang / khams dang skye mched rnams la nye bar mi 'gro ba dang bral ba ma yin pa yang dag pa ji lta ba bzhin du rab tu ma shes nas dgra bcom pa ni nye bar mi 'gro ba'o/ /dgra bcom pa ni nye bar mi 'gro ba'o zhes bya ba la tshul bzhin ma yin par rtog par byed de/ dgra bcom pa ni tshe 'di la nye bar mi 'gro ba ma yin te 'di ltar de ni kha zas dang /tha snyad dang / phung po dang / khams dang skye mched rnams la yang dag par snang bas na/ de'i phyir dgra bcom pa ni shi ba'i 'og tu gdod nye bar mi 'gro ste/ dgra bcom pa ni 'du byed rnams khas mi len zhing nye bar mi 'gro'o zhes bya ba ni bcom ldan 'das kyis dgongs te gsungs pa gor ma chag go snyam ste/de ni dam pa'i chos ltar bcos pa dang lta bar gyur par rig par bya'o/ /tshangs pa mtshungs par spyod pa'am nyan thos chen po ni dam pa'i chos ltar 'chos pa de ltar bur gyur pa spangs pa'i phyir don gyi dbang rnam pa gnyis la brten nas shin tu 'bad par byed de/gang zag de dag nyid kyis 'dod pa'am gzhan dag la yang ston par byed pa'i rgyu 'dis 'gro ba ngan par skye bar gyur na mi rung ngo snyam pa dang / bstan pa la dga' ba'i sgo nas dam pa'i chos ltar bcos pa la brten pas bstan pa nub par 'gyur na mi rung ngo snyam pa'o//dam pa'i chos ltar bcos pa de skye ba la ni rgyu gnyis yod de/ nang gi 'jig tshogs la lta ba ma spangs pa dang / de la brten pas 'jug pa dang ldog pa'i skyes bur rtog pa'o/ /rgyu rnam pa de gnyis spang ba la ni gnyen po dam pa'i chos bstan pa rnam pa gnyis yod de/'du byed rnams la mi rtag pa nyid kyi go rims kyis bdag med par bstan pa dang / bsgyur ba bzhis 'jug pa dang ldog pa'i skyes bu mi dmigs pa ste/ 'di lta ste/ 'dus byas sam 'dus ma byas kyi sgo nas nyan thos dang rang sangs rgyas dang /sangs rgyas kyi bdag ni de bzhin 'ongs pa zhes bya ba'o / /de yang rnam pa gnyis su 'dogs te phung po'i lhag ma dang bcas pa la ni 'dus byas su 'dogs so/ /phung po'i lhag ma med pa la ni 'dus ma byas su 'dogs so/ /don dam par ni 'dus byas la yang 'dus byas kyis gdags su med do//'dus ma byas la yang 'dus ma byas kyis gdags su med do/ /dam pa'i chos bstan pa des khong du chud pa rnam pa drug bskyed na dam pa'i chos ltar bcos pa spangs par rig par bya ste/ 'di lta ste/ dgra bcom pa de'i phung por bsdus pa'i 'du byed du gtogs pa 'jig pa'i chos can yin pa'i phyir mi rtag par khong du chud pa dang /tshe 'di la na ba dang / rga ba dang sdug bsngal ba'i gnas su gyur pa'i phyir sdug bsngal ba nyid khong du chud pa dang / rang gi ngang gis 'gag pa dang / spong ba'i khams dang /'dod chags dang bral ba'i khams dang / 'gog pa'i khams la 'gog pa dang / rnam par zhi ba dang / bsil ba dang /nus par khong du chud pa'o/ /de ltar khong du chud pa de la ni log pa'i mngon pa'i nga rgyal dang ldan pa'i dgra bcom pa'i 'du shes gang yin pa de yang mi 'byung na shi ba'i 'og tu de nye bar 'gro ba dang /nye bar mi 'gro bar lta spros par ga la byed/ 'jig tshogs la lta ba ma spangs pa la ni nyes dmigs gnyis yod par rig par bya ste/ gsod pa po bzhin du sdug bsngal bar byed pa'i 'du byed rnams la bdag gam bdag gir khas len pa ni de dag gis de 'khor ba na sdug bsngal bar byed par 'gyur ba dang /tshe 'di la yang 'phags pa'i shes rab bla na med pa'i srog gi dbang po 'gag par byed de/ dper na mi la la zhig la 'khon yod pa'i mi zhig yod pas mthus bsad mi nus par rang gis shes nas bsad pa'i phyir yid rton du gzhug pa sngon du gtang bas yid du 'ong ba kun tu spyod de/de yid rton par gyur par shes nas srog dang bral bar byed pa de bzhin du byis pa so so'i skye bo yang 'khon pa'i mi lta bu'i 'jig tshogs la lta bas phyi ma la sdug bsngal bar bya ba'i phyir/ yid du 'ong ba'i 'du byed la chags pa dang ldan par kun du spyod la so so'i skye bo rmongs pa de yang gsod par byed pa'i 'jig tshogs la lta ba la phan yon du lta ba'i nyes par lta bar mi byed de de la/de ltar yid brtan par gyur pas 'phags pa'i shes rab kyi srog gi dbang po de las ma thob pa yongs su nyams par 'gyur ba'i sgo nas rab tu nyams par byed do//'di gnyis ni 'di las phyi rol pa rnams chos 'dul ba la the tshom za ba dang rmongs par 'gyur ba'i gnas yin te/ gnyis gang zhe na/ de bzhin gshegs pa ni yod pa dang med par lta ba yang spong la/ nyan thos kyang shi ba'i 'og tu kha cig ni mngon par 'grub par 'gyur/kha cig ni mngon par 'grub par mi 'gyur bar lung ston pa gang yin pa dang / don dam par tshe 'di dang tshe phyi ma la bdag rtag par mi dmigs pa dang / ston pa gsum ste/ rtag par smra ba dang / chad par smra ba dang / de bzhin gshegs pa yod par thugs su chud pa gang yin pa'o//som nyi za ba dang / rmongs pa de'i rgyu ni rnam pa gnyis te/ dam pa'i chos ltar bcos pa bzhin du rig par bya'o/ /de spang bar bya ba yang de bzhin te bstan pa rnam pa gnyis yin no/ /bdag med pa'i chos 'di ni rgyu gnyis kyis 'di las phyi rol pas 'jug par dka' ba dang /rtogs par dga' ba yin te/ 'di lta ste/ de ni rang bzhin gyis kyang rtogs par dka' ba dang / de ji lta ba'i tshul gyis rtogs par sla ba ltar de dag de dang mi 'dra'o/ /de la mi slu ba'i don dang / rtogs pa'i don dang thun mong ma yin pa'i don gyis na rang bzhin gyis 'jug par dka'o / / zab pa yin la zab pa nyid du snang ba'i phyir 'di ni mi slu ba'i don to/ /bdag nyid kyis mthong bar dka' la gzhan gyi sgra las ni bka' 'khor du khong du chud pa'i phyir 'di ni rtogs pa'i don to/ /rtog ge'i spyod yul ma yin pas rtog ge bas brtag mi nus pa'i phyir 'di ni thun mong ma yin pa'i don to//chos 'di ni zhib mo mkhas pa dang mdzangs pa'i brtags pas rig par bya ba yin te/ rnam grangs 'di dag kyang 'di lta ste/ rnam grangs bsdu ba las 'byung ba bzhin du rig par bya'o/ /de bzhin gshegs pas gsungs pa'i don ni rnam pa gnyis kyis thams cad kyi thams cad du shes par rig par bya ste/'di lta ste/ lung dang rtogs pas so/ /de la lung ni so so'i skye bo'i thos pa dang bsams pa dang bsgoms pa las byung ba'i shes rab bo/ /rtogs pa ni slob pa dang mi slob pa'i shes rab ste/ de'i phyi nas thob pa 'jig rten pa'i'o//de la gsungs pa'i don thams cad kyi thams cad du kun mi shes la nga rgyal yang nga rgyal yin par mngon par ma rtogs shing / mi spong ba ni so so'i skye bo bdag tu mi lta ba yin no / /de la thams cad kyi thams cad du don kun shes shing nga rgyal yang nga rgyal yin par mngon par rtogs la spong par ni mi byed pa ni slob pa'o//thams cad byed pa ni mi slob pa'o/ /'di la de bzhin gshegs pa ni kun rdzob kyi bden pa dang / don dam pa'i bden pa yang dag pa ji lta ba bzhin du mkhyen mod kyi de gnyi ga'i tshul gyis lan gdab tu mi rung la gnod pa dang bcas par gzigs na lan mi 'debs shing zhal gyis mi bzhes te shi phan chad yod par 'gyur ba dang med par 'gyur ba dang /gnyi gar 'gyur ba dang / gnyi gar mi 'gyur ba lta bu'o/ /de la de bzhin gshegs pa de ltar ye shes gzigs pa sngon du btang ste/ lan mi 'debs pa la mi mkhyen pa tsam du 'dzin pa gang yin pa de dag ni de'i lta ba dang ldan pa'i mi shes pa yin par mngon par rig par bya'o//'di gnyis ni 'du byed rnams kyi rnam par 'gyur ba yin te/ rga ba'i rnam par 'gyur ba ni ji ltar 'di na kha cig rgas par gyur te/ skyes nas lo brgya nyi shu lon pa ste de bas na lus na ba zhes bya'o//sems kyi yid mi bde ba'i rnam par 'gyur ba ni gang gis sems na ba zhes bya bar 'gyur ba'o/ /de la dang po'i rnam par 'gyur ba la ni byis pa dang mkhas pa rnams kyis dga' mgur byar med do/ /gnyis pa la ni mkhas pa rnams kyi ni yod la byis pa rnams kyi ni med do//de la byis pa ni lus na bar gyur na sems na bar yang nges par 'gyur ro/ /mkhas pa ni lus na bar gyur kyang sems na bar mi 'gyur te/ de bas na 'di ni 'dir byis pa dang mkhas pa'i khyad par yin no/ /legs par bzung ba'i chos zhes bya ba ni thos pa dang bsams pa'o//legs par yid la byas zhes bya ba ni bsgoms pa'o/ /legs par bsten zhes bya ba ni ji lta ba bzhin du yod pa'i sgo nas so/ /legs par khong du chud ces bya ba ni ji snyed yod pa'i sgo nas so/ /nyan thos rnams ni rnam pa gnyis kyis 'di lta ste/ nye bar len pa thams cad spong ba yongs su shes pa gsung ba'i ston pa yang dag par dris pa la len 'debs par byed de/gnyis gang zhe na/ gang la nye bar len pa thams cad spong ba yongs su shes pa gsung ba dang gang gi phyir ro/ /de la de bzhin gshegs pa ni 'du byed thams cad la spong ba yongs su shes pa gsung ngo //nye bar len pa ma spangs pa la nyes dmigs rnam pa gsum yang dag par gzigs la spangs pa la ni phan yon rnam pa gsum yang dag par gzigs so/ /de la 'du byed rnams la nye bar len pa dang bcas pa la ni 'du byed rnam par 'gyur ba na mya ngan la sogs pa skye bar 'gyur te /de bas na 'di ni nyes dmigs dang pos te 'du byed thob pa rnam par 'gyur ba las gyur ba yin no/ /gzhan yang 'du byed rnams la nye bar len pa dang bcas pa'i 'du byed rnams ma thob pa thob par bya ba'i phyir yongs su tshol ba la zhugs pa na mi dge ba rnam pa du ma mang po rnam pa sna tshogs kun du spyod de/des na de yongs su tshol ba de dang / mi dge ba de la brten nas sdug bsngal rnam pa bzhi la gnas par 'gyur te/ 'di lta ste/ mngon du byung zhing nye la rab tu nye ba dang / 'byung ba nye bar gnas par gyur pa dang / gzhan gyis gnod pa'i dbang gis byung ba dang /bdag gis kun nas nyon mongs pa'i dbang gis byung ba ste/ 'di ni nyes dmigs gnyis pa'o/ /des sdig pa mi dge ba'i chos de dag nyid yang dag par blangs pa'i phyir lus dang bral te shi ba'i 'og tu ngan 'gror 'gro bar 'gyur ba 'di ni nyes dmigs gsum pa yin par rig par bya'o//de las bzlog pa ni nye bar len pa thams cad spangs pa'i phan yon gsum yin te/ mthun mthun du rig par bya'o/ /'phags pa'i gang zag rnam pa gsum gyi lta ba phun sum tshogs pa rnam pa gsum ni sdug bsngal rnam pa gsum las yang dag par 'da' bar 'gyur ba yin par rig par bya'o//'phags pa'i gang zag rnam pa gsum po gang zhe na/ lta ba phun sum tshogs pa'i so so'i skye bo bdag med pa'i bzod pa la gnas pa dang / bden pa mthong ba yang dag pa'i skyon med pa la zhugs pa'i slob pa 'bras bu thob cing mngon par rtogs pa dang ldan pa dang /tha ma 'bras bu'i mchog dgra bcom pa nyid kyi mthar thug pa'o/ /lta ba phun sum tshogs pa rnam pa gsum ni zag pa med pa dang mthun pa'i zag pa dang bcas pa ste gang zag dang po'i dang / zag pa med pa shin tu rnam par dag pa ma yin pa dang / shin tu rnam par dag pa ste/de dag kyang ji skad bstan pa'i gang zag rnams dang go rims bzhin du sbyar bar rig par bya'o/ /sdug bsngal rnam pa gsum po gang dag las yang dag par 'da' bar 'gyur zhe na/ lta ba phun sum tshogs pa dang bos ni 'di las phyi rol pa'i lta ba'i nyes rtsom las byung ba'i sdug bsngal las yang dag par 'da' bar 'gyur ro//gnyis pas ni ngan song gi sdug bsngal las yang dag par 'da' bar 'gyur ro/ /gsum pas ni yang srid par skye ba'i sdug bsngal las yang dag par 'da' bar 'gyur ro/ /de la 'di las phyi rol pa rnams kyi lta ba'i nyes rtsom las byung ba'i sdug bsngal gang zhe na/chos 'dul ba 'di las tha dad pa'i mu stegs can gyi 'jig rten gyi 'jig tshogs la lta ba'i rtsa ba las byung ba'i lta bar gyur pa gang yin pa de dag ni yin te/'di lta ste/ bdag tu smra ba rnams kyi bdag tu smra ba dang mtshungs par ldan pa rnams dang / rtag par smra ba rnams dang /kha cig rtag par smra ba rnams dang / rgyu med par smra ba rnams dang / mtha' dang mtha' med par smra ba rnams dang / chad par smra ba rnams dang / tshe 'di la mya ngan las 'da' bar smra ba rnams kyis dang / sems can du smra ba rnams dang / mtshungs par ldan pa rnams ni 'di lta ste/log par lta ba rnams kyis sems can skye ba med do zhes 'jig rten pha rol la skur pa 'debs pa rnams dang / srog tu smra ba rnams kyis srog tu smra ba dang mtshungs par ldan pa 'di lta ste/ srog de nyid lus de yin zhes bya ba la sogs pa dang / ltas dang bkra shis smra ba dang mtshungs par ldan pa rnams ni 'di lta ste/skar mkhan dang / mo mkhan rnams kyi bzlas brjod dang sbyin sreg la sogs pas sdug pa'i yul 'thob pa la ltas bskyed cing gnod pa sel ba dang / de bzhin du mtshan ma dang / bkra shis dang / bkra mi shis pa rnams kyi ltas bskyed pa'o//de dag kyang gang zhe na/ sngon gyi mtha' dang phyi ma'i mtha' la rtog pa rnams kyi 'jig tshogs la lta ba nyi shu la brten nas lta bar gyur pa drug cu rtsa gnyis po gang yin pa rnams dang / thams cad la skur pa 'debs pa'i log par lta ba'o/ /de'i nyes rtsom las byung ba'i sdug bsngal gang zhe na/de dag phan tshun lta ba dang 'dod pa mi mthun par smra ba rnams kyi yid mi bde ba'i sdug bsngal dang / yongs su 'dzin pa'i sdug bsngal dang / mthos pa dang dmas pa'i sdug bsngal dang lhag par chags pa'i sdug bsngal lo/ /de la pham pa rnams mya ngan byed pa ni sdug bsngal dang po'o//pha rol pham par bya ba dang / rang gi lta ba'i phyogs brtan zhing 'phel bar bya ba dang / gzhan dag gi 'chab pa dang / nga'i lta ba 'di 'ba' zhig dag pa yin gyi gzhan dag ni ma yin no zhes log par lta bas yongs su 'dzin par 'gyur ba rnams kyi yongs su 'dzin pa las byung ba'i rgyus rtog pa ngan pa rab tu ma zhi ba rnam pa du mas sems snad par gyur pa'i phyir de dag lta bas yongs su 'dzin pa'i sgo nas gzhan rnams dang bdag yongs su 'jal zhing bdag che'o snyam pa nas bdag chung ngo snyom pa'i bar du rlom sems su byed cing de dag bdag nyid ni mtho bar byed/gzhan dag ni bshung bar byed pa 'di ni de dag gi mthos pa dang dmas pa'i sdug bsngal yin no/ /de dag de rnams la brten nas rnyed pa dang bkur sti'i phyir rnam par rgyu zhing yongs su tshol ba'i sdug bsngal gyis kyang thebs par 'gyur la gzhan la klan ka btsal ba dang / gnod par bya ba'am/bdag nyid rtsod pa las thar bar bya ba'i phyir spungs skyed par byed pa 'di ni de dag gi lhag par chags pa'i sdug bsngal zhes bya'o/ /lta ba'i nyes rtsom las byung ba'i sdug bsngal rnam pa bzhi pa de dag kyang chos 'di pa so so'i skye bo'i tshe bdag med pa la mos pa la blo tsam gnas pas spangs par rig par bya ste/'di ltar de ni phyi ma la yang bsam pa thag pa nas lta bar gyur pa 'di rnams len par 'gyur ba'i rgyu ma yin no/ /de de ltar lta ba phun sum tshogs pa dang po la gnas pa na dang po'i sdug bsngal las yang dag par 'das nas lta ba phun sum tshogs pa de nyid lan mang du byas pas nang gi 'du byed du gtogs pa yang gcig tu bsdus nas/chos shes pa dang lkog tu gyur pa'i rjes su shes pa gzhan gyi dring mi 'jog pa'i shes pas 'di lta ste/ mi rtag pa nyid kyi rnam pa'am/ gang yang rung ba zhig tu mngon par rtogs te de'i tshe lta ba phun sum tshogs pa gnyis pa yang thob la sdug bsngal gnyis pa las kyang yang dag par 'das so//de de la gnas nas ji ltar thob pa'i byang chub kyi phyogs su gtogs pa'i chos sum cu rtsa bdun po bsgoms pas snga ma bzhin du las la sogs pa'i kun nas nyon mongs pa rnam pa bzhi spangs nas lta ba phun sum tshogs pa tha ma yang 'thob la yang srid par skye ba'i sdug bsngal las kyang yang dag par 'da' bar 'gyur ro//de la gang zag dang po'i ni sdug bsngal rnam pa gnyis dang / da ltar byung ba'i phung po'i sdug bsngal gyi lhag ma yod do/ /gnyis pa'i ni rnam pa gcig dang phung po'i sdug bsngal gyi lhag ma yod do//gsum pa'i ni thams cad spangs te phung po'i sdug bsngal gyi lhag ma tsam zhig re zhig yod do/ /de la rnam par brtag pa'i 'jig tshogs la lta ba'i sgo nas rnam pa nyi shu rnam par gzhag pa yin gyi lhan cig skyes pa'i sgo nas ni ma yin no/ / chos 'di pa la ni sa gang yin pa de ni bdag yin la bdag gang yin pa de ni sa yin no zhes bya ba nas rgyas par sbyar te de lta bu'i rnam pa'i zad par gyi skye mched la snyoms par 'jug pa med par rig par bya'o/ /lnga po 'di dag ni 'di las phyi rol pa'i mu stegs can rnams kyi byis pa'i rtags yin te de dag gis byis pa zhes bya ba'i grangs su 'gro'o//'di las phyi rol pa ni mkhas su zin kyang rang bzhin gyis mkhas pa'i nga rgyal can yin no / /mi mkhas pa lta ci smos te/ 'di ni byis pa'i rtags dang po'o/ /gzhan yang phyi rol pa ni phal cher rnyed pa 'dod pa dang bkur sti 'dod pa dang /bdag bstod pa dang / gzhan smod pa'o/ /gzhan yang phyi rol pa ni 'phags pa rnams kyi dam pa'i chos bstan pa yang dag pa'i gdams ngag bstan cing rjes su bstan pa la mi mthun par byed cing smod par byed pa'o/ /gzhan yang phyi rol pa ni dam pa'i chos ltar bcos pa smra ba po bdag nyid kyang 'dod la gzhan dag la yang ston pa'o//gzhan yang 'di las phyi rol pa ni de bzhin gshegs pa'am de bzhin gshegs pa'i nyan thos kyis tshar bcad cing chos 'dul ba 'di legs par gsungs pa yin par khong du chud du zin kyang bdag nyid kyi nyes par bshad pa'i dbang du byas nas tha na dpyad pa'i 'dab tsam gyi phyir yang sgrub par mi byed pa 'di ni byis pa'i rtags lnga pa'o//de bzhin gshegs pa ni yan lag rnam pa drug dang ldan pas smra ba'i seng ge bla na med pa zhes bya ste/ drug gang zhe na/ thog ma kho nar rgol ba 'ongs na ji tsam dgos par dri ba rnams kyi skabs 'byed par mdzad pa dang /rtsod par bzhed pa'i phyir rtsod pa rtsom par mdzad pa ni ma yin gyi sems can la thugs brtse ba 'ba' zhig gi phyir dang mi dga' ba rnams dga' bar bya ba dang / dga' ba rnams phyir zhing bskyed par bya ba'i phyir dang / de rtsod pa mdzad pa na yang dbang po rnams rab tu zhi zhing 'gyur ba med pa dang /de la bag tsha ba'i 'jigs pa bag chags kyi 'brel pa tsam yang med pa dang / de la lhar bcas pa'i 'jig rten gyis tshar bcad du med pa dang / des lan gyi rnam pa gcig btab pa las 'da' bar nus pa 'ga' tsam yang med de lan dang po btab ba kho nas tshar gcod par 'gyur ba dang /shin tu mkhas shing 'jigs pa med pa yang de bzhin gshegs pa dang lhan cig tu rtsod pa rtsom pa na spobs pa yang rdugs par 'gyur la bag tsha ba'i 'jigs pa yang shas cher 'byung bar 'gyur ba dang / g.yo ba'i rtsod pa thams cad kyi sgo nas kyang g.yo bya bar mi nus pa dang /'khor 'dus shing 'khod pa gzu bor 'dug pa thams cad kyis kyang de bzhin gshegs pa la ni rgyal bar 'gyur ba'i sems nye bar 'jog la rgol ba la ni pham par 'gyur ba'i sems nye bar 'jog pa dang / de dag de bzhin gshegs pa'i gsung la ni brtsan par 'dzin la rgol ba'i tshig la ni brtsan par mi 'dzin pa'o//smra ba ni 'di gnyis te/ gnyis gang zhe na/ bdag tu smra ba dang / bdag med par smra ba'o/ /de la bdag med par smra ba ni stobs dang ldan la bdag tu smra ba ni stobs chung ba yin te/ rtag tu bdag med par smra bas bdag tu smra ba zil gyis gnon to//smra ba po stobs chung ba las gyur pa ni ma gtogs so/ /bdag tu smra ba gang zhe na/ ji ltar 'di na kha cig 'di ltar lta zhing 'di skad smra ste/ gzugs la sogs pa'i 'du byed rnams la bdag gnas te/ de dag gis na 'du byed dang ldan no//'du byed de dag kyang de'i bdag gis yid la de dag tu yang zhi zhing chud la khongs su gtogs te yan lag dang yan lag gi rjes su 'brang bar gyur pas na de'i phyir bdag ni gzugs la sogs pa'i 'du byed kyi bdag nyid yin no snyam mo/ /de zhing pa zhing la ji lta ba bzhin du 'du byed zhing dang 'dra ba de dag la brten nas zhing blas dang 'dra ba'i bsod nams dang bsod nams ma yin pa skye bar 'gyur la/rtswa dang sman dang / shing dang 'dra ba'i sdug pa dang mi sdug pa'i 'bras bu nyams su myong ba'i phyir na de la bdag tu smra ba zhes bya'o/ /bdag med par smra ba gang zhe na/de ni rnam pa gnyis te/ bdag tu smra ba sun 'byin pa dang bdag med par smra ba sgrub pa'o/ /de la sun 'byin pa ni gal te bdag sdug pa dang mi sdug pa'i las la rang dbang yod pa zhig yin na bdag ni rtag tu bde ba 'dod la sdug bsngal ba dang mi mthun pas de'i phyir bsod nams 'ba' zhig skye ba'i bsod nams ma yin pa ni mi skye ba'i rigs so//sdug pa nye bar gnas pa nang dang phyi rol gyi 'du byed rnam par 'gyur zhing gzhan du 'gyur ba las de'i mya ngan dang smre sngags 'don pa la sogs pa yang 'byung ba'i mi rigs te/ bdag brtags pas ched du bsgrubs pa gang yin pa des rtag tu gnas par 'gyur zhing de kho na bzhin du mi 'gyur ba'i rigs na de kho na ltar yang mi 'dug pa 'di ni sun 'byin pa'o//bsgrub pa ni gang gi phyir 'du byed rnams rten cing 'brel bar 'byung ba yin pas na de'i phyir bsod nams kyi rkyen rnams yod pa las bsod nams skye ba dang /de las bzlog pa las bsod nams ma yin pa skye ba yod la rkyen de las sdug pa dang / mi sdug pa'i 'bras bu 'byung ba de yang rkyen la rag las pa'i phyir mi rtag ste/ rgyu dang 'bras bu tsam du gtogs pa'i 'du byed kyi rgyun yod pa la bdag la sogs pa gdags su rung ngo //don dam par ni chos thams cad bdag med pa yin te de bas na 'di ni bsgrub pa'o/ /slob pa las ni rnam pa lngas mi slob pa khyad par du 'phags te mi slob pa ni shes pa bla na med pa dang ldan pa yin la slob pa'i shes pa ni bla na yod pa'o/ /shes pa bla na yod pa ji lta ba de bzhin du lam dang rnam par grol ba yang bla na med par rig par bya'o//'phags pa'i ye shes kyi mig shin tu yongs su dag pas de bzhin gshegs pa chos kyi skur mthong la/slob pas ni de lta ma yin no/ /nan tan du sgrub pa shin tu yongs su rdzogs pas de bzhin gshegs pa la bsnyen bkur byed la slob pa ni de lta ma yin te/de bas na 'di ni rnam pa lnga pa'o/ /gzhi bsdu ba las 'du byed rab tu rnam par 'byed pa zhes bya ba ste/ bsdu ba dang po rdzogs so// //rnal 'byor spyod pa'i sa las gzhi bsdu ba/bam po bdun pa/ spyi sdom ni/ rnam gzhag shes pa mtshungs pa dang //'dod chags bral ba tha ma yin/ /sdom ni/ rnam par gzhag dang rnam dbye dang / /rmongs pa dang ni rmongs pa med/ /gdams ngag dang ni rnam par grol/ /nyon mongs las rnams rgyas pa yin/ /tshor ba ni rnam pa lngar rnam par gzhag par rig par bya ste/ rang bzhin dang / rten dang / dmigs pa dang / grogs dang / rjes su 'brang ba'o/ /de la rang bzhin ni rnam pa gsum du rig par bya ste/ bde ba dang / sdug bsngal ba dang / sdug bsngal ba yang ma yin pa bde ba yang ma yin pa'o/ /de'i rten ni rnam pa drug ste/ mig dang / rna ba dang /sna dang / lce dang / lus dang / yid do/ /dmigs pa ni drug go/ /gzugs la sogs pa'i yul rnams so/ /grogs ni 'du shes dang / sems pa dang / gzhan yang sems las byung ba'i chos dge ba dang mi dge ba dang lung du ma bstan pa gang dag de dang mtshungs par ldan pa rnams so//rjes su 'brang ba ni de dang mtshungs par ldan pa'i sems gang la tshor ba rnam pa gsum char dang yang mgo mnyam du skye zhing 'gag pa'i rten byed pa'i tshul gyis rjes su 'brang ba'o/ /tshor ba rnam pa lnga po rnam par gzhag pa 'di rab tu dbye ba ni rnam pa brgyad du rig par bya ste/nang gi skye mched kyi bye brag dang / phyi rol gyi skye mched kyi bye brag dang / rnam par shes pa'i tshogs drug gi bye brag dang / reg pa'i tshogs drug gi bye brag dang / tshor ba'i tshogs drug gi bye brag dang / 'du shes kyi tshogs drug gi bye brag dang / sems pa'i tshogs drug gi bye brag dang / sred pa'i tshogs drug gi bye brag go/ /gsum 'dus pa'i don gyis ni rnam pa gsum du dbye bar rig par bya'o/ /tshor ba'i rgyu'i don gyis ni bzhi pa'o/ /gsum 'dus nas reg pa'i 'bras bu'i don gyis ni lnga pa'o/ /tshor ba yongs su bcad pa'i rjes la tha snyad 'dogs pa'i don gyis ni drug pa ste/'di ltar tshor ba ni bde ba dang sdug bsngal ba 'di lta bu zhig bdag gis nyams su myong ngo snyam du 'du shes pa dang / gzhan dag la yang rjes su tha snyad 'dogs pa lta bu'o/ /las dang nyon mongs pa'i kun nas nyon mongs pa'i don gyis ni bdun pa dang brgyad pa'i rab tu dbye bar rig par bya'o//tshor ba dang phrad pa dang 'bral bar bya ba'i phyir ni sems pas mngon par 'du byed do/ /ji tsam du sems pas mngon par 'du byed pa de tsam du sred pas 'dod cing smon par byed do/ /thams cad ni rnam pa gnyis te phyogs gcig gi thams cad dang thams cad kyi thams cad do//de la thams cad mi rtag go zhes bya ba ni phyogs gcig gi thams cad kyi dbang du byas nas brjod pa yin te/'di lta ste/ 'du byed thams cad yin gyi/ 'dus ma byas ni ma yin no/ /chos thams cad bdag med pa zhes bya ba ni 'dir thams cad kyi thams cad la bya bar rig par bya'o//brjed ngas pa ni rnam pa gsum du rig par bya ste/ rang bzhin dang rgyu dang 'bras bu'o/ /de la rang bzhin ni da ltar byung ba'i dus na ni kun nas dkris pas brjed ngas la/ tshe phyi ma la ni bag la nyal gyis brjed ngas pa'i chos can du 'gyur ba'o//de la brjed ngas pa'i rgyu ni tshor ba rnam par gzhag par rnam pa lnga la mi rtag pa la sogs par khong du ma chud pa dang / lus thams cad kyi thog ma dang / bar dang tha mar yongs su nyon mongs pa'i sgo nas skye ba dang / rga ba dang / na ba dang /'chi ba'i chos can yin par khong du ma chud pa ste/ de la dang por ni skye bas yongs su nyon mongs so/ /bar du ni na bas yongs su nyon mongs so/ /tha mar ni rga ba dang / 'chi ba gnyis kyis yongs su nyon mongs so/ /de la brjed ngas pa'i 'bras bu ni mya ngan la sogs pa'i sdug bsngal dang /sred pa la sogs pa'i kun nas nyon mongs pa'o/ /brjed ngas pa med pa yang rnam pa gsum du rig par bya ste/ rang bzhin dang / bar du gcod pa dang / sgrib pa'o/ /de la rang bzhin ni tshor ba rnam par gzhag pa rnam pa lnga'i rang gi mtshan nyid dang / spyi'i mtshan nyid khong du chud pa ste/de yang nyon mongs pa spang bar bya ba dang / bden pa mngon par rtogs par bya ba dang / mya ngan las 'das pa mngon sum du bya ba'i phyir ro/ /de la brjed ngas pa'i bar du gcod pa ni bdud bzhi po rnams yin te/ phung po'i bdud ni thams cad du rjes su 'brel pa'i phyir ro//lha'i bu'i bdud ni dus dus su bar chad byed pa'i phyir ro/ /'chi ba dang nyon mongs pa'i bdud gnyis ni 'chi 'pho dang / skye ba las byung ba'i sdug bsngal gyi gnas yin pa'i phyir ro/ /de la brjed ngas pa'i sgrib pa ni yul lkog tu gyur pa la dmigs pa'i nyon mongs pa dang yul lkog tu gyur pa ma yin pa la dmigs pa'am/kun nas dkris pa'am/ bag la nyal lo/ /sangs rgyas rnams dang / sangs rgyas kyi nyan thos rnams ni rnam pa gsum gyis slob ma rnams la yang dag pa'i gdams ngag sbyin par rig par bya ste/ 'di lta ste/bsdu ba'i gdams ngag dang / dmigs pa la mthun mthun du 'dzud pa dang / rang gi don thob par byed pa ste/ de dag kyang cho 'phrul rnam pa gsum dang go rims bzhin du sbyar bar rig par bya'o/ /rnam par grol ba yongs su smin par bya ba'i shes rab ni rnam pa gnyis kyis yang dag par btsal bar bya ste/tshul bzhin du thos pa dang bsam pa khyad par can gyi shes rab slob pa'i rnam par grol ba yongs su smin par byed pa gang yin pa dang / slob pa'i khyad par can gyi shes rab mi slob pa'i rnam par grol ba yongs su smin par byed pa gang yin pa'o//sems rnam par grol ba yongs su smin pa ni rnam pa gnyis te/ slob pa dang mi slob pa'o/ /de la slob pa ni rdo rje lta bu'i ting nge 'dzin dang ldan pa gang yin pa'o/ /mi slob pa ni de yan chad yin par rig par bya'o/ /dge slong sems rnam par gral ba la zhugs pa la ni chos lnga dben pa yin te/lnga gang zhe na/ yang dag pa'i gdams ngag dang / zhi gnas kyi yan lag dang / lhag mthong gi yan lag dang / rtag tu gus par byed pa dang / 'jig rten las 'das pa'i shes rab bo/ /de la yang dag pa'i gdams ngag ni yang dag pa'i mdza' bshes rnam pa gsum gyis phye ba ste/ston pa dang / slob dpon nam bla ma dang 'dra ba'i tshangs ba mtshungs par spyod pa dang / khyim pa mkhas pa chos 'di pa rnams so/ /'di dag ni mdza' bshes rnam pa gsum po yin te/ 'di rnams ni yang dag pa'i gdams ngag 'byung ba'i sgo yin par shes par bya'o//de la zhi gnas kyi yan lag ni ji ltar 'di na kha cig tshul khrims dang ldan par gnas pa zhes bya ba nas rgyas par nyan thos kyi sa las 'byung ba bzhin te/ de de ltar tshul khrims dang ldan na 'gyod pa med do/ / 'gyod pa med na mchog tu dga' ba nas rgyas par bde ba dang ldan na sems mnyam par 'jog nus so zhes bya ba'i bar du sbyar ro/ /de la lhag mthong gi yan lag ni gtam rnam pa gsum ci 'dod pa thob pa gang yin pa ste/ 'di lta ste/'phags pa'i dang / yo byad bsnyungs pa'i dang /sems sgrib pa med pa la phan par 'gyur ba'i'o/ /de la 'phags pa'i gtam gang zhe na/ 'phags pa rnams kyi mi slob pa'i phung po lnga las brtsams pa'i gtam yin te/ /'phags pa rnams ni 'di ltar tshul khrims dang ldan no/ /ting nge 'dzin ni 'di lta bu'o/ /shes rab ni 'di lta bu'o/ / rnam par grol ba ni 'di lta bu'o/ /rnam par grol ba'i ye shes gzigs pa dang ldan pa ni 'di lta bu'o zhes bya ba gang yin pa'o/ /de la yo byad bsnyungs pa'i gtam gang zhe na/ 'phags pa'i rigs gsum las brtsams te 'dod pa nyung ba dang / chog shes pa dang / bsnyungs pa'i gtam dang /spong ba dang bsgom pa la kun tu dga' ba las brtsams nas 'du 'dzi med pa'i gtam gang yin pa'o/ /de la sems sgrib pa med pa la phan par 'gyur ba'i gtam gang zhe na/ de ni sgo gsum du rig par bya ste nyon mongs pa'i sgrib pa thams cad kyi sgrib pa med pa la phan par 'gyur ba dang /sgrib pa lnga'i sgrib pa med pa la phan par 'gyur ba dang / ma rig pa'i sgrib pa'i sgrib pa med pa la phan par 'gyur ba'o/ /de la dang po ni spong ba dang 'dod chags dang bral ba dang 'gog pa'i khams las brtsams te/ de thob par bya ba yin par rig par bya'o//gnyis pa ni de dag nyid la phan yon du lta ba las brtsams te/ de'i mi mthun pa'i phyogs kyi sgrib pa rnams dang / sgrib pa'i gnas kyi 'du byed rnams kyi nyes dmigs kyi gtam yin par rig par bya'o/ /gsum pa ni rkyen 'di pa nyid kyi rten cing 'brel par 'byung ba dang mthun pa'i gtam yin par rig par bya ste/rnam pa gsum po 'di dag kyang lhag mthong gi yan lag yin no/ /de yang mdor bsdu na 'dun pa skyed par byed pa dang / yang dag pa'i tshogs la sbyor bar byed pa dang / yang dag par yid la byed pa la sbyor bar byed pa'o//de la 'phags pa'i ni 'dun pa skyed par byed pa'o/ /yo byad bsnyungs pa'i ni yang dag pa'i tshogs la sbyor bar byed pa'o/ /sems sgrib pa med pa la phan par 'gyur ba'i ni yang dag par yid la byed pa la sbyor bar byed pa'o/ /gtam de dag la brten nas zhi gnas su gtogs pa'i shes rab gang yin pa de ni lhag mthong yin te/de bas na de ni lhag mthong gi yan lag ces bya'o/ /rtag tu gus par byed pa gang zhe na/ 'di lta ste/ zhi gnas dang lhag mthong la sbyor ba de nyid la brtson 'grus brtsams pa ste/ gnas pa'i rgyun du byed cing byang bar byed pa gang yin pa'o/ /brtson 'grus brtsams pa de yang rnam pa lngar rig par bya ste/'di lta ste/ go cha'i brtson 'grus dang / sbyor ba'i brtson 'grus dang / zhum pa med pa'i brtson 'grus dang / mi bskyod pa'i brtson 'grus dang /chog mi shes pa'i brtson 'grus so/ /de thog ma kho nar ni 'dun pa drag po dang ldan te mngon par spro ba brtan por 'gyur ro/ /de bzhin du sbyor bar yang byed do/ /chos rgya chen po rnams thob par bya ba'i phyir bdag nyid la yang khyad du mi gsod de zhum par mi 'gyur ro//grang ba la sogs pa'i gnod pa rnams kyang bzod do/ /ngan ngon gyis kyang chog par mi 'dzin te/ gong ma bas kyang ches gong du gya nom pa 'dod pa'i tshul gyis gnas so/ /de de ltar brtson 'grus brtsams te gnas na bden pa rnams mngon par rtogs par 'gyur te/'phags pa'i 'jig rten las 'das pa'i shes rab thob par 'gyur ro/ /de la brten nas bsgom pa'i lam la rgyu zhing 'gro bar gtogs pa dang gnas par gtogs pa dang / rten du gtogs pa'i nye ba'i nyon mongs pa las sems rnam par sbyong bar byed de/ de grong ngam grong gi nye 'khor na gnas pa na bud med gzhon nu kha dog rgyas shing chags par 'gyur ba mthong na 'dod chags bsal ba'i phyir mi sdug pa yid la byed do//yang na gzhan dag gis gnod par byas shing dkrugs par gyur na gnod sems bsal ba'i phyir byams pa yid la byed de/de ltar na rgyu zhing 'gro ba na nye ba'i nyon mongs pa las sems rnam par sbyong bar byed do/ /de dben pa na gnas pa na 'dod pa'i rtog pa la sogs pa'i rtog pa dang bral ba'i phyir dbugs phyi nang du rgyu ba dran pa sgom par byed de/ de ltar na gnas par gtogs pa'i nye ba'i nyon mongs pa las sems rnam par sbyong bar byed do//de 'jig rten las 'das pa'i shes rab thob pa de la brten nas nga'o snyam pa'i nga rgyal gyi lhag ma bsal ba'i phyir 'du byed thams cad la mi rtag pa'i 'du shes sgom par byed do/ /de ltar na skyes bu dam pa la brten pas yang dag pa'i gdams ngag sngon du btang nas 'di'i go rims kyis rdo rje lta bu'i ting nge 'dzin thob pa'i phyir slob pa'i rnam par grol ba yang yongs su rdzogs par byed la/nyon mongs pa thams cad dang bral ba'i phyir mi slob pa'i rnam par grol ba yang yongs su rdzogs par byed do/ /de la rnam par grol ba gang zhe na/gtan du spong ba'i gnyen po skyes pas nyon mongs pa'i phyogs su gtogs pa'i gnas ngan len thams cad shin tu sbyangs pa'i phyir/ gnas yongs su gyur ba'i nyon mongs pa rnams gtan mi skye ba'i chos can du gyur pa gang yin pa de la ni rnam par grol ba zhes bya'o//'phags pa nyan thos ci yang med pa'i skye mched kyi 'dod chags dang bral ba ni 'du shes med 'du shes med min skye mched 'du byed kyi lhag ma srid pa'i rtse mo bsgrubs te gnas nas de ma thag tu zag pa rnams zad pa thob par 'gyur ro/ /lhag ma'i gnas skabs kyi tshe ni de'i zag pa rnams mthar gyis spong bar 'gyur te nam ci yang med pa'i skye mched kyi 'dod chags dang bral ba ma thob kyi bar du re zhig de ma thag tu zag pa zad pa thob par mi 'gyur ro//de la 'dod pa dang mtshungs par ldan pa'i ma rig pa ma gtogs pa'i nyon mongs pa rnams ni 'dod pa'i zag pa'o/ / sems can 'dod chags dang ma bral ba rnams dang 'dod chags dang bral ba rnams kyi gzugs dang gzugs med pa dang mtshungs par ldan pa'i ma rig pa ma gtogs pa ni srid pa'i zag pa'o/ /mu stegs can rnams ni ma gtogs te de dag ni log pa'i rtog pas rmongs par byas pa'i lta ba ngan pa rnams kyis sems zil gyis non pas lta ba de la brten nas kha cig ni 'dod pa yongs su tshol bar byed do//kha cig ni 'dod pa'i 'dod chags dang bral ba nas 'du shes med 'du shes med min skye mched kyi bar du yongs su tshol bar byed de de dag gi khams gsum gyi mi shes pa gcig tu bsdus pa ni ma rig pa'i zag pa rnam par gzhag par rig par bya'o//gzhi rnam pa dgu la kun du sbyor bas na kun du sbyor ba dgur rig par bya ste/ gzhi rnam pa dgu gang zhe na/ 'di lta ste/ khyim pa'i phyogs la brten te chags su rung ba'i sems can dang sems can ma yin par grags pa'i yul la 'dod chags kyi kun nas dkris pa dang /phyogs de nyid kyi mi mthun pa'i sems can dang sems can ma yin par grags pa'i yul la khong khro ba'i kun nas dkris pa dang / sems can du grags pa la nga rgyal gyi kun nas dkris pa dang / nyes par bshad pa'i chos can rnams kyi rab tu byung ba'i phyogs la brten te/ 'di lta ste/ dam pa'i chos ma yin pa thos pa dang / tshul bzhin ma yin pa sems pa dang / thabs kyis yongs su ma zin pa'i bsgom pa la log par mos pa rnam pa gsum gyi kun nas dkris pa dang /legs par gsungs pa'i chos 'dul ba la ma mos pa'i kun nas dkris pa dang / rab tu byung ba'i phyogs la brten pa'i shes pas dbul ba dang / khyim pa'i phyogs la brten pa'i longs spyod kyis dbul ba ste/ gzhi dgu po 'di rnams kyi rjes su chags pa'i kun du sbyor ba la sogs pa kun du sbyor ba dgu po rnams mthun mthun du kun du sbyor bar byed do//de la phrag dog gis bsgyur te chos mthun pa rnams la chos kyi ser sna byed pa des ni phyi ma la shes pas dbul bar 'gyur ro/ /lhag ma yang mthun mthun du sbyar bar bya'o/ /de la 'dod chags kyi 'ching bas bcings pas bde ba tshor bar 'gyur ba'i yul las sems lhag par btang snyoms su byed mi nus so//de bzhin du zhe sdang gi 'ching bas sdug bsngal tshor bar 'gyur ba'i yul dang / gti mug gi 'ching bas sdug bsngal yang ma yin bde ba yang ma yin pa tshor bar 'gyur ba'i yul te/de bas na 'ching ba gsum mo/ /nyon mongs pa'i phyogs su gtogs pa'i gnas ngan len gyi rten du gnas pa ni bag la nyal zhes bya ste/ kun nas dkris pa skye ba'i sa bon lta bu yin no/ /de yang 'dod chags dang ma bral ba'i phyogs su gtogs pa'i bye brag dang /'dod chags dang bral ba'i phyogs su gtogs pa'i bye brag dang gnyi ga'i phyogs su gtogs pa'i bye brag gis rnam pa bdun du rnam par gzhag ste/ de la 'dod chags dang ma bral ba'i phyogs su gtogs pa'i bye brag gis ni 'dod pa'i 'dod chags dang khong khro ba'i bag la nyal lo//'dod chags dang bral ba'i phyogs su gtogs pa'i bye brag gis ni srid pa'i 'dod chags kyi bag la nyal lo/ /de gnyi ga'i phyogs su gtogs pa'i bye brag gis ni nga rgyal dang ma rig pa dang / lta ba dang the tshom gyi bag la nyal te/ 'di rnams kyis ni nyon mongs pa thams cad bsdus so//nye ba'i nyon mongs pa rnams ni chags pa mi dge ba'i rtsa ba dang / de bzhin du zhe sdang dang / gti mug dang / khro ba dang / khon du 'dzin pa ste rgyas par ni dngos po phran tshegs kyi mdo las 'byung ba bzhin te/ de la mi dge ba thams cad kun nas slong ba ni chags pa mi dge ba'i rtsa ba zhes bya'o//zhe sdang dang / gti mug kyang de dang 'dra bar rig par bya'o/ /kha'i nyes rtsom khong khro ba'i kun nas dkris pa ni khro ba'o/ /nang gi bsam pa la yod pa ni khun du 'dzin pa'o/ /sdig pa mkhyud pa ni 'chab pa'o/ /nyon mongs pa can gyis yongs su yi chad pa ni yongs su gdung ba'o//nyon mongs pa can gyi sems kyis gzhan gyi 'byor ba la mngon par mi dga' ba ni phrag dog go/ /yo byad rnams la kun du 'dzin pa ni ser sna'o/ /slu ba'i bsam pas bdag nyid gzhan du sems la gzhan du ston pa ni rgyu'o/ / sems mi drang ba'i phyir mi mngon pa dang mi gsal ba dang brda phrad par mi byed pa ni g.yo'o/ /bdag la brten nas kha na ma tho bas mi 'dzem pa ni ngo tsha mi shes pa'o/ /gzhan la brten nas kha na ma tho bas mi 'dzem pa ni khrel med pa'o/ /chung ngu bas bdag che'o snyam pa'am mtshungs pa dang mtshungs so snyam pa'i sems kyis 'gying ba ni nga rgyal lo//mtshungs pa bas bdag che'o snyam pa'am che ba dang mtshungs so snyam pa'i 'gying ba ni che ba'i nga rgyal lo/ /che ba bas kyang bdag ches che'o snyam pa'i 'gying ba ni nga rgyal las kyang nga rgyal lo/ /'du byed rnams la bdag gam bdag gir yang dag par lta ba'i 'gying ba ni nga'o snyam pa'i nga rgyal lo//khyad par rtogs pa ma thob par bdag gis thob bo snyam pa'i 'gying ba ni mngon pa'i nga rgyal lo/ /ches khyad par du 'phags pa bas bdag cung zad tsam gyis chung ngo snyam pa'i 'gying ba ni chung ba'i nga rgyal lo//yon tan dang ldan pa ma yin bzhin du bdag ni yon tan dang ldan pa'i snyam pa'i 'gying ba ni log pa'i nga rgyal lo/ /'byor ba gang yang rung ba zhig gis nyon mongs pa can gyi sems kyi dregs pa ni rgyags pa'o/ /dge ba'i phyogs la mi rtsom pas sdig pa mi dge ba'i chos rnams las sems kun du mi srung ba ni bag med pa'o//bla ma dang yon gnas la mi 'dud pa ni khengs pa'o/ /mtshon thogs pa dang / dbyug pa thogs pa dang / 'thab pa dang / mtshang 'dru ba dang / 'gyed pa dang / rtsod pa kun du slong bar byed pa'i nyon mongs pa'i kun nas dkris pa ni nyes rtsom mo//nyon mongs pa can gyi sems kyis yon tan yod par yid ches par bya ba'i phyir spyod lam bsgyur ba ni tshul 'chos pa'o/ /nyon mongs pa can gyi sems kyis bdag gi yon tan gleng ba'am brten pa'i tshul kun du spyod pas tshig gi lam 'jam po kun du spyod pa ni kha gsag go/ / nyon mongs pa can gyi sems kyi mtshan mas 'dod pa'i bsam pa ston pa ni gzhogs slong ngo / /nan gyis slong ba ni thob kyis 'jal ba'o/ /ci rnyed pa tsam gyis chog mi shes te/ gzhan gyi rnyed pa bstan pas rnyed pa la lhag par slong ba ni rnyed pas rnyed par byed 'dod pa'o/ /yon tan la yid ches par gyur pa dang /ha cang byams ches pas bla ma rnams la zhes med pa ni ma gus pa'o/ /tshig mi bzod pa ni bka' blo mi bde ba'o/ /gnod pa la 'dzud pa'i bshes gnyen ni sdig pa'i grogs po'o/ /zang zing la 'chums pas mi bde ba'i yon tan ston zhing yid ches par byed par 'dod pa ni sdig pa 'dod pa'o//che ba rnams las rnyed pa dang bkur sti chen po 'dod pa ni 'dod chen no/ /nyon mongs pa can gyi sems kyis mi bde ba'i yon tan ston cing yid ches par byed 'dod pa ni 'dod pa can no/ /gshe ba la phyir gshe ba ni mi bzod pa'o/ /khro ba dang rdag pa dang mtshang 'dru ba la phyir mtshang 'dru ba yang de dang 'dra'o//bdag gi longs spyod rnams la rjes su chags pa ni zhen pa'o/ /gzhan gyi longs spyod rnams la rjes su chags pa ni yongs su zhen pa'o/ /de bzhin du bzang po rnams dang ngan pa rnams la yang mthun mthun du sbyar bar rig par bya'o//yul rnams la lhag par zhen pa ni 'dod chags so/ /nyes par spyod pa rnams la lhag par zhen pa ni chos ma yin pa'i 'dod chags so/ /bdag dang pha ma la sogs pa'i longs spyod dang / yang dag pa'i longs spyod dang / gzhan gyi rdzas gtams pa la kun du 'dzin pa ni mi bzad pa'i chags pa'o//'du byed rnams la bdag gam bdag gir mthong na rtog pa dang lhan cig skyes pa'i lta ba ni 'jig tshogs la lta ba'o/ /'jig tshogs la lta ba la brten nas 'du byed rnams rtag par lta ba ni srid pa'i lta ba'o/ /chad par lta ba ni med par lta ba'o//sgrib pa lnga ni snga ma bzhin du 'di lta ste/ mnyam par gzhag pa'i sa las 'byung ba dang 'dra bar rig par bya'o/ /mi 'dod pa bzhin du dus ma yin par gnyid kyis kun nas dkris pas non pa ni snyom pa'o/ /gnas ma yin pa la 'dod pa ni dga' ba ma yin pa'o//lus kyi gnas ngan len rags pas sems las su mi rung bar gyur nas lus brkyang bskum byed pa ni bya mangs so/ /kha zas nyungs pa dang mangs pa mi shes pa ni zas kyi tshod mi shes pa'o/ /bya ba'i rigs pa mi byed pa dang / bya ba'i mi rigs pa byed pa la ji ltar thos pa dang bsams pa dang /bsgoms pa'i chos rnams la bag med pa sngon du btang nas mi 'jug pa ni yid la mi byed pa'o/ /sems dmigs pa la btags pa'i yur ba'i gnyid kyis non pa'i phyir mi rigs par 'jug pa dang / bdag nyid la khyad du gsod pa ni sems zhum pa'o//pha rol la gnod pa'i rang bzhin can ni gdug pa'o/ /'phyas 'dogs pa'i rang bzhin can ni 'phya skyen pa'o/ /slob dpon dang / bla ma dang / yon gnas dang / chos mthun pa pa la ni slu ba mi drang ba'o/ /lus dang ngag gi las brlang la sems rtsub cing mi des ba ni mi mnyen pa'o//tshul khrims dang /lta ba dang / spyod pa dang / 'tsho ba mi mthun pa ni mi mthun par 'jog pa'o/ /chags pa'i sems kyis 'dod pa rnams la dmigs nas yid kyis rtog cing goms par byed pa dang / yang dang yang du byed pa ni 'dod pa'i rtog pa'o/ /gzhan gyis gnod pa byas pa'i rgyu la dmigs nas sdang ba'i sems kyis rtog cing goms par byed pa dang / yang dang yang du byed pa ni gnod sems kyi rtog pa'o/ /rnam par 'tshe ba'i sems kyis gzhan la gnod pa bya ba la dmigs nas yid kyis snga ma bzhin du byed pa ni rnam par 'tshe ba'i rtog pa'o//nyon mongs pa can gyi sems kyis gnyen rnams la dmigs nas yid kyis snga ma bzhin du byed pa ni gnyen la rtog pa'o/ /nyon mongs pa can gyi sems kyis yul gyi mi rnams la dmigs nas snga ma bzhin du byed pa ni yul gyi mi la rtog pa'o//nyon mongs pa can gyi sems kyis rang gi don thob par bya ba'i phyir dus gzhan la lta ba la dmigs nas yid kyis snga ma bzhin du byed pa ni mi 'chi ba'i rtog pa'o/ /nyon mongs pa can gyi sems kyis bdag dang gzhan rnams kyi tha ma dang rab la dmigs nas yid kyis snga ma bzhin du byed pa ni khyad du gsod pa dang mtshungs par ldan pa'i rtog pa'o//nyon mongs pa can gyi sems kyis sbyin bdag dang 'dris pa'i khyim rnams kyi 'byor pa la dmigs nas yid kyis rtog cing goms par byed pa dang /yang dang yang du byed pa de ni rigs kyi 'byor ba dang mtshungs par ldan pa'i rtog pa'o/ /mya ngan la sogs pa ni snga ma bzhin du rig par bya'o/ /kun du spyod pa ni kun nas dkris pa yin pa'i phyir nyon mongs pa thams cad la kun nas dkris pa yod do/ / nye ba'i nyon mongs pa brgyad po rnams ni dus skabs bzhir rgyun mi 'chad par kun du spyod de/ de bas na de rnams nyi tshe kun nas dkris par rnam par gzhag go/ /de la lhag pa'i tshul khrims kyi bslab pa'i tshe ni ngo tsha mi shes pa dang khrel med pa kun du spyod pa'i sgo nas sgrib par byed do//lhag pa'i sems kyi bslab pa'i tshe ni rmugs pa dang gnyid do/ /lhag pa'i shes rab kyi bslab pa'i tshe chos rnams rab tu rnam par 'byed pa ni rgod pa dang 'gyod pa'o/ /chos mthun pa pa rnams dang phan tshun chos dang zang zing la longs spyod pa'i tshe ni phrag dog dang ser sna kun du spyod pa'i sgo nas sgrib par byed do//'dod pa'i 'dod chags dang gnod sems la sogs pa 'dod pa dang mtshungs par ldan pa'i nyon mongs pa spyod pa'i 'dod pa dang mtshungs par ldan pa'i nyon mongs pa chen po ma spangs pa ni 'dod pa'i chu bo'o/ /srid pa dang lta ba dang ma rig pa'i chu bo yang de bzhin du mthun mthun du rig par bya'o//'dod pa'i 'dod chags dang ma bral ba mu stegs can ma brtags pa rnams kyi ni 'dod pa'i chu bo'o/ /'dod chags dang bral ba rnams kyi ni srid pa'i chu bo'o/ /mu stegs can rnams kyi ni phal cher chu bo gnyis su rig par bya ste / lta ba ngan pa gang yin pa dang / lta ba ngan pa'i rgyu gang yin pa gcig tu bsdus pa'o/ /mtshungs par spyod pa rnams kyi lhag chad med pa'i nyon mongs pa de dag nyid la ni sbyor ba rnams zhes bya'o/ /phyogs gnyis kyi ni nye bar len pa rnam pa bzhir rnam par gzhag par rig par bya ste/khyim pa'i phyogs dang /'di las phyi rol ba'i rab tu byung ba'i phyogs kyi'o/ /de la gang nye bar len pa dang / gang gis nye bar len pa dang / gang gi phyir nye bar len pa de dag thams cad ni nye bar len pa zhes bya'o/ /de la ci nye bar len zhe na 'dod pa rnams dang /lta ba dang / tshul khrims dang / brtul zhugs dang / bdag tu smra ba nye bar len to/ /gang gis nye bar len zhe na/ 'dun pa dang 'dod chags rnam pa bzhis so/ /gang gi phyir nye bar len zhe na/ 'dod pa rnams thob par bya ba'i phyir dang longs spyod pa'i phyir ni dang po'o//rnyed pa dang bskur sti'i dbang du byas nas gzhan la klan ka tshol ba'i phyir ram/ gal 'dzin pa las thar par bya ba'i phyir ni gnyis pa'o/ /zhi gnas kyi yan lag la brten cing gnas nas 'jig rten gyi 'dod chags dang bral bar 'gyur bar bya ba nas/'du shes med 'du shes med min skye mched kyi snyoms par 'jug pa'i bar gyi phyir ni gsum pa'o/ /las byed pa dang / de'i 'bras bu la longs spyod pa'i skyes bu'am/ 'jug pa dang ldog pa'i skyes bur rnam par brtags pa'i rjes su tha snyad 'dogs pa'i phyir ni bdag tu smra ba nye bar len to//nye bar len pa bzhi po de dag ni phyogs gnyis kyi yin te/ 'dod pa la longs spyod pa'i khyim pa'i phyogs dang nyes par bshad pa'i chos 'dul ba la rab tu byung ba'i phyogs kyi'o/ /chos 'di pa rnams kyis ni nye bar len pa thams cad spong ba'i yongs su shes pa gsungs pa ston par khas blangs te/nyon mongs pa dang bcas pas 'chi ba'i dus byed du zin kyang de dag gis nye bar len pa gang yang rnam par gzhag pa med de/ 'di ltar de dag ni 'dod pa rnams la mi lta bar rab tu byung la lta ba dang tshul khrims dang brtul zhugs dang /bdag tu smra ba yang khas mi len to/ /nyes par bshad pa'i chos can de dag la ni tha dad pa rnam pa gnyis yod de/ lta ba dang 'dod pa phan tshun mi mthun par smra ba rnams dang / 'jig rten pa'i snyoms par 'jug pa rnams so/ /de la lta ba dang 'dod pa phan tshun mi mthun pa rnams kyi phyir ni lta ba'i nye bar len pa rnam par gzhag go//'jig rten pa'i snyoms par 'jug pa rnams kyi phyir ni tshul khrims dang brtul zhugs kyi nye bar len pa rnam par gzhag go/ /phyogs de gnyi ga la brten pa rnams ni bdag tu smra ba'i khongs su gtogs pa ste de bas na phyogs de gnyi ga'i phyir ni bdag tu smra ba'i nye bar len pa rnam par gzhag go//de la lta ba drug cu rtsa gnyis ni snga ma bzhin no/ /lus kyi sdom pa dang / ngag gi sdom pa log pa'i rtog pa las byung ba'i lta bas gnod par byas pa ni tshul khrims so//de dang 'tsham pa'i rtags dang cha lugs dang zas dang skom dang spyod lam dang spyod pa dang yi dam ni brtul zhugs so/ /bdag ni bden pa dang gnas pa'i sgo nas yod do zhes smra ba gang yin pa de ni bdag tu smra ba zhes bya'o/ /de la bden pa ni rdzas su yod pa'i phyir ro//gnas pa ni rnam par gzhag pa'i sgo nas so/ /de la 'dod pa'i srid pa'i rkyen gyis byung ba ni 'dod pa'i nye bar len pa'o/ /shes so bar smra ba la brten nas rnyed pa dang bkur sti la sred pa'i rkyen gyis byung ba ni lta ba'i nye bar len pa'o/ /snyoms par 'jug pa la sred pa'i rkyen gyis byung ba ni tshul khrims dang brtul zhugs kyi nye bar len pa'o//yod pa dang med pa la sred pa'i rkyen gyis byung ba ni bdag tu smra ba'i nye bar len pa'o/ /mdud pa ni bzhi ste snga ma bzhin du 'di las phyi rol pa rnams nyi tshe'i yin par rig par bya'o//sgrib pa lnga ni gnas skabs lnga dang mi mthun pa las rnam par gzhag par rig par bya ste/ khyim na gnas pa'i yul gyis 'phrog pa'i phyir bstan pa dang / mi mthun pa'i sgo nas ni 'dod pa'i 'dun pa'o/ /chos mthun pa pa rnams kyis gleng ba dang / smra dbab pa dang / rjes su bstan pa la sogs pas 'dul ba mi bzod pas yang dag par dga' bar bya ba'i chos dang mi mthun pa'i sgo nas ni gnod sems so/ /zhi gnas dang mi mthun pa'i sgo nas ni rmugs pa dang gnyid do/ /lhag mthong dang mi mthun pa'i sgo nas ni rgod pa dang 'gyod pa'o//chos kyi 'phel ba'i gtam nges par byed pa dang / /chos spyod pa dang / ston pa'i bstan pa dang mya ngan las 'das pa la mos pa dang mi mthun pa'i sgo nas ni the tshom gyi sgrib pa'o/ /'dod chags dang zhe sdang dang gti mug gi kun nas dkris pa gang gis kun nas dkris pa'am bag la nyal du gyur pas rang gi don 'thob pa la sems las su mi rung zhing sems 'jom po ma yin pa de dag ni tha ba rnams so//yul ngan pa la 'dod chags pa ni dri ma zhes bya'o/ /'khrul pa'i 'os ma yin pa'i gzhi la zhe sdang ba ni dri ma zhes bya'o/ /gsal zhing byis pa'i skye bos kyang brda phrad pa'i gzhi la gti mug pa ni dri ma zhes bya'o//'dod chags dang zhe sdang dang gti mug rgyun du kun du spyod pas rtag tu 'joms pas na/ rtag 'joms rnams zhes bya'o/ /ngo tsha shes pa dang khrel yod pa dang bral te ngo tsha mi shes pa dang khrel med pas gcig tu nges par rgyun du 'dod chags dang zhe sdang dang gti mug rnams ma bsdams pa ni zug rngu rnams zhes bya'o //ngo tsha shes pa dang khrel yod pa 'dres te/ rgyud kyi sgo nas ni yod la skad cig pa'i sgo nas ni med de bsam pa yod pa ni mdud par bsdus pa gang yin pa'i ngan pa'i don gyis tha chad ces bya'o//lus kyi las mi dge ba thams cad ni nyes par spyod pa'o/ lus ji lta ba bzhin du ngag gi las dang yid kyi las kyang de dang 'dra ste/ ngan 'gror 'gro ba'i las kun du spyod pa'i phyir rjes su thob par gyur cing rjes su thob par 'gyur la rjes su 'thob pas na de'i phyir nye bar spyod pa zhes bya ste/'dis ni las kyi kun nas nyon mongs pa bstan to/ /snga mas ni nyon mongs pa'i kun nas nyon mongs pa bstan to/ /'di gnyis ni las kyi kun nas nyon mongs pa rnam par gzhag pa smra ba ste/ log par smra ba dang / yang dag par smra ba'o/ /de la gang 'di skad du ched du bsams te las mi dge ba ci byas pa de dag thams cad ni nges par yang yin la ngan song myong bar 'gyur ba yang yin no zhes smra ba des ni mya ngan las 'da' bar bya ba'i phyir tshangs par spyod pa la gnas pa la skur ba btab pa yin no//de ci'i phyir zhe na/ gang gi tshe 'di nyid la yang ched du bsams te/mi dge ba'i las ma byas pas de lta bu'i sems can yang rnyed par sla ba ma yin na tshe rabs gzhan dag tu lta ci smos te/ des na de dag ngan song du 'gro bar nges pas na su la yang thar par 'gyur ba'i skabs med par 'gyur te/ de bas de ni log par smra ba yin par rig par bya'o//gang 'di skad du ched du bsams te/ mi dge ba'i las byas la gal te de ltar byas nas bsags par gyur na ni de lta na de phyi ma la mi sdug pa'i ngan song myong bar nges par 'gyur ro/ /de lta ma bsags na ni de'i de chos yang dag par blang ba gang dang gang la brten pa bde ba'am sdug bsngal bar byas par gyur ba de'i ni de lhan cig byed par nges par 'gyur te/tshe 'di nyid la bde ba myong ba'am/ sdug bsngal ba myong bar 'gyur ro zhes smras te / de lta na ni las gang byas nas 'gyod pa med cing gnyen po ma bsten pa'i gang zag de'i las de ni bsags par 'gyur ba yang yin no//'bri bar 'gyur ba gang yin pa de ni tshe 'di kho na la myong bar 'gyur ba yin du zin kyang de ni ngan song myong bar 'gyur ba yang yin la tshe 'di la yang thar pa'i bar du gcod par yang byed do/ /gzhan yang las de byas na 'gyod par yang byed la gnyen po dang yang bcas pa'i gang zag de'i las de ni bsags par yang mi 'gyur te/bsags par 'gyur ba gang yin pa des ngan song myong bar 'gyur du zin kyang de ni tshe 'di kho na la myong bar 'gyur la thar ba'i bar du gcod par yang mi byed do/ /de bas na des ni tshangs par spyod pa la gnas pa dang /mya ngan las 'das pa la skur ba btab pa ma yin no/ /des na 'di ni yang dag par smra ba yin par rig par bya'o/ /de la gnyen po rnam pa bcu med na ni las kyi kun nas nyon mongs pas kun nas nyon mongs par byed la rnam pa bcu po de dag yod na ni rnam par dag par 'gyur te/'di lta ste/ gnyen po gang gis byas ma thag tu bsags par mi 'gyur te/ phyi ma la myong ba ma nges pa dang / gnyen po gang gis ma spangs su zin kyang mi myong bar byed pa dang / gnyen po gang gis spong bar yang byed la bral bar yang 'gyur ba dang /de bzhin du dbang po'i sgo bsdams pas lhag pa'i tshul khrims kyi bslab pa bsgom pa'i phyir lus bsgom pa dang / lhag pa'i sems bsgom pa'i phyir lhag pa'i tshul khrims bsgom pa dang / lhag pa'i shes rab bsgom pa'i phyir lhag pa'i sems bsgom pa dang /zag pa spang ba'i phyir lhag pa'i shes rab bsgom pa dang sems drag pos bsgom pa dang / yun ring por bsgom pa dang / gnyen po sgom du ma bsgom pa ste/ las kyi kun nas nyon mongs pa'i gnyen po rnam pa bcu po 'di dag med na ni kun nas nyon mongs par 'gyur ro//de las bzlog pa ni rnam par byang bar 'gyur bar rig par bya'o/ /tshe 'di nyid la lus dang ngag dang yid kyi las shin tu ma bsdams par gnas pa'i ni sngon gyi las mi dge ba byas shing bsags pa gang yin pa de phyi ma la kun nas nyon mongs par 'gyur ro//lus dang ngag dang yid kyi las shin tu bsdams par gnas pa'i ni kun nas nyon mongs par mi 'gyur ro/ /tshe 'di la lus dang ngag dang yid kyi las shin tu ma bsdams par gnas pa ni ji lta bu lus la sogs pa'i las shin tu bsdams par gnas pa ni ji lta bu yin zhe na/ji ltar 'di na kha cig lus dang ngag dang yid kyi las mi dge ba'i kun nas dkris pa'i nyes rtsom dang / de skyed par byed pa'i tshul bzhin ma yin pa yid la byed pa dang mtshungs par ldan pa'i ma rig pa'i nyes rtsom ni spangs la lus dang ngag dang yid kyi las dge ba yang yang dag par blangs te gnas pa de la ni tshe 'di nyid la de'i rgyus nyon mongs pa dang log pa'i 'dun pa dang /rtog pa dang yongs su tshol ba las byung ba'i sdug bsngal gyi khyad par rnams mi 'byung ngo / /des de spangs pa yang dag par blangs pa tsam gyis chog par bzung nas tshe 'di la 'phags pa'i lam skyed par mi byed cing mya ngan las 'das pa mngon sum du mi byed do//de ltar bsdams par gnas pa de ni tshe 'di la sdig pa mi dge ba'i chos mi byed cing mi sogs mod kyi 'on kyang nyon mongs pa'i bdag la nyal gyi bcing bas bcings pas na shi ba'i 'og tu yang srid par skye ba mngon par 'grub par 'gyur te/yang srid par skye ba der sngon gyi las kyi rkyen la brten nas kun nas nyon mongs pa bskyed par 'gyur ro/ /lus dang ngag dang yid kyi las shin tu bsdams par gnas pa'i khyad par ni 'di yin te spangs pa yang dag par blangs ba de la gnas pa de ni gsar du yang las mi byed la/las rnying pa nyams su myong ste/ rnam par smin pa rnam par smin pa'i sgo nas zad par byed la spangs pa yang dag par blangs pa de tsam gyis kyang chog par mi 'dzin te/ tshe 'di nyid la 'phags pa'i lam yang skyed cing de'i 'bras bu mya ngan las 'das pa yang mngon sum du byed do//de de'i tshe ji srid du rnam par shes pa dang bcas pa'i lus gnas pa de srid du tshe 'di la sngon gyi las kyis 'phangs pa'i tshor ba myong bar 'gyur ro/ /de'i rnam par shes pa dang bcas pa'i lus de yang ji srid tshe ma zad pa de srid du gnas so//tshe zad nas rnam par shes pas lus spangs nas de phyin chad ni srog gi dbang po rnam par smin par mi 'gyur te/ des na de'i rnam par shes pa tshor ba thams cad dang bcas par 'dir 'gags pas phyi ma la nying mtshams sbyor bar mi 'gyur ro//de'i tshor ba grib ma bzhin du rnam par shes pa'i shing la brten pa de yang rnam par shes pa'i shing 'gags pas thams cad kyi thams cad du med par 'gyur ro/ /de'i tshe de'i sngon gyi las de las de ni rgyu gnyis kyis phyi ma la kun nas nyon mongs par mi 'gyur te/grogs nyon mongs pa gang gis kun nas nyon mongs par 'gyur ba de ma lus par spangs pa'i phyir dang / gang du rnam par smin par 'gyur ba na kun nas nyon mongs par 'gyur ba ste/ 'di lta ste/'du byed kyi rgyud de yang ma lus par 'gags pa'i phyir ro/ /de de'i tshe sems can rnams la mdza' ba'i bsam pas kho na med pa'i sems su 'gyur te/de la dmigs pa'i gnod sems spangs pas gnod sems su gyur pa'i sems med do/ /sdig pa'i las la nyes dmigs su lta ba'i phyir de spangs pa yang dag par blangs pas 'dod chags dang bral ba'i sems su yang 'gyur ro//de'i gnyen po lam thob pas yang dag par sems shin tu rnam par grol bar yang 'gyur ro/ /de ltar gyur pa des ni rtag tu gnas par bya ba drug thob pa yin te de rnams kyis ni de la shas cher gnas pa de'i spong ba de dge bar gcig tu nges pa kho nar 'gyur te/tshe 'di la sdig pa mi dge ba'i las kyi rkyen yod du zin kyang rnam par 'dre bar mi 'gyur ba 'di ni de'i sdom pa la gnas pa snga ma las khyad par du 'phags par rig par bya'o/ /las kyi rnam par smin pa myong bar 'dogs shing smra ba ni rnam pa lngas kun nas nyon mongs pa can yin par rig par bya'o//rnam pa lngas ni kun nas nyon mongs pa can ma yin par rig par bya'o/ /rnam pa lnga po gang dag gis kun nas nyon mongs pa can yin zhe na/ 'di lta ste/ rgyu mi mthun par 'dogs pa dang / rgyu med par 'dogs pa dang / rgyu mi mthun pa dang rgyu med par 'dogs pa'i nyes pa rnam pa gsum gyis so/ /de la rgyu mi mthun par 'dogs pa ni ji ltar 'di na kha cig 'di ltar lta zhing 'di skad du smra ste/ skyes bu gang zag 'dis nyams su myong bar 'gyur ba ci yang rung ba de dag thams cad ni sngon byas pa'i rgyu las byung ba yin no snyam mo//dbang phyug gis sprul pa'i rgyu las byung ba yang de dang 'dra'o/ /rgyu med rkyen med par nyams su myong ngo zhes bya ba ni rgyu med par 'dogs pa'o/ /der 'dogs pa'i nyes pa rnam pa gsum gang zhe na/tshe 'di la mi dge ba dang ldan pa'i tshor ba ni sngon gyi las kyi rgyu las byung na yang nyes pa yod la tshe 'di'i las kyi rgyu las byung na yang nyes pa yod de/ gal te sngon gyi mi dge ba'i las kyi rgyu las byung ba yin na ni de lta na chos yang dag par blangs pa kha cig bde ba yin la mi dge ba yang yod na de la mi dge ba'i tshor ba gang yin pa de sngon gyi mi dge ba'i las kyi rgyu las byung bar mi rung ngo //de ci'i phyir zhe na/ sngon gyi mi dge ba'i tshe 'di la bde bar rnam par smin par mi rung ba'i phyir ro/ /gal te tshe 'di'i mi dge ba'i las kyi rgyu las byung ba yin na ni/de lta na de'i rgyu mi mthun par smra ba dang / rgyu med par smra ba de dam bcas pa nyams par 'gyur te thams cad sngon byas pa'i rgyu las byung ba'o zhes rgyas par sbyar ba 'di ni nyes pa dang po'o/ /gzhan yang gal te mi dge ba yang sngon gyi mi dge ba'i las kyi rgyu las byung bar nges la/dge ba yang dge ba'i rgyu las byung ba yin na ni de lta na de dag gis mi dge ba'i gnyen por dge ba yang dag par brtsams pa dang ldan pa'i brtson 'grus rtsom pa gang ci yang rung ba de dag kyang don med par 'gyur te/'di ni nyes pa gnyis pa'o/ /gzhan yang skyes bu'i byed pa med pa na dge ba dang mi dge ba las brtsams te bya ba dang mi bya ba brtags pa'i yang dag pa ji lta ba'i shes pa yang mi dgos par 'gyur te/ shes pa'i 'og tu 'di ni yongs su spang bar bya'o//'di ni nan tan du bsgrub par bya'o snyam pa de med na de yang med par 'gyur ba'i phyir yang dag pa'i shes pa yang mi rung ngo / /shes pa dang mi ldan na ni dran pa gnas par yang mi 'gyur ro/ /dran pa gnas par ma gyur na ni ting nge 'dzin kyang med do/ /mnyam par ma bzhag pa rnams kyi sems ni rtog pa ngan pa dag gis mgo rmongs par byed do//mgo rmongs pa rnams kyi dbang po rnams ni byis pa dang mtshungs par shes par bya'o/ /byis pa dang mtshungs par gyur pa rnams kyi ni dge sbyong gi chos dang ldan pa'i dge sbyong du smra ba gang yin pa de yang nyams par 'gyur te/'di ni nyes pa gsum pa'o/ /'di dag ni mdor bsdu na nyes pa gsum pa ste/ 'di lta ste/ da ltar byung ba'i mi dge ba'i tshor ba rgyu med pa las byung ba'i nyes pa dang / brtson 'grus la skur ba btab pa'i nyes pa dang / shes pa la skur ba btab pa'i nyes pa'o//las kyi rnam par smin pa nyams su myong bar 'dogs pa kun nas nyon mongs pa ma yin pa rnam pa lnga gang zhe na/ 'di lta ste/ gang gis nyams su myong bar 'gyur ba dang / cis nyams su myong bar 'gyur ba dang / ji ltar nyams su myong bar 'gyur ba dang /nyams su myong ba na ji ltar kun nas nyon mongs pa can du 'gyur ba dang / ji ltar rnam par byang bar 'gyur ba'o/ /de la nye bar len pa'i phung po lnga la brten nas gang zag tu 'dogs pa ni gang gis nyams su myong ba'o/ /de yang reg pa'i skye mched drug gis nyams su myong ngo //de la ma'i lto na 'dug pa'i khu chu dang khrag gi 'byung ba chen po bzhi la brten pa dang / nying mtshams sbyor ba'i rnam par shes pa las dang nyon mongs pas bsdus pa dang ma'i lto na khong stong yod pa ni bu 'chags par 'gyur ba yin no/ /de nas ming dang gzugs so//de nas skye mched drug go/ /de nas reg pa'o/ /de nas tshor ba ste de ltar go rims 'di bzhin du tshor bar 'gyur ro/ /tshor ba de'i rgyu ni tshe 'di'i reg pa yang yin la sngon gyi las kyang rgyu yin no/ /gal te dam pa'i chos ma yin pa thos pa la brten nas tshul bzhin ma yin pa yid la byed pa'i rgyus ma rig pa'i 'dus te reg pa las byung ba'i tshor bas reg par gyur na ni de tshor ba'i rkyen gyis sred pa sred pa'i rkyen gyis phyi ma la skye ba dang rga ba la sogs pa'i bar gyi sdug bsngal gyi khyad par rnams 'byung ste/de ltar ma rig pa'i 'dus te reg pa'i tshor ba myong ba de ni bden pa gnyis kyis kun nas nyon mongs par 'gyur ro//de las bzlog pa dam pa'i chos thos nas tshul bzhin yid la byed pa la brten te/ reg pa'i 'dus te reg pa'i tshor ba myong ba ni bden pa gnyis kyis rnam par byang bar 'gyur ro/// /rnal 'byor spyod pa'i sa las bzhi bsdu ba/ bam po brgyad pa/ las rnam par byang ba log par 'dogs pa dang / log par sgrub pa la nyes dmigs gnyis yod par rig par bya ste/ gnyis gang zhe na/ 'di lta ste/ nang gi rtog pa la slu ba dang /gzhan gyis smad pa'o/ /las rnam par byang ba log par 'dogs pa gang zhe na/ ji ltar 'di na kha cig ston pa ma yin bzhin du bdag nyid ston pa lta bur 'dzin cing 'di ltar log par 'dogs te/ tshe 'di la sdug bsngal myong ba gang ci yang rung ba de dag thams cad ni sngon gyi byas pa'i rgyu las byung ba yin no snyam nas des sngon gyi mi dge ba'i las de rnam pa gnyis kyi rgyur gyur par mthong ste/byed pa de ni sngon gyi las la goms pa las byung ba'i phyir/ tshe 'di'i mi dge ba'i las kyi rgyu dang sdug bsngal de'i rgyu'o/ /de bas na sngon gyi mi dge ba'i las de dag dang 'bras bu sdug bsngal ni dka' thub drag pos 'byang bar 'gyur la phyi ma la mi dge ba'i las rnams byed par mi 'gyur ba'i phyir/tshe 'di la lus dang ngag gis bsdams par gnas pas de ltar phyi ma la gcig tu nges par dge ba byed pa la brtson pa rnams kyis ni mi dge bas skye bar mi 'gyur te de lta na mi dge ba'i las de zad par 'gyur ro//de zad pas sdug bsngal zad cing sdug bsngal mthar thug par 'gyur ro zhe'o/ /log par sgrub pa gang zhe na/ ji ltar 'di na kha cig bdag gi las kyi kun nas nyon mongs pa yang mi shes de'i gnyen po yang mi shes snga ma dang phyi ma'i khyad par rtogs pa yang yang dag pa ji lta ba bzhin du rab tu mi shes te de de ltar kun du rmongs nas ston pa la gzhi med pa'i dad pa dad par bya ba'i gnas ma yin par skyes pas bstan pa la mos par 'gyur te/smra ba ngan pa mi rigs pa'i phyogs su song ba de la brten nas gzhan dag gis rnam par bskyod na yang som nyir bya ba'i gnas la the tshom skyed par mi byed la dri ba'i sgo nas legs par lan thebs pa dang /legs par lan mi thebs pa dang / som nyi rnam par dag par byed pa dang /rnam par dag par mi byed pa'i sgo nas ston pa thams cad mkhyen pa dang / thams cad mkhyen pa ma yin pa yongs su mi tshol la/ ston pa 'das nas ni gtan du som nyi'i gnas la gnas par 'gyur ro/ /de ci'i phyir zhe na/ ston pa gson pa'i tshe ni des thams cad mkhyen pa yin nam ma yin pa nges par rtogs par 'gyur ba zhig na shi ba'i 'og tu su la drir yang med na ji ltar nges par 'gyur te/'di ni log par sgrub pa'o/ /de la ci'i phyir las rnam par byang ba log par 'dogs pa shin tu mi rigs par 'gyur zhe na/rgyu rnam pa gnyis kyis te/ 'di lta ste/ dka' thub drag po de ni sngon byas pa'i rgyu las byung ba yin/ mi srid pa des sngon gyi mi dge ba'i las 'byang bar 'gyur yang mi srid pa'i phyir ro/ /de la brtsal ba chung ngu dang 'bring dang chen pos byas pas tshor ba chung ngu dang / 'bring dang chen po skye ba'i phyir dang / brtsal ba rnam pa gsum dang bral bas brtsal ba las byung ba'i sdug bsngal gyi tshor ba rnam pa gsum mi gnas pa'i phyir sngon byas pa'i rgyu las byung bar mi rung ngo / /dka' thub drag po de la yang sngon gyi las mi dge ba sdug bsngal myong bar 'gyur ba gang yin pa de bde ba myong bar bya ba de'i mthu med pas de ni nges par 'di ltar 'gyur te/bdag nyid yongs su gdungs pas sngon gyi mi dge ba'i las 'byang bar mthong ste/ de ltar gyur na tshe 'di la brtsal ba'i sdug bsngal gyi tshor ba de sngon gyi las mi dge ba sdug bsngal myong bar 'gyur ba gang yin pa de'i 'bras bur gyur pa yin nam ma yin/gal te 'bras bur gyur pa yin na ni dka' thub kyang don med par 'gyur te/ de'i 'bras bu myong ba kho nas zad par 'gyur la de ltar gyur na ni sngon gyi mi dge ba'i las kyi yin gyi dka' thub kyis byang bar 'gyur ba ma yin no//gang dag gi tshe 'di'i 'bras bu nyams su myong bas ni las kyi phyogs gcig de byang bar zad de/ gzhan ni lan grangs gzhan la myong bar 'gyur ba yin pas na / de'i phyir tshe phyi ma la myong bar 'gyur te/ de ni 'bras bu'i sgo nas dka' thub kyis 'byang bar 'gyur du mi rung ngo //gal te brtsal ba'i sdug bsngal de sngon byas pa'i rgyu las byung ba ma yin na ni de lta na nyams su myong bar 'gyur ba gang ci yang rung ba de dag thams cad sngon byas pa'i rgyu las byung ba yin no zhes bya bar mi rung ngo / /ji ltar sdug bsngal myong bar 'gyur ba bde ba myong bar bsgyur du mi rung ba de bzhin du sngon gyi las dge ba bde ba myong bar 'gyur ba de yang sdug bsngal myong ba'am/de gnyi gar bsgyur du mi rung ngo / /gzhan yang tshe 'di la myong bar 'gyur ba gang yin pa de tshe phyi ma la myong bar bya ba dang / tshe phyi ma la myong bar 'gyur ba gang yin de mi myong bar bya ba dang /yongs su ma smin pa gang yin pa de yongs su smin par bya ba dang / yongs su smin zin pa gang yin pa de dang der bsgyur du mi rung ngo / /de la don gyi mdo ni 'di yin te/ dge ba dang mi dge ba las thams cad ni rang bzhin nges pa dang / dus nges pa dang / rnam pa nges pa ste/ de ji ltar nges pa de bzhin du 'bras bu yongs su 'dzin par 'gyur ro/ /de la bdag gis brtsal ba'i sdug bsngal gyi tshor ba rnams kyis ci zhig byar yod do/ /gal te tshor ba de rnams sngon gyi las kyi rgyu las byung ba zhig yin na ni las kyi phyogs gcig de tsam zhig 'byang ba byed par snang bar gyur na yang de dag gi phan yon tsam du 'gyur bar zad la rang gis khas blangs pas na de yang phan yon tsam du yang mi 'gyur te de ltar na gtan du slu ba yin la las kyis bcings pas thar bar yang mi 'gyur te/rnam grangs des na 'di ni log par smra ba dang / log par sgrub pa de'i nyes dmigs dang po ste/ 'di lta ste/nang gi rang gi don la slu ba yin no/ /gzhan gyis smad pa gang zhe na/ de dag ni smra ba rnam pa gnyis dang / dka' thub rnam pa gsum la brten te/ skyes bu gang zag 'dis gang chung zad nyams su myong ba de dag thams cad ni sngon byas pa'i rgyu las byung ba kho na yin no zhes bya ba 'di ni ngan par smra ba gcig ste/rgyu mi mthun par smra ba'i phyir ro/ /gzhan dag ni 'di skad du 'di ltar de thog ma ni dbang phyug gis sprul to/ /de phyin chad ni sngon byas pa'i las kyis nyams su myong bar 'gyur ro zhes smra ba 'di ni ngan par smra ba gnyis pa'o//dka' thub rnam pa gsum ni lus kyi sdom pa dang / ngag gi sdom pa dang / yid kyi sdom pa'o/ /de la lus kyi sdom pa ni lus kyis de las gzhan pa'i sems can rnams dang lhan cig tu mi 'dug ste/ tshang tshing dang / nags tshal dang /dgon pa dang / gnas dben par gnas pas thams cad kyis mi mthong ba 'ba' zhig tu sgrub pa'o/ /de la ngag gi sdom pa ni mi smra ba'i brtul zhugs yi dam du 'dzin pa'o/ /de la yid kyi sdom pa ni brtsal ba'i tshor ba rnams yid kyis dang du mi len pa'o/ /de dag 'di ltar lta ba phun sum tshogs pa rnam pa 'di gnyis dang /dka' thub phun sum tshogs pa rnam pa gsum gyis sdug bsngal las yang dag par 'da' bar 'gyur ro zhes de ltar 'dod cing ston la/ rang yang sdug bsngal las yang dag par 'das par ma gyur pa'i phyir gzhan dag gis smad pa yin no//gal te thams cad sngon byas pa'i rgyu las byung ba dang / dbang phyug gis sprul pa'i rgyu las byung ba dang / dka' thub rnam pa gsum ma btang ba'i rgyu las byung ba yin na ni de ltar na de dag nyid dka' thub rnam pa gsum dang bcas pas sdug bsngal nyams su myong ba na sngon gyi las gnag pa dang /dbang phyug gis kyang sdig pa can du sprul pa dang / dka' thub rnam pa gsum ma btang ba des na da ltar sdug bsngal gyi tshor ba myong bar 'gyur gor ma chag ste/ nang gi rtogs pa la bslus pa de dag gi gzhan la grags shing bsngags pa tsam gyi phan yon lta bu gang yin pa de yang med de 'di ni nyes dmigs gnyis pa ste/yan lag 'dis kyang de dag ni smad pa'i 'os kho na yin no/ /de las bzlog pa las ni las kyi kun nas nyon mongs pa dang / rnam par byang bar smra ba yang dag par 'dogs pa dang /yang dag pa'i nan tan du sgrub pa la phan yon rnam pa gnyis yod par rig par bya ste/ nang gi rtogs pa la slu ba med pa dang / gzhan gyis bsngags pa'o/ /las kyi kun nas nyon mongs pa 'dogs shing smra ba gang zhe na/ las ni 'di gnyis yin te/dge ba dang mi dge ba'o/ /de las 'das pa'i dus nas bzung ste/ dge ba dang mi dge ba'i las byas pas tshe 'di la sdug pa dang mi sdug pa'i rnam par smin pa nyams su myong ba dang / sdug pa dang mi sdug pa nyams su myong nas kyang dge ba dang mi dge ba byed de/des na phyi ma la yang sdug pa dang mi sdug pa nyams su myong bar 'gyur te/ de lta bu ni las kyi kun nas nyon mongs pa yin no/ /gsar du yang mi byed la rnying dang phrad na yang zad par byed pa dang / lhag ma yang gnyen pos spong bar byed pas rnam par byang ba ste/'di ni las kyi kun nas nyon mongs pa dang rnam par byang ba 'dogs shing smra ba bla na med pa'o/ /de la yang dag pa'i nan tan du sgrub pa gang zhe na/ ji ltar chos 'di pa thos pa dang ldan te las kyi kun nas nyon mongs pa la yang kun nas nyon mongs pa gang yin pa dang /rnam par byang ba la yang rnam par byang ba yin par legs par yang dag par rtogs nas mi dge ba'i las ni spong la dge ba ni sgom par byed do/ /de thos pa dang bsams pa las byung ba'i yid la byed pa la sbyor bar byas nas bsgoms pa las byung ba rtogs par bya'o snyam ste/rab tu dben pa'i gnas su 'dug nas sgrib pa rnams dang / sdug bsngal gyi chos rnams las sems yongs su sbyong bar byed do/ /'dod pa'i 'dun pa dang / gnod sems dang / rgod pa dang / 'gyod pa spangs pa'i phyir zhi gnas kyi phyogs su gtogs pa'i sems gnas pa rnam pa dgus sems lhag par btang snyoms su byed la/rmugs pa dang gnyid dang the tshom spang ba'i phyir gzhi'i bye brag rnam pa drug gi lhag mthong gi tshul bzhin gyis sems mngon par 'du byed de/ de bas na zhi gnas kyi phyogs su gtogs pa las langs ma thag pa kho nar yang dag par slob pa'i sdug bsngal ni nges par 'byang bar 'gyur ro//de de ltar sgrib pa rnams las sems rnam par sbyangs nas chos gos dang / bsod snyoms dang /mal cha dang / stan longs spyad cing spyod pa las sems rnam par sbyong bar byed de/ji lta bur chos gos nas mal cha dang stan gyi bar du brten pa de'i mi dge ba'i chos rnams 'phel zhing dge ba'i chos rnams 'grib par 'gyur ba de yongs su spong bar byed la 'dod na yang chos gos la sogs pa'i longs spyod ngan pas 'tsho zhing sdug bsngal dang du len to//de'i chos gos la sogs pa longs spyod bzang ba'i gzhi dag las rgyu rnam pa gnyis kyis sdig pa mi dge ba'i chos rnams skye bar 'gyur te/ 'di lta ste/ 'du shes dang rtog pa'o/ /gnyis gang zhe na/ dge ba la yang yun ring po nas ma goms pas sems las su mi rung ba dang /chos gos la sogs pa la yang 'dun pa'i 'dod chags kyis lhag par chags pa'o/ /gang gi tshe sems kyang las su rung bar byas la chos gos la sogs pa la yang lhag par chags pa mi rtag pa rten cing 'brel par 'byung ba la yang nyes dmigs su mthong ba de'i tshe ni chos gos la sogs pa longs spyod bzang po la 'jug tu zin kyang kun nas nyon mongs par yang mi 'gyur te/de ltar na de ni bde bar yang 'gyur la kha na ma tho ba yang med pa dang / zhi gnas dang lhag mthong bsgom pa'i stobs kyis kyang sgrib pa rnams las sems rnam par sbyangs nas so sor rtog pa'i stobs kyis kyang chos gos la sogs pa phyin ci ma log par longs spyod pas kun nas nyon mongs par mi 'gyur ro//de'i tshe sems rtse gcig pa tsam dang ldan mod kyi de phyi ma la yang kun nas nyon mongs par 'gyur ba'i phyir 'dod pa'i 'dod chags kyi bag la nyal ni ma spangs so//des de shes rab kyis rtogs nas spang ba'i phyir bas mtha'i gnas mal dag tu 'dug ste/ des snga rol du ting nge 'dzin gyi tshogs shin tu yongs su dag par byas nas mthar gyis bsam gtan bzhi pa'i bar du snyoms par 'jug ste de la brten nas bden pa rnams kyang mngon par rtogs la zag pa zad pa yang 'thob cing sems kyang shin tu rnam par grol bar 'gyur ro//sdug bsngal thams cad dang bral ba'i phyir zhi ba dang / phan 'dogs pa'i phyir dge ba dang / lus dang sems thams cad khyab par chub pa'i phyir rgyas pa dang /nyon mongs pa thams cad dang gtan bral ba'i phyir zag pa med pa'i tshor ba myong ste/ 'di ni yang dag par nan tan du sgrub pa zhes bya ste/ de ltar na nang gi rtogs pa la slu ba med do/ /de las bzlog pa ni de'i gzhan gyis bsngags pa rnam pa lngar rig par bya'o//de de'i tshe tshe 'di'i sgrib pa'i kun nas dkris pa'i sdug bsngal de las kyang sems shin tu rnam par grol bar 'gyur la de'i bag la nyal gyi lhag ma spangs pa dang / tshe 'di la 'phags pa'i lam 'bras bu dang bcas pa thob pa'i phyir sngon gyi mtha' dang phyi ma'i mtha'i las kyi rnam par smin pa'i kun nas nyon mongs pa las kyang rnam par grol bar 'gyur ro//gang zag ni gsum ste/so so'i skye bo bstan pa la ma zhugs pa dang / slob pa bstan pa la zhugs pa dang / so so'i skye bo bstan pa la zhugs pa'o/ / de la gang zag dang po ni rnam pa gsum du rig par bya'o/ /gnyis pa dang gsum pa yang de dang 'dra'o/ /de la rnam pa gsum po gang gis dang po shos rig par bya zhe na/ 'di ni gang zag kha cig 'jig rten pa'i yang dag pa'i lta ba dang ldan pa yin te/ 'di lta ste/ sbyin pa yod do zhes bya ba nas rgyas par sbyar ro//de yang phyis dam pa'i chos ma yin pa thos pa dang / tshul bzhin ma yin pa yid la byed pa la brten nas 'jig rten pa'i yang dag pa'i lta ba 'gag par mngon du phyogs par 'gyur la thams cad kyi thams cad du 'gag pa ni ma yin te/ 'gag pa'i rgyur ni 'gyur ro/ /skur pa 'debs pa ni de'i mi mthun pa'i phyogs su 'gyur ba log par lta ba skye bar mngon du phyogs la da dung ni ma skyes te/ skye ba'i rgyu ni yin no/ /de yang bar mdor dam pa'i chos thos pa dang tshul bzhin yid la byed pa la brten nas log par lta bar skye bar mngon du phyogs pa de kun du spyod pa'i sgo nas spangs la yang dag pa'i lta ba ni mi skyed de snga nas ldan pa'i phyir ro//gzhan yang kha cig ni yang dag pa'i lta ba dang ldan pa yang ma yin / log pa'i lta ba dang ldan pa yang ma yin te/ de la chos thos pa dang tshul bzhin yid la byed pa la brten nas/'jig rten pa yang dag pa'i lta ba skyed par byed la log par lta ba ni spong bar mi byed de snga nas de dang mi ldan pa'i phyir ro/ /gzhan yang log par lta ba dang yang ldan la tshul bzhin yid la byed pa la yang brten nas log par lta ba de yang spong la yang dag par lta ba yang skyed par byed do//gang zag gnyis pa ni sangs rgyas la sogs pa la shes nas dad par gyur pa ste/ dang po mngon sum du byed pa na sangs rgyas la sogs pa la de'i mi shes pa bden pa mngon par rtogs pa'i snga rol du spangs zin pas de'i tshe yang spong bar mi byed la sangs rgyas la sogs pa la dad pa dang ldan pa'i phyir rig pa yang mngon sum du byed pa'i sgo nas skyed par byed do//slob pa'i lam kho nas ni bsgom pas spang bar bya ba'i ma rig pa rnam pa gzhan spong bar byed la rig pa ni skyed par mi byed de/ lam gyi rang bzhin mtshungs pa'i phyir ro//mi slob pa'i lam mngon sum du byed pa na ni bsgom pas spang bar bya ba'i phyir ma rig pa thams cad kyang spong la mi slob pa'i rig pa de yang skyed par byed do/ /gang zag gsum pa ni bdag med pa dang ldan pa'i dam pa'i chos thos pa na dang po thos pa tsam gyis mos par 'gyur la snying nas 'jug pa ni ma yin no//de bdag med pa la mos pa'i phyir bdag tu lta ba ni spong la snying la zhugs pa ma yin pas na bdag med par lta ba ni skyed par mi byed do/ /gang gi tshe chos de dag ji ltar thos pa bzhin du tshul bzhin du sems pa de'i tshe ni snying nas zhugs par gyur pas bdag med par lta ba skyed par byed la bag la nyal gyi sgo nas ni mi spong ngo //des de yan chad kyi bsgom pa'i lam gyis bden pa mngon par rtogs pa'i phyir bag la nyal gyi sgo nas spong zhing zag pa med pa skyed par byed do / /sdom ni/ gnyis pa lnga dang gsum pa bcu//bzhi tshan yang ni tha ma yin/ /las ni gnyis te/ las lci ba dang yang ba'o/ /gzhan yang gnyis te/ bsags par 'gyur ba dang / /bsags par 'gyur ba ma yin pa'o/ /gzhan yang gnyis te/ ched du bsams pa dang / ched du bsams pa ma yin pa'o//gzhan yang gnyis te/ myong bar 'gyur bar nges pa dang / myong bar 'gyur bar ma nges pa'o/ /gzhan yang gnyis te/ rnam par smin pa rnam par smin zin pa dang / rnam par smin pa rnam par ma smin pa'o/ /las ni gsum ste/ dge ba dang /mi dge ba dang / lung du ma bstan pa'o/ /gzhan yang gsum ste/ bde ba myong bar 'gyur ba dang / sdug bsngal myong bar 'gyur ba dang / sdug bsngal yang ma yin bde ba yang ma yin pa myong bar 'gyur ba'o/ /gzhan yang gsum ste/ tshe 'di la myong bar 'gyur ba dang /skyes nas myong bar 'gyur ba dang / lan grangs gzhan la myong bar 'gyur ba'o/ /gzhan yang gsum ste/ slob pa'i dang / mi slob pa'i dang / slob pa'i yang ma yin mi slob pa'i yang ma yin pa'i'o/ /gzhan yang gsum ste/ mthong bas spang bar bya ba dang / bsgom pas spang bar bya ba dang / spang bar bya ba ma yin pa'o/ /gzhan yang yo ba gsum ste/ lus la sogs pa yo ba rnams so/ /gzhan yang nyes pa gsum ste/ lus la sogs pa'i nyes pa rnams so/ /gzhan yang snyigs ma gsum ste/ lus la sogs pa'i snyigs ma rnams so//gzhan yang gtsang ba gsum ste/ lus la sogs pa gtsang ba'o/ /gzhan yang thub pa gsum ste/ lus la sogs pa thub pa rnams kyi'o/ /las ni bzhi ste/ las gnag la rnam par smin pa yang gnag pa dang / las dkar la rnam par smin pa yang dkar ba dang /las dkar gnag 'dres la rnam par smin pa yang dkar gnag 'dres pa dang / las dkar ba yang ma yin gnag pa yang ma yin la rnam par smin pa yang med de las zad par 'gyur ba'o/ /de la las lci ba ni rgyu rnam pa gsum du rig par bya ste/ bsam pa dang / sbyor ba dang / zhing gi sgo nas so/ /de la bsam pa ni kun nas dkris pa drag pos byed pa dang / chos mthun pa pa mthong na rab tu dga' ba dang de'i 'og tu yang shas cher rjes su rtog cing rjes su dpyod pa ste de lta bu ni bsam pa'i sgo nas lci ba yin no/ /sbyor ba'i sgo nas ji lta bu zhe na/rgyun du yang byas la bsgrims te yun ring bor 'dris par byas pa'i sgo nas bsags pa dang / gzhan dag kyang de 'ba' zhig la yang dag par 'dzud pa dang / de 'ba' zhig gi bsngags pa yang brjod pa ste de lta bu ni sbyor ba'i sgo nas lci ba yin no/ /zhing gi sgo nas ji lta bu zhe na/phan 'dogs pa dang yang dag par zhugs pa dang yang dag par nan tan du sgrub pa'i 'bras bu la gnas pa'i sems can gang yin pa de dag la legs par byas pa'am/ nyes par byas pa gang yin pa de ni zhing gi sgo nas lci ba yin no/ /de la las gang mi shes bzhin du byas pa dang /rmi lam du rmis pa dang ma bsgribs la lung du ma bstan pa dang / mi dge ba 'gyod pa dang / gnyen pos yongs su zin pa dang / rgyud dag par byas pa'i las thams cad ni bsags par 'gyur ba ma yin pa'o/ /de ma yin pa ni bsags par 'gyur ba yin par rig par bya'o//de la ched du bsams pa'i las ni sngar ched du bsams shing rjes su brtags la rjes su dpyad nas byas pa gang yin pa ste/ de yang nor ba dang ma nor ba'o/ /de la nor ba ni gang gzhan la gsad pa'am dbrog pa'am/dbye ba'am/ brdzun du smra bas brid pa la sogs pa 'ga' zhig byas par bsams pa las de'i 'du shes kyis gzhan la byas pa ste/de la ni bsam pa lci ba kho na yin par rig par bya'i/ dngos po lci ba ni ma yin no/ /nor ba ma yin pa ni de las bzlog pa yin par rig par bya'o/ /de la myong bar 'gyur bar nges pa ni ched du bsams lci ba gang yin pa'o//myong bar 'gyur bar ma nges pa ni ched du bsams pa de nyid lci ba ma yin pa gang yin pa'o/ /de la rnam par smin pa rnam par smin zin pa ni 'bras bu smin zin pa gang yin pa'o/ /de las bzlog pa ni rnam par smin pa rnam par ma smin pa'o//de la dgra bcom pa nyid 'thob pa'i tshe ni myong bar 'gyur bar nges pa'i las sngon byas pa rnam par smin par nye bar gnas pas bar chad byed par nus kyi rgyud dang 'brel pas ni ma yin no/ /de ci'i phyir zhe na/ las des de'i gnas mi mthun pa mngon par 'grub par 'gyur te/sgrib pa des na dgra bcom pa nyid thob par mi nus pa'i phyir ro/ /gal te skyes nas myong bar 'gyur ba ma yin te/ lan grangs gzhan la myong bar 'gyur ba zhig yin na ni dgra bcom pa nyid 'thob pa'i bar chad byed mi nus mod kyi 'on kyang de yang myong bar 'gyur ba ma yin pa ni ma yin no//de ci'i phyir zhe na/ nyon mongs pa'i grogs de yang yod la 'du byed de yang yod na de ltar de la myong bar 'gyur ba nges pa zhes 'dogs pa'i phyir ro/ /dge ba'i las ni rgyu rnam pa gnyis kyis rnam par gzhag ste/ sdug pa'i 'bras bu yongs su 'dzin pa dang /dmigs pa yang dag pa ji lta ba bzhin du yongs su shes pa de'i 'bras bu'o/ /mi dge ba yang rgyu gnyis kyis rnam par gzhag ste/ mi sdug pa'i 'bras bu yongs su 'dzin pa dang / log pa'i dmigs pa la mngon par zhen pa'o/ /dge ba dang mi dge ba'i rnam pa gnyi gar yang lung bstan du med pa la lung ma bstan pa'o//de la bde ba myong bar 'gyur ba ni bsam gtan dang po dang / gnyis pa dang / gsum pa dang ldan pa dang / 'dod pa na spyod pa'i dge ba gang yin pa'o/ /sdug bsngal myong bar 'gyur ba ni ngan song du skye bar 'gyur ba gang yin pa'o//dud 'gro dang yi dags su skyes pa rnams kyi bde ba myong ba sngon gyi las kyi rgyu las byung ba gang yin pa de ni bde ba myong bar 'gyur ba'i las las gyur par rig par bya'o/ /sdug bsngal ba yang ma yin bde ba yang ma yin pa myong bar 'gyur ba ni bsam gtan bzhi pa dang de yan chad do//sems can dmyal bar gcig tu nges pa ma gtogs par de ma yin pa la ni bde ba dang sdug bsngal 'dren ma'i tshor ba yod par rig par bya ste/ de ni gang gi dbang gis lus 'di la bde ba dang sdug bsngal 'dres pas gnod cing 'dug pa yod do//tshe 'di la myong bar 'gyur ba ni bsam pa de lta bu'am sbyor ba dang / dngos po sbyor ba de lta bu'am/ lus dang ngag gi sbyor bas zhing de lta bu la byas pas tshe 'di la gang gi rnam par smin par 'gyur ba gang yin pa'o/ /tshe 'di la ni mi smin la skyes ma thag pa'i tshe la rnam par smin par 'gyur ba gang yin pa de ni skyes nas myong bar 'gyur ba'o//tshe 'di la smin pa yang ma yin skyes nas smin par 'gyur ba yang ma yin la de'i 'og tu rnam par smin pa rnam par smin par 'gyur ba gang yin pa de ni lan grangs gzhan la myong bar 'gyur ba'o/ /'phags pa nyan thos dus dus su lhag pa'i tshul khrims dang lhag pa'i sems dang ldan pa'i shes rab la slob pa'i zag pa med pa dang /de'i phyi nas thob pa'i dge ba zag pa dang bcas pa gang yin pa de ni slob pa'o/ /mi slob pa'i dgra bcom pa'i rgyud la yod pa thams cad do/ / de ma yin pa ni slob pa yang ma yin mi slob pa yang ma yin pa'o/ /mthong bas spang bar bya ba'i nyon mongs pa dang ldan pa gang yin pa dang / des bskyed pa'i sems pa gang yin pa dang / ngan song du 'gro bar 'gyur ba'i las thams cad ni mthong bas spang bar bya ba'o/ / bsgom pas spang bar bya ba'i nyon mongs pa dang ldan pa dang / des bskyed pa'i sems pa ni bsgom pas spang bar bya ba'i las yin no/ /spang bar bya ba ma yin pa ni slob pa dang mi slob pa'i 'jig rten las 'das pa gang yin pa thams cad do/ /ched du bsams pa'i mi dge ba'i las tshe 'di nyid la byas shing bsags pa spong ba ni rnam pa gsum du rig par bya ste/'di lta ste/ tshe 'di la spong ba dang / skyes nas spong ba dang / lan grangs gzhan la spong ba'o/ /de la tshe 'di la spong ba ni ji ltar 'di na kha cig tshe 'di la ched du bsams te las byas shing bsags nas de las phyir ldog cing des spong ba yang dag par blang ba yang byas la de 'dod chags dang ma bral ba so so'i skye bo zhig yin te/de la gnas bzhin du 'chi ba'i dus byed par gyur na de skyes pa'i 'og dang / lan grangs gzhan la yang las de mi byed pa dang rnam par smin pa nyams su mi myong ba dang /tshe 'di la gcig tu nges par mi byed pa'i skal ba can ma yin par mi 'gyur ro/ /gzhan yang 'di nas so so'i skye bo 'dod pa'i 'dod chags dang bral ba kha cig gis spong ba yang dag par blangs nas 'chi ba'i dus byed par gyur na de'i tshe 'di la byed kyang mi byed/rnam par smin pa yang nyams su myong bar mi 'gyur na/ skyes nas der skyes pa'i tshe lta byed par ga la 'gyur de lta mod kyi lan grangs gzhan la las de byed pa dang / rnam par smin pa nyams su myong bar 'gyur ba las yongs su grol ba ni ma yin no//gzhan yang slob pa 'dod pa rnams las 'dod chags dang bral ba spong ba yang dag par blangs nas dge sbyong gi 'bras bu dang po'am gnyis pa thob pa de ni gang dag gi gnas ngan len mang ba'i lus yongs su gdung ba mang ba dor bar 'os pa smad pa 'dis sdig pa'i las byas pa de tshe 'di nyid la bde ba dang bcas pa'am/sdug bsngal dang bcas par myong bar 'gyur te/ bdag gis de 'di lta ste/ tshe 'di la myong bar 'gyur ba'i skad cig pa tsam du gyur cig/ phyis skyes pa'i 'og gam lan grangs gzhan la de'i rnam par smin pa nyams su myong bar ma gyur cig ces de ltar de spang ba'i phyir yang dag pa'i sems kyis smon nas 'di lta ste/las de nyid kyi rgyu gtan zad par bya ba dang / 'dod pa'i 'dod chags dang bral bar 'gyur ba'i phyir tshad med pa bsgom pa dang / zhi gnas kyi phyogs dang mthun pa'i ting nge 'dzin du gtogs pas yang dag par sbyor bar byed do//de la gnod sems su gyur pa'i bsam pa'am/ rnam par 'tshe ba'i bsam pa'am/ phrag dog spyod pa'am/ sdug pa'i dngos po la lhag par zhen pa de'i rgyus sems can rnams la log par zhugs nas/ lus dang ngag dang yid kyis sdig pa'i las kun nas slong bar byed de/gang la las kyi rgyu rnam pa bzhi bo 'di dag gi gnyen por tshad med pa'i ting nge 'dzin rnam pa bzhi po bsgoms na ni tha na khye'u 'am bu mo des kyang su la yang sdig pa'i las bya bar sems pa gang yin pa de ni gnas ma yin zhing skabs ma yin te/de bas na de bsgom pa la brtson pa de ni mi dge ba'i las kyi rgyu yang dag par zad par bya ba la brtson pa yin par rig par bya'o/ /de ltar brtson pa des ni sdig pa'i las byas shing bsags pa de rgyu gnyis kyis tshad med pa'i ting nge 'dzin bsgom pas zil gyis gnon par 'gyur te/ sdig pa'i las de ni sems can tshad nges pa la gnod pa'i bsam pas kun nas bslang ba yin la/ tshad med pa yongs su bsgoms pa ni sems can tshad med pa la phan pa'i bsam pa dang ldan pa dang / mi dge ba'i las kun nas slong bar byed pa'i sems de ni khams tha chad pa yin pa dang / mi mthun pa'i phyogs lta bu yin la tshad med pa bsgom pa dang ldan pa'i sems ni khams bzang po pa yin pa dang / gnyen po yin no/ /las thams cad ni sems la rag las pas na sems ni gtso bo yin te/ gang gi phyir mi ni sems kyi rgyu las byung ngo zhes 'byung ste/ sems la dbang lus pa dang sems la brten cing 'dug pa'i phyir ro//de de ltar sngon gyi smon lam la brten nas tshad med pa'i sems kyi ting nge 'dzin bsgom pa ste 'dod pa'i 'dod chags dang bral bar gyur pa'i mod la phyir mi 'ong ba la yang dag par gnas par 'gyur te gal te de tsam gyis chog par bzung ste tshe 'di la gong du 'bad par mi byed na ni tshe 'di la las de byed pa'i rgyur yang mi 'gyur na skyes pa'i 'og gam lan grangs gzhan lta ci smos te/skyes pa'i 'og gam lan grangs gzhan la de'i rnam par smin pa nyams su myong bar 'gyur ba'i rgyur yang mi 'gyur ro/ /'di las phyi rol pa log pa'i lta bar ltung zhing lam ngan par zhugs pa rnams kyi dge ba dang mi dge ba'i las lta bas kun nas bslang zhing lta ba'i dbang gis byung ba gang yin pa de ni yon po'o//'dod chags dang zhe sdang drag po rnams kyi des bslang ba'i las ni nyes pa'o/ /gti mug drag cing shas cher dbang po rtul la brjed ngas shing blo zhan pa rnams kyi gti mug gis kun nas bslang ba'i las gang yin pa de ni snyigs ma'o//bde 'gror 'gro ba'i legs par spyod pa thams cad ni gtsang ba'o/ /mya ngan las 'das par 'gro ba'i legs par spyod pa thams cad ni thub pa'i'o//sems can dmyal bar skye bar 'gyur ba'i gnas tha dad pa'i mi dge ba ni gnag la rnam par smin pa yang gnag pa'o/ /mtho ris su skye bar 'gyur ba'i gnas tha dad pa'i dge ba ni dkar ba la rnam par smin pa yang dkar ba'o/ /de ma yin pa'i gnas kyi ni dkar gnag 'dres pa la rnam par smin pa yang dkar gnag 'dres pa ste/gnas gcig na las rnam pa gnyis ka yod pas na de'i phyir gcig tu bsdus te bstan to/ /'jig rten las 'das pa zag pa med pa'i las ni gnag pa yang ma yin dkar ba yang ma yin la rnam par smin pa yang med pa'i las yin te las zad par 'gyur ba'o//de yang las zad pa dang zad par 'gyur ba de gnyi ga gcig tu bsdus nas las zad par 'gyur ba zhes bya ste/ phyi ma la mi skye bar bya ba dang / skyes zin pa dang bral bar bya ba'i phyir ro/ /sdug pa'i rgyu dang 'bras bu rnam par smin par 'gyur ba med pa'i phyir na de la dkar ba ma yin zhes bya'o//de nyid ni de dag gi nang na gcig tu nges par dkar ba yin no/ /gnas tha dad pa'i mtho ris ni gzhan 'phrul dbang byed kyi lha las 'das pa 'dod pa'i khams kyi bdud kyi gnas kyi bdud kyi pho brang dang / tshangs pa'i 'jig rten yan chad 'du shes med 'du shes med min skye mched man chad kyi bar de dag thams cad gcig tu bsdus pa la bya ste/mig gis gzugs gcig tu nges par sdug pa rnams mthong ba nas yid kyis chos rnams rnam par shes pa zhes bya ba'i bar du brjod de khyad par du 'phags pa'i bdag po'i don gyis so//yid kyi sgo nas mngon par 'grub pa ni yid las skyes pa'i don gyis so/ /sems can dmyal ba'i gnas tha dad pa ni bzhi ste/sems can dmyal ba chen po rnams dang / nyi tshe ba'i sems can dmyal ba rnams dang / grang ba'i sems can dmyal ba rnams dang /sems can dmyal ba'i 'khor rnams so/ /gnas der so so'i bde ba myong bar 'gyur ba kho na'i las dang / so so'i sdug bsngal myong ba kho nar 'gyur ba'i las kyi 'bras bu'i rnam par smin pa nyams su myong bar 'gyur bas na de'i phyir gnas tha dad pa zhes pa'o //de la bdud kyi pho brang dang / bsam gtan dang po dang / gnyis pa rnams na ni gcig tu nges par dga' ba dang bde ba nyams su myong ba yod do/ /bsam gtan gsum pa yan chad na ni gcig tu nges par bde ba dang / yid bde ba nyams su myong ba yod de/ de ni yid bde ba de dang 'dra ba'i las su rung zhing nyams bde ba'i sems bde ba yod kyi dga' ba ni ma yin pa dang /de dang 'dra ba'i bde ba yod kyi tshor ba'i bde ba ni ma yin no/ /reg pa'i skye mched drug gi sgo nas nyams su myong bas na reg pa'i skye mched can zhes kyang bya ste/ de ni gnas tha dad pa yin te/ rgyu dang 'bras bur 'brel pa'i tshul gyis so/ /sdom ni/ mi shes shes pa mnyam par gzhag/ khyad par bar du gcod pa dang / /slob pa dang ni chags pa dang / /bdag med pa dang lam dang rgal/ /log par lta ba gang yin pa dang / bdag tu lta ba gang yin pa dang ma rig pa de nyid ni sngar bshad pa'i sems can gyi ris gsum po dag tu mi shes pa'i rtsa ba las 'byung ste/ris thams cad du gnod pa'i rtsa ba can kun nas nyon mongs pa thams cad kun nas slong ba'i chos gcig po de spangs na yang dag pa kho nar shes pa brda sprad par bya'o/ / de la 'dir kun nas nyon mongs pa gcig ni bden pa'i dngos po la skur pa 'debs pa'o/ /gnyis pa ni sgro 'dogs pa'o/ /gsum pa ni yang dag pa ji lta ba bzhin du mi snang ba'i tshul gyis rnam par rmongs par byed pa ste/ de gnyi ga'i rgyu'o/ /rnam par rmongs na sgro 'dogs pa'am/skur ba 'debs par 'gyur ro/ /'di gnyis ni yang dag pa ji lta ba bzhin shes pa ste/ tshul bzhin yid la byed pas rab tu phye ba dang / ting nge 'dzin gyis rab tu phye ba'o/ /de la thos pa dang bsams pa las byung ba'i yid la byed pa dam pa'i chos thos pa'i dbang las byung bas tshor ba rnam pa lnga las gnas skabs rnam par 'gyur ba las gyur pa'i nyes dmigs dang /gnas skabs rnam par 'gyur ba de tshul bzhin du yid la byed pa mnyam par gzhag pa'i sa pa ni yang dag pa'i shes pa yin te/ de la brten nas bsgom pa la 'jug par 'gyur ro//de la gnas skabs rnam par 'gyur ba las gyur pa'i nyes dmigs gang zhe na/ 'di lta ste/ sdug bsngal ba yang ma yin bde ba yang ma yin pa'i gnas skabs kyi mi rtag pa nyid dang / sdug bsngal ba'i gnas skabs kyi rang bzhin gyis sdug bsngal ba nyid dang /bde ba'i gnas skabs kyi rnam par 'gyur ba'i chos nyid do/ /de la gnas skabs rnam par 'gyur ba gang zhe na/ bde ba'i gnas skabs las sdug bsngal ba'i gnas skabs su gzhan du 'gyur ba dang / sdug bsngal ba'i gnas skabs las kyang bde ba'i gnas skabs su 'gyur ba dang /sdug bsngal ba yang ma yin bde ba yang ma yin pa'i gnas skabs las gnyi ga'i gnas skabs su 'gyur ba dang /de bzhin du gnas skabs thams cad las gnas skabs thams cad du phan tshun 'gyur ba yin par rig par bya'o//gnas skabs 'di rnams la gzhan du 'gyur bar mthong na ni mi rtag pa'i 'du shes la gnas par 'gyur ro/ /gzhan du 'gyur pa'i nyes dmigs mthong na ni tshor ba'o/ /cho ga ni sdug bsngal 'di yin no snyam du rig nas sdug bsngal ba'i 'du shes la gnas par 'gyur ro//de ltar 'du shes shing de ltar mthong na rnam par dag par 'gyur te/ de bas na 'di la yang dag pa'i shes pa zhes bya'o/ /mnyam par gzhag pa'i yang dag pa'i shes pa ni rnam pa de dag nyid kyis 'jug na/ shin tu sbyangs pas yongs su zin cing rnam par dag la skyon med par 'jug ste khyad par ni de yin no//de la mi rtag pa nyid ni 'dus byas thams cad spyi'i mtshan nyid yin par rig par bya'o/ /sdug bsngal ba nyid ni zag pa dang bcas pa'i chos thams cad spyi'i mtshan nyid do/ /yang dag pa ji lta ba bzhin du shes pa rnam pa gnyis la brten pas ni chos 'di rnams mtshan nyid kyis yang dag pa ji lta ba bzhin du snang bar 'gyur bar rig par bya'o//'di las phyi rol pa ni sems mnyam par bzhag tu zin kyang de bas chos 'di pa sems mnyam par ma bzhag pa yang shes pas khyad par du 'phags nas sems mnyam par bzhag pa lta ci smos/de ci'i phyir zhe na/ 'di las phyi rol pa ni sems mnyam par bzhag pa yin du zin kyang de ni reg pa'i skye mched rnams kyi yongs su bsgyur ba lnga'i tshul gyis yang dag pa ji lta ba bzhin du shes pa dang yang dag pa'i sems 'dod chags dang bral ba dang / rnam par grol bar 'gyur ba'i skal ba can ma yin te/de bas na de ni 'du shes med 'du shes med min gyi skye mched kyi snyoms par 'jug pa man chad las khyad par du thob tu zin kyang chos 'dul ba 'di las shin tu ring ste/ gnam dang sa bzhin no/ /brtan zhing dka' ba thams cad bzod du zin kyang yongs su nyams pa'i chos can yin pas shing bal gyi sbur ma bzhin du mi brtan pa dang /nyon mongs pa'i rgyags pa mi bzod do/ /chos 'di la ni mnyam par ma bzhag ste/ dad pa dang thos pa tsam gyis bdag med pa la mos par zad du zin pa de ni sems kyi ting nge 'dzin 'thob pa'i skal ba can yin la de ni reg pa'i skye mched rnams spong ba dang /yongs su shes par 'gyur ba dang / sems 'dod chags dang bral ba dang / rnam par grol bar 'gyur ba'i skal ba can yin te/ de bas na de ni yang dag pa'i mos pa tsam la gnas par zad bzhin du chos 'dul ba 'di las chud ma zos par rig par bya'o//lnga po 'di dag ni yul drug po rnams la dbang po drug po rnams zhi bar 'gyur ba'i rnam pa yin te/ nyes dmigs mthong ba'i phyir shin tu dul ba dang / gtang bar bya ba ma yin pa'i yul rnams la mi gtod pa'i phyir shin tu sbas pa dang / gtad par bya ba'i yul rnams sam glo bur du snang bar gyur pa rnams la dran pa shin tu gnas pa'i phyir shin tu bsrungs pa dang /nyon mongs pa thams cad spangs pa'i phyir shin tu yang dag par bsdams pa dang / lam bsgom pa shin tu yongs su rdzogs pa'i phyir shin tu bsgoms pa'o/ / khyad par gdags pa mkhyen pa'i de bzhin gshegs pa ni gnas gnyis su bde ba dang sdug bsngal las yang dag par 'das pa brjod par mdzad de/ mngon par mi mkhyen pas ma yin no/ /de la gang 'di snyam du dge sbyong gau ta ma ni gcig tu nges par bde ba'i 'jig rten mi shes shing ma rtogs bzhin du bde ba dang sdug bsngal dang 'dres su dogs pa dang /bde ba dang sdug bsngal 'dres pa'i 'jig rten gyi dbyibs la yang dag par 'da' bar bya ba dang / bde ba dang sdug bsngal las 'da' bar bya ba'i phyir nyan thos rnams la chos ston to snyam du 'dzin to //de'i 'du shes de ni log pa'i 'du shes dang log pa'i rtog pa dang log pa'i lta ba yin gyi de bzhin gshegs pa ni gcig tu nges par bde ba'i 'jig rten dang gcig tu nges par sdug bsngal ba dang bde ba dang sdug bsngal ba 'dres pa dang / de dag gi mi rtag pa nyid kyang mkhyen/des na 'jig rten thams cad las yang dag par 'da' bar bya ba'i phyir bde ba dang sdug bsngal las 'das pa brjod par mdzad do/ /yid du 'ong ba'i dngos po ni rnam pa gsum du rig par bya ste/ 'di lta ste/ btsal bar bya ba ni ma 'ongs pa'i 'dod pa gang yin pa'o//rtag par bya ba ni 'das pa'i 'dod pa spyad zin pa gang yin pa'o/ /lhag par chags par bya ba ni phyi rol gyi yul 'dod pa dang nang gi 'dod pa'i tshor ba 'di dus gsum du gtogs pa 'di dag ni rnam pa bzhir rig par bya ste/gcig ni ma 'ongs pa'i sgo nas so/ /gcig ni 'das pa'i sgo nas so/ /gnyis ni da ltar gyi sgo nas so//rnam pa 'di rnams kyang khongs su gtogs pa ni yid du 'ong ba dang snying du sdug pa dang dga' ba'i rang bzhin dang bde ba'i rang bzhin gyi rnam pa rnams so/ /de bzhin du sdug pa dang mdzes pa dang / dga' ba dang yid du 'ong ba'i rnam pa rnams kyang ci rigs par rig par bya'o//sa gnyis kyi ting nge 'dzin la brtson pa la ni rnam pa gnyis kyi sgo nas dus gnyis kyi ting nge 'dzin rnam pa gsum mngon par bsgrub pa la 'dod pa rnams par du gcod par byed do/ /bar du gcod pa de spang ba'i phyir ni gnyen po rnam pa lnga bsgom par bya'o/ /de la 'das pa'i 'dod pa sngon spyad zin pa gang yin pa de dag kyang dben pa na gnas pa'i rtog pa'i sgo nas sems 'phrog par byed do//khyim med pa'i rnyed pa dang bkur sti dang ldan pa da ltar byung ba gang yin pa rnams kyang sems 'phrog par byed do/ /de la rgyu zhing 'gro ba'i rnyed pa dang bkur sti dang ldan pa rnams kyang sems 'phrog par byed de des ni gnas pa'i sems kyang g.yeng bar byed do//khyim na gnas pa'i sngon spyad zin pa rnams kyang sems 'phrog par byed do/ /de la so so'i skye bo la yang bar du gcod par byed la / slob pa la yang bar du gcod par byed pa'o/ /de la so so'i skye bo'i ting nge 'dzin tshad med pa bsgom pa dang ldan pa gang yin pa de la yang bar du gcod par byed do //slob pa'i ting nge 'dzin shes bya'i dngos po thams cad rtogs pas rgya che ba gang yin pa de la yang bar du gcod par byed do/ /mi slob pa'i shin tu bsgoms pa'i ting nge 'dzin gang yin pa de la yang 'di lta ste/skye ba la bar du gcod par byed do/ /ting nge 'dzin 'di dag thams cad kyang dga' ba dang ldan pa yin par rig par bya ste/ de la dang po ni sems can rnams la phan pa dang bde ba'i bsam pa'i sgo nas dga' ba dang ldan no/ /gnyis pa ni slob pa'i rnam par grol ba'i dga' ba nyams su myong ba'i phyir ro//gsum pa ni mi slob pa'i rnam par grol ba'i dga' ba nyams su myong ba'i phyir ro/ /de dag kyang mig gis rnam par shes par bya ba'i gzugs la sogs pa la dmigs pa'i bye brag gis drug tu 'gyur ro/ /ting nge 'dzin de ni rnam pa thams cad dang ldan pa'i phyir yongs su rdzogs pa yang yin te/ting nge 'dzin gyi mtha' ni 'di yin te/ 'di lta ste/ 'jig rten pa'i 'dod chags dang bral bar 'gyur ba'am/ 'jig rten las 'das pa'i 'dod chags dang bral bar 'gyur ba ste/ de las gong na rnam par dag par 'gyur ba'i ting nge 'dzin med de/ de bas na de ni rdzogs pa yin no/ /myur du dge sbyong gi tshul 'dod pa'i lus dang srog la mi lta ba dang / rtag tu gus par sbyor ba'i brtson 'grus brtul pa dang / 'dod pa rnams kyi rang gi mtshan nyid yongs su shes pas dran pa nye bar gnas pa dang / nyes dmigs yongs su shes pas mngon par dga' ba med pa la sogs pa nye bar gnas pa'i shes bzhin dang dran pa dang shes bzhin la brten pas bag yod pa la sbyor bar byed pa ni rnam pa bzhi ste/nyin par 'chag pa dang / 'dug pa gnyis kyis sgrib pa'i chos rnams las sems yongs su sbyong ngo zhes bya ba nas rgyas par sbyar te/de ltar na brtson 'grus brtsams pa yang yin la rtogs pa la yang zhum pa med do/ /sems gnas pa rnam pa dgus ni gcig tu nges par zhi gnas la brtson pa'i lus shin tu sbyangs par 'gyur la/ ro myong ba med pas ni kun nas nyon mongs pa can ma yin no//rmugs pa dang gnyid kyis nye ba'i nyon mongs par ma gyur pas ni nyes rtsom med do/ /gcig tu nges par dran pa nye bar gzhag pa la brten pas ni lhag mthong la brtson pa'i dran pa gnas par 'gyur la rgod pa'i nye ba'i nyon mongs pa dang bral bas ni kun nas nyon mongs pa med do//zhi gnas dang lhag mthong zung du 'brel par 'byung ba'i lam la zhugs pa'i sems ni mnyam par gzhag par 'gyur la/ de gnyi ga'i cha rtse gcig pa dang ldan te/ de'i bar du gcod pa spong bar 'gyur ro/ /gnyen po rnam pa lnga po 'di la brten te bar du gcod pa yang yongs su shes nas spong bar 'gyur la ting nge 'dzin rnam pa gsum dmigs pa'i gzhi drug gi bye brag can dga' ba dang ldan pa yongs su rdzogs par mngon par bsgrub par 'gyur ro//de bzhin gshegs pa ni rgyu rnam pa gnyis kyis 'di nyid las dper blangs pas/ nyan thos rnams la chos ston par mdzad de/nag po'i phyogs la ni skyon dang ldan pa dang / dkar po'i phyogs la ni yon tan dang ldan pa'i sgo nas yid ches pa bskyed pa'i phyir ro// //rnal 'byor spyod pa'i sa las gzhi bsdu ba/ bam po dgu pa/ chos 'dul ba 'di'i gang zag ni 'di gnyis yin te/'di lta ste/ sems thob pa dang / sems thob pa ma yin pa'o/ /de la sems thob pa ni gnyis te/ bden pa mthong ba slob pa'i sems rnam par grol bas sems thob pa gang yin pa dang / dgra bcom pa ni slob pa'i sems rnam par grol bas sems thob pa gang yin pa'o//de la sems thob pa ma yin pa ni/ bslab pa gsum la gnas pa'i las dang po pa slob pa so so'i skye bo gang yin pa ste des ni thams cad kyi thams cad du sems rnam par grol ba rnam pa gnyi gas kyang sems ma thob bo/ /so so'i skye bo'i rang bzhin de'i gong du phung po'i lhag ma dang bcas pa dang /lus kyi rang bzhin de'i gong du phung po'i lhag ma med pa'i mya ngan las 'das pa shin tu don du gnyer ba ni bslab pa gsum po dag la slob pas shas cher gnas so/ /de la mi slob pa'i sems rnam par grol bas sems thob pa gang yin pa de ni bag med par byas na/tshe 'di'i bde bar gnas pa las yongs su nyams par 'gyur mod kyi 'on kyang de ni tshe 'di'i bde bar gnas pa las yongs su nyams kyang rung yongs su nyams kyang rung ste/ rnam par grol ba de las yongs su nyams par 'gyur ba'i skal ba can ma yin pa kho na'o//bag yod par bya ba gang ci yang rung ba de dag thams cad ni rnam par grol ba de rtogs par bya ba'i phyir yin na/ /de ni des thob zin la yongs su nyams par yang mi 'gyur na/ gang gi don du bag yod par byed de/ tshe 'di la bde bar gnas par bya ba'i phyir de'i 'bad pa gang yin pa ni bzo'i las kyi gnas dang 'dra ste/de ni bag yod pa ma yin no/ /slob pa'i rnam par grol bas sems thob pa gang yin pa de yang nges par rdzogs pa'i byang chub tu 'gro ba yin la lam bsgom pa la yang gzhan gyi dring mi 'jog ste/ de'i bag yod pa ni rang la dbang yod la/tshe 'di la yang bag med pas gtan du slu bar mi 'gyur ro/ /thams cad kyi thams cad du sems mthong ba gang yin pa des ni nges par rnam pa gsum gyis bag yod par bya dgos te/ dbang po yang dag par sgrub pas tshogs yongs su rdzogs par bya ba dang /mthun pa'i gnas mal bsten pas sems gnas pa dang / skyes bu dam pa la brten pas gzhan gyi sgra la brten nas tshul bzhin yid la byed pa'i rgyu nas sems rnam par grol ba rnam pa gnyis kyi bar gyi phyir bag yod par bya'o/ /bag yod par gnas pa de la ni rgyu gnyis kyis skye mched drug 'gag par mngon pa'i nga rgyal byed pa dang /mngon pa'i nga rgyal mi byed par rig par bya ste/ ma 'gags pa bzhin du 'di lta ste/ dmigs pa'i sgo nas log par brtags nas 'gog go snyam du mngon par zhen pa dang / ma thob par yang log par brtags nas 'gog go snyam du mngon par zhen te des log par brtags nas 'gag par mos mod kyi/ 'on kyang de ni lus dang bral zhing tshe zad pa'i 'og tu skye mched drug kyang 'gog par mi 'gyur la yul gyi 'du shes dang yang bral bar mi 'gyur ro//'di lta ste/ de'i skye mched drug 'gags pa'i gnas kyi dmigs pa dang / rtogs pa'i sgo nas log par khong du chud pa'i phyir de lta bur 'gyur te/ 'di ni mngon pa'i nga rgyal rnam pa gnyis so/ /de las bzlog pa na mngon pa'i nga rgyal med par rig par bya'o/ / chos 'di pa'i chags pa rnam pa gnyis la ni nyes dmigs gnyis yod par rig par bya ste/ de yang so so'i skye bo'i rkyen gnyis las byung ba'i rnam par shes pa dang / de la brten pa'i tshor ba bdag med par mi shes pa'i'o/ /de la 'dod chags dang ma bral ba'i rnyed pa dang bkur sti'i dbang gis byung ba'i las kyi rkyen can gyi tshor ba la chags pa ni chags pa dang po yin par rig par bya'o//gnyis pa ni 'dod chags dang bral ba'i 'dod pa rnams la ma chags pa'i rkyen can gyi tshor ba la chags pa'o/ /chags pa de'i rgyu las byung ba phyi ma la mngon par 'grub pa gang yin pa de ni phyis kyang phyi rol pa rnams kyi mdud pa rnams len par 'gyur ba dang /mdud pa de'i rgyu can gyis sdig pa mi dge ba'i chos rnams mngon par 'grub pa'i rgyu yin te/ 'di ni nyes dmigs dang po'o/ /chos 'dul ba 'di las nyams na phyi ma'i dbang du byas pa dang /de ltar chags pa de'i yang phyi ma las skye ba la sogs pa'i sdug bsngal gyi khyad par rnams 'byung bar 'gyur la tshe 'di la yang de'i rgyus yongs su mya ngan las 'das par mi 'gyur ba'i dbang du byas pa 'di ni nyes dmigs gnyis so//de las bzlog pa ni dkar po'i phyogs yin par rig par bya'o/ /rgyu bzhis ni chos bdag med pa mthar thug par 'gyur te/ chos thams cad bdag med pa zhes bya ba ni rnam par shes pa'i rang bzhin dang rnam par shes pa'i rgyu dang rkyen dang rnam par shes pa'i grogs ma gtogs par de las gzhan dmigs pa'i phyir dang /rnam par shes pa mi rtag pa dang / de'i rgyu dang rkyen mi rtag pa dang / de'i grogs mi rtag pa'i phyir ro/ /chos 'dul ba 'di ni 'phags pa'i lam yan lag brgyad pa'i chos dang / de'i 'bras bus phye ba yin no/ / 'phags pa'i lam yan lag brgyad pa'i chos de yang rnam pa lngas mchog dang kha na ma tho ba med par rig par bya ste/ tshe 'di la nyon mongs pa yod pa dang med pa yongs su gcod pa'i phyir tshe 'di la myong ba dang / nyon mongs pa dang bral ba'i phyir rims nad med pa dang / 'gro ba na yang bsgom pa dang /'greng ba dang 'dug pa dang nyal ba dang / dus thams cad du yang bsgom par bla bas na/ de'i phyir dus nges pa med pa dang / mya ngan las 'das pa thob par byed pa'i phyir 'thob par byed pa dang / 'di las phyi rol pa rnams dang thun mong ma yin pa'i phyir 'di pas mthong ba dang /gzhan gyi dad pa dang 'dod pa dang rnam pa dang yongs su rtogs pa dang nyid thor thos pa dang / lta ba dpyod pa'i bzod pa ma yin par rang gis rtogs par bya ba yin pa'i phyir so so rang rig pa'o/ /lam gyi 'bras bu'i chos ni mtshan nyid rnam pa lngar rig par bya ste/'di lta ste/ rnam grangs bsdu ba las 'byung ba bzhin no/ /rgya mtsho ni 'di gnyis yin te/ chu'i rgya mtsho dang 'khor ba'i rgya mtsho'o/ /de la 'khor ba'i rgya mtsho ni chu'i rgya mtsho las rnam pa gsum gyis mi mtshungs par rig par bya ste/ gsum gang zhe na/ rang bzhin mi mtshungs pa dang / 'bying ba mi mtshungs pa dang / rgal ba mi mtshungs pa'o/ /de la rang bzhin mi mtshungs pa ni chu'i rgya mtsho ni gzugs kyi phyogs gcig gi rang bzhin du zad pa'i phyir tshad nges pa yin la/ 'khor ba'i rgya mtsho ni 'du byed thams cad kyi rang bzhin yin pa'i phyir tshad med do//de la 'bying ba mi mtshungs pa ni gang dag 'bying ba dang / gang gis 'bying ba dang / ji ltar 'bying ba ste/ chu'i rgya mtshor ni dud 'gro'i skye gnas su skyes pa kha cig dang / mi kha cig 'bying bar zad la/ 'khor ba'i rgya mtshor ni lhar bcas pa'i 'jig rten 'bying ste/de dag kyang lus tsam zhig gis 'bying bar zad kyi/ ngag gis ma yin/yid kyis ma yin/ 'dod chags kyis ma yin/ zhe sdang gis ma yin/ gti mug gis ma yin skye ba la sogs pa'i sdug bsngal gyis ma yin no/ /de yang las dang nyon mongs pa dang /de'i 'bras bu brtan pa'i cha gsum du go rims bzhin du rig par bya'o/ /'khor ba'i rgya mtshor ni lus nas skye ba la sogs pa'i sdug bsngal gyi bar rnams kyis kyang 'bying ngo / /de la rab tu byung ba rtog ge ba dpyod pa can rnams ni rang gis log par brtags pa'i rtog pa ngan pa rnams kyis dkrugs pas 'khor ba'i rgya mtshor 'bying ngo //phyi rol pa gzhan dag ni mdud pas bcings pa'i phyir ro/ /khyim pa rnams ni rtag tu rgyun mi 'chad par yang sdug bsngal rnams kyis kun nas bcom zhing nyon mongs pa rnams kyis sreg bzhin du skyo bar mi byed pa'i phyir ro//de ma yin pa'i skye gnas su skyes pa rnams ni 'gro ba dang 'ong ba la las dang nyon mongs pa la brten pa'i phyir ro/ /chu'i rgya mtshor ni gru bub pa tsam las gyur par zad la/ dud 'gro'i skye gnas su gyur pa der skyes pa rnams kyang las dang nyon mongs pa'i phyogs gcig tsam gyis 'bying bar zad de/de yang gtan du ma yin pa 'di ni 'bying ba mi mtshungs par rig par bya'o/ /de la rgal ba mi mtshungs pa ni chu'i rgya mtsho la ni 'dod pa rnams las 'dod chags dang ma bral ba'i so so'i skye bo rnams kyang rgal na de ma yin pa dag lta ci smos/'khor ba'i rgya mtsho ni cha gsum du 'dug ste/ 'dod pa'i 'dod chags dang ma bral ba'i chags par 'gyur ba'i yul lnga'i bye brag dang / 'dod chags dang bral ba'i yid kyis shes par bya ba chags par 'gyur ba'i chos kyi bye brag dang / slob pa'i nang gi skye mched drug gi bye brag go//de la 'dod chags pa dang ma bral ba'i so so'i skye bo ni yul rnam pa lnga'i rgya mtsho las rgal bar mi nus so/ /'dod chags dang bral ba'i so so'i skye bo ni nang gi skye mched drug gi rgya mtsho las rgal mi nus te/ de las rgal mi nus pas na yul rnam pa gnyis kyis rgya mtsho las kyang ma rgal ba yin no//slob pa ni sdug bsngal gyi sgo nas skye mched drug yongs su shes nas de la dmigs pa'i lam nyid sgom par byed de / de ni gnas pa de rnams kyis gnas pas lta ba drag po dang / yang dag pa'i dran pa can gyi ni dpyod pa yid la byed pas 'dod chags dang ma bral ba dang /'dod chags dang bral ba'i sa pa'i yul rnam pa gnyis las yul de nyid la snang bar 'gyur te/ des ni de myur ba myur bar shes rab kyis rtogs nas spong bar byed do/ /des ni skye mched drug gi rgya mtsho yang rgal te/ de las rgal bas yul rnam pa gnyis pas rgya mtsho bslab pa 'bul ba kun nas slong ba'i nyon mongs pa dang bcas/rtog pa dang sems kun du 'khrug pa kun nas slong ba'i nyon mongs pa dang bcas/ rnyed pa dang bkur sti la lhag par zhen pa kun nas slong ba'i nyon mongs pa dang bcas/ ngan par spyod pa kun nas slong ba'i nyon mongs pa dang bcas pa las gtan rgal ba yin no//sdom ni/ lam la mtshungs pa med pa dang / /ston pa la ni mtshungs pa med/ /yul 'khor rgyal por bcas pa dang / /'jig rten rnam pa gnyis po dang / /'dus byas dang ni 'dus ma byas/ /'gro ba dang ni dgag pa dang //dang du len dang stong nyid gsum/ /lam mtshungs pa med pa ni rnam pa gnyis te/ rang bzhin mi mtshungs pa dang / rnam pa mi mtshungs pa'o/ /de la sdug bsngal kun 'byung bar 'gyur ba'i lam gang yin pa dang / sdug bsngal 'gog par 'gyur ba'i lam gang yin pa 'di ni rang bzhin mi mtshungs pa ste/gcig ni kun nas nyon mongs par 'gyur ba'o/ /gnyis pa ni rnam par byang bar 'gyur ba ste/ 'di ni 'dir mi mtshungs pa'o/ /sdug bsngal 'gog par 'gyur ba'i lam de nyid la yang 'dus byas kyi spyi'i mtshan nyid la 'jug pa yang yod la 'dus byas dang 'dus ma byas pa'i spyi'i mtshan nyid kyi rnam par 'jug pa yang yod de/'di ni rnam pa mi mtshungs pa'o/ /de la 'dus byas kyi spyi'i mtshan nyid kyi rnam pa gang yin pa de ni de'i 'bras bu dang mi mtshungs par rig par bya'o/ /'dus byas dang 'dus ma byas kyi spyi'i mtshan nyid kyi rnam pa gang yin pa de ni de'i 'bras bu dang mtshungs par rig par bya'o//de ci'i phyir zhe na/ de'i 'bras bu mya ngan las 'das pa ni rtag pa dang bdag med pa yin pa'i phyir ro/ /lnga po 'di dag ni chos 'di pa'i ston par gdags pa'i gnas yin te/ de dag ni 'di las phyi rol pa'i ston pa la med de/ 'di lta ste/ nye bar len pa thams cad du 'gro ba'i lam dang / nye bar len pa thams cad zad par 'gro ba'i lam dang chos thams cad yongs su shes nas spangs pa'i phyir sdug bsngal mthar byed pa dang / tshor ba rnam par gzhag pa rnam pa lnga la rnam pa re re zhing yang 'jig tshogs la lta ba rnam pa bzhi bzhi la brten nas//de la brten pas rlom sems rnam pa bzhi yang dag par bcom pa dang / nga rgyal gyi rgyu las byung ba'i nyes dmigs rnam pa gsum dang / nga rgyal med pa'i rgyu las byung ba'i phan yon gsum mo//de la rlom sems su byed pas yongs su mi 'chad pa'i phyir mya ngan las 'das pa las sems phyir ldog par 'gyur te/ 'di ni nyes dmigs dang po'o/ /nyes par spyod pa kun du spyod pa dang / chags par 'gyur ba kun nas nyon mongs pa can gyi dngos po la gzhol ba 'di ni nyes dmigs gnyis pa'o//de'i mya ngan las 'das pa la yongs su yi 'chad pa'i phyir phyi ma la skye ba la sogs pa'i nad 'byung bar 'gyur ba'i rgyur shin tu 'gyur ba dang / yongs su yi 'chad pa'i phyir ji lta ba bzhin du nyes par spyod pa dang / kun nas nyon mongs pa can chags par 'gyur ba'i yul la yang de dang 'dra'o//skye ba la sogs pa'i nad ji lta ba bzhin du mig la sogs pa'i skye mched kyi 'bras bu rnams dang / 'dod chags la sogs pa'i zug rngu rnams kyang de dang 'dra ste/ 'di ni nyes dmigs gsum pa'o/ / de las bzlog pa ni nga rgyal med pa'i rgyu las byung ba'i phan yon yin par rig par bya'o/ /de bzhin du rten cing 'brel bar 'byung ba'i dbang du byas nas tshe 'di la yang srid par skye ba'i sa bon 'phel ba dang 'grib pa dang / de'i rgyus kyang phyi ma la yang srid par skye ba dang mi skye ba dang / de'i sa bon yongs su 'dzin pa'i nyon mongs pa kun 'byung ba dang nub pa dang /'jig rten dang 'jig rten las 'das pa'i chos brtan pa yang dag pa ji lta ba bzhin du rnam par gzhag pa yang de dang 'dra ste ston par gdags pa'i gnas 'di dag ni chos 'di pa'i ston pa 'ba' zhig la yod kyi/'di las phyi rol pa la ni med do/ /'dod pa'i khams na snod kyi 'jig rten ni yul 'khor ji lta bu yin par rig par bya'o/ /sems can gyi 'jig rten ni bka' bzhin du byed pa'i mi lta bu'o/ /bdud ni rgyal po lta bu'o/ /'jig rten ni gnyis te/ sems can gyi 'jig rten dang /snod kyi 'jig rten no/ /de la snod kyi 'jig rten ni me la sogs pas 'jig go/ /sems can gyi 'jig rten ni so sor rang dang / skad cig pa dang so so rang gi lus 'jig go/ /'dus byas dang 'dus ma byas ni 'di gnyis yin te/ de la 'dus byas ni rtag pa dang brtan pa dang /ther zug pa dang / mi 'gyur ba'i chos can dang / bdag dang bdag gis stong ngo / /'dus ma byas ni bdag dang bdag gis stong ngo / /stong pa nyid de yang rgyu med pa'i chos nyid kyis bsdus te/ chos nyid kyi rigs pa la brten to/ /de ni 'di lta bu'i yin gyi gzhan du ni ma yin no zhes bya ba thams cad du yang chos nyid kyi rigs pa 'ba' zhig la brten to//de bzhin gshegs pa ni 'jig rten gyi mthar thug pa dgag par mi mdzad mod kyi 'on kyang lus dang 'brel ba'i 'gro ba'i sgo nas ni 'jig rten gyi mthar thug pa dgag par mdzad do/ /de de la don dam pa'i tshul gyis ni 'jig rten dang /'jig rten gyi mthar thug pa'i thabs dang / 'jig rten gyi mtha' yang rig par bya'o/ /de la skye mched drug la ni ming du gdags pa'i dbang gis byung ba'i 'jig rten gyi 'du shes byung ngo / /'jig rten gyi 'du shes ni 'du shes kyi dbang gis byung ba'o//'jig rten zhes bya ba ni 'du shes dang shes pa'i dbang gis byung ba'o/ /'jig rten gyi tha snyad ni mthong ba dang / thos pa dang / bye brag phyed pa dang rnam par rig pa'i dbang du bya ba'o / /reg pa'i skye mched drug po rnams rnam pa lngar yongs su bsgyur ba yang dag pa ji lta ba bzhin du shes pa ni 'jig rten gyi mthar thug pa'i thabs so//ma 'ongs pa'i 'du byed kyi rgyu yang dag par zad pa'i phyir ni 'jig rten gyi mthar thug par 'gro ba'o/ /rgyu dang 'bras bu yang dag pa ji lta ba bzhin du shes pa'i phyir ni 'jig rten rig pa'o/ / lus kyi tha ma 'dzin pa'i phyir ni 'jig rten gyi tha ma 'dzin pa'o/ /tshe 'di la yul thams cad la sred pa zad pas rtag par gnas pa'i phyir ni 'jig rten na sred pa las rgal ba ste/ rnam pa 'di dag gis ni 'jig rten gyi mthar thug par rig par bya'o/ /legs par gsungs pa'i chos 'dul ba la rab tu byung ba la sdig pa mi dge ba'i rtog pa gang yang rung ba ma byung ba las byung ba ni byung ba dang du len pa tsam du gcig tu nges par tshangs par spyod pa'i bar du gcod par mi byed de/de la kun du mi spyod pa 'ba' zhig ni legs so/ /kun du spyod par gyur na yang dang du mi len pas rgyud de la gnas pa'i tshul gyis rten gyi skabs dbye bar mi bya'o//de ci'i phyir zhe na/ nyon mongs pa skad cig pas ni tshangs par spyod pa'i gnas las nyams par byed mi nus la rgyun gyis ni nus pa'i phyir ro/ /stong pa nyid kyi gnas pa ni gnyis te/ gnas brtan stong pa nyid kyis gnas pa dang /des bskyed pa'i stong pa nyid kyis gnas pa'o/ /de la dgra bcom pa'i bdag med pa'i gnas pa gang yin pa de ni gnas brtan stong pa nyid kyis gnas pa zhes bya ste/ 'di ltar dgra bcom pa ni chos nyid kyis gnas brtan yin pa'i phyir ro/ /bdag med pa'i gnas pa yang gnas pa gzhan rnams kyi gnas brtan thu bo yin te/de bas na gnas brtan gyis gnas pa dang / gnas pa nyid gnas brtan yin pas na de'i phyir gnas brtan gyis gnas pa zhes bya'o/ /des bskyed pa'i gnas pa gang zhe na/ ji ltar 'di na kha cig rgyu zhing 'gro ba dang gnas pa la nyon mongs pa yod pa dang med pa yang dag pa ji lta ba bzhin du yongs su shes nas yod na ni spong ba'i phyir/nan tan du sgrub par byed do/ /med na ni mchog tu dga' bskyed par byed do/ /de'i mchog tu dga' ba de yang sems kyi ting nge 'dzin gyi bar du 'gyur te/ ting nge 'dzin de yang dag pa ji lta ba bzhin du bdag med pa'i chos rnams mthong ste/ nyin mtshan du rjes su slob pa 'di ni des bskyed pa'i stong pa nyid kyis gnas pa yin no/ /de la gang des nang na nyon mongs pa yod na yod pa dang med na med par yang dag pa ji lta ba bzhin du rab tu shes pa 'di ni 'dir stong pa nyid yin no//'di la 'phags pa nyan thos lta ba phun sum tshogs pa bzhi mthong ba ni yang dag pa ji lta ba bzhin du stong pa nyid la zhugs nas 'jig rten pa'i lam gyis kyang stong pa nyid sgom par byed la 'jig rten las 'das pa'i lam gyis kyang sgom par byed do//yang dag pa ji lta ba bzhin du stong pa nyid la zhugs pa gang zhe na/ gang na gang med pa de ni des stong par yang dag par mthong la gang na yod pa de ni yod de 'di na yod do bar yang dag pa ji lta ba bzhin du rab tu shes te dper na sdong bu sa'i khang pa ni res 'ga' skye bo'i tshogs kha cig gis stong la res 'ga' ni mi stong pa dang /khang pa de nyid nas gdung rten nam/ dgab pa'am/ sgo'am/ gtan pa'am/ yan lag gang yang rung ba kha cig gis stong du zin kyang khang pa nyid khang pas stong pa ni ma yin no/ /de bzhin du lus dang gnas ni tshor ba'i rnam pa zhes kyang bya/'du shes kyi rnam pa dang / sems pa'i rnam pa zhes kyang bya ste/ lus dang gnas de yang res 'ga' tshor ba dang / 'du shes dang / sems pa'i nyon mongs pa dang / nye ba'i nyon mongs pa kha cig gis ni stong la/ kha cig gis ni mi stong ba dang / lus dang gnas de nyid nas res 'ga' mig gam/rna ba'am/ sna'am/ lce'am/ lus kyi phyogs gcig gam/ yid kyi phyogs gcig gam/ kha cig gis stong du zin kyang lus dang gnas thams cad thams cad kyis stong pa ni ma yin no/ /de la don gyi mdo ni 'di yin te gal te chos rnams kyi rang bzhin rang bzhin gyis stong par mthong na ni phyin ci log gi stong pa nyid la zhugs pa yin par bstan te/chos 'dul ba 'di las 'das te thal bar 'gyur ro/ /gal te kha cig ni rang gi mtshan nyid kyis yod par mthong la kha cig ni med par mthong ba dang /yod pa de yang med pa dang / gtan bral ba dang / yod par yang res 'ga' kha cig dang bral la res 'ga' ni kha cig dang ma bral bar mthong ba 'di ni yang dag pa ji lta ba dang / phyin ci ma log par stong pa nyid la zhugs pa zhes bya'o/ /de la 'jig rten pa'i lam gyis bsgom pa ni 'di lta ste/'phags pa nyan thos rab tu dben pa na gnas pas grong dang mi'i 'du shes ma byas nas de'i 'og tu dgon pa'i 'du shes yid la byed de de ni rang gi lus la 'di snyam du sems te 'du shes kyi rnam pa 'di ni ming dang grong gi 'du shes kyis stong ngo / /'di la mi stong pa yang yod de 'di lta ste/dgon pa'i 'du shes kyi rkyen gyis dgon pa'i 'du shes dang / mtshungs par ldan pa'i tshor ba dang sems pas mi stong ngo snyam mo/ /'du shes kyi rnam pa de nyid las kyang rags pa ma zhi bar gnas pa'i rims nad lta bu kha cig gis stong la ches cha phra bas ni mi stong par mthong ngo //des shing dang / rtswa dang / nags tshal dang / ri dang / ri dgas dang bya rnam pa sna tshogs kyi rnam pa 'dzin pa'i tshul gyis dgon pa'i 'du shes yid la ma byas nas sa'i 'du shes rnam pa sna tshogs kyi rnam pa ma yin pa yid la byed do/ /gzhan yang sa'i 'du shes mi mnyam pa dang / mthon dman can dang /tsher ma dang / gseg ma dang / gyo mo mang po 'dzin pa'i rnam pa yid la ma byas nas/ 'jam zhing mnyam la lag mthil gyi rnam pa lta bur 'dug pa yid la byed do/ /de'i 'og tu gzugs kyi 'du shes spangs nas nam mkha' mtha' yas skye mched kyi 'du shes dang / rnam par shes pa dang / ci yang med pa'i skye mched kyi 'du shes yid la byed do/ / de'i 'og tu 'du shes med 'du shes med min skye mched mtshan ma med pa yid la byed de/ thams cad du yang snga ma bzhin du stong pa nyid du 'phar zhing 'og ma la ni rags par 'du shes la gong ma la ni ches zhi bar 'du shes te 'di ni 'jig rten pa'i lam gyis ci yang med pa'i skye mched kyi bar gyi 'dod chags dang bral bar gyur pa'i phyir 'phags pa nyan thos kyi stong pa nyid bsgom pa yin par rig par bya'o//de'i 'og tu 'phags pa'i lam gyi rnam pa mi rtag pa'i rnam pa la sogs pa la brlan nas 'du shes med 'du shes med min skye mched kyi 'dod chags dang bral bar 'gyur te/de ni rang gi lus la 'di snyam du sems te/ 'du shes kyi rnam pa ni 'di lta ste/ zag pa thams cad kyis stong ngo / /gcig tu nges par zhi ba'i phyir rims nad med pa'o/ /'di la mi stong ba yang yod de/'di lta ste/ gnas 'di nyid kyi rkyen gyis skye mched drug gcig la gcig gis mi stong ngo snyam ste/ tshe'i tshad ji srid gnas pa'i bar du rkyen las byung ba dag go/ /bcom ldan 'das ni byang chub sems dpar gyur pa na yang stong pa nyid la shas cher gnas pas bla na med pa yang dag par rdzogs pa'i byang chub yang dag par bsgrubs te/mi rtag pa dang sdug bsngal ba yid la byed pa la gnas pas ni de lta ma yin no/ /de ltar byang chub rnyed pa na yang gnas pa de mchog yin pa dang / sngon de la goms pa'i rjes su 'jug pa'i phyir de nyid kyis shas cher gnas par mdzad do//stong pa nyid ni gnyis te/ mngon sum du bya ba'i stong pa nyid dang / bsgom pa'i stong pa nyid do/ /dge slong 'du 'dzi'i gnas pas gnas pa la ni rnam pa gnyis 'grub par mi 'gyur te/ mngon sum du bya ba'i stong pa nyid mngon sum du bya ba dang /bsgom par bya ba'i stong pa nyid bsgom pa'o/ /rnam pa gnyis po mi 'grub pa'i rgyus ni bde ba rnam pa bzhi las yongs su nyams par 'gyur bar rig par bya ste/ 'di lta ste/ yongs su 'dzin pa thams cad las gyur ba'i rnam par chags pa'i sdug bsngal las nges par grol ba'i nges par 'byung ba'i bde ba dang /'dod pa'i 'dun pa dang / gnod sems las rnam par grol ba'i bsam gtan dang po'i dben pa'i bde ba dang / rtog pa dang dpyod pa nye bar zhi bar byed pa'i nye bar zhi ba'i bde ba dang / rnam par grol ba rnam pa gnyis kyis bsdus pa dang /nye bar len pa med cing yongs su yi 'chad pa med pas bsdus pa'i rdzogs pa'i byang chub kyi bde ba'o/ /de la rnam par grol ba rnam pa gnyis ni dus dang sbyor ba'i sdug pa dang / bskyod du med pa'i sems rnam par grol ba'o/ /de la dgra bcom pa dbang po rtul ba'i phyir 'jig rten pa'i snyoms par 'jug pa las yongs su nyams par 'gyur ba'i chos can gyis ni snyoms par 'jug pa'i sgrib pa las rnam par grol ba'i phyir dus dang sbyor ba'i sdug pa sems rnam par grol ba zhes bya ste/'di ltar yongs su nyams par 'gyur ba'i chos can yin pas na dus dus su yongs su nyams par 'gyur zhing mngon sum du yang byed do//tshe 'di la bde ba la reg par gnas pas na sdug pa zhes bya'o/ /de la bskyod du med pa ni zag pa med pa'i lam thams cad kyis rnam par grol ba ste/ de ni gtan du yongs su nyams par mi 'gyur ro//gal te dgra bcom pa dbang po rno ba'i phyir 'jig rten pa'i ting nge 'dzin las yongs su nyams par mi 'gyur ba'i chos can zhig yin na ni de'i nges pa'i don la dus kyi don zhes bya bar rig par bya'o/ /lhag ma ni snga ma bzhin no/ /de la len pa med pa dang /yongs su yi 'chad pa med pa ni gang la dgra bcom pa'i sems dga' bar 'gyur ba dang gang la rnam par 'gyur zhing gzhan du 'gyur ba las de'i mya ngan la sogs pa skye bar 'gyur ba'i gzugs de gcig kyang mi dmigs pa'o/ /de la mngon sum du bya ba'i stong pa nyid ni rnam pa gnyis te/phyi rol stong pa nyid dang / nang stong pa nyid do/ /de la phyi rol stong pa nyid ni spyir na gzugs kyi 'du shes rnam pa lnga ste 'dod pa'i yon tan lnga dang ldan pa las 'das nas/ 'dod pa'i 'dod chags dang bral ba mngon sum du bya'o/ /de la nang stong pa nyid ni nang gi 'du byed rnams la nga'o snyam pa'i nga rgyal spang ba mngon sum du bya ba gang yin pa'o//de la bsgom par bya ba'i stong pa nyid gang zhe na/ de yang rnam pa gnyis su rig par bya ste/ 'di lta ste/ nang dang phyi rol gyi yul la bdag med par mthong ba dang / de nyid la mi rtag par mthong ba'o/ /de la stong pa nyid rnam pa bzhi po 'di dag gi rten yang rnam pa bzhi yod par rig par bya ste/de la phyi stong pa nyid kyi rten ni nang gi sems gnas pa'i ting nge 'dzin gyi sgo nas dben pa las skyes pa'i dga' ba dang bde bas lus brlan pa dang nga'o snyam pa'i nga rgyal yongs su shes pa'o/ /nang stong pa nyid kyi rten ni nang dang phyi rol gyi chos rnams la bdag med par mthong ba'o//bdag med par mthong ba'i rten ni de dag nyid la mi rtag par mthong ba'o/ /mi rtag par mthong ba'i rten ni dam pa'i chos thos pa dang tshul bzhin yid la byed pa'o/ /de la 'dod pa'i 'dod chags dang bral bar bya ba la brtson pa'i dge slong ni dpyod pa'i yid la byed pa'i dbang du byas nas sdug pa'i mtshan ma 'dod pa dang ldan pa yid la byed de/des lam dang phyi stong pa nyid mngon sum du ma byas pa dang / legs par ma bsgoms pa dang / bstan pa la gzhol ba'i phyir/ phyi stong pa nyid la mngon par dga' ba'i tshul gyis sems mi 'jug ste/de nga'o snyam pa'i sgo nas der sems 'phro bar mthong nas/ nang stong pa nyid la zhi ba'o snyam du yid la byed do/ /des nga'o snyam pa'i nga rgyal yang spangs la lam yang legs par ma bsgoms pas de la yang sems mi 'jug ste/des nang dang phyi rol gyi 'du byed rnams la bdag med pa mthong ba sgom par byed de/ des bdag med pa mthong ba legs par ma bsgoms pas de la yang sems mi 'jug go/ /de nang dang phyi rol de dag nyid la mi rtag par mthong bas mi g.yo ba'i sems sgom par byed de/'du byed rnams la mi rtag par mthong bas rnam pa thams cad du g.yo bar mi 'gyur ro/ /de bas na mi rtag par mthong ba la mi g.yo ba'i khams zhes bya'o/ /des gnas de dag la sems ma mos par yang dag pa'i shes rab kyis rtogs nas sems de mi sdug pa la dmigs pa'am/byams pa la dmigs pa'am/ dbugs phyi nang du rgyu ba la dmigs pa'am/ 'du byed thams cad mi rtag pa la dmigs pa'i ting nge 'dzin la lan mang du byas pa'i rgyus las su rung bar 'gyur ro/ /de nas rim gyis thams cad la 'jug par 'gyur te/ de'i mngon sum du bya ba'i stong pa nyid mngon sum du bya ba yang yongs su rdzogs par 'gyur te/ de yongs su rdzogs pa'i rgyus tha ma'i cha dang mthun pa dang / gong ma'i cha dang mthun pa'i kun tu sbyor ba rnams las sems rnam par grol bar 'gyur ro/ /bsgom par bya ba'i stong pa nyid bsgom par bya ba yang yongs su rdzogs par 'gyur te/de yongs su rdzogs par gyur ba'i rgyus mi slob pa'i yang dag pa'i lta ba la sogs pa'i chos rnams dang ldan par 'gyur ro/ /gang gi tshe mi 'jug pa de'i bar du ni so so'i skye bo'i gnas skabs so/ / gang gi tshe 'jug pa de ni slob pa'i gnas skabs so/ /gang gi tshe sgom pa yongs su rdzogs par 'gyur ba de ni mi slob pa'i gnas skabs so/ / de ni sgom pa yongs su rdzogs pa la zhugs shing sems g.yos pas dge ba'i rtog pa la rtog par byed do/ /de la yang tshod shes shing kun nas nyon mongs pa can ma yin pa'i gtam byed do//yang dag pa'i 'chag sar 'chag par byed do/ /yang dag par stan la 'dug la thams cad du 'ang tshod shes te de ltar na 'di ni 'di'i rgyu zhing 'gro ba dag pa yin no/ /gnas pa dag pa ni snga ma yin no/ /bar skabs dag tu yang spyod pa yid la byed pas nyon mongs pa kun du spyod pa la so sor brtag cing sems rnam par sbyong ste/'di dag ni gcig tu nges pa'i dkar po'i chos rnams yin te/ de dag dang ldan na bdud dang phyir rgol ba rnams kyis mi tshugs la sdig pa mi dge ba'i chos rnam pa bzhis mi 'phrogs te/yang srid par skye ba'i rang bzhin gyis kun nas nyon mongs pa can rnams dang / tshe 'di la lus dang sems yongs su gdung ba dang / ngan song gi rgyu'i rang bzhin dang / skye ba la sogs pa'i sdug bsngal gyi rgyu'i rang bzhin gyis so/ /gtam ni rnam pa gnyis te/sgra tsam la mos pa'i rjes su 'brang ba dang / chos kyi rjes su mthun pa'i chos la nan tan du sgrub pa'i rjes su 'brang ba'o/ /de la snga ma ni chos kyi lung nod pa dang / kha ston du byed pa dang /kun tu 'dri ba dang / yongs su 'dri ba dang /'chang bas phye ba'o/ /cig shos ni dmigs pa'i gnas dang /sems rnam par grol ba'i man ngag gis phye ba ste/ de'i don du de bzhin gshegs pa rnams 'byung ba dang / nyan thos rnams kyang bstan pa'i rjes su 'jug cing dge ba'i chos de dag gis yang dag par sbyor bar byed do/ /chos 'dul ba gang la tshangs par spyod pa la gnas pa gtan med pa de la ni tshangs par spyod pa yang med de de la ni tshangs par spyad pa dang /tshangs par spyod pa yang med pa la ni phan tshun slob dpon dang / slob ma'i tshul du khas blangs pa rnams kyis log par sgrub pa gang yin pa de slob dpon la gnod pa'am/nye gnas la gnod par 'gyur ro/ /'di la ni gnyi ga yod do/ /de la 'bras bu chen po dang / phan yon chen po'i stong pa nyid mngon sum du bya ba dang / bsgom pa btang ste/ dma' zhing kha na ma tho ba dang bcas pa'i rnyed pa dang bkur sti'i ro myang bas 'phrog cing log par sgrub pa gang yin pa de ni tshangs par spyod pa'i gnod pa chen pos gnod par byas par rig par bya ste/de ltar rnyed pa dang bkur sti la zhen pa de ni bdag nyid la yang gnod pa byed do/ /rnam par thar ba dang mthun pa'i gtam de yang nyan par mi 'dod la ston pa na yang rna blags par mi byed do//de nyan par byed na yang rnyed pa dang bkur sti'i ched du nyan par byed kyi shes par bya ba'i sems kyis ni ma yin no/ /nan tan du sgrub par yang mi byed la ma dul ba'i phyir gzhan dul bar yang mi byed pa dang / mya ngan las bzla ba'i bar du yang mi byed de/de ltar na des ni ston pa'i dgra bzhin du kun du spyod pa yin te/ phan pa rgya chen pos nye bar gnas pa la lan du gnod pa byas pa'i phyir ro/ /de la don gyi mdo ni 'di yin te/ legs par gsungs pa'i chos 'dul ba la rab tu byung nas des ci nas bdag gis nan tan du bsgrub par bya ba de lta bu la rnam pa bzhis ma zhugs pa dang /ci nas ston pa la nan tan du bsgrub par bya ba dang / gang gis bstan pa la rab tu byung ba de lta bur ma zhugs te/ 'di lta ste/ 'dre bar gnas pa dang / sgra tsam la mos pa'i rjes su 'brang ba'i gtam gyis rjes su 'brang ba dang /rnyed pa dang bkur sti la zhen pa dang / de la zhen pa'i dbang gis byung bas dam pa'i chos mnyan par byed kyi bdag la phan pa dang / gzhan la phan pa sgrub pa'i phyir ma yin pa'o/ /de bzhin gshegs pa ni tshogs yongs su sdud par bzhed pa'i phyir tshogs nye bar 'dzin par mi mdzad kyi sems can rnams la thugs brtse ba 'ba' zhig gi phyir te/gang gi phyir log par sgrub pa'i nyan thos rnams la yid bsrung ba med par ngo bzlog phod par mdzad de/ nyan thos rnams la ngo bzlog phod pa de dang / rtsub la phan par gsungs pa des chos 'dul ba 'di las phyir ldog par gyur du zin kyang de ni de dag la ches phan par 'gyur gyi 'di la gnas pa rnam pa log par sgrub pa ni de lta ma yin no//sdom ni/ 'dod chags bral dang ma bral dang / /rgyu dang rkyen dang lam dang ni/ /srog la yid ni mi brtan dang //kun tu chags pa'i gnas rgyas pa/ /dge slong ni 'dod chags dang bral ba yang rung / 'dod chags dang ma bral ba yang rung ste/ 'dod pa'i yon tan lnga dang / yid kyis shes par bya ba'i yul mnyam par gzhag pa'i sa pa'i chos rnams la dus gsum du kun nas dkris pa rnam pa gsum dang /de'i rtsa ba bag la nyal gyis kun nas nyon mongs par gyur na tshe 'di la yongs su mya ngan las 'da' bar 'gyur ba'i skal ba med do/ /de la 'das pa'i dus kyi sgo nas ni de la rnam par shes pa brten to/ /ma 'ongs pa'i dus kyi sgo nas ni de la rag las so//da ltar gyi dus kyi sgo nas ni de la mngon par zhen to/ /de'i rtsa ba bag la nyal de'i rgyud la yod pa dang rjes su 'brel pas ni rnam par shes pa de nye bar len par byed do/ /de las bzlog pa ni kun nas nyon mongs par ma gyur na tshe 'di la yongs su mya ngan las 'da' bar 'gyur pa'i skal ba can yin no//bzhi po 'di dag ni chos 'dul ba 'di la zhugs pa rnams kyis tshul bzhin du 'dri ba yin par rig par bya ste/ 'di lta ste/ khyim bdag gam/khyim bdag gi bu dad pa can dang / dge slong thos pas byang ba dang /ston pa'i drung na 'dug cing bsnyen bkur byed pa dang / ston pa nyid de/ de bzhin gshegs pa ni nyan thos zhu bar ni 'dod la bag tsha ba dang /mi shes pa'i don mngon par gzigs pa'i phyir nye bar gnas pa dang ma 'ongs pa'i nyes pa bsal ba dang / dam pa'i chos yun ring du gnas par mdzad pa'i phyir mkhyen bzhin du rgyu rnam pa gnyis kyis nyan thos la 'dri bar mdzad do//rnam par shes pa'i tshogs drug po rnams kyi ni rgyu rnam pa gnyis kyi skye mched drug ni rgyu yin la phyi rol gyi skye mched rnams ni rkyen zhes bya ste/ 'di lta ste/ skye mched drug ni de dag gi sa bon gyi gnas yin pa dang /ji ltar thob pa'i skye mched gcig tu nges par rnam pa gcig tu 'gyur ba'i phyir ro/ /yul ni gcig tu rnam pa du mar 'dug pa'i phyir ro/ /nyon mongs pa thams cad ni spyir na rgyu rnam pa gnyis kyis rig par bya ste/ kun nas nyon mongs pa'i rang bzhin gang yin pa dang /de'i lam gang yin pa'o/ /de la rang bzhin ni 'dun pa'i 'dod chags te kun nas nyon mongs pa thams cad kyi rtsa ba yin pa'i phyir ro/ /de'i lam ni nang dang phyi rol gyi skye mched rnams te/ gzung ba dang 'dzin pa'i bye brag yin no//dge slong rgyu zhing 'gro ba'am gnas pas gnas gnyis yang dag par mthong bas ni tshul bzhin du yid la byed pa la brten nas/ kun nas nyon mongs pa rnam pa gnyis las sems rnam par grol bar bya'o/ /gnas gnyis po gang zhe na/ 'di lta ste/ srog la yid mi rton pa dang / mi dge ba'i sems kyis shi na ngan 'gror 'gro ba'o/ /tshul bzhin yid la byed pa ni gang la brten/ kun nas nyon mongs pa rnam pa gnyis po gang las ni sems rnam par grol bar bya zhe na/ bdag rang gi skye mched rnams mtshon cha rnam pa sna tshogs kyis btab cing ma rung bar byas kyang sla'i /bdag mi dge ba'i sems kyis shi nas ngan song dag tu skye bar 'gyur ba ni de lta ma yin no/ /ji ltar byas na bdag bde ba dang ldan pa dang / yid bde ba dang ldan pas mi dge ba kun du spyod pa'i gnyen por yang dag pa la yang dag par so sor rtog par 'gyur zhig gu snyam du so sor brtags nas 'du byed rnams mi rtag pa 'ba' zhig sgom par byed de/de la rgyu zhing 'gro ba na ni yul gyi mtshan ma 'dzin pa dang / rtags 'dzin pa'i kun nas nyon mongs pa las rnam par 'byed do/ /yang na rab tu dben pa na gnas pa na mi dge ba'i rtog pa'i kun nas nyon mongs pa las rnam par 'byed do//de la kun nas nyon mongs pa dang po ni rgyu lta bu yin la gnyis pa ni 'bras bu lta bu yin par rig par bya'o/ /de la kun nas nyon mongs pa gnyis la gnas pa la ni gnas gnyis 'byung ba yod de/srog la yid mi rton pa dang / 'chi ba'i tshe kho na ni mi dge ba'i sems kyis shi na ngan 'gror 'gro ba'o/ /de bas na skad cig gcig gis kun nas nyon mongs pa rnam pa gnyis la yang nyes par lta ba dang / ngo tsha shes pa dang khrel yod pa drag po bskyed par bya ba na/ rgyun du 'byung ba lta ci smos/'di dag ni bdud 'jug par 'gyur ba'i kun du chags pa'i gnas kyi kun nas nyon mongs pa mang pos te de dag ni mkhas pas yongs su shes nas yongs su spang bar bya ba yin te/ 'dod pa'i 'dod chags dang bral ba'i so so'i skye bo'i snyoms par 'jug pa las byung ba'i bde ba la rag las pa'i skye mched kyi ro myong bar byed pa'i kun du chags pa'i gnas dang /'dod chags dang ma bral ba'i 'dod pa'i yon tan lnga la brtan pa'i tshor ba'i sgo nas mngon par dga' ba dang / mngon par chags pa dang / lhag par zhen pa dang / lhag par zhen pa nas gnas pa'i kun du chags pa'i gnas dang /sems can phan 'dogs pa rnams la rjes su chags pa dang / gnod par byed pa rnams la khong khro ba'i kun du chags pa'i gnas dang / yul rags shing rgya che ba la 'phrog par byed pa'i bde ba'i gnas dang /sdug bsngal gyi gnas dus gsum du btsal bar bya ba dang / brtag par bya ba dang / lhag par chags par bya ba'i kun du chags pa'i gnas te/ de la sdug pa dang / yid dang 'thad pa dang / dga' ba dang / yid du 'ong ba rnams kyi dbye ba ni snga ma bzhin du rig par bya'o//mi sdug pa ni ma 'ongs pa'i dus kyi sgo nas mi 'dod pa'o/ /yid dang mi 'thad pa ni 'das pa'i dus kyi sgo nas mi 'dod pa'o/ /mi dga' ba ni rjes su dran pa'i yul mi 'dod pa'i sgo nas so/ /yid du mi 'ong ba ni 'dod pa'i tshor ba'i sgo nas so/ /sdug bsngal ba yang yul mi 'dod pa'i sgo nas so//gnod par byed pa yang mi 'dod pa'i tshor ba'i sgo nas so/ /mi mthun pa ni 'das pa'i dus kyi mi 'dod pa'o/ /'cher 'grib ni ma 'ongs pa'i dus kyi mi 'dod pa'o/ /kun nas nyon mongs pa ni gnyis te/ phyi rol gyi yul gyi kun nas nyon mongs pa dang /nang gi tshor ba'i kun nas nyon mongs pa'o/ / de la mig la sogs pa la brten nas gzugs la sogs pa'i yul rnams la lhag par zhen pa ni yul gyi kun nas nyon mongs pa'o/ /reg pa la brten nas nang gi tshor ba la lhag par zhen pa ni tshor ba'i kun nas nyon mongs pa'o//'gog pa'i mya ngan las 'das pa gang la gnyi ga med pa de la ni bdud dang phyir rgol ba thams cad kyi gnas med do/ /sred pa dang lta ba ni rnam pa thams cad ni rnam pa bco lngas kun nas nyon mongs pa yin par rig par bya ste/ 'di lta ste/ kun nas dkris pa'i sgo nas skye mched rnams la kun nas sbyor ba dang /bag la nyal gyi sgo nas nye bar sbyor ba dang / bdag tu lta ba'i sgo nas lhag par sbyor ba ste/ rnam grangs bsdu ba las rgyas par ji skad bstan pa dang 'dra'o// //rnal 'byor spyod pa'i sa las gzhi bsdu ba/bam po bcu pa/ spyi sdom ni/ rgyu 'dra ba dang rkyen tsam dang / /'dod chags shas ni che ba dang / /gnas gcig pa ni tha ma yin/ /sdom ni/ rgyu 'dra ba dang bsam mi khyab/ /bcings pa dang ni grol ba dang / /rtags dang rig pa kun du 'gro/ /mos pa dang ni sgo bsdams dang //bstan dang mngon par dga' ba yi/ /rtags ni tha mar brjod pa yin/ /'di la 'phags pa nyan thos ni rgyu 'dra bas rnam par shes pa bdag med pa la rjes su zhugs nas rnam pa gsum gyis rnam par shes pa la yang dag par lta bas gnas so/ /rgyu 'dra bas na rnam par shes pa bdag med pa la ji ltar 'dug ce na/skye mched gzugs can lnga bo gang yin pa rnams dang / 'byung ba chen po bzhi las byung ba'i lus gang yin pa de ni 'phel ba dang / 'grib pa dang / len pa dang / 'dor ba'i mi rtag pa nyid mngon sum du gyur pas/de'i rkyen las byung ba'i rnam par shes pa'i mi rtag pa nyid la yang rjes su 'jug go/ /mi rtag pa gang yin pa de ni sdug bsngal ba yin la/ sdug bsngal ba gang yin pa de ni bdag med pa yin no zhes bdag med pa la yang rjes su 'jug go/ /ji ltar bdag med pa la rjes su zhugs nas yang dag par lta bar 'gyur zhe na/log par lta ba'i rtsa ba ni bdag tu lta ba yin te/ rtsa ba de snga nas yang dag par bcad pa'i phyir ro/ /rnam par shes pa de yang rten dang dmigs pa'i bye brag gis rnam pa du mar 'jug par yang dag pa'i shes rab kyis mthong ngo //rnam par shes pa de ltar 'jug pa la ni skad cig tsam gyi gnas skabs su yang snying po yod par yang dag par rjes su mi mthong na gtan du lta ci smos/ skye mched drug 'gag pa zhi ba dang spros pa med pa ni spros pa dang ldan pa'i rnam pa bzhis bsam par mi bya/brtag par mi bya/ yongs su 'dri bar mi bya ste/ gzhan dag gi blo'i khyad par yongs su brtag pa'i bsam pas bya ba tsam du zad do/ /bzhi gang zhe na/ yod pa'am/ med pa'am/ tha dad pa'am/ tha dad pa ma yin pa'o/ /skye mched drug po gang gi skye ba yang yod la 'jig pa yang yod pa de la ni phan tshun mtshan nyid tha dad pa yang yod do//de'i skye ba dang / 'jig pa la brten nas yod pa'am med pa yang mi dmigs so/ /gang la phan tshun mtshan nyid tha dad par yod pa de la ni rigs gzhan la ltos nas tha dad pa dmigs la rang gi rigs kyi snga phyi la ltos nas tha dad pa ma yin par dmigs so//skye mched drug 'gag pa ni rtag pa dang zhi ba'i mtshan nyid yin te de bas na spros pa bzhi po 'di dag gis dpyad cing brtag tu mi rung ngo / /de la don dang ldan pa ma yin pa sems shing rtog la smra ba gang yin pa de ni spros pa zhes bya'o//de ci'i phyir zhe na/de ltar spyod pa la ni dge ba'i chos ci yang 'phel bar 'gyur ba med la mi dge ba 'grib pa yang med de/ de bas na spros pa zhes bya'o/ /nang dang phyi rol gyi skye mched rnams la 'dun pa'i 'dod chags yod na ni yul mngon sum du gyur kyang rung lkog tu gyur kyang rung ba las dbang po lhag par btang snyoms su byed mi nus te/de bas na bcings pa zhes bya'o/ /'dun pa'i 'dod chags med na ni yul la mngon sum du gyur ba las kyang dbang po lhag par btang snyoms su byed nus na lkog tu gyur ba lta la ci smos te/ de bas na grol ba zhes bya'o//tshangs par sbyang nas yun ring du lon pa/ phung po dang skye mched rnams la bdag tu 'dzin pa dang / bdag gir 'dzin pa spangs pa la ni lus kyi tshor ba'i sdug bsngal rnams srog 'chad par byed pa'i bar dag gis thebs su zin kyang gzugs 'gyur ba yang med la sems 'gyur ba yang med pa 'di la ni de'i dbang po shin tu bsdams pa'i rtags rags pa yin no//de ltar dbang po shin tu bsdams pa de ni sdug bsngal rnam pa bzhi las rnam par grol ba'i phyir dga' ba rnam pa bzhi thob par 'gyur te/ 'di lta ste/ phyi ma la phyi rol gyi rkyen las 'byung ba dang /phyi ma la nang gi rkyen las 'byung ba dang / tshe 'di la yongs su mya ngan las 'das pa'i dus na phung po las gyur ba de gnyi ga dang / shi ba'i 'og tu sdug bsngal thams cad nying mtshams sbyor ba med pas 'jig rten rtswa dang shing dang 'dra bar mthong bar gyur ba'o//de la des ni rnam pa gnyis kyis skye mched drug gi 'jig rten rtswa dang shing dang 'dra bar mthong ste/ rtswa dang shing dang 'dra ba'i sems can med pa'i 'du shes dang / 'di lta ste/ 'dod chags dang / zhe sdang dang / gti mug gi mes bsreg par bya ba'i phyir skye mched drug po rtswa dang shing dang 'dra ba 'di nye bar len pa'o//nyan thos tshangs par spyod pa legs par spyad pa ni phyi ma la yang srid par skye ba'i sdug bsngal mi skye bar bya ba la de bzhin gshegs pa dang 'dra bar rig pa'i stobs dang ldan mod kyi tshe 'di'i rkyen las 'byung ba'i sdug bsngal mi skye bar bya ba dang /skyes zin pa myur ba myur bar spang ba la mi 'dra ste/ de bzhin gshegs pa ni rig pa'i stobs rnam pa gnyi ga dang yang ldan pas na de'i phyir rig pa mnga' ba bla na med pa yin par rig par bya'o/ /dge sbyong dang bram ze kha cig tshad ma'i gtso bo mngon sum du byis pa rnams kyang rnam par rmongs par mi byed na mkhas pa rnams lta smos kyang ci dgos pa las thal te kun du rmongs pa'i gzhi dang /gnas su gyur pa'i rtog ge la brten nas sngon gyi mtha' la brtsams pa'am/ yang na tshe 'di nyid la rnam pa bzhis nan gyis mchog tu 'dzin cing mngon par zhen nas/bde ba dang sdug bsngal la log par 'dogs so/ /de la sngon gyi mtha' las brtsams te sngon byas pa'i rgyu las byung ba'i phyir gcig tu nges par rang gis byas pa dang / dbang phyug gis sprul pa'i rgyu las byung ba'i phyir gcig tu nges par gzhan gyis byas pa dang /thog ma ni dbang phyug gis byas la phyis ni sngon byas pa'i rgyu las byung ba'i phyir rang gis kyang byas la gzhan gyis kyang byas pa dang / yang na rgyu med pa las byung bar rtog par byed de/ rang gis kyang ma byas gzhan gyis kyang ma byas par rgyu med par byung ba las 'dogs so//yang na tshe 'di nyid la rang dga' nas rang gis brtsal bas bskyed pa'i gang yin pa de ni rang gis byas pa kho nar 'dogs so/ /mi 'dogs bzhin du ma tshor bar gzhan gyis byas pa gang yin pa de ni gzhan gyis byas pa yin no//des kyang 'dod de tshor ba bzhin du gzhan gyis byas pa gang yin pa de ni rang gis kyang byas la/ gzhan gyis kyang byas so / /bdag dang gzhan gyis 'bad pa sngon du btang ba las byung ba ma yin par yul mngon sum du gyur ba tsam las byung ba gang yin pa de la ni de'i rgyu reg pa cha phra ba ma rtogs nas rang gis kyang ma byas gzhan gyis kyang ma byas par rgyu med par byung bar 'dogs pa yod do//de la dbang po dang yul dang rnam par shes pa phrad pa tsam las bde ba dang sdug bsngal 'byung ba tsam ni yod kyi sngon gyi mtha'am/ tshe 'di la bdag gam gzhan yod pa ni ma yin te/gsum po de nyid la bdag dang gzhan du 'dogs pa las gyur bar zad do/ /de bas na 'dir reg pa 'ba' zhig bde ba dang sdug bsngal gyi rgyur kun du 'gro bar rig par bya'o/ /rnam pa bzhis brtson 'grus brtsam pa yang dag par brtsams na myur ba kho nar zag pa zad par 'gyur te/bzhi gang zhe na/ 'di lta ste/ brtson 'grus brtsams drags pa'i sgo nas/ ci nas de rgod bag tu gyur bas lus ngal bar 'gyur ba dang / sems snad par 'gyur ba med par snyoms par khong du chud pa dang / ha cang zhum pa'i sgo nas dus chud gzon par mi byed pa 'di ni rnam pa dang po'o//bdag ni brtson 'grus brtsams pa yin gyi gzhan gyi ni de lta ma yin no snyam du nges rlom sems su yang mi byed pa 'di ni rnam pa gnyis pa'o/ /yang dag par brtson 'grus brtsams pa'i 'bras bu 'jig rten pa'i reg pa khyad par rtogs nas ro myang ba med pa dang ldan pa'i bag yod pa 'di ni rnam pa gsum pa'o//'di lta ste/ phyin chad yongs su nyams par mi 'gyur bar bya ba'i phyir brtson 'grus snyoms pa'i mtshan ma legs par bzung ba ni bzhi pa'o/ /de ltar yang dag pa'i brtson 'grus brtson pa la brten nas mthar gyis dgra bcom pa zag pa zad pas ston pa'am tshangs pa mtshungs par spyod pa mkhas pa'i drung du bdag nyid kyis rnam par grol ba brjod par 'dod pas ni gnas drug la mos pas 'di lta ste/bslab pa gsum dang gang zag lnga'i sgo nas dgra bcom pa yang dag par rjod par byed do//gnas drug la mos pa gang zhe na/nges par 'byung ba la mos pa dang / gnod pa med pa la mos pa dang / dben pa la mos pa dang / sred pa zad pa dang / nye bar len pa zad pa dang / brjed ngas pa med pa'i sems la mos pa'o/ /bslab pa gsum po rnams gang zhe na/lhag pa'i tshul khrims dang / lhag pa'i sems dang / lhag pa'i shes rab kyi bslab pa'o/ /gang zag lnga po rnams gang zhe na/ so so'i skye bo khyim pa dad pa tsam la brten nas nges par 'byung bar ni mos la yid yul gyis bcings pas nges par 'byung bar mi byed pa 'di ni gang zag dang po'o//so so'i skye bo nges par byung ba'i tshul khrims tsam la rten cing lus dang / ngag dang / yid kyis sems can rnams la gnod pa mi byed par zhugs pa 'di ni gang zag gnyis pa'o/ /rnyed pa dang bkur sti la sred pa spangs nas tshe 'di la 'dod pa'i 'dod chags dang bral ba ni gang zag gsum pa'o//slob pa bzhi mthong ba ni bzhi pa'o / /dgra bcom pa mi slob pa ni lnga ba'o/ /de la gnas dang po dang / gnyis pa la mos pa gnyis ni bslab pa dang po la brten par rig par bya'o/ /gnas gsum pa la mos pa ni bslab pa gnyis pa la brten pa'o//gzhan phyi ma gnas gsum pa la mos pa rnams ni bslab pa gsum pa la brten par rig par bya'o/ /de la shes pa gang gis nyon mongs pa rnams spong bar byed pa dang / nyon mongs pa spong ba gang yin pa de ni brjed ngas pa med pa'i sems so//de la yang srid par skye ba'i rgyu spangs pa'i phyir na sred pa zad pa'o/ /tshe 'di la yul gyi nyon mongs pa spangs pa'i phyir ni nye bar len pa zad pa'o/ /de la gang zag dang po'i dad pa dang nges par 'byung ba la mos pa ni gcig tu nges pa ma yin te/ phyi ma la thams cad kyi thams cad du bral bar 'gyur ba dang /gzhan du 'gyur ba'i skal ba can yin no/ /gnyis pa ste gnod pa med pa la mos pa yang de dang 'dra'o/ /gsum pa ste dben pa la mos pa yang de dang 'dra'o/ /slob pa'i gnas drug la mos pa ni phyi ma la 'bral bar 'gyur ba dang /gzhan du 'gyur ba'i skal ba med mod kyi 'phags pa'i gnas su skyes pa de'i ting nge 'dzin dang / dran pa dang / shes rab kyang legs par ma bsgoms shing yongs su ma smin pa dang / 'dod chags dang / zhe sdang dang / gti mug rnams kyang ma lus par ma spangs pa'i phyir byis pa gzhon nu'i ltar stobs chung ba yin no//de'i shes rab stobs chung ba dang / 'dod chags la sogs pa ma spangs pa'i phyir brgya la lan 'ga' brjed ngas par gyur bar yul rags pa'i snang ba dang phrad na slob pa'i sems rnam par grol ba dang / shes rab rnam par grol ba zil du brlags nas nyon mongs bskyed par byed do//de bas na gang zag de yang bya ba dang bcas pa'i phyir yan lag des dman pa yin no/ /dgra bcom pa'i gnas drug la gnas pa gang yin pa de ni lam shin tu bsgom pa'i phyir phyi ma la gzhan du 'gyur ba'i rgyur yang mi 'gyur na 'bral bar lta ga la 'gyur/'dod chags dang / zhe sdang dang / gti mug ma lus par spangs pas ni zad pa dang / mi skye ba'i ye shes thob pa'i sred pa dang / nye bar len pa zad pa la mos pa yang yongs su rdzogs la/ de'i shes pa yang rtag tu gnas par bya ba drug gis yongs su zin pa'i phyir brgya la lan 'ga' yang slob pa bzhin du brjed ngas pa tsam yang med de de bas na dgra bcom pa ni gnas drug la mos pa don dam pa yongs su rdzogs pa shin tu rnam par dag pa dang ldan gyi gzhan ni ma yin no//de bas na rnam grangs des bdag la yang stod par mi byed la shes pa yang rjod par byed do//de la ting nge 'dzin gyi spyod yul gyi dmigs pa la mi g.yeng ba'i tshul gyis ni nang gi sems gnas pa zhes bya'o/ /ting nge 'dzin shin tu yongs su grub pa'i phyir ni mi chung ba'o/ /nyon mongs pa thams cad dang bral ba'i phyir ni shin tu rnam par dag pa'o//shes pa yongs su byang ba'i phyir ni legs par bsgoms pa'o/ /'jig pa rjes su mthong ba'i phyir ni ro myang ba med pa ste sems de ni gcig tu nges par dge zhing kha na ma tho ba med pa yin no/ /gang zag ni 'di gnyis yin te/dbang po'i sgo ma bsdams pa dang / sgo bsdams pa'o/ /sgo ma bsdams pa'i gang zag gang zhe na/ ji ltar 'di na kha cig yul la tshul bzhin ma yin pa yid la byed cing dga' ba'i gzugs rnams la 'dod chags kyi kun nas dkris pas kyang kun nas dkris la mi dga' ba'i gzugs rnams la gnod sems kyi kun nas dkris pas kyang kun nas dkris te/yul de'i nyes dmigs kyang mi dran la dran du zin na yang nges legs par ma bsgoms pas kun nas dkris pa des zil gyis non te/ kun nas dkris pa skyes zin pa yang zil gyis mnan par mi nus pa dang /so so'i skye bo yang yin te/ slob pa'i sems dang shes rab rnam par grol ba ma thob pa dang / des thob tu zin na yang gong du mi slob pa'i sems dang shes rab rnam par grol ba yang dag pa ji lta ba bzhin du rab tu mi shes la/ ma shes pas slob pa'i sems dang /shes rab rnam par grol ba yongs su rdzogs par mi 'gyur te/ de ltar de'i bsgoms pa'i stobs la ma brten pas nyon mongs pa'i phyogs kyi gnas ngan len yang dag par ma bcom pa dang / sngon so sor brtags pa'i stobs la ma brten pas dran pa dang ldan par ma byas pa'i phyir dbang po'i sgo ma bsdams par rig par bya'o//dbang po'i sgo ma bsdams pa'i gang zag ni rnam pa gsum du rig par bya ste/ kun nas dkris pa dang so sor brtags pa'i stobs kyis bsdus pa'i gnyen po med pa'o/ /bsgoms pa'i stobs kyis bsdus pa'i gnyen po med pa'o//de las bzlog pa ni dkar po'i phyogs kyis sgo bsdams par rig par bya'o/ /nyan thos ni 'di lta ste/ don rab tu dbye ba'i sgo nas rnam pa gnyis kyis ston pas gsungs pa yang dag pa kho nar brda sprod cing ston par byed de/ gnyis gang zhe na/gang kho na la dgongs te gsungs pa'i dgongs pa de'i thog tu phebs par brda sprod pa dang / de bzhin gshegs pa'i bstan pa ni sgo du ma dang ldan zhing rgyas pa yin na gang zag rnams kyi spobs pa yang rnam pa sna tshogs yod de/ de la brten nas chos nyid dang mi 'gal bar brda sprod pa'o//dge slong gsar bu legs par gsungs pa'i chos 'dul ba la shin tu mngon par dga' ba'i rtags ni gnyis yod par rig par bya ste/ lus 'gyur ba med pa dang / sems 'gyur ba med pa'o/ /de dag kha dog gsal bas bzhin gyi mdongs gsal ba dang lus brtas pas dbang po rgyas pa ni lus 'gyur ba med pa'o//ngan ngon tsam gyis chog shes pa dang sogs par byed pa'i 'dod pa'i longs spyod spangs pa dang / rigs dang khyim la mi lta bas na sems 'gyur ba med pa'o/ /gsum po 'di dag ni 'khrig pa'i 'dod chags kyi gnyen po ste/'khrig pa'i 'dod chags ma skyes pa ni skyed par mi byed pa dang / skyes zin pa ni spong bar byed pa ste/ 'jug par bya ba ma yin pa'i 'du shes yid la byed pa dang / mi sdug pa'i 'du shes yid la byed pa dang dbang po'i sgo bsdams pa'o/ /de la dbang po'i sgo bsdams pa'i mdor bsdus pa dang rgyas pa ni 'di lta ste/nyan thos kyis las 'byung ba bzhin du rig par bya'o/ /dbang po'i sgo bsdams pas ni bud med la reg pa las lus legs par bsrungs pa yin no/ /bud med mi mthong ba dang mi thos pa dang mi dran pas ni dbang po rnams legs par bsdams pa yin no//mthong ngam thos sam dran du zin kyang shas cher nyes dmigs su lta ba dang / yun ring por 'dris par byas pas ni dran pa legs par gnas pa yin no/ /de ltar lus legs par bsrungs shing dbang po legs par bsdams la dran pa legs par gnas pa dang /'jug par bya ba ma yin pa'i 'du shes kyang yid la byed pa de ni sems rgod bzhin du yang nyon mongs pas zil gyis mi non to/ /mi sdug pa'i 'du shes kyang yid la byed pas na sems myur du 'gyur bzhin du yang nyon mongs pas zil gyis mi non to/ /sdom ni/ rkyen tsam dang ni rtog pa dang / /smon pa dang ni rnam kun gyi/ /bsdams pa dang ni ma bsdams dang / /'jug pa dang ni tshogs bsags dang / /bslab pa phul dang kun du chags/ /don la mi mkhas rgyun log dang / /byang chub sems dpa'i khyad par dang / /gdags pa yang ni tha ma yin//reg pa'i skye mched drug po rnams ni sngon gyi las dang nyon mongs pa rnams dang rang gi sa bon gyi rgyud la 'phangs pa'i tshor ba skye ba'i rkyen tsam du 'gyur te dper na lag gis len pa ni sems kyi kun nas bslang ba'i 'bad pas 'phangs pa'i las len pa'i rkyen tsam gyi bya ba byed pa de bzhin du 'dir yang rig par bya'o//dge slong bas mtha'i gnas mal na 'dug cing dben pa na gnas pa la gal te yul rags shing rtog pa'i kun tu 'khrug pa'i gnas kyi snang ba yid la byed par gyur na bdud kyi phyogs dang mthun pa yin te/ de la ni dge slong gis sems gnas pa rnam pa dgus yul thams cad dang mtshungs par ldan pa'i rtog pa las sems bsdus nas gang la brten na yul de dag gis bza' bar 'gyur ba'i rtog pa gcig kyang skye ba'i skabs mi 'byed do//des na yul de dag gis gnas mi thod pas phyir ldog par 'gyur ro//de de'i tshe chags par 'gyur ba'i dngos po la 'dod pa'i rtog pas rten par mi byed la gzhan la yang gnod sems dang 'tshe ba'i rtog pas gnod par mi byed do/ /tshe 'di la yang mya ngan las 'das pa thob par 'gyur ro/ /mya ngan las 'das pa thob nas kyang gzhan dag dang 'thabs nas rtsod cing mi 'dug ste/'di lta ste/ 'thabs nas rtsod pa 'di ni 'phags pa'i chos 'dul ba la skur ba 'debs pa yin pa'i phyir ro/ /de ltar na de ni 'di las phyi rol ba'i mu stegs can rnams ltar gti mug las skyes pa'i rtog pa la yang rtog par mi byed do//dge slong sngon gyi yang srid par skye bar 'gyur ba'i sdug bsngal gyi rgyu'i 'bras bu tshe 'di'i reg pa'i skye mched drug la gnas pa ni yul drug gis bcom pa bzhin du gal te yang srid par skye bar bya ba kho na'i phyir smon nas tshangs par spyod par byed na/ de de'i tshe na phyi ma la yang srid par skye bar 'gyur ba'i sdug bsngal gyi rgyu 'dun pas kyang lhag par bcom par 'gyur te/tshe 'di la mya ngan las 'da' ba la bar du gcod par byed pa dang / phyi ma la yang dal ba phun sum tshogs pa 'thob pa nges pa med pa'i phyir ro/ /de'i yang srid par skye bar smon pa de ni 'ching ba cha phra zhing mchog tu cha phra ba yin par rig par bya'o//de ci'i phyir zhe na/ sum cu rtsa gsum pa'i lha rnams kyi lha'i pho brang na lha'am lha gang yang rung ba btson rar bcing bas bcings pa dag yod do / /de dag gi chos nyid ni 'di yin te/ bcings pa las grol nas nam 'bros pa'i bsam pa ma skyes kyi bar du ni lha'i 'dod pa'i yon tan rnams kyis rtse zhing 'dug la 'bros pa'i sems bskyed ma thag tu ni 'dod pa'i yon tan rnams las kyang nyams par 'gyur la bdag nyid kyang bcing bas bcings par mthong ste/de dag gi sems bskyed ma thag tu bcings pa de ni dus cha phra ba'i sgo nas cha phra ba yin gyi rtogs par dka' ba'i cha phra ba'i sgo nas ni ma yin te gang gi phyir bcings par gyur na bdag nyid bcings par khong du chud pa'i phyir ro//dge slong yang srid par skye ba'i sems kyi smon par byed pa'i sems bskyed ma thag tu yang bcing bar 'gyur la bcings nas kyang bdag nyid bcings so snyam du khong du mi chud de/de bas de'i bcing ba ni dus cha phra ba'i sgo nas kyang rtogs par dka' la mchog tu cha phra ba'i sgo nas kyang mchog tu cha phra bar rig par bya'o/ /dge slong dbang po sdom pa la zhugs pas ni sdom pa yang rig par bya'o//sdom pa ma yin pa yang rig par bya'o/ /'jig rten pa'i sdom pa chung ba dang / 'bring dang / chen po yang rig par bya'o/ /slob pa dang mi slob pa'i sdom pa yang rig par bya'o/ /de la sdom pa gang zhe na/ ji ltar 'di na kha cig chags par 'gyur ba'i yul rnams la sems kun nas nyon mongs pa can du gyur na dang du mi len pa dang /yang dag par nges par byed pa dang / legs par tshar gcod pa dang /skyes zin pa yang spong bar byed pa'o/ /sdom pa ma yin pa gang zhe na/ ji ltar 'di ni dge slong zhing pa lta bu kha cig gis skyes bu dam pa la brten pa dang /tshul bzhin yid la byed pa la brten nas yang dag pa'i yul gyi zhing la dmigs pa'i dge ba'i rtsa ba'i lo tog kha cig skyed par 'gyur la de yang 'dod chags shas che ba'i rang bzhin can zhig yin te/gnyen po la yang ma goms la ngo tsha shes pa dang khrel yod pa drag po yang med de/ yul rags pa mngon sum du snang bar gyur na de 'dod chags drag po dang / gnyen po la ma goms pa dang / ngo tsha shes pa dang khrel yod pa chung ngu des 'dod chags kyi kun nas dkris pa skye ba dang du len cing 'dod chags kyi kun nas dkris pa las sems kun tu srung bar mi byed pas de'i tshul bzhin ma yin pa yid la byed pa dang mtshungs par ldan pa'i sems de lo thog la za ba'i ba lang bzhin du yul gyi zhing la zhugs nas dge ba'i rtsa ba'i lo tog de ma rung bar byed pa ste 'di ni sdom pa ma yin pa'o//gzhan yang 'di na kha cig myur ba kho nar yid la byas nas yul rnams gtong bar ni byed na/ ci nas phyin chad 'gro bar mi 'gyur ba de lta bu'i nyes dmigs kyang mthong ba 'di ni 'jig rten gyi sdom pa chung ngu yin no//gzhan yang 'di na kha cig myur ba kho nar yang yid la byas nas yul rnams gtong bar byed la/ ci nas phyin chad 'gro bar mi 'gyur ba'i nyes dmigs kyang mthong ba 'di ni 'jig rten pa'i sdom pa 'bring zhes bya'o/ /de la brten na sems gnas pa rnam pa dgu po yid la byed pa rnam pa bzhis bsdus pa rnams thob par 'gyur te/'di lta ste/ nyan thos kyis las 'byung ba bzhin no/ /de thob na so so'i skye bo 'dod pa'i 'dod chags dang bral bar 'gyur ro/ /sdom pa la zhugs pa'i rnal 'byor ba sngar ni zhing pa lta bur gyur la da ni bdag por gyur bas rgyal po lta bu yin no//des snyoms par 'jug pa las byung ba'i tshor ba rags pa dang po thob pa de bag med pa'i gzhi dang / gnas su gyur ba chen po yin par rig nas dam pa'i chos thos pa'i dbang las byung ba zhi gnas kyi sbubs su chud pa'i lhag mthong blon po lta bur 'dug pas tshor ba de yang rten cing 'brel bar 'byung ba yin pa dang rten cing 'brel bar 'byung ba yin na mi rtag pa nyid yin par khong du chud de/de de las nyes dmigs kyi mtshan ma dang ldan pa'i yid la byed pas yid 'dod chags dang bral bar 'gyur ro//'dod chags dang bral nas snyoms par 'jug pa la brten pa'i bye brag gis ni tha dad pa rnam pa bcur mthong la/ dus kyi bye brag gis ni rnam pa brgyad mthong ngo / /de la snyoms par 'jug pa la brten pa'i bye brag ni 'di lta ste/ rtog pa dang bcas dpyod pa dang bcas pa dang /rtog pa med la dpyod pa tsam dang / rtog pa yang med dpyod pa yang med pa dang / dga' ba dang ldan pa dang / bde ba dang ldan pa dang / btang snyoms dang ldan pa dang / nyams par 'gyur ba dang / gnas pa dang / khyad par du 'gro ba dang / nges par 'byed pa'i cha dang mthun pa ste/rnam pa 'di dag gis tshor ba skye ba dang gnas pa dang 'gag pa'i tshul gyis dus las gyur ba'i bye brag rnam pa brgya phrag du ma mthong ngo / /des tshor ba de dag gi mi rtag pa nyid dang 'jug pa'i bye brag sna tshogs rtogs nas mdor bsdu na mi rtag pa nyid rnam pa gsum du yongs su gcod par byed de/'di lta ste/ rten dang / kun tu spyod pa dang / rgyu'o/ /de la bsam gtan bzhi ba man chad kyi gzugs kyi lus gang yin pa de ni tshor ba'i rten to/ /'du shes dang tshor ba 'gog pa'i bar gang yin pa de ni 'du shes dang tshor ba rnams kyi kun du spyod pa'o//srid pa'i rtse mo man chad kyi sems pa dang / 'dod pa dang / smon pa gang yin pa de ni phyi ma la tshor ba'i rgyur gyur ba yin te chos 'di dag thams cad ni rten cing 'brel bar 'byung ba'i phyir mi rtag pa yin te/ de ltar na des tshul bzhin du 'dod chags dang bral ba'i sa thams cad nye bar brtags pa yin te/'di ni 'jig rten pa'i sdom pa chen po'o/ /de la dang po gnyis ni so sor brtags pa'i stobs kyis bsdus pa'i sdom pa yin no/ /phyi ma de ni bsgoms pa'i stobs kyis bsdus so/ /de de ltar bag yod pa dang shes pa'i stobs dang ldan te/bden pa rtogs pas bdag tu 'dzin pa dang / bdag gir 'dzin pa mngon du 'gro ba mthong bas spang bar bya ba'i nyon mongs pa thams cad spangs nas slob pa'i sdom pa thob par 'gyur ro/ /des slob pa'i sdom pa de nyid bsgoms pas nga'o snyam pa'i nga rgyal sngon du 'gro ba'i bsgoms pas spang bar bya ba'i nyon mongs pa rnams spangs nas mi slob pa'i sdom pa thob par 'gyur te/de'i gong na khyad par du 'phags pa'i sdom pa ches lhag par dang ches bzang ba gzhan med do/ /bstan pa 'di la zhugs pa'i dge slong dbang po ma bsdams pa gang yin pa de ni 'di lta ste/tshe phyi ma'am/ tshe 'di'i sdug bsngal gyi sgo nas gcig tu nges par sdug bsngal bar 'gyur ro/ /mi mdze nad can 'dam bu'i tshal du zhugs pa bzhin du dbang po ma bsdams pa de 'dam bu'i lo ma lta bu chags par 'gyur ba'i yul rnams kyis phyi ma la yang srid par skye ba'i sdug bsngal cha phra ba dang ldan pa yongs su bzung bas de'i lus rnam par gcod par byed pa des ni khong du mi chud de de ltar na tshe phyi ma'i sdug bsngal bas sdug bsngal bar 'gyur ro//de de la chags shing zhen te/ nyes pa byed par 'gyur la de'i rgyus na de dgon pa na gnas kyang 'gyod pa dang yid la gcags pa las byung ba'i sdug bsngal ba'i rtog pa rtswa ku sha dang tsher ma lta bu dag rkang pa la zug pa'i tshul gyis kun du spyod de des na dge 'dun gyi nang du 'jigs pa med par 'ong ba'am/'gro bar mi nus so/ /gal te dge 'dun gyi nang du 'ongs na yang de la tshangs pa mtshungs par spyod pa mkhas pa rnams kyis gzhi de dang / nyes pa des gleng bar byed la de la ni bcab pa'i bsam pa yod pas mdze nad de lta bu'i sems kyis de dag la 'khrug cing mi dga' bar 'gyur te tshangs pa mtshungs par spyod pa mkhas pa rnams kyis kyang de ngan pa dang /dge sbyong gi tshul 'dod pa ma yin par rig nas lhan cig 'grogs pa las yongs su spong bar byed do/ /de gong ngam dgon par song na yang tshe dang ldan pa 'di ni 'di ltar skyon can yin no//'di ltar bka' blo mi bde ba'o/ /'di ltar chos bzhin ma byas pa'o/ /kun nas nyon mongs pa can du gnas pa'o/ /dad pa rnams gzhan du 'gyur bar byed pa'o/ /ma dad pa rnams ma dad par 'gyur bar byed pa'o zhes rnam par smod do/ / de ltar na tshe 'di la 'gyod pa las gyur pa dang / 'khrug pa las gyur ba dang / yongs su spong ba las gyur ba dang / smod pa las gyur ba'i sdug bsngal nyams su myong bar 'gyur te/ tshe phyi ma las gyur ba snga ma dang gcig tu bsdus nas sdug bsngal 'ba' zhig nyams su myong zhes bya'o/ / de la sdom pa ma yin pa gang zhe na/ tshe 'di dang phyi ma'i nyes dmigs rnam pa de lta bu gang rgyu zhing 'gro ba'i yul las tshul bzhin ma yin pa'i mtshan ma dang / rtags 'dzin pa'i 'du shes kyi log pa'i 'du shes dang / gnas shing 'dug pa log pa'i 'du shes sngon du 'gro ba de dang mthun zhing de dang mtshungs par ldan pa'i rtog pa dang /ji skad du bstan pa'i nyes dmigs de thams cad kyi thams cad du mi mthong ba dang / nyes dmigs mthong du zin kyang lan mang du ma byas pa'i rgyus rgyud la gnas pa'i nyon mongs pa'i phyogs su gtogs pa'i gnas ngan len 'di lta ste/gzugs dang sems kyi lus shin tu sbyangs pa'i lus kyis sel bar mi byed pa ste/ de ltar rnam pa de rnams kyi sgo nas kun nas dkris pa dang / bag la nyal yod bzhin du so sor brtags pa dang / bsgoms pa'i stobs kyis gnyen po la mi phyogs pa 'di ni sdom pa ma yin pa yin par rig par bya'o//de las bzlog pa ni sdom pa yin par rig par bya'o/ /sdom pa de ni rnam pa gsum gyis thob cing bsgom pa yongs su rdzogs par 'gyur ro/ /gsum gang zhe na/ thog ma kho nar legs par gsungs pa'i chos 'dul ba la rab tu byung nas yang dag par dbang du byed pa dang ldan pa'i thos pas srog chags drug gzung ba dang 'dra bar dbang po drug 'dzin par byed do//bzung nas kyang tshul bzhin du sems pas thob pa'i ni 'og bsgoms pa'i snga rol gyi bar skabs su nyes dmigs yang dag par dpyad pa'i tshul gyis sdom par byed do//bar skabs su bsdams nas dbang du gyur tam ma gyur pa brtag pa'i bsam pas yul rnams la sdug pa'i mtshan mas 'jug par byed de gal te dbang du ma gyur bas rang rang gi yul la yang 'phro zhing rgyug la 'di lta ste/nyes dmigs legs par mthong ba'i phyir gcig tu nges par 'bros kyang mi nus na ni de dag da dung legs par dul bar ma gyur ba dang / dbang du ma gyur bar rig nas lan mang du sems pas yid la byed pa mthar thug pa las 'das nas lus su gtogs pa'i dran pa sgom par byed do//de legs par bsgoms pas so so'i yul la 'phro bar mi 'gyur te legs par dul ba dang / dbang du gyur bar rig par bya'o/ /dge slong snga nas shes rab kyi tshogs bsgrubs pa ni dge ba'i bshes gnyen phun sum tshogs pa dang phrad nas 'du byed rnams kyi nyes dmigs rnam pa gsum nyan par byed de/tshe 'di dang / phyi ma dang / tshe 'di dang / phyi ma'i'o/ /de la 'byung ba chen po 'khrugs pa la brten pa'i nad ni tshe 'di'i nyes dmigs so/ /ngan song gi 'du byed rgyun chags par byed pa pa dang /'gro bar byed pa'i ni tshe phyi ma'i nyes dmigs so/ /sngon gyi dang tshe 'di'i dga' ba dang 'dod chags la brten te tshe 'di dang phyi ma'i rga shi ni tshe 'di dang phyi ma'i nyes dmigs so/ /de gcig tu bsdus na/ 'di lta ste/ bde 'gro dang / ngan 'gror nges pa'i sgo nas sdug bsngal rnam pa gsum du 'gyur te/nad kyi sdug bsngal dang / ngan song gi sdug bsngal dang /rga shi'i sdug bsngal lo/ /des nyes dmigs de thos nas chos kyi rjes su mthun pa'i chos la nan tan du sgrub pa na/ bden pa rnams khong du chud par 'gyur ro//de nas bdag med pa shes pa shin tu rnam par dag pas khang stong du zhugs pa bzhin du nang dang phyi rol gyi skye mched rnams stong pa nyid du mngon sum du byed do/ /de de'i tshe yul la brten nas brjed ngas pa las byung ba'i nyon mongs pa'i kun nas dkris pas phongs par gyur bar shes rab kyis rtogs la lhag ma nyon mongs pa'i bag la nyal dang sred pa'i bag la nyal las bdag nyid nyon mongs pa dang bcas pa dang /sred pa dang bcas pa dang / sdug bsngal dang bcas pa dang / phongs pa dang bcas pa yin par khong du chud la phung po'i lhag ma dang bcas pa'i mya ngan las 'das pa'i dbyings ni nyon mongs pa dang srid pa ma lus pa las 'das pa dang gcig tu nges par zhi ba yin no snyam du khong du chud do//de'i 'og tu lhag ma med pa'i mya ngan las 'das pa khong du chud do/ /snga ma rtswa dang / yal ga dang / lo ma dang / chings ma lta bu'i thos pas chos kyi rjes su mthun pa'i chos nan tan du bsgrub pas 'phags pa'i lam yang dag par bsgrub pa gzings lta bu de la brten nas bsgom pa'i lam la yang dag par 'bad par byed de mthar gyis sems shin tu rnam par grol zhing phung po'i lhag ma dang bcas pa'i mya ngan las 'das pa'i dbyings su gnas pa thob par 'gyur te/gnas pa thams cad las kyang yongs su thar bar 'gyur la de la gnas na mthar thug cing sdug bsngal gyi pha rol tu phyin par rig par bya'o/ /legs par gsungs pa'i chos 'dul ba la rab tu byung ba ni rgyu bdun gyis bslab pa phul nas nyams par 'gyur ba'i rgyur 'gyur te/bdun gang zhe na/ so so'i skye bo yin la so so'i skye bo'i sa las ma 'das pa nye bar len pa'i phung po lnga sdug bsngal gyi chos can lan lngar bsgyur ba yang dag par mi shes pa dang / so so'i skye bor gyur ba 'dod pa rnams la nyes dmigs chen por ma mthong ba dang / rgyu zhing 'gro ba dang gnas shing 'dug pa na bag med par byed de chags par 'gyur ba'i yul rnams la tshul bzhin ma yin pa'i mtshan ma 'dzin par byed pa dang / dran pa mi gnas pa'i phyir dge ba'i phyogs kyi tsher ma lta bu'i rtogs pa rnams la tshul bzhin ma yin par rtog pa dang /snying stobs can ma yin te/ de rgyal po'am dbang yod pa 'ga' zhig gis bkug na 'jigs pas 'gro ba dang / sred pa'i ngang can nye du la lta ba yin te/ de bos na sred pas 'gro ba dang chags par 'gyur ba dang /zhe sdang bar 'gyur ba dang / gti mug par 'gyur ba'i yul la nyon mongs pa'i kun nas dkris pa drag po skyed par byed pa dang / sems kyi rgyud de la rjes su 'brel ba dang dma' ba la mos pa yin te/ 'di lta ste/ nges par 'byung ba dang /dben pa dang / mya ngan las 'das pa rgya chen po la ma dad pa'o/ /de yang dma' ba la mos pas sems yul la gzhol bar 'gyur ro/ /pha ma la sogs pa'i rdzas thams cad la mi lta bas dben pa la gzhol bar mi byed do/ /'phags pa'i lam yan lag brgyad la mos pas nges par 'byung ba la gzhol bar mi byed do//de'i 'bras bu nyon mongs pa spong ba la mos pas mya ngan las 'das pa la gzhol bar mi byed do/ /zag pa thams cad ni mthong bas spang bar bya ba dang / bsgom pas spang bar bya ba'i gnas gnyis kyis bsdus te/de la tshul bzhin ma yin pa yid la byed pa dang / dmigs pa ni zag pa'i gnas kyi chos zhes bya'o/ /de la slob pa'i bsgom pas spang bar bya ba'i zag pa kun nas slong bar byed pa'i tshul bzhin ma yin pa yid la byed pa dang dmigs pa shes rab kyis rtogs la spangs pa ni ma spangs pa'i phyir zag pa'i gnas kyi chos de la sems zhi bar 'gyur ro//brjed ngas pa'i dbang las gyur ba'i kun nas dkris pa zhan pa'i phyir ni bsil bar ma gyur cing tshangs par ma gyur to/ /mthong bas spang bar bya ba kun nas slong ba'i zag pa thams cad kyi thams cad du spangs pas ni bsil bar gyur ba yin no//phyi ma la mi skye ba'i chos can yin pas ni tshangs par gyur ba ni ma yin no/ /dma' ba la mos pa so so'i skye bo de ni zag pa'i gnas kyi chos rnams la zhi ba nyid du ma gyur bas bsil bar ma gyur cing tshangs par ma gyur te/legs par gsungs pa'i chos 'dul ba la rab tu byung ba ni rgyu bdun po 'di dag gis bslab pa phul nas nyams par 'gyur ba'i rgyur 'gyur ro/ /de las bzlog pa dkar po'i phyogs kyi rgyu bdun po de dag gis ni legs par gsungs pa'i chos 'dul ba la rab tu byung ba bslab pa phul nas nyams par 'gyur ba'i rgyur mi 'gyur ro//kun du chags pa'i gnas ni bzhi yod do / /dge slong gis de dag la brten na log par bsgrub pa rnam pa bzhir 'gyur bar rig par bya ste/bzhi gang zhe na/ 'di la dge slong nang gi skye mched la sred pas yang srid par skye ba la mngon par dga' la tshe 'di la mya ngan las 'da' bar 'gyur ba la ni mngon par mi dga' ba 'di ni kun du chags pa'i gnas dang po'o/ /gzhan yang dge slong pha ma la sogs pa phyi rol gyi rdzas sngar spangs pa rnams la lta zhing sems thogs pa 'di ni kun du chags pa'i gnas gnyis pa'o//gzhan yang 'di na kha cig tshe 'di la rnyed pa dang bkur stis dga' zhing rnyed pa dang bkur sti la lhag par zhen pa 'di ni kun du chags pa'i gnas gsum pa'o//gzhan yang 'di ni kha cig slob pa gzhi mthong ba yin te/ de nga'o snyam pa'i nga rgyal tsam zhig lus la cung zad sred pa dang ldan pa lhag par btang snyoms su byas pas bag med par gnas pa 'di ni kun du chags pa'i gnas bzhi ba'o/ /log par sgrub pa bzhi gang zhe na/dang po ste yang srid par skye bar 'dod kyi tshe 'di la yongs su mya ngan las 'da' bar 'gyur ba mi 'dod pa'i gang zag gang yin pa dang / slob pa'i bag med pa gang yin pa ste/ de ltar kun du chags pa'i gnas de ni dbang du byas nas khyim na gnas pa dang rab tu byung ba rnams dang 'dre bar gnas pa 'di ni log par sgrub pa dang po'o//yang srid par skye bar 'dod pa'i gang zag nyid kyi yang srid par skye bar 'dod pa'i dbang du byas te smon nas tshangs par spyad par spyod pa 'di ni log par bsgrub pa gnyis pa'o/ /phyi rol gyi rdzas sngar spangs pa rnams la lta ba dang bcas pas kun tu chags pa'i gnas de'i dbang du byas te/bslab pa phul nas nyams par 'gyur ba 'di ni log par sgrub par gsum pa'o/ /da ltar gyi dus kyi sgo nas rnyed pa dang / bkur stis dga' bar 'gyur la rnyed pa dang / bkur sti la lhag par zhen pa'i gang zag ni kun tu chags pa'i gnas de'i dbang du byas nas tshul khrims 'chal bar 'gyur ba nas rgyas par lung gong ltar kun du spyod pa'i bar du sbyar te/ de ni rnyed pa dang bkur sti la lta ba des bslab pa yang 'bul bar mi byed la gang gis 'chal ba'i tshul khrims 'chags par byed pa'i kha na ma thob la yang mi lta ba 'di ni log par sgrub pa bzhi pa'o//dge slong don la mi mkhas pa ni don gcig la tshig gi rnam pa sna tshogs su 'dug pa'i gtam gzhan dag las thos na 'di la gang bden zhig gu snyam du yid gnyis za zhing ma rangs par 'gyur ro//bzhi po 'di dag ni ye shes gzigs pa rnam par dag pas brtag pa'i sgo yin te/ bzhi gang zhe na/ 'di lta ste/ sdug bsngal gsum brtag pa la brtson pa'i tshor ba rnams 'byung ba'i rgyu la yang dag pa ji lta ba bzhin du shes pa dang / rten dang / gzhi dang /gnas kyi rgyu yang dag par shes pa dang / de bzhin du gnas pa'i rgyu yang dag par shes pa dang / de bzhin du rten dang / dmigs pa dang / rang bzhin dang / grogs thams cad dang / bde ba dang / sdug bsngal ba dang / sdug bsngal ba yang ma yin bde ba yang ma yin pa'i gnas kyi 'du byed rnams la yang dag pa'i shes pa'o//de bzhin gshegs pa ni rgyu gnyis kyis gang zag don la mi mkhas pa dang / yid gnyis za ba 'dul bar mdzad de/ 'di lta ste/ yid gnyis spangs pa'i phyir tshig dang / nges pa'i tshig tha dad pa ston par mdzad kyi don tha dad pa ni ma yin no//bstan pa'i don rgyas par yang gleng bar mdzad de des na des don mngon par shes par 'gyur ro/ /bstan pa 'di'i don rgyas pa gang zhe na/ tshogs kyi sa yan chad zag pa zad pa man chad la ni bstan pa'i don rgyas pa zhes bya'o//de la de bzhin gshegs pa'i 'dul ba tha ma'i dbang po yongs su smin pa la gnas pa ni chos bdag med pa dang ldan pa dang legs par bzung zhing brtan por gyur pa thos pa dang bsams pa las byung ba'i yang dag pa'i lta ba dang ldan te/ de la brten cing de la gnas nas gcig pu dben pa na 'dug ste/nang dang phyi rol gyi skye mched rnams la dmigs pa bcas nas rnam par shes pa'i gnas bzhi po rnams kyi nye bar len pa dang bcas pa'i rnam par shes pa spang ba'i phyir lus su gtogs pa'i dran pa zhi gnas dang lhag mthong gis yongs su zin pa sgom par byed de kun du brten pa'i rgyus rnam par shes pa'i gnas dang po la yang dag pa ji lta ba bzhin du dmigs shing mngon par rtogs pa nye bar gyur ba'i zhi gnas dang lhag mthong zung du skye bar 'gyur ro//de'i 'og tu bden pa rnams kyang khong du chud par 'gyur la ji ltar thob pa'i lam bsgom pa'i sgo nas kyang rjes su 'gro zhing zag pa zad pa thob par 'gyur ro//rnam par shes pa'i gnas dang po la yang dag pa ji lta ba bzhin du dmigs pa de bzhin du rnam par shes pa'i gnas bzhi ba'i bar du yang de dang 'dra bar rig par bya'o//snga ma bzhin du dbang po'i sgo ma bsdams pa'i gang zag nyon mongs pa'i kun nas dkris pa la mngon du phyogs pa 'jig rten dang / 'jig rten las 'das pa'i so sor brtags pa dang / bsgoms pa'i stobs dang / gnyen po med pa nyon mongs pa byung ba dang du len pa'i ngang tshul can la ni bdud kyis 'di ni dang du len pa'i ngang tshul can yin no snyam du rig nas yul rnyed pa'i tshul gyis 'ong bar 'gyur te/des de ltar nyon mongs pa dang du len pa'i ngang tshul can gyi gang zag la 'jug pa'i glags dang de'i rgyud la gnas par 'gyur ba'i dmigs pa rnyed par 'gyur ro//dbang po'i sgo ma bsdams pa'i gang zag de yang mya ngan las 'das pa la 'dun pa'i shas chung zhing 'dod pa'i shas chung bas 'dam bu dang / rtswa skam po'i khyim dang 'dra ste der bdud kyis chags par 'gyur ba'i yul gyi me'i rtswa'i mgyogs me btang na gnas thob par 'gyur te/de ni kun nas dkris pa ma skyes pa bskyed pa dang / skyes zin pa rgyun du gnas par byed pa'i rgyu gnyis kyis yul rnams kyis zil gyis non par 'gyur ro/ /de yul gyi sred pa des zil gyis non nas yul yongs su tshol bar byed cing mi dge ba lhag par spyod la log par bsgrub pa na snga ma bzhin du sdig pa mi dge ba'i chos rnams kyis zil gyis non par 'gyur ro//log par bsgrub pa ni lam log par 'gro ba yin te/ rgyun log par zhugs pa la ni rgyun log pa zhes bya'o/ /de las bzlog pa'i dkar po'i phyogs ni rgyun ma log par rig par bya'o// //rnal 'byor spyod pa'i sa las gzhi bsdu ba/bam po bcu gcig pa/ srid pa tha ma pa'i byang chub sems dpa'i yang dag par nan tan du bsgrub pa'i lam dang / 'bras bu'i lam ni rnam pa brgyad kyis bsdus te/nyan thos kyi theg pa las khyad par du 'phangs shing gong na med par rig par bya'o/ /brgyad gang zhe na/ snying brtse ba dang / bdag nyid mngon par spro ba dang / chos spyod pa bzod pa dang / nges par 'byung ba dang / bdag nyid kyis bden pa spyod pa yang dag par rtsom pa dang 'jig rten pa'i yang dag pa'i lta ba rgya chen po legs par bsgoms pa mngon sum du byed pa dang /byang chub kyi phyogs kyi chos zag pa med pa rnams 'thob pa la brten nas bsil ba'i rang bzhin thob pa dang / byang chub kyi yan lag bsgom pa rnam par dag pa dang ldan pa'i bsgom pa'i lam dang /gnas drug bsgom pa yongs su rdzogs pa la brten nas bla na med pa'i phun sum tshogs pa rnam pa drug thob pa'o/ /de la srid pa tha ma'i byang chub sems dpa' yun ring bo nas sems can la snying brtse bas sems yongs su bsgoms pas srid pa'i chu klung gi rgyun phyogs su khyer zhing byis pa rnams rnam pa lngas sdug bsngal ba mthong nas snying rje bar byed do//lnga gang zhe na/ des srid pa'i chu klung rtog pa ngan pa'i mi sdug pa'i chus 'dus te reg pa dang ldan pa de mthong ste/nang dang phyi rol gyi skye mched dang / 'dod chags dang / zhe sdang dang / gti mug gi me'i me ma mur gyi 'gram gnyis dang ldan la zhabs su ni 'dod pa'i khams kyi sdug bsngal mang po dang / gnod pa mang po dang tsher ma sna tshogs bting ba dang / bar na ni gzugs kyi 'jig rten pa'i shes rab kyi mig med pas ldongs pa dang /steng na ni 'jig rten pa'i shes rab kyi mig yongs su rdzogs kyang 'phags pa'i shes rab kyi mig med pas mun pa mun nag tu gyur bar yang dag par mthong ste/ de ltar srid pa'i chu klung de reg pa dang 'gram dang zhabs dang bar dang steng gang gi sgo nas kyang rab tu ma zhi bar mthong nas der sems can lhung ba rnams la snying rje chen po skye ba gang yin pa 'di ni snying brtse ba zhes bya'o//snying brtse ba de dang ldan pa de ni rgyal po'i pho brang ngam/ mdun na 'don pa'i khyim du skyes te/ khyim par 'dug bzhin du bdag nyid mngon par sgro ba skyes nas go 'phang gi mchog rtogs par bya ste/bdag ni phyir ldog par mi bya'o/ /tshangs par spyod pa'i mchog tu 'gro'o snyam pa 'di ni de'i bdag nyid kyi mngon par spro ba yin no/ /de yang khyim nas ma byung bzhin du gcig pu lkog dben par song ste shing 'dzam bu'i grib ma la 'dug nas bsam gtan dang po la snyoms par 'jug ste/de bdag dang gzhan la yang rga ba dang / na ba dang / 'chi ba'i chos can yin par yang dag par rtog cing bzod pa 'di ni de'i bdag nyid kyis chos spyod pa bzod pa yin no/ /de sngon gyi dge ba'i rtsa bas bskul ba dang /chos spyod pa bzod pa la mngon par spro ba de'i dbang du byas nas 'dod pa rgya chen po spangs te nges par byung nas tshangs par spyod pa bcas pa med bzhin du rang nyid kyis tshul khrims yang dag par len par byed do/ /tshul khrims de dag la brten nas kyang 'du shes med 'du shes med min skye mched kyi bar du snyoms par 'jug pa 'di ni de'i nges par 'byung ba zhes bya'o//de mos par ma gyur nas 'jig rten pa'i lam de bor te/ nges par 'byung ba'i phyir sngon gyi yang dag par rdzogs pa'i sangs rgyas rnams las bla na med pa'i nges par 'byung ba thos nas mos par rgyud yongs su bsgom pa'i phyir byang chub kyi shing drung du song nas/snga ma'i rga ba dang / na ba dang / 'chi ba'i brtags pa de 'ba' zhig lam yin par 'dzin cing de nyid la bden pa'i rnam par brtag pa rtsom ste / kye ma 'jig rten 'di ni nyam nga bar zhugs pa yin te/'di lta ste/ skye yang skye/ rga yang rga/ 'chi yang 'chi mod kyi 'on kyang sems can 'di dag ni rga ba dang / 'chi ba'i gong du nges par 'byung ba yang dag pa ji lta ba bzhin du rab tu mi shes so snyam nas/ de mthar gyis rga ba dang /'chi ba kun 'byung ba dang / rga ba dang / 'chi ba 'gag pa dang / rga ba dang 'chi ba 'gag par 'gyur ba'i lam tshul bzhin yid la byed pa la brten pa dang / tshogs chen po yang dag par bsgrubs pas lhan cig skyes pa'i blos chos rnams gnas pa'i dbyings yong gi gnas pa las brtsams pa 'di ni de'i bdag nyid kyis bden pa spyod pa yang dag par rtsom pa zhes bya'o//de gong du zag pa zad par bya ba la sbyor bar 'dod nas sngon gyi yang dag par rdzogs pa'i sangs rgyas rnams las zag pa zad par bya ba'i lam thos pa dang / bsams pas yun ring po nas 'dris par byas pa'i 'jig rten pa'i yang dag pa'i lta ba gang yin pa de bsgoms nas de sngon gyi gnas rjes su dran pa'i shes pas mngon sum du byed de/de ni de'i man ngag lta bu yin te/ de la brten cing de'i rjes su song na stan gcig la 'dug bzhin pas zag pa zad pa man chad 'thob par 'gyur te/'di ni de'i yang dag pa'i lta ba rgya chen po legs par bsgoms pa mngon sum du byed pa zhes bya'o/ /de yang dag pa'i lta ba gdams ngag lta bu de nyid kyi rjes su song bas thog ma kho nar ci yang med pa'i skye mched kyi 'dod chags dang bral te bden pa mngon par rtogs pa'i mod la zag pa med pa byang chub kyi phyogs su gtogs pa'i chos dran pa nye bar gzhag pa la sogs pa nas 'phags pa'i lam yan lag brgyad pa man chad khong du chud par 'gyur ro//man chad smos pas ni snga ma thams cad kyang rtogs par byas pa yin no//des de dag thob pas phyir mi 'ong bar 'gyur te/ 'di ni zag pa med pa byang chub kyi phyogs su gtogs pa'i chos rnams thob pa'i phyir de'i bsil ba'i rang bzhin thob pa zhes bya'o/ /des de ltar 'jig rten pa'i bde ba khyad par du 'phags pa thob nas zag pa med pa'i bde ba thob cing bsil ba'i rang bzhin thob pas ni rims nad med pa'o//'jig rten pa'i lam gyis ci yang med pa'i skye mched man chad dang ldan pa'i nyon mongs pa dang bral ba dang / mthong bas spang bar bya ba'i nyon mongs pa dang bral bas na yongs su gdung ba med pa'o//srid pa'i rtse mo dang ldan pa'i nyon mongs pa ma lus par spangs pa'i phyir yang gcig tu nges par zag pa med pa'i lam 'di lta ste/ byang chub kyi yan lag bsgom pa gong na med pas sbyor bar byed de/ 'di ni de'i bsgom pa'i lam yang dag par rtsom pa bla na med pa zhes bya'o//bsgom pa des na mi slob pa'i sa la de'i chos drug bsgom pa yongs su rdzogs par 'gyur te/ 'di lta ste/'phags pa'i rdzu 'phrul bsgom pa yongs su rdzogs par 'gyur ba dang / dbang po lnga yongs su rdzogs par 'gyur ba dang nyon mongs pa'i bag chags dang bcas pa ma lus pa dang bral ba 'thob pa dang /tshe 'di la bde bar gnas pa bzhi dang / 'jig rten pa'i bsam gtan dang / rnam par thar pa dang / ting nge 'dzin dang / snyoms par 'jug pa rnams dang / chos bstan pa la ming gi tshogs dang / tshig gi tshogs dang / yi ge'i tshogs rnams la ci 'dod pa thob pa dang / dka' ba med pa thob pa'o/ /de la mya ngan las 'das pa la bsam pa rnam par dag pa thob pa'i phyir ni dad pa'i dbang po bsgom pa yongs su rdzogs par 'gyur ro/ /sems can gyi don bya ba la mngon par spro ba shin tu rnam par dag pa'i phyir ni brtson 'grus kyi dbang po'o//dran pa nye bar gzhag pa rnam pa gsum la brjed ngas pa med pa'i chos nyid shin tu rnam par dag pa'i phyir ni dran pa'i dbang po'o/ /'phags pa dang lha dang tshangs pa'i gnas pa shin tu rnam par dag pa'i phyir ni ting nge 'dzin gyi dbang po'o//shes pa bcu'i stobs shin tu rnam par dag pa'i phyir ni shes rab kyi dbang bo bsgom pa yongs su rdzogs par 'gyur te/ de gnas drug po de dag bsgom pa yongs su rdzogs par gyur pa'i rgyus chos kyi rgyal po phun sum tshogs pa rnam pa drug brnyes pa'i rgyal por 'gyur te/'phags pa'i rdzu 'phrul gyi sgo nas ni nor gyi dbang phyug rgya chen po phun sum tshogs pa brnyes so/ /dbang po dag pa'i sgo nas ni gnas pa chen po phun sum tshogs pa brnyes so/ /nyon mongs pa spangs pa'i sgo nas ni reg na bde ba'i mal stan phun sum tshogs pa brnyes so//tshe 'di la bde bar gnas pa'i sgo nas ni gnas dang mal stan la gnas pa mchog tu gnod pa med cing bde bar gnas pa phun sum tshogs pa brnyes so/ /bsam gtan dang / rnam par thar pa dang / ting nge 'dzin dang / snyoms par 'jug pa'i sgo nas ni sems can thams cad kyi don sgrub pa'i rtse zhing dga' ba phun sum tshogs pa brnyes so//ming dang / tshig dang / yi ge'i tshogs la ci 'dod pa thob pa'i sgo nas ni gzhan dag la chos kyi dbang phyug gi bgo bsha' bya ba phun sum tshogs pa brnyes te/'di ni de'i gnas drug bsgom pa yongs su rdzogs pa la brten nas phun sum tshogs pa rnam pa drug brnyes pa zhes bya'o/ /bzhi po 'di dag ni bdag yongs su tshol bar smra ba ste/ smra ba de dag gis 'jig tshogs la lta ba ma spangs pa rnams bdag yongs su tshol ba'i rtog pa kun du spyod de/bzhi gang zhe na/ 'di lta ste/ bdag gi bdag gis rang bzhin gang yin zhes bya ba dang / ci bdag gi bdag rtag gam mi rtag gam zhes bya ba dang / ji ltar ni rtag ji ltar ni mi rtag ces bya ba dang / bdag gi bdag gang na gnas zhes bya ba'o//de yang mdor bsdu na bdag gi rnam pa bzhi yongs su tshol ba ste/rang bzhin dang / tshul dang / rgyu dang / gnas yin par rig par bya'o/ /de la rnam pa gsum gyis ni 'du byed rnams gdags su rung ste/ gdags pa de yang phyin ci ma log pa yin no//rnam pa gcig gis ni gdags su ye mi rung ngo / /de la bdag gi rang bzhin gdags pa ni skye mched bcu gnyis las byung ba'i rnam par shes pa rnam pa drug tshor ba dang / 'du shes dang / sems pa rnams dang bcas pa ste/ de las gud na med do/ /bdag de ni mi rtag ste skye ba dang /rga ba dang / 'chi ba'i phyir ro/ /'du byed de rnams kyang gang gi phyir 'gro ba rnams su lus mngon par 'grub pa yongs su ma grub pas na sgyu ma lta bu'o/ /'du shes dang sems dang lta ba phyin ci log ste/ rmongs par byed pa'i bdag nyid yin pas na/ smig rgyu lta bu'i chos can no//skye ba dang / 'jig pa'i chos can yin pas na 'ong ba dang 'gro ba'o/ /skad cig pa yin pas na re zhig pa'o/ /zhig go cog ni myur du de las gzhan du mtshams sbyor bas gnas pa yun thung ba'o/ /gang nas kyang mi 'ong la gang du yang mi 'gro bas na med pa las 'byung ba dang /yod pa las phyir 'gro ba'o/ /de yang mdor bsdu na rnam pa 'di rnams kyis skye ba gcig nas gcig tu brgyud ba'i mi rtag pa nyid dang rgyu dang bcas pa dang / skad cig pa gcig nas gcig tu brgyud pa'i mi rtag pa nyid dang rgyu dang bcas pa bstan te/ de ltar na rnam pa gsum po 'di dag gis ni bdag gis rang bzhin dang /tshul dang rgyu tshul bzhin du gdags par byas pa yin no/ /'du byed rnams la bdag gis gnas gdags su ni mi rung ste/de las gzhan pa'i 'du byed pa med pa dang / des na bdag gi don gzhan du gyur pa med pa'i phyir ro//de bas na 'du byed rnams ni kun rdzob tu yang stong pa yin te/ gdags su mi rung na don dam par lta ci smos te/ de bas na gcig tu nges par stong pa rnams la stong ngo snyam pa kho nar sems la tshul bzhin du thos pas brda sprad pa dang / bsams pas 'dzin du gzhug pa dang /bsgoms pas nges par rtog tu gzhug pas go rims bzhin du mgu bar bya zhing yang dag par mgu bar bya ste yongs su mgu bar bya'o / /sdom ni/ 'dod chags shas ni che ba dang / gdams ngag dang ni sdug bsngal gnas/ /dpyod pa dang ni nga rgyal med//bkur sti bya ba'i 'os min dang / /rig pa rnam grol bsgom pa dang / /bdag med par ni smra ba dang / /mnyam par gzhag dang chos mthong dang / /sdug bsngal ba ni tha ma yin/ /gang zag ni rgyu gsum gyis 'dod chags chen pos yul la kun du spyod de/ gsum gang zhe na/ nyams stobs dang ldan pa yin te nyam chung ba ma yin pa dang / byad bzang ba yin te byad ngan pa ma yin pa dang / 'dod chags kun du bsten pa yin te/ 'dod chags btang snyoms su byas pa ma yin pa'o/ /de ltar gang zag 'dod chags shas chen po yang gnyen po gsum gyis yongs su zin na ni legs par gsungs pa'i chos 'dul ba la tshangs par spyod cing gnas pas sems dul zhing rnam par zhi bar 'gyur na/'dod chags chung ngu dang 'bring ngam nyon mongs pa'i shas chung ba lta ci smos/ gsum gang zhe na/ dbang po'i sgo bsdams pa la brten nas 'dod pa'i bsod nams kyi mtha' rnam par spong ba dang /kha zas kyi tshod zin pa dang srod dang tho rangs la mi nyal ba la brten nas bdag nyid ngal bar byed pa'i mtha' rnam par spong ba dang / dran pa dang shes bzhin dam pa la brten nas dbu ma'i lam gyis nges par 'gyur ba'o//de la dran pa nye bar gzhag pa bzhi la sems shin tu gnas pa ni rgyu zhing 'gro ba na yul mngon sum du gyur pa'i mtshan ma dang rtags nye bar bzung ba'i tshe tshor ba skye ba dang / gnas pa dang / 'gag pa yang dag par ji lta ba bzhin du rtogs pa gang yin pa'am/mtshan ma dang rtags nye bar bzung bas 'du shes rnams skye ba dang / gnas pa dang / 'gag pa yang dag pa ji lta ba bzhin du rtogs pa gang yin pa dang / de'i rgyus gnas na 'dug pa'i rtog pa skye ba dang / gnas pa dang / 'gag pa yang dag pa ji lta ba bzhin du rtogs pa de lta bu'i dran pa dang shes bzhin gyi dus thams cad dang rnam pa thams cad du yul las sems kun du srung bar byed pa 'di ni dran pa dang /shes bzhin dam pa zhes bya'o/ /gzhan yang dran pa dang shes bzhin dam pa ni 'gog pa'i snyoms par 'jug pa thob pa dang / mtshan ma med pa thob pa dang /rtog pa med cing dpyod pa med pa thob pas 'phags pa dang / lha'i gnas la brten nas dran pa dang shes bzhin dam pa yin par rig par bya ste/ dran pa dang shes bzhin dam pa'i gnas de las ches 'das pa gung na med do/ /de la 'gog pa'i snyoms par 'jug pa las ldang ba'i tshe dang /langs te gnas pa dang / snyoms par gzhug pa'i tshor ba rnams skye ba dang / gnas pa dang / 'gag pa yang dag pa ji lta ba bzhin du rtogs pa ni dran pa dang shes bzhin dam pa yin no/ /'gog pa'i snyoms par 'jug pa'i tshor ba rnams ji lta ba bzhin du mtshan ma med pa'i snyoms par 'jug pa'i 'du shes rnams dang /rtog pa med cing dpyod pa med pa'i snyoms par 'jug pa'i rtog pa rnams de dang 'dra'o/ /de la chos tsam 'dzin pas na dran pa zhes bya ste/ tshor ba dang / 'du shes dang / rtog pa rnams la bdag gam bdag gir rtog pa med do//byis pa ni tshor ba'i rig pa dang 'du shes dang / rtog pa skye ba na yang / byis pa ni tshor ba la sogs pa'i chos de dag la chos tsam du 'du shes par mi 'gyur te/ de ni 'di ltar bdag gis tshor ro snyam du 'dzin par zad de rgyas par sbyar ro/ /de bas na de'i de ni dran pa dang shes bzhin par yang mi 'gyur na dam par lta ga la 'gyur/de la dran pa dang shes bzhin dam pa phyi ma shos ni phyir mi 'ong ba'am dgra bcom pa'i yin par rig par bya'o/ /snga ma shos ni yid la byed pa thob pa'i so so'i skye bo bag med pa yan chad lan cig phyir 'ong ba man chad kyi'o//de bzhin gshegs pa ni rgyu gnyis kyis nyid kyi sku bgres pa dang / bsnyel ba brjod pa'i sgo nas lang tsho'i rgyags pas myos shing bag med par gnas pa rnams skyo ba bskyed pa dang / ma 'ongs pa'i dus na dge slong 'khogs shing rgas pa dang / mthu med pa 'byung ba gang yin pa de dag kyang yid la gcags pa med par dge slong gsar bu rnams la 'chol bar 'gyur ba dang /dge slong gsar bu rnams kyang yid la gcags pa med pa dang / bag tsha ba med par gzhan dag la chos ston par 'gyur bar bya ba'i phyir nyan thos rnams gzhan dag la chos ston par yang dag par 'dzud pa mdzad do//'dus shing 'khod pa rnams kyi chos kyi gtam ni rnam pa gnyis su rig par bya ste/ rnam par gtan la 'bebs pa'i gtam dang / bstan pa'i gtam mo/ /de la rnam par gtan la 'bebs pa'i gtam ni 'dri ba'i tshul gyis the tshom bsal ba gang yin pa'o//bstan pa'i gtam ni chos nyan pa mi smra bar 'khod pa rnams la chos ston pa gang yin pa'o/ /gdams ngag rjes su bstan pa ni rnam pa bzhis mthun par byed pa zhes bya ste/ skye mched kyi bye brag gis 'du byed rnams la bdag med par shes pa'i lta ba rnam par dag pa dang /gnas dang bcas pa'i tshor ba 'gag pa la mngon pa'i nga rgyal med cing zhi ba nyid du lta ba rnam par dag pa dang / ma 'ongs pa'i sdug bsngal las yang dag par 'da' bar bya ba'i lta ba rnam par dag pa dang / da ltar byung ba'i sdug bsngal las yang dag par 'da' bar bya ba'i lta ba rnam par dag pa'o//de la nang dang phyi rol gyi skye mched dang / rnam par shes pa dang / reg pa dang / tshor ba dang / 'du shes dang / sems pa dang / sred pa'i tshogs kyi bye brag gis bdag med par yang dag par mthong bas ni rten cing 'brel par 'byung ba'i tshul gyis lta ba rnam par dag pa dang po skyed par byed do//mar me la brten pa'i 'od dam/ shing la brten pa'i grib ma med na/ de yang med pa bzhin du nang dang / phyi rol gyi skye mched kyi rgyu las byung ba'i tshor ba rnams skye mched rnams ma lus par 'gags na de dag kyang 'gag par yang dag par mthong bas ni mngon pa'i nga rgyal med pa'i mya ngan las 'das pa la zhi bar lta ba rnam par dag pa skyed par byed do//tshe 'di la shes rab kyi mtshon gyis nyon mongs pa thams cad spong bar yang dag par mthong bas ni tshe phyi ma'i sdug bsngal ma lus pa las yang dag par 'da' bar bya ba'i lta ba rnam par dag pa skyed par byed do//bde ba'am/ sdug bsngal ba'am/ sdug bsngal ba yang ma yin/ bde ba yang ma yin pa'i gnas kyi chos rnams la kun du chags pa med pa dang / kun du zhe sdang ba med pa dang / kun du gti mug pa med par yang dag par mthong ba dang /mthong ba'i lam la dran pa nye bar gzhag pa'i sems shin tu gnas par yang dag par mthong ba dang / bsgom pa'i lam la byang chub kyi yan lag bsgom pa yang dag par mthong ba ni 'di lta ste/ zag pa zad par bya ba dang / tshe 'di la kun nas nyon mongs pa can dang /sdug bsngal bar gnas pa las yang dag par 'da' bar bya ba'i lta ba rnam par dag pa skyed par byed do/ /dge slong dbang po rnams ma bsdams par gnas pa ni yul rnams la kun du chags pa'i sems dang / rnam par g.yengs pa'i sems su 'gyur te/ gnas ngan len las gyur pa dang / chos la the tshom za ba las gyur pa'i sdug bsngal rnam pa gnyis nyams su myong bar 'gyur ro/ /de ci'i phyir zhe na/ 'di ltar de ni lus bsgom pa gang la brten na/ zhi gnas kyi yan lag gi tshul khrims bsgom par 'gyur ba'i lus bsgom pa la brtson par mi byed pa'i phyir ro//zhi gnas kyi yan lag gi tshul khrims ma bsgom pa'i rgyus ni lus dang / sems shin tu sbyangs par mi 'gyur te/ des na gnas ngan len gyi sdug bsngal nyams su myong bar 'gyur ro/ /shin tu sbyangs pa med na ni gang gis yang dag pa ji lta ba bzhin du shes par 'gyur ba'i ting nge 'dzin la yang reg par mi 'gyur ro//yang dag pa ji lta ba bzhin du ma shes na ni som nyi can dang / the tshom can du 'gyur ro/ /de sdug bsngal bar gnas pa 'di gnyis kyis dbang po ma bsdams pa'i phyir sdug bsngal ba dang bde ba med par gnas pa 'di ni tshe 'di la dbang po ma bsdams pa'i nyes dmigs yin no//de las bzlog pa ni phan yon yin par rig par bya'o/ /dge slong 'dod pa'i 'dod chags dang bral bar bya ba'i phyir brtson to / /yang dag pa'i sbyor ba'i lam gyis nyon mongs pa bkag pa ni ci bdag 'dod pa rnams la 'dod pa'i 'dun pa yod bzhin du ma tshor ram/'on te med pa yin snyam ste/ spangs sam/ ma spangs sam / sdug pa'i mtshan ma yid la byed pas nges par byed cing dpyod pa yid la byed pa la brten nas rtogs par 'dod pa las nyon mongs pa ma spangs pa'i phyir 'dod pa'i kun du rtog pa nyon mongs pa'i gzhi dang gnas su gyur pa rnams skye bar 'gyur te/de dag gis 'phrog pa ltar na 'di dag ni nyams par 'gyur bar byed pa yin no snyam du rig nas gtod par mi byed do/ /gal te gtad par gyur na ni ting nge 'dzin tsam zhig thob pa de las kyang yongs su nyams par 'gyur na khyad par du 'gro bar lta ga la 'gyur/gtad na ni nyams par yang mi 'gyur la khyad par du yang 'gro bar 'gyur ro/ /gal te brtag pa yang ma byas na ni de ltar na yang mngon pa'i nga rgyal dang bcas pa'i phyir nyams par 'gyur ro/ /gang gi phyir brtag pa byas na nges par rtogs par yang 'gyur la sems 'phrog cing 'dus pa yang /yang dag par yongs su shes nas gtod par byed de de bas na yongs su nyams par mi 'gyur ro/ /'dod pa'i 'dod chags dang bral bar bya ba'i phyir brtson pa ji lta ba bzhin du gong ma yang de bzhin du rig par bya'o//gal te lta ba drag pos ji ltar brtags kyang 'dod pa kun du rtog pa rnams mi skye na ni des gang la dmigs na nyon mongs pa skye bar 'gyur ba'i skye mched de zil gyis non to snyam du nges par thob par 'gyur ro/ /des skye mched de zil gyis non pas na slob pa'i sa las yang dag par 'das nas/rang gi sems la dbang yod pas na rgyal po lta bu'o/ /bdud thams cad las rnam par rgyal bas na g.yul las rnam par rgyal ba'o/ /zad pa dang mi skye ba'i ye shes kyis ni tshangs par spyod pa yongs su rdzogs pa thob par 'gyur ro//dbang po drug po rnams snga ma bzhin du rnam par zhi ba rnam pa lngas rnam par ma zhi ba'i sdug bsngal rnam pa gsum yongs su 'dzin pa'i 'bras bu can du rig par bya'o/ /tshe 'di la dbang po'i dbang las byung ba'i kun nas nyon mongs pa can du gnas pa dang / de bzhin du mi dge ba kun tu spyod pa'i rgyu las byung ba'i gzhan gyis nyams par byas pa'am/smad pa'am/gsad pa'am/ bcing ba'am/ de la sogs pa tshe 'di'i sdug bsngal dang / tshe phyi ma'i skye ba dang / rga ba dang / na ba'i sdug bsngal dang / tshe phyi ma'i sngon bsgoms pa las byung ba'i rgyu dang mthun pa'i dbang bo ma bsdams pa ste/de yang kun nas nyon mongs pa can yin pa'i phyir sdug bsngal yin no/ /de las bzlog pa ni rnam pa lngas dbang po rnams rnam par zhi bar 'gyur te/ sdug bsngal rnam pa gsum med par gyur pa'i 'bras bu can yin par rig par bya'o//'di gnyis ni kun rdzob kyi bram ze yon gnas kyi mngon pa'i nga rgyal can yon gnas su khas 'che ba rnams kyi yon gnas ma yin pa'i rtags yin te/ de gnyis dang ldan na bkur sti bya ba'i 'os ma yin par rig par bya ste/ gzhan las rnyed pa'am bkur sti byung nas dam por lhag par zhen par 'gyur la/dbang po rgod par 'gyur ba dang / drod mi thub par snang ba gang yin pa de dag ni 'dod chags dang bral bar 'gyur ba'i spyod pas nye bar gnas pa ma yin no/ /khyim dang bu smad kyi tshogs yongs su 'dzin pa'i 'du 'dzi yongs su nyon mongs pa can du 'gyur bas bdag nyid 'tsho bar byed pa gang yin pa ste/de dag ni de ltar log par zhugs pas bdag dang gzhan gyi don gyi spyod pa yang ma yin la tshul khrims dang chos spyod pa yang med/ mtho ris su 'gro ba'i dge ba spyod pa yang med/ mya ngan las 'da' bar 'gyur ba'i dge ba'i spyod pa yang med de/byis pa so so'i skye bo thams cad dang yang khyad par med par rig par bya'o/ /de las bzlog pas ni chos 'di pa rnams don dam pa'i bram ze yin par rig par bya'o/ /'di las phyi rol pa'i dge sbyong dang bram ze rnams ni slob ma rnams la chos bstan pa phal cher klan ka tshol ba'i phan yon can dang /gal te 'dzin pa las thar ba'i phan yon can yin te/ de yang yang dag par na don med pa dang phan yon med par rig par bya ste/ bdag la phan par 'gyur ba yang ma yin gzhan la phan par 'gyur ba yang ma yin no//de bzhin gshegs pa ni nyan thos rnams la chos bstan pa rig pa dang rnam par grol ba'i 'bras bu'i phan yon can yin te/ 'bras bu che zhing phan yon che la bdag dang gzhan la phan pa yin par rig par bya'o/ /de la dus gsum du mchog tu kun tu rmongs pa med par gnas pa'i don gyis dmigs pa rnam pa gsum gyi bye brag gis na rig pa gsum la rig pa zhes bya'o//de la sems rnam par grol ba dang / shes rab rnam par grol ba ni srid pa dang / ma rig pa'i rtsa ba can gyi kun nas nyon mongs pa'i gnyen po yin pa'i phyir rnam par grol ba zhes bya'o//rig pa dang rnam par grol ba ma thob pa de thob par bya ba'i phyir ni lam rnam pa bzhi bsgom par rig par bya ste/ 'di lta ste/ dbang po bsgoms pas lus bsgom pa dang / lus bsgoms pas drangs pa'i legs par spyod pa ste/ tshul khrims bsgom pa gang yin pa dang /tshul khrims bsgoms pas drangs pa'i dran pa nye bar gzhag pa'i byang chub kyi yan lag bsgoms pa sems dang / shes rab bsgom pa gang yin pa'o/ de la dbang po bsgom pa ni rnam pa gsum ste/ 'jig rten pa'i dang / slob pa'i dang / mi slob pa'i ste/gal te so sor brtags pa'i stobs la brten te sdug pa dang mi sdug pa'i yul las tshul bzhin ma yin pa'i mtshan ma bzung ba'i nyon mongs pa'i kun nas dkris pa mi bskyed pa'am skyes zin pa sel bar byed pa 'di ni 'jig rten pa'i bsgom pa'o/ /bden pa rtogs pa de'i brjed ngas pa las yid du 'ong ba dang /yid du mi 'ong ba dang / gnyi ga skye bas sems yongs su gtugs te mi 'dug la/ myur ba kho nar kun nas nyon mongs pa de las rnam par grol bar 'gyur ba gang yin pa 'di ni slob pa'i bsgom pa'o/ /gang gi tshe de'i sems de gnas pa kho nar 'gyur te/snga ma bzhin du nang rgya mi chung zhing shin tu rnam par grol la legs par bsgoms nye/ thams cad kyi thams cad du brjed ngas pa tsam gyis yid du 'ong ba dang yid du mi 'ong ba la sogs pa de dag la brten pa'i rnam pas mthun par yid mi 'jug pa 'di ni mi slob pa'i dbang po bsgom pa shin tu yongs su dag pa yin par rig par bya'o//de bzhin du tshul khrims dang sems dang shes rab bsgom pa yang rnam pa gsum du rig par bya ste/ dang po ni dbang po bsgom pa dang pos drangs so/ /gnyis pa ni gnyis pas drangs so//gsum pa ni gsum pas drangs so/ /de bzhin du tshul khrims bsgom pa dang / sems dang shes rab bsgom pa la yang rnam pa gsum gyis 'dren par rig par bya'o/ /de la yul yid du 'ong ba dang yid du mi 'ong ba'i bye brag dang / sems can phan 'dogs pa dang /gnod pa byed pa'i bye brag dang / sems can yon tan dang / skyon dang ldan pa'i bye brag dang / sems can snying du sdug pa dang snying du mi sdug pa'i bye brag gis gcig tu nges par yid du 'ong ba dang / gcig tu nges par yid du mi 'ong ba dang / 'dren ma las yid du 'ong ba dang /yid du mi 'ong bar 'gyur bar rig par bya'o/ /de la yul gyi bye brag gis ni yul gcig tu nges par yid du 'ong ba yang yod/ gcig tu nges par yid du mi 'ong ba yang yod/ 'dren ma ste/ chung zad de'i yid du 'ong ba dang / chung zad yid du mi 'ong ba yang yod do//de bzhin du sems can kha cig ni gcig tu nges par phan 'dogs so/ /kha cig ni gcig tu nges par gnod pa byed do/ /kha cig ni phan yang 'dogs la gnod pa yang byed do/ /sems can kha cig ni gcig tu nges par yon tan dang ldan no/ /kha cig ni gcig tu nges par skyon dang ldan no//kha cig ni yon tan dang skyon gnyis ka dang yang ldan te/ sems can gang dag la byams pa las byams pa skye ba de ni gcig tu nges par 'dod cing yid du 'ong ba'o/ /gang dag la zhe sdang ba las zhe sdang skye ba de ni gcig tu nges par yid du mi 'ong ba'o//gang dag la byams pa las zhe sdang skye ba dang / gang dag la zhe sdang ba las byams pa skye ba de ni yid du 'ong ba dang yid du mi 'ong ba zhes bya'o/ /de la nyes par spyod pa'i tshe 'di dang phyi ma'i nyes dmigs yang dag par mthong na de yongs su spangs nas legs par spyod pa sgom par byed de/gnas drug dang ldan pa'i thams cad kyi sgo nas gzhan gyis smad par 'gyur ba ni tshe 'di'i nyes dmigs so/ /ngan 'gror 'gro ba ni tshe phyi ma'i'o/ /de la gzhan gyis smad pa ni mu stegs can rnams dang / 'jig rten dang 'khor rnams las sdig can dang /mi snyan pa dang / grags pa ma yin pa dang / tshigs su bcad pa ma yin pa phyogs dang phyogs mtshams rnams su 'byung ba yin par rig par bya'o/ /lhag ma ni ji skad gsungs pa bzhin no/ /de la dran pa nye bar gzhag pa bsgom pa na so so'i skye bo'i sa la ni dran pa yang dag byang chub sems kyi yan lag brtsams so//slob pa'i sa la ni sgom par byed do/ /mi slob pa'i sa la ni bsgom pa yongs su rdzogs par 'gyur ro/ /byang chub kyi yan lag bsgom pa na spong ba'i khams ma thob pas spong ba'i khams 'dod pa'i tshe ni dben pa la brten pa'o/ / 'dod chags dang bral ba'i khams ma thob pas de 'dod pa'i tshe ni 'dod chags dang bral ba la brten pa'o/ /'gog pa'i khams ma thob pas de 'dod pa'i tshe ni 'gog pa la brten pa'o/ /byang chub kyi yan lag ches dma' ba sgom pa spangs nas gong nas gong du ches bzang bar bsgyur ba ni spong bas yongs su bsgyur ba'o//de la dge slong dbang po bsdams pas ni ngo tsha shes pa dang ldan zhing / khrel yod pa dang ldan te/ des na nyes par spyod pa 'dzem zhing legs par spyod pa sgom par byed do/ /de ltar legs par spyad pa spyod pa de ni 'gyod pa med do/ /'gyod pa med na mchog tu dga' ba sngon du 'gro bas ting nge 'dzin du 'gyur ro//sems mnyam par bzhag na yang dag pa ji lta ba bzhin du mthong bar 'gyur ro/ /yang dag pa ji lta ba bzhin du mthong na go rims 'di bzhin du rig pa dang rnam par grol ba yongs su rdzogs par 'gyur bar rig par bya'o//dge sbyong dang bram ze kha cig bdag nyid kyis dbang po ma bsgoms par yul la mi phyogs pa tsam gyis dbang po rnams bsdams par mthong nas gzhan dag la tshul bzhin ma yin par dbang po bsgom pa brda sprod par byed de/ de dag kyang rang gi slob ma la lhag par zhen nas kha cig la ni rjes su chags la kha cig la ni khong khro bar 'gyur te/'di lta ste/ bsgom pa nyams su len pa dang / nyams su mi len pa las yid du 'ong ba dang / yid du mi 'ong ba kun du spyod pa'i phyir ro/ /bdag nyid kyi kun nas nyon mongs pa'i cha phra ba de yang shes rab kyis mi rtogs te/des na bdag ni dbang po bsgoms pa yin no snyam du rlom sems su byed do/ /de dag gi lta ba rung bar 'dzin pa gang yin pa de dag kyang dbang po rnams yul la phye nas gcig pu gnas te/ dmigs pa de la bdag nyid kyi kun nas nyon mongs pa dang bral ba khong du mi chud de/de dag ni dbang po bsgom pa yang ma yin la dbang po bsgom pa'i phyir yang dag par brtson pa yang ma yin te/ gzhan gyi tshig la mngon par dad pa tsam gyis log par mos shing log par nga rgyal byed pa tsam du zad do/ /de bzhin gshegs pa ni nyan thos rnams la tshul bzhin du nyon mongs pa spang ba'i phyir dbang po bsgom pa brda sprod par mdzad de/gcig tu nges par yul la mi phyogs par mdzad pa ma yin la/ de bzhin gshegs pa'i ma 'dres pa'i dran pa nye bar gzhag pa gsum la thugs shin tu brtan par gnas te/ des na nyan thos rnams la lhag par zhen pa med pas yang dag par sgrub pa yid du 'ong ba kun du spyod pa dang /log par sgrub pa yid du mi 'ong ba kun du spyod pa'i sgo nas rjes su chags pa'i kun nas nyon mongs pa dang / kun nas mnar sems kyi kun nas nyon mongs pa 'byung bar mi 'gyur te/ des na de ni nyan thos rnams dang nyon mongs pa spangs par 'dra yang dbang bo bsgoms pa bla na med pa yin no//dbang po bsgoms pa de yang 'khor rnam pa lnga'i bye brag gis rnam pa lngar bsgyur bar rig par bya ste/ bcom ldan 'das kyi nyan thos ni gcig tu nges par yang dag par zhugs pa dang gtan du yang dag par zhugs pa yang yod do//kha cig ni gcig tu nges par log par zhugs pa dang / gtan du log par zhugs pa yang yod do/ /yang dag par zhugs la gtan du ma yin pa yang yod do/ /log par zhugs la gtan du ma yin pa yang yod do/ /sna mang po yang yod de/de'i nang nas kha cig ni yang dag par zhugs/ kha cig ni bag med kha cig tu bag med pa la kha cig tu bag yod de phyogs gcig byed pa 'di ni 'khor lnga ba'o/ /de la de bzhin gshegs pa'i thugs su byon pa ni 'di yin te/ nyan thos legs par gsungs pa'i chos 'di lta ste/dbang po bsgom pa yongs su rdzogs par bya ba la yang dag par nan tan du sgrub par byed pa gang yin pa rnams so/ /thugs su mi byon pa ni 'di yin te/ log par sgrub pa'am/ yang nan tan du mi sgrub pa'o/ /de bas na de bzhin gshegs pa ni 'khor snga ma gzigs na ni thugs su byon pa skye la/gnyis pa gzigs na ni thugs su mi byon pa skye'o/ /gsum pa gzigs na ni thugs su byon pa dang / thugs su mi byon pa skye'o/ /bzhi ba gzigs na ni thugs su mi byon pa dang / thugs su byon pa skye'o/ /lnga pa gzigs na ni thugs su byon pa yang skye/thugs su mi byon pa yang skye / thugs su byon pa dang / thugs su mi byon pa yang skye'o/ /de bzhin gshegs pa ni de ltar rnam pa lngar bsgyur ba'i sgo nas thugs su byon pa dang / thugs su mi byon pa skye mod kyi 'on kyang de bzhin gshegs pa ni bag chags dang bcas pa'i nyon mongs pa dang bral ba la dbang po bsgoms pas na rjes su chags pa'i rnam pa dang /khong khro ba'i rnam pa kun nas nyon mongs pa can du mi 'gyur ba dang / de bas na de bzhin gshegs pa ni bag chags dang bcas pa'i nyon mongs pa spangs pa dang / de nyid la brten nas dgongs pa legs par gnas pas rnam pa lngar bsgyur ba'i sgo nas nyan thos rnams la kun nas nyon mongs pa mi 'byung ba'i phyir dbang po bsgom pa bla na med pa zhes bya'o/ /de la de bzhin gshegs pa ni rnam pa lngar bsgyur ba thams cad du ci rigs par gnyen po rnam pa gsum thugs la dgongs te/'di lta ste/ mi rtag pa'i 'du shes dang / byams pa dang / mtshan ma med pa'i ting nge 'dzin te/ de yang ci rigs par rig par bya'o/ /bcom ldan 'das kyi nyan thos don byas pa mi slob pa ni dbang po bsgom pa zhes bya ba yin te/de ni yun ring po nas mya ngan las 'das pa la mngon par dga' ba'i phyir snga ma bzhin du sems can nam sems can ma yin pa'i yul gcig tu nges par 'dod pa'am/ gcig tu nges par 'dod pa ma yin pa'am/ de bzhin du 'dod pa dang mi 'dod pa'i snang ba dang phrad na 'dod chags dang /zhe sdang dang / gti mug dang bral ba'i phyir sems rnam par grol ba dang / shes rab rnam par grol ba'i sgo nas myur ba myur bar mtshan ma med pas de las sems lhag par btang snyoms su byed de/ sems thag pa nas yul la ni mi mthun par 'du shes la mya ngan las 'das pa la ni zhi bar lta'o//gang de ltar myur du btang snyoms su gnas shing gang skad cig kyang brjed ngas pa las gyur ba'i kun nas nyon mongs pa'i sems mi skye ba de tsam gyis na dbang po legs par bsgoms pa yin par rig par bya'o/ /slob pa'i rgyud ni nyon mongs pas 'dres pas na myur du btang snyoms su gnas pa ma yin no//rnam pa gsum du bsgyur ba thams cad du yang nyon mongs pa la sdang ba'i phyir/ nyon mongs pa kun du spyod pas 'dzem zhing mi mthun pa'i 'du shes dang nyes dmigs kyi 'du shes kyis gnas te/ de ltar zhugs pa'i dbang po bsgom pa yongs su rdzogs par 'gyur te/ de bas na yang dag par zhugs pa zhes bya'o / /de ltar na legs par gsungs pa'i chos 'dul ba 'di ni ston pa'i sgo nas kyang mdzes la nyan thos rnams kyis thob par bya ba'i don 'thob pa dang / yang dag par nan tan du sgrub pa'i sgo nas kyang mdzes so//bdag med par smra ba ston pa'i sgo nas yang dag pa'i las su bya ba gsum byed pa yin te/ gsum gang zhe na/ sdug bsngal ba dang kun 'byung ba'i bden pas bsdus pa'i 'du byed rnams kyi rang gi mtshan nyid dang spyi'i mtshan nyid yang dag par gleng bas bdag med par rnam par gzhag pa ste/de la sna tshogs mang po'i bdag nyid kyis ni rang gi mtshan nyid brtag pa dang / skye ba dang 'jig pa brtag pas ni spyi'i mtshan nyid brtag pa ste/ 'di ni yang dag pa'i las su bya ba dang po'o/ /gzhan yang bdag ni med la rgyu dang bcas pa'i 'du byed tsam zhig yod pa la ci nas kun nas nyon mongs pa dang rnam par byang bar 'gyur ba de yang dag pa ji lta ba bzhin du gleng ba 'di ni yang dag pa'i las su bya ba gnyis pa ste/de la tshor ba rnam pa gsum rten cing 'brel bar 'byung ba la nyon mongs pa'i bag la nyal rnam pa gsum ma spangs te mthong ba'i lam la nga'o snyam pa'i lta ba'i bag la nyal yang dag par ma bcom pa dang bsgom pa'i lam la nga'o snyam pa'i nga rgyal gyi bag la nyal yang dag par ma bcom pa dang lta ba dang nga rgyal gyi phyogs dang mthun pa de kun nas slong bar byed pa'i ma rig pa yang ma spangs la de'i gnyen po rig pa yang ma skyes pas na sdug bsngal mthar byed par mi 'gyur ba 'di ni kun nas nyon mongs pa yang dag par mthong ba yin no//de las bzlog pa ni rnam par byang ba yang dag par mthong ba yin par rig par bya'o/ /gzhan yang 'du byed rnams la bdag tu sgro 'dogs pa'i bdag tu lta ba yang spangs la bden pa 'dzin pa'i bdag med par lta ba la brten nas ji ltar rnam par byang bar 'gyur ba de gleng bar bya'o //bdag med par lta ba de yang so so'i skye bor gyur ba kho nas legs par bzung na slob par gyur ba'i bden pa mngon par rtogs pa'i 'phags pa'i shes rab kyi mig thob par 'gyur ro//de'i gong du mi slob par gyur ba'i zad pa dang mi skye ba'i ye shes kyang thob par 'gyur ro/ /slob pa dang mi slob pa'i mthong ba dang bsgom pas spang bar bya ba'i nyon mongs pa ma lus par spong bar 'gyur ro//de bas 'di ni bdag med par lta ba de'i rnam par byang bar 'gyur ba gleng ba yin par rig par bya'o/ /chos 'di pa 'jig rten pa'i yang dag pa'i lta ba dang ldan pa mang du thos pa mnyam par gzhag pa las ni chos 'di pa 'jig rten pa'i yang dag par lta ba dang ldan pa mang du thos pa mnyam par gzhag pa yang dag pa'i sbyor ba'i 'bras bu'i phan yon rnam pa lngas khyad par du 'phags par rig par bya ste/lnga gang zhe na/ chos 'di pa snga ma shos ni thog ma kho nar sems mnyam par ma bzhag pa'i phyir zhi gnas kyi yan lag gi tshul khrims yongs su ma dag cing yongs su ma byang ba yin la cig shos sems mnyam par bzhag pa ni yongs su dag cing yongs su byang ste/'di ni yang dag pa'i sbyor ba'i 'bras bu'i phan yon gyi khyad par dang po yin par rig par bya'o/ /gzhan yang mnyam par ma bzhag pa'i gang zag snga ma shos kyis ni tshor brten dang bcas dmigs pa dang bcas grogs dang bcas 'gyur ba dang bcas pa yang dag pa ji lta ba bzhin du mi shes te/mi shes pas ni mi shes pa'i rgyu las byung ba'i nyes dmigs rnam pa gsum ste/ tshor ba'i kun nas nyon mongs pa las gyur ba dang /dus kyi kun nas nyon mongs pa las gyur pa dang / tshe 'di dang tshe phyi ma'i kun nas nyon mongs pa las gyur pas gos par 'gyur ro/ /de la tshor ba'i kun nas nyon mongs pas kun du rmongs nas bde ba'i tshor ba 'gyur ba dang bcas pa'i bar la kun du chags pa ni der kun du chags par 'gyur ba sdug bsngal ba la ni khong khro ba dang ldan no//sdug bsngal ba yang ma yin bde ba yang ma yin pa la ni kun du rmongs te/ kun nas dkris pa dang bag la nyal gyi sgo nas ni chags so/ /bag la nyal gyi sgo nas ni ldan pa dang kun du rmongs so/ / de la dus kyi sgo nas kun nas nyon mongs pa ni da ltar gyi dus na ni chags shing sdang la kun du rmongs so/ /'das pa'i dus na ni lta ba dang ldan no/ /ma 'ongs pa'i dus na ni sems 'dogs so/ /de la tshe 'di dang tshe phyi ma'i kun nas nyon mongs pa ni de de ltar sems kun nas nyon mongs pa can du gyur ba'i phyir tshor ba dang dus kyi kun nas nyon mongs pas yang srid par skye ba'i las bsags pas 'di lta ste/skye bar 'gyur ba'i phyir yang srid par skye ba'i phung po yang nye bar sogs la srid pa ste yang srid par skye ba'i srid pa dang / longs spyod kyi sred pa yang 'phel bar byed do//yang srid par skye ba'i sred pas ni phyi ma la lus mngon par 'grub par byed do/ /longs spyod kyi sred pas ni yongs su tshol ba la zhugs pa na ngal bar 'gyur ro/ /yul thob tu zin kyang nyon mongs pas gos par 'gyur la ma thob na yang 'dod pa mi rnyed pas gdungs par 'gyur ro//thob pa las nyams na yang mya ngan dang 'khrug pa rnams kyis gzir bar 'gyur te/ 'di ni de'i tshe 'di'i nyes dmigs so/ /yang srid par skye ba'i las dang nyon mongs pa gang yin pa de byas shing bsags pa'i phyir phyi ma la skye ba dang rga shi la sogs pa'i sdug bsngal gyi khyad par rnams skye bar 'gyur ba 'di ni tshe phyi ma'o //sems mnyam par gzhag pa'i gang zag cig shos ni de las bzlog pa yin par rig par bya'o/ /'di ni gnyis pa yin te snga ma bzhin no/ /gzhan yang gang zag snga ma shos ni sems mnyam par ma bzhag pas bdag dang gzhan rnams kyi mi shes pa las gyur ba'i nyes dmigs te/de yang dag pa ji lta ba bzhin du mi shes la/ cig shos ni sems mnyam par bzhag pas yang dag pa ji lta ba bzhin du shes so/ /'di ni gsum pa ste/ snga ma bzhin no//gzhan yang sems mnyam par gzhag pa'i gang zag nyes dmigs de yang dag pa ji lta ba bzhin du shes shing bsgom pa'i sa la zhugs pa cig shos kyis ni bdag med pa dang ldan pa'i yang dag pa'i lta ba sngar thob pa de bsgom pa des spong ba'i khams dang / 'dod chags dang bral ba'i khams kyis dus gnyis su byang chub kyi phyogs dang mthun pa'i chos thams cad dang bcas par yongs su rdzogs par 'gyur la sems mnyam par ma bzhag pa'i gang zag snga ma shos kyis ni yongs su rdzogs par mi 'gyur ro/ /'di ni bzhi pa ste snga ma bzhin no//gzhan yang sems mnyam par gzhag pa'i gang zag gi ni mang du thos pa lhag mthong gi yan lag gang yin pa de ting nge 'dzin gyis yongs su zin pas lhag mthong yongs su dag par 'gyur te/ de bas na de'i zhi gnas dang lhag mthong gnyi ga la mnyam du zung du 'brel bar 'gyur la sems mnyam par ma bzhag pa'i gang zag gis ni mang du thos pa dang bcas par gnyi ga med par rig par bya ste/yang dag pa'i sbyor ba'i 'bras bu'i phan yon 'di ni chos 'di pa yang dag pa'i lta ba dang ldan pa mang du thos pa sems mnyam par ma bzhag pa'i gang zag las chos 'di pa yang dag pa'i lta ba dang ldan pa mang du thos pa sems mnyam par gzhag pa'i khyad par du 'phags pa lnga pa yin par rig par bya ste/des de ltar zhi gnas dang lhag mthong thob pa des spong ba'i khams su yongs su shes par bya ba ni yongs su shes/spang bar bya ba ni spong bar byed/ mngon sum du bya ba ni mngon sum du byed/ bsgom par bya ba ni sgom par byed do/ /'dod chags dang bral ba'i khams su ni yongs su shes pa dang / spangs pa dang / mngon sum du byas pa dang / bsgoms zin par gyur te gzugs te rten dang / ming ste brten pa yang yongs su shes so/ /yongs su shes par 'gyur ro/ /ma rig pa ste rten dang / srid pa'i sred pa ste brten pa yang spong ngo / /spangs par gyur to/ /rig pa rnam par dag pa'i shes pa ste rten dang / rnam par grol ba nyon mongs pa spang ba ste/ brten pa yang mngon sum du byed do/ /mngon sum du byas par gyur to/ /zhi gnas te rten dang / lhag mthong ste brten pa yang sgom mo/ /bsgoms par gyur to/ /chos mthong ba ni gnyis te/ 'dus byas kyi chos mthong ba dang 'dus ma byas kyi chos mthong ba'o//de la 'dus byas kyi chos mthong ba ni ji ltar 'di na kha cig bden pa'i gnas kyang yang dag pa ji lta ba bzhin du rab tu shes la bden pa yang yang dag pa ji lta ba bzhin du rab tu shes te/ bden pa'i gnas gang zhe na/ ming dang gzugs ni mi'i rang bzhin zhes bya ba'o//bden pa gang zhe na/ kun rdzob kyi bden pa dang / don dam pa'i bden pa'o/ /kun rdzob kyi bden pa gang zhe na/ bden pa'i gnas de nyid la bdag gam/ sems can nam/ srog dang skye ba po'i bar du 'du shes pa gang yin pa dang / bdag gis mig gis gzugs rnams mthong ngo zhes bya ba nas yid kyis chos rnams rnam par shes so zhes bya ba'i bar du khas 'che ba dang / 'di ltar de'i ming 'di zhes bya ba nas snga ma bzhin du tshe'i tshad ni 'di tsam mo zhes bya ba'i bar du tha snyad 'dogs so/ /de'i 'du shes shing khas 'che la tha snyad 'dogs pa tsam gang yin pa 'di ni kun rdzob kyi bden pa'o//don dam pa'i bden pa gang zhe na/ bden pa'i gnas de ni mi rtag pa nas snga ma bzhin du rten cing 'brel bar 'byung ba'i bar du sbyar te/ mi rtag pa nyid ji lta ba bzhin du sdug bsngal ba nyid kyang de dang 'dra'o snyam nas gang de ltar kun rdzob dang /don dam pa'i bden pa'i gnas la kun rdzob kyi bden pa la yang kun rdzob kyi bden pa yin pa dang / don dam pa'i bden pa la yang don dam pa'i bden pa yin par yang dag pa ji lta ba bzhin du rab tu shes pa'i dge slong de la ni 'dus byas kyi chos mthong ba dang ldan pa zhes brjod par 'os so//'dus ma byas kyi chos mthong ba gang zhe na/ bden pa'i gnas la bden pa rnam pa gnyis la mkhas pa'i mkhas pa de nyid la brten nas phung po thams cad yang dag par zad pa'i mya ngan las 'das pa la zhi bar lta ba'i sems 'jug pa gang yin pa nas snga ma bzhin du rnam par grol bar 'gyur ba'i bar du sbyar ba 'di ni 'dus ma byas kyi chos mthong ba zhes bya ste/de dang ldan pa'i dge slong de ni 'dus ma byas kyi chos mthong ba zhes brjod par 'os so/ /chos mthong ba de yang gang zag gsum la yod par rig par bya ste /so so'i skye bo chos kyi rjes su mthun pa'i chos la zhugs pa/ sems mnyam par gzhag pa mkhas shing yid gzhungs la tshul bzhin du chos la spyod par byed pa dang / de bzhin du slob pa bzhi mthong ba dang / mi slob pa zag pa zad pa la yang yod do//lha dang mi'i phun sum tshogs pa mngon par 'dod pa'i phyir smon nas tshangs par spyad pa spyod pa la ni lha dang mi'i nyes dmigs gnyis su 'gyur bar shes par bya'o/ /gnyis gang zhe na/ nyon mongs pas bskyed pa'i sdug bsngal dang mi rtag pa nyid kyis bskyed pa'i sdug bsngal lo//nyon mongs pas bskyed pa'i sdug bsngal gang zhe na/ lha dang mi rnams ni da ltar gyi dus kyi sgo nas yul la kun tu dga' bar gnas la/ 'das pa'i dus kyi sgo nas ni yul la dga'o/ /da ltar gyi dus su 'das pa'i yul gyi dga' ba la brten pas ni yul la kun nas dga'o//ma 'ongs pa'i dus su da ltar byung ba'i yul gyi dga' ba la brten pas ni yul la mngon par dga'o/ /de ltar dus gsum du kun nas nyon mongs pa can du gnas pa de dag la ni 'dod pa mi rnyed pa las byung ba'i sdug bsngal dang / skye ba dang rga ba la sogs pa'i sdug bsngal 'byung bar shes par bya ste/'di ni kun nas nyon mongs pa las gyur ba'i sdug bsngal skye bar byed pa'i nyes dmigs so/ /mi rtag pa nyid las gyur ba'i sdug bsngal gang zhe na/ bde ba dang mthun pa rnams dang 'bral zhing 'gyur ba las 'gyur ba'i sdug bsngal 'byung ba dang /sdug bsngal ba dang mthun pa rnams dang phrad pa las skyo ba'i sdug bsngal 'byung ba dang / lus thams cad 'chi ba'i tshe 'gag par 'gyur ba las 'gag pa'i sdug bsngal 'byung ba dang / rnam pa gsum po 'di dag ni mi rtag pa nyid las gyur ba'i sdug bsngal yin par rig par bya'o//de la de bzhin gshegs pa ni nyes dmigs de gnyis las 'da' bas na gcig tu nges par bde ba la gnas pa yin no/ /de la bde ba de yang rig par bya ste/ gang gis bde bar 'gyur ba dang / bde ba de'i thabs kyang rig par bya'o/ /bde ba gang zhe na/yul thams cad dang mtshungs par ldan pa'i nyon mongs pa rnams zad nas bla na med pa'i grub pa dang / bde ba phung po'i lhag ma dang bcas pa'i mya ngan las 'da' bar 'gyur ba'o/ /thabs gang zhe na/ snga ma bzhin du tshor ba rnam pa lnga yang dag pa ji lta ba bzhin du sngar bsgyur ba'i [(]shas [,]shes [)]pa'o//de la nyan thos gang ston pa'i bde ba lha dang mi'i las yang dag par 'das pa bor te/ lha dang mi'i bde ba ngan pa 'dod pa de ni dam pa rnams kyis kyang smad par 'gyur la/ bdag nyid kyang bslus par 'gyur ro// //rnal 'byor spyod pa'i sa las gzhi bsdu ba/bam po bcu gnyis pa/ sdom ni/ gnyis dang gnas ni gcig pa dang / /mya ngan 'das las ring ba dang / /mdor bstan so so rang rig dang / /kun mkhyen dang ni de mtshan dbye/ /bslab pa 'bul bar byed pa dang / /las dang stong pa nyid dang ni//nye bar spyod dang rtag pa dang / /ston pa dang ni nyan thos gnyis/ /rgyu gnyis kyis zla dang bcas te gnas par rig par bya ste/ sred pa dang bcas pa'i lus gnyis pa skye ba'i rgyu yang blangs te gnas pa dang / lus 'di 'gags pa las kyang lus gnyis pa mngon par 'grub par 'gyur ro//sred pa dang bcas pa ji lta bu yin zhe na/ chags par 'gyur ba'i yul 'thob tu cha bar shes nas thog ma nyon mongs pa can gyi kun nas dga' ba ni kun du dga' ba yin no/ /de'i 'og tu nam ma thob kyi bar du de yid la byed pas shas cher gnas pa dang /thob la nye bar ma spyod pa'i bar mdo'i dga' ba de kho na la brten nas yid bde bar gyur bas gnas pa dang / nye bar spyod pa'i tshe yang lhag par zhen cing kun du chags par 'gyur te de bas na sred pa dang bcas pa zhes bya'o/ /ma 'ongs pa'i 'dod pa de 'thob pa yang yod pa ni kun du dga' ba'o//'das pa rjes su dran pa ni dga' zhing yid bde ba'o/ /thob pa spyod pa la ni kun du chags pa ste/ 'di yang rnam grangs gcig go/ /lus gnyis pa ji ltar mngon par 'grub ce na/ dga' ba de'i rgyu las phyi ma la skye ba dang rga ba'i rtsa ba las byung ba'i sdug bsngal skye bar 'gyur ro//de las bzlog pa ni zla med par gnas pa yin par rig par bya'o/ /nyon mongs pa rnams dang mya ngan las 'das pa 'di gnyis ni phan tshun mi mthun pa'i chos can yin te/ de bas na kun nas nyon mongs pa can du gnas pa ni yang srid par skye ba dang /mthun par 'dug la yang srid par skye ba dang mthun par 'dug pa ni mya ngan las 'das pa las ring ba zhes bya'o/ /drug po 'di dag ni skyes bu gang zag mi srun pa rnams kyis mi srun pa'i rnam pa yin te/rang bzhin gyis khro ba dang / ma brtags par byed pa dang / gzhan la gnod pa'i ngang tshul can sdug bsngal gyis reg par byed pa dang / mi bden pa'i tshig rtsub po smra ba dang / bden na yang gnod pa dang ldan pa'i tshig rtsub po smra ba dang / de yang rnam grangs du mar tshig rtsub po smra zhing nyang nyung tsam gyis snying mi tshim pa'o//rab tu byung ba'i stobs yang dag par blangs te 'dug pa na bzod pa dang nges pa'i rgyu gnyis kyis dge sbyong gi tshul gyi don kyang myur du 'thob la ma dad pa rnams ni dang bar bya ba dang / dad pa rnams ni phyir zhing dad par bya ba la zhugs pa yin no//de la bzod pa ni gzhan dag la lan du gnod par byed pas nye bar mi gnas pa'o/ /nges pa ni bsam pa mi 'khrug cing gzhan la mi 'tshe ba'i ngang tshul can no/ /mdor na de bzhin gshegs pa rnams kyi mthar thug pa ni mdor bsdu na gnas gnyis kyis bstan te phung po'i lhag ma dang bcas pa'i mya ngan las 'das pa'i dbyings dang /phung po lhag ma med pa'i mya ngan las 'das pa'i dbyings bstan pa'o/ /de la nyon mongs pa spangs pa gang gis gang zag de spangs pa gang gis gang zag de spangs pa dang ldan la nyon mongs pa dang ldan pa ma yin pa de'i phyir/ de de'i 'bras bu yang srid par skye ba'i sdug bsngal la mi gnas par rig par bya ste/'di ni phung po lhag ma dang bcas pa'i mya ngan las 'das pa'i dbyings bstan pa yin no/ /gang gi phyir de yang srid par skye ba'i nyon mongs pa'i 'bras bu'i sdug bsngal la mi gnas pa de'i phyir de tshe'i tshad ji tsam yod pa zad par byas nas 'chi ba'i dus byed de /thams cad kyi thams cad du phung po'i lhag mas 'di dang gzhan du lus 'byung bar mi 'gyur zhing bar mdo'i srid pa 'byung bar mi 'gyur ro/ /de bas na sdug bsngal thams cad kyi mthar gyur ba thob pa yin/ 'di ni phung po'i lhag ma med pa'i mya ngan las 'das pa'i dbyings bstan pa yin no//dran pa'i stobs dang ldan pa'i rgyu ni gsum yod de/ na gzhon pa dang / sngon gyi tshe rabs nas goms pa dang / tshe 'di la goms pa'o/ /mya ngan las 'das pa'i chos so so rang gis rig pa ni rnam pa lngar rig par bya ste/'di lta ste/ snga ma bzhin du dad pa nas lta ba la rtog pa bzod pa'i bar rnams ma yin par nang gi rang gi nad dang phyi rol gyi dbang gis byung ba'i kun nas nyon mongs pa yod pa dang med pa 'di lta ste/ tshe 'di nyid la yang dag pa ji lta ba bzhin du rab tu shes pa'o//sangs rgyas rnams kyi byang chub ni shes bya thams cad rtogs pa dang / yod pa dang med pa'i dngos po bden par rtogs pa dang / kun nas nyon mongs pa dang / rnam par byang ba'i phyogs dang mthun pa'i chos thams cad rtogs pa'i rnam pa gsum gyis rab tu phye ba yin te de bas na gnas gsum po dag tu gzhan rnams bcom ldan 'das la zhu ba zhu bar byed do//'dus byas kyi chos lhan cig 'byung ba thams cad ni sems rmongs shing mtshan nyid la log par 'dzin pa'i rtog pa skyed par byed pa yin no/ /de bas na de bzhin gshegs pa ni nyan thos rnams mtshan nyid nges pa la 'jug par mdzad pa'i phyir rnam par dbye bar mdzad de/mtshan nyid kyi de nyid shes pa rnams ni bdag kyang bslus par mi 'gyur la/ gzhan dag la yang bag tsha ba med par ston par 'gyur ro/ /rab tu byung ba'i bslab pa 'bul ba'i sgo nas ni yul la lta ba rnam par gzhag par rig par bya'o//rab tu byung ba nyid kyi 'chal ba'i tshul khrims kyi sgo nas ni rab tu byung ba nyid kyi 'jug pa mi phyogs pa sems kyi thab 'chab pa'i gzhi rnam par gzhag par rig par bya'o/ /ngo tsha shes pa dang khrel yod pa dang bral bas gcig tu nges par ro myang bas bzung zhing dmigs pa'i yul gang yin pa de ni ro myang ba lhur len pa zhes bya'o//des kyang dge ba'i phyogs chen po bya ba la las su mi rung ba'i tshul gyis sems tha bar byed do/ /de'i sgo nas kyang nyes par spyod pa kun du spyod par 'gyur la sdig pa'i bsam pa yang mkhyud par 'gyur zhing 'chab pa bskyed do//de dag thams cad gcig tu bsdus pa ni ro myang ba lhur len pa'i yul sems kyi thab 'chab pa'i gzhi zhes bya'o/ /dbang po'i sgom bsdams par spyod pa ni dam pa'i chos ma yin pa thos pa la brten nas ma rig pa'i 'dus te reg pa las byung ba'i nyon mongs pa can gyi yid la byed pa skye bar 'gyur te/de'i sgo nas phyi ma la skye mched mngon par 'grub pa'i nyes dmigs yang dag pa ji lta ba bzhin du mi shes so/ /yang dag pa ji lta ba bzhin du mi shes na 'dod par 'gyur ro//'dod par gyur na de dang ldan pa'i las byed cing sogs so/ /de dang ldan pa'i las byas shing bsags na phyi ma la skye mched drug mngon par 'grub ste go rims 'di bzhin du mi mthun pa'i tshul gyis skye mched drug ni las kyi rgyu las byung ngo / / las ni srid pa'i rgyu las byung ngo / /sred pa ni ma rig pa'i rgyu las byung ngo / /ma rig pa ni tshul bzhin ma yin pa yid la byed pa'i rgyu las byung ngo / /tshul bzhin ma yin pa yid la byed pa ni ma rig pa'i 'dus te reg pa'i rgyu las byung ba'o/ /de la sngon gyi las gang yin pa de ni tshe 'di la myong bar 'gyur ba'i skye mched drug gi rkyen to//tshe 'di'i las gang yin pa de ni skyes nas myong bar 'gyur ba'i skye mched drug gi rkyen to/ /yang na lan grangs gzhan la myong bar 'gyur ba'i gzhi'o/ /de bzhin du sred pa la sogs pa yang las la sogs pa dang ci rigs par sbyar bar rig par bya'o//yang srid par skye ba ni yang srid par skye ba'i las dang / yang srid par skye ba'i sred pa rnam pa gnyis kyis mngon par 'grub par 'gyur te/ sems can 'di dag ni las ji lta ba bzhin du 'gro ba zhes bya'o/ /sred pa ji lta ba bzhin du 'gro ba zhes ni mi bya'o//de ci'i phyir zhe na/ sred pa ni mdor bsdu na rnam pa gsum ste / 'dod pa'i sred pa dang / gzugs kyi sred pa dang / gzugs med pa'i sred pa'o/ /de la 'dod pa'i sred pa gang yin pa de ni mi dge ba yin te/ rnam par smin pa dang bcas pa yin mod kyi sdig pa'i las kun nas ma bslangs par ngan song rnams su rnam par smin pa smin par mi byed do//gang gi tshe 'dod pa'i khams su sred pa dang bcas pa'i ma rig pa'i 'dus te reg pa las byung ba'i tshor ba 'dod par gyur nas chags par 'gyur ba'i yul la 'dod chags pa dang / zhe sdang bar 'gyur ba la zhe sdang ba dang /gti mug par 'byung ba la gti mug pa'i sgo nas mi dge ba'i las kun du spyod de/ de'i phyir las des ngan song rnams su skye bar 'gyur gyi 'dod chags dang / zhe sdang dang / gti mug gi kun nas dkris pa tsam gyis ni ma yin no/ /sred pa ni las de'i rnam par smin pa mngon par 'grub pa'i tshe nges pa kho nar grogs kyi bya ba byed par zad do//sdug pa'i yul 'dod pa'i sgo nas ni lus dang ngag dang yid kyis dge ba kun du spyod de/ de'i rgyus ni bde 'gror skye bar 'gyur te/ der sdug pa'i rnam par smin pa 'phen cing /mngon par 'grub pa na las nyi tshe rgyur 'gyur bar 'os kyi / nyon mongs pa can gyi sred pa'i rang bzhin ni de lta ma yin no/ /gzugs dang gzugs med pa'i sred pa gang yin pa ni mi dge ba ma yin no/ /'on kyang nyon mongs pa can yin te/ de ni thams cad kyi thams cad du rnam par smin pa med pa kho na'o//de gal te gzugs dang gzugs med pa'i sred pas sred par 'gyur na ni dam pa'i chos thos pa la brten nas 'dod pa'i khams la rags par mthong ste/ reg pa'i 'dus te reg pa las byung ba'i 'jig rten pa'i tshor ba tshul bzhin yid la byed pa dang mtshungs par ldan pa dang phrad nas 'dod pa'i khams kyi 'dod chags dang /zhe sdang dang / gti mug bsam te dge ba zag pa dang bcas pa bsgoms pa las byung ba'i las byed do/ /des na de 'dir bya ba'i las kyis der skye bar 'gyur gyi nyon mongs pa can gyi sred pas ni ma yin no//sred pa ni las de'i rnam par smin pa mngon par 'grub pa'i tshe grogs kyi bya ba byed par zad do/ /de bas na sems can rnams ni las ji lta ba bzhin du 'gro ba zhes bya'i sred pa ji lta ba bzhin du 'gro ba zhes mi bya ba'i phyir ro/ /phyi rol gyi dngos po rnams la 'jig rten gyi gdags pa'i sgo nas 'bras bu 'ga' zhig tshor ba po las res 'ga' stong la res 'ga' ni mi stong bar snang ste 'bras bu la ji lta ba bzhin du rgyu la yang de dang 'dra'o//de yang kun rdzob kyi stong pa yin gyi don dam pa'i stong pa zhes ni mi bya'o//dus thams cad du 'du byed thams cad kyi 'bras bu dang rgyu tsam zhig ni yod la tshor ba po dang byed pa po ni med pa gang yin pa 'di ni don dam pa stong pa nyid ces bya'o/ /de yang rnam pa bdun du rig par bya ste/'di lta ste/ phyi ma'i mtha' stong pa nyid dang / sngon gyi mtha' stong pa nyid dang /dbus kyi mtha' stong pa nyid dang / rtag pa stong pa nyid dang / bdag stong pa nyid dang / tshor ba po stong pa nyid dang / byed pa po stong pa nyid do/ /de la ma 'ongs pa'i dus na 'du byed rnams 'du byed kyi phung por 'dug ste/ de las 'du byed rnams skye ba'i tshe 'ong bar 'gyur ba med do //gal te de yod par 'gyur na ma 'ongs pa'i dus na rang bzhin gyis yongs su grub zin pa de dag ni skyer yang mi rung la mi rtag pa nyid du snang bar yang mi 'gyur ba'i rigs na snang zhing yang 'dug ste/ de bas na skye ba'i tshe gang nas kyang mi 'ong la med pa las yod par yang 'gyur ba 'di ni phyi ma'i mtha' stong pa nyid de/de las 'das pa'i dus na 'du byed rnams phung por 'dug ste/ der 'du byed skyes nas 'gag pa rnams sogs par 'gyur ba med de/ gal te yod par gyur na 'das pa'i 'du byed kyi tshogs rang gi bdag nyid kyis gnas pa'i phyir 'du byed 'gag pa yang med pa kho nar 'gyur la 'gag pa med na ni rtag pa nyid du yang snang bar mi 'gyur ba'i rigs na snang zhing yang 'dug ste/de bas na 'du byed rnams 'gag pa'i tshe gang du yang sogs par mi 'gyur la yod pa las 'gag pa'i rgyu la ma ltos par rang gi ngang gis phyir med par 'gyur ba 'di ni sngon gyi mtha' stong pa nyid do//'du byed rnams kyi skad cig bskyes la ma 'gags pa la 'du byed tsam du snang ste/ de dag la de ma yin pa'i 'du byed kyang med la don tha dad par 'gyur ba yang med pa 'di ni dbus kyis mtha' stong ba nyid dang /rtag pa stong pa nyid dang / bdag stong pa nyid du rig par bya'o/ /bdag med na ni 'bras bur gyur ba'i 'du byed rnams kyang tshor ba pos stong la rgyur gyur ba'i las kyang byed pa pos stong pa 'di ni tshor ba po dang / byed pa po stong pa nyid do/ /tshor ba po dang byed pa po med pas na 'du byed tsam gyi sngon gyi skye ba ni 'gag la 'du byed tsam gyis skye ba gzhan ni 'byung bar 'gyur gyi sngon gyi rnams 'dor ba po yongs su yang med la phyi ma rnams len pa po yongs su yang med do//rten cing 'brel bar 'byung ba'i chos rnams nyid kyis chos rnams bskyed do zhes gsungs pa de ni byed pa med pa'i chos thams cad la sus kyang ci yang bskyed pa med mod kyi 'on kyang gang yod na gang 'byung bar 'gyur la gang skyes na gang skye bor 'gyur te/chos tsam gyi rgyu dang 'bras bur gyur pa de la chos rnams nyid kyis chos rnams bskyed do zhes brda 'di 'dogs par mdzad do//yid bde ba dang mthun pa'i yul la ni rnam pa lngas nye bar spyod cing kun du chags te tshul bzhin ma yin pa'i mtshan ma 'dzin par byed do/ /'dun pa bskyed do/ /lan mang du rjes su rtog par byed do/ /yongs su tshol bar byed do/ /de'i rgyus bsod nams dang bsod nams ma yin pa spyod do//yid bde ba dang mthun pa'i yul la ji lta ba de bzhin du yid mi bde ba dang / btang snyoms dang mthun pa la yang ci rigs par sbyar bar rig par bya'o/ /de la khyad par ni 'di yod de yid mi bde ba dang mthun pa rnams la ni gnod sems su 'gyur ro//btang snyoms dang mthun pa rnams la ni rmongs par 'gyur ro/ /lhag ma ni snga ma bzhin no/ /dge slong dgra bcom pa zag pa zad pa na yul thams cad la nye bar spyod pa na brjed ngas pa tsam gyis sgo nas kyang nyon mongs pa skye bar 'gyur ba'i rgyur rtag tu mi 'gyur te/de bas na rtag tu kun nas nyon mongs pa med par gnas pa'i phyir rtag tu gnas pa zhes bya ste/ nye bar spyod pa'i phyogs dang mthun pa'i yid bde ba dang yid mi bde ba gang yin pa des kyang dgra bcom pa ni yid bde bar yang mi 'gyur la yid mi bde bar yang mi 'gyur te dge ba gang yin pas ni de lta ma yin no//rtag tu gnas par bya ba de dag ni dka' ba dang / mchog yin pa dang / kha na ma tho ba med pa'i phyir de dag dang ldan pa ni dkon pa dang / yon gnas kyi mchog yin par rig par bya ba nas spyan drang ba'i 'os yin pa'i bar du rgyas par sbyar te/'di lta ste/ rnam grangs bsdu ba las 'byung ba bzhin no/ /legs par gsungs pa'i chos 'dul ba ston pa'i ston pa phun sum tshogs pa ni rnam pa gnyis kyis rig par bya'o/ /nyan thos rnams kyi nyan thos phun sum tshogs pa yang rnam pa gnyis kyis rig par bya'o//rnam pa gnyis po gang gis ston pa phun sum tshogs par rig par bya zhe na/ 'di lta ste/ gzhan la phan pa bsgrub pa'i sgo nas tshor ba gang ci yang rung ba'i 'di dag 'dir sdug bsngal ba yin no zhes bya ba la 'jug par bya ba'i phyir tshor ba rnams kyi rten bstan pa dang /gzhi bstan pa dang / kun nas nyon mongs par 'gyur ba nye bar spyod pa bstan pa dang / ston pa'i rtags mi mthun pa'i phyogs dang gnyen po rnam par gzhag pa bstan pa dang / rnam pa thams cad du nges par 'byung ba bstan pa 'di ni ston pa phun sum tshogs pa dang po'o//yang na bdag la phan pa bsgrub pa'i sgo nas ma 'dres pa'i dran pa nye bar gzhag pa gsum gyis kun nas nyon mongs pa med par gnas pa 'di ni ston pa phun sum tshogs pa gnyis pa yin par rig par bya'o/ /de la rnam pa gnyis pa gang gis nyan thos phun sum tshogs par rig par bya zhe na/de bzhin gshegs pa'i chos bstan pa ni tshad med de snyam du rig nas thos pa'i pha rol tu phyin par mi nus la/ gal te pha rol tu phyin par nus na yang de ni chos kyi rjes su mthun pa'i chos nan tan du bsgrub pas nges par 'byung bar bya ba'i phyir yin gyi/gzung bar bya ba tsam gyi phyir ma yin no snyam du rig nas tshul bzhin du chos kyi rjes su mthun pa'i chos la zhugs pa yin te/ tha snyad dang sgra dang tshig lhur len pa ma yin pa 'di ni nyan thos phun sum tshogs pa dang po'o/ /de de ltar chos kyi rjes su mthun pa'i chos la zhugs nas ngan ngon gyis chog par mi 'dzin te skyes bu cang shes bzang pos sa ji tsam bgrod par bya zhing thos par bya ba de thob pa kho nar 'gyur ba'i 'di ni nyan thos phun sum tshogs pa gnyis pa yin par rig par bya'o//gzhan yang legs par gsungs pa'i chos 'dul ba la ston pa'i ston pa phun sum tshogs pa ni rnam pa gsum gyis rig par bya'o//nyan thos kyi nyan thos phun sum tshogs pa yang rnam pa gnyis kyis rig par bya'o/ /ston pa phun sum tshogs pa rnam pa gsum gyis rig par bya ba gang zhe na/ 'di la de bzhin gshegs pa thog ma kho nar mtha' gnyis spangs pa'i dbu ma'i lam nyan thos rnams la brda sprod par mdzad pa 'di ni phun sum tshogs pa dang po'o//gzhan yang ma dad pa rnams dang / log par zhugs pa rnams bstan pa 'di la thabs legs par 'jug par mdzad pa 'di ni phun sum tshogs pa gnyis pa'o//gzhan yang zhugs zin pa rnams chos bzhin du bsdu ba rnam pa bzhis sdud par mdzad pa 'di ni ston pa phun sum tshogs pa gsum pa'o/ /chos bzhin du bsdu ba rnam pa bzhi gang zhe na/ nang du yang dag 'jog pa'i gdams ngag 'tsham pa lkog tu ston te /mi 'tsham pas ma yin pa dang / 'gal bar byed pa la mngon sum du 'tsham pa'i ngo bzlog gi tshig gis sma 'bebs te mi 'tsham pas ma yin pa dang / zhen pa la brten pa'i rtog pa rnams la nang gi zhi ba bstan pa dang / rtag tu dus dus su dam pa'i chos nyan du gzhug pa'o//de la dam pa'i chos ltar bcos pa dang / spyod pa dang 'gal ba mi mthun pa'i phyogs ma rtogs pa ni nang du yang dag 'jog pa'i gdams ngag 'tsham pa lkog tu bstan pa yin no/ /'gal bar byed pa bden pa dang sma dbab pas 'dul bar rig nas kun nas nyon mongs pa can ma yin pa'i sems kyis byed pa ni 'tsham par mngon sum du sma 'bebs pa yin no//bden pa rnam par nges pa'i tshul gyis 'dod pa'i yon tan rnams la zhugs pa'i rtog pa rnams la nyes par mthong nas mthar gyis bsam gtan bzhi pa la snyoms par 'jug pa'i bar gyi zhen pa la brten pa'i rtog pa rnams zhi ba ni nang zhi ba yin no//bdag kyang yongs su ngal bar mi byed la gzhan dag kyang 'dzin du 'jug pa'i sgo nas ni rtag tu dus dus su dam pa'i chos nyan du gzhug pa yin par rig par bya'o/ /nyan thos phun sum tshogs pa rnam pa gnyis gang zhe na/'di la nyan thos ni thog ma kho nar ston pa'i lta ba rung bar bya ba 'di lta ste/ chos rnams la bdag med par lta ba la zhugs te/ de ni chos rnams la bdag tu sgro btags nas log par mngon par zhen par yang mi byed la kun rdzob kyang chud gson par mi byed de lhag pa'i bsam pas rjes su 'gro bar yang mi byed la rjes su tha snyad 'dogs pa las kyang 'gal bar mi byed pa 'di ni nyan thos phun sum tshogs pa dang po'o//de lta ba rung bar byas pa la zhugs nas/ chos kyi rjes su mthun pa'i chos la nan tan du sgrub cing chos bzhin du bsdu ba rnam pa bzhis bsdus pas chos gang sdug bsngal ba dang bcas shing phongs pa dang bcas pa de dag ni yang dag pa ji lta ba bzhin du yongs su shes nas spong bar byed do//chos gang sdug bsngal ba med cing phongs pa med pa de dag ni mngon sum du byed de/ 'di ni nyan thos phun sum tshogs pa gnyis pa'o//de ltar na ston pa dang / nyan thos phun sum tshogs pas bsdus pa'i sangs rgyas rnams kyi bstan pa 'di ni gcig tu nges par kun nas nyon mongs pa can ma yin pa rnam par dag pa mkhas pa rnams kyis 'jug par bya ba'i 'os yin par rig par bya'o//gzhi bsdu ba las skye mched rab tu rnam par 'byed pa zhes bya ba ste bsdu ba gnyis pa rdzogs so// //spyi sdom ni/ rnam par gzhag par bya ba dang / /kun rdzob dang ni don dam dang / /reg pa'i rkyen dang srid 'gag dang / /zas su 'gyur ba tha ma yin/ / sdom ni/ rnam par gzhag par bya ba dang / /sdug bsngal phung po bden pa brtag/ bstan pa yongs su bsdu ba dang / /shes pa cha phra mtha' brtag dang / /dpyod dang mngon pa'i nga rgyal dang / /zab mo yang ni tha ma yin/ /rten cing 'brel bar 'byung ba ni mdor bsdu na rnam pa gsum du rnam par gzhag par bya ste/sngon gyi mtha' nas dbus kyi mthar ji ltar 'byung ba dang / dbus kyi mtha' nas phyi ma'i mthar ji ltar 'byung ba dang / ji ltar dbus kyi mthar byung ste 'dug pa rnam par byang bar yang 'gyur ba'o/ /de la sngon gyi mtha' nas dbus kyi mthar ji ltar byung ba dang byung nas kyang dbus kyi mthar ji ltar 'dug ce na/ji ltar 'di ni kha cig snga nas mi mkhas pas ma rig pa'i rkyen las byung ba'i bsod nams dang bsod nams ma yin pa dang / mi g.yo ba'i lus dang / ngag dang / yid kyis las byas shing bsags te de'i rnam par shes pa yang las de'i rjes su 'gro zhing 'chi ba'i dus byed par ma gyur gyi bar du rjes su 'brang ste/nying mtshams sbyor ba'i rnam par shes pa'i rgyur gyur la nang dang phyi rol gyi sred pa yang rnam par shes pa de'i 'bras bu mngon par 'grub pa'i tshe grogs byed pa'i tshul gyis nye bar gnas so//de 'chi ba'i dus byas nas sngon gyi mtha' nas da ltar gyi dus su lus mngon par 'grub par 'gyur te mthar gyis ma'i mngal du rgyu'i rnam par shes pa'i rkyen gyis nying mtshams sbyor ba'i 'bras bu'i rnam par shes pa 'di lta ste/ mer mer po la sogs pa'i gnas skabs kyi khyad par gyis gong nas gong du mngal na gnas pa de ming dang gzugs nas 'khogs pa la thug pa'i bar du 'gyur ro//nying mtshams sbyor bar sbyar ba'i mod la rnam par shes pa de skye bar 'gyur ba'i las gang yin pa de ni rnam par smin pa'i sgo nas 'bras bu smin zin pa yin no//rnam par smin pa las byung ba'i rnam pa shes pa de yang ming dang gzugs de nyid la gnas shing 'dug go/ /de yang mig la sogs pa rten drug po rnams la gnas shing 'dug ste/ des na ming dang gzugs kyi rkyen gyis rnam par shes pa zhes bya ste/ dbang po'i gzugs ni lhan cig byung ba dang /ming 'gags ma thag pa ni rnam par shes pa drug po rnams kyi mthun mthun gyi rten yin te/ de la brten nas ji srid 'tsho'i bar du rnam par shes pa 'jug par 'gyur ro/ /dbang po gzugs can lnga'i rten ni dbang po'i 'byung ba chen po rnams dang /dbang po'i gnas 'byung ba chen pos bskyed pa'i gzugs yin pa dang / ming gang yin pa ste gang gis dbang po rnams zin cing rgyud la gtogs la rgyun gyis gnas pa de gnyi ga bsdus pa ni rjes su 'jug pa'i rten yin te/ de ltar na rnam par shes pa'i rkyen gyis ming dang gzugs ming dang gzugs kyi rkyen gyis rnam par shes pa ste/da ltar gyi dus na tshe'i tshad ji srid kyi bar du mdung khyim gyi tshul du 'dug go/ /de ltar na sngon gyi mtha' nas dbus kyi mthar 'du byed rnams kyis rten cing 'brel bar 'byung ba skye bar 'gyur la skyes zin pa rnams kyang dbus kyi mthar 'jug go//de la mngal nas skye ba'i skye gnas can gyi 'jug pa'i rim pa ni de yin te/ sgo nga las skye ba dang / drod gsher las skye ba ni ma'i mngal ma gtogs par gzhan thams cad snga ma bzhin du rig par bya'o/ /sems can gzugs can 'dod pa na spyod pa dang gzugs na spyod pa rnams las rdzus te skye ba'i skye gnas can ni dbang po yongs su rdzogs bzhin du skye bar 'gyur te/khyad par ni de yod do/ /gzugs med pa dag ni rnam par shes pa ming la yang brten la gzugs kyi sa bon la yang brten to/ / ming dang gzugs kyi sa bon yang rnam par shes pa la brten cing 'dug ste/ gzugs kyi rgyun chad zin pa las kyang gzugs kyi sa bon de las phyi ma la 'byung bar 'gyur te/ 'di la yang bye brag ni de yod do/ /bsod nams kyi las kyis ni 'dod pa na spyod pa'i lha dang mi rnams kyi nang du skye'o//bsod nams ma yin pas ni ngan song rnams su'o/ /mi g.yo bas ni gzugs dang gzugs med pa rnams su'o/ /dbus kyi mtha' nas phyi ma'i mthar 'du byed rnams kyi rten cing 'brel bar 'byung ba ni ji ltar skye bar 'gyur/ ji ltar na mi skye bar 'gyur/ji ltar ni ma skyes pa las rnam par byang bar 'gyur zhe na/ de ltar dbus kyi mthar byung ba'i gang zag des ni sngon gyi las kyi 'bras bu rnam pa gnyis nyams su myong bar 'gyur te/ nang gi rnam par smin pa'i 'bras bu dang / yul las skyes pa'i tshor ba'i dbang gi 'bras bu'o//de ni dam pa'i chos ma yin pa la brten pa'am/yang na sngon goms pas 'bras bu rnam pa gnyis la kun du rmongs par 'gyur te/ de nang gi rnam par smin pa'i 'bras bu la kun du rmongs pas yang srid par skye ba mngon par 'grub pa sdug bsngal yin par yang dag pa ji lta ba bzhin du rab tu mi shes so//de sngon gyi mtha' dang phyi ma'i mtha'i ma rig pa'i dbang gis snga ma bzhin du 'du byed rnams byed cing sogs te/ de'i rnam par shes pa de tshe 'di nyid la las gsar du byed pa las de'i rjes su 'gro bar 'gyur te/ de ltar na ma rig pa'i rkyen gyis 'du byed rnams skye la 'du byed rnams kyi rkyen gyis rnam par shes pa skye'o//rnam par shes pa de yang tshe 'di la rgyur gyur ba ste/ phyi ma la mngon par 'grub pa'i rnam par shes pa'i 'bras bu yongs su 'dzin pa'i phyir ro/ /rgyud thams cad kyi sgo nas ni rnam par shes pa drug gi tshogs zhes bya'o//rnam par shes pa de yang phyi ma la yang srid par skye ba'i ming dang gzugs kyi sa bon dang ldan no/ /ming dang gzugs kyi sa bon de yang phyi ma la yang srid par skye ba'i skye mched drug gi sa bon dang ldan no/ /skye mched drug gi sa bon de yang phyi ma la yang srid par skye ba'i reg pa'i sa bon dang ldan no//reg pa'i sa bon de yang phyi ma la yang srid par skye ba'i tshor ba'i sa bon dang ldan te/ 'di yang yang srid par skye ba'i dbus kyi mthar 'phen pa'i rgyu yin par rig par bya ste/ des na rnam par shes pa la sogs pa nas tshor ba la thug pa'i lus mtha' dag 'phangs so//de de ltar rnam par smin pa'i 'bras bu la kun du rmongs pa snga ma shos kyis yang srid par skye bar 'phangs nas yul las skyes pa'i 'bras bu la kun du rmongs pa cig shos kyi yul gyi tshor ba la dmigs pa'i sred pa skyed par byed do//sred pa des ni 'dod pa yongs su tshol ba'am/ srid pa yongs su tshol bar byed de 'dod pa'i nye bar len pa'am/ lta ba dang / tshul khrims dang / brtul zhugs dang / bdag tu smra ba'i nye bar len pa len par byed de/ nye bar len pa blangs pa'i srid pa'i nye bar len pa dang bcas shing ldan pa/'phen pa'i rgyu snga ma la ni srid pa zhes bya'o/ /skye ba mngon par 'grub pa'i rgyus bsdus pa'i srid pa'i 'og tu 'chi ba'i dus byas nas/ 'phen pa'i rgyus ji ltar 'phangs pa'i rnam par shes pa la sogs pa'i 'du byed rnams tshor ba la thug pa yan chad rim gyis sam/cig car 'byung bar 'gyur te/ de ltar na tshe 'di la ma rig pa'i 'dus te reg pa las byung ba'i tshor ba'i rkyen gyis sred pa/ sred pa'i rkyen gyis len pa/ len pa'i rkyen gyis srid pa/ srid pa'i rkyen gyis skye ba/skye ba'i rkyen gyis rga ba dang na ba dang 'chi ba la sogs pa sdug bsngal gyi khyad par rnams skye ba'i gnas kha cig tu mngon par 'gyur ro/ /kha cig tu ni sa bon dang 'brel bar rig par bya'o/ /de ltar na dbus kyi mtha'i ma rig pa'i rkyen gyis 'du byed dang / tshor ba'i rkyen gyis sred pa la brten nas phyi ma'i mthar 'du byed rnams 'byung bar 'gyur ro//gal te gzhan gyi sgra'am/ sngon gyi tshogs la brten te/ tshe 'di la 'bras bur gyur ba'i 'du byed rnams dang / de dag gi rgyu dang / de dag 'gog pa dang / 'gog par 'gyur ba'i lam tshul bzhin du yid la byed na ni de tshul bzhin du yid la byed pa'i rgyus yang dag pa'i lta ba yang bskyed pa la bden pa rnams la rim gyis slob pa dang mi slob pa'i ye shes mthong ba rnam par dag pa yang thob par 'gyur ro//de ye shes mthong ba des ma rig pa de dang / sred pa de yang ma lus par spong ngo / /de spangs pas de'i dmigs pa gang yin pa yang dag pa ji lta ba bzhin du ma shes pas ma rig pa'i 'dus te reg pa las byung ba'i tshor ba gang yin pa de yang spong bar 'gyur ro//de spangs pas ma rig pa dang bral ba'i phyir tshe 'di nyid la shes rab rnam par grol ba mngon sum du byed do/ /ma rig pa'i 'dus te reg pa las byung ba'i tshor ba dang mtshungs par ldan pa'i sems gang yin pa la mtshungs par ldan pa'i sred pa dang 'dod chags yod pa gang yin pa de yang sems de las bral ba dang /'dod chags dang bral bas sems rnam par grol ba mngon sum du byed do/ /de'i ma rig pa 'gags pas ma rig pa ma spangs par yod pa la 'du byed dang rnam par shes pa la sogs pa nas/tshor ba la thug gi bar du phyi ma'i mtha' las brtsams te skye bar 'gyur ba gang yin pa de dag kyang mi skye la mi skye ba'i chos can du yang 'gyur te/ de bas na ma rig pa 'gags pas 'du byed 'gag pa'i rim gyis rnam par smin pa las byung ba'i reg pa 'gags pas rnam par smin pa las byung ba'i tshor ba'i bar du 'gag ces bya'o//tshe 'di la ma rig pa 'gags pas ma rig pa'i 'dus te reg pa 'gag/ ma rig pa'i 'dus te reg pa 'gags pas ma rig pa'i 'dus te reg pa las byung ba'i tshor ba 'gag/ma rig pa'i 'dus te reg pa las byung ba'i tshor ba 'gags pas sred pa 'gag/ sred pa 'gags pas snga ma bzhin du mi skye ba'i chos can gyis len pa la sogs pa nas 'khrug pa yan chad kyi 'du byed rnams 'gag ces bya'o//de ltar na tshe 'di la 'du byed de rnams 'jug par mi 'gyur ro/ /mi 'jug na tshe 'di la phung po'i lhag ma dang bcas pa'i mya ngan las 'das pa'i dbyings su tshe 'di'i mya ngan las 'das pa thob par 'gyur ro/ /de'i tshe de'i rnam par shes pa'i rkyen gyis ming dang gzugs/ ming dang gzugs kyi rkyen gyis kyang rnam par shes pa yongs su dag pa rnam par byang ba'i lus so//ji srid du de'i rnam par shes pa dang bcas pa'i lus gnas pa de srid du mi ldan pa'i tshor ba myong ste ldan pa'i ni ma yin no/ /de'i rnam par shes pa dang bcas pa'i lus de yang sngon gyi las kyis 'phangs pa'i tshe'i tshad ji srid yod pa de srid du gnas so//nam de'i tshe zad pa na rnam par shes pas zin pa'i lus dang srog gi dbang po yang spong bar 'gyur te/ srog gi dbang po 'di phan chad ma lus par mthar thug par 'gyur te phyis rnam par smin par mi 'gyur ro/ /rnam par shes pa de yang tshor ba thams cad dang bcas te 'dir rang gi ngang gis 'gag pa dang snga nas kyang rgyu 'gags pa'i phyir gzhan du mtshams sbyor ba med pas ma lus par 'gag ste /'di ni phung po'i lhag ma med pa'i mya ngan las 'das pa'i dbyings gtan du zhi ba'i gnas yin te/ de bas na bcom ldan 'das kyi thad du tshangs par spyod pa mya ngan las 'das par nye bar 'gro ba mthar mya ngan las 'das par 'gyur ba spyod par byed de de bas na 'di ni sngon gyi mtha' nas dbus kyi mthar 'jug pa dang /dbus kyi mtha' nas phyi ma'i mthar 'jug pa dang /dbus kyi mthar 'jug cing rnam par dag par 'gyur ba dang rnam pa gsum gyis rten cing 'brel bar 'byung ba rnam par gzhag pa rgyas par bstan pa yin no/ /rnam pa dgus sdug bsngal zhing 'dug pa'i yang srid par skye ba'i shing phyi ma la bskyed pa'i phyir mi mkhas pas tshe 'di la gsar du las byas pa gang yin pa de ni de'i sdug bsngal gyi shing gzhon nu lta bu yin te/gal te mi mkhas pa des zag pa'i gnas kyi chos rnams la da ltar gyi dus kyi sgo nas ni mnog yod par mthong la 'das pa'i dus kyi sgo nas ni lta ba dang ldan pa dang / ma 'ongs pa'i dus kyi sgo nas ni sems 'dogs par byed na de ltar gnas pa de ni sngon ma spangs pa'i sred pa la goms par byas pas yang rgyas par 'gyur te/de ltar mi mkhas pa'i gang zag de ni yang srid par skye ba'i shing gzhon nu de'i grub pa dang bde ba 'dod pa yin la sred pa'i chags pas kyang brlan pas na snga ma bzhin du len pa'i 'bras bu'i rim gyis phyi ma la yang yongs su rdzogs par byed do//'phags pa nyan thos thos pa dang ldan pa ni yang srid par skye ba'i las dang yang srid par skye ba'i sdug bsngal gyis shing gzhon nu lta bu la zag pa dang bcas pa byas su zin kyang nyon mongs pa'i gnas kyi 'du byed rnams la skye ba dang 'jig pa'i chos can du mthong la spong ba dang /'dod chags dang bral ba dang / 'gog pa'i khams rnams la yang zhi ba nyid du mthong bas sred pa'i chags pas sbyor ba med pa'i phyir las de 'grib par byed kyi 'phel bar mi byed do/ /de bas na mkhas pa de ni shing gzhon nu de'i grub pa dang bde ba 'dod pa ma yin te/srid pa dang srid pa'i rkyen gyis len pa la sogs pa spangs nas yang srid par skye shing de nyid ci nas thams cad kyi thams cad du med par 'gyur ba de lta bur de yang sel bar byed na phyi ma la 'phel bar lta ga la 'gyur/ gzhan yang 'di na gang zag lus mngon par 'grub pa kha cig gis sngon lan grangs gzhan la myong bar 'gyur ba'i las byas shing bsags pa de tshe 'di la ldan te de'i lus de dang lan grangs gzhan la myong bar 'gyur ba'i las de gcig tu bsdus pa ni yang srid par skye ba'i shing chen po zhes bya ste/gal te nyon mongs pa dang mthun pa'i chos rnams la snga ma bzhin du sems 'dogs pa'i bar gyi gnas par gyur na de'i lan grangs gzhan la myong bar 'gyur ba'i las snga ma gang yin pa de ni rtsa ba thur du zug pa dang 'dra bar shing de'i mdangs gso ba yin no/ /tshe 'di'i dus gsum gyi sred pa'i nyon mongs pa gang yin pa de ni rtsa ba'i yal ga dang 'dra ste/shing de'i bcud gso ba yin par rig par bya'o/ /de'i rgyu las byung ba las dang nyon mongs pa de dang ldan pa sa bon thams cad dang ldan pa'i rnam par shes pas ni phyi ma la nying mtshams sbyor ba'i tshe ming dang gzugs la gnas thod par 'gyur ro//de ltar na sdug bsngal gyis shing de ni yun ring por gnas pa yin la gang zag de yang de'i grub pa dang bde ba 'dod par rig par bya ste/ 'di ni dkar po'i phyogs kyang snga ma bzhin du rig par bya'o/ /'di la byang chub sems dpa' ni 'jig rten pa'i lam snga ma dang /'jig rten pa'i slob dpon thams cad bor nas byang chub kyi snying po la zhugs te/ nyid kyis gzhan la phan par bzhed pas sems can la thugs brtse ba mngon sum du mdzad nas bden pa dpyod pa rtsom par mdzad do/ /de de'i tshe sdug bsngal gyi bden pa dpyad par bzhed de rga shi sdug bsngal gyi bden par gtogs pa lugs su 'byung ba ma yin pa'i rten cing 'brel bar 'byung ba brtag pa'i sgo nas brtag par mdzad de/de rgyu cha phra ba dang / rgyu rags pa dang / nor pa med pa rnam pa gsum gyis rga shi'i tshul bzhin du dpyod par mdzad do//de la mngon par 'grub pa'i rgyu yang skye ba yin la/ mngon par 'grub pa yang skye ba yin te/ snga ma ni cha phra ba yin la phyi ma ni rags pa yin par rig par bya'o/ /de la snga ma cha phra ba shos yod pa las kyang rga shi 'byung la phyi ma rags pa shos kyi rkyen las kyang rga shi 'byung ngo snyam du dpyod de/phyi ma'i rga shi gang yin pa de ni cha phra ba'i skye ba'i rgyu las byung ba yin no/ /tshe 'di'i rga shi gang yin pa de ni rags pa'i skye ba'i rgyu las byung ba yin no/ / de la nor ba med pa gang zhe na/ skye ba'i gnas gzhan du gtogs pa'i skye ba rnam pa gnyis ni gzhan du rga shi'i 'bras bu smin par mi byed do//rga shi ji lta ba bzhin du skye ba dang / srid pa dang / len pa dang / sred pa yang tshul bzhin du dpyod pa rnam pa gnyis kyis rig par bya'o/ /de ltar na rga shi la brten te lugs su 'byung ba ma yin pa'i sdug bsngal dang kun 'byung ba'i bden pa rten cing 'brel bar 'byung ba'i tshul gyis brtags pa yin no//de la kun 'byung ba'i bden pa dang mthun pa'i chos rnams ni snying po dang 'dra ba yin no/ /kun 'byung ba'i bden pa de nyid ni snum lta bu yin no/ /sdug bsngal gyi bden pa ni 'bar ba lta bu yin no/ /gang zag mi mkhas pa ni snum lugs pa lta bu dang snying po bskul ba lta bu yin te /sdug bsngal 'bar ba de yang yun ring por 'bar ro/ /de las bzlog pa ni dkar po'i phyogs brtags pa'i tshul gyis lam dang 'gog pa'i bden pa brtags pa yin par rig par bya'o/ /gang zag ni gnyis te/bdag la gnod pa byed par zhugs te bdag nyid kyi sdug bsngal 'bar ba rgyud gcig la yod pa gnas par bya ba'i phyir snum ldugs shing snying po skul bar byed pa dang / gang zag cig shos ni bdag nyid dang gzhan skye bo'i tshogs chen po la gnod par zhugs pa yin te/de ni bdag nyid dang gzhan rnams kyi sdug bsngal gyi me'i phung po chen po la 'di lta ste/ me'i phung po de yun ring por gnas par bya ba'i phyir/ dam pa'i chos ma yin pa sngon du btang ba thos pa dang bsams pa dang bsgoms pa las byung ba'i log par bsgrub par bsdus pa'i shing dang /rtswa dang / ba lang gi lci ba skam po lta bu sgrub par byed do/ /'di la bcom ldan 'das ni byang chub sems dpar gyur ba na byang chub kyi snying po la bzhugs nas rga shi la dmigs te rten cing 'brel bar 'byung ba'i sgo nas phyi ma'i mtha'i sdug bsngal gyi bden pa la lugs su 'byung ba ma yin pa'i tshul gyis 'jug ste/sred pa'i bar du tshul bzhin yid la byed cing phyi ma'i mtha'i sdug bsngal dang phyi ma'i mtha'i sdug bsngal kun 'byung ba yang brtags nas de de tsam gyis chog par mi 'dzin te/ phyi ma'i mtha'i kun 'byung ba de'i rgyur gyur pa/da ltar gyi sdug bsngal thams cad la yang lugs su 'byung ba ma yin par tshor ba dang reg pa dang skye mched drug dang ming dang gzugs dang rnam par shes pas bsdus pa la rtog par mdzad do/ /de la ma 'ongs pa'i sdug bsngal gang yin pa de ni phyis 'byung ba yin no/ / de'i kun 'byung ba yang phyis 'byung ba yin no snyam du yang dag par mkhyen nas ma 'ongs pa'i dus la brten te gang yod pa las 'byung bar 'gyur snyam du rtog go/ /tshe 'di'i sdug bsngal rnam par shes pa la thug pa'i bar de ni sngon gyi kun 'byung ba las byung zhing grub pa yin no/ /byung ba gang yin pa de la ni 'di ltar 'byung snyam du brtag pa'i mi rigs te/de bas na byang chub sems dpa' de ni da ltar gyi sdug bsngal byung zin pa la gzigs nas phyis 'byung ba brtag pa'i yid la byed pa dang ldan pa'i sems ldog par 'gyur ro/ /de'i gnas phyi ma'i mtha'i kun 'byung ba'i bden pa rim gyis yang dag par gzigs nas/phyi ma'i mtha'i sdug bsngal gyi bden pa'i gnas phyi ma'i mtha'i kun 'byung ba'i bden pa yang yang dag par gzigs te/ yang rnam par shes pa las lugs su 'byung ba la 'jug ste/ de ltar na des rten cing 'brel bar 'byung ba lugs su 'byung ba dang /lugs su 'byung ba ma yin pa tshul bzhin du sdug bsngal dang kun 'byung ba brtags pa yin no/ /de'i 'og tu 'gog pa'i bden pa brtag par bzhen nas rga shi nyid nas ma rig pa'i bar las lugs su 'byung ba ma yin par 'jug go//de ci'i phyir zhe na/ da ltar gyi sdug bsngal gyi bden pa byung zin pa de ji ltar byas na gtan 'gag par 'gyur ro zhe na/ ma rig pa'i rkyen gyis byung ba'i las gsar du ma byas na 'gag par 'gyur ro snyam du rtog pa'i phyir ro/ /des de ltar bden pa gsum po rnam par dpyad nas 'gog pa'i bden pa 'di thob par byung ba'i lam ni gang yin/srang ni gang yin zhig gu snyam du tshol bar byed de/ de snga ma bzhin du sngon gyi gnas rjes su dran pas sngon gyi 'jig rten pa'i yang dag pa'i lta ba zag pa zad par bya ba'i gdams ngag ston pa dang 'dra ba mngon sum du mdzad cing de 'di snyam du dgongs te/drang srong snga ma rnams kyis bgrod cing rjes su bgrod pa'i lam snga ma bdag gis rnyed do snyam ste/ 'di ni de'i 'jig rten pa'i yid la byed pa kho nas bden pa bzhi pa dpyad pa yin no/ /des yang dag pa'i lta ba de nyid kyis rjes su 'gro zhing bden pa rnams mngon par rtogs pas/bla na med pa yang dag par rdzogs pa'i byang chub mngon par rdzogs par 'tshang rgya ba na slob pa dang mi slob pa'i ye shes gzigs pa zag pa med pa shin tu rnam par dag pas mngon sum gyi tshul du thugs su chud de/des gang gi don du bskal pa grangs med pa gsum du dka' ba spyad pa'i don de brnyes nas gzhan rnams la phan par bzhed pas lhar bcas pa'i 'jig rten gyi phyir shin tu skal ba dang ldan pa su yang rung ba de dag la 'phags pa'i bden pa bzhi yang dag par rtogs pa'i bgo bsha' mdzad cing skyed par mdzad do//sangs rgyas bcom ldan 'das rnams kyi bstan pa ni gnas gsum gyis bsdus te gsum gang zhe na/ rten cing 'brel par 'byung ba'i chos rnams byed pa med pa'i sgo nas legs par 'dogs pa dang / de la brten nas gzhan la phan pa sgrub pa dang /bdag la phan pa sgrub pa'o/ /de la byed pa med pa'i sgo nas legs par 'dogs pa ni phyi ma'i mtha'i sdug bsngal las/ tshe 'di dang sngon gyi mtha'i sdug bsngal lugs su 'byung ba ma yin pa'i sgo nas gang du ming dang gzugs kyi rkyen gyis rnam par shes pa / rnam par shes pa'i rkyen gyis kyang ming dang gzugs 'byung ste/mdud khyim gyi tshul du gcig la gcig rten cing 'dug la de'i bar skabs su rten cing 'brel bar 'byung ba'i chos thams cad rang gis ma byas pa dang / gzhan gyis ma byas pa dang / gnyi gas ma byas pa dang / rgyu med pa las kyang ma byung bar 'dogs pa de lta bu gang yin pa 'di ni byed pa med pa'i sgo nas legs par 'dogs pa zhes bya'o//de ci'i phyir zhe na/ 'du byed rnams ni mi rtag pa nyid de sngon gyi mtha' na yang med/ phyi ma'i mtha' na yang med/ dbus kyi mtha' na yang skad cig tsam zhig yod par zad pa'i phyir/spyod pa dang / byed pa dang / 'jug pa don dam par mi dmigs shing / rgyud las gdags pa tsam du zad pa 'di ni yang dag pa ji lta ba bzhin du 'dogs pa ste/ /de bas na legs par 'dogs pa zhes bya'o/ /de la legs par 'dogs pa de la brten nas rten cing 'brel bar 'byung ba la gnas pas bden pa rnams las brtsams te/gzhan dag la chos ston pa 'di ni gzhan la phan pa bsgrub pa'o/ /de nyid la brten nas bdag nyid kyis bden pa mngon par rtogs par bya ba'i phyir chos kyi rjes su mthun pa'i chos nan tan du sgrub pa dang /tshe 'di la mya ngan las 'das pa thob pa ni bdag la phan pa bsgrub pa yin par rig par bya'o/ /de la sngon gyi ye shes kyi tshogs bsgrubs pa'i lhan cig skyes pa'i shes rab dang ldan pa'i nyan thos ni mkhas pa zhes bya'o/ /lung dang ldan pa ni gsal ba'o//rtog pa dang ldan pa ni dul ba'o/ /chos rnams la gzhan gyi dring mi 'jog pas na chos rnams la 'jigs pa med pa'o/ /dmigs pa'i sgo nas mya ngan las 'das pa yang dag pa ji lta ba bzhin du rtogs pas na bdud rtsi mthong ba'o/ /zad pa dang mi skye ba'i ye shes la gnas pas phung po'i lhag ma dang bcas pa'i mya ngan las 'das pa'i dbyings thob pas na bdud rtsi'i dbyings lus kyi mngon sum du byas nas bsgrubs te gnas so// //rnal 'byor spyod pa'i sa las gzhi bsdu ba/ bam po bcu gsum pa/ byes pa phyi rol gyi mu stegs can ni 'byung ba chen po bzhi las byung ba'i lus kyi mi rtag pa rags pa mthong nas lus 'dug cing 'tsho ba de'i 'phel ba dang 'grib pa dang / 'chi ba'i tshe dang skye ba'i tshe'i 'dor ba dang len pa la bltas nas lus 'di las skyo zhing ma chags la rnam par grol bar 'gyur te/'dod pa'i khams dang gzugs kyi khams las kyang 'jig rten pa'i lam gyis 'dod chags dang bral bar 'gyur mod kyi 'on kyang de ni srid pa'i rtse mo man chad du song du zin kyang lus de las yongs su ma grol ba kho nar rig par bya'o/ / de ci'i phyir zhe na/ 'di ltar des ni snyoms par 'jug pa de dang der rnam par shes pa de sbyang ba byas kyang bdag dang bdag gir 'dzin cing kun nas nyon mongs pa dang bcas pas gnas te/ rten cing 'brel par 'byung ba la mi mkhas pas tshe zad cing las zad nas yang phyir ldog par 'gyur ba'i phyir ro//rten cing 'brel bar 'byung ba la mkhas pa'i 'phags pa nyan thos ni 'byung ba chen po bzhi las byung ba'i lus kyi mi rtag pa ches phra ba yang dag par mthong la rnam par shes pa'i mi rtag pa ni de lta ma yin te/ de ci'i phyir zhe na/ 'di ltar 'byung ba chen po bzhi las byung ba'i lus kyi ni dus gzhan du mi rtag par snang la skad cig re re la ni 'dra ba'i rgyud kyi rjes su 'jug pas mi mngon pa'i phyir ro//rnam par shes pa'i mi rtag pa ni skad cig re re'i dmigs pa las dmigs pa 'pho zhing 'gyur ba'i tshul gyis rnam pa du sar snang mod kyi 'on kyang rnam par shes pa'i mi rtag pa ni rags shing rnam pa du mar 'dug bzhin du de ni rtogs par dka' ba dang /'jug par dka' ba'i phyir mchog tu cha phra bar rig par bya'o/ /de ci'i phyir zhe na/ shes rab kyi mig gi yul yin pa'i phyir ro/ /'byung ba chen po bzhi las byung ba'i lus kyi skye ba dang /'grib pa dang / len pa dang / 'dor ba'i mi rtag pa ni tshul bzhin ma yin pa'i sha'i mig gi yul du'ang 'gyur ro/ /rnam par shes pa mi rtag pa'i cha phra ba de la rten cing 'brel bar 'byung ba la mkhas pa'i 'phags pa nyan thos de 'jug par 'dod pa na rten cing 'brel par 'byung ba nyid tshul bzhin du yid la byed cing reg pa las byung ba rang gi rgyud la yod pa'i tshor ba rnams kyi gnas skabs tha dad pa yongs su gcod pa'i tshul gyis rnam par shes pa de'i mi rtag pa la 'jug go//de de ltar ye shes mthong ba dang ldan pas rim gyis tshor ba'i rten du gyur pa'i lus las kyang skyo bar 'gyur la rgyur gyur pa'i reg pa las kyang skyo bar 'gyur ro//de ma yin pa'i rgyur gyur pa ming gis bsdus pa'i 'du byed du gtogs pa thams cad las kyang phung bo dang bcas pa dang / phung po'i lhag ma med pa'i mya ngan las 'das pa'i dbyings su rnam par grol zhing gtan du yongs su grol bar 'gyur ro//rten cing 'brel par 'byung ba la mkhas pa'i dge slong ni rnam pa gsum gyis mtha' gsum yang dag par dpyad pas sdug bsngal yang dag par zad par 'gyur ro/ /rnam pa gsum po ni gang / mtha' gsum po de dag ni gang zhe na/ sdug bsngal gyi gnas dang /sdug bsngal gyi gzhi dang / sdug bsngal gyi gzhi'i gnas te rnam pa gsum po 'di rnams kyi mtha' gsum ste/ dbus kyi mtha' dang / 'das pa dang ma 'ongs pa'i mtha' 'di rnams yang dag par dpyod do/ /de la sdug bsngal gyi nang gi rten ni phung po yin te/grang ba dang tsha ba la sogs pa dang / na ba dang 'chi ba la sogs pa'i sdug bsngal gyi khyad par rnams tshe 'di nyid la skye ba'i gnas yin no/ /de ci'i phyir zhe na/ de yod na de la brten nas de dag skye bar 'gyur ba'i phyir ro/ /phyi rol gyi pha ma la sogs pa'i tshogs yongs su 'dzin pa'i phung po ni yongs su tshol ba la sogs pa'i mtshon dang /dbyug pa 'chang ba man chad dang / mya ngan dang smre sngags 'don pa la sogs pa sdug bsngal gyi khyad par rnams kyi gnas yin te/ de ci'i phyir zhe na/ snga ma bzhin no/ /phung po de gnyis ka yongs su 'dzin pa'i rgyu ni sred pa ste/kun 'byung ba'i gnas kyi sred pa des phung po 'di bskyed pa 'di ni sdug bsngal gyi gzhi'o/ /sred pa de yang dga' zhing bde ba'i yul gzugs kyi yul la gnas te/ skye ba 'di ni sdug bsngal gyi gzhi'i gnas yin no/ /'dod chags dang zhe sdang gi me tsha bas gdungs pa'i phyir yul la sred cing skom pa gang su yang rung ba dag ni zas bzang po dug dang sbyar ba bzhin du dga' zhing bde ba'i gzugs kyi yul gyi ro myong bar byed cing 'dor bar mi byed de/de dag ni sred pa 'phel bar byed pa'o/ /sred pa 'phel bar byed pa gang yin pa de dag ni phyi ma phung po 'phel bar byed pa'o//phyi ma la phung po 'phel bar byed pa gang yin pa de dag ni sdug bsngal 'phel bar byed pa ste/ de ltar na de dag ni yang dag par 'chi bar 'gyur ba yin par rig par bya ste / 'di ni da ltar byung ba dpyad pa yin par rig par bya'o//da ltar byung ba'i tshul gyis ni 'das pa dang ma 'ongs pa'i tshul yang rtogs par bya ste/ 'di ni 'das pa dang ma 'ongs pa dpyad pa yin par rig par bya'o/ / de yang tha snyad bzhi la brten pa'i tshad ma gsum la brten nas dpyad pa yin te/de la mthong ba gang yin pa dang / rnam par shes pa gang yin pa'i tha snyad 'di ni mngon sum gyi tshad ma'o/ /bye brag phyed pa'i tha snyad gang yin pa 'di ni rjes su dpag pa'i tshad ma'o/ /thos pa'i tha snyad gang yin pa 'di ni yid ches pa'i lung gi tshad ma'o//rten cing 'brel par 'byung ba dpyod pa ni rnam pa lngas yang dag par zhugs na sdug bsngal zad cing sdug bsngal mthar byed par 'gyur te/ lnga gang zhe na/ rten cing 'brel par 'byung ba'i chos rnams skye ba'i gzhi yongs su dpyod pa dang / 'gog pa'i gzhi yongs su dpyod pa dang /'gog par 'gyur ba'i lam yang dag pa ji lta ba bzhin du shes pa dang / chos kyi rjes su mthun pa'i chos la zhugs pa dang / rtogs pa la mngon pa'i nga rgyal med pa'o/ /de ltar na de'i dpyod pa de legs par brtsams pa dang / 'bras bur grub pa yin no//de la ma 'ongs pa'i phung po'i rgyu'i sdug bsngal nas bzung ste/ rnam par shes pa'i rkyen gyis ming dang gzugs kyi bar du lugs su 'byung ba ma yin pa rnam pa bzhis dpyod cing khong du chud la sgrub par byed do / /rgyu yod na 'bras bu yod pa dang / rgyu med na 'bras bu med de zhes phyi ma la rnam pa gnyis kyis dpyod cing yongs su dpyod par byed do//yongs su dpyad nas rgyu med par 'gyur ba'i lam gang yin pa de khong du chud do/ /khong du chud nas de bzhin du yang dag par zhugs pa de ni rjes su mthun pa'i chos dpyod pa yin te/ de ni ma rig pa'i rkyen gyis byung ba'i bsod nams dang bsod nams ma yin pa dang /mi g.yo ba'i las gsar gyi rgyu yod pa las bsod nams dang / bsod nams ma yin pa dang / mi g.yo bar 'gro ba de'i 'bras bu rnam par shes pa yod pa tshe 'di nyid la yang dpyod par byed do/ /de med na de yang med par 'gyur ba yang dpyad nas snga ma bzhin du khong du chud cing sgrub par byed de yang dag par sgrub pa na ma rig pa'i rkyen gyis byung ba'i las gsar yang mi byed la las rnying rnams kyang myong nas zad par byed do//snga ma bzhin du tshe 'di pa'i lam dang / lam gyi 'bras bu mya ngan las 'das pa yang tshe 'di nyid la thob par 'gyur ro//des de'i tshe nyon mongs pa'i me'i bag la nyal gyi tsha ba dang 'brel pa rnam par shes pa dang bcas pa'i lus rdza mkhan gyis so gtong ba'i tsha ba dang ldan pa las dum pa phyung ba bzhin du mchog tu bsil ba'i mya ngan las 'das pa la bzhag pa yin no//de'i nyon mongs pa'i tsha ba de yang thams cad kyi thams cad du bral ba yin no/ /gyo mo lta bu'i lus rnam par shes pa dang bcas pas bsdus pa'i phung po de yang bsil bar gyur pa yin te/ de snga ma bzhin du lus kyi tha ma'i tshor ba myong ba na zhes bya ba nas rgyas par rig par bya'o//de ji srid 'tsho'i bar du rtag tu gnas par 'gyur te/ dgra bcom pa'i 'bras bu las phyir nyams shing ma rig pa'i rkyen gyis 'du byed rnams mngon par 'du byed pa'i rgyur mi 'gyur ro/ /rtogs pa la mngon pa'i nga rgyal med pa ji lta bu zhe na/ de de'i tshe rten cing 'brel par 'byung ba la dmigs pa'i ye shes mthong ba shin tu rnam par dag pa dang ldan te/de 'di snyam du yang dag par na 'di na su yang 'khor ba yang med la yongs su mya ngan las 'da' ba yang med do / /chos de dang de dag skyes pa las chos de dang de dag skye bar 'gyur la/de dang de dag 'gags pas de dang de dag 'gag par 'gyur bar zad do snyam du sems so/ /mngon pa'i nga rgyal can ni gnyis te/ slob pa'i mngon pa'i nga rgyal can dang / mi slob pa'i mngon pa'i nga rgyal can no/ /de la slob pa'i mngon pa'i nga rgyal can ni gang gzhan dag la yang 'di skad kun du sbyor ba gsum spangs pas na bdag ni som nyi las brgal to//rang gi rtogs pa slob pa'i rnam par grol ba la bdag gis the tshom med par gyur to/ /'jig tshogs la lta ba'i rtsa ba las byung ba'i lta bar gyur pa thams cad spangs pas na/lta ba'i zug rngu phyung ngo zhes rjod par byed pa'o/ /mi slob pa'i mngon pa'i nga rgyal can ni 'di skad du bdag gis ni 'di las gong du bya ba'am/ byas pa rab tu rnam par dbye ba med do zhes rjod par byed de de gnyi ga yang rten cing 'brel par 'byung ba'am mya ngan las 'das pa las brtsams nas/'phags pa'i gtam zab mo 'jig rten las 'das pa stong pa nyid dang ldan pa/ rkyen 'di pa nyid kyi rten cing 'brel par 'byung ba lugs su 'byung ba brjod pa na gtam de khong du mi chud cing rjes su mi 'jug ste/ de gnyis de'i rgyus rten cing 'brel par 'byung ba yang dag pa ji lta ba bzhin du khong du chud par bya ba la rang gi rgyud la som nyi skye bar 'gyur ro//nyon mongs pa spong ba'i mya ngan las 'das pa mngon sum du bya ba la yang yid gnyis skye bar 'gyur ro/ /de ci'i phyir zhe na/ 'di ltar slob pa'i mngon pa'i nga rgyal can gyis ni bdag tu 'dzin pa dang /bdag gir 'dzin pa dang 'brel pa dang yid la byed pa'i rjes su zhugs pa dang / spel mar 'gyur ba'i nga'o snyam pa'i nga rgyal cha phra ba khong du chud la zhi gnas kyis kyang de'i rgyud nye bar brtan par gyur pa dang / nyon mongs pa rags pas kyang ma 'dres te/des na de ma thob pa la thob po snyam du 'du shes par gyur la gzhan dag la yang brjod pa'i phyir ro/ /mi slob pa'i mngon pa'i nga rgyal can ni bdag ni zhi ba'o/ /bdag ni mya ngan las 'das pa'o/ /bdag ni sred pa med pa'o/ /bdag ni nye bar len pa med pa'o snyam ste/kun du spyod pa cha phra mo ma spangs la nga'o snyam pa'i nga rgyal de khong du ma chud nas ma thob pa la thob po snyam du 'du shes par 'gyur la gzhan dag la yang brjod do/ /mi slob pa'i mngon pa'i nga rgyal can de yang sngar slob pa'i mngon pa'i nga rgyal can du gyur pa kho nar rig par bya ste/don du bden pa'i slob par gyur pa las phyis mi slob pa'i mngon pa'i nga rgyal can du 'gyur ba ni med do/ /de ci'i phyir zhe na/ gang gis de ma thob pa la thob po snyam pa'i mngon pa'i nga rgyal la mngon par zhen nas dus gzhan du gnas par 'gyur zhing gzhan dag la yang brjod par 'gyur ba de lta bur de'i nyon mongs pa kun du spyod pa rgyun mi 'chad pa de 'dra bar sems kyis khyab par byas te gnas par mi 'gyur gyi brjed ngas pas de'i nyon mongs pa kun du spyod pa chung ngu yun ring po mi gnas pa dang ldan pa tsam du zad de myur ba kho nar khong du chud cing phyir med par 'gyur ba'i phyir ro//de gnyis de ltar sngar ni ma thob pa la thob po snyam pa'i mngon pa'i nga rgyal can du gyur la/ da ltar gyi ni som nyi dang yid gnyis su gyur nas yi chad pa'i phyir nyams par 'gyur ba'am/ gal te bdag gi thob pa med na ni de lta na gzhan dag gi yang med par 'gyur ro snyam du 'phags pa la skur pa 'debs pa'i log par lta ba ngan song du 'gro ba'i rgyu yang dag par blangs pas na phongs par 'gyur ro//'phags pa'i gtam zab mo nas snga ma bzhin du mos pa gang zhe na/ gang gis rten cing 'brel par 'byung ba dang /mya ngan las 'das pa mtshan nyid gsum dang ldan pas 'dus byas dang 'dus ma byas su bstan pa ste/ 'di ltar 'dus byas ni mi rtag pa'o/ /'dus ma byas ni rtag pa'o/ /'dus byas rnams sdug bsngal ba'o/ /mya ngan las 'das pa ni zhi ba'o//'dus byas de dag thams cad ni bsdus na/ sdug bsngal tsam dang / sdug bsngal gyi rgyu tsam du zad do/ /'dus ma byas de yang bsdus na sdug bsngal rgyu dang bcas pa 'gog pa tsam du zad do zhes bstan pa'i/ /tshe 'di la mya ngan las 'das pa thob cing sdug bsngal chad par gyur ba'i dge slong gi ni yang srid par skye ba'i rgyu'i lam dang phyi ma la de'i 'bras bu sdug bsngal 'byung bar mi 'gyur la phung po'i lhag ma med par mya ngan las 'das pa'i tshe yang de'i sdug bsngal nying mtshams sbyor bar mi 'gyur ro//sngon gyi rgyus drangs pa'i phung po yang rang gi ngang gis 'gag par 'gyur ro//sdug bsngal gyi mtha' ni de yin te/ 'di na su yang sngon 'khor bar 'gyur ba yang med la/ da ltar yongs su mya ngan las 'das pa yang med do zhes don 'di ston pa'i gtam gang yin pa de ni 'phags pa'i gtam zab mo nas sngar smos pa bzhin du rig par bya'o//rten cing 'brel par 'byung ba rang bzhin gyis mchog tu zab pa yang kha cig la gsal ba kho nar snang ba gang yin pa de ni rnam pa gnyis las 'gyur te ston pas kyang de bzhin du legs par bstan la gang zag de yang zhib mo brtags pa mkhas pa mdzangs pa gsal ba yin te gang la bstan pa dang /su nyan pa'o/ /tshig gi don 'di rnams ni 'di lta ste/ rnam grangs bsdu ba las 'byung ba bzhin no/ /de la rten cing 'brel par 'byung ba ni mdor bsdu na rnam pa bzhis mchog tu zab par rig par bya ste/bzhi gang zhe na/ rgyu dang 'bras bu cha phra ba shes par dka' ba dang / bdag med pa shes par dka' ba dang / bral ba'i sems can rnams ldan par shes par dka' ba dang / ldan pa'i sems can rnams 'bral bar shes par dka' ba'o/ /de la rgyu dang 'bras bu cha phra ba shes par dka' ba gang zhe na/bden pa brtag pa'i tshul la brten te/ srid pa'i yan lag rga shi la sogs pa nas rnam par shes pa dang / ming dang gzugs la thug pa rnams kyi rkyen yod pa gang yin pa ste/ rkyen yod pa yang gang zhe na/gang gi rgyus skye ba ste/ gang ma spangs na skye bar 'gyur ba dang / skyes pa'i 'og tu yang rga shir 'gyur bar shes par bya'o/ /de la skye ba'i rgyu yang skye ba yin la de'i rgyu las byung ba'i mngon par 'grub pa yang skye ba yin te/ skye ba snga ma shos yod na/ skye ba phyi ma shos 'byung la skye ba phyi ma shos yod na rga shi 'byung bar 'gyur ro//de la skye ba snga ma shos ni skye ba phyi ma shos kyi rgyu dang / rga shi'i gzhi yin no/ /skye ba phyi ma shos ni rga shi'i rkyen yin no/ /de dag thams cad gcig tu bsdus pa la ni skye ba'i rkyen gyis rga shi zhes bya ste/ 'di ni rga shi'i rkyen yod pa yin par rig par bya'o/ /skye ba ji lta ba bzhin du srid pa dang len pa yang de dang 'dra'o/ /len pa rnam par gzhag pa ni de la spyir na 'dun pa'i 'dod chags ni len pa'o/ /nye bar len pa bzhi po rnams ni len pa rnam par gzhag pa ste/ ji ltar zhe na/sred pa ni 'dod pa yongs su tshol ba'i sgo nas las kun du slong ba yin no/ /srid pa 'dod pa'i sgo nas kyang las kun nas slong ba yin no/ /las de gnyi ga'i sgo nas ni sdug pa dang / mi sdug pa'i tshor ba la brten to/ /de yang skye mched drug gi sgo nas ma rig pa'i 'dus te reg pa las byung ba'i tshor ba gang yin pa de'i rkyen gyis 'byung ngo //gang de'i rkyen du mi 'gyur ba'i tshor ba gzhan yang yod de/ 'di lta ste/ rig pa'i 'dus te reg pa las byung ba dang / rig pa yang ma yin ma rig pa yang ma yin pa'i 'dus te reg pa las byung ba'o/ / tshor ba de dag thams cad kyang de dang reg pa 'dra ba'i reg pa'i rkyen las byung bar rig par bya'o/ /de yang gang zhe na/ 'di lta ste/ rig pa dang ma rig pa dang mtshungs par ldan pa ni tshig bla dgas kyi 'dus te reg pa'o/ /de las bzlog pa ni thogs pa'i 'dus te reg pa'o/ / rig pa'i 'dus te reg pa dang / ma rig pa'i 'dus te reg pa'i tshig bla dgas kyi 'dus te reg pa dang 'brel ba de yang ci rigs par dam pa'i chos thos pa dang / dam pa'i chos ma yin pa thos pa la dmigs pa yang dag pa dang / log pa'i thos pa dang / bsams pa dang /bsgoms pa'i shes pa dang / mtshungs par ldan pa'i ming gi rkyen las byung ba yin par rig par bya'o/ /rig pa yang ma yin/ ma rig pa yang ma yin pa'i 'dus te reg pas bsdus pa thob pa'i 'dus te reg pa ni nang dang phyi rol gyi gzugs kyi rkyen las byung bar rig par bya'o//de yang bsdus na ming dang gzugs kyi rkyen gyis reg pa yin no/ /ming dang gzugs de yang skye mched drug po nyid de cha gnyis su byas nas reg pa'i rkyen du 'gyur te/ yid kyi skye mched gzugs med pa de las gzhan pa'i gzugs med pa'i chos rnams dang mtshungs par ldan pa cha gcig tu byas pa ni ming yin no//de ma yin pa'i gzugs can gyi skye mched rnams cha gcig tu byas pa ni gzugs yin no/ /ming dang gzugs de yang tshe 'di la nying mtshams sbyor ba'i rnam par shes pas 'phangs pa dang / zin pa'i rkyen las byung ba ste/ de dang ma bral na med par mi 'gyur ba'o/ /rnam par shes pa de yang nying mtshams sbyor ba blangs nas/ ming dang gzugs kho na la gnas te lhan cig 'byung ba dang / de ma thag tu skye ba'i tshul gyis 'jug go/ / de bas na de yang tshe 'di la ming dang gzugs kyi rkyen las byung ba yin te/ sngon gyi las kyis 'phangs pa'i ming dang / gzugs dang rnam par shes pa ni gcig la gcig brten pa dang / gcig gi rkyen gcig yin par rig par bya'o/ /de ltar na srid pa'i yan lag rnam par shes pa dang / ming dang gzugs la thug pa 'di rnams kyang snga ma bzhin du rga shi'i rgyud bzhin du ci rigs par rkyen yod par rig par bya ste/ 'di ni rgyu dang 'bras bu cha phra ba shes par dka' ba yin no/ /de shes par dka' bas na rten cing 'brel bar 'byung ba zab cing mchog tu zab pa yin no/ /bdag med pa dang shes par dka' ba gang zhe na/rten cing 'brel bar 'byung ba'i rgyu dang 'bras bu rnam par gzhag pa de ji tsam pa de tsam du sems can gyi ris thams cad la spyir sems can zhes bya ba'i tshig bla dgas 'byung ste/ tshig bla dgas de'i lam yang de kho na yin par rig par bya'o/ / de la gnas nas sems can gyi ris tha dad pa'i bye brag gis 'di lta ste/ bya dang nya dang sdig sbrul dang / lha dang mi zhes bya ba'i nges pa'i tshig 'jug par 'gyur ro/ /gdags pa ni so so'i ming gis dbye ba ste/ 'di lta ste/ ne tso dang / ri skegs dang / rma bya dang / rnam thos kyi bu dang /yul 'khor srung dang / 'phags skyes po dang / mig mi bzang dang / shA ri'i bu dang / bzang po dang / skyabs med zas sbyin dang / don thams cad grub pa zhes bya ba'i bye brag gis 'jug pa ste/ de tsam gyis ni tha snyad du gdags pa'i skyes bu de dag la tshig 'jug par 'gyur ba'o//de rnams kyi tshor ba gang ci yang rung ste/ rig pa'i 'dus te reg pa las byung ba dang / ma rig pa'i 'dus te reg pa las byung ba dang / rig pa yang ma yin ma rig pa yang ma yin pa'i 'dus te reg pa las byung ba de dag thams cad ni ming dang / gzugs dang ldan te/ ming dang gzugs ma lus par 'gags na tshor ba 'byung ba med do/ /'di ni bdag med par shes par dka' ba yin par rig par bya'o/ /de la bral ba'i sems can rnams ldan par shes par dka' ba gang zhe na/ 'di ltar 'di las phyi rol ba'i mu stegs can ma rig pa'i 'dus te reg pa las byung ba'i tshor bas zin pa ni rnam pa gsum gyi sgo nas bdag med pa rten cing 'brel bar 'byung ba'i 'du byed dag la bdag tu brtags nas lta zhing ston par byed de/sgo gsum po gang zhe na/ 'dod pa rnams las 'dod chags dang ma bral ba ni 'dod pa dang ldan pa'i tshor ba rnam pa gsum las gcig la ni tshor bar bya ba'i bdag gir lta la/gcig la ni tshor ba por bdag tu lta'o/ /'dod pa'i 'dod chags dang bral la bsam gtan gsum pa'i 'dod chags dang ma bral ba ni bde ba'i tshor ba gcig pu myong zhing myong bar bya ba de la yang bdag gir rtogs pa na/tshor ba de las tha dad pa'i tshor ba po'i bdag tshor ba de'i sgo nas tshor ba'i chos can tshor ba de yang rig pa gang yin pa mthong ngo / /bsam gtan gsum pa'i gong ma'i sdug bsngal ba yang ma yin bde ba yang ma yin pa'i tshor ba cha phra ba khong du ma chud nas/tshor ba med na ni bdag gis bdag ni tshor ba med do snyam du brtags nas lta bar byed de/ de de dag gi rnam pa gsum gyi sgo nas bdag tu lta ba de dag thams cad ni mi rung ngo / /de ci'i phyir zhe na/ tshor ba gsum po rnams mi rtag pas bdag kyang mi rtag pa'i phyir te/tshor ba gsum po de bdag tu mthong bas de'i phyir mi rung ngo / /bsam gtan bzhi pa dang / de'i gong gang na tshor ba'i bde ba med pa de na yang bde ba tshor ba po yang med pas na/ de na bde ba'i tshor ba'i sgo nas tshor ba'i chos can gyis bdag yod par mi rung ngo / / gcig tu na bsam gtan bzhi pa dang / de'i gong ma gzugs med pa'i snyoms par 'jug pa dag na/ gal te so sor nyams su myong ba'i bdag med du zin na ni de dag gi zhi ba'i snyoms par 'jug pa las byung ba'i tshor bas bdag zhi bar gyur to snyam du 'dzin pa yang med par 'gyur ba zhig ni de yang yod de de bas na de yang mi rung ngo //de la gal te rten cing 'brel bar 'byung ba zab pa ma yin du zin na ni de de ltar de ma shes pas/ de dag gi lta ba mi rung bar mi 'gyur ba'i rigs so/ /chos 'di pa'i 'phags pa nyan thos thos pa dang ldan pa ni rig pa'i 'dus te reg pa las byung ba'i tshor bas zin pa na thams cad la yang mi rigs par shes pas bdag tu mi lta'o//de ni kun rdzob dang don dam pa'i bden pa la mkhas te/ de bzhin 'ongs pa shi phan chad yod par mi 'dzin pas na snga ma bzhin du yod pa yang ma yin med pa yang ma yin pa'i bar du sbyar ro//rnam par grol ba'i sems de nyid la yang gang 'di skad du yod par 'gyur ram zhes 'dri na/ de yang de kho na bzhin te lan mi 'debs so/ /med par 'gyur ba dang / gnyi ga dang / gnyi gar mi 'gyur ba de dag thams cad kyang de kho na bzhin te/ lan mi 'debs so/ / de ltar shes pa sngon du btang ste/ lan mi 'debs pa la mi shes pa yin no snyam du brnyas pa byed pa de ni de nyid kyi mi shes pa chen po dang log par lta ba yin no/ /phyi rol pa de lta bu'i lta ba spyod pa de ni snga ma bzhin du lta ba rnam pa gsum la brten nas/ tshe 'di la bdag gzugs can nam/gzugs can ma yin pa'am/ chung ngu'am tshad med par 'dogs so/ /ji ltar tshe 'di la nor bar brtags nas dmigs shing ston pa de bzhin du phyis kyang phyi ma mthong ba kho nar 'gyur ro/ /rnam pa du mar nor bar bdag tu rtog mod kyi/ 'on kyang de'i 'jig tshogs la lta ba bag la nyal dang ldan pa ni rnam pa gcig pur zad do //de ma spangs pas srid pa'i rtse mor song du zin kyang 'jig rten pa'i lam dma' ba'i sgo nas de dang bral mod kyi ldan pa nyid du rig par bya'o/ /'di ni bral ba'i sems can rnams ldan par shes par dka' ba yin te/ de la ni rten cing 'brel bar 'byung ba la mkhas pa 'ba' zhig shes pas 'jug go/ /de la ldan pa'i sems can rnams 'bral bar shes par dka' ba gang zhe na/ 'di la 'phags pa nyan thos thos pa dang ldan pa ni rig pa'i 'dus te reg pa las byung ba'i tshor ba dang ldan na tshe 'di yang bdag tu mi dmigs shing mi 'dogs la de ltar mi 'gyur ro//lus dang bral ba'i 'og tu yang bdag tu mi dmigs shing mi 'dogs so/ /rnam par shes pa'i gnas bdun la sems can thams cad btags nas thur du nying mtshams sbyor ba'i rnam par shes pa'i skye mched dang /yang 'byung bar 'gyur ba rnam par shes pa'i skye mched dang rnam par shes pa'i gnas de dag dang / skye mched de gnyis rten cing 'brel bar 'byung ba'i bden pa'i tshul gyis yang dag pa ji lta ba bzhin du brtags na/ /dgra bcom pa shes rab rnam par grol ba'am/ gnyi ga'i cha las rnam par grol ba rnam par thar pa brgyad la bsam gtan par 'gyur te/ de ni tshe 'di la skye ba dang / rga ba dang / 'chi bar snang mod kyi 'on kyang de ni de dang bral ba yin no/ /tshor ba myong bar snang mod kyi/ 'on kyang de ni tshor ba dang bral lo/ /rnam par shes pa dang ming dang gzugs su snang mod kyi 'on kyang de ni de dang bral te/'di ni ldan pa'i sems can rnams 'bral bar shes par dka' ba yin te/ de ni rten cing 'brel bar 'byung ba la mkhas pa 'ba' zhig gis yang dag pa ji lta ba bzhin du shes so/ /rnam pa 'di bzhis ni rten cing 'brel bar 'byung ba mchog tu zab par rig par bya'o//sdom ni/ khyad par kun rdzob don dam dang / /chos nyid dang ni de byed dang / /stong nyid chen po rnam par 'byed/ /gang gis byas pa tha ma yin/ /chos 'dul ba 'di la ni byis pa dang mkhas pa gnyis sngon gyi mtha' nas dbus kyi mthar thug pa'i nyon mongs pa gnyis las rnam par shes pa dang bcas pa'i lus 'grub par 'gyur te/lus de'i rkyen gyis phyi rol gyi sems can dang / sems can ma yin pa zhes bya ba'i ming dang gzugs kyis bsdus pa'i yul gyi tshor ba rnam pa gsum myong mod kyi 'on kyang mkhas pa ni byis pa las sngon gyi mtha' dang /da ltar gyi mtha' dang / phyi ma'i mtha'i sgo nas khyad che bar rig par bya'o/ /de la dbus kyi mtha' gtogs pa'i khyad par ni rtsa ba'i nyon mongs pa gang las lus grub par gyur ba de gnyis tshe 'di la spong bar 'gyur la des de gnyis spangs pas phyi ma la yang lus 'dzin par mi 'gyur te/'di ni phyi ma'i mthar gtogs pa'i khyad par ro/ /ci'i phyir mkhas pas mkhas pa thob par gyur te/ de'i tshe 'di la kun 'byung ba'i bden pa dang bral bar gyur la phyi ma'i mthar yang sdug bsngal gyi bden pa dang bral bar 'gyur/ci'i phyir byis pa rnams byis par gyur te/ gang gis na de gnyis spong mi nus par gyur zhe na/ mkhas pas ni sngon ye shes kyi tshogs kyis bsdus pa'i tshangs par spyod pa btsal ba spyad la byis pas ni ma spyad pa'i phyir te/ 'di ni byis pa las mkhas pa khyad par du gyur ba sngon gyi mthar gtogs pa gang yin par rig par bya'o//'di la rten cing 'brel bar 'byung ba la mkhas pa/ thos pa dang ldan pa'i 'phags pa'i nyan thos ni kun rdzob dang don dam pa yang dag pa ji lta ba bzhin du rab tu shes te/ rab tu shes pas na tshe 'di la rnam par shes pa dang bcas pa'i lus dang /chos thams cad la bdag med par shes nas/'di ni bdag gi'o/ /'di ni bdag yin no snyam du mngon par zhen pa med do/ /'di lta ste/ don dam pa la mkhas pa des ni de ltar log par mngon par zhen pa med pas sems can rnams kyi 'du byed kyi rgyur gtogs pa'i las bdag gir bya ba yang dag pa ji lta ba bzhin du rab tu shes pa'i phyir gzhan gyi byed pa po gzhan ma yin la ma byas par yang bde legs su 'gyur ba med par rig nas nyon mongs pa dang bral bar bya ba'i phyir brtson par byed do//'di lta ste/ kun rdzob la mkhas pa des ni yang dag pa ma yin pa la sgo 'dogs pa dang / yod pa'i dngos po chud gzon pa yongs su spangs nas/ sngon sems pas mngon par 'dus byas shing / smon pa'i sgo nas 'dod pa'i yid smon du byas pa'i tshe 'di rnam par shes pa dang bcas pa'i lus la zhi gnas dang lhag mthong bsgom pa'i rnam pa thos pa dang bsams pa las byung ba'i rten cing 'brel bar 'byung ba la mkhas pa la brten pa de nyid kyis rjes su 'jug pas rnam par shes pa dang /reg pa dang / tshor ba dang / 'du shes dang sems pa'i tshogs rnams la ni sdug bsngal bar rtog go//sred pa'i tshogs la dbye ba'i sgo nas brtags pa ni kun 'byung ba'i bden pa brtags pa yin par rig par bya'o/ /de bden pa 'di gnyis kyi 'byung ba dang 'jig par shes pas na/ /rgyu kun 'byung bar gyur na ji ltar kun 'byung bar gyur pa dang /rgyu 'gags na ji ltar 'gag par 'gyur ba de yang 'di lta ste/ mnyam par gzhag pa'i sa pa'i 'jig rten pa'i yid la byed pas yang dag pa ji lta ba bzhin du rab tu shes pas so/ /de yid la byed pa de nyid la kun du brten pa'i rgyus gang gi tshe bden pa mngon par rtogs par byed pas na/des sngar thos pa dang bsams pa las byung bas ni 'jig rten 'byung ba dang / 'jig rten 'gag pa legs par mthong zhing legs par khong du chud do/ /bsgoms pa las byung bas ni legs par yid la byas so/ /bden pa mngon par rtogs pa la bab pa'i tshe ni ji snyed yod pa dang /ji lta ba bzhin yod pa'i sgo nas legs par brten pa dang / legs par rtogs te go rims bzhin du sbyar ro/ /de de'i tshe thos pa dang bsams pa las byung bas ni dam pa'i chos 'di la zhugs so/ /bsgoms pa las byung bas ni nye bar zhugs so//bden pa khong du chud pa'i sgo nas ni dam pa'i chos rtogs zhes bya'o/ /gang gi phyir zhugs pa dang / nye bar gyur bar zhugs pa de'i phyir ni gting slebs so/ /gang gi phyir dam pa'i chos rtogs pa de'i phyir ni kun du gting slebs so/ / slob pa'i shes rab la ni 'jig rten gyi 'byung ba dang / nub pa'i shes rab ces bya'o/ /de yang zag pa med pa dang / 'phags pa'i rgyu la dmigs pas ni 'phags pa'o/ /nyon mongs pa dang sdug bsngal thams cad zad par bya ba'i phyir nges par 'byung bas na de'i phyir nges par 'byung ba'o//gtan du mthar thug par 'gro bas na de'i phyir nges par byed do/ /de de dang ldan na gong du nyon mongs pa thams cad spong par bya'o snyam nas de nyid lan mang du byed de sdug bsngal thams cad zad par bya ba'i phyir bsgom pa'i lam la nges par 'byung bar 'gyur ro//de ltar na de la las dang po pa'i sa nas bzung ste/ dgra bcom pa'i 'bras bu'i lam la thug pa'i bar du bstan pa yin no/ /rten cing 'brel bar 'byung ba dang / rten cing 'brel bar 'byung ba'i chos rnams ni rgyu gnyis kyis cha gnyis su rnam par gzhag pa yin te/ji ltar 'jug pa dang / gang rnams 'jug pa'o/ /de la srid pa'i yan lag bcu gnyis ni 'jug pa'o/ /de dag kyang ci rigs par rigs pa'i rgyu dang 'brus bu'i rim pas 'jug pa'i phyir te/ rigs pa'i rgyu dang 'bras bu'i rim pa de thog ma med pa'i dus nas gcig nas gcig tu brgyud pa'i lugs gang yin pa de ni chos nyid do//da ltar gyi dus kyi sgo nas ni chos gnas pa nyid do/ /'das pa'i dus kyi sgo nas ni chos mi 'gyur ba nyid do/ /ma 'ongs pa'i dus kyi sgo nas ni chos ji lta ba nyid do/ / rgyu med pa ma yin pa'i sgo nas ni de bzhin nyid dang /ma nor ba de bzhin nyid do/ /yang dag pa ji lta ba'i rgyu las byung ba'i sgo nas ni yang dag pa nyid do/ /yang dag pa ji lta ba'i 'bras bu'i sgo nas ni bden pa nyid do/ / shes bya yang dag pa'i sgo nas ni de kho na nyid do/ /yang dag pa ji lta ba'i ye shes kyi gnas kyi sgo nas ni ma nor ba nyid dang /phyin ci ma log pa nyid do/ /rten cing 'brel bar 'byung ba dang ldan pa'i tshig rnam par gzhag pa'i gnas kyi sgo nas ni rten cing 'brel bar 'byung ba 'di dang mthun pa nyid do/ /'di gnyis la mkhas pa'i thos pa dang ldan pa'i 'phags pa nyan thos ni dus gsum gyi tshul bzhin ma yin pa yid la byed pa yongs su shes nas yongs su spong bar yang byed cing bden pa mngon par rtogs par yang byed la phyi rol gyi lta bar gyur ba rnams dang 'bral bar yang 'thob par 'gyur ro//snga ma bzhin du zhugs pa nas rgyas par shes par bya'o//de bzhin gshegs pa rnams kyis ni thog ma med pa'i dus nas zhugs pa'i rgyu dang 'bras bu gcig nas gcig tu brgyud pa'i yang dag pa'i 'jug pa ye shes kyis mngon par rdzogs par sangs rgyas nas gsung gis yang dag par ston par mdzad kyi 'byin pa dang /byed pa ni ma yin no/ /de la thog ma med pa'i dus nas rgyu dang 'bras bu gcig nas gcig tu brgyud pa'i chos nyid ye gnas pa gang yin pa de ni de dang ldan pa'i ming dang tshig dang yi ge'i tshogs de brda sprod pa dang mthun pa rnams kyi lugs gnas par bya ba'i phyir khams dang rigs dang gnas yin no//de byed la des nyams su myong ba dang / gzhan byed la gzhan gyis myong ngo zhes bya ba ni rgyu gnyis kyis lan gdab par mi bya ba yin te/ gnyis gang zhe na/ 'du byed kyi rgyud kyi rgyu dang 'bras bur 'brel ba'i sgo nas gcig yin pa dang /snga phyi'i sgo nas tha dad pa yin pa'i phyir dang / de las tha dad pa'i byed pa po dang tshor ba po mi dmigs pa'i phyir de lta bu'i smra ba khas mi len cing mngon par zhen par mi byed par dbu ma'i lam gyi rgyu dang 'bras bu tsam du zad pa gang yin pa de kho na'i lan 'debs par byed do//gang zag bdag med pa gang yin pa dang / chos bdag med pa gang yin pa'i bdag med pa thams cad ni spyir na stong pa nyid ces bya'o/ /de la gang zag bdag med pa ni rten cing 'brel bar 'byung ba'i 'du byed rnams las don tha dad pa'i bdag med pa'i phyir ro//chos bdag med pa ni rten cing 'brel bar 'byung ba'i 'du byed gang yin pa de dag nyid bdag med de mi rtag pa'i phyir ro/ /gang du de gnyi ga gcig tu bsdus te bstan pa de ni chen po stong pa nyid ces bya'o/ /gang tha snyad kyi sgo nas ma yin par lta ba la brten nas 'di ltar lta zhing 'di skad du rten cing 'brel bar 'byung ba'i chos 'di dag ni gzhan yin no zhe'am/yang na 'di dag las gzhan pa de'i rten cing 'brel bar 'byung ba'i chos rnams yin no zhes lan 'debs par byed na de nyid de'i lta ba yin par rig par bya'o/ /lta ba la brten na ni tshangs par spyod pa la gnas par mi 'gyur ro//de ci'i phyir zhe na/ 'di ltar de stong pa nyid dang po cig shos kyi mi mthun pa'i phyogs kyi lta ba la brten nas 'dug pa'i phyir de de gnyi ga ni log par lta ba yin la de ltar lta ba ni thar bar 'gyur du mi rung ngo / /gang gi 'di skad du ming dang gzugs kyis bsdus pa'i rten cing 'brel bar 'byung ba'i chos de dag nyid la snga ma bzhin du mi rung ngo //gang 'di skad du ming dang gzugs kyis bsdus pa'i rten cing 'brel bar 'byung ba'i chos de dag nyid la snga ma bzhin du lta ba rnam pa gsum la brten pas de nyid srog kyang yin la lus kyang yin no zhes zer ba nas rgyas par sbyar te/de ltar gyur na yang tshangs par spyod pa la gnas par mi 'gyur ro/ /de ci'i phyir zhe na/ 'di ltar de ni stong pa nyid cig shos kyi mi mthun pa'i phyogs kyi lta ba la brten nas 'dug pa'i phyir te / log par lta ba'i mtha' 'di gnyi ga spangs nas rgyu dang 'bras bu tsam du zad par lta ba ni dbu ma'i lam zhes bya'o/ /yang dag pa ji lta ba ni shes bya de bzhin nyid kyi phyir ro/ /phyin ci ma log pa nyid ni shes pa de bzhin nyid kyi phyir ro/ /'du byed de dag yod na 'du byed 'di rnams sam/ 'di'i 'du byed rnams zhes 'dogs par byed kyi / gal te de kho na bzhin du yang dag par yod du zin na 'du byed thams cad 'gags shing spangs par gyur ba na gang la ni 'du byed rnams zhes bya/ gang gis 'du byed rnams zhes bya ste/ 'di ltar de'i tshe gnyi ga mi dmigs pa'i phyir ro//rten cing 'brel bar 'byung ba ni 'di lta ste/ bstan pa dang / rnam par dbye ba'i phyir rnam pa gnyis kyis rnam pa thams cad gdags par rig par bya ste/ gnyis gang zhe na/ ji lta ba bzhin du yod pa dang / ji snyed yod pa'o/ /de la ji lta ba bzhin du yod pa ni ma rig pa la sogs pa rten cing 'brel bar 'byung ba'i chos rnams gang dag gi rgyu dang 'bras bu rim pa bzhin du 'tsham par 'byung ba dang /rgyu ma spangs na 'bras bu ma spangs par 'gyur ba dang / rgyu ma spangs par skye ba las 'bras bu ma spangs par skye bar 'gyur ba gang yin pa 'di ni ji lta ba bzhin du yod pa'o//ji snyed yod pa gang zhe na/ ma rig pa la sogs pa 'du byed rnams kyi rnam pa thams cad gang yin pa ste/ 'di lta ste/ ma rig pa'i sngon gyi mtha'i mi shes pa zhes bya ba nas rgyas par sbyar te/ rnam grangs de rnams kyi rnam par dbye ba ni 'di lta ste/rnam grangs bsdu ba las 'byung ba bzhin du rig par bya'o/ /rnam par dbye ba rnams kyi rnam par gzhag pa yang snga ma bzhin du rig par bya ste/ 'di ni ji snyed yod pa ste/ de ltar na ji lta ba bzhin du yod pa dang / ji snyed yod pa 'di las brtsams te/bstan cing rnam par dbye'o/ /de la bstan pa ni dang po'o/ /de nyid rgyas par rnam par dbye ba ni rnam par dbye ba'o/ /bde ba dang sdug bsngal ba ni rang gis byas pa dang / gzhan gyis byas pa dang / gnyis kas byas pa dang / gnyi gas ma byas pa rgyu med pa las byung ba rnam pa gnyis kyis 'dogs par mi byed cing lan 'debs par mi byed de/gnyis gang zhe na/ snga ma bzhin du 'du byed thams cad byed pa med pa'i phyir dang / de ma yin pa'i byed pa po'i sems can mi dmigs pa'i phyir ro/ / de la 'du byed rnams byed pa med pas na tshor ba yang de nyid yin la/ myong ba yang de nyid yin pa lta bur bde ba dang sdug bsngal rang gis byas par mi rung ngo / /de ma yin pa'i byed pa po'i sems can mi dmigs pas na tshor ba yang gzhan la myong ba yang gzhan par yang mi rung ngo / /tshor ba la sred pa dang gzhan dag gis tshor ba bsgrubs zhes byar yang mi rung ngo //rkyen rnams yod pa las tshor ba skye bar 'gyur bas na de'i phyir rgyu med pa las skyes zhes byar yang mi rung ngo / /de bas na rgyu mi mthun par smra ba'i mtha' rnam pa gsum po dang / phyi ma rgyu med par smra ba'i mtha' spangs nas snga ma bzhin du dbu ma'i lam bstan pa khong du chud pa dang /nan tan du bsgrubs pas sdug bsngal zad par 'gyur ro// //sdom ni/ reg rkyen lta ba phun sum tshogs/ /'byung dang kun shes mi sdug dang / /chos gnas shes dang brtson 'grus brtsams//skye ba yang ni tha ma yin/ /reg pa'i rkyen gyis byung ba'i tshor ba thams cad yod pa la rgyu med pa dang / rgyu mi mthun par smra ba'i dge sbyong dang / bram ze rnams kyis chos 'di ba'i nyan thos dma' ba dang / mchog tu gyur pa'am ston pa la de nyid kyis byas pa de nyid kyis nyams su myong ba zhes bya ba nas/snga ma bzhin du dri ba dris na legs par lan gdab pa rnam pa gsum yod de 'di lta ste/ rang gi gzhung gis lan gdab pa dang / gzhan tshar gcad pas lan gdab pa dang / mngon par zhen pa yod pa dang / med pa las kun nas nyon mongs pa dang / rnam par byang bar 'gyur bas lan gdab pa'o/ /de la gang de skad du 'dri ba la bde ba dang sdug bsngal ba ni rten cing 'brel bar 'byung ba yin te/ 'di ni kho bo cag gi gzhung yin no zhes lan 'debs pa 'di ni rang gi gzhung gis lan gdab pa'o //de la gang 'di skad du bde ba dang sdug bsngal ba rang gis byas pa dang / gzhan gyis byas pa dang / gnyi gas byas pa dang / gnyi gas ma byas pa rgyu med pa las byung bar rtog pa yang rung ste/ thams cad du yang tshor ba ni reg pa las 'byung bar snang na de dag gis rang gis byas pa dang /gzhan gyis byas pa la sogs par rtog pa don med pas ci zhig bya/ gal te tshor ba'i rgyu reg pa yin par mngon sum du mi snang na ni/ de ma yin pa'i rgyu yongs su btsal ba yang legs par 'gyur ba zhig na/reg pa yang snang bas legs pa ma yin no/ /zhes lan 'debs par byed na gang de ltar lan 'debs pa 'di ni gzhan tshar bcad pas lan gdab pa yin no/ /de ci'i phyir zhe na/ 'di ltar de dag ni rgyu rnam pa gnyis kyis tshar gcod par 'gyur te/ dbang po dang yul dang rnam par shes pa phrad pa tsam du zad pa ma gtogs par de ma yin pa'i byed pa po bstan par mi nus pa gang yin pa dang / reg pa rgyu yin par 'jig rten thams cad kyi mngon sum gyi tshad ma dang ldan pa sun dbyung mi nus pa gang yin pa ste/ de dag ni rang gi gzhung yang mi tshugs la gzhan gyi gzhung yang sun mi phyin pas na tshar gcod par 'gyur ba'i phyir ro//gang de skad du dris na bde ba dang sdug bsngal ba rang gis byas pa dang / gzhan gyis byas pa dang / gnyi gas byas pa yang kho bo cag gi ni dbang po dang yul dang rnam par shes pa phrad pa tsam du zad pa'i sgo nas 'dogs par byed de/de yang bdag tu mngon par zhen pa med pas byed do/ /de la der mngon par zhen pa ni khyed log par gyur pa yin te/ 'drang bar bya ba ma yin no/ /de ci'i phyir zhe na/ mngon par zhen pa las gyur ba ni kun nas nyon mongs pa yin la mngon par zhen pa med pa las gyur pa ni rnam par byang ba yin pa'i phyir ro zhes lan 'debs so//mngon par zhen pa las gyur pa'i kun nas nyon mongs pa gang zhe na/ gang dag gi sngon gyi mthar de ni nga yin no/ /'di ni bdag gi yin no snyam du mngon par zhen par gyur pa mi mkhas pa de dag gi ma rig pa'i rkyen gyis 'du byed rnams zhes bya ba nas snga ma bzhin te/dbus kyi mthar bde ba dang sdug bsngal ba'i kun nas nyon mongs par 'gyur ro/ /gang dag dbus kyi mtha' mngon par zhen pa de dag kyang de bzhin du phyi ma'i mthar bde ba dang sdug bsngal ba'i kun nas nyon mongs par 'gyur ro//rnam par byang ba gang zhe na/ gang dag gi sngon gyi mtha' dang / dbus kyi mtha' rnams la bdag dang bdag gir 'du byed rnams la mngon par zhen par ma gyur pa de dag ni sngon gyi mthar tshor ba'i rgyu 'gags pas yongs su mya ngan las 'das la phyi ma'i mthar yang tshor ba'i rgyu 'gags nas yongs su mya ngan las 'da' bar 'gyur te/'di ni mngon par zhen pa dang / mngon par zhen pa med pa las gyur pa'i kun nas nyon mongs pa dang rnam par byang bas lan gdab pa ste gsum pa'o// //rgyu med pa dang rgyu mi mthun pa spangs nas rgyu las byung ba'i chos rnams kyi rgyu rnam pa lnga yang dag par mthong nas/chos 'dul ba 'di las mi 'phrogs pa'i phyir lta ba phun sum tshogs par 'gyur ba dang / mya ngan las 'das pa la bsam pa dag pa'i phyir lta ba drang po dang ldan pa dang /shes bya la shes pa rnam par dag pa'i phyir sangs rgyas la shes nas dad pa dang ldan pa ste/ rgyu gsum po 'di rnams dang go rims bzhin du dam pa'i chos la zhugs pa dang / nye bar zhugs pa dang /khong du chud par zhes bya bar sbyar ro/ /rgyu dang bcas pa'i chos rnams kyi rgyu rnam pa lnga gang zhe na/ ngan 'gro'i rgyu ni 'di lta ste/ mi dge ba dang mi dge ba'i rtsa ba'o/ /bde 'gro'i rgyu ni 'di lta ste/ dge ba dang dge ba'i rtsa ba'o/ /rnam par shes pa dang rnam par shes pa'i gnas rnams kyi gnas pa'i rgyu ni 'di lta ste/zas bzhi'o/ /tshe 'di dang tshe phyi ma'i kun nas nyon mongs pa'i rgyu ni 'di lta ste/ zag pa rnams so/ /rnam par byang ba'i rgyu ni 'di lta ste/ bden pa rnams dang / rten cing 'brel par 'byung ba ste/ gang rgyu de rnams kyi rang bzhin la yang rang bzhin du rgyu la yang rgyur/rgyu 'gags pa la yang 'gag par/ de 'gag par 'gyur ba'i lam la yang lam du yang dag pa ji lta ba bzhin du rab tu shes na lta ba phun sum tshogs pa zhes bya'o/ /rten cing 'brel par 'byung ba'i gzhi brtag pa'i mtha' ni ma rig pa la thug pas na de'i gong du rgyu brtag pa med de/de brtag pa nyid ni rang gis don yongs su rdzogs pa kho na'o// // /rnal 'byor spyod pa'i sa las gzhi bsdu ba/ bam po bcu bzhi pa/ gsum po 'di dag ni tshe 'di la shes bya'i gzhi yin te/ 'byung ba dang /grub pa dang / tshe'i tshad ji tsam pa dang / ma shi'i bar du rgyud la gnas pa ste/ de dag la slob pa yang dag par nan tan du sgrub pa na/ slob par 'dogs pa dang / mi slob pa ni bdag gi thams cad zad de yang zad par bya ba med do zhes zad pa dang mi skye ba'i ye shes kyis rtogs nas rtogs pa'i chos can zhes bya'o//gsum gang zhe na/ skye mched drug dang skye mched drug gi rkyen gyis reg pa dang / reg pa'i rkyen gyis tshor ba'o/ /de la thos pa dang ldan pa'i 'phags pa nyan thos ni tshor ba gang ci myong yang rung ste/ de yongs su shes nas de dag las skyo bar bya ba dang /'dod chags dang bral bar bya ba dang / 'gog par bya ba'i phyir nan tan du sgrub pa na tshor ba de dag reg pa'i zas las byung bar yang dag pa ji lta ba bzhin du rab tu shes so/ /reg pa'i zas de yang skye mched drug las byung ba yin no/ / de ni reg pa'i zas kyi rgyu skye mched drug las skyo bar bya ba'i phyir dang / reg pa'i zas de 'gag par bya ba'i phyir zhugs pa yin no/ /des tshor ba dang / reg pa dang / skye mched drug po byung ba thams cad gcig tu bsdus nas 'di dag thams cad ni mi rtag pa nyid kyis 'gags pas 'gag pa'i chos can yin no snyam du rig ste/tshe 'di la byung ba mi rtag pa rnam pa gsum po de dag thams cad la yang snga ma bzhin du skyo bar bya ba'i phyir zhugs pa yin no/ /de bas na yang dag par zhugs pa'i rtag 'grus can gyi slob pa zhes bya'o/ /de bzhin du nan tan du sgrub pa na len pa med pa'i rnam par grol ba'i phyir rtogs pa'i chos can gyi rtag 'grus can zhes bya'o//ma thob pa dang mngon sum du ma byas pa mngon sum du bya ba'i phyir rtag tu gus par sbyor bar byed pas na slob pa rtag 'grus can no/ /tshe 'di la bde bar gnas pa las yongs su nyams par mi 'gyur bar bya ba'i phyir/rtag tu gus par sbyor bar byed pas ni rtogs pa'i chos can gyi rtag 'grus can zhes bya'o/ /bstan par bya ba'i gzhi thams cad kyi dbang gis byung ba'i ming gi tshogs dang / tshig gi tshogs dang / yi ge'i tshogs rnams ni chos kyi khams zhes bya ste/gang la las so sor yang dag par rig pa thob nas ming dang tshig dang yi ge'i tshogs rnams la ji ltar 'dod pa bzhin byed par 'gyur te/ des na chos kyi khams legs par rtogs pa zhes bya'o/ /de yang chos kyi khams legs par rtogs pa'i phyir 'dod na byung ba'i ming gi don de nyid rnam grangs gzhan dag gis nyin mtshan bdun gyi bar ram yang na de bas lhag par yang ston to//de yang rnam grangs 'di lta bu dag ste/ byung ba zhes bya ba de bzhin du 'dus byas dang / sems pa las byung ba dang / g.yo ba dang / gnod pa byed pa dang /nad dang / 'bras zhes bya ba la sogs pa'o/ /dgra bcom pa kun shes pa dang ldan pa ni shes pa rnam pa drug brda sprod par rig par bya ste/ 'di lta ste/ rnam grangs kyis brda sprod pa dang / rnam grangs ma yin pas brda sprod pa dang / shes pas brda sprod pa dang /spong bas brda sprod pa dang / mdos brda sprod pa dang / rgyas pas brda sprod pa'o/ /de la rnam grangs kyis brda sprod pa ni ji ltar 'di na kha cig gzhan dag gis dris kyang rung / yang na rang gis gzhan dag bstan pa la gces par 'dzin pa bskyed pa'i phyir/'di skad du bdag ni phyi ma la som nyi med do zhes brda sprod pa'o/ /rnam grangs ma yin par brda sprod pa ni 'di lta ste/ bdag gi skye ba zad do/ /zhes bya ba nas rgyas par sbyar ro/ /de la shes pas brda sprod pa ni ji ltar shes shing ji ltar mthong na skye ba zad par 'gyur zhes dris na skye ba'i rgyu 'gags pas na/skye ba zad do zhes rnam pa de lta bur rnam par grol ba shes pas bsdus pa'i bdag gis zad pa shes pa brda sprod par byed pa ste/ 'di ni shes pas brda sprod pa'o/ /de'i rgyas pas brda sprod pa de ni de'i rgyu srid pa yang brda sprod par 'gyur la/ srid pa'i rgyu dang / de'i rgyu len pa dang / len pa'i mtshan nyid kyang brda sprod par 'gyur ro/ /ji ltar shes shing mthong ba de la ni nye bar len pa yang med de de yang brda sprod par 'gyur ro/ /mdor brda sprod pa ni bshad pa 'di dag thams cad kyang tshor ba gang ci yang rung ba de ni 'dir sdug bsngal ba yin par shes nas bdag gi skye ba zad do zhes brda sprod par byed pa'o//de la spong bas brda sprod pa ni nang rnam par grol bas srid pa thams cad kyi rgyu yongs su zad pa'i phyir spong bas brda sprod par byed do / /spong bas brda sprod pa de'i ji skad bstan pa de nyid ni rgyas par brda sprod pa'o//rnam pa gsum gyi sgo nas ni mdos brda sprod par rig par bya ste/bcom ldan 'das kyis kun du sbyor ba gsungs pa gang yin pa de dag ni bdag la med do zhes bya ba ni spong ba'i mdos brda sprod pa dang po ste/ 'di lta ste/srid pa'i kun du sbyor ba thams cad spangs pa'i phyir ro//ji ltar bdag dran pas gnas na brnab sems dang / yid mi bde ba gnyis dang / sdig pa mi dge ba'i chos rnams sems las 'byung ba mi 'gyur ba de ltar dran pas gnas so zhes bya ba 'di ni spong ba'i mdos brda sprod pa gnyis pa ste/ 'di lta ste/ rtag tu gnas pa'i phyir ro/ /bdag nyid kyang de la rlom sems su mi byed pa 'di ni spong ba'i mdos brda sprod pa gsum pa ste/ 'di lta ste/ mngon pa'i nga rgyal med pa'i phyir ro/ /de rnams bsdus pa ni brda sprod pa drug pa yin no/ /chos gsum po 'di dag ni 'di ltar 'jig rten gyi nang la brten pa'i sdug cing dga' bar bya ba yin te/'di lta ste/ nyams stobs dang / byad bzang ba dang / srog go/ /chos gsum po de dag gi mi mthun pa'i sgo nas de'i mi mthun pa'i phyogs skyed pa'i mi sdug pa'i chos kyang gsum yod do / /'di lta ste/ na ba dang / rga ba dang / 'chi ba'o/ /de la bslab pa gsum po dag la log par sgrub pa na ni na ba dang / rga ba dang 'chi ba las yang dag par 'da' bar 'gyur ba'i skal ba med do/ /yang dag par sgrub par byed na ni skal ba can du 'gyur ro/ /bslab pa gsum po rnams gang zhe na/ lhag pa'i tshul khrims kyi bslab pa dang /lhag pa'i sems dang / lhag pa'i shes rab kyi bslab pa'o/ /de dag la log par sgrub pa gang zhe na/ ji ltar 'di na kha cig thog ma kho nar bdag nyid dam gzhan la brten nas bslab pa'i 'khrul pa byung ba rnams la ngo tsha ba med de/ ngo tsha bor ba la bdag nyid 'jog par byed do/ /de de ltar gyur pas sdig pa mi dge ba'i chos rnams las bdag nyid mi srung ngo / /bdag nyid mi srung bas sangs rgyas dang / chos dang / dge 'dun dang / bslab pa dang / gdams ngag dang / rjes su bstan pa la ma gus shing zhes med pa'i rang bzhin can du 'gyur ro//de la gzhan dag gis gzhi des glengs na des de dag gi tshig mi bzod par 'gyur te/ bdag nyid tshig tu gleng bar mi byed do/ /gnas dang gnas ma yin par gleng bar byed pa'i gang zag de dag kyang spangs nas log par zhugs pa bdag dang chos mthun pa gang yin pa de dag 'ba' zhig dang /rten cing 'grogs la de dag dang lhan cig gnas so/ /de de dag dang lhan cig gnas pas 'phags pa la sdang bar 'gyur te/ de dag dang phrad par bya ba'i phyir thad du 'gro bar lta ga la byed/ gal te thad du 'gro bar byed de chos de brjod na yang de 'phags pa la sdang bas nyan par mi 'dod do//gal te rna blags su zin kyang sems ched du gtod par mi byed cing zhe 'gras la shes par 'dod pa'i bsam pas nyan par mi byed do/ /gnas dang gnas ma yin pa dang / yongs su rtogs pa dang /lam dang / shes pas smra ba la yang dag par mi gnas so/ /des thos su zin kyang zhe 'gras pa'i sems des mngon par dad par mi byed cing nan tan du sgrub par mi byed do/ /bstan par bya ba'i 'os ma yin par yang 'gyur te/ 'phags pa rnams kyang de la gsung ba dang /gdams ngag bstan pa dang / rjes su bstan par mi dgongs so/ /de ni bdag nyid kyang rang mnyam du 'dug la/ dam pa rnams kyis kyang lhag par btang snyoms su bor bas nang gi sems kyang ma zhi la lus dang ngag dang yid kyi sgo nas kyang kun nas nyon mongs pa can du gnas te/gcam bu mu cor smra ba la spyi brtol che ba yin no/ /de la kha na ma tho ba yin par yang mi lta'o/ /de de ltar gyur pas nyes pa byung na yang chos bzhin du phyir 'chos par mi byed do/ /de la goms nas kyang rim gyis 'chal ba'i tshul khrims sgrogs par byed pa ste/ 'di yang lhag pa'i tshul khrims kyi sgo nas log par sgrub pa yin par rig par bya'o/ /de las bzlog pa ni 'di lta ste/ lhag pa'i tshul khrims kho na'i sgo nas yang dag par sgrub pa yin par rig par bya'o/ /lhag pa'i sems kyi bslab pa la log par sgrub pa gang zhe na/ rgyu zhing 'gro ba na tshul bzhin ma yin pa'i yul gyi mtshan ma dang rtags bzung ba'i phyir/brjed ngas par 'gyur te/ de la nyes dmigs yin par mi shes pas nyon mongs pa byung ba dang du blangs pa'i phyir shes bzhin du mi gnas pa dang / gnas shing 'dug pa na zla med par rab tu dben pa'i gnas na 'dug pas brjed ngas pa dang shes bzhin med par gnas pa de nyid la brten nas phyi rol du sems g.yengs pa 'di ni lhag pa'i sems kyi bslab pa la log par sgrub pa yin no//de las bzlog pa ni yang dag par sgrub pa yin par rig par bya'o/ /lhag pa'i shes rab kyi bslab pa la log par sgrub pa gang zhe na/ji ltar 'di na kha cig 'phags pa dang / bsten pa rnam par spangs te/ sdig pa'i grogs po bsten pa la brten nas/ dam pa'i chos ma yin pa la mnyan pa la mos pa'i phyir tshul bzhin ma yin pa chos rnams rab tu rnam par 'byed par byed la/ sdig can gyi 'dod pa dang / sdig can gyi lta ba la dga' bar byed cing yang dag par blangs te/ 'dug la rtogs par bya ba dang / thob par bya ba'i chos rgya chen po dag la ni bdag la khyad du gsod pa lta bu ste/ 'di ni lhag pa'i shes rab kyi bslab pa'i sgo nas log par sgrub pa yin no/ / de las bzlog pa ni yang dag par sgrub pa yin par rig par bya'o/ /de la so so'i skye bor gyur pa'i gang zag ni de ltar bslab pa gsum po rnams la log par sgrub pa la brten pas/ so so'i skye bo'i sa las 'das te/ yang dag pa'i skyon med pa la 'jug pa dang / kun du sbyor ba gsum spangs pa'i skal ba med do//kun du sbyor ba gsum ma spangs pa'i phyir gong du bsgom pa'i lam la brten pas dgra bcom pa thob pa dang / tshe 'di la 'dod chags dang zhe sdang dang gti mug dang / nyon mongs pa thams cad ma lus par spangs pa dang / phyi ma la yang na ba dang / rga ba dang /'chi ba las yang dag par 'da' bar 'gyur ba'i skal ba med do/ /de las bzlog pa bslab pa gsum la de ltar yang dag par zhugs pa la ni phyi ma la na ba dang / rga ba dang / 'chi ba las yang dag par 'da' bar 'gyur ba'i bar du dkar po'i phyogs thams cad rig par bya'o/ /dge slong tshul khrims dang ldan zhing so sor thar pa'i sdom pa la gnas pa ni lhag pa'i sems kyi bslab pa'i sgo nas bsam gtan dang po'i nyer bsdogs su gtogs pa'i ting nge 'dzin la brten nas lhag pa'i shes rab kyi bslab pa'i sgo nas chos gnas pa shes pa dang /mya ngan las 'das pa shes pa dang /shes pa 'di gnyis la brten nas snga ma bzhin du rnam pa bzhis phun sum tshogs par gyur pa'i rab tu dben par gnas pa yang dag par blangs te 'dug na nyon mongs pa thams cad las sems rnam par grol ba'i mod la dgra bcom pa shes rab kyis rnam par grol bar 'gyur ro//chos gnas pa shes pa gang zhe na/ ji ltar 'di na kha cig rkyen 'di nyid kyis rten cing 'brel par 'byung ba dang mthun pa'i gtam phyin ci ma log par thos nas rten cing 'brel par 'byung ba'i 'du byed rnams kyi rgyu dang 'bras bu'i gnas skabs de so so'i skye bor gyur bzhin du thos pa dang bsams pa dang bsgoms pa las byung ba'i yid la byed pa yang dag pa ji lta ba bzhin du tshul bzhin yid la byed pas sdug bsngal la yang sdug bsngal bar/kun 'byung ba dang 'gog pa dang lam la yang lam du shes rab kyis 'jug cing mos par byed de/ de ltar rgyu dang 'bras bu ji lta ba bzhin du gnas pa'i chos rnams kyi shes pa gang yin pa 'di ni chos gnas pa shes pa zhes bya'o/ /mya ngan las 'das pa shes pa gang zhe na/ 'di ni chos nyid de/ sdug bsngal la sdug bsngal du'am/ kun 'byung ba dang / 'gog pa dang / lam la lam du shes rab kyis 'jug cing mos pa na/sdug bsngal dang kun 'byung ba la ni mi mthun pa'i 'du shes su yang dag par gnas la 'gog pa/ mya ngan las 'das pa la ni zhi bar 'du shes te/ 'di lta ste/ phung po thams cad spangs pa 'di ni zhi ba'o/ /'di ni gya nom pa'o/ zhes bya ba nas rgyas par sbyar te/ de ltar chos gnas pa shes pa la brten pas sdug bsngal dang sdug bsngal gyi rgyu la mi mthun par shes pa la brten nas mya ngan las 'das pa la shes rab kyis zhi bar 'jug pa dang / mos pa 'di ni mya ngan las 'das pa shes pa zhes bya'o/ /legs par gsungs pa'i chos 'dul ba la phun sum tshogs pa rnam pa drug mngon sum du gyur pa mthong ba'i mkhas pas ni snying tshim par brtson 'grus brtsams te gnas par bya'o//rnam pa drug gang zhe na/ slob dpon phun sum tshogs pa dang / bstan pa phun sum tshogs pa dang / bstan pa la bde blag tu 'jug pa dang /rang gi don thob pa bla na med pa dang / thams cad la rigs pa dang / bla na med par ston pa dang / gsung rab mnga' bdag yod pa'o/ /de la slob dpon phun sum tshogs pa gang zhe na/ de bzhin gshegs pa stobs bcu dang ldan pa mi 'jigs pa bzhis 'jigs pa med pa ste/'di ni slob dpon phun sum tshogs pa'o/ /de yang khyu mchog gi gnas rgya chen po la dam 'cha' ba dang / tshangs pa'i 'khor lo bskor ba dang / 'khor gyi nang du seng ge'i sgra yang dag par sgrogs pa dang / rten cing 'brel par 'byung ba lugs su 'byung ba dang /lugs su 'byung ba ma yin pa dang / 'gog pa dang mya ngan las 'das pa ston par mdzad pa 'di ni bstan pa phun sum tshogs pa'o/ /bstan pa de yang rang bzhin gyis tshig dang yi ge gsal zhing don zab la bstan pa tshig dang yi ge gsal zhing don zab pa de'i don zab mo 'grel pa 'di ni bde blag tu 'jug pa'o//'di lta ste/ rdzogs par byang chub par bya ba la ni de bzhin gshegs pa las gud na dge sbyong ngam bram ze ches lhag par mngon par shes pa med do/ /de bas na gzhan dag gi rang gi don 'thob pa'i sgo nas thob par bya zhing mngon par rdzogs par byang chub par bya ba'i don la de bzhin gshegs pas bstan pa'i chos las gud na ches shin tu gya nom pa dang /'das pa'i bstan pa'i gnas kyi la chad pa 'di ni rang gi don thob pa bla na med pa'o/ /de'i lha dang mi rnams man chad la ston cing phyin ci ma log par ston te/chos rnams la slob dpon gyis dpe mkhyud ma mdzad par thams cad la ston pa gang yin pa de ni thams cad la rig pa dang / bla na med par ston pa'o/ /the tshom thams cad gcod pa dge ba thams cad kyi rtsa bar gyur pa'i dad pa rgya chen po mngon sum du dmigs pa'i gzhi dang /gnas su gyur pa'i ston pa mngon sum du zhugs pa gang yin pa 'di ni gsung rab mnga' bdag yod pa zhes bya ste/ phun sum tshogs pa rnam pa 'di drug mngon sum du gyur pa mthong ba'i mkhas pas ni 'di lta ste/ bslab pa gsum po lhag pa'i tshul khrims la sbyar bar bya ba dang /lhag pa'i sems la bag yod par bya ba dang / lhag pa'i shes rab la ston pa'i bstan pa la brtson par bya ba'i phyir snying tshim par brtson 'grus brtsams te gnas par bya'o/ /gal te le los gnas par byed na ni de la nyes dmigs gnyis su 'gyur bar shes par bya ste/tshe 'di dang tshe phyi ma la sdug bsngal bskyed pa'i nyon mongs pas kun nas nyon mongs pa can du byas nas sdug bsngal zhing mi bde bar gnas par 'gyur la dge ba'i chos ma thob pa dang thob pa rnams las kyang yongs su nyams par 'gyur te/don chen po mya ngan las 'das pa dang / bde 'gror 'gro ba dang / ldan pa las yongs su nyams par 'gyur ro/ /de las bzlog pa las ni brtson 'grus brtsams pa'i phan yon gnyis su 'gyur bar rig par bya'o/ /brtson 'grus brtsams pa de'i ni dge ba'i chos thob pa dang ma thob pa rnams las yongs su mi nyams pas bdag gi don dang gzhan gyi don dang /gnyi ga'i don 'grub par 'gyur ro/ /de la rang gi don ni rnam pa gnyis kyi sgo nas rab tu byung ba 'bras bu dang bcas pa ste/ nyon mongs pa dang bral ba'i mya ngan las 'das pa thob pa'i bde ba 'byung ba dang bde 'gror 'gro ba'i bde ba rnam par smin pa gang yin pa'o//de la gzhan gyi don ni mya ngan las 'das pa dang / bde 'gror 'gro ba las brtsams nas gzhan dag la chos ston pa gang yin pa'o/ /de la gnyi ga'i don ni bdag nyid yon gnas su dag par byas nas dad pa rnams las brtags pa'i chos gos la sogs pa longs spyod pa gang yin pa ste/longs spyod des de dag nyid la yang dge ba'i phyogs dang mthun pas phan 'dogs la gzhan dag kyang bya ba byas pa de dag gis phyi ma la bde 'gror 'gro bar 'gyur ba'i sgo nas 'bras bu chen por 'gyur ba dang /longs spyod dang 'khor phun sum tshogs pa'i sgo nas ni phan yon chen por 'gyur ba dang / tshe dang / kha dog dang / stobs dang / bde ba dang spobs pa la sogs pa lus phun sum tshogs pa'i sgo nas ni gzi byin chen por 'gyur ba dang / gnas gsum po de dag nyid yun ring por ldan pa'i sgo nas ni rgyas pa chen por 'gyur ba'o//bcom ldan 'das kyi chos ni rnam pa bzhi'i sgo nas legs par gsungs pa yin par rig par bya ste/ phung po'i lhag ma dang bcas pa'i mya ngan las 'das pa'i dbyings 'thob par byed pa yin pas na nye bar zhi bar byed pa'o//phung po'i lhag ma med pa'i mya ngan las 'das pa'i dbyings 'thob par byed pa yin pas na yongs su mya ngan las 'da' bar byed pa'o/ /nyan thos dang rang sangs rgyas dang bla na med pa yang dag par rdzogs pa'i byang chub 'thob par byed pa yin pas na rdzogs pa'i byang chub tu 'gro ba'o//gtan du mthar thug pa dang mngon sum du nyams su myong ba'i ston pas yang dag par bstan pas na bde bar gshegs pas gsungs pa'o/ /phun sum tshogs pa bzhi po 'di dag ni 'phags pa'i gnas su skye bar byed pa yin te/ 'di ni de rnams dang ldan pa kha cig legs par gsungs pa'i chos 'dul ba la nan tan du sgrub pa ni legs par 'os pa yin par rig par bya'o//bzhi gang zhe na/ lhag pa'i bsam pa phun sum tshogs pa dang / dbang po phun sum tshogs pa dang / shes pa phun sum tshogs pa dang / 'phags pa'i gnas de yang sangs rgyas rnams 'byung ba yod na 'thob par 'gyur ba phun sum tshogs pa'o//de la lhag pa'i bsam pa phun sum tshogs pa ni ji ltar 'di na kha cig mya ngan las 'das pa la lhag pa'i bsam pa dag par byas nas rab tu 'byung ste/ bu lon gyis gtses pa'i phyir ma yin 'jigs pas gtses pa'i phyir ma yin zhes bya ba nas rgyas par sbyar te/de ltar rab tu byung ba ni legs par rab tu byung ba dang / 'phags pa'i gnas su skyes pa yin par rig par bya'o/ /de la dbang po phun sum tshogs pa ni ji ltar 'di na kha cig mig ma tshang ba ma yin/ rna ba ma tshang ba ma yin/ ma ning ma yin/ yan lag dang nying lag ma tshang ba ma yin te / dbang po ma tshang ba med pa des na legs par gsungs pa'i chos 'dul ba la rab tu 'byung ba thob pa dang / chos ston pa na yang nyan nus pa lta bu'o/ /de la shes pa phun sum tshogs pa ni ji ltar 'di na kha cig sgrib pa chung ngus rmongs pa med pas ni glen pa dang /sgrib pa 'bring gis rmongs pa med pas lug ltar lkugs pa ma yin pa dang / sgrib pa chen pos rmongs pa med pas lag brda can ma yin te/ shes pa'i sgrib pa rnam pa gsum gyis rmongs pa dang bral ba'i phyir legs par gsungs pa dang /nyes par bshad pa'i chos rnams kyi don rtogs nus pa'o/ /de la sangs rgyas rnams 'byung ba yod na/ 'phags pa'i gnas de nyid 'thob pa phun sum tshogs pa ni ji ltar bcom ldan 'das de bzhin gshegs pa shAkya thub pa 'di da ltar 'jig rten du 'byung ba zhes rgyas par 'byung ba lta bu ste/'di lta ste/ rnam grangs bsdu ba las rgyas par 'byung ba bzhin du rig par bya'o/ /chos kyang ston te snga ma bzhin du nye bar zhi bar byed pa zhes bya ba nas rgyas par sbyar ro/ / de la 'phags pa'i gnas su skyes pas na legs par 'ongs shing legs par rab tu byung ba'o/ /dbang po ma tshang ba med pa dang mi glen pa dang / lug ltar lkugs pa ma yin pa dang / lag brda can ma yin pas na mir skye ba 'thob pa legs par 'thob pa yin no/ /'di gnyis ni rten cing 'brel par 'byung ba'i 'du byed 'jug pa brtag pa la brtson pa'i the tshom skyed pa'i chos yin te gnyis gang zhe na/rgyu med par smra ba khas len pa dang / rgyu mi mthun par smra ba khas len pa'o/ /de la rgyu med par smra ba khas len pa ni de dag gi rgyu nyid kyang ye ma mthong na/ rgyu med pa rnams ji ltar 'byung bar 'gyur snyam du the tshom skye bar 'gyur ro//rgyu mi mthun par smra ba khas len pa yang mi 'tsham pa dang mi rigs pa'i rgyus ji ltar 'byung bar 'gyur snyam du the tshom skye ba kho nar 'gyur ro/ /thos pa dang ldan pa'i 'phags pa nyan thos ni nyes par smra ba rnam pa gnyi ga yang spangs nas yang dag par 'jug pa la rtog par byed do//de bas na rang gis yang dag pa la yang dag par dmigs pa na shin tu nges pa dang the tshom med par 'gyur ro/ /gang du thos pa dang ldan pa'i 'phags pa nyan thos zhes smos pa der ni so so'i skye bo yin par rig par bya'o//gang du 'phags pa nyan thos 'ba' zhig smos pa der ni bden pa mthong ba yin par rig par bya'o/ /chos 'di ba'i gang zag 'di gsum ni sdug bsngal zhing yid mi bde bar gnas pa yin te/ gsum gang zhe na/ ji ltar 'di na kha cig legs par gsungs pa'i chos 'dul ba 'di la mya ngan las 'da' bar 'dod cing mya ngan las 'da' ba la zhugs te/rab tu byung ba yin la de yang de ltar rab tu byung nas tshul khrims dang brtul zhugs tsam gyis chog par 'dzin cing gnas te/ dus dus su lhag pa'i sems dang / lhag pa'i shes rab la mi slob pa de ni sngon gyi khyim gyi yul gyi longs spyod las kyang nyams la bla na med pa'i grub pa dang /bde ba mya ngan las 'das pa yang ma thob ste/ bar ma do'i lam la gnas pas sdug bsngal zhing yid mi bde bas gnas pa lta bu'o/ /gzhan yang 'di na kha cig tshul khrims dang brtul zhugs tsam nyi tshes ni chog par ni mi 'dzin mod kyi/'on kyang da dung so so'i skye bo'i sa las yang dag par 'das pa ma yin te/ de so so'i skye bo'i sa las yang dag par ma 'das pas chos rnams la gzhan gyi dring 'jog pa'i phyir kye ma 'di dag ni shes par bya ba shes pa dang / mthong bar bya ba mthong ba yin no snyam ste/ gzhan dag gi ngor lta zhing gzhan dag gi ngor rtog la de de dag las chos mnyan pa dang / gdams ngag dang rjes su bstan pa tshol bar byed de/ bdag nyid kyang som nyi dang bcas te the tshom dang bcas par 'dug pa 'di ni gang zag gnyis pa sdug bsngal zhing mi bde bar gnas pa yin no//gzhan yang 'di na gang zag kha cig slob pa bzhi mthong ba yin na de bag med par gnas pas tshe 'di la yongs su mya ngan las 'da' ba'i skal ba med de des lus phyi ma mngon par 'grub pa'i rgyu yongs su bzung ba'i phyir phyi ma dang bcas par gnas pas sdug bsngal zhing mi bde bar gnas pa lta bu'o//gang zag gsum po de rnams las bzlog pa'i gang zag bde ba la reg par gnas pa yang gcig tu nges par bde bar gnas pa'i dgra bcom pa dang gsum yod do// //sdom ni/ srid 'gag dge sbyong bram ze dang / /nyams su myong ba'i shes pa dang //'jug dang 'ong zhing 'gro ba dang / /sangs rgyas lugs 'byung tha ma yin/ /slob pa bzhi mthong bas ni gzhan la dad pas 'gro ba ma yin par srid pa 'gags na zhi ba mya ngan las 'das par 'gyur ro snyam du rang gi 'phags pa'i shes rab kyi mig gis mthong mod kyi 'on kyang des ni lus kyis mngon sum du byed par mi nus te/dper na la la zhig skom nas khron pa zab mo'i drung du song na/ thag pa dang bcu ba'i snod med pas sha'i mig gis chu mngon sum du mthong du zin kyang de lus kyi reg par mi 'gyur ba de bzhin du/slob pas kyang gong ma'i nyon mongs pa spong ba de 'dod de/ shes rab kyi mig gis zhi bar mngon sum du mthong du zin kyang de'i lus kyis mngon sum du byed par mi 'gyur ro/ /dge sbyong dang bram ze kha cig 'dod chags dang zhe sdang dang gti mug zad par spong ba dang / dge sbyong gi don du bya ba dang /bram ze'i don du bya ba ma thob par 'jig rten na bdag nyid la dge sbyong du 'du shes shing dge sbyong du khas 'che ba dang / bram zer 'du shes shing bram zer khas 'che bar byed la 'jig rten yang de ltar 'dzin mod kyi 'on kyang de dag ni kun rdzob kyi dge sbyong dang bram ze yin gyi don dam pa'i ma yin te/de dag ni don dam pa'i dge sbyong dang / bram ze rnams kyis dge sbyong dang bram zer mi 'dzin to/ /de ci'i phyir zhe na/ 'di ltar de dag gis kun nas nyon mongs pa'i chos rnams dang / kun nas nyon mongs pa'i chos rnams kyi rgyu dang / 'gog pa dang 'gog par 'gyur ba'i lam yang dag pa ji lta ba bzhin du rab tu mi shes pa'i phyir ro//de la kun nas nyon mongs pa'i chos rnams ni 'di lta ste/ rga shis bsdus pa'i sdug bsngal dang skye ba'o/ /kun nas nyon mongs pa'i chos kyi rgyu ni rnam pa gnyis te/ sred pa las gyur pa dang /las las gyur pa'o/ /de la sred pa las gyur pa ni 'di lta ste/ lugs su 'byung ba ma yin pa'i rten cing 'brel par 'byung ba'i tshul nyid kyis srid pa dang / len pa dang / sred pa dang / ma rig pa'i 'dus te reg pa las byung ba'i tshor ba dang / ma rig pa'i 'dus te reg pa de nyid dang /ma rig pa'i khams dang 'brel pa'i skye mched drug go/ /de la las las gyur pa ni lugs su 'byung ba ma yin pa'i rten cing 'brel par 'byung ba'i tshul nyid kyis ming dang gzugs dang / rnam par shes pa dang 'du byed rnams te/ de dag kyang chos gnas pa'i shes pa tsam gyis kyang yang dag pa ji lta ba bzhin du mi shes na bden pa mngon par rtogs pa'i tshe yongs su shes pa'am/yongs su shes nas kyang bsgom pa'i lam gyis slob pa'i sa las yang dag par 'da' bar 'gyur ba'i skal ba lta ga la yod/ rten cing 'brel par 'byung ba'i 'du byed rnams la ni rig pa'i 'dus te reg pa las byung ba'i chos nyid kyis bden pa bzhi'i tshul mngon par rtogs par 'gyur te/gnyis gang zhe na/ dmigs pa nyams su myong ba'i bdag nyid kyi rig pa'i 'dus te reg pa las byung ba'i tshor ba dang / dmigs pa rab tu rnam par 'byed pa'i bdag nyid kyi rig pa'i 'dus te reg pa las byung ba'i shes rab kyis so//de la srid pa'i yan lag bcu gcig la re re zhing yang bden pa bzhi po rnam par gzhag pas rnam par gzhag na gzhi bzhi bcu rtsa bzhir 'gyur te/ de la rig pa'i 'dus te reg pa las byung ba'i tshor ba'i sgo nas ni de ltar de dag la gzhi bzhi bcu rtsa bzhir tshor bar bya zhes bya ba yin no//rig pa'i 'dus te reg pa las byung ba'i shes rab kyi sgo nas ni gzhi bzhi bcu rtsa bzhi po de dag nyid la shes pa'i gzhi rnams zhes bya'o/ /de la tha ma na 'dug pa'i rga shi ni 'bras bu kho nar zad do//dang po'i ma rig pa ni rgyu kho nar zad do/ /lhag ma rnams ni rgyu yang yin la 'bras bu yang yin no/ /gzhan yang dus gsum du yongs su shes pa'i bye brag dang / snga ma bzhin du nor ba'i sa med pa yongs su shes pa'i bye brag dang /chos gnas pa'i shes pas bsdus pa'i 'dzin pa'i shes pa mi rtag pa'i bye brag gis ni shes pa'i gzhi bdun cu rtsa bdun du 'gyur bar rig par bya ste/des ni bden pa brtag pa'i rnam pa thams cad bstan te/ de'i rjes la bden pa mngon par rtogs par 'gyur la rim gyis dgra bcom pa'i bar du yang 'thob par 'gyur ro//rten cing 'brel par 'byung ba'i 'du byed rnams ni rnam pa gsum gyis rim gyis 'jug par rig par bya ste/ 'di lta ste/ rgyu brtas pa dang 'bras bu skye ba dang 'bras bu 'phel zhing yang dag par 'grub pa'o/ /de dag thams cad gcig tu bsdus pa la ni chos rnams 'phel ba dang /skye ba dang / kun 'byung ba zhes bya'o/ /rgyu dang 'bras bu 'gags pa la ni ci rigs par 'grib pa dang / 'gag pa dang / nub pa zhes par rig par bya ste/ 'di ni dgongs pa las byung ba'i rnam grangs chos nyid dang mi 'gal ba yin no//gzhan yang sngon gyi mtha' dang / dbus kyi mtha' dang / phyi ma'i mtha'i dus kyi bye brag dang 'dod pa dang / gzugs dang / gzugs med pa'i bye brag gis ni go rims bzhin du 'phel ba dang / 'grib pa dang / skye ba dang / 'gag pa dang / kun 'byung ba dang / nub pa dang sbyar bar rig par bya'o/ /'di gnyis ni kun nas nyon mongs pa yin te/ las dang sred pa'i kun nas nyon mongs pa dang / lta ba'i kun nas nyon mongs pa'o/ /kun nas nyon mongs pa 'di gnyis ni phyogs gnyis te/ khyim pa'i phyogs dang rab tu byung ba'i phyogs las 'byung bar rig par bya'o//de la las dang srid pa'i kun nas nyon mongs par mngon par 'du byed pa gang yin pa de ni sems las byung ba zhes bya'o/ /de la lta ba'i kun nas nyon mongs pa log pa'i rtog pas bslang ba gang yin pa de ni rab tu brtags pa zhes bya'o//de la so so'i skye bo khyim pa'am rab tu byung ba ni kun nas nyon mongs pa 'di gnyis kyis kun nas dkris pa dang / bag la nyal gyi sgo nas rnam par shes pa'i gnas bzhi la sems kyi kun nas nyon mongs pa bskyed nas de la dmigs te/ yang srid par skye ba mngon par 'grub par byed la 'ong zhing 'gro ba las kyang yongs su grol bar mi 'gyur ro//slob pa bzhi mthong ba ni lta ba'i kun nas nyon mongs pa spangs te/ nga'o snyam pa'i nga rgyal gyi gnas kyi bag chags tsam zhig lus par zad pa dang / gsar du yang las mngon par mi byed pa dang /yang srid par skye ba la yang mngon par dga' ba med pas na las dang sred pa'i kun nas nyon mongs pa des kun nas dkris par mi 'gyur ro/ /de lta mod kyi de'i rgyud la kun nas nyon mongs pa de'i bag la nyal gnas te/ de la dmigs pas rnam par shes pa'i gnas rnams la de'i sems kun nas nyon mongs pa can du 'gyur la yang srid par skye ba yang mngon par 'grub par 'gyur ro//mi slob pa'i ni tshe 'di la kun nas nyon mongs pa gnyi ga'i kun nas dkris pa dang / bag la nyal spangs pas na phyi ma la rnam par shes pa'i gnas rnams la sems kyi kun nas nyon mongs pa dang bcas pas yang srid par skye ba mngon par 'grub par mi 'gyur ro//yang dag par rdzogs pa'i sangs rgyas rnams ni 'das pa'i dus nas bzung ste/ byang chub sems dpar gyur pa na rten cing 'brel par 'byung ba 'di nyid tshul bzhin du yid la byed pas/bla na med pa yang dag par rdzogs pa'i byang chub tu mngon par rdzogs par sangs rgyas te/ dper na da ltar gyi bcom ldan 'das lta bu'o/ /bla na med pa yang dag par rdzogs pa'i byang chub tu mngon par rdzogs par sangs rgyas nas kyang / rten cing 'brel par 'byung ba de nyid la lugs su 'byung ba dang lugs su 'byung ba ma yin pa'i tshul gyis dmigs pa bcas nas tshe 'di la bde bar gnas pa'i sbyor ba la brtson zhing bde ba la reg par gnas te/dper na da ltar gyi bcom ldan 'das lta bu'o/ /de dag kyang tshad med de 'jig rten na shug gnyis kyis bdun brgyud bstan pa dang 'dra ba'i sgo nas ni bdun kho nar bstan to//de ltar na bla na med pa'i byang chub lta bu yang rten cing 'brel par 'byung ba yang dag pa ji lta ba bzhin du shes pas ma rtogs pa ni rtogs par 'gyur la rtogs zin pa ni tshe 'di la bde bar gnas par 'gyur na dma' ba'i byang chub lta ci smos/rten cing 'brel par 'byung ba de yang dag pa ji lta ba bzhin du mngon par rdzogs par byang chub par bya ba'i thabs ni yan lag lngas yongs su zin pa yin te spong ba yin te snga ma bzhin du rig par bya'o/ /rten cing 'brel par 'byung ba de'i bsdus pa'i don yang 'jug pa'i phyogs kyi sgo nas ni sdug bsngal rgyu dang bcas pa'o//ldog pa'i phyogs kyi sgo nas ni zag pa med pa'i chos rnams rgyu dang bcas pa'o/ /sdug bsngal rgyu dang bcas pa'i rgyu ni zag pa rnams so/ /zag pa de rnams kyi rten du gyur pa ni ma rig pa'i 'dus te reg pa las byung ba'i tshor ba'o//rgyu dang bcas pa'i chos rnams gnas pa'i rgyu ni tshe 'di la nyon mongs pa spangs pa'i phung po tsam gyis rkyen to/ /rim gyis yang dag par grub pa'i rnam par dag pa bdun gyi sgo nas nye bar len pa med pa'i yongs su mya ngan las 'das pa'i phyir rten 'di pa nyid kyi rten cing 'brel par 'byung ba lugs su 'byung ba'i yan lag ni zab mo'i gtam yin par rig par bya ste/bdun gang zhe na/ tshul khrims rnam par dag pa dang / sems rnam par dag pa dang / lta ba rnam par dag pa dang / the tshom las rnam par rgal ba rnam par dag pa dang /lam dang lam ma yin pa'i shes pa mthong ba rnam par dag pa dang / lam gyi shes pa mthong ba rnam par dag pa dang / lam spong ba'i shes pa mthong ba rnam par dag pa'o/ /rnam par dag pa 'di rnams ji ltar rim gyis yang dag par 'grub par 'gyur zhe na/'di na dge slong tshul khrims dang ldan par gnas shing so sor thar pa'i sdom pas bsdams pa zhes bya ba nas rgyas par 'di lta ste/ nyan thos kyis las 'byung ba bzhin du rig par bya'o/ /de de ltar tshul khrims dang ldan zhing 'gyod pa med pa nas rgyas par sems mnyam par 'jog pa'i bar du sbyar te nge bsam gtan bzhi ba'i bar du bsgrubs te gnas so//de de ltar sems mnyam par gzhag pa nas drang por gyur cing las su rung bar gnas la mi g.yo ba'i bar du thos nas zag pa zad pa shes pa mngon sum du bya ba'i mngon par shes pa las sems mngon par 'jog par byed pas des 'phags pa'i bden pa bzhi mngon par rtogs par 'gyur te//mthong bas spang bar bya ba'i nyon mongs pa rnams spangs pa'i phyir zag pa med pa slob pa'i yang dag pa'i lta ba thob par 'gyur ro/ /de thob pas sdug bsngal dang kun 'byung ba dang / 'gog pa dang / lam dang / sangs rgyas dang / chos dang / dge 'dun la som nyi dang / the tshom yod pa gang yin pa de spong bar 'gyur te/ gtan spangs pas rnam par rgal bar yang 'gyur ro/ /de the tshom las brgal bas yang dag pa'i lta ba sngon du 'gro ba'i lam la yang lam du yang dag pa ji lta ba bzhin du rab tu shes la/mthong bas spang bar bya ba dang / gong du bsgom pas spang bar bya ba'i nyon mongs pa de rnams spang bar bya ba'i phyir log par lta ba sngon du 'gro ba'i lam ma yin pa la yang lam ma yin par yang dag pa ji lta ba bzhin du rab tu shes so//de lam dang lam ma yin pa la yang mkhas pas/ lam ma yin pa spangs nas lam du 'gro ba na/ lam gyi rjes su 'gro ba'i lam bzhi ste/ mngon par shes pa bul ba dang mngon par shes pa myur ba dka' ba dang / mngon par shes pa bul ba dang / mngon par shes pa myur ba sla ba yang dag pa ji lta ba bzhin du rab tu shes so//lam rnams kyi rnam par dbye ba ni 'di lta ste/ nyan thos kyi sa las 'byung ba bzhin du rig par bya'o/ /des lam de yang dag pa ji lta ba bzhin du rab tu shes nas/ lam dang po 'da' bar bya ba'i don gyis ci nas thams cad kyi thams cad du spong bar byed de/nyon mongs pa dang bral bar bya ba lta ba'i don gyis ni ma yin te/ de yang yang dag pa ji lta ba bzhin du rab tu shes so/ /dka' ba gnyis pa spang ba dang / gsum pa mngon par shes pa bul ba spang ba yang yang dag pa ji lta ba bzhin du rab tu shes so//des dang po ril dang / gnyis kyis phyogs gcig spangs nas mngon par shes pa myur ba sla ba yang dag par bsgrubs te de la brten nas de'i 'og tu zag pa rnams zad pas tshe 'di la len pa med par yongs su mya ngan las 'da' bar 'gyur te/ lus dang bral nas kyang phung po'i lhag ma med par 'gyur ro//de ltar na rnam par dag pa bdun po de dag la brten cing rim gyis 'di lta ste/ len pa med par yongs su mya ngan las 'das pa'i bar du yang dag par 'grub par 'gyur ro/ /de la gang gi phyir rim gyis rnam par dag pa thams cad tshang bas len pa med par yongs su mya ngan las 'da' ba yang dag par 'grub par 'gyur gyi/gang yang rung ba 'ga' ma tshang bas ni ma yin te de bas na thams cad kyi don gyi phyir bcom ldan 'das kyi thad du tshangs par spyad pa spyod kyi 'ga' tsam gyi phyir ni ma yin no/ / de bas na bcom ldan 'das kyang thams cad kyis len pa med par yongs su mya ngan las 'da' bar brda sprod par mdzad kyi 'ga' tsam ma gtogs pas ni ma yin no/ /de de ltar na 'dir re re'i sgo nas de 'ba' zhig gis kyang len pa med par mya ngan las 'da' bar mi 'gyur la de med par yang ma yin pa 'di ni 'dir rkyen 'di pa nyid kyi rten cing 'brel bar 'byung ba zab mo yin par rig par bya'o// //rnal 'byor spyod pa'i sa las gzhi bsdu ba/ bam po bco lnga pa/ sdom ni/rnam par gzhag dang rgyu rnams dang / /don rtag pa dang nyes dmigs dang / /kun nas nyon mongs tha ma yin//chos bzhi po 'di dag ni tshe 'di la dbang po'i 'byung ba chen po rgyas par byed pa ste/ bzhi gang zhe na/ stobs dang / bde ba dang / yid bde ba dang / sdug pa'i dngos po la re ba dang / stobs dang / bde ba dang / yid bde ba dang / re ba rnams kyi rten du gyur pa'i dbang po'i 'byung ba chen po tshe dang bcas/drod dang bcas pa rnams gnas shing 'jig par mi 'gyur ba'o/ /chos bzhi po de dag gso ba'i zas kyang go rims bzhin du bzhi yod par rig par bya ste/ 'di lta ste/ kham gyis za ba dang bde ba myong bar 'gyur ba'i reg pa zag pa dang bcas pa dang /yid la sems pa dang / dbang po'i 'byung ba chen po len par byed pa'i rnam par shes pa'o/ /de la kham gyis za ba ni tshe 'di la stobs gso bar byed de stobs las ni dbang po'i 'byung ba chen po rnams rgyas par 'gyur ro/ /bde ba myong bar 'gyur ba'i reg pa zag pa dang bcas pa ni bde ba dang yid bde ba gso bar byed de/bde ba dang yid bde ba las ni dbang po'i 'byung ba chen po rnams rgyas par 'gyur ro/ /yid yul dang phrad par byed pa'i sems pa la ni yid la sems pa zhes bya ste/ de ni 'dod pa'i yul la re ba gso bar byed de/re ba las ni dbang po'i 'byung ba chen po rnams rgyas par 'gyur ro/ /dbang po'i 'byung ba chen po len par byed pa'i rnam par shes pa ni dbang po'i 'byung ba chen po tshe dang bcas pa dang drod dang bcas pa de rnams kyi gnas pa'i rgyu ste/ gnas pa de ni rnam par shes pa lus dang mi 'bral ba'i rgyu yin no//stobs dang / bde ba dang / yid bde ba dang / re ba de rnams kyi gnas kyang de la brten nas 'jug par 'gyur te/ de ltar na sems can 'byung ba rnams gnas par byed pa ni zas bzhi yin no/ /de la kham gyis za ba las ni stobs 'byung ngo //stobs las ni dbang po'i 'byung ba chen po rgyas par 'gyur te/ de bas na lus dang srog la lta ba'i byis pa gang yin pa ni don de yongs su tshol ba na dge ba dang mi dge ba'i las kyang byed cing sogs la nyon mongs pa gsar yang 'phel bar byed de/ kham gyi zas ci lta ba bzhin du reg pa dang /yid la sems pa yang ci rigs par de dang 'dra bar rig par bya'o/ /des gsum po de dag gi sgo nas yang srid par skye ba'i las dang nyon mongs pa bsgrubs nas tshe 'di la rnam par shes pa de las dang nyon mongs par nye bar 'gro ba dang / len pa dang bcas pa dang /phyi ma la yang srid par skye ba la phan 'dogs par byed do/ /de ltar na zas bzhi po 'di dag ni 'byung ba tshol zhing yang srid par skye ba 'dod pa yang srid par skye ba ma spangs pa rnams kyi yang srid par skye ba sdud pa dang / yongs su 'dzin pa dang / phan 'dogs par byed pa'o//de la 'dod pa na spyod pa'i lha rnams kyi ni kham gyis za ba cha phra ba yin no/ /bar ma do'i srid pa rnams dang / ma'i mngal na 'dug pa rnams kyi yang de dang 'dra'o/ /'dod pa'i khams kyi de ma yin pa'i bar skabs rnams kyi kham gyis za ba ni rags par rig par bya'o/ / reg pa dang yid la sems pa dang / rnam par shes pa rnams ni gzugs med pa rnams kyi ni cha phra bar rig par bya'o/ /de ma yin pa'i ni gzugs la brten pas brtag sla ba dang yongs su gcad par sla ba'i phyir rags pa yin no/ /'di ni zas cha phra ba dang / rags pa'i rnam grangs tha dad pa yin par rig par bya ste/sems can byung ba rnams gnas par byed pa gang yin pa de dag ni rags pa yin no/ /'byung bar 'dod pa rnams la phan 'dogs par byed pa gang yin pa de dag ni cha phra ba yin par rig par bya ste/ 'di ni zas bzhi po rnams rnam par gzhag pa yin par rig par bya'o//dbang po'i 'byung ba chen po de dag ni sngon gyi sred pa kun 'byung ba'i bde bas bsdus pas bskyed pa ste/ de dag 'phel bar bya ba'i phyir zas bzhi yongs su tshol bar byed do/ /de bas na rnam grangs 'dis sems can 'byung zhing mngon par grub pa rnams gnas par 'gyur ba'i zas bzhi gang yin pa de dag kyang sred pa'i rgyu las byung ba yin te/sred pa dang bcas pas tshe 'di la lus dang zas rnams la rnam pa gsum gyi sgo nas las dang nyon mongs pa rgyas par byas nas tshe 'di la yang srid par skye ba la phan 'dogs pa'i phyir rnam par shes pa las dang nyon mongs par nye bar 'gro ba dang /len pa dang bcas par byed do / /de bas na 'byung ba tshol ba'i sems can rnams la phan 'dogs pa'i zas bzhi po gang yin pa de dag kyang sred pa'i rgyu las byung ngo / /sred pa de yang tshe 'di nyid la ma rig pa'i 'dus te reg pa las byung ba'i tshor ba'i rkyen gyis skye'o//des ma rig pa'i 'dus te reg pa las byung ba'i tshor ba de yang ma rig pa'i 'dus te reg pa'i rkyen gyis skye'o/ /ma rig pa'i 'dus te reg pa de yang sngon goms pas ma rig pa'i khams dang ldan pa'i skye mched drug gi rkyen gyis skye'o//de bas na tshe 'di la skye mched drug las gud na rgyu gzhan med de/ skye mched drug po de nyid gcig la gcig brten par zad de/ rnam par shes pa ni gzugs can gyi dbang po la brten to/ /rnam par shes pas zin pa'i gzugs can gyis dbang po rnams kyang ming la brten te/de bas na skye mched drug las gud na med ces bya'o/ /gang gi tshe phyi rol gyi yan lag gi stobs dam pa'i chos thos pa la brten nas/ nang gi tshul bzhin yid la byed pa'i rgyus yang dag pa'i lta ba bskyed de/ de bas na ma rig pa ni spong la rig pa ni bskyed do//gnas yongs su gyur cing de'i nang gi gnas ngan len shin tu sbyangs pa'i phyir/ tshe 'di la de'i ma rig pa'i khams dang ldan pa'i skye mched drug gang yin pa de ni 'gag la rig pa'i khams dang ldan pa ni skye'o/ /de'i skye mched drug 'gags pas rim gyis sred pa'i bar du 'gag par 'gyur ro//srid pa 'gags pas zas 'gag par 'gyur ro/ /yang srid par skye ba la phan 'dogs pa'i zas rnams 'gags nas kyang rigs pa dang ldan zhing 'byung ba mi tshol ba de'i yang sred par skye ba 'gag par 'gyur bar rig par bya'o/ /chos la zas de dag za ba dang /gang gis de dag la zas zhes bya bar 'gyur ba'i chos skyes nas gnas pa de gang yang med la bdag kyang med de 'on kyang chos rnams nyid ma skyes pa skye ba'i rkyen gyis tshul gyis chos rnams nyid kyis chos rnams gso ba 'di ni zas kyi don te kun rdzob tu chos kyi brdas rnam par shes pa la gang zag tu btags nas zas bzhi po rnams za ba'i gang zag ces bya bar zad de/'di lta ste/ rjes su tha snyad gdags pa'i don yin gyi don dam par ni ma yin no/ /de ci'i phyir zhe na/ gal te rnam par shes pa skyes nas gnas shing gang zag gi tshul gyis yongs su grub ste/za ba por gyur na ni rnam par shes pa zas su 'gyur du mi rung ste/ nam yang gang zag nyid gang zag la za bar mi 'gyur la/ rgyud gcig la rnam par shes pa gnyis cig car gnas pa yang med pa'i phyir ro/ /de bas na gang zag gi tshul gyis yongs su grub ste/ gnas nas rnam par shes pa za ba por 'gyur du mi rung ngo / /de ltar mi rung bzhin du gang 'di skad du su zhig rnam par shes pa'i zas za zhes dri ba 'dri bar byed na ni tshul bzhin ma yin par 'dri ba yin par rig par bya'o/ /gal te 'di skad du/ rnam par shes pa'i zas de gang gi rkyen yin zhes 'dri na ni rten cing 'brel bar 'byung ba la yang zhugs pa yin pas na tshul bzhin du 'dri ba yin par rig par bya'o//srid pa ni gnyis te/ skye ba'i srid pa dang / las kyi srid pa'o/ /de la phyi ma'i yang srid pa skye ba'i skye ba'i srid pa mngon par 'grub cing 'byung bar 'gyur ba la ni da ltar tshe 'di la las dang nyon mongs par nye bar 'gro ba'i rnam par shes pa gang yin pa de phyi ma la skye ba'i srid pa de 'phen pa ste/de de'i sngon du 'gro ba'i tshul gyis byung ba la ni las kyi srid pa zhes bya'o/ /tshe 'di nyid la srid pa de byung bar gyur na phyi ma la de'i yang srid pa skye ba/skye ba'i srid pas bsdus pa skye bar 'gyur ba'i phyir 'chi ba'i dus byas nas sngon gyi mtha'i skye mched drug 'gags pa las phyi ma'i mtha'i skye mched drug skyes pa la ni skye ba'i srid pa zhes bya'o/ /rnam par shes pa de ni skye mched drug po de'i sngon du 'phen pa yin pa'i phyir yang rkyen yin la nying mtshams sbyor ba'i tshe yang rkyen yin te/'di ltar ma'i mngal du rnam par shes pa zhugs pa las ni ming dang gzugs 'byung ngo / /ming dang gzugs kyi rkyen gyis ni ma rig pa'i khams dang ldan pa'i skye mched drug 'byung ngo / /de nas de'i rkyen gyis de dang 'dra ba'i reg pa'i rim pas len pa'i rkyen gyis yang phyi ma'i mtha'i las kyi srid pa'i bar du 'byung ste/chos 'di dag thams cad kyang med pa las rang rang gi rkyen gyis skye bar 'gyur gyi de dag gis reg pa po nas srid pa po'i bar gang reg par byed pa nas srid par byed pa'i bar du gang yang med do //chos 'di dag ni de ma yin pa dag gis gso zhing de ma yin pa rnams kyis bza' bar zad de/ de bas na rgyu dang 'bras bur gtogs pa'i 'du byed kyi rgyud rgyun mi 'chad par 'jug ste/ snga ma'i las kyi srid pa las phyi ma'i mtha'i skye ba'i srid pa 'byung ba ni 'gro ba yin no//phyi ma'i mtha'i las kyi srid pa las yang snga ma'i skye ba'i srid pa de nyid phyir ldog par 'gyur te/ de ltar na rten cing 'brel bar 'byung ba'i 'khor lo 'di ni 'jig rten 'di nas 'jig rten pha rol dang / 'jig rten pha rol nas 'jig rten 'dir 'khor ro/ /de bas na chos rnams gso ba'i don ni zas kyi don du rig par bya'o//zas rnam pa gsum gyi rgyu las byung ba'i nang gi sdug bsngal rnam pa gsum skye ba skye bar 'gyur te/ 'di lta ste/ khams ma snyoms pa las byung ba'i nad kyi sdug bsngal dang / 'dod pa'i sdug bsngal dang / 'dod pas phongs pa'i sdug bsngal lo//de la dang po ni kham gyi zas kyi rgyu las byung ngo / /gnyis pa ni reg pa'i zas kyi rgyu las byung ngo / /gsum pa ni yid la sems pa'i zas las byung ngo / /dge slong gi kham gyi zas kyi rgyu las nang gi nad kyi sdug bsngal du 'gyur bar mthong nas kham gyi zas za ba na bu'i sha la bab pa bzhin du mngon par chags pa med do//dge slong gi bde ba myong bar 'gyur ba'i reg pa'i rgyu la nang gi 'dod pa'i sdug bsngal yin par yang dag par mthong bas reg pa'i skye mched drug po rnams pa lang ko ba bshus pa dang 'dra bar mthong nas/ de 'di snyam du sems te gal te bdag reg pa'i skye mched drug po 'di dag dang 'dod cing sred pa'i kun tu chags pa rnams kyis gzugs rnams la brten te gnas par gyur na ni gzugs rnams la brten pas bdag sdig pa mi dge ba'i chos rnams kyi rtog pa dag gis ba lang ko ba bshus na srog chags rnams kyi bza' ba dang /za ba na yang sdug bsngal zhing mi bde bar gnas pa bzhin du 'gyur ro snyam mo/ /des de ltar mthong nas dang po'i reg pa'i skye mched la nyes dmigs su mthong bas kun nas nyon mongs pa mi spyod do/ /gzugs rnams la ji lta ba bzhin du sgra dang / dri dang / ro dang / reg bya dang / chos rnams kyang de dang 'dra bar rig par bya'o/ /dang po reg pa'i skye mched ji lta ba bzhin du drug pa'i reg pa'i skye mched kyi bar gyi nyes dmigs mthong bas kun nas nyon mongs pa med par gnas so/ /dge slong gi yid la sems pa'i rgyu las nang gi 'dod pas phongs pa'i sdug bsngal yin par yang dag par mthong nas yid la sems pa la ma dag me'i 'obs dang 'dra bar mthong ste/'dod pas phongs pa las byung ba'i lus dang sems kyi yongs su gdung ba chen po skyed pa yin pa'i phyir des de ltar yang dag par mthong nas chos gos dang bsod snyoms la sogs pa la re bar mi byed par khyim rnams su 'jug par byed do//de bas na 'dod pas phongs pa las byung ba'i sdug bsngal gyis kyang gos par mi 'gyur la bde ba la reg par gnas par yang 'gyur te/ de ltar na des kham gyi zas dang / reg pa dang yid la sems pa'i zas rnam pa gsum tshul bzhin du brtags pa yin no//des zas rnam pa gsum gyi rgyu de las nang gi rnam par shes pa la mdung thung sum brgyas btsugs pa bzhin du ji skad bstan pa'i sdug bsngal skye bar yang dag par mthong ngo / / de ci'i phyir zhe na/ 'di ltar kham gyi zas kyi rgyu las kyang nad kyi sdug bsngal rnam pa du ma sna tshogs mang po rnam par shes pa la skye bar 'gyur la reg pa'i rgyu las kyang de'i 'dod pa'i sdug bsngal lhag par 'byung ba dang / yid la sems pa'i rgyu las kyang 'dod pas phongs pa'i sdug bsngal 'byung ba'i phyir ro//des de ltar rnam par shes pa'i zas la yang dag par mthong nas lus dang srog la mi lta bar 'gyur ro/ /de ltar na des zas bzhi po rnams tshul bzhin du brtags pa yin te/ brtag pa de la brten nas tshe 'di la spong bar byed do/ /spangs nas kyang phyi ma la sdug bsngal mthar thug pa thob par 'gyur ro//zas bzhi po de dag yang dag pa ji lta ba bzhin du ma mthong ba ni dga' ba dang 'dod chags gnyis kyis kun nas nyon mongs pa can du 'gyur te/ kun nas nyon mongs pa can du gyur pa de la ni tshe phyi ma dang / tshe 'di'i nyes dmigs rnam pa gnyis su 'gyur bar shes par bya'o//de la zas bzhi po rnams las yid la sems pa'i rgyu las re ba dogs pa dang bcas pa'i yid bde ba nyon mongs pa can ni dga' ba yin no/ /bde ba myong bar 'gyur ba'i reg pa'i rgyu bde ba dang yid bde ba'i gnas kyi zas rnams la lhag par zhen pa ni 'dod chags so//kun nas nyon mongs pa 'di gnyis kyi tshe 'di la rnam par shes pa kun nas nyon mongs pa can du 'gyur te/ rnam par shes pa'i gnas rnams la gnas nas phyi ma la yang srid par skye ba'i sa bon gyi tshul gyis skye bar 'gyur ro/ / skyes nas yang srid par skye ba'i skye ba la sogs pa'i sdug bsngal mngon par 'grub par 'gyur te/ 'di ni tshe phyi ma'i nyes dmigs dga' ba dang 'dod chags kyi kun nas nyon mongs pa las byung ba yin par rig par bya'o/ /de yang de ltar zas bzhi po rnams la dga' ba dang 'dod chags gnyis kyis kun nas nyon mongs pa can du gnas pas tshe 'di la rdul dang bcas par 'gyur ro//de de ltar rdul dang bcas par gyur pas zas de rnam par 'gyur zhing gzhan du gyur bas mya ngan byed cing ngal la yid mi bde bar gnas te/ tshe 'di la mya ngan dang bcas par 'gyur ba 'di ni dga' ba dang 'dod chags las gyur ba'i tshe 'di'i nyes dmigs yin par rig par bya'o//gang su yang rung ste zas bzhi po rnams la dga' ba dang 'dod chags ma spangs pa gang yin pa de'i rnam par shes pa dang bcas pa'i lus skye mched drug gis bsdus pa ni khang pa brtsegs pa lta bu yin te/de'i skye mched drug gi skar khung rnams nas yul la dmigs pa'i nyon mongs pa'i 'od zer rnams nyi ma'i 'od zer bzhin du de'i gnas su 'jug par 'gyur te/ der sa 'og ma'am sa gong mar gnas thod par 'gyur ro/ /gnas thod nas kyang snga ma bzhin du rnam par shes pa'i gnas bzhir rnam par shes pa'i kun nas nyon mongs pa can du byas nas yang srid par skye ba mngon par 'grub par byed do//dga' ba dang 'dod chags spangs pa ni de las bzlog pa ste/ nyon mongs pa de dag yul la dmigs pas ye skye bar yang mi 'gyur na gnas der zhugs te/gnas thod par lta ga la 'gyur/ gzhan yang dga' ba dang 'dod chags ma spangs pa'i gang zag de'i thad du ni bdud 'ong bar 'gyur te/ tshon lta bur chags par 'gyur ba'i yul rnam pa sna tshogs kyis ci nas gang zag 'di tshon lta bu'i yul rnam pa sna tshogs 'di rnams dang /nyon mongs pa rnam pa sna tshogs kyis bkra bar bya'o snyam mo/ /gang zag de yang dga' ba dang 'dod chags ma spangs pa'i phyir sa lta bu ste/ nyon mongs pa'i ri mo rnam pa sna tshogs can de'i gnas lta bu yin no/ /dga' ba dang 'dod chags spangs pa'i gang zag de'i thad du snga ma bzhin du bdud 'ongs na ni gang zag de/dga' ba dang 'dod chags spangs pa'i phyir nam mkha' lta bu yin te/ nyon mongs pa'i ri mo rnam pa sna tshogs can de'i gnas med pa lta bu'o/ /zas rnams la dga' ba dang 'dod chags ma spangs pa'i nyes dmigs de yang go rims bzhin du sbyar bar bya'o//zas rnams la dga' ba dang 'dod chags spangs pa'i phan yon 'di yang go rims bzhin du sbyar bar rig par bya'o// //sdom ni/ tshul bzhin dang ni 'du ba dang / /kun 'byung ba yi bden pa dang / /thob pa dang ni rtags dang gnas/ / las dang bar du gcod pa dang / /nyes dmigs dang ni rnam smin gnag /don chen dkon pa tha ma yin/ /bden pa shes pa'i sgo nas tshul bzhin dang / tshul bzhin ma yin pa yang dag pa ji lta ba bzhin du rab tu mi shes pa'i zag pa ni zad par mi 'gyur ro/ /de las bzlog pa rab tu shes pa'i zag pa ni zad par 'gyur ro//de las dam pa'i chos ma yin pa mnyan pa ni zhi ba dang / dul ba dang / yongs su mya ngan las 'da' bar 'gyur ba'i skye gnas ma yin te/ de bas na tshul bzhin ma yin pa zhes bya'o/ /de las bzlog pa dam pa'i chos mnyan pa ni tshul bzhin yin par rig par bya'o//de la nyes par bshad pa'i chos can gyi gang zag ni chos 'di pa'i sangs rgyas rnams dang / sangs rgyas kyi nyan thos kyi skyes bu dam pa rnams ma mthong ba dang / so sor thar ba'i sdom pa dang / dbang po'i sgo rnams bsrungs pa dang /shes bzhin du gnas pa dang de lta bu dang mthun pa'i 'phags pa'i chos rnams la ma dul zhing yang dag par blangs te mi 'dug pa dang / thos pa dang / bsams pa dang / bsgoms pa rnams kyis 'phags pa'i bden pa rnams la mkhas par ma byas pas nyes par bshad pa'i chos 'dul ba de la dam pa'i chos ma yin pa mnyan par mos par 'gyur te/de tshul bzhin ma yin pa de la tshul bzhin yin no snyam du phyin ci log tu 'du shes shing / tshul bzhin ma yin pa de yang tshul bzhin ma yin par yang dag pa ji lta ba bzhin du rab tu mi shes la dam pa'i chos mnyan pa tshul bzhin de yang tshul bzhin yin par yang dag pa ji lta ba bzhin du rab tu mi shes so//rab tu mi shes pas nyes par bshad cing nyes par bstan pa ni 'ching bar 'gyur gyi/ grol bar mi 'gyur ba dang / yid la bya ba'i 'os ma yin pa'i chos gang yin pa de dag rab tu mi shes te/de dag mi shes nas yid la byed do/ /chos legs par gsungs shing / legs par bstan pa rnams ni thar par 'gyur ba yin gyi 'ching bar 'gyur ba ma yin te/ 'di lta ste/ mdo'i sde dang / dbyangs kyis bsnyad pa'i sde zhes bya ba nas rgyas par yid la bya ba'i 'os su gyur pa gang yin pa de dag kyang rab tu mi shes nas yid la mi byed pa de yang de'i tshul bzhin ma yin pa yid la byed pa yin no//yid la byed pa de ni zhi ba dang / dul ba dang / yongs su mya ngan las 'da' bar 'gyur ba ma yin te/ de bas na tshul bzhin ma yin pa zhes bya'o//dam pa'i chos ma yin pa mnyan pa de yang 'das pa dang / ma 'ongs pa dang / da ltar byung ba'i bdag gi phyogs ston pa'i gtam gyi gzhi gsum gyi dbang du byas te/ des de'i dbang du byas nas dus gsum po de dag la tshul bzhin ma yin par yid la byed de/de 'das pa'i dus kyi sgo nas bag yod pa'am med par rtog go/ /ma 'ongs pa dang / da ltar yang de dang 'dra'o/ /de de ltar tshul bzhin ma yin pa yid la byed pa ni gzung ba'i dngos po ste/ dmigs pa gang yin pa dang 'dzin pa'i dngos po gang yin pa ste/tshul bzhin ma yin pa yid la byed pa gang yin pa des 'du byed rnams sam 'du byed rnams las don tha dad pa'i bdag tu rtog par byed de/ nges par gyur pa'i tshe gzung ba'i dngos po la bdag tu rtog pa des yang na ni rtag pa'i lta ba 'thob par 'gyur te/ des na de 'di snyam du sems te/bdag gi bdag ni tshe 'di la rdzas dang rtag pa'i sgo nas yod do snyam mo/ /yang na ni chad par lta bar 'gyur te/ des na de 'di snyam du sems te/ bdag gi bdag ni tshe 'di la rdzas dang rtag pa'i sgo nas med do snyam mo/ /bdag yod par lta ba ni 'dzin pa'i dngos po la bdag tu rtog par byed do//de ni bdag gis bdag mthong ngo snyam du sems pa dang / bdag gis bdag yod par gyur pa las bdag gis de med pas na bdag nyid kyis bdag med par mthong ngo snyam du sems pa dang / tshe 'di la bdag med par lta ba ni 'dzin pa'i dngos po nyid la bdag med par rtog par byed de/bdag med pas sngon bdag med pa las yang bdag 'byung bar 'gyur ba yang dag par rjes su mthong ngo snyam du sems pa ste/ de ltar na gzung ba dang 'dzin pa'i bye brag gis tshul bzhin ma yin pa'i yid la byed pa rnam pa lnga la yang /'di lta ste/dus gsum gyi 'du byed rnams la bdag tu rtog pa'i lta ba'i gnas lnga zhes bya'o/ /de ni tshul bzhin ma yin pa'i yid la byed pa'i rjes su dpag pa'i yid la byed pas 'du byed rnams las don tha dad pa'i bdag yod par rtog par byed de/'di ni bdag yin no zhes bya ba lta bu ste/ gang bdag nyid yang srid par skye ba'i las byed pa'am/ yang na gzhan byed du 'jug pa'o/ /yang na bdag nyid tshe 'di'i skyes bu'i byed pa slong bar byed pa'am yang na gzhan du slong du 'jug pa'o/ /yang na yang srid par skye ba'i las byas sam/byed du bcug nas de'i 'bras bu rnam par smin pa skyed pa po yin no/ /skyes bu'i byed pa yang bslang ba'am/ slong du bcug nas skyes bu'i byed pa'i 'bras bu yang dag par bskyed pa'o/ /yang na gzhan dag gis 'di dris par 'gyur na mthong ba'am/ thos pa'am/ bye brag phyed pa'am/ rnam par shes pa'i tha snyad la brten nas/ rjes su tha snyad 'dogs pa'i sgo nas ni smra ba po'o/ /yang na bu dang chung ma dang / bran dang bran mo la sogs pa bu smad kyi tshogs rnams la ci rigs par gnas dang gnas ma yin pa'i khyad par rnams las mchid stsol ba ni smra ba po yin no//yang na phyi ma la las kyi 'bras bu skyes pa ni tshor ba po'o/ /tshe 'di la skyes bu'i byed pa'i 'bras bu yang dag par skyes pa ni nyams su myong ba po'o / /des 'das pa'i dus nas bzung ste tshe rabs de dang der dge ba dang mi dge ba'i las byas so cog gi rnam par smin pa da ltar tshe 'di la nyams su myong ba dang /des tshe'i tshad ji srid yod pa zad par byas nas 'chi ba'i dus byas te/ phung po 'di yang 'dor la gzhan yang nying mtshams sbyor bar byed do/ /de lta ma yin te/ bdag med du zin na ji skad bstan pa 'di dag thams cad ga las 'byung zhes bya ba ni 'di ni tshul ma yin pa yid la byed pas bsdus pa'i lta ba'i gnas drug pa yin no//de yang rang bzhin gyis ni 'jig tshogs la lta ba yin no/ /de ma yin pa'i 'jig tshogs la lta ba'i rtsa ba las byung ba'i lta bar gyur pa rnams skye ba'i phyir ni lta ba'i gnas so//de kho nar 'dzin pa'i shes rab la sgrib pas na lta ba tshang tshing ngo / /dge ba'i chos las phongs par byed pas na lta ba'i dgon pa'o/ /gzhan gyi dring 'jog pas na lta ba'i 'da' ba'o/ /'dod pa dang srid pa tshol ba rnam par spyod pas na lta ba rnam par spyod pa'o/ / gzhan gyis klan ka btsal zhing skur ba 'debs pa las thar par bskyod pas na lta ba rnam par bskyod pa'o/ /yang srid par skye ba'i sdug bsngal kun du sbyor bar byed pas na lta ba'i kun du sbyor ba'o/ /de ltar log par zhugs pa de'i ni tshe 'di la zag pa mngon sum du ma gyur pa ni mngon sum du skye bar 'gyur ro//mngon sum du gyur pa chung ngu la brten nas 'bring du 'gyur ro/ /'bring po la brten nas chen por 'gyur ro/ /de'i rgyus kyang phyi ma la rga shi mngon par 'grub par 'gyur te/ de ltar na tshul bzhin dang tshul bzhin ma yin pa yang dag pa ji lta ba bzhin du rab tu mi shes pas sdug bsngal gyi bden pa dang /kun 'byung ba'i bden pa las gyur pa'i kun nas nyon mongs pa 'byung bar rig par bya'o/ /de las bzlog pa dam pa'i chos mnyan pa la mos shing tshul bzhin la tshul bzhin du phyin ci ma log par 'du shes shing tshul bzhin dang tshul bzhin ma yin pa yang dag pa ji lta ba bzhin du rab tu shes nas yid la bya bar 'os pa'i chos rnams yid la byed pa'i rgyus dus gsum gyi 'du byed rnams gzung ba dang /'dzin pa la yang dag pa ji lta ba bzhin du bdag med pa dang / bdag gi med par yang dag par mthong nas bden pa mngon par rtogs pa'i mdo las mthong bas spang bar bya ba'i zag pa rnams las rnam par grol bar 'gyur ro//de ltar gyur nas kyang gong du bsgom pas spang bar bya ba'i zag pa rnams ma lus par spang bar bya ba'i phyir/ rgyu bzhis sbyor bar byed de/ bzhi gang zhe na/ lus legs par bsrungs pa dang /dbang po legs par bsdams pa dang / dran pa legs par gnas pa dang / 'jig rten las 'das pa dang / 'jig rten gyis 'byung ba dang / med par 'gyur ba'i shes rab ji ltar thob pa lan mang du byed pa'o/ /de la lus legs par bsrungs te/gnas pa ni glang po che khro bo rgyang ring du spong ba nas rgyas par nyan thos kyi sa las 'byung ba bzhin du sbyar te yongs su spangs na/ zag pa zad par bya ba la bar du gcod par mi 'gyur ro/ /dbang po legs par bsdams te/ gnas pa ni chags par 'gyur ba'i yul mngon sum du gyur pa la tshul bzhin ma yin pa'i sdug pa'i mtshan ma spangs nas mi sdug pa'i mtshan ma yid la byed do//dran pa legs par gnas pa de ni gnas bzhi la gnas par 'gyur te/ 'di lta ste/ chos gos la sogs pa brtags te yongs su longs spyod pa dang / lkog na rtog pa ngan pa kun du spyod pa sel bar byed pa dang / brtson 'grus brtsams pa las byung ba'i ngal ba dang / 'khrug pa dang / yongs su 'dzag par byed pa'i sdug bsngal dang / gzhan gyi ngag rtsub po las byung ba dang / khams ma snyoms pa las byung ba'i sdug bsngal dang du len pa'o//de ltar lam bsgom pa la bag yod pa'i sgo nas mi 'dre bar gnas pa ni/ dran pas legs par gnas par 'gyur ro/ /de de ltar lus legs par bsrungs pa dang / dbang po legs par bsdams pa dang / dran pa legs par gnas pa dang / ji ltar thob pa'i lam bsgom pa la brten nas bsgom pas spang bar bya ba'i zag pa rnams las kyang rnam par grol bar 'gyur la gtan du mthar thug pa yang thob par 'gyur ro//la la 'di skad ces zer te/ 'di dag ni 'phags pa'i bden pa bzhi yin te/ bdag gam sems can gang yang rung ba 'dis ni bden pa 'di rnams la dmigs pa dang bcas nas dge ba'i chos rnams sgom par byed do zhes zer ba la/de skad ma zer cig ces smra bar bya'o/ /de ci'i phyir zhe na/ 'jig rten dang 'jig rten las 'das pa'i dge ba'i chos rnam pa du ma gang ci yang rung ba skye ba de dag thams cad ni 'phags pa'i bden pa bzhi po 'di dag nyid kyi nang du 'du bar 'gyur ro//'di ni gnyis te/ shes pa dang / shes bya'o/ /shes pa de yang shes byar 'gyur te/ de bas na dge ba'i chos shes pa dang ldan pa de dag ni bden pa rnams su 'du bar 'gyur ro//de dag kyang lus su gtogs pa'i dran pa bsgom pa'i lhag mthong gi phyogs dang mthun pa rnams dang / zhi gnas kyi phyogs dang mthun pa rnams ni mdor na yongs su sbyang ba'i sa dang / byas pa bsrung ba'i sa la skye bar 'gyur ro/ /lus su gtogs pa'i dran pa gang zhe na/ yongs su sbyang ba'i sa la nang dang phyi rol gyi 'byung ba chen po'i gzugs la dmigs pa gang yin pa'am/ gzhan dag gis sdug pa dang mi sdug pa'i tshig bla dgas dang / thogs pa dang bcas pa'i 'dus te reg pa dag gis kun du spyod pa na tshul bzhin gyi 'dus te reg pa'i tshor ba dang /'du shes dang / 'du byed dang / rnam par shes pa rnams la dmigs pa dang / byas pa bsrung ba'i sa la rgyu las byung ba'i gzugs la dmigs pa'am / /yid la byed pa dang bcas pa'i de las byung ba'i tshor ba dang / 'du shes dang / 'du byed dang / rnam par shes pa rnams la dmigs pa ste /de dag thams cad gcig tu bsdus pa ni gzugs kyi lus la dmigs pa dang / ming gi lus la dmigs pa'i lus su gtogs pa'i dran pa yin par rig par bya'o/ /de la lhag mthong ni gang lhag mthong gi phyogs dang mthun pa'i dge ba'i chos rnams ni gang zhe na/'byung ba chen po rnams kyi nang dang phyi rol rnams dang de ma yin pa'i phung po rnams shes rab kyis yang dag par rab tu rnam par 'byed pa gang yin pa 'di ni lhag mthong ngo / /thog ma kho nar ril po'i 'du shes rnam par dbye ba gang yin pa dang / phyi rol gyi 'byung ba chen po rnams la 'jig pa las gyur ba'i zag pa yang dag par mthong ba'i sgo nas mi rtag par 'du shes pa dang /nang gi 'byung ba chen po'i lus la kha zas ran pas khad kyis khad kyis gso ste/ de mi gtsang bar yang dag par mthong nas mi sdug par 'du shes pa dang / sred pa las byung bar yang dag par mthong ba dang / phyi ma'i mthar 'chi ba'i chos can yin pas mi rtag par 'du shes pa dang / mi rtag pa la yang sdug bsngal bar 'du shes par 'gyur ro/ /byis pa mi rtag pa dang sdug bsngal ba yang dag pa ji lta ba bzhin du rab tu mi shes nas lus gang la nga'o snyam pa'am/bdag gi snyam pa'am/ bdag snyam du sems pa'i lus de nyid la/ thos pa dang ldan pa'i 'phags pa nyan thos ni rab tu shes pas de ltar mi 'dzin la de'i 'du shes de ni sdug bsngal la bdag med par 'du shes pa dang /bdag ma yin par 'du shes par 'gyur te/ lus la khams tsam du zad par 'du shes par 'gyur ro/ /de ltar 'du shes pa de ni gzhan dag gis sdug pa dang / mi sdug pa'i tshig bla dgas kyi 'du shes te/ reg pa dag dang / mi sdug pa'i lag pa dang / dbyug pa dang / bong ba'i 'dus te reg pa dag gi kun du spyod pa byas kyang de ni rgyu dang bcas pa'i tshor ba la sogs pa gzugs can ma yin pa'i 'du byed de dag la yang mi rtag par yang dag par mthong bas rjes su chags par yang mi byed khong khro bar yang mi byed de/ khams tsam du zad par dmigs shing de'i sems de lus de la yang dag par gnas so//de ltar na de ni kun du rmongs par yang mi 'gyur te/ de phyi rol po rab tu dbye ba'i 'du shes gang yin pa dang / phyi rol gyi 'byung ba chen po rnams la mi rtag par 'du shes pa gang yin pa dang / nang gi rnams la mi sdug par 'du shes pa dang /mi rtag par 'du shes pa dang / mi rtag pa la sdug bsngal bar 'du shes pa dang / sdug bsngal ba la yang bdag med par 'du shes pa gang yin pa dang / 'byung ba chen po la brten pa'i tshor ba la sogs pa byung ngo cog la mi rtag par 'du shes pa la ni kun du 'dod chags pa yang med kun du zhe sdang ba yang med kun du gti mug pa yang med do//'di dag ni yongs su sbyangs pa'i sa la lus su gtogs pa'i dran pa bsgom pa'i lhag mthong gi phyogs dge ba'i chos rnam pa du ma skye ba'o/ /de la zhi gnas ni gang zhi gnas kyi phyogs dang mthun pa'i lus su gtogs pa'i dran pa bsgoms pa'i dge ba'i chos rnams skye ba ni gang zhe na/des lhag mthong de nyid la brten nas zhi gnas la brtson par byed pa ste/ zhi gnas de yang nang gi sems gnas pa gang yin pa'o/ / zhi gnas kyi phyogs dang mthun pa'i dge ba'i chos rnams ni 'di lta ste/des de ltar so sor brtags pa'i stobs thob pas dge sbyong la gdams ngag bstan pa/ sog le lta bu zhes bya ba la dmigs pa byas nas gzhan dag gis gnod pa byas pa yang bzod la de la dmigs pa'i byams pa yang sgom par byed de de'i bzod pa dang byams pas yongs su zin pa'i tshul khrims ni rnam par dag par 'gyur ro//tshul khrims rnam par dag par mthong nas de 'di snyam du sems te/ bdag ni ston pa'i bstan pa bzhin byed pa yin no snyam nas 'gyod pa med par 'gyur te/ 'gyod pa med na mchog tu dga' ba nas rgyas par ting nge 'dzin gyi bar du sbyar bar bya'o//de de'i tshe sems mnyam par gzhag pas bsam gtan bzhi pa'i bar du thob par 'gyur te/ ting nge 'dzin de yang 'du byed kyis yongs su zin pa yin la zung du 'brel par 'byung ba ma yin zhing yongs su dag pa ma yin no//des de yongs su dag par bya ba'i phyir snga ma bzhin du yan lag bzhis yongs su zin pa'i bag yod pa sgom par byed de/ brtson 'grus brtsams pa la zhum pa med ces bya ba nas rgyas par sbyar te/ phyis de'i bsam gtan bzhi pa yongs su dag cing yongs su byang bar 'gyur ro//de gal te zhi ba'i snyoms par 'jug pa ro myang bas sems 'phrog par 'gyur la/ snyoms par 'jug pa de la yang btang snyoms su yang dag par mi gnas shing 'gog pa mya ngan las 'das pa la yang zhi bar lta na ni de sangs rgyas sam chos sam dge 'dun la brten nas 'di ltar yid 'byung zhing skyo bar 'gyur te/gang bdag gi ston pa de bzhin gshegs pa dang / de'i legs par gsungs pa'i chos 'dul ba dang / dge 'dun legs par zhugs pa la brten nas 'jig tshogs la zhen cing gnas kyi mya ngan las 'das pa la zhi bar mi lta ba ni bdag gi thob pa ma yin pa dang /rnyed pa ma yin pa ste/ bdag gis nyes pa rnyed pa yin gyi legs pa rnyed pa ma yin no snyam mo/ /de'i sems las su rung ba'i phyir de ltar skyo ba skyes ma thag tu dge sbyong gi tshul gyi don dang ldan par btang snyoms su yang dag par gnas shing mya ngan las 'das pa la yang zhi bar lta'o//'di dag ni zhi gnas kyi phyogs dang mthun pa'i dge ba'i chos rnams skye ba yin te/ 'di lta ste/bzod pa dang / byams pa dang / tshul khrims rnam par dag pa dang / 'gyod pa med pa dang / mchog tu dga' ba nas ting nge 'dzin dang /yan lag bzhis yongs su zin pa'i bag yod pa dang / btang snyoms dge ba'i don dang ldan pa rnams so/ /des de'i tshe shes rab kyis ston pa'i bstan pa la rgyu rnam pa gnyis kyi sgo nas bya ba mang du byas pa yin te/ zag pa zad par bya ba'i phyir bsam gtan bzhi pa yongs su dag par byed pa dang /'jig tshogs las sems btang snyoms su byed pa'i phyir te/ de tsam gyis na de'i yongs su sbyang ba'i sa yongs su rdzogs pa yin no/ /de de tsam gyis kyang chog par mi 'dzin pas/ de'i gong du byas pa rtogs pa'i sa la 'jug ste/ yang lus su gtogs pa'i dran pa sgom par byed de/rgyu las byung ba'i gzugs kyi lus la rtswa dang / shing dang / sa dang 'dra bar mthong ngo / /de ma yin pa de las byung ba'i gzugs can ma yin pa'i chos rnams kyang yang dag pa ji lta ba bzhin du/ rten cing 'brel par 'byung ba yin par shes rab kyis rtogs nas/yang dag pa ji lta ba bzhin du bden pa shes pa la rjes su 'jug go/ /zhugs nas kyang bsgom pa'i lam la 'das pa dang / ma 'ongs pa dang / da ltar byung ba'i dbang po dang yul rnams las skyo bar 'gyur ba nas rnam par grol ba'i bar du 'gyur te/bdag ni rnam par grol lo snyam du yang dag pa ji lta ba bzhin du rab tu shes so/ /'di dag ni byas pa rtogs pa'i sa la lus su gtogs pa'i dran pa bsgom pa'i dge ba'i chos rnams skye ba yin te/ 'di lta ste/ gzugs kyi lus dang / de bzhin du gzugs can ma yin pa'i chos rnams la/rtswa dang / shing dang / sa dang 'dra bar 'du shes pa dang / rten cing 'brel par 'byung ba yang dag par khong du chud pas 'phags pa'i bden pa bzhi shes pa dang / bsgom pa'i lam la skyo ba dang / 'dod chags dang bral ba dang / rnam par grol ba dang / rnam par grol ba'i ye shes mthong bar 'gyur te/de tsam gyis na de dag thams cad kyi thams cad du ston pa'i bstan pa la shes rab kyis bya ba mang du byas pa ma yin no/ /de ci'i phyir zhe na/ de'i rang gi don rdzogs pas na de'i gong du las su bya ba med la byas pa de yang phyis rab tu rnam par dbye ba med de/byas pa 'di ni de ma yin pa'i dus na yongs su nyams par 'gyur bas na byas pa ma yin no zhes bya ba'am/ 'di ni byas su zin kyang dper na so so'i skye bo rnams kyi 'jig rten pa'i lam gyis rnam par grol ba dang 'dra bar gtan du byas pa ma yin no zhes bya ba med pa'i phyir ro//de la snga ma'i yongs su sbyong ba'i sa'i dge ba'i chos gang yin pa rnams ni zag pa dang bcas pa'o/ /byas pa rtogs pa'i sa'i gang yin pa rnams ni zag pa med pa ste/ de rnams kyang 'phags pa'i bden pa bzhir ci rigs par 'du bar rig par bya'o// //rnal 'byor spyod pa'i sa las gzhi bsdu ba/ bam po bcu drug pa/ kun 'byung ba'i bden pas bsdus pa'i srid pa'i rnam par spyod pa brgya rtsa brgyad kyi rgyu ni bzhir rig par bya ste/ 'di lta ste/ nang dang phyi rol gyi rab tu dbye ba dang / rten gyi rab tu dbye ba dang / rang bzhin gyi rab tu dbye ba dang / dus kyi rab tu dbye ba'o/ /de la nang dang phyi rol gyi rab tu dbye ba gang zhe na/ nang gi skye mched drug gam/ phyi rol gyi skye mched drug la brten nas rten dang bcas pa'i sred pa rnam par spyod pa'o/ /rten gyi rab tu dbye ba gang zhe na/ nga'o snyam pa'i nga rgyal rnam pa lnga ste/'di lta ste/ nang la brten nas nga'o snyam pa'i nga rgyal ma spangs pa'i phyir 'di ltar skye mched drug la nga'o snyam du kun du spyod par 'gyur la/ ji srid du dga' bas [(]mnon [,]mnan [)]pa de srid du de'i 'du byed kyi rgyud kyang 'dra bar 'jug cing de 'di snyam du sems te/ nga ni 'di lta bu ste/ sngon bzhin no snyam mo/ /de phyis dga' bas non nas res 'ga' ni kha dog dang ldan la res 'ga' ni kha dog ngan par 'gyur ba dang / res 'ga' ni stobs dang ldan pa dang / bde ba dang spobs pa dang ldan par 'gyur la res 'ga' ni spobs pa med pa'i bar du 'gyur te/de gang gi tshe kha dog dang ldan pa nas spobs pa dang ldan pa'i bar du 'gyur ba de'i tshe ni de 'di snyam du sems te/ bdag ni bzang ngo snyam mo/ /de las bzlog pa la ni bdag ni ngan no snyam du sems par 'gyur la/rga bas non pa'i tshe ni gzhan du gyur to snyam du sems pa'o //rang bzhin gyi rab tu dbye ba gang zhe na/ nga'o snyam pa'i nga rgyal rnam pa lnga po de la brten nas 'byung ba la sred pa dang / 'jig pa la sred pa'o/ /'byung ba la sred pa de yang chung ngu dang / 'bring dang / chen por 'jug go/ /'jig pa la ni so sor brtags nas sred par byed kyi sems thag pa nas yang dag par gnas pa ma yin te/de bas na de la ni rnam pa gsum du rnam par gzhag pa med do/ /de la phyi ma la bdag 'byung bar 'gyur ro snyam pa ni 'byung ba la sred pa chung ngu ste/ skye mched drug po nyid du bdag 'gyur ro snyam pa dang / skye ba mthun par mngon par 'dod pa'i sgo nas bdag 'di lta bu zhig tu 'gyur ro snyam pa dang /skye ba mi mthun pa mngon par mi 'dod pa'i sgo nas bdag ni gzhan du 'gyur ro snyam pa dang / gal te sngon gyi lus de 'dod par gyur la des de dang mtshungs par ldan pa'i dge ba'i las 'ba' zhig kyang byas na ni de 'di snyam du sems te/bdag ni 'di lta bu zhig tu 'gyur te/ dper na da ltar gyi bzhin no zhes bya ba dang / gal te yang mngon par mi 'dod la des de dang mi mthun pa'i dge ba'i las 'ga' zhig kyang byas na ni de 'di snyam du sems te/ bdag ni gzhan du 'gyur ro snyam pa'o/ / 'jig pa mi 'dod nas de'i gnyen por bdag 'byung bar gyur cig snyam pa ni sred pa 'bring ste/ skye mched drug po 'dir bdag gyur cig snyam pa nas snga ma bzhin du bdag 'di ltar gyur cig bdag gzhan du gyur cig snyam pa thams cad ni sred pa 'bring yin par rig par bya'o/ /rnam pa 'di rnams nyid kyis bdag gyur cig snyam ste/'dod pa drag pos yongs su zin pa'i sred pa rnam pa bzhi po gang yin pa de ni chen po yin par rig par bya'o/ /de sred pa rnam pa lnga po de'i rang bzhin gyi rab tu dbye ba nang gi rten dang bcas pa la brten pa la ni sred pa bco brgyad rnam par spyod pa zhes bya'o//de la phyi rol gyi khyad par ni ji ltar nang gi skye mched drug la nga'o snyam pa de bzhin du gzugs rnams ni bdag gi ste/ gzugs rnams la bdag dbang byed do/ /de bzhin du chos rnams kyi bar du bdag dbang byed do snyam du 'dzin pa ste/ lhag ma yang ci rigs par snga ma bzhin du rig par bya ste/bco brgyad po 'di dag dang / snga ma rnam par spyod pa rnams bsdams na sum cu rtsa drug tu 'gyur ro/ /dus kyis rab tu phye ba gang zhe na/ rnam par spyod pa sum cu rtsa drug po de dag nyid las 'das pa dang / ma 'ongs pa dang / da ltar byung ba'i dus kyi sgo nas 'di lta ste/rab tu dbye ba bzhi las rnam par spyod pa brgya rtsa brgyad du 'gyur ro/ /de la spyir na 'dod pa nyon mongs pa can gang yang rung ba de ni srid pa yin te/ de yang kun 'byung ba'i bden pas bsdus pas na rgyu'o/ /chags pa'i bdag nyid kyis 'khor ba'i rgyun phyogs su 'jug pas na chu klung ngo //yul rnams la mngon par chags pa'i bdag nyid yin pas rnam par chags pa'o/ /phung po lnga grub pa nad la sogs pa 'bras lta bu'i sdug bsngal gyi gzhir gyur pas na 'bras kyi rtsa ba'o/ /gzhil bar dka' bas na rnam par 'bab pa'o/ / bdud kyi 'ching ba cha phra mor rgyu bas na dra ba can no/ /srid pa'i rtse mo man chad du gyen du mtho bas na 'khri shing ngo / /mi ngoms par byed pas na skom pa'o/ /de lta bu'i mtshan nyid kyi sred pa des skye dgu 'di kun nas dkris pa ni g.yogs pa'o/ /bag la nyal gyi sgo nas ni bsgribs pa'o//kun nas dkris pa dang bag la nyal de nyid shas che ba'i sgo nas ni gyen du mtho ba'o/ /chung ngu dang 'bring gi sgo nas ni yongs su mtho ba'o/ /'dod pa'i sred pas shes bya la rmongs par byas pas na bkab pa'o/ /gzugs kyi sred pas shes bya la rmongs par byas pas na bskor ba'o//gzugs med pa'i sred pas shes bya la rmongs par bya bas kun nas bskor ba ste/ dper na mi gsum zhig yod la gcig ni long ba/gnyis pa ni mig btsums / gsum pa ni mig phyer zin kyang rab rib tu gyur te/ de la dang pos ni thams cad kyi thams cad du chung ngu yang cung zad kyang mi mthong ngo //gnyis pas ni zla 'od tsam du cung zad mthong ngo / /gsum pas ni gzugs rnams mthong mod kyi/ de'i mig dri ma med pa ma yin te/ des na legs par mi mthong ba de bzhin du go rims bzhin du bkab pa dang / bskor ba dang kun nas bskor bar rig par bya'o//chos kyi 'khor lo bskor ba ni rnam pa lngas legs par bskor bar rig par bya ste/ lnga gang zhe na/ bcom ldan 'das byang chub sems dpar gyur pa na gang la dmigs nas brnyes par byas pas brnyes pa dang / thabs gang gis brnyes pa dang /brnyes par bya ba gang yin pa de dang / brnyes par bya ba de yang gzhan gyi rgyud la nges par bskyed pa dang / nyid kyis thugs su chud pa la yid ches pa skyes pa dang / gzhan dag kyang gzhan gyis rtogs pa la yid ches pa bskyed pa'o/ /de la dmigs pa ni 'phags pa'i bden pa bzhi yin te 'phags pa'i bden pa bzhi po rnams ni snga ma bzhin du 'di lta ste nyan thos kyi sa las mdo dang rgyas par rnam par gzhag pa bzhin du rig par bya'o//de la thabs ni 'phags pa'i bden pa de dag la lan gsum du bzlas te/ rnam pa bcu gnyis kyis ye shes te/ mngon par rtogs pa'i tshe byang chub sems dpa' 'di ni sdug bsngal 'phags pa'i bden pa yin no zhes bya ba ni 'phags pa'i lam yin no zhes bya ba'i bar du mthong bas spang bar bya ba'i nyon mongs pa rnams spang ba'i phyir/mngon sum gyi ye shes gang yin pa de ni 'phags pa'i shes rab kyi mig skyes pa yin no/ / de yang 'das pa dang da ltar dang ma 'ongs pa'i bye brag gis go rims bzhin du shes pa dang rig pa dang blo zhes bya'o/ /de ltar gyur ba de'i slob pa'i gong na bdag gis yongs su ma shes par yongs su shes par bya ba sdug bsngal gyi bden pa dang / spang bar bya ba ma spangs pa kun 'byung ba'i bden pa dang / mngon sum du bya ba mngon sum du ma byas pa'i 'gog pa'i bden pa dang / bsgom par bya ba ma bsgoms pa'i lam gyi bden pa yod do snyam du shes rab kyis rtogs pa ni lan gnyis su bzlas pa ste/ snga ma bzhin du rnam pa bzhir rig par bya'o/ /mi slob par gyur ba'i ni thams cad byas zin pa yin te bdag gis byas zin to snyam nas zad pa shes pa dang /mi skye ba shes pa brnyes pa ni lan gsum du bzlas pa ste/ snga ma bzhin du rnam pa bzhir rig par bya'o/ /khyad par ni 'di yod de/ rnam pa bzhi bzlas pa snga ma gnyis ni slob pa'i 'phags pa'i shes rab kyi mig go/ / phyi ma shos ni mi slob pa'o/ /brnyes par bya ba brnyes pa ni bla na med pa yang dag par rdzogs pa'i byang chub yin par rig par bya'o/ /gzhan gyi rgyud la nges par bskyed pa dang / nyid kyis thugs su chud pa la yid ches pa bskyed pa ni 'di lta ste/ tshe dang ldan pa kun shes kauN+Di n+ya bcom ldan 'das las thos nas thog mar 'phags pa'i bden pa bzhi'i chos kun shes par gyur te/dris na yang bdag gis chos kun 'tshal to zhes smras pa dang / de'i 'og tu yang snga ma bzhin du mthar thug pa'i rnam pa dag gi lnga char gyis dgra bcom pa nyid thob ste/ rnam par grol ba'i ye shes kyang bskyed pa lta bu'o//de la gzhan dag kyang gzhan gyis rtogs pa la yid ches pa bskyed pa ni 'di lta ste/ bdag gis chos kun shes so zhes kun shes kauN+Da n+ya'i 'jig rten pa'i sems skyes pa yang rig pa kun shes kauN+Di n+yas chos kun shes par gyur to snyam du de bzhin gshegs pa'i 'jig rten pa'i dgongs pa skyes pa yang rig nas sa la gnas pa'i gnod sbyin rnams kyis sgra brjod nas skad cig yud tsam thang cig de nyid la/tshangs pa'i 'jig rten gyi bar du sgra grag par gyur te/ bcom ldan 'das kyis kyang kun shes kauN+Di n+ya'i rgyud la kun shes pa'i chos nyid mthun par bskor la/de yang gzhan dag la mthun par bskor bar 'gyur ba dang / de dag kyang gzhan dag la mthun par bskor bar 'gyur te/ de bas na gcig nas gcig tu brgyud de mthun par bskor ba'i don gyi 'khor lo zhes bya'o/ /yang dag pa'i lta ba la sogs pa'i chos kyi rang bzhin yin pas na chos kyi 'khor lo'o//'di lta ste/ 'di ltar tshangs pa zhes bya ba 'di ni de bzhin gshegs pa dgra bcom pa'i tshig bla dgas yin te/ de bas na des bskor ba la tshangs pa'i 'khor lo zhes bya'o/ /'phags pa'i bden pa bzhi mngon par ma rtogs pa mngon par rtogs par bya ba la ni sbyor ba rnam pa bzhi yod par rig par bya ste/ma thob pa thob par bya ba'i phyir dad pa dang / dad pa'i sgo nas 'dun pa dang / snying thag pa nas 'dun pa'i sgo nas brtson 'grus brtun pa dang / brtson 'grus brtsams pa de yang thabs dang bcas pa'o//de la dad pa ni mngon par yid ches pa'o/ /'dun pa ni thob par 'dod pa'o/ /brtson 'grus ni snga ma bzhin du rnam pa lnga ste/ mthu dang ldan pa dang / brtson 'grus dang ldan pa dang / spro ba dang ldan pa dang / rtul phod pa brtan pa dang /brtson pa mi 'dor ba'o/ /thabs ni bag yod par bya ba'i phyir brjed ngas pa med pa'i mtshan nyid kyi dran pa dang / bag med pa la nyes dmigs su shes shing yongs su gcod pa'i mtshan nyid kyi shes bzhin dang / de gnyis kyis yongs su zin pa'i bag yod pa ste/nyon mongs pa can gyi chos rnams las sems kun du srung ba dang / dge ba bsgom pa la rtog pa'o/ /nad lta bu ni sdug bsngal 'phags pa'i bden pa'o/ /nad kun nas slong ba lta bu ni kun 'byung ba'i bden pa'o/ /nad byung ba spangs nas nad med par gyur ba lta bu ni 'gog pa'i bden pa'o//nad spangs nas phyis mi skye ba lta bu ni lam gyi bden pa ste/ nad pas ni sman pa las de tsam zhig btsal bar bya bar zad do/ /sman pas kyang de tsam zhig bstan par bya bar zad do/ /de bas na 'phags pa'i bden pa ni lngar med de/ de bzhin gshegs pa sred pa'i zug rngu 'byin pa chen po bla na med pa yang de tsam zhig ston par zad do//bden pa shes pa la ma phyogs pa dang / mngon par rtogs pa dang / mi ldan pa'i dge sbyong dang / bram ze rnams la ni rtags dang nyes dmigs bcu yod par rig par bya ste/ yang dag pa'i dge sbyong rnams kyi yid la dge sbyong du mi 'dzin pa dang /tshig gis dge sbyong zhes mi bgrang ba dang / yang srid par skye ba'i skye ba la sogs pa'i sdug bsngal las thams cad kyi thams cad du yongs su ma grol ba dang / de bzhin du ngan song rnams las yongs su ma grol ba dang / bslab pa 'bul ba'i rgyur 'gyur ba dang /'jig rten las 'das pa'i mi'i chos 'di lta ste/ lam mam/ lam gyi 'bras bu mya ngan las 'das pa mngon sum du byed pa'i skal ba med pa dang / bde 'gror 'gro ba'i sgo nas slob pa dang mi slob pa spangs te/ 'di las phyi rol du yon gnas gzhan tshol ba'i rgyur gyur ba dang /mya ngan las 'da' bar 'gro ba'i sgo nas de bzhin gshegs pa spangs te/ 'di las phyi rol ba'i ston pa tshol ba'i rgyur 'gyur ba dang / phyir mi 'ong bas sdug bsngal ba'i yang sdug bsngal ba las yang dag par 'da' ba dang / tshe 'di la kun shes pas phung po'i lhag ma dang bcas pa nas/sdug bsngal thams cad las yongs su grol bar 'gyur ba'i skal ba med do/ /de las bzlog pa ni bden pa shes pa la mngon du phyogs pa dang / mngon par rtogs pa dang ldan pa rnams kyi rtags dang phan yon yin par rig par bya'o/ /bden pa shes pa la mngon du phyogs shing mngon par rdzogs par 'tshang rgya bar 'dod pa rnams kyi ni 'phags pa'i bden pa bzhi'i sgo nas 'thob pa'i gnas dang /'thob pa dang / 'thob pa'i gnas kyang rig par bya ste/ de la dad pas legs par gsungs pa'i chos 'dul ba la rab tu byung ba ni 'thob pa'i gnas so//dge sbyong gi tshul gyi 'bras bu bzhis bsdus pa nyan thos kyi byang chub dang / rang sangs rgyas dang / bla na med pa'i byang chub gsum po 'di dag ni 'thob pa yin par rig par bya'o/ /snga ma bzhin du lan gsum du bzlas pa'i go rims bzhin du shes pa dang /mthong ba dang / mngon par rtogs pa ni thabs yin par rig par bya'o/ /mngon par rtogs pa'i tshe 'di ni bden no snyam pa ni shes pa'i gnas skabs so/ /bden pa de'i gong du phyir zhing bdag gis yongs su shes par bya ba nas bsgom par bya ba'i bar du mthong ba ni mthong ba'i gnas skabs so//mi slob pa'i sa la bdag gis yongs su shes zin to zhes bya ba nas mngon sum du byas zin to zhes bya ba'i bar du ni mngon par rtogs pa'i gnas skabs so/ /rnam grangs gzhan yang mi slob pa'i zad pa dang / mi skye ba'i ye shes dang / rnam par grol ba'i ye shes kyis bsdus pa ni shes pa'i gnas skabs so/ /mi slob pa de nyid kyis rnam par grol ba'i ye shes dang ldan pa'i yang dag pa'i lta ba ni mthong ba'o/ /rgyun du zhugs pa'i 'bras bu nas bzung ste/ slob pa'i shes rab thams cad ni mngon par rtogs pa yin par rig par bya'o//bden pa shes pa'i las dang mtshan nyid ni rnam pa drug tu rig par bya ste/ 'di lta ste/ sdug bsngal gang bden pa mthong bas spangs pa'i sdug bsngal yang dag par zad par 'gyur ba'i thog mar 'gro ba dang / sdug bsngal gang dgra bcom pas spangs pa'i sdug bsngal mthar thug pa bya ba'i thog mar 'gro ba ste/nyi ma 'char ba'i skye rengs dang po dang 'dra'o/ /de bzhin du 'jig rten na ma rig pa'i mun pa chen po'i gnyen po'i tshul gyis snang ba lta bur sel bar byed do/ /de bzhin du 'di na kha cig bden pa shes pa la brten nas/ kun du sbyor ba gsum spangs te/ de'i rjes la brjed ngas pa'i phyir 'dod pa'i 'dun pa dang / gnod sems gnyis kyis kun nas nyon mongs pa can du 'gyur mod kyi/ 'on kyang gang gi tshe bag yod pa la brten nas bsam gtan dang po la snyoms par 'jug pa na de bden pa shes pa de nyid kyi rjes thogs su phyir mi 'ong bar 'gyur te/phyi rol ba'i 'du shes med 'du shes med min skye mched la snyoms par 'jug pa bas khyad par du 'phags te phyir mi ldog pa'i chos can yin pa'i phyir/ de ltar na bden pa shes pa ni byed pa rgya che zhing 'bras bu rgya che ba yin no/ /de la 'das pa'i 'du byed skyes zin pa gang yin pa rnams dang /da ltar skyes pa gang yin pa rnams dang / ma 'ongs pa na skye bar 'gyur ba gang yin pa de dag thams cad ni kun 'byung ba'i chos can zhes bya ba ste/ de dag thams cad kyang mi rtag pa nyid kyi 'gag pas 'gog pa'i chos kyis 'gags so//'gag tu cha'o 'gag par 'gyur ro/ /gzhan yang bden pa shes pa 'thob pa ni rdo'i mchod sdong legs par btsugs pa bzhin du pha rol smra ba rnams kyis bskyod par mi nus te/ mi 'phrogs shing gzhan gyi dring mi 'jog la gzhan gyis bkri bar mi 'gyur te/ ci 'di dag ji skad zer ba bzhin du bdag gis mnyam par bya'am snyam du gzhan dag gi ngor lta bar mi 'gyur ro//ngor rtog par yang mi 'gyur te/ gang de dag las thos pa dang / kha nas byung ba de sems pa dang / 'jal ba dang nye bar rtog par mi byed do/ /gzhan dag ces bya ba ni 'di las phyi rol ba'i dge sbyong dang bram ze rnams yin par rig par bya'o//gzhan yang bden pa shes pa rim gyis byung ba bzhi po mtha' dag gis bden pa mngon par rtogs par 'gyur gyi/ gang yang rung ba ma tshang bas ni ma yin no/ /de la 'phags pa nyan thos bla na med pa'i shes rab kyi 'tsho ba dang ldan pa rnams ni 'dod pa la longs spyod pa rnams kyi g.yos su byas pa lta bur mngon par rtogs pa yongs su byas pa dang 'dra ba de la brten nas 'tsho bar byed do//sdug bsngal la sogs pa'i shes pa ma tshang ba'i shes pa gsum pa ni ldum bu sha ma'i lo ma lta bu yin no//de ma yin pa rim gyis yang dag par bsgrubs pa shes pa bzhi po thams cad yongs su rdzogs pa ni shing sA la'i 'dab ma lta bu yin par rig par bya'o/ /gzhan yang bde ba dang bcas shing yid bde ba dang bcas pas yang dag pa'i don rtogs pa dang / lus dang sems shin tu sbyangs pa'i phyir bden pa shes pa rnams kyis bden pa mngon par rtogs par 'gyur te/de la sems can dmyal bar skyes pa rnams kyi sdug bsngal ba ni rnam pa gnyis te/ mes sreg pa'i sdug bsngal ba dang / gnod pa'i sdug bsngal ba'o/ /de gnyi ga dang / tshe rabs du ma'i mi bzad pa yang bden pa shes pa med pa'i phyir thob par 'gyur ro/ /bden pa shes pas ni yang dag par 'da' bar 'gyur ro/ /bden pa shes pa de yang gal te mes sreg pa'am/ gnod pas nyen pa drag po dang phrad na ni/ tshe 'di la lus gcig chud zos pa tsam gyis thob par 'gyur te/lus brgya chud zos na yang yid dga' bar gyur bas nyams su blang bar bya na/ gcig lta ci smos/ bden pa rtogs par bya ba la ni bar du gcod pa rnam pa bzhi yod par rig par bya ste/ 'di lta ste/ ma dad pa dang / mngon pa'i nga rgyal can dang / dus gzhan du ltos pa dang bag med pa'o/ /de la ma dad pa ni bden pa mngon par rtogs pa la yid mi ches pa dang / dge 'dun gyi shin tu nan tan du bsgrub pa dang / sangs rgyas rnams kyi byang chub la yid mi ches pa'o/ /de la ma dad pa dang po spang bar bya ba'i phyir ni bcom ldan 'das nyid kyis bden pa mngon par rtogs pa mngon sum du gyur ba las dper blangs te/nyan thos rnams la/ 'di skad du ngas 'phags pa'i bden pa bzhi mngon par rtogs pa'i phyir bla na med pa yang dag par rdzogs pa'i byang chub mngon par rdzogs par sangs rgyas so zhes gsungs so//ma dad pa gnyis pa spang bar bya ba'i phyir ni 'di skad du nga dang khyed kyis bden pa de dag ma rtogs pa'i phyir/ yun ring po nas 'khor ba nas 'khor bar gyur to/ /da ni kho bo dang ni khyed rnams kyis bden pa de rnams tshul bzhin du yid la byed pas rtogs shing yang dag pa'i lta bas khong du chud de khong du chud pas na rgyu zad pa'i phyir/skye ba'i 'khor ba rnam par zad/ /tha ma'i lus 'dzin pas/ da ni yang srid par skye ba med do zhes gsungs so/ /de la ma dad pa gsum pa ni sangs rgyas rnams kyi byang chub la rnams pa 'di lta bur 'jug ste/gal te dge sbyong gau ta ma thams cad mkhyen pa yin na/ ci'i phyir dris na/ kha cig ni lan 'debs par byed/ kha cig ni lan 'debs par mi byed snyam pa'i ma dad pa de spang bar bya ba'i phyir ni shing sha ba'i lo ma phyag na 'dug pa dang / sa la lhags pa'i dpes bstan te/'di skad du ngas chos mang po mngon par sangs rgyas mod kyi don dang mi ldan pa ni mang / don dang ldan pa ni nyung ba'i phyir gzhan dag la nyung ngu bstan to zhes gsungs te/ de bas na mi mkhyen pa'i phyir lan mi 'debs pa ma yin te/ don dang mi ldan pa'i phyir yin par rig par bya'o//de la bden pa mngon par rtogs pa la mngon pa'i nga rgyal can rnams kyi mngon pa'i nga rgyal spang ba'i phyir ni 'di skad du/ mdas mda'i ltong nas ltong du phog pa dang / skra dum bu brgyar gtubs pa la rgyang ring po na 'dug pa'i mis rtse mos rtse mor phog par bya ba ni ches cha phra bas na shin tu dka'o zhes gsungs te/de bas kyang bden pa rtogs pa ni ches dka'o/ /de ci'i phyir zhe na/ 'di ltar 'dzin pa'i yid la byed pa de nyid kyis 'dzin pa de nyid rtogs te/ mgo mnyam kho nar dmigs par bya ba dang / dmigs pa po'i shes pa bskyed nas bden pa rtogs par 'gyur ba'i phyir te/de bas na de ni shin tu cha phra zhing shin tu dka' ba yin gyi mda' gzhan gyis gzhan dang / skra'i rtse mo gzhan gyis gzhan la phog par bya ba ni de lta ma yin no/ /dus gzhan du ltos pa dang / spang bar bya ba'i phyir ni/ bcom ldan 'das kyis 'di skad du/log par ltung bar gyur ba las mir 'gyur ba dkon no zhes gsungs te/ rus sbal zhar ba'i dpe yang bstan to / /de la bag med pa gang zhe na/ mdor bsdu na log pa'i sems dang / rtog pa dang / gtam mo/ /bsam par mi bya ba'i gnas la sems pa ni log pa'i sems yin par rig par bya'o//de la bdag nyid las sems pa ni 'das pa'i dus na bdag byung ngam ma byung zhig gu snyam pa nas ma 'ongs pa na zhes bya ba'i bar du rgyas par sbyar te/ nang du the tshom za zhing /bdag ji zhig las ji zhig tu 'gyur/ sems can 'di ga las 'ongs 'di nas shi 'phos nas ni gang du 'gro bar 'gyur zhig gu snyam pa'o//'jig rten la sems pa ni 'jig rten rtag go zhes bya ba nas rgyas par sbyar te de bzhin du 'jig rten ni mtha' dang ldan no zhes bya ba nas rgyas par sbyar ro/ /sems can la sems pa ni srog kyang de yin la lus kyang de yin no zhes bya ba nas rgyas par sbyar ro//sems can rnams kyi las kyi rnam par smin pa las sems pa ni de nyid byed la de nyid kyis nyams su myong ngo zhes bya ba nas rgyas par sbyar ro/ /bsam gtan pa rnams dang / sangs rgyas rnams kyis bsam gtan pa'i yul dang de bzhin 'ongs pa shi phan chad med par 'gyur ro zhes bya ba nas rgyas par sbyar ro//de dag ni kun rdzob dang don dam pa la mkhas pa yin la de dag thams cad kyang rgyu rnam pa gnyis kyis bsam par bya ba ma yin te/ bsam pa'i yul ma yin pa dang / gzhi yang med pa'i phyir ro/ / bsam pa'i yul ma yin pa'i gzhi la sems kyis yongs su tshol bar byed pa'am/ thams cad kyi thams cad du gzhi med pa yongs su tshol bas na rnyed par mi 'gyur te/ sems kun nas rmongs par 'gyur bar zad do/ /de la tshul bzhin ma yin pa'i bsam par bya ba sems pa la zhugs pa ni brgya la 'ga' zhig rgyu'i stobs dang ldan te/skyo ba'am skyo ba dang mtshungs par ldan pa yid la byed pa dang / yang dag pa la dmigs pa nang du kun du spyod du zin kyang / de ni de la yang nyes par lta zhing yang dag pa ma yin par 'du shes par 'gyur te/ de lta na 'jig rten la sems pa ni don dang ldan pa ma yin no//log pa'i rtog pa ni 'dod pa'i rtog pa la sogs pa yin par rig par bya'o/ /de la log pa'i gtam ni rnam pa drug tu rig par bya ste / 'di lta ste/ phyin ci log gi gtam dang / don med pa'i gtam dang / nyes rtsom gyi gtam dang /gzhan dag gi bzang ngan rnam par 'byed pa'i gtam dang / bzos 'tsho ba rnam par 'byed pa'i gtam dang / zas la zhen pa'i gtam ste 'di ni bag med pa zhes bya'o/ /bag med pa de spang bar bya ba'i phyir ni gang zag shin tu skal ba dang ldan pa rnams la de bzhin gshegs pa nyid yang dag par bskul bar mdzad de bag med pa myur du spong du gzhug pa'i phyir ro//bcom ldan 'das kyi nyan thos ni de ltar bden pa mngon par rtogs pa'i bar du gcod pa bzhi spangs nas/ rnam pa gsum gyis 'phags pa'i bden pa rnams 'chad par byed de/thos pa las byung ba'i shes rab kyis ni tshig gi sgo nas so/ /bsams pa las byung bas ni don gyi sgo nas so/ /bsgoms pa las byung bas ni rtogs pa'i sgo nas so/ /de la thos pa las byung bas ni ji ltar thos pa bzhin du 'di ni sdug bsngal 'phags pa'i bden pa yin no/ zhes bya ba nas rgyas par sbyar te 'chad par byed do/ /bsams pa las byung bas ni don gyi sgo nas bden pa 'di ni 'phags pa rnams kyi yin te de bas na 'phags pa'i bden pa yin na snyam nas 'chad par byed do/ /de la chos nyid kyis kyang de kho na nyid kyi don du bden la/ mos pa'i sgo nas kyang bden te/gang de kho na'i don de la bden par mos pa yin no/ /de la byis pa rnams ni chos nyid kho na'i sgo nas bden pa yin gyi mos pa'i sgo nas ni ma yin no/ /'phags pa rnams ni gnyis ka'i sgo nas bden pa yin te/ de bas na 'di ni 'phags pa'i bden pa zhes bya'o/ / de la bsgoms pa las byung ba'i shes rab kyis ni bden pa rnams la bdag nyid kyis mngon sum du bden pa shes pa thob pa nas/ shes nas dad pa thob pa yin te/ de bas na bden pa rnams dang / dkon mchog rnams la som nyi med de/ bden pa shes pa dang / shes nas dad pas gcig la gcig brten cing /gcig gang na yod pa de na cig shos kyang yod pa'i phyir ro/ /bden pa shes pa dang bral zhing bden pa rnams mngon par rtogs pa dang mi ldan pa'i dge sbyong dang bram ze rnams la ni nyes dmigs bzhi yod par rig par bya ste/ bzhi gang zhe na/ 'og ma'i char 'gro ba'i ngan song du skye ba'i rtsa ba las byung ba'i 'du byed rnams la mngon par dga' ba dang /de dang ldan pa'i las kyang byas nas ngan song dag tu skye ba'i g.yang sar ltung ba dang gzhan yang 'dod pa na spyod pa'i lha dang mi rnams kyi nang du nyon mongs pa mang pos yongs su gdungs pa'i skye ba'i rtsa ba las byung ba rnams la mngon par dga' la de dang ldan pa'i las kyis kyang der skyes nas skye ba'i yongs su gdung ba chen pos yongs su gdungs pa dang /gzhan yang gzugs dang gzugs med pa dang mtshungs par ldan pa'i ma rig pa'i mun pa'i kun nas dkris pa rnams su snga ma bzhin du skye ba'i rtsa ba las byung ba nas rgyas par skye ba'i mun pa'i bar du yang ltung bar 'gyur ba dang /gzhan yang yul gyi longs spyod las kyang nyams la/ mya ngan las 'das pa'i lam las kyang nyams te/ bar ma dor 'jig rten gyi lam gsum du lhung ba bzhin du lta ba'i mun pa 'di lta ste/rtag par lta ba'am/ chad par lta ba'am/ tshe 'di la mya ngan las 'da' bar lta bar lhung nas de'i rgyu de dang de'i rkyen des khams gsum gyi skye ba'i mun par ltung bar 'gyur te/ ma rig pa'i mun pas bsgribs pa'i phyir bdag nyid kyi lta ba bzung ba la log pa yin par yang dag pa ji lta ba bzhin du mi mthong ngo //snga ma bzhin du yan lag lngas yongs su zin pa'i spong ba la ni bden pa rnams yang dag pa ji lta ba bzhin du snang bar 'gyur bar rig par bya'o/ /bden pa rnams la mi mkhas pa kha cig ni las gnag la rnam par smin pa yang gnag pa sems can dmyal ba dang dud 'gro dang yi dags su skye bar 'gyur bar byed cing sogs te/de dag las der 'phangs nas khar ba'i drung lta bu'i sems can dmyal ba rnams dang / dbus lta bu'i dud 'gro rnams dang / thor tho lta bu'i yi dags rnams su ltung bar 'gyur ro//de bzhin du las dkar nag 'dres la rnam par smin pa yang dkar nag 'dres pa byas shing bsags nas/ las 'dres ma des 'phangs te/ khar ba lta bur mi gtsang ba dang 'dra ba'i ngan 'gro'am/ gtsang ba dang 'dra ba'i bde 'gror skye bar 'gyur ba'am/de bzhin du las dkar la rnam par smin pa yang dkar bar byas nas/ las des 'gro ba lnga dang ldan pa'i 'khor ba'i las dang 'brel pa der skyes te/ tshe zad cing las zad nas yang gzugs dang gzugs med pa'i khams nas shi 'phos te/ phyir log nas 'gro ba lnga dang ldan pa'i 'khor bar 'khor lo dum bu lnga pa lta bur yongs su 'khor ro//kha cig ni 'jig rten pa'i lam gyis srid pa'i rtse mo'i bar du khyad par du 'phags pa gzhan dag kyang ston par byed mod kyi/ 'on kyang bstan pa de ni yang dag par khyad par du 'phags par byed pa ma yin par rig par bya'o//de ci'i phyir zhe na/ khyad par du 'phags pa de la ni gcig tu nges pa med pa'i phyir ro/ /de bzhin gshegs pa rnams kyi 'phags pa'i bden pa dang ldan pa ni khyad par du 'phags par gcig tu nges pa'i phyir yang dag par khyad par du 'phags par byed pa'i bstan pa yin par rig par bya'o//kha cig 'jig rten pa'i srid pa'i rtse mo man chad kyi shes pas mkhas pa de dag ni yang dag par mkhas pa ma yin te/ snga ma bzhin no/ /bden pa shes pas mkhas pa gang yin pa de dag ni yang dag pa'i mkhas pa yin te/ bden pa shes pa bzhi las bden pa shes pa dang po ni bden pa rnams rim gyis mngon par rtogs par bya ba la rtsig rmad lta bu'o//gnyis pa ni rtsig pa lta bu'o/ /gsum pa ni bla gab lta bu'o/ /bzhi pa ni bla gab phyur po lta bu'o/ /bzhi po de dag ni shes rab kyi khang bzangs chen po'i steng du 'gro ba la them skas kyi them pa bzhi lta bu yang yin no//rnam par grol ba'i mya ngan las 'das pa'i skas rnams kyi skas kyi them pa ni shes pa de dag nyid yin par rig par bya'o/ /sred pa gsum ni bdud sdig can gyi 'khor ba'i rgya mtsho chen por skyes pa'i srog chags rnams bzung ba'i rtsol ba lta bu yin te/bdud kyi rtsol ba de dag gis kyang sems can rnam pa gsum ni gzung bar mi nus te/ de dag kyang chung ngu'i ni rgyun du zhugs pa rnams so/ /'bring ni de ma yin pa'i slob pa rnams so/ /chen po'i ni mi slob pa rnams so/ /rgyun las bzlog pa'i lam la zhugs pa dang /ci dga' mgur byar med pa'i phyir ro/ /bden pa mthong ba'i gang zag slob pa dang dgra bcom pa'i ni nga rgyal las gyur pa dang / nga rgyal las byung ba'i sdug bsngal spangs pa'i phyir sdug bsngal nyung ngu ni lus phal cher ni spangs so/ /nga rgyal las byung ba ji lta ba de bzhin du sred pas bskyed pa dang /lus dang ngag dang yid kyi las dang / 'dod chags dang / zhe sdang dang / gti mug gis bskyed pa'i sdug bsngal yang nyung ngu ni lus phal cher ni spangs te/ dper na rdo'i gseg ma dang gangs ri bzhin te/ nga rgyal las byung ba ni de tsam zhig lus pa dang spangs par rig par bya'o//dper na rdzing gi nang nas chu'i thigs pa gnyis sam gsum phyogs gcig tu bor ba dang / rdzing chen po'i nang na 'dug pa'i chu bzhin du gzugs med pa na spyod pa'i sred pas bskyed pa'i sdug bsngal lus pa dang spangs pa yang de dang 'dra bar rig par bya'o//dper na mtsho chen po dang lteng ka'i dpes ni snga ma bzhin du gzugs kyi srid pas bskyed pa'i sdug bsngal lus pa dang spangs par rig par bya'o/ /rgya mtsho chen po'i dpes ni snga ma bzhin du 'dod pa na spyod pa'i sred pas bskyed pa'i sdug bsngal lus pa dang spangs par rig par bya'o//gangs ri dang /gser gyi ri dang / ri rab dang / sa chen po'i dpe dang / gseg ma'i dpe drug dang / 'ji ba'i gong bu'i dpes ni lus dang / ngag dang /yid kyi las dang / 'dod chags dang / zhe sdang dang / gti mug gis bskyed pa'i sdug bsngal snga ma bzhin du lus pa dang spangs par rig par bya'o //de ltar na bden pa mngon par rtogs pa ni sdug bsngal phal cher dang bral la nyung ngu lus pa'i phyir don che ba yin par rig par bya'o/ /de la slob pa'i ni lha dang mi rnams kyi nang du de ltar thogs na skye ba bdun gyi sdug bsngal lus te/ngan song gi ni thams cad las 'das so/ /mi slob pa'i ni tshe 'di'i phung po tsam zhig lus te gzhan thams cad las 'das so/ /lus gang la gnas pas bden pa rnams mngon par rtogs par 'gyur ba'i lus de yang dkon no/ /mig dang ldan zhing bden pa mthong ba'i slob pa de dag kyang dkon no//thos pa las byung ba dang bsams pa dang bsgoms pa las byung ba'i shes rab kyang dkon te/ des na chos 'dul ba 'di go rims bzhin du kun du shes shing / rnam par shes la rab tu shes te/ kun shes pas ni yid ches par 'gyur ro//rnam par shes pas ni mos par byed do/ /rab tu shes pas ni chos rnams mngon par rtogs par 'gyur ro/ /bden pa mngon par rtogs pa'i tshogs su gyur pa'i dge ba zag pa dang bcas pa'i chos 'di lta ste/mar 'dzin pa la sogs pa dang / dge ba bcu'i las kyi lam de dag kyang dkon no//dal ba phun sum tshogs pa yang dkon no/ /'jig rten pa'i yang dag pa'i lta ba la sogs pa dang / rnam par grol ba'i ye shes la thug pa man chad kyi chos bcu po de dag kyang dkon no/ /slob pa de dag nyid dang mi slob pa de dag nyid kyang de dang 'dra'o//de la byas pa gzo ba'i skyes bu'i gang zag ni pha ma la bsnyen bkur bya ba'i rigs par yang dag pa ji lta ba bzhin du rab tu shes nas bsnyen bkur byed de/ de ltar na phar 'dzin pa dang / mar 'dzin pa yin no/ /bdag la phan par 'dod pa'i skyes bu gang zag ni dge sbyong dang bram ze yon tan can gzhan dag la yon gnas yin par yang dag pa ji lta ba bzhin du rab tu shes nas ci rigs par ri mo byed pa 'di ni dge sbyong du 'dzin pa dang /bram zer 'dzin pa yin no/ /brkam chags med pa dang / le lo med pa'i skyes bu gang zag ni bu dang chung ma dang bran dang bran mo la sogs pa bu snad kyi 'khor la 'di dag ni bdag la brten pa ste/bdag dpung gnyen yin pas na bdag gi bde bas ni bde la bdag gis sdug pas ni sdug par 'gyur ba yin no snyam du rig nas/ dus dus su legs par zas dang gos sbyin pa dang / nad kyi gsos sman gyis sdud par byed do/ /de dag gi don gyi phyir bdag nyid kyang spro bar byed cing nyams su len par byed de/ thams cad gzhan la yongs su mi tshol lo/ /bgo bsha' byed pa'i ngang tshul can yang yin no/ /don med par yang longs spyod rnams chud gzon par mi byed do//gnas ma yin par yang sko bar mi byed do/ /gnas ma yin par yang sko bar mi byed do/ /ches rgan zhing bla ma lta bur gyur pa rnams la yang rjes su mthun par byed do/ /'di ni rigs kyi rgan rabs la rim gro byed pa'o/ /bdag dang gzhan rnams kyi don yang byed de chos bzhin du byed kyi chos ma yin pas ni ma yin te/de ltar na don byed pa dang / bya ba byed pa yin no/ /tshe 'di la sdig pa'i las byas na gzhan gyi nyes pa 'di lta ste/ gsod pa'am 'ching ba'am chad pas gcod pa'am/ dmas pa'am/ smad pa yang dag par mthong na so sor brtags nas mi byed pa 'di ni 'jig rten 'di'i kha na ma tho ba la 'jigs par lta'o//sdig pa'i kun du spyod pa byas na 'jig rten phyi ma la ngan song gi sdug bsngal dang / gzhan yang phongs pa'i sdug bsngal myong bar 'gyur ba yang dag par mthong nas so sor brtags te mi byed pa 'di ni 'jig rten pha rol gyi kha na ma tho ba la 'jigs par lta ba'o //dus dus su sbyin pa las byung ba'i bsod nams bya ba'i dngos po yang dag par blangs te 'dug go/ /bsod nams rnam pa sna tshogs kyang byed de/ 'di lta ste/nad g.yog bya ba dang / dus la bab na zhal ta byed pa dang / de lta bu dang mthun pa'i bsod nams byed do/ /nyin zhag gcig dang ji srid 'tsho'i bar du tshul khrims yang dag par len par byed do/ /de bas na sbyin pa dag sbyin zhing bsod nams dag byed la bsnyen gnas la gnas shing tshul khrims yang dag par blangs te 'dug pa zhes bya'o//las kyi lam bcu las zung dang sum phrugs la sogs pa'i bye brag gis spel mar ston te/ 'di lta ste/ thos pa dang bsam pa gnyis kyis de dang ldan pa'i yid la byed pa'am mang du bya ba'i phyir ro//sems can ngan song du skyes pa rnams de nas thar bar dka' ba dang / bde 'gror skyes pa rnams myur ba myur bar de dang bral bar 'gyur ba'i phyir ni dal ba phun sum tshogs pa dkon par rig par bya'o/ /de la bden pa mthong bas ni spyir na yang dag pa'i lta ba skye bar 'gyur te/'das pa'i dus na ni skyes zin to/ /de ltar byung ba'i dus la bab pa na ni skyes so/ /ma 'ongs pa'i dus na ni phyis bskyed par bya ba yin no/ /kun du bsten cing bsgoms la mang du byas pa'i don ni snga ma bzhin du rig par bya'o/ /'jig rten pa'i gang yin pa de ni rjes su bsrung bar bya ba yin no//slob pa'i gang yin pa de ni nyon mongs pa spangs pa'i 'bras bu dang bcas te rig par bya ba yin no/ /mi slob pa'i gang yin pa de ni rang gi nyon mongs pa dang bral ba'i 'bras bu dang bcas te mngon sum du bya ba yin no/ /yang dag pa'i lta ba ji lta ba bzhin du rnam par grol ba'i ye shes kyi bar du yang de dang 'dra bar rig par bya'o// // rnal 'byor spyod pa'i sa las gzhi bsdu ba / bam po bcu bdun pa/ spyi sdom ni/ bsdus pa'i don dang gsum bdun bsdus/ /rang bzhin tshor ba tha ma yin/ /sdom ni/ bsdus pa yi ni don rnams dang //rang gi rigs kyi dbye ba dang / /'dra ba'i rjes su 'jug pa dang / /chol ba gsum ni tha ma yin/ /mdor bsdu na khams ni gnyis yod de/ rang bzhin gyis gnas pa dang / goms pas yongs su brtas pa'o/ /de la rang bzhin gyis gnas pa ni ji ltar khams bco brgyad po 'di dag so sor nges par rgyud la yod pa'i sa bon no//de la goms pas yongs su brtas pa'i khams ni dge ba'am mi dge ba'i chos sngon gyi skye ba gzhan dag tu kun tu brten pa gang yin pa de dag yang dag par grub par bya ba'i phyir/ da lta sa bon yongs su brtas pa rten la gnas pa yin te/des na de rkyen chung ngu tsam la yang dmigs nas des bkri zhing des 'gro bar 'gyur ro/ /mdor bsdu na khams bco brgyad po dmigs pa 'di dag ni 'dir khams re re zhing yang las dang 'gro ba dang sems can sna tshogs kyi rnam pa'i bye brag gis tshad med par rig par bya ste/dper na cho lo rnams kyi cho lo'i phung po chen po ni rigs gcig pa'i phyir phung por gtogs pa'i cho lo rnams la gcig tu brjod mod kyi/ cho lo de dag ni tshad med pa de bzhin du/ khams re re zhing yang tshad med mod kyi rigs gcig pa'i phyir re rer bstan par mdzad do//khams de yang mos pa'i stobs kyis yang dag par 'grub par 'gyur te/ sngon sdig pa la mos pa ni sdig pa can yin no/ /dge ba la mos pa ni dge ba yin no/ /de ci 'dra bar yang dag par 'grub par gyur pa de ni/ de dang chos mthun pa pa'i sems can rnams 'ba' zhig dang lhan cig tu spyod cing dga' la gnas par byed pa dang /lta ba mthun par 'dzin pa dang / de la mos par byed de/ de bas na khams kyi sgo nas sems can rnams 'du bar 'gyur zhes bya'o/ /de la tshangs par spyod pa tshol ba'i dbang du byas nas dad pa ni dang por brjod do//de'i 'og tu tshul khrims yang dag par len par byed do/ /de nas bdag dang gzhan la brten te/ kha na ma tho ba kun du spyod pas ngo tsha bar 'gyur ro/ /de nas dge ba'i chos rnams rtag tu bsgom pa la brtson 'grus rtsom mo/ /byas nas yun ring du lon pa dang smras nas yun ring du lon pa yang mi brjed do//de gnyis la brten nas sems mnyam par gzhag go/ /sems mnyam par gzhag na yang dag pa ji lta ba bzhin du rab tu shes te/ 'di ni dad pa'i sgo nas go rims bzhin du bslab pa gsum po lhag pa'i tshul khrims dang /lhag pa'i sems dang / lhag pa'i shes rab 'byung bar 'gyur ro/ /de rnams kyi tshogs kyi lam ni 'jig rten pa'i yang dag pa'i lta ba dang / gtong ba dang / gso sla ba dang / dgang sla ba dang / 'dod pa nyung ba dang / chog shes pa dang / bsdu ba'i dngos po bzhi'o//gso sla ba la sogs pa'i don ni 'di lta ste/ nyan thos kyi sa las 'byung ba bzhin te/ de ni tshangs par spyod pa tshol ba yongs su rdzogs pa yin par rig par bya'o/ /de la tshangs par spyod pa tshol ba'i khams de dang ldan pa'i sems can rnams ni de dang mthun pa rnams 'ba' zhig dang 'dri bar byed kyi/de dang mi mthun pa'i khams dang ldan pa rnams dang ni ma yin no/ /'bras bu ni rgyu la rag las kyi/ rgyu ni 'bras bu la rag las pa ma yin te/ de bas na ma rig pa'i khams dang 'brel pa'i skye mched drug gi khams la brten nas rten gyi bye brag gis ma rig pa'i 'dus te reg pa rnam pa sna tshogs 'byung ngo //ma rig pa'i 'dus te reg pa rnam pa sna tshogs la brten nas ma rig pa'i 'dus te reg pa las byung ba'i tshor ba rnam pa sna tshogs 'byung ngo / /ma rig pa'i 'dus te reg pa las byung ba'i tshor ba rnam pa sna tshogs la brten nas ma rig pa'i 'dus te reg pa las byung ba'i tshor ba'i rkyen gyis sred pa/sred pa'i rkyen gyis len pa nas rgyas par sdug bsngal gyi phung po chen po'i bar du kun 'byung bar 'gyur te/ 'di ni srid pa tshol ba'i sgo nas khams rnam par gzhag pa yin par rig par bya'o/ /ma rig pa'i khams dang 'brel pa'i skye mched drug gi khams nyid la brten nas ma rig pa'i 'dus te reg pa 'byung ngo //ma rig pa'i 'dus te reg pa la brten nas yul la tshul bzhin ma yin pa'i mtshan ma dang rtags 'dzin pa'i 'du shes 'byung ngo / /'du shes de la brten nas yul de la 'dod pa skye'o//'dod pa la brten nas de'i rjes su mthun pa'i chos la mang du rjes su rtog pa 'byung ngo / /de'i rjes su mthun pa'i chos la mang du rjes su rtog pa la brten nas/ gdung ba dang / mi dga' ba dang / yid mi bde ba las gyur pa'i lus dang sems yongs su gdung ba 'byung ngo //de la brten nas yul yongs su tshol ba rnam pa sna tshogs 'byung bar 'gyur te/ 'di ni 'dod pa tshol ba'i sgo nas khams rnam par gzhag pa yin par rig par bya'o/ /sdom ni/ gsum dang bdun ni bsdus pa dang / /'du shes 'phags pa sna tshogs gzhag/ nang du yang dag 'jog pa dang / /byis pa rnams ni tha ma yin/ /khams ni gsum ste/ gzugs kyi khams dang / gzugs med pa'i khams dang / 'gog pa'i khams so/ /gzhan yang khams ni bdun te/'od dang / dge ba dang / gzugs med pa bzhi dang / 'gog pa'o/ /de la gzugs kyi khams kyis ni 'od dang dge ba bsdus so/ /gzugs med pa'i khams kyis ni gzugs med pa bzhi bsdus so/ /'gog pas ni 'gog pa nyid bsdus so/ /de la gzugs kyi 'dod chags ni mthong ba dang myong bas rab tu phye ba'i phyir gzugs kyi khams thams cad du 'od dang dge ba'i khams rnam par gzhag par mdzad do//khams bdun po 'di rnams kyi yongs su shes pa yang rig par bya'o/ /thob par bya ba'i thabs kyang rig par bya'o/ /thob pa yang rig par bya'o/ /gang gi phyir thob pa de yang rig par bya'o//de la khams de rnams ni rgyu bzhi las yongs su shes te/ mi mthun pa'i phyogs dang gnyen po'i phyogs kyi sgo nas dgra zla yod pa dang / chung ngu dang / tshad med pa dang / yod pa dang / med pa dang / bla na yod pa dang / bla na med pa'i phyir ro/ /de la mun pa la brten nas 'od yod do//mi dge ba la brten nas dge ba dang / gzugs kyi rnam pa la brten nas nam mkha' yod de/ 'di dag ni dgra zla dang bcas pa'i mi mthun pa'i phyogs la ltos nas 'dogs te/ de la ltos nas de dag tu blo 'jug par 'gyur ba'i phyir ro/ / rnam shes mtha' yas ni mtha'i rnam pa chung ngu la dmigs pa'i rnam par shes pa la brten nas yod do/ /ci yang med pa ni dngos po med pa tsam gyi phyir ro/ /'du shes med 'du shes med min skye mched ni srid pa bla na med pa/ srid pa thams cad kyi rtse mo la brten nas yod do//'gog pa'i khams ni 'jig tshogs dang ldan pa'i nyon mongs pa thams cad spangs pa la brten nas yod do/ /srid pa'i rtse mo ni srid pa'i nang na bla na med pa'i phyir ro/ /'gog pa'i chos thams cad kyi nang na bla na med pa'i phyir ro/ /'du shes kyi snyoms par 'jug pa ni 'du byed ces bya'o//de la khams lnga ni ci yang med pa'i skye mched man chad 'du shes kyi snyoms par 'jug pa'i phyir/ 'du byed kyi snyoms par 'jug pas thob par bya ba yin te/ 'di lta ste/ 'od kyi mtshan ma bzung nas 'od dang bcas pa'i 'du shes dang ldan pa'i ting nge 'dzin sgom par byed do//dge ba dang / nam mkha' dang / rnam shes mtha' yas dang / ci yang med pa yang de dang 'dra'o/ /'du shes med 'du shes med min skye mched ni 'du shes cha phra ba'i phyir srid pa'i nang na zhi ba 'di dag ni mchog yin no snyam pas mos pa ni mtshan ma med pa yid la byed pas snyoms par 'jug ste/de bas na de ni srid pa'i rtse mo'i snyoms par 'jug pas thob par bya ba yin no/ /'gog pa'i khams kyang mtshan ma thams cad yid la mi byed pa dang / mtshan ma med pa'i khams yid la byed pas na 'jig tshogs la 'gog pa'i snyoms par 'jug pa mtshan ma med pas thob par bya ba yin gyi 'du byed kyi snyoms par 'jug pas ni ma yin te/de ltar na 'di dag ni thob par bya ba yin no/ /snyoms par 'jug pa de dag ni gzugs dang gzugs med pa'i 'dod chags yang dag par bcom pa dang / rjes su chags pa med pa dang / khong khro ba med pa dang / rnam par grol bas gnas pa dang / gnas pas rnam par grol ba yin pa'i phyir ji ltar dga' ba bzhin thob pa dang / las su rung ba dang / dbang byed pa yin te/ 'di ni khams de rnams kyi thob pa yin no/ /thob pa ni rnam par thar pa brgyad la bsam gtan par 'gyur bar byed pa yin par rig par bya'o//de la khams dang po thob pas ni rnam par thar pa dang po dang gnyis pa la bsam gtan par 'gyur ro/ /gnyis pas ni rnam par thar pa gsum pa la bsam gtan par 'gyur ro/ /lhag ma lngas ni go rims bzhin du rnam par thar pa lnga la bsam gtan par 'gyur ro//'di las phyi rol pa'i mu stegs can rnams ni gnas gsum du khyad par du 'gro bar bya ba'i phyir slob ma rnams la chos ston te/ kha cig la ni ngan pa ste/ 'dod pa'i khams su mi skal ba can yan chad gzhan 'phrul dbang byed kyi lha man chad du skye bar 'gyur ba'i lam ston par byed do//kha cig la ni 'bring ste/ gzugs kyi khams su tshangs pa'i 'jig rten dang skal ba mnyam pa lta bu dang / kha cig la ni gya nom pas te/ gzugs med pa'i khams su 'du shes med 'du shes med min skye mched kyi bar du skye bar 'gyur ba'i lam ston par byed do//de dag gi khams ngan pa la brten pa de ni ngag ngan pa yin no/ /'bring la brten pa ni 'bring ngo / /gya nom pa la brten pa ni gya nom pa'o/ /de dag gi slob ma chos de thos nas de bzhin du 'dzin pa gang yin pa de ni de dag gi 'du shes ngan pa dang 'bring dang gya nom pa'o//ji tsam du 'dzin pa de tsam du de dag gis bzod pa dang / 'dod pa gang yin pa de ni de dag gi lta ba ngan pa dang 'bring dang gya nom pa'o/ /de dag de ltar bzod par gyur cing de ltar lta bar gyur pas skye ba'i gnas de dang de dag tu bde ba dang mchog yin par mos nas/de dang ldan pa'i las byed pa de ni de dag gi sems pa ngan pa dang 'bring dang gya nom pa'o/ /de dag gis las de byas nas skye ba de don du gnyer bar byed do / /de ni de dag gi don du gnyer ba ngan pa dang 'bring dang gya nom pa'o/ /de dag gis de don du gnyer ba na tshangs par spyod pa la gnas pa de der yongs su sngo bar byed de/de ni de dag gi smon lam ngan pa dang 'bring dang gya nom pa'o/ /ston pa po gang yin pa dang / nan tan du sgrub pa po gang yin pa'i gang zag de gnyis kyang ngan pa dang 'bring dang gya nom par rig par bya'o/ /ston pa po de dang /nan tan du sgrub pa po de dag kyang gzhan rnams la ngan pa dang 'bring dang gya nom pa rjod par byed de/ de dag kyang de dang 'dra ba nyid du skye bar 'gyur ro/ /gong nas gong du skye ba'i khyad par la ltos nas de dag gi khams ngan pa dang 'bring dang gya nom pa rnam par gzhag gi mya ngan las 'das pa las ltos na ni khams rnam pa gsum char yang ngan pa yin no//de la de bzhin gshegs pa'i ni yang dag pa'i gya nom pa'i khams la brten nas gsung ba yang gya nom pa kho na'o/ /de ma yin pa'i chos rnams kyang ci rigs par rig par bya'o/ / bcom ldan 'das kyi nyan thos chos kyi rjes su mthun pa'i chos de la nan tan du sgrub cing mngon par rtogs par byed pa gang yin pa de dag gi bgrod pa gang yin pa de dag ni 'phags pa rnams kyi yin te/ 'di lta ste/ tshe 'di la mya ngan las 'da' ba'o/ /de la sngon mu stegs can du gyur pa las 'chi ba'i dus byas nas 'dir skyes te nar son pa'i rgyu rkyen tshogs pa la brten nas legs par gsungs pa'i chos 'dul ba la rab tu byung ba gang yin pa de ni sngon gyi mu stegs can gyi lta ba de nyid kyis kun du rmongs pas da ltar ma rig pa'i khams chen po yang dag par 'grub par 'gyur te/des na mya ngan las 'das pa la yang som nyi za bar 'gyur la/ ston pa la yang som nyi za nas sngon gyi rgyu des chos 'dul ba 'di las phyir ldog cing nyes par bshad pa de nyid la slar ldog ste/ de'i ngag ni phyir yang ngan par gyur pa nas rgyas par sngar bstan pa bzhin du thams cad rig par bya'o//gsum po 'di dag ni mu stegs can gyi gnas rnams su mu stegs can gyi slob ma rnams lta ba'i rnam pa tha dad par 'dogs pa rnams la bzod pa'i sgo nas lta ba'i rten du dmigs pa ste/ de dag ni chos 'di pas kun nas dkris pa dang / bag la nyal gyi sgo nas spong bar byed de/kun nas dkris pa'i sgo nas spong ba na ni de yang spong ba gang gis tshe 'di la gzhan dag dang 'gyed de rtsod cing 'dug par 'gyur ba gzhan yang mi len to/ /nyes rtsom smra ba ni bdag dang gzhan rnams la yang gnod pa dang ldan par rig nas bag la nyal gyi sgo nas spong ngo //bag la nyal de spong ba na yang de'i rgyu las byung ba'i kun nas dkris pa gzhan yang gtan mi len to/ /de la mu stegs can gyi gnas rnams su lta ba'i rnam pa 'dogs pa ni 'di rnams yin te/ 'di lta ste/ 'jig rten rtag go zhes bya ba nas rgyas par de bzhin 'ongs pa shi phan chad med par 'gyur ro//med par mi 'gyur ro zhes bya ba'i bar rnams so/ /de la mu stegs can gcig ni yid rtul zhing blong ba yin te/ de ni bdag nyid kyi slob dpon nam/gzhan gyis ci tsam du bslabs pa de tsam du dpyod par mi byed de mchog tu 'dzin cing mngon par zhen nas 'di 'ba' zhig bden gyi gzhan ni gti mug pa'o zhes de lta ba'i rnam pa thams cad bzod par byed pa 'di ni lta ba'i rten dang po'o//gzhan yang mu stegs can gyi slob ma gcig ni dbang po 'bring ste/ yid rtul zhing blong ba yang ma yin la bdag nyid kyis chos rnams la gzhig pa dang brtag pa dang /dpyad pa la gsal ba yang ma yin te/ de ni sgra ji lta ba bzhin du mos pa ma yin mod kyi 'on kyang lta ba'i rnam pa phan tshun mi mthun pa dag las gang yang rung ba la dad de de lta ba'i rnam pa kha cig ni mi bzod pa 'di ni lta ba'i rten gnyis pa'o/ /gzhan yang mu stegs can gcig ni dbang po rno ba'i rang bzhin can yin te/rang gis gzhig pa dang brtag pa dang dpyod pa la gsal ba yin pas de ni lta ba'i rnam pa de dag log par gzhung gtsugs pa yin pa'i phyir thams cad la mi 'thad par mthong nas thams cad mi 'dod de/ de ni lta ba'i rnam pa de dag thams cad mi bzod do//gang zag de la yang gnyis yod de/ gcig ni log par lta ba la spyod pa yin te/ shes par 'dod pa'i bsam pa can ma yin no/ /cig shos ni yang dag pa'i lta ba spyod pa yin la/ rang bzhin gyis kyang shes par 'dod pa'i bsam pa can yin no/ / de la thams cad mi bzod pa'i gang zag dang po ni rjes su dpag pa tshul bzhin ma yin pa de nyid kyis legs par gsungs pa'i chos 'dul ba la yang ma spyad pas mi 'thad par brtags nas/ 'phags pa la skur pa 'debs par byed de/ med par lta'o/ /de ni lta ba'i rnam pa thams cad mi bzod pa gang yin pa de dag sun dbyung ba dang gzhig pa dang mi mthun par bya ba'i phyir sun 'byin pa dang ldan pa'i lta ba'i rnam pa dag byed cing ston te/'di lta ste/ lta ba de 'dzin pa rnams dang / lhan cig 'gyed pa dang / rtsod pa dang / 'tsho bar 'gyur ba 'di ni lta ba'i rten gsum pa'o//thams cad mi bzod pa'i gang zag cig shos ni gang zag snga ma shos kyi thams cad mi bzod pa'i lta ba de yang mi 'dod la shes par 'dod pa'i sems nye bar gzhag nas legs par gsungs pa'i chos 'dul ba pa'i thad du song ste/ de bzhin gshegs pa'am/ de bzhin gshegs pa'i nyan thos kyi mdun du bdag ni thams cad mi bzod do zhes yang dag pa ji lta ba bzhin du bdag nyid ston par byed de/de'i shes par 'dod pa'i bsam pa yod pa dang / de'i blo gsal ba'i phyir shin tu skal ba dang / ldan pa yin par de bzhin gshegs pa'am/de bzhin gshegs pa'i nyan thos kyis rtogs te/ sems kyis sems khyab par byas nas gang zag snga ma shos las brtsams te/ ci khyod thams cad mi bzad pa'i lta ba 'di yang mi bzod dam zhes phyir 'dri bar byed do / /des kyang yang dag pa ji lta ba kho na bzhin du phyir lan 'debs par byed do//de yang de bzhin gshegs pas chos 'di pa'i nyan thos kyi skye bo'i tshogs thams cad dang mthun par gzengs bstod par mdzad de/ khyod ni skye bo mang po dang mthun te bdag cag thams cad ni mi bzod pa'i lta bde dang bcas pa lta ba'i rnam pa de dag thams cad mi bzod do//gal te khyod kyang skye bo'i tshogs 'dis lta ba'i rten kun nas dkris pa dang bag la nyal dang bcas par thams cad spangs nas/ phyi ma la lta ba'i kun nas nyon mongs pa thams cad kyi rgyur mi 'gyur ba ji lta ba bzhin du gyur na ni khyod kyang de dang khyad par med par 'gyur ro//khyod dang 'dra ba de dag ni nyung ngo / /thams cad mi bzod pa'i lta ba de kun nas dkris pa dang bag la nyal dang bcas par spangs nas gtan du len par mi byed pa gang yin pa de dag ni nyung ngu de dag pas kyang ches nyung ngu zhes gzengs bstod par mdzad do/ /de ltar na de bzhin gshegs pa'am/de bzhin gshegs pa'i nyan thos des mu stegs can gyi slob ma de shes pa dang mthong ba la 'dod pa skyed de/ 'di lta ste/ de bzhin gshegs pa dang de bzhin gshegs pa'i nyan thos de dag 'di ltar shes pa dang mthong ba dang ldan pa bzhin du bdag kyang kun nas dkris pa dang bag la nyal dang bcas par ji ltar spongs par 'gyur zhig gu snyam ste/shes pa dang mthong ba la de dag gi 'dod pa skyes par de bzhin gshegs pas thugs su chud nas/ sems la yod pa'i 'dod pa de yang dag par bskul bar mdzad do/ /des kyang khas len par byed do//de bzhin gshegs pas so sor brtags pa'i stobs dang / bsgom pa'i stobs kyi gnyen po la brten nas/ ji ltar chos 'di pa kun nas dkris pa dang bag la nyal ba dang bcas par spong ba de bzhin du kun nas dkris pa dang / bag la nyal spang bar bya ba dang / shes pa dang mthong ba thob par bya ba'i phyir de la chos ston to//de la 'phags pa nyan thos ni lta ba'i rten de rnams phan tshun mi mthun pas de'i rgyu las 'gyed pa dang / rtsod pa dang / rnam par 'tshe ba ni bdag dang gzhan rnams la yang gnod pa dang ldan pa yin par so sor brtags nas thams cad kyi thams cad du khas mi len cing dris na yang lan mi 'debs so//de ltar nyes dmigs de lta bu mthong nas so sor brtags pa'i stobs la brten pas kun nas dkris pa spong bar byed de/ des ni lta ba'i rten de dag kyang spangs la/ yang dag pa'i lta bar gyur pas/ de ma yin pa'i lta ba'i rten yang 'byung bar mi 'gyur ro//de de ltar kun nas dkris pa'i sgo nas bag la nyal bsal ba'i phyir lus kyi rnam pa'i dran pa sgom par byed de/ gzugs can gyi lus mi rtag par mthong la/lus la mngon par zhen pa las kyang sems yongs su dag par byed de/ rang gi rgyud du gtogs pa'i tshor ba'i gnas skabs de yang mi rtag pa nyid kyi sgo nas mi rtag par mthong ngo / /ming dang gzugs yang dag pa ji lta ba bzhin du yongs su shes pas ni zag pa rnams las sems rnam par grol bar 'gyur la/ lus dang bral nas kyang phyi ma la tshor ba thams cad 'gag par mthong ste/ lus la 'jig pa'i 'du shes kyis gnas so/ /ji srid 'tsho ba de srid du ni mi ldan pa'i tshor ba myong ste/ de ltar na bsgoms pa'i stobs la brten pas bag la nyal spong ngo / /de la 'dod chags dang zhe sdang dang gti mug rnams ni phyi ma la skye ba la sogs pa'i sdug bsngal dang phrad par 'gyur ba dang /tshe 'di'i las kyi kun nas nyon mongs par 'gyur ba dang / ma 'ongs pa'i kun nas nyon mongs pa'i dngos po la mngon par dga' bar 'gyur ba dang / 'das pa por zin pa len par 'gyur ba dang /da ltar lhag par zhen par 'gyur ba yin no/ /de la 'gyed pa ni yid kyis sdang ba'o/ /rtsod pa ni ngag gis sdang ba'o/ /rnam par 'tshe ba ni gsum gyis gnod par byed pa'o/ /mi rtag pa la sogs par rjes su mthong ba ni 'di lta ste/ nyan thos kyis las 'byung ba bzhin no//mi sdug pa dang / byams pa dang / snying rje bsgoms pa'i mi mthun pa'i phyogs 'dod pa'i 'dod chags dang / gnod sems dang / rnam par 'tshe ba ma spangs pa'i phyir gnas la yod pa de'i phyogs dang mthun pa gnas ngan len sa bon lta bu gang yin pa de skye bar 'gyur ba'i phyir ni ci rigs par 'dod pa dang /gnod sems dang / rnam par 'tshe ba'i khams zhes bya ste/ de yod na 'dod pa dang / gnod sems dang / rnam par 'tshe ba dang mthun pa'i yul yang mngon sum du gyur pa dang / yul rnam pa gsum po de dag la yang tshul bzhin ma yin pa yid la byed par gyur na tshul bzhin ma yin pa'i mtshan ma dang rtags 'dzin pa'i 'du shes skye bar 'gyur ro//skyes pa de dang du blangs pa las ni tshe 'di dang tshe phyi ma'i nyes dmigs gnyis su 'gyur bar rig par bya'o/ /de la dang du len pa ni gang yin/ tshe 'di'i nyes dmigs ni gang yin tshe phyi ma'i nyes dmigs ni gang yin zhe na/gal te 'du shes skyes pa de'i dbang du byas pas / snga ma bzhin du de dang 'dra ba'i 'dun pa dang / yongs su rtog pa dang / yongs su gdung ba dang / yongs su tshol ba skyed par byed na ni de lta na des 'du shes de dag dang du blangs pa yin no//yongs su tshol bar byed pa na ni gnas gsum gyi sems can rnams la log par sgrub par 'gyur te/ de'i rgyus na de las skyes pa'i tshe 'di la sdug bsngal ba dang yid mi bde ba'i rgyur 'gyur te/ des na sdug bsngal dang bcas pa yin no/ /rgyur ma gyur na yang mngon sum kho nar 'gyur te/de bas na phongs pa dang bcas pa yin no/ /sdug bsngal ba dang bcas/ phongs pa dang bcas pa de yang rkyen gnyis las 'gyur te/ gzhan gyi lag pa dang / bong ba dang / dbyug pa dang / mtshon cha dang / ngag rtsub po'i dbang gis byung ba ste/ des na gnod pa dang bcas pa zhes bya'o/ /nang gi kun nas nyon mongs pa can du gnas pa'i dbang gis byung ba ste/ des na yongs su gdung ba dang bcas pa zhes bya ste/ 'di ni tshe 'di'i nyes dmigs so/ /de de kho na'i rgyus ngan song rnams su skye bar 'gyur ba 'di ni tshe phyi ma'i nyes dmigs so//gal te bslab pa blangs pas dang du blangs na ni de'i lus 'dam bu skam po'i khyim lta bu de la de na gnas pa'i srog chags rnams lta bu'i dge ba'i chos gang yin pa de dag de'i log pa'i 'du shes kyis me btang la gang zag des kyang gsad par mi nus pas na/ dge ba'i chos srog chags lta bur 'dug pa de dag tshig par 'gyur bar rig par bya'o//de las bzlog pa ni dang du mi len pa'i phan yon dang / dge ba'i chos yongs su nyams par mi 'gyur bar rig par bya'o/ /de las bzlog pa ni nges par 'byung ba dang / gnod sems med pa dang / rnam par 'tshe ba med pa'i 'du shes yin te/ci rig par rig par bya'o/ /de la thos pa dang / bsams pa dang / bsgoms pa las byung ba'i shes rab ni nag po'i phyogs dang du len par mi 'gyur ba dang / dkar po'i phyogs dang du len par 'gyur ba'o/ /shes rab rnam pa gsum med pa ni nag po'i phyogs dang du len par 'gyur ba dang /dkar po'i phyogs dang du len par mi 'gyur ba yin par rig par bya'o/ /'di gnyis ni de bzhin gshegs pa rnams kyi ngo mtshar rmad du byung ba'i chos yin te/ 'di lta ste/chos thams cad bdag med par yang ston la sems can rnams kyi rang gis byas pa dang /gzhan gyis byas pa yang chud mi gzon pa'o/ /de la sems can ni mdor bsdu na rnam pa gnyis te/ khyim pa dang rab tu byung ba'o/ /de la sems can khyim pa dag gi longs spyod rnams kyi don du thog ma sbyor ba'i phyir ni brtson pa'i khams zhes bya'o/ / de la ma thob pa'i tshe brtson 'grus kyi gags lta bu'i rgyu yod du zin kyang sems kyi mngon par spro ba gang yin pa de ni de dag nyid kyi mthu'i khams zhes bya'o/ /thob tu zin kyang sha sbrang dang sbrang bu mchu rings la sogs pa'i gnod pa brtson 'grus kyi gags lta bus phyir mi ldog pa gang yin pa 'di ni dga' ba'i khams te/khams de dag ni rang gi yul nas yul gzhan du mi 'gro ba yin no/ /'gro ba ni nges par 'byung ba'i khams yin par rig par bya'o/ /sems can de dag nyid gnyis ka la rtag tu gus par sbyor bar sbyor ba mi lhod pa'i rtul phod pa'i khams so/ / de la rab tu 'byung bar 'dod pa rnams kyi rab tu 'byung bar bya ba'i phyir nges par 'dun pa bskyed pa ni brtson pa'i khams so/ /rab tu byung ba'i phyogs las brtsams te dge ba'i chos rgya chen po thob par bya ba la spa bkong bar bya ba med pa'i phyir ni mthu'i khams so/ /gnod byed kyi sdug bsngal rnam pa sna tshogs dang /brtson 'grus rtsom pa las byung ba rnams dang / khams 'khrugs pa las byung ba la sogs pas gnod par mi 'gyur ba ni dga' ba'i khams so/ /ngan ngon gyis chog par mi 'dzin pa'i phyir ni nges par 'byung ba'i khams so/ /ji srid 'tsho'i bar du rtag tu gus par sbyor ba'i phyir ni rtul phod pa'i khams te/de dag thams cad kyang 'di lta ste/ bdag gi khams dang rnam pa ji snyed pa'i khams tsam du rig par bya'o/ /'di gnyis ni khams rnams kyi khams tha dad pa yin te/ gnyis gang zhe na/ gzhan gyi rigs kyis tha dad pa dang / rang gi rigs kyis tha dad pa'o/ /de la gzhan gyi rigs kyis tha dad pa ni mig gi khams kyang gzhan kho na yin la gzugs kyi khams kyang gzhan mig gi rnam par shes pa'i khams kyang gzhan yin pa dang / de bzhin du yid kyi rnam par shes pa'i khams kyi bar du yang de dang 'dra'o/ / de la rang gi rigs kyis tha dad pa ni bde ba dang sdug bsngal ba dang / sdug bsngal ba yang ma yin bde ba yang ma yin pa'i tshor ba'i khams de nyid la brten nas tshor ba rnam pa gsum char yang skye ba'o/ /khams kyi sum phrugs gsum dang nges par 'byung bar byed pa'i khams gnyis ni rgyu bzhis rnam par gzhag par rig par bya ste/bzhi gang zhe na/ phyi rol gyi nges par 'byung ba ma yin pa dang nges par 'byung ba dang / nang gi nges par 'byung ba ma yin pa dang nges par 'byung ba dang / gtan du nges par 'byung ba ma yin pa dang nges par 'byung ba dang / mngon pa'i nga rgyal med pa'o/ /de la phyi rol gyi 'dod pa'i yon tan lnga'i 'dod chags la brten nas 'dod pa'i khams rnam par gzhag go/ /de la nges par 'byung ba'i phyir ni gzugs kyi khams kyi bsam gtan dang po'o/ /rtog pa dang / dga' ba dang / bde ba la nges par 'byung ba'i phyir ni bsam gtan gong ma rnams so//gzugs dang thogs pa dang tha dad pa'i 'du shes las nges par 'byung ba'i phyir ni nam mkha' mtha' yas skye mched du gtogs pa'i gzugs med pa'i khams so/ /nam mkha' dang rnam par shes pa dang ci yang med pa'i 'du shes las nges par 'byung ba'i phyir ni de'i gong ma'i gzugs med pa rnams so//de ltar na phyi rol gyi skye mched las nges par 'byung ba'i phyir ni khams gsum du rig par bya'o/ /gzugs kyi khams na ni nang gi skye mched drug tshang bar yod do/ /gzugs med pa'i khams na ni gzugs can lnga las yang dag par 'das te/yid kyi skye mched lus so/ /'gog pa'i khams ni drug po thams cad las yang dag par 'das te/ de ltar na nang gi skye mched rnams las nges par 'byung ba ma yin pa dang nges par 'byung ba'i phyir khams gsum po gzhan rnam par gzhag par rig par bya'o//'dod pa'i rnams las ni gzugs rnams gtan du nges par 'byung ba ma yin no/ /gzugs med pa rnams kyang de bzhin du gzugs rnams las gtan tu nges par 'byung ba ma yin no/ /mngon par 'dus byas pa ci yang rung ba de las gtan du nges par 'byung ba ni 'gog pa'o/ / de ltar na gtan du nges par 'byung ba ma yin pa dang / nges par 'byung ba'i phyir khams gsum rnam par gzhag par rig par bya'o/ /mngon pa'i nga rgyal med pa yongs su shes pa'i sgo nas ni nges par 'byung bar byed pa'i khams lnga dang drug rnam par gzhag par rig par bya ste/'di lta ste/ mnyam par gzhag pa'i sa las 'byung ba bzhin no/ /dge slong nang du yang dag 'jog la dga' zhing zhi gnas dang lhag mthong bsgom pa la brtson pa ni mdor bsdu na rnam pa lngas sems rnam par grol bar 'gyur bar rig par bya ste/ zhi gnas yongs su bsgoms pa'i sems kyis lhag mthong la brten nas zhi gnas kyi phyogs dang mthun pa'i nye ba'i nyon mongs pa las sems rnam par grol bar 'gyur ba dang /lhag mthong yongs su bsgoms pa'i sems kyis zhi gnas la brten nas/ lhag mthong gi phyogs dang mthun pa'i nye ba'i nyon mongs pa las sems rnam par grol bar 'gyur ba dang /de gnyis ka phrugs su ldan pa'i sems nye ba'i nyon mongs pa dang bral bas mthong bas spang bar bya ba'i 'du byed thams cad las sems rnam par grol bar 'gyur ba dang / phung po'i lhag ma dang bcas pa'i mya ngan las 'das pa'i dbyings su bsgom pas spang bar bya ba'i 'du byed thams cad las sems rnam par grol bar 'gyur ba dang /phung po'i lhag ma med par phung po'i 'du byed thams cad las sems rnam par grol bar 'gyur ba'o/ /'di gnyis ni legs par gsungs pa'i chos 'dul ba la ston pa dang /nyan thos rnams kyi ngo mtshar gyi chos yin te/ lta ba dang tshig tu brjod pa mtshungs pa dang / lta ba dang / tshig tu brjod pa mchog tu gyur pa'o/ /'di gnyis ka yang 'di las phyi rol ba rnams la ni med de/ tha dad pa dang / mya ngan las 'das pa las phyi rol du gyur pa'i phyir ro//'di gnyis ni byis pa rnams kyi byis pa'i rtags yin te/ bdag dang gzhan la gnod pa byed par zhugs pa dang / gnas bzhi la mi mkhas pa'o/ /de la gnod pa sgrub pa ni rnam pa bzhir rig par bya ste/ bzhi gang zhe na/ pha rol gyi bye brag dang / nang gi bye brag dang / dus kyi bye brag dang / rgyud kyi bye brag gis sdug bsngal rnam pa bzhi skyed pa'i phyir ro/ /de la mi ma yin pas byas pa'i yams kyi nad gang yin pa rnams dang / mis byas pa'i gnod pa byung ba gang yin pa rnams dang de gnyis 'byung du dogs pa las byung ba da dung ma byung ba rnams kyis 'jigs pa 'di ni gzhan gyi dbang gis byung ba'i sdug bsngal lo//de la bdag nyid kyi khams 'khrugs pa'i nad kyi rgyu las gyur pa'i nad gang yin pa dang / sdug pa rnam par 'gyur ba dang / 'dod pas phongs pa las byung ba'i nyon mongs pa can gyi sems gang yin pa de ni 'khrugs pa ste/nang gi rkyen gyis byung ba'i sdug bsngal yin te/ de yang snga ma bzhin du 'byung du dogs pa las byung ba yang yin par rig par bya'o/ /'di lta ste/ da ltar ji lta ba bzhin du de 'das pa'i dus na yang rnam pa thams cad kyi sdug bsngal gyis sdug bsngal bar gyur la/ma 'ongs pa na yang de ltar 'gyur ba 'di ni dus kyi bye brag gis sdug bsngal ba'o/ /de log par sgrub pa'i rgyus bdag nyid kyang sdug bsngal bar byed la/ gzhan dag kyang sdug bsngal bar byed de de nyid kyi rgyud yang dag par nan tan du sgrub pa yang / sdug bsngal bar 'gyur ba 'di ni rgyud kyi bye brag gis sdug bsngal ba yin par rig par bya'o/ /de la snga ma rnam pa gsum gyis ni bdag nyid la gnod pa byed par zhugs pa yin no/ /tha ma gcig gis ni gzhan dag la yang byed do/ /gnas bzhi po gang dag la mi mkhas she na/ khams rnams dang / skye mched rnams dang / rten cing 'brel par 'byung ba dang / gnas dang gnas ma yin pa la'o/ /de las bzlog pa ni mkhas pa'i rtags gnyis yin par rig par bya'o/ /de la gzugs can ma yin pa'i yid kyi skye mched kyi rten dang dmigs pa dang rang gi rigs kyi 'jug pa'i bye brag gis ni khams bco brgyad rnam par gzhag par rig par bya'o//gzugs can gyi skye mched lnga'i gnas dang / byed pa dang / byed du 'jug pa'i rten gyi tshul gyis ni khams drug rnam par gzhag par rig par bya ste/ gnas kyi rten gyi tshul gyis ni sa la sogs pa bzhi'o//byed pa'i rten gyi tshul gyis ni nam mkha'i khams so/ /byed du 'jug pa'i rten gyi tshul gyis ni rnam par shes pa'i khams so/ /kun nas nyon mongs pa dang rnam par byang ba'i phyogs dang mthun pa'i 'du shes dang rtog pa'i rten gyi don gyis ni 'dod pa dang /gnod sems dang / rnam par 'tshe ba'i khams gnyen po dang bcas pa drug rnam par gzhag go/ /'dod chags dang / zhe sdang dang / gti mug gi 'ching ba'i rten gyi don gyis ni bde ba dang / sdug bsngal ba dang / yid bde ba dang /yid mi bde ba dang / btang snyoms dang / ma rig pa'i khams gzhan drug rnam par gzhag go/ /de dag kyang tshul bzhin ma yin pa yid la byed pa las ni log pa'i 'du shes dang rtog pa 'byung la tshul bzhin yid la byed pa las ni yang dag pa'i 'du shes dang rtog pa 'byung ngo //khams gsum pa'i kun nas nyon mongs pa dang rnam par byang ba'i phyogs la kun du 'gro ba'i don gyis ni tshor ba la sogs pa ming du gtogs pa'i khams bzhi rnam par gzhag ste/ kun nas nyon mongs pa na kun nas nyon mongs par 'gyur la rnam par dag na rnam par dag par 'gyur ba gang yin pa de dag nyid kyi rnam par ma dag pa dang /rnam par dag pa'i dbang du byas pa'i phyir ro/ /snga ma bzhin du phyi rol gyi nges par 'byung ba ma yin pa dang / nges par 'byung ba'i don gyis ni 'dod pa dang / gzugs dang / gzugs med pa'i khams gsum rnam par gzhag go//nang gi nges par 'byung ba ma yin pa dang / nges par 'byung ba'i don gyis kyang gzugs dang gzugs med pa dang / 'gog pa'i khams gzhan gsum rnam par gzhag go/ /phyi rol dang nang gi gzhi'i nges par 'byung ba dang nges par 'byung ba ma yin pa de nyid kyi dbang du byas nas/dam pa'i chos dang dam pa'i chos ma yin pa thos pa dang / tshul bzhin dang tshul bzhin ma yin pa yid la byed pa'i gnas kyi gtam gyi gzhi rnam pa gsum gyi don gyis ni 'das pa dang / ma 'ongs pa dang / da ltar byung ba'i khams gsum rnam par gzhag par rig par bya'o//sdug bsngal dang nyon mongs pa mang po dang 'bring dang nyung ngu yongs su shes pa'i don gyis ni ngan pa dang 'bring dang gya nom pa'i khams gsum rnam par gzhag ste/ sdug bsngal chen po dang nyon mongs pa chen po'i khams gang yin pa de ni ngan pa yin no/ /sdug bsngal 'bring dang nyon mongs pa 'bring ni 'bring yin no//sdug bsngal chung ngu dang nyon mongs pa chung ngu ni gya nom pa yin no/ /ngan pa dang 'bring dang gya nom pa'i khams yongs su shes nas/ de'i rgyu yongs su spong ba'i don dang / de'i gnyen po bsgom pa'i don gyis ni dge ba dang / mi dge ba dang / lung du ma bstan pa'i khams gsum rnam par gzhag par rig par bya'o/ /dge ba bsgom pa des rnam par dag pa tha dad pa'i sgo nas ni slob pa dang / mi slob pa dang / slob pa yang ma yin/ mi slob pa yang ma yin pa'i khams gsum rnam par gzhag par rig par bya ste/ ril gyis ma bcings pa'i don dang 'ching ba med pa'i don dang /ril gyis bcings pa'i don gyi phyir ro/ /slob pa dang mi slob pa de dag gi 'bras bu byis pa dang / thun mong ba dang / thun mong ma yin pa 'jig rten dang 'jig rten las 'das pa'i chos dang ldan pa'i don gyis ni zag pa dang bcas pa dang /zag pa med pa'i khams gnyis rnam par gzhag par rig par bya'o/ /'jig rten dang 'jig rten las 'das pa de gnyis kyi rtag pa dang / mi rtag pa dang /bla na yod pa dang / bla na med pa'i phyir ni 'dus byas dang / 'dus ma byas pa'i khams gnyis rnam par gzhag par rig par bya'o//tshangs par spyod pa bsten pa ni mya ngan las 'da' bar nye bar 'gro ba dang mya ngan las 'das pa'i mthar thug pas na/ de'i phyir de yan chad du na khams rnam par gzhag pa med do/ /skye mched dang rten cing 'brel bar 'byung ba dang gnas dang gnas ma yin pa la mkhas pa ni 'di lta ste/nyan thos kyi sa las 'byung ba bzhin no/ /de la gnas dang gnas ma yin pa la mkhas pa ni mdor bsdu na 'gro ba lngar 'gro ba dang mya ngan las 'das par 'gro ba'i lam las brtsams te/ lam de dag thams cad bsdus na rnam pa gsum du 'gyur te/ ngan pa ni ngan 'gror 'gro ba gang yin pa'o//'bring ni bde 'gror 'gro ba gang yin pa'o/ /mchog ni mya ngan las 'da' bar 'gro ba gang yin pa'o/ /de ci'i phyir zhe na/ bde 'gror 'gro ba'i lam gyi mchog la zhugs pa gang yin pa de dag ni 'jig rten pa de nyid kyi phun sum tshogs pa mchog thob par 'gyur ba yin te/'di lta ste/ 'khor los sgyur bar 'gyur ba'am/ brgya byin du 'gyur ba'am/ bdud du 'gyur ba'am/ tshangs par 'gyur ba ste/ de dag de las gzhan pa'i skyes bu gang zag gam bud med kyi sgo nas zla med pa de ni gnas yin no/ / mya ngan las 'da' bar 'gro ba'i lam la zhugs pa gang yin pa de dag ni sems can thams cad kyi mchog thob par 'gyur ba yin te/ 'di lta ste/ nyan thos dang / rang sangs rgyas dang bla na med pa'i byang chub po/ /de rnams las kyang mchog tu gyur ba'i de bzhin gshegs pa de dag gi byang chub de ni/stong gsum gyi stong chen po thams cad na/ gang zag bla na med pa dang / khyad par du 'phags pa yin te/ de ma yin pa dma' ba'i byang chub la zhugs pa rnam pa dag gi yon tan rnams kyang 'jig rten pa'i bdag po thob pa de dag las khyad par du 'phags pa yin na de bzhin gshegs pa'i lta ci smos/de dag kyang gang zhe na/ lta ba phun sum tshogs pa'i gang zag gis spyad pa'i rgyu ma yin la so so'i skye bos spyad pa'i rgyu yin pa'i gnas gang yin pa dag ste/ mdo las ji skad 'byung ba bzhin du rig par bya'o// // rnal 'byor spyod pa'i sa las gzhi bsdu ba/ bam po bco brgyad pa/ sdom ni/ rang bzhin rgyu dang lta ba dang / /kun nas nyon mongs gang zag grol/ /'jug pa'i bye brag rigs pa dang / /zhi dang rtag pa tha ma yin/ /tshor ba rnams kyi rang bzhin yang rig par bya/ rgyu yang rig par bya/tshor ba rnams la yang dag par lta ba yang rig par bya/ tshor ba rnams la kun nas nyon mongs pa yang rig par bya'o / /tshor ba myong ba'i gang zag so sor brtags pa dang / so sor brtags pa ma yin pa'i stobs dang ldan pa gnyis kyi khyad par yang rig par bya/ de bzhin du rnam par ma grol ba dang /rnam par grol ba'i khyad par yang rig par bya/tshor ba rnams kyi 'jug pa'i rnam pa'i bye brag kyang rig par bya/ tshor ba gang ci tshor yang rung ba 'di ni 'dir sdug bsngal ba yin no zhes bya ba'i rigs pa yang rig par bya/ tshor ba rnams rnam par zhi ba shin tu sbyangs par yang rig par bya/tshor ba'i rnam pa thams cad la tshor ba brtag par yang rig par bya'o/ /de la mdor bsdu na tshor ba gsum ni tshor ba rnams kyi rang bzhin no/ /rig pa rnam pa gsum ni rgyu'o/ /bde ba'i tshor ba rnam par 'gyur ba'i chos can yin pa dang /'dod chags kyi gnas yin pa dang / 'dod chags ni phyi ma'i sdug bsngal gyi rgyu yin pa'i phyir bde ba'i tshor ba ni sdug bsngal ba yin par blta bar bya'o/ /sdug bsngal ba mngon sum du gyur ba ni zug rngu ma phyin pa dang 'dra bar gnod pa'i bdag nyid yin pa'i phyir sdug bsngal ba ni zug rngu yin par blta bar bya'o//sdug bsngal ba yang ma yin bde ba yang ma yin pa'i tshor ba med par gyur ba gang yin pa ni de mi rtag pa yin pa dang / mngon sum du gyur ba yang 'gag pa'i chos nyid yin pa'i phyir gnyi ga 'ang nying mtshams sbyor ba dang mthun pas na sdug bsngal ba yang ma yin bde ba yang ma yin pa ni mi rtag pa dang /'gag pa'i chos nyid du blta bar bya ste/ 'di ni tshor ba rnams la yang dag par lta ba yin te/ tshor ba gang ci yang rung ba 'di ni 'dir sdug bsngal ba'o zhes bya ba la 'jug pa'i phyir ro/ /bde ba las ni 'dod chags/ sdug bsngal ba las ni zhe sdang /sdug bsngal ba yang ma yin bde ba yang ma yin pa las ni ma rig pa rgyas par 'gyur te/ 'di ni tshor ba rnams las kun nas nyon mongs pa'o/ /bde ba la sogs pa'i gnas skabs thams cad la gnas pa'i ni thams cad ma spangs pas bag la nyal rgyal bar 'gyur mod kyi/ 'on kyang dmigs pa rang rang gi spyod yul des kun nas dkris pa skyes pa de dag de'i rjes la rgyud de nyid la nyon mongs pa dang 'brel ba gnyid log pa bzhin 'dug pas na bag la nyal zhes bya'o//de la 'dir tshangs par spyod pa spyad pa ni bag la nyal gzhom pa'i phyir yin gyi/ kun nas dkris pa bsal ba tsam gyi phyir ni ma yin no//so sor brtags pa'i stobs dang ldan pa ma yin pa'i gang zag ni sdug bsngal ba'i tshor ba myong ba na shin tu sems ngal bar 'gyur te/ de ni lus dang sems kyi sdug bsngal mngon sum du gyur ba de yang myong bar 'gyur la/ de ma yin ba'i bde ba dang /sdug bsngal ba yang ma yin bde ba yang ma yin pa rnams kyang ma spangs pas ldan par 'gyur te/ de bas na tshangs par gnas pa'i tshor ba ni sa'i 'og ces bya ste gting yang mi slebs so/ /so sor brtags pa'i stobs dang ldan pa ni de las bzlog pa yin par rig par bya'o//tshor ba rnams las sems rnam par ma grol ba ni zug rngu gnyis kyis phog pa'i mis zug rngu gnyis myong ba bzhin du sdug bsngal ba'i tshor ba tshang bar myong bar 'gyur ro/ /'dod chags dang zhe sdang dang gti mug rnams kyis sems kun nas nyon mongs pa can du gyur pas ni tshor ba gsum myong bar 'gyur ro//skye ba la sogs pa'i sdug bsngal dang ldan pa yang myong bar 'gyur te/ de ltar na de'i tshe 'di'i sdug bsngal chen po dang / tshe 'di'i kun nas nyon mongs pa dang / tshe phyi ma'i sdug bsngal gyi gnas de gsum gyis nye bar nyon mongs pa myong bar 'gyur ro//de las bzlog pa ni sems rnam par grol ba yin par rig par bya ste/ tshor ba gsum myong ba de gnyis kyi khyad par ni de ma yin no/ /de la tshor ba lus las skyes pa zhig cing med par gyur la mi gnas pa dang / myur du 'gro zhing dus gzhan du 'dra ba'i rgyud kyis mi gnas pa gang yin pa de dag ni rlung gi tshub ma lta bu yin par blta bar bya'o//'dra ba'i rgyud kyis cung zad tsam gnas te/ de'i mod la mi 'gyur ba gang yin pa de dag ni sdong bu sar glo bur ba'i rigs 'ongs pa lta bur bar bya'o/ /de la de dag gi rnam pa'i bye brag ni rang bzhin dang / rten dang / kun nas nyon mongs pa dang / rnam par byang ba'i phyogs tha dad pa las rig par bya'o/ /de la zang zing dang bcas pa'i tshor ba ni 'jig rten pa'i thams cad do/ /zang zing med pa ni 'jig rten las 'das pa'o/ /'chums pa la brten pa ni 'dod pa'i yon tan lnga po rnams las nyon mongs pa can gyi tshor ba'o//nges par 'byung ba la brten pa ni mnyam par gzhag pa dang / mnyam par gzhag pa ma yin pa'i sa pa'i nges par 'byung ba dang / rab tu dben pa las 'byung ba'i dge ba thams cad dang ldan pa'i tshor ba gang yin pa'o/ /sdug bsngal ba'i tshor ba ni sdug bsngal nyid yin par skye bo thams cad kyi mngon sum du gyur bas bsgrub mi dgos so//tshor ba gnyis ni rgyu gnyis kyis sdug bsngal ba nyid yin par yid ches par bya ste/ sdug bsngal ba yang ma yin bde ba yang ma yin pa'i tshor ba dang / de dang mthun pa'i 'du byed rnams ni mi rtag pa'i phyir ro//bde ba'i tshor ba dang / de dang mthun pa'i 'du byed rnams ni rnam par 'gyur ba'i chos can yin pa'i phyir te/ rigs pa 'dis ni tshor ba gang ci yang rung ba 'di ni 'dir sdug bsngal ba'o zhes bya bar rig par bya'o/ /mdor bsdu na tshor ba rnam par zhi bar 'gyur ba ni rnam pa gsum du rig par bya ste/gong ma mnyam par gzhag pa'i sa la brten pas/sa 'og ma'i tshor ba rnam par zhi bar 'gyur ba dang / re zhig kun du mi spyod pas rnam par zhi ba dang phyi ma la gtan du mi 'jug pas rnam par zhi ba'o/ /de la re zhig kun du mi spyod pa ni rnam par zhi ba'o//gtan du kun du spyod pa'i chos nyid kyi rnam par zhi ba ni med pa yin par rig par bya'o/ /smra ba la dga' zhing smra ba la zhugs pa'i nyon mongs pa can 'dod cing gcig la gcig kun du smra ba la ni ngag ces bya ste/ de ni bsam gtan dang po la snyoms par zhugs na rnam par zhi bar 'gyur ro//gzhan yang rtog pa dang dpyod pa rags pa rnams kyis ni ngag kun nas slong bar byed de / de dag gis ni ting nge 'dzin ma thob pa dang / ting nge 'dzin thob pa las langs pa'i ngag kun nas slong bar byed do/ /snyoms par zhugs pa'i ni mi byed de /snyoms par zhugs pa'i rtog pa dang dpyod pa rnams ni cha phra bar 'jug pa yin pas ngag kun nas slong bar byed pa ma yin no/ /de bas na de la gnas pa'i ngag ni rnam par zhi ba zhes bya ste/ 'di ni rnam grangs gnyis pa yin no/ /'dod chags dang zhe sdang dang gti mug rnams la nyes dmigs su lta zhing rnal 'byor spyod pa la gnas pa na 'dod chags dang zhe sdang dang gti mug dang bral ba'i tshor ba myong bar 'gyur te/'dod chags dang zhe sdang dang gti mug rnams yongs su shes shing yongs su shes pa dang / spangs shing spangs nas de'i sems 'dod chags dang zhe sdang dang gti mug de las chags par gyur ba med pa dang /rnam par grol bar gyur ba zhes bya'o/ /tshor ba'i rnam pa thams cad la ni rnam pa bdun gyis tshor ba brtag par rig par bya ste/rang bzhin dang / da ltar 'jug pa dang ldog pa'i rgyu dang /tshe phyi ma la 'jug pa'i rgyu dang / tshe phyi ma la mi 'jug pa'i rgyu dang / kun nas nyon mongs pa 'jug pa'i rgyu dang / rnam par byang ba'i rgyu dang / rnam par byang ba'i sgo nas ni brtag pa'o/ /sdom ni/ tshor ba skye dang 'gag pa dang / /chung sogs bye brag lta ba'i mchog/tshor ba'i rab tu dbye ba dang / /rab tu dbye bas lan gdab pa/ /sems can thams cad kyi tshor ba spang bar bya ba thams cad ni mdor bsdu na rkyen gsum gyis skye bar 'gyur te/ 'dun pa'i rkyen ni ma 'ongs pa'i dus la brten to/ /rtog pa'i rkyen ni 'das pa'i dus la brten to//reg pa'i rkyen ni yul mngon sum du gyur ba'i da ltar gyi dus la brten to/ /sems can thams cad gang zhe na/ mdor bsdu na sems can gyi ris brgyad de/ khyim pa rnams dang / rab tu byung ba rnams dang / 'dod pa rnams las 'dod chags dang ma bral ba rnams dang /'dod pa rnams las 'dod chags dang bral ba rnams dang / bsam gtan dang po las 'dod chags dang ma bral ba rnams dang / bsam gtan dang po las 'dod chags dang bral ba rnams dang / de yan chad nas 'du shes med 'du shes med min skye mched kyi bar gyi 'dod chags dang bral ba rnams dang /'di las phyi rol ba 'jig rten pa'i snyoms par 'jug pa log par lta ba nas/ log par rnam par grol ba'i shes pa can gyi bar rnams dang / chos 'di ba'i 'jig rten pa'i snyoms par 'jug pa yang dag pa'i lta ba nas yang dag pa'i rnam par grol ba shes pa dang ldan pa'i bar rnams dang /chos 'di pa 'jig rten las 'das pa'i snyoms par 'jug pa rnams te/ ris brgyad po 'di rnams kyis tshor ba yongs su shes pa nyams su myong ba'i sgo nas sems can gyi ris thams cad bsdu bar rig par bya'o/ / de la khyim pa dang rab tu byung ba 'dod pa rnams las 'dod chags dang ma bral ba'i nyon mongs pa can gyi tshor ba ni rgyu gsum gyis skye bar 'gyur te/ lhag par zhen pa'i stobs dang / yid la byed pa'i stobs dang /yul gyi stobs so/ /de la khyim pa 'dod pa yongs su tshol zhing longs spyod pa'i phyir 'dun pa skyes pa ni lhag par zhen pa'i stobs dang /de nyid sngon myong ba'i tshul bzhin ma yin pa yid la byed pa'i stobs dang / yul mngon sum du gyur ba na yongs su longs spyod par byed pa'i yul gyi stobs kyis gang zag de'i 'dun pa dang rtog pa dang reg pa rnams ni kun du spyod pa'i sgo nas rnam par ma zhi ba yin no//de'i rkyen gyis kyang de'i tshor ba rnam pa gsum skye bar 'gyur ro/ /de thog mar nyon mongs pa can gyi 'dun pa dang rtog pa dang reg pa kun du spyod pa'i phyir de'i rkyen las byung ba'i tshor ba nyams su myong bar 'gyur ro//gal te skyes zin pa dang du len te spong bar mi byed cing / sel bar mi byed na ni de ltar de'i tshor ba rgyun du gnas pa rgyud dang 'brel bas rnam par zhi bar mi 'gyur ro/ /de rnam par ma zhi ba'i rkyen gyis rgyun du gnas pa'i tshor ba yang nyams su myong bar 'gyur ro/ /de thog mar 'dun pa la sogs pa rgyun du gnas pa rnams kun du spyod pa'i phyir de'i rkyen gyis tshor ba nyams su myong bar 'gyur ba dang /de'i phyogs dang mthun pa'i kun nas nyon mongs pa rgyud la yod pa rnams ma spangs pa'i phyir de rnam par ma zhi ba'i rkyen du 'gyur ba 'di ni rnam grangs gnyis pa'o//de la rab tu byung ba 'dod chags dang ma bral ba ni 'dod pa yongs su btang ba'i phyir lhag par zhen pa'i stobs kyis bsdus pa'i 'dun pa ni rnam par zhi ba yin no/ /yid la byed pa dang yul gyi stobs kyis bsdus pa'i rtog pa rnams dang / reg pa ni rnam par ma zhi ba yin te/des na de gcig pur 'dug cing rtog pa rnams kyi gnyen po ma bsgoms pa dang / thams cad kyi thams cad du skyo bar yang ma byas pas sngon myong ba'i yul la tshul bzhin ma yin pa yid la byed pa'i rtog pa rnams kun du spyod do/ /yul la rags pa mngon sum du gyur ba la yang reg pa kun du spyod par byed do//rtog pa la nyes par lta ba'i ni de'i gnyen po bsgoms la thams cad kyi thams cad du 'dod chags dang bral ba ni ma yin pa'i phyir rtog pa rnams rnam par zhi bar gyur ba yin no/ /'dun pa ni snga nas kyang rnam par zhi ba'o//reg pa gcig pu ni yul rags pa mngon sum du gyur ba la nyon mongs pa can gyi reg pa skye ba'i phyir rnam par zhi ba ma yin no/ /'dod pa'i chags dang bral ba yin na ni thams cad kyang rnam par zhi bar rig par bya ste/ 'di ni rnam grangs gcig go/ /gzhan yang 'dod pa rnams la 'dod chags dang ma bral ba kha cig ni 'dod pa rnams la 'dod pa'i 'dun pa ma spangs pa dang /rtog pa rnams kyi nyon mongs pa can gyi reg pa ma spangs pa'i phyir thams cad rnam par ma zhi ba yin no/ /'dod pa rnams la 'dod pa'i 'dun pa spangs nas bsam gtan dang po la snyoms par zhugs pa'i 'dun pa ni rnam par zhi la rtog pa rnams ni rnam par ma zhi ba'o//bsam gtan dang po yan chad kyi 'dod chags dang ni bral ba 'du shes med 'du shes med min skye mched kyi 'dod chags dang ni ma bral ba ni gnyis ni rnam par zhi la/ reg pa ni rnam par ma zhi ba'o//srid pa las yang dag par 'das pas ni thams cad rnam par zhi bar 'gyur te 'di ni rnam grangs gnyis pa'o/ /de la phyi rol pa 'jig rten pa'i snyoms par 'jug pa log par lta ba nas/ log pa'i rnam par grol ba'i shes pa can gyi bar gang yin pa de dag gi ni de'i rkyen gyis tshor ba skye bar 'gyur ro//de yang dang yang du len pa de'i phyogs dang mthun pa'i nyon mongs pa dang yang 'brel ba rnams kyi ni de rnam par ma zhi ba'i rkyen gyis tshor ba skye bar 'gyur ro/ /chos 'di pa 'jig rten pa'i snyoms par 'jug pa nas rnam par grol ba dang / yang dag pa'i rnam par grol ba'i shes pa dang ldan pa de'i rkyen dang du len cing /de'i phyogs kyi nyon mongs pa dang 'brel ba rnams kyi ni de rnam par ma zhi ba'i rkyen gyis tshor ba skye bar 'gyur ro/ /chos 'di pa 'jig rten las 'das pa'i snyoms par 'jug par zhugs pa'i lam la gnas la don ma rdzogs pa rnams kyis ma thob pa dang /ma rtogs pa dang /mngon sum du ma byas pa mngon du bya ba'i phyir nam zhig bdag gis gnas de thob par gyur zhing gu snyam pa'i 'dun pa gang yin pa zhes bya ba nas snga ma bzhin du rgyas par sbyar te/ de ni rnam par ma zhi ba yin te/ de'i rkyen gyis de'i tshe tshor ba skye bar 'gyur ro//don yongs su rdzogs pa'i 'dun pa ni rnam par zhi ba yin te/ de'i rnam par zhi ba'i rkyen des na mchog tu rab tu zhi ba bla na med pa'i tshor ba skye bar 'gyur ro/ /des tshor ba de dag thams cad nges par 'byung ba dang bcas pa nges par 'byung ba'i thabs dang bcas par yang dag pa ji lta ba bzhin du rab tu shes te/de bas na snga ma bzhin du yang dag pa'i dge sbyong rnams kyi nang du dge sbyong du 'dzin pa dang / bram ze rnams kyi nang du bram zer 'dzin par 'gyur ro/ /rab tu mi shes pa gang yin pa de dag ni 'dzin par mi 'gyur ro/ /de la tshor ba thams cad ni spyir na reg pa'i rkyen can yin no//rkyen de'i rkyen ni 'dun pa yang yin no/ /rtog pa yang yin no/ /yul la rmongs pas bsdus pa'i ma rig pa yang yin no/ /de dag thams cad kyi kun 'byung ba'i gnas ni tshul bzhin ma yin pa yid la byed pa dang / de'i phyogs dang mthun pa rgyud la yod pa'i nyon mongs pa yin no//de 'gags na yang de rnams 'gag par 'gyur ro/ /yang dag pa'i lta ba la sogs pa'i lam ni 'gog par 'gyur ba'i lam yin par rig par bya'o/ /'phags pa nyan thos rab tu dben pa'i dga' ba lus kyis mngon sum du byas te/ gnas pa ni chos lnga ni spong la/chos lnga bsgom pa ni yongs su rdzogs par 'gyur te/ 'di lta ste/mnyam par gzhag pa'i sa las rgyas par 'byung ba bzhin du rig par bya'o/ /dga' ba dang bde ba dang btang snyoms rnams kyi tha ma dang / 'bring dang mchog ni 'dod pa'i khams dang bsam gtan bzhi po rnams la ci rigs par rig par bya'o//bsam gtan bzhi pa'i sa pa'i btang snyoms ni skyon thams cad dang bral ba dang / shin tu yongs su dag pa'i phyir zang zing med pa'o/ /de yan chad kyi btang snyoms de ni ches zang zing med pa yin par rnam par gzhag go//tshor ba rnams kyi bye brag ni rnam pa bcur rig par bya ste/yang dag pa'i bye brag dang / 'jug pa'i rten gyi bye brag dang / rang gi mtshan nyid kyi bye brag dang / ji snyed yod pa'i bye brag dang / rang gi mtshan nyid kyi rnam pa'i bye brag dang / 'jug pa'i sgo'i bye brag dang / kun nas nyon mongs pa'i sgo'i bye brag dang /mi mthun pa'i phyogs dang gnyen po'i bye brag dang / dus kyi bye brag dang / skad cig pa gcig nas gcig tu brgyud cing 'jug pa'i bye brag go/ /de la kha cig blo ma rdzogs pa'i phyir 'di snyam du sems te/ tshor ba ni gnyis kho nar zad de/ bde ba dang / sdug bsngal ba'o/ /sdug bsngal ba yang ma yin/ bde ba yang ma yin no zhes bya ba gang yin pa de ni bde ba dang sdug bsngal ba med pa tsam gyis rab tu phye bar zad pa'i phyir bde ba dang / sdug bsngal ba nye bar zhi ba kho na'i dbang du byas nas/ bcom ldan 'das kyis btags pa yin no snyam ste/de la brda sprad pa'i phyir bcom ldan 'das kyis bde ba ni gnyis te/ 'dod pa'i bde ba dang / dben pa'i bde ba'o zhes gsungs te/ dben pa'i bde ba de yang tha ma dang / 'bring dang / gong na med pa ste/ tha ma ni ci yang med pa'i skye mched man chad do/ / 'bring ni srid pa'i rtse mo'o/ /mchog ni 'du shes dang tshor ba 'gog pa'o/ /de ltar yin pas na zhi ba'i bde ba yang tshor ba yin par gsungs te/ dper na/bsam gtan dang po dang / gnyis pa dang / gsum pa rnams kyi lta bu'o/ /sdug bsngal ba yang ma yin/ bde ba yang ma yin pa yang tshor ba yin te/dper na bsam gtan bzhi pa yan chad/ srid pa'i rtse mo man chad kyi lta bu'o/ /zhi ba'i tshor ba thams cad kyi thams cad du med par yang gsungs te/ dper na 'gog pa'i snyoms par 'jug pa'i lta bu'o/ /yang dag par na bcom ldan 'das kyis zhi ba'i bde ba ni rnam pa gsum du gsungs te/'di la dge slong gi sems 'dod chags las 'dod chags med pa dang / rnam par grol bar 'gyur ro/ /'dod chags las ji lta ba bzhin du zhe sdang dang gti mug las kyang de dang 'dra ste/ de dag thams cad gcig tu bsdus na bde ba gsum du 'gyur te/yongs su spang bar bya ba'i bde ba dang / bsten par bya ba'i gnas pa'i bde ba gong na yod pa dang gong na med pa dang / gtan du mthar thug pa ste rnam par grol ba'i bde ba'o/ /de la 'dod pa'i bde ba ni yongs su spang bar bya'o/ /bsam gtan dang po nas srid pa'i rtse mo'i bar du ni bsten par bya ba gong na yod pa'i gnas pa'i bde ba'o//'gog pa'i snyoms par 'jug pa ni bsten par bya ba gong na med pa'i gnas pa'i bde ba'o/ /snga ma bzhin du bde ba gsum po rnams ni gtan du mthar thug pa'i rnam par grol ba'i bde ba'o//tshor ba'i bde ba las dgongs te 'gog pa'i snyoms par 'jug pa bde ba'o zhes gsungs pa ni ma yin gyi/bde ba'i tshor ba chad pa'i bde ba gang yin pa de dang / bde ba de ji lta ba'i mchog gi gnas pa'i bde ba dang / bde ba nyams su myong ba gang yin pa las dgongs te/ ji ltar kha cig snyoms par 'jug pa de las langs nas bdag ni 'di dang 'di lta bur mchog tu rab tu zhi ba'i gnas pas ring du gnas par gyur to snyam du nyams su tshor ba 'di ni dgongs nas bde ba zhes gsungs so/ /dge slong gis mthong ba dang / thos pa dang / bde ba dang / 'du shes dang /srid pa ji lta bu la brten nas de'i rjes la zag pa zad pa 'thob pa de ni de'i bde ba'i mchog yin pa nas / srid pa rnams kyi bar gyi mchog yin no/ /de la bdag med par mthong ba'i gong du mthong ba gzhan tshol bar mi byed de/ 'di lta ste/ mi rtag par mthong ba las ni de'i rjes la zag pa zad pa thob par 'gyur te/de bas na mthong ba rnams kyi mchog yin no/ /des mthong ba de la brten nas sgo bzhis zag pa med pa thob par 'gyur te/ gzhan las dam pa'i chos thos pa'am/ tshe 'di la bde bar gnas pa bzhi la brten pa'am/ 'du shes kyi snyoms par 'jug pa rnam pa gsum ste/nam mkha' mtha' yas skye mched yan chad ci yang med pa'i skye mched man chad dam/ lhar gyur pa dang / mir gyur pa'o/ /de bas na thos pa dang / bde ba de dang / 'du shes de dang / sred pa de ni thos pa rnams dang /bde ba rnams dang / 'du shes rnams dang / srid pa rnams kyi nang na mchog tu gsungs so/ /yongs su shes par bya ba'i gzhi yongs su shes pa ni sdug bsngal gyi bden pa las kyang yongs su grol bar 'gyur ro/ /kun 'byung ba'i bden pa las kyang rnam par grol bar 'gyur ro//'gog pa'i bden pa yang mngon sum du byed do/ /lam gyi bden pa yang sgom par byed do/ /de la yang dag pa kho nar sdug bsngal gyi mthar phyin par 'gyur bas na sdug bsngal gyi bden pa las yongs su grol ba'o/ /zag pa rnams zad pa thob par 'gyur bas na kun 'byung ba'i bden pa las rnam par grol ba'o//skyo zhing ma chags la rnam par grol bas na 'gog pa'i bden pa mngon sum du byed do/ /mi rtag pa la sogs pa rjes su mthong bas gnas pas na lam gyi bden pa sgom mo/ /shes bya'i gzhi'i bye brag ni rnam pa bcur rig par bya ste/srog gi dbang po dang 'brel pa'i 'du byed skyes pa rnams gnas pa'i rgyu'i bye brag dang / gzugs can dang gzugs can ma yin pa'i 'du byed rnams gcig la gcig brten cing 'jug pa'i bye brag dang / gzugs can ma yin pa'i 'du shes rnams mi rtag pa la 'jug pa'i sgo'i bye brag dang /sems kyi kun nas nyon mongs pa'i gzhi dang gnas kyi bye brag dang / 'du byed rnam pa thams cad du bsdus pa'i sdug bsngal gyi bye brag dang / dge ba dang mi dge ba'i las kyi 'bras bu la nye bar spyod pa'i sgo'i bye brag dang / mngon par dga' ba dang bcas pa'i rnam par shes pa rgyu ba'i mtha'i bye brag dang /rjes su chags pa dang khong khro ba'i gnas kyi bye brag dang / sems can mngon par dga' ba dang / zhen pa rnams kyi skye ba'i gnas na gnas pa'i mtha'i bye brag dang / bag med pa rnams ngan 'gror 'gro ba'i gnas kyi mtha'i bye brag go/ /gzhan yang rnam par byang ba'i phyogs dang mthun pa thob par bya ba dang /bsten par bya ba'i gzhi'i sgo nas bye brag bcur yod par rig par bya ste/ dge ba'i chos rnams bsgom pa rtag tu byed pa'i sgo nas bag yod pa'i bye brag dang / sems rnam par grol ba dang / shes rab rnam par grol ba'i gnas kyi bye brag dang /ting nge 'dzin gyi mtha'i bye brag dang / dmigs pa thams cad la sems 'dogs pa'i mtha'i bye brag dang / rnam par thar pa'i thabs kyi bye brag dang / rnam par thar pa'i bye brag dang / de kho na'i don yang dag par rtogs pa'i bye brag dang / de kho na mngon par rdzogs par sangs rgyas pa'i 'og tu bslab pa gsum la slob pa'i bye brag dang /slob cing 'dug pa dang / bslab zin pa tshe 'di la bde bar gnas pa'i bye brag dang / 'phags pa'i rdzu 'phrul rgya chen po'i dbang phyug gi bye brag go/ /ji skad bstan pa'i bye brag 'di rnams las brtsams te/'dri ba yang yod do/ /nges pa'i don ma yin pa'i tshul gyis bstan pa yang yod do/ /nges pa'i don gyi tshul gyis lan gdab pa yang yod do/ /de la 'dri ba'i gang zag la rgyu bzhis lan mi glan pa yang yod do/ / lan 'debs par byed pas lan mi 'debs pa yang bzhi yod do//gtan tshigs yod pa dang gtan tshigs med pa mngon sum gyi tshad ma dang ldan zhing rigs par gyur pa legs par bsten kyang mi nyan pa dang / rjes su dpag pa dang / ldan pa'i yongs su brtag pa byed na yang mi nyan pa dang / nan tan du sgrubs shig dang / bdag nyid kyis shes par 'gyur ro zhes byas na yang mi nyan pa dang /shes pas smra ba yid ches su rung bas 'di skad gsungs so zhes byas kyang yid ches pa'i lung yang mi nyan pa ste/ de bas na 'dri ba po la lan mi glan pa yin no/ /mgo gcig tu lan gdab pa ni rnam pa bzhi ste/ 'du byed thams cad mi rtag pa'o//chos thams cad bdag med pa'o/ /skye ba'i gnas thams cad la dga' bar mi bya'o/ /dge ba dang mi dge ba'i las rnams chud mi za'o zhes bya'o/ /ched du bsams te las byas na sdug bsngal nyams su myong bar 'gyur ro zhes bya ba 'di la ni mgo gcig tu chad pa med do//btang snyoms thob pa ni tshe 'di la yongs su mya ngan las 'da' bar 'gyur ro zhes bya ba 'di la yang mgo gcig tu chad pa med do/ /las byas na bde 'gror 'gro'o zhes zer ba la ni las gang zhes de nyid la 'dri bar bya'o/ /lam bsgoms na mya ngan las 'da' bar 'gyur ro zhes zer ba la ni 'jig rten pa'am/'jig rten las 'das pa'i lam gang zhes 'dri bar bya'o/ /gzhag par bya ba ni lta bar gyur pa de dag thams cad de rnam pa bzhi po de dag gi legs par 'dri ba la lan 'debs pa na lan 'debs par byed pas lan glan par bya ba yin no//de las bzlog pa ni lan mi 'debs pa yin no/ /'di gnyis ni de bzhin gshegs pa'i lung bstan pa yin te/ mu stegs can rnams dang thun mong ba dang / thun mong ma yin pa'o/ /de la thun mong ba ni slob ma skye ba lung bstan pa'o/ /thun mong ma yin pa ni skye bar lung bstan du med pa'o//'di gnyis ni rnam par shes pa'i me 'bar bar 'gyur ba'i rgyu yin te/ sred pa cha phra mo dang / ming dang gzugs rags pa'o/ /de la 'dod pa dang gzugs kyi khams gnyis su ni srid pas bskyed pa'i rnam par shes pa ming dang gzugs kyi rgyus tshe'i tshad ji srid kyi bar du gnas te/srid pa med par gyur pa na yang rnam par shes pa'i rgyud rjes su 'brel pa'i phyir ro/ /gzugs med pa'i khams su yang srid pa nyid kyis bskyed pa'i rnam par shes pa ming nyi tshe la dmigs pas tshe'i tshad ji srid pa'i bar du gnas te/ srid pa spangs pa na yang rnam par shes pa'i rgyud rjes su 'brel pa'i phyir ro//gzugs na spyod pa'i bar ma do'i srid pa'i rnam par shes pa yang sred pa nyid kyis mngon par 'grub pa la bar ma dor yongs su mya ngan las 'da' ba yang srid pa'i rgyu kho nar gnas te/ de spangs pa dang mgo mnyam kho nar der rnam par shes pa 'gag par 'gyur ba'i phyir ro//gzugs kyi khams dang gzugs med pa'i khams 'di gnyis ni yid las skyes pa'i lus yin te mnyam par gzhag pa'i sa pa'i yid kyi sgo'i sbyor bas gzugs dang snyoms par 'jug pa'i lus de gnyis grub pa'i phyir ro/ /'di gnyis ni de bzhin gshegs pa'i pha rol smra ba'i lan gdab pa yin te/mgo gcig tu lan gdab tu med pa la mgo gcig tu chad pa med par bya ba smra bas lan gdab pa dang / mgo gcig tu chad par lan gdab pa la mgo gcig tu bya ba smra bas lan gdab pa'o/ /nye bar len pa la kun du dga' ba la sogs pa'i don ni gzugs la kun du dga' ba la sogs pa bzhin du rig par bya'o//gzhi bsdu ba las rten cing 'brel par 'byung ba dang zas dang bden pa dang khams rab tu rnam par 'byed pa zhes bya ba'i bsdu ba gsum pa rdzogs so// //spyi sdom ni/ dran pa nyer gzhag yang dag spong //rdzu 'phrul rkang pa dbang po stobs/ /byang chub yan lag lam yan lag/ dbugs rngub dbugs rgyu dran pa dang / bslab dang shes nas dad pa'o/ /sdom ni/ dge sbyong dang ni dge sbyong don/ /bde dang yid bde chos kun dang / tshangs par spyod dang gang zag dang //gsal ba dang ni 'dod pa dang / /yang srid kun nas nyon mongs pa/ /dran pa nye bar gzhag pa bzhi bsgom pa'i sgo nas rgyu bzhis 'di ba'i dge sbyong dang / 'di ba'i lam dang / 'di ba'i mthar thug pa lta bu 'di las phyi rol pa la dge sbyong dang lam dang mthar thug pa med do//phyi rol smra ba rnams dge sbyong dang lam dang mthar thug pas stong pa nyid rig par bya'o/ /rgyu bzhi gang zhe na/ gnas bzhi la brten nas rtogs nas shes pa rnams pa bzhi thob pa dang / phyi rol pa'i nye ba'i nyon mongs pa rnam pa bzhi las rnam par thar pa dang / chos 'di pa'i nyan thos rnams 'di las phyi rol pa'i slob ma rnams dang mi mtshungs pa dang / chos 'di pa'i ston pa 'di las phyi rol pa'i ston pa rnams dang mi mtshungs pa'o/ /'di pa'i dge sbyong zhes bya ba la dge sbyong gang zhe na/ dge sbyong bzhi ste/ lam gyis rgyal ba dang / lam ston pa dang / lam gyi phyir 'tsho ba dang / lam sun 'byin pa ste/ mdo dang rgyas par ni 'di lta ste/ nyan thos kyis las 'byung ba bzhin no/ /'di pa'i lam zhes bya ba la lam gang zhe na/ 'phags pa'i lam yan lag brgyad pa ste/ gang la 'phags pa'i lam yan lag brgyad pa yod pa de la ni lam sun 'byin pa yan chad kyi dge sbyong bzhi po de dag yod de/lam yod pa dang rang gis log par sgrub pa byas pas de las byung ba'i snod du ma gyur pa'i lam sun 'byin pa yod par rung ste/ de bas na 'di las phyi rol pa la ni lam sun 'byin pa yang med na gzhan lta ga la yod/'di pa'i mthar thug pa zhes bya ba la mthar thug pa gang zhe na/ nye bar len pa thams cad spong ba dang spangs nas kyang gtan du nying mtshams sbyor ba med pa gang yin pa'o/ /de la gnas bzhi la brten pa ni gang yin/ rtogs nas shes pa rnam pa bzhi ni gang yin zhe na/kun du sbyor ba gsum spangs pa dbugs phyin pa'i gnas dang / log par ltung ba med pa'i chos can stobs kyi gnas dang / rdzogs pa'i byang chub tu nges par 'gro ba rgyu'i gnas dang / de ltar thogs na yang srid pa lan bdun pa rjes su 'gro ba'i gnas te/gnas bzhi bo 'di dag la brten nas/ sangs rgyas dang / chos dang / dge 'dun dang / tshul khrims rnams la rtogs nas shes pa'o/ /phyi rol pa'i nye ba'i nyon mongs pa rnam pa bzhi las rnam par thar pa gang zhe na/ tshe 'di'i nye ba'i nyon mongs pa dang / tshe phyi ma'i nye ba'i nyon mongs pa dang /phan tshun mi mthun pa dang phyir mi mthun pa las gyur pa dang / bden pa rnams bstan pa med pas rtogs pa med pa las gyur pa las rnam par thar pa'o/ /'di las phyi rol pa rnams la ni dran pa nye bar gzhag pa med pas na/ brjed ngas pa dang shes bzhin med pas gnas te/bde ba'am/sdug bsngal ba'am/ sdug bsngal ba yang ma yin bde ba yang ma yin pa'i tshor ba 'ga' myong ba na de dag bde ba la ni chags par 'gyur ro/ /sdug bsngal ba la ni zhe sdang bar 'gyur ro/ /sdug bsngal ba yang ma yin bde ba yang ma yin pa la rmongs par 'gyur te/'di ni tshe 'di'i nye ba'i nyon mongs pa ste dang po'o/ /de ltar chags pa dang / sdang ba dang / rmongs pa de dag gis ni tshor ba'i rkyen gyis yang srid par skye ba'i sred pa 'byung la/sred pa'i rkyen gyis len pa 'byung ste/ sred pa dang bcas pa len pa dang bcas pa de dag gis ni len pa'i rkyen gyis sred pa 'byung ba nas/rgyas par sdug bsngal gyi phung po chen po 'ba' zhig gi bar du 'byung bar 'gyur ba 'di ni tshe phyi ma'i nye ba'i nyon mongs pa ste gnyis pa'o/ /'di las phyi rol pa de dag ni 'jig tshogs la lta ba'i rtsa ba las byung ba'i lta bar gyur pa rnam pa sna tshogs kyis blo tha dad par gyur pa'i phyir gzhan dag ni gzhan dag dang mi mthun la/de dag kyang de dag dang phyir mi mthun pa 'di ni nye ba'i nyon mongs pa gsum pa'o/ /de dag la ni 'phags pa'i bden pa bstan pa yang thams cad kyi thams cad du med na rtog pa lta ga la yod de/ de bas na de dag ni rang gi slob dpon gyi shes pa khyad par du gyur pa thob tu zin kyang mkhas pa ma yin zhing ma rig par 'gyur ba 'di ni nye ba'i nyon mongs pa bzhi pas te/de las chos 'di pa rnam par grol lo/ /'di las phyi rol pa'i slob ma rnams dang chos 'di ba'i nyan thos rnams mi mtshungs pa gang zhe na/ 'di las phyi rol pa'i slob ma rnams 'byung bar lta ba rtag pa'i mthar gyur pa'am med par lta ba chad pa'i mthar gyur pa la yun ring por 'dris par byas pas na zhen par 'gyur ba dang /thos pa las byung bas khas len pa dang / bsams pa las byung bas lhag par zhen pa dang / bsgoms pa las byung bas lhag par zhen par 'gyur ba'o //chos 'di pa rnams ni dbu ma'i lam mtha' gnyis spangs pa la zhugs pa yin no/ / 'di las phyi rol pa'i ston pa rnams dang chos 'di pa'i ston pa mi mtshungs pa gang zhe na/ 'di las phyi rol pa'i ston pa rnams ni nye bar len pa thams cad spong ba yongs su shes par smra ba tsam du zad pas na yang dag par nye bar len pa thams cad spong ba yongs su shes pa ston pa ma yin no//de dag ni thog ma kho nar 'dod pa rnams spangs nas rab tu byung ba yin te/ de bas na 'dod pa'i nye bar len pa spong ba yongs su shes pa ston du zin kyang rang gi lta ba dang /rang gi tshul khrims dang / brtul zhugs dang / bdag tu smra ba spong ba yongs su shes pa ston pa ni ma yin no/ /de la dge sbyong dang bram ze gzhan gang yin pa de dag dang lta ba mi mtshungs pa la tshul khrims dang brtul zhugs mi mtshungs pa ni der lta ba'i nye bar len pa spong ba yongs su shes pa ston du zin kyang tshul khrims dang /brtul zhugs dang / bdag tu smra ba nye bar len pa gnyis spong ba yongs su shes pa ston pa ma yin no/ /tshul khrims dang brtul zhugs mi mtshungs pa gang yin pa da ni der tshul khrims dang / brtul zhugs nye bar len pa spong ba yongs su shes pa ston du zin kyang bdag tu smra ba nye bar len pa ni dus thams cad du phyi rol pa thams cad dang /thun mong ba yin te/ de bas na de dag ni bdag dang gzhan gyi bdag tu smra ba nye bar len pa spong ba yongs su shes pa ston pa ma yin no/ /de dag ni nye bar len pa de rnams spangs su zin kyang zad par ma spangs pa'i phyir phyi ma la nye bar len par 'gyur ba'i rgyur 'gyur ro//de ltar na de dag gis nye bar len par zad par ma spangs pa dang gtan du ma spangs pa'i phyir mthar thug pa thob pa ma yin no/ /chos 'di pa'i ston pa ni de las bzlog pa yin par rig par bya ste/'di las phyi rol pa'i ston pa rnams dang / chos 'di pa'i ston pa mi mtshungs pa ni de yin par rig par bya'o// // rnal 'byor spyod pa'i sa las gzhi bsdu ba / bam po bcu dgu pa/ dran pa nye bar gzhag pa bzhi bsgom pa'i sgo nas mdor bsdu na gnas gsum dang / sa gsum dang / gang zag gsum gyis dge sbyong gi tshul gyi don thams cad bsdus par rig par bya ste/ gnas gsum gang zhe na/ shes bya dang / shes pa dang / rtogs pa'o/ /sa gsum gang zhe na/ yang dag pa'i sbyor bas bsdus pa'i so so'i skye bo'i sa dang / slob pa'i sa dang / mi slob pa'i sa'o/ /gang zag gsum gang zhe na/ yang dag par brtson pa'i so so'i skye bo dang / slob pa dang / mi slob pa'o/ /de la shes bya gang zhe na/ reg pa'i skye mched drug po rnams kyi rten gyi tshul gyis sa la sogs pa'i khams drug dang / yid 'jug pa'i byed pa bco brgyad kyi rten gyi tshul gyis reg pa'i skye mched drug dang /sems kun nas nyon mongs par byed pa'i phyir yid 'jug par byed pa bco brgyad do/ /de la shes pa gang zhe na/ sems rnam par dag pa'i phyir shes rab kyi gnas so/ /rtogs pa gang zhe na/ shes rab kyi gnas nyid kyi phyir bden pa'i gnas dang /gtong ba'i gnas dang / nye bar zhi ba'i gnas so/ /de la shes rab kyi gnas ni so so'i skye bos shes rab gang la gnas nas yang dag par brtson pa byas pa so so'i skye bo'i sa la dge ba'i chos legs par bsgoms pa'i rgyus bag yod par byas na/ slob pa'i sa la 'jug pa'am/ yang na shes rab gang la gnas nas dgra bcom pa mi slob pa'i sa las zad pa shes pa thob pa'i phyir bdag gi ni zad do snyam du yang dag pa ji lta ba bzhin du rab tu shes pa dang / slob pa dang mi slob pa rnams kyi 'jig rten las 'das pa'i shes pa'i phyi nas byung ba'i 'jig rten pa'i shes rab gang yin pa'o//bden pa'i gnas gang zhe na/ 'phags pa'i lam yan lag brgyad pa thob pa'i nyon mongs pa spang ba gang yin pa ste/ gang la gnas nas phyi ma la gtan du sdug bsngal 'byung bar mi 'gyur ro / /de bas na de ni gtan du brjed ngas pa med pa'i phyir bden pa'i gnas zhes bya'o//gtong ba'i gnas gang zhe na/ gang gis dngos po spangs pa ste/ gang la gnas nas spangs pa'i dngos po la spyod kyang kun nas nyon mongs par mi 'gyur bar tshe 'di la yid bde bar gnas pa'o/ /nye bar zhi ba'i gnas gang zhe na/ lam ji ltar thob pa'i kun du sbyor ba'i dngos po'i lhag ma spang bar bya ba'i phyir bsgom pa ste/gang la gnas nas kun du sbyor ba'i lhag ma rnams dang dngos po'i lhag ma ma lus par spong ba'o/ /de dag thams cad bsdus pa ni rtogs par bya ba'i shes pa yin no/ /rtogs par gyur na nyon mongs pa dang dngos po spangs pa'i 'bras bu gnyis kyi sgo nas 'phags pa'i lam 'bras bu dang bcas pa yin no//de la gcig gis ni ma rtogs pa rtogs par 'gyur ro/ /gnas gnyis pas ni ma 'ongs pa na sdug bsngal spong bar 'gyur ro/ /gsum pas ni tshe 'di la bde bar gnas pa dang ldan par 'gyur ro//bzhi pas ni spong ba yongs su ma rdzogs pa yongs su rdzogs par 'gyur te / de tsam gyis na rnal 'byor pa'i rnal 'byor du bya ba thams cad rdzogs pa yin te/ 'di lta ste/ ma rtogs pa dang po rtogs pa'am/ ma 'ongs pa na sdug bsngal spong bar 'gyur ba'am/ tshe 'di'i bde ba la gnas pa'am gong du spong ba yongs su ma rdzogs pa yongs su rdzogs par 'gyur ba ste/ de dag thams cad kyang gnas bzhi las 'byung bar rig par bya'o/ /de la 'phags pa'i lam thob pa ni zhi ba'i lam zhes bya'o/ /de'i gong du nyon mongs pa dang /dngos po spang ba'i phyir bsten pa na dngos po spong ba'i phyir zhing rgyas par 'thob par bya ba'i phyir 'phel bar 'gyur ba dang / nyon mongs pa spang ba yang ma thob pa las yongs su nyams par mi 'gyur bar srung bar byed pa'o/ /de la ji ltar na shes pas shes bya la nye bar rtogs pa na/rtogs par bya ba rtogs par 'gyur zhe na/ so so'i skye bo yang dag par brtson pas so so'i skye bo'i sa las khams lnga la nye bar rtog pa na/ nang dang phyi rol gyi bye brag gis lus la lus kyi rjes su lta bas gnas te/ 'di lta ste/ sems rnam par grol ba dang / shes rab rnam par grol ba'i don du de ltar tshul bzhin du brtson pa de khams rnams la khams tsam du 'du shes pas gnas la khams tsam la bdag med par mthong bas/so sor brtags pa'i stobs la brten nas gzugs kyi khams thams cad las 'dod chags dang bral bar 'gyur te/ dmigs pa de yan chad pa ni ma yin no/ /ma 'ongs pa la mi 'dod pa dang / da ltar la lhag par zhen pa med pa'i sgo nas kyang bral bar 'gyur te/ bag la nyal bcom pa'i phyir ni ma yin no/ /de 'dod chags dang bral bas sems rnam par grol ba'i phyir 'dod chags dang bral ba'i sems rnam par dag par 'gyur ro//dmigs pa ma chad pas ni bag la nyal ma spangs pa'i lhag ma yod do/ /gong du rnam par dag par bya dgos so/ /de gong du reg pa'i skye mched drug gis bsdus pa'i shes bya la nye bar rtog pa na tshor ba rnams la tshor ba'i rjes su lta bas gnas so/ /de snga ma bzhin du so sor rtog pa'i stobs la brten nas/tshor ba'i khams la 'dod chags dang bral bar 'gyur te/ rten cing 'brel bar 'byung bas mi rtag par brtags nas/ snga ma bzhin du de'i dmigs pa de ma chad par 'gyur ro/ /de ma rig pa dang bral bas shes rab rnam par grol ba'i phyir rig pa'i 'dus te reg pa las byung ba'i tshul bzhin du yid la byed pa dang ldan pa'i dge ba'i tshor ba thams cad la kun nas nyon mongs pa'i lhag pa'i btang snyoms nye bar gnas pa gang yin pa de ni ma rig pa'i 'dus te reg pa las byung ba'i tshor ba'i rkyen las byung ba'i 'dod chags dang bral ba'i phyir yongs su dag pa yin no//bag la nyal ma spangs pa'i phyir ni lhag ma yod de gong du rnam par dag par bya dgos so/ /de de'i gong du yid 'jug par byed pa bco brgyad la nye bar rtog pa na cig car sems dang chos kyi rjes su lta bas gnas so/ /de 'di snyam du sems te/yid 'jug par byed pa bco brgyad po 'di rnams kyi nang na ni/ 'di lta ste/ gzugs rnams las 'das pa gzugs med pa'i zhi ba dang / rnam par grol ba gang yin pa de dag mchog yin no/ /btang snyoms dang mthun pa'i chos de dag la ni yid 'jug par byed pa yod de/de ltar 'jug par byed pa gya nom pa de la yang / bdag gis snyoms par 'jug pa dang / skye ba'i btang snyoms yongs su dag pa 'di gtad par byas na ni de'i rgyus kyang bdag gi sems kun nas nyon mongs pa kho nar 'gyur ro snyam du rig nas gtod par mi byed de/ de ni de'i sems la sems kyi rjes su lta ba yin no/ /de skye mched de dag la yang mi rtag par yang dag par rjes su lta ba de ni de'i chos la chos kyi rjes su lta ba yin no/ /de de'i tshe 'du shes kyi snyoms par 'jug pa gsum dang / 'du shes med 'du shes med min skye mched 'du byed kyi lhag ma srid pa'i rtse mo'i 'dod chags dang yang bral bas na/'du shes kyi khams dang / 'du byed kyi khams kyi 'dod chags dang bral bar 'gyur te/ snga ma bzhin no/ /de nyid kyis yang dag pa'i sbyor bas bsdus pa'i so so'i skye bo'i sa la sems rnam par dag par byas nas slob pa'i sems rnam par grol ba mngon sum du bya bar 'dod de/lus dang / tshor ba dang / sems dang / chos rnams la chos tsam du zad de/ bdag med par mngon nas srid pa thams cad las sems lhag par btang snyoms su bya ste/ bdag ni yod par 'gyur ro zhe'am/med par 'gyur ro snyam du mngon par 'du mi byed do//'di la gang su yang yod par 'gyur ba'am/ med par 'gyur ba med do snyam du yang dag pa ji lta ba bzhin du rab tu shes te/ des de ltar shes pas rim gyis mthong ba dang bsgom pas spang bar bya ba'i zag pa rnam pa gsum las sems rnam par grol bar 'gyur ro//des zad pa shes pa thob pas lus 'di zhig nas phyi ma la thams cad kyi thams cad du tshor ba rnams mi 'byang bar yang dag par rjes su mthong ngo / /de'i tshe zag pa zad pa de la de'i zad pa shes pa gang yin pa de ni shes rab kyi gnas rnams kyi nang na mchog yin te/so so'i skye bo dang slob pa rnams kyi ni dri ma dang bcas pa yin la de'i ni gcig tu nges par dri ma med pa'i phyir ro/ /de'i shes rab de yang nyon mongs pa thams cad spong ba'i 'gog pa'i bden pa la zhi ba'i rnam par dmigs pa'i sgo nas bstan pa yin te/ brjed ngas pa tsam gyis kyang bskyod par mi nus so//de'i sems dang shes rab rnam par grol ba de ni 'di lta ste/ so so'i skye bo dang slob pa rnams kyi gnas skabs ltar brjed ngas pa tsam gyis zad par byed mi nus te/ de dag ni brjed ngas pa'i chos can yin pa'i phyir de ni yongs su rdzogs pa'i bden pa ma yin no//mi slob pa de'i ni rtag tu ji lta ba bzhin du 'dug pas na yongs su rdzogs pa'i bden pa yin te/ de bas na de ni bden pa'i gnas kyi mchog dang ldan pa dang / phung po'i dngos po thams cad gtod pa'i phyir gtod pa'i gnas kyi mchog dang yang ldan no/ / de'i lam gyi 'bras bu ma lus par yang dag par grub pas na/ lam shin tu bsgoms pa yin te/ so so'i skye bo dang slob pa rnams kyi ni de lta ma yin no/ /de bas na de'i de ni nye bar zhi ba'i gnas kyi mchog yin no/ / ci'i phyir mi slob pa 'ba' zhig gi gnas bzhi ni mchog yin la so so'i skye bo dang slob pa rnams kyi ni de lta ma yin zhe na/de la gnas pa de'i ni nyes 'jag rdul tsam yang med la so so'i skye bo'i sa la gnas pa'i ni mang du yod pa dang / slob pa'i ni nyung ngu yod pa'i phyir ro/ /nyes 'dzag rnams gang zhe na/ snga ma bzhin du g.yo ba dang rlom pa la sogs pa yin par rig par bya'o//de dag thams cad kyi thams cad du spangs pa'i phyir yongs su rdzogs pa'i thub pa'i rang bzhin thob pas na thub pa zhi ba zhes bya'o/ /phyi ma'i rgyu bsal ba dang / thog ma dang / bar ma dang / tha ma rnams su skye ba dang / rga ba dang / 'chi ba'i sdug bsngal nye bar zhi ba dang /tshe 'di la rgyu zhing 'gro ba na 'jig rten gyi chos bzhi la rjes su chags pa nye bar zhi ba dang / bzhi la ni khong khro ba nye bar zhi ba dang / gnas shing 'dug pa na yang 'dre ba rnam par zhi ba'i phyir ro/ /byang chub kyi phyogs dang mthun pa'i chos rnams bsgom pa yongs su rdzogs pa'i sgo nas rgyu bdun gyis dam pa'i chos bdun rnam par gzhag par rig par bya ste/bdun gang zhe na/thos pa las byung ba'i yid la byed pa'i dmigs pa dang / bsams pa las byung ba'i dmigs pa dang / bsgoms pa las byung ba'i dmigs pa dang / yid la byed pa gsum po de dag nyid kyi sbyor ba'i tshe yang zang zing gi longs spyod kyi zang zing gi longs yongs su spyod pa khong du chud pa dang zang zing dang chos kyi longs spyod gzhan las dus dus su 'thob pa dang /mthar thug pa'i tshe yang bdag nyid mngon pa'i nga rgyal med pas chud za bar mi 'gyur ba dang / gzhan la mngon pa'i nga rgyal med pas chud za bar mi 'gyur ro//de la zhi gnas dang rab tu 'dzin pa dang btang snyoms kyi mtshan ma rnams la bsgom pa'i phyir dus shes pa ste/ 'di lta ste/ nyan thos kyi sa dang mnyam par gzhag pa'i sa las 'byung ba bzhin no/ /zos pa dang 'thungs ba la sogs pa'i don kyang nyan thos kyi sa las 'byung ba bzhin du rig par bya'o//de la zang zing gi longs spyod kyi phyir rgyal rigs dang bram ze dang khyim bdag gi 'khor rnams dang / chos kyi longs spyod kyi phyir dge slong gi 'khor rnams su bdag gis 'di ltar bgrod par bya ste/ lus shin tu bsrungs ba dang /dbang po rnams shin tu bsdams pa dang / dran pa la shin tu gnas pas sgo drung du 'greng bar bya ste/ ma gnang gi bar du nang du 'gro bar mi bya'o/ /nang du 'ongs na yang ma gnang gi bar du stan gyi drung du 'gro bar mi bya'o/ /'dug na yang drag tu ljid kyis dbab par mi bya'o snyam pa nas rgyas par sbyar ro//smra bar bya ba yang tshig rnam pa lnga ste/dus dang / rigs pa dang / ran pa dang / zhi ba dang / drang por smra ba'o/ /dus lngar ni kha rog par 'dug par bya ste/yengs pa dang / 'gog pa dang / thab mo snyogs pa dang /klan ka tshol zhing 'dug pa dang / g.yar 'dren pa dang / smra ba'i tshe ste/ gtam gyi mjug rdzogs pa bsdad pa'i phyir ro/ /de la dus dus su smra ba gang zhe na/ yengs pa'am/mi brel ba'am/ nyan par mi 'dod pa'am/ spyod lam 'tsham pa ma yin pas gnas pa la mi smra ba dang /sngar bya ba bstan zin nas khyad par dang ldan pa ston pa dang / gtam gyi mjug rdzogs pa bsdad nas gzhan dag la tshig smra ba ste/ 'di dang de dang mthun pa rnams ni dus dus su smra ba yin par rig par bya'o/ /rigs pa rnam pa bzhi la brten nas bden pa'i tshig dang don dang ldan pa gang yin pa de ni rigs pa zhes bya'o//tshig dang yi ge ran pa dag gis tshig ci tsam mi brjod du mi rung ba de tsam zhig smra bar byed de / mi nyung ba mi mang ba dang / ma 'dres pa dang / don med pa ma yin pa'i tshig 'di ni ran par smra ba zhes bya'o/ /rgod pa med pa'i tshig smra ba dang /lab lab po ma yin pa dang / lus kyi nyes rtsom med pa dang / ngag gi nyes rtsom med pa 'di ni zhi bar smra ba'o/ /tshul 'chos pa med pa dang / ma bcos pa'i tshig dang g.yo dang bral ba'i phyir thad kar smra ba 'di ni drang por smra ba yin par rig par bya'o/ /dad pa la sogs pa dge ba'i chos rnams bdag la med bzhin du yod do snyam du mngon pa'i nga rgyal mi byed la chung ngu dag la yang lhag par sgro 'dogs par mi byed de ci yod pa dang /ci tsam yod pa de nyi tshe yang dag pa ji lta ba bzhin du rab tu shes te/ de bas na bdag shes pa yin no/ /de la dad pa sngon du 'gro ba'i tshul khrims yang dag par blang ba dang /tshul khrims yang dag par blang ba sngon du 'gro ba'i thos pa yongs su tshol ba dang / de sngon du 'gro ba'i nyes pa gtong ba dang / yo byad thams cad dang lus dang srog la yang mi lta ba dang / de sngon du 'gro ba'i sems mnyam par gzhag na yang dag par shes pa'o//chos lnga po de dag kyang rgyu bzhis rab tu phye ba yin te/ gzhan gyi lung ste/ lung gi dbang du byas pa dang / rang gi rtogs pa dang / rang bzhin gyis rtog pa'i spobs pa dang / sngon goms pas rang bzhin gyis yon tan de la sbyor ba'i ya rabs kyi tshul yod pa'i sgo nas so//gang zag ni 'di gnyis yin te zhes bya ba ni gnyis gnyis su bstan pa'o/ /'di gnyis ni zhes bya ba ni rnam par dbye ba'o/ /'di gnyis kyi nang na 'di ni legs pa yin no zhes bya ba ni tha dad par dbye ba yin par rig par bya'o/ /dam pa'i chos bdun bsgoms pa'i phan yon ni gnyis te/tshe 'di la shin tu sbyangs pa'i bde ba dang / shes bya'i de kho na mngon par rtogs pa las byung ba'i yid bde bas bde ba dang / yid bde bas shas cher gnas pa dang / de'i gnas pa de nyid ni zag pa zad par 'gyur ba'i tshul bzhin no/ /byang chub kyi phyogs dang mthun pa'i chos rnams bsgom pa'i phyir legs par gsungs pa'i chos 'dul ba la ni mdor bsdu na/bslab pa rnams dang / bslabs pa'i 'bras bus chos thams cad bsdus te/ bslab pa rnams gang zhe na/ bslab pa gsum ste/ lhag pa'i tshul khrims dang / lhag pa'i sems dang / lhag pa'i shes rab bo/ bslabs pa'i 'bras bu gang zhe na/ phung po'i lhag ma dang bcas pa dang / phung po'i lhag ma med pa'i mya ngan las 'das pa'i dbyings so/ /de la chos thams cad ni 'di rnams yin te/ rab tu 'byung bar bya ba dang / mya ngan las 'das pa thob par bya ba'i phyir chos la 'dun pa dge ba ste/thog ma kho nar tshul khrims yang dag par len par byed do/ /gang gi phyir mthar gyis yongs su mya ngan las 'da' bar 'gyur ba de'i phyir de dag ni 'dun pa'i rtsa ba can zhes bya'o/ /de dag kyang tshul khrims la brten nas dam pa'i chos mnyan pa dang ldan pa'i thos pa bzung nas/dam pa'i chos mnyan pa'i dbang gis 'byung ba'i tshig bla dgas dang / rig pa'i 'dus te reg pa las 'grub par 'gyur te/ de bas na reg pa'i rgyu can zhes bya'o/ /de dag kyang rig pa'i 'dus te reg pa las byung ba'i tshor ba rnams las phung po'i lhag ma dang bcas pa'i mya ngan las 'das pa la thug pa'i bar du yang dag par gzhol ba dang /bde ba'i don du yang dag par brtsams pa dang / bde ba de yang gcig tu nges par kha na ma tho ba med pa yin pas na de'i phyir tshor ba la yang dag par gzhol ba de dag ni bslab pas bsdus pa'i chos rnams zhes bya'o//de dag kyang reg pa'i 'dus te reg pa de dang / reg pa'i 'dus te reg pa las byung ba'i tshor ba de dag gi sgo nas thos pa dang / bsams pa dang / bsgoms pa las byung ba'i tshul bzhin yid la byed pa las 'byung ste/de bas na yid la byed pa las byung ba zhes bya'o/ /de'i tshe na dran pa nye bar gzhag pa bzhi la lhag mthong gi phyogs dang mthun pa'i dran pas lhag mthong la brten nas/ nang gi sems kyi zhi gnas kyi dbang du 'gyur te/ de bas na dran pa'i dbang gis 'byung ba zhes bya'o//dran pa'i dbang gis byung ba'i zhi gnas de yang phyis bden pa mngon par rtogs pa shes bya'i gtso bor 'dug ste/ de bas na ting nge 'dzin gtso bo zhes bya'o/ /bden pa mngon par rtogs pa'i shes rab de yang 'di lta ste/ zag pa yongs su ma lus par zad pa'i phyir bla ma dang gtso bo yin te/de bas na shes rab bla ma zhes bya'o/ /zag pa thams cad zad nas kyang mthar thug pa'i rig pa'i 'dus te reg pa las byung ba'i tshor ba dang ldan pa'i rnam par grol ba gang yin pa de ni bslab pas bsdus pa'i chos de dag gis yang dang yang du thob par bya ba ma yin te/de ni lan cig kho nas thob pa yin la rnam par grol ba de yang bde ba thams cad kyi mchog kha na ma tho ba med pa'i snying po yin te/ de bas na rnam par grol ba'i snying po zhes bya'o/ /de ltar sems shin tu rnam par grol ba ni rig pa'i 'dus te reg pa las byung ba'i tshor ba de dang /bslab pas bsdus pa'i chos de dag dang / rten du gyur pa'i phung po dang bcas par phung po'i lhag ma med pa'i mya ngan las 'das pa'i dbyings su rang gi ngang gis gtan du 'gag par 'gyur te/ de bas na mya ngan las 'das pa'i mthar thug pa zhes bya'o/ /de la 'dun pa'i dbang du byas nas tshul khrims yang dag par len pa gang yin pa 'di ni lhag pa'i tshul khrims kyi bslab pa'o//reg pa dang / tshor ba dang / lhag pa'i sems dang lhag pa'i shes rab kyi rten gyi gzhi'i tshul gyis yid la byed pa dang / dran pa dang / ting nge 'dzin sbyor ba dang / bcas pa ni lhag pa'i sems kyi bslab pa'o/ /shes rab bla ma ni lhag pa'i shes rab kyi bslab pa ste/ bslab pa gsum po 'di dag ni gzhi dang bcas par rig par bya'o/ /rnam par grol ba'i phung po'i lhag ma dang bcas pa'i mya ngan las 'das pa ni bslab pa'i 'bras bu dang po'o/ / mya ngan las 'das pa'i mthar thug pa phung po'i lhag ma med pa'i mya ngan las 'das pa ni bslab pa'i 'bras bu gnyis pa'o/ /bslabs pa rnams dang bslabs pa'i 'bras bu de rnams bsdus pa ni chos thams cad yin no/ /bslab pa 'bras bu dang bcas pa de dag yang dag par 'grub pa'i tshogs su gyur pa ni nyes pa rnam pa brgyad kyi gnyen por 'du shes rnam pa dgu 'dris par bya ba yin par rig par bya ste/rnam pa brgyad gang zhe na/ rnyed pa dang bkur sti la yongs su zhen pa dang / yang srid par skye ba'i 'du byed la 'chums pa dang / le lo dang / snyom las dang / 'jig tshogs la lta ba dang /rol sred pa dang / 'jig rten sna tshogs la 'dun pa'i 'dod chags kyi rjes su chags pa dang / bag med pa la gnas pa dang / nyes par spyod pa'i sbyor ba dang / smon nas tshangs par spyod pa la gnas pa'o/ /'du shes 'dris par bya ba rnam pa dgu gang zhe na/ 'di ltar rab tu 'byung ba'i 'du shes 'dris par bya ba dang / 'du byed thams cad la nyes dmigs kyi 'du shes 'dris par bya ba dang / mi rtag pa'i 'du shes 'dris par bya ba dang / mi rtag pa la sdug bsngal ba'i 'du shes 'dris par bya ba dang / sdug bsngal ba la bdag med pa'i 'du shes 'dris par bya ba dang /zas la mi mthun pa'i 'du shes 'dris par bya ba dang / 'jig rten thams cad la mngon par mi dga' ba'i 'du shes 'dris par bya ba dang / 'jig rten gyi mthun pa dang / mi mthun pa'i 'du shes 'dris par bya ba dang / skye ba dang 'jig pa dang kun 'byung ba dang nub pa dang ro myang ba'i nyes dmigs dang nges par 'byung ba'i 'du shes 'dris par bya ba'o//de la chos mthun par spyod pas bsdus pa'i bde 'gror 'gro ba'i dge ba'i lus dang ngag dang yid kyi las ni mthun pa zhes bya'o/ /chos ma yin pa mi mthun pa'i spyod pas bsdus pa ngan 'gror 'gro ba mi dge ba'i lus dang ngag dang yid kyi las ni mi mthun pa zhes bya'o//'di na gnas pa skyes shing byung ba'i phyi ma'i mtha'i skye ba'i sdug bsngal ni skye ba'o/ /sngon gyi mtha' las byung bas tshe 'di la 'chi ba'i sdug bsngal ni 'jig pa'o/ /kun 'byung ba la sogs pa lhag ma rnams kyis rab tu dbye ba ni snga ma bzhin du rig par bya'o//'di las phyi rol ba'i mu stegs can ni dam pa'i chos ma yin pa thos pa'i dbang gis byung ba'i tshul bzhin ma yin pa'i 'du shes la brten nas/ ma rig pa'i 'dus te reg pa las byung ba'i tshor ba skye bar 'gyur te/ de la brten nas zag pa rnams skye bar 'gyur ro//phyi rol pa de ni zag pa rnams kyang yang dag pa ji lta ba bzhin du rab tu mi shes so/ /ma rig pa'i 'dus te reg pa las byung ba'i tshor ba de dang / dam pa'i chos ma yin pa thos pa'i dbang gis byung ba'i log pa'i 'du shes kyang yang dag pa ji lta ba bzhin du rab tu mi shes so//des gnas gsum po de dag yang dag pa ji lta ba bzhin du rab tu mi shes pas 'dod pa yongs su tshol bar byed do/ /srid pa yang tshol bar byed do/ /log pa'i tshangs par spyod pa tshol bas 'jig pa yang tshol bar byed do/ /des ni 'dod pa rnams kyang yang dag pa ji lta ba bzhin du rab tu mi shes so//yang srid par skye ba'i las byas kyang yang dag pa ji lta ba bzhin du rab tu mi shes so/ /sdug bsngal yang yang dag pa ji lta ba bzhin du rab tu mi shes so/ /de la snga ma lnga ni kun 'byung ba'i bden pa'i gnas yin no/ /tha ma ni sdug bsngal gyi bden pa'i gnas yin te/de ltar na phyi rol pa de ni kun 'byung ba'i bden pa dang / sdug bsngal gyi bden pa yang dag pa ji lta ba bzhin du rab tu mi shes so/ /kun 'byung ba'i bden pa dang / sdug bsngal gyi bden pa de yang mdor bsdu na kun nas nyon mongs pa dang / rnam par byang ba rnam pa gnyis kyi sgo nas yang dag pa ji lta ba bzhin du rab tu mi shes so//de la kun nas nyon mongs pa ni rnam pa bzhi ste/ rang bzhin dang / rgyu dang / 'bras bu dang / rgyu dang / 'bras bu'i rab tu dbye ba'o/ /de la rnam par byang ba ni rnam pa gnyis te/ kun 'byung ba dang / sdug bsngal 'gog pa dang / 'gog par 'gyur ba'i lam mo/ /de ltar 'phags pa'i bden pa bzhi la shes pa med pa de dag ni byang chub kyi phyogs dang mthun pa'i chos rnams ma bsgoms pa'i rgyus gtan du mthar thug pa'i tshangs par spyod pa ma yin te/ des na nges par 'byed pa ma yin pa zhes bya ste/zag pa rnams ma zad pa'i phyir ro/ /de las bzlog pa ste/chos 'di pa'i gtan du mthar thug pa'i tshangs par spyod pa ni nges par 'byed pa yin par rig par bya ste/ zag pa rnams zad pa'i phyir ro/ /gang zag rnam pa drug po kun nas nyon mongs pa dang /rnam par byang ba'i chos nyid kyi sgo nas de bzhin gshegs pa rnams kyi skyes bu chen po'i dbang po'i ye shes dang /phyi ma la chos yang dag par skye ba'i ye shes 'jug go/ /gang zag rnam pa drug po rnams gang zhe na/ 'di na gang zag kha cig gis sngon gyi tshe rabs gzhan dag tu chos 'dul ba 'di la dad pa thob pa nas/rgyas par lta ba dang po'i bar du byas nas de da ltar nyes par bshad pa'i chos 'dul ba la skyes bu dam pa ma yin pa bsten pa la brten nas/ dam pa'i chos ma yin pa thos pa dang / tshul bzhin ma yin pa yid la byed pa'i sgo nas tshe 'di la thog ma kho nar lta ba dang /sred pa dang / las kyi kun nas nyon mongs pa bskyed do/ /de de'i tshe sngon gyi dge ba'i chos de dag dang yang ldan la/ tshe 'di'i mi dge ba de dag dang yang ldan te / de de'i 'og tu legs par gsungs pa'i chos 'dul ba la skyes bu dam pa bsten pa la brten nas/tshul bzhin yid la byed pa'i bar dag gi sgo nas/ sngon gyi rgyu de kho nas nyes par bshad pa'i chos 'dul ba de las phyir ldog ste/ nyes par bshad pa yin no snyam pa'i 'du shes kyis mi dge ba'i chos de dag dang du mi len cing sel bar byed do/ /de yang phyi ma la 'dir rnam par dag pa'i chos can du 'gyur ba 'di ni gang zag dang po'o//gzhan yang gang zag kha cig ni sngon tshe rabs gzhan dag tu chos 'dul ba gnyi ga la spyad par 'gyur te/ de de'i rgyus tshe 'di la dge ba'i chos rnams dang yang ldan la mi dge ba'i chos rnams dang yang ldan te/de de ltar yang thog ma kho nar snga ma bzhin du legs par gsungs pa nas tshul bzhin yid la byed pa'i bar du 'thob ste/ tshe 'di la de'i mi dge ba de dag gsar du ma skyes pas nub par 'gyur la dge ba rnams gsar du skyes pas 'byung bar 'gyur te/ de'i sngon gyi mi dge ba'i rtsa ba bag la nyal gyi tshul gyis gnas pas chad par ma gyur pa gang yin pa de yang de ltar bag yod par gnas pas thams cad kyi thams cad du chad par 'gyur te/de ltar na 'di yang phyi ma la rnam par dag pa'i chos can du 'gyur te/ 'di ni gang zag gnyis pa'o/ /gzhan yang kha cig ni sngon tshe rabs gzhan dag tu gcig tu nges par phyi rol spyod par 'gyur te/de ni da ltar yang de'i rgyus rab tu 'byung ba la goms pa dang / log par lta ba la goms pas legs par gsungs pa'i chos 'dul ba la rkyen tshogs pa dang phrad nas rab tu byung ngo / /de ltar rab tu byung nas kyang log par lta ba kho nar 'gyur te/rang gi lta ba la mchog tu 'dzin pas gnas so/ /de'i mtshams med pa'i las kyang byed la dge ba'i rtsa ba rnams kyang gcod par byed do/ /mi dge ba'i chos rnams su gcig tu nges par yang 'gyur ro/ /ngan song du 'gro bar nges par yang 'gyur te/'di ni gang zag gsum pa'o/ /gang zag gsum po de rnams kyi nang na dang po ni sngon 'di'i rgyu la spyod par 'gyur la tshe 'di la ni sngar bag med par gyur pa las phyis bag yod par rig par bya'o/ /gang zag gnyis pa ni sngon 'di dang phyi rol gnyis ka'i rgyu la spyod par gyur la/tshe 'di la ni gcig tu nges par bag yod par rig par bya'o/ /gsum pa ni sngon yang gcig tu nges par phyi rol spyod par gyur la/ tshe 'di la yang gcig tu nges par bag med par rig par bya'o/ /gang zag gsum po de dag gi zla yang gang zag gzhan gsum yod de/ de las bzlog pa yin par rig par bya'o//de la dang po ni sngon phyi rol spyod par gyur la tshe 'di la ni sngar bag yod par gyur nas/ phyis bag med par gyur par rig par bya'o/ /gnyis pa ni sngon 'di dang phyi rol gnyis ka'i rgyu spyod par gyur la/ tshe 'di la ni gcig tu nges par bag med par rig par bya'o//gsum pa ni sngon gcig tu nges par phyi rol gyi rgyu spyod par gyur la tshe 'di la ni gcig tu nges par bag yod par rig par bya'o/ /de la sngon gyi dge ba dang /mi dge ba'i rgyu gang yin pa de ni sa bon lta bu'o / /de la sngon gyi dge ba'i sa bon gyi ni chos 'dul ba 'di da ltar gyi zhing gshin pa lta bu'o//mi dge ba'i sa bon gyi ni zhing ngan pa lta bu'o/ /de las bzlog pa ste/ sngon gyi mi dge ba'i sa bon gyi ni da ltar gyi nyes par bshad pa'i chos 'dul ba zhing gshin pa lta bu yin la/ dge ba'i sa bon gyi ni zhing ngan pa lta bu yin no/ /'dir dge ba'i chos skye ba ni sngon gyi rgyu'i dbang gis byung ba yin te/ma rig pa'i mun pa lta bu'i mi dge ba'i chos kyi gnyen po'i tshul gyis snang ba lta bu'o/ /mi dge ba'i chos de dag ni snang ba lta bu'i dge ba'i chos kyi mi mthun pa'i phyogs yin par rig par bya'o/ /de ltar na sngon gyi mi dge ba'i chos de dag ni lus dang /sems yongs su gdung ba'i don gyis ma dag me lta bu'o/ /nyes par bshad pa'i chos 'dul ba ni da ltar gyi 'dam bu skam po'i khyim lta bu'o/ /sngon gyi dge ba'i chos rnams ni nyon mongs pa sreg pa'i sgo nas mdag me lta bu'o/ /nyes par bshad pa'i chos 'dul ba ni de rnams kyi rdo'i sa gzhi dang /ro skam lta bu'o/ /sngon gyi mi dge ba spangs pas sol ba lta bur gyur ba'i ni chos 'dul ba 'di rdo'i sa gzhi dang / ro skam lta bu'o/ /de la de bzhin gshegs pa'i skyes bu chen po ni dbang po mchog dang mchog ma yin pa mkhyen pa'i stobs bla na med pas/sngon gyi dge ba dang mi dge ba'i rgyu las yang dag par grub pas dbang po de yang ci rigs par yang dag pa ji lta ba bzhin du rab tu mkhyen la/ tshe 'di la rnam par dag pa dang / kun nas nyon mongs pa'i sgo nas gnas pa de dag gi phyi ma la rnam par byang ba dang / kun nas nyon mongs pa'i chos yang dag par skye ba gang yin pa de yang yang dag pa ji lta ba bzhin du rab tu mkhyen te/de bas na ngo mtshar rmad du byung ba dang ldan pa zhes bya'o/ /ngan 'gror 'gro ba dang / bde 'gror 'gro ba'i lam las yang dag par 'das pa la ni rnam grangs lnga yod par rig par bya ste/rnam grangs gang dag gis rang gis yang dag par 'das pa yang yang dag pa ji lta ba bzhin du rab tu shes la/ gzhan dag gi yang dag par 'das pa yang rab tu shes pa ste/ 'di lta ste/ sangs rgyas rnams dang / sangs rgyas kyi nyan thos rnams so//de la ngan 'gror 'gro ba'i lam gang zhe na/ 'di las phyi rol pa rnams 'jig tshogs la lta ba'i rtsa ba las byung ba sdig pa can gyi lta bar gyur ba dmigs pa dang bcas shing rten dang bcas pa gang yin pa de dag la brten nas sdig pa 'dod pa dang / rnam par 'tshe ba dang /srog gcod pa la sogs pa'i sdig pa mi dge ba'i chos rnams rnam pa du ma nas/ mdo las ji skad byung ba bzhin du/ chos ma yin pa spyod pa dang / mi mthun pa spyod pa yan chad kyi bar gyi ngan song du 'gro bar byed pa dang / sems can dmyal bar 'gro bar byed ba dang / ngan 'gror 'gro bar byed pa rnams 'byung bar 'gyur te/ de la brten nas de dag ngan 'gro rnams su skye bar 'gyur te/ de'i rgyu las byung ba'i mi sdug pa'i rnam par smin pa nyams su myong bar 'gyur ba 'di ni ngan 'gror 'gro ba'i lam mo/ /de la thos pa dang ldan pa'i 'phags pa nyan thos ni dmigs pa gang las lta bar gyur ba de dag skye bar 'gyur ba dang /rang gi gnas la mngon par zhen pa gang yin pa dang / ngan song du 'gro bar byed pa'i gnas sdig pa 'dod pa la sogs pa chos ma yin pa dang / mi mthun par spyod pa yan chad gang la gnas na mi sdug pa dang / ngan song gi rnam par smin pa de dag nyams su myong bar 'gyur ba gang yin pa de dag thams cad la 'di ni bdag gi yang ma yin no//'di ni bdag kyang ma yin te/ 'di ni bdag gi bdag kyang ma yin no zhes/ de ltar de yang dag pa ji lta ba bzhin du yang dag par rjes su mthong bas bden pa mngon par rtogs pa'i mod la lta bar gyur ba'i bag la nyal de dag gi rtsa ba yang yang dag par bcom zhing spong bar 'gyur la de dag kyang gtan du nying mtshams sbyor bar mi 'gyur te/de ltar na 'phags pa nyan thos de ni lta bar gyur ba'i rtsa ba las byung ba ngan song du 'gro bar 'gyur ba'i gnas de dag gis bar du gcod par 'gyur ba dang /ngan song du 'gro bar 'gyur ba'i rgyu ma yin te/ 'di ni de'i ngan 'gror 'gro ba'i lam bsal bar bya ba'i rnam grangs dang po yin no/ /des na bdag nyid shes par 'gyur te/ 'di ltar bdag cag la sogs pa 'phags pa nyan thos rnams las gzhan so so'i skye bo 'di dag 'jig rten pa'i lam gyis mi dge ba ngan song du 'gro ba'i gnas la yang dag par 'das nas tshe 'di la bde bar gnas pa bzhi thob ste/'das nas kyang gzugs dang gzugs med pa rnams kyi zhi ba dang / rnam par grol ba thob mod kyi/de dag ni gtan du ngan 'gro bsal ba dang ldan pa ma yin te/ de bas na gzhan de dag ni 'dod pa dang / gzugs kyi 'dod chags dang bral du zin kyang / re zhig bde bar gnas pas khyad par du 'phags par zad de/ phyi ma la srog gcod par 'gyur la/ bdag cag ni srog gcod par mi 'gyur ba nas de dag gi chos ma yin pa spyod pa dang /mi mthun pa'i bar du spyod par 'gyur la/bdag cag ni de ltar mi 'gyur ro snyam pa 'di ni 'phags pa'i chos 'dul ba las 'di lta ste/ngan 'gror 'gro ba'i lam bsal ba'i rnam grangs so/ /sangs rgyas rnams dang /sangs rgyas kyi nyan thos rnams kyis kyang rnam grangs des na bsal ba de de ltar yang dag par mkhyen to/ /'phags pa nyan thos de'i ni bde 'gror 'gro ba'i lam las yang dag par 'da' bar bya ba lus te/ 'phags pa nyan thos de ni de tsam gyis chog par mi 'dzin par gong du zag pa zad par bya ba'i phyir 'dun pa bskyed cing ched du gtad nas sems skyed par byed de/'jig rten pa'i lam de la 'di ni gtan du sdug bsngal las nges par 'byung ba ma yin no snyam du de nyid nyes dmigs su mthong ba 'di ni bde 'gror 'gro ba'i lam las yang dag par 'da' bar bya ba'i phyir sems bskyed pa'i rnam grangs dang po'o//des sems ched du gtad nas bde 'gro'i srid pa'i ro myang ba de dag thams cad la de nyid nyes dmigs su mthong nas/ mu stegs yang ba las ji lta ba bzhin du sems bzlog nas/ tshe 'di la yongs su mya ngan las 'da' bar bya ba 'ba' zhig gi phyir yang dag par brtson zhing ji ltar thob pa'i mya ngan las 'da' bar 'gyur ba'i lam de 'ba' zhig la yang dag par 'jug pa de ni de'i yang dag par 'da' ba'i rnam grangs so//bsgom pa'i lam des de mthar gyis skyo bar 'gyur bas na srid pa'i rtse mo man chad du snyoms par 'jug go//de gal te btang snyoms kyi mchog de ro myong bar byed na ni bag med pa'i rgyus de tshe 'di la yongs su mya ngan las 'da' bar mi 'gyur te/ phyir mi 'ong bar 'gyur ba 'di ni de'i phyi ma la gong du 'gro ba'i rnam grangs yin no/ /gal te de la yang de nyid nyes dmigs yin par yang dag par mthong nas btang snyoms de ro myong bar mi byed na ni de tshe 'di la kun shes pa'i phung po'i lhag ma dang bcas pa la brten nas/yongs su mya ngan las 'das bar 'gyur ba 'di ni/ de'i mya ngan las 'da' ba'i rnam grangs yin te/ rnam grangs des ni rang gi yongs su mya ngan las 'das pa bde 'gror 'gro ba'i lam las yang dag par 'das pa yang dag pa ji lta ba bzhin du yongs su shes la sangs rgyas rnams dang /sangs rgyas kyi nyan thos gzhan rnams kyis kyang de'i yang dag par mkhyen to/ /de la gsal ba'i rnam grangs snga ma shos kyis ni ngan 'gror 'gro ba'i lam las yang dag par 'da' bar rig par bya'o//phyi ma sems bskyed pa dang / yang dag par 'da' ba dang / gong du 'gro ba dang / mya ngan las 'das pa'i rnam grangs bzhis ni bde 'gror 'gro ba'i lam las yang dag par 'da' bar rig par bya'o// // rnal 'byor spyod pa'i sa las gzhi bsdu ba/ bam po nyi shu pa/ 'di gnyis ni 'phags pa nyan thos bzhi mthong ba 'dod pa rnams las 'dod chags dang ma bral ba'i kun nas nyon mongs pa yin te/ 'dod pa'i kun nas nyon mongs pa dang / yang srid par skye ba'i kun nas nyon mongs pa ste/de dag gnyis las 'phags pa nyan thos kyis sems yongs su dag par bya'o/ /de la 'phags pa nyan thos ni 'dod pa'i kun nas nyon mongs pa spang bar bya ba'i phyir brtson pa na mthar gyis mi g.yo bar 'gro ba dang / ci yang med pa'i skye mched du 'gro ba dang / 'du shes med 'du shes med min skye mched du 'gro ba'i lam gsum la brten nas mi g.yo ba dang /ci yang med pa dang / 'du shes med 'du shes med min skye mched la snyoms par 'jug ste/ de ni spong ba'i gnyen po dang / thag bsring ba'i gnyen po'i sgo nas 'dod pa'i kun nas nyon mongs pa las yang dag par 'da' bar 'gyur ro//yang srid par skye ba'i kun nas nyon mongs pa spong ba'i phyir brtson par byed pa na ni 'dod pa rnams las 'dod chags dang bral bar gyur la/ gzugs rnams las 'dod chags dang ma bral te/ bdag ma gyur cig bdag gir yang ma gyur cig /bdag ni mi 'gyur ro/ /bdag gis mi 'gyur ro snyam ste/ ci yod pa dang / ci 'byung ba de yang spong bar bya'o snyam nas/ phyir yang srid par skye ba'i gnyen po'i lam bsgoms pas gzugs kyi 'dod chags dang bral bar byas nas/ 'du shes med 'du shes med min skye mched kyi bar du snyoms par 'jug ste/de gal te tshe 'di la btang snyoms de'i ro myong bar byed na ni tshe 'di la yang srid par skye ba'i kun nas nyon mongs pa las thams cad kyi thams cad du yongs su mya ngan las mi 'da' bar yongs su grol bar mi 'gyur ro/ /gal te ro myong bar mi byed na ni de tshe 'di la yang srid par skye ba'i kun nas nyon mongs pa las thams cad kyi thams cad du yongs su mya ngan las 'da' bar yang 'gyur la yongs su grol bar yang 'gyur ro//de la 'dod pa'i kun nas nyon mongs pa'i gnyen po'i sgo nas lam sgom par byed cing mthar gyis srid pa'i rtse mo'i bar du snyoms par 'jug pa gang yin pa dang /yang srid par skye ba'i kun nas nyon mongs pa'i gnyen po'i sgo nas lam sgom par byed cing mthar gyis de ltar srid pa'i rtse mo'i bar du snyoms par 'jug pa gang yin pa 'di ni thun mong ba'i rnam par grol ba ste/ de la 'phags pa rnams dang 'phags pa ma yin pa so so'i skye bo rnams kyi go skabs yod pa de'i phyir/ de la 'phags pa'i rnam par grol ba zhes mi bya'o/ /srid pa'i rtse mo man chad kyi 'jig tshogs thams cad ni sdug bsngal ba'o snyam du rig nas srid pa'i rtse mo las 'das te/tshe 'di la nyon mongs pa thams cad spong ba gang yin pa 'di ni 'phags pa rnams 'ba' zhig gi rnam par grol ba yin te/ de bas na 'phags pa'i rnam par grol ba zhes bya'o/ /de dag thams cad gcig tu bsdus na gnas lngar 'gyur te/ mi g.yo bar 'gro ba'i lam dang /ci yang med pa'i skye mched du 'gro ba dang / 'du shes med 'du shes med min skye mched du 'gro ba dang / tshe 'di la mya ngan las 'da' ba dang / 'phags pa'i rnam par grol ba'o/ /gsum po 'di dag ni 'dod pa rnams kyi nyes dmigs yin te/ 'dod pa rnams ni bde ba myong bar 'gyur ba'i yul rnams la brnab sems skye ba'i rgyu dang /sdug bsngal tshor ba'i gnas rnams la gnod sems skye ba'i rgyu dang / sdug bsngal ba yang ma yin bde ba yang ma yin pa tshor ba'i gnas rnams la ma rig pa'i nyes rtsom skye ba'i rgyu'o/ /'dod pa de dag kyang gnas gsum gyi sgo nas nyes dmigs su blta bar bya ste/rang bzhin dang / dmigs pa dang / grogs so/ /de la rang bzhin ni kun du rtog pa'i 'dod chags so/ /dmigs pa ni nang dang phyi rol gyi yul gzugs can rnam pa lnga'o/ /grogs ni tshul bzhin pa yin pa yid la byed pa dang mtshungs par ldan pa'i phyin ci log gi 'du shes so//gong ma'i 'dod chags dang bral ba'i sbyor ba las byung ba'i sems ni chen por gyur ba zhes bya'o/ /de ci'i phyir zhe na/ sa gong ma ni ches che ba dang /ches gtso bor gyur ba yin te/ de bas na der 'gro ba'i sems gang yin pa de ni chen por gyur ba zhes bya'o//'jig rten 'og ma gang las 'dod chags dang bral bar 'gyur ba de'i mi rtag pa la sogs pa'i rnam pas sun 'byin par byed pa ni zil gyis gnon pa yin par rig par bya'o/ /'thob par bya ba'i sa gong ma la re zhig pa'i tshul gyis zhi bar 'du shes pa'i sgo nas ni yid kyi gnas su rig par bya'o//bdag gis gnas de yang dag par bsgrubs nas gnas pa 'thob par nus so snyam du yid ches pa skyes nas sbyor ba'i lam la dad pa sgom pa gang yin pa de ni skye mched la sems yang dag par dad pa zhes bya'o/ /de dad pa de'i sgo nas brtson 'grus dang /dran pa dang / ting nge 'dzin dang / shes rab bsgoms pas bsam gtan dang po nas bzung ste/mthar gyis rnam shes mtha' yas skye mched kyi mi g.yo ba'i bar du snyoms par 'jug go/ /bdag ni snyoms par zhugs so snyam du shes rab kyis mos so/ /de'i rnam par shes pa de mi g.yo ba'i skye mched du skye bar 'gyur te/gal te tshe 'di la yongs su mya ngan las 'da' bar mi 'gyur ram/ gong du 'gro bar mi 'gyur na ni de ltar na de phyi ma la mi g.yo bar nye bar 'gro bar 'gyur ro/ /sa 'di rnams las rgyu gsum gyis mi g.yo bar rnam par gzhag par rig par bya'o//phyi rol gyi 'dod pa'i g.yeng ba na g.yo bar spangs pa'i phyir ni bsam gtan dang po mi g.yo ba'o/ /rtog pa dang dpyod pa dang dga' ba dang bde ba dang / gzugs na spyod pa'i g.yo ba thams cad spangs pa'i phyir ni bsam gtan bzhi ba mi g.yo ba'o/ /gzugs dang thogs pa dang /sna tshogs kyi 'du shes kyi g.yo ba spangs pa'i phyir ni nam mkha' dang rnam shes mtha' yas skye mched mi g.yo ba'o/ /bsam gtan gnyis pa dang gsum pa rnams la ni gong nas gong du g.yo ba spangs pa'i phyir mi g.yo bar rig par bya'o/ /rnam shes mtha' yas skye mched la ni nam mkha' mtha' yas skye mched kyi phyi rol du bltas pa'i dmigs pa'i g.yo ba tsam las dben pa'i phyir mi g.yo bar rig par bya ste/mdor bsdu na cung zad la dmigs pa'i ting nge 'dzin mi g.yo ba'i phyir na mi g.yo ba zhes bya'o/ /de yang rnam shes mtha' yas skye mched du mthar thug pas na de'i phyir de man chad mi g.yo bar rnam par gzhag par rig par bya'o//cung zad la dmigs pa'i snyoms par 'jug pa de dag thams cad kyang gong na yod pa'i 'du shes kyi snyoms par 'jug pa yin no/ /de yan chad ni ci yang med pa la dmigs pa'i snyoms par 'jug pa yin te/gong na med pa'i 'du shes kyi snyoms par 'jug pa yin par rig par bya'o/ /de yan chad ni 'du shes med 'du shes med min skye mched kyi snyoms par 'jug pa yin te/ de bas na sgo gsum las lam gsum du bstan to/ /gang gi phyir 'phags pa nyan thos kyi sgo gsum nas 'dod pa rnams sun 'byin par byed de sun phyung nas kyang mthar gyis rnam shes mtha' yas skye mched kyi bar du snyoms par 'jug pa de'i phyir yang mi g.yo ba'i skye mched du 'gro ba'i lam gsum rnam par gzhag go//gzugs kyi 'du shes dang mi g.yo ba'i 'du shes ni sa 'og ma thams cad la sun phyung nas ci yang med pa'i skye mched la snyoms par 'jug ste/'di ni ci yang med pa'i skye mched du 'gro ba'i lam dang po'o/ /zag pa med pa'i lam bsgom pa'i mtha' ni skye mched de la thug go/ /zag pa med pa'i lam de la yang 'du shes kyi snyoms par 'jug pa bzhin du gong na yod pa dang /gong na med pa yod do/ /de la gong na yod pa ni mi rtag pa'i rnam pa dang ldan pa'o/ / gong na med pa ni bdag med pa'i rnam pa dang ldan pa'o/ /de la gong na yod pa'i rnam pas ni sa 'og ma sun phyung nas de'i skye mched la snyoms par 'jug go//gong na med pa'i rnam pas ni 'og ma dang / gong ma dang / de nyid dang / chos thams cad la bdag med par yid la byed pas zag pa med pa'i ci yang med pa'i skye mched la snyoms par 'jug ste/ gong na med pa'i rnam pa de ni lam gnyis pa yin par rig par bya'o//lam gnyis pa de yang rnam pa gnyis su dbye bas rnam pa gnyis su rnam par gzhag par bya ste/gnyis gang zhe na/ 'di lta ste/brten pa dang / rten gyi shes bya'i bye brag go/ /de la brten pa'i bdag med pa'i shes pa ni sems can gyi khams gang yang rung ba dang / bdag gang yin pa 'di la bdag gi yul ga ge mo dang /sems can che ge mo dang / pha'am/ ma'am/ grogs sam/rje bo la sogs pa cung zad kyang med pa'o/ /ji ltar bdag gi ga ge mo dang / che ge mo dang / cung zad kyang med pa de bzhin du bdag kyang de rnams kyi ga ge mo dang / che ge mo dang /cung zad kyang ma yin pa'o/ /rten gyi bdag med pa'i shes pa ni rtag pa dang / bdag dang bdag gis 'jig rten stong ste/ 'di la rtag pa'am bdag gam bdag gi ci yang med de/ chos tsam du zad do/ /de ltar 'jig rten stong pa yin na/ 'di la gang na su zhig ci zhig ga la yod de /de bas na shes pa snga ma ni brten pa yin la phyi ma ni rten du gyur bar blta bar bya'o/ /'du shes med 'du shes med min skye mched la ni zag pa med pa'i lam med de/ de bas na ci yang med pa'i skye mched kyi 'du shes sun phyung nas de'i skye mched la snyoms par 'jug ste/de la ni lam de gcig pu yin no/ /de la bdag ma gyur cig ces bya ba ni skye ba la sogs pa'i sdug bsngal gyi sdug bsngal lo/ /bdag gir yang ma gyur cig ces bya ba ni skye ba la sogs pa'i sdug bsngal yin te/ de lta bu'i rnam par 'dun pa bskyed nas brtson par byed do/ / yang dag par brtson na snga phyir khyad par shes nas nges par 'thob par 'gyur te bdag mi 'gyur ro/ /bdag gir mi 'gyur ro snyam mo/ /de bas na da ltar gyi tshe 'di la gsar du las byas shing bsags pa ci yod pa dang / las rnying ci byung ba de dag thams cad kyi rnam par smin pa mi 'dod de/mi lta ba'i phyir thams cad spong ba'o/ /sdom ni/ rnam par gzhag dang mthar thug dang / /ma 'dres pa dang tshul bzhin dang / /rten cing 'brel bar 'byung ba dang / /bsgom dang dus dang bar du gcod/ /rang bzhin bstan dang spong ba'i phyir/ /rtsom dang sgom pa tha ma yin//de la rnam par gzhag pa ni dran pa nye bar gzhag pa la sogs pa nas/ lam gyi yan lag la thug pa'i byang chub kyi phyogs dang mthun pa'i chos sum cu rtsa bdun gyi mdo dang rgyas pa yin par rig par bya ste/ 'di lta ste/ nyan thos kyi sa las 'byung ba bzhin no/ /shes bya'i gzhi thams cad ni dran pa nye bar gzhag pa bzhi mthar thug par rig par bya'o//shes bya'i gzhi'i mthar thug pas ni shes bya'i gzhi mthar thug par rig par bya'o/ /'dun pa dang brtson 'grus la sogs pa bsgom pa la sbyor ba ni dran pa nye bar gzhag pa bzhi 'grub par bya ba'i phyir yin par rig par bya'o//dran pa nye bar gzhag pa bzhi ma gtogs par de dang mi 'dra ba'i lam mam/ dmigs pa gang la brten na zag pa zad par 'gyur zhing mya ngan las 'das pa 'thob par 'gyur ba'i lam dang / dmigs pa gzhan med pa'i phyir rnam par dag pa'i lam 'di zla med pa yin pas na/lam 'di ni bgrod pa gcig pa zhes bya'o/ /bgrod pa gcig pa'i lam des kyang rgyu gnyis kyis sems can rnams rnam par dag par byed de/ so sor brtags pa'i stobs dang / bsgoms pa'i stobs kyis so/ /mya ngan zhes bya ba ni nyon mongs pa can gyi yid mi bde ba'o//drod mi thub ces bya ba ni rgod par gtogs pa ste/ 'dod pa na spyod pa'i nyon mongs pa can gyi yid mi bde ba'o/ /mya ngan gyi gnas ni 'jig rten gyi chos bzhi'o/ /drod mi thub pa'i gnas ni gzhan bzhi po nyid do/ /de la dran pa nye bar gzhag pa bzhi la brtson pa ni so sor brtags pa'i stobs la brten pas mya ngan dang drod mi thub pa las yang dag par 'da' bar 'gyur ro//'jig rten pa'i bsgoms pa'i stobs kyis 'dod pa'i 'dod chags dang bral ba thob pas ni sdug bsngal ba dang / yid mi bde ba spong bar 'gyur ro//'jig rten las 'das pa'i bsgoms pa'i stobs kyis 'jig tshogs thams cad las yang dag par 'das pas ni 'phags pa'i lam yan lag brgyad pa dang / lam gyi 'bras bu rig pa dang chos rtogs par 'gyur ro/ /de yang sems can rnams kyi so sor rtogs pa'i stobs dang /bsgoms pa'i stobs kyis rnam pa thams cad rnam par dag par rig par bya'o/ /lus la sogs pa dmigs pa bzhi la tshul bzhin ma yin pa yid la byed na ni dran pa nye bar gzhag pa bzhi nyams su len par mi 'gyur ro/ /de rnams nyams su mi len na tshul bzhin yid la byed pa 'phags pa'i rigs pa'i rjes la 'byung ba'i yang dag pa'i lta ba la sogs pa'i 'phags pa'i lam skye ba yang nyams su mi len na/de nyams su ma blangs pas 'phags pa'i lam yang nyams su ma blangs pa yin no/ /de nyams su ma blangs pas de'i 'bras bu mya ngan las 'das pa'i bdud rtsi yang nyams su ma blangs pa yin no//rnal 'byor ba ni lus la sogs pa rgyu la brten te byung bar rig nas dus gsum gyi lus la sogs pa'i chos rnams la mi rtag par rjes su mthong bas gnas te/ mi rtag par rjes su mthong bas gnas na/ yang na srid par skye ba la yang srid par skye ba'i srid pas rten cing mi gnas la tshe 'di la yang phyi nang gi 'du byed thams cad la bdag gam bdag gir cung zad kyang mi 'dzin to//de la ma 'ongs pa rnams la ni kun 'byung ba'i chos can du rjes su mthong bar rig par bya'o/ /'das pa rnams la ni 'jig pa'i chos can du rjes su mthong ngo //da ltar byung ba rnams la ni byung ba dang de'i 'og tu 'jig pa'i chos can yin pa'i phyir kun 'byung ba dang 'jig pa'i chos can du mthong bas gnas te/ de thog ma kho nar lus la sogs pa rten cing 'brel par 'byung ba rnams yang dag par rjes su mthong bas mi rtag pa nyid la 'jug go//mi rtag pa nyid la zhugs nas sred pa dang lta ba'i kun nas nyon mongs pa las sems rnam par sbyangs te/ de shas cher gnas pa 'di ni tshul bzhin yid la byed pa yongs su rdzogs pa yin te/ de la brten nas zag pa zad pa thob par 'gyur ro//chos rnams ni mdor bsdu na dge ba dang / mi dge ba rnams dang / kun nas nyon mongs pa dang rnam par byang ba'i phyogs dang mthun pa rnams so/ /de la kun nas nyon mongs pa'i phyogs dang mthun pa gang yin pa de dag ni tshul bzhin ma yin pa yid la byed pa las 'byung ngo / /rnam par byang ba'i phyogs dang mthun pa rnams ni tshul bzhin yid la byed pa las 'byung ste/de dag gcig tu bsdus pa la ni yid la byed pa las 'byung ba zhes bya'o/ /dran pa nye bar gzhag pa bsgom pa'i mdo dang rgyas pa ni 'di lta ste/ nyan thos kyis las 'byung ba bzhin du rig par bya'o/ / dran pa nye bar gzhag pa bsgom pa'i dang po ni da ltar bcom ldan 'das byung nas bstan cing de'i nyan thos rnams kyang sgom par byed pa 'di kho na ma yin te/ dran pa nye bar gzhag pa bsgom pa ni 'das pa'i dus na yang thog ma med pa'i dus nas byung la ma 'ongs pa'i dus na yang mthar thug pa med par rig par bya'o//dran pa nye bar gzhag pa bzhi ni 'das pa dang / ma 'ongs pa dang / da ltar byung ba'i dus rnams su 'jig rten dang 'jig rten las 'das pa'i chos tshad med pa rnams skye ba'i gnas yin pa'i phyir dge ba'i tshogs zhes bya'o/ /sgrib pa lnga ni dge ba'i tshogs de'i bar chad byed pas na mi dge ba'i tshogs zhes bya'o//lus la sogs pa'i chos bzhi po rnams kyi bye brag gis mtha' yas pa dang / yul de la de bzhin gshegs pa'i ye shes thogs pa med pas na/ de bzhin gshegs pa rnams kyi chos bstan pa ni tshad med pa'o//de yang tshig dang don rnam pa gnyis kyis rab tu phye'o/ /de la don gyi bye brag ni don de nyid kyang dag par bstan par bya ba la chos kyi tshig dang yi ge tshad med pa'o/ /tshig dang yi ge de yang zlos pa med pa'i phyir gong nas gong du spobs pa tshad med de/ de bas na de bzhin gshegs pa'i chos bstan pa ni ngo mtshar rmad du byung ba'i chos dang ldan pa yin te/don gcig la yang tshig dang yi ge zlos pa med pa tshad med pa dag gis yang dag par bstan pa'i phyir ro/ /bstan pa'i brda'i don rtogs pa'i shes pas na rtogs pa dang ldan pa yin no//rang bzhin dang thos pa dang bsam pa'i shes rab kyi sgo nas ni blo dang ldan pa'o/ /mnyam par gzhag pa'i phyir na dran pa dang ldan pa'o/ /bden pa khong du chud pas na shes rab dang ldan pa ste/ dang pos ni bstan to/ /gsum gyis ni bshad pa yin par rig par bya'o/ /gang gi phyir dge slong sngon thos pa dang bsams pa las byung ba'i tshul bzhin yid la byed pas lus la sogs pa la lus la sogs pa tsam du lta ba dran pa nye bar gzhag ste/chos rnams thams cad bdag med par shes nas thos pa dang bsams pa tsam gyis kyang chog par mi 'dzin te/ sems mnyam par gzhag pa ni rnam par grol bar 'gyur ro snyam nas ting nge 'dzin du bya ba'i phyir rab tu dben par gnas shing lus la sogs pa tsam du dmigs pa kho nas de sems gnas pa rnam pa dgus nang rnam par zhi ba 'ba' zhig tu 'gyur ro//de'i dran pa nye bar gzhag pa bzhi ni rgyu gnyis kyis brtsams pa dang /rab tu brtsams par 'gyur te/ tshul bzhin yid la byed pa yang dag pa ji lta ba bzhin du shes pa dang / ting nge 'dzin yang dag pa ji lta ba bzhin du shes pa'i phyir de /de'i 'og tu shes rab yang dag pa ji lta ba bzhin du shes pas mthar thug par 'gyur ro//gang gi phyir dge slong ni gnyen po rnam pa gsum la ji ltar 'dod pa bzhin thob pa dang / tshegs med par thob pa dang / dka' ba med par thob par 'gyur te/ 'di lta ste/ mi rtag pa'i 'du shes dang / byams pa dang / mtshan ma med pa'o/ /de yang gnyen po rnam pa gsum po des ci rigs par snga ma bzhin du yid du 'ong ba la sogs pa'i lus la sogs pa la mi mthun pa'i 'du shes dang /mi mthun pa med pa'i 'du shes dang / de gnyis ka nges par spangs nas/ btang snyoms dang / dran pa dang / shes bzhin gyi gnas te/ des ni dran pa nye bar gzhag pa bsgoms par rig par bya'o//sdom ni/ rtsa ba la sogs ro myang ba/ /snga ma phyi ma'i khyad par dang / /mtshan mar 'dzin dang kun nas dkris/ /'bras bu yang ni tha ma yin/ /rtsa ba gsum po 'di dag ni dran pa nye bar gzhag pa dge ba'i tshogs kyi bgegs kyi gnas yin pa'i phyir mi dge ba'i tshogs su gyur ba yin par rig par bya'o//gsum gang zhe na/ phyi ma la ngan song gi sdug bsngal la gnas par 'gyur ba'i phyir nyes par spyod pa'i rtsa ba dang / tshe 'di la sdug bsngal la gnas pa'i phyir rtog pa'i rtsa ba dang / rtsa ba'i rtsa ba ste/ nyes par spyod pa'i rtsa ba de dang /rtog pa'i rtsa ba de'i rtsa ba gang yin pa de ni rtsa ba'i rtsa ba zhes bya'o/ /de la chags pa la sogs pa mi dge ba'i rtsa ba gsum po rnams ni lus la sogs pa'i nyes par spyod pa'i rtsa ba'o/ /'dod pa la sogs pa'i 'du shes gsum ni 'dod pa la sogs pa'i rtog pa'i rtsa ba'o//'dod pa la sogs pa'i khams gsum ni chags pa la sogs pa rtsa ba gsum dang / 'dod pa'i 'du shes la sogs pa'i rtsa ba gsum gyi rtsa ba yin par rig par bya'o/ /dran pa nye bar gzhag pa rnams la brtson pa'i dge slong ni 'jig rten pa'i lam gyis 'dod pa rnams las dben pa zhes bya ba nas rgyas par srid pa'i rtse mo'i snyoms par 'jug pa'i bar du bsgrubs te gnas so//des de'i ro myong bar byed cing / de tsam gyis chog par 'dzin te/ ma thob pa thob par bya ba'i phyir gong du rtsol bar yang mi byed pa de ni 'phags pa'i chos 'dul ba la skyes bu chen po zhes mi bya'o//de ci'i phyir zhe na/ sems shin tu rnam par grol ba ma yin pa'i phyir ro/ / de las bzlog pa ni skyes bu chen po yin par rig par bya'o/ /'di la dge slong lus la sogs pa la lus kyi rjes su lta zhing gnas pa ni nang du sems gnas pa rnam pa dgus sems rnam par sdud par byed mod kyi/de'i sems de yang zhi gnas kyi mi mthun pa'i phyogs lus dang sems kyi rmugs pa dang zhum pa las rnam par grol ba ma yin no/ /rnam par grol bar ma gyur pa'i phyir de ltar mngon par bsdus pa'i sems la/lus kyi rmugs pa dang sems kyi zhum pa yang skye bar 'gyur ro/ /gal te dran pa nye bar gzhag pa rnams la sems shin tu brtan par gnas pas nye ba'i nyon mongs pa skyas par rig nas/ nang du mngon par bsdus pa de las sems de btang ste/ phyi rol gyi dga' bar 'gyur ba'i sdug pa'i sdug pa'i mtshan ma de bzhin gshegs pa la sogs pa'i yon tan gyi rnam pa'i dmigs pa la sems gtod par byed de/de dmigs pa des mchog tu dga' ba skye bar 'gyur ba nas/ rgyas par rab tu 'dzin pa'i sgo nas de la dmigs pa'i sems mnyam par 'jog la nye ba'i nyon mongs pa zhi gnas kyi mi mthun pa'i phyogs de las kyang rnam par grol bar 'gyur ro//de nas nye ba'i nyon mongs pa de las sems rnam par grol bar rig nas/ gang gi don du phyi rol du ched du gtad pa'i don de thob pas na/ phyir yang snga ma bzhin du mngon par sdud par byed de/ phyis nye ba'i nyon mongs pa des nye bar nyon mongs par mi 'gyur ro/ /des mngon par bsdus nas/ phyi rol du ched du ma gtad par yang bdag ni rnam par grol lo snyam du yang dag pa ji lta ba bzhin du rab tu shes la/ phyi rol du dmigs pa rnam pa la yongs su rtog pa/ 'bad pa dang bcas pa/mngon par 'du byed pa dang bcas pa'i sdug bsngal 'byung ba de dag las dben pa dang / btang snyoms dang / bde bar gnas pa dang / zhi gnas yongs su 'grub par 'gyur te/ de ltar dran pa nye bar gzhag pa bzhi las sems shin tu brtan par gnas pa des ni snga ma las phyi ma khyad par du gyur par shes te gang zag de ni sngar lhag mthong spyad nas lhag mthong la brten te/zhi gnas la sbyor bar byed pa yin par rig par bya'o/ /dran pa nye bar gzhag pa la brtson pa'i dge slong lhag mthong la brten nas zhi gnas la sbyor bar 'dod pas ni/ nang gi zhi gnas la rang gi sems gtad pa las mtshan ma 'di ltar gzung bar bya ste/bdag gis ci zhig yid la byas shing / bdag gis ji ltar yid la byas na sems zhi gnas la gtad pa na/ zhi gnas kyi phyogs kyi lus dang sems kyi rmugs pa dang zhum pas nye bar nyon mongs par 'gyur la/ ci zhig ji ltar yid la byas na ni nye bar nyon mongs par mi 'gyur snyam du mtshan ma gzung bar bya'o//gal te dge slong des de ltar rang gi sems la mtshan ma ma bzung na ni kun nas nyon mongs pa des sems de nye bar nyon mongs par 'gyur bar rig nas/ phyi rol gyi dga' bar byed pa'i dmigs pa las mtshan mar 'dzin par byed do//de'i rgyus re zhig des nye ba'i nyon mongs 'byung zhing mngon sum du gyur ba de spong mod kyi/ 'on kyang gang gi tshe yang snga ma bzhin du mngon par bsdus pa na de de bzhin du yang nye ba'i nyon mongs pa de nyid kyis nye ba'i nyon mongs par 'gyur zhing mnyam par gzhog par mi 'gyur te/'di ltar sngar rang gis sems la mtshan ma ma bzung ba'i phyir dang / bag la nyal ma bton pa'i phyir ro/ /de rgyu de dang nye ba'i nyon mongs pa des phyir zhing bcom par 'gyur te/ brod pa'i don ma thob bo snyam nas yid mi bde bas phongs par yang 'gyur la/ shin tu yun ring por yang nang gi sems kyi zhi gnas de thob par mi 'gyur ro//zhi gnas la brten pas sngar lhag mthong yongs su dag pa'i dbang gis byung ba'i dran pa dang shes bzhin mchog kyang thob par mi nus te / nang gi sems kyi zhi gnas ma thob pas ni lhag pa'i sems las byung ba tshe 'di la bde bar gnas pa bzhi thob par mi 'gyur ro//dran pa dang shes bzhin mchog ma thob pas ni/ sngon thob ma myong ba'i grub pa dang bde ba bla na med pa mya ngan las 'das pa thob par mi 'gyur ro/ /de las bzlog pa thams cad ni dkar po'i phyogs kyis sngon ma thob pa'i grub pa dang bde ba bla na med pa mya ngan las 'das pa'i bar du thob par 'gyur bar rig par bya'o//de la g.yos mkhan lta bu'i rnal 'byor spyod pa'o/ /jo bo ji lta bu ni zhi gnas la gtad pa'i sems so/ /tshod ma lta bu ni mtshan mar 'dzin pa'o/ /zas dang gos rgya chen po lta bu ni nang gi sems kyi zhi gnas la sogs pa yin par rig par bya'o//nag po'i phyogs las ni byis pa yin par rig par bya'o/ /dkar po'i phyogs las ni mkhas pa yin par rig par bya'o/ /dran pa nye bar gzhag pa bsgom pa la brtson pa'i dge slong so so'i skye bo ni chags par 'gyur ba'i yul rgya chen po mngon sum du gyur ba'am yang na gcig pus gnang ba thob pas na brjed ngas pas tshul bzhin ma yin pa'i 'du shes la brten nas 'dod chags kyi kun nas dkris pa drag po skyed par byed do//de kun nas dkris pa de la ngo tsha bas gnas te/bdag nyid skobs su chud pa bzhin du sems pas 'bral bar bya ba'i phyir drag tu 'bad par byed do/ /de ltar byas nas kyang kun nas dkris pa de las grol bar 'gyur ro/ /grol nas kyang de yid bde bar 'gyur te/ de'i 'og tu yang skyo ba drag por 'gyur ro//skyo ba thob nas kyang de'i 'og tu mi rtag pa'i 'du shes kyi gshol chen po lta bus rmos shing 'du byed kyis rnam pa thams cad khag ma lta bur brlog pa na/ bden pa'i tshul ni yang dag pa ji lta ba bzhin du mngon par rtogs nas mya ngan las 'das pa la bsam pa gzhag ste/ slob pa yang spyod pa'i yid la byed pas yul rgya chen po de sdug par yid la byed de/'dod chags kyi bag la nyal de ma spangs pas 'dod chags kyi kun nas dkris pa de glo bur du skyes nas mngon sum du 'gyur ro/ /de de la nyes dmigs su lta bas kun nas dkris pa de bag la nyal dang bcas par spang bar bya ba'i phyir mtshan ma med pa la snyoms par 'jug ste/de ltar na de lhag ma spong ba yin no/ /de ting nge 'dzin de las langs te spangs pa yang khong du chud nas rnam par grol ba'i dga' ba dang bde ba yang nyams su myong la/ bdag nyid ni ye shes kyi stobs chen po'i stobs dang ldan la bdud kyi phyogs ni stobs chung bar yang dag par mthong ngo //dran pa nye bar gzhag pa bzhi bsgom pa de ni mchog tu khyad par du 'phags pa'i mtha'i 'bras bur 'grub pa yin pas na 'bras bu che bar rig par bya'o/ /mchog tu bde ba khyad par du 'phags pa'i phan yon 'grub par 'gyur bas na phan yon chen po yin par rig par bya'o//sdom ni/ slob dpon gangs ri 'dzud pa dang / /brtun dang gnas dang rnam par dag/ rim pa tshul khrims phun sum tshogs/ /gra ma ldan pa tha ma yin/ /phyi rol gyi mu stegs can ni rang gi slob ma rnams kyi nang du slob dpon du rnam par 'jog ste/rnyed pa 'dod cing bkur sti 'dod nas/ rigs kyi bu bdag la phan par 'dod pa zhig der rkyen dang phrad nas rab tu byung ba la 'di skad du khyod tshur nga'i yo byad thams cad la thun mong du longs spyod cing 'dug la/ khyod kyis nga'i bsngags pa yang gzhan dag la brjod cig /skyon yang 'di lta ste/ bcab pa'i phyir srungs shig /ngas kyang khyod la de bzhin du bya'o/ /bdag cag gnyis gcig gis gcig bsrungs na/ rgyal po rnams dang zhang blon rnams nas ded dpon rnams kyi bar dag las rnyed pa thob par 'gyur la bkur bar yang 'gyur ro zhes zer la de skad zer ba'i slob dpon de la bdag la phan par 'dod pa'i slob mas 'di skad du de ltar ni lta bar mi bya ste/grogs pos bsrungs pas ni ngan 'gror 'gro ba'i nyes pa de dag las bdag nyid bsrung bar mi 'gyur te/ de bas na khyod dang bdag gis kyang bdag nyid de ma yin pa zhig gis bsrung dgos so//de ma yin pa bdag gis khyod bsrungs sam khyod kyis bdag bsrungs na ni bsrung bar mi 'gyur ro zhes smras na/ don de la ni slob ma de nyid rigs par smra ba dang / mkhas pa yin par rig par bya ste/ tshe phyi ma ched cher 'dzin pa'i phyir ro//slob dpon gyis byis pa yin te/tshe 'di la ched cher 'dzin pa'i phyir ro/ /nyon mongs pa dang yang bcas pas na/ gzhan la tho 'tshams par byed do/ /des na nyon mongs pa dang bcas pa'i phyir bdag nyid kyang bsrung ba ma yin la/de'i rgyus gzhan la rnam par mtho btsams pas gzhan dag kyang bsrung ba ma yin no/ /de la snga ma bzhin du kun du brten pa la sogs pas ni 'di lta ste/ bdag bsrung ba'i phyir nyon mongs pa spang bar bya'o/ /de'i 'og tu de spang ba'i rgyu las byung ba gzhan la rnam par tho mi 'tshams pa la sogs pas ni gzhan yang bsrung bar bya'o//de la khro ba mi skyed pa dang / rnam par mi 'tshe ba gnyis ni rnam par tho mi 'tshams pa'i don du rig par bya'o/ /rjes su snying brtse ba ni phan pa'i sems so/ /byams pa'i sems ni bde ba'i sems so/ /rjes su snying brtse ba dang byams pa'i sems gnyis ni snying brtse ba'i don du rig par bya ste/snying brtse na gzhan la rnam par tho 'tshams par mi 'gyur te/ de bas na 'di dag thams cad ni snying brtse ba'i rnam grangs su rig par bya'o/ /legs par gsungs pa'i chos 'dul ba ni gangs kyi ri lta bu yin par rig par bya'o//de la yang cha gsum yod do/ /mi slob pa'i sa dang / slob pa'i sa dang / so so'i skye bo'i sa'o/ /tshul bzhin ma yin pa'i yid la byed pa dang ldan pa'i sems ni spre'u lta bu'o/ /bdud ni rngon pa lta bu'o/ /de la mi slob pa'i sa la ni gnyis ka'i gnas med do//slob pa'i sa'i phyir mi 'ong ba rnams la ni tshul bzhin ma yin pa yid la byed pa dang ldan pa'i sems spre'u lta bu gcig gi gnas ni yod la/ bdud rngon pa lta bu'i ni med do/ /so so'i skye bo'i sa la ni gnyis ka'i gnas yod par rig par bya'o/ /de la byis pa ni yul gzhan gyis yul gzhan las nges par 'byung bar blta ste/yul gzhan yongs su tshol ba na yang yul gzhan gyis bcing bar 'gyur te/ de bas na yul las kyang yongs su grol bar mi 'gyur ro/ /dam pa'i chos nyan pa dang / 'chad pa dang /don rtog pa dang / chos kyi rjes su mthun pa'i chos la nan tan du sgrub pa rnams kyis ni 'dzud pa dang /'dul ba dang / gzhag pa dang / dgod pa'i don du go rims bzhin du rig par bya'o/ /chos gsum gyis ni 'khrig pa'i 'dod chags kyi kun nas dkris pa rgya chen po yang spong bar 'gyur na/ 'dod pa'i 'dod chags kyis kun nas dkris pa lta ci smos te/gsum gang zhe na/ brtson 'grus kyi stobs dang / bag yod pa'i stobs dang / gnyen po'i stobs so/ /de la brtson 'grus kyi stobs kyis ni skyes pa rnams dang du mi len to/ /gnyis kyis ni ma skyes pa mi skye bar byed do/ /de ltar na rnal 'byor pa de ni skyes pa rnams spang ba dang /ma skyes pa rnams mi skyed pa'i phyir zhugs pa yin no/ /dran pa nye bar gzhag pa bzhi ni gus par bsgom par rig par bya ste/ 'di lta ste/ nyan thos kyis las 'byung ba bzhin no/ /bdud kyi gnas zhes bya ba ni 'dod pa'i khams te/ gang las phyir mi 'ong ba 'das par 'gyur ba yin no/ /'chi bdag gi gnas zhes bya ba ni srid pa'i rtse mo man chad de gang las dgra bcom pa 'das par 'gyur ba yin no// //rnal 'byor spyod pa'i sa las gzhi bsdu ba/ bam po nyi shu gcig pa/ rnam par ma dag pa'i sems can zhes bya ba ni so so'i skye bo rnams so//rnam par dag pa ni slob pa rnams so/ /yongs su byang ba ni mi slob pa rnams so/ /gang las shes nas dad pa zhes 'byung ba ni sems can rnam par ma dag pa rnams rnam par dag par bya ba dang / rnam par dag pa rnams yongs su byang bar bya ba'i phyir te/de las slob pa gong ma ni rnam par dag pa ste/ bsgom pa'i lam gyis rnam par dag pa'i slob pa de rnams kyi yin par rig par bya ba'o / /lhag ma ni snga ma bzhin no/ /dran pa nye bar gzhag pa bzhi bsgom pa la ni rim pa lnga yod par rig par bya ste/ dad pa'i sgo nas nges par 'byung ba dang /tshul khrims bsdams pa dang / dbang po bsdams pa dang / rab tu dben par gnas pa dang / sgrib pa rnam par dag pa'o/ /khyim pa rnams ni dran pa nye bar gzhag pa bsgom pa la dad pa yang yod sgrib pa yang rnam par dag mod kyi bslab pa'i gzhi rnams mtshang zhing yongs su ma rdzogs par rig par bya'o//dge slong tshul khrims dang ldan pa ni rgyu gsum gyis tshul bzhin du 'tsho ba phun sum tshogs pa yin par rig par bya ste/ gsum gang zhe na/ spyod pa phun sum tshogs pa dang / len pa phun sum tshogs pa dang / longs spyod phun sum tshogs pa'o/ /de la spyod pa phun sum tshogs pa ni nyo tshong nas bzung ste/ gsod pa dang / 'chi ba dang / gcod pa dang / rdeg pa lhur len pa'i bar du spong ba'o/ /len pa phun sum tshogs pa ni glang po che dang / rta la sogs pa len pa nas 'bras rjen pa len pa'i bar du spong ba'o//longs spyod pa phun sum tshogs pa ni lus gang gi gos tsam dang / lto gang gi zas tsam gyis chog par 'dzin pa dang /[ 1]dus ma yin pa'i zas spong ba'o/ /lus la sogs pa'i chos bzhi ni lam gyi lam gyi bzhi mdo lta bu'o/ /de dag la tshul bzhin ma yin pa yid la byed pa ni 'bras dang /nas kyi gra ma bsnyal te bzhag pa lta bu'o/ /de dag la tshul bzhin yid la byed pa ni 'bras dang nas kyi gra ma legs par bzhag pa lta bu yin par rig par bya'o/ /'dod pa'i khams mnyam par ma bzhag pa'i sa ni pags pa lta bu'o/ /gzugs dang gzugs med pa'i khams mnyam par bzhag pa'i sa ni sha lta bu'o//ma rig pa'i khams gsum du zag pa gsum gyi zad par 'gyur ba'i don gyi khrag lta bu'o/ /rnam pa gnyis kyis sngar bstan pa'i chags pa la sogs pa sdig pa mi dge ba'i chos rnam pa du ma dang ldan pa ni dran pa nye bar gzhag pa bzhi bsgom pa'i skal ba med de/ldan pa gang yang thams cad kyi thams cad du skal ba med pa ni ma yin no/ /gnyis gang zhe na/ chags pa la sogs pa'i kun nas dkris pa yang yod pa dang / kun nas dkris pa de la yang nyes dmigs su mi lta ba ste/ mngon sum du gyur ba na ni sems kun nas nyon mongs pa can du gyur pas bsgom pa'i skal ba med la bral bar gyur ba na yang dang du len pa'i tshul can yin pa dang /mi lta bar mi byed pa'i phyir chags pa la sogs pa'i gnas kyi chos rnams la sems rnam par g.yeng par 'gyur zhing 'phrog par 'gyur la rtog pas rnam par dkrugs par 'gyur te/de'i phyir yang bsgom pa'i skal ba med do/ /de lta ma yin te/ gal te gang la la dang du mi len pa'i tshul can yin du zin kyang skal ba med na ni de lta na su la yang dran pa nye bar gzhag pa bzhi bsgom pa'i skabs med par 'gyur ro/ /sdom ni/ spro dang stobs bsgom ting 'dzin dang //rnam grangs rdzu 'phrul tha ma yin/ /yang dag pa'i spong ba bzhi rnam par gzhag pa ni 'di lta ste/ nyan thos kyi sa las 'byung ba bzhin no/ /spro ba ni tshig lnga pa'o zhes bya ba gang yin pa de la spro ba gang zhe na/ snga ma bzhin du brtson 'grus brtsams pa las byung ba dang /'dzag snod byed dang / khams ma snyoms pa dang / gzhan gyi tshig rtsub po dang / gnod pa las byung ba'i sdug bsngal dang du len par byed kyi/ de'i rgyus yang dag pa'i spong ba la sbyor ba las phyir mi ldog pa ni spro ba zhes bya'o/ /rdzu 'phrul gyi rkang pa bzhi rnam par gzhag pa ni rgyas par 'di lta ste/nyan thos kyi sa las 'byung ba bzhin du rig par bya'o/ /mdor bsdu na ni sems mnyam par gzhag pa'i phyir stobs bzhis rdzu 'phrul gyi rkang pa bzhi rnam par gzhag go/ /bzhi gang zhe na/ bsam pa dag pa'i stobs dang 'bad pa'i stobs dang / sems mngon par dga' ba'i stobs dang / shes rab kyi stobs so/ /de la stobs dang pos ni ting nge 'dzin la 'dun pa skyes nas de thob par bya ba'i phyir brtson zhing 'bad par byed do/ /stobs gnyis pas ni sems de thog ma kho nar gnas par byed cing mnyam par gzhog par byed do//stobs gsum pas ni gnas shing mnyam par gzhag pa las phyi rol du 'phro ba'i tshul gyis g.yeng bar mi byed do/ /stobs bzhi pas ni ting nge 'dzin gyi mi mthun pa'i phyogs kyi nyon mongs pa rnams spangs pa dang ma spangs par spyod cing rab tu shes la ting nge 'dzin la gnas pa dang ldan pa'i mtshan ma rnams rab tu shes shing rtogs so//de bzhin du zhi gnas la sogs pa'i mtshan ma rnams dang / zhi gnas dang lhag mthong gi nye ba'i nyon mongs pa dang / nye ba'i nyon mongs pa'i gnyen po yang yang dag pa ji lta ba bzhin rab tu shes te/ ting nge 'dzin 'dod pas ting nge 'dzin la ting nge 'dzin du bya ba ni de kho nar zad de 'di las gong na yang med do//'di las lhag pa yang med do/ /rdzu 'phrul gyi rkang pa rnams ni mdor bsdu na rgyu lngas bsgom par rig par bya ste/ zhi gnas kyi phyogs dang mthun pa'i nye ba'i nyon mongs pa rnam par spang ba dang /lhag mthong gi phyogs dang mthun pa'i nye ba'i nyon mongs pa rnam par spong ba dang / lhag mthong gi phyogs dang mthun pa'i dmigs pa la sems nye bar 'dogs pa dang / zhi gnas kyi phyogs dang mthun pa'i dmigs pa la sems nye bar 'dogs pa dang / de gnyis ka'i phyogs dang mthun pa'i dmigs pa la sems nye bar 'dogs pa'o//de la zhi gnas kyi phyogs dang mthun pa'i nye ba'i nyon mongs pa ni le lo dang ldan pa dang / rmugs pa dang gnyid dang ldan pa'i 'dun pa la sogs pa ste/ le lo dang ldan pa'i 'dun pa la sogs pa ni rmugs pa dang gnyid dang ldan pa rnams kyi rten gyi tshul gyis rig par bya'o//de la rgod pa dang ldan pa'i 'dun pa la sogs pa dang / 'dod pa'i yon tan gyis g.yengs pa dang ldan pa rnams ni lhag mthong gi phyogs dang mthun pa'i nye ba'i nyon mongs pa yin par rig par bya'o/ /rgod pa dang ldan pa rnams ni g.yengs pa dang ldan pa rnams kyi rten gyi tshul gyis rig par bya'o//de la le lo dang ldan pa'i 'dun pa la sogs pas ni zhi gnas kyi phyogs dang mthun pa la kun nas nyon mongs pa can du gnas par 'gyur la thams cad kyi thams cad du zhi gnas las nyams par ni mi 'gyur ro//rmugs pa dang gnyid dang ldan pa rnams kyis ni kun nas nyon mongs par gnas par yang 'gyur la zhi gnas las kyang nyams par 'gyur ro/ /rgod pa dang ldan pa'i 'dun pa la sogs pas ni lhag mthong la kun nas nyon mongs pa can du gnas par 'gyur la/ thams cad kyi thams cad du lhag mthong las nyams par ni mi 'gyur ro/ /g.yengs pa dang ldan pa rnams kyis ni kun nas nyon mongs par gnas par yang 'gyur la/ lhag mthong las kyang nyams par 'gyur ro/ /de la lhag mthong gi phyogs dang mthun pa la dmigs pa ni phyi ma dang snga mar 'du shes te/de yang snga ma bzhin du 'di lta ste/ nyan thos kyi sa las 'byung ba bzhin du rig par bya'o/ /zhi gnas kyi phyogs dang mthun pa ni steng dang 'og tu 'du shes te snga ma bzhin du rig par bya'o/ /de gnyis ka'i phyogs dang mthun pa la dmigs pa ni snang bar 'du shes pa ste/ de gnyis ka'i phyogs la spyod pa'i snang ba dang ldan pa'i sems bsgom pa'o//de ma yin pa 'di lta ste/ 'dun pa la sogs pa le lo dang ldan pa rnams le lo dang ldan pa zhes bya ba de ltar brtson 'grus le lo dang mtshungs par ldan pa de ni med de/ 'on kyang rgyud la yod pa'i legs par ma brtsams pa'i brtson 'grus lhod pa gang yin pa de ni le lo dang ldan pa zhes bya ste/de ni ting nge 'dzin 'dod pa'i ting nge 'dzin mngon par bsgrub pa'i phyir rnam pa lngas rnam pa thams cad du bsgom par rig par bya'o/ /rnam par grol ba'i skye mched lnga la ni ci rigs par 'dun pa la sogs pa'i dbang gis byung ba'i ting nge 'dzin rnam pa bzhi yod par rig par bya ste/de la dge slong bsam pa dag pa rtogs par bya ba'i phyir 'dun pa drag po dang ldan pa shes par 'dod pa ni de bzhin gshegs pa'am/ de bzhin gshegs pa'i nyan thos las gus par chos nyan la mnyan pa'i 'og tu ting nge 'dzin rtogs pa ni 'dun pa las byung ba'i ting nge 'dzin yin par rig par bya'o//ji ltar thos pa dang ji ltar kun chub par byas pa'i chos rnams la ched du gtad nas brtson 'grus chen po brtsams pas gzhan dag la yang dag par ston cing skad chen pos kha ton du byed do/ / de'i 'og tu de'i rgyu las byung ba'i ting nge 'dzin gang yin pa de ni brtson 'grus kyi dbang gis byung ba'i ting nge 'dzin zhes bya'o/ /ting nge 'dzin gyi mtshan ma bzang po legs par gzung ba yid la byed de/ rnam par bsngos pa la sogs pa nas keng rus la thug pa'i bar du de la dmigs nas ting nge 'dzin skye ba gang yin pa de ni sems kyi dbang gis byung ba'i ting nge 'dzin to//ji ltar thos pa dang ji ltar kun chub par byas pa'i chos rnams gcig pu dben par 'dug nas sems shing 'jal la yongs su dpyod par byed pa na/ de'i rgyu las byung ba'i ting nge 'dzin skye ba gang yin pa de ni dpyod pa'i ting nge 'dzin zhes bya'o//rnam grangs gzhan yang sgo bzhi nas ting nge 'dzin skye bar 'gyur te/ snga ma bzhin du gzhan las 'dun pa skyes pa'i dam pa'i chos mnyan pa'i sgo dang / gzhan gyi gdams ngag dang / rjes su bstan pa kho na la brten nas/rtag tu gus par sbyor bas dngos gzhi'i ting nge 'dzin la ma zhugs te/ de la 'jug pa'i gdams ngag gi sgo nas/ dngos gzhi'i ting nge 'dzin la zhugs pa'i sems mngon par dga' ba'i sgo nas/ gong nas gong du ting nge 'dzin 'phar ba'am mang du thos pa thos pa'i gzhir gyur pas bdag nyid kyis chos de dag tshul bzhin du yongs su dpyod pa dpyod pa'i sgo'o//de la sgo dang pos ni 'dun pa'i dbang gis byung ba'i ting nge 'dzin to/ /gnyis pas ni brtson 'grus kyi dbang gis byung ba'o/ /gsum pas ni sems kyi dbang gis byung ba'o/ / bzhi pas ni dpyod pa'i dbang gis byung ba'i ting nge 'dzin du rig par bya'o/ /lhag ma dang spong ba'i 'du shes rnams kyi rnam par dbye ba ni 'di lta ste/ nyan thos kyi sa las 'byung ba bzhin no/ /'phags pa rnams ni rdzu 'phrul gyi rkang pa sgom pa la brten nas/ 'phags pa'i rdzu 'phrul mngon par sgrub bo//'di las phyi rol pa rnams la ni 'phags pa'i rdzu 'phrul bsgrub pa'i phyir rdzu 'phrul gyi rkang pa bsgom pa med do/ /'phags pa ni 'phags pa'i rdzu 'phrul bsgrubs nas 'dod na tshe'i 'du byed rnams rnam par bskyed nas bskal pa'am/ bskal pa las lhag pa ste/ bskal pa de'i 'og tu yang gnas so//gang zag rigs shin tu rnam par dag par gyur pa la ni dbyig tu gyur pa zhes bya ste/ de yang chos 'di pa 'ba' zhig yin par blta bar bya'o/ /'phags pa'i sprul pa'i rdzu 'phrul gyis kyang rnam pa bzhi ni sprul mi nus te/ dbang po dang / sems dang sems las byung ba'i chos rnams dang / las dang / las kyi rnam par smin pa'o/ /de la las bde ba myong bar 'gyur ba gang yin pa de ni rang bzhin las gzhan du yongs su bsgyur ba'i rdzu 'phrul gyi sdug bsngal myong bar 'gyur bar gzhan du bsgyur mi nus so//bde ba myong bar 'gyur ba sdug bsngal myong bar 'gyur bar bsgyur ba ji lta ba de bzhin du sdug bsngal myong bar 'gyur ba yang bde ba myong bar 'gyur bar bsgyur mi nus par rig par bya'o/ /sdug bsngal ba yang ma yin bde ba yang ma yin pa myong bar 'gyur ba'i las gang yin pa de ni gtan du sdug bsngal ba yang ma yin/bde ba yang ma yin par myong bar 'gyur ba 'ba' zhig tu gyur cig ce'am/ bde ba yang ma yin sdug bsngal ba yang ma yin pa myong bar 'gyur ba myong bar ma gyur cig ces bya bar yang byin gyis brlab pa'i rdzu 'phrul gyis byin gyis brlab par mi nus so//tshe 'di la myong bar gyur pa'i las gang yin pa de tshe phyi ma la myong bar gyur cig ces bya ba'am/ yang na tshe phyi ma la myong bar 'gyur ba gang yin pa de tshe 'di la myong bar gyur cig ces bya bar yang dus gzhan du yongs su bsgyur ba'i rdzu 'phrul gyis yongs su bsgyur bar mi nus so//sdom ni/ rnam par gzhag dang spyod yul gyi/ /yul dang shes rab dbang po gtso/ /phyi rol so so'i skye bo yi/ /phyogs la gnas pa tha ma yin/ /dbang po nyi shu rtsa gnyis ni mdor bsdu na gnas drug gi dbang gis rnam par gzhag par rig par bya ste/ 'di lta ste/ yul 'dzin pa dang / rigs kyi rgyu gnas pa dang / 'tsho ba'i rgyur las kyi mtha' tha dad pa la sbyor ba'i skyes bu'i byed pa dang / sdug pa dang mi sdug pa'i sngon gyi las byas pa'i 'bras bu la longs spyod pa dang / las gsar du byed pa dang / 'jig rten pa'i 'dod chags dang bral bar 'gyur ba dang /'jig rten las 'das pa'i 'dod chags dang bral bar 'gyur ba'o/ /de la mig la sogs pa nas yid la thug pa'i dbang po rnams ni yul 'dzin pa la dbang byed do/ /skyes pa dang bud med kyi dbang bo gnyis ni rigs kyi rgyud gnas pa la bu dang tsha bo'i sgo nas dbang byed do//'tsho ba'i dbang po ni 'tsho ba'i rgyur 'tsho ba sgrub 'dod pa rnams kyi las kyi mtha' tha dad pa la sbyor ba la skyes bu'i byed pas dbang byed do/ /bde ba la sogs pa nas btang snyoms la thug pa'i dbang po rnams ni sdug pa dang mi sdug pa'i sngon gyi las kyi 'bras bu la longs spyod pa dang /las gsar du byed pa la dbang byed do/ /dad pa la sogs pa nas shes rab la thug pa'i dbang po lnga ni 'jig rten pa'i 'dod chags dang bral bar 'gyur ba la dbang byed do/ /zag pa med pa gsum ste/ mi shes pa kun shes par byed pa'i dbang po dang /kun shes pa'i dbang po dang / kun shes pa dang ldan pa'i dbang po rnams ni 'jig rten las 'das pa'i 'dod chags dang bral bar 'gyur ba gtan du mthar thug pa la dbang byed do/ /'jig rten rnams kyi 'jig rten gyi don ni de tsam du zad de/ de la 'jig rten snang bar 'gyur ro/ /don de yang dbang po nyi shu rtsa gnyis kyis yongs su rdzogs te/ de bas na dbang po nyi shu rtsa gnyis kyis dbang po thams cad bsdus so/ /kha cig ni 'di snyam du sems te/ gal te nang gi bdag gang dbang po drug po 'di dag gi sgo nas yul la spyod pa de lta bu 'ga' zhig med de/dbang po drug po de dag nyid spyod yul sna tshogs dang / yul sna tshogs dang ldan pa yin du zin na/ de lta na ni gal te dbang po drug po rnams rang gi yul nyams su myong bar zad na/ dbang po drug po 'di rnams kyi spyod yul gyi yul sus nyams su myong bar 'gyur snyam du sems na/de ni rten cing 'brel par 'byung ba mngon par mi shes pas 'du byed rnams la de ltar phyin ci log tu rtog pa yin par rig par bya'o/ /de la rten cing 'brel par 'byung ba ni 'di yin te/ gang gi tshe rnal 'byor pa nang gi dbang po drug la tshul bzhin du dmigs pa bcas nas/dran pa nye bar gzhag pa bzhi bsgom pa la zhugs na de'i tshe dran pa nye bar gzhag pa de dag gis dbang po drug po de rnams kyi spyod yul gyi yul nyams su myong bar 'gyur te/ de dag kyang de rnams rnam par dag pa la brten nas nges par 'byung bar 'gyur ro/ / des dran pa nye bar gzhag pa bzhi po de dag nyid bsgoms nas/ bden pa khong du chud ma thag tu byang chub kyi yan lag bdun thob par 'gyur ro/ /de'i tshe byang chub kyi yan lag de dag gis dran pa nye bar gzhag pa de rnams kyi spyod yul gyi yul bden pa yang dag par nyams su myong bar 'gyur ro//byang chub kyi yan lag de dag kun du bsten pa'i rgyus rig pa dang rnam par grol ba skye bar 'gyur te/ de'i tshe rig pa dang rnam par grol ba des byang chub kyi yan lag de dag legs par bsgoms pas gong du bsgom par bya ba med do snyam du spyod yul gyi yul nyams su myong bar 'gyur ro//des nyon mongs pa thams cad yang dag par spangs pas na nyon mongs pa thams cad spangs pa'i mya ngan las 'das pa de la nga rgyal med par 'gyur ro/ /de nga rgyal med pas rig pa dang rnam par grol ba yod pa de dag la rig pa dang rnam par grol ba de ni yod de/ bdag gis thob po snyam du spyod yul gyi yul nyams su myong bar 'gyur ro//de yang 'dus byas kyi chos thams cad las nges par 'byung ba'i phyir rig pa dang rnam par grol ba las kyang nges par 'byung bar rig par bya'o/ /mya ngan las 'das pa la ni gzung ba dang 'dzin pa gnyi ga'i gdags pa med de/spros pa thams cad 'gags pa'i phyir ro/ /de bas na 'dus byas ji srid yod kyi bar du gong nas gong du gzung ba dang 'dzin pa dang / 'dri ba dang lan gdab pa yod par 'thad do/ /'dus ma byas pa mya ngan las 'das pa la ni tshul bzhin ma yin pa kho nar 'gyur te/de bas na bdag gi ni med kyi/ kun nas nyon mongs pa tsam dang / rnam par byang ba tsam du bstan pa yin no/ /skyes bu gang zag shes rab dang ldan pa dbang po gsal ba'i rang bzhin can ni so sor brtags nas tshul bzhin du chos rnams yid la byas pas mya ngan las 'das pa la mngon par yid ches pa thob par 'gyur ro//de la brten nas brtson 'grus rtsom mo/ /de la brten nas lus la sogs pa'i dmigs pa la dran pa 'jog par byed do/ /de la brten nas sems kyi dmigs pa la sems rtse gcig tu byed do/ /de la brten nas yang dag pa ji lta ba bzhin du rab tu shes shing yang dag pa ji lta ba bzhin du mthong ste/de nyid kyis mthar thug par 'gro'o/ /de bas na dang po nas kyang shes rab dben pa yin la/ tha mar yang shes rab dben pa yin pa'i phyir shes rab kyi dbang po gtso bo zhes bya'o/ /de bzhin gshegs pa rnams kyi byang chub las brtsams te/dad pa nas shes rab kyi bar dang /tha na 'jig rten pa'i thob pa gang yin pa de yang su la med pa de ni 'di las phyi rol pa'i so so'i skye bo'i phyogs la gnas pa yin par rig par bya'o/ /gang la 'jig rten pa ni yod la/ 'jig rten las 'das pa ni med pa de ni 'dir so so'i skye bo'i phyogs la gnas pa yin te/ phyi rol pa ni ma yin no/ /gang la 'jig rten las 'das pa yod pa de ni thams cad kyi thams cad du so so'i skye bo'i phyogs la gnas pa ma yin pa kho nar rig par bya'o/ /sdom ni/ so sor brtags dang blo dang ni//yul 'khor rgyal por bcas pa dang / /dgra bcom pa dang slob pa dang / /drang po yang ni tha ma yin/ /mdor bsdu na tshe 'di dang phyi ma'i nyes par spyod pa la nyes dmigs su mthong nas so sor brtags te nye bar spyod pa las ldog pa dang / legs par spyod pa bsgoms pa ni so sor brtags pa'i stobs yin no//stobs de ni don gnyis sgrub pa yin te/ bde 'gror 'gro ba dang / tshe 'di la yongs su mya ngan las 'das pa ste/ bsgoms pa'i stobs kyis bsdus pa'i dran pa nye bar gzhag pa bsgom pa'i rten gyi bya ba byed do/ /de la brten nas kyang dran pa nye bar gzhag pa la sogs pa byang chub kyi phyogs dang mthun pa'i chos rnams bsgom pa gang yin pa de ni bsgoms pa'i stobs yin par rig par bya'o//ngo tsha ba'i gnas rnam pa gsum ni so sor brtags pa'i stobs de'i grogs kyi bya ba byed pa ste/ 'jig rten na bcom ldan 'das kyi nyan thos rnams dang /bstan pa la mngon par dga' ba'i lha pha rol gyi sems shes pa dag yod de/ de rnams kyis bdag smad par 'gyur ro snyam pa ni gzhan la gnas pa ste/ gnas dang po'o/ /rkyen du ma bab pa kun du spyod pa'i rgyus bdag nyid kyis bdag smad par 'gyur ro snyam pa ni gnas gnyis pa'o//legs par gsungs pa'i chos 'dul ba la tshangs par spyod pa yod de / chos 'di ni tshangs par spyod pa la bar du gcod pa yin no snyam pa ni gnas gsum pa'o/ /ngo tsha ba de rnams kyi gnas gsum pa ni dbang gis byung ba gsum yin par rig par bya ste/'jig rten gyi dbang gis byung ba dang / bdag gi dbang gis byung ba dang / chos kyi dbang gis byung ba'o/ /bdag la phan pa bsgrub pa dang / /gzhan la phan pa sgrub pa'i sgo nas stobs bzhi rnam par gzhag par rig par bya ste/ blo dang brtson 'grus dang /nam thob pa med pa dang / bsdu ba'i stobs rnams so/ /de la tshe 'di la mya ngan las 'das pa yang rang gi don yin no/ /mtho ris su 'gro ba yang rang gi don yin no/ /de la rang gi don dang po'i sgo nas ni blo dang brtson 'grus kyi stobs gnyis rnam par gzhag ste/ de gnyis ka yang thabs dang bcas pa'i brtson 'grus yin par rig par bya'o/ /rang gi don cig shos kyi sgo nas ni kha na ma tho ba med pa'i stobs rnam par gzhag ste/ stobs 'di gsum gyis rang gi don thams cad yongs su rdzogs so/ /gzhan la phan par 'dod pa rnams kyi ni gzhan gyi don lus te/de'i sgo nas ni bsdu ba'i stobs rnams rnam par gzhag par rig par bya ste/ bsdu ba'i dngos po rnams ni 'di lta ste/ byang chub sems dpa'i sa las 'byung ba bzhin du rig par bya'o/ /yul 'khor rgyal po dang bcas pa/ skyes pa dang / bud med dang / khye'u dang bcas pa/byis pa dang mkhas pa dang bcas pa/ khyim pa dang rab tu byung ba dang bcas pa'i sgo nas ni stobs bcu rnam par gzhag par rig par bya ste/ rgyal po rnams ni dbang phyug gi stobs can no zhes bya ba la sogs pa mdo las ji skad 'byung ba bzhin no/ /stobs brgyad dang ldan pa'i dgra bcom pa ni/'dod chags dang / zhe sdang dang / gti mug ma lus par zad pa dang nyams su myong ste/ sdig pa gang yin pa de ni mi byed la dge ba la ni brten to/ /dben pa dang / nges par 'byung ba dang / mya ngan las 'das pa la sems gzhol bas na/ yang srid pa'i skye ba la mi phyogs so//de la mi phyogs pas na de'i rgyus sdig pa'i las mi byed do / /'dod pa me mdag gi dong lta bur mthong bas na 'dod pa la mi phyogs so/ de la mi phyogs pas na de'i rgyus sdig pa mi byed do/ /de stobs de gnyis kyis sdig pa gang yin pa de mi byed la mi byed pas sgo drug nas dge ba la brten te/dran pa nye bar gzhag pa dang / yang dag par spong ba dang / rdzu 'phrul gyi rkang pa dang / dbang po dang / stobs dang / byang chub kyi yan lag dang / lam gyi yan lag rnams so/ /de bzhin gshegs pa ni nyan thos rnams dang nyid kyis bdag la phan pa dang gzhan la phan pa la zhugs pa'i khyad par gleng bar bzhed nas/de'i phyir slob pa rnams kyi stobs ni lnga po 'di dag go/ /de bzhin gshegs pa'i stobs ni bcu'o zhes gsungs so/ /de la slob pa'i stobs lnga dang ldan pa dag la phan pa la zhugs pa'i nyan thos ni 'bras bu'i mchog dgra bcom pa thob ma thag tu rang gi don yongs su rdzogs so//de bzhin gshegs pa ni dgra bcom pa brnyes nas stobs bcus gzhan la phan pa la zhugs pa yin te/ gzhan la phan pa nyid de'i rang gi don yin no/ /de ni gang gi tshe 'dul ba'i bya ba thams cad yongs su rdzogs nas/phung po'i lhag ma med pa'i mya ngan las 'das pa'i dbyings su yongs su mya ngan las 'da' ba de'i tshe/ bya ba byas pa/ don yongs su rdzogs par rig par bya'o/ /de ni dgra bcom pa rang gi don la zhugs pa gang yin pa dang /gzhan gyi don de nyid de'i rang gi don yin pa de'i phyir rgyu 'di gnyis kyis kyang nyan thos las khyad par du 'phags so/ /de bzhin gshegs pa'i stobs bcu rgyas par rnam par dbye ba ni 'di lta ste/ byang chub sems dpa'i sa las 'byung ba bzhin du rig par bya'o/ /gang zag bdag la phan par 'dod pa g.yo med pa sgyu can ma yin pa drang po rang gi don rtogs par 'dod pa'i rgyu bzhis nyes par bshad pa'i chos 'dul ba la bslu bar 'gyur bar rig par bya'o//legs par gsungs pa la ni slu ba med do/ /bzhi gang zhe na/ dam pa'i chos bstan pa dang / yang dag pa'i gdams ngag dang / rjes su bstan pa dang / tshul bzhin du khong du chud pa dang / rtogs pa'o/ /de la mos pa'i gnas ni dam pa'i chos mnyan pa zhes bya ste/ rgyu med pa dang / rgyu mi mthun pa rnam par spangs pa dang / rig pa dang ldan pa dang / yang dag pa'i rgyu yongs su bstan pa'i don gyi phyir ro//de la yang dag pa'i gdams ngag dang rjes su bstan pa spong ba'i sbyor ba ston pa dang ldan pa'i chos tshig dang don gyis bsdus pa gang yin pa de dag ni snga ma'i mos pa'i bzhi dang gnas su gyur pa'i chos rnams mngon sum du byed par 'gyur ba yin no//gal te bdag la phan par 'dod pa'i rigs kyi bu de/ rgyud las su rung ba chos 'dul ba 'di la 'jug par byed na de ni yang dag par bstan pa dang yang dag par gdams ngag bstan pa yin te/ myur du khyad par du 'phags par yang 'gyur ro/ /de ni dran pa nye bar gzhag pa bzhi la brten nas/khong du chud par bya ba tshul bzhin du khong du chud pa dang / thob par bya ba thob par yang 'gyur ro/ /'dus byas kyi sgo nas mkhas pa rnams kyis yod par 'dzin pa dang med par 'dzin pa gang yin pa de yang rab tu shes pa dang / 'dus ma byas kyi sgo nas srid pa'i rtse mo man chad kyis mya ngan las 'das pa bla na yod pa la yang bla na yod par/bla na med pa la yang bla na med par rab tu shes pa 'di ni tshul bzhin du khong du chud pa yin no/ /de la dran pa nye bar gzhag pa la brten pas sems mnyam par gzhag ste/ byang chub kyi yan lag bdun bsgoms nas/rig pa dang rnam par grol ba mngon sum du byed pa 'di ni rtogs pa yin par rig par bya'o/ /gal te rigs kyi bu de nyes par bshad pa'i chos 'dul ba la 'jug na ni de gnas 'di dag ma thob pas bsdu bar 'gyur ro/ /sdom ni/ rnam par gzhag dang bye brag dang / /zas rnams dang ni go rims dang //reg par gnas dang rin chen dbye/ /bsgoms pa yang ni tha ma yin/ /zhi gnas dang lhag mthong dang gnyis ka'i phyogs dang mthun pa'i bye brag gis byang chub kyi yan lag rnams rnam par gzhag par rig par bya ste/ 'di lta ste/ nyan thos kyi sa las 'byung ba bzhin no//rang bzhin gyi bye brag dang / dmigs pa dang / gzhi'i mtshan ma'i bye brag gis byang chub kyi yan lag bdun bcu bzhir 'gyur bar rig par bya ste/ dmigs pa dang bzhi'i mtshan ma gnyis kyis rnam par dbye ba ni 'di lta ste/ mnyam par gzhag pa'i sa dang nyan thos kyi sa las 'byung ba bzhin du rig par bya'o//byang chub kyi yan lag gi gnas kyi chos rnams la ni yid la byed pa rnam pa gnyis ril por byang chub kyi yan lag rnams kyi zas yin par rig par bya ste/ 'di lta ste/ phyin ci ma log pa yid la byed pa dang /rgyun mi 'chad par yid la byed pa'o/ /de las bzlog pa ni zas ma yin par rig par bya'o/ /thog ma dang bar dang tha ma rnams su yan lag gang yang rung ba ma tshang na yang dag pa ji lta ba bzhin du rtogs par 'grub par mi 'gyur ro/ /ji ltar 'tsham pa'i rten dang brten pa 'jug pa rnam par gzhag pa las ni rim gyis 'byung bar bstan par rig par bya'o//de la rten de lta bu ni dran pa'o/ /brten pa de lta bu ni chos rnam par 'byed pa'o/ /lhag ma rnams kyang de bzhin du ci rigs par sbyar bar rig par bya'o/ /byang chub kyi yan lag bsgom pa la brtson pa'i dge slong ni rgyu bzhis reg par gnas par mi 'gyur te/bzhi gang zhe na/ thams cad kyi thams cad du nyon mongs pa'i phyogs dang mthun pa'i gnas ngan len dang ma bral ba dang zhi gnas kyi phyogs dang mthun pa'i nye ba'i nyon mongs pa mngon sum du gyur ba dang / lhag mthong gi phyogs dang mthun pa'i nye ba'i nyon mongs pa mngon sum du gyur pa dang /ma goms pa'i lam la 'jug pa'o/ /de las bzlog pa'i rgyu bzhis ni rig par gnas par 'gyur ro/ /de gnyi ga la mkhas pa'i dge slong shes bzhin du gnas pas ni yang dag pa ji lta ba bzhin du rab tu shes so//yid la byed pa mngon par 'du byed pa dang bcas pas na ha cang brtun ngas pa'i brtson 'grus yin no/ /mgo dang mjug tu lhag chad du gyur pas na ma snyoms pa ste/ de bas na rgyu 'di gnyis las ma goms pa yin par rig par bya'o/ /de las bzlog pa gnyis kyis kyang goms pa'i lam yin par rig par bya'o//'khor los sgyur ba gling bzhi'i dbang phyug gi bdag po thob pa'i rin po che sna bdun dang 'dra bar sems kyi dbang phyug chen po thob pa'i yang byang chub kyi yan lag bdun rin po che yin par rig par bya'o/ /de la zhi gnas dang lhag mthong dang gnyis ka'i phyogs dang mthun pa 'khor zhing kun du 'khor la nyon mongs pa las rnam par rgyal ba'i don gyis dran pa ni 'khor lo rin po che lta bu'o//shes bya mtha' yas pa shes pa'i lus che ba'i don gyis chos rnam par 'byed pa ni glang po rin po che lta bu'o/ /ji srid bgrod par bya ba dang phyin par bya ba der myur du 'gro ba dang bar ma dor bar du gcod pa med pa'i don gyis brtson 'grus ni rta rin po che lta bu'o//mchog tu skyon med cing yid du 'ong ba'i don gyis dga' ba ni bud med rin po che lta bu'o/ /lus dang sems las su rung ba dad pa'i rang bzhin gyi don gyis shin tu sbyangs pa ni nor bu rin po che lta bu'o//'dod pa'i don thams cad sgrub pa'i don gyis ting nge 'dzin ni khyim bdag rin po che lta bu'o/ /nyon mongs pa can gyi sde 'joms pa'i don dang nyon mongs pa can ma yin pa'i don gyis chos kyi sde sgrub pa'i don dang mtshan ma med par gnas pa la ngal ba med par gnas pa sgrub pa'i don gyis btang snyoms ni blon po rin po che lta bu'o// //rnal 'byor spyod pa'i sa las gzhi bsdu ba/bam po nyi shu gnyis pa/ byang chub kyi yan lag bdun gyi gos kyi za ma tog chen po thob pa'i rnal 'byor pa rgyal po dang 'dra ba ni cha gsum gyi byang chub kyi yan lag gi gnas pas gnas te/'di lta ste/ zhi gnas kyi phyogs dang mthun pa dang / lhag mthong gi phyogs dang mthun pa dang / de gnyis ka'o/ /de dag ni de'i snga dro dang / nyi ma'i gung dang / phye ma red lta bu'i cha gsum yin no/ /de la cha dang po la ni byang chub kyi yan lag bzhis gnas so//gnyis pa la yang bzhis gnas so/ /gsum pa la ni bdun po thams cad kyis gnas te/ rnal 'byor pa ni nam yang byang chub kyi yan lag gcig pus mi gnas so/ /byang chub kyi yan lag bdun po de dag kyang mu stegs can gzhan rnams la zhe sdang gi rjes su 'gro ba ma yin pa'i phyir dang /dgra zla'i tshul gyis mi gnas pa'i phyir dang / phan pa'i lhag pa'i bsam pas 'jug pa'i phyir dang / nyon mongs pa thams cad dang mi ldan pa'i phyir na kho na med pa dang / 'gran zla can ma yin pa dang / gnod sems can ma yin pa zhes bya'o/ / gang gi tshe rnal 'byor pa des de dag mngon sum du byed pa dang / ji srid mngon sum du byas te gnas pa dang / gang gi tshe langs nas 'gag par 'gyur ba de dag thams cad yang dag pa ji lta ba bzhin du rab tu shes te/ de ltar na de ni shes bzhin du gnas pa des kha na ma tho ba med par gnas pa dang /ro myang ba med pa dang / sems zang zing med pa yin no/ /'du shes nyi shu rtsa gcig dang ldan pa'i byang chub kyi yan lag bsgom pa ni mdor bsdu na rnam pa gnyis su rig par bya ste/ mtshungs par ldan pa dang ldan pa'i don dang / de ma thag pa dang ldan pa'i don to//mi rtag pa la sogs pa'i 'du shes dang ldan pa nas 'chi ba'i 'du shes dang ldan pa'i bar rnams ni mtshungs par ldan pa'i don to/ /mi sdug pa la sogs pa'i 'du shes dang ldan pa nas stong pa nyid so sor brtag pa'i 'du shes dang ldan pa'i bar rnams ni de ma thag pa'i don to//byams pa la sogs pa dang ldan pa yang de dang ldan par rig par bya'o/ /'du byed la 'chums pa ste/ 'das pa dang / ma 'ongs pa dang / da ltar byung ba'i 'du byed rnams la 'chums pa dang / le lo dang / snyom las dang / 'jig tshogs la lta ba spangs su zin kyang bag chags dang 'brel bas nga'o snyam pa'i nga rgyal kun du spyod pa dang ro la sred pa dang /'jig rten sna tshogs la 'dun pa'i 'dod chags kyi rjes su chags pa dang / nyon mongs pas lhag ma'i bag la nyal dang / rnyed pa'i bsam pa dang / 'tsho ba'i bsam pa dang / 'dod pa'i sred pa dang / srid pa'i sred pa dang / rtog pa ngan pa dang 'brel ba'i 'dod pa'i 'dod chags rnam pa bzhi ste/ kha dog dang dbyibs dang reg pa dang bsnyen bkur gyi rnam pa ste/ 'di dag ni rnal 'byor pa'i skyon yin te/ de rnams kyis sems lam log par 'jug par byed do//de dag gi gnyen por ni 'du shes nyi shu rtsa gcig dang ldan pa'i byang chub kyi yan lag ci rigs par bsgom mo/ /de la gzhi'i gnyen por ni smon pa med pa'i rnam pa'i 'du shes sgom par byed do/ /mi rtag pa'i 'du shes nas bzung ste / 'jig rten thams cad la mngon par mi dga' ba'i 'du shes kyi bar du bsgom mo/ /gcig gi gnyen por ni stong pa nyid kyi rnam pa'i 'du shes te/ sdug bsngal ba la bdag med pa'i 'du shes te / nyon mongs pa lhag ma'i bag la nyal spang ba'i phyir ni khams gsum la mtshan ma med pa'i 'du shes so//rnyed pa'i bsam pa dang / 'dod pa'i sred pa'i gnyen por ni 'dod pa rnams la nyes dmigs kyi 'du shes so/ /'tsho ba'i bsam pa dang / srid pa'i sred pa'i gnyen por ni 'chi ba'i 'du shes so/ /rtog pa ngan pa dang 'brel ba'i 'dod chags rnam pa bzhi'i gnyen por ni mi sdug pa'i 'du shes nas bzung ste/stong pa nyid so sor brtag pa'i 'du shes kyi bar du bsgom mo/ /rnam par bsngos pa la sogs pa'i 'du shes nas stong pa nyid so sor brtag pa'i 'du shes la thug pa de dag thams cad ni mi sdug pa'i 'du shes yin par rig par bya'o//de la rnam par bsngos pa la sogs pa nas bam pa la thug pa rnams ni kha dog gi 'dod chags kyi gnyen po'o/ /rnam par zos pa dang / rnam par dmar ba dang / rnam par 'thor ba'i 'du shes rnams ni dbyibs kyi 'dod chags kyi gnyen po'o/ /rus pa dang keng rus kyi 'du shes ni reg pa'i 'dod chags kyi gnyen po'o//rnam par shes pas stong pa'i khog pa so sor brtag pa'i 'du shes ni bsnyen bkur gyi 'dod chags kyi gnyen po'o/ /byams pa kun du bsten pa ni dge ba'i mchog tu 'gyur ro zhes bya ba la sogs pa ni 'di lta ste/ mnyam par gzhag pa'i sa las 'byung ba bzhin du rig par bya'o//sdom ni/stobs dang rnam par dag pa dang / /rab tu dbye dang rnam grangs dang / /dge sbyong gi ni tshul rnams dang / /bram ze'i tshul ni tha ma yin/ /'phags pa'i lam yan lag brgyad pa skye ba la ni phyi nang gi stobs thams cad kyi nang na stobs gnyis kun gyi mchog yin no//gnyis gang zhe na/ phyi rol rnams kyi nang na ni dge ba'i bshes gnyen no/ /nang gi rnams kyi nang na ni tshul bzhin yid la byed pa'o/ /de ma yin pa'i bar chad med pa dang / sngon bsod nams byas pa dang / gos la sogs pas phongs pa med pa la sogs pa yang phyi rol gyi stobs yin par rig par bya'o/ /tshul bzhin yid la byed pa dang mtshungs par ldan pa'i shes rab ma gtogs par de ma yin pa'i spong ba'i yan lag rnams ni nang gi stobs rnams yin par rig par bya'o//de la dge ba'i bshes gnyen yod na/ dam pa'i chos thos pa pha rol gyi sgra zhes bya ba yod par 'gyur ro/ /de'i 'og tu nang gi tshul bzhin yid la byed pa 'byung bar 'gyur ro/ /de'i 'og tu yang dag pa'i lta ba la sogs pa'i lam 'byung bar 'gyur ro//yang dag pa'i lta ba la sogs pa slob pa gang yin pa de dag ni zag pa med pa yin pas na yongs su dag pa zhes bya'o/ /mi slob pa gang yin pa de dag ni rgyud rnam par dag pas na yongs su byang ba zhes bya'o/ /'dir 'jig rten pa'i gang yin pa de dag ni sdig pa rnam pa du mas 'dod dgur spyod pa 'di la phyi rol pa'i mu stegs can gyi lta ba dang 'brel ba rnams dang bral bas na nyon mongs pa med pa'o//nyon mongs pa des kun nas bslang ba'i yang srid par skye ba'i las kyi kun nas nyon mongs pa dang bral bas na nye ba'i nyon mongs pa dang bral ba zhes bya'o/ /'phags pa'i lam yan lag brgyad pa thams cad ni mdor bsdu na gnas gnyis kyis bsdus pa'i phyir rnam pa gnyis su rig par bya'o//'jig rten pa dang 'jig rten las 'das pa'o/ /de la 'jig rten pa'i gang yin pa de ni zag pa gsum dang nye bar len pa bzhi dang 'brel bas na sdug bsngal zad par mi 'gyur ro//dge ba yin pa'i phyir ni bde 'gror 'gro bar 'gyur ro/ /'jig rten las 'das pa gang yin pa de ni de las bzlog pa ste/ sdug bsngal zad par 'gyur ro/ /yang dag pa'i lta ba la sogs pa'i yan lag de rnams kyi rgyas par rab tu dbye ba ni 'di lta ste/ nyan thos kyis dang rnam grangs bsdu ba las 'byung ba bzhin du rig par bya'o//ting nge 'dzin gyi yo byad bdun ni 'di lta ste/ mnyam par gzhag pa'i sa las 'byung ba bzhin du rig par bya'o/ /de la yang dag pa'i lta ba la sogs pa'i lam ni rig par gnas pas na chos zhes bya'o/ /nyon mongs pa 'dul bar byed pa yin pas na 'dul ba'o//sdig pa'i chos rnams la ring ba dang 'phags pa rnams kyis bsten pas na 'phags pa'o/ /bde 'gror 'gro bar byed pas na dge ba'o/ /mya ngan las 'das par 'gro bar 'gyur bas na bsten par bya ba'o/ /dam pa rnams kyis mngon par bsngags pas na legs pa zhes bya bar rig par bya'o//de las bzlog pa ni log pa'i lta ba la sogs pa'i lam yin te/ ma rig pa'i mun pa'i phyogs dang mthun pas na gnag pa'o/ /ngan song du 'gro bar 'gyur bas na gnod pa'o/ / mi dge ba yin pas na ngan pa'o/ /tshe 'di la 'jig pa dang 'khon par byed pas na kha na ma tho ba dang bcas pa'o/ /dam pa rnams kyis spangs shing rnam par smad pas na yongs su spang bar bya ba'o / /yang dag pa'i dge sbyong gi tshul gyi sgo nas 'phags pa'i lam yan lag brgyad pa dge sbyong gi tshul gyi don gyis rnam par gzhag ste/de'i don du legs par gsungs pa'i chos 'dul ba la brda'i rab tu 'byung ba dang / dge sbyong gi tshul de yang dag par len to/ /de ni gtan du mi 'jig pas na de'i phyir yang dag pa zhes bya'o/ /brda'i ni de lta ma yin no//yang dag pa'i dge sbyong gi tshul de dang ldan pa gang yin pa de yang yang dag pa'i dge sbyong yin par rig par bya'o/ /de yang de'i 'bras bu 'dod chags dang /zhe sdang dang / gti mug ma lus par spang ba'i don du yongs su btsal ba yin no/ / de bas na de la dge sbyong gi tshul gyi don zhes bya'o/ /dge sbyong gi tshul gyi don de yang rnam pa gnyis su rig par bya ste/ spyir bsdus te rnam par gzhag pa dang bya ba dang bcas pa dang / bya ba med pa dang / zhugs pa dang / 'bras bu la gnas pa'i bye brag gis rnam par gzhag pa'o//de dag thams cad bsdus na bzhir 'gyur te/ dge sbyong gi tshul dang / dge sbyong dang / dge sbyong gi tshul gyi don dang / dge sbyong gi 'bras bu'o/ /sdom ni/gegs dang nye ba'i nyon mongs dang / /rtog dang 'bras bu gong na yod//cha phra ba dang lus ngal dang / /slob pa gnas dang yid byed shes/ /zil gyis gnon pa tha ma yin/ /dbugs rngub pa dang 'byung ba dran pa bsgom pa ni rnam pa bcu drug yod de/ rgyas par ni 'di lta ste/ nyan thos kyi sa las 'byung ba bzhin du rig par bya'o//dbugs phyi nang du rgyu ba dran pa bsgom pa la brtson pa'i rnal 'byor pa la ni bgegs byed pa lta bu'i chos lnga yod par rig par bya ste/ phyi rol du sems g.yeng ba dang / dbugs rngub pa dang / 'byung ba 'jug par dka' ba dang / rgod pa'i kun nas dkris pa dang /rmugs pa dang / gnyid kyi kun nas dkris pa dang / khyim pa dang rab tu byung ba rnams dang lhan cig 'dre bar gnas pa'o / /de dag ni mnyam par ma bzhag pa'i sems mnyam par gzhag par bya ba dang / mnyam par gzhag pa yang dang yang du bsgom par bya ba la bgegs byed pa yin par rig par bya'o//zhi gnas kyi phyogs dang mthun pa'i nye ba'i nyon mongs pa can du 'gyur ba'i lus rmugs pa dang / sems kyi zhum pa skyes pa nas dbugs rngub pa dang 'byung ba dran pa'i bsgom pa'i lus ni shin tu sbyangs par 'gyur zhing /rmugs pa dang ldan pa'i lus kyi gnas ngan len dang bral bar 'gyur ro/ /lhag mthong gi phyogs dang mthun pa'i nye ba'i nyon mongs pa 'di lta ste/ 'dod pa'i rtog pa la sogs pa rtog pa ngan pa rnams dang / 'dod pa'i 'du shes la sogs pa 'du shes ngan pa rnams dang / ma rig pa'i cha dang mthun pa'i rtog pa kun nas slong ba rnams kyis nye ba'i nyon mongs pa can du gyur pa na dbugs rngub pa dang / 'byung ba dran pa de nyid bsgom pa'i ni rtog pa dang / dpyod pa de dag kyang nye bar zhi bar 'gyur la ma rig pa'i cha dang mthun pa'i 'du shes rnams kyi gnyen pos/ rig pa'i cha dang mthun pa'i 'du shes ma 'dres pa bsgom pa yongs su rdzogs par 'gyur ro/ /dbugs rngub pa dang 'byung ba dran pa bsgom pa la brtson pa'i rnal 'byor pa ni 'di 'das pa'i 'du byed la dmigs pa'i rtog pa dang dpyod pa bar skabs su skyes pa ting nge 'dzin gyi bar chad byed pa ni spong ngo //ma 'ongs pa'i 'du byed la dmigs pa ni zhi bar byed do/ /da ltar gyi 'du byed la dmigs pa ni nye bar zhi bar byed do/ /mdor bsdu na kun du sbyor ba rnam pa drug spangs pa'i phyir 'bras bu'i phan yon gnyis dang / bzhi dang bdun rnam par gzhag par rig par bya ste/mdo las ji skad 'byung ba kho na bzhin no/ /drug gang zhe na/ 'og ma'i cha dang mthun pa dang / gong ma'i cha dang mthun pa gnyis dang / mthong ba dang bsgom pas spang bar bya ba gnyis dang / mngon par 'grub pa dang / skye ba'i kun du sbyor ba gnyis te/ 'di rnams gcig tu bsdus pa ni drug tu rig par bya ste/go rims bzhin du 'bras bu'i phan yon gnyis dang bzhi dang bdun du rnam par gzhag par 'gyur ro/ /dbugs rngub pa dang 'byung ba dran pa bsgom pa ni 'di gnyis yin te/ gong na yod pa dang gong na med pa'o/ /de la gong na yod pa ni ji ltar 'di na kha cig gcig pu dben pa na 'dug ste/sems mnyam par gzhag nas srog gi dbang po'i dbugs phyi nang du rgyu ba dang 'brel ba tshul bzhin du mthong ste/ gal te bdag gis dbugs rngubs nas phyir ma byung ngam/ yang na phyir byung nas nang du ma brngubs su zin na ni bdag gi srog 'gag pa kho nar 'gyur ro snyam mo//gzhan yang 'du byed mi rtag pa rnams la dbugs nang du rgyu ba chad nas/ ji srid du dbugs phyir 'byung ba skye ba de srid du srog gi dbang po gnas pa dang / dbugs phyir 'byung ba 'gags nas ji srid nang du dbugs rngub pa skye ba de srid du gnas pa gang yin pa 'di ni ngo mtshar to snyam mo//de dmigs pa des yid yang dag par skyo bar gyur nas/ dus gsum du rjes su chags pa dang khong khro'i sems rnam par sbyong ba 'di ni gong na yod pa'o/ /rnam pa bcu drug ni gong na med par rig par bya'o//rlung ni cha phra bar dmigs pa'i phyir gnas pa cha phra ba zhes bya ste/ dbugs rngub pa dang 'byung ba dran pa'i gnas pa'o/ /rtog pa dang dpyod pas bar du mchod pas na chog mi shes pa'o/ /lus dang sems shin tu sbyangs pa rgya chen pos byed pas na skyo bar bya ba ma yin pa'o //dbugs rngub pa dang 'byung ba dran pa bsgom pa'i lus ni ngal bar mi 'gyur te/ zhi gnas kyi phyogs dang mthun pa'i nye ba'i nyon mongs pa bsal ba'i phyir ro/ /mig kyang ngal bar mi 'gyur te/ lhag mthong gi phyogs dang mthun pa'i nye ba'i nyon mongs pa bsal ba'i phyir ro//mya ngan las 'das pa la yang bde bar mthong ba ni bde bar rjes su lta ba'o/ /bsam gtan gsum pa'i sa pa'i bde ba nyams su myong ba ni bde ba nyams su myong ba yin no/ /kun nas nyon mongs pa can du gnas pa ma yin pa'i phyir yongs su yi 'chad pa med do//bde ba des gnas so/ /'di na kha cig 'di snyam du sems te/ de bzhin gshegs pa ni rnam par grol ba'i sgo nas shes rab rnam par grol ba'i dgra bcom pa thams cad kyi nang na tha ma dang khyad par med do/ / de bzhin gshegs pa'i rnam par grol ba gang yin pa dang /shes rab rnam par grol ba'i dgra bcom pa gang yin pa 'di gnyis khyad par med na/ ci 'di ltar de bzhin gshegs pa'i sgrib pa med par gnas pa gang yin pa dang las dang po pa thams cad kyi nang na tha ma slob pa so so'i skye bor gyur pa ma yin pa'i brtson 'grus kyi stobs kyis sgrib pa lnga spangs nas gnas pa gang yin pa 'di la sgrib pa med par gnas zhes te/sgrib pa med par gnas pa dang / sgrib pa med par gnas par ci rnam par grol ba bzhin du khyad par med dam/ 'on te khyad par yod snyam pa 'di ni gnas yod do/ / sgrib pa med par gnas pa 'di gnyis ni khyad par shin tu che bar rig par bya ste/ slob pa ni kun du spyod pa'i sgo nas sems sgrib pa med par de bzhin gshegs pa dang mtshungs mod kyi bag la nyal ma spangs pa'i phyir yang dang yang du sems kyi rgyud sgrib pa rnams kyis 'dre bar 'gyur te/ yang dang yang du spangs dgos so/ /de bzhin gshegs pa ni sgrib pa gtan du spangs pa'i phyir khyad par shin tu che ba yin te/ rnam par grol ba la khyad par med pa dang mi 'dra'o/ /rnal 'byor pa ni dbugs rngub pa dang / 'byung ba'i dran pa la brten nas/ dran pa nye bar gzhag pa bzhi sgom pa na tshul bzhin yid la byed pa la brten nas/nang gi tshul bzhin ma yin pa yid la byed pa ma spangs par yod pa la yang tshul bzhin ma yin par yang dag pa ji lta ba bzhin du rab tu shes so/ /tshul bzhin ma yin pa yid la byed pa la tshul bzhin ma yin par shes nas kyang tshul bzhin ma yin pa yid la byed pa spangs nas des spang bar bya ba'i phyir tshul bzhin yid la byed pa 'ba' zhig gcig tu nges par sgom par byed do//de la lam gyi bzhi mdo chen po lta bu ni lus la sogs pa'i chos bzhi'o/ /rdul gyi phung po lta bu ni tshul bzhin ma yin pa yid la byed pa ste/mi brtan pa dang / snying po med pa dang / sems rmongs par byed pa'i phyir te / shar dang / lho dang / nub dang / byang gi phyogs nas 'ongs pa'i khyogs dang / bzhon pa dang / shing rta dang / shing rta phal pa lta bu ni tshul bzhin yid la byed pa ste lus la sogs pa bzhi la dmigs pa'i sgo nas/'di lta ste/ rdul gyi phung po lta bu'i tshul bzhin ma yin pa yid la byed pa de gzhom pa'i phyir dang / thams cad kyi thams cad du rgyud rnam par dag par bya ba'i phyir zhugs so/ /dbugs rngub pa dang 'byung ba dran pa la brtson zhing dran pa nye bar gzhag pa bzhi bsgom pa la ni lus kyi rgyu can dang /lus 'dzin pa'i tshul bzhin yid la byed pa bdag med pa'i mnyam pa nyid kyis shin tu mnyam ste/ ji ltar lus bdag med pa bzhin du yid la byed pa de yang de dang 'dra'o/ /de bas na lus dang 'dra ba zhes bya'o//lus dran pa nye bar gzhag pa bsgom pa de ni gang yang mi dmigs so/ /lus dran pa nye bar gzhag pa bzhi ji lta ba bzhin du rgyas par chos dran pa nye bar gzhag pa'i bar du yang de dang 'dra bar rig par bya'o/ /de ltar na sangs rgyas rnams kyi dran pa nye bar gzhag pa bstan pa 'di lta bu gang yin pa de ni 'di las phyi rol pa'i mu stegs can rnams la med de/de bas na mu stegs can thams cad zil gyis mnan te/ dran pa nye bar gzhag ces bya'o/ /sdom ni/ tshul khrims lhur len tshul khrims 'byor/ / lhag spyod bslab pa'i phan yon dang / /bslab pa'i rab tu dbye ba dang / /chos kyi gnas ni tha ma yin/ /lhag pa'i tshul khrims dang / lhag pa'i sems dang / lhag pa'i shes rab rnams kyi bslab pa gsum rnam par gzhag pa ni rgyas par 'di lta ste/nyan thos kyi sa las 'byung ba bzhin du rig par bya'o/ /bslab pa 'di rnams la ni mdor bsdu na log par sgrub pa yang yod la yang dag par sgrub pa yang yod par rig par bya'o/ /de la log par sgrub pa ni ji ltar 'di na kha cig rab tu byung ba na yang tshul khrims lhur len pa ma yin la tshul khrims kho na'i dbang du byas te rab tu byung ba yang ma yin pa dang /tshul khrims ji lta ba bzhin du ting nge 'dzin dang / shes rab kyang de dang 'dra bar rig par bya ste/ de la ni bcom ldan 'das kyis gang la skal ba med par gsungs pa'i lhag ma ma lus pa'i nyes pa 'byung ba'i skabs yod pa lta bu'o//de bas na 'di ni gcig pu nges par bslab pa gsum la log par sgrub pa yin par rig par bya'o/ /yang dag par sgrub pa ni rnam pa gsum ste/ chung ngu dang / 'bring dang / chen po'o/ /de la dang po ni snga ma las bzlog pa ste/ji ltar 'di na kha cig tshul khrims lhur len cing tshul khrims kyi dbang du byed pa yin la/ ting nge 'dzin dang / shes rab lhur mi len cing de'i dbang du mi byed de de la ni lhag ma ma lus pa'i nyes pa spyod pa'i skabs med mod kyi/ 'on kyang gang la bcom ldan 'das kyis dge sbyong gi 'bras bu thob par bya ba la skal ba med par ma gsungs pa'i nyes pa phran tshegs kun du spyod pa'i skabs ni yod pa lta bu'o//sgrub pa 'bring ni tshul khrims dang ting nge 'dzin lhur len pa yin par rig par bya'o/ /de la yang tshul khrims lhur len pa bzhin du nyes pa'i rim pa yod par rig par bya ste/de man chad ni so so'i skye bo yin par rig par bya'o/ /sgrub pa chen po ni bden pa mthong ba'i yin te/ bslab pa rnam pa gsum char la gus par byed pa'i phyir ro/ /de ni dge sbyong gi 'bras bu thob pa nyid yin pas na de la ni skal ba yod pa dang skal ba med par brtag pa med de/sgrub pa de gnyis yod na bzhir 'gyur la/ bzhi yod na gnyis su 'gyur te/ gang la ting nge 'dzin yod pa de la ni tshul khrims kyang yod par nges so/ /gang la shes rab yod pa de la ni ting nge 'dzin kyang yod par nges so//gang la tshul khrims yod par nges pa de la ni ting nge 'dzin dang shes rab yod par nges pa med do/ /rnal 'byor pa gang bslab pa gang lhur len pa de la yongs su rdzogs par byed pa yin la de ma yin pa la ni de tsam zhig tu byed par rig par bya'o/ /rang bzhin gyi kha na ma tho ba'i gnas yongs su spangs pas na tshul khrims phun sum tshogs par rig par bya'o//dbang po'i sgo bsdams pa la sogs pa tshul khrims la phan 'dogs pa'i dge ba'i chos rgyun du yang dag par blangs te/ 'dug pa ni dge ba phun sum tshogs pa yin par rig par bya'o/ /bcas pa'i kha na ma tho ba'i gnas yongs su spangs pas na so sor thar pa phun sum tshogs par blta bar bya'o//'phags pa dgyes pa'i tshul khrims rnams dang / phung po la sogs pa lnga la mkhas pa dang / so sor thar pa'i sdom pa yang dag par blangs pa'i brda'i tshul khrims go rims bzhin du tshul khrims phun sum tshogs pa la sogs pa dang sbyar ba ni rnam grangs gnyis pa'o//bslab pa ni gnyis te/ tshul khrims kyi dbang du byas nas spangs pa ma yin pa'i yang dag par blang bar gtogs pa tshul khrims yang dag par blang ba'i rkyen du 'tsham pa lus dang ngag gi lhag par spyod pas bsdus pa'i bslab pa dang /spangs pa yang dag par blangs pas bsdus pa'i bslab pa'o/ /rnam pa gnyis po de yang 'dul ba las ni bstan la so sor thar pa las ni ma bstan pa de lta bu yang yod do/ /so sor thar pa las kyang bstan pa yang yod do//de bas na de dag thams cad gcig tu bsdus pa la ni bslab pa gsum zhes bya ste/ lhag pa'i spyod pa dang / lhag pa'i 'dul ba dang / lhag pa'i so sor thar pa'o/ /bslab pa'i phan yon dang ldan par gnas pa/ shes rab kyi shas che ba rnam par grol ba snying por 'dzin pa dran pa brtsan par byed pa rnams kyi bslab pa gsum yongs su bsgom pa ni yongs su rdzogs par 'gyur te/rgyas par ni 'di lta ste/rnam par bshad pa bsdu ba las 'byung ba bzhin du rig par bya'o/ /tshul khrims dang ldan par gnas zhes bya ba ni rgyas par 'di lta ste/nyan thos kyi sa las 'byung ba bzhin du rig par bya'o/ /tshul khrims de yang 'chal ba'i tshul khrims kyi gnyen po yin pa dang / dbang po'i sgo bsdams pa'i rten du gyur pas na sdom pa zhes bya'o/ /dang po nas lags par bzung bas na phun sum tshogs pa'o//phyis kyang rjes su bsrungs pas na yongs su dag pa'o/ /sdug pa'i 'bras bu can yin pas na dge ba'o/ /nyon mongs can ma yin pas na kha na ma tho ba med pa'o/ /sems can rnams la byams pa'i sems kyi ting nge 'dzin dang mthun pas na gnod sems med pa'o/ / dge sbyong gi tshul gyi don dang mthun pa yin pas na mthun pa can yin no/ /'phags pa dgyes pa dang bsil ba'i rang bzhin du gyur pas na 'phags pa lta bu'o/ /tshul khrims dang brtul zhugs mchog tu 'dzin pa dang mthun pa ma yin pas na thabs med pa ma yin pa'o/ /chos mthun pa pa rnams dang mtshungs pas na 'tsham pa'o//lhag pa'i sems dang lhag pa'i shes rab bsgom pa dang mthun par gnas pas na mthun pa'o/ /gzhan dag la tho mi 'tshams shing phan 'dogs pa la 'jug pa dang spyod pa drag po rnam par spangs pas na gdung ba med pa'o/ /de yang dag par blang ba la 'gyod pa med pas na yid la gcags pa med pa'o//nyes pa mi spyod par chos bzhin du byed pas na 'gyod pa med pa ste/ 'di ni tshul khrims kyi rab tu dbye ba'o/ /gnas pa gsum la brten pa ni lhag pa'i sems dang / lhag pa'i shes rab kyi rab tu dbye ba yin par rig par bya'o/ /de la lhag pa'i sems kyi rab tu dbye ba ni tshangs pa'i gnas kyi bye brag las rig par bya'o//lhag pa'i shes rab kyi rab tu dbye ba ni 'phags pa dang byang chub kyi phyogs dang mthun pa'i chos kyi gnas pa'i bye brag las rig par bya'o/ /de la bsam gtan rnams dang / gzugs med pa bzhi ni lha'i gnas pa'o//tshad med pa bzhi ni tshangs pa'i gnas pa'o/ /'phags pa'i bden pa bzhi shes pa dang / dran pa nye bar gzhag pa rnams nas/ lam gyi yan lag rnams dang / lam bzhi dang / zhi gnas dang / lhag mthong dang / chos kyi gnas bzhi'i bar rnams ni 'phags pa'i gnas yin par rig par bya'o//rgyu zhing 'gro ba dang gnas shing 'dug pa'i rnal 'byor pa la ni kun nas nyon mongs pa med pa'i chos bzhi yod de/ langs nas yul la spyod pa'am/ dmigs pa la sems mnyam par gzhag pa yang rung ste/ kun nas nyon mongs pa med par reg par gnas par 'gyur ro//bzhi gang zhe na yid bde ba'i gnas kyi yul gyi nyon mongs pa can gyi yid bde ba las sems btang snyoms su byed pa dang / yid mi bde ba'i gnas kyi yul gyi nyon mongs pa can gyi yid mi bde ba las sems btang snyoms su byed pa dang / lhag mthong gi phyogs dang mthun pa'i nye ba'i nyon mongs pa las sems yongs su sbyong ba dang /zhi gnas kyi phyogs dang mthun pa'i nye ba'i nyon mongs pa la sems yongs su sbyong ba ste/ rgyu zhing 'gro ba dang gnas shing 'dug pa rnams la kun nas nyon mongs pa med par reg par gnas pa'i chos bzhi po 'di dag gi rten dang gzhi dang gnas su gyur pa'i chos kyi gnas kyang ci rigs par bzhi yod par rig par bya ste/brnab sems med pa dang / gnod sems med pa dang yang dag pa'i dran pa dang / yang dag pa'i ting nge 'dzin to/ /sdom ni/ rnam gzhag gzhan du 'gyur ba dang / lha yi lam dang me long dang / dad pa brjod pa tha ma yin//de bzhin gshegs pa'i nyan thos lta ba phun sum tshogs pa ni chos gnyis dag par gyur na shes nas dad pa bzhir 'gyur bar rnam par gzhag par rig par bya ste/ dad pa dang tshul khrims so/ /dge sbyong gi tshul gyi don ston pa po dang / dge sbyong gi don dang chos mthun pa pa de dag dge sbyong gi tshul 'thob par bya ba'i grogs po rnams la dad pa rtsa ba zug pa dang /mi 'phrogs pa dang / tshe phyi ma la yang slu bar mi 'gyur ba gang yin pa de ni dad pa dang ba zhes bya'o/ /ngan song du 'gro bar 'gyur ba'i mi dge ba'i chos gcig tu nges par mi byed pa'i sdom pa thob pas na tshul khrims rnams ni dang ba'i rang bzhin du rig par bya'o//de la dad pa gang la brten nas legs par gsungs pa'i chos 'dul ba la zhugs pa'i dad pa de dang bar gyur na/ tshe rabs phyi ma dag tu yang gtan du chos 'dul ba 'di las ldog par mi 'gyur ro//ngan song gi 'jigs pa gang gi phyir nyes par spyod pa'i gnyen por tshul khrims yang dag par blang ba byas nas/ de dang bar gyur pas gtan kho nar tshe rabs gzhan dag tu yang yongs su mya ngan las ma 'das pa'i bar du ngan song du 'gro bar mi 'gyur ro/ /de bas na legs par gsungs pa'i chos 'dul ba las mi ldog par byed pa dang /ngan 'gror 'gro ba las ldog par byed pas na/ dad pa dang tshul khrims gnyis 'ba' zhig dang ba'i rang bzhin du bstan te/ brtson 'grus dang / dran pa la sogs pa'i chos gzhan dag kyang dang ba ma yin par mi 'gyur ro/ / de la dad pa ni lhag pa'i tshul khrims kyi gnas yin no/ /tshul khrims ni lhag pa'i sems dang / lhag pa'i shes rab kyi gnas yin te/ de bas na dad pa dang / tshul khrims yongs su dag pas don du na bslab pa gsum yongs su dag par bstan te/ de'i phyir yang de gnyis su bstan par rig par bya'o//rnam grangs gnyis pa ni dad pa de rnams khams su gtogs pa'i dkar po'i chos rnams 'byung bar byed pas na bsod nams 'byung bar byed pa'o/ /'phags pa'i lam khyad par du 'phags pa 'dren par byed pas na dge ba 'byung bar byed pa'o/ /nyon mongs pa'i lhag ma spong ba 'dren par byed pas na bde ba'i gzhi zhes bya'o//bde 'gror 'gro bar gcig tu nges pa shes nas dad pa dang ldan pa'i 'phags pa nyan thos ni bde 'gror gnas su zin kyang / 'byung ba chen po rnam par 'gyur ba las byung ba'i sdug bsngal rnam pa gsum gyi 'jigs pa yod de/ ngan song rnams kyi ni ma yin no//rnam pa gsum gang zhe na/ na ba'i sdug bsngal dang / rga ba'i sdug bsngal dang / gnad 'chad pa'i 'chi ba'i sdug bsngal lo/ /de bas na 'di skad du 'byung ba chen po bzhi ni gzhan du 'gyur yang srid kyi shes nas dad pa dang ldan pa'i nyan thos ni gzhan du 'gyur ba yang mi srid do zhes gsungs so/ / yang dag pa'i rnam par dag pa'i lha ni gnod pa med pa'i mchog cas bya ste/ gtan du lus dang ngag dang yid kyis sems can la gnod pa mi byed pa'i phyir ro/ /de dag nyid kyi dbang du byas nas/ lha de rang bzhin gyi phyir shes nas dad pa bzhi la lha'i lam zhes bya'o/ /de la shes nas dad pa bzhi la brten nas sgo gsum nas 'phags pa nyan thos rjes su dran pa drug sgom par byed do//zhi gnas kyi phyogs dang mthun pa'i nye ba'i nyon mongs pas nye ba'i nyon mongs pa can du gyur pa dang / lhag mthong gi phyogs dang mthun pa'i nye ba'i nyon mongs pas nye ba'i nyon mongs pa can du gyur pa dang / yang na gnyis kas nye ba'i nyon mongs pa can du ma gyur kyang /ma 'ongs pa na de gnyis ka'i nye ba'i nyon mongs pa skye ba spangs pa'i phyir ro/ /de la rmugs pa dang gnyid ni zhi gnas kyi phyogs dang mthun pa'i nye ba'i nyon mongs pa'o/ /'dod pa la sred pa dang ldan pa'i rgod pa dang 'dod chags la sogs pa'i nyes pa las skyes pa'i mi dge ba rnams dang /'dod pa'i rtog pa la sogs pa sems rnam par g.yeng bar byed pa rnams ni lhag mthong gi phyogs dang mthun pa'i nye ba'i nyon mongs pa zhes bya'o/ /chos kyi shugs ni don dam pa'i bden pa'i tshul rjes su dran pas thob par 'gyur ro/ /don gyi shugs ni kun rdzob kyi bden pa'i tshul rjes su dran pas thob par 'gyur ro//'di lta ste/ dper na mi rnams kyis rang gi gdong legs ma legs kyi mtshan ma so sor brtag pa'i phyir mi long yod pa de bzhin du 'phags pa nyan thos kyi rang gi rgyud la yod pa'i kun nas nyon mongs pa dang rnam par byang ba yang dag pa yang dag pa ji lta ba bzhin du so sor brtag pa'i phyir ni shes nas dad pa bzhi po 'di dag me long lta bu yin no//shes nas dad pa bzhi dang ldan pa gang la la shes nas dad pa bzhi po rnams bdag nyid kyis gzhan dag la rjod par byed la gong ma'i dga' ba'i gnas rjes su dran pa bsgom pa ni rjed par mi byed na des ni rgyun du zhugs pa'i 'bras bu brjod par rig par bya ste/ gong du bsgom pa'i lam ma brtsams pa'i phyir ro//gal te gong ma'i dga' ba'i gnas kyi chos lnga brjod na ni des lan cig phyir 'ong ba'i 'bras bu brjod par rig par bya'o/ /ting nge 'dzin yongs su ma grub pas 'dod chags dang bral ba yongs su ma rdzogs pa'i phyir dang / lha rnams mngon sum du ma gyur pa'i phyir 'dod chags dang bral ba la brtson zhing dga' ba'i gnas kyi chos rnams bsgoms nas/dga' ba la brten pas shin tu sbyangs pa skyed par byed do/ /lus shin tu sbyangs na/ bde ba nyams su myong ngo / /bde bar gyur na sems mnyam par gzhog par 'gyur te/ mnyam par gzhag pa yongs su grub pa ni ma yin no//gal te gong du rjes su dran pa drug rjod par byed na ni des phyir mi 'ong ba'i 'bras bu brjod par rig par bya'o/ /dgra bcom pa ni 'jig rten las 'das pa'i lam 'ba' zhig gis thob par 'gyur la/ rjes su dran pa ni 'jig rten pa'i yin pas na/ de'i phyir phyir mi 'ong ba'i 'bras bu las gong du de rnams kyi brjod pa med do//shes nas dad pa bzhi po de dag kyang rgyun du zhugs pa'i 'bras bu'i tshe ni dad pa nyi tshe zhes bya'o/ /de ma yin pa'i slob pa'i 'bras bu'i tshe ni dad pa phun sum tshogs pa zhes bya'o/ /mchog gi 'bras bu'i tshe ni dad pa phun sum tshogs pa'i mchog ces bya'o//gzhi bsdu ba las byang chub kyi phyogs dang mthun pa rnam par 'byed pa zhes bya ba bsdu ba bzhi pa rdzogs te/ mdo sde'i ma mo gzhi bsdu ba rdzogs so// //ston pas bzhed pa'i shes bya dang / shes pa dang ldan pa'i mdo sde rnams kyi lus mngon par bsgrub pa yin pas na mdo sde'i ma mo zhes bya'o//de bzhin gshegs pa rnams kyi chos bstan pa ni tshad med pas na mtha' med pa'i pha mtha' bgrod par mi nus te/ phyogs 'di dang mngon par bsgrub pa'i rjes su 'brang ba 'di dang / don shes pa 'dis mkhas pa rnams kyis gzhan yang khong du chud par bya'o//gal te rtogs nus na ni kun du 'gro ba'i ma mo ni rnam par bshad pa bsdu ba yin par rig par bya'o/ /rnal 'byor spyod pa'i sa las mdo sde'i gzhi bsdu ba rdzogs so// //rgya gar gyi mkhan po pradz+nyA warma dang / dzi na mi tra dang / zhu chen gyi lo tsA ba ban+de ye shes sde la sogs pas bsgyur cing zhus te gtan la phab pa/ rnal 'byor spyod pa gzhi bsdu ba las sh+lo ka drug stong bdun brgya dgu bcu rtsa gsum mchis so// //