CLOSE WINDOW

D4034
བོད་ཡིག

@##/ /rgya gar skad du/ sU tra a laM ka ra br-it+ti b+hA Sh+yaM/ bod skad du/ mdo sde rgyan gyi 'grel bshad/ 'phags pa 'jam dpal la phyag 'tshal lo/ /dkon mchog gsum po rin chen gter gyur dang //yang dag shAka thub sras kyi thu bo dang / /rgyal ba bdag nyid khyu mchog de de dang / /chags med sras kyi gcung la mos pa dang / /bstan bcos gsal bar 'gro la snang byed dang //bla ma gtso bo gang las 'di thos pa/ /rtag par kun la bdag gis sar gtugs te/ /gus dang bcas pas spyi bos phyag 'tshal nas/ /don la bsam bya bdag blo blun pa dang //bstan bcos 'di yi tshig don zab pa yang / /'grel ba'i bsam pa bdag la ma byung bas/ /de phyir bdag la phan phyir cung zad bya/ /theg pa chen po mdo sde'i rgyan gyi lus su bzhag pa ni/mdor na rigs la gnas pa'i byang chub sems dpas bla na med pa yang dag par rdzogs pa'i byang chub tu sems bskyed nas/ byang chub sems dpa'i spyod pa la bslab par bya ba de ston to//de la rigs la gnas pa zhes bya ba la/ rigs ni bla na med pa'i byang chub tu 'tshang rgya ba'i sa bon la bya ste/ de la rigs zhes kyang bya/ gzhi zhes kyang bya/ nye bar rton pa zhes kyang bya/rgyu zhes kyang bya/ brtan pa zhes kyang bya/ gnas zhes kyang bya/ sngon du 'gro ba zhes kyang bya ste/ 'di dag ni rigs kyi ming gi rnam grangs so/ /rigs de yang mdor bsdu na rnam pa gnyis te/ rang bzhin la gnas pa dang /yang dag par bsgrub pa'o/ /de la rang bzhin la gnas pa'i rigs ni byang chub sems dpa' rnams kyi skye mched kyi khyad par 'phral la rnyed pa ni ma yin gyi/ 'khor ba thog ma med pa nas gcig nas gcig tu brgyud de 'ongs pa/chos nyid kyis rnyed pa ste/ de dang ldan pas byang chub sems dpa' rnams bla na med pa yang dag par rdzogs pa'i byang chub tu 'tshang rgya ba'i skal ba yod pa'o/ /yang dag par bsgrub pa'i rigs ni ma nges pa'i rigs can rnams dge ba'i bshes gnyen bsten pa dang /sngon dge ba'i rtsa ba la goms par byas pas las nges pa'i rigs su gyur pa ste/ skabs 'dir ni gnyi ga la bya bar rigs so/ /de la rang bzhin la gnas pa'i rigs ni 'bras bu ma grub cing ma byung ba'o//de la rigs kyi 'bras bu ni byang chub tu sems bskyed pa dang / pha rol tu phyin pa drug la spyod pa ste/ byang chub tu sems ma bskyed pa pha rol tu phyin par spyod pa la ma zhugs na rigs yod par mi rtog pas na phra ba yin no//yang dag par bsgrub pa'i rigs ni 'bras bu dang bcas pa rags pa zhes bya ste/ rang bzhin gyi rigs la ltos nas/ de tsam du zab pa dang phra ba ma yin pas rags pa zhes bya'o/ /rigs de dang ldan pa'i byang chub sems dpa' rnams nyan thos dang rang sangs rgyas las kyang 'phags pa yin na/so so'i skye bo gzhan la lta ci smos te/ de bas na rigs de ni bla na med pa mchog khyad par can zhes bya'o/ /de ci'i phyir zhe na/ gnyis po 'di dag ni mdor na rnam par dag par bya ba ste/ nyon mongs pa'i sgrib pa las rnam par dag par bya ba dang /shes bya'i sgrib pa las rnam par dag par bya ba'o/ /de la nyan thos dang rang sangs rgyas kyi rigs can dag ni/ nyon mongs pa'i sgrib pa las rnam par dag pa tsam du zad de/ shes bya'i sgrib pa las rnam par dag pa ni ma yin no/ /byang chub sems dpa'i rigs can dag ni/nyon mongs pa'i sgrib pa dang / shes bya'i sgrib pa gnyi ga las rnam par grol ba/ de bas na mchog khyad par can bla na med par rig par bya'o/ /yang rnam pa bzhis byang chub sems dpa' rnams nyan thos dang rang sangs rgyas las khyad par du 'phags par rig par bya ste/bzhi po de gang zhe na/ dbang po dang / rab tu sgrub pa dang / mkhas pa dang / 'bras bu'o/ /de la dbang po'i khyad par ni byang chub sems dpa' rnams ni rang bzhin gyis dbang po rno'o/ /rang sangs rgyas rnams ni rang bzhin gyis dbang po 'bring ngo //nyan thos rnams ni rang bzhin gyis dbang po tha ma'o/ /rab tu sgrub pa'i khyad par ni nyan thos dang rang sangs rgyas dag bdag la phan pa dang bde ba bya ba'i phyir zhugs shing sgrub pa'o/ /byang chub sems dpa' dag ni bdag la phan pa dang / gzhan la phan pa dang /'gro ba mang po la phan pa dang / 'gro ba mang po la bde ba dang / 'jig rten la snying brtse ba dang / lha dang mi'i skye bo mang po'i don dang / bde ba dang / phan pa'i phyir rab tu zhugs pa yin pas na/ de dag la mkhas pa'i khyad par ni nyan thos dang rang sangs rgyas dag phung po dang khams dang skye mched dang /rten cing 'brel bar 'byung ba dang / gnas dang gnas ma yin pa dang / bden pa la mkhas par byed pa tsam du zad de/ byang chub sems dpa' rnams ni rig pa'i gnas lnga thams cad la mkhas par byed pas so//'bras bu'i khyad par ni nyan thos rnams nyan thos kyi byang chub khong du chud pa dang / rang sangs rgyas dag kyang rang sangs rgyas kyi byang chub khong du chud par zad de/ byang chub sems dpa' rnams kyis ni bla na med pa yang dag par rdzogs pa'i byang chub thob cing khong du chud pas na khyad zhugs par rig par bya'o//de la byang chub kyi rigs de ni thog mar byang chub tu sems bskyed pa dang / byang chub kyi phyogs thams cad dang / sa dang pha rol tu phyin pa rnams kyi gzhi dang rten yin par rig par bya'o/ /'di la byang chub sems dpa' dang po nyid du so so skye bo'i dus na/byang chub tu sems bskyed pa ni nyan thos dang rang sangs rgyas rnams kyi yang dag pa'i smon lam thams cad kyi gtso bo yin la/ de phan chad kyi byang chub sems dpa'i yang dag pa'i smon lam thams cad kyang der 'dus shing bsdus pas na/dang po de yang dag pa'i smon lam gyi rang bzhin no/ /yang byang chub sems dpa' byang chub tu sems bskyed pa na/ 'di ltar sems mngon par 'du byed cing tshig tu yang 'byin te/ e ma'o bdag bla na med pa yang dag par rdzogs pa'i byang chub tu mngon par rdzogs par sangs rgyas par byas la/sems can nyan thos kyi rigs can dang / rang sangs rgyas kyi rigs can dag ni mthar thug pa'i mya ngan las 'das par gzhag/ /theg pa chen po'i rigs can dag ni/ de bzhin gshegs pa'i ye shes la gzhag par bya'o zhes sems skyed par byed do//de bas na sems bskyed pa de 'dod pa'i rnam pa'o/ /sems bskyed pa de yang byang chub dang sems can gyi don la dmigs nas/ de gnyis 'dod pa'i phyir sems skyed par byed kyi/ mi dmigs bar ni ma yin te/ de bas na sems bskyed pa de byang chub la dmigs pa dang /sems can gyi don la dmigs pa'o/ /gzhan yang brgya byin dang tshangs pa la sogs pa 'jig rten pa'i dge ba'i rtsa ba bskyed pa'i phyir smon lam btab pa dang / nyan thos dang rang sangs rgyas la sogs pa 'jig rten las 'das pa'i dge ba'i rtsa ba bskyed pa'i phyir/yang dag pa'i smon lam btab pa de dag thams cad kyi nang na dang po byang chub tu sems bskyed pa 'di yang dag pa'i smon lam gyi mchog yin pas bla na med pa ste de ltar na sems bskyed pa 'di'i rang bzhin dang / rnam pa dang / dmigs pa dang / mchog tu gyur pa ste/rnam pa bzhir rig par bya'o/ /yang sems bskyed pa de rnam pa gnyis su rig par bya ste/ 'byung ba dang 'byung ba ma yin pa'o/ /de la 'byung ba ni dang po sems bskyed nas shin tu de dag gi rjes su 'jug gi ldog par mi byed do/ /'byung ba ma yin pa ni shin tu de dag gi rjes su 'jug pa ma yin gyi slar yang ldog par byed pa'o//sems bskyed nas ldog pa de yang rnam pa gnyis te/ shin tu ldog pa dang / shin tu ldog pa ma yin pa'o/ /de la shin tu ldog pa ni gang lan cig phyir 'ong nas byang chub tu sems mi skye ba ste/ dper na nyan thos kyi rigs can dag theg pa chen por byang chub tu sems bskyed pa las nyan thos kyi rigs yod pa las lan cig byang chub kyi sems bor na phyis byang chub kyi sems mi skye'o//shin tu ldog pa ma yin pa ni lan cig log nas yang byang chub kyi sems skye ba ste/ byang chub kyi sems rgya cher rab tu dbye ba dang /skye ba'i rgyu dang / rkyen dang ldog pa'i rgyu dang / rkyen la sogs pa zhib tu rnal 'byor spyod pa'i sa las 'byung ste/ 'dir yang de bzhin du blta bar bya'o/ /da ni byang chub sems dpa'i spyod pa bstan par bya ba'o/ /de ltar byang chub tu sems bskyed pa'i byang chub sems dpa'i spyod pa gang zhe na/de yang mdor na rnam pa gsum du rig par bya ste/ gang la bslab pa dang / ji ltar bslab pa dang / gang dag slob pa ste/ de rnams gcig tu bsdus nas byang chub sems dpa'i spyod pa zhes bya'o//de la gang byang chub sems dpa' bslab par bya zhe na/ gnas bdun la bslab par bya'o/ /gnas bdun po gang zhe na/ bdag gi don dang / gzhan gyi don dang / de kho na'i don dang / mthu dang / sems can yongs su smin pa dang / bdag nyid sangs rgyas kyi chos yongs su smin pa dang /bla na med pa yang dag par rdzogs pa'i byang chub pa ste gnas bdun no/ /bsdus pa'i don ni/ bdag dang gzhan gyi don de nyid/ /mthu dang sems can smin pa dang / /bdag nyid sangs rgyas chos rnams dang / /bdun pa mchog gi byang chub bo/ / gang du byang chub sems dpa' bslab par bya ba de bstan zin to/ /ji ltar bslab par bya ba de bstan par bya ste ji ltar bslab par bya zhe na/ 'di la dang po nyid du byang chub sems dpa' byang chub sems dpa' bslab pa la slob par 'dod pas theg pa chen po'i chos la mos pa mang bar bya ba dang /chos btsal bar bya ba dang / chos bshad par bya ba dang / chos kyi rjes su mthun pa'i chos bsgrub par bya ba dang / yang dag pa'i bstan pa dang gdams ngag bstan par bya ba dang / yang dag pa'i bstan pa dang gdams ngag la gnas par bya ba dang / thabs kyis yongs su zin pa'i lus dang /ngag gi las dang yid kyi las dang ldan par bya'o/ /bsdus pa'i don ni/ mos par bya ba mang ba dang / /chos btsal ba dang bshad pa dang / /de bzhin du ni bsgrub pa dang / /yang dag bstan dang gdams ngag dang / /thabs kyis yongs su zin pa yi//lus ngag yid la tha ma'o/ /ji ltar bslab par bya ba yang bstan zin to/ /da ni gang dag bslab par bya ba de bstan par bya'o/ /de la gang slob par byed ce na/ byang chub sems dpa' rnams slob par byed ce'o/ /byang chub sems dpa' de yang mdor bsdu na rnam pa bcur rig par bya ste//rigs la gnas pa dang / rab tu zhugs pa dang / bsam pa ma dag pa dang / bsam pa dag pa dang / bsam pa yongs su ma smin pa dang / bsam pa yongs su smin pa dang / nges pa ma yin par rtog pa dang / nges par rtog pa dang / skye ba gcig gis thogs pa dang / srid pa tha ma pa'o/ /byang chub sems dpa' de dag la spyir mi dbye bar ming du 'di skad ces bya ste/ byang chub sems dpa' sems dpa' che/ /blo ldan gzi brjid che ba dang / /thugs rje chen po bsod nams che/ /dbang phyug ded dpon chen po dang / /rgyal ba'i gnas dang chos chen po//zhes bya ba la sogs pa'o/ /de la rigs la gnas pa ni bla na med pa'i byang chub kyi sa bon tsam yod la byang chub tu sems bskyed pa'o/ /gang rigs la brten nas byang chub sems dpa'i bslab pa la bslab bar bya ba'i phyir byang chub tu sems bskyed nas byang chub sems dpa'i tshul khrims la gnas pa ni rab tu zhugs pa zhes bya'o//rab tu zhugs pa de srid du sa dang po la rab tu dga' ba'i sar ma zhugs te/ mos pas spyod pa'i sa la gnas pa de srid du bsam pa ma dag pa zhes bya'o/ /nam sa dang por zhugs pa nas sa bdun pa man chad kyi dus na ni bsam pa dag pa zhes bya'o//bsam pa dag pa de nyid ji srid du mthar thug pa'i sa brgyad pa dang / dgu pa la ma zhugs kyi bar bsam pa yongs su ma smin pa zhes bya ste/ rtsol ba dang 'bad pa yod pa'i phyir ro/ /nam sa brgyad pa dang dgu pa la zhugs pa'i dus na bsam pa yongs su smin pa zhes bya ste rtsol ba dang 'bad pa med pa'i phyir ro//yongs su smin pa de yang ji srid du rgyal tshab tu nges pa'i sa sa bcur ma zhugs kyi bar du nges pa ma yin par gtogs pa zhes bya'o/ /sa bcur zhugs nas na nges par gtogs pa zhes bya'o/ / sa bcu pa'i byang chub sems dpa' nges par gtogs pa de la yang rnam pa gnyis te/ skye ba gcig gis thogs pa dang / srid pa tha ma pa'o/ /skye ba gcig gis thogs pa ni tshe 'di nyid la bla na med par 'tshang mi rgya'o/ /skye ba de 'das nas tshe rabs gzhan dag tu bla na med pa'i byang chub tu 'tshang rgya ba ste/dper na 'phags pa byams pa lta bu'o/ /srid pa tha ma pa ni tshe de nyid la bla na med pa'i byang chub tu 'tshang rgya ba ste/ dper na byang chub sems dpa' don thams cad grub pa lta bu'o/ /'di gsum ni bstan bcos 'di'i lugs te/bstan bcos 'di 'og gzhug tu don gsum bshad par zad de/ gsum po gang zhe na/ byang chub sems dpa'i rigs dang / byang chub tu sems bskyed pa dang / byang chub sems dpa'i spyod pa la bslab par bya ba'o/ /bstan bcos 'di'i ming ni mdo sde'i rgyan zhes bya ste/ci'i phyir mdo sde'i rgyan zhes bya zhe na/ bstan bcos 'di theg pa chen po'i mdo sde thams cad kyi tshig dang / don mdzes par byed pa'i rgyan du gyur pas na mdo sde'i rgyan zhes bya ste/ ji ltar rgyan du gyur pa ni gang brgyan par byed/ gang la brgyan par byed ces bya ba nas rgyan rnam pa du mas brgyan par byed ces bya ba la sogs pas ston to//de la bsdus te bshad pa ni/ /don shes pa dag don ston byed/ /ces bya ba nas brtsams te/ don rnams rab tu dbye bas na/ /mkhas pa rtag tu dga' mchog skye/ /zhes bya ba yan chad tshigs su bcad pa gsum gyi don rnam pa gnyis shig ston te ji ltar yod pa dang /ji snyed yod pa'o/ /de la ji ltar yod pa'i bshad pa ni gang brgyan par byed/ gang la brgyan par byed/ gang gis brgyan par byed/ gang gi phyir brgyan par byed/ gang la brgyan par byed/ gang gi rgyan du byed/ gang gi don du rgyan du byed pas bstan te/ de yang sgra'i gtsug lag gi tshig byed pa po dang / las dang / byed pa dang / de'i phyir dang / rgyu'i phyir dang / yan lag gi phyir dang / mtshan ma'i phyir te/ nges pa'i tshig bdun dang rim bzhin du sbyar ro/ / de yang don shes pa dag ces bya ba nas brtsams te/ rnam pa de phyir 'gro ba'i sems can la/ /zhes bya ba yan chad kyis bstan to/ /de la ji snyed pa'i bshad pa ni grangs kyi sgo nas bstan te/ grangs kyang du zhig ce na lnga'o/ /de yang 'byor pa'i don tshul bla med song ba lnga yi rang bzhin rab tu ston//zhes pa nas brtsams te/ chos rab de 'dir bshad pa dga' ba'i mchog skyed do/ /zhes bya ba yan chad kyis bstan te/ gzugs rgyan gyi dpe dang bcas par bstan pas kyang bstan bcos 'di mdo sde'i rgyan du gyur par ston te/ 'di ni thang cig bsdus te bshad pa yin no//de la gang brgyan par byed ce na/ de'i phyir don shes pa dag ces smos te/ theg pa chen po'i mdo sde'i nang nas phung po dang khams dang skye mched dang / sa dang pha rol tu phyin pa la sogs pa'i rang dang spyi'i mtshan nyid kyi don shes pa'i gang zag gis brgyan par byed de/mdo sde brgyan par byed pa'i byed pa'o/ /don shes pa'i gang zag de yin pas na des ni byed pa po bstan to/ /gang la brgyan par byed ce na/ de'i phyir don ston byed ces smos te/ don ni theg pa chen po'i chos rang dang spyi'i mtshan nyid do/ /ston par byed pa ni don de 'chad pa'i tshig la bya ste/don du na theg pa chen po'i mdo sde'i don dang / tshig la brgyan par byed ces bya ba'i tha tshig go/ /theg pa chen po'i mdo sde'i don dang tshig ni brgyan par bya ba'i yul yin pas na des ni las bstan to/ /gang gis brgyan par byed ce na//de'i phyir/ tshig dang rtsa ba'i dri ma med pa zhes smos te/ tshig ni 'dus byas mi rtag ces bya ba rkang pa mi tshang ba la bya ste/ de yang yan lag brgyad dang ldan pas na dri ma med pa zhes bya'o/ /yan lag brgyad ni phyis zhib tu bshad par bya'o/ /rtsa ba ni don rtogs par nus pa'i rkang pa tshang ba la bya ste/dper na 'dus byas kun mi rtag /skye zhing 'jig pa'i chos can te/ /skye zhing 'jig par 'gyur ba la/ /de dag myur du zhi ba bde/ /zhes bya ba lta bu ste/ de yang yan lag brgyad dang ldan pas dri ma med pa zhes bya'o/ /yan lag brgyad kyang zhib tu phyis bshad do//theg pa chen po'i don dang / tshig la yang rin po che la sogs pas ni brgyan du mi rung gi / tshig dang ming dang yi ge bzang pos brgyan par byed de/ des ni byed pa bstan to/ gang gi phyir brgyan par byed ce na/ de'i phyir sdug bsngal bsgral phyir zhes smos te/'khor ba na gnas pa'i sems can sdug bsngal rnam pa brgyad la sogs pas sdug bsngal bar gyur pa'i sdug bsngal de las bsgral te/ mya ngan las 'das pa'i gnas thob par bya ba'i phyir brgyan par byed de/ des ni de'i phyir zhes bya ba bstan to/ / gang la brgyan/ rgyan de rgyu ci las byung zhe na/ de'i phyir/ sdug bsngal 'gro la snying rje de phyir de bdag nyid/ /ces bya ba smos te/ khams gsum na gnas pa'i sems can skye ba dang rga ba la sogs pas sdug bsngal bar gyur pa la snying rje ste/ de ltar snying rje ba'i phyir byang chub sems dpa' rnams snying rje'i bdag nyid du gyur pas de ltar na snying rje'i rgyus brgyan par byed do zhes bya ba'i don to//'dis ni rgyu'i phyir zhes bya ba bstan to/ /gang gi rgyan du theg pa gsum las theg pa gang gi rgyan du byed ce na/ de'i phyir/ chos kyi dam pa theg pa bstan/ /zhes smos te/dam pa'i theg pa ni theg pa chen po la bya'o/ /chos dang gzhung gi nang nas theg pa chen po 'chad pa'i chos dang gzhung de'i rgyan du byed pa ste/ 'dis ni yan lag gi don bstan pa yin no/ /yan lag gi don zhes bya ba ni/ rgya gar skad du na sha sti zhes bya ste/ lhas byin gyi lag pa/mchod sbyin gyi lag pa zhes pa lta bu ste/ 'dir yang bstan bcos 'di theg pa chung ngu'i gzhung gi rgyan du gyur pa ni ma yin gyi/ theg pa chen po'i mdo sde'i gzhung gi rgyan du gyur pa yin no zhes bya ba'i tha tshig go/ /gang gi don du brgyan par byed/ /de'i phyir/ rnam pa de'i phyir 'gro ba'i sems can la/ /zhes smos te/ rnam pa ni theg pa chen po'i don dang tshig la bya'o/ /de'i phyir 'gro ba'i sems can zhes bya ba ni theg pa chen po'i don rtogs par bya ba'i phyir zhugs pa'i sems can la bya ste/ don du na theg pa chung ngu la zhugs pa'i sems/ can gyi don du brgyan par byed pa ni ma yin gyi/ theg pa chen po la zhugs pa'i sems can gyi don dang ched du brgyan par byed do zhes bya ba'i don to/ /'dis ni mtshan ma'i phyir zhes bya ba bstan te/ mtshan ma'i phyir zhes bya ba ni sgra'i gtsug lag las ni/ mi ta ta sap+ta/ zhes bya ba 'byung ste/de yang de'i don nam de'i ched ces bya ba lta bur 'dren no/ /ji ltar yod pa bshad zin to/ /da ni ji snyed pa bshad par bya'o/ /de ltar brgyan na rgyan du gyur pa'i chos du zhig gis brgyan par byed ce na/ de'i phyir/ 'byor pa'i don tshul bla med song ba lnga yi rang bzhin rab tu ston//zhes smos te 'byor pa'i don tshul ni yi ge dang tshig dang don du 'brel pa la bya'o/ /bla med song ba zhes bya ba ni yi ge dang tshig tu 'brel pa dang tshig dang don du 'brel pa de yang theg pa chen por gtogs pa'i yi ge dang tshig tu 'brel pa dang / tshig dang don du 'brel pa la bya ste/ don du na theg pa chen por gtogs pa'i yi ge dang tshig tu 'brel pa dang tshig dang don du 'brel pa'i chos lnga'i rang bzhin rab tu ston pa'i sgo nas brgyan par byed do zhes bya ba'i tha tshig go/ /chos lnga'i rang bzhin gang yin pa de ni gser las brdungs byas zhes bya ba la sogs pa dpe'i skabs su bshad par bya'o//de ni 'brel pa'i tshig rnams re re nas dbye bar bya ste/ don shes par byed pa dag /don ston par byed ces bya ba la sogs pa ni gang zhes bya ba rnams las brtsams te zhes bya ba la/ don shes byed ces bya ba la sogs pa'i tshigs su bcad pa dang pos ni gang brgyan par byed/gang la brgyan par byed/ gang gis brgyan par byed/ gang gi phyir brgyan par byed/ gang las brgyan par byed/ gang gi rgyan du byed/ gang gi don du brgyan par byed/ rgyan rnam pa du mas brgyan par byed pa las brtsams te bstan pa yin no//sus brgyan par byed ce na/ don shes pa'o zhes bya ba la gang zag gis brgyan par byed/ gang zag sus brgyan par byed ce na/ theg pa chen po'i mdo sde rnams kyi rang dang spyi'i mtshan nyid kyi don shes pa'i gang zag mkhas pa des brgyan par byed ces bya ba'i don to/ / ci zhig brgyan zhe na/ don ston par byed pa'o zhes pa ci zhig la brgyan/ gang la brgyan par byed ce na/ theg pa chen po'i mdo sde'i don dang / tshig la brgyan par byed do/ /de la don ni rang dang spyi'i mtshan nyid do/ /ston pa zhes bya ba'i don de 'chad pa'i tshig la bya'o/ / cis brgyan zhe na/ tshig dang rtsa ba dri ma med pa ste/ /zhes pa la/ rgyan gang gis brgyan zhe na/ tshig dri ma med cing bzang ba dang / rtsa ba dri ma med cing bzang bas brgyan te tshig dang rtsa ba bzang po ni rgyan yin no/ /tshig dri ma med pa'i don bstan pa'i phyir/ dri ma med ces bya ba ni mya ngan las 'das pa'i grong khyer du 'gro ba la sogs pa'o zhes pa la/ tshig de mya ngan las 'das pa'i grong khyer du 'gro ba la sogs pa yan lag brgyad dang ldan pas na dri ma med pa zhes bya'o/ /yan lag brgyad ni grong khyer du 'gro ba dang / stobs dang yon tan du ldan pa dang /rnam par bsal ba dang / rnam par shes pa dang / mnyan par 'os pa dang / mi brten pa dang / rab tu mi mthun pa med pa dang / mi zad pa'o/ /tshig de mya ngan las 'das par 'gro ba'i chos ston par byed pa'i mya ngan las 'das pa thob par byed pa'i rgyu byed pas na grong khyer du 'gro ba zhes bya'o//tshig de mu stegs rnams 'joms pa'i stobs dang ldan pa dang / 'jam zhing snyan pa'i yon tan dang ldan pa zhes bya'o/ /nges pa'i tshig dang yi ge mdzes pa dag 'byung bas rnam par gsal ba zhes bya'o/ /tshig de mnyan pa'i dus na yang brda phrad par sla bas rnam par shes pa zhes bya'o//chos dang don du bcas pa ston pas mnyan par 'os pa zhes bya'o/ /khe dang bkur sti la ma chags pas mi brten pa zhes bya'o/ /smra ba na yang dran pa dang dgos pa nyi tshe ba smra bas rab tu mi mthun pa med pa zhes bya'o//spobs pa zhum pa med pa dang spobs pa zad mi shes pa'i thabs 'byung bas mi zad pa zhes bya'o/ /de ltar yan lag brgyad dang ldan pa'i tshig de mdor na yon tan gsum dang ldan par rig par bya'o/ /yon tan gsum ni/ dbang du byas pa dang / rang bzhin dang sbyor ba'o//de la grong khyer du 'gro zhes bya ba'i tshig gcig gi dbang du byas pa bstan te/ tshig de mya ngan las 'das pa thob pa'i dbang du byas nas gsungs pa'i phyir ro/ /stobs dang yon tan du ldan pa dang / rnam par gsal ba gnyis kyis ni rang bzhin bstan to/ /lhag ma rnams kyis ni sbyor ba bstan te//rtsa ba dri ma med pa ji lta bu yin pa bstan pa'i phyir/ dri ma med pa'i rtsa ba zhes bya ba ni tshig dang yi ger sbyor cing ldan pa la sogs pa rgya cher bya ste zhes bya ba smos te/ tshig dang yi ger 'byor pa la sogs pa yan lag brgyad dang ldan pas na rtsa ba dri ma med pa zhes bya'o//yan lag brgyad ni tshig dang yi ger 'byor pa dang bcas pa dang / lugs bzhin pa dang / rjes su bsal ba dang / so sor mthun pa dang / nye bar 'dren pa dang / gzung bar 'os ba dang / mkhas pa dang / rab tu byed pa'i yan lag gi tshogs so//de la tshig dang yi ge dang ming la sogs pa'i rim bzhin du steng 'og ma 'khrul par 'chad pas na tshig dang yi ger 'byor pa zhes bya'o/ /yang na 'byor pa zhes bya ba ni rigs pa la bya ste/ bya ba sgrub pa'i rigs pa dang / ltos pa'i rigs pa dang / gtan tshigs sgrub pa'i rigs pa dang /chos nyid kyi rigs pa ste/ rigs pa bzhi dang ldan pa'i tshig dang / yi ge ston pa'i phyir tshig dang yi ger 'byor pa zhes bya'o/ /bsgrub par bya ba dang / sgrub par byed pa rnam pa gnyis yod pa las/ sgrub par byed pas bsgrub par bya ba grub par 'gyur ba'i mtshan nyid ston te/bsgrub par bya ba dang sgrub par byed pa 'brel pa 'chad pas na bcas pa zhes bya'o/ /bshad pa'i tshig rnams kyang sngar bshad par bya ba'i tshig phyis mi smra/ phyis smra bar bya ba'i tshig sngar mi smra ste/ bshad pa'i tshig rnams steng 'og 'brel par rim bzhin du 'chad pas na lugs bzhin pa zhes bya'o//tshig dang yi ge thams cad kyang brda phrad par sla ba gsal ba dag ston pas na rjes su gsal ba zhes bya'o/ /nyan thos kyi rigs can gyi gang zag la yang nyan thos kyi theg pa'i chos ston/ rang sangs rgyas kyi rigs can gyi gang zag la yang rang sangs rgyas kyi theg pa'i chos ston/theg pa chen po'i rigs can gyi gang zag la yang theg pa chen po'i chos ston te/ 'khor ji lta ba bzhin du 'khor dang mthun pa kho nar ston pas na so sor mthun pa zhes bya'o/ /tshig rnams kyang yid du 'ong zhing yid sim pa dang /snying dga' bar 'gyur ba sha stag ston pas na nye bar 'dren pa zhes bya'o/ /chos bshad pa'i dus bzhin du ston pa dang / chos dang don du bcas par ston pas na gzung bar 'os pa zhes bya'o/ /mkhas pa dang rtag tu byed pa'i yan lag ces pa la/mkhas par byed pa dang rtag tu byed pa zhes bya bar sbyar te/ slob ma rnams chos kyi mtshan nyid la mkhas par byed pa dang / chos rgyun du ston par byed pa'i phyir mkhas pa dang rtag tu byed pa zhes bya ste/ de'i yan lag ni yang dag pa'i lta ba la sogs pa 'phags pa'i lam gyi yan lag brgyad do//de lta bu'i chos dag 'chad pas na mkhas pa dang rtag tu byed pa'i yan lag gi tshogs zhes bya'o/ /theg pa chen po'i chos/ rnams la rin po che la sogs pas brgyan du mi rung snyam pa la/ mi rung ba bstan pa'i phyir gang gi phyir tshig dang rtsa ba dang /yi ge med par don bstan par mi nus pa'i phyir ro zhes ston te/ tshig bzang po dang rtsa ba bzang po dang / yi ge bzang po med par theg pa chen po'i don bstan par mi nus te/ theg pa chen po'i don bstan pa yang tshig dang rtsa ba dang yi ge bzang pos ston par byed do//gang gi phyir zhe na/ sdug bsngal bsgral ba'i phyir ro zhes pa la/ gang gi phyir brgyan par byed ce na/ khams gsum gyi sems can skye rga na 'chi la sogs pas sdug bsngal ba rnams kyi sdug bsngal bsal ba'i phyir brgyan par byed do zhes bya ba'i don to//ci'i phyir zhe na/ zhes bya ba ni/ ci'i phyir brgyan par byed/ rgyu gang gis brgyan par byed/ rgyu gang las rgyan de byung zhe na zhes bya ba'i don to/ /gang gi phyir sdug bsngal ba'i 'gro ba la snying rje ste/ de bas na snying rje ba'i phyir ro zhes pa la gang gi phyir byang chub sems dpa' rnams sdug bsngal gyis nyen pa'i 'gro ba la snying rje ste/de bas na snying rje dang ldan pa'i rgyus brgyan par byed do zhes bya ba'i tha tshig go/ /bdag nyid ces bya ba ni snying rje'i bdag nyid de zhes bya ba la/ bdag nyid ces bya ba ni snying rje'i bdag nyid la bya ste/ byang chub sems dpa' rnams ni snying rje dang ldan pa'i rang bzhin can yin no zhes bya ba'i don to//ci'i rgyan du byed ce na zhes pa ni theg pa gsum las theg pa gang gi rgyan du byed ces bya ba'i don to/ /theg pa dam pa'i rnam pa bstan pa chos gang la yod pa chos de'i'o zhes pa la chos de'i gzhung dang mdo sde gang las theg pa dam pa'i rnam pa ste/theg pa chen po'i chos kyi rang bzhin thabs dang shes rab kyi mtshan nyid chos gang las byung ba'i chos de'i rgyan du byed kyi/ theg pa chung ngu'i chos kyi rgyan du byed pa ni ma yin no zhes bya ba'i don to/ /su dag gi phyir brgyan zhe na zhes bya ba ni/nyan thos kyi rigs can gyi gang zag dang / rang sangs rgyas kyi rigs can gyi gang zag dang / theg pa chen po'i rigs can gyi gang zag las gang gi don du brgyan par byed ces bya ba'i tha tshig go/ /de'i phyir 'gro ba'i sems can gyi phyir ro zhes bya ba ni de'i sgra theg pa chen po dang sbyar te/theg pa chen po de rtogs par bya ba'i phyir zhugs pa'i sems can rnams kyi don dang ched du brgyan par byed do zhes bya ba'i tha tshig go/ /de ni mtshan ma bdun pa ste zhes bya bas de'i phyir zhes bya ba'i sgra sgra'i gtsug lag gi mtshan nyid dang sbyar na/mtshan ma bdun pa zhes bya ste/ mtshan ma bdun pa'i don ni de'i phyir ram de'i don du'am/ de'i don du zhes bya ba'i tshul du 'dren no/ /rgyan rnam pa du mas brgyan zhe na zhes bya ba ni theg pa chen po'i chos dang don la brgyan na/ rgyan gyi grangs du zhig gis brgyan par byed ce na zhes bya ba'i don te/de yang chos lngas brgyan par byed do/ /'byor pa ni ldan pa'o zhes pa la yi ge dang tshig tu 'brel pa dang / tshig dang don du 'brel pa la bya'o/ /bla med ni bla na med pa'i theg par song ba la bya'o zhes bya ba la bla na med par song ba zhes bya ba ni bla na med pa'i theg par song ba la bya ste/don du na theg pa chen por gtogs pa'i chos lnga bstan pa'i sgo nas brgyan par byed ces pa'i don to/ /da ni don gyi tshul lnga'i rang bzhin de dag tshigs su bcad pa gnyis kyis bstan to zhes bya ba la/ gong du rgyan dus brgyan zhes bya ba la/chos rnam pa lnga bstan pas brgyan to zhes de skad du glengs pa la/ da ni tshigs su bcad pa gnyis pos chos lnga po de dag gang dang gang yin pa ston to/ /de la theg pa chen po'i chos rnams ni don rnam pa lnga'i dbang du byas nas bshad de/ lnga gang zhe na/bsgrub par bya ba dang / shes par bya ba dang / bsam pa dang / bsam gyis mi khyab pa dang / yongs su rdzogs par thugs su chud pa'i don so so rang gis rig pa byang chub kyi phyogs kyi rang bzhin no/ /chos de lnga'i 'grel pa ni rnam pa gsum ste/ theg pa chen po'i dngos po lnga dang /rang bzhin gsum dang / gang zag rnam par gzhag pa'o/ /de la theg pa chen po'i dngos po lnga ni/ ming dang / mtshan ma dang / rnam par rtog pa dang / de bzhin nyid dang / rnam par mi rtog pa'i ye shes so/ /de la ming zhes bya ba ni brda dang tha snyad dang / mngon par brjod pa'i rang bzhin te/'jig rten pa gang ming gi sgo nas phung po dang khams la sogs pa'i chos rnams la mngon par zhen to/ /ji ltar zhe na/ ji ltar ming gang dang gang gis chos gang dang gang dag la mngon par brjod cing btags pa de bzhin du chos de dag rang bzhin gyis yod do zhes chags so//de la ming gis brjod pa'i chos de dag ni ming dang chos su bcas te med pa yin no/ /de bas na bcom ldan 'das kyis kyang / ming ni gang dang gang dag gis/ /chos ni gang dang gang brjod pa/ /de ni de na med pa ste/ /de ni chos kyi chos nyid do/ /zhes gsungs so/ / de ltar 'jig rten pa'i ming gi sgo nas chos rnams la yod par mngon par zhen pa dag la/ gang ming gis brjod pa'i chos de dag ni rang bzhin gyis yod pa ma yin no zhes bya bar bya ba dka' bas na de ni gtan tshigs kyis bsgrub par bya ba'o/ /de dang chos 'dra ba'i dpe ni/ gser las brdungs byas 'dra zhing zhes bya ba la 'di ltar mgar ba mkhas pas brdungs pa dang bsregs pa dang /sbyangs pa la sogs pa'i 'bad pa dang rtsol ba chen pos las su rung bar byas te/ rna cha dang dpung rgyan la sogs pa'i rgyan du bsgrubs nas mdzes par brgyan na dga' ba'i mchog bskyed pa de bzhin du/theg pa chen po 'di la yang ming gis dngos po 'di la mngon par chags pa rnams la ming gang gis brjod pa'i dngos po de dag rang bzhin gyis yod pa ma yin no zhes gtan tshigs kyis rang gi phyogs bsgrub pa dang gzhan gyi phyogs su ni dbyung ba la sogs pa'i sgo nas med par bsgrubs na/gser las brdungs su byas pa bzhin du dga' ba'i mchog skye bar 'gyur te/ bsgrub par bya ba smras zin to/ /mtshan ma ni mngon par brjod pa'i bdag nyid kyi ming de nyid kyi dngos po rten du gyur pa sa bon dang myu gu la sogs pa phyi'i gzhan gyi dbang gi rang bzhin gzung ba'i cha la bya ste/phyi'i dngos po gang la brten nas ming rnam pa sna tshogs 'jug par 'gyur ba'i phyir gzhan dbang la mtshan ma zhes bya'o/ /dngos po de yang rten cing 'brel te 'byung ba'i rang gi sems las snang ba tsam du zad pa bum pa dang snam bu la sogs par 'jig rten rang gis rig pa ste/de ni rten 'brel yin no zhes bstan nas shes par bya ba tsam du zad do/ /ji ltar zhe na phyi'i rten cing 'brel te 'byung ba de mngon sum du gyur te/ rang gis rig pas na mngon sum du snang ba de la 'jig rten pa rnams gcig tu the tshom skye zhing yid gnyis zab med pas na sa bon las myu gu/myu gu las 'dab ma zhes bya ba la sogs pa'i sgo nas shes par bya ba tsam du zad do/ /de dang chos 'dra ba'i dpe ni pad+mo rgyas pa bzhin zhes bya ste/ ji ltar nyi ma'i 'od zer gyis kha bye ba'i pad+ma kha bye ba mthong na dga' ba'i mchog skye ba de bzhin du/ phyi'i dngos po rnams rten cing 'brel te 'byung ba yin par 'bad rtsol chen po med pas bstan te/ shes par gyur na dga' ba'i mchog skye bar 'gyur te/ shes par bya ba bshad zin to/ /de la rnam par rtog pa ni rten cing 'brel te 'byung ba de nyid dngos po tsam du sems dang sems las byung ba'i rang bzhin 'dzin pa'i char gyur pa'i nang gi rten cing 'brel te 'byung ba la bya'o//de la ni theg pa chen po'i chos nyan pa dang / bsam pa la sogs pa'i sgo nas tshul bzhin du rnam par rtog pas phyi'i yul rnams ni sems las byung ba yin no zhes de ltar bsam par bya'o//ji ltar mngon pa'i chos bsdus pa las/ chos la rab tu zhugs pa'i chos rnams la dpyod pa ni rigs pa dus dpyod par byed ce na/ rigs pa bzhis dpyod par byed de/ rigs pa bzhi ni/ ltos pa'i rigs pa dang / bya ba byed pa'i rigs pa dang /gtan tshigs sgrub pa'i rigs pa dang / chos nyid sgrub pa'i rigs pa'o/ /da ltar rigs pa bzhis phyi'i dngos po rnams ni sems las snang ba yin no zhes tshul bzhin du rnam par brtags te bsams na kun nas nyon mongs pa spangs pa dang rnam par byang ba skye ba dang rjes su mthun par 'gyur ro//de dang chos mthun pa'i dpe ni/ bkres pas nyen pa g.yos legs kha zas za ba 'dra/ /zhes bya ste/ ji ltar kha zas legs par g.yos pa'i kha dog dang dri dang ro la sogs pa phun sum tshogs pa/ bkres pas nyen pa'i gang zag gis zos na dga' ba'i mchog skye ba de bzhin du theg pa chen po'i chos bdud rtsi'i zas dang 'dra ba 'di la yang sngon dam pa'i chos nyan pa dang /bsam pa la sogs pa ma byas pas bkres par gyur pa rnams kyis mnyan pa dang bsam pa la sogs pa'i sgo nas tshul bzhin yid la byed pas bsams te zos na don rtogs pas tshim pa thob na dga' ba'i mchog skye bar 'gyur te/bsam pa bshad zin to/ /de bzhin nyid ni bsam gyis mi khyab pa zhes bya ste/ ci'i phyir zhe na/ so so'i skye bos bsam pa'i spyod yul las 'das pa dang / 'phags pa rnams kyis so so rang gis rig par bya ba yin pa'i phyir ro//de yang theg pa chen po bsdus pa'i bstan bcos las chos kyi sku ni bsam gyis mi khyab pa'i mtshan nyid do zhes bshad pa lta bu'o/ /de ltar na de bzhin nyid rnam par dag pa ni so so rang gis rig pa yin pa'i phyir dang / 'jig rten na de dang 'dra ba'i dpe med pa dang /rtog ge'i spyod yul las 'das pa'i phyir bsam gyis mi khyab pa'o/ /de dang chos 'dra ba'i dpe ni/ phrin yig snyan pa thos pa 'dra/ /zhes bya ste/ ji ltar don dang tshig tu 'brel pa don phun sum tshogs pa'i phrin yig snyan pa de don la phyin ci log tu rnam par rtog pa spangs pa'i mkhas pa'i lag tu song ste mthong nas don rtogs nas dga' ba'i mchog skye ba de bzhin du de nyid de yang sangs rgyas dang byang chub sems dpa' rnams kyis sa dang po khong du chud pa nas brtsams te mngon sum du gyur pa na de bzhin nyid de so so rang gis rig pa dang /rtog ge'i spyod yul las 'das pa dang / zag pa med pa dang dpe med par gzigs nas dga' ba'i mchog skye ste/ de bas na sa dang po de rab tu dga' ba zhes btags so/ /de ltar na de bzhin nyid de 'phags pa rnams kyis so so rang gis rig na/ ci'i phyir bsam gyis mi khyab ces bya zhe na/byis pa de kho na khong du ma chud pa rnams kyis bsam par mi nus te/ de dag gis bsam pa las 'das pas na bsam gyis mi khyab pa zhes bya ste/ bsam gyis mi khyab pa zhes bshad zin to/ /rnam par mi rtog pa'i ye shes ni yongs su rdzogs pa thugs su chud pa'i don byang chub kyi phyogs kyi rang bzhin zhes bya ste/yongs su grub pa rnam pa gnyis las phyin ci ma log par yongs su grub pa'i rang bzhin yin pas yongs su grub pa zhes bya'o/ /rnam par mi rtog pa de ni bshad pa'i chos ma yin gyi rtogs shing khong du chud par bya ba'i chos yin pas na thugs su chud pa'i don zhes bya'o//sems dang sems las byung ba'i rang bzhin yin pas na byang chub kyi phyogs kyi rang bzhin zhes bya ste/ rnam par mi rtog pa'i ye shes de rtsig pa la sogs pa lta bur blun pa'i rang bzhin ma yin gyi 'phags pa rnams kyis so so rang gis rig par bya ba yin pas na byang chub kyi phyogs la rang bzhin du bshad pa de dang chos 'dra ba'i dpe ni rin chen sgrom phye ltar zhes bya ba ste/dper na rin po che sna tshogs yod pa'i sgrom de kha phye nas kha dog dang 'od du ldan pa'i rin po che sna tshogs mthong na dga' ba'i mchog skye ba de bzhin du sangs rgyas dang byang chub sems dpa' rnams kyis nyon mongs pa dang shes bya'i sgrib pa spangs te/byang chub kyi phyogs kyi chos rin po che de dag sems kyi rgyud la snang bar gyur na dga' ba'i mchog skye bar 'gyur ro/ /brgal ba yongs su grub pa rnam pa gnyis te/ mi 'gyur bar yongs su grub pa dang / phyin ci ma log par yongs su grub pa'o/ /de ltar de bzhin nyid dang rnam par mi rtog pa'i ye shes gnyis ka la yang yongs su grub par 'dra ba las ci'i phyir de nyid la bsam gyis mi khyab pa zhes bya la/ rnam par mi rtog pa'i ye shes la bsam gyis mi khyab pa zhes mi bya zhe na/lan du de gnyis ka yongs su grub pa yin par bden mod kyi 'on kyang de bzhin nyid ni byis pa de kho na khong du ma chud pa rnams la nams kyang rang gis rig par ma gyur to/ /byang chub kyi phyogs ni sems dang sems las byung ba'i rang bzhin yin te/de zag pa med pa'i ngo bo yin du zin kyang de kho na nyid ma rtogs pa rnams kyis de bzhin nyid ni so so rang gis rig par 'gyur ro/ /ji ltar zhe na/ 'di ltar chos kyi sku'i rgyu mthun pa las byung ba'i theg pa chen po'i chos mnyan pa dang / mnyan nas sems pa'i dus na de kho na khong du ma chud pa rnams la nams kyang rang gis rig par ma gyur to//byang chub kyi phyogs ni sems dang sems las byung ba'i rang bzhin yin te/ zag pa med pa'i ngo bo yin du zin kyang de kho na ma rtogs pa rnams kyis so so rang gis rig par 'gyur ro/ / ji ltar zhe na/ 'di ltar chos kyi sku'i rgyu mthun pa las byung ba'i theg pa chen po'i chos mnyan pa dang / mnyan nas sems pa'i dus ni de kho na ma rtogs pa rnams la yang tshul bzhin du sbyor ba'i tshe/ byang chub kyi phyogs kyi so so rang gis rig pa dang rjes su mthun pa'i sems skye bar 'gyur ro//so so rang gis rig pa dang rjes su mthun pa'i sems skye bar yang cis mngon zhe na/ ji ltar theg pa chen po bsdus pa'i bstan bcos las/ yongs su grub pa'i rang bzhin ji ltar rig par bya zhe na/ rnam par byang ba'i chos rnam pa bzhi bstan pas rig par bya ste/ rnam par byang ba'i chos rnam pa bzhi ni/rang bzhin gyis rnam par byang ba dang / dri ma med par rnam par byang ba dang / de thob pa'i lam rnam par byang ba dang / de skyed pa la dmigs pa'i rnam par byang ba'o/ /de la rang bzhin gyis rnam par byang ba ni de bzhin nyid do/ /dri ma med par rnam par byang ba ni de bzhin nyid de nam nyon mongs pa dang /shes bya'i sgrib pa'i dri ma glo bur dang bral bar gyur pa'o/ /de thob pa'i lam rnam par byang ba ni byang chub kyi phyogs kyi chos thams cad do/ /de skyed pa la dmigs pa'i rnam par byang ba ni theg pa chen po'i chos bshad pa thams cad dang de nyan pa dang sems par byed pa'o zhes bshad do//de ltar nyan pa dang sems par byed pa'o zhes bshad do/ /rnam par byang ba 'thob pa'i rgyur gyur pas na kun brtags kyi rang bzhin zhes kyang mi bya/ shin tu rnam par dag pa'i chos kyi dbyings las byung ba'i chos la dmigs pas na gzhan dbang zhes kyang mi bya'o//rnam pa des kyang nyan pa dang sems pa la sogs pa'i dus kyi tshe na yang zag pa med pa'i byang chub kyi phyogs kyi chos rnams 'thob pa dang rjes su mthun pa yod pas na zag pa med pa zhes btags te/ rnam par mi rtog pa'i ye shes la bsam gyis mi khyab pa zhes ma btags pa ni khyad par de yod de/de ltar na thang cig theg pa chen po'i chos lnga dngos po lnga sbyar te/ gser las brdungs byas pa la sogs pa shin tu rgyas pa dpe lnga ni de dang chos 'dra ba'i dper bstan nas bshad do/ /de la chos lnga po de rang bzhin gsum gyis ji ltar bshad ce na/gang bsgrub bar bya ba zhes bya ba de'i bshad pa ni/ ji ltar theg pa chen po bsdus pa'i bstan bcos la/ sangs rgyas bcom ldan 'das rnams kyis theg pa chen po shin tu rgyas par bshad pa la bshad pa de las kun tu brtags pa'i rang bzhin ji ltar rig par bya zhe na/med pa'i rnam grangs bshad pas rig par bya ste/ shes rab kyi pha rol tu phyin pa'i nang nas rab 'byor sangs rgyas med do/ /chos med do/ /dge 'dun med do zhes bya ba la sogs pa gsungs pa las rig par bya'o zhes bshad do/ /med do zhes bya ba'i tshig dang yi ge 'di dag ni kun tu skrag pa skyed par byed pa ste/med pa thos nas 'jig rten pa dag skrag par 'gyur ro/ /de bas na kun brtags pa'i rang bzhin ni bsgrub par bya ba zhes bya ste/ ji ltar bsgrub ce na/ med ces bshad kyang chos 'di dag rnam pa thams cad nas thams cad du med pa ni ma yin gyi gzhan gyis byis pa'i skye bo rnams kyis gzung ba dang 'dzin par kun tu brtags pa'i bdag nyid rnam pa med pa la dgongs nas med do zhes bshad pa yin no zhes sgrub/de bas na bcom ldan 'das kyis/ chos rnams thams cad med pa'i phyir/ /kun nas nyon mongs dag med pa/ /ji ltar mthong ba de ltar min/ /de bzhin du yang med pa min/ /zhes gsungs so/ /de dang chos 'dra ba'i dpe ni/ gser las brdungs byas 'dra zhing zhes bya ba ste/ ji ltar gser mgar mkhas pas bsregs pa dang brdungs pa la sogs pa byas pa'i sgo nas las su rung ba mnyen por byas te/dpung rgyan dang rna cha la sogs pa'i rgyan du byas na dga' ba'i mchog skye ba de bzhin du gtan tshigs kyis kun tu brtags pa'i rang bzhin med par bsgrubs nas med pa kho nar yang dag pa ji lta ba bzhin du khong du chud nas mkhas pa rnams dga' ba'i mchog skye bar 'gyur te bsgrub par bya ba bshad zin to//gzhan gyi dbang gi rang bzhin ni rten cing 'brel te 'byung ba sems dang sems las byung ba'i mtshan nyid bde ba dang sdug bsngal la sogs pa so so rang gis myong ba'o//kun tu brtags pa'i ngo bo rang bzhin med par bsgrubs na theg pa chen po la gzhan gyi dbang gis bsdus pa'i chos rnams 'bad pa med par bde blag tu shes par 'gyur te/ de bas na de ni shes par bya ba bshad pa yin no/ /de dang chos 'dra ba'i dpe ni pad+mo rgyas pa bzhin zhes bya ba ste/ji ltar 'bad pa med par nyi ma'i 'od zer gyis pad+mo kha phye ba mthong na dga' ba'i mchog skye ba de bzhin du kun tu brtags pa'i rang bzhin med par bsgrubs na 'bad pa chen po med par yang gzhan gyi dbang gi ngo bo bde blag tu rtogs par 'gyur te/rtogs na mkhas pa rnams dga' ba'i mchog skye ste/ shes par bya ba bshad zin to/ /gzhan dbang gi ngo bo de nyid bsam par bya ste/ ci'i phyir zhe na/ gzhan dbang gis sems dang sems las byung ba'i rang bzhin med pas 'dod chags la sogs pa'i mi dge ba'i chos rnams spangs pa dang /dad pa la sogs pa'i dge ba'i chos rnams goms par bya ba'i tshul gyis tshul bzhin du bsam par bya'o/ /de dang chos 'dra ba'i dpe ni/ bkres pas nyen pa g.yos legs kha zas za ba 'dra/ /zhes bya ba ste/ ji ltar kha zas legs par g.yos pa'i dri dang kha dog dang ro phun sum tshogs pa de bkres pas nyen pas zos na dga' ba'i mchog skye ba de bzhin du gzhan gyi dbang gi chos la yang /'dod chags la sogs pa'i mi dge ba'i chos spong ba dang / dad pa la sogs pa'i dge ba'i chos rnams goms par bsgom pa'i tshul du tshul bzhin du bsam na dga' ba'i mchog skye bar 'gyur te/bsam pa bshad zin to/ /yongs su grub pa'i rang bzhin la rnam pa gnyis yod de/ de bzhin nyid kyi rang bzhin dang / rnam par mi rtog pa'i ye shes byang chub kyi phyogs kyi rang bzhin no/ /de la de bzhin nyid ni bsam gyis mi khyab pa zhes bya ste/ji ltar bsam gyis mi khyab pa ni sngar bshad zin to/ /gzhan yang de bzhin nyid bsam gyis mi khyab pa yin par mdo sde las kyang 'byung ste/ 'phags pa dkon mchog sprin gyi mdo las/ sgrib pa thams cad rnam par sel ba'i byang chub sems dpas gsol pa/bcom ldan 'das de kho na zhes bgyi ba ci lags/ bcom ldan 'das kyis bka' stsal ba/ rigs kyi bu yang dag pa'i don gyi tshig bla dgas so/ /gsol pa/ bcom ldan 'das yang dag pa zhes bgyi ba ci lags/ bcom ldan 'das kyis bka' stsal pa/rigs kyi bu yang dag pa zhes bya ba de ni mi slu ba'i tshig bla dwags so/ /gsol pa/ bcom ldan 'das mi slu ba zhes bgyi ba ci lags/ bcom ldan 'das kyis bka' stsal pa/ gang de nyid ma nor ba de nyid phyin ci ma log pa nyid do/ / gsol pa/ bcom ldan 'das de nyid ces bgyi ba de ci lags/ bcom ldan 'das kyis bka' stsal pa/ rigs kyi bu chos de dag ni so so rang gis rig pa ste/ yi ges gdags par mi nus so/ /de ci'i phyir zhe na/ chos de ni yi ge thams cad las yang dag par 'das pa/brjod pa thams cad las yang dag par 'das pa/ tshig gi spyod yul las yang dag par 'das pa/ tshig gi lam las yang dag par 'das pa/ spyod pa thams cad dang bral ba/ rtog ge thams cad dang bral ba/ brtag tu med pa rtog ge rnams mi 'jug pa/rtog ge'i spyod yul las yang dag par 'das nas byis pa'i spyod yul las yang dag par 'das pa/ rnam par shes pa'i spyod yul las yang dag par 'das pa/ bsam gyis mi khyab pa'i dbyings yin no zhes gsungs so/ /de ltar na de bzhin nyid ces bya ba'i chos de spros pa dang /rtog ge dang / rnam par shes pa'i spyod yul las yang dag par 'das nas byis pa rnams kyis bsam par mi nus pas na bsam gyis mi khyab par bshad do/ /de dang chos 'dra ba'i dpe ni/ phrin yig snyan pa thos pa 'dra//zhes bya ba ste/ dper na phrin yig tshig dang don du ldan pa mkhas pa rnams kyis thos shing mthong na dga' ba'i mchog skye ba de bzhin du sa dang po yan chad de bzhin nyid chos kyi dbyings te/ byang chub sems dpa' rnams kyis mthong nas dga' ba'i mchog skye bar 'gyur te/bsam gyis mi khyab pa bshad zin to/ /rnam par mi rtog pa'i ye shes byang chub kyi phyogs kyi rang bzhin ni phyin ci ma log par yongs su grub pa'i ngo bo 'phags pa rnams kyis thugs su chud par bya ba'i don so so rang gis rig par bya ba yin te/ de dang chos 'dra ba'i dpe ni rin chen sgrom phye ltar zhes bya ba ste/ji ltar rin po che sna tshogs yod pa'i sgrom kha phye nas rin po che sna tshogs mthong na dga' ba'i mchog skye ba de bzhin du de kho na mthong ba'i byang chub sems dpa' rnams kyis sgrib pa gnyis spangs nas rnam par mi rtog pa byang chub kyi phyogs kyi chos rin po che sems kyi rgyud la snang bar gyur na dga' ba'i mchog skye bar 'gyur te/de ltar rang bzhin gsum gyis bshad pa yin no/ /da ji ltar na chos rnam pa lnga gang zag rnam par gzhag pas bshad ce na/ 'dis gang zag rnam pa gsum snang ste/ mi shes pa'i gang zag dang /the tshom du gyur pa'i gang zag dang / phyin ci log tu mngon par zhen pa'i gang zag go/ /de la mi shes pa'i gang zag ni theg pa chen po'i don dang / tshig gang yin pa khong du ma chud pa'o/ /the tshom du gyur pa'i gang zag ni/ shes rab kyi pha rol tu phyin pa la sogs pa'i mdo sde de dag theg pa chen po yin nam/'on te ma yin snyam du blo gnyis 'jug pa'o/ /log par zhen pa'i gang zag ni theg pa chen po 'di theg pa chen po ma yin gyi nyan thos kyi theg pa la theg pa chen po yin zhes 'dzin pa'o/ /de la log par mngon par zhen pa dang the tshom du gyur pa'i gang zag gnyis la ni log par zhen pa dang /the tshom bsal bar bya ba'i phyir theg pa chen po'i chos 'di sgrub pa ste/ ji ltar sgrub ce na 'di nyid theg pa chen po yin gyi gzhan ni theg pa chen po ma yin no zhes bsgrubs te/ de dang chos 'dra ba'i dpe ni/gser las brdungs byas 'dra zhing zhes bya ba ste/ de yang sngar bshad pa bzhin du sbyar ro/ /mi shes pa'i gang zag la ni theg pa chen po'i don dang tshig dang mtshan nyid 'di lta bu yin no zhes bstan nas theg pa chen po'i mtshan nyid gang yin pa shes par bya'o/ /de dang chos 'dra ba'i dpe ni/pad+mo rgyas pa bzhin zhes bya ba ste/ dper na 'bad pa chen po med par nyi ma'i 'od zer gyis kha bye ba'i pad+mo mthong na dga' ba'i mchog skye ba bzhin du mi shes pa rnams la theg pa chen po bstan te/ mi shes pa dang phral nas theg pa chen po shes par gyur na dga' ba'i mchog skye bar 'gyur ro//de ltar log par zhen pa dang / the tshom can gyi gang zag theg pa chen po sgrub mi shes pa'i gang zag la yang theg pa chen po bstan pas shes par byas nas gang zag de gsum gyis da 'di ltar bya ste/ phung po dang / khams dang skye mched la sogs pa bsam par bya ba'i gnas rnams la bsam mo//bsam gyis mi khyab pa'i gnas rnams la bsam pa ni spang bar bya ste/ de la bsam gyis mi khyab pa'i gnas gang zhe na/ de yang bzhi ste/ ji skad du mdo las/ sangs rgyas kyi mdzad pa sgrub pa'i phrin las bsam gyis mi khyab pa dang /phyi'i dngos po rnam pa sna tshogs grub par byed pa'i las bsam gyis mi khyab pa dang / nor bu dang sngags dang sman dang 'khyud spyad kyi sbyor ba dang rab tu ldan pa'i las bsam gyis mi khyab pa dang / rnal 'byor pa'i rnal 'byor gyi spyod yul bsam gyis mi khyab pa'o zhes gsungs pa lta bu ste/bsam gyis mi khyab pa'i gnas de dag la bsam par byas nas sems 'khrugs pa dang myos par 'gyur te/ de bas na de dag bsam gyis mi khyab par bshad do/ /de ltar bsam gyis mi khyab pa'i gnas ni spangs/bsam pa'i gnas rnams la bsams na dga' ba'i mchog skye bar 'gyur ro/ /de dang chos mthun pa'i dpe ni/ bkres pas nyen pa g.yos legs kha zas za ba 'dra/ /phrin yig snyan po thos 'dra zhes bya ba ste/ ji ltar kha zas legs pa bkres pas zos na dga' ba'i mchog skye ba de bzhin du bsam pa'i gnas rnams la tshul bzhin du bsams na dga' ba'i mchog skye bar 'gyur ro//ji ltar phrin yig bzang po la log par rtogs pa spangs te/ legs par rtogs na dga' ba'i mchog skye ba bzhin du/ bsam gyis mi khyab pa'i gnas rnams la bsam pa spangs na yang dga' ba'i mchog skye bar 'gyur ro//de ltar gang zag de dag gis bsam gyis mi khyab pa'i gnas rnams ni spangs/ bsam gyis mi khyab pa'i gnas rnams la ni bsams te ma nor bar tshul bzhin du zhugs na yongs su rdzogs pa thugs su chud pa'i don so so rang gis rig pa byang chub kyi phyogs kyi chos rtogs par 'gyur ro//de dang chos 'dra ba'i dpe ni rin chen sgrom phye ltar zhes bya ste/ dper na rin po che'i sgrom kha phye nas rin po che snang na dga' ba'i mchog skye ba bzhin du byang chub kyi phyogs kyi chos rnams kyis gnyen po byas nas theg pa chen po'i chos dang pha rol tu phyin pa zhes bya ba'i mi mthun pa'i phyogs su gyur pa shes bya dang nyon mongs pa'i sgrib pa bsal na byang chub kyi phyogs kyi chos rnams sems la snang bar 'gyur bas na dga' ba'i mchog skye bar 'gyur te/de ltar gang zag rnam par gzhag pas bshad pa yin no//de ltar thang cig 'dul ba'i 'gro ba la ltos nas sgrub pa la sogs pa chos lnga bstan pa yin te/ rang bzhin med pa la sogs pa'i don ni bsgrub par bya'o/ /gzhan dbang gi rang bzhin gyis bsdus pa sems dang sems las byung ba'i rang bzhin ni shes par bya'o//gzhan dbang de nyid la mi dge ba'i chos spang ba dang / dge ba'i chos bsgom pa la sogs pa'i tshul gyis bsam par bya'o/ /sangs rgyas kyi mdzad pa sgrub pa'i phrin las la sogs pa ni bsam gyis mi khyab par bshad do/ /rnam par mi rtog pa'i ye shes ni yongs su sgrub pa thugs su chud pa'i don so so rang gis rig pa byang chub kyi phyogs kyi rang bzhin du bstan te/'di ni bsdus te bshad pa'o/ /chos de 'dir bshad pa yang dga' ba'i mchog bskyed do zhes bya ba la chos kyi sgras ni bsgrub par bya ba la sogs pa lnga la bya ste/ chos lnga po de rnams mdo sde'i rgyan gyi bstan bcos 'dis phyin ci ma log par bshad pas na de thos pa'i sgo nas mkhas pa rnams dga' ba'i mchog skye bar 'gyur ro//gong du don shes pa'i gang zag dag gis tshig dang rtsa ba dri ma med pas mdo sde la brgyan par byed kyi rna cha dang dpung rgyan la sogs pas brgyan pa ni ma yin no zhes gleng ba las brgal ba/'di ltar chos de rang bzhin gyis yon tan dang ldan pa la ji ltar brgyan zhes brgal ba la lan gdab pa'i phyir zhes smos te/ gong du bshad pa ltar na sa dang pha rol tu phyin pa'i mtshan nyid theg pa chen po'i chos nyan thos dang rang sangs rgyas la sogs pa dang thun mong du ma gyur pa de rang bzhin gyis thog mar yang dge/bar du yang dge/ tha mar yang dge/ don bzang po/ tshig 'bru bzang po/ yongs su rdzogs pa/ yongs su dkar ba ste/ yon tan dang ldan pa de la ji ltar brgyan/brgyan ci dgos te/ kha ra mngar po la bu ram mngar pos bskus na yang mngar ma bskus na yang mngar bas/ bu ram gyis bsku mi dgos so zhes rgol ba la tshigs su bcad pa gsum pa rtsom mo/ /gzugs rnams rgyan dang rang bzhin legs ldan me long nang song na//mthong ba'i dbang gis mi rnams rab tu dga' ba'i mchog kyang skye/ /zhes bya ba la rang bzhin gyis legs shing mdzes pa'i lus kyi rang bzhin gyi gzugs la rin po che la sogs pa'i rgyan rnam pa sna tshogs kyis brgyan la me long la bltas te/bzhin gyi gzugs brnyan mdzes pa rgyan dang bcas pa de me long la bltas te/ bzhin gyi gzugs brnyan mdzes pa de me long gi nang du song ba mthong na mthong ba'i dbang gis mi rnams sngun pas sems dga' ba'i khyad par lhag par skye bar 'gyur ro zhes bya ba'i don te 'di ni dpe'o//dpe de dang mthun pa'i don ni/ de bzhin chos kyang dger gsungs rang bzhin yon tan ldan pa yang / /rab tu phye bas mkhas pa rtag tu dga' mchog skye/ /zhes smos te/ de dang 'dra ba theg pa chen po'i chos sa dang pha rol tu phyin pa'i mtshan nyid 'di yang thog mar yang dge/bar du yang dge/ tha mar yang dge ba yin pas dger gsungs pa bzhin bya'o/ /don bzang tshig bzang yongs su dkar ba/ yongs su dag pa yin pas rang bzhin gyis yon tan dang ldan pa yin pa zhes bya'o/ /de ltar rang bzhin gyis yon tan dang ldan pa de yang mdo sde'i rgyan lta bu bstan bcos mdo sde'i tshig dang don rnam par 'grel zhing rnam par 'byed par byed pa/me long gi dkyil 'khor dri ma med pa lta bu'i nang du song ste/ 'grel ba'i nang nas don mthong bar gyur na mkhas pa blo dang ldan pa dag dga' ba'i mchog skye bar 'gyur ro zhes bya ba'i don to//'dis ni ci ston zhes bya ba ni dpe dang bcas pa'i tshigs su bcad pa 'dis ci ston zhe na zhes bya ba'i tha tshig go/ /de'i 'og tu tshigs su bcad pa gsum gyis ni chos de la ri mo bskyed pa'i phyir legs pa rnam pa gsum bstan to zhes bya ba la/ gong du theg pa chen po'i chos de rang bzhin gyis yon tan dang ldan no zhes bstan pa la yon tan yod par cis shes she na/lan du tshigs su bcad pa gsum gyis dpe gsum dang sbyar te/ theg pa chen po'i chos la legs pa dang yon tan rnam pa gsum yod par ston to/ /yon tan rnam pa gsum ni/sgrib pa spong ba'i rgyu dang / phun sum tshogs pa'i rgyu dang / 'phags pa'i nor la spyod pa'i rgyu'o/ /ji ltar bsnams na rab dku la/ /myangs na zhim pa'i sman bzhin du/ /chos kyang de bzhin gnyis kyis gzhag/ /don dang yi ger shes par bya/ /zhes bya ba ni dpe dang po'o//de la sman gyi rigs la la 'di lta bu dag yod de/ gang gi tshe sna'i dbang pos bsnams na/ dku bas sna'i dbang po gdung bar byed cing / sim par mi byed la/ rgyab kyis phyogs pa'i sems skye bar byed do/ /sman gyi rigs de nyid gang gi tshe lce'i dbang po la bzhag ste/lce'i dbang pos myangs par gyur na ro phun sum tshogs pa las lce'i dbang po sim par byed cing dga' bar byed la/ mngon du phyogs pa'i sems skye bar byed do/ /de nas rim gyis mgrin pa nas mar song la lus kyi nang du phyin te/ zhu bar gyur pa na lus la yod pa'i nad mkhris pa dang bad kan dang /rlung las gyur pa'i nad thams cad sel bar byed do/ /de dang 'dra bar theg pa chen po'i chos 'di yang rnam pa gnyis su gzhag ste/ yi ger gzhag pa dang / don du gzhag pa'o/ /de la yi ge ni sman gyi dri dku ba ltar shes par bya'o/ / don ni sman gyi ro mngar ba ltar shes par bya'o/ /yi ge'i sman gyi dri dku ba lta bur shes par bya ba ni/ rab 'byor sangs rgyas med do/ /chos med do/ /dge 'dun med do/ /ma skyes so/ /ma byung ngo / /thams cad stong pa'o zhes bya ba la sogs pa'i ming dang tshig dang / yi ge rnams thos na sman dku ba bsnams pa bzhin du skrag cing rgyab kyis phyogs pa'i sems skyed par byed do//de nas nam zhig dge ba'i bshes gnyen la bsnyen pa las dge ba'i bshes gnyen rnams kyis/ kye rigs kyi bu med do zhes bya ba'i ming dang tshig dang yi ge 'di dag ni sgra ji bzhin gyi don ma yin gyi med ces bya ba ni so so'i skye bo rnams kyis gzung ba dang 'dzin pa kun tu brtags pa'i kun brtags kyi rang bzhin med par zad kyi gzhan gyi dbang dang yongs su grub pa'i rang bzhin ni med pa ma yin no zhes theg pa chen po'i don rnam pa de lta bu khong du chud na sman gyi ro dang po lce'i dbang pos myong ba bzhin du don mthong ba'i dus na dga' ba'i mchog skye bar 'gyur ro//chos de nyid la nam zhig na mnyan pa dang bsam pa dang bsgom pa la sogs pa'i rim pas ltor song ba ltar byas nas sems la yod pa'i nyon mongs pa'i sgrib pa dang /shes bya'i sgrib pa sel bar byed de de bas na tshigs bcad des sgrib pa spong ba'i rgyur bstan to/ /rgyal po bzhin du mnyes dka' ste/ /chos 'di rgya che dka' zhing zab/ /mnyes par byas na de bzhin du/ /yon tan mchog gi nor sbyin byed/ /ces bya ba ni dpe gnyis pa'o//'di ltar rgyal po de dag ni mnyes pa dang dga' ba dang / mgu bar bya ba dka' ste/ dpa' bo rnams kyis kyang dpa' ba'i lan grangs mang po drag pos byas na mgu bar 'gyur ba dang / mdzangs pa'i las kyis kyang mdzangs pa'i las rlabs cher byas na mgu bar 'gyur ba dang /mkhas pa rnams kyis kyang mkhas pa rgya cher byas na mgu bar 'gyur ba dang / gzhan yang legs zhes smras na ni bstod ces zer/ nyes zhes smras na ni smad ces zer te/ rgyal po rnams ni shin tu yang mnyes par bya dka' ba las/ bstod pa legs pas mnyes bar gyur na gter dang 'bru dang phyugs la sogs pa ci bsam pa phun sum tshogs par byed do//de yang yab dang sras mjal ba'i mdo las/ 'phags pa 'char kas rgyal po rnams ni brten par dka' ba yin te rab tu sdug bsngal bas mnyes par 'gyur ro/ /gang gi tshe mnyes par byas na de'i tshe ji ltar bsams pa'i don rnams sbyin par byed do zhes gsungs pa lta bu'o//de bzhin du theg pa chen po'i chos 'di yang rgya che la dka' zhing zab pas mnyes par bya dka' ba ste/ sa dang pha rol tu phyin pa la sogs pa 'chad pas rgya che ba'o/ /stong pa dang bdag med par ston pas na dka' zhing zab pa zhes bya ste/stong pa zhes bya ba'i tshig kyang tshig gzhan la don gzhan 'byung bas brtag dka' ba'i phyir dka' ba'o/ /don rnams kyang rtogs par dka' bas na zab pa'o/ /mnyes par dka' ba ni chos de mngon sum du bya bar rab tu dka' bas na mnyes par bya ba dka' ba'o//de yang cis mngon zhe na/ ji ltar 'phags pa rgya mtsho blo gros kyi mdo las rgya mtsho blo gros sangs rgyas bsgrub bo zhes bya ba'i tshig 'dir sla mod kyis tshogs bsgrub par bya ba ni shin tu sgrub par dka' ba'o zhes gsungs pa lta bu'o/ /gang gi tshe go cha'i brtson 'grus dang sbyor ba'i brtson 'grus la sogs pa brtsams te chos de mngon sum du byas te mnyes par byas na rgyal po mnyes par byas pa bzhin du de'i tshe khyad par can gyi yon tan mngon par shes pa la sogs pa dang stobs dang mi 'jigs pa la sogs pa yon tan dpag tu med pa'i phyug po thob par 'gyur te 'dis ni chos de phun sum tshogs pa rgyur gyur par ston to//rin thang med pa'i rin chen rigs/ /lta mi shes pa'i mi mi mgu/ /de bzhin mi mkhas chos 'di la/ /de las bzlog pas mgu bar 'gyur/ /zhes bya ba ni dpe gsum pa'o//ji ltar rin po che'i rigs phun sum tshogs pa rang bzhin gyis 'od gsal ba dang ldan pa dbyibs dang tshad phun sum tshogs pa de'i rin du 'dzam bu'i gling byin na yang rin gyi thang du mi 'gyur ba'i rin po che'i rigs rin thang med pa de shing thun dang / phyugs rdzi la sogs pa sngon chad rin po che 'chang ma myong ba rin po che lta mi shes pa rnams kyi lag tu song na gces pa yin par khong du ma chud pa'i phyir sems mgu bar mi 'gyur zhing dga' bar mi 'gyur ro//rin po che'i rigs de nyid sngon rin po che bdag la bdog par gyur pa rin po che'i mtshan nyid lta shes pa'i lag tu song na mchog tu dga' ba skye bar 'gyur zhing gzhan yang gser la sogs pa nor mang po skye ba'i rgyur yang 'gyur ro//de bzhin du theg pa chen po'i chos don dang tshig phun sum tshogs pa 'di yang don dang tshig lta mi shes pa'i skye bo'i lag tu glegs bam mam bshad pa'i tshig song yang dga' ba dang mgu ba skyed par mi 'gyur la/de las bzlog ste theg pa chen po'i don dang / tshig khong du chud pa'i gang zag lta shes pa 'phags pa rnams kyi lag tu song na de'i tshe dga' ba'i mchog skyed par byed la dad pa dang / tshul khrims dang / thos pa dang /gtong ba dang / shes rab dang / ngo tsha shes pa dang / khrel yod pa ste/ 'phags pa'i nor bdun gyi longs spyod kyi rgyur yang 'gyur bas na/ chos de 'phags pa'i nor la spyod pa'i rgyur 'gyur bar yang bstan to/ /de la nyan thos dag ni theg pa chen po 'di sangs rgyas kyis gsungs par mi 'dod do//sangs rgyas kyis gsungs pa ma yin pa dang / theg pa chen po'i yon tan rnam pa gsum yod pa yang mi srid par brgal du dogs pa'i phyir theg pa chen po sangs rgyas kyi bka' yin par sgrub pa'i don du kha cig theg pa chen po 'di sangs rgyas kyi tshig kyang ma yin no//de la legs pa lta ga la yod ces log par 'dzin te de dag la sangs rgyas kyi tshig tu bsgrub pa'i phyir gtan tshigs rnam par dbye ba las brtsams te tshigs su bcad pa zhes smos te/ nyan thos kyi brgal ba nyan thos kyi sde snod gsum ni sangs rgyas kyi bka' yin par bsgrub ste/gang gi phyir sangs rgyas kyi bka' yin pa rnams ni gong du bshad pa'i yon tan rnam pa gsum dag srid do/ /sangs rgyas kyi bka'i mtshan nyid nyan thos kyi theg pa dang theg pa chen por mtshan nyid mi mthun pas na/ theg pa chen po sangs rgyas kyi bka'i tshig ma yin te/ji ltar nyan thos kyi mdo las phung po dang khams dang skye mched yod ces bshad na theg pa chen po las chos thams cad stong pa nyid du bshad pa dang / nyan thos kyi theg pa las skye zhing 'jig pa'i chos can zhes bshad na/ theg pa chen po las mi skye mi 'gag ces bshad pa dang /nyan thos kyi theg pa las mthong ba dang bsgom pas spang bar bya ba'i nyon mongs pa spangs na mya ngan las 'das par 'gyur ro zhes gsungs na theg pa chen po las rang bzhin gyis mya ngan las 'das pa'o zhes bshad pas na/ sangs rgyas kyi bka' dang mtshan nyid mi mthun pa'i phyir theg pa chen po sangs rgyas kyi bka' yang ma yin na de la yon tan rnam pa gsum lta ga la zhig yod de med do zhes log par 'dzin te/de ltar log par 'dzin pa de dag la theg pa chen po sangs rgyas kyi bka' yin par bsgrub pa'i phyir sangs rgyas kyi bka' yin pa'i gtan tshigs rnam pa brgyad du dbye ba tshigs su bcad pa gcig gis ston to//gtan tshigs brgyad ni/ sngar lung ma bstan pa dang / lhan cig byung ba dang / spyod yul du ma yin pa dang / grub pa dang / yod pa dang / med pa dang / gnyen po dang / sgra gzhan phyir ro/ /gal te nyan thos dag na re theg pa chen po zhes bya ba'i chos 'di sangs rgyas mya ngan las 'das pa'i 'og tu dam pa'i chos nub cing med par bya ba'i phyir/ shes rab kyi pha rol tu phyin pa la sogs pa med do zhes bya ba'i chos phal cher byas te bzhag nas de sangs rgyas kyi bka' yin no zhes btags te bzhag pas na theg pa chen po sangs rgyas kyi tshig ma yin no zhes pa la lan du sngar lung ma bstan zhes bya ba smos te/gal te sangs rgyas kyi chos nub par bya ba'i phyir gsung rab 'khrug par 'gyur ba/ shes rab kyi pha rol tu phyin pa la sogs pa la zhig gis byas na sangs rgyas kyi bka' yin no zhes btags na/gsung rab 'khrug par 'gyur ba'i rgyu/ rgyal po kr-i kI'i rmi lam du rmi lam rnam pa bdun rmis pa lung bstan pa bzhin du mya ngan las 'das pa'i sngon rol du dam pa'i chos 'jig cing nub par 'gyur la/shes rab kyi pha rol tu phyin pa la sogs pa'i chos stong par smra ba 'di lta bu dag kyang 'byung ste/ de sangs rgyas kyi bka' yin no zhes smra mod kyi de sangs rgyas kyi bka' ni ma yin gyi/ gsung rab 'jig par byed pa yin no zhes sngar bstan pa'i rigs na de lta bu lung ma bstan pas na theg pa chen po ni sangs rgyas kyi bka' yin no//gal te nyan thos dag gang gi tshe mnyan du yod pa la sogs par nyan thos kyi theg pa bcom ldan 'das kyis bshad pa de'i tshe theg pa chen po ma bshad kyi/ sangs rgyas mya ngan las 'das pa'i 'og tu theg pa chen po zhes bya ba'i chos 'byung bas na theg pa chen po sangs rgyas kyi chos ma yin no zhes smra ba la lan du lhan cig 'byung ba'i phyir zhes bya ba smos te/gang gi tshe bcom ldan 'das kyis mnyan du yod pa la sogs pa'i gnas su theg pa chung ngu nyan thos kyi theg par bshad pa de'i tshe theg pa chen po yang gnas de dag tu bshad pas na theg pa chen po sangs rgyas kyi bka' yin par sgrub bo//yang nyan thos dag 'di snyam du rtog ge pa'am/ mu stegs pa la la zhig gis bdag mkhas par bsgrags shing 'jig rten pa rnams slu bar bya ba'i phyir shes rab kyi pha rol tu phyin pa la sogs pa'i gzhung mang po dag byas la/mu stegs pa la sogs pa'i gtsug lag gi nang nas kyang sbyin pa dang tshul khrims dang dka' bar spyod pa dag 'byung bas na 'di rtog ge pa'am mu stegs pa 'ga' zhig gis byas par bdag cag dogs so zhes smra ba la/de ni mi rigs par bstan pa'i phyir spyod yul ma yin zhes smos te/ sa dang pha rol tu phyin pa la sogs pa'i mtshan nyid zab cing rgya che ba bstan pa de dag kyang khong du mi chud na de dag gis rtogs pa lta ga la zhig srid de de ni mi srid pa dang mu stegs la sogs pa'i gtsug lag gi nang nas kyang sa dang pha rol tu phyin pa dang /ma byung ma skyes pa'i chos cung zad kyang mi 'byung ba dang / de dag la dngos po med pa la sogs pa'i rang bzhin bstan kyang dad par mi 'gyur te spyod yul du ma gyur pas mu stegs pa'am rtog ge pa dag gis byas zhes kyang byar mi rung ngo //yang nyan thos dag 'di snyam du theg pa chen po 'di sangs rgyas kyis bshad pa ni ma yin no/ /gang zag la la zhig gis sa dang pha rol tu phyin pa dang skye ba dang 'gag pa med pa'i don mngon sum du byas te sangs rgyas nas bshad do zhes sems pa la/de'i phyir len du grub pa dang zhes smos te/ de ltar na theg pa chen po 'di sangs rgyas kyi tshig yin par grub ste/ ji lta zhe na/ gang zag gis sa dang pha rol tu phyin pa dang skye ba dang 'gag pa med pa'i don khong du chud pa'i gang zag de nyid sangs rgyas zhes bya ste/des bshad pa'i tshig thams cad kyang sangs rgyas kyi tshig yin pas theg pa chen po 'di sangs rgyas kyi tshig tu grub bo/ /yod dang med dang med pa dang / /zhes bya ba la tshig sbyar ba ni yod na yod la med na med do zhes sbyar ro/ /nyan thos la brtags na bcom ldan 'das kyis nyan thos kyi theg pa dang /rang sangs rgyas kyi theg pa dang / theg pa chen po gsum bshad dam ma bshad ce na/ lan du theg pa chen po bshad de yod do zhe na/ theg pa chen po zhig yod par gyur na ni de ltar na shes rab kyi pha rol tu phyin pa la sogs pa 'di nyid theg pa chen po yin pas sangs rgyas kyi tshig tu grub ste/theg pa chen po ni 'di la ma gtogs par nyan thos dang rang sangs rgyas dang mu stegs pa la sogs pa'i chos rnams la theg pa chen po zhes bya bar mi rigs te/ ji ltar mi rigs pa ni 'og nas zhib tu 'chad do/ /gal te nyan thos pa dag na re/theg pa gsum du med kyi theg pa ni gcig tu zad de nyan thos kyi theg pa nyid la shes rab rnon po rnams kyis bsgoms na ni sangs rgyas par 'gyur ro/ /shes rab 'bring rnams kyis bsgoms na ni rang sangs rgyas su 'gyur ro/ /shes rab chung ngu rnams kyis bsgoms na ni nyan thos su 'gyur ro//theg pa gcig tu zad de gsum du med do zhes smras pa'i lan du med pa dang med ces smras te/ gal te theg pa chen po med na nyan thos kyi theg pa yang med par 'gyur ro/ /ci'i phyir zhe na/ sangs rgyas su grub pa'i lam theg pa chen po med na sangs rgyas 'grub pa med do//sangs rgyas su ma grub na theg pa chung ngu yang ma bshad pas de ltar snang ba'i theg pa chung ngu 'di yang sangs rgyas kyi tshig ma yin par 'gyur ro/ /gal te nyan thos dag 'di snyam du gang gi tshig bsgoms na nyon mongs pa'i gnyen por 'gyur ba de sangs rgyas kyi bka' ste/dper na nyan thos kyi theg pa bzhin no/ /theg pa chen po bsgoms na'ang nyon mongs pa'i gnyen por mi 'gyur bas sangs rgyas kyi tshig ma yin no zhes pa la/ lan du gnyen po dang zhes smos te/ theg pa chen po bsgoms na rnam par mi rtog pa'i ye shes skye ba'i rten du 'gyur ro//rnam par mi rtog pa'i ye shes skyes na nyon mongs pa spong ba'i gnyen por 'gyur bas sangs rgyas kyi bka' yin par mngon no/ /gal te nyan thos dag 'di snyam du sangs rgyas kyi bka' las ni phung po la sogs pa'i chos yod par bshad la/shes rab kyi pha rol tu phyin pa la sogs pa'i nang nas thams cad med par bshad pas sangs rgyas kyi tshig ma yin no zhes sems pa la/ sgra gzhan phyir zhes smras te/ bcom ldan 'das kyis shes rab kyi pha rol tu phyin pa la sogs par med do zhes bshad pa de yang sgra ji bzhin gyi don ma yin te/ji ltar byis pa rnams kyis gzung ba dang 'dzin par kun tu brtags pa'i rang bzhin med pa la dgongs nas med do zhes gsungs pa ste/ gzhan gyi dbang dang yongs su grub pa'i ngo bo ni med pa ma yin pa ste/de bas na sgra ji bzhin du bzung ba'i sgo nas sangs rgyas kyi tshig ma yin no zhes bya bar mi rigs so/ /'di lta bu'i spyod pa zab mo ni rtog ge can gyi spyod yul yang ma yin la zhes bya ba ni sa dang pha rol tu phyin pa la sogs pa'i byang chub sems dpa'i spyod pa zab mo 'di lta bu dag ni rtog ge can dang mu stegs can rnams la bshad na yang khong du mi chud na de dag gis rtogs pa'i spyod yul du lta ga la 'gyur te mi 'gyur ro zhes bya ba'i don to//mu stegs can gyi gtsug lag las kyang 'di lta bu mi 'byung la zhes bya ba ni/ mu stegs can gyi gtsug lag gi nang na yang sa dang pha rol tu phyin pa dang ma skyes pa dang ma byung ba'i chos cung zad kyang mi 'byung bas na mu stegs pa dag gis byas zhes kyang byar mi rung ngo //brjod du zin kyang mos pa med pa'i phyir zhes bya ba ni ma skyes pa dang bdag med pa la sogs pa'i don de dag la bshad na yang dad pa med de rgyab kyis phyogs pa'i phyir de dag gis byas zhes bya bar yang mi rigs so//chos pha rol tu phyin pa bstan pa 'di dag la ni 'phags pa btsun pa rnams dad par byed do/ /gzhan dag gis 'phags pa blo gros mi zad pa dang / rgya mtsho blo gros dang / dkon mchog sprin dang / dpung bzangs la sogs pa'i mdo sde las pha rol tu phyin pa la sogs pa'i bstan pa thos nas/ sems shes pa rnams chos de dag mu stegs pas byas so zhes sems par byed/ gang sngar lung ma bstan pa'i phyir zhes smras pa de la ma dgongs pas na/bcom ldan 'das kyis lung ma bstan to zhes zer ba la btang snyoms su bzhag tu mi rung bar tshigs su bcad pa zhes bya ba la/ theg pa chen po'i chos gsung rab sangs rgyas kyi gsung ma yin par sngar lung ma bstan pas na sangs rgyas kyi tshig go zhes gang smras pa de ni theg pa chen po sangs rgyas kyi tshig ma yin yang /rnam pa gsum gyi phyir lung ma bstan te/ gang zhe na/ de bzhin gshegs pa rnams dam pa'i chos 'chad pa dang / sems can gyi don la thugs brel bar gyur pas na bstan pa nub par 'gyur ba'i 'jigs pa 'byung ba ma gzigs pas lung ma bstan pa dang /bstan pa bsrung ba la ched che bar mi mdzad pas lung ma bstan pa dang / ye shes 'das pa dang da ltar gyi dngos po la 'jug kyang ma 'ongs pa'i dngos po la mi 'jug pas lung ma bstan to zhes zer ba la/ ma 'ongs pa na bstan pa nub par 'gyur ba'i 'jigs pa 'byung ba rnams la/lung ma bstan par btang snyoms su gzhag tu mi rung ba las brtsams te tshigs su bcad pa smras pa/ sangs rgyas rnams ni mngon sum spyan/ /zhes bya ba la de bzhin gshegs pa rnams ni dgongs shing 'bad mi dgos pas chos thams cad skyu ru ra lag mthil du bzhag pa bzhin du gsal bar mkhyen pas ma 'ongs pa na bstan pa la 'jigs pa 'byung ba rnams la btang snyoms su gzhag pa mi rung ste/ci'i phyir zhe na/ sha'i spyan dang / rdzu 'phrul gyi spyan dang / shes rab kyi spyan mnga' bas chos thams cad mngon sum du gzigs pa'i phyir ro//bstan pa dag kyang srung mdzad cing / /zhes bya ba la/ de bzhin gshegs pas bskal pa grangs med gsum du dka' ba rnam pa sna tshogs spyad de/ mngon par sangs rgyas pa yang dam pa'i chos bstan par bya ba'i phyir/ sangs rgyas la sangs rgyas nas kyang phrin las su dam pa'i chos bstan par zad kyi dam pa'i chos bstan pa rnams kyang 'jig rten du ring du gnas par zad pas bstan pa rnams bsrung ba la ched cher 'dzin pas na btang snyoms su gzhag par mi rigs so zhes bya ba'i don to/ /dus la'ang ye shes bsgribs med pas//zhes bya ba la/ de bzhin gshegs pa'i ye shes ni 'das pa dang da ltar gyi dus 'ba' zhig mkhyen pa ma yin te/ chags pa dang thogs pa med par dus gsum gyi dngos po ci dang cir 'gyur ba thams cad thugs su chud pas na ma 'ongs pa na bstan pa la 'jigs pa 'byung ba rnams la lung mi bstan par btang snyoms su gzhag par mi rigs so zhes bya ba'i don to//gang yod dang med dang med pa zhes smras pa/ yang na nyan thos kyi theg pa 'di nyid theg pa chen po yin te/ 'di nyid kyis byang chub chen po 'thob po zhes la la dag de skad zer bas/de'i phyir nyan thos kyi theg pa theg pa chen por mi rung bar tshigs su bcad pa zhes bya ba la/ gong du theg pa chen po yod na ni nyan thos kyi theg pa yang yod la theg pa chen po med na ni nyan thos kyi theg pa yang med de/ ci'i phyir zhe na/theg pa chen po med na bla na med pa'i byang chub tu 'tshang rgya ba med/ bla na med pa'i byang chub tu sangs ma rgyas na nyan thos kyi theg pa sus kyang mi 'chad pas na med par 'gyur ro zhes bshad pa la/ nyan thos dag 'di skad du nyan thos kyi theg pa gang zag la bdag med pa dang /bdag gi don phun sum tshogs par bsgrub pa de nyid theg pa chen po yin te/ rgyu 'di nyid bsgrub pa las bla na med pa'i byang chub 'thob bo/ /ji ltar zhe na/ nyan thos kyi theg pa 'di la dbang po rnon pos bsgoms na ni sangs rgyas su 'gyur/ dbang po 'bring gis bsgoms na ni rang sangs rgyas su 'gyur/dbang po tha mas bsgoms na ni nyan thos su 'gyur ro zhes de skad du rgol ba de dag la nyan thos kyi theg pa de bdag dang gzhan gyi don phun sum tshogs par byed pa'i theg pa chen po ma yin par rigs par bstan pa'i phyir tshigs su bcad pa rtsom mo//ma tshang ba dang zhes bya ba la theg pa chen po'i mtshan nyid bdag dang gzhan gyi don phun sum tshogs par sgrub pa yin na nyan thos kyi theg pa las pha rol gyi don du bstan pa mi 'byung ste/ bdag nyid skyo zhing 'dod chags dang bral ba dang / rnam par grol bar 'gyur ba rnams kyi thabs bstan pas na gzhan gyi don du bya ba ma tshang bas nyan thos kyi theg pa 'di theg pa chen po'i chos ma yin no zhes bya ba'i don to//gal te nyan thos dag 'di skad du/ bdag skyo zhing 'dod chags dang bral zhing rnam par grol bar 'gyur ba'i bdag gi don de nyid gzhan la bshad na gzhan dag kyang rnam par grol bar gzhan gyi don du 'gyur te/de ltar na nyan thos kyi theg pa nyid theg pa chen po yin no zhes zer ba la lan du 'gal ba'i phyir zhes smos te/ nyan thos 'ga' zhig gis bdag gi don du 'gyur ba'i chos de gzhan dag la bstan te/'di ltar byas na bdag nyid rnam par grol bar 'gyur ro zhes bstan na/ gang nyan pa'i gang zag de dag kyang bdag nyid mya ngan las 'das pa'i phyir sbyor gyi/ sems can gyi don du 'gyur ba bla na med pa'i byang chub tu 'tshang rgya bar mi 'gyur bas gzhan gyi don du 'gyur bar 'gal lo//gal te nyan thos dag 'di snyam du nyan thos kyi theg pa 'di nyid la bskal pa grangs med pa gsum du bsgoms na ni sangs rgyas su 'gyur/ bskal pa brgyar bsgoms na ni rang sangs rgyas su 'gyur/ tshe gsum du bsgoms na ni nyan thos su 'gyur/ theg pa 'di nyid la dus ring por bsgoms na 'tshang rgya ba'i thabs su 'gyur ro snyam du sems pa la sangs rgyas kyis thabs ma yin par bstan pa'i phyir thabs min zhes bya ba smos te/bla na med pa'i byang chub thob par byed pa'i thabs ni shes rab chen po dang snying rje chen po'o/ / shes rab chen po ni gang zag dang chos la bdag med par khong du chud pa'i ye shes so/ /snying rje chen po ni 'jig rten gyi khams kyi sems can thams cad sdug bsngal las sgrol bar sems pa'i bsam pa'o/ /nyan thos kyi theg pa las 'di gnyis mi 'byung bas na nyan thos kyi theg pa ni bla na med pa'i byang chub kyi thabs ma yin te/thabs ma yin pa yun ring por bsgrubs na yang 'tshang rgya bar mi 'gyur te/ dper na rwa la yun ring por bzhos na yang zho mi 'byung ba dang / bye ma la yun ring por brdzis na yang mar mi 'byung ba bzhin te/ de bas na nyan thos kyi theg pa ni theg pa chen po'i chos ma yin no zhes bya ba'i don to//gal te nyan thos dag 'di snyam du 'di ltar byang chub sems dpa'i spyod pa dngos su nyan thos kyi theg pa'i nang nas gsal bar ma bshad kyang yi ge dang tshig gzhan gyis rnam pa gzhan du bshad de/de bas na nyan thos kyi theg pa'i nang nas theg pa chen po yang yin pa'i phyir/ nyan thos kyi theg pa nyid theg pa chen po yin snyam pa la/ da ltar ma bstan pas zhes bya ba smos te/ ji ltar theg pa chen po'i nang nas sa bcu dang pha rol tu phyin pa la sogs pa bshad pa'i chos de dag nyan thos kyi theg pa las cung zad kyang mi 'byung bas na nyan thos kyi theg pa 'di theg pa chen po'i chos ma yin no zhes bya ba'i don to//skyo zhing zhes bya ba ni sdug bsngal gyi bden pa la mi rtag pa dang sdug bsngal ba dang stong pa dang / bdag med par mthong bas yid byung bar 'gyur ba'o//'dod chags dang bral ba dang zhes bya ba ni kun 'byung gi bden pa la kun 'byung dang / rgyu dang / rkyen dang / rab tu byung bar mthong nas nyon mongs pa thams cad spangs par 'gyur ba'o/ /rnam par grol ba zhes bya ba ni lam gyi bden pa bsgoms nas 'gog pa mngon sum du bya ba ni rnam par grol ba'o//pha rol bdag gi don la sbyor ba ni bdag gi don nyid la sbyor ba ste zhes bya ba la/ nyan thos 'ga' zhig gis bdag gi don du 'gyur ba'i chos skyo ba dang 'dod chags dang bral ba dang rnam par grol ba ste/ gzhan la bstan te/ 'di ltar bsgrubs na bdag gi don phun sum tshogs pa ni bdag gi don nyid la sbyor bar 'gyur ro zhes bshad na/ gang la bshad pa'i gang zag de yang bdag nyid mya ngan las 'das par 'gyur ba 'ba' zhig tu bsgrub kyi/ sems can gyi don du 'gyur ba'i bla na med pa'i byang chub tu 'tshang rgya ba mi 'thob pas na nyan thos kyi theg pa theg pa chen po yin par 'gal lo zhes bya ba'i don to//ji ltar sbyor bar bya ba 'dir rnam pa gzhan du bstan to zhes bya ba ni/ nyan thos dag 'di ltar theg pa chen po'i chos byang chub sems dpas spyad par bya ba 'di dag la nyan thos kyi theg pa'i nang nas dngos su ma smos kyang ming dang tshig la sogs pa gzhan du btags nas gsung rab gzhan gyis bstan pas na nyan thos kyi theg pa'i nang nas theg pa chen po yod do zhes zer ro//'di la de lta bu'i bstan pa mi dmigs so zhes bya ba ni/ theg pa chung ngu 'di'i nang nas theg pa chen po'i chos sa dang pha rol tu phyin pa bstan pa cung zad kyang mi 'byung mi snang bas na nyan thos kyi theg pa ni theg pa chen po'i chos ma yin no zhes bya ba'i don to//nyan thos kyi theg pa dang / theg pa chen po phan tshun du 'gal bas na mi mthun par tshigs su bcad pa zhes bya ba la/gong du ma tshang ba dang 'gal ba'i phyir zhes smras pa de la ji ltar 'gal ba'i don te/ nyan thos kyi theg pa'i rgyu dang 'bras bu yang gzhan theg pa chen po'i rgyu dang 'bras bu yang gzhan te nang mi mthun pa las brtsams nas tshigs su bcad pas ston to/ /bsam pa dang ni bstan pa dang //sbyor ba dang ni ston pa dang / /dus kyang rab tu 'gal ba'i phyir/ /gang chung de yang chung ba nyid/ /ces bya ba la/ 'gal ba rnam pa lngas theg pa chen po dang theg pa chung ngu gnyis nang du phan tshun 'gal te/ lnga po gang zhe na/ bsam pa 'gal ba dang /bstan pa 'gal ba dang / sbyor ba 'gal ba dang / ston pa 'gal ba dang / dus 'gal ba ste rnam pa lngas 'gal bas nyan thos kyi theg pa ni chung ngu yin te/ de bas na theg pa chung ngu zhes bya'i theg pa chen po zhes mi bya'o/ /de la theg pa chen po las ni bdag dang gzhan mya ngan las bzla bar sems na nyan thos kyi theg pa las ni bdag yongs su mya ngan las 'da' bar bya ba'i phyir sems pas na bsam pa 'gal lo//theg pa chen po'i gzhung las ni bdag dang gzhan gyi don bya ba'i chos bstan na nyan thos kyi theg pa las bdag gi don bya ba'i chos bstan pas na bstan pa 'gal lo//theg pa chen po la zhugs pa'i byang chub sems dpa' rnams ni bdag gi don dang / gzhan gyi don gnyi ga la sbyor na nyan thos kyi theg pa la zhugs pa'i gang zag dag ni bdag gi don 'ba' zhig la sbyor ba la zhugs pas na sbyor ba 'gal lo//byang chub sems dpa' rnams kyi ye shes kyi tshogs ni nam mkha' khams ltar kun tu khyab pa la bsod nams kyi tshogs ni phyogs bzhi'i rgya mtsho'i chu bzhin du bsams na/ nyan thos dag ni gang zag la bdag med pa tsam du khong du chud pas ye shes kyi tshogs yungs 'bru tsam srin bu'i zos pa'i nang gi nam mkha'i khyon tsam dang /kha zas spar pa gang tsam gtong bas bsod nams kyi tshogs pa glang gi rjes kyi rmig chu tsam zhig bsams pa'i phyir ston pa 'gal lo/ /theg pa chen po la zhugs pa rnams ni bskal pa grangs med pa gsum gyis bla na med pa'i byang chub tu 'tshang rgya na nyan thos dag ni tshe gsum tsam gyis dgra bcom pa'i 'bras bu thob pas na dus 'gal lo//de ltar theg pa chen po de sangs rgyas kyi bka' yin par bsgrub pa dang / nyan thos kyis slar bskyar ba'i phyir/sangs rgyas kyi tshig gi mtshan nyid ni 'di yin te/ gang mdo sde las 'byung /'dul ba la yang snang / chos nyid dang yang 'gal bar mi byed pa yin na chos thams cad ngo bo nyid med par bstan pa theg pa chen po ni de lta ma yin te/ de bas na sangs rgyas kyi tshig ma yin no zhes la la dag de skad zer bas zhes bya ba smos te/nyan thos dag na re/ sangs rgyas kyi tshig gi mtshan nyid ni dus bstan pa dang / chen po bstan pa'i mdo sde las/ gang mdo sde las kyang 'byung la/ 'dul ba las kyang snang zhing / chos nyid dang yang mi 'gal ba de sangs rgyas kyi bka' yin gyi de las gzhan dag ni bka' ma yin no zhes gsungs so//de la phung po dang khams dang skye mched la sogs pa yod do zhes bshad pa ni mdo sde'i mtshan nyid ni theg pa chen po las chos thams cad rang bzhin med do zhes bshad pas na mdo sde las kyang mi 'byung ste mdo sde dang mi mthun no//gzhung gang las ltung ba sde bdun 'chad pa'i gzhung de ni 'dul ba yin te/ 'dul ba las kyang sangs rgyas dang / chos dang / dge 'dun med do zhes smras na ltung bar 'gyur ro zhes bshad la/ theg pa chen po la sangs rgyas med/ chos med/ dge 'dun med do zhes 'byung bas 'dul ba la mi snang ste/ 'dul ba dang yang mi mthun te/ ma rig pa'i rkyen gyis 'du byed la sogs pa lugs bzhin du 'byung ba dang / ma rig pa 'gags pas 'du byed 'gag pa la sogs pa lugs las bzlog pa ste/rten cing 'brel te 'byung ba rnams ni chos nyid yin par bshad na theg pa chen po las chos thams cad ma skyes ma byung zhes bshad pas chos nyid dang yang 'gal te/ de bas na theg pa chen po sangs rgyas kyi tshig ma yin no zhes rgol lo/ /de'i phyir mtshan nyid dang mi 'gal bar tshigs su bcad pa zhes bya ba la de ltar rgol ba rnams la theg pa chen po 'di sangs rgyas kyi bka'i mtshan nyid dang mi 'gal bar bstan pa'i phyir tshigs su bcad pa rtsom mo zhes bya ba'i don to//de skad du rgol ba'i nyan thos dag la 'di skad gang khyed kyis mdo sde las mi 'byung ba dang /'dul ba la mi snang ba dang / chos nyid dang 'gal ba de sangs rgyas kyi bka' ma yin no zhes smras na/ ci nyan thos sde bco brgyad las thams cad yod par smra ba'i mdo sde dang 'dul ba'i chos nyid dang 'gal ba'i phyir sangs rgyas kyi tshig ma yin nam zhes smra'am/'on te 'phags pa sam byi ti'i mdo sde dang 'dul ba dang chos nyid dang 'gal ba'i phyir sangs rgyas kyi tshig ma yin no zhes bya ste/ ci phan tshun 'gal ba'i phyir sangs rgyas kyi tshig ma yin no zhes bya'am/ gal te theg pa chen po nyan thos kyi theg pa'i mdo sde dang 'dul ba dang chos nyid dang 'gal ba'i phyir sangs rgyas kyi tshig ma yin no zhes bya na ni/de ltar nyan thos kyi gzhung sde bco brgyad rnams kyang phan tshun nang thams cad 'gal bas na thams cad sangs rgyas kyi tshig ma yin par 'gyur ro/ /ji ltar 'gal zhe na/ thams cad yod par smra ba'i gzhung las stong pa nyid dang yang dag par smra ba'i mdo sde bshad pa 'phags pa sam byi ti rnams sangs rgyas kyi bka' yin par khas mi len la/thams cad yod par smra ba'i gzhung las srid pa bar ma do bshad la dge 'dun chen po pa rnams kyis sangs rgyas kyi bka' ma yin no zhes spong bar byed do//de ltar sde pa bco brgyad rnams kyi mdo sde yang nang phan tshun mi mthun pa dang / 'dul ba yang nang mi mthun pa dang / chos nyid kyang nang mi mthun pas thams cad sangs rgyas kyi bka' ma yin par 'gyur ro//'on te thams cad yod par smra ba'i gzhung las yang rang nyid kyi mdo sde rnams kyang phan tshun mthun pa dang / 'dul ba rnams kyang nang mthun pa dang / chos nyid kyang nang mi 'gal ba de sangs rgyas kyi bka' yin no zhe na ni de lta na/ bdag gi nyid las 'byung ba dang //rang gi 'dul bas mthong ba'i phyir/ /zab cing rgya yang che bas na/ /chos nyid dang yang 'gal ba med/ /ces bya ba smos te/ theg pa chen po yang / lang kar gshegs pa dang pha rol tu phyin pa la sogs pa mdo sde nang mthun pas na bdag nyid kyi mdo sde las 'byung ba dang /nyon mongs pa 'dul bar byed pa la 'dul ba zhes bya la/ byang chub sems dpa' nyon mongs pa ni yod pa dang med pa la sogs par rtog pa'i rnam par rtog pa yin te/ rnam par rtog pa de spong ba'i gnyen po rnam par mi rtog pa'i ye shes kyang theg pa chen po'i gzhung la yod pas rang gi 'dul ba la yang snang ba dang /byang chub sems dpa'i chos nyid ni zab cing rgya che ba yin te/ zab cing rgya che ba yang theg pa chen po las 'byung bas na/ chos nyid dang yang mi 'gal ba'i phyir ro/ /theg pa chen po yang sangs rgyas kyi bka' yin no//de la gang zag dang chos la bdag med par ston pas na zab pa'o/ /sa dang pha rol tu phyin pa la sogs pa 'chad pas na rgya che ba'o/ /'on te nyan thos kyi sde pa thams cad kyi don gzhung gang du 'dus pa de sangs rgyas kyi bka' yin no zhe na ni/ de lta na nyan thos sde pa tha dad pa so so'i nang du ni gzhung thams cad ma 'dus kyi theg pa chen po 'ba' zhig gi nang du thams cad 'dus pas theg pa chen po nyid sangs rgyas kyi bka' yin par 'gyur ro//spyod yul ma yin pa'i phyir zhes smras pa la/ de'i phyir rtog ge pa'i spyod yul ma yin par tshigs su bcad pa zhes bya ba la gong du theg pa chen po bsgrub pa'i skabs su spyod yul ma yin par bsgrub pa'i phyir zhes smos pa la/da theg pa chen po mu stegs dang rtog ge pa rnams kyi spyod yul ma yin par bstan pa'i phyir tshigs su bcad pa rtsom mo zhes bya ba'i don to/ /rten cing zhes bya ba la theg pa chen po gang gis gang zag dang /chos la bdag med pa dang / sa dang pha rol tu phyin pa khong du chud nas mngon sum du byas te bshad pa de theg pa chen po yin na rtog ge pa rnams ni bden pa ma mthong ba la gnas shing sngon gyi rtog ge'i gtsug lag 'ga' zhig la brten te/ gdod rtog ge'i gtsug lag byed pas na de'i phyir theg pa chen po la rtog ge'i spyod yul ma yin no zhes bya ba'i don to/ /ma nges zhes bya ba la theg pa chen po'i gzhung shes rab kyi pha rol tu phyin pa la sogs pa ni/ dang po bcom ldan 'das kyis ji ltar bshad pa bzhin du gzhung ma nyams par rtag tu de bzhin du gnas pa yin na rtog ge rnams kyi gtsug lag ni dus kyi khyad par gyis gzhung gzhan nas gzhan du 'gyur bas ma nges pa ste/ji lta zhe na/ sngon dag ni tshad ma bdun du bzhag go/ /bar du yang tshad ma lngar bzhag go/ /de'i 'og tu yang tshad ma bzhir bzhag go//de nas tshad ma gsum du yang bzhag go/ /de nas tshad ma gnyis su yang bzhag go/ /de ltar ma nges pas na theg pa chen po rtog ge'i spyod yul ma yin no zhes bya ba'i don to/ /ma khyab pa zhes bya ba la theg pa chen po'i gzhung las ni phung po dang khams la sogs pa'i chos thams cad 'byung ste/shes bya thams cad la khyab pa yin na rtog ge pa rnams kyi gzhung las ni mngon sum dang rjes su dpag par bya ba'i tshad ma'i yul nyi tshe zhig spyod de/ shes bya kun la khyab pas na theg pa chen po rtog ge'i spyod yul ma yin no zhes bya ba'i don to//kun rdzob dang zhes bya ba la theg pa chen po las ni kun rdzob dang don dam pa'i chos gnyis ston la rtog ge'i gtsug lag las ni kun rdzob kyi chos nyi tshe tsam zhig spyod kyi/ don dam pa'i chos mi dpyad pas theg pa chen po rtog ge'i spyod yul ma yin no zhes bya ba'i tha tshig go/ /skyo ba can zhes bya ba la theg pa chen po la ni shes rab kyi pha rol tu phyin pa 'bum la sogs pa 'bum phrag grangs med pa bshad pas tshig dang spobs pa zad par mi 'gyur la/rtog ge rnams kyi gtsug lag ni nyung shas zhig yod pas de ston pa'i tshe/ shes rab dang spobs pa drag po gzhan dag gis tshar bcad na/gtsug lag las ji tsam 'byung ba zhig smras nas/ de'i tshe tshig zad pa dang / de nas spobs pa zad pa dang / skyo bar 'gyur te/ de bas na theg pa chen po rtog ge'i spyod yul ma yin no zhes bya ba'i don to/ /rtog ge pa ni byis pa'i gnas//zhes bya ba ni/ theg pa chen po ni 'phags pa rnams kyis khong du chud par bya ba'i gnas yin la/ rtog ge'i chos rnams ni byis pa rnams kyis shes par bya ba yin pas theg pa chen po ni rtog ge pa rnams kyi spyod yul ma yin no zhes bya ba'i don to/ /thabs ma yin pa'i phyir zhes bya ba ni zhes pa la/gong du/ thabs min de ltar ma bstan pa/ /zhes smos pa la/ nyan thos rgol te/ nyan thos kyi theg pa ni bla na med pa'i byang chub thob pa'i thabs ma yin pas/ theg pa de la yun ring du spyad kyang 'tshang rgya bar mi 'gyur ro zhes bshad na de ltar theg pa chen po 'di ji ltar na bla na med pa'i byang chub kyi thabs su 'gyur ro zhes brgal lo//lan du/ rgya che'i phyir dang zab pa'i phyir/ /yongs su smin dang rnam mi rtog /'di la de gnyis bstan pa'i phyir/ /de ni bla na med pa'i thabs/ /zhes bya ba smos te/ bla na med pa'i byang chub thob par bya ba'i thabs ni rnam pa gnyis te/rgya che ba'i don dang / zab pa'i chos so/ /de la sa dang pha rol tu phyin pa dang / mngon par shes pa dang / stobs dang mi 'jigs pa la sogs pa ni rgya che ba'i chos so/ /gang zag dang chos la bdag med pa ni zab pa'i chos so/ / yang na bsod nams kyi tshogs ni rgya che ba'i chos so/ /ye shes kyi tshogs ni zab pa'i chos so/ /de la rgya che ba'i chos bstan pas ni sems can yongs su smin par 'gyur te/ de bzhin gshegs pa'i yon tan mthu chen po dag thos nas/ dad pa'i sgo nas sems can dge ba la 'jug par 'gyur ba'i phyir ro//zab pa'i chos bsgoms pas ni bdag nyid rnam par mi rtog pa'i ye shes 'thob par 'gyur te/ de ltar bdag gi don dang gzhan gyi don du 'gyur ba'i chos zab pa dang rgya che ba gnyis theg pa chen po 'di las bstan pa'i phyir/ theg pa chen po 'di bla na med pa'i byang chub 'thob par byed pa'i thabs yin no//gang 'di la skrag par 'gyur ba de'i phyir gnas ma yin pa la skrag par 'gyur ba'i nyes pa dang / rgyu la tshigs su bcad pa zhes bya ba dang / rigs med pa dang / nyan thos kyi rigs can dang / rang sangs rgyas kyi rigs can dag gi gang zag gang dag stong pa nyid 'chad pa'i theg pa chen po'i chos 'di la skrag ste 'di bdud kyis bshad pa yin no zhes bshad pa de dag la/theg pa chen po 'di dga' bar bya ba'i gnas yin gyi skrag par bya ba'i gnas ma yin pa la skrag pas na gnas ma yin pa la skrag pa zhes bya ste/gnas ma yin pa la skrag ste/ skur pa btab na ngan song du lhung ba la sogs pa'i nyes pa 'byung ba dang / skrag na yang rgyu gang gis skrag pa'i rgyu bstan pa'i phyir tshigs su bcad pa rtsom mo zhes bya ba'i don to/ /'gro ba gnas ma yin la skrag pa gdung byed pa/ /zhes bya ba la/ 'gro ba'i sgras ni rigs med pa dang / nyan thos kyi rigs can dang / rang sangs rgyas kyi rigs can la byas so/ /theg pa chen po ni dga' bar bya ba'i gnas yin gyi/ 'jigs par bya ba'i gnas ma yin pa la 'jigs nas skur pa btab na gnas ma yin pa la skrag pa zhes bya ste/ de ltar skrag ste skur pa btab ste/ ngan song gsum du sdug bsngal myong bar byed pas gdung bar 'gyur ba zhes bya'o/ /ci'i phyir ngan song gsum du gdung bar byed na de'i phyir/ bsod nams ma yin phung po cher 'phel ba/ /zhes smos te/ theg pa chen po la skur pa btab na bsod nams ma yin pa'i tshogs 'phel bar 'gyur bas ngan song du skye'o//dus ji srid cig tu ngan song du gnas snyam pa la yun ring du zhes smos te/ bskal pa grangs med par ngan song du gnas so zhes bya ba'i don to/ /de yan chad du don rnam pa gsum bstan te/ skur ba btab pa'i nyes pa dang /gang gi rgyus ngan song du skye bar 'gyur ba dang / dus ji srid cig tu ngan song du gnas pa dang gsum mo/ /'gro ba gnas ma yin la skrag pa gdung byed pa/ /zhes bya bas skur ba btab pa'i nyes pa bstan to/ /bsod nams ma yin phung po cher 'phel zhes bya bas ngan song gsum du skye ba'i rgyu gang yin pa bstan to//yun ring du zhes bya bas dus ji srid du ngan song du gnas pa bstan to/ /ci'i phyir gang zag de dag theg pa chen po la skrag par byed ce na/ de'i phyir/ rigs med grogs ngan dge sngon ma bsags blo ma sbyangs//zhes smos te/ de la rgyu rnam pa bzhis theg pa chen po la skrag par 'gyur te/ byang chub sems dpa'i rigs med na yang theg pa chen po la skrag ste/ 'di ni rgyu gcig go/ /nyan thos dang rang sangs rgyas kyi bshes gnyen ngan pas zin pa dang theg pa chen po la skrag par 'gyur te/'di ni rgyu gnyis pa'o/ /tshe rabs sngon gzhan na theg pa chen po rtogs par 'gyur ba'i bsod nams kyi tshogs ma bsags na yang skrag par 'gyur te/ 'di ni rgyu gsum pa'o/ /theg pa chen po'i chos mnyan pa dang bsam pa la sogs pas tshe snga phyi blo ma sbyangs na yang theg pa chen po la skrag par 'gyur te/'di ni rgyu bzhi pa'o/ /skrag pa'i rgyu smras nas mi skrag pa'i rgyu bshad par bya ste zhes bya ba la gong du theg pa chen po la skrag par 'gyur ba'i rgyu ni rigs med pa la sogs pa rnam pa bzhi yin no zhes bshad nas/ da ni rgyu gang la brten na theg pa chen po la mi skrag par 'gyur ba'i rgyu bstan te/'og nas tshigs su bcad pa las 'byung ba bzhin du yid la byas nas theg pa chen po la skrag par mi 'gyur te/ mi skrag pa'i rgyu bstan pa'i phyir tshigs su bcad pa rtsom mo/ /de las gzhan dang gzhan med ces bya ba la/ nyan thos rnams kyis kyang nyan thos kyi theg pa dang /rang sangs rgyas kyi theg pa dang / theg pa chen po ste theg pa gsum yod par 'dod pas/ theg pa chen po yod par khas blangs na de ltar na ni shes rab kyi pha rol tu phyin pa 'di las ma gtogs pa'i theg pa chen po gzhan med pas na theg pa chen po spong zhing skur pa 'debs pa dang skrag par bya ba'i gnas ma yin no zhes bya ba'i don to//gal te nyan thos dag na re/ nyan thos kyi theg pa nyid theg pa chen po yin te/ shes rab kyi pha rol tu phyin pa la sogs pa theg pa chen po ma yin no zhes smra na/ de lta na ni sangs rgyas las ma gtogs pa'i nyan thos dang rang sangs rgyas zhes bya ba gzhan med par 'gyur te/ci'i phyir zhe na/ kun kyang theg pa chen po la zhugs pas kun sangs rgyas su gyur pa'i phyir/ nyan thos dang rang sangs rgyas med pa'i phyir skyon du 'gyur ro/ /zab cing zhes bya ba la/ thams cad mkhyen pa'i ye shes thob par byed pa'i lam sa dang pha rol tu phyin pa dang /gang zag dang chos la bdag med pa 'di ni shin tu zab pa ste/ 'phags pa rnams kyis thugs su chud par zad de/ so so'i skye bo rnams kyis khong du mi chud do zhes de ltar tshul bzhin du yid la byas nas theg pa chen po skrag pa'i gnas su mi 'gyur ro//rjes song phyir zhes bya ba ni gang gi tshe bcom ldan 'das kyis mnyan du yod pa la sogs par nyan thos kyi theg pa bshad pa de dang dus gcig tu theg pa chen po yang bshad de dus mnyam du byung bas dus mnyam du gsungs par 'dra ba la/nyan thos kyi theg pa la skrag par mi bya na theg pa chen po la ci'i phyir skrag par bya ba'i rigs zhes de ltar tshul bzhin du yid la byas nas dpyad na theg pa chen po'i chos la skrag par mi 'gyur ro zhes bya ba'i don to/ /sna tshogs ston cing zhes bya ba la/ gal te theg pa chen po'i nang nas stong pa dang med pa 'ba' zhig bshad na ni skrag par bya ba'i gnas kyang yin no//stong pa 'ba' zhig bshad par ma zad kyi phung po dang khams dang skye mched dang sa dang pha rol tu phyin pa la sogs pa'i chos sna tshogs dang / lam sna tshogs kyang bshad pas na stong par bshad pa'i bka' 'di la yang dgongs pa 'ga' zhig yod do zhes ji ltar tshul bzhin du bsams na theg pa chen po la skrag par mi 'gyur ro zhes bya ba'i don to//mang po'i sgo nas rtag tu ston dang ldan/ /zhes bya ba la/ mang po ni lang kar gshegs pa dang / shes rab kyi pha rol tu phyin pa la sogs pa'i mdo sde mang po de dang de dag la bya'o//sgo zhes bya ba ni stong pa nyid ston pa'i rnam grangs la bya la/ stong pa khong du chud par bya ba'i phyir/ ma byung ba dang ma skyes pa dang rang bzhin gyis stong pa dang dngos po med pa zhes bya ba la sogs pa rnam grangs du mas bstan to//rtag tu zhes bya ba ni lan cig bstan par ma zad kyi rgyun ma chad par bstan te/ de ltar stong pa nyid de mdo sde thams cad kyi nang nas rnam grangs du mas rgyun ma 'chad par bstan pas na stong pa 'di dgos pa che zhing ched che bar mngon te/ ched mi che na bcom ldan 'das kyis lan cig tsam bshad de phyis mi gsung ba'i rigs so zhes/ji ltar tshul bzhin du bsams na theg pa chen po la skrag par mi 'gyur ro zhes bya ba'i don to/ /ji ltar bshad pa bzhin ma yin zhes bya ba'i sangs rgyas med chos med ces bya ba la sogs pa bshad pa'i tshig 'di thams cad nas thams cad du kun med pa ni ma yin gyi/gzung 'dzin du byis pa rnams kyis kun tu brtags pa'i kun brtags med pa la dgongs nas med ces gsungs kyi/ 'phags pa rnams kyi yul gzhan gyi dbang dang / yongs su grub pa'i rang bzhin med pa ma yin no zhes de ltar tshul bzhin yid la byas nas theg pa chen po la skrag par mi 'gyur ro zhes bya ba'i don to//bcom ldan 'das kyi dgongs pa zab ces bya ba la/ bcom ldan 'das kyi bka' thams cad ni zab cing phra ba ste ci la dgongs pa shin tu shes par dka' zhing rtogs par dka' ba'o/ /ji lta zhe na/de bzhin gshegs pa chos 'chad pa ni bsam pa dang bag la nyal ba dang khams rnams mkhyen nas sems can so so'i sems dang mthun par kha cig la ni yod ces bshad/ kha cig la ni med ces bshad/ kha cig la yod pa yang ma yin med pa yang ma yin zhes bshad pa de dag ci las dgongs te bshad pa bdag gis mi rtog ste/bdag gi spyod yul ma yin no zhes de ltar tshul bzhin du yid la bya ste/ bsams na yang skrag par mi 'gyur ro zhes bya ba'i don to/ /mkhas pas tshul bzhin brtags na chos la skrag par mi 'gyur ro zhes bya ba na blo dang ldan pa mkhas pa rnams kyis tshul bzhin du bsams nas bshad na theg pa chen po'i chos la skrag par mi 'gyur ro zhes bya ba'i don to//gzhan du na ni lan cig tsam zhig dgag pa mdzad par 'gyur ro zhes bya ba la/ stong pa nyid kyi don 'di ched che ba ma yin na ni med do zhes bya ba'i dgag pa'i tshig 'di lan 'ga' zhig bshad nas de nas mi gsung bar rigs na/bcom ldan 'das kyis de nas rgyun mi 'chad par mdo sde kun las gsungs pas na gdon mi za bar stong pa nyid bshad pa 'di la don ched che ba yod do zhes bya ba'i don to/ /ring du zhugs pa'i ye shes kyi spyod yul nyid yin pas tshigs su bcad pa zhes bya ba la gang gi tshe 'di ni bzang ngo 'di ni ngan no zhes bya ba dang /'di ni yin no 'di ni min no zhes bye brag dbye ba de dag kyang ring du zhugs pa'i ye shes thob par gyur na de'i tshe gdod yin pa dang ma yin pa dag de'i spyod yul du 'gyur gyi ring du zhugs pa'i ye shes kyi spyod yul ma yin pa thob pa rnams la ni dngos po thams cad mngon sum du ma gyur pas 'di sangs rgyas kyi tshig ma yin no zhes nges par gzhag tu mi rung ngo //de la ring du zhugs pa'i ye shes zhes bya ba ni dus gsum dang phyogs bcu na gnas pa'i dngos po thams cad skyu ru ra lag mthil du blangs pa bzhin du/thogs pa dang chags pa med par mngon du gyur pa'i thams cad mkhyen pa'i ye shes la bya'o/ /thos pa la gnas nas thog mar yid la byed pa 'byung bar 'gyur zhes bya ba la/ thams cad mkhyen pa'i ye shes thob par byed pa'i thabs ni/dang po nyid du dge ba'i bshes gnyen la brten nas thog mar dge zhes bya ba la sogs pa theg pa chen po'i chos mnyan par bya'o/ /de nas mnyan pa de la brten nas de'i 'og tu mi rtag pa dang sdug bsngal ba dang stong pa dang bdag med par bsams te/bsams pa de las ni mos par byed pa'i ting nge 'dzin drod la sogs pa tshul bzhin yid la byed pa'i mtshan nyid 'byung bar 'gyur ro zhes bya ba'i don to/ /tshul bzhin yid la byed pa las/ /yang dag don yul ye shes 'byung / /zhes bya ba ni de ltar mos pas spyod pa'i ting nge 'dzin tshul bzhin rang gi rang bzhin rnam pa bzhi la brten nas sa dang po mthong ba'i lam la 'jig rten las 'das pa'i yang dag pa'i lta bas chos dang gang zag la bdag med pa'i mtshan nyid chos kyi dbyings thams cad du 'gro ba mngon sum du yul du gyur pa'i ye shes rnam par mi rtog pa'i ye shes 'byung ngo zhes bya ba'i don to//de las chos la thob par 'gyur zhing zhes bya ba ni sa dang por rnam par mi rtog pa'i ye shes thob nas sa gnyis pa nas sa bcu pa'i bar du ye shes de nyid bsgoms pas nyon mongs pa dang shes bya'i sgrib pa thams cad spangs te/sangs rgyas kyi sar sa bcur bsgoms pa'i 'bras bu rnam par grol ba zhes bya ba'i sku 'thob par 'gyur ro zhes bya ba'i don to/ /de las blo gros 'byung bar 'gyur/ /zhes bya ba ni de ltar rnam par grol ba thob na/ de'i 'og tu rnam par grol ba la rnam par grol ba nyid du yang dag pa ji lta ba bzhin du shes pa'i ye shes skye bar 'gyur te ye shes de'i mtshan nyid ji lta bu zhe na/'di ltar bdag gis bya ba ni byas/ khur ni bor/ tshangs par spyod pa ni spyad/ srid pa 'di las gzhan ni mi shes so zhes khong du chud pa'o/ /gang gi tshe na ye shes de rang gis rig par gyur pa de'i tshe na ni blang bar bya ba dang /spang bar bya ba dang / yin pa dang / ma yin pa dag mngon sum du gyur pas 'di ni yin 'di ni ma yin zhes bye brag dbye zhing gtan la dbab par bya ba la ni rigs so zhes bya ba'i don to/ /gang tshe rang rig de med par ni ji ltar rtogs par 'gyur//zhes bya ba la/ gang gi tshe sa bcu'i 'bras bu thams cad mkhyen pa'i ye shes de rang gis rig pa med par theg pa chen po 'di sangs rgyas kyi tshig ma yin par ji ltar rtogs par 'gyur zhes bya ba'i don to/ /skrag pa'i gnas ma yin par tshigs su bcad pa zhes bya ba la/ gong du theg pa chen po 'di skrag pa'i gnas ma yin no zhes mdo tsam smos pa de da ji ltar skrag pa'i gnas ma yin pa de bzhin du 'chad de/ theg pa chen po 'di dga' zhing dad par bya ba'i gnas yin gyi skrag par bya ba'i gnas ma yin no zhes bstan pa las brtsams nas tshigs su bcad pa bstan to//bdag gis mi shes zhes bya ba la/ nyan thos dag 'di skad du theg pa chen po las chos ma skyes pa ma byung zhes bya ba 'di dag bdag cag lta bu'i spyod yul du mi 'gyur te/ 'di dag bdag cag gis mi rtogs pas na/ bdag cag 'di la 'jug par mi nus so zhes de ltar bsams nas cang theg pa chen po la skrag pa'i gnas su bya ba mi rigs te/ci'i phyir zhe na/ 'di ltar theg pa chen po rtogs par 'gyur ba'i dge ba'i rtsa ba ma bsags pa dang / theg pa chen po ston pa'i dge ba'i bshes gnyen la bsnyen bkur ma byas pa rnams kyis theg pa chen po'i don rtogs par mi nus te/de bas na theg pa chen po'i don rtogs par 'dod na mgo'i thod la me 'bar ba bsad pa de bzhin du theg pa chen po ston pa'i dge ba'i bshes gnyen la bsnyen bkur bya ba'i phyir 'bad par bya ste/ 'bad na theg pa chen po'i don rtogs par 'gyur ro/ /'di'i skabs su tshigs su bcad pa ston pa/ thabs kyi cho ga mkhas la gal te blo sbyangs ma byas dang / /thabs la mkhas pa'i skye bo rnams kyi rjes su 'jug par gyis/ /sdug bsngal mang po 'dus la spyod pa yid ni chags gyur na/ /gal te de yang mi 'dod khyad par nyams na dga' bar gyis/ /zhes bya ba lta bu'o/ /sangs rgyas zab mo mkhyen pa ma yin zhes bya ba la/gal te nyan thos dag ni 'di skad du/ /sangs rgyas zhes bya ba phung po dang khams dang skye mched dang rten cing 'brel te 'byung ba dang / bden pa la sogs pa'i chos yod par thugs su chud pas sangs rgyas zhes bya ste/ ma skyes pa dang ma byung ba la sogs pa zab mo 'di sangs rgyas kyis thugs su chud pa yang ma yin te/sangs rgyas kyis thugs su chud ces bya ba yang brdzun na sangs rgyas kyis zab mo bshad pa lta ci zhig ga la yod de med do zhes de ltar bsams te yang skrag par bya bar mi rigs so zhes bya ba'i don to/ /ci'i phyir zhe na/ sangs rgyas zhes bya ba'i mtshan 'di yang 'dod dgur btags pa ma yin gyi don dang bcas par btags pa yin te/gang gi phyir nyon mongs pa dang / shes bya'i sgrib pa gnyis dang 'dra ba bag la nyal tshun chad spangs pa dang / rnam par mi rtog pa'i ye shes kyis shes bya thams cad thugs su chud de blo kha bye bas na sangs rgyas zhes bya ste/sems can gyi khyad par 'di lta bu dag gis kyang / zab mo thugs su ma chud na/ bdag cag la sogs pas lta ga la zhig ces khong du chud ces 'jigs pa'i gnas su bya ba mi rigs te/ 'di ltar dge ba'i bshes gnyen la bsnyen bkur dang brten pa la bsgrim par byas nas sangs rgyas kyis zab ma thugs su chud dam mi chud par 'gyur ba lta rang nyid kyis phyis rtogs par 'gyur ro//zab mo ci'i phyir na rtog ge'i spyod yul ma yin zhes bya ba ni ji tsam du tshad mas gzhal bar bya ba'i yul gtan la dbab pa'i dngos po rnams ni rtog ge pa rnams kyi mngon sum dang rjes su dpag pa'i tshad mas rtogs par 'gyur ba yin/ma skyes pa dang ma byung ba la sogs pa'i tshad ma zab mo rtog ge pa rnams kyi tshad ma'i yul ma yin pas theg pa chen po la 'jug par bya ba'i yul ma yin no zhes de ltar yang skrag par bya bar mi rigs te/ci'i phyir zhe na/ rtog ge'i sems bsal bar bya ba'i phyir bsgrim par bya'i theg pa la skrag par ni mi bya'o/ /ji lta zhe na/ theg pa chen po 'di rtog ge pa rnams kyi spyod yul ma yin pa'i phyir te/ de bas na bcom ldan 'das de la byang chub sems dpa' dang nyan thos dag gis bstod pa/rtog ge rnams kyi yul min te/ /byis pa'i spyod yul ma yin dang / /sems dang sems las byung yongs 'das/ /thub pa gang dag bsgom mdzad do/ /zhes gsungs pa lta bu'o/ /A tsar+ya ma ti tsi tras kyang bdag ni don rtog ge pa ste/ gang de kho na khong du chud pa'i nyan thos dang /rang sangs rgyas dag gis kyang chos kyi sku dang / stobs dang mi 'jigs pa la sogs pa la ye shes thogs te mi 'jug go zhes nas bcom ldan 'das la bstod pa/ gal te klu chen de dag kyang / /khyod la nus pa thogs gyur na/ /srid pa mi gtsang 'bu lta bu'o/ / bdag la skabs lta ga la mchis/ /zhes bstod pa lta bu'o/ /ci'i phyir zab mo'i don rig pa dag thar bar 'gyur zhes bya ba la ma skyes pa dang ma byung ba'i zab mo rtogs pa de dag 'ba' zhig 'khor ba las 'das shing mya ngan 'das par 'gyur la/ mngon sum dang rjes su dpag pa'i tshad mas dngos po rnams la 'jal bar byed pa'i rtog ge pa rnams ci'i phyir 'khor ba las 'das shing mya ngan las 'das pa mi 'thob ces te/de ltar bsams te yang theg pa chen po la yang skrag par bya bar mi rigs te/ ci'i phyir zhe na/ nyon mongs pa spangs nas mya ngan las 'das pa thob pa ni stong pa nyid mthong bas 'thob par 'gyur gyi kun rdzob tsam dpyod pa'i rtog ge'i sems kyis ni mya ngan las 'das pa thob par mi 'gyur ba'i phyir ro//mos pa med na yang de 'grub par tshigs su bcad pa zhes bya ba la/ rigs med pa dang nyan thos dang rang sangs rgyas kyi rigs can dag theg pa chen po la 'jug par mos pa med na de ltar na ni 'di theg pa chen po yin par grub ste/ci'i phyir zhe na/ chung ngu rnams de la mos pa mi 'jug pa'i phyir ro zhes bstan pas tshigs su bcad pa bshad pa/ chung ngur mos shing rigs kyang shin tu ngan/ /grogs po ngan pa dag gis yongs bskor ba/ / zab cing rgya cher legs par gsungs pa yi/ /chos la gal te mos med grub pa yin/ /zhes bya ba la/ nyan thos dag ni bsod nams kyi tshogs kyang kha zas spar gang tsam gtong ba la mos pa dang / ye shes kyi tshogs kyang gang zag la bdag med pa tsam zhig mthong ba dang don yang bdag gi don tsam zhig byed par 'dod pas na chung ngu la mos pa'o//de ltar na bsod nams dang ye shes kyi tshogs kyang chung ngu la mos pas kun gzhi rnam par shes pas yang bsod nams dang ye shes kyi sa bon chung ngu bsags pas rigs kyang shin tu ngan pa zhes bya ste/ theg pa chung ngur mya ngan las 'das par 'gyur ba'i rigs tsam zhig yod par 'gyur ba'i phyir ro//dper na wa rnams kyang wa dang 'grogs par dga'i/ seng ge dang 'grogs par ma mos pa bzhin du mos pa yang chung / rigs kyang ngan pas na yang 'grogs na yang grogs ngan pa nyan thos kyi phyogs la brten pa'i grogs 'ba' zhig dang 'grogs pas na grogs ngan pas bskor ba zhes bya ste/de ltar mos pa yang chung rigs kyang ngan grogs kyang ngan pas na/ zab cing rgya che ba legs par gsungs pa'i theg pa chen po'i chos la mos pa med na chung ngu ba rnams kyis ma mos pas de'i phyir chos 'di theg pa chen po yin par grub bo//mdo sde ma thos pa smad du mi rung bar tshigs su bcad pa zhes bya ba la/ 'di ni sangs rgyas kyi tshig yin 'di ni ma yin zhes bya ba dang / 'di ni ngan 'di ni bzang zhes bya ba dag kyang gzhung gi don dang tshig thos nas gdod bstod pa dang / smad par bya bar rigs kyi/ gzhung ma thos pa rnams ni bzang ngan ci yin gtol med pas ma yin no ngan to zhes smad du mi rung ba las brtsams nas tshigs su bcad pa ston to/ /thos pa'i rjes su 'brangs pas blo ldan thob/ /thos pa la ni su dag brnyas byed pa/ /thos pa sna tshogs dpag med lus pa la//gti mug pas ni ci'i phyir nges par bya/ /zhes bya ba la/ khyed nyan thos kyi mdo sde rnams kyi phung po dang khams dang skye mched dang spyi'i mtshan nyid shes pa'i blo byung ba yang / sngon dge ba'i bshes gnyen las chos thob pa'i rjes su 'brangs te/ thos pa la brten nas mkhas shing blo dang ldan pa thob pa yin na da thos pa la brnyas te/theg pa chen po'i chos mi nyan par 'dor zhing skur pa 'debs pa de ni blun po gti mug pa zhes bya ste/ ci'i phyir zhe na/ bdag gis ma thos mi shes pa'i chos theg pa chen po'i gzhung sna tshogs pa dpag tu med pa dag ma thos te phyi la lus pa rnams don ci byung gtol med par 'di sangs rgyas kyi tshig ma yin no zhes ji ltar nges par byas te/gtan la dbab ces bya ba'i don to/ /de thos pa la stobs gzhan med pas zhes bya bas bzang ba dang ngan par bye brag dbye ba dang / yin pa dang ma yin pa zhes bye brag dbye ba 'di yang thos pa'i stobs las ma gtogs par ma thos pa rnams kyis bye brag phyed par mi nus te/de bas na thos pa la bsgrims pa dang ma thos pa'i chos la smad par mi bya'o zhes bya ba'i don to/ /gang thos pa de yang tshul bzhin du yid la bya ste/ tshul bzhin ma yin par ni ma yin no zhes tshul bzhin ma yin par yid la byed pa nyes pa yin par tshigs su bcad pa zhes bya ba la/ma thos pa'i chos rnams la skur pa gdab tu mi rung ste/ de bas na chos rnams mnyan par bya'o zhes glengs so/ /da thos pa'i chos la yang gzhan dbang dang / yongs su grub pa yod kyi med ces bya ba yang kun brtags pa med do zhes de ltar tshul bzhin du yid la bya ste/tshul bzhin ma yin par sangs rgyas med pa dang / chos med pa la sogs pa'i tshig thams cad nas thams cad du med do zhes bya ba'i don to/ /tshul bzhin ma yin par yid la byas nas/ sangs rgyas kyi tshig ma yin no zhes skur pa gdab par mi bya ste/de ltar tshul bzhin ma yin pa yid la byas te/ skur pa btab na nyes pa dang skyon yod par bstan pa las brtsams nas tshigs su bcad pa bstan pa/ ji ltar sgra bzhin yongs brtags na/ /zhes bya ba ni sangs rgyas med chos med dge 'dun med do zhes bya ba'i sgra 'di ni thams cad nas thams cad du med par ston pa ni ma yin gyi kun tu brtags pa'i mtshan nyid med pa la dgongs nas med ces gsungs pa yin pa las sgra ji bzhin du brtags na thams cad nas thams cad du med par gzung nas nyes pa rnam pa gsum thob par 'gyur ro zhes bya ba'i don to//bdag nyid bsnyems shing zhes bya bas ni sgra ji bzhin du gzung ba dang don ma rtogs pas bdag nyid kyi lta ba bsnyems pa la gnas pa yin te bdag gi lta ba bsnyems pa las gnas par gyur na/ theg pa chen po'i don la mkhas pa bdag med do zhes bya ba'i tshig gi don gang yin pas tshol zhing nyan par mi byed do zhes bya ba'i don to//blo nyams 'gyur zhes bya ba ni de ltar theg pa chen po'i don ma btsal nas gzhan gyi dbang dang yongs su grub pa'i rang bzhin ni yod kun brtags kyi rang bzhin ni med pa'i don du yang dag pa ji lta ba bzhin du shes par byed pa'i shes rab las ma thob par yongs su nyams par 'gyur te/'di ni nyes pa dang po'o/ /legs par gsungs la rab smad pas/ /brlag 'gyur zhes bya ba ni med ces bya ba sgra ji bzhin du gzung ste/ thams cad nas thams cad du med par bzung nas/ bcom ldan 'das kyi gsung rab thog mar yang dge bar du yang dge ba la/sangs rgyas kyi tshig ma yin gyi bdud kyis smras pa yin no zhes smad pas na bsod nams dang ye shes kyi tshogs nyams te bsod nams ma yin pa'i phung po cher bsags pas sems can dmyal bar 'gro dgos pa'i phyir brlag par 'gyur te/'di ni nyes pa gnyis pa'o/ /khong khro sgrib ces bya ba ni theg pa chen po'i chos la sangs rgyas kyi bka' ma yin par bsams te/ zhe sdang skyed na chos kyis phongs par 'gyur ba'i las kyi sgrib pa skye ste/ 'di ni nyes pa gsum pa'o/ /de la chos kyis phongs par 'gyur ba'i las kyi sgrib pa ni gang nas gang du skyes kyang 'on pa dang glen pa dang lkugs par skye ba dang /dge ba'i bshes gnyen dang bskal pa'i gnas mtha' 'khob tu skye ba la sogs pa ste/ zhib tu ni rnal 'byor spyod pa'i sa las bstan pa bzhin du blta'o/ /sgra ji bzhin ma yin pa'i don du mi shes par khong khro bar mi rigs na zhes bya ba ni/sangs rgyas med ces bya ba la sogs pa'i sgra 'di thams cad nas thams cad du med pa'i don du drangs te/ gzhan gyi dbang dang yongs su grub pa yod pa dang / kun tu brtags pa med par mi shes par theg pa chen po la khong khro zhing skur pa btab par mi rigs pa las brtsams nas tshigs su bcad pa ston to//yid kyi khro ba rang bzhin gdug pa ste/ /zhes bya ba la yid kyi khro ba zhes bya ba ni sems kyi zhe sdang ngo / /rang bzhin gdug pa zhes bya ba ni rang bzhin gyis kha na ma tho ba yin zhes bya ba'i don to/ /kha na ma tho ba ni rnam pa gnyis so//gang zhe na/ rang bzhin gyis kha na ma tho ba dang bcas pa'i kha na ma tho ba'o/ /de la rang bzhin gyis kha na ma tho ba ni sdig pa lci ba yin la bcas pa'i kha na ma tho ba ni sdig pa yang ba yin te/ sems kyi zhe sdang 'di ni rang bzhin gyis kha na ma tho ba ste/ rang bzhin gyis gdug pa'i mtshan nyid yin no zhes bya ba'i don to//mi rigs pa'i gzugs la'ang mi rigs na zhes bya ba la/ de ltar zhe sdang 'di rang bzhin gyis gdug pa yin pas na gang mi phan par sems pa'i dgra la sogs pa mi rigs pa'i gzugs la yang zhe sdang bskyed par mi rigs na gzhan lta la ci smos zhes bya ba'i don to//ci'i phyir zhe na/ ji ltar mngon pa'i chos bsdus pa las/ nyon mongs pa bstan pa'i dbang du byas nas nyon mongs pa'i mtshan nyid ji ltar blta zhe na/ gang chos skye ba'i tshe na ma zhi zhing gdug pa'i mtshan nyid du skye la gang skyes nas kyang sems kyi rgyud ma zhi zhing gdug par byed pa de nyon mongs pa'i mtshan nyid do zhes bshad do//de ltar na sems kyi zhe sdang de sems gdug pa can du byed pas na dgra la sogs pa mi rigs par byed pa'i gzugs la yang zhe sdang bskyed par mi rigs so zhes bya ba'i don to/ /bcom ldan 'das kyis kyang mdo sde de dang de dag las zhe sdang bskyed du mi rung bar bka' nan yang nas yang du bsnan te bkag go//shes rab kyi pha rol tu phyin pa bdun brgya pa las bshad pa/ 'jam dpal zhe sdang thang cig gis bskal pa du mar bsags pa'i dge ba'i rtsa ba sreg par byed do zhes gsungs so/ /nyan thos kyi sog le lta bu'i mdo las kyang dge slong dag mes tshig pa'i mgal dum la yang khong khro ba'i sems kyang bskyed par mi bya na/sems dang bcas pa'i lus la lta ci smos zhes bcom ldan 'das kyis gsungs so/ /mkhas pa rnams kyis theg pa chen po la dga' bar mi nus na gzu bo lta bu dbus kyi tshul nyid gzung bar bya ste/ gzu bo lta bu'i tshul 'di ni mkhas pa'i skye bo rnams dga' bar byed pa'i rigs pa yin pas/ rigs pa de'i rjes su 'brangs nas theg pa chen po 'di zhe sdang bar byed pa'i gnas yin nam/ dad par bya ba'i gnas yin pa rang nyid kyis rtogs par 'gyur ro/ /gal te rtogs pa de yang khas/ len par mi byed na ni/ de ci'i phyir/ the tshom za ba'i chos la smos ci dgos/ /zhes bya ba smos te/ mi rigs pa'i gzugs la yang zhe sdang bskyed par mi rigs na sems shes pa rnams kyis theg pa chen po 'di sangs rgyas kyi tshig yin nam ma yin gtol med de/ the tshom du gyur pa'i gnas la zhe sdang bskyed par mi rigs pa lta smos kyang ci dgos te/mi rigs ches so zhes bya ba'i don to/ /de bas na mkhas pa dag 'di skad du/ sbrul gyi gnas su lag brkyang dang / /gal te der ni sprul yod na/ /byis pa don med rnyed gyur pa'i/ /yon tan de ni ci zhig 'thob/ /ces bya ba lta bu'o//yang gzhan dag gis smras pa/ 'jig rten gzhan la the tshom dang / /mkhas pas mi dge spang bar bya/ /gal te med na'ang de cir 'gyur/ /gal te yod dang med ci brlag /ces bshad do/ /de phyir btang snyoms bzhag legs nyes pa med/ /ces bya ba la/ gong du bshad pa ltar na zhe sdang 'di yang rang bzhin gyis kha na ma tho ba yin pas/rang bzhin gyis kha na ma tho ba des mi gos par 'dod pa rnams kyis zhe sdang mi sdang mi skyed par btang snyoms su bzhag pa nyid legs te/ btang snyoms su gzhag na zhe sdang gi nyes pas gos par mi 'gyur ro zhes bya ba'i don to//theg pa chen po bsgrub pa'i skabs bshad pa rdzogs so// //skyabs su 'gro ba'i khyad par bsdus pa tshigs su bcad pa zhes bya ba la/ skyabs su 'gro zhes bya ba dang / byang chub tu sems bskyed ces bya ba dang / smon lam btab ces bya ba dag ni don gcig ste/de la nyan thos dang rang sangs rgyas rnams ni bdag yongs su mya ngan las 'da' bar bya ba'i phyir mchog gsum la skyabs su 'gro la brgya byin dang tshangs pa la sogs pa ni 'jig rten gyi longs spyod 'dod pa'i phyir skyabs su 'gro la/ mi rnams la yang 'jig rten gyi go 'phang dag 'dod pa'i phyir rgyal po la skyabs su 'gro ba dang /ri dwags la sogs pa rngon pas ded pa na srog las thar bar bya ba'i phyir ri dang phug la sogs par skyabs su 'gro ba yod mod kyi/ byang chub sems dpa' rnams ni dkon mchog gsum la skyabs su 'gro ba ni bdag dang gzhan gyi don gyi phyir skyabs su 'gro bas gzhan las khyad zhugs shing 'phags pa dang /skyabs su 'gro ba rgya cher rnal 'byor spyod pa'i sa las 'byung ba las/ 'dir don gces pa nyi tshe bsdus te bstan pas na bsdus pa zhes bya ba ste/ de las brtsams nas tshigs su bcad pa bstan to/ /theg pa sgrub pa'i skabs kyi 'og tu skyabs su 'gro ba'i khyad par gyi skabs bshad par 'brel ba ci yod ce na/gong du don shes pa dag don ston pa'i sgo nas chos la brgyan par byed do zhes smras pa dang / brgal ba gal te chos de rang bzhin gyis yon tan dang ldan na/ de la rgyan ci dgos zhes pa dang / brgal ba de'i lan du/ gzugs rnams rgyan dang rang bzhin legs ldan me long nang song na/ /zhes bya ba la sogs pa'i tshigs su bcad pa gcig gis don de nyid kyi rgyan du gtsug lag 'di gyur par bstan nas kyang / de'i zhar la sman la sogs pa'i dpe gsum gyis chos 'di la yon tan rnam pa gsum yod par yang bstan to//de ltar bstan pa dang de'i rjes la theg pa chen po 'di yang sangs rgyas kyi tshig kyang ma yin na de la yon tan lta ga la zhig yod ces de ltar log par zhugs pa la 'di nyid theg pa chen po yin gyi/ gzhan ma yin no zhes theg pa chen po sangs rgyas kyi tshig tu bsgrubs so//de ltar theg pa chen po bsgrubs pa dang / the tshom du gyur pa dang / mi shes pa'i gang zag rnams dga' ba dang mgu ba'i khyad par thob nas theg pa chen po 'di nyid 'tshang rgya bar 'gyur ba'i lam yin gyi gzhan ni ma yin no zhes de dag sangs rgyas par 'gyur ba'i thabs tshol bar byed de rim pa gang gis 'tshang rgya bar 'gyur ba'i rim pa ston te/de yang theg pa chen po bstan pa'i tshul gyis sangs rgyas la sogs pa dkon mchog gsum la skyabs su song ba'i rim pas/ bla na med pa'i byang chub btsal dgos pas na/ da skyabs su 'gro ba'i dbang du byas nas chos la ji ltar 'jug pa bstan te/theg pa chen po'i tshul gyis skyabs su song ba ni bdag dang gzhan bde ba phun sum tshogs pa thob pa'i rgyu yin no/ /kun tu song dang khas blangs rtogs dang zil gyis gnon/ /dbye ba'i rang bzhin rnam bzhi'i don gyi khyad par ston/ /theg chen mchog phyir dkon mchog rnams la skyabs song bas//de nyid skyabs su song ba'i mchog tu rig par bya/ /zhes bya ba la/ sems bskyed pa'i rang bzhin rnam pa bzhir dbye ba'i don gyi khyad par gyis na theg pa chen po'i tshul gyis sangs rgyas la sogs pa dkon mchog gsum la/ byang chub sems dpa' rnams skyabs su song ba de 'jig rten pa dang 'jig rten las 'das pa'i skyabs su song ba las khyad par rnam pa bzhis khyad zhugs pas na/skyabs su song ba gzhan pas mchog tu rig par bya'o/ /khyad par rnam pa bzhi ni kun du song ba'i khyad par dang / khas blangs pa'i khyad par dang / rtogs pa'i khyad par dang /zil gyis gnon pa'i khyad par ro/ /de la sems can thams cad bsgral bar bya ba'i phyir zhugs pas na kun du 'gro ba khyad zhugs so/ /sangs rgyas nyid thob par bya'o zhes khas len pas na khas len pa khyad zhugs so/ /bdag med pa nyid rtogs pas na rtogs pa khyad zhugs so//byang chub tu sems bskyed phan chad brgya byin la sogs pa 'jig rten pa dang / nyan thos la sogs pa 'jig rten las 'das pa thams cad zil gyis gnon pas na zil gyis gnon pa khyad zhugs te/ bzhi po 'di ni don zhib tu ni 'og nas 'chad do//de ltar skyabs su 'gro ba rnams kyi mchog 'di dka' ba mang pos bsgrub dgos na la la ni mi spro ba yod de skyabs su 'gro bar bya ba'i tshigs su bcad pa zhes bya ba la/ de ltar byang chub sems dpa' rnams bdag bla na med pa'i byang chub thob par bya ba dang / sems can yongs su bsgral bar bya ba'i phyir theg pa chen po'i tshul gyis dkon mchog gsum la skyabs su song ste/byang chub tu sems bskyed pa phan chad bskal pa grangs med pa gsum du mgo dang rkang lag la sogs pa btang dgos pa bsgrub dka' ste/ de bas na la la dag de la mi 'jug cing sems zhum par gyur pa yod pas sems zhum pa'i dbang du mi btang zhing phan pa dang don chen po yod par bstan pa'i sgo nas dga' ba dang spro ba bskyed pa'i phyir tshigs su bcad pa rtsom mo//gang phyir thog mar re ba bya dka' ste/ /zhes bya ba la/ re ba zhes bya ba ni/ byang chub tu sems bskyed pa dang / smon lam 'debs pa la bya'o//de la dang po so so skye bo'i dus na bdag bla na med pa'i byang chub tu sangs rgyas nas sems can thams cad 'khor ba'i dgon pa las bsgral te/ mya ngan las 'das pa dang thams cad mkhyen pa'i ye shes la gzhag par bya'o zhes khas blangs shing smon lam gdab pa yang shin tu dka'o zhes bya ba'i don to//bskal pa stong phrag du mar de bsgrub dka'o/ /zhes bya ba la/ de ltar byang chub tu sems bskyed nas kyang bla na med pa'i byang chub thob par bya ba dang / sems can yongs su bsgral bar bya ba'i phyir bskal pa grangs med pa gsum du mgo dang rkang lag la sogs pa phyi nang gi dngos po la btang ba'i sgo nas mos pas spyod pa'i sa nas rim gyis sa bcu man chad du bsgrub pa yang shin tu dka'o zhes bya ba'i don to//gang phyir sems can phan bya don phyir bsgrub/ /ces bya ba la/ de ltar byang chub tu sems bskyed nas bskal pa grangs med pa gsum du dka' ba spyod pa'i sgo nas sa bcu man chad bsgrubs te/sa bcu 'das nas/ sangs rgyas kyi sa thob pa dang ye shes gnyis su med pa mngon sum du gyur to/ /ye shes de ni sems can mya ngan las 'das par dgod pa dang / thams cad mkhyen pa'i ye shes la gzhag par bya ba'i thabs la mkhas pa yin te/ thabs des 'khor ba'i mtha'i bar du sems can sgrol bar byed pas na/sems can phan bya don chen grub/ /ces bya'o/ /de phyir theg chen 'di la skyabs don mchog/ /ces bya ba la gong du bshad pa ltar theg pa chen po'i tshul gyis byang chub tu sems bskyed nas dka' ba spyad nas mjug tu sems can thams cad la phan 'dogs pa'i thabs sangs rgyas thob pas na theg pa chen po'i sgor skyabs su song bas na de 'jig rten dang 'jig rten las 'das pa'i skyabs song ba bas kyang mchog yin no//tshigs su bcad pa 'dis mdor na don rnam pa gsum bstan te/ smon lam gyi khyad par dang / bsgrub pa'i khyad par dang /'bras bu thob pa'i khyad par ro/ /gang phyir thog mar re ba bya dka' ste/ /zhes bya bas smon lam gyi khyad par bstan to/ /bskal pa stong phrag du mar de bsgrub dka'/ /zhes bya bas sgrub pa'i khyad par bstan to/ /gang phyir sems can phan phyir don chen grub/ /ces bya bas 'bras bu thob pa'i khyad par bstan to//grags pa'i rgyur bstan to zhes bya ba ni dka' ba spyod pa rnam pa sna tshogs pa dang / sa dang pha rol tu phyin pa ni byang chub sems dpa'i spyod pa yin par grags te/ de nyid bla na med pa byang chub kyi rgyur bstan to zhes bya ba'i don to/ /sngar glengs pa'i thams cad du 'gro ba'i don gyi tshigs su bcad pa zhes bya ba la gong du kun tu 'gro ba la sogs pa'i khyad par bzhis theg pa chen po la skyabs su song ba ste/'jig rten dang 'jig rten las 'das pa'i skyabs su song bas 'phags so zhes glengs pa la kun tu 'gro ba'i don rgyas par bshad par bya ba'i tshigs su bcad pa rtsom mo zhes bya ba'i don to//sems can thams cad bsgral phyir gang bzhugs dang / /theg pa ye shes kun song mkhas par ldan/ /mya ngan 'das la 'khor zhing ro gcig pa/ /blo dang ldan pas kun 'gror 'di rig bya/ /zhes bya ba la kun tu 'gro ba rnam pa bzhi dang ldan pas kun tu 'gro ba khyad zhugs par rig par bya ste/kun tu 'gro ba bzhi ni/ sems can kun tu 'gro ba dang / theg pa kun tu 'gro ba dang / ye shes kun tu 'gro ba dang / mya ngan las 'das pa kun tu 'gro ba'o/ /de la nyan thos rnams ni bdag yongs su mya ngan las 'da' bar bya ba'i phyir zhugs la/byang chub sems dpa' rnams ni sems can thams cad 'khor ba'i sdug bsngal las bsgral nas mya ngan las 'da' bar bya ba'i phyir zhugs te/ 'dis ni sems can kun tu 'gro ba dang ldan par blta'o/ /nyan thos dag ni nyan thos kyi theg pa rtogs par bya ba'i phyir byang chub tu sems bskyed la/byang chub sems dpa' rnams ni nyan thos dang rang sangs rgyas kyi theg pa dang / theg pa chen po la mkhas par bya ba'i phyir sems bskyed de/ 'dis ni theg pa kun tu 'gro ba dang ldan par bstan to/ /nyan thos dag ni gang zag la bdag med pa tsam rtogs par bya ba'i phyir sems bskyed la/byang chub sems dpa' rnams ni gang zag dang chos la bdag med pa gnyis ka la mkhas par bya ba'i phyir sems bskyed de/ 'dis ni ye shes kun tu 'gro ba dang ldan par bstan to/ /nyan thos dag ni zhi ba phyogs gcig pa'i mya ngan las 'das pa thob par bya ba'i phyir sems bskyed la/byang chub sems dpa' rnams kyi mya ngan las 'das pa ni kun tu 'gro ba ste/ 'khor bar yang 'gro/ mya ngan las 'das par yang 'gro'o/ /de la 'khor ba ni phung po lnga'i rang bzhin no/ /zhi ba ni phung po lnga spangs pa'i mtshan nyid mya ngan las 'das pa'o//ro gcig pa ni 'khor ba'i rang bzhin gang yin pa de nyid mya ngan las 'das pa'i rang bzhin yang de'o/ /mya ngan las 'das pa'i rang bzhin gang yin pa 'khor ba'i rang bzhin yang de yin no zhes/ shes rab kyis ni mya ngan las 'das pa mi gtong / snying rjes 'khor bar mi gtong ste gnyi ga 'jug pas na mya ngan las 'das pa kun tu 'gro ba zhes bya'o//de'i yon tan dang nyes pa la rnam par mi rtog pa'i phyir ro zhes bya ba la/ shes rab kyis 'khor ba stong par mthong bas 'khor ba'i nyes pa la mi rtog/ /snying rjes sems can gyi don bya ba la dga' bas na mya ngan las 'das pa la yang yon tan du mi lta zhes bya ba'i don to//khas blangs pa'i don du tshigs su bcad pa zhes bya ba la/ kun tu 'gro ba'i don bshad nas/ khas blangs pa'i don rgya cher bshad pa'i phyir tshigs su bcad pa rtsom mo zhes bya ba'i don to/ /khas blangs pa'i don de yang khyad par rnam pa gsum gyis rig par bya ste/smon lam gyi khyad par dang / bsgrub pa'i khyad par dang / thob pa'i khyad par ro/ /dga' ba mang pos byang chub mchog tshol zhing / /zhes bya ba la/ nyan thos dag dkon mchog gsum la skyabs su song na bdag mya ngan las 'das pa thob par shog shig ces khas len na/byang chub sems dpa' rnams dkon mchog gsum la skyabs su song ba ni sangs rgyas gang la skyabs su song ba'i sangs rgyas de nyid kyi rang bzhin thob par shog shig ces khas len cing byang chub tu sems bskyed de/ 'dis ni smon lam gyi khyad par bstan to//ci'i phyir sangs rgyas nyid thob par bya bar sems bskyed ce na dga' ba mang po'i phyir te/ sangs rgyas bcom ldan 'das rnams kyi stobs dang / mi 'jigs pa la sogs pa'i yon tan thos nas dga' ba dang dad pa skyes te/ yon tan de lta bu dang ldan pa'i sangs rgyas de bdag gis thob par bya'o snyam du sems pa'i phyir ro//gang rnams skyo ba med par dka' ba spyod/ /ces bya ba la/ sems bskyed nas kyang sangs rgyas de thob par bya ba'i phyir mgo dang rkang lag la sogs pa'i gtang bar bya ba dka' ba spyod pa'i sgo nas mos pas spyod pa'i sa yan chad sa bcu man chad skyo ba med par khas len te/'dis bsgrub pa'i khyad par bstan to/ /rim par sangs rgyas kun mtshungs 'gro/ /zhes bya ba la de ltar sa bcu man chad rim gyis bsgrubs nas/ sangs rgyas kyi sar sangs rgyas par gyur pa dang / sangs rgyas kun dang sku mnyam pa dang / gsung mnyam pa dang / thugs mnyam pa dang / tshogs mnyam pa thob par 'gyur te/ 'dis ni 'bras bu'i khyad par bstan to/ /sku gsum brnyes pas na sku mnyam mo/ /ye shes bzhi brnyes pas na thugs mnyam mo/ /tshangs pa dang bya ka la ping ka'i dbyangs kyis so sor yang dag par rig pa bzhis ston pas na gsung mnyam mo//bsod nams dang ye shes kyi tshogs yongs su rdzogs par brnyes pas na tshogs mnyam mo/ /khas blangs mchog tu blo ldan de rig bya/ /zhes bya ba la blo ldan ni byang chub sems dpa' la bya ste/ khyad par rnam pa gsum dang ldan pa las na byang chub sems dpa'i khas blangs pa las ni nyan thos kyi khas blangs pa dag pas mchog tu gyur par rig par bya'o zhes bya ba'i don to//yang khas blangs pa'i khyad par du sangs rgyas sras kyi mchog tu skyes pa'i tshigs su bcad pa gzhan gyis bstan to zhes bya ba la/gong du yon tan rnam pa gsum gyis khyad par khas blangs pa khyad zhugs par bstan nas/ da yang tshigs su bcad pa gzhan gyis khas blangs pa de khyad zhugs par ston te/ de yang ji ltar zhe na/ nyan thos dang rang sangs rgyas kyi byang chub tu sems bskyed pa rnams kyang sangs rgyas kyi sras/zhes bya mod kyi/ de dag gsung las skyes pa'i sras zhes bya'i thugs las skyes pa'i sras zhes mi bya'o/ /bla na med pa'i byang chub tu sems bskyed pa'i sras rnams ni thugs las skyes pa'i sras yin pas sras kyi mchog tu skyes pa zhes bya ste/ sangs rgyas kyi sras kyi mchog tu skyes pa'i sgo nas kyang khas blangs pa'i khyad zhugs par ston to//sangs rgyas rnams kyi sras mchog tu ni gang skyes pa/ /sems dang shes rab dang ni tshogs ldan snying rje dang / /sa bon ma dang mngal gnas ma ma mtshungs pa med/ /de ni khas blangs mchog tu blo ldan shes par bya/ / zhes bya ba la/ 'di ltar 'khor los sgyur ba'i rgyal po'i sras kyang yon tan rnam pa bzhi dang ldan pa dang / 'khor los sgyur ba'i rigs mi gcod par gnas pa yin te/ bzhi gang zhe na/ sa bon phun sum tshogs pa dang / ma phun sum tshogs pa dang / mngal phun sum tshogs pa dang / ma ma phun sum tshogs pa'o/ /de la sa bon phun sum tshogs pa ni 'khor los sgyur ba'i rgyal po nyid kyis sa bon dang khu ba gzhag gi gzhan gyis ni ma yin no/ /ma phun sum tshogs pa yang sa bon de yang btsun mo dam pa la gzhag gi bran mo ngan pa la sogs pa la mi bzhag pa'o/ /de ltar na pha phun sum tshogs pa dang /ma phun sum tshogs par 'gyur la/ mngal gyi gnas kyang rlung dang mkhris pa dang bad kan la sogs pas nyams par yang ma byas pa'o/ /de ltar na zhag dang zla ba la sogs pa tshang nas mngal yongs su rdzogs te/ bde bar skyes nas kyang gal te ma mas bkru ba dang /nu ma snun pa la sogs pa zhal ta legs par byed pa'i lag tu song ste/ rim gyis skyes nas 'khor los sgyur ba'i rigs mi gcod par gnas par 'gyur ro/ /de dang 'dra bar byang chub sems dpa' rnams mtshungs pa med pa rnam pa bzhi dang ldan par sangs rgyas kyi sras su skyes pa/de nyan thos la sogs pa'i khas blangs pa pas khas blangs pa'i mchog tu rig par bya ste/ mtshungs pa med pa rnam pa bzhi ni/ sa bon mtshungs pa med pa dang / ma mtshungs pa med pa dang / mngal gyi gnas mtshungs pa med pa dang / ma ma mtshungs pa med pa'o//theg pa chen po la brten pa'i byang chub sems dpa' rnams kyi bla na med pa'i byang chub tu 'tshang rgya ba'i sa bon ni byang chub kyi sems te/ de yang byang chub sems dpa'i rigs la gnas pas byang chub tu sems bskyed nas sa bon du 'gyur te/ nyan thos dang rang sangs rgyas kyi rigs can nam/rigs med pas sems bskyed na ni sa bon du mi 'gyur ro/ /sa bon de yang gal te pha rol tu phyin pa drug la/ shes rab kyi pha rol tu phyin pa mar 'gyur gyi pha rol tu phyin pa gzhan mar gyur na sangs rgyas kyi gdung mi gcod par 'gyur ro/ /de la yang bsod nams dang ye shes kyi tshogs mngal gyi gnas lta bu dang ldan na 'tshang rgya ste ci'i phyir zhe na/bsod nams dang ye shes kyi tshogs ni bla na med pa'i byang chub tu 'tshang rgya ba'i rten du gyur pa yin pa'i phyir ro/ /bsod nams dang / ye shes kyi tshogs kyang de'i mi mthun pa'i phyogs su gyur pa ser sna la sogs pas dri ma can du ma byas na gdod 'tshang rgya ba'i rten du 'gyur gyi/mi mthun pa'i phyogs kyi dri ma can du gyur pa'i rten du mi 'gyur ro/ /de ltar sangs rgyas kyi rigs su skyes nas kyang gal te snying rje chen pos ma ma byas te mya ngan las 'das pa'i mthar ma ltung bar 'khor ba nas byang chub sems dpa'i spyod pa rgyun ma bcad na 'tshang rgya bar 'gyur te/de ltar yon tan rnam pa bzhi dang ldan par skyes pa dang / sangs rgyas kyi gdung mi gcod par gnas pa yin no/ /de ni mngon par skyes pa'i khyad par gyis/ /zhes bya ba la/ yon tan rnam pa bzhi dang ldan par skyes pa ni/ nyan thos dang rang sangs rgyas las 'phags par skyes pa yin pas mngon par skyes pa'i khyad par can yin no/ /legs par skyes pa de nyid/ lus kyi khyad par gyis khyad par can du byas pas khas len pa de nyid kyi khyad par tshigs su bcad pa gzhan gyis bstan to zhes bya ba la/ yon tan rnam pa bzhi dang ldan par skyes pa de nyid legs par skyes pa zhes bya ste/legs par skyes pa'i byang chub sems dpa' de 'jig rten pa brgya byin la sogs pa dang 'jig rten las 'das pa nyan thos la sogs pa'i lus bas kyang lus khyad zhugs par 'thob pas khas len pa de khyad par du 'phags par bstan pa de'i tshe tshigs su bcad pa rtsom mo//sna tshogs mtshan rnams kun gyis lus brgyan cing / /sems can thams cad smin bya'i phyir ni de stobs thob/ /sangs rgyas rnams kyi zhi ba bde chen mtha' yas rnyed/ /sems can thams cad bskyab phyir thabs chen bshams pa shes/ /zhes bya ba la dper na 'khor los sgyur ba'i rgyal po'i sras su skyes na yon tan rnam pa bzhi dang ldan pa'i lus kyi khyad par 'thob ste/bzhi gang zhe na/ mi phal pa dang mi 'dra ba'i mtshan gyis brgyan pa'i lus thob pa dang / rgyal phran gzhan tshar gcod pa'i ldan pa thob pa dang / rgyal po'i srid kyi longs spyod kyi bde ba thob pa dang /rgyal srid kyi gtsug lag dang / rig pa'i gnas thams cad la mkhas pa'i ye shes kyang thob bo/ /de dang 'dra bar sangs rgyas kyi sras su skyes pa byang chub sems dpa' rnams mtshan sum cu rtsa gnyis dang / dpe byad bzang po brgyad cus brgyan pa'i lus thob pas na gzugs bzang po'i khyad par dang ldan te/sna tshogs smos pa ni 'khor los sgyur ba'i rgyal po la yang mtshan dang dpe byad yod mod kyi/ de bas 'phags par bstan pa'i phyir sna tshogs smos te/ ji ltar 'phags she na/ rnam pa gsum gyis 'phags te gnas na gnas pa dang / yongs su gsal ba dang / yongs su rdzogs pas 'phags so/ /dper na 'khor los sgyur ba'i rgyal po'i sras de dgra'i tshogs rnams gzhom par nus pa'i lus kyi rtsal dang ldan pa bzhin du/ byang chub sems dpa' de yang sems can ma dad pa rnams dad par bya ba dang / dad pa rnams sa bcu la bkod de/ yongs su smin par bya ba'i lus ngag yid gsum gyi mthu dang ldan te/de bas na stobs khyad zhugs so/ /dper na 'khor los sgyur ba'i sras su skyes pa de longs spyod kyi bde ba phun sum tshogs pa bde ba myong bar 'gyur ba bzhin du sangs rgyas kyi sras su skyes pa'i byang chub sems dpas kyang / nyon mongs pa dang shes bya'i sgrib pa thams cad spangs pa'i mtshan nyid kyi bde ba ye shes dang /theg pa chen po'i ting nge 'dzin dpag tu med pa dang / stobs dang / mi 'jigs pa la sogs pa'i bde ba myong bar 'gyur te/ de bas na bde ba'i khyad par dang yang ldan no/ /de dper na 'khor los sgyur ba'i rgyal po'i sras rgyal srid kyi gtsug lag dang /rig pa'i gnas la mkhas pa bzhin du/ byang chub sems dpa' sangs rgyas kyi sras su skyes pa rnams kyang / sems can thams cad 'khor ba'i btson ra nas bsgral zhing mya ngan las 'das pa la 'khod par bya ba'i thabs gang yin pa mkhyen te/de bas na ye shes kyi khyad par dang yang ldan no/ /thabs ni shes rab dang snying rje'o/ /de la shes rab dang ldan pas 'khor ba na gnas kyang 'khor ba'i nyes pas mi gos/ snying rje dang ldan pas nyan thos bzhin du mya ngan las 'das pa 'ba' zhig tu mi ltung ngo / /yang legs par skyes pa de nyid sangs rgyas kyi rigs mi gcod par tshigs su bcad pa gzhan gyis bstan to zhes bya ba la yon tan rnam pa bzhi dang ldan par skyes pa ni legs par skyes pa ste/dper na 'khor los sgyur ba'i rgyal po'i sras yon tan rnam pa bzhi dang ldan na 'khor los sgyur ba'i rgyal po'i rigs rgyun mi gcod pa bzhin du byang chub sems dpa' yang yon tan rnam pa bzhi dang ldan na sangs rgyas kyi gdung mi gcod par gnas pa'i tshigs su bcad pa rtsom mo//yon tan rnam pa bzhi ni dbang bskur ba thob pa dang dbang thob pa med pa dang / lhag par bya ba brtags pa la mkhas pa dang /tshar bcad pa dang / phan 'dogs par byed pa'o/ /sangs rgyas kun gyi 'od zer chen pos dbang bskur byin/ /zhes bya ba la 'khor los sgyur ba'i sras su legs par skyes pa de rgyal tshab tu dbang bskur ba thob pa bzhin du/ byang chub sems dpa' sangs rgyas kyi sras su skyes pa de dag kyang sa bcu pa chos kyi sprin thob pa'i dus na phyogs bcu'i de bzhin gshegs pa thams cad phyogs bcu'i 'od zer gyis chos kyi rgyal po'i rgyal tshab tu dbang bskur ba thob par 'gyur te/'dis ni dbang bskur ba thob par bstan to/ /de ni chos la dbang ba kun dang shin tu ldan//zhes bya ba la/ dper na 'khor los sgyur ba'i rgyal po'i sras rgyal tshab tu dbang bskur phan chad 'bangs dkor kha cig la ni dbang ba kun la mi dbang zhes bya ba med par thams cad la dbang ba de bzhin du/ sa bcur byang chub sems dpa' dbang bskur ba thob phan chad ji snyed du shes par bya ba dang /spang bar bya ba dang / mngon du bya ba dang / bsgom par bya ba'i chos thams cad mngon du gyur pa'i ye shes dang ldan te/ 'di ni dbang thogs pa med par bstan to/ /sangs rgyas 'khor gyi dkyil 'khor ston pa'i rnam par shes pa zhes bya ba la/ dper na 'khor los sgyur ba'i rgyal po'i sras de 'bangs rnams la don ci dang ci lta ba la mkhas pa dang /rgyal po'i gtsug lag dang / bzo'i gnas la mkhas pa bzhin du/ dbang bskur ba thob pa'i byang chub sems dpa' rnams kyang sangs rgyas kyi 'khor dge slong pha dang / dge slong ma la sogs pa'i nang du chos dang ci bstan pa shes pa dang /'khor de dag gdul bar bya ba'i thabs kyang shes par 'gyur te/ 'dis ni lhag par bya ba brtag pa la mkhas par bstan to/ /bslab pa bcas pas phan gdags pa dang tshar gcod byed/ /ces bya ba la/ bslab pa bcas pa ni mkhas pa'i lhag pa'i tshul khrims kyi bslab pa bstan pa'o//dper na dbang bskur ba thob pa'i 'khor los sgyur ba'i rgyal po'i sras nyes pa byed pa rnams tshar gcod cing chad pas gcod par yang nus la legs par byed pa rnams phan gdags shing bya dga' byin pa de bzhin du dbang bskur ba thob pa'i byang chub sems dpa' rnams kyang tshul khrims la gnas shing yon tan dang ldan pa rnams la phan 'dogs shing gzengs bstod par yang nus la bslab pa la mi gnas shing skyon dang ldan pa rnams la tshar gcod cing chad pas gcod par yang nus te/'dis ni tshar gcod cing phan 'dogs par byed pa bstan to//yang khyad par de blon po chen po lta bu'i tshigs su bcad pa gzhan gyis bstan te zhes bya ba la/ theg pa chen po'i tshul du khas blangs pa'i khyad par de blon po chen po'i tshul dang 'dra bas bstan te/ de la don rnam pa bzhi byed pa ni blon po chen po'o/ /bzhi gang zhe na/nang na spyod pa dang / mdzod thams cad kyi spyan pa dang / blo gsang ba la yid brtan pa dang / bsgo ba la dbang ba'o/ /de dang 'dra bar theg pa chen po'i sgor sems bskyed pas yang don rnam pa de bzhi byed pas na blon po chen po dang 'dra bar bstan pa'i phyir tshigs su bcad pa rtsom mo/ / blon po chen po lta bur pha rol phyin la 'jug pa'i phyir/ /zhes bya ba la/ dpen na rgyal po'i blon po chen po rgyal pos thugs brtan par bya ba'i gnas yin pas zhal ta dag byed cing btsun mo dam pa'i nang du yang 'jug pa de bzhin du/ byang chub sems dpa' yang de bzhin gshegs pas thugs brtan pa'i gnas yin pas pha rol tu phyin pa bcu la sogs pa'i nang du 'jug cing spyod par byed do zhes bya ba'i don to//byang chub chen po'i phyogs rnams rgya chen rtag tu spyan yang byed/ /ces pa la/ dper na rgyal po'i blon po chen po nor rin po che rnam pa sna tshogs kyi bang mdzod rnams mi 'khyams pa dang /mi brlag par bya ba'i phyir rtag tu sbyin byed cing nyul bar byed pa de bzhin du/ byang chub sems dpa' rnams kyang bla na med pa'i byang chub thob par byed pa'i rgyu byang chub kyi phyogs sum cu rtsa bdun gyi chos rgya chen po lang kar gshegs pa la sogs pa'i mdo sde de dang de dag nas 'byung ba rnams la rtag tu spyan byed de/mi brjed par sems la 'dzin par byed do/ /gsang ba'i gnas kyang rnam gsum rtag par shin tu 'dzin pa'i phyir/ /zhes bya ba la/ dper na rgyal po'i blon po chen po gsang ba la yid brtan pas bka' bgros pa gsang ba thams cad kyi nang du yang 'jug cing /rgyal po'i gsang ba thams cad kyang 'dzin pa de bzhin du byang chub sems dpa' chen po rnams kyang de bzhin gshegs pa'i gsang ba'i gnas gsum rtag tu 'dzin te/ gsang ba gsum ni/ sku gsang ba dang / gsung gsang ba dang / thugs gsang ba'o//de la sku gsang ba ni lo nyes chen po dag gi tshe/ byang chub sems dpa' chen po rnams kyis nya chen po'i lus bstan nas sems can gsos pa dang / nad kyi bskal pa dag gi dus na sman pa chen po lha'i lus lta bur bstan pa la sogs pa'o/ /gsung gsang ba ni byin gyis brlabs nas rtsig pa dang /shing dang nam mkha' la sogs pa las kyang dam pa'i chos 'chad pa'i sgra 'byung ba'o/ /thugs gsang ba ni byin gyis brlabs nas sems can blun po dag gis kyang chos zab mo'i don rtogs pa'o/ /sems can mang po'i don kyang rtag tu rgyun mi 'chad par byed/ / ces bya ba la/ dper na rgyal po'i blon po chen po rgyal po'i bya ba thams cad kyang byed cing 'bangs chab 'og tu gtogs pa rnams skyong zhing tshim par byed pa de bzhin du/ byang chub sems dpa' rnams kyang ji srid du khams gsum du sems can thams cad la snying rjes khyab par byas nas mi dge ba las bzlog cing dge ba la gzhag par bya ba'i don dang mya ngan las 'das par gzhag par bya ba'i don rtag tu rgyun mi 'chad par byed de/tshe rabs gcig nas gcig tu gar skyes kyang las byed pas na rtag tu byed pa zhes bya'o/ /skad cig ma re re la yang breng ma chad par byed pas na rgyun ma chad par byed pa zhes bya'o//rtogs pa'i don du tshigs su bcad pa zhes bya ba la/ kun tu 'gro ba'i don dang khas len pa'i don bstan nas/ da ni rtogs pa'i don rgya cher bstan par bya ba'i phyir tshigs su bcad pa rtsom mo/ /theg pa chen po 'dir skyabs su song na don mdor na gang zag dang chos la bdag med par rtogs par 'gyur la zhib tu ni yon tan rnam pa brgyad rtogs par 'gyur ro zhes bya ba'i don to//bsod nams phung chen zhes bya ba la/ dang po nyid du zab cing rgya che ba'i theg pa chen po'i mdo sde la mos pa'i shugs kyis dad pa chen po byung ba'i tshe na ni nam mkha'i khams dang sems can gyi mtha' ji tsam pa'i bsod nams kyi tshogs kyang thob par 'gyur te/'di ni yon tan rnam pa gcig go/ /srid gsum bla na zhes bya ba ni de ltar mos nas bdag dang gzhan gyi don du bla na med pa'i byang chub tu sems bskyed pa'i dus na ni 'dod pa'i khams dang gzugs kyi khams dang / gzugs med pa'i khams kyi sems can kun las 'phags par 'gyur te/'di ni yon tan gnyis pa'o/ /srid pa'i bde ba dang zhes bya ba la bdag dang gzhan gyi don du las dang nyon mongs pa'i dbang gis skye ba ni ma yin gyi shes bzhin du ni srid par skye ba yongs su 'dzin pa'i dus na lha dang mi'i longs spyod phun sum tshogs pa myong bar 'gyur te/'di ni yon tan gsum pa'o/ /sdug bsngal phung po rab zhi zhes bya ba la gang gi phyir sa dang po khong du chud pa na chos kyi dbyings kun tu 'gro ba'i mtshan nyid du rtogs so/ /de ltar rtogs pas na bdag dang gzhan mnyam pa nyid kyi sems thob ste/ dga' ba'i mchog kyang rnyed do/ /de bas na sa dang po'i nges pa'i tshig tu'ang sa rab tu dga' ba zhes bya ste/ dang po nyid du bdag dang gzhan gyi don sgrub pa'i nyes pa rnyed pa'i phyir ro/ /de ltar chos kyi dbyings kun tu 'gro ba'i mtshan nyid du rtogs pa des bdag dang sems can thams cad kyi sdug bsngal gyi phung po zhi bar byed do//de'i tshe na bdag nyid 'jigs pa lnga las 'das pas na bdag gi sdug bsngal gyi phung po chen po zhi'o/ /bdag bzhin du sems can rnams kyi 'jigs pa lnga yang med par byed pas na sems can gyi sdug bsngal gyi phung po yang zhi bar byed/ 'jigs pa lnga ni 'tsho ba med pa'i 'jigs pa dang /tshigs su bcad pa med pa'i 'jigs pa dang / 'khor gyi 'jigs pa dang / ngan 'gror ltung ba'i 'jigs pa dang / 'chi 'pho'i 'jigs pa ste/ 'di ni yon tan bzhi pa'o/ /blo mchog bde ba dang zhes bya ba la/ sa brgyad la mi skye ba'i chos la bzod pa thob pa'i dus na lhun gyis grub pa rnam par mi rtog pa'i ye shes kyi snang ba chen po thob pas na/chos mchog bde ba thob pa zhes bya ste/ 'di ni yon tan lnga pa'o/ /de la rnam par mi rtog pa'i ye shes la lhun gyis grub par gnas pa'i dpe yang rgya mtsho'i gru bo ches bstan pa lta bu'o/ /blo mchog bde ba dang zhes bya ba la/chos chen phung po mchog rab rtag pa'i sku ste dge ba'i tshogs/ /bag chags las kyang bzlog cing srid zhi rnam par grol ba thob/ /ces bya ba la/ de nas sa bcu 'das nas sangs rgyas kyi sar chen po'i phung po mchog rab rtag pa'i sku dge ba'i tshogs kyang 'thob ste/'di ni yon tan drug pa'o/ /sangs rgyas kyi sar bag chags thams cad bzlog pa yang 'thob ste/ 'di ni yon tan bdun pa'o/ /srid zhi rnam par grol ba yang 'thob ste/ 'di ni yon tan brgyad pa'o/ /chos kyi sku de gsung rab yan lag bcu gnyis 'byung ba'i 'byung gnas yin pas chos chen phung po zhes bya'o//chos chen sku ste nyan thos kyi rnam par grol ba'i sku dang / 'jig rten dang 'jig rten las 'das pa'i chos thams cad kyi phul du gyur pas mchog rab ces bya'o/ /chos kyi sku de 'khor ba'i mtha' dang / sems can gyi mtha' dang nam mkha'i mtha'i bar du gnas pas rtag pa'i sku zhes bya'o//sangs rgyas kyi sa'i dus na gang zag la bdag med par rtogs pas ni nyon mongs pa'i bag chags spangs/ chos la bdag med par rtogs pas ni shes bya'i bag chags spangs pas bag chags thams cad las kyang bzlog pa'o//sangs rgyas kyi sa'i dus na mi gnas pa'i mya ngan las 'das pa thob pas srid zhi rnam par grol ba zhes bya ste/ srid pa ni 'khor ba ste/ 'khor ba las rnam par grol zhing 'khor ba la'ang mi gnas so/ /zhi ba ni mya ngan las 'das pa ste mya ngan las 'das pa las rnam par grol zhing mya ngan las 'das pa la yang mi gnas so zhes bya ba'i don to//de la shes rab dang ldan pas ni 'khor ba na gnas kyang 'khor ba'i nyes pas mi gos pas na 'khor ba na mi gnas so/ /snying rje dang ldan pas nyan thos bzhin mya ngan las 'das pa 'ba' zhig tu ma zhugs pa'i phyir mya ngan las 'das pa la mi gnas pas so//'di zhi bar byed pas na rab tu zhi ba'o zhes pa ni sa dang por chos kyi dbyings kun tu 'gro bar shes nas bdag dang gzhan mnyam pa nyid thob pa'i ye shes kyis bdag dang gzhan gyi 'jigs pa lnga rab tu zhi bar byed pas na ye shes la rab tu zhi ba zhes bya'o/ zil gyis gnon pa'i don du tshigs su bcad pa zhes bya ba la/ kun tu 'gro ba la sogs pa'i don gsum bshad nas zil gyis gnon pa'i don rgyas par bstan pa'i phyir tshigs su bcad pa rtsom ste/ theg pa chen po la skyabs su song na dge ba rnam pa bzhis nyan thos la sogs pa zil gyis gnon par byed do zhes bya ba'i don to//blo ldan dge ba rgya ches nyan thos mang po zil gyis gnon/ /don chen mtha' yas rtag tu rgyun mi 'chad cing mi zad pas/ /zhes bya ba'i tshigs bcad rkang pa phyed kyi bshad pas ni/ dge ba'i 'jig rten ma yin de yang smin par byed/ /phun sum tshogs pa rnyed pa phung po zhi bas mi zad pa//zhes bya ba'i tshigs su bcad pa phyed kyis bshad de/ blo dang ldan pa ni byang chub sems dpa' rnams la bya'o/ /byang chub sems dpa' rnams dang po byang chub tu sems bskyed pa'i dge ba nas mos pas spyod pa'i sa 'jig rten gyi chos mchog man chad kyi 'jig rten pa'i dge ba ni nyan thos kyi dge ba ltar mya ngan las 'das pa'i phyogs 'ba' zhig tu 'jug pa ma yin gyi sems can thams cad kyi don du 'khor bar 'jug pa'i rgyu yang byed pas rgya che ba'i phyir nyan thos thams cad zil gyis gnon to//sa dang po nas sa bdun man chad kyi 'jig rten las 'das pa'i dge ba ni bla na med pa'i byang chub par byed pa'i phyir don che ba ste/don che ba'i phyir nyan thos thams cad zil gyis gnon to zhes bya ba'i don to/ /sa brgyad pa yan chad ni rnam par mi rtog pa'i ye shes lhun gyis grub pa la gnas pas na dge ba'i rtsa ba rnams yongs su smin par byed/'bru rnams yongs su smin par byed pa'i tshe mang du 'phel ba dang 'dra ba de yan chad dge ba'i rtsa ba smin pas stobs dang mi 'jigs pa dang / ma 'dres pa dang / sa dang pha rol tu phyin pa la sogs pa'i yon tan mtha' yas pa 'phel bar 'gyur te/ des na rtag tu sangs rgyas kyi mdzad pa rgyun mi 'chad par mdzad cing dam pa'i chos 'chad pa rgyun mi 'chad par mdzad pas kyang nyan thos rnams zil gyis gnon to zhes bya ba'i don to//de nas sangs rgyas kyi sar stobs dang mi 'jigs pa dang / ma 'dres pa la sogs pa'i yon tan phun sum tshogs pa rnyed pa yang phung po zhi ba ste/phung po'i lhag ma ma lus par spangs pa'i mya ngan las 'das par zhugs kyang zad cing mthar thug par mi 'gyur te/ mi zad pa'i phyir yang nyan thos rnams zil gyis gnon to/ /skyabs su 'gro ba bstan pa'i tshigs su bcad pa zhes bya ba la/gong du ni theg pa chen por skyabs su song ba de kun 'gro ba la sogs pa'i khyad par bzhi dang ldan pas 'jig rten dang 'jig rten las 'das pa'i skyabs su 'gro bas khyad zhugs so zhes bstan nas/ da ni skyabs su 'gro ba'i rang bzhin dang / rgyu dang 'bras bu dang las dang ldan pa dang / rab tu dbye ba bstan pa las brtsams nas tshigs su bcad pa rtsom mo/ /de ni de'i dngos 'dod phyir ni khas len zhes bya ba nyan thos dag dkon mchog gsum la skyabs su 'gro ba ni bdag 'khor ba'i sdug bsngal las thar bar gyur cig ces bdag yongs su bskyab par bya ba'i phyir skyabs su 'gro ba'o//byang chub sems dpa' rnams dkon mchog gsum la skyabs su 'gro ba ni/ sangs rgyas gang la skyabs su song ba'i sangs rgyas de'i rang bzhin nyid grub par bya ba'i phyir skyabs su 'gro bar khas len te/ sangs rgyas 'di sems can thams cad kyi skyabs su gyur pa de bzhin du bdag kyang sems can thams cad kyi sdug bsngal zhi bar bya ba'i phyir sangs rgyas nyid du gyur cig ces khas len te/de ltar khas len pa ni rang bzhin no/ /snying rje'i phyir yang rig par bya/ /zhes bya ba la sangs rgyas grub par gyur cig ces khas len pa yang sems can sdug bsngal ba rnams la snying rje'i rgyus khas lan te/snying rje ni skyabs su 'gro ba'i rgyu yin par rig par bya'o/ /de'i phyir thams cad mkhyen pa zhes bya ba la/ de ltar skyabs su 'gro ba'i rang bzhin dang rgyu bskyed nas sa bcu rim gyis bsgrubs nas sangs rgyas kyi sar ye shes bzhi'i bdag nyid thams cad mkhyen pa 'thob pa ste/de ni skyabs su 'gro ba'i 'bras bu'o/ /phan pa byed cing dka' byed yongs mi skyo/ /zhes bya ba la/ sangs rgyas su grub nas sems can la phan par byed pa dang bde bar byed pa dang / dka' ba spyod pas yongs su mi skyo ba ni skyabs su 'gro ba'i lam yin no/ /tshe 'dir zang zing rnam pa sna tshogs kyis phan btags te/mi dge ba las bzlog cing dge ba la bzhag pa ni phan par byed pa'o/ /tshe rabs gzhan du lha dang mi'i longs spyod dang mya ngan las 'das pa la bkod pa ni bde bar byed pa'o/ /sems can gyi don du lus dang srog la phangs pa med par mgo dang rkang lag la sogs pa gtong ba ni dka' ba byed pas mi skyo ba zhes bya'o//theg pa kun gyis 'byung zhing so sor 'brang zhing rtag tu yon tan ldan/ /zhes bya ba la/ theg pa gsum gyi thabs kyis sems can rnams khams gsum las bsgral bar bya ba'i sems can so so nas sdug cing phongs pa rnams kyi skyabs dang mgon rgyun mi 'chad par byed pa'i yon tan dang ldan te/'dis ni ldan pa bstan to/ /so sor 'brang zhes bya ba ni sems can rnams kyi skyabs dang mgon du gyur pa zhes bya ba'i don to/ /byang chub tu sems bskyed pa la phye na du yod pa bstan pa'i phyir/ brda dang chos nyid thob pa'i blo ldan rnams kyi skyabs su 'gro ba mchog//ces smos te/ byang chub sems dpa'i skyabs su 'gro ba phye na rnam pa gnyis te/ brdas thob pa dang / chos nyid kyis thob pa'o/ /de la mkhan po dang slob dpon las blangs pa'i byang chub kyi sems ni brdas thob pa zhes bya'o/ / byang chub sems dpas sa dang po thob nas chos kyi dbyings thams cad du 'gro ba'i mtshan nyid rtogs te dge ba'i bshes gnyen la ma brten par smon lam chen po bcu la sogs pa ni chos nyid kyis thob pa zhes bya ste/ des rab tu dbye ba bstan to/ /de la rnam pa gnyis su dbye ste/ chen po dang phra mo'i khyad par du'o//brdas thob pa ni mkhan po dang slob dpon las sgra'i sgo nas blangs pas chen po dang rags pa zhes bya'o/ /chos nyid kyis thob pa ni chos nyid kyi don rtogs pa las rnyed pas phra ba dang zab pa zhes bya'o/ /skyabs su 'gro ba sgrub pa'i khyad par gyis tshigs su bcad pa zhes bya ba la gong du skyabs su 'gro ba'i yon tan dang rang bzhin la sogs pa bshad nas/da ni dkon mchog gsum la skyabs su song ste/ sa dang pha rol tu phyin pa la sogs pa sgrub pa de nyan thos dag kyang skyabs su song nas/ lhag pa'i tshul khrims dang / lhag pa'i sems dang / lhag pa'i shes rab bsgrub pa bas khyad zhugs par bstan pa'i phyir tshigs su bcad pa rtsom mo//skyabs su 'gro ba 'dir song don chen te/ /zhes bya ba la 'di zhes bye ba theg pa chen po dang sbyar te/ theg pa chen po 'dir theg pa chen po'i tshul gyis dkon mchog gsum la skyabs su song na bdag gi don phun sum tshogs pa dang /gzhan gyi don phun sum tshogs pa 'grub par 'gyur bas don che ba zhes bya'o/ /yon tan mang po dpag med 'phel bar 'gyur/ /zhes bya ba la de ltar byang chub tu sems bskyed nas sa rim pas bsgrubs nas sangs rgyas kyi sar mngon par sangs rgyas nas stobs dang /mi 'jigs pa dang ma 'dres pa dang byang chub kyi phyogs la sogs pa'i yon tan dpag tu med pa 'thob par 'gyur te/ de ltar bdag gi don phun sum tshogs pa grub par 'gyur ba'i phyir don che bar bstan no/ /theg pa chen por skyabs su song na gzhan gyi don phun sum tshogs pa yang 'grub pas don che ste/gzhan gyi don phun sum tshogs pa bsgrub pa yang bsam pa phun sum tshogs pa dang / sbyor ba phun sum tshogs pas bsgrub pa bstan pa'i phyir/'gro ba 'di dag snying rje bsam mi khyab/ /mtshungs med 'phags chen chos kyang rgyas par byed/ / ces bya ba smos te/ snying rje chen po'i bsam pas sems can thams cad la bye brag med par 'khor ba'i sdug bsngal las bsgral bar bya'o snyam du sems te/ 'dis ni bsam pa phun sum tshogs pa bstan to/ /de ltar bsams nas byang chub sems dpa'i rigs kyi gang zag rnams la mtshungs pa med par 'phags pa chen po'i chos phyogs bcu thams cad du rgyas par ston cing 'chad par byed de/'dis ni sbyor ba phun sum tshogs pa bstan to/ /bdag dang gzhan gyi don phun sum tshogs pa 'byung ba'i theg pa chen po de nyan thos dang rang sangs rgyas kyi theg pa pas khyad zhugs par 'phags pas mtshungs pa med pa zhes bya'o//nyan thos la'ang 'phags pa zhes gdags/ rang sangs rgyas la'ang 'phags pa zhes gdags/ sangs rgyas dang byang chub sems dpa' la yang 'phags pa zhes bya la/ sangs rgyas dang byang chub sems dpa'i nyan thos dang rang sangs rgyas rnams las kyang 'phags pa yin pas 'phags pa chen po zhes bya ste theg pa chen po 'di 'phags pa de dag gi chos yin pas na theg pa chen po la 'phags pa chen po'i chos zhes bya'o//dpag tu med pa dang rtog ge dang grangs dang dus dpag tu med par rig par bya ste zhes bya ba la/ de bzhin gshegs pa'i yon tan ni rtog ge pa rnams kyi mngon sum dang rjes su dpag pa'i tshad mas 'di tsam zhig yod do zhes 'chad cing dpag par mi nus pa dang /grangs kyi sgo nas kyang grangs 'bum zhe'am bye ba yod ces dpyad par mi nus pa dang / dus kyi sgo nas kyang bskal pa grangs med par smras te brjod na yang mthar phyin par mi 'gyur bas na dpag tu med pa zhes bya'o//skyabs su 'gro ba'i skabs bshad pa rdzogs so// //skyabs su 'gro ba'i skabs kyi rjes la rigs kyi skabs bshad par 'brel ba ci yod ce na/ gong du skyabs su 'gro ba'i bshad pa'i mjug tu/ skyabs su 'gro ba 'dir song don chen te//yon tan mang po dpag med 'phel bar 'gyur/ /'gro ba 'di dag snying rje'i bsam pas khyab/ /mtshungs med 'phags chen chos kyang rgyas par byed/ /ces smras pa'i tshigs su bcad pas/ /theg pa chen po la skyabs su song bas ni bdag dang gzhan gyi don phun sum tshogs pa 'grub par byed pas don che ba bstan to//de ltar bdag dang gzhan gyi don phun sum tshogs pa 'grub par byed pa de yang nges pa med de/ sangs rgyas la sogs pa la nyan thos dang rang sangs rgyas kyi rigs can dang rigs med pa kun gyis theg pa chen po la skyabs su/ / song na thams cad kyis don chen po de 'thob pa'am/ 'on te nges pa yod de kun skyabs su song yang skyabs su song ba kha cig don chen po de 'grub kyi skyabs su song ba kun gyis mi 'grub ste/ nges pa yod dam zhe na/ lan du nges pa yod de/ sangs rgyas kyi rigs can rnams skyabs su song na ni bdag dang gzhan gyi don phun sum tshogs pa dang yon tan gyi tshogs rnams 'phel bar 'gyur gyi nyan thos dang rang sangs rgyas kyi rigs can dang /rigs med pa la sogs pas theg pa chen po'i tshul du skyabs su song yang yon tan de dag 'thob par mi 'gyur te/ de bas na skyabs su 'gro ba'i skabs kyi rjes la rigs kyi skabs bshad par 'brel to//yang na ma nges pa'i rigs can dag theg pa chen por skyabs su song na don chen po de 'thob ste/ ma nges pa'i rigs can la ni dge ba'i bshes gnyen gyi mthar phyin du bsgral na gdod don chen po de 'thob kyi/byang chub sems dpa'i spyad pa spyod pa las nyan thos la sogs pa'i bshes gnyen gyis drangs nas theg pa gzhan du yang 'tshang rgya bas gcig tu nges pa ni med do/ /yang na rigs 'di ni byang chub tu sems bskyed pa dang / pha rol tu phyin pa la spyod pa dang mngon par 'tshang rgya bar 'gyur ba'i skal ba can zhes bya ste/de bas na rigs ni chos de dag thams cad kyi sa bon yin no/ /sa bon med par 'bras bu 'byung bar ma mthong ste/ de bas na rigs ni gong du skyabs su 'gro ba dang 'og nas byang chub tu sems bskyed pa la sogs pa 'byung ba'i chos rnams kyi rgyu yin par bstan pa'i phyir skyabs kyi rjes la rigs kyi skabs bshad par 'brel to//rigs rab tu dbye ba'i tshigs su bcad pa zhes bya ba la/ nyan thos kyi rigs dang rang sangs rgyas kyi rigs dang / sangs rgyas kyi rigs yod par bstan pa las brtsams te/ dang por bsdus pa'i tshigs su bcad pa rtsom mo zhes bya ba'i don to//yod dang zhes bya ba ni nyan thos kyi rigs can yang yod/ rang sangs rgyas kyi rigs can yang yod/ sangs rgyas kyi rigs can yang yod par bstan to zhes bya ba'i tha tshig go/ /mchog dang zhes bya ba ni/ nyan thos dang rang sangs rgyas kyi rigs pas kyang bdag dang gzhan gyi don gyi rgyur gyur pas byang chub sems dpa'i rigs ni dam par gyur pa yin par yang bstan to//mtshan nyid dang zhes bya ba ni rigs rnam pa gsum las/ theg pa chen po'i rigs kyi mtshan nyid dang / rang bzhin yang ston to zhes bya ba'i tha tshig go/ /mtshan ma dang zhes bya ba ni sems can dag la theg pa chen po'i rigs yod par ci mngon zhe na/dper na gang na du ba snang ba de na mtshan ma des me yod par brtag pa dang / gang na chu bya snang ba de na chu yod par brtag pa bzhin du mtshan ma dang rtags 'di lta bu dag snang na de la byang chub sems dpa'i rigs yod par mngon no zhes bya ba yang ston to zhes bya ba'i tha tshig go//rigs phye dang zhes bya ba ni/ byang chub sems dpa'i rigs la phye na gnyis sam gsum du yod pa yang ston to zhes bya ba'i tha tshig go/ /nyes pa dang ni zhes bya ba la byang chub sems dpa'i rigs yod kyang 'dod chags dang zhe sdang la sogs pa'i nyon mongs pas bsgribs na byang chub sems dpa'i spyod pa la mi 'jug cing bla na med pa'i byang chub ni myur du 'tshang rgyar mi btub par rigs la sgrib pa'i skyon yang ston to zhes bya ba'i tha tshig go//legs pa dang zhes bya ba ni byang chub sems dpa'i rigs dang ldan na 'khor ba na sems can phal pa byed kyang bde ba dang /yon tan 'di dang 'di dag thob par 'gyur ro zhes rigs kyi yon tan yang ston to zhes bya ba'i tha tshig go/ /rnam gnyis dpe dang zhes bya ba la byang chub sems dpa'i rigs te/ gter chen po'i rigs dang 'dra ba dang / rin po che chen po'i rigs dang 'dra bas nyan thos la sogs pa'i rigs pas kyang 'phags so zhes bya ba ston to zhes bya ba'i tha tshig go//rnam pa bzhi zhes bya ba ni yod pa la yang don rnam pa bzhis bstan pa las dpe rnam pa gnyis las re re zhing yang don rnam pa bzhi bzhir phye nas ston to zhes bya ba'i don to/ /'di ni rigs rab tu dbye ba bsdus pa'i don to//yod par rnam par dbye ba'i tshigs su bcad pa zhes bya ba la/ gong du yod pa zhes mdo tsam du smos pa de dang gtan tshigs rnam pa bzhis rigs pa rnam pa gsum ji ltar yod par bstan pa'i phyir tshigs su bcad par rtsom mo zhes bya ba'i tha tshig go/ khams rnams dang ni zhes bya ba la/ khams zhes bya ba dang / sa bon zhes bya ba dang / rigs zhes bya ba dag ni don gcig ste/ ming gi rnam grangs kyis tha dad pa tsam du zad do/ /'di ni sems can gyi khams na sems can gyi rang bzhin dang / sa bon tha dad de sems can gyi rang bzhin phye na dpag tu med pa zhig yod de ji ltar zhe na/'di ltar sems can kha cig ni 'dod chags la spyod pa'i rang bzhin can kha cig zhe sdang la spyod pa'i rang bzhin can kha cig gti mug la sogs pa'i rang bzhin can yin pa dang / kha cig nyan thos kyi rigs kyi rang bzhin can kha cig ni rang sangs rgyas kyi rigs kyi rang bzhin can/kha cig theg pa chen po'i rigs kyi rang bzhin can te rang bzhin mi mthun pa tshad med pa zhig yod do/ /gal te sems can thams cad kyi rigs gcig tu zad na/ la la 'dod chags la dga' ba'i rang bzhin/ la la zhe sdang la sogs pa la dga' ba'i rang bzhin du tha dad par ci'i phyir 'gyur te sems can gyi rang bzhin tha dad par tshad med pa dag snang bas na rigs gcig tu ma zad kyi theg pa che chung gsum char gyi rigs so so na yod do zhes bya ba'i don to//mos pa dang zhes bya ba la/ sems can rnams kyi mos pa dang dad pa yang mi mthun zhing tha dad de/dper na kha cig mngar ba la dad kyang sgyur ba la ma dad pa dang / kha cig sgyur ba la dad kyang kha ba la ma dad pa yod pa ltar/ dge ba'i bshes gnyen gyis bstan nam ma bstan kyang rung / kha cig nyan thos kyi theg pa nyid la dad kyi ji ltar byas kyang theg pa chen po la ma dad pa la sogs pa dad pa tha dad pa dag snang ngo //gal te rigs gcig tu zad de rigs du mar med na ci'i phyir mos pa tha dad pa du mar 'gyur te/ mos pa tha dad par snang bas na rigs gcig tu ma zad kyi rigs rnam pa gsum du yod par mngon no zhes bya ba'i don to/ / 'di ni gtan tshigs gnyis pa'o/ /bsgrub pa tha dad dbye ba dang / /zhes bya ba la/ nyan thos kyi rigs can gyi gang zag kha cig theg pa chen po'i dge ba'i bshes gnyen gyi rkyen gyi dbang gis theg pa chen po'i rigs can dang 'dra bar theg pa chen po'i chos la mos pa dang dad pa skyes kyang sa dang pha rol tu phyin pa kha cig gis bsgrub nus la/kha cig gis bsgrub mi nus te/ dper na 'phags pa shA ri'i sras po lta bu theg pa chen po'i dge ba'i bshes gnyen gyis bsgral nas bskal pa nyi shur theg pa chen po'i chos spyod pa las phyis mu stegs can gyis mig blangs pa dang / byang chub sems dpa'i spyod pa bsgrub ma nus nas btang ste nyan thos kyi theg par mya ngan las 'das pa lta bu'o//gal te rigs gcig tu zad na kha cig gis theg pa chen po bsgrub nus na kha cig gis mi nus pa ci'i phyir 'gyur te thams cad kyis bsgrub nus par 'gyur ba'i rigs so/ /de ltar na kha cig gis bsgrub nus/kha cig gis bsgrub mi nus pas theg pa gsum gyi rigs so so na yod do zhes bya ba'i tha tshig ste/ 'di ni gtan tshigs gsum pa'o/ /'bras bu'i dbye ba dmigs pas na/ /zhes bya ba la/ 'di ltar 'bras bu bzang ngan rnam pa gsum yang yod par dmigs te/ gang zhe na/ nyan thos lta bu'i byang chub chung ngu dang / rang sangs rgyas lta bu'i byang chub 'bring dang / theg pa chen po lta bu'i byang chub mchog ste/ 'bras bu bzang ngan gsum dmigs pas de skyed par byed pa'i rgyu yang rnam pa gsum med du mi rung ngo / /'jig rten na yang 'bras dang nas la sogs pa dang shing tog rnam pa sna tshogs kyi 'bras bu tha dad pa snang ba de dag gi rgyu yang gcig tu ma zad kyi rgyu sna tshogs par yod pa bzhin du byang chub rnam pa gsum yod pas na de'i rgyu rigs kyang rnam pa gsum med du mi rung ngo //gal te rigs gcig tu zad na 'bras bu rnam pa gsum du ci'i phyir 'gyur te/'di ni gtan tshigs bzhi pa'o/ /sems can gyi khams tha dad pa'i phyir khams kyi dbye ba dpag tu med de/ ri lu'i phung po'i mdo sde las gsungs pa bzhin zhes bya ba la/ ri lu'i phung po ni bru ra'i phung po la bya ste/ ji ltar ri lu'i phung po bstan pa'i mdo las/ bcom ldan 'das kyis 'di lta ste/dge slong dag ri lu'i phung po 'phang du dpag tshad gcig tsam la/ chu zheng du dpag tshad gcig tsam yod pa'i ri lu'i phung po de las skyes bu la la zhig gis lo brgya'am lo brgya 'das nas ri lu gcig blangs te/ ri lu 'di ni nyan thos kyi khams su gtogs/ ri lu 'di ni rang sangs rgyas kyi khams su gtogs zhes smras na yang ri lu de myur du zad cing med par 'gyur gyi sems can gyi khams ni de ltar zad par mi 'gyur ro zhes gsungs pa lta bu'o//gsung rab 'di la khams zhes bya ba'i don gang zhe na/ khams mang po bstan pa'i mdo dang sbyar na ni mig la sogs pa'i khams tha dad par bstan pa'i sgo nas khams dpag tu med de 'on kyang 'di'i skabs su ni rigs la khams zhes bya ste/khams zhes kyang bya/ rigs zhes kyang bya/ rgyu zhes kyang bya/ sa bon zhes kyang bya ste/ rnam grangs su gtogs so/ /de ltar sems can so so'i sems kyi rgyud la 'dod chags la sogs pa la spyod pa tha dad pa'i sgo nas rigs kyang tha dad de/gang 'dod chags la sogs pa'i rigs yod pa de dag ni 'dod chags skyed pa nyid kyi rgyu byed kyi zhe sdang skyed pa'i rgyu mi byed pa bzhin du theg pa gsum gyi rigs tha dad pa rnam pa gsum yang med du mi rung ste/ rigs tha dad pa gsum med na ci'i phyir theg pa rnam pa gsum du 'gyur ba mi rigs so//mchog tu rnam par dbye ba'i tshigs su bcad pa zhes bya ba la/ gong du bsdus pa'i don las mchog ces smos pa de 'dir rnam pa bzhis ni theg pa chen po'i rigs mchog tu gyur pa bstan pa'i phyir tshigs su bcad pa rtsom mo zhes bya ba'i don to//khyad par 'phags dang thams cad dang / /rigs chen dang ni mi zad phyir/ /dge ba de ni rgyu yis byed/ /rigs kyi mchog ces bya ba yin/ /zhes bya ba la/ byang chub sems dpa'i rigs 'di ni dge ba rnam pa bzhi dag gi rgyu byed pas nyan thos la sogs pa'i rigs pas kyang mchog tu gyur par rig par bya'o//dge ba rnam pa bzhi po gang zhe na/ khyad par du 'phags pa'i rgyu byed pa dang / dge ba thams cad kyi rgyu byed pa dang / dge ba don chen po'i rgyu byed pa dang / dge ba mi zad pa'i rgyu byed pa'o/ /de la nyan thos rnams kyi rigs ni nyon mongs pa'i sgrib pa dang /shes bya'i sgrib pa gnyi ga dang bral ba'i dge ba gsal zhing 'bar ba'i rgyu mi byed la/ byang chub sems dpa'i rigs kyis ni nyon mongs pa dang / shes bya'i sgrib pa gnyi ga dang bral ba'i dge ba gsal zhing dag la khyad par du 'phags pa'i rgyu byed pas na nyan thos kyi rigs pas khyad par 'phags par rig par bya'o//khyad par du 'phags zhes bya ba ni gsal ba dang dag pa la bya'o/ /de la nyan thos kyi rigs kyis ni dge ba'i rtsa ba thams cad kyi rgyu mi byed de/ nyan thos rnams la stobs dang mi 'jigs pa dang ma 'dres pa la sogs pa'i dge ba med pa'i phyir ro/ /byang chub sems dpa'i rigs ni dge ba'i rtsa ba thams cad kyi rgyu byed de/byang chub sems dpa'i rigs nas stobs dang mi 'jigs pa dang ma 'dres pa dang / sa dang pha rol tu phyin pa la sogs pa'i dge ba'i rtsa ba thams cad 'byung ba'i phyir te/ de bas na nyan thos kyi rigs pas khyad par 'phags par rig par bya'o//nyan thos kyi rigs kyis ni bdag gi don tsam sgrub par zad kyi gzhan gyi don mi sgrub pas dge ba don chen po'i rgyu mi byed la byang chub sems dpa'i rigs kyis ni bdag dang gzhan gnyi ga'i don sgrub pas dge ba'i don chen po'i rgyu byed pa'i phyir ro/ /nyan thos kyi rigs las byung ba'i dge ba'i rtsa ba ni phung po'i lhag ma dang bcas pa'i mya ngan las 'das pa'i bar du ni yod kyi phung po'i lhag ma ma lus par spangs pa'i mya ngan las 'das par gyur na dge ba'i rtsa ba thams cad rgyun chad de/zad par 'gyur la byang chub sems dpa'i rigs kyis ni phung po'i lhag ma ma lus par spangs te/ mya ngan las 'das par gyur kyang stobs dang mi 'jigs pa la sogs pa'i dge ba'i rtsa ba 'khor ba'i mtha'i bar du yang zad par mi 'gyur ba'i rgyu byed pas na nyan thos kyi rigs pas khyad par 'phags par rig par bya'o//mtshan nyid rnam par dbye ba'i tshigs su bcad pa zhes bya ba la/ gong du bsdus pa'i don las mtshan nyid smos pa de la theg pa chen po'i rigs kyi mtshan nyid dang rang bzhin gang yin pa bstan te/de yang mtshan nyid rnam pa bzhi yod de zhes bstan par bya ba'i phyir tshigs su bcad pa rtsom mo/ /rang bzhin dang ni rgyas pa dang / /gnas dang gnas pa'ang de yin te/ /zhes bya ba la theg pa chen po'i rigs kyi mtshan nyid rnam pa bzhi ste/rang bzhin la gnas pa dang / yang dag par bsgrubs pa dang / gnas kyi rang bzhin dang / gnas pa'i rang bzhin no/ /de la rgyas pa zhes bya ba ni yang dag par bsgrubs pa'i rigs la bya bar rig par bya'o/ /de la rang bzhin la gnas pa ni 'khor ba thog ma med pa'i dus nas skye mched kyi khyad par sus kyang ma byas ma bcos par mngon par 'tshang rgya bar 'gyur ba'i sa bon dang ldan pa ste/sa bon de dang ldan pas gdon mi za bar bla na med pa yang dag par rdzogs pa'i byang chub tu 'tshang rgya ba'i skal ba yod pa'o/ /yang dag par bsgrubs pa ni rang bzhin gyi rigs la gnas pa'i byang chub sems dpa' dan ma dge ba'i bshes gnyen gyis bla na med pa'i byang chub tu sems bskyed pa dang /byang chub sems dpa'i spyad pa spyod du bcug pa de'i tshe yang dag par bsgrubs pa'i rigs zhes bya'o/ /yang na nges pa'i rigs can rnams la ni rang bzhin la gnas pa zhes bya'o//ma nges pa'i rigs can rnams dge ba'i bshes gnyen gyis btang nas theg pa chen po'i rigs su nges par byed pa rnams la ni yang dag par bsgrubs pa zhes bya'o/ /yang na byang chub sems dpa'i rigs can rnams dang po nas byang chub sems dpa'i spyod pa 'ba' zhig la zhugs pa rnams la ni rang bzhin la gnas pa zhes bya'o//byang chub sems dpa'i rigs can nyan thos kyi spyad pa spyod pa las dge ba'i bshes gnyen gyi dbang gis byang chub sems dpa'i spyod pa byed du bcug pa la ni yang dag par bsgrubs pa zhes bya'o//dper na sa ni sems can rnams gnas pa'i gnas yin pas sems can ni de la gnas par byed pa yin pa bzhin du gang rang bzhin la gnas pa'i rigs de ni yang dag par bsgrubs pa'i rigs kyi gnas yin la yang dag par bsgrubs pa'i rigs ni de la gnas par byed pa yin te/ci'i phyir zhe na/ rang bzhin gyi rigs la brten nas yang dag par bsgrubs pa'i rigs 'byung ba'i phyir ro/ /yod dang med par shes par bya/ /zhes bya ba la rang bzhin la gnas pa'i rigs ni rgyu yin la yang dag par bsgrubs pa'i rigs ni rgyu de'i 'bras bu yin pas rang bzhin la gnas pa'i dus na ni rgyu'i mtshan nyid du yod la 'bras bu'i mtshan nyid du med pa zhes bya ste/rang bzhin la gnas pa tsam du byang chub tu sems bskyed pa la sogs pa'i 'bras bu med pa'i phyir ro/ /rgyur gyur pa'i rigs ni nam yang 'bras bu'i mtshan nyid du mi rigs te/rgyu de la brten nas byang chub tu sems bskyed pa dang / stobs dang mi 'jigs pa la sogs pa'i yon tan gyi 'bras bu ni mi 'grub pa ma yin te 'grub bo/ /yang dag par bsgrubs pa'i rigs ni rgyu'i mtshan nyid du'ang yod/ 'bras bu'i mtshan nyid du yang yod pa zhes bya ste/ ci'i phyir zhe na/rang bzhin gyis kyang de'i tshe yod pas rgyu'i mtshan nyid du yang yod la/ byang chub tu sems kyang bskyed pas 'bras bu'i mtshan nyid kyang yod do/ /yon tan ni sgrol ba'i don du'ang zhes bya ba la rigs zhes bya bas nges pa'i tshig ston te/ rgya gar skad du rigs la ni go tra zhes 'byung / yon tan la ni gu Na zhes 'byung ste/ go'i don ni gu Na zhes 'byung ba yon tan gyi don du ta ra'i don ni sgrol ba'i don du 'gro ste/ rigs 'dis byang chub tu sems bskyed pa dang / mos bas spyod pa'i sa'i rim pa dang / sa bcu'i rim pa nas sangs rgyas kyi sa'i bar gyi yon tan rnams mthar phyin cing sgrol bar byed la 'thob par byed pas na/rigs la yon tan sgrol ba zhes bya ba'i don du 'dren to/ /mtshan ma rnam par dbye ba'i tshigs su bcad pa zhes bya ba la/ gong du bsdus pa'i don las mtshan ma zhes smos ba las/ mtshan ma'i don rgyas par 'chad de/ dper na dud pa snang ba'i mtshan mas me yod par brtags pa dang /chu bya snang ba'i mtshan mas chu yod par brtags pa bzhin du mtshan ma'am rtags rnam pa bzhi snang ba de la/ byang chub sems dpa'i rigs yod par bstan pa'i phyir tshigs su bcad pa rtsom mo zhes bya ba'i don to/ /snying rje dang ni zhes bya ba snga nas rab sbyor ba zhes bya ba gnyis su sbyar te/rab sbyor zhes bya ba ni byang chub tu sems bskyed pa la sogs pa byed pa'o/ /byang chub tu sems bskyed pa'i sngon rol nas sems can gyi khams ni rtog pa rnam pa lngas sems can rtog ste/ sdug bsngal bar mthong nas/ sems can 'di dag gi rtog pa ji ltar bsam snyam du sems pa'i snying brtse ba yod na byang chub sems dpa'i rigs yod par rig par bya ste/'di ni mtshan ma dang po'o/ /mos pa dang zhes bya ba la theg pa chen po'i chos zab cing rgya che ba'i don ma rtogs kyang theg pa chen po'i chos zab cing rgya che ba thos pa tsam gyis spu ldang ba dang mchi ma dku ba'i mtshan nyid kyi dad pa dang /mos pa skye na byang chub sems dpa'i rigs yod par rig par bya ste/ 'di ni mtshan ma gnyis pa'o/ /bzod pa dang zhes bya ba la snying rje skyes nas sems can gyi don du mgo dang rkang lag gtong ba dang / grang ba dang tsha ba la sogs pa'i dka' ba spyod pa rnam pa sna tshogs bzod de/dka' ba spyod pa rnams nyams su len na byang chub sems dpa'i rigs yod par rig par bya ste/ 'di ni mtshan ma gsum pa'o/ /dge ba dag kyang yang dag spyod/ /ces bya ba la/ dge ba'i sgras ni pha rol tu phyin pa drug la bya ste/ rang bzhin gyis sbyin pa byed pa la dga' ba dang /rang bzhin gyis tshul khrims bsrung bar dga' ba dang / rang bzhin gyis bzod pa la gnas par dga' ba dang / rang bzhin gyis brtson 'grus rtsom par dga' ba dang / rang bzhin gyis bsam gtan la gnas par dga' ba dang / rang bzhin gyis shes rab rno na byang chub sems dpa'i rigs yod par rig par bya ste/'di ni mtshan ma bzhi pa'o/ /rigs rab tu dbye ba'i tshigs su bcad pa zhes bya ba la gong du bsdus pa'i don las rab tu dbye ba zhes smos pa la/ byang chub sems dpa'i rigs la phye na du yod pa ston te/ byang chub sems dpa'i rigs la phye na rnam pa bzhi yod do zhes bstan pa'i phyir tshigs su bcad pa rtsom mo zhes bya ba'i don to/ /rigs ni nges dang ma nges pa/ /'phrog pa dang ni mi 'phrogs pa/ /rkyen gyis rigs kyi dbye ba ni/ /de ni mdor na rnam pa bzhi/ /zhes bya la mdor na byang chub sems dpa'i rigs la phye na rnam pa bzhi ste gang zhe na/rigs nges pa dang rigs ma nges pa dang / rkyen gyis 'phrog pa dang / rkyen gyis mi 'phrogs pa'o/ /de la rigs nges pa ni gang nyan thos su rigs nges par gnas pa dang / rang sangs rgyas su rigs nges par gnas pa dang / sangs rgyas su rigs nges par gnas pa ste/nyan thos su rigs nges par gnas pa yang rigs des nyan thos kyi byang chub nyid 'thob kyi ji ltar byas kyang nams kyang rang sangs rgyas kyi byang chub dang / sangs rgyas su 'thob pa'i rgyur mi 'gyur ro/ /rang sangs rgyas kyi rigs nges pa yang rigs des rang sangs rgyas kyi byang chub nyid thob kyi ji ltar byas kyang nams kyang nyan thos dang rang sangs rgyas kyi byang chub 'thob pa'i rgyur mi 'gyur ro//sangs rgyas kyi rigs can yang rigs des sangs rgyas kyi byang chub nyid 'thob kyi ji ltar byas kyang nams kyang nyan thos dang rang sangs rgyas kyi byang chub tu mi 'gyur ba'o/ /rigs ma nges pa ni rkyen gyi dbang gis nyan thos dang rang sangs rgyas dang sangs rgyas kyi rigs gang yang rung ba cig gi rgyur 'gyur te/nyan thos kyi dge ba'i bshes gnyen dag gis bsgral na ni nyan thos kyi rigs can du yang 'gyur/ rang sangs rgyas kyi dge ba'i bshes gnyen gyis bsgral na ni/ rang sangs rgyas kyi rigs can du yang 'gyur/byang chub sems dpa'i dge ba'i bshes gnyen gyis bsgral na ni sangs rgyas kyi rigs can du yang 'gyur ba'o/ /'di yang dpe bstan pa/ ri'i phyogs la la ni sa dang rdo la sogs pa yod pa gdon mi za bar gser nyid du 'gyur gyi/ dngul dang zangs la sogs par mi 'gyur ba yang yod/ri'i phyogs la la na sa dang rdo la sogs pa yod pa dngul nyid du 'gyur gyi/ gser dang zangs la sogs par mi 'gyur ba yang yod/ ri'i phyogs la la na sa dang rdo la sogs pa yod pa zangs nyid du 'gyur gyi/ /gser dang dngul la sogs par mi 'gyur ba yod pa la ri'i phyogs la la ni sa dang rdo la sogs pa yod pa bzhu zhing sbyangs pa dang /sman gyi khyad par las ma nges te cir yang 'gyur ba yang yod de/ gal te gser mgar gyis sbyangs shing bzhu na ni gser du yang 'gyur/ dngul mgar gyis sbyangs shing bzhu na ni dngul du yang 'gyur/ zangs mgar gyis sbyangs shing bzhu na ni zangs su yang 'gyur ba lta bu'o/ /de bas na rigs nges pa rnams ni rkyen gyis mi 'phrogs pa zhes bya ste/ dge ba'i bshes gnyen gyis ji ltar byas kyang rang gi byang chub nyid len pa byang chub gzhan mi len pa'i phyir ro/ /rigs ma nges pa rnams ni rkyen gyis 'phrog pa zhes bya ste/dge ba'i bshes gnyen gyis gar khrid pa de'i 'bras bu 'thob pa'i phyir ro/ /nyes pa rnam par dbye ba'i tshigs su bcad pa zhes bya ba la/ byang chub sems dpa'i rigs yod kyang nye ba'i nyon mongs pa bzhi'i skyon dang ldan na skyon des bsgribs pas sa dang pha rol tu phyin pa'i spyod pa la 'jug par mi nus par bstan pa'i phyir tshigs su bcad pa rtsom mo//nyon mongs goms dang zhes bya ba la/ byang chub sems dpa'i rigs yod kyang 'dod chags dang zhe sdang dang gti mug la sogs pa'i nyon mongs pa la goms shing 'dris par byas pas 'dod chags bdo ba dang zhe sdang bdo ba dang gti mug bdo bar 'gyur bas nyon mongs pa 'ba' zhig la 'jug gi pha rol tu phyin pa spyod pa la spyod mi nus par gyur pa 'di yang rigs kyi skyon te nyes pa dang po'o//grogs ngan dang zhes bya ba la/ byang chub sems dpa'i rigs yod kyang blun po sdig pa mi dge ba'i chos la dga' ba rnams kyis bstan te/sdig pa'i las dag byed du bcug pas pha rol tu phyin pa spyod pa la 'jug par mi byed pa 'di yang rigs kyi skyon te 'di ni nyes pa gnyis pa'o/ /phongs pa dang zhes bya ba la dbul por gyur pas bza' ba dang bgo ba la sogs pa'i yo byad kyis phongs pa'i sbyin pa la sogs pa byed mi nus shing yo byad kyi don du sdig pa'i las dag byed pa yang rigs kyi skyon te 'di ni nyes pa gsum pa'o//gzhan gyi dbang zhes bya ba la rgyal po dang rkun po dang rje bo la sogs pa'i dbang du gyur nas srog gcod pa la sogs pa'i las mi byed du mi gnang ba dang / sbyin pa la sogs pa dge ba byed du mi ster ba yang rigs kyi skyon te 'di ni nyes pa bzhi pa'o//legs pa rnam par dbye ba'i tshigs su bcad pa zhes bya ba/ gong du bsdus pa'i don las legs pa zhes 'byung ba'i don rgyas par 'chad de/ byang chub sems dpa'i rigs yod na rigs gsum la yod pa de la 'khor ba na so so'i skye bo phal pa byed kyang yon tan rnam pa bzhi 'thob par bstan pa'i phyir tshigs su bcad pa rtsom mo zhes bya ba'i don to//ring nas ngan 'gror 'gro ba dang / /zhes bya ba la/ nyan thos dang rang sangs rgyas kyi rigs can dang / rigs med pa dag gis mtshams med pa lnga la sogs pa'i sdig pa'i las byas na ni shi 'phos ma thag tu sems can dmyal ba la sogs pa ngan song gsum du skye la/byang chub sems dpa'i rigs can gyis mtshams med pa la sogs pa'i las byas na ni bskal pa'i lo mang po zhig gis bcad nas/ phyis nam zhig na ngan song gi 'bras bu myong bar 'gyur te/ 'di ni legs pa dang po'o/ /de nas kyang ni myur du thar/ /zhes bya ba la nyan thos dang rang sangs rgyas kyi rigs can dang / rigs med pa dag gis mtshams med pa la sogs pa'i las byas na ni sems can dmyal ba'i tshe'i tshad kyis bskal pa ma zad kyi bar du dmyal ba la sogs pa ngan song gi gnas na gnas par 'gyur la/byang chub sems dpa'i rigs can rnams kyis mtshams med pa la sogs pa'i las byas na dmyal ba'i tshe'i tshad zad zad du mi 'dug gi dus cung zad cig 'dug nas de nas kyang sems can dmyal ba'i gnas nas myur du thar bar 'gyur te/ 'di ni legs pa gnyis pa'o//de yang dper na rgyal po ma skyes dgra lta bu mtshams med pa lnga byas kyang rigs kyi mthus sems can dmyal ba'i sdug bsngal dar gyi pho long bsdams pa tsam zhig myong ba lta bu'o/ /sdug bsngal myong ba yang chung ba ste zhes bya ba la nyan thos dang rang sangs rgyas kyi rigs can dang /rigs med pa dag gis mtshams med pa la sogs pa'i las byas na lus dang sems la gnod pa'i sdug bsngal sdug cing drag la mi bzad pa myong bar 'gyur na byang chub sems dpa'i rigs can rnams kyis mtshams med pa la sogs pa'i las byas na lus dang sems la gnod pa srab cing chung ba myong bar 'gyur te/'di ni legs pa gsum pa'o/ /skyo zhing sems can smin par byed/ /ces bya ba la nyan thos dang rang sangs rgyas kyi rigs can dang / rigs med pa dag gis mtshams med pa la sogs pa'i las byas na sems can dmyal bar skyes nas dmyal ba'i sdug bsngal myong bar 'gyur ba dang /phan tshun zhe sdang skye la byang chub sems dpa'i rigs can gyis mtshams med pa la sogs pa'i las byas na dmyal ba la sogs pa'i gnas su skye ba dang / dmyal ba'i sdug bsngal myong bar gyur nas mi dge ba'i las la skyo ba'i sems skye'o/ /skyo ba skyes nas dmyal ba'i sems can 'di dag kyang bdag dang 'dra bar sdug bsngal myong ngo zhes de dag la snying rje'o//snying rje skyes nas sems can de dag dge ba la 'jog cing yongs su smin par byed de/ 'di ni legs pa bzhi pa'o/ /gser chen po'i rigs kyi dpe'i tshigs su bcad pa zhes bya ba la gong du sdud pa'i don las byang chub sems dpa'i rigs ni gser chen po'i rigs dang rin po che'i rigs dang 'dra'o zhes smos pa la byang chub sems dpa'i rigs 'di gser chen po'i rigs dang 'dra bar ston te/dper na gser rnam pa bzhi'i rten dang gzhi dang / sa bon byed pa'i gser la gser chen po'i rigs zhes bya ba de bzhin du/byang chub sems dpa'i rigs 'di yang yon tan rnam pa bzhi'i gzhi dang rten byed pas gser chen po'i rigs dang 'dra bar bstan pa'i phyir tshigs su bcad pa rtsom mo zhes bya ba'i don to/ /gser gyi rigs bzhin shes par bya/ /dpag tu med pa dge ba'i gnas//ye shes dri med ldan pa'i gnas/ /mthun rnams kyi yang gnas yin no/ /zhes bya ba la dper na gser chen po'i rigs ni gser mang po'i gnas byed pa dang / gser 'od gsal ba'i gnas byed pa dang / gser dri ma med pa'i gnas byed pa dang / gser las su rung ba'i gnas byed do/ /de bzhin du byang chub sems dpa'i rigs kyang yon tan rnam pa bzhi'i gnas byed pas na gser chen po'i rigs bzhin du shes par bya'o/ /dper na gser chen po'i gser srang grangs 'bum phrag grangs med pa mang po 'byung ba'i gnas byed pa de bzhin du/ byang chub sems dpa'i rigs 'dis kyang pha rol tu phyin pa dang / sa dang byang chub kyi phyogs dang / stobs dang mi 'jigs pa la sogs pa'i dge ba dpag tu med pa'i gnas byed pas gser chen po'i rigs dang 'dra'o/ /dper na gser chen po'i rigs gser 'od 'bar zhing 'tsher ba'i gnas byed pa de bzhin du/byang chub sems dpa'i rigs kyis kyang chos rnams la rang dang spyi'i mtshan nyid la phyin ci ma log par shes par byed pa rnam par mi rtog pa'i ye shes dang mnyam pa nyid kyi ye shes dang / so sor kun tu rtog pa'i ye shes dang / bya ba sgrub pa'i ye shes gsal zhing 'od dang bcas pa'i gnas su gyur pas na gser chen po dang 'dra'o//gser la yang kha cig 'tsher zhing 'od gsal ba dang dri ma cung zad yod kyang 'od gsal lo zhes smras te/ gser chen po'i rigs las byung ba'i gser de la ni dri ma cung zad kyang med pas na dri ma med pa zhes bya'o/ /yang gser kha cig ma bsregs pa'i tshe ser bar 'tsher mod kyi/bsregs nas kha dog nag po dang skya bor 'gyur ba yod do/ /gser chen po'i rigs las skyes pa'i gser rnams la ni mer bsregs na yang kha dog 'gyur ba med pas dri ma med pa zhes bya'o/ /dper na gser chen po'i rigs dri ma med par byed pa de bzhin du byang chub sems dpa'i rigs 'di yang nyon mongs pa'i bag chags kyi dri ma thams cad spangs pa'i mya ngan las 'das pa'i gnas byed pas gser chen po'i rigs dang 'dra'o//dper na gser chen po'i rigs ni gser chen po'i rigs de las byung ba'i gser gyis mgo rgyan dang dpung rgyan la sogs par byas na yang 'gas pa khro med par gser las su rung ba'i gnas su gyur pa de bzhin du/byang chub sems dpa'i rigs 'di yang rdzu 'phrul gyi mig la sogs pa mngon par shes pa'i gnas su 'gyur bas na gser chen po'i rigs dang 'dra'o/ /nyon mongs pa'i dri ma med par 'thob pa'i gnas dang zhes bya ba la/nyon mongs pa'i gnas ngan len spangs na de dang bral ba dag thob pa'i gnas dang / rten du rig ste gyur zhes bya ba'i don to/ /yang na nyon mongs pa spangs na zag pa med cing dri ma med pa'i chos skye ste rigs de zag pa med pa'i chos mthong ba'i rten du gyur zhes bya ba'i don to//rin po che chen po'i rigs kyi dpe'i tshigs su bcad pa zhes bya ba la/ byang chub sems dpa'i rigs 'di ni rin po che chen po'i rigs dang 'dra ste/ dper na rin po che chen po'i rigs rin po che chen po'i gzhi'i gnas byed pa de bzhin du byang chub sems dpa'i rigs de yang yon tan rnam pa bzhi'i gnas byed pas rin po che chen po'i rigs dang 'dra bar bstan pa'i phyir tshigs su bcad pa rtsom mo//rin po che rnam pa bzhi ni rigs phun sum tshogs pa dang / kha dog phun sum tshogs pa dang / dbyibs phun sum tshogs pa dang / tshad phun sum tshogs pa'o/ / rin chen mchog rigs bzhir shes bya/ /byang chub chen po'i rgyu yi phyir/ /ye shes che dang ting 'dzin 'phags/ /sems can mang po'i gnas kyi phyir/ /zhes bya ba la/ dper na rin po che'i rigs ni lcags dang zangs dang mching bu la sogs pa 'byung ba'i gnas mi byed kyi mu tig la sogs pa'i rigs phun sum tshogs pa'i rin po che'i gnas su gyur pa de bzhin du/byang chub sems dpa'i rigs de yang nyan thos dang rang sangs rgyas kyi byang chub kyi gnas su mi 'gyur gyi rdo rje lta bu'i ting nge 'dzin gyi rjes las byung ba nyon mongs pa'i sgrib pa thams cad spangs pa'i byang chub chen po'i gnas su gyur pas na rin po che chen po'i rigs dang 'dra'o//dper na rin po che chen po'i rigs de rin po che 'tsher zhing 'bar ba'i gnas su 'gyur ba de bzhin du byang chub sems dpa'i rigs de yang me long lta bu'i ye shes la sogs pa ye shes bzhi'i gnas su 'gyur bas rin po che chen po'i rigs dang 'dra'o/ /dper na rin po che chen po'i rigs de ni/rin po che chen po de zad de zad de'am chag pa dbyibs mi sdug pa ma yin pa gru bzhi dang zlum po la sogs pa'i dbyibs kyang mdzes pa'i gnas su 'gyur ba de bzhin du/ byang chub sems dpa'i rigs 'di yang 'phags pa'i ting nge 'dzin dang /dpa' bar 'gro ba'i ting nge 'dzin dang / nam mkha'i mdzod kyi ting nge 'dzin la sogs pa'i gnas su gyur bas na rin po che chen po'i rigs dang 'dra'o/ /dper na rin po che chen po'i rigs chen por dbyibs che ba dang / rin po che mang po'i gnas su 'gyur ba de bzhin du byang chub sems dpa'i rigs 'di yang sems can mtha' yas pa mang po mya ngan las 'das pa dang /thams cad mkhyen pa'i ye shes la 'jug pa'i gnas su 'gyur bas na rin po che chen po'i rigs dang 'dra'o/ /rigs med pa la rnam par dbye ba'i tshigs su bcad pa zhes bya ba la/ gong du nyan thos kyi rigs dang /rang sangs rgyas kyi rigs dang / byang chub sems dpa'i rigs dang / rigs ma nges pa bshad nas/ da ni rigs med pa 'chad de/ rigs med pa zhes bya ba 'di yong ye mya ngan las mi 'da' ste/ nam yang mya ngan las mi 'da' ba'i phyir rigs zhes bya ba'am/ 'on kyang bskal pa dus thang cig zad cig tu mya ngan las mi 'da' la phyis mya ngan las 'da' ba la rigs med pa zhes bya zhe na/de gnyis ka la rigs med pa zhes bstan pa'i phyir tshigs su bcad pa rtsom mo/ /la la gcig tu mi dge spyod/ /la la dge ba'i chos rnams bcom/ /la la mthar phyogs dge ba med/dkar po chung yod rgyu dang bral/ zhes bya ba la/ rigs med pa zhes bya ba'i don ni theg pa gsum gyi mya ngan las 'das par yongs su mya ngan las 'da' zhing mya ngan las 'da' bar skal ba med pa'i rang bzhin can la bya ste/ yongs su mya ngan las mi 'da' ba'i chos can la yang rnam pa gnyis te/de'i dus su yongs su mya ngan las mi 'da' ba'i chos can dang / de'i dus na mya ngan las mi 'da' ba'i chos can no/ /de'i dus su yongs su mya ngan las mi 'da' ba'i chos can rnam pa bzhi ste/ gang zhe na/ de'i phyir/ la la gcig tu mi dge spyod/ /ces smos te/ di'i las nges par byed pa'i dbang du byas nas gsungs pa yin no/ /de la gang zag kha cig la byang chub sems dpa'i rigs yod kyang las nges par byed par 'gyur ba'i dbang gis ma gsod pa la sogs pa mtshams med pa'i las gdon mi za bar byed par 'gyur te/ de'i dus na rigs yod kyang ma gsod pa'i las ngan pa byas pas rigs des mya ngan las 'das pa thob par mi 'gyur te/de bas na de yang de'i dus na yongs su mya ngan las mi 'da' ba'i chos can yin pas rigs med pa zhes bya ba ste/ 'di ni rnam pa gcig go/ /la la dge ba'i chos rnams bcom/ /zhes bya ba la/ gang zag kha cig la byang chub sems dpa'i rigs yod kyang mi dge ba'i bshes gnyen gyi rkyen gyis chad pa'i lta ba la phyogs nas las dge ba med/ mi dge ba med/ 'bras bu bde ba med/ sdug bsngal med/ tshe 'di med/ tshe phyi ma med/ dkon mchog gsum med ces bya ba la sogs pa'i log pa'i lta ba la zhugs pas dge ba'i rtsa ba thams cad rtsa ba nas bcom ste/bskal pa du ma zhig tu yongs su mya ngan las 'da' bar mi 'gyur ro/ /'di yang de'i dus na yongs su mya ngan las mi 'da' ba'i chos can yin pas rigs med pa zhes bya ste rnam pa gnyis pa'o/ /la la mthar phyogs dge ba med//ces bya ba la/ gang zag la la byang chub sems dpa'i rigs yod kyang mya ngan las 'das pa thob par 'gyur ba'i bsod nams dang ye shes kyi tshogs mi sogs kyi lha dang mi'i gnas la sogs par 'khor bar skye ba 'ba' zhig gi dge ba bsags pas 'khor ba 'ba' zhig tu skye ba'i bskal pa du mar yang mya ngan las 'da' ba mi 'thob po//'di yang de'i dus na yongs su mya ngan las mi 'da' ba'i chos can yin pas rigs med pa zhes bya ste/ 'di ni rnam pa gsum pa'o/ /dkar po chung yod ces bya ba la/ gang zag la la byang chub sems dpa'i rigs yod kyang bsod nams dang ye shes kyi tshogs rdzogs par mi sogs kyi dkar po'i chos mya ngan las mi 'da' ba'i rgyu cung zad tsam bsags pas bskal pa du mar yang yongs su mya ngan las mi 'da'o//'di yongs su mya ngan las mi 'da' ba'i chos can yin pas rigs med pa zhes bya ste/ 'di ni rnam pa bzhi pa'o//de'i dus na yongs su mya ngan las mi 'da' ba'i chos can zhes bya ba ni mtshams med pa byed pa rnams kyang mtshams med pa byed pa'i las ma btang gi bar du mya ngan las mi 'da' ba dang / log pa'i lta bas dge ba'i rtsa ba chad pa rnams log pa'i lta ba dang bral te/dge ba'i rtsa ba ma skyes kyi bar du yongs su mya ngan las mi 'da' ba dang / phyogs thar pa'i phyogs kyi dge ba'i rtsa ba mi sogs pa rnams kyang thar pa'i phyogs kyi dge ba'i rtsa ba ma bsags kyi bar du mya ngan las mi 'da' ba dang / dkar po chung ba'i rnams kyang bsod nams dang ye shes kyi tshogs ma rdzogs kyi bar du mya ngan las mi 'da' bas de'i dus na yongs su mya ngan las mi 'da' ba'i chos can zhes bya'o//yongs su mya ngan las mi 'da' ba ni gcig yod de/ de bstan pa'i phyir rgyu dang bral zhes bya ba smos te/ rgyu zhes bya ba ni theg pa gsum du mya ngan las 'da' ba'i dge ba'i rtsa ba dang rigs med pa ste/de ltar rigs med pas na gang zag de theg pa gsum gyi mya ngan las 'das pa rnams kyang mi 'thob pa'i phyir ro/ /yongs su mi 'da' ba'i chos can zhes bya ste/ dper na rdo dang shing la sogs pa'i rang bzhin 'di rnams kyang sems dang sems las byung ba lta bur shes pa'i rang bzhin can du mi 'gyur ba dang 'dra'o//'dir rigs med pa la gnas pa ni yongs su mya ngan las mi 'da' ba'i chos can du 'dod do zhes bya ba la/ rigs med ces smras pa/ med pa'i sgras 'di smad pa'i don du yang mthong ste/ bu ngan pa dang chung ma ngan pa la bu med chung ma med ces bya ba lta bu'o/ / chung ma'i don du yang mthong ste/ bu mo rked pa 'phra ba la rked pa med ces bya ba lta bu'o/ /yong med pa'i don du yang mthong ste rnyed pa med bskur sti med ces bya ba lta bu'o/ /'di'i skabs su ni med pa'i sgra smad pa'i don dang po de ye med pa'i don du blta ste/ de la gcig tu mi dge ba spyod pa nas brtsams te/ dge ba chung ba yan chad kyis de'i dus na yongs su mya ngan las mi 'da' bas rigs med par bshad pa'i don de smad pa'i don du blta ste/ bu ngan pa la bu med ces bya ba bzhin du rigs de yang de'i dus na ngan cing zhen par gyur pas rigs med pa zhes btags so/ /gang rgyu dang bral bas yongs su mya ngan las mi 'da' ba'i phyir rigs med par bshad pa'i rigs med pa'i sgra 'di ni yong ye med pa'i don du blta ste/de ni gtan du mya ngan las 'das pa mi 'thob pa'i phyir ro/ /rang bzhin yongs su rgyas pa'i rigs kyi che ba nyid bsgrub pa tshigs su bcad pa zhes bya ba la/ nyan thos kyi rigs dang rang sangs rgyas kyi rigs dag gis ni byang chub chen po 'thob par mi nus pas shin tu rgya che ba dang /mthu che ba zhes mi bya'o/ /byang chub sems dpa'i rigs kyis ni byang chub chen po 'thob par byed pas na rang bzhin gyis rgya che ba dang / mthu che bar bsgrub pa'i phyir tshigs su bcad pa rtsom mo zhes bya ba'i don to/ /zab cing rgya cher smra ba gzhan la phan phyir bshad pa chos chen la//mi shes par ni dad 'gyur shin tu rgya che la/ /zhes bya ba la/ chos chen po ni theg pa chen po'i chos la bya'o/ /chos de'i nang nas gang zag dang chos la bdag med pa dang / ma skyes pa dang / mi 'gag pa la sogs pa 'byung bas zab pa'o/ /sa dang pha rol tu phyin pa dang /stobs dang mi 'jigs pa la sogs pa 'byung bas rgya che ba'o/ /yang na ye shes kyi tshogs 'byung bas zab pa'o/ /bsod nams kyi tshogs 'byung bas sgra che ba'o/ /de ltar zab cing rgya che ba 'byung ba'i chos de dang sems can rnams tshe 'di la bsod nams dang ye shes kyi tshogs la bzhag pa dang /tshe rabs gzhan du mya ngan las 'das pa thob par bya ba'i phyir bshad pas na gzhan la phan pa'i phyir bshad pa zhes bya'o/ /'di ltar byang chub sems dpa'i rigs kyi mthus zab cing rgya che ba'i theg pa chen po'i don ma rtogs shing mi shes par yang thos pa tsam gyi sgo nas dad pa dang mos pa rgya che zhing rlabs chen po 'byung bas na/mi shes par ni dad 'gyur shin tu rgya che ba/ /zhes bya'o/ /legs par bsgrub la bzod ces bya ba la/ sems can gyi don du mgo dang rkang lag la sogs pa btang ba'i dka' ba spyad pa dang / sa dang pha rol tu phyin pa bsgrub pa ni legs par bsgrub pa zhes bya ste/rigs kyi mthus de dag thams cad kyang bsgrub nus pas na legs par bsgrub bzod ces bya'o/ /phun sum tshogs pa'i mtha' dang zhes bya ba la/ de ltar theg pa chen po'i chos la yang mos/ legs par bsgrub pa la yang mi skyo bar bsgrub pas bsod nams dang ye shes kyi tshogs phun sum tshogs par bsgrubs pa'i mjug tu bla na med pa'i byang chub chen po'i phun sum tshogs pa rnam pa gnyis las khyad par du gyur pa thob par 'gyur te/'di yang rigs rgya che ba dang / mthu rgya che ba las 'thob bo zhes bya ba'i don to/ /bla na med pa'i byang chub kyi phun sum tshogs pa de ci 'dra ba zhig ce na/de'i phyir rnam gnyis mchog ste zhes bya ba smos te/ bla na med pa'i byang chub kyi phun sum tshogs pa de'ang phun sum tshogs pa rnam pa gnyis las khyad par du gyur pa yin no zhes bya ba'i don to/ /phun sum tshogs pa gnyis ni brgya byin la sogs pa 'jig rten gyi phun sum tshogs pa dang /nyan thos la sogs pa 'jig rten las 'das pa'i phun sum tshogs pa'o/ /de dag de ltar 'gyur zhes byang chub sems dpa' de dag gi rigs de ni theg pa chen po'i chos la mos pa skye ba dang / bsgrub pa la skyo ba med pa dang / mthar byang chub chen po'i phun sum tshogs par 'gyur te/de'i phyir mthu che'o zhes bya bar sbyar ro/ /de yi rang bzhin yon tan ldan pa byang chub chen po'i rigs rgyas shes par bya/ /zhes bya ba ni byang chub sems dpa'i rigs de ni gong du bshad pa'i tshul ltar na rang bzhin gyis yon tan dang ldan pa zhes bya ste/ de ltar rang bzhin gyis yon tan dang ldan pas rigs de shin tu rgya che ba dang /mthu che bar bya ba'i don to/ /rigs kyi 'bras bu'i khyad par du tshigs su bcad pa zhes bya ba la/ nyan thos kyi rigs dang rang sangs rgyas kyi rigs kyis rang rang gi 'bras bu thob pa bas byang chub sems dpa'i rigs kyis byang chub chen po'i 'bras bu thob pa khyad zhugs par bstan pa'i phyir tshigs su bcad pa rtsom mo zhes bya ba'i don to//shin tu yangs pa'i yon tan byang chub shing skyes pas/ /stug pos bde zhing sdug bsngal zhi bas dmigs pa'i phyir/ /bdag dang gzhan la phan bde bya ba 'bras bu bas/ /rtsa ba bzang po bzhin du rigs 'di mchog yin no//zhes bya ba la/ rtsa ba bzang po ni rtsa ba brtan pa dang / rtsa ba ma rul ba'o/ /dper na rtsa ba bzang po'i shing las sdong po dang / me tog la sogs pa brtan zhing bzang po 'byung ba dang / yal ga dang / 'dab ma la sogs pa sdug cing mdzes pa 'byung ba dang / de'i rgyus grib ma bsil ba yod pa dang / 'bras bu phun sum tshogs pas gzhan la phan pa byed pa bzhin du byang chub kyi rigs 'di las kyang de dang mthun pa'i yon tan dag 'byung bas byang chub kyi rigs 'di ni shing gi rtsa ba bzang po dang 'dra'o/ /dper na shing rtsa ba bzang po las sdong po sbom zhing bskams pa dang sungs ba med pa 'byung ba dang /me tog sna tshogs pa 'byung ba de bzhin du/ rigs de las kyang stobs dang mi 'jigs pa dang / ma 'dres pa la sogs pa'i yon tan rgya chen me tog dang 'dra bar 'byung ba dang / zad la mi skye ba'i ye shes kyang byang chub chen po cis kyang mi tshugs pa shing sdong lta bu skyes pas na shing gi rtsa ba ma zad par shes par bya'o//dper na shing rtsa ba bzang po las yal ga dang 'dab ma stug po yod pas grib ma'i bsil ba dang ldan pa'i phyir/ sems can rnams kyi tsha ba'i sdug bsngal ni sel/ bsil ba'i bde ba thob pa de bzhin du/ byang chub sems dpa'i rigs 'di las kyang sa dang pha rol tu phyin pa'i yal ga dang 'dab ma stug po byung bas sems can gyi bde ba stug po rgya che ba ni thob par byed pa mthong /sdug bsngal stug po mi bzad pa ni zhi bar byed par mthong bas rtsa ba bzang po dang 'dra'o/ /dper na rtsa ba bzang po'i shing la 'bras bu phun sum tshogs pa yod pas sems can gyi don phun sum tshogs par byed pa de bzhin du byang chub kyi rigs 'di las kyang bdag la phan pa la dang bde bar bya ba dang /gzhan la phan pa dang bde bar bya ba'i 'bras bu 'byung bas na rtsa ba bzang po dang 'dra'o/ /de la shing rtsa ba bzang na sdong po la sogs pa 'gyel bar mi 'gyur bas rtsa ba bzang po nyid bdag gi don to//yal ga dang 'dab ma dang me tog dang 'bras bu rgya che zhing stug pas ni gzhan la phan par byed pas gzhan gyi don to/ /de bzhin du byang chub kyi rigs la yang shin tu yangs pa'i yon tan gyi byang chub kyi shing skyes pa ni bdag gi don to/ /stug pos bde zhing sdug bsngal zhi ba dmigs pa ni gzhan gyi don to//bdag dang gzhan la phan pa'i 'bras bu zhes bya ba la sogs pa la/ byang chub kyi shing gi rtsa bar byang chub kyi rigs 'di gyur pas/ rigs de las bdag dang gzhan la phan pa'i 'bras bu 'byung bas na byang chub kyi rigs kyi yon tan bsngags pa yin no zhes bya ba'i don to//rigs kyi skabs bshad pa rdzogs so// //rigs kyi skabs kyi rjes la/ sems bskyed pa'i skabs bshad par cis 'brel zhe na/ gong du rigs bshad pa'i rjes la/ shin tu yangs pa'i yon tan byang chub shing skyes pas//stug po bde zhing sdug bsngal zhi ba dmigs pa'i phyir/ /bdag dang gzhan la phan bde bya bas 'bras bu bas/ /rtsa ba bzang po bzhin du rigs 'di mchog yin no/ /zhes bshad de ji ltar rtsa ba bzang po'i shing dang rtsa ba bzang po nyid rang gi don phun sum tshogs pa'o/ /de la yal ga dang 'dab ma dang me tog dang 'bras bu la sogs pa rgya chen po yod pas ni 'gro ba mang po'i longs spyod du gyur pas gzhan gyi don phun sum tshogs pa zhes bya'o//de bzhin du rang bzhin la gnas pa'i rigs yod na/ byang chub sems dpa' rnams kyis bdag dang gzhan gyi don gnyis 'grub par 'gyur ro/ / de la rnam pa gnyis 'grub pa yang rigs 'ba' zhig yod pa tsam gyis mi chog gi rigs la brten nas sems bskyed pa la sogs pa'i rim pas bsgrubs na 'dod pa 'grub kyi sems ma bskyed na ni mi 'grub bo/ /sems bskyed pa la sogs pa la yang rigs yod na 'dod pa 'byung ste gang la rigs yod pa de gdon mi za bar bla na med pa'i byang chub tu sems bskyed par 'gyur bas na rigs kyi skabs kyi rjes la sems bskyed par 'gyur ba'i skabs bshad par 'brel to//yang na sems bskyed pa'i rang bzhin ni 'di ltar gyur cig ces smon lam 'debs pa'i mtshan nyid do/ /smon lam 'debs pa de yang bdag nyid bla na med pa'i byang chub 'dod pa dang /sems can gyi don byed par 'dod pa'i phyir smon lam 'debs te/ sems can gyi don bya ba'i thabs ni bla na med pa'i byang chub tu sangs rgyas pa thob pa'o/ /de bas na sems can gyi thabs su gyur pas bla na med pa'i byang chub bsgrubs na byang chub tu sems bskyed pa la sogs pa'i rim pas bsgrub pa'o//de la yang rigs dang bcas pa'i stobs kyis byang chub tu sems bskyed na ni sems can de ldog pa med pa'i chos su 'gyur ro zhes bstan pa'i phyir rigs kyi rjes la sems bskyed pa'i skabs bshad par 'brel to/ /sems bskyed pa'i mtshan nyid du tshigs su bcad pa zhes bya ba la/byang chub tu sems bskyed pa'i mtshan nyid du rang bzhin bstan par bya ba'i phyir tshigs su bcad pa rtsom mo zhes bya ba'i don to/ /spro ba che zhing rtsom pa che/ /don chen po dga' thob pa che/ /byang chub sems dpa' sems dpa' ste/ / don gnyis dang ni sems bskyed pa'o/ /zhes bya ba la/ byang chub kyi sems kyi mtshan nyid ni spro ba che ba'i mtshan nyid dang / rtsom pa che ba'i mtshan nyid dang / don che ba'i mtshan nyid dang / thob pa che ba'i mtshan nyid dang / don gnyis la dmigs pa'i mtshan nyid de/ gong du bshad pa rnams bsgrub par bya'o snyam du sems bskyed pa'i sems las byung bas sems dpa' zhes bya ba'i sems las g.yo ba'i rang bzhin la sems bskyed pa zhes bya'o//spro ba che ba ni go cha'i brtson 'grus kyis theg pa chen po'i chos la zab cing rgya che ba'i chos rnams mnyan pa dang / bsam pa la sogs pa'i sgo nas rtogs par bya'o zhes sems spro zhing mi ldog pa dang /sems can gyi don du bskal pa grangs med par mgo dang rkang lag la sogs pa gtong ba'i dka' ba spyod pa la spro zhing mi ldog pa'i sems bskyed pa dang po la spro ba che ba zhes bya'o/ /rtsom pa che ba ni de ltar go cha'i brtson 'grus brtsams nas go cha brtsams shing khas blangs pa bzhin du sbyor ba'i brtson 'grus kyi ji ltar go cha bgo zhing khas blangs pa bzhin du zab cing rgya che ba'i chos rtogs par bya ba'i phyir ni chos nyan pa dang /sems pa goms pa la 'jug /sems can gyi don du ni pha rol tu phyin pa drug la sogs pa dang dka' ba spyad pa rnam pa sna tshogs bsgrub pa'i phyir rtsom pa che ba zhes bya'o//sems bskyed pa de'ang bdag gi don phun sum tshogs pa bsgrub par bya ba dang / gzhan gyi don phun sum tshogs pa bsgrub par bya ba'i phyir sems bskyed pas na don che ba'o/ /de ltar sems bskyed nas mjug tu 'bras bu bla na med pa'i byang chub thob pas na thob pa che ba zhes bya'o//byang chub kyi sems de yang sems g.yo zhing 'gul bar byed pa'i mtshan nyid sems las byung bas sems pa zhes bya bas bskyod nas byang chub kyi sems bskyed pas na byang chub sems dpa'i sems zhes bya ste/ byang chub kyi sems de ni sems dpa' zhes bya ba'i sems bskyed do zhes bya ba'i don to//byang chub kyi sems de ci las dmigs nas sems skye zhe na/ de nyid don gnyis la dmigs nas sems skye ste/ don gnyis ni bdag nyid byang chub chen po thob par bya bar dmigs pa dang / sems can la phan pa dang bde ba'i don bya bar dmigs nas byang chub kyi sems bskyed do zhes bya ba'i don to//de yan chad kyis mdor na byang chub kyi sems de yon tan gsum dang ldan pa dang / don gnyis la dmigs pa yin par bstan to/ /de la yon tan rnam pa gsum ni/ skyes bu byed pa'i yon tan dang /don byed pa'i yon tan dang / 'bras bu yongs su 'dzin pa'i yon tan no/ /don gnyis ni byang chub kyi don la dmigs pa dang / sems can gyi don la dmigs pa'o/ /de la spro ba che zhing rtsom pa che/ /zhes bya ba'i tshig gnyis kyis skyes bu byed pa'i yon tan bstan te/ dang po sems bskyed pa na yang sems kyi shugs drag tu bskyed la phyis sgrub pa'i tshe na yang dka' ba spyod pa thams cad de bzhin du bsgrub pa'i phyir ro//don chen po zhes bya bas don chen po'i yon tan bstan te/ bdag dang gzhan gyi don byed pa'i phyir ro/ /thob pa che zhes bya bas 'bras bu yongs su 'dzin pa'i yon tan bstan te mthar bla na med pa'i byang chub len pa'i phyir ro//don gnyis zhes bya bas gnyis la dmigs pa bstan te/ byang chub dang sems can gyi don la dmigs pa'i phyir ro/ /sems bskyed pa rab tu dbye ba'i tshigs su bcad pa zhes bya ba la/ byang chub kyi sems kyi mtshan nyid nas byang chub kyi sems la phye na du yod pa'i rab tu dbye ba 'chad de/byang chub kyi sems la phye na mos pa'i sems bskyed pa dang lhag pa'i bsam pa rnam par dag pa'i sems bskyed pa dang / rnam par smin pa'i sems bskyed pa dang / sgrib pa spangs pa'i sems bskyed pa dang phyen rnam pa bzhi yod do zhes bstan pa'i phyir tshigs su bcad pa rtsom mo//sems bskyed de ni mos pa dang / /zhes bya ba la/ mos pas spyod pa'i sa drod dang / spyi bo dang / bzod pa dang 'jig rten gyi chos kyi mchog gi tshe na sems bskyed pa ni theg pa chen po'i chos zab cing rgya che ba rtogs nas sems bskyed pa ni ma yin gyi theg pa chen po'i chos zab cing rgya che ba la dad pa'i sgo nas sems bskyed pas na/mos pa'i sems bskyed pa zhes bya'o/ /lhag pa'i bsam pa dag pa gzhan/ /zhes bya ba la/ gzhan gyi sgra ni sa dang po yan chad sa bdun pa man chad kyi sa la bya ste/ sa bdun po de dag gi sems pa la ni lhag pa'i bsam pa dag pa'i sems bskyed pa zhes bya'o//ci'i phyir zhe na/ gang bdag yin pa de bzhin gzhan gang yin pa de bdag ces gzhan du mnyam pa nyid kyi sems thob pas bdag dang gzhan gyi don phun sum tshogs pa 'thob par bya ba'i phyir lhag pa'i bsam pa zhes bya'o/ /gzung ba dang 'dzin pa'i dri ma dang bral bar bya ba'i phyir dag pa zhes bya'o//rnam par smin pa'i sa 'dod de/ /zhes bya ba la/ sa brgyad pa dang / sa dgu pa dang / bcu par byang chub tu sems bskyed pa la rnam par smin pa'i byang chub kyi sems zhes bya ste/ ci'i phyir zhe na/ sa de dag la rnam par mi rtog pa'i ye shes lhun gyis grub pa thob pas/sbyin pa la sogs pa'i pha rol tu phyin pa rnams la yang / brtsal 'bad med par lhun gyis grub par spyod pas na/ rnam par smin pa'i sems bskyed pa zhes bya'o/ /de bzhin sgrib ba spangs pa'o/ /zhes bya ba la/ sangs rgyas kyis kun tu 'od kyi dus na zad pa dang /mi skye ba'i mtshan nyid kyi byang chub kyi sems skyes pa la ni sgrib pa med pa'i sems skyes pa zhes bya ste/ ci'i phyir zhe na/ de'i tshe byang chub kyi sems de ni nyon mongs pa'i sgrib pa dang / shes bya'i sgrib pa ma lus par spangs pa'i mtshan nyid yin pa'i phyir ro//de bas na 'phags pa ga ya'i rtse mo'i mdo las kyang / lha'i bu gzhan yang sems bskyed pa dang po ni rgyu las yang dag par 'byung ba'o/ /sems bskyed pa gnyis pa ni ye shes las yang dag par 'byung ba'o/ /sems bskyed pa gsum pa ni spong ba las yang dag par 'byung ba'o//sems bskyed pa bzhi pa ni 'bras bu las yang dag par 'byung ba'o zhes gsungs so/ /sems bskyed pa rnam par dbye ba gdon mi za ba'i tshigs su bcad pa zhes bya ba la/ byang chub tu sems bskyed pa rnam pa bzhir phye ba la bzhi po de dag gi rtsa ba ni gang / bsam pa ni gang zhes don bcu gcig dris pa dang /de bzhin du lan btab pa la gdon mi za ba zhes bya ba ste/ de las brtsams nas tshigs su bcad pa ston to/ /de yi rtsa ba snying rjer 'dod/ /ces bya ba la/ byang chub kyi sems rnam pa bzhi'i rtsa ba gang zhe na zhes dris pa dang / de'i lan du byang chub kyi sems rnam pa bzhi'i rtsa ba ni snying rje yin par 'dod pa'i phyir ro zhes snying rjes sems can gyi sdug bsngal bsal bar bya'o snyam du sems pa ste/des sems can thams cad bsdus nas gnas so/ /gal te snying rje rtsa bar gyur pa med na ni sems can rnams kyi don du byang chub kyi sems rnams kyang mi skyed kyi nyan thos bzhin du mya ngan las 'das par 'jug par 'gyur te/de bas na rtsa ba ni snying rje'o/ /byang chub kyi sems de bzhi'i bsam pa gang ji ltar zhe na/ de'i phyir/ rtag tu sems can phan par sems/ /zhes bya ba smos te/ 'khor ba'i mtha'i bar du sems can thams cad zang zing rnam pa sna tshogs kyis phan btags te/tshe 'dir mi dge ba las bzlog cing dge ba la gzhag pa dang / tshe rabs gzhan du mya ngan las 'das pa la 'god do snyam du sems pa ni byang chub kyi sems de dag gi bsam pa'o/ /byang chub kyi sems de dag ci la mos she na/ de'i phyir chos la mos zhes smos te/byang chub kyi sems bzhi po de dag kyang nyan thos dang rang sangs rgyas kyi chos la ni ma dad kyi/ theg pa chen po'i chos zab cing rgya che ba la dad de/ de ni byang chub kyi sems de dag gi mos pa'o/ /byang chub kyi sems de dag ci la dmigs she na/ de'i phyir ye shes tshol bar dmigs pa de bzhin no zhes bya ba smos te/de'i ye shes ni theg pa chen po'i ye shes te/ rnam par mi rtog pa'i ye shes la bya'o/ /rnam par mi rtog pa'i ye shes thob par bya ba'i phyir theg pa chen po'i chos nyan pa dang / sems pa dang / bsgom pa la sogs pa'i sgo nas tshol ba nyid byang chub kyi sems kyi dmigs pa zhes bya'o//byang chub kyi sems de dag gi theg pa gang zhe na/ de'i phyir/ gong du 'dod pa theg pa ste/ /zhes bya ba smos te/ mos pas spyod pa'i sa la gnas na sa dang po ji ltar thob par bya zhes bya ba dang / sa bcu pa thob pa dang / sangs rgyas kyi sa ji ltar thob par bya zhes 'dod pa ni byang chub kyi sems de dag gi theg pa yin te/'dod pa des sa gong nas gong du 'phar ba'i phyir ro/ /byang chub kyi sems de dag gi rten gang zhe na/ de'i phyir/ sdom pa rgya chen de yi rten/ /zhes bya ba smos te/ byang chub sems dpa'i sdom pa dang / sdom pa'i tshul khrims dang /sems can don byed pa'i tshul khrims dang / dge ba sdud pa'i tshul khrims ni byang chub kyi sems de dag gi rten yin no zhes bya ba'i don to/ /byang chub kyi sems de dag gi bar du gcod pa gang zhe na/ de'i phyir mi mthun pa'i phyogs rnams skye ba la bar du gcod pa'o zhes bya ba smos te/byang chub kyi sems de ni bdag dang gzhan la phan par sems pa yin/ sems de dang mi mthun pa ni bdag 'ba' zhig mya ngan las 'das par 'gro bar sems pa'i sems nyan thos dang rang sangs rgyas kyi sems la bya ste/ theg pa chung ngu'i sems bskyed par gyur pa nyams su blangs te ma spangs na byang chub kyi sems mi 'byung bas de ni bar du gcod pa yin no zhes bya ba'i don to//byang chub de dag gi sems kyi rang bzhin gang zhe na/ de'i phyir/ bsod nams ye shes rang bzhin te/ /zhes bya ba smos te/ byang chub kyi sems ni rnam pa gnyis te/snying rje'i mtshan nyid dang / shes rab kyi mtshan nyid do/ /de la snying rje'i mtshan nyid ni sems can thams cad mya ngan las 'da'o snyam du sems pa ste/ de ni bsod nams kyi rang bzhin no/ /shes rab kyi mtshan nyid ni chos thams cad stong pa yin pas sems can gang yang mya ngan las 'das pa med do snyam du sems pa ste/de ni ye shes kyi rang bzhin no/ /byang chub kyi sems de dag gi legs pa gang zhe na/ de'i phyir/ dge ba 'phel ba legs pa'o/ /zhes bya ba smos te/ byang chub kyi sems bskyed pa las nam mkha'i khams ji tsam pa dang / sems can gyi khams ji tsam pa dang /'jig rten gyi khams ji tsam pa de tsam gyi bsod nams 'phel bar 'gyur ro/ /de ni byang chub kyi sems kyi legs pa yin no zhes bya ba'i don to/ /byang chub kyi sems de dag gi 'khor ba las ji ltar 'byung zhe na/ de'i phyir/ rtag tu pha rol phyin pa sbyar/ / de ni 'byung bar brjod pa'o/ /zhes bya ba smos te/ khams gsum nas 'byung ba dang / bla na med pa'i byang chub thob par bya ba'i phyir pha rol tu phyin pa drug la spyad cing sbyor na 'khor ba las 'byung bar 'gyur bas na 'byung bar byed pa ni pha rol tu phyin pa drug yin no zhes bya ba'i don to//byang chub kyi sems de dag gi mthar thug pa gang zhe na/ de'i phyir/ so so rang gi sbyor ba yis/ /de ni sa yi mthar thug ste/ /zhes bya ba smos te/ sa bcu re re nas rdzogs par thob pa la sa'i mthar thug pa zhes bya'o/ /de ltar sa'i mthar thug par 'gyur ba yang sa dang po la sbyin pa'i pha rol tu phyin pa la sbyar te/sbyin pa'i pha rol tu phyin pa rdzogs nas sa dang po mthar phyin pa zhes bya ba nas/ sa bcu pa ye shes kyi pha rol tu phyin pa la sbyar te/ ye shes kyi pha rol tu phyin pa rdzogs pa dang / sa bcu pa mthar phyin pa zhes bya'o/ /byang chub sems dpa'i sems bskyed pa gdon mi za bar rig par bya'o zhes bya ba la/rnam pa bcu gcig dris pa las de bzhin du lan btab pa de ni byang chub sems dpa'i sems bskyed pa rnam pa bzhi gdon mi za ba yin no zhes bya ba'i don to/ /brda'i dam bca' bar sems bskyed pa tshigs su bcad pa zhes bya ba la/ byang chub tu sems bskyed pa rnam pa gnyis yod do/ /brda'i dam bca' bar sems bskyed pa dang / don dam pa'i byang chub kyi sems so/ /de la brda'i dam bca' bar byang chub tu sems bskyed pa ni so so'i skye bo'i dus na sems bskyed pas na mos pas spyod pa'i sa 'jig rten chos mchog man chad kyi tshe sems bskyed pa la bya ste/de yang dge ba'i bshes gnyen gyis byang chub tu sems bskyed na bdag dang gzhan gyi don phun sum tshogs par 'gyur pas sems bskyed pa'i rigs zhes bskul ba'am/ bdag nyid kyi dge ba'i rtsa ba'i mthus byang chub tu sems bskyed pa ste/ de yang mkhan po dang slob dpon la sogs pas sems bskyed pa'i tshig ji skad brjod pa bzhin du tshig byung ba na sems bskyed pa ni brda'i dam bca' bar sems bskyed pa zhes bya'o/ /de la don dam pa'i byang chub kyi sems ni sa dang po yan chad kyi dus nas skye'o/ /grogs stobs rgyu stobs rtsa ba'i stobs//thos pa'i stobs dang thos goms stobs/ /brtan dang mi brtan skye bar gsungs/ /sems bskyed gzhan gyis bstan pa'o/ /zhes bya ba la/ grogs stobs zhes bya ba'i tshig dang / sems bskyed gzhan gyis bstan pa zhes bya ba'i tshig gnyis su sbyar te/ sems bskyed pa gang mkhan po'am slob dpon nam/dge ba'i bshes gnyen la la zhig gis byang chub tu sems bskyed na phan pa dang legs pa rgya chen po 'byung bas sems bskyed pa'i rigs so zhes bya ba'i chos bstan pa las byang chub tu sems bskyed pa ni grogs kyi stobs kyis sems bskyed pa zhes bya'o//byang chub sems dpa'i rigs yod pas rigs kyi mthus shugs kyis bskul nas byang chub tu sems bskyed pa ni rgyu'i stobs kyis sems bskyed pa zhes bya'o/ /rgyu dang rigs dag ni don gcig go/ /tshe rabs snga ma la theg pa chen po'i chos don zab cing rgya che ba rtogs par 'gyur ba dang /byang chub tu sems bskyed par 'gyur ba'i dge ba'i rtsa ba dang / bsod nams kyi tshogs bsags pas rigs brtas par gyur nas byang chub tu sems bskyed pa ni rtsa ba'i stobs kyis sems bskyed pa zhes bya'o/ /tshe rabs snga ma la theg pa chen po'i chos nyan pa dang / bsam pa dang / bsgom pa bya ste/ye shes kyi tshogs bsags pas tshe 'dir byang chub tu sems bskyed pa ni thos pa'i stobs kyis sems bskyed pa zhes bya ste/ yang na de bzhin gshegs pas lang kar gshegs pa la sogs pa'i mdo sde de dang de dag bshad pa na lha dang mi la sogs pa'i 'gro ba mang po byang chub tu sems bskyed pa ni thos pa'i stobs kyis sems bskyed pa zhes bya'o//tshe 'di la dge ba'i bshes gnyen mang po las chos thos pa yang lan grangs mang du mnyan te/ chos dang don shes kyis mthong nas sems bskyed pa ni thos pa goms pa'i stobs kyis sems bskyed pa zhes bya'o/ /de ltar brda'i dam bcas par sems bskyed pa rnam pa lnga las grogs kyis sems bskyed pa ni mi brtan pa'i mtshan nyid du skye bar gsungs pa ste/phyi nas de la ldog pa yod pa'i phyir ro/ /rgyu'i stobs dang thos pa'i stobs dang thos pa goms pa'i stobs kyis sems bskyed pa ni brtan pa'i mtshan nyid du gsungs pa ste/de dag la slar ldog pa med pa'i phyir ro/ /gzhan gyis bstan pa la sems bskyed pa ni gzhan gyis go bar byas pa las brdas yi dam 'dzin pa zhes bya'o zhes bya ba la/ mkhan po'am slob dpon nam dge ba'i bshes gnyen 'ba' zhig gis 'di snyam du sems la/tshig tu 'di skad brjod cig ces bsgo ste/ go bar byas pas 'di bzhin du brjod na byang chub tu sems bskyed pa ni brdas yi dam 'dzin pa'i sems bskyed pa zhes bya'o/ /de'i rigs rgyas bas zhes bya ba la/ theg pa chen po rtogs pa'i dge ba'i rtsa ba dang bsod nams bsags pas byang chub kyi rigs brtas par gyur nas byang chub tu sems bskyed pa ni rtsa ba'i stobs kyis sems bskyed pa zhes bya'o//don dam pa'i sems bskyed tshigs su bcad pa zhes bya ba la/ gang gi tshe gang zag dang chos la bdag med par rtogs nas chos kyi dbyings thams cad du 'gro ba'i mtshan nyid du khong du chud de gzung ba dang 'dzin pa gnyis spangs nas gzung ba la yang mi rtog /'dzin pa la yang rnam par mi rtog pa'i ye shes skyes pas na/ don dam pa'i byang chub tu sems bskyed pa zhes bya ste/ de yang sa dang po thob pa'i tshe na don dam pa'i byang chub kyi sems skye'o/ /don dam pa'i byang chub kyi sems de rgyu dang yon tan dang rang bzhin la sogs pa'i tshigs su bcad pa bdun pa bstan to zhes bya ba'i don to//rnam par mi rtog pa'i ye shes de la ci'i phyir don dam pa'i byang chub kyi sems zhes bya zhe na/ lung dam pa la mnos pa dang / rgyu dam pa bsgrub pa dang / rang bzhin dam pa khong du chud par bya ba'i phyir don dam pa'i byang chub kyi sems zhes bya'o zhes bstan par 'dod nas/rdzogs pa'i sangs rgyas rab bsnyen byas/ /zhes bya ba la sogs pa tshigs su bcad pa gcig smos te/ shes bya thams cad thugs su chud pas na rdzogs zhes bya ba la de yang phyin ci ma log par thugs su chud nas sangs rgyas zhes bya'o//mos pas spyod pa'i sar bskal pa grangs med pa gcig tu de bzhin gshegs pa rnams la gdugs dang rgyal mtshan dang / me tog dang bdug pa la sogs pa'i mchod pa dang de bzhin gshegs pa de dag gi thad nas dam pa'i chos nyan pa rnams bsams pa rnams bsgoms par byas pa ni/rdzogs pa'i sangs rgyas rab bsnyen bya/ /zhes smos te 'dis ni lung dam pa mnos par bstan to/ /bsod nams ye shes tshogs rab bsags/ /zhes bya ba la pha rol tu phyin pa drug las/ sbyin pa dang tshul khrims dang bzod pa gsum ni bsod nams kyi tshogs so//bsam gtan dang shes rab gnyis ni ye shes kyi tshogs la brtson 'grus gnyis ka'i tshogs te de gnyis kyang bsgrubs zhes bya ba'i don to/ /yang na de bzhin gshegs pa rnams la gdugs dang rgyal mtshan la sogs pas mchod pa ni bsod nams kyi tshogs la dam pa'i chos mnyan pa dang bsam pa la sogs pa byas pa ni ye shes kyi tshogs te de gnyis kyang bsgrubs zhes bya ba'i don to//'dis ni rgyu dam pa bsgrub pa bstan to/ /chos la mi rtog ye shes bskyed/ /de phyir de ni dam pa'o/ /zhes bya ba la/ de ltar rdzogs pa'i sangs rgyas la yang rab bsnyen byas bsod nams dang ye shes kyi tshogs bsags pas chos rnams la rnam par mi rtog pa'i ye shes te/'dis ni rang bzhin dam pa khong du chud par bstan to/ /de la chos ni phung po dang khams dang skye mched la sogs pa bstan pa dang gsung rab yan lag bcu gnyis la bya ste/de dag la gzung ba'i mtshan nyid la yang mi rtog/ 'dzin pa'i mtshan nyid du yang mi rtog rtag par yang mi rtog mi rtag par yang mi rtog pa ni/ chos la mi rtog pa'i ye shes skyes ba zhes bya ste/ don du rnam par mi rtog pa'i ye shes thob pa la bya'o/ /de ltar lung dam pa dang rgyud dam par bsgrubs pas na rang bzhin dam pa rtogs pa'i phyir rnam par mi rtog pa'i ye shes de la don dam pa'i byang chub kyi sems zhes bya'o//don dam pa'i byang chub kyi sems de sa dang po'i tshe thob nas dga' ba'i mchog skye bar 'gyur te/ der dga' ba'i mchog skyes pas sa dang po yang ming du sa rab tu dga' ba zhes btags so//ci'i phyir de'i tshe dga' ba skye zhe na/ de'i phyir/ chos dang sems can rnams dang ni/ /de yi bya ba dam pa dang / /sangs rgyas dang yang sems mnyam nyid/ /de ni de yi dga' ba'i mchog/ /ces bshad de/ sa dang po rnam par mi rtog pa'i ye shes thob pa'i tshe/ chos thams cad la sems mnyam pa rnyed pa dang /sems can thams cad la sems mnyam pa rnyed pa dang / de'i bya ba dam pa la sems mnyam pa rnyed pa dang / sangs rgyas dang yang sems mnyam pa rnyed do/ /mnyam pa bzhi rnyed pas brgya byin dang tshangs pa la sogs pa 'jig rten gyi 'byor pa rnyed de dga' ba dang /'phags pa nyan thos pas 'jig rten las 'das pa'i 'byor pa rnyed de dga' ba bas byang chub sems dpa'i dga' ba'i mchog rnyed pas na sa yang rab tu dga' ba zhes bya'o/ /de la phung po lnga ji ltar rang bzhin gyis stong pa yin pa de bzhin du khams dang skye mched rnams kyang rang bzhin gyis stong pa yin zhes chos la bdag med pa khong du chud pas sems mnyam pa nyid rnyed pa zhes bya'o//ji ltar bdag gang yin pa sems can gzhan yang de bzhin no/ /gzhan gang yin pa bdag kyang de yin zhes bdag dang gzhan mtshungs par khong du chud pas sems can rnams la sems mnyam pa nyid rnyed pa zhes bya'o//de'i bya ba zhes bya ba ni sems can rnams kyi don bya ba ste/ sems can gyi nyon mongs pa dang / sdug bsngal sel bar byed pa ni de'i bya ba dam pa zhes bya'o/ /ji ltar bdag gi kun 'byung gi mtshan nyid nyon mongs pa dang / sdug bsngal gyi mtshan nyid skye rga na 'chi spang bar bya ba de bzhin du sems can rnams kyi kun 'byung gi mtshan nyid nyon mongs pa dang /sdug bsngal gyi mtshan nyid skye rga na 'chi spang bar bya'o snyam du sems pas de'i bya ba dam pa la sems mnyam pa nyid rnyed pa zhes bya ste/ de'ang sa bcu'i sa dang po'i nang nas sems can gyi don rab tu thob par bya ba rjes su dran cing rab tu dga' ba yin zhes bya ba dang /bdag ni sems can thams cad kyi gnas su gyur to zhes rab tu dga' ba bskyed do zhes gsungs pa lta bu'o/ /sangs rgyas bcom ldan 'das rnams kyi chos kyi sku gang yin pa dang / bdag gis rtogs pa'i chos kyi dbyings kyi chos sku gang yin pa gnyis su tha dad pa med par khong du chud pas sangs rgyas dang sems mnyam pa rnyed pa zhes bya ste/de bas na sa bcu'i mdo las kyang bdag ni sangs rgyas kyi sa dang nye bar gyur to zhes rab tu dga' ba bskyed do zhes bya ba dang / bdag gis de bzhin gshegs pa thams cad mthong bar 'gyur ba dang nye bar gyur to zhes rab tu dga' ba bskyed do//bdag ni de bzhin gshegs pa thams cad kyi yul la yang dag par 'byung ngo zhes rab tu dga' ba bskyed do zhes gsungs pa lta bu'o/ /don dam pa'i byang chub kyi sems de don rnam pa drug dang ldan par bstan pa'i phyir/skye ba rgya che de la spro/ /bsam pa yang ni rnam par dag /lhag ma dag la mkhas pa dang / /'byung ba nyid du shes par bya/ /zhes bshad do/ /don rnam pa drug ni skye ba'i don dang / rgya che ba'i don dang / spro ba'i don dang / bsam pa rnam par dag pa'i don dang lhag ma la mkhas pa'i don dang /'byung ba nyid kyi don to/ /byang chub kyi sems de gnas gang nas skye ba bstan pa ni skye ba'i don to/ /nyan thos dag ni bdag gi don du sems bskyed kyi byang chub sems dpa' rnams ni bdag dang gzhan gnyi ga'i don du sems bskyed pas rgya che ba'i don dang ldan no/ /nyan thos dag ni bdag gi don bya bar spro'o//byang chub sems dpa' rnams ni bdag gzhan gnyi ga'i don bya bar spro bas spro ba'i don dang ldan no/ /nyan thos rnams ni nyon mongs pa'i sgrib pa dag nas rang gi byang chub kyi 'bras bu thob pa tsam du zad kyi byang chub sems dpa' rnams kyi sa ni nyon mongs pa dang shes bya'i sgrib pa gnyis dag nas bla na med pa'i byang chub thob par shes pas na bsam pa rnam par dag pa'i don dang ldan no//nyan thos dag ni rgyun du zhugs pa thob pa dang / lan cig phyir 'ong ba dang / phyir mi 'ong ba dang / dgra bcom pa'i sa la mkhas pa tsam du zad de byang chub sems dpa' rnams kyis dang po thob pa dang /sa gnyis pa yan chad sa bcu pa man chad kyi sa'i rang bzhin dang yon tan la mkhas pa dang / sa gong ma rnams ji ltar thob par bya ba'i thabs la mkhas pas na lhag ma dag la mkhas pa'i don dang ldan no/ /sa dang po mthar phyin te bor nas sa gnyis pa la 'jug pa ni 'byung ba nyid kyi don dang ldan pa zhes bya ste/sa dang po yang ji ltar 'dor bar 'gyur zhe na sa dang po la sbyin pa'i pha rol tu phyin pa yongs su rdzogs pa dang de bzhin gshegs pa brgya'i zhal lta ba la sogs pa yon tan brgya phrag brgya byed pa yang yid la byed la/ de dag thams cad kyang sems tsam du zad de rnam par rtog pa las skyes so zhes rtog cing sems tsam du rtog pa de yang spangs te rnam par mi rtog pa la gnas pas sa dang po bor nas sa gnyis pa la 'jug par 'gyur bar shes par bya'o//skye ba'i don rgya cher bstan pa'i phyir/ chos la mos pa sa bon dang / /zhes bya ba la sogs pa tshig gcig tsam du smos so//de la skye ba'i don kyang rnam pa bzhir rig par bya ste/ sa bon gyi bye brag dang / ma'i bye brag dang / mngal gyi bye brag dang / ma ma'i bye brag go/ /de la theg pa chen po'i chos zab cing rgya che ba la mos shing dad pa las byang chub kyi sems bskyed pas na chos la mos pa ni sa bon no//ma mchog pha rol phyin mchog skyes/ /zhes bya ba la/ pha rol tu phyin pa'i mchog ni shes rab kyi pha rol tu phyin pa ste/ chos thams cad stong par rtogs pa'i shes rab kyi pha rol tu phyin pa la don dam pa'i byang chub kyi sems skyes pas ma ni shes rab kyi pha rol tu phyin pa'o//de bas na 'phags pa dri ma med par grags pa'i mdo las kyang / byang chub sems dpa' rnams kyis ni/ /thabs la mkhas pa pha yin te/ /ma ni shes rab pha rol phyin/ /zhes gsungs so/ /ting nge 'dzin gyi rgyal po'i mdo las kyang / /mkha' mnyam rdul bral gzugs mchog 'chang //sku med mtshan bral shes rab sras/ /rab zab yon tan rgya mtsho'i thugs rje can/ /dpe med bdag gi spyi bor phyag zhog cig /ces gsungs so/ /bsam gtan bde ba'i mngal du ste/ /zhes bya ba ste/ dper na mkhris pa dang bad kan la sogs pa'i nad med pa'i mngal de bde ba bzhin du rnam par rtog pa'i gnod pa thams cad spangs pa'i bsam gtan de yang byang chub sems kyi mngal bde ba yin te/ci'i phyir zhe na/ sems rtse gcig pa'i mtshan nyid kyis bsam gtan yod pa dang yang dag pa ji lta ba bzhin du shes pa'i shes rab skyes pas bsam gtan ni mngal lta bur bshad do//snying rje skyed pa ma ma'o/ /zhes bya ba la dper na ma ma dam pas bu g.yang sa dang mi bde ba'i gnas su mi ltung bar srung bar byed pa bzhin du snying rje chen pos kyang byang chub kyi sems de nyan thos kyi mya ngan las 'das pa'i g.yang sar ltung bar byed pa srung bar byed pas na snying rje chen po ni ma ma'o//rgya che ba'i don zhib tu bstan pa'i phyir/ rgya cher shes par bya ba ni/ /smon lam chen po bcu bsgrub phyir/ /zhes bya ba smos te/ sa dang por bdag dang gzhan gyi don du smon lam chen po bcu bsgrubs te btab pas na byang chub kyi sems de rgya che bar rig par bya'o//smon lam bcu yang sa bcu'i sa dang po las de byang chub sems dpa' sa rab tu dga' ba de la shin tu gnas shing rnam pa 'di lta bu'i smon lam chen po dang brtson 'grus chen po dang / mngon par bsgrub pa chen po 'di dag mngon par bsgrubs te/ 'di ltar sangs rgyas thams cad ma lus par lhag ma med pa mtha' dag la mchod cing rim gro'i phyir rnam pa'i mchog thams cad dang ldan pa mos pa rgya chen pos rnam par dag pa zhes bya ba la sogs pa gsungs so//spro ba'i don rgya cher bstan pa'i phyir/ spro bar rig par bya ba ni/ /dka' byed rgyun rings mi skyo bar/ / zhes smos te/ bskal pa grangs med pa gsum gyi bar du sems can gyi don du mgo dang rkang lag la sogs pa gtong ba'i dka' ba'i spyod pa la skyo ba cung zad kyang med pa'i phyir don dam pa'i byang chub kyi sems de spro ba dang ldan par rig par bya'o/ /bsam pa rnam par dag pa'i don rgya cher bstan pa'i phyir/byang chub bsnyen par rig pa dang / /de yi thabs shes rnyed pas kyang / /bsam pa dag par shes par bya/ /zhes bya ba smos te/ sa dang po thob pa nas sangs rgyas kyi sa thob tu nye bar khong du chud pas kyang bsam pa rnam par dag par khong du chud par rig par bya ste/ de'i phyir sa dang po las ni bdag ni sangs rgyas kyi sar nye bar gyur to zhes rab tu dga' ba skyed do zhes gsungs so//gzhan yang thabs gang gis sangs rgyas kyi sa de thob par bya ba'i rgyu dang thabs kyang rtogs te/ de'i phyir yang bsam pa rnam par dag par rig par bya'o/ /de bas na sa dang po las de bzhin gshegs pa thams cad kyi ye shes la 'jug pa'i thabs rjes su dran zhing rab tu dga' ba yin no zhes gsungs so//lhag ma la mkhas pa'i don bstan pa'i phyir/ sa gzhan la ni mkhas pa'o/ /zhes bya ba smos te/ sa dang po la gnas pa'i tshe sa gnyis pa yan chad sa bcu pa man chad kyi rang bzhin dang yon tan gang yin pa la yang mkhas/sa gnyis pa yan chad ji ltar thob par bya ba'i thabs la mkhas pas na lhag ma la mkhas pa zhes bya'o/ /'byung ba'i don rgya cher bstan pa'i phyir/ 'byung bar shes par bya ba ni/ /mnyam par gzhag bzhin yid byed par/ /brtags pa tsam du de shes phyir//de yang rnam par mi rtog phyir/ /zhes smos te/ sa dang po las byung nas sa gnyis par 'jug par 'byung ba yang dang po'i rang bzhin sbyin pa'i pha rol tu phyin pa yongs su rdzogs pa yin pa dang / de'i yon tan sangs rgyas brgya'i zhal lta ba la sogs pa kun rdzob tu sa'i mtshan nyid ji ltar gzhag pa yang yid la byed la/sa'i mtshan nyid de dag kyang sems tsam du zad de/ sems kyis brtags pa tsam du zad do zhes rtog cing sems tsam du rtogs pa de yang spangs te/ rnam par mi rtog pa'i ye shes la gnas nas sa dang po por nas sa gnyis pa la 'jug par 'gyur ro zhes bya ba'i don to//dpe'i mtshan nyid chen po la tshigs su bcad pa drug go zhes bya ba la gong du brda'i sems bskyed pa dang / don dam pa'i sems bskyed pa gnyis kyi rgyu dang / rang bzhin dang yon tan la sogs pa bshad nas da tshigs bcad drug gis dpe'i yon tan dang sbyar te sems bskyed pa rnam pa gnyis kyi bdag nyid che ba dang /yon tan che ba ston to zhes bya ba'i don to/ /sa dang mtshungs par bskyed pa ste/ /zhes bya ba la/ so so'i skye bo'i dus nas brtsams nas te mos pas spyod pa'i sa chos mchog man chad kyi dus na bskyed pa ni sa dang mtshungs par shes par bya ste/ dper na sa chen po la brten nas rtswa dang shing dang sman dang 'bru rnam pa sna tshogs skye ba de bzhin du dang por sems bskyed pa de la brten nas kyang bsam pa dang sbyor ba la sogs pa dang pha rol tu phyin pa dang / byang chub kyi phyogs dang / sangs rgyas kyi chos kyi stobs dang / mi 'jigs pa dang / ma 'dres pa la sogs pa 'byung bas na dang po sems bskyed pa ni sa dang mtshungs par rig par bya'o//gzhan yang gser gyi mchog dang 'dra/ /zhes bya ba la/ gzhan gyi sgras ni bsam pa la snyegs te bsam pa dang ldan pa'i byang chub kyi sems ni gser gyi mchog dang 'dra bar rig par bya ste/ ci'i phyir zhe na/dper na gser gyi mchog bsregs pa dang / gcod pa dang ba dar ba la sogs pa rnam pa mang pos brtags na yang kha dog dang rang bzhin la 'gyur ba med pa de bzhin du/ sems can rnams la phan pa dang bde bar bya bar sems pa'i bsam pa dang ldan pa'i byang chub kyi sems la yang nam ji ltar yang 'gyur ba med pas na bsam pa dang ldan pa'i byang chub kyi sems ni gser mchog dang 'dra'o//yar gyi zla ba tshes pa bzhin/ /zhes bya ba la/ sbyor ba dang ldan pa'i byang chub kyi sems ni yar gyi zla ba tshes pa dang 'dra ste dper na zla ba tshes gcig nas nya'i bar du yang zheng je che je cher skye ba de bzhin du pha rol tu phyin pa la sbyor zhing spyod pa'i sbyor ba'i shugs kyis phul na bsod nams dang ye shes kyi tshogs dang pha rol tu phyin pa 'phel zhing rgyas par 'gyur bas na sbyor ba dang ldan pa'i byang chub kyi sems ni zla ba tshes pa dang 'dra'o//gzhan yang / me dang 'dra bar shes par bya//zhes bya ba la/ gzhan gyi sgras ni lhag pa'i bsam pa la snyegs te lhag pa'i bsam pa dang ldan pa'i byang chub kyi sems ni me dang 'dra bar shes par bya ste/ ci'i phyir zhe na/ dper na mer shing ji tsam ji tsam du bsnan pa me lce dang 'od kyang de tsam de tsam du cher 'gyur ba de bzhin du lhag pa'i bsam pa zhes bya ba ni mos pas spyod pa'i sa drod la gnas na gong ma'i rtse mo thob par bya'o snyam du sems nas sa bcu la gnas nas sangs rgyas kyi sa thob par bya'o snyam du sems pa la bya ste/sems des yon tan gong ma khyad par can rnams mngon sum du byed pas na lhag pa'i bsam pa dang ldan pa'i byang chub kyi sems ni me dang 'dra bar shes par bya'o//gter bzhin du shes par bya ste zhes bya ba la/ sbyin pa'i pha rol tu phyin pa dang ldan pa'i sems ni gter chen po dang 'dra bar shes par bya ste/ gter chen po ni mdo las dung dang pad+mo dang / pad+mo chen po la sogs pa rnam pa bzhi yod do zhes gsungs so//gter de dag nas yo byad phyung ste bza' ba dang bgo ba la sogs pa sems can la byin na sems can rnams tshim par byed la/ yo byad ji snyed cig phyung na yang gter de zad par mi 'gyur ba de bzhin du sbyin pa'i pha rol tu phyin pas chos dang zang zing la sogs pa'i longs spyod kyis byang chub sems dpa' rnams sems can mtha' med pa rnams tshim par byed la/byang chub sems dpa'i sbyin pa de phung po lhag ma ma lus pa'i mya ngan las 'das pa'i dbyings su yang zad par mi 'gyur bas na sbyin pa'i pha rol tu phyin pa dang ldan pa'i sems bskyed pa ni gter chen po dang 'dra'o//gzhan ni rin chen 'byung gnas bzhin/ /zhes bya ba la/ gzhan gyi sgras ni tshul khrims kyi pha rol tu phyin pa la snyegs te/ tshul khrims kyi pha rol tu phyin pa dang ldan pa'i byang chub kyi sems ni rin po che'i 'byung gnas dang 'dra ste/dper na rin po che rnam pa sna tshogs 'byung ba'i 'byung khungs nas rin po che dpag tu med pa sna tshogs 'byung ba de bzhin du/ byang chub sems dpa'i tshul khrims dang ldan pa'i sems bskyed pa la yang sa dang pha rol tu phyin pa dang byang chub kyi phyogs dang stobs dang mi 'jigs pa la sogs pa'i chos rin po che dpag tu med pa 'byung bas na tshul khrims dang ldan pa'i byang chub kyi sems ni rin po che'i 'byung gnas dang 'dra'o//gzhan dag rgya mtsho 'dra ba ste/ /zhes bya ba la/ gzhan gyi sgras ni bzod pa'i pha rol tu phyin pa la bya ste/ bzod pa'i pha rol tu phyin pa dang ldan pa'i byang chub kyi sems ni rgya mtsho dang 'dra bar shes par bya ste/ dper na rgya mtsho gru dang / nya dang / chu srin la sogs pas dkrugs na yang rnyog ma can du mi 'gyur ba de bzhin du byang chub sems dpa'i bzod pa dang ldan pa'i sems la yang grang ba dang tsha ba dang bkres pa dang skom pa gzhan gyis gnod par bya ba la sogs pas dkrugs kyang zhe sdang gi rnyog ma mi ldang bas na bzod pa dang ldan pa'i byang chub kyi sems ni rgya mtsho dang 'dra'o//rdo rje dang 'dra zhes bya ba la brtson 'grus dang ldan pa'i byang chub kyi sems ni rdo rje dang 'dra ste ji ltar zhe na/ dper na rdo rje la cis kyang mi tshugs pa de bzhin du byang chub sems dpa'i brtson 'grus dang ldan pa'i sems la yang le lo'i mtshon gyis mi tshugs pas na brtson 'grus dang ldan pa'i byang chub kyi sems ni rdo rje dang 'dra ba'o//ri rab dang 'dra zhes bya ba la bsam gtan dang ldan pa'i byang chub kyi sems ni ri rab dang 'dra bar shes par bya ste/ji ltar zhe na/ ri'i rgyal bo ri rab phyogs bzhi'i rlung gang gis kyang mi bskyod pa de bzhin du byang chub sems dpa'i ting nge 'dzin rtse gcig pa'i ting nge 'dzin dang ldan pa'i sems la g.yeng ba'i rnam par rtog pa'i rlung gis mi bskyod pas na bsam gtan dang ldan pa'i sems bskyed pa ni ri rab dang 'dra ba'o//rtsi yi rgyal po 'dra ba dang / /zhes bya ba la/ shes rab kyi pha rol tu phyin pa dang ldan pa'i byang chub kyi sems ni rtsi'i rgyal po dang 'dra bar shes par bya ste/ ji ltar zhe na/ dper na rtsi'i rgyal po mthong ba dang / bsnams pa dang myangs pa dang reg pas kyang /bad kan dang / mkhris pa dang / rlung las gyur pa'i nad thams cad zhi bar byed pa de bzhin du/ shes rab kyi pha rol tu phyin pa yang mnyan pa dang bsam pa dang / bsgoms pa'i sgo nas nyon mongs pa dang / shes bya'i sgrib pa'i nad thams cad zhi bar byed pas na/ shes rab kyi pha rol tu phyin pa dang ldan pa'i sems ni sman gyi rgyal po dang 'dra'o/ /mdza' chen bzhin du gzhan rig bya/ /zhes bya ba la/ tshad med pa bzhi dang ldan pa'i byang chub kyi sems ni mdza' bo chen po dang 'dra bar rig par bya ste/ ji ltar zhe na/ dper na mdza' bo chen po dus gsum du yang grogs byed de/bde ba'i tshe yang grogs byed la/ sdug bsngal gyi tshe yang grogs byed de/ bde ba yang ma yin sdug bsngal yang ma yin pa'i tshe na yang grogs byed pa de bzhin du tshad med pa bzhi dang ldan pa'i byang chub kyi sems kyis kyang dus thams cad du sems can yal bar mi 'dor te bde ba'i dus na yang sems can mi 'dor/sdug bsngal gyi dus na yang sems can mi 'dor/ bde ba dang sdug bsngal gnyi ga'i dus na yang sems can mi 'dor ro/ /ji ltar zhe na/ snying rjes ni sdug bsngal gyi dus na sems mi 'dor te/ sems can sdug bsngal las 'byin par byed pa'i phyir ro//byams pas ni bde ba'i dus na yang sems can mi 'dor te sems can bde ba la 'jog par byed pa'i phyir ro/ /dga' bas ni gang bde ba'i dus na sems can mi 'dor te/ sems can rnams rtag tu bde ba dang ldan par dga' ba'i phyir ro/ /btang snyoms kyis ni bde ba dang sdug bsngal gnyi ga'i dus na sems can mi 'dor te/ji ltar zhe na/ sems can bde ba byung ba rnams 'dod chags dang ldan par ma gyur cig ces sems pa dang / sdug bsngal gyi dus na zhe sdang dang ldan par ma gyur cig ces sems pa'i phyir ro/ /yid bzhin nor bu 'dra ba dang //zhes bya ba la/ mngon par shes pa lnga dang ldan pa'i byang chub kyi sems ni yid bzhin gyi nor bu dang 'dra bar shes par bya ste/ dper na yid bzhin gyi nor bu las bza' ba dang bgo ba la sogs pa'i yo byad ci bsam pa rnams 'byung ba de bzhin du 'grub pa dang 'dra bar rdzu 'phrul mngon par shes pa dang /rdzu 'phrul gyi mig dang / rdzu 'phrul gyi rna ba dang / gzhan gyi sems shes pa dang / sngon gyi gnas rjes su dran pa dang / 'chi 'pho shes pas kyang lus rnam pa sna tshogs su sprul pa dang / sems can gyi gzugs mthong bar byas pa dang / sgra thos par bya ba dang / sems shes par bya ba dang / sngon gyi dus shes par bya ba dang / phyi ma'i dus shes par bya ba la sogs pa ci dang ci bsam pa de bzhin du 'grub pas mngon par shes pa lnga dang ldan pa'i byang chub kyi sems ni yid bzhin gyi nor bu dang 'dra'o/ /nyi ma 'dra bar gzhan rig bya/ / zhes bya ba la/ gzhan gyi sgra bsdu ba'i dngos po bzhi dang sbyar te/ bsdu ba'i dngos po bzhi dang ldan pa'i byang chub kyi sems ni nyi ma dang 'dra bar rig par bya ste/ dper na nyi mas lo tog rnam pa sna tshogs smin par byed pa de bzhin du/ sbyin pa dang / ngag snyan pa dang / don spyod pa dang /don mthun pas kyang sems can rnams bsdus nas smin par byed de/ ji ltar zhe na/ ser sna can rnams ni sbyin pas bsdus nas dge ba la bkod/ zhe sdang can rnams ni ngag snyan pas bsdus nas dge ba la bkod/ gti mug can rnams ni don spyod pas bsdus nas dge ba la bkod/ nga rgyal can rnams ni don mthun pas bsdus nas dge ba la bkod pas na bsdu ba'i dngos po dang 'dra ba'i byang chub kyi sems ni nyi ma dang 'dra ba'o/ /dri za'i dbyangs dang 'dra ba dang / /zhes bya ba la/ dper na dri za dbyangs snyan pa snyan cing 'jam pa sems can rnams kyis thos na sems dga' ba dang bde ba skye ba de bzhin du chos so so yang dag par rig pa dang /don so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa bzhis sems can rnams la chos dang don gang 'dod pa de dag so so'i skad kyis chos bshad nas dga' ba dang sim par 'gyur bas na so so yang dag par rig pa bzhi dang ldan pa'i sems ni dri za'i dbyangs dang 'dra'o//rgyal po lta bur gzhan zhes bya ba la/ gzhan gyi sgras ni so sor brten pa bzhi la bya ste/ so sor brten pa bzhi dang ldan pa'i byang chub kyi sems ni rgyal po lta bur shes par bya ste/ji ltar zhe na/ rgyal po ni chud za ba'i rgyu yang byed/ chud mi za ba'i rgyu yang byed de/ gal te bsten legs na ni srid dang longs spyod la sogs pa sbyin par byed pas chud mi za ba'i rgyu byed do/ /bsten nyes na ni srid dang srog la babs pas chud za ba'i rgyu byed do/ /de bzhin du gang zag dang /yi ge dang / drang ba'i don gyi mdo dang / rnam par shes pa la brten na ni chud za ba'i rgyur 'gyur/ chos dang don dang nges pa'i don gyi mdo dang ye shes la brten na ni chud mi za ba'i rgyur 'gyur bas so/ /bang mdzod dang 'dra zhes bya ba la/ bsod nams dang ye shes kyi tshogs dang 'dra ba'i byang chub kyi sems ni bang mdzod dang 'dra ste/ji ltar zhe na/ bang mdzod kyi nang na 'bru dang nor la sogs pa rnam pa mang po yod pa de bzhin du bsod nams kyi tshogs dang ldan pa'i byang chub kyi sems la yang bsod nams kyi tshogs dpag tu med pa yod pa dang / ye shes kyi tshogs dang ldan pa'i byang chub kyi sems/la yang ye shes kyi tshogs dpag tu med pa yod pa'i phyir bang mdzod dang 'dra ba'o/ /lam po che zhes bya ba la/ byang chub kyi phyogs kyi chos sum cu rtsa bdun dang ldan pa'i byang chub kyi sems ni lam chen po dang 'dra ste/ ji ltar zhe na/ lam po cher dus gsum gyi sems can rnams kyang 'gro la rgyal po dang blon po dang 'bangs la sogs pa yang 'gro'o//de bzhin du 'das pa'i de bzhin gshegs pa dang nyan thos dang rang sangs rgyas rnams kyang lam 'di nas mya ngan las 'das par gshegs/ da ltar gyi de bzhin gshegs pa dang nyan thos dang rang sangs rgyas rnams kyang lam 'di nas mya ngan las 'das par gshegs/ma 'ongs pa'i de bzhin gshegs pa dang nyan thos dang rang sangs rgyas rnams kyang lam 'di nas mya ngan las 'das pa'i gnas su gshegs par 'gyur bas na lam po che dang 'dra ba'o//de dang 'dra bar de bzhin gzhan/ /zhes bya ba la/ gong du skyes pa dag dpe dang sbyar te bshad pa de dang 'dra bar de bzhin du 'og nas 'byung ba'i sems bskyed pa rnams kyang dpe dang sbyar te bshad do zhes bya ba'i don to/ /theg pa 'dra bar rnam rig bya/ /zhes bya ba la/ zhi gnas dang lhag mthong dang ldan pa'i byang chub kyi sems ni theg pa dang 'dra bar rig par bya ste/dper na rta dang glang po dang shing rta la sogs pa'i theg pas khur khal rnams khyer nas gang la 'gro bar bya ba'i gnas su phyin par 'gro ba de bzhin du zhi gnas dang lhag mthong zung du 'brel ba dang ldan pa'i sems kyis kyang bdag dang gzhan gyi don gyi khur bde bar khyer nas mya ngan las 'das pa'i gnas su 'gro bar byed pa'i phyir theg pa dang 'dra'o//bkod ma 'dra bar sems skyes nas/ /zhes bya ba la/ bkod ma ni chu mig gi khyad par la bya ste/ gzungs dang spobs pa dang ldan pa'i byang chub kyi sems ni chu mig khyad par can dang 'dra ste/ji ltar zhe na/ dper na chu mig khyad par can gyis sngon 'byung ba'i chu dag kyang lteng ka nas 'dzin cing / sngon ma byung ba'i chu yang rgyun mi 'chad par 'byung bar byed pa de bzhin du gzungs kyis ni sngon thos pa'i chos dang don mi brjed par byed la/ spobs pas ni sngon ma thos pa'i chos dang don rtogs par byed cing bskal par bshad na yang spobs pa zad par mi 'gyur bas bkod ma dang 'dra'o//dga' ba'i sgra dang mtshungs pa dang / /zhes bya ba la/ chos kyi mdo bzhi dang ldan pa'i byang chub kyi sems ni dga' ba'i sgra dang 'dra ste/ ji ltar zhe na/ sems can la la zhig nye du dang nor rdzas la sogs pa dang bral ba mi dga' zhing gnas pa las/'ga' zhig gis nye du dang nor rdzas la sogs pa dang phrad par 'gyur ro zhes gtam snyan pa smras nas sems dga' ba skye ba de bzhin du mya ngan las 'das pa dang thar pa thob par 'dod pa rnams kyis 'dus byas thams cad mi rtag pa dang /zag pa dang bcas pa thams cad sdug bsngal ba dang / chos thams cad bdag med pa dang / zhi ba dang mya ngan las 'das pa'o zhes bya ba'i sgra thos nas bdud rtsis tshim par byas pa de bzhin du sems dga' ba skye bas na chos kyi mdo bzhi ni dga' ba'i sgra dang mtshungs so//klung chen rgyun dang 'dra ba'o/ /zhes bya ba la/ bgrod pa gcig pa'i lam dang ldan pa'i byang chub kyi sems ni chu bo'i rgyun dang 'dra ste/ ji ltar zhe na/ dper na chu bo yang 'bad rtsol med par rang bzhin gyis lhun gyis grub pa bzhin du sa brgyad pa'i dus na mi skye ba'i chos la bzod pa thob ste/rnam par mi rtog pa'i ye shes lhun gyis grub pas bdag nyid kyis sangs rgyas kyi chos yongs su smin par bya ba dang / sems can yongs su smin par bya ba la 'bad rtsol med par rang bzhin gyis lhun gyis grub par byed pas na chu bo'i klung dang 'dra'o/ /rgyal sras rnams kyis sems bskyed pa//sprin dang 'dra bar rab bstan te/ /zhes bya ba la/ thabs dang ldan pa'i sras rnams kyi byang chub kyi sems ni sprin dang 'dra bar bstan te/ dper na sprin chen po las sa gzhi dang lo tog la sogs pa'i 'jig rten gyi 'byor pa sna tshogs 'byung ba de bzhin du thabs dang shes rab zung du 'brel ba'i thabs dang ldan pa'i byang chub kyi sems las kyang dga' ldan gyi pho brang nas 'chi 'pho ba bstan pa dang lhums su gshegs pa nas mya ngan las 'das pa bstan pa'i bar dag 'byung ba dang /'jig rten dang 'jig rten las 'das pa dang mtho ris dang / mya ngan las 'das par 'gyur ba'i chos rnam pa sna tshogs 'byung bas sprin dang 'dra'o//de'i phyir de ltar yon tan phyug/ /ces bshad pa la/ gong du bshad pa ltar dpe rnam pa nyi shu rtsa gnyis kyi tshul gyis na byang chub sems dpa' rnams kyi byang chub kyi sems de yon tan gyis phyug pa yin te de bas na dad pa dang dga' ba'i sems kyis byang chub kyi sems de bskyed par bya'o zhes bya ba'i don to//sangs rgyas kyi chos rnams kyi tshogs zhes bya ba la/ sangs rgyas kyi chos ni stobs dang mi 'jigs pa dang ma 'dres pa la sogs pa'i sangs rgyas kyi sar gtogs pa'i yon tan la bya'o/ /tshogs kyi sgras ni sa bcu dang pha rol tu phyin pa bcu la sogs pa la bya'o//rang gi rgyun gyis 'bab pa'i phyir/ /zhes bya ba la/ dper na chu klung 'bad rtsol med par rang gi ngang gis 'bab pa de bzhin du bgrod pa gcig pa'i dus na yang rnam par mi rtog pa lhun gyis grub pas bdag dang gzhan gyi don la 'bad rtsol med par byed do zhes bya ba'i don to//bgrod pa gcig pa'i lam gang gi tshe na rtogs she na/ de'i phyir mi skye ba'i chos la bzod pa thob na bgrod pa gcig ste zhes smos te/ sa brgyad pa thob pa'i tshe chos thams cad ma skyes pa'o zhes mi skye ba'i chos la bzod pa thob ste/ de'i tshe rnam par mi rtog pa'i ye shes lhun gyis grub pa rnyed pas bgrod pa gcig pa zhes bya'o/ /bgrod pa gcig pa'i don bstan pa'i phyir sa der song ba'i byang chub sems dpa' rnams bya ba byed pa tha mi dad pa'i phyir ro zhes smos te/ sa brgyad pa la zhugs pa'i byang chub sems dpa' rnams rnam par mi rtog pa lhun gyis grub pas sangs rgyas kyi chos yongs su smin par bya ba dang /sems can yongs su smin par bya ba la lhun gyis grub pa nyid du byed par 'dra ste/ tha dad pa med pas na bgrod pa gcig pa'o zhes bya'o/ /sems ma bskyed pa la smad par tshigs su bcad pa zhes bya ba la/ gong du byang chub kyi rgyu dang rang bzhin la sogs pa yang bshad/dpe'i sgo nas yon tan che bar yang brjod nas byang chub kyi sems dam pa de ma bskyed na skyon yod pa dang bden pa bzhi ma thob par bstan pa'i phyir tshigs su bcad pa rtsom mo zhes bya ba'i don to/ /pha rol don sems de thabs rnyed/ /dgongs chen don mchog de nyid thob//cher 'os sems bskyed spangs pa yis/ /skye bos bde spangs zhi bar 'gro/ /zhes bya ba la/ theg pa chen po byang chub kyi sems de byang chub sems dpa' dang de bzhin gshegs pas bskyed par 'os pas cher 'os sems bskyed pa zhes bya ste/ nyan thos dang rang sangs rgyas gang gis byang chub kyi sems de spangs nas yang skyes na de dag gis bde ba bzhi spangs shing /bde ba bzhi dang bral nas/ zhi ba mya ngan las 'das pa 'ba' zhig tu 'gro bar 'gyur ro zhes bya ba'i don to/ /de la pha rol gyi don ni pha rol la phan par bya ba ste/ de'ang spangs pa phun sum tshogs pa dang /ye shes phun sum tshogs pa la bzhag pa'o/ /de la spangs pa la yang rnam pa gnyis te/ nyon mongs pa'i sgrib pa spangs pa dang / shes bya'i sgrib pa spangs pa'o/ /ye shes kyang rnam pa gnyis te/ gang zag pa la bdag med par khong du chud pa'i ye shes dang / chos la bdag med par khong du chud pa'i ye shes so//byang chub sems dpa' dag pha rol gyi don la sems pa las bde ba mchog skye ste/ byang chub kyi sems dang bral ba de ni bde ba de yang mi 'thob bo zhes bya ba'i don to/ /de thabs rnyed ces bya ba la/ de'i sgras ni pha rol gyi don dang sbyar te/ pha rol gyi don bsgrub par bya ba'i thabs rnyed pa las byang chub sems dpa' bde ba mchog skye ste pha rol gyi don gyi thabs dang shes rab bo/ /gang gi byang chub kyi sems de spangs pa des bde ba yang mi 'thob bo zhes bya ba'i don to/ /dgongs chen don mchog ces bya ba ni theg pa chen po'i chos zab mo ma skyes pa dang ma byung ba dang /pha bsad pa dang ma bsad pa dang zhes bya ba la sogs pa dgongs pa zab mo ci las dgongs nas bshad pa'i don rtogs pa las byang chub sems dpa' rnams bde ba mchog skye ste/ byang chub kyi sems ma bskyed pa de ni bde ba de yang mi 'thob bo zhes bya ba'i don to//de nyid mthong zhes bya ba la/ de nyid ni chos la bdag med pa la bya ste/ chos la bdag med pa mthong ba las byang chub sems dpa' rnams bde ba skye ste/ byang chub kyi sems spangs pas ni bde ba de yang mi 'thob bo zhes bya ba'i don to/ /sems bskyed pa dang bsngags pas ngan 'gro dang yongs su skyo bas mi 'jigs pa'i phyir tshigs su bcad pa zhes bya ba la/don dam pa'i byang chub kyi sems de yang yon tan dang legs pa brjod pa dang / yon tan legs pa yod pas don dam pa'i byang chub kyi sems bskyed nas ngan song gsum du skye ba'i 'jigs pa yang med/ sems can gyi don gyi phyir dka' ba rnam pa sna tshogs spyod pas/skyo ba'i 'jigs pa med par bstan pa'i phyir tshigs su bcad pa rtsom mo/ /blo ldan sems mchog skyes ma thag tu yang / /mtha' yas nyes pa byed las sems rab bsdams/ /bde dang sdug bsngal la yang rtag tu dga'/ / dge ldan snying rje gnyis ni rtag par 'phel/ /zhes bya ba la/ blo ldan ni byang chub sems dpa' la bya ste/ bdag med pa gnyis khong du chud pa'i ye shes yod pas so/ /sems mchog ni don dam pa'i byang chub kyi sems la bya ste/ sa dang por don dam pa'i byang chub kyi sems de skyes nas/chos kyi dbyings thams cad du 'gro ba'i mtshan nyid du mthong ma thag tu nam mkha'i mthas gtugs pa'i sems can mtha' yas pa rnams la lus dang ngag dang yid gsum gyi sgo nas srog gcod pa dang / ma byin par len pa la sogs pa nyes par byed pa las sems bsdams te/de phan chad mi byed pa'i sdom pa thob pa'o/ /ji ltar sdig pa mi byed pa'i sdom pa thob pas na byang chub sems dpa' de ngan song gsum du skye ba'i 'jigs pa med do/ /byang chub sems dpa' rnams lha dang mi la sogs pa'i longs spyod kyi bde ba myong ba'i tshe na yang yid bde ba la/ngan song la sogs pa dang / sems can gyi don du mgo dang rkang lag la sogs gtong ba sdug bsngal myong ba'i dus na yang yid bde ste/ ci'i phyir zhe na/ rtag tu dge ba'i chos 'phel bar byas pa dang / rtag tu snying rje nyid 'phel bar bya ba'i phyir/bde ba dang sdug bsngal gnyi ga'i dus na bde ba'o/ /de la dge ba 'phel bar byas pas lha dang mi la sogs pa'i bde ba myong ba'i dus na yang longs spyod la gnas pa'i phyir bde ba'o/ /snying rje 'phel bar bya ba'i phyir sems can gyi don du ngan song gsum du grang ba dang tsha ba la sogs pa mang po myong yang skyo ba med pas na sdug bsngal gyi dus na yang bde'o//mi bya bar bsdams par tshigs su bcad pa zhes bya ba la/ mi bya ba ni mi dge bcu mi bya ba ste/ gang du don dam pa byang chub kyi sems skyes ma thag tu mtha' yas pa'i nyes pa byed pa las sems bsdams so zhes mdo tsam du bstan pa de ji ltar bsdams pa tshigs su bcad pa gcig gis zhib tu bshad do zhes bya ba'i don to//nam zhig lus dang srog la mi lta zhing / /zhes bya ba la/ byang chub sems dpa' rnams ni bdag pas ches sems can pha rol po gces shing phongs par 'dzin te/ sems can gyi don zhib tu gyur nas lus la yang mi lta ste lus gtong ba dang srog la yang mi lta ste srog kyang 'dor ro zhes bya ba'i don to/ /gzhan gyi don phyir rab tu ngal med na/ /zhes bya ba la/ gzhan yang sems can mi dge ba las bzlog cing dge ba la gnas pa dang / bla na med pa'i byang chub thob par bya ba'i phyir/bskal pa grangs med par mgo dang rkang lag la sogs pa gtong ba'i dus su sdug bsngal gyis kyang skyo ba med do zhes bya ba'i don to/ /de lta bu dag gzhan gyis gnod byas pas/ /nyes pa byas pa'i las la ga la 'jug/ /ces bya ba la/ de ltar gzhan gyi don du lus dang srog la yang mi lta zhing sdug bsngal rnam pa sna tshogs nyams su len pa de sems can gzhan gyis byang chub sems dpa' de la srog gcod pa la sogs pa'i nyes pa byas pas de'i lan du srog gcod pa la sogs pa'i nyes pa byed pa dang / bdag gi don dang sems can gzhan la srog gcod pa la sogs pa'i nyes pa byed pa la gang zhig 'jug ste/cung zad kyang mi 'jug go zhes bya ba'i don to/ /sems mi ldog par tshigs su bcad pa gnyis so zhes bya ba la/ gal te byang chub sems dpa' de lus dang srog la yang mi lta bar sems can gyi don byed du zin kyang skabs su byang chub kyi sems las bzlog go snyam du sems pa la/byang chub sems dpa' rnams ni ye shes kyi tshogs dang / bsod nams kyi tshogs kyis brtan pas byang chub kyi sems las bzlog mi srid do zhes bstan pa'i phyir tshigs su bcad pa gnyis smos so//des ni chos kun sgyu ma lta bur brtags/ /zhes bya ba la/ byang chub sems dpa'i ye shes kyi tshogs kyis phyi dang nang gi chos thams cad sgyu ma dang smig rgyu dang / rmi lam lta bur rang bzhin gyis stong par mthong ngo zhes bya ba'i don to/ /skye ba skyed mos tshal du 'gro ba bzhin//zhes bya ba la/ dper na skyed mos tshal ngan pa nas bzang por 'gro bas na/ mngon par lhag par dga' ba skye ba de bzhin du/ byang chub sems dpa' rnams bsod nams kyi tshogs dang ldan pas mi la sogs pa'i gnas nas shi 'phos te mi'i longs spyod btang nas lha la sogs pa'i gnas len pas na skyed mos tshal ngan pa bor nas bzang po len pa bzhin du dga' ba'i mchog skye'o zhes bya ba'i don to//'byor pa'i dus dang zhes bya ba la/ byang chub sems dpa' lha'i gnas su skyes na brgya byin dang tshangs pa la sogs pa lha'i bdag por 'gyur ba dang /mi'i nang du skyes na 'khor los sgyur ba'i rgyal po la sogs pa mi'i bdag por 'gyur ba ni 'byor pa'i dus zhes bya'o/ /rgud pa'i dus na yang zhes bya ba la/ longs spyod btang nas 'chi ba'i dus la bab pa ni rgud pa'i dus zhes bya'o/ /nyon mongs sdug bsngal dag gis mi 'jigs so//zhes bya ba la/ byang chub kyi sems ldog pa ni yang na 'dod chags la sogs pa'i nyon mongs pas bcings par dogs pas byang chub kyi sems bor nas mya ngan las 'da' ba'am/ yang na skye ba dang rgas pa la sogs pa'i sdug bsngal gyis 'jigs nas byang chub kyi sems 'dor grang na/byang chub sems dpa'i ye shes kyi tshogs kyis sgyu ma la sogs pa lta bur mthong bas lha dang mi la sogs pa'i 'byor pa'i dus na yang 'dod chags la sogs pa'i nyon mongs pas mi gos pa'i phyir/ nyon mongs pas mi 'jigs la/ byang chub sems dpa'i bsod nams kyi tshogs kyis tshe gcig tu 'chi zhing skye ba len pas na skyed mos tshal gcig nas gcig tu 'pho ba 'dra bar mthong bas skye ba dang rga ba'i sdug bsngal gyi 'jigs pa med pas byang chub kyi sems ga la ldog ste mi ldog go zhes bya ba'i don to//skye bas na skyed mos tshal dang 'dra'o zhes bstan pa'i don rgyas par bshad pa'i phyir/rang gi yon tan sems can phan par dga'/ /bsam bzhin skye dang rdzu 'phrul rnam par 'phrul/ /rgyan dang zas dang sa mchog rnam bzhi ste/ /rtsed mo dga' ba'i snying rje med la med/ /ces smos te/ sems can dag skyed mos tshal du 'gro bas na rnam pa bzhi byed de/lus bkrus nas rgyan la sogs pas brgyan par byed pa dang / sa gzhi bde ba dag tu gnas par byed pa dang / glu gar la sogs pa rtsed mo rnam pa sna tshogs byed pa ste/ de lta bu skyed mos tshal du ni sems 'jug cing ldog pa med do/ /de bzhin du byang chub sems dpa' tshe gcig nas gcig gis skyed mos tshal du rgyu bas na sbyin pa dang tshul khrims dang ting nge 'dzin dang gzungs dang shes rab kyi rgyan la sogs pa rang gi yon tan gyi rgyan yin no//sems can thams cad la phan pa dang bde bar byas pa dga' ba'i sems ni kha zas bzang po lta bu'o//sems can gyi don du lha dang mi la sogs pa'i gnas de dang de dag tu skye bar bya'o zhes bsam bzhin du skye ba ni skyed mos tshal gyi mchog dang 'dra'o/ /sems can gyi don du mngon par shes pa lngas rdzu 'phrul rnam pa sna tshogs mdzad pa ni byang chub sems dpa' rnams kyi rtsed mo ste yon tan de bzhi dang ldan na byang chub sems las ga la ldog ste mi ldog go zhes bya ba'i don to//yon tan de bzhi yang bdag dang gzhan gyi don spangs pa snying rje med pa'i nyan thos dang rang sangs rgyas la mi srid de de med do zhes bya ba'i don to/ /sdug bsngal gyi 'jigs pa bzlog par tshigs su bcad pa zhes bya ba la/de ltar byang chub sems dpa' nyon mongs pas 'jigs pa yang med 'chi ba'i sdug bsngal gyi 'jigs pa med du zin kyang 'khor ba na sems can gyi don du mgo dang rkang lag la sogs pa gtong ba'i sdug bsngal gyis 'jigs par 'gyur ro snyam pa la/sdug bsngal de yang med par bstan pa'i phyir tshigs su bcad pa rtsom mo zhes bya ba'i don to/ /gzhan phyir brtson ldan snying rje can dag ni/ /de dag mnar med pa yang dga' 'dzin na/ /gzhan la brten pa'i sdug bsngal 'byung ba yis/ /srid pa dag na de 'dra ga la skrag/ / ces bya ba la/ gzhan gyi phyir zhes bya ba ni sems can gzhan tshe 'dir mi dge ba las bzlog cing dge ba la bzhag pa dang / tshe rabs gzhan du mya ngan las 'das pa dang / thams cad mkhyen pa'i ye shes la bzhag pa ni gzhan gyi phyir zhes bya'o/ /de'i ched du pha rol tu phyin pa drug la spyod pa ni brtson pa dang ldan pa zhes bya'o//sems can gzhan sdug bsngal bas bdag kyang sdug bsngal bar 'gyur bas na snying rje can zhes bya ste/ byang chub sems dpa' de dag ni sems can gyi don du 'gyur na mnar med pa'i sems can dmyal ba na gnas na yang dga' zhing bde ba ste/ skyo ba med na sems can gyi don du 'khor ba na mgo dang rkang lag la sogs pa btang ba tsam gyi sdug bsngal gyis ga la skrag ste mi skrag go zhes bya ba'i don to/ /sems can yal bar 'dor du mi rung bar tshigs su bcad pa zhes bya ba la/ de ltar byang chub kyi sems las kyang mi ldog pa sdug bsngal gyis mi skrag tu zin kyang byang chub kyi sems dang ldan pa dag sems can gyi don mi byed de yal bar 'dor ro snyam pa la/byang chub kyi sems dang ldan pa rnams kyis sems can gyi don 'dor du mi rung bar bstan pa'i phyir tshigs su bcad pa rtsom mo zhes bya ba'i don to//slob dpon thugs rje chen pos rtag tu rten/ /zhes bya ba la/ 'jig rten na bdag gi don bya ba rnams la gzhan gyis ma bskul bar ma byas na yang ngo tsha zhing khrel ba yin na gzhan gyis bdag gi don byas la gzhan gyis bskul te ma byas na ha cang khrel zhes pa'o/ /de lta bu yin pa las slob dpon dang mkhan po mdzangs pa la brten pa rnams ni gdon mi za bar gzhan gyis bskul mi dgos par bdag don byed par 'gyur ro//de dang 'dra bar byang chub sems dpa' rnams ni sems can sdug bsngal ba rnams la rtag tu don gyis shig ces bskul ba'i snying rje chen po'i slob dpon gyis rgyun du bsten te/sems can gyi don bya bar bskul ma 'debs so zhes bya ba'i don to/ /pha rol sdug bsngal bas ni sems gdungs na/ /zhes bya ba la/ gzhan yang byang chub sems dpa' rnams la slob dpon snying rje chen pos bsten par ma zad kyi/ sems can gzhan gyi sdug bsngal ba mthong na shin tu bdag nyid sdug bsngal bar 'gyur ba'i rang bzhin can yin no zhes bya ba'i don to//gzhan gyi bya ba nye bar gnas pa la/ /gzhan gyis bskul ba shin tu ngo yang tsha/ /zhes bya ba la/ de ltar slob dpon snying rje chen pos kyang bsten gzhan sdug bsngal bas kyang bdag sdug bsngal ba'i rang bzhin can yang yin pas de sems can pha rol tu phyin pa drug la gzhag pa'i skabs su bab la/sems can gyi don byed pa rnams dge ba'i bshes gnyen gyis bskul nas don byed par 'gyur la/ byang chub sems dpa' lhag par ngo tsha bar bya ba yin no zhes bya ba'i don to//le lo la yang yongs su smin pa'i tshigs su bcad pa zhes bya ba la/ byang chub sems dpa' bdag dang gzhan gyi don du byang chub tu sems bskyed nas brtson 'grus smyur te bya dgos kyi/ le lo byar mi rung bar bstan pa'i phyir tshigs su bcad pa rtsom mo zhes bya ba'i don to//sems can dag gis khur chen mgos khyer la/ /sems can mchog ni dal gyis 'gro mi mdzes/ /bdag dang gzhan gyi rnam mang bcing bas bcings/ /brgya 'gyur du yang brtson 'grus bya bar rigs/ /zhes bya ba la/ 'jig rten na yang khur chen po khyer ba la lam ring por 'gro ba rnams ma bsgyur bar dal gyis song na gnas der phyin par mi 'gyur ba de bzhin du/byang chub sems dpa' sems can thams cad bla na med pa'i byang chub tu bsgral lo zhes bya ba'i khur mgos khyer te gces par byas nas byang chub kyi sems bskyed de sangs rgyas kyi sar 'gro dgos pa de pha rol tu phyin pa drug spyod pa la brtson 'grus dal gyis 'jug par mi rigs te/ci'i phyir zhe na/ dper na 'phags pa nyan thos lta bu bdag 'ba' zhig gi don du byed la/ bdag nyid kyis las dang nyon mongs pa dang 'tshe ba'i bcing ba gcod par rtsom pa yang gtsub shing las me 'byung ba bzhin du brtson 'grus bsgyur nas tshe gsum mam/bdun gyis rang gi 'bras bu thob par byed na byang chub sems dpa' bdag dang gzhan gnyi ga'i rgyud la yod pa'i las dang / nyon mongs pa dang 'tshe ba'i bcing bas bcings pa de bsal bar bya ba'i phyir/ le lo bya bar mi rigs kyi nyan thos pas bskal ba brgya stong du mas bslabs te/ brtson 'grus rtsom pa'i rigs so zhes bya ba'i don to/ /bcing ba gsum ni mngon pa'i chos mdzod la/ /mtshams med pa yi las rnams dang / /nyon mongs mi bzad ngan 'gro dang / /sgra mi snyan dang 'du shes med//sgrib pa dag ni gsum du 'dod/ /de la mtshams med pa lnga ni las kyis bcings pa'o/ /'dod chags dang zhe sdang chen po ni nyon mongs pas bcings pa'o/ /ngan song gsum dang byang gi sgra mi snyan dang 'du shes med pa'i lhar skyes pa ni tshe'i 'ching ba'o/ /byang chub tu sems bskyed pa lhag par bya ba'i skabs rdzogs so// //sems bskyed pa'i skabs kyi rjes la sgrub pa'i skabs bshad par cis 'brel zhe na/ gong du/ sems can dag gi khur ni mgos khyer la/ /sems can mchog ni dal gyis 'gro mi mdzes/ / bdag dang gzhan gyi rnam mang bcing bas bcings/ /brgya 'gyur du ni brtson 'grus bya ba'i rigs/ /zhes bya ba smos te/ pha rol tu phyin pa la bsgrub pa med na/ sems bskyed pa tsam gyis bla na med pa yang dag par rdzogs pa'i byang chub mi 'thob ste/ de las na sems bskyed pa la gdon mi za bar sgrub pa brtsams dgos so//de'i phyir byang chub sems dpa'i sgrub pa ni gnas chen po ste/ byang chub kyi sems la gnas pa'i phyir ro zhes 'og nas kyang bshad do/ /de lta bas na bla na med pa'i byang chub tu sems bskyed pa la brtan nas sgrub pa la 'jug par bya ste/ sems kyang bskyed/ sgrub pa la gnas nas gdod bdag dang gzhan gyi don 'grub kyi sgrub pa med na mi 'grub pas sems bskyed pa'i rjes la sgrub pa'i skabs bshad par 'brel to//yang na gong du rigs la gnas pas byang chub tu sems bskyed nas byang chub sems dpa'i bslab pa la bslab par bya'o zhes bshad pa las/ da ci la dmigs nas byang chub sems dpa'i bslab pa la slob par byed pa'i bslab pa'i dmigs pa'i khyad par ston to//bslab pa'i dmigs pa'i khyad par yang rnam pa lnga ste/ bdag dang gzhan gyi don dang / de kho na'i don dang / mthu dang / yongs su smin pa dang / bla na med pa'i byang chub bo/ /de lnga yang nyan thos la sogs pa las khyad zhugs te/ji ltar zhe na/ nyan thos rnams kyi bslab pa ni bdag gi don la dmigs pa dang / gang zag la bdag med pa'i de kho na'i don yin pa dang / stong gsum gyi stong chen po'i 'jig rten gyi khams gcig tsam gyi nang du rdzu 'phrul byed nus pas mthu chung ba dang /bdag yongs su smin par byed pa dang / nyan thos kyi byang chub len pa tsam du zad kyi byang chub sems dpa' ni de las kun bzlog pa ste/ bdag dang gzhan gyi don la dmigs pa dang / gang zag dang chos la bdag med pa de kho na'i don yin pa dang / rdzu 'phrul yang phyogs bcu'i 'jig rten gyi khams thams cad du 'jug pa dang /bdag dang sems can gnyi ga smin par byed pa dang / bla na med pa'i byang chub len pas khyad zhugs te/ de la yang bdag dang gzhan gyi don dang / de kho na'i don dang / mthu dang / yongs su smin par byed pa dang / bzhi la ni rgyu'i mtshan nyid lta bur dmigs la/bla na med pa'i byang chub la ni 'bras bu'i mtshan nyid lta bur dmigs pas/ sems bskyed pa'i rjes la bsgrub pa'i skabs bshad par 'brel to/ /yang na gong du rigs la gnas pas byang chub tu sems bskyed nas byang chub sems dpa'i bslab pa la bslab par bya ste/byang chub sems dpa'i bslab pa yang gang la bslab par bya ba dang / ji ltar bslab par bya ba dang / gang gis bslab par bya ba dang rnam pa gsum mo zhes smos pa las/ da gang la bslab par bya ba de ston te/ gang la bslab par bya zhe na/ bdag dang gzhan gyi don la sogs pa rnam pa lnga la bslab par bya ste/rnam pa lnga po de yang sgrub pa la gnas pa rnams kyis 'grub par nus kyi sgrub pa med pa rnams kyis 'grub par mi nus par bstan pa'i phyir sems bskyed pa'i rjes la sgrub pa'i skabs bshad bar 'brel to/ /gnas rtsom 'bras bu skye ba che bdag nyid/ /rgyal sras rnams kyi sgrub pa yin par 'dod//ces bya ba la/ rgyal ba ni rnam par mi rtog pa'i ye shes dang / chos kyi dbyings la ste/ de gnyis rtogs pa las skyes pa rnams ni rgyal ba'i sras zhes bya ste/ dngos su byang chub sems dpa' la bya'o/ /byang chub sems dpa' rnams kyi sgrub pa ni bslab pa gsum lta bu'i mtshan nyid yin par 'dod de/gang zhe na/ gnas che ba'i bdag nyid dang / rtsom pa che ba'i bdag nyid dang / 'bras bu che ba'i bdag nyid du 'dod do/ /de la dang po byang chub tu sems bskyed pa na sems can thams cad bla na med pa'i byang chub tu bsgral bar bya'o zhes sems bskyed pa de las sgrub pa 'byung bas na/sgrub pa de gnas che ba'i bdag nyid do/ /de ltar sems bskyed nas mos pas spyod pa'i sa yan chad/ sa bcu man chad kyi dus na bdag dang gzhan gyi don dag byed pa rtsom pa che ba'i bdag nyid du 'dod do/ /de nas sangs rgyas kyi sa kun tu 'od bla na med pa'i byang chub kyi 'bras bu len pas 'bras bu che ba'i bdag nyid de/de'i phyir na byang chub sems dpa'i spyod pa ni thog mar yang dge/ bar du yang dge/ tha mar yang dge ba zhes bya'o/ /de la gnas che bas thog mar dge'o/ /rtsom pa che bas bar du dge ba'o//'bras bu che bas tha mar dge ba'o/ /de ltar che ba rnam pa gsum dang ldan pa yin pas na/ rtag tu len pa chen po bzod pa che/ /don chen yang dag bsgrub pa'i bya ba byed/ /ces smos so/ /dang po byang chub tu sems bskyed pa na sems can thams cad bla na med pa'i byang chub tu bsgral bar bya'o zhes khas blangs pas na len pa che'o//de nas mos pas spyod pa'i sa yan chad sa bcu man chad kyi dus na bdag dang gzhan gyi don du dka' ba spyod pa rnam pa sna tshogs kyi mi skyo bas na bzod pa che ba'o/ /mjug tu sangs rgyas kyi sa de'i tshe bla na med pa'i byang chub tu sangs rgyas nas bdag dang gzhan gyi don phun sum tshogs pa bsgrubs pas na/don chen po yang dag par bsgrub pa'i bya ba byed pa zhes bya'o/ /bdag dang gzhan gyi don la khyad par med pa'i tshigs su bcad pa zhes bya ba la/ sems bskyed nas sgrub pa la gnas par bya'o zhes smos te/ de yang bdag gi don bsgrub pa dang /gzhan gyi don bsgrub par bya'o/ /de la bdag gi don ni nyon mongs pa dang sdug bsngal spangs pa dang / 'jig rten dang 'jig rten las 'das pa'i bde ba thob par bya ste/ ji ltar bdag la de ltar sgrub pa de bzhin du sems can gzhan la yang de dang 'dra bar sgrub par byed do zhes bstan pa'i phyir tshigs su bcad pa rtsom mo zhes bya ba'i don to//gzhan yang bdag tu mnyam pa'i sems bskyed pa/ /zhes bya ba la/ de kho na mngon sum du ma gyur kyang bdag gi sems bskyed pas mos pas spyod pa'i sa na mnyam pa dang / sems pa la sogs pa'i sgo nas ye shes kyi tshogs kyis bdag gang yin pa sems can gzhan yang de yin/gzhan gang yin pa bdag kyang de yin no zhes bdag dang sems can gzhan du sems mnyam pa rnyed pa dang / sa dang po thob pa'i dus na chos kyi dbyings thams cad du 'gro ba'i mtshan nyid du rtogs pas bdag dang gzhan du sems mnyam pa nyid rnyed do zhes bya ba'i don to//yang na bdag pas gzhan mchog sdug byed pa/ /zhes bya ba la/ ye shes kyis bdag dang gzhan mnyam pa nyid du rtogs pa yang ma zad kyi/ snying rje chen pos bdag pas kyang lhag par gzhan la sdug pa dang gces pa dang phongs par byed do zhes bya ba'i don to//de ltar bdag pas gzhan don mchog tu shes/ /bdag gi don dang gzhan gyi don kyang gang / /zhes bya ba la/ gong du bshad pa ltar ye shes kyis ni bdag dang gzhan mnyam pa nyid du rtogs/ snying rjes bdag pas sems can gzhan la gces par 'dzin te gzhan gyi don bya ba la mchog tu sems bskyed pa'i byang chub sems dpa' de dag la 'di ni bdag gi don/'di ni gzhan gyi don zhes tha dad par dbye ba ci yang med kyi don byas pa gang gzhan gyi don byas pa de nyid bdag gi don yang de yin no zhes bya ba'i tha tshig go/ /gzhan gyi don khyad par du bya ba'i tshigs su bcad pa zhes bya ba la/gong du byang chub sems dpa' rnams ni bdag pas gzhan la gces par byed do zhes bshad pa ji ltar na bdag pas gzhan la gces par byed do zhes bstan pa'i phyir tshigs su bcad pa rtsom mo zhes bya ba'i don to/ /de ltar snying rje'i bdag nyid gzhan don phyir//bdag la sdug bsngal gdung bar byed pa ltar/ /ji ltar 'jig rten pa dag dgra dag la/ /gdung bar bya ba'i snying rje yod ma yin/ /zhes bya ba la/ dper na snying rje chen po'i rang bzhin can byang chub sems dpa' rnams sems can gzhan bde ba dang / legs pa la gzhag pa'i phyir sems can gzhan gyi don du longs spyod dang /srid gtong ba dang / mgo rkang lag la sogs pa bcad pa'i sdug bsngal gyis byang chub sems dpa' rang nyid la mi bde ba dang gnod pa byed pa lta bu 'jig rten na dgra dang gshed po la sogs pa las gnod par bya'o zhes bsad pa dang bcad pa la sogs pa gnod pa sna tshogs kyis gnod par byed du bcug kyang gzhan gyi don du byang chub sems dpa' bdag la gnod par byed ba'i gnod pa de tsam mi nus so zhes bya ba'i don to//gzhan gyi don sgrub pa'i dbye ba'i tshigs su bcad pa gnyis te zhes bya ba la gong du sgrub pa'i gnas dang / rtsom pa dang /'bras bu yang bshad/ bdag dang gzhan gyi don la bye brag med pa yang bstan/ bdag bas gzhan pa'i don gces par byed pa yang bstan nas da ni tshigs su bcad pa gnyis kyis sems can rnam pa gsum la don rnam pa bcu gsum gyis byed do zhes bstan pa'i phyir tshigs su bcad pa rtsom mo zhes bya ba'i don to//chung 'bring dam pa'i chos nyid gnas pa dag/ /ces bya ba la/ sems can gsum zhes ston te/ nyan thos kyi theg pa'i rigs can rnams ni chung ngu'i chos nyid la gnas pa zhes bya'o/ /rang sangs rgyas kyi theg pa la gnas pa'i rigs can rnams ni 'bring gi chos nyid la gnas pa zhes bya'o//byang chub sems dpa'i rigs can gyi gang zag rnams ni dam pa'i chos nyid la gnas pa zhes bya'o/ /legs par bstan dang zhes bya ba la/ /cho 'phrul rnam pa gsum yod de/ rjes su bstan pa'i cho 'phrul dang /bshad pa'i cho 'phrul dang / rdzu 'phrul gyi cho 'phrul lo/ /de gang zag rigs can gsum rnams so so'i sems brtags na/ khyod kyi sems 'dod chags dang bcas so zhe'am/ zhe sdang dang bcas so zhe'am/ gti mug dang bcas so zhes ston pa ni rjes su bstan pa'i cho 'phrul zhes bya'o//de nas de'i gnyen por mi gtsang ba dang byams pa la sogs pa 'chad pa ni bshad pa'i cho 'phrul zhes bya ste/ bstan pa la dad pa rnams la cho 'phrul rnam pa gnyis bshad pa ni legs par bshad pa zhes bya ste/ 'di ni don gcig pa rnam pa gcig go/ /mgu byed ces bya ba la/bstan pa la ma dad pa'i mu stegs la sogs pa la rdzu 'phrul gyi cho 'phrul gyis gcig las du mar sprul pa'i cho 'phrul bstan pas dad par byas nas/ sangs rgyas kyi bstan pa la btsud pa ni mgu bar byed pa zhes bya ste/ 'di ni don byed pa rnam pa gnyis so/ /'jug pa zhes bya ba la/dkon mchog gsum la skyabs su btang nas khrims 'dzin du bcug pa na 'jug pa zhes bya ste/ 'di ni don gsum pa'o/ /don la nges pa zhes bya ba la/ theg pa gsum gyi rigs can so so'i theg pa'i chos la the tshom du gyur pa'i the tshom sel ba'i don la nges pa zhes bya ste/'di ni don byed pa bzhi pa'o/ /dge bar yongs su smin byed ces bya ba la/ the tshom bsal ba rnams pha rol tu phyin pa drug spyod du bcug pa ni yongs su smin par byed pa zhes bya ste/ 'di ni don byed pa lnga pa'o/ /de ltar lung bsgo'o zhes bya ba la/ bsam gtan gyi man ngag med pa rnams la/bsam gtan gyi man ngag sbyin pa'i lung bsgo ba zhes bya ste/ 'di ni don byed pa drug pa'o/ /gnas dang zhes bya ba la/ bsam gtan gyi man ngag thob pa rnams la/ sems rtse gcig pa'i ting nge 'dzin thob par byas pa ni gnas pa rnams kyis bya zhes bya ste/ 'di ni don byed pa bdun pa'o/ /blo gros byed ces bya ba la/ shes rab bskyed nas theg pa so so'i mya ngan las 'das pa dang thar pa thob par byed pa'i blo gros byed ces bya ste/ 'di ni don byed pa brgyad pa'o/ /yon tan ldan pa thob dang zhes bya ba la/ thar pa thob pa rnams kyis mngon par shes pa dang /byang chub kyi phyogs dang / mtha' dag skye mched ces pa la sogs pa'i yon tan thob par byas pa'i yon tan dang ldan pa thob pa zhes bya ste/ 'di ni don byed pa dgu pa'o/ /de bzhin du rigs su skyes dang zhes bya ba la/ 'di yan chad du ni theg pa gsum gyi rigs la gnas pa gang zag rnams la spyir thun mong du don ji ltar byed pa bstan nas/da ni theg pa chen po'i rigs can 'ba' zhig gi don thun mong ma yin par byed pa ston te/ mos pas spyod pa'i sa'i rim pa nas sa dang po thob par bya ba ni rigs su skyes pa zhes bya ste/ sa bcu las kyang sa dang po thob par byas na sangs rgyas kyi rigs su skyes so zhes gsungs so//'di ni don byed pa bcu pa'o/ /lung bstan zhes bya ba las brgyad pa'i dus na lung bstan pa thob pa zhes bya ste/ ci'i phyir zhe na/ sa brgyad pa thob pa'i byang chub sems dpa' rnams de bzhin gshegs pas sangs rgyas kyi zhing che ge mo zhig tu sangs rgyas kyi mtshan 'di zhes bya bar 'gyur ro zhes lung ston pa'i phyir te/'di ni don byed pa bcu gcig pa'o/ /dbang bskur dang zhes bya ba la sa bcu pa'i dus na ni phyogs bcu'i de bzhin gshegs pa thams cad kyi 'od zer gyis chos kyi rgyal po'i rgyal tshab tu dbang bskur bar mdzad de/'di ni don byed pa bcu gnyis pa'o/ /de bzhin gshegs mkhyen bla med go 'phang dang / /zhes bya ba la/ sangs rgyas kyi sa kun du 'od du me long lta bu'i ye shes la sogs pa ye shes bzhi thob par byas pa ni de bzhin gshegs pa'i mkhyen pa/ bla na med pa'i go 'phang la gzhag pa zhes bya ste/'di ni don byed pa bcu gsum pa'o/ /gzhan don de gsum bcu gsum bdag nyid do/ /zhes byang chub sems dpa' gzhan gyi don byed pa ni/ sems can rnam pa gsum la don rnam pa gsum byed do zhes bya ba'i don to/ /gzhan gyi don sgrub pa la tshigs su bcad pa zhes bya ba la/gzhan gyi sgras ni nyan thos kyi rigs can dang / rang sangs rgyas kyi rigs can dang / theg pa chen po'i rigs can rnams la bya ste/ sems can de dag gi don sgrub pa la/ sems can de dag gi bsam pa che chung dang snod che chung las chos kyang de dang 'tsham par so so'i theg pa 'chad pa ni ci rigs don byed pa ste/de bstan pa'i phyir tshigs su bcad pa rtsom mo zhes bya ba'i don to/ /skye bo mthun pa zhes bya ba la/ nyan thos kyi rigs can gyi gang zag rnams ni dbang po rtul zhing snod chung ba yin pas nyan thos kyi theg pa'i chos nyid bshad kyi theg pa chen po'i chos ma bshad pa dang /rang sangs rgyas kyi rigs can gyi skye bo rnams ni shes rab 'bring la snod 'bring yin pas rang sangs rgyas kyi chos nyid bshad kyi theg pa chen po mi bshad pa dang / theg pa chen po'i rigs can gyi skye bo rnams ni shes rab rno ba snod chen po yin pas theg pa chen po'i chos nyid bshad kyi/nyan thos dang rang sangs rgyas kyi theg pa'i chos mi bshad pa ste/ de bas na 'phags pa dkon mchog brtsegs pa las kyang / nyan thos dang rang sangs rgyas kyi theg pa rnams la zab cing rgya che ba'i chos 'chad pa ni/ byang chub sems dpa'i 'khrul pa'o zhes gsungs so/ /phyin ci ma log 'chad pa dang //zhes bya ba la/ nyan thos dang rang sangs rgyas dang theg pa chen po'i rigs can rnams la yang rnam pa gsum yod de/ 'dod chags kyi shas che ba dang / zhe sdang gi shas che ba dang / gti mug gi shas che ba ste/ de dag la yang rjes su bstan pa'i cho 'phrul gyis sems brtags nas bshad pa'i cho 'phrul gyis 'dod chags can la mi gtsang ba bsgom pa ston/zhe sdang can la byams pa bsgom pa ste/ gti mug can la rten cing 'brel bar 'byung ba bsgom pa ston pa ni phyin ci ma log par 'chad pa zhes bya'o// //mi 'gying ba dang zhes bya ba la/rdzu 'phrul gyi cho 'phrul gyis 'bar ba dang / 'phur ba la sogs pa bstan nas sems can mgu bar bya ste/ bstan pa la dad pa bskyed kyang byang chub sems dpa' 'di lta bu zhig gis sems can gyi don byas so zhes lus dang ngag dang yid kyi sgo nas 'gying ba med de/ lus kyi sgo nas mi 'gying ba ni lus mi 'chos pa'o//ngag gi sgo nas mi 'gying ba ni ngoms spyod mi byed pa'o/ /sems kyi sgo nas mi 'gying ba ni nga rgyal che bar mi sems pa'o/ /nga rgyal med cing ces bya ba/ rdzu 'phrul gyi cho 'phrul gyis sems can mgu bar byas nas skyabs su btang ste/ bslab pa 'dzin du bcug pa rnams la yang 'di ni bdag gis btul te bdag gi slob ma yin no snyam du sems pas nga rgyal med pa zhes bya'o//mkhas dang zhes bya ba la theg pa gsum gyi rang dang spyi'i mtshan nyid la mkhas pas sems can mi shes pa rnams kyi mi shes pa sel ba dang / log par shes pa rnams kyi log par shes pa med par byed pa dang /the tshom du gyur pa rnams kyi the tshom gcod par byed pas na mkhas pa zhes bya'o/ /bzod can zhes bya ba la/ byang chub sems dpa' sems can sa bcu dang pha rol tu phyin pa bcu la dgod pa'i phyir sems can gyi don du grang ba dang / tsha ba la sogs pa nyams su len cing skyo ba med pas na bzod pa can zhes bya'o//dul zhes bya ba la lus bsdams pa dang / ngag bsdams pa dang / yid bsdams pas dul ba zhes bya ste/ bdag de ltar dul na sems can gzhan yang byang chub sems dpas dul bar nus so/ /ci'i phyir zhe na/ mdo dag las kyang bdag ma grol na sems can grol bar mi nus/bdag ma zhi na sems can zhi bar bya bar mi nus/ bdag ma dul na sems can gzhan dul bar bya bar mi nus so zhes gsungs pa'i phyir te/ 'di yan chad du byang chub sems dpa' sems can sa la zhugs pa rnams la don ji ltar byed pa bstan to/ / shin tu ring song zhes bya bas sa la zhugs pa'i byang chub sems dpa' rnams kyis gzhan yang sa la 'jog pa'i sgo nas sems can gyi don byed pa ston to/ /sa dang po thob pa nas sangs rgyas kyi sa man chad sa bcu gcig la zhugs pa'i dus na ni ring du song ba zhes bya ste/ci'i phyir zhe na/ sa de dag la nyan thos dang rang sangs rgyas dang so so'i skye bo rnams kyis 'jug par mi nus pa'i phyir ro/ /de la sa dang po'i dus na ni byang chub sems dpa' de bzhin gshegs pa'i rigs su skyes pa zhes bya ste/ de thob dang sems can gzhan dag sa dang po thob par bya ba dang /de bzhin gshegs pa'i rigs su skye bar byed pa'i don byed nus so/ /sa brgyad pa'i dus na ni lung bstan pa thob ces bya ste/ rnam par mi rtog pa lhun gyis grub pa thob pas bdag de la gnas na sems can gzhan yang de la 'jog par nus so/ /sa bcu pa'i dus na ni rgyal tshab tu dbang bskur ba thob pa zhes bya ste/bdag de la gnas na sems can gzhan yang gnas te thob par bya bar nus so/ /sangs rgyas kyi sa'i dus na ni ye shes bzhi la gnas pa ste/ bdag gis de thob pas sems can gzhan yang de la dgod par bya bar nus so/ /mi zad pa zhes bya ba la/ byang chub sems dpa'i sgrub pa ni mi zad pa ste/ci'i phyir zhe na/ rnam pa bzhis mi zad pa'i phyir ro/ /rnam pa bzhi ni byang chub kyi sems kyis bsgral bar bya ba'i sems can mi zad pas sems can gyi don du bskyed pa'i byang chub kyi sems mi zad pa dang / byang chub kyi sems mi zad pas bsam pa mi zad pa dang /bsam pa mi zad pas bsam pa las byung ba'i snying rje mi zad pa dang / snying rje mi zad pas thabs dang shes rab kyang mi zad pa ste de bas na mi zad pa zhes bya'o/ /rgyal sras rnams kyi sgrub pa mchog yin no/ /zhes bya ba la/ gong du bshad pa lta bu'i tshul du byang chub sems dpa' rnams sems can gyi don byed pas byang chub sems dpa' rnams kyi sgrub pa ni mchog dam pa ma nor ba yin no zhes bya ba'i don to//'gying ba med pas mgu bar byed pa yi/ /zhes bya ba la/ byang chub sems dpa'i rdzu 'phrul gyi cho 'phrul gyis sems can dad pa bskyed de mgu bar byas na yang 'gying ba med de/nga rgyal skyed pa med do zhes bya ba'i don to/ /nga rgyal med pas ni 'jug pa ste zhes bya ba la/ rdzu 'phrul gyi cho 'phrul gyis sems can dad pa bskyed nas skyabs su btang ste/ bstan pa la 'dzud kyi rdzu 'phrul byas so snyam du sems pa yang med la/ 'di dag ni bdag gi bstan pa la 'jug ste/bdag gi slob ma yin no snyam du sems pa'i nga rgyal yang med do zhes bya ba'i don to/ /mkhas pas ni don la nges par 'gyur ro zhes bya ba la/ theg pa gsum gyi rang dang spyi'i mtshan nyid la mkhas pas na bdag gis kyang de ni phyin ci ma log par rtogs la/sems can gzhan gyi yang mi shes pa dang log par shes pa dang / the tshom gcod par byed pas na don la nges pa zhes bya'o/ /bzod pas ni dge ba la yongs su smin par byed pa'i sgrub pa zhes bya ba la/ sems can rnams pha rol tu phyin pa bcu dang / sa bcu'i dge ba la bkod nas/yongs su smin par bya ba'i don du grang ba dang / tsha ba la sogs pa'i sdug bsngal gyis mi skyo ba ni bzod pa zhes bya ba'i don to/ /dul bas ni lung bsgo ba la sogs pa'i sgrub pa ste// zhes bya ba la/ bdag nyid lus dang ngag dang yid gsum gyi sdom pa la gnas pa ni sems can mi dge ba las bzlog ste/dge ba la sogs pa la bzhag pa'i phyir lung bsgo bas gdul bar nus te/ ci'i phyir zhe na/ bdag ma dul bar gzhan gdul bar mi nus pa'i phyir ro/ /shin tu ring du song bas ni rigs su skye ba la sogs pa sgrub ste zhes bya ba la/ sa bcu gcig thob pas ni sems can rnams de bzhin gshegs pa'i rigs su skye ba bsgrub pa dang /lung bstan pa bsgrub pa dang / thams cad mkhyen pa'i ye shes sgrub par nus kyi ring du song ba'i sa ma thob par ni mi nus zhes bya ba'i don to/ /sgrub pa'i khyad par tshigs su bcad pa zhes bya ba la/ 'dod khams kyi lha dang mi ni 'dod pa'i yon tan lnga tsam sgrub/gzugs dang gzugs med pa'i khams kyi lha dag ni bsam gtan gyi bde ba tsam sgrub/ nyan thos dang rang sangs rgyas rnams ni bdag gi don du zhi ba phyogs gcig pa'i mya ngan las 'das pa tsam sgrub kyi de dag las byang chub sems dpa'i sgrub pa 'phags so zhes bstan pa'i phyir tshigs su bcad pa rtsom zhes bya ba'i don to//'dod pa'i skye ba'i 'jigs pa chen po yin/ /zhes bya ba la/ 'dod pa'i khams su skyes pa'i sems can rnams ni rtag tu gzugs la sogs pa 'dod pa lnga'i yon tan la spyod pas de'i rgyu dang rkyen gyis tshe 'dir yang bcing ba dang gsad pa la sogs pa'i lus kyi sdug bsngal dang sems la mi bde ba la sogs pa sems kyi sdug bsngal 'byung zhing de'i rgyus tshe rabs gzhan du yang ngan song gsum du skye bar 'gyur bas na 'jigs pa chen po dang ldan pa yin no zhes bya ba'i don to//srid pa'i bde dga' mi brtan phyin ci log /ces bya ba la/ srid pa'i sgras ni gzugs dang gzugs med pa'i khams la bya ste/ gzugs dang gzugs med pa'i khams kyi ting nge 'dzin bde ba la chags pa'i ting nge 'dzin la bya ste/ bde ba ni mi brtan pa yang yin la phyin ci log kyang yin no zhes bya ba'i don to//ci'i phyir zhe na/ mi rtag pa yod pa dang / don dam pa'i sdug bsngal yod pa'i phyir ro/ /de la mi rtag pa yod pa ni bde ba dang 'grogs su med kyi shi 'phos nas ngan song la sogs par skye bar 'gyur te/ de ltar mi rtag pa yod pas mi brtan pa'o//gnas de dag na bde ba yang ma yin/ sdug bsngal yang ma yin pa'i 'du byed kyi sdug bsngal gyis khyab pa dang / don dam pa'i sdug bsngal yod do/ /des sdug bsngal yin par ma mthong bas na phyin ci log yod pa zhes bya'o/ /so so rang gis skyed par bzhi dga'/ /zhes bya ba la/ 'phags pa nyan thos dang rang sangs rgyas dag ni so so rang gi rgyud la yod pa'i skye ba dang / gnas sogs pa'i sdug bsngal skyed par byed pa'i rgyu las dang nyon mongs pa srangs nyan snying rje med pa'i phyir sems [(]gyi [,]kyi [)]ngon la bya ba spangs te/ /zhib phyogs gcig pa'i mya ngan las 'das par dga' bar byed do zhes bya ba'i don to//rtag tu kun gyis skyed pa zhi ba snying rje bdag/ /ces bya ba la/ byang chub sems dpa' ni shes rab dang yang ldan/ snying rje dang yang ldan pa yin te/ shes rab dang ldan pas 'khor pa'i mtha'i bar du sems can kun gyi don la yod pa'i skye ba dang / rga ba la sogs pa'i sdug bsngal skyed par byed pa'i rgyu nyon mongs pa zhi bar byas nas snying rje dang ldan pas nyan thos bzhin du mya ngan las 'das pa'i dbyings 'ba' zhig tu ma zhugs kyi sems can gyi don du 'khor ba na bzhugs so zhes bya ba'i don to//tshigs bcad 'dis ni byang chub sems dpa'i sgrub pa 'jig rten gyi sgrub pa dang /'jig rten las 'das pa'i sgrub pa las kyang 'phags par ston te/ shes rab dang ldan pas ni bdag dang gzhan gyi rgyud la yod pa'i nyon mongs pa sel bas 'jig rten gyi sgrub pas kyang 'phags so/ /snying rje yod pas mya ngan las 'das pa'i phyir nyan thos la sogs pa'i 'jig rten las 'das pa'i sgrub pa las kyang 'phags so//da ni tshigs su bcad pa gcig gis 'jig rten gyi bsgrub pa bas byang chub sems dpa'i bsgrub pa ches khyad zhugs te 'phags so zhes bstan pa'i phyir/ skye bo rmongs pa bdag gi bde don brtson/ /rtag tu de rnyed mi 'gyur sdug bsngal 'gyur//zhes bya ba la sogs pa tshigs su bcad pa gcig smos te/ skye bo'i sgras ni so so'i skye bo la bya'o/ /rmongs pa shes rab bral te gti mug gis khebs pa'i phyir ro/ /so so'i skye bo gti mug gis khebs pa dag bdag bde ba dang skyid par bya'o zhes de'i ched du zhing rmo ba dang /tshong bya ba dang / khang khyim brtsig pa dang / bu smad btsal ba la sogs pa la brtson par byed de/ rtag tu sha thang chad kyang bde ba dang skyid pa ma rnyed kyi de'i rgyus tshe 'dir yang grang ba dang / tsha ba dang bkres pa la sogs pa'i sdug bsngal myong la/ tshe rabs gzhan du yang ngan song gsum la sogs pa'i sdug bsngal myong bar 'gyur ro zhes bya ba'i don to/ /brtan pa rtag tu pha rol don brtson pa/ /gnyi ga'i don bsgrubs mya ngan 'das par 'gyur/ /zhes bya ba la/ bstan pa ni byang chub sems dpa' la bya ste/ shes rab dang brtson 'grus su ldan pa'am/bsam gtan dang brtson 'grus su ldan pa'i phyir bstan pa zhes bya'o/ /rtag tu zhes bya ba ni 'khor ba'i mtha'i bar du'o/ /pha rol gyi don la brtson zhes bya ba ni gzhan la phan pa dang bde ba la gzhag pa'i phyir/ bdag nyid pha rol tu phyin pa drug la spyod ces bya ba'i don to/ / de ltar mdzad pa'i byang chub sems dpa' des gzhan gyi ched du bsgrubs kyang bdag dang gzhan gnyi ga'i don bsgrubs nas/ mjug tu bdag nyid mi gnas pa'i mya ngan las 'das pa thob par gyur to zhes bya ba'i don to/ /spyod yul yongs su bsngo bar tshigs su bcad pa zhes bya ba la/byang chub sems dpa' rnams lus dang ngag dang yid kyi sgo nas pha rol tu phyin pa drug bsgrubs pas sems can gyi don byed par yang ma zad kyi/ spyod yul yongs su bsngo ba'i sgo nas kyang sems can gyi don byed par ston te/ spyod yul ni lus kyi sgo nas spyod lam bzhi la spyod pa dang /mig gi dbang po nas yid kyi dbang po'i bar du dbang po drug gis so so'i yul mthong ba dang thos pa la sogs pa byas pa rnams sems can gyi don du bsngo bar bstan pa'i phyir tshigs su bcad pa rtsom mo zhes bya ba'i don to/ /ji lta ji ltar rgyal sras spyod pa'i tshe/ /zhes bya ba la ji lta ji ltar zhes bya ba ni gang dang gang gi tshe na zhes bya ba'i don to//rgyal sras spyod pa zhes bya ba ni don gyis grong la sogs par 'jug pa'am/ spyod lam bzhis gnas pa la bya'o/ /dbang po'i spyod yul sna tshogs 'jug gyur pa/ /zhes bya ba ni mig gi dbang po nas yid kyi dbang po'i bar du drug go/ / de'i spyod yul ni gzugs nas chos kyi bar du drug go/ /'jug pa ni mig gis gzugs mthong ba dang / rna bas sgra thos pa nas yid kyis chos shes pa'i bar du'o/ /de lta de ltar rigs pa'i mthun tshig gis/ /zhes bya ba la/ de lta de ltar zhes bya ba ni de dang de'i tshe na zhes bya ba'i don to/ /rigs pa zhes bya ba ni bdag dang gzhan gyi don du 'gyur ba'i tshig smra ba'i phyir ro//mthun pa'i tshig ni bdag gis ci dang ci mthong ba dang / sems can gyi don du bsngo ba'i tshig 'brel pa ste/ ci dang ci mthong ba dang ci thos pa rnams bdag dang gzhan gyi don byas nas sems can gyi don du bsngo bas na/ sems can la phan pa'i phyir mngon par 'du byed ces bya'o//sems can rnams la mi bzod pa dgag pa'i phyir tshigs su bcad pa zhes bya ba byang chub sems dpa' 'khor ba na sems can gyi don byed pa'i tshe phan brtags na yang slar gnod pa byed pa dang / byang chub sems dpa' la brdeg pa dang / btsog pa pa la sogs pa'i gnod pa byed par sems pa rnams la mi bzod par bya bar mi rigs kyi/dang du blang ba rigs par bstan pa'i phyir tshigs su bcad pa rtsom mo zhes bya ba'i don to/ /rtag tu rang dbang med pa'i skyon sems kyis/ /skye bos nyes pa blo ldan mi sems te/ /zhes bya ba la/ byang chub sems dpa' shes rab dang snying rjer ldan pa yin te/de la shes rab kyis ni sems can gyis byang chub sems dpa' la gnod par byas na yang sems can de dag 'dod chags dang / zhe sdang dang / gti mug gi dbang du song ste/ rtag tu yang rang dbang med par byang chub sems dpa' la brdeg pa dang /bcing ba la sogs pa'i nyes pa byed par sems kyi dbang yod bzhin du nyes pa byed pa ni ma yin no zhes te de ltar thugs su chud pas na nyon mongs pa rnams kyi nyes par dgongs kyi sems can rnams kyi nyes par mi/ dgongs so zhes bya ba'i don to/ /mi 'dod bzhin du shes par byed pa'i skye bo yin pas snying rje 'phel phyir ro//zhes bya ba la/ byang chub sems dpa' rnams ni thugs rje 'phel te/ de bas na dper na g.yul dag tu bdag dang gzhan gnyi ga la gnod par 'gyur ba'i 'thab mo la 'gro ba dag/ /jo bo dang rgyal po la sogs pa'i dbang gis mi 'dod bzhin du 'gro ba de dang 'dra bar skye bo 'di dag gnod pa byed pa yang /'dod chags dang / gti mug dang / zhe sdang gi dbang du gyur pas mi 'dod bzhin du nyes pa byed pa yin no zhes thugs su chud nas de dag la thugs rje'i gnas su dgongs kyi/ gnod pa'i lan glan par mi dgongs so zhes bya ba'i don to//'di yan chad du byang chub sems dpa'i sgrub pa rgya cher bstan to/ /sgrub pa'i che ba nyid kyi tshigs su bcad pa zhes bya ba la/ da ni tshigs bcad gcig gis sgrub pa'i don mdor bsdus nas kyang ston/ byang chub sems dpa'i sgrub pa che ba'i bdag nyid kyang 'chad de/che ba'i bdag nyid ni zil gyis gnon pa'i che ba dang / mya ngan las 'das pa dang / yon tan 'phel ba che ba dang / yongs su mi gtong ba che ba'o/ /srid rgyud mtha' dag zil gnon 'gro ba dang / /zhes bya bas zil gyis gnon pa'i che ba bstan te/ srid pa ni khams gsum la bya'o/ / rgyud kyi sgras ni 'gro ba sdug bsngal ba la bya ste/ byang chub sems dpas gnas che ba dang / rtsom pa che ba dang / 'bras bu che ba'i sgrub pa dang / gnas pa dang / khams gsum dang 'gro ba'i sems lnga'i rgyud can thams cad zil gyis gnon na mi gnas pa'i mya ngan las 'das pa'i grong khyer du byed do zhes bya ba'i don to//ci'i phyir sems can rnams ni khams gsum na 'dod chags la sogs pa'i nyon mongs pas gsol/ byang chub sems dpa' ni khams gsum na gnas kyang / chos thams cad stong par thugs su chud pas khams gsum gyi nyes pas mi gos pa'i phyir/khams gsum zil gyis gnon to zhes bya ba'i don to/ /sgrub pa 'di ni zhi ba'i mchog tu 'gro/ /zhes bya ba la/ mya ngan las 'das pa'i che ba bstan te/ sgrub pa 'di zhes bya ba'i sgras ni gnas che ba dang / rtsom pa che ba dang / 'bras bu che ba'i sgrub pa la bya bar snyegs te/sgrub ba de la gnas na ni mi gnas pa'i mya ngan las 'das par 'gro bas na zhi ba'i mchog tu 'gro ba zhes bya'o/ /yon tan rnam pa mang po 'phel byed cing / /zhes bya bas yon tan 'phel ba'i che ba bstan te/ sgrub pa de la gnas na stobs dang / mi 'jigs pa dang /ma 'dres pa la sogs pa'i yon tan thos pas yon tan mang po 'phel bar byed pas zhes bya'o/ /snying rje'i bsam pas skye ba rtag tu sdud/ /ces bya ba la/ sems can yongs su mi btang ba'i che ba bstan te/ sgrub pa de la gnas na snying rje dang ldan pa'i byang chub sems dpa' rnams snying rje'i sems kyis 'khor ba'i mtha'i bar du yang sems can yongs su mi gtong ngo zhes bya ba'i don to//ji skad du shes rab kyi pha rol tu phyin pa las/ rab 'byor ci ste gzugs dngos por 'gyur zhing dngos po med pa yang ma yin na ni/ theg pa chen po 'dis lha dang mi dang lha ma yin du bcas pa'i 'jig rten zil gyis mnan nas 'byung bar mi 'gyur ro zhes bya bas don ni 'di skad ston pa yin te/gal te gzugs la sogs pa'i chos 'di dag ji ltar byis pa'i skye bo rnams kyis brjod cing dbang pos bzung ba de bzhin du yang dag par grub par 'gyur na ni 'di dag yod pa yin gya med pa ma yin par 'gyur ro//de ltar na ni theg pa chen po rnam par mi rtog pa'i ye shes 'dis lha dang bcas pa'i 'jig rten zil gyis mnan cing khams gsum las 'byung bar mi 'gyur ro/ /ci'i phyir zhe na/ byis pa dang mkhas pa gnyis la khyad par med pa'i phyir ro/ /gnyi gas kyang de kho na mthong ba'i phyir ro//de bas na bcom ldan 'das kyis kyang ji ltar byis pa rnams brtags bzhin du dngos po yod par 'gyur ba dang / ji ltar mthong bzhin yod na ni/ /thams cad de nyid mthong bar 'gyur/ /zhes gsungs pa lta bu'o/ /gang gi phyir gzugs la sogs pa'i chos 'di dag byis pa kun du brtags pa'i bdag nyid du rang bzhin yod pa ma yin te/de bas na byang chub sems dpa' rnams de ltar tshul bzhin du zhugs na/ yon tan mi rtog pa'i ye shes skye bar 'gyur ro/ /rnam par mi rtog pa'i ye shes ni theg pa chen po ste/ ye shes des lha dang bcas pa'i 'jig rten zil gyis mnan nas khams gsum las 'byung bar 'gyur ba'i don to//sgrub pa'i skabs bshad pa rdzogs so/ /bam po dang po'i 'grel pa rdzogs so// //sgrub pa'i skabs bshad pa'i rjes la/ de kho na'i skabs bshad pa cir 'brel ce na/gong du bsgrub pa'i rjes la/ srid rgyu mtha' dag zil gnon 'gro ba dang / /sgrub pa 'di ni zhi ba'i mchog tu 'gro/ /zhes bya ba'i tshigs su bcad pa gcig gis byang chub sems dpa'i sgrub pa la gnas pa rnams bdag nyid chen po bzhi 'thob bo zhes bshad de/ bdag nyid chen po bzhi po de yang sgrub pa la yang gnas la de kho na yang mthong bar 'gyur na gdod 'thob kyi/sgrub pa yod kyang de kho na ma mthong ba rnams kyis ni mi 'thob bo/ /gong du bdag dang gzhan gyi don bsgrub par bya'o zhes bshad do/ /bdag dang gzhan gyi don la zhugs pa des kyang bdag nyid nyon mongs pas ma bcings par bya ste/bdag bcings nas gzhan grol bar mi nus pa'i phyir ro/ /de la nyon mongs pa las thar bar bya ba'i thabs ni de kho na mthong ba ste/ de bas na bsgrub pa'i skabs kyi rjes la/ nyon mongs pas mi gos pa'i thabs des/ de kho na'i skabs bshad par 'brel lo//yang na dang po nyid du gtsug gi lus su gzhag pa ni rigs la gnas pa'i byang chub sems dpas byang chub tu sems bskyed nas byang chub sems dpa'i bslab pa la bslab par bya'o zhes glengs pa la byang chub sems dpa'i bslab pa gang zhe na/ de'ang rnam pa gsum ste/gang la bslab par bya ba dang / ji ltar bslab par bya ba dang / gang gis bslab par bya ba'o/ /gang la bslab par bya ba rnam pa bdun te/ bdag gi don sgrub pa dang / gzhan gyi don sgrub pa dang / de kho na'i don dang / mthu'i don dang / sangs rgyas kyi chos yongs su smin par bya ba dang / sems can yongs su smin par bya ba dang /bla na med pa'i byang chub bo zhes smos pa las/ bdag dang gzhan gyi don sgrub pa'i 'og tu de kho na'i don smos pas na sgrub pa'i rjes la de kho na'i don bshad par 'brel to/ /don dam pa'i mtshan nyid kyi tshigs su bcad pa zhes bya ba la/ don dam pa rnam pa gnyis te/de bzhin nyid chos kyi dbyings rnam par dag pa dang gnyis su med pa'i rnam par mi rtog pa'i ye shes so/ /de bzhin nyid la ci'i phyir don dam pa zhes bya zhe na/ 'phags pa'i lam bsgoms pa'i 'bras bu yin pas don zhes bya la/ chos thams cad du gyur pas dam pa zhes bya'o/ / yang na don dam pa zhes bya ba ni yul la bya ste/ rnam par mi rtog pa'i ye shes dam pa'i yul yin pas don dam pa zhes bya'o/ /de bzhin nyid kyi mtshan nyid kyi don dam pa'i mtshan nyid bshad pa'i phyir/ yod min med min de bzhin gzhan ma yin/ /zhes bya ba la sogs pa smos so/ / rnam par mi rtog pa'i ye shes gnyis su med pa'i ye shes ni phyis 'chad do/ /de la gnyis dang bral zhing gnyis su med pa'i don ni don dam pa'i mtshan nyid de yang gnyis su med pa rnam pa lngas don dam pa'i mtshan nyid bstan to/ /de la don dam pa yongs su grub pa'i mtshan nyid de kun du brtags pa dang /gzhan gyi dbang gi mtshan nyid lta bur yod pa ma yin pas na yod min zhes bya'o/ /don dam pa de yongs su grub pa'i ngo bo ni med pa ma yin pas na med min zhes bya'o/ /'dis ni gnyis su med pa'i don gcig bstan to/ /de bzhin gzhan ma yin zhes bya bar sbyar te/gcig pa ma yin pas de bzhin ma yin la/ tha dad pa ma yin pas gzhan med pa'o/ /de la yongs su grub pa dang / kun brtags dang gzhan gyi dbang du mtshan nyid gcig pa ma yin pas de bzhin ma yin pa zhes bya ba'i don to/ /ji ltar zhe na/ yongs su brtags pa'i rang bzhin ni yod pa ma yin pa phyin ci log tu snang ba yin la/yongs su grub pa'i rang bzhin ni bden pa yang dag pa phyin ci ma log pa yin pas kun brtags dang rang bzhin gcig pa ma yin no/ /gzhan gyi dbang gi rang bzhin yang kun brtags kyi chos kyi rten du gyur pa ste/ rten cing 'brel bar 'byung ba'i kun nas nyon mongs pa'i ngo bo yin la yongs su grub pa kun brtags kyi chos kyi rten du ma gyur la/ rten 'brel te byung ba ma yin pa rnam par byang ba'i chos yin pas gzhan dbang dang yang rang bzhin gcig pa ma yin no/ /kun du brtags pa dang / gzhan gyi dbang gnyis dang yongs su grub pa tha dad pa yang ma yin pas na gzhan ma yin pa zhes bya ste/ji ltar zhe na/ gzhan gyi dbang gi rang bzhin la gzung 'dzin du kun du brtags pa dang bral ba nyid la yongs su grub pa'i rang bzhin zhes bya bar zad kyi de la ma gtogs par yongs su grub pa'i rang bzhin logs shig na med pa'i phyir ro//de'i dpe ni 'dus byas dang / 'dus ma byas kyi mtshan nyid mi rtag pa la sogs pa bzhin te/ gal te 'dus byas dang mi rtag pa gcig tu gyur na ni mi rtag pa bzhin du 'dus byas rtag tu zhi bas mi snang ba'i skyon du 'gyur ro/ /gal te 'dus byas dang mi rtag pa tha dad par gyur na ni mi rtag pa logs shig tu 'dus byas la mi rtag pa med pa'i phyir 'dus byas la mi rtag par 'gyur ba bzhin te/'di ni gnyis su med pa'i don gnyis pa'o/ /mi skye mi 'jig ces bya ba la yongs su grub pa de las dang nyon mongs pa'i rgyu rkyen gyis ma skyed pas na mi skye'o//ma skyes pa'i chos la 'gag pa med pas na mi 'jig pa ste 'dus ma byas kyi rang bzhin te zhes bya ba'i don to/ /'di ni gnyis su med pa'i don gsum pa'o/ /'bri bar mi 'gyur te/ 'phel ba med cing zhes bya ba la/ 'khor ba'i dus dang mya ngan las 'das pa'i dus na yang yongs su grub pa de la 'bri ba yang med/'phel ba yang med de nam mkha' bzhin no/ /dper na nam mkha' la gnas pa'i sprin la sogs pa bri bar gyur kyang nam mkha' la bri ba med pa dang / nam mkha' la sngon med pa'i sprin la sogs pa byung na yang nam mkha' gsar du byung ba med pa de bzhin du 'phags pa'i lam bsgom pa'i dus na 'khor ba'i chos nyon mongs pa bri yang stong pa nyid la bri ba med de/rnam par byang ba'i phyogs byang chub kyi phyogs 'phel na yang stong pa nyid la 'phel ba med de 'di ni gnyis su med pa'i don bzhi pa'o//rnam par dag pa med la rnam par dag 'gyur ba/ /zhes bya ba la/ don dam pa stong pa nyid do/ /de ni nam mkha' dang gser dang chu'i khams dang shel la sogs pa rang bzhin gyis dag pa bzhin du stong pa nyid kyi rang bzhin gyis dag pa ste/ nam mkha'i rang bzhin gyis dag pa la chu la sogs pas bkrus te dag par byar med pa bzhin du/stong pa nyid kyi rang bzhin la yang dri ma dag par byar med bas rnam par dag pa med pa zhes bya'o/ /rang bzhin la dri ma bsal du med kyang dper na nam mkha' la glo bur gyi sprin bsal ba dang / gser la glo bur gyis rdo bsal ba bzhin du stong pa nyid la nyon mongs ba'i sgrib pa dang /shes bya'i sgrib pa dri ma glo bur yod pa bsal bar mi bya ba yang ma yin te/ bsal zhing dag par bya dgos par rnam par dag par 'gyur ba zhes kyang bya ste/ 'di ni gnyis su med pa'i don lnga pa'o/ /de ni don mtshan zhes bya ba la/ gnyis su med pa'i mtshan nyid lnga po de ni don dam pa'i mtshan nyid yin no zhes bya ba'i don to/ /bdag tu lta ba'i phyin ci log dgag pa'i phyir tshigs su bcad pa zhes bya ba la du ma dang mi rtag pa'i mtshan nyid phung po lnga la bdag gir lta ba'i 'jig tshogs su lta ba la bdag gir lta ba'i zhes bya ste/bdag dang bdag gi med pa la bdag dang bdag gir lta bas na phyin ci log go/ /phyin ci log de skyon yin pas spang dgos par bstan pa'i phyir tshigs su bcad pa rtsom mo zhes bya ba'i don to/ /don dam pa bshad pa'i skabs su bdag tu lta ba phyin ci log bshad pa'i skabs ma yin no bdag tu lta ba skabs 'dir bshad pa cir 'brel zhe na/don dam pa zhes bya ba ni gang zag la bdag med pa'i stong pa nyid chos la bdag med pa'i stong pa nyid la bya'o/ /de la bdag tu lta ba ni gang zag la bdag med pa'i stong pa nyid du mi mthun pa ste/ de bas na ji tsam bdag tu lta ba yod pa de tsam du gang zag la bdag med pa ma rtogs pas/gang zag bdag med par rtogs par 'dod pas bdag tu 'dod pa spongs shig ces bstan pa dang / gang zag la bdag med pa'i don gtan la dbab pa'i phyir/ 'dir bdag tu lta ba'i skabs bshad par 'brel to//mu stegs can rnams bdag tu lta ba yang yang na ni bdag yod do zhes de ltar sems pa'i 'jig tshogs la lta ba nyid rang bdag gi rang bzhin yin grang / yang na 'jig tshogs la lta ba'i gnas nye bar len pa'i phung po lnga po bdag gi rang bzhin yin grang / yang na de gnyis la ma gtogs par bdag bya ba zhig logs shig na yod par brtag grang na/de gsum char ltar mi rigs pas gang zag la bdag med do/ /de la bdag tu lta ba'i rang nyid bdag gi rang bzhin yin par mi rigs par bstan pa'i phyir/ bdag tu lta ba rang nyid bdag mtshan min//zhes bya ba smos te/ bdag tu lta ba'i sgras ni 'jig tshogs la lta ba la bya ste/ 'jig tshogs la lta ba de nyid mu stegs can gyis brtags pa'i bdag rtag pa'i mtshan nyid ma yin te/ ci'i phyir zhe na/ de yi mtshan nyid mi 'dra phyir/ /zhes bya ba smos so/ /'di ltar 'jig tshogs la lta ba'i mtshan nyid kyang gzhan mu stegs can gyis brtags pa'i bdag nyid de'i mtshan nyid kyang gzhan te/de gnyis mtshan nyid mi 'dra bas na 'jig tshogs la lta ba nyid bdag gi mtshan nyid ma yin no/ /ji ltar mtshan nyid mi 'dra ba zhe na/ mu stegs pas ni bdag de 'dus ma byas pa dang /rtag pa dang khyab pa dang / las mi byed pa'i mtshan nyid du brtags so/ /'jig tshogs la lta ba ni sems kyi chos yin te/ sems ni 'dus byas dang mi rtag pa dang / ma khyab pa dang las rnam pa gsum byed pa yin pas mtshan nyid mi 'dra'o/ /'jig tshogs la lta ba'i rten du gyur pa phung po lnga yang bdag gi mtshan nyid du gyur pa mi rigs par bstan pa'i phyir/ngan pa'i gnas min zhes bya ba smos te/ ngan pa'i sgras ni 'jig tshogs la lta ba la snyegs te/ phung po lnga po 'di 'jig tshogs su lta ba 'di rten du gyur pa dang /nyon mongs pa'i gnas ngan len gyis bskyed pas na ngan pa'i gnas zhes bya ba ste/ ngan pa'i gnas kyi phung po lnga yang bdag gi mtshan nyid ma yin no/ /ci'i phyir zhe na/ de'i phyir mtshan nyid mi 'dra ba'i phyir zhes bya ba smos te/ mu stegs pas brtags pa'i mtshan nyid kyang gzhan phung po lnga'i mtshan nyid kyang gzhan te/mtshan nyid mi 'dra bas na phung po lnga nyid bdag ma yin no/ /ci'i phyir zhe na/ bdag ni 'dus ma byas pa dang / rtag pa dang khyab pa dang / las mi byed par 'dod la/ phung po lnga ni 'dus byas dang / mi rtag pa dang / ma khyab pa dang /las byed pa yin pas mtshan nyid mi 'dra'o/ /de nyid ma gtogs par bdag logs na yod par yang mi rigs par bstan pa'i phyir gnyis ma yin zhes smos te/ 'jig tshogs la lta ba dang / phung po lnga las ma gtogs par bdag bya ba de logs shig na yod pa yang ma yin te/de ci'i phyir zhe na/ mngon sum gyi tshad ma'i yul du yang ma gyur/ rjes su dpag pa'i tshad ma'i yul du yang ma gyur pa'i phyir ro/ /'di ltar dngos po yod pa rnams ni yang na mngon sum gyi tshad ma'i yul du 'gyur te gzugs la sogs pa yin no/ /yang na rjes su dpag pa'i tshad ma'i yul du 'gyur te/dper na mig gi dbang po ba ltar mi snang yang / mig gi rnam par shes pa skyed pa'i rgyu byed pa'i sgo nas mig gi dbang po yod par brtags na bdag 'di ni tshad ma gnyi gas brtags na yang yod par ma mthong bas na logs shig na med do/ /gal te bdag med na/ci'i phyir sems can rnams bdag bdag ces rtog snyam pa la de'i phyir/ 'di ni nor tsam skyes zhes smos te/ dper na thag pa la sbrul du 'khrul pa'i thag pa de yod pa ma yin gyi sbrul lta bur nor bar mthong ba dang / rmi lam na gzugs rnam pa sna tshogs mthong ba yod pa ma yin gyi nor bar mthong ba de bzhin du/bdag bdag ces rtog pa 'di yang phyin ci log dang / 'khrul pa'i sems skyed par zad kyi dngos po yod pa'i rtog pa ni ma yin pa'i don to/ /'di ltar bdag yod pa ni bdag tu nyon mongs pas bcings par gyur la/ nyon mongs pa'i bcings pa bcad na thar par 'gyur ba yin na/bdag med na su zhig thar par 'gyur snyam pa la de'i phyir/ thar pa nor tsam zad pa'o/ /zhes smos te/ dper na thag pa la sbrul du 'khrul pa de sbrul gyi 'khrul pa dang bral te/ thag par shes par gyur pa na lus bde ba dang / sems bde ba thob par 'gyur ro/ /de bzhin du bdag med pa la bdag tu 'khrul pa zad de/ de spangs pa nyid thar pa dang mya ngan las 'das pa zhes bya bar zad kyi thar pa thob par byed pa'i bdag ni gang yang yod pa ma yin no zhes ston te/ de bas na tsam gyi sgras ni bdag yod pa yin pa 'gog go//phyin ci log kun tu smad pa'i tshigs su bcad pa gnyis so zhes bya ba la/ ji tsam du sems can spyod cing gnas pa thams cad phyin ci log yin la/ phyin ci log gi rgyus ni skye ba dang rga ba la sogs pa'i sdug bsngal rtag tu myong ste/ de ltar sems can rnams 'khrul pa la yang gnas sdug bsngal ba yang yin na 'khrul pa la gnas pa dang /sdug bsngal yin par ci'i phyir ma rtogs she na/ phyin ci log la gnas pa dang / ma rig pas khebs pas ma rtogs te/ de bas na phyin ci log la smad pa'i phyir tshigs su bcad pa gnyis rtsom mo zhes bya ba'i don to//'khrul tsam gnas zhing rang bzhin sdug bsngal ba/ /skyo bos rtag 'khrul ci phyir rtogs ma gyur/ /zhes bya ba la/ 'jig rten pa dag bdag yod do zhes bdag tu yod pa dang / chos yod do zhes rtogs pa yod pa yang nor ba yin pas na 'khrul pa tsam la gnas pa zhes bya'o//de'i rgyus skye ba dang rga ba la sogs pa'i sdug bsngal rnam pa sna tshogs 'byung bas na rang bzhin gyis sdug bsngal ba zhes bya'o/ /de ltar skye bo rnams ni rtag tu 'khrul pa la yang gnas la sdug bsngal ba yang yin la de 'dra ba'i mtshan nyid du ci'i phyir rtogs par ma gyur ce na/'og nas 'byung ba'i tshul du mun pa chen pos khebs par ma gyur to zhes bya ba'i don to/ /rig pa med cing zhes bya ba la dngos po 'di dag 'khrul pa yin pa dang / sdug bsngal yin par khong du chud pa'i yang dag pa'i ye shes zag pa med pa'i rang bzhin med pas na/rig pa med pa zhes bya'o/ /rig nyid ces bya ba la yang dag pa'i ye shes kyi rig pas kyang zag pa dang bcas pa'i shes pas tshor ba bde ba dang sdug bsngal ba dang / bde ba yang ma yin sdug bsngal ba yang ma yin pa myong ba yod pas rig pa yod ces bya'o//sdug bsngal nyid ces bya ba la/ tshor ba rnam pa gsum myong yang gsum char yang sdug bsngal ba'i mtshan nyid yin te/ tshor ba gsum char la yang sdug bsngal gyi rang bzhin spangs pa'i phyir ro/ /ji ltar zhe na/ sdug bsngal gyi tshor bas ni rang bzhin gyi sdug bsngal ma spangs/bde ba'i tshor bas ni 'gyur ba'i sdug bsngal ma spangs/ bde ba yang ma yin sdug bsngal ba yang ma yin pa'i tshor bas ni 'du byed kyi sdug bsngal ma spangs te/ de bas na tshor ba gsum char sdug bsngal ba nyid do/ /sdug bsngal ba med pa zhes bya ba la/ mu stegs pa dag gis ni sdug bsngal de dag bdag gis myong ngo zhes smras te/ sdug bsngal rnam pa gsum yod kyang sdug bsngal rnam pa gsum dang ldan zhing de myong bar byed pa'i bdag med pas na sdug bsngal med pa zhes bya'o/ /chos dngos zhes bya ba la/ de ltar bdag ni kun rdzob tu yang med kyi phung po dang khams la sogs pa'i chos ni kun rdzob tu sgyu ma dang /smig rgyu ba tsam du yod pas chos dngos zhes bya ste/ 'di yan chad kyi tshig gis gang zag la bdag med pa bstan to/ /de dngos min zhes bya ba la don dam par ni chos de yang rang bzhin dang bdag med de stong pa yin pas de dngos min zhes bya ste/tshig 'dis ni chos la bdag med pa bstan to/ /dngos po rten 'byung mngon sum 'jug pa la/ /'gro ba ji ltar gzhan dag byed la brten/ /zhes bya ba la/ dngos po'i sgras ni phyi'i dngos po dang nang gi dngos po la bya ste/ gnyi ga la yang rten cing 'brel te 'byung ba yin pa 'jig rten pa kun gyi mngon sum du snang ngo //ji ltar zhe na/ phyi'i dngos po rnams kyang sa bon dang sa gzhi dang chu dang me dang rlung la sogs pa'i rgyu rkyen las 'byung bar snang la/ nang gi dngos po lnga yang ma rig pa dang 'du byed la sogs pa dang / pha ma'i khrag dang / khu ba las byung ba'i rgyu rkyen snang na/ chos 'di dag rten cing 'brel te 'byung ba ma yin gyi/ bdag dang byed pa po la sogs pa gzhan dag gis byas so zhes ci'i phyir dang de ltar lta zhing rtog ces bya ba'i don to/ /gang phyir yod pa ma yin med mthong bas/ /de 'dra'i mun nag rnam pa de gang zhig /ces bya ba la/ 'jig rten la grags pa'i mun pas ni dngos po yod pa mi mthong bar byed de/ yod pa ni mi mthong gi med pa ni mthong bar byed pa mun pa ni mi srid do/ /sems can rnams kyi sems kyi rgyud la yod pa'i ma rig pa'i mun pa de ni phyi nang gi chos rten cing 'brel te 'byung ba'i mtshan nyid du yod pa de ni mi mthong bar byed la mu stegs kyis brtags pa'i bdag ces bya ba med pa de mthong bar byed pa'i de'i mun nag de 'jig rten gyi mun pa dang 'dra ba ma yin pa ngo mtshar du gyur pa'i mun pa zhig skyes so zhes bya ba'i don to//bdag med par zhi ba dang skye bar rung bar tshigs su bcad pa zhes bya ba la/bdag gi sgra 'di mu stegs kyis brtags pa'i bdag dang gang zag gi rnam grangs su yang 'gro ste/ 'di ltar sems can dang srog dang gang zag dang shed can dang shed bu zhes bya ba la sogs pa'o/ /bdag gi sgra chos la bya bar yang mthong ste rang bzhin dang bcas pa'i chos zhes bshad na bdag dang bcas pa'i chos zhes bya ba'i don to//de la gong du bdag ni med kyi chos tsam du zad la don dam par chos de'ang med do zhes bshad pa la mu stegs pa dang nyan thos pa dag 'di skad du yod do zhes rgol lo/ /'di las phyi rol tu gyur pa'i mu stegs pa dag ni phyin ci log tu gyur pas bdag med pa yang bdag//tu mngon par zhen to/ /chos 'di dag nyan thos pa dag ni chos la phyin ci log tu 'dzin to/ /gzugs la sogs pa'i chos 'di dag byis pa'i skye bos ji ltar brtags pa de bzhin du ngo bo nyid du yod do zhes 'dzin to//de gnyi ga yang phyin ci log tu gyur pas bdag tu lta ba dang chos su lta ba la gnas na bdag kyang yod par mthong chos kyang yod par mthong ngo / /de bas na mu stegs pa dag ni bdag tu bcings pa dang thar par 'dod/ nyan thos dag ni chos bcings pa dang thar par 'dod de/gal te bdag dang chos med na ji ltar thar pa dang gang thar par 'gyur pa ji ltar bcings pa dang su bcings par 'gyur te/ de bas na bdag dang chos yin no zhes rgol lo/ /de bas na bdag dang chos med par yang mya ngan las 'das pa thob pa dang / 'khor bar skye rung bar bstan pa'i phyir tshigs su bcad pa rtsom mo zhes bya ba'i don to/ /zhi dang skye ba don mchog tshul gyis ni/ /de gnyis la yang bye brag cung zad med/ /ces bya ba la ni zhi ba ni ma rig pa 'gags pas ni rga shi 'gag pa'i bar gyi mya ngan las 'das pa la bya'o/ /skye ba ni ma rig pa'i rkyen gyis 'du byed pas na skye ba'i rkyen gyis rga shi'i bar gyi 'khor ba'i mtshan nyid la bya ste/'khor ba dang mya ngan las 'das pa gnyis kyang don dam pa'i tshul du na bdag med pa'i rang bzhin du mnyam mo/ /ji ltar zhe na/ ji ltar 'khor ba byis pas brtags pa'i bdag dang chos kyi rang bzhin gyis stong pa de bzhin du mya ngan las 'das pa yang byis pas brtags pa'i bdag dang chos kyi rang bzhin gyis stong ste/de ltar bdag dang chos kyi rang bzhin gyis stong pas 'khor ba dang mya ngan las 'das pa gnyi ga mnyam pa yin te/ de bas na 'khor ba gang yin pa de nyid mya ngan las 'das pa yin te/tshul de lta bu yin pas na 'khor ba dang mya ngan las 'das pa gnyis la bye brag tu khyad par mi 'dra bar gzhag pa cung zad kyang gzhag pa med do zhes bya ba'i don to/ /gal te de lta na so so'i skye bo rnams ni 'khor ba na gnas/ 'phags pa rnams ni mya ngan las 'das pa thob ces ci'i phyir brjod ce na/de'i phyir/ 'on kyang dge ba'i las rnams byed pa dag /skye ba zad pas zhi ba thob par bshad/ /ces smos te/ skye ba ni 'khor ba la bya ste/ 'khor ba ni mi rtag pa la rtag pa la sogs par tshul bzhin ma yin pa'i yid la byas pa'i phyin ci log las byung ba yin no//mya ngan las 'das pa ni mi rtag pa dang / sdug bsngal la sogs pa tshul bzhin yid la byas pas phyin ci log spangs pa las thob pa yin te/ bdag dang chos zhes bya ba mya ngan las 'das par 'gyur ba med kyang mi rtag pa la sogs pa tshul bzhin yid la byed pa la brten nas byang chub kyi phyogs sum cu rtsa bdun gyi lam bsgom pa'i dge ba byed pa rnams kyis phyin ci log gi mtshan nyid kyi skye ba zad par byas pa nyid mya ngan las 'das pa thob par bshad de/de las ma gtogs par mya ngan las 'das pa logs shig na med do zhes bya ba'i don to//tshigs su bcad pa 'dis theg pa chen po dang theg pa chung ngu gnyi ga'i thun mong gi mya ngan las 'das pa thob par bstan to/ /da 'di man chad ni thun mong ma yin pa byang chub sems dpa' rnams kyis mya ngan las 'das pa ji ltar thob par bya ba'i thabs bstan to//phyin ci log las smad pa byas nas de'i gnyen po don dam pa'i ye shes la 'jug pa'i phyir tshigs su bcad pa bzhi'o zhes bya ba la don dam pa rnam pa gnyis las 'di yan chad du de kho na nyid kyi don dam pa bstan nas/ da ni rnam par mi rtog pa'i ye shes kyi mtshan nyid kyi don dam pa ston te/gong du sems can 'khrul pa la gnas pa dang / sdug bsngal bas nyon mongs par gyur kyang phyin ci log gis non pas 'khrul pa dang / sdug bsngal bar khong du ma chud kyang zhes phyin ci log la smad nas da de'i gnyen por thun mong ma yin pa'i rnam par mi rtog pa'i ye shes kyi dbang du byas te/rnam par mi rtog pa'i ye shes des byang chub sems dpa' rnams ji ltar chos la bdag med par rtogs nas sangs rgyas kyi sa thob par bstan pa'i phyir tshigs su bcad pa bzhi rtsom mo zhes bya ba'i don to/ /'di man chad tshigs su bcad pa lnga zhig 'byung ba la tshigs su bcad pa bzhis ni tshogs kyi lam dang /sbyor ba'i lam dang / mthong ba'i lam dang / bsgom pa'i lam ston to/ /tshigs su bcad pa lnga pas ni mthar thug pa'i lam ston to/ /byang chub sems dpa' bsod nams ye shes kyi/ /mtha' yas pha rol tshogs rnams bsags nas su//zhes bya ba la sogs pa tshigs su bcad pa dang po gcig gis bsdus pa'i don ni tshogs chen po bsags pa dang / ting nge 'dzin la brtan te chos la nges pa na sems 'thob pa dang / yid kyi rtog pa las chos rnams snang ba khong du chud pa de ston to//de la byang chub sems dpa' bsod nams kyi tshogs dang / ye shes kyi tshogs mtha' yas pa ste/ bskal pa grangs med pa gcig gi bar du bsags nas mthong ba'i lam dang / sa dang po thob pa nas pha rol du son pa zhes bya ste/ pha rol gyi sgra ni sa dang po thob pa la bya'o/ / 'dis ni tshogs chen po bsags pa bstan te/ bskal pa grangs med pa gcig tu de bzhin gshegs pa la rgyal mtshan dang gdugs la sogs pas bsnyen bkur byas pa ni bsod nams kyi tshogs so de bzhin gshegs pa de dag las dam pa'i chos nyan pa dang / bsam pa dang bsgom pa byas pa ni ye shes kyi tshogs so//yang na bskal pa grangs med pa gcig tu sbyin pa dang / tshul khrims dang / bzod pa bsgrubs pa ni bsod nams kyi tshogs so/ /bsam gtan dang shes rab bsgoms pa ni ye shes kyi tshogs so/ /brtson 'grus ni gnyis ka'i tshogs so/ /yang na sbyin pa nas bsam gtan gyi pha rol tu phyin pa lnga bsgrubs pa ni bsod nams kyi tshogs so//shes rab kyi pha rol tu phyin pa bsgoms pa ni ye shes kyi tshogs so/ /chos la sems pa shin tu nges pa ni/ /zhes bya ba la/ ji ltar bsod nams dang ye shes kyi tshogs bsags pa de mi rtag pa dang / sdug bsngal ba dang stong ba dang bdag med par bsgoms pa'i ting nge 'dzin la brten nas gsung rab yan lag bcu gnyis kyi chos rnams la mi rtag pa dang / stong pa dang / bdag med par bsam ste/ gtan la phab nas mi rtag pa dang / stong pa la sogs pa'i don la the tshom med par gyur pa ni chos la sems pa shin tu nges pa zhes bya ste/'dis ni ting nge 'dzin la brten nas chos la nges par sems pa thob pa bstan te/ 'di yan chad tshigs bcad rkang pa gsum gyis tshogs kyi lam bshad do/ /rtogs pa'i rgyu can don gyi rnam par rtog /ces bya ba la/ phyi'i dngos po'i gzugs dang sgra la sogs pa dang /snam bu la sogs pa ni don gyi rnam pa zhes bya ste/ bsod nams dang ye shes kyi tshogs bsags/ chos la nges par sems pa thob pa des/ /de'i rjes la bum pa dang snam bu la sogs pa 'di dag thams cad kyi rgyu las byung ba yin te/sems las ma gtogs par logs shig na yod pa ma yin no zhes rtogs pa ni rtogs pa'i rgyu can don gyi rnam par rtog pa zhes bya ste/ 'dis yid kyi rtog pa las don du snang bar khong du chud pa de ston to/ /de ltar rtogs pa yang mos pas spyod pa'i sa drod kyi dus snang ba thob pa'i ting nge 'dzin gyi dus na rtog pa ston to//rtog pa tsam du don rnams des rig nas/ /des snang sems tsam la ni rab tu gnas/ /zhes bya ba'i rkang pa gnyis kyis bsdus pa'i don ni/ don rnams sems las snang ba mthong ba dang / /de nas sems tsam la gnas pa de ston to/ /don rnams zhes bya ba ni gzugs dang sgra la sogs pa gzung ba'i chos rnams la bya ste/gzung ba'i chos rnams sems las ji ltar byung zhing skye ba mngon sum du gyur pa ni rtog pa tsam du don rnams des rig byas te/ tshig des don rnams la snang ba mthong bar bstan to/ /'di ni nges par 'byed pa'i phyogs spyi bo'i dus de snang ba mched pa'i ting nge 'dzin to//de snang ba zhes bya ba'i rnam par shes pa la snang ba'i gzung ba'i chos rnams la bya ste/ gzung ba'i cha spangs nas gzung ba dang bral ba'i sems tsam gyi chos la gnas pa ni sems tsam la rab tu gnas par bya ste/'dis ni sems tsam la gnas pa bstan to/ /'dis ni nges par 'byed pa'i phyogs bzod pa'i dus te de kho na'i phyogs gcig la zhugs pa'i ting nge 'dzin to/ /'di yan chad sbyor ba'i lam bstan to/ /chos kyi dbyings kyang shin tu mngon sum du gyur ces bya ba la/de nas nges par 'byed pa'i ting nge 'dzin gyi cha'i 'og tu sa dang po mthong ba'i lam bskyed nas/ mthong ba'i lam rnam par mi rtog pa'i ye shes kyis chos kyi dbyings mngon sum du byed do zhes bya ba'i don to/ /de nas gnyis kyi mtshan dang rnam par bral/ /zhes bya ba la/ mthong ba'i lam la chos kyi dbyings mngon sum du gyur pa dang /de nas gzung ba'i sgrib pa'i mtshan nyid dang yang bral 'dzin pa'i sgrib pa'i mtshan nyid dang yang bral te/ gnyis su med pa'i chos kyi dbyings la gnas so zhes bya ba'i don to/ /'dis ni mthong ba'i lam bstan to//da ni tshigs su bcad pa gsum pas mthong ba'i lam na chos kyi dbyings ji ltar mngon sum du 'gyur ba'i rgyu dang thabs bstan to/ /de bas na/ sems la gzhan med par ni blos rig nas/ /de phyir sems kyang med par shin tu rtogs/ /zhes bya ba la sogs pa'i tshigs su bcad pa gcig smos so//'di ltar bzod pa'i dus na gzung ba'i sgrib pa spangs pa dang / 'jig rten gyi chos mchog gi tshe gzung ba med na 'dzin pa med do zhes rtogs te/ ji ltar zhe na/ bum pa dang snam bu la sogs pa 'di dag ni sems las logs shig na yod pa ma yin no zhes khong du chud do//de ltar phyi'i yul med pas 'di la dmigs pa'i sems kyang med do zhes rtogs te gzung ba med na 'dzin pa yod par mi rigs pa'i phyir ro/ /blo dang ldan pas gnyis po med rig nas/ /zhes bya ba la/ blo dang ldan pa ni byang chub sems dpa' zhes bya ste/'jig rten gyi chos mchog gi tshe gzung ba dang 'dzin pa gnyis med par khong du chud nas gzung 'dzin gyi sgrib pa spangs pa dang de ma thag tu mthong ba'i lam bskyed nas chos kyi dbyings mngon sum du byed do zhes bya ba'i don to/ /'di 'jig rten gyi chos mchog gi dus te/ de ma thag pa'i ting nge 'dzin zhes bya'o//de mi ldan pa'i chos kyi dbyings la gnas/ /zhes bya ba la/ de ltar 'jig rten gyi chos mchog gi rjes la mthong ba'i lam skyes nas mthong ba'i mthong lam na gzung ba dang 'dzin pa gnyis dang mi ldan pa'i chos kyi dbyings la gnas te/ mthong bas spang bar bya ba'i nyon mongs pa spangs so zhes bya ba'i don to//blo dang ldan pa rtag par thams cad du/ /mnyam song mi rtog ye shes rtogs dag gis/ /zhes bya ba la sogs pa'i tshigs su bcad pa bzhi pas bsgom pa'i lam ston te/ blo dang ldan pa ni byang chub sems dpa'o/ / byang chub sems dpa'i rnam par mi rtog pa'i ye shes kyi stobs kyis dug sman chen po ltar sgrib pa'i dug sel to zhes bya bar sbyar ro/ /rtag par ni sa gnyis nas sa bcu man chad rgyun du sgrib pa spong ngo zhes bya ba'i don to/ /thams cad du zhes bya ba ni phyi'i dngos po thams cad dang nang gi dngos po thams cad la zhes bya ba'i don to//mnyam par song ba zhes bya ba ni phyi'i dngos po la stong par mthong ba de bzhin du nang gi dngos po la yang stong par mthong ngo zhes bya ba'i don to/ /gzung ba la yang mi rtog /'dzin pa la yang mi rtog pas mi rtog pa'i ye shes zhes bya ste/ ye shes de'i mthus na zhes bya ba'i tha tshig go/ /de gnas nyes pa bsags pas khrod stug po/ /dug sman chen po lta bur dug sel to/ /zhes bya ba la/ de'i sgras ni bsgom pa'i lam la gnas pa'i byang chub sems dpa' la bya'o/ /gnas ni byang chub sems dpa'i sems kun gzhi rnam par shes pa gzhan gyi dbang gi mtshan nyid la bya'o//nyes pa ni kun gzhi la yod pa'i nyon mongs pa'i sgrib pa dang gzung 'dzin gyi bag chags la bya'o/ /bsags pa ni 'khor ba thog ma med pa'i dus nas bag chags sems la zhen par byas pa'o/ /bag chags de yang shes par bya ba dka' zhing spang bar bya ba dka' ste/phra bas na khrod stug po zhes bya'o/ /dug sman chen po sman gang thigs pa 'ga' tsam dug gi bum par lhung na dug thams cad sman du 'gyur ba dang / bsnams pa tsam gyis kyang dug sel bar byed pa ste/ dper na dug sman chen po bsnams pa dang /myangs pas dug thams cad med par byed pa de bzhin du bsgom pa'i lam gyi rnam par mi rtog pa'i ye shes bsgom pas spang bar bya ba'i nyon mongs pa phra mo la sogs pa dug dang 'dra bar bsal nas gzhan du 'gyur te/ sangs rgyas kyi sa la rnam par mi rtog pa'i ye shes mngon du byed do zhes bya ba'i don to//yid kyi rtog pas chos de dag gi don rab tu snang bas zhes bya ba la sogs pa la sems las bum pa dang snam bu la sogs pa de dag snang bar zad kyi sems las ma gtogs par logs shig na yod pa ma yin no zhes khong du chud cing yid ches pa'i don to//'di ni drod kyi dus dang sbyar ro/ /grangs med pa rab dbye'i dus kyis de'i pha rol yongs su rdzogs pas na mtha' yas pas pha rol to zhes bya ba la/ mtha' yas pa'i sgra ni bskal pa'i grangs rab tu dbye ba'i dus dang sbyar te/ bskal pa grangs med pa gcig gi bar du bsgrubs pas na mtha' yas pa zhes bya'o//de'i rjes la sa dang po thob pa na pha rol tu phyin pa zhes bya'o/ /don rnams yid kyi rtogs pa tsam rig nas/ /zhes bya ba la/ gzung ba la sogs pa dngos po gzung ba'i cha rnams sems las 'byung bar mngon sum du mthong zhes bya ba'i don to//'di ni spyi bo'i dus so/ /'di lta bur snang ba'i sems tsam la gnas te zhes bya ba la/ gzung ba dang 'dzin pa lta bur snang ba las gzung ba'i cha spangs nas 'dzin pa'i cha tsam la gnas pa ste/ 'di ni bzod pa'i dus so/ /de yan chad chos kyi dbyings mngon sum du 'gyur ro zhes bya ba dang /drod dang rtse mo dang / bzod pa skyes pa'i dus la mthong ba'i lam skyes nas chos kyi dbyings mngon sum du byed do zhes bya ba'i don to/ /gsum pas ni ji ltar chos kyi dbyings de mngon sum du rig pa ston to zhes bya ba la/ tshigs su bcad pa gsum pas ni thabs gang dang rgyu gang gis mthong ba'i lam skyes na chos kyi dbyings mngon sum du byed pa'i rgyu ston te/de yang 'jig rten gyi chos mchog gi ting nge 'dzin yin no zhes bya ba'i don to/ /bzhi pas ni bsgom pa'i lam ni gnas yongs su rjes pas don dam pa'i ye shes la 'jug par ston to zhes bya ba la/tshigs su bcad pa bzhi pas ni bsgom pa'i lam ste sa gnyis pa nas sa bcu man chad bsgom pas spang bar bya ba'i nyon mongs pa spong ste/ gnas gzhan du gyur nas sangs rgyas kyi sa la rnam par mi rtog pa'i ye shes thob par 'gyur ro zhes bya ba'i don to//rtag par zhes bya ba ni sa gnyis pa nas sa bcu man chad rgyun du sgrib pa spong zhes bya ba'i don to/ /gzhan gyi dbang gi ngo bo nyid de la mnyam du song ste zhes bya ba ni nyon mongs pa'i bag chags dang / gzung 'dzin gyi bag chags kyis kun gzhi la khyab par gnas zhes bya ba'i don to//ring du zhugs pa zhes bya ba ni bag chags de dag thams cad kyang 'khor ba thog ma med pa nas bsags bsags pa yang spongs shing bsal dka' zhes bya ba'i tha tshig go/ /don dam pa'i ye shes kyi che ba'i phyir tshigs su bcad pa zhes bya ba la/ don dam pa'i ye shes ni rnam par mi rtog pa'i ye shes te/ye shes de'i che ba'i bdag nyid bstan pa dang / che ba'i bdag nyid bstan pa'i sgo nas mthar thug pa'i lam yang bstan pa'i phyir tshigs su bcad pa rtsom mo zhes bya ba'i don to/ /thub pas gsungs pa'i chos legs par gzhag pa zhes bya ba de la/ thub pa ni sangs rgyas bcom ldan 'das te/ lus dang ngag yid gsum gyi sgo nas/ sdig pa mi dge ba mi mdzad pas thub par thub pa'o/ /thub pa des gsungs pa ni thub pa des bshad ces bya ba'i don to/ /chos ni gsung rab yan lag bcu gnyis te chos de dag ni thog mar yang dge//bar du yang dge/ /tha mar yang dge/ /tshig bzang po/ /don bzang po/ /legs par gzhag pa zhes bya ste/ chos de dag gi don dam pa la blo gros gzhag par bya'o zhes bya bar sbyar ro/ /rtsa ba'i chos kyi dbyings la blo gros gzhag /ces bya ba la/ don dam pa'i ye shes la zhugs pa'i byang chub sems dpa' theg pa chen po mdo sde thams cad kyi don gcig tu bsdus nas dmigs par byed pa'i sems ni rtsa ba'i sems zhes bya'o//sems de la rtsa ba'i sems zhes bya bar ci mngon zhe na/ mdo sde rgyan gyi gtsug lag nyid las 'byung bar mngon te/'di'i rjes su bstan pa dang / bshad pa'i skabs las/ de bas mdo sde la sogs pa'i/ /chos gnyis ston pa de la ni/ /dang po nyid du brtul zhugs pas/ /mdo sogs ming la sems gzhag bya/ /zhes bya ba la sogs pa'i tshigs su bcad pa gsum gyis sems rnam pa drug bshad de/drug gang zhe na/ rtsa ba'i sems dang / rjes su dpyod pa'i sems dang / rnam par dpyod pa'i sems dang / rjes su 'dzin pa'i sems dang / kun du bsdus pa'i sems dang / rjes su ston pa'i sems so zhes bshad do/ /de la rtsa ba'i sems gang zhe na/ gang mdo sde la sogs pa'i ming la dmigs pa ste/mdo dang lung du bstan pa'i sde la sogs pa'i chos la/ mdo sde 'di'i ming ni lang kar gshegs pa zhes bya ste/ mdo sde 'di'i ming ni sa bcu pa zhes bya zhes bya ba la sogs pa mdo sde rnams kyi ming la dmigs pa ni rtsa ba'i sems zhes bya'o//yang na theg pa chen po'i mdo sde rnams kyi ming dang / tshig dang yi ge rnams la so sor mi dmigs par theg pa chen po'i chos thams cad kyi don thams cad gcig tu bzlums pa nas de la dmigs par byed pa'i sems la rtsa ba'i sems zhes bya'o//blo gros zhes bya ba ni shes rab la bya ste/ rtsa ba'i sems dang 'brel pa'i shes rab kyis chos kyi dbyings la dmigs shing chos kyi dbyings la bsgom pa dang / chos kyi dbyings la sems par byed pa ni chos kyi dbyings blos gzhag pa zhes bya ste/ dran rgyud rtog pa tsam rig brtan pa dag /ces bya ba la/ rtsa ba'i sems dang 'brel pa'i shes rab kyis chos kyi dbyings la dmigs pa'i dus na/ sems kyi rgyud las dang po phul du phyin pa dang / byang chub kyi phyogs la sogs pa'i chos la sems shing dran pa yang dag sems las byung ba dang sems tsam du rig nas sems tsam mo snyam du rtog pa de yang spangs te/de la yang mi rtog pa ni brtan pa zhes bya ste/ de ltar du sems dpa' byang chub sems dpa' de mthar 'di ltar 'gyur ro zhes bya ba'i don to/ /myur du yon tan rgya mtsho'i pha rol 'gro/ /zhes bya ba la/yon tan de lta bu dang ldan pa'i byang chub sems dpa' de myur du stobs dang mi 'jigs pa la sogs pa'i yon tan rgya mtsho'i pha rol 'gro ste/ myur du bla na med pa'i byang chub tu 'tshang rgya bar 'gyur te zhes bya ba'i don to/ /de kho na'i skabs bshad pa rdzogs so// //de kho na'i skabs bshad pa'i rjes la/ mthu'i mtshan nyid kyi skabs bshad par cis 'brel zhe na/ byang chub sems dpa' rnams kyis ni rnam pa gnyis bya ba yin te/ bdag gi don dang gzhan gyi don to/ /de la rang nyid kyis sangs rgyas kyi chos yongs su rdzogs par bya ba ni bdag gi don to//sems can yongs su smin par bya ba ni gzhan gyi don to/ /de la bdag gi don de kho na khong du chud par gyur na sangs rgyas kyi chos yongs su rdzogs par 'gyur ro/ /de nas de kho na khong du chud pa'i 'og tu sems can yongs su smin par bya ba'i phyir 'phrul gyi mig la sogs pa'i yon tan khyad par can bsgrubs pas ni sems can yongs su smin par 'gyur te/'phrul gyi mig la sogs pa'i yon tan khyad par can de yang skabs kyi mngon par rtogs pa dang mthar thug pa'i mngon par rtogs pa gnyis kyis 'grub ste/de bas na de kho na'i rjes la mthu'i skabs bshad par 'brel to/ /yang na bdag nyid kun nas nyon mongs pa med pa'i thabs ni de kho na'i don yin par bshad/ bdag nyid kun nas nyon mongs pa med pas kyang dbang po ma thob pa dang sems can rnams gdug cing dgug par mi nus par byang chub sems dpa' skyo ba skyes te/de bas na sems can yongs su smin par bya ba skyo bar mi 'gyur bar thabs bstan pa'i phyir/ de kho na'i rjes la mthu'i skabs bshad par 'brel to/ /yang na gang la bslab par bya ba la rnam pa bdun du gzhag pa las de kho na'i skabs kyi rjes la mthu smos pa bzhin te bshad dgos pa'i phyir/de kho na'i 'og tu mthu'i skabs bshad par 'brel to/ /mthu'i skabs 'di la don rnam pa drug 'byung ste/ mthu'i mtshan nyid rab tu dbye ba dang / mthu'i rgyu dang / mthu'i 'bras bu dang /mthu'i las dang / mthu'i ldan pa dang / mthu'i rab tu dbye ba'o/ /mthu'i mtshan nyid rab tu dbye ba'i tshigs su bcad pa zhes bya ba la/ mthu ni 'phrul gyi mig nas zag pa zad pa mngon par shes pa'i bar du mngon par shes pa drug la bya ste/ mngon par shes pa drug gi mtshan nyid dang rang bzhin gang yin pa las brtsams te/tshigs su bcad pa rtsom mo zhes bya ba'i don to/ /skye ba zhes bya ba la/ 'dir 'chi ba ma smos su zin kyang / gang na dud pa yod pa de na me yod par gdon mi za ba bzhin du skye ba yod na 'chi ba gdon mi za bar 'byung la/'chi ba yod na yang skye ba gdon mi za bar 'byung bas don gyi shugs kyis 'chi ba yang bstan pa yin par rig par bya'o/ /de la sems can thams cad 'di nas shi nas gnas che ge mo zhig tu skye ste/ de nas shi nas kyang gnas che ge mo zhig tu skye zhes bya ba nas/sangs ma rgyas pa dang mya ngan las ma 'das pa'i bar du sems can gyi skye ba dang / 'chi ba shes te/ 'di ni 'chi ba dang skye ba shes pa'i mngon par shes pa'o/ /ngag ces bya ba la sems can shi 'phos nas lha dang mi dang / sems can dmyal ba dang / byol song la sogs pa'i lam rgyud lnga de dang de dag tu skye ba'i tshig ci dang ci smras pa shes shing thos te/ 'di ni lha'i rna ba'i mngon par shes pa'o/ /sems shes bya ba la/ sems 'di ni 'dod chags dang bcas/ 'di ni 'dod chags dang bral/ 'di ni zhe sdang dang bcas/ 'di ni zhe sdang dang bral zhes bya ba la sogs pa sems can gyi spyod pa brgyad khri bzhi stong shes pa ni sems shes pa zhes bya ste/ 'di ni sems kyi rnam grangs mngon par shes pa'o/ /dge ba dang mi dge ba skyed ces bya ba la/ sems can thams cad kyis 'khor ba thog ma med pa nas dge ba ci byas pa dang /mi dge ba ci byas pa shes te/ sems can 'dis tshe rabs snga ma 'di'i tshe na ni sbyin pa byas pas sbyin pa'i bag chags dang ldan/ tshe rabs snga ma 'di'i tshe na ni tshul khrims bsrungs pas tshul khrims kyi bag chags dang ldan pa zhes bya ba la sogs pa tshe rabs snga ma la ci dang ci byas pa'i bag chags shes pa dang /de bzhin du sems can 'dis tshe snga ma 'di'i tshe na ni srog bcad pa byas pas srog gcod pa'i bag chags dang ldan zhes bya ba la sogs pa tshe rabs snga ma la mi dge ba ci dang ci byas pa'i bag chags shes pa ni dge ba dang mi dge ba skyed pa zhes bya ste/'di ni sngon gyi gnas mngon par shes pa'o/ /de'i gnas dang zhes bya ba la/ de'i gnas ni de bzhin gshegs pa rnams bzhugs pa'i sangs rgyas kyi zhing dang / sems can rnams gnas pa'i 'jig rten gyi khams la bya ste/ de bzhin gshegs pa la mchod pa'i phyir rdzu 'phrul gyis sangs rgyas kyi zhing du 'gro bar bya ba shes pa dang /sems can 'dul bar bya ba'i phyir 'jig rten gyi khams de dang de dag tu rdzu 'phrul gyis 'gro bar bya ba shes pa ni de'i gnas shes pa zhes bya ste/ 'di ni rdzu 'phrul gyi yul mngon par shes pa'o//'byung ba zhes bya ba la/ 'byung ba ni thabs gang gis bdag dang sems can gzhan 'khor ba las thar par bya ste/ de shes pa ni 'byung ba shes pa ste/ de ni zag pa zad pa mngon par shes pa zhes bya'o/ /mngon sum gang zhes bya ba ni mngon par shes pa drug po de dag kyang /skyu ru ra lag mthil du bzhag pa bzhin du gsal bar mngon sum du shes so zhes bya ba'i don to/ /kun 'gro zhes bya ba ni byang chub sems dpa'i mngon par shes pa drug 'jig rten gyi khams kun du yang 'jug la dus gsum kun du yang 'byung bas na kun du 'gro ba zhes bya'o//rab tu thar pa zhes bya ba ni mngon par shes pa re re zhing yang sems can gyi don du rnam pa du mar bya ba la thogs pa med ces bya ba'i don to/ /bstan pa thob pa'i dus ni thog ma med/ /ces bya ba la/ bstan pa thob pa ni byang chub sems dpa'o/ /mthu ni byang chub sems dpa'i de dag gi mngon par shes pa drug la bya'o//thogs pa med pa ni mngon par shes pa de dag 'jig rten gyi khams kun du 'jug pa dang / dus thams cad du 'byung bas thogs pa med pa ste/ 'di ni nyan thos dang rang sangs rgyas dang / 'jig rten gyi drang srong gi mngon par shes pas kyang 'phags pa ston to//ci'i phyir zhe na/ de dag gi mngon par shes pa ni 'jig rten gyi khams thams cad du mi 'jug pa dang / dus thams cad du mi 'byung bas thogs pa dang bcas pa'o/ /'jig rten gyi khams thams cad du zhes bya ba ni/ byang chub sems dpa'i mngon par shes pa rnams phyogs bcu'i 'jig rten gyi khams thams cad du 'jug go zhes bya ba'i don to//don drug po de dag rab tu dbye ba dang bcas pa zhes bya ba ni mngon par shes pa drug po de dag gcig la yang du mar spel bar mngon sum du bya ba la/ byang chub sems dpa' rnams thogs pa med do zhes bya ba'i don to//de ni byang chub sems dpa' rnams kyis mthu mngon par shes pas bsdus pa'o zhes bya ba la/ mngon par shes pa drug po de ni/ byang chub sems dpa'i mthu zhes bya ste mngon par shes pa drug tu rtogs pa nyid la byang chub sems dpa'i zhes bya ba'o zhes bya ba'i don to//mthu'i mtshan nyid rnam par dbye ba'i rang bzhin gyi don gsungs so zhes bya ba la/ byang chub sems dpa'i mthu'i mtshan nyid rnam pa drug tu dbye ba'i sgo nas byang chub sems dpa'i mthu'i rang bzhin ston to zhes bya ba'i don to//rgyu'i don las brtsams te tshigs su bcad pa zhes bya ba la/ mngon par shes pa drug gi mtshan nyid dang dbye ba bshad nas/ rgyu gang gis mngon par shes pa drug thob par 'gyur ba'i rgyu bstan pa'i phyir tshigs su bcad pa rtsom ste/rgyu rnam pa gsum gang zhe na bsam gtan bzhi pa la gnas pa dang / rnam par mi rtog pa'i ye shes la gnas pa dang / ji ltar rnam par gzhag pa yid la byed pa'o/ /bsam gtan bzhi pa shin tu dag thob nas/ /zhes bya ba la/ gzugs kyi khams kyi bsam gtan bzhi pa ste/bsam gtan dang po dang / bsam gtan gnyis pa dang / bsam gtan gsum pa dang / bsam gtan bzhi pa'o/ /shin tu dag pa ni sred pa shas cher bsgoms pa dang / nga rgyal shas cher bsgoms pa dang / the tshom shas cher bsgoms pa med pa'o/ / yang na thod rgal dang / lugs su bsgoms pa dang / lugs su mi bsgoms pa thob pa ni dag pa zhes bya'o/ /yang na nyes pa brgyad spangs pa ni dag pa ste/ nyes pa brgyad po gang zhe na/ dbugs rngub pa dang / 'byung ba dang / rtog pa dang / dpyod pa dang / bde ba dang / sdug bsngal ba dang / yid bde ba dang / mi bde ba'o/ /thob nas zhes bya ba ni bsam gtan bzhi pa dag gnas de la brten nas zhes bya ba'i don to/ /mi rtog ye shes yongs su gzung ba dang / /zhes bya ba ni bsam gtan bzhi pa la gnas pa'i tshe/ gzung 'dzin la mi rtog pa'i rnam par mi rtog pa'i ye shes dang 'brel des kyang yongs su zin zhes bya ba'i don to//rnam par gzhag bzhin yid la byed pa las/ /zhes bya ba ni de'i tshe ci zhig yid la byed ce na/ rgyu gang dang gang gis mngon par shes pa gang dang gang thob par 'gyur ba'i rgyu mdo sde las bshad de rnam par gzhag pa de yid la byed pa bas mngon par shes pa thob par 'gyur te/de'i rgyu yang mdo sde las 'phrul gyi mig gis mngon par shes pa thob par 'dod pas phyogs thams cad snang bas khyab par mos shing yid la gyis shig /de gsungs pa dang / rdzu 'phrul mngon par shes pa thob par 'dod pas lus yang par mos shing yid la gyis shig ces gsungs pa lta bu'o//mthu grub pa yi dam pa thob par 'gyur ba dang / /zhes bya ba la/ byang chub sems dpa'i mngon par shes pa drug ni nyan thos dang rang sangs rgyas dang / 'jig rten pa'i mngon par shes pa bas 'phags pas na dam pa zhes bya ba ste/bsam gtan bzhi pa la ni gnas/ rnam par mi rtog pa'i ye shes dang mi ldan/ ji ltar rnam par gzhag pa'i chos yid la byas nas mthu rnam pa drug thob pa 'grub par 'gyur ro zhes bya ba'i don to/ / 'bras bu'i don las brtsams te tshigs su bcad pa zhes bya ba la mngon par shes pa drug gi rgyu bshad nas/ mngon par shes pa drug gi 'bras bu bstan pa'i phyir tshigs su bcad pa rtsom mo/ /mngon par shes pa drug gi 'bras bu yang rnam pa gsum ste/ dpe med cing rgya che ba'i spyod pa shin tu gnas pa dang /sangs rgyas la mchod pa byed pa dang / sems can 'dren par byed pa'o/ /gang gis 'phags dang 'phrul dang tshangs pa yi/ /dpe med rgya chen spyad pa shin tu gnas/ /zhes bya bas dpe med pa rgya chen po spyod pas gnas pa bstan te/ de la 'phags pa'i gnas pa ni stong pa nyid dang mtshan ma med pa dang smon pa med pas gnas pa'i bden pa bzhis gnas pa'am sa dang pha rol tu phyin pas gnas pa'o//'phrul gyi gnas pa ni gzugs kyi khams bsam gtan bzhi pa la gnas pa'am/ gzugs med pa'i snyoms par 'jug pa bzhi la gnas pa'o//tshangs pa'i gnas pa ni byams pa dang / snying rje dang / dga' ba dang / btang snyoms la gnas pa'o/ /de la yang rnam par thar pa gsum las stong pa nyid kyi ting nge 'dzin las 'phags pa dag phal cher gnas so/ / bden pa bzhi las kyang 'gog pa'i snyoms par 'jug pa la 'phags pa dag phal cher gnas so/ /gzugs dang gzugs med pa'i ting nge 'dzin las kyang 'phags pas bsam gtan bzhi pa la gnas pa dag phal cher gnas so/ /tshad med pa bzhi las kyang snying rje chen po la 'phags pa dag phal cher gnas so//phyogs su de song sangs rgyas sems can dag /yang dag mchod cing rnam dag 'gugs par byed/ /ces bya ba la/ mngon par shes pa dang ldan pa'i byang chub sems dpa' de rdzu 'phrul gyis phyogs bcu'i sangs rgyas kyi zhing dag tu song nas sangs rgyas bcom ldan 'das la mchod pa byed de/'dis ni sangs rgyas mchod pa'i 'bras bu bstan to/ /gzhan yang rdzu 'phrul gyis phyogs bcu'i sangs rgyas kyi zhing dag tu song nas 'phur ba dang 'bar ba la sogs pa'i sgo nas sems can 'gugs te/ dge ba la 'jog par byed de 'dis ni sems can 'dren pa'i 'bras bu bstan to//las rnam pa drug gi don las brtsams te tshigs su bcad pa bzhi'o zhes bya ba la/ mngon par shes pa'i 'bras bu bstan nas da tshigs su bcad pa bzhis mngon par shes pa drug gi las 'chad de/ las rnam pa drug go//mthong ba'i las dang / ston pa'i las las brtsams te tshigs su bcad pa zhes bya ba la/ mngon par shes pa drug dang ldan pa'i byang chub sems dpa' rnams kyis sems can gyi 'jig rten dang / snod kyi 'jig rten gnyis sgyu ma lta bur khong du chud pa ni mthong ba'i las so//dbang bcu dang ldan pas sems can rnams la 'phur ba dang / 'bar ba la sogs pa dang / 'jig rten gyi khams su 'jig pa dang / chags pa ston pa ni ston pa'i las zhes bya ste/ las de gnyis bstan par bya ba'i phyir tshigs sa bcad pa rtsom mo zhes bya ba'i don to//sems can bcas pa skye dang 'jig pa yi/ /'jig rten khams kun sgyu ma 'dra bar mthong / /zhes bya ba la/ mngon par shes pa dang ldan pa'i byang chub sems dpa' des snod kyi 'jig rten dang sems can du bcas pa skyes te/ 'jig rten gyi khams 'chags pa dang /'jig ste bskal pa'i sa sbyong ba na sgyu ma dang 'dra bar mthong ngo / /ji ltar zhe na/ dper na sgyu ma dang / smig rgyu dang / rmi lam la sogs pa rang bzhin gyis stong zhing med kyang skye bar yang snang ba de bzhin du snod kyi 'jig rten dang / sems can gyi 'jig rten gnyi ga yang rang bzhin gyis stong ste/med kyang skye bar snang 'jig par yang snang bas sgyu ma dang 'dra'o zhes mthong ngo / /'di ni mthong ba'i las te las rnam pa gcig go/ /dbang ldan rnam pa sna tshogs bcas par yang / ji bzhin 'dod par de dag yang dag ston/ /zhes bya ba la/mngon par shes pa thob pa'i byang chub sems dpa' ni dbang dang ldan pas rdzu 'phrul rnam pa sna tshogs kyis sems can gang la rdzu 'phrul gang bstan na 'dul zhing dga' bar 'gyur ba sems can gang la rdzu 'phrul de ston te 'bar ba ston pas 'dul ba'i sems can rnams la 'bar bar ston/'phur bas 'dul ba'i sems can rnams la 'phur ba ston pa la sogs pa'o/ /'di ni ston pa'i las te las gnyis pa'o/ /'od zer gyi las las brtsams te tshigs su bcad pa zhes bya ba la byang chub sems dpa' sems can gyi don du phyogs bcur 'od zer ston pa las brtsams nas tshigs su bcad pa rtsom ste/de yang don rnam pa gnyis kyi phyir 'od zer gtong ngo / /gang zhe na/ ngan song du skyes pa'i sems can sdug bsngal ba rnams mtho ris su dgod par bya ba'i phyir 'od zer btang ba dang / bdud kyi gnas dang bdud rnams bskyod cing skrag par byed pa'i phyir 'od zer gtong ngo //'od zer btang bas mi bzad sdug bsngal dang / /ngan song ba rnams mtho ris 'gro bar byed/ /ces bya ba la/ byang chub sems dpa' mngon par shes pa drug dang dbang bcu dang ldan pas phyogs bcur 'od zer btang bas sems can dmyal ba'i gnas na btso zhing gtubs pa la sogs pa'i sdug bsngal dang /yi dags kyi gnas na bkres pa la sogs pa'i sdug bsngal dang / byol song gi gnas na gcig gis gcig gsod pa la sogs pa'i sdug bsngal rnams 'od zer des reg pa dang /dad pa skye zhing 'phral du yang sdug bsngal zhi bar byed pa dang / de nas shi 'phos nas lha dang mi'i gnas bde 'gror skye bar byed de/ 'di ni las gsum pa'o/ /bdud gnas gzhal med khang mtho mdzes pa dag/ /bdud bcas rab tu bskyod cing skrag par byed//ces bya ba la/ bdud kyi gnas ni bdud de dag 'khod pa'i khang khyim ste/ mtho ba ni rtseg ma dang rim pa du ma 'dug pa'o/ /mdzes pa ni rin po che las byas pa'o/ /bdud bcas zhes bya ba ni bdud 'khor dang bcas pa ste/ 'od zer btang ste/bdud kyi gnas rnams ni bskyod/ bdud kyi gnas g.yos pas bdud rnams kyang skrag par byed de/ 'di ni las bzhi pa'o/ /rnam par rol pa'i las dang sprul pa'i las las brtsams te tshigs su bcad pa zhes bya ba la/ rnam par rol pa ni nam mkha' mdzod kyi ting nge 'dzin zhes bya ba la sogs pa theg pa chen po'i ting nge 'dzin dpag tu med pa la 'jug pa'o//sprul pa'i las ni sems can gyi don du rnam pa gsum du sprul par byed do/ /bzo'i gnas sprul nas sems can 'dul ba dang / skye ba sprul nas sems can 'dul ba dang /dga' ldan gyi pho brang nas 'chi ba bstan nas mya ngan las 'das pa'i bar dag sprul pa bstan nas/ sprul pa'i mchog bstan nas sems can 'dul bar byed pa'o/ /ting 'dzin dpag tu med la rnam rol cing / /mchog rnams 'dus ba'i 'og tu yang dag ston/ / ces bya ba la/ sangs rgyas dang byang chub sems dpa'i 'khor tshogs pa ni tshogs rnams 'dus pa zhes bya ste/ de bzhin gshegs pa dang byang chub sems dpa' gtso bo tshogs pa'i dbus su theg pa chen po'i ting nge 'dzin dpag tu med pa la snyoms par 'jug pa ston pa ni ting nge 'dzin gyis rnam par rol pa zhes bya ste/dper na 'phags pa 'jam dpal de bzhin gshegs pa dang / byang chub sems dpa'i 'khor gyi dbus su ting nge 'dzin la snyoms par zhugs pa dang / sus kyang ting nge 'dzin de las bslang bar ma nus pa dang / bu mo legs pa'i blo gros kyis bslang ngo zhes bya ba la sogs pa lta bu'o//'di ni rnam par rol pa'i las de las rnam pa lnga'o/ /las dang skye ba dang ni mchog gi sprul pas kyang / /thams cad dus su sems can don byed do/ /zhes bya bas sprul pa'i las bstan te/ las sprul pas kyang dus thams cad du sems can gyi don byed/skye ba sprul pas kyang dus thams cad du sems can gyi don byed/ mchog gi sprul pas kyang dus thams cad du sems can gyi don byed do zhes bya ba'i don to/ /'di las drug dang / de la rdza mkhan dang / pi wang mkhan la sogs pa'i bzo'i gnas rnam pa sna tshogs byed par sprul pa ni las sprul pa zhes bya ste/lha dang klu dang gnod sbyin nas byol song la sogs pa'i gnas su skyes nas// de dag gi lus 'dra bar bstan pa ni skye ba sprul pa zhes bya'o/ /'og min gyi pho brang nas mya ngan las 'das pa'i bar dag bstan pa ni mchog gi sprul pa zhes bya'o//zhing yongs su dag par byed pa las brtsams te tshigs su bcad pa zhes bya ba las/ mngon par shes pa'i las drug bstan nas/ da ni mngon par shes pa drug dang ldan pa rnams sangs rgyas kyi zhing rnam pa gnyis dag par byed do zhes bstan pa'i phyir tshigs su bcad pa rtsom mo zhes bya ba'i don to//zhing rnam pa gnyis ni snod kyi 'jig rten dang / sems can gyi 'jig rten no/ /zhing rnams 'dod pa bzhin du bstan pa'i phyir/ /ye shes la yang dbang bas dag pa thob//ces bya ba 'di snod kyi 'jig rten dag par byed pa ston te/ de yang gang gis dag par byed pa dang / gang dag par byed pa ste rnam pa gnyis so/ /byang chub sems dpa' dbang bcu thob pa ste/ dbang bcu la ye shes kyi dbang gis sangs rgyas kyi zhing rnams dang shel gyi kha dog tu bstan na dga' ba rnams la shel gyi kha dog tu ston pa dang /gser gyi kha dog tu bstan na dga' ba rnams la gser la sogs pa'i kha dog tu ston/ de dag thob ces bya ba ni de ltar ston nus zhes bya ba'i tha tshig go//sangs rgyas mtshan dag med par sangs rgyas mtshan/ /yang dag bsgrags pas dad pas khams gzhan 'gyed/ /ces bya bas/ sems can gyi 'jig rten dag par byed par ston te/ byang chub sems dpa' mngon par shes pa drug dang ldan pa des/ 'jig rten gyi khams gang na yang sangs rgyas dang chos dang dge 'dun gyi mtshan mi grag cing med pa'i 'jig rten gyi khams der dkon mchog gsum gyi mtshan grag par bya ste/ dad pa skyes nas 'jig rten gyi khams gang na dkon mchog gsum yod pa'i 'jig rten gyi khams der skye ba la 'jog par byed do zhes bya ba'i don to//ldan pa'i don las brtsams te tshigs su bcad pa zhes bya ba la/ mngon par shes pa drug gi las dang / mngon par shes pa drug gi sangs rgyas kyi zhing dag par byed pa bstan nas/ /da ni mngon par shes pa drug yod pa de yon tan dang ldan pa bstan pa'i don te/de yang sems can smin par byed nus par byed pa dang ldan pa dang / rab tu bsngags pa dang ldan pa dang / tshig gzung bar 'os pa dang ldan pa ste rnam pa gsum dang ldan no zhes bya ba'i don to/ /sems can smin byed nus par 'gyur ba ni//ji ltar 'dab ma rgyas pa'i bya bzhin du/ /zhes bya ba la/ sems can smin par byed nus pa dang ldan pa bstan te/ dper na bya 'dab gshog rdzogs shing rgyas pa nam mkha' la 'gro ba na chen po 'bad pa med par dga' mgur 'gro zhing nam 'phang gcod pa de bzhin du mngon par shes pa drug dang ldan pa gcig tu 'bad pa med par bsdu ba'i dngos po bzhis sems can bsdus nas mi dge ba las bzlog pas dge ba la gzhag pa la sogs pa'i dge ba'i sgo nas sems can smin par byed nus so zhes bya ba'i don to//sangs rgyas las kyang shin tu bsngags pa thob/ /ces bya bas rab tu bsngags pa dang ldan pa bstan te/ mngon par shes pa dang ldan na sems can smin par byed la de bzhin gshegs pa la 'dri zhing zhu ba rnams kyang phyin ci ma log par 'dri bas ji skad du mdo sde dag las rigs kyi bu khyod kyis mdo zhu ba zhus pa dang dri ba dris pa legs so legs so zhes bya ba la sogs pa'i bsngags pa yang thob par 'gyur ro zhes bya ba'i don to//skye dgu rnams la tshig gzung 'os par 'gyur/ /zhes bya bas/ tshig gzung bar 'os pa dang ldan pa bstan te/mngon par shes pa dang ldan na gzhan gyi sems dang mthun par tshig smra ba dang / rdzu 'phrul rnam pa sna tshogs bstan nas sems can mgu bar byas pa'i phyir byang chub sems dpa' de'i tshig sems can thams cad kyis mi gcog cing ji skad bsgo ba bzhin du nyan du btub par 'gyur ro zhes bya ba'i don to//'jug pa'i don las brtsams te tshigs su bcad pa zhes bya ba la/ ldan pa'i don bstan nas mngon par shes pa drug dang ldan pa'i sems can byang chub sems dpa' rnams mthu rnam pa drug gis sems can gyi don la ji skad 'jug pa bstan pa'i phyir tshigs su bcad pa rtsom mo zhes bya ba'i don to//mngon shes drug dang zhes bya ba la/ mngon par shes pa drug ni 'phrul gyi mig gi mngon par shes pa nas zag pa zad pa mngon par shes pa'i bar du drug ste/'di ni mthu rnam pa gcig go/ /rig pa gsum zhes bya ba la/ rig pa gsum ni sngon gyi gnas rjes su dran pa'i rig pa dang / 'chi 'pho rig pa dang / zag pa zad pa'i rig pa ste/ sngon gyi gnas rjes su dran pa'i rig pas ni sngon gyi dus la mkhas so/ /'chi 'pho'i rig pas ni phyi ma'i dus la mkhas so//zag pa zad pa'i rig pas ni da ltar gyi dus la mkhas pa ste/ 'di ni mthu rnam pa gnyis so/ /rnam thar brgyad dang zhes bya ba la/ rnam par thar pa brgyad ni gzugs can gzugs la lta ba ste/ rnam par thar pa dang po'o/ / nang gzugs med pa'i 'du shes la phyi'i gzugs la lta ba ste/ rnam par thar pa gnyis so/ /bzang po'i rnam par thar pa lus kyi mngon sum du byas nas gnas te rnam par thar ba gsum pa'o/ /nam mkha' mtha' yas skye mched dang / rnam shes mtha' yas skye mched dang / cung zad med pa'i skye mched dang / cung zad med min skye mched dang / 'gog pa'i snyoms par 'jug pa dang brgyad de/ 'di ni rnam pa gsum mo/ /de bzhin zil gnon brgyad ces bya ba la/ zil gyis gnon pa'i skye mched kyang brgyad de gang zhe na/nang gzugs kyi 'du shes la/ phyi'i gzugs rnams la/ chung ba dang / kha dog bzang po dang / kha dog ngan pa dang / gya nom par mthong ste/ gzugs de dag kyang zil gyis mnan nas mngon par shes pa zil gyis mnan nas mthong ste/'di ni zil gyis gnon pa'i skye mched dang po'o/ /de bzhin du nang gzugs kyi 'du shes la/ phyi'i gzugs rnams la chen por mthong ste/ 'di ni zil gyis gnon pa'i skye mched gnyis pa'o/ /nang gzugs med pa'i 'du shes la phyi'i gzugs rnams la lta ste/chung ngu'o zhes bya ba ni zil gyis gnon pa'i skye mched gsum pa'o/ /nang gzugs med pa'i 'du shes la phyi'i gzugs rnams la lta ste/ chen po'o zhes bya ba 'di ni zil gyis gnon pa'i skye mched bzhi pa'o/ /de'i steng du sngon po dang / ser po dang /dmar po dang / dkar po bsnan te brgyad de 'di ni mthu rnam pa bzhi'o/ /thams cad skye mched bcu dang zhes bya ba la/ thams cad skye mched bcu ni sa dang / chu dang / me dang / rlung ste 'byung ba chen po bzhi dang / sngon po dang / ser po dang / dmar po dang / dkar po ste kha dog bzhi dang /nam mkha' mtha' yas skye mched dang / rnam shes mtha' yas skye mched gnyis kyis bsnan te bcu'o/ /'di ni mthu rnam pa lnga'o/ /dpag tu med pa'i ting nge 'dzin rnams ni/ /zhes bya ba la/ theg pa chen po'i ting nge 'dzin dpag tu med pa rnams kyang byang chub sems dpa'i mthu yin te/de yang dpa' bar 'gro ba'i ting nge 'dzin dang / nam mkha' mdzod kyi ting nge 'dzin la sogs pa ste/ 'di ni mthu rnam pa drug go/ /brtan pa thob pa'i mthu zhes bya ba la/ gong du bshad pa drug po de dag ni/ byang chub sems dpa' rnams kyis sems can yongs su smin par byed pa'i mthu yin no zhes bya ba'i don to//don rnam par dbye ba'i mtshan nyid kyi don drug gi mthu bshad nas/ de'i che ba bstan pa'i phyir tshigs su bcad pa zhes bya ba la/ mthu rnam pa drug tu phye ba'i sgo nas mthu rnam pa drug gis byang chub sems dpa'i mthu ni drug yin no zhes bshad nas/da mngon par shes pa drug gi yon tan che ba bstan pa'i phyir tshigs su bcad pa rtsom ste/ che ba yang rnam pa gsum mo/ /gang zhe na/ dbang gi che ba dang / dga' ba'i che ba dang / srid pa ni mi 'jigs pa'i che ba'o//de ni dbang gi mchog rnams thob pa'i blo/ /'gro ba dbang med rang dbang bkod rtag tu/ /zhes bya ba la/ dbang gi che ba bstan te/ mngon par shes pa drug pa'i byang chub sems dpa' de zhes bya ba'i don to/ /mthu rnam pa drug thob pa'am dbang rnam pa bcu thob pa'am ye shes rnam par dag pa la dbang thob pas na dbang gi mchog thob pa'i blo zhes bya ba de/blo ni shes rab la bya'o/ /sems can rnams las dang nyon mongs pa'i dbang du song nas tshe 'dir yang las dang nyon mongs pas gar drangs par 'jug pas na rang dbang med pa dang /tshe rabs gzhan du yang las dang nyon mongs pas gang du 'phangs par mi 'dod bzhin du 'gro dgos pas na rang dbang med pa ste/ rang dbang med pa'i sems can de dag rdzu 'phrul bstan te/ dad pa skyes nas dge ba la bkod pas na rang dbang bkod pa zhes bya ste/byang chub sems dpa' nyid kyi dbang du byas/ /zhes bya ba'i don to/ /rtag tu gzhan la phan bya gcig tu mngon par dga'/ /zhes bya bas dga' ba'i che ba bstan te/ bdag gi don du mi sems par dus thams cad du yang sems can gzhan la phan pa dang bde bar bya ba 'ba' zhig la mos shing de 'ba' zhig sems pas na gzhan la phan par bya bar rnam par dga' ba zhes bya'o//seng ge bzhin du rab brtan srid na spyod/ /ces bya bas srid pa na mi 'jigs pa'i che ba bstan te/ dper na seng ge nags dang nags kyi 'dab na phug dang ri la sogs pa na gnas shing rgyu ba'i tshe/ri dgas gang gis kyang mi 'jigs par gnas pa de bzhin du byang chub sems dpa' brtan pa thob pa rnams sems can gyi don du khams gsum la gnas pa'i tshe yang bdud dang mu stegs la sogs pa gang gis kyang mi 'jigs shing /'dod chags dang zhe sdang la sogs pa'i nyon mongs pas gos su dogs pa'i 'jigs pa yang med par yod do zhes bya ba'i don to/ /mthu'i skabs bshad pa rdzogs so// //mthu'i skabs bshad pa'i rjes la/yongs su smin pa'i skabs bshad par 'brel pa ci yod ce na/ gong du theg pa sgrub pa'i skabs su/ rgya che'i phyir dang zab pa'i phyir/ /yongs su smin dang rnam mi rtog /'di la gnyis ni bstan pa'i phyir/ /de ni bla na med pa'i thabs/ /zhes bshad de/ mthu rgya chen po bshad pa mthong bas ni sems can yongs su smin par 'gyur te/ byang chub sems dpa'i sgo nas mthu mthong ba dang / de la tshogs pa skyes nas thob par bya ba'i phyir 'bad par byed de/ de ni mthu nyid kyi skabs su bshad zin to/ /zab pa bshad pas ni rnam par mi rtog pa'i ye shes skyes pa'i sgo nas bdag nyid sangs rgyas kyi chos yongs su smin par 'gyur te/de'i phyir yongs su smin pa'i skabs bshad pas ni mthu'i rjes la yongs su smin pa'i skabs bshad par 'brel to/ /yang na byang chub sems dpa' sems can gyi don la skyo ba med pa'i thabs yin par bshad/'khor ba na gnod pa dang / sdug bsngal rnam pa sna tshogs kyis skyo ba med par dus ring por byang chub sems dpa' sangs rgyas kyi chos yongs su smin par byed pa dang / sems can yongs su smin par byed pas na/ dge ba'i chos rnams rgya cher 'phel bar 'gyur te/de bas na dge ba'i chos rgya cher 'phel bar byed pa'i thabs yongs su smin par byed pa'i skabs bshad de/ de'i phyir mthu'i 'og tu yongs su smin par byed pa'i skabs bshad par 'brel to/ /yang na gang la bslab par bya ba'i rnam pa bdun bshad pa las mthu'i rjes la bdag yongs su smin pa dang /sems can yongs su smin par bya ba smos pas na de bshad pa'i skabs su bab pa'i phyir/ mthu'i rjes la yongs su smin pa'i skabs bshad par 'brel to/ /byang chub sems dpa' yongs su smin par bsdu ba'i tshigs su bcad pa zhes bya ba la/yongs su smin pa rnam pa gnyis la bdag yongs su smin pa 'chad de yongs su smin zhes bya ba ni/ dper na nam shing tog bza' bar rung ba'i dus na yongs su smin pa zhes bya ba dang / kha zas bza' bar rung ba'i dus na yongs su smin pa zhes bya ba/de bzhin du byang chub sems dpa' yang nam dga' ba dang dad pa la sogs pa yon tan du shes pa chen po dang ldan na byang chub sems dpa'i yongs su smin par 'gyur ba zhes bya'o/ /de la yang dang po'i tshigs bcad gcig gis ni yongs su smin pa'i don mdor bstan pa'o//grogs mchog ces bya ba la sogs pa tshigs bcad lhag mas ni gong ma'i don gnyis zhib tu 'chad pas na tshigs bcad dang po ni bsdus pa'i tshigs su bcad pa zhes bya'o/ /dga' zhing zhes bya ba la/ theg pa chen po'i chos zab cing rgya chen po 'byung ba bdag dang gzhan gyi don du bstan pa de 'ba' zhig la dga' zhing de la 'dod pa yod kyi nyan thos dang /rang sangs rgyas kyi chos la 'dod pa med na byang chub sems dpa' de yongs su smin pa yin par rig par bya'o zhes bya ba'i don to/ /dad pa/ zhes bya ba la theg pa chen po'i gang zag dge ba'i bshes gnyen rnams la 'di ni bla na med pa'i byang chub kyi lam ston par byed pa yin pas na dge ba'i bshes gnyen yin no snyam du sems pa ni dad pa zhes bya ste/de lta bu'i sems yod na yongs su smin pa'i mtshan nyid do/ /rab zhi zhes bya ba la nam rang bzhin gyis 'dod chags dang zhe sdang dang gti mug shas chung bar gyur la nyon mongs pa dang nye ba'i nyon mongs pa spong nus pa'i mthu dang ldan pa ni rab tu zhi ba zhes bya ste/de lta bu'i mthu yod na yongs su smin pa'i mtshan nyid du gyur par rig par bya'o//snying brtse ba zhes bya ba la/ sems can sdug bsngal ba mthong nas sems can de dag gi sdug bsngal ji ltar bsal bar bya snyam du sems pa ni snying brtse ba zhes bya ste/ snying rje de lta bu yod na yongs su smin pa'i mtshan nyid du rig par bya'o/ /bzod pa dang ni zhes bya ba la/bdag nyid sangs rgyas kyi chos yongs su smin par bya ba dang / sems can yongs su smin par bya ba'i tshe/ mgo dang rkang lag la sogs pa gtong ba dang / grang ba dang tsha ba la sogs pa'i sdug bsngal byung yang nyams su len nus na ni bzod pa zhes bya ste/ bzod pa de lta bu yod na ni byang chub sems dpa' yongs su smin par 'gyur bar rig par bya'o//yid rno ba zhes bya ba la/ chos rnams bshad pa'i dus na yang / dang po nyan pa'i dus na yang don dang tshig 'dzin nus la/ de'i 'og tu tshig rnams ni mi brjed par tshig 'dzin nus/ don rnams ni ma nor bar rtogs nus pa ni yid rno ba zhes bya ste/ de lta bu dang ldan na byang chub sems dpa' rnams yongs su smin par 'gyur bar rig par bya'o/ /mthu yod pa dang zhes bya ba la/ bsod nams dang ye shes kyi tshogs shas cher bsags pas nyon mongs pa rnams kyis zil gyis mi non cing stong pa nyid kyi don rtogs pa ni mthu yod pa zhes bya ste/de 'dra ba dang ldan pa yang yongs su smin par 'gyur ba'i mtshan nyid do/ /mi 'phrogs pa dang zhes bya ba la/ byang chub sems dpa' de byang chub sems dpa'i spyod pa la gnas pa'i dus na bdud la sogs pa sangs rgyas kyi gzugs su sprul te/byang chub sems dpa' spyod pa 'dor du bcug kyang spyod pa mi gtong ba dang / mu stegs pas rnam pa sna tshogs bshad de gzhan du bsgyur bar brtsams kyang lta ba mi 'gyur ba ni mi 'phrogs pa zhes bya ste/ de lta bur gyur na yongs su smin pa'i mtshan nyid yin no//yan lag dang ldan pa zhes bya ba la/ nam yongs su smin par gyur pa de ni spong ba'i yan lag lnga dang ldan te/ spong ba'i yan lag lnga ni dad pa dang / g.yo med pa dang / sgyu med pa dang / nad med pa dang / gnas mthu dang ldan pa ste/de lnga'i don zhib tu ni 'og nas 'chad do/ /rab ces bya ba ni gang du bshad pa'i chos dgu po kun kyang shas chen po dang ldan pa zhes bya ba'i don to/ /de ni rgyal sras yongs su smin pa'i mtshan/ /zhes bya ba ni gong du bshad pa'i chos dgu po de dag ni byang chub sems dpa' rnams kyi yongs su smin pa'i mtshan nyid de/de dgu dang ldan na byang chub sems dpa' de yongs su smin pa'i mtshan nyid dang ldan pa yin no zhes bya ba'i don to/ /dga' ba yongs su smin pa las brtsams te tshigs su bcad pa zhes bya ba la/ gong du chos rnam pa dgu zhig glengs pa las dga' ba'i sems ji tsam zhig thob na/dga' ba smin par gyur pa bstan pa'i phyir tshigs su bcad pa rtsom mo zhes bya ba'i don to/ /de yang don rnam pa gsum gyis bstan te/ dga' ba yongs su smin par byed pa'i rgyu dang / dga' ba yongs su smin pa'i rang bzhin dang /dga' ba yongs su smin pa'i las dang gsum mo/ /grogs mchog la sogs gsum dang zhes bya ba la/ grogs ni dge ba'i bshes gnyen la bya ste/ dge ba'i bshes gnyen la brten pa dang / dam pa'i chos nyan pa dang / mnyan nas chos kyi don phyin ci ma log par yid la byed pa ni grogs mchog la sogs pa gsum zhes bya ste/'di ni dga' ba yongs su smin pa'i rgyu yin no/ /brtson 'grus che zhes bya ba la/ theg pa chen po'i chos nyan pa dang / sems pa dang / bsgom pa la res 'ga' 'jug la res 'ga' mi 'jug pa ma yin gyi/rgyun mi 'chad par 'jug pas na brtson 'grus che ba zhes bya'o/ /dam pa'i mthar phyin zhes bya ba la/ bsam gyis mi khyab pa'i gnas bzhi la the tshom dang som nyi med pa ni dam pa'i chos mthar phyin pa zhes bya ste/ bsam gyis mi khyab pa'i gnas bzhi ni/sems can gyi las rnam pa sna tshogs bsam gyis mi khyab pa dang / sman dang sngags kyi mthu bsam gyis mi khyab pa dang / de bzhin gshegs pa'i ye shes bsam gyis mi khyab pa dang / rnal 'byor pa'i spyod yul bsam gyis mi khyab pa ste/brtson 'grus che ba dang / dam pa'i mthar phyin pa dang / gnyis kyis dga' ba yongs su smin pa'i rang bzhin bstan to/ /mchog gi chos kyang sdud ces bya ba la/ mchog gi chos ni theg pa chen po'i chos te/ sdud ces bya ba ni theg pa chen po'i chos 'jig rten la ring du gnas shing mi nub par bya ba'i phyir srung bar byed de/de yang ji ltar srung bar byed ce na/ ji tsam du theg pa chen po'i chos 'chad pa'i gang zag dang / nyan pa'i gang zag yod pa de tsam du theg pa chen po'i chos ma nub pa yin par khong du chud pas theg pa chen po'i chos 'chad pa yin pa dang /nyan pa'i gang zag rnams la 'tshe ba dang gnod pa byed pa rnams kyi skyabs byed cing yo byad rnam pa sna tshogs kyis ston par byed pa'o/ /'dis ni yongs su smin pa'i las bstan to/ /dam chos cher gsung phyir ni snying rje can/ /yang dag yongs su smin pa'i mtshan nyid 'dod//ces bya ba ni dga' ba yongs su smin pa bstan pa de yang / snying rje dang ldan pa'i byang chub sems dpa' rnams theg pa chen po'i chos gzung zhing 'jig rten du ring du gnas par bya ba'i phyir dga' ba yongs su smin par bya ba la 'jug ste/ gong du bshad pa de dag ni dga' ba yongs su smin pa'i mtshan nyid yin no zhes bya ba'i don to//byang chub sems dpa'i mos pa yongs su smin pa'i mtshan nyid de ni theg pa chen po'i chos gzungs su gzung ba'i dbang du byas par rig par bya'o/ /byang chub sems dpa' dga' ba yongs su smin pa yang theg pa chen po'i chos 'jig rten du yun ring du gnas pa'i don du smin par byed do zhes bya ba'i tha tshig go//dad pa yongs su smin pa las brtsams te tshigs su bcad pa zhes bya ba la/ dad pa'i cha ji tsam zhig sems la skyes na dad pa yongs su smin pa zhes bya ba bstan pa'i phyir tshigs su bcad pa rtsom ste/de yang don du na/ dad pa'i rgyu yang bsags/ dad pa'i rang bzhin yang phun sum tshogs/ dad pa'i las dang yang ldan na/ dad pa yongs su smin to zhes bstan pa'i phyir tshigs su bcad pa rtsom mo zhes bya ba'i don to/ /yon tan/ shes dang zhes bya ba la/ yon tan shes pa ni sangs rgyas bcom ldan 'das rnams kyi yon tan khong du chud pa ste/ de yang ji ltar khong du chud ce na/ ji ltar bcom ldan 'das de ni de bzhin gshegs pa dgra bcom pa yang dag par rdzogs pa'i sangs rgyas zhes bya ba la sogs pa'i yon tan dang ldan par khong du chud pa'o//de ltar khong du chud pa las dad pa skye bar 'gyur bas na 'di ni rgyu yin no/ /yid kyang mi phyed na zhes bya ba la/ sa dang por chos kyi dbyings thams cad du 'gro ba'i mtshan nyid du khong du chud nas de phan chad sangs rgyas la sems mi phyed pa dang /chos dang dge 'dun la sems mi phyed pa ste/ 'di ni dad pa yongs su smin pa'i rang bzhin no/ /ting 'dzin myur thob dang zhes bya ba la/ dad pa yongs su smin par gyur na theg pa chen po'i ting nge 'dzin dang nam mkha' mdzod kyi ting nge 'dzin dang dpa' bar 'gro ba'i ting nge 'dzin la sogs pa'i dpag tu med pa rnams myur du thob par gyur to zhes bya ba'i don to//'bras bu myong dang zhes bya ba la/ 'bras bu ni rdzu 'phrul gyi mig la sogs pa'i mngon par shes pa drug la bya ste/ dad pa yongs su smin na mngon par shes pa drug kyang 'thob par 'gyur ro zhes bya ba'i don to//ting nge 'dzin thob pa dang 'bras bu myong ba gnyis ni las yin par rig par bya'o/ /rgyal sras rnams ni ston la mos pa'i phyir/ /yang dag yongs su smin pa'i sangs rgyas 'dod/ /ces bya ba la/ byang chub sems dpa' rnams sangs rgyas bcom ldan 'das la mos shing dad par bya ba'i phyir/rgyu dang rang bzhin dang / las gsum dang ldan pa'i dad pa yongs su smin pa'i mtshan nyid yin no zhes bya ba'i don to/ /rab tu zhi ba yongs su smin pa las brtsams te tshigs su bcad pa zhes bya ba la/ zhi ba ni nyon mongs pa spongs te nyon mongs pa ji tsam zhig spangs na rab tu zhi ba smin par 'gyur ba bstan pa'i phyir tshigs su bcad pa rtsom ste de yang rgyu dang /rang bzhin dang / las gsum dang ldan na rab tu zhi ba yongs su smin pa yin no zhes ston to/ /shin tu bsdams shing zhes bya ba la/shin tu bsdams pa ni dran pa dang shes bzhin gyis zin pas mig gi dbang po nas yid kyi dbang bo'i bar du dbang po rnams yul la mi 'jug par bkag pa ni shin tu bsdams pa zhes bya ste/ dang po sdom pa len pa nas brtsams te/ zas la tshod rig pa dang / srod dang tho rangs la mi nyal ba dang / dbang po bsdams pa la sogs pa'i tshogs kyi lam dang / sbyor ba'i lam dang / mthong ba'i lam dang / bsgom pa'i lam dang / mthar thug pa'i lam ste/ lam 'di dag ni rab tu zhi ba smin pa'i rgyu yin no zhes bya ba'i don to/ /nyon mongs rtog pa spangs zhes bya ba la/byang chub sems dpa'i nyon mongs pa ni rnam par rtog pa yin te/ de yang 'dod chags la rtog pa dang / zhe sdang la rtog pa dang / yod par rtog pa dang / med par rtog pa dang / rtag par rtog pa dang / mi rtag par rtog pa la sogs pa ste/rtog pa de dag spangs pa ni rab tu zhi ba yongs su smin pa'i rang bzhin no/ /bar chad med cing zhes bya ba la/ 'dod chags kyi gnyen por mi gtsang ba bsgom pa dang / zhe sdang gi gnyen por byams pa bsgom pa dang / gti mug gi gnyen por rten cing 'brel par 'byung ba bsgom pa la bar chad med do//rgyun du sgom par byed pa ni rab tu zhi ba yongs su smin pa'i lam rnam pa gcig go/ /dge ba la mngon par dga' zhes bya ba ni sbyin pa nas shes rab kyi pha rol tu phyin pa'i bar drug la spyod de bsgom pa la rang bzhin gyis dga' ba ste/ 'di ni yongs su smin pa'i lam rnam pa gnyis so//rgyal ba'i sras kyi nyon mongs bsal ba'i phyir/ /yang dag yongs su smin pa'i mtshan nyid 'dod/ /ces bya ba la/ byang chub sems dpa' rnams kyi rnam par rtog pa'i nyon mongs pa bsal ba'i phyir yongs su smin pa'i rgyu dang /rang bzhin dang / las gsum ni byang chub sems dpa'i nyon mongs pa rab tu zhi ba'i mtshan ma yongs su smin pa'i mtshan nyid yin par 'dod ces bya ba'i don to/ /snying rje yongs su smin pa'i mtshan nyid kyi dbang du byas te tshigs su bcad pa zhes bya ba la/ sems can sdug bsngal ba mthong na sems can sdug bsngal bsal ba'i phyir 'jug pa ni snying rje ste sems kyi brtse ba ji tsam zhig skyes na snying rje yongs su smin pa yin pa bstan pa'i phyir tshigs su bcad pa rtsom mo zhes bya ba'i don to/ /de yang snying rje'i rgyu dang / rang bzhin dang /las gsum dang ldan na snying rje yongs su smin pa ston to/ /snying rje rang bzhin dang ni zhes bya ba la/ rang bzhin gyi sgra ni rigs la bya ste/ snying rje'i rigs can zhes bya ba'i don to/ /de'ang rnal 'byor spyod pa'i sa las/ rigs dang khams dang sa bon dang / / rang bzhin dag ni don gcig ste/ /ming gi rnam grangs tsam du zad/ /ces bya ba bshad do/ /gzhan sdug mthong ba zhes bya ba la/ sems can gzhan dag skye ba dang / rga ba dang / 'dod pa mi rnyed pa la sogs pa'i sdug bsngal gyis sdug bsngal bar gyur pa mthong nas/ de dag gi sdug bsngal bsal bar bya'o snyam du sems pa ni snying rje yin no zhes bya ba'i don to/ /chung ngu'i sems kyang yang dag rab tu spong / /zhes bya ba la/ chung ngu'i sems ni nyan thos dang / rang sangs rgyas sems can gzhan gyi don btang nas mya ngan las 'das par 'jug pa ste/sems de spangs nas sems can gyi don du 'khor bar 'gro bar sems pa ni chung ngu'i sems spong ba zhes bya ste/ snying rje'i rang bzhin dang / gzhan sdug bsngal ba mthong nas snying rje ba dang / chung ngu'i sems spong ba dang gsum ni snying rje'i yongs su smin pa'i rgyu yin no/ / khyad par 'gro dang zhes bya ba la/ gong du smos pa'i rgyu gsum gyis rgyu byas nas snying rje yang je cher 'gro ste/ sa dang po'i dus bas sa gnyis pa'i dus na snying rje che ba las/ sa dgu pa'i snying rje bas sa bcu pa'i snying rje che bar gyur pa ni khyad par du 'gro ba zhes bya ste/ 'di ni snying rje yongs su smin pa'i rang bzhin no//'gro ba'i mchog 'gyur ba zhes bya ba la/ de lta bu'i snying rje dang ldan pa'i byang chub sems dpa' de sa dang po'i dus na chos kyi dbyings kun du 'gro bar rtogs pa de'i tshe/ sems can kun las 'phags pa'i lus mtshan dang dpe byad kyis brgyan pa thob pa ni 'gro ba'i mchog tu gyur pa zhes bya ste/'dis ni las bstan to/ /bzod pa yongs su smin pa'i mtshan nyid las brtsams te tshigs su bcad pa zhes bya ba la/ sangs rgyas kyi chos yongs su smin par bya ba dang / sems can yongs su smin par bya ba'i dus na grang ba dang tsha ba la sogs pa'i sdug bsngal rnams nyams su len pa ni bzod pa zhes bya ste/ sdug bsngal ci tsam zhig nyams su len par nus na bzod pa yongs su smin par gyur pa yin no zhes bya ba'i tshigs su bcad pa rtsom mo zhes bya ba'i don to//de yang bzod pa yongs su smin pa'i rgyu dang rang bzhin dang / las gsum dang ldan na yongs su smin pa yin par bstan to/ /rang bzhin brtan pa zhes bya ba la/ brtan pa dang / bzod pa dang / mi brjed pa dang / zhe sdang med pa la sogs pa ni bzod pa'i ming gi rnam grangs so//rang bzhin yang 'di'i skabs su rigs la bya ste/ rang bzhin gyis bzod pa'i rigs yod ces bya ba'i don to/ /gang gi phyir bzod pa'i rigs yod pas na/ bzod pa phun sum tshogs pa 'chad pa'i mdo sde ma thos kyang gzhan gyis gnod par byas pa la sogs pa'i sdug bsngal rnams nyams su len cing zhe sdang mi skye'o zhes bya ba'i don to//so sor brtags pa bsgom pa zhes bya ba la/ so sor brtags pa ni shes rab la bya ste/ bzod pa phun sum tshogs pa dang ldan pa'i mdo sde dag thos nas chos thams cad sgyu ma dang /rmi lam dang / smig rgyu lta bur khong du chud pa dang / sdug bsngal ba dang / gnod pa byas pa dag la bzod cing nyams su len to/ /so sor brtags pas bsgom pa'i don dag ni de lta bu'o/ /yang na gzhan dag gis bdag la gnod pa byas pa dang / bdag gis grang ba dang tsha ba la sogs pa'i sdug bsngal myong ba 'di dag kyang tshe snga ma la bdag gis gzhan la gnod pa byas pa'i rgyus tshe 'dir bdag sdug bsngal myong bar 'gyur ba yin te/de yang bdag gis gnod pa byas na ni tshe rabs gzhan du yang sdug bsngal myong bar 'gyur bas gnod pa ci tsam byung yang bzod par bya'o snyam du sems pa ni so sor brtags pa bsgoms pa zhes bya ste/rang bzhin brtan pa dang / so sor brtags pa gnyis ni bzod pa yongs su smin pa'i rgyu yin no/ /sdug bsngal grang la sogs pa rtag mi mjed/ /ces bya ba la/ sems can yongs su smin par bya ba dang /sangs rgyas kyi chos yongs su smin par bya ba'i phyir grang ba dang / tsha ba dang /sbrang bu dang / sha sbrang dang / bkres pa dang skom pa la sogs pa'i sdug bsngal rnams byung yang nyams su len cing sems mi ldog pa ni mi mjed pa zhes bya ste/ 'di ni bzod pa'i rang bzhin no/ /khyad par 'gro dang zhes bya ba la/ sa bcu gong nas gong du bzod pa spangs shing shas je che je cher gyur pa ni khyad par 'gro ba zhes bya ste/ 'di bzod pa'i las rnam pa gcig go/ /de la dge ba la mngon par dga' ba zhes bya ba la/ bzod pa dang ldan pa rnams ni pha rol tu phyin pa drug spyod pa la dga' ste/'di ni bzod pa'i las rnam pa gnyis so/ /bzod pa yongs su smin pa'i mtshan nyid 'dod ces bya ba la/ gong du bshad pa lta bur bzod pa'i rgyu dang / rang bzhin dang / las gsum dang ldan na bzod pa yongs su smin no zhes bya ba'i don to//yid rno ba yongs su smin pa las brtsams te tshigs su bcad pa zhes bya ba la/ dran pa dang shes rab gnyis po yid rno ba zhes bya ba'o/ /yang na yid rno ba zhes bya ba ni shes rab kyi rnam grangs kyi ming ste/ yid rno ba zhes kyang bya/shes rab ces kyang bya ste/ de bas na mdo sde de dag las/ bcom ldan 'das kyis shes rab kyi dbang du byas nas shes rab can yid rno ba mkhas pa'o zhes gsungs so/ /don du na de kho na khong du ma chud pa bskal pa grangs med pa gcig gi bar du nyan pa dang sems pa la sogs pa'i dge ba la zhugs pa'i gang zag mos pas spyod pa rnams kyi shes rab la yid rno ba zhes bya ste/de yang yid rno ba zhes bya ba'i rgyu dang / rang bzhin dang / las gsum dang ldan na yid rno ba yongs su smin pa yin no zhes bstan pa'i phyir tshigs su bcad pa rtsom mo zhes bya ba'i don to//rnam smin dag cing zhes bya ba la tshe rabs snga ma la dam pa'i chos nyan pa dang / sems pa la sogs pa'i dge ba byas pas gar skyes kyang mig la sogs pa'i dbang po thams cad tshang ba dang rang bzhin gyis shes rab rno ba'i mtshan nyid dang ldan pa'i phung po lnga thob pa ni rnam par smin pa dag pa zhes bya ste/'dis ni yid rno ba rnam par smin pa'i rgyu bstan to/ /thos pa la sogs mi brjed ces bya ba la/ gong du dran pa dang shes rab gnyis la yid rno ba zhes bya'o zhes bstan te/ dran pa dang ldan pa'i phyir dam pa'i chos thos pa dang bsam pa dang bsgom pa la sogs pa dang /sngon lus kyi sgo nas las ci byas pa dang ngag gi sgo nas tshig ci smras pa rnams dran zhing mi brjed do zhes bya ba'i don to/ /de bzhin legs smras nyes smras rab tu chud/ /ces bya ba la/ shes rab dang ldan pas na bdag dang gzhan gyis legs par smras pa dang / nyes par smras pa ngos zin cing rtogs te/ 'dis tshig 'di smras pa ni ma nor te legs par smras pa yin no zhes rtogs/ 'dis ni tshig 'di smras pa ni nor te nyes par smras pa yin no zhes rtogs te/ mnyan pa la sogs mi brjed pa dang / legs par smras pa dang / nyes par smras pa khong du chud pa ni yid rno ba'i rang bzhin no/ /dran pa yin te zhes bya ba ni mnyan pa la sogs pa mi brjed par ni dran par byed do zhes bya ba'i don to/ /blo chen skye ba rung zhes bya ba la/ ji ltar byas pa mi brjed pa dang /legs nyes kyang ngos zin te bye brag byed pa'i shes rab des 'jig rten las 'das pa'i ye shes bskyed pa bas blo chen skye ba rung zhes bya ba ste/ 'di ni las so/ /de la 'jig rten las 'das pa'i ye shes ni sa dang por chos kyi dbyings thams cad du 'gro ba'i mtshan nyid du rtogs pa'i gnyis su med pa'i ye shes la bya'o//stobs dang ldan pa bskyed pa yongs su smin pa las brtsams te tshigs su bcad pa zhes bya ba la stobs zhes bya ba dang / mthu zhes bya ba don gcig ste/ bsod nams dang ye shes kyi tshogs bsags nas sgrib pa gnyis spangs te/chos kyi dbyings rtogs par nus pa ni stobs zhes bya'o/ /de'i stobs kyi rgyu dang / rang bzhin dang / las gsum dang ldan na stobs yongs su smin pa yin no zhes bya ba'i phyir tshigs su bcad pa rtsom mo zhes bya ba'i don to/ /dge ba gnyis kyis khams gnyis rgyas pa dang //zhes bya ba la/ dge ba gnyis ni bsod nams kyi tshogs kyi dge ba dang / ye shes kyi tshogs kyi dge ba'o/ /khams kyi sgras ni tshogs de gnyis kyi sa bon la bya ste/ bsod nams kyi tshogs kyis bsod nams kyi sa bon rtas par byed/ ye shes kyi tshogs kyis kyang ye shes kyi sa bon rtas par byed ces bya ba'i don to//'dis ni stobs yongs su smin pa'i rgyu bstan to/ /'bras bu skye ba'i rten du rung ba'i mchog/ /ces bya ba'i rten zhes bya ba ni lus la bya ste/ bsod nams dang ye shes kyi tshogs bsags pas gzung 'dzin spangs nas stong pa nyid khong du chud de/sangs rgyas kyi sa thob pa ni 'bras bu skye ba zhes bya ste/ de lta bu nus pa'i lus thob par gyur na/ 'bras bu skye ba'i rten du rung ba'i mchog/ /ces bya ste/ 'dis ni stobs kyi rang bzhin bstan to/ /mchog gi sgras ni lus de nyan thos dang rang sangs rgyas la sogs pa las 'phags par bstan to//bsam pa grub cing zhes bya ba la bsod nams dang ye shes kyi tshogs dang ldan pa de dag nyid ci bsams pa rnams kyang de bzhin du 'grub la/ sems can gyi bsam pa yang yongs su khengs par byed ces bya ba'i don to//'di ni stobs kyi las rnam pa gcig go/ /'gro ba'i mchog tu gyur zhes bya ba la bsod nams dang ye shes kyi tshogs dang ldan pa de ye shes kyi tshogs dang ldan pa ni sems can kun las shes pas 'phags bsod nams kyi tshogs dang ldan pa ni sems can kun las lus mdzes pa dang longs spyod kyis 'phags zhes bya ba'i don to//'di ni stobs yongs su smin pa'i las gnyis pa'o/ /stobs rnyed pa yongs su smin pa'i mtshan nyid do zhes bya ba ni stobs kyi rgyu dang / rang bzhin dang / las gsum dang ldan na stobs yongs su smin pa rnyed do zhes bya ba'i don to//mi 'phrogs pa yongs su smin pa las brtsams te tshigs su bcad pa zhes bya ba la/ byang chub sems dpa' ni bsod nams kyi mthu dang / ye shes kyi tshogs kyi mthu dang ldan pas bdud la sogs pas ni spyod pa bsgyur bar mi nus pa la/mu stegs pa la sogs pas kyang lta ba bsgyur bar mi nus pa bstan pa'i phyir tshigs su bcad pa rtsom mo zhes bya ba'i don to/ /de yang mi 'phrogs pa'i rgyu dang / rang bzhin dang / las gsum dang ldan na mi 'phrogs pa yongs su smin pa yin par bstan to//chos bzang rigs pa rnam par dpyod pa'i sems/ /zhes bya ba la/ chos bzang po ni theg pa chen po'i chos te/ theg pa chen po'i chos la rigs pa rnam pa bzhis dpyad cing bsam pa las/ chos kyi don gtan la phab cing the tshom med pa'i sems rnyed pa ni rigs pas rnam par dpyod pa'i sems zhes bya ste/'di ni mi 'phrogs pa'i rgyu'o/ /de la rigs pa bzhi ni ltos pa'i rigs pa dang / bya ba byed pa'i rigs pa dang / gtan tshigs bsgrub pa'i rigs pa dang / chos nyid kyi rigs pa'o//de la rgyu las brten nas 'bras bu skye ba'i rim pa la ltos pa'i rigs pa zhes bya ste/ dper na gzugs dang mig gi dbang po la brten nas/ mig gi rnam par shes pa skye ba ni ltos pa'i rigs pa zhes bya'o/ /rgyu rkyen gyi mthu las mig gi rnam par shes pa skyes nas gzugs la lta ba la sogs pa rang gi las byed pa ni bya ba byed pa'i rigs pa zhes bya'o//gtan tshigs sgrub pa'i rigs pa ni gsum ste/ 'bras bu'i rgyu dang / rang bzhin gyi rgyu dang / mi dmigs pa'i rgyu'o/ /de la 'bras bu'i rgyu ni gang na du ba yod pa de na me yod do zhes bya ba lta bu'o//rang bzhin gyi rgyu ni shing zhes bya bas shing sha pa dang thang shing la sogs pa kun la khyab pas na 'di ni shing yin te/ ci'i phyir zhe na/ shing sha pa yin pa'i phyir ro zhes bya ba lta bu'o/ /mi dmigs pa'i rgyu ni sa phyogs 'di na dmigs su rung ba'i mtshan nyid kyi bum pa mi snang ba ni bum pa med do zhes bya ba lta bu'o//chos nyid kyi rigs pa ni de bzhin gshegs pa rnams byung yang rung / ma byung yang rung / ma rig pa'i rkyen gyis 'du byed la sogs pa'i chos nyid 'di ni ye nas gnas pa'o zhes bya ba lta bu'o/ /rtag tu bdud kyis bar chad byed pa med//ces bya ba la/ nam byang chub sems dpa' byang chub sems dpa'i spyod pa'i tshe bdud la sogs pas sangs rgyas kyi gzugs su sprul te/ byang chub sems dpa'i spyod pa 'dor du bcug kyang 'dor du mi btub pa dang / mu stegs pa la sogs pas gtan tshigs rnam pa sna tshogs kyis lta ba sun phyung nas lta ba gzhan sun phyung bar brtsams kyang lta ba 'dor du mi btub pa ni//rtag tu bdud kyis bar chad byed pa med/ /ces bya ba ste/ 'di ni mi 'phrogs pa la yongs su smin pa'i rang bzhin no/ /khyad par rnyed dang zhes bya ba la/ rigs pas rnam par dpyod pa'i sems des rim par gnas pa la yang zhing shas je che je cher gyur pa ni khyad par rnyed pa zhes bya'o/ /de yang dper na sa dang po'i rigs pas rnam par dpyod pa'i sems pas/ sa gnyis pa'i rigs pas rnam par dpyod pa'i sems shas che bas na khyad zhugs pa yin te/'di ni mi 'phrogs pa rnam par smin pa'i las rnam pa gcig go/ /gzhan gyi phyogs sun 'byin zhes bya ba la/ gzhan gyi phyogs ni mu stegs pa rnams kyi gtsug lag dang ldan pa la bya ste/ rigs pas rnam par dpyod pa'i sems dang ldan pas mu stegs pa la sogs pa'i phyogs ni sun 'byin par nus/bdag gis sangs rgyas kyi gzhung nyid ni gzugs par nus zhes bya ba'i don to/ /'di ni mi 'phrogs pa'i las yongs su smin pa'i las rnam pa gnyis pa'o/ /mi 'phrogs pa yongs su smin par byed pa'i mtshan nyid do zhes bya ba la/mi 'phrogs pa'i rgyu dang / rang bzhin dang / las gsum dang ldan na mi 'phrogs pa yongs su smin par 'gyur ba yin no zhes bya ba'i don to/ /spong ba'i yan lag dang ldan pa yongs su smin pa las brtsams te tshigs su bcad pa zhes bya ba la/spong ba ni sa dang po'i chos kyi dbyings rtogs nas gzung ba dang 'dzin pa gnyis spangs pa las spong ba zhes bya ste/ de'i grogs su gyur pa'i chos rnam pa lnga ni spong ba'i yan lag dang ldan pa zhes bya'o/ /lnga po yang gang zhe na/ dad pa dang / g.yo med pa dang /sgyu med pa dang / lus la nad med pa dang / shes rab bo/ /de yang spong ba'i yan lag gi rgyu dang / rang bzhin dang / las gsum dang ldan na spong ba'i yan lag yongs su smin pa yin no zhes bstan pa'i phyir tshigs su bcad pa rtsom mo zhes bya ba'i don to/ /dge ba stsogs dang zhes bya ba la/dge ba'i sgras ni bsod nams kyi tshogs dang / ye shes kyi tshogs la bya ste/ de gnyis brtsams zhes bya ba'i don to/ /de ni spong ba'i yan lag gi rgyu'o/ /yan lag lnga las 'di ni dad pa dang sbyar ro/ /gnas kyang brtson par rung zhes bya ba dang /gnas kyi sgras ni lus la bya ste/ nyan pa dang sems pa dang bsgom pa la sogs pa dge ba byed pa na lus la gnod pa dang / mi bde ba med cing brtson 'grus rgyun du rtsom par gnas pa'i lus la ni gnas kyang brtson par rung ba zhes bya ste/ 'di ni spang ba'i yan lag gi rang bzhin no//yan lag lnga las 'di ni lus la nad med par sbyar ro/ /dben la dga' dang zhes bya ba la/ 'du 'dzi thams cad spangs nas shing drung brag phug la sogs pa'i gnas dben pa dag na gnas par dga' ba ni dben pa mchog la dga' ba zhes bya ste/ 'di ni spong ba'i yan lag gi las rnam pa gcig ste/g.yo med pa dang sgyu med pa dang sbyar ro/ /dge ba la mngon par dga'o zhes bya ba la/ dge ba'i sgra theg pa chen po'i chos la bya ste/ chos de dag nyan pa dang / sems pa dang / bsgom pa la dga' ba ni dge ba la mngon par dga'o zhes bya'o//'di ni spong ba'i yan lag gi las rnam pa gnyis pa ste/ 'di ni shes rab dang sbyar ro/ /rgyal ba'i sras kyi yan lag ldan pa yis/ /yang dag yongs su smin pa'i mtshan nyid 'dod/ /ces bya ba la/ byang chub sems dpa' rnams kyi spong ba'i yan lag rnam pa lnga rnam pa rgyu dang /rang bzhin dang / las dang ldan na spong ba'i yan lag yongs su smin pa'i mtshan nyid du 'dod do/ /bdag yongs su smin pa'i rnam pa dgu'i che ba las brtsams te tshigs su bcad pa zhes bya ba la/ byang chub sems dpa' rnams dad pa nas spong ba'i yan lag gi bar du chos dgu dang ldan na bdag nyid sangs rgyas kyi chos yongs su smin pa zhes bya ste/dgu pos bdag sangs rgyas kyi chos yongs su smin par 'gyur ba'i chos dgu po de nyid yon tan dang / bdag nyid chen po bstan pa'i phyir tshigs su bcad pa rtsom mo zhes bya ba'i don to/ /che ba yang rnam pa gnyis so//gang zhe na/ gzhan yongs su smin pa'i bya ba'i rten du gyur pa dang / chos kyi lus 'phel bar 'gyur ba'o/ /de ltar dngos po rnam pa dgu smin pa'i gzhi zhes bya ba la/ de ltar zhes bya ba ni gong du bshad pa lta bu'o/ /dngos po rnam pa dgu ni dad pa nas spong ba'i yan lag gi bar du dgu ste/gang du bshad pa ltar na byang chub sems dpa' de chos rnam pa dgu'i gzhi'am rten tam gnas de lta bur gyur zhes bya ba'i don to/ /pha rol yongs su smin byed rung dang ldan/ /zhes bya bas gzhan yongs su smin par bya ba'i rten du gyur par bstan te/byang chub sems dpa' de chos rnam pa dgu'i rten du gyur pas sems can yongs su smin par byed par nus shing sems can yongs su smin pa'i mthu yod la sems can yongs su smin par byed pa'i gnas su yang gyur zhes bya ba'i don to/ /dge ba rtag tu rab tu 'phel ba'i dngos po zhes bya bas rtag tu chos kyi lus 'phel ba bstan te/byang chub sems dpa' chos dgu'i rten du gyur pas na sems can yongs su smin par byed par nus par yang ma zad kyi/ dus thams cad du pha rol tu phyin pa drug gi chos rnams 'phel bar 'gyur te bdag gi rgyud la dge ba bskyed pa'i gzhi dang rten du yang gyur ces bya ba'i don to//rtag tu 'gro ba rnams kyi gnyen mchog 'gyur/ /zhes bya ba la/ de ltar byang chub sems dpa' de chos rnam pa dgu dang yang ldan/ sems can yongs su smin par byed pa'i mthu yang yod/ rtag tu dge ba'i chos kyang 'phel bas na/sems can rnams tshe 'dir zang zing gis phan btags nas dge ba la bkod de phan par byed pa dang / tshe rabs gzhan du bde 'gro dang mya ngan las 'das pa la bkod de bde bar byas pas na 'gro ba rnams kyi gnyen mchog gyur pa zhes bya ste/ pha ma dang nye du gnyen bshes pas sems can la phan pa lhag par mdzad pas na gnyen mchog tu gyur pa'o/ /ci'i phyir zhe na/ pha mas ni 'dir zang zing gis phran tshegs tsam gyi phan 'dogs par nus kyi/ tshe rabs gzhan du mtho ris dang mya ngan las 'das par 'jog par mi nus pa'i phyir ro//sems can yongs su smin pa'i rnam par dbye ba las brtsams te tshigs su bcad pa bcu gcig go zhes bya ba la gong du gang la bslab par bya ba la rnam pa bdun du gzhag pa las 'di yan chad bdag yongs su smin pas brtsams pa'i bar du rnam pa lnga bshad nas/da sems can yongs su smin par byed pa las brtsams te/ ji ltar byang chub sems dpa' sems can yongs su smin par byed pa tshigs su bcad pa bcu gcig gis ston to zhes bya ba'i don to/ /de la bdag yongs su smin par byed pa'i rjes la sems can yongs su smin par byed par bstan pa la 'brel bar lta ba ci yod ce na/ji ltar bdag ma smin bdag ma grol bdag thar par ma gyur pa'i sems can grol ba dang thar par bya bar mi rung ste/ de bas na bdag yongs su smin par byed pa'i rjes la sems can yongs su smin par byed pa bshad par 'brel to/ / tshigs su bcad pa bcu gcig gis bsdus pa'i don ni rnam pa bzhi ste/ yongs su smin pa'i rang bzhin dang / rab tu dbye ba dang / bsam pa dang / sbyor ba'o/ /ji ltar rma rnams dang ni kha zas dag /gzag cing spyad du rung bar smin 'dod ltar/ /zhes bya ba la sogs pa tshigs su bcad pa gcig gis ni yongs su smin pa'i rang bzhin ston te/'di ni 'bras dang phol mig la sogs pa'i rma rnams nam dbug pa'i dus la bab cing rnag 'dzag pa de'i dus na yongs su smin pa yin pa dang / nam kha zas la sogs pa spyad du rung ste/ bzar rung bar gyur pa na yongs su smin pa zhes bya ste/'di ni dpe'o/ /don bstan pa'i phyir de bzhin gnas la phyogs gnyis zhi ba dang / de bzhin spyad cing smin par brjod cing bya ba smos te/ gnas kyi sgra ni phung po lnga la bya'o/ /phyogs gnyis ni 'dod chags la sogs pa nyon mongs pa'i phyogs dang /dad pa la sogs pa gnyen po'i phyogs so/ /dper na rma nang na rnag 'dzag pa'i dus na smin pa zhes bya ba bzhin du nam bdag gi phung po la 'dod chags la sogs pa'i nyon mongs pa yod pa zhi bar bya nus shing spong nus pa'i lus thob pa dang / dper na kha zas bzar rung bar gyur na smin pa zhes bya ba de bzhin du nam bdag gi lus la yod pa'i dge ba'i phyogs rnams rgyun du spyad cing sgom par nus pa'i lus thob na gang zag de yongs su smin par byas pa zhes bya'o//tshigs su bcad pa gnyis pa zhes bya bas yongs su smin pa'i rab tu dbye ba ston te/ de rnam pa brgyad kyis ni byang chub sems dpa' sems can yongs su smin par byed do zhes bya ba'i don to//bral bar smin byed ces bya ba la/ sems can rnams 'dod chags dang bral bar byas zhe sdang dang bral bar byas nas nyon mongs pa kun dang bral bar byas pa ni bral bar smin byed ces bya'o//yongs su smin byed ces gsungs zhes bya ba la/ theg pa gsum gyi thabs kyis theg pa gsum gyi rigs can gyi gang zag kun smin par byas pa ni yongs su smin byed ces bya'o/ /de bzhin rab tu smin byed ces bya bas mu stegs la sogs pa'i grogs dag gis kyang chos bstan pa'i sgo nas gzugs dang gzugs med pa'i khams dag tu smin par byed pa yod mod kyi slar ldog par 'gyur bas na rab tu smin par byed ces mi bya'o//byang chub sems dpa' rnams kyi theg pa gsum gyi mya ngan las 'das pa'i 'bras bu la bkod de smin par byas pa rnams la slar ldog pa med pas na rab tu smin byed ces bya'o//rjes smin gzhan zhes bya ba la/ gdul ba dang mthun par chos bstan pa'i sgo nas smin par byas pa ni rjes smin zhes bya ste/ 'dod chags can la mi gtsang ba bsgom pa 'chad pa dang / zhe sdang can la byams pa bsgom pa dang /gti mug can la rten cing 'brel te 'byung ba 'chad pa'o/ /legs par smin byed ces bya ba la/ mtho dman dang byams sdang med par snyoms par sems can kun smin par byed cing sems can smin par byed pa'i dus na yang bsgrims te nan tan gyis bsti stang dang gus pa dang bcas par smin par byed pa ni legs par smin byed ces bya'o//lhag par smin byed ces bya ba la/ bdag nyid kyis sa dang po thob nas chos kyi dbyings rtogs par byas te/ gzhan dag kyang sa dang po thob par byas nas chos kyi dbyings rtogs par byas pa ni lhag par smin byed ces bya'o//rtag smin byed dang ces bya ba la/ gang 'das pa dang da ltar gyi sangs rgyas bcom ldan 'das rnams kyis ming gi tshogs dang / tshig gi tshogs dang / yi ge'i tshogs kyi sgo nas chos phyin ci ma log par bshad pa la/ sems can gyi don du ming gi tshogs dang / tshig gi tshogs dang /yi ge'i tshogs rnams kyi sgo nas chos de dag gi don rtag tu phyin ci ma log par 'chad pa ni rtag tu smin byed ces bya'o/ /yang na mi rtag pa dang / sdug bsngal ba dang / stong pa dang / bdag med pa'i rang bzhin du rtag par yang de ltar phyin ci ma log par 'chad kyi rtag pa la sogs pa'i mtshan nyid du nams kyang mi 'chad pas na rtag smin byed ces bya'o//lus can steng smin byed ces bya ba ni lus can ni sems can la bya ste/ sems can rnams mos pas spyod pa'i sa drod la gnas na sa gong ma spyi bo thob par byas pas na sa dgu pa la gnas na sa bcu thob par byas pa ni steng smin byed ces bya ste/don du nyan thos rgyun du zhugs pa dag smin par byas na ni dgra bcom pa'i 'bras bu thob par 'gyur/ sa dang po'i byang chub sems dpa' smin par byas na ni 'tshang rgya ba thob par 'gyur ba lta bu dag la steng smin byed ces bya'o/ / tshigs su bcad pa gsum pa dang bzhi zhes bya ba la/ da ni tshigs su bcad pa gsum pa dang bzhi pas byang chub sems dpa' rnams dgongs pa gang dang bsam pa gang gis sems can yongs su smin par byed pa'i dgongs pa'i khyad par ston te/ de yang pha ma gnyen bshes kyi bsam pa las bye brag tu 'phags pa dang /'jig rten bdag la byams pa'i bsam pas bye brag tu 'phags pa des ston te/ ji ltar rgyal sras phan par bsam pa yis/ /'gro ba thams cad rnam par smin byed gnas/ /zhes bya ba la/ ji ltar byang chub sems dpa' rnams sems can tshe 'di la phan pa la gzhag par bya'o snyam du dgongs pa dang tshe rabs gzhan du bde ba la dgod par bya'o snyam du dgongs pa'i sgo nas sems can la phan par bya ba'i dgongs pas sems can rnams tshe 'di la yo byad rnam pa sna tshogs kyis phongs pa med par byas nas/mi dge ba las bzlog cing dge ba la bkod de smin par byed pa dang / tshe rabs gzhan du lha dang mi'i mtho ris dang mya ngan las 'das pa la bkod de smin par byas pa ltar 'jig rten pa pha ma la sogs pa bu tsha la de lta bu'i bsam pa mi 'byung ngo zhes bya bar sbyar ro//de bzhin pha dang ma dang bshes rnams dang / /bu dang gnyen pa rnams la mi gnas so/ /zhes bya ba la/ ji ltar byang chub sems dpa' sems can la phan pa dang / bde bar bya'o snyam du dgongs pa lta bu pha ma bu la phan pa'i bsam pa de lta bu mi 'byung ba dang /gnyen bshes dag gnyen rnams la phan pa'i bsam pa de lta bu mi 'byung ngo zhes bya ba'i don to/ /ci'i phyir zhe na/ pha ma dang gnyen bshes dag ji ltar bu tsha dang gnyen pa rnams la phan pa dang / bde bar bya'o snyam du bsams kyang tshe 'dir zang zing tsam zhig la gzhag par nus su zad kyi dge ba la 'jog par mi nus pa dang /tshe rabs gzhan du mtho ris dang mya ngan las 'das pa la 'jog par mi nus pa'i phyir te/ 'dis ni pha ma dang gnyen bshes kyi bsam pa las bye brag tu 'phags par bstan to/ /ji ltar snying brtse bde dang phan 'god phyir//sems can gzhan la byams par 'dod pa ltar/ /zhes bya ba la/ ji ltar byang chub sems dpa' snying rje dang ldan pa rnams sems can la tshe 'dir zang zing sna tshogs kyis phan btags nas dge ba la 'god pas bde ba la bkod pa dang tshe rabs gzhan du mtho ris dang mya ngan las 'das pa thob par byas pas phan pa la bkod de sems can la byams par dgongs pa'i dgongs pa mnga' ba ltar/'jig rten pa rnams rang la phan pa'i bsam pa de tsam mi 'byung ngo zhes bya bar sbyar ro/ /de bzhin 'jig rten pa bdag byams min na//shin tu mdza' ba'i 'gro ba gzhan ci smos/ /zhes bya ba la ji ltar byang chub sems dpa' rnams sems can la phan pa dang bde ba'i dgongs pa mnga' ba ltar sems can rnams bdag la phan par bya na ji ltar byas na phan par 'gyur zhes rnam pa du mar bsams kyang phan pa'i bsam pa de lta bu mi 'byung ste/ci'i phyir zhe na/ bdag la phan par bya bar bsams su zin kyang phan pa ma yin pa dang bde ba ma yin pa la 'god par byed pa'i phyir ro/ /ji ltar zhe na/ bdag la bde bar bya'o zhes ma byin par len pa la sogs pa dang / byas pa dang de'i rkyen gyis tshe 'dir bcing ba dang bsad pa la sogs pa myong bar 'gyur bas phan pa ma yin pa la bkod do/ /de'i rkyen gyis tshe rabs gzhan du sems can dmyal ba la sogs pa ngan song gsum du skye ba yin pas bde ba ma yin pa la bkod do/ /yang mu stegs pa la sogs pa bdag tshe 'di dang phyi mar bde bar bya'o zhes tshe 'dir thal ba'i nang na nyal ba dang /khyi dang ba lang gi dka' thub dang brag kha nas mchong ba la sogs pa byas pas tshe 'dir phan pa ma yin pa la bkod do/ /de'i rgyus tshe rabs gzhan du ngan song gsum du skye bar 'gyur bas na bde ba ma yin pa la bkod do//'dis ni 'jig rten pa bdag la byams pa'i bsam pa bas lhag par ston to/ /'jig rten pa dag la bdag phan par bya'o snyam du bsams na yang byang chub sems dpa' sems can gzhan phan pa dang bde bar bya bar dgongs pa'i bsam pa lta bu mi 'byung na/'jig rten na grogs dag gis grogs la phan par bya'o snyam du sems pa'i bsam pa la byang chub sems dpa'i dgongs pa lta ga la zhig 'byung ste mi 'byung ngo zhes bya ba'i don to/ /tshigs su bcad pa lhag ma rnams kyis ni/ sbyor ba gang gis sems can rnams yongs su smin par byed pas pha rol tu phyin pa rnams sgrub pa ston to zhes bya ba la/tshigs su bcad pa bcu gcig gis sems can yongs su smin par byed pa bstan pa las 'di yan chad tshigs su bcad pa bzhi ni bstan zin to/ /da ni phyi nas tshigs su bcad pa bdun zhig 'dus te/bdun las kyang tshigs su bcad pa drug gis ni sbyor ba dang phrin las gang gis yongs su smin par byed pa bstan/ tha ma'i tshigs su bcad pa bdun pas ni sems can yongs su smin par byed pa'i bdag nyid chen po bstan to/ /de la sbyor ba gang gis sems can yongs su smin par mdzad ce na/sbyin pa nas shes rab kyi pha rol tu phyin pa drug bsgrub pa'i sbyor bas sems can yongs su smin par byed do zhes bya ba'i don to/ /sbyin pa ci 'dra bas sems can ji ltar smin par byed pa de las brtsams nas tshigs su bcad pa zhes bya ba la/pha rol tu phyin pa drug las kyang sbyin pa'i pha rol tu phyin pas sems can smin par byed pa bshad de/ de yang sbyin pa ji lta bu btang nas sems can rnams ji ltar smin par byed pa bstan pa'i phyir/ tshigs su bcad pa rtsom mo zhes bya ba'i don to/ /de la sbyin pa ci 'dra bas sems can yongs su smin par byed ce na/sbyin pa rnam pa gsum gyis sems can yongs su smin par byed de/ sbyin pa gsum ni bdag gi lus dang longs spyod thams cad sbyin pa dang / mi mtshungs pa med pa'i sbyin pa dang / mi ngoms pa'i sbyin pa'o/ / byang chub sems dpa'i lus dang longs spyod dag /gzhan la mi sbyin pa ni gang yang med/ /ces bya bas bdag gi lus dang longs spyod thams cad sbyin pa btang ste/ byang chub sems dpa' rnams sems can gyi don du bdag gi dngos po la yang mi sbyin zhing phongs te phyi na gzhag pa gang yang med de/slong ba rnams la mgo dang / mig dang / rkang lag dang / khrag dang / sha dang / rkang dang / tshil la sogs pa mi gtong ba gang yang med do/ /longs spyod la yang mi gtong zhing gces te phyi na gzhag pa gang yang med de/ gser dang / dngul dang / 'bru dang / bang ba dang / bu dang / chung ma dang / bran dang / phyugs la sogs pa kun gtong bar byed pa'i phyir ro/ /mtshungs par sbyin pa zhes bya bas mi mtshungs pa med pa'i sbyin pa bstan te/ byang chub sems dpa' rnams ni mthon po la sbyin gyi dma' ba la mi sbyin pa dang /mdza' ba la sbyin gyi mi mdza' ba la mi sbyin pa'am/ mkhas pa la sbyin gyi mi mkhas pa la mi sbyin zhes bya ba med de/ 'dra ba kho nar sems can kun la gtong zhing sbyin par byed pa'i phyir ro/ /yon tan ngoms mi 'gyur zhes bya bas mi ngoms pa'i sbyin pa bstan te/byang chub sems dpa'i sbyin pa ni/ lo'am bskal pa 'di snyed cig tu byas pas mchog /ces bya ba med kyi/ skad cig ma re re yang breng ma chad par 'khor ba'i mtha'i bar du byin yang chog pa med pas na yon tan ngoms par mi 'gyur ba zhes bya'o//sbyin pa de gsum gyis ji ltar sems can yongs su smin par byed ce na/ de'i phyir/ phan 'dogs rnam pa gnyis kyis gzhan smin byed/ /ces smos te/ ji ltar yongs su smin par byed ce na/ tshe 'dir phan btags te/ phan pa la bkod pa dang / tshe rabs gzhan du phan btags te bde ba la bkod pas sems can yongs su smin par byed do zhes bya ba'i don to//de la tshe 'dir phan btags pa ni zang zing rnam pa sna tshogs byin nas yo byad kyis phongs pa'i gnod pa med par bya ste/ longs spyod dang ldan par byas pa'o/ /tshe rabs gzhan du phan btags pa ni tshe 'dir dge ba byed du bcug pas tshe rabs gzhan du lha dang mi'i bde 'gro dang /mya ngan las 'das pa thob par byas pa'i phyir ro/ /de lta bu'i tshul khrims kyis sems can yongs su smin par byed pa de las brtsams te tshigs su bcad pa zhes bya ba la/tshul khrims kyis sems can yongs su smin pa ston te/ de yang tshul khrims ci 'dra bas sems can ji ltar smin par byed pa bstan pa'i phyir tshigs su bcad pa rtsom mo zhes bya ba'i don to/ /de la ji lta bu'i tshul khrims kyis sems can yongs su smin par byed na/ tshul khrims rnam pa lngas sems can yongs su smin par byed de/ tshul khrims rnam pa lnga ni/ rtag pa'i tshul khrims dang / rang bzhin gyi tshul khrims dang / yongs su rdzogs pa'i tshul khrims dang / lhag par rtogs pa'i tshul khrims dang / 'khrul pa med pa'i tshul khrims so//rtag tu zhes bya bas lhag pa'i tshul khrims bstan te/ 'phags pa nyan thos dag ni sdom pa mnos nas ji srid 'tsho'i bar du yod kyi/ byang chub sems dpa' rnams ni sdom pa mnos pa nas brtsams te/ byang chub kyi snying po la 'dug gi bar du tshul khrims yod pas na rtag pa'i tshul khrims zhes bya'o//yang na dang po sdom pa mnos nas bar 'ga' bsrung / bar 'ga' mi bsrung ma yin gyi/ /nam 'tsho'i bar du bsrung bas na rtag pa'i tshul khrims zhes bya'o/ /rang bzhin zhes bya bas rang bzhin gyi tshul khrims bstan te/ tshul khrims bsrung ba la sngon shin tu goms par byas pas phyis 'bad pa dang rtsol ba chen po med par tshul khrims la rang gi ngang gis gnas pas na rang bzhin gyi tshul khrims zhes bya'o//yang na sdom pa mnos te tshe 'dir ma ral na tshe rabs gar skye gar skyes kyang dge ba'i bshes gnyen las tshul khrims kyi rang bzhin dang /yon tan ma thos par yang ngang gis kha na ma tho ba'i chos rnams mi byed par 'dzem pa yod pa dang / dge ba'i chos byed pa la dga' ba yod pa ni rang bzhin gyi tshul khrims zhes bya'o/ /lhag par 'tshe ba med ces bya bas yongs su rdzogs pa'i tshul khrims bstan te/'tshe ba med pa ni mi dge ba bcu mi spyod pa ste/ mi dge ba bcu rmi lam na yang spyod par mi 'byung ba ni lhag par 'tshe ba med pa zhes bya'o/ /de ltar gyur na tshul khrims yongs su rdzogs pa zhes bya ste/ de yang sa bcu'i sa gnyis su phyin pa'i dus na byang chub sems dpa'i dge ba bcu yongs su rdzogs par lhag par 'tshe bar byed pa'i chos mi dge ba bcu rmi lam na yang spyod pa mi 'byung bas yongs su rdzogs pa'i tshul khrims zhes bya'o//bdag dga' zhes bya bas lhag par rtogs pa'i tshul khrims bstan te/byang chub sems dpa' sa dang por chos kyi dbyings kun du 'gro ba'i mtshan nyid du rtogs nas bden pa mthong ba dang 'phags pa dgyes pa'i tshul khrims thob ste/ ngang gis mi dge ba bcu spangs pa dang / dge ba bcu la gnas par dga' ba ni bdag dga' ba zhes bya'o//bag yod ces bya bas rtag tu 'khrul pa med pa'i tshul khrims bstan te/ ngag gi sgo nas smra bar bya ba ma yin pa dag smra ba dang / lus kyi sgo nas 'gro bar bya ba ma yin pa dag gi gnas su 'gro ba dang / yid kyi sgo nas bsam par bya ba ma yin pa'i chos dag sems pa ni bag med pa zhes bya ste/de las ni ltung ba dang nyes byas dag gis 'khrul pa 'byung bar 'gyur ro/ /ngag gi sgo nas smra bar bya ba ma yin pa mi smra ba dang / lus kyi sgo nas 'gro bar bya ba ma yin pa'i gnas dag tu mi 'gro ba dang / yid kyi sgo nas bsam par bya ba ma yin pa'i chos dag mi sems pa ni bag yod pa zhes bya ste/byang chub sems dpa' bag yod pa de la rtag tu gnas nas spyod lam thams cad du yang ltung ba dang nyes byas dag gis 'khrul pa mi 'byung bas 'khrul pa med pa'i tshul khrims zhes bya'o/ /yang na rgyu rnam pa gsum las 'khrul pa 'byung ste/gsum gang zhe na/ le lo dang / bag med pa dang / brjed ngas pa'o/ /byang chub sems dpa' ni spyod lam thams cad du yang nan tan du bcas par gnas pas le lo dang / bag med pa dang / brjed ngas pa med pa'i phyir ltung ba dang nyes byas la sogs pa mi 'byung ba'i phyir 'khrul pa med pa'i tshul khrims zhes bya'o//ji ltar sems can yongs su smin par byed ce na/ de'i phyir/ gzhan yang 'di la 'god ces smos te/ bdag nyid tshul khrims rnam pa lnga la gnas pa bzhin du sems can gzhan yang tshul khrims rnam pa lnga la bkod de de dang ldan par byas pas yongs su smin par byed do//ji ltar yongs su smin par byed pa yang de ltar yang cung zad kyi gzhan yang yod par bstan pa'i phyir/ pha rol gcig nas gcig tu phan gnyis 'dogs/ /zhes bya ba smos te/ phan gnyis 'dogs pa ni tshe 'dir phan 'dogs pa dang /tshe rabs gzhan du phan 'dogs pa'o/ /de la tshe 'dir phan 'dogs pa ni sems can rnams tshul khrims la bkod pa ni/ dge ba byed cing mi dge ba mi byed pa'i phyir mi dge ba byas pa las gyur pa'i bcing ba dang / bsad pa la sogs pa mi 'byung bas tshe 'dir phan btags so//tshe rabs gzhan du phan btags pa yang rnam pa gnyis te/ tshe gcig nas gcig tu rnam par smin pa rgyun ma chad par byas pa dang / tshe gcig nas gcig tu rgyu mthun pa'i 'bras bu rgyun ma chad par byas pa'o/ /de la pha rol gcig nas gcig tu zhes bya ba ni sems can gzhan tshe rabs gcig nas gcig tu brgyud mar zhes bya ba'i don to//tshe rabs gzhan du phan pa rnam pa gnyis 'dogs pa bstan pa'i phyir/ rnam smin rgyu mthun legs par smin par byed/ /ces bya ba smos te/ tshe 'dir tshul khrims bsrungs pas tshe rabs gzhan du lha dang mi'i bde 'gro thob pa ni rnam par smin pa'i 'bras bu'o//lha dang mi'i gnas su skye ba na tshul khrims bsrung ba la dga' bar gyur pa ni rgyu mthun pa'i 'bras bu'o/ /rgyu mthun pa'i 'bras bu de las lha dang mi'i bde 'gro thob pa ni rnam par smin pa'i 'bras bu'o//de na yang tshul khrims bsrung ba la dga' ba ni rgyu mthun pa'i 'bras bu ste/ de ltar rnam par smin pa dang / rgyu mthun pa'i 'bras bu gnyis ni gcig gis gcig bskyed de rgyun mi 'chad par 'byung ba ni tshe rabs gzhan du phan btags pa zhes bya'o//yongs su rdzogs pa'i tshul khrims ni lhag par 'tshe ba med pa'i phyir ro zhes bya ba la/ mi dge ba bcu mi byed pa ni 'tshe ba med pa zhes bya ste/ rmi lam du yang mi dge ba bcu mi spyod pa ni lhag par 'tshe ba med pa zhes bya ste/ de ltar na yongs su rdzogs pa'i tshul khrims yin no zhes bya ba'i don to//'tshe ba med pa'i rdzogs pa ni lhag par mi 'tshe ba'o zhes bya ba la/ /lhag par mi 'tshe ba'i don 'chad de/ mi dge ba bcu rmi lam na yang mi byed par rdzogs na lhag par mi 'tshe ba zhes bya ba'i don to/ /ji ltar na yongs su rdzogs pa'i tshul khrims su 'gyur zhe na/de'i phyir/ dge ba bcu'i las rmi lam na yongs su rdzogs pa'i phyir zhes bya ba smos te/ dge ba bcu'i las kyi lam yongs su rdzogs nas mi dge ba bcu rmi lam na yang byed par mi rmi na yongs su rdzogs pa'i tshul khrims yin no zhes bya ba'i don to//rmi lam na yang mi dge ba bcu mi byed pa ni sa bcu las sa gnyis kyi tshe na mi 'byung ste/ de bas na sa bcu pa'i sa gnyis las kyang kye rgyal ba'i sras byang chub sems dpa' sa gnyis pa 'di la gnas pa rnams ni dbyig pa spangs mtshon cha spangs zhes bya ba la sogs pa gsungs so//bdag nyid de la dga' bas lhag par rtogs pa'i tshul khrims zhes bya ba la/ sa dang po'i chos kyi dbyings kun du 'gro ba'i mtshan nyid rtogs pa na bden pa mthong bas mi dge ba mi byed pa dang dge ba byed pa la rang gi ngang gis dga' zhes bya ba'i don to//bag yod pa'i phyir zhes bya ba la/ ngag gi sgo nas smra bar bya ba ma yin pa mi smra ba dang / lus kyi sgo nas 'gro bar bya ba ma yin pa dag tu mi 'gro ba dang / sems kyi sgo nas bsam par bya ba ma yin pa dag mi bsam pa ni bag yod pa zhes bya'o//bag yod pa rnams las rtag tu ltung ba dang nyes byas mi 'byung bas de nyid la 'khrul pa med pa'i tshul khrims zhes bya'o/ /bzod pa ji lta bus sems can yongs su smin par byed pa de las brtsams te tshigs su bcad pa zhes bya ba la/ da ni bzod pa'i pha rol tu phyin pas sems can yongs su smin par byed pa bstan te/de yang bzod pa 'di 'dra bas sems can 'di ltar smin par byed do zhes bstan pa'i phyir tshigs su bcad pa rtsom mo zhes bya ba'i don to/ /bzod pa ci 'dra bas sems can yongs su smin par byed ce na/ de'i phyir/ pha rol gnod par byed pa phan byed blo/ /nyes pa byas pa drag po rab tu bzod/ /ces bya ba smos te/ sems can gzhan gyi srog dang srid dang longs spyod la sogs pa med par byed pa ni pha rol gnod pa byed pa zhes bya ste/ gnod par byed pa de dag la byang chub sems dpa' gnod pa la klan kar snyad mi dgos te gnod par byas pa 'di dag la bzod par byas na bzod pa'i pha rol tu phyin pa yongs su rdzogs par 'gyur ro//bzod pa'i pha rol tu phyin pa yongs su rdzogs par gyur na/ bla na med pa'i byang chub thob pas 'di ni dge ba'i bshes gnyen yin no snyam du sems shing smra ba ni/pha rol gnod par byed pa phan byed blo/ /zhes bya ba'o/ /srog dang srid la 'bab pa'i nyes pa byas na yang zhe sdang mi ldang zhing nyams su mi len na/ slar gnod pa'i len mi ldon pa ni nyes par byed pa drag po bzod pa zhes bya'o/ /ji ltar yongs su smin par byed ce na/de'i phyir/ thabs shes gnod par byed pa'i bzod pa yis/ /gnod par byed pa dag ni dge la bkod/ /ces bya ba smos te/ gnod par byed pa rnams la/ 'di ni phan 'dogs pa yin no snyam du sems shing tshig tu de skad smras pa nyid thabs shes pa zhes bya'o//phan 'dogs pa yang rnam pa gnyis te/ tshe 'dir phan 'dogs pa dang / tshe rabs gzhan du phan 'dogs pa'o/ /tshe 'dir phan 'dogs pa ni nyes pa drag po byas pa rnams la yang gnod pa drag po dag bzod do/ /slar gnod pa'i lan ma glan pas na tshe 'dir phan 'dogs so//tshe rabs gzhan du phan 'dogs pa'i thabs shes pa'i sems kyis gnod par byed pa rnams la phan 'dogs so snyam du sems shing khyod kyis phan 'dogs so zhes smras pas gzhan dag 'di snyam du sems te/ bdag gis gnod par byas na yang slar phan 'dogs so zhes smras pa dang sbyar na sems can 'di ni sems can chen po zhig ste snyam nas de la dad pa skye zhing de'i dbang du gyur pa dang /tshe 'dir dge ba byed pa la bkod de tshe rabs gzhan du mtho ris dang mya ngan las 'das pa thob par byas pa ni tshe gzhan du phan 'degs pa'o//brtson 'grus ji lta bus ji ltar yongs su smin par byed pa de las brtsams te/ tshigs su bcad pa zhes bya ba la/ da ni brtson 'grus kyi pha rol tu phyin pas sems can smin par byed pa ston te/ de yang brtson 'grus ji lta bus sems can 'di 'dra bar yongs su smin par byed do zhes bstan pa'i phyir tshigs su bcad pa rtsom mo zhes bya ba'i don to//brtson 'grus ji lta bus sems can yongs su smin par byed pa'i phyir/ de yang nan tan mchog la gnas nas su/ /rgyal sras sems can mang po smin par byed//ces bya ba smos te/ de yang zhes bya ba ni byang chub sems dpa' dang sbyar te/ brtson 'grus kyi pha rol tu phyin pa dang ldan par 'gyur te byang chub sems dpa' de yang zhes bya ba'i don to/ /go cha'i brtson 'grus dang / sbyor ba'i brtson 'grus dang / ma zhum pa'i brtson 'grus dang /ma 'khrugs pa'i brtson 'grus dang / chog mi shes pa'i brtson 'grus la gnas shing brtson 'grus de dag kyang 'khor ba'i mtha'i bar du gtong bar mi byed pa ni nan tan mchog la gnas pa zhes bya'o/ /brtson 'grus de lta bu la brten nas byang chub sems dpa' sems can mtha' yas pa rnams yongs su smin par byed do zhes bya ba'i don to//da ji ltar yongs su smin par byed pa bstan pa'i phyir ro/ /pha rol dge ba'i sems gcig phyir yang ni/ /bskal pa bye ba stong du skyo mi 'gyur/ /zhes smos te/ sems can gcig gi sems kyi rgyud kyi skad cig ma gcig la sbyin pa la sogs pa'i dge ba gcig bskyed pa'i phyir/dge ba bskyed par nus pa'i skabs gzigs na 'jig rten gyi khams thams cad du yang gshegs shing bskal pa bye ba brgya stong grangs med par yang sems can gyi don mdzad cing gshegs pa la skyo ba mi mnga'o zhes bya ba'i don to//de ni 'di skad du bstan pa yin te/ byang chub sems dpa'i brtson 'grus kyis sems can rnams la tshe 'dir phan btags pa dang tshe rabs gzhan du phan btags pas sems can yongs su smin par byed do zhes bya ba'i don to/ /de la brtson 'grus kyis tshe 'dir dge ba'i sems gcig la bkod pa ni tshe 'dir phan btags pa'o//de'i rgyus tshe rabs gzhan du mtho ris dang mya ngan las 'das pa thob par byas pa ni tshe rabs gzhan du phan btags pa'o/ /bsam gtan ji lta bus ji ltar yongs su smin par byed pa las brtsams te tshigs su bcad pa zhes bya ba la/bsam gtan gyi pha rol tu phyin pas sems can yongs su smin par byed pa ston te/ bsam gtan ci 'dra bas sems can yongs su smin par byed pa bstan pa'i phyir tshigs su bcad pa rtsom mo zhes bya ba'i don to/ /bsam gtan ji lta bus sems can yongs su smin par byed ce na de'i phyir/yid kyis bla na med pa'i dbang bskur nas/ /zhes bya ba smos te/ yid ni sems la bya ste/ sems kyang rnam par shes pa kun la mi bya'i yid kyi rnam par shes pa la bya'o/ /dbang ni ting nge 'dzin la bya ste/ci'i phyir zhe na/ ting nge 'dzin gyis sems mi g.yeng bar rtse gcig tu 'jog par byed pas na ting nge 'dzin la dbang zhes bya ste/ theg pa chen po'i ting nge 'dzin dpa' bar 'gro ba'i ting nge 'dzin la sogs pa yid kyi rnam par shes pa thob par byas pa la/ yid kyis bla na med pa'i dbang bkur nas//zhes bya'o/ /de ltar ting nge 'dzin bsgrubs nas ting nge 'dzin gyi mthus 'phrul gyi mig dang / rna ba la sogs pa rdzu 'phrul rnams kyang sems can gyi don du byed do zhes bya ba'i tha tshig go/ /gzhan gyis mchod 'dod thams cad bcom nas su//zhes bya ba la/ ting nge 'dzin thams cad bsgrubs pa dang / rdzu 'phrul bsgrubs pa dag kyang sems can gzhan gyis mchod pa dang / bkur sti'i phyir bsgrubs pa ni ma yin gyi zang zing med pa'i sems can gyis mchod pa dang bkur sti byed par 'gyur ba la chags pa spangs nas sems can yongs su smin par byed do zhes bya ba'i don to//ji ltar yongs su smin par byed ce na/ de'i phyir/ gzhan yang mchog gi bstan la 'jug par byed/ /ces smos te/ rdzu 'phrul gyi mthus 'bar ba dang 'phur ba la sogs pa bstan nas/ sems can gzhan de bzhin gshegs pa'i bstan pa la dga' ba dang / mgu pa dang / dad pa skyed par byed ces bya ba'i don to/ /der yang ma zad kyi gzhan yang byed par bstan pa'i phyir/ de dag dge ba yang dag 'phel bar byed/ /ces bya ba smos te/ sangs rgyas kyi bstan pa la dad pa bskyed pa tsam du ma zad kyi dad pa yang bskyed pa pha rol tu phyin pa drug spyod du yang bcug pas dge ba yang 'phel bar byed pa yin no/ /shes rab ji lta bus ji ltar yongs su smin par byed pa de las brtsams te tshigs su bcad pa zhes bya ba la/da ni shes rab kyis sems can yongs su smin par byed pa ston te/ de yang shes rab ji lta bus sems can ji ltar yongs su smin par byed pa bstan pa'i phyir tshigs su bcad pa rtsom mo zhes bya ba'i don to/ /shes rab ji lta bus sems can ji ltar yongs su smin par byed ce na/de'i phyir/ de nyid dgongs pa'i tshul la de nges pas/ /zhes bya ba smos te/ de nyid kyi tshul la nges pa dang dgongs tshul la nges pa zhes bya bar sbyar ro/ /de la gang zag la bdag med pa dang / chos la bdag med pa gnyis ni de nyid kyi tshul zhes bya ste/ byang chub sems dpa' de'i shes rab kyis chos de la the tshom med par byas shing gtan la phab par byas pa ni de nyid kyi tshul la nges par byed pa zhes bya'o/ /don gzhan la dgongs pa dang dus gzhan la dgongs pa la sogs pa dgongs pa bzhi dang ldem por dgongs pa bzhi la ni dgongs pa'i tshul zhes bya'o//chos de dag la the tshom med par byas pa ni dgongs pa'i tshul la nges pa zhes bya'o/ /tshig 'dis bdag nyid kyi ye shes kyi tshogs kyi yon tan la gnas par bstan to/ /ji ltar sems can the tshom bsal nas yongs su smin par byed ce na/de'i phyir/ sems can the tshom shin tu sel bar byed/ /ces bya ba smos te/ de ltar bdag nyid the tshom med par byas nas sems can rnams de kho na'i tshig dang / dgongs pa'i tshul la the tshom du gyur pa rnams kyi the tshom bsal nas the tshom med pa la dgod par byed kyi/ de lta bu'i tshul gyis sems can yongs su smin par byed do//'dis ni sems can gzhan dag ye shes kyi tshogs la bkod pa bstan to/ /tshig de dag ni mjug bsdu ba'i phyir/ de'i phyir rgyal ba'i bstan la de gus pas/ /bdag dang pha rol dge ba'i yon tan 'phel/ /zhes bya ba smos te/sems can rnams de nyid kyi tshul dang / dgongs pa'i tshul la the tshom med par byas pas sangs rgyas bcom ldan 'das kyi bstan pa la gus pa dang dad pa dang rim gro bskyed do/ /de bas na byang chub sems dpa' des bdag gi dge ba'i yon tan yang 'phel bar byas pha rol gyi dge ba'i yon tan yang 'phel bar byas so//ji ltar zhe na/ de nyid dang dgongs pa'i tshul la the tshom med pas na bdag dge ba'i yon tan 'phel bar byas so/ /de nyid dang dgongs pa'i tshul la sems can gzhan the tshom bsal bas pha rol kyang dge ba'i yon tan la 'phel bar byas so//mjug bsdu ba'i tshigs su bcad pa zhes bya ba la/ sems can yongs su smin par byed pa'i skabs su pha rol tu phyin pa drug gis sems can yongs su smin par byed do zhes rgya cher bstan nas da don de nyid mjug bsdu zhing ji ltar sems can yongs su smin par byas pa'i don mdor bsdus te bstan pa'i tshigs su bcad pa rtsom mo zhes bya ba'i don to//sems can gang du 'dul zhing smin par byed ce na/ de'i phyir/ ji ltar bde 'gror 'gro ba dge gsum mam/ /zhes bya ba smos te/ ji ltar zhes bya ba ni gong du bshad pa ltar na gong du byang chub sems dpa' sems can yongs su smin par byed do zhes bya ba'i don to//gang zag rigs med pa rnams ni dge ba bcu spyod du bcug cing lha dang mi'i bde 'gro'i gnas su bkod cing yongs su smin par byed do zhes bya ba'i don to/ / gang zag nyan thos kyi rigs can nam rang sangs rgyas kyi rigs can nam/ sangs rgyas kyi rigs can dag ni dge ba la bkod par byed de dge ba gsum ni theg pa gsum la bya ste/ de la nyan thos kyi rigs can ni nyan thos kyi theg par bkod cing yongs su smin par byed/ rang sangs rgyas kyi rigs can ni rang sangs rgyas kyi theg pa la bkod cing yongs su smin par byed/sangs rgyas kyi rigs can ni theg pa chen po la yongs su smin par byed do zhes bya ba'i don to/ /su dag yongs su smin par byed ce na/ de'i phyir/ 'gro ba ma lus zhes bya ba smos te/rigs med pa dang / nyan thos kyi rigs can dang / rang sangs rgyas kyi rigs can la sogs pa sems can thams cad yongs su smin par byed do zhes bya ba'i don to/ /rgyu gang gis yongs su smin par byed ce na/ de'i phyir/ snying rje zhes bya ba smos te/ sems can la thugs brtse ba'i rgyus sems can yongs su smin par byed do zhes bya ba'i don to/ /sus yongs su smin par byed ce na/ de'i phyir/ byang chub sems dpas de zhes bya ba smos te/ yongs su smin par byed pa ni byang chub sems dpa' yin te/ byang chub sems dpas yongs su smin par byed ces bya ba'i don to//rnam pa du dang ji lta bus yongs su smin par byed ce na/ de'i phyir/ chung dang mchog dang 'bring gi rnam pa yis/ /zhes bya ba smos te/ mos pas spyod pa'i sa la gnas pa'i byang chub sems dpa' rnams ni gzung 'dzin ma spangs pa dang bsod nams dang ye shes kyi tshogs shas chung bas bdag nyid kyang chung ba zhes bya bas/gzhan mos pas spyod pa'i sar bkod nas gzung 'dzin ma spangs pa dang bsod nams dang ye shes kyi tshogs chung ngu la bzhag pas chung ngu'i rnam pas yongs su smin par byed pa zhes bya'o//byang chub sems dpa' rnams sa brgyad pa dang dgu pa dang bcu pa la gnas pa la gnas pa'i dus na bdag nyid kyang rnam par mi rtog pa'i lhun gyis grub pa rnyed nas/ bsod nams dang ye shes kyi tshogs chen po la gnas la gzhan yang sa de gsum la bkod na/rnam par mi rtog pa lhun gyis grub pa thob par byas pa dang / bsod nams dang ye shes kyi tshogs chen po la bzhag pas mchog gi rnam pas yongs su smin pa zhes bya'o/ /nam byang chub sems dpa' sa dang po nas bdun pa man chad la gnas pa'i dus na bdag nyid kyang 'bad rtsol dang bcas pa'i rnam par mi rtog pa'i ye shes dang bsod nams dang ye shes kyi tshogs la gnas la/sems can gzhan dag kyang sa de dag la bkod na 'bad rtsol dang bcas pa'i rnam par mi rtog pa'i ye shes dang bsod nams dang ye shes kyi tshogs la bkod pa 'bring gi rnam pas sems can yongs su smin pa zhes bya'o//dus ji srid cig tu sems can yongs su smin par byed ce na/ de'i phyir/ 'jig rten yod dang mnyam par 'jug pas 'dul/ /zhes bya ba smos te/ nam mkha'i mtha' ji srid du yod par sems can gyi khams kyang de srid du yod do//'jig rten gyi khams ji srid du yod par sems can gyi khams kyang de srid du yod de/ sems can gyi khams yod kyi bar du sems can yongs su smin par byed pas na/ 'jig rten yod dang mnyam par 'jug pas 'dul/ /zhes bya'o/ / yongs su smin pa'i skabs bshad pa rdzogs so// //yongs su smin pa'i skabs bshad pa'i rjes la/ rnam pa thams cad mkhyen pa'i skabs bshad par 'brel pa ci yod ce na/ de ltar byang chub sems dpas sems can gyi rgyud la'ang dge ba'i rtsa ba yongs su smin par byas/bdag gi sems kyi rgyud la'ang dge ba'i rtsa ba yongs su smin par byas pa de/ myur du bla na med pa'i byang chub thob par byas pa des na yongs su smin pa'i skabs kyi 'og tu rnam pa thams cad mkhyen pa'i skabs bshad par 'brel to/ /yang na bdag dang gzhan gyi don dang de kho na'i don dang /mthu dang / yongs su smin pa dang / bla na med pa'i byang chub ste/ dngos po lnga ni byang chub sems dpa'i bslab pa'i dmigs par byas pa yin no/ /de la byang chub kyi sems kyis bla na med pa'i byang chub thob par 'dod cing smon lam 'debs so/ /byang chub thob par bya ba yang ci dgos she na/bdag dang gzhan gyi don yongs su rdzogs par dgos te/ de bas na de'i rjes la bdag dang gzhan gyi don gyi skabs bshad do/ /bdag dang gzhan gyi don la zhugs pa des kyang bdag nyid kun nas nyon mongs pas ma gos par byas pa yin te/ de bas na kun nas nyon mongs pas mi gos pa'i thabs de kho na'i skabs bshad do//kun nas nyon mongs pas kyang ma gos kyang mthu med na sems can gyi don la skyo bar 'gyur te/ de bas na sems can gdul bar bya ba'i don la mi skyo ba'i thabs mthu'i skabs bshad do//de ltar de kho na'i dang / mthu gnyis kyis byang chub sems dpa' sangs rgyas kyi chos yongs su smin pa dang / sems can yongs su smin par byed de/ ji lta zhe na/ gang gi phyir/ byang chub sems dpa' de kho na khong du chud na bdag nyid kyi rgyud la dga' ba la sogs pa'i chos dgu shas cher myur du 'grub cing thob par 'gyur gyi de kho na'i khong du ma chud na ni mi 'gyur te/de bas na de kho na khong du chud pa las bdag sangs rgyas kyi chos yongs su smin par 'gyur te/ mthu dang ldan skyo ba dang gnod pa med par sems can yongs su smin par byed nus te/mthu med pas ni mi nus te/ de bas na mi skyo ba'i thabs ni mthu dang ldan pa'i thabs kyis bshad do/ /de ltar bdag dang sems can yongs su smin pa dang ldan pa rnams ni sha thang dang mi bde ba med par tshogs yongs su rdzogs nas bla na med pa'i byang chub tu 'tshang rgya bar 'gyur te/de'i rjes la yongs su smin pa'i skabs kyi rjes la/ rnam pa thams cad mkhyen pa'i skabs bshad par 'brel to/ /de la bdag dang gzhan gyi don dang / de kho na'i don dang / mthu dang / yongs su smin pa bzhi ni rgyu lta bur dmigs so/ /bla na med pa'i byang chub ni 'bras bur dmigs so//rnam pa thams cad mkhyen pa la tshigs su bcad pa gnyis te/ gsum pa ni bshad pa'o zhes bya ba la/ me long lta bu'i ye shes dang / mnyam pa nyid kyi ye shes dang / so sor rtog pa'i ye shes dang / bya ba grub pa'i ye shes dang / chos kyi dbyings dang lnga las sangs rgyas zhes bya ste/sangs rgyas de nyid la rnam pa thams cad mkhyen pa zhes bya'o/ /sangs rgyas de'i don tshigs su bcad pa gnyis kyis ni mdo tsam du bstan pa de tshigs su bcad pa gsum pa bzlas te zhib tu 'chad do zhes bya ba'i don to/ /de la tshigs su bcad pa gnyis kyis bsdus pa'i don ni rnam pa gsum ste/yang dag par 'thob pa dang / rang bzhin dang dpe'o/ /yang dag par thob pa la rnam pa bzhi ste/ dga' ba spyod pa brgya phrag ji snyed pa dang / dge ba'i tshogs ji snyed pa dang / dus ji srid cig dang / nyon mongs pa dang / shes bya'i sgrib pa ji tsam spangs pas sangs rgyas thob pa ni yang dag par thob pa zhes bya'o/ /dpag med dka' spyod brgya rnams dang / /zhes bya bas dka' ba spyod pa brgya phrag ji snyed cig bstan te/ sems can gyi don du mgo dang rkang lag la sogs pa dang bu smad btang ba dang / 'jig rten gyi khams me ma mur gyis gang bar yang 'bog cing 'gro ba la sogs pa'i dka' ba spyod pa dpag tu med pa brgya phrag grangs med pa zhig kyang spyad ces bya ba'i don to/ /brgya smos pas ni mtshon pa tsam du zad kyi grangs stong phrag la sogs pa tshad med pa rnams kyi'ang bsdu'o/ / dpag med dge ba bsags pa dang / /zhes bya bas/ dge ba'i tshogs ji snyed pa bstan te/ sa dang pha rol tu phyin pa dang / byang chub kyi phyogs la sogs pa dge ba dpag tu med pa yang bsags zhes bya ba'i don to/ /dpag tu med pa'i dus dang ni/ /zhes bya bas/ dus ji srid cig bstan te/dus kyang bskal pa grangs med pa gsum gyi bar du spyod ces bya ba'i don to/ /dpag med sgrib pa zad pa'i phyir/ /zhes bya bas/ nyon mongs pa dang / shes bya'i sgrib pa ji tsam spangs pa bstan te/ 'khor ba thog ma med pa nas ma spangs pa'i nyon mongs pa'i sgrib pa yang spangs/shes bya'i sgrib pa yang spangs zhes bya ba'i don to/ /'di yan chad yang dag par thob pa bstan to/ /rang bzhin yang rnam pa gnyis te/ spangs pa phun sum tshogs pa bstan pa dang / ye shes phun sum tshogs pa'o/ /sgrib pa kun gyi dri med pa/ /zhes bya bas spangs pa phan sum tshogs pa bstan te/sangs rgyas kyi dus na sa bcur gtogs pa'i nyon mongs pa'i sgrib pa dang / shes bya'i sgrib pa'i bag chags kyang ma lus par spangs pas/ sgrib pa kun gyi dri med ces bya'o/ /rnam pa thams cad mkhyen pa thob/ /ces bya bas/ ye shes phun sum tshogs pa bstan te/de yang rnam pa thams cad mkhyen ces bya bar sbyar ro/ /de la mi rtag pa dang / sdug bsngal ba dang / stong pa dang / bdag med par de lta bur phyin ci ma log par shes pas ni rnam pa thams cad mkhyen pa zhes bya'o/ /phung po dang khams la sogs pa'i chos kun ma lus par mkhyen pas na thams cad mkhyen pa zhes bya ste/'dis ni rang bzhin bstan to/ /rin chen snod ni phye ba ltar/ /sangs rgyas par ni shin tu bstan/ /zhes bya ba la/ dper na rin po che'i sgrom kha phyen kha dog dang dbyibs su ldan pa'i rin po che sna tshogs snang ba de bzhin du nyon mongs pa dang shes bya'i sgrib pa gnyis spangs te/sangs rgyas kyi sa thob pa'i dus na stobs dang mi 'jigs pa dang ma 'dres pa la sogs pa sangs rgyas kyi chos rin po che sna tshogs dag de'i tshe na snang ngo zhes bya ba'i don to/ /dpag med dka' spyod brgya rnams dang //zhes bya ba la/ rgyas par bstan pa'i phyir/ ngal brgyas rmad 'byung dka' spyad ces smos te/ 'bad pa dang / bsgrub pa dang / brtsal ba drag po grangs med pas mgo dang rkang lag dang / bu smad la sogs pas gtang bar spyad pa ni ngal brgyas rmad 'byung ba'i dka' ba spyad pa zhes bya ste/de lta bur dka' ba spyad pa 'jig rten dang / nyan thos dang rang sangs rgyas la med pas na rmad du byung ba zhes bya'o/ /de yang mdo dag las sems can gyi don du ngas mig yongs su btang ba bsags na ni ri rab bas kyang mtho la khrag yongs su btang ba bsags na ni phyogs bzhi'i rgya mtsho bas kyang mang ngo zhes bya ba'i don to//dpag med dge ba bsags pa dang / /zhes bya ba'i don rgyas par bstan pa'i phyir/ dge ba bsags kun zhes smos te/ pha rol tu phyin pa dang / sa bcu dang / byang chub kyi phyogs la sogs pa'i dge ba kun kyang bsags zhes bya ba'i don to//dpag tu med pa'i dus dang ni/ /zhes bya ba'i don rgyas par bstan pa'i phyir/ dus ring bskal pa mchog 'gro zhes smos te/ dus ring gi sgras ni bskal pa chung ngu dang / bar gyi bskal pa tsam du bsgrub pa ma yin gyi bskal pa chen por bsgrub par ston to//mchog gi sgras ni bskal pa grangs med pa gsum gyi bar du bsgrub par ston to/ /dpag med sgrib pa zad pa'i phyir/ /sgrib pa zad ces smos te/ 'khor ba thog ma med pa nas bsags pa'i nyon mongs pa'i sgrib pa dang / shes bya'i sgrib pa kun spangs zhes bya ba'i don to//sgrib pa kun gyi dri med pa/ /zhes bya ba'i don rgya cher bstan pa'i phyir/ sar gtogs sgrib pa phra bcom zhes bya ba smos te/ sangs rgyas pa'i dus na sa dang po nas sa bcu yan chad na yod pa'i sgrib pa phra mo dang / shes bya'i sgrib pa phra mo dang yang zhes bya ba'i don to//rnam pa thams cad mkhyen pa thob/ /zhes bya ba'i don rgya cher bstan pa'i phyir/ sangs rgyas de zhes bya ba smos te/ nam sangs rgyas pa'i dus na chos thams cad phyin ci ma log par thugs su chud pas sangs rgyas zhes bya'o/ /rin po chen snod nyid phye ba ltar/ /zhes bya ba'i don rgya cher bstan pa'i phyir/de ni mthu chen rin chen snod phye bzhin/ /zhes bya ba smos te/ rin po che gang sems can gzhan gyi bsam pa yongs su rdzogs par byed pa'i rin po che ni mthu chen po'i rin po che zhes bya ste/ mthu chen po'i rin po che'i snod kha phye na rin po che chen po sna tshogs snang zhing bdag dang gzhan gyi bsam pa yongs su rdzogs par byed pa de bzhin du sangs rgyas kyi sa'i dus na nyon mongs pa dang /shes bya'i sgrib pa ma lus par spangs nas bdag dang gzhan gyi bsam pa yongs su rdzogs par byed pa'i chos stobs dang / mi 'jigs pa la sogs pa'i rnam pa sna tshogs snang zhing bdag dang gzhan gyi bsam pa yongs su rdzogs par byed do zhes bya ba'i don to//sangs rgyas de'i gnyis su med pa'i mtshan nyid mthu dang bcas pa la gnyis te/ gsum pa ni bshad par gyur pa'o zhes bya ba la/ sangs rgyas ni gnyis su med pa'i mtshan nyid yin te/ ci'i phyir zhe na/gzung ba dang 'dzin pa ni gnyis zhes bya la/ sangs rgyas pa'i dus na gzung ba dang 'dzin pa gnyis spangs pas gnyis su med pa zhes bya'o/ /yang na yod pa dang med pa gnyis la gnyis su zhes bya ste/ sangs rgyas pa na yod pa yang ma yin med pa yang ma yin pas gnyis su med pa zhes bya'o//ci zhig yod pa ma yin zhe na/ sangs rgyas pa'i tshe gzung ba dang 'dzin pa kun du brtags pa'i kun brtags kyi mtshan nyid yod pa ma yin pa'o/ /ci zhig med pa ma yin nam zhe na/ yongs su grub pa yod pa'i mtshan nyid yod pa'i phyir ro/ /mthu ni gnyis med pa'i mtshan nyid kyi yon tan la bya ste/tshigs su bcad pa gnyis kyis ni gnyis su med pa'i mtshan nyid dang / mthu mdo tsam du bstan/ tshigs su bcad pa gsum pas ni de nyid kyi don bzlas nas rgya cher 'chad do zhes bya ba'i don to/ /thams cad chos ni sangs rgyas te/ / zhes bya ba la/ sangs rgyas zhes bya ba ni gang zag la bdag med pa dang / chos la bdag med pa dang / skye ba dang 'gag pa med pa'i chos la sangs rgyas zhes bya la/ chos thams cad la bdag med pa gnyis dang / skye 'gag med par ma khyab pa med cing sangs rgyas kyi chos kyi sku bdag med pa gnyis kyi rang bzhin skye 'gag med pa'i rang bzhin dang /chos thams cad kyi bdag med pa gnyis dang / skye 'gag med pa'i rang bzhin du mi 'dra ba cung zad kyang med pas na chos thams cad la sangs rgyas zhes bya'o/ /de bas na 'phags pa rdo rje gcod pa'i mdo las kyang / gang zhig nga la gzugs su blta//gang zhig nga la dgra ru rtogs/ /log par zhugs pa song bas te/ /skye bo de ni nga mi mthong / /de bzhin nyid du sangs rgyas blta/ /'dren pa rnams ni chos kyi sku/ /chos nyid shes par mi rung ste/ /de dag rnam par rig mi 'gyur/ /zhes gsungs so/ / 'phags pa ye shes snang ba'i rgyan gyi mdo las kyang / mi skye chos ni rtag tu de bzhin gshegs/ /thams cad chos kyang bde bar gshegs dang 'dra/ /zhes gsungs so/ /smas pa/ gal te chos thams cad sangs rgyas yin na sangs rgyas kyi yod pa'i rang bzhin yin pas/ sangs rgyas bzhin du chos yang yod pa'i rang bzhin du 'gyur ram snyam pa la/ chos ni gang yang yod ma yin/ /zhes smos te/ byis pa so so'i skye bo rnams kyis gzung ba dang 'dzin pa kun du brtags pa'i mtshan nyid dang bum pa dang snam bu la sogs pa kun brtags pa'i mtshan nyid kyi chos ni gang yang yod pa ma yin no zhes bya ba'i don to//dkar po'i chos kyi rang bzhin te/ /zhes bya ba la/ sangs rgyas ni dang po nyid kyang sa dang pha rol tu phyin pa dang / byang chub kyi phyogs kyi chos bsgrub pa las grub la/ /sangs rgyas kyi dus na yang sa dang pha rol tu phyin pa dang / byang chub kyi phyogs dang / stobs dang mi 'jigs pa la sogs pa'i rang bzhin du gnas pas na dkar po'i chos kyi rang bzhin zhes bya'o/ /de ltar na sangs rgyas de pha rol tu phyin pa de dag nyid kyi rang bzhin kho na yin no zhes brjod dam zhe na/ de'i phyir/ des kyang de ni bstan ma yin/ / zhes smos te/ gtong ba po dang / len pa dang / rdzas la sogs pa lta bur rnam pa gsum du dmigs pa'i kun brtags kyi mtshan nyid kyi pha rol tu phyin pa rnams ni rang bzhin gyis yod pa ma yin pas na kun brtags pa'i mtshan nyid kyi pha rol tu phyin pa des sangs rgyas de'i rang bzhin yin no zhes kyang mi brjod de/ci'i phyir sangs rgyas ni kun brtags kyi chos ma yin pa'i phyir ro/ /de yan chad kyis gnyis su med pa'i mtshan nyid bshad de/ rin chen chos kyi rgyu yin pas/ /de ni rin chen 'byung gnas bzhin/ /zhes bya ba la/ dper na rin po che 'byung gnas nas rin po che rnam pa sna tshogs 'byung ba bzhin du/sangs rgyas de las kyang bshad par bya ba'i chos rin po che dpag tu med pa dang / stobs dang mi 'jigs pa la sogs pa'i chos rin po che dpag tu med pa 'byung ste/ chos rin po che rnams 'byung ba'i rgyu dang rkyen dang gzhi byed pas na sangs rgyas ni rin po che'i 'byung gnas dang 'dra'o zhes bya ba'i don to//dge ba'i lo tog rgyu yi phyir/ /de ni sprin dang 'dra bar 'dod/ /ces bya ba la/ dper na sprin las char 'bab cing 'char 'bab pa'i rkyen gyis nas dang 'bras la sogs pa'i lo tog sna tshogs smin cing rgyas par 'gyur ba de bzhin du/sangs rgyas de las kyang chos bshad pa'i char rnam pa sna tshogs phab nas sems can gyi sems kyi rgyud zhing dang 'dra ba la sbyin pa la sogs pa pha rol tu phyin pa dge ba'i lo tog bskyed pa'i rgyu sangs rgyas byed pas na/ de bas na sangs rgyas ni sprin dang 'dra bar 'dod do zhes bya ba'i don to//'dis ni mthu che ba bstan to/ /de bzhin nyid dang tha dad pa ma yin pas chos thams cad ni sangs rgyas te zhes bya ba la/ bum pa dang snam bu la yod pa'i gang zag dang chos bdag med pa dang skye 'gag med pa'i de bzhin nyid dang /chos kyi sku'i bdag med pa gnyis dang / skye 'gag med pa'i de bzhin nyid du mi 'dra ba med nas chos thams cad la sangs rgyas zhes bya'o zhes bya ba'i don to/ /thams cad chos ni sangs rgyas te/ /zhes bya ba'i don dang / dkar po'i chos kyi rang bzhin te/ / zhes bya ba'i don bstan pa'i phyir/ sangs rgyas chos kun tshogs pa 'am/ /zhes bya ba smos so/ /bdag med pa gnyis dang / skye 'gag med pa'i chos la ni sangs rgyas zhes bya la/ stong pa nyid kyi chos kyi nang du ma 'dus pa'i chos gang yang med pas na sangs rgyas chos kun tshogs pa zhes bya'o//yang na sangs rgyas nyid dang po yang sa dang / pha rol tu phyin pa dang / byang chub kyi phyogs bsgrub pa las grub la/ sangs rgyas grub pa na yang sa dang pha rol tu phyin pa dang / byang chub kyi phyogs dang / stobs dang mi 'jigs pa la sogs pa'i chos thams cad tshogs par yod pas na sangs rgyas chos kun tshogs pa zhes bya'o//chos ni gang yang yod ma yin/ /zhes bya ba dang / des kyang de ni bstan ma yin/ /zhes bya ba'i don bstan pa'i phyir/ yang na chos kun bral ba ste/ /zhes smos te/ sangs rgyas pa'i dus na gzung ba dang 'dzin pas kun du brtags pa'i chos gang yang med pas na chos kun dang bral ba zhes bya'o//yang na gzung 'dzin gyi mtshan nyid kyi pha rol tu phyin pa rnams de'i dus na med pas na chos kun dang bral ba zhes bya'o/ /rin chen chos kyi rgyu yin pas/ /de ni rin chen 'byung gnas bzhin/ /zhes bya ba'i don bstan pa'i phyir/rin chen mchog rab che yangs 'byung phyir rin chen chos kyi 'byung gnas bzhin/ /zhes bya ba smos te/ dper na rin po che 'byung gnas nas rin po che sna tshogs 'byung ba bzhin du/ sangs rgyas de las kyang bshad par bya ba'i chos rin po che rnams 'byung ba dang /yangs shing rgya che ba'i chos sa dang / pha rol tu phyin pa dang / stobs dang mi 'jigs pa la sogs pa 'byung ba'i rgyu byed pas na sangs rgyas ni rin po che'i 'byung gnas dang 'dra'o zhes bya ba'i don to/ /dge ba'i lo tog rgyu yi phyir/ /de ni sprin dang 'dra bar 'dod//ces bya ba'i don bstan pa'i phyir/ 'byung po dge ba'i lo tog cher 'phel rgyu phyir sprin dang 'dra/ /zhes smos te/ dper na sprin las char phab nas lo tog rnam pa sna tshogs 'phel zhing rgyas par byed pa de bzhin du 'byung po ni sems can la bya ste/ de bzhin gshegs pas kyang chos kyi char phab nas sems can gyi sems kyi rgyud zhing dang 'dra ba la pha rol tu phyin pa'i dge ba'i lo tog rgya cher 'phel zhing rgyas par byed pas na sangs rgyas ni sprin dang 'dra'o zhes bya ba'i don to//ji ltar chos kyi char 'bebs pa bstan pa'i phyir/ skye dgu dag la chos kyi char chen legs bshad mi zad rab tu 'bebs//zhes smos so/ /de la char chen legs bshad mi zad pa zhes bya ba'i tshig phyis 'byung la/ skye dgu dag la chos kyi char zhes bya ba'i tshig sngar byung mod kyi/ tshig 'di ltar sbyar te chos chen po legs par bshad pa mi zad pa skye dgu dag gi sems kyi rgyud la 'bebs pas na sprin dang 'dra'o zhes sbyar ro//chen po zhes bya ba ni sa dang pha rol tu phyin pa'i mtshan nyid theg pa chen po'i chos la bya'o/ /chos de yang thog mar yang dge/ bar du yang dge/ tha mar yang dge/ don bzang tshig bzang bas na legs par bshad pa zhes bya'o//chos de lan cig rtogs na 'khor ba mtha'i bar du yang med par mi 'gyur bas na mi zad pa zhes bya'o/ /'bebs zhes bya ba ni 'dul ba'i sems can rnams la bshad ces bya ba'i don to/ /sangs rgyas pa de nyid skyabs bla na med pa la tshigs su bcad pa lnga'o zhes bya ba la/sangs rgyas kyi mthu'i skabs kyi rjes la skyabs bla na med pa'i khyad par bshad pa'i 'brel pa ci yod ce na/ lan du 'jig rten pa dag ri la sogs pa la skyabs tshol ba dang / nyan thos dag mya ngan las 'das pa la skyabs tshol bas ni rin po che'i 'byung gnas lta bu dang /sprin lta bu'i mthu dang ldan pa'i sangs rgyas su grub na skyabs su song ba thams cad kyi skyabs pas skyabs bla na med pa yin no zhes bstan pa'i phyir/ mthu'i rjes la skyabs bla na med pa'i khyad par bshad par 'brel to/ /rgal ba dang / sngar skyabs kyi skabs bshad pa dang 'dir skyabs kyi skabs bshad par gnyis su khyad par ci yod nas/ lan gnyis su bzlas te bshad ce na/ sngar ni gang zag gi khyad par gyi dbang du byas nas theg chen mchog phyir dkon mchog rnams la skyabs song bas/ de nyid skyabs su song ba'i mchog tu rig par bya'o zhes smos la/'dir ni 'jig rten pa dag rgyal po dang rkun po la sogs pas 'jigs nas ri la sogs pa la skyabs su 'gro ba dang / nyan thos pa dag 'khor ba'i skye rga na 'chi la sogs pas 'jigs nas bdag bskyab pa'i phyir dkon mchog gsum la skyabs su 'gro ba'i gang zag de dag pas gang zag gang sangs rgyas gang la skyabs su song ba'i sangs rgyas de nyid thob par byas nas bdag nyid sems can kun gyi skyabs su gyur cig ces dkon mchog gsum la skyabs su 'gro ba'i byang chub sems dpa' de skyabs gzhan pas mchog tu gyur pa yin te/bdag dang gzhan gnyi ga gnod pa thams cad las bskyab pa'i phyir skyabs su song bas so/ /de'i skabs su ni gang zag gi dbang du byas nas skyabs su 'gro ba'i skabs bshad kyi byang chub kyi dbang du byas pas ni ma yin no/ / skyabs su 'gro ba'i khyad par 'di ni byang chub tu byas pas te/ sus bla na med pa'i byang chub thob pa de ni bdag dang gzhan gyi skyabs su gyur pas skyabs bla na med pa yin no zhes ston te/ de bas na khyad par ni de yod do/ /sangs rgyas pa ni skyabs yin la/ /zhes bya ba la/ nyon mongs pa dang shes bya'i sgrib pa spangs nas chos thams cad thugs su chud de/sangs rgyas pa nyid skyabs zhes bya ste/ ci las skyob che na/ nyon mongs pa dang las dang tshe gsum las skyob pas sangs rgyas pa nyid skyabs zhes bya'o/ /rtag tu nyon mongs tshogs kun dang / / zhes bya ba la/ nyon mongs pa'i nyon mongs pa las skyob par 'gyur te/ sangs rgyas par gyur na 'khor ba'i mtha'i bar du yang mthong ba dang bsgom pas spang bar bya ba'i nyon mongs pa'i tshogs kun sems la mi 'byung zhing nyon mongs pas mi gos par gyur pa na nyon mongs pa las skyob bo zhes bya ba'i don to//nyes spyod dag ni thams cad dang / /zhes bya bas/ las kyi kun nas nyon mongs pa las skyob par bstan te/ mtshams med pa lnga dang / mi dge ba bcu la sogs pa ni nyes par spyod pa zhes bya ste/ sangs rgyas par gyur na mtshams med pa lnga dang mi dge ba bcu la sogs pa mi mdzad pa las kyi kun nas nyon mongs pa las skyob pa yin no zhes bya ba'i don to//rga dang shi ba dag las kyang / /zhes bya bas tshe'i kun nas nyon mongs pa las skyob par ston te/ 'dir skye ba zhes bya ba smos su zin gyis kyang / ma skyes par rga ba dang 'chi ba mi srid pas skye ba yang don gyi shugs kyis bstan par rig par bya'o//sangs rgyas par gyur na skye ba dang rga ba dang na ba dang 'chi ba la sogs pa mi 'byung bas tshe'i kun nas nyon mongs pa las kyang skyob pa yin no zhes bya ba'i don to/ /tshigs su bcad pa 'dis ni bdag gi skyabs su bdag gyur par ston te/de bas na sangs rgyas pa nyid skyabs yin par ston to/ /da ni sangs rgyas na sems gzhan la yang skyabs rnam pa lnga byed pas skyabs bla na med pa yin pa'i phyir ro/ /'tshe ba dag ni 'tshe ba thams cad dang / /zhes bya ba la sogs pa tshigs su bcad pa gcig smos so//de la 'tshe ba thams cad las skyob pa ni de bzhin gshegs pa'i byin gyi rlabs kyis long bas ni mig rnyed/ 'on pas ni sgra thos/ smyon pas ni dran pa rnyed/ nad rnam pa sna tshogs dang lo nyes ni zhi bar byas zhes bya ba la sogs te/ 'di ni gzhan gyi skyob pa rnam pa gcig go//ngan song dang ni zhes bya bas ngan song las skyob pa ston to/ /de yang de bzhin gshegs pa'i 'od btang bas/ sems can dmyal ba la sogs pa ngan song rnams kyi lus la reg nas ngan song gi sdug bsngal thams cad zhi bar byas te/ mtho ris su skye bar byas pa dang /ngan song du skye bar 'dod pa rnams la 'od des reg nas ngan song du mi skye bar byas te/ 'di ni gzhan skyob pa rnam pa gnyis so/ /thabs min dang zhes bya ba thabs ma yin pa las skyob pa bstan te/ mu stegs can gyi lta ba rnam pa sna tshogs thal ba la nyal bas thar pa dang mtho ris tshol ba dang /tsher ma na nyal bas thar pa dang mtho ris tshol ba dang brag kha nas mchong bas thar pa dang mtho ris tshol ba dag ni de las thar pa dang mtho ris thob par mi 'gyur bas na thabs ma yin pa zhes bya'o/ /thabs ma yin pa la zhugs pa'i mu stegs pa de dag lam ngan pa dor du bcug nas/mtho ris kyi lam dang / dge ba bcu dang thar pa'i lam 'phags pa'i lam gyi yan lag brgyad la 'god de 'di ni gzhan skyob pa rnam pa gsum mo/ /'jig tshogs ni zhes bya bas 'jig tshogs la skyab pa ston te/bdag dang bdag gi med pa'i phung po lnga la bdag dang bdag gir lta ba ni 'jig tshogs la lta ba'i sems can de dag la nyan thos dang / rang sangs rgyas kyi chos gang zag la bdag med pa bstan nas/ nyan thos kyi mya ngan las 'das pa la bkod pa ni 'jig tshogs las skyob pa zhes bya ste/'di ni gzhan skyob pa rnam pa bzhi pa'o/ /theg chung las zhes bya bas theg pa chung ngu las skyob pa bstan te/ ma nges pa'i rigs can dag nyan thos kyi theg par zhugs pa'am/ 'jug tu 'dod pa rnams de las bzlog nas theg pa chen po la 'god par byed pa ni theg pa las skyob pa zhes bya ste/'di ni gnas gzhan skyob pa rnam pa lnga'o/ /de'i phyir skyabs ni dam pa'o zhes bya ba ni sems can gzhan la yang skyabs rnam pa lnga byed pas na de'i phyir sangs rgyas su grub pas ni skyabs dam pa skyabs bla na med do zhes bya ba'i don to/ /de ni tshigs su bcad pa gsum pas skyabs de nyid dpe med pa dang /mchog tu gyur pa'i phyir 'jig rten dang 'jig rten las 'das pa'i phyir skyabs pas kyang skyabs bla na med pa yin no zhes gong du tshigs su bcad pa dang po dang gnyis par bstan pa'i don gnyis kyis bla na med pa'i don du bstan pa'i phyir/sangs rgyas skyabs ni dpe med mchog yin te/ /zhes bya ba la sogs pa tshigs su bcad pa gcig smos so/ /sangs rgyas par gyur pa nyid bdag dang gzhan gyi gnas su gyur pas sangs rgyas kyi skyabs yin te/ sangs rgyas kyi skyabs dang skyabs 'di gnyis su 'dra'o zhes de dang bstun cing 'dra bar gzhal du rung ba 'jig rten gang na yang med pas na dpe med pa zhes bya'o//'jig rten pa dag ri la sogs pa la skyabs su 'gro ba dang / nyan thos dag mya ngan las 'das pa la skyabs su 'gro ba bas/ skyabs 'di dam pa yin pas na mchog ces bya ste/de'i phyir na skyabs bla na med pa'o/ /ji ltar na bla na med pa'i phyir skye 'chi zhes bya ba smos te/ sangs rgyas par gyur na skye 'chi kun las srung bar byed do/ /de ci'i phyir zhe na/ sangs rgyas phan chad skye ba dang rga ba dang na ba la sogs pa mi 'byung ba'i phyir te/ 'dis ni tshe'i kun nas nyon mongs pa las skyob par bstan to/ /nyon mongs ba zhes bya ba ni/ sangs rgyas par gyur na nyon mongs pa las srung bar byed do/ /ngan song kun las zhes bya ba ni/ las kyi kun nas nyon mongs pa las srung bar byed do/ /ci'i phyir zhe na/ sangs rgyas phan chad mtshams med pa lnga dang mi dge ba bcu la sogs pa'i las mi byed pa'i phyir te/'dis ni las kyi kun nas nyon mongs pa las skyob pa bstan to/ /tshig de dag gis sangs rgyas nas bdag gi skyabs su bdag 'gyur bar bstan pa yin no/ /nga sangs rgyas na gzhan gyi skyabs su gyur pa yang yin par bstan pa'i phyir/sna tshogs 'jigs 'gyur zhes bya ba la sogs pa smos te/ sangs rgyas 'jigs pa sna tshogs las kyang srung bar byed/ ci'i phyir zhe na/ de bzhin gshegs pa'i mthus/ long bas mig rnyed pa dang / 'on pas rna bas sgra thos pa la sogs pa bya ba'i phyir ro//'jig tshogs thams cad dang zhes bya ba la/ sangs rgyas na 'jig tshogs thams cad las srung bar byed do/ /ji lta zhe na/ lha dang mi la sogs pa bdag med pa bdag gir chags pa rnams la nyan thos dang rang sangs rgyas kyi theg pa chos gang zag la bdag med pa bstan nas mya ngan las 'das pa la bkod pa'i phyir ro//theg pa zhes bya ba la/ sangs rgyas par gyur na theg pa chung ngu las srung bar byed do/ /ji lta zhe na/ ma nges pa'i rigs can rnams theg pa rnam pa gnyis su zhugs pa dang / 'jug par 'dod pa rnams de las bzlog nas theg pa chen por bkod pa'i phyir ro//rnam mang sdug bsngal zhes bya ba la/ sangs rgyas par gyur na sdug bsngal rnam pa mang po las srung bar byed de/ ji lta zhe na/ de bzhin gshegs pas 'od bkye ba'i sgo nas sems can dmyal ba la sogs pa'i sdug bsngal zhi bar byas te/mtho ris su skye bar byed pa dang / sems can dmyal bar skye bar 'gyur ba rnams la 'od kyis reg pas der skye bar mi 'gyur bar byas pa'i phyir ro/ /thabs med song zhes bya ba la/ sangs rgyas na thabs med par song ba rnams srung bar byed de/ji lta zhe na/ thabs med pa ni mu stegs pa thal ba dang tsher ma la sogs pa la nyal ba'i sgo nas thar pa dang / mtho ris tshol bar byed pa ste/ de dag la thar pa'i lam byang chub kyi phyogs ston par byed pa dang / mtho ris kyi lam dge ba bcu ston par byed pa'i phyir ro//tshigs su bcad pa bzhi pas ni rgyu gang gis na sangs rgyas su grub pa de skyabs bla na med pa'i rgyu gang yin pa ston te/ skyabs bla na med pa'i rgyu yang rnam pa gnyis so/ /gang zhe na/ bdag gi don mthar thug pa dang / gzhan gyi don mthar thug pa'o/ /de ltar bdag dang gzhan gyi don mthar thug pas na rgyu des skyabs bla na med pa'i mthu dang ldan par 'gyur ba ston to//de la bdag gi don mthar thug pa'i dbang du byas nas/ sangs rgyas chos kyis yongs su rdzogs pa'i lus/ /zhes smos te/ nam sangs rgyas pa'i dus na sangs rgyas kyi chos stobs dang /mi 'jigs pa dang / ma 'dres pa dang / byang chub kyi phyogs la sogs pas sangs rgyas kyi chos ma 'dres pa dang ldan pa'i chos kyi sku dang / longs spyod rdzogs pa'i sku dang / sprul pa'i sku thob ste/ de bas na bdag gi don mthar phyin to/ /gzhan gyi don mthar thug pa la yang rnam pa gnyis te/chos la sems can 'dul bar rig pa dang / snying rje mthar phyin pa'o/ /dam pa'i chos la sems can 'dul bar rig /ces bya bas chos la sems can 'dul bar rig pa bstan te/ dam pa'i chos la legs par bshad pa gsung rab yan lag bcu gnyis la sems can 'god cing 'dul bar bya ba'i thabs thugs su chud de/'dod chags can la ni/ mi gtsang ba bstan pas 'dul/ zhe sdang can la ni byams pa bstan pas 'dul/ gti mug can la ni rten cing 'brel te 'byung ba bstan pas 'dul ba thugs su chud pa'i phyir ro//'dis ni shes rab dang ldan par bstan to/ /'gro ba kun la snying brtses pha rol song / /zhes bya bas/ snying rje mthar phyin pa bstan te/ khams gsum pa'i sems can dus gsum gyis bsdus pa skye ba rnam pa bzhi nas skye ba rnams ni 'gro ba zhes bya ste/de dag gi sdug bsngal bsal bar bya'o snyam du sems pa'i snying rje mthar phyin cing yongs su rdzogs par 'gyur ba ni/ snying rjes pha rol song zhes bya'o/ /yang na snying rje'i shugs kyis yon tan thams cad rdzogs par thob pa la snying brtses pha rol song zhes bya'o//yang na sems can la snying rje ba'i mthus mthar thug pa'i gnas sangs rgyas su grub pa'i snying rjes pha rol song zhes bya ste/ 'dis ni thabs dang ldan pa bstan to/ /de ltar byang chub sems dpa' thabs dang shes rab dang ni bdag gzhan gnyi ga skyob par nus pa thabs dang shes rab gnyis ni skyabs bla na med pa 'byung ba'i rgyu yin no zhes bya ba'i don to//sangs rgyas de 'dir skyabs kyi mchog tu dgongs/ /zhes bya ba la/ de ltar sangs rgyas par gyur na bdag gi don yang mthar thug gzhan gyi don yang mthar thug pas na sangs rgyas pa ni 'jig rten dang 'jig rten las 'das pa'i skyabs gzhan las kyang mchog tu gyur cing bla na med par byed pa yin no zhes bya ba'i don to//tshigs su bcad pa lnga pas ni dus ji srid cig tu sems can gyi skyabs byed pa dang / sems can ji snyed cig gi skyabs byed pa dang / gang gi phyir skyabs byed pa de don rnam pa gsum gyis bstan to//dus ji srid cig tu sems can gyi skyabs byed pa bstan pa'i phyir/ 'jig rten bar du zhes bya ba smos te/ nam mkha'i khams kyi mthar thug pa 'jig rten gyi khams kyi mtha' yang der thug go//'jig rten gyi khams kyi mthar thug pa sems can gyi khams kyi mtha' yang der thug go/ /sems can gyi khams kyi mtha' gar thug pa sangs rgyas bcom ldan 'das rnams kyi sems can gyi skyabs mdzad pa'i mtha' yang der thug go/ /don du nam mkha'i khams kyi mtha' yang thug pa med pa de bzhin du 'jig rten gyi khams kyi mtha' la yang thug pa med do//'jig rten gyi khams kyi mtha' la thug pa med pa de bzhin du sems can gyi khams kyi mtha' la yang thug pa med do/ /sems can gyi khams kyi mtha' la thug pa med pa bzhin du sangs rgyas bcom ldan 'das rnams kyi sems can bskyab pa'i mtha' yang thug pa med do//'khor ba'i mtha'i bar du skyabs mdzad ces bya ba'i don to/ /ji snyed cig gi skyabs mdzad ce na/ de'i phyir/ 'gro ba kun gyi zhes bya ba smos te/ rigs yod pa dang / rigs med pa dang / rigs ma nges pa la sems can kun gyi skyabs mdzad do zhes bya ba'i don to//sangs rgyas skyabs ni chen po ste/ /zhes bya ba la/ de ltar 'khor ba'i mtha'i bar du sems can kun gyi skyabs byed pas na sangs rgyas kyis sems can skyob pa ni 'jig rten pa'i skyabs dang nyan thos la sogs pa'i skyabs pas kyang skyabs mchog tu gyur pa dang /chen por gyur pa yin no zhes bya ba'i don to/ /gang gi phyir skyob ce na/ de'i phyir/ sdug bsngal 'byor pa thams cad ni/ /bzlog pa dang ni 'phel bar rig /ces bya ba smos te/ sems can rnams kyi sdug bsngal skye rga na 'chi la sogs pa'i sdug bsngal bzlog par bya ba dang /'jig rten dang 'jig rten las 'das pa'i 'byor pa thams cad 'phel bar bya ba'i phyir skyabs mdzad do zhes bya ba'i don to/ /gnas yongs su gyur pa'i tshigs su bcad pa drug ste zhes bya ba la/ skyabs bla na med pa'i don bstan nas/da ni gnas yongs su gyur pa'i don bstan pa'i phyir tshigs su bcad pa drug rtsom mo zhes bya ba'i don to/ /de la gnas zhes bya ba ni gzugs kyi phung po nas rnam par shes pa'i bar du phung po lnga la bya ste/ phung po de dag la yod pa'i nyon mongs pa dang /shes bya'i sgrib pa spangs nas chos kyi dbyings rnam par dag par gyur pa dang / rnam par mi rtog pa'i ye shes su gyur pa la gnas gzhan du gyur pa zhes bya'o/ /de la gzugs dang tshor ba dang 'du shes dang 'du byed de phung po bzhi dang / rnam par shes pa'i phung po las mig gi rnam par shes pa nas nyon mongs pa'i yid kyi bar du dag na chos kyi dbyings rnam par dag par 'gyur ro//kun gzhi rnam par shes pa dag na rnam par mi rtog pa'i ye shes su 'gyur ro/ /yang na gzugs dang / tshor ba dang / 'du shes dang / 'du byed dag dang / rnam par shes pa brgyad la yod pa'i stong pa nyid dag na chos kyi dbyings rnam par dag par 'gyur ro//rnam par shes pa brgyad las kun gzhi dag na me long lta bu'i ye shes su gyur to/ /nyon mongs pa'i yid dag na mnyam pa nyid kyi ye shes su 'gyur ro/ /yid kyi rnam par shes pa dag na so sor kun du rtog pa'i ye shes su 'gyur ro//mig nas lus kyi bar du rnam par shes pa lnga dag na bya ba grub pa'i ye shes su 'gyur te/ ye shes bzhi dang chos kyi dbyings rnam par dag pa lnga thob pa la gnas gzhan du gyur pa lnga zhes bya'o/ /gnas gzhan du gyur pa la tshigs su bcad pa drug gis bstan pa la tshigs su bcad pa dang po'i bsdus pa'i don ni mi mthun pa'i phyogs kyi sa bon dang bral ba dang /gnyen po'i phun sum tshogs pa dang ldan pas gnas gzhan du gyur pa ste/ mdor na don de bstan to/ /nyon mongs shes bya'i sgrib pa'i sa bon dus ring rtag ldan pa//zhes bya ba dang / gang la byang 'gyur zhes bya ba'i tshig gnyis su sbyar te/ sa bon ni bag chags la bya'o/ /nyon mongs pa'i sgrib pa'i sa bon ni nyon mongs pa'i sgrib pa'i bag chags so/ /shes bya'i sgrib pa'i sa bon ni shes bya'i sgrib pa'i bag chags so//dus ring zhes bya ba ni bag chags de dag kyang 'khor ba thog ma med pa'i dus nas bsags pa zhes bya ba'i don to/ /rtag ldan zhes bya ba ni bag chags de dag kyang sngon so so'i skye bo'i dus na 'ga' yang 'phags pa'i lam gyis ma spangs ma bcom zhes bya ba'i don to//'dis ni mi mthun pa'i phyogs kyi sa bon dang bral ba bstan to/ /bag chags de dag gnyen po gang gis spangs she na/ de'i phyir/ spong ba rgya che rnam pa kun gyis byang gyur pa/ /zhes bya ba smos te/ spong ba zhes bya ba ston to/ /de dag ji ltar spong bar byed ce na zhes bya ba ston te/rgya che ba zhes bya ba ni sa dang po nas sa bcu pa man chad kyi 'jig rten las 'das pa'i ye shes kyi lam la rgya che ba zhes bya ste/ ye shes des spong bar byed ces bya ba'i don to/ /rnam pa kun gyis zhes bya ba ni sa re re la yang ye shes chen po'i chen po la sogs pa dgu dgu yod pas spong ngo zhes bya ba'i don to//gang la byang 'gyur ba zhes bya ba ye shes de dag gi gnyen po byas nas gang gi sems la nyon mongs pa dang / shes bya'i sgrib pa byang bar gyur na gnas gzhan du gyur pa thob par 'gyur na zhes bya ba'i don to//'dis ni gnyen po phun sum tshogs pa dang ldan pa bstan to/ /gnas gyur thob pa zhes bya ba la/ de ltar sgrib pa gnyis spangs pas ye shes bzhi dang chos kyi dbyings rnam par dag pa lnga thob pa ni gnas gyur pa thob pa zhes bya'o/ /sangs rgyas dkar po'i chos mchog yon tan ldan//zhes bya ba la/ de ltar sangs rgyas kyi sar chos lnga thob pa dang / stobs dang / mi 'jigs pa dang / ma 'dres pa la sogs pa'i yon tan phun sum tshogs pa rnyed par 'gyur bas na dkar po'i chos mchog gi yon tan ldan zhes bya ste/ nyan thos la sogs pa la yon tan de med pas na mchog ces bya'o//gong du sgrib pa gnyis spong bar byed pa ni 'jig rten las 'das pa'i ye shes kyi lam gyis spang ngo zhes bshad pa la ye shes kyi lam gnyis yod par bstan pa'i phyir/ rnam par mi rtog ye shes lam dag de thob phyir//zhes bya ba smos te/ shin tu rnam par dag pa'i rnam par mi rtog pa'i ye shes kyi lam thob pa dang /de'i phyis nas thob par shes bya mtha' dag yul du gyur pa'i dag pa 'jig rten pa'i ye shes kyi lam thob pas lam de gnyis kyi sgrib pa gnyis ma lus par spangs so zhes bya ba'i don to//de la shin tu rnam par dag pa rnam par mi rtog pa'i ye shes kyis chos thams cad nam mkha'i ngos bzhin du stong par mthong ngo / /de'i phyis nas thob pa shes bya mtha' yas pa yul du gyur pa/ dag pa 'jig rten pa'i ye shes kyis ni dus gsum gyis bsdus pa'i 'jig rten gyi khams kyi dngos po thams cad sgyu ma dang smig rgyu lta bur mthong ngo //da ni tshigs su bcad pa gnyis la nyan thos dang rang sangs rgyas la yang gnas gzhan du gyur pa yod mod kyi de bzhin gshegs pa'i gnas gzhan du gyur pa ni de dag las kyang 'phags shing khyad zhugs par ston to//de bas na de bzhin gshegs pa de ni der bzhugs nas zhes bya ba la sogs pa'i tshigs su bcad pa gcig smos so/ /de la chos kyi dbyings ji ltar gnas pa de bzhin du thugs su chud pas de bzhin gshegs pa zhes bya ste/ de bzhin gshegs pa der zhugs zhes bya ba ni gnas gzhan du gyur pa'i zag pa med pa'i dbyings de brnyes thugs su chud nas zhes bya ba'i don to//ri dbang mtho steng bzhugs bzhin 'gro la gzigs/ /zhes bya ba ni ri'i dbang po ni ri rab ste/ sems can la la zhig ri rab kyi steng na gnas nas phyogs bcur bltas na nye ba yang mthong ngo //ring ba yang mthong / bzang ba yang mthong / ngan pa yang mthong ba de bzhin du de bzhin gshegs pa rnams kyang nyan thos dang rang sangs rgyas rnams kyi gnas gzhan du gyur pa las 'phags pa de bzhin gshegs pa'i gnas gzhan du gyur pa mthon po de brnyes nas/thugs rje chen pos sems can thams cad la gzigs so zhes bya ba'i don to/ /zhi bar mngon dga'i 'gro la'ang thugs rje can/ /srid la mngon dga'i 'gro la ci zhig smos/ /zhes bya ba la/ de ltar thugs rjes kun la gzigs nas nyan thos snying rje chen po med pas sems can gyi don spangs te bdag 'ba' zhig gi don du zhi ba mya ngan las 'das par zhugs pa de dag 'khor ba thog ma med pa nas nye bar gnyen du gyur pa'i sems can gyi don ma byas pa dang /shes bya'i sgrib pa spangs pa thams cad mkhyen pa'i ye shes ma thob bo zhes de dag la yang thugs rje dgongs nas sems can phal pa 'jig rten gyi khams chos la mngon par dga' ba bdag gi don tsam yang byed mi nus pa sdug bsngal rnam pa mang pos rtag tu gzir cing 'dod pa lnga'i yon tan gyis 'khor ba'i sems can rnams la thugs brtse bar gyur pa lta smos kyang ci dgos te/thugs rje 'byung zhes bya ba'i don to/ /khyad par ring ba'i 'jig rten ngan pa rnams la zhes bya ba la/ khyad par ring ba'i 'jig rten ni nyan thos dang rang sangs rgyas rnams de bzhin gshegs pa dang gnyis kyi bar na yon tan khyad zhugs par 'phags pa'i phyir ro//'jig rten ngan pa ni so so skye bo rnams te/ 'khor ba las 'das pa'i phyir ro/ /da ni tshigs su bcad pa gsum pas gnas gzhan du gyur pa ni yon tan phye na du yod pa'i yon tan gyi rab tu dbye ba ston to//de bas na/ 'jug dang rab 'jug mi 'jug gnas mi 'jug /ces bya ba la sogs pa tshigs su bcad pa gcig smos so/ /de bzhin gshegs pa'i gnas gzhan du gyur pa ni/ rtag tu'ang sems can gyi don 'ba' zhig mdzad de gzhan gyi don du 'jug pas na 'jug pa zhes bya'o//gnas gzhan du gyur pa de chos thams cad kyi mchog yin te/ mchog tu 'jug pas na rab tu 'jug ces bya ste/ 'jig rten pa'i chos thams cad bas kyang mchog tu gyur la nyan thos pa 'jig rten las 'das pa rnams kyi gnas gzhan du gyur pa bas kyang mchog tu gyur pa'i phyir ro//gnas mi 'jug ces bya ba la gnas ni gnas gzhan du gyur pa la bya ste/ kun nas nyon mongs pa'i rgyu rnam pa gsum la mi 'jug pas na gnas mi 'jug ces bya'o/ /kun nas nyon mongs pa'i rgyu rnam pa gsum ni yul nye bar gyur pa dang tshul bzhin ma yin pa la yid la byed pa dang /bag la nyal ma spangs pa'o/ /ldog dang zhes bya ba la/ gnas gzhan du gyur pa de kun nas nyon mongs pa rnams la yang mi 'jug /sdig pa mi dge ba rnams la yang mi 'jug ste/ bdag spyod pa la log pas na ldog pa zhes bya'o//kun la 'jug ces bya ba la/ dus kun du 'jug pas na kun 'jug ste/ lan cig gnas gzhan du gyur pa thob nas 'khor ba'i mtha'i bar du yang nyams par mi 'gyur ba'i phyir ro/ /yang na kun nas nyon mongs pa'i gnyen po'i chos kun la yang 'jug pas na kun 'jug ces bya'o//gnyis zhes bya ba la/ dang po nyid du mngon par byang chub pa ston pa la 'jug /mjug tu mya ngan las 'das pa ston pa la 'jug ste/ rnam pa gnyis ston pa la 'jug pas na gnyis 'jug ces bya'o/ /mi gnyis zhes bya ba la don du gnyis su mi 'jug ces bya ba'i don to//gnyis su mi 'jug pa ni 'khor bar yang mi 'jug /mya ngan las 'das par yang mi 'jug pa'i phyir ro/ /de la shes rab dang ldan pas 'dus byas kyi mtha' spangs pa'i phyir 'khor bar mi 'jug go/ /snying rjes 'dus ma byas spangs pas na mya ngan las 'das par yang mi 'jug go//mnyam dang zhes bya ba la/ nyon mongs pa thams cad spangs pa'i rnam par grol ba la ni nyan thos dang rang sangs rgyas dang sangs rgyas su tha dad pa med pas na mnyam du 'jug pa zhes bya'o/ /bye brag ces bya ba la/ shes bya'i sgrib pa spangs pa dang / stobs dang mi 'jigs pa la sogs pa'i yon tan rnams kyis ni nyan thos kyi gnas gzhan du gyur pa bas 'phags pas bye brag tu 'jug pa zhes bya'o/ /kun 'gro nyid ces bya ba la sogs sems can rnams la theg pa rnam pa gsum kun 'gro 'jug ces bya'o//de bzhin gshegs pa yongs su gyur pa 'dod/ /ces bya ba ni/ de bzhin gshegs pa'i gnas gzhan du gyur pa gong du bshad pa'i yon tan gyi bye brag dang ldan par 'dod do zhes bya ba'i don to/ /rab dang ldan pa'i phyir rgya cher 'jug pas na kun 'jug pa'o zhes bya ba la/zag pa med pa'i chos dang ldan pas rab dang ldan pa zhes bya ba'am/ nyon mongs pa'i gnyen po thams cad kyi chos dang ldan pas rab dang ldan pa zhes bya ste/ de bas na gnyen po'i chos thams cad la 'jug pa'i rgya cher 'jug pa zhes bya'o//tshigs su bcad pa bzhi pas ni snga ma'i phyed kyi sangs rgyas kyi rang bzhin kun du song ba'i don mdor bstan/ phyi ma'i phyed kyis ni don de nyid bzlas te rgya cher bshad pa'i sgo nas kun du 'gro ba'i don nam mkha' dang mthun pas sangs rgyas kyi rang bzhin kun du song ste khyab par ston te/de bas na/ ji ltar nam mkha' rtag tu kun song 'dod/ /de bzhin de yang rtag tu kun song 'dod/ /ces bya ba la sogs pa smos so/ /dper na nam mkha' 'di dus gsum du'ang bum pa dang snam bu la sogs pa dngos po kun du 'gro bar 'dod pa de bzhin du/chos kyi dbyings zag pa med pa de'ang sems can kun gyi sems kyi rgyud la yod pa dang khyab par 'dod de zhes bya ba'i don to/ /'dir ni kun du khyab pa'i don mdor bstan pa'o/ /ji ltar nam mkha' rtag tu kun song 'dod/ /ces bya ba'i don de nyid rgyas par bstan pa'i phyir/ji ltar nam mkha' gzugs yul kun du song / /zhes bya ba smos te/ dper na nam mkha' 'di gzugs kyi rnam pa ring po dang / thung ngu dang / dkar po dang / dmar po la sogs pa kun la khyab pa de bzhin du/ chos kyi dbyings kyis kyang kun la khyab bo zhes bya ba'i don to//de bzhin de yang rtag tu kun song 'dod/ /ces bya ba'i don de nyid rgya cher bstan pa'i phyir/ de bzhin de yang sems can tshogs kun song / /zhes bya ba smos te/ nam mkha' dang 'dra bar zag pa med pa'i chos kyi dbyings des kyang sems can thams cad kyi sems kyi rgyud la khyab bo zhes bya ba'i don to//sangs rgyas la sems can thams cad bdag nyid du nye bar 'gro ba yongs su rdzogs pa las rig par bya'o zhes bya ba la sems can gyi tshogs kun song ba zhes bya ba'i don to/ /sangs rgyas ni chos kyi dbyings kyi rang bzhin yin la/sa dang por chos kyi dbyings thams cad du 'gro ba'i mtshan nyid rtog pa na bdag dang sems can du sems mnyam pa nyid thob pa dang / bdag gang yin pa sems can yang de yin la/ sems can gang yin pa bdag kyang de yin no zhes khong du chud do//mnyam pa nyid khong du chud pa de sa bcu rim gyis bsgoms nas sangs rgyas kyi sa'i dus na sems can thams cad dang bdag nyid khong du chud pa yongs su rdzogs pa sems can gyi tshogs thams cad du song zhes bya'o/ /nye bar 'gro ba zhes bya ba'i don ni mnyam pa nyid du khong du chud ces bya ba'i don to//brgal ba/ gal te chos kyi dbyings de rtag tu yod la sems can kun la yang khyab na sems can rnams kyis ci'i phyir chos kyi dbyings ma rtogs shing sangs rgyas ma mthong ngo zhe na/ de'i lan du tshigs su bcad pa lnga pa rtsom ste/ tshigs su bcad pa lnga pa'i bsdus pa'i don ni chos kyi dbyings de thams cad du song yang snod du ma gyur pa'i sems can rnams kyis sangs rgyas mi mthong bar dpe dang bcas par ston te/ dpe bstan pa'i phyir/ ji ltar chu yi snod chag na/ /zla ba'i gzugs brnyan mi snang bzhin//zhes bya ba smos te/ dper na chu med pa'i snod du yang zla ba'i gzugs brnyan mi 'byung la snod chag pa'i nang du yang zla ba'i gzugs brnyan mi 'byung ste 'di ni dpe'o/ /don bstan pa'i phyir/ de bzhin sems can ngan pa la/ /sangs rgyas gzugs ni mi snang ngo //zhes bya ba smos te/ de dang 'dra bar sems can gang gi sems kyi rgyud chu'i snod dang 'dra ba la bsod nams dang ye shes kyi chus ma bkang ba dang / /'dod chags dang zhe sdang la sogs pa'i nyon mongs pa'i tshogs dang / sdig pa mi dge ba'i las byas pas sems kyi rgyud snod dang 'dra ba snod chag pa lta bur sems nyams par byas la/snod chag pa lta bu'i sems can ngan pas bdag la sangs rgyas kyi rang bzhin yod kyang mi mthong ngo zhes bya ba'i don to/ /tshigs su bcad pa drug pa'i bsdus pa'i don ni sangs rgyas mthong bar gyur pa'i bsod nams dang ye shes kyi tshogs 'di bsags pa/sangs rgyas kyis 'dul ba'i gdul bya yod na/ sangs rgyas 'jig rten du skye bas na de dag gis mthong bar 'gyur la/ sangs rgyas kyis gdul ba'i skal ba can rnams btul nas dka' ba med par gyur na mya ngan las 'da' bas de dag gis mi mthong ba dpe dang bcas par bstan pa'i phyir tshigs su bcad pa rtsom ste/dpe bstan pa'i phyir smras pa/ ji ltar me ni gzhan du 'bar/ /gzhan du yang ni zhi bar 'gyur/ /zhes bya ba smos te/ gzhan du na zhes bya ba ni/me dang shing yod pa'i gnas la snyegs te/ dper na me 'di dag gang na me dang shing yod pa'i gnas na ni 'bar gyi/ gnas gang na me dang shing med par ni mi 'bar bas gzhan du yang zhi bar 'gyur zhes te 'di ni dpe'o/ /don bstan pa'i phyir/ snang ba dang ni mi snang ba//sangs rgyas la yang de bzhin shes/ /zhes bya ba smos te/ dper na me shing yod pa'i gnas ni 'bar/ shing med pa'i gnas ni mi 'bar ba de bzhin du sangs rgyas kyang de dang 'dra bar shes par bya ste/ ji lta zhe na/ sems can gang gi sems kyi rgyud la bsod nams dang ye shes kyi tshogs kyi shing spungs pa de dag ni sangs rgyas kyis gdul bar bya ba'i sems can yin pas gnas der sangs rgyas mngon par sangs rgyas par ston pas sems can gyis mthong ba'i phyir snang ba zhes bya'o//sangs rgyas kyis gdul bar bya ba'i skal ba can rnams ni btul nas sangs rgyas mthong ba'i skal ba med na sangs rgyas yongs su mya ngan las 'da' bas na de dag gis mi mthong ba'i phyir mi snang ba zhes bya'o//sangs rgyas bya ba lhun gyis grub pas rgyun mi 'chad pa la tshigs su bcad pa bzhi ste zhes bya ba la/ zag pa med pa'i dbyings kyi mtshan nyid bshad nas/da ni sangs rgyas rnams kyi phrin las kyi mtshan nyid tshigs su bcad pa bzhi bstan to/ /de la 'phags pa nyan thos dag bdag gi don gyi las byed pa na yang 'di ltar bya'o snyam du sems na brtsams pa dang 'bad pa med pas na lhun gyis grub pa ma yin no//phung po lhag ma ma lus pa'i mya ngan las 'das pa'i dbyings su zhugs pas na/ bya ba thams cad rgyun chad pas na rgyun mi chad pa ma yin no/ /de bzhin gshegs pa'i phrin las de las khyad zhugs pa ste/ dgongs pa dang btsal ba dang 'bad pa med par 'gyur bas na lhun gyis grub pa'o//bdag dang sems can gyi don du 'khor ba'i mtha' dang sems can gyi mtha' bar du mdzad pas rgyun mi 'chad pa'o/ /de la tshigs su bcad pa dang po dang gnyis pa'i bsdus pa'i don ni rnga ma brdungs pa'i sgra dang / nor bu'i mthu dang mthun pas sangs rgyas kyi phrin las lhun gyis grub par mdzad pas de dpe bstan to//rnga'i dpe bstan pa'i phyir/ ji ltar rnga dag ma brdungs par/ /sgra ni kun du 'byung ba ltar/ /zhes bya ba smos te/ dper na sems can gyi bsod nams las byung ba'i rnga dang shing bu dang lag pas ma brdungs par yang 'dus byas thams cad ni mi rtag pa'o//zag pa dang bcas pa thams cad ni sdug bsngal ba'o/ /chos thams cad ni bdag med pa'o/ /zhi ba ni mya ngan las 'das pa'o zhes bya ba la sogs pa'i sgra 'byung ba ltar zhes bya ba'i don to/ /brgya byin lha'i dbang po'i gnas nas brgya byin gyi bsod nams las byung ba'i rnga ni de nam brgya byin 'dod pa lnga'i yon tan la 'jug pa na sus kyang ma brdungs par 'dod pa lnga la dga' bar 'gyur ba dang /rjes su mthun par sgra 'byung ngo / /nam brgya byin 'dod pa lnga'i yon tan la ldog par gyur pa na sus kyang ma brdungs par 'dod pa'i yon tan lnga las phyir ldog par 'dod pa dang rjes su mthun pa'i sgra 'byung ste/dpe dang 'dra bar zhes bya ba'i don to/ /don bstan pa'i phyir/ de bzhin rgyal ba zag med par/ /bshad pa dag ni 'byung bar 'gyur/ / zhes bya ba smos te/ dpe de dang 'dra bar de bzhin gshegs pa rnams zag pa med pa'i dbyings la bzhugs shing sems can gyi don du chos bshad pa rnam pa sna tshogs mdzad pa yang chos bshad par bya'o snyam dgongs pa mi mnga' zhing 'bad pa dang btsal ba med par yang lhun gyis grub pa nyid du chos bshad pa 'byung ngo zhes bya ba'i don to//lhun gyis grub par sems can gyi don mdzad pa nor bu'i dpe bstan pa'i phyir/ ji ltar nor bu 'bad med par/ /rang gi 'od ni bstan pa ltar/ /zhes bya ba smos te/ dper na nor bu rin po che la sogs pa nor bu rnams las 'od byung bas na nor bu 'di ltar bdag gis 'od 'byung bar bya'o snyam du bsam pa dang /'bad rtsol med par yang 'od snang ba de bzhin du zhes bya ba'i don to/ /don de bstan pa'i phyir/ de bzhin sangs rgyas rtog med par/ / mdzad pa dag ni rnam par ston/ /zhes bya ba smos te/ de dang 'dra bar de bzhin gshegs pa rnams sems can gyi don du sku dang gsung dang thugs kyi sprul pa ston pa na bdag gis sprul pa 'di lta bu dag bya'o snyam du dgongs pa dang / 'bad rtsol med par lhun gyis grub pa nyid du sku dang gsung dang thugs kyi sprul pa dag 'byung ba ston te/'dis ni sangs rgyas kyi bya ba lhun gyis grub par bstan to/ /tshigs su bcad pa gsum pa dang bzhi pas ni sangs rgyas kyi mdzad pa mi 'chad par nam mkha'i dpe bstan te/ dpe bstan pa'i phyir smras pa/ ji lta bur na nam mkha' la//'jig rten byed pa mi 'chad snang / /zhes bya ba smos te/ 'jig rten gyi byed pa ni 'gro ba dang 'dug pa dang nyal ba la sogs pa'o/ /dper na nam mkha'i dbyings de la kha cig tu ni 'jig rten 'gro bar snang / kha cig tu 'jig rten gnas par snang ba la sogs pa 'jig rten gyi bya ba rgyun mi 'chad par 'byung ngo zhes bya ba'i don to//don de bstan pa'i phyir smras pa/ de bzhin zag med dbyings na yang / /rgyal ba'i bye brag rgyun mi 'chad/ /ces bya ba smos te/ de dang 'dra bar de bzhin gshegs pa rnams zag pa med pa'i chos kyi dbyings rnam par dag pa la gnas na yang sems can gyi don du sku dang gsung dang thugs sprul pa'i phrin las rgyun mi 'chad par 'byung ngo zhes bya ba'i don to//nam mkha' la ni bya ba dag/ /rtag tu 'bri zhing mngon par 'byung / /zhes bya ba la/ dper na nam mkha'i dbyings 'di la sems can sems can ma yin pa'i bya ba rtag tu 'bri ba dang /rtag tu mngon par 'byung ste/ kha cig tu ni phyi'i dngos po nags tshal la sogs pa mes tshig cing med par gyur pa dang / nang gi dngos po sems can la sogs pa 'chi bar yang snang bas na 'bri bar 'byung ngo //nam mkha'i phyogs kha cig tu phyi'i dngos po nags la sogs pa skye ba dang / nang gi dngos po sems can dag kyang skye bas na mngon par snang ngo zhes bya ba'i don to/ /de bzhin zag med dbyings na yang / /sangs rgyas phrin las skye zhing 'bri/ /zhes bya ba la/ de 'dra bar de bzhin gshegs pa rnams zag pa med pa'i dbyings na bzhugs pa na/sangs rgyas kyi skye bar 'gyur ba yang snang / 'bri bar 'gyur ba yang snang ste/ ji ltar zhe na/ nam sems can skal ba yod pa'i dus na ni sprul pa'i skus mngon par sangs rgyas pa la sogs pa ston pas na skye bar snang ngo //skal ba med par gyur pa la mya ngan las 'das pas na 'bri bar yang snang ngo / /'dis ni sangs rgyas kyi mdzad pa mi snang bar 'chad pa bstan to/ /zag pa med pa'i dbyings zab pa'i tshigs su bcad pa bcu drug go zhes bya ba la/ sangs rgyas kyi phrin las lhun gyis grub pa dang rgyun mi 'chad par bstan nas/da zag pa med pa'i dbyings zab pa bstan pa'i phyir tshigs su bcad pa bcu drug rtsom mo zhes bya ba'i don to/ /de zag pa med pa'i dbyings zab pa yang rnam pa gsum ste/ mtshan nyid zab pa dang / gnas pa zab ba dang /las zab pa'o/ /mtshan nyid zab pa la yang rnam pa bzhi ste/ rnam par dag pa'i mtshan nyid dang / bdag gi mchog tu gyur pa'i mtshan nyid dang / /lung du ma bstan pa'i dngos po'i mtshan nyid dang / rnam par grol ba'i mtshan nyid do/ /snga ma phyi mar khyad med kyang //sgrib pa thams cad dri ma med/ /dag pa ma yin yang dag min/ /sangs rgyas de bzhin nyid du 'dod/ /ces bya bas rnam par dag pa'i mtshan nyid bstan te/ sngon kun nas nyon mongs pa'i rang bzhin yin pa las phyis lam bsgoms te/ dri ma med par gyur pa ni dag pa zhes bya'o/ /snga ma ni so so'i skye bo'i dus so/ /phyi ma ni mngon par sangs rgyas pa'i dus la bya ste/ sangs rgyas kyi chos kyi sku ni de bzhin nyid stong pa nyid kyi rang bzhin yin par 'dod de/ stong pa nyid ni so so'i skye bo'i dus na yang stong pa nyid dang rang bzhin gyis 'od gsal ba'i rang bzhin yin/phyi ma ste mngon par sangs rgyas pa'i dus na yang stong pa dang rang bzhin gyis 'od gsal ba'i rang bzhin yin pas dag pa'i rang bzhin du khyad par med de de la sbyang du med pas na dag pa med pa yin no/ / 'on kyang mngon par rdzogs par sangs rgyas pa'i dus na lam bsgoms pa'i mthus nyon mongs pa'i sgrib pa dang / shes bya'i sgrib pa glo bur gyi dri ma med par gyur te/ phyis dag par 'gyur bas na ma dag par yang ma yin no zhes bya ba'i don to/ /tshigs su bcad pa gnyis pas ni zag pa med pa'i dbyings na sangs rgyas rnams bdag gi mchog tu gyur pa ston te/ci'i phyir bdag gi mchog tu gyur to zhe na/ de'i phyir/ bdag med pa'i mchog thob pa'i phyir zhes bya ba smos te/ bdag med pa'i mchog ni gang zag la bdag med pa dang / /chos la bdag med pa ste/ zag pa med pa'i dbyings na sangs rgyas rnams bdag med pa gnyis kyi mchog gi bdag nyid dang /rang bzhin du gyur pas na bdag gi mchog tu gyur par rnam par gzhag go/ /de la bdag ces bya ba'i sgra 'di ni skabs kha cig tu mu stegs pas yongs su brtags pa'i bdag nyid la yang bya bar 'dren te/'di ltar bdag dang sems can dang srog ces bya ba la sogs pa'o/ /bdag ces bya ba'i sgra 'di ni skabs kha cig tu chos kyi rang bzhin la yang bya bar 'dren te/ me ni dro ba'i mtshan nyid ces bya ste/ dro ba'i rang bzhin zhes bya ba'i don to/ /sa sra ba'i bdag nyid ces bya ba bshad na/sra ba'i rang bzhin zhes bya ba'i don to/ /'di'i skabs bdag ces bya ba'i sgra rang bzhin gyi don du drang ste/ sangs rgyas rnams ni bdag med pa'i rang bzhin du gyur pas bdag gi mchog thob pa zhes bya'o/ /de la bdag med pa'i mchog gang yin zhe na/de'i phyir/ stong pa nyid ni rnam par dag pa zhes bya ba smos te/ nam gang zag med pa'i stong pa dang / chos dngos po med pa'i stong pa gzung 'dzin gyi dri ma las dag par gyur te/ stong pa dag par de thob na bdag med pa'i mchog thob pa zhes bya'o/ /don de nyid bstan pa'i phyir/ sangs rgyas dag pa'i bdag thob pas/ /bdag nyid chen po bdag tu gyur/ /ces bya ba smos te/ zag pa med pa'i dbyings na stong pa nyid rnam par dag pa thob nas/ sangs rgyas rnams kyis bdag med pa'i mchog thob par gyur pas/ de'i tshe na sangs rgyas rnams bdag nyid chen po'i bdag nyid du gyur pa zhes bya'o//de ltar bdag nyid chen po'i bdag tu gyur pas na zag pa med pa'i dbyings las bdag gi mchog tu gyur par rnam par gzhag ste/ 'dis ni bdag gi mchog gi mtshan nyid bstan to/ /bdag gi dpe med pa'i mchog gi bdag nyid kyi phyir ro zhes bya ba la gang zag la bdag med pa dang chos la bdag med pa gnyis ni bdag med pa'i chos mchog ces bya'o//de'ang nam gzung 'dzin gyi dri ma las dag par gyur na bdag med pa'i mchog tu gzhag go zhes bya ba'i don to/ /de yang ngo bo nyid kyi don du sangs rgyas rnams kyi bdag go zhes bya ba'i don to/ /bdag gi mchog thob bdag med pa'i//zhes bya ba'i bdag gi sgra ni 'di'i skabs su ngo bo nyid kyi don la bya ste/ sangs rgyas rnams bdag med pa'i ngo bo nyid du gyur pas bdag gi mchog thob pa yin no zhes bya ba'i don to/ /de rnam par dag pas bdag med pa'i bdag gi mchog dag pa/ sangs rgyas rnams kyis thob par 'gyur//zhes bya ba la/ zag pa med pa'i dbyings na bdag med pa gnyis rnam par bdag nyid du sangs rgyas rnams gyur pas na bdag med pa'i bdag gi mchog dam pa sangs rgyas kyis thob bo zhes bya ba'i don to/ /da sangs rgyas shi nas 'byung bar 'gyur ram sangs rgyas shi nas 'byung bar mi 'gyur ro zhes dri ba la lung bstan du med par bstan pa'i phyir/dngos min dngos po med min te/ /zhes bya ba la sogs pa tshigs su bcad pa gsum pa smos te/ de la zag pa med pa'i dbyings nas sangs rgyas rnams ni dngos po yod pa yang ma yin dngos po med pa yang ma yin te/ ci'i phyir zhe na/sangs rgyas ni chos kyi sku yin la/ chos kyi sku ni stong pa nyid yin pas stong pa nyid la ni kun du brtags pa'i gang zag gi dngos po yang med/ kun du brtags pa'i chos kyi dngos po yang med pa'i phyir dngos po yod pa ma yin pa'o/ /yongs su grub pa'i rang bzhin ni yod pa ma yin la/kun brtags kyi chos dang gang zag gi ri bong gi rwa bzhin du med pas na de'i tshe na yod par mi gzhag go/ /dngos po med pa yang ma yin te/ de bzhin nyid yongs su grub pa'i mtshan nyid de'i tshe yod pa'i phyir ro/ /de'i phyir sangs rgyas nyid ces brjod/ /zhes bya ba la gong du bshad pa ltar na sangs rgyas de dngos po yod pa yang ma yin pa dngos po med pa yang ma yin par brjod do zhes bya ba'i don to//de'i phyir sangs rgyas de bzhin 'dri/ /lung du mi bstan tshul du rig /ces bya ba la/ de ltar sangs rgyas yod pa yang ma yin med pa yang ma yin pas sangs rgyas shi nas 'byung bar 'gyur ram/sangs rgyas shi nas mi 'byung ngo zhes 'dri ba la/ sangs rgyas shi nas 'byung bar 'gyur ba yin/ sangs rgyas shi nas mi 'byung bar 'gyur ba yang ma yin zhes lung du mi bstan pa'i tshul du rig par bya'o/ /ji lta zhe na/ sangs rgyas shi nas 'byung bar 'gyur ba ma yin te/kun brtags kyi bdag dang / chos kyi mtshan nyid du mi 'byung ba'i phyir ro/ /sangs rgyas shi nas 'byung bar 'gyur ba yang ma yin te/ yongs su grub pa'i mtshan nyid du 'byung ba'i phyir ro/ /'dis ni lung du ma bstan pa'i nyon mongs pa'i mtshan nyid du bstan to/ /ji ltar mig la rab rib dang //lcags la tsha ba zhi ba ltar/ /sangs rgyas sems dang shes rab la/ /yod dang med pa mi brjod do/ /zhes bya ba la/ dper na mig la rab rib zhi ba de yod pa/ /zhes kyang mi brjod/ med pa zhes kyang mi brjod/ ji ltar yod pa zhes kyang mi brjod ce na/ rab rib zhi ba dang med pa dang 'gag par gyur pa de rab rib kyi dngos por gyur pa ma yin pa'i phyir te/dper na rims nad kyi tsha ba dang bral na/ nam bral ba'i dus na rkang lag na bar byed pa'i tsha ba de'i dus na med pa'i phyir ro/ /med pa zhes kyang brjod de/ gang gi phyir mig dag pa yod pas mig gi las gzugs la blta ba'i bya ba byed pa'i phyir te/gal te de'i tshe thams cad du med par gyur na ni rab rib bzhin du mig kyang med par gyur pas mig gi bya ba gzugs la blta ba la sogs pa'i bya ba byed mi nus par 'gyur ro/ /de yang rims nad byang ba dang 'dra ste/ rims nad byang ba ni rims kyi tsha ba med kyang tsha ba dang bral ba'i lus bde ba phyi na yod pa bzhin no//de bzhin du lcags la tsha ba zhi ba yang yod pa zhes kyang mi brjod/ med pa zhes kyang mi brjod de/ ci'i phyir yod pa ces mi brjod ce na/ lcags bsil bar gyur pa na tsha ba'i dngos po med pa'i phyir te/ rims kyi tsha ba med pa bzhin no/ /med pa zhes kyang mi brjod de/lcags kyi bsil ba phyi na yod pas gang gi phyir bya ba rnam pa sna tshogs byed pa'i phyir ro/ /gal te de'i tshe thams cad du med par gyur na ni lcags kyang med par gyur pas lcags kyi bya ba byed pa yang med par mi 'gyur te/ de yang rims med kyang rims dang bral ba'i lus bde ba phyi na yod pa bzhin no//de bzhin du sangs rgyas kyi sems lcags dang 'dra ba la/ 'dod chags kyi me tsha ba dang 'dra ba zhi ba dang / sangs rgyas kyi ye shes mig dang 'dra ba yang ma rig pa rab rib dang 'dra ba zhi ba ni yod pa zhes kyang mi brjod/ med pa zhes kyang mi brjod do/ / ci'i phyir yod pa zhes kyang mi brjod ce na/ nam sems rnam par grol ba dang / shes rab rnam par grol ba'i dus na 'dod chags kyi tsha ba dang / ma rig pa'i rab rib med pa'i phyir ro/ /med pa zhes kyang mi brjod de/ sems rnam par grol ba dang / shes rab rnam par grol ba phyin yod pa'i phyir ro//de la 'dod chags dang bral na ni sems rnam par grol bar 'gyur te/ mya ngan las 'das pa thob ces bya ba'i don to/ /ma rig pa dang bral na ni shes rab rnam par grol bar 'gyur te/ thams cad mkhyen pa'i ye shes thob ces bya ba'i don to/ /de med pas skyed pa yin pa'i phyir ro/ /med pa ma yin pa ste zhes bya ba la/'dod chags med pa las byung ba ni sems rnam par grol ba ma rig pa med pa las byung ba ni shes rab rnam par grol ba ste/ de gnyis dang bral ba'i bde ba'i mtshan nyid ni med pa ma yin no zhes bya ba'i don to/ /de la rnam par grol ba'i mtshan nyid ni 'di lta ste/ mthong ba dang bsgom pas spang bar bya ba'i nyon mongs pa dang bral ba ni sems rnam par grol ba'o/ /rnam par grol ba la rnam par grol ba nyid du yang dag pa ji lta ba bzhin du shes pa ni shes rab rnam par grol ba'o/ /'dis ni rnam par grol ba'i mtshan nyid bstan to/ /de la 'di yan chad zab pa bstan pa la mtshan nyid zab pa la tshigs su bcad pa bzhis bstan te/'di yan chad kyi tshigs su bcad pa gsum gyis ni de bzhin gnas gzhan du gyur pa bstan to/ /ji ltar mig la rab rib dang / /zhes bya ba'i tshigs bcad gcig gis ni gnas ngan len gyi lam gnas bzhin du gyur pa bstan te/sems gnas gzhan du gyur te zhes bya ba'i don to/ /de la de bzhin gshegs pa rnams zag pa med pa'i dbyings la bzhugs pa'i tshe/ sku gcig pa zhes bya ba'am/ tha dad pa zhes bya zhe na/ de'i phyir/ sangs rgyas rnams kyi dri med dbyings/ /gcig min rnam mang ma yin te//zhes bya ba la tshigs su bcad pa gcig smos so/ /de bzhin gshegs pa rnams zag pa med pa'i dbyings chos kyi dbyings la bzhugs pa'i dus la sku gcig pa zhes kyang mi bya/ sku rnam pa mang ba ste tha dad pa du ma zhes kyang mi bya'o zhes bya ba'i don to/ /ji ltar tha dad pa zhes kyang mi bya zhe na/de'i phyir/ nam mkha' lta bur lus med cing / /zhes bya ba smos te/ gang la lus med pa dang / bdag tu 'dzin pa med pa de dag la ni lus tha dad pa gzhag par mi nus kyi/ gang la lus yod pa dang / bdag tu 'dzin pa yod pa de la ni lha sbyin gyi lus 'di ni mchod sbyin gyi lus tha dad par gzhag par nus so//dper na nam mkha' lus med pa la bdag tu 'dzin pa med pas nam mkha' la tha dad par gzhag par mi nus pa de bzhin du chos kyi dbyings la bzhugs pa'i dus na yang de bzhin gshegs pa'i chos kyi sku la lus med pa dang / bdag tu 'dzin pa med pas na tha dad pa du mar gzhag ste/ thams cad chos kyi dbyings kyi mtshan nyid du ro gcig par gnas pa'i phyir ro/ /ji ltar gcig pa ma yin zhe na/ de'i phyir/ sngon gyi lus rjes su 'brang ba'i phyir zhes bya ba smos te/ chos kyi dbyings la bzhugs pa'i tshe na sku rnam pa du mar gzhag pa med mod kyi/ mos pas spyod pa'i sa nas sa bcu dag la/byang chub sems dpa'i spyod pa la 'jug cing spyod pa na byang chub sems dpa'i so so'i sku du ma yod pas na sku gcig pa kho nar yang mi gzhag go/ /'dis ni gnas pa zab pa bstan te/ gcig dang du ma ma yin pa'i mtshan nyid du gnas pa'i phyir ro/ /las zab pa ni byang chub kyi phyogs la sogs pa rin po che'i gnas kyi las dang /sems can yongs su smin par byed pa'i las dang / mthar thug par 'gro ba'i las dang / chos bstan pa'i las dang / sprul pa la sogs pa zhes bya ba'i las dang / ye shes 'jug pa'i las dang / rnam par mi rtog pa'i las dang / sna tshogs kyi rnam pa'i ye shes kyi las dang /ye shes mi 'jug pa'i las dang / rnam par grol ba mtshungs pa la ye shes kyi bye brag gi las dang / las de rnams bstan te/ stobs sogs sangs rgyas chos rnams kyis/ /byang chub rin chen 'byung gnas 'dra/ /zhes bya ba la/ nyon mongs pa dang shes bya'i sgrib pa spangs nas/mngon par byang chub pa ni rin po che'i 'byung gnas dang 'dra ste/ ji ltar zhe na/ dper na rin po che'i 'byung gnas nas/ rin po che rnam pa sna tshogs 'byung ba de bzhin du/ mngon par byang chub pa las kyang stobs dang mi 'jigs pa dang / ma 'dres pa dang / byang chub kyi phyogs kyi chos rin po che 'byung ba'i phyir te/'di ni byang chub kyi phyogs la sogs pa rin po che'i gnas kyi las bstan to/ /'gro ba'i dge ba'i lo tog gi/ /sprin chen dang yang 'dra bar rig /ces bya ba la/ sprin chen po las char bab nas 'bru rnam pa sna tshogs smin par byed pa de bzhin du sems can rnams kyi sems kyi rgyud la pha rol tu phyin pa rnams kyis dge ba'i lo tog skye ba'i rgyu byed pas na/zag pa med pa'i dbyings ni sprin chen po dang 'dra bar rig par bya ste/ 'dis ni sems can yongs su smin pa'i las bstan to/ /bsod nams ye shes rab rdzogs pas/ /zla ba nya ba 'dra bar rig ces bya ba la/zla ba nya ba'i dus na/ zla ba cha shas rdzogs pas da rdzogs par bya ba cung zad kyang med de/ rnam pa thams cad du rdzogs pa de bzhin du mngon par sangs rgyas pa'i dus na yang bsod nams dang ye shes kyi tshogs ma rdzogs pa cung zad kyang med de/ bsod nams kyi tshogs thams cad rdzogs ye shes kyi tshogs thams cad rdzogs pas zla ba nya ba dang 'dra ste/'dis ni mthar 'gro ba'i las bstan to/ /ye shes snang ba byed pa'i phyir/ /nyi ma chen po 'dra bar rig /ces bya ba la/ de la nyi ma la ni che chung med de/ thams cad kyang gling bzhi snang ba tsam du zad do/ /de la nyi ma chen po zhes bya ba yang ni yod par mi srid mod kyi/'on kyang sgro btags nas thams cad du byas te/ gang stong gsum gyi stong chen po'i 'jig rten gyi khams thams cad du snang bar byed pa la nyi ma chen po zhes bya ba ste/ dper na nyi ma chen pos stong gsum kun du snang bar byed pa de bzhin du/ de bzhin gshegs pa rnams kyi ye shes las kyang dam pa'i chos bshad pa'i 'od zer byung nas phyogs bcu'i sems can thams cad kyi sems kyi rgyud la snang bar byed pas na nyi ma chen po dang 'dra ste/'dis ni chos bstan pa'i las bshad do/ /nyi ma'i dkyil 'khor 'od zer ni/ /zhes bya ba la/ nyi ma'i dkyil 'khor las byung ba'i 'od zer la nyi ma'i dkyil 'khor gyi 'od zer zhes bya ba ste/'od zer rnam pa gnyis su 'jug ste/ 'dres pa gcig tu 'jug pa dang bya ba gcig tu 'jug pa'o zhes bya ba'i don to/ /'dres pa tshad med pa de bzhin du zhes bya bas 'dres pa gcig tu 'jug pa bstan te/ 'dres pa gcig ces bya ba'i don to/ /'od zer de dag dang po yang nyi ma'i dkyil 'khor las byung ba la/ byung ba'i tshe na yang dus gcig tu byung zhing tha dad pa mi 'dra ba med par 'byung la/ rten kyang nyi ma'i dkyil 'khor la brten cing 'od zer thams cad snang bar byed par 'od zer gcig gis snang ba'i las byas pa na 'od zer tshad med pa gzhan thams cad kyi snang ba'i las kyang 'od zer gcig po des byas pa yin te/'dres pa'i las byas pa'i don ni de'o/ /rtag tu bya ba gcig 'jug cing / /zhes bya ba la/ bya ba gcig tu 'jug par bstan te/ bya ba gcig tu 'jug pa'i don ni 'od zer gcig gis 'dam la sogs pa skems par byed pa dang /lo tog la sogs pa smin par byed pa'i las byed pa de bzhin du/ 'od zer gnyis pa dang gsum pa la sogs pa yang gzhan mi byed kyi/ skems pa dang smin par byed pa'i las byed par zad pas na bya ba gcig go/ /de bzhin zag pa med dbyings na/ / zhes bya ba la/ de dang 'dra bar sangs rgyas bcom ldan 'das rnams ni zag pa med pa'i dbyings na bzhugs pa'i tshe na yang de bzhin gshegs pa rnams 'dres pa gcig tu 'jug pa dang / bya ba gcig tu 'jug go zhes bya ba'i don to/ /sangs rgyas rnams kyi tshad med 'dres pa gcig tu 'jug pa ston te/de bzhin du de bzhin gshegs pa'i phrin las ni tshad med pa mdzad na yang nam yang de bzhin gshegs pa gcig gis sems can gcig yongs su smin par mdzad pa na chos kyi sku la tha dad pa med de/ chos kyi sku rang bzhin gcig pas na/ de'i tshe de bzhin gshegs pa thams cad kyis kyang sems can yongs su smin par mdzad pa yin te/'di ni 'dres pa gcig pa'i don to/ /bya ba dag la byed gcig cing / /zhes bya bas byed pa gcig pa'i don bstan to/ /byed pa gcig pa ni ji ltar de bzhin gshegs pa gcig gis sprul pa mdzad cing sems can gyi sems kyi rgyud la nyon mongs pa 'dam dang 'dra ba skems par byed pa dang /dge ba'i lo tog smin par mdzad pa de bzhin du de bzhin gshegs pa gzhan gyis kyang phrin las de kho na mdzad par zad kyi phrin las gzhan ma mdzad pas na bya ba gcig go/ /ye shes snang ba byed par 'dod/ /ces bya ba la/ji ltar nyi ma'i 'od zer gcig gis 'jig rten gyi khams snang bar bya ba kun du byed pa de bzhin du 'od zer gnyis pa la sogs pas kyang gcig gis khyab pa'i gnas kun du khyab cing snang bar byed pa de dang 'dra bar de bzhin gshegs pa gcig gi ye shes kyis shes bya kun la khyab cing snang ba dang / sprul pa'i las kyis sems can yongs su smin par byed pa de bzhin du/ de bzhin gshegs pa gzhan gyis kyang ye shes bya kun la snang zhing khyab par byed la/ sprul pas sems can smin par byed la yongs su smin par byed do zhes bya ba'i don to/ /'dis ni sprul pa la sogs pa'i bya ba'i las bstan to//nyi ma'i 'od zer gcig byung na/ /'od zer thams cad 'byung ba bzhin/ /zhes bya ba la/ dper na nyi ma'i 'od zer gcig 'byung ba'i dus na 'od zer gzhan ma byung yang ma yin pa dang / snga phyir byung ba yang ma yin gyi/ thams cad dus gcig tu 'byung ba de bzhin du zhes bya ba'i don to//de bzhin sangs rgyas rnams kyi yang / /ye shes 'byung bar shes par bya/ /zhes bya ba la/ de dang 'dra bar sangs rgyas kyi ye shes shes bya la 'jug pa na shes bya kha cig ni mkhyen kha cig ni mi mkhyen ce'am/ kha cig ni sngar mkhyen kha cig ni phyis mkhyen zhes bya ba med par dus gcig tu phung po dang khams la sogs pa'i shes bya rnam pa sna tshogs ma lus pa mkhyen to zhes bya ba'i don to//'dis ni ye shes 'jug pa'i las bstan to/ /ji ltar nyi ma'i 'od zer ni/ /'jug pa bdag gir bya ba med/ /ces bya ba la/ dper na nyi ma'i 'od zer 'dis snang bar bya ba'i gnas sems can dang gling dag tu snang bar byed pa la 'jug cing /gnas 'di dag tu ni bdag gis snang bar bya/ 'di dag tu ni mi bya zhes rtog pa dang / 'od zer de dag ni bdag gi 'od zer yin te/ 'od zer 'dis kun du snang bar bya'o snyam du mi rtog go zhes bya ba'i don to/ / de bzhin sangs rgyas ye shes kyang / /'jug pa bdag gir bya ba med/ /ces bya ba la/ de bzhin du gang zag dang chos la bdag med par thugs su chud nas nyon mongs pa dang / shes bya'i sgrib pa spangs pa'i me long lta bu'i ye shes la sogs pa ye shes bzhis sems can rnams la phan pa dang /bde ba dag la 'jug pa nang dang bdag tu rtog pa med do zhes bya ba'i don to/ /'dis ni rnam par mi rtog pa'i las bstan to/ /nyi ma'i 'od zer gcig btang bas/ /ji ltar 'jig rten snang byed bzhin/ /zhes bya ba la/ nyi ma'i 'od zer stong dang ldan par 'dod de/ de las kyang 'od gcig gis 'jig rten gyi khams dang gling thams cad du snang bar byed do zhes bya ba'i don to//de bzhin shes bya thams cad la/ /sangs rgyas ye shes cig car snang / /zhes bya ba la/ dper na me long gi dkyil 'khor du de dang nye ba'i gzugs rnams ji snyed yod pa thams cad dus gcig tu snang ba de bzhin du shes par bya ba'i chos phung po dang khams la sogs pa ji snyed yod pa thams cad la ye shes cig car 'jug ste/thogs pa med par dus gcig tu thams cad thugs su chud ces bya ba'i don to/ /'dis ni sna tshogs kyi rnam pa ye shes kyi las bstan to/ /ji ltar nyi ma'i 'od zer la/ / sprin la sogs pas bsgrib par 'dod/ /zhes bya ba la/ dper na nyi ma'i 'od zer kun du snang ba bkye yang / sprin dang khang khyim dang skyabs la sogs pas bsgribs na 'od zer mi snang ste/ nyi ma'i 'od zer gyis bsgribs te mi snang bar byas pa ni ma yin no zhes bya ba'i don to/ /de bzhin sangs rgyas ye shes la//sgrib pa sems can nyes ldan pas/ /zhes bya ba la/ de dang 'dra bar sangs rgyas bcom ldan 'das rnams kyis sems can gyi don du ye shes kyi 'od zer kun du btang yang sems can gyis sprul pa'i sku la sogs pa mi mthong ba ni sems can rnams kyi rgyud la snod du mi 'gyur ba'i sgrib pa rtog pa lnga la sogs pa'i nyes pa dang ldan pas na ma mthong ngo zhes bya ba'i don to//'dis ni ye shes mi 'jug pa'i las bstan to/ /ji ltar mdud pa'i dbang gis na/ /gos la mtshon bkra ri mo bzhin/ /zhes bya ba la/ dper na gos dkar po'i mtshan nyid rang bzhin gcig kyang mdud pa bor nas tshon du bcos na gang du mdud pa ma bor bar ni tshon gyis zhen la/gang du mdud pa bor bar ri mo bkra ba de bzhin du zhes bya ba'i don to/ /de bzhin 'phen pa'i dbang gis ni/ /grol ba'i ye shes ri mo bkra/ /zhes bya ba la/ de dang 'dra ba'i zag pa med pa'i dbyings stong pa nyid du ro gcig mod kyi/sngon byang chub sems dpa'i dus na smon lam btab pa dang / bsod nams dang ye shes kyi tshogs bsags pa'i shugs kyis na de bzhin gshegs pa rnams kyi rnam par grol ba'i ye shes ri mo bkra ste/ ye shes rnam pa bzhi mnga' ba dang / ye shes des kyang shes bya thams cad thugs su chud pa dang /sku dang gsung dang thugs sprul pa la sogs pa rnam pa sna tshogs 'byung ba'i phyir te/ 'dis ni rnam par grol ba mtshungs pa la ye shes kyi bye brag gi las bstan to/ /ji lta zhe na/ nyon mongs pa spangs pa'i mtshan nyid du ni nyan thos dang /rang sangs rgyas dang / de bzhin gshegs pa 'dra mod kyi nyan thos la sogs pas shes bya'i sgrib pa ma spangs pa dang / bsod nams dang ye shes kyi tshogs chen po ma bsags pas ye shes bzhi dang / sprul pa rnam pa sna tshogs 'gyed par mi nus pas na rnam par grol ba bkra ba ma yin no//zag pa med pa'i dbyings ni zab pa rgya che bar bshad nas/ don de nyid bsdus te bstan pa'i phyir/ dri med dbyings kyang zab pa ni/ /mtshan dang gnas dang las rnams dang / /sangs rgyas rnams kyis de bshad pa/ /tshon gyis nam mkhar ri mo 'dri//zhes bya ba smos te/ dri ma med pa'i dbyings ni zag pa med pa'i dbyings so/ /zag pa med pa'i dbyings de ni gzung 'dzin gyi spros pa thams cad las 'das pas na nam mkha' ltar zab pa ste/ de yang zab pa rnam pa gsum mo/ /gang zhe na/ mtshan nyid zab pa dang /gnas zab pa dang / las zab pa'o/ /de gsum sangs rgyas kyis bshad pa ni tshon gyis nam mkha' la ri mo 'dri ba dang 'dra ste/ dper na skyes bu la la zhig gis tshon gyis nam mkha' la ri mo 'dri bar byed na de ni shin tu dka' ba spyod pa yin no/ /'on kyang skyes bu mkhas pa des tshon gyis nam mkha' la ri mo 'dri bar byed do//de ni shin tu ngo mtshar du bya'o/ /de dang 'dra bar zag pa med pa'i dbyings ni 'phags pa rnams kyi ye shes kyis so so rang gis rig par bya ba'i chos yin te/ tshig tu brjod pa mi nus na de bzhin gshegs pa rnams kyis mtshan nyid zab pa dang /gnas zab pa dang / las zab pa'i sgo nas tshigs su bcad pa ni kun du dka' bar spyod pa ste/ ngo mtshar du bya ba yin no/ /zhes bya ba'i don to/ /spros pa med pa'i phyir zhes bya ba ni gzung ba dang 'dzin pa gnyis med pa'i phyir zhes bya ba'i don to/ /chos kyi dbyings de sems can la yod par bstan pa'i phyir/thams cad bye brag med par zhes bya ba la sogs pa tshigs su bcad pa gcig smos so/ /de bzhin nyid ni gang zag dang chos la bdag med pa'i rang bzhin yin te/ bdag med pa gnyis kyis ni dngos po kun la khyab po/ /de las kyang so so'i skye bo rnams la yod pa'i gang zag dang chos la bdag med pa dang /'phags pa rnams la yod pa'i gang zag dang chos la bdag med pa gnyis su tha dad pa med pas na bye brag med pa zhes bya'o/ /de bzhin nyid ni dag gyur pas/ /de bzhin gshegs pa zhes bya ba la/ de bzhin nyid ni kun la yod mod kyi/nam bdag med pa gnyis nyon mongs pa dang shes bya'i sgrib pa glo bur dang bral te/ dag par gyur pa de ni de bzhin gshegs pa zhes bya'o zhes bya ba'i don to/ /de'i phyir/ de yi stong pa lus can kun/ /zhes bya ba la/ de ltar de bzhin nyid sems can la yod pas na de'i phyir sems can thams cad ni de bzhin gshegs pa'i snying po can yin no zhes bya ba'i don to//'byor pa rnam par dbye ba tshigs su bcad pa bcu gcig go zhes bya ba la/ zag pa med pa'i dbyings zab pa bshad nas/ da tshigs su bcad pa bcu gcig gis zag pa med pa'i dbyings de 'byor pa dang /bde ba dang / skyid pa dang longs spyod phun sum tshogs pa lnga pa dang ldan par ston to zhes bya ba'i don to/ /nyan thos rnams kyi 'byor pas ni/ /'jig rten pa yi zil gyis gnon/ /ces bya ba la sogs pa tshigs su bcad pa gnyis kyi bsdus pa'i don ni zag pa med pa'i dbyings na mthu'i mchog gi khyad par ldan pas sangs rgyas rnams kyi 'byor pa'i khyad bstan pa yin te/nyan thos rnams kyi bsod nams dang ye shes kyi tshogs dang / mngon par shes pa rnams kyis ni 'jig rten pa'i bsod nams dang / ye shes kyi tshogs dang /drang srong gi mngon par shes pa la sogs pa 'byor pa zil gyis gnon te/ ci'i phyir zhe na/ 'jig rten pa'i 'byor pa bas ni nyan thos kyi 'byor pa khyad zhugs zhing rgya che ba'i phyir ro/ /rang sangs rgyas kyi sa yis ni/ /nyan thos kyi ni zil gyis gnon/ /ces bya ba la/ rang sangs rgyas kyi sa'i bsod nams dang ye shes kyi tshogs dang /mngon par shes pa la sogs pa'i yon tan gyis nyan thos kyi 'byor pa zil gyis gnon te/ de bas 'phags shing rgya che ba'i phyir ro/ /byang chub sems dpa'i 'byor pa yi/ /de yi char yang nyer mi 'gro/ /zhes bya ba la/ byang chub sems dpa' rnams kyi bsod nams dang ye shes kyi tshogs dang /mngon par shes pa la sogs pa'i yon tan gyi thad nas sangs rgyas kyi yon tan brgya'i cha stong gi cha/ bye ba'i char yang mi 'gro zhes bya bas na/ grangs dang bgrang ba dang / dpe la sogs par yang mi rung ngo zhes bya ba'i don to//de bzhin gshegs pa'i 'byor pa yi/ /de yi char yang nyer mi 'gro/ /zhes bya ba la/ de bzhin gshegs pa rnams kyi bsod nams dang ye shes kyi tshogs dang / mngon par shes pa dang / stobs dang mi 'jigs pa la sogs pa'i yon tan gyi thad nas byang chub sems dpa'i 'byor pa dang /yon tan brgya'i cha dang / stong dang / bye ba'i char yang nye bar mi 'gro zhes bya ba'i don to/ /sa bcu'i sa bcu pa las kyang / kye rgyal ba'i sras byang chub sems dpa' rnams kyi spyod pa'i yul dang byin gyi rlabs 'di yang de ltar tshad med pa de bzhin gshegs pa rnams kyi spyod yul dang yul 'jug pa ci 'dra/byang chub sems dpa' rdo rje snying pos smras pa/ kye rgyal ba'i sras 'di lta ste/ dper na mi la la zhig gis 'jig rten gling bzhi pa'i 'jig rten gyi khams nas rde'u rgya shug gi tshi gu tsam gnyis sam gsum blangs te/ 'di skad du/'jig rten gyi khams mtha' yas pa dag na sa'i khams ji snyed cig yod/ rde'u 'di las ji tsam zhig gis lhag par 'phags shing lhag par tshad med ces zer ba zhig yod na/ kye rgyal ba'i sras de ltar khyod de bzhin gshegs pa dgra bcom pa yang dag par rdzogs pa'i ye shes tshad med pa mnga' ba rnams kyi chos nyid la byang chub sems dpa'i chos nyid kyis 'jal ba ni khyod kyis tshig 'di dang 'dra bar bdag gi dpags so zhes bya ba la sogs pa gsungs so//tshigs su bcad pa gsum pa'i bsdus pa'i don ni rnam par rab tu dbye ba'i khyad par dang / zab pa'i khyad par nyid kyis sangs rgyas kyi 'byor pa tshad med pa dang /bsam gyis mi khyab par ston te/ rab tu dbye ba'i khyad par gyis na tshad med pa zhes bya ste/ tshig gi sgo nas de bzhin gshegs pa'i 'byor pa la grangs kyis 'di snyed cig yod ces bcad par mi nus pas na tshad med pa zhes bya'o/ /zab pa'i khyad par gyis na bsam gyis mi khyab pa'o zhes bya ste/de bzhin gshegs pa'i 'byor pa ni nyan thos dang rang sangs rgyas la sogs pa'i sems kyi spyod yul las 'das pa'i phyir ro/ /sangs rgyas rnams kyi 'byor ba ni/ /bsam yas dpag tu med par 'dod/ /ces bya ba la/ de bzhin gshegs pa rnams kyi 'byor pa dang longs spyod ni bsam gyis mi khyab par 'dod pa dang /dpag tu med par 'dod de zhes bya ba'i don to/ /ji ltar zhe na/ 'byor pa zab pas nyan thos dang rang sangs rgyas kyi sems kyi yul las 'das pas na bsam gyis mi khyab pa'o/ /rab tu dbye ba mtha' yas te//grangs kyis 'di snyed cig yod do/ /zhes tshig gis bcad par mi nus pas na dpag tu med pa'o/ /ji ltar tshad med pa dang / ji ltar na bsam gyis mi khyab pa yin zhe na/ de'i phyir/ gang gis gang du ji lta dang / /ji tsam gang du 'jug pa'o/ /zhes bya ba smos te/ gang zag gi don du 'jug pa nyid kyang tshad med cing bsam gyis mi khyab ste/gang zag gcig gnyis kyi don du zhugs pa ma yin gyi sems can tshad med pa'i don du zhugs pa'i phyir ro/ /gang du 'jug pa yang bsam yas shing dpag tu med de/ 'jig rten gyi khams gnyis su med pa'i sems can gyi don la zhugs pa ma yin gyi/'jig rten gyi khams dpag tu med par zhugs pa'i phyir ro/ /ji ltar zhugs pa yang bsam yas shing dpag tu med de/ rnam pa'am thabs sam rgyu gcig gnyis kyis 'byor pa bsgrub pa ma yin gyi rgyu dang thabs kyi rnam pa dpag tu med pas bsgrubs pa'i phyir ro/ /ji tsam du 'jug pa yang bsam yas shing dpag tu med de/sems can la la la phan pa dang / bde ba mang po byas pa phan mang po btags pa yang grangs med la/ sems can la la la phan pa dang / bde ba kun du phan btags pa'i nyung ngus phan btags pa yang grangs med pa'i phyir ro/ /dus ji srid cig tu 'jug pa bsam yas shing dpag tu med de/bskal pa grangs med pa'i bar 'jug cing sgrub par byed pa'i phyir ro/ /tshigs su bcad pa lhag ma rnams kyis ni gzhan du 'gyur ba'i khyad par gyis 'byor pa'i khyab par bstan to/ /'byor pa'i khyad par bstan pa la tshigs su bcad pa bcu gcig gis 'byung ba las/tshigs su bcad pa gsum gyi don bshad nas phyi nas tshigs su bcad pa lhag ma brgyad kyis ni phung po lnga gnas gzhan du gyur pa tha dad pa'i sgo nas sangs rgyas kyi 'byor pa dang / longs spyod kyang tha dad pa mang po yod do zhes ston to/ /chos 'di'i gnas gyur na 'byor pa 'di thob par 'gyur ro zhes pa la sogs par ston to zhes bya ba'i don to//dbang po lnga rnams gzhan gyur na/ /'byor pa'i mchog kyang thob par 'gyur/ /zhes bya ba la/ dbang po drug las yid kyi dbang po bzhag ste mig gi dbang po nas lus kyi dbang po'i bar du dbang po lnga gzhan du gyur te dag par gyur na 'byor pa'i mchog dam pa rnam pa gnyis thob par 'gyur ro zhes bya ba'i don to//kun gyi don kun 'jug pa dang / /zhes bya ba la/ kun ni mig gi dbang po nas lus kyi dbang po'i bar du dbang po lnga la bya'o/ /don kun ni gzugs nas reg bya'i bar yul lnga la bya ste/sngon dbang po ma dag pa'i dus na ni mig gi dbang pos kyang gzugs 'ba' zhig la 'jug par nus kyi/ sgra la sogs pa'i yul lhag ma la 'jug par mi nus pa las gnas gzhan du gyur te dag par gyur na mig gi dbang po 'ba' zhig gis gzugs la blta bar nus pa nas/ sgra la nyan pa dang / reg bya la shes par nus pa'i bar du dbang po lhag ma rnams kyi las kun kyang byed par nus te/ 'di ni 'byor pa mchog thob pa rnam pa gcig go/ /brgya rtsa bcu gnyis yon tan 'byung / /zhes bya ba la/ dbang po gcig cing yang yon tan brgya rtsa bcu gnyis bcu gnyis dang ldan par 'gyur te/ dbang po gcig cing yon tan de snyed dang ldan pa'i yon tan no//'phags pa gzungs kyi dbang phyug chen po'i rgyal po dang / /dam pa'i chos puN+Da rI ka la sogs pa'i mdo sde las 'byung ba bzhin du blta'o/ /'di 'byor pa mchog thob pa rnam pa gnyis pa'o/ /rgal ba gal te gnyis la sogs pa phyi'i yul med de/ri bong gi rwa bzhin du yin na dbang po lnga ji ltar gnas gzhan du 'gyur/ lan du/ rang gi sa bon gang dag la/ /rnam rig snang ba gang 'byung ba/ /skye mched rnam pa gnyis so zhes/ /de dang de dag thub pas gsungs/ /zhes rnam par shes pa tsam du ston pa'i bstan bcos las 'byung ste/de'i don ni kun gzhi rnam par shes pa las gzung ba dang 'dzin pa'i bag chags dang / sa bon yod pa nas mig gi rnam par shes pa nas yid kyi rnam par shes pa'i bar du rnam par shes pa drug 'byung ba la ni nang gi skye mched drug du bshad/ rnam par shes pa de dag las kyang mig gi rnam par shes pa las kyang gzugs su snang ba 'byung ba las yid kyi rnam par shes pa las chos su snang ba 'byung ba ni phyi'i skye mched du bshad de/de bas na rnam par rig pa tsam du smra ba la yang phyi nang gi skye mched du dbye ba yod do/ /gang gi tshe byang chub sems dpas khams gsum thams cad ni sems tsam mo zhes bya ba la sogs pa nyon mongs pa dang bsam pa dang bsgom pa la sogs pa'i rim pas gzugs kyi 'du shes bsal nas gzugs la sogs pa'i phyin ci log spong bar byed pa na gang sngon gyi nang gi skye mched so so'i nang gi mngon par chags pa'i phyin ci log spangs na/gnas gzhan du gyur pa zhes bya ste/ de las 'byor pa mchog rnam pa gnyis thob par gyur pas na yul med par yang gnas gzhan du gyur par rung ste/ 'gal ba med do/ /yid kyang gzhan du gyur na ni/ /'byor pa dam pa thob par 'gyur/ /zhes bya ba la/ nyan thos kyi lta ba'i tshul gyis ni rnam par shes pa drug 'das ma thag pa la yid kyi dbang po zhes zer te/theg pa chen po'i tshul gyis ni yid kyi de la mi bya'i/ nyon mongs pa'i yid la bya ste/ nyon mongs pa'i yid de gnas gzhan du gyur na zhes bya ba'i don to/ /de la rnam par mi rtog pa'i ye shes ni yid kyi rnam par shes pa yang yang dag par ldan zhing byung ste/yid kyi rnam par shes pa'i rten ni nyon mongs pa'i yid yin te/ dper na mig gi rnam par shes pa'i rten mig gi dbang po yin pa lta bu'o/ /de la ji srid du so so'i skye bo'i dus na nyon mongs pa'i yid gnas gzhan du ma gyur pa'i tshe bdag tu lta ba dang / bdag tu chags pa dang /bdag tu nga rgyal dang / bdag tu gti mug pa la sogs pa'i nye ba'i nyon mongs pa bzhi dang ldan zhing kun gzhi rnam par shes pa las bdag dang bdag gi zhes phyin ci log gi rnam par 'jug go/ /ji ltar nyon mongs pa'i yid phyin ci log gi rnam par zhugs pas de la brten pa'i yid kyi rnam par shes pa la yang gzugs la sogs pa'i yul la phyin ci log tu 'jug ste/gzugs la sogs pa'i yul med par yang yod do snyam du mngon par chags par byed do/ /nam nyon mongs pa'i yid de bdag dang bdag gir lta ba spangs nas gnas gzhan du gyur te/ mnyam pa nyid kyi ye shes su gyur na 'byor pa dam pa mchog thob par gyur to zhes bya ba'i don to//chos gang la 'byor pa thob ce na/ de'i phyir/ 'byor pa'i rjes su ye shes ni/ /rnam par mi rtog dri ma med/ /ces smos te/ 'byor pa'i sgras ni dbang po lnga gnas gzhan du gyur nas yul thams cad la 'jug par nus pa dang gcig yang yon tan brgya rtsa bcu gnyis thob pa la bya ste/rjes su 'jug pa ni 'byor pa de dang lhan cig 'grogs pa'am/ 'byor pa de dang mthun par gnas pa la bya ste/ 'byor pa dang lhan cig gnas pa gang zhe na/ rnam par mi rtog pa'i ye shes dri ma med pa'o//de la kun gzhi rnam par shes pa gnas gzhan du gyur na rnam par mi rtog pa'i ye shes su 'gyur te/ gzung ba dang 'dzin par rtog pa med pas na rnam par mi rtog pa'o/ /nyon mongs pa dang shes bya'i sgrib pa spangs pas na dri ma med pa'o/ /nyon mongs pa'i yid ma dag pa'i dus na yang kun gzhi la bdag dang bdag gir dmigs pa dag ste/mnyam pa nyid kyi ye shes su gyur pa na rnam par mi rtog pa'i ye shes la bdag dang bdag gir med par mnyam pa nyid du dmigs te/ de bas na nyon mongs pa'i yid gnas gzhan du gyur na rnam par mi rtog pa'i ye shes la dmigs pa'i 'byor pa'i dam pa thob par 'gyur ro zhes bya ba'i don to//yang na nyon mongs pa'i yid gnas gzhan du gyur pa dang / dbang po gcig kyang kun gyi don la 'jug pa dang / yon tan brgya rtsa bcu gnyis 'thob pa'i 'byor pa dang lhan cig 'byung zhing 'grogs pa'i mnyam pa nyid kyi ye shes rnam par mi rtog pa'i dri ma med par 'gyur te/mnyam pa nyid kyi ye shes su gyur pa nyid 'byor ba'i mchog rnyed pa zhes bya'o/ /mnyam pa nyid kyi ye shes su gyur pa na bdag dang bdag gir rtog pa med pas na rnam par mi rtog pa zhes bya'o/ /bdag tu lta ba dang / bdag tu gti mug la sogs nye ba'i nyon mongs pa bzhi dang bral bas na dri ma med pa zhes bya'o//de dang lhan cig tu 'byor pa'i ye shes thams cad du 'jug go zhes bya ba la/ de dang lhan cig ces bya ba ni dbang po gcig cing yang yul kun la 'jug pa dang / yon tan brgya rtsa bcu gnyis kyis 'byor pa dang / rnam par rtog pa'i ye shes dang /de'i rgyab nas thob pa dag pa 'jig rten pa'i ye shes dang rnam par mi rtog pa'i ye shes la dmigs pa mnyam pa nyid kyi ye shes dang bcas pas rtag par yang sems can gyi don la 'jug go zhes bya ba'i don to/ /don bcas 'dzin pa gzhan gyur pas/ /'byor pa dam pa thob par 'gyur//zhes bya ba la/ don gyi sgra ni gzugs nas chos kyi bar du yul drug la bya'o/ /'dzin pa'i sgras ni mig gi rnam par shes pa nas lus kyi rnam par shes pa'i bar du rnam par shes pa lnga'i tshogs la bya ste/ yul drug dang rnam par shes pa'i tshogs dag ste/ gnas gzhan du gyur na/'byor pa dam pa rnam pa gnyis 'thob par 'gyur ro zhes bya ba'i don to/ /zhing yang 'dod bzhin dag pa dang / /longs spyod shin tu ston par ro/ /zhes bya ba la/ phyi'i yul rnams gzhan du ma gyur pa'i dus na ni ngam grog dang / tsher ma dang / gseg ma dang / gyo mo la sogs pa lta bur ma dag pa snang la/nam dag par gyur pa'i dus na ji ltar 'dod pa bzhin du bai DUr+ya dang / shel dang gser la sogs pa'i kha dog gi sa gzhi lta bur dag par snang bar 'gyur te/ don dag ni 'byor pa de 'thob bo/ /rnam par shes pa lnga'i tshogs ma dag pa'i dus na ni mig gi rnam par shes pas kyang gzugs la dmigs shing gzugs la longs spyod byed pa tsam las mi nus te/so so'i yul nyi tshe la 'jug pa tsam las lhag par mi nus pa las nam dag ste gnas gyur pa na rnam par shes pa lnga la sangs rgyas kyi zhing de dag na bdud rtsi'i rdzing dang / dpag bsam gyi shing la sogs pa'i longs spyod rnam pa sna tshogs ston te/'dzin pa gzhan du gyur pa las ni 'byor pa'i mchog thob par 'gyur ro/ /rnam rtog gzhan du gyur na ni/ /'byor pa dam pa thob par 'gyur/ /zhes bya ba la/ rnam par rtog pa'i sgras ni yid kyi rnam par shes pa la bya ste/ yid kyi rnam par shes pa ma dag pa'i dus na gzugs dang sgra la sogs pa chos rnam pa sna tshogs la rtog pa de dag ste gnas gyur na 'byor pa dam pa rnam pa gnyis 'thob par 'gyur ro zhes bya ba'i don to//ye shes dang ni las kun kyang / /rtag tu thogs pa med pa'o/ /zhes bya ba la/ 'byor pa gnyis ni ye shes rtag tu thogs pa med pa dang /las kun la rtag tu thogs pa med pa'o/ /de la ye shes kyi sgras ni me long lta bu'i ye shes dang / mnyam pa nyid kyi ye shes dang / bya ba sgrub pa'i ye shes dang / so sor kun du rtog pa'i ye shes la bya ste/ ye shes de dag gis dngos po kha cig shes kha cig mi shes pa ma yin te/dngos po kun shes pa dang / dus kha cig du shes kha cig du mi shes pa ma yin gyi dus thams cad du shes pa ni ye shes rtag tu thogs pa med ces bya'o/ /las kyi sgras ni sprul pa'i phrin las mdzad pa la bya ste/ 'og min gyi pho brang nas 'chi 'pho ba dang /mngon par byang chub pa la sogs pa sprul pa rnam pa sna tshogs rtag tu rgyun mi 'chad par mdzad pas na/ las kun la rtag tu thogs pa med pa zhes bya'o/ /rten kyang gzhan du gyur na ni/ /'byor pa dam pa thob par 'gyur ro/ /zhes bya ba la/ rten gyi sgras ni kun gzhi rnam par shes pa dang /de'i dmigs pa'i bya ba'i yul snod kyi 'jig rten sa gzhi chen po la bya ste/ kun gzhi rnam par shes pa yang las dge ba dang mi dge ba'i bag chags kyi gnas su gyur pa dang / lus dang longs spyod dang / gnas lta bur yang kun gzhi nyid de ltar snang bas na kun gzhi la brten te zhes bya'o//snod kyi 'jig rten sa gzhi chen po yang sems can gyi 'jig rten gyi gnas su gyur pa dang / rtswa shing rnam pa sna tshogs skye ba'i rten du gyur pas na rten ces bya ste/ snod kyi 'jig rten kun gzhi'i dmigs pa'i yul yin par ci mngon zhe na/ sum cu pa'i rab tu dbye ba las/ gang phyir kun gzhi rnam shes las/ /rnam smin sa bon thams cad la/ /len pa dag dang de yi gnas/ /rnam par rig pa ma rig pa'o/ /zhes gsungs pa'i phyir te/ kun gzhi rnam par shes pa dmigs pa'i yul dang bcas te/ gnas gzhan du gyur na 'byor pa'i dam pa mchog thob par 'gyur ro zhes bya ba'i don to//'byor pa gang 'thob ce na/ de'i phyir/ mi gnas pa yi mya ngan 'das/ /sangs rgyas rnams kyi mi g.yo gnas/ /zhes smos te/ kun gzhi dmigs pa dang bcas te gnas gzhan du gyur na de bzhin gshegs pa rnams zag pa med pa'i dbyings na bzhugs pa'i tshe/mi gnas pa'i mya ngan las 'das pa'i 'byor pa thob par 'gyur te/ mi gnas pa ni 'khor ba na yang mi gnas mya ngan las 'das pa la yang mi gnas pa'o/ /'khrig pa gzhan du gyur na ni/ /'byor pa dam pa thob par 'gyur/ /zhes bya ba la/ 'khrig pa ni lus kyi dbang po'i phyogs gcig ste/bud med dang skyes pa'i dbang po gnyis phan tshun sbyor ba la 'khrig pa zhes bya'o/ /'khrig pa la gnas gzhan du gyur te/ mi tshangs par spyod pa'i 'dod chags dang bral bar gyur na 'byor pa dam pa rnam pa gnyis 'thob par 'gyur ro zhes bya ba'i don to/ /sangs rgyas bde bar gnas pa zhes bya ba la/mi tshangs par spyod pa'i 'dod chags dang bral na sangs rgyas rnams kyi spros pa thams cad dang bral ba'i ting nge 'dzin gyi bde ba thob par 'gyur te/ 'di ni 'byor pa dam pa thob pa rnam pa gcig go/ /bud med nyon mongs med pa lta/ /zhes bya ba 'am/ mi tshangs par spyod pa'i 'dod chags dang bral na 'gro ba bzang mo dag mthong du zin kyang nyon mongs pa mi skye ste/'dod chags mi skye'o zhes bya ba'i don to/ /'dis ni 'byor pa dam pa thob pa rnam pa gnyis so/ /nam mkhar 'du shes rnam gyur na/ /'byor pa dam pa rnyed par 'gyur/ /zhes bya ba la/gang thogs pa med pa de ni nam mkha' bzhin no zhes rtog na/ gang du thogs pa dang bcas pa de dag ni gzugs yin no zhes rtog pa ni nam mkha'i 'du shes zhes bya ste/ 'du shes de spangs nas 'byor pa dam pa rnam pa gsum thob par 'gyur ro zhes bya ba'i don to/ /bsam pa'i don ni 'grub pa dang //zhes bya ba la/ bsam pa'i don 'grub pa ni nam mkha' mdzod kyi ting nge 'dzin thob pas ci bsam pa yo byad thams cad nam mkha' las 'byung bar 'gyur te/ 'di ni 'byor pa dam pa thob pa rnam pa gcig go/ /'gro dang gzugs ni gcig pa'o/ /zhes bya ba la 'gro ba thogs pa med pa 'thob ste/rtsig pa dang ri la sogs pa la thogs pa med pa'i phyir ro/ /'di ni 'byor pa dam pa thob pa rnam pa gnyis so/ /gzugs 'jig pa ni thams cad nam mkhar bya bar bsams na dngos po thams cad nam mkha'i ngos bzhin du 'gyur te/ 'di ni 'byor pa dam pa thob pa rnam pa gsum mo//gong du sangs rgyas kyi 'byor pa bshad pa rnams kyi don rgya cher bshad pa bsdus te bstan pa'i phyir/ de ltar gzhan gyur dpag med de/ /'byor pa dpag tu med par 'dod/ /bsam yas bya ba sgrub pa rnams/ /zhes bya ba la sogs pa tshigs su bcad pa gcig smos te/de ltar zhes bya ba ni gong du bshad pa'i tshul ltar ro/ /gong du bshad pa'i tshul ltar bshad na/ gzugs kyi phung po la grangs du yod pa gnas gzhan du gyur pa dang / tshor ba'i phung po la du yod pa gnas gzhan du gyur pa dang / 'du shes kyi phung po la du yod pa gnas gzhan du gyur pa dang /'du byed kyi phung po la 'du byed kyi sems dang ldan pa dang mi ldan pa du yod pa'i gnas gzhan du gyur pa'i tshul gyis phye ste bshad na/ gnas gzhan du gyur pa dpag tu med par gyur pa dang / gnas gzhan du gyur pa dpag tu med pa rnams ni mdo sde de dang de dag gi nang nas ji skad du 'byung ba bzhin du blta bar bya'o//de ltar tshul gzhan du gyur pa dpag tu med pas na gnas gzhan du gyur pa las byung ba'i 'byor pa dang yon tan yang dpag tu med par yod par 'dod do/ /ji ltar 'byor pa dpag tu med pa de bzhin du 'byor pa las byung ba'i sprul pa'i sku la sogs pa sems can gyi don du phrin las bsgrub pa yang mtha' yas dpag tu med par 'dod de//'byor pa re re zhing yang sprul pa dang phrin las mtha' yas par 'byung ba'i phyir ro/ /'byor pa dang phrin las de dag gang gi dus nas gang dang gang du gnas 'thob ce na/ de'i phyir/ sangs rgyas dri med gnas na'o/ /zhes smos te/ de dag kyang sangs rgyas kyi dri ma med pa'i gnas zag pa med pa'i gnas na bzhugs pa'i tshe thob cing de'i tshe 'byung ngo zhes bya ba'i don to//sangs rgyas pa de'i tshe sems can yongs su smin par byed pa'i rgyu la tshigs su bcad pa bdun no zhes bya ba la/ 'byor pa'i rjes la yongs su smin pa'i rgyu'i skabs bshad par 'brel pa ci yod ce na/de ltar sangs rgyas kyi sa'i dus na 'byor pa phun sum tshogs pa 'thob ste/ de rang gi dus kyi mthar thug pa'i sangs rgyas bcom ldan 'das de lhun gyis grub par mi rtog bzhin du sems can yongs su smin par mdzad de/ de'i phyir 'byor pa'i rjes la yongs su smin pa'i skabs bshad par 'brel to//de la gong du yang sems can yongs su smin par byed pa'i skabs bshad/ 'dir yang sems can yongs su smin par byed pa'i skabs bshad de/ lan gnyis su bshad na de gnyis la khyad par ci yod ce na/ sngar ni byang chub sems dpa'i spyod pa la gnas pa'i tshe/de ltar sems can yongs su smin par byed pa de bstan to/ /da ni mthar thug pa sangs rgyas kyi sa brnyes nas sems can ji ltar yongs su smin par byed pa de ston te/ khyad par ni de yod de/ de yang sangs rgyas par gyur pa de ni sems can yongs su smin par byed pa'i rgyu dang gnas dang rten yin no zhes tshigs su bcad pa bdun gyis ston to zhes bya ba'i don to//tshigs su bcad pa dang po bsdus pa'i don ni yongs su smin pa ci 'dra ba'i rgyur sangs rgyas par gyur pa de ston to/ /dge ba 'phel ba'i 'jig rten rnam dag mchog tu 'gro/ /zhes bya ba la/ dang po byang chub tu sems bskyed pa dang /bslab pa mnos pa dang / srod dang tho rangs la mi nyal ba dang / zas la tshod rig pa la sogs pa'i rim pas mos pas spyod pa'i sa dang sa bcu la sogs par rim gyis zhugs pa ni dge ba 'phel ba'i 'jig rten zhes bya ste/ de dag sku dang ye shes kyis bsdus pa sangs rgyas kyi sar mi gnas pa'i mya ngan las 'das pa thob pa ni rnam dag mchog tu 'gro ba zhes bya'o//dge ba ma bsags dge ba 'phel ba'i mchog tu 'gro/ /zhes bya ba la byang chub sems ma bskyed pas na/ sa bcu dag tu ma zhugs pa ni dge ba ma bsags pa zhes bya ste/ de dag byang chub tu sems bskyed pa ni/ sa bcu dag tu zhugs par gyur pa ni dge ba 'phel bar mchog tu 'gro ba zhes bya'o/ /de ltar 'jig rten phyogs phyogs rgyal bas rab bshad pas/ /zhes bya ba la/ de ltar zhes bya ba ni gong du bshad do/ /dge ba 'phel ba rnams rnam par grol bar bzhag pa dang / dge ba ma bsags pa rnams dge ba 'phel ba la bkod pa yang 'jig rten gyi khams gcig tu de ltar byas pa ma yin gyi/phyogs phyogs te phyogs bcu'i 'jig rten kun du yongs su smin pa dang grol bar mdzad do zhes bya ba'i don to/ /sus de ltar mdzad ce na/ rgyal bas te sangs rgyas bcom ldan 'das kyis mdzad do/ /rgyu gang gis mdzad ce na/rab tu bshad pa ste/ gsung rab yan lag bcu gnyis bshad pa'i thabs kyis mdzad do/ /de ltar bshad pas na/ yongs smin smin pa ltar 'gyur ba/ /zhes bya ba smos te/ de ltar bshad pas dge ba'i rtsa ba ma smin pa rnams ni dge ba'i rtsa ba mchog tu 'phel ba la bkod pas yongs su smin par byas so//dge ba'i rtsa ba smin pa rnams ni mya ngan las 'das pa la bkod pas rnam par dag pa mchog thob par byas so/ /yongs su smin par mdzad pa de yang skabs 'ga' tsam lan 'ga' tsam mdzad pa ni ma yin gyi rgyun ma chad par 'khor ba'i mtha'i bar du mdzad pas rtag tu 'gyur ba zhes bya'o//de ltar rgyun du sems can yongs su smin par mdzad na 'khor ba'i sems can zad par mi 'gyur ram snyam pa la/ de'i phyir/ ma lus 'dir ma yin zhes smos te/ de ltar rtag tu smin par mdzad kyang 'khor ba'i gnas 'di nas sems can ma lus par zad par mi 'gyur te/ ci'i phyir zhe na/ sems can gyi khams mtha' yas mu med pa'i phyir ro/ /mya ngan las 'das par gnas su yang 'phel ba dang lhag pa med de/ chos kyi dbyings la skye 'gag med pa'i phyir ro/ /tshigs su bcad pa gnyis pa'i bsdus pa'i don ni sems can yongs su smin par byed pa la/ ngo mtshar che ba yin pa dang /ngo mtshar che ba ma yin pa'i mtshan nyid de ston to/ /de ltar rnyed dka' zhes bya ba la/ de ltar na zhes bya ba ni gong du bshad pa la bya ste/ gong du bshad pa ltar na byang chub de rnyed par dka' ba yin no/ /ji lta zhe na/ bdag med dka' spyod brgya rnams dang / /dpag med dge ba bsags pa dang //dpag med pa yi dus dang ni/ /dpag med sgrib pa zad pa'i phyir/ /sgrib pa kun gyi dri med pa/ /rnam pa thams cad mkhyen pa 'thob/ /ces bshad pa ltar na/ byang chub de rnyed par dka' ba yin no/ /rnyed par dka' ba'i byang chub chen po de bstan pas rtag tu thob bo zhes bya ba'i don to//de thob na bdag gi don kyang phun sum tshogs par 'gyur gzhan gyi don kyang phun sum tshogs par mdzad do/ /yon tan mchog ldan rmad 'byung ba/ /zhes bya bas/ bdag gi don phun sum tshogs pa bstan te/ byang chub chen po de thob na stobs dang mi 'jigs pa dang / ma 'dres pa la sogs pa'i yon tan nyan thos dang so so'i skye bo la med pa rnams dang ldan par 'gyur bas na/ yon tan mchog ldan rmad 'byung ba/ /zhes bya ste/ yon tan de dag nyan thos la sogs pa la yod par mi srid pas na rmad du byung ba zhes bya'o/ /byang chub chen po rtag ldan zhes bya ba la/bla na med pa'i byang chub de nyan thos dang rang sangs rgyas pa'i byang chub pas 'phags pas byang chub chen po zhes bya'o/ /byang chub de 'khor ba'i mtha'i bar du yod pas rtag pa zhes bya'o/ /nams kyang nyams shing 'gyur ba med pas na brtan pa zhes bya'o/ /skyabs med rnams kyi skyabs zhes bya bas gzhan gyi don mdzad pa bstan te/sems can rnams 'khor ba'i sdug bsngal las bsgral zhing mya ngan las 'das pa la 'jog par byed pa med pas na skyabs med pa zhes bya ste/ sems can de dag 'khor ba'i sdug bsngal las bsgral nas mya ngan las 'das pa'i gnas su 'jog par byed pas na skyabs med pa rnams kyi skyabs zhes bya'o//phyogs phyogs su ni zhes bya ba la/ byang chub sems dpa' de yang 'jig rten gyi khams 'ga'am phyogs 'ga' thob pa ma yin phyogs bcu'i 'jig rten gyi khams thams cad du 'thob bo zhes bya ba'i don to/ /brtan pa zhes bya ba de'ang sus 'thob ce na/byang chub sems dpa' rnams kyis 'thob/ /ces bya ba'i don to/ /dus kun du zhes bya ba ni nyi ma re re la'ang thob ces bya ba'i don to/ /rtag tu 'thob ces bya ba ni skad cig ma re re la'ang 'thob ces bya ba'i don to/ /de ni 'jig rten ngo mtshar mchog /ces bya ba la/ de ltar shin tu rnyed dka' byang chub de//byang chub sems dpa' rnams kyi phyogs bcu'i 'jig rten gyi khams kun du nyi ma re re dang skad cig ma re re la yang len cing thob par byed pa ni 'jig rten ngo mtshar mchog tu bya ba yin no zhes bya ba'i don to/ /tshul spyod pas rmad 'byung med ces bya ba la/ rnam pa gnyis su na ngo mtshar che ba yang ma yin te/ci'i phyir zhe na/ rgyu 'bras sA lu btab pa la/ 'bras bu yang sA lu 'byung ba ngo mtshar mi che ba bzhin du tshul ni byang chub thob pa dang mthun pa'i lam la bya ste/ bla na med pa'i byang chub thob pa'i lam sa dang pha rol tu phyin pa dang / byang chub kyi phyogs kyi chos spyad nas de'i 'bras bu bla na med pa'i byang chub nyid thob pa ni ngo mtshar chen por bya ba ma yin no zhes bya ba'i don to//tshigs su bcad pa gsum pa'i bsdus pa'i don ni dus gcig sgo mang po nas yongs su smin par bya ba'i thabs kyi rgyud du ma yod par ston to/ /de yang mdor na ji ltar yongs su smin par byed pa dang /gang la gnas pa'i sems can yongs su smin par byed pa'i rgyu mdor na de gnyis ston to/ /la lar chos kyi 'khor lo bskor ba sgo mang brgya dag nas kyang ston/ /zhes bya ba la/ 'jig rten gyi khams kha cig tu ni phung po dang khams dang skye mched dang sa dang pha rol tu phyin pa chos kyi rnam grangs kyi sgo mang po las brtsams te chos kyi 'khor lo bskor zhing 'chad par yang ston to zhes bya ba'i don to//la lar skye ba zhes bya ba la gang gi tshe chos kyi 'khor lo bskor ba de nyid kyi dus na 'jig rten gyi khams la lar ni dga' ldan nas shi 'phos nas 'dzam bu'i gling du yum gyi lhums su skye ba la sogs pa ston to zhes bya ba'i don to//mi snang ba zhes bya ba'i don ni de nyid kyi dus na 'jig rten gyi khams la lar mi snang ba ston te/ byang chub sems dpa'i sku las ni 'phro ba ston to zhes bya ba'i don to/ /la lar sna tshogs skye ba spyod/ /ces bya ba la/ sna tshogs skye ba spyod pa ni byang chub sems dpa'i skyes pa'i rabs kyi spyod pa mdzad pa la bya ste/de nyid kyi dus na 'jig rten gyi khams kha cig tu skyes pa rabs kyi spyod pa sbyin pa'i pha rol tu phyin pa mdzad nas/ lus dang longs spyod la sogs pa sems can gzhan la btang ba dang / sems can gyi don du tshul khrims kyi pha rol tu phyin pa spyad nas kha na ma mtho ba rdul tsam la yang bag bya ba dang /bzod pa'i pha rol tu phyin pa spyad nas/ ka ling ka'i rgyal pos drang srong bzod pa smra ba yan lag dang nying lag bcad na yang nyams su len pa la sogs pa bstan to zhes bya ba'i don to/ /la lar byang chub thams cad ces bya ba la/de nyid kyis na 'jig rten gyi khams kha cig tu ni rdo rje gdan la rdo rje lta bu'i ting nge 'dzin gyis nyon mongs pa'i sgrib pa dang shes bya'i sgrib pa spangs nas mngon par byang chub pa lta bur yang ston to zhes bya ba'i don to/ /la lar mya ngan las 'da' bar yang / /zhes bya ba la/ de nyid kyi tshe na 'jig rten gyi khams kha cig tu mya ngan las 'da' bar bstan nas/sems can yongs su smin par yang byed do zhes bya ba'i don to/ /lan gcig ma yin zhes bya ba la/ gong du bshad pa lta bur yang khams rnam pa sna tshogs kyang lan gcig cig car mdzad nas rgyun gcod pa ma yin gyi 'khor ba'i mtha'i bar du rgyun mi 'chad par mdzad ces bya ba'i don to//'dis ni ji ltar sems can yongs su smin par mdzad pa de ston to/ /de yi gnas nas mi g.yo thams cad byed/ /ces bya ba la/ de'i gnas zhes bya ba ni/ chos kyi dbyings zag pa med pa la bya ste/ thabs rnam pa sna tshogs kyi phrin las mdzad de/nga zag pa med pa'i dbyings las mi g.yo/ mi 'gul/ mi nyams la g.yo ba'i mtshan nyid kyi phrin las de dag thams cad kyang mdzad do zhes bya ba'i don to/ /tshigs su bcad pa bzhi pa'i bsdus pa'i don ni sems can smin par sbyor zhing mdzad pa'i rgyu zag pa med pa'i dbyings rtog pa dang mngon par 'du byed pa med pa de ston te/de bas na/ nga yis smin par byas she 'am/ /zhes bya ba la sogs pa tshigs bcad gcig smos te/ sems can 'di dag byang chub sems dpa'i sa rnyed pa dang / sangs rgyas su gyur pa 'di dag sngon ngas smin par byas pa yin no zhes de ltar mi dgongs mi rtog go zhes bya ba'i don to//lus can 'di ni smin bya dang / /zhes bya ba la/ sems can 'di dag ni da ltar smin par bya dus la ma bab pas phyis la dgod cing 'tshang rgya bar bya'o zhes de ltar mi rtog mi dgos so zhes bya ba'i don to/ /da ltar smin par byed do zhes sangs rgyas rnams ni mi dgongs te sems can 'di dag ni da ltar gyi dus na yang sa la yang mi bkod 'tshang rgya bar bya ba'i dus na yang bzhag go zhes de ltar mi dgongs mi rtog zhes bya ba'i don to//'dis ni rnam par mi rtog mi mnga' ba bstan te/ mngon par 'du byed med par zhes bya ba la/ rtog pa mi mnga' bar mi zad kyi sems can smin par mdzad pa na brtsal ba dang /'bad pa yang med de/ lhun gyis grub par mdzad do zhes bya ba'i don to/ /phyogs phyogs kun la zhes bya ba la/ de ltar smin par mdzad pa yang phyogs 'ga' 'am/ 'jig rten gyi khams 'gar mdzad pa ma yin gyi phyogs bcu'i 'jig rten gyi khams thams cad du mdzad do zhes bya ba'i don to//sgo gsum nas zhes bya ba la/ sems can smin par mdzad pa yang thabs 'ga'am theg pa 'gas mdzad pa ma yin gyi sgo gsum ste theg pa gsum char bstan pa'i sgo nas smin par mdzad do zhes bya ba'i don to//skye bo'i tshogs ni zhes bya ba la/ smin par mdzad pa yang sems can 'ga' zhig smin par mdzad pa ma yin gyi skye bo'i tshogs kyi sems can thams cad smin par mdzad do zhes bya ba'i don to/ /rtag tu zhes bya ba la/ smin par mdzad pa'ang lo'am bskal pa 'gar mdzad pa ma yin gyi rtag tu ste 'khor ba'i mtha'i bar du mdzad do zhes bya ba'i don to//dge ba'i chos rnams 'phel bar 'gyur/ /zhes bya ba la/ theg pa gsum gyi sgo nas chos rnams bshad cing bstan pas sems can gyi sems la byang chub kyi phyogs dang / pha rol tu phyin pa la sogs pa dge ba'i chos 'phel ba dang /brtas pa dang / smin par 'gyur ro zhes bya ba'i don to/ /tshigs su bcad pa lnga'i bsdus pa'i don ni mngon par 'du byed pa med par sems can yongs su smin par byed pa nyi ma'i dpe bstan pa de bas na/ ji ltar nyi ma'i 'od zer rgya cher yongs btang bas/ /phyogs phyogs kun la lo tog smin par mdzad//ces bya ba smos te/ nyi ma de las 'od zer gcig gnyis 'byung bar ma zad kyi 'od zer brgya stong grangs med par 'byung bas na rgya che ba zhes bya'o/ /ji tsam snang bar byas pa'i gnas 'dzam bu'i gling dang / 'jig rten gyi khams kun du snang bar byed pas na spangs pa zhes bya ste/dper na nyi ma'i 'od zer btang la lo tog smin par bya'o snyam du rtog pa dang mngon par 'du byed pa med pas kyang / 'od zer rgya chen po btang nas phyogs bcu kun du nas 'bras la sogs pa lo tog smin par byed pa'i don to/ /'dis ni smin par byed pa'i dpe bstan to/ /chos kyi nyi ma rab zhi chos tshul 'od btang bas//phyogs phyogs kun du sems can smin par byed/ /ces bya ba la/ zag pa med pa'i dbyings ni gsung rab yan lag bcu gnyis 'od zer 'dra bar 'byung ba'i rgyu yin pas nyi ma'i dkyil 'khor 'dra ba'i phyir chos kyi nyi ma zhes bya'o/ /rang bzhin ni mya ngan las 'das pa zhes bya ste/kun 'byung dang sdug bsngal spangs pa'i phyir ro/ /chos tshul ni mya ngan las 'das pa ste thob par byed pa'i rgyu dang thabs la bya ste/ de'i rgyu dang gsung rab yan lag bcu gnyis bshad pa'o/ /'od gtong ba zhes bya ba ni chos bshad pa'i zhes bya ba'i don te chos bshad pas ni phyogs bcu kun du sems can yongs su smin par mdzad do zhes bya ba'i don to//tshigs su bcad pa drug pa'i bsdus pa'i don ni gcig nas gcig tu smin par byed pa mi zad pa ston to/ /de bas na/ ji ltar mar me gcig la mar me'i tshogs mang 'byung / /grangs med dpag tu med kyang zad par mi 'gyur te//zhes bya ba smos te/ dper na mar me gcig la mar me grangs med dpag tu med pa rnams bsregs te/ so sor lus kyang dang po'i mar me gcig po de la zad pa dang 'grib pa med do zhes bya ba'i don to/ /de bzhin smin pa gcig las sems can tshogs mang po/ / grangs med dpag tu med pa 'byung yang zad mi 'gyur/ /zhes bya ba la/ de dang 'dra bar de bzhin gshegs pas sems can gcig smin par byas te/ sangs rgyas par byas pa dang / sangs rgyas pa des sems can gyi tshogs mang po grangs med dpag tu med pa rnams 'tshang rgya bar byas te/ smin par byas kyang yongs su smin par byed pa'i de bzhin gshegs pa'i ye shes dang /chos bshad pa la zad pa dang 'grib par mi 'gyur ro zhes bya ba'i don to/ /don 'di'ang 'phags pa dri ma med par grags pa'i mdo las gsungs te/ ji lta zhe na/ khyim bdag ji ltar bdag cag bdud kyi gnas nas gnas par bgyi/smras pa/ sring mo dag mi zad pa'i chos kyi sgron ma zhes bya ba'i chos kyi sgo yod do/ /de la nan tan gyis shig /de'ang gang zhe na/ 'di lta ste sring mo dag sgron ma gcig las sgron ma brgya stong 'bar bar byas kyang sgron ma de 'bri bar mi 'gyur ba de bzhin du sring mo dag kyang byang chub sems dpa' gcig gis sems can brgya stong mang po rnams byang chub la bkod kyang byang chub sems dpa' de'i sems kyi dran pa mi 'bri yongs su mi 'bri ste phyir zhing skye zhes gsungs pa lta bu'o//tshigs su bcad pa bdun pa'i bsdus pa'i don ni theg pa gsum gyi sgo nas yongs su smin par byas pa rnams rnam par grol ba'i dbyings su 'jug pa na yongs su smin pa thams cad kyi go skabs 'byed pa'i phyir chos kyi dbyings mi ngoms pa dang /chos kyi dbyings su smin pa dpag tu med pa lus kyang lhag ma med pa'i phyir 'phel ba med pa rgya chen po'i dpe ston to//rgya mtsho chen po chu yis ngoms mi 'gyur/ /zhes bya ba la/ dper na rgya mtsho chen por phyogs bcu'i chu bran dang chu bo mang po der bsdus kyang 'di snyed cig bab pas da chog go bya ba med kyi chu bo mang po der 'jug pa'i go skabs 'byed pa'i phyir ngoms pa med do zhes bya ba'i don to//chu chen mang po rab tu 'bab pas 'phel mi 'gyur/ /zhes bya ba la/ rgya mtshor phyogs bcu'i chu bo dang chu bran mang po der 'dus te rtag tu 'bab kyang / rgya mtsho la lud pa dang lhag pa med pas 'phel bar mi 'gyur zhes bya ba'i don to/ /de bzhin sangs rgyas dbyings kyang rnam dag rtag 'bab pas//ngoms shing 'phel bar mi 'gyur ngo mtshar che/ /zhes bya ba la/ de bzhin zhes bya ba ni de dang 'dra bar zhes bya ba'i don to/ /sangs rgyas dbyings zhes bya ba ni/ /sangs rgyas rnams ni zag pa med pa'i dbyings su zhes bya ba'i tha tshig go/ /rnam dag rtag 'bab pa zhes bya ba ni nyan thos dpag tu med pa dang /rang sangs rgyas dpag tu med pa dang / byang chub sems dpa' dpag tu med pa rnams kyang mya ngan las 'das par gyur pa thams cad zag pa med pa'i dbyings su 'jug kyang rnam par grol ba 'di snyed cig zhugs kyis da chog go zhes 'gog pa med kyi rnam par grol ba thams cad der 'jug pa'i skabs med pas ngoms par mi 'gyur ba zhes bya'o//yongs su smin pa dpag tu med pa zhig der zhugs kyang chos kyi dbyings la skyes pa dang lud par gyur pa med pas na 'phel bar 'gyur ba ste/ de ni ngo mtshar du bya ba yin no zhes bya ba'i don to//chos kyi dbyings rnam par dag pa la tshigs su bcad pa bzhi'o zhes bya ba la sems can yongs su smin par byed pa'i skabs kyi rjes la chos kyi dbyings rnam par dag pa'i skabs bshad par 'brel ba ci yod ce na/ 'di ni byang chub bshad pa'i skabs yin te/ sngar byang chub bshad pa'i skabs su//ngal brgyas rmad 'byung dka' spyad dge bsags kun/ /dus ring bskal pa mchog 'gro sgrib kun zad/ /sar gtogs sgrib pa phra bcom sangs rgyas te/ /de ni mthu chen rin chen snod phye bzhin/ /zhes bya ba byang chub kyi mtshan nyid spyi tsam du bshad nas sangs rgyas par gyur na yongs su smin par byed do zhes de tsam du zad do//da ni byang chub kyi rang bzhin dang / 'bras bu dang / las dang / ldan pa dang 'jug par phye nas khyad par du bstan pa'i phyir chos kyi dbyings rnam par dag pa'i skabs bshad do/ /yang na 'di ni byang chub bshad pa'i skabs yin te/ sngar gong du byang chub sems dpa' rnams kyi bslab par bya ba ni bdag dang gzhan gyi don la brtsams te/byang chub kyi bar du don rnam pa bdun bslab par bya'o zhes bshad pa las mdo sde de dag gi nang nas byang chub rnam pa du ma bshad de/ de las kyang sngar ni gzungs kyi dbang phyug gi rgyal po dang / dam pa'i chos puN+Da rI ka la sogs pa'i nang nas byang chub kyi mtshan nyid ji ltar 'byung ba de gtan la phab ste bshad do/ /da ni de ma yin pa'i mdo sde gzhan dag gi nang nas byang chub kyi mtshan nyid 'byung ba gtan la dbab par bya ba'i phyir/ chos kyi dbyings rnam par dag pa'i skabs bshad pa bstan te/de la sangs rgyas kyi sa'i mdo las chos lngas sangs rgyas kyi sa bsdus pa yin te/ chos lnga gang zhe na/ chos kyi dbyings rnam par dag pa dang / me long lta bu'i ye shes dang / mnyam pa nyid kyi ye shes dang / so sor kun du rtog pa'i ye shes dang / bya ba sgrub pa'i ye shes so//de la sangs rgyas kyi sa'i mdo las 'byung ba'i chos lnga'i dbang du byas nas/ chos lnga po de 'dir mdo tsam du gtan la 'bebs te/ chos lnga po de rnams kyi rab tu dbye ba rgya cher gtan la dbab pa ni/ sangs rgyas kyis theg pa chen po'i mdo sde nyid kyi nang nas 'byung ba bzhin du blta bar bya'o//sangs rgyas kyis las kyang chos kyi dbyings dang por smos pas/ 'dir yang chos kyi dbyings kyi skabs tshigs su bcad pa bzhi dang por 'chad de/ ye shes bzhi rnams rim bzhin du phyis 'chad do zhes bya ba'i don 'chad de thams cad chos kyi de bzhin ces bya ba la/chos thams cad ni 'dus byas dang / 'dus ma byas so/ /zag pa dang bcas pa'am/ zag pa med pa ste/ chos de rnams kyi de bzhin nyid ni stong pa nyid la bya'o/ /sangs rgyas kyi sa'i stong pa nyid dus kyi stong pa nyid de bzhin nyid de'i mtshan nyid dang rang bzhin ci 'dra zhe na/sgrib pa gnyis dag pa'i mtshan nyid de zhes bya ba smos te/ sangs rgyas kyi dus kyi de bzhin nyid ni nyon mongs pa'i sgrib pa dang / shes bya'i sgrib pa gnyis dang bral ba'i mtshan nyid dang rang bzhin yin no zhes bya ba'i don to/ /'dis ni de bzhin nyid gnas gzhan du gyur pa bstan to/ /dngos po shes pa de la dmigs//zhes bya ba la/ dngos po shes pa ni de'i rgyab nas thob pa dag pa 'jig rten pa'i ye shes la bya ste/ dngos po'i sgras kun gzhi rnam par shes pa gzhan gyi dbang gi mtshan nyid gnas gzhan du gyur pa'i mtshan nyid rnam par mi rtog pa'i ye shes la bya'o/ /rnam par mi rtog pa'i ye shes de yang de'i rgyab nas thob pa dang /dag pa 'jig rten pa'i ye shes kyis phyin ci ma log par shes par byed kyi ye shes gzhan gyis ni ma yin te/ de bas na de'i rgyab nas thob pa dag pa 'jig rten pa'i ye shes la dngos por shes pa zhes bya ste 'dir 'dis ni gnas ngan len gyi rten kun gzhi gnas gzhan du gyur par bstan to//de zhes bya ba'i sgras ni chos kyi dbyings la snyegs te/ chos kyi dbyings la ni rnam par mi rtog pa'i ye shes kyis dmigs so zhes bya ba'i don to/ /'dis ni lam gyi gnas gzhan du gyur pa bstan to/ /mi zad dbang gis mtshan nyid do/ /zhes bya ba la de'i rgyab nas thob pa dag pa 'jig rten pa'i ye shes kyis rnam par mi rtog pa'i ye shes la dmigs nas dbang mi zad pa thob ste/ji lta zhe na/ dag pa 'jig rten pa'i ye shes kyis rnam par mi rtog pa'i rang bzhin phyin ci ma log par rtogs pa'i phyir ro/ /rnam par mi rtog pa'i ye shes kyis kyang chos kyi dbyings de bzhin nyid la dbang mi zad pa ste/ji lta zhe na/ rnam par mi rtog pa'i ye shes kyis thams cad du chos kyi dbyings la rtse gcig tu 'jog pa'i phyir te/ 'dis ni chos kyi dbyings kyi rang bzhin bstan to/ /kun nas de bzhin nyid shes nas/ /bsgom pa yang dag 'byung ba ste/ / zhes bya ba la sogs pa'i tshe tshigs bcad gcig gis rgyu'i don dang 'bras bu'i don to/ /kun nas bya ba ni theg pa chen po'i mdo sde de dag gi nang nas chos kyi dbyings ston pa'i ming gi rnam grangs ma skyes pa dang / ma byung ba la sogs pa 'byung ba mnyan pa dang / sems pa dang bsgoms pa la sogs pa'i rim pa sbyor ba'i sa na bsgoms pa las mthong ba'i lam na de bzhin nyid shes pa'i ye shes skyes te/chos kyi dbyings thams cad du 'gro ba'i mtshan nyid du rtog pa rnam par mi rtog pa'i ye shes skyes so zhes bya ba'i don to/ /rnam par mi rtog pa'i ye shes kyang sa dang po'i dus su thob bo/ / de nas sa gnyis nas sa bcu man chad ye shes de nyid bsgoms pas yang dag pa 'byung ste/ sangs rgyas kyi sar chos kyi dbyings rnam par dag pa mngon sum du byas so zhes bya ba'i don to/ /'dis ni rgyu'i don bstan to/ /rnam pa kun du sems can don/ /gnyis bskyed mi zad 'bras bu'o/ /zhes bya ba la/rnam pa kun du dus thams cad du'am/ phan pa dang bde ba'i rnam pa thams cad kyis zhes bya ba'i don to/ /sems can kun zhes bya ba ni sems can thams cad la zhes bya ba'i don to/ /gnyis bskyed pa ni sems can la phan pa dang / bskyed pa dang / bde ba bskyed pa ste/ tshe rabs gzhan du mtho ris dang mya ngan 'das pa la bkod pa ni phan pa'o//tshe 'dir zang zing gis phan btags na dge ba byed du bcug pa ni phan pa ste/ 'dis ni 'bras bu'i don bstan pa'o/ /mi zad par zhes bya ba ni 'khor ba'i mtha'i bar du yang bde ba dang bde ba rgyun mi gcod ces bya ba'i don to/ /lus dang ngag dang sems sprul pa'i//sbyor ba'i thabs kyi las can no/ /zhes bya ba la sogs pa tshigs bcad gcig gis las kyi don dang ldan pa'i don bstan te/ lus sprul pa'i sbyor ba'i thabs kyi las can dang / ngag sprul pa'i sbyor ba'i thabs kyi las can dang / sems sprul pa'i sbyor ba'i thabs kyi las can no zhes bya bar sbyar ro//de la brgya byin dang tshangs pa dang / lha dang klu la sogs pa'i lus su bstan pa ni lus sprul pa'i sbyor ba'i thabs kyi las can zhes bya'o/ /byin gyi rlabs kyis nam mkha' dang / rtsig pa dang / shing la sogs pa las kyang dam pa'i chos 'chad pa'i sgra 'byung ba ni ngag sprul pa'i thabs kyi las can zhes bya'o//byin gyis brlabs nas blun po rnams kyang zab mo rtogs pa'i sems dang ldan par bya ste/ chos bshad nas chos kyi don rtogs par byas pa dang / 'phags pa shA ri'i sras po dang / rab 'byor la sogs pa byin gyis brlabs nas shes rab kyi pha rol tu phyin pa la sogs pa 'chad du bcug pa ni sems sprul pa'i sbyor ba'i thabs kyi las can zhes bya ste/sbyor ba zhes bya ba ni las la bya'o/ /sprul pa ni las gsum gyis sems can yongs su smin par byed pa'i las dang las de nyid thabs yin te/ thabs de lta bu dag mdzad pa thugs su chud pas na las can zhes bya ste/'dis ni las kyi don bstan to/ /de la lus sprul pa la yang rnam pa gnyis te/ bdag dang 'brel pa dang / gzhan dang 'brel ba'o/ /de la bdag dang 'brel ba ni bdag nyid brgya byin dang tshangs pa la sogs pa'i lus su sprul pa'o//gzhan dang 'brel pa ni sems can gzhan dang rtsi shing la sogs pa yang byin gyis brlabs nas sangs rgyas dang byang chub sems dpa'i skye ba lta bur ston pa'o/ /ngag sprul pa la yang rnam pa gnyis te/ bdag dang 'brel pa dang / gzhan dang 'brel pa'o/ /de la bdag dang 'brel pa ni de bzhin gshegs pa nyid gsung yan lag dbyangs drug cu rtsa gnyis dang ldan par sprul nas dam pa'i chos 'chad pa'o//gzhan dang yang 'brel ba ni rtsig pa dang shing dang nam mkha' la sogs pa las kyang dam pa'i chos 'chad pa'i sgra 'byung ba'o/ /sems sprul pa la yang rnam pa gnyis te/bdag dang 'brel pa dang / gzhan dang 'brel pa'o/ /bdag dang 'brel pa ni ye shes kyi byin gyi rlabs kyis chos kyi don zab mo dag thugs su chud pa'o/ /gzhan dang 'brel ba ni byin gyis brlabs nas blun po rnams kyang dam pa'i chos zab mo rtogs par byas pa dang 'phags pa nyan thos dag kyang dam pa'i chos zab mo 'chad du bcug pa'o//ting nge 'dzin dang gzungs kyi sgo/ /gnyis po dpag tu med dang ldan/ /zhes bya ba la/ chos kyi dbyings te/ ting nge 'dzin gyi sgo dang ldan pa dang / gzungs kyi sgo dang ldan pa dang / gnyis po dpag tu med pa dang ldan te/ des ni ldan pa'i don bstan pa'o//de la ting nge 'dzin ni theg pa chen po'i ting nge 'dzin dang / nam mkha' mdzod kyi ting nge 'dzin dang / dpa' bar 'gro ba'i ting nge 'dzin la sogs pa'o/ /gzungs kyi sgo ni mi zad pa'i zam tog gi gzungs dang / sgo mtha' yas pa'i gzungs zhes bya ba la sogs pa'o/ /gnyis po dpag tu med pa ni bsod nams kyi tshogs dpag tu med pa dang /ye shes kyi tshogs dpag tu med pa'o/ /rang bzhin chos dang rdzogs longs spyod/ /sprul pa dag gis tha dad 'jug /ces bya ba la/ de bzhin gshegs pa'i sku ni chos kyi sku 'ba' zhig tu ma zad kyi rang bzhin gyi sku dang / chos la rdzogs par longs spyod pa'i sku dang /sprul pa'i sku dang tha dad pa mi mthun pa rnam pa gsum gyis sems can gyi don la 'jug go zhes bya ba'i don to/ /de la rang bzhin gyi sku ni chos kyi sku'o/ /chos la rdzogs par longs spyod pa'i sku'o/ /sprul pa ni sprul pa'i sku ste/ 'dis ni 'jug pa'i don bstan to//chos kyi dbyings rnam par dag pa'i don gong du rgya cher bshad pa rnams kyang mjug bsdus pa'i phyir te/ 'di ni sangs rgyas rnams kyi yang / /chos dbyings rnam par dag pa bshad/ /ces smos te/ gong du rang bzhin dang / rgyu dang / 'bras bu dang / las dang ldan pa dang / 'jug pa bshad pa de ni sangs rgyas rnams kyi chos kyi dbyings rnam par dag pa de lta bu yin no zhes bshad pa'i don to//sangs rgyas kyi sku rnam par dbye ba'i tshigs su bcad pa bdun te zhes bya ba la/ gong du sku gsum tha dad du 'jug pa mdo tsam du bstan nas/ da tshigs su bcad pa bdun gyis sku gsum tha dad du 'jug pa rgya cher zhib tu 'chad do zhes bya ba'i don to//rang bzhin dang ni zhes bya ba ni/ rang bzhin ni chos kyi sku la bya ste/ nam kun gzhi rnam par shes pa la yod pa'i gzung ba dang 'dzin pa'i dri ma spangs nas chos kyi dbyings me long lta bu'i ye shes su gyur pa na chos kyi sku zhes bya'o/ /rdzogs longs spyod ces bya bas rdzogs par longs spyod pa'i sku bstan te/nam nyon mongs pa'i gnas gzhan du gyur nas mnyam pa nyid kyi ye shes su gyur pa dang / yid kyi rnam par shes pa gnas gzhan du gyur nas so sor kun du rtog pa'i ye shes su gyur te/ sar zhugs pa'i byang chub sems dpa' rnams la chos kyi longs spyod chen po mdzad pa ni longs spyod rdzogs pa'i sku zhes bya'o//sprul pa'i sku yang gzhan yin te/ /zhes bya ba la/ gzhan gyi sgras ni chos kyi sku dang longs spyod rdzogs pa'i sku 'ba' zhig tu ma zad kyi sprul pa'i sku yang yod do/ /nam mig gi rnam par shes pa nas lus kyi rnam par shes pa'i bar du gnas gzhan du gyur nas dga' ldan gyi pho brang du 'chi 'pho bstan pa dang /mya ngan las 'das pa'i bar dag bstan pa'i sgo nas 'dzam bu'i gling gi sems can yongs su smin par byed pa ni sprul pa'i sku yin no zhes bya ba'i don to/ /sangs rgyas rnams kyi sku dbye ba//zhes bya ba la/ de bzhin gshegs pa rnams la ni sku gcig tu ma zad kyi phye na rnam pa gsum yod do zhes bya ba'i don to/ /thog ma gnyis po'i gnas yin no/ /zhes bya ba la thog ma ni chos kyi sku la bya ste/ chos kyi sku ni rdzogs longs spyod pa'i sku dang sprul sku gnyis kyi gnas dang rten yin no zhes bya ba'i don to//de bas na sangs rgyas kyi sa'i ting nge 'dzin las kyang de la chos kyi rnam grangs mtha' dag thos pa'i bag chags yongs su smin pas ma lus par bsgoms pa rgyur gyur pa'i rtag tu sems can thams cad la phan pa dang bde ba skye ba'i phyir nye bar gnas pa'i ting nge 'dzin dang / gzungs kyi sgo dpag tu med pa dang / bsod nams dang ye shes kyi tshogs dang ldan pa shes bya dang nyon mongs pa'i sgrib pa thams cad las dben pa ni chos kyi dbyings rnam par dag pa ste/ chos thams cad kyi de bzhin nyid do/ /phyin ci ma log pa'i rang bzhin no/ /'phags pa'i chos thams cad kyi skye ba'i rgyu'o//de bzhin gshegs pa thams cad kyi bdag nyid do zhes bshad do/ /rdzogs longs spyod pa'i sku cher bshad pa'i phyir/ /rdzogs pa'i khams rnams thams cad du/ /mang po yongs sdud tha dad do/ /zhing dang ming du sku rnams dang / /chos la rdzogs longs spyod byed pas//ces bya ba smos te/ rdzogs par longs spyod pa'i sku ni 'jig rten gyi khams dang sangs rgyas kyi zhing thams cad na mang po yongs su sdud pa thams cad dang / zhing tha dad pa dang / sku tha dad pa dang / chos la rdzogs par longs spyod pa tha dad par rig par bya'o zhes bya ba'i don to/ /de la mang po yongs su sdud pa zhes bya ba ni 'khor sdud pa la bya ste/rdzogs longs spyod pa'i 'khor mang po yang tha dad do/ /ji lta zhe na/ rdzogs longs spyod pa'i 'khor kha cig ni byang chub sems dpa' blo gros mi zad pa zhes bya ba la sogs pas bskor la/ rdzogs longs spyod pa'i 'khor kha cig tu ni byang chub sems dpa' kun du bzang po dang /spyan ras gzigs kyi dbang po zhes bya ba la sogs pa byang chub sems dpa'i 'khor gzhan gyis bskor ba'i phyir ro/ /zhing tha dad pa ni sangs rgyas kyi zhing gi sa gzhi kha cig shel gyi kha dog tu gnas/ kha cig gser dang be+e DUr+ya la sogs pa'i kha dog tu gnas pa'i phyir ro//ming tha dad pa ni rdzogs longs spyod pa'i sku kha cig gi mtshan rnam par snang mdzad ces bya/ kha cig snang ba mtha' yas zhes bya/ kha cig kun du bzang po zhes bya ba la sogs pa mtshan tha dad pa'i phyir ro/ /sku tha dad pa ni kha cig sku mdog gser du snang ba dang / kha cig shel dang /kha cig dngul du snang ba dang / kha cig ni sku tshad che/ kha cig ni sku tshad chung ba'i phyir ro/ /chos la rdzogs par longs spyod pa tha dad pa ni kha cig gi rdzogs longs spyod pa'i 'khor nas bcu'i theg pa chen po 'chad/ kha cig ni lang kar gshegs pa 'chad/ kha cig ni shes rab kyi pha rol tu phyin pa 'chad pa'i phyir ro//chos kyi sku rgya cher bstan pa'i phyir/ mnyam nyid phra ba de dang 'brel/ /rang bzhin skur ni 'dod pa'o/ /zhes bya ba smos te/ chos kyi sku thams cad mnyam par 'dod de/ sangs rgyas rnams kyi chos kyi dbyings la tha dad pa ni mi mthun pa med pa'i phyir ro/ / chos kyi sku ni phra bar 'dod de/ nyan thos dang rang sangs rgyas la sogs pa'i spyod yul du ma gyur pa'i phyir ro/ /chos kyi sku ni rdzogs longs spyod pa'i sku dang 'brel bar 'dod de/ rdzogs longs spyod pa'i sku'i rgyur gyur pa bstan pa'i phyir ro/ /ji ltar rgyur 'gyur zhe na/ chos kyi sku'i rgyu mthun pa las rdzogs longs spyod pa'i sku byung nas sar zhugs pa'i byang chub sems dpa' chen po rnams dang thun mong ma yin pa'i theg pa chen po'i chos rnams kyi longs spyod rdzogs par mdzad pa'i phyir ro//yang na rnam par mi rtogs pa'i ye shes kyi rjes las thob pa dag la 'jig rten pa'i ye shes la rdzogs longs spyod pa'i sku zhes bya ste/dag pa 'jig rten pa'i ye shes ni rnam par mi rtog pa'i ye shes las 'byung bas chos kyi sku dang 'brel pa zhes bya'o/ /ji ltar 'brel pa'i don bstan pa'i phyir/ longs spyod rdzogs pa 'brel pa'i rgyu/ /'dod bzhin longs spyod ston pa'o//zhes smos te/ bsam pa bzhin phyi'i longs spyod sa gzhi shel dang / gser la sogs pa bstan par bya ba'i phyir dang / ci dgar nang gi longs spyod theg pa chen po'i chos zab mo bstan par bya ba'i phyir rdzogs longs spyod pa 'byor pa dang bcas pa'i sku 'byung ba'i rgyu ni chos kyi sku yin no zhes bya ba'i don to//de bas na rdzogs longs spyod pa'i sku dang 'brel to/ /sprul pa'i sku rgya cher bshad pa'i phyir/ sprul pa'i sku ni rig pa ste/ /zhes bya ba smos te/ dga' ldan gyi pho brang nas 'chi 'pho bstan pa la sogs 'ba' zhig la sprul pa'i sku zhes bya bar ma zad kyi/ brgya byin dang /tshangs pa dang / yi dwags dang byol song la sogs pa'i lus su sprul pa thams cad la sprul pa'i sku zhes bya bas/ sprul pa'i sku ni dpag tu med par rig par bya ste/ byol song la sogs pa sprul pa kun yang sprul pa'i sku yin pa'i phyir ro/ /rdzogs longs spyod pa'i sku dang sprul ba'i sku'i don mdor bsdus te bstan pa'i phyir/gnyis la don gnyis phun sum tshogs/ /rnam pa kun du rab tu gnas/ /zhes bya ba smos te/ gnyis ni rdzogs longs spyod pa'i sku dang sprul pa'i sku gnyis la bya ste/ sku de gnyis la don gnyis zhes bya'am sku de gnyis kyis don gnyis mdzad do zhes bya ba'i don to//de la don gnyis ni bdag gi don phun sum tshogs pa dang / gzhan gyi don phun sum tshogs pa ste/ de longs spyod rdzogs pa'i sku la ni bdag gi don phun sum tshogs pa rnam pa thams cad du gnas te/ ci'i phyir zhe na/ rdzogs longs spyod pa'i skus ni sar zhugs pa'i byang chub sems dpa'i 'khor gyi nang du thun mong ma yin pa'i theg pa chen po'i chos kyi longs spyod so sor myong ba'i phyir ro//sprul pa'i sku la ni gzhan gyi don phun sum tshogs pa rnam pa thams cad du gnas te/ 'dzam bu'i gling la sogs par chos kyi 'khor lo bskor ba'i sgo nas gzhan gyi don 'ba' zhig mdzad pa'i phyir ro//sprul pa'i sku la rnam pa thams cad du gzhan gyi don phun sum tshogs pa ji ltar nye bar gnas she na/ de'i phyir/ bzo dang skye dang byang chub che/ /rtag tu mya ngan 'das ston pa/ /sangs rgyas sprul pa'i sku 'di ni/ /rnam par grol ba'i thabs chen po//zhes smos te/ sprul pa'i sku 'dis rtag tu bzo ston pa dang / skye ba ston pa dang / byang chub chen po ston pa dang / mya ngan las 'das pa ston pa'i sgo nas sems can rnams mya ngan las 'das pa la 'jog par byed pa'i thabs chen po yin pas na sprul pa'i sku la gzhan gyi don phun sum tshogs pa rnam pa thams cad du gnas pa yin no//de la bzo ston pa ni shing mkhan dang rdza mkhan dang pi wang mkhan la sogs pa rnam pa sna tshogs ston pa'o/ /skye ba ston pa ni dga' ldan nas shi 'phos shing mngal du gshegs pa dang / rgyal rigs dang bram ze'i rigs la sogs pa sna tshogs su skye ba ston pa'o//byang chub chen po ston pa ni rdo rje gdan du mngon par byang chub cing bdud 'joms par ston pa'o/ /mya ngan las 'das pa ston pa ni mya ngan las 'das pa ston pas 'dul ba rnams la phung po 'dor ba lta bur ston pa'o/ /sangs rgyas sku yang bsdu ba ni/ / sku gsum du yang shes par bya/ /zhes bya ba la/ de bzhin gshegs pa'i chos kyi sku dang / rdzogs par longs spyod pa'i sku dpag tu med pa rnams dang / sprul pa'i sku dpag tu med pa rnams kyang sku gsum du 'dus par rig par bya ste/ chos kyi sku rnams chos kyi skur bsdu/ rdzogs par longs spyod pa'i sku dpag tu med pa yang rdzogs longs spyod pa'i skur bsdu/sprul pa'i sku dpag tu med pa rnams la sprul pa'i skur bsdu bar rig par bya'o zhes bya ba'i don to/ /bdag dang gzhan don gnas bcas pa/ /sku gsum dag gis shin tu gnas/ /zhes bya ba la/ de ltar sku gsum bstan pa des kyang rnam pa gsum bstan te/gsum po ni bdag gi don dang bcas pa bstan pa dang gzhan gyi don dang bcas pa bstan pa dang / gnas dang bcas pa bstan pa ni rdzogs longs spyod pa'i sku ste sku des sgrib pa gnyis dang bral ba ni ye shes gnyis su med pa rang gis myong ba'i phyir ro//gzhan gyi don dang bcas pa'i sprul pa ni sprul pa'i sku ste/ des 'dzam bu'i gling du chos kyi 'khor lo bskor ba la sogs pa'i sgo nas sems can gyi don byed pa'i phyir ro/ /de'i gnas dang bcas pa ni chos kyi sku ste/ chos kyi sku ni rdzogs longs spyod pa'i sku dang /sprul pa'i rten dang gnas yin pa'i phyir ro/ /mdo sde las/ de bzhin gshegs pa thams cad mnyam pa'o zhes gsungs pa dang / de bzhin gshegs pa thams cad kyi sku rtag pa'o zhes gsungs pa'i don bstan pa'i phyir/ gnas dang bsam pa rnams dang ni//las kyang de dang mtshungs par 'dod/ /ces bya ba la sogs pa tshigs su bcad pa gcig smos te/ mnyam pa rnam pa gsum gyis de bzhin gshegs pa thams cad mtshungs te tha mi dad pa'i phyir sangs rgyas thams cad ni mnyam pa zhes bya'o/ /mnyam pa rnam pa gsum ni gnas mnyam pa dang /bsam pa mnyam pa dang / las mnyam pa'o/ /de la gnas mnyam pa ni chos kyi sku ste/ sku gnyis ni rten du gyur pa'i rang bzhin chos kyi dbyings rnam par dag pa la tha dad pa ni 'dra ba med pa'i phyir ro/ /bsam pa mnyam pa ni rdzogs longs spyod pa'i sku ste/ rdzogs longs spyod pa'i sku thams cad la bsam pa che chung dang bzang ngan med kyi/thams cad kyang sems can la phan pa dang bde bar bya ba dgongs pa gcig pa'i phyir ro/ /las gcig pa ni sprul pa'i sku ste/ sprul pa'i sku thams cad kyang sprul pa sprul nas sprul pa'i phrin las kyis sems can 'dul bar mdzad par 'dra ba dang /de bzhin gshegs pa gcig gis sprul pa sprul na de bzhin gshegs pa gzhan gyis kyang sprul pa de sprul pa yin par phrin las thun mong bas na las gcig go/ /rtag pa'i don bstan pa'i phyir/ rang bzhin dang ni rgyun mi 'chad/ /rgyun gyis de dag rtag pa'o/ /zhes smos te/de la rtag pa rnam pa gsum gyis na de bzhin gshegs pa thams cad kyi sku rtog pa zhes bya ste/ rtag pa gsum ni rang bzhin rtag pa dang / rgyun mi 'chad par rtag pa dang / rgyun rtag pa'o/ /de la rang bzhin rtag pa ni chos kyi sku ste/ chos kyi sku ni rang bzhin gyis skye 'gag med pa'i rang bzhin yin pa'i phyir ro//rgyun mi 'chad par rtag pa ni rdzogs longs spyod pa'i sku ste/ byang chub sems dpa' sar zhugs pa'i nang na theg pa chen po'i chos kyi longs spyod rgyun mi 'chad par mdzad pa'i phyir ro/ /rgyun gyis rtag pa ni sprul pa'i sku ste/ 'jig rten gyi khams la lar mya ngan las 'das pa bstan nas mi snang bar byas kyang 'jig rten gyi khams gzhan dag tu skye ba dang /mngon par sangs rgyas pa bstan nas sems can gyi don mdzad pa 'khor ba'i mtha'i bar du yang rgyun mi 'chad pa'i phyir ro/ /sangs rgyas kyi ye shes rnam par dbye ba'i tshigs su bcad pa bcu ste zhes bya ba la/sku gsum gyi skabs bshad pa'i rjes la ye shes kyi skabs bshad par 'brel pa ci yod ce na/ skabs 'di ni byang chub bshad pa'i skabs yin la sangs rgyas kyi sa yang chos lngas bsdus te/ chos kyi dbyings rnam par dag pa dang / me long lta bu'i ye shes dang / mnyam pa nyid kyi ye shes dang /so sor kun du rtog pa'i ye shes dang / bya ba sgrub pa'i ye shes so zhes bshad pa las chos kyi dbyings bshad pa'i zla la chos kyi dbyings ni rang bzhin dang / rdzogs pa'i longs spyod pa dang / sprul pa'i sku ste rnam pa gsum du 'jug go zhes sku gsum gyi rab tu dbye ba bshad do//da ni ye shes kyi dbang du byas nas ye shes bzhi'i rang bzhin bshad par bya ste/ de yang tshigs su bcad pa bcus ston to zhes bya ba'i don to/ /ye shes bzhi las kyang me long lta bu'i ye shes lngar byung bas nas de dpyad pa'i phyir/ me long ye shes mi g.yo ste/ /ye shes gsum ni de la gnas//zhes smos te/ me long lta bu'i ye shes ni g.yo ba med pa'i rang bzhin chos kyi dbyings rnam par dag pa la rtag tu gnas shing 'khor ba'i mtha'i bar du yang 'byung 'jug med par rgyun mi 'chad par 'jug par 'byung ba'i phyir mi g.yo ba zhes bya ba la ye shes gsum ni 'byung 'jug yod pas na g.yo ba zhes bya ste/g.yo ba'i ye shes gsum ni me long lta bu'i ye shes la gnas shing brten to zhes bya ba'i don to/ /de bas na sangs rgyas kyi sa'i mdo las kyang 'di lta ste/ bsod nams 'dod pa'i skyes bu la las ji tsam 'gro ba dang 'ong zhing lhags pa rnams bdag gi lus kyi yon tan dang nyes pa so sor blta ba'i phyir nyes pa zhig pa dang /yon tan bskyed pa'i phyir me long gi dkyil 'khor rgya chen por gnas bzang por mi g.yo bar gzhag pa de bzhin du/ de bzhin gshegs pa rnams kyi me long lta bu'i ye shes kyi dkyil 'khor kyang grangs med dpag tu med pa'i sems can rnams kyi kun nas nyon mongs pa dang rnam par byang ba dor ba dang bskyed pa'i phyir chos kyi dbyings rnam par dag pa'i gnas su rgyun mi 'chad pa'i phyir mi g.yo bar gzhag go zhes gsungs pa lta bu'o//ye shes gsum gang zhe na/ de'i phyir/ mnyam pa nyid dang so sor rtog /bya ba grub pa dag kyang ngo / /zhes smos te/ me long lta bu'i ye shes la gnas pa'i ye shes gsum ni mnyam pa nyid kyi ye shes dang / so sor kun du rtog pa'i ye shes dang / bya ba sgrub pa'i ye shes so/ /me long ye shes nga yir med/ /ces bya ba la/ me long lta bu'i ye shes la gzung ba dang 'dzin par rtog pa dang /nga dang bdag tu rtog pa dang / btsal ba 'bad pa med pas nga'i med pa zhes bya ste/ de bas na sangs rgyas kyi sa'i mdo las kyang / 'di lta ste/ me long gi dkyil 'khor du gzugs brnyan rnam pa du mar rnam pa mang po skye ba yang me long gi dkyil 'khor de la de dag med de/me long gi dkyil 'khor de la ched du 'jug pa med cing mngon par 'du byed pa med pa de bzhin du de bzhin gshegs pa rnams kyi me long lta bu'i ye shes kyi gzugs brnyan rnam pa du mar rnam pa mang po snang ste/ me long lta bu'i ye shes la gzugs brnyan med de/me long lta bu'i ye shes la gzugs brnyan de la ched du 'jug pa med cing mngon par 'du byed pa med do zhes gsungs so/ /yongs su ma chad ces bya ba la/ me long lta bu'i ye shes la ni yul dang phyogs su ma chad pa ste/ yul dang phyogs kha cig tu 'jug cing kha cig tu mi 'jug pa ma yin par yul dang phyogs thams cad du 'jug cing 'byung ba'i phyir ro//rtag tu ldan zhes bya ba ni dus ma chad par bstan te dus kha cig tu mi 'byung ba ma yin gyi dus gsum thams cad du 'byung ba'i phyir ro/ /de bas na sangs rgyas kyi mdo las kyang / 'di lta ste/ me long gi dkyil 'khor ngos thams cad shin tu phyis pa ni mdun dang logs dang /rgyab thams cad kyang gzugs brnyan skye ba'i rgyur gyur pa de bzhin du/ de bzhin gshegs pa rnams me long lta bu'i ye shes yongs su chad pa med pa'i rnam pa shin tu phyis na thams cad kyang gzugs brnyan skye ba'i rgyur gyur zhes gsungs pa lta bu'o//shes bya kun la ma rmongs te/ /zhes bya ba la/ me long lta bu'i ye shes la ni nyon mongs pa dang shes bya'i sgrib pa med pas me long dag pa'i ngos su gzugs brnyan rnam pa sna tshogs pa snang ba dang 'dra bar shes bya'i rnam pa thams cad ye shes de la snang zhing ye shes thugs su chud pa nas shes bya thams cad la ma rmongs pa zhes bya'o//de bas na sangs rgyas sa'i mdo las kyang de 'di lta ste/ me long gi dkyil 'khor shin tu phyis pa dang zhing gsal ba dri ma med pa kun nas lham me lhag ge lhang nger snang bde bzhin du de bzhin gshegs pa rnams kyi me long lta bu'i ye shes kyang sangs rgyas kyi ye shes kyis nyon mongs pa dang /shes bya'i sgrib pa sbyangs shing shin tu phyis pa sems can thams cad kyi bya ba sgrub pa'i phyir de la gnas pa'i ting nge 'dzin yongs su bzung bas dang zhing gsal te/ kun nas lham me lhag ge lhang nger snang ngo zhes gsungs so//de dag la yang rtag mngon med/ /ces bya ba la/ mig gi rnam par shes pas gzugs la dmigs pa na sngon po dang ser po la sogs pa rnam pa dang / dmigs pa so sor gcod kyang tha snyad med pa de bzhin du ye shes kyi dkyil 'khor der shes bya'i gzugs brnyan rnams snang yang 'di ni sngon po 'di ni ser po zhes rnam pa dang dmigs pa dang dmigs pa mi gcod cing rtog pa med pas de dag la rtag mngon med ces bya'o//rnam par mi rtog pa'i ye shes kyis ni rtag mngon med ces bya ba dang / dmigs par byed pa mnyam par dmigs te/ ci'i phyir zhe na/ chos kyi dbyings de bzhin nyid la dmigs pa'i phyir ro//de bas na sangs rgyas kyi sa'i mdo las kyang de 'di lta ste/ me long gi dkyil 'khor ni rnam pa gzugs brnyan rnam pa du ma rnam pa mang po de dag dang nye bar phrad cing de'i mtshan ma'i phyir ldan pa yang ma yin mi ldan pa yang ma yin pa de bzhin du/de bzhin gshegs pa rnams kyi me long lta bu'i ye shes kyang / ye shes kyi gzugs brnyan rnam pa du ma rnam pa mang po de dag nye bar mi phrad cing mi brjod pa'i chos kyi phyir ldan pa yang ma yin/ mi ldan pa yang ma yin no zhes gsungs so/ /ye shes kun gyi rgyu yin pas//ye shes 'byung gnas chen po 'dra/ /zhes bya ba la/ ye shes kyi 'byung gnas ye shes mang po 'byung ba ltar me long lta bu'i ye shes las kyang mnyam pa nyid kyi ye shes dang / so sor kun du rtog pa'i ye shes dang / bya ba sgrub pa'i ye shes rnams 'byung ste/ ye shes gzhan 'byung ba'i rgyu byed pas na ye shes kyi 'byung gnas chen po zhes bya'o//de bas na de bzhin gshegs pa skye ba 'byung ba bstan pa'i mdo las/ sangs rgyas bcom ldan 'das rnams ni ye shes kyi 'byung gnas rnam pa thams cad du ye shes kyi rten du gyur pa'i ye shes dang ldan pa'i phyir ro zhes gsungs so//sangs rgyas kyi sa las 'di lta ste/ me long gi dkyil 'khor gzugs kyi rkyen sdud pas gzugs brnyan mang po skye ba'i rgyur gyur pa de bzhin du/ de bzhin gshegs pa rnams kyi me long lta bu'i ye shes kyang sems can gyi dus kyi rkyen sdud pas sems ye shes kyi gzugs brnyan sna tshogs skye ba'i rgyur 'gyur ro zhes gsungs so//rdzogs longs spyod pa'i sangs rgyas de/ /zhes bya ba la me long lta bu'i ye shes de la rdzogs longs spyod pa'i sangs rgyas zhes kyang bya ste/ ci'i phyir zhe na/ rdzogs longs spyod pa'i sku 'byung ba'i rgyur gyur pa dang /gzung 'dzin gnyis dang bral ba'i gnyis su med pa'i ye shes kyi bde ba rang gis myong ba'i phyir ro/ /ye shes gzugs brnyan 'byung phyir te/ /zhes bya ba la/ rnam par mi rtog pa'i ye shes de la ci'i phyir me long lta bu'i ye shes zhes bya zhe na/ dper na me long gi nang du gzugs brnyan rnam pa sna tshogs 'byung ba de bzhin du rnam par mi rtog pa'i ye shes de la yang mnyam pa nyid dang /so sor kun du rtog pa dang / bya ba sgrub pa'i ye shes kyi gzugs brnyan 'byung bas na me long lta bu'i ye shes zhes bya'o/ /mnyam pa nyid kyi ye shes kyi rang bzhin bstan pa'i phyir/sems can mnyam pa nyid kyi ye shes ni/ /zhes bya ba la sogs pa tshigs su bcad pa gcig smos te/ sa dang po'i dus na bdag gang yin pa sems can gzhan yang de yin/ gzhan gang yin pa bdag kyang de yin no zhes sems can dang bdag gnyis su mnyam pa nyid dang sa dang po'i dus na rtogs so zhes bya ba'i don to//bsgom pa dag phyir 'dod pa ste/ /zhes bya ba la/ sa dang por mnyam pa nyid rtogs pa'i ye shes las gnyis nas sa bcu'i bar du bsgom pa dang / sa bcu man chad nang dang bdag tu rtog pa'i bag chags phra mo yang spangs nas dag par gyur pa dang /sangs rgyas kyi sar mnyam pa nyid kyi ye shes su gyur pa 'dod do zhes bya ba'i don to/ /mnyam pa nyid kyi ye shes kyi rang bzhin bstan pa'i phyir/ mi gnas zhi bar zhugs pa ni/ /mnyam nyid ye shes su yang 'dod/ /ces smos te/ sangs rgyas kyi sar mi gnas pa'i mya ngan las 'das par zhugs nas/'khor ba dang mya ngan las 'das pa gnyis ka la tha dad pa med cing ro gcig par dmigs pa ni mnyam pa nyid kyi ye shes yin par 'dod do zhes bya ba'i don to/ /de bas na sangs rgyas kyi sa'i mdo las kyang / 'jig rten dang zhi bar bya ba ro gcig pa bya ba mnyam pa nyid yongs su rdzogs pa dang zhes gsungs so//mnyam pa nyid kyi ye shes kyi ldan pa'i don bstan pa'i phyir/ byams dang snying rje chen po dang / /thams cad dus su ldan par rig/ /ces smos te/ mnyam pa nyid kyi ye shes de ni dus thams cad du tshad med pa bzhi las byams pa chen po dang snying rje chen po dang ldan par rig par bya'o zhes bya ba'i don to//de la sems can thams cad bde ba la 'jog par byed pa ni byams pa chen po'o/ /sems can thams cad kyi sdug bsngal sel bar byed pa ni snying rje chen po'o/ /de ltar mnyam pa nyid kyi ye shes byams pa dang snying rjer ldan pa'i phyir/de bzhin gshegs pa'i skye ba 'byung bar bstan pa'i mdo las kyang / sangs rgyas bcom ldan 'das rnams ni ye shes kyi zla ba chen po yin te/ sems can thams cad zhi ba nye bar ston pa'i phyir ro zhes gsungs so/ /sangs rgyas kyi sa las kyang /skyabs kyi rnam pa byams pa chen po mnyam pa nyid yongs su rdzogs pa dang / btang snyoms tshad med pa rnams snying rje chen po mnyam pa nyid yongs su rdzogs pa dang zhes gsungs so/ /sems can rnams kyi mos bzhin du/ /sangs rgyas gzugs ni shin tu ston//zhes bya ba la/ gzhan yang mnyam pa nyid kyi ye shes ni sems can so so'i mos pa dang / tha dad pa dang / bsam pa bzhin du sku ston par byed do/ /kha cig la sku'i kha dog sngon por ston/ kha cig la ser por ston pa la sogs pa'o/ /de bas na de bzhin gshegs pa gsang ba bstan pa'i mdo las kyang /sems can la la las ni de bzhin gshegs pa'i kha dog sngon por/ la la las ni ser por mthong ba la sogs pa gsungs so/ /sangs rgyas kyi sa'i mdo las kyang / ji ltar mos pa'i sems can thams cad la de bzhin gshegs pa'i gzugs kyi sku ston pa mnyam pa nyid kyi ye shes yongs su rdzogs pa dang zhes gsungs so//so sor kun du rtog pa'i ye shes kyi rang bzhin bstan pa'i phyir/ so sor rtog pa'i ye shes ni/ /rtag tu shes byar mi thogs te/ /zhes bya ba la sogs pa smos te/ so so'i skye bo'i dus na yid kyi rnam par shes pa ser po dang /sngon po la sogs pa la dpyod cing rtog pa de gnas gyur na so sor rtog pa'i ye shes zhes bya ste/ de yang chos rnams kyi mtshan nyid ji lta ba bzhin du rtogs shing thugs su chud pa'i rang bzhin yin pas so sor rtog pa'i ye shes zhes bya'o/ /de bas na sangs rgyas kyi sa'i mdo las kyang /de 'di lta ste/ 'jig rten gyi khams khor yug dang khor yug chen pos kun du bskor ba de bzhin du de bzhin gshegs pa rnams kyi so sor rtog pa'i ye shes kyang rnam pa thams cad du/ chos thams cad kyi rang gi mtshan nyid dang spyi'i mtshan nyid la ma rmongs pas kun du bskor ro zhes gsungs so//de yang chos kha cig gi rang dang spyi'i mtshan nyid khong du chud pa ma yin gyi chos thams cad kyi rang dang spyi'i mtshan nyid khong du chud pa ni/ rtag tu shes bya la mi thogs pa zhes bya ste/ de bas na sangs rgyas kyi sa'i mdo las kyang de 'di lta ste/ 'jig rten gyi khams ni lan cig tu rnam pa sna tshogs shes par 'gyur bde bzhin du de bzhin gshegs pa rnams kyi so sor rtog pa'i ye shes kyang shes par bya ba thams cad la mi chags pa'i ye shes rnam pa sna tshogs shes par byed pa'i rgyur 'gyur ro zhes gsungs so//de bas na de bzhin gshegs pa'i skye ba 'byung bar bstan pa'i mdo las kyang /sangs rgyas bcom ldan 'das ni ye shes kyi nyi ma chen po yin te/ shes bya thams cad la ye shes kyis snang bar byed pa'i phyir ro zhes gsungs so/ /ting nge 'dzin dang gzungs rnams kyi/ /gter lta bu ni de nyid do/ /zhes bya ba la/ so sor kun du rtog pa'i ye shes las dpa' bar 'gro ba'i ting nge 'dzin la sogs pa ting nge 'dzin dpag tu med pa 'byung ba dang /mi zad pa'i za ma tog la sogs pa gzungs dpag tu med pa 'byung bas na de dag gi gter du gyur pa nyid ces bya ste/ de bas na sangs rgyas kyi sa'i mdo las kyang / yang shin tu yang dag par rtog pa'i ye shes ni de 'di lta ste/'jig rten gyi khams sems can gyi rten du gyur pa de bzhin du de bzhin gshegs pa rnams kyi so sor rtog pa'i ye shes kyang ting nge 'dzin dang / gzungs kyi sgo dang / so so yang dag par rig pa dang / spobs pa ston pa dang / sangs rgyas kyi chos rnams kyi rten du 'gyur ro zhes gsungs so//'khor gyi dkyil 'khor rnams su yang / /'byor pa thams cad rab tu ston/ /zhes bya ba la so sor rtog pa'i ye shes kyis byang chub sems dpa'i sar zhugs pa'i 'khor gyi dkyil 'khor du phyi'i longs spyod kyi 'byor pa rin po che'i sa gzhi dang / rin po che'i shing dang / lda ldi rnam pa sna tshogs ston par byed de/ de bas na sangs rgyas kyi sa'i mdo las kyang / de 'di lta ste/ 'jig rten gyi khams ni sems can rnams kyis yongs su longs spyod par 'gyur ba de bzhin du/ de bzhin gshegs pa rnams kyi so sor rtog pa'i ye shes kyang rnam pa thams cad du phun sum tshogs pa sangs rgyas kyi dkyil 'khor thams cad du ston cing chos rin po che rdzogs par longs spyod par 'gyur ro zhes gsungs so//the tshom thams cad gcod pa ste/ /zhes bya ba la/ so sor rtog pa'i ye shes des theg pa chen po'i chos kyi rang bzhin dang spyi'i mtshan nyid la the tshom du gyur pa'i the tshom gcod par byed do zhes bya ba'i don to//chos chen char ni shin tu 'bebs/ /zhes bya ba la/ so sor rtog pa'i ye shes des byang chub sems dpa' sar zhugs pa rnams la theg pa chen po'i chos zab cing rgya che ba rnams kyang ston par mdzad de zhes bya ba'i don to//de bas na sangs rgyas kyi sa'i mdo las kyang / de 'di lta ste/ 'jig rten gyi khams ni ri rab la sogs pa rin po che'i ri snang bas nye bar dmigs pa de bzhin du/ de bzhin gshegs pa rnams kyi so sor rtog pa'i ye shes la sangs rgyas dang byang chub sems dpa' mthu dang ldan pa chos rgya chen po bstan pa rab tu snang ngo zhes gsungs so//bya ba sgrub pa'i ye shes kyi rang bzhin bstan pa'i phyir/ bya ba sgrub pa'i ye shes ni/ /thams cad khams su sprul pa dang / /sna tshogs dpag med bsam yas pas/ /sems can kun gyi don sgrub pa'o/ /zhes bya ba smos te/bya ba sgrub pa'i ye shes kyis ni phyogs bcu'i 'jig rten gyi khams thams cad du/ sku sprul pa dang / thugs sprul pa dang / gsung sprul pas 'phags pa dang / 'phags pa ma yin pa'i sems can kun gyi don sgrub par mdzad do zhes bya ba'i don to/ /sprul pa de yang sna tshogs kyis sems can gyi don sgrub pa dang /bsam gyis mi khyab pa'i sems can gyi don sgrub pa'o/ /de la lha dang klu dang gnod sbyin dang dri za la sogs pa sems can sna tshogs kyi skur sprul pas na sna tshogs kyis sems can gyi don sgrub pa'o/ /de yang grangs kyis gcig gnyis sam brgya stong zhes grangs bcad par mi nus pa zhig sprul par mdzad pas na/dpag tu med pa sems can gyi don sgrub pa'o/ /sprul pa mang po sprul pa de dag kyang sems can sprul pa las 'das pa ji snyed cig sprul par mdzad pas na/ bsam gyis mi khyab pa'i sems can sgrub pa'o/ /de la sna tshogs dang dpag tu med pa dang bsam gyis mi khyab pa gsum gyis don rim bzhin du bstan pa'i phyir/bya ba sgrub pa'i bye brag dang / /grangs dang zhing gis rtag tu ste/ /sangs rgyas sprul pa bsam mi khyab/ /de yang rnam pa kun rig bya/ /zhes smos te/ spyir na sangs rgyas kyi sprul pa ni rtag pa'ang bsam gyis mi khyab pa'i rnam pas sems can gyi don byed par rig par bya ste/ji ltar bsam gyis mi khyab ce na/ bya ba sgrub pa'i bye brag bsam gyis mi khyab pa dang / grangs bsam gyis ma khyab pa dang / zhing bsam gyis mi khyab pa'i phyir ro/ /de la lha dang mi'i lus su sprul par ma zad kyi sems can thams cad kyi lus su sprul nas sems can gyi don mdzad pas na bya ba sgrub pa'i bye brag bsam gyis mi khyab pa ste/'dis ni sna tshogs kyi don bstan to/ /sprul pa yang gcig gnyis gcig sprul par ma zad kyi tshig gi sgo nas grangs mi chod pa zhig sprul nas sems can gyi don mdzad pas na grangs bsam gyis mi khyab pa ste/'dis ni dpag tu med pa'i don bstan to/ /de'ang sangs rgyas kyi zhing gcig gnyis su 'jug pa ma yin gyi phyogs bcu'i sangs rgyas kyi zhing rab 'byam mtha' yas par 'jug pas na zhing bsam gyis mi khyab pa 'dis ni mtha' yas pa'i don bstan to/ /de bas na de bzhin gshegs pa skye ba 'byung ba bstan pa'i mdo las/sangs rgyas bcom ldan 'das rnams ni ye shes kyi spyan chen po dang ldan pa sems can thams cad kyi nyon mongs pa'i nad zhi bar byed pa'i phyir ro zhes gsungs so/ /da ni ye shes bzhi'i rgyu bstan te/ de'ang me long lta bu'i ye shes kyi rgyu bstan pa'i phyir/'dzin dang zhes smos te/ dang po so so'i skye bo'i dus na dge ba'i bshes gnyen la brten nas/ dam pa'i chos mnyan pa dang / mnyan nas tshig dang don gzung ba dang / gzung ba rnams bsam zhing bsgoms te sgrib pa gnyis spangs nas kun gzhi gnas gyur pa la me long lta bu'i ye shes 'thob par 'gyur ro zhes bya ba'i don to//mnyam pa nyid kyi ye shes kyi rgyu bstan pa'i phyir/ sems kyang mnyam pa dang zhes smos te/ so so'i skye bo'i dus na byams pa chen po'i sems kyis bdag gi don ji ltar sgrub cing bya ba bzhin du sems can gzhan gyi don kyang de bzhin du bsgrub par bya'o zhes bdag dang gzhan gyi don sgrub pa la tha dad pa med par bsgrub par sems pa las mnyam pa nyid kyi ye shes 'byung bar 'gyur ro zhes bya ba'i don to//so sor kun du rtog pa'i ye shes kyi rgyu bstan pa'i phyir/ yang dag chos kyang rab bstan dang //zhes bya ba la/ ji ltar thos pa'i chos dang don rnams phyin ci ma log par gzhan la bstan pa las/ so sor kun du rtog pa'i ye shes 'byung bar 'gyur ro zhes bya ba'i don to/ /bya ba sgrub pa'i ye shes kyi rgyu bstan pa'i phyir/ bya ba dag ni sgrub pa la/ /zhes smos te/so so'i skye bo'i dus na sems can gyi bya ba zhing rmo ba dang tshong bya ba la sogs pa'i grogs byas nas bya ba sgrub pa'i ye shes 'byung ngo zhes bya ba'i don to/ /sangs rgyas gcig ma yin pa dang tha dad pa ma yin pa'i tshigs su bcad pa de la kha cig 'jig rten gyi khams gcig tu sangs rgyas gcig mngon par rdzogs par sangs rgyas na phyogs bcu'i 'jig rten gyi khams gzhan dag tu sangs rgyas gzhan mi 'byung mi skye zhes zer ro//la la dag ni 'khor ba thog ma med pa'i dus nas sangs rgyas gcig cig tu zad de des sangs rgyas kyi zhing khams thams cad du sems can gyi don mdzad cing sangs rgyas kyi phrin las mdzad do zhes smra'o//kha cig ni sangs rgyas mang du yod de/ chos kyi sku la gnas pa'i tshe yang nga dang bdag tu rtog pa spangs pa dang shes bya dang nyon mongs pa'i sgrib pa dang bral ba'i chos kyi sku mang du yod do zhes zer te/ de la sangs rgyas gcig tu yang ma zad du mar yang med par bstan pa'i phyir tshigs su bcad pa gcig rtsom mo zhes bya ba'i don to//tha dad rig dang zhes bya ba la/ sangs rgyas ni gcig kho nar zad par mi rung ste/ ci'i phyir zhe na/ sangs rgyas kyi rigs tha dad pa'i phyir te/ tha dad ces bya ba'i don ni sems can gyi khams na sangs rgyas kyi rigs dang ldan pa'i sems can mtha' yas zhes bya ba'i don to//de la dper na sa bon gyi phung po chen po las sa bon 'bru gcig gis myu gu skyed kyi/ gzhan gyis mi bskyed do zhes bya bar mi rigs pa de bzhin du sems can gyi khams nas 'tshang rgya bar 'gyur ba'i rigs can bsam gyis mi khyab pa dag cig yod pa las gcig cig 'tshang rgya'i gzhan ci'i phyir 'tshang rgya bar mi 'gyur te/'tshang rgya bar mi 'gyur bas smra bar mi rigs so/ /don med dang zhes bya ba la/ dper na gnas gcig tu kha zas la sogs pa g.yos pas 'grangs pa dang phan par 'gyur ba de bzhin du gzhan dag g.yos pa dang 'grangs pa dang phan par 'gyur ba dang 'dra bar bsod nams dang ye shes kyi tshogs sus bsags pa de dag thams cad 'tshang rgya bar 'gyur ba yin gyi/chud mi za ba las gal te gcig cig 'tshang rgya'i gzhan 'tshang mi rgyan ni phyogs bcu'i 'jig rten gyi khams na byang chub sems dpa' bsod nams dang ye shes kyi tshogs bsags pa rnams don med par 'gyur te/don med pa ma yin pas na sangs rgyas gcig tu zad par mi rung ngo / /rdzogs dang zhes bya ba la de bzhin gshegs pa rnams dang po byang chub tu sems bskyed pa na sems can thams cad bla na med pa'i byang chub la bzhag go zhes sems bskyed pa la mngon par sangs rgyas pa'i dus na sems can 'tshang rgya ba la 'jog par zad na gal te gcig cig 'tshang rgya'i gzhan 'tshang mi rgya na ni sangs rgyas kyi dus na yang sems can su yang sangs rgyas su ma bkod pas de bzhin gshegs pas sems can gyi don bya ba rdzogs par ma gyur pa ste/de lta bu yang mi rigs pas ni sangs rgyas gcig tu mi rung ste/ de bas na tshig 'di yan chad kyis 'jig rten gyi khams gcig tu sems can gcig mngon par sangs rgyas pa'i dus na gzhan sangs mi rgya'o zhes bshad pa de mi rigs par bstan to//thog ma med pa'i phyir zhes bya ba la/ dang po nas sangs rgyas gcig cig tu zad de/ sangs rgyas du ma med do zhes thog ma'i sangs rgyas zhes bya ba gang yang med de/ ci'i phyir zhe na/ bsod nams dang ye shes kyi tshogs ma bsags par 'tshang rgya bar ni mi rigs la bsod nams dang ye shes kyi tshogs kyang de'i lung 'bogs pa'i sangs rgyas gzhan med du mi rung bas sangs rgyas de'i lung 'bogs pa'i sangs rgyas gzhan yang dgos la/de la yang sangs rgyas gzhan dag kyang dgos te/ de ltar brgyud nas sangs rgyas gcig tu mi rung bas 'dis ni thog ma med pa nas sangs rgyas gcig tu zad do zhes zer ba bkag go//sangs rgyas gcig min zhes bya ba la/ gong du bshad pa ltar na sangs rgyas ni gcig tu ma zad kyi grangs med dpag tu med do zhes bya ba'i don to/ /tha dad med/ dri med gnas la mang po med/ /ces bya ba'i don la/ dri med gnas ni chos kyi dbyings zag pa med pa'i dbyings la bya ste/ chos kyi dbyings la zhugs pa'i dus na sangs rgyas rnams kyi chos kyi sku la mi mthun pa du mar med pas na chos kyi sku ni mang por yod pa yang mi 'dod de 'dis ni chos kyi sku mang du yod par smra ba bkag go//sangs rgyas su 'gyur ba'i thabs kyi tshigs su bcad pa bzhi'o zhes bya ba la chos kyi dbyings rnam par dag pa dang / ye shes bzhi la sangs rgyas zhes bya ste/sbyin pa'i pha rol tu phyin pa nas bsam gtan gyi pha rol tu phyin pa'i bar pha rol tu phyin pa lnga ni sangs rgyas su 'gyur ba zhes bya'o//pha rol tu phyin pa lnga dag par byed pa ni shes rab kyi pha rol tu phyin pa yin pas/ shes rab kyi pha rol tu phyin pa bstan pa'i phyir tshigs su bcad pa bzhi rtsom mo zhes bya ba'i don to/ /gang rnams med pa de nyid ni/ /yod pa yi ni dam pa'o//zhes bya ba la/ sa dang po'i dus na kun brtags kyi rang bzhin med par khong du chud do/ /gzung ba dang 'dzin pa'i rang bzhin kun brtags pa dang por med par gyur pa de nyid yod pa'i mchog ces gdags te/ ci'i phyir zhe na/ gzung 'dzin dang bral ba'i yongs su grub pa'i mtshan nyid yod pa'i phyir/rnam pa kun du mi dmigs pa/ /dmigs pa yi ni mchog tu 'dod/ /ces bya ba la/ sa dang po'i dus na kun brtags pa'i rang bzhin dang bdag dang bdag gir rtog pa dang / chos su rtog pa mi dmigs te ma mthong ba nyid dmigs pa'i mchog ces bya/ ci'i phyir zhe na/ gzung 'dzin dang bral ba'i yongs su grub pa'i mtshan nyid de de'i tshe dmigs te/ mthong ba'i phyir ro/ /sgom pa dag ni mi mthong ste/ /sgom pa yi ni mchog tu 'dod/ /ces bya ba la/ sa gnyis nas sa bcu man chad kyi tshe gzung ba dang 'dzin pa dang nga dang bdag gir rtog pa spangs te/ sgom par byed pa dang sgom par byed pa gnyis mi mthong bar sgom pa gnyis sgom pa'i mchog tu 'dod de/ ci'i phyir zhe na/ dmigs su med pa'i mtshan nyid bsgom pa'i phyir/ /rnyed pa dag ni ma mthong na/ /rnyed pa yang ni mchog tu 'dod/ /ces bya ba la/ sangs rgyas kyi sa'i dus na rdzogs longs spyod pa'i sku dang /sprul pa'i sku dang / stobs dang mi 'jigs pa la sogs pa'i chos rnyed par ma mthong ba nyid rnyed pa'i mchog ces bya ste/ ci'i phyir zhe na/ chos kun gyi mchog chos kyi sku rnyed pa'i mchog go/ /de ltar dmigs su med pa'i mtshan nyid du bsgoms pa na 'tshang rgya ba'i thabs su 'gyur bar bstan nas dmigs pa dang bcas pa rnams la 'tshang rgya ba med par bstan pa'i phyir/lci ba dang ni ring ba dang / /mtshan ma dag gis brtson 'grus mthong / /byang chub sems dpa' nga rgyal can/ /byang chub las ni ring zhes bya/ /zhes smos te/la la dag 'di snyam du bla na med pa'i byang chub ni stobs dang mi 'jigs pa la sogs pa rmad du byung ba'i chos dang ldan zhing de yang bsgrub dka' bar mthong bas lci bar yang mthong la/ bskal pa grangs med pa gsum gyi bar du bsgrub dgos pas ring por mthong ba dang / bsgom par bya ba'i yul 'ga' zhig mthong bas mtshan ma mthong ba dang /bla na med pa'i byang chub ni brtson 'grus brtsams pas 'thob la/ bdag kyang brtson 'grus brtsams pa yin te/ sangs rgyas 'thob par 'gyur gyi/ gzhan dag ni brtson 'grus med de bdag de bas lhag go snyam du nga rgyal byed cing dngos por dmigs pa dang bcas pa rnams la bla na med pa'i byang chub thob pas ni byang chub las ring ba zhes bya'o//dmigs su med pa'i sgom pa ni/ /sangs rgyas kyi thabs su gyur la dmigs pa can ni thabs ma yin par bstan pa mjug bsdu ba'i phyir/ ji ltar smras pa de thams cad//btags pa tsam du mthong na ni/ /mi rtog byang chub sems dpa' rnams/ /byang chub nyid ni thob ces bya/ /zhes smos te/ gong du bshad pa'i lci ba dang ring ba dang / mtshan ma dang brtson 'grus brtsams par bshad pa rnams btags pa tsam/ sems tsam du zad pa mthong la/sems tsam po de la yang mi rtog na byang chub sems dpa' chos la mi skye ba'i bzod pa thob pas rnam par mi rtog pa'i ye shes lhun gyis grub pa'i phyir de thob pa nyid byang chub thob pa zhes bya'o/ /sangs rgyas rnams phan tshun du bya ba gcig bsdu ba'i tshigs su bcad pa bzhi ste zhes bya ba la/chos kyi dbyings rnam par dag pa dang / ye shes bzhi la'ang sangs rgyas zhes bya ste/ sangs rgyas de thob pan de bzhin gshegs pa'i phrin las gcig par bstan pa'i phyir tshigs su bcad pa bzhi brtsams zhes bya ba'i don to/ /klung dag sa'i 'og tu song na zhes bya ba la/klung gi sgras ni phyogs phyogs nas 'bab pa'i chu bran dang chu bo rnams la bya ste/ de dag ji srid du sa'i 'og tu ma song rgya mtshor ma zhugs ma 'dus kyi bar du zhes bya ba'i don to/ /gnas rnams tha dad ces bya ba ni chu bran dang chu bo de dag shar dang / lho la sogs pa'i gnas nas 'bab pa dang / ri dang gshongs la sogs pa nas 'bab pas gnas tha dad pa zhes bya'o/ /chu bo dag kyang kha cig dmar/ /la la sngo la la la skya bas na/ chu yang tha dad pa zhes bya'o/ /rgya mtsho la ltos nas chu bo de dag chu zheng dang gting dpag tu med pa yod pas yang chung ba zhes bya'o/ /chu bo de dag la las ni bad kan skyed par byed/la las ni mkhris pa skyed par byed/ la la mngar/ la la skyur bas na/ tha dad bya ba byed ces smos te/ las tha dad par byed ces bya ba'i don to/ /chu gnas srog chags phra mo nyer spyod 'gyur/ /zhes bya ba la/ rgya mtshor ma 'dus pa'i chu bo de dag ji srid du rgya mtshor ma 'dus kyi bar du chu bo la brten pa'i srog chags grangs nyung ba dang /bong chung ba rnams kyi gnas dang longs spyod tsam byed pas/ chu gnas srog chags phra mo nyer spyod 'gyur/ /zhes bya'o/ /thams cad rgya mtshor song bar gyur na ni/ /zhes bya ba la/ phyogs phyogs kyi chu bo de dag rgya mtsho chen por zhugs shing 'dus na ni zhes bya ba'i don to//rgya mtshor zhugs pa thams cad kyang gser gyi dkyil 'khor la brten pas na/ gnas rnams gcig pa zhes bya'i rgya mtsho la chu zheng gi kha tshon dang gting dpag par dka' bas na chu zheng che la gcig pa zhes bya'o/ /rgya mtsho'i chu thams cad ni lan tshwa'i ror ro gcig pas bya ba gcig pa zhes bya/rgya mtsho na gnas pa'i sems can grangs mang ba dang bong chen po rnams kyi gnas dang longs spyod du gyur pas na chu la gnas pa'i srog chags mang po rtag tu nyer spyod che zhes bya ste 'di ni dpe'o/ /de'i don bstan pa'i phyir/ sangs rgyas nyid du rab tu ma zhugs par/ /zhes bya ba smos te/ byang chub sems dpa' rnams mngon par sangs rgyas nas chos kyi dbyings rnam par dag pa ma mthong gi bar du zhes bya ba'i don to/ /byang chub sems dpa'i dus nas so so'i phung po lnga la brten nas gnas rnams tha dad pa zhes bya'o//sangs rgyas ma thob kyi bar du byang chub sems dpa' rnams la shes rab che chung yod pas brtan pa'i blo mi mthun pa zhes bya'o/ /mngon par sangs ma rgyas pa'i bar du shes bya thams cad mngon sum du 'gyur ba'i ye shes thams cad mkhyen pa'i ye shes med pas na rtog pa chung ba zhes bya'o//sangs rgyas kyi bar du byang chub sems dpa' kha cig ni sbyin pa'i pha rol tu phyin pa la spyod/ kha cig tshul khrims kyi pha rol tu phyin pa la spyod pa la sogs pa la spyod pa tha dad pas na bdag byed tha dad de zhes bya ste/ phrin las tha dad ces bya ba'i don to/ / sems can grangs kyis dpag tu yod pa dag gi don mdzad pas ni sems can don chung rtag tu nyer spyod ces bya'o/ /thams cad sangs rgyas nyid du zhugs pas na/ /zhes bya ba la/ byang chub sems dpa' de dag thams cad sangs rgyas kyi sa thob ste/ mngon par sangs rgyas nas chos kyi dbyings rnam par dag par zhugs shing mngon sum du byas nas zhes bya ba'i don to//mngon par sangs rgyas pa'i tshe thams cad kyang chos kyi dbyings rnam par dag pa'i gnas la gnas shing rton pas na/ gnas kyang gcig pa zhes bya'o/ /sangs rgyas kyi sa'i tshe yang shes bya thams cad mngon sum du gyur pa'i thams cad mkhyen pa'i ye shes thob pas na rtogs pa chen po gcig ces bya'o//sangs rgyas pa'i tshe sangs rgyas gcig phrin las sprul pa sprul pa mdzad pa bzhin du sangs rgyas gzhan yang phrin las de kho nar mdzad par zad la/ sangs rgyas gcig gis sprul pa sprul pa na chos kyi skur sangs rgyas thams cad sku gcig pas gzhan gyis kyang sprul pa yin pa'i phyir bya ba gcig tu 'dres pa zhes bya'o//mngon par sangs rgyas phan chad sems can grangs med dpag tu med pa rnams skad cig ma gcig la 'dug cing smin par byed pas na/ rtag par yang de dag / sems can tshogs che longs spyod che/ /zhes bya'o/ /sangs rgyas nyid la spro bar bya ba'i tshigs su bcad pa zhes bya ba la/ chos lnga la sogs pa dang ldan pa ni sangs rgyas te/ sangs rgyas de ni gong du bshad pa lta bu'i yon tan dpag tu med pa'i yon tan dang ldan pas na sangs rgyas thob par bya ba dka' ba bskyed pa'i phyir tshigs su bcad pa rtsom mo zhes bya ba'i don to//rnam pa thams cad mkhyen pa bstan pa'i don mdor bsdus te 'chad pa'i tshigs su bcad pa tha ma'i bsdus pa'i don ni rnam pa gsum ste/ bdag gi don phun sum tshogs pa dang / gzhan gyi don phun sum tshogs pa dang /bde ba'i 'byung gnas su gyur pa'o/ /de ltar/ sangs rgyas sa ni dpe med kyi/ /dkar po'i chos dang ldan zhes bya/ /zhes bya ba la/ de ltar zhes bya ba ni gong du bshad pa'i tshul lam rim pa ltar na zhes bya ba'i don to/ /chos kyi dbyings rnam par dag pa dang /ye shes bzhi las sangs rgyas kyi sa zhes bya ste/ sangs rgyas kyi sa'i yon tan stobs dang mi 'jigs pa la sogs pa yon tan bla na med pa ni nyan thos la sogs pa gzhan la med pas dpe med pa zhes bya ste/ de lta bu'i yon tan dpe med pa stobs dang mi 'jigs pa la sogs pa dkar po'i chos dpag tu med pa dang ldan pas na bdag gi don phun sum tshogs so zhes bya ba'i don to//sems can sangs rgyas pa ni sems can rnams tshe 'dir zang zing sna tshogs kyis phan btags pas bde bar byas pa dang / tshe rabs gzhan du mtho ris dang thar pa la bkod pas phan par byas pa'i phyir phan pa dang bde ba'i rgyu zhes bya ste/'dis ni gzhan gyi don phun sum tshogs pa bstan to/ /dge mchog bde ba mi zad 'byung gnas phyir/ /zhes bya ba la/ so so'i skye bo brgya byin dang tshangs pa la sogs pa la bde ba yod kyang zag pa dang bcas pa'i bde ba yin pas dge ba'i mchog ces mi bya'i/mngon par sangs rgyas pa na zag pa med pa'i bde ba dang ldan pas dge ba'i mchog gi 'byung gnas zhes bya'o/ /'phags pa nyan thos la sogs pa la zag pa med pa'i bde ba yod kyang phung po'i lhag ma ma lus par spangs pa'i mya ngan las 'das par zhugs pa'i tshe/ med par gyur pas na bde ba zad pa zhes bya ba la/sangs rgyas kyi sa'i dus na bde ba ji snyed pa thams cad 'khor ba'i mtha'i bar du yang med par mi 'gyur ba'i phyir bde ba mi zad pa'i 'byung gnas zhes bya ste/ 'dis bde ba'i 'byung gnas su 'gyur ba bstan to/ /dge ba'i blo gros byang chub sems bskyed rigs//zhes bya ba la/ pha rol tu phyin pa drug spyod pa'i shes rab dang ldan pas byang chub sems dpa' rnams la dge ba'i blo gros zhes bya ste/ bla na med pa'i byang chub ni gong du bshad pa lta bur bdag gi don phun sum tshogs pa dang / gzhan gyi don phun sum tshogs pa dang bde ba'i 'byung gnas su gyur pas na bla na med pa'i byang chub thob par bya ba'i phyir byang chub tu sems bskyed do zhes bya ba'i don to//mdor gzung ba ni zhes bya ba la/ mdo sde'i rgyan dang po nas brtsams te 'di yan chad du don ci 'byung ba bsdus te bstan na zhes bya ba'i don to/ /mdor bsdus dang po zhes bya ba la/mdor bsdus na 'di yan chad du don bcu bzhi bstan te/ de la dang po bstan bcos 'di ci'i phyir mdo sde'i rgyan zhes bya ste zhes dris pa la/ 'di'i phyir mdo sde'i rgyan zhes bya'o/ /tshigs bcad lnga bstan te/ grub ces bya ba la/ de'i rjes la tshigs bcad bco lngas theg pa chen po grub pa bstan to//skyabs zhes bya ba la/ de'i rjes la theg pa chen po la skyabs su 'gro ba tshigs bcad bcu gnyis kyis bstan to/ /rigs zhes bya ba la rigs kyi skabs kyang tshigs bcad bcu gsum gyis bstan to zhes bya ba'i don to/ /de bzhin byang chub sems bskyed dang //zhes bya ba la/ gong ma dang 'dra bar byang chub tu sems bskyed pa'i skabs kyang tshigs bcad nyi shu bdun gyis bstan te zhes bya ba'i don to/ /bdag dang zhes bya ba la bdag gi skabs kyang tshigs bcad gsum gyis bstan to zhes bya ba'i don to/ /gzhan don zhes bya ba la gzhan gyi don sgrub pa yang tshigs bcad drug gis bstan to zhes bya ba'i don to//yang dag don zhes bya ba la/ /de kho na'i don kyang tshigs bcad bcus bshad do zhes bya ba'i don to/ /mthu zhes bya ba la/ mthu'i don kyang tshigs bcad bcus bstan to zhes bya ba'i don to/ /yongs smin zhes bya ba la bdag yongs su smin pa dang /sems can yongs su smin pa nyi shus bstan to zhes bya ba'i don to/ /byang chub de zhes bya ba la/ byang chub kyi skabs kyang tshigs su bcad pa brgyad cu bdun gyis bstan to zhes bya ba'i don to/ /byang chub kyi skabs 'di dang po nas brtsams te byang chub kyi le'u dang sbyar bar rig par bya'o zhes bya ba la/dang po'i skabs nas brtsams te byang chub kyi skabs kyi bar du bshad pa 'di dag rnal 'byor spyod pa'i sa byang chub sems dpa'i sa las rim pa ji skad du 'byung ba de bzhin du 'dir yang sbyar bar bya'o zhes bya ba'i don to/ /mdo sde'i rgyan bam po gnyis pa'i bshad pa rdzogs so// //mos pa'i mtshan nyid rnam par dbye ba la/ /tshigs su bcad pa gnyis te zhes bya ba la/ byang chub kyi skabs kyi rjes la mos pa'i skabs bshad par 'brel pa ci yod ce na/ 'di yan chad du bdag dang gzhan gyi don byas nas byang chub kyi skabs kyi bar du byang chub sems dpa'i bslab pa dmigs pa'i khyad par bshad nas/da ni dmigs pa'i yul de la ji ltar bslab par bya ba de ston to/ /de la ji ltar bslab par bya zhe na/ rnam pa gnyis la bslab par bya ste/ bsam pa'i khyad par dang sbyor ba'i khyad par gyis so/ / de la sbyor ba'i khyad par la yang rnam pa bzhi ste/ chos yongs su tshol ba dang / bdag dang gzhan la phan pa bsgrub pa dang / bdag dang gzhan la phan pa rnam par dag pa dang / bdag dang gzhan la phan pa mthar byung ba'o/ /de la bsam pa'i khyad par gyis bslab pa ni dam pa'i chos la mos pa dang /dad pa bskyed par bya ba ste/ yang bdag dang gzhan gyi don la brtsams nas byang chub kyi don gyi bar du rgyu dang 'bras bur gyur pa phyin ci ma log pa chos lnga rnams kyi rang bzhin gang yin pa mthong ba rnams kyis zab cing rgya che ba'i chos de dag la dang po nyid du dad pa dang mos pa mang bar bya ste/de bas na byang chub kyi skabs kyi rjes la mos pa'i skabs bshad par 'brel to/ /yang na gong du rigs la gnas pa'i byang chub sems dpa' byang chub tu sems bskyed nas/ byang chub sems dpa'i bslab pa la bslab par bya'o zhes glengs so/ /de la byang chub sems dpa'i bslab pa gsum ste/gang la bslab par bya ba dang / ji ltar bslab par bya ba dang / gang gis bslab par bya ba las bdag dang gzhan gyi don bsgrubs nas byang chub kyi bar du bslab par bya ba ni bstan zin to/ /da ni ji ltar bslab par bya ba de ston to/ /de la yang ji ltar bslab par bya zhe na/ chos la mos pa mang ba dang /chos btsal ba dang / chos bshad pa dang / chos kyi rjes su mthun pa'i chos bsgrub pa dang / bstan pa dang / gdams ngag 'chad pa dang / gdams ngag la gnas par bya ba dang / thabs kyis yongs su zin pa'i lus dang / ngag dang yid kyi las dang ldan par bya ba'i rim pas bslab par bya ste/de bas na byang chub kyi skabs kyi rjes la mos pa'i skabs bshad par 'brel to/ /de la mos pa dang dad pa dang yid ches pa zhes bya ba dag ni don gcig ste tshig gi rnam grangs tsam du zad do/ /de la gzugs la sogs pa'i phung po la sogs pa brtsams nas phung po'i don gang zhe na/gang cung zad gzugs 'das pa dang / ma 'ongs pa dang / da ltar gyi dang / rags pa dang / phra ba dang / dang pa dang / bzang po dang / nye ba dang / ring ba de dag thams cad gcig tu bsdus nas gzugs kyi phung po'i grangs su 'gro'o zhes bya ba bzhin du mdo sde las mos pa la yang 'das pa dang /da ltar dang / ma 'ongs pa dang / nang dang / phyi dang / rags pa dang / phra ba dang / ngan pa dang / bzang po dang / nye ba dang ring ba zhes phye nas bstan te/ de ltar mos pa'i mtshan nyid kyi dpe bstan pa'i phyir tshigs su bcad pa gnyis rtsom mo zhes bya ba'i don to/ /skyes dang zhes bya ba la/las dang / 'bras bu dang / bden pa dang / dkon mchog la sogs pa la yid ches pa 'das pa'i dus su byung ba dang / da ltar gyi dus su 'byung ba la skyes pa'i mos pa zhes bya'o/ /las dang 'bras bu la sogs pa la yid ches pa'i dad pa ma 'ongs pa nas 'byung bar 'gyur ba la ma skyes pa'i mos pa zhes bya'o//mos pa ni sems las byung ba'i chos yin te/ sems las byung ba'i chos ches mos pa ni theg pa chen po'i chos mos dmigs nas 'di ni de bzhin du bden no zhes dad cing yid ches par 'gyur ba'i 'dzin pa zhes bya'o/ /'di ni nang gi mos pas so/ /las dang 'bras bu la sogs pa la yid ches pa ni mos pa dang 'das pa'i dus su byung ba la dmigs nas dga' ba skyes te/mos pa sngon du byung ba ni legs so zhes ro myang ba dang / rjes su yi rang ba dang / mngon par dga' bar byed pa ni gzung bar 'gyur ba'i mos pa zhes bya ste/ 'dis ni phyi rol gyi mos pa bstan to/ /nam dge ba'i bshes gnyen gyis bstan pa'i bslab pa las mos pa dang / dad pa skyes pa ni grogs las blangs pa'i mos pa zhes bya ste/ de ni mos pa rags pa'o/ /bdag nyid la mos pa dang / dad pa'i sa bon dang / rigs yod pa las mos pa skyes pa ni bdag nyid kyi mos pa zhes bya ste/mos pa 'di ni phra ba'o/ /mu stegs pa'i chos bdag dang sems can yod par bshad pa la yid ches shing dad pa'i mos pa ni nor ba'i mos pa zhes bya ste/ 'di ni mos pa ngan pa'o/ /de bzhin gshegs pa'i gsung rab mi rtag pa dang sdug bsngal bar 'chad pa la yid ches pa'i mos pa ni gzhan du ma nor ba'i mos pa zhes bya ste/mos pa de ni bzang po'o/ /mos pa skye ba'i rgyu rkyen kun tshogs nas mos pa skyes par gyur pa dang mngon du mos pa zhes bya ste/ 'di ni mos pa nye ba'o/ /mos pa skye ba'i rgyu rkyen ma tshogs pas/ mos pa mngon du ma skyes pa de ni gzhan zhes bya ste/'di ni mos pa ring ba'o/ /dge ba'i bshes gnyen la brten nas dam pa'i chos nyan pa las mos pa 'byung ba ni sgra spyod pa'i mos pa zhes bya'o/ /ji ltar thos pa'i chos rnams rig pa bzhis sems dang sems las byung ba'i mos pa la ni tshol ba'i mos pa zhes bya'o//sgom sgom ste chos kyi don rtogs pa las byung ba'i mos pa la ni lta ba'i mos pa zhes bya'o/ /mos pa skyes kyang bdud dang mu stegs la sogs pas drangs nas mos pa gyur na ni 'phrog pa'i mos pa zhes bya ste/ 'di ni mos pa chung ngu'o/ /skabs su dad pa yang 'byung la ma dad pa yang 'byung ba la ni mos pa yang rnam par 'dres pa'i mos pa zhes bya ste/'di ni mos pa 'bring ngo / /dad pa 'ba' zhig rgyun du 'byung gi ma dad pa ni mi 'byung ba'i mos pa la ni mi mthun phyogs ma 'dres pa'i mos pa zhes bya ste/ de ni mos pa chen po'o/ /skabs su dad pa yang 'byung / nyan thos dang rang sangs rgyas kyi chos la mos pa ni chung ngu'i mos pa zhes bya'o//theg pa chen po'i chos tha dad pa ni rgya che ba'i mos pa zhes bya'o/ /mos pa spyod pa'i sa drod nas sa bcu man chad yon tan khyad par can gong ma thob par mos pa las 'dod chags la sogs pa'i nyon mongs pa las bar du gcod pa yod pa'i mos pa ni bsgribs pa'i mos pa zhes bya'o//yon tan gong ma thob par bya ba la/ bar du gcod pa med pa'i mos pa ni ma bsgribs pa'i mos pa zhes bya'o/ /mos pa gus pa dang bcas pa dang / rgyun mi 'chad par 'byung ba'i mos pa ni ldan pa'i mos pa zhes bya'o//mos pa gus pa dang bcas pa dang / rgyun 'chad pa la ni mi ldan pa'i mos pa zhes bya'o/ /sa dang por chos kyi dbyings rtogs pa'i rgyur 'gyur ba'i mos pa spyod pa'i sar bskal pa grangs med pa gcig tu bsod nams dang ye shes kyi tshogs bsags pa dang ldan pa la ni tshogs bsags pa'i mos pa zhes bya'o//chos kyi dbyings rtogs par 'gyur ba'i rgyu bskal pa grangs med pa gcig tu bsod nams dang / ye shes kyi tshogs bsags pa dang ldan pa'i mos pa med pa ni tshogs med pa'i mos pa zhes bya'o/ /sa dang po nas sa bdun man chad kyi byang chub sems dpa'i mos pa ni brtan par zhugs pa'i mos pa zhes bya ste/mos pa la bri ba dang nyams pa med pa'i phyir ro/ /sa brgyad nas sa bcu'i bar gyi byang chub sems dpa'i mos pa la ni ring du song ba'i mos pa zhes bya ste/ rnam par mi rtog pa lhun gyis grub pa dang ldan pa'i mos pa yod pa'i phyir ro/ /mos pa'i bar du gcod pa la tshigs su bcad pa gsum mo zhes bya ba la/tshigs su bcad pa gnyis kyis mos pa'i mtshan nyid dang rab tu dbye ba bstan nas tshigs su bcad pa gsum gyis mos pa phye ste bshad pa de dag gis bgegs dang bar du gcod pa ston to zhes bya ba'i don to/ /yid la mi byed pa mang po dang zhes bya ba la/ skyes pa'i mos pa la ni yid la mi byed pa mang bar bar du gcod de/ ci'i phyir zhe na/ 'das pa dang da ltar gyi dus su mos pa 'byung ba la yang de nyid la mngon sum du ma byas na med par 'gyur ba'i phyir ro/ /le lo zhes bya ba la ma skyes pa'i mos pa la ni le lo bar du gcod de bskyed par bya ba'i phyir brtson 'grus brtsams te/gzhan na skye bar mi 'gyur ba'i phyir ro/ /rnal 'byor 'khrugs pa dang zhes bya ba la/ gzung ba dang 'dzin par 'gyur ba'i mos pa la ni rnal 'byor 'khrugs pa bar du gcod de rnal 'byor 'khrugs pa zhes bya ba ni 'das pa'i sems bskyed pa la gzung ba'i dngos po la chags pa dang da ltar gyi mos pa'i sems bskyed pa la ni 'dzin pa'i dngos por chags pa ni rnal 'byor 'khrugs pa zhes bya ste/de ltar gyur na gzung 'dzin dang bral ba'i ting nge 'dzin gyis thob pas bar du gcod pa yin no/ /grogs po ngan dang zhes bya ba la/ grogs las blangs pa'i mos pa la ni grogs po ngan pas bar du gcod de/sngon dge ba'i bshes gnyen gyis yang dag par 'dzin du bcug kyang phyis sdig pa'i grogs pos blangs pa'i chos 'dzin du bcug pas sngar gzung ba chud zos pa'i phyir ro/ /dge gzhan zhes bya ba la/ bdag nyid las byung ba'i mos pa la ni dge ba gzhan la bar du gcod de/bdag la mos pa'i sa bon dang rigs yod kyang de ldang zhing skye bar 'gyur ba'i dge ba cher ma bsags na rigs yod pas kyang skye bar mi 'gyur bas na bar du gcod do/ /tshul bzhin ma yin pa yid la byed ces bya ba la/ ma nor ba'i mos pa la ni tshul bzhin ma yin pas yid la byed pa bar du gcod de/rtag pa dang / bde ba dang / gtsang ba dang / bdag tu yid la byas na bdag med pa dang mi rtag pa la sogs par yid la byed pa med par 'gyur ba'i phyir ro/ /bag med pa dang zhes bya ba la/ mngon du ba'i mos pa la ni bag med pas bar du gcod de/ ci'i phyir zhe na/mngon du ba'i mos pa ni 'dod ma chags pa dang / zhe mi sdang ba dang / gti mug pa dang / brtson 'grus kyi rkyen las skye la/ 'dod chags dang zhe sdang dang gti mug dang le lo bzhi ni bag med pa yin te/ bag med pa de byung na mngon du ba'i mos pa de mi 'byung bas bar du gcod pa yin no//thos nyung ba zhes bya ba la/ sgra spyod pa'i mos pa la ni thos pa nyung bas bar du gcod do/ /ci'i phyir zhe na/ bkri ba'i don gyi mdo sde tsam thos kyi nges pa'i don gyi mdo sde ma thos na stong pa dang bdag med par bshad pa thos pa dang / skrag par 'gyur ba'i phyir ro/ /thos dang bsam pa nyung ngus dga'//zhes bya ba la/ tshol ba'i mos pa la ni thos pa tsam gyis chog par 'dzin pa dang / thos pa la yang cung zad tsam gyis bsam pa chog par 'dzin pa bar du gcod do/ /thos pa de la ma bsams pa dang / bsams pa la yang bsam pa rgya cher ma byas na ni bsams pa'i don kun rtogs par mi 'gyur bas bar du gcod do//zhi ba tsam gyis nga rgyal dang / /zhes bya ba la lta ba'i mos pa la ni bsams pa tsam gyis chog par 'dzin pa dang / zhi gnas bsgoms pa tsam gyis chog par 'dzin cing nga rgyal byas te/ lhag mthong mi bsgom par bar du gcod de/ bsams pa tsam gyis chog par 'dzin pa la ma bsgoms na bsgom pas mthong bar bya ba'i don mi thob pa dang /zhi gnas tsam bsgoms te lhag mthong ma bsgoms na bden pa rtogs par mi 'gyur ba'i phyir bar du gcod do/ /ma 'dres pa yang de bzhin rigs/ /zhes bya ba la/ de bzhin du 'phrogs pa dang rnam par 'dres pa'i rigs pa la ni 'dres par ma byas pas bar du gcod de/yang nas yang du goms par byas shing 'dris par ma byas na mos pa gzhan gyis 'phrogs par yang 'gyur la ma dad pa dang dad par 'dres pa'i mtshan ma 'byung bas ma 'dres pa la yang bar du gcod do/ /mi skyo ba dang zhes bya ba la theg pa chung ngu'i mos pa la ni 'khor ba'i mtha'i rkyen gyis mi skyo bar bar du gcod de 'khor ba'i chos kyis mi skyo ba med de 'khor bar dga' nas 'khor ba las 'das pa'i mya ngan las 'das pa mi 'thob pa'i phyir ro//de bzhin du skye zhes bya ba la/ rgya chen po theg pa chen po'i chos la mos pa la ni 'khor bar skyo bar bar du gcod de/'khor bar skyo bar gyur pa na 'khor ba na bdag dang gzhan gyi don mi byed cing mya ngan las 'das pa'i phyir ro/ /ma bsgribs pa'i mos pa ni bsgribs pa'i mos pas bar du gcod de/ mos pa spyod pa'i sa drod nas sa bcu man chad du khyad par du 'gro ba'i mos pa la 'dod chags dang zhe sdang dang bcas pa'i mos pa yod par gyur na sgrib pa med pa'i mos pa mi 'byung ba'i phyir ro//mi ldan pa zhes bya ba la ldan pa'i mos pa la ni mi ldan pa'i mos pa bar du gcod de/ gus par byed pa med pa dang / rtag par byed pa med pa'i mos pa byung na gus pa dang bcas pa dang / rtag pa dang bcas pa'i mos pa mi 'byung ba'i phyir ro/ /tshogs rnams bsags pa dag kyang zhes bya ba la sogs pa'i mos pa ni tshogs ma bsags pas bar du gcod de/ sa dang po thob par 'gyur ba'i rgyu bskal ba grangs med pa gcig tu bsod nams dang ye shes bsags pa med na sa dang por chos kyi dbyings rtogs par 'gyur ba'i bsod nams dang ye shes kyi tshogs bskal pa grangs med pa gcig tu bsags pa'i tshogs dang mi ldan pa'i phyir ro//mos pa'i bar du gcod par bya/ /zhes bya ba la yid mi bde ba mang po nas brtsams te/ tshogs ma bsags pa'i bar du ni 'di dag mos pa'i rab tu dbye ba'i bar du gcod pa yin par rig par bya'o zhes bya ba'i don to//mos pa'i yon tan la tshigs su bcad pa lnga ste zhes bya ba la tshigs su bcad pa gnyis kyis mos pa'i rab tu dbye ba bstan/ tshigs su bcad pa gsum gyis mos pa'i bar du gcod pa bstan te/da ni tshigs su bcad pa lngas mos pa'i yon tan rab tu phye ba la bar chad de dag gis bar du gcod par ma byas na mos pa yon tan dang ldan par 'gyur ro zhes bya ba ston to zhes bya ba'i yon tan no/ /bsod nams che zhing zhes bya ba la skyes pa'i mos pa rnam pa gnyis te/ da ltar gyi mos pa dang 'das pa'i mos pa gnyis las/da ltar gyi mos pa la ni bsod nams che ba'i yon tan 'thob ste/ da ltar gyi dus na theg pa chen po'i chos la mos pa skyes ma thag tu bsod nams kyi tshogs dpag tu med pa 'phel bar 'gyur ba'i phyir ro/ /'gyod pa med pa'i bya ba la/ /'das pa'i mos pa ni 'gyod pa med pa'i yon tan 'thob ste/ci'i phyir zhe na/ sngon theg pa chen po'i chos la mos pa byung ba mthong na dga' ba'i khyad par skye ba'i sems gdung ba mi skye ba'i phyir ro/ /yid bde ba chen po ste zhes bya ba la gzung ba'i mos pa dang / 'dzin pa'i mos pa gnyis la ni yid bde ba dang bde ba chen po'i yon tan 'thob ste/ji lta zhe na/ gzung ba'i dngos po la dngos por ma chags pa de kho na phyogs gcig pa'i ting nge 'dzin gyi bde ba thob pas yid bde ba'i yon tan 'thob bo/ /'dzin pa la dngos po la chags pa spangs na de ma thag pa'i ting nge 'dzin gyi bde ba 'thob ste/ de bas na bde ba chen po'i yon tan 'thob bo//chud mi za dang zhes bya ba la grogs las blangs pa'i mos pa la bar du gcod pa rnams kyis bar chad ma byas pa chud mi za ba'i yon tan 'thob ste/ 'gyur ba med pa dang / nyams par mi 'gyur ba'i phyir ro/ /brtan pa dang zhes bya ba la bdag nyid kyi mos pa la bar du gcod pa rnams kyis bar chad ma byas na brtan pa'i yon tan 'thob bo//nyams pa dang med par mi 'gyur ba'i phyir ro/ /khyad par 'gro dang de bzhin du/ /zhes bya ba la nor ba med pa dang / mngon du ba dang / sgra spyod pa dang / tshol ba dang / lta ba dang / 'phrogs pa dang / ma 'dres pa'i mos pa rnams la gal te de dag gi mi mthun pa'i phyogs kyis bar du ma bcad na khyad par du 'gro ba'i yon tan 'thob ste/nor ba med pa'i mos pa la ni nor bas bar chad ma byas na nor ba med pa 'bring las nor ba med pa chen po skye bar 'gyur ba dang / mngon du ba la bag med par bar chad ma byas na mngon du ba 'bring las mngon du ba chen po skye bar 'gyur ba dang /de bzhin lhag ma rnams la yang bar du gcod pas bar chad ma byas na 'bring las chen po skye bar 'gyur ro/ /chos rnams mngon par rtogs pa dang / /zhes bya ba la/ mi mthun pa'i phyogs kyis ma 'dres pa'i mos pa la bar du gcod pa'i chos kyis bar chad ma byas na chos rnams mngon par rtogs par 'gyur te/sa dang por 'thob par 'gyur ro zhes bya ba'i don to/ /bdag dang gzhan don thob pa'i mchog /ces bya ba la/ nyan thos kyi theg pa la mos pa la bar du gcod pas bar chad ma byas na bdag gis don mchog thob par 'gyur te zhes bya ba'i don to//theg pa chen po mos pa la bar du gcod pas bar chad ma byas na bdag dang gzhan gyi don mchog 'thob par 'gyur te mi gnas pa'i mya ngan las 'das pa thob par 'gyur ro zhes bya ba'i don to/ /mngon par shes pa zhes bya ba la sgrib pa med pa'i mos pa dang ldan pa'i mos pa dang / tshogs bsags pa'i mos pa dang / brtan par zhugs pa'i mos pa dang / ring du song ba'i mos pa rnams la bar du gcod pa'i chos kyis bar chad ma byas na mngon par shes pa myur ba'i yon tan 'thob ste/ sgrib pa med pa dang ldan pa dang tshogs bsags pa gsum gyis dang po rno ba'i mchog thob/ brtan par zhugs pa dang / ring du song ba nyid kyis myur du thams cad mkhyen pa'i ye shes thob bo zhes bya ba'i don to/ /de dag ni mos par mi 'gyur ba'i yon tan no zhes bya ba la bsod nams che ba nas mngon par shes pa myur ba'i bar dag gi yon tan bshad pa de dag ni mos pa rab tu dbye ba'i yon tan yin no zhes bya ba'i don to//de yan chad du mos pa'i mtshan nyid rab tu dbye ba dang / mos pa'i bar du gcod pa dang / mos pa'i yon tan bstan nas de tshigs su bcad pa gsum dang rkang pa gcig gis 'jig rten pa'i mos pa dang / 'jig rten las 'das pa'i mos pa pas byang chub sems dpa'i mos pa khyad zhugs par bstan nas de nas theg pa chen po'i mos pa sgrub dgos pa ston te/de la yang dang po'i tshigs bcad gcig gis ni don mdo tsam du bstan/ de'i lhag ma rnams kyis don de nyid zhib tu 'chad do/ /de la 'dod pa'i khams kyi mos pa dang gzugs kyi khams kyi sems can gyi mos pa dang /gzugs med pa'i khams kyi sems can gyi mos pa ni 'jig rten pa'i mos pa zhes bya'o/ /'phags pa nyan thos kyi mos pa dang rang sangs rgyas kyi mos pa ni 'jig rten las 'das pa'i mos pa zhes bya'o/ /'dod pa can ni de khyi 'dra/ /zhes bya ba la/ 'dod pa'i yon tan lnga la chags pa dang ldan pa rnams ni 'dod pa can zhes bya ste/don du 'dod pa'i khams kyi mos pa ni khyi'i mos pa dang sems dang 'dra'o zhes bya ba'i don to/ /ting nge 'dzin pa'i rus sbal bzhin/ /zhes bya ba la gzugs kyi khams kyi bsam gtan bzhi dang / gzugs med pa'i khams kyi snyoms par 'jug pa bzhi la chags pa'i sems can rnams kyi mos pa ni rus sbal gyi sems dang mos pa dang 'dra'o zhes bya ba'i don to//bdag gi don byed bran lta bu/ /zhes bya ba la/ bdag gi don la zhugs pa'i 'phags pa nyan thos dang rang sangs rgyas kyi mos pa ni bran gyi sems dang mos pa lta bu yin no zhes bya ba'i don to//de gzhan don byed rgyal po 'dra/ /zhes bya ba la/ gzhan don byed pa byang chub sems dpa' rnams kyi mos pa ni rgyal po'i sems dang mos pa 'dra'o zhes bya ba'i don to/ /'dis ni khyad zhugs pa'i don mdor bstan to/ /'di nyid man chad de nyid zhib tu 'chad de/'dod pa can gyi khyi dang ji lta bu 'dra zhe na/ de'i phyir ji ltar du/ khyi ni sdug bsngal dag gis nyen/ /zhes smos te/ de bzhin g.yem dang zhes bya bar sbyar te/ dper na khyi ni dus thams cad du kha zas 'ba' zhig la sems shing kha zas kyi phyir sems 'jug pas sdug bsngal gyis nyen pa de dang 'dra bar g.yem ste 'dod pa'i khams na gnas pa'i sems can 'dod pa lnga'i yul la chags pa rnams kyang rtag tu de 'ba' zhig la sems 'jug pas sdug bsngal las nyen pa zhes bya'o//rtag tu ltogs pas chog mi shes/ /zhes bya ba la/ gzhan yang khyi ni rtag tu yang bkres pa'i rang bzhin can te kha zas kyis chog mi shes pa de bzhin du 'dod pa lnga'i yon tan la chags pa rnams kyang rtag tu 'dod pa lnga'i yon tan la sems la 'dod pa lnga'i yon tan la spyad na yang /tshwa chu 'thung ba bzhin du ngoms pa'i mtha' med pas na khyi'i sems dang 'dra'o zhes bya ba'i don to//ting nge 'dzin pa ji ltar rus sbal 'dra zhe na/ de'i phyir ji ltar/ rus sbal de ni chu yi nang na bskum zhing 'dug /ces bya ba smos te/ gnas dang zhes bya bar sbyar ro/ /dper na rus sbal de ni rgya mtsho chen po'i nang na gnas kyang rkang lag brkyang ste mi 'dug gi [(]bgur [,]gur [)]dang gsab gseb dang phug dag na rkang lag bskum nas rang gi khog pa nyid kyi nang du bsdus te 'dug pa de bzhin du gzugs kyi bsam gtan pa dang /gzugs med pa'i snyoms par 'jug pa la gnas pa'i bsam gtan pa rnams kyang sems dang sems las byung ba nang du bsdus nas gang zag la bdag med pa dang shes bya rnams kyi rang dang spyi'i mtshan nyid rgya mtsho snyed yod pa la shes rab kyis 'jug pa med pas na rus sbal gyi sems dang 'dra'o zhes bya ba'i don to//yang na sems can de dag ni bsam gtan dang ting nge 'dzin dang snyoms par 'jug pa thob pa tsam gyis chog par 'dzin gyi yon tan khyad par can ma thob pa dang / bden pa bzhi kho na ma rtogs pas na rus sbal gyi sems dang 'dra'o/ /bdag gi don byed pa ji ltar bran lta bu yin zhe na/ de'i phyir/ ji ltar bran ni rtag tu 'jigs shing skrag pas lus kyis zhes bya ba smos te/ bdag gi don zhes bya ba dang sbyar ro/ /dper na bran ni rje bo'i sems sam tshig dang 'gal ba byas na chad pas gcod pa dang gnod pa byed du 'ong zhes rtag tu 'jigs pa dang bcas pas gnas pa dang /lus kyis rje bo la sri zhu byed cing rje bo'i 'khor na rgyu zhing gnas pa dang 'dra bar nyan thos dang rang sangs rgyas rnams gang zag la bdag med par khong du chud pa dang / chos rnams kyi rang dang spyi'i mtshan nyid khong du chud pas rus sbal gyi mos pa lta bu med du zin kyang bdag gi don lhur byed pas na 'khor ba'i chos kyis rtag tu 'jigs par gnas shing de bzhin gshegs pa'i bslab pa bcas pa las cung zad cig nyams par byas na yang bka' dang 'gal bar 'gyur ba dang brlag par 'gyur ro zhes rtag tu yang srung ba byed pa tsam du zad kyi gzhan gyi don mi byed pas na bran gyi sems dang 'dra'o zhes bya ba'i don to//gzhan gyi don byed pa ji ltar rgyal po dang 'dra zhe na/ de'i phyir/ rgyal po yang ni ji ltar/ bka' yis yul dang dbang byed gnas pa ltar/ /zhes smos te/ skye bo gzhan dag la zhes bya bar sbyar ro//dper na rgyal po bsod nams dang ye shes kyi tshogs che bas dbang dang bkas chab 'og tu dbang ba'i 'bangs dang / dkor la ci dgar byed pa bzhin du gzhan gyi don byed pa'i byang chub sems dpa' rnams kyang shes rab dang snying rje dang ldan pa'i phyir chos gnyis la dbang byed de 'khor ba la dbang byed pa dang mya ngan las 'das pa la dbang byed pa'o//de la shes rab dang ldan pas ni 'khor ba la dbang byed de ji lta zhe na/ shes rab dang ldan pas 'khor ba na gnas kyang 'khor ba'i nyon mongs pa rnams kyis mi gos pa'i phyir ro/ /snying rje dang ldan pas ni mya ngan las 'das pa la dbang byed de/ ji lta zhe na/ snying rje dang ldan pas mya ngan las 'das pa 'ba' zhig la mi gnas kyi/ sems can gyi don du 'khor bar 'jug pa'i phyir te/ de bas na rgyal po'i sems dang 'dra'o zhes bya ba'i don to/ /de ltar theg pa chen po'i mos pa ni 'jig rten dang 'jig rten las 'das pa'i mos pa bas khyad zhugs par bstan nas/da ni tshigs bcad rkang pa gsum gyis theg pa chen po'i mos pa bsgrub par rigs par bstan pa'i phyir/ rtag tu mos pa mang po'i khyad par shes par bya/ /zhes bya ba la sogs pa smos so/ /rtag tu zhes bya ba ni dus thams cad du mos pa khyad zhugs zhes bya ba'i don to/ /mos pa mang po ni 'dod pa'i khams kyi sems can gyi mos pa dang /gzugs dang gzugs med pa'i khams kyi sems can gyi mos pa dang nyan thos dang rang sangs rgyas kyi mos pa khyad zhugs par shes par bya'o/ /theg pa chen po mchog tshul de bzhin rig nas ni/ /de la brten la de lta rtag tu de nyid tshol/ /zhes bya ba/ la/ gong du bshad pa ltar na theg pa chen po'i chos la mos pa ni mos pa'i mchog yin pa dang tshul bzhin gyi mos pa yin par rig nas theg pa chen po'i chos de la brten pa byang chub sems dpa' rnams dus thams cad du yang theg pa chen po'i chos la mos pa de nyid tshol zhing de nyid sgrub par byed do zhes bya ba'i don to//theg pa chen po'i chos la mos pa ni 'jig rten dang 'jig rten las 'das pa'i mos pa bas khyad zhugs pa yin pas mchog ces bya'o/ /bdag dang gzhan gyi don gyi thabs 'byung bas tshul bzhin zhes bya'o/ /don de nyid ces bya ba la/ 'dod pa can gyi de khyi 'dra/ /zhes bya ba la/ gzhan don byed pa rgyal po 'dra/ /zhes bya ba yan chad kyis rgyal po khyad zhugs pa'i don de nyid bstan to zhes bya ba'i don to/ /gzhan gyis bsgrubs nas zhes bya ba la/ ji ltar khyi ni zhes bya ba nas brtsams te/ gzhan gyi don ston skye ba gzhan dag ces bya ba yan chad kyis sngar bshad pa'i don nyid phyi mas zhib tu 'chad de bstan to zhes bya ba'i don to//theg pa chen po la yang dag par 'dzud do zhes bya ba la/ rtag tu mos pa zhes bya ba nas brtsams te/ rtag tu de nyid tshol zhes bya ba yan chad kyis theg pa chen po'i mos pa la 'dzud par byed pa'i don ston to zhes bya ba'i don to/ /mos la zhum pa la dgag pa//zhes bya ba'i tshigs su bcad pa zhes bya ba la/ kha cig 'di snyam du bla na med pa'i byang chub ni lha 'phags pas thob par 'gyur gyi/ mis thob par mi 'gyur ro snyam nas zhum pa dang mis thob na yang bskal pa grangs med pa gsum gyis thob pas sgrub dka'o snyam nas zhum pa dang /de ltar dus ring du bsgoms kyang la las thob kyi kun gyis mi thob bo snyam nas zhum pa de dag la rgyu rnam pa gsum gyis na zhum par mi rigs par bstan pa'i phyir tshigs su bcad pa rtsom mo zhes bya ba'i don to/ /rgyu dang po bstan pa'i phyir mir gyur pa las zhes bya ba smos te/ bla na med pa'i byang chub ni mir gyur pa las thob kyi lha la sogs pa'i gnas nas thob pa ma yin pas ni zhum par bya ba mi rigs so zhes bya ba'i don to//rgyu gnyis pa bstan pa'i phyir/ byang chub ni skad cig ma re rer 'thob par 'gyur zhes smos te/ byang chub de yang dus ring por bstan mi dgos kyi phyogs bcu'i 'jig rten gyi khams dag na skad cig ma re re la yang 'thob pas na zhum par mi rigs so zhes bya ba'i don to//rgyu gsum pa bstan pa'i phyir/ sems can tshad med ces smos te/ /de la'ang sems can la las thob/ /la las mi thob pa ma yin gyi sems can tshad med grangs med dpag tu med pa gang gA'i klung gi bye ma snyed kyis byang chub thob pas na zhum par byar mi rigs so zhes bya ba'i don to//de'i phyir/ zhum pa la ni bzod mi bya/ /zhes bya ba la/ de ltar rgyu rnam pa gsum gyi phyir na zhum pa'i sems skyes par gyur pa dang / bzod par mi bya dngang bar mi bya ba'i rigs so zhes bya ba'i don to//mos pa bsod nams kyi khyad par la tshigs su bcad pa gnyis so zhes bya ba la/ 'di yan chad du mos pa'i mtshan nyid dbye ba nas/ mos pa la zhum pa dgag pa'i bar du bstan nas/ da tshigs su bcad pa gnyis kyis nyan thos dang rang sangs rgyas dag theg pa chung ngu la mos pa'i bsod nams pas byang chub sems dpa' rnams theg pa chen po'i chos la mos pa lhag par bsod nams dpag tu med pa je bstan pa'i phyir tshigs su bcad pa smos so zhes bya ba'i don to//ji ltar bsod nams 'phel ba ni/ /gzhan la bza' ba byin pas so/ /de ltar de dag zos pa ni//bsod nams chen po 'byung ma yin/ /zhes bya ba la/ 'di ltar kha zas kyi ro la chags pa dang / lus mdzes par 'dod pa dang / rgyags pa'i phyir kha zas zos na ni kha zas de nyid bsod nams ma yin par 'gyur ro/ /'grangs par bya ba tsam gyi bsam pas zos na ni bsod nams su yang mi 'gyur/bsod nams ma yin par yang mi 'gyur ro/ /gang gi tshe rgyags pa la sogs pa'i bsam pas za ba ni ma yin gyi/ dper na shing rta khal dgal ba'i phyir mig dang srog shing mar gyis bskus pa de bzhin du/ bdag gi don du dge ba spyad pa'i ched du lus brtan par bya ba'i phyir bdag nyid zos na bsod nams su 'gyur yang bsod nams chen por mi 'gyur te/kha zas de nyid sems can la phan par bya ba'i phyir gzhan la byin na bsod nams che zhing dpag tu med par 'gyur ro zhes bya ba'i don to/ /'di ni dpe'o/ /de'i don bstan pa'i phyir/ pha rol don gnas bstan pas ni/ / mdo las gsungs pa'i chos thob 'gyur/ /zhes bya ba smos te/ theg pa chen po'i mdo sde'i nang nas ni pha rol gyi don bya ba'i thabs ston pas khyad par theg pa chen po'i chos la mos par gyur pa dang / theg pa chen po'i mdo sde de dang de dag gi nang nas theg pa chen po'i chos bklags shing mnyan nas rjes su bsngags pa bcu thob par 'gyur ro zhes bya ba la sogs pa'i yon tan de dang de dag thob par 'gyur ro zhes bya ba'i don to//rang don gnas pa'i chos bstan pas 'thob par 'gyur ba ma yin no zhes bya ba la nyan thos kyi theg pa'i nang nas ni bdag gi don du 'gyur ba tsam gyi thabs shig ston par zad pas na theg pa chen po'i chos la mos pa tsam gyis bsod nams dang yon tan thob par 'gyur ba ma yin no zhes bya ba'i don to//mos pa'i 'bras bu bsdu bar tshigs su bcad pa zhes bya ba la/ de ltar theg pa chen po'i chos la mos pa bsod nams che bar bstan nas spyir ni theg pa chen po'i chos la mos pa'i 'bras bu dpag tu med pas 'khor ba'i mtha'i bar du brjod kyang zad par mi 'gyur mod kyi mdor bsdus na 'di dag 'thob po zhes bstan pa'i phyir tshigs su bcad pa rtsom mo zhes bya ba'i don to//tshigs su bcad pa 'di'i bsdus pa'i don ni gang du mos pa dang / gang gis mos pa dang /ji lta bus mos pa dang / mos pa'i 'bras bus gang yongs su 'dzin pa de ston to/ /de ltar/ 'phags pa chen po'i chos ni yang 'gyur bas/ /zhes bya bas de ltar zhes bya ba ni gang du bshad pa ltar na zhes bya ba'i don to/ /nyan thos dang rang sangs rgyas kyang 'phags pa yin mod kyi byang chub sems dpa' dang de bzhin gshegs pa dag ni de dag las kyang khyad zhugs pa yin pas 'phags pa chen po zhes bya'o//de dag gi chos ni theg pa chen po la bya ste/ theg pa chen po de'i nang nas kyang nyan thos dang rang sangs rgyas la med pa'i sa dang pha rol tu phyin pas yang 'gyur ba zhes bya ba ste/'dis ni gang du mos pa bstan to/ /blo dang ldan pas zhes bya ba la blo dang ldan pa ni byang chub sems dpa' la bya ste/ thabs dang shes rab zung du 'brel ba'i shes rab dang ldan pa'i phyir te/ 'dis ni gang gis mos pa bstan to/ /rtag tu mos pa che bskyed nas//zhes bya ba la/ theg pa chen po'i chos la byang chub sems dpa' rnams kyis rgyun ma chad par zhum pa dang / spa bkong ba med pa'i sems kyis mos pa dang dad pa cher bskyed nas zhes bya ba'i don to/ /'dis ni ji ltar mos pa bstan to/ /de ltar mos pa byas na 'bras bu rnam pa gsum thob pa'i phyir ro//bsod nams rgya chen dag ni rtag tu rnam 'phel dang / /mtshungs med yon tan dag gis bdag nyid chen por 'gyur/ /zhes smos te/ 'bras bu gsum ni bsod nams rgya cher 'phel ba dang / /de nyid 'phel ba dang sangs rgyas pa'o/ /de la theg pa chen po'i chos la dang po mos shing dad pa skyes na bsod nams dpag tu med pa skye bar 'gyur bas bsod nams rgya cher 'phel ba zhes bya'o//de nas kyang sangs rgyas su ma grub kyi bar du sa bcu man chad kyi dus na yang mos pa yang sbar zhing je che je cher 'phel ba la bsod nams kyi tshogs kyang cher 'phel bar 'gyur bas na de ni rtag tu rnam par 'phel zhes bya'o//de nas sangs rgyas kyi sa'i dus na/ nyan thos dang rang sangs rgyas la med pa'i yon tan stobs dang mi 'jigs pa la sogs pa'i yon tan thob pas na bdag nyid 'tshang rgya bar 'gyur ba'i phyir/ mtshungs med yon tan dag gis bdag nyid chen por 'gyur/ /zhes bya ste/ tshig de dag gis ni mos pa'i 'bras bus gang yongs su 'dzin pa bstan to/ /mos pa'i skabs bshad pa rdzogs so// //chos yongs su tshol ba'i skabs las zhes bya ba la/ mos pa'i skabs bshad pa'i rjes la/ chos yongs su tshol ba'i skabs bshad par 'brel pa ci yod ce na/ theg pa chen po'i chos la mos pa dang dran pa mang ba'i byang chub sems dpa'i chos la mos par bya ba tsam gyis chog par bya ba ma yin gyi chos btsal bar yang bya dgos te/ de bas mos pa'i rjes la chos btsal ba'i skabs bshad par 'brel to/ /dmigs pa'ang yongs su tshol ba tshigs su bcad pa bzhi'o zhes bya ba la/chos btsal ba la yang rnam pa gsum btsal bar bya ste/ dmigs pa yongs su btsal ba dang / dmigs pa rnyed pa yongs su btsal ba dang / yid la byed pa yongs su btsal ba'o/ /de las nyan pa'i shes rab dang / bsam pa'i shes rab dang / bsgom pa'i shes rab kyis yul gang la dmigs par bya ba'i dmigs pa ji btsal te/yul 'di ni dmigs par bya'o zhes shes rab rnam pa gsum gyis dmigs par bya ba'i yul btsal ba bstan pa'i phyir tshigs su bcad pa bzhi rtsom mo zhes bya ba'i don to/ /sde snod dag ni gsum mam gnyis kyang rung / / zhes bya ba la/ shes rab rnam gsum gyis dmigs par bya ba'i yul ni rgya cher bshad na sde snod gsum gyi chos dag ste/ sde snod gsum ni mdo sde'i sde snod dang / 'dul ba'i sde snod dang / mngon pa'i sde snod do/ /dmigs par bya ba'i yul mdor bstan na ni theg pa chung ru dang / theg pa mchog gi bye brag dang /sde snod rnam pa gnyis su gzhag ste/ nyan thos kyi sde snod dang / byang chub sems dpa'i sde snod do/ /de la gsung rab yan lag bcu gnyis la shin tu rgyas pa dang / skyes pa rabs kyi sde snod ni byang chub sems dpa'i sde snod ces bya'o/ /lhag ma rnams las phal cher ni nyan thos kyi sde snod de/phal cher smos pa ni lhag ma la theg pa chen po dang / nyan thos kyi theg pa'i chos can thun mong du gyur pa'ang yod par ston to/ /ci'i phyir gsum po dang / gnyis po de dag la sde snod ces bya zhe na/ de'i phyir bsdu ba'i phyir te/ dper na snod gang du 'bru bre bcu shong zhing 'dus pa'i snod de la snod ces bya ba dang 'dra bar gsum po dang gnyis po 'dir yang gsung rab yan lag bcu gnyis kyi don dang tshig thams cad 'dus pas sde snod ces bya'o//yang na phung po dang khams dang skye mched kyi chos nas sku dang ye shes la sogs pa'i bar du shes par bya ba'i don thams cad 'dus pas ni de'i phyir sde snod ces bya'o//ci'i phyir sde snod gsum du gzhag ce na/ de'i phyir rgyu yang dgur 'dod do/ /zhes smos te/ sde snod gsum du bzhag na ni rgyu rnam pa dgu'i phyir sde snod gsum du gzhag par 'dod do zhes bya ba'i don to/ /sde snod gsum du gzhag pa la dgos pa ci yod ce na/de'i phyir rnam par grol zhes smos te/ sde snod gsum du gzhag pa ni sems can rnams 'khor ba las 'byung zhing mya ngan las 'das pa thob par bya ba dang / sangs rgyas thob par bya ba'i phyir sde snod gsum du gzhag go zhes bya ba'i don to/ /ji ltar grol bar 'gyur zhe na/de'i phyir/ bag chags shes byed zhi bar byed pa dang / /rab tu rtogs par zhes bya ba smos te/ rnam par grol bar byed pa ni sde snod gsum mnyan pa dang / bsams pa dang / bsgoms pa'i shes rab kyis rnam par grol bar byed do zhes bya ba'i don to/ /de la mnyan pa'i shes rab kyis ni bag chags su byed/nam thos pa'i dus na chos kyi dbyings rnam par dag pa'i rgyu mthun pa las byung ba'i mos pa'i bag chags 'jog par byed pa'i phyir ro/ /bsam pa'i shes rab kyis ni shes par byed/ de ji lta ji ltar bsam pa de lta de ltar de dag gi don rtogs par 'gyur ba'i phyir ro/ / chos rtogs pa dang ldan pa'i shes rab can ni bsgom pa la 'jug ste/ bsgom pa la zhugs pa'i ting nge 'dzin gyi mtshan nyid zhi gnas 'thob par 'gyur ro/ /zhi gnas kyi stobs kyis ni nyon mongs pa zhi bar byed de nyon mongs pa rnams 'jil bar byed ces bya ba'i don to/ /ting nge 'dzin thob pas sems rtse gcig tu gyur na lhag mthong gi mtshan nyid kyi shes rab skye bar 'gyur te/shes rab kyis ni bden pa yang dag pa ji lta ba bzhin du rtogs par byed de/ bden pa rtogs na mthong ba dang bsgom pas spangs bar bya ba'i nyon mongs pa rtsa ba nas 'byin pas na de ltar rnam par grol bar 'gyur ro/ rgyu dgu'i phyir te zhes bya ba la nyon mongs pa rnam pa gsum ste/ the tshom nye ba'i nyon mongs pa dang / 'dod pa la chags pas rjes su sbyor ba'i mtha' dang / bdag ngal ba la rjes su sbyor ba mtha'i nye ba'i nyon mongs pa dang / bdag nyid lta ba'i nye ba'i nyon mongs pa dang lnga ste/ nyon mongs pa de dag spangs pa'i phyir sde snod gsum bshad de zhes bya ba'i don to//the tshom gyi gnyen po ni mdo yin te zhes bya ba la/ phung po dang khams dang skye mched la sogs pa'i chos rnams la the tshom gyur pa'i nyon mongs pa'i gnyen por ni mdo sde'i sde snod bshad pa yin no zhes bya ba'i don to/ / ji ltar the tshom gyi gnyen por 'gyur ro zhe na/ de'i phyir/ gang don gang la the tshom za ba de la rnam par gdon mi za bar bya ba'i phung po bshad pas so zhes bya ba smos te/ gang zhes bya ba ni gang zag gang zhes bya ba'i don to/ /don gang la zhes bya ba ni phung po dang khams dang skye mched de/ rten cing 'brel te 'byung ba dang /bden pa dang sa dang pha rol tu phyin pa'i rang dang spyi'i mtshan nyid kyi don gang la zhes bya ba'i don to/ /the tshom za ba ni yin nam ma yin snyam du yid gnyis za ba'o/ /gdon mi za bar bya ba'i don ni the tshom za ba de dag gi the tshom med par byas nas/ chos kyi mtshan nyid gtan la phab par shes par bya ba'i phyir/mdo sde bshad do zhes bya ba'i don to/ /'dul ba ni mtha' gnyis rjes su sbyor ba'i nyes pa gnyen po gnyis po ste zhes bya ba la/ 'dul ba'i sde snod ni 'dod pa la chags pas rjes su sbyor ba'i mtha' dang bdag ngal ba la rjes su sbyor ba la mtha'i nye ba'i nyon mongs pa'i gnyen por bshad do zhes bya ba'i don to//ji ltar mtha' gnyis rjes su sbyor ba'i nyes pa'i gnyen por 'gyur zhe na/ 'dod pa la chags pas rjes su sbyor ba'i mtha'i gnyen por 'gyur bar bstan pa'i phyir kha na ma tho dang bcas pa la kun du spyod pa dgag pa'i phyir 'dod pa la chags pas rjes su sbyor ba'i mtha' dang zhes smos te/ 'dod pa la chags pa ni gang bcom ldan 'das kyis spyod du mi gnang bar bslab pa tshigs su bcad pa las 'das nas yo byad sna tshogs la sogs pa'i tshul gyis bdag chags pa dang rgyags par bya ba'i don du kun du longs spyod par byed pa ste/dper na 'dod pa la zhen pa'i khyim na gnas pa la sogs pa lta bu'o/ / de'i gnyen po ni kha na ma tho ba dang bcas pa la kun du spyod pa spyod du mi gnang bar bkag ste/ de la spyod pa gang gis phas pham pa dang / ltung ba dang nyes byas la sogs pa 'byung bar 'gyur ba'i spyod pa ni kha na ma tho ba dang bcas pa'i spyod pa zhes bya ste/ de bkag pa yang 'di dang 'di rnams ni spyod pa mi gnang ngo zhes bkag pa dang /bslab pa tshigs su bcad pa rnams la ni bag dang bcas pa dang gus pa dang bcas pa dang / bsgrims te srungs shig ces bka' stsal pa'o/ /bdag ngal ba la rjes su sbyor ba'i mtha' gnyen por gyur pa'i phyir/ kha na ma tho ba med pa la kun du spyod par rjes su gnang ba'i phyir/ bdag ngal ba la rjes su sbyor ba'i mtha'o zhes bya ba smos te/kha na ma tho ba med pa la kun du spyod par gnang ba ni gang / bcom ldan 'das kyis lhung bzed dang / chos gos la sogs pa'i yo byad spyod du gnang ba rnams la bya ste/ de yang mu stegs can gyi dka' thub thal ba dang tsher mar nyal ba dang /zas spyod pa khyi dang ba lang la sogs pa'i dka' thub kyis bdag gi lus sdug bsngal bar byed pa'i gnyen por gsungs te/ de bas na 'dul ba las kyang / bcom ldan 'das kyis tshul khrims dang ldan pa dang / yon tan dang ldan pa'i dge slong ni kha zas ro brgya dang ldan pa dang / brgya stong ri ba'i gos dang /khang pa gtsang ma dag kyang spyod du gnang ngo zhes gsungs so/ /mdor na/ kha zas ro brgya pa zos nas kyang / chags pa dang rgyags pa med na de nyid kha na ma tho ba med par spyod pa yin la/ sngo rngad kyi bag zos nas/ chags pa dang rgyags pa yod na de nyid kha na ma tho ba dang bcas par spyod pa'o/ /brgya stong ri ba'i gos gyon nas kyang chags pa dang rgyags pa med par spyod na de nyid kha na ma tho ba med par spyod la/phyag dar khrod pa rnams la spyod de/ gal te chags pa dang rgyags pa yod na de nyid kha na ma tho ba dang bcas par spyod pa yin no/ /mngon pa'i chos ni bdag nyid lta ba bsnyems pa'i gnyen por te zhes bya ba la/ nyung zad tsam thos la mang du thos pa med par cung zad tsam shes pa'i chos kyis nga rgyal byed cing lta ba dang / tshul khrims phyin ci log la chags nas dge ba'i bshes gnyen dag gi thad nas mang du thos pa mi tshol ba ni bdag nyid lta ba bsnyems pa zhes bya ste/ de'i gnyen por mngon pa'i chos bshad do zhes bya ba'i don to//ji ltar lta ba bsnyems pa'i gnyen por 'gyur zhe na/ de'i phyir/ chos kyi mtshan nyid ma log par bstan pa'i phyir zhes smos te/ mngon pa'i chos kyi nang nas ni chos rnams kyi rang dang spyi'i mtshan nyid phyin ci ma log par bshad la/ de thob par gyur na chos kyi mtshan nyid phyin ci ma log par khong du chud par 'gyur bas lta ba dang /tshul khrims la phyin ci log tu 'dzin pa spong bar byed pa'i phyir te/ 'di yan chad rgyu rnam pa gsum 'chad do/ /yang mdo sde ni bslab pa gsum bshad do zhes bya ba la/ bslab pa gsum ni/ lhag pa'i tshul khrims kyi bslab pa dang / lhag pa'i sems kyi bslab pa dang / lhag pa'i shes rab kyi bslab pa'o//de la nyan thos kyi tshul khrims kyis ni/ lhag pa'i tshul khrims kyi bslab pa ni tshul dang ldan pa yin/ so sor thar pa'i sdom pas bsdams pa spyod yul dang spyod pa phun sum tshogs pa kha na ma tho ba phra mo la yang 'jigs par lta ba ste/ yang dag par blangs pa'i gnas rnams la slob bo zhes gsungs pa'o//lhag pa'i sems kyi bslab pa ni gzugs kyi khams kyi bsam gtan bzhi dang / gzugs med pa'i khams kyi snyoms par 'jug pa bzhi'o/ /lhag pa'i shes rab kyi bslab pa ni/ 'phags pa'i bden pa bzhi yang dag pa ji lta ba bzhin du shes par bya'o/ /theg pa chen po'i tshul gyis na/sdom pa'i tshul khrims dang / dge ba sdud pa'i tshul khrims dang / sems can gyi don byed pa'i tshul khrims gsum la ni lhag pa'i tshul khrims kyi bslab pa zhes bya'o/ /nam mkha' mdzod dang dpa' bar 'gro ba'i ting nge 'dzin la sogs pa ni lhag pa'i sems kyi bslab pa zhes bya'o//rnam par mi rtog pa'i ye shes la ni lhag pa'i shes rab kyi bslab pa zhes bya ste/ nyan thos dang theg pa chen po'i mdo sde'i nang nas bslab pa gsum 'chad do zhes bya ba'i don to/ /'dul bas ni lhag pa'i tshul khrims dang / lhag pa'i sems bsgrub pa yin te zhes bya ba la/ 'dul bas ni lhag pa'i tshul khrims dag par byed pa dang /lhag pa'i sems mngon sum du byed pa yin te/ lhag pa'i tshul khrims dag par byed pa ni 'dul ba las 'byung ba bzhin du spyad na tshul khrims la skyon med pa'i phyir ro/ /tshul khrims dang ldan pa ni 'gyod pa med pa la sogs pa'i rim gyis ting nge 'dzin thob pa'i phyir ro zhes bya ba la tshul khrims dang ldan na 'gyod pa med par 'gyur ro//'gyod pa med na lus bag yangs thob bo/ /lus bag yangs thob na bde ba so sor myong bar 'gyur ro/ /bde ba so sor myong na sems rtse gcig tu 'gyur te/ de bas na ting nge 'dzin mngon sum du 'gyur ro/ /mngon pa'i chos ni lhag pa'i shes rab tu sgrub pa yin te zhes bya ba la/mngon pa'i chos kyis ni chos rnams kyi rang dang spyi'i mtshan nyid ma nor bar shes pa'i lhag pa'i shes rab sgrub cing mngon sum du byed pa yin te zhes bya ba'i don to/ /ji ltar lhag pa'i shes rab sgrub ce na/ de'i phyir/ ma nor ba rnam par rab tu snang bar byed pa'i phyir ro zhes smos te/mngon pa'i chos kyi nang nas ni chos rnams kyi rang dang spyi'i mtshan nyid ma nor bar phye ste bshad pas na de thos pa'i sgo nas chos kyi mtshan nyid la ma nor bar shes pa'i shes rab skye bar 'gyur te/ 'di yan chad kyis rgyu drug bstan to/ /yang mdo sdes ni chos dang don bshad do zhes bya ba la/ming dang tshig dang yi ge rnams la ni chos zhes bya'o/ /des brjod par bya ba phung po dang khams dang skye mched rnams la ni don zhes bya'o/ /yang na phung po dang khams dang skye mched la sogs pa la ni chos zhes bya'o/ /dgongs pa bzhi dang ldem po ngag bzhi la ni don zhes bya'o//yang na mtho ris thob par byed pa'i rgyu dge ba bcu la ni chos zhes bya'o/ /mya ngan las 'das pa thob par byed pa'i rgyu byang chub kyi phyogs kyi chos sum cu rtsa bdun la sogs pa la ni don zhes bya ste/ mdo sde'i nang nas ni chos dang don gnyis 'chad do zhes bya ba'i don to/ 'dul bas ni chos dang don sgrub pa ste zhes bya ba la/ 'dul bas ni chos dang don mngon sum du byed do zhes bya ba'i don to/ /ji ltar mngon sum du byed ce na/ de'i phyir/ nyon mongs pa 'dul ba la brtson pas de gnyis rab tu rtogs pa'i phyir zhes bya ba smos te/ 'dul ba la brten nas mi gtsang ba bsgom pa la sogs pa'i sgo nas nyon mongs pa 'dul ba la brtson pas na tshig dang yi ge'i mtshan nyid kyi chos dang phung po dang khams la sogs pa'i mtshan nyid kyi don nam mtho ris kyi mtshan nyid kyi chos dang mya ngan las 'das pa'i mtshan nyid kyi don rnams rtogs par 'gyur bas na 'dul bas ni chos dang don mngon sum du byed do//mngon pa'i chos kyis ni chos dang don yang dag par brjod pa rnam par gdon mi za ba la mkhas pa'o zhes bya ba la chos dang don yang dag par brjod pa ni chos dang don gzhan la bshad do/ /rnam par gdon mi za ba la mkhas pa ni gtan la dbab pa las phyin ci ma log par mkhas pa la bya ste/mngon pa'i chos kyi mtshan nyid la mkhas par gyur na chos dang don rnams gzhan la ma nor bar bshad pa la mkhas par 'gyur ro zhes bya ba'i don to/ /de la mdo sde'i nang nas mdor bsdus na don du zhig 'byung / 'dul ba'i nang nas don mdor bsdus na don du zhig 'byung /mngon pa'i chos kyi nang nas don mdor bsdus na don du zhig 'byung ba dang / ci'i phyir zhe na/ mdo sde zhes bya/ ci'i phyir na 'dul ba zhes bya/ ci'i phyir na mngon pa'i chos zhes bya zhe na/ de'i phyir/ mdo sde 'dul ba mngon pa'i chos/ /mdor na rnam pa bzhi'i don 'dod/ /ces bya ba smos te/mdo sde yang mdor na don rnam pa bzhi 'byung ba'i phyir mdo sde zhes bya bar 'dod la/ 'dul ba yang mdor na don rnam pa bzhi 'byung bas 'dul bar 'dod la/ mngon pa'i chos kyang mdor na don rnam pa bzhi 'byung bas mngon pa'i chos su 'dod do zhes bya ba'i don to/ /blo ldan pas ni de shes pas//rnam pa thams cad mkhyen pa 'thob/ /ces bya ba la/ blo ldan pa ni byang chub sems dpa'o/ /de zhes bya ba ni sde snod gsum la bya ste/ byang chub sems dpa' rnams kyis sde snod gsum shes na thams cad mkhyen pa'i ye shes 'thob par 'gyur ro zhes bya ba'i don to/ /nyan thos rnams ni zad la mi skye ba'i ye shes tshol ba tsam du zad de/rnam pa thams cad mkhyen pa mi tshol bas na sde snod gsum ma shes kyang zad la mi skye ba'i ye shes 'thob ste/ rgyu gang gis 'thob ce na/ tshigs su bcad pa gcig tsam gyi don shes pas kyang zad la mi skye ba'i ye shes 'thob par 'gyur ro/ / gnas rnams dang ni mtshan nyid dang / /chos don ston phyir mdo yin no/ /zhes bya ba la/ gnas dang mtshan nyid dang chos kyi don to/ /rnam pa bzhi ston pa'i phyir mdo sde zhes bya'o/ /de la gnas la rnam pa gsum ste/ yul gang du bshad pa dang / gang gis bshad pa dang / gang gi don du bshad pa'o//de yang mdo sde de dag las/ 'di skad bdag gis thos pa'i dus gcig na bcom ldan 'das rgyal po'i khab na dge slong dang / byang chub sems dpa' mang po dang thabs cig tu bzhugs so zhes bya ba gsungs so/ /de ltar na rgyal po'i khab la sogs pa yul gang du bshad pa de yang gnas yin par bstan to//bcom ldan 'das gang gis bshad pa'i don bstan pa'i bcom ldan 'das kyang gnas yin par bstan to/ /gang zag gang gi don du chos bshad pa'i gang zag de yang gnas yin par bstan to/ /mtshan nyid la rnam pa gnyis te/ kun rdzob kyi bden pa'i mtshan nyid dang /don dam pa'i bden pa'i mtshan nyid de/ de la bum pa dang snam bu dang gang zag ces bya ba la sogs pa tshig tu brjod cing bsam du rung ba rnams ni kun rdzob kyi bden pa'i mtshan nyid do/ /brjod du mi rung zhing bsam du mi rung ba rnams ni don dam pa'i bden pa'i mtshan nyid do//yang brjod pa dang brjod pa las gzhan pa'i dbang po spyod yul du gyur pa ni kun rdzob kyi bden pa zhes bya'o/ /brjod pa las gzhan pa la mi ltos pa ni dbang po spyod yul du ma gyur pa ni don dam pa'i bden pa zhes bya'o/ /yang na kun nas nyon mongs pa ni dmigs pa'i yul du gyur pa rnams ni kun rdzob kyi bden pa zhes bya'o//chos kyi dbyings dang rnam par mi rtog pa'i ye shes ni don dam pa'i bden pa zhes bya'o/ /phung po dang khams dang skye mched dang zas bzhi dang / rten cing 'brel te 'byung ba la sogs pa ni chos zhes bya ste/ zas bzhi ni kham gyi zas dang / re ba dang / yid la byed pa dang /rnam par shes pa'i zas so/ /dgongs pa bzhi pa ni don zhes bya'o/ /mngon du ni rgyun mi 'chad/ zil gnon rtogs phyir mngon pa'i chos/ /zhes bya ba la/ mngon pa'i chos ston pa dang / rgyun mi 'chad par ston pa dang zil gyis gnon pa dang / rtogs par byed pas mngon pa'i chos zhes bya'o zhes bya ba'i don to//de la bden pa bzhi dang / byang chub kyi phyogs sum cu rtsa bdun dang / rnam par thar pa'i sgo gsum la sogs pa mya ngan las 'das pa'i lam bstan pas chos rnams kyi rang dang spyi'i mtshan nyid dang / mya ngan las 'das pa'i chos mngon du byed pas na mngon pa'i chos zhes bya'o//rgyun mi 'chad pa ni rnam pa mang po'i don te/ chos gcig pa yang gzugs yod pa dang / gzugs med pa dang / bstan du yod pa dang / bstan du med pa dang / bltar yod pa dang / bltar med pa la sogs pa'i bye brag gis rnam pa mang du 'chad pa'i phyir mngon pa'i chos zhes bya'o//mngon pa'i chos la mkhas na rtsod pa dang rtsod pa'i gzhi la sogs pa la mkhas pas rtsod pa thams cad zhi bar byed do/ /phas kyi rgol ba zil gyis gnon pas na mngon pa'i chos zhes bya'o/ /mngon pa'i chos la mkhas na mdo sde rnams kyi don rtogs par 'gyur te/ mdo sde'i don rtogs par byed pa'i phyir mngon pa'i chos zhes bya'o/ /ltung ba skye dang bslang ba dang / /dbyung ba'i chos ni 'dul ba ste/ /zhes bya ba la/ gang na ltung bas dang ltung ba skye ba dang / bslang ba dang dbyung ba ste/ chos rnam pa bzhi 'byung ba de la 'dul ba zhes bya ba'i don to/ /gang zag dang ni bcas pa dang //rab tu dbye ba nges pa'i phyir/ /zhes bya ba la/ rnam pa gzhan du yang gang zag dang bcas pa dang / rnam par dbye ba yang nges pa ste/ chos rnam pa bzhi 'byung ba la 'dul ba zhes bya ba'i don to/ /de la ltung ba ni ltung ba'i sde lnga'o zhes bya ba la/ ltung ba sde lnga ni phas pham pa dang /dge 'dun gyi lhag ma dang / nyes pa sbom po dang / so sor bshags pa dang / ltung ba'o/ /ltung ba skye ba ni mi shes pa dang / bag med pa dang nyon mongs pa mang ba dang / ma gus pa'i phyir ro zhes bya ba la/ rgyu bzhi las ltung ba skye bar 'gyur te/ rgyu bzhi ni mi shes pa la sogs pa'o//de la mi shes pa ni ci tsam gyis ni phas pham par 'gyur/ ci tsam gyis ni ltung bar 'gyur/ phas pham pa ni gang ltung ba ni gang yin pa mi shes pas ltung ba skye bar 'gyur ba'o/ /bag med pa ni byis pa dang bu mo dang khyim na gnas pa dag dang / bya ba ngan pa dag la zhugs pas ltung ba 'byung bar 'gyur ro//nyon mongs pa mang ba ni 'dod chags dang zhe sdang la sogs pa shas che bas nyon mongs pa'i dbang du gyur nas ltung ba byung ba'o/ /ma gus pa ni dang po nyid tshangs par spyod pa nyid 'dod pa'i phyir rab tu byung ba ni ma yin gyi rgyal po'am rkun po la sogs pa'i 'jigs pa'am 'tsho ba tsam gyi don du rab tu byung bas bslab pa blangs nas yang tshul khrims la ma gus te/tshod yod par 'dzin pa dang le lo byed pas ltung ba byung bar gyur pa'o/ /bslang ba ni bsam pa ste/ chad pa'i las kyis ni ma yin no zhes bya ba la/ chad pa'i las kyis nyes pa las thar bar byed pa las ni 'byung bar zhes bya ba'i ltung ba dang nyes pa la sogs pa gang byung na sems kyis 'gyod pa bskyed cing phyin chad mi bya bar bsdams pas nyes pa las thar bar gyur pa la ming du bslab pa zhes bya'o//dbyung ba ni rnam pa bdun te zhes bya ba la/ ltung ba sde lnga las gang yang rung ba de las byung ba'i thabs rnam pa bdun yod de/rnam pa bdun ni so sor bshags pa dang / chad pa las khas len pa dang / bsgyur ba dang / dgrol ba dang / gnas yongs su gyur pa dang / yang dag par so sor rtog pa dang chos nyid thob pa'o/ /de la so sor bshags pa dang zhes bya ba la/ltung ba la sogs pa'i nyes pa byung ba na dge slong gcig gam gnyis sam gsum mam bzhi la sogs pa'i mdun du mthol nas nyes pa las thar bar byed pa ni so sor bshags pa zhes bya'o/ /bslab pa byin pa la sogs pa la chad pa'i las khas len pa dang zhes bya ba la dge slong 'ga' zhig gis 'dod chags kyi dbang gis rab tu gzir nas sems 'khrugs par 'gyur bzhin du mi tshangs par spyod pa'i chos byas pa las phyis 'gyod pa chen po skyes nas sems la gcags par gyur te nyes pa gcig tsam yang mi 'chab pa'i sems thob nas nyes pa kun bshags nas de chad pa'i las khas len du bcug la de nas bslab pa slar sbyin par bya ste/de la chad pa'i las ni bsnyen par rdzogs pa thams cad kyi tha mar bzhag cing tha mar za ba sbyin pa dang / dge sbyong thams cad kyi dang por bzhag cing dang por bza' ba sbyin pa la sogs pa 'chad pa'i las byed du gzhug pa'o/ /bslab pa las rnam grangs kyi gnang ba'i phyir bsgyur ba dang zhes bya ba la/bsgyur bas dbyung ba ni bcom ldan 'das kyis phyi dro'i kha zas bza' bar mi gnang ngo zhes bslab par byed pa las rnam grangs gzhan gyis bza' bar gnang ba yang yod de lam du son pa la dus zhes 'byung ba la sogs pa'o/ /dge 'dun tshogs pa bslab pa'i gnas dgrol ba'i phyir dgrol ba dang zhes bya ba la/bcom ldan 'das kyis 'phags pa dga' bo la bka' stsal pa/ yongs su mya ngan las 'das pa'i dus na dran par gyis shig dang / bslab pa bcas pa rnams la bslab pa'i tshig phran tshegs rnams dgrol bar bya zhes gsungs pa las mya ngan las 'das pa'i tshe 'phags pa dga' bo mya ngan gyis non nas bcom ldan 'das la bskul te/dgongs par bya ba ma gsol to/ /de nas phyis mya ngan las 'das pa'i 'og tu ci'i phyir bcom ldan 'das la dgongs par ma gsol ces 'phags pa 'od srungs chen po la sogs pa yang dag par sdud par byed pa rnams kyis 'phags pa dga' bo chad pas gcad do//de ltar mya ngan las 'das pa'i dus na bslab tshig phran tshegs rnams dgrol bar bya'o zhes gsungs pa de la brten nas thams cad yod par smra ba'i gzhung gi sde las dge 'dun tshogs pas bslab tshig phra mo rnams dgrol bar bya ba yod do zhes grags so//de'ang grag pa tsam du zad de bslab tshig las dge 'dun gyis sngon yang dgrol ba med/ da ltar yang dgrol ba med do/ /dge slong pha dang dge slong ma pho mos kyi mtshan gyur nas thun mong ma yin pa'i ltung ba ni gnas yongs su gyur pa dang zhes bya ba la/ gnas yongs su gyur pa'i sgo nas nyes pa las byung ba ni dge slong pha la phas pham pa bzhi yod la/dge slong ma la phas pham pa brgyad yod pa la sogs pa'i pham pa dang / ltung ba rnam pa mang nyung du gyur te/ mi mthun pas na dge slong pho mo gnyis ka ltung ba thun mong ma yin pa zhes bya'o/ /de ltar dge slong zhig gal te mtshan gyur nas bud med kyi mtshan skyes par gyur na dge slong gi tshe ltung ba byung yang ltung ba de thun mong ma yin te/dge slong nyid kyis bshags par bya ba yin pas bud med du mtshan gyur na nyes pa bshags pa la sogs pa'i cho ga ma byas kyang nyes pa las 'byung bar 'gyur ro/ /gal te dge slong ma zhig mtshan gyur te phor gyur na dge slong ma'i ltung ba yang dge slong ma nyid kyis bshags par bya ba yin te/ltung ba thun mong ma yin pas skyes pa'i mtshan byung bar gyur na bshags pa la sogs pa'i cho ga ma byas par yang nyes pa las 'byung bar 'gyur ro/ /chos kyi mdo'i rnams so sor rtog pa'i bye brag ste yang dag par so sor rtog pa dang zhes bya ba la/yang dag par so sor rtog pa'i sgo nas 'byung bar 'gyur ba ni 'dus byas thams cad mi rtag pa dang / chos thams cad bdag med pa dang / zag pa dang bcas pa sdug bsngal ba dang / zhi ba mya ngan las 'das pa'o zhes chos kyi mdo gsungs pa la so sor brtags te/don shes kyis mthong nas nyes pa phran tshegs phran tshegs las 'byung bar 'gyur ro zhes bya ba'i don to/ /bden pa mthong bas phra mo'i ltung ba med pa'i chos nyid thob pa'i phyir chos nyid thob pa'o zhes bya ba la/ chos nyid thob pa'i sgo nas 'byung bar 'gyur ba ni ba dan pa bzhi mthong na sngon nyes pa phran tshegs byas pa las kyang thar bar 'gyur la/phyis kyang nyes pa phran tshegs mi byed pa'i chos nyid thob pas na ltung ba las 'byung bar 'gyur ro zhes bya ba'i don to/ /gang zag las ni de la brten nas bcas pa dang zhes bya ba la/ gang zag gi sgo nas 'dul bar gzhag pa ni nyes pa byed pa'i gang zag gang la brten nas bslab tshig bcas pas te/dper na tshe dbang ldan pa bzang byin la brten nas bslab pa'i gnas dang po mi tshangs par spyod pa mi gnang ba'i bslab tshig bcas pa lta bu'o/ /bcas pa la ni gang zag gi nyes pa gsol na ston pas dge 'dun la sogs te bslab pa bcas pa'o zhes bya ba la/bcas pa'i sgo nas 'dul bar gzhag pa ni gang zag gang gis nyes pa byas pa'i nyes pa'i dmigs dge slong rnams kyis sangs rgyas la gsol nas sangs rgyas kyis dge 'dun la sogs te/ dge slong dag dang phyin chad dge slong rnams kyis chos 'di lta bu byed du mi gnang ngo zhes bslab pa bcas pa'o//rnam par dbye ba las ni gang bslab pa'i gnas bcas pa la mdor bstan pa ni rnam par dbye ba'o zhes bya ba la/ rnam par dbye ba'i sgo nas 'dul bar gzhag pa ni ji ltar bcom ldan 'das kyis rtswa dang chu sngon po'i gnas dag tu bshang ba dang gci ba mi bya'o zhes bslab pa'i tshig bcas te/mdor bstan pa las rgyas par phye nas bshad pa ste/ ji lta zhe na/ rgyal po'i kun dga' ra bar song la drug sde rnams kyis rtswa sngon po la sogs pa rtsed mo'i gnas dag na bshang gci byas pa las bslab pa'i gnas bcas so zhes zhib tu bshad pa lta bu'o/ /rnam par gdon mi za ba'i phyir te/de la ltung ba dang ltung ba ma yin pa dang ji ltar rab tu nges par byed pa'i phyir ro zhes bya ba la/ rnam par gdon mi za ba'i sgo nas 'dul bar gzhag pa ni ltung ba sde lnga las 'di ni ltung ba yin/ 'di ni phas pham pa yin/ 'di ni nyes pa sbom po yin/ 'di tsam gyis ni ltung bar 'gyur/'di tsam gyis ni ltung bar mi 'gyur ro zhes gtan la phab ste bstan pa'o/ /dmigs pa btsal ba'i skabs bshad pa rdzogs so// //dmigs pa rnyed pa yongs su tshol ba la tshigs su bcad pa gsum ste zhes bya ba la/ dmigs pa rnyed pa ni dmigs pa mngon sum du gyur pa ste/dmigs pa yongs su tshol ba'i skabs kyi rjes la dmigs pa rnyed pa'i skabs bshad par 'brel pa ci yod ce na/ gong du bshad pa ltar dmigs pa'i yul btsal te yul rnyed na gtan la phab na de'i 'og tu dmigs pa'i yul mngon sum du gyur pas na dmigs pa yongs su tshol ba'i skabs kyi rjes la/dmigs pa rnyed pa yongs su tshol ba'i skabs bshad par 'brel to/ /de la dmigs pa'i yul yang rnam pa bzhi ste/ chos la dmigs pa dang / nang la dmigs pa dang / phyi la dmigs pa dang / phyi nang gnyis thams cad kyi de bzhin nyid la dmigs pa'o/ /chos la dmigs par 'dod pa ste//zhes bya ba la/ de la chos zhes bya ba'i sgra ni gsung rab yan lag bcu gnyis la bya ste/ de dag kyang shes rab rnam pa gsum gyi dmigs par bya ba'i yul du 'dod do zhes bya ba'i don to/ /yang na chos zhes bya ba ni theg pa chen po'i mdo sde rnams la bya ste/ de'ang byang chub sems dpa' dbang po rnon po rnams kyi dmigs par bya ba yin par 'dod kyi thams cad kyi dmigs par bya ba'i yul ni ma yin no//yang na chos ni kun nas nyon mongs pa dang / rnam par byang ba'i chos gnyis la bya ste/ chos de dag nyid skye zhing 'jig pa'i rang bzhin can du zad kyi de las ma gtogs pa'i bdag dang nang na byed pa skyes bu gang yang med do zhes bya ba'i don to//nang dang zhes bya ba la/ gzugs kyi phung po dang tshor ba dang 'du shes dang 'du byed dang rnam par shes pa'i phung po la nang zhes bya'o/ /yang na 'dzin par gyur pa mig gi skye mched nas yid kyi skye mched kyi bar la 'dzin pa zhes bya'o//phyi dang zhes bya ba la gzugs nas chos kyi skye mched kyi bar gyi yul drug bzung bar gyur pa la phyi zhes bya'o/ /de la chos la dmigs pa dang por bstan kyang chos la dmigs pa rnyed pa bshad pa mang bas na phyis tshigs bcad gnyis pa dang / gsum pas rgyas par 'chad kyi nang gi dmigs pa rnyed pa dang /phyi'i dmigs pa rnyed pa des/ phyi nang thams cad kyi de bzhin nyid kyi dmigs pa rnyed pa bshad pa nyung bas na de dag gi dmigs pa rnyed pa dang por bshad par bya ste/ de bas na gnyis ka'i zhes bya ba la sogs pa smos te/ phyi nang gnyis kyi de bzhin nyid rnam pa gnyis la/ gnyis ka zhes bya ste/nam phyi'i de bzhin nyid mngon sum du gyur na phyi'i dmigs pa rnyed pa dang / nam nang gi de bzhin nyid mngon sum du gyur na nang gi dmigs pa rnyed pa zhes bya'o/ /rgyu gang gis phyi nang gi de bzhin nyid mngon sum du 'gyur zhe na/ de'i phyir/ don gnyis kyis ni gnyis ka'i rnyed//ces bya ba smos te/ don gnyis kyis ni phyi nang gnyis kyi de bzhin nyid kyi dmigs pa rnyed par 'gyur te/ don gnyis kyis ni gzung ba'i don dang 'dzin pa'i don tha dad pa ma yin par mthong ba dang / 'dzin pa'i don las gzung ba'i don tha dad pa ma yin par mthong ba'o/ /de la gal te 'dzin pa ste sems las/gzung ba ste phyi'i yul rnams logs shig na yod pa ma yin par mthong nas sems tsam du mthong nas gzung ba'i g.yeng ba spangs pas phyi'i dmigs pa rnyed pa zhes bya ste/ 'di ni bzod pa'i dus na'o/ /gal te gzung ba ste/ phyi'i yul la 'dzin pa ste/ nang gi sems tha dad pa ma yin pa mthong ste/phyi'i yul med pa bzhin du nang gi sems kyang med do zhes khong du chud nas 'dzin pa la g.yeng ba spangs pas nang gi dmigs pa rnyed pa zhes bya ste/ 'di ni 'jig rten gyi chos mchog gi dus na'o/ /phyi dang nang gnyis ka'i de bzhin nyid rnyed par ji ltar 'gyur zhe na/ de'i phyir/ gnyis po dag ni mi dmigs pa//zhes bya ba smos te/ nang gi chos kyi dbyings thams cad du 'gro ba'i mtshan nyid du rtogs nas snang ba gzung ba yang mi dmigs 'dzin pa yang mi dmigs par 'gyur te/ gnyis su med pa'i ye shes la gnas par gyur na phyi nang thams cad kyi de bzhin nyid kyi dmigs pa rnyed pa zhes bya ste/'di ni sa dang po'i dus na'o/ /drod dang spyi bo'i tshe na ni phyi nang gi de bzhin nyid mngon sum du ma gyur pas dmigs pa rnyed par mi bshad do/ /lus la sogs pa ni phyi nang ste zhes bya ba la/ lus te phung po lnga la ni nang zhes bya/ gzugs la sogs pa'i yul drug la ni phyi zhes bya'o//de gnyis kyi de bzhin nyid la de gnyis so zhes bya ba la/ phyi nang gnyis kyi de bzhin nyid rnam pa gnyis la gnyis ka'i zhes bya ste/ phyi'i de bzhin nyid dang nang gi de bzhin nyid do/ /smras pa de stong pa nyid ni ro gcig par zad na ni ci'i phyir rnam pa gnyis su gzhag ce na/ lan du de bzhin nyid rnam pa gnyis su dbye ba med mod kyi/phyi nang gi chos chos can rnam pa gnyis su tha dad pas chos nyid kyang rnam pa gnyis su gzhag ste/ dper na bum pa'i nam mkha' dang / gnas khang gi nam mkha' zhes bya ba la sogs pa bzhin no/ /gzung ba'i don nas 'dzin pa'i don tha dad pa ma yin par mthong ba dang zhes bya ba la/rnam par shes pa nyid gnyis lta bur rnam par snang ste/ gzung ba'i phyi'i yul la ma gtogs par 'dzin pa zhes bya ba mig la sogs pa nang gi skye mched byis pas btags pa lta bur logs shig na yod pa ma yin te/ yul dang 'dra bar sems kyang med par mthong na nang gi dmigs pa rnyed pa zhes bya ste/'di ni 'jig rten gyi chos kyi mchog gi dus na'o/ /'jig rten pa'i don las gzung ba'i don tha dad pa ma yin par mthong ba'o zhes bya ba la/ sems nyid gzugs la sogs pa'i don du snang bar zad kyi sems las ma gtogs pa'i don gzhan yod pa ma yin no zhes mthong na phyi'i dmigs pa rnyed pa zhes bya ste/'di bzod pa'i dus na'o/ /phyi dang nang dang phyi nang thams cad kyi de bzhin nyid dmigs pa rnyed pa bstan nas da ni ji ltar na chos la dmigs pa rnyed par 'gyur ba de bstan te/ de'i phyir/ chos la dmigs pa rnyed pa ni/ /thos pa la sogs pa shes rab gsum gyis zhes bya ba la sogs pa smos te/chos ni gsung rab yan lag bcu gnyis la sogs pa'o/ /chos de dag la dmigs pa rnyed de/ don mngon du 'gyur ba yang don rnam pa gsum gyis 'gyur te/ thos pa'i shes rab dang / bsam pa'i shes rab dang / bsgom pa'i shes rab gsum gyis mngon sum du 'gyur ro//thos pa'i shes rab kyis ji ltar mngon sum du 'gyur ba bstan pa'i phyir/ yid kyi rtog pas bshad pa bzhin/ /dad pa la ni rab 'dzin phyir/ /zhes smos te/ rna ba'i rnam par shes pa ni rnam par mi rtog pa yin pas des don rtogs par mi nus pas na yid kyi rtog pa zhes bya bas rna ba'i rnam par shes pa'i rjes las byung ba rnam par rtog pa dang bcas pa'i yid kyi rnam par shes pa la yid kyi rtog pa zhes bya'o//gang gi tshe sems g.yengs pa med par chos nyan pa dang / sems rtse gcig pas chos nyan pa dang rna blags te chos nyan pa dang / mnyam par gzhag pa'i sems kyis chos nyan pa na/mkhan po dang slob dpon gyis chos thams cad sems las byung ngo zhes bshad pa bzhin du dad pa dang mos pas de bzhin du 'dzin te/ ming dang tshig dang yi ge la sogs pa 'di de dag thams cad sems las snang bar zad do zhes nyan pa'i bye brag byed cing yid ches par gyur na thos pa'i shes rab kyis chos la dmigs pa rnyed pa zhes bya'o//sems kyi shes rab kyis ji ltar dmigs pa bstan pa'i phyir/ rtog pa las ni don snang dang / /zhes bya ba smos te/ gang gi tshe sems pa la zhugs pa ni yid kyi rtog pa nyid las don gyi dngos po 'di dag snang bar zad kyi yid kyi rtog pa ma rtogs par don 'di dag tha dad pas logs na yod pa ma yin no zhes mthong ba de'i tshe thos pa'i shes rab kyis chos la dmigs pa rnyed pa zhes bya ste/gong du phyi dang nang gi dmigs pa rnyed pa'i skabs su bshad pa ltar na gzung ba'i don las 'dzin pa'i don tha dad pa ma yin par mthong ba dang /'dzin pa'i don las gzung ba'i don tha dad pa ma yin par mthong na/ sems pa'i shes rab kyis chos la dmigs pa rnyed pa gzhag go/ /bsgom pa'i shes rab kyis chos la dmigs pa ji ltar rnyed pa bstan pa'i phyir/ sems kyis ming la gnas pas so/ /zhes smos te/ sems kyis zhes bya ba ni bsgom pa'i shes rab kyis zhes bya ba'i don to//ming gi sgras ni tshor ba la sogs pa gzugs med pa'i phung po la bya ste/ gang gi tshe gzung ba dang 'dzin pa gnyis mi dmigs par gyur nas dmigs su med pa'i de bzhin nyid tsam las gnas par gyur na ming la gnas pa zhes bya ste/ de ltar gyur na bsgom pa'i shes rab kyis chos la dmigs pa rnyed pa zhes bya'o/ /de yang gong du phyi nang thams cad kyi de bzhin nyid rtogs pa'i gnyis su med pa'i dmigs pa rnyed pa ltar rnyed na bsgom pa'i shes rab kyis chos la dmigs pa rnyed par gzhag go/ /dmigs pa rnam pa gsum rnyed par sngar smras pa de la gnas pa'o zhes bya ba la/chos la dmigs pa rnyed pa dang / nang gi dmigs pa rnyed pa dang / phyi'i dmigs pa rnyed pa dang / phyi nang thams cad kyi de bzhin nyid kyi dmigs pa rnyed pa 'byung bas na sngar smras pa'i phyi nang gi dmigs pa rnyed pa la sogs pa rnyed pa rnam gsum bshad pa yang chos la dmigs pa rnyed pa kho na las 'byung bas na de dag kyang chos la dmigs pa rnyed pa la gnas shing brten to zhes bya ba'i don to//yid la byed pa yongs su tshol ba la tshigs su bcad pa lnga ste zhes bya ba la/ dmigs pa rnyed pa'i skabs kyi rjes la yid la byed pa yongs su tshol ba'i skabs bshad par 'brel pa ci yod ce na/gong du bshad pa ltar dmigs pa rnyed par gyur na de ni yid la byed par rnyed pa dang ting nge 'dzin rnyed pa zhes bya ste/ de bas na dmigs pa rnyed pa'i rjes la yid la byed pa yongs su tshol ba'i skabs bshad par 'brel to/ /yang na yid la byed pa'i khyad par gang dang ldan na gong du bshad pa'i dmigs pa de rnyed par gyur pa'i yid la byed pa'i khyad par te gtan la dbab dgos te/de bas na dmigs pa rnyed pa'i rjes la yid la byed pa'i skabs bshad par 'brel to/ /de la rnal 'byor pa'i yid la byed pa ni rnam pa bco brgyad yod de/ de la yang spyir bstan pa dang /khyad par du bstan pa ste/ rnam pa gnyis su bstan to/ /de la rigs gsum zhes bya ba ni spyir bstan/ bya ba byed pa la sogs pa man chad kyis ni khyad par du bstan to/ /yang na mdor bstan pa dang / rgyas par bstan te/ rigs gsum zhes bya bas ni mdor bstan to/ /bya ba byed pa la sogs pas ni rgyas par bstan to//yid la byed pa bco brgyad la/ rigs gsum yid la byed pa dang / bya ba byed pa'i yid la byed pa dang / gnod pa dang mi gnod bcas zhes bya ba la de gnyis gcig tu bsdus te/ de gnyis la gnas rnam par 'byed pa la yid la byed pa zhes bya ba dang / mos pa la shin tu 'jigs pa'i yid la byed pa dang /rab tu 'dod byed gzhan zhes bya ba ni gzhan yang rab tu 'dod pa'i yid la byed pa dang / chung ngu dang ni rdzogs pa'i gnas/ /rtog bcas rtog med rnam gnyis te/ /zhes bya ba 'di rnam pa gcig tu sdom na de rnams ni ting nge 'dzin la gnas par byed pa zhes bya ba dang /ye shes dang ni yang dag ldan/ /rnal 'byor rgyu yi rang bzhin no/ /zhes bya ba 'di gnyis gcig tu bsdoms nas/ shes pa dang ldan pa yid la byed pa dang de ni 'dres par dmigs pa/ dmigs pa yid la byed pa dang / de'ang tha dad pa dmigs pa yid la byed pa dang / de'ang rnam pa lnga zhes bya ba ni 'dres par dmigs pa yid la byed pa la rnam pa lnga yod do zhes bya ba'i don to//rnam pa bdun te zhes bya ba la tha dad par dmigs pa yid la byed pa la rnam pa bdun yod pa dang / yongs su shes pa'i yid la byed pa'i rnam pa lnga yod pa dang / bsgoms pa'i rnam pa lnga yid la byed pa ni bzhi dang sum cu rtsa bdun yod pa dang /gong du bshad pa'i yid la byed pa de dag thams cad kyang zhi gnas dang / lhag mthong gi rang bzhin yin te/ de bas na lam gnyis rang bzhin gyis yid la byed pa dang / legs pa gnyis yid la byed pa dang / gnod pa gnyis yid la byed pa dang /sbyor ba yid la byed pa dang / dbang byed pa yid la byed pa dang / chung ngu'i yid la byed pa dang / rgya chen po yid la byed pa dang / 'di dag ni yid la byed pa rnam pa bco brgyad do zhes bya ba'i don to/ /rnal 'byor rnams kyi yid la byed/ /de ltar thams cad rang bzhin 'dod/ ces bya ba la/ rnal 'byor pa rnams kyi yid la byed pa ni gong du bshad pa ltar mdor bsdus pa dang / rgyas par bshad pa thams cad kyang rnam pa bco brgyad kyi rang bzhin du zad par 'dod ces bya ba'i don to/ /de la rigs nges pa ni nyan thos la sogs pa'i rigs su nges pa'o zhes bya ba la/ nyan thos kyi rigs nges pas nyan thos kyi chos bden pa bzhi la dmigs pa dang /rang sangs rgyas kyi rigs nges pas rang sangs rgyas kyi chos rten cing 'brel te 'byung ba la dmigs pa dang / byang chub sems dpa'i rigs nges pas gang zag dang chos la bdag med pa la dmigs pa ni rigs nges pa yid la byed pa zhes bya'o//bya ba byed pa ni gang tshogs bsags pa'o zhes bya ba la/ sa dang po na chos kyi dbyings rtogs par 'gyur ba'i rgyu mos pas spyod pa'i sar bskal pa grangs med pa gcig tu bsod nams dang ye shes kyi tshogs bsags pa rnams kyi yid la byed pa la ni bya ba byed pa'i yid la byed pa zhes bya'o/ / gnas rnam par dbye ba ni zhes bya ba la/ gnas rnam par dbye ba'i yid la byed pa ni rnam pa gnyis te/ gnod pa dang bcas pa'i gnas dang gnod pa med pa'i gnas so/ /gang gnod pa dang bcas pa'i gnas ni khyim na gnas pa'i gnas so zhes bya ba la/ gnod pa dang bcas pa'i gnas ni khyim na gnas pa rnams la bya ste/de dag gi yid la byed pa bu smad gso ba dang so nam gyi bya ba mang pos rtag tu dkrugs pas na gnod pa dang bcas pa'i gnas zhes bya'o/ /rab tu byung ba'i gnas ni gnod pa med pa'o zhes bya ba la rab tu byung ba rnams la bu smad gso ba dang so nam bya ba'i 'khrugs pa med pas na gnod pa med pa'i gnas zhes bya'o//mos pa la 'jog pa ni gang sangs rgyas rjes su dran pa dang ldan pa'o zhes bya ba la/ gang sangs rgyas rjes su dran pa dang / yid la byed pa ni mos pa la 'jog pa yid la byed pa zhes bya ste/ sangs rgyas rjes su dran par bya ba la yang theg pa chen po bsdus pa'i bstan bcos kyi nang nas rnam pa dus sangs rgyas rjes su dran par bya zhe na/mdor na rnam pa bdun lta bur sangs rgyas rjes su dran pa bsgoms te/ rnam pa bdun ni sangs rgyas rnams chos thams cad la dbang bsgyur ba yin te/ 'jig rten gyi khams thams cad du thogs pa med par 'jug pa'i 'jig rten gyi mngon par shes pa dang ldan pa yin no zhes rjes su dran par bya'o//de bzhin gshegs pa ni rtag pa'i sku ste de bzhin nyid rtag tu dri ma med par gyur pa dang ldan no zhes rjes su dran par bya'o/ /de bzhin gshegs pa ni mchog tu kha na ma tho ba med pa yin te/ nyon mongs pa dang shes bya'i sgrib pa spangs pa yin no zhes rjes su dran par bya'o//de bzhin gshegs pa ni lhun gyis grub pa yin te/ sangs rgyas kyi mdzad pa thams cad lhun gyis grub cing rgyun mi 'chad par mdzad do zhes rjes su dran par bya'o/ /de bzhin gshegs pa ni longs spyod chen po yin te/ sangs rgyas kyi zhing rab tu rnam par dag pa'i longs spyod dang ldan pa yin no rjes su dran par bya'o//de bzhin gshegs pa ni gos pa med pa yin te/ 'jig rten gyi chos brgyad kyis ma gos pa'o zhes rjes su dran par bya'o/ /de bzhin gshegs pa ni don chen po yin te/ mngon par sangs rgyas pa nas mya ngan las 'das pa chen po bstan pa'i thabs kyis sems can smin pa dang grol bar mdzad pa yin no zhes rjes su dran par bya'o//'dod pa bskyed pa na gang de la yid ches pa dang ldan pa'o zhes bya ba la/ de ltar sangs rgyas bcom ldan 'das ni de bzhin gshegs pa dgra bcom pa zhes yid ches pa dang / de'i chos ni legs par bshad pa yin no zhes yid ches pa la 'dod pa bskyed pa'i yid la byed pa zhes bya'o//yang na sangs rgyas bcom ldan 'das ni nyon mongs pa dang shes bya'i sgrib pa spangs pa stobs la sogs pa'i yon tan dang ldan pa sku gsum gyi ngo bo yin no zhes yid ches pa dang / chos la yang bshad pa'i chos ni sgrub par byed pa'i chos dang mya ngan las 'das pa'i chos gsal bar ston par byed pa yin te sgrub par byed pa'i chos kyang mya ngan las 'das pa thob par byed pa'i lam du gyur pa yin/mya ngan las 'das pa yang nyon mongs pa dang sdug bsngal spangs pa'i rang bzhin yin no zhes yid ches pa dang / dge 'dun yang 'khor ba'i 'dam las rgal ba dang /'khor ba'i 'dam las rgal bar gyur pa'i lam la gnas pa yin no zhes yid ches pa ni 'dod pa bskyed pa'i yid la byed pa zhes bya'o/ /ting nge 'dzin la gnas pa ni gang nye bar gyur pa dang / ngo bo'i ting nge 'dzin dang ldan te zhes bya ba la/ bsam gtan dang po la 'jug pa'i ting nge 'dzin nyer bsdogs su gyur pa dang rtsa ba'i ting nge 'dzin bsam gtan dang po nas bzhi pa man chad ngo bo nyid ting nge 'dzin dang ldan pa rnams la ting nge 'dzin la gnas pa'i yid la byed pa zhes bya'o//de la nye bar gyur pa'i ting nge 'dzin la ni chung ngu'i gnas zhes bya'o/ /ngo bo'i ting nge 'dzin la rdzogs pa'i gnas zhes bya'o//ting nge 'dzin de dag nyid la rnam pa gsum gzhag ste/ de'i phyir rtog pa dang bcas dpyod pa dang bcas pa dang zhes bya ba la sogs pa smos te/ nyer bsdogs dang bsam gtan dang po la ni rtog pa dang bcas dpyod pa dang bcas pa'i ting nge 'dzin zhes bya'o/ /bsam gtan gnyis pa dang bar gyi bsam gtan rnams la rnam par mi rtog cing dpyod pa tsam gyi ting nge 'dzin zhes bya'o//bsam gtan gsum pa dang bzhi pa la ni rnam par mi rtog mi dpyod pa'i ting nge 'dzin dang ldan pas zhes bya'o/ /shes pa dang ldan pas ni rnal 'byor gyi rgyu dang rnal 'byor gyi shes pa dang ldan pa ste zhes bya ba la rnal 'byor gyi rgyu dang rnal 'byor gyi shes pa dang ldan pa gnyis la shes pa dang ldan pa'i yid la byed pa zhes bya'o//de'ang rim bzhin thos pa dang bsam pa dang bsgom pa'o zhes bya ba la thos pa'i shes rab dang / bsam pa'i shes rab gnyis la ni rnal 'byor gyi rgyu zhes bya ste/ zhi gnas dang lhag mthong gi rgyur gyur pa'i phyir ro//shes rab la ni rnal 'byor gyi shes rab dang ldan pa zhes bya ste/ zhi gnas dang lhag mthong gi rgyur gyur bsgom pa'i shes rab la ni rnal 'byor gyi shes rab dang ldan pa zhes bya ste/ zhi gnas dang lhag mthong bsgom pa'i phyir ro/ /ma 'dres par dmigs pa rnam pa lnga ste zhes bya ba la/'dres par dmigs pa yid la byed pa lnga yod de/ mdo sde la 'dres par dmigs pa dang / ched du brjod pa la 'dres par dmigs pa dang / gleng gzhi la 'dres par dmigs pa dang / 'dzin pa la 'dres par dmigs pa dang / 'chad pa la 'dres par dmigs pa'o//mdo sde dang zhes bya ba la/ ji snyed du mdo sde 'byung ba thams cad kyi don gcig tu bsdus nas mdo sde 'byung ba thams cad kyi don 'di tsam du 'byung bar zad do zhe'am/ ston par zad do zhes dmigs pa ni mdo sde la dmigs pa zhes bya'o/ /ched du brjod pa dang zhes bya ba la ji snyed du ched du brjod pa rgya cher bshad par bya ba rnams kyis don gcig tu bsdus na 'di skad du ston par zad ce'am/thams cad kyang stong pa'i don zhes dmigs pa ni ched du brjod pa la 'dres par dmigs pa'o/ /gleng gzhi rnams zhes bya ba la ji snyed gleng gzhi rgya cher bshad pa thams cad kyi don bsdus na 'di skad du 'chad par zad ce'am/thams cad kyi don yang ston par zad do zhes dmigs pa ni gleng gzhi la 'dres par dmigs pa zhes bya'o/ /'dzin gnas zhes bya ba la/ ji tsam du mkhan po dang slob dpon gyi thad nas chos dang don gzung ba de dag thams cad mdor bsdus na 'di skad du ston par zad do zhes dmigs pa ni 'dzin pa la 'dres par dmigs pa zhes bya'o//zad pa'i bar du dmigs pa 'dres par dmigs pa'o zhes bya ba la/ ji tsam du bdag gis gzhan la bshad pa dang / sangs rgyas dang byang chub sems dpa' dang 'phags pa dag gis bshad pa thams cad kyang don mdor bsdus na thams cad kyang 'di skad du 'byung bar zad do zhe'am/thams cad kyang ston par zad do zhes dmigs pa ni 'chad pa 'dres par dmigs pa'o zhes bya'o/ /ming la dmigs pa dang zhes bya ba la/ ming ni lha sbyin dang mchod sbyin zhes bya/ gzugs dang sgra zhes bya ba ste/ chos 'di la 'di skad ces bya zhes dmigs pa ni ming la dmigs pa zhes bya'o//tshig la dmigs pa dang zhes bya ba la/ ming mang po 'dus pa la tshig ces bya ste/ dper na 'dus byas thams cad mi rtag pa'o zhes bya ba lta bu'o/ /mdo sde 'di'i nang nas tshig 'di snyed cig 'byung zhe'am/ tshig 'di'i don ni 'di yin no zhes dmigs pa zhes bya'o//yi ge la dmigs pa dang zhes bya ba la/ a dang ka la sogs pa la dmigs pa la yi ge la dmigs pa zhes bya'o/ /gang zag la bdag med pa la dmigs pa dang zhes bya ba la/ phung po lnga tsam du zad kyi phung po lnga'i nang nas mu stegs kyis brtags pa'i bdag dang sems can med do zhes dmigs pa ni gang zag la bdag med pa'i dmigs pa zhes bya'o//chos la bdag med pa la dmigs pa dang zhes bya ba la/ phung po la sogs pa'i kun brtags kyi chos rnams kyang rmi lam gyi gzugs dang 'dra ste/ rang bzhin med do zhes dmigs pa ni chos bdag med pa la dmigs pa zhes bya'o//gzugs can gyi chos la dmigs pa dang zhes bya ba la/ bdag dang gzhan dang gnyis ka'i lus la mi gtsang ba la sogs pa'i rnam par dmigs pa ni gzugs can gyi chos la dmigs pa zhes bya'o/ /gzugs med pa'i chos la dmigs pa zhes bya ba la/tshor ba thams cad sdug bsngal bar dmigs pa dang / sems mi rtag par dmigs pa dang / chos la bdag med par dmigs pa ni gzugs med pa'i chos la dmigs pa zhes bya'o/ /yongs su shes pa'i nges pa ni/ rnam pa lnga ltar shes na/ yongs su shes pa'i nges pa yid la byed pa zhes bya'o zhes pa'i don to//de la yongs su shes par byed pa'i dngos po ni sdug bsngal lo zhes bya ba la/ yongs su shes pa'i dngos po zhes bya ba ni shes par bya ba'i yul la bya'o/ /de yang nye bar len pa'i phung po lnga sdug bsngal gyi bden pas bsdus pa la bya'o/ /yongs su shes par byed pa'i don ni de nyid mi rtag pa dang /sdug bsngal ba dang / stong pa nyid dang / bdag med pa'o zhes bya ba la/ phung po lnga la ji ltar yongs su shes par bya ba ni don zhes bya ste/ /de yang mi rtag pa la sogs pa rnam pa bzhi ltar shes par bya'o/ /de la skad cig ma re re la 'jig pas na mi rtag pa'o//sdug bsngal rnam pa gsum dang ldan pas na sdug bsngal ba'o/ /phung po'i nang na mu stegs kyis brtags pa'i bdag med rtag pa med pas na stong pa'o/ /phung po nyid mu stegs kyis brtags pa'i bdag rtag pa'i rang bzhin med pas na bdag med pa'o/ /yongs su shes par byed pa ni lam mo zhes bya ba la/nye bar len pa'i phung po lnga la mi rtag pa la sogs pa lta bur shes par byed pa ni 'phags pa'i lam gyi yan lag brgyad de/ de la yang yang dag pa'i lta bas mi rtag pa la sogs pa lta bur shes par byed do zhes bya ba'i don to/ /yongs su shes par byed pa'i 'bras bu ni rnam par grol ba'o zhes bya ba la/yang dag pa'i lta bas phung po lnga la mi rtag pa la sogs pa lta bur shes par byas/ 'dod chags la sogs pa'i nyon mongs pa las rnam par grol bar 'gyur te/ sems rnam par grol ba ni yongs su shes par byed pa'i 'bras bu yin no/ /de rab tu rig pa ni rnam par grol ba'i ye shes mthong ba'o zhes bya ba la/'dod chags la sogs pa'i sems rnam par grol nas de'i 'og tu sems rnam par grol lo zhes sems rnam par grol ba'i ye shes mthong ba skyes pa la ni de rab tu rig pa zhes bya'o zhes bya ba'i don to/ /bsgom pa'i rnam pa la zhugs pa yid la byed pa la bsgom pa'i rnam pa bzhi dang /bsgom pa'i rnam pa sum cu rtsa bdun yod pas las bsgom pa'i rnam pa bzhi po bstan pa'i phyir/ gang la bdag med pa'i rnam pa la bsgom pa dang zhes bya ba la sogs pa smos te/ nyan thos rnams ni mos pas spyod pa'i sa nas gang zag la bdag med pa'i rnam pa bsgom ste/phung po lnga tsam du zad de/ mu stegs kyis brtags pa'i bdag ni med la phung po lnga nyid la yang mi rtag pa dang sdug bsngal ba dang / stong pa dang / bdag med pa bsgom pa'i phyir ro/ /chos la bdag med pa'i rnam pa la bsgom pa dang zhes bya ba la/ byang chub sems dpa' rnams ni mos pas spyod pa'i sa nas chos la bdag med pa'i rnam par bsgoms te/gzugs la sogs pa'i chos 'di dag kyang rmi lam gyi gzugs la sogs pa bzhin du sems las byung bar zad do zhes bsgom pa'i phyir ro/ /mthong ba'i rnam pa la bsgom pa dang zhes bya ba la/ nyan thos mthong ba'i lam skyes te/ /rgyun du zhugs pa thob pa dang / /byang chub sems dpa' mthong ba'i lam skyes te/ sa dang po thob pa'i tshe na sdug bsngal la chos shes pa'i bzod pa la sogs pa bzod pa brgyad la gnas pa ni mthong ba'i rnam pa la bsgom pa zhes bya'o/ /ye shes kyi rnam pa la bsgom pa zhes bya ba la mthong ba'i lam de nyid kyi dus na ye shes rnam pa brgyad la gnas pa'i tshe na ni ye shes kyi rnam pa la bsgom pa zhes bya'o//yang na zhi gnas bsgom pa la gnas pa'i tshe na ni mthong ba'i rnam pa la bsgom pa zhes bya'o/ /lhag mthong bsgom pa'i dus na ni ye shes kyi rnam pa la bsgom pa zhes bya'o//de las bsgom pa'i rnam pa sum cu rtsa bdun no zhes bya ba la/ byang chub kyi phyogs sum cu rtsa bdun bsgom pa la/ bsgom pa'i rnam pa sum cu rtsa bdun zhes bya ste/ byang chub kyi phyogs sum cu rtsa bdun yang dran pa nye bar gzhag pa bzhi nas brtsams te/ 'phags pa'i lam gyi yan lag brgyad kyi bar du'o/ /mi sdug pa'i rnam pa la bsgom pa dang zhes bya ba la/ nang gi lus dang phyi'i lus dang / phyi nang gnyis ka'i lus la klad pa'i rgyas nas rkang pa'i mthil gyi bar du khrag dang rnag la sogs pas gang bar dmigs pa dang / rnam par bsngos pa dang / bam pa la sogs pa bsgom pa ni mi sdug pa'i rnam pa la bsgom pa zhes bya ste/ 'dis ni lus dran pa nye bar gzhag pa bstan to/ /sdug bsngal gyi rnam pa bsgom pa dang zhes bya ba la/ tshor ba bde ba dang / tshor ba sdug bsngal ba dang / tshor ba bde ba yang ma yin sdug bsngal ba yang ma yin pa rnams rtag tu sdug bsngal ba yin no zhes bsgom pa ni sdug bsngal gyi rnam pa la bsgom pa zhes bya'o//de la tshor ba bde ba yang nam zhig na sdug bsngal gyi rgyur 'gyur bas 'gyur ba'i sdug bsngal dang ldan pa dang / tshor ba sdug bsngal ba dang / sdug bsngal gyi sdug bsngal dang ldan pa dang / tshor ba bde ba yang ma yin sdug bsngal ba yang ma yin pa ni 'du byed kyi sdug bsngal dang ldan pas tshor ba thams cad sdug bsngal ba zhes bya ste/'dis ni tshor ba dran pa nye bar gzhag pa bstan to/ /mi rtag pa'i rnam pa la bsgom pa dang zhes bya ba la/ rnam par shes pa brgyad dang / sems las byung ba rnams ni skad cig tu 'dod chags dang bcas pa dang /'dod chags med par 'gyur ba dang / skad cig tu zhe sdang dang bcas pa dang / zhe sdang med par 'gyur ba dang / skad cig tu gti mug dang bcas pa dang / gti mug med par 'gyur ba dang / zhi ba dang / ma zhi bar 'gyur ro zhes bsgom pa ni mi rtag pa'i rnam pa la bsgom pa zhes bya ste/'dis ni sems dran pa nya bar gzhag pa bstan to/ /bdag med pa'i rnam pa la bsgom pa dang zhes bya ba la/ chos rnam pa gnyis te/ kun nas nyon mongs pa'i chos dang rnam par byang ba'i chos so/ /'khor ba'i dus na ni 'dod chags la sogs pa'i kun nas nyon mongs pa'i chos dang ldan par zad/mya ngan las 'das pa'i dus na ni dad pa la sogs pa rnam par byang ba'i chos dang ldan par zad kyi kun nas nyon mongs pa dang / rnam par byang bar 'gyur ba'i bdag rtag pa gang yang med do zhes bsgom pa ni bdag med pa'i rnam pa la bsgom pa zhes bya ste/ 'dis ni chos dran pa nye bar gzhag pa bstan to//'dis ni dran pa nye bar gzhag pa bzhi bstan to/ /rab tu thob pa'i rnam pa la bsgom pa dang zhes bya ba la/ lhag pa'i tshul khrims dang sems dang / lhag pa'i shes rab kyi mtshan nyid dge ba ma skyes pa rnams bskyed par bya ba'i phyir/ mos pa bskyed 'bad brtson 'grus rtsom pa ni rab tu thob pa'i rnam pa la bsgom pa zhes bya ste/'dis ni yang dag par spong ba'i rnam pa gcig go/ /brten pa'i rnam pa la bsgom pa dang zhes bya ba la/ bslab pa gsum gyi mtshan nyid dbye ba'i chos skye ba rnams 'phel ba dang / rgyas pa dang rgya cher 'gyur bar bya ba'i phyir yang nas yang du de la bsgom pa ni bstan pa'i rnam pa la bsgom pa zhes bya ste/'dis ni yang dag pa'i spong ba gnyis pa'o/ /gdon pa'i rnam pa la bsgom pa dang zhes bya ba la/ bslab pa gsum gyis mi mthun pa'i phyogs su gyur pa sdig pa mi dge ba'i chos skyes pa rnams spang bar bya ba'i phyir/ mos pa bskyed 'bad brtson 'grus rtsom pa ni 'don pa'i rnam pa la bsgom pa zhes bya ste/'dis ni yang dag pa'i spong ba gsum pa'o/ /sdig pa mi dge ba'i chos spangs pa yang sdig pa mi dge ba'i chos de dag rgyun du skye ba las skye ba'i rgyun gcad pa'o/ /yang sdig pa'i chos de dag gi sa bon spangs pa nyid kyis spangs pa zhes bya ste/gzhan du na sdig pa'i chos skyes zin pa rnams ni spang du med de/ rang nyid skyes ma thag tu 'gag par 'gyur bas so/ /gnyen po rnam pa la bsgom pa zhes bya ba la/ sdig pa mi dge ba'i chos ma skyes pa rnams mi skyed pa'i phyir de'i gnyen po 'dod chags kyi gnyen por mi gtsang ba bsgom pa dang /zhe sdang gi gnyen por byams pa bsgom pa dang gti mug gi gnyen por rten cing 'brel par 'byung ba bsgom pa ni gnyen po'i rnam pa la bsgom pa zhes bya ste/ 'dis ni yang dag pa'i spong ba bzhi pa bstan to/ /de la gnyen po la bsgom na bag chags bcom par 'gyur ro//bag chags bcom na sdig pa mi dge ba'i chos ma skyes pa rnams mi skye bar 'gyur te/ ma skyes pa spong ba'i thabs kyang de lta bu'o/ /'di yan chad yang dag pa'i spong ba bzhi bstan to/ /bshad do/ /chog par 'dzin pa'i gnyen po yid la byed pa'i bsgom pa ni dad pa bskyed pa'o zhes bya ba la/yang dag pa'i spong ba bzhi tsam gyi dge bas chog par 'dzin cing dge ba rgya chen po dang ting nge 'dzin la sogs pa mi tshol la de'i gnyen po yid la byed pa bsgoms te/ de'i gnyen po yid la byed pa yang gang yin zhe na/ dad pa skyes pa'o/ /dad pa skyes pa ni ting nge 'dzin dang /dge ba'i rtsa ba rgya chen po bskyed pa'i phyir/ mos pa dang dga' ba dang spro ba bskyed pa ste/ 'dis ni mos pa rdzu 'phrul gyi rkang pa bstan to/ /g.yeng ba dang the tshom gyi gnyen po yid la byed pa bsgom pa ni nam 'bad pa dang brtson 'grus rtsom pa na rim bzhin no zhes bya ba la/ ting nge 'dzin du zhugs pa na 'dod pa lnga'i yon tan la sems g.yeng bas g.yengs pa zhes bya'o/ /bsgom pa'i yul dang shes bya'i dngos po yin nam ma yin no snyam du yid gnyis za ba ni the tshom zhes bya ste/ g.yeng ba'i gnyen por ni 'bad pa yid la bya'o/ /the tshom gyi gnyen por ni brtson 'grus yid la bya ste/rim bzhin no/ /ji ltar gnyen por 'gyur zhe na/ ting nge 'dzin gyi dus na phyi'i yul la sems g.yengs shing phyad par gyur pa dang / mi g.yengs par gyur pa'i phyir 'bad par bya'o/ /nam the tshom du gyur pa na ma btsal te/ le lo'i dbang du byas na ni the tshom las thar bar mi 'gyur te/brtson 'grus bskyed pa la yang nas yang du gzig cing brtags te dpyad na the tshom med par 'gyur bas/ the tshom gyi gnyen por ni brtson 'grus rtsom mo/ /rgod pa'i gnyen por ting nge 'dzin bsgom pa ni nam sems rab tu 'dzin pa'o zhes bya ba la/ sngon rtsed mo byas pa dang / bgod pa la sogs pa dran nas sems 'phros par gyur pa ni rgod pa zhes bya ste/de'i gnyen por ni zhi gnas kyi ting nge 'dzin bsgom mo zhi gnas kyi ting nge 'dzin bsgom pa na sems rab tu 'dzin pa zhes bya ste/ sems g.yengs pa las zhi gnas kyis brlan nas/ ting nge 'dzin gyi yul las brlan nas bzhag pa'i phyir ro//zhum pa'i gnyen por ting nge 'dzin gyi rnam par bsgom pa ni nam sems rab tu gzengs bstod do zhes bya ba la/ zhum pa ni le lo'i dbang du gyur nas sems spro ba med pa dang gnyid dang / rmugs pa dang non pa ste/ de'i gnyen por ni lhag mthong gi ting nge 'dzin bsgom mo//nam lhag mthong gi ting nge 'dzin bsgom pa ni sems rab tu gzengs bstod pa zhes bya ste/ rmugs par gyur pa dang lhag mthong gis de bzhin gshegs pa pa'i yon tan nam ting nge 'dzin gyi 'bras bur bsams nas/ sems spro ba dang gsal ba'i mtshan nyid bskyed par bya ba zhes bya ba'i don to//de dag rdzu 'phrul gyi rkang pa bzhi dang rim bzhin du sbyar ro zhes bya ba la/ chog par 'dzin zhes bya ba la sogs pas ni mi mos pa rdzu 'phrul gyi rkang pa bstan to/ /g.yeng ba zhes bya ba la sogs pas ni brtson 'grus rdzu 'phrul gyi rkang pa bstan to/ /rgod pa'i gnyen por zhes bya ba la sogs pas ni sems rdzu 'phrul gyi rkang pa bstan to//zhum pa'i gnyen por zhes bya ba la sogs pas ni spyod pa rdzu 'phrul gyi rkang pa bstan to/ /rim bzhin du sbyar ro/ /sems gnas pas 'jig rten las 'das pa'i phun sum tshogs pa la yid ches pa'i rnam pa bsgom pa dang zhes bya ba la/ rdzu 'phrul gyi rkang pa bzhi thob ste/'jig rten pa'i ting nge 'dzin thob pa la sems gnas pa zhes bya ba'am/ mos pa spyod pa'i ting nge 'dzin bzhi thob pa la sems gnas pa zhes bya'o/ /sa dang por gnyis su med pa'i ye shes thob pa la ni 'jig rten las 'das pa zhes bya ste/ de'i tshe bsod nams dang ye shes kyi tshogs ni phun sum tshogs pa zhes bya ste/'jig rten gyi ting nge 'dzin thob pas 'jig rten las 'das pa'i phun sum tshogs pa thob par bya ba'i phyir bsgom par bya'o/ /ji ltar bsgom zhe na/ yid ches pa'i rnam par bsgoms te/ sa dang po'i dus na bsod nams dang ye shes kyi tshogs phun sum tshogs pa yin la/bsod nams dang ye shes kyi tshogs de dag sgrub cing thob par byar rung ngo zhes sems pa ni yid ches pa'i rnam pa bsgom pa zhes bya ste/ 'dis ni dad pa'i dbang po bstan to/ /ji ltar yid ches pa'i rnam pa la bsgom pa de bzhin du 'bad pa'i rnam pa la bsgom pa dang zhes bya ba la dad pa'i dbang pos 'jig rten las 'das pa'i phun sum tshogs pa la yod pa'i mtshan nyid du yid ches pa'i rnam pas bsgom pa de bzhin du brtson 'grus kyis kyang 'jig rten las 'das pa'i phun sum tshogs pa de la rtog pa dang /mngon sum du bya ba'i phyir yang nas yang du goms par byed pa ni 'bad pa'i rnam pa la bsgom pa zhes bya ste/'dis ni brtson 'grus kyi dbang po bstan te/ chos mi brjed pa'i rnam pa bsgom pa dang zhes bya ba la dad pa'i dbang pos yid ches par byas pa dang / brtson 'grus kyi dbang pos mngon sum du byas pa'i chos de sems la ma rmugs shing sems la gsal bar snang ba'i mtshan nyid du bsgom pa ni sems mi brjed pa'i rnam pa la bsgom pa zhes bya ste//'di ni dran pa'i dbang po bstan to/ /sems gnas pa'i rnam pa la bsgom pa dang zhes bya ba la/ dran pa'i dbang pos ma brjed par byas pa'i chos de nyid la sems gzhag ste/rtse gcig tu bsgom pa ni sems gnas pa'i rnam pa la bsgom pa zhes bya ste/ 'dis ni ting nge 'dzin gyi dbang po bstan to/ /rab tu 'byed pa'i rnam pa la bsgom pa zhes bya ba la/ de ltar sems rtse gcig tu bzhag na chos de dag gi rang dang spyi'i mtshan nyid phyin ci ma log par shes pa'i shes rab skye bar 'gyur te/de ni rab tu 'byed pa'i rnam pa la bsgom pa zhes bya ste/ 'dis ni shes rab kyi dbang po bstan to/ 'di yan chad du dbang po lnga bstan to/ /dbang po de dag ni mi mthun pa'i phyogs bcom pa'i yid la byed pa ni stobs rnams la'o zhes bya ba la dad pa'i dbang po nas shes rab kyi dbang po'i bar du dbang po lnga po nyid la nam mi mthun pa'i phyogs kyis mi 'phrogs shing de dag gi dbang du ma gyur la mi mthun pa'i phyogs choms pa'i tshul du yid la byed pa la ni stobs lnga zhes bya'o//de la mi mthun pa'i phyogs ni ma dad pa dang / le lo dang dran pa nyams pa dang /g.yeng ba dang 'chal ba'i shes rab ste/ nam ma dad pas mi 'phrogs pa'i dus na ni dad pa'i stobs zhes bya'o/ /nam le los mi 'phrogs pa'i dus na ni brtson 'grus kyi stobs zhes bya'o/ /nam dran pa nyams pas mi 'phrogs pa'i dus na ni dran pa'i stobs zhes bya'o/ / nam g.yeng bas mi 'phrogs pa'i dus na ni ting nge 'dzin gyi stobs zhes bya'o/ /nam 'chal ba'i shes rab kyis mi 'phrogs pa'i dus na ni shes rab kyi stobs zhes bya ste/ 'di yan chad stobs lnga bshad do/ /dbang po lnga dang stobs lnga la khyad par ci yod ce na/ gang gis ma dad pa la sogs pa mi mthun pa'i phyogs dang /dad pa la sogs pa gnyen po gnyis su 'dres mar 'byung ba na ni dbang po zhes bya'o/ /mi mthun pa'i phyogs kyis ma 'dres par gnyen po 'ba' zhig 'byung ba na ni stobs zhes bya ste bye brag ni de yod do/ /yang dag byang chub rab tu snang ba rnam pa la bsgom pa dang zhes bya ba la/zad pa mi skye ba'i ye shes la yang dag byang chub ces bya ste/ mthong ba dang bsgom pas spang bar bya ba'i nyon mongs pa sngar spangs pa la ni bzod pa zhes bya'o/ /de phyin chad sems kyi rgyud la nyon mongs pa mi 'byung ba ni mi skye ba zhes bya'o/ /yang na sa dang por chos kyi dbyings kun du 'gro ba'i mtshan nyid du rtogs nas gzung 'dzin gnyis spangs te/gnyis su med pa'i ye shes thob pa la yang dag byang chub ces bya ste/ de sems la gsal zhing ma brjed par bsgom pa la ni yang dag byang chub snang ba'i rnam pa la bsgom pa zhes bya'o/ /de yang dran par byed pas na 'dis dran pa yang dag byang chub kyi yan lag bstan to//de nyid la rnam par 'byed pa dang zhes bya ba la/ de nyid la zhes bya ba ni zad la mi skye ba'i ye shes sam/ gnyis su med pa'i ye shes la bya ste/ ye shes de'i mtshan nyid mi brjed par byas pa nyid phyin ci ma log par shes pa ni rnam par 'byed pa zhes bya'o//de yang gang gi dus na shes she na sa dang po'i dus na shes te/ de'i tshe chos kyi dbyings thams cad du 'gro ba'i mtshan nyid du rtogs pa'i phyir te/ 'dis ni chos rab tu 'byed pa byang chub kyi yan lag bstan to/ /spro ba dang zhes bya bas chos kyi dbyings rtogs pa de nyid la/yang nas yang du goms par byed pa ni spro ba zhes bya ste/ de yang brtson 'grus kyis byed pas na 'dis ni brtson 'grus yang dag byang chub kyi yan lag bstan to/ /yid bde ba dang zhes bya ba la/ sa dang por chos kyi dbyings rtogs nas/ dga' ba'i khyad par skye ba la ni yid bde ba zhes bya ste/'di yang sa dang po'i tshe rtogs nas dga' ba skyes pas na/ sa dang po'i ming yang sa rab tu dga' ba zhes btags te/ des ni dga' ba yang dag byang chub kyi yan lag bstan to/ /las su rung ba dang zhes bya ba la/ lus shin tu byang ba dang sems shin tu byang ba las su rung ba zhes bya'o//de la lus las su rung ba ni bdag gi dgos pa sgrub pa la lus yang zhing zo mdog bde ba'o/ /sems las su rung ba ni zhum rgod med cing ting nge 'dzin gyi yul la 'jug pa dang / sems gsal ba ste 'dis ni shin tu sbyangs pa byang chub kyi yan lag bstan to/ /sems gnas pa dang zhes bya ba la/zad pa mi skye ba'i ye shes sam/ de bzhin nyid ma brjed par byas pa la sems gnas pa'i rnam pa bsgom pa zhes bya ste/ 'dis ni ting nge 'dzin byang chub kyi yan lag bstan to/ /mnyam pa nyid kyi rnam pa la bsgom par bya zhes bya ba la/ de ltar sems rtse gcig tu bzhag pa las zhum pa dang rgod pa gnyis med par bsgom pa ni mnyam pa nyid kyi rnam pa la bsgom pa zhes bya ste/'dis ni btang snyoms yang dag byang chub kyi yan lag bstan to/ /de la btang snyoms rnam pa gsum ste/ btang snyoms kyi thog ma'i dus dang / rab kyi dus dang / tha ma'i dus so//de la btang snyoms kyi thog ma'i dus kyi ni zhum rgod gnyis sems mi mnyam par byed pa yin/ zhum rgod spangs pa'i sems dang por thob pa la btang snyoms kyi thog ma'i dus zhes bya'o/ /de nas phan chad zhum rgod spangs pa'i sems mnyam pa nyid la sems dang gis gnas pa ni bar gyi dus zhes bya'o//de'i dus na ring du ma bsgoms pas zhum rgod 'byung ba'i dogs pa yod pa la rnal 'byor pas yun ring du bsgoms nas zhum rgod 'byung ba'i dogs pa yang med par bsgom pa ni btang snyoms kyi tha ma'i dus zhes bya ste/ 'di yan chad du byang chub kyi yan lag bdun bstan to/ / thog mas gdon mi za ba'i rnam pa bsgom pa dang zhes bya ba la/ sa dang por chos kyi dbyings kun du 'gro ba'i mtshan nyid du rtogs pa ni thob pa gdon mi za ba zhes bya'o/ /de ltar sa dang por chos kyi dbyings rtogs nas sa bcu man chad de nyid la bsgom pa ni thob pa gdon mi za ba'i rnam pa la bsgom pa zhes bya ste/de ltar yang yang dag pa'i lta bas bsgoms pas na 'dis ni yang dag pa'i lta ba bstan to/ /yongs su sbyangs pa'i sa rtogs pa'i rnam pa bsgom pa dang zhes bya ba la/ mos pa spyod pa'i sa nas rnal 'byor pas mnyan pa dang bsams pa'o/ /bsgom pa la sogs pa'i rim pas chos kyi dbyings rtogs shing sa dang po thob par byas pa'i sa dang po la yongs su sbyangs pa'i sa zhes bya'o//de nas rnal 'byor pa zhes ting nge 'dzin las langs nas bdag gis chos kyi dbyings ji ltar rtogs zhes brtags nas mnyan pa dang bsam pa dang bsgom pa'i rim pas rtogs so zhes khong du chud pas yongs su sbyangs pa'i sa rtogs pa'i rnam pa la bsgom pa zhes bya ste/de ltar yang yang dag pa'i rtog pas na 'dis ni yang dag pa'i rtog pa bstan to/ /pha rol la yang dag par rig par byed pa'i rnam pa la bsgom pa dang zhes bya ba la/ de ltar rnal 'byor pas yang dag pa'i lta ba dang / yang dag pa'i rtog pas sa dang por chos kyi dbyings ji ltar rtogs pa de kho na khong du ma chud pa rnams la tshig gis 'chad cing go bar byed pa ni pha rol la yang dag par rig par byed pa'i rnam pa la bsgom pa zhes bya ste/ de ltar yang yang dag pa'i ngag gis byed pas na 'dis ni yang dag pa'i ngag bstan to/ / 'phags pa 'dun par byed pa'i tshul khrims la bzhugs pa'i rnam pa la bsgoms pa dang zhes bya ba la/ 'phags pa rnams dgyes pa'i tshul khrims la ni 'phags pa 'dun par byed pa'i tshul khrims zhes bya ste/ de yang srog gcod pa nas log par lta ba'i bar dag mi dge ba bcu spangs shing rang bzhin gyis dge ba bcu la gnas pa ni 'phags pa 'dun par byed pa'i tshul khrims zhes bya ste/tshul khrims de la gnas par zhugs pa'i rnam pa la bsgom pa zhes bya'o/ /de ltar yang dag pa'i las kyi mthas byed pas na 'dis ni yang dag pa'i las kyi mtha' bstan to/ / bsnyungs pa'i tshul kun du spyod pa'i rnam pa la bsgom pa dang zhes bya ba la/ lhung bzed dang chos gos la sogs pa lung las ji skad 'byung ba las lhag par mi tshol zhing bsnyungs pa dang / g.yo dang / sgyus mi 'tsho ba ni bsnyungs pa'i tshul du kun du spyod pa'i rnam pa la bsgom pa zhes bya ste/ de yang yang dag pa'i 'tsho bas byed pas na 'dis ni yang dag pa'i 'tsho ba bstan to//sngon yongs su bsgoms pas thob pa'i lam la goms pa'i rnam pa la bsgom pa dang zhes bya ba la/ mos pa spyod pa'i sa nas sa dang po'i bar du bsgoms pas sa dang po'i tshe brtson 'grus khyad zhugs pa ni sngon yongs su bsgoms pas thob pa'i lam zhes bya'o//de nas sa gnyis nas sa bcu man chad brtson 'grus khyad zhugs pa de nyid la goms par byed pa la ni goms pa'i rnam pa la bsgom pa zhes bya ste/ de ltar yang yang dag pa'i rtsol bas byed pas na 'dis ni yang dag pa'i rtsol ba bstan to/ /chos gnas pa'i mtshan ma mi brjed pa'i rnam pa la bsgom pa dang zhes bya ba la/chos ni chos kyi dbyings rnam par dag pa'o/ /chos de nyid la rtse gcig tu 'jog pa ni gnas pa zhes bya ste/ chos kyi dbyings la sems rtse gcig tu 'jog pa'i tshe zhum pa dang rgod pa'i tshe gnyen po mtshan ma rnam pa gsum mi rjed par byed pa ni mtshan ma mi brjed pa'i rnam pa la bsgom pa zhes bya ste/de yang yang dag pas byed pas na 'dis ni yang dag pa'i dran pa bstan to/ /mtshan ma rnam pa gsum ni zhi gnas kyi mtshan ma dang gzengs ba stong pa'i mtshan ma dang / btang snyoms kyi mtshan ma'o/ /de la nam sems rgod par gyur pa'i dus na ni zhi gnas kyi mtshan ma bsgoms te rgod pa zhi bar bya'o//nam sems zhum par gyur pa'i dus na ni gzengs bstod pa'i mtshan ma yid la byas shing sems spro ba bskyed par bya'o/ /nam zhum rgod spangs te sems mnyam par gyur pa'i dus na ni btang snyoms kyi mtshan ma yid la bya zhing sems mi bskyod par bzhag go//sems gnas pa mtshan ma med pa gnas yongs su gyur pa'i rnam pa la bsgom pa zhes bya ba la/ de ltar sems rtse gcig tu gyur pas zhum rgod mi 'byung ba'i phyir/ de'i gnyen po mtshan ma rnam pa gsum la yang mi dmigs mi gnas pa la sems gnas pa mtshan ma med pa zhes bya'o//de ltar mtshan ma med pa bsgoms pa nyid gnas gyur pa'i rnam pa la bsgom pa zhes bya ste/ sngon zhum rgod dang bcas pa'i gnas dang bral nas zhum rgod mi 'byung zhing sems rnal du 'dug pa'i gnas thob pa'i phyir gnas par gyur pa zhes bya ste/de ltar yang yang dag pa'i ting nge 'dzin gyis byed pas na 'dis ni yang dag pa'i ting nge 'dzin bstan te/ 'di yan chad 'phags pa'i lam gyi yan lag brgyad bshad zin to/ /zhi gnas dang lhag mthong bsgom pa'i lam gyi rang bzhin bshad pa gang yang med do zhes bya ba la/ da ni zhi gnas dang lhag mthong bsgom pa'i lam gyi rang bzhin bshad pa'i skabs su bab ste/de gnyis kyi bshad pa ni gang yang med de/ bshad mi dgos so zhes bya ba'i tha tshig go/ /ci'i phyir zhe na/ gong du yid la byed pa bshad pa dang / 'og nas yid la byed pa 'chad par 'gyur ba rnams kyang zhi gnas dang lhag mthong gi char gtogs par zad de/zhi gnas dang lhag mthong du 'dus pas logs shig tu bshad mi dgos so/ /legs par yid la byed pa ni rnam pa gnyis te/ gnas ngan len bsal ba dang / lta ba'i mtshan ma bsal ba'o zhes bya ba la/ yid la byed pa gang gis gnas ngan len sel bar byed pa dang /lta ba'i mtshan ma sel bar byed pa de la legs par yid la byed pa zhes bya ste/ de'ang gnas ngan len sel ba dang / lta ba sel ba'i sgo nas rnam pa gnyis su bzhag go/ /de la gnas ngan len rnam pa gnyis te/ lus kyi gnas ngan len dang / sems kyi gnas ngan len to//de la lus kyi gnas ngan len ni srog gcod pa dang / ma byin par len pa dang / mi tshangs par spyod pa la sogs pa'i mi dge ba byed pa'o/ /sems kyi gnas ngan len ni ma lus mi dge ba spyod pa'i rgyu 'dod chags dang / zhe sdang la sogs pa sems la g.yo ba ste/ chos la bdag med par khong du chud pas ni gnas ngan len sel bar byed pa'o//'jig tshogs su lta ba dang / mthar 'dzin par lta ba dang / log par lta ba dang / lta ba bsnyems pa dang / tshul khrims dang brtul zhugs bsnyems pa'i bag chags la lta ba'i mtshan ma sel ba zhes bya ste/gang zag la bdag med par khong du chud pas ni lta ba'i mtshan ma sel bar byed do/ /yang dag par gnod pa ni gang chos kyi rgyun las sangs rgyas dang byang chub sems dpa' las gdams pa 'dzin pa'o zhes bya ba la/ theg pa chen po'i rigs la gnas pas byang chub tu sems bskyed nas mos pa spyod pa'i ting nge 'dzin bzhi thob pa la chos kyi rgyun zhes bya ste/chos kyi rgyun la gnas pa des sa dang po thob par bya ba'i phyir/ sa dang po thob par 'gyur ba'i ting nge 'dzin gyi man ngag sangs rgyas dang byang chub sems dpa' rnams las len cing 'dzin pa la yang dag par nod pa yid la byed pa zhes bya ba'i don to//sbyor ba can gyi yid la byed pa dang po bstan pa'i phyir/ ting nge 'dzin gyi spyod yul grangs nye bar rtogs pa'i sbyor ba can no zhes bya ba la sogs pa smos te/ ting nge 'dzin gyi spyod yul ni mdo sde la sogs pa gsung rab yan lag bcu gnyis so/ /gsung rab de dag gi ming dang tshig dang yi ge'i grangs su yod pa rtogs pa ni ting nge 'dzin spyod yul grangs nye bar rtogs pa'i sbyor ba can zhes bya'o//de nyid kyi don bstan pa'i phyir/ gang gis mdo sde la sogs pa'i ming dang tshig dang yi ge'i grangs nye bar rtogs pa'o zhes bya ba smos te/ gang gis zhes bya ba ni yid la byed pa gang gis zhes bya ba'i don to//yid la byed cing rtogs pa'i khyad par gang gis mdo sde la sogs pa gsung rab yan lag bcu gnyis la gsung rab 'di'i nang nas ming gi grangs ni 'di snyed cig 'byung / tshig gi grangs ni 'di snyed cig 'byung / yi ge'i grangs ni 'di snyed cig 'byung zhes rtogs pa ni grangs nye bar rtogs pa'i sbyor ba can zhes bya'o//sbyor ba can gyi yid la byed pa gnyis las bstan pa'i phyir/ 'jug pa nye bar rtogs pa'i sbyor ba can ni gang gis rnam pa gnyis la 'jug pa nye bar rtogs pa ste zhes bya ba la sogs pa smos te/ gang gis chos gnyis kyi tshad khong du chud par bya ba'i phyir sbyor ba ni 'jug pa nye bar rtogs pa'i sbyor ba can zhes bya'o//de la gang gis zhes bya ba ni yid la byed pa gang gis she'am/ gang zag gang gis zhes bya ba'i tha tshig go/ /rnam pa gnyis la 'jug pa nye bar rtogs zhes bya ba ni yi ge rnams kyi tshad la 'jug pa nye bar rtogs pa dang /ming dang tshig gnyis kyi tshad la 'jug pa nye bar rtogs pa'o/ /don de nyid bstan pa'i phyir/ yi ge rnams kyi tshad la 'jug pa dang / ming dang tshig gi tshad med pa la 'jug pa'o zhes smos te/ yi ge rnams kyi tshad yod par shes pa ni yi ge rnams kyi tshad la 'jug pa zhes bya ste/de yi ge'i phyi mo ni a nas ka'i bar du bzhi bcu rtsa brgyad las med pa'i phyir ro/ /lha sbyin dang mchod sbyin zhes ming du btags ba dang / 'dus byas mi rtag ces tshig tu btags pa rnams la tshad med par khong du chud pa ni ming dang tshig gi tshad med pa la 'jug pa zhes bya ste/ shes rab kyi pha rol tu phyin pa stong phrag brgya pa la sogs pa'i mdo sde de dag gi nang nas ming dang tshig dpag tu med par 'byung ba'i phyir ro//sbyor ba can gyi yid la byed pa gsum pa bstan pa'i phyir kun rtog pa nye bar rtogs pa'i sbyor ba can ni/ gang gis gnyis bzung nas kun rtog pa gnyis nye bar rtogs pa ste zhes bya ba la sogs pa smos te/gang gis zhes bya ba ni/ gang zag gang gis she'am/ yid la byed pa gang gis zhes bya ba'i don to/ /ming gzung ba dang don gzung ba'i sgo nas ming dang don gnyis rtogs na de gnyi ga nyid kyis don rtogs par 'gyur ba ni kun rtog pa nye bar rtogs pa'i sbyor ba can zhes bya'o//don de nyid rtogs pa'i phyir ming la kun rtog pa gzung ste/ don la kun rtog pa gzung ba dang zhes bya ba smos te/ bum pa dang snam bu dang / lha sbyin dang mchod sbyin zhes bya ba'i ming shes pa ni ming la kun rtog pas gzung ba zhes bya'o/ /de ltar ming shes nas bum pa'i zhes bya ba'i ming la de'i don gang yin zhe na/lto zlum po ske dang sdeng sdeng po chu blugs su rung ba ste/ rtogs pa ni ming gi sgo nas don la kun rtog pa gzung ba zhes bya'o/ /de kun rtog pa gzung ste/ kun rtog pa'o zhes bya ba la/ bum pa zhes bya ba'i don lto zlum po ske dang sdeng sdeng po chu blugs su rung ba de la ming du ji skad bya zhe na/de la ni bum pa zhes bya'o zhes rtogs pa ni don gyi sgo nas ming du btags pa yin no/ /yi ge ni kun brtags pa ma yin no zhes bya ba ni yi ge ka dang a la sogs pa gug skyed med pa rnams la ni kun brtags pa zhes bya bar mi bzhag ste/de ci'i phyir zhe na/ yi ge 'bru gcig la ni ming med do/ /ming med pas ni de don rtag tu mi rung ba'i phyir ro/ /sbyor ba can gyi yid la byed pa bzhi pa bstan pa'i phyir/ rim pa nye bar rtogs pa'i sbyor ba can ni/ gang gis ming kun 'dzin pa sngon byas pa'i don 'dzin pa la 'jug pa nye bar rtogs pa'o zhes bya ba smos te/sngar ming btags shing shes par byas nas de nas ming shes zin pa'i 'og tu don shes par byed pa ni rim pa nye bar rtogs pa'i sbyor ba can zhes bya ste/ de yang 'jig rten pa dag tha snyad la mkhas par bya ba'i phyir bum pa dang snam bu dang lha sbyin dang mchod sbyin zhes bya ba la sogs pa ming ji ltar shes par byed do//de ltar ming ji ltar shes par byas nas/ de nas don gyi dngos po 'di la ming du ji skad ces bya zhe'am ming 'di skad ces bya ba'i don ni 'di lta bu yin no/ /ma zhes ming la brten nas don la rtogs so/ /sbyor ba can gyi yid la byed pa lnga pas bstan pa'i phyir/rab tu rtogs pa'i sbyor ba de yang rnam pa bcu gcig tu rig par bya ste zhes bya ba la sogs pa smos te/ 'og nas 'byung ba'i chos bcu gcig rtogs pa ni rab tu rtogs pa'i sbyor ba zhes bya'o/ /glo bur du byung ba rab tu rtogs pa dang zhes bya ba la/ ming du btags pa dang don du btags pa'i chos 'di dag ni gyi na brnyan mar btags par zad do zhes khong du chud pa na glo bur du byung ba rab tu rtogs pa zhes bya ste/gang gi phyir don la ming btags pa rnams kyang gyi na glo bur btags pa yin la ming la don du btags pa rnams kyang gyi na glo bur btags par khong du chud pa ste/de ni mos pa spyod pa'i sa drod kyi dus na khong du chud do/ /yang dag par snang ba'i mtshan ma rab tu rtogs pa dang zhes bya ba la/ gzung ba dang 'dzin pa'i chos de dag yod pa ma yin pa las yod pa lta bur snang ba ni yang dag par snang ba zhes bya ste/ 'di ltar snang bar byed pa'i rgyu la mtshan ma zhes bya'o//de ltar snang bar byed pa'i rgyu ni sems dang sems las byung ba yin te/ gzung ba dang 'dzin pa 'di dag sems dang sems las byung ba la snang bar khong du chud pa ni yang dag par snang ba'i mtshan ma rab tu rtogs pa zhes bya ste/ de yang mos pa spyod pa'i sa rtse mo'i dus na de ltar rtogs so//don mi dmigs pa rab tu rtogs pa dang zhes bya ba la/ gzugs nas chos kyi bar du yul drug la bya ste yul drug po de dag la mi rtog cing de dag sems la snang ba thams cad spangs nas mi snang bar gyur nas don mi dmigs pa rab tu rtogs pa zhes bya'o//de yang mos pa spyod pa'i sa bzod pa'i dus na rtogs so/ /dmigs pa mi dmigs pa rab tu rtogs pa dang zhes bya ba la/ yul drug la dmigs par byed pa'i sems mig gi rnam par shes pa nas yid kyi rnam par shes pa'i bar du med par khong du chud pa ni dmigs pa mi dmigs pa rab tu rtogs pa zhes bya'o//de ci'i phyir zhe na/ gzung ba med pa dang de la 'dzin par byed pa'i sems kyang yod pa ma yin no zhes khong du chud pa'i phyir te/ de ni mos pa spyod pa'i sa'i 'jig rten gyi chos mchog gi dus na khong du chud do/ /chos kyi dbyings rab tu rtogs pa dang zhes bya ba la/de ltar gzung ba dang 'dzin pa gnyis spangs nas mthong ba'i lam nas chos kyi dbyings thams cad du 'gro ba'i mtshan nyid du mthong ba ni chos kyi dbyings rab tu rtogs pa zhes bya ste/ de'ang sa dang po'i tshe'i khong du chud do/ /gang zag la bdag med pa rab tu rtogs pa dang zhes bya ba la mthong ba'i lam na nyan thos rgyun du zhugs pa la sogs pas ni gang zag la bdag med pa la rab tu rtogs te/phung po lnga tsam du zad kyi mu stegs kyis brtags pa'i bdag ni yod pa ma yin no zhes khong du chud pa'i phyir ro/ /chos la bdag med par rab tu rtogs pa dang zhes bya ba la/ byang chub sems dpa' rnams kyis ni mthong ba'i lam la chos la bdag med par rab tu rtogs te/phung po lnga nyid kyang rmi lam gyi gzugs bzhin du med do zhes khong du chud pa'i phyir ro/ /bsam pa chung ngu rab tu rtogs pa dang zhes bya ba la/ nyan thos rgyun du zhugs pa dang / lan cig phyir 'ong ba dang phyir mi 'ong ba dang /dgra bcom pa dang / rang sangs rgyas rnams ni bsam pa chung dus rab tu rtogs pa zhes bya ste/ bdag gi don tsam du bya ba dang / gang zag la bdag med pa tsam las ma rtogs pa'i phyir ro/ /rgya chen por bdag nyid chen po'i bsam pa rab tu rtogs pa dang zhes bya ba la/sa bcu pa'i byang chub sems dpa' rnams dang / de bzhin gshegs pa rnams ni rgya chen po'i bdag nyid chen po'i bsam pa rab tu rtogs pa zhes bya ste/ bdag dang sems can thams cad kyi don bya ba rtogs pa dang / gang zag dang chos la bdag med par rtogs pa'i phyir ro//ji ltar chos khong du chud pa'i chos rnam par gzhag pa'i rab tu rtogs pa dang zhes bya ba la/ mthong ba'i lam sa dang po'i dus na chos kyi dbyings rtogs pa ni ji ltar chos khong du chud pa zhes bya'o/ /de ltar chos kyi dbyings khong du chud nas de khong du chud pa'i yon tan skad cig ma gcig la de bzhin gshegs pa brgya'i zhal lta ba la sogs pa rnams rtogs pa ni chos rnam par gzhag pa rab tu rtogs pa zhes bya ste/de yang sa dang po'i dus na yang dag pa'i lta bas rtogs so/ /rnam par gzhag pa'i chos rab tu rtogs pa dang zhes bya ba la/ sa gnyis nas sa bcu man chad na bsgom par bya ba'i chos rnams kyang rab tu rtogs shing de'i yon tan skad cig gcig la de bzhin gshegs pa stong gi zhal mthong ba la sogs pa ni rnam par gzhag pa'i chos rab tu rtogs pa zhes bya ste/'di ni bsgom pa'i lam na yang dag pa'i rtog pas rtogs so/ /dbang byed pa yid la byed pa ni rnam pa gsum ste zhes bya ba la/dbang byed pa'i yid la byed pa la rnam pa gsum yod de/ nyon mongs pa'i sgrib pa dag la dbang byed pa dang / nyon mongs pa dang shes bya'i sgrib pa dag la dbang byed pa dang / da ltar mngon par bsgrub pa la dbang byed pa'o/ /nyon mongs pa'i sgrib pa shin tu rnam par dag pa dang zhes bya ba la/'dod chags la sogs pa mthong ba dang bsgom pas spang bar bya ba'i nyon mongs pa rnams la bya ste/ nyon mongs pa de dag nyid rnam par thar pa dang mya ngan las 'das pa thob par bya ba la bar du gcod pa na sgrib pa zhes bya'o/ /sgrib pa de dag spangs nas phyis sems kyi rgyud la mi skye bar byas pa ni nyon mongs pa'i sgrib pa shin tu rnam par dag pa zhes bya ste/'dis ni nyon mongs pa'i sgrib pa dag pa la dbang byed pa bstan to/ /nyon mongs pa dang shes bya'i sgrib pa shin tu rnam par dag pa dang zhes bya ba la/ nyon mongs pa'i sgrib pa ni gong du bshad par zad do/ / gzung ba dang 'dzin pa'i chos la yod par chags pa ni shes bya'i sgrib pa zhes bya ste/ de yang thams cad mkhyen pa'i ye shes thob par bya ba la bar du gcod pas na sgrib pa'o/ /sgrib pa de spangs nas phyis mi skye bar byas pa la shes bya'i sgrib pa shin tu rnam par dag pa zhes bya ste/ 'dis ni nyon mongs pa dang shes bya'i sgrib pa dag pa la dbang byed pa bstan to//yon tan mngon par sgrub pa shin tu rnam par dag pa zhes bya ba la/ yon tan ni mngon par shes pa drug dang / stobs dang mi 'jigs pa la sogs pa la bya'o/ /yon tan de dag thob par bya ba la bar du gcod pa spangs nas yon tan de dag mngon sum du byas pa la yon tan mngon par bsgrub pa shin tu rnam par dag pa zhes bya ste/'dis ni yon tan mngon par bsgrub pa la dbang byed pa bstan to/ /chos la da kho na nyid kyi don yongs su tshol ba la tshigs su bcad pa gnyis so zhes bya ba la chos ni rnam pa gnyis te/ kun nas nyon mongs pa'i chos dang /rnam par byang ba'i chos so/ /chos de dag gi de kho na nyid ni chos de dag gi mtshan nyid phyin ci ma log pa'i rang bzhin te/ de yang kun btags kyi rang bzhin dang / gzhan dbang gi rang bzhin dang / yongs su grub pa'i rang bzhin no/ /chos de dag kyang 'jig rten las 'das pa'i ye shes thob pas ni khong du chud do//yid la byed pa'i tshol ba'i skabs bshad pa'i rjes la chos la de kho na nyid kyi don yongs su tshol ba'i skabs bshad par 'brel pa ci yod ce na/ yid la byed pa zhes bya ba la/ rtse gcig pa zhes bya ba dang / ting nge 'dzin ces bya ba dang / mnyam par gzhag pa rnams ni don gcig ste/mdo las sems mnyam par gzhag pa thob na de kho na nyid khong du chud par 'gyur ro zhes 'byung bas yid la byed pa'i skabs kyi rjes la de kho na'i skabs bshad par 'brel to/ /de nyid gang ni gnyis kyis rtag tu spangs/ /zhes bya ba la/ gang zag dang chos la bdag med pa'i rang bzhin stong pa nyid la de nyid ces bya'o//stong pa nyid so so'i skye bo nas 'phags pa'i dus na/ yang gzung ba dang 'dzin pa dang bral ba yin pas rtag tu gnyis kyis spangs zhes bya ste/ de ltar rtag tu gzung 'dzin dang bral yang / gzung 'dzin lta bur snang ba 'di ni kun brtags kyi mtshan nyid do zhes bya ba'i don to//nor ba'i gnas zhes bya ba la nor ba'i gnas ni gzhan gyi dbang gi mtshan nyid de thag pa la sprul du rtogs pa bzhin du gzhan dbang ste/ gzung ba dang 'dzin pa lta bur rtogs pa'i rgyu byed pa'i phyir nor ba'i gnas zhes bya'o/ gzhan dbang gis gzung 'dzin lta bur rtogs pas so/ /spros pa med par rnam pa kun du spyod mi nus zhes bya ba la spros pa med cing brjod par mi nus pa ni yongs su grub pa'i rang bzhin te/ yongs su grub pa gzung 'dzin gyi chos med pas na spros pa med pa'o/ /yongs su grub pa de ming dang tshig dang yi ges 'di 'dra'o zhes tha snyad du mi rung bas na rnam pa kun du brjod mi nus zhes bya'o//shes bya zhes bya ba la/ dang po kun brtags kyi mtshan nyid ni shes par bya ba yin te/ ji ltar shes par bya zhe na/ kun brtags kyi chos 'di dag ni ri bong gi rwa bzhin du yod pa ma yin no zhes shes par bya'o//spangs pa zhes bya ba la/ gnyis pa gzhan dbang gi mtshan nyid ni spang bar bya ba ma yin te/ gzhan dbang la yod pa'i gzung 'dzin gyi dri ma sbyang dgos pa'i phyir ro/ /rnam sbyangs rang bzhin dri ma med par rig /ces bya ba la/ gsum pa yongs su grub pa'i mtshan nyid ni rnam par sbyangs pa yin par rig par bya ste/yongs su grub pa nyid kyi rang bzhin nyid rnam par dag cing dri ma med pa yin yang glo bur gyi dri ma sbyang bar mi bya ba ma yin te/ sbyang dgos pa'i phyir ro/ /de ltar yongs su grub pa'i rang bzhin gyis rnam par dag pa yin yang glo bur gyi dri ma sbyang dgos pa'i rnam pa gsum bstan pa'i phyir/de ni nam mkha' gser dang chu 'dra nyon mongs rnam dag 'dod/ /ces bya ba smos te/ dper na nam mkha' dang gser dang chu rnams rang bzhin gyis dag kyang glo bur gyi dri ma sprin dang sa rdo dang rnyog pa bsal dgos pa de bzhin du yongs su grub pa'i rang bzhin yang rang bzhin gyis rnam par dag pa yin mod kyi glo bur gyi dri ma sbyang dgos so zhes bya ba'i tha tshig go//de las gzhan ni 'jig rten dag na ci yang med/ /ces bya ba la/ de'i sgras ni chos kyi dbyings stong pa nyid la bya ste/ stong pa nyid las gzhan pa'i chos stong par ma 'dus pa'i chos ni 'jig rten na gzugs la sogs pa gang yang yod pa ma yin te/ci'i phyir zhe na/ phyi nang gi chos thams cad stong pas khyab pa'i phyir ro/ /'gro ba ma lus pa yang de la rmongs pa'i blo zhes bya ba la/ de ltar stong pa'i mtshan nyid kyis chos thams cad la khyab pa la/ stong pa'i chos tsam zhig yod par zad kyi/ de las lhag pa gzhan med na sems can thams cad kyang stong pa'i chos de la mgo rmongs te/stong pa'i chos ma rtogs ma mthong ngo zhes bya ba'i don to/ /ji ltar 'jig rten gti mug rnam pa ni mngon 'phel zhes bya ba la 'di ni 'jig rten du ngo mtshar du bya ba ste/ stong pas kun du khyab tu zin kyang stong pa mi mthong ba'i gti mug dang ma rig pa 'di 'khor ba thog ma med pa nas ji ltar rnyed cing bskyed nas 'phel ba zhes bya ba'i don to//yod pa kun du rnam spangs med la mngon par chags/ /zhes bya ba la/ de ltar stong pas kun du khyab ste/ stong par ma 'dus pa med na yod pa'i chos stong pa ni ma spangs te/ma mthong ba med pa'i chos gzugs la sogs pa ri bong gi rwa bzhin med pa yin mngon par chags shing yod par 'dzin par byed do/ /de ni ngo mtshar du bya ba yin no zhes bya ba'i don to/ /yang na mtshan nyid gsum las gzhan pa'i chos ni 'jig rten na ci yang med de/ kun nas nyon mongs pa dang /rnam par byang ba'i chos thams cad kyang mtshan nyid gsum du 'dus pa'i phyir ro/ /de ltar mtshan nyid gsum tsam du zad na sems can thams cad kyang de la rmongs te/ mtshan nyid gsum ma mthong ba'i gti mug 'di lta bur ji ltar spel te bskyed na yod pa'i chos mtshan nyid gsum ni ma mthong la med pa'i chos gzung ba dang 'dzin pa la ni chags par byed ces bya ba'i don to//chos kyi dbyings de lta bu'i mtshan nyid las/ 'jig rten na gzhan ci yang med de zhes bya ba la/ chos kyi dbyings gzung 'dzin dang bral ba la ni stong pa nyid las ma gtogs pa'i chos gzugs dang sgra la sogs pa ci yang med de/thams cad stong pas khyab pa'i phyir ro/ /chos nyid las chos tha dad pa ma yin pa'i phyir ro zhes bya ba la/ ci'i phyir stong pas khyab ce na/ chos nyid de stong pa las chos te/ gzugs la sogs pa logs shig na tha snyad tha dad par yod pa ma yin pas na thams cad stong pas khyab ces bya ba'i don to//de kho na nyid la sgyu ma lta bur yongs su tshol ba'i tshigs su bcad pa bco lnga'o zhes bya ba la/ de kho na tshol ba'i skabs kyi rjes la de kho na la sgyu ma lta bur yongs su tshol ba'i skabs bshad par 'brel ba ci yod ce na/ de kho na zhes bya ba la/phyin ci ma log pa zhes bya ba dang / ma nor ba zhes bya ba dag don gcig ste/ de yang yang dag pa ma yin pa dang / yang dag pa ste rnam pa gnyis so/ /de la yang dag pa ma yin pa la yang yang dag pa ma yin pa nyid du mthong ba dang yang dag pa la yang yang dag pa nyid du mthong ba na de nyid la kho na shes pa zhes bya'o//'di ltar gong du/ de nyid gang ni rtag tu gnyis kyis spangs dang nor pa'i gnas/ /spros pa med pa rnam pa kun du brjod mi nus/ /zhes bya'o/ /kun pa rtags dang gzhan dbang dang yongs su grub pa'i rang bzhin gsum rim bzhin du gnyis dang bral ba dang / 'khrul pa'i gnas dang /brjod du med cing spros pa med pa'i bdag nyid du bshad/ de kho na rnam pa gsum po de la rnam pa gang gis na sgyu ma lta bur yin par brtag cing btsal dgos te/ de'i phyir de kho na nyid tshol ba'i skabs kyi rjes la de kho na nyid la sgyu ma lta bur yongs su tshol ba'i skabs bshad par 'brel to//yang na theg pa chen po'i mdo sde de dang de dag gi nang nas chos thams cad ni sgyu ma lta bu'o zhes bshad de/ ji ltar na chos thams cad sgyu ma lta bu yin par brtag cing btsal ba'i phyir tshigs su bcad pa bco lnga rtsom mo zhes bya ba'i don to/ /ji ltar sgyu ma de bzhin du/ /yang dag ma yin kun rtog ste//zhes bya ba la/ dper na sgyu ma mkhan gyis sngags dang sman gyis yongs su zin pa'i mthu las sgyu ma'i rta dang glang po la sogs pa snang ba'i rgyu rdo dang shing la sogs pa lta bur ni yang dag pa ma yin pa kun du brtags te/ sems dang sems las byung ba rten cing 'brel te 'gyur ba gzhan dbang gi mtshan nyid yin par 'dod de/ci'i phyir zhe na/ sngags dang sman gyis zin pa'i rdo dang shing bus yang rta dang glang por snang ba'i rgyu byed pa de bzhin du gzhan dbang yang gzung ba dang / 'dzin pa lta bur snang ba'i rgyu byed pas na rdo shing gi tshul lta bur blta'o/ /ji ltar sgyu ma byas pa ltar/ / nor ba gnyis zhes bya ba la/ /dper na sgyu ma mkhan gyi sman dang sngags kyi mthus rdo dang shing la sogs pa las sgyu ma'i gzugs rta dang glang po la sogs pa sgyu ma'i dbyibs sna tshogs snang ba ltar ni gzhan dbang la kun brtags kyi mtshan nyid nor ba gnyis su snang bar bltas te/ nor ba gnyis ni gzung ba lta bur snang ba dang /'dzin pa lta bur snang ba'o/ /yang dag pa ma yin pa'i kun du rtog pa la nor ba gnyis te zhes bya ba la/ yang dag ma yin kun rtog ni gzhan gyi dbang gi mtshan nyid de/ de la nor ba gnyis snang ba ni kun brtags kyi mtshan nyid do zhes bya ba'i don to/ /ji ltar de la de med bzhin/ / de ltar dam pa'i don du 'dod/ /ces bya ba la/ mdo sde dag gis nang nas don dam pa'i bden pa dang / kun rdzob kyi bden pa zhes 'byung ba bden pa gnyis kyi mtshan nyid spyod de/ dper na sgyu ma'i rta dang glang po la sogs pa'i dbyibs rdo dang shing la sogs rgyu las rta dang glang por snang mod kyi/ rdo dang shing de la rta dang glang po'i rang bzhin med pa de ltar gzhan gyi dbang gi mtshan nyid la kun du rtog pa'i rang bzhin gzung ba dang 'dzin pa gnyis med de/gzung 'dzin dang bral nas yongs su grub pa'i mtshan nyid du gyur pa ni don dam pa'i bden pa ma yin par 'dod do zhes bya ba'i don te/ 'dis ni don dam pa'i bden pa'i mtshan nyid bshad do//ji ltar de dag dmigs pa bzhin/ /de dag kun rdzob bden pa'o/ /zhes bya ba la/ dper na sgyu ma'i shing dang / rdo ba las rta dang glang po la sogs pa'i dbyibs sna tshogs snang ba ltar gzhan gyi dbang gi mtshan nyid las/ kun brtags kyi mtshan nyid gzung ba dang /'dzin par snang ba thams cad ni kun rdzob kyi bden pa yin no zhes bya ba'i don to/ /'dis ni kun rdzob kyi bden pa'i mtshan nyid bstan to/ /ji lta bur ni de med na/ /de yi rgyu yang snang bar byed/ /ces bya ba la/ dper na sgyu ma mkhan gyi sngags dang sman gyi mthus rdo dang shing las rta dang glang po la sogs pa snang ba dang sngags dang sman gyi mthu tshad nas rta dang glang po'i dbyibs med de mi snang bar gyur na glang po la sogs pa'i dbyibs kyi rgyu las snang ba rnyed de rta dang glang po ni mi mthong gi rdo dang shing bu mthong bar 'gyur ro zhes bya ba'i don to//de bzhin shin tu gnas gyur na//med par rtogs pa dmigs par 'gyur/ /zhes bya ba la/ de bzhin du nam gzung ba dang / 'dzin pa gnyis med par rtogs na kun gzhi rnam par shes pa gzhan dbang gi mtshan nyid gnas gyur na gnyis dang bral ba'i rnam par yongs su grub pa'i mtshan nyid dmigs par 'gyur te/ dper na thag pa la sbrul du mthong ba dang bral na thag pa mthong ba bzhin no//gnas gyur na yang dag pa ma yin pa'i kun du rtog pa'i don yang dag par dmigs so zhes bya ba la/ nam kun gzhi gnas gyur na gzhan dbang la gzung ba dang 'dzin pa'i nor ba gnyis med par 'gyur te/ gzung 'dzin dang bral nas de'i tshe dag pa 'jig rten pa'i ye shes rgyab nas thob pas yang dag pa ma yin par kun du rtog pa gzhan gyi dbang gi don ma nor bar rtogs par 'gyur te/ji ltar rtogs she na/ gnyis dang bral ba'i mtshan nyid du rtogs shing mthong bar 'gyur ro zhes bya ba'i don to/ /de yi rgyu las ji lta bur//'jig rten ma nor 'dod bzhin spyod/ /ces bya ba la/ de'i sgras ni rta dang glang po'i byad gzugs su snang ba la bya ste/ de'i rgyu ni rdo dang shing bu la sogs pa'o/ /dper na rdo dang shing bu las rta dang glang po'i byad gzugs su snang ba'i byad gzugs rnams mi snang bar gyur na de'i rgyu rdo dang shing bu la 'jig rten pa rnams ma nor bar spyod pa dang /'dod bzhin spyod do ma nor bar spyod pa ni rta dang glang po lta bur nor ba ma mthong gi rdo dang shing nyid du ma nor bar mthong ba'i phyir ro/ /'dod bzhin spyod pa ni de dag la chags pa dang 'jigs par spyod pa'i phyir ro/ /de bzhin shin tu gyur na yang //ma log rnal 'byor 'dod bzhin spyod/ /ces bya ba la/ de dang 'dra bar gzhan dbang gnas gyur te/ /gzung 'dzin gnyis spangs na phyin ci ma log pa la gnas pa'i rnal 'byor pa rnams ma log par spyod pa dang de bzhin spyod do/ /ji ltar ma log par spyod ce na/ gzung ba dang 'dzin pa'i 'khrul pa ma mthong bas na ma nor bar spyod do//ji ltar 'dod bzhin spyod ce na/ de phan chad chags pa dang 'jigs pa med par spyod pa'i phyir ro/ /de yi snang ba de la yod/ /de yi dngos po med pa ste/ /de phyir sgra la sogs pa la/ /yod dang med par brjod pa yin/ /zhes bya ba la/ de'i sgra ni sgyu ma'i rta dang glang po'i dbyibs su snang ba'i rgyu rdo dang shing bu la bya ste/rdo dang shing bu de la rta dang glang po la sogs pa'i byad gzugs su 'khrul pa snang ba tsam ni med pa ma yin pas sgyu ma la sogs pa la yod pa zhes kyang mi brjod de/ de ltar 'khrul par snang ba tsam yod kyang rta dang glang po'i dngos po nyid yod kyang ma yin pas med pa zhes brjod pa ma yin no zhes bya ba'i don to//dngos po de la dngos med min/ /zhes bya ba la/ dngos po'i sgras ni rta dang glang po snang bar byed pa'i rgyu rdo dang shing bu la bya ste/ rdo dang shing bu las rta dang glang po'i dbyibs su snang ba 'khrul pa tsam du med pa ma yin pas na dngos med min zhes bya'o//dngos med dngos po nyid ma yin/ /zhes bya ba la/ de ltar 'khrul pa tsam du ni snang yang rta dang glang po'i dngos po nyid med de/ de bas na rta dang glang po'i dngos po nyid du yod pa ma yin no zhes bya ba'i don to/ /dngos dang dngos med bye brag med/ /rgyu la sogs pa brjod pa yin//zhes bya ba la/ de ltar 'khrul pa tsam du ni yod kyi dngos po nyid med pas na dngos po dang dngos po med pa gnyis bye brag med cing don gcig par sgyu ma la sogs pa brjod pa yin te/ ji lta zhe na/ gang 'khrul pa'i dngos po tsam du yod pa de nyid la brtags na don dam par ba lang la sogs pa'i rang bzhin du med pa yin pas yod pa dang med pa gnyis bye brag med de don gcig par brjod pa dang /gang ba lang la sogs pa'i dngos po med pa nyid la 'khrul pa tsam du snang ba'i dngos po med pa ma yin te/ yod pas na dngos po med pa dang dngos po gnyis su yang bye brag med de don gcig go//dngos med ma yin de ma yin/ /zhes bya ba la/ dngos po med pa ma yin pa ni 'khrul pa tsam du yod pa'i phyir te/ 'khrul pa tsam du yod pa de la yang ba lang la sogs pa'i rang bzhin nyid med pas de ma yin pa zhes bya ste/ de dngos por yod pa ma yin no zhes bya ba'i don to//de la de lta bur snang ba la sogs pa yod pa gang yin pa de nyid ba lang la sogs pa'i dngos po med pa nyid do zhes bya ba'i dngos po dang dngos po med pa gnyis bye brag med par ston to/ /rta dang glang po la sogs par 'khrul pa tsam du snang bar yod pa gang yin pa de nyid la ba lang la sogs pa'i rang bzhin med pas na/dngos po dang dngos po med pa gnyis don gcig go zhes bya ba'i don to/ /ba lang la sogs pa med pa ste yin pa de nyid de lta bu'i snang bar yod pa'o zhes bya ba la don dam par ba lang la sogs par snang yang ba lang la sogs pa'i dngos po med pa de nyid la 'khrul pa tsam du snang ba'i dngos po yod pas na de dngos po med pa dang dngos po gnyis su don gcig go zhes bya ba'i don to//de bzhin gnyis snang de la yod/ /de yi dngos po med pa ste/ /de phyir yod dang med par ni/ /gzugs la sogs pa brjod pa'o/ /zhes bya ba la/ dper na sgyu ma'i rgyu shing dang rdo ba la rta dang glang po tsam du 'khrul par snang ba yod pas de bzhin du yang yang dag pa ma yin pa'i kun rtog pa gzhan gyi dbang gi mtshan nyid de la gzung ba la sogs pa'i gzung ba dang 'dzin pa gnyis su snang ba 'khrul pa tsam dang kun rdzob tu yod pa zhes bya ste/de bas na gzugs la sogs pa la yang yod par yang brjod do//de'i phyir dbus dang mtha' rnam par 'byed pa las kyang / yang dag ma yin kun rtogs yod/ /ces bshad de/ gzung ba dang 'dzin pa gnyis su kun rdzob tu yod ces bya ba'i don to/ /de ltar gzung 'dzin gnyis 'khrul par snang ba tsam du kun rdzob tu yod kyang don dam par na gzung ba'i dngos po dang 'dzin pa'i dngos po nyid med de/de bas na gzugs la sogs pa la med pa zhes brjod do/ /de bas na dbus dang mtha' rnam par 'byed pa las kyang / gnyis po de na yod ma yin/ /zhes bshad do/ /don dam par na gzung 'dzin gnyis med do zhes bya ba'i don to//yang na ni mi mthun pa'i phyogs thams cad bsal ba spros pa thams cad dang bral ba rnam par mi rtog pa'i ye shes thob pa'i dus na byis pas yongs su brtags pa'i gzugs la sogs pa'i chos med par mthong ste/ de bas na de'i dngos po med pa zhes brjod do/ /dngos po de la dngos med min//zhes bya ba la/ dngos po'i sgra ni gzhan dbang la bya ste/ gzhan dbang la gzung ba dang 'dzin pa lta bur snang ba 'khrul pa tsam du med pa ma yin pas na dngos med min zhes bya'o/ /dngos med dngos po nyid ma yin/ /zhes bya ba la/ gzung ba dang 'khrul pa tsam du snang bar yod pa de yang gzung 'dzin gyi rang bzhin du grub pa med pas dngos med ces bya ste/ de ltar dngos po med pas na gzung ba dang 'dzin pa gnyis dngos po nyid du yod pa ni ma yin no zhes bya ba'i don to/ /dngos dang dngos med bye brag med/ /gzugs la sogs pa brjod pa yin//zhes bya ba la/ de ltar snang ba tsam du ni yod pa dang rang bzhin ni med pas na gzugs la sogs pa'i dngos po dang dngos po med pa gnyis bye brag med cing don gcig par brjod de/ ji lta zhe na/ kun rdzob pa'i dngos po tsam du yod pa de nyid don dam par rang bzhin med pa dang don dam par rang bzhin med pa nyid la yang kun rdzob tu grub pa tsam du dngos po yod pas na dngos po dang dngos po med pa don gcig go//gnyis por snang bar yod pa gang yin pa de nyid gnyis po med pa'o zhes bya ba la/ gnyis por snang ba ni yang dag pa ma yin pa'i kun du rtog pa ste/ gzung 'dzin gnyis su spangs ba'i phyir ro//yang dag pa ma yin pa'i kun du rtog pa de la gang gi tshe na ming dang gzugs la sogs pa gnyis dang bral ba'i sems dang sems las byung ba'i rang bzhin tsam du shes pa de'i tshe na gnyis su 'dzin pa las log par gyur nas gnyis med pa'i sems dang sems las mthong ba tsam du 'gyur te/de ltar na gnyis por snang ba yod pa gang yin pa de nyid gnyis po med pa zhes bya'o/ /ci'i phyir na gcig tu yod pa kho nar yang chad par mi bshad med pa kho nar yang chad par mi bshad de gnyis bye brag med par yang ci'i phyir mi bshad ce na/ de'i phyir/sgro btags pa dang skur 'debs mtha'/ /dgag pa'i phyir ni 'dod pa yin/ /theg pa chung bas 'gro ba yang / /dgag pa'i phyir ni de nyid do/ /zhes bya ba smos te/ yod pa dang med pa gcig tu chad par bshad pa dang / bye brag med par bshad pa ni go rims bzhin du rnam pa gsum dgag pa'i phyir bshad de/sgro 'dogs pa'i mtha' dgag pa dang / skur pa 'debs pa'i mtha' dgag pa dang / theg pa chung ngus dbyung ba dgag pa'i phyir ro/ /de la mos pa spyod pa'i sa bzod pa'i dus na rnam par shes pa nyid rnam pa gnyis su snang bar zad kyi rnam par shes pa las ma gtogs pa'i phyi'i don med par khong du chud de/de'i tshe dngos po med pa la dngos po med par rig nas sgro mi 'dogs pa'i mtha' bkag go/ /mos pa spyod pa'i sa drod dang rtse mo'i dus na gzung ba dang 'dzin pa gnyis 'khrul bar snang ba tsam du yod par khong du chud pas kun rdzob kyi dngos po la kun rdzob tsam du yod par rig ste med do zhes skur pa mi 'debs pa'i mtha' bkag go//yod pa dang med pa gnyis khyad par med par khong du chud pas nyan thos kyi mya ngan las 'das par mi 'jug ste/ de bas na nyan thos kyi theg pa 'byung ba bkag go/ /ji lta zhe na/nyan thos rnams ni gzugs la sogs pa'i dngos po yod par rtog cing de'i sgo nas sdug bsngal gyis skrag pas/ skye ba dang 'jig pa'i rnam par bsgoms pa'i sgo nas skyo bar byed do/ /skyo nas 'dod chags dang bral bar byed do/ /de nas 'khor ba las 'byung ste/ mya ngan las 'das pa la 'jug par byed do//byang chub sems dpa' rnams kyis ni gang gzhan gyi dbang gi mtshan nyid las rnam pa gnyis su snang ba tsam du yod par bshad pa de nyid rnam par shes pa las ma gtogs par gzugs la sogs pa kun brtags kyi chos yod pa ma yin par khong du chud pa la gang kun brtags kyi mtshan nyid du yod pa ma yin par bshad pa de nyid la kun rdzob tu 'khrul bar snang ba tsam du yod par khong du chud pas 'khor bar skyo ba med do//'khor bar mi skyo na nyan thos ltar mgo'i thod la me bsad pa'i tshul du brtson 'grus myur nas mya ngan 'das pa la mi 'jug ste/de bas na gnyis khyad par med par rtogs pas ni nyan thos kyi theg pas 'byung ba las bkag pa yin no/ /nor ba'i rgyu ni nor ba dang / /gzugs kyi rnam par rig par 'dod/ /gzugs med pa yi rnam par rig /ces bya ba la/ byis pa rnams kyi rnam par rig pa ni rnam pa gnyis su 'jug par 'dod de/nor ba'i rgyu dang nor ba'o/ /de la nor ba'i rgyu ni mig gi dbang po nas lus kyi dbang po'i bar du dbang po lnga dang / gzugs nas reg bya'i bar du yul lnga la bya'o/ /de dag thams cad dang po yang rnam par shes pa 'khrul pa la snang la/ phyis kyang sems 'khrul pa'i rgyu byed pa'i phyir te/nor ba'i rgyu la ni gzugs kyi rnam par rig pa zhes bya bar 'dod do/ /nor ba ni dbang po dang yul de dag la 'di dang 'di 'dra zhes gcod par byed pa'i mig la sogs pa'i rnam par shes pa la bya ste/ nor ba la ni gzugs med pa'i rnam par rig pa yin par 'dod do zhes bya ba'i don to//dngos po med phyir gzhan med 'gyur/ /zhes bya ba la/ de ltar dbang po lnga dang yul lnga'i dbang po med par gyur na gzhan yang med par 'gyur te/ dbang po dang yul la brten cing dmigs pa'i rnam par shes pa rnams kyang med par 'gyur ro/ /ci'i phyir zhe na/ gzung ba med pa dang 'dzin pa med pa mi rigs pa'i phyir ro//gzugs su nor ba'i rgyu rnam par rig pa de ni gzugs kyi rnam par rig pa gzugs zhes bya bar 'dod do zhes bya ba la/ gzugs kyi sgras ni dbang po lnga dang yul lnga la bya ste/ de dag kyang rnam par shes pa las byung bas na gzugs su nor ba'i rgyur ni rnam pa lngar rig par bya'o//rnam par rig pa las dbang po lnga dang yul lngar snang ba la ni gzugs kyi rnam par rig pa zhes bya bar 'dod do zhes bya ba'i don to/ /gzugs su nor ba de yang rnam par rig pa gzugs med pa de nyid ces bya ba la/ gzugs su nor ba 'di ni sngon po 'di ni ser po zhes rtogs pa'i mig la sogs pa'i rnam par shes pa la bya ste/de ni rnam par rig pa gzugs med do zhes bya ba'i don to/ /rgyu med pa'i phyir ro zhes bya ba la/ sa bon med na 'bras bu mi skye ba bzhin du rnam par shes pa rnams skye ba'i rgyu ni yul lnga dang dbang po lnga yin te/yul lnga dang dbang po lnga med par gyur na rnam par shes pa rnams kyang mi 'byung ngo zhes bya ba'i don to/ /gal te mig la sogs pa dbang po yang med/ gzugs la sogs pa'i yul yang med/ /de dag med pas rnam par shes pa rnams kyang med pa yin na/ ci'i phyir yul dang dbang po dang rnam par shes pa lta bur snang ba mnyam pa la gzung ba dang 'dzin pa'i dbang po med kyang gzung ba dang 'dzin pa lta bur snang ba srid pa 'jig rten du grags pa'i dpe dang gsung rab las 'byung ba'i dpe bstan te/'jig rten du grags pa'i dpe bstan pa'i phyir/sgyu ma'i glang po'i byad gzugs 'dzin pa yi/ /nor ba'i phyir ni gnyis su bshad pa yin/ /zhes bya ba la sogs pa smos te/ sgyu ma'i shing dang rdo ba las sgyu ma'i glang po dang rta la sogs pa'i byad gzugs snang ba glang po dang rta la sogs pa'i rang bzhin du yod pa ma yin pa las snang bas na nor ba zhes bya ste/de ltar nor ba'i phyir na gnyis su bshad de/ gzung bar bshad pa dang / 'dzin par bshad pa'o/ /ji ltar gzung bar bshad ce na/ /de'i phyir/ ji ltar gnyis po de na med pa la/ /gnyis po de dag nye bar dmigs pa yin/ /zhes bya ba smos te/ dper na rta dang glang po de snang ba'i rgyu rdo dang shing la gzung ba dang 'dzin pa gnyis med kyang gzung ba dang 'dzin par dmigs shing snang ste/de na rta dang glang po la sogs par snang ba ni gzung ba'o/ /ma rig pas khebs pa'i byis pa rnams bdag cag gis rta dang glang po 'di dag mthong ngo snyam du sems pa ni 'dzin pa'o//gsung rab kyi dpe bstan pa'i phyir/ keng rus gzugs brnyan 'dzin pa ni/ /nor phyir gnyis su bshad pa ste/ /zhes bya ba la sogs pa smos te/ las dang po pa'i rnal 'byor pas dur khrod la sogs par song nas keng rus la brtags pa'o/ /de ltar ji ltar brtags pa bzhin du bsgoms pa dang ting nge 'dzin gyi dus na/keng rus la sogs pa sems kyi gzugs brnyan sems la snang ngo / /keng rus kyi gzugs brnyan yod pa ma yin pa la snang bas na nor ba zhes bya ste/ de ltar nor ba yin pa'i phyir gnyis su bshad de/ gzung bar bshad pa dang 'dzin pa'o//ji ltar gnyis su bshad ce na/ /de'i phyir/ ji ltar de na gnyis med la/ /gnyis su nye bar dmigs pa bzhin/ /zhes bya ba smos te/ dper na keng rus kyi gzugs brnyan snang ba'i gnas nas gzung ba dang 'dzin pa gnyis med kyang gzung ba dang 'dzin pa gnyis su nye bar dmigs shing snang ste/keng rus kyi gzugs brnyan ni gzung ba'o/ /de la dmigs par byed pa'i rnam par shes pa ni 'dzin pa'o/ /de dang 'dra bar gzhan dbang la gzung ba dang 'dzin pa gnyis snang ba gzung 'dzin gyi dngos por yod pa ma yin yang gzung ba dang 'dzin pa gnyis su snang ngo zhes bya ba'i don to//chos gang nor pa'i mtshan nyid ni/ /de bzhin yod dang med pa'i phyir/ /yod med bye brag med pas na/ /yod dang med pa sgyu ma 'dra/ /zhes bya ba la/ chos ni rnam pa gnyis te mi mthun pa'i phyogs 'dod chags la sogs pa kun nas nyon mongs pa'i chos dang / gnyen po'i phyogs tha dad pa la sogs pa rnam par byang ba'i chos so//'dod chags la sogs pa kun nas nyon mongs pa'i chos kyang gzung ba dang 'dzin pa'i ngo bor yod pa ma yin par yod pa lta bur snang bas na nor ba'i mtshan nyid ces bya ste/ mi mthun pa'i phyogs kyi chos de dag ni yod par yang sgyu ma'i yod pa dang 'dra ste/med pa yang sgyu ma'i med pa dang 'dra la/ yod med bye brag med pa yang sgyu ma'i yod med bye brag med pa dang 'dra bas na yod pa dang med pa sgyu ma dang 'dra ba'i phyir chos de thams cad sgyu ma dang 'dra zhes bya'o/ /ji ltar yod pa sgyu ma dang 'dra zhe na/ dper na sgyu ma rta dang glang por 'dra bar snang ba tsam med pa ma yin te/yod bzhin du gzung ba dang 'dzin par snang ba de dag kyang snang ba tsam du 'khrul par med pa ma yin te/ yod pas na yod pa yang sgyu ma dang 'dra ba yin no/ /ji ltar med pa sgyu ma dang 'dra zhe na/ ji ltar sgyu ma'i rta dang glang po 'dra bar snang yang rta nyid kyi rang bzhin dang glang po nyid kyi rang bzhin dang med pa de bzhin du gzung ba dang 'dzin pa lta bur snang ba de dag snang yang gzung ba'i rang bzhin dang 'dzin pa'i rang bzhin nyid du grub par med pas na med pa yang sgyu ma lta bu'o//yod med bye brag med pa ji ltar sgyu ma lta bur zhe na/ dper na sgyu ma'i rta dang glang por snang ba tsam du zad kyang rta dang glang po'i rang bzhin nyid med pas yod pa dang med pa bye brag med pa dang /gang na glang po rta'i rang bzhin med pa de na rta dang glang por snang ba tsam yod pas yod pa dang med par bye brag med do/ /de dang 'dra bar gzung ba dang 'dzin pa snang ba tsam du yod pas na gzung 'dzin gyi rang bzhin med pas yod pa dang med pa bye brag med pa dang /gzung 'dzin rang bzhin med pa la/ snang ba tsam yod pas med pa yod pa bye brag med de/ de bas na yod pa dang med pa bye brag med pa yang sgyu ma lta bur rig par bya'o zhes bya ba'i don to/ /yod pa dang med pa de gnyis kyi bye brag med pas na med pa yang ma yin yod pa yang ma yin no zhes bya ba la/snang ba tsam du yod kyang rang bzhin med pa'i phyir yod pa yang ma yin no/ /rang bzhin med kyang snang ba tsam du yod pas na med pa yang ma yin no zhes bya ba'i don to/ /de ltar mi mthun pa'i phyogs rnams sgyu ma lta bur bstan nas gnyen po'i chos rnams kyang sgyu ma lta bur bstan pa'i phyir/gnyen po'i chos ni gang yin pa/ /de bzhin med dang med pa'i phyir/ /de bzhin med pas mtshan ma med/ /sgyu ma 'dra bar bstan pa yin/ /zhes bya ba la sogs pa smos te/ de'i gnyen po'i chos ni rnam pa gsum ste/ bsgrub par bya ba'i chos dran pa nye bar gzhag pa la sogs pa byang chub kyi phyogs sum cu rtsa bdun dang /bshad par bya ba'i chos gsung rab yan lag bcu gnyis dang 'thob par bya ba'i chos mngal du 'jug pa la sogs pa ste/ chos de dag kyang mtshan nyid med cing sgyu ma dang 'dra bar bstan to zhes bya ba'i don to//ci'i phyir zhe na/ bsgrub par bya ba'i byang chub kyi phyogs kyi chos sum cu rtsa bdun yang ji ltar byis pas gzung ba dang 'dzin pa lta bur brtags pa ltar yod pa ma yin pa'i phyir sgyu ma lta bu ste/ de bzhin med dang zhes bya ba dang sbyar ro/ /bshad par bya ba'i chos gsung rab yan lag bcu gnyis kyang ji ltar bcom ldan 'das kyis ming dang tshig dang yi ge'i tshul du bshad pa ltar yod pa ma yin pas sgyu ma lta bu ste/de ni med pa'i phyir zhes bya ba dang sbyar ro/ /'thob par bya ba'i chos sangs rgyas kyi mngal du 'jug pa dang / mngon par rdzogs par byang chub pa dang / mya ngan las 'das pa la sogs pa bstan pa yang ji ltar bstan pa bzhin du yod pa ma yin pas na sgyu ma lta bu ste/de ni de bzhin med pas zhes bya ba dang sbyar te/ de chos de dag mtshan nyid med cing rang bzhin yod pa yang ma yin par snang bas na sgyu ma lta bu ma yin no zhes bya ba'i don to/ /gal te kun nas nyon mongs pa'i phyogs kyang sgyu ma lta bu yin la/rnam par byang ba'i phyogs kyang sgyu ma lta bu yin na rnam par byang ba'i phyogs sgyu ma lta bus kun nas nyon mongs pa'i phyogs sgyu ma lta bur ji ltar spang snyam pa la/ de'i phyir/ dpe'i don du tshigs su bcad pa zhes bya ba smos te/ kun nas nyon mongs pa'i phyogs sgyu ma lta bu yin yang rnam par byang ba'i phyogs sgyu ma lta bus spang du rung bar dpe bstan to zhes bya ba'i don to//ji ltar sgyu ma'i rgyal po dag /sgyu ma'i rgyal po gzhan gyis pham/ /gang gis chos kun mthong ba yi/ /rgyal sras de dag nga rgyal med/ /zhes bya ba la/ dper na sgyu ma'i rgyal po'i mthu chung ngu la la zhig 'khor dang bcas te gnas 'ga' zhig na 'dug pa las sgyu ma'i rgyal po mthu dang ldan pa 'khor dang bcas pa la la zhig gis gnas 'ga' zhig na 'dug pas sgyu ma'i rgyal po mthu chung ngu pham ste/pham par byas nas gnas nas bton pa de bzhin du kun gzhi rnam par shes pa ni gnas lta bu ste/de na mig la sogs pa'i rnam par shes pa nyon mongs pa dang bcas pa na gnas pa ni sgyu ma'i rgyal po lta bu ste/ ci'i phyir zhe na/ rgyal po dbang dang ldan pa de bzhin du de dag kyang kun nas nyon mongs pa'i chos gzhan skye ba la dbang bas na rgyal po lta bu'o/ /kun nas nyon mongs pa dang ldan pa'i sems las byung ba ni sgyu ma'i rgyal po'i 'khor lta bu'o//kun gzhi rnam par shes pa la dad pa la sogs pa'i dge ba dang ldan pa'i rnam par shes pa rnams sgyu ma'i rgyal po lta bu la/ de'i 'khor gyi sems las byung ba rnams ni sgyu ma'i rgyal po'i 'khor lta bu ste/ kun gzhi la yod pa'i nyon mongs pa rnams dge ba'i phyogs spangs pa ni sgyu ma'i rgyal po gcig gis gcig pham par byas pa lta bu yin no zhes byang chub sems dpa' gang gis khong du chud pa'i byang chub sems dpa' de ni chos gnyis la nga rgyal med de/kun nas nyon mongs pa'i phyogs la yang nga rgyal med la/rnam par byang ba'i phyogs la yang nga rgyal med do/ /ji ltar nga rgyal med ce na/ /bdag gis rnam par byang ba'i phyogs 'di bsgoms pas kun nas nyon mongs pa'i phyogs 'di spangs so zhes mi sems pa'i phyir ro/ /sgyu ma'i rmi lam smig rgyu gzugs brnyan mig yor brag ca bzhin//chu yi zla ba'i gzugs 'dra sbrul dang mtshungs par shes par bya/ /drug dang drug dang gnyis dang drug gnyis gsum yang re rer 'dod/ /mkhyen mchog sangs rgyas rnams kyis 'du byed de dag gsungs/ /zhes bya ba la/ 'jig rten pa'i mkhas pa dang nyan thos dang rang sangs rgyas rnams kyi shes pa bas/de bzhin gshegs pa mkhyen pa 'phags pas na sangs rgyas ni mkhyen mchog ces bya ste/ mkhyen mchog sangs rgyas rnams kyis nang gi skye mched drug dang / phyi'i skye mched drug dang / sems dang sems las byung ba gnyis dang /drug gnyis te/ nang gi skye mched drug dang / phyi'i skye mched drug dang gsum ni bshad pa'i chos dang / ting nge 'dzin la gnas pa'i chos dang / bsams bzhin du srid pa 'dzin pa gsum ste/ 'du byed de dag ni sgyu ma lta bu yin no zhes bya ba nas sprul pa dang mtshungs pa yin no zhes bshad do//de yang 'du byed de dag dang dpe re res sbyar te bstan to zhes bya ba'i don to/ /de la mig gi skye mched nas yid kyi skye mched kyi bar du yang nang gi skye mched drug ni sgyu ma lta bu ste/ ci'i phyir zhe na/ sgyu ma'i glang po dang mig la sogs pa la bdag dang sems can dang srog med kyang bdag dang sems can srog lta bur snang ba de bzhin du nang gi skye mched drug la yang bdag dang sems can srog med mod kyi bdag sems can dang srog lta bur snang bas na sgyu ma lta bu'o//gzugs nas chos kyi bar du phyi'i skye mched drug ni rmi lam lta bu ste/ ci'i phyir zhe na/ rmi lam na snang ba'i gzugs dang sgra dang bud med dang skyes pa la sogs pa rnam par shes par kun du longs spyod pa'i yul lta bur snang yang yod pa ma yin pa de bzhin du da ltar dngos su gzugs dang sgra la sogs pa rnam par shes pa'i yul du snang yang yod pa ma yin pa'i phyir/rmi lam lta bu'o/ /sems dang sems las byung ba gnyis ni smig rgyu lta bu ste/ji lta zhe na/ smig rgyu chur med kyang chu lta bur nor bar byed pa de bzhin du sngon po dang ser po la sogs pa'i dngos po 'di dag yod pa ma yin kyang sngon po ser po lta bur nor bar 'dzin pa'i phyir smig rgyu lta bu'o/ /yang mig gi skye mched nas yid kyi skye mched kyi bar du nang gi skye mched drug ni gzugs brnyan lta bu ste/ci'i phyir zhe na/ me long gi nang gi gzugs brnyan yod pa ma yin yang gzugs kyi dbang gis me long gi nang du'ang gzugs brnyan snang ba de bzhin du da ltar gyi nang gi skye mched drug po de dag kyang tshe snga ma'i las kyi dbang gis snang bas na gzugs brnyan lta bu'o//yang gzugs nas chos kyi bar du phyi'i skye mched drug ni mig yor lta bu ste/ mig yor zhes bya ba ni skabs 'dir grib ma la bya'o/ /ji lta zhe na/ gdugs dang lus la sogs pa'i dbang gis grib ma byung ba de bzhin du phyi'i skye mched kyang nang gi skye mched kyi grib ma yin te/kun gzhi rnam par shes pas ni mig la sogs pa nang gi skye mched drug 'byung ngo / /de las ni phyi'i skye mched drug snang zhing 'byung bas na phyi'i skye mched drug ni mig yor lta bu'o/ /bshad pa'i chos thams cad ni brag ca lta bu ste/ ci'i phyir zhe na/ brag ca yang sgra'i rang bzhin du med mod kyi rna ba'i spyod yul du 'gyur zhing rna bas mnyan du yod pa dang 'dra bar ji snyed du de bzhin gshegs pas chos thams cad ji ltar bshad pa bzhin du yod pa ma yin yang rna ba'i spyod yul du 'gyur zhing rna bas mnyan du rung ba'i phyir brag ca lta bu'o//ting nge 'dzin la gnas pa'i chos rnams ni chu zla'i gzugs brnyan lta bu ste/ci'i phyir zhe na/ chu dang sa pa'i nang du zla ba'i gzugs brnyan snang ba dang 'dra bar ting nge 'dzin rtse gcig pa ni chu dang sa pa lta bu ste/ de las mtha' dag skye mched dang zil gyis gnon pa'i skye mched rnams snang bas chu'i zla ba lta bu'o/ / bsams bzhin du srid par 'dzin pa ni sprul pa lta bu ste/ ci'i phyir zhe na/ dper na sprul pa gnas gcig nas gcig tu yang chags pa dang zhe sdang mi bskyed pa de bzhin du byang chub sems dpa' sems can gyi don du tshe gcig nas gcig tu len cing 'dzin kyang chags pa dang zhe sdang mi skye bas na sprul pa lta bu'o//shes bya'i yongs su tshol ba'i tshigs su bcad pa ste zhes bya ba la/ shes bya'i rnam pa gnyis te/ 'jig rten gyi chos dang 'jig rten las 'das pa'i chos te/ chos gang dag ni 'jig rten gyi chos/ chos gang dag ni 'jig rten las 'das pa'i chos yin pa brtags pa la tshigs su bcad pa gnyis kyis bstan to zhes bya ba'i don to//yang dag min rtog zhes bya ba la/ yang dag pa ma yin la kun du rtog pa ni gang chos kyi dbyings dang rnam par mi rtog pa'i ye shes 'thob pa'i rjes su mthun pa ma yin pa'i rtog pa ste/ 'dod pa'i khams nas srid pa'i rtse mo man chad kyi sems can rnams kyi gzung ba dang 'dzin par kun du rtog pa ni yang dag pa ma yin par kun du rtog pa zhes bya'o//yang dag min yang yang dag min/ /zhes bya ba la/ yang dag pa yang ma yin yang dag pa ma yin pa yang ma yin pa'i rtog pa ni so so'i skye bo'i dus na dam pa'i chos nyan pa dang sems pa la sogs pa nas brtsams te mos pa spyod pa'i sa 'jig rten gyi chos mchog man chad kyi rtog pa la bya ste/de'i tshe na gzung ba dang 'dzin pa'i rtog pa yod pas na yang dag pa ma yin pa zhes bya'o/ /chos kyi dbyings dang 'jig rten las 'das pa'i ye shes rtogs par bya ba dang rjes su mthun zhing de'i rgyu lta bur gnas pas na yang dag pa ma yin pa yang ma yin pa zhes bya'o//mi rtog ces bya ba la mi rtog pa ni chos kyi dbyings de bzhin nyid dang / 'jig rten las 'das pa'i ye shes rnam par mi rtog pa'i ye shes la bya ste/ ci'i phyir zhe na/ de gnyis la gzung ba dang 'dzin pa la sogs pa'i rtog pa med pas na mi rtog pa zhes bya'o//rtog min mi rtog pa ma yin/ /zhes bya ba la/ rtog pa yang ma yin mi rtog pa yang ma yin pa ni rnam par mi rtog pa'i rjes las thob pa'i dag pa'i 'jig rten pa'i ye shes la bya ste/ ye shes de la gzung ba dang 'dzin pa lta bur rtog pa med pas na mi rtog pa zhes bya ste/ci'i phyir zhe na/ rnam par mi rtog pa'i ye shes kyis ni chos kyi dbyings la rtogs te/ rnam par mi rtog pa'i ye shes la ni dag pa'i 'jig rten pa'i ye shes kyis dmigs pas na gzung 'dzin du rtog pa med do/ /mi rtog pa yang ma yin pa ni chos rnams kyi rang dang spyi'i mtshan nyid ni chos thams cad la sgyu ma dang smig rgyu lta bur rtog pa yod pa'i phyir/thams cad shes par bya ste brjod/ /ces bya ba la/ bzhi po 'di thams cad ni shes par bya ba'i yul yin zhes brjod de/ shes par bya ba yang de tsam las lhag pa med pa'i phyir ro//de yang dag pa ma yin par shes par bya'o/ /kun nas nyon mongs pa dang rnam par byang ba yongs su tshol ba la tshigs su bcad pa gnyis te zhes bya ba la/ nyon mongs pa dang las dang tshe gsum ni kun nas nyon mongs pa ste/ ji ltar na kun nas nyon mongs par 'gyur/ kun nas nyon mongs pa'i mtshan nyid gang yin pa brtag pa ni kun nas nyon mongs pa tshol ba zhes bya'o//'phags pa'i lam dang mya ngan las 'das pa na rnam par byang ba ste/ ji ltar na rnam par byang ba'i mtshan nyid gang yin pa brtag pa ni rnam par byang ba yongs su tshol ba zhes bya ste/ de gnyis btsal ba la tshigs su bcad pa gnyis kyis ston to zhes bya ba'i don to//rang gi khams las gnyis su snang / /zhes bya ba la/ khams sa bon dang rgyu zhes bya ba ni don gcig ste/ kun gzhi rnam par shes pa gzung ba dang 'dzin pa'i bag chags dang bcas pa ni 'u rang gi khams zhes bya'o/ /gzung 'dzin gyi bag chags las gzung bar yang snang 'dzin par yang snang bas na gnyis su snang ba'o//ma rig nyon mongs lhan cig 'jug /ces bya ba la/ gzung ba dang 'dzin par snang bar yang ma zad kyi/ gzung ba dang 'dzin par snang ba'i dus na ma rig pa dang nyon mongs pa lhan cig 'byung zhing snang ngo zhes bya ba'i don to//'jug ces bya ba'i don ni de ltar snang ba las 'khor bar skyes zhes bya ba'i tha tshig go/ /de la ma rig pa ni ma rig pa nyid do/ /nyon mongs pa'i sgras ni 'dod chags dang / khong khro ba dang / nga rgyal dang / ma rig pa dang / lta ba dang / the tshom ste/ nyon mongs pa drug la bya ba'am/'dod chags dang / khong khro ba dang / nga rgyal dang / ma rig pa dang / 'jig tshogs su lta ba dang / mthar 'dzin par lta ba dang / log par lta ba dang / lta ba bsnyems pa dang / tshul khrims dang brtul zhugs bsnyems pa dang / the tshom ste nyon mongs pa bcu la bya'o/ / 'dir nyon mongs pa smos kyi nye ba'i nyon mongs pa dang dngos sum smos kyang nye ba'i nyon mongs pa khro ba dang / khon du 'dzin pa la sogs pa yang smos pa lta bur bstan to/ /nyon mongs pa drug dang / bcu'i nang du ma rig pa yang 'dus mod kyi ma rig pa bkar te logs shig tu smos pa ni nyon mongs pa thams cad la dbang byed par bstan pa'i phyir te/rmongs pa med pa la ni nyon mongs pa mi skye rmongs pa las nyon mongs pa 'byung ba'i phyir ro/ /rnam par rtog pa rab tu 'byung / /zhes bya ba la/ gzugs dang sgra la sogs pa lta bur gzung ba dang 'dzin par rtog pa na ma rig pa dang /nyon mongs pa dang / nye ba'i nyon mongs pa dang / lhan cig tu rtog pa 'byung ba la rnam par rtog pa rab tu 'byung ba zhes bya ste/ rang gi khams las gnyis su snang ba zhes bya bas ni shes bya'i sgrib pa la rtog pa bstan to/ /ma rig nyon mongs lhan cig 'jug /ces bya bas ni nyon mongs pa'i sgrib pa la rtog pa bstan to//rdzas gnyis dag ni rnam par spangs/ /zhes bya ba la/ de ltar gzung ba dang 'dzin par snang yang rdzas gnyis rnam par spangs pa yin te/ gzung ba'i rang bzhin yang med 'dzin pa'i rang bzhin yang med do zhes bya ba'i don to/ /de ltar shes na kun nas nyon mongs pa'i mtshan nyid yongs su btsal ba yin no//dmigs pa'i khyad par thob pa yi/ /zhes bya ba la/ gang gong du chos kyi dmigs pa thob pa bshad pa nyid dmigs pa'i khyad par thob pa zhes bya ste/ de yang so so'i skye bo'i dus nas nyan pa dang sems pa byed pa nas brtsams te/mos pa spyod pa'i sa chos mchog man chad nas chos thams cad ni sems las gyur pa yin no zhes shes pa ni dmigs pa'i khyad par thob pa zhes bya ste/ dmigs pa'i khyad par thob pa'i gang zag gis zhes bya ba'i tha tshig go/ /rang gi khams nas zhes bya ba ni sa dang po thob pa'i las bstan te rnam par rtog pa'i ye shes kyi rang gi khams dang rgyu'i chos kyi dbyings de bzhin nyid de/chos kyi dbyings ni sangs rgyas kyi chos thams cad skye ba'i rgyu byed pa'i phyir khams zhes bya'o/ /de bas na dbus dang mtha' rnam par 'byed pa dang mngon pa'i chos bsdu ba las kyang /nyan thos dang rang sangs rgyas dang / sangs rgyas kyi chos kyi rgyu thams cad 'byung ba'i rgyu byed pas na khams zhes bya'o zhes bshad do/ /gnas pa ni ming gi phung po bzhi la gnas pa ste/ gzung ba dang 'dzin pa gnyis spangs nas/ chos kyi dbyings kyi rang bzhin du gnyis su med par gnas pa ni ming la gnas pa zhes bya'o//don du rnam par mi rtog pa'i ye shes rnyed nas ming la gnas par gzhag go/ /rnal 'byor phyir zhes pa la rnal 'byor ni goms par byed pa la bya ste/ sa dang por rnam par mi rtog pa'i ye shes rnyed nas sa gnyis nas sa bcu man chad bsgom pa'i lam na rnam par mi rtog pa'i ye shes de nyid la bsgom pa'am zhi gnas dang lhag mthong zung du 'brel pa la bsgom pa ni rnal 'byor pa zhes bya'o//de nyid gnyis med snang 'jug pa/ /zhes bya ba la/ de nas sangs rgyas kyi sa'i dus na gnas gzhan du gyur nas rnam par mi rtog pa'i sems de nyid rnam par mi rtog pa dang bral te rnam par mi rtog par gyur nas gnyis su med pa mngon sum du byas pa ni gnyis med snang 'jug pa zhes bya'o//des na sems rnam par grol ba dang shes rab rnam par grol ba 'thob ste/ de phan chad nams kyang gnyis su snang ba la mi 'jug go/ /dper na ci dang 'dra zhe na/dpe bstan pa'i phyir/ mda' dang pags pa bzhin du'o/ /zhes bya ba smos te/ dper na mda' mes bsregs na drod la bab par byas te/ drang por bsrang ba de nams kyang phyis yon por 'gyur ba dang / pags pa khengs pa/ chu dang mar la sogs pas bskus nas rtsis zhen par byas te/'jam por byas na phyis khengs shing rtsub por mi 'gyur ba de bzhin du zhi gnas ni chu dang snum lta bu/ sngon 'dod chags dang zhe sdang la sogs pa la tshul bzhin ma yin par rtogs pas sems rtsub por byas pa bsgom pa'i lam na zhi gnas chu dang snum lta bur bsgom pas sems gnyen por byas te/sangs rgyas kyi sar sems rnam par grol ba thob na slar tshul bzhin ma yin pa yid la byed pa'i rtog pa la zhugs na sems khengs pa dang rtsub po rnams su nams kyang mi 'gyur ro/ /sngon las dang po'i tshe na yod pa dang med pa dang rtag pa dang mi rtag pa la sogs pa lta ba ngan pas lta ba yon por byas pa bsgom pa'i lam gyi dus na lhag mthong bsgom pa'i mes lta ba ngan pa bsal te/lta ba drang por byas nas sangs rgyas kyi sar shes rab rnam par grol ba thob pa na de phan chad nams kyang lta ba ngan pa la 'jug par mi 'gyur ro zhes bya ba'i don to/ /rnam par byang ba'i mtshan nyid de ltar btsal lo zhes bya ba'i don to//rnam par rig pa tsam yongs su btsal ba la tshigs su bcad pa gnyis te zhes bya ba la/ rnam par rig pa tsam gyi sgras ni sems las byung ba rnams kyang gzung ste/ tsam gyi sgras ni sems las byung ba tsam du zad kyi/ phyi'i gzugs la sogs pa'i gzugs yod pa ma yin par 'gog go/ /sems tsam du smra ba kha cig ni rnam par rig pa tsam zhes bya bas sems tsam du zad kyi/ sems las ma gtogs par sems las byung ba'i chos dang phyi'i yul rnams med kyang med par 'dod do/ /'di'i skabs su de gnyi ga la bya bar 'dod do//khams gsum thams cad ni sems dang sems las byung ba tsam du zad kyi phyi'i chos med do zhes brtag cing shes par bya ba la tshigs su bcad pa gnyis kyis bstan to zhes bya ba'i don to/ /sems ni gnyis su rab tu snang / /zhes bya ba la/sems kyi sgras ni kun gzhi la sogs pa rnam par shes pa dang sems las byung ba rnams la bya ste/ sems dang sems las byung ba las gzung ba dang 'dzin pa gnyis su snang bar zad kyi sems las logs shig na med do zhes bya ba'i don to/ /yang na sems nyid gzung 'dzin du snang bar zad kyi/de las ma gtogs par sems las byung ba dang / gzung 'dzin med do zhes bya ba'i don to/ /de bzhin chags la sogs pa snang bar 'dod/ /ces bya ba la/ ji ltar gzung ba dang 'dzin pa sems las snang ba de bzhin du 'dod chags la sogs pa nyon mongs pa'i chos kyang sems nyid la snang bar 'dod do zhes bya ba'i don to//dad pa la sogs par snang yang / /zhes bya ba la/ dad pa la sogs pa dge ba'i chos rnams kyang sems nyid la snang bar 'dod do zhes bya ba'i don to/ /nyon mongs dge chos yod ma yin/ /zhes bya ba la/ sems nyid las 'dod chags la sogs pa'i nyon mongs pa dang /dad pa la sogs pa dge ba'i chos kyang sems la snang bar zad kyi sems ma gtogs pa logs shig na dmigs pa'i yul lta bur yod pa ma yin no zhes bya ba'i don to/ /sems las byung ba rnams dang ldan pa'i mtshan nyid du ni sems las byung ba rnams med pa ma yin par 'dod do//rnam par rig pa tsam du smra ba gnyis pa ltar na ni sems nyid las nyon mongs pa dang / dge ba la sogs pa sems las byung ba lta bur snang gi sems las ma gtogs par sems las byung ba yod par mi 'dod do zhes bya ba'i don to//sems nyid sna tshogs snang ba ste/ /zhes bya ba la kun gzhi nyid rnam pa sna tshogs su snang ste/ 'dod chags su snang ba dang / gti mug tu snang ba dang / zhe sdang du snang ba dang / mi dge ba dang / lung du ma bstan pa'i chos su snang ngo zhes bya ba'i don to/ / sna tshogs pa yi rnam par 'jug /ces bya ba la/ sems nyid dus gcig tu dad pa dang / brtson 'grus dang / shes rab dang ting nge 'dzin la sogs ting nge 'dzin lta bur snang ngo zhes bya ba'i don to/ /snang ba dngos dang zhes bya ba la/ sems las 'dod chags la sogs par snang ba dang /dad pa la sogs par snang ba yang snang ba tsam du yod pas na snang ba tsam gyi dngos por ni yod pa zhes bya'o/ /dngos po med pa zhes bya ba la/ snang ba tsam du yod kyang 'dod chags dang dad pa la sogs pa'i rang bzhin yod pa ma yin pas na dngos po med pa zhes bya'o/ /de'i phyir/de la chos kyi min zhes bya ba la/ de ltar 'dod chags la sogs pa dang / dad pa la sogs pa snang ba tsam du yod kyi dngos po med pas na gzhan dbang de la chos de dag gi rang bzhin yod pa ma yin pa'am/ snang ba tsam de la snang yang chos kyi rang bzhin yod pa ma yin no zhes bya ba'i tha tshig go//mtshan nyid yongs su tshol ba la tshigs su bcad pa brgyad de zhes bya ba la/ 'dus byas dang 'dus ma byas kyi chos rnams kyi mtshan nyid dang / zag pa dang bcas pa dang / zag pa med pa'i chos rnams kyi mtshan nyid gang yin pa de brtag pa'i phyir tshigs su bcad pa brgyad kyis ston te//chos de dag gi mtshan nyid kyang mdor na mtshon bya dang mtshan nyid dang mtshon byed dang gsum mo/ /gcig gis ni mdor bstan to/ /lhag mas ni bshad do zhes bya ba la/ tshigs bcad brgyad las tshigs bcad dang pos ni chos rnams kyi mtshan nyid mdor bstan to/ /tshigs bcad lhag ma bdun gyis ni mdor bstan pa'i don de nyid rgyas par zhib du 'chad do zhes bya ba'i don to//mtshon bya dang ni mtshan nyid dang / /mtshon byed rab tu dbye bas ni/ /sems can rnams la phan gdags phyir/ /sangs rgyas rnams kyis rab tu bshad/ /ces bya ba la/ mtshon cha rnam pa lnga ste/ gzugs dang / sems dang sems las byung ba dang /sems dang mi ldan pa'i 'du byed dang / 'dus ma byas te 'di ni mtshan nyid gsum gyi gzhi yin no/ /mtshan nyid rnam pa gsum ste/ kun brtags pa dang / gzhan dbang dang / yongs su grub pa'i mtshan nyid do//mtshan nyid rnam pa lnga ste/ gzhi dang / 'jog pa dang / snang ba dang / me long dang / gnas so/ /de gsum phye ste bstan na ni mtha' yas te mdo tsam du na rnam pa gsum du gzhag go/ /de la mtshon bya dang / mtshan nyid gnyis ni shes par bya ba'i yul lta bu'o/ /mtshon byed ni shes par bya ba'i ye shes te/de bas na 'og nas kyang mtshon bya dang mtshan nyid gnyis mtshon par byed cing shes par byed pas na mtshon byed ces bya'o zhes bshad do/ /mtshon bya dang mtshan nyid dang mtshon byed gsum ni ci'i phyir bshad ce na/ de gsum yang sems can la phan gdags par bya ba'i phyir/sangs rgyas kyis bshad de zhes bya ba'i tha tshig go/ /mtshon bya bstan pa'i phyir/ sems gang lta bar bcas pa dang / /zhes bya ba la sogs pa smos te/ sems kyi sgras ni rnam par shes pa dang / gzugs bstan pa yin no/ /ci'i phyir zhe na/ sems 'di rnam pa gnyis su snang ste/gzung bar snang ba dang / 'dzin par snang ba'o/ /de la dbang po lnga dang yul lnga lta bur snang ba ni gzung bar snang ba ste/ des ni gzugs bstan to/ /'dzin par snang ba ni mig gi rnam par shes pa nas yid kyi rnam par shes pa'i bar du rnam par shes pa drug tu snang ste/ des ni sems bstan to//lta bar bcas zhes bya ba'i lta ba'i sgras ni sems las byung ba rnams la bya ste/ sems las byung ba rnams la ci'i phyir lta ba zhes bya ba zhe na/ sems las byung ba thams cad ni gsal zhing rgod pa'i rang bzhin yin pas lta ba zhes bya ste/ 'dis ni sems las byung ba'i chos bstan to//de'i gnas dang zhes bya ba la/ de'i gnas zhes bya ba la sems dang mi ldan pa'i 'du byed bstan te/ sems dang mi ldan pa'i 'du byed rnams kyang sems dang gzugs dang sems las byung ba'i gnas skabs las byung bas na de'i gnas zhes bya'o/ /ji lta zhe na/ nam gzugs dang sems las byung ba gsum 'dus nas bsgribs te/sems dang sems las byung ba'i 'gog pa'i gzugs las 'gog pa'i snyoms par 'jug pa zhes bya ba dang / phung po lnga skyes pa la skye ba zhes bya ba dang / gzugs kyi phung po skra dkar la sogs pa'i mtshan nyid du gzhan du gyur pa la rga ba zhes bya ste/de ltar na de gsum gyi gnas la 'du byed sems dang mi ldan par gdags par zad do/ /mi 'gyur ba zhes bya ba la/ mi 'gyur ba ni 'dus ma byas nam mkha' dang so sor brtags pa'i 'gog pa dang / ma brtags par 'gog pa dang / de bzhin nyid la bya ste/ 'dus ma byas la ci'i phyir mi 'gyur zhes bya zhe na/rnam par rig pa 'di las nam mkha' la sogs pa'i 'dus ma byas su snang la/ sems la snang ba'i nam mkha' la sogs pa mi skye ba dang 'jig pa'i mtshan nyid du 'gyur ba med pas na 'dus ma byas la 'gyur ba med pa zhes bya'o/ /de ni mdor na mtshon bya yin/ / rab tu dbye ba tshad med do/ /zhes bya ba la/ mdo tsam du na gzugs dang sems dang sems las byung ba'i chos dang / sems dang mi ldan pa'i 'du byed dang / 'dus ma byas lnga ni mtshon bya zhes bya ste/ lnga po de'i mtshan nyid re re nas phye nas ni dpag tu med pas tshad med pa zhes bya ste/ lnga po de ni mtshan nyid rnam pa gsum gnas dang /rten yin pas na mtshon bya zhes bya'o/ /mtshan nyid bstan pa'i phyir/ smra don ji bzhin 'du shes kyi mtshan ma zhes bya ba la sogs pa smos so/ /de la mtshan nyid rnam pa gsum ste/ kun brtags kyi mtshan nyid dang / gzhan dbang gi mtshan nyid dang /yongs su grub pa'i mtshan nyid do/ /kun brtags kyi mtshan nyid kyang rnam pa gsum mo/ /de bum pa dang snam bu zhes brjod pa ni smra ba'o/ /bum pa dang snam bu ni don to/ /ji bzhin gyi 'du shes ni sems las byung ba'i chos te/ 'di ni bum pa nyid yin gyi 'di ni snam bu ma yin pa dang /'di ni sngon po nyid yin gyi ser po ma yin zhes rtog pa'o/ /mtshan ma'i 'du shes pa'i yul du gyur pa bum pa dang snam bu dang ser po dang sngon po la sogs pa ste/ yul gang la brten nas 'du shes 'jug pa'o/ /don du na tha snyad la mkhas pa rnams snam bu dang bum pa dang /snam bu la sogs pa la 'di ni bum pa 'di ni snam bu zhes rtog pa dang / rtog pa de'i yul bum pa dang snam bu la sogs pa la kun brtags kyi mtshan nyid ces bya ste/ 'di ni kun brtags kyi mtshan nyid rnam pa gcig go/ /de'i bag chags zhes bya ba la/ smra don ji bzhin gyi 'du shes kyi mtshan ma la de zhes rtog ste/ de'i bag chags kun gzhi la rlan pa yang nam zhig na smra don ji bzhin gyi 'du shes 'byung ba'i rgyu byed pas na bag chags la yang kun brtags kyi mtshan nyid ces bya ste/ 'di ni kun brtags kyi mtshan nyid rnam pa gnyis so/ /de las kyang ni don snang ba//kun du brtags pa'i mtshan nyid do/ /zhes bya ba la/ bag chags las nam tha snyad la mi mkhas pa byis pa rnams la ske dang sdeng sdeng po lto zlum po 'di la ming du bum pa zhes bya'o zhes smra ba ji bzhin pa'i don gyi 'du shes med par yang sems las bum pa lta bur snang la/ bum pa nyid yin par ni mi shes kyi bum pa mthong na ni 'di ci zhig yin no snyam par rtog pa 'byung na yang kun brtags kyi mtshan nyid do/ /'di ni kun brtags kyi mtshan nyid rnam pa gsum pa'o/ /de tshigs bcad de'i don mdor bsdus na/ gang kun du rtog pa dang / rgyu gang las kun du rtog pa gnyis ka kun brtags kyi mtshan nyid yin par ston to//gang kun du rtog ce na tha snyad la mkhas pas 'di bum pa yin no zhes rtog pa dang / tha snyad la mi mkhas pas bum pa mthong ba na 'di ci zhig yin zhes rtog pa'o/ /rgyu gang las kun du rtog pa de ni de'i bag chags las kun du rtog pa'o/ / smra ba ji bzhin pa'i don gyi 'du shes pa'i mtshan ma dang zhes bya ba la/ smra ba ni bum pa dang snam bu zhes brjod pa'o/ /ji bzhin pa'i don gyi 'du shes ni bum pa zhes bya ba'i ming gi don ni lto zlum po ske sdeng sdeng po yin no zhes ming dang don du 'brel par shes shing rtog ste/ de'i mtshan ma ni 'du shes de'i yul bum pa dang snam bu la sogs pa ste/'di ni kun brtags kyi mtshan nyid rnam pa gcig go/ /smra ba de yi bag chags dang / /zhes bya ba la/ smra ba'i sa bon kun gzhi la bsags te yod pa de yang nam zhig na rnam par rtog pa'i rgyu yin pas na kun brtags zhes bya ste/ 'di ni kun brtags kyi mtshan nyid rnam pa gnyis so//bag chags de las don gang zhes bya ba la/ smra ba'i bag chags kun gzhi la bsags pa de las tha snyad mi mkhas pa rnams la bum pa dang snam bu lta bur snang ba yang kun brtags zhes bya'o zhes bya ba'i don to/ /gang tha snyad la mi mkhas pa rnams las zhes bya ba las/bum pa'i sgra ni lto dang zlum po la bya'o zhes bum pa'i ming dang don du 'brel pa ni mi shes pa'i byis pa shed ma bye ba rnams ni tha snyad la mi mkhas pa'o zhes bya'o/ /smra ba ji bzhin pa'i don gyi 'du shes med par yang snang bar 'gyur ro zhes bya ba la/ tha snyad la mi mkhas pa rnams la bum pa mthong ba na 'di ni bum pa nyid yin gyi gzhan ma yin no zhes brjod pa med par yang bum pa mthong ba na'ang ci zhig yin no snyam du rtog pas yang kun brtags kyi mtshan nyid do zhes bya ba'i don to//de la ji ltar brjod pa'i don gyi 'du shes ni sems las byung ba ste zhes bya ba la/ smra ba ji bzhin pa'i don gyi 'du shes zhes bya ba'i don 'chad de bum pa dang snam bu la sogs par brjod pa'i bum pa dang snam bu'i dngos po mthong nas 'di ni bum pa yin gyi snam bu ma yin no zhes rtog pa ni sems las byung ba'i chos yin te/de ltar rtog pa ni sems las byung ba'i chos smra ba ji bzhin pa'i don gyi 'du shes zhes bya'o//de'i dmigs pa gang yin pa ni de'i mtshan ma'o zhes bya ba la/ sems las byung ba de dag gi yul bum pa dang / snam bu dang / ser po dang / sngon po la sogs pa la de'i mtshan ma zhes bya'o zhes bya ba'i don to/ /de ltar rgyu bag chags las gang yongs su brtags pa de gnyi ga kun du brtags pa'i mtshan nyid du dgongs so zhes bya ba la/rgyu bag chags la yang kun brtags zhes bya ste/ kun brtags kyi chos snang ba'i rgyu byed pa'i phyir/ gang tha snyad la mkhas pa rnams kyis bum pa'o zhes btags pa dang / tha snyad la mi mkhas pa rnams kyis bum pa mthong ba 'di ni ci zhig yin snyam du rtog pa yang kun brtags zhes bya ste/gzung 'dzin du rtog pa yod pa'i phyir te/ de ltar na rgyu bag chags dang / yongs su brtags pa dang gnyi ga la kun brtags zhes bya'o/ /kun brtags kyi rnam grangs gzhan yang bstan pa ni/ming bzhin du ni don rnams dang / /zhes bya ba la sogs pa smos te/ bum pa dang snam bu la sogs pa'i ming ji ltar brjod pa bzhin du bum pa dang snam bu la sogs pa'i don kyang de bzhin du yod do zhes rtog pa ni kun brtags kyi mtshan nyid do zhes bya ba'i don to/ /don bzhin ming ni rab tu snang / / zhes bya ba la/ bum pa dang snam bu la sogs pa'i don ji ltar gzhag pa bzhin du bum pa dang snam bu'i ming yang yod do zhes rtog pa ni/ don bzhin ming ni rab tu snang / /zhes bya ste/ 'di yang kun brtags kyi mtshan nyid do zhes bya ba'i don to/ /yang dag ma yin rtog pa'i rgyu/ /kun du brtags pa'i mtshan nyid do//zhes bya ba la/ nam ming gi sgo nas don yod par rtog pa na ni ming yang dag pa ma yin pa'i kun du rtog pa'i rgyu yin no/ /nam don gyi sgo nas ming yod par rtog na ni don yang dag pa ma yin par kun du rtog pa'i rgyu yin te/ de ltar ming yod par rtog pa dang / don yod par rtog pa ni kun brtags pa'i mtshan nyid yin no zhes bya ba'i don to//ming dang don ji lta ba bzhin du rtogs pa ni ming dang don ji lta ba bzhin pa'o zhes bya ba la ming don ji lta ba bzhin pa'i don ston to/ /ming ji bzhin par don yang de ltar yod par 'dzin pa ni ming ji bzhin pa dang / don ji 'dra bar ming yang de ltar yod par 'dzin pa ni don ci bzhin zhes bya'o//don dang ming du rab tu snang ba ni ming don ji bzhin par snang ba yin te zhes bya ba la/ bum pa la sogs pa'i don ji ltar yod pa bzhin du ming yang de ltar yod par rtog pa dang / ming ji ltar yod pa bzhin du don yang de ltar yod do zhes rtog pa ni ming dang don bzhin du snang ba zhes bya'o//kun du brtags pa'i mtshan nyid ni 'di tsam zhig yongs su rtogs pa ste/ de ni don to zhes bya ba la/ kun brtags kyi chos kyang mdor na 'di tsam zhig tu zad de/ yang na ni ming yod par rtog ming ni don yod par rtog pa ste/ so so'i skye bo rnams rtog na yang dag pa gnyis la rtog pa tsam du zad kyi de las gzhan du brtag tu med pas na ming dang don gnyis la kun brtags kyi mtshan nyid ces bya'o zhes bya ba'i don to//gzhan gyi dbang gi mtshan nyid bstan pa'i phyir/ rnam gsum rnam gsum snang ba ni/ /gzung dang 'dzin pa'i mtshan nyid de/ /yang dag ma yin kun rtog ni//gzhan gyi dbang gi mtshan nyid do/ /zhes bya ba smos te/ rnam pa gsum du snang ba dang / yang rnam pa gsum du snang ba ni rnam gsum rnam gsum snang ba zhes bya'o/ /de la rnam gsum du snang ba ni gnas su snang ba dang / don du snang ba dang / lus su snang ba'o/ /gnas su snang ba ni kun gzhi rnam par shes pa snod lta bur snang ba ste/sa gzhi chen por snang ba'o/ /don du snang ba ni gzugs nas chos kyi bar du yul drug tu snang ba'o/ /lus su snang ba ni mig gi dbang po nas yid kyi dbang po'i bar du dbang po drug tu snang ba ste/ de bas na lang kar gshegs pa las kyang / lus dang longs spyod gnas 'dra ba/ /sems tsam du ni ngas bshad do/ /zhes gsungs so/ /yang rnam pa gsum du snang ba ni yid du snang ba dang / 'dzin par snang ba dang / rnam par rtog par snang ba'o/ /de la yid ni nyon mongs pa'i yid la bya ste/ gang nyon mongs pa'i gzhi dang rtag tu ldan pas kun gzhi la bdag tu dmigs par byed pa'o//'dzin pa ni mig gi rnam par shes pa nas lus kyi rnam par shes pa'i bar du rnam par shes pa lnga'i tshogs la bya ste/ so so'i yul 'dzin cing dmigs par byed pa'i phyir 'dzin pa zhes bya'o/ /rtog pa ni yid kyi rnam par shes pa la bya ste/'di ni sngon po yin gyi ser po ma yin no zhes gcod par byed pa'i phyir ro/ /de la gnas dang don dang lus snang ba ni gzung ba'i mtshan nyid do/ /yid dang 'dzin pa dang rtog par snang ba ni 'dzin pa'i mtshan nyid de de ltar gzung ba dang 'dzin par yang dag pa ma yin pa kun du rtog pa ni kun gzhi rnam par shes pa la 'khor ba dang bcas pa la gzhan gyi dbang gi mtshan nyid ces bya'o//yongs su grub pa'i mtshan nyid bstan pa'i phyir/ dngos po med dang dngos po yod/ /ces bya ba la sogs pa smos te/ chos kyi dbyings stong pa nyid de bzhin nyid kyi mtshan nyid la yongs su grub pa zhes bya ste/yongs su grub pa de la gzung ba dang 'dzin pa'i dngos po yod pa ma yin pas dngos po med pa zhes bya'o/ /gzung 'dzin dang bral ba'i stong pa nyid med pa ma yin pas de dngos po yod pa zhes bya ste/ de bas na dbus dang mtha' rnam par 'byed pa las kyang /gnyis po de na yod pa ma yin/ stong pa nyid ni de na yod/ /ces bshad do/ /dngos dang dngos med mnyam pa nyid/ /ces bya ba la/ stong pa nyid kyi dngos po yod pa la gzung 'dzin gyi dngos po med pa yang de na gnas la/ gzung 'dzin gyi dngos po med pa la stong pa nyid yod pa de na gnas pas dngos po dang /dngos po med pa mnyam pa zhes bya ste/ dbus dang mtha' las kyang / stong pa nyid ni de na yod/ /de na yang ni de yod do/ /zhes bshad do/ /mdo sde rgyan 'di nyid kyi sangs rgyas kyi thabs la 'jug pa'i skabs las kyang / gang gzung ba dang 'dzin pa gnyis med pa de nyid yod pa'i mchog ste/yongs su grub pa'i mtshan nyid du yod pa'i phyir ro zhes bshad do/ /ma zhi ba dang zhi ba dang / /zhes bya ba la/ stong pa nyid glo bur gyi dri ma dang 'dres pas na ma zhi ba'o/ /rang bzhin gyis 'od gsal zhing dag pa'i rang bzhin yin pas na zhi ba'o/ / rnam par mi rtog yongs grub mtshan/ /zhes bya ba la/ yongs su grub pa de gzung 'dzin gyi spros pa kun dang bral ba yin pas rtog ge pa rnams kyi yul du ma gyur pa'i phyir/ rnam par mi rtog pa zhes bya ste/ yongs su grub pa'i mtshan nyid ni gong du bshad pa lta bu yin no zhes bya ba'i don to/ / mdor na yongs su grub pa'i mtshan nyid rnam pa gsum du bshad de/ rang gi mtshan nyid dang / kun nas nyon mongs pa dang / rnam par byang ba'i mtshan nyid dang / rnam par mi rtog pa'i mtshan nyid do/ /de la/ dngos po med dang dngos po yod/ /dngos dang dngos med mnyam pa nyid/ /ces bya bas rang gi mtshan nyid bstan to//ma zhi ba dang zhi ba dang / /zhes bya bas/ kun nas nyon mongs pa dang / rnam par byang ba'i mtshan nyid bstan te/ ma zhi bas ni kun nas nyon mongs pa'i mtshan nyid bshad zhi bas ni rnam par byang ba'i mtshan nyid bshad do/ /rnam par mi rtog ces bya bas rnam par mi rtog pa'i mtshan nyid bstan to//da ni mtshon byed bshad par bya ste/ de yang gzhi dang gzhag pa dang me long dang snang ba dang gnas so/ /de la/ rgyu mthun chos la dmigs na ni/ /zhes bya ba la/ gzhi ni rgyu mthun pa'i chos la dmigs pa ste/ de la sangs rgyas rnams kyis gang zag dang chos la bdag med par thugs su chud nas bshad pa'i chos gsung rab yan lag bcu gnyis ni rgyu mthun pa'i chos zhes bya'o//so so'i skye bo'i dus na gsung rab yan lag bcu gnyis la nyan pa dang sems pa dang sgom par byed pa ni rgyu mthun pa'i chos la dmigs pa'o/ /tshul bzhin yid la byed pa'o zhes bya ba la gzhag pa ni mos pa spyod pa'i sa gzhi dang rigs rnam pa gsum pa dang rnam pa bzhis drod kyi tshe na ni ming rnam pa rgyu ma yin par khong du chud/rtse mo'i tshe na ni don rnams sgyu ma yin par khong du chud bzod pa'i dus na ni gzung ba spangs 'jig rten gyi chos mchog gi dus na ni 'dzin pa spangs pa'i tshul bzhin yid la byed pa la gzhag pa zhes bya ste/des 'jig rten las 'das pa'i chos rtogs pa'i bag chags sems la 'jog par byed pa'i phyir ro/ /sems kyi khams la gnas pa dang / /zhes bya ba la me long ni sems kyi khams la gnas pa ste/ sa dang po'i dus na khams gsum sems tsam du rtog pa la gnas pa nyid sems kyi khams la gnas pa zhes bya'o//de yang gong du ming la gnas par bshad pa nyid la sems kyi khams la gnas pa zhes bya ste/ sems kyi khams ni stong pa nyid do/ /gzung 'dzin spangs pa'i ming ni phung po bzhi gnyis su med pa'i mtshan nyid la gnas pa ni sems kyi khams la gnas pa zhes bya'o//de la ci'i phyir me long zhes bya zhe na/ me long gi nang du gzugs brnyan 'byung ba dang 'dra bar ye shes des shes bya thams cad phyin ci ma log par khong du chud pas me long zhes bya'o/ /yod med don du mthong ba'o//zhes bya ba la/ /snang ba ni sa gnyis nas sa bcu man chad kyi 'jig rten las 'das pa'i ye shes la bya ste/ ye shes gang gis yod pa'i chos la yang yod par mthong / med pa'i chos la med par mthong ba la snang ba zhes bya'o/ /de la gzhan dbang dang yongs su grub pa ni yod par mthong /kun brtags ni med par mthong ngo / /gnas ni sangs rgyas kyi sar gnas pa gzhan du gyur par 'thob ste/ gnas gyur pa'i mtshan nyid kyang gong du gnas gzhan du gyur pa bshad pa'i skabs su yul dang / dbang po la sogs pa gnas gyur na yon tan 'di lta bu dag 'thob par 'gyur ro zhes bshad pa lta bur blta'o//de la gzhi dang gzhag pa dang / /me long dang snang ba ni rgyu'i mtshan nyid do/ /gnas ni 'bras bu'i mtshan nyid do/ /mdor na tshig de dag gis lam rnam pa lnga bstan pa yin te/ tshogs kyi lam dang / sbyor ba'i lam dang / mthong ba'i lam dang /bsgom pa'i lam dang / mthar thug pa'i lam mo/ /de la rgyu mthun pa'i chos la dmigs pas ni tshogs kyi lam bstan to/ /tshul bzhin yid la byed pas ni sbyor ba'i lam bstan to/ /sems kyi khams la gnas pas ni mthong ba'i lam bstan to/ /yod med don du mthong bas ni bsgom pa'i lam bstan to//gnas kyis mthar thug pa'i lam bstan to/ /mtshan nyid rnam pa lnga'i rnal 'byor gyi sa ste zhes bya ba la/ zhi gnas dang lhag mthong zung du 'brel par bsgom pa ni rnal 'byor ces bya ste/ chos rnam pa lnga rnal 'byor bsgom pa'i rten dang gzhir gyur pas na rnal 'byor gyis zhes bya'o//de'i thugs su chud pa'i rgyu 'dra ba'o zhes bya ba la/ sangs rgyas kyis gang zag dang chos la bdag med par thugs su chud pa ni rgyu'o/ /gsung rab yan lag bcu gnyis ni 'bras bu ste/ thugs su chud pa dang gsung rab yan lag bcu gnyis bshad pa dang gnyis su don mi mthun pa med pas na bshad pa'i chos thams cad la rgyu mthun pa'i chos zhes bya'o//sangs rgyas kyi sar gnas gzhan du gyur pa bshad pa'i don spyod pa'i phyir/ de bas mnyam pa nyid du gyur/ /'phags rigs shin tu dri med pa/ /mtshungs dang khyad par 'bri dub med/ /lhag pa ma yin mtshan nyid 'dod//ces smos te/ zag pa med pa'i chos kyi dbyings rnam par dag pa la 'phags pa'i rigs zhes bya ste/ zag pa med pa'i dbyings su zhugs pa na sangs rgyas thams cad dang sku dang gsung dang thugs mnyam pa nyid thob pas na mnyam pa nyid du gyur pa zhes bya'o/ / de'i tshe nyon mongs pa dang shes bya'i sgrib pa spangs pas na dri ma med pa zhes bya'o/ /nyan thos dang rang sangs rgyas dang rang sangs rgyas rnams kyi rnam par grol ba'i sku la mi 'dra ba tha dad pa med pas na mtshungs pa zhes bya'o/ /khyad par rnam pa lngas nyan thos dag pas 'phags pas na khyad par du gyur pa zhes bya'o//khyad par rnam pa lnga ni rnam par dag pa'i khyad par dang / yongs su dag pa'i khyad par dang / chos kyi sku'i khyad par dang / longs spyod kyi khyad par dang / las kyi khyad par ro/ /kun nas nyon mongs pa spangs pa na chos kyi dbyings la 'grib pa med pas na 'bri ba med pa zhes bya'o/ /rnam par byang ba'i phyogs skye ba na chos kyi dbyings la skye ba med pas na lhag pa ma yin pa zhes bya ste/zag pa med pa'i dbyings ni de lta bu'i mtshan nyid yin par 'dod do zhes bya ba'i don to/ /yang na mnyam pa nyid du gyur pa na dmigs par bya ba dang / dmigs par byed pa gnyis mnyam pa nyid du gyur te/ gzung 'dzin gyi chos thams cad stong par rtogs pa'i phyir ro/ /bag chags dang bcas pa'i nyon mongs pa rnam par sbyangs pas/ rnam par dag pa'i khyad par dang zhes bya ba la/ rnam par dag pa nyan thos pas khyad zhugs te/ 'phags pa nyan thos rnams ni bag chags phra mo yang ma spangs pas gang gi phyir dgra bcom pa thob kyang spre'u mchongs byed dang /sngon smad 'tshong ma byed pa las phyis dgra bcom pa thob pa'i dus na yang lhung bzed kyis ngos la lta bu ste/ de bzhin gshegs pas ni nyon mongs pa'i bag chags phra mo'i yang phra mo spangs pas na rnam par dag pa khyad zhugs pa'o/ /sangs rgyas kyi zhing yongs su sbyangs pas yongs su dag pa'i khyad par rnams dang zhes bya ba la/nyan thos rnams kyis ni sangs rgyas kyi zhing ma sbyangs pa'i phyir sa gzhi shel dang be+e DUr+ya la sogs pa lta bur ston mi nus kyi/ de bzhin gshegs pa rnams kyis ni sangs rgyas kyi zhing sbyangs pas shel dang baiDUr+ya la sogs pa lta bur ston nus pa'i phyir yongs su dag pa khyad zhugs so//chos kyi sku yi khyad par dang / /zhes bya ba la/ nyan thos rnams kyis chos la bdag med pa ma rtogs pas rnam par grol ba'i sku tsam yod par zad kyi chos kyi sku med do/ /de bzhin gshegs pa rnams kyis ni chos la bdag med par rtogs pas na chos kyi sku mnga' ste/de bas na chos kyi sku rnyed par khyad par zhugs so/ /'khor gyi dkyil 'khor du rgyun mi 'chad par chos kyi longs spyod la 'jug par byed pas longs spyod kyi khyad par dang zhes bya ba la/ nyan thos rnams kyis ni rdzogs longs spyod pa'i skus byang chub sems dpa' rnams kyi 'khor gyi dkyil 'khor du theg pa chen po'i chos kyi longs spyod rgyun mi 'chad par byed par mi nus kyi/de bzhin gshegs pas ni byang chub sems dpa'i 'khor gyi dkyil 'khor du theg pa chen po'i chos kyi longs spyod rgyun mi 'chad par byed pas na longs spyod kyis khyad zhugs so//dga' ldan gyi gnas na gnas pa la sogs pa sems can gyi don bya ba sgrub pas na las kyi khyad par rnams so zhes bya ba la 'phags pa nyan thos dag gis sprul pa'i skus dga' ldan gyi pho brang na gnas pa dang / shi 'pho bstan pa dang / mngon par sangs rgyas pa la sogs pa bstan cing sems can gyi don sgrub mi nus kyi de bzhin gshegs pa rnams kyis dga' ldan na bzhugs pa dang /lhums su gshegs pa dang mngon par sangs rgyas pa la sogs pa sprul pa sna tshogs bstan pas las kyi khyad par gyis khyad zhugs so/ /des ni mtshon bya dang mtshan nyid rtogs par 'gyur ro zhes bya ba la/rnal 'byor pa'i chos lnga po de dag la mtshon byed ces bya ste/ ci'i phyir mtshon byed ces bya zhe na/ shes rab kyi mtshan nyid lnga po des mtshon bya rnam pa lnga dang / mtshan nyid rnam pa gsum shes par byed pas na mtshon byed ces bya'o/ /rnam par grol ba yongs su tshol ba la tshigs su bcad pa drug ste zhes bya ba la/'phags pa'i lam bsgoms nas nyon mongs pa dang sdug bsngal spangs te mya ngan las 'das pa mngon sum du byas pa ni rnam par grol ba zhes bya'o/ /thabs gang ji ltar byas na mya ngan las 'das pa 'thob par 'gyur zhes brtags pa ni rnam par grol ba yongs su tshol ba zhes bya ste/rnam par grol ba tsam la tshigs su bcad pa drug gis ston to zhes bya ba'i don to/ /gnas don lus ni snang ba dag /shin tu gyur pa zag med pa'i/ /dbyings dang sa bon rab gyur phyir/ /de yang kun du 'gro ba'i gnas/ /zhes bya ba la/ sa bon rab tu gyur ces bya ba'i tshigs bcad rkang pa gsum gyis 'jug nas/'byung bar sngar smos la je bshad par bya ste/ nyon mongs pa dang shes bya'i sgrib pa'i bag chags dang bcas pa'am/ gzung ba dang 'dzin pa'i bag chags dang bcas pa'i kun gzhi la sa bon zhes bya ste/ kun gzhi gzung 'dzin gyi dri ma dang bral bas gnas gzhan du gyur na chos rnam pa gsum du yang gnas gzhan du gyur te/gsum po gang zhe na/ gnas su snang ba dang / don du snang ba dang / lus su snang ba'o/ /de la gnas ni snod kyi 'jig rten sa gzhi chen po ste/ de gnas gzhan du gyur na ngom grog gam g.yang sa la sogs pa thag thug tu snang gi shel dang bai DUr+ya la sogs pa'i sa gzhi snang bar 'gyur ro//don ni gzugs nas chos kyi bar du yul drug la bya ste/ de rnams gzhan du gyur nas sangs rgyas kyi sa'i dus kyi tshe dpag bsam gyi shing la sogs pa'i longs spyod sna tshogs su snang bar 'gyur ro//lus ni mig gi dbang po nas yid kyi dbang po'i bar du dbang po drug la bya ste/ dbang po drug gnas gzhan du gyur na dbang po gcig gis kyang dbang po thams cad kyi don byed nus pa dang / yon tan brgya rtsa bcu gnyis 'thob pa dang / sangs rgyas kyi sku lta bur snang bar 'gyur ba dang / de ltar chos rnam pa gsum gnas gzhan du gyur pa'i zag pa med pa'i dbyings la rnam par grol ba zhes bya ste/ rnam par grol ba'i gnas der ni 'phags pa nyan thos kyang 'jug la rang sangs rgyas kyang 'jug /byang chub sems dpa' rnams kyang 'jug pas na de'ang kun du 'gro ba'i gnas zhes bya ste/rnam par grol ba'i gnas su ni theg pa gsum gyi gang zag thams cad 'jug pa'i phyir ro/ /rnam par grol ba rnam grangs gzhan yang bstan pa'i phyir/ yid dang shin tu 'dzin pa dang / /rnam par rtog pa bzlog pa ni/ /dbang yang rnam pa bzhir gyur te/ /mi rtog bzhi dang ye shes las//zhes smos so/ /de la yid ni nyon mongs pa can gyi sems las byung ba bzhi dang ldan pa rtag tu kun gzhi rnam par shes pa la bdag tu lta ba nyon mongs pa'i yid la bya'o/ /shin tu 'dzin pa ni gzugs reg bya la dmigs par byed pa mig gi rnam par shes pa nas lus kyi rnam par shes pa'i bar du rnam par shes pa'i tshogs lnga la bya ste/rnam par rtog pa 'di ni sngon po yin ser po ma yin no zhes dpyod par byed pa yid kyi rnam par shes pa la bya ste/ rnam par shes pa de bdun bzlog nas gnas gzhan du gyur na dbang rnam pa bzhi dang ldan zhing dbang rnam pa bzhi 'thob par 'gyur te/dbang rnam pa bzhi gang zhe na/ mi rtog pa la dbang ba dang / zhing la dbang ba dang / ye shes la dbang ba dang / las la dbang ba ste rim bzhin du sbyar ro/ /de la yang gnas gzhan du gyur na/ mi rtog pa la dbang bar 'gyur te/ ci'i phyir zhe na/ nyon mongs pa'i yid ma dag pa'i dus na yang kun gzhi la dmigs la dag pa na yang rnam par mi rtog pa'i ye shes kho na la dmigs pa'i phyir ro//de bas na gong nas kyang / yid kyang gzhan du gyur nas ni/ /'byor pa dam pa thob par 'gyur/ /'byor pa'i rjes 'jug ye shes ni/ /rnam par rtog pa dri ma med//ces bshad do/ /'dzin pa gnas gzhan du gyur na zhing la dbang ba 'thob ste/ ci dgar sangs rgyas kyi zhing shel dang bai DUr+ya la sogs pa'i kha dog du ston pa'i phyir ro/ /de bas na gong nas kyang / don bcas 'dzin pa gzhan gyur pas/ /'byor pa dam pa thob par 'gyur/ /zhing yang 'dod bzhin dag pa dang //longs spyod shin tu ston par 'gyur/ /zhes bshad do/ /rnam par rtog pa gnas gzhan du gyur na ye shes dang las gnyis la dbang thob par 'gyur te/ so so yang dag par rig pa bzhi dang ldan pas ye shes la dbang 'thob bo/ /mngon par shes pa lnga'i las la thogs pa med par 'jug pas las la dbang thob bo//de bas na gong du yang / rnam rtog gzhan du gyur na ni/ /'byor pa dam pa thob par 'gyur/ /ye shes dang ni las kun kyang / /rtag tu thogs pa med pa'o/ /zhes bshad do/ /de ltar rnam par shes pa bdun las rnam par shes pa gnas gyur na/dbang gang 'thob par 'gyur ba bstan nas/ da ni sa gang la dbang gang dang ldan pa bstan pa'i phyir/ mi g.yo la sogs pa gsum la/ dbang ni rnam pa de bzhi ste/ /zhes bya ba smos te/ sa brgyad pa mi g.yo ba dang / sa dgu pa legs pa'i blo gros dang / sa bcu pa chos kyi sprin gsum la dbang rnam pa bzhi dang ldan pa yin te zhes bya ba'i don to//gcig la rnam gnyis de las gzhan/ /dbang ni re re 'dod pa yin/ /zhes bya ba la/ sa mi g.yo ba la ni mi rtog pa la dbang ba dang / sangs rgyas kyi zhing la dbang ba ste/ dbang gnyis dang ldan par 'dod la/sa legs pa'i blo gros dang / chos kyi sprin gnyis la dbang re re dang ldan par 'dod de/ legs pa'i blo gros la ni ye shes la dbang bar 'dod/ chos kyi sprin la ni las la dbang bar 'dod do/ /ji lta zhe na/ sa brgyad kyi dus na rnam par mi rtog pa lhun gyis grub pa dang ldan pas mi rtog pa la dbang ba dang /ci dgar sangs rgyas kyi zhing shel dang bai DUr+ya la sogs pa'i kha dog tu ston pas sangs rgyas kyi zhing la dbang ngo / /sa dgu pa legs pa'i blo gros la ni so so yang dag par rig pa bzhi'i khyad par thob pa'i phyir/ ye shes la dbang 'thob ste so so yang dag par rig pa bzhi ni/chos so so yang dag par rig pa dang / don so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa'o/ /de la phung po dang khams dang skye mched la sogs pa'i chos rnams kyi ming thams cad phyin ci ma log par shes pa ni chos so so yang dag par rig pa'o//chos rnams kyi rang dang spyi'i mtshan nyid shes pa ni don so so yang dag par rig pa zhes bya'o/ /sems can thams cad kyi sgra dang skad shes pa ni nges pa'i tshig so so yang dag par rig pa zhes bya'o/ /chos gcig gi don bshad par brtsams te/ stan gcig la 'dug nas 'khor ba'i mtha'i bar du ming dang tshig sna tshogs kyis bshad kyang shes rab la zad pa med pa ni spobs pa so so yang dag par rig pa zhes bya'o//sa bcu pa chos kyi sprin la ni las la dbang 'thob ste/ 'phrul gyi mig dang rna ba la sogs pa mngon par shes pa'i las byed pa la bar du gcod pa med cing thogs pa med par 'jug pa'i phyir ro//rnam par grol ba'i rnam grangs gzhan yang bstan pa'i phyir/ 'di la blo ldan srid song bdag med rnam gnyis rig nas ni/ /zhes bya ba la sogs pa smos te/ bdag ces bya ba'i sgra kun du brtags pa'i gang zag la yang bya bar 'dren te/bdag dang sems can dang srog dang gang zag ces 'dogs pa'i phyir ro/ /chos rnams kyi rang bzhin yang yang dag gi sgrar 'dogs te me ni dro ba'i rang bzhin zhes bshad na dro ba'i bdag nyid ces bya ba'i don to/ /'di la zhes bya ba ni 'khor ba na du yod pa'i phung po dang skyed mched kyi don 'di la zhes bya ba'i don to//blo ldan ni shes rab dang ldan pa'i byang chub sems dpa' la bya'o/ /srid song zhes bya ba ni khams gsum du gtogs pa'am khams gsum na yod pa zhes bya ba'i don to/ /bdag med pa gnyis rig ces bya ba ni khams gsum du gtogs pa'i chos rnams la ji ltar kun brtags pa'i gang zag gi rang bzhin du/rang bzhin dang bdag med pa'i de bzhin du kun du brtags pa'i chos la yang rang bzhin dang bdag med par khong du chud nas zhes bya ba'i don to/ /'dis ni sgro 'dogs pa'i mtha' la ma zhen par bstan to/ /de dang mtshungs par shes nas zhes bya ba la/bdag med pa gnyis su rtog pa yang de dang mtshungs par rtogs te/ mtshungs pa zhes bya ba ni mtha' gnyis dang bral ba'i lam rtogs zhes bya ba'i don to/ dbu ma'i lam rtogs so zhes bya ba'i don to/ /ji ltar zhe na/ kun du brtags pa'i gang zag med pa dang / kun du brtags pa'i chos rnams med cing stong pa zhes bya bar zad kyi rnam pa thams cad du med pa ni ma yin par shes te/ gzhan yang yongs su grub pa ni med pa ma yin par shes par bya ste/ 'dis ni skur pa'i mtha' ltung ba dang bral bar bstan to/ /de ltar sgro 'dogs pa'i mtha' dang bral nas de nyid rab 'jug ces bya ste//kun brtags kyi gang zag dang kun brtags kyi chos med pa'i sems tsam po mthong ba ni de nyid la rab tu 'jug pa zhes bya ste/ 'di yang mos pa spyod pa'i sa bzhi las bzod pa'i dus na rtogs te/ de'i tshe na bzod pa rang bzhin med par khong du chud par byed pa'i phyir ro//de ltar bzod pa'i dus na gzung ba med par khong du chud pas de kho na'i phyogs gcig la zhugs pa'i ting nge 'dzin thob pas na de nyid la rab tu 'jug pa zhes btags so/ /'dzin par te zhes bya ba la bzod pa'i dus na gzugs la sogs pa spyi'i dngos po ni med kyi 'dzin pa'i mtshan nyid sems tsam du zad do zhes khong du chud pas na 'dzin pa tsam sems so//de'i phyir de la yid gnas phyir/ /zhes bya ba la ni gong du bshad pa lta bur na bzod pa'i dus na phyi'i yul mi dmigs kyi sems tsam la gnas pas de la yid gnas pa zhes bya'o/ /de la de mi snang zhes bya ba la/bzod pa'i dus na gzung ba'i chos phyi'i yul med par khong du chud pa dang / 'jig rten gyi chos mchog gi dus na gzung ba med na de la 'dzin par byed pa'i sems kyang med do zhes sems tsam du 'dzin pa dang yang bral te/ de bas na de la mi snang zhes bya'o/ /de snang med pa grol ba mchog tu dmigs pa dang bral ba'o zhes bya ba la/de nas sa dang po'i dus na gzung ba yang mi snang 'dzin pa yang mi snang ste/ gzung 'dzin mi dmigs pa'i ye shes la gnas pa nyid grol ba zhes bya ste/ ci'i phyir zhe na/ mchog tu dmigs pa gang zag tu dmigs pa dang / chos su dmigs pa gnyis dang bral ba'i phyir grol ba yin no//de yang mtshungs par shes pa ni/ /zhes bya ba la/ bdag med pa gnyis su rtogs pa yang thams cad nas thams cad du med par rtogs par ma zad kyi/ mtha' gnyis dang bral ba'i dbu ma'i lam rtogs pa ni mtshungs par shes pa zhes bya'o//'dzin pa ni 'di ni 'dzin pa tsam mo snyam pa'i zhes bya ba la tsam gyi sgras ni gzugs la sogs pa'i don yod pa ma yin par 'gog ste/ sems dang sems las byung ba tsam du zad kyi/ de las gzhan pa'i gzugs la sogs pa'i yul yod pa ma yin no zhes rtogs pa ni 'dzin pa tsam du zad kyi/de'ang bzod pa'i dus na rtogs so/ /rnam par grol ba'i rnam grangs gzhan yang bstan pa'i phyir/ gzhi dang tshogs dang gzhag yod na/ /zhes bya ba la sogs smos te/ gzhi yod pa dang / tshogs yod pa dang / gzhag pa yod pa zhes bya ba'i don to/ /de la tshe 'dir dge ba'i bshes gnyen la brten nas/dam pa'i chos nyan pa dang / sems pa la sogs pa byed pa ni gzhi'o/ /tshe rabs snga mar mos pa spyod pa'i sar bskal pa grangs med pa gcig tu bsod nams kyi tshogs bsags pa ni tshogs so/ /mos pa spyod pa'i sa dag tu chos thams cad mi rtag pa dang /sdug bsngal ba dang / stong pa dang / bdag med par tshul bzhin yid la byas pa ni gzhag pa zhes bya ste/ de gsum dang ldan pa zhes bya ba'i don to/ /ming tsam du yang mthong bar 'gyur/ /zhes bya ba la/ de gsum dang ldan na drod dang rtse mo'i tshe na chos thams cad ming tsam du mthong bar 'gyur te/tshig tsam brjod pa tsam tha snyad tsam rnam par rtog pa tsam du zad par mthong ba'i chos rnams kyi rang bzhin yod pa ma yin par mthong ngo zhes bya ba'i don to/ /ming tsam du ni mthong ba ste/ /zhes bya ba la/ de'i 'og tu bzod pa'i dus na chos thams cad sems tsam du mthong ste/mig gi phung po bzhi tsam du zad kyi de las ma gtogs pa'i gzugs la sogs pa'i chos gang yang ma mthong bas na ming tsam du mthong ba zhes bya ste/ gzung ba rnams de'i tshe spangs pa'i phyir ro/ /de mthong de yang mthong mi 'gyur/ / zhes bya ba la/ de nas 'jig rten gyi chos mchog gi dus na bzod pa'i tshe ming tsam du mthong ba de yang ma mthong ste/ sems tsam du yod par 'dzin pa yang de'i tshe spangs pa'i phyir te/ gzung ba med pa yang yod par mi rigs par khong du chud pa'i phyir ro/ /de ltar gzung 'dzin gnyis spangs nas sa dang po'i tshe gzung ba dang 'dzin pa gnyis mi dmigs pa'i dmigs su med pa'i ye shes la gnas pa nyid rnam par grol ba yin te/rnam par grol ba'i rnam grangs gzhan yang bstan pa'i phyir/ sems 'di gnas ngan len dang bcas/ /bdag tu lta ba'i zhags pas zin/ /'jug par 'gyur te ldog pa ni//de ni nang du gnas par 'dod/ /ces bya ba smos te/ sems 'di gnas ngan len dang bcas pas na 'jug par 'gyur te zhes bya ba dang sbyar ro/ /de la sems kyi sgras ni kun gzhi rnam par shes pa la sogs pa sems dang sems las byung ba'i chos la bya'o/ /gnas ngan len dang bcas pa zhes bya ba la gnas ngan len rnam pa gnyis te/lus kyi gnas ngan len dang / sems kyi gnas ngan len to/ /de la lus kyi gnas ngan len ni srog gcod pa dang / ma byin par len pa la sogs pa'o/ /sems kyi gnas ngan len ni chags sems dang / gnod sems dang /yod med du rtog pa la sogs pa'o/ /yang na gnas ngan len rnam pa gnyis te/ nyon mongs pa'i sgrib pa'i bag chags dang / shes bya'i sgrib pa'i bag chags so/ /bcas zhes bya ba ni bag chags de gnyis dang ldan zhing 'brel bas zhes bya ba'i don to/ /bdag tu lta ba'i zhags pas zin//zhes bya bas gnas ngan len gyi rgyu bstan te/ bdag tu lta ba ni gang zag la bdag tu lta ba dang / chos la bdag tu lta ba'o/ /ci tsam ci tsam gang zag la bdag yod pa dang / chos la bdag yod pa phyin ci log tu bltas pa de tsam du sems la nyon mongs pa'i sgrib pa dang shes bya'i sgrib pa'i bag chags kyi gnas ngan len sogs par 'gyur ro//ji srid du gnas ngan len gnyis dang ma bral ba de srid du 'khor bar 'jug par 'gyur te/ rgyun du 'khor bar skye bar 'gyur te zhes bya ba'i don to/ /'khor ba las log ste 'khor bar mi skye ba ni rnam par grol ba zhes bya'o/ /ji ltar 'khor ba las ldog par 'gyur zhe na/da ni nam sems nang du gnas par gyur pa na 'khor ba las ldog par 'dod do/ /sems nang du gnas pa yang gzung ba dang 'dzin pa gnyis su rtogs pa spangs nas gnyis su med pa'i sems tsam la sems gnas te gzung ba yang mi dmigs 'dzin pa yang mi dmigs par 'gyur ba na rnam par grol ba yin par 'dod de/de ni sa dang po'i dus na'o/ /dngos po med 'dod yongs su tshol ba la tshigs su bcad pa gnyis so zhes bya ba la/ mdo sde de dag gi nang nas chos thams cad ni dngos po med pa dang / rang bzhin gyis mya ngan las 'das pa zhes bshad de/ji ltar dngos po med pa dang / /rang bzhin gyis mya ngan las 'das pa yin par brtags pa la yongs su tshol ba zhes bya'o/ /de la chos rnam pa gsum ste/ kun brtags dang / gzhan dbang dang / yongs su grub pa'o/ /gzhan gyi dbang gi chos la ni skye ba dang 'jig pa dang gnas pa ste/'du byed kyi mtshan nyid gsum yod par rang bzhin med pas na dngos po med pa zhes bya'o/ /kun brtags kyi chos ni ji ltar gzung ba bzhin du med pas na rang bzhin med pa zhes bya ste/ de brtag pa la tshigs su bcad pa gnyis kyis bstan to zhes bya ba'i don to/ / rang dang rang gi bdag nyid med/ /bdag gi dngos la mi gnas phyir/ /zhes bya ba la/ rang zhes bya ba'i don ni rang nyid dngos po med pa'i phyir ngo bo nyid med pa zhes bya ste/ ci'i phyir zhe na/ gzhan gyi dbang gi chos rnams skye ba'i tshe rgyu dang rkyen gzhan gyis bskyed par zad kyi rang nyid kyis rang nyid bskyed par mi nus pa'i phyir te/'dis ni skye ba rang bzhin med par bstan to/ /yang na chos rnams ni ma 'ongs pa'i dus na med pa las byung ba la skye ba zhes bya ba las mu stegs pa grangs can rnams kyi gtso bo zhes bya ba yod pa las chos rnams skye zhe'am/ sa bon la myu gu yod bzhin du rgyu rkyen gyis bskyed do zhes rang nyid kyi dngos po yod pas skye ba med pa'i phyir ngo bo nyid med pa zhes bya'o//rang gi bdag nyid du dngos po med pa'i phyir ngo bo nyid med pa zhes bya ste/ ci'i phyir zhe na/ dngos po rnams 'gags te zhes pa rnams slar yang bzlas nas sngon gyi rang bzhin du skye ba med pa'i phyir te/'dis ni zhig pa rang bzhin med pa bstan to/ /yang na mu stegs pa grangs can pa rnams kyis zhig pa rnams kyang thams cad nas thams cad du med par song ba ma yin gyi mngon par gnas so zhes smras pa ltar gnas pa'i rang bzhin med pas na ngo bo nyid med pa zhes bya'o/ /bdag gi dngos po la mi gnas pa'i phyir/ngo bo nyid med pa zhes bya ste/ ci'i phyir zhe na/ da ltar gyi chos skyes pa rnams kyang skad cig ma yin pas skad cig ma skyes ma thag tu 'gag go/ /skad cig ma gnyis dang gsum la sogs par mi gnas pa'i phyir te/ 'dis ni gnas pa rang bzhin med par bstan to//yang na mu stegs pa grangs can pa rnams kyis/ chos rnams skye nas tha gi zang gcig tu gnas te/ 'gog go zhes btags pa zhes yod pa ma yin pas na rang bzhin med pa zhes bya'o/ /'dzin pa bzhin du de med par/ /ngo bo nyid ni med par 'dod/ /ces bya ba la/ ji ltar byis pa so so'i skye bo rnams kyis rtag pa dang /bde ba dang / bdag dang / gtsang ba dang bdag zhe'am/ gzhan zhe'am/ gzugs she'am/ sgra zhes kun du brtags te/ gzung ba'i chos kun brtags kyi mtshan nyid la ji ltar rtag pa la sogs pa lta bu gzung ba ste/ de ltar rang bzhin yod pa ma yin pas na ngo bo nyid med pa zhes bya'o//de ltar skye ba rang bzhin med pa dang / /zhi ba rang bzhin med pa dang / /gnas pa rang bzhin med pa dang / /ji ltar gzung ba rang bzhin med pas na chos thams cad rang bzhin med par 'dod do zhes bya ba'i don to/ /rang bzhin rnam pa gsum po 'di dag ni 'dus byas kyi mtshan nyid rnam pa gsum dang ldan par rig par bya'o zhes bya ba la/rang nyid dngos po med pa dang / /rang gi bdag nyid du dngos po med pa dang / /bdag gi dngos po la mi gnas pa gsum po 'di dag ni 'dus byas kyi mtshan nyid rnam pa gsum dang ldan te/ da rang nyid dngos po med pas skye ba rang bzhin med par bstan pas rang gi bdag nyid du dngos po med pa med pas ni 'jig pa rang bzhin med pa bstan/bdag gi dngos po la mi gnas pas ni gnas pa rang bzhin med pa bstan to zhes bya ba'i don to/ /'dzin pa bzhin du de med pa'i phyir ngo bo nyid med pa ste/ de med pas ni rang bzhin med pa'o zhes bya ba la//so so'i skye bo rnams kyis gtsang ba dang rtag pa la sogs brtags pa bzhin du bde ba dang gtsang ba'i rang bzhin med pa'i phyir ngo bo nyid med pa zhes bya ste/ 'di'i skabs su yang bde ba dang gtsang bar kun du brtags pa'i kun brtags kyi mtshan nyid med pa nyid rang bzhin med pa zhes bya'o/ /de ltar dngos po med pa'i don du bstan nas/rang bzhin gyis mya ngan las 'das pa'i don bstan pa'i phyir/ rang bzhin med pas grub pa ni/ /gong nas gong du brten pa yis/ /skye med 'gog med thog ma nas/ /zhi dang rang bzhin mya ngan 'das/ /chos rnams zhes bya ba smos te/ chos rnams kyi rang bzhin med par gyur pas na skye ba med pas na rang bzhin gyis mya ngan las 'das par grub ste/de'ang ci ltar grub ce na snga ma snga ma la brten nas/ phyi ma phyi ma 'grub pa'o/ /'di la rang bzhin med pa la brten nas skye ba med par 'grub bo/ /skye ba med pa la brten nas 'gag pa med pa 'grub bo/ /de gnyis la brten nas thog ma nas zhi ba 'grub bo//thog ma nas zhi ba la'ang brten nas/ rang bzhin gyis mya ngan las 'das par 'grub bo/ /de la rang gi ngo bo med pa dang / rang gi bdag nyid du dngos po med pa dang / bdag gi dngos po la mi gnas pa dang / 'dzin pa bzhin du med pas na rang bzhin med pa ste/de ltar rang bzhin med pa'i chos ni nam mkha' lta bu yin pa'i phyir de la skye ba med do/ /skye ba med pa la 'jig pa med pas ni 'gag pa med do/ /gang skye ba dang 'gag par kun du brtags pa'i chos de nyid la thog ma nas zhi ba zhes bya'o/ /'di ltar skye ba dang 'jig pas dkrugs shing sog le rnon pos dras pa'i 'du byed rnams la ni 'phags pa rnams skyo bar mdzad kyi skye ba dang 'gag pa spongs pa'i bdud rtsi'i dbyings la ni 'phags pa rnams dgyes par mdzad pa'i phyir ro//gang thog ma nas zhi ba'i chos de nyid la rang bzhin gyis mya ngan las 'das pa zhes kyang de la bya ste/de nyid la yongs su grub pa'i mtshan nyid ces bya ba'i don to/ /yongs su grub pa'i mtshan nyid de rang bzhin gyis ye nas gnas kyi lam bsgoms pas bskyed pa ma yin pas na rang bzhin gyis mya ngan las 'das pa zhes bya'o/ /mi skye ba'i chos kyi bzod pa yongs su tshol ba las brtsams te tshigs su bcad pa'o zhes bya ba la/mdo sde de dang de dag gi nang nas mi skye ba'i chos la bzod pa thob pa'o zhes gsungs pa la/ mi skye ba'i chos la bzod pa thob pa'i mtshan nyid ji lta bur yin pa brtag par bya ba'i phyir tshigs su bcad pa rtsom mo zhes bya ba'i don to/ /thog ma de nyid gzhan rang mtshan//rang dang gzhan du gyur pa dang / /kun nas nyon mongs bye brag rnams/ /mi skye chos la bzod par gsungs/ /zhes bya ba la/ skye ba med pa'i chos brgyad la/ /bzod pa ni mi skye ba'i chos la bzod pa zhes bya bar gsungs te/ brgyad po gang zhe na/ thog ma skye ba med pa dang / de nyid skye ba med pa dang / gzhan skye ba med pa dang / rang gi mtshan nyid skye ba med pa dang / rang skye ba med pa dang / gzhan du 'gyur ba skye ba med pa dang / kun nas nyon mongs pa skye ba med pa dang / bye brag tu skye ba med pa'o/ /thog ma ni 'khor ba ste de la thog ma skye ba med do zhes bya ba la la la dag/ 'khor ba la thog ma yod par rtog ste 'khor ba la thog ma yod par brtags pa'i 'khor ba la thog mar skye ba med par mthong ba ni mi skye ba'i chos la bzod pa zhes bya'o/ /de'ang 'di skad 'khor ba ni ma rig pa la sogs pa yan lag bcu gnyis gcig gis gcig bskyed pas na thog ma med pa dbang phyug dang tshangs pa la sogs pa gang gis kyang 'khor ba'i thog ma bskyed pa med do zhes bzod na mi skye ba'i chos la bzod pa thob pa zhes bya'o//de nyid dang gzhan ni snga ma dang phyi ma la zhes bya ba la sngar skyes pa de ni slar mi skye la/ phyi ma grags ba'i skye ba rnams kyang ji ltar grags pa'i chos la gzhan mi skye zhes bya ba'i don to//de nyid mi skye ba'i don rgyas par bshad pa'i phyir/ gang sngar skyes pa'i chos de dag skye ba med de de'i dngos por mi skye ba'i phyir ro zhes bya ba smos te/ 'khor ba na gang sngar skyes nas 'gags zin pa'i chos de dag slar yang mi skye ste/ ci'i phyir zhe na/ 'gag pa'i chos ni med pa yin pas med pa ste/slar yod pa'i dngos por mi skye ba'i phyir te/ ji ltar bzod pa yang mi skye ba'i chos la bzod pa zhes bya ba'i don to/ /gzhan mi skye ba'i don rgyas par bshad pa'i phyir gzhan dag kyang ma yin te/ snga ma med pa'i rnam par mi skye ba'i phyir ro zhes smos te/ 'khor ba na phyis skye ba'i chos rnams kyang gzhan yang skye ba ma yin te/ ci'i phyir zhe na/ ji ltar grags pa'i chos phung po dang khams dang skye mched la sogs pa nyid skye bar zad kyi/ sngon med pa'i sems can gsar du 'byung ba med pa'i phyir te/ de ltar bzod pa yang mi skye ba'i chos la bzod pa bya ba'i don to//rang gi mtshan nyid ni kun du brtags pa'i rang bzhin gyis te/ de la nam yang skye ba med do zhes bya ba la/ rang gi mtshan nyid ni mi skye ba ni kun du brtags pa'i rang bzhin rnams la skye ba med pa'i phyir te/ ci'i phyir zhe na/ gang zag dang chos su brtags pa thams cad ni ri bong gi rwa bzhin du thams cad nas thams cad du med na de nam yang skye ba dang 'byung ba med pa'i phyir te/de ltar bzod pa yang mi skye ba'i chos la bzod pa zhes bya'o zhes bya ba'i don to/ /rang nyid mi skye ba ni gzhan gyi dbang gi'o zhes bya ba la/ rang nyid mi skye ba na gzhan gyi dbang gi mtshan nyid de/ ci'i phyir zhe na/gzhan gyi dbang gi chos rnams ni/ /rgyu dang rkyen gyi mthu las skyes pa'i rang nyid skye bar mi rung ba'i phyir te/ de ltar bzod pa yang mi skye ba'i chos la bzod pa zhes bya ba'i don to/ /gzhan du 'gyur ba ni yongs su grub pa ste/ de ni gzhan du 'gyur ba skye ba med do zhes bya ba la/ gzhan du 'gyur ba skye ba med pa ni yongs su grub pa'i mtshan nyid de/ci'i phyir zhe na/ yongs su grub pa ni nam mkha' bzhin du rtag cing ro gcig pa yin pas de la nams kyang gzhan nas gzhan du 'gyur ba med pa'i phyir te/ de ltar bzod pa yang mi skye ba'i chos la bzod pa yin no zhes pa'i don to//nyon mongs pa spangs pa'i zab pa'i ye shes thob pa rnams la kun nas nyon mongs pa skye bar mi mthong zhes bya ba la/ kun nas nyon mongs pa skye ba med pa ni 'di ltar 'phags pa dgra bcom pa la sogs pa mthong ba dang / bsgom pas spang bar bya ba'i nyon mongs pa spangs nas zad pa'i ye shes thob pa rnams phyis sems kyi rgyud la kun nas nyon mongs pa skye bar mi mthong ste/'phags pa de dag kun nas nyon mongs pa skye bar mi mthong ba yang mi skye ba'i chos la bzod pa'o zhes bya ba'i don to/ /bye brag ni sangs rgyas kyi chos kyi sku rnams te/ bdag la bye brag tu skye ba med do zhes bya ba la/bye brag tu skye ba med pa ni sangs rgyas bcom ldan 'das rnams kyi chos kyi sku yin te/ sangs rgyas thams cad kyi chos kyi sku ni rang bzhin gcig pa yin la/ sangs rgyas kha cig ni chos kyi sku ci 'dra bar skyes kha cig ni ci 'dra bar skye ba lta bur mi mthun par skye ba med pa'i phyir te/ de ltar bzod pa yang mi skye ba'i chos la bzod pa zhes bya ba'i don to/ /theg pa gcig yongs su tshol ba la yang tshigs su bcad pa bdun no zhes bya ba la/ mdo sde kha cig las ni theg pa gcig tu bshad de gsum du med do zhes bshad do/ /mdo sde kha cig las ni gsum mo zhes bshad pa ni ci la dgongs she na/gsung rab la sde rnam pa gnyis te/ bkri ba'i don gyi mdo sde dang / /nges pa'i don gyi mdo sde'o/ /de la theg pa gcig go zhes bshad pa ni sems can gyi don du dgongs pa'i dbang gis gsungs pas ni bkri ba'i don zhes bya ba la/ theg pa gsum du gsungs pa ni nges pa'i don yin te/theg pa gsum yod pa las theg pa gcig tu bshad pa/ ci las dgongs te bshad pa'i dgongs pa brtags pa'i phyir tshigs su bcad pa bdun rtsom mo zhes bya ba'i don to/ /chos dang bdag med grol ba mtshungs/ /tha dad rigs dang bsam gnyis thob/ /sprul pa dang ni mthar thug phyir//theg pa gcig pa nyid yin no/ /zhes bya ba la/ theg pa gcig tu bshad pa'i dgongs pa ni chos mtshungs pa dang / bdag med pa mtshungs pa dang / grol ba mtshungs pa dang / rigs tha dad pa theg pa mtshungs pa dang / bsam pa gnyis thob pa dang / sprul pa'i phyir/ dang mthar thug pa'i phyir/ don rnam pa bdun la dgongs nas theg pa gcig nyid yin no zhes gsungs so/ /chos mtshungs pa'i phyir theg pa gcig ste/ nyan thos la sogs pa'i chos kyi dbyings dang tha mi dad pa'i phyir zhes bya ba la/ chos mtshungs pa'i phyir theg pa gcig tu gsungs te/ ji lta zhe na/'di ltar nyan thos la sogs pa'i chos kyi dbyings dang / rang sangs rgyas la sogs pa'i chos kyi dbyings dang / de bzhin gshegs pa'i chos kyi dbyings su tha mi dad de nam mkha' bzhin no/ /ji ltar nam mkha' la tha dad pa rnam pa sna tshogs su med pa ltar nyan thos la sogs pa'i chos kyi dbyings la yang tha dad pa med de/rang bzhin gcig pas na theg pa gcig pa zhes bya'o/ /chos kyi dbyings la ci'i phyir theg pa zhes bya zhe na/ de'i phyir bgrod pa nyid theg pa yin pa'i phyir zhes smos te/ 'dir chos kyi dbyings la theg pa chen po zhes gzhag pa ni/ bgrod par bya ba shes par bya ba'i yul chos kyi dbyings nyid theg pa yin te/'di ltar chos kyi dbyings khong du chud cing rtogs na nyan thos dang rang sangs rgyas dang de bzhin gshegs pa'i chos rnams 'byung bar 'gyur bas na chos kyi dbyings la theg par gzhag go/ /bdag med pa mtshungs pa'i phyir theg pa gcig ste/ nyan thos la sogs pa dang bdag med par mtshungs pa'i phyir zhes bya ba la/bdag med par mtshungs pa ni theg pa gcig tu bshad do/ /ji lta zhe na/ ji ltar nyan thos la sogs pa 'gro ba po'i gang zag la bdag med pa ltar sangs rgyas bcom ldan 'das gshegs pa po yang bdag med de/ 'gro ba po'i gang zag bdag med par 'gro bas na de la dgongs nas theg pa gcig go zhes gsungs pa'i don to//gang zag la ci'i phyir theg pa zhes btags she na/ de'i phyir bgrod par byed pa de ni theg pa yin pa'i phyir ro zhes bya ba smos te/ 'dir gang zag la theg par btags pa'i rnam par grol ba'i gnas te/gang zag der bgrod par byed/ des phyin par byed pas na gang zag la theg pa zhes btags te/ 'gro ba po gang zag kun la yang bdag med par 'dra ba'i phyir theg pa gcig ces bshad do zhes bya ba'i don to/ /rnam par grol ba mtshungs pa'i phyir theg pa/ gcig pa nyid ni zhes bya ba la/ /rnam par grol ba mtshungs pa la dgongs nas theg pa gcig tu gsungs te/ ci'i phyir zhe na/ nyan thos kyi rnam par grol ba dang rang sangs rgyas kyi rnam par grol ba dang / sangs rgyas kyi rnam par grol ba tha dad pa med pa'i phyir te/ mdo sde dag las kyang /rnam par grol ba dang / rnam par grol ba dag la mi 'dra ba med do zhes gsungs so/ /rnam par grol ba ci'i phyir theg pa zhes bya zhe na/ de'i phyir bgrod pa gcig pa yin pa'i phyir ro zhes smos te/ theg pa'i mtshan nyid kyang gang gis bgrod par byed pa'i rgyu yang theg pa zhes bya/ gang du bgrod par byed pa'i gnas la yang theg pa zhes bya ba las rnam par grol ba'i gnas bgrod par bya ba'i gnas dang /thob par bya ba'i chos yin pas na de la theg pa zhes bya'o/ /rigs tha dad pa theg pa mtshungs pa ni nyan thos kyi rigs ma nges pa rnams theg pa chen po 'byung ba'i phyir zhes bya ba la/rigs tha dad pa dag theg pa gcig gi sgo nas sangs rgyas par 'gyur bas lam gcig pas na theg pa gcig tu bshad de/ ji ltar byang chub sems dpa'i rigs nges pa dang / byang chub sems dpa'i rigs ma nges pa dag theg pa chen po la zhugs nas 'tshang rgya ba 'thob pa bzhin du/nyan thos kyi rigs ma nges pa rnams sngon nyan thos kyi spyad pa spyod pa las sangs rgyas sam/ byang chub sems dpa'i dge ba'i bshes gnyen dang phrad nas nyan thos kyi spyod pa btang ste/ theg pa chen po'i chos spyad nas sangs rgyas par 'gyur te/ theg pa chen po nyid kyi lam gyis byang chub pas na de las dgongs te/theg pa gcig tu gsungs so zhes bya ba'i don to/ /rigs pa ci'i phyir theg pa zhes bya zhe na/ de'i phyir/ 'dis bgrod pa ni theg pa yin pa'i phyir zhes smos te/ rigs 'di ni byang chub tu sems bskyed cing byang chub sems dpa'i spyod pa la spyad nas sangs rgyas par byed pas na rigs la theg par btags/bsam pa gnyis thob pa theg pa gcig pa ni zhes bya ba la/ bsam pa gnyis thob pas na theg pa gcig tu gsungs te/ bsam pa gnyis thob pa ni de bzhin gshegs pa'i dgongs pas brnyes pa dang / nyan thos kyi bsam pa rnyed pa'o sangs rgyas kyis sems can thams cad la bdag nyid du bsam pa thob pa dang zhes bya ba la 'di ltar sa dang po'i dus na byang chub sems dpa' gang zag dang chos la bdag med pa khong du chud pas bdag dang sems can gnyis su mnyam pa nyid kyi bsam pa rnyed do//mnyam pa nyid kyi bsam pa de sa gnyis nas sa bcu'i bar du bsgoms pas sangs rgyas kyi sa'i dus na rnam par dag pa ste/bdag gang yin pas sems can gzhan yang de yin/ sems can gzhan yin pa bdag kyang de yin no zhes sems can dang bdag tu rang bzhin gcig pa'i dgongs pa brnyes pas na theg pa gcig tu bshad do zhes bya ba'i don to//nyan thos dag gi rigs su nges pa rnams sngon byang chub sems dpa'i tshogs la spyad pa rnams kyang sangs rgyas kyi bsam par 'gyur te zhes bya ba la/ nyan thos de yi rigs su nges/ /zhes bya ba ni/ nyan thos nyid ni rigs nges pa'o//nyan thos kyi rigs su nges pa rnams sngon byang chub sems dpa'i spyad pa spyod pa las nyan thos kyi rigs nges pa yod pas na byang chub sems dpa'i spyod pa btang nas nyan thos kyi theg par zhugs te nyan thos kyi mya ngan las 'das par mya ngan las 'das so/ /de dag la de bzhin gshegs pas sangs rgyas kyi dgongs pa la sbyar bar mdzad de/de ltar mdzad pas na de bzhin gshegs pa rnams kyis sngon bdag gis byang chub sems dpa'i spyod pa spyad pas sangs rgyas so zhes dgongs pa bzhin du nyan thos de dag kyang bdag cag sngon byang chub sems dpa'i spyad pa spyod pas 'tshang rgya bar 'gyur ro zhes sangs rgyas kyi bsam pa 'thob par 'gyur te/de la dgongs nas kyang theg pa gcig tu gsungs so zhes bya ba'i don to/ /rgyu gang gis sangs rgyas kyi bsam pa thob ce na/ de'i phyir sangs rgyas kyi mthus zhes bya ba smos te/ sangs rgyas kyi bsam pa thob pa yang de bzhin gshegs pa'i byin gyi rlabs kyi rgyus thob bo zhes bya ba'i don to//bsam pa ji tsam zhig thob ce na/ de'i phyir/ de bzhin gshegs pas rjes su gzung ba'i bye brag gi phyogs thob pa'i phyir zhes bya ba smos te/ de bzhin gshegs pa la mnga' ba'i/ de bzhin gshegs pa dang ldan pa'i dgongs pa'i khyad par la de bzhin gshegs pas gzung ba'i bye brag ces bya ste/nyan thos de dag gis sangs rgyas kyi bsam pa rnyed pa yang thang cig gcig rnyed kyi gtan du bsam pa de dang mi ldan pas na phyogs tsam thob pa zhes bya'o/ /rnam pa ji lta bus thob pas sangs rgyas kyi bsam pa thob pa ni/de'i phyir/ rgyud tha dad pa ma yin pas thob pa'i phyir ro zhes bya ba smos te/ nyan thos dang byang chub sems dpa'i spyad pa spyod pa dang / sangs rgyas gnyis su sngon byang chub sems dpa'i spyad pa spyod pas 'tshang rgya bar 'gyur ro snyam du sems pa'i sems kyi rgyud tha dad pa ma yin pa thob pa'i phyir/sangs rgyas kyi bsam pa'i phyogs tsam zhig thob bo zhes bya ba'i don to/ /de ltar gcig pa'i bsam pa thob pas sangs rgyas dang nyan thos rnams gcig pa'i phyir theg pa gcig go zhes bya ba la gong du bshad pa ltar na/ sangs rgyas rnams kyang sems can dang bdag tu mnyam pa'i bsam pa thob/nyan thos rnams kyang sangs rgyas kyi dgongs pa dang mthun pa'i bsam pa thob pas/ de la dgongs nas theg pa gcig tu bshad do zhes bya ba'i don to/ /sprul pa'i phyir yang theg pa gcig pa ni 'di lta ste/ nga ni lan brgya phrag du mar nyan thos kyi theg pas yongs su mya ngan las 'das so zhes gsungs pa ste/'dul ba rnams kyi don du de bzhin du sprul pa bstan pa'i phyir ro zhes bya ba la/ sprul pa'i phyir yang theg pa gcig tu bshad de/ ji lta zhe na/ ji ltar nyan thos rnams rang gi theg pas mya ngan las 'das pa de bzhin du de bzhin gshegs pa'i sprul pas kyang nyan thos kyi theg pa la zhugs nas yongs su mya ngan las 'das par bstan te/nyan thos dang sprul pa gnyis nyan thos kyi theg pas mya ngan las 'das par theg pa gcig pas na theg pa gcig tu bshad do zhes bya ba'i don to/ /de'i phyir mdo sde de dang de dag las kyang ni lan brgya stong du mar nyan thos kyi theg par yongs su mya ngan las 'das so zhes gsungs te/de'ang de bzhin gshegs pa nyid nyan thos kyi theg pas yongs su mya ngan las 'das pa ni ma yin gyi de bzhin gshegs pa'i sprul pa'i nyan thos kyi theg par mya ngan las 'das par bstan na/ 'dul bar 'gyur ba'i sems can rnams kyi don du sprul pas mya ngan las 'das par bstan to//mthar thug pa'i phyir theg pa gcig pa ni phan chad bgrod par bya ba med par ni theg pa gcig yin pa'i phyir/ sangs rgyas nyid theg pa gcig go zhes bya ba la/ mthar thug pa'i phyir theg pa gcig tu bshad de mthar thug pa zhes bya ba dang /mchog tu gyur pa zhes bya ba dang / phul du phyin pa zhes bya ba dag don gcig ste/ dper na 'jig rten na yang gang dpa' ba dang mdzangs pa phul du phyin pa rnams la mi 'di gcig pur zad kyi mi gzhan med de zhes smra ba ltar/ rgyu'i chos theg pa chen po nyid kyang theg pa gzhan la khyad zhugs te/phul du phyin pa dang 'bras bu'i chos sangs rgyas su gyur pa nyid sangs rgyas thob pa yang phul du phyin pa yin te/ sangs rgyas phyin chad de las lhag par bgrod cing thob par bya ba'i chos khyad par can gzhan med pas na sangs rgyas nyid la theg pa zhes btags te/mchog tu phyin pa ni de gcig pur zad pa'i theg pa chen po gcig tu bshad do zhes bya ba'i don to/ /de ltar mdo sde de dang de la dgongs pa de dang des theg pa gcig tu rig par bya ste/ theg pa gsum med pa ni ma yin no zhes bya ba la/ gong du bshad pa ltar na theg pa gsum yod mod kyi lang kar gshegs pa la sogs pa'i mdo sde de dang de dag gi nang nas theg pa gcig tu zad de/gsum du med do zhes bshad pa las yang chos gcig las dgongs pa de dang de dag la dgongs nas theg pa gcig tu bshad par rig par bya ste/ nges pa'i don du na theg pa gsum med pa ni ma yin no zhes bya ba'i don to//ci'i phyir dgongs pa de dang des theg pa gcig tu sangs rgyas bshad ce na zhes bya ba la/ de ltar theg pa gsum yod kyang dgongs pa rnam pa bdun po de dang de dag la dgongs nas theg pa gcig tu bshad pa la don dang dgongs pa ci yod ces bya ba'i don to/ / kha cig dag ni drang ba'i phyir/ /gzhan dag kyang ni gzung ba'i phyir/ /ma nges pa la sangs rgyas kyis/ /theg pa gcig tu bstan pa yin/ /zhes bya ba la/ ma nges pa'i rigs can rnams kyi don du dgongs nas sangs rgyas kyis theg pa gcig go zhes gsungs te/ma nges pa'i rigs can ni nyan thos kyi rigs ma nges pa dang / rang sangs rgyas kyi rigs ma nges pa dang / byang chub sems dpa'i rigs ma nges pa'o/ /nyan thos dang rang sangs rgyas kyi rigs ma nges pa dag theg pa chen po'i spyod pa la btsud nas sangs rgyas par bya ba'i phyir yang theg pa gcig tu bshad pa dang /byang chub sems dpa'i rigs ma nges pa dag 'khor ba na phan btags kyang gnod par byed pa'i sems can dang / gnod par ma byas kyang gnod par byed pa dang / dgos pa med par yang gnod pa byed pa dag mthong nas 'khor bar skyo ste/ nyan thos kyi mya ngan las 'das par 'jug par 'dod pa rnams nyan thos kyi mya ngan las 'das par mi btang zhing gzung bar bya ba'i phyir theg pa gcig tu bshad do zhes bya ba'i don to//theg pa gcig tu bshad pas ji ltar drang zhing gzung bar 'gyur zhe na/ ji ltar theg pa ni gcig par zad do zhes bshad pa dang de dag 'di snyam du sems te/mthar bskor na yang theg pa chen po nyid kyis mya ngan las 'das par 'gyur bas/ dang por nyan thos kyi theg par spyad de nas theg pa chen po la spyad de/ gnyis las spyad pas ci zhig byas dang po nyid nas theg pa chen po la 'jug par bya'o snyam du sems shing theg pa chen po la dang po nas spyod par byed pa nas de'i phyir theg pa chen po gcig tu bshad do//nyan thos kyi rigs ma nges pa zhes smos pa la/ gal te nyan thos kyi rigs ma nges pa yin na ji ltar na nges par 'gyur zhe na/ lan du de dag ni nyan thos nyid ma yin gyi gzhan du na rigs ma nges pa yin te/ sngon nyan thos kyi spyod pa la spyad pas nyan thos kyi rigs zhes bya bar zad do//de bzhin du byang chub sems dpa'i rigs ma nges pa'i tshul yang de dang 'dra bar blta bar bya'o/ /ci'i phyir zhe na/ nyan thos kyi rigs ma nges pa de dag dang po nas theg pa chen po'i spyod pa la spyod du 'jug ste sangs rgyas dang byang chub sems dpa' rnams kyis byang chub sems dpa'i spyod pa la ma bzhag par btang snyoms su bkod ce na/lan du gnas skabs nges pa la ltos nas btang snyoms su bzhag ste/ de dag sngar nyan thos kyi spyod pa ma spyad par theg pa chen po'i spyod pa la dgod du mi rung bas na de'i phyir btang snyoms su bkod pa lta bur blta'o//gong du nyan thos kyi rigs ma nges pa rnams drang ba'i phyir theg pa gcig tu bshad do zhes glengs pa las/ nyan thos kyi rigs ma nges pa theg pa chen por 'jug pa phyi nang du yod pa bstan pa'i phyir/ nyan thos ma nges rnam gnyis te/ /theg pa'i don mthong ma mthong ba'o//zhes smos te/ nyan thos rigs ma nges pa theg pa chen po'i sgor zhugs nas mngon par 'tshang rgya bar 'gyur ba rnam pa gnyis te/ theg pa'i don mthong ba dang / theg pa'i don ma mthong ba'o/ /de la theg pa zhes bya ba ni bden pa bzhi la bya ste/ bden pa bzhi mthong ba ni theg pa'i don mthong ba zhes bya'o//de'ang gang zhe na/ rgyun du zhugs pa dang / lan cig phyir 'ong ba dang / phyir mi 'ong ba'i gang zag go/ /theg pa'i don ma mthong ba ni bden pa bzhi ma mthong ba ste/ so so'i skye bo dang / mos pa spyod pa'i gang zag rnams so/ /nyan thos rigs ma nges pa'i theg pa'i don mthong ba la phyen rnam pa du yod pa bstan pa'i phyir/don mthong 'dod chags bral ba dang / /'dod chags ma bral gnyis gzhan la/ /zhes bya ba smos te/ theg pa'i don mthong ba la yang rnam pa gnyis yod de/ 'dod pa'i 'dod chags dang bral ba dang 'dod pa'i 'dod chags dang ma bral ba'o//de la 'dod pa'i 'dod chags dang bral ba ni/ 'dod pa'i khams kyi 'dod chags dang mthong ba dang bsgom pas spang bar bya ba'i nyon mongs pa ma lus par spong ba ste/ 'phags pa phyir mi 'ong ba rnams te/ 'dod pa'i 'dod chags dang ma bral ba ni 'dod pa'i khams kyis mthong bas spang bar bya ba'i nyon mongs pa ni spangs kyi bsgom pas spang bar bya ba'i nyon mongs pa rnams ni ma spangs te/'phags pa rgyun du zhugs pa dang / lan cig phyir 'ong ba rnams so/ /'dod chags dang bral ba dang ma bral ba gnyis kyang dbang po rtul po dang /dus ring po zhig gis mya ngan las 'das pa thob par 'gyur bas na zhan pa zhes bya'o/ /theg pa chen pos nges 'byung yin/ /zhes bya ba la/ nyan thos rigs ma nges pa theg pa'i don mthong ba dang / ma mthong ba gnyis theg pa chen po'i spyod pa spyad nas mngon par 'tshang rgya bar 'gyur ba ni theg pa chen po 'byung ba zhes bya'o//nyan thos don mthong ba theg pa chen pos 'byung ba yang khams gsum du skyes la/ sems can don byas nas gdod theg pa chen por 'byung bas na ji ltar khams gsum du skye ba bstan pa'i phyir/ de gnyis 'phags pa'i lam thob nas/ / srid par yongs su bsngo ba'i phyir/ /bsam gyis mi khyab 'gyur ba yi/ /skye ba dang ni ldan pa'o/ /zhes smos te/ bden pa'i don mthong ba 'dod chags dang bral ba dang ma bral ba de gnyis 'khor bar skye bar yang sngon 'phags pa'i lam bsgoms shing khong du chud cing 'thob pa ste/ 'khor bar skye ba'i rgyur gyur cig ces bsngos nas 'khor bar skye ba'i phyir de dag 'khor ba gcig nas gcig tu skye ba ni bsam gyis mi khyab par 'gyur ba'i skye ba dang ldan pa zhes bya'o//smras pa 'phags pa'i lam ni 'khor ba la zhe sdang ba ste/ 'khor bar rgyab kyis lta ba yin na/ 'phags pa'i lam nyid 'khor bar skyes nas 'khor bar ji ltar 'gyur zhe na/de ni bden te 'phags pa'i lam 'ba' zhig gis 'khor bar skye bar mi 'gyur gyi/ 'dod pa'i 'dod chags dang bral ba phyir mi 'ong ba rnams la yang gzugs dang gzugs med pa'i khams kyi nyon mongs pa ma spangs pa lhag ma yod pa dang 'dod pa'i 'dod chags dang ma bral ba rgyun du zhugs pa dang lan cig phyir 'ong ba la yang 'dod pa'i khams kyi bsgom pas spang bar bya ba'i nyon mongs pa ma spangs pa dang khams gnyis kyi nyon mongs pa ma spangs pa yod pas nyon mongs pa de dag 'phags pa'i lam 'khor bar skyes par bsngos pa'i mthus phul nas nyon mongs pas rgyu byas te/'khor bar skye bar 'gyur te/ de yang 'di ltar bsngos pa bzhin skyes te/ sangs rgyas bcom ldan 'das rnams kyis nyan thos kyi rigs ma nges pa 'dod pa'i 'dod chags dang bral ba dang ma bral ba rnams la/ ji ltar lhag mthong gtsor bsgoms shing mya ngan las 'das pa dang rjes su mthun pa'i lam ni gtong du btsud la/'khor ba las mngon du lta ba'i snying rje chen po bsgoms pa'i lam la sbyor bar mdzad do/ /de la snying rje chen po'i lam bsgoms pas 'khor ba la zhe sdang zhing mya ngan las 'das pa la mngon du bltas pas lhag mthong gi lam 'dul bar byed la/'khor ba la mngon du lta bar byed de/ yang nas yang du 'khor ba yongs su 'dzin pa ni srid par yongs su bsngos pas zhes bya'o/ /de ltar snying rje chen po'i dbang gis 'khor bar skye ba'i phyir/ de dag gi skye ba ni bsam gyis mi khyab par gzhag go//bsam gyis mi khyab pa skye ba'i phyir de'i 'phags pa'i lam 'gyur bas na zhes bya ba la/ 'phags pa de dag gi skye ba bsam gyis mi khyab par bshad pa yang las dang nyon mongs pa'i dbang gis skye ba ni ma yin gyi 'phags pa'i lam nyid 'khor bar skye ba'i rgyur gyur pa na de dag gi skye ba bsam gyis mi khyab par 'gyur ro zhes bya ba'i don to//de ltar 'dod pa'i 'dod chags dang bral ba dang ma bral ba gnyis 'khor bar skye ba bsam gyis mi khyab pa'i mtshan nyid yin par bshad nas/ da ni 'dod pa'i 'dod chags dang ma bral ba'i sems can gyi don du 'khor bar ji ltar skye ba bstan pa'i phyir/gcig ni smon lam dbang dag gis/ /skye bar kyang ni rab tu 'gyur/ /zhes bya ba smos te/ gcig ces bya ba'i sgras 'dod pa'i 'dod chags dang ma bral bar rgyun du zhugs pa dang lan cig phyir 'ong ba la bya ste/ de dag 'khor bar ji ltar skye zhe na/ smon lam gyi dbang gis skye ste/ de yang 'di ltar khams gsum gyi sems can sdug bsngal ba mthong nas gang dang gang du sems can gyi don bya bar 'dod par mthong ba de bzhin de dag tu skye bar gyur cig ces smon lam btab pa dang / smon lam gyi dbang gis de dang de dag tu skye bar 'gyur te/ skyes nas sems can la phan pa dang / bde bar byas te/bsod nams dang ye shes kyi tshogs bsags nas 'tshang rgya bar 'gyur ro zhes bya ba'i don to/ /'dod pa'i 'dod chags dang bral ba 'khor bar ji ltar skye ba bstan pa'i phyir/ cig shos phyir mi 'ong ba ni/ /rnal 'byor gyi ni sprul pas sgrub/ /ces bya ba smos te/ cig shos zhes bya ba ni 'dod pa'i 'dod chags dang bral ba la bya ste/de dag ni rang nyid 'khor bar mi skye ba'i ting nge 'dzin bsgoms nas ting nge 'dzin gyi sprul pas sprul te/ sprul pa 'khor bar skyes nas sems can gyi don bsgrubs nas bsod nams dang ye shes kyi tshogs bsags nas mngon par 'tshang rgya bar byed do zhes bya ba'i don to//'dod bzhin skye ba 'dzin to zhes bya ba la/ las dang nyon mongs pas skye ba ni ma yin gyi smon lam gyi dbang gis skye zhes bya ba'i don to/ /gong du 'dod pa'i 'dod chags dang bral ba dang ma bral ba gnyis zhan pa'o zhes bshad pa la/ ji ltar de gnyis zhan pa bstan pa'i phyir/mya ngan las 'das pa la dga' ba'i phyir/ de gnyis rmongs pa zhugs par dgongs/ /zhes bya ba smos te/ don mthong ba'i gang zag de gnyis kyang / nyan thos kyi spyod pa 'khor ba la skyo ba dang / mya ngan las 'das pa la mngon sum du lta ba la dga' bas na/shes rab rtul ba dang dus ring por bla na med pa'i byang chub 'tshang rgya bar rmongs par zhugs pa yin no zhes bya ba'i don to/ /ji ltar mya ngan las 'das pa la dga' zhe na/ de'i phyir/ phyi phyir bdag gi sems la ni/ /kun du spyod pa sbyor bas so/ /zhes bya ba smos te/ bdag gi sems ni nyon mongs pa dang nyan thos kyi sems so//phyi phyir zhes bya ba ni yang nas yang du zhes bya ba'i don to/ /don mthong ba'i nyan thos de dag yang nas yang du nyan thos kyi sems nyon mongs pa dang / 'khor bas skyo ba dang / mya ngan las 'das pa la mngon par dga' ba yang nas yang du 'byung zhing de la kun du spyod cing sbyor la sems can gyi don mi byed pas mya ngan las 'das pa la mngon du dga' ba zhes bya ste/de ltar gyur dang dang po nyan thos kyi theg pa la yang bshad/ de nas bskal pa grangs med pa gsum du theg pa chen por zhugs nas 'tshang rgya bas yun ring por 'tshang rgya ba'i phyir zhan pa zhes bya'o//nyan thos rigs ma nges pa rnam pa gnyis las don mthong ba dang ma mthong ba rnam pa gnyis su bshad do/ /don mthong ba la yang rnam pa gnyis te/ 'dod pa'i 'dod chags dang bral ba dang / ma bral ba rnam pa gnyis su phye ba las de gnyis 'khor bar skyes te/sems can gyi don byas nas bsod nams dang ye shes kyi tshogs bsags te/ ji ltar mngon par 'tshang rgya bar 'gyur ba ni bshad zin to/ /da ni rigs ma nges pa theg pa chen po'i don ma mthong ba ste/ de ji ltar mngon par 'tshang rgya bar bstan pa'i phyir/ gang phyir don ma byas pa de//sangs rgyas med 'byung bsam gtan don/ /brtson zhing sprul pa sprul don du/ /de la brten nas byang chub thob/ /ces bya ba smos so/ /'di ltar 'dod pa'i khams kyi 'dod chags dang yang ma bral/ bden pa yang ma mthong ba'i nyan thos kyi rigs ma nges pa de dag ni don ma byas pa ste/so so'i skye bo'am/ mos pa spyod pa'i sa la gnas pa rnams so/ /don ma byas pa de dag 'dod pa'i khams nas shi 'phos nas 'dod pa'i khams kyi lha tshe ring po'i nang du skye'o/ /de ltar lha tshe ring po'i nang du 'dug 'dug pa las/ nam 'jig chen na ston pa sangs rgyas dang /de'i bstan pa la chos rnams nub ste med par gyur pa dang / slar 'dod pa'i khams su skye bar byed do/ /'dod pa'i khams su skyes nas/ gzugs kyi khams kyi bsam gtan thob par bya ba'i phyir brtson zhing 'bad par byed do/ /de'ang ci'i phyir bsam gtan la brtson zhe na/sprul pa sprul pa/ 'dod pa'i don du bsam gtan la brtson par byed do/ /des sprul pa sprul nas/ sprul pa de la brten nas de sprul pas khams gsum du sems can gyi don byas nas bsod nams dang ye shes kyi tshogs bskangs te/ mjug tu mngon par 'tshang rgya bar byed do zhes bya ba'i don to//'di'i don zhes bya ba nyan thos kyi rigs ma nges pa ni bden pa'i don ma mthong ba'i gang zag 'di zhes bya ba'i don to/ /slob par gyur nas zhes bya ba ni so so'i skye bo'am/ mos pa spyod pa'i sa pa na de bzhin gshegs pa'i nyan thos su gyur nas shi 'phos te/ 'dod pa'i khams kyi lha tshe ring po'i nang du skyes so zhes bya ba'i don to//sangs rgyas med pa'i dus na skyes te zhes bya ba ni lha tshe ring po'i nang nas kyang 'dod pa'i khams nas de bzhin gshegs pa mi bzhugs pa'i tshe skyes nas zhes bya ba'i don to/ /bsam gtan gyi don las brtson zhing sprul pa 'dod de/sprul pa de dag la brten nas rim gyis byang chub mchog thob po zhes bya ba la/ 'dod pa'i khams su skyes nas kyang / /gzugs kyi khams kyi bsam gtan thob par bya ba'i phyir brtson zhing 'bad par byed do/ /bsam gtan la yang ci'i phyir brtson zhing sprul pa 'dod pa'i phyir brtson par byed de/de bsam gtan gyis sprul pa sprul nas/ sprul pas rdzu 'phrul sna tshogs kyis 'dod pa'i khams skyed par byed do/ /de'i don ni 'di lta ste/ don ma byas pa'i nyan thos rigs ma nges pa rnams lha tshe ring po'i nang nas 'dod pa'i khams su skyes pa na yul la sems mngon par mi dga' ba dang /gsung goms pa'i stobs kyis slob dpon med par 'phags pa'i lam mngon sum du byed do/ /de nas bsam gtan bsgrubs nas bsam gtan gyi sprul pa bkye ste/ sprul pas bsod nams dang ye shes kyi tshogs rdzogs par byed de/de ni rang sangs rgyas kyi dus so/ /de nas mjug tu rim gyis bla na med pa'i byang chub 'thob ste/ des ni sangs rgyas kyi dus so/ /gnas de gsum la dgongs nas zhes bya ba ni nyan thos kyi gnas dang / rang sangs rgyas kyi gnas dang / sangs rgyas kyi gnas gsum la dgongs pa zhes bya ba'i don to//bcom ldan 'das kyis dpal gyi phreng ba'i mdo las me'i dpes zhes bya ba la de ltar gnas de gsum la dgongs nas bcom ldan 'das kyis kyang dang por me lci ba la mched do/ /de nas yul 'khor la mched do zhes gsungs pa'i dpes nyan thos su gyur nas rang sangs rgyas su 'gyur ro//rang sangs rgyas su gyur nas sangs rgyas su gyur to zhes gsungs te/ de'ang 'dod pa'i 'dod chags dang ma bral bden pa ma mthong ba ste/ 'dod pa'i khams kyi lha tshe ring po'i nang du skyes kyi bar du ni nyan thos su 'gyur ba zhes bya'o/ /de nas lha tshe ring po nas shi 'phos te sangs rgyas med pa'i dus su byung ba la bsam gtan gyis sprul pa bsgrubs te bsod nams dang ye shes kyi tshogs bsags pa na ni rang sangs rgyas su 'gyur ba zhes bya'o//de nas mjug tu byang chub mchog thob ba ni sangs rgyas su 'gyur ba zhes bya'o/ /tshe'i lus btang nas sprul pa'i lus 'dzin pa zhes bya ba la/de bsam gtan gyi mtshan nyid rdzu 'phrul gyi rkang pa bzhi bsgoms pa yang bdag gi tshe 'di srid cig tu gnas par gyur cig ces ni byin gyis mi rlob kyi bdag gi bsam gtan 'di'i mthus sprul pa grub par gyur cig ces sprul pa sgrub par byed pas na sprul pa'i lus yongs su 'dzin pa zhes bya'o//rig pa'i gnas yongs su tshol ba tshigs su bcad pa zhes bya ba la/ yul zhes bya ba ni don gcig ste/ shes par bya ba'i yul gang dang gang yin pa brtag pa la tshigs su bcad pa gcig gis bstan to zhes bya ba'i don to//rig pa'i gnas thams cad la mkhas par ma byas na thams cad mkhyen pa mi 'thob pas na/ de'i phyir rig pa'i gnas btsal lo/ /de yang rig pa'i gnas la grangs du yod pa dang / don gang gi phyir btsal ba ste/ rnam pa gnyis so/ /don gang gi phyir btsal ba la yang rnam pa gnyis te/bye brag med pa'i don thams cad mkhyen pa'i ye shes thob par bya ba'i phyir btsal ba dang / bye brag tu na gzhan tshar gcad pa dang / gzhan rjes su gzung ba dang / bdag nyid shes par bya ba'i phyir btsal lo/ /rig pa'i gnas lnga dag la brtson par ma byas na/ / 'phags pa'i dam pa thams cad mkhyen pa ga la thob/ /ces bya ba la/ rig pa'i gnas ni lnga ste/ nang rig pa dang / rgyu rig pa dang / sgra rig pa dang / gso ba rig pa dang / bzo'i las kyi gnas rig pa'o/ /de la de bzhin gshegs pa'i gsung rab yan lag bcu gnyis la mkhas pa ni nang rig pa zhes bya'o//mngon sum dang rjes su dpag pa tshad mas ni zin pa'i tar ka'i gzhung la mkhas pa ni rgyu rig pa zhes bya'o/ /sgra'i gtsug lag bya ka ra Na la mkhas pa ni sgra rig pa zhes bya'o/ /rlung dang bad kan la sogs pa nad gso ba'i gtsug lag la mkhas pa ni gso ba rig pa zhes bya'o//glu dang gar dang spos la sogs pa'i gtsug lag la mkhas pa ni bzo'i las kyi gnas rig pa zhes bya'o/ /rig pa'i gnas lnga po dag la nyan pa dang / bsam pa la sogs pa'i sgo nas shes pa dang rtog par ma byas par byang chub sems dpa' rnams kyis thams cad mkhyen pa'i ye shes ga la thob ste/de bas na bye brag med pa thams cad mkhyen pa'i ye shes thob par bya ba'i phyir rig pa'i gnas lnga la brtson par byed do zhes bya ba'i don to/ /de la 'phags pa'i nyan thos dang rang sangs rgyas te/ de dag la sogs mchog tu gyur pas 'phags pa dam pa'i byang chub sems dpa'o//ji ltar yod pa ma lus pa dang / phyin ci ma log par shes pa ni thams cad mkhyen pa zhes bya'o/ /de ltar gzhan dag tshar gcad pa dang rjes su gzung ba'i phyir/ bdag nyid shes bya'i phyir ni de la brtson byed ces bya ba la/bye brag tu rgyu rig pa dang / sgra rig pa la byang chub sems dpa' brtson par byed do/ /ci'i phyir zhe na/ mu stegs rgyu rig pa'i gtsug lag shes par rlom pa dang / sgra rig pa'i gtsug lag shes par rlom pa de dag tshar gcad par bya ba'i phyir brtson par byed do/ /gso ba rig pa dang / bzo'i las kyi gnas rig pa la byang chub sems dpa' brtson par byed de/ ci'i phyir zhe na/ nad kyis btab pa'i nad zhi bar 'dod pa rnams dang / bzo slob par 'dod cing longs spyod 'dod pa rnams la rjes su bzung zhing phan gdags pa'i phyir brtson par byed do/ /nang rig pa la byang chub sems dpa' brtson par byed de/ci'i phyir zhe na/ bdag nyid 'phags pa'i lam de kho na nyid kyi mtshan nyid gang yin pa phyin ci ma log par shes par bya ba'i phyir brtson par byed do/ /de dag ces bya ba ni rig pa'i gnas lnga po de dag ces bya ba'i don to/ /gang gi phyir zhes bya ba ni 'bras bu gang gi phyir rig pa'i gnas lnga la brtson par byed pa de bstan to zhes bya ba'i don to//rgyu rig pa dang sgra rig pa tshol ba ni gzhan de la ma mos pa dag tshar bcad pa'i phyir ro zhes bya ba la rgyu rig pa byang chub sems dpa' tshol bar byed de/ 'di ltar legs par smras pa dang / nyes par smras pa rnams kyi don phyin ci ma log par shes par bya ba dang /rgyu rig pa'i gtsug lag shes pas rnam pa'i mu stegs pa dag tshar bcad pa dang bstan pa 'di la ma dad pa rnams dad pa bskyed pa dang / dad pa bskyed pa rnams dad pa phyir zhing 'phel bar bya ba'i phyir brtson par byed do/ /sgra rig pa byang chub sems dpa' tshol bar byed de/bdag nyid saM skr-i ta'i skad la mkhas pa'i sgo nas bdag la mkhas pa gzhan dag yid ches par bya ba dang / sgra'i gtsug lag shes par rlom pa'i mu stegs pa dag tshar gcad par bya ba dang / don gcig la nges pa'i tshig mang po bstan cing bshad pa'i chos tha snyad la mkhas par bya ba'i phyir tshol bar byed do zhes bya ba'i don to//gso ba rig pa dang / bzo'i las kyi gnas rig pa ni gzhan de 'dod pa dag rjes su gzung ba'i phyir zhes bya ba la/ gso ba rig pa byang chub sems dpa' tshol bar byed do/ /ci'i phyir zhe na/ nad dang nad kyi gleng gzhi dang nad med pa dang nad med pa'i thabs shes par bya ba dang /sems can gyi nad rnam pa sna tshogs zhi bar bya ba'i phyir tshol bar byed do/ /bzo'i las kyi gnas rig pa byang chub sems dpa' tshol bar byed de/ ci'i phyir zhe na/ tshegs chung ngu sha thang ba med par longs spyod bsgrub par bya ba dang /longs spyod dang ldan zhing bzo'i gnas la mkhas pas 'jig rten pa rnams kyis bdag la bkur bar bya ba dang / longs spyod kyi sgo nas 'jig rten pa rnams la phan par bya ba'i phyir tshol bar byed do/ /nang rig pa ni bdag nyid shes par byed do zhes bya ba la/ nang rig pa byang chub sems dpa' tshol bar byed de/ci'i phyir zhe na/ bdag nyid kyis 'phags pa'i lam dang / de kho na phyin ci ma log par shes pas nyon mongs pa spang bar bya ba dang / byas pa chud zos pa dang / ma byas pa 'ong ba med pa phyin ci ma log par shes par bya ba dang / gzhan la'ang mngon par rgya cher bstan pa'i phyir tshol bar byed do//khams rgyas pa btsal ba la tshigs su bcad pa gsum ste zhes bya ba la/ bla na med pa'i rigs la byang chub tu 'tshang rgya ba'i rigs dang / sa bon nam/ pha rol tu phyin pa drug gi rigs dang / sa bon la khams zhes bya ste/ khams de dag ji ltar rgyas shing brtas par 'gyur ba bstan pa la tshigs su bcad pa bcu gsum gyis bstan to zhes bya ba'i don to//pha rol tu phyin pa rnams yongs su bskang ba'i phyir/ pha rol tu phyin pa rnams dang ldan pa'i yid la byed pa gang yin pa de nyid khams rgyas par 'gyur ro zhes bya ba la/ji ltar na pha rol tu phyin pa'i khams rgyas par 'gyur zhe na/ pha rol tu phyin pa drug yongs su rdzogs par bya ba'i phyir pha rol tu phyin pa drug dang ldan par yid la byed pa logs nas 'byung ba rnams ltar yid la byas na de nyid kyis pha rol tu phyin pa'i khams dang / sa bon rgyas shing brtas par 'gyur ro zhes bya ba'i don to/ /de ni tshigs su bcad pa 'di dag gis bstan pa zhes bya ba la/ pha rol tu phyin pa'i khams rgyas par 'gyur ba yid la byed pa yang tshigs su bcad pa bcu gsum gyis bstan to zhes bya ba'i don to/ /rgyu dmigs nas ni dga' ba dang / / gnas la de yi rjes dran dang / /'bras bu thun mong 'dod pa dang / /ji ltar byang chub mos pa'o/ /zhes bya ba la/ rgyu dmigs nas dga' ba yid la byed pa dang / gnas la de'i rjes su dran pa yid la byed pa dang / 'bras bu'i thun mong 'dod pa yid la byed pa dang / ji ltar byang chub tu mos pa yid la byed pa ste/de ltar yid la byed pa nas pha rol tu phyin pa rnams kyi khams rgyas par 'gyur ro zhes bya ba'i don to/ /de yang rgyu rtogs pas dga' ba yid la byed pa nas/ bdag mchog tu 'dzin pa yid la byed pa'i bar du ste zhes bya ba la/ pha rol tu phyin pa'i khams rgyas par 'gyur ba'i yid la byed pa yang /rgyu rtogs pas dga' ba yid la byed pa nas brtsams te/ bdag tu mchog tu 'dzin pa yid la byed pa 'jug pa'i gnas 'byung ba'i bar dag ltar yid la byas nas pha rol tu phyin pa'i khams rgyas par 'gyur ro zhes bya ba'i don to/ /rigs la gnas pa'i byang chub sems dpa' dang por bdag nyid pha rol tu phyin pa rnams kyi rigs su mthong nas rgyu rtogs pa'i dga' bas pha rol tu phyin pa'i khams rgyas par byed do zhes bya ba la/bla na med pa'i byang chub tu 'tshang rgya ba'i rigs dang / sa bon nam pha rol tu phyin pa'i rigs dang / sa bon dang ldan pa'i byang chub sems dpa' des dang por bdag nyid la mngon par 'tshang rgya ba'i skal ba yod dam med pa dang /pha rol tu phyin pa drug gi rigs dang / sa bon yod dam med ces brtags na rigs dang sa bon yod par mthong ngo / /de ltar rgyu yod par mthong nas/ yang nas yang du dga' ba skyes te/ de ni rgyu dmigs nas dga' ba yid la byed pa zhes bya'o//de ltar rgyu yod par rtogs shing rgyu yod par mthong nas dga' ba skyes nas kyang pha rol tu phyin pa'i khams rgyas par byed do zhes bya ba'i don to/ /rigs la gnas nas bla na med pa yang dag par rdzogs pa'i byang chub tu sems bskyed pas de bas na de'i 'og tu gnas pa de'i rjes su dran pa yid la byed pa'o zhes bya ba la/bla na med pa'i byang chub tu 'tshang rgya ba'i sa bon dang / pha rol tu phyin pa drug gi sa bon yod par mthong ba ni rigs la gnas pa zhes bya'o/ /sa bon dang rigs yod par mthong nas de'i 'og tu bdag dang gzhan gyi phyir byang chub kyi sems skyed par byed do//byang chub tu sems bskyed pa ni gnas la rjes su dran pas yid la byed pa zhes bya ste/ rjes su dran pa'i sgra ni dran pa dang shes rab gnyis la bya'o/ /de la dran pas ni gong du bshad ma thag pa'i rigs yod pa ma brjed/ shes rab kyis ni byang chub du sems bskyed pa mthong ngo //de yang thabs ji ltar nyid la byed ce na/ de'i phyir byang chub sems dpa' de bdag la pha rol tu phyin pa rnams kyi gnas su gyur pa ni zhes bya ba la sogs pa smos te/ byang chub tu sems bskyed pa byang chub sems dpa' de 'di snyam du sems te byang chub kyi sems kyi gnas ni rigs yin la/pha rol tu phyin pa rnams kyi gnas dang rten ni byang chub kyi sems yin par mthong nas yang 'di snyam du yid la byed pa de pha rol tu phyin pa'i gnas su gyur pa byang chub kyi sems bdag gis bskyed de bdag la yod pas na gdon mi za bar bdag gis pha rol tu phyin pa 'di dag rgyas shing brtas pa dang /rdzogs par 'gyur ro snyam du yid la byed do/ /yid la byed pa des kyang khams rgyas par 'gyur ro zhes bya ba'i don du sems bskyed nas pha rol tu phyin pa drug po rnams bdag dang pha rol gyi don du sbyor bas/ 'bras bu mtshungs par 'dod pa yid la byed pa ste zhes bya ba la/ rigs la gnas pas byang chub tu sems bskyed nas pha rol tu phyin pa drug la spyod cing spyod par byed de/ de'ang gang gi don du sbyor bar byed ce na bdag dang pha rol gyi don du sbyor bar byed do/ /ji ltar bdag dang pha rol gyi don du sbyor bar byed pa ni 'bras bu mtshungs par 'dod pa yid la byed pa zhes bya ste/des kyang pha rol tu phyin pa'i khams rgyas par 'gyur ro zhes bya ba'i don to/ /'bras bu mtshungs par 'dod pa ji ltar yid la byed ce na/ de'i phyir/ pha rol tu phyin pa 'di dag gzhan dang thun mong du gyur cig /gzhan du ma gyur cig ces mngon par 'du byed do zhes bya ba smos te/bdag gis pha rol tu phyin pa drug po 'di dag spyad pa dang / pha rol tu phyin pa drug po spyad pa'i 'bras bu longs spyod chen po la sogs pa yang sems can dang bdag thun mong du spyod par gyur cig /gzhan du bdag 'ba' zhig spyod par ma gyur cig ces sems la sems shing mngon par 'du byed do//de bas na 'bras bu mtshungs par 'dod pa'i yid la byed par 'dod pa zhes bya'o/ /bdag gang gzhan gyi don la rab tu zhugs nas/ nyon mongs pa med pa'i thabs de kho na nyid kyi don rtag tu rtogs par bya ba'i phyir/ de'i 'og tu ji ltar byang chub la mos pa yid la byed pa ste zhes bya ba la/bdag dang gzhan gyi don du pha rol tu phyin pa drug la zhugs pas kyang nyon mongs pas bcings nas bdag dang gzhan gyi don spyod mi nus pas de bas na nyon mongs pa med par 'gyur ba'i thabs de kho na'i don rtag tu rtogs par bya dgos so/ /ji ltar na de kho na'i don rtag tu rtogs par bya zhe na/ji ltar pha rol tu phyin pa spyad pa rnams bla na med pa'i byang chub du bsngos te/ de thob par bya ba'i phyir mos pa yid la byas nas de rtogs par 'gyur ro/ /de bas na de'i 'og tu ji ltar byang chub la mos pa yid la byed pa ni bshad de/ yid la byed pa des kyang pha rol tu phyin pa'i khams rgyas par byed do zhes bya ba'i don to//de bzhin du thams cad rim bzhin du shes par byed do zhes bya ba la/ ji ltar gong du rigs la gnas pas byang chub du sems bskyed par bya'o zhes bshad do/ /byang chub tu sems bskyed nas bdag dang gzhan gyi don du pha rol tu phyin pa drug sbyor zhing 'bras bu thun mong du 'dod par yid la bya'o zhes bshad do//bdag dang gzhan gyi don la zhugs pas kyang de'i 'og tu kun nas nyon mongs pa med pa'i thabs de kho na rtogs par bya ba'i phyir byang chub la mos pa yid la bya'o zhes bshad de/ rim pa de ltar bshad pa bzhin du yid la byed pa 'og nas 'byung ba thams cad la yang 'di'i 'og tu 'di bshad par rigs zhes sngar bshad pa bzhin du rim par sbyor bar bya'o zhes bya ba'i don to//ji ltar byang chub la mos pa yid la byed pa don rgyas par bstan pa'i phyir/ ji ltar sangs rgyas bcom ldan 'das kyis pha rol tu phyin pa mngon par sangs rgyas pa zhes bya ba la sogs pa smos so//ji ltar 'das pa'i de bzhin gshegs pa rnams kyis pha rol tu phyin pa drug spyad nas bla na med pa'i byang chub tu mngon par sangs rgyas par 'gyur ba dang zhes bya ba'i don to/ /mngon par sangs rgyas par 'gyur ba dang zhes bya ba ni ji ltar da ltar gyi sangs rgyas bcom ldan 'das kyis pha rol tu phyin pa drug spyad nas bla na med pa'i byang chub du mngon par sangs rgyas pa dang zhes bya ba'i don to//mngon par sangs rgyas par 'byung ba zhes bya ba ni ji ltar ma 'ongs pa'i de bzhin gshegs pa rnams kyis pha rol tu phyin pa drug spyad nas bla na med pa'i byang chub tu mngon par 'tshang rgya bar 'gyur ro zhes bya ba'i don to//de ltar bdag kyang mos so zhes mngon par 'du byed pa'i phyir ro zhes bya ba la/ ji ltar dus gsum gyi de bzhin gshegs pas pha rol tu phyin pa drug spyad nas mngon par sangs rgyas pa de bzhin du bdag gis kyang pha rol tu phyin pa drug spyod pas mngon par sangs rgyas par gyur cig ces bsngo zhing sems la mngon par 'du byed de/de ni ji ltar byang chub la mos pa yid la byed pa zhes bya'o/ /rnam pa bzhi pa'i mthu 'di yis/ /bdag dang mi skyo nges pa des/ /mi mthun dang ni gnyen po la/ / sgrub pa dag ni rnam bzhi'o/ /zhes bya ba la/ gzhan yang mthu'i dga' ba yid la byed pa dang / bdag dang sems can smin par bya ba la nges par mi skyo ba yid la bya ba mi mthun pa dang gnyen po sgrub pa yid la byed pa rnam pa bzhi ste/ yid la byed pa de dag gis kyang pha rol tu phyin pa'i khams rgyas par byed do zhes bya ba'i don to//gong du bdag dang gzhan gyi don la zhugs pas kun nas nyon mongs pa med par bya ba'i thabs de kho na nyid kyi don rtogs par bya ba'i phyir byang chub tu mos par bya'o zhes bshad do/ /de la byang chub tu mos pa'i rjes la mthu'i dga' ba yid la byed pa'i skabs bshad cing 'brel bas na/de ltar kun nas nyon mongs pa med kyang mthu dang mi ldan na ni bdag dang gzhan gyi don sgrub mi nus kyi mthu dang ldan na gdod sgrub nus pas na byang chub la mos pa'i 'og tu mthu'i dga' ba yid la byed pa bstan par 'brel to/ / de la pha rol tu phyin pa drug spyod pa'i dus na bdag la mthu rnam pa bzhi yod par mthong nas dga' ba ni mthu'i dga' ba yid la byed pa zhes bya ste mthu rnam pa bzhi ni 'og nas 'byung ngo / /de ltar mthu dang ldan na bdag sangs rgyas kyi chos yongs su smin par bya ba dang / sems can yongs su smin pa la skyo ba med de/de bas na de'i 'og tu nges par mi skyo ba'i yid la byed pa bshad do/ /de ltar skyo ba med na bla na med pa'i byang chub thob par bya ba'i phyir/ pha rol tu phyin pa'i mi mthun pa'i phyogs ser sna la sogs pa spang ba dang / gnyen po sbyin pa la sogs pa sgrub pa yid la byed pa rnam pa bzhi yid la byed do//de bas na nges par mi skyo ba yid la byed pa'i rjes la mi mthun pa dang / gnyen po sgrub pa yid la byed pa bzhi bstan to/ /mthu rnam pa bzhi bstan pas dga' bas na/ mthu'i dga' ba yid la byed pa dang zhes bya ba la pha rol tu phyin pa drug po spyod pa'i tshe/bdag nyid la mthu rnam pa bzhi yod par mthong nas dga' ba ni mthu'i dga' ba yid la byed pa zhes bya'o zhes bya ba'i don to/ /mthu rnam pa bzhi ni mi mthun pa'i phyogs spangs pa dang zhes bya ba la pha rol tu phyin pa drug gi mi mthun pa'i phyogs ni ser sna dang / ngan pa'i ngang tshul dang / khong khro ba la sogs pa ste/ sbyin pas ni ser sna sel nus par mthong / tshul khrims kyis ni ngan pa'i ngang tshul gyi dri ma sel nus par mthong / bzod pas ni khong khro ba sel nus par mthong / brtson 'grus kyis ni le lo sel nus par mthong / bsam gtan gyis ni sems g.yeng ba sel nus par mthong /shes rab kyis ni rtag pa dang chad par 'dzin pa la sogs 'chal ba'i shes rab sel nus par mthong ste/ 'di ni mthu rnam pa gcig go/ /tshogs smin pa dang zhes bya ba la/ pha rol tu phyin pa drug spyod pa ni bsod nams dang ye shes kyi tshogs bsags shing smin par mthong ste/ji lta zhe na/ sbyin pa dang / tshul khrims dang / bzod pa dang gsum spyad pas ni bsod nams kyi tshogs sogs par mthong / bsam gtan dang shes rab gnyis spyad pas ni ye shes kyi tshogs sogs par mthong / brtson 'grus spyad pas ni gnyis ka'i tshogs bsags pa mthong ba ste/'di ni mthu rnam pa gnyis so/ /bdag dang pha rol la phan btags pa dang zhes bya ba la sogs pa pha rol tu phyin pa drug spyod pa na/ bdag dang gzhan la phan 'dogs par mthong ste/ ji lta zhe na/ nam sbyin pa gtong ba'i dus na/ sbyin pa btang bar dga' ba dang / sbyin pa btang ba dang /btang nas 'gyod pa med de/ dus gsum du yang dga' bas ni bdag la phan btags so/ /bza' ba dang bgo ba la sogs pa'i zang zing gis phan btags te phongs pa med par byas pas ni gzhan la phan btags so/ /tshul khrims kyi pha rol tu phyin pa la yang ngan pa'i ngang tshul gyis ma byin par len pa dang /mi tshangs par spyod pa la sogs pa'i rgyu las byung ba'i brdeg pa dang bcing ba la sogs pa med par gyur pas bdag la phan btags so/ /gzhan gyi srog dang nor dang chung ma la gnod pa ma byas pas gzhan la phan btags so/ /bzod pa'i pha rol tu phyin pa la yang bzod pa la gnas na zhe sdang gi mes sems ma dkrugs pas na sems bde ba'o//sems bde na sems kyi rjes su lus 'brang ba'i phyir lus kyang bde bas bdag la phan btags so/ /gnod pa byed pa la lan ma byas pas gzhan la phan btags so/ /brtson 'grus la nyan pa dang /bsam pa la sogs pa'i brtson 'grus spyad pas tshe 'dir dge ba rgyun du 'phel ba'i phyir bdag la phan btags so/ /sems can rnams kyi las su bya ba rnams kyi grogs byas pas gzhan la phan btags so/ /bsam gtan la yang rtog pa dang dpyod pa'i ting nge 'dzin la gnas pa nyon mongs pa zhi bar byed pa'i phyir bdag la phan btags so//bsam gtan gyi mthus lo nyes dang nad la sogs pa zhi bar byed pas gzhan la phan btags so/ /shes rab kyis kyang shes bya'i chos thams cad ji lta ba bzhin du shes te sems kyi rgyud la ma rig pa'i mun pa bsal bas na bdag la phan btags so//shes rab kyi chos phyin ci ma log par bshad cing sems can gyi the tshom bsal nas gzhan la phan btags te/ 'di ni mthu rnam pa gsum pa'o/ /ma 'ongs pa'i tshe rnam par smin pa'i 'bras bu dang rgyu 'dra ba'i 'bras bu smin pa'o zhes bya ba la pha rol tu phyin pa drug la spyad na/sbyin pa'i pha rol tu phyin pa la spyad pas na ma 'ongs pa na longs spyod chen por 'gyur/ tshul khrims kyis ni lha dang mi'i lus thob par 'gyur/ bzod pas ni 'khor g.yog phun sum tshogs par 'gyur/ brtson 'grus kyis ni las kyi mtha' thams cad 'grub par 'gyur/bsam gtan gyis ni nad med par 'gyur/ shes rab kyis ni rig pa'i gnas thams cad la mkhas par 'gyur te/ 'di ni rnam par smin pa'i 'bras bu'o/ /tshe rabs gang dang gang du skyes par smin par byed pa la dga' bas na shes rab sgrub pa la dga' bas ni rgyu 'dra ba'i 'bras bu ste/'di ni mthu rnam pa bzhi pa'o/ /nges par mi skyo ba yid la byed pa ni/ sems can thams cad dang bdag sangs rgyas kyi chos sbyin pa las brtsams nas zhes bya ba la/ bsdu ba'i dngos pos sems can yongs su smin par bya ba dang /dge ba'i bshes gnyen la bsten nas dam pa'i chos nyan pa dang / bsam pa la sogs pa'i sgo nas bdag nyid sangs rgyas kyi chos yongs su smin par byas pa las brtsams te/ sems la skyo ba med pa ni nges par mi skyo ba yid la byed pa zhes bya'o/ /ci'i phyir nges par mi skyo ba yid la byed ce na/de'i phyir/ sems can gyi log par spyod pa thams cad dang / sdug bsngal thams cad byung yang nges par mi skyo bar mngon par byed pa'i phyir ro zhes smos te/ sems can yongs su smin par byed pas na/ yang sems can la phan btags pa dag gnod par byed pa dang /nyes pa med par yang nyes par byed la/ sems can gyi log par spyod pa thams cad kyis skyo ba med cing sems can mi gtong ba dang / bdag nyid sangs rgyas kyi mos pa yongs su smin par bya ba'i phyir dge ba'i bshes gnyen las dam pa'i chos nyan pa dang / sems pa la sogs pa byed pa'i tshe na phyi'i gnod pa grang ba dang /tsha ba la sogs pa byung ba dang / nang gi gnod pa bkres pa dang / skom pa la sogs pa byung yang mnyan pa la sogs pa mi btang ngo snyam du sems la mngon par 'du byed pas ni nges par mi skyo ba yid la byed pa zhes bya'o/ /byang chub mchog thob par bya ba'i phyir mi mthun pa dang /gnyen po sgrub pa yid la byed pa rnam pa bzhi ste zhes bya ba la/ bla na med pa'i byang chub thob par bya ba'i phyir sbyin pa'i mi mthun pa ser sna nas/ shes rab kyi mi mthun pa 'chal ba'i shes rab kyi bar spangs pa dang / gnyen po sbyin pa nas shes rab kyi bar dag sgrub par yid la bya ba rnam pa bzhi yod do zhes bya ba'i don to//sbyin pa la sogs pa mi mthun pa ser sna la sogs pa bshags pa dang zhes bya ba la/ sbyin pa'i mi mthun pa'i phyogs ser sna nas shes rab kyi mi mthun pa'i phyogs 'chal ba'i shes rab kyi bar dag ni sdig pa mi dge ba'i chos zhes bya ste/de dag byung na yang so sor bshags par bya'o zhes bya ba'i don to/ /gnyen po sbyin pa la sogs pa la rjes su yi rang zhes bya ba la ser sna la sogs pa'i gnyen po ni sbyin pa nas shes rab kyi bar du ste/ de dag bdag dang gzhan gyi don spyad pa mthong nas dga' zhing mos pa skyes pa ni rjes su yi rang bar byed pa zhes bya'o//de'i ched kyis chos bstan pa'i phyir sangs rgyas rnams la gsol ba gdab pa dang zhes bya ba la/ pha rol tu phyin pa drug gi dbang du byas nas bshad pa'i chos ni de'i ched kyi chos zhes bya ste/ pha rol tu phyin pa drug gi chos mnyan cing bshad pa'i phyir/ de bzhin gshegs pa chos kyi 'khor lo bskor bar gsol ba 'debs pa ni sangs rgyas rnams la gsol ba gdab pa zhes bya'o zhes bya ba'i don to//de dag kyang byang chub tu bsngo ba zhes bya ba la/ sdig pa bshags pa dang / rjes su yi rang bar bya ba'am/ gsol ba gdab pa dag gis bla na med pa'i byang chub thob par gyur cig ces bsngo ba ni de dag kyang byang chub tu bsngo ba zhes bya ste/tshig de rnams kyang mdo sde dag las sdig pa thams cad slar bshags pa dang / dge ba thams cad la rjes su yi rang ba dang / sangs rgyas thams cad la gsol ba 'debs pa dang / bdag bla na med pa'i byang chub tu sangs rgyas par shog shig ces gsungs pa'i tshigs bcad dang rim pa bzhin du sbyar ro/ /dang ba yang dag blangs pa dang / /sbyin sred dag ni gzhan dag la/ /go cha smon lam dang ba ni/ /mngon par dga' ba yid la byed/ /ces bya ba la/ gzhan la dbang ba yid la byed pa dang / yang dag par blang ba yid la byed pa dang / gzhan dag la sbyin pa sred pa yid la byed pa dang / go cha yid la byed pa dang / smon lam yid la byed pa dang / mngon par dga' ba yid la byed pa ste/ yid la byed pa de dag gis kyang pha rol tu phyin pa'i khams rgyas par byed do zhes bya ba'i don to//dad pa'i mthu las brtsams nas pha rol tu phyin pa'i ched kyi don la dang bar yid la byed pa'o zhes bya ba la/ pha rol tu phyin pa la rgyur gyur pa la ni chos zhes bya'o/ /pha rol tu phyin pa drug gi 'bras bu la ni don zhes bya'o/ /yang na pha rol tu phyin pa drug 'chad pa la ni chos zhes bya'o//des mtshon par bya ba'i dngos po la ni don zhes bya ste/ dang ba dang dang bas rgyu byas nas pha rol tu phyin pa drug po 'di dag rgyur gyur pa spyad na ni de'i 'bras bu gdon mi za bar 'thob par 'gyur ro zhes yid ches pa ni dang ba'i yid la byed pa zhes bya'o/ /chos tshol ba las brtsams nas yang dag par len par byed pa ste zhes bya ba la/chos tshol ba'i dbang du byas nas dge ba'i bshes gnyen la brten te/ pha rol tu phyin pa'i don dang / chos la sogs pa nyan cing bsams pa ni yang dag par len pa yid la byed pa zhes bya ba'i don to/ /ji ltar yang dag par len ce na/ de'i phyir chos de'i de dag nyid mi spong ba'i tshul gyis gzung bas so zhes bya ba la/pha rol tu phyin pa'i chos de dag nyid la skur pa mi 'debs shing nyan pa dang / sems pa la sogs pa mi 'dor ba ni mi spong ba'i tshul gyis gzung ba zhes bya ste/ de dag yang dag par len pa yid la byed pa'o/ /bshad pa las brtsams nas sbyin pa la sred pa yid la byed pa ste/gzhan la chos dang don rab tu bsgrags pa'i phyir ro zhes bya ba la bshad pa'i don du byas nas sems can gzhan la pha rol tu phyin pa drug 'chad par 'dod pa ni sbyin pa la sred pa yid la byed pa zhes bya ste/ ji ltar 'chad ce na/ sems can gzhan dag la pha rol tu phyin pa drug gi chos dang don phyin ci ma log par sgrogs shing 'chad pa'i phyir ro//bsgrubs pa las brtsams nas go cha'i yid la byed pa ste/ sbyin pa la sogs pa yongs su rdzogs par bya ba'i phyir go cha bgos pa'i phyir ro zhes bya ba la pha rol tu phyin pa drug bsgrub pa'i ched du byas nas de drug bsgrub pa ni go cha yid la byed pa zhes bya ste/ji ltar sgrub ce na/ pha rol tu phyin pa drug rdzogs shing mthar phyin par bya ba'i phyir sbyin pa gtong zhing go gyon nas shes rab sgrub cing go gyon par byed pa'i phyir ro/ /smon lam yid la byed pa ni de rdzogs pa'i rkyen dang ldan pa'i phyir ro zhes bya ba la/pha rol tu phyin pa drug rdzogs par bya ba'i phyir tshe rabs gar skyes gar skyes kyang pha rol tu phyin pa drug rdzogs par byed pa'i dge ba'i bshes gnyen dang / nye du gnyen bshes dang lus dang longs spyod la sogs pa'i rgyu rkyen dang ldan par gyur cig ces smon lam 'debs pa ni smon lam yid la byed pa zhes bya ste/mngon par dga' ba yid la byed pa ni kye ma sbyin pa la sogs pa sgrub pa dang / yang dag par sgrub par shog shig ces smon par dga' ba'o zhes bya ba la/ pha rol tu phyin pa ma bsgrubs par ni mngon par 'tshang rgya bar mi 'gyur bas na gar skyes gar skyes kyang pha rol tu phyin pa drug sgrub dgos pa'i phyir/e ma tshe rabs de dang de dag tu pha rol tu phyin pa drug sgrub nus pa'i rang bzhin du gyur na legs so snyam du sems pa ni mngon par dga' ba yid la byed pa zhes bya'o/ /de ltar yid la byed pa de gsum gdams pa dang rjes su bstan pa la sbyar bar bya'o zhes bya ba la/bsgrub pa'i rjes la gdams pa dang / rjes su bstan pa bshad de/ 'og nas kyang / de bzhin rab tu bsgrubs pa dang / /yang dag gdams dang bstan pa'o/ /zhes 'byung ba'i phyir ro/ /de la go cha dang / smon lam dang / mngon par dga' ba'i yid la byed pa gsum ni gdams pa dang bstan pa'i skabs dang sbyar te/ji lta zhe na/ gdams pa dang bstan pa thob pa'i phyir go cha gyon par byed do/ /smon lam 'debs so/ /mngon par dga' bar byed do/ /e ma'o 'di ltar bdag la ni sangs rgyas dang byang chub sems dpa' rnams kyis gdams pa dang bstan pa ston par gyur cig ces smon lam 'debs shing de ltar dga' bar byed pa'i phyir ro//thabs dang ldan pa'i las yid la byed pa ni rtog pa dag gis rnam pa thams cad sbyin pa la sogs pa la sbyor zhing yid la byed pas so zhes bya ba la/ gdams pa dang bstan pa'i 'og tu thabs dang ldan pa'i yid la byed pa bshad do//de la thabs dang ldan pa'i yid la byed pa zhes bya ba ni bdag gis lag nas sbyin pa la sogs pa ma byas su zin kyang pha rol tu phyin pa drug spyod pa dag mthong na yid kyi rtogs pas rjes su yi rang ba dang / mngon par dga' ba dang / ro myong bar byed pa'i sgo nas pha rol tu phyin pa rnams rdzogs par bya ba la sbyor zhing yid la rtog pa ni thabs dang ldan pa'i las yid la byed pa zhes bya'o//mthu thob pas ni spro ba ste/ /sbyin pa la sogs drug stug po/ /yongs su sbyin dang mchod pa ste/ /brten pa dang ni snying brtse ba'o/ /zhes bya'o/ /thabs dang ldan pa'i las yid la byed pa'i 'og tu spro ba yid la byed pa bshad pa'i skabs yin pas de bshad do//spro ba yid la byed pa la yang rnam pa bzhi yod de/ de la sbyin pa la yang sbyin pa'i sbyin pa nas shes rab kyi sbyin pa'i bar du drug yod pa dang / shes rab la yang shes rab kyi sbyin pa nas shes rab kyi shes rab kyi bar du drug drug yod do//pha rol tu phyin pa gcig cing yang pha rol tu phyin pa drug drug yod pas na sbyin pa la sogs pa drug drug stug po zhes bya ste/ gcig pa drug yod pa'i mthu thob pa ni spro ba yid la byed pa dang po'o/ /pha rol tu phyin pa drug nyid bsdu ba'i dngos po'i tshul du bzhag nas sems can yongs su smin par byed pa ni spro ba yid la byed pa gnyis pa'o//pha rol tu phyin pa drug las sbyin pa'i pha rol tu phyin pas ni rnyed pa dang bkur sti de bzhin gshegs pa la mchod pa byed/ pha rol tu phyin pa lhag ma lngas ni sgrub pas de bzhin gshegs pa la mchod pa byed pa 'di ni spro ba yid la byed pa gsum pa'o//pha rol tu phyin pa phyin ci ma log par ston pa'i dge ba'i bshes gnyen btsal ba'i phyir dge ba'i bshes gnyen la brten pa ni spro ba yid la byed pa bzhi pa'o/ /snying brtse ba yid la byed pa rnam pa bzhi ste/ byams pa dang snying rje dang dga' ba dang btang snyoms te/de dag gi mtshan nyid zhib tu ni 'og nas bshad par bya'o/ /sbyin pa la sogs pa drug sbyin pa'i sbyin pa nas shes rab kyi bar du mthu rnyed pa'o zhes bya ba la/ sbyin pa la yang drug ste/ sbyin pa'i sbyin pa nas shes rab kyi sbyin pa'i bar du'o/ /de ltar drug yod pas na sdug pa zhes bya ste/de lta bu'i mthu rnyed pa ni spro ba yid la byed pa dang po'o/ /de ltar sbyin pa la ji ltar drug yod ce na/ 'di ltar dge ba'i rang bzhin gyi phung po lngas ni sbyin pa zhes bya'o/ /sbyin pa'i rang bzhin gyi phung po lngas ni phyi dang nang gi dngos po sbyin par 'dod pa ni sbyin pa'i sbyin pa zhes bya'o//yang na nor dang 'bru la sogs pa la sbyin pa zhes bya ste/ de nam gzhan la gtong zhing sbyin pa'i sbyin pa zhes bya'o/ /sbyin pa'i tshul khrims ji lta bu zhe na nam sems can rnams tshul khrims la bkod pa'am/ gzhan yang tshul khrims bshad pa'i tshul khrims sbyin pa zhes bya ste/de bzhin du tshul khrims la sogs pa rnam pa drug la yang sbyar ro zhes bya ba la/ sbyin pa la drug yod pa de bzhin du tshul khrims nas shes rab kyi bar du re re la yang drug drug yod par sbyar ro zhes bya ba'i don to/ /ji lta zhe na/ tshul khrims kyi sbyin pa dang zhes bya ba nas tshul khrims kyi shes rab ces bya ba'i bar du sbyar ro//de la gzhan gyi nor dang srog dang chung ma la gnod pa ma byas te/ mi 'jigs pa sbyin pa ni tshul khrims kyi sbyin pa'o/ /srog gcod pa dang ma byin par len pa la sogs pa bsdams te/ tshul khrims bsrungs pa ni tshul khrims zhes bya'o/ /tshul khrims la gnas pa rnams gshe ba las slar mi gshe ba dang /brdeg pa las slar mi brdeg pa la sogs pa byed pa ni tshul khrims kyi bzod pa zhes bya'o/ /tshul khrims rgyun du bsrungs pa ni tshul khrims kyi brtson 'grus zhes bya'o/ /rtag tu tshul khrims la sems rtse gcig tu 'jog pa ni tshul khrims kyi bsam gtan zhes bya'o//ltung ba mi ltung ba'i bye brag phyed pa ni tshul khrims kyi shes rab ces bya'o/ /bzod pa la yang bzod pa la gnas pa rnams brdeg pa la slar mi brdeg pa la sogs pa mi 'jigs pa sbyin par byed pa ni bzod pa'i sbyin pa zhes bya'o/ /bzod pa la gnas pa rnams srog gcod pa la sogs pa'i las mi byed pa ni bzod pa'i tshul khrims so//gzhan gyis gnod pa byas kyang zhe mi sdang ba ni bzod pa'i bzod pa'o/ /rtag tu bzod pa'i sems 'ba' zhig 'byung ba ni bzod pa'i brtson 'grus so/ /zha sdang gi sems ma g.yengs pa ni bzod pa'i bsam gtan no//sems can gzhan la gnod pa byas na ma 'ongs pa na sdug bsngal myong bar mthong ba ni bzod pa'i shes rab bo/ /brtson 'grus la yang sems can gzhan gyi grogs byas shing btang ba ni brtson 'grus kyi sbyin pa'o/ /dge ba la brtson 'grus rtsom pa mi dge ba la mi 'jug pa ni brtson 'grus kyi tshul khrims so//brtson 'grus rtsom pa'i dus na grang ba dang tsha ba la sogs pa'i nyams su len pa ni brtson 'grus kyi bzod pa'o/ /dge ba la sems spro ba ni brtson 'grus kyi brtson 'grus so/ /le los sems ma g.yengs pa ni brtson 'grus kyi bsam gtan zhes bya'o//brtson 'grus brtsams pa rnams dge ba dang mi dge ba'i mtshan nyid phyed par shes par 'gyur te/ de ni brtson 'grus kyi shes rab bo/ /bsam gtan la yang bsam gtan gyi mthu lo nyes dang nad la sogs pa med par byas te/gnod pa bsal nas phan pa sbyin pa ni bsam gtan gyi sbyin pa'o/ /sems rtse gcig pa'i tshe srog gcod pa la mi rtog pa ni bsam gtan gyi tshul khrims so/ /bsam gtan pa rnams ni rtag tu sems 'jam pa ste/ zhe sdang gi 'khrug pa mi 'byung ba ni bsam gtan gyi bzod pa'o/ / sems rtse gcig pa rgyun du mi gtong ba ni bsam gtan gyi brtson 'grus so/ /dmigs par bya ba la sems rtse gcig pa ni bsam gtan gyi bsam gtan no/ /bsgom par bya ba'i chos sems la gsal ba ni bsam gtan gyi shes rab bo/ /shes rab la yang gzhan chos rnams phyin ci ma log par bshad pa ni shes rab kyi sbyin pa'o//shes rab can rnams blang ba dang spang bar bya ba rnams ngo shes pas spang bar bya ba la mi 'jug pa ni shes rab kyi tshul khrims so/ /chos kyi mtshan nyid ma nor ba la sems dga' ba ni shes rab kyi bzod pa'o/ /mnyan pa dang sems pa la sogs pa spro ba ni shes rab kyi brtson 'grus so//chos kyi mtshan nyid phyin ci ma log pa rnams la ma nor ba yin no snyam du sems g.yengs pa med pa ni shes rab kyi bsam gtan no/ /chos rnams kyi rang dang spyi'i mtshan nyid phyin ci ma log par shes pa ni shes rab kyi shes rab po/ /pha rol tu phyin pa rnams bsdu ba'i dngos po rnams kyis sems can yongs su smin pa'o zhes bya ba la/pha rol tu phyin pa drug sbyin pa dang ngag snyan pa dang / don mthun pa dang don spyod bar spyod pa'i mtshan nyid du bzhag ste/ de dag gis sems can yongs su smin par byed pa ni spro ba yid la byed pa gnyis pa'o/ /pha rol tu phyin pa rnams ji ltar bsdu ba'i dngos po'i tshul du bzhag ce na/pha rol tu phyin pa drug las sbyin pa ni sbyin pa nyid do/ /pha rol tu phyin pa drug nam gzhan la 'chad pa ni ngag snyan pa'o/ /pha rol tu phyin pa drug la sems can gzhan spyod du bkod pa ni don spyod pa'o/ /pha rol tu phyin pa drug po gang la sems can bkod pa'i pha rol tu phyin pa drug po de nyid la bdag nyid kyang spyod pa ni don mthun pa spyod pa'o//mchod pa ni sbyin pas ni rnyed pa dang bkur sti spyod pa'o/ /lhag ma rnams kyis ni sgrub pa'i mchod pa'o zhes bya ba la/ de bzhin gshegs pa la mchod pa rnam pa gnyis te/ zang zing gi mchod pa dang /sgrub pas mchod pa'o/ /zang zing gi mchod pa la yang rnam pa gnyis te/ rnyed pas mchod pa dang / bkur stis mchod pa'o/ /de la chos gos dang / lhung bzed 'bul ba ni rnyed pas mchod pa'o/ /phyag 'tshal ba dang bskor ba la sogs pa byed pa ni bkur stis mchod pa ste/sbyin pas ni rnyed pa dang / bkur stis mchod pa byed do/ /tshul khrims nas shes rab kyi bar du lnga sgrub pas mchod pa ste/ 'di ni spro ba yid la byed pa gsum pa'o/ /phyin ci ma log pa'i pha rol tu phyin pa ston pa btsal ba'i phyir dge ba'i bshes gnyen la brten pa ste zhes bya ba la/ phyin ci ma log pa ni sbyin pa'i pha rol tu phyin pa phyin ci ma log pa nas shes rab kyi pha rol tu phyin pa phyin ci ma log pa'o/ /de la kha cig sbyin pa yin yang phyin ci log yod de/ shan pa la mtshon cha sbyin pa dang / smad 'tshong ma la nor sbyin pa lta bu'o/ /kha cig shes rab yin yang phyin ci log yod de/mu stegs pa bdag dang rtag pa la sogs pa lta bu'o/ /de ltar na sbyin pa phyin ci ma log pa dang / shes rab phyin ci ma log par ston pa'i dge ba'i bshes gnyen btsal ba'i phyir de ston pa'i dge ba'i bshes gnyen gyi drung du 'gro ba dang / phyag 'tshal ba dang bskor ba la sogs pa'i bsnyen bkur byed pa ni bsten pa zhes bya ste/'di ni spro ba yid la byed pa bzhi pa'o/ /snying brtse ba yid la byed pa ni tshad med pa bzhi ste zhes bya ba la tshad med pa bzhi dang ldan pa'i sems la ni snying brtse ba yid la byed pa zhes bya'o zhes bya ba'i don to/ /sbyin pa la sogs pa'i stobs dang byams par byed pa dang zhes bya ba la/byams pa ni sems can rnams bde ba dang ldan par gyur cig ces sems pa dang / byang chub sems dpa' rnams ni bde bar gyur cig ces sems par ma zad kyi bde ba la yang 'jog par mdzad do/ /de la sbyin pa la sogs pa'i pha rol tu phyin pa drug ni longs spyod la sogs pa 'grub par byed pa yin pas sbyin pa la sogs pa yang pha rol tu phyin pa drug bstabs te pha rol tu phyin pa drug la bkod pa ni sems can la byams par byed pa yin no zhes bya ba'i don to//ser sna la sogs pa dang ldan pa la snying brtse ba dang zhes bya ba la sems can rnams sdug bsngal ba dang bral bar gyur cig ces sems pa ni snying rje'o//ser sna la sogs pa pha rol tu phyin pa drug gi mi mthun pa'i phyogs ni dbul po la sogs pa'i sdug bsngal bar 'gyur ba'i rgyu yin pas ser sna la sogs pa dang ldan pa la byang chub sems dpa' snying rje skye ba'o/ / byang chub sems dpa' ni snying rje ba tsam du yang ma zad kyi/ ser sna la sogs pa'i chos 'dor du 'jug ste 'di ni snying rje'o/ /sbyin pa dang ldan pa la sogs pa'i sems can rnams la dga' bar byed pa dang zhes bya ba la/ sems can bde ba mthong nas sems la mos pa skyes pa la ni dga' ba zhes bya ste/sems can rnams sbyin pa la sogs pa'i pha rol tu phyin pa drug spyod pa mthong nas dga' bar gyur pa ni dga' ba'o/ /de la nyon mongs pa med pa mos pa ni btang snyoms so zhes bya ba la/ btang snyoms kyi rang bzhin ni gang la yang chags pa dang zhe sdang med pa dang / sbyin pa la sogs pa longs spyod dang ldan nam/bde bar gyur pa'i sems can rnams la yang 'dod chags skye bar ma gyur cig ces smon pa dang / longs spyod rnams phrogs nas sdug bsngal bar gyur ba'i sems can rnams la yang zhe sdang bar ma gyur cig ces sems pa ni btang snyoms so zhes bya ba'i don to//ma byas smad dang ngo tsha dang / /bgyid dang yul la dga' ba dang / /mi skyo ba dang 'god pa dang / /brjod pa yi ni blo gros te/ /zhes bya ba la/ gzhan yang ngo tsha ba yid la byed pa dang / dga' ba yid la byed pa dang / mi skyo ba yid la byed pa dang / 'god pa yid la byed pa dang /brjod pa yid la byed pa ste/ yid la byed pa de dag gis kyang pha rol tu phyin pa'i khams rgyas par 'gyur ro zhes bya ba'i don to/ /de la pha rol tu phyin pa ye ma byas pa dang / rdzogs par ma byas pa ni ma byas pa zhes bya'o/ /pha rol tu phyin pa la phyin ci log tu byas pa la ni smad pa byas pa zhes bya ste/de ltar ye ma byas pa dang / rdzogs par ma byas pa dang / smad par byas na mtshar byas zhes ngo tsha zhing 'gyod pa ni ngo tsha ba yid la byed pa zhes bya'o/ /pha rol tu phyin pa drug la rgyun du spyad par bya'o snyam du sems spro ba'i dbang du byas nas sbyin pa la sogs pa pha rol tu phyin pa drug la rgyun du dmigs shing de 'ba' zhig la sems rtse gcig tu 'jog gi/sems gzhan du ma g.yengs pa ni dga' ba yid la byed pa zhes bya'o/ /sbyin pa la sogs pa pha rol tu phyin pa drug la sbyor ba'i tshe/ spyod par mi 'dod pa'i sems skyo ba skyes na sems 'di ni bla na med pa'i byang chub thob par bya ba'i bar du gcod pa yin pas dgra yin no snyam pa'i 'du shes skye ba ni mi skyo ba yid la byed pa zhes bya'o//sems can gyi don du pha rol tu phyin pa drug dang 'brel pa'i chos ston pas skyob par bya'o snyam du sems shing pha rol tu phyin pa drug gi gtsug lag dang gzhung du 'dri zhing 'jog pa ni 'god pa yid la byed pa zhes bya ste/dper na mdo sde'i rgyan 'di nyid kyi nang nas grangs dang mtshan nyid go rims dang zhes bya ba la sogs pa'i tshul du gtsug lag tu 'god pa'o/ /sems can so so'i snod dang sbyar nas sems can gang la pha rol tu phyin pa gang bshad par 'os pa'i sems can de la pha rol tu phyin pa de 'chad pa ni brjod pa yid la byed pa zhes bya'o//ngo tsha ba'i chos las brtsams nas zhes bya ba ni ngo tsha bas rgyu byas nas she'am/ ngo tsha ba'i dbang du byas nas zhes bya ba'i don to/ /ma byas pa'am zhes bya ba la/ /pha rol tu phyin pa drug thams cad nas thams cad du cung zad kyang ma byas pa'o//yongs su ma rdzogs pa'am zhes bya ba la/ sbyin pa ni rnam pa gsum ste/ zang zing dang mi 'jigs pa dang chos sbyin pa gsum las gnyis tsam byed kyi gsum char tshang bar mi byed pa'am/ zang zing sbyin pa las kyang cung zad tsam gtong gi kun mi gtong ba dang /mi 'jigs pa sbyin pa la yang snying nas skyabs mi byed kyi tshig tsam du byed pa dang / chos kyi sbyin pa la yang kha cig 'chad kyi kha cig mi 'chad de/ slob dpon bcabs pa ni yongs su ma rdzogs pa zhes bya'o/ /log par spyod pa zhes bya ba la/ sbyin pa'i bsngags pa tsam smra ba'i dngos po mi gtong ba dang /shan pa la mtshon sbyin par byed pa dang / smad 'tshong ma la nor sbyin pa dang / brkus nas sbyin pa dang g.yo dang sgyus byin pa ni log par sbyin pa zhes bya'o/ /ngo tsha nas zhes bya ba la/ de ltar ma byas pa dang / yongs su rdzogs par ma byas pa dang /smad par byas par mthong nas sems la gnod pa ni ngo tsha ba zhes bya'o/ /'jug pa dang zhes bya ba la/ de ltar ngo tsha nas ma byas pa dang / yongs su rdzogs par ma byas pa de spangs te/ byed pa dang yongs su rdzogs par byed pa la 'jug par byed do zhes bya ba'i don to//ldog pa'i phyir zhes bya ba la/ smad pa dang log par bya ba las ni ldog par bya ba'i phyir zhes bya ba'i don to/ /yun mi ring bar 'gyod par byed do zhes bya ba la/ gal te 'gyod pa zhig bskyed na yang rgyun du 'gyod pa bskyed par mi bya ste zhes bya ba'i don to/ /'gyod pa dang rgyun du ldan na dge ba nyid la 'jug par mi nus pas de bas na sbyin pa la sogs pa ma byas pa dang /smad pa byas pa na bdag gis sems can rnams la sbyin pa la sogs pa ma byas pa dang / smad pa byas pa ni mtshar byas so snyam thang cig gcig 'gyod pa bskyed nas 'gyod pa spong ngo / /de la de bas 'di ltar 'gyur te/sbyin pa la sogs pa ye ma byas pa dang / rdzogs par ma byas nas 'gyod par gyur na 'gyod pa de bzlog ste/ sbyin pa la sogs pa byas pa dang / rdzogs par bya ba'i phyir gus par bya ba dang / rgyun du bsgrub pa la 'jug par bya'o/ /sbyin pa la sogs pa smad pa dang / log par byas pa la phyis log pa la 'jug par mi bya'o zhes ldog par bya ste/de ltar na yang the tshom yang ldog par 'gyur ro/ /'jig rten rig par byas pa las brtsams nas brjod pa yid la byed pa ste zhes bya ba la/ sems can so so'i sems dang sbyar bas sems can gang la pha rol tu phyin pa gang bshad pa'i rig pa'i sems can de dag la pha rol tu phyin pa de 'chad pa ni brjod pa yid la byed pa zhes bya'o//don de nyid bstan pa'i phyir/ ston skyob de nyid ji ltar snod du gyur pa'i phyir 'jig rten la brjod par 'du byed pa'o zhes bya ba smos te/ pha rol tu phyin pa drug dang ldan pa'i gtsug lag byas pa de dag so so'i snod dang sbyar nas sems can gang la pha rol tu phyin pa gang bshad par 'os shing snod du gyur pa de la pha rol tu phyin pa 'chad de/dper na sbyin pa'i pha rol tu phyin pa 'chad pa'i snod du gyur pa la sbyin pa'i pha rol tu phyin pa 'chad pa nas shes rab kyi pha rol tu phyin pa 'chad pa'o//sbyin pa la sogs brten nas su/ /byang chub 'gyur gyis dbang phyug min/ /zhes bya ba la brten pa'i yid la byed pa ni sbyin pa la sogs pa'i pha rol tu phyin pa drug la brten nas bla na med pa'i byang chub thob par 'gyur gyi/ dbang phyug dang gtso bo'ang tshangs pa la sogs pa la brten nas ni bla na med pa'i byang chub thob pa ma yin par khong du chud pa ni brten pa yid la byed pa zhes bya'o//skyon dang yon tan dag la yang / /gnyis po de ni rtog par 'gyur/ /zhes bya ba la/ rtog pa yid la byed pa ni ser sna la sogs pa la mi mthun pa'i phyogs la ni skyon du rtogs te/dbul po la sogs par gyur par mthong sbyin pa la sogs pa gnyen po'i phyogs la ni yon tan du rtogs te/ phyug po la sogs par 'gyur bar mthong ba ni rtog pa yid la byed pa zhes bya'o/ /bsags pa dga' ba dran pa dang / /che ba'i don ni mthong ba dang / /rnal 'byor 'dod dang mi rtog pa//de 'dzin pa dang rkyen thob pa/ /zhes bya ba la/ zhes yang bsags pa dran nas dga' ba yid la byed pa dang / don chen po mthong ba yid la byed pa dang / 'dod pa yid la byed pa ste/ yid la byed pa de dag gis kyang pha rol tu phyin pa'i khams rgyas par byed do zhes bya ba'i don to//'dod pa yid la byed pa yang rnam pa bzhi ste/ rnal 'byor 'dod pa yid la byed pa dang / mi rtog pa 'dod pa yid la byed pa dang / de 'dzin pa yid la byed pa dang / rkyen thob pa yid la byed pa'o/ /bsags pa dran pas dga' ba yid la byed pa ni sbyin pa la sogs pa bsags nas bsod nams dang ye shes kyi tshogs bsags par mthong ba'i phyir ro zhes bya ba la/sbyin pa nas shes rab kyi pha rol tu phyin pa'i bar drug bsags nas bsod nams dang ye shes kyi tshogs bsags pa mthong ba ni bsags pa mthong nas dga' ba yid la byed pa zhes bya'o//de la sbyin pa dang tshul khrims dang bzod pa gsum bsags pas ni bsod nams kyi tshogs su 'gyur/ bsam gtan dang shes rab ni ye shes kyi tshogs su 'gyur/ brtson 'grus ni gnyis ga'i tshogs su 'gyur ro/ /don mthong ba yid la byed pa ni sbyin pa la sogs pa byang chub kyi phyogs kyi dngos po'i don gyis byang chub chen po thob par mthong ba'i phyir ro zhes bya ba la/rnam par mi rtog pa'i ye shes la ni byang chub chen po zhes bya'o/ /sbyin pa la sogs pa spyad nas bla na med pa'i byang chub kyi rgyu'i tshul gyis mjug tu bla na med pa'i byang chub thob par mthong ba ni don chen po mthong ba yid la byed pa zhes bya'o//rnal 'byor 'dod pa yid la byed pa ni lhag mthong dang zhi gnas sbyor ba bsgom par 'dod pa'i phyir ro zhes bya ba la/ pha rol tu phyin pa drug rdzogs par bya ba'i phyir/ zhi gnas dang lhag mthong zung du 'brel ba bsgom par 'dod pa ni rnal 'byor 'dod pa yid la byed pa zhes bya'o//mi rtog par 'dod pa yid la byed pa ni pha rol tu phyin pa yongs su rdzogs pa'i phyir thabs mkhas pa la 'dod pa'i phyir zhes bya ba la/ rnam par mi rtog pa'i ye shes ni pha rol tu phyin pa yongs su rdzogs par byed pa'i thabs yin no/ /de bas na pha rol tu phyin pa drug rdzogs par bya ba'i phyir rnam par mi rtog pa'i ye shes dang ldan par bya ba ni mi rtog par 'dod pa yid la byed pa zhes bya'o//yang na dang po sbyor ba'i dus na 'di snyam du sems te/ mi rtog rnam par mi rtog par pha rol tu phyin pa la 'jug par gyur cig ces smon lam btab sems la mngon par 'dus byas pa las mngon par sangs rgyas te/rnam par mi rtog pa'i ye shes thob pa na mi rtog rnam par mi rtog par pha rol tu phyin pa rnams la 'jug par 'gyur te/ de ni mi rtog par 'dod pa yid la byed pa zhes bya'o/ /'dzin pa yid la byed pa ni pha rol tu phyin pa rnams kyi ched kyi chos dang don 'dzin pa'i phyir ro zhes bya ba dang /pha rol tu phyin pa drug 'chad pa'i chos dang / don sems la mi brjed par 'dzin pa ni yid la byed pa zhes bya'o/ /de la pha rol tu phyin pa rgyur gyur pa ni chos zhes bya'o/ /'bras bur gyur pa la ni don zhes bya'o//rkyen thob pa yid la byed pa ni pha rol tu phyin pa yongs su rdzogs pa dang / rjes su mthun pa'i yang dag pa'i smon lam mngon par 'du byed pa'i phyir ro zhes bya ba la/ tshe rabs gar skyes gar skyes kyang pha rol tu phyin pa drug rdzogs par 'gyur ba dang mthun pa'i dge ba'i bshes gnyen dang /nye du gnyen bshes dang / lus dang longs spyod dang ldan par gyur cig ces smon lam 'debs pa ni rkyen thob pa yid la byed pa zhes bya'o/ /rnam bdun phyin ci log 'dzin dang / /spangs pa'i mthu ni shes pa dang / /ngo mtshar dang ni ngo mtshar min/ /'du shes de bzhin rnam bzhi'o/ / zhes bya ba la/ pha rol tu phyin pa drug rnams bsgom pa cha phyin ci log tu 'dzin pa rnam pa bdun spong ba'i mthu mthong ba yid la byed pa dang / /ngo mtshar gyi 'du shes yid la byed pa bzhi dang / de bzhin du ngo mtshar ma yin pa'i 'du shes yid la byed pas kyang khams rgyas par 'gyur ro zhes bya ba'i don to//med pa la yod par 'dzin pa dang zhes bya ba la kun brtags kyi gang zag dang / kun brtags kyi chos ni med pa yin na de la dngos po yod par lta ba ni med pa la yod par 'dzin pa zhes bya ste/ 'di ni phyin ci log gcig go/ /nyes pa can la yon tan can du 'dzin pa dang zhes bya ba la/'khor ba'i chos ni nyes pa can yin te/ mi rtag pa dang sdug bsngal ba dang / mi gtsang ba dang bdag med pa'i phyir ro/ /de la rtag pa dang bde ba dang gtsang bar 'dzin pa ni yon tan du 'dzin pa ste/ 'di ni phyin ci log gnyis so/ /yon tan can la yon tan can ma yin par 'dzin pa dang zhes bya ba la/mya ngan las 'das pa na nyon mongs pa dang / sdug bsngal thams cad spangs pas zhi ba dang / bde ba yin pa'i phyir yon tan can yin na de la byis pa rnams chad pa dang g.yang sar lta ba ni yon tan can ma yin pa zhes bya ste/ de ni phyin ci log gsum mo//'du byed thams cad la rtag pa dang bde bar 'dzin pa gnyis dang zhes bya ba la/ thams cad kyi sgra 'dir phyogs gcig tu drangs te 'dus ma byas bkol nas zag pa dang bcas pa'i 'du byed thams cad dang / zag pa med pa'i 'dus byas 'phags pa'i lam la sogs pa thams cad ni 'di skad cig ma 'jig pas mi rtag pa yin na de la brtan par 'du shes pa ni 'du byed thams cad la rtag par 'dzin pa zhes bya ste/'di ni phyin ci log bzhi'o/ /zag pa dang bcas pa'i 'dus byas thams cad ni sdug bsngal rnam pa gsum dang brgyad kyis gzar bas sdug bsngal ba yin na de la gya nom par 'dzin pa ni bde bar 'dzin pa zhes bya ste/'di ni phyin ci log lnga pa'o/ /chos thams cad la bdag tu 'dzin pa dang zhes bya ba la/ thams cad kyi sgra 'di'i skabs sum lus pa'i don drangs te/ 'dus byas dang 'dus ma byas dang / zag pa dang bcas pa dang zag pa med pa'i chos thams cad ni gang zag pa dang chos kyi dbyings nyid du bdag med pa yin no//de la ngo bo yod par 'dzin pa ni chos thams cad la bdag tu 'dzin pa zhes bya ste/ 'di ni phyin ci log drug go/ /mya ngan las 'das pa ma zhi bar log par 'dzin pa ste zhes bya ba la/ mya ngan las 'das pa ni 'khrug pas nyon mongs pa'i 'khrug pa dang /sdug bsngal thams cad spangs pas zhi ba yin na de la mi bde ba'i gnas su 'dzin pa yin na ni mya ngan las 'das pa ma zhi bar log par 'dzin pa zhes bya ste/ 'di ni log par 'dzin pa bdun no/ /de dag gi gnyen por stong pa nyid la sogs pa'i ting nge 'dzin gsum dang /chos bsdu bas yang dag par 'dzin par 'gyur ro zhes bya ba la/ med pa la yod par 'dzin pa dang / nyes pa can la yon tan du 'dzin pa dang / yon tan can la yon tan can ma yin par 'dzin pa'i gnyen por stong pa nyid kyi ting nge 'dzin dang / smon pa med pa'i ting nge 'dzin dang / mtshan ma med pa'i ting nge 'dzin gsum bshad do/ /'dus byas la rtag pa dang / bde bar 'dzin pa dang / chos thams cad la bdag tu 'dzin pa dang / mya ngan las 'das pa la ma zhi bar log pa'i gnyen por chos bsdu ba bzhi po bstan to/ /ji lta zhe na/med pa la yod par 'dzin pa'i gnyen por ni stong pa nyid kyi ting nge 'dzin bshad de/ stong pa nyid kyi ting nge 'dzin ni stong pa dang bdag med par 'dzin pa'i rnam pa yin pas gang zag dang chos la bdag tu 'dzin pa'i gnyen por 'gyur ro/ /nyes pa can la yon tan du 'dzin pa'i gnyen por ni smon pa med pa'i ting nge 'dzin bshad de smon pa med pa'i ting nge 'dzin ni kun 'byung ba'i rnam pa bzhi dang /lam gyi rnam pa bzhi'i steng du sdug bsngal gyi rnam pa mi rtag pa dang sdug bsngal ba gnyis kyis bsnan te/ rnam pa bcu yin pas rnam pa bcu ltar khong du chud na nyes pa can la yon tan du 'dzin pa med par 'gyur ro//ji lta zhe na/ dang po mi rtag pa dang sdug bsngal mthong nas skyo bar 'gyur ro/ /de nas de'i rgyu gang yin zhes brtags na kun 'byung gi rnam pa bzhi yin par mthong ngo / /kun 'byung de'ang gang gis spang / /zhes brtags na lam gyi rnam pa bzhis spong bar mthong ste/ lam yang dgos pa'i don grub nas yang dgos par mthong ste/de dag thams cad la mi smon pa ni smon pa med pa'i ting nge 'dzin ces bya'o/ /yon tan can la yon tan can ma yin par 'dzin pa'i gnyen por mtshan ma med pa'i ting nge 'dzin bshad de/ mtshan ma med pa'i ting nge 'dzin ni 'gog par rnam pa bzhi lta bu'i mtshan nyid yin pas rnam pa bzhi ltar rtogs nas yon tan can la yon tan can ma yin par rtog go /'du byed thams cad la rtag par 'dzin pa'i gnyen por ni 'du byed thams cad ni mi rtag ces bya ba'i chos kyi mdo gsungs so/ /bde bar 'dzin pa'i gnyen por ni zag pa dang bcas pa thams cad sdug bsngal ba zhes bya ba'i don gsungs so//chos thams cad la bdag tu 'dzin pa'i gnyen por ni chos thams cad bdag med pa zhes bya ba'i chos kyi mdo gsungs so/ /mya ngan las 'das pa ma zhi bar 'dzin pa'i gnyen por ni zhi ba mya ngan las 'das pa zhes bya ba'i chos kyi mdo gsungs so//pha rol tu phyin pa rnams la spangs pa'i 'du shes dang zhes bya ba la/ ngo mtshar gyi 'du shes bzhi 'chad de/ pha rol tu phyin pa rnams la spangs pa'i 'du shes 'jug pa yang ngo mtshar gyi 'du shes yin no ci zhig ngo mtshar zhe na/ thang cig sbyin pa'i pha rol tu phyin pa la phyi'i dngos po dngos por gtong bar ma zad kyi bdag gi lus kyang yongs su gtong ba ni ngo mtshar du bya'o//tshul khrims kyi pha rol tu phyin pa la yang / tshul khrims yang dag par blangs pa'i phyir nye du gnyen bshes dang / longs spyod yongs su gtong ba ni ngo mtshar du bya'o//bzod pa'i pha rol tu phyin pa la yang gdol bu dang / rigs ngan pa la sogs pas gnod pa byas kyang mi khro zhing nyams su len pa ni ngo mtshar du bya'o/ /brtson 'grus kyi pha rol tu phyin pa la yang lus dang srog la yang mi lta bar brtson 'grus rtsom pa ni ngo mtshar du bya'o//bsam gtan gyi pha rol tu phyin pa yang bsam gtan gyi ro la ma chags pa ngo mtshar du bya ba'o/ /shes rab kyi pha rol tu phyin pa la yang chos thams cad stong par rtogs pa ni ngo mtshar du bya ba'o/ /yun ring po'i 'du shes dang zhes bya ba la de ltar pha rol tu phyin pa rgya chen po la spyad kyang 'bras bu myur du mi 'thob kyi bskal pa grangs med pa gsum gyi bar du 'du shes pa yang ngo mtshar du bya ba yin no//lan re ba med pa'i 'du shes dang zhes bya ba la/ byang chub sems dpa' pha rol tu phyin pa drug la sems can bkod de/ sems can de la phan btags kyang tshe 'di la phan btags pa'i lan la re ba med pa yang ngo mtshar du bya ba yin no zhes bya ba'i don to//rnam par smin pa la mi re ba'i 'du shes so zhes bya ba la/ las su bya ba thams cad la ni 'bras bu'i don du byed pa yin na/ tshe 'dir pha rol tu phyin pa drug la spyad kyi tshe phyi mar longs spyod chen po la sogs pa'i rnam par smin pa'i 'bras bu la mi re ba bzhin du spyod pa yang ngo mtshar du bya ba yin no zhes bya ba'i don to//pha rol tu phyin pa spangs pa dang / yun ring bor gyur nas sangs rgyas pa'i 'bras bur 'byung ba dang zhes bya ba la ngo mtshar du bya ba ma yin pa'i 'du shes bzhi 'chad de/ sa bon du 'bras btab la 'bras bu yang 'bras skye ba ni ngo mtshar mi che ste/de bzhin du pha rol tu phyin pa rgya chen po la yang spyad yun ring por yang spyad nas mjug 'bras bu bla na med pa'i byang chub thob pa ni ngo mtshar du bya ba ma yin te/ rgyu tshad med pa la spyad nas 'bras bu tshad med pa thob pa ni ngo mtshar du mi che'o zhes bya ba'i don to//gnyis po de yod na bdag dang pha rol la sems mnyam pa dang zhes bya ba la spangs pa dang yun ring po dang mi ldan pa rnams la bdag bzhin du gzhan la phan 'dogs par byed pa ni ngo mtshar du bya ba yin gyi/ spangs pa dang yun ring po'i 'du shes dang ldan pa rnams bdag dang pha rol sems mnyam ste/bdag bzhin du sems can gzhan la phan par byed pa ni ngo mtshar du mi che'o zhes bya ba'i don to/ /de dag pas mchog brgya byin la sogs pa mchod pa la sogs pa rnyed du zin kyang slar lan re ba med pa dang zhes bya ba la/ de dag gi sgras ni phan btags pa'i sems can phal pa la snyegs so//'di ltar byang chub sems dpa' brgya byin dang tshangs pa la sogs pa la phan btags nas brgya byin dang tshangs pas lan du mchod pa phul ba'i rnyed pa dang bkur sti la yang lan re ba med de/ mchil ma'i rdog gu tsam du sems na sems can phal pas phan btags pa'i rnyed pa dang bkur sti ngan pa la lan re ba med pa lta ci zhig ngo mtshar che ste mi che'o zhes bya ba'i don to//bdag gi dngos po dang longs spyod 'jig rten las 'phags pa thob par rnam par smin pa mi 'dod do zhes bya ba la/ byang chub sems dpas pha rol tu phyin pa drug spyad na ma 'ongs pa las bdag gi lus sku gsum gyi mtshan nyid thob pa dang longs spyod kyang 'jig rten kun las 'phags te/khyad zhugs pa thob pas lha'i lus tsam dang / longs spyod can gyis rnam par smin pa la mi re ba ni ngo mtshar mi che'o zhes bya ba'i don to/ /sems can dag ni snyoms pa dang //chen po'i bdag nyid dmigs pa dang / /gzhan gyi yon tan lan re dang / /gsum du re zhing rgyun du'o/ /zhes bya ba la/ gzhan yang snyoms pa yid la byed pa dang chen po'i bdag nyid dmigs pa yid la byed pa dang / lan 'dod pa'i yid la byed pa dang /re ba yid la byed pa dang / rgyun du yid la byed pa ste/ yid la byed pa de dag gis kyang khams rgyas par 'gyur ro zhes bya ba'i don to/ /sems can la la ni pha rol tu phyin pa la 'jog la la mi 'jog pa ma yin gyi sems can thams cad pha rol tu phyin pa la 'jog pa ni snyoms pa yid la byed pa zhes bya'o//pha rol tu phyin pa drug la spyad na bde ba dang phan pa 'ba' zhig du 'gyur gyi gnod pa'i dngos po ni cung zad mi 'gyur ro zhes bya ba mthong ba ni bdag nyid chen po dmigs pa yid la byed pa zhes bya'o/ /sems can pha rol tu phyin pa spyod du bcug pa las pha rol tu phyin pa drug gi yon tan dang ldan pa mthong na sems can 'di dag gis ni bdag la phan btags so snyam du sems pa ni lan 'dod pa yid la byed pa'o zhes bya'o//pha rol tu phyin pa drug la spyod pa'i sems can rnams gnas gsum thob par shog shig ces re ba ni yid la byed pa zhes bya ste/ gnas gsum ni byang chub sems dpa'i sa'i mthar thug par re ba dang /sangs rgyas kyi sa'i mthar thug par re ba dang / sems can gyi don re ba'o/ /de la byang chub sems dpa'i sa'i mthar thug par re ba ni sbyin pas sa dang mthar thug par re ba nas ye shes kyi sa bcu'i mthar thug par re ba'o/ /sangs rgyas kyi sa'i mthar thug par reb ni sa bcu 'das nas sangs rgyas kyi sa thob par shog shig ces re ba'o//sems can don re ba ni sangs rgyas nas sems can thams cad la phan pa dang bde ba byed par shog shig ces zer ba'o/ /bar 'ga' pha rol tu phyin pa la spyod par 'ga' mi spyod pa lta bu ma yin gyi chu'i rgyun bzhin du rgyun mi 'chad par spyod pa ni rgyun du yid la byed pa zhes bya'o//sangs rgyas bstan pa sgrub tshun chad/ /mi gnas pa yi sems pa ste/ /de 'grib 'phel ba'i sems can la/ /mi dga' dang ni dga' ba'o/ /zhes bya ba la/ gzhan yang yang dag par sbyor ba yid la byed pa dang /mi dga' ba yid la byed pa dang / dga' ba yid la byed pa ste/ des kyang khams rgyas par 'gyur ro zhes bya ba'i don to/ /de la yang dag pa'i sbyor ba yid la byed pa ni dang po byang chub tu sems bskyed nas/ mnyan pa dang sems par byed pa las brtsams te/ mthar sangs rgyas pa ma thob kyi bar du bar ma dor brtson 'grus mi 'dor ba ni yang dag par sbyor ba yid la byed pa zhes bya'o//sems can rnams pha rol tu phyin pa drug la spyod pa las pha rol tu phyin pa nyams par mthong na/ sems la ma mos pa ni mi dga' ba yid la byed pa zhes bya'o/ /sbyin pa la sogs pa pha rol tu phyin pa spyod pa 'phel zhing rgya che bar gyur pa mthong nas sems la mos pa ni dga' ba yid la byed pa zhes bya'o//gzugs brnyan dang ni yang dag la/ /bsgom pa dang ni mos pa spyod/ /dang du mi len yid la byed/ /lung bstan pa dang nges par 'dod/ /ces bya ba la/ gzhan yang mi mos pa yid la byed pa dang /mos pa yid la byed pa dang / dang du mi len pa yid la byed pa dang / 'dod pa yid la byed pas pha rol tu phyin pa'i khams rgyas par byed do zhes bya ba'i don to/ /de la pha rol tu phyin pa'i gzugs brnyan bsgom pa la ma dad pa ni mi mos pa yid la byed pa zhes bya ste/pha rol tu phyin pa'i gzugs brnyan ni dper na sbyin pa'i pha rol tu phyin pa la yang mtshon cha dang dug la sogs pa sbyin pa yin yang pha rol tu phyin pa ma yin pa dang shes rab kyi pha rol tu phyin pa la'ang / bdag dang rtag pa la sogs pa yod par lta ba shes rab yin yang shes rab kyi pha rol tu phyin pa ma yin pa lta bu ni pha rol tu phyin pa'i gzugs brnyan zhes bya'o//yang dag pa'i pha rol tu phyin pa bsgom pa la dga' ba ni mos pa yid la byed pa zhes bya ste/ yang dag pa'i pha rol tu phyin pa ni sbyin pa'i pha rol tu phyin pa la yang phyi dang nang gi dngos po kun gtong ba dang / shes rab kyi pha rol tu phyin pa la yang chos rnams kyi rang dang spyi'i mtshan nyid phyin ci ma log par shes pa'o//dang du mi len pa yid la byed pa ni sbyin pa la sogs pa'i mi mthun pa'i phyogs ser sna la sogs pa byung na sbyin pas 'dul bar byed pas na 'chal pa'i shes rab byung na shes rab kyis 'dul bar byed pa'o/ / 'dod pa yid la byed pa rnam pa gnyis te/ lung bstan pa 'dod pa dang / nges pa'i sa la gnas pa thob par 'dod pa'o/ /lung bstan pa 'dod pa ni de bzhin gshegs pa rnams kyis rigs kyi bu khyod dus ji srid cig nas pha rol tu phyin pa rdzogs pa nas bla na med pa'i byang chub tu 'tshang rgya bar 'gyur ro zhes lung bstan par 'dod pa'o//yang na sa brgyad pa'i dus na de bzhin gshegs pa rnams kyis bla na med pa'i byang chub tu lung bstan to/ /bdag gis pha rol tu phyin pa spyad pas sa brgyad pa ji ltar 'thob par 'gyur zhes 'dod pa ni lung bstan par 'dod pa zhes bya'o/ /nges pa'i sa la 'thob pa rnam pa gnyis te/longs spyod nges par 'dod pa dang / skye ba nges par 'dod pa'o/ /de la longs spyod nges par 'dod pa ni sbyin pa'i pha rol tu phyin pas sa dang po thob pa nas/ skad cig ma gcig pa 'jig rten gyi khams brgya g.yo bar nus pa ni mthu la 'dod pa dang / 'jig rten las 'das pa'i longs spyod chen po thob par 'dod pas na ye shes kyi pha rol tu phyin pas kyang sa bcu thob nas 'jig rten gyi khams gang gA'i bye ma'i klung snyed g.yo bar byed nus pa'i mthu dang ldan par 'dod pas na rig pa'i gnas thams cad la mkhas par 'dod pa'o//skye ba nges par 'dod pa ni sa bcu thob nas skye ba gcig gis thogs pa'i byang chub sems dpa' thob par 'dod pa'o//ma nges dus na mjug mthong ba/ /yid byed dang ni mnyam rtog pa/ /mchog gi chos la 'jug pa na/ /bdag nyid mchog tu 'dzin pa'o/ /zhes bya ba la/ gzhan yang ma 'ongs pa'i dus na mthong bas 'jug pa yid la byed pa dang /mnyam par rtog pa yid la byed pa dang / mchog tu 'dzin pa yid la byed pa ste/ yid la byed pa de dag gis kyang khams rgyas par 'gyur ro zhes bya ba'i don to/ /de la byang chub sems dpa' 'di snyam du sems te/ byang chub tu sems bskyed nas bla na med pa'i byang chub 'dod na lha dang mi la sogs pa'i rgyud gar skyes gar skyes kyang pha rol tu phyin pa drug spyad dogs par mthong nas 'di snyam du yun bsrings te/ji zhig byas tshe 'di kho na nas pha rol tu phyin pa drug la spyad par bya'o snyam du sems pa ni ma 'ongs pa'i dus mthong bas 'jug pa yid la byed pa zhes bya'o//bdag gis pha rol tu phyin pa rnams la gus par spyad pa dang / rgyun du spyad na byang chub sems dpa' gzhan dag dang lus dang ngag dang yid gsum mnyam pa yin no/ /bdag gis kyang pha rol tu phyin pa drug la spyad pa dang / rgyun du spyad pas na byang chub sems dpa' rnams dang / lus dang ngag dang yid gsum mnyam mo snyam du rtog pa ni mnyam par rtog pa yid la byed pa zhes bya'o/ /bdag ni spyod pa'i mchog pha rol tu phyin pa'i spyod pa la spyod pas/'jig rten kun las 'phags pa'i lus/ /lus dang longs spyod thob par 'dod pa ni bdag mchog tu 'dzin pa yid la byed pa zhes bya'o//yid la byed pa gong du bshad pa rnams kyi mjug bsdu ba'i phyir/ dge ba yid byed de dag ni/ /rgyu ni pha rol phyin pa bcu/ /mdor na byang chub sems dpa' yi/ /khams ni rgyas par 'gyur ba'o/ /zhes bya ba smos so/ /rgyu mthong nas dga' ba yid la byed pa nas brtsams te/ bdag mchog tu 'dzin pa yid la byed pa'i bar du yid la byed pa 'di dag ni bsod nams dang ye shes kyi tshogs rdzogs par 'gyur ba'i yid la byed pa yin pas/ dge ba yid la byed pa zhes bya ste/ /yid la byed pa de dag kyang / /pha rol tu phyin pa bcu la dmigs shing brten nas yid la byed pas/ rgyu ni pha rol tu phyin pa bcu yin no/ /de ltar yid la byed pa de dag gis pha rol tu phyin pa'i sa bon dang rigs rgyas shing brtas par 'gyur bas na khams rgyas par 'gyur ba zhes bya'o/ /chos tshol ba'i bye brag la tshigs su bcad pa gnyis te zhes bya ba la chos la rnam pa gnyis te/ bshad pa'i chos dang /khong du chud par bya ba'i chos so/ /de la bshad par bya ba'i chos ni ji ltar btsal/ khong du chud par bya ba'i chos ni ji ltar btsal brtag pa la tshigs su bcad pa gnyis kyis bstan to zhes bya ba'i don to/ /rgyas dang lhag pa'i bsam dad che/ /brtan pa rnams kyis btsal bar 'dod//bar chad bcas dang bar chad yin/ /de bzhin 'byor pa de dag gis/ /lus med lus bcas lus rnyed lus rdzogs pa/ /byang chub sems dpa' rnams kyis te/ /nga rgyal med dang nga rgyal phra/ /nga rgyal med pa rnams su dgongs/ /zhes bya ba la/ byang chub sems dpa' chos btsal ba ni rnam pa bcu gsum mo//de la chos kyi sgras ni bshad par bya ba'i gsung rab yan lag bcu gnyis dang / khong du chud par bya ba'i chos chos kyi sku la bya'o/ /de la so so'i skye bo'i dus na dam pa'i chos nyan pa dang / sems pa nas brtsams te/mos pa spyod pa'i sa 'jig rten gyi chos mchog man chad na nyan pa dang sems pa la sogs pa ni rgyas pa zhes bya'o/ /mos pa spyod pa'i sa 'jig rten gyi chos mchog gi tshe chos kyi sgo'i rgyun gyi ting nge 'dzin rnyed nas sa dang po'i dus nas brtsams te/ sa bdun man chad kyi tsha na ni lhag pa'i bsam pa dang ldan pa zhes bya'o//gang zag dang chos la bdag med par khong du chud pa dang / bdag dang gzhan du mnyam pa nyid kyi tshe sems rnyed pa'i phyir ro/ /sa brgyad nas sa bcu man chad kyi chos rtogs pa la che ba zhes bya ste/ ci'i phyir zhe na/ rnam par mi rtog pa lhun gyis grub pa'i ye shes thob pa'i phyir che ba zhes bya'o//byang chub sems dpa' rnams kyis chos btsal ba'i mtshan nyid ni de lta bu yin par 'dod do zhes bya ba'i don to/ /so so'i skye bo'i dus nas brtsams te/ 'jig rten gyi chos mchog man chad kyi tshe chos mthong ba ni bar chad dang bcas pa zhes bya ste/bsam pa mi brtan pa dang / mi dge ba'i bshes gnyen gyis bslur zug pa dang / dge ba'i bshes gnyen gyis gar drangs pa der 'jug pa dang / nyon mongs pa dang shes bya'i sgrib pa ma spangs pa'i phyir bar chad dang bcas pa zhes bya'o/ /sa dang po nas sa bcu man chad kyi tshe chos rtogs pa la ni bar chad med pa zhes bya ste/de phan chad bsam pa brtan pa dang mi dge ba'i bshes gnyen gyis bslur mi zug pa dang / dge ba'i bshes gnyen gyis gar drangs par mi 'jug pa dang / mthong bas spang bar bya ba'i nyon mongs pa rim gyis spangs pa dang / bsgom pas spang bar bya ba shas kyis spangs pa'i phyir ro//sa brgyad nas sa bcu man chad kyi tshe/ chos rtogs pa ni 'byor pa zhes bya ste/ rnam par mi rtog pa dang / mngon par shes pa la dang / sangs rgyas kyi zhing yongs su sbyang bar bya ba lhun gyis grub pa thob pa'i phyir ro/ /so so'i skye bo'i dus na nyan pa dang /sems pa la sogs pa'i dus na ni lus med pa zhes bya ste/ chos kyi sku mngon sum du ma byas pa'i phyir ro/ /mos pa spyod pa'i sa 'jig rten gyi chos mchog gi dus na ni lus dang bcas pa zhes bya ste/ gzung 'dzin spangs pa'i chos kyi sku shas kyis rnyed pa'i phyir ro/ /sa dang po nas sa bdun man chad kyi tshe na ni lus rnyed pa zhes bya ste/'jig tshogs su lta ba spangs pa dang / gzung ba dang 'dzin pa gnyis spangs pa'i rnam par mi rtog pa'i ye shes btsal 'bad pa dang bcas pa dang ldan pa'i phyir ro/ /sa brgyad nas sa bcu man chad kyi tshe na ni lus rdzogs pa zhes bya ste/ rnam par mi rtog pa lhun gyis grub pa'i phyir ro/ /so so'i skye bo'i dus nas mos pa spyod pa'i 'jig rten gyi chos mchog man chad kyi tshe na ni nga rgyal mang ba zhes bya ste/ nga dang bdag tu yid la yod cing gzung ba dang 'dzin pa'i dri ma ma spangs pa'i phyir ro/ /sa dang po nas sa bdun man chad kyi nang na ni nga rgyal phra ba zhes bya ste/rnam par mi rtog pa'i ye shes lhun gyis grub pa ma thob cing btsal 'bad pa dang rnam par mi rtog pa'i ye shes la gnas pa'i phyir ro/ /sa brgyad nas sa bcu man chad kyi tshe na ni nga rgyal med pa zhes bya ste/ rnam par mi rtog pa'i ye shes lhun gyis grub pa la gnas pa'i phyir ro//chos kyi rgyu'i ngo bo brtag pa'i tshigs su bcad pa'i zhes bya ba la/ chos ni gzugs can dang gzugs med pa dang / dbang phyug dang mi zad pa la bya ste/ chos de dag gi rgyu 'di dang 'di 'dra yin no zhes shes par bya zhing brtag pa la tshigs su bcad pa gcig gis bstan to zhes bya ba'i don to//gzugs dang gzugs min mtshan nyid rgyu/ /chos te de bzhin nad med pa/ /zhes bya ba'i/ gzugs kyi phung po las mtshan sum cu rtsa gnyis dang / dpe byad bzang po brgyad cu 'grub par byed pa'i rgyu chos yin te/ ci'i phyir zhe na/ dam pa'i chos gsung rab yan lag bcu gnyis nyan pa dang bsgom pa la sogs pa'i sgo nas mtshan sum cu rtsa gnyis la sogs pa 'grub par 'gyur ba'i phyir ro//gzugs med pa tshor ba'i phung po dang / 'du shes kyi phung po dang / 'du byed kyi phung po dang / rnam par shes pa'i phung po la 'dod chags dang zhe sdang la sogs pa'i nyon mongs pa la nad med par byed pa'i rgyu yang chos yin te/ci'i phyir zhe na/ gsung rab yan lag bcu gnyis kyi chos nyan pa dang / bsam pa dang bsgom pa la sogs pas 'dod chags la sogs pa mthong ba dang bsgom pas spang bar bya ba thams cad zhi bar byed pa'i phyir ro//dbang phyug ni mngon shes rnams zhes bya ba la/ dbang phyug chen po thob par byed pa'i rgyu ni 'phrul gyi mig dang rna ba la sogs pa mngon par shes pa lnga rnams te/ ci'i phyir zhe na/ mngon par shes pa de dang ldan pa ci bsam pa thams cad 'grub par 'gyur ba'i phyir ro/ /mi zad pa de brtan rnams kyi//zhes bya ba la/ brtan pa ni sangs rgyas dang byang chub sems dpa' rnams la bya ste/ de dag gi gzugs la mtshan sum cu rtsa gnyis dang gzugs med pa la nad med pa dang / mngon par shes pa la sogs pa sdug pa dang mi zad pa'i rgyu ni mya ngan las 'das pa ste/ sangs rgyas dang byang chub sems dpa' rnams phung po lhag ma ma lus pa'i mya ngan las 'das pa'i dus na yang chos de rnams la zad par 'gyur ba med pa'i phyir ro//gzugs med pa la nad med pa'i rgyu ste/ nyon mongs pa'i nad zhi ba'i phyir ro zhes bya ba la/ tshor ba la sogs pa gzugs med pa'i chos la 'dod chags la sogs pa nad med pa'i rgyu yang chos yin te/ci'i phyir zhe na/ gsung rab yan lag bcu gnyis kyi chos mnyan pa la sogs pa byas pas/ sems la yod pa'i nyon mongs pa'i nad zhi bar 'gyur ba'i phyir ro zhes bya ba'i don to/ /mi zad pa'i rgyu ni lhag ma ma lus pa'i mya ngan las 'das par yongs su mi 'chad pa'i phyir ro zhes bya ba la/gzugs la mtshan dang / gzugs med pa la nad med pa dang / dbang phyug rnams dang mi zad par byed pa'i rgyu ni mya ngan las 'das pa ste/ ci'i phyir zhe na/ sangs rgyas dang byang chub sems dpa'i lhag ma ma lus pa'i mya ngan las 'das pa'i dus na yang chos de dag rgyun mi 'chad par 'byung ba'i phyir ro//de bas na tshangs pas dris pa'i mdo las/ chos bzhi dang ldan na byang chub sems dpa'i chos tshol bar 'gyur ro zhes bya ba la/ gzugs la mtshan sum cu rtsa gnyis dang / gzugs med pa'i chos la nad med pa'i rgyu ni chos yin pa dang /dbang phyug gi rgyu mngon par shes pa yin pa dang / mi zad pa'i rgyu mya ngan las 'das pa yin pas na tshangs pas dris pa'i mdo las kyang chos bzhi dang ldan na byang chub sems dpa' chos bzhi tshol bar 'gyur ro zhes bshad do/ /chos bzhin ni dkon pa'i phyir rin po cher 'du shes pa la sogs pa 'og nas 'byung bas so//dkon pa'i phyir rin po cher 'du shes pa dang zhes bya ba la/ dper na rin po che dus thams cad du med cing dkon pa ltar dam pa'i chos 'di'ang bar 'ga' thos kyi/ dus thams cad du mi thos pas dkon pa dang /de'i 'bras bu mtshan sum cu rtsa gnyis la sogs pa yang bar 'ga' thob kyi dus thams cad du mi 'thob pas na dkon pa ste/ de lta bu'i 'du shes kyis chos nyan pa dang / dkon pa'i phyir rin po cher 'du shes pa zhes bya'o/ /nyon mongs pa'i nad zhi ba'i phyir sman du 'du shes pa dang zhes bya ba la/dper na sman gyis nad zhi bar byed pa dang / dam pa'i chos kyis kyang 'dod chags la sogs pa'i nad zhi bar byed pas na nyon mongs pa'i nad zhi bar byed pa'o snyam du sems pa ni nyon mongs pa'i nad zhi ba'i phyir sman du 'du shes pa zhes bya'o/ /mi 'jigs pa'i phyir nor du 'du shes pa dang zhes bya ba la/'jig rten na nor zad pas 'jigs pa dang mi bde bar 'gyur ro/ /dam pa'i chos kyis kyang mngon par shes pa la sogs pa'i nor dang longs spyod mi zad pa'i rgyu byed pas na/ mi 'jigs pa'i rgyu byed pa'i phyir dam pa'i chos la nor du 'du shes pa zhes bya'o/ / sdug bsngal thams cad rab tu zhi ba'i phyir mya ngan las 'das pa'o zhes gsungs so zhes bya ba la/ dper na mya ngan las 'das pa dang nyon mongs pa kun spangs pas skye ba dang rga ba la sogs pa'i sdug bsngal thams cad zhi bar 'gyur ba bzhin du dam pa'i chos mnyan pa dang bsams pa la sogs pa byas na yang skye ba dang rga ba la sogs pa'i sdug bsngal thams cad zhi bar 'gyur bas na/dam pa'i chos la mya ngan las 'das pa'i sems bskyed do zhes bya ba'i don to/ /de gong du A tsar+ya sa'i rtsa lag gis/ gzugs la mtshan grub pa'i chos rgyu yin pa la sogs pa'i rnam pa bzhi bshad pa dang /tshangs pas dris pa'i mdo las dkon pa'i phyir rin po cher 'du shes pa la sogs pa'i rnam pa bzhir bshad pa dang / don sel te don gcig tu bstan pa'i phyir/ mdzes par byed pa'i phyir mtshan nyid ni rin po che dang 'dra ste zhes bya ba la sogs pa smos te/ dper na rin po ches lus mdzes par byed pa dang 'dra bar mtshan sum cu rtsa gnyis dang /dpe byad bzang po brgyad cus kyang mdzes par byed pas na mtshan nyid rin po che dang 'dra'o zhes bya ba'i don to/ /de bas na de'i rgyu'i phyir chos la rin po cher 'du shes pa'o zhes bya ba la/ de ltar mtshan sum cu rtsa gnyis dang /dpe byad brgyad cu thob par byed pa'i rgyu yin pas na chos la rin po cher 'du shes bskyed do zhes bya ba'i don to/ /nad med pa'i rgyu'i phyir sman du 'du shes pa'o zhes bya ba la/ dper na sman gyis gzugs can gyi lus la nad med pa'i rgyu byed pa ltar/ chos kyis kyang tshor ba la sogs pa gzugs med pa'i chos la 'dod chags la sogs pa'i nyon mongs pa'i nad sel ba'i rgyu byed pas na chos la sman du 'du shes bskyed do zhes bya ba'i don to//mngon par shes pa phyug pa'i phyir nor du 'du shes pa'o zhes bya ba la/ dper na nor gyis phyug pa dang / skyed par byed pa bzhin dam pa'i chos kyis kyang sangs rgyas dang byang chub sems dpa' rnams mngon par shes pa'i nor gyis phyug pa'i rgyu byed pas na dam pa'i chos la nor du 'du shes bskyed do zhes bya ba'i don to//mi zad pa'i rgyu'i phyir mya ngan las 'das par 'du shes pa ni zad pa'i 'jigs pa med pa'i phyir ro zhes bya ba la/dam pa'i chos 'dis mngon par shes pa drug rnams mi zad pa'i rgyu byed pa'i phyir mya ngan las 'das pa'i 'du shes bskyed par bya'o zhes bya ba'i tha tshig go/ /ci'i phyir zhe na/ sangs rgyas dang byang chub sems dpa' rnams kyis mya ngan las 'das pa la zad pa dang med pa'i 'jigs par 'gyur ba med pa de bzhin du byang chub sems dpa' rnams kyi mngon par shes pa drug dang /med par 'gyur ba'i 'jigs pa med pa'i rgyu yang dam pa'i chos gsung rab yan lag bcu gnyis kyis byed pas na dam pa'i chos la mya ngan las 'das pa'i 'du shes bskyed do zhes bya ba'i don to/ / rnam par rtog pa btsal ba la tshigs su bcad pa zhes bya ba la/ ji tsam du byang chub sems dpa' sems la rnam par rtog pa byung ba de tsam du shes rab kyi pha rol tu phyin pa'i don rtogs par bya ba la bar du gcod pa yin te/ de bas na rnam par rtog pa 'di dang 'di dag ni shes rab kyi pha rol tu phyin pa'i don rtogs par bya ba la bar du gcod pa yin no zhes brtag par bya ba dang /tshigs su bcad pa gcig gis bstan to zhes bya ba'i don to/ /med yod sgro 'dogs skur 'debs rnam rtog pa/ /gcig dang tha dad bdag dang khyad par rtog /ji ltar ming dang don la mngon chags rtog /rgyal ba'i sras kyis yongs su spang bar bya//zhes bya ba la/ shes rab kyi pha rol tu phyin pa'i don rtogs par bya ba la bar du gcod pa'i rnam par rtog pa ni bcu ste/ bcu gang zhe na/ med par rnam par rtog pa dang / yod par rnam par rtog pa dang / sgro 'dogs par rnam par rtog pa dang / skur pa 'debs par rnam par rtog pa dang /gcig par rnam par rtog pa dang / tha dad par rnam par rtog pa dang / bdag tu rnam par rtog pa dang / khyad par du rnam par rtog pa dang / ji ltar ming bzhin du don la mngon par rtogs nas rnam par rtog pa dang / ji ltar don bzhin du ming la mngon par chags nas rnam par rtog pa ste/rnam par rtog pa de dag byang chub sems dpas spang bar bya'o zhes bya ba'i don to/ /med pa la rnam par rtog pa'i gnyen po shes rab kyi pha rol tu phyin pa las/ 'di la byang chub sems dpa' sems dpa' nyid kyi yod pa'o zhes gsungs pa'o zhes bya ba la/ kun brtags kyi gang zag dang bral ba'i stong pa nyid dang yongs su grub pa ni yod pa yin la de'ang thams cad du med do zhes bya ba la rnam par rtog pa'i gnyen por shes rab kyi pha rol tu phyin pa 'bum las byang chub sems dpa' bos nas/ byang chub sems dpa' nyid kyis yod pa'o zhes bka' stsal to//kun brtags kyi gang zag dang bral ba'i stong pa nyid dang / yongs su grub pa'i mtshan nyid ni med pa ma yin no zhes bya ba'i don to/ /dngos po la rnam par rtog pa'i gnyen por byang chub sems dpa' ni mi dmigs pa'o zhes bya ba la sogs pa gsungs so zhes bya ba la/ kun brtags kyi gang zag dngos po dang /rang bzhin yod do zhes rnam par rtog pa'i gnyen por shes rab kyi pha rol tu phyin pa 'bum las kyang byang chub sems dpa' ni mi dmigs pa'o zhes bka' stsal te/ kun brtags kyi gang zag gi mtshan nyid du ni byang chub sems dpa' yod pa ma yin na zhes bya ba'i don to//'di yan chad du tshig gnyis kyis gang zag yod par rnam par rtog pa'i gnyen por gang zag la bdag med par bstan to/ /sgro 'dogs par rnam par rtog pa'i gnyen por shA ri'i bu gzugs ni rang bzhin gyis stong pa'o zhes gsungs so zhes bya ba la/ kun brtags kyi gzugs dang sgra la sogs pa yod par rtog pa ni sgro 'dogs pa'i rnam par rtog pa zhes bya ste/de'i gnyen por shes rab kyi pha rol tu phyin pa 'bum las gzugs ni rang bzhin gyis stong pa'o zhes bka' stsal to/ /kun brtags kyi gzugs dang sgra la sogs pa yod pa ma yin no zhes bya ba'i don to//skur pa 'debs pa rnam par rtog pa de'i gnyen por stong pa yang ma yin no zhes gsungs so zhes bya ba la/ kun brtags kyi chos dang bral ba'i yongs su grub pa ni yod pa ma yin no/ /de'ang thams cad nas thams cad du med do zhes rtog pa ni skur pa 'debs par rnam par rtog pa'o zhes bya ste/de'i gnyen por shes rab kyi pha rol tu phyin pa 'bum la sogs par med pa yang ma yin no zhes bka' stsal to/ /don du na gzung 'dzin dang bral ba'i stong pa yongs su grub pa'i mtshan nyid ni thams cad nas thams cad du med pa ma yin no zhes bya ba'i don to/ / gcig la rnam par rtog pa'i gnyen por gzugs kyi stong pa gang yin pa de gzugs ma yin no zhes gsungs so zhes bya ba la/ chos can gzugs dang chos nyid stong pa nyid dang / kun brtags kyi chos dang / yongs su grub pa gnyis su rang bzhin gcig go zhes rnam par rtog pa'i gnyen por shes rab kyi pha rol tu phyin pa 'bum las gzugs kyi stong pa nyid gang yin pa de gzugs ma yin/gzugs gang yin pa de stong pa nyid ma yin no zhes bka' stsal te/ /don du kun brtags kyi gzugs dang / yongs su grub pa'i rang bzhin gcig pa ma yin no zhes bya ba'i don to/ /ci'i phyir zhe na/ gzugs ni 'khrul pa'i rang bzhin la yongs su grub pa ni ma 'khrul pa'i rang bzhin yin pa'i phyir ro//tha dad pa'i rnam par rtog pa'i gnyen por stong pa nyid las gzugs gzhan ma yin te/ stong pa nyid gzugs so zhes gsungs so zhes bya ba la/ gzugs kyang logs shig na yod stong pa nyid logs shig na yod ces gzugs dang stong pa nyid tha dad pa rnam par rtog pa'i gnyen por shes rab kyi pha rol tu phyin pa 'bum las stong pa nyid las gzugs gzhan ma yin/gzugs las stong pa nyid gzhan ma yin te/ gang gzugs de stong pa stong pa de gzugs te zhes bka' stsal te/ gzugs las ma gtogs par gzugs kyi stong pa logs shig na med do zhes bya ba'i don to//bdag gi mtshan nyid la rnam par rtog pa'i gnyen por gzugs ni ming tsam mo zhes gsungs so zhes bya ba la/ gzugs kyi mtshan nyid ni thogs pa dang bcas pa dang / tshor ba'i mtshan nyid myong ba can dang / sa'i mtshan nyid sra ba la sogs pa de bzhin du yod do zhes rnam par rtog pa'i gnyen por shes rab kyi pha rol tu phyin pa 'bum las gzugs ni ming tsam mo zhes bka' stsal te/gzugs la sogs pa sra ba dang / gsher ba'i mtshan nyid thams cad kyang ming tsam brda tsam tha snyad tsam du zad kyi mtshan nyid yod pa ma yin no zhes bya ba'i don to//khyad par du rnam par rtog pa de'i gnyen por gzugs ni skye ba yang ma yin 'gag pa yang ma yin/ nyon mongs pa yang ma yin/ rnam par byang ba yang ma yin no zhes gsungs so zhes bya ba la/ gzugs la skye ba yod do zhes bya ba la 'gag pa yod do zhes rtog pa dang / gzugs nyon mongs par rtog pa dang /gzugs rnam par byang bar rtog pa ni khyad par du rnam par rtog pa zhes bya ste/ de'i gnyen por shes rab kyi pha rol tu phyin pa 'bum las gzugs ni skye ba yang ma yin 'gag pa yang ma yin no zhes bya ba la sogs pa gsungs te don dam par ni gzugs la skye ba dang / 'gag pa dang /kun nas nyon mongs pa dang / rnam par byang bar 'gyur ba med do zhes bya ba'i don to/ /ming ji lta ba bzhin du don yin no mngon par chags pas rnam par rtog pa de'i gnyen por ming ni brdzun pa'o zhes bya ba la sogs pa gsungs so zhes bya ba la/ bum pa dang snam bu la sogs pa'i ming ni rang bzhin yod pa yin la/ming rang bzhin yod pa bzhin du des mtshon par bya ba'i bum pa dang / snam bu la sogs pa'i dngos po yang de bzhin du yod do zhes rtog pa ni ming ji lta ba bzhin du don la mngon par chags nas rnam par rtog pa zhes bya ste/ de'i gnyen por shes rab kyi pha rol tu phyin pa 'bum pa las ming ni brdzun pa'o zhes bka' stsal te/bum pa dang snam bu la sogs pa'i ming du btags pa rnams brdzun pa sgyu ma rang bzhin yod pa ma yin no zhes bya ba'i don to/ /don ji ltar ming la chags pa'i gnyen por ming de dag thams cad pa byang chub sems dpa' mi dmigs te/ mi dmigs pas na mngon par mi chags so zhes bya ba la bum pa dang snam bu la sogs pa'i don gyi rang bzhin yod pa bzhin du de'i ming la yang rang bzhin yod do zhes mngon par chags shing yod par rtog pa'i gnyen por shes rab kyi pha rol tu phyin pa 'bum las ming de dag thams cad la byang chub sems dpa' mi dmigs so mi dmigs pas na mngon par mi chags so zhes bka' stsal to//don du na chos rnams kyi rang bzhin la yod par byang chub sems dpas mthong ste/ de ltar ming la rang bzhin yod par ma mthong bas na don la yang rang bzhin yod par mi chags mi 'dod do zhes bya ba'i don to/ /da ni chos btsal ba'i mjug sdud pa dang /chos tshol ba la gnas pa'i byang chub sems dpa'i yon tan yang bstan pa'i phyir/ mjug sdud pa'i tshigs su bcad pa bstan to/ /tshigs su bcad pa de'i bsdus pa'i don yang thabs che ba'i bdag nyid dang / gzhan gyi don che ba dang / bdag gi don che ba'o/ /dge ba'i blo gros brtson 'grus mchog thob blo//zhes bya ba la/ chos tshol ba'i yon tan dang ldan pas na chos tshol ba la gnas pa'i byang chub sems dpa' ni dge ba'i blo gros zhes bya'o/ /chos tshol ba'i tshe 'bad pa dang rtsol ba dang zhum pa dang / 'khrug pa med pa'i brtson 'grus la gnas pas na brtson 'grus mchog thob pa zhes bya ste/nan dang mthus byas pa'i brtson 'grus can ni ma yin gyi thabs dang ldan pa'i brtson 'grus thob ces bya ba'i don to/ /bden pa gnyis ldan chos nyid dmigs pas na/ /zhes bya ba la/ de ltar brtson 'grus mchog thob pas na bden pa gnyis dang ldan pa zhes bya ste/ don dam pa'i bden pa dang ldan pa dang /kun rdzob kyi bden pa dang ldan pa'o/ /de ltar bden pa gnyis dang ldan pas na chos nyid dmigs pa zhes bya ste/ don dam pa'i bden par mthong ba dang / kun rdzob kyi bden par mthong ba'o zhes bya ba'i don to/ /brtson 'grus mchog thob pa dang / kun rdzob dang don dam pa'i bden pa la dmigs pa thabs che ba'i bdag nyid bstan to//de'i phyir 'gro ba dag gi skyabs 'gyur te/ /zhes bya ba la/ brtson 'grus mchog thob pa dang / bden pa gnyis la dmigs pa shes rab dang ldan pas na de'i phyir byang chub sems dpa' de sems can thams cad sdug bsngal las sgrol ba'i skyabs su 'gyur te 'dis ni gzhan gyi don che ba bstan to//yon tan dag ni rgya mtsho 'dra bar rdzogs/ /zhes bya ba la/ byang chub sems dpa' de'i 'gro ba'i skyabs su 'gyur bar yang ma zad kyi/ dper na rgya mtsho chus rdzogs shing bya ba bzhin du byang chub sems dpa' de'i sems kyi rgyud la yang stobs dang mi 'jigs pa la sogs pa'i yon tan gyi chus rgyas shing rdzogs par 'gyur te zhes bya ba'i don to//'dis ni bdag gi don chen po bstan to/ /mdo sde'i rgyan bam po gsum pa'i bshad pa rdzogs so// //chos btsal ba'i rjes la chos bstan pa'i skabs bshad par ji ltar 'brel ce na/ sngar gang la bslab pa dang /ji ltar bslab pa dang / gang gis bslab pa ni byang chub sems dpa'i bslab pa'o zhes bshad pa las ji ltar bslab pa yang chos la mos pa mang ba dang / chos btsal ba dang / chos bstan pa'i rnam pas bslab par bya'o zhes gleng ba na sbyor ba'i sa nas bslab pa'i rnam pa'i khyad par la bslab pa yin no//bslab pa'i rnam pa'i khyad par yang bsam pa'i khyad par dang / sbyor ba'i khyad par dang / bdag la phan pa'i khyad par dang / gzhan la phan pa'i khyad par la sogs pa ste/ de la bsam pa'i khyad par mos pa mang ba'i skabs su bshad zin to/ /sbyor ba'i khyad par dang / bdag la phan pa'i khyad par yang chos btsal ba'i skabs su bshad zin te/ da ni gzhan la phan pa'i khyad par bshad par skabs su bab ste/ gzhan la phan par bya ba yang bdag gis ji ltar chos btsal ba gzhan la phyin ci ma log par bshad pas gzhan la phan par gyur te/ de bas na chos btsal ba'i skabs kyi rjes la/chos bstan pa'i skabs bshad par 'brel to/ /yang na byang chub sems dpa' chos btsal ba bdag gi sems kyi rgyud la gsal bar bya ba 'ba' zhig tu ma zad kyi/ sems can gzhan gyi sems kyi rgyud la gsal bar bya ba'i phyir yang tshol te/chos gsal ba ni bdag gi sems kyi rgyud gsal bar byas so/ /chos bshad pas ni gzhan gyi sems kyi rgyud gsal bar byed de/ de bas na chos btsal ba'i rjes la chos bstan pa'i skabs bshad par 'brel to/ /chos bstan pa la ser sna spangs ba'i tshigs su bcad pa zhes bya ba la/ byang chub sems dpa' chos ston pa na ser sna 'byung ba'i skabs cung zad kyang med do zhes bstan pa'i phyir tshigs su bcad pa rtsom mo zhes bya ba'i don to//lus dang longs spyod dka' bas rnyed/ /ces bya ba la/ gzugs la sogs pa'i phung po lnga ni lus so/ /'bru dang gter la sogs pa ni longs spyod do/ /lus kyang sdug bsngal bas rnyed pas na dka' bas rnyed pa zhes bya'o//ji ltar na lus sdug bsngal bas rnyed ce na/ 'di ltar dge ba'i rtsa ba sgrub par dka' ba brgya stong du mas byas pas lus rnyed de/ de bas na mdo las kyang rgya mtsho'i nang na gnas pa'i rus sbal zhar ba lo brgya zhing lan cig khar byung bas gnya' shing mig gcig pa phyogs bzhi'i rlung gis phyogs bcur bdas pa'i mig tu mgo chud par sla'i mi'i lus thob pa ni shin tu dka'o zhes gsungs pa lta bu'o//longs spyod ji ltar rnyed par dka' zhe na/ rin po che la sogs pa'i nor gyi phyir rgya mtsho la sogs par 'jug pa na/ grang ba'i dus na ni grang bas nyen/ tsha ba'i dus na ni tsha bas nyen/ bar 'ga' ni bkres pas nyen/ bar 'ga' ni skom pas nyen pa la sogs pa lus dang srog la gnod pa'i sdug bsngal gyis btsal dgos pas ni rnyed par dka' ba zhes bya'o/ /de ltar rnyed par dka' ba de'ang btang ma thag tu 'jig cing med par 'gyur bas na snying po med pa zhes bya ste/ longs spyod btang ste zad na ni phongs pa dang brel ba la sogs pa dbul ba'i sdug bsngal myong bar 'gyur la/lus btang na ni 'chi bar 'gyur bas na snying po med pa zhes bya'o/ /de la 'jig rten pa rnams ni lus dang longs spyod gtong bar dka' bas na sems can gzhan la sbyin par bya bar mi rigs pa rnyed par dka' ba de'ang btang na zad par mi 'gyur ba ni btang ba'i yang rigs na/btang na yang zad par yang 'gyur bas btang bar mi rigs so snyam du sems so/ /de las bzlog ste byang chub sems dpa' rnams ni brtan pas dga' ba yid kyis su/ rtag tu sdug bsngal sems can rnams la sbyin pa rnam mang rgya che sbyin byas nas//zhes bya ba smos te/ brtan pa ni byang chub sems dpa'o/ /dga' ba'i yid ni lus dang longs spyod gtong ba ni mos pa dang rang dang bcas pa'i sems kyis gtong ba'o/ /rtag tu lan cig gtong bar ma zad kyi 'khor ba'i mtha'i bar du dus thams cad du gtong ba'o/ /sdug bsngal ba'i sems can ni brel ba dang /phongs pa'i sems can rnams so/ /sbyin pa rnam pa mang po ni nor dang 'bru la sogs pa phyi'i dngos po gtong ba'o/ /rgya chen po sbyin pa ni mgo dang rkang lag la sogs pa nang gi dngos po gtong ba'o/ /rnam pa kun gyis 'gro la phan byed ces bya ba la/ don dam pa dang kun rdzob kyi chos dang /chos rnams kyi rang dang spyi'i mtshan nyid ni nyan pa'i tshe na yang sems can la phan par byed/ sems pa na yang phan par byed/ bsgom pa na yang phan par byed pas na rnam pa kun gyis 'gro la phan byed ces bya'o/ /rgya chen zhes bya ba ni sa dang pha rol tu phyin pa la sogs pa la theg pa chen po'i chos so//rnyed dka' bas ma rnyed pa/ /zhes bya bas ni yang dka' ba mang pos sgrub mi dgos te/ tshegs chung dus sgrub po zhes bya ba'i don to/ /rab tu sbyin yang mi 'bri 'phel 'gyur chos lta smos kyang ci dgos te/ /zhes bya ba la/ lus dang longs spyod rnyed par dka' ba ni sbyin na zad par 'gyur gyi/ 'phel bar ni mi 'gyur gyi/ dam pa'i chos gzhan la byin te bstan na 'bri bar ni mi 'gyur gyi 'phel ba 'ba' zhig tu 'gyur te/ dper na mar me gcig las mar me mang po bus na dang po'i mar me la 'bri ba med cing mar me gzhan mang po yang 'phel bar 'gyur ba bzhin du chos bshad na yang sems can gzhan gyis thos pa dag shes pa mang du 'byung bar 'gyur la 'chad pa po'i shes pa la nyams pa med pas na mi 'bri ba'i 'phel bar 'gyur ba zhes bya'o//'di ltar byang chub sems dpa' rnams ni lus dang longs spyod rnyed par dka' la/ btang na yang med par 'gyur ba de rgyun ma chad par sems can sdug bsngal ba rnams la snying rje ba'i dbang gis dga' bzhin du sbyin par byed na dam pa'i chos btsal bar sla la btang yang 'phel bar 'gyur gyi/'bri bar mi 'gyur ba sems can la gtong ba lta ci smos te/ gtong ches so zhes bya ba'i don to/ /rgal ba srog dang longs spyod pas//chos ces btsal dka' ste/ 'di ltar tshigs su bcad pa gcig tsam gyi phyir yang byang chub sems dpa' lus rnams yongs su gtong bas so/ /de bas na mdo dag las/ legs smras tshigs bcad gcig tsam phyir/ /thub pa sku'i rin gyis btsal lo/ /zhes bshad do/ /sa bcu'i mdo las kyang /tshig gcig gi don du me mdag gis yongs su gang ba'i dong du yang bdag nyid 'dor bar spro'o zhes bshad de/ de ltar na shin tu sdug bsngal bas rnyed pa ji ltar na dka' ba med pas rnyed pa yin no zhes bya ba zhe na/ de'i don lan du don 'di ni de ltar gzung ba ma yin te sangs rgyas 'jig rten du byung ba nas brtsams nas bstan pa ma nub kyi bar du chos ni tshegs chung dus rnyed pa yin no//ci'i phyir zhe na/ sangs rgyas bcom ldan 'das rnams yul dang dus kyi khyad par dag la ltos nas 'dul ba'i skye bo dag gi thad nas gshegs nas mi 'dod bzhin du yang dam pa'i chos 'chad pa yang mdzad pa'i phyir ro//de la kha cig 'di snyam du byang chub sems dpa' rnams chos la ser sna med do chos 'chad pa mdzad du zin kyang chos rnams kyi don dam par ni tshig gi spyod yul ma yin pas don dam pa ma bshad pa'i phyir chos bshad pa'i don rnams don med do snyam du sems pa la de'i phyir chos la don yod pa dang don med pa'i tshigs su bcad pa gnyis te zhes bya ba smos te/tshigs su bcad pa'i chos rnams la don yod par yang ma yin/ don med par yang ma yin par yang tshigs su bcad pa gnyis kyis bstan to zhes bya ba'i don to/ /rang rig chos rnams bcom ldan 'das kyis ma gsungs te zhes bya ba la chos kyi dbyings dang /rnam par mi rtog pa'i ye shes dang byang chub kyi phyogs kyi chos sum cu rtsa bdun la sogs pa ni de bzhin gshegs pa'i ye shes kyis thugs su chud de/ ye shes kyi rang gi rig par zad do/ /rang gi rig pa'i chos te tshig dang yi ge bstan du yang med pas gzhan la bstan du mi rung ba'i phyir te/bcom ldan 'das kyis kyang ma gsungs te tshig tu bshad pa'i chos kyi nang na don dam pa la sogs pa chos kyi don med pas na chos bshad pa don med pa zhes bya'o/ /gal te tshig gi nang na chos kyi rang bzhin yod la chos kyi rang bzhin tshig tu brjod du rung na ni me zhes brjod pa tsam gyis kha tshig pa'i skyon du 'gyur ro//mdo las kyang don dam pa ni brjod du rung bar gang nas kyang ma gsungs te/ 'phags pa rdo rje gcod pa las kyang ngas de bzhin gshegs pa mar me mdzad kyi thad nas chos blangs pa cung zad kyang med do zhes bka' stsal to//'phags pa blo gros mi zad pa las kyang don dam pa ni sems kyi yul las kyang 'das nas tshig dang yi ge lta smos kyang ci dgos zhes gsungs so/ /A tsar+ya ma ti tsi tras don dam pa ni blo'i yul yang ma yin na bdag gis tshig gis brjod pas ga la thog tu phebs zhes bcom ldan 'das la ltos pa'i nang nas 'byung ngo //de ltar don dam par tshig gis brjod par mi nus pas don dam pa rtog par 'gyur ba dang / rjes su mthun pa'i gtam mdzad pa'i sgo nas sangs rgyas bcom ldan 'das rnams kyis so so rang gi rig pa las sems can 'jog par mdzad de/de bas na/ rig pas chos bstan 'gro ba dag ni chos la drangs/ /zhes bya ba smos te/ gtan tshigs bsgrub pa la sogs pa'i rigs pa bzhi dang mi 'gal ba'i chos bstan pas sangs rgyas bcom ldan 'das kyis rang gi chos la 'gro ba rnams drangs shing bkod de/ de bas na chos bstan pa don med pa ma yin no zhes bya ba'i don to//yang na dang po'i rigs pa'i chos bstan/ de nas bsam/ de nas bsgom pa'i rigs pas chos kyi sku dang / rnam par mi rtog pa'i ye shes la 'gro ba rnams drangs shing bkod de/ de phyir yang chos bstan pa don med pa ma yin no zhes bya ba'i don to//da ni gtan tshigs dang dpes 'gro ba rnams rang gi chos nyid la ji ltar bkod pa bstan pa'i phyir/ rnam dag spangs shing thun mong mi zad rang zhi kha snod du/ /snying rje'i bdag nyid sbrul 'dra kha chu bzhin du kun drangs so/ /zhes bya ba smos te/ dper na sbrul chen po a za gar zhes bya ba rgyab tu zhing rmo zhing chu bo yang 'bab ces bya ba de rang gi kha nas kha chu byung nas thag ring du gtsang po tsam du 'bab pa dang /ri dwags dang ba lang la sogs pas chu yin no snyam nas der 'thungs pa dang / kha chu gdug pas sems can zin cing shi bar gyur pa dang drangs nas rang gi khar 'dzud pa bzhin du thugs rje'i bdag nyid sangs rgyas bcom ldan 'das ni sbrul 'dra la/de'i zhal nas byung ba'i gsung rab yan lag bcu gnyis ni kha chu 'dra ste/ kha chu 'dra ba'i gsung rab yan lag bcu gnyis kyis sems can drangs nas rang gi zhi ba'i kha snod du bcug ste don du chos kyi sku dang /mya ngan las 'das pa la bkod do zhes bya ba'i don to/ /chos kyi sku de'ang nyon mongs pa dang shes bya'i sgrib pa dang bral ba yin pas rnam dag ces bya'o/ /nyan thos la sogs pa dang thun mong du gyur pa stobs dang mi 'jigs pa la sogs pa'i yon tan dang ldan pas spangs pa zhes bya'o//yang nyan thos dag nyon mongs pa'i sgrib pa spangs pas rnam par dag pa yin yang shes bya'i sgrib pa mi spangs pas spangs pa ma yin no/ /de bzhin gshegs pa rnams kyis ni nyon mongs pa'i sgrib pa spangs pas rnam par dag pa'o/ /shes bya'i sgrib pa spangs pas spangs pa'o//chos kyi sku de de bzhin gshegs pa kun la mnga' bas na thun mong zhes bya'o/ /chos kyi sku de rtag ste 'khor ba'i mtha'i bar du yang med par mi 'gyur bas na mi zad pa zhes bya'o/ /da ni ji ltar bsgom pa rnams don med pa ma yin pa bstan pa'i phyir/ gang dag rnal 'byor bsgom pa de ni de bas don med mi 'gyur ro/ /zhes bya ba smos te/ 'di ltar dam pa'i chos mnyan nas bsams te zhi gnas dang lhag mthong gi rnal 'byor bsgoms na chos kyi sku mya ngan las 'das pa 'thob par 'gyur ro zhes bstan te/ de bas rnal 'byor bsgom pa rnams kyang don med par mi 'gyur ro zhes bya ba'i don to//ji ltar na bshad pa don med par mi 'gyur bar bstan pa'i phyir/ bde bar gshegs pas bstan gang de bas 'di ni don med mi 'gyur ro/ /zhes bya ba smos te/ 'di ltar rigs pas chos bstan pa rang gi chos ni chos kyi sku la drangs pa'i phyir bde bar gshegs pa rnams kyis gsung rab yan lag bcu gnyis bshad pa yang don med pa ma yin no zhes bya ba'i don to//ji ltar bsgoms pa don med pa ma yin pa gtan tshigs gzhan gyis bstan pa'i phyir/ ji ste thos pa tsam gyis don mthong 'gyur na bsgom bar bya ba don med 'gyur//zhes bya ba smos te/ gal te chos thos pa tsam kho nas chos kyi sku thob cing 'bras bu thob par gyur na ni bsgom pa don med par 'gyur na de lta ma yin gyi de bzhin gshegs pa dang byang chub sems dpa' dang / dge ba'i bshes gnyen las dam pa'i chos mnyan pa de bzhin du zhi gnas dang lhag mthong bsgoms na gdod don mthong bar 'gyur bas na bsgom pa yang don med par 'gyur ba yang ma yin no zhes bya ba'i don to//mnyan pa don med pa ma yin de bsnan te bstan pa'i phyir/ ji ste thos pa med kyang bsgom pa 'jug 'gyur bshad pa yang ni don med 'gyur//zhes bya ba smos te/ ji ste chos thos pa med par yang zhi gnas dang lhag mthong bsgom pa la 'jug par rung na ni chos bshad pa rnams kyang don med par 'gyur na de lta ma yin gyi dge ba'i bshes gnyen gyis bshad pas lung la brten nas gdod bsgom dgos pa'i phyir bshad pa yang don med par mi 'gyur ro zhes bya ba'i don to//rang gis rig pa'i chos de'i dbang gis thob pa'i phyir zhes bya ba ni chos kyi sku dang rnam par mi rtog pa'i ye shes kyang zhi gnas dang lhag mthong bsgoms pa'i mthus thos pas na rnal 'byor bsgom pa rnams don med pa ma yin no zhes bya ba'i don to/ /rang gi chos nyid la 'gro ba sdud pa'i phyir zhes pa la sogs pa la rigs pa'i chos bshad pas de bzhin gshegs pa'i bstan pa la sems can btsud cing chos kyi don rtogs par 'gyur gyi chos ma bstan par ni chos rtogs par mi 'gyur bas na rigs par bshad pa'i chos kyang don med par mi 'gyur ro zhes bya ba'i don to//bshad pa rnam par dbye ba'i tshigs su bcad pa zhes bya ba la/ chos bshad pa la don yod pa dang med par bstan nas/ de bzhin gshegs pa dang byang chub sems dpa' rnams chos 'chad pa la phye na/ rnam pa dus 'chad pa bstan pa'i phyir tshigs su bcad pa rtsom mo zhes bya ba'i don to/mchog gi sems can dag gis bshad pa ni/ /lung dang chud dang rnam par 'byor pa las/ /zhes bya ba la/ mchog gi sems can ni byang chub sems dpa'o/ /byang chub sems dpa' de dag gis chos 'chad pa phye na rnam pa gsum ltar 'chad pa dang /lung gi dbye bas 'chad pa dang / chud pa'i dbye bas 'chad pa dang / rnal 'byor pa'i che bas 'chad pa'o/ /de la de bzhin gshegs pa dang / byang chub sems dpa'i dge ba'i bshes gnyen las dam pa'i chos thos nas/ ji ltar thos pa gzhan la 'chad pa ni lung gi dbye bas 'chad pa zhes bya'o//sa dang po nas sa bdun pa man chad na chos kyi dbyings rtogs pa'i mthus 'chad pa ni chud pa'i dbye bas 'chad pa'o/ /sa brgyad dang sa dgu dang sa bcu'i dus na rnam par mi rtog pa'i ye shes dang / mngon par shes pa lhun gyis grub pa thob nas chos 'chad pa ni rnam par 'byor pa dbye bas chos 'chad pa'o zhes bya'o//rnam par sbyor bas chos 'chad pa la rnam pa gsum yod par bstan pa'i phyir/ nam mkha' las kyang sgra 'byung zhing / /kha dang thams cad gzugs las so/ /zhes bya ba smos te/ sa brgyad/ pa la sogs pa'i byang chub sems dpas byin gyis brlabs nas/ nam mkha' la sogs pas kyang 'du byed mi rtag go zhes bya ba la sogs pa'i sgra 'byung ba ni chos 'chad pa rnam pa gcig go/ /kha dang glu'i dbyangs dag las chos 'chad pa'i sgra 'byung ba ni chos 'chad pa rnam pa gnyis so//byin gyis brlabs nas shing dang rtsig pa dang / rol mo'i cha byad dag las kyang chos 'chad pa'i sgra 'byung ba ni chos 'chad pa rnam pa gsum mo/ /bshad pa phun sum tshogs pa'i tshigs su bcad pa gnyis te zhes bya ba la/ chos 'chad pa'i rab tu dbye ba bstan nas/ da ni chos 'chad pa'i yon tan 'chad de/yon tan bzhi dang ldan brgyad dang ldan na bshad pa phun sum tshogs pa yin no zhes bstan pa'i phyir tshigs su bcad pa gnyis pa rtsom mo zhes bya ba'i tha tshig go/ /gsal dang zhes bya ba la/ sangs rgyas dang byang chub sems dpa'am/ dge ba'i bshes gnyen las chos mang du thos nas gzhan dag las dang chos dang don du 'brel pa ston pa ni gsal ba zhes bya ste/'di ni yon tan rnam pa gcig go/ /yid gnyis spong ba dang zhes bya ba la/ chos thos pa rnams bsams nas shes rab chung ngu rnams shes rab 'bring du byas/ shes rab 'bring las shes rab chen por byas te/bdag nyid kyang chos rnams kyi mtshan nyid la the tshom med par gyur cing gzhan yang chos kyi mtshan nyid la the tshom za ba gcod par byed pa ni yid gnyis spong ba zhes bya ste/ 'di ni yon tan rnam pa gnyis pa'o/ /'jebs shing zhes bya ba la/ bdag srog mi gcod pa la sogs pa'i yang dag pa'i las la gnas pas gzhan la chos bshad na de bzhin du nyan du btub pa ni 'jebs pa zhes bya ste 'di ni yon tan rnam pa gsum pa'o/ /de nyid gnyis ston pa ni zhes bya ba la/ de nyid gnyis ni kun nas nyon mongs pa'i de nyid dang / rnam par byang ba'i de nyid de de nyid ston pas na de nyid ston pa zhes bya ste/ 'di ni yon tan rnam pa bzhi pa'o/ /'di ni byang chub sems dpa'i bshad pa phun sum tshogs pa yin no zhes bya ba la/ yon tan rnam pa bzhi dang ldan pas chos ston pa ni/ byang chub sems dpa' rnams kyis bshad pa phun sum tshogs pa yin no zhes bya ba'i don to//dam pa'i chos yongs su gzung ba dang zhes bya ba la/ byang chub sems dpa' gsung rab 'jig rten du yun ring du gnas par bya ba'i phyir/ de bzhin gshegs pa dang byang chub sems dpa' las dam pa'i chos mnyan nas ji ltar mnyan pa'i chos gzhan la don dang tshig tu 'brel par 'chad pa ni dam pa'i chos yongs su gzung ba zhes bya'o//bdag gi shes rab rnon por byed pa dang zhes bya ba la/ chos thos pa rnams rig pas bsams nas bsams pa las shes rab chung ngu las shes rab 'bring du byas/shes rab 'bring las ni shes rab chen por byas nas chos rnams kyi rang dang spyi'i mtshan nyid la yid gnyis za ba med par gyur pa ni bdag gi shes rab rnon po zhes bya'o/ /skyes bu dam pa'i las byed pa dang zhes bya ba la/ bdag nyid yang dag pa'i tshul khrims dang / yang dag pa'i nan tan la gnas shing /tshul khrims nyams pa dang / kha na ma tho ba med pa'i chos med par byas nas dam pa'i chos 'chad pa ni skyes bu dam pa'i las byed pa zhes bya'o/ /nyon mongs pa dang rnam par byang bas ston pa'o zhes bya ba la/ kun rdzob kyi chos ston pa ni nyon mongs pas ston pa zhes bya'o//don dam pa'i chos ston pa ni rnam par byang ba ston pa zhes bya'o/ /yang na sdug bsngal dang kun 'byung gi bden pa ston pa ni nyon mongs pa ston pa zhes bya'o/ /'gog pa dang lam gyi bden pa ston pa ni rnam par byang ba ston pa zhes bya'o/ / da ni ston skyob las bshad pa phun sum tshogs pa rnam pa bzhi bshad pa dang / tshangs pas zhus pa'i mdo las/ chos kyi sbyin pa chen po ston pa rnam pa bzhi 'byung ba dang don gcig tu sbyar ba'i phyir/ de la dang pos ni mang du thos pa'i phyir gsal bar ston par 'gyur ro zhes bya ba la/ dang por ni dam pa'i chos yongs su gzung ba ste/ dam pa'i chos yongs su gzung bas ni mkhan po dang slob dpon la sogs pa las dam pa'i chos gsung rab yan lag bcu gnyis thos te/ mang du thos pas gsal bar ston par 'gyur te/ mang du thos pa rnams la 'khrul par ston pa dang /mi gsal bar ston pa mi srid par ston pa'i phyir ro/ /gnyis pas ni shes rab che ba'i phyir the tshom spong ba ste/ gzhan gyi the tshom gcod pa'i phyir ro zhes bya ba la/ gnyis pas ni bdag gi shes rab rnon por byed pa ste/ bdag gi shes rab rnon por byed pas ni shes rab che zhing bdag nyid chos rnams kyi rang dang spyi'i mtshan nyid la the tshom med pas gzhan gyi the tshom yang gcod par byed de/shes rab rnon po ni bdag la yang the tshom mi 'byung zhing gzhan gyi the tshom yang sel nus pa'i phyir ro/ /gsum pas ni kha na ma tho ba'i las mi byed pa'i phyir 'jebs pa'o zhes bya ba la/gsum pas ni skyes bu dam pa'i las byed pa ste/ skyes bu dam pa'i las byed pas ni bdag nyid yang dag pa'i yon tan la gnas shing / tshul khrims nyams pa med pas bdag gis ji skad thos pa rnams gzhan la bshad cing bsgo na yang nyan du btub cing tshig btsun pas na 'jebs pa zhes bya'o//bzhi pas ni de kho na nyid gnyis ston te/ nyon mongs pa'i mtshan nyid kyi mtshan nyid dang rnam par byang ba'i mtshan nyid de/ bden pa gnyis la bden pa gnyis gnyis so zhes bya ba la/ bzhi pa ni nyon mongs pa dang rnam par byang ba ston pa ste/nyon mongs pa dang rnam par byang ba ston pas ni de kho na nyid gnyis ston pa ste/ nyon mongs pa'i mtshan nyid kyi de kho na nyid dang / rnam par byang ba'i mtshan nyid kyi de kho na nyid do/ /de la kun rdzob kyi bden pa ni nyon mongs pa'i mtshan nyid kyi de kho na nyid do//don dam pa'i bden pa ni rnam par byang ba'i mtshan nyid kyi de kho na nyid do/ /yang bden pa bzhi las sdug bsngal dang / kun 'byung gi bden pa gnyis ni nyon mongs pa'i mtshan nyid kyi de kho na zhes bya'o/ /'gog pa dang lam gyi bden pa gnyis ni rnam par byang ba'i mtshan nyid kyi de kho na zhes bya'o//gong du bshad pa phun sum tshogs pa tshigs su bcad pa gnyis kyis bstan to zhes glengs pa las bshad pa phun sum tshogs pa tshigs su bcad pa gcig gis bstan pa ni bshad zin to/ /de bshad pa phun sum tshogs pa tshigs su bcad pa gnyis pa ston pa de 'chad de de'i phyir/sems dpa' mchog gi ston pa ni/ /'jam zhing rgyags bral mi skyo yi/ /gsal zhing sna tshogs rigs go byed/ /zang zing med cing kun du 'gro/ /zhes bya ba smos te/ gzhan yang byang chub sems dpa' rnams kyi bshad pa yon tan dgu dang ldan pas na bshad pa phun sum tshogs pa ste/yon tan dgu gang zhe na/ 'jam pa dang / rgyags pa dang / bral ba dang / mi skyo ba dang / gsal ba dang / sna tshogs dang / rigs pa dang / go bar byed pa dang / zang zing med pa dang /kun du 'gro ba dang / gzhan gyis brgal kyang tshig rtsub po mi 'byin pas na 'jam pa'o zhes bya ba la/ chos 'chad pa'i dus sam chos kyi don la brtson pa'i dus na gzhan dag gis nor ba dang 'khrul pa dang mi rung ngo zhes tshig rtsub po dang mi snyen pa smras kyang sngar lan tshig rtsub po dang brlang pos lan mi ldon pas na 'jam pa zhes bya'o//grub pa dang ba ste dpa'i tshe rgyags pa la mi gnas pas na/ rgyags pa dang bral ba'o zhes bya ba la/ chos kyi don dka' ba dag khong du chud cing ji ltar khong du chud pa de gzhan la ston cing sgrub pa na/ bdag gi phyogs grub par gyur kyang /byang chub sems dpa' 'di snyam du bdag gis khong du chud par dka' ba'i don dag bsgrubs so snyam du mi byed sems kyis rgyags pa dang / nga rgyal mi byed pa dang / gang gi tshe gzhan dag la chos zab mo bshad nas gzhan dag dga' bar 'gyur te khyod ni mkhas pa'o shin tu gsal zhing legs par smra ba'o zhes bstod pa dang /sems khengs shing nga rgyal mi skye bas na rgyags pa dang bral ba zhes bya'o/ /ngal ba med pa'i phyir mi skye ba'o zhes bya ba la/ ngal ba ni sems zhum zhing yi chad pa dang / chos 'chad pa'i tshe lus na zhing mi bde ba ste/byang chub sems dpa' chos 'chad pa na/ de lta bu med pas na mi skyo ba zhes bya'o/ /slob dpon gyis 'chab pa med par shin tu ston pa'i phyir gsal ba'o zhes bya ba la/ kha cig 'chad/ kha cig mi 'chad pa dang / phyed tsam 'chad kyi rdzogs par mi 'chad pa dang /tshig tsam 'chad kyi don mi 'chad pa ni slob dpon la 'chab pa'o zhes bya'o/ /byang chub sems dpa' chos kun 'chad pa dang / tshig 'ba' zhig 'chad par ma zad kyi don kyang 'chad de slob dpon 'chab pa med par ston pas na gsal ba zhes bya'o/ /yang dang yang du zlos pa med pa'i phyir na sna tshogs so zhes bya ba la/chos 'chad pa'i dus na yang sngar 'das pa'i tshig sngar mi zlos pa dang / chos 'ga' zhig gzhan la bstan pa brtsams te/ tshig gcig smras nas tshig des gzhan dag gis chos kyi don go bar ma gyur na/ tshig de nyid slar mi zlos kyi tshig gi rnam grangs gzhan dang /gzhan dag gis ston par byed pas na sna tshogs zhes bya'o/ /tshad ma dang mi 'gal ba'i phyir rigs pa'o zhes bya ba la/ chos 'chad pa'i mngon sum dang rjes su dpag pa dang lung gi tshad ma dang mi 'gal bar 'chad pas na rigs pa zhes bya'o//tshig dang yi ge grags pa'i phyir go bar byed pa'o zhes bya ba la/ 'jig rten du ma grags pa'i tshig dang yi ge dag smras pa ni 'jig rten pas go bar mi 'gyur na chos 'chad pa'i tshe'ang 'jig rten du grags pa'i tshig dang yi ge dag smras pa ni 'jig rten pas go bar 'gyur na chos 'chad pa'i tshe'ang 'jig rten na grags pa'i tshig dang yi ge ston pas na go bar byed pa zhes bya'o//dad pa'i mchod pa mi 'dod pa'i zang zing med pa'o zhes bya ba la/ byang chub sems dpa' chos 'chad pa ni/ 'di snyam du bdag gis chos bshad pa dang / 'jig rten pa rnams bdag la dang ba dang dad pa skyes nas rnyed pa dang bkur stis mchod par 'gyur ro snyam du bsams nas chos 'chad pa ma yin gyi/rnyed pa dang bkur sti la re ba med pa byas nas snying rje'i sems kyis chos 'chad par byed pa ni zang zing med pa zhes bya'o/ /theg pa gsum du 'gro ba'i phyir thams cad du 'gro ba'o zhes bya ba la/nyan thos dang rang sangs rgyas dang / theg pa chen po gsum char la zhugs nas theg pa gsum char 'chad par byed pas na thams cad du 'gro ba zhes bya'o/ /tshig phun sum tshogs pa'i tshigs su bcad pa zhes bya ba la bshad pa phun sum tshogs pa bstan nas/ da ni tshig phun sum tshogs pa bstan te/de la tshig ces bya ba ni 'dus byas mi rtag ces sam/ chos thams cad bdag med ces ston pa la tshig ces bya ste/ byang chub sems dpas tshig kyang yan lag brgyad dang ldan pas na phun sum tshogs pa yin no zhes bstan pa'i phyir tshigs su bcad pa rtsom mo zhes bya ba'i don to//yan lag brgyad pa gang zhe na/ de'i phyir/ rgyal sras tshig gi grags pa ste/ /mi dma' 'jam par mdzes gsungs pa/ /ji ltar rigs dang zang zing med/ /de bzhin ran cing yangs pa'o/ /zhes bya ba smos te/ de la rgyal ba ni sangs rgyas bcom ldan 'das so/ / de'i sras ni chos kyi dbyings las skyes pa'i byang chub sems dpa' dag ste/ byang chub sems dpa' rnams kyi tshig dang ni yan lag brgyad dang ldan pa yin no zhes bya ba'i don to/ /yan lag brgyad ni mi dma' ba dang / 'jam pa dang mdzes par gsungs pa dang / grags pa dang ji ltar rigs pa dang /zang zing med pa de bzhin du ran pa dang yangs pa'o/ /de'ang mdo sde las tshig gi yon tan brgyad bshad pa dang rim bzhin du sbyar bar bya ste/ rim bzhin du ji ltar sbyar ba ni 'grel pa'i nang nas sbyar ba bzhin du rig par bya'o/ /mdo sde las byung ba ni khyab pa dang bzang ba dang /gsal ba dang shes par byed pa dang rnar 'ong ba dang mi brten pa dang / mthun pa dang mi zad pa'o/ /'khor rnams la yongs su khyab pa'i phyir mi dma' ba'o zhes bya ba la khyab pa dang / mi dma' ba don gcig par ston te/ ji ltar na mi dma' ba zhes bya zhe na/ byang chub sems dpa'i tshig de 'khor gcig gis thos kyi/ 'khor gcig gis mi thos pa ma yin gyi/ 'khor ji snyed cig tshogs pa thams cad kyis thos te/ 'khor kun la khyab pas na mi dma' ba zhes bya'o/ /'jam pa ni bzang po'o zhes bya ba la/ 'jam pa dang bzang po don gcig tu ston te/tshig gang rnar 'ong ba dang / yid du 'ong ba'i tshig de ni bzang po zhes bya'o/ /byang chub sems dpa' chos 'chad pa ni tshig rnar 'ong ba dang yid du 'ong ba dang 'byung bas bzang ba ste/ de ltar bzang bas na 'jam pa zhes bya'o/ /gsal zhing nges pa'i yi ge'i phyir/ /mdzes par gsungs pa'o zhes bya ba la/gsal ba dang mdzes par gsungs pa gnyis don gcig par 'chad de/ gang gi phyir tshig gsal bas na de'i phyir mdzes par gsungs pa zhes bya'o/ /ji ltar gsal zhe na/ 'di ltar thogs pa dang bcas pa'i phyir gzugs myong bar byed pa'i phyir tshor ba zhes pa'i yi ge ston pa'i phyir gsal ba ste/de'i phyir na mdzes par gsungs pa'o/ /grags pa brjod pa'i phyir grags pa yin pas shes par byed pa'o zhes bya ba la grags pa dang shes par byed pa gnyis don gcig tu ston te/ 'jig rten du grags pa'i tshig dang yi ge ston pas na shes par byed pa zhes bya ste/ci'i phyir zhe na/ 'jig rten du ma grags pa'i tshig dag smras pa na 'jig rten pa dag gis don shes par mi byed kyis 'jig rten du grags pa'i tshig dang yi ge smras pas 'jig rten pa rnams kyis don shes par byed de/ de bas na grags pas ni shes par byed par 'gyur ro//ji ltar rigs pa ni 'dul ba dang mthun pa'i phyir rnar 'ong ba zhes bya ba la/ ji ltar rigs pa dang rnar 'ong ba don gcig par ston to/ /'dul ba'i sems can 'di la chos 'di bstan pa'i rigs zhes 'dul ba'i sems can gang la chos gang bstan par rigs pa'i chos de ston pa ni ji ltar rigs pa zhes bya'o//de la 'dul ba dang mthun par 'dod chags can la mi gtsang ba dang / zhe sdang can la byams pa dang / gti mug can la rten cing 'brel te 'byung ba bstan pa dang / 'dul ba so so'i sems dang mthun pas na tshig de ni de dag gi rnar 'ong ste/rnar 'ong ba'i tshig la ji ltar rigs pa zhes bya'o/ /zang zing med pa dang rnyed pa dang bkur sti dang / bstod pa la mi brten pa'o zhes bya ba la/ zang zing med pa dang mi brten pa don gcig par ston te/ chos gos dang lhung bzed la sogs pa ni rnyed pa zhes bya ste/ phyag 'tshal ba dang bskor ba la sogs pa ni bkur sti zhes bya'o/ /tshig gis snyan par brjod pa ni bstod pa zhes bya ste/ de dag la mi brten cing ma chags pas na zang zing med pa yin no/ /ran pa ni mthun pa ste ran pa la mi skyo ba'i phyir ro zhes bya ba la/ ran pa dang mthun pa gnyis don gcig par ston te/tshig cal col mang du smras na ni 'jig rten pa dang mi mthun par 'gyur ro/ /mi mthun par gyur na skyo ba skye'o/ /de bas na ran pa la mi skyo ba'i phyir zhes smos te/ yi ge nyung ngu'i bshad pa las ni 'jig rten pa dag dga' bar byed pas na skyo ba mi skye ste/ 'jig rten pa dang mthun pa'i nyung ngu smras pa la ran pa zhes bya'o/ /yangs pa ni mi zad pa'o zhes bya ba la/ yangs pa dang mi zad pa don gcig par ston te/ bskal pa'am bskal pa'i mtha'i stan gcig la 'dug nas chos bshad na yang byang chub sems dpa'i tshig la zad pa med de de ltar mi zad pas na yangs pa zhes bya'o//yi ge phun sum tshogs pa'i tshigs su bcad pa gnyis te zhes bya ba la/ tshig phun sum tshogs pa bshad nas/ yi ge phun sum tshogs pa bshad de/ yi ge ni a dang ka la sogs pa'o/ /byang chub sems dpa'i yi ge thams cad yan lag brgyad dang ldan pa sha stag 'byung bas na yi ge phun sum tshogs pa zhes bya ste/de tshigs su bcad pa gnyis kyis bstan to zhes bya ba'i don to/ /yan lag brgyad po gang zhe na/ de'i phyir/ bstan dang bshad pas de bzhin du/ /theg dang mthun zhing bshad pa las/ / grags dang ji ltar rigs pa las/ /'byung dang rjes su mthun pa'o/ /zhes bya ba smos te/ yan lag brgyad ni bstan pa dang bshad pa dang / de bzhin du theg pa dang mthun pa dang / 'jam pa dang / grags pa dang / ji ltar rigs pa dang / 'byung ba dang / rjes su mthun pa'o/ /de la chos ston pa ni dang por bcu'am lnga'am gsum zhes mdor bsdus te ston pa las bstan pa zhes bya'o//de nas mdor bsdus te bstan pa de nyid kyi phyir zhib tu rgyas par bshad pa las bshad pa zhes bya'o/ /nyan thos kyi theg pas 'dul ba rnams la nyan thos kyi theg pa 'chad pa dang /rang sangs rgyas kyi theg pas 'dul ba rnams la rang sangs rgyas kyi theg pa 'chad pa dang / theg pa chen pos 'dul ba rnams la theg pa chen po 'chad pa ni theg pa dang mthun pa zhes bya'o/ /yi ge rnams mi snyan pa rna ba la gnod cing / sems la gnod pa ma yin gyi rnar 'ong zhing sems la phan par 'chad pa ni 'jam pa zhes bya'o/'jig rten du grags pa'i yi ge ston pa ni grags pa zhes bya'o/ /'dul ba gang la chos gang bstan pa'i rigs pas 'dul ba de la/ chos de ston pa ni ji ltar rigs pa zhes bya'o/ /khams gsum las 'byung bar 'gyur ba'i rgyu 'phags pa'i lam ston pa ni 'byung ba zhes bya'o//'phags pa'i lam gyi yan lag brgyad dang mthun pa'i chos ston pa ni/ rjes su mthun pa zhes bya'o/ /yi ge'i yan lag brgyad po de dag kyang mdo sde las yi ge'i yon tan brgyad bshad pa dang rim bzhin du sbyar te/brgyad pa gang zhe na/ rigs pa'i tshig dang yi ge dang ldan pa dang / rjes su 'brang ba dang / rjes su mthun pa dang / khas len pa dang / mthun pa dang / rjes su mthun pa dang / mkhas par sbyor ba'i tshig rdzogs pa ste/ de dag rim bzhin du sbyar ba ni 'grel pa las ji ltar sbyar ba bzhin du rig par bya'o//tshad ma dang mi 'gal bar rigs pa'i tshig dang yi ges ston pas so zhes bya ba la/ bstan pa zhes bya ba dang / rigs pa ni tshig dang yi ge zhes bya bar don gcig par sdud de/ de la byang chub sems dpa' dang po chos rnams mdor bsdus nas/ bcu zhe'am/ lnga zhe'am/ gsum zhes ston pa na mngon sum la sogs pa'i tshad ma gsum dang mi 'gal bar rigs pa'i tshig dang / yi ges mdor bsdus nas ston par byed pas na de la bstan pa zhes bya'o/ /bstan pa dang mi 'gal bar bshad pas na ldan pa'o zhes bya ba la/ bshad pa dang ldan pa gnyis don gcig tu sdud de/dang por mdor bsdus te bshad nas/ mdor bsdus te bstan pa de phyis rgyas par 'chad nas yang sngar mdor bsdus te bstan pa de dang / phyis rgyas par 'chad pa don mi 'gal bar 'chad pas na ldan zhes bya ba ste/ sngar mdor bsdus te bstan pa dang /phyis rgyas par 'chad pa gnyis mthun par 'chad ces bya ba'i don to/ /de'ang dper na sngar phung po lnga zhes mdor bsdus te bstan pa la/ phyis zhib tu 'chad pa'i tshe phung po drug tu mi 'chad kyi lnga nyid du 'chad pa lta bu'o/ /theg pa'i rjes su 'brang ba'i phyir rjes su 'brangs te/theg pa gsum dang mi 'gal bas so zhes bya ba la/ theg pa'i rjes su 'brang ba dang / rjes su 'brangs pa gnyis don gcig tu sdud de/ theg pa gsum gyis 'dul ba'i sems can rnams la so so dang mthun par theg pa gsum 'chad pas na rjes su 'brangs pa zhes bya'o//don de nyid bstan pa'i phyir ni theg pa gsum dang mi 'gal ba'i tshig smos te/ nyan thos kyi theg pas 'dul ba'i sems can la de dang mi 'gal bar nyan thos kyi theg pa nyid ston gyi/ theg pa chen po mi ston pa dang rang sangs rgyas kyis 'dul ba'i sems can la/ rang sangs rgyas kyi theg pa nyid ston gyi theg pa chen po mi ston pa dang /theg pa chen pos 'dul ba'i sems can rnams la de dang mi 'gal bar theg pa chen po nyid ston gyi/ nyan thos kyi theg pa mi ston pas na theg pa'i rjes su 'brang ba zhes bya'o/ /mi dga' ba'i phyir rjes su mthun pa ste/ 'jam pa'o zhes bya ba la/rjes su mthun pa dang / 'jam pa gnyis don gcig tu sdud de/ de la chos 'chad pa'i dus na yi ge rna ba la gzan cing sems la gnod pa gzung dka' zhing khrog khrog po mi ston pa'i phyir/ rjes su mthun pa zhes bya'o/ /de ltar rna ba dang sems la mi gnod pa'i yi ge gzung sla ba ston pas 'jam pa zhes bya'o//grags pa'i phyir khas len pa ni don grags pas khas blangs pa'i phyir ro zhes bya ba la/ grags pa dang khas len pa don gcig tu sdud de/ 'jig rten du grags pa'i tshig dang / yi ge smra bar byed pas na khas len pa zhes bya'o//ci'i phyir zhe na/ 'jig rten du ma grags pa'i tshig dang / yi ge dag smras na ni 'jig rten pas don rtogs par mi nus shing de de bzhin du yin no zhes khas len du mi btub kyi/ 'jig rten du grags pa'i tshig dang yi ge smras na 'jig rten pa dag gis myur du tshig dang don khong du chud cing de de bzhin du bden no zhes khas len par byed pas na grags pas ni khas len par 'gyur ro//ji ltar rigs pa'i phyir mthun pa ste/ 'dul ba la 'os pa'o zhes bya ba la/ ji ltar rigs pa dang mthun pa gnyis don gcig tu sdud de/ 'dul ba'i snod gang la chos gang bshad pa rigs pa ci rigs su chos ston par byed pa ni mthun pa zhes bya'o//de la 'dod chags can la mi gtsang ba bstan par 'os zhe sdang can la byams pa bstan par 'os/ gti mug can la rten cing 'brel par 'byung ba bstan par 'os/ nga rgyal can la phung po'i rab tu dbye ba bstan par 'os/rnam par rtog pa can la dbugs phyi nang du rgyu ba bstan par 'os te/ ci rigs su ston pa ni mthun pa zhes bya'o/ /'byung ba'i phyir rjes su mthun pa ste/ mya ngan las 'das pa'i phyed kyi phyir ro zhes bya ba la/ 'byung ba dang rjes su mthun pa don gcig tu sdud de/khams gsum las 'byung bar byed pa ni 'phags pa'i lam ston pas na rjes su mthun pa zhes bya ste/ lam de gang dang rjes su mthun zhe na/ mya ngan las 'das pa dang rjes su mthun no/ /ji ltar mya ngan las 'das pa dang rjes su mthun zhe na/ /khams gsum las 'byung bar bya ba'i lam de/de mya ngan las 'das pa thob par bya ba'i ched du bshad par bya bas na mya ngan las 'das pa dang rjes su mthun no/ /rjes su mthun pa dang / mkhas pa sbyor ba'i tshogs rdzogs pa ste/ slob pa'i 'phags pa'i lam yan lag brgyad dang ldan pa mthun pa'i phyir ro zhes bya ba la/rjes su mthun pa dang /mkhas pa sbyor ba'i tshogs rdzogs pa gnyis don gcig tu sdud de/ de la mkhas pa sbyor ba ni rgyun du zhugs pa nas dgra bcom pa la 'jug pa'i bar du slob pa'i gang zag bdun la bya ste/ de dag gis mthong ba dang / bsgom pa'i lam la tshogs rdzogs pa zhes bya'o//tshogs rdzogs pa de la rjes su mu thun pa zhes bya ste/ lam de dag gang dang rjes su mthun zhe na/ mthong ba dang bsgom pa'i lam de dag ni slob pa'i gang zag bdun gyi 'phags pa'i lam yan lag brgyad dang rjes su mthun te/ de bas na mkhas ba sbyor ba'i tshogs rdzogs pa la rjes su mthun pa zhes bya'o//de ltar byang chub sems dpa' rnams kyi yi ge phun sum tshogs pa bshad nas/ mjug bsdu ba'i phyir/ mdor na sems can mchog rnams kyi/ /de ltar yi ge phun sum tshogs/ /zhes smos te/ de ltar zhes bya ba ni gong du bshad pa ltar na'o//sems can mchog ni byang chub sems dpa' la bya'o/ /gong du bshad pa ltar na byang chub sems dpa' rnams kyi yi ge ni yan lag brgyad dang ldan pas na yi ge phun sum tshogs pa yin no zhes bya ba'i don to/ /de ltar byang chub sems dpa' yi ge dang tshig phun sum tshogs pa'i yi ge dang /tshig grangs ni du zhig yod/ spyir ni ci 'dra snyam pa la/ de'i phyir/ bde gshegs dbyangs ni mtha' yas te/ /yan lag drug cu bsam mi khyab/ /ces bya ba smos te/ de bzhin gshegs pa rnams kyi dbyangs ni mtha' yas so/ /de ltar mtha' yas mod kyi mdor bsdu na du zhig yod ce na/de ni drug cu yod de/ ji ltar mtha' yas she na/ yan lag drug cu po de re re zhing yang gsung dbyangs bsam gyis mi khyab pa 'byung bas na mtha' yas so/ /yan lag drug cu po de mdo gang las 'byung zhe na/ de'i phyir/ gang gsang ba'i bdag pos bstan pa zhes bya ba la sogs pa smos te gsang ba'i bdag po ni 'phags pa lag na rdo rje'o//des bstan pa ni des bshad pa'i mdo sde gsang ba gsum bstan pa'i mdo'o/ /de la snum pa ni sems can gyi khams dge ba'i rtsa bar gtogs pa'i phyir ro zhes bya ba la dper na chu rab tu snum pas shing dang rtswa dang /sman dang nags tshal stug po la sogs pa brlan par byas nas/ sngon ma skyes pa rnams ni skye bar byed/ skyes pa rnams ni phyir zhing 'phel ba dang rgyas par byed pa de bzhin du de bzhin gshegs pa'i gsung gis kyang sems can gyi sems kyi khams la sngon dge ba'i rtsa ba ma skyes pa rnams ni skye bar byed/skyes pa rnams ni phyir zhing 'phel ba dang rgyas par byed pas na spyir snum ba zhes bya'o/ /'jam pa ni tshe 'di nyid la bde bar reg pa'i phyir ro zhes bya ba la/ dper na lha'i gos ka tsa li dang / dar dang srin bal la sogs pa 'jam pa la lus kyis reg na lus kyi dbang po bde bar byed pa bzhin du de bzhin gshegs pa'i gsung yang 'jam zhing mnyen pas na thos pa'i dus na'am/tshe 'di la yid kyi dbang po bde bar byed pas na 'jam pa zhes bya'o/ /don bzang po'i phyir yid du 'ong ba'o zhes bya ba la/ de bzhin gshegs pa'i gsung ni sems can dang bdag yod par mi rtog gi bden pa gnyis dang rten cing 'brel par 'byung ba dang byang chub kyi phyogs kyi chos la sogs pa'i don 'chad de/don bzang bas na yid du 'ong ba zhes bya'o/ /yid smos pas ni gang gi phyir don ni yid kyi rnam par shes pas shes par nus kyi rna ba'i rnam par shes pas ni don dpyod par mi nus pas yid smos so//yi ge bzang po'i phyir yid dga' ba'o zhes bya ba la/ de bzhin gshegs pa'i gsung ni ba lang rdzi dang / phyugs rdzi la sogs pa'i tshig dang / yi ge lta bu cal col mi gsung gi lha dang 'phags pa'i tshig dang / yi ge gsungs te/yi ge bzang ba'i phyir yid dga' ba zhes bya'o/ /'jig rten las 'das pa bla na med pa phyi nas thob pa'i phyir rnam par dag pa'o zhes bya ba la/ nyan thos dang rang sangs rgyas la sogs pa 'jig rten las 'das pa yin te/ ci'i phyir zhe na/ nyon mongs pa'i sgrib pa spangs pa'i phyir ro/ /de dag 'jig rten las 'das pa yin yang /bla na med pa ma yin te/ shes bya'i sgrib pa spangs pa'i rnam par mi rtog pa'i ye shes ma thob pa'i phyir ro/ /byang chub sems dpa' rnams kyis ni nyon mongs pa dang / shes bya'i sgrib pa thams cad spangs pa'i rnam par mi rtog pa'i ye shes thob ste/ nyan thos las gong du gyur pas na bla na med pa zhes bya'o//rnam par mi rtog pa'i ye shes kyi rjes la dag pa 'jig rten pa'i ye shes 'byung ste/ dag pa 'jig rten pa'i ye shes de las gsung de 'byung bas na rnam par dag pa zhes bya'o/ /nyon mongs pa'i bag chags bag la nyal dang bral ba'i phyir dri ma dang bral ba'o zhes bya ba la/'dod chags la sogs pa nyon mongs pa drug gi sa bon la ni nyon mongs pa'i bag chags zhes bya'o/ /nye ba'i nyon mongs pa'i sa bon la ni bag la nyal zhes bya ste/ dri ma de dag spangs nas gsungs pa'i phyir dri ma dang bral ba zhes bya'o/ /grags pa'i tshig dang yi ge'i phyir//rab tu gsal ba'o zhes bya ba la/ 'jig rten du ma grags pa'i tshig dang yi ge gsung gi / 'jig rten du grags pa'i tshig dang yi ge gsungs pa'i phyir rab tu gsal ba zhes bya'o/ /mu stegs can thams cad kyi lta ba ngan pa'i blo 'joms pa'i stobs kyi yon tan dang ldan pa'i phyir stobs dang ldan pa'o zhes bya ba la/gsung de ni mu stegs pa bdag dang sems can la sogs pa yod par lta ba'i lta ba ngan pa'i blo can rnams 'joms shing med par byed pa'i stobs kyi yon tan dang ldan pas na stobs dang ldan pa zhes bya'o/ /bsgrubs na 'byung ba'i nyan 'dod pa'o zhes bya ba la/de bzhin gshegs pa'i gsung mnyan nas bsgrubs na khams gsum las 'byung bar 'gyur te/ de bas na nyan 'dod pa zhes bya ste nyan par 'os pa zhes bya ba'i don to/ /pha rol gyi rgol ba thams cad kyis mi choms pa'i phyir mi tshugs pa'o zhes bya ba la/ de bzhin gshegs pa chos 'chad pa ni mu stegs pa la sogs pa pha rol rgol ba rnams kyis de bzhin gshegs pa'i gsung la zil gyis mi non cing sun mi phyin pas na mi tshugs pa zhes bya'o//'dod chags la sogs pa gnyen po'i phyir 'dul ba'o zhes bya ba la/ gsung de 'dod chags kyi gnyen por 'gyur bas na/zhe sdang la sogs pa nyon mongs pa kun gyi gnyen por 'gyur bas na nyon mongs pa 'dul ba'i phyir 'dul ba zhes bya'o/ /bslab pa bcas pa'i bde ba'i thabs kyi phyir mi rtsub pa'o zhes bya ba la/ mu stegs pa rnams kyi bslab pa bcas pa ni me lngas mtha' bskor ba dang /skra 'thog pa dang / ri ka nas mchong ba dang / thal bar 'gre ba la sogs pa tshe 'di dang / tshe rabs gzhan du gnod pa bslab pa 'cha' bas na rtsub po yin no zhes de bzhin gshegs pa'i 'dul ba bcas pa ni tshe 'dir yang mi grang mi bkres pa'i bza' ba dang / bgo ba spyod du gnang la/tshe rabs gzhan du'ang don khong du chud par 'gyur ba'i thabs sla ba yin pas na mi rtsub pa zhes bya'o/ /yang na dang po'i tshig gis bslab pa 'cha' bas na dge slong dag 'di ni khyed la phan pa dang bde bar 'gyur ba yin no zhes gsungs pas na mi rtsub pa'o/ /de las 'das nas yang dag par 'byung bas thabs ston pa'i phyir mi brlang ba'o zhes bya ba la/gal te bslab pa las 'das na yang de las 'das phan chad sgo gzhan la 'jug cing 'byung bar bya ba'i thabs ye med pa ma yin gyi/ bslab tshig las 'das te bslab pa nyams na yang bshags pa dang phyis mi bya bar bsdams pa dang /bsod nams kyi rjes su yi rang ba la sogs pa rnam grangs kyi sgo gzhan la 'jug cing khams gsum las 'byung bar bya ba'i thabs ston pas na mi brlang ba zhes bya'o/ /theg pa gsum ston pa'i phyir shin tu 'dul ba'o zhes bya ba la/ nyan thos kyi theg pas 'dul ba rnams la nyan thos kyi theg pa ston/rang sangs rgyas kyi theg pas 'dul ba rnams la rang sangs rgyas kyi theg pa ston/ theg pa chen pos 'dul ba rnams la theg pa chen po ston pas na shin tu 'dul ba zhes bya'o/ /g.yeng ba'i gnyen po'i phyir rnar snyan pa'o zhes bya ba la/ de bzhin gshegs pa'i gsung ni shin tu 'jam zhing snyan pa yin pas nyan pa'i sems g.yeng ba med pa dang /rna blags te nyan par byed pas na rna bar snyan pa zhes bya'o/ /ting nge 'dzin bskyed pa'i phyir lus sim par byed pa'o zhes bya ba la/ de bzhin gshegs pa'i gsung de thos na sems mnyam par 'jog pa 'byung ngo //sems mnyam par gzhag pa las zhi gnas kyi mtshan nyid kyi ting nge 'dzin skye'o/ /ting nge 'dzin skyes na lus la bde ba skye bar byed do/ /de bas na lus sim par byed pa zhes bya'o/ /lhag mthong gi dga' ba skyed par byed pa'i phyir sems dga' bar byed pa'o zhes bya ba la/gsung des shes rab kyi mtshan nyid chos rnams kyi rang dang spyi'i mtshan nyid la mkhas shing mi shes pa'i mun pa dang bral ba'i lhag mthong gi dga' ba skyed par byed pa'i phyir/ sems dga' bar byed pa zhes bya'o/ /the tshom gcod par byed pa'i phyir sems dga' bar byed pa'o zhes bya ba la/ji tsam du the tshom gyi zug rngu zug pa de tsam du yid mi bde ba yin pa las de bzhin gshegs pa'i gsung gis ni de bzhin du the tshom gyi zug rngu 'byin par byed pas na snying dga' bar byed pa zhes bya'o/ /log par 'dzin pa spong ba'i phyir dga' ba dang bde ba skyed pa'o zhes bya ba la log par 'dzin pa rnam pa gnyis te/mi shes pa dang log par shes pa'o/ /de la mi shes pa ni chos rnams kyi rang dang spyi'i mtshan nyid thams cad nas thams cad du khong du ma chud pa ste/ de dag gi mi shes pa spong zhing shes pa la 'jog par mdzad pas na dga' ba skyed pa zhes bya'o//log par shes pas ni bdag dang rtag pa dang bde ba la sogs pa yod par shes pa ste/ de dag gi log pa'i shes pa spong zhing yang dag pa'i shes pa la 'god pas ni bde ba skyed pa zhes bya'o/ /sgrub pa 'gyod pa med pa'i phyir mi 'gyod pa'o zhes bya ba la/ de bzhin gshegs pa'i gsung thos nas mnyan pa dang bsams pa la sogs pa'i sgo nas bsgrubs na/mthar 'bras bu 'thob cing de kho na mngon sum du rtogs par gyur pas bdag gis gsung de mnyan pa ni don med par byas so snyam pa'i mi dga' ba dang / 'gyod pa med pa'i phyir mi 'gyod pa zhes bya'o//thos pa'i ye shes phun sum tshogs pa'i gnas kyi phyir kun shes par bya'o zhes bya ba la/ de bzhin gshegs pa'i gsung de mnyan cing thos na thos pa'i shes rab phun sum tshogs pa skye bar 'gyur te/ thos pa'i shes rab phun sum tshogs pa skye ba'i rgyu dang gnas su gyur pa'i phyir kun shes par bya ba zhes bya'o//bsam pa'i ye shes phun sum tshogs pa'i gnas kyi phyir rnam par shes pa'o zhes bya ba la/ ji ltar mnyan pa'i chos de rig pa'i sgo nas bsams pas na bsam pa'i shes rab phun sum tshogs pa skye ste/ bsam pa'i shes rab phun sum tshogs pa skye ba'i rgyu dang gnas su gyur pa'i phyir rnam par shes par bya ba yin no//slob dpon gyis 'chab pa med pa'i chos ston pa'i phyir rnam par gsal ba'o zhes bya ba la/ de bzhin gshegs pa ni chos kha cig 'chad kha cig mi 'chad ces bya ba ma yin gyi/ chos thams cad 'chad pa dang / tshig 'chad don mi 'chad pa ma yin gyi/tshig dang don du bcas te 'chad pas slob dpon 'chab pa med par ston pa'i phyir rnam par gsal ba zhes bya'o/ /bdag gi don rjes su thob pa dag dga' bar byed pa'i phyir dga' ba'o zhes bya ba la/ 'phags pa rgyun du zhugs pa nas/ dgra bcom pa man chad gang zag brgyad dang sa bcu pa'i byang chub sems dpa' dang de bzhin gshegs pa dag ni bdag gi don rjes su thob pa zhes bya ste/ci'i phyir zhe na/ rgyun du zhugs pa la sogs pa'i gang zag brgyad kyis kyang nyon mongs pa'i nyon mongs pa dang / las kyi nyon mongs pa dang / tshe'i nyon mongs pa spangs pa'i mtshan nyid mya ngan las 'das pa mngon sum du byas na ni bdag gi don rjes su thob pa zhes bya'o//sa bcu'i byang chub sems dpa' dang / de bzhin gshegs pas kyang bsod nams dang ye shes kyi tshogs rdzogs nas bdag dang gzhan gyi don phun sum tshogs pa rnyed pas na bdag gi don rjes su thob pa zhes bya ste/bdag de bzhin gshegs pa'i gsung gi sgo nas 'bras bu thob par mthong ste/ dga' ba skyed par byed pas na dga' ba zhes bya'o/ /bdag gi don ma thob pa rnams sred pa'i phyir mngon par 'dod pa'o zhes bya ba la/ bdag gi don ma thob pas ni so so'i skye bo yan chad mos pa spyod pa'i sa yan chad 'jig rten gyi chos mchog ma thob pa man chad pa ni bdag gi don ma thob pa zhes bya ste/de dag kyang bdag gi don rjes su thob par bya ba'i phyir/ de bzhin gshegs pa'i gsung la 'jug par 'dod pa skyed par byed pas na mngon par 'dod pa zhes bya'o/ /bsam du med pa'i chos yang dag par ston pa'i phyir kun shes par byed pa'o zhes bya ba la/so so rang gis rig par bya ba chos kyi dbyings dang rnam par mi rtog pa'i ye shes dang byang chub kyi phyogs rnams ni bsam du med pa'i chos zhes bya ste/ chos de dag yang dag par ston par byed pas na kun shes par byed pa zhes bya'o//yang na chos gang bsams na khrag tu skyug cing smyo bar 'gyur ba'i chos de dag ni bsam du med pa'i chos zhes bya ste/ de yang gang zhe na/ phyi'i dngos po rnam pa sna tshogs pa 'grub par byed pa'i las bsam gyis mi khyab pa dang / rnal 'byor pa'i ting nge 'dzin gyi spyod yul bsam gyis mi khyab pa dang /de bzhin gshegs pa'i ye shes kyi spyod yul bsam gyis mi khyab pa dang / sman dang sngags kyi mthu bsam gyis mi khyab pa ste/ chos de dag yang dag par bstan pas nyan pa po rnams gnas de dag spong bar byed pas na/ kun shes par byed pa zhes bya'o/ /bsam pa'i chos yang dag par ston pa'i phyir rnam par shes par byed pa'o zhes bya ba la/phung po dang khams dang skye mched dang / sa dang pha rol tu phyin pa bsam pa'i chos zhes bya ste/ chos de dag phyin ci ma log par bstan pa'i phyir rnam par shes par byed pa zhes bya'o/ /tshad ma dang mi 'gal ba'i phyir rigs pa'o zhes bya ba la/gsung de mngon sum dang rjes su dpag pa dang / lung gi tshad ma gsum dang yang mi 'gal bar gsungs pas na rigs pa zhes bya'o/ /'dul ba la ji ltar rigs par ston pa'i phyir mthun pa'o zhes bya ba la/ nyan thos kyi theg pa rnams la theg pa chen po mi ston/ theg pa chen po rnams la nyan thos kyi theg pa mi ston te/snod dang chos su mi 'tsham pa mi ston gyi sems can gang la chos gang bstan par rigs pa'i sems can de la chos de ston te/ snod dang chos su 'tsham par ston pas na mthun pa zhes bya'o/ /dgos pa dang bcas pa'i phyir zlog pa'i nyes pa spangs pa'o zhes bya ba la/ ma rig pa dang mun pa dang mun nag dang /gti mug ces bya ba la sogs pa rnam grangs kyi tshig smos pa rnams la zlos pa'i nyes par mi 'gyur te/ ci'i phyir zhe na/ dgos pa dang bcas don dang bcas pa'i phyir ro/ /ci dgos she na/ chos 'chad pa'i 'khor du 'gro ba mang po tshogs pa la/ la la la ni tshig gi rnam grangs gang gis go//la la la gang gis go ba de kun gyis go ba'i phyir dang / gzhan dag so so yang dag par rig pa'i sa bon bskyed par bya ba'i phyir te/ rnam grangs kyi tshigs bcad dgos pa ni rgyas par bshad par rigs pa'i bstan bcos las 'byung ba bzhin du blta bar bya'o//mu stegs thams cad skrag par byed pa'i phyir seng ge'i sgra'i shugs lta bu'o zhes bya ba la/ dper na seng ge'i sgra'i dbyangs kyi shugs kyis ri dwags phra mo rnams skrag par byed pa de bzhin du/ de bzhin gshegs pa'i stobs dang bdag med par gsungs pa'i gsung dbyangs kyi sgra bsgrags pas mu stegs ri dwags rnams dang 'dra ba rnams skrag par byed pas na seng ge'i sgra'i shugs lta bu zhes bya'o//spangs pa'i phyir glang po che'i sgra dbyangs lta bu'o zhes bya ba la/ glang po che ni mi'i yul na gnas pa'i glang po che la mi bya'i/ lha'i glang po che e'i ba ra na la sogs pa la bya'o//glang po che'i sgra dbyangs ni sub sub bo dang 'dzer 'dzer po ma yin pas spangs par 'gyur ro/ /de bzhin du de bzhin gshegs pa'i gsung dbyangs kyang / 'dzer 'dzer po dang sub sub po med pas na spangs pa zhes bya'o/ /zab pa'i phyir sprin gyi sgra dbyangs lta bu'o zhes bya ba la/ sprin ni 'brug la bya ste/dper na 'brug gi sgra drung nas nyan na yang lhag par drag tu thos pa med thag ring po nas mnyan na yang lhag par sgra chung bar grags pa med de/ nye ring kun 'dra bar snyoms pa kho nar thos pas zab pa yin pa de bzhin du de bzhin gshegs pa'i gsung yang nye ring du kun la drag dal med par grags pas na sprin gyi sgra dbyangs lta bu zhes bya'o//'jebs pa'i phyir klu'i dbang po'i dbyangs lta bu'o zhes bya ba la/ dper na klu'i gnas na klu'i dbang po tshig 'jebs shing tshig btsun la klu kun nyan du btub pa de bzhin du/ de bzhin gshegs pa'i bka' yang 'jibs shing btsun la/lha dang lha ma yin la sogs pa thams cad kyis bka' nyan par byed pas na klu'i dbang po'i dbyangs lta bu'o zhes bya'o/ /snyan pa'i phyir mi'am ci'i dbyangs lta bu'o zhes bya ba la/ dper na sems can gyi sgra skad kyi nang na mi'am ci'i skad las mchog med de snyan cing 'jam pa de bzhin du de bzhin gshegs pa'i gsung yang snyan cing 'jam pas na mi'am ci'i dbyangs lta bu'o zhes bya'o//phyir zhing mi gcod pa'i phyir ka la ping ka'i sgra lta bu'o zhes bya ba la/ dper na ka la ping ka'i sgra phyir zhing gzhan nas gzhan du gyur la rjes kyang mi gcod de dper na 'phan rings rlung gis btab pa na 'chad pa yang med cing gzhan nas gzhan du ldog par byed do//de bzhin gshegs pa'i chos 'chad pa na yang gsung dbyangs kyi rgyun mi gcod la/ dbyangs snyan pa yang snga ma dang mi 'dra bar phyi ma snyan pa gzhan dang gzhan dag 'byung bas na ka la ping ka'i sgra lta bu'o//kha cig las phyir zhing gcod ces 'byung ste/ de'i don kyang dper na bya ka la ping ka'i sgra phyung ba na sems can gyi sems su zhugs nas sgra de'i rgyun gcod par byed do/ /sgra'i rgyun 'chad na yang de snyan pas na yang nyan par 'dod pa'i sems skye bar byed pa de bzhin du sangs rgyas bcom ldan 'das kyi gsung yang nyan pa po'i sems kyi rgyud la 'jug par byed cing gsung rgyun bcad na yang nyan par 'dod pa'i bsam pa skye bas na ka la ping ka'i sgra lta bu'o//ring du song ba'i phyir tshangs pa'i sgra dbyangs lta bu'o zhes bya ba la/ dper na tshangs pa'i dbyangs ni mnyen pas na ring du song ba ste/ring du chad dum dum por chad pa ma yin pa de bzhin du de bzhin gshegs pa'i gsung yang ring du 'dren te/ rngub rngub por chad pa ma yin pas na tshangs pa'i sgra dbyangs lta bu'o zhes bya'o/ /'grub pa thams cad kyi sngon du 'gro zhing bkra shis pa'i phyir dzi ba dzi ba ka'i sgra 'byin pa lta bu'o zhes bya ba la/dper na sems can dag don gnyer du 'gro ba la/ bya dzi ba dzi ba ka'i skad thos na don thams cad gdon mi za bar 'grub pa'i phyir ro/ /de'i skad ni don 'grub pa'i bkra shis kyi sngon du 'gro ba ltar de bzhin gshegs pa'i gsung de yang 'jig rten dang 'jig rten las 'das pa'i don thams cad 'grub pa'i bkra shis pa'i snga ltas yin pas na/dzi ba dzi ba ka'i sgra 'byin pa lta bu'o zhes bya ste/ de bzhin gshegs pa'i gsung sngar thos pa las phyis 'jig rten pa dang 'jig rten las 'das pa'i don thams cad 'grub par 'gyur ba'i phyir ro//mi 'da' bar bya ba'i phyir lha'i dbang po'i dbyangs lta bu'o zhes bya ba la/ dper na brgya byin lha'i dbang po'i dbyangs dang tshig lha gzhan gyis cung zad kyang 'da' bar bya zhing bkag par bya bar mi nus pa de bzhin du de bzhin gshegs pa'i bka' yang lha dang klu dang gnod sbyin la sogs pas 'da' bar bya zhing bka' bcag par mi nus pas na lha'i dbang po'i dbyangs snyan pa lta bu zhes bya ste/dper na tshe dang ldan pa dga' bo lta bu rab tu 'byung bar ma dad kyang rab tu mi 'byung ngam zhes bka' stsal pa las/bka' las 'da' bar bya ba ma nus nas rab tu 'byung bar 'tshal lo zhes khas blangs pa lta bu'o/ /bdud thams cad kyis phyir rgol ba las kyang rgol zhing sngon du 'gro ba'i phyir rnga'i dbyangs lta bu'o zhes bya ba la/ dper na g.yul ngor 'thab mo bkye ba las gzhan dag pham nas rgyal bar 'gyur na rgyal ba'i mtshan mar dang por rnga'i sgra 'byin pa lta bur de bzhin gshegs pas kyang bdud dang mu stegs la sogs pa las rgyal bar byas nas dang po nyid du chos kyi 'khor lo bskor ba'i sgra phyung bas na rnga sgra'i dbyangs snyan lta bu zhes bya'o//bstod kyang nyon mongs pa med pa'i phyir mi bgyid pa'o zhes bya ba la/ de bzhin gshegs pa chos ston par mdzad pa na gzhan dag gis bde bar gshegs pa chos bstan pa ni dge bar gsungs pa'o/ /legs par bshad pa'o zhes bstod du zin kyang mthos so snyam du dgongs pa'i nga rgyal gyi nyon mongs pa med pas na mi bgyid pa zhes bya'o//smad kyang nyon mongs pa med pa'i phyir ma zhum pa'o zhes bya ba la/ khyod kyis chos bstan pa de ni nyes so zhes gzhan dag gis smad kyang dmas so snyam pa'i nyon mongs pa med pas ma zhum pa zhes bya'o//brda sprad pa thams cad kyi mtshan nyid la rnam pa thams cad du zhugs pa'i phyir sgra thams cad la rab tu zhugs pa'o zhes bya ba la/ brda sprad pa ni lung bstan pa ste/ nyan thos dang byang chub sems dpa' dang / rgyal po chen po dag ma 'ongs pa na 'di ltar 'byung bar 'gyur ro zhes lung ston pa na brda sprad pa zhes bya'o//dus gsum du nyan thos la sogs pa ji ltar 'byung ba thams cad lung ston pa na brda sprad pa thams cad kyi mtshan nyid la rnam pa thams cad du rab tu zhugs pa zhes bya ste de ltar dus gsum gyi dngos po thams cad lung ston pas na sgra thams cad la rab tu zhugs pa zhes bya'o//yang na rig pa'i gnas lnga la sgra rig pa'i rig pa thams cad la mkhas pa ni brda sprad pa thams cad kyi mtshan nyid la rnam pa thams cad du zhugs pa zhes bya ste/ de bas na sgra thams cad la rab tu zhugs pa zhes bya'o/ /brjod de mi smra ba med pa'i phyir dang /zur chag pa med pa'o zhes bya ba la/ de bzhin gshegs pa ni dus thams cad du dgongs pa rtse gcig tu 'jog pa yin pas/ chos 'di 'dra ba zhig brjod pas bshad du med do bsnyel ba med pas na zur chag pa med pa zhes bya'o/ /yang na chos 'di 'dra ba zhig bshad par bya'o zhes dgongs pa la bshad pa'i dus na bsnyel nas ma bshad pa mi mnga' bas na zur chag pa med pa zhes bya'o//'dul ba'i bya ba la dus thams cad du gnas pa'i phyir tshang ba'o zhes bya ba la/ 'dul ba'i bya ba ni sems can dge ba'i rtsa ba ma bskyed pa rnams bskyed pa dang /bskyed pa rnams 'phel zhing brtas par bya ba dang / 'phel zhing brtas pa rnams rnam par grol bar bya ba ni 'dul ba'i bya ba zhes bya ste/ 'dul ba'i bya ba rnams la skad cig kyang mi yol bar de dag gi don ji ltar bya zhes dus thams cad du dgongs pa nye bar gzhag pas na tshang ba zhes bya'o//rnyed pa dang bkur sti la mi brten pa'i phyir ma chags pa'o zhes bya ba la/ rnyed pa ni chos gos la sogs pa'o/ /bkur sti ni bstod pa dang phyag bya ba la sogs pa ste/ de dag la ma chags ma zhen pas na ma chags pa zhes bya'o/ /'jigs pa med pa'i phyir ma zhum pa'o zhes bya ba la/chos 'chad pa'i dus na mu stegs pas brgal na mi thub pa'o snyam pa'i 'jigs pa mi mnga' bas na mi zhum pa zhes bya'o/ /mi skyo ba'i phyir dga' ba'o zhes bya ba la/ chos 'chad pa mdzad kyang thugs skyo ba dang sku la mi bde ba mi mnga' bas na dga' ba zhes bya'o/ / rig pa'i gnas thams cad la mkhas par zhugs pa'i phyir rgyas pa'o zhes bya ba la/ rig pa'i gnas lnga thams cad la mkhas pa dang ldan pa'i sems can rnams la chos 'chad pa mdzad pas na rgyas pa zhes bya'o/ /sems can la don de thams cad bsgrubs pa'i phyir tha ba dang bcas pa'o zhes bya ba la/sems can gang dge ba'i rtsa ba bskyed pa de dag thams cad ni tha ba med pa zhes bya ste/ bcas pa'i sgras ni tha ba med pa yang bsdu'o/ /sems can tha ba dang bcas pa rnams la ni dge ba'i rtsa ba bskyed pa'i don sgrub par byed do/ /dge ba'i rtsa ba bskyed pa rnams la ni dge ba'i rtsa ba brtas pa dang /'phel bar byed de/ de bas na tha ba dang bcas pa zhes bya'o/ /rgyun ma chad pa'i phyir zhugs pa'o zhes bya ba la/ de bzhin gshegs pa chos 'chad pa na bar 'ga' ni sems can la chos bshad par bya'o/ /bar 'ga' ni mi bshad do snyam du dgongs pa med par rgyun du 'chad par mdzad pas na zhugs pa zhes bya'o//yang na chos 'chad pa'i tshe lan cig bshad nas rgyun bcad de thag gi tsam gzhes nas yang 'chad par mdzad pa med kyi tshig dang gsung gi rgyun ma 'chad par mdzad pas zhugs pa zhes bya'o/ /rnam pa sna tshogs la nye bar sbyor ba'i phyir rol pa'o zhes bya ba la/de bzhin gshegs pa chos 'chad pa ni tshig dang yi ge dang ming gcig gi sgo nas 'chad par mdzad pa ma yin gyi/ tshig dang ming dang yi ge sna tshogs mang po'i sgo nas 'chad par mdzad pas na rol pa zhes bya'o/ /gsung gcig la sgra mang po'i rig pa nye bar gnas pa'i phyir dbyangs thams cad rdzogs pa'o zhes bya ba la/de bzhin gshegs pas gsung gcig phyung ste gsung gi rang bzhin gcig kho nar zad mod kyi gcig po de las lha dang klu dang gnod sbyin dang / mi dang byol song dang / yi dwags la sogs pa so so'i sgra dang skad gang yin pa de dang mthun mthun du so sor thos pas na/dbyangs thams cad rdzogs pa zhes bya'o/ /gcig gis don mang po chud pa nye bar gnas pa'i phyir/ dbang po thams cad mgu ba'o zhes bya ba la/ de bzhin gshegs pas mi rtag pa la sogs pa'i chos kyi don gcig bstan na sems can rnams kyis ni so so'i sems kyi chos kyi don gang dang gang la dad pa de bzhin du khong du chud par 'gyur bas na sems can rnams kyi dad pa la sogs pa'i dbang po tshim par byed pa'i phyir dbang po thams cad mgu ba zhes bya'o//ji ltar dam bcas ba'i phyir mi smad pa'o zhes bya ba la/ de bzhin gshegs pa ni dang po ji ltar dam bcas pa las gzhan du 'gyur ba mi mdzad pas na dam pa las nyams so zhes gzhan gyis smad du med pas na mi smad pa zhes bya'o//yang na bcom ldan 'das kyis nga'i chos mnyan te bsgrubs na de bzhin du 'bras bu 'grub par 'gyur ro zhes dam bcas pa la sems can rnams kyis kyang bcom ldan 'das kyi bka' mnyan te bsgrub na dam bcas pa bzhin du 'bras bu 'gyur bas na mi smad pa zhes bya'o//thob pa'i dus la bab pa dang ldan pa'i phyir mi g.yo ba zhes bya ba la/ gnas gang du dus gang gi tshe sems can gang yongs su smin par bya ba'i dus la bab na rgya mtsho'i rlabs bzhin du skad cig kyang mi g.yo bar smin par mdzad pas na mi g.yo ba zhes bya ste/de bas na mdo gzhan dag las kyang dris kyang kha cig ma bshad pa las ma dris kyang kha cig ched du gsungs zhes bshad pa lta bu'o/ /mi rigs par ston pa'i phyir brtan pa'o zhes bya ba la/ de bzhin gshegs pa chos 'chad pa ni rings pa dang / rtab por 'chad pa mi mnga' bas na brtan pa zhes bya'o/ /ring ba dang nye ba'i 'khor thams cad kyis mtshungs par thos pa'i phyir 'khor thams cad la gsungs pa'o zhes bya ba la/ de bzhin gshegs pa'i chos 'chad pa'i gsung phyung ba na 'khor nye ba 'ba' zhig gis thos kyang 'khor thag ring po na gnas pas mi thos pa ma yin gyi de ji ltar drung na gnas pa rnams kyis thos pa de bzhin du 'jig rten gyi khams du ma'i pha rol na gnas pa thams cad kyis kyang 'di dang 'dra bar thos pas na 'khor thams cad la gsungs pa zhes bya'o//'jig rten gyi don thams cad dpe'i sgo nas bsngos pa'i phyir rnam pa thams cad dang ldan pa'o zhes bya ba la/ dam pa'i chos 'chad pa'i dus na yang chos kyi don khong du chud par bya ba'i phyir 'jig rten gyi chos rgya mtsho dang ri rab dang nyi ma dang zla ba la sogs pa dper bzhag nas de dang sbyor zhing 'chad pa'i phyir rnam pa thams cad dang ldan pa zhes bya'o//bshad pa'i bdag nyid che ba la tshigs su bcad pa bzhi ste zhes bya ba la/ de bzhin gshegs pa chos 'chad pa ni 'bras bu che yon tan che bar tshigs su bcad pa bzhis bstan to zhes bya ba'i don to/ /tshig dang rtsa ba rab ldan bstan pa dang / / rnam dbye the tshom gcod pas so/ /rnam pa mang po'i rjes 'gro ba/ /brjod pa spros pas shes pa la'o/ /zhes bya ba la/ de bzhin gshegs pa rnams ni rnam pa brgyad ltar chos 'chad de/ tshig gis 'chad pa dang / rtsa ba dang rab tu ldan pas 'chad pa dang / bstan pas 'chad pa dang / rnam par dbye bas 'chad pa dang /the tshom gcod pa dang / rnam pa mang po'i rjes su 'gro ba dang / brjod pa shes pa la 'chad pa dang / spros pas shes pa la 'chad pa ste/ de yang mdo sde dag las 'chad par byed do/ /bcas par byed pa'o/ /rnam par 'jog go rnam par 'byed do/ /rnam par 'grel to/ /gsal bar byed do/ /bshad do/ /rab tu grags so zhes 'byung ba dang rim bzhin du sbyar te/de ni 'grel ba las ji ltar sbyar ba bzhin du rig par bya'o/ /tshig ni brjod pa'o zhes bya ba la/ dad pa'i rjes su 'brang ba'i gang zag la rigs pa dang ma sbyar ba tshig dang yi ges 'dus byas thams cad mi rtag go zhes bya ba la/ 'chad pa ni brjod pa zhes bya'o//rtsa ba rab tu ldan pa ni bcas pa byed pa'o zhes bya ba la/ rab tu ldan pa'i sgra ni rigs pa la bya ste/ chos kyi rjes su 'brang ba'i gang zag rnams la mngon sum dang rjes su dpag pa la sogs pa'i rigs pa dang ldan pa'i rtsa ba ston cing 'chad par byed pa ni bcas pa byed pa zhes bya'o//rab tu 'jog pa dang rnam par dbye ba dang / 'grol ba ni bstan pa dang / rnam par dbye ba dang / the tshom bcad pa dang rim bzhin no zhes bya ba la/ dang po nyid du mdo tsam du dgod cing mdor bsdus nas bstan pa ni rab tu 'jog pa zhes bya'o/ /de nas zhib tu phye ste rgyas par bshad pa la ni rnam par dbye ba zhes bya'o//chos gang dang gang la the tshom du gyur pa rnams kyi the tshom bcad cing gsal ba la ni rnam par grol ba zhes bya'o/ /gsal bar byed pa ste zhes bya ba la/ de bzhin gshegs pa chos 'chad pa na don dang tshig gsal bar 'chad par mdzad ces bya ba'i don to/ /ji ltar gsal bar mdzad ce na/de'i phyir gsal bar byed de/ nges pa'i mthu'i don gyi phyir rnam pa mang po dang ldan pas ston pa'o zhes bya ba smos te/ nges pa'i mthu zhes bya ba ni phyin ci ma log pa la bya ste/ chos rnams kyi don phyin ci ma log par rtogs par bya ba'i phyir chos 'chad pa rnam grangs du mar spros te/ yang nas yang du bsnan cing ston pa ni gsal bar byed pa zhes bya'o//bshad pa ni brjod pa shes pa la'o zhes bya ba la/ brjod pa shes pa ni glengs pa shes pa'i gang zag la bya ste/ glengs pa shes pa'i gang zag rnams la chos kyi don mdor bsdus nas ston par byed pa ni bshad pa zhes bya'o/ /rab tu bsgrags pa ni spros pas shes pa la'o zhes bya ba la/rnam grangs du mar rgyas par bshad na khong du chud par 'gyur ba'i gang zag rnams la ni spros pas shes pa zhes bya ste/ de dag la zhib tu spros te bshad pa ni rab tu bsgrags pa zhes bya'o/ /sangs rgyas rnams kyis bshad pa 'di/ /gang phyir 'khor gsum dag pas so/ /zhes bya ba la/gong du bshad pa'i bshad pa brgyad po 'di dag ni sangs rgyas rnams kyis bshad pa zhes bya ste/ bshad pa de dag kyang rnam par dag par 'dod do/ /ji ltar rnam par dag ce na/ 'khor gsum yongs su dag pas rnam par dag pa'o/ /'khor gsum ni gang gis ston pa dang / ji ltar ston pa dang /gang la ston pa'o/ /nyes pa dag dang bral ba ni rnam pa brgyad nyid du shes par bya zhes bya ba la/ 'khor gsum yongs su dag pa la yang nyes pa dang bral zhing spangs pas na 'khor gsum yongs su dag par shes par bya'o/ /nyes pa yang rnam pa brgyad yod par rig par bya'o/ / gang gis ston ce na/ tshig dang rtsa ba dang zhes bya ba la/ de bzhin gshegs pa gang gis chos ston par mdzad ce na/ tshig dang rtsa bas chos ston par mdzad de/ de yang rnam par dag pa yin par rig par bya'o zhes bya ba'i don to/ /ji ltar zhe na/ bstan pa la sogs pa'i rnam pa dang zhes bya ba la/ ji ltar ston ce na/bstan pa dang rnam par dbye ba dang / the tshom gcod pa dang rnam pa mang po'i rjes su 'gro ba ste/ de'ang rnam par dag go zhes bya ba'i don to/ /gang la zhe na/ brjod pa dang / rnam par spros pas shes pa la'o zhes bya ba la/ gang dag la ston ce na/ mdo tsam du glengs pas shes pa'i gang zag dang /zhib tu spros pas shes pa'i gang zag gnyis la bshad do zhes bya ba'i don to/ /de'ang rnam par dag go zhes bya ba'i tha tshig go/ /bshad pa de nyid kyang zhes bya ba la/ gang gis bshad pa dang / ji ltar bshad pa dang / gang la bshad pa gsum yang nyes pa brgyad spangs pas 'khor gsum yongs su dag go zhes bya ba'i don to//le lo dang ni zhes bya ba la/ nyal ba dang 'khris pa la sogs pa la dga' bas chos 'chad par mi spro ba ni le lo'o/ /de ni nyes pa gcig ste/ de bzhin gshegs pa la mi mnga' ba'o zhes bya ba'i don to/ /mi rtogs pa zhes bya ba la/chos rnams kyi rang dang spyi'i mtshan nyid khong du ma chud pa ni mi rtogs pa zhes bya'o/ /de ni nyes pa gnyis pa ste/ de de bzhin gshegs pa la mi mnga'o zhes bya ba'i don to/ /skabs mi 'byed ces bya ba la/ le lo dang mi rtogs pa med kyang slob ma la chos 'chad du mi btub cing gzhan la chos 'chad par mi bya mi tshol ba ni skabs mi 'byed pa zhes bya'o//'di ni nyes pa gsum pa ste/ de de bzhin gshegs pa la mi mnga'o zhes bya ba'i don to/ /des don min zhes bya ba la/ bkri ba'i don gyi mdo sde ni 'chad kyi/ nges pa'i don gyi mdo sde mi 'chad kyi nges pa'i don gyi mdo sde mi 'chad pa ni nyes pa bzhi pa ste/de bzhin gshegs pa la mi mnga'o zhes bya ba'i don to/ /the tshom dag ni mi gcod cing / /zhes bya ba la/ chos 'chad pa na chos rnams kyi mtshan nyid las 'khor rnams the tshom du gyur pa'i the tshom mi gcod pa ni nyes pa lnga pa ste/ de de bzhin gshegs pa la mi mnga'o zhes bya ba'i don to/ /de bral na yang bstan mi byed/ /ces bya ba la/ the tshom dang bral bar byas kyang slob ma rnams la chos kyi mtshan nyid phyin ci ma log pa la rtog pa rgya chen po la 'jog par mi byed pa zhes bya ste/ de ni nyes pa drug pa ste/ de de bzhin gshegs pa la mi mnga'o zhes bya ba'i don to//nges par mi byed pa'i don to zhes bya ba la/ chos kyi mtshan nyid phyin ci ma log par rtog pa la 'jog par mi byed pa ni nges par mi byed pa zhes bya ste/ de nyid la bstan par mi byed pa zhes bya'o/ /skyo dang ser sna nges pa ste/ / de dag gtam la nyes pa dgongs/ /zhes bya ba la/ bar 'ga' 'chad/ bar 'ga' mi 'chad pa ni skyo ba zhes bya'o/ /de ni nyes pa bdun pa ste/ de bzhin gshegs pa ni chos rgyun du 'chad par mdzad pas na nyes pa de de bzhin gshegs pa la mi mnga'o/ /kha cig la 'chad kha cig la mi 'chad pa ni ser sna zhes bya'o//de ni nyes pa brgyad pa ste/ /de bzhin gshegs pa ni chos kun la 'chad la/ sems can kun la mi 'chad pa de de bzhin gshegs pa la mi mnga'o zhes bya ba'i don to/ /brgyad po de dag ni chos 'chad pa'i gtam gyi skabs su skyon dang bar du gcod pa dang / nyes pa yin par 'dod do zhes bya ba'i don to/ /de ltar med na sangs rgyas kyis bshad pa bla na med par 'gyur zhes bya ba la/ gong du bshad pa'i nyes pa brgyad med par chos bshad na/ sangs rgyas kyis bshad pa'i chos thams cad bla na med pa yin no zhes bya ba'i don to/ /don phun sum tshogs pa'i tshigs su bcad pa gnyis te zhes bya ba la/byang chub sems dpa' dang sangs rgyas kyis bshad pa rnams la/ tshig phun sum tshogs pa dang / yi ge phun sum tshogs par ma zad kyi don yang phun sum tshogs so zhes bstan pa'i phyir/ tshigs su bcad pa gnyis rtsom mo zhes bya ba'i don to//dad dang dga' dang blo rgyu bas/ /de ni dge ba'i chos yin no/ /zhes bya ba la/ chos rnam pa gnyis te/ bshad par bya ba'i chos dang / khong du chud par bya ba'i chos so/ /de dag mdo las kyang chos de gnyis kyi dbang du byas nas/ thog mar yang dge / bar du yang dge / tha mar yang dge /don bzang yi ge bzang /gcig tu yongs su rdzogs pa/ rnam par dag pa yongs su dag pa tshangs par spyod pa yang dag par ston to zhes 'byung ba de dag gi don bshad pa de/ de la nyan pa'i dus na dad pa bskyed pa'i rgyu byed pas na thog mar yang dge ba zhes bya'o/ /bsam pa'i dus na dga' ba skye ba'i rgyu byed pas na bar du dge ba zhes bya'o//bsgom pa'i dus na blo dang shes rab skye ba'i rgyu byed pas na tha mar dge ba zhes bya ste/ de ltar dus gsum du yang dge bas na chos 'di ni dge ba'i chos yin no zhes bya ba'i don to/ /don gnyis dang ni rab gzung ba/ /zhes bya ba la/ kun rdzob kyi don dang don dam pa gnyis ston pas na don bzang po zhes bya'o//rab gzung ba ni gzung sla ba la bya ste/ tshig dang yi ge rnams kyang gzung sla ba dang 'jig rten du grags pa'i tshig dang / yi ge ston pas na yi ge bzang po zhes bya ste/ 'dis ni bshad pa'i chos kyi yon tan bstan to/ /tshangs spyod yon tan bzhi smra'o//zhes bya ba la/ tshangs pa ni mya ngan las 'das pa la bya ste/ mdo dag las kyang tshangs par gyur bsil bar gyur/ mya ngan las 'das par gyur ces gsungs pa'i phyir ro/ /mya ngan las 'das pa thob par byed pa'i 'phags pa'i lam la tshangs par spyod pa zhes bya'o/ / 'phags pa'i lam de yang yon tan rnam pa bzhi dang ldan pa ste/ chos 'di tshangs par spyod pa'i yon tan bzhi ston par byed pa yin no zhes bya ba'i don to/ /gzhan yang mi mtshungs par gcig pu ste zhes bya ba la/ gzhan dang mi mtshungs bya ba'i don ni gzhan dang thun mong du ma gyur cig ces bya ba'i don to//'phags pa'i lam de'ang chos 'di 'ba' zhig las yod kyi/ 'di las phyi rol du gyur pa mu stegs pa rnams la med pas na gcig pu zhes bya'o/ /khams gsum nyon mongs spong bas rdzogs/ /zhes bya ba la 'jig rten pa'i lam gyis nyon mongs pa spong yang srid pa'i rtse mo'i nyon mongs pa spong bar mi nus pas na rdzogs pa zhes mi bya'o//'phags pa'i lam 'dis ni srid pa'i rtse mo man chad khams gsum gyi nyon mongs pa thams cad ma lus par spong bar byed pas na yongs su rdzogs pa zhes bya'o/ /rang bzhin rnam dag ces bya ba la/ 'phags pa'i lam de rang bzhin gyis rnam par dag pa ste/shel dang nam mkha' rang bzhin gyis rnam par dag cing zag pa med pa'i rang bzhin yin pas na rnam par dag pa zhes bya'o/ /dri ma dag ces bya ba la/ 'phags pa'i lam des sems kyi rgyud la glo bur gyi dri ma yod pa bsal nas sems dri ma med par byed cing zag pa sems kyi rgyud la ni mi skye'i zag pa med pa'i sems kyi rgyud la skye bas na yongs su dag pa zhes bya'o//tshangs spyod yon tan rnam bzhi 'dod/ /ces bya ba la/ 'phags pa'i lam de ni yon tan rnam pa bzhi dang ldan par 'dod de/ yon tan rnam pa bzhi ni gcig pu dang yongs su rdzogs pa dang /rnam par dag pa dang / yongs su dag pa'o/ /de la dad pa ni mos pa yid ches pa'o zhes bya ba la/ las dang bden pa la sogs pa la mos shing yid ches pa la ni dad pa zhes bya ste/ nyan pa'i tshe dad pa skyed pa'i rgyu byed pas na thog mar dge ba yin no zhes bya ba'i don to/ / mgu ba ni dga' ba ste//thos par nus shing rig pa'o zhes bya ba la chos kyi don mthong nas sems la mgu ba skyes pa la ni dga' ba zhes bya'o/ /'di ltar sems pa'i shes rab kyis ni bla na med pa'i 'bras bu thob cing chos kyi don mthong bar nus te/ sems pa'i dus na chos kyi don mthong nas dga' ba skye ba'i rgyu byed pas na bar du dge ba yin no zhes bya ba'i don to//blo ni mnyam par gzhag pa'i sems kyis ni ji lta bur shes pa'o zhes bya ba la/ bsgom pa'i dus na blo dang shes rab skye ba'i rgyu byed pas na tha mar dge ba zhes bya ste/ ci'i phyir zhe na/ sems rtse gcig tu mnyam par gzhag pa las yang dag pa ji lta ba bzhin du bden pa bzhi shes pa'i shes pa skye ba'i phyir ro//dgongs pa dbye ba'i tshigs su bcad pa gnyis te zhes bya ba la/ de bzhin gshegs pa'i dgongs pa dang ldem po dag la phyi nang du yod bstan pa'i phyir tshigs su bcad pa gnyis rtsom mo zhes bya ba'i don to//mi skrag par bstan pas 'jug par bya ba'i phyir gzugs la sogs pa yod par bshad pa'i phyir ro zhes bya ba la/ gal te gang zag kyang med gzugs la sogs pa'i chos kyang med do zhes bshad na ni 'phags pa nyan thos dag skrag par 'gyur ro/ /skrag par gyur na de bzhin gshegs pa'i bstan pa la mi 'jug ste/de bas na nyan thos dag mi skrag cing bstan pa la gzud pa dang / chos yod par bshad pa'i sgo nas gang zag bdag med par rtogs par bya ba'i phyir gzugs la sogs pa'i chos yod do zhes bshad pas ni rjes su 'jug pa'i dgongs pa zhes bya'o//kun brtags la sogs pa'i rang bzhin gsum la rig par bya ste/ ngo bo nyid med pa dang ma skyes pa la sogs par chos thams cad bstan pa'i phyir ro zhes bya ba la/ kun brtags kyi rang bzhin dang gzhan dbang gi rang bzhin dang /yongs su grub pa'i rang bzhin gsum la dgongs nas mtshan nyid la bshad de/de la kun brtags kyi rang bzhin la dgongs nas ngo bo nyid med do zhes gsungs te/ kun brtags kyi chos rnams ni ri bong gi rwa la sogs pa bzhin du thams cad nas thams cad du med pa'i rang bzhin yin pa'i phyir ro//gzhan dbang gi rang bzhin la dgongs nas ma skyes pa dang ma 'gags pa zhes gsungs te/ sems dang sems las byung ba'i chos gzhan dbang rnams ni rgyu dang rkyen gzhan gyi mthu las skye zhing 'gag par zad kyi/ rang nyid kyis skya zhing rang nyid kyis 'gag pa med pas na mi skye mi 'gag pa zhes gsungs so//yongs su grub pa'i rang bzhin ni nam mkha' lta bu yin pas yongs su grub pa'i rang bzhin la dgongs nas chos thams cad ni rang bzhin gyis mya ngan las 'das pa zhes gsungs so/ /yang na gang du med pa dang stong pa zhes bshad pa de dag ni kun brtags kyi rang bzhin la dgongs pa'o//gang du sgyu ma dang / smig sgyu dang / gzugs brnyan lta bu'o zhes bshad pa de dag kun ni gzhan dbang gi rang bzhin la dgongs pa te/ sgyu ma la sogs pa rang bzhin du 'khrul pa skye ba'i rgyu byed pa'i phyir ro/ /gang du sa dang pha rol du phyin pa dang / byang chub kyi phyogs dang / stobs dang mi 'jigs pa la sogs pa bshad pa de dag ni yongs su grub pa'i rang bzhin la dgongs pa'o gnyen po la dgongs pa ni nyes pa 'dul ba'i phyir rig par bya ste zhes bya ba la/ mi gtsang ba bsgom pa bshad pa ni 'dod chags kyi nyes pa 'dul ba'i phyir gsungs pa dang /byams pa bsgom pa bshad pa ni zhe sdang gi nyes pa 'dul bar bya ba la dgongs te gsungs pa dang / rten cing 'brel te 'byung bar gsungs pa ni gti mug gi nyes pa 'dul bar bya ba la dgongs nas gsungs pa ste/ 'di dag nyes pa 'dul ba la dgongs zhes bya'o//de nyid kyi don bstan pa'i phyir ji ltar sgrib pa rnam pa brgyad kyi gnyen por mchog gi theg pa rnams gsungs pa ni 'og nas 'chad de/ bsngags pa dang bcas pa'i tshigs su bcad pa rnams pa gnyis 'chad pa'o zhes bya ba la/ dper na sgribs pa rnam pa brgyad kyi gnyen por theg pa chen po bshad pa lta bu'i gnyen po la dgongs pa zhes bya ste/sgrib pa rnam pa brgyad kyi gnyen por theg pa chen po gsungs pa ni phyis 'og nas 'chad de/ de yang theg pa chen po shin tu rgyas pa zhes bya ba'i mdo las bsngags pa dang bcas pa'i tshigs su bcad pa gnyis shig 'byung ba'o//bsngo ba la dgongs pa ni zab mor brjod pa las rig par bya ste zhes bya ba la tshig zab ste/ tshig kyang gzhan du 'byung don kyang gzhan du ston pa la ni bsngo ba la dgongs pa zhes bya'o/ /de nyid bstan pa'i phyir/ ji ltar/ snying po med la snying por rtog /phyin ci log la rab tu gnas//nyon mongs pas ni rab nyon mongs/ /byang chub dam pa thob par 'gyur/ /zhes smos te/ tshig de'i thad kar ni phung po lnga dang / 'dod pa lnga'i yon tan ni snying po zhes bya ste/ de la dam pa dang gtso bor 'dzin pa ni snying po med pa la snying por rtog pa zhes bya'o/ / rtag pa dang bde ba dang / gtsang ba dang bdag tu 'dzin pa ni phyin ci log la rab tu gnas pa zhes bya'o/ /'dod chags dang zhe sdang la sogs pa ni nyon mongs pa zhes bya ba ste/ nyon mongs pa de dag la rtag tu spyod pas sems dri ma can du byas pa ni nyon mongs pas ni nyon mongs pa zhes bya ste/ de ltar byas na byang chub dam pa thob par 'gyur te/ bla na med pa'i byang chub dam pa thob par 'gyur ro zhes bya ba'i don to/ /de la 'di ltar dgongs pa'o zhes bya ba ni tshigs bcad de de snyed 'byung mod kyi de ni don gzhan du dgongs shing 'chad pa ste/ de'ang ci dgongs she na/ de ni 'di ltar dgongs so zhes bya ba'i don to//snying po med pa la snying por rtog pa ni gang gis mi g.yeng ba la gtso bo'i blo dang mchog gi blo zhes bya ba la/ snying po med pa la rgya gar skad du a sa ra zhes 'byung ste/ sa ra ni sems yul la 'jug cing / phyir g.yengs pa la bya'o/ /a sa ra ni sems mi g.yengs shing rtse gcig tu gnas pa la bya ste/gang zag gang gis mos pa spyod pa'i ting nge 'dzin drod dang spyi bo dang bzod pa dang / 'jig rten chos mchog la 'di dag ni sa dang po thob par byed pa'i rgyu yin pas mchog dang dam pa dang gtso bo yin no snyam du blo 'jog pa ni snying po med la snying por rtog pa zhes bya ste/'dis ni mos pa spyod pa'i sa bzhi bstan to/ /g.yeng ba ni 'byung ba'i sems so zhes bya ba la/ sems gzugs la sogs pa'i yul la phyir 'byung zhing zhugs par 'gyur ba la g.yeng ba zhes bya'o zhes bya ba'i don to/ /phyin ci log la rab tu gnas pa ni rtag pa dang bde ba dang /gtsang ba dang bdag tu 'dzin pa las phyin ci log pa ste/ mi rtag pa la sogs pa phyin ci log pa la rab tu gnas pa ste/ mi nyams pa'i phyir ro zhes bya ba la/ rtag pa las phyin ci log pa ni mi rtag pa'o/ /bde ba las phyin ci log pa ni sdug bsngal ba'o//gtsang ba las phyin ci log pa ni mi gtsang ba'o/ /bdag tu 'dzin pa las phyin ci log pa ni bdag med pa ste/ rtag pa la sogs pa las phyin ci log tu gyur pa/ mi rtag pa la sogs pa'i don rtogs pa ni phyin ci log la rab tu gnas pa zhes bya ste/ de ltar yang sa dang po mthong ba'i lam ni rtogs pas 'di ni mthong ba'i lam bstan to//rab tu gnas pa zhes bya ba ni de ltar mi rtag pa dang / sdug bsngal la sogs pa mthong nas slar rtag pa la blo ldog cing nyams pa med pas na rab tu gnas pa zhes bya ste/ sa dang por mi rtag pa la sogs pa mthong nas de las nyams pa'i sems mi 'byung ba'i phyir ro//nyon mongs pas rab tu nyon mongs pa ni yun ring por dka' ba spyod pa dang / brtson 'grus dang 'bad pas nyon mongs pa'o zhes bya ba la/ sa gnyis nas sa bcu man chad bsgom pa'i lam na mthong ba dang bsgom pas spang bar bya ba'i nyon mongs pa rnams spang bar bya ba'i phyir 'bad pa dang brtsal ba dang /dka' ba spyod pa du mas bdag nyid sha thang bar byas pa ni nyon mongs pas nyon mongs pa zhes bya ste/ 'dis ni bsgom pa'i lam bstan to/ /de ltar mos par spyod pa'i ting nge 'dzin la mchog dang dam pa'i blo yang bskyed/ mthong ba'i lam du rtag pa la sogs pa las phyin ci log tu gyur pa'i chos mi rtag pa la sogs pa'i don yang rtogs/bsgom pa'i lam du dka' ba spyod pa du mas nyon mongs na yang sangs rgyas kyi sar bla na med pa'i byang chub thob par 'gyur ro zhes bya ba'i don to/ /ldem por ngag rnam par dbye ba zhes bya ba'i tshigs su bcad pa zhes bya ba la/de bzhin gshegs pa sems can la chos 'chad pa na ldem po ngag tu chos 'chad pa bstan pa'i phyir tshigs su bcad pa rtsom mo zhes bya ba'i don to/ /chos kyi sku la khyad par med pa'i phyir ro zhes bya ba la/ mnyam pa nyid kyi ldem po ngag ni sangs rgyas shAkya thub pas 'khor gyi nang du nga nyid de'i tshe lhag mthong yang dag par rdzogs pa'i sangs rgyas su 'gyur ro zhe'am/nga nyid de yin no zhes bka' stsal to/ /de'ang sangs rgyas shAkya thub pa nyid ma yin gyi de bzhin gshegs pa rnams kyi chos kyi sku ni cung zad kyang khyad par dang bye brag med do/ /chos kyi sku 'dra ba la dgongs nas nga nyid de yin no zhes bka' stsal to//don gzhan gyi ldem po'i ngag gi gang chos thams cad la ngo bo nyid med pa ma skyes pa'o zhes gsungs pa la sogs pa ste/ sgra ji bzhin ma yin pa'i phyir ro zhes bya ba la/ don gzhan gyi ldem po ngag ni mdo dag las chos thams cad ngo bo nyid med pa dang ma skyes pa dang /ma 'gags pa dang / rang bzhin gyis mya ngan las 'das pa'o zhes gsungs pa yang thams cad nas thams cad du med pa'i don du lta ba ma yin gyi kun brtags kyi rang bzhin la dgongs nas chos thams cad ngo bo nyid med par bshad/ gzhan dbang la dgongs nas ni ma skyes pa dang ma 'gags pa zhes bshad/yongs su grub pa la dgongs nas ni chos thams cad rang bzhin gyis mya ngan las 'das pa'o zhes bshad do/ /dus gzhan gyi ldem po ngag ni zhes bya ba la sems can gang dag le lo can dge ba cung zad kyang med du mi btub pa de dag dge ba'i rtsa ba cung zad bskyed pa'i phyir dus gzhan la dgongs nas sems can gang gis de bzhin gshegs pa snang ba mtha' yas kyi sangs rgyas kyi zhing bde ba can du skye bar smon lam btab pa de der skye bar 'gyur ro zhes gsungs pa/smon lam btab ma thag tu tshe 'di nyid la der skye bar 'gyur ba'am/ tshe brjes ma thag tu skye bar 'gyur pa ma yin gyi/de ltar smon lam btab pa dang / de'i rgyus nam zhig na skye bar 'gyur ba la dgongs nas de skad du bka' stsal ba'o/ /gang zag gi bsam pa la ldem po ngag ni gang dge ba'i rtsa ba de nyid kha cig la bstod nyung ngus mgu ba kha cig la ni smod pa'o zhes bya ba la/ de bzhin gshegs pa chos ston pa ni sems can gyi snod du sbyar zhing ston pa ste/de la gang zag kha cig dge ba'i rtsa ba rlabs po che la dad pa zhig na/ de la sbyin pa la sogs pa pha rol tu phyin pa rnams kyi yon tan bsngags pa cher bstod de bshad do/ /gang zag la spyod pa zhan pa zhig ste/ dge ba'i rtsa ba chung ngu tsam gyis chog par 'dzin pa la ni sbyin pa la sogs pa'i yon tan smad nas bstan pa ste/de ltar dge ba'i rtsa ba la cher dad pa la ni cher bstod de bstan par 'gyur/ dge ba'i rtsa ba chung ngu la mos pa rnams la ni chung ngu bsngags shing bstan pa ste/ 'di ni gang zag gi sems la dgongs pa'i ldem po'i ngag go//rgyas par bsdus pa theg pa chen po'i mdo sde las shes zhes bya ba la sogs pa la/ gong du gnyen po'i ldem po'i ngag gi skabs su nyes pa'i gnyen por gang bshad pa ni gnyen po'i ldem po'i ngag go zhes bshad pa la sgrib pa brgyad kyi gnyen por theg pa chen po bshad pa yang gnyen po'i ldem po gang yin pa'o zhes glengs pa la sgrib pa brgyad kyi gnyen por theg pa chen po bshad pa gang zhe na/rgyas par bsdus pa zhes bya ba'i theg pa chen po'i mdo sde la bsngags pa dang bcas pa'i tshigs su bcad pa gnyis shig glengs pa ste/ de la tshigs su bcad pa gnyis kyis ni sgrib pa brgyad bstan to//tshigs su bcad pa gsum gyis ni de'i bsngags pa bstan pa yin te/ spyir ni tshigs su bcad pa lnga zhig 'byung ngo / /sangs rgyas chos la smod pa dang / /le lo nyung ngus dga' ba dang / /nga rgyal 'dod chags spyod pa dang / /'gyod dang ma nges 'byed pa'o/ /zhes bya ba la/ sgrib pa brgyad ni sangs rgyas la smod pa dang /chos la smod pa dang / le lo dang nyung ngus dga' ba dang / nga rgyal la spyod pa dang / 'dod chags la spyod pa dang / 'gyod pa dang / ma nges pa 'byed pa'o/ /sems can rnams kyi sgrib pa de'i gnyen por mchog gi theg pa gsungs zhes bya ba la/ brgyad po de dag ni sems can gyi sgrib pa yin te/sgrib pa de'i gnyen por bcom ldan 'das kyis theg pa chen po gsungs so zhes bya ba'i don to/ /gang gis bar du gcod pa yi/ /nyes pa thams cad spangs pa'i phyir/ /zhes bya ba la/ gang zag gang gis mtho ris dang thar pa thob par bya ba la bar du gcod pa'i nyes pa spang bar bya ba'i phyir theg pa mchog bshad do zhes bya bar sbyar ro//tshigs bcad gnyis bsngags pa dang bcas par bstan to zhes glengs pa las tshigs bcad kyi bsngags pa tshigs bcad gsum gyis bstan to/ /de'i phyir/ gang gis tshigs bcad gnyis po 'di/ /don dang tshig dang 'dzin zhugs na//zhes bya ba la sogs pa smos so/ /de'i don ni gang zag gang gis sangs rgyas chos la smod pa dang zhes bya ba la sogs pa'i don rtogs par bya ba la zhugs pa dang / tshig dang don blangs shing mi brjed par bya ba la zhugs na zhes bya ba'i don to/ /sems can mchog gi blo ldan zhing / bsngags pa rnam bcu thob pa ste/ /zhes bya ba la/ de ltar don dang tshig 'dzin pa la zhugs nas bsngags pa rnam pa bcu 'thob pa ste bsngags pa rnam pa bcu ni sems can gyi mchog tu 'gyur zhing blo dang ldan par 'gyur te/ 'di ni bsngags rnam pa gcig go/ /blo dang ldan pa zhes bya ba ni dgongs pa dang ldem po dag la mkhas pa'i shes rab dang ldan par 'gyur ro zhes bya ba'i don to//khams rnams rab tu rgyas pa dang / /zhes bya ba la/ khams 'di'i skabs su rigs dang sa bon la bya ste/ theg pa chen po'i rigs smin cing brtas par 'gyur te 'di ni rjes su bsngags pa gnyis pa'o/ /'chi ba'i tshe ni dga' mchog skye//zhes bya ba la/ 'chi ba'i tshe yang lus sdug bsngal ba dang / /sems 'khrugs bzhin pas 'chi bar mi 'gyur gyi lus bde ba dang sems dga' bzhin du 'chi bar 'gyur te/ 'di ni rjes su bsngags pa gsum pa'o/ /ji ltar 'dod pa'i tshe dang ni/ /zhes bya ba la/ tshe rabs gzhan du yang lha dang mi la sogs pa'i gnas gang dang gang du yang skye bar 'dod pa de dang der skye bar 'gyur te/de ni rjes su bsngags pa rnam pa bzhi pa'o/ /skye ba thams cad dran pa dang / /zhes bya ba la/ tshe rabs de dang de dag tu skyes nas kyang tshe rabs snga ma la ci dang ci byas thams cad kyang dran par byas te/'di ni rjes su bsngags pa lnga pa'o/ /sangs rgyas dang ni lhan cig cing / /zhes bya ba la/ de yang ma zad kyi tshe rabs de dang de dag tu mi dge ba'i bshes gnyen dang phrad par ni mi 'gyur gyi rtag tu yang sangs rgyas dang 'grogs shing phrad par 'gyur te/ 'di ni rjes su bsngags pa drug pa'o/ / theg pa mchog dag de las nyan/ /zhes bya ba la/ sangs rgyas dang phrad nas kyang theg pa chen po'i chos dag de bzhin gshegs pa las nyan par byed de/ 'di ni rjes su bsngags pa bdun pa'o/ /blo dang ldan pas mos pa dang / /zhes bya ba la/ de ltar sgrib pa dang bral te blo dang ldan par gyur nas/theg pa chen po'i chos la dga' ba dang / dad pa dang mos pa mang bar 'gyur te/ 'di ni rjes su bsngags pa brgyad pa'o/ /sgo gnyis myur du byang chub 'thob/ /zhes bya ba la/ gzhan yang ting nge 'dzin gyi sgo dang gzungs kyi sgo gnyis 'thob par 'gyur te/ 'di ni rjes su bsngags pa dgu pa'o//de ni bskal pa grangs med pa gsum du ni mi thogs kyi bla na med pa'i byang chub tu 'tshang rgya bar 'gyur te/ 'di ni rjes su bsngags pa bcu pa'o/ /de la ma nges pa dbye ba ni byang chub sems dpa' ma nges pa rnams theg pa chen po las 'byed pa'o/ /zhes bya ba la/ sgrib pa brgyad las/ gang dka' ba de bshad do/ /ma nges par dbye ba zhes bya ba ni byang chub sems dpa'i rigs ma nges pa dag sngon byang chub sems dpa'i spyad pa spyod pa las phyis nyan thos la sogs pa'i bshes gnyen dang phrad nas bla na med pa'i byang chub ni bskal pa grangs med pa gsum du bsgrub dgos pas/dus rang gi tshe gsum tsam gyis sgrub la/ nyan thos kyi 'bras bu blang ngo snyam nas byang chub sems dpa'i spyod pa btang ste/ nyan thos kyi spyod pa la zhugs pa ni ma nges pa zhes bya ste/ ma nges pa'i rigs can dag theg pa chen po spyod pa dang dbye bar 'gyur zhes bya ba'i don to//theg pa'i mchog bshad pa ni theg pa chen po bstan pa'o zhes bya ba la/ de ltar sgrib pa rnam pa brgyad kyi gnyen por nyan thos dang rang sangs rgyas kyi theg pa bshad pa ni ma yin gyi theg pa chen po bshad pas na theg pa mchog bshad pa zhes bya'o/ /sangs rgyas la smod pa'i sgrib pa'i gnyen por rang nyid de'i tshe de'i dus na lhag mthong yang dag par rdzogs pa'i sangs rgyas so zhes bya ba gsungs so zhes bya ba la/sems can kha cig 'di snyam du sngon gyi de bzhin gshegs pa lhag mthong la sogs pa'i bskal pa bzang po dang dus bzang po'i tshe byung ba dang sangs rgyas kyi zhing shel gyi kha dog la sogs pa rnam par dag pa sems can la rtog pa med pa de bzhin gshegs pa'i sku tshe yang ring la sku lus kyi tshad kyang che ba yin na/de bzhin gshegs pa sangs rgyas shAkya thub pa 'di ni sku skal chung ba ste/ snod kyi 'jig rten dang sems can gyi 'jig rten yang ma dag pa'o//ji lta zhe na/ snod kyi 'jig rten yang rdo dang tsher ma dag dang ngam grogs la sogs pas gang ba/ sems can yang ma dag pa ste snyigs ma lnga'i rang bzhin no/ /de bzhin gshegs pa yang sku tshe thung zhing sku tshad chung ba yin no zhes smad cing brnyas par byed de/ de ltar brnyas pa de ni bsod nams dang ye shes kyi zhing sems can thams cad kyi mchog gnas la brnyas pa ni ngan song du lhung ba'i rgyur 'gyur zhing thar pa dang mtho ris thob pa la bar du gcod pas na sgrib pa yin no//sgrib pa de'i gnyen por de nyid de'i tshe de'i dus na lhag mthong yang dag par rdzogs pa'i sangs rgyas su gyur to zhes bya ba gsungs te/de skad du bka' stsal pa dang / sngon gyi de bzhin gshegs pa sku skal chen por gyur pa yang sangs rgyas shAkya thub pa yin no snyam nas de bzhin gshegs pa la dga' ba dang mgu ba'i sems skye bar 'gyur gyi brnyas pa'i sems ldog par 'gyur ro//chos la smod pa sgrib par 'gyur ba'i gnyen por gang gA'i klung gi bye ma snyed kyi sangs rgyas la bsnyen bkur byas nas gzod theg pa chen po'i don khong du chud par 'gyur ro zhes gsungs so zhes bya ba la sems can kha cig 'di snyam du sangs rgyas kyi chos 'di dag ni ma rabs gdol pa dang gdol bu dang bud med dang byis pa dang /phyugs rdzi la sogs pas kyang spyod du rung gi zhing kun gyis kyang brda sprad par nus pas rung ba ma yin zhing sla ba yin no snyam nas chos la smod par byed de/ de yang nyon mongs pa thams cad kyi sman du gyur pa/ bla na med pa'i byang chub lam ston par byed pa la smad na ngan song du ltung ba'i rgyur 'gyur zhing thar pa dang mtho ris thob pa la bar du gcod pas na sgrib pa zhes bya'o//de'i gnyen por gang gA'i klung gi bye ma snyed kyi sangs rgyas la bsnyen bkur byas nas gzod theg pa chen po bla na med pa'i don khong du chud par 'gyur ro zhes gsungs te/ gang gA'i klung gi bye ma snyed kyi sangs rgyas la bsnyen bkur ma byas na ni rgyal rigs la sogs pas kyang theg pa chen po'i don rtogs par mi 'gyur gyi gang gA'i klung gi bye ma snyed kyi de bzhin gshegs pa la bsnyen bkur byas na gzod theg pa chen po'i don rtogs par bshad de/de ltar bshad pa dang chos 'di dka' ba mang pos rtogs par 'gyur bas brnyas pa'i gnas ma yin no snyam nas brnyas pa'i sems ldog cing dga' ba'i sems skye bar 'gyur ro/ /le lo'i sgrib pa'i gnyen por ni gang bde ba can du smon lam btab na de nyid du skye bar 'gyur zhing dri ma med pa'i zla ba de bzhin gshegs pa'i mtshan bzung ba tsam gyis kyang bla na med pa yang dag par rdzogs pa'i byang chub tu 'gyur ro zhes gsungs pa'o zhes bya ba la/sems can le lo can la la dag glegs bam bklag pa dang bsgom pa la sogs pa'i dge ba lta ga la byed kyi smon lam tsam yang mi 'debs de bzhin gshegs pa'i mtshan tsam yang mi brjod de/de yang dge ba'i rtsa ba chen po skye bar bya ba dang / thar pa dang mtho ris thob par bya ba dang / bar du gcod pas na sgrib pa'o/ /de'i gnyen por gang gis sangs rgyas snang ba mtha' yas kyi 'jig rten gyi khams bde ba can du skye bar smon lam btab pa ste/der skye bar 'gyur ro zhes gsungs pa dang / gzhan yang gang gis dri ma med pa'i zla ba de bzhin gshegs pa'i mtshan bzung ba tsam gyis kyang bla na med pa yang dag par rdzogs pa'i byang chub tu 'gyur ro zhes gsungs pa dang / gzhan yang gang gis gzungs 'di bklags na mtshams med pa la sogs pa'i las byed pa yang dag par 'gyur ro zhes gsungs te de skad du bshad pa dang le lo can dag smon lam 'debs par byed pa dang /de bzhin gshegs pa'i mtshan 'dzin pa dang / gzungs dag klog par byed de/ de'i sgo nas dge ba'i rtsa ba sogs pa'o//dge ba'i rtsa ba la gnas na nam zhig na 'tshang rgya bar 'gyur ba dang gzhan yang 'di snyam du smon lam btab cing mtshan bzung ba tsam gyis kyang / sangs rgyas kyi zhing du skye zhing 'tshang rgya na nyan pa dang bsam pa la sogs pa'i sgo nas dge ba rgya chen po spyad na lta gdon mi za bar 'tshang rgya zhes nyan pa dang sems pa la sogs pa la yang 'jug par byed de/de bas na le lo'i gnyen por 'gyur ro/ /nyung ngus mgu ba'i sgrib pa'i gnyen por gang kha cig tu bcom ldan 'das kyis sbyin pa la sogs pas smad kha cig bsngags pa'o zhes bya ba la/ sems can la la dag dge ba'i rtsa ba cung zad tsam gyis chog par 'dzin pa ste/sbyin pa tsam gyis chog par 'dzin cing tshul khrims dang mnyan pa dang bsam pa la sogs pa dge ba chen po la mi 'jug ste/ de dag dge ba'i rtsa ba rgya chen po la gzung bar bya ba'i phyir/ skabs kha cig tu ni bcom ldan 'das kyis sbyin pa las ni longs spyod tsam yang mi nus te/bla na med pa'i byang chub mi 'thob po zhes smad do/ /skabs kha cig tu ni gang zag ser sna can rnams gtong ba la chung zad kyang mi 'jug pa rnams kyi ser sna dang bral ba'i phyir sbyin pa ni longs spyod phun sum tshogs pa la sogs pa/ thob par byed pa yin no zhes bya ba'i bsngags pa'o/ /'dod chags spyod pa'i sgrib pa'i gnyen por bcom ldan 'das kyis sangs rgyas kyi zhing phun sum tshogs pa lhag par bsngags pa gsungs so zhes bya ba la/ 'jig rten gyi 'dod pa lnga'i longs spyod la chags shing gtong mi phod pa ni 'dod chags la spyod pa zhes bya la/khams gsum gyi longs spyod dang 'byor pa la mchog dang dam par 'dzin pa nyid 'jig rten 'das pa'i 'byor ba dang longs spyod 'thob par bya ba la/ bar du gcod pas na sgrib pa'o/ /de'i gnyen por sangs rgyas kyi zhing gi yon tan phun sum tshogs pa lhag par bshad do//'di ltar sangs rgyas kyi zhing ni sa gzhi yang rin po che las byas pa/ lha'i na bza' ka tsa lin da la sogs pa reg na 'jam pa dang ldan pa dag yod de/ dpag bsam shing gi phreng bas brgyan pa bdud rtsi'i rdzing rnam pa sna tshogs dang ldan pa kha zas ro brgya dang ldan pa dag za ste/stong gsum gyi stong chen pa'i 'jig rten gyi khams kyi sems can kun gyis bskal pa'i mthar zos na yang zad par mi 'gyur ro zhes gsungs te/ de lta bu dag thos nas 'jig rten gyi longs spyod la ngan skyugs tsam du 'dzin par 'gyur te/ de bas na 'dod chags kyi gnyen por 'gyur ro//nga rgyal spyod pa'i sgrib pa'i gnyen por bcom ldan 'das kyis gang sangs rgyas gzhan dag gi phun sum tshogs pa lhag par bsngags pa gsungs pa'o zhes bya ba la/ sems can la la dag longs spyod dang tshe dang mdog la sogs pas rgyags pa ste/ don du nye bar len pa'i phung po lnga la dam pa dang mchog tu 'dzin to//de'ang dper na lha dang klu dang gnod sbyin la sogs pa gzugs dang mthu rgya chen po dang / phyug po la sogs pas snyems shing bdag ni gzugs bzang po'o/ /blta na sdug pa'o/ /mthu chen po'o snyam nas kyang bdag las lhag pa gzhan med do snyam du sems so//de snyam du sems pa de de'ang de bzhin gshegs pa'i sku dang / ye shes phun sum tshogs pa thob par bya ba la bar du gcod pas na sgrib pa zhes bya'o/ /de'i gnyen por ni de bzhin gshegs pas sangs rgyas gzhan dag gi yon tan lhag par bsngags te/de bzhin gshegs pa'i sku ni zla ba'i dkyil 'khor dang 'dra ba mtshan sum cu rtsa gnyis dang dpe byad bzang po brgyad cus brgyan pa longs spyod yang phun sum tshogs pa dang ldan pa'i sku'i mthu yang phyag gi tshigs gcig la spos kyi glang po du ma'i mthu dang ldan pa'o zhes bsngags te/ de ltar bsngags pa thob pa dang / bdag cag so so'i mthu dang gzugs la sogs pa chen po tsam ma yin par mthong nas nga rgyal med par 'gyur ro/ /'gyod pas sgrib pa'i gnyen por gang sangs rgyas dang byang chub sems dpa' la gnod pa byed na de thams cad mtho ris su 'gro'o zhes gsungs pa'o zhes bya ba la/la la zhig gis mi shes pa'i dbang gis sangs rgyas dang byang chub sems dpa' la gnod pa byas pa dang / phyis de ltar byas pa de sdig pa dran nas de ltar bdag gis sdig pa byas pa ni mi rigs pa dag byas te/ bdag ngan song du 'gro bar 'gyur ro snyam nas 'gyod pa skye'o/ / de ltar 'gyod pa dang mya ngan gyis sems dkrugs pas na dge ba la yang mi 'jug cing / 'gyod pa'i gnyen po la yang brten par ma byas pas na de ni sgrib pa'o/ /de'i gnyen por sangs rgyas dang byang chub sems dpa' la gnod pa byas na yang mtho ris su 'gro zhes gsungs te/ de skad thos pa dang 'gyod pa dang bral zhing 'gyod pa gtong bar byed de/ji lta zhe na/ 'di ltar de dag la gnod pa byas na yang mtho ris su skye na/ cung zad de dag la phan pa byas na lta ci smos zhes cung zad de dag la phan pa byas na sangs rgyas dang byang chub sems dpa' la dad pa skye zhing dge ba la yang 'jug par 'gyur ba'i phyir ro//ma nges par dbye ba'i sgrib pa'i gnyen por nyan thos chen po rnams sangs rgyas su lung bstan par bshad pa dang / theg pa gcig tu bshad pa'o zhes bya ba la/ gang byang chub sems dpa'i rigs ma nges pa dag sngon byang chub sems dpa'i spyad pa spyod pa las phyis nyan thos la sogs pa'i bshes gnyen gyis nyan thos kyi theg pa la spyod du bcug nas byang chub sems dpa'i spyod pa btang ba ni ma nges pa'i dbye ba zhes bya'o//theg pa chen po'i spyod pa btang ba nyid bla na med pa'i byang chub thob par bya ba la bar du gcod pas na sgrib pa'o/ /de'i gnyen por nyan thos chen po rnams sangs rgyas su lung bstan pa dang /theg pa gcig tu zad par bshad do/ /de la bcom ldan 'das kyis dam pa'i chos puN+Da rI ka las theg pa ni gcig tu zad kyi gsum du med do zhes bshad pa dang / nyan thos la sogs pa 'tshang rgya ba ma yin yang 'phags pa kA t+yA ya na theg pa chen po la 'tshang rgya bar 'gyur bar lung bstan te/de ltar bshad pas ma nges pa'i rigs can rnams 'di snyam du sems te/ de ltar theg pa gcig tu zad la nyan thos chen po rnams kyang 'tshang rgya na nyan thos kyi theg pa la zhugs pas ci zhig byas dang po nas theg pa chen por zhugs par bya'o zhes theg pa chen po la 'jug par 'gyur ro//khams thams cad rgyas par 'gyur ba ni theg pa chen po'i gnas su khams rgyas pa'o zhes bya ba la/ theg pa chen po'i rigs la khams zhes bya ste/ theg pa chen po'i chos thams cad la mos pa dang dad par 'gyur ba'i rigs brtas shing smin par 'gyur ba la khams rgyas pa zhes bya'o//sgrib pa de dang bral bas theg pa chen po thams cad la mos pa'ang 'thob po zhes sgrib pa brgyad dang bral na theg pa chen po'i chos thams cad la dga' ba dang rangs pa dang mos pa skye ba'i sems 'thob par 'gyur ro zhes bya ba'i don to/ /sgo gnyis ni ting nge 'dzin gyi sgo dang gzungs kyi sgo'o zhes bya ba la/ting nge 'dzin gyi sgo nas nam mkha' mdzod kyi ting nge 'dzin dang / dpa' bar 'gro ba la sogs pa'i ting nge 'dzin to/ /gzungs kyi sgo ni mi zad pa'i za ma tog gi gzungs la sogs pa'o/ /tshe 'di nyid la bsngags pa rnam pa gnyis so zhes bya ba la/tshe 'di nyid la bsngags pa rnam pa gnyis 'thob ste/ khams rgyas pa dang 'chi ba'i tshe dga' ba mchog dang ldan par 'gyur ro/ /phyi ma la rnam pa brgyad de rim gyis khyad par gyi bye brag 'thob par rig par bya'o zhes bya ba la/ tshe rabs phyi ma la rjes su bsngags pa brgyad 'thob ste/de la dus gcig tu cig car mi 'thob kyi yon tan khyad par can rnams 'thob bo zhes bya ba'i don to/ /yang ji ltar na dang po la tshe 'dir khams rgyas par 'gyur ro/ /de nas 'chi ba'i tshe na dga' ba dang ldan par 'gyur ro/ /de nas gar skye bar 'dod pa der skye bar 'gyur ro/ /de nas skye ba dran par 'gyur ro//de nas sangs rgyas dang phrad par 'gyur ro/ /de nas de las chos nyan par 'gyur ro/ /de nas de las chos nyan pas blo dang ldan pa'i sgo nas mos pa dang ldan par 'gyur ro/ /de nas sgo gnyis thob pas mjug tu mngon par 'tshang rgya bar 'gyur ro/ /yang na rjes su bsngags pa de dag rim gyis thob par nges pa med kyi 'chol bar 'thob par 'gyur ro zhes bya ba'i don to//bshad pa bsngags pa'i tshigs su bcad pa ste zhes bya ba la/ 'di yan chad du chos btsal ba dang / chos bshad pa dang / chos bshad pa la yi ge phun sum tshogs pa dang / tshig phun sum tshogs pa dang /dgongs pa dang ldem po ngag la sogs pa bshad nas da ni de dag gi mjug bsdus te chos bshad pa'i bsngags pa dang / yon tan ston to zhes bya ba'i don to/ /rab tu blo gros mi skyo snying rje can/ /grags par bsgrags dang cho ga shes rab ldan/ /byang chub sems dpa' mdzes par smra ba yin//zhes bya ba la/ chos rnams kyi mtshan nyid phyin ci ma log par 'chad par nus pa'i shes rab dang ldan pas na rab tu blo gros dang ldan pa zhes bya'o/ /bar 'ga' 'chad par 'ga' mi 'chad pa med kyi byang chub rgyun du 'chad pas na mi skyo ba zhes bya'o/ /khe dang bkur sti 'dod pa'i phyir 'chad pa ma yin pas na snying rje can zhes bya'o//pha rol tu phyin pa drug dang ldan zhing mkhas par grags pas tshig 'jebs shing btsun pas na legs par bsgrags pa zhes bya'o/ /sems can gang la chos gang bstan par rigs pa'i sems can de la chos ston pas chos gang rab tu shes pa dang ldan pa zhes bya ste/de ltar rnam pa lnga ltar chos 'chad pas na mdzes par gsungs pa zhes bya ste/ ma nor bar bzang po sgrub pa yin no zhes bya ba'i don to/ /dpe ci dang 'dra zhe na/ de'i phyir/ 'jig rten dag na brjod pa phan pa nyi ma bzhin/ /zhes bya ba smos te/ dper na nyi ma 'jig rten dag la phan pa dang dro ba dang snang bar byed pa de bzhin du byang chub sems dpa'i chos bstan pa nyi mas kyang 'jig rten la phan pa dang snang bar byed do zhes bya ba'i don to//rgyu lngas mdzes par smra ba nyi ma lta bu ldan pa'i bsngags pa ni zhes bya ba la/ rgyu rnam pa lnga lta bur chos ston pas na byang chub sems dpa' chos smra ba ni mdzes par smra ba yin pas nyi ma dang 'dra bar bsngags te/dper na nyi ma shar na 'jig rten rnams la phan pa dang / dro ba dang snang bar byed pa de bzhin du byang chub sems dpa'i chos bstan pa'i nyi mas kyang 'jig rten la phan pa dang bde ba dang snang bar byed pas na 'jig rten pa dag byang chub sems dpa' la gus pa mang du bskyed do zhes bya ba'i don to//phyin ci ma log par smra ba dang zhes bya ba la/ byang chub sems dpa' de blo gros rab dang ldan pas na 'khrul pa dang phyin ci log tu 'chad par mi 'gyur te/ chos rnams kyi rang dang spyi'i mtshan nyid phyin ci ma log par 'chad pa byed pas na blo gros rab dang ldan pa zhes bya'o//rgyun tu dang zhes bya ba la/ byang chub sems dpa' chos 'chad pa yang bar 'ga' 'chad par 'ga' mi 'chad pa ma yin gyi rgyun tu 'chad par byed de de bas na mi skyo ba zhes bya'o/ /zang zing med pa'i sems dang zhes bya ba la/chos 'chad pa yang sems can gyi sdug bsngal bsal ba'i phyir chos 'chad kyi/ khe dang bkur sti la sogs pa'i zang zing la sogs pas 'chad pa ma yin pas na snying rje can zhes bya'o/ /'jebs pa'i tshig dang zhes bya ba la/ byang chub sems dpa' de yon tan phun sum tshogs pa dang ldan par phyogs bcu kun du grags te//de'i tshig kun gyis mnyan cing tshig 'jebs par 'gyur bas na grags pa zhes bya'o/ /'dul ba dang mthun pa'o zhes bya ba la 'dul ba'i sems can gang la chos gang bshad par rigs pa'i sems can de la chos 'chad de dper na 'dod chags can la mi gtsang ba la sogs pa 'chad pas na cho ga rab dang ldan pa zhes bya'o//chos bshad pa'i skabs bshad pa rdzogs so// //bshad pa'i skabs kyi rjes la/ bsgrub pa'i skabs bshad par ci 'brel zhe na/ bdag gis ji ltar btsal ba'i chos gzhan la bshad na ni gzhan la phan pa bsgrub pa yin la/ji ltar btsal ba'i chos de nyid kyi don/ bdag gis bsgrubs na ni bdag la phan pa bsgrub pa yin te/ de bas na thos pa mang po dang ldan pa rnams kyis nyan pa nyid kyi chos gzhan la bshad par bya'o//bdag nyid la phan par bya ba'i phyir bdag nyid kyis kyang bsgrub par bya dgos te/ de bas na bshad pa'i skabs kyi rjes la bsgrub pa'i skabs bshad par 'brel to/ /yang mig yod par mar me lag na thogs pa ni bdag dang gzhan gnyi gas kyang lam mthong bar 'gyur la long ba mar me thogs pa ni gzhan gyis lam mthong bar zad kyi bdag gis mthong ba la mi phan no//de dang 'dra ba ji ltar btsal bas chos gzhan la bstan te/ bdag gis ma bsgrubs na ni gzhan la phan par zad kyi/ bdag la phan pa med do/ /de bas na ji ltar btsal ba'i chos gzhan la phan par bya ba'i chos bshad par bya'o//bdag la phan par bya ba'i phyir ni bsgrub par bya ste/ de bas na bshad pa'i skabs kyi rjes la bsgrub pa'i skabs bshad par 'brel to/ /sgrub pa rnam par dbye ba'i tshigs su bcad pa drug go zhes bya ba mdo sde las sgrub pa rnam par dbye ba bshad pa ni ji ltar don shes pa dang chos la chos kyi rjes su sgrub par 'gyur ba dang /mtshungs par sgrub pa dang chos la rjes su spyod pa zhes 'byung ba ste/ tshig lnga pa de dag gi don tshigs su bcad pa drug gis bstan to/ /de la yang don shes pa dang / chos shes pa gnyis ni tshigs su bcad pa dang po dang gnyis pas bstan to//chos la chos kyi rjes su sgrub par 'gyur ba dang / mtshungs par 'gyur ba gnyis ni tshigs su bcad pa gsum pa dang bzhi pas bstan to/ /chos la rjes su spyod pa tshigs su bcad pa lnga pa dang drug pas bstan to/ /gang zag chos la blo ldan gyis/ /bdag med gnyis su shes pa dang //zhes bya ba la/ blo dang ldan pa ni shes rab ldan pa'i byang chub sems dpa' la bya ste/ byang chub sems dpa' des gang zag la yang bdag med pa gnyis su shes so chos la yang bdag med pa gnyis su shes so zhes bya ba'i don to/ /ji lta zhe na/ gang zag dang srog dang bdag tu brtag pa'i kun brtags kyi gang zag kyang gzung ba'i ngo bor med pa dang /'dzin pa'i ngo bor med pas bdag med par shes/ kun brtags kyi chos gzugs dang sgra la sogs pa la yang gzung ba'i ngo bor med pa dang / 'dzin pa'i ngo bor med pas bdag med par shes so/ /gnyis la log dang ma log pa//rnam par spangs pa gsum pas so/ /zhes bya ba la/ gnyis ni med pa'i don dang yod pa'i don to/ /log pa'i rang bzhin yang spangs ma log pa'i rang bzhin yang spangs pa'i stong pa nyid dang smon pa med pa dang / mtshan ma med pa'i ting nge 'dzin gsum gyis med pa'i don dang / yod pa'i don gnyis shes so zhes bya ba'i don to/ /de la gnyis ni gzung ba dang / 'dzin pa med pas chos dang gang zag la bdag med par shes so/ /zhes bya ba la/ gnyis ni gzung ba dang 'dzin pa gnyis la bya ste/ gzugs dang sgra la sogs pa'i kun brtags kyi chos kyang gzung ba dang 'dzin pa'i rang bzhin med pas bdag dang gang zag la sogs pa'i kun du brtags pa'i bdag kyang gzung ba dang 'dzin pa'i ngo bo med pas na bdag med par shes so zhes bya ba'i don to//log pa dang yang dag par spangs pa gsum gyis ni gnyis te zhes bya ba la/ log pa dang yang dag par spangs pa'i rang bzhin stong pa nyid dang /mtshan ma med pa la sogs pa'i ting nge 'dzin gsum gyis ni med pa dang yod pa'i don shes so zhes bya ba'i don to/ /kun brtags rang bzhin gnyis med pa la stong pa'i ting nge 'dzin gyis so zhes bya ba la kun brtags kyi chos dang gang zag gi rang bzhin med de/ci'i phyir zhe na/ ming dang mtshan ma dang tha snyad dang / brdar kun du brtags pa thams cad ni ri bong gi rwa bzhin du yod pa ma yin pa'i phyir ro/ /kun brtags rang bzhin med pa ni stong pa nyid kyis ting nge 'dzin gyis shes so/ /ci'i phyir zhe na/ stong pa nyid kyi ting nge 'dzin ni kun brtags kyi chos dang gang zag la bdag med pa dang /stong par bsgom pa'i rnam pa yin pa'i phyir ro/ /gzhan gyi dbang dang yongs su grub pa gnyis kyi rang bzhin yod pa la smon pa med pa dang / mtshan ma med pas so zhes bya ba la/ gzhan gyi dbang dang yongs su grub pa gnyis yod pa de gnyis ni smon pa med pa dang /mtshan ma med pa'i ting nge 'dzin gnyis kyis rim bzhin du shes so/ /ji lta zhe na/ gzhan gyi dbang de ni yang dag pa ma yin pa'i kun du rtog pa'i sdug bsngal rnam pa sna tshogs dang ldan pa 'dod chags la sogs pa'i nyon mongs pa skyon can du byas pa yin pas rang bzhin yod du zin kyang smon pa bya ba'i gnas ma yin zhes smon pa med pa'i ting nge 'dzin gyis rtogs so//yongs su grub pa ni rang bzhin yod la smra ba dang bsam pa dang spro ba'i mtshan nyid kyi rtog pa dang bral bas 'di 'dra'o zhes mtshan ma brtag tu rung ba ma yin par mtshan ma med pa'i ting nge 'dzin gyis shes so//ting nge 'dzin de gsum 'jig rten gyis te zhes bya ba la/ stong pa nyid la sogs pa'i ting nge 'dzin gsum ni mos pa spyod pa'i sa bzhi'i tshe na/ bsgom pas 'jig rten pa zhes bya ste/ 'jig rten dang 'jig rten las 'das pa'i lam la ltos nas ni log pa dang ma log par bzhag go//de la mos pa spyod pa'i sar ma zhugs pa 'jig rten pa la ltos nas ni ma log pa zhes bya'o/ /'jig rten las 'das pa'i lam la ltos nas ni log pa zhes bya'o/ /'jig rten las 'das pa'i ye shes bskyed pas na phyin ci ma log pa'o zhes bya ba la/log pa spangs pa zhes 'chad de/ mos pa spyod pa'i sa na de ting nge 'dzin de gsum bsgoms te/ de gsum la bsgoms pa'i rgyus sa dang po thob cing 'jig rten las 'das pa'i ye shes khong du chud de/ rnam par mi rtog pa'i ye shes kyi rgyu byed pas na phyin ci ma log pa zhes bya'o//'jig rten las 'das pa ma yin pa'i phyir yang dag pa ma yin no zhes bya ba la/ ma log pa spangs pa 'chad de/ ting nge 'dzin de gsum yang 'jig rten las 'das pa'i ye shes nyid du ma gyur cing / rnam par mi rtog pa'i rang bzhin ma yin pas na yang dag pa ma yin no/ /zhes bya ba'i don to//don shes pa ni chos kun la/ /gzings dang 'dra bar rtogs pa'o/ /zhes bya ba la/ gong du bshad pa ltar nyan pa'i shes rab kyis gang zag dang chos la bdag med pa gnyis rtogs pa ni don shes pa zhes bya'o/ /don shes pa de ni 'phags pa rdo rje gcod pa las gsungs pa bzhin du chos thams cad gzings dang 'dra bar rtogs te/dper na chu bo las bsgral bar bya ba'i phyir/ gzings bca' zhing gru la sogs pa'i gzings la brten te chu bo brgal nas gzings dor ba de bzhin du chos kyi don rtogs par bya ba dang / nyon mongs pa spang bar bya ba'i phyir dam pa'i chos nyan cing / bsam pa la sogs pa bya ba yin la don rtogs nas ni de dag kyang 'dor bar bya ba yin par khong du chud pas na gzings dang 'dra bar rtogs so zhes bya bar rtogs te/ de yan chad du don shes pa bstan to/ /thos pas dga' ba spangs pa'i phyir/ /chos shes pas ni des brjod do/ /zhes bya ba la/de ltar thos pa tsam gyis kyang chog par mi bya'i ji ltar thos pa'i chos de dag ma nor bar rig par bsam dgos te/ de bas na thos pas 'dzin pa spangs nas bsam pa'i shes rab la gus pa bskyed cing / sems pa la 'jug par byed pa ni chos shes pa zhes bya'o zhes bya ba'i don to/ / so sor 'gro ba'i shes pa yis/ /de bzhin gnyis por rab rtogs na/ /de yi shes pa rdzogs bya'i phyir/ /chos kyi rjes su bsgrub pa'o/ /zhes bya ba la so sor 'gro ba ni so so'i skye bo la bya ste/ so so'i skye bo phal pa'i dus na mnyan pa'i shes rab kyis don shes pa dang / bsam pa'i dus na chos shes pa gnyis la brten nas/gang zag dang chos la bdag med pa gnyis rtogs pa'i ye shes de nyid rdzogs shing dag pa dang / 'jig rten las 'das pa'i ye shes kyi mtshan nyid du 'gyur bar bya ba'i phyir/ mos pa spyod pa'i sa drod la sogs pa la bsgom par 'jug pa ni chos la chos kyi rjes su bsgrub par 'gyur ro zhes bya ba'i don to//de nas ye shes 'thob pa ni/ /bla med 'jig rten 'das pa ste/ /dang po yi ste mnyam pa ni/ /byang chub sems dpa' kun dang ngo / /zhes bya ba la/ de nas zhes bya ba ni mos pa spyod pa'i sar bsgom pa la zhugs pa'i 'og tu zhes bya ba'i don to//de'i 'og tu ye shes thob par 'gyur ro zhes bya ba'i don to/ /ye shes ci 'dra ba zhig yod ce na/ 'jig rten las 'das pa bla na med pa'i ye shes 'thob ste/ rnam par mi rtog pa'i ye shes 'thob bo zhes bya ba'i don to/ /ye shes de 'jig rten pa rnams la med pas na 'jig rten las 'das pa zhes bya'o//ye shes de las khyad zhugs pa gzhan nyan thos dang rang sangs rgyas la sogs pa su la yang med pas na bla na med pa zhes bya'o/ /de'ang gang gi tshe 'thob ce na sa dang po la 'thob ste/ sa rab tu dga' ba'i dus na 'thob po zhes bya ba'i don to/ /de'i tshe sa dang por zhugs pa'i byang chub sems dpa' kun dang mnyam pa nyid du 'gyur ro//de bas na bsgrub pa mtshungs par bsgrub pa zhes bya ste/ sa dang por zhugs pa'i byang chub sems dpa' rnams dang sku dang gsung dang thugs mnyam zhing mtshungs pa thob pa'i phyir ro/ /mthong bas spang bya'i nyon mongs dag /thams cad zad par byas nas su/ /shes bya'i sgrib pa spang ba'i phyir/ /bsgom pa la ni 'jug par bya/ /zhes bya ba la/ der sa dang por rnam par mi rtog pa'i ye shes thob nas mthong bas spang bar bya ba'i nyon mongs pa thams cad ma lus par spangs te/ zad par byas nas de'i 'og tu shes bya'i sgrib pa spang bar bya ba'i phyir/sa gnyis nas sa bcu'i bar du bsgom pa 'jug par byed do zhes bya ba'i don to/ /de la bsgom pa'i lam ni ye shes gang la bsgom pa dang / ye shes gang gis shes bya'i sgrib pa spong bar 'gyur ba'i ye shes bstan pa'i phyir/ rnam par rtog dang rnam mi rtog /ye shes kyis te lhan cig spyod/ /de bzhin chos kyi rjes su spyod/ /lhag ma dag gis sa la'o/ /zhes bya ba smos te/ de la rnam par rtog pa'i ye shes ni dag pa 'jig rten pa'i ye shes te/ ye shes gang gis so so'i spang bar bya ba'i chos ni 'di yin bsgrub par bya ba'i chos ni 'di yin/so so'i mtshan nyid ni 'di yin no zhes rnam par rtog par byed do/ /rnam par mi rtog pa'i ye shes ni gang gis sa thams cad nam mkha' ltar khong du chud pas so so'i dri ma sbyang zhing / ma thob pa rnams kyang thob par byed pa'o/ /ye shes de gnyis kyang lhan cig spyod de/ rnam par mi rtog pa'i ye shes la dag pa 'jig rten pa'i ye shes 'byung ba dang dag pa 'jig rten pa'i ye shes kyi rjes la rnam par mi rtog pa'i ye shes 'byung ste/de ltar phan tshun rim gyis 'byung bas na lhan cig spyod pa zhes bya'o/ /de ltar na sa gnyis nas sa bcu'i bar du ye shes de gnyis kyis shes bya'i sgrib pa spong bar byed pa ni chos kyi rjes su spyod pa zhes bya'o//lhan cig spyod pa ni rjes su 'brel bar spyod pa ste/ phan tshun du rgyun du'o zhes bya ba la/ ye shes gcig gi rjes la gcig 'byung zhing rjes su 'brel bar 'byung ba la/ lhan cig spyod pa zhes bya ste/ de yang ye shes de gnyis phan tshun du rgyun du 'byung ste/ rnam par mi rtog pa'i ye shes kyi rjes la dag pa 'jig rten pa'i ye shes 'byung ste/ de'i rjes la yang rnam par mi rtog pa'i ye shes 'byung ba lta bur rgyun mi gcod pa'o/ /bsgrub pa la bag yod pa'i tshigs su bcad pa bzhi ste zhes bya ba la/byang chub sems dpa' rnal 'byor bsgom pa yang bag yod par byas pa dang / bsgrub pa mthar phyin par 'gyur gyi/ bag med pa'i gnas skye bo mi srung pa dang / mtsho ba'i yo byad dkon pa dang stag gzig la sogs pa'i sems can gdug pa yod pa'i gnas su bsgrubs na srog la 'bab par 'gyur gyi/sgrub pa mthar phyin par mi 'gyur te/ de bas na ji nas bag yod pa'i gnas su bsgrubs na legs pas bag yod pa'i chos rnam pa bzhi bshad do/ /de yang gang zhe na/ mthun pa'i yul na gnas pa dang / /skyes bu dam pa brten pa dang / /yang dag pa'i smon lam dang //sngon bsod nams byas pa'o/ /legs par rnyed dang legs par gnas/ /sa rab dang ni grogs po rab/ /'byor rab yon tan can gyi yul/ /gang na blo ldan spyod pa'o/ /zhes bya ba'i tshigs bcad 'dis mthun pa'i yul dang gnas bstan to/ /de la bsod snyoms dang chos gos la sogs pa rnyed sla pa'i yul la ni legs par rnyed pa zhes bya'o//skye bo mi srun pa dang gcan gzan la sogs pa gdug pa med pa'i gnas la ni legs par gnas pa zhes bya'o/ /shu ba dang mdze la sogs pa med pa'i sa la ni sa rab ces bya'o/ /tshul khrims dang lta bas mtshungs pa'i grogs po la ni grogs po rab ces bya'o//nyin par skye bo'i 'grul nyung ba dang / mtshan mo ca co nyung ba ni 'byor pa rab ces bya'o/ /yon tan de lnga dang ldan pa'i yul ni yon tan gyi yul zhes bya ste/ rjes su mthun pa'i yul dang gnas yin no zhes bya ba'i don to/ /gnas de lta bur rnal 'byor pa byang chub sems dpa' gnas shing bsgom par bya'o zhes bya ba'i don to//'khor lo rnam pa bzhis bag byed pa bstan te zhes bya ba la dper na shing rta'i 'khor lo bzhi tshang bar yod na bag byed de/ gang du bgrod par bya ba'i gnas su bde bar phyin par 'gyur ba de bzhin du 'dir yang rjes su mthun pa'i yul la gnas pa la sogs pa'i chos bzhi dang ldan na bag yod pa zhes bya ste/rnal 'byor pas gang du bgrod par bya ba'i gnas su bde bar phyin par 'gyur ro zhes bya ba'i don to/ /legs par thob pa ni chos gos dang bsod snyoms la sogs pa'o zhes bya ba la sogs pa la/ rnal 'byor pa gang na gnas pa'i gnas de ni 'bad rtsol chen po bya mi dgos par chos gos dang lhung bzed dang bsod snyoms dang na ba'i rkyen gyi sman la sogs pa rnyed par 'gyur zhing gzhan dag kyang ched du 'bul bar byed pa'i gnas ni legs par thob pa zhes bya'o//ma rungs pa zhes bya ba ni skye bo mi srun pa dang /mi rgod pa la sogs pa la bya'o/ /mi srun pa zhes bya ba ni gcan gzan dang sbrul gdug pa dang / sbrang bu gdug pa la sogs pa la bya'o/ /sa rab ni nad med pa'i phyir ro zhes bya ba la/ gnas gang na shu ba dang / mdze dang grum bu la sogs pa'i nad 'go ba med pa'i sa de la sa rab ces bya'o zhes bya ba'i don to//grogs rab ldan ni tshul khrims dang ldan pa mthun pa'i grogs po'i phyir ro zhes bya ba la/ tshul khrims mi mthun pa ni sar pa sti pa dang ma hA saM kri ta lta bu ste/ de lta bu dag dang 'grogs na dge 'dun gyi bya ba dag mi 'grub kyi/ tshul khrims mthun pa dang 'grogs na bya ba 'grub par 'gyur ro//lta ba mi mthun pa ni nyan thos dang mu stegs pa'i lta ba la phyogs pa lta bu ste/ de lta bu dag dang 'grogs na rtsod par 'gyur gyi bde bar gnas par mi 'gyur ro/ /nyin par 'du ba nyung ba dang zhes bya ba la/ nyin par yang skyes pa dang bud med dang byis pa la sogs pa skye bo 'grul zag nyung ba'o//zang zing nyung ba dang zhes bya ba la/ gang na gnas pa'i gnas de na phyag dar la sogs pa'i lcag lcig med pa'i 'jig rten pa'i yo byad bar bur med pa'o/ /mtshan mo sgra chung ba'i phyir ro zhes bya ba dang / mtshan mor rnal 'byor sgom par byed pa na yang / mi dang phyugs la sogs pa'i sgra mi grag pa ste/mdo las kyang sgra ni bsam gtan gyi tsher ma yin no zhes gsungs so/ /de bas na sbrang bu la sogs pa'i sgra yang mi grag pa'i gnas su gnas par bya na sgra chen po grag pa'i gnas su gnas par bya ba lta ci smos te/ de bas na sgra med pa'i gnas su gnas par bya'o zhes bya ba'i don to//rab tu thos shing bden pa mthong / /smra dang ldan zhing snying rje can/ /mi skyo byang chub sems dpa' ste/ /skyes bu chen por shes par bya/ /zhes bya ba'i tshigs bcad gnyis po 'dis gang la brten par bya ba'i skyes bu dam pa'i mtshan nyid ston te/ lung gi chos sde snod gsum ma lus par thos pa ni mang du thos pa zhes bya'o//rtogs pa'i chos bden pa bzhi khong du chud pas na bden pa mthong ba zhes bya'o/ /chos ston pa'i dus na mi dal mi myur bar tshig 'debs shing bzang po ston pas na smra ba dang ldan pa zhes bya'o/ /sems can gyi sdug bsngal bsal bar bya ba'i phyir chos ston gyi/ khe dang bkur sti la chags pa med pas na snying rje can zhes bya'o//bar 'ga' 'chad par 'ga' mi 'chad pa ma yin gyi rgyun du 'chad pas na mi skyo ba zhes bya ste/ de lta bu ni byang chub sems dpa' yin pas skyes bu dam pa yin par shes par bya'o zhes bya ba'i don to/ /da ni tshigs bcad gsum pas bdag gi yang dag pa'i smon lam tshul bzhin yid la byed pas zin pa bstan pa'i phyir/rab tu dmigs dang rab bstan pa/ /thabs rab de dag bstan pa ni/ /rab tu 'jug dang rab 'byor pa/ /bdag gi yang dag smon lam mo/ /zhes bya ba smos te/ yang dag pa'i smon lam zhes bya ba dang bdag yongs su sbyangs pa zhes bya ba dang /bdag las su rung ste ci bsams pa bzhin du 'grub ces bya ba don gcig go/ /de la dam pa'i chos shes rab kyi pha rol tu phyin pa 'bum la sogs pa'i theg pa chen po'i sde snod gsum la dmigs pa zhes bya'o/ /tshe rabs snga mar bsod nams dang ye shes kyi tshogs bsags pa la brten pas na rab tu brten pa zhes bya'o//ting nge 'dzin bsgom pa'i tshe dus dus su zhi gnas kyi mtshan ma dang / lhag mthong gi mtshan ma dang / btang snyoms kyi mtshan ma bsgom pas na thabs rab ces bya ste/ de gsum bstan pa ni bdag gi yang dag pa'i smon lam yin no zhes bya ba'i don to//gzhan yang dge ba'i rtsa ba cung zad tsam gyis chog par mi 'dzin te mnyan par byas nas sems par 'dod pa dang / bsams nas bsgom par 'dod pa nas sa gong ma gong ma dang yon tan gong ma gong ma rnams sgrub par byed pa ni rab tu 'jug pa zhes bya'o//zhi gnas dang lhag mthong bsgom pa la rgyun du bsgom pa dang gus par bsgom pa ni rab tu sbyor ba zhes bya ste/ gong du bshad pa de dag dang ldan pa ni bdag gi yang dag pa'i smon lam yin te/ bdag sbyang ba byas pa dang / bdag gis bsams pa bzhin du bsgrub ste/ bdag las su rung ba byas pa yin no zhes bya ba'i don to//zhi gnas la sogs pa'i mtshan ma dus su bsgom pa dang zhes bya ba la/ nam gzugs dang sgra la sogs pa phyi'i yul la sems g.yengs par gyur na zhi gnas kyi mtshan ma bsgoms te 'khor ba'i skye rga na 'chi la sogs pa'i skyon bsams nas sems g.yengs pa las blon pa ni zhi gnas kyi mtshan ma bsgom pa zhes bya'o//nam sems rmugs pa dang / zhum par gyur pa na lhag mthong gi bsam pa bsgoms te/ de bzhin gshegs pa'i yon tan dang / /ting nge 'dzin gyi 'bras bu dang / chos rnams kyi rang dang spyi'i mtshan nyid bsams pas sems gzengs bstod pa ni lhag mthong gi mtshan ma bsgom pa zhes bya'o//nam zhum rgod spangs nas sems mnyam pa nyid du gyur pa'i tshe na ni btang snyoms kyi mtshan ma bsgoms te/ sems mi bskyod par gzhag pa nyid btang snyoms kyi mtshan ma bsgom pa'o/ /bya ba gzhan yod na chung ngus mi mgu bar zhes bya ba la/ bsgrub par bya ba'i dge ba'i rtsa ba dang / thob par bya ba gzhan dag yod na dge ba chung ngu tsam gyis chog par mi 'dzin ces bya ba'i don to/ /gus par rgyun du 'jug pa'i phyir ro zhes bya ba la/ rab tu sbyor ba 'chad de zhi gnas dang lhag mthong la bsgrims te bsgom pa ni gus par 'jug pa zhes bya'o//bar 'ga' bsgom bar 'ga' mi bsgom pa ma yin gyi dus thams cad du bsgom pa ni rgyun du 'jug pa'o zhes bya'o/ /dga' dang ldan par skyes pa ni/ /zhes bya ba la sogs pa tshigs su bcad pa bzhi pas tshe rabs snga ma la bsod nams byas pa'i rgyus chos rnam pa lnga'i rgyur gyur pa ston to/ /gang gi phyir tshe rabs snga mar dge ba byas pa'i rgyus na tshe 'dir mthun pa'i yul dang gnas na 'dug cing gnas par dga' ba skye'o//gang gi phyir tshe rabs snga mar dge ba byas pa de'i rgyus tshe 'dir mi khom pa brgyad spangs nas dal bar skyes te/ dal bar skyes pa na skyes bu dam pa la brten pa 'thob po/ / nad med pa yi rgyu dag dang / /ting 'dzin rnam par byed pa yang / sngon du bsod nams byas pa'o/ /zhes bya ba la/ gang gi phyir tshe rabs snga mar bsod nams byas pa de'i rgyus na tshe 'dir nad med pa dang ting nge 'dzin dang / rab tu 'byed pa ste shes rab gsum 'phel bar 'gyur te/ de gsum 'phel bas tshe 'dir ci bsams shing smon lam btab pa de bzhin du 'grub pa ste/de bas na de dag 'grub pa yang tshe rabs snga ma la bsod nams byas pa'i rgyu las grub po zhes bya ba'i don to/ /bzhi pa 'dis ni bsod nams byas pa rnam pa lnga'i rgyur ston te zhes bya ba la/ tshigs bcad bzhi pa 'dis ni tshe rabs snga mar bsod nams byas par tshe 'dir chos rnam pa lnga 'thob pa'i rgyur 'gyur ba ston te/chos rnam pa lnga ni dga' ba dang / dal bar skye ba dang / nad med pa dang / ting nge 'dzin dang shes rab bo/ /gang gi phyir dge ba'i rgyus mthun pa'i yul dang / gnas la mngon par dga' ba'o zhes bya ba la/tshe rabs snga mar bsod nams byas pa'i rgyus na tshe 'dir gong du bshad pa lta bu'i mthun pa'i gnas dang yul na gnas par mngon par dga' ste/ mthun pa'i yul na gnas par mngon par dga' ba yang tshe rabs snga ma la bsod nams byas pa'i rgyu las gyur to zhes bya ba'i don to//gang gi rgyus dal ba'i rgyus na skyes bu dam pa la brten pa 'thob po zhes bya ba la gang gi phyir tshe rabs snga ma la bsod nams byas pa de'i rgyus na tshe 'dir mtha' 'khob tu skye ba dang / 'on lkugs la sogs par 'gyur ba'i mi khom pa brgyad spangs nas dal ba bskyed de dal ba rnyed pa na skyes bu dam pa rnams dang brten pa 'thob bo//de ltar skyes bu dam pa dang brten pa 'thob pa yang tshe rabs snga ma la bsod nams byas pa'i rgyu las gyur to zhes bya ba'i don to/ /gang gi phyir nad med pa dang ting nge 'dzin dang shes rab kyi rgyus na bdag gis yang dag pa'i smon lam 'grub po zhes bya ba la/ sngon bsod nams bsags pa'i rgyus na tshe 'dir nad nyung ba dang ting nge 'dzin dang shes rab 'phel bar 'gyur te/de gsum 'phel bas na byang chub sems dpa' yang dag pa'i smon lam ji ltar btab pa bzhin du 'grub par 'gyur ro/ /de ltar smon lam 'grub par 'gyur ba yang tshe rabs snga ma la bsod nams bsags pa'i rgyu las gyur to zhes bya ba'i don to//nyon mongs pa nyid kyis nyon mongs pa las ji ltar byung ba'i tshigs su bcad pa gsum ste zhes bya ba la/ 'dod chags la sogs pa'i nyon mongs pa nyid la brten nas 'dod chags la sogs pa'i nyon mongs pa las thar bar 'gyur ba'i thabs gzhan na med par tshigs su bcad pa gsum gyis bstan to//chos kyi dbyings ni ma gtogs par/ /gang phyir chos ni med pa ste/ /zhes bya ba la/ shes rab kyi pha rol tu phyin pa 'bum las 'dod chags kyis 'dod chags 'byin pa gzhan par mi smra ste zhes gsungs pa de ci la dgongs nas de skad gsungs she na/'di ltar 'dod chags la sogs pa'i nyon mongs pa thams cad las thar bar byed pa'i thabs ni chos kyi dbyings yin pa la chos kyi dbyings kyi nang du ma khyab chos kyi dbyings kyi nang du ma 'dus pa'i chos ni gang gi phyir rdul tsam yang yod pa ma yin te/ chos thams cad la chos kyi dbyings kyis khyab po zhes bya ba'i don to//de bas 'dod chags la sogs pa'i/ /de dag 'byung bar sangs rgyas dgongs/ /zhes bya ba la/ de ltar chos kyi dbyings kyis chos thams cad la khyab pas na 'dod chags la sogs pa la yang chos kyi dbyings kyis khyab ste/ 'dod chags la yang chos kyi dbyings yod de 'di ltar 'dod chags la yod pa'i chos kyi dbyings de la ma skyes ma byung ba'i mtshan nyid du tshul bzhin du yid la byas na 'dod chags la sogs pa las thar bar 'gyur te/de bas na de la dgongs nas 'dod chags kyis 'dod chags 'byin pa gzhan par nga mi smra'o zhes bka' stsal to/ /gang bcom ldan 'das kyis gsungs zhes bya ba la/shes rab kyi pha rol tu phyin pa 'bum la sogs pa'o/ /'dod chags kyis 'dod chags 'byin par gzhan pa nga mi smra ste zhes bya ba la/ 'dod chags nyid kyis 'dod chags las 'byin par byed kyi 'dod chags las ma gtogs par 'dod chags las thar bar byed pa'i thabs logs shig tu gud na yod par nga mi 'chad do zhes bya ba'i don to//de bzhin du gti mug la sogs pa la zhes bya ba la/ 'dod chags dang 'dra bar gti mug la sogs pa yang gti mug gis gti mug 'byin pa yang gzhan par nga mi smra'o zhes bya ba'i 'dod chags la gsungs pa bzhin du sbyar ro//de la dgongs par bstan can pa zhes bya ba ni de skad du bka' stsal pa de/ ji lta dgongs te de skad gsungs she na zhes bya ba'i don to/ /gang gi phyir chos kyi dbyings ma gtogs par chos med pa ni chos nyid las gud na chos med pa'i phyir ro zhes bya ba la/ bcom ldan 'das kyis 'dod chags 'byin to zhes gsungs pa de yang don du na chos kyi dbyings la dgongs nas gsungs pa yin no/ /ji lta zhe na/ 'di ltar chos kyi dbyings stong pa'i mtshan nyid ma skyes ma byung ba'i rang bzhin las ma gtogs pa des ma khyab pa'i chos gang yang med de ci'i phyir zhe na/chos nyid chos kyi dbyings las chos zhes bya ba'i 'dod chags la sogs pa gud du med de/ 'di ltar 'dod chags nyid la'ang chos kyi dbyings kyis khyab cing chos kyi dbyings kyi rang bzhin yod pa'i phyir ro/ /de bas na 'dod chags la sogs pa'i chos nyid la 'dod chags kyi ming 'thob ste zhes bya ba la/de ltar 'dod chags la yang chos kyi dbyings yod pas 'dod chags yod pa'i chos kyi dbyings la 'dod chags kyi ming btags so zhes bya ba'i don to/ /'byung ba de ni 'dod chags la sogs pa ste zhes bya ba la sogs pa la yod pa'i chos kyi dbyings la ma skyes ma byung ba'i chos nyid du bsgoms na 'dod chags la sogs pa las 'byung bar 'gyur ro//de la dgongs nas 'dod chags kyis 'dod chags 'byin pa gzhan par mi smra'o zhes bka' stsal to/ /gzhan yang shes rab kyi pha rol tu phyin pa 'bum las ma rig pa dang byang chub gcig ste gang ma rig pa de byang chub gang byang chub de ma rig pa ste/de gnyis su med cing gnyis su byar med pa zhes gsungs pa de ji la dgongs te de skad gsungs pa bstan pa'i phyir/ chos kyi dbyings ni ma gtogs pa/ /gang phyir chos ni med pa ste/ /zhes bya ba la sogs pa smos te/ /ma rig pa dang nyon mongs pa la sogs pa'i chos gang yang rung chos kyi dbyings stong pas ma khyab pa'i chos ni rdul tsam yang med pa yin no zhes bya ba'i don to//de bas nyon mongs bshad pa las/ /blo can gyis ni dgongs so zhes bya ba la/ de ltar chos kyi dbyings kyis kun du khyab pas na gong du nyon mongs pa bshad pa'i skabs su 'dod chags kyis 'dod chags 'byin to zhes spyod pa yang 'dod chags dang chos kyi dbyings gcig par bshad pa dang 'dra bar blo can te/bcom ldan 'das kyis ma rig pa dang byang chub gcig par bshad pa yang byang chub ni chos kyi dbyings kyi rang bzhin yin la/ ma rig pa la yang chos kyi dbyings kyis khyab ste/byang chub kyi chos kyi dbyings kyi rang bzhin dang ma rig pa la spyod pa'i chos kyi dbyings gnyis su rang bzhin gcig pa la dgongs nas ma rig pa dang byang chub gcig go zhes bka' stsal to dgongs pa ni de'o/ /de la nyon mongs pa bstan pa ni de nyid yin par dgongs pa ste zhes bya ba la/ gong du 'dod chags kyis 'dod chags 'byin par byed do zhes 'dod chags dang chos kyi dbyings kyi rang bzhin gcig par bstan pa de bzhin du/'dir yang ma rig pa'i chos nyid dang byang chub kyi chos nyid rang bzhin gcig par dgongs so zhes bya ba'i don to/ /ma rig pa zhes bya ba ni byang chub kyi chos nyid la brtags pa'i phyir ro zhes bya ba la/ma rig pa dang / 'du byed gcig par bshad pa yang ma rig pa 'gags nas gang zhig na ma rig pa'i mtshan nyid byang chub tu 'gyur ba dang / ma rig pa la yang stong pa'i chos nyid yod/ byang chub la yang stong pa'i chos nyid yod de/ stong pa'i chos nyid la mi 'dra ba med pas na chos nyid 'dra ba la dgongs nas ma rig pa dang byang chub gcig go zhes dgongs so//'dod chags kyis 'dod chags 'byung bar bshad pa'i dgongs pa bstan pa'i phyir/ gang phyir 'dod chags la sogs mang / /tshul bzhin grub par gyur na ni/ /de dag de las grol bar 'gyur/ / de phyir de las 'byung ba yin/ /zhes bya ba smos te/ kun rdzob tu na 'dod chags la sogs pa'i kun nas nyon mongs pa'i chos rnams ni mi dge ba sdug bsngal mang po dang ldan pa/ rims dang bcas pa/ 'khrul pa dang bcas pa ste/ 'dod chags la sogs pa'i nyon mongs pa sems las byung na skye ba la sogs pa'i sdug bsngal rnam pa sna tshogs skye bar 'gyur zhing /'dod chags la sogs pa'i nyon mongs pa 'di dag ni dge ba'i chos kyi mi mthun pa'i phyogs yin pas spang bar bya ba yin no zhes de ltar tshul bzhin yid la byas pa la tshul bzhin yid la byed pa grub par 'gyur te 'dod chags la sogs pa'i rang bzhin skyon can du rtogs na 'dod chags la sogs pa'i nyon mongs pa de dag las grol bar 'gyur te/de bas na 'dod chags kyis 'dod chags 'byung ba yin pas de las dgongs nas 'dod chags kyis 'dod chags 'byin pa gzhan par yang nga mi smra ste/ yang na gang gi phyir 'dod chags la sogs pa'i nyon mongs pa'i chos rnams stong pa dang ma skyes pa dang ma byung ba'i mtshan nyid du don dam pa'i tshul du tshul bzhin du yid la bya ste/bsgom pa las grub par gyur na 'dod chags pa'i nyon mongs pa las grol bar 'gyur te/ de bas na de la dgongs nas 'dod chags kyis 'dod chags 'byin to zhes bka' stsal to//nyan thos dang rang sangs rgyas kyi yid la byed pa spong bar tshigs su bcad pa gnyis te zhes bya ba la/ byang chub sems dpa'i yid la byed pa ni mya ngan las 'das pa la rgyab kyis lta zhing 'khor ba la mngon du phyogs par byed pa yin no/ /nyan thos kyi yid la byed pa ni mya ngan las 'das pa la mngon du phyogs shing /'khor ba la rgyab tu lta ba yin te de bas na byang chub sems dpa' nyan thos kyi yid la byed pa mya ngan las 'das pa la mngon du phyogs shing 'khor ba la rgyab kyis phyogs pa spang ba'i phyir tshigs su bcad pa gnyis kyis bstan to zhes bya ba'i don to/ /ji ste 'jig rten phyir ni dmyal ba'i gnas 'jug kyang /sdug bsngal drag pos rgyal ba'i sras la gnod mi 'gyur/ /zhes bya ba la/ gal te byang chub sems dpa' sems can gyi don dang phan pa'i ched du sems can dmyal ba'i gnas su 'jug cing dmyal bar gnas kyang dmyal ba'i sdug bsngal bar ma dang tha mas gnod par mi 'gyur ba lta smos kyang ci dgos kyi dmyal ba'i sdug bsngal shin tu drag pos kyang de'i lus dang sems la gnod par mi 'gyur zhing bla na med pa'i bar du gcod par mi 'gyur ro zhes bya ba'i don to//zhi ba'i yon tan srid skyon thog mar bsam pa yi/ /dge ba rtog pa sna tshogs blo ldan rnams la gnod//zhes bya ba la/ theg dman 'phangs zhes bya ba dang por bshad de theg dman 'phangs pa ni nyan thos kyi yid la byed pa dang / rang sangs rgyas kyi yid la byed pa la bya ste/ de yang mya ngan las 'das pa zhi ba la/ bde ba dang gya nom par yon tan du lta ba dang / srid pa ste/'khor ba la sdug bsngal ba'o zhes rtog pa'i yid la byed pa gnyis ni blo ldan byang chub sems dpa' pha rol tu phyin pa dang / sa la sogs pa la bya bar rtog pa la gnod cing / bla na med pa'i byang chub thob par bya ba la bar du gcod pa yin pas yid la byed pa de ni spang bar bya ba yin no zhes bya ba'i don to//de'i don tshigs su bcad pa gnyis pas bstan pa'i phyir/ blo ldan dag ni dri med rnam dag sangs rgyas byang chub la/ /dmyal bar gnas pa thams cad dus su bgegs mi byed/ /ces bya ba la sogs pa smos te blo ldan dag ni zhes bya ba ni byang chub sems dpa' rnams kyis zhes bya ba'i don to/ /byang chub sems dpa' rnams kyis thob par bya ba'i byang chub de nyon mongs pa dang shes bya'i sgrib pa thams cad spangs pas dri ma med pa zhes bya'o//shes bya thams cad la chags pa dang thogs pa med pa'i shes pa thams cad mkhyen pa'i ye shes la rnam par rgyas pa zhes bya ste/ dri ma med pa zhes bya bas ni spangs pa phun sum tshogs pa bstan/rnam rgyas zhes bya bas ni ye shes phun sum tshogs pa bstan to/ /de lta bu'i byang chub thob par bya ba la/ sems can dmyal ba na dus thams cad du gnas pa'i sdug bsngal gyis kyang mngon par 'tshang rgya bar bya ba la bar chad du mi 'gyur gyi bgegs su mi 'gyur ro zhes bya ba'i don to//theg pa gzhan la rtog par bdag phan mchog bsil ba/ /bde ba'i mchog la gnas pa la yang bgegs su 'gyur/ /zhes bya ba la byang chub sems dpa' rnams byang chub thob par bya ba la bgegs su 'gyur ba 'di yin te/ gang nyan thos dang rang sangs rgyas kyi yid la byed pa bdag la phan pa dang bde bar byed pa dang /bdag nyid bsil ba ste/ bdag 'ba' zhig mya ngan las 'das par bya ba la rtog pa de ni bgegs su 'gyur te/ gang gi bgegs su 'gyur zhe na/ bde ba'i mchog la gnas pa ste/ mi gnas pa'i mya ngan las 'das pa'i bde ba thob par bya ba la bgegs su 'gyur ro zhes bya ba'i don to//ngo bo med dang rang bzhin gyis rnam par dag pa la skrag pa spang ba'i tshigs su bcad pa bzhi ste zhes bya ba la/ chos rnams ngo bo med pa zhes bshad pa snang zhing dmigs su rung ngo zhes bshad pa yang / byis pa rnams skrag par 'gyur ba'i gnas yin la/chos kyi dbyings rang bzhin gyis rnam par dag go zhes bshad la/ dri ma yang dag go zhes bshad pa yang byis pa rnams skrag pa'i gnas te/ skrag pa de spang ba'i phyir tshigs su bcad pa bzhin rtsom mo zhes bya ba'i don to/ /yang na byis pa rnams skrag pa'i gnas ni gsum ste/chos rnams thams cad nas thams cad du med do zhes bshad na yang skrag pa'i gnas so/ /chos thams cad yod de dmigs su rung ngo zhes smra na yang skrag pa'i gnas so/ /chos thams cad rang bzhin gyis rnam par dag mod kyi phyis kyang dag par bya dgos so zhes bshad pa yang skrag pa'i gnas te/skrag pa de spang ba'i phyir tshigs su bcad pa bzhi rtsom mo zhes bya ba'i don to/ /chos kyi dngos med dmigs pa dang / /nyon mongs mi rtag rnam dag la/ /zhes bya ba la/ chos rnams kyi dngos po med cing stong ngo zhes bya ba la snang zhing dmigs su rung ngo zhes bshad pa 'di skrag pa'i gnas te/byis pa dag 'di snyam du ri bong gi rwa dngos po med kyang / dmigs su mi rung ba bzhin du chos rnams kyang dngos po med na ni dmigs su mi rung la/ de bas na dngos po med pa dmigs su rung ngo zhes bshad pa 'di 'gal bar 'gyur ro zhes gsungs pa'i phyir ro/ /chos kyi dbyings rang bzhin gyis rnam par dag la phyis kyang nyon mongs pa rnam par dag par bya dgos so zhes bshad pa 'di yang skrag pa'i gnas te/ci'i phyir zhe na/ byis pa rnams 'di snyam du gal te chos rnams rang bzhin gyis rnam par dag pa yin na/ nyon mongs pa bsal ci dgos pa'i phyir ro//sgyu ma 'dra bar shes bya ste/ /de bzhin nam mkha' bzhin du'o/ /zhes bya ba la/ chos dngos po med kyang dmigs su rung ba ni rgyu dang 'dra bar shes par bya ste/ dper na sgyu ma dmigs su med kyang rta dang glang po lta bur dmigs su rung ba de bzhin du chos 'di dag dngos po med kyang gzugs dang sgra la sogs pa lta bur dmigs su rung ngo zhes bya ba'i don to//rang bzhin gyis rnam par dag kyang / phyis rnam par dag par 'gyur ba ni nam mkha' bzhin te/ dper na nam mkha' rang bzhin gyis dag pa la glo bur gyi sprin gyis rnyog nas dri ma can du byas pa de sprin dang bral na dag par 'gyur ba de bzhin du/chos kyi dbyings kyang rang bzhin gyis dag pa yin pa la 'dod chags la sogs pa glo bur gyi nyon mongs pas dri ma can du byas pa de sbyang dgos pas na rang bzhin gyis rnam par dag pa la phyis dag par 'gyur ba 'gal ba med do/ /chos kyi dngos po med kyang dmigs su rung ba'i ri mo'i dpe bstan pa'i phyir/ji ltar ri mo cho ga bzhin bris pa/ /mthon dman med de 'on kyang snang bar 'gyur/ /de bzhin yang dag ma yin kun rtog kyang / /mdor na gnyis po med de snang bar 'gyur/ /zhes bya ba smos te/ dper na ras la ri mo mkhan gyis sa tshon rnam pa sna tshogs kyis gzugs rnam pa mang po cho ga bzhin du bris pa la/lag pas byugs na mthon dman dang 'bar 'bur med kyang mig gis bltas na mgo dang rkang lag la sogs pa mthon dman dang 'bar 'bur du snang ba de dang 'dra ba yang dag pa ma yin pa kun rtog kyang ste/ gzhan gyi dbang gi mtshan nyid la gzung ba dang / 'dzin pa gnyis med kyang gzung ba dang 'dzin pa lta bur snang ste/ de bas na med kyang snang ba ni ri mo'i dpe dang 'dra'o/ /de ni tshigs su bcad pa gsum pa dang bzhi pas sems chu'i rang bzhin dang 'dra bar 'gyur ba'i phyir ro/ /ji ltar rnyog pa'i chu ni dang nas kyang / de las de ni dang bar mi 'gyur ro//zhes bya ba la sogs pa smos te/ ji ltar rang bzhin gyis dang ba de/ glo bur gyi srin dang sbal lcong gis rnyog pa can du byas pa las/ phyis rnyog pa dang bral te dang bar gyur nas rang bzhin gyis dang ba de kun nas 'phral bar skyes nas dang bar 'gyur ba ma yin gyi ye nas gnas pa la glo bur rnyog ma dang bral bar gyur pa dang /snga na yod pa'i dang bar snang bar gyur pa tsam du zad do zhes bya ba'i don to/ /de la dri ma bsal ba gcig pu ste/ /de bzhin gang phyir gang gis sems dag pa'o/ /zhes bya ba la chu rang bzhin gyis dag pa glo bur gyi dri ma bsal bar bya ba tsam du zad de/ glo bur gyi dri ma dang bral na dag par gyur pa de bzhin du 'dir yang rang bzhin gyis rnam par dag pa glo bur gyi dri ma dang bral na phyis dag par 'gyur ro zhes bya ba'i don to//sems ni rang bzhin dag par dgongs/ /rtag tu glo bur nyes pas rnyog /ces bya ba la/ sems 'di rang bzhin gyis rnam par dag pa 'od gsal ba'i mtshan nyid du dgongs te/shel bzhin du dag pa yin par 'dod de/ de ltar sems rang bzhin gyis rnam par dag pa yin na rang bzhin gyis rnam par dag pa ci'i phyir mi snang ma mthong zhe na/ dper na shel rang bzhin gyis rnam par dag par 'jim pa'i gong bus g.yogs na dag pa'i rang bzhin mi snang ba dang /chu rang bzhin gyis dang ba yin yang rnyog pas rnyog na rang bzhin gyis dang ba mi snang ba yin no/ /sems rang bzhin gyis dag pa de sems gang la bya zhe na/ de'i phyir/ sems kyi chos nyid de las gzhan dag ni/ /rang bzhin rnam par dag pa'i sems mi bshad//ces bya ba smos te/ de la sems kyi chos nyid gnyis su med pa yongs su grub pa'i mtshan nyid de nyid rang bzhin gyis rnam par dag par bshad kyi yongs su grub pa'i mtshan nyid la ma gtogs pa gzhan gyi dbang gi sems la ni rnam par dag pa'i sems su mi bshad do zhes bya ba'i don to//ci'i phyir zhe na/ gzhan gyi dbang gi sems ni zag pa dang bcas pa 'dod chags dang dad pa la sogs pas rtag tu rnyog cing skad cig ma re re la lhan cig skye lhan cig 'gag ste dri ma can du gnas pas rang bzhin gyis 'od gsal ba'i sems su mi rigs kyi yongs su grub pa'i mtshan nyid ni zag pa can 'khor ba'i rnams dang lhan cig skye zhing 'gag pas dri ma can du byed pa ma yin pa'i phyir rang bzhin gyis 'od gsal ba zhes bya'o//chos med pa dang zhes bya ba la/ chos rnams kun rdzob tu yod par zad kyi don dam par ni thams cad nas thams cad du med do zhes lta ba dang /chad par gyur pas skur ba btab pa'i phyir skrag par 'gyur ba'i gnas so zhes bya ba'i don to/ /chos dmigs pa zhes bya ba la/ don dam par na sgyu ma dang rmi lam la sogs pa 'phral du snang ba'i chos 'di dag thams cad yod de bshad pa yang skrag pa'i gnas te/ ci'i phyir zhe na/ gal te dngos po bzhin du rmi lam la sogs pa yang yod na ni rmi lam gyi dngos pos kyang bya ba byed nus pa'i rigs so snyam du sems pa'i phyir ro/ /de sgyu ma dang 'dra ba zhes bya ba la/ med kyang dmigs pa ni sgyu ma dang 'dra bar khong du chud na skrag pa las ldog par 'gyur ro zhes bya ba'i don to//nam mkha' dang 'dra ba zhes bya ba la/ rang bzhin gyis rnam par dag kyang glo bur gyi dri ma dag par 'gyur ba/ nam mkha' dang 'dra bar khong du chud na skrag pa las ldog go zhes bya ba'i don to/ /de bzhin du ri mo la mthon dman dang 'dra ba dang zhes bya ba la/ med kyang dmigs pa ni ri mo'i mthon dman dang 'dra'o zhes bya ba'i don to//chu rnyog pa dang 'dra ba zhes bya ba la/ rang bzhin gyis rnam par dag kyang glo bur gyi dri ma dag par 'gyur ba ni chu rang bzhin gyis dang yang 'phral gyi dri ma can du byas pa dang 'dra'o zhes bya ba'i don to/ /ji ltar chu rang bzhin gyis dang ba la glo bur gyi rnyog pas rnyog pa bzhin du zhes bya ba la/dper na chu ni rnyog pa'i rang bzhin ma yin gyi/ rang bzhin gyis dang ba dang gsal ba'i mtshan nyid yin na/ glo bur gyi sbal lcong la sogs pas glongs dang / rnyog pa can du 'gyur ba dang 'dra bar sems rang bzhin gyis dri ma can gyi mtshan nyid ma yin te/rnam par dag pa'i rang bzhin yin mod kyi glo bur gyi nyon mongs pa la sogs pas dri ma can du byas so zhes bya ba'i don to/ /de bas na 'dir sems kyi de bzhin nyid la sems yin par rig par bya'o zhes bya ba la/ sems rang bzhin gyis rnam par dag ces bshad pa yang sems kun la mi bya'i sems kyi de bzhin nyid yongs su grub pa'i mtshan nyid la sems rang bzhin gyis rnam par dag pa zhes bya ste/de bas na sems kyi sgra ni sems kyi de bzhin nyid la bya bar rig par bya'o/ /'dod chags las nyes pa skye ba dag la tshigs su bcad pa bzhi ste zhes bya ba la/ byang chub sems dpa' sems can gyi don byed pa na zhe sdang gi sgo nas byas pa rnams ni nyes pa dang ltung bar 'gyur gyi 'dod chags kyi sgo nas byas pa rnams ni nyes pa dang ltung bar mi 'gyur bar bstan pa'i phyir tshigs su bcad pa rtsom mo zhes bya ba'i don to//byang chub sems dpa' sems can la/ /rkang gi khong nas byams pa che//zhes bya ba la/ byang chub sems dpa' sems can gyi don byed pa na/ sems can la byams pa dang sdug pa'i sems 'byung ba na rus pa'i nang na rkang gi snying po la bab cing phog pa tsam du byams shing sdug par byed do zhes bya ba'i don to/ /gang phyir rtag tu phan byed pa/ /ji ltar bu gcig pa la bya ba bzhin//zhes bya ba la/ de ltar byams pa de yang dper na pha ma gnyis la bu gcig yod pa de la pha ma gnyis byams shing gdung ba lhag par skye ba dang 'dra bar byang chub sems dpa' sems can la byams shing sdug pa lhag par byed pa rkang gi khong du song ba tsam du byams pa byed do zhes bya ba'i don to//sems can la ni phan byed na/ /chags bcas nyes par mi 'gyur ro/ /zhes bya ba la/ 'di'i skabs su 'dod chags zhes bya ba ni sems can brtse bar 'dzin pa'i byams pa'i sems la 'dod chags bya bar dgongs te/ de lta bu'i byams pa'i sems las ni sems can la phan pa dang bde ba sha stag 'byung bas byams pa'i sems las sems can gyi don byas pa'i sgo nas nyes pa byung ba yang /nyes par mi 'gyur te ltung bar mi gzhag go zhes bya ba'i don to/ /de ltar thang cig rab tu byung ba'i phyogs la 'dod chags las skyes pa'i nyes pa'i ltung bar mi 'gyur bar bzhag go//khyim na gnas pa'i byang chub sems dpa' la yang bu dang chung ma la sogs pa la byams pa'i mtshan nyid kyi 'dod chags kyang nyes par mi 'gyur te/ ci'i phyir zhe na/ 'dod chags kyis sems can mi gtong zhing sdud par byed la zhe sdang ni sems can gtong ba'i mtshan nyid yin pa'i phyir ro//'o na byang chub sems dpa' nyes pa dang ltung bar 'gyur ba gang zhe na/ de'i phyir/ mdor na sems can thams cad la/ /de yi zhe sdang mi mthun no/ /zhes bya ba smos te/ byang chub sems dpa' ni sems can thams cad la bu gcig pa bzhin du bzung dgos pa yin pa las gal te sems can la zhe sdang gi sems cung zad cig byung bar gyur na byams pa'i sems dang mi mthun te/byang chub sems dpa' la nyes pa dang ltung bar 'gyur ro zhes bya ba'i don to/ /gzhan yang byang chub sems dpa' byams pa ni phug ron gyi dpe dang sbyar te bstan pa'i phyir/ ji ltar phug ron bdag gi bu la byams//bdag gi bu de sbas nas 'dug pa na/ /de lta bu la zhe sdang 'gal ba ste/ /rang bzhin snying rje can gyi lus can la/ /zhes bya ba smos te/ byang chub sems dpa' sems can la byams pa dang bu dang 'dra bar 'dzin pa ni dpe phug ron dang 'dra ste dpe phug ron bya gzhan pas lhag par 'dod chags che bas bu la byams te/nam sgo nga byung ba'i dus nas brtsams nas sgo gshog ma rdzogs kyi bar du brang dang lus dang gshog pas g.yogs nas 'dug ste/ de lta bu'i sems yod pa de lta bu la zhe sdang ba'am mi dran pa'i sems cung zad byung na yang de ni mi mthun zhing 'gal ba yin no zhes de dang 'dra bar byang chub sems dpa' rang bzhin gyis snying rje dang ldan pa/byams pa'i bdag nyid can sems can thams cad la bu gcig pa dang 'dra bar dgongs pa ste/ gal te sems can la zhe sdang ba'i sems cung zad cig byung na de ni byams pa'i sems dang 'gal lo zhes bya ba'i don to//gang phyir byams pa de phyir khong khro 'gal/ /zhes bya ba la/ zhe sdang gi sems byung na ji ltar 'gal ba ston te/ gang gi phyir byang chub sems dpa' ni rang bzhin gyis sems can la byams pa'i bdag nyid du gnas pa yin na sems can la khong khro ba'i sems byung na 'ga' zhig mi mthun pa yin no zhes bya ba'i don to//gang phyir zhi bas de phyir sdug bsngal 'gal/ /zhes bya ba la/ gang gi phyir byang chub sems dpa' ni sems can gyi 'dod chags dang zhe sdang la sogs pa'i nyon mongs pa byung na thams cad zhi bar byed pa yin na/ byang chub sems dpa' de nyid sdug bsngal thams cad skyed par byed pa'i rgyu 'dod chags dang zhe sdang la sogs pa la sems can 'jog na de'i 'gal ba yin no zhes bya ba'i don to//gang phyir don byed de phyir rgyu sems 'gal/ /zhes bya ba la/ byang chub sems dpa' ni sems can gyi don du bdag lus dang longs spyod kyang yongs su btang nas sems can la phan par byed pa yin na sems can slu bar byed pa'i rgyu'i sems kyis bdag gi don du sems can gyi longs spyod dag len par byed na 'gal lo zhes bya ba'i don to//gang phyir bde byed de phyir 'jigs byed 'gal/ /zhes bya ba la/ byang chub sems dpa' ni sems can thams cad kyi 'jigs pa bsal nas bde ba la 'jog par byed pa ma yin te/sems can la dgra dang me la sogs pa'i 'jigs pa 'byung ba thams cad las skyob par byed pa yin te/ byang chub sems dpa'i lus mthong ngam sgra thos na yang sems can gyi 'jigs pa sel bar byed pa yin na/de lta bu'i sems can de nyid brdeg btsog la sogs pa byed pa'i sgo nas 'jigs shing dngang bar byed na ni de ni 'gal bar byed do zhes bya ba'i don to/ /gang sems can la byang chub sems dpa' byams pa ni 'dir 'dod chags su dgongs pa ste zhes bya ba la/ gang sems can thams cad la byang chub sems dpa' sdug pa dang phangs par sems pa'i byams pa la sems can gyi don byed pa'i skabs 'dir chags pa yin par dgongs pa'o zhes bya ba'i don to//de dag gi de las skyes pa'i nyes pa ni 'gag pa ste zhes bya ba la/ byang chub sems dpa'i byams pa las skyes pa'i sems can la sdug par sems dpa'i 'dod chags de ni ltung ba dang nyes par mi 'gyur bar bzhag ste zhes bya ba'i don to//ci'i phyir nyes par mi 'gyur zhe na/ byams pa las byung ba'i 'dod chags las sems can la phan pa dang bde bar 'gyur ba'i rgyur 'gyur ba'i phyir nyes par mi gzhag go//byang chub sems dpa' sems can la byams pa dang / sdug bsngal zhi ba dang / don sbyin pa dang / bde ba skyed pa'i phyir bde bar 'gyur ba dang zhes bya ba la/ gang gi phyir byang chub sems dpa' sems can la byams par byed pa yin pas khong khro ba'i sems 'gal ba dang / sems can gyi sdug bsngal zhi bar byed pa yin pas sdug bsngal gyi rgyu nyon mongs pa la 'jog par byed pa la 'gal ba dang /don byed pa yin pas rgyu sems 'byung ba 'gal ba dang / bde ba skyed pa yin pas byang chub sems dpa'i gzugs mthong ba dang / sgra thos pas kyang bde bar 'gyur ba yin na/'jigs pa skye ba 'gal lo/ /de'i rgyus sdug bsngal gyi sems la sogs pa dang 'gal lo zhes bya ba la/ khong khro ba dang nyon mongs pa la 'jog pa dang / rgyu sems la sogs pa'i rgyus sems can rnams la sdug bsngal skye bar 'gyur bas na khong khro ba la sogs pa'i sems 'gal ba zhes bya'o//sgrub pa dbye ba'i tshigs su bcad pa lnga ste zhes bya ba la/ sgrub pa bshad pa'i skabs su yin pas na/ byang chub sems dpa'i sgrub pa'i phyir na grangs kyis du yod pa dang / rnam pa du yod pa la/ tshigs su bcad pa lnga bstan to zhes bya ba'i don to/ /'khor ba rab tu 'jug pa ni//ji ltar nad pa sman la bzhin/ /zhes bya ba la/ dper na nad pa nad la phan par bya ba'i phyir sman la 'jug ste/ sman kha ba dang dku ba dang tsha ba la sogs pa yin par sems kyang nad la phan par bya ba'i phyir 'thung ngo / /de bzhin du byang chub sems dpa' sems can gyi don du shes bzhin du 'khor bar 'jug pa na 'khor ba'i nyes pa sdug bsngal ba dang mi bzad pa la sogs pa mi bde bar shes mod kyi mthar 'tshang rgya bar bya ba'i phyir 'khor bar 'jug par byed do zhes bya ba'i don to//sems can la ni rab 'jug pa/ /ji ltar sman pas nad pa la'o/ /zhes bya ba la/ dper na sman pa snying rje can dge ba nad pa'i nad de la phan pa'i phyir nad pa la 'jug ste/ nad kyi gzhi dang sbyar nas sman gtong bar byed pa de bzhin du byang chub sems dpa'i sems can 'dod chags la sogs pa'i nyon mongs pa'i nad kyis nad par gyur pa rnams la nyon mongs pa'i nad zhi bar bya ba'i phyir so so'i snod dang sbyar nas dam pa'i chos kyi sman gtong zhing ston par byed de/bdag la rab tu 'jug pa ni/ /ji ltar ma smin bral ba'o/ /zhes bya ba la/ dper na bran mi srun pa la smin cing ma dul ba la 'dul zhing legs par gcod pa'i phyir/ rje bo 'jug ste/ brdeg pa dang btsog pa la sogs nan thur gyis tshar gcod par byed do//de bzhin du byang chub sems dpa' bdag gi sems nyon mongs pa'i dbang du gyur nas ma dul zhing dmu rgod du gyur nas sems de 'dul zhing zhi bar bya ba'i phyir tshul bzhin yid la byed pas tshar gcod cing 'dul bar byed de/ de la 'phags pa dkon mchog brtsegs pa las/rta 'dul sbyong gi dpes gsungs pa lta ba'o/ /'dod pa rab tu 'jug pa ni/ /ji ltar tshong pa nor la'o/ /zhes bya ba la/ 'di man chad pha rol tu phyin pa drug sgrub pa ston te/ dper na tshong pa bu tsha gso ba'i phyir zong chung ngu zhig gis nor mang po rnyed par khe spogs byed pa de bzhin du byang chub sems dpas kyang sbyin pa'i pha rol tu phyin pa'i zong gis 'dod pa lnga'i yon tan dang longs spyod phun sum tshogs pa bsgrubs nas sems can la yongs su gtong bar byed do//'dis ni sbyin pa'i pha rol tu phyin pa bstan to/ /las la rab tu 'jug pa ni/ /ji ltar tshon gyis gos la'o/ / zhes bya ba la/ dper na tshon gyis btsos pa'i gos tshon gyis zhen par bya ba'i phyir/ gzung ba dang bkru ba'i las kyis gos kyi dri ma byang bar byed pa de bzhin du byang chub sems dpa' la yang lus dang ngag dang yid kyi las gsum byang zhing dag par bya ba'i phyir/ srog mi gcod pa dang / ma byin par mi len pa la sogs pa'i las la 'jug par byed do/ /'dis ni tshul khrims kyi pha rol tu phyin pa bstan to/ /sems can mi 'tshe rab 'jug pa'i/ /ji ltar phas ni bus bzhin la'o/ /zhes bya ba la/ ji ltar pha de bu gzhon nu shed ma bye ba yod pas/ bzeg pa dang brad pa la sogs pa'i sgo nas gnod pa byas kyang zhe sdang mi skye'i snying rje'i sems skye ba de bzhin du byang chub sems dpa' sems can gyi don byed pa na sems can nyon mongs pa'i dbang du gyur nas shed ma bye ba rnams kyis gnod pa sna tshogs byas kyang byang chub sems dpa' la gnod pa dang zhe sdang gi sems mi skye'i snying rje ba'i sems skye ste/'dis ni bzod pa'i pha rol tu phyin pa bstan to/ /rgyun bcad rab tu 'jug pa ni/ /me 'dod gtsub gtan gtsub shing la'o/ /zhes bya ba la/ dper na me 'dod pa'i mi me'i don du gtsub gtan la gtsub shing me ma phyin gyi bar du ngal ba med par gtsubs par byed do/ /de dang 'dra bar byang chub sems dpa' dge ba la bsgom pa mthar phyin par bya ba'i phyir/ngal ba med par dge ba la rgyun du 'jug pa'i phyir/ 'dis brtson 'grus kyi pha rol tu phyin pa bstan to/ /lhag pa'i sems la rab 'jug pa/ /yid gcugs rdzogs par gyur pa la'o/ /zhes bya ba la/de la dkor dang bang mdzod la sogs pa'i dbang dang spyod du bcug kyang / rnam pa gang gis kyang srid pa mi skye zhing bdag gir mi byed pa de ni yid gcugs pa la rdzogs pa zhes bya'o/ /de la yid gcugs rdzogs pa de rgyal po'i bang mdzod dang dkor la dbang yod kyang cung zad tsam yang sred pa dang chags pa mi skye ba de bzhin du/byang chub sems dpa' bsam gtan gyi pha rol tu phyin pa la dbang yod de/ bsam gtan thob kyang bsam gtan gyi ro'i bde ba la cung zad tsam yang chags pa mi skyed do zhes bya ba'i don to/ /yang na yid gcugs pa'i mi de la/ phyi nang gi gtam kun yang ma lus par smra zhing ji ltar gyur kyang yid gcugs pa'i mi de bar ma dor mi gtong ba de bzhin du/byang chub sems dpa' yang bsam gtan gyi spyod pa na zhugs pa nam bsam gtan gyis mthar ma phyin cing 'bras bu ma thob kyi bar du bar ma dor mi gtong zhing 'jigs par mi byed de/ 'dis ni bsam gtan gyi pha rol tu phyin pa bstan to//shes rab la ni rab 'jug pa/ /sgyu ma byed bzhin shes par bya'o/ /zhes bya ba la/ dper na sgyu ma mkhan sgyu ma'i cho ga dang thabs shes pa des gdod sgyu ma byed pa'i sgyu ma'i rta dang glang po byas nas kyang 'di ni sgyu ma yin gyi rta dang glang po yang dag pa ma yin no snyam du sems pa de bzhin du byang chub sems dpas kyang pha rol tu phyin pa bsgrubs nas/shes rab kyi pha rol tu phyin pas chos thams cad sgyu ma lta bur phyin ci ma log par shes par byed de/ 'dis ni shes rab kyi pha rol tu phyin pa bstan to/ /gang la ji ltar sgrub pa de/ /de ni byang chub sems dpar dgongs/ / zhes bya ba la/ gong du bstan pa'i don bsdus nas bstan te gong ma rnams kyi don mdor bsdus na rnam pa gnyis shig ston te/ gang la sgrub cing 'jug pa dang / ji ltar sgrub cing 'jug pa ste/ de ltar sgrub pa ni byang chub sems dpa' yin par dgongs so zhes bya ba'i don to/ /de la gang la 'jug ce na/ nad pa sman la 'jug pa de bzhin du byang chub sems dpa' sems can gyi don la 'khor bar 'jug go/ /ji ltar 'jug ce na/ sems can la ni rab 'jug pa/ /zhes bya ba nas brtsams te/ sgyu ma byed bzhin shes par bya ba yan chad kyi tshul ltar 'jug go zhes bya ba yan chad kyi don to/ /ji ltar zhes bya ba ni nad pa la sogs pa la 'jug pa'o zhes bya ba la/ji ltar 'jug par bya zhe na/ nad pa nad la phan par bya ba'i phyir sman dku yang 'thung bar byed pa dang / sman pa nad pa la sman gtong bar byed pa dang / lus la sogs pa'i lus las yongs su sbyong bar byed pa'i tshul du 'jug par bya'o zhes bya ba'i don to/ /gang la zhes bya ba ni 'khor ba las sor sor brtags nas 'khor ba la gnas pas so zhes bya ba la/gang gang la 'jug ce na/ sems can gyi don du khams gsum du 'jug par byed de/ de yang 'khor ba'i nyes pa dang skyon ji lta bu yin pa so sor brtags te shes par bya ba nas 'khor ba'i skyon gyis ma gos par bya ste 'jug go//yang na gong du gang la bslab par bya ba dang / ji ltar bslab par bya ba dang / gang gis bslab par bya ba rnam pa gsum glengs pa las/ 'khor bar 'jug pas ni gang la bslab par bya ba bstan/ sman pa la sogs pa man chad kyis ji ltar bslab par bya ba bstan to/ /snying rje bas sems can nad pa la sogs pa mi gtong ba'i phyir ro zhes bya ba la/sman pa'i dpes ni snying rje dang ldan pas nyon mongs pa'i nad kyis btab pa'i sems can rnams mi gtong bar bstan to/ /rang gi sems rab tu legs par bcos pa dang zhes bya ba la/ ma smin pa'i bran gyi dpes ni bdag gi sems ma dul ba dang /ma zhi ba legs par 'chos par byed pa bstan to/ /sbyin pa la sogs pa pha rol tu phyin pa ji ltar go rims bzhin du longs spyod 'phel ba'i phyir ro zhes bya ba la/ 'di man chad ni pha rol tu phyin pa drug bsgrub pa rim bzhin du ston te/ tshong pa'i dpes ni sbyin pa'i pha rol tu phyin pa bsgrub pa bstan te/sbyin pas longs spyod bsgrubs nas longs spyod sems can la gtong bar byed pa'i phyir ro/ /lus la sogs pa'i las sbyangs pa'i phyir ro zhes bya ba la/ tshon mkhan gyi dpes ni tshul khrims kyi pha rol tu phyin pa bstan to/ /ci'i phyir zhe na/ lus dang ngag dang yid gsum gyi las yongs su dag par gyur pa'i phyir ro//sems kyi gnod pa bzod pa'i phyir ro zhes bya ba la/ pha dang bu'i dpes bzod pa'i pha rol tu phyin pa bstan te/ sems can gyis gnod pa byas kyang bzod de slar gnod pa mi byed pa'i phyir ro/ /dge ba bsgom pa la rgyun tu brtson par bya'o zhes bya ba la/gtsub shing gi dpes ni brtson 'grus kyi pha rol tu phyin pa bstan to/ /dge ba bsgom pa la rgyun mi 'chad par brtson 'grus rtsom pa'i phyir ro/ /ting nge 'dzin la mi chags pa'i phyir ro zhes bya ba la yid gcugs pa'i dpes ni bsam gtan gyi pha rol tu phyin pa bstan te/ bsam gtan gyi dbang thob kyang bsam gtan gyi bde ba la ma chags pa'i phyir ro//shes bya la phyin ci ma log pa'i phyir ro zhes bya ba la/ sgyu ma'i dpes ni shes rab kyi pha rol tu phyin pa bstan te/ shes bya thams cad sgyu ma lta bu phyin ci ma log par shes pa'i phyir ro/ /'khor gsum yongs su dag pa'i tshigs su bcad pa zhes bya ba la/sgrub pa rnams kyang 'khor gsum yongs su dag pa'i tshul du bsgrub dgos te/ de bas na 'khor gsum yongs su dag pa bstan pa'i phyir tshigs bcad gcig brtsams so zhes bya ba'i don to/ /de ltar brtson 'grus rtag par rgya chen ldan/ /zhes bya ba la/ de ltar zhes bya ba ni gong du bshad pa ltar ro//brtson 'grus rnam pa gnyis te/ rtag pa'i brtson 'grus dang rgya che ba'i brtson 'grus so/ /de la rtag pa'i brtson 'grus ni gang dge ba rgyun du byed pa'o/ /rgya che ba'i brtson 'grus ni gang theg pa chen po dang ldan pa dang pha rol tu phyin pa bsgrub pa'i brtson 'grus so//gnyis po yongs smin sbyangs la grub/ /ces bya ba la/ de ltar rtag pa'i brtson 'grus dang / rgya che ba'i brtson 'grus gnyis kyis gnyis po yongs su smin pa dang / sbyang bar bya ba la 'grub ste/ gnyis po ni bsod nams kyi tshogs sam/ ye shes kyi tshogs sam bdag gi don tam gzhan gyi don te/bsod nams kyi tshogs kyis ni bdag gi don yongs su smin par byed la/ ye shes kyi tshogs kyis ni bdag dang gzhan yongs su sbyong bar byed do/ /mi rtog dri med blo mchog gis/ /'grub dang mchog ni rim gyis des thob 'gyur/ /zhes bya ba la/ chos dang gang zag la bdag med par khong du chud pa'i ye shes la mi rtog pa'i ye shes zhes bya ste/ji la mi rtog ce na/ sgrub par byed pa'i byang chub sems dpa' dang / bsgrub par bya ba'i sems can dang / sgrub pa'i chos gsum yod par mi rtog pa'i phyir ro/ /ye shes de la nyon mongs pa dang shes bya'i sgrib pa'i dri ma med pas na dri ma med pa zhes bya'o//de'i phyir 'khor gsum yongs su dag par rig par bya ste/ de ltar 'khor gsum yongs su dag pa'i rnam par mi rtog pa'i ye shes la blo mchog ces bya ste/ ye shes des sgrub par byed pa dang / bsgrub par bya ba dang / sgrub pa gsum la mi rtog pa'i tshul du bsgrubs nas sa bcu rim gyis mnan nas sangs rgyas kyi sar byang chub sems dpa' des sgrub pa mchog thob par 'gyur te/bla na med pa'i byang chub tu 'tshang rgya bar 'gyur zhes bya ba'i don to/ /bsgrub pa'i skabs bshad pa rdzogs so// //gdams shing bstan par bya ba'i tshigs su bcad pa lnga bcu rtsa gcig ste zhes bya ba la/sgrub pa'i skabs kyi 'og tu gdams shing bstan par bya ba'i skabs bshad par 'brel pa ci yod ce na/ 'dir bslab pa'i rnam par bshad pa'i skabs yin te/ bslab pa'i rnam pa'i khyad par yang bsam pa'i khyad par dang / bdag la phan pa'i khyad par dang / gzhan la phan pa'i khyad par dang /mthar phyin pa la sogs pa'i khyad par la chos la mos pa mang ba'i skabs su bsam pa'i khyad par bstan/ chos 'tshol ba'i skabs su sbyor ba'i khyad par bstan/ sgrub pa'i skabs su bdag la phan pa'i khyad par bstan/ chos 'chad pa'i skabs su gzhan la phan pa'i khyad par bstan nas da ni mthar thug pa'i khyad par ston te/de'ang sgrub pa dang ldan pa'i byang chub sems dpa' mthong ba dang bsgom pa'i lam gnyis rnam par dag cing mthar thug par bya ba'i phyir bdag nyid kyis kyang gdams pa dang bstan par brtsal bar bya la/ gzhan yang gdams pa dang bstan pa la bzhag dgos te/de bas na sgrub pa'i skabs kyi 'og tu gdams pa dang bstan pa'i skabs bshad par 'brel to/ /bskal pa grangs med 'byung ba ni/ /zhes bya ba la/ bskal pa grangs med pa gsum la mos pa spyod pa'i sar bskal pa grangs med pa gcig du byang chub sems dpa'i spyod pa'i spyad pas sa dang po 'byung bar 'gyur ro zhes bya ba'i don to//ji ltar byang chub sems dpa'i spyod pa la spyad ce na/ de'i phyir/ chos spyod rnam par 'phel byed cing / /dge ba'i chos ni rab rdzogs pa/ /ji ltar rgya mtsho'i chu bzhin no/ /zhes bya ba smos te/ mos pa dang dad pa zhes bya ba don gcig ste/mos pa spyod pa'i sar mos pa dang / dad pa shas je che je cher byas nas 'jig rten gyi chos mchog tu dad pa shas cher byas pa la mos spyod rnam par 'phel ba zhes bya'o/ /yang na mos pa spyod pa'i sa gong ma gong ma thob par byas pa ni mos spyod 'phel bar byed pa zhes bya ste/ mos pa spyod pa'i sa drod kyi dus na ni ming sgyu ma lta bur rtogs/rtse mo'i dus na ni don sgyu ma lta bur rtogs/ bzod pa'i dus na ni gzung ba mi dmigs par rtogs/ 'jig rten gyi chos mchog gi dus na ni 'dzin pa yang mi dmigs par rtogs pa'o/ /de ltar mos pa 'phel bar 'gyur bas bsod nams dang ye shes kyi tshogs rdzogs par 'gyur te/de'ang dper na rgya mtsho chus gang zhing rgyas pa dang 'dra bar de'i sems la yang bsod nams dang ye shes kyi tshogs ji tsam gyis sa dang po khong du chud par 'gyur ba'i bsod nams dang ye shes kyi tshogs rdzogs shing rgyas par 'gyur ro/ /zhes bya ba'i don to//sngun nas dag pa'i rgyal ba'i sras/ /zhes bya ba la/ de ltar bskal pa grangs med par zhugs pa dang / mos pa 'phel ba dang / chos rdzogs pa ni sdu na nas dag pa'i rgyal ba'i sras zhes bya ste/ mos pa spyod pa'i sar byang chub sems dpa'i tshul khrims rnam pa gsum char dag ces bya ba'i don to//tshul khrims rnam pa gsum ni sdom pa'i tshul khrims dang / dge ba'i tshul khrims dang / sems can gyi don byed pa'i tshul khrims so/ /de ltar tshogs ni bsags pa dang / /zhes bya ba la/ gong du bshad pa ltar na bsod nams dang ye shes kyi tshogs bsags pas theg pa chen po'i chos phyin ci ma log par rtogs shing sems la 'dzin pas na theg pa chen po lta ba drang ba ste/nyan thos la sogs pa'i lta bar ma ltung ba ni/ tshogs bsags pa zhes bya'o/ /rab shes zhes bya ba la/ mos pa spyod pa'i sar theg pa chen pa'i chos mang du thos pa la rab tu shes pa zhes bya'o//sems ni dge ba dang zhes bya ba la/ mos pa spyod pa'i sa'i dus na sa dang po thob par bya ba la bar du gcod pa'i sgrib pa spangs pas na/ sems dge ba zhes bya'o/ /de ltar bsgom pa rnam par dag par byas pa dang / lta ba drang por byas pa dang / mang du thos pa dang / sgrib pa spangs pa la sogs pa'i 'og tu 'og nas 'byung ba'i tshul du bsgom par byas pas na/bsgom pa la ni brtson pa'o zhes bya ba ste/ 'og nas 'byung ba'i tshul ni de nas mdo la sogs pa'i chos zhes bya ba la sogs pa'o/ /chos kyi rgyun las sangs rgyas las/ /zhi gnas rnam par rgyas pa dang / /ye shes rgyas par 'gyur ba'i phyir/ / de tshe lung bstan thob par 'gyur/ /zhes bya ba la/ gong du bshad pa ltar mos pa spyod pa'i sar mos pa dang dad pa 'phel ba dang / bsod nams dang ye shes kyi tshogs bsags pa dang / sdom pa rnam par dag pa dang / theg pa chen po la lta ba drang ba dang / thos pa mang ba dang / sgrib pa spangs pa ste/ lus dang sems las su rung bar byas pa'i byang chub sems dpa'i chos kyi rgyun gyi ting nge 'dzin la gnas nas sangs rgyas rnams las sa dang po thob par bya ba'i don du bstan pa dang gdams pa'i lung thob par 'gyur te/lung de yang zhi gnas rnam par rgyas par bya ba dang / lhag mthong rnam par rgyas par bya ba'i phyir lung nod par byed de/ye shes kyi sgras ni lhag mthong la bya'o/ /sa dang po thob par 'gyur ba'i lam 'jig rten gyi chos mchog gi ting nge 'dzin la chos kyi rgyun gyi ting nge 'dzin zhes bya'o/ /de nas mdo la sogs pa'i chos zhes bya ba la/ de nas zhes bya ba ni de bzhin gshegs pa las bstan pa dang / gdams pa las thob nas de'i 'og tu zhes bya ba'i don to//mdo la sogs pa'i chos zhes bya ba la/ sogs pa'i sgras ni mdo'i sde dang lung du bstan pa la sogs pa gsung rab yan lag bcu gnyis la bya'o/ /gsung rab de dag kyang ji 'dra ba zhig ce na/ de'i phyir/ mi gnyis don dag gsal byed pa/ /zhes bya ba smos te/ mdo la sogs pa'i chos de dag kyang gzung ba dang 'dzin pa gnyis dang bral ba dang / yod pa dang med pa gnyis dang bral ba'i don phyin ci ma log par 'chad pas na gsal bar byed pa zhes bya'o/ /thog mar dka' thub can gyis ni/ /mdo ming la sogs sems gzhag ste/ /zhes bya ba la/ dka' thub can ni byang chub sems dpa' rnal 'byor pa la bya'o//rnal 'byor pa des dang po nyid du mdo sde la sogs pa gsung rab yan lag bcu gnyis kyi ming la sems 'jog par byed do/ /ji ltar zhe na/ mdo sde 'di'i ming sa bcu pa zhes bya/ 'di ni lang kar gshegs pa zhes bya/ zhes mdo sde rnams kyi ming shes par byed do zhes bya ba'i don to//de nas tshig tu spros pa las/ /rim gyis rnam par brtags nas su/ /zhes bya ba la/ de ltar ming la sems bzhag nas de'i 'og tu mdo sde dag gi tshig la sems 'jog ste/ 'di skad bdag gis thos pa'i dus gcig na zhes bya ba nas rdzogs kyi bar du mdo sde gcig gi nang nas tshig ji nas ji 'byung ba dang /tshig ji snyed cig 'byung ba dang / kun shes par byed do zhes bya ba'i don to/ /de yang rim gyis shes par byed de/ dang por ming brtags nas shes par byed de/ de bas tshig rnams brtags nas tshig shes par byed do/ /des na rang rig tshul bzhin gyis//de yi don la rnam par brtags/ /zhes bya ba la/ rang gis rig pa zhes bya ba ni sems kyi nang du tshul bzhin du rtogs pa zhes bya ba'i don to/ /de ltar tshig shes pa'i 'og tu rnal 'byor pas/ mdo sde re re'i tshig so so'i tshig re re la don ci yod pa la brtags shing dpyad na/ tshig re re'i don yang phyin ci ma log par shes par byed do zhes bya ba'i don to//de'i don dag bzung nas su/ /zhes bya ba la/ de ltar tshig re re'i don rtogs par byas nas de'i 'og tu mdo sde'i tshig gi don ni 'di kho na yin gyi gnas ma yin no zhes gtan la 'bebs shing shes par byed do zhes bya ba'i don to/ /chos rnams yang dag bsdu bar bya//zhes bya ba la/ de nas de'i 'og tu mdo sde de dag gi don gcig tu bsdus nas chos la sdud par byed de/ ji ltar zhe na/ gsung rab yan lag bcu gnyis dag gi don bsdus na yang mdo sde'i nang du 'dus pa'am/ /mdo sde gcig la mdo sde 'di yig mgo nas mjug tu don mdor bsdus nas 'di skad 'byung bar zad pa'am/mdo sde thams cad kyi don bsdus na yang mdo ston par zad ces sdud pa ni chos la yang dag par bsdu ba zhes bya'o/ /des ni de'i don rtogs bya'i phyir/ /de nas yang dag re bar bya/ /zhes bya ba la/ des zhes bya ba ni rnal 'byor pa'i sems pa des so/ / don rtogs par bya ba'i phyir zhes bya ba ni mdo sde la sogs pa de dag gi don rtogs par bya ba'i phyir chos la bsdus pa'i 'og tu bdag nyid kyis bsam gtan thob par bya ba'i phyir zhugs sam/ dge sbyong gi 'bras bu thob par bya ba'i phyir zhugs sam/ sa dang pha rol tu phyin pa rtogs par bya ba'i phyir zhugs kyang rung ste/'bras bu gang gi phyir zhugs pa'i 'bras bu de ji ltar thob par bya zhes re ba dang bcas pa'i sems bskyed par bya ste/ de bas na/ de nas yang dag re bar bya/ /zhes smos so/ /tshigs su bcad pa de gsum gyis ni sems drug bstan te zhes bya ba la tshigs su bcad pa gsum gyis ni de bas mdo la sogs pa'i chos la sogs pa ni tshigs bcad gcig go//de nas tshig tu spros pa la/ /zhes bya ba la sogs ni tshigs bcad gnyis pa'o/ /de yi don dag bzung nas su/ /zhes bya ba la sogs pa ni tshigs bcad gsum pa ste/ tshigs su bcad pa de gsum gyis ni rnal 'byor pa'i sems drug bstan to zhes bya ba'i don to//rtsa ba'i sems ni mdo sde'i chos rnams kyi ming la dmigs pa gdams pa thob nas sam zhes bya ba la/ rtsa ba'i sems zhes bya ba la ji ltar ni slob dpon nam mkhan po'am/ de bzhin gshegs pa la sogs pa las sa thob pa'i gdams pa dang / bstan pa thob nas de nas dang po nyid du mdo sde la sogs pa'i ming la sems dmigs par byed pa la ni rtsa ba'i sems zhes bya'o//bdag nyid kyis 'di ltar mi rtag pa dang / sdug bsngal ba zhes bya ba la sogs pa la/ yang na mkhan po dang slob dpon nam/ sangs rgyas dang byang chub sems dpa' las gdams pa dang /bstan pa ma thob par yang / bdag nyid kyi blos dang po nyid du chos rnams la rtog pa'i tshe mi rtag pa dang sdug bsngal ba dang stong pa dang bdag med pa'i tshul du tshul bzhin yid la byed pa la/ /rtsa ba'i sems zhes bya'o/ /rjes su dpyod pa'i sems ni gang gis mdo sde la sogs pa'i ming la dmigs nas tshig rab tu dbye ba'i phyir rjes su 'gro ba'i zhes bya ba la/rjes su dpyad pa'i sems ji lta bu zhe na/ byang chub sems dpa' gang gis sa dang po nyid du mdo sde'i ming ni 'di skad ces bya zhes mdo sde'i ming la dmigs nas de'i 'og tu mdo sde de dag so so'i tshig la dmigs par byed de/mdo sde'i tshig gi nang nas tshig ji skad 'byung ba dang tshig grangs kyis du zhig 'byung bar shes par byed pa la rjes su 'gro ba'i sems zhes bya'o/ /rnam par rtog pa'i sems ni gang gis don dang yi ge la rnam par rtog pa ste zhes bya ba la/ rnam par rtog pa'i sems ji lta bu zhe na/ de yang rnam pa gnyis te/ don la rnam par rtog pa dang / yi ge la rnam par rtog pa'o/ /de la bgrang ba la sogs pa'i don rnam pa bzhi lta bu'i tshul du rtog pa ni don la rnam par rtog pa zhes bya'o/ /de'i bgrang ba ni grangs 'dzin pa ste/ 'di ltar gzugs ni skye mched bcu dang phyogs gcig go zhes bya ba la/bgrang ba la rnam par rtog pa ni lnga zhe'am/ bcu gcig zhe'am/ drug ces grangs sems la 'dzin pa ste/ de yang 'di ltar gzugs ni dbang po lnga dang yul lnga dang bcu/ chos kyi khams kyi phyogs gcig ste/ rnam par rig byed ma yin pa'i gzugs dang bcu gcig kho nar zad kyi mi mang mi nyung ngo zhes grangs 'dzin pa ni bgrang ba la rtog pa zhes bya'o//tshor ba ni tshor ba drug gi tshogs so zhes bya ba la sogs pa zhes bya ba la/ tshor ba la yang / mig gis kun du reg ste/ tshor ba nas yid kyis kun du reg ste tshor ba'i bar du tshor ba'i tshogs drug po kho nar zad kyi mi mang mi nyung ngo zhes rtog pa yang bgrang ba la rtog pa zhes bya'o//gzhal ba ni bgrang ba'i chos la skur pa mi 'debs shing sgro mi 'dogs par mtshungs par rtog cing 'dzin pa'o zhes bya ba la/ gzhal ba la rtog pa ni gong du gzugs bcu gcig tu bgrang ba dang / tshor ba'i tshogs drug tu bgrang ba dang / gzugs ni bcur zad kyi/ tshor ba la yang ldar zad ces skur pa yang mi 'debs so/ gzugs la bcu gnyis yod cing tshor ba la yang bdun yod ces sgo yang mi 'dogs par bskyed pa skur pa yang med pa'i tshul du grangs ci tsam du gzhag pa kho na yang mtshungs par rtog pa ni gzhal ba la rtog pa zhes bya'o//dpyod pa la ni tshad mas rtog pa'o zhes bya ba la/ mngon sum dang rjes su dpag pa dang lung gi tshad ma dang gsum gyis chos de dag yin du'ang mi rung zhes rtog cing / ci'i phyir na gzugs la bcu gcig gzhag la bcu gnyis la sogs par mang du yang ma bzhag bcu la sogs pa nyung ngu yang ma bzhag ces rtog pa ni dpyod pa dang rtog pa zhes bya'o//rtag pa ni bgrang ba dang gzhal ba dang dpyad pa'i don la lta ba'o zhes bya ba la bgrang bas bcu gnyis la sogs pa'i grangs bgrangs pa dang / gzhal bas skyed skur ma byas pa dang /dpyad pas rigs par gtan la phab pa'i chos de dag gi rang dang spyi'i mtshan nyid kyi don lta ba ni rtog pa zhes bya'o/ /yi ge la rnam pa gnyis su brtag ste zhes bya ba la/ yi ge la rnam pa gnyis su brtag ste/ don yod par brtag pa dang / don med par brtag ba'o//yi ge mang po la don dang bcas pa dang / gcig pa don med pa'o zhes bya ba la/ 'dus byas mi rtag ces bya ba la sogs pa yi ge mang po la ni don yod par brtag par bya ste/ ji ltar don yod ce na/ mi rtag pa la sogs pa'i don ston pa'i phyir ro/ /a dang ka la sogs pa'i yi ge gcig pa ni don med par brtag ste/yi ge gcig gi don gang yang mi ston pa'i phyir ro/ /'dzin pa'i sems ni gang gis ji ltar rjes su brtag pa'am zhes bya ba la/ 'dzin pa'i sems ji lta bu zhe na/ byang chub sems dpa'i shes rab gang gis rjes su dpyod pa'i sems kyi skabs su mdo sde rnams tshig re re nas ji skad 'byung ba'i tshig rnams kyi mtshan ma 'dzin te/ji ltar mtshan ma 'dzin ce na/ mdo sde 'di'i tshig ni 'di kho na yin gyi gzhan ma yin no zhes gtan la 'bebs pa ni 'dzin pa'i sems zhes bya'o/ /rnam par brtag pa'i mtshan ma 'dzin pa'o zhes bya ba la/yang rnam par brtag pa'i sems kyi skabs su don la rnam par rtog pa la/ grangs la sogs pa la rtog pa la sogs pa rnam pa bzhir bshad pa dang / yi ge la rnam par rtog pa rnam pa gnyis su bshad pa la/ de dag gi mtshan ma 'dzin te ji ltar 'dzin ce na/ 'di dag ni 'di kho na lta bu yin gyi/ gzhan du ma yin no zhes gtan la 'bebs pa ni 'dzin pa'i sems zhes bya'o/ /bsdu ba'i sems ni gang gis ji ltar rnam par brtags pa'i don rtsa ba'i sems su bsdus nas bsdu ba'i tshul du 'jug pa zhes bya ba la/ bsdu ba'i sems ji lta bu zhe na/ byang chub sems dpa'i shes rab gang gis gong du rnam par brtags pa'i chos don la rnam par brtag pa la yang / bgrang ba dang gzhal ba la sogs pa rnam pa bzhir brtag pa dang / yi ge la yang don yod pa dang / med pa rnam pa gnyis su brtags pa de dag la bsdu ba'i tshul du 'jug ste/ji lta zhe na/ ji snyed du mdo sde yan lag bcu gnyis bshad pa de dag kyang / mdo sde'i nang du 'dus par zad do zhes rtsa ba'i sems su sdud pa'am/ mdo sde 'di'i nang nas tshig dang yi ge mang po 'byung ba thams cad kyang nang bsdus na/ 'di tsam zhig ston par mdzad do zhes bya ba'i sems sdud pa la bsdu ba'i sems zhes bya'o//re ba'i sems ni ting nge 'dzin gyi phyir ram zhes bya ba la/ re ba'i sems ji lta bu zhe na/ bdag nyid kyis ting nge 'dzin thob par bya ba'i phyir zhugs kyang rung / de ma yin pa gzhan 'bras bu gang gi phyir zhugs kyang rung ste/ de dag thos par bya ba'i phyir 'jug par bya'o snyam du sems gzhan du bsgom pa'am/ 'bras bu de dag gis ji ltar thob par bya'o snyam du sems bzhin du bsgom pa ni re ba yid la byed pa zhes bya'o/ /de yongs su rdzogs pa'i phyir ram zhes bya ba ni ting nge 'dzin rnams yongs su rdzogs shing mthar phyin par bya ba'i phyir zhugs kyang rung zhes bya ba'i don to//dge sbyong gi 'bras bu 'thob par bya ba'i phyir zhes bya ba ni rgyun du zhugs pa la sogs pa dge sbyong gi 'bras bu thob par bya ba'i phyir zhugs kyang rung zhes bya ba'i don to/ /sa la 'jug pa'i phyir ram zhes bya ba ni bdag nyid kyis sa bcu rim gyis thob par bya ba'i phyir zhugs kyang rung zhes bya ba'i don to//khyad par thob pa'i phyir ram zhes bya ba la/ yang na bdag gis mngon par shes pa lnga la sogs pa'i yon tan gyi khyad par thob par bya ba'i phyir zhugs kyang rung zhes bya ba'i don to/ /gang gi phyir 'jug pa na zhes bya ba'i don ni gzhan yang de la ma gtogs pa'i yon tan stobs dang mi 'jigs pa la sogs pa'i yon tan gang gi phyir zhugs kyang rung /de dag thob par bya'o snyam du sems shing bsgom pa ni re ba'i sems zhes bya'o/ /sems nyid dmigs par snang ba ste/ sems las gzhan dmigs pa med de//zhes bya ba la/ gong du sems drug bshad pa'i skabs su sems drug gi dmigs pa'i yul bshad pa de dag kyang / sems nyid dmigs pa'i yul rnam pa drug snang ba lta bur zad kyi/ sems las ma gtogs par sems kyi dmigs par bya ba'i yul sems las logs shig na gzhan med do zhes bya ba'i don to//sems tsam du shes kyang rung mi shes kyang rung zhes bya ba la sogs pa la/ sems rnam pa drug po de dag gi yul rnams sems tsam du zad pa'i bsam pa'i shes rab kyis khong du chud de/ sems tsam du shes kyang sems drug po la bsgom pa na/ drug po de dag sems tsam du mi shes kyang rung zhe'am/ bsam pa'i shes rab kyis sems tsam du shes pa med kyi/ thos pa'i shes rab kyis 'di ltar sems tsam du zad kyi sems las logs shig na yul gzhan med do zhes kyang rung ste/ don du na sems nyid sems rnam pa drug gi dmigs pa lta bur snang ba zad de/sems las gzhan ma yin pas sems drug po yang sems tsam par rnam par bzhag go/ /de ltar rnal 'byor pa sems drug la bsgom pa bsgom pa des/ yid la byed pa bcu gcig bsgom zhing yid la bya ste/ de bas na/ tshol dang so sor rtog pa dang / /yid kyi rtog pa rgyun du bya//zhes bya ba la sogs pa smos so/ /de la yid la byed pa bcu gcig ni rtog pa dang bcas dpyod pa dang bcas pa la sogs pa ste/ yid la byed pa bcu gcig kyang tshigs su bcad pa bzhis bstan to/ /de la tshol ba yid kyis rtog pa rgyun du bya ba dang / so sor rtog pa yid kyis rtog pa rgyun du bya'o zhes tshig de lta bu'o//de la tshol ba yid kyis rtog pa zhes bya ba la/ rtog pa dang bcas dpyod pa dang bcas pa'i yid la byed pa bstan te/ de'ang mi lcogs pa med pa dang / bsam gtan dang po'o/ /de la tshol ba la rtog par ci mngon zhe na/ gtsug lag las rtog pa'i mtshan nyid bshad pa'i skabs su rtog pa gang zhe na/tshol ba yid kyi 'jog pa'o zhes bstan pas na tshol ba la rtog pa zhes bya bar mngon no/ /so sor rtog pa yid kyis rtog pa zhes bya bas mi rtog cing dpyod pa tsam gyis yid la byed pa bstan te/ de yang bar gyi bsam gtan dang bsam gtan gnyis pa la bya'o/ / so sor rtog pa la dpyod pa zhes bya bar ci mngon zhe na/ gtsug lag las dpyod pa'i mtshan nyid bshad pa'i skabs su dpyod pa gang zhe na/ so sor rtog pa yid kyis 'jog pa'o zhes bshad pa'i phyir dpyod pa la so sor rtog pa zhes bya par mngon no/ /rnam par mi rtog ro gcig pa'i/ /yid la byed pa brtag par bya'o//zhes bya ba la/ rnam par mi rtog ro gcig pa zhes bya bas mi rtog mi dpyod pa'i yid la byed pa bstan te/ de'ang bsam gtan gsum pa dang bzhi pa ste/ de'i tshe rtog dpyod dang bral ba'i mtshan nyid du nang gcig par bsgom pa'i phyir te/ rtog dpyod dang bral ba rnam par mi rtog pa'i ro gcig pa de la rtag tu yid la byed pa'o zhes bya ba'i tha tshig go//zhi gnas lam du shes bya ste/ /des na chos dang ming bsdus pa/ /zhes bya ba la/ ming gang chos rnams kyi don dang tshig bsdus pa la ming bsdus zhes bya ste/ dper na shes rab kyi pha rol tu phyin pa zhes bya ba'i ming gis/ shes rab kyi kyi pha rol tu phyin pa'i don dang tshig mang po bsdus pa'o//dang gi sgras ni rjes su 'gro ba'i sems kyis mdo sde'i tshig so sor shes par bya ba'i tshig la bsnyegs te/ don du mdo sde'i ming dang tshig la dmigs par byed pa ni zhi gnas kyi lam du shes par bya ste/ 'dis ni zhi gnas yid la byed pa bstan to/ /de'i don dag rnam brtags phyir//lhag mthong du ni shes par bya/ /zhes bya ba la/ de'i don zhes bya ba ni mdo sde rnams kyi ming dang tshig rnams kyi don te/ de yang bgrang ba dang gzhal ba dang dpyad pa dang rtog pa ste chos de dag gi rang dang spyi'i mtshan nyid la rtog cing / phyin ci ma log par shes par byed pa ni lhag mthong gi lam du shes par bya ste/'dis ni lhag mthong yid la byed pa bstan to/ /de dag bsdus pa'i lam de ni/ /zung du 'brel bar shes par bya/ /zhes bya ba la/ zhig gnas dang lhag mthong zung du ma 'brel pa'i dus na ni so sor dmigs te/ zhi gnas kyis ni ming dang tshig la dmigs/ lhag mthong gis ni don la dmigs par byed do//nam zhi gnas dang lhag mthong zung du 'brel na ni ming dang don la so sor mi dmigs kyi/ de gnyis gcig tu bsdus nas zhi gnas lhag mthong mgo mnyam du 'brel te dmigs par byed pa'i lam de ni zhi gnas dang lhag mthong zung ngu 'brel ba'i lam du shes par bya ste/ 'dis ni zung du 'brel pa yid la byed pa bstan to//zhum pa'i sems ni rab tu gzung / /zhes bya ba la/ rnal 'byor ba ting nge 'dzin bsgom pa'i dus na sems nyid kyis mi gsal te zhum par gyur na/ lhag mthong mtshan ma yid la byed pas sems gzung zhing gzengs bstod par bya ste/ ji ltar gzengs bstod ce na/ lhag mthong gis de bzhin gshegs pa dang /ting nge 'dzin gyi yon tan dang / chos rnams kyi rang dang spyi'i mtshan nyid yid la bya bas sems gzengs bstod par bya ste/ 'dis ni 'dzin pa'i mtshan ma yid la byed pa bstan to/ /rgod pa yang ni zhi bar bya/ /zhes bya ba la/ sngon mthong ba dang thos pa la sogs pa dran nas phyi'i yul la sems 'phros par gyur na zhi gnas kyi mtshan ma yid la byed pas rgod pa zhi bar bya ste/ji ltar yid la bya zhe na/ 'khor ba'i skyon skye ba dang rga ba la sogs pa bsams nas sems g.yeng ba spang bar bya ste/ 'dis ni zhi gnas kyi mtshan ma yid la byed pa bstan to/ /gang du dmigs pa de la yang / / mnyam pa thob nas btang snyoms te/ /zhes bya ba la/ rnal 'byor pas de ltar zhum pa'i sems ni lhag mthong gis spangs/ rgod pa'i sems ni zhi gnas kyis spangs te/ dmigs par bya ba'i yul la zhum rgod med par gyur nas sems mnyam pa nyid du gyur na mi bskyod par btang snyoms su bzhag ste/ zhi gnas kyi mtshan ma yang yid la mi bya lhag mthong gi mtshan ma yang yid la mi bya ste/ gal te 'ga' zhig yid la byas pa na/ mnyam pa nyid kyi sems las nyams par 'gyur te/ 'dis ni btang snyoms kyi mtshan ma yid la byed pa bstan to/ /rtag tu dang ni gus pa byas/ /thams cad dang yang sbyar bar bya//zhes bya ba la/ rnal 'byor pa de bar 'ga' yid la byed/ bar 'ga' yid la mi byed pa ma yin gyi dus thams cad du yid la byed pa ni rtag tu zhes bya ste/ 'dis ni rtag pa yid la byed pa bstan to/ /le lo dang btang snyoms las yid la byed par nan tan dang bsgrims te yid la byed pa ni gus pa zhes bya ste/'dis ni gus pa yid la byed pa bstan to/ /de ltar rtag tu yid la byed pa dang / gus par yid la byed pa gnyis ni gong du bshad pa'i yid la byed pa thams cad la yang sbyar te/ gong du bshad pa'i yid la byed pa'i dus na yang rtag par yid la byed pa dang / gus par yid la byed pa'i tshul gyis yid la bya'o zhes bya ba'i don to//de ni yid la byed pa rnam pa bcu gcig yid la byed pa'i rnal 'byor pa mos pa spyod pa'i sa la 'jug par bya ba'i phyir sems gnas pa dgu yid la bya ste/ sems gnas pa dgu'i don ni tshigs su bcad pa bzhis bstan to/ / dmigs pa la ni sems bzhag na/ /zhes bya ba la/ dang po rnal 'byor pas ting nge 'dzin gyis dmigs par bya ba'i yul la sems rtse gcig tu bzhag ste/ ji ltar bzhag ce na/ ting nge 'dzin gyis dmigs par bya ba'i yul dang / sems gnyis su sbrel bar bya ste/ dang po yul dang sems gnyis su 'brel bar byed pa la ni sems gnas pa zhes bya'o//de ni rgyun du mi g.yeng phyir/ /zhes bya ba la/ de ltar dmigs pa'i yul la sems rtse gcig tu bzhag pa'i 'og tu phyi'i yul la sems g.yengs pa bstan nas mi g.yeng bar bya ba'i phyir/ yang nas yang du rgyun du sems rtse gcig par bzhag pa ste/des ni yang dag par gnas pa bstan to/ /rnam par g.yeng ba shes nas kyang / /myur ba de ni slar blan no/ /zhes bya ba la/ de ltar rnal 'byor pa'i ting nge 'dzin la sems rtse gcig tu 'jog pa na/ sems phyi'i yul la g.yengs par gyur na bdag gi sems 'di ni yul la g.yengs par gyur to zhes shes par byas nas/de ma thag tu g.yeng ba'i sems spangs nas slar blon te/ rtse gcig pa la 'jog par byed de ni kun du gnas pa zhes bya'o/ /yang nas yang du blo ldan gyi/ /sems ni nang du blan par bya/ /zhes bya ba la/ de ltar sems g.yengs pa las slar blan pa'i byang chub sems dpa' blo ldan des/sems phyi'i yul la mi gtong zhing yang nas yang du sems nang du blon par byed de ting nge 'dzin rtse gcig pa la sems yang nas yang du sems blon par byed/ gtong bar byed 'jog par byed de de ni nye bar gnas pa zhes bya'o/ /ting 'dzin yon tan mthong bas na/ /de bas sems ni dga' bar 'gyur//zhes bya ba la/ gang gi tshe rnal 'byor pa'i ting nge 'dzin la rtse gcig tu 'jog pa la de'i tshe yul la sems 'phros par gyur na/ yul la sems dga' bar 'gyur gyi ting nge 'dzin la sems mi dga' bar 'gyur te/ de'i dus na des ting nge 'dzin gyi yon tan la brtag par bya'o/ / des ting nge 'dzin gyi yon tan la brtags na ting nge 'dzin gyi yon tan mthong bar 'gyur ro/ /ting nge 'dzin gyi yon tan mthong na sems mi dga' ba zhi zhing dul bar gyur nas sems dga' ba skye bar 'gyur te des ni dul bar byed pa bstan to/ /rnam par g.yengs la skyon mthong bas/ /mi dga' ba ni zhi bar 'gyur//zhes bya ba la/ nam rnal 'byor pa sems g.yengs sam zhum pa dang / rmugs par gyur na 'di ltar bdag gis sems g.yengs pas rtse gcig pa la nyams shing sems zhum pa dang rmugs par gyur na/ bsam gtan dang mngon par shes pa la sogs pa'i 'bras bu mi 'thob ste/ de bas na g.yengs ba'i sems byung na g.yengs pa'i sems la mi dga' bar blta zhing skyon du mthong ste/g.yengs pa'i sems dang mi dga' ba spang ba'i phyir gnyen po la rten par byed de/ des gnyen po la brten pas mi dga' ba'i sems spong bar byed do/ /de ltar mi dga' ba'i sems spong bar byed pa de la ni zhi bar byed pa zhes bya'o//chags pa dang ni dkrugs pa'i sems/ /skyes pa de tshe zhi bar byed/ /ces bya ba la/ gal te rnal 'byor pa 'dod pa la sogs pas longs spyod kyi yul la sems chags pa zhig skyes sam/ 'khrugs pa ste zhe sdang zhig skyes na byams pa bsgom pa'am/ mi dga' ba bsgom pas spong bar byed do//des ni rnam par zhi bar byed pa bstan to/ /de bas mngon par 'du byed bcas/ /sems ni rgyun du 'jug pa dang / /zhes bya ba la/ gong du bshad pa ltar rnal 'byor pas ting nge 'dzin gyi skyon rnams spangs na de'i 'og tu brtsams pa dang bcas/ /sems chags pa zhig skyes sam/'khrug pa ste zhe sdang zhig skyes na/ 'bad pa dang bcas pa'i mtshan nyid du ting nge 'dzin rtse gcig pa la/ sems rgyun du 'jug cing gnas par 'gyur te/ des ni gcig tu byed pa bstan te/ dka' thub can gyis de bsgoms pas/ /'du mi byed pa 'thob 'gyur te/ /zhes bya ba la/ dka' thub can ni rnal 'byor pa la bya ste/rnal 'byor pas brtsal 'bad dang bcas/ /'bad pa dang bcas pa'i ting nge 'dzin la goms par byas pas/ de'i 'og tu brtsal ba dang 'bad mi dgos par mngon par 'du mi byed cing / lhun gyis grub par gnas pa'i ting nge 'dzin 'thob par 'gyur te/ de ni mnyam par 'jog pa zhes bya'o//de nas de ni lus sems kyis/ /shin tu sbyangs pa chung ngu 'thob/ /ces bya ba la/ de nas zhes bya ba ni sems gnas pa dgu 'thob pa'i 'og tu zhes bya ba'i don to/ /des zhes bya ba ni rnal 'byor pa'i byang chub sems dpa' de'ang de zhes bya ba'i don to//lus sems kyis shin tu sbyangs pa chung ngu 'thob ces bya ba ni lus las su rung ba dang / sems las su rung ba shas 'bring po dang shas chen po thob pa ni ma yin gyi las su rung ba shas chung ngu 'thob ces bya ba'i don to/ /lus las su rung ba dang ni dge ba dang ting nge 'dzin bsgom pa ni lus mi bde ba dang lci ba med pa'o//sems las su rung ba ni sems gsal zhing ting nge 'dzin la myur du 'jug pa'o/ /yid la byed pa shes par bya/ /zhes bya ba ni/ lus dang sems las su rung ba shas chung ngu 'thob pa de'i dus na rnal 'byor pa yid la byed pa 'thob po zhes shes par bya ba'i don to/ /de ni yang dang yang du 'phel//ring du song zhing 'phel bas na/ /zhes bya ba la/ de ltar rnal 'byor pas yid la byed pas thob po zhes shes pa'i 'og tu yid la byed pa de dang lus dang sems las su rung ba/ gong nas gong du phyi phyir zhing 'phel bar bya ba'i phyir de nyid la bsgom par byas pas lus dang sems las su rung ba/shas chen po 'thob par 'gyur te/ shas chen po thob pa la ring du song ba zhes bya'o/ /de ni ngo bo'i gnas thob po/ /zhes bya ba la/ lus dang sems las su rung ba la shas chen po thob pa'i 'og tu gzugs kyi khams kyi rtsa ba'i bsam gtan bzhi thob par 'gyur te/ de bas na ngo bo'i gnas thob pa zhes bya'o//mngon shes phyir ni de sbyangs na/ /las su rung ba'i mchog thob pa'o/ /zhes bya ba la/ de bas na rtsa ba'i bsam gtan thob pa'i rnal 'byor pas/ mngon par shes pa'i 'bras bu thob par bya ba'i phyir/ rtsa ba'i bsam gtan bzhi sbyangs te/ ji ltar sbyangs she na/ srid pa'i shas che ba dang / lta ba'i shas che ba dang /the tshom gyi shas che ba med par bya ste/ sbyangs na lus las su rung ba'i mchog 'thob ste/ bsam gtan las su rung ba'i mchog thob pa dang / mngon par shes pa las su rung ba'i mchog thob pa zhes bya ba'i don to/ /de la bsam gtan las su rung ba'i mchog thob pa ni gzugs kyi khams su bsam gtan bzhi la lugs bzhin du 'jug pa/lugs las bzlog ste 'jug pa dang / thod rgal du 'jug pa'o/ /mngon par shes pa las su rang ba'i mchog thob pa ni/ 'phrul gyi mig la sogs pa'i mngon par shes pa'i las bya ba la thogs pa med par 'jug pa'o/ / bsam gtan mngon shes rdzogs pas na/ /sangs rgyas rnams las mnyan pa dang / /dpag tu med par mchod pa'i phyir/ /'jig rten khams su de 'gro'o/ /zhes bya ba la/ de ltar bsam gtan mchog thob ste/ bsam gtan rdzogs pa dang / mngon par shes pa mchog thob ste/mngon par shes pa'i rdzogs pa'i byang chub sems dpa' rdzu 'phrul can te/ rdzu 'phrul gyis 'jig rten gyi khams su 'gro'o zhes bya bar sbyar te ci'i phyir de 'gro zhe na/ phyogs bcu'i 'jig rten gyi khams na bzhugs pa'i de bzhin gshegs pa las dam pa'i chos nyan pa'i sgo nas/ ye shes kyi tshogs rdzogs par bya ba dang /de bzhin gshegs pa de dag la bsod snyoms dang chos gos la sogs pa zang zing gis mchod par byas pa'i sgo nas bsod nams kyi tshogs bsags par bya ba'i phyir/ 'jig rten gyi khams kun du 'gro'o zhes bya ba'i don to/ /sangs rgyas dpag tu med pa la/ /bskal pa grangs med de snyed na//las su rung ba'i mchog thob na/ /de las bsnyen pa'i sems kyis so/ /zhes bya ba la/ de las zhes bya ba ni de bzhin gshegs pa de dag la zhes bya ba'i don to/ /bsnyen pa'i sems kyis zhes bya ba ni/ sangs rgyas la bkur sti dang mchod pa bya'o snyam du bsam pa'i sems kyis zhes bya ba'i don to//'di lta bu'i sems kyis phyogs bcu'i sangs rgyas dpag tu med pa la bskal pa grangs med pa gcig tu dam pa'i chos mnyam pa dang / lhung bzed dang chos gos la sogs pa 'bul ba'i sgo nas bsnyen bkur byas nas las su rung ba'i mchog thob par 'gyur te/de'ang gang zhe na/ phyogs bcu thams cad du rdzu 'phrul gyis de bzhin gshegs pa la mchod pa bya ba dang / thogs pa med par nus pa'i mngon par shes pa la bskyed nus pa'i bsam gtan las su rung ba'i mchog thob po zhes bya ba'i don to/ /bskal pa grangs med pa zhes bya ba ni bgrang ba dpag tu med pa'o zhes bya ba la/'di'i skabs su bskal pa grangs med pa 'byung ba zhes 'byung ba grangs med pa gsum la ni mi bya'i/ /bgrang ba las 'das pa'i bskal pa grangs med pa gcig la bya'o zhes bya ba'i don to/ /de nas de dag sngon rol du/ /yon tan lnga ni 'thob 'gyur te//zhes bya ba la/ lus dang sems las su rung ba thob pa dang / bsam gtan mngon par shes pa rdzogs pa thob pa dang / de bzhin gshegs pa la mchod pa dpag tu med pa thob pa'i 'og tu de lta bu dang ldan pa'i byang chub sems dpa' des bsam pa rnam par dag pa ste/ sa dang po ma thob pa'i snga rol du/sa dang po thob par 'gyur ba'i mtshan ma yon tan lnga thob par 'gyur ro zhes bya ba'i don to/ /rnam par dag pa'i snod 'gyur zhing / /de nas bla na med par 'gyur/ /zhes bya ba la/ yon tan rnam pa lnga thob nas kyang rnam par dag pa ste/ sa rab tu dga' ba dang chos kyi sku rdzogs pa dang /dag par 'gyur ba'i snod dang / gzhi bla na med par 'gyur te/ bla na med pa zhes smos pas ni/ nyan thos dang rang sangs rgyas kyi theg pa'i sgo nas zhugs pa ni ma yin gyi sa dang po thob par bya ba'i phyir/ theg pa chen po'i sgo nas zhugs pas na snod bla na med pa zhes bya'o/ / gang phyir lus kyi gnas ngan len/ /skad cig re rer kun spyod dang / /zhes bya ba la/ yon tan rnam pa lnga ston to/ /lus kyi gnas ngan len gyi sgras ni lus las su mi rung ba dang / sems las su mi rung ba gnyis la bya ste/ lus las su mi rung ba ni lus lci ba dang / mi bde ba'o/ / sems las su mi rung ba ni sems mi bde zhing dge ba la mi 'jog pa'o/ /dper na khrus mkhan gyis khrus rtsi dang chos gos dang ras la sogs pa'i dri ma skad cig ma re re la 'dag cing sbyong bar byed pa de bzhin du de dag kyang zhi gnas chu dang 'dra bas lus las su mi rung ba skad cig ma re re la 'dag cing sbyong bar byed do//'di ni yon tan rnam pa gcig go/ /lus dang sems kyis kun du yang / /shin tu sbyangs pas gang bar 'gyur/ /zhes bya ba la/ shin tu sbyangs pa'i sgras ni las su rung ba la bya ste/ don du na lus las su rung bar bya zhing lus kyi bde bas kyang lus kun du khyab cing dang bar 'gyur ba dang /sems las su rung zhing sems bde bas kyang sems kun du khyab par 'gyur zhes bya ba'i don to/ /lus shin tu sbyangs pa dang / sems shin tu sbyangs pa gnyis so sor phye ste/ yon tan gsum du bzhag go/ /de la lus kyi gnas ngan len sbyang ba dang / lus las su rung ba dang / sems las su rung ba gsum ni zhi gnas kyi phyogs so/ /thams cad chos dag shes pa ni/ /yongs su ma chad snang bar ro/ /zhes bya ba la/ chos kyi sgras ni mdo sde la sogs pa gsung rab yan lag bcu gnyis la bya'o/ /des kha cig shes/ kha cig mi shes pa dang / bar 'ga' shes par 'ga' mi shes pa ni ma yin gyi dus thams cad du thams cad shes pa ni yongs su ma chad pa snang ba zhes bya ste/de ltar lus dang sems las su rung bar gyur pa dang / gsung rab yan lag bcu gnyis ni chos thams cad la yongs su ma chad pa'i tshul du shes pa'i snang ba 'byung ste/ 'di ni yon tan rnam pa bzhi pa'o//rnam par dag pa'i mtshan ma yang / /ma brtags par ni rab tu mthong / /zhes bya ba la/ rnam par dag pa'i sgras ni sa dang po la bya ste/ sa dang po 'thob par 'gyur ba'i mtshan ma dang / rtags dag kyang ma brtags ma bsams par rmi lam du lus las srin bu 'dzag pa dang /mi gtsang bas lus bskus pa las khrus byed pa la sogs pa lus kyi skyon dang bral ba dag rmi lam du mthong bar 'gyur te/ 'di ni yon tan lnga pa'o//de ltar chos thams cad la yongs su ma chad pa'i snang ba thob pa dang / rnam par dag pa'i mtshan ma ma brtags par mthong ba gnyis ni lhag mthong gi phyogs so//rtag tu blo ldan byed pa ni/ /rab tu rdzogs dang rnam dag pa'i/ /mdor na chos kyi sku yi ste/ /rgyu ni de bzhin yongs su 'dzin/ /zhes bya ba la/ de'i 'og tu byang chub sems dpa' blo dang ldan pas rnam pa yongs su 'dzin par byed de/ gang zhe na chos kyi sku yongs su rdzogs pa'i sku rgyu dang /rnam par dag pa'i rgyu ste/ rgyu ni de bzhin gshegs pa grangs med pa las bsod nams dang ye shes kyi tshogs bsags pa'am/ zhi gnas dang lhag mthong ni phyogs la gnas pa ste/ de bas na rnam par dag pa'i snod bla na med par 'gyur ba zhes bya'o/ /'di ni zhi gnas dang lhag mthong gnyi ga'i phyogs so//sa bcu'i dus na ni chos kyi sku yongs su rdzogs pa zhes bya ste/ byang chub sems dpa'i chos kyi sku ni sa bcu par rdzogs pa'i phyir ro/ /sangs rgyas kyi sa'i dus na ni chos kyi sku rnam par dag pa zhes bya ste/ dar la tsam gyis chod pa'i sgrib pa yang spangs pa'i chos kyi sku thob pa'i phyir ro//de'i bar du ni 'jig rten gyi chos dang yon tan thob po zhes bya ba la/ gdams pa bstan pa'i mgo nas brtsams te/ yon tan lnga thob pa yan chad kyi bar du ni mos pa spyod pa'i sa la zhugs pa'i so so'i skye bo'i chos dang yon tan ji ltar bstan pa thob pa'i zhes bya ba'i don to//de nas de ltar gyur pa yis/ /byang chub sems dpa' mnyam gzhag pas/ /zhes bya ba la sogs pa la da 'di man chad ni nges par 'byed pa'i phyogs bzhi la 'jug pa ston te/ de nas zhes bya ba ni de'i 'og tu zhes bya ba'i don to/ /de 'dra bar gyur pa zhes bya ba ni bsam gtan dang mngon par shes pa la sogs pa sbyang bar byas pa dang /yon tan lnga thob pa dang / bla na med pa'i snod du gyur pa la sogs pa'i yon tan dang ldan par gyur pa'i byang chub sems dpa'i ting nge 'dzin la sems rtse gcig tu gzhag pa de 'di snyam du yid la rtog go zhes bya bar sbyar ro/ /yid kyi rnam rtog ma gtogs par//thams cad don ni mi mthong ngo / /zhes bya ba la/ de 'di snyam du brtags te/ gzugs la sogs pa'i dngos po 'di dag thams cad ni yid kyi rnam par rtog pa kho na las snang bar zad kyi yid kyi rnam par rtog pa las ma gtogs par sems la sogs pa las logs shig na yod par ma mthong zhing don med do zhes khong du chud de 'di ni chos la snang ba thob pa zhes bya ste/'di ni drod kyi dus so/ /chos kyi snang ba 'phel ba'i phyir/ /brtan pa'i brtson 'grus rtsom pa ste/ /zhes bya ba la/ de ltar drod kyi dus na chos kyi snang ba thob pa de nyid je che je cher 'phel zhing rgyas par bya ba'i phyir/ brtan pa byang chub sems dpas brtson 'grus rgyun du rtsom zhes brtson 'grus je che je cher rtsom par byed de/'di ni snang ba 'phel ba zhes bya ste/ spyi bo'i dus so/ /chos kyi snang ba 'phel na ni/ /sems tsam la ni gnas par 'gyur/ /zhes bya ba la/ de ltar brtson 'grus brtsams nas chos kyi snang ba shas cher 'phel bar 'gyur na/de'i yul du phyi'i yul la sogs par snang ba kun dang bral ba'i sems tsam la gnas par 'gyur ro zhes bya ba'i don to/ /ji ltar sems tsam la gnas par 'gyur zhe na/ de'i phyir/ thams cad don dag snang ba ni/ /sems la rab tu snang ba ste/ / zhes bya ba la sogs pa smos te/ 'di ltar phyi'i yul dngos por snang zhing dmigs pa 'di dag thams cad sems nyid de ltar snang bar zad do zhes khong du chud nas phyi'i dngos po gang yang mi snang ba la gnas te/ de bas na sems tsam la gnas pa zhes bya'o/ /'di dag bzung ba'i g.yeng ba ni//de yi dus na spong bar 'gyur/ /de nas lhag ma ma lus pa'i/ /'dzin pa g.yeng ba gcig pu'o/ /zhes bya ba la/ 'di dag gi sgras ni phyi'i yul dngos por snang ba la bya ste/ phyi'i dngos por snang ba rnams la yod par 'dzin cing phyi'i dngos po sems la snang ba ni gzung ba'i g.yeng ba zhes bya ste/gang gi tshe de la gnas nas yul lta bur sems la snang ba thams cad spangs te/ mi snang bar gyur pa de'i dus na gzung ba'i g.yeng ba ni spangs nas gzung ba'i g.yeng ba spangs pa'i 'og tu phyin na ci zhig lus she na/ 'dzin pa'i g.yeng ba phyin lus te/ sems la yod par 'dzin pa'i g.yeng ba ma spangs zhes bya ba'i don to//des ni de kho na'i phyogs gcig pa'i ting nge 'dzin bstan te/ chos kyi snang ba 'phel na ni/ /zhes bya ba nas brtsams te/ 'dzin pa'i g.yeng ba gcig pu 'o/ /zhes bya ba yan chad kyis bzod pa'i dus bstan to/ /de tshe de ma thag pa yi//ting 'dzin myur du thob par 'gyur/ /zhes bya ba la/ gzung ba'i g.yeng ba spangs na 'dzin pa'i g.yeng ba ma spangs pa'i rnal 'byor pa de'i 'og tu gzung ba med na de 'dzin pa'i sems kyang ga la yod ces 'dzin pa'i g.yeng ba myur du spong bar byed do/ /de spangs pa'i de ma thag pa'i ting nge 'dzin myur du thob par byed de/'di ni 'jig rten gyi chos mchog gi dus so/ /de'i 'og tu nges par 'byed pa'i phyogs/ zhes bya ba la/ bsam gtan dang mngon par shes pa las su rung ba thob pa dang / yon tan lnga thob pa'i 'og tu nges par 'byed pa'i phyogs bzhi la 'jug go zhes bya ba'i don to//gang gi tshe de lta bur gyur pa'i zhes bya ba la/ gang gi dus na bsam gtan pa rnal 'byor pas bsam gtan dang mngon par shes pa la sogs pa sbyang ba byas pa dang / yon tan lnga thob par bya ste/ yon tan de lta bu dang ldan par gyur pa de'i tshe 'og nas 'byung ba lta bu'i don rtogs par 'gyur ro zhes bya ba'i don to//bdag dang spyi'i mtshan nyid gnyis yid kyi rtog pa tsam du mthong ba de ni drod la bab ste zhes bya ba la/ chos rnams kyi rang gi mtshan nyid ni gzugs kyi rang gi mtshan nyid thob pa dang bcas pa dang / tshor ba'i rang gi mtshan nyid myong ba'i bdag nyid dang zhes bya ba nas/gang zag pa dang bcas pa dang / zag pa med pa dang / 'dus byas dang / 'dus ma byas dang / bltar snang ba dang / bltar mi snang ba dang / thogs pa dang bcas pa dang / thogs pa med pa zhes bya ba la sogs pa'o/ /spyi'i mtshan nyid ni mi rtag pa dang / sdug bsngal ba dang /stong pa dang / bdag med pa ste/ de dag thams cad yid kyi rtog pa tsam du zad kyi yid kyi rtog pa las logs shig na yod pa ma yin par mthong ba de'i dus na drod kyi gnas thob pa zhes bya ste/ drod ces kyang bya/ chos la snang ba thob pa zhes kyang bya/ chos la rtog pa bzod pa zhes kyang bya'o zhes bya ba'i don to//drod dang chos la snang ba thob pa de la chos la rtog pa bzod pa zhes bya bar ci mngon zhe na/ de'i phyir/ snang ba'i dbang du byas nas chu lan tshwa can gyi snang ba'o zhes gsungs pa de ni chos la rtog pa bzod pa'i tshig bla dgas so zhes smos te/ chos la snang ba thob pa de la chos la rtog pa'i bzod pa thob po zhes bya bar mngon pa ni gang ba tshwa'i 'bab chu bshad pa zhes bya ba'i mdo las/chu bo lan tshwa can gyi dpes bstan nas chos la snang ba thob pa de ni chos la rtog pa'i bzod pa thob pa'i tshig bla dgas so zhes gsungs so/ /de la ba tsha'i chu bo ni khams gsum du rgyun du 'khor ba la bya'o//ba tshwa'i chu bo'i tha ma ba tshwa'i skye bo la nyi ma'i zer bab na dkar ba dang skya bar snang ba de bzhin du/ gang gi tshe chos thams cad sems las snang bar zad kyi/ sems las logs shig na yod pa ma yin no zhes khong du chud pa de'i tshe nyi ma dang zla ba'i 'od lta bur snang ba zhes ni mi bya'o//chos la snang ba thob pa zhes bya'o zhes bya ba'i don to/ /de chos kyi snang ba de nyid 'phel ba'i phyir te zhes bya ba la/ byang chub sems dpa' de nyid kyi rtog pa las ma gtogs par don gyi dngos po gzhan med do zhes chos kyi snang ba thob pa de nyid shes cher spel zhing snang ba cher bskyed par bya ba'i phyir cung zad kyang mi gnas mi 'dug par brtson 'grus rtsom par byed do//de ni rtse mo'i dus so zhes bya'o/ /chos kyi snang ba 'phel nas 'di dag kun sems tsam mo zhes rtog pa'i phyir zhes bya ba la sogs pa la/ de ltar sems tsam du rtogs pa'i chos kyi snang ba thob nas snang ba de nyid shas cher 'phel ba'i brtson 'grus brtsams pa las sems tsam du rtog pa'i snang ba shas cher 'phel ba'i 'og tu phyi'i gzung ba snang ba'i gzung ba thams cad dang bral nas sems tsam du rtog shing sems la gnas par 'gyur te/gang gi tshe bzung ba'i g.yeng ba spangs nas 'dzin pa'i g.yeng ba tsam la gnas pa thob pa'i tshe bzod pa thob pa'i dus zhes bya'o//de'i tshe myur du de ma thag pa'i ting nge 'dzin la reg par 'gyur te zhes bya ba la sogs pa la de ltar sems tsam la gnas te gzung ba'i g.yeng ba spangs nas 'dzin pa'i g.yeng ba tsam la gnas pa de yang 'di snyam du rtog ste/de ltar gzung ba med na 'dzin pa yang yod par mi rigs so zhes 'dzin pa'i g.yeng ba la mngon par chags pa yang de ma thag tu spangs nas/ de ma thag pa'i ting nge 'dzin la rig par byed de/ /de 'jig rten chos mchog gi dus so//ci'i phyir zhe na/ de ma thag pa zhes brjod ce na/ gang phyir 'dzin pa'i g.yeng ba ni/ /de ma thag tu spong bas so/ /zhes bya ba la/ ci'i phyir 'jig rten gyi chos mchog la de ma thag pa'i ting nge 'dzin zhes bya zhe na/ gang gi phyir rnal 'byor pas gzung ba'i g.yeng ba spangs pa dang / de ma thag tu 'dzin pa'i g.yeng ba yang spong bar byed cing de ma thag pa'i sa dang por 'jug par byed pas na/de'i phyir de ma thag pa'i ting nge 'dzin zhes bya'o zhes bya ba'i don to/ /drod la sogs pa zhes bya ba la/ gang phyir de dag rim bzhin no/ /zhes bya ba la/ drod la sogs pa nges par 'byed pa'i phyogs bzhi'i rim pa yang 'di ltar shes par bya ste/dang po drod do/ /de nas spyi bo'o/ /de nas bzod pa'o/ /de nas 'jig rten chos mchog ste/ rim pa de ltar shes par bya'o zhes bya ba'i don to/ /'di man chad mthong ba'i lam ston to/ /de'i phyir/ 'dzin pa gnyis las rnam grol ba'i//'jig rten 'das pa bla na med/ /dri ma bral ba rnam mi rtog /ye shes de nas de thob po/ /zhes smos te/ de nas zhes bya ba ni mos pa spyod pa'i sa 'jig rten gyi chos mchog gi 'og tu byang chub sems dpa' des ye shes thob po zhes bya bar sbyar te/ ye shes de yang ci 'dra ba zhig ce na/ 'dzin pa gnyis las rnam par grol ba/ 'jig rten las 'das pa bla na med pa dri ma dang bral ba rnam par mi rtog pa'i ye shes thob po zhes bya ba'i don to/ /de la gzung pa dang 'dzin pa gnyis spangs pas na 'dzin pa gnyis las rnam par grol ba'o/ /ye shes de 'jig rten pa rnams la med cing 'jig rten pa'i spyod yul du ma gyur pas na 'jig rten las 'das pa zhes bya'o//ye shes de las khyad zhugs pa'i ye shes de las gzhan med de nyan thos dang rang sangs rgyas kyi ye shes las 'phags pas na bla na med pa zhes bya'o/ /mthong bas spang bar bya ba'i nyon mongs pa dang bral bas na dri ma dang bral ba zhes bya'o//gzung bar rtog pa dang 'dzin par rtog pa dang bral bas na rnam par mi rtog pa zhes bya'o/ /de bas na dri ma med pas dri ma dang bral bas gsungs so/ /zhes bya ba la/ de ltar mthong ba'i lam gyi ye shes kyi dbang du byas nas mdo las kyang / rdul med cing rdul dang bral bas chos la chos kyi mig rnam par dag pa'o zhes gsungs te/gzung ba dang 'dzin pa'i rdul spangs pas na rdul med pa'o/ /mthong bas spang bar bya ba'i nyon mongs pa'i dri ma spangs pas na rdul dang bral ba zhes bya'o/ /yang na bzod pa'i dus na rdul med pa/ zhes bya ste/ bzod pas nyon mongs pa thams cad spong bar byed pa'i phyir ro//ye shes kyi dus na ni dri ma med pa zhes bya ste/ rnam par grol ba'i rang bzhin du skyes pa'i phyir ro/ /de ni de yi gnas 'phos la/ /sa yi dang po yin par 'dod/ /ces bya ba la/ sa dang po thob nas mthong ba'i lam skyes pas na/ byang chub sems dpa' des gzung ba dang /'dzin pa spangs shing mthong bas spang bar bya ba'i nyon mongs pa spangs pa de ni byang chub sems dpa' de'i kun gzhi gnas 'phos pa zhes bya ste/ kun gzhi gnas 'phos pa nyid las sa dang po zhes bya ba yang de nyid la bya bar 'dod do/ /kun gzhi gnas 'phos pa de dus ji srid cig gis 'thob ce na/de'i phyir/ de ni bskal pa dpag med pas/ /shin du rnam par dag par 'gyur/ /zhes smos te/ de ni zhes bya ba ni kun gzhi gnas 'phos pa/ sa dang po'i mtshan nyid de ni bskal pa grangs med pa gsum las bskal pa grangs med pa gcig gi bar du byang chub sems dpa'i spyod pa la spyad spyad pas shin tu rnam par dag pa'i mtshan nyid sa dang po rab tu dga' ba 'thob par 'gyur ro zhes bya ba'i don to//chos kyi dbyings la mnyam pa nyid/ /de tshe rab tu rtogs nas kyang / /zhes bya ba la/ gzhan yangs dang po thob pa'i byang chub sems dpa' des/so so'i skye bo'i de bzhin nyid chos kyi dbyings dang / 'phags pa rnams kyi de bzhin nyid chos kyi dbyings su tha dad pa med cing ro gcig pa'i de bzhin nyid de'i tshe rtogs so zhes bya ba'i don to/ /chos kyi dbyings mnyam pa nyid rtogs pas mnyam pa nyid rnam pa lnga yang rtogs par 'gyur ro zhes bya ba'i don to//de tshe sems can thams cad la/ /bdag dang mtshungs pa'i sems thob po/ /zhes bya ba la/ sa dang po'i tshe mnyam pa nyid rnam pa lnga thob pas na/ sems can thams cad dang bdag tu mtshungs pa'i sems kyang thob ste/ bdag gang yin pa sems can yang de yin la sems can gang yin pa bdag kyang de yin no zhes rtogs pa'i sems thob po//mnyam pa rnam pa lnga gang zhe na/ de'i phyir/ bdag ched dang ni sdug bsngal don/ /bya ba dang ni re ba med/ /sems can la ste de ltar rgyal ba'i sras/ /gzhan dag dang ni sems mnyam pa'o//zhes smos te/ mnyam pa rnam pa lnga ni/ bdag med pa mnyam pa dang / sdug bsngal mnyam pa dang / don bya ba mnyam pa dang / sems can la lan re ba med pa mnyam pa dang / rgyal ba'i sras gzhan dang sems mnyam pa'o/ /bdag med pa'i chos mtshungs pa rtogs pas na bdag dang sems can mnyam pa'i sems rtag tu thob pa ni mnyam pa rnam pa lnga ste zhes bya ba la/bdag med pa zhes bya ba ni gang zag dang chos kyi rang bzhin med pa chos kyi dbyings la bya ste/ chos thams cad chos kyi dbyings kyi rang bzhin yin pas chos mtshungs par rtogs te/ sa dang por chos kyi dbyings rtogs nas/mnyam pa rnam pa lnga thob pa rtogs par 'gyur ro/ /mnyam pa rnam pa lnga thob pa rtogs pa dang / de'i tshe bdag dang sems can du sems mnyam pa yang thob par 'gyur ro zhes bya ba'i don to/ /bdag dang pha rol la bdag med pa dang / bdag dang gzhan gyi rgyud la bdag med pa zhes bya ba la/ ji ltar bdag gi nye bar len pa'i phung po la bdag med pa ltar sems can gyi nye bar len pa'i phung po la yang bdag med de/ bdag med par khyad par med pas na bdag med pa'i mtshan nyid du 'dra'o zhes rtogs pa ni bdag med pa mnyam pa nyid rtogs pa zhes bya'o/ /sdug bsngal la khyad par med par rtogs pa'i phyir/sdug bsngal la mnyam pa nyid dang / zhes bya ba la/ ji ltar mig gi nye bar len pa'i phung po lnga sdug bsngal gyi rang bzhin yin pa ltar sems can gzhan gyi nye bar len pa'i phung po lnga yang sdug bsngal gyi rang bzhin yin pa ste/ sdug bsngal gyi rang bzhin du khyad par med do zhes rtogs pas na sdug bsngal mnyam pa nyid rtogs pa zhes bya ste/bdag med pa mnyam pa nyid rtogs pa dang / sdug bsngal mnyam pa nyid rtogs pa gnyis kyis ni sdug bsngal gyi bden pa rtogs pa bstan to/ /de la sdug bsngal gyi bden pa ni mi rtag pa dang / sdug bsngal ba ba dang /stong pa dang / bdag med pa'i rnam pa ste/ rnam pa bzhi ltar rtogs na sdug bsngal gyi bden pa rtogs pa yin na rnam pa gnyis ltar rtogs pas ji ltar sdug bsngal gyi bden pa rtogs par 'gyur zhe na/ 'di ltar gang mi rtag pa de sdug bsngal yin pas sdug bsngal ba'i nang du mi rtag pa'i rnam pa bsdus pa yin par blta'o//gang bdag med pa de stong pa yin pas bdag med pa'i rnam pa'i nang du stong pa'i rnam pa yang bsdus par blta ste/ de ltar na bden pa'i rnam pa bzhi char rtogs par zhar gyis bstan to/ /bdag dang pha rol gyi sdug bsngal mnyam par 'dod pa mtshungs pa'i phyir byed pa mnyam pa dang zhes bya ba la/ji ltar bdag gi sdug bsngal gyi phung po dang / sdug bsngal bskyed pa'i rgyu kun 'byung gi bden pa spong bar byed par 'dod cing / byed pa de bzhin du sems can gyi sdug bsngal gyi phung po dang / de skyed par byed pa'i rgyu kun 'byung gi bden pa yang spong bar byed cing 'dod de/de bas na byed pa mnyam pa zhes bya ste/ 'dis ni kun 'byung gi bden pa spong bar byed pa bstan to/ /bdag la ji lta ba bzhin du/ gzhan la lan mi re ba'i phyir lan re ba med pa mnyam pa dang zhes bya ba la/ ji ltar byang chub sems dpa' bdag nyid kyis lam gyi bden pa dang /'gog pa'i bden pa la bkod de/ phan pa dam pas phan btags kyang bdag la phan btags pa'i lan re ba med pa bzhin du sems can gzhan lam gyi bden pa dang 'gog pa'i bden pa la bkod de/ phan pa dam pas phan btags kyang phan btags so snyam du mi dgongs shing phan btags pa'i lan la mi re ba ste/de bas na lan re ba med pa mnyam pa zhes bya'o/ /'dis ni lam gyi bden pa bsgom pa dang 'gog pa'i bden pa mngon du byed pa bstan to/ /ji ltar de dag gis mngon par rtogs pa de bzhin du mngon par rtogs pas gzhan dang mnyam pa'o zhes bya ba la/ji ltar sa dang por zhugs pa'i byang chub sems dpa' de dag gis chos kyi dbyings rtogs shing bdag dang gzhan du mnyam pa nyid kyi sems rtogs pa de bzhin du sa dang por zhugs pa byang chub sems dpa' des kyang / chos kyi dbyings rtogs shing bdag dang gzhan du mnyam pa nyid kyi sems rtogs te/sa dang por zhugs pa'i byang chub sems dpa' gzhan dang rtogs pa 'dra bas na byang chub sems dpa' gzhan dang mnyam pa zhes bya'o/ /des ni khams gsum 'dus byas rnams/ /yang dag ma yin kun rtog par/ /zhes bya ba la/des zhes bya ba ni sa dang po thob cing mnyam pa nyid rnam pa lnga thob pa'i byang chub sems dpa' de zhes bya ba'i don to/ /khams gsum gyi 'dus byas zhes bya ba ni 'dod pa'i khams kyi phung po lnga dang gzugs kyi khams kyi phung po lnga dang / gzugs med pa'i khams kyi phung po bzhi la sogs pa khams gsum pa'i chos thams cad yang dag pa ma yin pa'i kun du rtog pa tsam du mthong ste/sems las byung ba zad pa tsam du mthong gi/ sems dang sems las byung ba las ma gtogs pa'i chos gang yang yod pa ma yin par mthong ste/ de bas na sa bcu'i mdo las kyang /kye rgyal ba'i sras dag khams gsum 'di dag ni sems tsam mo zhes gsungs so/ /sems tsam du ye shes gang gis mthong zhe na de'i phyir/ ye shes rab tu rnam dag pa/ /mi gnyis don gyis mthong bar 'gyur/ /zhes smos te/ 'dus byas sems tsam du yang rnam par mi rtog pa'i ye shes shin tu rnam par dag pa mi gnyis pas mthong ngo //de la ye shes de 'jig rten las 'das pa rnam par mi rtog pa yin pas na/ shin tu rnam par dag pa zhes bya'o/ /ye shes des gzung ba dang 'dzin pa med pa'i don mthong zhing gzung 'dzin gnyis ye shes de la med pas na mi gnyis pa'i don zhes bya'o//don du rnam par mi rtog pa'i ye shes kyis ni khams gsum gyi chos thams cad nam mkha'i ngos bzhin du mthong ngo / /dag pa 'jig rten pa'i ye shes kyis ni khams gsum pa'i 'dus byas thams cad sems dang sems las byung ba tsam du zad par mthong ngo / / de med pa yi yod pa de/ /mthong ba'i spangs pas rnam par dag /ces bya ba la/ de med pa ni gzung ba dang 'dzin pa gnyis med pa'o/ /yod pa ni gzung 'dzin spangs pa'i stong pa nyid phyi nas yod pa ste/ sa dang po mthong ba'i lam skyes pa'i dus na gzung ba dang 'dzin pa gnyis dang bral ba'i stong pa yongs su grub pa'i mtshan nyid mthong bas spang bar bya ba'i nyon mongs pa thams cad spangs te/rnam par dag pa yin par de'i tshe na mthong ngo zhes bya ba'i don to/ /des ni mthong ba'i lam thob ces/ /gang phyir de tshe brjod pa'o/ /zhes bya ba la/ gang gi tshe gzung 'dzin dang bral ba'i stong pa nyid mthong bas spang bar bya ba'i nyon mongs pa spangs par mthong ba de'i tshe mthong ba'i lam thob pa yin no zhes bya ba'i don to//gzhan yang sa dang po thob pa'i tshe stong pa shes pa brjod de/ ci'i phyir zhe na/ stong pa rnam gsum shes pa'i phyir te/ de bstan pa'i phyir smras pa/ dngos po med pa'i stong pa shes/ /zhes bya ba la sogs pa smos so//de la dag pa 'jig rten pa'i ye shes kyi kun brtags kyi mtshan nyid 'di dag ni ji ltar byis pa rnams kyis sa'i mtshan nyid sra ba la sogs par brtags pa de ltar med cing stong par shes te/ /de bas na dngos po med pa'i stong pa shes pa zhes bya'o/ /de ltar med pa'i stong pa dang / /zhes bya ba la/shes zhes bya bar sbyar te/ gzhan gyi dbang gi mtshan nyid ni ji ltar so so'i skye bo byis pa rnams kyis gzung ba'i mtshan nyid ji ltar brtags pa de ltar ni med kyi/ gzhan gyi dbang gi mtshan nyid ni yod do zhes bshad de/ de bas na de ltar med pa'i stong pa zhes bya'o/ /rang bzhin stong pa shes nas ni//zhes bya ba la/ yongs su grub pa'i mtshan nyid ni thog ma nas kyang nam mkha'i ngos bzhin du gzung ba dang 'dzin pa'i rang bzhin gyis stong pa yin te/ yongs su grub pa'i rang bzhin thog ma nas stong par shes pa ni rang bzhin stong par shes pa zhes bya'o/ /stong pa shes pa brjod pa'o zhes bya ba la/ gong du bshad pa ltar sa dang po'i tshe stong pa rnam pa gsum shes pas na stong pa shes pa zhes brjod do zhes bya ba'i don to/ /rang gi mtshan nyid kyis med pa'i phyir zhes bya ba la sogs pa la/ ji ltar ri bong gi rwa dang mo gsham gyi pu la sogs pa la rang gi mtshan nyid med pa de ltar byis pa de kho na ma mthong ba phyin ci log gi blo can rnams kyis sa'i mtshan nyid sra ba la sogs par kun brtags pa dang /gzung ba dang 'dzin pa lta bur brtags pa de dag mtshan nyid med pa'i phyir/ kun brtags kyi rang bzhin stong par shes pa ni ngo bo med pa'i ngo bo stong pa shes pa'o zhes bya ba'i don to/ /de ltar med pa'i stong pa ni gzhan gyi dbang gis stong pa ste zhes bya ba la sogs pa la/de ltar med pa'i stong pa ni gzhan gyi dbang gis stong pa la bya ste/ dper na sgyu ma'i rta dang glang po la sogs pa rta dang glang po'i rang bzhin du med pas stong yang / rdo ba dang shing gi ngo bor yod pa bzhin du gzhan gyi dbang gi rang bzhin la ji ltar byis pa so so'i skye bo rnams kyis gzung ba dang 'dzin pa'i mtshan nyid du brtags pa ltar med kyi gzhan dbang rang gi mtshan nyid du yod pa ste/de ltar shes pa ni de ltar stong pa med pa'i shes pa zhes bya'o/ /stong pa'i rang bzhin gyis phyir yongs su rdzogs pa'i ngo bo nyid ni rang bzhin gyis stong pa'o zhes bya ba la/yongs su grub pa'i mtshan nyid ni thog ma nas kyang gzung 'dzin gyi dri ma dang bral zhing rang bzhin gyis stong pa yin te/ de la stong pa nyid kyi rang bzhin ni de bzhin nyid kyi mtshan nyid de/ de yang kun du brtags pa'i rang bzhin dang bral ba'i ngo bo yin pas gnyis dang bral ba'i rang bzhin stong pa nyid de ni sangs rgyas dang byang chub sems dpa' rnams kyis so sor rang gis rig par bya ba bstan du med pa bsam gyis mi khyab pa/rtog ge pa'i spyod yul las 'das pa'i rang bzhin te/ de ltar khong du chud pa ni rang bzhin gyis stong par shes pa zhes bya'o/ /de bas na theg pa chen po bsdus pa'i bstan bcos las kyang /chos kyi sku ni bsam gyis mi khyab pa'i mtshan nyid de/ de yang rang bzhin nyid kyi mtshan nyid do/ /de bzhin nyid de ni so so rang gis rig pa dang / 'jig rten na dpe med pa dang / rtog ge'i spyod yul las 'das nas bsam gyis mi khyab par rig par bya'o zhes bshad do/ /gzhan yang 'phags pa dkon mchog sprin la sogs pa'i mdo sde las don dam pa'i bstan pa'i dbang du mdzad nas bshad pa'i tshul bzhin du yongs su grub pa'i mtshan nyid de ltar khong du chud par bya'o//rnam par rtog pa zad pa yi/ /dngos po mtshan ma med pas shes/ /zhes bya ba la/ gzhan yang sa dang po'i tshe/'di ltar khong du chud do zhes bya ba'i don to/ /de la rnam par rtog pa ni yod pa dang med pa dang / gzugs dang / sgra la sogs pa'i rnam par rtog pa nas mya ngan las 'das pa'i bar du rnam par rtog pa ste/ rnam par rtog pa thams cad zad pa'i rnam par rtog pa kun dang bral ba'i de bzhin nyid 'gog pa'i bden pa la bya/dngos po'i sgras ni dmigs par bya ba'i yul la bya ste/ de bzhin nyid 'gog pa'i bden pa ni mtshan ma med pa'i ting nge 'dzin gyis dmigs shing de shes par byed do zhes bya ba'i don to/ /de'ang mtshan ma med pa'i ting nge 'dzin gyis ni stong pa nyid 'gog pa'i bden pa ste gzugs dang sgra la sogs pa'i mtshan ma thams cad dang bral bar shes so//de bas na mngon pa'i chos bsdus pa'i bstan bcos las kyang / 'gog pa'i bden pa'i mtshan nyid ji ltar shes par bya zhe na/ de ni gang du 'gags pa dang / gang gis 'gags pa dang / ji ltar 'gags pa shes par bya ste/ gyang du 'gags she na de bzhin du 'gags so/ /gang gis 'gags she na lam gyi bden pas 'gags so/ /gang 'gags she na rnam par rtog pa la sogs pa'i nyon mongs pa 'gags so zhes bshad do/ /yang dag ma yin kun rtog pa/ /de ni smon pa med pas so/ /zhes bya ba la/ yang dag ma yin kun rtog ni//gzhan gyi dbang gi mtshan nyid ni/ /de la ni smon pa med pa'i ting nge 'dzin gyis dmigs shing shes so zhes bya bar sbyar ro/ /ji ltar dmigs she na/ gzhan gyi dbang gi mtshan nyid ni nyon mongs pa dang shes bya'i sgrib pa'i sa bon gyi rten du gyur pa/ skye ba dang rga ba la sogs pa sdug bsngal sna tshogs kyi rgyu yin pas smon par bya ba'i gnas ma yin no zhes de ltar dmigs so//rgyal ba'i sras kyis sna tshogs pa'i/ /byang chub phyogs ni thams cad dag /mthong ba'i lam dang lhan cig tu/ /rtag tu thob par dgongs pa'o/ /zhes bya ba la/ gang gi tshe sa dang po thob nas/ bzod pa brgyad dang ye shes brgyad de/mthong ba'i lam gyi mtshan nyid skad cig ma bcu drug skyes pas na de ltar lhan cig dus gcig dran pa nye bar gzhag pa la sogs pa byang chub kyi phyogs sum cu rtsa bdun gyi chos rnam pa sna tshogs kyang dus gcig tu mthong bar dgongs te/ dus gcig tu thob par shes par bya'o zhes pa'i don to//da 'di man chad tshigs su bcad pa lngas sa dang po mthong ba'i lam skyes pa'i byang chub sems dpa' rnams kyi bdag nyid chen po dang / ngo mtshar chen po ston te de bas na/ bdag med sdug bsngal skye ba tsam du yang / /'gro ba 'dus byas tsam du blos chud nas/ / zhes bya ba la sogs pa smos te/ 'gro ba'i sgras ni khams gsum gyi chos thams cad la bya'o/ /'dus byas tsam du blos chud ces bya bas ni sems dang / sems las byung ba tsam du zad kyi/ bdag ces bya ba med par shes rab kyis rtogs nas zhes bya ba'i don to/ /de ltar rtogs pa na khams gsum gyi chos thams cad gang zag gi dngos por yang bdag med chos kyi dngos por yang bdag med kyi/ma rig pa'i rkyen gyis 'du byed ces bya ba nas/ skye ba'i rkyen gyis rga shi dang sdug bsngal gyi phung po chen po 'ba' zhig 'byung bar 'gyur ro bar khong du chud do zhes bya ba'i don to/ /don med rang bzhin lta ba yongs spangs nas//lta chen don po che la rten par byed/ /ces bya ba la/ de ltar khong du chud pa na byang chub sems dpa' de don med pa'i rang bzhin gyi lta ba spangs pa zhes kyang bya/ lta ba chen po la gnas pa zhes kyang bya'o/ /de la sems can rnams ma rungs pa dang / rlag par byed pa'i lta ba la don med pa zhes bya'o//rang bzhin gyi sgras gzungs dang 'dzin pa la bya ste/ lta ba'i gzung 'dzin gyi rgyu 'jig tshogs kyi lta ba la bya'o/ /sa dang po thob pa'i byang chub sems dpa' 'jig tshogs su lta ba gzung ba dang 'dzin pa'i rgyur gyur pa 'gro ba rnams ma rungs par byed pa'i lta ba ngan pa spangs pas na don med pa'i rang bzhin gyi lta ba spangs pa zhes bya'o//sa dang po thob pa'i dus na bdag dang gzhan du mnyam pa nyid du shes pa'i lta ba thob pas na lta ba chen po zhes bya ste/ de ltar mthong ba de nyid kyis mtha' yas pa'i sems can gyi don byed pas na lta ba chen po zhes bya ste/de'i tshe na de lta bu'i lta ba la gnas pas na/ lta ba chen po la gnas pa yin te/ de yang 'jig rten na ngo mtshar du bya ba yin no zhes bya ba'i don to/ /bdag lta med kyang gang de bdag tu lta/ /zhes bya ba la/ sa dang po thob pa'i dus na bdag tu lta ba zhes kyang bya/ bdag tu lta ba med pa zhes kyang bya'o/ ci'i phyir bdag tu lta ba med pa zhes kyang bya zhe na/ sa dang po thob pa'i dus na 'jig tshogs su lta ba spangs pa'i phyir bdag tu lta ba med pa zhes kyang bya'o/ /ci'i phyir bdag tu lta ba zhes bya zhe na/ bdag gang yin pa de nyid sems can yang de yin no zhes bdag dang sems can du mnyam pa nyid du mthong bas na bdag tu lta ba zhes bya'o//sdug bsngal med kyang rab tu sdug bsngal zhes bya ba la/ sa dang po thob pa'i byang chub sems dpa' de sdug bsngal med pa zhes kyang bya/ rab tu sdug bsngal ba zhes kyang bya'o/ /ci'i phyir sdug bsngal ba med pa zhes bya zhe na/ bdag gi rgyud la yod pa'i sdug bsngal gsum dang brgyad la sogs pa spangs pas na sdug bsngal med pa zhes bya ste/de'i phyir sa bcu'i sa dang po'i mdo las kyang / sa dang po la zhugs pa'i byang chub sems dpa' rnams ni 'jigs pa lnga las 'das pa yin no zhes bshad do/ /'jigs pa lnga ni/ 'tsho ba med pa'i 'jigs pa dang / tshigs bcad med pa'i 'jigs ba dang / 'khor gyi 'jigs pa dang / ngan song du skye ba'i 'jigs pa dang / 'chi ba'i 'jigs pa ste de lnga las 'das pa'o/ /de lta mod kyi byang chub sems dpa' sems can mtha' yas pa'i sdug bsngal spangs dgos te/ sems can gyi sdug bsngal ma spangs kyi bar du snying rje'i dbang gis sems can sdug bsngal bas bdag sdug bsngal bar gyur pas na rab tu sdug bsngal ba zhes bya'o//ji ltar bdag la bdag gis phan byed bzhin/ /thams cad don byas lan ni re ba med/ /ces bya ba la/ sa dang po thob pa'i byang chub sems dpa' de phan par byed pa zhes kyang bya/phan par mi byed pa zhes kyang bya'o/ /ji ltar phan par byed pa zhes bya zhe na/ sems can thams cad la phan pa dang bde ba'i don sgrub par byed pas phan par byed pa zhes bya'o/ /'on kyang phan par mi byed pa zhes kyang bya ste/ ji ltar zhe na/ ji ltar bdag la phan btags te/ /lan re ba med pa ltar sems can thams cad la phan btags na yang bdag gis sems can thams cad la phan btags te/legs par byas so zhes mi dgongs shing phan btags pa'i lan la re ba med pas na phan par mi byed pa zhes kyang bya'o/ /de bas na 'phags pa rdo rje gcod pa'i mdo las kyang / sems can thams cad phung po'i lhag ma ma lus pa las kyang mya ngan las 'das par yongs su mya ngan las 'das kyang sems can gang yang yongs su mya ngan las 'das pa med do zhes sems bskyed par bya'o zhes gsungs pa lta bu'o//mchog gi grol bas rang sems grol ba yang / /yun ring dam po'i bcing bas bcings pa'o//zhes bya ba la/ byang chub sems dpa' de mchog gi grol bas grol ba zhes kyang bya/ yun ring po'i bcing bas bcings pa zhes kyang bya'o/ /ji ltar na mchog gi grol bas grol ba zhes bya zhe na/ bdag gi rgyud la yod pa'i mthong bas spang bar bya ba'i nyon mongs pa spangs pas na mchog gi grol bas grol ba zhes bya'o//ji ltar yun ring po'i bcing bas bcings pa zhes bya zhe na/ byang chub sems dpa' des sems can mtha' yas pa'i sems kyi rgyud la yod pa'i nyon mongs pa'i bcing ba bcad dgos te/ sems can gyi nyon mongs pa'i bcing bam bcad kyi bar du byang chub sems dpa' mngon par 'tshang mi rgya zhing 'khor ba'i mthar yang 'khor ba na gnas par byed pa na bcing ba dam pos bcings pa zhes kyang bya'o//sdug bsngal mtha' ni ma mthong yang / /de bzhin rab 'jug de bzhin byed pa'o/ /zhes bya ba la/ sa dang po thob pa'i byang chub sems dpa' de sdug bsngal gyi mthar byed pa zhes kyang bya/mthar mi byed pa zhes kyang bya'o/ /ji ltar na sdug bsngal gyi mthar byed pa zhes bya zhe na/ bdag gi rgyud la yod pa'i sdug bsngal thams cad zad par byed pas na sdug bsngal gyi mthar byed pa zhes bya'o/ /ji ltar na sdug bsngal gyi mthar mi byed pa zhes bya zhe na/nam mkha' mtha' thug pa med pa bzhin du sems can yang mtha' thug pa med do/ /sems can mtha' thug pa med pa bzhin du sdug bsngal yang mtha' thug par ma mthong ste/ ji ltar byas kyang sdug bsngal gyi mtha' zad par mi 'gyur bar mthong bas na mthar mi byed pa zhes bya'o//de ltar sdug bsngal gyi mtha' med mod kyi/ byang chub sems dpa' sems can yal bar 'dor shing sems can gyi sdug bsngal mi sel ba ma yin gyi/ sems can gyi sdug bsngal bsal bar bya ba'i phyir de bzhin du 'khor bar yang 'jug cing sdug bsngal bsal bar bya ba'i don du sems can yang pha rol tu phyin pa la sogs pa'i chos la 'jog /bdag nyid kyang pha rol tu phyin pa la sogs pa'i chos byed do/ /tshe gcig rang gi sdug bsngal bzod mthu med/ /'jig rten yod kyi bar du gzhan sdug bsngal/ /bsdus la bsam pa smas ci dgos/ /zhes bya ba la/rang gi sdug bsngal zhes bya ba dang / bsdus pa zhes bya bar sbyar te/ 'jig rten pa rnams ni rang gi don du rang gi sdug bsngal nyid la nyams su len cing bzod pa'i mthu med pa ni sems can gzhan gyi sdug bsngal bsdus pa dpag tu med pa nyams su len cing bzod pa lta ga la nus so zhes bya ba'i don to//'jig rten pa rnams ni rang gi don du tshe gcig gi rang gi lus sdug bsngal tsam yang nyams su len pa'i bzod pa'i mthu med na sems can gyi don du 'khor ba thog ma med pa nas tha ma med pa'i bar du sems can thams cad kyi sdug bsngal nyams su blang zhing bzod pa bya ba lta ga la sems te mi sems so zhes bya ba'i don to//byang chub sems dpa' de las bzlog pa'o zhes bya ba la/ byang chub sems dpa' ni 'jig rten pa las bzlog pa ste/ bdag gi don du bdag gi sdug bsngal nyams su mi len gyi sems can gyi don du sems can gyi sdug bsngal dpag tu med pa nyams su len cing bzod pa'i mthu yod pa dang /'khor ba'i mtha'i bar du sems can thams cad kyi sdug bsngal nyams su len par sems so zhes bya ba'i don to/ /gang mdza' gang phan 'dod pa'i sbyor ba dang / /rgyal ba'i sras kyis sems can mi skyo ba/ /de dag 'jig rten dag na ngo mtshar che/ /zhes bya ba la/ dper na ba be'u la byams pas be'u la phan pa dang bde ba sbyor ba skyo ba med pa de bzhin du byang chub sems dpa' yang sems can thams cad la mdza' ba dang / dga' ba dang byams pa'i sems dang / phan pa dang bde ba la sbyor zhing zhugs pas na sems can rnams kyis gnod par byas kyang sems can gyis mi skyo zhing sems can mi gtong ste/de bas na don med pa'i lta ba gnas pa nas brtsams te/ mi skyo ba'i bar dag 'di dag ni 'jig rten na byang chub sems dpa'i mdzad pa la ngo mtshar du bya ba yin no zhes bya ba'i don to/ /sems can bdag mtshungs thob pas de la ni/ /zhes bya ba la/ 'dis ni ngo mtshar mi che ba bstan te/gang la bdag dang gzhan du mnyam pa nyid kyi sems ma thob pa de dag la gong du bshad pa lta bu dag byung na ngo mtshar du bya ba yin no/ /dper na bdag la phan 'dogs shing bde ba la sbyor bar byed pa la ngo mtshar du mi che ba de bzhin du 'dir yang byang chub sems dpas bdag dang sems can du mnyam pa nyid kyi sems thob ste/sems can thams cad bdag nyid yin par khong du chud de sems can thams cad la phan pa dang bde ba byed cing re ba lta ci zhig ngo mtshar du che ste ngo mtshar du mi che'o zhes bya ba'i don to/ /byang chub sems dpa' che ba'i bdag nyid che ba brjod da zhes bya ba la/sa dang po thob pa'i byang chub sems dpa'i yon tan dang phrin las su mdzad pa la ngo mtshar chen por bya ba'i chos bstan to zhes bya ba'i don to/ /gang nyon mongs pa'i bdag tu lta ba ni zhes bya ba la sogs pa la/ 'dod chags la sogs pa'i nyon mongs pa thams cad 'byung bar byed pa'i rgyu 'jig tshogs kyi lta ba la don med pa'i rang bzhin gyi lta ba zhes bya ste/ci'i phyir don med pa zhes bya zhe na/ 'jig tshogs su lta ba dang khams gsum dang ngan song du skye ba'i rgyu byed pa'i byang chub thob par bya ba bar du gcod pas na don med pa zhes bya'o/ / lta ba chen po'i don chen po ni zhes bya ba la sogs pa la lta ba chen po ji bshad de/ bdag gang yin pa sems can thams cad kyang de yin sems can thams cad gang yin pa bdag kyang de yin no zhes sems can dang bdag tu dbyer med cing mnyam pa nyid du lta ba ni lta ba chen po don chen po la gnas pa zhes bya'o//ji ltar lta ba la ni ci'i phyir don chen po zhes bya zhe na/ de'i phyir sems can thams cad kyi don bya ba'i rgyu'i phyir don chen po'o zhes bya ba smos te/ nyan thos dang rang sangs rgyas kyi lta ba ni sems can thams cad kyi don byed pa'i rgyu mi byed pas na don chen po ma yin gyi/ byang chub sems dpa' bdag dang gzhan du mnyam pa nyid du lta ba ni sems can thams cad la phan pa dang /bde ba byed pa'i rgyu byed pas na don chen po zhes bya'o/ /bdag tu lta ba med pa ni don med pa'i rang bzhin gyi'o zhes bya ba la/ don med par 'gyur ba'i rgyu 'jig tshogs su lta ba sngangs pas na bdag tu lta ba med pa zhes bya ba'i don to//bdag tu lta ba ni don chen po'o zhes bya ba la/ bdag dang sems can du mnyam par lta ste/ sems de nyid bdag yin no zhes don chen po'i lta ba la gnas pas na bdag tu lta ba zhes bya'o/ /sdug bsngal med pa ni bdag gi rgyud las skyes pa'o zhes bya ba la/ sa dang po la zhugs pa'i byang chub sems dpa' de sdug bsngal med pa zhes kyang bya ste/de ci'i phyir zhe na/ bdag gi rgyud la yod pa'i sdug bsngal gsum dang brgyad la sogs pa spangs pa'i phyir ro/ /sems can thams cad kyi rgyud las skyes pa ni rab tu sdug bsngal ba'o zhes bya ba la/ byang chub sems dpa' de rab tu sdug bsngal zhes kyang bya ste/ji ltar zhe na/ byang chub sems dpa' ni sems can thams cad kyi sdug bsngal bsal dgos la sems can sdug bsngal bar mthong na snying rje'i dbang gis byang chub sems dpa' nyid sems gdung zhing sdug bsngal bar 'gyur bas na rab tu sdug bsngal ba zhes kyang bya'o//sems grol ba ni mthong ba'i lam gyis zhes bya ba la sogs pa la/ byang chub sems dpa' de sems grol ba zhes kyang bya ste/ ji ltar zhe na/ bdag gi rgyud la yod pa'i mthong bas spang bar bya ba'i nyon mongs pas bcings pa rnams mthong ba'i lam gyis spangs pas na grol ba mchog gis grol ba zhes bya'o//grol ba mchog gis ni bla na med pa'i theg pas so zhes bya ba la/ grol ba de yang theg ba chung ngu'i mthong ba'i lam gang zag la bdag med pas grol ba ni ma yin gyi/ theg pa chen po'i lam mthong ba'i lam gang zag dang chos la bdag med par rtogs pas grol bas na grol ba'i mchog ces bya'o//yun ring por dam du bcings pas zhes bya ba la sogs pa la/ byang chub sems dpa' de yun ring por 'ching ba dam pos bcings pa zhes kyang bya ste/ ci'i phyir zhe na/ sems can rnams ni 'dod chags la sogs pa'i nyon mongs pa dang /'dod pa'i yon tan la chags pa'i bcing bas bcings te/ sems can rnams bcings pa de las ma grol ma thar gyi bar du byang chub sems dpa' bdag nyid grol ba dang / thar bar mi byed de rtag tu khams gsum du gnas pas na/ yun ring por dam du bcing bas bcings zhes bya'o//de la grol ba'i mchog gis grol zhes bya ba ni/ 'khor ba na mi gnas pa bstan/ yun ring por dam du bcing bas bcings zhes bya ba ni/ mya ngan las 'das pa la mi gnas pa bstan te/ don du mi gnas pa'i mya ngan las 'das pa bstan pa yin no/ /nam mkha' dang 'dra bar sems can gyi khams zhes bya ba la sogs pa la/byang chub sems dpa' de sdug bsngal gyi mthar mi byed pa zhes kyang bya ste/ ji ltar zhe na/ ji ltar nam mkha'i khams mtha' med pa de bzhin du sems can gyi khams kyang mtha' med do/ /sems can gyi khams mtha' med pa de bzhin du sdug bsngal yang mtha' med par mthong ste/nam yang sems can gyi sdug bsngal mthar byed par mi 'gyur bas na ba sdug bsngal gyi mthar mi byed pa zhes kyang bya'o/ /'jug pa'i sems can gyi zhes bya ba la sogs pa la/ de ltar sdug bsngal gyi mtha' mi mthong yang sems can rnams kyi sdug bsngal mthar mi 'byen pa yin nam zhe na/ma yin te/ sems can rnams kyi sdug bsngal mthar dbyung bar bya ba'i phyir 'khor bar yang 'jug go zhes bya ba'i don to/ /de bzhin byed pa ni sems can rnams kyi mtha' med pa'o zhes bya ba la/ sems can ni nam mkha' bzhin du mtha' med de/ sems can mtha' med pa bzhin du sems can gyi sdug bsngal mthar dbyung bar bya ba'i phyir byang chub sems dpa' sems can gyi don la yang mtha' med par sbyor zhing byed do zhes bya ba'i don to/ /byang chub sems dpa' de las bzlog pa ni zhes bya ba la sogs pa la/ 'jig rten pa rnams ni tshe gcig tsam gyi sdug bsngal dang /rang gi sdug bsngal yang nyams su len cing bzod pa'i mthu med na 'khor ba'i mtha'i bar gyi sdug bsngal dang / sems can dpag tu med pa'i sdug bsngal nyams su len pa lta ga la nus te mi nus so/ /byang chub sems dpa' ni de las bzlog pa ste/ ji ltar bzlog ce na/sems can thams cad kyi sdug bsngal gyi phung po nyams su len cing bzod pa dang / 'khor ba ji srid yod kyi bar du sems can gyi don las byung ba'i sdug bsngal nyams su len cing bzod do zhes bya ba'i don to/ /gang sems can byang chub sems dpa' dga' ba dang zhes bya ba la sogs pa la/dper na ba be'u la byams pa dang / phan par sbyor ba la skyo ba med pa de bzhin du byang chub sems dpa' sems can la dga' ba dang / phan par 'dod pa dang / de'i don la sbyor ba'i tshul gyis rnam pa gsum lta bur sems can gyi don la zhugs pa na sems can gyis gnod pa byas na yang mi skyo ste/gong du bshad pa'i byang chub sems dpa'i phrin las 'di dag ni 'jig rten na ngo mtshar mchog tu bya ba yin no zhes bya ba'i don to/ /de la sems can dang bral bar mi 'dod pa'i byams pa'i sems la dga' ba zhes bya'o/ /sems can gyi mi bde ba sel bar byed pa ni phan par 'dod pa zhes bya'o/ / sems can sbyin pa la sogs pa'i pha rol tu phyin pa spyod du bcug pa ni don la sbyar ba zhes bya'o/ /ngo mtshar che ba ma yin pa ni sems can dang bdag tu mtshungs pa'i phyir ro zhes bya ba la/ de lta mod kyi 'on kyang ngo mtshar che bar yang bzhag ste/ ji ltar zhe na/ dper na bdag la bdag phan par byed pa dang / bdag gi don bdag byed pa ngo mtshar mi che ba bzhin du sa dang po thob pa'i byang chub sems dpas kyang bdag dang sems can du mnyam pa'i sems thob ste/ sems can thams cad bdag nyid yin par khong du chud pa des sems can la phan 'dogs pa ci zhig ngo mtshar che ste/ bdag la bdag phan 'dogs pa ngo mtshar mi che ba dang 'dra'o zhes bya ba'i don to//de ltar mthong ba'i lam bshad nas/ /da ni bsgom pa'i lam bshad de/ /de'i phyir de nas lhag ma'i sa la ste/ /des ni bsgom pa'i lam dag la/ /ye shes rnam pa 'di gnyis kyis/ /bsgom pa'i phyir na rab 'jug go/ /zhes bya ba la sogs pa smos te/ de nas zhes bya ba ni sa dang po thob pa'i lam thob nas de'i 'og tu zhes bya ba'i don to/ /lhag ma'i sa ni sa gnyis yan chad sa bcu man chad la bya ste/ sa de dgu ni bsgom pa'i lam zhes bya'o/ /bsgom pa'i lam de dag na/ byang chub sems dpa' des bsgom pas spang bar bya ba'i nyon mongs pa'i sgrib pa dang /shes bya'i sgrib pa spang bar bya ba'i phyir/ bsgom pa la rab tu 'jug ste/ de'i tshe ci la bsgom zhe na/ de nas 'byung ba'i ye shes gnyis la bsgom mo/ /ye shes gnyis po gang zhe na/ /de'i phyir/ ye shes de ni rnam mi rtog /sangs rgyas chos ni sbyong ba'o/ /zhes bya ba la sogs pa smos te/ ye shes gcig pa ni rnam par mi rtog pa'i ye shes te/ye shes des thams cad nam mkha'i rang bzhin du khong du chud pas bdag gi rgyud la stobs dang mi 'jigs pa la sogs pa'i sangs rgyas kyi chos rnams sbyong bar byed pas bdag yongs su smin par byed pa'o/ /gzhan ni ji ltar rnam bzhag pas/ /sems can rnam par smin byed pa//zhes bya ba la/ gzhan ni zhes bya ba la ye shes gnyis pa ni zhes bya ba'i don to/ /ye shes gnyis pa ni ji ltar rnam par 'jog pa'i ye shes te/ ye shes des sa bcu so so'i mtshan nyid dang yon tan la sogs pa so sor ma 'dres pa kho nar so sor 'jog bye brag 'byed pa'o/ / de'ang gang zhe na/ 'jig rten las 'das pa rnam par mi rtog pa'i ye shes kyi rjes las thob pa dag la 'jig rten pa'i ye shes te/ des ni sems can la chos bstan pa dang / mngon par 'tshang rgya ba la sogs pa bstan pa'i sgo nas/ sems can rnam par smin par byed do/ /bsgom pa yi ni mthar thug pa/ / grangs med gnyis kyis rdzogs par 'gyur/ /zhes bya ba la/ sa bcu'i dus na bsgom pa'i mthar thug pa zhes bya ste/ de yang bskal pa grangs med pa gnyis kyis bsgom pa mthar thug cing rdzogs par 'gyur ro/ /de la sa gnyis nas sa bdun gyi bar du ni mngon par 'du byed pa dang bcas pas bsgom pa zhes bya ste/de'i bar du bskal pa grangs med pa gcig thogs so/ /sa brgyad nas sa bcu'i bar du/ mngon par 'du byed pa med par bsgom pa zhes bya ste/ de'i bar du yang bskal pa grangs med pa gcig thogs so/ /de yi bsgom pa thob nas su/ /byang chub sems kyi dbang bskur ro/ / zhes bya ba la/ phyi ma'i bsgom pa ni sa brgyad nas sa bcu'i bar du bskal pa grangs med pa gcig tu mngon par 'du byed pa med pa la bsgom pa thob nas sa bcur phyin pa dang / byang chub sems dpa' de phyogs bcu'i de bzhin gshegs pa rnams kyi 'od zer gyis chos kyi rgyal po'i rgyal tshab tu dbang bskur ba thob po zhes bya ba'i don to//rdo rje 'dra ba'i mnyam gzhag pa/ /zhes bya ba la/ sa bcur dbang bskur ba thob pa de'i tshe rdo rje lta bu'i ting nge 'dzin kyang thob ste/ de'ang gang la bya zhe na/ nyon mongs pa phra mo'i yang phra mo'i gnyen por gyur pa ye shes chen po'i yang chen po la/ rdo rje lta bu'i ting nge 'dzin/ / zhes bya'o/ /ye shes de la ci'i phyir rdo rje lta bu zhes bya zhe na/ de'i phyir/ rnam par rtog pa mi byed thob/ /ces smos te/ ye shes de la gang zag dang chos su rnam par rtog pa mi phyed cing mi shigs la/ ye shes des ni gang zag dang chos su rnam par rtog pa'i bag la nyal phra mo yang shigs par byed pas na de'i phyir rdo rje lta bu'i ting nge 'dzin zhes bya'o//da ni sangs rgyas kyi sa bshad de de bas na mthar thug pa na gnas 'phos shing zhes bya ba la sogs pa smos te/ rdo rje lta bu'i ting nge 'dzin bag la nyal phra mo spangs pa dang / de'i 'og tu sangs rgyas kyi sar kun gzhi rnam par shes pa sgrib pa gnyis dang bral ba gnas 'phos pa mthar thug pa thob par 'gyur ro zhes bya ba'i don to//sa dang po la yang gnas 'phos pa yod mod kyi gnas 'phos pa mthar thug pa zhes mi bya ste/ ci'i phyir zhe na/ mthong bas spang bar bya ba'i nyon mongs pa dang bral ba tsam gyi gnas 'phos pa thob pa'i phyir ro//sangs rgyas kyi sa'i dus na ni sgrib pa gnyis kyi bag la nyal phra mo yang spangs pa'i mtshan nyid kyi gnas 'phos pa thob pas na gnas 'phos pa mthar thug pa zhes bya'o/ /gnas 'phos pa mthar thug pa de'ang ci 'dra ba zhig ce na/ de'i phyir/ sgrib pa kun gyi dri med pa/ /zhes bya ba smos te/ gnas 'phos pa de yang nyon mongs pa'i sgrib pa dang shes bya'i sgrib pa'i dri ma kun dang bral bas na sgrib pa kun gyi dri ma med pa zhes bya ste/'dis ni spangs pa phun sum tshogs pa bstan to/ /rnam pa kun gyi ye shes nyid/ /bla na med pa'i gnas thob nas/ /zhes bya ba la/ gzhan yang sangs rgyas kyi sa'i dus na rnam pa thams cad mkhyen pa'i ye shes bla na med pa'i ye shes kyi go 'phang yang thob ste/des ye shes phun sum tshogs pa bstan nas bdag gi don phun sum tshogs pa bstan to/ /gang la gnas nas sems can kun/ /bde phyir rab tu 'jug par 'gyur/ /zhes bya ba la/ gang la gnas nas zhes bya ba ni rnam par mi rtog pa'i ye shes la gnas nas zhes bya ba'i don to//de la gnas nas sems can thams cad la phan pa dang bde bar bya ba'i phyir/ dag pa 'jig rten pa'i ye shes kyi mngon par byang chub pa dang / bdud 'dul ba dang / chos kyi 'khor lo bskor ba dang / mya ngan las 'das pa bstan pa la sogs pa la 'jug par byed do//'dis ni gzhan gyi don phun sum tshogs pa bstan to/ /da tshigs su bcad pa gsum zhig gis bstan pa dang gdams pa'i che ba'i bdag nyid chen po bstan te/ de bas na/ de ltar thub pa'i lta ba dkon pa la/ /gang phyir don chen por ni cir mi 'gyur/ /mi mtshungs mnyam las skyes pa dang mtshungs kyis//rtag par shin tu dga' bar byas pa'i sems/ /zhes bya ba la sogs pa smos so/ /de ltar zhes bya ba ni gong du bshad pa ltar ro/ /mi mtshungs mnyam las skyes pa dang mtshungs kyis/ /zhes bya ba gong du phyung ste/ mos pa spyod pa'i sa la gnas pa'i byang chub sems dpa' de bzhin gshegs pa'i thad nas mi mtshungs pa'i chos theg pa chen po'i chos mnyan pa las byung zhing skyes pa'i dad pa dang mos pa'i shugs chen po mtshungs pa med pa sems kyi rgyud las bsgoms pas na de bzhin gshegs pa dang /de'i gsung rab la dga' ba dang mgu bas sems kyi rgyud brtas par bya ba de rtag tu de bzhin gshegs pa'i gsung rab mnyan pa las lta ba drang ba dang /rtag par de bzhin gshegs pa'i zhal lta bar sbyar ro/ /de bzhin gshegs pa'i gsung rab mnyan pa dang / zhal lta ba yang sla ba ma yin pas na dkon pa zhes bya ste/ de 'dra ba'i gsung rab mnyan pa dang / zhal lta ba'i byang chub sems dpa' de ci'i phyir don chen por mi 'gyur te/gdon mi za bar byang chub chen po thob par 'gyur ro zhes bya ba'i don to/ /chos kyi sgo la rnam gnas de bzhin gshegs pa yis/ /rtag par mngon sum du ni gdams shing gnas par bya/ /zhes bya ba la/ mos pa spyod pa'i sa 'jig rten gyi chos mchog gi ting nge 'dzin la gnas pa ni chos kyi sgo la gnas pa zhes bya ste/chos kyi sgo la gnas pa'i byang chub sems dpa' de ni rtag tu de bzhin gshegs pa'i mngon sum sbyangs na gnas shing de bzhin gshegs pas kyang de la bstan pa dang gdams ngag ston pa mdzad do zhes bya ba'i don to//sgra las bzung ba bzhin du nyes pa stug po las/ /de ni rab tu drangs nas byang chub mchog la bzhag /ces bya ba la/ de bzhin gshegs pas bstan pa dang / gdams ngag ston par mdzad pa yang ma zad kyi gzhan yang 'di dag kyang mdzad de/ dper na mi 'dam chur lhung zhing bying ba la snying rje can 'ga' zhig gis skra las bzung zhing drangs nas skam sar phyin pa de bzhin du byang chub sems dpa' de la de bzhin gshegs pa rnams kyis chos bstan pa'i las btang nas 'dod chags dang zhe sdang la sogs pa 'khor ba'i nyon mongs pa'i nyes pa'i 'dam stug po las drangs te/byang chub mchog gi skam sar 'jug par mdzad de/don du sa dang po sbyin par mdzad ce'am/ bla na med pa'i byang chub tu 'jog par mdzad do zhes bya ba'i don to/ /bstan pa dang gdams pa'i don rgyas par bshad pa bsdus nas ston to/ /rtag par bdag gi don du rab zhugs la/ /sangs rgyas dag gis bsngags par mdzad//ces bya ba la sogs pa smos te/ de'ang bslab pa gsum gyi dbang du byas nas bstan pa dang gdams pa mdor bsdus nas ston te/ de la byang chub sems dpa' sdom pa'i tshul khrims dang / sems can gyi don byed pa'i tshul khrims dang / dge ba sdud pa'i tshul khrims dang / gsum ni lhag pa'i tshul khrims zhes bya'o/ /byang chub sems dpa' lhag pa'i tshul khrims la zhugs nas tshul khrims ma zhig ma ral bar gyur pa de ni rtag par bdag gi don la zhugs pa zhes bya ste/ de dag la ni de bzhin gshegs pas legs so zhes brjod cing gzengs bstod par mdzad do zhes bya ba'i don to//log par zhugs la smad pa yang mdzad ces bya bar sbyar te/ tshul khrims zhig ral du gyur pa ni log par zhugs pa zhes bya ste/ de dag la ni de bzhin gshegs pas ma legs so zhes smod cing tshar gcod par mdzad ces bya ba'i don to/ /rab tu gnas dang rab 'byed pa/ /zhes bya ba la/ rab tu gnas pa zhes bya bas ni lhag pa'i sems kyi bslab pa bstan te/rab tu gnas zhes bya ba la/ lhag pa'i sems kyi bslab pa zhes bya ba dang / ting nge 'dzin ces bya ba dang / zhig gnas zhes bya ba dag ni don gcig ste/ 'di ni rnam grangs su zad do/ /rab tu 'byed ces bya bas lhag pa'i shes rab kyi bslab pa bstan to//rab tu 'byed ces bya ba dang / lhag pa'i shes rab kyi bslab pa zhes bya ba dang / lhag mthong zhes bya ba don gcig ste/ ming gi rnam grangs su zad do/ /bar chad mthun zhes bya ba la/ /lhag pa'i sems kyi bslab pa dang / lhag pa'i shes rab kyi gegs su 'gyur ba'i chos la bar chad ces bya ste/lhag pa'i sems kyi gegs su 'gyur ba'i chos ni 'du 'dzi mang po'i nang na gnas pa dang / 'jig rten gyi bya ba mang po la dga' ba la sogs pa'o/ /lhag pa'i shes rab kyi bar du gcod pa ni dam pa'i chos mi nyan mi sems pa dang / lhag pa'i shes rab kyi gegs su 'gyur pa'i chos mu stegs la sogs pa'i gtsug lag nyan pa'o//mthun pa ni lhag pa'i sems dang shes rab skye ba'i rgyu la bya ste/ de la lhag pa'i sems kyi rgyu ni 'du 'dzi mang po spangs pa dang / 'jig rten gyi bya ba mang po la mi 'jug pa dang / lhag pa'i shes rab kyi rgyu ni dam pa'i chos nyan pa dang / sems pa la sogs pa byed pa'o//sems can mchog la cho ga bzhin/ /rnam pa thams cad rgyal bas ston/ /ces bya ba la/ sems can mchog ni mos pa spyod pa'i sa la gnas pa'i byang chub sems dpa' la bya'o/ /byang chub sems dpa' de la rgyal ba ste/ sangs rgyas bcom ldan 'das rnams kyi go cha bzhin no//tshul bzhin du lhag pa'i sems dang lhag pa'i shes rab dang / de gnyis kyi bar du gcod pa dang / de gnyis dang rjes su mthun pa rnams phyin ci ma log par 'chad de ji ltar zhe na/ lhag pa'i sems dang shes rab kyi mtshan nyid ni 'di lta bu yin/ de dag gi gegs dang bar du gcod pa ni 'di dag yin/de dang rjes su mthun pa'i chos ni 'di dag yin no zhes phyin ci ma log par ston cing 'chad par mdzad do/ /gang yang kun du bsnyen nas ni/ /de gshegs bstan la rgyas pa'i rnal 'byor 'gyur/ /zhes bya ba de la/ de ltar chos bstan pa thos nas zhi gnas dang lhag mthong dang mi mthun pa'i chos ni spangs/de dang mthun pa'i chos la bsnyen na byang chub sems dpa' de rgyas pa'i rnal 'byor te/ theg pa chen po'i zhi gnas dang lhag mthong bsgom pa'i ting nge 'dzin thob par 'gyur ro zhes bya ba'i don to/ /de gdams pa thob pa'i chos kyi sgo'i rgyun la gnas pa'o zhes bya ba la/ mos pa spyod pa'i sa 'jig rten gyi chos mchog gi tshe na chos kyi sgo'i rgyun la gnas pa zhes bya ste/de'i tshe de bzhin gshegs pa'i thad nas bstan pa dang gdams pa thob po zhes bya ba'i don to/ /rtag par sangs rgyas mthong ba dang / /zhes pa sogs pa la chos kyi rgyun la gnas pa byang chub sems dpa' dus thams cad du byang chub sems dpa'i zhal mthong ba dang /zhal mthong nas mi mnyam pa'i chos de theg pa chen po'i chos thos par 'gyur ba dang / theg pa chen po'i chos thos nas chos thos pa la dad pa skyes te/ dad pa'i shugs las byung ba'i dga' bas sems tshim par byas pas de byang chub kyi don chen po ci'i phyir thob par mi 'gyur zhes bya ba'i don to//bstan pa rnam pa bzhi ni tshigs su bcad pa gcig gis bstan te zhes bya ba la/ tshigs su bcad pa gcig gis bslab pa gsum gyi dbang du byas nas bstan nas bstan pa rnam pa bzhi ston to zhes bya ba'i don to/ /bstan pa bzhi ni lhag pa'i tshul khrims kyi dbang du byas zhes bya ba nas/stod par byed pa dang zhes bya ba'i bar du bstan pa gcig go/ /log par zhes bya ba nas smad par byed pa dang zhes bya ba'i bar du bstan pa gnyis so/ /lhag pa'i sems dang zhes bya ba nas rnam par 'byed pa dang zhes bya ba'i bar du bstan pa gsum ste/ rab tu gnas pa ni lhag pa'i sems so//rnam par 'byed pa ni lhag pa'i shes rab po/ /de'i bar chad byed pa dang zhes bya ba nas thams cad du ston to zhes bya ba'i bar du ston pa bzhi pa'o/ /gang la spangs pa dang bsnyen pas zhes bya ba la/ bar chad byed pa'i chos ni spangs pa rjes su mthun pa'i chos ni bsnyen zhes rim bzhin du sbyar ro//rnal 'byor ni zhi gnas dang lhag mthong bsgom pa'o zhes bya ba la/ zhi gnas dang lhag mthong gi lam bsgom pa la rnal 'byor zhes bya zhes bya ba'i don to/ /de ltar mos pa spyod pa'i sa'i bdag nyid chen po bstan nas/ sa dang po'i bdag nyid chen po bstan pa'i phyir//rab tu rnam par mi rtog lta ba yi/ /des ni mdor na 'jig rten zil gnon cing / /mun pa chen po bsal nas snang ba ni/ /'gro ba nyi ma chen po bzhin du 'char/ /zhes bya ba smos te/ mos pa spyod pa'i sa las 'das nas sa dang po thob pa'i byang chub sems dpa' de nyan thos dang rang sangs rgyas dang /'jig rten pa rnams zil gyis mnan nas gnas pa zhes bya ba'i don to/ /gang gis zil gyis mnan ce na/ rab tu rnam par mi rtog pa'i lta bas zil gyis mnan te/ rnam par mi rtog pa'i me long lta bu'i ye shes kyis zil gyis gnon to zhes bya ba'i don to/ /de la nyi ma chen po bya ba yong mi srid mod kyi/'on kyang thang cig btang nas brjod do/ /gang stong gsum gyi stong chen po'i 'jig rten gyi khams thams cad snang bar byed pa'i nyi ma la nyi ma chen po zhes bya'o/ /dper na nyi ma chen po ri mthon po'i kha nas shar na mun pa chen po thams cad bsal te/ zil gyis mnan nas skye bo rnams la snang bar byed pa de bzhin du byang chub sems dpa' mos pa spyod pa'i sa 'jig rten chos mchog gi ri kha nas 'das te/sa dang po rnam par mi rtog pa me long lta bu'i ye shes kyi nyi ma shar nas nyon mongs pa dang shes bya'i sgrib pa chen po bsal nas dag pa 'jig rten pa'i ye shes kyi chos bstan pa'i sgo nas 'jig rten kun la chos 'chad pa'i sgo nas snang ba chen pos khyab par byed do zhes bya ba'i don to//da ni mos pa spyod pa'i sa la gnas pa dang / sa dang po la gnas pa dang / sa gnyis la sogs pa bsgom pa'i sa la gnas pa'i 'bras bu'i tshigs su bcad pa gcig gis bstan te/de bas na/ de ltar rtag tu dge ba dag ni 'phel rdzogs shing / /rab tu rgyas pa'i ting nge 'dzin gyis sems 'thob cing / /thub pa las ni rtag tu gdams pa che thob nas/ /sems dpa' mchog gi yon tan rgyal mtsho'i pha rol 'gro/ /zhes bya ba smos te/sa dang po mos pa'i sar bskal pa grangs med pa gcig gi bar du bsod nams kyi tshogs rtag tu bsags pa dang / de nas sa gnyis nas sa bdun gyi bar du bsod nams kyi tshogs rtag tu bsags pa dang / sa brgyad nas sa bcu pa'i bar du bskal pa grangs med pa gcig tu bsod nams kyi tshogs rtag tu bsags pas bsod nams kyi tshogs rdzogs par byas pas na dge ba dag 'phel zhing rdzogs par byas te/'dis ni bsod nams kyi tshogs rdzogs par bstan to/ /rab tu rgyas pa'i ting nge 'dzin ni thob pa zhes bya ba ni theg pa chen po'i zhi gnas dang lhag mthong gi ting nge 'dzin kyang thob ces bya ba'i don to//der yang ma zad kyis de dag la gnas pa'i tshe theg pa chen po'i gtams pa dang gdams pa yang 'thob ste/ des ni ye shes kyi tshogs rdzogs par bstan to/ /de ltar bsod nams dang ye shes kyi tshogs rdzogs pa'i sems dpa'i mchog byang chub sems dpa' des sangs kyi sar yon tan rgya mtsho'i pha rol du 'gro ste/don du na stobs dang mi 'jigs pa la sogs pa'i yon tan dang ldan pa 'tshang rgya ba 'thob par 'gyur ro zhes bya ba'i don to/ /bsdu ba ste zhes bya ba la/ gang la bslab pa dang / ji ltar bslab pa dang / gang gis bslab pa gsum las/ji ltar bslab pa'i don bsdus na 'di rnams ston to zhes bya ba'i don to/ /mos pa dang ni mang po dang / /chos tshol ba dang bshad pa dang / /de bzhin du ni sgrub pa dang / /yang dag gdams shing rjes su bstan/ /zhes bya ba la/ ji ltar bslab par bya ba'i skabs las 'di yan chad du mos pa mang ba dang /chos tshol ba dang / chos bshad pa dang / de bzhin du bsgrub pa dang / yang dag par gtams shing rjes su bstan pa ste/ de rnams bstan to zhes bya ba'i don to/ /gdams shing rjes su bstan pa'i skabs bshad pa rdzogs so// // @##/ /thabs dang ldan pa'i las rnam par dbye ba'i tshigs su bcad pa bzhi ste zhes bya ba la/ gdams pa dang rjes su bstan pa'i skabs kyi rjes la thabs kyis bsdus pa'i las bshad par 'brel ci yod ce na/gong du gang la bslab pa dang / ji ltar bslab pa dang / gang gis bslab pa gsum las 'di yang ji ltar bslab pa'i skabs yin te/ de la yang gang bslab pa'i khyad par zhes smos pa de yang brjod dgos la/bslab pa de yang gang la dmigs nas slob par byed pa de yang smra dgos te/ de la bslab pa'i khyad par de zhes brjod par bya'o/ /de la bslab pa ni gang bslab pa'i khyad par ni gang zhe na/rang gi bya ba bsgrub pa ni bslab pa'o/ /nyan thos la sogs pa dang thun mong du ma gyur pa ni khyad par ro/ /rang gi bya ba bsgrub pa la yang rnam pa gnyis te/ spyi dang khyad par ro//de la spyi ni lus la sogs pa'i las la phyin ci ma log par 'jug pa ste/ de ni thabs kyis bsdus pa'i las nyid de las de dge ba'i las mngon par 'du byed pa thams cad la khyab pas na spyi zhes bya'o//khyad par ni pha rol tu phyin pa drug bsgrub pa ste/ de ni phyis 'chad do/ /tshal dang ri dang lus can chu bo dag /thams cad ji ltar sa la gnas pa bzhin/ /de bzhin sbyin pa la sogs dge ba dag /mdor na blo can las rnams gsum las brjod/ /ces bya ba'i tshigs su bcad pa 'dis dge ba rnams ldang ba'i thabs bstan te/ dper na tshal dang / ri dang lus can te sems can dang / chu bo dag sa chen po'i steng na gnas shing /sa la brten pa dang sa las skye ba de bzhin du/ mdor na blo can byang chub sems dpa' rnams kyi lus dang / ngag dang / yid gsum gyi las rnam par dag pa la sbyin pa la sogs pa pha rol tu phyin pa'i chos rnams dang /byang chub kyi phyogs sum cu rtsa bdun la sogs pa'i chos rnams de la gnas shing / las rnam pa gsum dag las skye'o zhes bya ba'i don to/ /dpe'i skabs don rnam pa bzhi bstan te/ longs spyod dang / za ba po dang / brtan pa dang /mi brtan pa'o/ /de la tshal smos pas ni longs spyod kyi dngos po bstan te/ mdo las kyang / bcom ldan 'das dze ta'i tshal na bzhugs zhes 'byung ba'i phyir ro/ /lus can zhes bya bas za ba po bstan to/ /sems can dang ri zhes bya bas brtan pa bstan to//chu bo zhes bya bas mi brtan pa bstan to/ /de yang mdor na rnam pa gnyis su gzhag ste/ ri dang tshal gyis ni brtan pa'i dngos po bstan/ lus can dang chu bos ni mi brtan pa'i dngos po bstan to/ /sems can dang / sems can ma yin pa'i grangs su dbye na/lus can ni sems can gyi grangs su gtogs pa'o/ /tshal dang ri dang chu bo ni sems can gyi grangs su ma gtogs pa'o/ /da tshigs su bcad pa gnyis kyis ldang ba'i thabs bstan te/ de yang rnam pa gnyis las bslang ba'i thabs bstan to/ /rnam pa gnyis ni theg pa chen po la skyo pa las bslang ba dang /theg pa gzhan du ltung ba las bslang ba'o/ /sna tshogs rang bzhin bskal pa mang pos mthar phyin pa'i/ /rab tu dka' ba'i las la brtson pa'i bdag nyid de/ /lus dang ngag dang sems kyi mtshan nyid las rnams la/ /rgyal ba'i sras dag zhum par yongs su mi 'gyur ro/ /zhes bya ba la/sems can rnams kyi don dang ched du byang chub sems dpa' bsod nams dang ye shes kyi tshogs yongs su rdzogs par bya ba'i phyir/ lus dang ngag dang yid gsum gyi sgo nas phyi'i dngos po bu smad dang / nor rdzas la sogs pa gtong ba dang / nang gi dngos po mgo dang rkang lag dang mig la sogs pa yan lag dam pa gtong ba ni sna tshogs kyi rang bzhin zhes bya'o//de lta bu yang lo dang zla ba rnams kyis spyad pas/ bsod nams dang ye shes kyi tshogs rdzogs par mi 'gyur gyi/ bskal pa grangs med pa gsum du spyad cing btang na/ gdod bsod nams dang ye shes kyi tshogs rdzogs shing mthar phyin par 'gyur bas na/bskal pa mang pos mthar phyin pa zhes bya ste/ de 'dra ba'i bar du dka' ba'i las la brtson pa'i bdag nyid nyan thos dang rang sangs rgyas dang 'jig rten pa ma yin gyi byang chub sems dpa' la yin no zhes bya ba'i don to/ /de ltar lus dang ngag dang yid gsum gyi mtshan nyid kyis rab tu dka' ba'i las la spyad cing zhugs kyang rgyal ba'i sras byang chub sems dpa' rnams la zhum par mi 'gyur te/brtson 'grus zhan par mi 'gyur zhing skyo bar mi 'gyur ro zhes bya ba'i don to/ /ci'i phyir zhe na/ dus ring por spyad pa'i phyir te/ theg pa chen po la dus ring por goms par byas na bdag nyid theg pa chen po'i rang bzhin dang ngo bo nyid du 'gyur ro//mdo gzhan dag las kyang dge ba'i chos rnams la sngon goms par byas pa'i rgyus/ de dang 'dra ba'i rnam par smin pa mngon par 'grub ste/ de lta bu'i rnam par smin pa grub pas/gang gi phyir ma brtags par yang de spyad pa la dag par 'gyur ro zhes gsungs so/ /de ltar bskal pa mang por theg pa chen po la spyad na theg pa chen po'i rang bzhin du 'gyur ba rnams ni/ rmi lam na yang de la spyod par rmis te/ de bas na theg pa chen po la skyo bar mi 'gyur ba'i phyir 'dis ni theg pa chen po la skyo ba las bslang bar bstan to//ji ltar dug dang mtshon dang dgra dang gnam lcags dag /bdag la phan phyir rang gi gnam las bzlog pa bzhin/ /de bzhin las rnam gsum yang rgyal ba'i sras dag gis/ /theg pa ngan pa rnam pa gnyis las bzlog par bya//zhes bya ba la/ dper na skyes bu la la zhig bdag la phan par 'dod pa dag gi lus dang / sems la mi gnod par bya ba dang / srog gi bar chad du mi 'gyur bar bya ba'i phyir/ lus dang sems la gnod par 'gyur ba'i dngos po/ dug dang mtshon dang dgra dang gnam lcags dag la bdag gi gnam las bzlog cing skyo bar byed de/dug mi za mtshon gyis mi 'debs dgra dang gnam lcags la sogs pa byung na zlog par byed do/ /de dang 'dra bar byang chub sems dpa' yang theg pa ngan pa ste/ nyan thos kyi theg pa dang / rang sangs rgyas kyi theg pa gnyis kyi spyod pa la lus dang ngag dang yid gsum mi 'jug cing las gsum gyi sgo nas dge ba spyad pa theg pa gnyis su sngo bar mi byed do//ci'i phyir zhe na/ 'di ni byang chub sems dpa'i zhi ba ste/ gang byang chub sems dpa'i spyod pa btang nas/ nyan thos kyi theg pa la brten pa dang / lus la sogs pa'i sgo nas dge ba spyad pa rnams theg pa ngan par bsngo ba ste/de ltar bsngos na theg pa chen po'i dge ba'i rtsa ba rtsa ba nas chad cing med par 'gyur ba'i phyir ro/ /theg pa chung ngur bsngo ba ni dug dang mtshon la sogs pa dang 'dra bar rig nas der sngo bar mi byed de/ 'dis ni theg pa gzhan du ltung ba las bslang ba'i thabs bstan to/ tshigs su bcad pa de gnyis kyis ldang pa'i thabs bstan to zhes bya ba la/ tshigs su bcad pa gnyis pa dang / gsum pas ni ldang ba'i thabs bstan te/ de la yang tshigs su bcad pa gnyis pas ni theg pa chen po las skyo ba las bslang ba'i thabs bstan/ gsum pas ni theg pa gzhan du ltung ba las bslang ba'i thabs bstan te rim pa bzhin du sbyar ro//dug la sogs pa dang 'dra ba ni zhes bya ba la sogs pa la/ dper na dug dang mtshon la sogs pas sems can dang sems can ma yin pa dag ma rung zhing 'chi bar byed pa de bzhin du/ lus dang ngag dang yid gsum gyi las theg pa ngan par bsngos pa yang de dang 'dra ste/theg pa ngan par bsngos pas theg pa ngan pa'i dge ba'i rtsa ba skyer zad kyi/ byang chub chen po 'thob pa'i dge ba'i rtsa ba 'chad par 'gyur ro/ /theg pa chen po la dge ba'i rtsa ba gcod pa dang / ma skyes pa'i dge ba'i rtsa ba rnams mi skyed pa dang / skyes pa'i dge ba'i rtsa ba rnams 'jig pa dang /sangs rgyas pa phun sum tshogs pa thob pa'i bgegs byed pa'i phyir ro zhes bya ba la/ theg pa ngan par bsngos pa'i las rnams ni dug dang mtshon cha dang 'dra ste/ dge ba'i rtsa ba gcod do zhes bshad pa de ji ltar gcod pa bshad de/ dper na mtshon chas shing gi rtsa ba bcad na lo ma dang /sdong bu dang / me tog dang / 'bras bu rnams mi skye ba de bzhin du/ lus la sogs pa'i sgo nas dge ba spyad pa theg pa ngan pa gnyis su bsngos na/ byang chub chen po'i rtsa ba byang chub kyi sems gcod pa dang / byang chub kyi sems kyi rtsa ba dang myu gu bcad na pha rol tu phyin pa 'dab ma dang 'dra ba dang /sa bcu'i sdong bu dang 'dra ba dang / byang chub kyi phyogs sum cu rtsa bdun me tog dang 'dra ba dang / stobs dang mi 'jigs pa la sogs pa'i yon tan dang ldan pa byang chub chen po 'bras bu dang 'dra ba mi skye bas na mtshon dang 'dra bar rig par bya'o/ /dper na dug sa phyogs gang du phog pa der lo tog ma skyes pa rnams mi skye ba de bzhin du/dge ba'i las theg pa ngan pa gnyis su bsngos na theg pa chen po'i dge ba'i rtsa ba ma skyes pa rnams mi skye bas na dug dang 'dra'o/ /dper na gnam lcags kyis 'bru dang lo tog rnams skyes pa 'jig cing med par byed pa bzhin du las rnam pa gsum gyis dge ba spyad pa theg pa ngan par bsngos na theg pa chen po'i dge ba'i rtsa ba skyes pa'i 'bru rnams 'jig cing med par 'gyur bas gnam lcags dang 'dra'o//dper na dgras longs spyod dang dge ba sna tshogs kyi bgegs dang bar chad byed pa de bzhin du las gsum gyi sgo nas dge ba spyad pa theg pa ngan par bsngos na sangs rgyas bcom ldan 'das kyis phun sum tshogs pa'i bde ba stobs dang mi 'jigs pa la sogs pa'i yon tan thob pa la sogs pa la bgegs su 'gyur bas na dgra dang 'dra'o zhes bya ba'i don to//tshigs su bcad pa bzhi pas ni las gsum rnam par dag pa'i thabs bstan te/de'i phyir byed pa dang las dang las kyi bya ba gsum du rtog brtag tu dmigs pa med ces bya ba smos te/ byed pa ni byang chub sems dpa' nyid de/ de yang yod pa'i rtog pa'i dmigs pa med de/ ci'i phyir zhe na/ gang zag la bdag med par rtog pas yod par mi rtog go zhes bya ba'i don to//las ni bsgrub par bya ba'i chos pha rol tu phyin pa drug ste/ de la yang yod par rtog pa'i dmigs pa med do/ /las kyi bya ba ni brtson 'grus gang gis pha rol tu phyin pa sgrub par byed de de la yang yod par rtog pa'i dmigs pa med de/ ci'i phyir zhe na/ chos la bdag med par rtog pas na de dag la yod par mi rtog go zhes bya ba'i don to//de bas de yi las 'di rnam dag pha rol du/ /'gro bar 'gyur ba mtha' yas thabs ni gzung ba'i phyir/ /zhes bya ba la/ de bas na byang chub sems dpa' byed pa dang / las dang / las kyi bya ba gsum la mi rtog cing mi dmigs pa de ni/byang chub sems dpa' de'i las rnam gsum rnam par dag pa yin te/ ci'i phyir zhe na/ rnam par mi rtog pa'i ye shes kyi thabs kyis zin pa'i phyir las rnam par dag pa zhes bya ste/ las des ni yon tan mtha' yas pa'i pha rol du 'gro ba ste/ 'khor ba'i mthar yang mi zad pa'i mtshan nyid sangs rgyas par 'gyur ro zhes bya ba'i don to//thabs dang ldan pa'i las kyi skabs bshad pa rdzogs so// //pha rol tu phyin pa dbye ba bsdu ba'i tshigs su bcad pa ste zhes bya ba la/ thabs dang ldan pa'i las kyi skabs bshad pa'i rjes la/ pha rol tu phyin pa'i skabs bshad pa'i 'brel ba ci yod ce na/gong du bslab pa gnyis te/ spyi dang khyad par ro zhes smos pa las bslab pa'i spyi ni thabs dang ldan pa'i las kyi skabs su bshad de/ de ni dge ba'i las mngon par 'du byed pa thams cad la khyab pa yin par bstan to/ /da ni khyad par brjod par bya ste/ de bas na de bshad par bya'o/ / bslab pa'i khyad par ni bdag nyid sangs rgyas kyi chos kyi tshogs bsags pa la phan par byed de de ni pha rol tu phyin pa rnams kyis byed do/ /pha rol tu phyin pa rnams ni bdag gi rgyud kyi dge ba kun la khyab pa ste/ de ni phyis 'chad do/ /de las grangs dang / de bsgrubs na bdag nyid yongs su grol bar 'gyur ro//bdag grol na gzhan yang grol yang nus te/ de bas na bdag la phan par bya ba'i phyir ni sngar pha rol tu phyin pa bshad do/ /de nas gzhan la phan par gzhag pa'i phyir ni/ bsdu ba'i dngos po bsgrub ste/ de ni phyis 'chad do/ /de la grangs dang de'i mtshan nyid ces bya ba la sogs pa tshigs su bcad pa gcig gis pha rol tu phyin pa'i don bshad do//longs spyod dang ni bdag lus zhes bya ba la sogs pas pha rol tu phyin pa'i dbye ba bstan to/ /grangs dang de yi mtshan nyid go rims dang / /zhes bya ba la/ spyi don rnam pa bcus pha rol tu phyin pa 'chad de de ni grangs la sogs pa'o/ /de la pha rol tu phyin pa drug nyid du grangs nges kyi/de las mang du yang mi rung nyung du yang mi rung bar bstan pa ni grangs kyi don gyis bshad pa'o/ /sbyin pa'i mtshan nyid gang yin pa nas/ shes rab kyi mtshan nyid gang yin pa bstan pa ni mtshan nyid kyi don to zhes bshad pa'o/ /dang por ci'i phyir sbyin pa de'i 'og tu ci'i phyir tshul khrims bshad ces pa'i don bstan pa ni go rims kyi don gyis bshad pa'o//nges pa'i tshig dang goms dang yon tan dang / zhes bya ba la/ ci'i phyir sbyin pa zhes bya ba nas/ ci'i phyir shes rab ces bya ba zhes bstan pa ni nges pa'i tshig gi don gyis bshad pa'o/ /sbyin pa la ci'i phyir bsgom pa nas shes rab la ji ltar bsgom pa bstan pa ni goms pa'i don gyis bshad pa'o//sbyin pa la yon tan ci yod pa nas shes rab la yon tan ci yod pa bstan pa ni nges pa'i tshig gi don gyis bshad pa'o/ /de yi dbye ba bsdu dang mi mthun phyogs/ /zhes bya ba la/ sbyin pa la phye na du yod pa nas shes rab la phyin du yod pa bstan pa ni de'i dbye bas bshad pa'o//pha rol tu phyin pa drug bsdus na drug las kyang bsdus na 'di tsam zhig ston to zhes bstan pa ni bsdu bas bshad pa'o/ /sbyin pa'i mi mthun pa'i phyogs gang yin pa bstan pa nas/ shes rab kyi mi mthun pa'i phyogs gang yin pa bstan pa ni mi mthun pa'i phyogs kyis bstan pa'o//yon tan phan tshun nges par shes par bya/ /zhes bya ba la/ sbyin pa'i nang du yang pha rol tu phyin pa drug 'dus pa nas/ shes rab kyi nang du yang sbyin pa la sogs pa drug 'dus par bstan pa ni yon tan phan tshun nges par bshad pa zhes bya ba'o//grangs rnam par dbye ba'i tshigs su bcad pa rnam pa drug ste zhes bya ba la/ 'di ltar pha rol tu phyin pa'i grangs ni drug nyid du bshad de/ bdun la sogs par mang du yang mi bshad/ lnga la sogs par nyung du yang mi bshad par ci'i phyir grangs drug tu bshad ce na/grangs nges par bshad pa ni tshigs su bcad pa drug gis bstan to zhes bya pa'i don to/ /dang po ni zhes bya ba la/ pha rol tu phyin pa'i grangs nges pa'i tshigs su bcad pa drug gis bstan to zhes glengs pa las tshigs su bcad pa dang po ji bstan to/ /mngon par 'byung pa'i rgyu dang /nyon mongs pa'i dbang du mi 'gro ba dang / bya ba dag la phyin ci log med pa'i dbang du byas nas/ pha rol tu phyin pa drug nyid du gzhag go/ /de las grangs mang yang mi mang nyung yang mi nyung ngo zhes bya pa'i don to/ /longs spyod dang ni bdag lus phun sum tshogs/ /g.yog 'khor phun sum tshogs pa mngon par 'byung //zhes bya ba la mngon par 'byung ba ni 'khor ba'i longs spyod dang pa de ba la bya ste/ de'i rgyu ni sbyin pa dang tshul khrims dang bzod pa dang brtson 'grus te bzhi'o/ /ji ltar rgyur 'gyur zhe na/ bram ze dang khyim bdag dang gdol ba la sogs pa yo byad kyis phongs pa rnams la/bza' ba dang bgo ba la sogs pa'i yo byad byin pas longs spyod chen por 'gyur te/ gter dang 'bru la sogs pa phun sum tshogs par 'gyur ro/ /srog gcod pa spangs pa la sogs pa tshul khrims bsrung bas ni bdag gi lus phun sum tshogs par 'gyur te/ ngan song gsum du mi skye'i lha dang mi'i nang du skyes nas lha dang mi'i lus 'thob par 'gyur ba'i phyir ro/ /gzhan gyis gnod pa byas kyang zhe sdang mi sdang zhing slar gnod par ma byas pa'i bzod pa'i pha rol tu phyin pas ni g.yog phun sum tshogs par 'gyur te/ tshe 'dir sems can la gnod pa ma byas te/dga' bar byas pas/ tshe rabs gzhan du skye bo mang po'i snying du sdug par 'gyur zhing / skye bo mang po de'i thad du 'du bar 'gyur bas 'khor phun sum tshogs par 'gyur ro/ /dge ba la sems spro ba'i mtshan nyid kyi brtson 'grus kyi pha rol tu phyin pa spyad pas ni rtsom pa phun sum tshogs par 'gyur te/brtson 'grus dang ldan pa rnams dge ba'i las bya ba dang / zhing dang tshong la sogs pa 'jig rten gyi bya ba gang dang gang brtsams pa de dang de dag thams cad mthar phyin par 'gyur ba'i phyir ro/ /nyon mongs dbang du mi 'gro dang / /zhes bya ba la/ lnga pa bsam gtan gyi pha rol tu phyin pas ni nyon mongs pa'i dbang du mi 'gro bar byed de/ci'i phyir zhe na/ sems rtse gcig pa'i mtshan nyid kyi bsam gtan gyi sems kyi rgyud la nyon mongs pa byung ba rnams 'jil zhing gnod pa'i phyir ro/ /bya ba dag la rtag tu log pa med/ /ces bya ba la drug pa ste/ shes rab kyi pha rol tu phyin pas ni bya ba dag la rtag tu phyin ci log med de zhes bya ba ni spang bar bya ba dang blang bar bya ba ste rnam pa gnyis so//de la spang bar bya ba la yang shes rab kyis spang bar bya bar shes nas de la mi 'jug go/ /blang bar bya ba la yang shes rab kyis blang bar bya bar shes nas len par byed de/de bas na bya ba la phyin ci log med do/ /yang na bya ba ni rnam pa bzhi ste/ shes par bya ba dang / spang bar bya ba dang / bsgom par bya ba dang / mngon du bya ba'o/ /de la sdug bsngal gyi bden pa ni shes par bya ba yin par yongs su shes te/ kun 'byung ni spang bar bya ba yin par shes/ lam ni bsgom par bya ba yin par shes/'gog pa ni mngon du bya ba yin par shes pas na bya ba la phyin ci log med pa zhes bya'o/ de la pha rol tu phyin pa bzhi ngag gis ni mngon bar 'byung rnam pa bzhi ste zhes bya ba la/ sbyin pa dang / tshul khrims dang / bzod pa dang / brtson 'grus bzhi ni longs spyod chen po la sogs pa 'khor ba'i 'byor pa rnam pa bzhi'i rgyur 'gyur ro zhes bya ba'i don to//rtsom pa'i dbang du byas nas zhes bya ba la/ 'di ltar mngon par 'byung ba la rtsom pa dang / kun nas nyon mongs pa med pa la rtsom pa dang / bya ba ma nor ba la rtsom pa'i dbang du byas nas pha rol tu phyin pa drug nyid du gzhag ste/mi mang mi nyung ngo zhes bya ba'i don to/ /de la sbyin pa dang / tshul khrims dang / bzod pa dang / brtson 'grus bzhis ni mngon par 'byung ba la rtsom mo/ /lnga pa bsam gtan gyi pha rol tu phyin pas ni kun nas nyon mongs pa med pa rtsom mo/ /drug pa shes rab kyi pha rol tu phyin pas ni bya ba la nor ba med par rtsom mo//sems can don la rab brtson pa/ /gtong dang mi gtong bzod pas byed/ /ces bya ba la tshigs su bcad pa gnyis pas ni bdag gi don byed pa dang gzhan gyi don byed pa'i dbang du byas nas/ pha rol tu phyin pa drug nyid du bshad de mi mang mi nyung ngo zhes bya ba'i don to//de la sems can gyi don la brtson pa'i byang chub sems dpa' ni/ sbyin pa dang / tshul khrims dang / bzod pa dang gsum gyis ni/ gzhan gyi don byed de/ ji ltar zhe na/ sbyin pas ni bza' ba dang bgo ba la sogs pa gtong bas don byed do/ /tshul khrims kyis ni gzhan gyi srog mi gcod/nor ma byin par mi len/ chung ma la mi tshangs par mi spyod/ gnod pa mi byed pas don byed do/ /bzod pas ni bdag gi srog dang / nor dang chung ma la gzhan gyis gnod pa byas kyang lan mi ldon te bzod pa byas pas don byed do/ /bzhi dang bcas nas grol ba yis/ / rnam pa kun tu bdag don spyod/ /ces bya ba la/ brtson 'grus dang / bsam gtan dang / shes rab gsum gyis ni/ rnam pa thams cad du bdag gi don byed de/ ji lta zhe na/ gzhi dang bcas pa'i sems gnas pas sems grol bar byas pa'i phyir bdag gi don byed do/ /de la gzhi ni brtson 'grus kyi pha rol tu phyin pa'o//gnas ni bsam gtan gyi pha rol tu phyin pa'o/ /grol ba ni shes rab kyi pha rol tu phyin pa ste/ de'i rim pa yang brtson 'grus brtsams na bsam gtan thob par 'gyur ro/ /bsam gtan gyis sems mnyam par ma bzhag pa mnyam par 'jog par byed do/ /sems mnyam par bzhag na shes rab skye bar 'gyur ro//shes rab kyis ni nyon mongs pa las sems grol bar byed de/ de ltar na gzhan gyi don dang / bdag gi don gyi dbang du byas nas pha rol tu phyin pa drug nyid du bshad de mi mang mi nyung ngo zhes bya ba'i don to/ /phongs pa med dang mi 'tshe 'tshe bar shin tu bzod pa dang / /bya bas mi skyo mgu byed legs par bshad//gzhan don bdag gi don 'gyur gsum pa'o/ /zhes bya ba la/ tshigs su bcad pa gsum pas ni byang chub sems dpa' rnams sbyin pa la sogs pa pha rol tu phyin pa drug gis gzhan gyi don rdzogs par byed pa de ston te/ ji lta zhe na/ sbyin pas ni sems can la yo byad gang dang gang phongs pa'i yo byad de dang de dag byin te/phongs pa med par byas nas gzhan gyi don byed do/ /tshul khrims kyis ni gzhan gyi srog dang nor dang chung ma la gnod pa mi byed cing / mi 'tshe bas don byed do/ /bzod pas ni bdag gi srog dang nor dang chung ma la gnod pa byas te/ gtses kyang bzod pas don byed do//brtson 'grus kyis ni sems can gyi las su bya ba rnams kyi grogs bya ba la skyo ba med pas don byed do/ /bsam gtan gyis ni 'bar ba dang 'phur ba la sogs pa'i rdzu 'phrul bsgrubs nas sems can mgu bar byas shing dad pa bskyed pas don byed do/ /shes rab kyis ni chos rnams kyi rang dang spyi'i mtshan nyid phyin ci ma log par bshad nas sems can gyi the tshom sel bar byed de/de ltar pha rol tu phyin pa drug gis gzhan gyi don byas pa de nyid byang chub sems dpa'i bdag gi don te/ ci'i phyir zhe na/ de ltar gzhan gyi don byas pa las bdag nyid bla na med pa'i byang chub thob pa'i phyir ro//de ltar rang dang gzhan gyi don rdzogs pa'i dbang du byas nas pha rol tu phyin pa drug nyid du bshad de/ mi mang mi nyung bar sbyar ro zhes bya ba'i don to/ /longs spyod dag la mi dga' zhing / /zhes bya ba la sogs pa tshigs su bcad pa bzhi pas ni theg pa chen po byang chub sems dpa'i spyod pa ma lus pa bsdu ba'i dbang du byas nas pha rol tu phyin pa drug nyid du bshad de/mi mang mi nyung ngo zhes bya ba'i don to/ /de la longs spyod kyi sgras ni gzugs la sogs pa 'dod pa lnga'i yon tan la bya'o/ /de la longs spyod la mi dga' ba ni sbyin pa'i pha rol tu phyin pa ste/ ci'i phyir zhe na/ sbyin pa la gnas dang longs spyod la mi lta ste/ phyi dang nang gi dngos po gang la yang mi gtang du mi rung ba'i chags pa med pa'o/ /shin tu gtsor byed ces bya ba la/ byang chub sems dpa'i gtsor byed pa ni tshul khrims kyi pha rol tu phyin pa ste/ ci'i phyir zhe na/ tshul khrims yang dag par blangs pa dang /byang chub sems dpa'i bslab tshig la nyes byas phra mo rdul tsam la yang bag byed cing bsrung ba'i phyir ro/ /gnyis mi skyo zhing zhes bya ba la/ gnyis kyi sgras ni sems can dang sems can ma yin pa la bya ste/ de gnyis kyis mi skyo ba ni bzod pa'i pha rol tu phyin pa dang /brtson 'grus kyi pha rol tu phyin pa'o/ /de la bzod pa'i pha rol tu phyin pas ni sems can gyis mi skyo ste/ sbrang bu dang sha sbrang dang mi la sogs pa gnod par byas kyang bzod pa la gnas pa rnams slar gnod pa mi byed cing / sems can mi gtong ba'i phyir ro/ /sems can ma yin pas mi skyo ba ni brtson 'grus kyi pha rol tu phyin pa ste/brtson 'grus kyis nyan pa dang / sems pa la sogs pa'i dge ba la zhugs pa na/ rlung dang tsha ba dang char pa dang grang ba dang bkres pa la sogs pa'i phyi'i sdug bsngal 'byung yang dge ba la brtson 'grus mi gtong ba'i phyir ro/ /yang na gnyis kyi sgras ni/ye shes kyi tshogs dang bsod nams kyi tshogs la bya ste/ de la mi skyo ba ni bzod pa dang brtson 'grus kyi pha rol tu phyin pa ste/ de la bzod pas ni/ ye shes kyi tshogs la mi skyo'o/ /ji ltar zhe na/ gnod pa nyams su len pa'i bzod pa dang / sdug bsngal la ji mi snyam pa'i bzod pa dang / chos la nges par rtog pa'i bzod pa gsum las/ chos la nges par rtog pa'i bzod pas/ chos thams cad mi rtag pa dang / sdug bsngal ba dang / stong pa dang / bdag med par bzod de/ de bas na bzod pas ni ye shes kyi tshogs la mi skyo'o/ /brtson 'grus kyis ni bsod nams kyi tshogs la mi skyo ba ste/sbyin pa dang / tshul khrims la sogs pa bsod nams kyi tshogs bsags pa na brtson 'grus mi gtong ba'i phyir ro/ /rnam par mi rtog rnal 'byor te/ /zhes bya ba la/ tha ma'i bsam gtan dang / shes rab kyi pha rol tu phyin pa gnyis kyis ni rnam par mi rtog pa'i ting nge 'dzin sgrub ste/ ci'i phyir zhe na/ de gnyis kyis zhi gnas dang lhag mthong zung du 'brel ba'i bsam gtan bsgoms pa'i phyir ro/ /de la bsam gtan ni zhi gnas so/ /shes rab ni lhag mthong ngo / /'dis ni ma lus theg pa mchog ces bya/ /zhes bya ba la/ theg pa mchog ni theg pa chen po la bya ste/ longs spyod la mi dga' ba dang / bslab pa la gtsor byed pa gnyis kyis mi skyo ba dang / rnam par mi rtog pa la rnal 'byor pa ste/ theg pa chen po'i don ni 'di tsam du zad de/ de las lhag pa med do zhes bya ba'i don to/ /bzod pa dang brtson 'grus gnyis kyis ni sems can dang sems can ma yin pas zhes bya ba la sogs pa la/bzod pas mi dang sbrang bu la sogs pa/ sems can gyis gnod par byas pa dang tsha ba dang rlung la sogs pa sems can ma yin pas gnod par byas pa'i sdug bsngal bzod do/ /brtson 'grus kyis ni nyan pa dang sems pa la sogs pa'i dge ba la mi skyo ba ste/brtson 'grus kyis dge ba la sbyor ba'i las mi gtong bar byed pa'i phyir ro/ /yul rnams la ni ma chags lam/ /zhes bya ba la sogs pa tshigs su bcad pa lnga pas ni/ lam thams cad bsdus pa'i dbang du byas nas/ pha rol tu phyin pa drug nyid du bshad de/ mi mang mi nyung ngo //de la yul gyi sgras ni 'dod pa lnga'i yon tan la bya ste/ de la ma chags pa'i lam ni sbyin pa'i pha rol tu phyin pa'o/ /ji ltar zhe na/ sbyin pa la gnas pas ni rtag tu phyi dang nang gi dngos po gtong ba la goms pas yul thams cad gtong bar byed kyi/ yul la chags par mi byed pas na yul la ma chags pa'i lam du 'gyur ro//de thob g.yeng ba bsdoms pa gzhan/ /zhes bya ba la/ gzhan gyi sgras ni tshul khrims kyi pha rol tu phyin pa la bya ste/ de thob pa g.yeng ba sdom pa'i lam ni tshul khrims kyi pha rol tu phyin pa'o/ /de la de'i sgras ni 'dod pa lnga'i yon tan la bya ba ste/ g.yeng ba ni 'dod pa lnga'i yon tan thob par bya ba'i phyir bya ba mang po la 'jug pa'i phyir ro/ /tshul khrims kyis ni de sdom ste/ 'dod pa lnga'i yon tan thob par bya ba'i phyir 'jig rten gyi las kyis g.yeng ba'i bya ba mang po la mi 'jug pas so/ /sems can mi gtong zhes bya ba la/ sems can mi gtong ba'i lam ni bzod pa'i pha rol tu phyin pa ste/bzod pa la gnas nas sems can gyis brdeg par bya ba dang / bcing ba la sogs pa'i gnod pa byas shing sdug bsngal bskyed kyang / sems can mi gtong zhing sdug bsngal gyis mi skyo ba'i phyir ro/ /'phel ba dang / zhes bya ba la/ dge ba 'phel ba'i lam ni brtson 'grus kyi pha rol tu phyin pa ste/ brtson 'grus la gnas na dge ba'i chos chu bo'i rgyun bzhin du rgyun mi 'chad par 'phel ba'i phyir ro/ /sgrib pa rnam sbyong gzhan yin no/ /zhes bya ba la/ gzhan gyi sgras ni bsam gtan dang shes rab kyi pha rol tu phyin pa gnyis la bya ste/sgrib pa sbyong ba'i lam ni bsam gtan dang shes rab gnyis te/ ji ltar zhe na/ bsam gtan gyis ni nyon mongs pa'i sgrib pa sbyong bar byed/ shes rab kyis ni shes bya'i sgrib pa sbyong bar byed do/ /yang na bsam gtan dang shes rab kyis nyon mongs pa dang / shes bya'i sgrib pa 'jil bar byed/shes rab kyis ni nyon mongs pa dang shes bya'i sgrib pa rtsa ba nas 'byin par byed do/ /lam gyi sgras ni thabs la bya ste/ yul la ma chags pa'i thabs zhes bya ba nas/ sgrib pa sbyong ba'i thabs zhes bya bar sbyar ro/ /bslab pa gsum gyi dbang byas te/ /pha rol phyin drug rgyal bas gsungs//zhes bya ba la/ tshigs su bcad pa drug pas lhag pa'i tshul khrims kyi bslab pa dang / lhag pa'i sems kyi bslab pa dang / lhag pa'i shes rab kyi bslab pa'i dbang du byas nas rgyal ba sangs rgyas bcom ldan 'das kyis pha rol tu phyin pa drug nyid du bshad de mi mang mi nyung ngo zhes bya ba'i don to//thog ma gsum zhes bya ba la/ thog ma'i pha rol tu phyin pa gsum ni lhag pa'i tshul khrims kyi bslab pa zhes bya ste/ thog ma'i pha rol tu phyin pa gsum gang zhe na/ sbyin pa dang tshul khrims dang bzod pa'o/ /rnam gnyis tha ma gnyis zhes bya ba la/ rnam gnyis ni lhag pa'i sems kyi bslab pa dang /lhag pa'i shes rab kyi bslab pa ste/ de gnyis ni pha rol tu phyin pa tha ma gnyis kyis bstan to/ /pha rol tu phyin pa tha ma gnyis ni bsam gtan gyi pha rol tu phyin pa dang / shes rab kyi pha rol tu phyin pa'o/ /de la bsam gtan gyi pha rol tu phyin pa la ni lhag pa'i sems kyi bslab pa zhes bya ste/bsam gtan gyis sems pa dang nye bar gnas pa la sogs pa byed pa'i phyir ro/ /shes rab kyi pha rol tu phyin pa la ni lhag pa'i shes rab kyi bslab pa zhes bya'o/ /de la lhag pa'i tshul khrims kyi bslab pa ni dang po'i pha rol tu phyin pa gsum zhes bya ba las/sbyin pa dang tshul khrims dang / bzod pa dang gsum ni lhag pa'i tshul khrims kyi bslab par gtogs so zhes bya ba'i don to/ /smras pa tshul khrims la ni lhag pa'i tshul khrims kyi bslab pa zhes byar rung na/ sbyin pa dang bzod pa gnyis ji ltar lhag pa'i tshul khrims kyi bslab par bsdu zhe na/ de'i phyir tshogs dang bcas pa dang 'khor du bcas pa gzung ba'i phyir ro zhes bya ba la/ tshul khrims kyi tshogs dang bcas pa dang / tshul khrims kyi 'khor dang bcas pa gzung ba'i phyir ro/ /sbyin pa dang bzod pa gnyis kyang lhag par tshul khrims su gtogs so/ /de la tshogs zhes bya ba ni rgyu dang gzhi la bya ste/ tshul khrims kyi gzhi dang rgyu ni sbyin pa'i pha rol tu phyin pa'o//tshul khrims kyi 'khor dang grogs ni/ bzod pa'i pha rol tu phyin pa'o/ /sbyin pa ji ltar tshul khrims kyi rgyur 'gyur zhe na/ de'i phyir sbyin pa ni longs spyod la mi lta bas tshul khrims yang dag par len te zhes smos te sbyin pa la gnas na bu smad dang nor rdzas la sogs pa'i longs spyod la mi lta zhing mi chags te/longs spyod la ma chags na tshul khrims len par byed de/ de bas na tshul khrims kyi rgyu dang tshogs su 'gyur ro/ /bzod pa ji ltar 'khor du 'gyur zhe na/ de'i phyir/ yang dag par blangs par bzod pas gshe ba las slar mi gshe ba la sogs pa'o zhes smos te/ tshul khrims yang dag par blangs pa rnams la bzod pa yod pa dang / gshe ba la slar mi gshe ba dang / brdeg pa la slar mi brdeg pa la sogs pa'i tshul gyis bzod pas tshul khrims srung bar byed pas na tshul khrims kyi 'khor du 'gyur ro/ /mtshan nyid rnam par dbye ba'i tshigs su bcad pa drug ste zhes bya ba la/gangs dbye ba tshigs su bcad pa drug gis bstan nas/ da ni pha rol tu phyin pa drug gi mtshan nyid dbye ba tshigs su bcad pa drug gis ston te/ pha rol tu phyin pa drug re re'i mtshan nyid tshigs su bcad pa re res bstan te/ de ltar na pha rol tu phyin pa drug yod pas tshigs bcad kyang drug tu 'gyur ro//de la sbyin pa'i pha rol tu phyin pa'i mtshan nyid ni rnam pa bzhi ste/ mi mthun pa'i phyogs spangs pa'i mtshan nyid dang / rnam par mi rtog pa'i ye shes kyis zin pa'i mtshan nyid dang / 'dod pa thams cad yongs su rdzogs par byed pa'i mtshan nyid dang / sems can rnams par smin pa'i mtshan nyid do//sbyin pa'i mi mthun phyogs spangs dang / /zhes bya ba la/ byang chub sems dpa'i sbyin pa'i mi mthun pa'i phyogs ni ser sna ste/ de thams cad nas thams cad du spangs pas na mi mthun pa'i phyogs spangs pa'i mtshan nyid ces bya'o/ /rnam par mi rtog ye shes ldan/ / zhes bya ba la/ byang chub sems dpas gang zag dang chos la bdag med par khong du chud pas/ gtong ba po dang / rdzas dang / len pa po mi dmigs te/ de bas na rnam par mi rtog pa'i ye shes kyis zin pa zhes bya'o/ /de la gang zag la bdag med par khong du chud pas ni gtong ba po mi dmigs so//chos la bdag med par khong du chud pas ni rdzas dang len pa po mi dmigs so/ /'dod pa thams cad yongs rdzogs byed/ /ces bya ba la/ bram ze dang tshong pa dang gdol ba la sogs pa/ bza' ba dang bgo ba la sogs pa gang 'dod pa bsam pa bzhin du de dang de dag gtong bar byed de/ de bas na 'dod pa thams cad yongs su rdzogs pa'i mtshan nyid do/ /sems can rnam par smin byed gsum/ /zhes bya ba la/ de ltar sbyin pas bsdus nas nyan thos dang / rang sangs rgyas dang theg pa chen po la 'jog par byed de/ de bas na sems can yongs su smin par byed pa'i mtshan nyid do/ /mi mthun phyogs spangs tshul khrims dang //zhes bya ba la/ tshul khrims kyi mi mthun pa'i phyogs ni srog gcod pa la sogs pa tshul khrims ngan pa ste/ de thams cad nas thams cad du spangs pas na mi mthun pa'i phyogs spangs pa'i mtshan nyid ces bya'o/ /rnam par mi rtog ye shes ldan/ /zhes bya ba la/ gang zag dang chos la bdag med par khong du chud pas/skyes bu dang / tshul khrims dang / tshul khrims sgrub par byed pa gsum mi dmigs pas ni/ rnam par mi rtog pa'i ye shes dang ldan pa'i mtshan nyid do/ /'dod pa thams cad yongs rdzogs byed/ /ces bya ba la/ sems can 'di dag 'di snyam du sems te/ e ma'o/ /'di ltar byang chub sems dpa'i lus dang / ngag dang / yid gsum gyis bdag cag gi lus dang / longs spyod dang / chung ma la sogs pa la gnod pa ma byas na legs so snyam sems pa las byang chub sems dpas de snyam du gnod pa mi byed de/ de bas na 'dod pa thams cad yongs su rdzogs par byed pa'i mtshan nyid do//sems can yongs su smin byed gsum/ /zhes bya ba la/ tshul khrims kyis bsdus nas sems can theg pa gsum la 'jog par byed de/ de bas na sems can yongs su smin par byed pa'i mtshan nyid do/ /mi mthun phyogs spangs bzod pa dang / /zhes bya ba la/ bzod pa'i mi mthun pa'i phyogs ni zhe sdang ste de med pas na mi mthun pa'i phyogs spangs pa'i mtshan nyid do/ /rnam par mi rtog ye shes ldan/ /zhes bya ba la/ gang zag dang chos la bdag med par khong du chud pas na/ skyes bu dang / bzod pa dang / sgrub pa gsum mi dmigs pas na rnam par mi rtog pa'i ye shes dang ldan pa'i mtshan nyid do//'dod pa thams cad yongs rdzogs byed/ /ces bya ba la/ gal te gzhan dag gi lus la sogs pas byang chub sems dpa' la gnod par byed de/ gnod par byas nas sems can 'di snyam du/ e ma'o/ /byang chub sems dpa' 'dis bdag cag la gnod par mi byed cing bzod kyang ci ma rung snyam du sems pa las sems can gyi bsam pa bzhin du sems can la gnod pa mi byed cing nyes pa bzod par byed pas na 'dod pa thams cad yongs su rdzogs par byed pa'i mtshan nyid do//sems can rnam par smin byed gsum/ /zhes bya ba la/ bzod pas bsdus nas theg pa gsum du bkod pas na/sems can yongs su smin par byed pa'i mtshan nyid do/ /mi mthun phyogs spangs brtson 'grus dang / /zhes bya ba la/ brtson 'grus kyi mi mthun pa'i phyogs ni le lo ste/ de med pas ni mi mthun pa'i phyogs spangs pa'i mtshan nyid do/ /rnam par mi rtog ye shes ldan//zhes bya ba la/ chos dang gang zag la bdag med par khong du chud pas na/ skyes bu dang / brtson 'grus dang / sgrub pa gsum mi dmigs pa'i phyir rnam par mi rtog pa'i ye shes dang ldan pa'i mtshan nyid do/ /'dod pa thams cad yongs rdzogs dang / /zhes bya ba la/ brtson 'grus kyis sems can gyi las su bya ba gang dang gang yod pa'i grogs byed pas na 'dod pa yongs su rdzogs pa'i mtshan nyid do//sems can yongs su smin byed gsum/ /zhes bya ba la/ brtson 'grus kyis bsdus nas sems can rnams theg pa gsum du rdzogs par byed pas na/ sems can yongs su smin par byed pa'i mtshan nyid do/ /mi mthun phyogs spangs mtshan nyid dang / /zhes bya ba la/ bsam gtan gyi mi mthun pa'i phyogs ni sems g.yengs pa ste/ de med pas na/ mi mthun pa'i phyogs spangs pa'i mtshan nyid do/ /rnam par mi rtog ye shes ldan/ / zhes bya ba la/ gang zag dang chos la bdag med par khong du chud pas/ skyes bu dang / bsam gtan dang / sgrub par byed pa gsum mi dmigs par byed pa'i phyir/ rnam par mi rtog pa'i ye shes dang ldan pa'i mtshan nyid ces bya ba'i don to/ /'dod pa thams cad yongs rdzogs byed/ / ces bya ba la/ bsam gtan gyis rdzu 'phrul sprul nas/ sems can gyi yid bzhin du rdzu 'phrul rnam pa sna tshogs ston pas/ 'dod pa thams cad yongs su rdzogs pa'i mtshan nyid do/ /sems can rnam par smin byed gsum/ /zhes bya ba la/ bsam gtan gyis bsdus nas theg pa gsum du bkod pas na/sems can yongs su smin par byed pa'i mtshan nyid do/ /mi mthun phyogs spangs shes rab dang / /zhes bya ba la/ shes rab kyi mi mthun pa'i phyogs ni/ rtag pa dang chad pa la sogs par lta ba'i 'chal pa'i shes rab ste/ de med pas na mi mthun pa'i phyogs spangs pa'i mtshan nyid do//rnam par mi rtog ye shes ldan/ /zhes bya ba la/ skyes bu dang / shes rab dang / sgrub pa gsum mi dmigs pa'i phyir/ rnam par mi rtog pa'i ye shes dang ldan pa'i mtshan nyid do/ /'dod pa thams cad yongs rdzogs byed/ /ces bya ba la/ shes rab kyis ni chos rnams kyi rang dang spyi'i mtshan nyid phyin ci ma log par shes par byas nas/sems can gyi the tshom bcad pas na 'dod pa thams cad yongs su rdzogs pa'i mtshan nyid do/ /sems can rnam par smin byed gsum/ /zhes bya ba la/ shes rab kyis bsdus nas sems can rnams theg pa gsum la bkod pas na/sems can yongs su smin par byed pa'i mtshan nyid do/ /go rims rnam par dbye ba'i tshigs su bcad pa zhes bya ba la/ pha rol tu phyin pa drug gi mtshan nyid bshad nas/ da ni go rims 'chad de/ de la dang por sbyin pa bshad/ de nas tshul khrims/ de nas bzod pa/ de nas brtson 'grus/ de nas bsam gtan/ de nas shes rab ste/ go rims ji ltar bkod ce na/ rgyu rnam pa gsum gyi phyir go rims de ltar bkod do zhes bstan pa'i phyir tshigs su bcad pa gcig rtsom mo/ /rgyu dang por bstan pa'i phyir ro/ /sngon la phyi ma brten las skye//zhes bya ba smos te/ pha rol tu phyin pa snga ma snga ma la brten nas pha rol tu phyin pa phyi ma phyi ma 'byung ste/ snga ma snga ma ni rgyu phyi ma phyi ma ni 'bras bu yin pas rgyur gyur pa ni sngar bshad/ 'bras bur gyur pa ni phyis 'chad do/ /ji ltar zhe na/ longs spyod rnam pa sna tshogs la chags na ni khyim gyi gnas btang nas tshul khrims len par mi nus kyi/longs spyod la chags pa med pa dang / khyim nas khyim med par rab tu 'byung ste/ de bas na sbyin pa rgyur 'gyur ba'i phyir sngar bshad/ tshul khrims 'bras bu yin pas na phyis bshad do/ /ngan pa'i ngang tshul dag gis ni gshe ba dang brdeg pa la mi brdeg par bzod par mi nus kyi tshul khrims dang ldan pa gshe ba la slar mi gshe ba dang /brdeg pa la slar mi brdeg par bzod pas/ tshul khrims rgyu yin pas/ bzod pa 'bras bu yin pas na tshul khrims kyi 'og tu bzod pa bshad do/ /de ltar grang ba dang tsha ba dang bkres pa dang skom pa la sogs pa mi bzod na ni brtson 'grus rtsom par mi nus kyi grang ba dang tsha ba dang bkres pa dang skom pa la sogs pa bzod na gdod nas brtson 'grus rtsom nus pas na bzod pa rgyu yin la/brtson 'grus 'bras bu yin pas/ bzod pa'i 'og tu brtson 'grus bshad do//dge ba la rgyun du brtson 'grus brtsams na/ sems rtse gcig pa'i mtshan nyid ting nge 'dzin skye ste/ brtson 'grus rgyu yin la/ bsam gtan 'bras bu yin pas brtson 'grus kyi 'og tu bsam gtan bshad do/ /ting nge 'dzin gyis sems mnyam par gzhag na 'phags pa'i bden pa bzhi yang dag pa ji lta ba bzhin du shes pa'i shes rab 'byung ste/bsam gtan ni rgyu yin la shes rab ni 'bras bu yin pas/ bsam gtan gyi 'og tu shes rab bshad do/ /de'i phyir go rims de ltar bkod do/ /rgyu gnyis pa bstan pa'i phyir/ tha ma dang ni dam pa'i gnas//zhes bya ba smos te/ gang tha ma'i gnas su gyur pa ni sngar bshad la/ gang dam pa'i gnas su gyur pa ni phyis bshad de/ sbyin pa tha mar byung bas na sngar bshad la/ tshul khrims dam par gyur pas na phyes bshad pa nas/ bsam gtan tha mar gyur pas na sngar bshad la/shes rab dam par gyur pas na phyis bshad de/ de'i phyir yang pha rol tu phyin pa drug gi go rims de ltar gzhag go/ /ji ltar snga ma tha ma la phyi ma dam pa zhe na/ 'di ltar sbyin pa gtong zhing byed kyang 'dod chags dang zhe sdang la sogs pa'i rgyus srog gcod pa la sogs pa'i las byed pas na nyon mongs pa dang 'dres pa'i phyir tha ma'o//tshul khrims ni lus dang ngag dang yid gsum bsdams te/ srog gcod pa la sogs pa'i las mi 'byung bas dam pa'i gnas so/ /tshul khrims kyis gzhan gyi srog dang nor la gnod pa mi byed pa tsam du zad kyi/bdag la gzhan gyis srog dang nor la gnod par byas kyang bzod par mi nus kyi/ bzod pas ni bdag gi srog dang nor la gzhan gyis gnod pa byas kyang bzod de/ gnod par mi byed pas tshul khrims las nyon mongs pa chung ste/ dam par gyur pas na de'i 'og tu bzod pa bshad do//bzod pa'i dus na yang gzhan la gnod pa mi byed pa tsam du zad de/ dge ba'i chos la rgyun du 'jug pa med par zad kyi/ brtson 'grus kyis ni dge ba la rgyun du bsgom pa bzod pa bas dam par gyur pa'i phyir/ de'i 'og tu brtson 'grus bshad do/ /brtson 'grus kyi dus na dge ba la rgyun du bsgrub pa tsam du zad de/nyon mongs pa 'jil bar mi byed kyi/ bsam gtan gyis ni nyon mongs pa 'jil bar byed pas na brtson 'grus pas dam par gyur pa'i phyir/ de'i 'og tu bsam gtan bshad do/ /bsam gtan gyis nyon mongs pa 'di la bar byed pa tsam du zad de/nyon mongs pa rtsa ba nas mi 'byin gyi/ shes rab kyis nyon mongs pa rtsa ba nas 'byin te/ bsam gtan pas dam par gyur pa'i phyir de'i 'og tu shes rab bshad do/ /rgyu gsum pa bstan pa'i phyir/ chen po dang ni phra ba'i phyir/ /zhes smos te/ gang che zhing rags pa rnams ni sngar bshad la/gang phra zhing dka' ba rnams ni phyis bshad de/ sbyin pa ni rags shing sbom pas na sngar bshad la/ de bas na tshul khrims phra bas phyis bshad pa nas/ bsam gtan spom pas sngar bshad de/ de bas shes rab phra bas na phyis bshad do/ / spom pa zhes bya ba ni/ 'jug sla zhing spyad sla ba'i don dang / phra ba ni 'jug dka' zhing spyad dka' ba'i don to/ /de la sbyin pa ni bya sla ste/ rgyal po dang blon po la sogs pas sbyin pa gtong ba bzhin du/ gdol ba dang gdol bu la sogs pas kyang sbyin pa gtong bar ni nus kyi/ tshul khrims bsrung bar mi nus pas na sbyin pa ni bya sla'i/tshul khrims ni bya dka'o/ /tshul khrims kyis gzhan gyi srog dang nor la gnod par mi byed pa tsam du zad pas bya sla'i/ bzod pas ni bdag gi srog dang nor la gnod pa byas kyang slar gnod pa mi byed de bzod pa ni bya dka'o/ / bzod pas ni bdag la gnod pa byas pa la lan mi glan zhing bzod par bya ba tsam du zad pas bya sla'i/ brtson 'grus kyis ni de bas kyang lhag par de dge ba la rgyun du bsgrubs pas na bya dka'o/ /brtson 'grus kyis ni dge ba la rgyun du 'jug pa tsam du zad de/ nyon mongs pa mi 'jil bas bya sla'i/bsam gtan gyis ni nyon mongs pa 'jil bar byed pas na bya dka'o/ /bsam gtan gyis ni nyon mongs pa 'jil ba tsam du zad pas bya sla'i/ shes rab kyis ni 'phags pa'i bden pa la sogs pa'i chos rnams shes par byed pas na bya dka'o/ /nges pa'i tshig rab tu dbye ba zhes bya ba'i tshigs su bcad pa zhes bya ba la go rims kyi don bshad nas/da ni pha rol tu phyin pa drug gi nges pa'i tshig bshad de/ ci'i phyir sbyin pa zhes bya ba nas/ ci'i phyir shes rab ces bya ba'i don bshad do zhes bya ba'i don to/ /dbul ba 'dor bar byed pa dang zhes bya ba la/rgya gar skad du sbyin pa la dA na zhes 'byung ste/ de'i tshig gi don ni dA ni dbul ba'i don to/ /na ni 'dor ba'am med par byed pa'i don to/ /bram ze dang tshong ba la sogs pa bza' ba dang bgo ba gang dang gang gis phongs pa de dang de byin nas len pa po tshe 'dir phongs pa dang dbul ba med par byas pas dbul ba 'dor bar byed do//gtong ba pos tshe 'dir phyi dang nang gi dngos po btang nas tshe rabs gzhan du cis kyang phongs pa med cing longs spyod phun sum tshogs par 'gyur te/ dbul ba 'dor bar byed pas na sbyin pa zhes bya'o//bsil ba thob pa dang zhes bya ba la/ tshul khrims la rgya gar skad du shI la zhes 'byung ste/ shI ni bsil ba'i don la/ la ni thob pa'am len pa'i don to/ /tshul khrims dang ldan pa rnams tshe 'dir yul la chags pa'i don du 'dod chags dang zhe sdang la sogs pa'i rgyu lus dang ngag gi sgo nas bya ba sna tshogs kyi sdug bsngal ba'i gdung bar byed pa mi 'thob par 'gyur ba dang /de'i rgyus tshe rabs gzhan du yang ngan song gi gnas su mi myong zhing / lha dang mi'i bsil ba'i bde ba 'thob par 'gyur ba dang / mjug tu mya ngan las 'das pa'i bde ba'i bsil ba 'thob par byed pas na tshul khrims zhes bya'o//khro ba zad ces bya ba la/ bzod pa'i sgra rgya gar skad du k+ShA n+ti zhes 'byung ste/ k+ShA na ni zad pa la bya/ ti ni byed pa la bya ste/ bzod pa la gnas na bzod pa des bdag gi sems kyi rgyud la yod pa'i zhe sdang zad par byed pas na bzod pa zhes bya'o//dam par sbyor ba dang zhes bya ba la/ brtson 'grus kyi rgya gar skad du bIr+ya zhes 'byung ste/ de la bI ni dam pa'i don la/ r+ya ni sbyor ba'i don to/ /'jig rten las 'das pa'i dge ba'i rtsa ba dam pa la sbyor bas na/ brtson 'grus zhes bya'o/ / yid 'dzin dang zhes bya ba la/ bsam gtan gyi sgra rgya gar skad du d+h+yA na zhes 'byung ste/ d+ha la ya btags yod pa ra'i don du drangs na/ 'dzin pa'i don du 'gro ste/ sems phyi rol du mi g.yeng bar nang du 'dzin par byed pas na bsam gtan zhes bya'o/ /don dam shes pa rnam gsum bshad//ces bya ba la/ shes rab kyi sgra rgya gar skad du pradz+nyA zhes 'byung ste/ de la don dam par ni pa ra mAr tha zhes bya bas/ pa la ra btags pa/ pa'i 'og tu ra bzhag na pa ra mAr tha zhes don dam pa'i tshig tu brjod la/ dz+nyA ni shes pa la bya ste/ skye 'gag med pa'i don dam pa shes pas na shes rab ces bya'o//bsgom pa rnam par dbye ba zhes bya ba'i tshigs su bcad pa la/ pha rol tu phyin pa drug gi nges pa'i tshig bshad nas da ni bsgom pa bshad de/ sbyin pa'i pha rol tu phyin pa la ji ltar bsgom pa nas/ shes rab kyi pha rol tu phyin pa la ji ltar bsgom pa tshigs su bcad pa gcig gis bstan to zhes bya ba'i don to//bsgom pa dngos la gnas pa dang / /yid la byed pa de bzhin bsam/ /thabs dang dbang yod dag la yang / /zhes bya ba la/ sbyin pa'i pha rol tu phyin pa la bsgom pa rnam pa lnga ltar bsgom ste/ lnga ni dngos po la gnas te bsgom pa dang / yid la byed pa la gnas te bsgom pa dang / de bzhin du bsam pa la gnas te bsgom pa dang / thabs la gnas te bsgom pa dang / dbang yod pa la gnas te bsgom pa'o/ /de la dngos po la gnas te bsgom pa rnam pa bzhi'o/ / yid la byed pa la gnas te bsgom pa rnam pa bzhi'o/ /bsam pa la gnas te bsgom pa rnam pa drug go/ /thabs la gnas te bsgom pa rnam pa gsum mo/ /dbang yod pa la gnas te bsgom pa rnam pa gsum mo/ /de dag de bzhin thams cad bshad/ /ces bya ba la/ ji ltar sbyin pa la rnam pa lnga ltar bsgom pa de bzhin du/tshul khrims nas shes rab kyi bar du lhag ma rnams la yang dngos po la gnas te bsgom pa nas dbang yod pa la gnas te bsgom pa'i bar du rnam pa lngar bsgom par bshad do zhes bya ba'i don to/ /de la dngos po la gnas pa rnam pa bzhi ste zhes bya ba la/dngos po la zhes bya ba dang / don zhes bya ba dang / rdzas zhes bya ba dag don gcig ste/ dngos po la rdzas zhes bya bar ci mngon zhe na/ mdo las rdzas kyi dngos po bdun dang ldan pas bsod nams byed pa'i rigs kyi bu dang rigs kyi bu mo ni bsod nams rtag tu 'phel lo zhes gsungs pa'i phyir ro//dngos po la gnas te bsgom pa yang rnam pa bzhi ste/ rgyu la gnas pa dang / rnam par smin pa la gnas pa dang / smon lam la gnas pa dang / so sor rtog pa'i stobs la gnas pa'o/ /rigs kyi stobs kyis zhes bya ba la sogs pa la/rgyu la gnas pa ni 'di ltar dge ba'i bshes gnyen la sogs pas sbyin par bya ba'i rigs so zhes bsten cing bsnyen pa med par yang byang chub sems dpa'i rigs yod pa'i stobs kyis tshe rabs gang dang gang du skyes pa de dang de dag tu gtong ba la dga' ste/ 'di ltar 'khor ba thog ma med pa'i dus nas/gnas gcig nas gcig tu brgyud de 'ongs pa chos nyid kyis thog pa mig la sogs pa skye mched drug gi khyad par 'di lta bu dang ldan te/ gang gi phyir dge ba'i bshes gnyen gyis ma bstan kyang pha rol tu phyin pa drug sgrub cing bsgom pa la dga' ste/pha rol tu phyin pa sgrub par byed pa ni rgyu la gnas pa zhes bya'o/ /gang gi bdag gi lus phun sum tshogs pa'i stobs kyis zhes bya ba la sogs pa la/ rnam par smin pa la gnas pa ni byang chub sems dpa' tshe rabs gzhan dag tu sbyin pa la sogs pa'i pha rol tu phyin pa la goms par bya ste/de ltar goms par byas pas de'i dbang gis tshe rabs phyi mar sbyin pa la sogs pa'i pha rol tu phyin pa byed cing sgrub par dga' ba'i lus mngon par 'grub cing smin par 'gyur te/ de ltar rnam par smin pa'i dbang gis ma brtags ma bsams par yang pha rol tu phyin pa la 'jug ste/de ni rnam par smin pa la gnas pa zhes bya'o/ /gang sngon gyi smon lam gyi stobs kyis zhes bya ba la sogs pa la/ smon lam la gnas pa ni des sngon gyi sbyin pa la sogs pa'i pha rol tu phyin pa ni ma bsgrubs te smon lam tsam zhig btab pa tsam du zad de/ji ltar smon lam btab ce na/ 'di ltar bdag tshe rabs gang dang gang du skyes pa de dang de dag tu nga dang bdag gi rtog pa dang bral ba/ nang dang phyi'i dngos po thams cad la mi rten pa/ sems can thams cad kyi don du sbyin pa la sogs pa'i pha rol tu phyin pa sgrub par gyur cig ces smon lam btab pa las/smon lam de'i dbang gis gang dang gang du skyes par sbyin pa la sogs pa'i pha rol tu phyin pa sgrub par 'gyur te/ de ni smon lam la gnas pa zhes bya'o/ /shes rab kyi stobs kyis zhes bya ba la sogs pa la/ so sor rtog pa'i stobs la gnas pa ni/'di ltar shes rab kyi stobs kyis sbyin pa la sogs pa pha rol tu phyin pa bsgom zhing sgrub par byed de ci ltar zhe na/ longs spyod 'di dag ni rmi lam lta bu mi brtan pa/ dbugs dbyung du med pa/ 'jig cing 'bral bar 'gyur ba'i chos can no zhes shes rab kyi stobs kyis yongs su dpyad nas/de ltar dpyad pa'i stobs kyis pha rol tu phyin pa rnams la 'jug cing sgrub par byed de/ de ni so sor rtog pa'i stobs la gnas pa zhes bya'o/ /tshul khrims la sogs pa la yang / tshul khrims la sogs pa bsrungs shing bsgrubs nas/bsod nams dang ye shes kyi tshogs sogs shing / lha dang mi'i nang du skye ba dang / mthar bla na med pa'i byang chub tu 'tshang rgya bar 'gyur ro zhes shes rab kyis brtags nas tshul khrims la sogs pa la 'jug par byed pa ni so sor rtog pa'i stobs zhes bya'o/ /pha rol tu phyin pa yid la byed pa la gnas pa ni rnam pa bzhi ste zhes bya ba la/yid la byed pa la gnas pa ste/ pha rol tu phyin pa bsgom pa rnam pa bzhi ste mos pa yid la byed pa dang / ro myang ba yid la byed pa dang / rjes su yi rang ba yid la byed pa dang / mngon par dga' ba yid la byed pa'o/ /pha rol tu phyin pa dang ldan pa'i mdo sde zhes bya ba la sogs pa la/mos pa yid la byed pa dang / mdo sde gang las pha rol tu phyin pa drug 'byung zhing 'chad pa'i mdo sde 'phags pa dkon mchog sprin la sogs pa la 'di ni de kho na bzhin du ma nor te bden pa yin no zhes mos par byed de/ ji lta ji ltar mos pa de lta de ltar pha rol tu phyin pa'i khams brtas par 'gyur te/de ni smos pa yid la byed pa zhes bya'o/ /pha rol tu phyin pa brten pa rnams la zhes bya ba la sogs pa'o/ /ro myang ba yid la byed pa ni sngon bdag gis sbyin pa la sogs pa'i pha rol tu phyin pa spyad cing bsgrubs te/ sngon bsgrubs pa la 'di ltar bdag gis sngon sbyin pa la sogs pa'i pha rol tu phyin pa bsgrubs pa ni legs so zhes yon tan du lta zhing sngon byas pa dran nas mngon par dga' ba ni ro myang ba yid la byed pa zhes bya'o/ /'jig rten gyi khams thams cad na zhes bya ba la sogs pa la/rjes su yi rang ba yid la byed pa ni phyogs bcu'i 'jig rten gyi khams na gnas pa'i sems can thams cad kyis sbyin pa la sogs pa pha rol tu phyin pa bsgrubs pa rnams la bdag gis byas pa dang 'dra bar dga' zhing yi rang ba ni rjes su yi rang ba yid la byed pa zhes bya'o/ /bdag dang sems can rnams kyis zhes bya ba la sogs pa la/mngon par dga' ba yid la byed pa ni ma 'ongs pa nyid la yang pha rol tu phyin pa drug la bsgrub par dga' zhing / sems can rnams kyang gar skyes gar skyes kyang pha rol tu phyin pa drug bsgrub par gyur cig ces smon pa dang ma 'ongs pa na sems can gzhan la yang pha rol tu phyin pa drug bsgrub par dga' zhing sems can rnams gar skyes gar skyes kyang pha rol tu phyin pa drug bsgrub par gyur cig ces smon pa ni mngon par dga' ba yid la byed pa zhes bya'o//bsam pa la gnas te pha rol tu phyin pa drug pa bsgom pa ni/chog mi shes pa'i bsam pa la sogs pa'i rnam pa drug 'grel pa nyid las 'byung ba bzhin du blta'o/ /de la byang chub sems dpa'i sbyin pa la chog mi shes pa'i bsam pa ni zhes bya ba la sogs pa la/ bsam pa yid la byed pa la rnam pa drug tu byas pa las/sbyin pa'i pha rol tu phyin pa dang sbyar te je 'chad de de la chog mi shes pa'i bsam pa la yang chog mi shes pa rnam pa bzhi ste/ dngos po gtong ba la chog mi shes pa dang / lus gtong ba la chog mi shes pa dang / dus chog mi shes dang / sems can chog mi shes pa'o//byang chub sems dpa' sems can gcig la zhes bya ba la sogs pa la/ byang chub sems dpa' sems can gcig la phan btags shing yongs su smin par bya ba'i phyir/ gang gA'i klung gi bye ma snyed kyi 'jig rten gyi khams rin po che sna bdun gyis bkang nas sems can gcig pu de la gtong bar byed de/de ltar btang nas bdag gis 'di snyed cig byin gyis btang nas/ da ni chog go snyam pa'i bsam pa med de 'dis ni dngos po gtong ba la chog mi shes pa bstan to/ /gang gA'i klung gi bye ma snyed dang mnyam pa'i lus zhes bya ba la sogs pa la/de bzhin du sems can gcig la dus skad cig ma re re la yang gang gA'i klung gi bye ma snyed kyi lus gtong zhing sbyin par byed de/ lus de snyed cig bdag gis sems can gcig la byin pas da ni chog go snyam du sems pa med de/ 'dis ni lus gtong ba chog mi shes pa bstan to//de bzhin du gang gA'i klung gi bye ma dang mnyam pa'i bskal par zhes bya ba la sogs pa la/ de ltar btang ba de yang lo'am zla ba'i bskal pa 'gar gtong ba ma yin gyi gang gA'i klung gi bye ma dang mnyam pa'i bskal par skad cig yud tsam yang rgyun mi 'chad par gtong ste/de ltar gtang yang bdag gis bskal pa 'di snyed cig tu phyi dang nang gi dngos po btang bas da ni chog go snyam pa'i bsam pa med de/ 'dis ni dus chog mi shes pa bstan to/ /sems can gcig la ji lta ba bzhin du zhes bya ba la sogs pa la/ de ltar sems can gcig la gang gA'i klung gi bye ma snyed kyi 'jig rten gyi khams rin po che sna bdun gyis bkang ste sbyin pa dang /gang gA'i klung gi bye ma snyed kyi lus yongs su btang ba dang / de la gang gA'i klung gi bye ma snyed kyi bskal par spyad de sems can de bla na med pa'i byang chub tu bkod de/yongs su smin par byas pa de bzhin du tshul de dang 'dra bar sems can gnyis pa gsum pa la yang de ltar byas pa nas mthar sems can thams cad la tshul de lta bur smin par byas te/ sems can zad par byas kyang byang chub sems dpa' 'di snyam du bdag gis gang gA'i klung gi bye ma snyed kyi 'jig rten gyi khams rin po che sna bdun gyis bkang ste byin pa dang /gang gA'i klung gi bye ma snyed kyi lus yongs su btang ba dang / de yang gang gA'i klung gi bye ma snyed kyi bskal par btang ste/ tshul de lta bus sems can thams cad bla na med pa'i byang chub tu sangs rgyas par byas pas da ni chog go snyam du bsam pa med de/bsam pa de lta bu ni byang chub sems dpa'i chog mi shes pa'i bsam pa zhes bya'o/ /byang chub sems dpas de lta bu sbyin pa gcig nas gcig tu zhes bya ba la sogs pa la rgyas pa'i bsam pa 'chad de/ byang chub sems dpa' gong ma lta bu'i phyi dang nang gi sbyin pa yang nyin 'ga' tsam ni sbyin par byed nyin 'ga' tsam ni sbyin par mi byed skad cig ma gcig la ni sbyin par mi byed par sems pa ni ma yin gyi/ phyi dang nang gi dngos po yang nyi ma re re skad cig ma re re la cung zad kyang mi 'dug par byang chub kyi snying po la 'dug gi bar du rgyun mi 'chad par gtong bar byed de/de ltar sems pa ni byang chub sems dpa'i rgyas pa'i bsam pa zhes bya'o/ /sems can rnams de lta bu sbyin pas bsdus nas zhes bya ba la sogs pa la dga' ba'i bsam pa 'chad de/ mtha' yas pa'i sems can rnams la gong du bshad pa lta bu'i phyi nang gi dngos po tshad med pa sbyin zhing / dus 'gyangs par btang nas sems can bsdus te yongs su smin par byas par mthong ste/ de ltar mthong nas byang chub sems dpa' nyid bdag gis sems can 'di snyed cig smin par byas so zhes byang chub sems dpa'i dga' ba'i bye brag skye ba ltar/byang chub sems dpa' sbyin pa la sogs pa'i pha rol tu phyin pas phan btags pa'i sems can dag de tsam du dga' ba'i sems mi skye ste/ de ni dga' ba'i bsam pa zhes bya'o/ /de rnams bla na med pa yang dag par rdzogs pa'i byang chub tu ston pa'i phyir zhes bya ba la sogs pa la/phan 'dogs pa'i bsam pa 'chad de/ 'di ltar byang chub sems dpa' des gong du bshad pa lta bu'i phyi nang gi sbyin pas sems can la phan btags te/ legs par byas kyang byang chub sems dpa' 'di snyam du bdag gis ni sbyin pa 'di lta bus sems can la phan btags so zhes bdag nyid la de ltar mi sems kyi gang gis sbyin pa blangs pa'i sems can des bdag la phan btags so snyam du sems te/ci'i phyir zhe na/ gal te sbyin pa len pa'i sems can med na ni bdag gis bla na med pa'i byang chub kyi chos rdzogs par mi 'gyur gyi gang gi phyir sems can 'di dag gis bdag gi phyi nang gi sbyin pa blangs pas de'i phyir bdag bla na med pa'i byang chub tu 'grub pa'i rgyu dang tshogs bsags pa yin te/de bas na 'di dag gis bdag la phan btags so snyam du dgongs pa ni phan btags pa'i bsam pa zhes bya'o//byang chub sems dpa' bsod nams zhes bya ba la sogs pa la mi chags pa'i bsam pa 'chang de/ byang chub sems dpa' gong du bshad pa lta bu'i phyi nang gi sbyin pa rgya chen po bsod nams kyi tshogs kyi rgyur 'gyur ba de dag sems can la sbyin zhing btang nas kyang tshe 'dir phan btags pa'i lan la yang re ba med la/tshe rabs gzhan du yang sbyin pa'i rnam par smin pa'i 'bras bu longs spyod chen po la ma chags bzhin du gtong ste/ de ni ma chags pa'i bsam pa zhes bya'o//gang byang chub sems dpa' sbyin pa'i phung po de lta bu spangs pa zhes bya ba la sogs pa la dge ba'i bsam pa 'chad de/ byang chub sems dpas gong du bshad pa lta bu'i phyi dang nang gi dngos po'i sbyin pa rgya chen po sbyin pa'i tshogs de 'dra ba btang ba'i 'bras bu bdag gcig pus myong bar shog shig ces mi smon gyi/bdag gis phyi nang gi sbyin pa rgya chen po byas pa de'i 'bras bu sems can gyi phyir btang nas bdag gi sbyin pa byas pa'i 'bras bu 'di la bdag dang sems can gnyi gas bla na med pa'i byang chub kyi 'bras bu thob par gyur cig ces sngo bar byed de de ni dge ba'i bsam pa zhes bya'o//de la byang chub sems dpa' tshul khrims kyi pha rol tu phyin pa bsgom pa nas zhes bya ba la sogs pa la/ bsam pa la gnas te bsgom pa la rnam pa drug tu phye nas sbyin pa'i pha rol tu phyin pa la sbyar te bshad nas/ da ni tshul khrims dang shes rab kyi pha rol tu phyin pa dang sbyar zhing 'chad de/de la ni tshul khrims kyi pha rol tu phyin pa bsgom pa nas shes rab kyi pha rol tu phyin pa bsgom pa la chog mi shes pa'i bsam pa ji lta bu zhe na/ sems can gyi don du 'jig rten gyi khams me'i phung pos gang ba'i nang du/ tshe'i tshad gang gA'i klung gi bye mar gnas pas bsgrubs nas tshul khrims gcig rnyed pa yang de bzhin du bsgrubs na skad cig ma gcig gis tshul khrims grub pa nas/tha ma tshul khrims kyi phung po yongs su rdzogs kyang / da ni tshul khrims kyi phung po rdzogs pas chog ces chog par 'dzin pa med pa dang /shes rab la yang tshul de ltar bsgrubs nas shes rab kyi phung po rdzogs kyang / shes rab kyi phung po yongs su rdzogs pas da ni chog go zhes 'dzin pa med pa ni chog mi shes pa'i bsam pa zhes bya'o/ /gal te de ltar me'i phung po'i nang du tshul khrims sgrub kyang me zhi bar byed pa'i gnyen po tsan dan dang /ga pur dang / chu la sogs pa yod na shin tu dga' ba ma yin no snyam pa la/ yo byad thams cad rtag tu phongs pa zhes bya ba smos te/ me'i gnyen po tsan+dan dang / ga pur dang / chu la sogs pa'i yo byad kun kyang med pas rtag tu lus tshig pa'i phyir lhag par yang spyad dka' bar ston to//de ltar na yang bdag gi lus gcig gis sdug bsngal myong na shin tu bya dka' ba ma yin no snyam pa la/ bdag gi lus gang gA'i klung gi bye ma snyed dang mnyam pa zhes bya ba smos te/ bdag gi lus gcig gis sdug bsngal myong ba ni ma yin gyi/bdag gi lus gang gA'i klung gi bye ma snyed cig gis sdug bsngal myong bas lhag par bya dka' ba ston to/ /gal te de ltar na yang tshe'i tshad lo brgya'am stong tsam gyis bsgrubs na tshe'i yun thung bas lhag par bya dka' ba ma yin no snyam pa la/ gang gA'i klung gi bye ma dang mnyam pa'i tshe'i tshad ces bya ba la sogs pa smos te/tshe'i tshad kyang gang gA'i klung gi bye ma dang mnyam pa'i bskal par bsgrubs pas/ dus kyi tshad ring ba'i phyir lhag par bsgrub dka' bar ston to/ /de ltar na yang 'jig rten gyi khams 'ga' tsam mes gang bar spyod na/lhag par bya dka' ba ma yin no snyam pa la/ stong gsum gyi stong chen po'i 'jig rten gyi khams mes rab tu gang ba zhes bya ba smos te/ mes gang ba yang 'jig rten gyi khams 'ga' tsam mes gang ba ma yin gyi stong gsum gyi stong chen po'i 'jig rten gyi khams kun mes gang bar spyod de/des na lhag par spyad dka' ba ston to/ /de lta na yang spyod lam gcig gis bsgrubs na bya dka' ba ma yin no snyam pa la de'i phyir spyod lam bzhir spyod cing zhes bya ba smos te/ de la spyod lam gcig gis spyod pa ma yin gyi/ 'gro ba dang / 'dug pa dang / nyal ba dang / 'chag pa ste/ spyod lam bzhir spyod cing bsgrubs pas na lhag par bya dka' ba ston te/ de ltar bsgrubs na skad cig ma gcig gis tshul khrims bsgrubs pa nas mthar tshul khrims kyi phung po ji tsam gyis bla na med pa'i byang chub tu 'tshang rgya bar 'gyur ba'i tshul khrims kyi phung po yongs su rdzogs kyang /da tshul khrims kyi phung po yongs su rdzogs pas da ni chog go snyam pa'i bsam pa med de de ni chog mi shes pa'i bsam pa zhes bya'o/ /shes rab kyi pha rol tu phyin pa la yang tshul de dang 'dra bar sbyar ro/ /gang byang chub sems dpa'i tshul khrims kyi pha rol tu phyin pas zhes bya ba la sogs pa smos te/gong du bshad pa'i tshul khrims dang / shes rab kyi pha rol tu phyin pa bsgrub dka' ba de'ang / nyin gcig ni bsgrub/ nyin gcig ni mi bsgrub/ skad cig ma gcig la ni mi bsgrub pa ma yin gyi/ mthar bla na med pa'i byang chub kyi snying po la ma 'dug gi bar du skad cig ma gcig nas gcig gi bar du rgyun mi gcod cing bar chad med par sgrub par byed de/de lta bu ni tshul khrims kyi pha rol tu phyin pa nas shes rab kyi pha rol tu phyin pa bsgom pa la rgyas pa'i bsam pa zhes bya'o/ /byang chub sems dpa'i tshul khrims kyi pha rol tu phyin pa bsgom pa nas shes rab kyi pha rol tu phyin pa'i bar gyis sems can bsdus nas zhes bya ba la sogs pa la/tshul khrims kyi pha rol tu phyin pa nas shes rab kyi pha rol tu phyin pa bsgom pa la dga' ba'i bsam pa ji lta bu yin pa ston te/ 'di ltar byang chub sems dpa' tshul khrims kyi pha rol tu phyin pa bsgom pa nas shes rab kyi pha rol tu phyin pa bsgom pa de dag gis ni sems can bsdus te/pha rol tu phyin pa de dag la sems can bkod nas sems can la phan 'dogs par byed do/ /de ltar sems can la phan thogs par mthong nas byang chub sems dpa' dga' ba'i khyad par skye ba ltar/ sems can tshul khrims kyi pha rol tu phyin pa la sogs pa la bkod de phan btags pa rnams de de tsam du dga' ba'i khyad par mi skye ste/de lta bu'i bsam pa ni dga' ba'i bsam pa zhes bya'o/ /byang chub sems dpa' de bla na med pa yang dag par rdzogs pa'i byang chub tu bstan pa'i phyir zhes bya ba la sogs pa'o//tshul khrims kyi pha rol tu phyin pa nas shes rab kyi pha rol tu phyin pa bsgom pa la phan pa'i bsam pa ston to/ /gong du bshad pa lta bu tshul khrims bshad pa nas/ shes rab bshad pa'i bar du de dag gis sems can rnams la phan btags na 'di ltar byang chub sems dpa' bdag gis ni sems can la phan btags so snyam du bdag nyid la de ltar mi sems kyi/tshul khrims la sogs pas sems can gang la phan btags pa'i sems can de dag gis bdag la phan btags so snyam du byang chub sems dpa' de ltar dgongs te/ ci'i phyir zhe na/ gang gi phyir sems can 'di dag gis bdag gis bstan pa bzhin du tshul khrims la sogs pa bsgrubs pas bdag bla na med pa'i byang chub tu 'tshang rgya ba'i tshogs bsags par 'gyur te/de bas na sems can de dag gis bdag la phan btags so snyam du sems pa ni phan pa'i bsam pa zhes bya'o/ / byang chub sems dpa' bsod nams kyi tshul khrims zhes bya ba la sogs pa la/ tshul khrims kyi pha rol tu phyin pa nas shes rab kyi pha rol tu phyin pa bsgom pa la mi chags pa'i bsam pa ston te/ 'di ltar bsod nams kyi tshogs kyi rgyur 'gyur ba'i tshul khrims kyi pha rol tu phyin pa bsgom pa nas/shes rab kyi tshogs kyi rgyur 'gyur ba shes rab kyi pha rol tu phyin pa bsgom pa gong du bshad pa lta bur rgya chen por bsgrubs shing sems can la phan btags kyang / tshe 'dir phan btags pa'i lan la re ba med la tshe rabs gzhan du de dag gi 'bras bu mtho ris la sogs par rnam par smin par 'gyur ba la re ba med de de lta bu'i bsam pa ni mi chags pa'i bsam pa zhes bya'o//de la gang byang chub sems dpa' de bzhin du bsod nams kyi phung po zhes bya ba la sogs pa la/ byang chub sems dpa' tshul khrims bsgom pa nas shes rab bsgom pa la dge ba'i bsam pa ste/ 'di ltar bdag gis bsod nams dang ye shes kyi tshogs kyang gzhir 'gyur ba tshul khrims bsgom pa nas/shes rab bsgom pa'i bar du rgya che ba de 'dra ba bsgoms shing bsgrubs pa de'i 'bras bu bdag 'ba' zhig gis thob par shog shig ces mi smon gyi sems can thams cad dang thun mong du byas nas bsngos te/bdag gis gong du bshad pa lta bu'i tshul khrims kyi phung po bsgrubs pa nas/ shes rab kyi pha rol tu phyin pa'i bar dag bsgrubs pa'i rgyus/ bdag dang sems can thams cad bla na med pa yang dag par rdzogs pa'i byang chub tu 'tshang rgya ba'i rgyu dang rten du gyur cig ces smon te/de lta bu ni dge ba'i bsam pa zhes bya'o/ /thabs la gnas pa'i pha rol tu phyin pa bsgom pa rnam pa gsum ste zhes bya ba la/ thabs la gnas nas pha rol tu phyin pa drug bsgom pa yang rnam pa gsum yod de/ gtong ba po dang / rdzas dang / len pa po mi dmigs pa'o/ / don de nyid bstan pa'i phyir/ rnam par mi rtog pa'i ye shes kyis 'khor gsum yongs su dag par so sor rtog pa'i phyir te zhes bya ba smos te/ gtong ba po dang / rdzas dang / len pa po gsum la yod par mi rtog pa'i rnam par mi rtog pa'i ye shes kyis gtong pa po dang / rdzas dang / len pa po gsum yod par so sor rtog pa la thabs la gnas pa'i pha rol tu phyin pa zhes bya'o/ /de la ci'i phyir thabs zhes bya zhe na/ de'i phyir/ de ltar thabs de ni yid la byed pa thams cad bsgrub pa'i phyir ro zhes bya ba smos so/ /'khor gsum yongs su dag pa'i mtshan nyid mi dmigs pa des ni gong du bshad pa'i yid la byed pa thams cad dang /sangs rgyas kyi chos thams cad 'grub cing dag par byed de/ de bas na de la thabs zhes bya'o/ /dbang yod pa la gnas pa'i pha rol tu phyin pa bsgom pa ni zhes bya ba la/ sangs rgyas kyi sar sku dang gsung dang thugs phun sum tshogs pa brnyes nas sems can gyi don du pha rol tu phyin pa drug la 'jug pa ni dbang yod pa la gnas pa'i pha rol tu phyin pa bsgom pa zhes bya ste/de la rnam pa gsum yod pa ni 'grel pa nas 'byung ba bzhin du blta'o/ /de bzhin gshegs pa'i sku gnyis su blta bar bya ste/ngo bo nyid dang / rdzogs par longs spyod pa dang zhes bya ba la/ de bzhin gshegs pa'i sku gnyis la lus la dbang yod pa zhes bya ste/ sku gnyis ni ngo bo nyid kyi sku chos kyi sku dang / rdzogs par longs spyod pa'i sku'o/ /de la chos kyi sku ni 'phags pa rnams so so rang gis rig pa nam mkha' bzhin du kun tu khyab pa sangs rgyas kyi chos thams cad kyi rgyur gyur pa nyid do//rdzogs par longs spyod pa'i sku ni byang chub sems dpa' sa brgyad pa yan chad theg pa chen po'i chos kyi longs spyod phun sum tshogs par mdzad pa'o/ /gang gis sems can thams cad la chos dang mthun pa'i zhes bya ba la sogs pa la/sngon spyad pa la dbang yod pa ni sprul pa'i sku la bya ste/ sprul pa'i sku gang gis lha dang mi la sogs pa'i sems can thams cad dang mthun pa'i lus dang spyod pa ston pa ste/ sku gnyis kyis ni sku dang thugs phun sum tshogs pa bstan to//ston pa dbang yod pa ni zhes bya ba la sogs pa la/ ston pa la dbang yod pa ni gsung phun sum tshogs pa gang gis pha rol tu phyin pa drug la lhag chad med par thogs pa med par ston te/ 'dis ni gsung phun sum tshogs pa bstan to/ /mdo sde rgyan bam po bzhi pa'i bshad pa rdzogs so// //rab tu dbye ba'i tshigs su bcad pa zhes bya ba la sogs pa la/ pha rol tu phyin pa drug bsgom pa bstan nas/ da ni rab tu dbye ba bstan te/ pha rol tu phyin pa drug la phye na dpag tu med pa zhig tu 'gyur mod kyi de la yang bsdus te dbye na pha rol tu phyin pa re re zhing yang rang bzhin la sogs pa rnam pa drug drug tu shes te/de yang pha rol tu phyin pa re re zhing tshigs su bcad pa gnyis gnyis kyis ston te/ de ltar na tshigs su bcad pa bcu gnyis su 'gyur ro/ /don rnams gtong bar byed pa dang / /zhes bya ba la/ sdug bsngal ba'i zhing dang yon tan gyi zhing gsum la phyi dang nang gi dngos po gtong ba ni sbyin pa'i rang bzhin no//gnas pa'i rtsa ba sems pa dang / /zhes bya ba la/ rtsa ba'i sgras ni dge ba'i rtsa ba gsum la bya ste/ 'dod ma chags pa dang / zhe mi sdang ba dang / gti mi mug pa'i dge ba'i rtsa ba gsum dang ldan pa'i sems pa ni sbyin pa'i gnas dang rgyu yin te de gsum la sbyin pa 'byung ba'i phyir ro//lus dang longs spyod phun sum tshogs/ /zhes bya ba la/ lus phun sum tshogs pa thob pa dang longs spyod phun sum tshogs pa thob pa ni sbyin pa'i 'bras bu ste/ nang gi dngos po gtong bas ni kha dog dang dbyibs dang tshe ring po dang ldan pa'i lus thob par 'gyur ro//phyi'i dngos po gtong bas ni gter dang 'bru la sogs pa yo byad phun sum tshogs pa dang ldan pa'i longs spyod phun sum tshogs pa dang ldan par 'gyur ro/ /bsdu ba gnyis dang bskang ba dang / /zhes bya ba la/ bdag dang gzhan gnyis sdud par byed pa dang bsod nams dang ye shes kyi tshogs skong bar byed pa ni sbyin pa'i las te/phongs pa rnams la zang zing byin pas sems can gzhan bsdu zhing sems can gzhan la phan btags pa dang / de'i rgyus ma 'ongs pa na bdag nyid longs spyod chen por 'gyur bas na gzhan bsdu zhing bdag la phan btags so//de la chos sbyin pas ni ye shes kyi tshogs skong bar byed/ mi 'jigs pa dang / zang zing byin pas ni bsod nams kyi tshogs skong bar byed do/ /gnas lnga pa'i mdo sde bzhin no zhes bya ba la/ gnas lnga pa yi mdo sde las/ /gzhan la kha zas byin pas ni//gnas lnga dag ni kun thob ste/ /tshe dang kha dog stobs dang bde/ /spobs pa phun sum tshogs dang lnga/ /zhes gsungs pa lta bu'o/ /ser sna med par ldan pa dang / /zhes bya ba la/ gang la ser sna yod pa de la ni sbyin pa med kyi/ gang la sbyin pa yod pa de la ser sna med pa'i chos yod pas ldan pa ni ser sna med pa'i chos dang ldan no//chos dang zang zing mi 'jigs mthong / /zhes bya ba la/ sbyin pa la phye na rnam pa gsum du 'jug ste/ chos sbyin pa la 'jug pa dang / zang zing sbyin pa la 'jug pa dang / mi 'jigs pa sbyin pa la 'jug pa'o/ / de la gsung rab kyi don dang tshig ma nor bar 'chad pa ni chos sbyin pa la 'jug pa'o/ /phyi dang nang gi dngos po gtong ba ni zang zing sbyin pa la 'jug pa'o/ /rgyal po dang / rkun po dang / me dang / chu'i 'jigs pa'i skyabs su byed pa ni mi 'jigs pa sbyin pa la 'jug pa ste/ 'dis ni 'jug pa'i don bstan to//sbyin pa de ltar shes nas su/ /mkhas pa yang dag sgrub par byed/ /ces bya ba la/ de ltar zhes bya ba ni gong du bshad pa ltar te/ sbyin pa'i rang bzhin dang / rgyu dang / 'bras bu dang / las la sogs pa gong du bshad pa lta bu yin par shes nas mkhas pa byang chub sems dpa' rnams sbyin pa'i pha rol tu phyin pa sgrub par byed do zhes bya ba'i don to//ser sna med pas 'jug pa'i phyir ro zhes bya ba la/ ser sna can rnams la ni sbyin pa la 'jug pa med kyi/ ser sna med pa rnams sbyin pa la 'jug par byed pas na ser sna med pa'i chos dang ldan no//yan lag drug dang zhes bya ba la/ yan lag drug dang ldan pa'i tshul khrims ni tshul khrims kyi rang bzhin no/ /de yang yan lag drug dang ldan pa'i tshul khrims ni tshul khrims dang ldan pa so sor thar ba'i sdom pas bsdams pa/ cho ga phun sum tshogs pa/spyod pa dang spyod yul phun sum tshogs pa/ kha na ma tho ba phra rab tsam la yang 'jigs par lta ba/ yang dag par blangs pa'i gnas la slob po zhes 'byung ba'o/ /zhi sems blangs zhes bya ba la/ zhi ba'i sems kyis blangs pa ni rgyu ste/ 'phags pa rnams dang po tshul khrims len pa ni mya ngan las 'das pa thob par bya'o snyam du bsams nas len te/de bas na sems kyi rgyu'o/ /bde bar 'gro dang gnas len dang / /zhes bya ba la/ bde 'gro len pa dang / gnas len par byed pa ni 'bras bu ste/ tshul khrims dang ldan na gang dang gang du skyes pa thams cad du lha dang mir skye ba len pa'i phyir bde 'gro len pa'o//gnas kyi sgras ni ting nge 'dzin la bya ste/ tshul khrims dang ldan na 'gyod pa med par 'gyur ro/ /'gyod pa med na sems bde'o/ /sems bde na lus bde'o/ /lus bde na yang sems bde ste/ sems bde na sems rtse gcig pa 'thob ste/de bas na gnas len to/ /gnas zhi 'jigs pa med pa dang / /zhes bya ba la/ gnas byed pa dang / zhi bar byed pa dang / 'jigs pa med par byed pa ni gnas so/ /de la gnas byed pa ni/ sa gzhi chen po la lo tog thams cad kyi gnas byed pa bzhin du/ tshul khrims kyang byang chub kyi phyogs la sogs pa'i don kun gyi gnas byed do//tshul khrims dang ldan na 'dod chags la sogs pa'i gdung ba sel bar byed pas na zhi bar byed do/ /tshul khrims dang ldan na tshe rabs gzhan gyi 'jigs pa dang / tshe 'di'i 'jigs pa med pas na 'jigs pa med par byed pa'o//de la tshe rabs gzhan gyi 'jigs pas ni ngan song gsum du 'jigs pa ste/ tshe rabs gzhan du lha dang mi'i nang du skye bas na ngan song du skye ba'i 'jigs pa med do/ /tshe 'di'i 'jigs pa yang rnam pa gnyis te/ kha na ma tho ba'i 'jigs pa dang / sha khon gnyer ba'i 'jigs pa ste/ tshul khrims dang ldan na de la su yang mi snyan par mi smra bas kha na ma tho ba'i 'jigs pa med do//tshul khrims dang ldan na srog gcod pa la sogs pa'i rkyen las byung ba'i brdeg btsog mi 'byung bas na sha khon gyi 'jigs pa med do/ /bsod nams kyi tshogs dang ldan pa dang zhes bya ba la/ tshul khrims blangs pa dang / lus dang ngag dang yid gsum gyi sgo nas sdig pa mi dge ba'i chos mi 'byung bar bsdams pa dang / de ltar bsdams pa dang / dge ba'i chos 'ba' zhig 'phel bas na ldan pa ni bsod nams kyi tshogs dang ldan no/ /brda dang chos nyid thob pa ni/ /sdom la gnas pa dag la yod//ces bya bas 'jug pa bstan te/ 'jug pa la yang rnam pa gnyis so/ /gang zhe na/ dbye ba'i 'jug pa dang / gzhi'i 'jug pa'o/ /de la tshul khrims la phye na rnam pa gsum du 'jug ste/ so sor thar pa'i sdom pa dang / bsam gtan gyi sdom pa dang /zag pa med pa'i sdom pa'o/ /de la mkhan po dang slob dpon la gsol ba dang zhu ba'i las kyis so sor thar pa'i sdom pa blangs pa ni brda'i tshul khrims zhes bya'o/ /bsam gtan gyi sdom pa dang / zag pa med pa'i sdom pa gnyis ni chos nyid kyi tshul khrims zhes bya ste/ 'dis ni dbye ba'i 'jug pa bstan to//sdom pa gnas pa dag la yod/ /ces bya bas gzhi'i 'jug pa bstan te/ gong du bshad pa'i tshul khrims lta bu yang sdom pa la gnas shing brten pa rnams la yod kyi gzhan la med do zhes bya ba'i don to/ /tshul khrims de bzhin shes nas su/ / mkhas pa yang dag sgrub par byed/ /ces bya ba la/ tshul khrims kyi rang bzhin dang rgyu la sogs pa gong du bshad pa lta bu yin par shes nas mkhas pa byang chub sems dpa' rnams de bzhin du sgrub par byed do zhes bya ba'i don to/ /mi mjed ji mi snyam sems dang //zhes bya bas/ bzod pa'i rang bzhin bstan te/ mi mjed ces bya bas ni gnod pa la mi mjed pa'i bzod pa bstan/ ji mi snyam zhes bya bas bdag sdug bsngal la ji mi snyam pa'i bzod pa bstan/ shes pa zhes bya bas chos la nges par rtog pa'i bzod pa bstan to/ / snying rje chos la gnas pa'i phyir/ /zhes bya ba la/ snying rje dang chos gnyis ni bzod pa'i rgyu ste/ su la snying rje med pa de ni sems can gyis gnod par byas pa rnams bzod par mi nus kyi snying rje can gyis bzod pa nus pas na snying rje ni rgyu'o/ /chos la gnas pa la yang rnam pa gnyis te/ tshul khrims yang dag par blangs te/de rnams bdun zhes bya bas 'jug pa bstan te/ de rnams la zhes bya bas ni gzhi'i 'jug pa bstan te/ /gong du bshad pa'i brtson 'grus kyang gang zag brtson 'grus brtsams pa rnams la yod kyi brtson 'grus ma brtsams pa la med pas na brtson 'grus rtsom pa'i gang zag ni brtson 'grus kyi gzhi dang rten yin no//de rnams bdun zhes bya bas rab tu dbye ba'i 'jug pa bstan te/ brtson 'grus la phye na bslab pa gsum la brtag pa dang rim gro byed pa'i sgo nas rnam pa bdun du 'gyur ro/ /de la mig gi rnam par shes pa nas lus kyi rnam par shes pa'i bar du rnam par shes pa lnga'i tshogs kyis srog gcod pa la sogs pa mi dge ba spong zhing dge ba la 'jug par byed de/rnam par shes pa lnga'i tshogs la brtson 'grus lngar gzhag ste/ de rnams lhag pa'i tshul khrims kyi bslab par bsdu'o/ /de'i steng du lhag pa'i sems kyi bslab pa dang /lhag pa'i shes rab kyi bslab pa gnyis bsnan te bdun no/ /de yang lus kyi brtson 'grus dang sems kyi brtson 'grus gnyis su bsdu ste/ lhag pa'i tshul khrims kyi bslab pa ni lus kyi brtson 'grus so/ /lhag pa'i shes rab kyi bslab pa ni sems kyi brtson 'grus so//brtson 'grus de ltar shes nas ni/ /mkhas pas yang dag sgrub par byed/ /ces bya ba la/ brtson 'grus kyi rang bzhin dang / rgyu dang / 'bras bu la sogs pa gong du bshad pa lta bu yin par shes nas byang chub sems dpa' rnams de bzhin du sgrub par byed do zhes bya ba'i don to//ji ltar brtson 'grus brtsams pas sdig pa mi dge ba'i chos dang ma 'dres shing bde ba la reg par spyod ces bya ba gsungs so zhes bya ba la/ brtson 'grus nyon mongs pa'i gnyen por gyur pa'i mdo'i gtan tshigs ston te/ mdo las kyang brtson 'grus brtsams na sdig pa mi dge ba'i chos spong ngo //sdig pa mi dge ba'i chos spangs nas de dang ma 'dres par gnas pa'o/ /sdig pa mi dge ba'i chos dang ma 'dres na/ gzugs kyi khams kyi bsam gtan gyi bde ba la reg par spyod do zhes gsungs so/ /sems ni nang du gnas pa dang / /zhes bya ba la/ gzugs la sogs pa phyi'i yul la sems g.yeng ba las blangs nas sems nang du rtse gcig par 'jog pa ni bsam gtan gyi rang bzhin no/ /dran dang brtson la gnas pa dang / /zhes bya ba la/ rgyu bstan te/ gang dag dran pa nyams pa dang / le lo can la ni bsam gtan mi 'byung gi gang la bsgom par bya ba'i yul sems la ma brjed pa'i dran pa yod pa dang /de nyid la rgyun du sgom par byed pa'i brtson 'grus yod pa de la ni ting nge 'dzin 'byung bar 'gyur bas na dran pa dang brtson 'grus ni rgyu'o/ /bde ba dag ni skye ba'i rgyu/ /zhes bya bas 'bras bu bstan te/ bde ba skye ba ni gzugs kyi khams kyi lha rnams kyi nang du skye ba'o//bsam gtan bsgrubs na gzugs kyi bsam gtan dang po la sogs pa'i lha'i nang du skye bar 'gyur te/ de bas na de ni 'bras bu'o/ /mngon shes spyod pa'i dbang byed pa'o/ /zhes bya ba la/ mngon par shes pa la dbang byed pa dang /spyod pa la dbang byed pa ni las te/ bsam gtan bsgrubs na rdzu 'phrul gyi mig dang / rna ba la sogs pa'i mngon par shes pa lnga la dbang byed par 'gyur ba dang / 'phags pa'i spyod pa dang / lha'i spyod pa dang / tshangs pa'i spyod pa la dbang byed par 'gyur te/ de la bden pa bzhi dang /rnam par thar pa'i sgo gsum la sogs pa ni 'phags pa'i spyod pa'o/ /gzugs kyi khams kyi bsam gtan bzhi dang / gzugs med pa'i snyoms par 'jug pa bzhi ste/ lha'i spyod pa'o/ /tshad med pa bzhi ni tshangs pa'i spyod pa'o/ /chos rnams kyi ni gtso bo dang //zhes bya ba la/ ldan pa ni chos rnams kyi gtso bor gyur pa dang ldan te chos rnams kyi gtso bor gyur pa ni bsam gtan no/ /de la gtso bo zhes bya ba dang sngon du 'gro ba zhes bya ba don gcig ste/ bsam gtan ni chos rnams kyi sngon du 'gro ba'o/ /ji ltar sngon du 'gro zhe na/ sems mnyam par bzhag na yang dag pa ji lta ba bzhin du shes pa'i shes rab skye'o//shes rab skyes na rnam par grol bar 'gyur ro/ /rnam par grol na rnam par grol ba'i ye shes skye ba'i phyir ro/ /de la yod dang de gsum mo/ /zhes bya bas 'jug pa bstan no/ /de la yod ces bya bas gzhi'i 'jug pa bstan te/gong du bshad pa'i bsam gtan de las bsam gtan bsgom pa'i gang zag rnams la yod kyi gzhan la med pa'i phyir ro/ /gang zag ni bsam gtan gyi gzhi'o/ /gsum zhes bya bas rab tu 'jug pa bstan te/ bsam gtan la phye na rnam pa du yod pa ni 'grel pa las 'byung ba bzhin du blta'o//bsam gtan de bzhin shes nas ni/ /mkhas pa yang dag sgrub par byed/ /ces bya ba la/ bsam gtan gyi rang bzhin dang rgyu la sogs pa gong du bshad pa bzhin bshad nas byang chub sems dpa' rnams de bzhin du sgrub par byed do zhes bya ba'i don to//rnam par rtog pa dang bcas pa dang rnam par dpyod pa dang bcas pa zhes bya ba la sogs pas bsam gtan la phye na rnam pa gsum yod pa ston te/ mi lcogs su mi rung ba dang / bsam gtan dang po dang gnyis pa ni rtog pa dang bcas dpyod pa dang bcas pa'i bsam gtan zhes bya'o//bar gyi bsam gtan dang / bsam gtan gnyis pa ni/ rnam par mi rtog la dpyod pa tsam gyi bsam gtan zhes bya'o/ /bsam gtan gsum pa dang / bzhi pa ni rnam par mi rtog mi dpyod pa'i bsam gtan zhes bya'o/ /yang dga' ba dang lhan cig ldan pa dang / /zhes bya ba la/bsam gtan la rnam pa gsum yod pa rnam pa gzhan du 'chad de/ bsam gtan dang po dang gnyis pa ni dga' ba dang lhan cig ldan pa zhes bya ste/ lus kyi bsam pa yod pa'i phyir ro/ /bsam gtan gsum pa ni bde ba dang lhan cig ldan pa zhes bya ste/ sems kyi bsam pa yod pa'i phyir ro//bsam gtan bzhi pa nas srid pa'i rtse mo man chad ni btang snyoms dang ldan pa zhes bya'o/ /shes bya yang dag rab 'byung ni/ /zhes bya ba la/ shes bya'i sgras ni bden pa bzhi dang / theg pa gsum dang / rig pa'i gnas la sogs pa la bya ste/ de rnams kyi rang dang spyi'i mtshan nyid phyin ci ma log par shes shing 'byung ba ni shes rab kyi rang bzhin no//yang dag pa smos pas ni mu stegs pa 'di las phyi rol du gyur pa rnams bdag dang rtag pa la sogs pa'i mtshan nyid du shes bya la 'chal bas log pa'i shes pa'i phyir/ shes rab ma yin pa sel to//mnyam par gzhag la rab gnas pas/ /zhes bya bas rgyu bstan to/ /shes rab kyi rgyu ni ting nge 'dzin yin te/ mdo las kyang sems mnyam par bzhag na yang dag pa ji lta ba bzhin du shes pa'i shes rab byung ngo zhes gsungs pa'i phyir ro/ /nyon mongs pa las rnam grol zhing //zhes bya ba la/ nyon mongs pa las rnam par grol bar byed pa ni shes rab kyi 'bras bu ste/ 'jig rten pa'i shes rab kyis ni nyon mongs pa 'jig par byed/ 'jig rten las 'das pa nyan thos dang rang sangs rgyas kyi shes rab kyis ni nyon mongs pa'i sgrib pa bag la nyal ba spong bar byed/'jig rten las 'das pa gang zag dang chos la bdag med par shes pa theg pa chen pa'i shes rab kyis ni nyon mongs pa dang shes bya'i sgrib pa bag la nyal tshun chod spong bar byed de/ de ni 'bras bu'o/ /shes rab 'tsho ba ston pa ste/ /zhes bya ba la/ shes rab kyis 'tsho bar byed pa dang sems can la chos ston par byed pa gnyis ni las yin te/'jig rten na tshong dang zhing rmod pa la sogs pas lus rnag can gyi srog mi 'chad par 'tsho bar byed mod kyi/ de dag las shes rab kyis 'tsho ba ni 'tsho ba bla na med pa ste/ bla na med pa'i byang chub tu 'tshang rgya ba'i dge ba'i rtsa ba'i srog mi 'chad par byed pa'i phyir ro//shes rab dang ldan pa sems can la chos ston par byed do chos rnams kyi rang dang spyi'i mtshan nyid ma nor bar 'chad pa'i phyir ro/ /chos rnams kyi ni dam pa dang / /zhes bya ba la/ ldan pa ni chos rnams kyi dam pa dang ldan te/pha rol tu phyin pa thams cad kyi dam pa ni shes rab kyi pha rol tu phyin pa ste/ shes rab kyi pha rol tu phyin pa 'bum la sogs pa'i mdo las kyang / shes rab kyi pha rol tu phyin pa ni pha rol tu phyin pa rnams kyi dam pa'o/ /gtso bo'o/ /khyad par can no zhes gsungs so/ /de la yod dang de gsum dang //zhes bya bas 'jug pa bstan to/ /de la yod ces bya bas gzhi'i 'jug pa bstan to/ /gong du bshad pa'i shes rab de yang gang zag shes rab can rnams la yod kyi gzhan la med de/ de bas na gang zag shes rab can ni shes rab kyi gzhi'o/ /de gsum zhes bya bas rab tu dbye ba'i 'jug pa bstan te/shes rab la phye na yang rnam pa gsum du 'jug go/ /gsum po ni 'jig rten pa'i shes rab dang / 'jig rten las 'das pa chung ngu ste nyan thos dang rang sangs rgyas kyi shes rab dang / 'jig rten las 'das pa chen po ste byang chub sems dpa'i shes rab dang /shes rab de bzhin shes nas ni/ mkhas pa yang dag sgrub par byed/ /ces bya ba la/ shes rab kyi rang bzhin dang rgyu la sogs pa gong du bshad pa lta bu yin par shes nas byang chub sems dpa' rnams de bzhin du sgrub par byed do zhes bya ba'i don to/ /bsdu ba rnam par dbye ba'i tshigs su bcad pa zhes bya ba la/pha rol tu phyin pa drug gi dbye ba bshad nas/ sa dang / pha rol tu phyin pa dang / byang chub kyi phyogs dang / dge ba bcu la sogs pa'i chos thams cad pha rol tu phyin pa drug gi nang du bsdus par dbye zhing bstan pa'i phyir tshigs su bcad pa gcig rtsom mo zhes bya ba'i don to//dkar po'i chos kun mnyam par ma bzhag dang / /mnyam par bzhag dang gnyi ga shes par bya/ /zhes bya ba la/ sa dang / pha rol tu phyin pa dang / byang chub kyi phyogs la sogs pa'i dkar po'i chos kun pha rol tu phyin pa drug gi nang du 'dus te dkar po'i chos kyang cha gsum du gzhag go//gang zhe na/ mnyam par ma bzhag pa'i rang bzhin dang / mnyam par bzhag pa'i rang bzhin dang / gnyi ga ste/ mnyam par bzhag pa'i rang bzhin yang yin/ mnyam par ma bzhag pa'i rang bzhin yang yin pa'o/ /gnyis su pha rol tu phyin pa rnams zhes bya ba la/sbyin pa dang / tshul khrims kyi pha rol tu phyin pa gnyis kyi nang du ni mnyam par ma bzhag pa'i dge ba rnams bsdus te/ ci'i phyir zhe na/ sbyin pa yang lus kyi sgo nas yongs su gtong ba yin pas mnyam par ma bzhag pa'i ngo bo yin pa la tshul khrims rnam pa gsum ste/yang dag par blangs pa'i tshul khrims so sor thar pa'i sdom pa dang / bsam gtan gyi sdom pa dang / zag pa med pa'i sdom pa las/ so sor thar pa'i sdom pa yang srog mi gcod pa la sogs pa lus dang ngag gis bsrung ba yin gyi/ sems kyis bsrung ba ma yin pas na mnyam par ma bzhag pa'i rang bzhin no//gnyis gnyis rab tu bsdu bar 'gyur/ /zhes bya ba la/ bsam gtan dang / shes rab gnyis kyis ni mnyam par bzhag pa'i chos rnams bsdu ste/ bsam gtan ni dngos su mnyam par bzhag pa'i rang bzhin yin pas de'i nang du bsam gtan gyi sdom pa dang /zag pa med pa'i sdom pa yang bsdu la/ shes rab ji ltar mnyam par bzhag par bsdu zhe na/ shes rab rnam pa gsum ste/ mnyan pa'i shes rab dang / bsam pa'i shes rab dang / bsgom pa'i shes rab gsum las/ mnyan pa dang bsam pa'i shes rab gnyis ni mnyam par ma bzhag pa'i nang du bsdu la/bsgom pa'i shes rab ni sems mnyam par bzhag pa las yang dag pa ji lta ba bzhin du bsgom pa'i shes rab 'byung bas na/ mnyam par bzhag pa'i nang du bsdus te/ bsam gtan ni zhi gnas kyi rang bzhin yin la shes rab ni lhag mthong gi rang bzhin yin pas mnyam par bzhag par gtogs par rig par bya'o//bzod pa dang / brtson 'grus gnyis ni mnyam par ma bzhag pa'i rang bzhin yang yin la/ mnyam par bzhag pa'i rang bzhin yang yin te/ ji lta zhe na/ byang chub sems dpa' sbyin pa gtong zhing tshul khrims bsrung ba'i dus na yang bzod pa dang /brtson 'grus yod pas/ mnyam par ma bzhag par yang gtogs la/ zhi gnas dang lhag mthong bsgom pa'i dus na yang bzod pa dang / brtson 'grus yod pas na mnyam par bzhag par yang gtogs so//mi mthun pa'i phyogs rnam par dbye ba'i tshigs su bcad pa zhes bya ba la/ bsdu ba bshad nas/ da ni pha rol tu phyin pa drug gi mi mthun pa'i phyogs phye na du yod pa bstan pa'i phyir/ tshigs su bcad pa rtsom pa ste/ de la pha rol tu phyin pa re re zhing phye na mi mthun pa'i phyogs bdun bdun yod de/de la longs spyod la chags pa la sogs pa 'grel pa las 'byung ba'o/ /phyi dang nang gi dngos po gtong mi phod pa ni longs spyod la chags pa zhes bya ste de med pas na/ byang chub sems dpa'i sbyin pa ni/ /ma chags mi chags chags pa med/ /ces bya'o//sbyin pa gtong ba yang slong ba po la 'ongs ma thag tu mi gtong gi/ di ring ngam sang gtong zhe'am/ phyis gtong ngo snyam du sems pa ni bshol ba la chags pa zhes bya ste/ de lta bu byang chub sems dpa' la mi mnga' bas na mi chags pa zhes bya'o/ /sbyin pa 'di tsam zhig btang bas chog ste/phan chad btang mi dgos she'am/ nye du gnyen bshes dang bran g.yog la sbyin gyi kun la mi sbyin zhe'am/ phyogs 'dir sbyin gyi phyogs kun tu mi sbyin zhe'am/ dus 'di'i tshe na sbyin gyi dus thams cad du mi sbyin no snyam du sems pa ni de tsam gyis chog pa la chags pa zhes bya ste/byang chub sems dpa' ni sems can kun la/ phyogs bcu kun tu dus thams cad du gtong ste/ de tsam gyis de chog pa la chags pas na chags pa med pa zhes bya'o/ /bdag gis 'di la phyi nang gi dngos po btang ste/ byin na bdag la slar phan 'dogs so snyam du sems shing byin pa ni lan re ba la chags pa zhes bya ba ste/de lta bu byang chub sems dpa' la mi mnga' bas na/ chags pa nyid du 'gyur ba'ang med pa zhes bya'o/ /sbyin pa 'di btang bas ma 'ongs pa na 'bras bu longs spyod chen po thob par shog shig ces smon pa ni rnam par smin pa la chags pa zhes bya ste/'di lta bu'i chags pa med pas na/ ma chags pa zhes bya'o/ /mi mthun pa'i phyogs la chags pa zhes bya ba ni/ ser sna dang chags pa'i bag la nyal ma bcom pa ste/ ji srid du bag la nyal ma bcom pa de srid du yo byad la chags pa 'byung ngo / /byang chub sems dpa' ser sna'i bag la nyal bcom pas na/mi chags pa zhes bya'o/ /de bas na mngon pa'i chos bsdus pa'i bstan bcos las kyang / nyon mongs pa'i bag la nyal ma spangs pa dang / tshul bzhin ma yin pa'i yid la byas pa dang / nyon mongs pa'i gnas kyi chos snang bar gyur pa las nyon mongs pa skye bar 'gyur ro zhes kyang gsungs so//rnam par g.yeng ba'i chags pa la gnyis te/ yid la byed pa'i g.yeng ba dang / rnam par rtog pa'i g.yeng ba'o/ /de la yid la byed pa'i g.yeng ba ni sbyin pa la sogs pa nyan thos kyi mya ngan las 'das pa thob par bya ba'i phyir spyod cing bsngo ba ste/de ltar bsngos pas ni mya ngan las 'das pa'i mthar ltung bar 'gyur ro/ /rnam par rtog pa'i g.yeng ba ni/ gtong ba po dang / len pa dang / rdzas gsum yod par rtog pa ste/ des ni sbyin pa la sogs pa 'khor bar ltung bar 'gyur ro/ /byang chub sems dpa' ni sbyin pa byas ba bla na med pa'i byang chub tu bsngo bas yid la byed pa'i g.yeng ba med pa dang /gtong ba po dang / len pa dang / rdzas gsum yod par mi rtog ste/ 'khor gsum yongs su dag pa'i tshul gyis gtong bas rnam par rtog pa'i g.yeng ba med de/ de ltar rnam par g.yeng ba med pa la chags pa med pas na/chags pa ma yin pa zhes bya'o/ /de ltar sbyin pa'i mi mthun pa'i phyogs rnam pa bdun gyi dbang du byas nas 'phags pa blo gros mi zad pa'i mdo las kyang / gzhan yang btsun pa sha ra dwa ti'i bu/ byang chub sems dpa' rnams la mi mthun pa'i longs spyod yongs su tshol ba'i sbyin pa med do//byang chub sems dpa' rnams la sems can la gnod pa'i sbyin pa med do/ /nga rgyal skyed cing sbyin pa med do zhes bya ba la sogs pa rgya cher gsungs so/ /byang chub sems dpa'i tshul khrims ni/ /ma chags mi chags chags pa med/ /ces bya ba la sogs pa la/byang chub sems dpa'i tshul khrims kyi mi mthun pa'i phyogs ni srog gcod pa dang / ma byin par len pa la sogs pa dang dngos su spyod pa la chags pa ste/ kha cig ni 'dod chags kyi sgo nas srog gcod pa la sogs pa byed pa la chags/ kha cig ni zhe sdang gi sgo nas chags/kha cig ni gti mug gi sgo nas chags so/ /de bas na las kyi lam rnam pa bcu rnams ni rnam pa gsum du 'dod de/ 'dod chags las skyes pa'i srog gcod pa dang / /zhe sdang dang gti mug las skyes pa'i srog gcod pa'o/ /de lta bur dngos su spyod pa'i phyogs byang chub sems dpa' la mi mnga' bas na ma chags pa zhes bya'o//tshul khrims yang dag par len pa yang brtun te de ma thag tu mi len gyi sems shing phyis len par byed pa ni bshol ba la chags pa zhes bya ste/ de lta bu mi mnga' bas na mi chags pa zhes bya'o/ /nyi ma gcig gnyis zhe'am/ lo gcig gnyis shig bsrung zhe'am/sems can 'di dag gi srog mi gcad/ longs spyod la ma byin par mi blang gi /de las ma gtogs pa gzhan dag gi srog la gnod pa bya zhing / longs spyod la ma byin par len to zhes sems pa ni de tsam gyis chog pa la chags pa zhes bya ste/ de lta bu byang chub sems dpa' la mi mnga' bas na chags pa med pa zhes bya'o//sems can 'di dag gi srog ma bcad cing / nor la ma byin par ma blangs na bdag la phan 'dogs par 'gyur ro snyam du sems shing tshul khrims bsrungs pa ni lan re ba la chags pa zhes bya ste/ de lta bu byang chub sems dpa' la mi mnga' bas na chags pa nyid du 'gyur ba med pa zhes bya'o//tshul khrims bsrungs na lha dang mi'i nang du skye bar 'gyur ro snyam du sems nas tshul khrims srung bar byed pa ni rnam par smin pa la chags pa zhes bya ste/ de lta bu byang chub sems dpa' la mi mnga' bas na ma chags pa zhes bya'o//'dod chags dang / zhe sdang dang / gti mug la sogs pa'i nyon mongs pa'i bag la nyal ma spangs pa ni mi mthun pa'i phyogs la chags pa zhes bya ste/ byang chub sems dpa' ngang tshul ngan pa skyed par byed pa'i rgyu bag la nyal kun bcom ste med par byed pas na mi chags pa zhes bya'o//tshul khrims yang dag par bsrungs pa nyan thos la sogs pa'i theg par mi bsngo bas yid la byed pa'i g.yeng ba med pa dang / gang zag dang / tshul khrims dang / bsrung bas gsum du mi rtog pas rnam par rtog pa'i g.yeng ba med de/ de ltar rnam par rtog pa'i g.yeng ba la chags pa med pas na chags pa med pa zhes bya'o//byang chub sems dpa'i bzod pa ni zhes bya ba la sogs pa la/ bzod pa'i mi mthun pa'i phyogs ni zhe sdang gis dngos su sems can la gnod pa byed pa ste/ de lta bu byang chub sems dpa' la mi mnga' bas na ma chags pa zhes bya'o/ / sems can 'ga' zhig la zhe sdang langs na de ma thag tu zhe sdang gi sems spong bar mi byed kyi bsams shing brtags nas phyis gnod pa bzod par byed pa ni bshol ba la chags pa zhes bya ste/ de lta bu byang chub sems dpa' la mi mnga' bas na mi chags pa zhes bya'o/ /bzod pa cung zad tsam byas pas chog go snyam du sems pa'am//bdag gis bshes pa'am/ mdza' ba rnams la ni bzod par bya'i gzhan la mi bya'o snyam du sems pa'am/ /phyogs 'di dang dus 'dir bzod par bya'o/ /phyogs kun dang / dus kun tu bzod par mi bya'o snyam du sems pa ni de tsam gyis chog pa la chags pa zhes bya ste/de lta bu byang chub sems dpa' la mi mnga' bas na chags pa med pa zhes bya'o/ /sems can 'di dag gis bdag la gnod pa byas pa rnams bdag gis bzod par byas na 'di dag bdag la phan 'dogs par byed do snyam du bsams nas bzod par byed pa ni lan re ba la chags pa zhes bya ste/de lta bu byang chub sems dpa' la mi mnga' bas na chags pa nyid du 'gyur ba med pa zhes bya'o/ /bzod pa bsgoms na ma 'ongs pa na g.yog 'khor mang po dang / byad gzugs bzang bar 'gyur ro snyam du sems nas bzod pa bsgom pa ste/ rnam par smin pa la chags pa zhes bya ste/de lta bu byang chub sems dpa' la mi mnga' bas na ma chags pa zhes bya'o/ /bzod pa'i mi mthun pa'i phyogs zhe sdang gi bag la nyal ma spangs pas ni mi mthun pa'i phyogs la chags pa zhes bya ste/ byang chub sems dpa' zhe sdang gi bag la nyal spangs pas na mi chags pa zhes bya'o//bzod pa bsgoms pa yang theg pa chung ngur mi bsngo bas/ yid la byed pa'i g.yeng ba med pa dang / gang zag dang / bzod pa dang / bsgom pa gsum mi dmigs pas rnam par rtog pa'i g.yeng ba med pa'i phyir ni chags pa med ces bya'o/ /byang chub sems dpa'i brtson 'grus ni zhes bya ba la sogs pa la/brtson 'grus kyi mi mthun pa'i phyogs ni/ nyal ba dang 'phres pa la sogs pa'i bde ba la chags shing le lo byed pa dang / 'jig rten gyi las bya ba mang po la zhugs shing dge ba la mi 'jug pa'i le lo la chags pa ste/ de lta bu byang chub sems dpa' la mi mnga' bas na ma chags pa zhes bya'o//bsdad bsdad nas dge ba la 'jug gi /dge ba'i phyogs la myur du mi 'jug pa ni bshol ba la chags pa zhes bya ste/ de lta bu byang chub sems dpa' la mi mnga' bas na mi chags pa zhes bya'o/ /brtson 'grus cung zad tsam zhig brtsams pas chog ce'am/bshes dang grogs rnams kyi las ni bya'i gzhan gyi ni mi bya zhe'am/ dus dang phyogs 'dir ni brtson 'grus rtsom gyi/ dus dang phyogs ni gzhan du mi rtsom mo snyam du sems pa ni de tsam gyis chog pa la chags pa zhes bya ste/ de lta bu byang chub sems dpa' la mi mnga' bas na chags pa mi mnga' ba zhes bya'o//sems can 'di dag gi las su bya ba'i grogs byas na bdag la phan 'dogs par 'gyur ro snyam du bsams nas grogs byed pa ni lan re ba la chags pa zhes bya ste/ de lta bu byang chub sems dpa' la mi mnga' bas na chags pa nyid du gyur pa'ang med ces bya'o//brtson 'grus brtsams na ma 'ongs par las kyi mtha' thams cad 'grub par 'gyur ro snyam du bsams nas de'i tshe brtson 'grus brtsams pa ni rnam par smin pa la chags pa zhes bya ste/ de lta bu byang chub sems dpa' la mi mnga' bas na ma chags pa zhes bya'o//brtson 'grus kyi mi mthun pa'i phyogs ni le lo ste/ le lo'i bag la nyal ma spangs kyi bar du mi mthun pa'i phyogs ma spangs pa'o/ /byang chub sems dpa' le lo'i bag la nyal bcom pas na mi chags pa zhes bya'o/ /brtson 'grus brtsams pa yang nyan thos la sogs pa'i theg par mi bsngo bas yid la byed pa'i g.yeng ba spangs pa dang /gang zag dang / brtson 'grus dang / bsgrub pa gsum du mi rtog pas rnam par rtog pa'i g.yeng ba spangs te chad pas na chags pa min pa zhes bya'o/ /byang chub sems dpa'i bsam gtan ni zhes bya ba la sogs pa la/bsam gtan gyi mi mthun pa'i phyogs ni sems g.yeng ba la chags pa ste/ ji srid du sems phyi rol du g.yeng bar 'gyur ba de srid du sems rtse gcig pa mi 'byung ste/ de byang chub sems dpa' la mi mnga' bas na ma chags pa zhes bya'o/ /bsam gtan bsgom pa la myur du brtun te mi 'jug gi /phyis 'jug par byed pa ni bshol ba dang chags pa zhes bya ste/ de byang chub sems dpa' la mi mnga' bas na mi chags pa zhes bya'o/ /bsam gtan chung zhes byas pa chog par 'dzin pa'am/ sems can kha cig gi don du bsam gtan byed pa'am/kha cig gi don du mi byed pa'am/ dus dang phyogs kha cig tu bsgom gyi/ dus dang phyogs thams cad du mi bsgom pa ni de tsam gyis chog pa la chags pa zhes bya ste/ de lta bu byang chub sems dpa' rnams la mi mnga' bas na chags pa med pa zhes bya ba'o/ /sems can 'di dag gi don byed pa'i bsam gtan bsgoms nas bdag la phan 'dogs par 'gyur ro snyam nas bsam gtan bsgom na ni lan la re ba la chags pa zhes bya ste/de lta bu byang chub sems dpa' la mi mnga' bas na chags pa nyid du gyur pa'ang med pa zhes bya'o/ /bsam gtan bsgoms na lus la nad med pa la sogs pa dang /gzugs kyi khams kyi lha rnams su skye bar 'gyur te/ de'i bsgom pa ni rnam par smin pa la chags pa zhes bya ste/ de lta bu byang chub sems dpa' la mi mnga' bas na ma chags pa zhes bya'o/ /bsam gtan gyi mi mthun pa'i phyogs sems g.yeng ba'i bag la nyal ma spangs pa ni mi mthun pa'i phyogs la chags pa zhes bya ste/de lta bu byang chub sems dpa' la mi mnga' bas na mi chags pa zhes bya'o/ /bsam gtan bsgom pa yang nyan thos la sogs pa'i mya ngan las 'das par mi bsngo bas yid la byed pa'i g.yeng ba med pa dang /gang zag dang / bsam gtan dang / bsgom pa gsum mi dmigs pas/ rnam par rtog pa'i g.yeng ba med de de'i phyir chags pa min pa zhes bya'o/ /byang chub sems dpa'i shes rab ni zhes bya ba la sogs pa la/ shes rab kyi mi mthun pa'i phyogs ni rtag pa dang chad pa la sogs par rtog pa'i lta ba la chags shing dge ba'i bshes gnyen la bsnyen bkur bya ba'i phyir brtson par mi byed pa ste/ de lta bu byang chub sems dpa' la mi mnga' bas na ma chags pa zhes bya'o/ /de bas na mdo dag la/ klog go/ / 'dri'o/ /rtog go/ /gzhan la 'dri'o/ /thos pa'i rnam par 'dzin no zhes bya ba la sogs pa gsungs so/ /mnyan pa dang bsams pa la sogs pa la myur du mi 'jug gi/ /bshol te 'jug pa ni bshol ba la chags pa zhes bya ste/ de lta bu byang chub sems dpa' la mi mnga' bas na mi chags pa zhes bya'o//shes rab cung zad tsam bsgrubs pas chog go snyam pa'am/ chos kha cig shes kha cig mi shes kyang rung ste chog go snyam pa la/ yul dang phyogs kha cig tu shes rab bsgrub kyi yul dang phyogs kun tu bsgrub mi dgos so snyam du sems pa ni de tsam gyis chog pa la chags pa zhes bya ste/de lta bu byang chub sems dpa' la mi mnga' bas na chags pa med pa zhes bya'o/ /bdag gis chos rnams kyi rang dang spyi'i mtshan nyid gzhan la bshad na gzhan gyis bdag la phan 'dogs par 'gyur ro snyam du sems pa ni lan re ba la chags pa zhes bya ste/ de lta bu byang chub sems dpa' la mi mnga' bas na chags pa nyid du 'gyur ba'ang med pa zhes bya'o//bdag gis shes rab bsgrubs pas ma 'ongs pa na bdag rig pa'i gnas lnga la mkhas par 'gyur snyam du bsams nas shes rab bsgrub pa ni/ rnam par smin pa la chags pa zhes bya ste/ de lta bu byang chub sems dpa' la mi mnga' bas na ma chags pa zhes bya'o//shes rab kyi mi mthun pa'i phyogs rtag chad du rtogs pa'i 'chal pa'i shes rab kyi bag la nyal ma spangs pa ni mi mthun pa'i phyogs la chags pa zhes bya ste/ de lta bu byang chub sems dpa' la mi mnga' bas na mi chags pa zhes bya'o//shes rab bsgrubs kyang nyan thos la sogs pa'i theg pa dman par mi bsngo bas na yid la byed pa'i g.yeng ba med pa dang / gang zag dang / shes rab dang / sgrub pa gsum du mi rtog pas rnam par rtog pa'i g.yeng ba med pa'i phyir chags pa min pa zhes bya'o/ /yon tan rnam par dbye ba'i tshigs su bcad pa nyi shu rtsa gsum ste zhes bya ba la/pha rol tu phyin pa drug gi mi mthun pa'i phyogs bstan nas/ da ni pha rol tu phyin pa drug gi yon tan gang yin pa dang / yon tan la phye na rnam pa du yod pa'i tshigs su bcad pa nyi shu rtsa gsum gyis bstan to zhes bya ba'i don to/ /de la pha rol tu phyin pa re re zhing yang phye na yon tan rnam pa bzhi bzhi yod de/bzhi po ni rgya che ba dang zang zing med pa dang / don che ba dang / mi zad pa'o/ /sangs rgyas sras rnams srog la mi lta snying rjes slong la rnam par gtong / /zhes bya ba la/ snying rje zhes bya ba'i tshigs su bcad pa rkang pa dang po las byung mod kyi tshigs su bcad pa'i rkang pa gnyis pa gzhan la lan mi re zhes 'byung ba'i skabs su sbyar ro//sangs rgyas kyi sras ni byang chub sems dpa' rnams te/ byang chub sems dpa' rnams gal te don du gnyer ba'i sems can slong ba yod na lus dang srog la yang mi lta bar gtong bar byed na/ bza' ba dang bgo ba la sogs pa phyi'i dngos po lta ci zhig smos te gtong zhes bya'o/ /de ltar gtong ba de'ang nyin 'ga' gtong / nyin 'ga' mi gtong / lo 'ga' gtong / lo 'ga' mi gtong / skad cig ma gcig la gtong / skad cig ma gcig la mi gtong ba ma yin gyi/ 'khor ba'i mtha' dang /nam mkha'i mtha' ji tsam du ji srid kyi bar du rgyun du gtong bar byed pas rtag par gtong ba zhes bya ste/ de lta bur phyi dang nang gi dngos po gnyi ga gtong la dus thams cad du gtong bas na tshig rkang dang po 'dis ni rgya che ba bstan to/ /gzhan la lan mi re zhing 'bras bu don du gnyer ba med//ces bya ba la/ bdag gis phyi dang nang gi dngos po btang bas bdag la sems can rnams phyis phan 'dogs par 'gyur ro zhes len re ba'i phyir sbyin pa med kyang / sems can brel phongs pa rnams la snying rje ba'i dbang gis gtong ba dang / sbyin pa byas pa'i 'bras bus longs spyod chen por 'gyur ro zhes sbyin pa byed pa med/'bras bu don du gnyer ba med pas na tshe 'dir lan la re ba med pa dang / tshe rabs gzhan du rnam par smin pa la chags pa med pa'i phyir tshigs bcad gnyis pas ni zang zing med par bstan pa'o/ /sbyin pa des kyang skye bo thams cad byang chub gsum la bkod//ces bya ba la/ de ltar phyi dang nang gi sbyin pas sems can rnams bsdus nas 'jig rten gyi longs spyod kyi 'bras bu la bkod pa ni ma yin gyi/ skal pa ji lta ba bzhin du nyan thos kyi byang chub dang rang sangs rgyas kyi byang chub dang / byang chub chen po la bkod de/ tshig rkang pa gsum pa 'dis ni don che bar bstan to//shes pas bzung ba'i sbyin pas 'jig rten mi zad gzhag /ces bya ba la/ so so'i skye bo rnams kyi sbyin pa ni rnam par mi rtog pa'i ye shes kyis ma zin pas/ gtong ba po dang / len pa dang / rdzas gsum yod par rtog cing longs spyod thob par bya ba'i phyir gtong ste/sbyin pa de 'khor bar ltung bas rnam par smin pa'i longs spyod zad na sbyin pa yang zad par 'gyur te/ byang chub sems dpa'i sbyin pa ni 'khor bar mi ltung bas na mi zad pa yin te/ de bas na 'phags pa blo gros mi zad pa'i mdo las kyang / sbyin pa de ni yang dag par zin te/ de'i phyir mi zad pa'o/ /sbyin pa de ni khams gsum pa dang yang dag par ma 'dres pa ste/ de'i phyir mi zad pa'o zhes bya ba la sogs pa gsungs so/ /'phags pa nyan thos rnams ni gang zag la bdag med pa tsam du khong du chud la snying rje chen po spangs pas/ phung po'i lhag ma ma lus pa'i mya ngan las 'das pa'i dbyings su zhugs pa na zad par 'gyur te/mya ngan las 'das pa 'ba' zhig gi phyogs gcig tu lhung ba yin gyi/ byang chub sems dpa' ni gang zag dang chos la bdag med par khong du chud cing / snying rje chen pos yongs su zin pas 'khor ba'i mtha' dang sems can gyi mtha' ji srid du rgyun mi 'chad par 'byung ste/de bas na tshig rkang pa bzhi pas mi zad pa bstan to/ /de'i phyir 'phags pa blo gros mi zad pa'i mdo las kyang / sbyin pa de ni gtong ba nyid kyi rnam pas bsgrubs te/ de'i phyir mi zad pa'o zhes bya ba la sogs pa gsungs so//sangs rgyas sras rnams sdom dang brtson pa'i tshul khrims gsum rtag 'dzin/ /zhes bya ba la/ byang chub sems dpa'i bslab tshig rnam pa gsum ste/ sdom pa'i tshul khrims dang / dge ba chos sdud pa'i tshul khrims dang / sems can gyi don byed pa'i tshul khrims so/ /de la sdom pa zhes bya bas sdom pa'i tshul khrims bstan/brtson zhes bya ba'i sgras dge ba chos sdud pa dang sems can gyi don byed pa'i tshul khrims bstan to/ /de la nyan thos rnams ni sdom pa'i tshul khrims len par zad kyi don byed pa'i sems can gyi don byed pa dang / dge ba sdud pa'i tshul khrims mi len mi srung zhing /de yang tshe gsum du bsrung bar zad kyi/ byang chub sems dpa' ni tshul khrims rnam pa gsum 'dzin cing bsrung la de'ang byang chub kyi snying po la 'dug gi bar du srung bar byed de tshig 'dis ni rgya che ba bstan to/ /mtho ris mi 'dod yang dag blangs kyang de la chags mi byed/ / ces bya ba la/ tshul khrims bsrung ba 'dis lha dang mi'i gnas mtho ris thob par shog shig ces mtho ris 'dod pa'i tshul khrims srung bar byed pa ma yin pa dang / tshul khrims bsrungs pa'i 'bras bu mtho ris su skyes shing / mtho ris kyi gnas blangs kyang mtho ris kyi gnas kyi bde ba la chags shing zhen pa med de rkang pa gnyis pa 'dis ni zang zing med pa bstan to//tshul khrims des kyang skye bo thams cad byang chub gsum la bkod/ /ces bya ba la/ gong du bshad pa'i tshul khrims rnam pa gsum gyis skye ba rnam pa bzhir skyes pa'i sems can rnams bsdus nas theg pa gsum gyi byang chub gsum la bkod de rkang pa gsum pa 'dis ni don che ba bstan to//shes pas bsrung ba'i tshul khrims kyis ni 'jig rten mi zad gzhag /ces bya ba la/ 'jig rten pa rnams kyi tshul khrims ni gang zag dang / tshul khrims dang / bsrung ba gsum du dmigs te/'khor bar lhung ba yin pas rnam par smin pa zad nas tshul khrims zad par 'gyur ro/ /byang chub sems dpa'i tshul khrims ni 'khor gsum mi dmigs par shes te/ rnam par mi rtog pa'i ye shes kyis zin pas na mi zad par 'gyur te/ de'i phyir 'phags pa blo gros mi zad pa'i mdo las kyang /gang 'dod pa'i khams la mi brten pa dang / gzugs kyi khams la mi gnas pa dang / gzugs med pa'i khams na mi 'dug pa de ni tshul khrims so zhes bya ba la sogs pa gsungs so/ /'phags pa nyan thos rnams kyi tshul khrims ni snying rje chen po dang bral bas mya ngan las 'das pa 'ba' zhig ni mthar lhung ba'i phyir phung po'i lhag ma ma lus par spangs pa'i mya ngan las 'das pa'i dbyings su zhugs pa dang zad par 'gyur gyi/byang chub sems dpa'i tshul khrims ni thugs rje chen pos yongs su zin pas phung po lhag ma ma lus pa'i mya ngan las 'das par zhugs kyang dag pa 'jig rten pa'i ye shes kyi 'khor ba dang nam mkha'i mtha' ji srid kyi bar du tshul khrims kyi bya ba zad mi shes par 'byung ste/rkang pa bzhi pa 'dis ni mi zad pa bstan to/ /de bas na 'phags pa blo gros mi zad pa'i mdo las kyang / btsun pa sha ra dwa ti'i bu tshul khrims mi zad pa rgyun mi zad pa'i phyir blta'o//de ci'i phyir zhe na/ so so'i skye bo rnams kyi tshul khrims ni skye ba'i gnas kyis zad par 'gyur ro/ /phyi rol gyi lnga mngon par shes pa rnams kyi tshul khrims ni mngon par shes pa nyams pas zad par 'gyur ro/ /mi rnams kyi tshul khrims ni dge ba bcu'i las kyi lam zad pas zad par 'gyur ro//'dod pa'i khams kyi lha'i bu rnams kyi tshul khrims ni bsod nams zad pas zad par 'gyur ro/ /gzugs kyi khams kyi lha'i bu rnams kyi tshul khrims ni tshad med pa dang bsam gtan zad pas zad par 'gyur ro/ / gzugs med pa'i lha'i bu rnams kyi tshul khrims ni ji lta bur snyoms par zhugs pas skyes pa zad na zad par 'gyur ro/ /nyan thos dang slob pa dang mi slob pa'i tshul khrims ni mya ngan las 'das pa'i mthar zad par 'gyur ro/ /rang sangs rgyas kyi tshul khrims ni snying rje chen po dang bral bas zad par 'gyur ro//btsun pa sha ra dwa ti'i bu byang chub sems dpa' rnams kyi tshul khrims ni mi zad pa ste/ /de ci'i phyir zhe na/ 'di ltar tshul khrims de las tshul khrims thams cad 'byung ste zhes bya ba la sogs pa gsungs so/ /sangs rgyas sras rnams mi yi gnod pa bya dka' thams cad bzod//ces bya ba la/ byang chub sems dpa'i bzod pa rnam pa gsum ste/ gnod pa la mi mjed pa'i bzod pa dang sdug bsngal la ji mi snyam pa'i bzod pa dang / chos la nges par rtog pa'i bzod pa'o/ /de la byang chub sems dpa' rnams sems can rnams la bu gcig pa lta bur byams pas na sems can gyis dbyig pa dang rdo ba la sogs pa'i gnod pa thams cad bzod pa ste/de ni gnod pa la ji mi snyam pa'i bzod pa yin no/ /spyad dka' ba ni sems can smin par bya ba dang / bdag nyid sangs rgyas kyi chos sbyin par byas pa la zhugs pa na grang ba dang tsha ba dang bkres pa dang skom pa la sogs pa'i sdug bsngal thams cad bzod pa ni spyad dka' ba thams cad bzod pa ste/de ni sdug bsngal la ji mi snyam pa'i bzod pa zhes bya ste/ de ltar phyi nang gi sdug bsngal kun bzod pas na rkang pa dang po 'dis ni rgya che ba bstan to/ /de bas na 'phags pa blo gros mi zad pa'i mdo las kyang /btsun pa sha ra dwa ti'i bu rnam pa sum cu rtsa gnyis kyis byang chub sems dpa' rnams kyi bzod par blta'o/ /sum cu rtsa gnyis gang zhe na/ bag la nyal spangs pa'i phyir bzod par blta'o/ /mi gnod pa'i phyir bzod par blta'o zhes bya ba la sogs pa rgya cher gsungs so//mtho ris mi nus pa dang 'jigs pa phan btags lta bas min/ /zhes bya ba la/ byang chub sems dpa' rnams bzod pa la gnas pa yang mtho ris kyi bde ba thob par bya ba'i phyir bzod pa la gnas par byed pa ma yin gyi/ /mngon par shes pa drug thob pas na mthu dang ldan pa ma yin te/de bas na mthu chen po rnams la sogs par mi nus pa'i phyir bzod par bya ba ma yin/ 'jigs pa lnga dang bral bas rgyal po dang rkun pos 'jigs pa'i phyir bzod pa ma yin/ bdag gis sems can 'di dag la bzod par byas nas bdag la phan 'dogs par 'gyur ro zhes bzod par bya ba ma yin te/de bas na rkang pa gnyis pa 'dis ni zang zing med pa bstan to/ /zla med bzod pas skye bo thams cad byang chub gsum la bkod/ /ces bya ba'i rkang pa gsum pa 'dis don chen po bstan to/ /bzod pa rnam pa gsum la bla na med pa'i bzod pa zhes bya'o/ /shes pa bzung ba'i bzod pa yis ni 'jig rten mi zad gzhag /ces bya ba'i rkang pa bzhi pa 'dis mi zad pa bstan te/ chos la nges par rtog pa'i bzod pa yang bshad do/ /tshig gi don zhib tu bshad pa ni sngar bshad pa bzhin du sbyar bar bya'o/ /de'i don kyang 'phags pa blo gros mi zad pa'i mdo las des bzod pa yongs su dag pa gang zhe na/gang brag ca'i sgra dang mtshungs par shin tu rtogs pa'i phyir spyos pa las mi spyo ba dang / lus gzugs brnyan dang mtshungs par rtogs pa'i phyir/ brdeg pa las slar mi rdeg pa dang zhes bya ba la sogs pa gsungs pa dang /gzhan yang de la shin tu bzod pa gang zhe na/ gang stong pa nyid rtogs pa de la lta bar gyur pa la yang bsal ba med/ stong pa nyid du sgro 'dogs pa yang med de/ lta bar gyur pa nyid stong pa'o zhes gang 'di la bzod pa 'di ni shin tu bzod pa'o zhes bya ba la sogs pa gsungs so/ / sangs rgyas sras rnams go cha sbyor ba'i brtson 'grus dpe med pa/ /zhes bya ba la/ go cha'i sgras ni go cha'i brtson 'grus bstan/ sbyor ba'i sgras kyang sbyor ba'i brtson 'grus bstan to zhes bya ba ni brtsom pa bya ste/ byang chub sems dpa' rnams kyis go cha'i brtson 'grus dpe med pa brtsams pa dang /sbyor ba'i brtson 'grus dpe med pa brtsams te/ dpe med pa'i sgras ni 'jig rten pa dang / nyan thos dang / rang sangs rgyas kyi brtson 'grus las byang chub sems dpa'i brtson 'grus khyad zhugs par ston te/ 'jig rten pa rnams kyi brtson 'grus ni nyon mongs pa'i phyogs dang 'dres pa dang /nyan thos dang / rang sangs rgyas kyi brtson 'grus dpe med pa brtsams pa dag kyang gang zag la bdag med pa tsam rtogs par bya ba dang / bdag gi don la zhugs pa yin la/ byang chub sems dpa' rnams kyi brtson 'grus ni nyon mongs pa'i phyogs dang ma 'dres pa dang / gang zag dang chos la bdag med pa rtogs par bya ba'i phyir zhugs pa dang /bdag dang gzhan gyi don gyi phyir zhugs pa med pa'i phyir zhes bya ste/ rkang pa dang po 'dis ni rgya che ba bstan to/ /go cha'i brtson 'grus dpe med pa yang 'phags pa blo gros mi zad pa'i mdo las/ btsun pa sha ra dwa ti'i bu de la byang chub sems dpa' rnams kyi go cha mi zad pa gang zhe na gang 'di 'khor ba na mi skyo ba ste/de bskal pa 'di snyed cig tu go cha bgo'o/ /bskal pa 'di snyad cig tu mi bgo'o zhes bskal pa bgrang bas byang chub mi tshol gyi bsam gyis mi khyab pa'i go cha gyon par byed de/ gal te nyin zhag gcig pa yang 'khor ba'i sngon gyi mtha' tsam la de lta bu'i nyin zhag gis zhag bco lnga zhing zla ba phyed ces bya ba la sogs pa rgyas par gsungs pa'o//sbyor ba'i brtson 'grus dpe med pa yang 'phags pa blo gros mi zad pa'i mdo las/ de la byang chub sems dpa' rnams kyi pha rol gnon pa mi zad pa gang zhe na/ stong gsum gyi stong chen po'i 'jig rten gyi khams mes yongs su gang ba las kyang 'bog ste de bzhin gshegs pa lta bar mos pa'o zhes bya ba la sogs pa gsungs so/ /bdag dang gzhan gyi nyon mongs tshogs 'joms byang chub mchog thob pa/ /zhes bya ba la/ 'phags pa nyan thos la sogs pa ni bdag gi rgyud la yod pa'i nyon mongs pa 'joms par byed cing /bdag mya ngan las 'das pa thob par bya ba'i phyir zhugs pa yin la/ byang chub sems dpa' rnams ni bdag gi rgyud la yod pa'i nyon mongs pa yang 'joms par byed la/ gzhan gyi rgyud la yod pa'i nyon mongs pa yang 'joms par byed cing /bdag nyid kyang byang chub mchog ste thams cad mkhyen pa'i ye shes thob par byed la/ sems can gzhan yang thams cad mkhyen pa'i ye shes la 'jog par byed de/ de ltar bdag gi don 'ba' zhig tu ma zhugs kyi gzhan gyi don la yang zhugs pas rkang pa gnyis pa 'dis ni zang zing med par bstan te/bdag lta bus sred pas yongs su zin pa de dag ni zang zing dang bcas pa zhes bya'o/ /de la nyon mongs tshogs 'joms zhes bya bas ni spangs pa phun sum tshogs pa bstan/ byang chub mchog thob ces bya bas ni ye shes phun sum tshogs pa de bstan te/ /brtson 'grus des kyang skye bo thams cad byang chub gsum la bkod//ces bya ba'i rkang pa gsum pas don che ba bstan to/ /shes pas gzung ba'i brtson 'grus kyis ni 'jig rten mi zad gzhag /ces bya ba'i rkang pa bzhi pas mi zad pa bstan te/ shes pas gzung ba'i tshig gis ni rnam par mi rtog pa'i ye shes dang ldan pa bstan te/'jig rten mi zad gzhag ces bya bas snying rje dang ldan pa bstan te/ de'i don kyang 'phags pa blo gros mi zad pa'i mdo las/ sems kyi brtson 'grus de gang zhe na/ sems kyi 'gro ba dang sems gnas pa ste/ de la sems 'gro ba gang zhe na/gang byang chub kyi sems kyi rtsom pa'o/ /de la sems gnas pa gang zhe na/ gang sems kyi zhi ba'o/ /de la sems 'gro ba gang zhe na/ gang sems can la snying rje ba'o/ /sems gnas pa gang zhe na/ gang bdag med pa la bzod pa'o zhes bya ba la sogs pa rgya cher gsungs so/ /sangs rgyas sras rnams ting 'dzin mang po'i bsam gtan kun du bsgrubs//zhes bya ba la/ byang chub sems dpa' rnams kyis gzugs kyi khams kyi bsam gtan dang po dang / gnyis pa dang / gsum pa la sogs pa bsgrubs te/ de dag mngon sum du byas so zhes bya ba'i don to/ /bsam gtan de dag kyang ci 'dra ba zhig ce na/de'ang theg pa chen po'i ting nge 'dzin dpa' bar 'gro ba dang / nam mkha' mdzod la sogs pa dpag tu med pa dang ldan pa'i bsam gtan bsgrubs te/ rkang pa dang po 'dis ni rgya che ba bstan to/ /de bas na mngon pa'i chos bsdus pa'i bstan bcos las kyang / sangs rgyas dang byang chub sems dpa' rnams bsam gtan dang pos bsdus pa'i ting nge 'dzin la snyoms par 'jug pa de dag nyan thos dang rang sangs rgyas kyis ming yang mi shes te/ ji ltar bsam gtan dang po pa de bzhin du bsam gtan gnyis pa la sogs pa dang gzugs med pa rnams kyis bsdus pa yang de dang 'dra bar blta'o zhes bshad do//'phags pa blo gros mi zad pa'i mdo las kyang / de la byang chub sems dpa' rnams kyi bsam gtan mi zad pa gang zhe na/ byang chub sems dpa' rnams kyi bsam gtan mi zad pa ni rnam pa bcu drug ste/ de ni nyan thos dang rang sangs rgyas thams cad la med do zhes gsungs so//yang gsungs te/ de ltar ting 'dzin 'di dag mtha' yas dpag med de/ /bsam gtan bye ba phrag dag brgya ni pha rol song / /zhes bya ba gsungs so/ /bsam gtan bde ba'i mchog spyod snying rjes skye bor tha mar gnas/ /zhes bya ba la/ gzugs kyi khams kyi bsam gtan thob na lus sim pa dang / sems bde ba'i mchog gi 'bras bu thob par 'gyur ro/ /de lta bu'i bde ba mchog thob kyang byang chub sems dpa'i bsam gtan gyi bde ba'i mchog la ma chags shing / gzugs kyi khams su mi gnas par snying rje'i dbang gis khams gsum du skye bo mang po dang ngan song gi gnas su sems can gyi don du skye bar mdzad de/rkang pa gnyis pa 'dis ni bsam gtan gyi ro la ma chags pas zang zing med par bstan to/ /de bas na 'phags pa blo gros mi zad pa'i mdo las kyang / bdag bde ba la ma chags pa'i phyir byang chub sems dpa' rnams kyi bsam gtan ni ro myang ba'o//sems can thams cad kyi nyon mongs pa spangs pa'i phyir byang chub sems dpa' rnams kyi bsam gtan ni snying rje chen po la dmigs pa'o/ /'dod pa'i khams su dmigs pa'i phyir byang chub sems dpa' rnams kyi bsam gtan ni ting nge 'dzin zlog pa'o zhes gsungs so//bsam gtan des kyang skye bo thams cad byang chub gsum la bkod/ /ces bya ba la/ bsam gtan gyis mngon par shes pa bsgrubs nas mngon par shes pas sems can bsdus te/ theg pa gsum gyi byang chub la bkod pas na/ rkang pa gsum pa 'dis don che ba bstan to//'phags pa blo gros mi zad pa'i mdo las kyang / sems can thams cad bsgral ba'i phyir byang chub sems dpa' rnams kyi bsam gtan ni sems can gyi bsam pa sngon du 'gro ba'o zhes bya ba la sogs pa gsungs so/ /shes pas bzung ba'i bsam gtan gyis ni 'jig rten mi zad gzhag /ces bya ba'i rkang pa bzhi pas mi zad pa bstan te/ shes pas bzung zhes bya bas ni rnam par mi rtog pa'i ye shes dang ldan par ston te/ 'jig rten mi zad gzhag ces bya ba'i tshig gis snying rje chen po dang ldan pas dag pa 'jig rten pa'i ye shes kyis sprul pa'i sku sems can gyi don byed par bstan to//'di yang 'phags pa blo gros mi zad pa'i mdo las bshad de/ ji lta zhe na/ de la bsam gtan yongs su sbyang ba gang zhe na/ gang mngon par shes pa dang ye shes yongs su rdzogs pa'o/ /de la mngon par shes pa ni gang ye shes ni gang zhe na/gang gis gzugs su snang ba thams cad mthong ba 'di ni mngon par shes pa zhes bya'o/ /gang gis gzugs thams cad kyi chos nyid mi zad par shes kyang zad pa'i chos mngon sum du mi byed pa 'dis ni ye shes zhes bya'o zhes bya ba la sogs pa gsungs so/ / sangs rgyas sras rnams de nyid shes bya ma lus thams cad shes/ /zhes bya ba la/ bden pa rnam pa gnyis te/ don dam pa'i bden pa dang / kun rdzob kyi bden pa'o/ /de la de nyid ces bya bas don dam pa'i bden pa ston te/ de'ang chos rnams kyi spyi'i mtshan nyid gang zag la bdag med pa dang /chos la bdag med pa ste/ rnam par mi rtog pa'i ye shes kyis gang zag dang chos la bdag med par khong du chud de/ de'ang rnam par mi rtog pa'i ye shes kyis chos thams cad nam mkha'i ngos lta bu bzhin du rtogs so/ /shes bya'i gnas de dang de dag gi lha dang mi dang rigs ngan dang gdol pa la sogs pa'i ming skad rnam pa sna tshogs pa'i tha snyad rnams rnam par mi rtog pa'i rjes la rgyab nas thob pas dag pa 'jig rten pa'i ye shes kyis tha snyad de dag thams cad shes te/de'ang sgyu ma dang smig rgyu dang chu'i zla ba lta bur shes nas chos kyi mtshan nyid la rmongs pa rnams bsal ba'i phyir/chos 'di dag ni zag pa can 'di dag ni zag pa med pa 'di dag ni 'dus byas 'di dag ni 'dus ma byas zhes 'jig rten la tha snyad du gsungs te/ de ltar don dam pa'i bden pa dang / kun rdzob kyi bden pa gnyis thugs su chud pas na rkang pa dang po 'dis ni rgya che ba bstan to/ /'di'i don yang 'phags pa blo gros mi zad pa'i mdo las/de la kun rdzob kyi bden pa gang zhe na/ ji snyed du 'jig rten gyi tha snyad yi ge dang sgra dang brdar bstan pa'o/ /don dam pa'i bden pa ni gang la sems kyi rgyu ba yang med na yi ge rnams lta ci smos zhes gsungs pa'o/ /mya ngan 'das la blo chags mi skyed 'khor bar ga la zhig /ces bya ba la/ byang chub sems dpa'i shes rab kyis mya ngan las 'das pa dang 'khor ba gnyis ka yang sgyu ma'i mtshan nyid du khong du chud pas mya ngan las 'das pa'i bde ba yang sgyu ma lta bur shes pa'i phyir/ mya ngan las 'das pa la yang chags pa mi skyed na/ sgyu ma'i mtshan nyid sdug bsngal gyi gnas su gyur pa'i 'khor ba'i chos lta ga la zhig chags pa skyed de/ nyan thos ltar mya ngan las 'das pa la chags pa'i sems kyang mi skyed de/ so so'i skye bo ltar 'khor ba la chags pa'i sems kyang mi skyed de/ gang du yang ma chags pas na/ rkang pa gnyis pa 'dis ni zang zing med pa bstan to/ /de bas na 'phags pa blo gros mi zad pa'i mdo las kyang / chos kyi dbyings dang / 'khor ba'i khams dang / mya ngan las 'das pa'i dbyings de ni mtshungs so/ /chos kyi dbyings dang / sems can gyi khams dang / nam mkha'i khams dang /chos thams cad kyi khams ni mtshungs so/ /ci'i phyir mtshungs she na/ stong pa nyid du mtshungs pas na de ni mtshungs so zhes bya ba la sogs pa gsungs so/ /ye shes des kyang skye bo thams cad byang chub gsum la bkod/ /ces bya ba'i rkang pa gsum pas don che ba bstan to//shes pas bzung ba'i shes rab kyis ni 'jig rten mi zad gzhag /ces bya bas mi zad pa bstan te/ shes pas bzung zhes bya ba'i tshig gis ni rnam par mi rtog pa'i ye shes zin par ston/ 'jig rten mi zad gzhag ces byas snying rje chen pos yongs su zin par ston te/shes pas zin pa ni 'khor bar ma ltung ba'i phyir so so'i skye bo bzhin du mi zad do/ /snying rje chen pos zin pas na nyan thos bzhin du mya ngan las 'das pa'i dbyings su mi zad de/ 'di'i don kyang 'phags pa blo gros mi zad pa'i mdo las/ gzhan yang 'dus byas la mkhas pa rnams ni gang sems can thams cad la thogs pa med pa'i 'od zer mnyam par gtong ba'i phyir/bsdu ba'i dngos po bzhir sems can sdud pa 'di ni 'dus byas la mkhas pa'o/ /gang la sems can med pa dang bdag med pas mi 'dzin mi len reg par mi byed cing bsdu ba'i dngos po la mkhas pa de yang 'dus ma byas la mos pas thams cad mkhyen pa'i phyir bsngo ba 'di ni 'dus byas la mkhas pa'o zhes bya ba la sogs pa gsungs pa'o//ye shes kyis sems can yongs su 'dzin pa ni snying rjes sems can mi gtong ba'i phyir zhes bya ba la/ byang chub sems dpa'i shes rab ye shes kyis zin pas mi zad pa yang ye shes de snying rje chen pos yongs su zin pas mya ngan las 'das pa phyogs gcig tu mi ltung gi /sprul pa'i sku 'khor ba'i mtha'i bar du chos kyi 'khor lo bskor bas shes rab mi zad par rig par bya'o/ /pha rol tu phyin pa drug la tshigs su bcad pa drug gi yon tan bstan pa'i don ni/rgya che zang zing med pa dang / /zhes bya ba la sogs pa tshigs su bcad pa drug gis bstan to/ /slong ba mthong rdzogs dga' ba dang / /mi dga' ba dang sems re dang / /gtong ba snying rje can rtag par/ /lhag pa'i tshul gyis zil gyis gnon//zhes bya ba la/ yang 'di man chad pha rol tu phyin pa drug gi yon tan rnam pa gzhan du 'chad de/ de la dang po sbyin pa'i pha rol tu phyin pa'i yon tan ston to/ /de la slong ba po'i gang zag rnams gtong ba po'i gang zag mthong na dga' ba dang / slong ba po'i gang zag kyang gtong ba po las bdag gis yo byad 'di lta bu zhig thob par bya'o zhes bsams pa las gtong ba po'i gang zag las ci 'dod pa thob ste/bsams pa yid bzhin du rdzogs na dga' ba dang / slong ba po'i gang zag de gtong ba po'i gang zag ma mthong na mi dga' ba dang / gang bsams pa'i bsam pa mi rdzogs na yang mi dga' bar 'gyur ro//gzhan yang slong ba po de gtong ba po'i gang zag mthong yang ci ma rung snyam du sems pa dang / mthong nas kyang bdag gis gang dang gang du thob par bya bar sems pa de dang de thob kyang ci ma rung snyam du sems pa las/ bsam pa bzhin du re ba rdzogs na dga'/ re ba ma rdzogs na ni mi dga' ba skye'o/ /de las bzlog ste byang chub sems dpas gtong ba pos slong ba po mthong na dga' ba skye la/ slong ba pos dngos po gang dang gang 'dod par bsams pa'i dngos po dang de dag btang ste/ slong ba po'i bsam pa rdzogs na dga' ba skye'o//de bzhin du gtong ba pos slong ba po ma mthong na mi dga' la/ de'i bsam pa ma rdzogs na mi dga' ba'o/ /gzhan yang gtong ba po'i byang chub sems dpa' slong ba po mthong yang ci ma rung snyam du sems re ba dang / mthong nas kyang de'i bsam pa rdzogs par byas kyang ci ma rung snyam du re ba las re ba rdzogs na ni dga' bar 'gyur la re ba ma rdzogs na ni mi dga' bar 'gyur te/de la slong ba pos gtong ba po mthong na dga' ba dang / bsam pa rdzogs na dga' ba dang / sems kyi re ba rdzogs na dga' ba dang / gtong ba po byang chub sems dpa'i slong ba po mthong na dga' ba dang /de'i bsam pa rdzogs na dga' ba dang / sems kyi re ba bzhin du grub na dga' ba dang / slong ba po bas gtong ba po dga' ba lhag par che ste/ de bas na gtong ba po snying rje can byang chub sems dpa' slong ba po rnams kyis dga' ba zil gyis gnon to//de bzhin du slong ba pos gtong ba po ma mthong na mi dga' ba dang / bdag gi bsam pa ma rdzogs na mi dga' ba dang / sems kyi re ba ma rdzogs na mi dga' bas byang chub sems dpa' gtong ba po ma mthong na mi dga' ba dang / de'i bsam pa ma rdzogs na mi dga' ba dang /re ba ma rdzogs na mi dga' ba slong ba po bas gtong ba po che ste/ des kyang gtong ba po snying rje can rnams mi dga' ba'i khyad par gyis slong ba po'i mi dga' ba zil gyis gnon te/ tshigs su bcad pa gcig po 'dis ni sbyin pa'i pha rol tu phyin pa'i yon tan gyi khyad par bstan to/ / snying rjes lus dang longs spyod chung ma dag /nam zhig sems can dag la gtong byed cing / /ci dgar rjes su yi rang de las 'bral bar cir mi srung / /zhes bya ba la sogs pa'i tshigs su bcad pas tshul khrims rnam par dag pa'i yon tan bstan te/ tshul khrims rnam par dag pa yang dge ba bcu'i las kyi lam rnam par dag par rig par bya'o/de la byang chub sems dpa' thugs rje can rnams gzhan gyi don du bdag gi lus dang srog kyang yongs su btang nas ci dgar rjes su yi rang ste/ sems mchog tu dga' ba skye na sems can gzhan gyi srog gcod pa las bral ba cir mi srung ste/bdag gi don du sems can gzhan gyi srog gcod pa lta ga la zhig byed ces bya ba'i don to/ /snying rje chen po dang ldan pa'i byang chub sems dpa' rnams sems can gyi don du bdag gi longs spyod thams cad kyang yongs su btang nas ci dgar rjes su yi rang ba skye ste/mchog tu dga' ba'i sems skye na sems can gyi longs spyod las bral bar cir mi srung ste/ gzhan gyi longs spyod la ma byin par len pa ga la 'dod ces bya ba'i don to/ /byang chub sems dpa' thugs rje can rnams ma 'ongs pa na tshangs par spyod pa'i phyir bdag gi chung ma yang gzhan la ci dgar btang nas rjes su yi rang ste/mchog tu dga' ba'i sems skye na gzhan gyi chung ma la mi tshangs par spyod pa las bral bar cir mi srung ste/ gzhan gyi chung ma la mi tshangs par spyod par ga la byed ces bya ba'i don to/ /tshigs su bcad pa des ni lus kyi nyes pa gsum spangs pa'i yon tan bstan to//mi lta sems mnyam 'jigs pa med/ /snying rje'i rgyud kyis kun gtong na/ /'phags pa gzhan la gnod pa'i phyir/ /log pa'i tshig ni ga la smra/ /zhes bya bas/ tshig gi nyes pa bzhi yod pa las tshigs su bcad pa 'dis brdzun du smra ba'i nyes pa bstan to//brdzun du smra ba ni lus dang srog la lta ste/ lus phangs pa dang srog phangs na lus dang srog mi gtang ba'i phyir brdzun du smra ba bgrang na byang chub sems dpa' ni lus dang srog la mi lta ste/ de gnyis ka la phangs par mi 'dzin na 'phags pa byang chub sems dpa' rnams sems can gzhan la gnod par bya ba'i phyir/log pa'i tshig ga la smra ste/ brdzun mi smra'o zhes bya ba'i don to/ /gzhan yang brdzun du smra ba ni nye du gnyen bshes la sogs pa kha cig la byams pas de dag la phan gdags pa'i phyir brdzun smra ba'am/ dgra la sogs pa kha cig la zhe sdang ste de dag la gnod pa'i phyir brdzun du smra ba yin te/byang chub sems dpa' sa dang po thob pa'i tshe na chos kyi dbyings thams cad du 'gro ba'i mtshan nyid rtogs te/ bdag dang gzhan mnyam pa nyid kyi sems thob pas/ de la byams par bya ba dang / zhe sdang bar bya ba su zhig yod na/ 'phags pa byang chub sems dpa' rnams gang la phan pa'i phyir brdzun smra la su la gnod par bya ba'i phyir brdzun smra ste/ de bas na log pa'i tshig brdzun mi smra'o zhes bya ba'i don to/ /brdzun smra ba ni rgyal po'am rkun po'i 'jigs pa'am/ bu smad dam nor 'phrog pa la sogs pa'i 'jigs pas brdzun smra bar byed pa yin na/byang chub sems dpa' sa dang po la zhugs phan chad 'jigs pa lnga dang bral te/ 'jigs pa lnga med na 'phags pa byang chub sems dpa' gzhan la gnod par bya ba'i phyir log pa'i tshig brdzun ga la smra ste mi smra ba'o zhes bya ba'i don to/ /brdzun smra ba ni rnyed pa'i phyir te/bza' ba dang bgo ba la sogs pa'i zang zing cung zad tsam gyi phyir brdzun smra bar byed pa yin na/ byang chub sems dpa' thugs rje can ni bdag la yod pa'i phyir nang gi dngos po kun yang gtong bar byed pa yin na cung zad kyi phyir ram/ gzhan la gnod par bya ba'i phyir brdzun gyi tshig ga la smra ste mi smra'o zhes bya ba'i don to//snying rje can ni bdag la phan 'dod pa/ /gzhan dag sdug bsngal skye bar shin tu 'jigs/ /sems can gdul la rab tu brtson 'gyur la/ /ngag gi nyes gsum las ni shin du ring / /zhes bya ba'i tshigs su bcad pa 'dis phra ma dang / tshig rtsub po dang / tshig 'khyal pa gsum spangs pa'i yon tan ston te/ phra ma smra ba ni 'ga' zhig la phan gdags 'ga' zhig la gnod pa bya ba'i phyir dbyen gyi tshig phra ma smra na/ byang chub sems dpa' snying rje can rnams ni bdag dang sems can mnyam par thugs su chud pa dang / mdza' ba dang dgra mnyam par thugs su chud pas mtshungs pa kho nar sems can thams cad la phan pa dang bde bar bzhed pa yin na/sems can gzhan la gnod par bya ba'i phyir/ sems can dbye bar 'gyur ba'i phra ma'i tshig ga la smra ste mi smra'o/ /byang chub sems dpa' thugs rje can rnams ni sems can sdug bsngal bar gyur na ma legs so snyam du thugs mi dgyes shing 'jigs par dgongs pa yin na bdag nyid kyis sems can gyi sems dang /lus la gnod par 'gyur ba'i tshig ga la zhig smra ste mi smra'o/ /byang chub sems dpa' thugs rje can rnams ni sems can gyi 'dod chags dang zhe sdang la sogs pa'i nyon mongs pa gdul bar bya ba la brtson pa yin na/de lta bu'i byang chub sems dpa' de bdag nyid bdag dang gzhan nyon mongs pa skye bar 'gyur ba'i rgyu/ rgyal po dang rkun po la sogs pa'i tshig 'khyal pa ga la zhig smra ste/ de bas na ngag gi nyes pa gsum ni byang chub sems dpa' rnams la shin tu thag ring ste spangs pa yin no zhes bya ba'i don to//thams cad gtong ba'i snying rje can/ /rten 'byung chos la shin tu mkhas/ /yid kyi nyon mongs rnam pa kun/ /des ni dang du ga la len/ /ces bya ba'i tshigs su bcad pa 'dis yid kyi nyes pa gsum spangs pa'i yon tan bstan te byang chub sems dpa' rnams ni 'dod chags dang bral ba yin pas phyi'i dngos po bdag la yod pa rnams kyang yongs su gtong ba dang /nang gi dngos po mgo dang rkang lag la sogs pa yang yongs su gtong na yid kyi nyon mongs pa chags sems kyis sems can la gnod pa'i nor dang chung ma la sogs pa la chags pa'i sems dang duHkha la len te/chags sems cung zad kyang skyed par mi byed do zhes bya ba'i don to/ /byang chub sems dpa' rnams ni zhe sdang dang bral ba yin te/ sems can thams cad la bu gcig pa bzhin du snying rje dang ldan pa yin no/ /yid kyi nyon mongs pa gnod sems kyi sems can gzhan dag la brdeg pa dang gsad par bya'o snyam du sems pa'i zhe sdang gi sems dang duHkha la len te/de lta bu'i sems skyed par mi byed do zhes bya ba'i don to/ /byang chub sems dpa' ni gti mug dang bral bas phyi nang gi chos thams cad rten cing 'brel te 'byung ba'i mtshan nyid yin par rab tu mkhas pa yin na/chos rnams dbang phyug dang byed pa po la sogs pas byas so zhes yid kyi nyon mongs pa log pa'i lta ba dang duHkha la len te/ log pa'i lta ba cung zad kyang mi mnga'o zhes bya ba'i don to/ /tshul khrims ngan pa'i gnyen po chos kyi khyad par dang ldan pas zhes bya ba la sogs pa la/tshul khrims ngan pa ni srog gcod pa la sogs pa lus kyi mi dge ba gsum dang / brdzun la sogs pa ngag gi nyes pa bzhi dang / chags sems la sogs pa yid kyi nyes pa rnam pa gsum rnams te/ de dag gi gnyen po chos kyi khyad par ni phyi nang gi dngos po kun gtong ba nas rten 'brel gyi chos la mkhas pa'i bar du ste/gnyen po de dag dang ldan pas na byang chub sems dpa'i tshul khrims rnam par dag pa'i yon tan dang ldan pa bstan to/ /nam zhig snying rje can gnod dang / /gzhan la phan pa'i sdug bsngal la/ /rtag phan 'du shes dga' thob na/ /de ni ga las ci zhig bzod//ces bya ba'i tshigs su bcad pa 'dis bzod pa'i yon tan bstan te/ gdod bzod pa zhes bya ba ni sems can gzhan gyi brdeg pa dang 'tshog pa la sogs pa'i gnod pa byas pa la mi 'khrug cing nyams su blangs na gdod bzod pa zhes bya ba yin na/ byang chub sems dpa' snying rje can rnams ni sems can gzhan gyis brdeg pa dang gsad pa la sogs pa'i gnod pa byas na sems can 'dis bdag la gnod pa byas pas 'di ni dgra yin no snyam pa'i 'du shes mi 'byung gi /gnod pa byed pa rnams la 'dis bla na med pa'i byang chub kyi tshogs rdzogs par 'gyur ba'i grogs byas pas na 'dis ni bdag la phan btags so zhes dgra la phan btags pa'i 'du shes 'byung ste/gang la yang dgra'i 'du shes mi 'byung na/ byang chub sems dpa' de dgra gang zhig la bzod par byas pa yod de/ gang las kyang bzod par byas pa med do zhes bya ba'i don to/ /'dis ni gnod pa la ji mi snyam pa'i bzod pa bstan to//gzhan yang bzod pa zhes bya ba ni grang ba dang tsha ba dang bkres pa dang skom pa la sogs pa'i sdug bsngal nyams su blangs nas gdod bzod pa zhes bya ba yin na/ byang chub sems dpa' gzhan la phan pa dang bde ba'i don du grang ba dang tsha ba la sogs pa'i sdug bsngal byung ba rnams la sdug bsngal gyi 'du shes mi 'byung gi sdug bsngal 'di gnyis kyis dga' ba dang bde bar shes te/des sdug bsngal ji zhig nyams su blangs nas byang chub sems dpa' de la bzod pa la gnas pa zhes bya ste/ de la sdug bsngal gang yang med pas na bzod par byas pa cung zad kyang med do zhes bya ba'i don to//gnod par byed pa la yang bzod par bya ba yin te zhes bya ba la sogs pa la/ bzod pa zhes bya ba la gnod par byed pa nyams su blangs na bzod pa zhes bya ba yin na/ byang chub sems dpa' sems can gzhan gyis gnod par byas pa rnams la/ sems can 'di dag gis ni bzod pa'i tshogs rdzogs par 'gyur ba'i grogs byas pas bdag la phan 'dogs so snyam pa'i 'du shes 'byung na/des dgra gang zhig la bzod par byas pa yod/ grang ba dang tsha ba la sogs pa'i sdug bsngal nyams su blangs na bzod pa zhes bya ba yin na/ byang chub sems dpa' sems can gyi don du sdug bsngal byung ba rnams de la sdug bsngal bar mi 'gyur gyi/dga' zhing bde bar 'gyur na des sdug bsngal gang zhig las bzod par bya zhes bya ba'i don to/ /gzhan la gzhan pa'i 'du shes bral/ /bdag pas lhag par gzhan rtag byams/ /dka' spyod snying rje ldan pa yi//brtson 'grus mi dka' shin tu dka'/ /zhes bya ba'i tshigs su bcad pa 'dis byang chub sems dpa'i brtson 'grus gzhan gyi don gyi phyir dka' ba spyod pa rnams mi dka' ba yin/ /dka' ba yang yin pa'i brtson 'grus kyi yon tan ston to/ /'di ltar byang chub sems dpa' gzhan gyi don du mgo dang rkang lag la sogs pa btang ba'i dka' bar spyod pa rnams mi dka' ba yin te/ci'i phyir zhe na/ gzhan la gzhan pa'i 'du shes med de sa dang por chos kyi dbyings kun du 'gro ba rtogs pas bdag dang gzhan du tha dad par 'du shes pa med de/ de bas na gzhan gyi don du dka' ba spyod pa'i brtson 'grus de mi dka' ba yin no//gzhan la yang byang chub sems dpa' rnams ni bdag pas lhag par sems can gzhan la byams shing sdug pa dang phangs par byed de/ de bas na gzhan gyi don du dka' bar spyod pa'i brtson 'grus rnams kyis dka' ba yang yin no/ /de'i don kyang sgrub pa bshad pa'i skabs su/gzhan dang bdag tu mnyam pa'i sems rnyed pa/ /yang na bdag pas gzhan mchog sdug byed pa/ /de ltar bdag pas gzhan don mchog tu shes/ /bdag gi don gang gzhan gyi don kyang gang / /ji ltar snying rje'i bdag nyid gzhan don phyir/ /de bzhin bdag la sdug bsngal gdung byed ltar//de ltar 'jig rten pa dag dgra dag la/ /gdung bar bya phyir snying brtse yod ma yin/ /zhes bshad do/ /de lta mod kyi shin tu dka' bar spyod pa yang yin te/ ji lta zhe na/ gzhan la gzhan pa'i 'du shes mi skyed par gzhan gang yin pa de nyid bdag yin no zhes sems pa yang dka' ba dang /bdag pas kyang gzhan la byams pa dang sdug par 'du shes 'byung ba rnyed dka' ba ste/ de bas na dka' bar spyod pa yang yin no/ /bde ba chung dang bdag nyid bde/ /zhan nyams zhan dang myos ldan pa/ /bsam gtan rnam pa gsum du shes/ / byang chub sems dpa'i bzlog pa'o/ /zhes bya ba'i tshigs su bcad pa 'dis ni bsam gtan gyi yon tan bstan te/ bsam gtan gsum ni 'jig rten pa'i bsam gtan dang / nyan thos kyi bsam gtan dang / rang sangs rgyas kyi bsam gtan no/ /de la 'jig rten pa rnams kyi bsam gtan ni bde ba chung ba ste/zag pa can gyi bde ba tsam yod par zad kyi zag pa med pa'i bde ba med pa'i phyir ro/ /nyan thos dang rang sangs rgyas kyi bsam gtan ni bdag nyid bde ba ste/ zag pa med pa'i bsam gtan gyis bdag gi rgyud tsam sim par byed par zad kyi/ sems can thams cad kyi rgyud la sim par mi byed pa'i phyir ro//'jig rten pa dang / nyan thos dang / rang sangs rgyas kyi bsam gtan rnams zhen pa can zhes bya ste/ 'jig tshogs su lta ba yod pas 'khor bar zhen pa dang / nyan thos dang rang sangs rgyas kyi snying rje chen po dang mi ldan pas mya ngan las 'das pa 'ba' zhig gi phyogs su zhen pa'i phyir ro//'jig rten pa'i bsam gtan ni nyams pa zhes bya ste/ 'chi 'phos nas med par 'gyur ba'i phyir ro/ /nyan thos dang rang sangs rgyas kyi bsam gtan ni zad pa zhes bya ste/ phung po'i lhag ma ma lus par spangs pa'i mya ngan las 'das par mthar thug ste med par 'gyur ba'i phyir ro//'jig rten pa dang / nyan thos dang / rang sangs rgyas kyi bsam gtan ni nyon mongs pa can ma yin pa'i ma rig pa dang ldan pas na myong ba dang ldan pa zhes bya ste/ gang zag la bdag med par ma rtogs pa ni nyon mongs pa can gyi ma rig pa'o/ /chos la bdag med par ma rtogs pa ni nyon mongs pa can ma yin pa'i ma rig pa ste/'jig rten pa'i bsam gtan la ni nyon mongs pa can dang / nyon mongs pa can ma yin pa'i ma rig pa gnyis ka dang ldan pas na myos pa can no/ /nyan thos dang rang sangs rgyas kyi bsam gtan la/ nyon mongs pa can gyi ma rig pa med kyang nyon mongs pa can ma yin pa'i ma rig pa yod pas myos pa dang bcas pa'o//byang chub sems dpa' rnams kyi bsam gtan ni de las bzlog ste/ theg pa chen po'i bsam gtan dpag tu med pa dang ldan pas bde ba mang ba dang / nyan thos ltar bdag gi don du zhugs pa ma yin gyi/bdag dang gzhan gyi don du zhugs pas bdag dang gzhan la bde ba dang / rnam par mi rtog pa'i ye shes kyis 'khor ba la mi gnas pa dang / snying rje chen pos mya ngan las 'das pa la mi gnas pa'i phyir zhen pa med pa dang shi 'phos nas med par 'gyur ba ma yin gyi tshe rabs thams cad du 'byung bas nyams par mi byed pa dang /phung po'i lhag ma ma lus par spangs pa'i mya ngan las 'das par zhugs kyang rgyun mi zad par 'byung bas mi zad pa dang nyon mongs pa dang shes bya'i sgrib pa spangs pas/ nyon mongs pa can dang nyon mongs pa can ma yin pa'i ma rig pa med pas rmongs pa dang mi ldan pa'o//ji ltar mtshan mo lag tshod pa/ /khebs sgron de bzhin shes pa gsum/ /snying rje can gyi shes pa ni/ /nyi ma'i zer bzhin mtshungs pa med/ /ces bya bas shes rab kyi yon tan bstan te/ de la 'jig rten pa'i shes rab dang / nyan thos kyi shes rab dang / rang sangs rgyas kyi shes rab gsum ni mtshan mo lag tshod kyis nom pa dang /khang bu'am/ phug tu mar me bus pa dang 'dra bar ston te/ 'di ltar 'ga' zhig mtshan mo mun pa stug po'i nang na lag pas bsnams pa dang / bum pa'am snam bu la sogs pa dngos po 'ga' zhig la reg nas lus kyi rnam par shes pa skye'o//de'i rjes la sngon bum pa mthong ba ma brjed pa'i dran pa skye ste/ de nas dran pa des 'di lta bu'i bum pa zhig ce'am/ snam bu zhig yin no zhes rjes su dpog ste/ de'i tshe dngos po gang la reg pa de tsam zhig shes pas na spyod yul chung ba'o/ /bum pa la sogs pa mig gis ma mthong bas na mngon sum ma yin pa'o//bum pa'i kha dog sngon po dang dmar po la sogs pa ma bcad pas na mi gsal ba zhes bya ste/ kha dog ma bcad pa yang mun pas bsgribs pas na ma bcad do/ /de dang 'dra bar 'jig rten pa'i nyan pa dang sems pa dang sgom pa'i shes rab kyang de lta bur blta ste/ nyan pa'i dus na gang thos pa'i chos tsam las mi shes pas spyod yul chung ba'o/ /sems pa'i dus na yang mi rtag pa dang sdug bsngal ba la sogs pa'i don la rjes su dpog pa tsam du zad kyi/ mi rtag pa la sogs pa'i don mngon sum du ma mthong bas na mngon sum ma yin pa'o/ /sgom pa'i dus na shes bya dang nyon mongs pa'i sgrib pa'i mun pa chen pos bsgribs bzhin du bsgom pas na mi gsal ba zhes bya'o//ji ltar phug gam khang bur sgron ma bus na gang du bus pa'i gnas nyi tshe tsam gyi mun pa bsal nas de nyi tshe tsam du snang bar byed pa dang 'dra bar nyan thos dang rang sangs rgyas rnams kyi shes rab kyis kyang /bdag gi rgyud la yod pa'i nyon mongs pa'i sgrib pa tsam nyi tshe tsam bsal nas bdag gi nye bar len pa'i phung po lnga tsam bdag med par ye shes kyis shes shing snang bar byed pas na khebs sgron dang 'dra'o/ /dper na nyi ma shar na 'od zer dpag tu med pa dang 'jig rten gyi khams kyi mun pa kun sel ba dang /snang bar bya ba'i gnas thams cad du 'od zer gyis snang bar byed pa dang 'dra bar byang chub sems dpa'i shes rab dang shes pa dpag tu med pa dang ldan pa dang / shes bya dang nyon mongs pa'i sgrib pa kun sel ba dang / kun rdzob dang don dam pa'i chos la sogs pa ji snyed shes par bya ba ma lus par shes pa'i ye shes kyi snang ba chen po 'byung bas na nyi ma shar ba dang 'dra'o//gzhan yang 'di man chad tshigs su bcad pa drug gis pha rol tu phyin pa drug rnams pha rol tu sbyin pa dang / mchog dang / dam pa dang / yon tan can yin par ston te/ de'i phyir/ gzhi dang dngos po mtshan ma dang / / bsngo dang rgyu dang ye shes dang / /gzhi dang gnas pa bdag gis kyang / /sbyin pa mchog tu shes par bya/ /zhes bya ba la sogs pa smos so/ /de la mchog rnam pa brgyad dang ldan pas phyin pa mchog ces bya'o/ /mchog rnam pa brgyad ni gzhi mchog dang / dngos po mchog dang / mtshan ma mchog dang /bsngo ba mchog dang / rgyu mchog dang / ye shes mchog dang / zhing mchog dang / gnas pa mchog go/ /de la gzhi zhes bya ba ni byang chub sems dpa'o zhes bya ba la gzhi ni gtong ba po la bya ste/ gtong ba po dang / so so'i skye bo dang / nyan thos dang / rang sangs rgyas lta bu ma yin gyi/byang chub sems dpa' la btang bas gzhi mchog go/ /dngos po ni zang zing gi sbyin pa'i nang nas nang gi dngos po mchog go zhes bya ba la/ sbyin pa'i dngos po yang rnam pa gsum ste/ zang zing sbyin pa dang / mi 'jigs pa sbyin pa dang / chos sbyin pa'o/ /zang zing sbyin pa la yang rnam pa gnyis te/nor dang 'bru la sogs pa phyi'i dngos po gtong ba dang / mgo dang rkang lag la sogs pa nang gi dngos po gtong ba'o/ /de la yang nang gi dngos po mgo dang rkang lag la sogs pa gtong ba ni zang zing gi sbyin pa'i nang nas mchog go/ /ngan song dang 'khor bar 'jigs pa med pa'i sbyin pa de 'jigs pa med pa'o zhes bya ba la/mi 'jigs pa sbyin pa la yang rnam pa gnyis te/ 'phral du mi 'jigs pa sbyin pa dang / yun du mi 'jigs pa sbyin pa'o/ /'phral du mi 'jigs pa sbyin pa ni rgyal po dang rkun po dang me dang chu la sogs pas 'jigs pa'i skyabs byed pa'o//yun du mi 'jigs pa sbyin pa ni ngan song du skye ba'i 'jigs pa 'khor bar skye ba'i 'jigs pa ste/ de gnyis su mi skye bar skyabs byas pas ni yun du mi 'jigs pa sbyin pa ste/ ngan song dang 'khor bar skye ba'i 'jigs pa med pa byin na mi 'jigs pa sbyin pa'i mchog go/ / de la so so'i skye bo rnams kyi rgyud la 'phags pa'i bden pa mthong ba skyed de/ rgyun du zhugs pa'i 'bras bu la bkod pa'am/ sa dang po la bkod na ngan song gi 'jigs pa las skyabs pa yin te/ ci'i phyir zhe na bden pa mthong ba rnams 'jigs pa lnga las yang dag par 'das pa'i phyir ro/ /rgyun du zhugs pa dang /sa dang po la zhugs pa rnams dgra bcom pa'i 'bras bu la gzhag pa'am/ sangs rgyas la bkod pa ni 'khor ba'i 'jigs pa las skyabs pa yin te/ de ci'i phyir zhe na/ de phan chad nyon mongs pa'i dbang gis mi skye ba'i phyir ro/ /chos kyi sbyin pa ni theg pa chen po'o zhes bya ba la/chos kyi sbyin pa la yang 'jig rten gyi gtsug lag dang sman dpyad dang / byad dang gtar ka sbyin pa dang / nyan thos dang rang sangs rgyas kyi chos sbyin pa yang yod mod kyi/ theg pa chen po'i chos bshad de byin na chos sbyin pa'i mchog yin no zhes bya ba'i don to/ /mtshan ma snying rje'o zhes bya ba la/mtshan ma dang rgyu dag ces bya ba don gcig ste/ tshe 'dir sbyin pa yongs su gtong bar byed pa'i mtshan ma ni snying rje ste/ sems can yo byad kyis phongs te sdug bsngal ba rnams mthong nas snying rje'i dbang gis gtong bar byed de/ snying rje'i rgyus gtong bas na mtshan ma mchog ces bya'o//bsngo ba des byang chub chen po'i 'bras bur 'dod pa'o zhes bya ba la/ byang chub sems dpa' sbyin pa yongs su btang ba yang lha dang mi la sogs pa'i longs spyod 'dod pa'i phyir bsngo ba ma yin zhing / nyan thos kyi mya ngan las 'das pa thob par bya ba'i phyir sngo bar byed pa ma yin gyi/byang chub chen po'i 'bras bu thob par bya ba'i phyir bsngo ste de bas na bsngo ba mchog ces bya'o/ /rgyu ni sngon sbyin pa'i pha rol tu phyin pa bsgoms pa'i bag chags so zhes bya ba la/ 'di ltar tshe rabs gzhan du 'dod la ma chags pa la sogs pa'i dge ba'i rtsa ba gsum gyis yang dag par zin pa'i sems pa sbyin pa la sogs pa yang dag par spyad pa las goms par byas nas kun gzhi la bag chags brlan te/bag chags kyi dbang gis sbyin pa'i pha rol tu phyin pa la 'jug par byed pa de ni rgyu mchog ces bya'o/ /mtshan ma dang rgyu gnyis la khyad par ci zhig yod nas rnam pa gnyis su gzhag ce na/rgyu ni thun mong ma yin pa'i rgyu ste/ dper na myu gu la sa bon lta bu'o/ /mtshan ma ni grogs su byed pa'i rgyu ste/ dper na myu gu de nyid bskyed par bya ba las chu me rlung bzhi lta bu'o/ /de bzhin sbyin pa'i skabs su yang tshe rabs gzhan du sbyin pa la sogs pa dge ba la goms pa'i bag chags ni sa bon lta bu ste/thun mong ma yin pa'i rgyur gzhag go/ /tshe 'dir sems can rnams la snying rje ba ni grogs su byed pa'i rgyu ste/ sa chu me rlung lta bur gzhag go/ /ye shes ni rnam par mi rtog pa ste zhes bya ba la/ ye shes mchog ni rnam par mi rtog pa'i ye shes kyis zin pas na ye shes mchog ste/ye shes gang gis gtong ba po'i byang chub sems dpa' dang / sbyin pa'i nor dang len pa'i gang zag gsum yod par mi rtog pas 'khor gsum mi dmigs pa'i tshul du sbyin pa byed pas na ye shes mchog go/ /slong ba dang zhes bya ba la/sbyin pa'i zhing lnga ste/ bram ze dang tshong pa la sogs pa cung zad yod kyang slong bar byed pa ni slong ba'i zhing zhes bya'o/ /nad pa la sogs pa ni sdug bsngal ba'i zhing zhes bya'o/ /bza' ba dang bgo ba la sogs pas phongs pa rnams ni mgon med pa'i zhing zhes bya'o/ /zang zing gi phyir srog gcod pa la sogs pa sdig pa byed pa rnams ni log par spyod pa'i rang bzhin gyi zhing zhes bya'o//tshul khrims dang ldan pa dang shes rab la sogs pa'i yon tan dang ldan pa'i gang zag ni yon tan dang ldan pa'i zhing zhes bya'o/ /zhing ni gcig pas gcig dam pa ste zhes bya ba la/nyan thos dang / 'jig rten pa'i tshul gyis ni slong ba'i zhing pas sdug bsngal gyi zhing dam pa nas log par spyod pa'i zhing pas yon tan dang ldan pa'i zhing dam par gzhag go/ /de lta mod kyi byang chub sems dpa' ni slar bzlog pa ste/ yon tan dang ldan pa'i zhing pas log par spyod pa'i zhing dam pa yin pas na sdug bsngal ba'i zhing pas kyang slong ba'i zhing dam pa yin te/de bas na byang chub sems dpa' rnams ni zhing gong ma bzhi po rnams la gtong bar byed do/ /gal te gong ma bzhi po med na lnga pa ste yon tan gyi zhing la gtong bar byed do/ /de ci'i phyir zhe na/ gang dag bsod nams 'phel zhing longs spyod 'dod pa de dag ni yon tan can gyi zhing la gtong bar byed pa yin na/ byang chub sems dpa' ni bsod nams 'phel ba dang longs spyod kyi don du sbyin pa gtong ba ma yin gyi/ /sems can sdug bsngal ba dang brel ba dang / phongs pa rnams kyi sdug bsngal bsal bar bya ba'i phyir sbyin pa gtong bar byed pas slong ba'i zhing dang sdug bsngal gyi zhing la gtong bar byed kyi yon tan gyi zhing la mi gtong ngo //gnas pa ni gang la gnas nas gtong ba rnams te zhes bya ba las/ gnas pa ni yid la byed pa gang la gnas nas phyi nang gi dngos po gtong bar byed pa ste/de yang mos pa la gnas pa dang / yid la byed pa la gnas pa dang / ting nge 'dzin la gnas pa ste gsum mo/ /mos pa ni ji ltar bsgom pa rnam par dbye ba las mos pa yid la byed pa gsum pa'o zhes bya ba la/ mos pa la gnas pa ni gong du bsgom pa rnam par dbye ba bshad pa'i rjes su mos pa yid la byed pa gsungs pa de la bya ste/de'i skabs su yang ji ltar bshad ce na/ sbyin pa'i pha rol tu phyin pa nas shes rab kyi pha rol tu phyin pa'i bar du pha rol tu phyin pa drug dang ldan pa'i theg pa chen po'i mdo sde la/ 'di ni ma nor par bshad pa legs par gsungs pa yin no zhes dang pa dang /dad pa stug pos mos shing dad par byed pa'o/ /yid la byed pa ni ji ltar de nyid las zhes bya ba la sogs pa la/ yid la byed pa la gnas pa ni ji ltar sgom pa rnam par dbye ba bshad pa'i skabs de nyid las yid la byed pa rnam pa gsum bshad pa ste/de yang ro myang ba yid la byed pa dang / rjes su yi rang ba yid la byed pa dang / mngon par dga' ba yid la byed pa'o/ /de la sngon sbyin pa la sogs pa'i pha rol tu phyin pa btang ba dran nas bdag gis sngon sbyin ba btang ba ni legs so snyam du yon tan gyi tshul du lta ba ni ro myang ba yid la byed pa zhes bya'o//phyogs bcu'i 'jig rten gyi khams nas sems can rnams kyis sbyin pa byas pa la sems dga' ba ni rjes su yi rang ba yid la byed pa'o/ /ma 'ongs pa na gar skyes gar skyes kyang sbyin pa byed par 'gyur bar dga' ba dang / sems can rnams kyang ma 'ongs pa nas gar skyes gar skyes kyang sbyin pa byed par 'gyur bar dga' ba ni mngon par dga' ba yid la byed pa zhes bya'o//ting nge 'dzin ni nam mkha' mdzod la sogs pa ste/ de ltar de nyid la 'byor pa yod par gsungs pa'o zhes bya ba la/ ting nge 'dzin la gnas pa ni sa brgyad pa la sogs pa la zhugs pa'i byang chub sems dpa' rnams mngon par 'du byed pa med pa'i lam gyis nam mkha' mdzod la sogs pa'i ting nge 'dzin bsgrubs nas dngos po ci dang ci 'dod pa dag nam mkha' las blangs shing gtong bar byed pa ste/de yang sgom pa rnam par dbye ba'i skabs su 'byor pa rnam pa gsum bshad pa ste/nam mkha' mdzod la sogs pa'i ting nge 'dzin kyang 'byor pa rnam pa gsum gyi phyogs gcig tu gtogs so/ /'byor pa rnam pa gsum ni sku la dbang ba dang / spyod pa la dbang ba dang / ston pa la dbang ba'o/ /de la sku la dbang ba ni de bzhin gshegs pa'i chos kyi sku dang / rdzogs par longs spyod pa'i sku ste/ sku de gnyis kyis sbyin pa thogs pa med par mdzad do/ /spyod pa la dbang ba ni sprul pa'i sku ste/ sprul pa'i sku gang gis sems can rnams la sna tshogs kyi lus su sprul nas sbyin pa la sogs pa 'jug par byed pa'o/ /ston pa la dbang yod pa ni pha rol tu phyin pa drug thogs pa med pa dang chags pa med pa dang ma chad pa'o//de yang gang gis zhes bya bas bstan par rig par bya ste zhes bya ba la/ mchog rnam pa brgyad kyang gang gis gtong zhes bya ba la sogs pa las brtsams nas bstan par rig par bya ste gang gis gtong zhe na/gzhis gtong ngo / /gang gtong zhe na/ dngos po gtong ngo / /gang gis gtong zhe na/ mtshan mas gtong ngo / /gang gi phyir gtong zhe na/ bsngo ba ste byang chub mchog gi phyir gtong ngo / /gang las gtong zhe na/ tshe rabs snga ma la sbyin pa la goms pa'i bag chags kyi rgyus gtong ngo / / gang gis gzung zhe na rnam par mi rtog pa'i ye shes kyis gzung ngo / /gang du gtong zhe na/ zhing rnam pa lnga la gtong ngo / /rnam pa ji snyed kyis gtong zhe na/ mos pa la sogs pa rnam pa gsum la gnas nas gtong ngo / /de la tshul khrims la sogs pa pha rol tu phyin pa lhag ma rnam pa bzhi dang mtshan ma la sogs pa ni sbyin pa'i pha rol tu phyin pa'i bshad pa dang mthun pas tshul de bzhin du bshad do//dngos po dang zhing gnyis ni mi mthun te de'i bye brag ci yod pa bshad do/ /de la tshul khrims kyi dngos po ni sdom pa'i tshul khrims dang / sems can gyi don byed pa'i tshul khrims dang / dge bar spyod pa'i tshul khrims so/ /bzod pa'i dngos po ni gnod pa nyams su len pa'i bzod pa dang / sdug bsngal la ji mi snyam pa'i bzod pa dang / chos la nges par rtog pa'i bzod pa'o/ /brtson 'grus kyi dngos po ni go cha'i brtson 'grus dang / sbyor ba'i brtson 'grus la sogs pa'o/ / bsam gtan gyi dngos po ni mthong ba'i chos la bde bar gnas pa'i bsam gtan dang / mngon par shes pa yang dag par sgrub par byed pa'i bsam gtan dang / sems can gyi don byed pa'i bsam gtan no/ /shes rab kyi dngos po ni kun rdzob kyi bden pa shes pa'i shes rab dang / don dam pa'i bden pa shes pa'i shes rab dang /sems can gyi don sgrub par shes pa'i shes rab bo/ /pha rol tu phyin pa de dag thams cad kyi zhing ni theg pa chen po'i chos te/ nyan thos dang rang sangs rgyas la dmigs shing sems can rnams der bkod na ni zhing mchog la bkod pa zhes mi bya'i/ theg pa chen po'i chos la dmigs shing theg pa chen po'i chos la sems can bkod na zhing mchog ces bya'o//tshul khrims kyi nang na mchog ni byang chub sems dpa'i sdom pa'o zhes bya ba la/ sbyin pa'i dngos po la mchog dang mchog ma yin par phye ba bzhin du/ pha rol tu phyin pa lhag ma rnams kyi dngos po la mchog dang mchog ma yin par dbye ba ston te/'jig rten pa'i dge ba bcu'i tshul khrims dang / nyan thos dang rang sangs rgyas kyi tshul khrims pas/ byang chub sems dpa'i sdom pa'i tshul khrims dang / sems can gyi don byed pa'i tshul khrims dang / dge ba sdud pa'i tshul khrims ni tshul khrims kyi nang na mchog ces bya'o zhes bya ba'i don to//bzod pa yi ni ngan pa dang / /nyam chung ba dang srog gcod pa'o/ /zhes bya ba la/ bzod pa'i dngos po'i mchog ni rgyal po dang blon po la sogs pa'i mthu che ba'i mchog dang dbang che ba rnams kyis gnod pa byas pa bzod pa ni ngo mtshar du bya ba ma yin gyi/sprang po dang gdol bu la sogs pa mthu chung zhing dbang chung ba rnams kyis gnod pa byas pa bzod pa mchog yin pa dang / thal mo dang khu tshur gyis rdeg pa tsam bzod pa ni ngo mtshar du bya ba ma yin gyi/ gang gis srog la gnod par 'gyur ba'i gnod pa byas kyang bzod pa ni bzod pa'i nang na mchog go//brtson 'grus kyi pha rol tu phyin pa sgom pa dang de'i mi mthun pa'i phyogs spangs pa'o zhes bya ba la/ brtson 'grus la yang dge ba bsdu ba tsam sgrub pa'am/ nyan thos dang rang sangs rgyas kyi dge ba tsam sgrub pa ni mchog ma yin gyi/ byang chub sems dpa'i spyod pa sbyin pa la sogs pa'i pha rol tu phyin pa drug sgrub cing /pha rol tu phyin pa'i mi mthun pa'i phyogs ser sna la sogs pa spong bar byed pa ni brtson 'grus kyi mchog yin no/ /bsam gtan gyi ni byang chub sems dpa' te/ 'dzin to zhes bya ba la/ nyan thos dang 'jig rten pa'i bsam gtan ni mchog ma yin te/dpa' bar 'gro ba la sogs pa byang chub sems dpa'i ting nge 'dzin rnams mchog go/ /shes rab kyi ni yang dag pa nyid ces bya ba la/ shes rab kyang 'jig rten gyi tha snyad dang kun rdzob kyi chos shes pa mchog ma yin gyi/ gang zag dang chos la bdag med pa'i shes pa ni shes rab kyi mchog go//sbyin pas sems can gcig bde phyir/ /bskal pa mang por gnod byed kyang / /byang chub sems dpa' dgar 'gyur na/ /de las bzlog pa ci zhig smos/ /zhes bya ba la sogs pa tshigs su bcad pa bdun zhig gis sbyin pa'i yon tan bstan te/byang chub sems dpa' bdag la bdog pa'i longs spyod thams cad btang nas sems can gcig cig bde bar 'gyur la/ de btang ba'i 'og tu bdag nyid ni bskal ba brgya stong grangs med par brel ba dang phongs pa'i sdug bsngal gyis gnod par gyur kyang sems can gcig bde bar mthong nas thugs dgyes pa skye na de las bzlog pa lta ci zhig smos te/chos gtang ba'i sbyin pas sems can mtha' yas pa yang bde ba dang phan par 'gyur la/ bdag nyid kyang mthar yun du phan pa dang bde bar 'gyur ba btang nas dgyes par 'gyur ba dang / byang chub sems dpa'i longs spyod thams cad btang nas sems can dpag tu med pa yang bde bar 'gyur la/bdag kyang bskal pa mang por bde bar 'gyur ba sems can gzhan la btang nas byang chub sems dpa' dgyes pa skye ba lta ci zhig smos te/ dgyes pa cher skyes so zhes bya ba'i don to/ /snying rje'i khyad par gyi phyir ro zhes bya ba ni dgongs pa de lta bu skye ba dang /sbyin pa de lta bu gtong ba yang snying rje'i rgyus gtong ngo zhes bya ba'i don to/ /gang gi don du lus can nor 'dod pa/ /sems can rnams la de nyid blo can gtong / /zhes bya ba la sogs pa'i tshigs su bcad pa gcig gis tshigs su bcad pa snga ma rkang pa phyed kyi don phyi ma tshigs su bcad pa phyed kyis bstan to//lus can ni sems can la bya ste/ sems can rnams gang gi don dang / gang gi ched dang / gang la phangs pa dang / gang gces par bya ba'i don du nor dang longs spyod btsal ba'i gces pa'i dngos po de nyid blo can byang chub sems dpa' rnams lus can te/sems can rnams la gtong zhing sbyin par byed do/ /don de nyid bstan pa'i phyir/ skye bo lus kyi phyir ni nor 'dod pa/ /blo can gyis ni de nyid rnam brgyar gtong / /zhes bya ba smos te/ sems can rnams ni lus dang srog gi don dang ched du nor tshol zhing nor sogs par byed na/byang chub sems dpa' blo can gyis ni lus dang srog gi don du nor btsal ba'i lus dang srog de nyid slong ba po rnams la lan brgya stong du mar gtong zhing sbyin par byed do/ /gang tshe lus nyid gtong byed kyang / /yid kyi sdug bsngal mi 'byung na/ /nor ngan ci smos de yi 'jig rten 'das/ / de des dga' rnyed de ni de yi mchog/ /ces bya ba'i tshigs su bcad pa 'dis byang chub sems dpa'i sbyin pa 'jig rten las 'das pa yin pa dang / 'jig rten las 'das pa'i mchog yin par ston to/ /'di ltar 'jig rten pa rnams ni phyi'i dngos po btang nas kyang sdug bsngal ba dang yid mi bde ba skye la/byang chub sems dpa' ni slong ba po rnams la phongs pa med par lus de nyid lan brgya stong du mar btang yang sems la sdug bsngal ba dang yid mi bde ba mi 'byung na/ nang gi dngos po la ltos na tha shal du gyur pa'i nor dang / longs spyod btang nas yid mi bde ba mi 'byung ba lta ci zhig smos te/de ltar nang gi dngos po btang nas kyang yid mi bde ba mi 'byung bas na byang chub sems dpa'i sbyin pa de 'jig rten las 'das pa zhes bya'o/ /yid mi bde ba mi 'byung bar yang ma zad kyi nang gi dngos po btang na sems can rnams la phan 'dogs par mthong ste dga' ba skye bar 'gyur ro/ / gang dga' ba'i sems skyes pa de ni 'jig rten las 'das pa'i mchog ces bya'o/ /blo can 'di la sbyin pa kun yod pas/ /slong ba dga' bas ji ltar dga' 'gyur ba/ /byin blangs 'dod pa chog par 'dod pa ni/ /de ltar slong bar byed pa'ang dgar mi 'gyur/ /zhes bya ba la/ byang chub sems dpa' blo can gyis slong ba po rnams la lus dang srog man chad la longs spyod yan chad ci 'dod pa kun btang ste/'gro ba slong ba rnams longs spyod thob pas slong ba po dga' bar gyur pa mthong nas/ ji ltar byang chub sems dpa' thugs la dgyes pa'i bye brag skye ba ltar/ gtong ba po byang chub sems dpa' slong ba po la nor byin nas byin pa de slong ba pos blangs te/slong ba po gang 'dod pa'i nor yang rnyed/ ji snyed 'dod par bya ba thams cad chog par yang thob ste/ bsam pa rdzogs nas dga' ba'i bye brag skyes nas kyang ji ltar byang chub sems dpa'i dgyes pa'i bye brag tsam gyis dga' ba slong ba po rnams la mi 'byung ngo zhes bya ba'i don to//blo can kun yod byin pas nor med kyang / /ji ltar bdag nyid yod par ldan lta ba/ /slong bar byed pa longs spyod kun rdzogs pa'ang / /de ltar bdag nyid yod par ldan lta min/ /zhes bya ba la/ blo can byang chub sems dpa' rnams slong ba po rnams la phyi dang nang gi dngos po kun btang ste byin nas phyi dang nang du byang chub sems dpa' la nor dang longs spyod cung zad kyang med par gyur kyang thugs rje chen pos yongs su zin par gyur pa dang /bsam pa rlabs po che dang ldan pas da dung longs spyod dang ldan no snyam du dgongs pa ltar/slong ba po rnams byang chub sems dpa'i sbyin pas longs spyod phun sum tshogs pa rdzogs par byas kyang byang chub sems dpa'i dgongs pa ltar/ slong ba po nor dang ldan pa rnams bdag cag la nor yod cing longs spyod dang ldan no snyam du dgongs pa ltar/ bsam pa de tsam gyi rlabs po che mi 'byung ngo zhes bya ba'i don to//ji ltar blo can tshul bzhin 'di la sbyin dam pas/ /slong ba tshim byas 'di la phan chen 'du shes brtsi/ /ji ltar shin tu rgya chen dag ni rnyed nas su/ /slong ba btang bas rnyed rgyus phan pa yin/ /zhes bya ba la/ rnam pa gzhan du yang byang chub sems dpa' blo can gyis sbyin pa btang ba yang tshul bzhin du gus pa dang /brnyas pa med pa'i tshul gyis slong ba po rnams la sbyin pa dam pa mgo dang rkang lag la sogs pa btang nas slong ba po rnams kyi bsam pa rdzogs shing tshim par bya ste/ byang chub sems dpa' slong ba po 'di rnams kyis byang chub kyi tshogs rdzogs pa'i grogs byas pa'i phyir 'di dag gis bdag la phan btags so snyam du brtsi zhing drin du gzo ba ltar slong ba po rnams byang chub sems dpa'i sbyin pa shin tu rgya chen po dag nor dang longs spyod dag rnyed nas bsam pa rdzogs par gyur kyang /de'i rgyu las byang chub sems dpa'i dgongs pa lta bur phan btags pa dang /drin du gzo ba'i bsam pa de tsam mi skye'o/ /snying rje'i khyad par gyi phyir ro zhes bya ba ni/ dgongs pa de lta bu skye ba dang / sbyin pa de lta bu gtang ba yang snying rje'i rgyus gtong ngo zhes bya ba'i don to/ /ji ltar lam la longs spyod shing 'bras mchog ldan pas//bdag nyid the tshom med pa lus can tha mal pa/ /gang nor shin tu rgya chen po yang blangs spyod de/ /zhes bya ba la/ dper na khri lam chen po na bdag pos yongs su ma bzung ba'i kun gyis longs spyod du spyad par bya ba'i 'bras bu'i shing / 'bras bu dang kha dog dang dri dang ro phun sum tshogs pa'i mchog dang ldan pa la yang 'gron po phan tshun 'gro ba rnams the tshom med pa dang tha mal pa ste/'jigs pa dang bag tsha ba med par blangs shing spyod do/ /de bzhin du byang chub sems dpa' longs spyod phun sum tshogs shing rin po che la sogs pa nor rgya chen po dang ldan pa'i byang chub sems dpa'i longs spyod dang nor la yang sems can rnams bdag gi nor la spyod pa bzhin du/the tshom dang 'jigs shing bag tsha ba med par spyod do zhes bya ba'i don to/ /byang chub sems dpa' lag brkyang dag la longs spyod las gzhan ma yin zhes bya ba la/ dus kha cig tu gtong /dus kha cig tu mi gtong / sems can kha cig la gtong kha cig la mi gtong / rdzas kha cig gtong kha cig mi gtong ba ma yin gyi/ dus thams cad du gtong / kun la gtong / dngos po kun gtong ba ni lag brkyang ba zhes bya'o/ /de ltar lag brkyang zhing gtong ba nyid byang chub sems dpa' dga' ba'i longs spyod yin te/gong ma lta bu'i sbyin pa de yang byang chub sems dpa'i lag brkyang ba'i dga' ba'i longs spyod la gnas pa rnams las 'byung gi /so so'i skye bo dang / nyan thos dang / rang sangs rgyas la sogs pa gzhan rnams la ni de lta bu mi 'byung ngo zhes bya ba'i don to//gtso dang de'i rgyu las kyi bye brag dang / /rnam pa'i bye brag gnas kyi bye brag dang / /bar chad rnam bzhi'i gnyen po'i bye brag gis/ /brtson 'grus su ni shes par bya zhes bstan/ /zhes bya ba la/ de la bye brag rnam pa drug gis byang chub sems dpa'i brtson 'grus kyi mtshan nyid dang yon tan bstan te/tshigs su bcad pa 'dis ni mdo tsam du bstan/ tshigs su bcad pa lhag ma rnams kyis ni de nyid kyi don zhib tu 'chad do/ /rnam pa drug gi bye brag ni gtso bo'i bye brag dang / de'i rgyu'i bye brag dang / las kyi bye brag dang /rnam pa'i bye brag dang / gnas kyi bye brag dang / bar chad rnam pa bzhi'i gnyen po'i bye brag ste/ byang chub sems dpa'i brtson 'grus kyi bye brag ni de lta bu yin par de bzhin gshegs pa rnams kyis gsungs so/ /de la gtso bo'i bye brag ni chos thams cad kyi gtso bo dang /mchog ni brtson 'grus yin par bshad do/ /ji ltar brtson 'grus chos thams cad kyi gtso bo yin zhe na/ de'i tshigs su bcad pa de'i rgyu'i bye brag bstan te/ gang gi phyir dge ba'i chos thams cad thob cing skye ba'i rgyu ni brtson 'grus yin te/ de bas na brtson 'grus dge ba'i chos thams cad kyi mchog yin par bshad do//las kyi bye brag ni brtson 'grus kyis 'jig rten dang 'jig rten las 'das pa'i phun sum tshogs pa thams cad 'grub par byed do/ /rnam pa'i bye brag ni brtson 'grus kyi ni rnam pa 'phel ba dang 'bri ba'i brtson 'grus la sogs pa brtson 'grus kyi rnam grangs rnam pa mang du phye ste bshad pa'o//gnas kyi bye brag ni nyan thos kyi brtson 'grus ni nyan thos pa rnams kyi lus la gnas/ rang sangs rgyas kyi brtson 'grus ni rang sangs rgyas kyi lus la gnas/ byang chub sems dpa'i brtson 'grus ni byang chub sems dpa'i lus la gnas so//bar chad rnam pa bzhi'i gnyen po'i bye brag ni pha rol tu phyin pa drug la bar du gcod pa'i chos bzhi ste/ longs spyod la chags pa dang / nyon mongs pa la chags pa dang / brtson 'grus las skyo ba dang cung zad tsam gyis dga' bar 'dzin pa ste/ de'i gnyen po yang brtson 'grus yin par bshad do//dge ba'i tshogs kyi nang na brtson 'grus mchog /ces bya ba la/ sbyin pa la sogs pa dkar po'i chos thams cad kyi nang na brtson 'grus mchog tu bshad do zhes bya ba'i don to/ /'di ltar bsam gtan gyis nyon mongs pa 'jil bar byed/ shes rab kyis nyon mongs pa rtsa ba nas 'joms par byed pas/ de dag dge ba'i chos thams cad kyi nang na mchog yin na ji ltar brtson 'grus dge ba'i mchog tu bshad ce na/ de'i phyir/ gang phyir de la brten nas de 'thob 'gyur/ /zhes bya ba smos te/ 'di brtson 'grus mchog yin pa'i gtan tshigs su bshad pa'o//gang gi phyir sbyin pa la sogs pa'i dge ba'i chos rnams ni brtson 'grus la brten nas skye ste de bas na brtson 'grus mchog yin no/ /brtson 'grus kyis ni myur du de mchog spyod/ /'jig rten 'das dang 'jig rten rtogs pa 'grub/ / ces bya bas las kyi bye brag bshad de/ brtson 'grus kyis tshe 'di la bde ba thob par byed pa dang tshe rabs gzhan du bde ba thob par byed do/ /tshe 'di la bde ba thob par byed pa ni gang gi phyir brtson 'grus dang ldan na sdig pa mi dge ba'i chos dang ma 'dres pa'i bde ba rnyed cing de bzhin du gnyid las sad pa dang /de bzhin du gnyid kyis log pa'i bde ba mchog myong bar 'gyur/ tshe rabs gzhan gyi bde ba ni 'jig rten gyi bde ba dang / 'jig rten las 'das pa'i bde ba'o/ /de la 'jig rten gyi bde ba ni rnam pa gsum ste/ 'dod pa'i khams kyi bde ba dang / gzugs kyi khams kyi bde ba dang /gzugs med pa'i khams kyi bde ba'o/ /'jig rten las 'das pa'i bde ba yang rnam pa gsum ste/ nyan thos kyi mya ngan las 'das pa dang / rang sangs rgyas kyi mya ngan las 'das pa dang / mi gnas pa'i mya ngan las 'das pa'o/ /de dag kyang brtson 'grus la gnas pas 'thob bo//brtson 'grus kyis ni srid spyod 'dod pa 'thob/ /ces bya ba la/ srid pa'i sgras ni khams gsum la bya ste/ 'dod pa'i khams kyi lha dang mi'i longs spyod kyi bde ba yang brtson 'grus la gnas pas 'thob bo zhes bya ba'i don to/ /brtson 'grus kyis ni dag par rab 'gyur ldan//zhes bya ba la/ rab 'gyur zhes bya ba ni mi brtan zhing 'gyur ba la bya ste/ 'dod pa'i khams kyi sdig pa mi dge ba'i chos thams cad spangs pa'i gzugs kyi khams kyi bsam gtan bzhi dag pa dang / gzugs med pa'i snyoms par 'jug pa bzhi dag pa yang brtson 'grus la brten nas 'thob bo zhes bya ba'i don to//brtson 'grus kyis ni 'jig tshogs 'das nas grol/ /zhes bya ba la/ 'jig tshogs su lta ba la sogs pa'i nyon mongs pa thams cad spangs pa'i mtshan nyid nyan thos dang rang sangs rgyas kyi mya ngan las 'das pa yang brtson 'grus la brten nas 'thob po zhes bya ba'i don to//brtson 'grus kyis ni byang chub mchog rtogs so/ /zhes bya ba la/ spangs pa phun sum tshogs pa dang / ye shes phun sum tshogs pa'i mtshan nyid bla na med pa'i byang chub kyang brtson 'grus la brten nas rtogs par 'gyur ro zhes bya ba'i don to//de la rab tu nges pa ma yin pa'i phyir zhes bya ba la/ gzugs dang gzugs med pa'i khams kyi bsam gtan dang / snyoms par 'jug pa rnams ni shi 'phos nas med par 'gyur bas brtan pa dang nges pa ma yin pa'i phyir 'gyur ba zhes bya'o/ brtson 'grus 'bri dang 'phel zhes bya ba la sogs pas brtson 'grus kyi rnam pa'i bye brag ston te/ brtson 'grus kyi rnam pa ni yang dag par spong ba bzhi dang ldan pa'i brtson 'grus dang / dbang po lnga dang ldan pa'i brtson 'grus dang / stobs lnga dang ldan pa'i brtson 'grus dang / byang chub kyi yan lag bdun dang ldan pa'i brtson 'grus dang / lam gyi yan lag brgyad dang ldan pa'i brtson 'grus la sogs pa'o/ /de la yang dag par spong ba bzhi dang ldan pa'i brtson 'grus ni 'bri ba dang 'phel ba'i brtson 'grus zhes bya ste/ ci'i phyir zhe na/ brtson 'grus des sdig pa mi dge ba'i chos ma skyes pa rnams mi skyed par byed/skyes pa rnams ni spong bar byed pas 'bri ba zhes bya'o/ /dge ba'i chos ma skyes pa ni skyed par byed la/ skyes pa ni rgya cher byed pas na 'phel ba zhes bya'o/ /thar pa'i dbang dang zhes bya ba la/ dbang po lnga dang ldan pa'i brtson 'grus ni thar pa la dbang byed pa'i brtson 'grus zhes bya ste/des mya ngan las 'das pa thob par 'gyur ba'i dge ba'i rtsa ba la dbang byed pa'i phyir ro/ /mi mthun phyogs spangs gzhan zhes bya ba la/ stobs lnga dang ldan pa'i brtson 'grus ni mi mthun pa'i phyogs spong pa'i brtson 'grus zhes bya ste/ci'i phyir zhe na/ brtson 'grus des ma dad pa dang le lo dang dran pa nyams pa dang sems g.yeng ba dang 'chal pa'i shes rab rnams zil gyis gnon cing spong bar byed pa'i phyir ro/ /de nyid 'jug pa dang zhes bya ba la/ byang chub kyi yan lag dang ldan pa'i brtson 'grus la ni de nyid la 'jug pa'i brtson 'grus zhes bya ste/byang chub kyi yan lag bdun ni sa dang po thob ste mthong ba'i lam skyes pa dang / mthong ba'i lam gyi tshe byang chub kyi yan lag bdun la bsgom par gzhag go/ /brjes pa dang zhes bya ba la/ 'phags pa'i lam gyi yan lag brgyad dang ldan pa'i brtson 'grus la ni brjes pa'i brtson 'grus zhes bya ste/ci'i phyir zhe na/ de ni yang dag stobs/ bdag nyid rjes su 'jug par bshad/ /ces bya ba 'dis bsdu ba'i dngos po bzhi'i mtshan nyid 'chad de/ bsdu ba'i dngos po bzhi las/ sbyin pas bsdu ba'i dngos po ni pha rol tu phyin pa drug gi skabs su sbyin pa'i pha rol tu phyin pa'i mtshan nyid ji ltar bshad pa dang don mtshungs shing 'dra ste/de bas na 'dir mi bshad do/ /phyi nas snyan par smra ba dang / don spyod pa dang / don mtshungs pa gsum gyi mtshan nyid bshad par bya ste/ sbyin pa nas shes rab kyi bar du pha rol tu phyin pa drug gi rang dang spyi'i mtshan nyid gzhan la gtan tshigs su 'chad de snyan par smra ba'i mtshan nyid do//pha rol tu phyin pa drug la sems can bstabs te/ pha rol tu phyin pa drug la bkod pha rol tu phyin pa drug sgrub tu bcug pa ni don spyod pa'i mtshan nyid do/ / pha rol tu phyin pa gang la sems can bkod cing sgrub tu bcug pa'i pha rol tu phyin pa de nyid la bdag nyid rjes su 'jug cing bdag nyid kyang de sgrub par byed pa ni don mtshungs pa'i mtshan nyid de/ bsdu ba'i dngos po bzhi'i mtshan nyid ni de ltar bshad do zhes bya ba'i don to/ /pha rol tu phyin pas bsdus pa'i phyir zhes bya ba la/pha rol tu phyin pa bshad pa'i skabs yin pas pha rol tu phyin par gtogs pa'i chos gzhan la bstan pa ni snyan par smra ba yin no zhes bya ba'i don to/ /bsdu ba'i dngos po bzhi rnams ci'i phyir bzhir bshad ce na zhes bya ba la/ bsdu ba'i dngos po'i mtshan nyid bshad nas bsdu ba'i dngos po bzhir grangs nges par ci'i phyir bshad pa'i grangs la spyod de/bsdu ba'i dngos po lnga la sogs pa mang du yang ma bshad/ gsum la sogs pa nyung du yang ma bshad ma bstan par ci'i phyir grangs rnam pa bzhi kho nar gzhag ces bya ba'i don to//de dag pha rol rnams kyi thabs/ /phan par byed dang 'dzin pa dang / /rab tu 'jug dang de ltar rjes su 'jug /bsdu ba'i dngos por shes par bya/ /zhes bya ba la/ 'di ltar bsdu ba'i dngos po rnams ni sems can bstan pa la ma zhugs pa rnams bstan pa la gzud pa dang /bstan pa la zhugs pa rnams yongs su smin par bya ba dang / smin par byas pa rnams grol bar bya ba'i thabs yin te/ de la thabs kyang rnam pa bzhi'o/ /gang zhe na/ phan par byed pa'i thabs dang / 'dzin par byed pa'i thabs dang / rab tu 'jug par byed pa'i thabs dang /rjes su 'jug pa'i thabs te/ de ltar thabs bzhi yod pas na bsdu ba'i dngos po yang bzhi kho nar zad de mi mang mi nyung ngo zhes bya ba'i don to/ /de la phan par byed pa'i thabs ni sbyin pa ste/ bza' ba dang bgo ba la sogs pa sbyin pas sems can gyi bkres pa dang grang ba la sogs pa med par bya ba'i phyir sems can gyi lus la phan btags so//'dzin par byed pa'i thabs ni snyan par smra ba ste/ 'dzin par byed ces bya ba dang / khong du chud par byed ces bya ba don gcig go/ 'di ltar snyan par smra bas pha rol tu phyin pa rnams kyi rang dang spyi'i mtshan nyid bshad pas pha rol tu phyin pa'i mtshan nyid mi shes pa dang /log par shes pa dang / the tshom du gyur pa rnams bsdus nas pha rol tu phyin pa'i mtshan nyid ma nor bar byed pas na 'dzin par byed pa'i thabs so/ /rab tu 'jug pa'i thabs ni don spyod pa ste/ pha rol tu phyin pa mi shes pa dang /the tshom du gyur pa rnams kyi mi shes pa dang the tshom bsal nas pha rol tu phyin pa'i don khong du chud pa rnams kyang pha rol tu phyin pa rnams spyod pa la 'jog cing / pha rol tu phyin pa spyod du bcug pas na rab tu 'jug par byed pa'i thabs so/ /rjes su 'jug par byed pa'i thabs ni don mtshungs pa ste/dge ba'i rtsa ba gang la sems bkod pa'i dge ba de las ma nyams shing rgyun du spyod du gzhug pa'i phyir/ bdag nyid kyang pha rol tu phyin pa de nyid sgrub par byed de 'di ltar bdag nyid kyis bsgrubs nas sems can pha rol tu phyin pa spyod du bcug pa rnams 'di snyam du sems te/pha rol tu phyin pa dge ba gang la bdag cag bkod pa'i pha rol tu phyin pa de la byang chub sems dpa' nyid kyang de la sgrub pas na bya ba 'dis ni dam pa yin no zhes sems can dag nan tan gyis pha rol tu phyin pa la sgrub par byed do/ /yang dag par bstan pa la ji ltar smra ba de bzhin byed par shes nas zhes bya ba la sogs pa la/byang chub sems dpa' pha rol tu phyin pa'i chos rnams ni dam pa dang gtso bo yin pas sgrub pa'i rigs so zhes smras nas/ pha rol tu phyin pa rnams la sems can bkod pa'i sems can de dag byang chub sems dpa'i tshig tu ji skad smra ba de bzhin du byang chub sems dpa' nyid kyang de la sgrub par shes nas sems can rnams kyang nan tan gyis pha rol tu phyin bsgrub par byed de/de bas na sems can sgrub tu gzhug pa'i phyir bdag nyid kyang pha rol tu phyin pa sgrub par byed pa ni rjes su 'jug pa'i thabs zhes bya'o/ / thog ma kho nar snod du gyur/ /zhes bya ba la sogs pa tshigs su bcad pa gcig gis bsdu ba'i dngos po bzhi'i las 'chad de/ de la dang po kho nar pha rol tu phyin pa rnams sgrub pa'i snod du byed pa ni sbyin pa ste/ byang chub sems dpa' sbyin pas sems can la phan btags na byang chub sems dpa' ji ltar dge ba byed du bcug pa de bzhin du sems can dge ba byed pas ni sbyin pa'i las ni sems can snod du gyur par byed pa'o//gnyis pas su ni mos par byed/ /ces bya ba la/ gnyis pa ni snyan par smra ba ste/ snyan par smra bas ni pha rol tu phyin pa dang yang dag par ldan pa'i chos rnams la mos par byed do//ji lta zhe na/ pha rol tu phyin pa'i mtshan nyid mi shes pa dang / log par shes pa dang / the tshom du gyur pa rnams la pha rol tu phyin pa'i mtshan nyid ma nor bar bshad pas/ mi shes pa dang / log par shes pa dang / the tshom bsal na pha rol tu phyin pa dang ldan pa'i chos la mos shing dang pa skye bar 'gyur ba'i phyir ro//gsum pas yang dag sgrub par byed/ /ces bya ba la/ gsum pa ni don spyod pa ste/ don spyod pas ni yang dag par sgrub par byed de/ pha rol tu phyin pa yang dag par sgrub pa la sems can 'jog par byed pa'i phyir ro//bzhi pas rnam par spyod par byed/ /ces bya ba la/ bzhi pas ni don mtshungs pa ste/ des ni rnam par spyod par byed de/ ji lta zhe na/ sems can pha rol tu phyin pa sgrub pa la brtan por bya ba'i phyir yun ring por bdag nyid pha rol tu phyin pa sgrub par byed de/sems can gyi don du yun ring por bdag gis pha rol tu phyin pa bsgrubs nas pha rol tu phyin pa'i mtshan nyid dri ma med cing dag par 'gyur ro zhes bya ba'i don to/ /bsdu ba rnam pa bzhi dag ni/ /bsdu ba rnam pa gnyis su 'dus/ /zang zing dang ni chos kyis kyang / / dmigs pa'i chos la sogs pas so/ /zhes bya ba'i tshigs su bcad pa 'dis bsdu ba'i dngos po bzhi rnams don gnyis su sdud par ston to/ /bcom ldan 'das kyis mdo kha cig las bsdu ba'i dngos po bzhi zhes bshad/ kha cig las bsdu ba'i dngos po gnyis zhes bshad de/ bsdu ba'i dngos po bzhir gsungs pa de yang bsdu ba'i dngos po rnam pa gnyis su 'dus te/ bsdu ba'i dngos po gnyis ni zang zing gis bsdu ba dang / chos kyis bsdu ba'o/ /de la sbyin pas bsdu ba'i dngos po ni zang zing gis bsdu ba'i nang du 'dus so/ /snyan par smra ba dang / don spyod pa dang /don mtshungs pa gsum ni chos kyis bsdu ba'i nang du 'dus so/ /gsum ji ltar chos kyis bsdu ba'i nang du bsdus she na/ ji ltar chos rnam pa gsum ste/ dmigs pa'i chos dang / bsgrub pa'i chos dang / de rnam par dag pa'i chos so/ /de la dmigs pa'i chos ni pha rol tu phyin pa drug dang ldan pa'i mdo sde la sogs pa la bya ste/dmigs pa'i chos kyi nang du snyan par smra ba 'dus te/ ji lta zhe na/ snyan par smra bas pha rol tu phyin pa'i chos 'chad par byed pa'i phyir ro/ /sgrub pa'i chos ni pha rol tu phyin pa drug nyams su len cing sbyong bar byed pa ste/ de'i nang du ni don spyod pa 'dus so/ / ji lta zhe na/ don spyod pas sems can pha rol tu phyin pa sgrub tu bcug pa'i phyir ro/ /rnam par dag pa'i chos ni pha rol tu phyin pa rnams ser sna la sogs pa'i mi mthun pa'i phyogs dang bral ba ste/ de'i nang du ni don mtshungs pa 'dus so/ /rnam dbye tha ma dang ni bar ma mchog / ces bya ba la sogs pa tshigs su bcad pa gcig gis bsdu ba'i dngos po bzhi'i rab tu dbye ba 'chad de/ de la nyan thos rnams kyi bsdu ba'i dngos po bzhi ni tha ma zhes bya ste/ gzhan gyi don mi byed pa'i phyir ro/ /rang sangs rgyas kyi bsdu ba'i dngos po bzhi ni bar ma zhes bya ste/ dad pa la sogs pa'i dbang po bar ma dang ldan pa'i phyir ro//byang chub sems dpa' rnams kyi bsdu ba'i dngos po bzhi ni/ mchog ces bya ste/ bdag dang gzhan gyi don du zhugs pa'i phyir ro/ /yang na byang chub sems dpa' bsdu ba'i dngos po bzhis bsdus nas nyan thos kyi theg pa la bkod pa'i bsdu ba'i dngos po bzhi ni tha ma zhes bya'o//bsdu ba'i dngos po bzhis sems can bsdus te/ rang sangs rgyas kyi theg pa la bkod na bsdu ba'i dngos po bzhi po de dag bar ma zhes bya'o/ /bsdu ba'i dngos po bzhis sems can bsdus te/ theg pa chen po la bkod na bsdu ba'i dngos po de dag mchog ces bya'o//bsdu ba phal cher stongs mi stongs/ /rnam kun mi stongs shes par bya/ /zhes bya ba la/ mos pas spyod pa'i sa la gnas pa'i byang chub sems dpa' rnams kyis bsdu ba'i dngos po bzhis sems can bsdus shing smin par byed pa ni phal cher smin par mi 'gyur la/chung shas shig smin par 'gyur bas phal cher stongs pa zhes bya ba ste/ chos kyi de kho na ma mthong ba dang sems can gyi bsam pa mi shes pas na phal cher don med par 'gyur ro/ /sa dang po nas sa bdun man chad kyi byang chub sems dpas bsdus pa'i dngos po bzhis sems can yongs su smin par byed pa ni phal cher smin par 'gyur gyi/cung zad tsam smin par mi 'gyur bas na phal cher mi stongs pa zhes bya ste/ phal cher don yod par 'gyur ro zhes bya ba'i don to/ /sa brgyad dang / dgu dang / bcu pa'i byang chub sems dpa' dag gis bsdu pa'i dngos po bzhis sems can bsdu zhing smin par byas pa rnams ji ltar smin par byas pa de bzhin du thams cad smin par 'gyur te/gcig kyang chud mi za bas rnam pa kun du mi stongs pa yin par shes par bya'o/ /'khor sdud pa la zhugs pa rnams/ /tshul 'di nyid la gnas pas na/ / thams cad don ni 'grub pa'i phyir/ /kun du thabs su 'di bsngags so/ /zhes bya ba'i tshigs su bcad pa 'dis bsdu ba'i dngos po bzhi sems can smin par byed pa'i thabs su gyur par ston to/ /byang chub sems dpa' 'khor rnam pa bzhi bsdu zhing smin par byed pa rnams kyang bsdu ba'i dngos po'i tshul 'di nyid la gnas shing thabs 'di nyid kyis sems can yongs su smin par byed de/sems can smin par bya ba'i thabs 'di las ma gtogs par gzhan med do/ /ci'i phyir zhe na/ bsdu ba'i dngos po bzhis ni sems can thams cad kyi don 'grub par byed pa'i phyir te/de bas na sems can gyi don grub par byed pa'i thabs sla ba ni bsdu ba'i dngos po bzhi yin par de bzhin gshegs pa rnams kyis bsngags shing bshad do zhes bya ba'i don to/ /tshigs su bcad pa 'di nyid kyis don gsal bar bshad pa'i phyir/ bsdus pa dag dang sdud 'gyur dang //da ltar sdud par byed pa dang / /thams cad de bzhin de bas na/ /sems can smin phyir de lam mo/ /zhes smos te/ 'das pa'i sangs rgyas dang byang chub sems dpa' rnams kyis sems can thams cad bsdus pa yang bsdu ba'i dngos po bzhi po 'di nyid la gnas nas bsdus shing smin par byas pa dang /ma 'ongs pa'i sangs rgyas dang byang chub sems dpa' rnams kyis sems can thams cad bsdu zhing smin par bya ba yang / bsdu ba'i dngos po 'di nyid la gnas nas bsdus shing smin par byed par 'gyur ba dang / da ltar gyi sangs rgyas dang byang chub sems dpa' rnams kyis sems can sdud cing smin par byed pa yang /bsdu ba'i dngos po bzhi po 'di nyid la gnas nas sems can bsdus shing smin par byed de/ de bas na bsdu ba'i dngos po bzhi po 'di dag ni sems can yongs su smin par bya ba'i lam gcig pu theg pa gcig pu ste/ 'di las sems can bsgral bar bya ba'i lam gzhan med do zhes bya ba'i don to/ /pha rol tu phyin pa drug dang / bsdu ba'i dngos po bzhi bshad pa'i don mjug bsdus te bstan pa'i phyir de ltar longs spyod la rtag tu mi chags so zhes bya ba la sogs pa tshigs su bcad pa smos so/ / de ltar zhes bya ba ni gong du bshad pa de ltar na zhes bya ba'i don to/ /byang chub sems dpa' sbyin pa'i pha rol tu phyin pa dang ldan pas na longs spyod la rtag tu mi chags pa'i blo dang ldan pa zhes bya ste/ longs spyod gang la yang chags pa'i sems mi skye ba'i phyir ro/ /tshul khrims kyi pha rol tu phyin pa dang ldan pas na zhi ba zhes bya ste/'dod chags la sogs pa'i rgyu las byung ba'i srog gcod pa la sogs pa'i lam zhi bar mi byed pa'i phyir ro/ /bzod pa'i pha rol tu phyin pa dang ldan pas sdom pa zhes bya ste/ zhe sdang gis sems mi 'khrugs par bsdams pa'i phyir ro/ /brtson 'grus kyi pha rol tu phyin pa dang ldan pas/brtson pa'i pha rol tu phyin pa zhes bya ste/ brtson 'grus kyi pha rol tu phyin pas bsgrub pa mthar phyin pa byed pa'i phyir ro/ /bsam gtan gyi pha rol tu phyin pa dang ldan pas gnas nyid ces bya ste/ sems phyi rol du mi g.yeng zhing sems rtse gcig tu gnas pa thob pa'i phyir ro//shes rab kyi pha rol tu phyin pa dang ldan pas srid pa'i yul la mtshan mar rnam par mi rtog ces bya ste/ /srid pa ni nang gi dngos po phung po lnga'o/ /yul ni phyi'i dngos po gzugs la sogs pa'o/ /mtshan ma ni phyi nang gnyi ga'i dngos po'o/ /bdag gi rgyud las ma gtogs pa'i sems can gzhan te de dag la yod par mi rtog go zhes bya ba'i don to//de ltar pha rol tu phyin pa drug bsgrub pa las bdag yongs su smin par 'gyur ba'i byang chub sems dpa' des bsdu ba'i dngos po bzhis sems can gzhan yang yongs su smin par byed/ de bas na des ni sems can tshogs rnams bsdus pa yin//zhes smos te/ /pha rol tu phyin pa dang / de ldan pa'i byang chub sems dpa' des bsdu ba'i dngos po bzhis sems can yongs su smin par byed do zhes bya ba'i don to/ /pha rol tu phyin pa'i skabs rdzogs so// //sangs rgyas la mchod pa'i rnam par dbye ba'i tshigs su bcad pa bdun te zhes bya ba la/pha rol tu phyin pa dang bsdu ba'i dngos po'i rjes la sangs rgyas la mchod pa dang / dge ba'i bshes gnyen la brten pa dang / tshad med pa bzhi la 'jug pa 'chad de/ de la pha rol tu phyin pa dang bsdu ba'i dngos po'i rjes la sangs rgyas la mchod pa dang / dge ba'i bshes gnyen la brten pa dang /tshad med pa la 'jug pa'i skabs 'chad par 'brel pa ci yod ce na/ sngar bdag la phan pa bsgrub pa'i phyir pha rol tu phyin pa rnams bstan te/ pha rol tu phyin pa bsgrubs pas ni bdag phun sum tshogs pa thams cad dang ldan par 'gyur ro/ /sems can gzhan la phan par bya ba'i phyir ni/bsdu ba'i dngos po bshad de bsdu ba'i dngos pos ni sems can la phan 'dogs par 'gyur ro/ /de la bdag la phan pa phun sum tshogs shing bdag gi 'byor pa la chags par gyur na tshogs kyi bar du gcod de/ de bas na bdag la chags pa bsal bar bya ba'i gnyen por sangs rgyas la mchod pa dang /dge ba'i bshes gnyen la brten par bya'o/ /sangs rgyas la chos gos dang lhung bzed la sogs pa phyi'i dngos po gtong ba la goms na longs spyod la chags pa'i bsam pa mi skye bar 'gyur ro/ /lus dang srog la yang mi phangs par dge ba'i bshes gnyen la brten te/dge ba'i bshes gnyen mgu bar byas na bdag gi lus dang srog la yod pa'i bde ba'i longs spyod la chags par mi 'gyur te/ de bas na chags pa rnam pa gnyis spang bar bya ba'i phyir sangs rgyas la mchod pa dang / dge ba'i bshes gnyen la brten par bya'o//bsdu ba'i dngos po bzhis gzhan gyi don du zhugs pa na yang sems can gyi log par spyod pa dang / 'khor ba'i sdug bsngal dag byung na byang chub sems dpa' tshad med pa bzhi dang mi ldan pa dang sems can rnams la btang snyoms su 'dor zhing sems can 'dul bar mi byed de/ de bas na de'i gnyen por tshad med pa rnams bshad de/ tshad med pa bzhis yongs su zin cing tshad med pa bzhi la goms par byas na gnas skabs thams cad du yang byang chub sems dpa' sems can yongs su mi gtong ste/ de bas na pha rol tu phyin pa dang / bsdu ba'i dngos po bshad pa'i rjes la/ sangs rgyas la mchod pa dang / dge ba'i bshes gnyen la brten pa dang / tshad med pa bshad pa'i skabs bshad pa'i phyir 'brel to/ /de la sangs rgyas la mchod pa phye na du yod pa'i mchod pa'i rab tu dbye ba tshigs su bcad pa bdun zhig gis je ston to/ /mngon sum lkog nas mchod pa ni//zhes bya ba la sogs pa tshigs su bcad pa bzhi'i bsdus pa'i don ni/ mchod pa bzhi dang dngos po dang / /mtshan ma dang ni bsngo ba dang / /rgyu dang ye shes zhing dang ni/ /gnas pas kyang ni bstan pa'o/ /zhes bya ba'i tshigs su bcad pa lnga pas bstan to/ /de la sangs rgyas la mchod pa rnam pa gnyis te/mngon sum nas mchod pa dang / lkog nas mchod pa'o/ /mngon sum dang lkog ni sangs rgyas rnams ni mchod pa'i gzhi'o/ /de la dus bzang po'i tshe na ni sems can bsod nams can dag gis mngon par sangs rgyas pa'i sangs rgyas nyid la mchod par byed de/ de ni mngon sum gyi mchod pa zhes bya'o/ /dus ngan pa'i tshe na ni de bzhin gshegs pa mngon sum du mi bzhugs pas de bzhin gshegs pa'i sku gzugs dang ri mo dang mchod rten la sogs pa la mchod pa byed de/ de la ni lkog nas mchod pa zhes bya'o/ /sangs rgyas rnams la gos la sogs/ / zhes bya bas dngos po bstan te/ sangs rgyas la mchod pa yang chos gos dang lhung bzed dang gdugs dang rgyal mtshan la sogs pas mchod de sogs pa'i nang du ni nyan pa dang sems pa la sogs pa byed pa yang bsdu'o/ /shin tu dad pa'i sems kyis te/ /zhes bya bas mtshan ma bstan te/ de ltar de mchod pa de de yang rgyu gang gis mchod ce na/ de bzhin gshegs pa ni nyes pa thams cad spangs pa yon tan phun sum tshogs pa yin pas bsod nams kyi zhing yin no snyam du dad cing mos pa'i shugs kyis mchod par byed do zhes bya ba'i don to/ /tshogs gnyis rdzogs par bya ba'i phyir zhes bya bas bsngo ba'i mtshan ma bstan te/sangs rgyas la mchod pa byed pa de yang bsod nams dang ye shes kyi tshogs rdzogs par bya ba'i phyir bsngos nas mchod de/ de yang ji ltar bsngo zhe na/ bdag gis mchod pa byas pa des myur du bsod nams dang ye shes kyi tshogs rdzogs par gyur cig ces bsngo'o//sangs rgyas skye bas mi stongs pa/ /smon lam dang ni ldan pa ste/ /zhes bya bas rgyu bstan te/ de bzhin gshegs pa rnams la mchod pa byed pa dang / mchod pa byed pa rnams bsod nams dang ye shes kyi tshogs rdzogs par bya ba'i phyir bsngo ba yang tshe rabs snga ma dag ni gar skyes kyang sangs rgyas skye bas mi stongs par skye bar smon lam btab pa'i rgyu las mchod pa byed pa dang bsngo ba 'byung ste/smon lam yang sangs rgyas skye ba dang bskal par ma gyur cig pa dang / der yang sangs rgyas rnams la mchod pa byed par gyur cig pa dang /mchod pa byas pa rnams kyang 'bras bu med pa dang don med par ma gyur cig ces smon lam btab pa'o/ /dmigs pa med pa gsum dag ni/ /sangs rgyas mchod par rdzogs pa'o zhes bya bas ye shes gang gis zin pa ston te/ byang chub sems dpa' rnams kyis sangs rgyas mchod pa yang rnam par mi rtog pa'i ye shes kyis zin pas mchod par bya ba'i sangs rgyas dang /mchod par byed pa'i byang chub sems dpa' dang / mchod pa'i yo byad chos gos la sogs pa yod par mi dmigs pas mchod de/ dmigs su med pa'i tshul gyis mchod pa ni sangs rgyas la mchod pa rdzogs pa zhes bya'o//tshad med pa'i sems can rnams yongs su smin par bya ba'i phyir gzhan zhes bya bas zhing bstan te/ gzhan yang sems can tshad med pa rnams yongs su smin par bya ba'i phyir mchod pa la 'jug ste/ ji ltar yongs su smin par bya zhe na/ sems can zhing dang 'dra ba'i sems kyi rgyud la de bzhin gshegs pa la ji ltar mchod par bya ba'i chos bshad nas/ma 'ongs pa na mchod pa byed par 'gyur pa'i sa bon bsgrungs pa dang / mchod pa'i las dag byed du btsud pas sems can yongs su smin par byed do/ /dngos po dag dang sems pa gzhan//zhes bya bas gnas bstan te/ de la mchod par bya ba'i gnas ni rnam pa gnyis te/ dngos po la gnas pa dang / sems la gnas pa'o/ /de la dngos po la gnas pa ni nor rdzas la brten nas chos gos la sogs pas mchod par byed pa'o/ /sems pa la gnas pa ni sems kyi khyad par gyis mchod pa ste/de yang gang dag yin pa bstan pa'i phyir/ /mos pa dag dang rten gyis so/ /zhes bya ba la sogs pa smos te/ sems pa la gnas pa yang mos pa dang rten dang / snying brtse ba dang / bzod pa dang / gzhan yang dag par spyod pa dang / dngos po la spyod pa dang / rtogs pa dang / rnam par thar pa dang / yang dag pa'o/ /de dag gi mtshan nyid ni 'grel ba'i skabs su bshad par bya'o/ /bdag sangs rgyas skye ba 'bras bu yod par gyur cig ces sngon smon pa'o zhes bya ba la/ rgyu ni tshe rabs snga mar smon lam btab ste/ ji ltar smon lam btab ce na/'jig rten du sangs rgyas bcom ldan 'das byung bar gyur pa na bdag dang bskal par ma gyur cig pa dang / sangs rgyas rnams dang phrad nas kyang sangs rgyas la mchod pa byed par gyur cig pa dang / mchod pa byas pa rnams kyang 'bras bu yod pa dang / don yod par gyur cig ces smon lam btab pa'o//zhing tshad med pa'i sems can rnams te zhes bya ba la sogs pa la/ mchod pa'i sa bon 'debs pa'i zhing ni sems can tshad med pa rnams te/ sems can de dag yongs su smin par bya ba'i phyir chos bshad pa nas sems can gyi sems kyi zhing la mchod pa ji ltar bya ba'i chos bshad nas mchod pa'i sa bon bsgrungs pa dang /sems can rnams kyang mchod pa'i las byed du 'dzud pa'o/ /sems la gnas nas ro myang ba dang zhes bya ba la sogs pa la/ de la sems la gnas pa ni ro myang ba la sogs pa nas yang dag pa nyid kyi bar dag la gnas pa'o//de la sngon de bzhin gshegs pa rnams la mchod pa byas pa de nyid la yon tan du mthong zhing des dga' ba skyes pa ni ro myang ba zhes bya'o/ /phyogs bcu na sems can rnams kyis de bzhin gshegs pa la mchod par byas pa la sems dga' ba ni rjes su yi rang ba zhes bya'o/ / bdag dang sems can rnams ma 'ongs pa na yang sangs rgyas la mchod pa byed par 'gyur bar dga' zhing de ltar smon pa ni mngon par dga' ba yid la byed pa zhes bya'o/ /ji ltar gsungs pa'i mos pa la sogs pa ste zhes bya ba la/ gzhan yang mos pa dang / bsam pa dang / 'byor pa rnyed pa dag kyang sems pa la gnas nas mchod pa zhes bya'o//de la mos pa ni/ de bzhin gshegs pa la mchod pa ji ltar bya ba'i chos dang don 'chad pa'i theg pa chen po'i mdo sde la mos shing dad pa ste des kyang de bzhin gshegs pa la mchod pa yin no/ /bsam pa yang rnam pa dgu ste/ ro myang ba dang /rjes su yi rang ba dang / mngon par dga' ba dang / chog mi shes pa dang rgya che ba dang / dga' ba dang / phan 'dogs pa dang / nyon mongs pa med pa dang / dge ba'i bsam pa ste/ de dag gi mtshan nyid ni pha rol tu phyin pa'i skabs su bshad pa bzhin du sbyar ro//'byor pa ni nam mkha' mdzod kyi ting nge 'dzin la sogs pa la brten nas de bzhin gshegs pa la mchod pa byed pa'o/ /byang chub kyi sems bskyed nas so zhes bya ba la/ bla na med pa'i byang chub tu sems bskyed nas tshe rabs gar skyes kyang bdag dang gzhan la phan pa bsgrub pa dang / de bzhin gshegs pa la mchod pa byed par gyur cig ces smon lam btab pa la brten pa zhes bya ste/des kyang de bzhin gshegs pa la mchod pa byas par 'gyur ro/ /smon lam ci'i phyir ming du brten pa zhes btags she na/ de'i phyir/ smon pa ni tshigs su bcad pa sbyar ba'i phyir/ 'dir rten du gsungs so zhes smos so//smon pa la smon pa nyid ma bcug par brten pa'i tshig bcug pa ni/ tshigs bcad rkang pa sbyar ba la mi bde bas ni smon lam gyi tshig brten par btags nas tshigs su bcad pa'i nang du brten pa'i tshig bcug go/ /sems can rnams la snying brtse ba dang zhes bya ba la/sems can sdug bsngal ba mthong na snying rje skye zhing de dag gi sdug bsngal bsal bar 'dod pa ni snying brtse ba zhes bya ste/ snying brtse ba'i sems des kyang sangs rgyas rnams la mchod par 'gyur ro zhes bya ba'i don to/ /bdag dang sems can yongs su smin par byed pa'i phyir grang ba dang tsha ba dang bkres pa dang skom pa la sogs pa'i sdug bsngal nyams su len pa la ni dka' bar spyod pa'i sdug bsngal nyams su len pa zhes bya ste/des kyang sangs rgyas la mchod par 'gyur ro/ /sbyin pa'i pha rol tu phyin pa nas shes rab kyi pha rol tu phyin pa'i bar du pha rol tu phyin pa drug bsgrub pa ni pha rol tu phyin pa yang dag par spyod pa zhes bya ste/des kyang sangs rgyas la mchod par 'gyur ro/ /tshul bzhin du chos yid la byed pa ste zhes bya ba la sogs pa la/ chos rnams la mi rtag pa dang / sdug bsngal ba dang / stong pa dang bdag med pa tshul bzhin du yid la byed pa la dngos por spyod pa zhes bya ste/dngos po spyod pa la ci'i phyir tshul bzhin zhes bya zhe na/ des chos thams cad mi rtag pa dang / sdug bsngal ba la sogs pa'i mtshan nyid du phyin ci ma log par shes par byas pas na/ dngos po spyod pa la tshul bzhin yid la byed pa zhes bya'o//mthong ba'i lam la yang dag pa'i lta ba zhes bya ba la sogs pa la/ sa dang po thob nas mthong ba'i lam skyes pa na bdag med pa gnyis khong du chud pa'i yang dag pa'i lta ba skyes pa la dngos po chud pa zhes bya ste/ ci'i phyir yang dag pa'i lta ba de la dngos po chud pa zhes bya zhe na/yang dag pa'i lta ba des gang zag la bdag med pa dang / chos la bdag med pa'i don phyin ci ma log par chud pa'i phyir te/ de ltar yang dag pa'i lta ba skyes pa des kyang de bzhin gshegs pa la mchod par 'gyur ro/ /nyan thos rnams kyi nyon mongs pa'i las rnam par grol bas zhes bya ba la sogs pa la/nyan thos rnams kyis shes bya'i sgrib pa ma spangs nyon mongs pa'i sgrib pa spangs nas mya ngan las 'das pa thob pa la rnam par thar pa zhes bya ste/ des kyang nyan thos rnams kyis de bzhin gshegs pa la mchod pa byas pa yin no zhes bya ba'i don to/ / byang chub chen po thob pa'i phyir yang dag pa nyid kyis te zhes bya ba la/ byang chub sems dpa' rnams dang pha rol tu phyin pa rim gyis bsgrubs pa dang / de bzhin gshegs pa la mchod pa byas pa'i rim pas bla na med pa'i byang chub thob pa ni yang dag pa nyid ces bya ste/ byang chub chen po thob pa des kyang phyogs bcu'i de bzhin gshegs pa la mchod pa byas pa yin no//de ltar de bzhin gshegs pa la mchod pa'i rab tu dbye ba rnam pa gcig bshad zin to/ /yang 'das pa dang / ma 'ongs pa dang / da ltar dang / nang dang phyi dang / rags pa dang / phra ba dang / bzang po dang /ngan pa dang / nye ba dang / ring ba'i dbye ba'am/ de bzhin gshegs pa la mchod pa'i rab tu dbye ba bstan pa'i phyir/ rgyu dang 'bras bu de bzhin te/ /zhes bya ba la sogs pa smos so/ /de la 'das pa'i dus na mchod pa byas pa ni rgyu/ de ltar gyi dus na mchod pa byas pa ni 'bras bu ste/sngon mchod pa byas pa'i sa bon yod pas da ltar gyi dus na mchod pa byed pa ni rgyu/ ma 'ongs pa'i dus na mchod pa byed pa ni 'bras bu ste/ da ltar gyi dus na mchod pa byas pa'i rgyus ma 'ongs pa na mchod pa byed par 'gyur te/ de ltar na rgyu dang 'bras bu'i tshul gyis 'das pa dang ma 'ongs pa dang da ltar byung ba'i mchod pa rnam par gzhag go//bdag nyid byed dang gzhan gyis kyang / /zhes bya ba la/ bdag nyid kyi lus dang yan lag 'bul ba dang / nyan pa dang sems pa la sogs pa byed pa ni bdag nyid kyi zhes bya ste/ de ni nang gi mchod pa'o//mdza' bo dang nye du gnyen bshes la sogs pa gzhan dag mchod pa byed du bcug pa dang / chos gos la sogs pa 'bul ba ni gzhan gyi zhes bya ste/ de ni phyi'i mchod pa'o/ /rnyed pa dang ni bkur stis kyang / /bsgrub pa de yang rnam pa gnyis/ /mchod pa chung ngu chen po ste//zhes bya ba la/ gzhan yang mchod pa rnam pa gnyis te/ mchod pa chung ngu dang chen po'o/ /de la rnyed pa ni chos gos dang mal cha la sogs pa 'bul ba'o/ /bkur sti ni phyag bya ba dang / thal mo sbyor ba dang / bsdu ba dang / bstod pa byed pa la sogs pa ste de ni mchod pa chung ngu zhes bya'o//sgrub pa ni dam pa'i chos nyan pa dang / sems pa dang / bsgom pa la sogs pa byed pa ste/ de ni mchod pa chen po zhes bya'o/ /yang na rnyed pa dang bkur stis mchod pa ni chen po zhes bya'o/ /sgrub pas mchod pa ni phra mo zhes bya'o/ /ngar bcas nga med pa zhes bya ba la/ 'dis ni tha ma dang mchog gi mchod pa ston te/mchod pa byed pa bdag nyid dang / /mchod par bya ba'i sangs rgyas dang / /mchod pa chos gos la sogs pa gsum char yod par dmigs pa ni ngar bcas pa zhes bya ste de ni tha ma'o/ /ci'i phyir tha ma zhe na/ dngos por dmigs shing rtog pa dang bcas pa'i phyir tha ma'o//mchod par byed pa bdag nyid dang / /mchod par bya ba'i sangs rgyas dang / /mchod pa'i rdzas gsum yod par mi rtog pas mchod pa ni nga med pa zhes bya ste de ni mchog go/ /ci'i phyir zhe na/ dngos po la rnam par rtog pa spangs pa'i phyir ro/ /sbyor ba dang ni zhes bya ba la/sbyor bas mchod pa yang rnam pa gnyis te/ dus gzhan du mchod par sbyor ba dang / de'i tshe mchod par sbyor ba'o/ /de la dus gzhan du mchod par sbyor ba ni lo dang zla ba dag gis bcad nas phyis mchod par sbyor te de ni thag ring zhes bya'o/ /de'i tshe mchod par sbyor ba ni gang gi tshe na mchod par bsams pa de nyid kyi tshe na mchod par byed pa ste de ni nye ba'o//'gro de bzhin zhes bya ba la/ /'gro bas mchod pa yang de gnyis te/ /'gro ba chad nas mchod pa dang / de ma thag tu mchod pa'o/ /de la 'gro ba chad nas mchod pa ni/ /tshe rabs gnyis sam gsum mam brgya'am stong dag gis bar du ma mchod nas des phyis mchod pa byed pa zhes bya ba'i don to//de de la byang chub sems dpa' gcig gis sems can yongs su smin par byas nas der zhugs pa'i byang chub sems dpa' gzhan gyis smin par byas pa yin pas bya ba thams cad 'dres pa zhes bya ba'i don to//byang chub sems dpa' gcig gis de bzhin gshegs pa la mchod pa byas nas der zhugs pa'i byang chub sems dpa' thams cad kyis kyang mchod pa byas pa yin te/ de bas na nye bar 'dres pa zhes bya'o/ /bsten pa rnam par dbye ba'i tshigs su bcad pa rnam pa bdun te zhes bya ba la/phyi'i dngos po la chags pa spang ba'i phyir de bzhin gshegs pa la mchod pa bya ba bstan nas/ da ni bdag gi lus la chags pa spang ba'i phyir dge ba'i bshes gnyen la brten pa bstan te/ dge ba'i bshes gnyen la brten pa yang rnam pa dus bstan pa phye ste tshigs su bcad pa bdun gyis bstan to zhes bya ba'i don to//de la tshigs su bcad pa phyed dang lngas ni zhes bya ba la/ dge ba'i bshes gnyen la brten pa rnam par dbye ba'i tshigs su bcad pa rnam pa bdun gyis bstan to zhes glengs pa las tshigs su bcad pa phyed dang lngas ni brten pa'i gzhi la sogs pa don rnam pa brgyad bstan to zhes bya ba'i don to//bshes gnyen dul ba zhi ba nyer zhi ba/ /yon tan lhag pa brtson 'grus lung dang ldan/ /de nyid rab tu rtogs pa'i tshig dang ldan/ /snying rje yod dang skyo ba rnam par spangs/ /zhes bya ba'i tshigs su bcad pa 'dis yon tan ji lta bu dang ldan pa'i dge ba'i bshes gnyen la brten pa'i gzhi dge ba'i bshes gnyen gyi mtshan nyid ston to//de la lhag pa'i tshul khrims kyi bslab pa dang ldan pas chags par 'gyur ba'i dngos po rnams mtshan mar mi 'dzin cing dpe byad du mi 'dzin pas/mig la sogs pa'i dbang po drug yul la mi 'jug par sbas pa dang ldan pas dul ba zhes bya'o/ /ting nge 'dzin dang ldan pas na gang gi tshe sems phyi rol du g.yengs bar gyur pa na yang zhi gnas bsgoms pas sems mi 'phro bas nang du sdud par byed de/ de bas na zhi ba zhes bya ba ste/'dis ni lhag pa'i sems kyi bslab pa dang ldan pa ston to/ /gang gi tshe nyan pa dang sems pa la sogs pa'i tshe dge ba la zhugs pa na/ rnam pa 'ga' zhig gis sems phyi rol du g.yengs nas 'dod chags dang zhe sdang la sogs pa'i nyon mongs pa zhig skyes par gyur na shes rab kyis myur bar shes par byas nas de'i gnyen po mi gtsang ba dang byams pa la sogs pa bsgoms nas zhi bar byed pas na nye bar zhi ba zhes bya ste/'dis ni lhag pa'i shes rab dang ldan par ston to/ /dge ba'i bshes gnyen de yang tshul khrims la sogs pa'i yon tan dang mang du thos pa la sogs pa bdag dang mnyam pa'am/bdag pas chung ba ma yin gyi/ tshul khrims la sogs pa'i yon tan dang / thos pa la sogs pa bdag pas 'phags pa la brten te/ de bas na yon tan lhag pa zhes bya'o/ /dge ba'i bshes gnyen de yang slob ma'i don dang /gzhan gyi don bya ba la btang snyoms su 'dor zhing g.yeng bar byed pa ma yin gyi/ gcig tu gzhan gyi don bya ba la sems spro zhing 'bad pa la brten te/ de bas na brtson 'grus dang ldan pa zhes bya'o/ /dge ba'i bshes gnyen de yang thos pa chung ba ma yin gyi bshad par bya ba'i gsung rab kyi chos mang du thos pa dang ldan pa la brten par bya ste/de bas na lung dang ldan pa zhes bya'o/ /dge ba'i bshes gnyen de 'phags pa'i bden pa bzhi'i rnam par thar pa'i sgo gsum mam/ mi rtag pa dang sdug bsngal ba la sogs pa'i chos 'ga' rtogs pa yod pas na de nyid rab tu rtogs pa zhes bya ste/de lta bu la brten par bya'o zhes bya ba'i don to/ /gang la brten par bya ba'i dge ba'i bshes gnyen de tshig 'brel cing smra mkhas la tshig 'jebs pa smra ba la brten par bya ste/ de bas na tshig dang ldan pa zhes bya'o/ /dge ba'i bshes gnyen de slob ma la chos ston pa yang rnyed pa dang bkur sti'i phyir ston pa ma yin gyi/gang la chos bstan par bya ba'i slob ma rnams kyi nyon mongs pa spang bar bya ba'i phyir chos ston te/ de bas na snying rje yod pa zhes bya'o/ /chos ston pa na ma gus pa dang brnyas pa'i tshul du ston pa dang / res 'ga' ston res 'ga' mi ston pa ma yin gyi/gus par byas nas rtag tu rgyun mi 'chad par ston par byed de/ de bas na skyo ba rnam par spangs pa zhes bya'o/ /bkur sti rnyed dang rim gro byed pa dang / /sgrub par byed pas bshes gnyen bsten par bya/ /zhes bya bas/ bsten pa'i dngos po bstan to/ /dge ba'i bshes gnyen la brten na dngos po gang gis bsten zhe na/bkur sti'i dngos po dang / rim gro byed pa'i dngos po dang / sgrub par byed pa'i dngos pos bsten to/ /de la dge ba'i bshes gnyen gyi yon tan bsgrags pa dang / bsdu ba dang / bskyal ba dang / phyag 'tshal ba dang / thal mo sbyor ba la sogs pa byed pa ni bkur sti'i dngos po zhes bya'o/ /chos gos dang bsod snyoms la sogs pa 'bul ba ni rnyed pa'i dngos po zhes bya'o/ /mnye ba dang bkru ba la sogs pa las su bya ba thams cad byed pa ni rim gro byed pa'i dngos po zhes bya'o/ /'di dag gis ni phyi'i dngos pos bsten pa bstan to dge ba'i bshes gnyen gyis ji ltar bstan cing bsgo ba dang /ji ltar bshad pa bzhin du nyams su len cing nyan pa dang sems pa dang bsgom pa la sogs pa byed pa ni sgrub par byed pa'i dngos po zhes bya ste/ 'dis ni nang gi dngos pos bsten pa bstan to/ /blo can chos la de bzhin shes bsam dang //bshes gnyen drung du dus su 'dud par 'gro/ /zhes bya ba 'dis/ dge ba'i bshes gnyen la brten pa'i mtshan ma bstan te/ mtshan ma yang rnam pa gsum mo/ /de la blo can ni dge ba'i bshes gnyen la rten par byed pa'i gang zag go/ /chos la de bzhin shes bsam dang //zhes bya ba ni mtshan ma gcig ste/ chos dang chos smra ba'i gang zag la brnyas pa'i bsam pa'am chos rku ba'i bsam pa'am/ klan ka btsal ba'i bsam pas dge ba'i bshes gnyen btsal bar mi bya'i/ bdag nyid kyis chos kyi don rtogs shing shes par bya ba'i bsam pas shes par bya'o zhes bya ba'i don to//dus dus su 'gro ba ni mtshan ma gnyis pa ste/ dge ba'i bshes gnyen gyi drung du 'gro na yang bsam gtan byed pa dang / zas za ba la sogs pa skabs su ma bab pa'i tshe 'gro bar mi bya'i/ skabs su bab par byas nas 'gro bar byed de/skabs su bab pa'i tshe bsten cing 'gro bar byed do zhes bya ba'i don to/ /'dud pas 'gro ba'i mtshan ma gsum ste/ dge ba'i bshes gnyen gyi gan du 'gro ba yang lus dang sems dul bar byas shing gus pa dang bcas pa'i sems kyis 'gro bar bya'i/ lus dang sems ma dul ba dang /ma gus pa dang / nga rgyal gyi spyod lam gyis ni 'gro bar mi bya'o zhes bya ba'i don to/ /de ni bkur sti rnyed la 'dod pa med/ /bsgrub par bya phyir de ni sngo bar byed/ /ces bya ba 'dis bsngo ba bstan te/ dge ba'i bshes gnyen la brten pa de yang khe dang bkur sti dang rnyed pa 'dod pa'i phyir dge ba'i bshes gnyen la brten zhing sngo bar byed pa ma yin gyi/sgrub par byed pa'i phyir sngo bar byed do/ /ji ltar bsngo zhe na/ bdag gis dge ba'i bshes gnyen la brten pa 'dis rnyed pa dang bkur sti thob par gyur cig ces ni mi bsngo'o/ /bdag gis dge ba'i bshes gnyen la brten pas nam zhig na bdag thos pa dang /sems pa dang / bsgom pa'i shes rab gsum gyi sgo nas 'phags pa'i lam sgrub cing chos nyid kyi don rtogs par gyur cig ces sngo bar byed pa'i phyir ro/ /ji ltar bstan nas sgrub par byed pas na/ /blo can de bas de'i sems mgu bar byed//ces bya bas rgyu bstan te/ dge ba'i bshes gnyen la brten par bya ba'i rgyu gang zhe na/ gang gis dge ba'i bshes gnyen de'i sems mgu ba dang dga' bar byed pa de ni rgyu'o/ /ji ltar dge ba'i bshes gnyen gyi sems mgu bar bya zhe na/ dge ba'i bshes gnyen gyis ji lta ji ltar bstan cing bsgo ba dang /bshad cing gdams pa de lta de ltar nyams su len cing sgrub par byed pas dge ba'i bshes gnyen gyi sems mgu bar 'gyur te/ de ltar dge ba'i bshes gnyen gyi sems mgu na/ bdag la 'doms pa dang ston par byed pas na dge ba'i bshes gnyen gyi sems mgu ba ni bsten pa'i rgyu'o//theg pa gsum la mkhas par blo chung nas/ /nang gi theg pa bsgrub phyir 'bad par byed/ /ces bya ba la/ blo ldan shes rab kyis nyan thos dang rang sangs rgyas dang theg pa chen po'i mtshan nyid khong du chud nas theg pa gsum la mkhas pa ni dge ba'i bshes gnyen la brten pa'i ye shes so//de ltar theg pa gsum la mkhas par byas nas kyang / byang chub sems dpa' rnams ni nyan thos dang rang sangs rgyas kyi theg pa mi sgrub kyi/ bdag dang sems can gyi don du theg pa chen po'i don rtogs par bya ba'i phyir theg pa chen po nyid sgrub par byed do zhes bya ba'i don to//sems can dpag med smin par bya phyir dang / /zhing dag par yang sbyang bar bya ba'i phyir/ /zhes bya bas/ dge ba'i bshes gnyen la brten pa'i zhing bstan te/ dge ba'i bshes gnyen la brten pa'i zhing rnam pa gnyis so/ /gang zhe na/ sems can gyi zhing dang / snod kyi 'jig rten gyi khams so/ /de la sems can gyi zhing ni yongs su smin par byas te/ sems can dpag tu med pa rnams dge ba tshad med pa spyod du bcug nas sems can yongs su smin par bya ba'i phyir dge ba'i bshes gnyen la brten to/ /snod kyi 'jig rten gyi zhing ni yongs su dag cing sbyang bar bya ba'i phyir dge ba'i bshes gnyen la brten to//sangs rgyas kyi zhing gser dang bai DUr+ya la sogs pa'i sa gzhi dang / dpag bsam gyi shing la sogs pa'i rgyan phun sum tshogs pa rdzogs par bya ba'i phyir dge ba'i bshes gnyen la brten to zhes bya ba'i don to//chos kyi bgo skal yon tan ldan pa de/ bshes gnyen de la zang zing med pas bsten/ /zhes bya bas bsten pa'i gnas bstan te/ dge ba'i bshes gnyen la brten na gang la gnas te bsten zhe na/ 'di ltar pha ma'i nor lta bu dang / phu nu dang spyi nor lta bu ji dgar spyod du dbang ba la bgo skal zhes bya ste/'di'i skabs su bgo skal gyi don ni lhur len pa la bya ste/ chos lhur len cing chos bdag gir byed pa'i yon tan dang ldan pa la gnas nas dge ba'i bshes gnyen la brten par bya'i/ zang zing lhur len cing zang zing bdag gir byed pa la gnas nas dge ba'i bshes gnyen la brten par bya ba ni ma yin no zhes bya ba'i don to//'di man chad tshigs bcad phyed dang gsum gyis bsten pa'i rnam par dbye bar rig par bya ste zhes bya ba la/ tshigs su bcad pa bdun gyis dge ba'i bshes gnyen la brten pa'i rab tu dbye ba bshad do zhes glengs pa la/tshigs bcad phyed dang lngas gnas dang dngos po la sogs pa'i don brgyad dang sbyar nas dge ba'i bshes gnyen la brten pa'i rab tu dbye ba bstan te/ da tshigs bcad gsum gyis 'das pa dang ma 'ongs pa la sogs pa'i rab tu dbye ba'i sgo nas dge ba'i bshes gnyen la brten pa'i 'bras bu'o//da ltar gyi dus la rab tu dbye ba tshul de 'dra ba ston to zhes bya ba'i don to/ /rgyu dang 'bras bu zhes bya ba ni 'das pa la sogs pa phye ste snga ma bzhin no zhes bya ba la/ 'di ltar tshe rabs snga mar dge ba'i bshes gnyen la brten pa ni rgyu yin la/ da ltar gyi dus na dge ba'i bshes gnyen la brten pa ni 'bras bu'o//da ltar gyi dus na dge ba'i bshes gnyen la brten pa ni rgyu yin la/ ma 'ongs pa'i dus na dge ba'i bshes gnyen la brten par 'gyur ba ni 'bras bu ste/ de ltar rgyu dang 'bras bu'i tshul gyis na dge ba'i bshes gnyen la brten pa yang 'das pa dang da ltar dang /ma 'ongs pa dang rnam pa gsum gzhag ste/ snga ma bzhin no zhes bya ba'i don ni de lta bu'o/ /chos kyi sgo ni rjes rtogs pas/ /blo can phyi rol gyis kyang bshes gnyen bsten/ /zhes bya ba la/ phyi'i bsten pa dang / nang gi bsten pa bstan te/ dge ba'i bshes gnyen la brten pa'i sgo nas chos kyi sgo'i ting nge 'dzin rtogs te ji ltar rtogs pa'i ting nge 'dzin de nyid la yang nas yang du goms par byas pas kyang dge ba'i bshes gnyen la brten par 'gyur te 'di ni nang gi bsten pa'o//chos gos dang bsod snyoms la sogs pa 'bul ba ni phyi rol gyi bsten pa ste/des phyi'i bsten pa bstan to/ /chos la nyan pa sems kyi rnal 'byor ni/ /zhes bya bas/ dge ba'i bshes gnyen la rtsing bas brten pa dang phra bas brten pa bstan te/ de la dge ba'i bshes gnyen la nyan pa'i sgo nas bsten pa ni rtsing ba zhes bya ste/ ci'i phyir zhe na/ gzhan gyi sgra tsam la brten nas sems phyi rol du rgyug pa'i phyir ro/ /sems pa dang sgom pa'i sgo nas bsten pa ni phra ba zhes bya ste/ sems nang du lta ba'i phyir ro/ /de nyid sems kyi rnal 'byor ro/ /zhes bya ba la/ sems pa dang sgom pa'i sgo nas bsten pa nyid sems kyi rnal 'byor gyis bsten pa zhes bya'o//ngar bcas pa dang nga med yid ldan ni/ /tha ma dang ni mchog gi rnam pa'o/ /zhes bya ba 'dis dge ba'i bshes gnyen la tha mas bsten pa dang / mchog gis bsten pa ste/ dge ba'i bshes gnyen dang / bdag dang chos gos la sogs pa bsten par bya ba'i dngos po yod par mthong nas dge ba'i bshes gnyen 'di la dngos po 'di dag gis bsten to zhes lta ba ni dar bcas pa'i yid dang ldan pa ste tha ma'o//dge ba'i bshes gnyen dang bdag dang bsten par bya ba'i dngos po gsum char ma mthong bas dge ba'i bshes gnyen 'di la dngos po 'dis bdag gis brten to zhes mi lta ba ni nga med pa'i yid dang ldan pa ste mchog go//'gro bar sbyor dang smon lam dag gis kyang / /blo ldan dge ba'i bshes gnyen bsten pa'o/ /zhes bya ba la/ thag nye bar bsten pa dang / thag ring bar bsten pa ston to/ /tshe rabs du mas mchod nas 'gro ba mang po zhig gi lus blangs te bsten pa ni thag ring ba'o//tshe de nyid kyi 'gro bas bsten pa ni thag nye ba'o/ /tshe de nyid dam tshe rabs phyi ma nyid du dge ba'i bshes gnyen la brten par sbyor ba ni thag nye ba'o/ /tshe de nyid la yang lo dang zla ba du mas chod nas bsten par sbyor ba'am/ tshe phyi mar yang tshe rabs du mas chod nas bsten par sbyor ba ni thag ring ba'o//tshe rabs phyi mar dge ba'i bshes gnyen la brten par gyur cig ces smon lam 'debs shing sten par byed pa ni thag ring ba'o/ /tshe 'di nyid la dge ba'i bshes gnyen la brten par gyur cig ces smon lam 'debs shing tshe 'di nyid la sten par byed pa ni thag nye ba'o/ / bsten pa'i mchog gang zhe na/ tshigs su bcad pa bdun pa ste zhes bya ba la/ bsten pa'i rab tu dbye ba bstan nas bsten pa gang gis bsten na dge ba'i bshes gnyen la brten pa mchog /bsten pa dam pa/ bsten pa bla na med pa gang yin pa de tshigs su bcad pa bdun pas bstan to zhes bya ba'i don to//dam pa'i bshes gnyen bsten pa ni/ /rang gi sems kyis mchog yin te/ /chos la mos par gyur pa dang / /bsam pa dang ni 'byor pa'o/ /zhes bya ba la dge ba'i bshes gnyen dam pa la brten pa'i mchog ni dad pa dang dge ba'i sems kyis bsten na bsten pa'i mchog /bsten pa bla na med pa yin te/ de yang gang zhe na/ chos la mos pa dang / bsam pa dang / 'byor ba'o/ /de la dge ba'i bshes gnyen la brten pa 'chad pa'i theg pa chen po'o/ /chos la dad pa ni chos la mos pa zhes bya ste/ de yang bsten pa bla na med pa'o/ /bsam pa ni bsam pa rnam pa dang /ro myang ba'i bsam pa nas dge ba'i bsam pa'i bar du ste/ bsam pa de lta bu dang ldan pa ni bsten pa'i mchog bsten pa bla na med pa yin no/ /'byor pa ni nam mkha' mdzod kyi ting nge 'dzin la sogs pa bsgrubs nas nam mkha'i khams thams cad yo byad kyis bkang ste dge ba'i bshes gnyen la 'bul bar byed de/de yang bsten pa'i mchog go/ /'khor gsum yongs su dag pa'i tshul du dmigs nas rnam par mi rtog pa'i ye shes kyis zin pa yang bsten pa'i mchog go/ /sa brgyad pa yan chad mi skye ba'i chos la bzod pa thob pas bya ba gcig tu gyur pa yang bsten pa'i mchog ste/snga ma bzhin zhes bya ba'i don ni de lta bu'o/ /tshad med pa la rnam par dbye ba'i tshigs su bcad pa bcu gnyis so zhes bya ba la bsdu ba'i dngos pos sems can smin par byed pa la zhugs kyang tshad med pa'i sems dang mi ldan na sems can log par spyod pa rnams kyis skyo bar gyur nas sems can gtong bar byed de/de bas na de'i gnyen por tshad med pa la gnas pa bshad do/ /tshad med pa'i bsam pa dang ldan na sems can thams cad la bu gcig pa bzhin du sems pas sems can yongs su mi gtong bar byed de/ de bas na tshad med pa rnam par dbye ba tshigs su bcad pa bcu gnyis kyis bstan to zhes bya ba'i don to//bsten pa'i tshangs pa mi mthun spangs/ /rnam par mi rtog ye shes ldan/ /dmigs pa rnam pa gsum la 'jug /sems can thams cad smin par byed/ /ces bya ba'i tshigs bcad 'dis tshad med pa bzhi'i mtshan nyid bstan te/de yang mtshan nyid rnam pa bzhir rig par bya'o/ /gang zhe na/ mi mthun pa'i phyogs spangs pa dang / gnyen po'i khyad par dang ldan pa dang / 'jug pa'i khyad par dang ldan pa dang / las kyi khyad par dang ldan pa'o/ /de la bsten pa'i tshangs pa mi mthun pa spangs zhes bya bas mi mthun pa'i phyogs spangs pa bsten te/bsten pa ni byang chub sems dpa' la bya ste/ tshad med pa bzhi dang ldan pas sems can gyis gnod pa byas kyang sems can mi gtong ba'i phyir ro/ /tshangs pa ni tshangs pa'i gnas tshad med pa bzhi ste/ byams pa dang / snying rje dang / dga' ba dang / btang snyoms so/ /tshad med pa bzhi'i mi mthun pa'i phyogs ni gnod sems dang / 'tshe ba dang / mi dga' ba mang ba dang / chags pa dang / khong khro bas sems nyon mongs par gyur pa ste/ mi mthun pa'i phyogs de dag tshad med pa bzhi bsgoms pa'am/rnam par mi rtog pa'i ye shes kyis zin pas med par byas pa'i phyir spangs pa zhes bya'o/ /rnam par mi rtog pa'i ye shes dang ldan pas zhes bya bas/ gnyen po'i khyad par dang ldan pa bstan te/ byang chub sems dpa' dang / sems can dang tshad med pa bzhi la yod par mi rtog pa'i ye shes kyis zin pa'i phyir ro//dmigs pa rnam pa gsum la 'jug /ces bya bas 'jug pa'i khyad par dang ldan pa bstan te/ byang chub sems dpa'i tshad med pa bzhi ni rnam pa gsum du 'jug ste/ sems can la dmigs par 'jug pa dang / chos la dmigs par 'jug pa dang /dmigs pa med par 'jug pa'o/ /de la rnal 'byor spyod pa'i sa las ni/ so so'i skye bo dang / mu stegs pa rnams kyi byams pa ni sems can la dmigs pa ste/ bdag dang sems can yod par dmigs nas byams pa 'byung ba'i phyir ro/ /nyan thos dang rang sangs rgyas kyi byams pa ni/chos la dmigs pa'i byams pa zhes bya ste/ dngos po 'di dag gzugs la sogs pa phung po lnga'i chos tsam du zad kyi/ bdag gam sems can zhes bya ba med la/ phung po lnga yang mi rtag pa dang / sdug bsngal ba la sogs pa'i rang bzhin no zhes dmigs nas byams pa 'byung ba'i phyir ro//byang chub sems dpa' sa la zhugs pa dang / de bzhin gshegs pa rnams kyi byams pa ni/ dmigs pa med pa'i byams pa zhes bya ste/ gang zag la bdag med par khong du chud pas sems can du mi dmigs pa dang /chos la bdag med par khong du chud pas phung po lnga'i chos tsam du yang dmigs pa med par sems can la phan 'dogs pa dpag tu med par mdzad pa'i phyir ro/ /de la sems can la dmigs pa tshad med pa bzhi ni so so'i skye bo dang / mu stegs dang / nyan thos dang / rang sangs rgyas dang / byang chub sems dpa' dang / de bzhin gshegs pa rnams thun mong ngo / /chos la dmigs pa'i byams pa ni nyan thos dang / rang sangs rgyas dang / byang chub sems dpa' dang / de bzhin gshegs pa rnams thun mong ngo / /mi dmigs pa'i byams pa ni/ gang dang yang thun mong ma yin pa'o zhes bshad do//'phags pa blo gros mi zad pa'i mdo las kyang / byams pa ni gsum po 'di dag ste/ gsum gang zhe na/ 'di lta ste/ sems can la dmigs pa'i byams pa dang / chos la dmigs pa'i byams pa dang / dmigs pa med pa'i byams pa'o/ /de la thog ma sems bskyed pa'i byang chub sems dpa' rnams kyi byams pa ni sems can la dmigs pa'o zhes gsungs te/de'i don kyang sems can gyi dngos po yod par lta zhing gang zag dang chos la bdag med par ma rtogs pa'i phyir ro/ /spyod pa la zhugs pa'i byang chub sems dpa' rnams kyi byams pa ni chos la dmigs pa'o zhes gsungs te/sa dang po yan chad nas sa bdun pa man chad ni spyod pa la zhugs pa zhes bya ste/ de dag gi tshe chos kyi dbyings rnam par dag pa la dmigs pas na chos la dmigs pa zhes bya'o/ /mi skye ba'i chos la bzod pa rab tu thob pa'i byang chub sems dpa' rnams kyi byams pa ni dmigs pa med pa zhes gsungs te/rnam par mi rtog pa lhun gyis grub pas rtsol ba dang 'bad pa med par byams pa 'byung ba'i phyir ro/ /sems can dang chos la dmigs pa yang / sems can gyi ris dang chos gang la rab tu 'jug pa dang zhes bya ba la/gong du byang chub sems dpa'i tshad med pa bzhi ni sems can la dmigs pa dang / chos la dmigs pa zhes bshad na/ tshad med pa bzhis sems can la dmigs na sems can gyi ris gang dag la dmigs pa dang / chos la dmigs pa yang chos gang la dmigs she na zhes bya ba'i don to//mi dmigs pa yang mi dmigs pa gang zhe na zhes bya ba la/ mi dmigs pa'i byams pa la sogs pa bshad na/ ci zhig la dmigs she na zhes bya ba'i don to/ /bde 'dod ces bya ba la/ byams pas ni bde ba 'dod pa'i sems can la dmigs te/ ci'i phyir zhe na/ byams pa ni sems can la bde bar sbyor ba'i rnam pa yin pas sems can rnams bde ba dang ldan par gyur cig ces dmigs so//sdug bsngal gyis gzir dang zhes bya ba la/ snying rje ni sdug bsngal gyis gzir ba'i sems can rnams la dmigs te/ ci'i phyir zhe na/ snying rje ni sdug bsngal dang bral bar 'dod pa'i rnam pa yin pas sems can rnams sdug bsngal dang bral bar gyur cig ces dmigs pa'i phyir ro//bde ldan zhes bya ba la/ dga' bas ni bde ba dang ldan pa'i sems can la dmigs te/ ci'i phyir zhe na/ dga' ba ni bde ba dang mi 'bral bar 'dod pa'i rnam pa yin pas/bde ba dang ldan pa'i sems can rnams kyang bde ba dang bral bar ma gyur cig ces dmigs so/ /nyon mongs pa zhes bya ba la/ btang snyoms kyis ni tshor ba bde ba dang phrad ba dang / mdza' ba la sogs pa dang phrad nas 'dod chags skye ba dang / tshor ba sdug bsngal ba dang dgra la sogs pa dang phrad nas zhe sdang bar 'gyur bas nyon mongs par 'gyur ba'i sems can rnams la dmigs te/ci'i phyir zhe na/ btang snyoms ni tshor ba de rnams la sems nyon mongs pa med pa'i sbyor ba'i rnam pa yin te/ de bas na tshor ba bde ba dang / mdza' ba la sogs pa dang phrad na yang 'dod chags skye bar ma gyur cig /tshor ba sdug bsngal ba dang dgra la sogs pa dang phrad na yang zhe sdang bar ma gyur cig ces dmigs pa'i phyir te/ de dag gis tshad med pa gang gis sems can gyi tshogs gang la dmigs pa bstan to/ / de bstan chos zhes bya ba la/ /de'i sgras ni tshad med pa bzhi la bya ste/ chos la dmigs pa'i byams pas ni tshad med pa bzhi ston pa'i theg pa chen po'i mdo sde la dmigs so zhes bya ba'i don to/ /de'i de nyid la ni brten pa rnams 'jug go zhes bya ba la/ de'i zhes bya ba'i sgras ni bde ba 'dod pa dang /sdug bsngal gyis gzir ba dang / bde ba dang ldan pa dang / nyon mongs pa'i sems can rnams dang / tshad med pa bzhi ston pa'i mdo sde la snyegs te/ de nyid ces bya ba ni sems can rnam pa bzhi'i stong pa nyid dang / theg pa chen po'i chos kyi stong pa nyid la bya ste/ mi dmigs pa'i byams pas ni/de dag gi stong pa nyid la dmigs kyi sems can so so dang chos la ni dmigs par mi byed do zhes bya ba'i don to/ /mi dmigs pa ni de'i de bzhin nyid la ste zhes bya ba la sogs pa la/ mi dmigs pa'i byams pas ni sems can dang chos kyi stong pa nyid la dmigs te/de'i tshe sems dang sems las byung ba'i tshogs rnams ci la yang mi rtog pa'i mtshan nyid du ro gcig par gnas pas sems can tha dad pa dang / chos tha dad pa byed pa med pas na mi dmigs pa'i byams pa zhes bya'o/ /gzhan yang zhes bya bas/ dmigs su med pa'i byams pa'i rab tu dbye ba ston to//dmigs su med pa'i byams pa la phye na rnam pa bzhi yod par 'dod do/ /de yang de bzhin nyid kyi phyir/ /zhes bya ba 'dis rnam pa gcig bstan te/ sems can rnams dang chos rnams kyi stong pa nyid la dmigs pa'i byams pa la mi dmigs pa'i byams pa zhes bya ste/bdag dang chos su dmigs pa'am/ phyi dang nang du dmigs pa med pa'i phyir ro/ /bzod pa thob pas rnam par dag /ces bya bas/ rnam pa gnyis pa bstan te/ sa brgyad pa'i byang chub sems dpa' rnams mi skye ba'i chos la bzod pa thob pas/ byams pa la sogs pa tshad med pa'i sa bon brtas pa'i phyir tshad med pa rnam par dag ste/rnam par dag ces bya ba ni brtsal 'bad dang rtog dpyod med par tshad med pa bzhi lhun gyis grub ste/ de bas na sa brgyad kyi dus kyi tshad med pa bzhi ni mi dmigs par gzhag go/ /las gnyis zhes bya bas rnam pa gsum pa bstan te/byams pa'i rgyu mthun pa las byung ba'i lus kyi las brdeg 'tshog la sogs pa mi byed pa dang / dag gi las tshig rtsub mo la sogs pa mi 'byin pa la yang mi dmigs pa'i byams pa zhes bya ste/ ci'i phyir zhe na/ sems dang sems las byung ba rnams la ni mi dmigs pa dang rtog pa yod na lus dang ngag gnyis ni 'byung ba chen po bzhi las gyur pa gzugs kyi phung por gtogs pas rtog pa med pa'i phyir mi dmigs pa'i byams par gzhag go//byams pa ni sems kyi chos yin yang lus dang ngag gnyis byams pa'i sems las byung ba dang /brdeg 'tshog la sogs pa'i gnod pas sems can la gnod par mi byed pas na mi dmigs pa'i byams par btags so/ /nyon mongs zad pas kyang zhes bya bas rnam pa bzhi pa bstan to/ /'dod chags dang zhe sdang la sogs pa nyon mongs pa ni sems dang sems las byung ba'i dmigs pa yin la/nyon mongs pa spangs te zad na sems kyis dmigs par bya ba'i yul med pas nyon mongs pa zad pa rnams kyi 'phags pa byams pa yang mi dmigs pa'i byams pa zhes bya'o/ /sa brgyad pa la mi skye ba'i bzod pa thob pa'i phyir khams rgyas pas de rnam par dag pa dang zhes bya ba la/sa brgyad pa'i dus na byang chub sems dpa' rnams mi skye ba'i chos la bzod pa thob pas dkar po'i chos 'phel zhing mi mthun pa'i phyogs spangs pas khams rgyas pa zhes bya'o/ /byams pa la sogs pa'i sa bon brtas pa zhes bya ba'i don to/ /de ltar sa bon brtas pas na sa brgyad pa la sogs pa'i dus na byams pa la sogs pas rnam par dag ste/rnam par dag ces bya ba'i don ni/ brtsal 'bad med par lhun gyis grub par 'byung / /zhes bya ba'i don to/ /de bas na dmigs su med pa'i byams par gzhag go/ /rgyu mthun pa zhes bya ba la/byams pa'i sems kyis rgyu byas nas lus dang ngag gi las skyed ces bya ba'i don to/ /de la nyon mongs pa ni dmigs par gsungs te zhes bya ba la/ 'dod chags dang zhe sdang la sogs pa'i nyon mongs pa rnams ni sems kyis dmigs par bya ba'i yul du bshad la/nyon mongs pa zad na yul dmigs su med pas na mi dmigs pa'i byams par bshad do/ /nyon mongs pa la dmigs pa zhes bya bar yang ci mngon zhe na/ de'i phyir/ sems kyi mdud pa spangs pa'i phyir dmigs pa chad do zhes gsungs pa'i phyir ro zhes bya ba smos te/mdo las kyang / sems la yod pa'i 'dod chags dang zhe sdang la sogs pa'i nyon mongs pa spangs pas sems kyi dmigs pa med do zhes gsungs pas na nyon mongs pa la dmigs pa zhes bya bar mngon no/ /de ni g.yo dang mi g.yo dang / /chags pas myong dang mi myong shes//zhes bya ba 'dis tshangs pa'i gnas kyi rab tu dbye ba rnam pa bzhi ston te/ rnam pa bzhi ni 'bri ba'i cha can dang / gnas pa dang khyad par gyi cha can dang / nyon mongs pa dang bcas pa dang / nyon mongs pa med pa'o/ /de la 'bri ba'i cha can gyi tshad med pa bzhi la ni g.yo ba zhes bya ste/ci'i phyir zhe na/ phyis nyams shing med par gyur pa'i phyir ro/ /gnas pa dang khyad par du 'gyur ba'i cha can gyi tshad med pa bzhi la ni mi g.yo ba zhes bya ste/ nyams pa med cing khyad par du 'phags kyi nyams pa dang med par mi 'gyur ba'i phyir ro/ /tshad med pa bzhi'i ting nge 'dzin thob nas ting nge 'dzin gyi ro la chags pa'i 'dod chags kyis ting nge 'dzin gyi ro myang ba'i bde bar byed pa rnams la ni nyon mongs pa dang bcas pa zhes bya'o//tshad med pa bzhi'i bsam gtan thob kyang de'i bde ba'i ro la myong bar mi byed pa ni/ nyon mongs pa med pa zhes bya'o//chags pa zhes bya ba ni bde ba la zhen pa dang / sems rgya chung ba'o zhes bya ba la/ chags pa'i don 'chad de byams pa'i ting nge 'dzin gyi bde ba la chags shing zhen par gyur na gong nas gong du yon tan rgya chen po la sems mi 'jug pas na chags pas ro myang ba ni nyon mongs pa can zhes bya'o//bsam gtan gyi bde ba cung zad tsam gyis tshog par 'dzin cing gong nas gong du yon tan rgya chen po mi tshol ba yang nyon mongs pa can zhes bya'o/ /de rnams kyang zhes bya ba la/ tshad med pa bzhi la phye na 'bri ba'i cha can dang / gnas shing khyad par du 'gro ba'i cha can dang / nyon mongs pa can dang /nyon mongs pa med pa ste rnam pa bzhi yod pa las/ byang chub sems dpa' rnams gang la gnas shing sgom par byed ces bya ba'i don to/ /de'i phyir/ byang chub sems dpa' mi g.yo ba/ /chags pa med pa gnas pa ni/ /g.yo la ma yin ro myang ba la min/ / zhes bya ba smos te/ de ltar tshangs pa'i gnas la rnam pa bzhi bstan pa las/ byang chub sems dpa' rnams ni gnas pa dang khyad par gyi cha can la gnas pas na mi g.yo ba la gnas pa dang / nyon mongs pa med pa la gnas pas na chags pa med pa la gnas kyi/ g.yo bas de 'bri ba'i cha can la mi gnas/ro myang ba ste nyon mongs pa can ro myang ba la gnas pa ni ma yin no zhes bya ba'i don to/ /tshad med pa bzhi chung ngu dang chen po'i rab tu dbye ba bstan pa'i phyir/ mnyam par ma bzhag rang bzhin dang / /zhes bya ba la sogs pa tshigs su bcad pa gnyis smos so/ /de la mnyam par bzhag pa ni mnyam par ma bzhag pa'i sa pa ste 'dod pa'i khams la bya'o//de la mnyam par ma bzhag pa'i tshad med pa bzhi ni thams cad kyang chung ngur rnam par gzhag ste/ 'di ni chung ngu rnam pa gcig go/ /chung ngu bar ma zhes bya ba la/ gzugs dang gzugs med pa'i khams ni mnyam par gzhag pa'i sa pa zhes bya ste/mnyam par gzhag pa'i sa pa'i tshad med pa la yang / chung ngu dang / bar ma dang / chen po ste rnam pa gsum yod do/ /de la gzugs kyi khams kyi bsam gtan bzhi la/ tshangs ris dang / tshangs lha nye phan dang / tshangs chen te sa gsum mo//de bzhin du bsam gtan gnyis pa la yang sa gsum/ gsum pa la yang sa gsum/ bzhi pa la sa brgyad do/ /de la tshangs ris kyi tshad med pa bzhi ni chung ngu'o/ /tshangs lha nye phan gyi tshad med pa bzhi ni 'bring po'o/ /tshangs chen gyi tshad med pa bzhi ni chen po'o//de ltar mnyam par gzhag pa'i sa la tshad med pa che chung rnam pa gsum du zhugs pa las mnyam par gzhag pa tshad med pa chung ngu dang / bar ma gnyis kyang chung ngu'i nang du bsdu'o zhes bya ba'i don to/ /'og ma'i sa zhes bya ba la/ sa dang po la ltos nas mos pas spyod pa'i sa 'og ma yin la/sa gnyis pa la ltos nas dang po yang sa 'og ma yin te/ de bas na sa dang po las ni mos pas spyod pa'i sa 'og ma yin pas mos pas spyod pa'i tshad med pa ni chung ngu'i nang du bsdus te/ de bzhin du sa gnyis pa dang / gsum pa la sogs pa yang gong ma la ltos nas sa 'og ma rnams chung ngur gzhag go//bsam pa tha ma zhes bya ba la/ nyan thos dang rang sangs rgyas kyi sems ni bsam pa chung ngu yin te/ de dag gi tshad med pa yang chung ngur gzhag go zhes bya ba'i don to/ /ngar bcas zhes bya ba la/ sa dang po yan chad/ sa bdun pa man chad kyi tshad med pa ni brtsal 'bad dang bcas pas na ngar bcas pa zhes bya ste/ de dag kyang chung ngur gzhag go zhes bya ba'i don to/ /de dag tha ma gzhan mchog go/ /zhes bya ba la/ mnyam par ma bzhag pa thams cad dang / mnyam par bzhag pa'i chung ngu dang / bar ma dang / sa 'og ma dang / bsam pa tha ma dang / ngar bcas pa ste/ de drug tha mar bzhag na de las bzlog pa thams cad mchog tu 'gyur ro/ /ji lta zhe na/ mnyam par ma bzhag pa'i sa tha mar gzhag pa dang / bsam par gzhag pa thams cad mchog dang chen por gzhag go//mnyam par gzhag par yang chung ngu dang 'bring dang tha mar gzhag dang chen po rnams mchog tu gzhag go/ /sa 'og ma tha mar gzhag dang / sa 'og ma rnams mchog tu gzhag go/ /bsam pa tha ma tha mar gzhag dang / byang chub sems dpa' dang / de bzhin gshegs pa rnams kyi dgongs pa chen po'i tshad med pa rnams mchog tu gzhag go//sa bdun pa ngar bcas pas chung ngur gzhag dang / sa brgyad pa yan chad mi skye ba'i chos la bzod pa thob pa rnams kyi tshad med pa mchog tu gzhag go/ /da ni tshigs su bcad pa gnyis shig gis tshad med pa'i rgyu dang 'bras bu dang mtshan ma'i rnam pa gsum ston to//tshangs pa'i gnas pas gnas nas su/ /zhes bya bas rgyu bstan te/ byams pa dang / snying rje dang / dga' ba dang / btang snyoms te tshad med pa bzhi la gnas shing bsgoms na 'bras bu rnam pa lnga 'thob par 'gyur ro zhes bya ba'i don to//'bras bu rnam pa lnga ni rnam par smin pa'i 'bras bu dang / dbang byed pa'i 'bras bu dang / skyes bu'i rtsal gyi 'bras bu dang / rgyu mthun pa'i 'bras bu dang / bral ba'i 'bras bu'o/ /mkhas pa 'dod pa'i gnas su skye/ /zhes bya ba la tshad med pa bzhi la bsgoms na gzugs kyi khams su skye ba yin pa las/byang chub sems dpa' rnams ni bsam gyis mi khyab pa'i ting nge 'dzin dang ldan pas sems can rnams kyi don dang ched du 'dod pa'i khams su skye bar byed de/ de ni rnam par smin pa'i 'bras bu'o/ /des ni tshogs rnams rdzogs pa dang / /zhes bya ba la/ byang chub sems dpa' rnams kyi tshad med pa bzhi bsgoms na de'i dbang gis bsod nams kyi tshogs dang ye shes kyi tshogs yongs su rdzogs par 'gyur te/de ni dbang byed pa'i 'bras bu'o/ /sems can rnam par smin byed ces bya ba la/ tshad med pa bzhi dang ldan pa'i byang chub sems dpa' rnams sems can bstan pa 'di la ma zhugs pa dag bstan pa la gzhug pa dang /bstan pa la zhugs pa rnams rim par bkod nas yongs su smin par byed de/ 'di ni skyes bu'i rtsal gyi 'bras bu'o/ /skyes bu'i rtsal ni brtson 'grus kyi khyad par med par mi 'byung la/ brtson 'grus kyi khyad par gyis sems can yongs su smin par 'gyur bas na/skyes bu'i rtsal gyi 'bras bur gzhag go/ /tshangs dang ma bral thams cad du/ /zhes bya ba la/ tshe 'dir byang chub sems dpa' tshad med pa bzhi bsgoms na/ tshe rabs gar skyes gar skyes kyang tshad med pa bzhi dang ldan zhing dus thams cad du tshad med pa bzhi dang mi 'bral bar 'gyur te/de ni rgyu mthun pa'i 'bras bu'o/ /de la rgyu mthun pa zhes bya ba'i don yang rgyu ci 'dra ba btab pa 'bras bu'ang de 'dra bar skye ste/ dper na tshe 'dir sbyin pa byas na tshe rabs gzhan du yang sbyin pa la dga' bar 'gyur ba'o/ / de yi mi mthun phyogs spangs pa/ /zhes bya ba la/ tshad med pa bzhi'i mi mthun pa'i phyogs ni gnod sems dang / 'tshe ba dang / mi dga' ba med pa dang / 'dod chags dang khong khro ba ste/ tshad med pa bzhi dang ldan na de bzhi med par 'gyur bas na mi mthun pa'i phyogs spangs pa zhes bya ste/de ni bral ba'i 'bras bu'o/ /bag med de yi rkyen drag gis/ /rnam par 'gyur par mi 'gyur ro/ /zhes bya bas mtshan ma bstan te/ bag med pa zhes bya ba ni tshad med pa rnams kyi mi mthun pa'i phyogs gnod sems la sogs pa'i gnyen po byams pa la sogs pa mngon sum du ma byas pa ni bag med pa zhes bya ste/gnyen po mngon sum du ma byas kyang / gnod sems dang 'tshe ba la sogs pa skye ba'i rkyen drag po mngon sum du 'ongs kyang yul gyi dbang du mi 'gyur zhing / gnod sems dang 'tshe ba la sogs pa mi 'byung na tshad med pa thob pa yin par rig par bya ste/rnam par 'gyur par mi 'gyur ba ni tshad med pa thob pa'i mtshan ma dang rtags yin no/ /tshigs su bcad pa bzhi po gzhan dag gis ni nyes pa dang yon tan gyi rnam pa ste zhes bya ba la/ 'di man chad tshigs su bcad pa bdun zhig gis tshad med pa bzhi'i nyes pa dang skyon gang yin pa dang /tshad med pa bzhi'i yon tan gang yin pa de ston to zhes bya ba'i don to/ /byang chub sems dpa' gnod sems 'tshe ba gnyis/ /zhes bya ba la sogs pa'i tshigs su bcad pa gcig gis tshad med pa bzhi'i nyes pa dang skyon dag ston te/ sems can la bsad pa dang brdeg pa la sogs pa'i gnod pa bya bar sems pa'i gnod sems ni byams pa'i mi mthun pa'i phyogs so//lus kyi sgo nas bsad pa dang brdeg pa la sogs pa'i 'tshe ba byed pa ni snying rje'i mi mthun pa'i phyogs so/ /mi dga' zhes bya ba la/ sems can rnams bde ba dang ldan par mthong nas sems can phrag dog cing /ma mos mi dga' ba ni dga' ba'i mi mthun pa'i phyogs so/ /gnod sems 'dod pa'i 'dod chags zhes bya ba la/ tshor ba sdug bsngal ba dang dgra la sogs pa mthong nas gnod sems skye ba dang tshor ba bde ba dang mdza' ba la sogs pa mthong nas 'dod chags skye ba ni btang snyoms kyi mi mthun pa'i phyogs so//ldan pas nyes pa rnam mang myong / /zhes bya ba la/ tshad med pa bzhi'i mi mthun pa'i phyogs dang ldan na lus dang sems la gnod pa'i sdug bsngal rnam pa sna tshogs 'byung bar 'gyur ro zhes bya ba'i don to/ /nyes pa rnam pa mang po ji ltar myong zhe na zhes bya ba la/tshad med pa bzhi'i mi mthun pa'i phyogs bzhi dang ldan na nyes pa rnam pa mang po myong ngo zhes bya ba la nyes pa gang dang gang myong zhe na zhes bya ba'i don to/ /nyon mongs pas ni bdag nyid bcom/ /zhes bya ba la/ gnod sems dang 'tshe ba la sogs pa tshad med pa'i mi mthun pa'i phyogs kyi nyon mongs pa rnams kyis srog gcod pa dang ma byin par len pa la sogs pa byas na/bdag nyid bcom pa zhes bya ste/ ji ltar zhe na/ de'i rkyen gyis tshe 'di la yang bsad pa dang bcing ba la sogs pa'i gnod pa 'byung la/ tshe rabs gzhan du yang sems can dmyal ba la sogs par skye ba'i gnod pa 'byung ba'i phyir ro//sems can bcom zhes bya ba la/ de ltar tshul khrims 'khrugs pa dang / sems can gyi srog gcod pa dang / nor la ma byin par len pa la sogs pa'i gnod pa byed pas na sems can bcom pa zhes bya'o/ / tshul khrims bcom zhes bya ba la/ de ltar srog gcod pa dang / ma byin par blangs pas/ tshul khrims yang dag par blangs pa rnams nyams par 'gyur bas tshul khrims bcom pa zhes bya'o/ /'gyod bcas zhes bya ba la/ de ltar tshul khrims nyams pa'i gang zag de 'di snyam du sems par 'gyur te/'di ltar bdag gis ni 'phags pa rnams kyis bstod pa'i lam mtho ris su skye ba ni bor la/ so so'i skye bo sdig can gyis bsten pa'i lam ngan song gi lam du zhugs pas bdag ni brlag pa yin no snyam nas sems la gdung ba skye ste/ de bas na 'gyod pa dang bcas pa zhes bya'o//rnyed dang bral zhes bya ba la/ tshul khrims nyams pa de sngon sbyin bdag gis chos gos dang lhung bzed la sogs pa 'bul ba de yang de phan chad gang zag 'di ni sdig pa byed pa yin pas sbyin gnas ma yin no zhes ci yang 'bul bar mi byed de/ de bas na rnyed pa dang bral ba zhes bya'o//srung ba bral dang zhes bya ba la/ sngon tshul khrims dang ldan pa'i dus na lha la sogs pas srung bar byed pa yang de phan chad srung bar mi byed de/ de bas na srung ba dang bral ba zhes bya'o/ /de bzhin ston zhes bya ba la/ ston pa sangs rgyas bcom ldan 'das kyis kyang gang zag de de phan chad gtong bar byed de/gang zag 'di ni tshul khrims nyams pas shi ba'i ro dang 'dra'o zhes rnam pa du mar smod par mdzad do/ /rtsod pa'i gzhi bcas zhes bya ba la/ tshul khrims nyams pa de tshangs pa dang mtshungs pa rnams kyis chos nyid kyis rtsod par byed de chad pas gcod pa dang /skrod pa la sogs pa'i las byed pa'i phyir ro/ /grags ldan med ces bya ba la/ tshul khrims nyams pa'i gang zag de gang zag che ge mo zhig gis bslab pa nyams shing sdig pa'i chos byed pa'o zhes phyogs kun du mi snyan par grags par 'gyur bas na grags ldan med ces bya'o//de yang gzhan du mi khom skye/ /zhes bya ba la/ tshe 'dir sdug bsngal rnam pa sna tshogs myong bar 'gyur bar ma zad kyi/ tshe rabs gzhan du'ang sems can dmyal ba la sogs pa'i gnas su skye bar 'gyur ro zhes bya ba'i don to/ /thob dang ma thob rnam par spangs//zhes bya ba la/ tshul khrims nyams na tshe 'dir tshad med pa rnam pa bzhi yang med par 'gyur bas thob pa las nyams pa dang / tshe rabs gzhan du tshad med pa bzhi thob par 'gyur ba yang mi thob par 'ongs pas na ma thob pa las nyams pa'o/ /sems las sdug bsngal chen po thob//ces bya ba la/ gzhan yang bslab pa nyams na sems la sdug bsngal chen pos kyang gzir bar 'gyur te/ ji lta zhe na/ 'di snyam du sems te bdag gis ni bslab pa dral zhing khrims nyams par byas pas bdag ni mi rigs par byed pa'o snyam nas sems la gdung ba chen po skye bar 'gyur ro//de la tshig thog ma gsum gyis ni bdag la gnod pa dang / pha rol la gnod pa dang / gnyi ga la gnod pa'i phyir zhes bya ba la sogs pa la/ bdag nyid bcom pa dang / sems can bcom pa dang / tshul khrims bcom pa dang gsum gyis bdag la gnod pa dang /pha rol la gnod pa dang / gnyi ga la gnod par 'gyur bas nyes dmigs su 'gyur ba ston to/ /de la gnod sems dang 'tshe ba la sogs pa la gnas pa rnams ni mi mthun pa'i phyogs mthu che zhing / gnyen po'i stobs chung bas gnod sems dang 'tshe ba la sogs pa spyad pas tshul khrims yang dag par blangs pa de mi dge ba'i chos la zhugs pas tshul khrims nyams te/de bas na tshul khrims bcom mo/ /bdag bcom bas ni bdag la gnod par ston to/ /ji lta zhe na/ srog gcod pa dang / ma byin par len pa la sogs pa byas pa de'i rkyen gyis tshe 'dir yang bsad pa dang /bcing ba la sogs pa gnod pa rnam pa sna tshogs 'byung bar 'gyur la/ tshe rabs gzhan du yang ngan song gsum la sogs pa'i sdug bsngal myong bas bdag la gnod do/ /sems can bcom pas gzhan la gnod par ston te/ tshul khrims 'khrugs par gyur na ni sdig pa'i las la 'dzem pa med par 'jug ste/gzhan gyi srog gcod pa dang / nor las ma byin par len pas na gzhan la gnod do/ /de ltar bdag la yang sdug bsngal bskyed/ gzhan la yang sdug bsngal bskyed pas na/ gnyi ga la gnod do//'gyod pa dang bcas pa la sogs pa tshig rnam pa drug gis so zhes bya ba la sogs pa la/ 'gyod pa dang bcas pa dang / rnyed pa dang bral ba dang / bsrung ba dang bral ba dang / ston pas smad pa dang / rtsod pa'i gzhir bcas pa dang / grags ldan med pa dang drug gis tshe 'di la kha na ma tho ba 'phel bar 'gyur ba ston te/ji ltar 'phel bar 'gyur zhe na/ de'i phyir ji ltar 'byung zhe na/ de bdag dang pha rol rnams lha dang ston pa yang slu 'phya bar byed ces bya ba la sogs pa smos te/ 'gyod pa dang bcas pas ni bdag gis bdag bslus pa dang / bdag la bdag smod par byed pa ston te/ji lta zhe na/ sdig pa mi dge ba byas pa'i gang zag de ni 'di snyam du sems te/ bsod nams byed pa'i gang zag dag ni thar pa'i lam du zhugs pa yin la/ 'phags bdag ni 'jigs pa med pa yin no/ /sdig pa byed pa dag ni ngan song gi lam du zhugs pa yin la/sdig pa byed pa'i gang zag dag ni 'jigs pa dang bcas pa yin te/ bdag gis kyang sdig pa byas pa yin pas/ ngan song gi lam du zhugs pa 'jigs pa dang bcas pa yin pas bdag ni brlag pa'o chud zos pa'o zhes bdag nyid kyis bdag nyid kyi lus dang sems la smod par byed do//rnyed pa dang bral ba zhes bya bas/ pha rol slu zhing pha rol gyis smod par byed pa bstan te/ 'di ltar sdig pa byed pa'i gang zag de la sbyin pa'i bdag po rnams kyang 'di skad du zer te/ tshe dang ldan pa 'di ni 'di ltar sdig pa byed pa mi gtsang ba grong gi tsher ma dang 'dra bar 'gyur ba 'di la chos gos dang bsod snyoms la sogs pa sbyin pa'i gnas kyang ma yin no zhes zer zhing /bsod snyoms la sogs pa yang mi ster la/ mthong na yang kha zer zhing smod par byed pas na/ gzhan slu zhing 'phya bar byed pa'o/ / srung ba dang bral zhes bya bas/ lha slu zhing lhas smod par byed pa ston te/ 'di ltar sngon tshul khrims dang ldan par gyur pa dang / tshul khrims kyi lha rnams kyis srung bar byed pa de phan chad lha de dag srung bar mi byed la/ gang zag 'di ni tshul khrims nyams pa sdig pa'i chos spyod pa'o zhes smod par byed do//de bzhin ston pa zhes bya bas ston pa sangs rgyas kyang slu zhing smod par mdzad pa ston to/ /ston pa sangs rgyas kyis kyang gang zag 'di ni tshul khrims nyams pa bong bu'i sgra skad can yang dag pa'i rjes su mi 'brang ba ste/ shi ba'i ro dang 'dra'o zhes rnam pa du mar smod par mdzad do//gzhan yang tshangs pa mtshungs par spyod pa shes pa dang / chos nyid kyis smod par byed do zhes bya ba la/ rtsod pa'i gzhir gyur pas gzhan yang tshangs pa mtshungs par spyod pa mkhas pa shes pa rnams kyis chos nyid kyis smod par byed pa ston te/ 'di ltar tshangs pa mtshungs par spyod pa dag kyang gang zag de la/gang zag de ni 'di ltar sdig par byed pa bslab pa nyams pa ste/ shi ba'i ro dang 'dra'o zhes smod par byed cing / gtsug lag khang nas bskrad pa la sogs pa'i las kyang byed pa'i phyir ro/ /phyogs dang mtshams su zhes bya ba la sogs pa la/ grags pa dang ldan pa med pas phyogs mtshams su de'i sdig pa byed pa'i sgra mi snyan pa'i sgra 'byung ba ston te/bslab pa nyams pa'i gang zag de phyogs kun du yang gang zag che ge mo zhig gis tshul khrims nyams pa/ ngan pa'i ngang tshul can/ sdig pa'i las byed pa'o zhes mi snyan pa kun du grags par 'gyur ro/ /tshe rabs gzhan du mi khom par skye bas tshe rabs gzhan du kha na ma tho bar 'byung ba ston te/tshe phyi mar yang ngan song gsum du skye ba'i phyir ro/ /thob pa dang ma thob pa rnam par spangs pa dang / sems la sdug bsngal chen po thob pa nyid kyis tshe 'di dang tshe rabs phyi mar kha na ma tho ba 'byung ba ston te/ tshe 'dir tshad med pa bzhi thob pa las nyams pa dang / tshe 'dir lus dang sems la gdung ba chen po myong bar gyur pa ni tshe 'di'i kha na ma tho ba 'byung ba'o/ /tshe rabs gzhan du tshad med pa bzhi thob pa las mi 'thob par 'gyur ba las tshe rabs gzhan du lus dang sems la gnod par 'byung ba 'di tshe rabs gzhan du kha na ma tho ba 'byung ba'o//de ltar mi mthun pa'i phyogs kyi nyes pa rnam pa mang po 'byung ba bstan nas/ da ni yon tan ston te/ yon tan dang ni nyes pa med pa dang / sems can gyi don du 'khor ba las yongs su mi gtong ba'o/ /de bstan pa'i phyir/ nyes pa de dag thams cad ni//byams pa la sogs gnas mi 'byung / /zhes bya ba la sogs pa smos te/ gong du bshad pa'i nyes pa bdag bcom pa dang / gzhan bcom pa la sogs pa'i nyes pa de dag /byams pa dang / snying rje dang / dga' ba dang / btang snyoms la gnas pa rnams la mi 'byung ste/'dis ni nyes pa med pa bstan to/ /nyon mongs med pas sems can don/ /'khor ba 'dor bar mi byed do/ /zhes bya ba la/ shes rab dang ldan pa 'khor ba la gnas kyang 'khor ba'i skyon 'dod chags dang zhe sdang la sogs pas mi gos te/ de bas na nyon mongs pa med pa zhes bya ste/'dis ni 'khor ba na mi gnas pa bstan to/ /snying rje dang ldan pas sems can gyi don du 'khor ba yongs su mi gtong ste/ des ni mya ngan las 'das pa la mi gnas pa bstan te/ dper na tshigs bcad rkang pa gnyis kyis sems can gyi don du 'khor ba yongs su mi gtong ba bstan te/ji ltar rgyal ba'i sras rnams kyis/ /byams la sogs pas sems can la/ /yon tan ldan pa'i bu gcig la/ /sems can kun gyis de ltar min/ /zhes bya ba'i tshigs bcad gcig gis byang chub sems dpa'i byams pa la sogs pa rgya cher ston to//ji ltar byang chub sems dpa' rnams byams pa dang / snying rje dang / dga' ba dang / btang snyoms kyis sems can thams cad la byams pa dang / phan pa dang bde ba mdzad pa ltar pha ma gnyis bdag gis bu gcig pa'i yon tan dang ldan zhing mdzangs pa dang /mkhas pa yod pa la yang byams pa dang phangs pa'i bsam pa mi 'byung ngo / /gzhan yang byang chub sems dpa' sems can thams cad la byams pa la sogs pa mdzad pa ltar/ sems can thams cad kyi byams pa dang snying rje la sogs pa gcig tu bsdus kyang / byang chub sems dpa' gcig gi byams pa dang /snying rje tsam mi 'byung ngo / /snying rje'i dbye ba dang / de'i dmigs pas brtsams te zhes bya ba la/ byang chub sems dpa'i snying rje la phye na du yod pa dang / byang chub sems dpa'i snying rje'i dmigs pa bya ba'i yul gang yin pa bstan pa'i phyir tshigs su bcad pa gnyis rtsom mo zhes bya ba'i don to//byang chub sems dpa'i snying rjes dmigs par bya ba'i yul ni sems can rnam pa bcu ste/ de ltar na snying rje yang phye na rnam pa bcur 'gyur ro/ /rab tu 'bar dang zhes bya ba la/ 'dod pa'i khams kyi sems can 'dod pa lnga'i yon tan la chags pa rnams ni/rab tu 'bar ba zhes bya ste/ de dag la yang byang chub sems dpa' e ma'o sems can 'di dag ni 'dod pa'i 'dod chags kyi me rab tu 'bar bas rang dbang med par byas so zhes byang chub sems dpa'i thugs rje rab tu skye'o/ /dgra dbang song zhes bya ba la/ dge ba la zhugs pa rnams bdud kyi dbang du song nas dge ba byed pa btang ste/bar chad byas pa rnams ni dgra'i dbang du song ba zhes bya ste/ de dag la byang chub sems dpa' e ma'o sems can 'di dag ni bdud kyi dbang du song bas rang dbang med par byas so zhes byang chub sems dpa' thugs rje chen po skye'o//sdug bsngal gzir dang zhes bya ba la/ sems can dmyal ba la sogs pa ngan song gsum du skyes pa rnams ni sdug bsngal gyis gzir ba zhes bya ste/ de dag la yang byang chub sems dpa' e ma'o sems can 'di dag ni mnar med pa'i sdug bsngal sna tshogs kyis gzir zhing nyam thag go zhes thugs rje chen po skye'o//mun pas bsgribs zhes bya ba la/ shan pa dang rngon pa la sogs pa srog gcod pa la sogs pa'i lam la zhen pa rnams ni de las de'i rkyen gyis ma 'ongs pa na sems can dmyal ba la sogs par skye bar ma mthong bas na mun pas bsgribs pa zhes bya ste/de dag la byang chub sems dpa' rnams sems can 'di dag ni srog gcod pa la sogs pa'i lam la zhen pas ma 'ongs pa na ngan song gsum du skye bar 'gyur ro zhes byang chub sems dpa' thugs rje chen po skye'o/ /lam ngan par ni zhugs pa dag ces bya ba la/ gang zag rigs chad pa yongs su mya ngan las mi 'da' ba'i chos can ni lam ngan par zhugs pa zhes bya ste/ rtag tu 'khor ba 'ba' zhig tu skye ba'i phyir ro/ /de dag la byang chub sems dpa' e ma'o sems can 'di dag ni 'khor ba 'ba' zhig tu rgyun ma chad par skye'i/ nams kyang mya ngan las 'das pa'i skal ba med do zhes thugs rje chen po skye'o//bcing ba che dang ldan pa rnams/ /zhes bya ba la/ mu stegs pa bdag dang bdag gir rtog pa lta ba sna tshogs kyis thar pa tshol ba rnams ni bcing ba dam pos bcings pa zhes bya ste/ de dag la yang byang chub sems dpa' e ma'o sems can 'di dag bdag dang bdag gir lta ba'i bcing ba dam pos bcings so zhes byang chub sems dpa' thugs rje chen po skye'o//zas mchog dug dang 'dres la zhe na/ /zhes bya ba la/ gzugs dang gzugs med pa'i khams kyi ting nge 'dzin gyi ro la chags pa rnams ni/kha zas ngan pa dug dang 'dres pa za ba dang 'dra ste/ dper na kha zas zhim po dug dang 'dres pa za ba'i tshe na bde yang / zos pa'i 'og tu shi bar 'gyur ba de bzhin du/ bsam gtan dang ting nge 'dzin gyi ro la chags pa rnams kyang thang cig bde zhing tshim mod kyi/ phyis bde ba la chags shing zhen pa'i shugs kyis bsam gtan las nyams shing 'pho bar 'gyur bas na nyon mongs pa zhes bya ste/de dag la yang byang chub sems dpa' e ma'o sems can 'di dag ni chags pa ma yin pa la mngon par chags so zhes byang chub sems dpa' thugs rje chen po skye'o//lam ni rab tu stor ba dag /ces bya ba la/ mu stegs pa brag kha nas mchong ba dang / mi lnga'i dka' thub byed pa la sogs pa thar pa'i lam ma yin pa la thar pa'i lam du mngon pa'i nga rgyal byed pa rnams ni lam stor ba zhes bya ste/ de dag la yang byang chub sems dpa' e ma'o sems can 'di dag ni lam ma yin pa la lam du nga rgyal byed do zhes byang chub sems dpa' thugs rje chen po skye'o//lam log zhugs pa zhes bya ba la/ nyan thos kyi rigs ma nges pa dang / byang chub sems dpa'i rigs ma nges pa nyan thos kyi theg par zhugs pa zhes bya ste/ de dag la byang chub sems dpa' e ma'o sems can 'di dag ni bdag dang gzhan gyi don du zhugs pa'i theg pa chen po'i lam btang nas/ bdag 'ba' zhig thar par 'gyur ba'i lam du zhugs so zhes byang chub sems dpa' thugs rje chen po skye'o/ /nyam chung ba yi zhes bya ba la/ mos pa spyod pa'i sa la gnas pa'i byang chub sems dpa' nyon mongs pa'i zil gyis gnon pas bsod nams dang ye shes kyi tshogs myur du rdzogs par mi nus pa rnams ni nyam chung ba zhes bya ste/ de dag la yang byang chub sems dpa' e ma'o sems can 'di dag ni bsod nams dang ye shes kyi tshogs nyid kyi stobs chung ngo zhes byang chub sems dpa' thugs rje chen po skye'o//snying rje bar bya ba'i dmigs pa'i 'bras bu lnga bstan pa'i tshigs su bcad pa zhes bya ba la/ snying rje'i dmigs pa'i yul bstan nas/ snying rjes sems can la dmigs na 'bras bu ci 'thob par 'gyur ba bstan pa'i phyir tshigs su bcad pa rtsom ste/'bras bu'ang rnam pa lnga 'thob po/ /zhes bya ba'i don to/ /'tshe spangs zhes bya ba la/ snying rje dang ldan pa rnams ni sems can la brdeg pa dang 'tshog pa la sogs pa'i 'tshe ba mi byed pas 'tshe ba spang zhes bya ste/ 'dis ni bral ba'i 'bras bu bstan to//byang chub mchog gi sa bon dang / /zhes bya ba la/ snying rje'i dbang gis bla na med pa'i byang chub tu 'tshang rgya ba'i rgyu bsod nams dang ye shes kyi tshogs sogs par 'gyur ro/ /'di ni dbang gi 'bras bu'o/ /bde thob dka' thub pa dang zhes bya ba la/ snying rje dang ldan pa rnams sems can gzhan sdug bsngal las bsgral nas bde ba la 'god par byed pa dang /sems can gyi don du bdag nyid grang ba dang tsha ba dang bkres pa dang skom pa la sogs pa'i sdug bsngal dka' thub sna tshogs nyams su len par byed de/ 'dis ni skyes bu byed pa'i 'bras bu'o/ /'dod pa'i rgyu zhes bya ba la/snying rje dang ldan pa rnams gang dang gang du skye bar 'dod pa de dang der skye bar 'gyur te/ de ni rnam par smin pa'i 'bras bu'o/ /rang bzhin gtong ba zhes bya ba la/ snying rje can rnams snying rje la goms par byas pas/ tshe 'dir yang snying rje'i khyad par zhugs pa 'byung ba dang / tshe rabs gzhan du yang snying rje'i rang bzhin sems la rgyun du 'byung bas rang bzhin gtong ba zhes bya ste/'di ni rgyu mthun pa'i 'bras bu'o/ /chos la gnas pa'i rgyal ba'i sras kyi byang chub thag mi ring / /zhes bya ba la/ snying rje'i gnas ni chos la gnas pa zhes bya ba ste/ de lta bu'i chos la gnas pa'i byang chub sems dpa' rnams ni bla na med pa'i byang chub thob pa thag mi ring ste/myur du 'thob po zhes bya ba'i don to/ /'khor ba dang mya ngan las 'das pa la mi gnas pa'i tshigs su bcad pa ste zhes bya ba la/ snying rje'i dmigs pa dang 'bras bu bstan nas snying rje dang ldan pa'i byang chub sems dpa' rnams so so'i skye bo bzhin du 'khor bar gnas pa yang ma yin/nyan thos dang rang sangs rgyas bzhin du mya ngan las 'das pa la gnas pa yang ma yin par bstan pa'i phyir tshigs su bcad pa rtsom mo zhes bya ba'i don to/ /'khor bar gtogs pa thams cad sdug bsngal nyid//ces bya ba la/ nyid kyi sgra ni rang bzhin la bya ste/ khams gsum du gtogs pa'i phyi dang nang gi chos thams cad mi rtag pa dang sdug bsngal bar mkhyen nas zhes bya ba'i don to/ /bdag med pa ni shes par byas nas kyang / /zhes bya ba la mi rtag pa dang sdug bsngal ba 'ba' zhig tu mkhyen par ma zad kyi/stong pa dang bdag med pa yang thugs su chud do zhes bya ba'i don to/ /snying rje yod pa'i blo mchog skyo mi 'gyur/ /nyes pa dag gis gzir bar 'gyur ba med/ /ces bya ba la/ byang chub sems dpa' 'khor ba'i chos thams cad mi rtag pa la sogs par thugs su chud nas snying rje dang ldan pa'i phyir sems can gyi don dang 'khor ba'i sdug bsngal gyis skyo bar mi 'gyur te/'dis ni nyan thos bzhin du mya ngan las 'das pa la mi gnas par bstan to/ /gang zag dang chos la bdag med par khong du chud pa'i blo mchog dang ldan pas 'khor ba'i skyon skye rga na 'chi la sogs pas kyang gzir bar mi 'gyur la/'dod chags dang zhe sdang la sogs pas kyang gos par mi 'gyur te/ 'dis ni so so'i skye bo bzhin du 'khor ba na mi gnas pa bstan to/ /de ltar na mya ngan las 'das pa dang / 'khor ba la gnas pa ma yin te zhes bya ba la/ snying rje yod pas mya ngan las 'das pa la gnas pa ma yin/ shes rab yod pas 'khor ba la gnas pa ma yin no zhes go rims bzhin du sbyar ro/ /'khor ba yongs su shes par bya ba'i tshigs su bcad pa ste zhes bya ba la/ snying rje can gyi byang chub sems dpa' 'khor ba'i rang bzhin phyin ci ma log par shes par bya ba la/tshigs su bcad pa gcig gis bstan to zhes bya ba'i don to/ /'jig rten sdug bsngal nyid du blta ba na/ /sdug bsngal 'gyur zhes bya ba la/ khams gsum gyi sems can sdug bsngal gyi sdug bsngal dang /'gyur ba'i sdug bsngal dang / 'du byed kyi sdug bsngal gyi rang bzhin du lta zhing gzigs pas na byang chub sems dpa' sdug bsngal bar 'gyur te/ brtse bar 'gyur ro zhes bya ba'i don to/ /'dis ni sdug bsngal gyi bden pa mthong nas thugs rje skye bar bstan to//yang dag pa ji lta ba bzhin shes par zhes bya ba la/ sdug bsngal 'ba' zhig tu mkhyen par ma zad kyi sdug bsngal gyi rgyu kun 'byung gi bden pa las dang nyon mongs pa yang yin par mkhyen nas zhes bya ba'i don to/ /yongs su spangs phyir de yi thabs shes nas/ / zhes bya ba la/ gzhan yang sdug bsngal dang kun 'byung spangs te/ 'gog pa'i bden pa mngon sum du bya ba'i phyir/ thabs lam gang gis 'gog pa'i bden pa mngon sum du 'gyur ba'i lam dang thabs shes nas zhes bya ba'i don to/ /'gog pa'i bden pa thob par bya ba'i thabs lam gyi bden pa yin par thugs su chud par ston te/snying rje can ni skyo bar mi 'gyur ro/ /zhes bya ba la/ de ltar thabs thugs su chud pas byang chub sems dpa' thugs rje can rnams sems can gyi sdug bsngal spang bar bya ba la skyo bar mi mdzad do zhes bya ba'i don to/ / thabs shes pa dang skyo bar mi 'gyur ro zhes bya ba la/ skyo ba mi mnga' ba yang sdug bsngal las bsgral bar bya ba'i thabs thugs su chud pas ni mi skyo'o zhes bya ba'i don to/ /gang gis de'i sdug bsngal 'gog par byed pa'o zhes bya ba la/ thabs gang gis sems can rnams kyi sdug bsngal bkag nas 'gog pa mngon sum du byed pa'i thabs dang lam mkhyen ces bya ba'i don to//snying rje'i rab tu dbye ba'i tshigs su bcad pa gnyis te zhes bya ba la/ byang chub sems dpa'i snying rje la phye na rnam pa du yod pa bstan pa'i phyir tshigs su bcad pa gnyis rtsom ste/ byang chub sems dpa'i snying rje ni rnam pa bzhi ste/rigs kyi khyad par dang / yon tan dang nyes pa kun brtags pa dang / tshe gzhan la yongs su bsgom pa dang / 'dod chags dang bral ba thob pa'o/ /rang bzhin dang ni zhes bya ba la/ rang bzhin ni rigs la bya ste/ snying rje'i rigs yod pa las snying rje 'byung ba ni rang bzhin zhes bya ste/'dis ni rigs kyi khyad par bstan to/ /so sor rtog pa dang zhes bya ba la/ kha cig theg pa chen po'i mdo sde'i snying po chen po 'chad pa dag thob nas yon tan dang nyes pa kun brtags pa las snying rje 'byung ba ni/yon tan dang nyes pa kun du brtags pa'i snying rje zhes bya ste/ de la nyes pa brtags pa ni 'di ltar byang chub sems dpa' rnams sems can la 'tshe ba dang / zhe sdang skye bar byed pa ni snying rje can gyi cha ma yin te/ nyes pa dang skyon yin no zhes rtog pa'o/ /yang na snying rje med dang /bdag bcom pa dang sems can bcom pa la sogs pa'i skyon 'byung bar rtog pa ni nyes pa kun du rtog pa'o/ /yon tan kun du rtog pa ni sems can la byams pa dang snying rje byed pa ni snying rje dang rjes su mthun pa'i byang chub sems dpa'i cha yin no zhes yon tan du rtog pa'o//yang na gong du bshad pa ltar nyes pa de dag thams cad ni/ byams pa la sogs gnas mi 'byung / /nyon mongs med par sems can don/ /'khor ba 'dor bar mi byed do/ /zhes bya ba la sogs pa'i tshul du rtog pa ni yon tan rtog pa'o/ /sngon de bsgom pa'i rnam par ldan pa dang //zhes bya ba la/ tshe rabs snga mar snying rje chen por goms par byas pas gar skyes kyang sngon goms pa'i mthus snying rje dang ldan par 'gyur ba ni tshe rabs gzhan la yongs su bsgoms pa las byung ba'i snying rje zhes bya'o/ /mi mthun phyogs spangs rnam par dag thob phyir/ /zhes bya ba la/snying rje'i mi mthun pa'i phyogs ni gnod sems dang 'tshe ba la sogs pa ste/ de dag spangs na rnam par dag pa'i snying rje 'thob ste/ rnam par dag ces bya ba ni/ gang la yang chags pa dang zhe sdang mi skye ba'i 'dod chags dang bral ba'i snying rje thob ces bya ba'i don to/ /mnyam med rtag med snying rje can ma yin//zhes bya ba la/ mnyam pa'i snying rje med na yang snying rje chen po can ma yin te/ dper na so so'i skye bo dang / nyan thos dang / rang sangs rgyas kyi snying rje lta bu'o/ /de dag ni sdug bsngal ba'i sems can sdug bsngal gyi tshor bas zil gyis non pa rnams la snying rje skye'i bde ba'i tshor ba dang /bde ba yang ma yin sdug bsngal ba yang ma yin pa'i tshor ba dang ldan pa'i sems can rnams la snying rje mi skye ba'i phyir mnyam pa nyid kyi snying rje med do/ /byang chub sems dpa' rnams ni gang cung zad tshor ba bde ba myong ba dang / cung zad sdug bsngal myong ba dang /cung zad tshor ba bde ba yang ma yin sdug bsngal yang ma yin pa myong ba de dag thams cad sdug bsngal yin par thugs su chud nas ji ltar mnar med pa'i sems can rnams la thugs rje skye ba de bzhin du/ srid pa'i rtse mor skyes pa'i sems can rnams la yang thugs rje skye ste/khams gsum gyi sems can thams cad la thugs rje skye bas na/ byang chub sems dpa'i thugs rje ni mnyam pa nyid de/ de bas na thugs rje chen por gzhag go/ /bar 'ga' 'byung la/ bar 'ga' ni mi 'byung ste/ rtag pa ma yin pa'i snying rje ni snying rje chen po can ma yin te/dper na rang sangs rgyas kyi snying rje lta bu'o/ /de dag gi lhag ma ni phung po'i lhag ma ma lus par spangs pa'i mya ngan las 'das pa'i dbyings su zhugs na zad par 'gyur ba'i phyir rtag pa ma yin no/ /sangs rgyas dang byang chub sems dpa' rnams kyi thugs rje ni phung po'i lhag ma ma lus pa spangs pa'i mya ngan las 'das pa'i dbyings su zhugs kyang /zad par mi 'gyur bas na rtag pa ste/ de bas na snying rje chen por gzhag go/ /lhag pa'i bsam pa med de zhes bya ba la/ gang la bdag dang gzhan du mnyam pa nyid de lhag pa'i bsam pa ma thob pa/de dag ni snying rje chen po dang ldan pa ma yin te/ dper na nyan thos dang rang sangs rgyas lta bu'o/ /de dag ni chos la bdag med pa khong du ma chud pas bdag dang gzhan du mnyam pa nyid kyi sems ma thob bo/ /byang chub sems dpa' sa dang po la zhugs pa yan chad ni bdag dang gzhan du mnyam pa nyid kyi sems thob pa'i phyir/bdag bzhin du sems can gyi sdug bsngal yang sgrol bar byed pas lhag pa'i bsam pa la gnas pa dang / de bas na de ni snying rje chen por gzhag go/ /sgrub pa yang zhes bya ba la/ med ces bya bar sbyar te/ gang la sems can sdug bsngal ba mthong nas sems la brtse ba yod pa tsam du zad kyi/sdug bsngal las bskyab pa'i phyir sgrub par mi byed na snying rje chen po can ma yin te/ dper na 'phags pa nyan thos dang rang sangs rgyas so/ /de dag ni sems can sdug bsngal bar shes kyang sdug bsngal las bskyab pa'i phyir sgrub bar mi byed kyi/byang chub sems dpa' rnams ni sems can sdug bsngal bar mkhyen nas sdug bsngal bskyab pa'i phyir sgrub par yang mdzad de/ de bas na snying rje chen por gzhag go/ /'dod chags bral dang zhes bya ba la/ gang la snying rje yod kyang snying rje'i mi mthun pa'i phyogs zhe sdang dang 'tshe ba dang bcas pa zhe sdang dang 'tshe ba'i bag la nyal dang ma bral ba de dag snying rje chen po zhes mi bya ste/dper na so so'i skye bo dang / nyan thos dang rang sangs rgyas lta bu'o/ /de la so so'i skye bo dag ni kha cig la snying rje yod kyang de nyid la bar 'ga' zhe sdang 'byung ba dang /mdza' ba la snying rje yod kyang dgra la zhe sdang yod do/ /'phags pa nyan thos dang rang sangs rgyas rnams la zhe sdang dngos su mi 'byung yang zhe sdang gi bag la nyal phra mo ma spangs so/ /sangs rgyas dang byang chub sems dpa' rnams kyis ni 'tshe ba dang zhe sdang gi bag la nyal mi mthun pa'i phyogs thams cad spangs pas 'dod chags dang bral ba ste/de'i phyir snying rje chen por gzhag go/ /mi dmigs ma yin dang zhes bya ba la/ gang la dmigs pa dang bcas pa dang / brtsal 'bad dang bcas pa de dag snying rje can ma yin no/ /sa brgyad pa'i byang chub sems dpa' rnams ni mi skye ba'i chos la bzod pa thob pas rnam par mi rtog pa lhun gyis grub pa'i phyir ro//bdag dang gzhan du dmigs pa dang / /brtsal dang 'bad pa med par lhun gyis grub pa'i bdag nyid du snying rje 'byung bas na snying rje chen por gzhag go/ /de bzhin gang la snying rje med pa byang chub min//zhes bya ba la/ gong du bshad pa lta bu'i mnyam pa med pas na/ mi dmigs pa ma yin pa'i bar dag gi snying rje med pa de dag ni byang chub sems dpa' ma yin no zhes bya ba'i don to/ /shing ljon pa lta bur snying rje bstan pa'i phyir tshigs su bcad pa lnga ste zhes bya ba la/ 'di man chad tshigs su bcad pa lngas shing ljon pa la dpe blangs nas/ snying rje'i shing dang 'dra bar ston te/ shing ljon pa la rtsa ba dang / sdong po dang / yal ga dang / 'dab ma dang / me tog dang / 'bras bu yod pa bzhin du/ snying rje'i shing gi rtsa ba dang / sdong po dang / yal ga dang /lo ma dang 'dab ma dang / me tog dang / 'bras bu gang yin pa ston to/ /snying rje bzod pa sems pa dang / smon lam skye ba sems can smin/ /'di ni snying rje'i shing yin te/ /zhes bya ba la/ snying rje'i shing gi rtsa ba ni byang chub sems dpa'i snying rje chen po'o/ /sdong po ni bzod pa'o//yal ga ni sems can gyi don la sems pa'o/ /lo ma ni smon lam mo/ /skye ba ni me tog go/ /sems can smin par byed pa ni 'bras bu'o zhes bya ba'i don to/ /rtsa ba che sogs 'bras bu chen po'i mchog /ces bya ba la/ snying rje'i shing la snying rje nyid rtsa ba yin pas na rtsa ba che'o/ / sogs pa'i nang du ni bzod pa sdong por gyur pas na sdong po chen po zhes bya ba la sogs par sbyar te/ tha mar yang sems can yongs su smin par byed pas na 'bras bu mchog yin no zhes bya ba'i don to/ /de ni rtsa ba dang sdong po dang yal ga dang lo ma dang me tog dang 'bras bu'i gnas te zhes bya ba la/dper na shing ljon pa'i rtsa ba bzang po las sdong po 'byung ngo / /sdong po las yal ga 'byung ngo / /yal ga las lo ma 'byung ngo / /lo ma las me tog 'byung ngo / /me tog las 'bras bu 'byung ngo / /de bzhin du byang chub sems dpa'i snying rje chen po'i shing la yang / snying rje chen po nyid ni rtsa ba'i gnas su gzhag ste/byang chub sems dpa'i yon tan thams cad kyi rtsa ba snying rje chen po yin pa'i phyir ro/ /de bas na 'phags pa blo gros mi zad pa'i mdo las kyang / gzhan yang btsun pa sha ra dwa ti'i bu byang chub sems dpa'i snying rje chen po yang mi zad pa ste/ ci'i phyir zhe na/ sngon du 'gro ba'i phyir ro/ /btsun pa sha ra dwa ti'i bu 'di lta ste/ dper na dbugs phyir 'bud pa dang rngub pa ni skyes bu'i srog gi dbang po'i sngon du 'gro ba'o/ /de bzhin du theg pa chen po yang dag par bsgrub pa'i phyir/ byang chub sems dpa'i snying rje chen po sngon du 'gro ba'o zhes gsungs so//'phags pa ga ya'i rtse mo'i mdo las kyang byang chub sems dpa'/ byang chub kyi sems kyi rtsa ba ni snying rje chen po'o/ /sems can ni dmigs pa'o zhes bshad do/ /gang la snying rje yod pa de dag sems can gyi don du sdug bsngal rnam pa sna tshogs bzod kyi/ su la snying rje med pa de dag ni sems can gyi don du sdug bsngal rnam pa sna tshogs bzod par mi 'gyur te/ de bas na snying rje las sems can gyi don du grang ba dang / tsha ba la sogs pa bzod par 'byung ste/ bzod pa ni sdong po'i gnas lta bu'o/ /de ltar bzod pa sdong po lta bu'i shugs kyis sems can rnams bsgral bar bya ba'i bsam pas rnam pa sna tshogs la sems pa'i bsam pa 'byung ste bsam pa de ni yal ga'i gnas lta bu'o//de ltar sems can gyi don la sems pa'i bsam pa de las tshe rabs gar skyes gar skyes kyang sems can rnams la phan thogs par 'gyur ba'i lus dang longs spyod dang 'khor dang gnas phun sum tshogs par skye bar gyur cig ces smon lam 'debs pa 'byung ste/smon lam ni lo ma'i gnas lta bu'o/ /de ltar smon lam lo ma lta bu'i shugs kyis tshe rabs gar skyes gar skyes kyang bdag dang gzhan la phan 'dogs par 'gyur ba'i gnas bzang por skye ste/skye ba bzang po len pa ni me tog gi gnas lta bu'o/ /de ltar skye ba bzang po blangs pa las sems can rnams yongs su smin par byed pa 'byung ste/ de ni 'bras bu'i gnas lta bu'o/ /de ltar tshigs su bcad pa gcig gis snying rje yod na snying rje las bzod pa la sogs pa'i chos 'byung ste/rjes su 'jug pa bstan nas/ da ni snying rje med na bzod pa la sogs pa phyi ma mi 'byung ste ldog par bstan pa'i phyir/ rtsa ba snying rje med gyur na/ /dka' bar spyod pa bzod pa med/ /ces bya ba la sogs pa smos so/ /dper na shing gi rtsa ba med na sdong po med par 'gyur ro//sdong po med na yal ga med par 'gyur ro/ /yal ga med na 'dab ma med par 'gyur ro/ /'dab ma med na me tog med par 'gyur ro/ /me tog med na 'bras bu med par 'gyur ro/ /de bzhin du byang chub sems dpa'i snying rje'i shing la yang / snying rje rtsa bar gyur ba med na sems can gyi don phyi nang gi sdug bsngal dka' bar spyod pa thams cad bzod pa'i bzod pa sdong po lta bur gyur pa med par 'gyur ro zhes bya ba'i don to//blo ldan sdug bsngal mi bzod na/ /sems can don zhig ga la sems/ /zhes bya ba la/ de ltar bzod pa sdong por gyur pa lta bur med de sdug bsngal ba la mi bzod na sems can gyi don la sems pa'i bsam pa yal ga lta bur gyur pa ga la zhig yod de/bsam pa de yang med par 'gyur ro zhes bya ba'i don to/ /bsam pa rnam par spangs pa'i blo/ /tshe rabs bzang por smin mi byed/ /ces bya ba la/ de ltar sems can gyi don du bsams pa'i bsam pa spangs te med na sems can gyi don du tshe rabs bzang po de dang de dag tu skye bar gyur cig ces smon lam mi 'debs te/ de bas na smon lam 'dab ma lta bur gyur pa mi 'byung ngo / /de ltar smon lam btab na yang tshe rabs bzang por skye bar mi 'gyur te/de bas na tshe rabs bzang por skye ba me tog lta bu mi 'byung ngo / /tshe rabs bzang po ma thob na/ /sems can yongs su smin byed med/ /ces bya ba la/ de ltar tshe rabs bzang po me tog lta bu ma thob na sems can yongs su smin par byed mi nus te/ de bas na sems can yongs su smin par byed pa 'bras bu lta bur gyur pa med par 'gyur ro zhes bya ba'i don to//'di ltar shing ljon pa'i rtsa ba chus brlan na/ rtsa ba brtan pa dang rgyas par gyur bas de'i zhor gyis sdong po la sogs pa yang 'phel bar 'gyur ba bzhin du 'dir yang tshigs su bcad pa gnyis shig gis snying rje chen po rtsa bar gyur pa la/de brlan zhing brtas par byed pa'i chu gang yin pa bstan pa'i phyir/ snying rje'i chu ni byams pa ste/ /sdug bsngal bde ba rgya cher rgyas/ /zhes bya ba la sogs pa smos so/ /dper na shing gi rtsa ba la chus brlan na 'phel zhing rgyas pa bzhin du/ snying rje'i rtsa bar gyur pa la byams pa'i chus brlan na/snying rje'i rtsa bar gyur pa brtas shing 'phel bar 'gyur te/ de las bzod pa sdong po lta bur gyur pa la sogs pa yang brtas shing 'phel bar 'gyur ro zhes bya ba'i don to/ /ji lta zhe na/ byams pa dang ldan pa'i byang chub sems dpa' rnams ni byams pa'i sems chu dang 'dra ba snying rjes brlan na/snying rje 'phel bar 'gyur te/ snying rje 'phel dang byang chub sems dpa' pha rol gyi sdug bsngal mthong nas bdag nyid sdug bsngal bar 'gyur ro/ /de ltar na sems can gyi don du zhugs pa las sdug bsngal 'byung ba de nyid sdug bsngal ma yin gyi bde ba rgya chen po yin te/de bas na ci la yang mi bzod pa med pas na/ bzod pa sdong po lta bu dang ldan par 'gyur te/ rgyas bzhes bya ba ni 'di'i skabs su bzod pa la bya'o/ /yal ga 'phel zhing gyes pa ni/ /tshul bzhin yid byed shes par bya/ /zhes bya ba la/ theg pa chen po'i don gang zag dang chos la bdag med pa dang /bdag dang gzhan gyi don bya ba la sems pa ni tshul bzhin yid la byed pa zhes bya ba de bas na sems pa ni yal ga lta bur 'phel zhing gyes par blta'o/ /smon lam rgyun ni ma chad pas/ /'dab ma dag ni lhags shing skye/ /zhes bya ba la/dper na shing ljon pa yang 'dab ma rnyings pa dag ni 'dor zhing 'dab ma gsar pa dag skye zhing 'dzin pa dang 'dra bar/ byang chub sems dpa' sngar btab pa'i smon lam rgya chung ngu dang skye ba rgya chung ngu rnams ni bor nas/ phyis smon lam rgya chen po dang skye ba rgya chen po dag rgyun du len cing 'dzin par byed de/de ltar smon lam snga ma 'dor zhing phyi ma len pa'i rgyun mi gcod pa ni 'dab ma snga ma lhags shing phyi ma skye ba bzhin no/ /rnam pa gnyis kyis rkyen grub phyir/ /me tog mi stongs de las 'bras/ /zhes bya ba la/ 'di ltar shing ljon pa yang rkyen rnam pa gnyis kyis grub ste/nang gi rkyen gyis grub pa dang / phyi'i rkyen gyis grub pa'o/ /de la nang gi rkyen gyis grub pa ni rtsa ba las sdong po grub/ sdong po las yal ga grub pa la sogs pa'o/ /de bzhin du byang chub sems dpa'i snying rje'i shing la nang gi rkyen smon lam yongs su grub pas rang gi skye ba bzang por yongs su smin pa'i phyir me tog lta bu'i skye ba yang ma stongs te/skye ba don med par ma gyur to zhes bya ba'i don to/ /dper na shing ljon pa las chu me rlung la sogs pa phyi rol gyi rkyen gyis grogs byas na me tog las 'bras bu skye ba bzhin du/ byang chub sems dpa'i snying rje'i shing la yang phyi rol gyi rkyen du grub ste/tshe rabs gang nas gang du skyes par yongs su smin par byed pa'i 'bras bu grub pas na 'bras bu yongs su ma stongs so zhes bya ba'i don to/ /snying rje'i bsngags pa'i tshigs su bcad pa ste zhes bya ba la/ da ni tshigs su bcad pa gcig gis snying rje'i legs pa dang /yon tan ston to zhes bya ba'i don to/ /snying rje chen po'i yon tan byed pa yi/ /sems can rnams ni snying rjes su mi byed/ /ces bya ba la snying rje chen po ni de bzhin gshegs pa'i thugs kyi rgyud la mnga' ba'i thugs rje la bya'o/ /'di ltar stobs dang mi 'jigs pa la sogs pa de bzhin gshegs pa'i yon tan yin pa bzhin du/thugs rje chen po yang de bzhin gshegs pa'i yon tan no/ /thugs rje chen po'i yon tan de yang sems can thams cad la dmigs na 'dod pa thob par 'gyur bas na/ sems can rnams ni snying rje chen po'i yon tan byed pa zhes bya ste/de lta bur snying rje chen po yon tan thob par byed pa'i sems can rnams la snying rje bar su zhig mi byed de kun gyis kyang snying rje bar bya ba'i rigs so zhes bya ba'i don to/ /da ni tshigs su bcad pa phyed kyis snying rje'i yon tan nyid bstan pa'i phyir/ snying rje skyed pa gang yin de dag ni/ / sdug bsngal na yang mtshungs med bde bar 'gyur/ /zhes bya ba smos te/ byang chub sems dpa'i snying rje chen po las skyes pa'i sdug bsngal rnam pa mang po gang yin pa de dag sdug bsngal bar mi 'gyur gyi/ lha dang mi la sogs pa'i 'jig rten pa'i bde ba dang / nyan thos dang rang sangs rgyas la sogs pa'i 'jig rten las 'das pa'i bde ba las kyang 'das shing 'phags pa'i bde bar 'gyur ro zhes bya ba'i don to//mdo sde rgyan bam po lnga'i bshad pa rdzogs so// //snying rje chags pa med pa'i tshigs su bcad pa ste/ zhes bya ba la/ snying rjes zin pa'i byang chub sems dpa' rnams//so so'i skye bo bzhin 'khor ba la yang ma chags mi gnas/ nyan thos dang rang sangs rgyas bzhin du mya ngan las 'das pa la yang ma chags mi gnas par bstan pa'i phyir/ tshigs su bcad pa gcig rtsom mo zhes bya ba'i don to/ /snying rjes brlan pa'i snying rje can/ / zhi ba la yang mi gnas na/ /'jig rten bde dang rang srog la/ /chags par 'gyur ba smos ci dgos/ /zhes bya ba la/ 'jig rten pa dag ni 'jig rten pa'i 'dod pa lnga'i yon tan gyi bde ba la chags pa dang / rang gi srog dang lus la chags te/ de bas na 'khor ba la gnas pa'o/ / 'phags pa nyan thos dang rang sangs rgyas rnams 'jig rten gyi bde ba dang srog la chags pa med kyang sdug bsngal thams cad spangs pa'i mya ngan las 'das pa la chags pas mya ngan las 'das pa la gnas pa'o/ /byang chub sems dpa' thugs rje can rnams thugs rjes byin gyis brlabs shing thugs rje'i dbang du gyur la thugs rjes zin pa rnams ni nyan thos dang rang sangs rgyas rnams kyi zhi ba phyogs gcig pa'i mya ngan las 'das pa 'jig rten gyi bya ba thams cad kyi phul du phyin pa de la yang ma chags mi gnas te/'dis ni mya ngan las 'das pa la mi gnas pa bstan to//de lta bu la yang ma chags na 'jig rten pa'i 'dod pa lnga'i bde ba dang lus dang srog la chags par 'gyur ba lta ci smos te/ ma chags ches so zhes bya ba'i don to/ /'dis ni 'khor ba na mi gnas par bstan to/ /snying rjes sdug pa'i khyad par la tshigs su bcad pa gsum mo zhes bya ba la/ji ltar 'jig rten pa dag pha ma bu tsha gnyen bshes la sdug pa yod pa dang / 'phags pa nyan thos dang / rang sangs rgyas rnams sems can sdug bsngal ba rnams la sdug pa yod mod kyi/ de bas kyang byang chub sems dpa' thugs rje'i rgyus sems can thams cad la sdug par byed pa sdug pa gzhan dang khyad zhugs par bstan pa'i phyir/tshigs su bcad pa gsum rtsom mo zhes bya ba'i don to/ /kha na ma tho med pa yi/ /sdug pa med de 'jig rten min/ /zhes bya ba la/ 'jig rten pha ma la sogs pa bu tsha la sdug pa yod kyang 'jig rten pa'i sdug pa thams cad ni kha na ma tho ba med pa'i sdug pa gang yang med de 'jig rten pa'i sdug pa thams cad kha na ma tho ba dang bcas shing sdig pa dang skyon dang bcas pa sha stag go//de ci'i phyir zhe na/ ma byin par len pa dang / srog gcod pa la sogs pa'i las la 'dzud pas sdug bsngal gyi chu bo chen po la 'jog pa dang /mi shes pa'i chu bo chen pos non pa'i phyir/ thams cad kyang kha na ma tho ba dang bcas pa sha stag go/ /'jig rten gyi sdug pa la 'jig rten las 'das pa yang med de/ 'jig rten pa sha stag go zhes bya ba'i don to/ /de ci'i phyir zhe na/ gang zag dang chos la bdag med par ma rtogs pas bdag dang gzhan mnyam pa nyid kyi sems ma thob pa'i phyir ro//blo ldan snying rje'i sdug pa ni/ /kha na ma tho med ces 'jig rten 'das/ /zhes bya ba la/ byang chub sems dpa' rnams kyi snying rje'i rgyu las byung ba'i sems can la sdug par byed pa ni kha na ma tho ba yang med la 'jig rten las 'das pa yang yin no zhes bya ba'i don to//'jig rten pa'i snying rje la gnas pa rnams kyis kha na ma tho ba med kyang 'jig rten pa'o zhes bya ba la/ mos pa spyod pa'i sa la gnas pa'i byang chub sems dpa' rnams kyi snying rjes sems can sdug par byed pa dang / 'jig rten pa drang srong la sogs pa'i snying rjes sems can la sdug par byed pa ni sdig pa la mi 'jog ste/kha na ma tho ba med kyang bdag dang gzhan du mnyam pa nyid kyi sems ma thob pas 'jig rten par 'jog go/ /ji ltar kha na ma tho ba med ce na zhes bya ba la/ byang chub sems dpa' rnams kyi snying rje'i rgyu las byung ba'i sems can la sdug par byed pa kha na ma tho ba med do zhes bshad pa ji ltar kha na ma tho ba med ce na zhes bya ba'i don to//de'i phyir smras pa/ sdug bsngal chu bo chen po dang / /mi shes mun nag gnas pa'i 'jig rten dag /drang ba'i thabs rnams shoms pa des/ /ji ltar kha na ma tho med ma yin//zhes bya ba smos te/ sdug bsngal rnam pa gsum dang brgyad la sogs pa'i chu bo chen po la gnas pa dang / 'phags pa'i bden pa bzhi yang dag pa ji lta ba bzhin mi shes pa'i mun pa la gnas pa ni kha na ma tho ba dang bcas pa zhes bya ste/ de lta bu'i 'jig rten gyi sdug bsngal gyi chu bo la gnas pa dang mi shes pa'i mun pa la gnas pa rnams drang zhing gdon par bya ba'i thabs chen po bshams pa mkhas pa byang chub sems dpa' rnams kyi snying rje las 'byung ba sdug ba ste/ji ltar na kha na ma tho ba med pa yin te/ kha na ma tho ba med pa yid ches so zhes bya ba'i don to//ji ltar na 'jig rten las 'das she na zhes bya ba la/ byang chub sems dpa'i sdug pa 'jig rten las 'das zhes bshad na/ byang chub sems dpa'i thugs rje las byung ba'i sdug pa ste/ ji ltar na 'jig rten las 'das pa yin zhe na zhes bya ba'i don to/ /de'i phyir rang byang chub tu sangs rgyas dang /'jig rten dgra bcom de sdug med/ /de las gzhan la smos ci dgos/ /ji ltar 'jig rten 'das ma yin/ /zhes bya ba smos te/ 'di ltar byang chub sems dpa' thugs rje'i rgyu las byung ba'i sdug pa de lta bu ni 'jig rten na gang zag mchog dang gtso bor bya ba rang sangs rgyas dang 'phags pa dgra bcom pa rnams la yang /byang chub sems dpa'i snying rje las byung ba'i sems can thams cad la sdug pa de lta bu de med na 'jig rten phal ba rnams la de lta bu'i sdug pa lta ga la zhig yod de med ces so zhes bya ba'i don to//de ltar byang chub sems dpa'i sems can la sdug par lta ba 'phags pa rnams la yang med na/ 'jig rten pa la lta ga la yod med na/ byang chub sems dpa'i sdug par lta ba de 'jig rten las 'das pa ji ltar ma yin te/ 'jig rten las 'das pa yid ches so zhes bya ba'i don to//rang byang chub tu sangs rgyas pas na zhes bya ba la/ mkhan po dang slob dpon med par rang gi blos mya ngan las 'das pa mngon du byas pas na rang byang chub tu sangs rgyas pa zhes bya'o/ /skrag pa dang mngon par dga' ba'i rgyu la tshigs su bcad pa zhes bya ba la/ byang chub sems dpa' thugs rje'i rgyus/sems can gyi don du mgo dang rkang lag la sogs pa btang ba'i sdug bsngal la kha cig skrag pa yod la/ byang chub sems dpa' kha cig sdug bsngal de nyid la bde bar 'dzin cing dga' ba yod de/ de bstan pa'i phyir tshigs su bcad pa gcig rtsom mo zhes bya ba'i don to//byang chub sems dpa' sdug bsngal med/ /snying brtse ba yi sdug bsngal 'gyur/ /de ni thog mar shin tu skrag /ces bya ba la/ byang chub sems dpa' thugs rje'i rgyus sems can gyi sdug bsngal med par bya ba'i phyir zhugs pa de sems can sdug bsngal ba mang du mthong bas snying rje'i rgyus bdag nyid kyang sdug bsngal bar 'gyur la/dang po mos ba spyod pa'i sa na ni sdug bsngal de lta bu las bsgral bar mi nus so snyam nas skrag pa skye ste/ de ci'i phyir zhe na/ bdag dang gzhan du mnyam pa nyid kyi sems ma thob pa dang / sdug bsngal thams cad stong pa nyid du khong du ma chud pa'i phyir ro//reg nas rab tu mngon par dga'/ /zhes bya ba la/ de la reg pa ni sa dang po rab tu dga' ba la reg pa ste/ sa dang po rab tu dga' ba thob nas chos kyi dbyings kun du 'gro ba'i mtshan nyid du rtogs pa na bdag dang gzhan du mnyam pa nyid kyi sems thob pa dang / sdug bsngal thams cad stong pa nyid du khong du chud pas na sems can gyi don du sdug bsngal myong bar 'gyur ba yin yang shin tu dga' ba dang bde ba'i sems skye'o zhes bya ba'i don to/ /sdug bsngal gyi mtshan ma sems can la sdug bsngal med par bya ba'i phyir zhes bya ba la/ sdug bsngal med ces bya ba'i don 'chad de/med ces bya ba ni mtshan ma'i don to/ /mtshan ma'i don yang phyir gyi don du 'dren te/ sems can gyi sdug bsngal rnam pa bdun dang brgyad la sogs pa med par bya ba'i phyir zhugs pa de sems can gyi sdug bsngal mthong nas byang chub sems dpa'i snying rje'i shugs kyis bdag nyid sdug bsngal skye bar 'gyur te mos pa spyod pa'i sa ni sdug bsngal des skrag par 'gyur ro//bdag dang gzhan mnyam pa nyid du zhes bya ba la sogs pa la mos pa spyod pa'i sa na sdug bsngal gyis skrag pa ni bdag dang gzhan du mnyam pa nyid ma rtogs pa dang / sdug bsngal thams cad stong par ma rtogs pas na skrag go zhes bya ba'i don to//reg pa ni lhag pa'i bsam pa rnam par dag pa'i sa la zhes bya ba la/ reg pa zhes bya ba ni lhag pa'i bsam pa rnam par dag pa'i sa la reg pa ste sa dang po yan chad thob pa'o/ /de dag gi tshe na ni chos kyi dbyings kun du 'gro ba'i mtshan nyid rtogs pas bdag dang gzhan mnyam pa nyid kyi sems thob pa dang /sdug bsngal thams cad stong pa nyid du rtogs pas sdug bsngal la skrag pa mi skye ste bde bar 'dzin pa'i bsam pa skye'o zhes bya ba'i don to/ /snying rje'i sdug bsngal gyis bde ba zil gyis gnon pa'i tshigs su bcad pa zhes bya ba la/byang chub sems dpa' rnams sems can gyi don du sdug bsngal rnam pa sna tshogs 'byung ba ni snying rje'i rgyu las byung ste/ sdug bsngal de nyid la byang chub sems dpa' bde bar 'dzin to/ /sdug bsngal las byung ba'i bde ba de ni bde ba thams cad kyi dam pa dang mchog yin te/des 'jig rten gyi bde ba thams cad zil gyis gnon cing 'jig rten gyi bde ba thams cad las 'phags par bstan pa'i phyir tshigs su bcad pa rtsom mo zhes bya ba'i don to/ /snying rjes bskyed pa'i sdug bsngal ni/ /'jig rten bde ba thams cad zil gnon cing //zhes bya ba la/ gang skye ba dang rga ba la sogs pa sdug bsngal sna tshogs kyis mgo myos pa'i sems can rnams bskyab par bya ba'i don du byang chub sems dpa' snying rje'i rgyu las skyes pa'i sdug bsngal sems can dmyal ba la sogs pa'i sdug bsngal myong ba yang / sems can gyi sdug bsngal skyob pa la ltos nas/ de nyid byang chub sems dpa' rnams bde ba chen por 'gyur te/ bde ba de ni bde ba thams cad kyi mchog dang phul yin pas bde ba de 'jig rten gyi lha dang mi la sogs pa'i bde ba thams cad zil gyis gnon te bde ba thams cad pas lhag go zhes bya ba'i don to//byang chub sems dpa'i sdug bsngal nyid bde ba'i mchog tu gyur pa 'di ngo mtshar du bya ba yin par bstan pa'i phyir/ don byas pa yang de dang bral ba yin pas na/ /de las ngo mtshar che ba gzhan ci smos/ /zhes bya ba smos te/ 'di ltar 'phags pa dgra bcom pa sdug bsngal thams cad ni spangs/bde ba thams cad ni phun sum tshogs te/ rnam pa thams cad du bdag gi don bsgrubs te de dag la yang byang chub sems dpa'i thugs rje las byung ba'i sdug bsngal nyid bde bar gyur pa'i bde ba de lta bu med na 'jig rten phal pa lta zhig ga la yod de/ de bas na gang sdug bsngal ba de nyid bde ba mchog tu gyur pa de las ngo mtshar che ba ci zhig yod de/ngo mtshar gyi mchog tu bya ba yin no zhes bya ba'i don to/ /snying rje byas pa'i sbyin pa la rjes su bsngags pa'i tshigs su bcad pa zhes bya ba la/ 'jig rten na sbyin pa gtong bar byed pa yod kyang phan btags pa'i lan la re bas gtong ba dang /sngon phan btags pas lan du phan gdags pa'i phyir gtong ba yod de/ byang chub sems dpa' sbyin pa gtong bar byed pa ni de lta bu ma yin gyi/ snying rje'i shugs kyis gtong bas de ltar btang ba'i sbyin pa la yon tan dang legs pa yod pa bstan pa'i phyir/ tshigs su bcad pa rtsom mo zhes bya ba'i don to/ /snying rje dag dang ldan pa'i sbyin pas ni/ /bstan pa rnams la sbyin pa bde byed pa/ /khams gsum pa yi longs spyod de dag gis/ /bde ba de la de yi char mi 'gro/ /zhes bya ba la/ byang chub sems dpa' sbyin pa gtong ba ni sems can brel ba dang phongs pa rnams la thugs brtse ba'i dbang gis sbyin pa btang nas de'i 'og tu byang chub sems dpa' dga' ba dang bde ba skye bar 'gyur te/dga' ba dang bde ba de la ni khams gsum pa'i lha dang mi'i bde ba gang gis kyang brgya'i cha'am stong gi cha 'am bye ba'i cha 'am bye ba brgya stong gi char yang mi phod do zhes bya ba'i don to//snying rje dag dang ldan pa'i sbyin pas ni/ /bstan pa rnams la bde ba byed pa zhes bya ba'i tshigs su bcad pa phyed kyi don sla bas ma bshad kyi/ khams gsum pa yi longs spyod dag gis ni/ /zhes bya ba yan chad kyi tshigs su bcad pa phyed kyi don 'grel pas bkrol te bshad do zhes bya ba'i don to//snying rjes sdug bsngal khas len pa la tshigs su bcad pa zhes bya ba la/ kha cig 'di snyam du byang chub sems dpa' sems can gyi don du 'khor ba khas blangs kyang 'khor ba'i sdug bsngal khas ma blangs so snyam pa la/ byang chub sems dpa' rnams kyis 'khor ba khas blangs pas na/'khor ba'i sdug bsngal rnams kyang khas blangs pa bstan pa'i phyir/ tshigs su bcad pa rtsom mo zhes bya ba'i don to/ /'khor ba dag ni sdug bsngal rang bzhin te/ /sems can don du snying rje gang mi gtong / /gzhan dag la ni phan phyir sdug bsngal ni//snying rje can gyis khas kyang ma blangs sam/ /zhes bya ba la/ bcom ldan 'das kyis mdo dag las/ skye ba sdug bsngal ba dang / rga ba dang / na ba dang / 'chi ba sdug bsngal ba dang / 'dod pa ji snyed pa sdug bsngal ba dang / mi mdza' ba dang phrad pa sdug bsngal ba dang /mdza' ba dang bral ba sdug bsngal ba dang / mdor na nye bar len pa'i phung po lnga sdug bsngal ba'o zhes 'khor ba yang sdug bsngal gyi rang bzhin du bshad la/ sdug bsngal thams cad kyang 'khor bar ma 'dus pa gang yang med de de bas na byang chub sems dpa' sems can gyi don du snying rje'i shugs kyis 'khor ba yongs su ma btang ste/'khor ba khas blangs na sems can gzhan la phan pa bya ba'i phyir/ snying rje can gyis 'khor ba'i sdug bsngal thams cad khas ma blangs pa ci zhig yod de/ sdug bsngal thams cad kyang khas blangs ches so zhes bya ba'i don to/ /de'i 'bras bu dang gsum 'phel ba'i tshigs su bcad pa zhes bya ba la/byang chub sems dpa' snying rje can rnams chos gsum 'phel ba dang / chos gsum gyi 'bras bu 'phel ba bstan pa'i phyir/ tshigs su bcad pa rtsom mo zhes bya ba'i don to/ /snying rje dang ni sbyin dang longs spyod rnams//snying rje can gyis rtag tu rnam 'phel 'gyur/ /zhes bya ba la/ /snying rje can gyi byang chub sems dpa' rnams rtag tu chos rnam pa gsum 'phel bar 'gyur te/ chos gsum ni snying rje 'phel ba dang / sbyin pa 'phel ba dang / longs spyod 'phel ba'o/ /byams pa ni phan pa bskyed pa dang /de mthus byas bde de yang de las so/ /zhes bya ba la/ 'bras bu gsum 'phel ba ni snying rje'i dbang gis sems can kun la phan par sems pa'i byams pa 'phel bar 'gyur ba dang / sbyin pa'i dbang gis phongs pa rnams la yo byad kyis phan btags pas phan pa bskyed pa 'phel ba dang /longs spyod kyi dbang gis longs spyod las ni sems can la bde ba'i mthu bskyed pas 'phel bar 'gyur te/ longs spyod yod na gdod sems can la yo byad kyis phan gdags pa'i mthu yod pa'i phyir ro/ /byang chub sems dpa' rnams skye ba thams cad du gsum 'phel bar 'gyur ba ni zhes bya ba la sogs pa la/byang chub sems dpa' tshe rabs kun du snying rje 'phel ba dang / sbyin pa 'phel ba dang / longs spyod 'phel ba ni snying rje'i stobs kyis 'phel te/ de la snying rje nyid la goms par byas pa ni tshe rabs gzhan du snying rje nyid shas cher 'phel bar 'gyur ba'i phyir ro//sbyin pa'ang snying rje'i stobs las so/ /zhes bya ba la/ sbyin pa 'phel ba yang snying rje'i stobs kyis 'phel te/ /sems can brel ba dang phongs pa rnams la snying rje yod na gdod phyi dang nang gi dngos po gtong ba'i phyir ro/ /longs spyod kyang sbyin pa'i stobs las te zhes bya ba la/ tshe rabs gzhan du longs spyod 'phel bar 'gyur ba yang tshe 'dir sbyin pa byas pa'i stobs kyis 'phel bar 'gyur te/ tshe 'dir sbyin pa btang ba dang / gdod tshe phyi mar longs spyod chen por 'gyur ba'i phyir ro/ /de gsum las 'bras bu bde ba gsum du 'gyur te zhes bya ba la/ chos rnam pa gsum 'phel bas 'bras bu bde ba rnam pa gsum myong bar 'gyur ro zhes bya ba'i don to//snying rje las ni byams pa bskyed pa'o zhes bya ba la/ sems can gyi sdug bsngal bsal lo snyam du sems pa'i snying rje'i chos las ni sems can rnams bde ba la gzhag par bya'o snyam du sems pa'i byams pa'i sems bskyed pa'i 'bras bu myong bar 'gyur ro zhes bya ba'i don to//sbyin pas ni sems can la phan 'dogs pa skyed pa'o zhes bya ba la/ sbyin pa'i chos 'phel bas ni sems can la zang zing gis phan 'dogs pa'i 'bras bu myong bar 'gyur ro zhes bya ba'i don to/ /longs spyod las ni de la phan gdags par bya ba'i mthu byas ba'o zhes bya ba la/longs spyod kyi chos 'phel bas ni sems can la yo byad kyis phan gdags par bya ba'i mthu yod pa'i 'bras bu myong bar 'gyur te/ longs spyod yod na gdod sems can la zang zing gis phan 'dogs pa'i mthu yod pa'i phyir ro//sbyin pa la spro bar bya ba'i tshigs su bcad pa zhes bya ba la/ dper na mi le lo can 'ga' zhig la de la phan par 'dod pa'i mi 'ga' zhig gis le lo spang bar bya ba'i phyir sems gzengs bstod cing spro ba skyed par byed pa de bzhin du/ sbyin pa le lor gyur nas sems can la mi 'jug pa la/snying rjes sbyin pa byas na yon tan phun sum tshogs par 'gyur bas sbyin pa la khyod ci'i phyir le lo byed ces sbyin pa la gzengs bstod cing spro bar byed pa'i phyir tshigs su bcad pa rtsom mo zhes bya ba'i don to/ /'phel ba dang ni rab tu spel bar bya/ /sbyin pas rab tu bde bya smin par bya//drang bar bya zhing kun du bkri bar bya/ /snying rje le lo can la smra ba bzhin/ /zhes bya ba la/ snying rje le lo can la smra ba bzhin zhes bya ba'i tshig dang por bshad de/ dper na le lo can 'ga' zhig la de la phan par 'dod pa'i mi la la zhig gis le lo bya bar mi rigs par smra bar byed pa dang 'dra bar sbyin pa le lo can la snying rje smra bar byed de ji ltar smra bar byed ce na/sbyin pa byas dang yon tan drug 'phel bar 'gyur bas na sbyin pa khyod le lo byed par mi rigs so zhes sbyin pa la smra bar byed do/ /de la 'phel ba dang zhes pa ni/ sbyin pa khyod kyis sbyin pa byas pa dang /byang chub sems dpa' rnams kyi snying rje 'phel bar 'gyur bas sbyin pa bya ba'i rigs te/ 'dis ni snying rje'i rang bzhin 'phel bar 'gyur ba bstan to/ /de la spel bar bya zhes bya ba ni snying rje'i shugs kyis sbyin pa byas na rnam pa gnyis 'phel bar 'gyur te/longs spyod 'phel bar 'gyur ba dang / sbyin pa nyid 'phel bar 'gyur ba'o/ /de la longs spyod 'phel bar 'gyur ba ni sbyin pa'i mthus ma 'ongs pa na longs spyod chen po rnam par smin par 'gyur te/ des ni longs spyod spel bar bya ba yin no/ /sbyin pa spel bar byas pa ni sbyin pa'i mthus ma 'ongs pa na rgyu mthun pa'i 'bras bu yang sbyin pa gtong ba la dga' bar 'gyur te/de ltar sbyin pa spel bar byas pa yin no/ /sbyin pas rab tu smin bya zhes bya ba ni/ sbyin pa btang nas sems can bsdus te/ dge ba la gzhag pa'i sgo nas sems can smin par bya'o zhes bya ba'i don to//bde bar byas zhes bya ba ni/ len pa po'i gang zag rnams kyang bde ba dang dga' ba bskyed par bya ba dang / gtong ba po'i gang zag rnams kyang bde ba dang dga' ba bskyed par bya'o zhes bya ba'i don to/ /drang bar bya zhes bya ba ni/ sbyin pa gtang ba'i sgo nas bsod nams dang ye shes kyi tshogs bsags par bya'o zhes bya ba'i don to//de la zang zing dang mi 'jigs pa'i sbyin pas ni bsod nams kyi tshogs sogs so/ /chos sbyin pas ni ye shes kyi tshogs sogs so/ /bkri bar bya zhes bya ba ni/ bla na med pa'i byang chub kyi gnas su bkri ba'am der gzhag par bya zhes bya ba'i don to//sbyin pa bya ba le lo can zhes bya bar sbyar ro zhes bya ba la/ mi le lo can dang / de la phan par 'dod pa gnyis phan tshun smra ba dang 'dra bar sbyin pa le lor gyur nas sems can la mi 'jug pa la snying rje smra bar byed de/ ji ltar smra bar byed ce na/ snying rje 'phel bar bya/ sbyin pas longs spyod dang sbyin pa nyid spel bar bya'o zhes bya ba la sogs pa'i tshul gyis smra bar byed do zhes bya ba'i don to/ /gzhan bde bas bde ba rjes su myong ba'i tshigs su bcad pa zhes bya ba la/ 'jig rten pa rnams ni phrag dog gi bsam pa yod pas gzhan bde ba mthong na bdag sdug bsngal bar 'gyur la/sems can rnams sdug par mthong na bdag dga' bar 'gyur gyi/ byang chub sems dpa' ni de lta bu ma yin te/ sems can gzhan sdug bsngal na byang chub sems dpa' sdug bsngal bar 'gyur la/ sems can gzhan bde na byang chub sems dpa' ci'ang mi bdog kyang bde bar 'gyur ba bstan pa'i phyir tshigs su bcad pa rtsom mo zhes bya ba'i don to//snying rjes sdug bsngal bas ni sdug bsngal na/ /gzhan bde ma bskyed ci phyir bde bar 'gyur/ /zhes bya ba la/ byang chub sems dpa' snying rje can rnams ni snying rje'i shugs kyis sems can gzhan sdug bsngal ba mthong bas bdag nyid sdug bsngal bar mthong ste/de ltar na byang chub sems dpa' bdag nyid bde ba 'dod pas sems can bde ba la ma bkod par bdag nyid bde bar ga la 'gyur te nams kyang bde bar mi 'gyur ro zhes bya ba'i don to//de bas na 'phags pa dri ma med par grags pa'i byang chub sems dpas kyang sems can thams cad kyi nad ji srid kyi bar du bdag gi nad kyang de srid du mi 'tsho'o zhes bshad pa lta bu'o/ /de bas gdag ni bde bar 'gyur 'dod na/ /snying rje gzhan gyi bde ba bskyed par bya'o//zhes bya ba la/ de ltar sems can sdug bsngal na byang chub sems dpa' sdug bsngal la sems can bde na byang chub sems dpa' bde bas byang chub sems dpa' snying rje dang ldan pa bdag nyid bde ba myong zhing thob par 'dod na sems can sdug bsngal ba rnams bde ba la dgod par bya ste/gzhan bde ba skyed dang gdod byang chub sems dpa' bde ba myong bar 'gyur ro zhes bya ba'i don to/ /byang chub sems dpa'i snying rje bas/ /zhes bya ba ni/ snying rje dang ldan pa'i byang chub sems dpa'i snying rje'i shugs kyis zhes bya ba'i don to/ /gzhan gyi sdug bsngal gyis sdug bsngal bar 'gyur/zhes bya ba ni/ gzhan sdug bsngal ba mthong na byang chub sems dpa' nyid sdug bsngal bar 'gyur ro zhes bya ba'i don to/ /sems can rnams la bde ba skyed par ji ltar bde bar 'gyur zhes bya ba ni/ de ltar na byang chub sems dpa' nyid la sdug bsngal mi 'byung zhing bde ba thob par 'dod nas sems can rnams kyi sdug bsngal bsal zhing sems can bde ba la dgod par bya ste/de ltar ma byas kyi bar du byang chub sems dpa' bdag nyid kyis bde ba myong bar mi 'gyur ro zhes bya ba'i don to/ /snying rjes sbyin pa rjes su ston pa la tshigs su bcad pa drug ste zhes bya ba la/dper na mkhan po dang slob dpon gyis slob ma la 'di ltar gyis shig ces ston cing slob par byed pa bzhin du snying rje slob dpon du gyur pas sbyin pa slob ma lta bur gyur pa la 'di lta 'di ltar gyis shig ces ston cing slob par byed de/ de bstan par bya ba'i phyir tshigs su bcad pa drug rtsom mo zhes bya ba'i don to//sbyin pa ni phyi'i dngos po yin pas de la sems med na ji ltar bstan cing bslab ce na yang lan du sems med par bden mod kyi slob pa bzhin zhes bya bar sbyar te/ ji ltar slob dpon gyis slob ma la bslabs nas slob ma las dam pa dag la 'jug par byed pa bzhin du snying rjes sbyin pa skyong nas sbyin pa las dam pa 'jug par byed pa snying rjes ni sbyin pa la slob pa bzhin no//snying rje can ni bdag gi sbyin pa la/ /bdag bde mi 'dod rtag tu slob par byed/ /ces bya ba la/ snying rje dang ldan pa'i byang chub kyi sems kyi snying rje ni bdag bde ba mi 'dod pa ste/rnam pa thams cad du bdag gi bde ba sems can la stobs par byed pa'i phyir ro/ /de ltar snying rje bdag bde ba mi 'dod pa de rtag tu bdag nyid kyi sbyin pa la slob cing ston par byed do zhes bya ba'i don to/ /ji ltar slob par byed ce na/de'i phyir/ longs spyod kyis ni bde ba pha rol lam/ /zhes bya ba smos te/ snying rje de sbyin pa la 'di ltar slob ste/ 'di ltar sbyin pa btang ba'i 'bras bu longs spyod chen po'i bde ba de'ang sbyin pa khyod kyis longs spyod kyi 'bras bu de sems can gzhan gyis myong bar bgyis pa de ltar gyis shig /gal te sbyin pa'i 'bras bu rnam par smin pa de sems can gzhan la ma smin/ de bdag la smin par gyur na/ de ltar na ni rnam par smin pa de bdag la ma smin yang rung ngo zhes sbyin pa la de ltar slob par byed do/ /snying rje de sbyin pa'i 'bras bu longs spyod chen po ci'i phyir sems can la stobs par byed ce na/de'i phyir/ bdag dang bde ba tha dad ma yin pas/ /zhes bya ba smos te/ sems can sdug bsngal ni byang chub sems dpa' sdug bsngal bar 'gyur te/ sems can dang byang chub sems dpa' sdug bsngal gcig ste tha mi dad pa'i phyir dang / gzhan bde na byang chub sems dpa' bde ste/ sems can dang byang chub sems dpa' bde ba gcig cing tha mi dad pas na sbyin pa'i 'bras bu longs spyod chen po sems can rnams la sngo bar byed do/ /de med par bdag gi sbyin pa'i 'bras bu mi 'dod do zhes bya ba la/ byang chub sems dpa' dang sems can du bde ba tha mi dad de gcig pas na snying rjes sbyin pa la 'di ltar slob par byed de/gal te sbyin pa khyod kyi 'bras bu longs spyod chen po zhig smin par byas na 'bras bu sems can rnams kyis myong bar 'gyur bar bya ba de ltar smin par gyis shig /gal te rnam par smin pa de sems can la sbyin pa med de sems can gyis myong bar ma gyur na ni/de ltar na sbyin pa'i 'bras bu rnam par smin pa la 'dod pa med pas sems can smin yang rung ngo zhes sbyin pa la zer ro/ /'bras bu bcas pa'i sbyin pa sbyin byed na/ /sems can sbyin pa'i bde bas bdag bder 'gyur/ / zhes bya ba la/ byang chub sems dpa' sbyin pa yongs su gtong ba na sbyin pa'i rdzas kyi dngos po 'ba' zhig gtong bar ma zad kyi/ sbyin pa de'i 'bras bu longs spyod chen po rnam par smin pa yang sems can gyis myong bar gyur cig ces sems can la bsngo zhing sbyin par byed de/ /de ltar sems can rnams la rdzas kyi dngos po sbyin pa dang /sbyin pa de'i 'bras bu longs spyod chen po yang byin nas sems can bde bar gyur na de nyid kyis byang chub sems dpa' bde bar 'gyur gyi/ rdzas kyi dngos po btang ste sems can bde la sbyin ba'i 'bras bu longs spyod byang chub sems dpa' nyid kyis myong ba la ni byang chub sems dpa' bde bar mi 'dzin to zhes bya ba'i don to//gal te khyod kyis bya ba nga la yod/ /de rnams la ni shin tu 'bras bur 'gyur/ /zhes bya ba la/ snying rje de sbyin pa la 'di ltar slob par byed de/ gal te sbyin pa khyod kyis nga la phan btags shing / sbyin pa'i 'bras bu longs spyod chen po zhig sbyin par bya ba yod/ 'bras bu de rnams khyod kyis sems can rnams la sbyin te/ sems can rnams kyis ji nas kyang myong bar 'gyur ba de ltar khyod kyis shig dang / de ltar byas na gdod khyod kyis nga la phan btags pa yin no zhes snying rje sbyin pa la de ltar ston cing slob par byed do//sbyin pa byin na sbyin pa dang sbyin pa'i 'bras bu de dag bdag gis sems can la byin pas zhes bya ba la sogs pa la/ byang chub sems dpa' sbyin pa gtong ba'i dus na yang tshul 'di ltar gtong ste/ sbyin pa'i dngos po dang / sbyin pa de btang ba'i 'bras bu gnyis ka sems can gyis myong bar gyur cig ces bsngo zhing sbyin par byed de de ltar zang zing dang 'bras bu gnyis ka sems can gyis myong ste/sems can bde bar gyur na gdod byang chub sems dpa' bde bar 'gyur ro zhes bya ba'i don to/ /gang gi phyir de nyid kyis ji tsam du 'bras bur bya ba de tsam du 'bras bur 'gyur te zhes bya ba la sogs pas/gang gi phyir sbyin pa'i dngos po dang / 'bras bu gnyi ga sems can la btang nas sems can bde bar gyur na byang chub sems dpa' yang bde bar 'gyur bas/ sbyin pa khyod kyis sbyin pa ji snyed cig btang ba'i 'bras bu bdag la ji tsam zhig sbyin par bya ba'i 'bras bu'i 'bras bu de dag thams cad sems can la smin par gyis shig dang /de nyid kyis nga la phan btags pa yin no zhes snying rjes sbyin pa la ston cing slob par byed do/ /sbyin pa yi ni longs spyod mi 'dod pas/ /zhes bya ba la/ byang chub sems dpa'i sbyin pa gtong ba yang /sbyin pa'i 'bras bu longs spyod chen por 'gyur ba de dag bdag gis myong bar ni mi 'dod de 'bras bu la thams cad nas thams cad du rgyab kyis lta zhing longs spyod myong bar bya ba la gcig tu ma myong zhes bya ba'i don to/ /longs spyod mang po mchog dang phrad gyur na/ /zhes bya ba la/ de ltar 'bras bu la mos pa med na/ 'bras bu mi 'dod du zin kyang byang chub sems dpa'i rgya chen po dang ldan pa dang / chos nyid kyis ni sbyin pa btang ba dang / longs spyod chen po mi myong du mi rung ba yin pas gang dang gang du skyes par longs spyod mang po rgya chen po rnams dang byang chub sems dpa' rtag tu phrad par 'gyur ro zhes bya ba'i don to//de yi bde ba dag ni bdag mi 'dod/ /sbyin pa rgyun de yang ni sbyin par 'dod/ /ces bya ba la/ de ltar longs spyod rgya chen po dang phrad du zin kyang longs spyod kyi bde ba de dag ni byang chub sems dpa' ni mi 'dod kyi ci zhig 'dod ce na/ ji ltar btang ba'i sbyin pa'i 'bras bu'i tshe rabs gzhan du yang sbyin pa rgyun du gtong zhing sbyin pa byed par 'gyur ba tsam 'dod par zad do zhes bya ba'i don to//gang gi phyir sbyin pa rgyun du byed pa de rgyun du mi 'dod kyi zhes bya ba la sogs pa la/ de ltar longs spyod chen po longs spyod dam pa dang rtag tu phrad kyang longs spyod kyi bde ba la cung zad kyang 'dod pa med kyi/gzhan du na bdag gi sbyin pa yongs su btang ba'i 'bras bu tshe rabs gzhan du sems can rnams la sbyin pa rgyun du gtong ba dang / sbyin pa gtong ba de rgyun mi 'chad par gtong ba tsam du zad do/ /bdog pa thams cad yongs su gtong ba la/ /snying rjes bdag la rtag tu rab lta na//zhes bya ba la/ gzhan snying rje ni sbyin pa la 'di ltar slob ste/ snying rje lag na bdog pa'i dngos po phyi dang nang gi dngos po thams cad gtong ba yang sbyin pa'i 'bras bu 'dod pa'i phyir gtong ba ni ma yin gyi/ sems can la snying rje bas na bdag gi lag na yod pa rnams la chags pa med par gtong ste/de'ang phyi dang nang gi dngos po 'ba' zhig gtong bar ma zad kyi/ sbyin pa'i 'bras bu longs spyod chen po yang sems can la yongs su gtong ngo / /de ltar 'bras bu yang btang na sbyin pa khyod 'bras bu sems can la smin par mi byed par ci'i phyir 'bras bu bdag la rtag tu lta zhing bdag la 'khor la 'bras bu bdag la smin par byed ces bya ba'i don to//khyod kyis yang dag shes par byos/ /bdag ni 'bras bu don mi gnyer/ /zhes bya ba la/ de bas na sbyin pa khyod kyis snying rje 'di ni sbyin pa'i 'bras bu la chags pa med de/ sbyin pa'i 'bras bu la don du mi gnyer bas na snying rje 'bras bu sbyin pa ni mi rigs kyi/sbyin pa'i 'bras bu yang sems can la sbyin pa'i rigs so zhes sbyin pa khyod kyis de ltar shes par gyis shig ces sbyin pa la slob par byed do/ /gang bdag gis snying rjes sbyin pa'i 'bras bu thams cad yongs su gtong bar shes par bya'o zhes bya ba la sogs pa la/snying rjes bdag gi phyi nang gi dngos po thams cad dang de'i 'bras bu sems can la rtag par btang ba yang sems can rnams la snying rje'i sgo nas rtag par gtong bar zad kyi/ sbyin pa'i 'bras bu la ni cung zad kyang chags pa med do zhes khyod kyis de ltar shes par gyis shig ces bya ba'i don to//de ltar byang chub sems dpa' sbyin pa la rjes su bstan to zhes bya ba la/ gong du bshad pa ltar na sbyin pa khyod kyis 'di ltar shes par bya ba'i rigs te/ snying rjes 'di ni sbyin pa'i 'bras bu la chags pa med pas/ 'di la 'bras bu sbyin par bya ba'i mi rigs kyi de'i 'bras bu sems can rnams kyis myong bar bya ba'i rigs so zhes sbyin pa khyod kyis de ltar shes par gyis shig ces sbyin pa la de ltar ston cing 'doms so//khyod kyis 'bras bu thob pa ma spangs na/ /sbyin pa la ni mngon par mos ma yin/ /zhes bya ba la/ gzhan yang snying rjes sbyin pa la 'di skad smra bar byed de/ gal te ngas sbyin pa'i dngos po ni btang gi sbyin pa khyod kyis 'bras bu longs spyod chen po thob pa de bdag gis ma spangs te ma btang na/ de ltar na ni snying rje 'di sbyin pa gtong ba la ma mos pa yin no zhes sbyin pa khyod kyis de ltar rig par bya ba'i rigs so//ji ltar skad cig tsam yang sbyin med par/ /sbyin pa la ni mngon par dga' ma yin/ /zhes bya ba la/ de ltar ma yin te snying rje bdag ni sbyin pa'i dngos po ni gtong la/ de'i 'bras bu mi gtong ba de lta bu'i sbyin pa la yang bdag dga' ba ma yin la/ bdag ni sbyin pa mi gtong zhing sbyin pa byed pa med par skad cig tsam yang gnas par mi dga' zhing ma mos pa yin te/de bas na 'bras bu thob pa rnams kyang gtong ba dang sbyar na snying rje sbyin pa gtong ba la mngon par dga' ba yin no zhes khyod kyis de ltar shes par gyis shig ces ston to/ / ma byas 'bras bur mi 'gyur bas/ /de ltar lan re yong bas nga mi mtshungs/ /zhes bya ba la/ rnam pa gzhan du yang snying rjes ni sbyin pa la 'di ltar slob par byed de/ sbyin pa khyod ni sbyin pa la byas pa rnams ni 'bras bur mi 'gyur zhing 'bras bu smin par mi byed pas de ltar na khyod ni lan la re ba ma yin no//snying rjes ni gang byin yang rung ma byin yang rung / 'bras bu smin yang rung ma smin yang rung ste/ sems can kun la phan pa dang bde ba byed pa dang sems can kun gyi don sgrub par byed pas na nga ni lan la re ba med pa'i phyir khyod dang mi mtshungs so zhes bya ba'i don to/ / gang gis byas pa de las 'bras bur smin/ /de'i phyir khyod lan re bas nga mi mtshungs/ /zhes bya ba la/ gzhan yang sbyin pa khyod ni gang gi sbyin pa byas pa de la 'bras bu smin cing sgrub par byed pas na khyod la ni lan re ba yod kyi/ nga ni sbyin pa ma byas pa la yang 'bras bu sgrub par byed de/ byas pa dang ma byas pa kun la phan 'dogs pa la lan re ba med pa'i phyir khyod dang mi mtshungs so zhes bya ba'i don to//snying brtse ba sbyin pa la tshigs su bcad pa gnyis te zhes bya ba la/ sbyin pa gang btang na tshe 'di dang tshe rabs gzhan du phan par 'gyur gyi gnod par mi 'gyur ba'i sbyin pa ni snying brtse ba'i sbyin pa zhes bya ste/de lta bu'i sbyin pa gtang ba'i phyir tshigs su bcad pa gnyis rtsom mo zhes bya ba'i don to/ /rgyal sras rnams kyi brtse bas sbyin pa ni/ /kha na ma tho med cing dag pa'i gnas/ /zhes bya ba la sogs pa la/ byang chub sems dpa' rnams kyi tshe 'di dang tshe rabs gzhan du phan par 'gyur ba'i snying brtse ba'i sbyin pa ni rnam pa drug ste/kha na ma tho ba med pa sbyin pa dang / dag pa'i gnas sbyin pa dang / phan par byed pa sbyin pa dang / rjes su srung bar byed pa sbyin pa dang / tshol ba med par sbyin pa dang / chags pa med par sbyin pa'o/ /de la kha na ma tho ba med pa ni/ gzhan la mi gnod par sbyin pa'o zhes bya ba la/ skye bo gzhan dag la phrogs shing gnod par byas nas gzhan dag la gtong ba dang / sems can dag bsad cing sha gzhan la sbyin par byed pa dang / slong ba'i gang zag rnams bkren pa dang ltogs pa zhes bya ba'i tshig ngan pa la sogs pa smras nas/sdug bsngal bskyed de sbyin par byed pa ni kha na ma tho ba zhes bya ste/ de lta bu'i gnod pa med pa byas nas sbyin par byed pas na kha na ma tho ba med pa zhes bya'o/ /dag pa'i gnas ni brtags pa'i dngos po sbyin pa'i phyir/ /zhes bya ba la sogs pa la/ dug dang mtshon cha la sogs pa ma brtags pa'i dngos po mi gtong gi dngos po gtsang ma sbyin par byed kyi/dug dang mtshon cha dang chang lta bu sbyin par mi byed pas na dag pa'i gnas sbyin pa zhes bya'o/ /phan par byed pa ni sbyin pas kun du bsrungs shing dge ba la sbyor ba'o zhes bya ba la/ /sbyin pas sems can rnams bsrungs nas//tshe phyi mar lha dang mi'i 'bras bu thob par bya ba'i phyir dge ba byed du bcug pa ni phan par byed pa'i sbyin pa zhes bya'o/ /bsrung bar bcas pa ni 'khor gyi 'gro ba la gnod pa med par gzhan la sbyin pa'i phyir ro zhes bya ba la/ bsrung bar bcas pa'i sbyin pa ni sbyin pa gtong ba de yang thams cad btong nas cung zad kyang med par byas te/bdag gi bu smad dang bran g.yog la sogs pa 'khor la gnod pa lta bur sbyin pa mi byed kyi phyi na yang 'khor la gnod pa med par cung zad 'jog pa'o/ /yang na bsrung ba dang bcas pa'i sbyin pa ni gang zag byang chub sems dpa' de bu smad dang bran g.yog la sogs pa gzhan la gtong bar byed pa yang gnod sbyin dang srin po la sogs pa sems can la gnod pa byed pa rnams la gtong bar mi byed pa'o//tshol ba med pa ni phongs pa'i don shes nas ma blangs par bdag nyid kyis sbyin zhing sbyin gnas yongs su mi tshol ba'o zhes bya ba la/tshol ba med pa'i sbyin pa ni sems can phongs pa dang brel ba'i skabs shes nas gzhan gyis ma blangs par yang bdag nyid kyi lag nas gtong bar byed pa dang / 'di la sbyin 'di la mi sbyin zhes bsod nams kyi zhing mi tshol gyi snyoms par sems can kun la gtong bar byed pa'o//chags pa med pa ni lan dang rnam par smin pa la mi re ba'i phyir ro zhes bya ba la/ chags pa med pa'i sbyin pa ni bdag gis sbyin pa 'di btang bas slar bdag la phan 'dogs par shog shig ces lan la chags pa med pa dang / sbyin pa btang ba 'dis tshe rabs gzhan rnam par smin pa'i longs spyod dang ldan par gyur cig ces rnam par smin pa la chags pa med par gtong bas na mi chags pa'i sbyin pa zhes bya'o//rnam pa gzhan du na zhes bya ba la/ byang chub sems dpa'i thugs rjes sbyin pa rnam pa gcig bshad nas gzhan yang tshe rabs 'di dang tshe rabs gzhan du phan par 'gyur ba'i thugs rjes sbyin pa'i rnam grangs gzhan yang bstan pa'i phyir zhes bya ba'i don to//thams cad rgyas dang gtso bo dang / /zhes bya ba la/ thams cad gtong ba dang / rgyas par gtong ba dang / gtso bor gtong ba zhes bya bar sbyar ro//de la phyi nang gnyi ga gtong bas na/ thams cad gtong ba'o/ /chung ngu dang nyung ngu mi gtong gi chen po dang mang po gtong bas na rgyas par gtong ba zhes bya'o/ /dngos po zhigs pa dang / rul ba dang / spyad du mi rung ba mi gtong gi kha dog dang dbyibs dang / dri phun sum tshogs shing bzang po gya nom pa gtong bas na gtso bo gtong ba zhes bya'o//rtag dang dga' dang zang zing med/ /zhes bya ba la/ rtag tu gtong ba dang / dga' bar gtong ba dang / zang zing med par gtong ba zhes bya bar sbyar ro/ /de la skad cig ma gcig la gtong / skad cig ma gcig la mi gtong / nyin gcig gtong /nyin gcig mi gtong / lo 'ga' gtong lo 'ga' mi gtong ba ma yin gyi/ rgyun mi 'chad par gtong bas na rgyun du gtong ba zhes bya'o/ /ser sna'i sems med par dga' ba dang mgu ba'i sems kyis 'di la gtong 'di la mi gtong zhes brtags pa med kyi/ thams cad la snyoms par gtong bas na dga' bas gtong ba zhes bya'o//tshe 'dir lan la re ba med pa dang / tshe rabs gzhan du rnam par smin pa la re ba med pas na zang zing med par gtong ba zhes bya'o/ /dag dang byang chub bsngo dang dge ba bsngo/ /zhes bya ba la/ dag pa gtong ba dang / byang chub tu bsngo ba gtong ba dang /dge ba bsngo ba'i gtong ba zhes bya bar sbyar ro/ /de la dag pa gtong ba ni gong du dag pa'i gnas sbyin pa dang don gcig ste/ dug dang mtshon cha dang chang la sogs pa brtags pa'i dngos po mi gtong bas na dag pa gtong ba zhes bya'o/ /sbyin pa byas pa rnams 'jig rten gyi lha'am mi'am nyan thos kyi mya ngan las 'das par bya ba'i phyir mi bsngo'i bla na med pa'i byang chub thob par bya ba'i phyir bsngo bas na byang chub tu bsngo ba gtong ba zhes bya'o//dge ba la bsngo ba'i don ni gong du phan par byed pa'i sbyin pa bshad pa dang don gcig ste/ sbyin pas bsdus nas dge ba la bkod pa ni dge ba la bsngo ba'i gtong ba zhes bya'o//spyad par bya ba'i khyad par gyi tshigs su bcad pa zhes bya ba la/ 'jig rten pa dag sbyin pa byas nas longs spyod dag myong bar 'gyur ba dang / 'phags pa nyan thos dang rang sangs rgyas dag sbyin pa btang nas zag pa med pa'i bde ba myong ba yod mod kyi/byang chub sems dpa' rnams su thugs rje dang ldan pa'i thugs kyis sbyin pa btang ba'i 'bras bu de dag pas longs spyod khyad par can 'byung bar 'gyur ro zhes bstan pa'i phyir tshigs su bcad pa rtsom mo zhes bya ba'i don to/ /ji ltar bde ba gsum gyis tshim pa'i yid//snying rje can gyi gtong ba dag rnyed ltar/ /longs spyod can dag longs spyod dag gis ni/ /de ltar dga' bar 'gyur ba ma yin no/ /zhes bya ba la/ byang chub sems dpa' sbyin pa gtong ba na bde ba gsum gyis yid tshim par 'gyur te/ bde ba gsum ni sbyin na dga' ba'i bde ba dang /pha rol la phan btags pa'i dga' ba'i bde ba dang / byang chub kyi tshogs rdzogs pas dga' ba'i bde ba'o/ /de ltar bde ba gsum gyis tshim pa'i yid dang ldan pa'i byang chub sems dpa' snying rje dang ldan pas sems can la sbyin pa yongs su btang nas btang ba'i 'og tu sems can la phan thogs par mthong ste/sems dga' ba dang bde ba rnyed pa ltar/ byang chub sems dpa' sems can rnams la phyi nang gi dngos po kun btang ste/ sems can rnams longs spyod dang ldan par byas pa'i sems can longs spyod can de dag de tsam gyis dga' ba dang bde ba mi skye'o zhes bya ba'i don to//yang na byang chub sems dpa' snying rje can rnams gzhan la sbyin pa yongs su btang nas sems can la phan thogs par mthong ste dga' ba'i khyad par skyes pa ste/ byang chub sems dpa' sbyin pa yongs su btang ba'i sgo nas longs spyod can du byas pa'i sems can longs spyod can dag de tsam gyi dga' ba mi skye ste/ci'i phyir zhe na/ byang chub sems dpas sbyin pa yongs su btang nas bde ba rnam pa gsum gyis tshim par 'gyur ba'i phyir te/ bde ba rnam pa gsum ni sbyin pas dga' ba dang / pha rol la phan btags pas dga' ba dang / byang chub kyi tshogs rdzogs pas dga' ba'o//sbyin pas dga' ba dang zhes bya ba la/ sbyin pa gtong ba na slong ba rnams tshogs shing 'dus pa mthong nas dang por dga' ba ni sbyin pas dga' ba zhes bya'o/ /pha rol la phan btags pas dga' ba dang zhes bya ba la/ slong ba 'dus pa'i 'og tu zang zing rnams gzhan la byin nas/des sems can la phan thogs par mthong ste dga' ba ni/ phan btags pas dga' ba zhes bya ba ste/ bar du dga' ba'o/ /byang chub kyi tshogs rdzogs pas dga' ba'o zhes bya ba la/ dngos po btang ste dga' ba la gzhan la phan thogs pa'i rgyus bsod nams dang ye shes kyi tshogs rdzogs par mthong nas dga' ba ni byang chub kyi tshogs rdzogs pas dga' ba zhes bya ba ste/'di ni tha mar dga' ba'o/ /pha rol tu phyin pa rnams mngon par sgrub pa la snying brtse ba'i tshigs su bcad pa zhes bya ba la/ pha rol tu phyin pa drug gi mi mthun pa'i phyogs ser sna la sogs pa la gnas pa rnams la thugs brtse nas//sbyin pa la sogs pa byed du bcug pa ni pha rol tu phyin pa rnams mngon par sgrub pa la snying brtse ba zhes bya ste/ /de bstan par bya ba'i phyir/ /tshigs su bcad pa rtsom mo zhes bya ba'i don to/ /ser snas snying rje ma rungs snying rje dang //zhes bya ba la/ ser sna ni phyi dang nang gi dngos po gtong bar mi nus shing zang zing mi dgos pa dag sdud par byed pa ste/ de dag la byang chub sems dpa' thugs brtse nas/ ser sna'i skyon dag brjod cing sbyin pa'i chos la 'jog par mdzad do/ /ma rungs pa ni ngan pa'i ngang tshul can te srog gcod pa dang ma byin par len pa byed pa'i sgo nas sems can la gnod par byed pa'o//de dag la byang chub sems dpa' thugs brtse nas tshul khrims ngan pa'i skyon dag brjod nas tshul khrims la 'jog par mdzad do/ /'khrug pa bag med snying rje dang / /zhes bya ba la/zhe sdang gi sems 'tshig par byas pa ni 'khrug pa zhes bya ste/ de dag la byang chub sems dpa' thugs brtse nas zhe sdang gi skyon dag smos shing bzod pa la 'jog par mdzad do/ /bag med pa ni nyal ba dang 'phres pa la sogs pa'i las la dga' bas le lo'i dbang gis dge ba'i las mi byed pa ste/de dag la byang chub sems dpa' thugs brtse nas le lo'i skyon dag brjod cing brtson 'grus la 'god par mdzad do/ /yul gyi dbang du song la snying rje dang / /zhes bya ba la/ gzugs dang sgra la sogs pa 'dod pa lnga'i yon tan la sems g.yengs pa ni yul gyi dbang du song ba zhes bya ste/de dag la byang chub sems dpa' thugs brtse nas sems g.yengs pa'i skyon dag brjod cing bsam gtan la 'jog par mdzad do/ /log par mngon par zhen la snying rje'o/ /zhes bya ba la/ log par mngon par zhen pa ni bdag rtag pa la sogs par 'dzin pa ste/mu stegs pa la sogs pa'i log pa'i shes rab dang ldan pa rnams so/ /de dag la byang chub sems dpa' thugs brtse nas log pa'i shes rab kyi skyon dag brjod cing yang dag pa'i shes rab la 'jog par mdzad do/ /'di dag ni pha rol tu phyin pa'i mi mthun pa'i phyogs kyi zhes bya ba la sogs pa la/ser sna nas log par lam mngon par zhen pa rnams ni sbyin pa nas shes rab kyi pha rol tu phyin pa'i bar gyi mi mthun pa'i phyogs te/ mi mthun pa'i phyogs la gnas pa'i sems can de dag la byang chub sems dpa' snying brtse ba ni snying rje zhes bya'o//de'ang de dag gi mi mthun par phyogs rnam par sun 'byin pa ni zhes bya ba la sogs pa la/ ser sna la sogs pa de dag kyang sbyin pa la sogs pa'i mi mthun pa'i phyogs yin te/ snying rjes ser sna la sogs pa'i skyon brjod cing sbyin pa la sogs pa pha rol tu phyin pa byed du bcug pa ni pha rol tu phyin pa rnams mngon par sgrub pa la snying brtse ba zhes bya'o//snying rje'i rkyen bstan pa'i tshigs su bcad pa zhes bya ba la/ 'di ltar mig la sogs pa rnam par shes pa rnams dmigs pa dang / rgyu dang bdag po dang / de ma thag pa'i rkyen las skye ba bzhin du byang chub sems dpa'i snying rje yang dmigs pa dang rgyu dang bdag po dang de ma thag pa ste rkyen bzhi las skye ba bstan pa'i phyir tshigs su bcad pa rtsom mo zhes bya ba'i don to//bde dang mi bde'i rgyu las byung / /byang chub sems dpa'i snying rje ste/ /zhes bya ba la/ tshigs su bcad pa phyed kyis snying rje'i dmigs pa'i rkyen bstan to//de la snying rje'i dmigs par bya ba'i yul ni tshor ba bde ba dang tshor ba sdug bsngal ba dang / bde ba yang ma yin sdug bsngal yang ma yin pa la bya'o/ /rgyu dang bshes gnyen rang bzhin las/ /byang chub sems dpa'i snying rje'o/ / zhes bya ba la/ tshe rabs gzhan du snying rje la goms par byas pas kun gzhi la snying brtse ba'i bag chags bsags pa ni snying rje'i rgyu'i rkyen to/ /dge ba'i bshes gnyen la brten nas/ dam pa'i chos nyan pa'i dbang gis snying rje skye ste/ de ni bdag po'i rkyen te/ snying rje dang ldan pa'i sems dang sems las byung ba snga ma 'gags/de dang rang bzhin gcig la snying rje dang ldan pa'i sems dang sems las byung ba phyi ma 'byung ste/ snga ma 'gags pa ni de ma thag pa'i rkyen to/ /tshor ba rnam pa gsum la dmigs nas sdug bsngal gsum gyis snying rje bar byed do/ zhes bya ba la/ byang chub sems dpa' tshor ba bde ba dang / tshor ba sdug bsngal ba dang / tshor ba bde ba yang ma yin sdug bsngal ba yang ma yin pa la dmigs nas snying rje skye ste/ ci'i phyir zhe na/ tshor ba gsum la sdug bsngal rnams kyis khyab par gzigs pa'i phyir ro/ /de la tshor ba bde ba la ni 'gyur ba'i sdug bsngal gyis khyab par dmigs so//sdug bsngal gyi tshor ba la ni sdug bsngal gyi sdug bsngal gyis khyab par dmigs so/ /bde ba yang ma yin sdug bsngal ba yang ma yin ba'i tshor ba la ni 'du byed kyi sdug bsngal gyis khyab par dmigs so/ /sdug bsngal dang bde ba'i tshor ba'i rgyu ni bde ba dang mi bde ba ste/phyir zhing de bskyed pa'i phyir ro zhes bya ba la/ sdug bsngal gyi tshor ba bskyed pa'i rgyu dang / bde ba'i tshor ba bskyed pa'i rgyu ni bde ba'i tshor ba'i bag la nyal dang / sdug bsngal gyi tshor ba'i bag la nyal ba la bya ste/ don du bde ba yang ma yin sdug bsngal ba yang ma yin pa'i tshor ba bag chags kyi rang bzhin la de'i rgyu zhes bya ste/ci'i phyir bag la nyal la rgyu zhes bya zhe na/ 'di ltar bag chags de las tshor ba bde ba dang sdug bsngal gnyis yang nas yang du 'byung zhing skye ba'i phyir ro/ /snying rje chen po'i rang bzhin gyi tshigs su bcad pa zhes bya ba la/'jig rten pa la snying rje yod kyang pha ma la sogs pa bu dang gnyen bshes rnams la snying rje skye'i dgra la sogs pa la snying rje mi skye bas snying rje chen po ma yin pa dang / nyan thos dang rang sangs rgyas la sogs pa snying rje yod kyang sems can sdug bsngal ba la snying rje skye'i sems can bde ba rnams la snying rje mi skye bas snying rje chen po ma yin gyi/byang chub sems dpa' rnams ni cung zad tshor ba gang yin pa thams cad sdug bsngal bar gzigs nas ji ltar mnar med pa'i sems can dmyal ba pa rnams la snying rje ba bzhin du/ srid pa'i rtse mo'i lha rnams la yang snying rje bas na snying rje chen po'i rang bzhin can zhes bya ste/ de bstan par bya ba'i tshigs su bcad pa rtsom mo zhes bya ba'i don to/ /byang chub sems dpa'i snying rje ni/ /mnyam pa yin par rig par bya/ /zhes bya ba la/ byang chub sems dpa' rnams kyi snying rje ni sems can thams cad la mnyam par dmigs pa'i snying rje can yin par rig par bya ste/ji lta zhe na/ bde ba'i tshor ba dang / sdug bsngal gyi tshor ba dang bde ba yang ma yin sdug bsngal ba yang ma yin pa'i tshor ba myong ba la sogs pa gang ci tshor yang rung ste tshor ba thams cad sdug bsngal ba'o zhes mkhyen nas sems can dmyal ba pa la thugs brtse ba bzhin du/srid pa'i rtse mo pa rnams la yang thugs brtse bas na thugs rje chen por rig par bya ste/ ci dang ci mnyam zhe na/ de'i phyir de'i bsam pa mnyam pa las/ sgrub pa dang ni chags bral bas/ /mi dmigs dang ni rnam dag las/ / zhes bya ba smos te/ mnyam pa ni bsam pa mnyam pas snying rje mnyam pa dang / bsgrub pa mnyam pas snying rje mnyam pa dang / 'dod chags dang bral ba'i phyir snying rje mnyam pa dang / mi dmigs pas snying rje mnyam pa dang / rnam par dag pa thob pas snying rje mnyam pa'o/ /de la bsam pa mnyam pas snying rje mnyam pa ni ji ltar sems can dmyal ba rnams la thugs brtse bar dgongs pa bzhin du/srid pa'i rtse mo pa rnams la yang thugs brtse bar dgongs pa'i phyir ro/ /bsgrub pa mnyam pas snying rje mnyam pa ni ji ltar sems can dmyal ba pa rnams kyi skyabs mdzad pa bzhin du sred pa'i rtse mo'i sems can rnams la yang de bzhin du skyabs mdzad pa'i phyir ro//'dod chags dang bral bas snying rje mnyam pa ni snying rje'i mi mthun pa'i phyogs zhe sdang dang sems can la brdeg btsog la sogs pa 'tshe ba byed pa spangs pa'i phyir su la yang zhe sdang ba med/ gang la yang byams par byed pa yang med de kun la snyoms par lta ba'i phyir ro//mi dmigs pas snying rje mnyam pa ni sems can dang bdag dang snying rje gsum char yang stong pa nyid du ro gcig par khong du chud pa'i phyir ro/ /rnam par dag pa thob pas snying rje mnyam pa ni sa brgyad pa la byang chub sems dpa' rnams mi skye ba'i chos la bzod pa thob pas rtsol ba dang 'bad pa med par snying rje lhun gyis grub pa'i phyir ro//de la gzugs kyi khams kyi lha rnams kyang byams pa la sogs pa ni tshad med pa bzhi bsgoms te nyan thos dang rang sangs rgyas tshad med pa bsgom mod kyi/ de bas na byang chub sems dpa' rnams tshad med pa bzhi bsgom pa mchog tu 'gyur ba bstan pa'i phyir rang gi sems dang chos la mos dang zhes bya ba la sogs pa tshigs su bcad pa gcig smos te/tshe rabs snga ma la byams pa bsgoms pa'i bag chags sems la brlan pa'i sems de nyid la brten nas tshe 'di la byams pa la sogs pa bsgoms na bsgom pa de mchog tu gzhag go//tshad med pa bzhi dang yang dag par ldan pa'i mdo sde rnams la mos shing dad na byams pa la sogs pa bsgom pa mchog tu gzhag go/ /bsam pa dang ni rnam par 'byor pa las/ /zhes bya ba la ro myang ba dang rjes su yi rang ba dang mngon par dga' ba la sogs pa'i bsam pa rnam pa dgu dang ldan pa yang byams pa la sogs pa bsgom pa mchog tu gzhag go//sa brgyad pa la sogs pa'i dus na rtsol ba dang 'bad pa med par byams pa la sogs pa lhun gyis grub par 'byung ba ni rnam par 'byor pa zhes bya ste/de lta bur gnas pa yang bsgom pa mchog tu gzhag go/ /rnam par mi rtog dang gcig gnyis las zhes bya ba la/ bdag dang sems can dang tshad med pa rnams rnam par mi rtog par bsgom pa yang byams pa la sogs pa bsgom pa mchog tu gzhag go/ /sa brgyad pa'i dus na byang chub sems dpa' rnams bya ba 'dres pa dang /nye bar 'dres par gyur pas byang chub sems dpa' gcig gis tshad med pa bsgom na byang chub sems dpa' rnams gzhan gyis kyang bsgoms pa yin te/ bya ba gcig tu gyur ba yang byams pa la sogs pa bsgom pa mchog tu gzhag go//de ni sangs rgyas la mchod pa dang / dge ba'i bshes gnyen la brten pa dang / tshad med pa bsgom pa rnams kyi don gong du bshad pa gzung sla bar bya ba'i phyir tshigs su bcad pa gcig gis mdor bsdus te bstan pa/ bcom ldan 'das la dad pa rab bskyed dang //dngos po chen por rtag tu gus mchod par/ /zhes bya ba la sogs pa smos so/ /de la sangs rgyas bcom ldan 'das rnams la/ sangs rgyas bcom ldan 'das rnams ni de bzhin gshegs pa dgra bcom pa yang dag par zhes bya ba la sogs pa'i yon tan dang ldan par shes nas sems dad pa dang /dad pa bskyed de dngos po chen pos rtag tu mchod pa dang gus pas rtag tu mchod na grub pa kun thob par 'gyur ro zhes bya bar sbyar ro/ /de la chos gos dang lhung bzed dang phyag 'tshal ba dang bskor ba la sogs pas mchod pa ni dngos po chen pos rtag tu mchod pa zhes bya ste/de ni rnyed pa dang bkur stis mchod pa'o/ /nyan pa dang sems pa dang sgom pas mchod pa ni gus pas mchod pa zhes bya ste/ de ni bsgrub pa'i mchod pa'o/ /de ltar tshigs su bcad pa phyed kyis sangs rgyas la mchod pa'i don mdor bstan to/ /yon tan mang po'i phan bshes rtag bsnyen na//zhes bya ba la/ dge ba'i bshes gnyen na zhes bya ba la yon tan gong du bshad pa dang ldan pa dang / de las gzhan yang mdo sde dang gtsug lag dag gi nang nas 'byung ba'i yon tan mang po dang ldan par bdag la tshe 'dir yang phan par byed/ tshe rabs gzhan du phan par byed pa'i dge ba'i bshes gnyen la rtag tu bsnyen na grub pa kun thob ces bya bar sbyar te/des ni dge ba'i bshes gnyen la brten pa mdor bstan to/ /grub pa kun thob 'gro ba snying rje can/ /zhes bya ba la/ gzhan yang tshad med pa bzhi byams pa dang / snying rje dang / dga' ba dang / btang snyoms kyi sgo nas sems can la phan btags na grub pa kun thob par 'gyur te/ grub pa kun ni bdag gi don grub pa dang / gzhan gyi don grub pa dang / de la sangs rgyas la mchod pa dang / dge ba'i bshes gnyen la brten pas ni bdag gi don grub pa 'thob po//tshad med pa bsgoms pas ni gzhan gyi don grub pa thob bo/ /go rims dang yon tan bstan to zhes bya ba la/ dngos po chen pos sangs rgyas la mchod pa dang dge ba'i bshes gnyen la brten pa dang / tshad med pa bsgoms pas ni go rims bstan to/ /bdag dang gzhan gyi don grub pas ni yon tan bstan to//dngos po chen pos rtag tu grub par rab tu mchod pa zhes bya ba la/ dngos po chen pos rtag tu mchod pa dang / gus pas rtag tu mchod pa zhes bya bar sbyar te/ dngos po chen pos mchod pa ni rnyed pa dang bkur stis mchod pa bstan to/ /gus pas mchod pa ni grub pas mchod pa bstan to//mchod pa dang / bsten pa dang / tshad med pa'i skabs bshad pa rdzogs so// //ngo tsha ba rnam par dbye ba'i tshigs su bcad pa bcu drug ste zhes bya ba la/ mchod pa dang bsnyen pa dang tshad med pa'i skabs bshad pa'i 'og tu ngo tsha ba dang brtan pa la sogs pa'i skabs bshad par 'brel ba ci yod ce na/'di ltar mchod pa dang bsnyen pas bdag la phan par bya ba'i phyir zhugs/ tshad med pas gzhan la phan par bya ba'i phyir zhugs pa des bdag dang gzhan gyi don rdzogs shing mthar phyin par bya ba'i phyir de dang rjes su mthun pa'i lam bsgom dgos pas na tshad med pa la sogs pa'i 'og tu ngo tsha shes pa la sogs pa byang chub kyi phyogs kyi chos rnams bshad par 'brel to//de yang bslab pa'i dmigs pa dang / rnam pa dang / rang bzhin dang / khyad par rnams kyis byang chub sems dpa' rnams kyi rjes su mthun pa'i bslab pa'i lam bstan te/de la dang po ngo tsha shes pa nas brtsams nas gang zag la bdag med pa'i skabs kyi bar du thams cad kyang byang chub kyi phyogs kyi chos yin par rig par bya'o/ /ngo tsha log pa'i phyogs spangs dang / /zhes bya ba la sogs pa'i tshigs su bcad pa gcig gis ngo tsha shes pa'i rang bzhin dang /grogs dang / dmigs pa dang / las phun sum tshogs pa'i sgo nas ngo tsha shes pa'i mtshan nyid bstan to/ /de la ngo tsha shes pa dang khrel yod pa'i mi mthun pa'i phyogs ni ngo tsha mi shes pa dang khrel med pa ste/de gnyis spangs na ngo tsha shes pa dang / khrel yod pa'i rang bzhin du 'gyur bas na 'dis ni rang bzhin bstan to/ /de la ngo tsha shes pa'i mtshan nyid ni byang chub sems dpa' bdag la bdag ltos nas byang chub sems dpa'i spyod pa ma yin pa nyan thos la sogs pa'i chos spyod pa ni byang chub sems dpa'i cha ma yin no snyam nas theg pa de dag la mi 'jug pa ni ngo tsha shes pa'o//khrel yod pa'i mtshan nyid ni byang chub sems dpa' bslab pa ma yin pa nyan thos kyi bslab pa la zhugs na skyes bu dam pa byang chub sems dpa' gzhan dag gis kyang smod par 'gyur ro snyam nas nyan thos la sogs pa'i theg pa la mi 'jug pa ni khrel yod pa zhes bya'o//rnam par mi rtog ye shes ldan/ /zhes bya ba la/ grogs bstan te/ de la sems can dang / bdag dang / ngo tsha shes pa dang / khrel yod pa'i chos rnams yod par ma mthong zhing de de dag la yod par mi dmigs pa ni rnam par mi rtog pa'i ye shes zhes bya ste/ldan zhes bya ba ni byang chub sems dpa'i ngo tsha shes pa dang khrel yod pa de ye shes dang grogs zhes bya ba'i don to/ /ngan cing sdig pa med pa'i yul/ /zhes bya bas dmigs pa bstan te/ ngan cing sdig pa med pa'i yul ni nyan thos dang rang sangs rgyas kyi theg pa la bya ste/theg pa chen po la ltos nas bdag gi don tsam byed kyi sems can thams cad kyi don tsam mi byed pas na ngan pa zhes bya la/ khams gsum du skye ba'i las mi rtsom gyi/ khams gsum las byung ba'i las rtsom ste/kha na ma tho ba med pas sdig pa med pa'i yul zhes bya ste/ nyan thos dang rang sangs rgyas kyi theg pa bdag gi don du zhugs pa de byang chub sems dpa' sgrub cing spyad na des ngo tsha shing khrel ba zhes bya ba yin no/ /sems can smin byed bstan pa rnams/ /zhes bya ba la/ ngo tsha ba dang khrel ba des sems can theg pa gsum du bkod nas smin par byed pa de ni las so//de ltar na brtan pa byang chub sems dpa' rnams kyi ngo tsha ba dang khrel yod pa'i mtshan nyid ni de lta bu yin no zhes bya ba'i don to/ /des byang chub sems dpa' ngo tsha byed do zhes bya ba la/ byang chub sems dpa' nyan thos dang rang sangs rgyas kyi theg pa sgrub na de nyid kyis ngo tsha ba dang khrel bar 'gyur ba yin no zhes bya ba'i don to//ngo tsha de nyid la gzhan rnams rab tu 'god pa yin no zhes bya ba la/ sems can yongs su smin par byed pa'i don 'chad de/ byang chub sems dpa' ngo tsha bar bya ba'i yul nyan thos dang rang sangs rgyas kyi theg pa de nyid la sems can 'god par byed pa ni sems can yongs su smin par byed pa zhes bya'o//yang na ngo tsha bar byed pa'i gnas nyan thos dang rang sangs rgyas kyi theg pa la sems can mi 'god kyi/ theg pa chen po la sems can rab tu 'god na sems can yongs su smin par byed pa yin no//pha rol phyin drug mi mthun 'phel/ /de yi gnyen po 'grib pa la/ /byang chub sems dpa' rnams dag ni/ /mi bzad ngo tsha skyed par byed/ /ces bya ba 'dis 'phel ba dang 'grib pa la ngo tsha ba bstan to/ /pha rol tu phyin pa rnams kyi mi mthun pa'i phyogs ni ser sna nas 'chal pa'i shes rab kyi bar du ste/de dag 'phel zhing rgyas par 'gyur ba byang chub sems dpa' shin tu ngo tsha ba skyes te/ des ni 'phel ba la ngo tsha ba'o/ /ser sna la sogs pa'i gnyen po ni sbyin pa'i pha rol tu phyin pa nas shes rab kyi pha rol tu phyin pa'i bar drug ste/de dag 'gribs shing nyes par 'gyur na byang chub sems dpa' rnams shin tu ngo tsha bar 'gyur te/ 'dis ni 'grib pa la ngo tsha ba'o/ /pha rol phyin pa drug rnams la/ /goms par bya phyir le lo dang / /nyon mongs chos mthun sbyor ba la//brtan pa rnams ni ngo tshar byed/ /ces bya ba 'dis sbyor ba dang / mi sbyor ba la ngo tsha bar bstan te/ pha rol tu phyin pa drug rnams la goms par bya ba ni pha rol tu phyin pa drug rnams la bsgom par bya ba ste/ pha rol tu phyin pa drug la ji ltar bsgom par bya ba ni pha rol tu phyin pa drug bsgom pa rnam par dbye ba'i skabs su bshad pa bzhin no//'di ltar pha rol tu phyin pa rnams bsgom zhing goms par bya ba la/ le lo'i dbang du byas nas bsgom pa la mi sbyor na/ brtan pa byang chub sems dpa' rnams ngo tsha bar byed de/ 'di ni mi sbyor ba la ngo tsha ba'o//'dod chags dang zhe sdang la sogs pa'i nyon mongs pa rnams skye ba dang rjes su mthun pa'i chos mig gi dbang po nas yid kyi dbang po'i bar du dbang po'i sgo mi sdom zhing 'dod pa lnga'i yul la 'jug pa sbyor na byang chub sems dpa' rnams ngo tsha ba ste/ 'di ni sbyor ba'i ngo tsha ba'o/ / mnyam par ma bzhag rang bzhin dang / /mgo ma'i sa dang 'bring gnyis dang / /bsam pa ngan dang nga can dang / /chung dang gzhan ni de las lhag/ /ces bya ba 'dis/ ngo tsha ba chung ngu'i rang bzhin dang / chen po'i rang bzhin bstan te/ mnyam par ma bzhag pa'i sa pa 'dod pa'i khams kyi ngo tsha ba dang khrel yod pa thams cad ni chung ngur gzhag go//sa gong ma gong ma rnams la ltos nas sa 'og ma 'og ma rnams kyi ngo tsha ba dang khrel yod pa yang chung ngur gzhag go/ /sa dang po la ltos nas mos pas spyod pa'i sa pa'i ngo tsha ba dang khrel yod pa chung ngur gzhag go/ /de bzhin du sa gnyis pa la ltos nas sa dang po'i ngo tsha ba dang khrel yod pa rnams chung ngur gzhag ste/de bzhin du sa gong ma rnams la yang sbyar ro/ /gzugs dang gzugs med pa'i khams mnyam par bzhag pa'i sa la yang ngo tsha ba dang khrel ba chung ngu dang 'bring po dang / chen po rnam pa gsum yod pa las/ chung ngu dang 'bring po yang chung ngur gzhag go//nyan thos dang rang sangs rgyas lta bu bsam pa ngan pa'i rgyud la yod pa'i ngo tsha ba dang khrel pa yang chung ngur gzhag ste/ de dag gi ngo tsha ba dang khrel yod pas bdag gi don tsam las mi 'grub pa'i phyir ro/ /sa dang po nas sa bdun man chad kyi nga rgyal dang bcas pa'i ngo tsha ba dang khrel yod pa yang chung ngur gzhag ste/nga rgyal dang bcas pa zhes bya ba ni brtsal 'bad dang bcas zhes bya ba'i don to/ /gzhan ni zhes bya ba'i don ni gong ma las bzlog pa zhes bya ba'i don to/ /de las lhag ces bya ba ni gong ma las bzlog na chen por 'gyur te zhes bya ba'i don to//ji ltar chen por 'gyur zhe na/ mnyam par ma bzhag pa'i sa pa thams cad chung ngu'i nang du bsdus nas mnyam par bzhag pa'i sa pa thams cad chen por 'gyur ro/ /sa 'og ma thams cad chung ngur gzhag dang sa gong ma thams cad chen por 'gyur ro/ /mnyam par gzhag pa'i sa pa yang chung ngu dang 'bring po chung ngu'i nang du gzhag dang mnyam par gzhag pa'i sa pa'i ngo tsha ba dang khrel yod pa chen por 'gyur ro//bsam pa ngan pa'i ngo tsha ba dang khrel yod pa chung ngu'i nang du gzhag dang bsam pa chen po byang chub sems dpa' dang sangs rgyas kyi ngo tsha ba dang brel yod pa chen por 'gyur ro//sa bdun pa man chad nga rgyal dang bcas pas chung ngur gzhag dang sa brgyad pa yan chad mi skye ba'i chos la bzod pa thob ste/ ngo tsha ba dang khrel yod pa brtsal 'bad med par lhun gyis grub par 'byung bas na chen por 'gyur ro/ /'di man chad tshigs su bcad pa bzhi dang gsum gyis rim bzhin du zhes bya ba la sogs pa la/tshigs su bcad pa bzhis ni ngo tsha ba'i mi mthun pa'i phyogs dang ngo tsha ba'i nyes pa bstan to/ /tshigs su bcad pa gsum gyis ni ngo tsha ba'i yon tan gyi bye brag bstan to zhes bya ba'i don to/ /blo ldan ngo tsha med pa ni/ /tshul bzhin min pas nyon mongs bzod//ces bya ba la sogs pa'i tshigs su bcad pa gcig gis bdag la gnod pa dang / sems can la gnod pa dang / gnyi ga la gnod pa bstan to/ /de la blo dang ldan pa'i byang chub sems dpa' ngo tsha ba med par gyur pa dang khrel med par gyur na srog gcod pa dang /ma byin par len pa la sogs pa'i tshul bzhin ma yin pa'i chos dag yod de/ nyon mongs pa rnams byung ba la bzod par byas nas sdig pa'i chos mi spong zhing srog gcod pa dang / ma byin par len pa la sogs pa'i las byas na bdag la gnod par 'gyur te/ ji lta zhe na/ de'i rkyen gyis tshe 'dir yang gsad pa dang bcing ba la sogs pa'i gnod pa 'byung la/tshe rabs gzhan du yang sems can dmyal ba la sogs par skye bar 'gyur te 'dis ni bdag la gnod pa bstan to/ /khong khro zhes bya bas gzhan la gnod pa bstan to/ ngo tsha ba dang khrel med par gyur pa dang /khong khro ba dang 'dod chags kyi sgo nas sems can gzhan gyi srog gcod cing gzhan gyi nor la ma byin par len pas sems can la gnod do/ /btang snyoms nga rgyal gyis zhes bya ba la/ btang snyoms dang nga rgyal gnyis kyis ni gnyi ga la gnod de de bas na/sems can dang ni tshul khrims gnod/ /ces bya ba smos so/ /de la btang snyoms kyis ni sems can gyi don la bag med de sems can dag yal bar 'dor bas na sems can la gnod do/ /nga rgyal gyis kyang gdol pa la sogs pa sems can dman pa rnams dge ba la dgod par mi byed cing shes pa cung zad tsam yod kyang nga rgyal gyi dbang du song bas gzhan la mi 'chad la/grong dang ljongs la sogs pa de dang de dag tu song ste/ sems can gyi don mi byed pas na sems can la gnod do/ /btang snyoms dang nga rgyal gyis bdag la yang gnod do/ / ji lta zhe na/ btang snyoms kyis bdag nyid dge ba'i chos la 'jug par bya ba la yal bar 'dor zhing mi dge ba'i chos spang bar bya ba la yang yal bar 'dor bas/ tshul khrims nyams pas bdag la gnod pa dang / nga rgyal gyis dge ba'i bshes gnyen gyi drung du nye bar mi 'gro zhing dam pa'i chos la sogs pa mi byed pas/bya ba dang mi bya ba'i dmigs pa mi shes pa'i phyir/ mi bya ba dag byas pa dang / bya ba dag ma byas pa'i sgo nas tshul khrims nyams par 'gyur te/ de ltar bdag la gnod par 'gyur ro/ /'gyod las gdung dang bcas par 'gyur/ /zhes bya bas bdag la smod par bstan te/gong du bshad pa bzhin du/ ngo tsha ba dang khrel med par gyur nas 'dod chags dang zhe sdang la sogs pas srog gcod pa la sogs pa'i las byas nas/ las byas pa'i 'og tu bdag gis ni ngan song du skye bar 'gyur ba'i las mi cha ba dag byas so zhes sems la gnod pa dang /gdung ba skye bar 'gyur zhing bdag ni tha shal lo zhes bdag la bdag smod par byed do/ /mchod pa thob par mi 'gyur dang / /zhes bya bas/ gzhan gyis smod par byed pa bstan to/ /de ltar sdig pa'i chos dag spyad pa dang / grong dang mi dang / sbyin bdag la sogs pa yang gang zag 'di la ni rnyed pa dang /bkur sti la sogs pa sbyin par mi rigs te/ 'di ni sdig pa'i chos can yin gyi bsod nams kyi zhing ma yin no zhes rnyed pa la sogs pa mi ster cing mi snyan par grags pa'i phyir ro/ /dad can mi min tshogs chen gyis/ /zhes bya bas lhas smod pa bstan te/tshul khrims nyams par byed na sngon tshul khrims srung bar byed pas na lha dad pa can rnams bdag la srung bar byed pa de dag kyang de phan chad 'di ni tshul khrims 'chal pas shi ba'i ro dang 'dra'o zhes srung bar mi byed cing rgyab kyis lta bar byed pa'i phyir ro/ /de'i phyir ston pas btang snyoms 'jog//ces bya bas ston pas smod pa bstan te/ de ltar tshul khrims nyams par gyur pas na sangs rgyas bcom ldan 'das rnams kyis kyang gang zag 'di ni nyes par byed pa ste/ dung gi sgra skad kyi spyod pa 'dzin pa de bzhin gshegs pa'i bstan pa la gnod pa du mar 'gyur ba yin no zhes sngon bslab pa ma nyams pa'i tshe dgongs pa las de phan chad mi dgongs shing btang snyoms su 'dor bar 'gyur ro//chos mthun rgyal ba'i sras rnams kyi/ /sman dang zhes bya bas/ mkhas pa tshangs pa mtshungs par spyod pa rnams kyis smod par bstan te/ bslab pa nyams pa de la sde snod gsum la mkhas pa de bzhin gshegs pa'i sras su gyur pa'i byang chub sems dpa'i mtshungs par spyod pa rnams kyis kyang bdag cag gi grogs po 'di ni sdig pa'i lam du zhugs pa'i de bzhin gshegs pa'i gsung rab kyi bslab pa las nyams pa yin no zhes smod cing 'dul ba dang gzhung las 'byung ba bzhin du bskrad pa la sogs pa'i las kyang byed do//'jig rten mi snyan sgrogs zhes bya bas phyogs dang phyogs mtshams su yang sdig pa mi snyan par grags par 'gyur ba bstan te/ bslab pa nyams pa'i gang zag de la kun gyis kyang mi snyan par sgrogs par 'gyur te/phyogs bcu kun tu yang gang zag che ge mo zhig ni sdig pa mi dge ba'i chos 'di lta bu dag byed pa yin no zhes 'jig rten pa kun 'phya zhing smod par byed pa'i phyir ro/ /'di yan chad kyis tshe 'di la kha na ma tho ba skye bar 'gyur ba bstan to/ /gzhan yang phyir zhing mi khom skye bar 'gyur//zhes bya bas tshe phyi mar kha na ma tho ba skye par bstan te/ tshe 'dir kha na ma tho ba skye bar yang ma zad tshe rabs gzhan du yang gar skyes gar skyes kyang sems can dmyal ba la sogs pa mi khom pa brgyad kyi gnas su skye bar 'gyur te/ de ni tshe phyi mar kha na ma tho ba 'phel ba yin no//dge ba yi ni chos rnams kyang / /thob dang ma thob nyams par 'gyur/ /zhes bya bas tshe 'di dang phyi mar kha na ma tho ba skye bar bstan to/ /ngo tsha ba med pa'i gang zag gis srog gcod pa la sogs pa'i las byas na sngon dad pa dang tshul khrims la sogs pa'i dge ba'i chos yod pa yang med par 'gyur te/de ni dge ba'i chos thob pa las nyams pa'o/ /tshe phyi mar yang dad pa dang tshul khrims la sogs pa'i dge ba'i chos thob par 'gyur ba yang mi thob par 'gyur te/ de ni dge ba'i chos ma thob pa las nyams pa'o/ /de'i phyir sdug bsngal gnas pa dang //yid la mi bde gnas pa 'thob/ /ces bya ba la/ de ltar bdag la gnod pa dang / sems can la gnod pa dang / gnyi ga la gnod pa dang / tshe 'dir kha na ma tho ba skye ba dang / tshe 'di dang phyi ma gnyi gar kha na ma tho ba skyes pas rtag tu yang lus sdug bsngal bar gnas pa dang / sems sdug bsngal bar gnas pa thob par 'gyur ro/ /de la mig gi rnam par shes pa nas lus kyi rnam par shes pa'i bar du rnam par shes pa lnga'i tshogs kyis mi bde ba myong bar ni sdug bsngal ba zhes bya'o/ /yid kyi rnam pa la mi bde ba myong ba ni yid mi bde ba zhes bya ba ste/ 'di yan chad kyis ngo tsha ba dang khrel ba'i mi mthun pa'i phyogs dang nyes pa bstan to//nyes pa 'di dag thams cad ni/ /khrel ldan rgyal sras rnam mi 'byung / /zhes bya ba la/ gong du bstan pa'i nyes pa dag la gnod pa byas pa nas yid la mi bde bar gnas pa thob pa de dag thams cad khrel ba dang ngo tsha ba dang ldan pa'i byang chub sems dpa' la mi 'byung ste/de ni ngo tsha ba'i yon tan no/ /mkhas pa mi dang lha rnams su/ /rtag tu legs par skye bar 'gyur/ /zhes bya ba la/ ngo tsha ba dang ldan zhing khrel yod pa'i byang chub sems dpa' de tshe rabs gzhan du yang lha dang mi'i nang du skye bar 'gyur te/ de ni rnam par smin pa'i 'bras bu'o/ /blo ldan byang chub tshogs de na/ /khrel las myur du rdzogs par 'gyur/ /zhes bya ba la/ blo dang ldan pa'i byang chub sems dpa' khrel ba dang ldan zhing ngo tsha ba yod pa ste/ khrel ba dang ngo tsha ba'i dbang gis bsod nams dang ye shes kyi tshogs myur du rdzogs par 'gyur te/de ni bdag po'i 'bras bu'o/ /sems can rnams ni smin bya la/ /rgyal sras mnyam pa med par 'gyur/ /zhes bya ba la/ ngo tsha ba dang khrel yod pa'i byang chub sems dpa'i tshe rabs gar skyes na yang theg pa gsum du sems can 'god cing smin par bya ba la skyo ba med de/de ni skyes bu'i rtsal gyi 'bras bu'o/ /de ni mi mthun gnyen po dang / /bral ba ma bral rtag tu skye/ /zhes bya ba la/ khrel yod pa dang ngo tsha ba'i mi mthun pa'i phyogs ni ngo tsha med cing khrel med pa ste/ tshe rabs gzhan thams cad du ngo tsha ba dang ldan pa'i byang chub sems dpa' ni khrel med cing ngo tsha ba mi shes pa dang phral bar 'gyur te/de ni bral ba'i 'bras bu'o/ /khrel med cing ngo tsha ba med pa'i gnyen po ni khrel yod pa dang ngo tsha ba yod pa ste/ tshe rabs thams cad du khrel yod pa dang ngo tsha ba yod pa dang mi 'brel bar 'gyur te/ de ni rgyu mthun pa'i 'bras bu'o/ /yon tan ngo tsha thob gyur pa//de ni rgyal ba'i sras rnams so/ /zhes bya bas ngo tsha ba'i yon tan mdor bsdus nas bstan te/ /ngo tsha ba dang ldan pa'i rgyal ba'i sras rnams ni gong du bshad pa'i nyes pa thams cad kyang mi 'byung la/ rnam par smin pa'i 'bras bu la sogs pa 'bras bu lnga'i yon tan yang 'thob par 'gyur ro zhes bya ba'i don to//byis pa rnams ni gos g.yogs kyang / /ngo tsha ba dang bral bas na/ /nyes pas dri ma can du byas/ /zhes bya ba la sogs pa tshigs su bcad pa rkang pa lngas/ /so so'i skye bo rnams ras dang snam bu la yogs pa'i gos pas byang chub sems dpa'i ngo tsha ba dang khrel yod pa'i gos khyad zhugs pa bsten te/byis pa so so'i skye bo rnams lus mi mdzes pa sba ba dang / lus la rdul la sogs pas mi gos par bya ba'i phyir gos kyis g.yogs shing dkris pas phyi'i dri mas dmigs su zin kyang / ngo tsha ba med cing khrel med pas na nang gi sems la 'dod chags la sogs pa'i dri mas dri ma can du byas pas na lus dri ma med pa ma yin no zhes bya ba'i don to//rgyal sras gos ni ngo tsha bas/ /g.yogs pa med kyang nyes dri bral/ /zhes bya ba la/ rgyal ba'i sras byang chub sems dpa' rnams kyi gos ni ngo tsha ba dang khrel yod pa ste/de dag ting nge 'dzin bsgoms pa'i dus na bgo ba bzang po med de phyag dar khrod kyi tshem bu la sogs pa bgos kyang ngo tsha ba dang khrel yod pas g.yogs pa'i phyir/ 'dod chags dang zhe sdang la sogs pa dang / srog gcod pa dang ma byin par len pa la sogs pa'i dri mas ma gos pas na dri ma med pa zhes bya'o//'di las gzhan pa'i gos kyis g.yogs kyang zhes bya ba la sogs pa'i tshigs su bcad pa 'di'i don ni so so'i skye bo dag ngo tsha ba dang khrel yod pa'i gos las gzhan pa'i snam bu la sogs pa'i gos kyis g.yogs te/ rdul la sogs pa'i phyi'i dri mas mi gos kyang /ngo tsha ba dang khrel yod pa dang bral ba'i phyir rtag tu 'dod chags dang zhe sdang la sogs pa'i nang gi dri ma can du 'gyur ro zhes bya ba'i don to/ /khrel yod rgyal sras nam mkha' bzhin/ /chos kyis gos pa med par 'gyur/ /zhes bya ba 'dis ni ngo tsha ba dang khrel yod pa nam mkha' dang 'dra bar bstan te/dper na nam mkha' rang bzhin gyis dag pas sprin dang khug rna la sogs pa'i dri mas mi gos pa bzhin du/ ngo tsha ba dang khrel yod pa'i chos kyang rang bzhin gyis nam mkha' bzhin du dag pa'i rang bzhin yin pas/ khrel yod pa dang ngo tsha ba shes pa dang ldan pa'i byang chub sems dpa' yang bsod snyoms la sogs pa spyod pa'i dus na rnyed pa dang ma rnyed pa dang /grags pa dang ma grags pa la sogs pa 'jig rten gyi chos brgyad kyis ma gos te/ rnyed na yang dga' ba mi skye/ ma rnyed na yang mi dga' ba mi skye ba'i phyir ro/ /sten cing 'grogs pa'i rgyal sras rnams//ngo tshas brgyan pa mdzes pa bzhin/ /zhes bya ba 'dis ngo tsha ba dang khrel yod pa rgyan dang 'dra bar bstan te/ dper na skye bo la la zhig rgyan rnam pa sna tshogs kyis brgyan te grogs ma 'gro ba mang po'i nang du mdzes pa bzhin du/ byang chub sems dpa'i khrel yod pa dang ngo tsha ba'i rgyan gyis brgyan pa de yang rgyal ba'i sras rang gi grogs su gyur pa byang chub sems dpa'i tshogs kyi dbus su song na mdzes pa dang bzang bar snang ngo zhes bya ba'i don to//ma bzhin byams pa 'dul ba la/ /khrel yod byang chub sems dpa' rnams/ /zhes bya ba 'dis/ khrel yod pa dang ngo tsha ba 'jig rten gyi ma dang 'dra bar bstan te/dper na 'jig rten gyi ma bu la byams pa dang gces pa dang sdug par byed de bu btang snyoms su mi 'dor ba bzhin du/ ngo tsha ba dang khrel yod pa'i byang chub sems dpa' yang sems can thams cad la bu dang 'dra bar byams pa dang gces pa dang phangs pa byed de sems can yal bar mi 'dor zhes bya ba'i don to//bskyab par rigs pa'i sems can rnams btang snyoms su byed na ngo tsha bar 'gyur ro zhes bya ba la/ ngo tsha ba dang khrel yod pa ma lta bur gzhag pa ni gal te sems can rnams 'khor ba'i sdug bsngal las bskyab cing bsgral ba'i rigs pa dang btang snyoms su bor te bsgral na byang chub sems dpa' ngo tsha ba skye bar 'gyur te/de bas na btang snyoms su mi 'dor ba'i phyir ma dang 'dra'o zhes bya ba'i don to/ /'khor ba'i nyes pa thams cad las/ /khrel yod pa na srung bar byed/ /ces bya ba 'dis/ ngo tsha ba dang khrel yod pa rta dang glang po la sogs pa lta bur 'gyur ba bstan te/dper na rta dang glang po che dang dpung bu chung la sogs pa dmag gi tshogs kyis rgyal srid dang yul phyogs dgras mi 'phrogs par srung bar byed pa de bzhin du/ byang chub sems dpa'i ngo tsha ba dang khrel yod pa'i dmag gis kyang 'khor ba na sems can gyi don byed pa'i tshe 'dod chags la sogs pa'i nyon mongs pa'i dgra'i dbang du mi 'gyur bar srung bar byed do//gos pa la sogs pa'i dpe 'di rnams kyis ni zhes bya ba la/ gos kyi dpe dang / nam mkha'i dpe dang / rgyan gyi dpe dang / mi'i dpe dang / rta dang glang po'i dpe lngas ni ngo tsha ba dang khrel ba'i don rnam pa lnga byed par bstan to zhes bya ba'i don to//gnas pa la nyon mongs pa'i gnyen bo dang zhes bya ba la/ gnas pa ni skyil mo krung bcas nas rnal 'byor yid la byed pa bsgom pa la bya ste/ gos kyi dpes ni byang chub sems dpa' rnal 'byor yid la byed pa'i bsgom pa'i tshe na ngo tsha ba dang khrel yod pa'i chos nyon mongs pa rnams skye ba'i gnyen po byed par bstan to//spyod pa la 'jig rten pa'i chos kyi gnyen po dang zhes bya ba la/ spyod pa ni grong du bsod snyoms len pa la sogs pa la bya ste/nam mkha'i dpes ni ngo tsha ba dang khrel yod pa de bsod snyoms la sogs pa spyod pa'i dus na rnyed pa dang ma rnyed pa la sogs pa'i 'jig rten gyi chos brgyad kyis mi gos pa'i gnyen por 'gyur bar bstan to/ /chos can gnas mthun pa dang zhes bya ba la/ chos can gyi chos mthun pa'i byang chub sems dpa'i grogs la bya ste/rgyan gyi dpes ni ngo tsha ba dang khrel yod na byang chub sems dpa'i tshogs kyi nang na gnas kyang de dag dang spyod pa mthun zhing mdzes par gnas pa bstan to/ /sems can yongs su smin par mthun pa dang / /zhes bya ba la/ ngo tsha ba dang khrel yod pa de sems can yongs su smin pa dang mthun par bstan te/dper na mas bu yal bar mi 'dor ba bzhin du ngo tsha ba dang khrel yod pa dang ldan par gyur na yang sems can yal bar mi 'dor ba'i phyir ro/ /nyon mongs pa med par 'khor ba dang mthun par zhes bya ba la/rta dang glang po'i dpe ni sems can gyi don 'khor bar 'jug kyang 'khor ba na nyon mongs pa med par gnas pa bstan te/ dper na glang po la sogs pas yul srung bar byed pa bzhin du khrel ba dang ngo tsha bas zin na 'khor ba na gnas kyang byang chub sems dpas 'dod chags la sogs pa'i nyon mongs pas mi gos par srung bar byed pa'i phyir ro//kun la bzod par mi 'gyur dang / /kun la bzod cing 'jug pa dang / /thams cad la yang 'jug pa ste/ /khrel yod ngo tshas bskyed pa'i mtshan/ /zhes bya ba 'dis khrel yod pa dang / ngo tsha ba las mtshan ma rnam pa bzhi skye ste/mtshan ma rnam pa bzhi snang na byang chub sems dpa' khrel ba dang ngo tsha ba'i chos yod par rig par bya bar bstan to/ /de la mi mthun pa'i phyogs khrel med pa dang ngo tsha ba med pa dang / 'dod chags dang zhe sdang la sogs pa'i nyes pa sems la byung na bzod par mi byed de myur du spong bar byed de/de ni mtshan ma gcig go/ /sbyin pa dang tshul khrims la sogs pa'i yon tan sems la byung na bzod cing sems la 'jog par byed de/ 'di ni mtshan ma gnyis pa'o/ /phyis kyang sdig pa mi dge ba'i chos thams cad la mi 'jug mi byed de/de ni mtshan ma gsum pa'o/ /dge ba dang yon tan gyi chos ma bsgrubs pa rnams la sgrub cing 'jug par byed de/ 'di ni mtshan ma bzhi pa ste/ ngo tsha ba dang khrel yod pa las skyes pa'i mtshan ma bzhi snang na ngo tsha ba dang khrel yod pa thob par rig par bya ba yin no//khrel yod bsgom pa gtso bo dang / /bdag sems chos la mos pa dang / /bsam pa dang ni sbyor ba dang / /rtog pa med dang gcig pa las/ /zhes bya ba'i tshigs su bcad pa 'dis khrel yod pa dang ngo tsha shes pa la ji ltar bsgoms na bsgom pa dam pa dang gtso bor bsgom pa yin pa de bstan te/dper na sangs rgyas bcom ldan 'das la yang dri dang / phreng ba dang byug pa la sogs pa phyi'i dngos pos mchod pa bas/ nyan pa dang sems pa la sogs pa sems kyis mchod pa dam pa yin pa bzhin du/ sems can gzhan gyis skyon btags su dogs nas gzhan la ltos te ngo tsha ba skye ba ni mchog ma yin gyi/ bdag gis sems nyid la ltos nas bdag gis bdag khrel ba bsams te ngo tsha shes pa skyes pa na ngo tsha bsgoms pa yang bsgom pa mchog tu gzhag pa'o/ / sems kyis ngo tsha bsgoms pa yang rnam pa lnga ste/ chos la mos pa dang / bsam pa dang / 'byor pa dang / rtog pa med pa dang bya ba gcig par gnas pa'o/ /de la chos la mos pa ni ngo tsha ba dang khrel yod pas yang dag par bsdus pa'i theg pa chen po'i chos la spyos shing dad pa ste/de ltar bsgoms pa yang bsgom pa'i mchog tu gzhag go/ /bsam pa rnam pa dgu ste/ ro myang ba dang / rjes su yi rang ba dang / mngon par dga' ba dang / chog mi shes pa dang / spangs pa dang / dga' ba dang / phan 'dogs pa dang / nyon mongs pa med pa dang / dge ba'i bsam pa ste/ de ltar bsgoms pa yang bsgom pa'i mchog tu gzhag go/ /'byor ba ni/ sa brgyad pa la zhugs pa'i byang chub sems dpa' rnams brtsal ba dang 'bad pa med par ngo tsha ba dang khrel yod pa lhun gyis grub par 'byung ste/ de ltar bsgoms pa yang bsgom pa'i mchog tu gzhag go/ /rtog pa med pa ni ngo tsha bar bya ba'i gnas sems can dang / ngo tsha bar byed pa byang chub sems dpa' dang / ngo tsha ba'i chos gsum char yod par mi rtog pa ste/ de ltar bsgoms pa yang bsgom pa'i mchog tu gzhag go/ /bya ba gcig pa ni sa brgyad pa la zhugs pa'i byang chub sems dpa' rnams gcig gis ngo tsha ba dang khrel yod pa'i chos bsgoms na gzhan gyis kyang bsgoms pa yin te/de ltar bsgoms pa yang bsgom pa'i mchog tu gzhag go/ /brtan pa rnam par dbye ba'i tshigs su bcad pa bdun te zhes bya ba la/ngo tsha ba'i skabs kyi 'og tu brtan pa rnam par dbye ba'i skabs bshad par 'brel ba ci yod ce na/ byang chub kyi phyogs kyi chos sum cu rtsa bdun bsgom pa dang / rjes su mthun pa'i chos rnams kyi gtso bo ni ngo tsha shes pa'o/ /de ltar ngo tsha shes pa dang ldan pa'i byang chub sems dpa' bsgom pa la zhugs pa na/le lo dang / g.yeng ba dang / 'chal ba'i shes rab gsum gyis nyon mi mongs pa'i brtson 'grus dang / ting nge 'dzin dang / shes rab kyi chos gsum brtan pa dang dpa' ba zhes bya ba 'byung ste/ brtan pa de yang ngo tsha shes pa las 'byung zhing 'grub par 'gyur bas na ngo tsha ba'i rjes la brtan pa'i skabs bshad par 'brel to//yang na ngo tsha ba dang / khrel ba dang ldan pa'i byang chub sems dpa' la 'dod chags dang zhe sdang la sogs pa'i nyon mongs pa'i rlung gis bskyod par mi nus par 'gyur te/ de bas na ngo tsha ba'i rjes la brtan pa'i skabs bshad pa 'brel to//byang chub sems dpa'i brtan pa ni/ /mtshan nyid dang ni dbye ba dang / /mi 'gyur ba dang de las gzhan/ /thams cad las ni khyad par zhugs/ /zhes bya ba'i tshigs su bcad pa 'dis byang chub sems dpa'i brtan pa rab tu dbye ba'i don mdor bsdus nas ston te/brtan pa'i skabs 'dir yang byang chub sems dpa'i brtan pa'i don ni rnam pa gsum zhig ston te/ brtan pa'i mtshan nyid dang / brtan pa'i dbye ba dang / brtan pa'i mi 'gyur ba ste/ de la 'jig rten pa la yang brtan pa yod/ nyan thos dang rang sangs rgyas la yang brtan pa yod mod kyi/de dag gi brtan pa bas kyang byang chub sems dpa'i brtan pa'i mtshan nyid dang / dbye ba dang / mi 'gyur ba gsum gzhan las 'phags shing khyad zhugs pa yin no zhes bya ba'i don to/ /brtson 'grus ting 'dzin shes rab dang / /sems pa mi g.yo brtan par 'dod//byang chub sems dpa' rnam dag ni/ /'jigs pa med pa gsum las 'byung / /zhes bya ba 'dis mtshan nyid dang mtshan nyid kyi ming gi rnam grangs dang mtshan nyid kyi sgrub pa gsum 'chad do/ /de la brtan pa zhes bya ba yang / brtson 'grus dang / ting nge 'dzin dang / shes rab ste chos de gsum la ming du btags pa zhes bya'o/ /de la dge ba'i chos la sems spro zhing mi ldog pa ni brtson 'grus so/ /'phags pa'i bden pa bzhi bsgom pa'i sems rtse gcig pa dang / rnam par rtog pa'i rlung gis mi bskyod pa ni ting nge 'dzin to/ / chos rnams kyi rang dang spyi'i mtshan nyid shes pa ni shes rab ste 'di ni mtshan nyid kyi mtshan nyid bstan to/ /brtan pa de la ming du lta ba zhes kyang bya/ mi g.yo ba zhes kyang bya/ brtan pa zhes kyang bya ste/ 'dis ni mtshan nyid kyi ming gi rnam grangs bstan to/ /byang chub sems dpa' rnams la brtson 'grus dang /ting nge 'dzin dang / shes rab kyi tshogs gsum la zhum pa dang / g.yo ba dag kyang gti mug gis 'jigs pa gsum la 'jigs pa med pa 'byung ste/ 'dis ni mtshan nyid kyi sgrub pa bstan to/ /'jigs pa med pa gsum las 'jug pa gang zhe na zhes bya ba las/gong du brtson 'grus la sogs pa'i chos gsum gyis chos gsum la 'jigs pa med par 'jug go zhes bshad pa'i chos gsum po gang zhe na zhes bya ba'i don to/ /zhum dang g.yo dang gti mug las/ /bya ba rnam la 'jigs pa ste/ /zhes bya ba rnam pa gsum gyis ni 'jigs pa skye ste/zhum pas 'jigs pa skye ba dang / g.yo bas 'jigs pa skye ba dang / gti mug pas 'jigs pa skye ba'o/ /de la brtson 'grus med pa na byang chub sems dpa'i bya ba spyod pa rlabs po che dag la bdag gis spyad par mi nus so snyam nas zhum pa la 'jigs pa skye'o//sems g.yo bar gyur na sems rtse gcig par gzhag par mi nus so snyam nas 'jigs pa skye'o/ /gti mug las kyang 'jigs pa skye ste/ bla na med pa'i byang chub thob par bya ba'i thabs mi shes na yang byang chub kyi spyod pa rnams la ji ltar bya gtol med pas 'jigs pa skye bar 'gyur ro//de bas brtag pa rnam gsum la/ /brtan pa yin par shes par bya/ /zhes bya ba la/ /de ltar zhum pa la sogs pa gsum las 'jigs pa mi skye ba na rtag pa ni lhun gyis grub pa la bya ste/ brtson 'grus lhun gyis grub pa dang / ting nge 'dzin lhun gyis grub pa dang /shes rab lhun gyis grub pa na zhum pa'i 'jigs pa dang / g.yo ba'i 'jigs pa dang / gti mug gi 'jigs pa mi 'byung ste/ de bas na lhun gyis grub pa rnam pa gsum la byang chub sems dpa'i brtan pa yin par shes par bya'o zhes bya ba'i don to/ /de la brtson 'grus lhun gyis grub pas na zhum pa'i 'jigs pa med do//ting nge 'dzin lhun gyis grub pas na g.yo ba'i 'jigs pa med do/ /shes rab lhun gyis grub pas na gti mug gi 'jigs pa med do/ /rtag pa ma brtan pa zhes bya ba la/ brtson 'grus la sogs pa'i chos gsum lhun gyis grub pa la ming du brtan pa zhes bya'o zhes bya ba'i don to//rtag pa ni so sor ma brtag pa'o zhes bya ba la/ so sor rtag cing 'bad mi dgos par chos gsum lhun gyis grub pa la rtag pa zhes bya'o zhes bya ba'i don to/ /'di yang chad du brtan pa'i mtshan nyid bshad do/ /brtan pa'i dbye ba bstan pa'i phyir//rang bzhin dang ni smon lam dang / zhes bya ba la sogs pa smos so/ /de la brtan pa la dbye na rigs kyis brtan pa nas byang chub dam pa la brtan pa'i bar du brgyad yod do/ /de la rang bzhin dang ni zhes bya bas rigs kyi brtan pa bstan te/ la la ni brtson 'grus dang / ting nge 'dzin dang shes rab kyi rigs yod pas zhum pa la sogs pa'i 'jigs pa med cing mi 'gyur ro/ /smon lam dang zhes bya bas sems bskyed pas brtan pa bstan te/ dang po byang chub tu sems bskyed pa nas bdag bla na med pa'i byang chub thob par bya ba dang / sems can yongs su bsgral bar bya ba la mi ldog cing mi 'gyur bar shog shig ces smon lam btab pa las gar skyes kyang mi 'gyur zhing brtan par 'gyur ba'o//chags pa med pa'ang de bzhin te/ /zhes bya bas bdag gi don la brtan pa bstan te/ bdag gi don sgrub pa la lus dang srog btang ba la yang 'jigs pa dang chags pa med par gtong bas brtan pa'o//sems can log par sgrub pa yang / /zhes bya bas sems can gyi don la brtan pa bstan te/ byang chub sems dpa' sems can gyi don la zhugs pa na sems can log par zhugs pa rnams kyis gnod pa rnam pa sna tshogs byas kyang sems can mi 'dor ba'i phyir ro//zab cing zhes bya bas de bzhin nyid kyi don la brtan par bstan te/ ma skyes ma byung ba dang stong pa nyid la sogs pa'i chos zab mo thos pa yang skrag cing dngang ba'am sems ldog pa med pa'i phyir ro/ /rgya che nyan pa dang zhes bya bas mthu la brtan pa bstan te/stobs dang mi 'jigs pa la sogs pa yon tan rgya chen po dag thob kyang de sgrub par mi nus so snyam pa'i 'jigs pa mi 'byung ba'i phyir ro/ /'du la ba shin du gdu la dka' dang / /zhes bya bas sems can yongs su smin par bya ba la brtan pa bstan te/'dod chags dang zhe sdang dang gti mug chen po'i sems can sus kyang 'dul bar mi nus te/ gdul dka' ba rnams kyang gdul bar mdzad cing sems can de dag kyang yal bar mi 'dor ba'i phyir ro/ /bsam gyis mi khyab rgyal ba'i sku/ /zhes bya bas byang chub dam pa la brtan pa bstan te/sangs rgyas bcom ldan 'das rnams kyi chos kyi sku dang / longs spyod rdzogs pa'i sku dang / sprul pa'i sku bsam gyis mi khyab pa'i mtshan nyid bsgrub par bya ba la gyur pa dang ldog pa med pa'i phyir ro/ /brtan pa'i rnam grangs gzhan lang bstan pa'i phyir/dka' ba rnam pa sna tshogs dang / /zhes bya ba la sogs pa smos te/ dka' ba rnam pa sna tshogs zhes bya bas dka' ba spyod pa la brtan pa bstan to/ /bla na med pa'i byang chub bsgrub pa'i phyir grang ba dang / tsha ba dang / bkres pa dang / skom pa la sogs pa'i sdug bsngal rnam pa sna tshogs byung yang byang chub sems dpa'i spyod pa mi 'dor ba'i phyir ro//'khor ba mi 'dor te gzhan te/ /zhes bya bas bsams bzhin du srid pa skye ba la brtan pa bstan te/ sems can gyi don du sems can dmyal ba'i don dang byol song gi gnas su skye ba la sogs pa yang mi gtong ba'i phyir ro//de nyid la ni nyon mongs med/ /ces bya bas nyon mongs med pa la brtan pa bstan te/ sems can gyi don du 'khor bar skyes na yang 'khor ba'i nyes pa 'dod chags la sogs pas mi gos shing nyon mongs pa'i dbang du mi 'gyur ba'i phyir ro//brtan pa'i dbye ba bstan zin to/ /brtan pa'i mi 'gyur ba bstan pa'i phyir/ grogs ngan sdug bsngal zab thos pas/ /brtan pa 'khrugs par mi nus pa/ /phye ma leb dang 'dab rlung dang / /rgya mtshos ri rab mi sgul bzhin/ /zhes bya ba smos te/byang chub sems dpa'i brtan pa ni ri rab dang 'dra'o/ /dper na phye ma leb kyis ri rab mi sgul pa bzhin du brtan pa dang ldan pa'i byang chub sems dpa' de la mi dge ba'i grogs po ngan pa rnams kyis log pa'i rnam pa du mas bsgyur cing bstan kyang / byang chub sems dpa'i brtan pa de 'khrugs pa'am bsgyur bar mi nus so//dper na nam mkha' lding dang bya rnams kyi gshog pa dang rlung gis ri rab sgul bar mi nus pa bzhin du byang chub sems dpa'i spyad pa spyod pa na grang ba dang tsha ba la sogs pa'i sdug bsngal sna tshogs 'byung yang des 'khrugs par mi 'gyur te/byang chub sems dpa'i spyod pa 'dor bar mi byed do/ /dper na rgya mtshos ri rab mi sgul ba bzhin du brtan pa dang ldan pa'i byang chub sems dpa' de stong pa dang bdag med pa'i chos zab mo thos kyang 'khrugs par mi 'gyur te/ chos zab mos skrag par mi 'gyur ro//mi skyo ba rnam par dbye ba'i tshigs su bcad pa gnyis so zhes bya ba la/ brtan pa'i skabs bshad pa'i rjes la mi skyo ba rnam par dbye ba'i skabs bshad pa 'brel ba ci yod ce na/ byang chub sems dpa' brtson 'grus dang ting nge 'dzin dang / shes rab lhun gyis grub ste brtan por gyur na byang chub sems dpa'i spyod pa mang po dang /dka' bar spyod pa rnam pa sna tshogs kyis skyo bar mi 'gyur te/ de bas na brtan pa'i rjes la mi skyo ba'i skabs bshad par 'brel to/ /de la tshigs su bcad pa gnyis kyi don ni mi skyo ba'i dngos po dang /mi skyo ba'i gnas dang / mi skyo ba'i rang bzhin dang / mi skyo ba'i rab tu dbye ba'i ste/ don bzhin bstan to/ /byang chub sems dpa'i mnyam med pa/ /dngos po gsum la skyo ba med/ /ces bya ba la/ dngos po'i sgra ni yul la bya ste/ byang chub sems dpa' yul la skyo ba med//ces bya ba'i don to/ /de la 'jig rten pa dag kyang rang gi bya ba la skyo ba med pa yod pa dang / nyan thos dang rang sangs rgyas dag kyang rang gi mya ngan las 'das pa thob par bya ba la skyo ba med pa yod mod kyi/ byang chub sems dpa' rnams dngos po gsum la skyo ba med pa ni gzhan pas 'phags pas na mnyam pa med pa zhes bya'o//dngos po gsum po gang zhe na/ de'i phyir/ sdug bsngal rab 'grus nyan mi ngoms/ /zhes bya ba smos te/ dngos po gsum gyi sdug bsngal gyi dngos po dang / rab tu 'grus pa'i dngos po dang / nyan pas mi ngoms pa'i dngos po'o//de la byang chub sems dpa' sems can gyi don du grang ba dang tsha ba la sogs pa'i sdug bsngal rnam pa sna tshogs 'byung yang mi ldog pa ni sdug bsngal gyi dngos pos skyo ba med pa'o/ /bskal pa grangs med pa gsum du gtsub shing gis me byung ba bzhin du/brtson 'grus rtsom yang brtson 'grus mi gtong ba ni rab tu 'grus pa'i dngos po la mi skyo ba'o/ /dge ba'i bshes gnyen de dang de dag thams cad las/ tshong dpon gyi bu nor bzangs bzhin du dam pa'i chos de dang de dag thams cad nyan kyang chog mi shes pa ni nyan pa'i dngos po la mi ngoms shing mi skyo ba ste/'di ni skyo ba med pa'i dngos po bstan to/ /khrel yod brtan pa gnas pa dang / /zhes bya ba la/ gnas zhes bya ba dang rgyu zhes bya ba don gcig ste/ byang chub sems dpa'i skyo ba med pa ni gong du bshad pa'i khrel yod pa dang / brtan pa gnyis las gnas nas de gnyis las 'byung ste/ des ni mi skyo ba'i gnas bstan to/ /byang chub che la rab mos pas/ /zhes bya ba la/ mos pa dang 'dod pa don gcig ste/ byang chub sems dpa'i mi skyo ba de nyan thos dang rang sangs rgyas kyi byang chub thob par bya bar 'dod pa med kyi bla na med pa'i byang chub thob par bya bar mos shing dad de/des ni mi skyo ba'i rang bzhin bstan to/ /blo ldan rnams kyis mi skyor 'dod/ /ces bya ba la/ blo ldan ni byang chub sems dpa' ste/ byang chub sems dpa'i mi skyo ba'i dngos po dang gnas dang rang bzhin ni de lta bu yin par 'dod do zhes bya ba'i don to//ma rdzogs pa dang rdzogs pa dang / /shin tu rdzogs pa sa rnams la/ /zhes bya ba la/ mos pas spyod pa'i sa yan chad sa bcu man chad na byang chub sems dpa'i skyo ba med pa sa kha cig na ni ma rdzogs/ sa kha cig na ni rdzogs/ kha cig na ni shin tu rdzogs par gzhag go/ /de la mos pas spyod pa'i sa bzhin ni byang chub sems dpa'i mi skyo ba ma rdzogs pa zhes bya ste/bdag dang gzhan du mnyam pa nyid ma thob pas skyo ba'i sems skabs su 'byung ba'i phyir ro/ /sa dang po yan chad sa bdun man chad ni skyo ba med pa rdzogs pa zhes bya ste/ brtsal 'bad yod kyang bdag dang gzhan du mnyam pa nyid thob pas skyo ba'i sems mi 'byung ba'i phyir ro//sa brgyad pa dang sa dgu pa dang / sa bcu pa la ni shin du rdzogs pa zhes bya ste/ brtsal 'bad med par skyo ba med pa lhun gyis grub pa'i phyir ro/ /'dis ni mi skyo ba'i dbye ba bstan to/ /ngo tsha ba skyes na ngo tsha ba dang brtan pas mi skyo ba'o zhes bya ba la/skyo ba med pa'i gnas ni khrel yod pa dang brtan pa gnyis yin te/ ji ltar de gnyis skyo ba med pa'i gnas yin zhe na/ khrel yod pas ni byang chub sems dpa'i spyod pa la skyo ba med na ngo tsha bar byed la/ brtan pas ni skyo ba mi skye bar byed pas na de gnyis gnas su 'gyur ro//byang chub che la rab mos zhes bya ba ni rab tu mos pa med pa na skyo bas skyo ba'i phyir ro zhes bya ba la/ byang chub chen po la mos pas skyo ba med pa'i rang bzhin du bshad pa de gal te 'dod pa dang mos pa ni skyo ba med pa'i rgyu yin no/ rgyu nyid ji ltar rang bzhin du gzhag ce na/ 'di ltar mos pa dang 'dod pa med pa na ni skyo ba skye bar 'gyur la/bla na med pa'i byang chub tu 'dod pa yod na don skyo ba med cing brtson 'grus rtsom ste/ de bas na brtson 'grus rtsom pa dang skyo ba med pa'i rgyu mos pa yin pas rgyu la 'bras bur ming btags nas mos pa la skyo ba med pa'i rang bzhin du bshad do//'dod pa brtson 'grus kyi rgyu yin pas na gtsug lag las kyang / mos pa ni brtson 'grus kyi gnas kyi sbyin pa'i las can no zhes bshad do/ /gtsug lag shes pa la tshigs su bcad pa gnyis te zhes bya ba la/ rig pa'i gnas lnga la mkhas pa ni gtsug lag shes pa zhes bya ste/skyo ba med pa'i skabs kyi 'og tu gtsug lag shes pa'i skabs bshad par 'brel pa ci yod ce na/ de ltar skyo ba med par gyur pa dang / byang chub sems dpa' de dge ba'i bshes gnyen la brten pa dang / dam pa'i chos nyan pa la sogs pa gdon mi za bar byed do//'di ltar dam pa'i chos nyan na rig pa'i gnas lnga la mkhas par 'gyur bas skyo ba med pa'i 'og tu gtsug lag shes pa'i skabs bshad par 'brel to/ /dngos po dang ni ched du dang / /las rnams kyis ni 'phags pa'o/ /mtshan nyid dang ni mi zad dang / /'bras bu thob pa rnams kyis kyang //brtan pa rnams kyi gtsug lag shes/ /zhes bya ba la/ rig pa'i gnas lnga la nyan thos dang / rang sangs rgyas dang / 'jig rten pa dag la yang mkhas pa yod mod kyi brtan pa byang chub sems dpa' rnams kyi gtsug lag shes pa ni dngos pos kyang gzhan las 'phags/ched du bya bas kyang gzhan las 'phags/ las kyis kyang gzhan las 'phags/ mtshan nyid kyis kyang gzhan las 'phags/ mi zad pas kyang gzhan las 'phags/ 'bras bu thob pas kyang gzhan las 'phags so zhes bya ba'i don to/ / ting 'dzin gzungs kyi rang bzhin ni/ /sems can rnam par smin pa dang / /dam pa'i chos kyang 'dzin pa'i phyir/ /zhes bya ba la/ byang chub sems dpa'i rig pa'i gnas lnga la mkhas pa yang / kha cig ni ting nge 'dzin gyi rang bzhin yin la/ ting nge 'dzin gyis zin cing ting nge 'dzin dang 'brel pa dang /kha cig ni gzungs kyi rang bzhin yin la/ gzungs kyis zin cing gzungs dang 'brel pa'o/ /de la ting nge 'dzin ni dpa' bar 'gro ba'i ting nge 'dzin la sogs pa ste/ ting nge 'dzin gyi rang bzhin gyi rig pa'i gnas lnga la mkhas pas ni sems can yongs su smin par byed do//gzungs kyi rang bzhin gyi rig pa'i gnas lnga la mkhas pas ni dam pa'i chos kyi don dang tshig thams cad 'dzin par byed do/ /de la/ gtsug lag shes pa'i dngos po ni/ /zhes bya ba la/ dngos po dang yul zhes bya ba don gcig ste/ gtsug lag shes pas shes par bya ba'i yul ni rnam pa lnga yod do zhes bya ba'i don to//de bzhin gshegs pa'i gsung rab la mkhas pas ni nang shes pa zhes bya'o/ /tar ka'i phyogs la mkhas pa ni/ gtan tshigs shes pa zhes bya'o/ /byA ka ra Na'i gtsug lag la mkhas pa ni sgra shes pa zhes bya'o/ /tsa ra ka la sogs pa sman dpyad kyi gtsug lag la mkhas pa ni sman dpyad shes pa zhes bya'o//b+ha ra ta'i gtsug lag la sogs pa glu dang gar dang mtshon cha 'dzin pa la mkhas pa'i gtsug lag la mkhas pa ni bzo'i las kyi gnas shes pa zhes bya'o/ /bdag gi don dang gzhan gyi ched du byed pa'o zhes bya ba la/byang chub sems dpa' rnams rig pa'i gnas lnga la mkhas par byed pa yang bdag 'ba' zhig gi ched du slob pa ni ma yin gyi/ bdag dang gzhan gnyis ka'i don du slob ste/ de bas na ched du byed pa 'phags so/ /dngos po dang po la bdag kyang shes shing gzhan la yang de bzhin du ston pa dang zhes bya ba la/rig pa'i gnas lnga'i las 'chad de/ de la dang bo ni rig pa'i las ni bdag nyid kyang shes pa dang / spang ba dang / mngon du bya ba dang / bsgom pa'i dngos po shes pa'i sgo nas nyon mongs pa spang bar bya ba dang / gzhan la yang shes pa dang /spang ba dang / mngon du bya ba dang / bsgom pa'i chos ston par byed de/ las rnam pa gnyis byed do/ /de la sdug bsngal ni shes par bya ba'o/ /kun 'byung ni spang bar bya ba'o/ /'gog pa ni mngon du bya ba'o/ /lam ni bsgom par bya ba'o/ /gnyis pas ni nyes pa rnams yongs su rtogs shing rgol ba tshar gcod pa dang zhes bya ba la/gnyis pa ni gtan tshigs rig pa la bya ste/ des ni mu stegs pa la sogs pa bdag dang rtag par yod pa la sogs par grub pa'i gtan tshigs su mngon sum dang / rjes su dpag pa'i tshad ma dag smra ba la/ tshad mar mi rung ba'i nyes pa yod par rtog pa dang /mu stegs pa la sogs pa'i phas kyi rgol ba rnams sangs rgyas kyi chos la sun 'byin pa dag mngon sum dang rjes su dpag pa la sogs pa'i tshad mas tshar gcod cing mu stegs pa'i bdag tu smra ba'i gzhung sun 'byin par byed de/ las rnam pa gnyis byed do//gsum pa ni bdag nyid kyang tshig nges par smra ba dang / gzhan yang go bar byed pa dang / /zhes bya ba la/ gsum pa ni sgra rig pa la bya ste/ sgra rig pas ni bdag nyid chos 'chad pa'i dus na yang thogs pa dang bcas pas kyang gzugs zhes bya la/ myong ba'i bdag nyid kyi phyir tshor ba'o zhes bya ba tshig bzang pos chos 'chad par byed pa dang /tshig zur chag pa med pas gzhan la chos ston na gzhan dag don myur du go bar 'gyur zhing / de'i sgo nas 'di ni mkhas pa yin no zhes yid ches par 'byung ste/ las rnam pa gnyis byed do/ /bzhi pa ni gzhan gyi nad rnams zhi bar byed pa dang zhes bya ba la/bzhi pa ni sman dpyad la mkhas pa ste/ des ni byang chub sems dpa' rnams sems can rnams kyi nad dang nad kyi gzhi dang / nad med pa dang / nad med pa'i thabs shes nas sems can rnams kyi nad zhi bar byed de/ las rnam pa gcig byed do//lnga pa ni pha rol la ston pa'o zhes bya ba la/ lnga pa ni bzo'i las kyi gnas kyi las shes pa ste/ des ni bzo rnam pa sna tshogs kyis sems can rnams la phan 'dogs shing bzo'i gnas shes par 'dod pa rnams la bzo'i gnas ston par byed de/ las rnam pa gcig byed do//gtsug lag shes pa'i mtshan nyid ni dngos po rnam pa lnga po 'di thos pa dang zhes bya ba la sogs pa la/ rig pa'i gnas lnga thos pa dang / 'dzin pa dang / tshig gis goms par byed pa dang / yid kyis rtogs pa dang / shes rab kyis khong du chud par bya ste/rnam pa lnga ltar byas na gtsug lag la mkhas pa'i mtshan nyid gzhag go/ /tshig lnga po 'di'i don bstan pa'i phyir/ thos pas de bzhin du 'dzin pa dang / /zhes bya ba la sogs pa smos so/ /gong ma'i tshig lnga dang / 'og nas de'i don 'chad pa'i tshig lnga rim pa bzhin du sbyar te//thos pa dang zhes bya ba'i don thos zhes bya bas bshad de/ dang por dge ba'i bshes gnyen las rig pa'i gnas lnga rnams dang po nyan pa ni thos pa zhes bya'o/ /thos nas ji ltar thos pa'i chos kyi don dang tshig mi brjed par sems la 'dzin pa ni 'dzin zhes bya'o/ /tshig gis goms par byed ces bya ba'i don to//kha ton byed pa zhes bya bas bstan te/ rig pa'i gnas lnga kha ton byed pa la tshig gis goms par byed pa zhes bya'o/ /yid kyis rtogs pa zhes bya ba'i don ni dad pas yid la 'dzin pa zhes bya bar bshad de/ dad pa zhes bya ba ni gsal ba'am sems rnon po zhes bya ba'i don te/ sems gsal bas rig pa'i gnas lnga'i don ci dang ci yin pa shes pa ni yid kyis rtogs pa zhes bya'o/ /shes rab kyis khong du chud ces pa'i don ni dge bar smra ba dang ngan par smra ba'i yon tan dang nyes pa ji ltar sbyar ba nges par shes pa'o zhes bya bar bshad de/ dge bar smra ba ni ma nor bar shes pa'o//ngan par smra ba ni nor bar smra ba ste/ sangs rgyas kyi chos thams cad ni ma nor bar bshad pas yon tan can du shes pa dang / mu stegs pa'i chos thams cad ni nor bar bshad pas nyes pa can du shes pa'i shes rab kyis khong du chud pa zhes bya'o/ /ji ltar sbyar ba nges par shes pa zhes bya ba ni dge bar smra ba la yon tan du shes par sbyar ba dang /ngan par smra ba la nyes pa can du shes par sbyar ro/ /yang na zang zing 'dod pa'i phyir rig pa'i gnas lnga smra ba ni ngan par smra ba ste/ de la ni nyes par shes so zang zing med par rig pa'i gnas lnga 'chad pa ni dge bar smra ba ste/ de la yon tan can du shes so zhes bya bar sbyar ro/ /yang na don dang yi ge bzang po ston pa ni dge bar smra ba ste de ni yon tan can no/ /don dang yi ge ngan par smra ba ni ngan par smra ba ste/ nyes pa can du sbyar ro/ /ma zad mi zad pa ni lhag ma ma lus pa'i mya ngan las 'das par yang zad mi shes pa'i phyir ro zhes bya ba la/nyan thos dang rang sangs rgyas kyi rig pa'i gnas lnga la mkhas pa ni lhag ma ma lus pa'i mya ngan las 'das pa'i mthar zad par 'gyur la/ byang chub sems dpa'i rig pa'i gnas lnga la mkhas pa ni phung po'i lhag ma ma lus pa'i mya ngan las 'das par yang zad par mi 'gyur te/de bas na mi zad pas 'phags so/ /'bras bu thob pas ni chos thams cad kyi rnam pa thams cad shes pa'o zhes bya ba la/ phung po dang khams dang skye mched dang zag pa dang zag pa med pa la sogs pa'i chos thams cad ma lus par shes pa ni thams cad mkhyen pa'i ye shes la bya ste/rig pa'i gnas lnga la mkhas par byas na mjug tu 'bras bu thams cad mkhyen pa'i ye shes thob par 'gyur te/ de bas na 'bras bu thob pas 'phags so/ /sems can rnam par smin par byed pa yin te zhes bya ba la sogs pa la/ ting nge 'dzin gyi rang bzhin dang / ting nge 'dzin gyis yongs su zin pa'i rig pa'i gnas lnga ni sems can yongs su smin par byed de/ji lta zhe na/ ting nge 'dzin gyi rdzu 'phrul gyi cho 'phrul dang / bstan pa'i cho 'phrul dang / rjes su gdams pa'i cho 'phrul gyis sems can gyi don bsgrub pa'i phyir ro/ /dam pa'i chos gzung bar bya ba la zhes bya ba la sogs pa la/don dang tshig mi brjed pa'i gzungs kyis yongs su zin cing / gzungs kyi sgo'i rang bzhin gyi rig pa'i gnas lnga ni dam pa'i chos yongs su zin par byed/ ji lta zhe na/ gzungs kyis theg pa gsum gyi don dang / tshig mi brjed pa'i phyir ro/ / 'jig rten shes pa la tshigs su bcad pa bzhi ste zhes bya ba la/ gtsug lag shes pa'i skabs kyi 'og tu 'jig rten shes pa'i skabs bshad par 'brel pa ci yod snyam na/ de ltar rig pa'i gnas lnga la mkhas par gyur kyang gtsug lag thams cad la mi shes so snyam pa'i 'jig pa mi 'byung ngo //de ltar gtsug lag thams cad la 'jigs pa med pa de ni 'jig rten gyi bya ba thams cad la yang mkhas shing / 'jig rten gyi rang bzhin gang yin pa yang shes la/ 'jig rten pa gang la chos gang bstan pa byas pa yang shes nas de bzhin du ston par byed de/ de bas na gtsug lag shes pa'i 'og tu 'jig rten shes pa bshad par 'brel to/ /de la rnam pa gsum ltar shes na 'jig rten shes pa zhes bya ste/ rnam pa gsum ni 'jig rten gyi tha snyad shes pa dang / 'jig rten 'byung ba shes pa dang / 'jig rten 'gag pa shes pa'o/ /lus dang ngag gi rnam pa dag /bden pa shes pa mnyam med pa/ /bstan pa rnams kyis 'jig rten shes/ /gzhan dag las ni khyad zhugs so/ /zhes bya ba la/ 'jig rten pa dang / nyan thos dang / rang sangs rgyas dag la yang 'jig rten shes pa yod mod kyi/ byang chub sems dpa' rnams kyi lus dang ngag gi rnam pas 'jig rten shes pa dang /bden pa bzhi shes pas 'jig rten shes pa gzhan dang mi mtshungs pas na nyan thos la sogs pa gzhan las khyad zhugs pa zhes bya'o/ /de la lus kyi rnam pa ni lus kyi tshul bya ste/ lus kyi tshul gyis 'jig rten rnams dga' ba dang mgu bar byed pa'o//ngag gi rnam pa ni ngag gi tshul la bya ste/ ngag gi tshul gyis 'jig rten rnams dga' ba dang mgu bar byed pa ste/ de ni 'jig rten gyi tha snyad kyi sgo nas 'jig rten shes pa yin no/ /gzhan yang sdug bsngal ba dang / kun 'byung ba dang / 'gog pa dang / lam shes na 'jig rten shes pa zhes bya'o//ji ltar lus kyis shes she na zhes bya ba ni lus kyi sgo nas 'jig rten dga' bar bya ba dang mgu bar bya ba ji lta bu yin zhe na zhes bya ba'i don to/ /brtan pa rnams rtag tu 'dzum par mdzad ces bya ba la/ byang chub sems dpa' rnams gang zag bla ma dang / bdag dang 'dra ba dang //bdag pas dman pa rnams dang phrad na lus kyi sgo nas gzhan 'dzum pa ston pa dang / ldang ba dang / phyag 'tshal ba la sogs pa'i las byed pa ni lus kyi sgo nas 'jig rten dga' bar bya ba shes pa'o/ /ji ltar ngag gis she na zhes bya ba ni ngag gi sgo nas ji ltar 'jig rten mgu bar bya zhe na zhes bya ba'i don to//brtan pa rnams kyis sngar smra ba'o/ /zhes bya ba la/ gang zag bla ma dang / mnyam pa dang / dman pa rnams dang phrad na dang po nyid du bde bar 'ongs sam zhes bya ba la sogs pa'i tshig gseng bor smra ba ni ngag gi sgo nas gzhan dga' bar byed pa'o/ /ci'i phyir zhe na/ zhes bya ba ni bzhin 'dzum pa dang / tshig gsong bor smra ba la sogs pa'i sgo nas 'jig rten dga' ba dang mgu bar byed pa de'ang ci'i phyir de ltar bya zhe na zhes bya ba'i don to/ /sems can rnams ni snod 'gyur phyir/ /zhes bya ba la/ 'dul ba'i sems can rnams dam pa'i chos kyi snod du bya ba'i phyir/lus dang ngag gi sgo nas sems can dga' ba bskyed par bya'o zhes bya ba'i don to/ /don gang gis snod du 'gyur ba'i phyir zhe na zhes bya ba ni sems can rnams snod du bya ba'i phyir zhes bshad na/ chos gang gi snod du bya ba'i phyir dga' ba dang mgu ba skyed ce na zhes bya ba'i don to/ / dam chos bsgrub par bya ba'i phyir/ /zhes bya ba la/ theg pa chen po'i don rtogs shing / de bsgrub tu gzhug pa'i snod du 'gyur bar bya ba'i phyir lus dang ngag gi sgo nas gzhan la dga' bar byed do/ /'di yan chad kyi tha snyad shes pa'i sgo nas 'jig rten shes par bstan to/ /ji ltar na bden pa rnams shes she na zhes bya ba ni bden pa bzhi shes na yang 'jig rten shes pa brtan pa la/ji ltar shes na bden pa bzhi shes pa yin zhe na zhes pa'i don te/ de yang 'byung ba shes pa dang / 'gog pa shes na bden pa bzhi shes par gzhag go/ /bden pa rnam pa gnyis las ni/ /'jig rten rnams kyang rtag 'byung dang //zhes bya ba la/ 'jig rten 'byung ba shes pa ni sdug bsngal gyi bden pa dang / kun 'byung gi bden pa gnyis las 'jig rten 'byung bar shes nas 'byung ba shes pa yin no/ /gnyis po de yis 'gog shes pa/ /zhes bya ba la/ 'gog pa'i bden pa dang /lam gyi bden pa gnyis las 'jig rten 'gog par shes pa ni 'jig rten 'gog par shes pa'o/ /de'i phyir 'jig rten shes zhes bya ba la/ bden pa gnyis las ni 'jig rten 'byung bar shes/ bden pa gnyis kyis ni 'jig rten 'gog par shes pas na 'jig rten shes pa zhes bya'o//bden pa gnyis kyis 'jig rten shes pa ni zhes bya ba la sogs pa la/ sdug bsngal dang kun 'byung gi bden pa gnyis kyis ni 'jig rten 'byung ba shes te/ 'di ltar 'khor ba yang nas yang du 'byung bas ni gang skye ba dang gang gis bskyed pa ni 'jig rten 'byung ba'o/ / de la gang skye ba ni sdug bsngal gyi bden pa skye'o/ /gang gis skyed pa ni kun 'byung gi bden pas skyed do/ /gnyis kyis 'gog pa ni zhes bya ba la sogs pa la/ bden pa gnyis kyis ni 'jig rten 'gog par shes te/ de'ang 'gog pa dang lam gyi bden pa'o/ /de'ang gang 'gog pa dang gang gis 'gog pa ste/gang 'gog pa ni 'gog pa'i bden pas sdug bsngal rnams 'gog go/ /gang gis 'gog pa ni lam gyi bden pas 'gog pa ste/ bden pa gnyis kyis 'jig rten 'byung bar shes pa dang / bden pa gnyis kyis 'jig rten 'gog par shes pa ni 'jig rten shes pa zhes bya'o//bskal pa sdug bsngal dang kun 'byung ni 'jig rten gyi rang bzhin yin pas/ de shes zhes bya ba ni 'jig rten shes pa zhes bya bar rigs na/ 'gog pa dang lam lta bur 'jig rten las 'das pa'i chos yin na/ de shes pa la 'jig rten shes bya bar rigs she na de'i lan du smras pa/'jig rten skye ba dang / 'gog par 'gyur ba shes pa dang ldan pas na zhes bya ba la sogs pa smos te/ sdug bsngal dang kun 'byung zhes bya ba la yang nye bar len pa'i phung po lnga nyid la bya bar zad pa/ 'gog pa dang lam zhes bya ba yang nye bar len pa'i phung po lnga nyid la gnas kyi/de las logs shig na mi gnas pas na bden pa bzhi shes pa dang / 'jig rten gyi rang bzhin thams cad shes par 'gyur ro/ /zhi bar bya dang thob bya'i phyir/ /blo ldan de dag bden la brtson/ /gang phyir bden pa shes pa yi/ /blo ldan 'jig rten shes zhes bya/ /zhes bya ba la/de la bden pa bzhi shes par bya ba yang / sdug bsngal dang kun 'byung zhi bar bya ba dang / 'gog pa dang lam gnyis thob par bya ba'i phyir bden pa bzhis brtson par byed de/ sdug bsngal dang kun 'byung zhi bar byed de/ 'gog pa dang lam thob par byed pa ni 'jig rten shes pa'i las so//de ltar bden pa bzhi shes na 'jig rten pa'i rang bzhin thams cad ma lus par shes pas bden bzhi shes na 'jig rten shes pa zhes bya'o/ /so sor rton pa rnam par dbye ba la tshigs su bcad pa gsum ste zhes bya ba la/ gong du bshad pa ltar gtsug lag kyang shes la 'jig rten gyi tha snyad dang /'jig rten 'byung ba dang / 'jig rten 'gog pa shes te/ 'jig rten skyabs dang mgon gyi rten du 'gyur te/ de bas na 'jig rten shes pa'i skabs kyi 'og tu so sor rtog pa'i skabs bshad par 'brel lo/ /de la so sor rton pa ni bzhi ste/ chos la rton gyi gang zag la ma yin pa dang /don la rton gyi tshig la ma yin pa dang / nges pa'i don gyi mdo sde la rton gyi bkri ba'i don gyi mdo sde la ma yin pa dang / ye shes la rton gyi rnam par shes pa la ma yin pa'o/ /zhal nas gsungs pa'i chos ston dang / /zhes bya ba la/ drang srong chen po sangs rgyas bcom ldan 'das kyis bshad pa'i gsung rab las ji skad 'byung ba bzhin du de'i rjes su 'brang gi gang zag so so tha dad pa mi mthun pa ston pa'i tshig la mi snyegs pa ni zhal nas gsungs pa'i chos ston par zhes bya ste/'di ni chos la rton gyi gang zag la mi rton pa zhes bstan to//dgongs pa yi ni don rnams dang / /zhes bya ba la/ bcom ldan 'das kyis gsungs pa'i chos la yang rnam pa gnyis te/ don dang tshig go/ /de la pha bsad ma bsad dgra bcom pa bsad na 'tshang rgya'o zhes bshad pa la sogs pa de'i don yin pa la rtog par byed kyi/ / pha bsad ma bsad 'tshang rgya bar 'gyur bar tshig thad kar rjes su snyegs par mi byed pa ni dgongs pa'i don la rton pa zhes bya ste/ des ni don la rton gyi tshig la mi rton pa bstan to/ /de la dgongs pa'i don ni pha zhes bya ba ma rig pa la bya bar dgongs/ ma zhes bya ba 'dod chags la bya bar dgongs zhes rtog pa ni dgongs pa'i don la rton pa yin no//tshad mar gyur pas bshad pa'i don/ /zhes bya ba la/ mdo sde la yang rnam pa gnyis te/ nges pa'i don gyi mdo sde dang / bkri ba'i don gyi mdo sde'o/ /de la tshad mar gyur pa ni sangs rgyas bcom ldan 'das lta bu'am/sangs rgyas bcom ldan 'das kyi tshad mar gyur pa'i gang zag byang chub sems dpa' 'am/ nyan thos chen po'am/ de bzhin gshegs pas lung bstan pa slob dpon klu sgrub la sogs pa lta bus gnyis su med par bshad pa'i don la rton pa ni tshad mar gyur pas bshad pa'i don la rton pa zhes bya ste/'dis ni nges pa'i don gyi mdo sde la rton gyi bkri ba'i don gyi mdo sde la mi rton pa bstan te/ phung po dang khams la sogs pa yod par bshad pa la mi rton pa'i phyir ro/ /brjod du med pa thob pa'o/ /zhes bya ba la/ brjod du med pa yin ni 'jig rten las 'das pa rnam par mi rtog pa'i ye shes te/ye shes de rtog pa thams cad dang bral ba dang tshig gi spyod yul ma yin pas na brjod du med pa zhes bya'o/ /rnam par mi rtog pa'i ye shes thob par bya ba'i phyir 'bad cing rtsol bar byed kyi zag pa dang bcas pa'i rnam par shes pa brgyad kyi rjes su mi 'brang zhing de la chags pa med pa ni brjod du med pa thob pa la rton pa zhes bya ste/'dis ni ye shes la rton gyi rnam par shes pa la mi rton par bstan to/ /gang tshad mar gyur pas bshad cing rnam par shes pas ston pa'am zhes bya ba la/ tshad mar gyur pa ni sangs rgyas bcom ldan 'das te/des bshad cing stong pa nyid kyi mtshan nyid ma nor bar phye ba ni nges pa'i don gyi mdo sde zhes bya'o/ /des tshad mar byas pa zhes pa la/ des zhes bya ba ni sangs rgyas bcom ldan 'das la bya ste/ sangs rgyas bcom ldan 'das kyis tshad mar gzhag pa'i gang zag byang chub sems dpa' 'am/nyan thos la sogs pa stong pa nyid bshad pa'i don la yang nges pa'i don gyi mdo sde zhes bya ba'i don to/ /brjod du med pa'i phyir ro zhes bya ba la/ rnam par mi rtog pa'i ye shes ni sems kyi rtog pa'i spyod yul las kyang 'das shing / /tshig gis kyang brjod du mi nus pas na brjod du med pa zhes bya'o//tshigs su bcad pa des so sor rton pa'i mtshan nyid bstan to/ /yang na gang zag gi rjes su 'brang ba ni ji lta bu chos kyi rjes su 'brang ba yang ji lta bu zhe na/ gang zag kyang yod par bltas/ chos kyang yod par bltas nas gang zag 'dis dge ba byas na ni bden pa mthong bar 'gyur/mi dge ba byas na ni sdug bsngal mthong bar 'gyur ro zhes lta ba ni gang zag gi rjes su 'brang ba zhes bya'o/ /gang zag dang chos gnyi ga rang bzhin med par khong du chud pas gnyi ga la mi lta ba ni chos kyi rjes su 'brang ba zhes bya ste/de bas na 'phags pa blo gros mi zad pa'i mdo las kyang / de la chos ni gang / gang zag ni gang zhe na/ gang zag tu lta ba la gnas te/ chos kha cig la rtsom pa 'di ni gang zag ces bya'o/ /gang zag tu lta ba de'i rtsom pa yongs su shes pa de ni chos nyid ces bya ba la sogs pa rgya cher gsungs so//de la don ni gang / tshig ni gang zhe na/ 'jig rten las 'das pa'i chos ni don te/ de la rton pa ni don la rton pa zhes bya'o/ /'jig rten gyi chos thams cad ni tshig ces bya ste/ de la rton pa ni tshig la rton pa zhes bya'o/ /de bas na 'phags pa blo gros mi zad pa'i mdo las kyang /de la don ni gang / yi ge ni gang zhe na/ yi ge zhes bya ba ni gang 'jig rten gyi chos dang / bya ba la 'jug pa bstan pa'o/ /don ces bya ba ni gang 'jig rten las 'das pa'i chos rtogs pa'o zhes gsungs so/ /yang na kun rdzob kyi chos thams cad la ni chos zhes bya'o//don dam pa'i chos thams cad la ni don zhes bya'o/ /de bas na 'phags pa blo gros mi zad pa'i mdo las kyang / yi ge zhes bya ba ni gang sbyin pa dang / dul ba dang / sdom pa dang / nges pa bstan to/ /don ces bya ba ni sbyin pa dang /dul ba dang / sdom pa dang / nges pa'i mnyam pa nyid shes pa'o zhes bya ba la sogs pa rgya cher gsungs so/ /de la nges pa'i don gyi mdo sde ni ji lta bu/ drang po'i don gyi mdo sde ni ji lta bu zhe na/ mya ngan las 'das pa'i 'bras bu'am/ chos kyi don rtogs par bya ba'i lam dang thabs su bstan pa rnams ni drang ba'i don gyi mdo sde zhes bya'o//gang 'bras bu'i chos gang yin pa nyid dang / chos kyi don nyid ston pa ni nges pa'i don gyi mdo sde zhes bya'o/ /yang na kun rdzob kyi chos ston pa ni bkri ba'i don gyi mdo sde zhes bya'o/ /don dam pa'i mtshan nyid bstan pa ni nges pa'i don gyi mdo sde zhes bya'o//de bas na 'phags pa blo gros mi zad pa'i mdo las kyang / de la nges pa'i don gyi mdo sde ni gang / drang ba'i don gyi mdo sde ni gang zhe na/ mdo gang lam la 'jug par bstan pa de dag ni drang ba'i don ces bya'o//mdo gang 'bras bu la 'jug pa'i phyir bstan pa de dag ni nges pa'i don ces bya'o/ /mdo gang kun rdzob bstan pa de dag ni drang ba'i don ces bya'o/ /mdo gang don dam bstan pa de dag ni nges pa'i don ces bya'o zhes bya ba la sogs pa rgya cher gsungs so/ /de la rnam par shes pa ni gang ye shes ni gang zhe na/'dod pa'i khams kyi sems can gyi rnam par shes pa ni gzugs kyi phung po la rten to/ /gzugs kyi khams kyi sems can gyi rnam par shes pa ni tshor ba'i phung po la rten to/ /gzugs med pa nam mkha' mtha' yas skye mched dang rnam shes mtha' yas skye mched dang /cung zad med pa'i skye mched dang gsum gyi sems can gyi rnam par shes pa ni 'du shes kyi phung po la rten to/ /cung zad med min skye mched kyi sems can gyi rnam par shes pa ni 'du byed kyi phung po la rten to/ /'di ni rnam par shes pa zhes bya'o/ /rnam par shes pa de dag rang bzhin gyis stong par khong du chud cing gzugs la sogs pa'i yul la mi rtog pa ni ye shes zhes bya ste/de bas na 'phags pa blo gros mi zad pa'i mdo las kyang / rnam par shes pa ni gang / ye shes ni gang zhe na/ rnam par shes pa zhes bya ba ni rnam par shes pa la gnas pa bzhi ste/bzhi gang zhe na/ 'di lta ste/ rnam par shes pa gnas pa na gzugs la nye bar 'gro zhing gnas so/ /rnam par shes pa gnas pa na tshor ba la nye bar 'gro ba dang / 'du shes la nye bar 'gro ba dang / 'du byed la nye bar 'gro zhing gnas pa ste/ 'di ni rnam par shes pa zhes bya'o//de la ye shes gang zhe na/ gang phung po bzhi la gnas pa'i rnam par shes pa'i phung po kun shes pa ste/ 'di ni ye shes zhes bya ba la sogs pa rgya cher gsungs so/ /ci'i phyir bcom ldan 'das kyis so sor rton pa bzhi bshad pa la dgos pa ci yod ce na de'i phyir/smod pa dang ni ji skad gsungs/ /phyin ci log tu shes pa dang / /brjod par bcas pa thob pa dang / /'dir bdag dgag par bshad pa'o/ /zhes bya ba gsungs te/ so sor rton pa bzhi bshad pa yang gsung rab la smod pa'i gang zag dgag pa dang / ji skad du gsungs pa 'dzin pa'i gang zag dgag pa dang /phyin ci log tu shes pa'i gang zag dgag pa dang / brjod pa dang bcas pa'i ye shes la chags pa'i gang zag dgag pa'i phyir so sor rton pa bzhi bshad do/ /de la so sor rton pa dang po ni bcom ldan 'das kyi zhal nas gsungs pa'i mdo sde la ma yin no//nor ro/ /bdud kyis smras pa'o zhes smod par byed pa'i gang zag dgag par bya ba gsungs te/ gang zag skur ba 'debs pa rnams kyi tshig ni tshad ma ma yin gyi bcom ldan 'das kyi bka' tshad ma yin te/ de bas na chos kyi rjes su 'brang bar byas pa'i gang zag la ma yin no zhes gsungs so//so sor rton pa gnyis pa ni ma skyes pa dang ma byung ba dang / pha bsad pa dang ma bsad pa la sogs pa'i don la 'bras bu dang sgra ji bzhin du 'dzin gyi/ de la dgongs pa'i don la mi rtog pa'i gang zag dgag pa'i phyir gsungs te/ de bas na don la rton par bya'i tshig la ni ma yin te zhes gsungs te/ pha bsad ma bsad ces bya ba la sogs pa gsungs pa yang / 'dod chags dang zhe sdang la sogs pa'i nyon mongs pa'i tshogs spang bar bya ba la dgongs pa yin gyi/ /pha dang ma dngos bsad par bya ba la/ ji ltar tshig thad kar drang ba ni ma yin no//so sor rton pa gsum pa ni bcom ldan 'das kyis so so'i skye bo'i gang zag dang / dgra bcom pa'i gang zag dang / rang sangs rgyas kyi gang zag dang / gang zag gcig 'jig rten du 'byung ba na 'jig rten kun la phan pa dang bde bar 'gyur te/gang zhe na de bzhin gshegs pa'o zhes gsungs pa la gang zag yod do zhes log par shes nas yod pa'i don du log par drangs pa dgag pa'i phyir gsungs te/ de bas na nges pa'i don gyi mdo sde la rton gyi bkri ba'i don gyi mdo sde la ni ma yin no zhes bshad do//de la gang zag yod par bshad pa ni bkri ba'i don to/ /gang zag med par bshad pa ni nges pa'i don to/ /gang zag med par bshad pa yang bcom ldan 'das kyis mdo gzhan dag las mig dang gzugs la brten nas mig gi rnam par shes pa skye ste zhes bya ba la sogs pa rgya cher gsungs pas 'di tsam la sems can dang /bdag dang / gang zag ces bya bar zad kyi/ yang dag par na gang zag yod pa ma yin no zhes gsungs so/ /so sor rton pa bzhi pas ni gzung ba dang 'dzin pa'i bag chags dang bcas pa sngon po dang ser po la sogs pa'i yul la rnam par rtog pa'i zag pa dang bcas shing 'khor ba'i rgyur gyur pa'i rnam par shes pa rnam par mi rtog pa'i ye shes kyi rang bzhin ma yin pa la chags pa dgag pa'i phyir gsungs te/de bas na ye shes la rton gyi rnam par shes pa la ma yin no zhes gsungs so/ /dad dang rnam par spyod pa dang //ji bzhin gzhan las nyan pa'i phyir/ /brjod du med pa'i ye shes las/ /blo ldan rnams ni nyams mi 'gyur/ /zhes bya ba'i tshigs su bcad pa 'dis so sor rton pa bzhi'i yon tan bstan te/ so sor rton pa dang pos ni zhal nas gsungs pa'i chos la dad par gyur pas nyams par mi 'gyur ba'i yon tan bstan te/gsung rab rnams la sangs rgyas kyi bka' ma yin no zhe'am/ nor to zhes skur pa mi 'debs shing zhal nas gsungs par yid ches pas bsod nams ma yin pa mi 'phel ba'i phyir nyams par mi 'gyur ro/ /so sor rton pa gnyis pas ni pha bsad ma bsad ces bya ba la sogs pa dgongs pa bzhi dang /ldem po dag bzhi las pha dang ma bsad pa la sogs pa ni 'jig rten na yang kha na ma tho bar bya ba yin na de bzhin gshegs pa'i gsung rab gcig tu dkar ba la pha bsad pa dang ma bsad na 'tshang rgya bar bshad pa sgra ji bzhin gyi don ma yin gyi/dgongs pa gzhan yod do/ /bdag nyid kyi shes rab kyis gang la dgongs pas spyod pa na nyams par mi 'gyur te/ ci'i phyir zhe na/ sgra ji bzhin du bzung nas dgongs pa log par drangs pa ni nyams par 'gyur gyi/ dgongs pa'i don phyin ci ma log par bzung na nyams par mi 'gyur ba'i phyir ro//so sor rton pa gsum pas ni stong pa dang bdag med par bshad pa'i chos dag bdag gis khong du ma chud na nga rgyal med par byas nas de'i don shes pa dag las bdag med pa dang stong pa'i don gyi tshul nyan par byed de/ mnyan na nges pa'i don gyi mdo sde rtogs par 'gyur bas na nyams par mi 'gyur ro//so sor rton pa bzhi pas ni rnam par mi rtog pa'i ye shes thob par bya ba'i phyir 'bad cing rtsol bar byed kyi rnam par shes pa rnams la rten cing chags par mi byed de/ des ni 'jig rten las 'das pa'i ye shes mngon sum du gyur pa'i phyir nyams par mi 'gyur ro//so so yang dag par rig pa'i tshigs su bcad pa bzhi ste zhes bya ba la so sor rton pa'i skabs bshad pa'i 'og tu so so yang dag pa'i skabs bshad par 'brel pa ci yod ce na/ so sor rton pa bzhi dang ldan na 'jig rten pa rnams kyi rten du gyur pa ste/so so yang dag par rig pa bzhis sems can gyi don du chos ston par byed pas na so sor rton pa'i 'og tu so so yang dag par rig pa bzhi bshad pa 'brel to/ /byang chub sems dpa'i mnyam med pa/ /so so yang dag rig pa bzhi/ /zhes bya ba la/ byang chub sems dpa' rnams kyi so so yang dag par rig pa ni bzhi ste/chos so so yang dag par rig pa dang / don so so yang dag par rig pa dang / nges pa'i tshig so so yang dag par rig pa dang / spobs pa so so yang dag par rig pa ste/ byang chub sems dpa' rnams kyi so so yang dag par rig pa bzhi ni nyan thos dang rang sangs rgyas kyi so so yang dag par rig pa bzhi pas 'phags shing khyad zhugs pas na mnyam pa med pa zhes bya'o//rnam grangs mtshan nyid tshig rnams dang / /ye shes shes pa de dag 'dod/ /ces bya ba la/ chos gcig la ming gi rnam grangs du yod pa dang /chos rnams la dge ba dang mi dge ba la sogs pa'i chos kyi rnam grangs du yod pa shes pas ni chos so so yang dag par rig pa zhes bya ste/ chos kyi ming gi rnam grangs shes pa ni dper na ma rig pa la ming du ma rig pa dang / gti mug dang /mi shes pa dang / mun pa dang / mun nag ces bya ba la sogs pa'i ming gi rnam grangs du yod pa thams cad shes pa ste/ 'di ni chos so so yang dag par rig pa'i mtshan nyid do/ /de bas na 'phags pa blo gros mi zad pa'i mdo las kyang / chos so so yang dag par rig pa gang zhe na/gang chos thams cad la rjes su 'jug pa shes pa ste/ dge ba dang mi dge ba dang / kha na ma tho ba dang bcas pa dang / kha na ma tho ba med pa dang / zag pa dang bcas pa dang / zag pa med pa dang / 'dus byas dang / 'dus ma byas zhes bya ba la sogs pa rgya cher gsungs so//chos rnams kyi rang dang spyi'i mtshan nyid la thogs pa med par shes pa ni don so so yang dag par rig pa zhes bya ste/ rang gi mtshan nyid ni sa'i rang gi mtshan nyid sra ba dang / chu'i rang gi mtshan nyid gsher ba la sogs pa'o/ /spyi'i mtshan nyid ni mi rtag pa dang / sdug bsngal ba dang /stong pa dang / bdag med pa ste/ 'di ni don so so yang dag par rig pa'i mtshan nyid do/ /de bas na 'phags pa blo gros mi zad pa'i mdo las kyang / de la don so so yang dag par rig pa gang zhe na/ gang chos thams cad la don dam par shes pa ste/ chos shes pa dang /so sor rtog pa shes pa dang / rjes su 'gro ba shes pa dang / rgyu shes pa dang / rkyen shes pa dang / gnyis su med pa shes pa dang zhes bya ba la sogs pa rgya cher gsungs so/ /sems can so so'i skad dang tshig gi rnam pa sna tshogs la thogs pa med par shes pa ni nges pa'i tshig so so yang dag par rig pa zhes bya ste/lha dang klu la sogs pa sems can kun gyi skad shes pa'o/ /de bas na 'phags pa blo gros mi zad pa'i mdo las kyang / de la nges pa'i tshig so so yang dag par rig pa gang zhe na/ gang sems can thams cad kyi skad la 'jug pa shes pa ste/lha'i skad dang / klu'i skad dang / dri za dang / lha ma yin dang zhes bya ba la sogs pa rgya cher gsungs so/ /yang na sgra'i gtsug lag thams cad kyi tshig la thogs pa med par shes pa ni nges pa'i tshig so so yang dag par rig pa zhes bya ste/ de bas na 'phags pa blo gros mi zad pa'i mdo las kyang /gzhan yang nges pa'i tshig so so yang dag par rig pa ni chos 'di dag 'di lta bur brtag par bya/ chos 'di dag 'di lta bur brtul bar bya/ chos 'di dag 'di lta bur mtshams sbyar bar bya zhes bya ba la sogs pa rgya cher gsungs so/ / bskal pa'am bskal pa'i mthar chos gcig bshad pa la sogs te/ bshad kyang tshig zad par mi 'gyur ba dang / sems can thams cad kyis brgal kyang rgol ba kun gyi lan thebs par nus pa'i ye shes dang ldan pa la sogs pa ni spobs pa so so yang dag par rig pa zhes bya ste/de bas na 'phags pa blo gros mi zad pa'i mdo las kyang / de la spobs pa so so yang dag par rig pa gang zhe na/ 'di lta ste/ chags pa med par lung bsgo ba shes pa dang / ma tshang ba med par lung bsgo ba bstan pa dang / thogs pa med par lung bsgo ba bstan pa shes pa dang /spobs pa myur ba dang / spobs pa drang ba dang / spobs pa mgyogs pa dang zhes bya ba la sogs pa rgya cher gsungs so/ /dang po ni rnam grangs shes pa ste zhes bya ba la/ chos so so yang dag par rig pas ni chos gcig la ming gi rnam grangs du yod pa shes te/chos rnams la dge ba dang mi dge ba la sogs pa'i rnam grangs du yod pa shes pa'o/ /don gang gi ming de'i'o zhes bya ba la/ phung po dang khams la sogs pa'i chos gang la/ ming gang dang gang btags pa'i ming de'i don ni gang dang spyi'i mtshan nyid shes pa ni don shes pa zhes bya'o//ljongs kyis skad du tha dad pa'o zhes bya ba la/ lha dang mi la sogs pa'i skad sna tshogs shes pa ni nges pa'i tshig so so yang dag par rig pa zhes bya'o/ /bdag nyid kyi spobs pa'o zhes bya ba la ming dang tshig dang / yi ge sna tshogs kyis 'khor ba'i mtha'i bar du chos bshad kyang zad par mi 'gyur ba ni spob pa so so yang dag par rig pa zhes bya ste/ tshig de dag gis so so yang dag par rig pa bzhi'i mtshan nyid bstan to/ /de la so so yang dag par rig pa lnga la sogs par mang du mi bshad/gsum pa la sogs pa nyung ngu yang mi bshad par ci'i phyir bzhi kho nar grangs nges par bshad ce na/ de'i phyir/ bstan pa la ni rab brtson pa'i/ /gang dang gang gis bstan pa ni/ /chos dang don de rnam pa gnyis/ /tshig dang ye shes gnyis ston pa'o//zhes bya ba la sogs pa tshigs su bcad pa gnyis smos so/ /byang chub sems dpa' 'dus byas dang 'dus ma byas dang zag pa dang bcas pa dang zag pa med pa'i chos sems can la bstan pa la zhugs pa na gang ston pa dang / gang gis ston pa ste/ rnam pa gnyis kyis ston pas na so so yang dag par rig pa bzhi kho nar bshad de mi mang mi nyung ngo //de la gang 'chad cing ston ce na chos dang don gnyis 'chad do/ /gang gis 'chad cing ston ce na/ tshig dang po gnyis kyis ston te/ don du na nges pa'i tshig so so yang dag par rig pa dang / spobs pa so so yang dag par rig pa gnyis kyis ston te zhes bya ba'i don to//chos ni bstan pa dang bshad pa las zhes bya ba la chos ston pa yang byang chub sems dpa' dang por chos rnams mdo tsam du bsdus nas ston te/ des na de'i 'og tu zhib tu phye nas 'chad do/ /de la mdo tsam du bstan pa la ni don so so yang dag par rig pa zhes bya'o//de nyid zhib tu phye ste bshad pa la ni chos so so yang dag par rig pa zhes bya'o/ /gnyis kyang rnam kun shes byed phyir/ /zhes bya ba la nges pa'i tshig so so yang dag par rig pas ni chos dang don gnyis sems can kun la shes par byed de/ ji lta zhe na/ so so'i skad gang dang gang gis bstan na/ brda phrad par 'gyur ba'i skad de dang des bshad pas kun gyi khong du chud par byed do/ /brgal ba la ni lan glon pa'i/ /so sor rig pa rnam pa bzhi/ /zhes bya ba la/ spobs pa so so yang dag par rig pas ni phas kyi rgol ba mu stegs pa la sogs pa dang /'khor rnams kyi brgal ba thams cad kyi rgol ba'i lan glon par byed de/ de'i phyir na so so yang dag par rig pa bzhi nyid du gzhag go zhes bya ba'i don to/ /chos ni bstan dang bshad pa'i phyir/ /zhes bya ba la/ mdo tsam du ston pa ni don so so yang dag par rig pa'o//de nyid zhib tu bkrol te bshad pa ni chos so so yang dag par rig pa zhes bya'o/ /tshig gis bshad pas ni zhes bya ba la sogs pa la nges pa'i tshig so so yang dag par rig pas ni chos dang don gnyis gzhan gyis shes par byed do zhes bya ba'i don to/ /ye shes kyis bshad pa ni zhes bya ba la/spobs pa so so yang dag par rig pas ni rgol ba rnams kyi lan 'debs par byed do zhes bya ba'i don to/ /de bas na gang dang gang gis bshad pa de shes pa'i phyir zhes bya ba la gong du bshad pa ltar na gang bshad pa ni chos dang don bshad pa'o/ / gang gis bshad ce na nges pa'i tshig dang spobs pas bshad do/ /de yang ji ltar bshad ce na mdor bsdus te bshad pa ni don so so yang dag par rig pa yin na/ de nyid rgyas par 'chad pa ni chos so so yang dag par rig pa ni de nyid gzhan la bstan nas gzhan gyis shes par byed pa ni nges pa'i tshig so so yang dag par rig pa'o//gzhan gyis brgal ba'i lan 'debs par byed pa ni spobs pa so so yang dag par rig pa ste/ de'i phyir so so yang dag par rig pa bzhi nyid du bshad do/ /so so rang rig mnyam pa nyid/ /phyis kyang rab tu shes pa'o/ /the tshom thams cad bsal ba'i phyir//so so yang dag rig ces bya'o/ /zhes bya ba 'dis so so yang dag par rig pa bzhi'i nges pa'i tshig dang las bstan to/ /de la so so yang dag par rig pa zhes bya ba'i sgras/ rgya gar skad du pra ti si bi ta zhes 'byung ste/ de la pra ti zhes bya ba so sor zhes bya ba'i don du 'gro ste/de ni rnam par mi rtog pa'i ye shes la bya'o/ /saM zhes bya ba ni mnyam pa nyid la bya ste/ chos thams cad kyi de bzhin nyid stong pa nyid la bya'o/ /bi ta zhes bya ba ni shes par bya ste don du na rnam par mi rtog pa'i ye shes kyi mnyam pa nyid mngon sum du byas nas phyis dag pa 'jig rten pa'i ye shes kyis chos kyi rnam grangs dang /mtshan nyid la sogs pa gzhan du bstan nas gzhan gyis de dag shes par byed go bar byed pas na so so yang dag par rig pa zhes bya ste/ de ni nges pa'i tshig go/ /so so yang dag par rig pas phung po dang khams la sogs pa'i chos kyi mtshan nyid la the tshom thams cad gcod par byed de 'di ni las so//tshogs rnam par dbye ba'i tshigs su bcad pa bzhi ste zhes bya ba la/ tshogs rnam par dbye ba'i skabs kyi bshad par 'brel ba ci yod ce na/ de ltar so so yang dag par rig pa dang ldan pa byang chub sems dpa' de byang chub kyi phyogs sum cu rtsa bdun bsgom par bya ba'i phyir/de'i rten du gyur pa bsod nams dang ye shes kyi tshogs sogs par byed de/ de bas na so so yang dag par rig pa bshad pa'i rjes la tshogs kyi skabs bshad par 'brel to//byang chub sems dpa'i tshogs dag ni/ /mi mnyam bsod nams ye shes so/ /zhes bya ba'i tshigs su bcad pa gcig gis tshogs gang yin pa dang / gang gi phyir tshogs su gyur pa de ston te/ de la byang chub sems dpa'i tshogs ni rnam pa gnyis te/ bsod nams kyi tshogs dang ye shes kyi tshogs so//byang chub sems dpa'i bsod nams dang ye shes kyi tshogs ni bdag dang sems can thams cad kyi don du bsags pas ni nyan thos la sogs pa'i tshogs las 'phags pa'i phyir mi mnyam pa zhes bya'o/ /de bas na dkon mchog brtsegs pa'i mdo las kyang / byang chub sems dpa' rnams kyi ye shes kyi tshogs ni phyogs bcu'i nam mkha' lta bur blta'o/ /nyan thos rnams kyi ye shes kyi tshogs ni yungs 'bru srin bus zos pa'i nang gi nam mkha'i khyon tsam du blta'o/ /byang chub sems dpa'i bsod nams kyi tshogs ni phyogs bzhi'i rgya mtsho'i chu lta bur blta'o//nyan thos kyi bsod nams kyi tshogs ni ba'i rmig rjes kyi chu lta bur blta'o zhes gsungs so/ /'dis ni tshogs gang yin pa bstan to/ /gcig ni 'khor ba rnams las 'byung / /zhes bya ba la/ gcig ni bsod nams kyi tshogs la bya ste/ bsod nams tshogs kyis ni 'khor ba skye bar 'khor ba na yang sems can kun las 'phags pa brgya byin dang tshangs pa dang 'khor los sgyur ba'i rgyal po la sogs pa'i 'byor pa phun sum tshogs pa 'thob par byed do zhes bya ba'i don to//gzhan ni 'khor bar nyon mongs pa/ /zhes bya ba la/ bsod nams kyi tshogs las gzhan pa ni ye shes kyi tshogs la bya ste/ye shes kyi tshogs kyis ni sems can gyi don du bsams pa bzhin du 'khor bar skye ba na 'khor ba'i nyes pas mi gos par byed de/ las dang nyon mongs pa'i dbang du mi 'gyur ro zhes bya ba'i don to/ /'dis ni gang gi phyir tshogs bsags pa bstan to//de pha rol tu phyin pa drug gis tshogs gnyis bsdus pa'am/ tshogs gnyis kyis pha rol tu phyin pa drug bsdus par bstan pa'i phyir/ sbyin pa tshul khrims bsod nams te/ /zhes bya ba la sogs pa tshigs su bcad pa gcig smos so/ /de la pha rol tu phyin pa drug las dang po sbyin pa'i pha rol tu phyin pa dang /gnyis pa tshul khrims kyi pha rol tu phyin pa gnyis ni bsod nams kyi tshogs zhes bya ste/ ci'i phyir zhe na/ sbyin pas ni longs spyod chen por 'gyur bar byed/ tshul khrims kyis ni lha dang mi'i lus thob par byed pa'i phyir ro/ / ye shes tshogs ni shes rab po/ /zhes bya ba la/ tha ma shes rab kyi pha rol tu phyin pa ni ye shes kyi tshogs zhes bya ste/ chos thams cad stong par rtogs pa dang / nyon mongs pas mi gos pa'i phyir ro/ /gsum pa gzhan ni gnyis su ste/ /zhes bya ba la brjod pa dang / brtson 'grus dang /bsam gtan gsum ni tshogs gnyis su gzhag ste/ bsod nams kyi tshogs su yang gzhag ye shes kyi tshogs su yang gzhag go/ /ji lta zhe na/ gnod pa la ji mi snyam pa dang / sdug bsngal nyams su len pa'i bzod pa gnyis ni bsod nams kyi tshogs su bsdu'o//chos la nges par rtog pa'i bzod pa ni ye shes kyi tshogs su bsdu'o/ /brtson 'grus la yang sems can gyi zhing rmo ba dang tshong bya ba la sogs pa'i las la grogs byed pa'i brtson 'grus ni bsod nams kyi tshogs su bsdu'o/ /dge ba'i bshes gnyen la brten pa dang /dam pa'i chos nyan pa dang / sems pa dang / bsgom pa la sogs pa byed pa'i brtson 'grus ni ye shes kyi tshogs su bsdu'o/ /bsam gtan pa yang 'jig rten pa'i bsam gtan dang / gzugs med pa'i snyoms par 'jug pa dang / zag pa med pa'i bsam gtan rnams kyis sems can gyi don bya ba la zhugs pa dang /bsod nams kyi tshogs su bsdu'o/ /bsam gtan la brten nas rnam par mi rtog pa'i ting nge 'dzin bsgom na ye shes kyi tshogs su bsdu'o/ /lnga char ye shes tshogs su'o/ /zhes bya ba la pha rol tu phyin pa drug las shes rab kyi pha rol tu phyin pa ni ye shes kyi tshogs nyid do//sbyin pa'i pha rol tu phyin pa nas bsam gtan gyi pha rol tu phyin pa'i bar du pha rol tu phyin pa lnga po rnams thams cad mkhyen pa'i ye shes thob par bya ba'i phyir bsngos sam/ 'khor gsum yongs su dag pa'i tshul du spyad na lnga char yang ye shes kyi tshogs su 'gyur ro//gzhan yang sdig pa bshags pa dang / bsod nams kyi rjes su yi rang ba dang / chos kyi 'khor lo bskor bar gsol ba gdab pa la sogs pa yang bsod nams kyi tshogs su bsdu ste/ de bas na 'phags pa blo gros mi zad pa'i mdo las kyang /byang chub sems dpa' rnams kyi bsod nams kyi tshogs mi zad pa gang zhe na/ sbyin pa bsod nams bya ba'i dngos po dang / tshul khrims dang / bsgom pa bsod nams bya ba'i dngos po dang zhes bya ba la sogs pa rgya cher gsungs so//gzhan yang dge ba'i bshes gnyen la brten pa dang / dam pa'i chos nyan pa la sogs pa byed pa yang ye shes kyi tshogs su bsdu ste/ de bas na 'phags pa blo gros mi zad pa'i mdo las kyang / de la byang chub sems dpa' rnams kyi ye shes kyi tshogs mi zad pa gang zhe na/rgyu gang dang rkyen gang gis ye shes rtogs par 'gyur ba'i rgyu de dag dang rkyen de dag byang chub sems dpa' yang dag par bsgrub ste/ de la rgyu ni gang rkyen ni gang zhe na/ gang 'di ye shes yongs su tshol ba la rab tu mos pa dang / ye shes rtogs pa'i dge ba'i bshes gnyen la rtag tu brten pa dang /'grogs pa dang / bsnyen bkur byed pa dang zhes bya ba la sogs pa rgya cher gsungs so/ /rgyun du bsgom pa thob nas ni dge ba la yang dang yang du'o/ /gang kun sgrub pa de tshogs yin/ /zhes bya bas tshogs zhes bya ba'i nges pa'i tshig ston to//tshogs zhes bya ba la rgya gar skad du saM b+hA ra zhes 'byung ste/ de la saM zhes bya ba ni saM tang d+ha'i don ni rgyun tu zhes bya bar 'gro'o/ /b+hA zhes bya ba ni don du 'dren pas bsgom pa'i don du 'gro'o/ /ra zhes bya ba a ha ra zhes pa'i don du 'gro bas kun tu bsgrub pa'i don du 'gro'o/ /mdor na sbyin pa la sogs pa la rgyun tu bsgom pa la brten nas pha rol tu phyin pa drug gi dge ba la yang nas yang du bsgoms pas sangs rgyas kyi sku gsum sgrub par byed pa la tshogs zhes bya ste/'di ni nges pa'i tshig bstan to/ /bstan pa thams cad don sgrub pa/ /zhes bya ba la/ de ltar sangs rgyas kyi sku gsum thob par byas nas bdag gi don yang sgrub par byed gzhan gyi don yang sgrub par byed de/de ni tshogs gnyis kyi las so/ /tshogs kyi rab tu dbye ba bstan pa'i phyir/ 'jug pa'i phyir dang mtshan med phyir/ /zhes bya ba la sogs pa smos te/ so so'i skye bo'i dus nas mos pas spyod pa'i sa 'jig rten gyi chos mchog man chad kyi tshe bsod nams dang ye shes kyi tshogs bsags pa ni sa dang po la 'jug cing sa dang po thob par bya ba'i phyir sogs par byed do//sa gnyis pa nas drug pa man chad kyi tshe tshogs sogs pa ni mtshan ma med pa'i sa bdun pa la 'jug cing sa bdun pa thob par bya ba'i phyir sogs par byed de/sa bdun pa'i dus na ni mdo sde la sogs pa'i chos rnam pa sna tshogs la don tha dad par yid la mi byed cing / mi rtog pas na mtshan ma med pa zhes bya'o/ /lhun gyis grub phyir tshogs rnams te//zhes bya ba la sa bdun pa'i bsod nams dang ye shes kyi tshogs ni sa brgyad pa dang dgu pa'i bsod nams dang ye shes kyi tshogs lhun gyis grub par sgrub pa ni sa de thob par bya ba'i phyir sogs pa zhes bya ba'i don to/ /dbang bskur phyir dang zhes bya ba la/ sa brgyad pa dang dgu pa'i bsod nams dang ye shes kyi tshogs ni dbang bskur ba'i sa bcu pa thob par bya ba'i phyir sogs te/ sa bcu par phyogs bcu'i de bzhin gshegs pa thams cad kyis chos kyi rgyal tshab tu dbang bskur ba'i phyir dbang bskur ba'i sa zhes bya'o//mthar thug phyir zhes bya ba la/ sa bcu pa'i tshe bsod nams dang ye shes kyi tshogs bsags pa ni ye shes bzhi dang / chos kyi dbyings rnam par dag pa dang lngas bsdus pa mthar thug pa'i sangs rgyas kyis thob par bya ba'i phyir sogs par byed do zhes bya ba'i don to//dran pa nye bar gzhag pa rnam par dbye ba'i tshigs su bcad pa gsum ste zhes bya ba la/ tshogs kyi skabs bshad pa'i rjes la byang chub kyi phyogs kyi chos sum cu rtsa bdun bshad par 'brel pa ci yod snyam na de ltar tshogs bsags pa des nyon mongs pa dang shes bya'i sgrib pa spang ba'i phyir byang chub kyi phyogs la sgom par byed de de bas na tshogs kyi rjes la byang chub kyi phyogs kyi skabs bshad par 'brel to/de la yang dran pa nye bar gzhag pa bzhi bsgom pa ni tshigs su bcad pa gsum gyis bstan to/ /rnam pa bcu bzhir blo ldan gyis/ /dran pa nye bar gzhag sgom pa//de ni mnyam pa med pa'i phyir/ /de dag gzhan la khyad zhugs so/ /zhes bya ba la/ byang chub sems dpa' rnams kyi dran pa nye bar gzhag pa sgom pa de rnam pa bcu bzhi ltar sgom pas/ rnam pa bcu bzhi ltar ni nyan thos la sogs pa mi sgom pa'i phyir/ nyan thos la sogs pa'i sgom pa dang mi 'dra ste/de bas na byang chub sems dpa'i dran pa nye bar gzhag pa sgom pa ni nyan thos la sogs pa gzhan las khyad zhugs pa'o/ /rnam pa bcu bzhi gang zhe na/ rten dang gnyen po rnam dag dang / /zhes bya ba la sogs pa smos te/ rnam pa bcu bzhi ni rten gyi rnam pa khyad zhugs pa dang /gnyen po'i rnam pa khyad zhugs pa dang / de bzhin du 'jug pa'i rnam pa khyad zhugs pa dang / dmigs pa'i rnam pa khyad zhugs pa dang / yid la byed pa'i rnam pa khyad zhugs pa dang / thob pa'i rnam pa khyad zhugs pa dang / rjes su mthun pa'i rnam pa khyad zhugs pa dang /rjes su 'jug pa'i rnam pa khyad zhugs pa dang / shes pa'i rnam pa khyad zhugs pa dang / gzhan yang skye ba'i rnam pa khyad zhugs pa dang / tshad kyi rnam pa khyad zhugs pa dang / mchog gi rnam pa khyad zhugs pa dang / sgom pa'i rnam pa khyad zhugs pa dang / thob pa'i rnam pa khyad zhugs pa'o//ji ltar na brten pa zhe na/ theg pa chen po nyan pa dang zhes bya ba la sogs pa la/ nyan thos rnams dran pa nye bar gzhag pa bzhi bsgom pa ni nyan thos kyi sde snod gsum nyan pa dang / sems pa dang / sgom pa'i shes rab la brten nas sgom par byed kyi/ byang chub sems dpa' rnams kyi dran pa nye bar gzhag pa bzhi bsgom pa ni theg pa chen po'i chos nyan pa dang /sems pa dang / sgom pa'i shes rab la brten nas sgom pas na rten gyi khyad zhugs so/ /ci'i phyir gnyen po zhe na/ phyin ci log bzhi'i gnyen por mi gtsang ba dang / sdug bsngal ba dang zhes bya ba la sogs pa la/gnyen po'i rnam par bsgom pa yang nyan thos la sogs pas ji ltar khyad zhugs she na/ nyan thos la sogs pa ni phyin ci log bzhi'i gnyen por phyin ci ma log pa bzhi bsgom pa ste/ gtsang bar 'dzin pa'i gnyen por ni lus la mi gtsang ba bsgom pa ste/ glad pa'i rgyas nas rkang pa'i rting pa'i bar du rnag dang khrag la sogs pa sgom pa'i phyir ro/ /bde bar 'dzin pa'i gnyen por tshor ba thams cad sdug bsngal bar bsgom ste/ gang cung zad tshor ba de dag sdug bsngal lo zhes bsgom pa'i phyir ro/ /rtag par 'dzin pa'i gnyen por sems mi rtag pa bsgom ste/sems ni skad cig skad cig par 'dod chags par 'gyur ba dang / zhe sdang bar 'gyur ba'i phyir ro/ /bdag tu 'dzin pa'i gnyen por chos thams cad la bdag med par bsgom ste/ 'dod chags la sogs pas ni kun nas nyon mongs par 'gyur/ 'di la kun nas nyon mongs pa dang rnam par byang bar 'gyur ba'i bdag gang yang med ces bsgom pa'i phyir ro/ /byang chub sems dpa' rnams ni de las khyad zhugs te/ de bas na lus la sogs pa la yang / chos la bdag med par rtog pa'i phyir ro zhes bya ba smos te/ byang chub sems dpa' rnams la ni mi gtsang ba dang / sdug bsngal pa'i rnam pa lta bur bsgom pa nyid mi mthun pa'i phyogs yin te/ de bas na de'i gnyen por lus dang tshor ba la sogs pa ji ltar byis pa so so'i skye bos gzung ba dang / 'dzin pa'i rnam pa yid la byed pa bzhin du ma yin gyi/thams cad kyang nam mkha'i ngos bzhin du chos la bdag med pa'i rang bzhin du rtogs pas na gnyen po'i rnam pas khyad zhugs so/ /ji ltar na 'jug pa zhe na/ dran pa nye bar gzhag pa bzhi rnams kyis rim bzhin du sdug bsngal ba dang zhes bya ba la sogs pa la/ji ltar na 'jug pa'i rnam pas nyan thos la sogs pa las khyad zhugs she na/ 'di ltar lus dran pa nye bar gzhag pa bsgoms pas ni sdug bsngal gyi bden pa la 'jug ste/ lus kyi rang bzhin ji lta bu yin pa khong du chud nas lus 'di skye ba dang rga ba dang na ba dang 'chi ba la sogs pa'i sdug bsngal mang po dang ldan par rtogs par 'gyur bas sdug bsngal gyi bden pa la 'jug go//tshor ba dran pa nye bar gzhag pa bsgoms pas kun 'byung gi bden pa la 'jug par 'gyur te/ ji ltar na tshor ba bde ba myong ba ni 'dod chags bag la nyal bar 'gyur/ tshor ba sdug bsngal bar myong na ni zhe sdang bag la nyal bar 'gyur/tshor ba bde ba yang ma yin sdug bsngal ba yang ma yin pa myong na ni gti mug bag la nyal bar 'gyur te/ de ltar bag la nyal bar 'gyur ba de rnams kyis tshe phyi ma la len pa'i rgyu byed pas na kun 'byung gi bden pa la 'jug par 'gyur ro/ /sems dran pa nye bar gzhag pa bsgoms pas 'gog pa'i bden pa la 'jug par 'gyur te/ji lta zhe na/ 'di dag ni sems tsam du zad kyi bdag ces bya ba gang yang med kyi/ sems de skad cig ma ste/ rang skye zhing rang 'gag par mthong na/ 'gog pa'i bden pa'i dus na bdag ces bya ba med de/ 'chad par 'gyur ba'i 'jigs pa mi skye bas na 'gog pa'i bden pa la 'jug go/ /chos dran pa nye bar gzhag pa bsgoms pas lam gyi bden pa la 'jug ste/ ji lta zhe na/ 'dod chags la sogs pa ni kun nas nyon mongs pa'i chos yin te 'khor ba'i rgyu yin par mthong / dad pa la sogs pa ni rnam par byang ba'i chos yin te mya ngan las 'das pa'i rgyu yin par mthong nas dad pa la sogs pa'i chos la sgom par byed pas na lam gyi bden pa la 'jug go//bdag dang gzhan rnams 'jug par byed pa'i phyir te zhes bya ba la/ nyan thos rnams ni bdag nyid bden pa bzhi la 'jug par bya ba'i phyir dran pa nye bar gzhag pa sgom gyi byang chub sems dpa' rnams ni bdag dang gzhan gnyi ga bden pa bzhi la 'jug par bya ba'i phyir dran pa nye bar gzhag pa bzhi sgom par byed pas na 'jug pa khyad zhugs so//dbus dang mtha' rnam par 'byed pa las ji skad bshad pa bzhin no zhes bya ba la/dran pa nye bar gzhag pa bzhi bsgoms na bden pa bzhi la 'jug pa yang dbus dang mtha' rnam par 'byed pa las 'byung ba bzhin du blta ste/ dbus mtha' las ji skad 'byung zhe na/ lus ni gnas ngan len gyis yongs su bsgoms te/ de brtags na sdug bsngal gyi bden pa la 'jug go//de la gnas ngan len ni 'du byed kyi mtshan nyid yin pas/ gang gi phyir gnas ngan len rnams ni 'du byed kyi sdug bsngal gyis zag pa dang bcas pa thams cad sdug bsngal ba'o/ /tshor ba ni sred pa'i rgyu ste/ de brtags pas kun 'byung gi bden pa la 'jug go/ /sems ni bdag tu mngon par chags pa'i dngos po ste/de brtags na 'gog pa'i bden pa la 'jug pa ste/ bdag chad par 'jigs pa dang bral ba'i phyir ro/ /chos la brtags pas kun nas nyon mongs pa dang / rnam par byang ba'i chos la kun du gti mug med pas lam gyi bden pa la 'jug go//ji ltar dmigs she na/ sems can rnams kyi lus la sogs pa la dmigs pa'i phyir ro zhes bya ba la/ ji ltar dmigs pa'i rnam pas khyad zhugs she na/ nyan thos la sogs pa ni bdag gi lus dang tshor ba la sogs pa tsam zhig la dmigs shing sgom par byed kyi/ byang chub sems dpa' rnams ni bdag dang sems can thams cad kyi lus dang / tshor ba la sogs pa la dmigs par byed do/ /de bas na dmigs pa khyad zhugs so/ /de bas na 'phags pa blo gros mi zad pa'i mdo las kyang / ji ltar na byang chub sems dpa' lus la lus kyi rjes su lta zhing gnas she na/de bdag gi lus dang gzhan gyi lus la lus kyi rjes su lta zhing gnas te zhes bya ba la sogs pa gsungs so/ /ji ltar yid la byed pas she na/ lus la sogs pa la mi dmigs pa'o zhes bya ba la/ ji ltar yid la byed pa'i rnam pas khyad zhugs she na/ 'di ltar nyan thos dag ni lus la mi gtsang ba'i tshul du byed/ tshor ba la sdug bsngal bar yid la byed/ sems mi rtag par yid la byed/ chos la bdag med par yid la byed do/ /byang chub sems dpa' lus la sogs pa thams cad mi gtsang ba la sogs pa'i rnam pa yid la mi byed kyi/thams cad kyang nam mkha'i ngos bzhin du dmigs su med pa nyid du yid la byed pa'i phyir/ yid la byed pa'i khyad zhugs so/ /ji ltar thob pa zhe na/ lus la sogs pa dang bral ba yang ma yin ma bral ba yang ma yin pa'i phyir ro zhes bya ba la/ ji ltar thob par khyad zhugs she na/nyan thos la sogs pa ni lus dang tshor ba la sogs pa dang bral bar bya ba'i phyir sgom gyi/ byang chub sems dpa' rnams ni bral bar bya ba'i phyir sgom pa yang ma yin te/ mi 'bral bar bya ba'i phyir sgom pa yang ma yin pas thob pa'i rnam pas khyad zhugs so//ji ltar 'bral ba yang ma yin zhe na/ de bzhin gshegs pa'i sku gsum dang mi 'bral zhing de thob par bya ba'i phyir bsgoms pas 'bral ba yang ma yin no/ /ji ltar mi 'bral ba yang ma yin zhe na/ las dang nyon mongs pas bskyed pa'i lus dang bral bar bya ba'i phyir bsgoms pas mi 'bral ba yang ma yin no//yang na sku gsum thob par bya ba'i phyir lus 'di dang yang bral bar mi byed de/ lus la brten nas sku gsum dgos pas na'o zhes bya ba la mi 'bral ba yang ma yin te/ lus dang nyon mongs pas bskyed pa'i lus sdug bsngal ba'i rang bzhin dbu ba'i gong bu lta bu 'di la chags par byas na so so'i skye bo bzhin du rtag tu 'khor bar gnas par 'gyur ba'i phyir/lus 'di ni 'di dang 'bral bar yang byed do/ /de bas na 'phags pa blo gros mi zad pa'i mdo las kyang / lus kyi sngon gyi mtha' la yang rtog /lus kyi phyi ma'i mtha' la yang rtog ces bya ba nas/lus 'di la bdag gir mi bya'i bdag lus snying po med pa 'di la snying po mngon par 'tshang rgya bar bya'o/ /'di lta ste/ snying po gang zhe na/ gang 'di de bzhin gshegs pa'i sku/ chos kyi sku/ rdo rje'i sku/ mi shigs pa'i sku/ brtan pa'i sku/khams gsum thams cad las bye brag tu 'phags pa'i sku de bdag gis bsgrub par bya'o/ /bdag gi lus nyes pa du ma'i skyon chags mod kyi/ de bzhin gshegs pa'i sku nyes pa thams cad dang bral ba rab tu thob par bya'o/ /des legs pa mthong bas na so sor rtog pa'i stobs kyis 'byung ba chen po'i gnas kyi lus la spyod do zhes bya ba la sogs pa gsungs so//ji ltar na rjes su mthun zhe na/ pha rol tu phyin pa dang rjes su mthun pas zhes bya ba la sogs pa la/ ji ltar na rjes su mthun pa'i rnam pas khyad zhugs she na/ byang chub sems dpa' lus la sogs pa dran pa nye bar gzhag pa bsgoms pa dang /pha rol tu phyin pa drug gi mi mthun pa'i phyogs ser sna la sogs pa spong ba'i gnyen por 'gyur bas pha rol tu phyin pa drug dang rjes su mthun par 'gyur te/ ji lta zhe na/ lus dang tshor ba la sogs pa sgyu ma dang smig rgyu lta bur yang dag pa ma yin zhing stong par mthong na phyi nang gi dngos po la chags pa mi skye'o//chags pa ma skyes na phyi nang gi dngos po gtong bar byed pas sbyin pa dang mthun no/ /phyi nang gi dngos po gtong bar nus na tshul khrims yang dag par len pas tshul khrims dang mthun no//tshul khrims la gnas pa rnams ni rdeg pa la slar mi rdeg pa dang / gshe ba la slar mi gshe bas bzod pa grub pa'i phyir bzod pa dang rjes su mthun no/ /bzod pa la gnas pa rnams ni grang ba dang tsha ba byung yang dge ba byed pa mi gtong bas brtson 'grus grub pa'i phyir brtson 'grus dang rjes su mthun no//brtson 'grus la gnas pa rnams ni lus la sogs pa la mi rtag pa dang / stong pa yin par khong du chud cing de la yang rtse gcig tu sgom par byed pas ting nge 'dzin dang shes rab dang rjes su mthun pa yin no/ /ji ltar rjes su 'jug pa zhe na/'jig rten pa dang nyan thos dang / /zhes bya ba la sogs pa la/ rjes su 'jug pa'i rnam pas ji ltar nyan thos la sogs pa las khyad zhugs she na/ dran pa nye bar gzhag pa bzhi la 'jig rten pa dag kyang bsgoms/ nyan thos dang rang sangs rgyas kyang bsgoms te/mdo las/ 'jig rten pa dang / nyan thos dang / rang sangs rgyas kyi dran pa nye bar gzhag pa ji ltar bsgom pa bstan pa ltar/ byang chub sems dpas kyang de ltar bsgoms te/ ci'i phyir de dag gi dran pa nye bar gzhag pa sgom zhe na/ 'jig rten pa'i dran pa nye bar gzhag pa'i bsgom pa'i lung 'dod pa dang /nyan thos dang / rang sangs rgyas kyi dran pa nye bar gzhag pa bsgom pa'i lung 'dod pa rnams la de dag gi lung bstan cing sgom pa'i phyir/ de dag dran pa nye bar gzhag pa la sgom par byed de/ de bas na rjes su 'jug pa'i rnam pas khyad zhugs so//ji ltar shes she na/ lus sgyu ma lta bur shes pas zhes bya ba la sogs pa la/ ji ltar shes pa'i rnam pas khyad zhugs she na/ lus ni sgyu ma lta bur shes te/ ji lta zhe na/ ji ltar sgyu ma'i rta dang glang po'i gzugs su med kyang rta dang glang po'i gzugs 'dra ba yang dag pa ma yin par snang ba de bzhin du gzugs kyi phung po de yang ji ltar snang ba de bzhin du yod pa ma yin yang yod pa 'dra ba yang dag pa ma yin par snang bas na sgyu ma lta bu'o//tshor ba rmi lam lta bur shes pas de bzhin du log pas rjes su myong ba dang zhes bya ba la/ tshor ba ni rmi lam lta bur shes te/dper na rmi lam gyi dus na dgra la sogs pa mthong nas 'jigs pa dang sdug bsngal skyes pa dang / mdza' ba la sogs pa mthong nas dga' ba dang bde ba skyes shing myong ba dag yod pa ma yin yang rjes su myong ba de bzhin du/ tshor ba bde ba dang sdug bsngal dang bde ba yang ma yin sdug bsngal ba yang ma yin pa dag /yod pa ma yin yang myong bas na rmi lam lta bur shes so/ /sems kyi rang bzhin gsal bar shes pas nam mkha' bzhin dang zhes bya ba la/ sems kyi rang bzhin 'di'i skabs su gzhan dbang gi sems la mi bya'i/ sems kyi chos nyid yongs su grub pa'i mtshan nyid la bya ste/dper na nam mkha' rang bzhin gyis gsal zhing dag pa bzhin du/ yongs su grub pa'i mtshan nyid kyang rang bzhin gyis 'od gsal zhing dag par shes so/ /chos rnams glo bur du byung bar shes pas nam mkha' la rdul dang zhes bya ba la sogs pa la/'dod chags la sogs pa kun nas nyon mongs pa'i chos dang / dad pa la sogs pa rnam par byang ba'i chos rnams ni glo bur du byung bar shes te/ dper na nam mkha' la sprin dang du ba dang khug rna la sogs pa snang ba nam mkha'i rang bzhin ma yin gyi/ brnyan ma glo bur du byung ba yin pa de bzhin du/sems la kun nas nyon mongs pa'i chos dang / rnam par byang ba'i chos byung ba de dag kyang sems kyi rang bzhin ma yin gyi/ brnyan ma glo bur du byung ba yin par shes so/ /ji ltar skye bas she na/ bsams bzhin du srid par skye ba na zhes bya ba la sogs pa la/ji ltar skye ba'i rnam pas khyad zhugs she na/ so so'i skye bo bzhin du las dang nyon mongs pa'i dbang gis ni mi skye'o/ /dgos pa'i dbang gis sems can gyi don du bsams bzhin du srid par skye ba 'khor los sgyur ba dang / brgya byin dang / tshangs pa la sogs par skyes pa'i lus phun sum tshogs pa dang /tshor ba bde ba myong bar 'gyur ba'i rgyu longs spyod phun sum tshogs pa dang ldan yang / 'dod chags dang zhe sdang la sogs pa'i nyon mongs pa'i chos mi skye ste/ nyon mongs pas mi gos pas na skye ba'i rnam pas khyad zhugs so/ /ji ltar chad ce na/rang bzhin gyis dbang po rno ba'i phyir zhes bya ba la sogs pa la/ ji ltar tshad kyi rnam pas khyad zhugs she na/ 'di ltar byang chub sems dpa' ni rang bzhin gyis dbang po rno ba yin pas yun thung ngu sgom zhing so so skye bo'i dus na bsgoms pas/ 'phags pa'i dus na thob pa'i sgom pa ma yin pas/sgom pa chung yang nyan thos dang rang sangs rgyas kyis dran pa nye bar gzhag pa bsgom pa bas khyad zhugs par 'phags te/ ci'i phyir zhe na/ bdag dang gzhan gyi don du bsgom pa dang gang zag dang chos la bdag med pa'i rnam par bsgom pa'i phyir tshad kyi rnam pas khyad zhugs so//ji ltar mchog ce na/ yongs su rdzogs pa rnams zhes bya ba la sogs pa la/ ji ltar mchog gi rnam pas khyad zhugs she na/ sa brgyad pa la dran pa nye bar gzhag pa bzhi bsgom pa yongs su rdzogs te/ brtsal 'bad med par lhun gyis grub par bsgoms pas na 'dres pa dang nye bar 'dres pa'i rnam pas bsgoms pas mchog gi rnam pas khyad zhugs so//de la sa brgyad pa la zhugs pa'i byang chub sems dpa' rnams gcig gis dran pa nye bar gzhag pa bzhi bsgoms na gzhan gyis kyang bsgoms pa yin la/gzhan gyis bsgoms pa yang bdag gis bsgoms pa yin pas/ 'dres pa dang nye bar 'dres pa zhes bya'o/ /yang na sa bdun pa las dang por sa brgyad pa thob pa'i skad cig ma la ni 'dres pa zhes bya'o/ /de nas sa brgyad pa'i skad cig ma gnyis pa nas brtsams te/ sa dgu pa la ma zhugs kyi bar la ni nye bar 'dres pa zhes bya'o//ji ltar bsgom pa dang shin tu bsgom pa'i phyir zhes bya ba la sogs pa la/ ji ltar sgom pa'i rnam pas khyad zhugs she na/ byang chub sems dpa' rnams ni dran pa nye bar gzhag pa bzhi shes rab kyi khyad par dang snying rje'i khyad par gyis zin par bsgoms pas na phung po'i lhag ma ma lus pa'i mya ngan las 'das kyang dran pa nye bar gzhag pa bsgom pa mi zad pas na sgom pa'i rnam pas khyad zhugs pa'o//de la shes rab kyi khyad par ni gang zag dang chos bdag med par khong du chud pa'i phyir ro/ /snying rje'i khyad par ni sems can yongs su mi gtong ba'i snying rje dang ldan pa'i phyir ro//ji ltar thob pa zhe na/ sa bcu dang / sangs rgyas kyis grub pa'i phyir ro zhes bya ba la/ nyan thos rnams kyis dran pa nye bar gzhag pa bzhi bsgoms pas ni rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa'i 'bras bu thob kyi/ byang chub sems dpa' rnams kyis dran pa nye bar gzhag pa bsgoms pas ni sa bcu thob pa dang / sangs rgyas kyis thob ste/ de bas na thob pa'i rnam pas khyad zhugs so/ /yang dag par spong ba rnam par dbye ba la tshigs su bcad pa lnga ste zhes bya ba la/ dran pa nye bar gzhag pa'i skabs bshad pa'i 'og tu yang dag par spong ba'i skabs bshad par 'brel ba ci yod ce na/ dran pa nye bar gzhag pa'i bsgom pa la gnas pa ste/ dran pa nye bar gzhag pa bsgoms pas thob par bya ba'i bar du gcod pa'i sgrib pa yod pas sgrib pa de bsal bar bya ba'i gnyen por yang dag par spong ba bsgom ste/de bas na dran pa nye bar gzhag pa'i 'og tu yang dag par spong ba'i skabs bshad par 'brel to/ /brtan pa'i yang dag spong ba ni/ /lus can kun dang mnyam pa min/ /zhes bya ba la/ yang dag pa'i spong ba ni rnam pa bzhi ste/ sdig pa mi dge ba'i chos ma skyes pa mi skyed pa dang / sdig pa mi dge ba'i chos skyes pa spang ba dang / dge ba'i chos ma skyes pa bskyed pa dang / dge ba'i chos skyes pa 'phel bar bya ba'o/ /de la bstan pa byang chub sems dpa' rnams kyis yang dag par spong ba bzhi'i bsgom pa ni bdag dang sems can thams cad kyi don du bsgoms pas nyan thos dang rang sangs rgyas kyi yang dag par spong ba bzhi bsgom pa las kyang khyad zhugs pas na/lus can kun dang mnyam pa ma yin pa zhes bya'o/ /dran pa nye bar gzhag nyes pa'i/ /gnyen po shin du sgom par byed/ / ces bya ba la/ byang chub sems dpa' rnams yang dag pa'i spong ba bzhi sgom pa ni dran pa nye bar gzhag pa bzhi bsgom pa la nyes pa dang skyon yod pa rnams spang bar bya ba'i phyir gnyen po bsgom ste/ dran pa nye bar gzhag pa'i nyes pa ni gong du theg pa chen po'i chos nyan pa dang sems pa dang bsgom pa'i shes rab rten du bshad pa la/theg pa chen po'i chos mi nyan mi sems mi sgom pa ni nyes pa'o/ /de bzhin du thob pa'i rnam pa las bcu dang sangs rgyas kyi sa ma thob na sgrib pa'o zhes bya bar sbyar te/ tshigs bcad 'dis ni yang dag par spong ba'i don gyi phyir bshad pa'am/mdor bsdus te bshad pa'o/ /dran pa nye bar gzhag pa ji snyed du bshad pa de dag gi zhes bya ba la sogs pa la/ dran pa nye bar gzhag pa la brten pa la sogs pa rnam pa bcu bzhir bshad pa de dag gi mi mthun pa'i phyogs ji snyed yod pa de dag spang ba'i phyir de'i gnyen por yang dag par spong ba bsgom mo//rab tu dbye ba ni zhes bya ba la/ yang dag par spong ba bzhi mdor bstan nas de yang dag pa'i spong ba phye ste bstan na zhes bya ba'i don to/ /'khor ba la ni longs spyod dang / /zhes bya ba la/ byang chub sems dpa' sems can gyi don du 'khor ba na brgya byin dang tshangs pa la sogs pa'i lus blangs nas longs spyod phun sum tshogs pa myong ba'i dus na 'dod chags la sogs pa'i nyon mongs pas mi gos shing nyon mongs pa'i dbang du mi 'gyur bar bya ba'i phyir yang dag par spong ba bzhi bsgom mo zhes bya ba'i don to//sgrib pa dag ni gtong ba dang / /zhes bya ba la/ gtong ba ni spong ba la bya ste/ sgrib pa lnga spang bar bya ba'i phyir yang dag par spong ba bzhi bsgom mo zhes bya ba'i don to/ /sgrib pa lnga ni 'dod pa'i 'dod chags dang / gnod sems dang / gnyid dang rmugs pa dang /rgod pa dang / 'gyod pa dang / the tshom mo/ /yid la byed pa gtong ba dang / /zhes bya ba la/ 'dir yang gtong ba'i sgras spong ba la bya ste/ theg pa chen po'i don yid la mi byed kyi/ nyan thos dang rang sangs rgyas kyi yid la byed pa spang ba'i phyir/ yang dag par spong ba bzhi bsgom mo zhes bya ba'i don to//sa nyid la ni 'jug pa dang / /zhes bya ba la/ mos pas spyod pa'i sa nas sa dang po la 'jug par bya ba la sgrib par 'gyur ba'i chos spong bar bya ba'i phyir/ yang dag par spong ba bzhi bsgom mo zhes bya ba'i don to/ /mtshan ma med par gnas pa dang //zhes bya ba la/ mtshan ma med pa ni sa bdun pa ste/ sa gnyis pa nas sa drug pa man chad la gnas te/ sa bdun pa thob par bya zhing sa bdun pa la gnas par bya ba la bar du gcod pa'i nyes pa spong bar bya ba'i phyir yang dag par spong ba bsgom mo zhes bya ba'i don to/ / lung bstan pa yang thob pa dang / /zhes bya ba la/ lung bstan pa ni sa brgyad pa ste/ sa brgyad pa thob par bya ba'i phyir/ sa brgyad pa thob par bya ba la bar du gcod pa'i nyes pa spang bar bya ba'i phyir yang dag pa'i spong ba bsgom mo zhes bya ba'i don to/ /sems can yongs su smin byed dang //zhes bya ba la/ sems can yongs su smin byed pa ni sa dgu pa ste/ sa dgu pa'i tshe so so yang dag par rig pa bzhi thob pas sems can la chos bstan pa'i sgo nas sems can yongs su smin par byed pa'i phyir/ sa dgu pa thob par bya ba la bar du gcod pa'i sgrib pa spang bar bya ba'i phyir yang dag pa'i spong ba bzhi bsgom mo//blo ldan rnams kyi dbang bskur dang / /zhes bya ba la/ byang chub sems dpa' rnams rgyal tshab tu dbang bskur ba thob pa la ni sa bcu pa rnams te/ sa bcu thob par bya ba la sgrib pa spang bar bya ba'i phyir yang dag par spong ba bzhi bsgom mo zhes bya ba'i don to//zhing rnams rnam par sbyong ba'i phyir/ /zhes bya ba la/ sa brgyad pa dang dgu pa dang bcu pa nyid la sangs rgyas kyi zhing sa gzhi shel la sogs pa'i kha dog lta bur yongs su sbyong bar byed de/ sa gsum la sangs rgyas kyi zhing yongs su sbyong bar bya ba la bar du gcod pa'i sgrib pa spang bar bya ba'i phyir yang dag pa'i spong ba bzhi bsgom mo zhes bya ba'i don to//mthar ni thug par 'gro ba dang / /zhes bya ba la/ mthar thug par 'gro ba'i sa ni sa bcu gcig pa sangs rgyas kyi sa ste/ sangs rgyas kyis thob par bya ba la bar du gcod pa'i sgrib pa spang bar bya ba'i phyir yang dag pa'i spong ba bzhi bsgom mo zhes bya ba'i don to//byang chub sems dpa' bsgom pa ni/ /mi mthun phyogs kyi gnyen po'o/ /zhes bya ba la/ byang chub sems dpa' rnams yang dag pa'i spong ba bzhi bsgom pa ni 'khor ba na longs spyod pa nas brtsams te/mthar thug pa'i 'gro ba dag la sgrib pa mi mthun pa'i phyogs spong ba'i phyir bsgom mo zhes bya ba'i don to/ /'di dag ni yang dag pa'i spong ba bzhi bsgom pa'i rab tu dbye ba'o/ /dad la brten nas rnal 'byor bsgom/ /mtshan ma dang ni bcas pa'o//yang dag spong ba thams cad la/ /gnyen po gang du bshad pa yin/ /zhes bya ba'i tshigs su bcad pa 'dis yang dag pa'i spong ba bzhi bsgom pa bstan te/ de la dad pa la brten cing gnas nas zhi gnas dang lhag mthong bsgom pa ni rnal 'byor bsgom pa zhes bya'o//zhi gnas dang lhag mthong bsgom pa yang zhi gnas kyi mtshan ma dang / gzengs bstod pa'i mtshan ma dang / btang snyoms kyi mtshan ma dang bcas par bsgoms te/ de ltar bsgom pa ni gong du yang dag pa'i spong ba rab tu dbye ba la bar du gcod pa thams cad kyi gnyen po yin par bshad do//'dis ni dad pa bskyed pa dang / /rtsol ba dang zhes bya ba la sogs pa la/ dad la brten nas rnal 'byor bsgom/ /zhes bya ba la sogs tshigs su bcad pa gcig gis mdo sde las dad pa bskyed pa dang / rtsol ba dang brtson 'grus rtsom pa dang /sems rab tu 'dzin cing / yang dag par 'jog ces bya ba'i tshig lnga'i don 'chad de de la dad pa bskyed pa ni brtson 'grus kyi gzhi'o/ /rtsol ba dang brtson 'grus rtsom pa dang / rab tu 'dzin pa dang / yang dag par 'jog pa bzhi ni brtson 'grus kyi rang bzhin no//dad pa la brten nas zhi gnas dang lhag mthong zhes bya ba la sogs pa la/ 'di ltar sdig pa mi dge ba'i chos ma skyes pa mi bskyed pa dang / skyes pa spang ba dang / dge ba ma skyes pa bskyed pa dang / skyes pa spel bar 'dod pa'i mos pa la brten nas/ rnal 'byor pas nyon mongs pa spang bar bya ba'i phyir/dang por zhi gnas dang lhag mthong zhes bya ba'i rnal 'byor bsgom pa ni rtsol ba zhes bya ba'o/ /bsgom pa de dang zhi gnas dang gzengs bstod pa dang zhes bya ba la sogs pa la/ zhi gnas dang lhag mthong bsgom pa la yang zhi gnas dang lhag mthong bsgom pa 'ba' zhig bsgom par ma zad kyi/zhi gnas dang lhag mthong gi rgyu zhi gnas kyi mtshan ma dang / gzengs bstod pa'i mtshan ma dang / gtang snyoms kyi mtshan ma dang bcas par bsgoms te/ de ltar bsgom pa ni mtshan ma dang bcas pa zhes bya ba'o/ /ji ltar bsgom par bya zhe na/gang nye ba'i nyon mongs pa zhum pa dang rgod pa'i gnyen por zhes bya ba la sogs pa la/ ji ltar na zhi gnas dang / gzengs bstod pa dang / btang snyoms kyi mtshan ma dang bcas par bsgom pa ni nye ba'i nyon mongs pa zhum pa dang rgod pa dag 'byung zhing bar du gcod de/nam gnyid dang rmugs pa la sogs pas sems non na zhum par 'gyur ba de na de bzhin gshegs pa'i yon tan nam/ bsam gtan gyi 'bras bu dag yid la byed pa'i gzengs bstod pa'i mtshan ma yid la byas nas sems spro ba bskyed par bya'o/ /nam 'dod pa'i yon tan dag la sems 'phros nas g.yeng bar 'gyur na/'khor ba'i skyon skye rga na 'chi ba la sogs pa yid la byed pa zhi gnas kyi mtshan ma yid la byas nas/ sems gzhil bar bya ste/ de ltar byed pa ni brtson 'grus rtsom pa zhes bya'o/ /ji ltar rtsom zhe na/ sems rab tu 'dzin pa dang /yang dag par 'jog pa ste zhes bya ba la zhum pa dang rgod pa'i gnyen po zhi gnas kyi mtshan ma dang lhag mthong gi mtshan ma la brtson 'grus rtsom pa yang ji ltar brtson zhe na/ sems rab tu 'dzin pa dang / yang dag par 'jog pa'i tshul du brtson 'grus rtsom ste//de la zhum pa dang rgod pa gnyis spangs nas/ sems mnyam pa nyid thob pas ni sems rab tu 'dzin pa zhes bya'o/ /de'i 'og tu sems mi bskyod pa btang snyoms nyid du 'jog pa ni yang dag par 'jog pa zhes bya'o/ /ji skad du bshad pa'i rnal 'byor du bsgom pa 'di dag ni zhes bya ba la/dad pa bskyed pa dang / rtsol ba la sogs pa rnam pa lnga'i tshul du bsgom pa de dag ni gong du yang dag pa'i spong ba rab tu dbye ba bshad pa la/ bar du gcod pa'i gnyen po yin par bshad do/ /rdzu 'phrul gyi rkang pa rnam par dbye ba la tshigs su bcad pa lnga ste zhes bya ba la/yang dag pa'i spong ba'i skabs kyi rjes la rdzu 'phrul gyi rkang pa'i skabs bshad pa 'brel ba ci yod ce na/ de ltar sdig pa mi dge ba'i chos ma skyes pa mi bskyed pa dang / skyes pa spang ba dang / dge ba'i chos ma skyes pa bskyed pa dang / skyes pa 'phel bar bya ba'i phyir/brtson 'grus brtsams pa'i sdig pa'i chos la sems mi 'jug pa'i ting nge 'dzin thob ste/ de bas na yang dag pa'i spong ba'i 'og tu rdzu 'phrul gyi rkang pa'i skabs bshad par 'brel to/ /de la rdzu 'phrul ni nam mkha' la 'phur ba la sogs pa ste/ de thob par byed pa'i rgyu mos pa la sogs pa bzhi la rdzu 'phrul gyi rkang pa zhes bya ste/rkang pa ni rgyu la bya'o/ /yang na gang zag gang la rkang pa yod pa des gang du bgrod par bya ba'i gnas su phyin par byed pa de bzhin du gang la mos pa la sogs pa'i chos bzhi yod pa de 'jig rten las 'das pa'i chos thob par 'gyur bas na rdzu 'phrul gyi rkang pa zhes bya'o//rdzu 'phrul gyi rkang pa rnam par dbye ba yang tshigs su bcad pa lngas ston to/ /rdzu 'phrul gyi rkang pa bzhi rnams ni/ brtan pa rnams kyi mtshan nyid mchog /ces bya ba la/ nyan thos dang rang sangs rgyas la sogs pa'i rdzu 'phrul gyi rkang pa bzhi pas brten pa byang chub sems dpa' rnams kyi mos pa dang /brtson 'grus dang / sems pa dang / dpyod pa'i rdzu 'phrul gyi rkang pa'i mtshan nyid mchog yin te/ de dag pas khyad zhugs so zhes bya ba'i don to/ /ji ltar mchog yin zhe na/de'i phyir/ bdag dang gzhan dag rnams kyi yang / /don rnams thams cad 'grub 'gyur ba/ /zhes bya ba smos te/ nyan thos dang rang sangs rgyas kyi sa rnams kyis rdzu 'phrul gyi rkang pa bsgom pa ni bdag gi don bsgrub par bya ba'i phyir bsgom gyi/ byang chub sems dpa' rnams kyis rdzu 'phrul gyi rkang pa bsgom pa ni bdag dang gzhan gnyi ga'i don thams cad 'grub par bya ba'i phyir bsgom ste/de bas na nyan thos la sogs pa bas 'phags so/ /don thams cad ni 'jig rten gyi don dang / 'jig rten las 'das pa'i don te/ 'jig rten gyi don ni brgya byin dang tshangs pa la sogs pa'i 'byor pa 'thob pa'o//'jig rten las 'das pa'i don ni byang chub rnam pa gsum 'thob pa'o/ /rten dang rab tu dbye ba dang / /thabs dang mngon par bsgrub pa yis/ /blo ldan rdzu 'phrul rkang pa rnams/ /thams cad rnam par gzhag par 'dod//ces bya ba la/ blo ldan byang chub sems dpa' rnams kyi mos pa dang / brtson 'grus dang / sems pa dang / dpyod pa'i rdzu 'phrul gyi rkang pa thams cad ni rnam pa bzhi ltar rnam par gzhag cing / rnam pa bzhi lta bur 'dod de/ rnam pa bzhi ni rten dang / rab tu dbye ba dang /thabs dang / mngon par bsgrub pa'o/ /tshigs su bcad pa 'dis ni rdzu 'phrul gyi rkang pa rnam par gzhag pa'i don mdor bstan te/ tshigs su bcad pa lhag ma rnams kyis ni de'i don zhib tu bshad do/ /bsam gtan pha rol phyin la gnas/ /zhes bya ba la/ 'dis ni rten bstan te/ rdzu 'phrul gyi rkang pa bzhi'i gnas dang / rten ni gzugs kyi khams kyi bsam gtan dang po dang / gnyis pa dang / gsum pa dang / bzhi pa yin te/ de bas na/ bsam gtan pha rol phyin la gnas/ /zhes bya'o/ /de'i phyir 'phags pa blo gros mi zad pa'i mdo las kyang /gzhan yang btsun pa sha ra dwa ti'i bu/ byang chub sems dpa'i rdzu 'phrul gyi rkang pa bzhi mi zad pa ste/ bzhi gang zhe na/ 'di lta ste/ mos pa dang / brtson 'grus dang / sems pa dang / dpyod pa dang / de dag gi rtsa ba'i rten dang gnas ni byams pa dang / snying rje dang dga' ba dang btang snyoms dang tshad med pa bzhi rnams te/ de tshad med pa bzhi po de dag la bsnyen cing bsgoms te mang du byas pas sems las su rung ba thob par 'gyur ro/ /de sems las su rung ba thob pas bsam gtan dang po la sems mnyam par gzhag go//de bzhin du gnyis pa dang / gsum pa dang / de bzhin bzhi pa la sogs pa la yang mnyam par gzhag ste/ de bsam gtan thob pas lus dang sems yang 'thob par 'gyur ro/ /de lus dang sems yang ba dang ldan pas mngon par shes pa la 'jug pa la rab tu bsgrub po zhes bya ba la sogs pa gsungs so//rab tu dbye ba rnam pa bzhi zhes bya ba la/ rdzu 'phrul gyi rkang pa la phye na rnam pa bzhi ste/ mos pa'i ting nge 'dzin dang / brtson 'grus kyi ting nge 'dzin dang / sems kyi ting nge 'dzin dang / dpyod pa'i ting nge 'dzin to/ /de la chos thams cad stong pa nyid dang /bdag med par mos shing yid ches pa la brten nas spro zhing gus pa bskyed de/ brtson 'grus brtsams pa las sems rtse gcig tu gyur pa ni mos pa'i ting nge 'dzin ces bya'o/ /yang na sdig pa mi dge ba'i chos ma skyes pa mi bskyed pa dang / skyes pa spang ba dang /dge ba'i chos ma skyes pa bskyed pa dang / skyes pa spel bar bya bar 'dod pa dang mos pa bskyed nas/ gus par brtson 'grus brtsams pa las/ sems rtse gcig par gyur pa ni mos pa'i ting nge 'dzin ces bya'o/ /yang na sdig pa mi dge ba'i chos ma skyes pa mi bskyed pa dang /skyes pa spang ba dang / dge ba'i chos ma skyes pa bskyed pa dang / skyes pa spel bar bya ba'i phyir/ brtson 'grus su rgyun mi 'chad pa dang / rtag tu brtsams pa las sems rtse gcig tu gyur pa ni brtson 'grus kyi ting nge 'dzin zhes bya'o//sems ni zhi gnas la bya ste/ tshe snga ma la zhi gnas bsgoms pa'i bag chags sems la brlan pa las bag chags de la brten nas/ tshe 'dir 'bad pa chen po med par sems rtse gcig tu gyur pa ni sems kyi ting nge 'dzin zhes bya'o/ /dpyod pa ni lhag mthong la bya ste/ gang gzhan dag gis chos bstan pa rnams la shes rab kyi mtshan nyid rnam par dbye ba las/the tshom dang bral nas sems rtse gcig tu gyur pa ni dpyod pa'i ting nge 'dzin zhes bya'o/ /thabs dang mngon par bsgrub pa la rnam pa yang ni drug ces bya'o zhes bya ba la rdzu 'phrul gyi rkang pa bzhi bsgrub pa'i thabs ni rnam pa bzhi'o//mngon par bsgrub pa ste 'bras bu ni rnam pa drug go/ /dang po spro ba byed pa ste/ /zhes bya ba la/ thabs dang po ni spro ba byed pa'i thabs te spro ba byed pa'i thabs ni brtson 'grus la bya'o/ /gnyis pa phan 'dogs bdag nyid do/ /zhes bya ba la/thabs gnyis pa ni phan 'dogs par byed pa'i bdag nyid de/ lus dang sems la dag par byed pa'o/ /gsum pa 'jog par byed pa ste/ /zhes bya ba la/ thabs gsum pa ni 'jog par byed pa ste/ ting nge 'dzin la rtse gcig tu gnas pa'o/ /bzhi pa nyid ni gnyen po'o/ / zhes bya ba la/ thabs bzhi pa ni gnyen po'i mtshan nyid de/ nyon mongs pa dang nye ba'i nyon mongs pa spong bar byed pa'o/ /spong ba'i 'du byed rnam pa brgyad la zhes bya ba la sogs pa la/ rdzu 'phrul gyi rkang pa rnams kyi bar du gcod pa'i mi mthun pa'i phyogs spong bar byed pa'i gnyen por 'gyur ba spong ba'i 'du byed rnam pa brgyad yod do//mos pa dang / dad pa dang / rtsol ba dang / shin tu sbyangs pa dang / dran pa dang / shes bzhin dang / sems pa dang / btang snyoms so/ /de la mos pa dang / rtsol ba dang / dad pa gsum la ni spro ba'i thabs zhes bya'o//de ci'i phyir de gsum la spro ba'i thabs zhes bya zhe na/ de'i phyir/ dad par gyur na mos dang rtsol ba'i phyir ro/ /zhes smos te/ de la mya ngan las 'das pa ni thob par byar rung bar yid ches/ 'phags pa'i lam ni bsgrub par byar rung bar yid ches pa ni dad pa'o/ /de ltar yid ches pa'i dad pa yod na/mya ngan las 'das pa thob par bya ba dang / lam bsgrub par bya ba la 'dod pa skye ste/ de bas na mos pa'i rgyu ni dad pa yin no/ /de'i phyir gtsug lag gzhan dag las kyang / dad pa ni mos pa'i rten sbyin pa'i las can no zhes bshad do/ /de ltar mos pa ni 'gyur na mya ngan las 'das pa thob par bya ba dang /lam bsgom par bya ba'i phyir brtson 'grus rtsom ste/ de ltar brtson 'grus kyi rgyu ni mos pa'o/ /de'i phyir gtsug lag gzhan dag las kyang / mos pa ni brtson 'grus kyi gnas sbyin pa'i las can no zhes bshad do/ /de bas na de gsum ni spro ba'i thabs su gzhag go//shin tu sbyangs pa ni phan 'dogs pa'o zhes bya ba la/ shin tu sbyangs pa zhes bya ba ni lus dang sems las su rung ba la bya ste/ de ni phan 'dogs pa'i thabs so/ /ci'i phyir zhe na/ lus las su rung bas ni lus la phan 'dogs te/ lus zo mdog bde ba dang /yang na skyed par byed pa'i phyir ro/ /sems las su rung ba ni sems la phan 'dogs te/ sems ting nge 'dzin gyi yul la myur du 'jug pa dang / gnyid dang rmugs pa la sogs pas mi non par byed pa'i phyir ro/ /dran pa dang shes bzhin ni 'jog par byed pa ste zhes bya ba la/dran pa ni ting nge 'dzin la bya/ shes bzhin ni shes rab la bya ste/ de gnyis ni 'jog par byed pa'i thabs zhes bya'o/ /ci'i phyir de gnyis la 'jog par byed pa'i thabs zhes bya zhe na/ de'i phyir/ dang pos ni sems dmigs pa la mi g.yeng ba dang / gnyis pa ni g.yeng ba rab tu shes pa'i phyir ro zhes smos te/dang po ni zhi gnas kyi rang bzhin dran pa la bya ste/ des ni sems ting nge 'dzin gyi yul las sems gzugs la sogs pa'i yul la 'phros shing g.yengs pa las slar bsdus nas rtse gcig tu 'jog pas na 'jog pa'i thabs zhes bya'o//gnyis pa ni shes bzhin shes rab kyi rang bzhin te/ des sems yul la g.yeng bar gyur na g.yeng bar shes nas myur ba myur bar ldon par byed pas na 'jog par byed pa'i thabs so/ /sems pa dang btang snyoms ni gnyen po'i thabs te zhes bya ba la/ /sems pa dang btang snyoms gnyis la ni gnyen po'i thabs zhes bya ba ste/ci'i phyir zhe na/ sems pas ni zhum pa dang rgod pa'i nye ba'i nyon mongs pa gnyis kyi gnyen po byed/ btang snyoms kyis ni 'dod chags dang zhe sdang la sogs pa nyon mongs pa'i gnyen po byed do/ /sems zhum par gyur pa'i dus na ni sems pas de bzhin gshegs pa'i yon tan la sogs pa yid la byas nas sems gzengs bstod de/zhum pa sel bar byed do/ /nam sems rgod par gyur pa na 'khor ba'i skyon la sogs pa yid la byas nas sems zhi bar bya ste/ dge ba'i phyogs la 'jug par byed pas na/ sems pa ni nye ba'i nyon mongs pa gnyis kyi gnyen po'o//btang snyoms kyang 'dod chags la sogs pa nyon mongs pa'i gnyen po ste ji lta zhe na/ btang snyoms ni nyon mongs pa'i chos skye ba dang mi mthun pa yin pas/ ji srid du btang snyoms su gnas pa de srid du nyon mongs pa rnams sems la cung zad kyang mi 'byung ba'i phyir ro/ / lta ba dang ni lung nod 'dod dang zhes bya ba la sogs pa rdzu 'phrul gyi rkang pa bzhi 'bras bu drug mngon par sgrub pa drug gang yin pa ston te/ mngon par sgrub pa drug ni lta ba mngon par sgrub pa dang / lung nod pa mngon par sgrub pa dang / gnas pas rnam par rtsom pa mngon par sgrub pa dang / smon pa mngon par sgrub pa dang /dbang byed pa mngon par sgrub pa dang / chos thob pa mngon par sgrub pa'o/ /de la blta ba ni spyan rnam pa lnga ste zhes bya ba la/ spyan lnga blta ba zhes bya ste/ spyan lnga ni sha'i spyan la sogs pa'o/ /de la sha'i spyan ni byang chub sems dpa' rnams rdzu 'phrul gyi rkang pa bsgoms pa'i mthus mig 'di lta bu rnam par smin par 'gyur te/gang gis stong gsum gyi stong chen po'i 'jig rten gyi khams na yod pa'i gzugs che phra ci yod thams cad mthong ba'o/ /rdzu 'phrul gyi spyan ni bsam gtan dang po gnyis pa la sogs pa bsgoms pa las grub pa ste/ sha'i spyan bas khyad zhugs par gyur pas na gang gi phyogs bcu dus gsum gyi gzugs che phra thams cad mthong ba'o//'phags pa'i shes rab kyi spyan ni rnam par mi rtog pa'i ye shes so/ /chos kyi spyan ni mdo'i sde dang / lung du bstan pa'i sde la sogs pa gsung rab yan lag bcu gnyis kyi chos thams cad la thogs pa med par shes pa'o//sangs rgyas kyi spyan ni zag pa dang bcas pa dang / zag pa med pa dang / 'dus byas dang / 'dus ma byas la sogs pa'i chos thams cad thugs su chud pa'o/ /yang na sha'i spyan ni phyogs bcu'i 'jig rten mthar thug pa med pa na da ltar gyi dus kyi sems can gyi gzugs che phra ci yod pa thams cad la thogs pa med par gzigs te/de'i phyir mdo las kyang / de'i sha'i mig gis dpag tshad gcig tu mthong / dpag tshad brgya tshun chad du mthong / 'dzam bu'i gling thams cad du mthong / shin tu stong gsum gyi stong chen po'i 'jig rten gyi khams thams cad du mthong ngo zhes gsungs pa'o//de la rdzu 'phrul gyi spyan la yang rnam pa gnyis te/ las las skyes pa'i mig dang bsgoms pa'i 'bras bu dang gnyis so/ /de la las las skyes pa ni lha rnams kyi mig ste/ rang gi las kyi shin tu dbang po dang mi'i mig thob na/gzugs dag la thogs pa med par mngon pa'o/ /bsgoms pa'i 'bras bu ni rnal 'byor byed pas ting nge 'dzin bsgoms pa'i mthus lha'i mig thob pa ste/ des ni sems can de dag gi thog ma med pa'i dus kyi gnas gzigs pa ste/ sems can de dag de nas shi 'phos nas 'dir skyes so//de nas kyang shi 'phos nas 'dir skyes so/ /zhes bya ba'i tshul du da ltar gyi dus la thug gi bar du gzigs pa dang / rdzu 'phrul gyi spyan gyis ni 'das pa dang / ma 'ongs pa'i gzugs gzigs so/ /de la 'phags pa'i shes rab kyi spyan gyis ni chos rnams kyi rang dang spyi'i mtshan nyid rnams phyin ci ma log par thugs su chud do//de la chos kyi spyan zhes bya ba la chos kyi sgras ni gang zag la bya ste/ so so'i skye bo'i gang zag dang / rgyun du zhugs pa la sogs pa'i gang zag brgyad dang / sa dang po nas sa bcu man chad kyi byang chub sems dpa'i gang zag rnams kyi sems rgyud ci 'dra ba dang /gang zag la phye na rnam pa du yod pa mkhyen pa ni chos kyi spyan zhes bya'o/ /shes par bya ba'i yul shes pa'i dkyil 'khor thams cad mngon sum du mthong ba ni sangs rgyas kyi spyan yin no/ /yang na spyan rnam pa lnga rnam pa bzhir gzhag ste/gzugs mthong ba dang / don dam pa'i chos mthong ba dang / kun rdzob kyi chos mthong ba dang / shes bya thams cad khong du chud pa'o/ /de la gzugs mthong ba rnam pa gnyis te/ las kyi rnam par smin pa las byung ba dang / bsam gtan gyi 'bras bu'o//las kyi rnam par smin pa las grub pa'i mig la ni rdzu 'phrul gyi spyan zhes bya ste/ gang stong gsum gyi stong 'jig rten gyi khams gcig gi nang na yod pa'i gzugs kun mthong ngo / /bsam gtan gyi 'bras bu ni gzugs kyi khams kyi bsam gtan bzhi sgrub pa las thob pa ste/gang gi phyogs bcu'i 'jig rten gyi khams thams cad na yod pa'i gzugs kun mthong ba ste/ de la ni rdzu 'phrul gyi spyan zhes bya'o/ /gang gis don dam pa gang 'gag pa med pa'i chos mthong ba la ni shes rab kyi spyan zhes bya'o/ /gang gis kun rdzob kyi chos mthong ba la ni chos kyi spyan zhes bya'o//gang gis 'dus byas dang 'dus ma byas la sogs pa'i chos thams cad gzigs pa la ni sangs rgyas kyi spyan zhes bya'o/ /yang na sha'i spyan dang rdzu 'phrul gyi spyan ni sprul pa'i sku dang / longs spyod rdzogs pa'i sku la mnga' ste/ sha'i spyan gyis ni da ltar gyi gzugs thams cad mthong ngo //rdzu 'phrul gyi spyan gyis ni 'das pa dang / ma 'ongs pa'i gzugs thams cad mthong ngo / /bsam gtan bzhi dang / snyoms par 'jug pa bzhi dang / ting nge 'dzin rnams thugs su chud pa ni chos kyi spyan no/ /kun tu 'gro ba'i lam dang / las bdag gi dang /mos pa sna tshogs dang / khams sna tshogs mkhyen pa ni shes rab kyi spyan no/ /rdo rje lta bu'i ting nge 'dzin gyi 'og tu 'phags pa dgra bcom pa dang de bzhin gshegs pa rnams zag pa zad par bya ba mkhyen pa ni sangs rgyas kyi spyan no/ /lung nod pa ni mngon par shes pa ste/rim bzhin du de dag kyang skad dang zhes bya ba la sogs pa la/ bdag nyid de bzhin gshegs pa las lung nod pa dang / bdag gis mnos pa'i lung sems can la bstan pa yang / rdzu 'phrul gyi mngon par shes pa dang / rdzu 'phrul gyi mig dang / rdzu 'phrul gyi rna ba dang / gzhan gyi sems shes pa dang /sngon gyi gnas rjes su dran pa shes pa dang / 'chi 'pho shes pa dang / zag pa zad pa shes pa rnams kyis lung mnod cing gzhan la ston par byed pa'o/ /de yang rim bzhin du rdzu 'phrul gyi mngon par shes pas ni sangs rgyas kyi zhing sems can gyi gnas de dang de dag tu 'gro bar byed pa'o//rdzu 'phrul gyi mig gis ni de bzhin gshegs pa'i sku dang sems can gyi lus dag mthong ngo / /rdzu 'phrul gyi rna bas ni de bzhin gshegs pa'i gsung dang / sems can gyi skad sna tshogs thos so/ /gzhan gyi sems shes pas ni sems can ci dang ci sems pa rnams khong du chud do//sngon gyi gnas rjes su dran pas ni sems can dag 'das pa'i dus nas gang nas 'phos te gang nas gang du shi 'phos te gang du skyes pa mthong ngo / /'chi 'pho shes pas ni sems can dag 'di nas shi 'phos nas tshe rabs phyi mar gang nas gang du skyes pa mthong ba'o//zag pa zad pa'i mngon par shes pas ni bdag dang gzhan gyi sems kyi rgyud la nyon mongs pa yod pa zad par bya ba'i phyir de bzhin gshegs pa las kyang lung nod cing sems can la yang lung ston par byed do/ /gnas pas rnam par rtsen pa ni/ /zhes bya ba la sogs pa la/gnas pas rnam par rtsen pa mngon par bsgrub pa ni 'di ltar byang chub sems dpa' rnams rdzu 'phrul dang sprul pa rnam pa sna tshogs kyi mthus de bzhin gshegs pa'i 'khor gyi dkyil 'khor du ting nge 'dzin rnam pa du ma la 'jug pa dang ldan pas rol par byed pa'o/ / smon pa ni gang / smon pas shes pa'i smon pa'i mthus/ /zhes bya ba la sogs pa la/ smon pa mngon par sgrub pa ni gang smon lam gyi mthu las skyes pa'i ye shes te/ smon lam gyi mthu las skyes pa'i ye shes de'i dbang gis smon lam ji ltar btab pa bzhin du/ lha dang mi la sogs pa'i skye gnas de dang de dag tu ci dgar 'byung zhing sems can gyi don sna tshogs mdzad pas rol pa'o//de dag gi lus dang mthu dang sgra rnams zhes bya ba la sogs pa la/ smon lam gyi skye gnas de dang de dag tu skyes nas sems can gyi don mdzad pas rnam par rol pa ni sa bcu pa'i mdo las kyang /de dag gi lus dang mthu dang sgra rnams bgrang bar sla ba ma yin no zhes bya ba rgya cher gsungs te/ de dag gi zhes bya ba la smon lam gyi dbang gis skye gnas de dang de dag tu skyes pa'i byang chub sems dpa' de dang de dag gis zhes bya ba'i don te/de dag gi lus kyi yon tan dang / sems kyi mthu'i yon tan dang / sgra dbyangs kyi yon tan la sogs pa'i bde bar brjod du sla ba ma yin no zhes bya ba'i don to/ /dbang byed pa ni de nyid ji ltar dbang bcu bstan pa nyid do zhes bya ba la dbang mngon par sgrub pa ni sa bcu pa'i mdo nyid las ji ltar dbang bcu bshad pa rnams bsgrubs te/tshe la dbang ba dang / sems la dbang ba dang / yo byad la dbang ba dang / las la dbang ba dang / skye ba la dbang ba dang / mos pa la dbang ba dang / smon lam la dbang ba dang / rdzu 'phrul la dbang ba dang /ye shes la dbang ba dang / chos la dbang ba'o/ /de la tshe la dbang ba ni byang chub sems dpa' rdzu 'phrul gyi rkang pa bzhi bsgoms pa'i mthus tshe'i 'du byed byin gyi rlabs ji srid 'dod pa de srid du gnas pa'o/ /sems la dbang ba ni ji srid 'dod pa bzhin du theg pa chen po'i ting nge 'dzin dpag tu med pa la snyoms par 'jug pa'o//yo byad la dbang ba ni byin gyis brlabs nas nam mkha' la yo byad sna tshogs kyi char phab ste/ sems can rnams la phan 'dogs pa'o/ /las la dbang ba ni lus dang ngag gi las kyis sprul pa sna tshogs byed pa'am/khams dang / 'gro ba dang / skye gnas gzhan du skyes pa'i las dag byin gyis brlabs nas khams dang 'gro ba gzhan du skye bar byed pa'o/ /skye ba la dbang ba ni gzugs kyi khams kyi bsam gtan la gnas shing de yang yongs su ma nyams par sems can gyi don du 'dod pa'i khams su skye ba'o//mos pa la dbang ba ni sa la sogs pa chu la sogs par mos pas ni 'gyur ro/ /smon lam la dbang ba ni ji ltar 'dod pa bzhin du bdag dang gzhan gyi don phun sum tshogs par byed pa'i smon lam chen po grangs med pa mngon par bsgrub pa ste/ de yang ji ltar sa bcu'i mdo las/sa dang po la smon lam chen po bcu gsungs pa la sogs pa'o/ /rdzu 'phrul la dbang ba ni sems can rnams dad pa bskyed pa'i phyir/ 'bar ba dang 'phur ba la sogs pa'i rdzu 'phrul dang cho 'phrul dpag tu med pa ston pa'o/ /ye shes la dbang ba'i chos dang /don dang / nges pa'i tshig dang / spobs pa rnams rab kyi mthar phyin pa rnams thob pa'o/ /chos la dbang ba ni mdo sde la sogs pa'i chos rnams sems can thams cad la ming dang tshig dang yi ge'i tshogs sna tshogs kyis bshad nas sems tshim par byed pa'o/ /de la tshe la dbang ba dang /sems la dbang ba dang / yo byad la dbang ba dang gsum ni sbyin pa'i pha rol tu phyin pa yongs su rdzogs pa las thob ste/ mi 'jigs pa'i sbyin pas ni tshe la dbang ba thob pa'o/ /chos kyi sbyin pas ni sems la dbang ba thob pa'o/ /zang zing gi sbyin pas ni yo byad la dbang ba thob pa'o//las la dbang ba dang / skye ba la dbang ba gnyis ni tshul khrims kyi pha rol tu phyin pa yongs su rdzogs pa'i mthu las 'thob ste/ lus kyi las yongs su dag pas ni lus kyi sprul pa sna tshogs byed do/ /ngag gi las yongs su dag pas ni dag gi sprul pa rnam pa sna tshogs byed do//tshul khrims yongs su dag pas ni gang du skye bar 'dod pa der skye ba'i phyir ro/ /mos pa la dbang ba ni bzod pa'i pha rol tu phyin pa yongs su rdzogs pa'i mthu las 'thob ste/ bzod pas sems can gzhan gyi sems ma dkrugs shing yid dang mthun par byas pas gang dang gang ji ltar mos pa brgyad pa de bzhin du/de dang de dag de bzhin du 'grub par 'gyur ba'i phyir ro/ /smon lam la dbang ba ni brtson 'grus kyi pha rol tu phyin pa yongs su rdzogs pa'i mthu las 'grub ste/ brtson 'grus kyis sngon bdag dang gzhan gyi don 'grub pas phyis bdag dang gzhan gyi don 'grub par 'gyur bar ji ltar smon lam btab pa de bzhin du 'grub pa'i phyir ro//rdzu 'phrul la dbang ba ni bsam gtan gyi pha rol tu phyin pa yongs su rdzogs pa'i mthu las 'grub po/ /ye shes la dbang ba dang / chos la dbang ba ni shes rab kyi pha rol tu phyin pa yongs su rdzogs pa'i mthu las 'grub po//chos thob pa ni zhes bya ba la sogs pa la stobs bcu dang mi 'jigs pa bzhi dang ma 'dres pa bco brgyad kyi chos sgrub pa ni chos thob pa mngon par grub pa zhes bya'o/ /dbang po rnam par dbye ba la tshigs su bcad pa zhes bya ba la/rdzu 'phrul gyi rkang pa'i skabs bshad pa'i 'og tu dbang po'i skabs bshad par 'brel ba ci yod ce na de ltar rdzu 'phrul gyi rkang pa bsgoms pas sems rtse gcig tu gyur pa de de'i 'og tu 'jig rten las 'das pa'i chos rtogs par 'gyur ba'i dbang po lnga skye bar 'gyur te/ de bas na rdzu 'phrul gyi rkang pa'i 'og tu dbang po'i skabs bshad par 'brel to//de la dbang po ni lnga ste/ dad pa'i dbang po dang / brtson 'grus kyi dbang po dang / dran pa'i dbang po dang / ting nge 'dzin gyi dbang po dang / shes rab kyi dbang po'o/ /de la yod pa dang / yon tan can dang / nus pa'i dngos po la rim bzhin du yid ches pa dang /sems dad pa dang / mngon par 'dod pa ni dad pa'i dbang po zhes bya'o/ /las dang 'bras bu la sogs pa yod pa la ni yid ches pa'o/ /dkon mchog gsum la sogs pa yon tan can la ni sems dang ngo / /mya ngan las 'das pa ni bsgrub par nus/ 'phags pa'i lam ni bsgrub par nus pa la/ bsgrub pa dang bsgom pa la 'dod pa skye'o/ /yang na chos bzhi la dad pa ni dad pa'i dbang po zhes bya ste/ chos bzhi ni dge ba dang / mi dge ba dang / de'i 'bras bu dang / byang chub sems dpa'i spyod pa dang / gang zag dang chos la bdag med pa'i chos zab mo dang /stobs dang mi 'jigs pa la sogs pa'i rgya che ba'i chos so/ /de bas na 'phags pa blo gros mi zad pa'i mdo las kyang / de la dad pa'i dbang po gang zhe na/ dad pa gang gis chos bzhi la dad pa ste/ bzhi gang zhe na 'di lta ste/ 'khor ba la spyod pa'i 'jig rten pa'i yang dag pa'i lta ba la dad de/de las kyi rnam par smin pa'i phyir 'brang ba yin pas dge ba'am sdig pa'am las gang byas pa de dang de'i rnam par smin pa myong bar 'gyur ro snyam ste/ srog gi phyir yang sdig pa'i las mi byed pa dang / byang chub sems dpa'i spyod pa la dad pa la ste/ spyod pa de la zhugs nas kyang theg pa gzhan la 'dod pa skyed pa dang /chos thams cad la don dam par nges pa'i don zab mo rten cing 'brel ba ste/ 'byung ba bdag med pa sems can med pa/ srog med pa/ gso ba med pa/ gang zag med pa/ rnam par spyod cing stong pa nyid dang / mtshan ma med pa dang /smon pa med pa'i mtshan nyid du dad pa ste/ lta bar 'gyur ba thams cad bag la nyal bar mi byed pa dang / stobs dang mi 'jigs pa la sogs pa sangs rgyas kyi chos thams cad la dad pa ste/ dad pa'i phyir the tshom dang bral/ /nem nur dang bral bas sangs rgyas kyi chos de dag yang dag par bsgrub pa ste/'di ni dad pa'i dbang po zhes bya'o zhes gsungs so/ /yang dag par spong ba bzhi la gnas pa ni brtson 'grus kyi dbang po zhes bya'o/ /yang na dad pa'i dbang pos yid ches par bya ba'i chos de la brtson 'grus kyi dbang pos sgrub par byed de/ de bas na 'phags pa blo gros mi zad pa'i mdo las kyang /de la brtson 'grus kyi dbang po gang zhe na/ chos gang la dad pa'i dbang pos dad par gyur pa'i chos de dag brtson 'grus kyi dbang pos yang dag par bsgrubs te/ 'di ni brtson 'grus kyi dbang po zhes gsungs so/ /dran pa nye bar gzhag pa bzhi thob pa ni dran pa'i dbang po zhes bya'o//yang na brtson 'grus kyi dbang pos bsgrubs pa'i chos la dran pa'i dbang pos mi brjed par byed pa ni dran pa'i dbang po zhes bya'o/ /de bas na 'phags pa blo gros mi zad pa'i mdo las kyang / de la dran pa'i dbang po gang zhe na/ chos gang brtson 'grus kyi dbang pos yang dag par bsgrub pa'i chos de dag gi dran pa'i dbang pos chud mi gson te/'di ni dran pa'i dbang po zhes bya'o/ /gzugs kyi khams kyi bsam gtan bzhi dang / gzugs med pa'i snyoms par 'jug pa bzhi thob pa ni ting nge 'dzin gyi dbang po zhes bya'o//yang na ting nge 'dzin gyi dbang po ni dran pa'i dbang pos ma brjed par byas pa'i chos la rgyun du rtse gcig tu 'jog pa ste/ de bas na 'phags pa blo gros mi zad pa'i mdo las kyang / de la ting nge 'dzin gyi dbang po gang zhe na/ dran pa'i dbang pos chud mi gson pa'i chos de dag ting nge 'dzin gyi dbang pos sems rtse gcig tu byed de/'di ni ting nge 'dzin gyi dbang po zhes bya'o/ /'phags pa'i bden pa bzhi shes pa ni shes rab kyi dbang po zhes bya'o/ /yang na ting nge 'dzin gyi dbang pos rtse gcig tu gzhag pa'i chos kyi rang dang spyi'i mtshan nyid shes pa ni shes rab kyi dbang po'o//de bas na 'phags pa blo gros mi zad pa'i mdo las kyang / de la shes rab kyi dbang po gang zhe na/ chos gang ting nge 'dzin gyi dbang pos rtse gcig tu byas pa'i chos de dag shes rab kyi dbang pos rab tu rtogs shing zhib tu rtogs par byed de/ gang chos de dang de dag la gzhan gyi dring la mi 'jog par shes shing so so rang gis shes pa 'di ni shes rab kyi dbang po zhes gsungs so//byang chub spyod dang thos pa mchog /zhi gnas dang ni lhag mthong ngo / /dad pa rnams la sogs pa'i gnas/ /zhes bya ba la/ gnas zhes bya ba ni dmigs par bya ba'i yul la bya ste/ dad pa'i dbang po'i dmigs par bya ba'i yul ni byang chub ste/byang chub kyi sgras ni sa dang po'i gnyis su med pa'i ye shes sam/ zad la mi skye ba'i ye shes la bya ste/ dad pas ni de ji ltar thob par bya zhes dmigs so/ /brtson 'grus kyi dbang po'i dmigs par bya ba'i yul ni sa dang pha rol tu phyin pa'i mtshan nyid lhag pa'i tshul khrims dang /lhag pa'i shes rab kyis bsdus pa'i byang chub sems dpa'i spyod pa la dmigs te/ brtson 'grus kyis spyod pa de dag sgrub pa'i phyir ro/ /dran pa'i dbang po'i dmigs par bya ba'i yul ni ji ltar thos pa dang / ji ltar bzung ba dang / ji ltar tshig gis rgyas par byas pa'i chos rnams te/dran pas ji ltar thos pa'i chos mi brjed par byed pa'i phyir ro/ /ting nge 'dzin gyi dmigs par bya ba'i yul ni zhi gnas te/ mos pas spyod pa'i ting nge 'dzin gyi dbang pos ni sa dang po'i zhi gnas khyad par can de ji ltar thob par bya zhes dmigs pa'i phyir ro/ /shes rab kyi dbang po'i dmigs par bya ba'i yul ni lhag mthong ste/shes rab kyis ni sa dang por rtogs pa'i rnam par mi rtog pa'i ye shes ji ltar thob par bya zhes dmigs par byed pa'i phyir/ ci'i phyir de dag la dbang po zhes bya zhe na/ de'i phyir/ don grub phyir ni shes par bya/ /zhes bya ba smos te/ gang gi phyir dad pa'i dbang pos ni byang chub la dbang ste/brtson 'grus kyi dbang pos ni spyod pa la dbang ste/ dran pa'i dbang pos ni mi brjed pa la dbang ste/ ting nge 'dzin gyi dbang pos ni zhi gnas la dbang ste/ shes rab kyi dbang pos ni shes rab kyi dbang po la dbang byed cing bdag dang gzhan gyi don sgrub par byed pas na dbang po zhes bya'o/ /stobs rnam par dbye ba la tshigs su bcad pa zhes bya ba la/dbang po lnga'i 'og tu stobs lnga bshad pa la 'brel ba ci yod ce na/ ji srid du ma dad pa dang / le lo la sogs pa dbang po lnga'i mi mthun pa'i phyogs kyis skabs skabs su bar chad byed pa de srid du ni dbang po zhes bya'o/ /de nas dbang po lnga nyid la yul yun ring du bsgoms pas ma dad pa la sogs pas bar chad byed mi nus par gyur pa de la dbang po lnga nyid la stobs lnga zhes bya bas dbang po'i 'og tu stobs bshad par 'brel to//sar 'jug nyon mongs med par 'dod/ /ces bya ba la/ ji ltar sa dang po thob par bya zhing sa dang por 'jug par bya ba la ma dad pa dang /le lo dang dran pa nyams pa dang / sems nyams pa dang / 'chal ba'i shes rab la sogs pa'i nyon mongs pa rnams kyis mi gos shing nyon mongs pas zil gyis mi non par 'gyur ba na stobs zhes bya bar 'dod do/ /de nyid kyi don bstan pa'i phyir/ dad pa rnams la sogs pa yang / /kun nas nyon mongs can du 'dod//mi mthun phyogs ni nyam chung bas/ /de nyid stobs su shes par bya/ /zhes bya ba smos te/ dad pa'i mi mthun pa'i phyogs ni ma dad pa ste/ nam ma dad pa mthu chung bar gyur pas dad pa la zil gyis mi non cing 'jig rten 'dir lha'am bdud dam tshangs pa'am/ gnas kyang 'jig rten na chos mthun par gyur pa yang nyon mongs pa'i kun nas dkris pa rnams kyis bzlog par mi nus pas na dad pa'i stobs zhes bya ste/de bas na 'phags pa blo gros mi zad pa'i mdo las kyang / de la dad pa'i stobs gang zhe na/ 'di mos pa dang dad pa mi brdzi ba ste/ gal te bdud sdig can sangs rgyas kyi gzugs su bsgyur te/bdag gi drung du 'ongs te/ chos la rtog pa'i mos pa gang yang rung ba las 'bral bar byed cing mos pa zlog par byed na yang dad pa'i stobs la mos pa'i byang chub sems dpa' ni stobs las bskyed pa'am/ bsgul ba'am bslang bar mi nus te/ 'di ni dad pa'i stobs zhes gsungs so/ / de la brtson 'grus kyi mi mthun pa'i phyogs ni le lo ste/ nam le lo'i dbang du mi 'gyur zhing / dge ba'i phyogs la rgyun mi gcod par sgom pa ni brtson 'grus kyi stobs zhes bya'o/ /de bas na 'phags pa blo gros mi zad pa'i mdo las kyang / de la brtson 'grus kyi stobs gang zhe na/ byang chub sems dpa' brtson 'grus rtsom pa la gang dang gang la rtsom pa dang /dge ba'i chos gang dang gang la sbyor ba de dang de la stobs skyes par gyur te/ stobs skyes pa de dang ldan pa'i byang chub sems dpa' de gnas de las ma rgal gyi bar du yi dam de ltar bcas pa la 'jig rten gyis kyang bskyod pa'am/ bsgul ba'am/ bslang bar mi nus pa 'di ni brtson 'grus kyi stobs zhes bya'o zhes gsungs so//dran pa'i stobs kyi mi mthun pa'i phyogs ni dran pa nyams pa ste/ mi mthun pa'i phyogs mthu chung bas nyon mongs pa gang gis kyang byang chub sems dpa'i dran pa nyams par byed mi nus shing mnyan cing bsams pa'i chos rnams nam du mi brjed pa ni dran pa'i stobs so//de bas na 'phags pa blo gros mi zad pa'i mdo las kyang / de la dran pa'i stobs gang zhe na/ de chos dran pa'i gnas gang dang gang la sems 'jog pa de las nyon mongs pa gzhan gang yang rung bas gtong bar mi nus te/ de'i dran pa'i stobs skyes pa des nyon mongs pa thams cad 'joms shing byang chub sems dpa'i dran pa de ni nyon mongs pa thams cad kyis mi brdzi ba yin te/'di ni dran pa'i stobs zhes bya'o zhes gsungs so/ /de la ting nge 'dzin gyi mi mthun pa'i phyogs ni yul sems g.yengs pa ste/ mi mthun pa'i phyogs mthu chung bas yul gang gis kyang sems g.yengs bar byed mi nus shing zhum pa dang rgod pa'i dbang du mi 'gyur ba ni ting nge 'dzin gyi stobs zhes bya'o//de bas na 'phags pa blo gros mi zad pa'i mdo las kyang / de la ting nge 'dzin gyi stobs gang zhe na/ gang 'du 'dzi thams cad las dben par gnas shing spyod pa ste/de sgra dang tshig gi lam thams cad kyis shin du ston kyang / de bsam gtan dang po la sgrib par mi byed do zhes bya ba la sogs pa gsungs so/ /shes rab kyi mi mthun pa'i phyogs ni 'chal pa'i shes rab ste/ mi mthun pa'i phyogs nyam chung bas gang la yang the tshom med par gyur cing 'jig rten las 'das pa'i chos thams cad shes pa ni shes rab kyi stobs zhes bya'o//de bas na 'phags pa blo gros mi zad pa'i mdo las kyang / de la shes rab kyi stobs gang zhe na/ gang 'jig rten las 'das pa'i chos la mi thul bar shes pa ste/ skyes shing byung na yang slob dpon med par bzo'i gnas dang rig pa dang sngags dang stobs kyis bsam gtan mngon sum du 'gyur ro zhes gsungs so//byang chub kyi yan lag rnam par dbye ba'i tshigs su bcad pa bdun te zhes bya ba la/ stobs lnga'i 'og tu byang chub kyi yan lag gi skabs bshad par 'brel pa ci yod ce na/ de ltar stobs kyi skabs su ma dad pa dang /le lo dang / dran pa nyams pa dang / g.yengs pa dang / 'chal ba'i shes rab rnams kyis bar du gcod par bya bar mi nus par 'gyur na/ de ma thag tu sa dang po thob nas byang chub kyi yan lag bdun bsgom par 'gyur bas na/ stobs kyi 'og tu byang chub kyi yan lag bdun gyi skabs bshad par 'brel te/byang chub kyi yan lag bdun yang tshigs su bcad pa bdun gyis bstan to/ /byang chub kyi yan lag bdun ni dran pa byang chub kyi yan lag dang / chos rnam par 'byed pa byang chub kyi yan lag dang / brtson 'grus byang chub kyi yan lag dang / dga' ba byang chub kyi yan lag dang /shin du sbyangs pa byang chub kyi yan lag dang / ting nge 'dzin byang chub kyi yan lag dang / btang snyoms byang chub kyi yan lag go/ /de la dran pa ni zhi gnas kyi phyogs yin pas byang chub kyi phyogs sum cu rtsa bdun bsgoms shing mngon sum du byas pa rnams sems la gsal bar yod cing ma brjed pa ni dran pa byang chub kyi yan lag ces bya'o//de bas na 'phags pa blo gros mi zad mdo las kyang / de la dran pa yang dag byang chub kyi yan lag gang zhe na/ dran pa gang gis chos rtogs par 'gyur ba dang / chos rnams la so sor rtogs par 'gyur ro zhes bya ba la sogs pa gsungs te/rtogs par 'gyur ba la sogs pa'i don kyang ma brjed pa nyid la bya'o/ /chos rnam par 'byed pa ni lhag mthong gi phyogs yin te/ mthong ba'i lam gyi dus na spang bar bya ba'i chos kun nas nyon mongs pa'i phyogs dang / blang bar bya ba'i chos rnam par byang ba'i phyogs rnams kyi mtshan nyid ma 'dres par shes pa ni chos rab tu 'byed pa byang chub kyi yan lag ces bya'o//de bas na 'phags pa blo gros mi zad pa'i mdo las kyang / de la chos rnam par 'byed pa byang chub kyi yan lag gang zhe na/ gang chos kyi phung po stong phrag brgyad cu rtsa bzhi rnam par 'byed par shes pa ste/chos gang dang gang ji lta bur rnam par 'byed pa nges pa'i don yang nges pa'i don drang ba'i don yang drang ba'i don du/ kun rdzob kyi don yang kun rdzob kyi don du/ don dam pa'i don yang don par brda'ang brdar/ gdon mi za ba yang gdon mi za bar chos de dang de dag de lta bur rnam par 'byed pa 'di ni chos rnam par 'byed pa yang dag byang chub kyi yan lag ces bya'o zhes gsungs so//de la yon tan gong ma khyad par can rnams len par byed cing yon tan de thob par bya ba la bar du gcod pa'i nyes pa rnams spong bar byed pa ni brtson 'grus yang dag byang chub kyi yan lag ces bya'o//de bas na 'phags pa blo gros mi zad pa'i mdo las kyang / de la brtson 'grus yang dag byang chub kyi yan lag gang zhe na/ gang dran pa 'di dang / chos rnam par 'byed pa dang zhes bya ba nas/ lam mngon par rtogs par bya ba'i phyir/ brtson 'grus yang dag byang chub kyi yan lag ces bya'o zhes gsungs so//sa dang pos gang zag dang chos la bdag med par khong du chud nas chos kyi dbyings thams cad du 'gro ba'i mtshan nyid rtogs te/ mthong bas spang bar bya ba'i sgrib pa dang bral nas lus dang sems la dga' ba'i mchog skyes pa ni dga' ba yang dag byang chub kyi yan lag ces bya'o//de bas na sa dang po la yang sa rab tu dga' ba zhes btags so/ /de'i phyir 'phags pa blo gros mi zad pa'i mdo las kyang / de la dga' ba yang dag byang chub kyi yan lag gang zhe na/ chos la dga' ba dang / chos la mos pa dang zhes bya ba la sogs pa gsungs so//lus las su rung sems las su rung bar gyur na lus dang sems las su mi rung ba'i gnas ngan len dang bral te/ lus las su rung bar byas pa la zo mdog bde ba dang / sems las su rung bas dmigs pa'i yul la thogs pa med par 'jug pa ni shin tu sbyangs pa yang dag byang chub kyi yan lag ces bya'o//de bas na 'phags pa blo gros mi zad pa'i mdo las kyang / de la shin tu sbyangs pa byang chub kyi yan lag gang zhe na/ gang lus shin tu byang bar gyur pa dang / sems shin tu byang bar gyur pas nyon mongs pa bsal ba zhes bya ba la sogs pa gsungs so//de bzhin nyid chos kyi dbyings la dmigs pa'i sems rtse gcig pa ni ting nge 'dzin yang dag byang chub kyi yan lag ces bya'o/ /de bas na 'phags pa blo gros mi zad pa'i mdo las kyang / de la ting nge 'dzin yang dag byang chub kyi yan lag gang zhe na/ gang sems mnyam par bzhag pas chos kyi ye shes mngon par 'tshang rgya'i sems mnyam par ma bzhag pas ni ma yin no zhes bya ba la sogs pa gsungs so//zhum pa dang rgod pa'i nyes pa thams cad spangs nas zhum pa dang rgod pa med par gnas pa ni btang snyoms yang dag byang chub kyi yan lag ces bya'o//de'i phyir 'phags pa blo gros mi zad pa'i mdo las kyang / de la btang snyoms yang dag byang chub kyi yan lag gang zhe na/ gang 'di yid bde ba dang / yid mi bde ba'i phyogs kyis sems kun nas mi gzung ba dang / 'jig rten gyi chos rnams kyis mi 'phrogs pa dang / mthon dman du mi gnas pa'i phyir mi bsgul ba yin te zhes pa la sogs pa gsungs so//de la byang chub kyi yan lag bdun rnams zhi gnas kyi phyogs dang / lhag mthong gi phyogs dang / gnyi ga'i phyogs su gzhag go/ /chos rnam par 'byed pa dang / brtson 'grus dang / dga' ba gsum ni lhag mthong gi phyogs so//shin tu sbyangs pa dang / ting nge 'dzin dang / btang snyoms gsum ni zhi gnas kyi phyogs so/ /dran pa ni gnyi ga'i phyogs te kun du 'gro bas so/ /sar zhugs pa yi byang chub kyi/ /yan lag rnam gzhag shes par bya/ /zhes bya ba la sogs pa'i tshigs bcad gcig gis gang gi dus na byang chub kyi yan lag bdun rnam par gzhag pa dang /gang shes pas byang chub kyi yan lag bdun rnam par gzhag pa ste/ byang chub kyi yan lag bdun ni sa dang po la zhugs shing sa rab tu dga' ba thob pa'i tshe yan lag bdun la bsgom pa rnam par gzhag pa shes pa ste/'dis ni gang gi dus na rnam par gzhag pa ste de bstan to/ /chos dang sems can thams cad kyi/ /mnyam pa nyid ni shes pa'o/ /zhes bya ba la/ ci'i phyir sa dang po'i dus na byang chub kyi yan lag bdun la bsgom par gzhag ce na/ de'i tshe chos dang gang zag la bdag med par khong du chud pa dang / bdag dang gzhan du mnyam pa nyid khong du chud de/ de'i phyir chos rnams la mnyam pa nyid shes pa dang / sems can thams cad kyi mnyam pa nyid shes pas na sa dang po'i tshe na byang chub kyi yan lag bdun la bsgom pa rnam par gzhag go/ /de chos la bdag med par khong du chud pas chos la mnyam pa nyid shes so//gang zag la bdag med par khong du chud pas sems can thams cad mnyam pa nyid du shes so/ /yang na chos dang gang zag la bdag med par khong du chud pas na chos rnams kyi mnyam pa nyid shes so/ /bdag dang gzhan du mnyam pa nyid khong du chud pas na sems can gyi mnyam pa nyid shes so/ / yang na sa dang po'i tshe chos kyi dbyings kun du 'gro ba'i mtshan nyid du rtogs pas na chos rnams kyi mnyam pa nyid khong du chud do/ /de ltar khong du chud pas bdag gang yin pa sems can thams cad kyang de nyid yin/ sems can thams cad gang yin pa bdag kyang de nyid yin te/ ji ltar bdag gi sdug bsngal zhi bar bya ba bzhin du/sems can thams cad kyi sdug bsngal yang zhi bar bya'o zhes khong du chud pas na sems can thams cad kyi mnyam pa nyid shes so zhes bya ste/ 'dis ni gang shes pas byang chub kyi yan lag rnam par gzhag pa de bstan to/ /de'i 'og tu byang chub kyi yan lag rnams 'khor lo la sogs pa rin po che bdun dang 'dra bas bstan to zhes bya ba la 'di man chad kyi tshigs su bcad pas dper na 'khor los sgyur ba'i rgyal po la/'khor lo rin po che dang / glang po rin po che dang / rta rin po che dang / nor bu rin po che dang / btsun mo rin po che dang / khyim bdag rin po che dang / kun mgon rin po che dang ldan pa de bzhin du/sa dang po thob pa'i byang chub sems dpa' ni 'khor los sgyur ba'i rgyal po dang 'dra bar dran pa la sogs pa'i byang chub kyi yan lag bdun ni 'khor lo rin po che la sogs pa dang 'dra bar ston to/ /shes bya kun la dran spyod pa/ /ma rgyal ba las rgyal ba'i phyir/ /zhes bya ba la/ dran pa byang chub kyi yan lag ni 'khor lo rin po che dang 'dra ste/dper na 'khor los sgyur ba'i rgyal po'i 'khor lo rin po ches rdzong dang mkhar la gnas pa'i rgyal phran ma rgyal ba rnams las rgyal bar bya ba'i phyir gnas te/ de dag tu 'jug pa de bzhin du/ dran pa yang dag byang chub kyi yan lag gis kyang shes bya ma rgyal ba las rgyal te/mngon sum du mi shes pa rnams shes shing rgyal bar bya ba'i phyir 'jug ste/ shes bya rgyal ba'i sa dang po'o/ /ma rgyal ba ni mos pas spyod pa'i sa ste dran pas mos pas spyod pa'i sa spangs nas sa dang po mngon sum du byed pas na shes bya ma rgyal ba las rgyal bar byed pas so/ /rtog pa'i mtshan ma kun 'joms pa//de ni rab tu 'byed pa yin/ /zhes bya ba la/ chos rab tu 'byed pa byang chub kyi yan lag ni 'khor los sgyur ba'i glang po rin po che dang 'dra ste/ ji lta zhe na/ dper na glang po rin po ches phas kyi rgol ba'i dpung dmag gi sde rnams 'joms par byed pa de bzhin du/ chos rab tu 'byed pa'i byang chub kyi yan lag gis kyang gang zag tu rnam par rtog pa'i mtshan ma dang /chos su rnam par rtog pa'i mtshan ma thams cad 'joms par byed pas na glang po rin po che dang 'dra'o/ /yang na rtog pa'i sgras ni mig gi dbang po la sogs pa'i 'dzin pa'i chos la bya la/ mtshan ma'i sgras ni gzugs la sogs pa gzung cha la bya ste/chos rab tu 'byed pa byang chub kyi yan lag gis gang zag dang chos la bdag med par rtogs pas gzung ba dang 'dzin pa'i mtshan ma thams cad spong bar byed pas na glang po rin po che dang 'dra'o/ /myur du ma lus shes bya'i phyir/ /de yi brtson 'grus rab tu 'jug /ces bya ba la/ brtson 'grus yang dag byang chub kyi yan lag ni 'khor los sgyur ba'i rgyal bo'i rta rin po che dang 'dra ste/ji lta zhe na/ dper na 'khor los sgyur ba'i rgyal po'i rta rin po ches ji srid du 'khor bar bya ba'i gnas rgya mtsho'i mtha'i bar du myur du 'gro bar byed pa de bzhin du/ brtson 'grus yang dag byang chub kyi yan lag gis kyang rdzu 'phrul gyi mig la sogs pa'i mngon par shes pa rnams thob par bya ba myur du 'thob par byed pas na rta rin po che dang 'dra'o//chos kyi snang ba rnams 'phel bas/ /rtag tu dga' bas gang bar byed/ /ces bya ba la/ dga' ba byang chub kyi yan lag ni 'khor los sgyur ba'i rgyal po'i nor bu rin po che'i snang ba'i khyad par gyis mun pa la sogs pa bsal ba'i sgo nas 'khor los sgyur ba'i rgyal po de la dga' ba'i khyad par rtag tu skyed pa de bzhin du/sa dang po'i tshe chos kyi dbyings thams cad du 'gro ba'i mtshan nyid du rtogs nas dga' ba'i khyad par skye ste/ dga' ba des kyang byang chub sems dpa'i lus dang sems la mchog tu dga' ba'i shes pa skyes pas na nor bu rin po che snang ba'i khyad par dang 'dra'o//sgrib pa kun las thar pa'i phyir/ /shin tu sbyangs las bde ba thob/ /ces bya ba la/ shin tu sbyangs pa yang dag byang chub kyi yan lag ni 'khor los sgyur ba'i rgyal po'i btsun mo rin po che dang 'dra'o//dper na 'khor los sgyur ba'i btsun mo rin po che dgun la sogs pa'i grang ba'i dus na ni lus kyi mthang dro bar gyur nas grang ba bsal te 'khor los sgyur ba'i rgyal po dga' ba rjes su myong bar byed do/ /dbyar la sogs pa dro ba'i dus na ni lus kyi mthang bsil bar gyur nas dro ba bsal bas 'khor los sgyur ba'i rgyal po dga' ba rjes su myong bar byed do//de bzhin du shin tu sbyangs pa ni lus las su rung ba dang sems las su rung ba la bya ste/ de gnyis kyis lus las su mi rung ba dang / sems las su mi rung ba bsal nas lus las su rung ba dang sems las su rung ba'i bde ba rjes su myong bar byed pas na btsun mo rin po che dang 'dra'o//bsams pa'i don rnams 'grub pa ni/ /ting nge 'dzin las skye bar 'gyur/ /zhes bya ba la/ ting nge 'dzin gyi byang chub kyi yan lag ni 'khor los sgyur ba'i rgyal po'i khyim bdag rin po che dang 'dra ste/ dper na 'khor los sgyur ba'i rgyal po'i khyim bdag rin po ches 'khor los sgyur ba'i rgyal pos ji dang ji bsams pa dang ji dang ji 'dod pa thams cad bsams pa bzhin du 'grub par byed pa de bzhin du/ting nge 'dzin byang chub kyi yan lag gis kyang rdzu 'phrul gyi mig dang rna ba la sogs pa mngon par shes pa gang dang gang bsgrub par bsams pa de dang de dag thams cad 'grub par byed pas khyim bdag rin po che dang 'dra'o//ji ltar 'dod bzhin btang snyoms kyis/ /de dag kun du rab tu gnas/ /rgyab nas thob dang mi rtogs la/ /gnas pas rtag tu mchog yin no/ /zhes bya ba la/ btang snyoms yang dag byang chub kyi yan lag ni 'khor los sgyur ba'i rgyal po kun mgon rin po che dang 'dra'o//de la btang snyoms kyi sgras ni rnam par mi rtog pa'i ye shes la bya ste/ ji ltar 'khor los sgyur ba'i rgyal po kun mgon rin po ches pha rol gyi sde gzhom par bya ba'i phyir 'joms pa dang / nor dang rdzas la sogs pa rnams blang bar bya ba rnams sdud pa dang / bskrad par 'os pa rnams skrod par byed pa dang /bskyang zhing bsdu bar 'os pa rnams sdud par byed pa dang / dmag gi dpung res 'khor nas 'gyed par byed pa rnams 'gyed par byed pa dang / res mi 'khor ba rnams sdud cing gtong bar byas na gnas gang du dmag gi dpung rnams 'tshe ba med pa dang / gnod pa med par 'gyur ba'i gnas der gnas par byed pa de bzhin du/rnam par mi rtog pa'i ye shes dang / de'i rgyab nas thob pa dag pa 'jig rten pa'i ye shes gnyis kyis byang chub sems dpa' rnams kyis ji ltar 'dod pa bzhin du gnas par byed de/ de la yang dag pa'i 'jig rten pa'i ye shes la gnas pas ni sa gong ma dang yon tan khyad par can ma thob pa rnams thob par byed la/nyes pa ma spangs pa rnams ni spong bar byed cing sa 'og ma yang 'dor bar byed do/ /rnam par mi rtog pa'i ye shes kyis ni ci yang mi byed par gnas par byed de/ de bas na sa bcu kun du yang ye shes de gnyis la gnas pa ni gnas pa'i mchog yin par bshad do//de la gnas pas gzhan thob par bya ba dang zhes bya ba la sogs pa la/ dag pa 'jig rten pa'i ye shes la gnas pas yon tan khyad par can dang / sa ma thob pa rnams thob par byed la/ nyes pa dang skyon spang bar bya ba rnams ni spong bar byed do/ / rnam par mi rtog pa'i ye shes kyis ni zhes bya ba la sogs pa la/ rnam par mi rtog pa'i ye shes kyis ni ci yang byed pa med par gnas te/ dag pa 'jig rten pa'i ye shes kyis ni blang bar bya ba blangs zin la spang bar bya ba spangs zin pas rnam par mi rtog pa'i ye shes kyis ni blang dor cung zad kyang mi byed par 'bad pa dang brtsal ba med pa'i mtshan nyid du gnas so//gang du yan lag bzhi pa'i stobs kyi tshogs skyo bar mi 'gyur ba der song nas gnas par rtog par byed do zhes bya ba la/ 'khor los sgyur ba'i rgyal po kun mgon rin po ches rta'i tshogs dang / glang po'i tshogs dang / shing rta'i tshogs dang /dpung bu chung gi tshogs kyis gzhom zhing bskrad par bya ba rnams skrod par byed pa dang / bsdu zhing bskyang bar bya ba rnams sdud cing bskyang bar byas nas/ gnas gang du dmag sde bzhi rnams 'tshe ba med pa dang / gnod par mi 'gyur ba'i gnas der gnas par bya bar sems so/ /de la dmag gi sde bzhis bsdu ba sdud pa dang /bskrad pa skrod par byed pa lta bu ni dag pa 'jig rten pa'i ye shes so/ /dmag sde bzhi 'tshe ba med pa'i gnas su gnas pa lta bu ni rnam par mi rtog pa'i ye shes so/ /de ltar byang chub sems dpa' yon tan ldan/ /'khor los sgyur ba bzhin du 'jug pa yin/ /rtag tu byang chub yan lag bdun pos ni//rin po che dang 'dra bas yongs su bskor/ /zhes gong du bshad pa ltar na sa dang po la zhugs pa'i byang chub sems dpa' byang chub kyi yan lag bdun gyi yon tan dang ldan pa'i 'khor los sgyur ba'i rgyal po dang 'dra bar gnas te/ ci'i phyir zhe na/ dper na 'khor los sgyur ba'i rgyal po rin po che bdun dang ldan zhing rin po che bdun gyis bskor ba de bzhin du/sa dang po la zhugs pa'i byang chub sems dpa' yang byang chub kyi yan lag bdun dang ldan zhing yan lag bdun gyis bskor bas na 'khor los sgyur ba'i rgyal po dang 'dra'o/ /gnas kyi yan lag rang bzhin yan lag dang / /'byung ba'i yan lag de ni gsum pa'o//bzhi pa rjes su bsngags pa'i yan lag ste/ /nyon mongs med pa'i yan lag gsum gyi dngos/ /zhes bya ba'i tshigs su bcad pa 'dis/ byang chub kyi yan lag bdun lngar sdud cing / byang chub kyi yan lag gang yin pa dang / ji ltar byang chub kyi yan lag gang yin pa bstan te/ de la dran pa ni gnas kyi yan lag ces bya'o//chos rab tu 'byed pa ni rang bzhin gyi yan lag ces bya'o/ /gsum pa brtson 'grus ni 'byung ba'i yan lag ces bya'o/ /bzhi pa dga' ba ni rjes su bsngags pa'i yan lag ces bya'o/ /shin tu sbyangs pa dang / ting nge 'dzin dang / btang snyoms gsum ni nyon mongs pa med pa'i yan lag ces bya'o//de la byang chub kyi yan lag gang zhe na/ byang chub kyi yan lag bdun nam chos rab tu 'byed pa ni byang chub kyi yan lag go/ /ji ltar yan lag tu 'gyur zhe na/ dran pa ni gnas pa'i yan lag tu gyur pa nas btang snyoms la sogs pa ni nyon mongs pa med pa'i yan lag tu gyur pas so/ /thams cad de la brten zhing 'jug pa'i phyir ro zhes bya ba la/dran pa ni gnas pa'i yan lag ste/ ji ltar gnas pa'i yan lag tu 'gyur zhe na/ chos rab tu 'byed pa la sogs pa yon tan thams cad ni dran pa la brten zhing dran pa las byung ba'i phyir ro/ /byang chub de nyid de'i bdag nyid yin pa'i phyir ro zhes bya ba la chos rab tu 'byed pa ni rang bzhin gyi yan lag ces bya ste/byang chub ces bya ba yang chos rnams kyi rang dang spyi'i mtshan nyid ma nor bar byed cing shes pa la bya ste/ byang chub kyi rang bzhin yang chos rab tu 'byed pa'i bdag nyid yin pas chos rab tu 'byed pa ni rang bzhin gyi yan lag tu gzhug go//de mthar thug pa thob par byed pa'i phyir ro zhes bya ba la/ brtson 'grus ni 'byung ba'i yan lag ste/ brtson 'grus kyis ji srid du bgrod par bya ba'i gnas su phyin gyi bar du 'gro zhing ma phyin gyi bar du bar ma dor mi 'jug pa'i phyir ro/ /sems bde ba'i phyir ro zhes bya ba la/ dga' ba de rjes su bsngags pa'i yan lag ste/chos kyi dbyings mthong ba'i sgo nas dga' ba de sems la dga' ba'i khyad par skyed pa'i phyir ro/ /shin tu sbyangs pa dang / ting nge 'dzin dang / btang snyoms ni zhes bya ba la sogs pa la/ chos de gsum ni nyon mongs pa med pa'i yan lag ces bya ste/ ji ltar nyon mongs pa med pa'i yan lag ce na/gang gis nyon mongs pa med par byed pa dang / gang la gnas na nyon mongs pa med par byed pa dang / nyon mongs pa med pa gang yin pa'o/ /de la gang gis nyon mongs pa med par byed ce na/ shin tu sbyangs pas nyon mongs pa med par byed de/ lus dang sems las su rung bar gyur na des lus dang sems las su mi rung ba'i gnas ngan len dang nyon mongs pa dang shes bya'i sgrib pa'i gnas ngan len spyod pa med pa'i phyir ro//gang la gnas nas nyon mongs pa med par byed ce na/ ting nge 'dzin la gnas nas nyon mongs pa med par byed de/ ting nge 'dzin la gnas pa'i dus na zhum rgod kyi nye ba'i nyon mongs pa sel bar byed pa'i phyir ro//gang nyon mongs pa med pa ni btang snyoms te/ nyon mongs pa dang btang snyoms gnyis su 'gal bas btang snyoms la gnas pa'i dus na nyon mongs pa skye ba'i skabs cung zad kyang med pa'i phyir ro/ /lam gyi yan lag dbye ba tshigs su bcad pa gnyis te zhes bya ba la/byang chub kyi yan lag bdun gyi 'og tu 'phags pa'i lam yan lag brgyad pa bshad par 'brel pa ci yod ce na/ sa dang po mthong ba'i lam du byang chub kyi yan lag bdun bsgoms pas mthong bas spong bar bya ba'i nyon mongs pa spangs nas/ de bsgom pas spang bar bya ba'i nyon mongs pa dang shes bya'i sgrib pa spang bar bya ba'i phyir/sa gnyis pa yan chad sa bcu pa man chad bsgom pa'i lam na 'phags pa'i lam yan lag brgyad pa bsgom pa de bas ni byang chub kyi yan lag bdun gyi 'og tu 'phags pa'i lam gyi yan lag brgyad bshad par 'brel to/ /de la lam gyi yan lag brgyad ni yang dag pa'i lta ba dang /yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / yang dag pa'i rtsol ba dang / yang dag pa'i dran pa dang / yang dag pa'i ting nge 'dzin to/ /de la mthong ba'i lam na chos rab tu 'byed pa byang chub kyi yan lag gis gang zag dang chos la bdag med par khong du chud pa de nyid la dmigs shing bsgom pa ni yang dag pa'i lta ba'o//de bas na 'phags pa blo gros mi zad pa'i mdo las kyang / de la yang dag pa'i lta ba gang zhe na/ gang 'di 'phags pa'i 'jig rten las 'das te/ bdag tu lta ba las blangs pa ma yin srog tu ma yin zhes bya ba la sogs pa gsungs so//yang dag pa'i lta ba des rgyu byas nas khams gsum las byung ba'i rgyu lhag pa'i tshul khrims dang / sems dang / lhag pa'i shes rab rtog cing 'dod pa dang / gnod sems la rtog pa spangs na 'dod pa dang / gnod sems med pa'i rtog pa ni yang dag pa'i rtog pa zhes bya'o//de bas na 'phags pa blo gros mi zad pa'i mdo las kyang / de la yang dag pa'i rtog pa gang zhe na/ rtog pa gang gis 'dod chags dang zhe sdang dang gti mug gi nyon mongs pa 'byung bar 'gyur ba'i kun du rtog pa de la mi rtog go/ /rtog pa gang gis tshul khrims dang /ting nge 'dzin dang / shes rab dang rnam par grol ba dang / rnam par grol ba'i ye shes mthong ba'i phung po rnams 'byung bar 'gyur ba'i rtog pa de dag la rtog pa ni yang dag pa'i rtog pa zhes bya'o zhes gsungs so/ /yang dag pa'i lta ba dang / rtog pa khong du chud pa ni chos de dag sems can la phan par bya ba'i phyir gzhan la 'chad cing sems can la gnod par 'gyur ba brdzun dang /tshig rtsub po dang / tshig 'khyal ba dang phra ma la sogs pa spangs pa ni yang dag pa'i ngag ces bya'o/ /de bas na 'phags pa blo gros mi zad pa'i mdo las kyang / de la yang dag pa'i ngag gang zhe na/ ngag gang gis bdag la yongs su mi gdung zhing gzhan la yang ma yin pa dang /bdag kyang nyon mi mongs la gzhan la yang ma yin pa dang / bdag la yang mi gnod cing gzhan la yang ma yin te/ ngag gang gis 'phags pa'i lam la 'jug pa de lta bu'i mnyam par gzhag pa la sbyor ba'i ngag dang ldan pa yin te/'di ni yang dag pa'i ngag ces gsungs so/ /lus kyi sgo nas srog gcod pa dang / ma byin par len pa dang / mi tshangs par spyod pa spangs pa la brten nas/ de ma thag pa dang / rnam par grol ba'i lam la 'jug pa ni yang dag pa'i las kyi mtha' zhes bya'o/ /de bas na 'phags pa blo gros mi zad pa'i mdo las kyang /de la yang dag pa'i las kyi mtha' gang zhe na/ gang las kyang gnag la rnam par smin pa yang gnag pa de lta bu'i las mi byed ces bya ba la sogs pa gsungs so/ /chos gos dang / lhung bzed la sogs pa kha gsag dang / tshul 'chos pas tshol ba spangs nas tshul bzhin du 'tsho ba ni yang dag pa'i 'tsho ba zhes bya'o//de bas na 'phags pa blo gros mi zad pa'i mdo las kyang / de la yang dag pa'i 'tsho ba gang zhe na/ gang 'phags pa'i rigs dang / sbyangs pa'i yon tan dang / yo byad bsnyungs pa gtong ba dang / tshul 'chos pa med pa dang / kha gsag med pa dang /gzhogs slong med pa dang zhes bya ba la sogs pa gsungs so/ /yang dag pa'i lta ba dang /rtog pa dang / las kyi mtha' dang / yang dag pa'i 'tsho ba la brten nas bsgom pas spang bar bya ba'i nyon mongs pa dang shes bya'i sgrib pa spang bar bya ba'i phyir 'phags pa'i lam la rgyun du sgom par byed pa ni yang dag pa'i rtsol ba zhes bya'o//de bas na 'phags pa blo gros mi zad pa'i mdo las kyang / de la yang dag pa'i 'bad pa gang zhe na/ 'bad pa gang log pa ste 'phags pas ma gnang bar 'dod chags dang zhe sdang dang gti mug dang nyon mongs pa'i bag la nyal gyi 'bad pa de mi 'dod cing 'bad pa gang yang dag pa 'phags pa'i lam dang /bden pa la 'jug pa mya ngan las 'das par 'gro ba'i lam du gtong ba'i 'bad pa de'i rjes su 'gro ba 'di ni yang dag pa'i 'bad pa zhes bya'o zhes gsungs so/ /ji ltar khong du chud pa'i chos rnams kyi don ma brjed cing sems la gsal bar snang ba de ni yang dag pa'i dran pa zhes bya'o//de bas na 'phags pa blo gros mi zad pa'i mdo las kyang / de la yang dag pa'i dran pa gang zhe na/ dran pa gang shin tu nye bar gzhag pa dang / mi bsgul ba dang zhes byas nas gzhungs pa dang / 'phags pa'i lam mi brjed pa 'di ni yang dag pa'i dran pa zhes bya'o zhes gsungs so//de bzhin nyid chos kyi dbyings la sems rtse gcig tu mnyam par 'jog pa ni yang dag pa'i ting nge 'dzin zhes bya'o/ /de bas na 'phags pa blo gros mi zad pa'i mdo las kyang / de la yang dag pa'i ting nge 'dzin gang zhe na/yang dag par mnyam pa dang chos thams cad mnyam pa ste zhes bya ba la sogs pa gsungs so/ /'phags pa'i lam gyi yan lag brgyad po de dag mdor bsdu na rnam pa gnyis su gzhag ste/ spyod pa'i tshe gang bya ba dang gnas pa'i tshe gang bya ba'o/ /de la spyod pa ni bsod nams la 'jug pa dang / 'chag pa la sogs pa byed pa ste/ de'i tshe na ni yang dag pa'i ngag dang / yang dag pa'i las kyi mtha' dang / yang dag pa'i 'tsho ba gsum la gnas par bya'o/ /gnas pa'i ting nge 'dzin du snyoms par 'jug pa ste/ de'i tshe na ni zhi gnas bsgom pa dang / lhag mthong bsgom pa gnyis bya'o//de la yang dag pa'i lta ba dang / yang dag pa'i rtog pa dang / yang dag pa'i rtsol ba gsum ni lhag mthong gi phyogs 'khor dang bcas pa ste/ yang dag pa'i lta ba ni lhag mthong nyid do/ /yang dag pa'i rtog pa dang rtsol ba ni lhag mthong gi 'khor zhes bya'o/ /yang dag pa'i dran pa dang /yang dag pa'i ting nge 'dzin ni zhi gnas kyi tshogs 'khor dang bcas pa ste/ ting nge 'dzin ni zhi gnas nyid do/ /dran pa ni zhi gnas kyi 'khor to/ /ji ltar shes bzhin rjes su 'jug /de nas kyang ni skye bar 'gyur/ /zhes bya ba la/ de nas zhes bya ba ni 'og tu zhes bya ba'i don to/ /sa dang po mthong ba'i lam du byang chub kyi yan lag bdun bsgoms pa'i rjes la/shes bya'i sgrib pa dang / bsgom pas spang bar bya ba'i nyon mongs pa'i sgrib pa spang bar bya ba'i phyir/ sa gnyis man chad na 'phags pa'i lam gyi yan lag brgyad la sgom par byed de/ de yang sa dang por chos rab tu rnam par 'byed pa byang chub kyi yan lag gis gang zag dang chos la bdag med pa'i de kho na khong du chud pa la/sa gnyis pa man chad chos de nyid la 'jug cing chos de nyid la sgom par byed pa ni yang dag pa'i lta ba zhes bya'o/ /ji ltar shes pa rnam par gzhag /ces bya ba la/ yang dag pa'i lta bas de kho na khong du chud pa de la yang dag pa'i rtog pas de nyid rnam par 'jog par byed de/ji ltar rnam par 'jog par byed ce na/ bdag gis de kho na nyid ni mnyam pa dang bcas pa dang / bsgom pa'i rim pas khong du chud/ /ces rtog cing ji ltar khong du chud pa'i chos rnams gtsug lag tu yang byed pa gzhan la yang 'chad par byed na yang dag pa'i rtog pa zhes bya'o//don de nyid bstan par bya ba'i phyir/ rnam par gzhag pa la 'jug pa dang zhes bya ba smos te/ bcom ldan 'das kyis mdo sde la sogs pa gsung rab yan lag bcu gnyis bshad pa ni rnam par gzhag pa zhes bya ste/yang dag pa'i rtog pas mdo sde dag gi don khong du chud pas rnam par gzhag pa la 'jug pa zhes bya'o/ /las gsum rnam par dag pa dang / /zhes bya ba la yang dag pa'i ngag dang / yang dag pa'i las kyi mtha' dang / yang dag pa'i 'tsho ba gsum gyis ni las gsum rnam par dag par byed de/ngag gi las dang / lus kyi las dang / lus dang ngag gi las dag par byed do/ /de la brdzun dang / tshig rtsub po dang / tshig 'khyal pa dang / phra ma spangs pa'i yang dag pa'i ngag gis ni ngag gi las rnam par dag par byed do/ /srog gcod pa dang / ma byin par len pa dang /mi tshangs par spyod pa spangs pa yang dag pa'i las kyi mtha' ni lus kyi las rnam par dag par byed do/ /ngag gi sgo nas kha gsag dang gcam bu la sogs pa spangs pa dang / lus kyi sgo nas tshul 'chos pa la sogs par 'tsho ba spangs pa yang dag pa'i 'tsho bas ni lus dang ngag gnyis ka'i las dag par byed do//gnyen po yang sgom pa ste/ shes par bya ba lam rnams ni/ /khyad par can gyi yon tan sgrib/ /ces bya ba la yang dag pa'i rtsol ba dang / yang dag pa'i dran pa dang / yang dag pa'i ting nge 'dzin gsum gyis ni rim bzhin du shes bya'i sgrib pa dang / las kyi sgrib pa dang / khyad par can gyi yon tan gyi sgrib pa'i gnyen por bsgom ste/yang dag pa'i rtsol ba ni shes bya'i sgrib pa'i gnyen por bsgom mo/ /yang dag pa'i dran pa ni las kyi sgrib pa'i gnyen por bsgom mo/ /yang dag pa'i ting nge 'dzin ni khyad par can gyi yon tan gyi sgrib pa'i gnyen por bsgom mo/ /byang chub kyi yan lag bdun rnams kyi 'og tu zhes bya ba la sogs pa la/sa dang por byang chub kyi yan lag bdun la bsgom ste/ de'i 'og tu sa gnyis pa yan chad na 'phags pa'i lam gyi yan lag brgyad la bsgom mo/ /de la yang chos rab tu 'byed pa byang chub kyi yan lag gis gang zag dang chos la bdag med par khong du chud pa'i chos de nyid la lta zhing de nyid kyi don khong du chud pa ni yang dag pa'i lta ba zhes bya'o//shes pa de rnam par bzhag nas zhes bya ba la sogs pa la/ shes pa ni bcom ldan 'das kyis de bzhin nyid thugs su chud pa'o/ /rnam par gzhag pa ni gsung rab yan lag bcu gnyis gsungs te 'jig rten du gzhag pa'o//yang na chos rab tu 'byed pa byang chub kyi yan lag gis chos kyi don ji ltar khong du chud pa ni shes pa de rnam par gzhag pa zhes bya ste/ de la gang bdag gis de kho na nyid khong du chud pas yang nyan pa dang / bsam pa dang / bsgom pa la sogs pa'i las byas pas khong du chud do zhes rtog pa ni yang dag pa'i rtog pa zhes bya'o//bcom ldan 'das kyis gsungs pa zhes pa ni mdo sde la sogs pa gsung rab yan lag bcu gnyis bcom ldan 'das kyis gsungs pa ste/ mdo sde la sogs pa'i nang nas kyang de kho na khong du chud par bya ba de 'byung ngo //des ni de'i don khong du chud pa'i phyir zhes bya ba la/ des zhes bya ba ni yang dag pa'i rtog pa des so/ /de'i don khong du chud pa zhes bya ba ni yang dag pa'i lta bas de kho na nyid sngar khong du chud nas yang dag pa'i rtog pas kyang gsung rab kyi don rnams khong du chud de mngon sum du mthong ngo zhes bya ba'i don to//yang dag pa'i rtsol bas yun ring por mi skyo bar zhes bya ba la/ shes bya'i sgrib pa spang bar bya ba'i phyir yang dag pa'i rtsol bas yun ring por mi skyo bar bsgoms pas shes bya'i sgrib pa spong bar 'gyur te/ de bas na yang dag pa'i rtsol ba ni shes bya'i sgrib pa'i gnyen por bsgom mo//yang dag pa'i dran pas ni zhi gnas dang rab tu 'dzin pa zhes bya ba la sogs pa la/ lam bsgom pa ni zhum pa dang rgod pa spang ba'i phyir yang dag pa'i dran pas zhi gnas kyi mtshan ma dang / rab tu 'dzin pa'i mtshan ma dang / btang snyoms kyi mtshan ma dag yid la byas nas zhum pa dang rgod pa spangs te/zhum pa dang rgod pa med par 'phags pa'i lam la bsgom pas na/ yang dag pa'i dran pa ni lam gyi sgrib pa'i gnyen por bsgom par gzhag go/ /de la nam zhum pa byung ba'i tshe na ni de bzhin gshegs pa'i yon tan la sogs pa sems gzengs bstod par 'gyur ba rab tu 'dzin pa'i mtshan ma yid la byas nas zhum pa sel bar byed do//nam sems rgod par 'gyur ba'i dus na sems zhi bar byed pa'i rgyu'o/ /'khor ba'i skyon yid la byed pa zhi gnas kyi mtshan ma yid la byas nas rgod pa med par byed do/ /nam zhum pa dang rgod pa dang bral ba'i dus na btang snyoms kyi mtshan ma yid la byas nas sems mi skyo bar 'jog par byed do//yang dag pa'i ting nge 'dzin gyis ni zhes bya ba la sogs pa la/ 'phrul gyi mig la sogs pa yon tan khyad par can thob par bya ba la bar du gcod pa'i sgrib pa dang / bgeg rnams bsal par bya ba'i phyir yang dag pa'i ting nge 'dzin gyis rtag tu sems rtse gcig par 'jog ste/rtse gcig tu gzhag na yon tan khyad par can thob pa la sgrib pa'i bar du gcod pa dang bral nas mngon par shes pa la sogs pa'i yon tan khyad par can thob par 'gyur bas na/ yang dag pa'i ting nge 'dzin ni khyad par can gyi yon tan mngon du sgrub pa la sgrib pa'i gnyen po bsgom par gzhag go//zhi gnas dang lhag mthong rnam par dbye ba'i tshigs su bcad pa rnam pa gsum ste zhes bya ba la/ byang chub kyi phyogs kyi 'og tu zhi gnas dang lhag mthong gi skabs bshad par 'brel pa ci yod ce na/ zhi gnas dang lhag mthong ni byang chub kyi phyogs thams cad grub par byed pa'i thabs yin te byang chub kyi phyogs bsgom pa thams cad la/ zhi gnas dang lhag mthong ni med du mi rung la/ byang chub kyi phyogs kyi skabs su zhi gnas dang lhag mthong bshad zin mod kyi mtshan nyid ma 'dres par bstan te/ da zhi gnas kyi mtshan nyid ni 'di/lhag mthong gi mtshan nyid ni 'di'o zhes ma 'dres par bstan dgos te/ de bas na byang chub kyi phyogs kyi 'og tu zhi gnas dang lhag mthong gi skabs bshad par 'brel to/ /sems la sems ni gzhag pa dang / /chos rnams rab tu 'byed pa dang / /yang dag gnas la nyer gnas pa/ /zhi gnas dang ni lhag mthong ngo //zhes bya ba la/ yang dag par gnas pa ni yang dag pa'i ting nge 'dzin la bya ste/ gzugs kyi khams kyi zag pa med pa'i ting nge 'dzin bzhi la brten nas/ sems la sems gzhag pa ste/ khams gsum thams cad ni sems tsam du zad pa ste/ sems las gzhan med do zhes sems rtse gcig tu 'jog pa ni zhi gnas zhes bya ste/de tsam gyis na zhi gnas yongs su grub pa ste/ sems mnyam par gzhag pa rnyed na yang dag pa ji lta ba bzhin du shes pa'i shes rab 'byung ste/ chos gang rnams kyi don phyin ci ma log par shes pa'i rnam par mi rtog pa'i ye shes la lhag mthong zhes bya ste/ 'di dag ni theg pa chen po'i zhi gnas dang lhag mthong gi mtshan nyid mdor bstan to//de bas na 'phags pa blo gros mi zad pa'i mdo las kyang / de la zhi gnas mi zad pa gang zhe na/ gang sems zhi ba dang / rab tu zhi ba dang / nye bar zhi ba dang zhes bya ba la sogs pa gsungs pa dang / byang chub sems dpa' rnams kyi lhag mthong mi zad pa gang zhe na/ gang shes rab kyi cha'i bsgom pa'i lam ste/chos rnams la g.yo ba med par shes pa dang / bdag po med pa dang / sems can med pa dang zhes bya ba la sogs pa gsungs te/ de ni zhi gnas dang lhag mthong gi mtshan nyid do/ /zhi gnas dang lhag mthong gi rab tu dbye ba bstan pa'i phyir/ de dag kun du rab tu 'gro/ / zhes bya ba la sogs pa smos te/ de dag ces bya ba'i sgra ni zhi gnas dang lhag mthong la bya ste/ zhi gnas dang lhag mthong ni byang chub kyi phyogs bsgom pa dang / bsam gtan dang ting nge 'dzin thob par 'dod pa dang / mngon par shes pa la sogs pa thob par 'dod pa de dag kun gyis zhi gnas dang lhag mthong bsgom dgos te/yon tan sgrub pa la zhi gnas dang lhag mthong med du mi rung bas na/ zhi gnas dang lhag mthong ni kun du 'gro ba zhes bya'o/ /cha gcig cha med rgyur 'dod de/ /zhes bya ba la/ gang gi tshe zhi gnas 'ba' zhig bsgom gyi/ lhag mthong shas chung ba de na yang cha gcig la bsgom pa zhes bya ste/ 'di ltar gzugs med pa'i snyoms par 'jug pa la bsgom pa'o//gzugs med pa'i snyoms par 'jug pa la ni zhi gnas shas che la lhag mthong shas chung ngo / /gang gi tshe lhag mthong 'ba' zhig bsgom la/ zhi gnas shas chung ba de yang cha gcig la bsgom pa zhes bya ste/ 'di ltar gzugs kyi khams kyis ni bsam gtan dang po dang /gnyis pa dang / gsum pa la bsgom pa'o/ /de gsum gyi dus na lhag mthong shas che la/ zhi gnas shas chung ngo / /zhi gnas dang lhag mthong zung du 'brel par bsgom pa ni cha med pa zhes bya ste/ gzugs kyi khams kyi bsam gtan bzhi pa la bsgom pa'i dus na'o/ /mos pas spyod pa'i cha'i zhi gnas dang lhag mthong bsgom pa la ni rgyur 'dod pa zhes bya ste/de ci'i phyir zhe na/ mos pas spyod pa'i sar zhi gnas dang lhag mthong bsgom pas/ sa dang po rtogs par 'gyur te/ mos pas spyod pa'i zhi gnas dang lhag mthong ni sa dang por 'jug pa'i gnas yin pas na rgyu nyes bya'o//zhi gnas dang lhag mthong gnyis kun tu 'gro bar ci mngon zhe na/ de'i phyir/ ji skad du mdo sde las kyang / e ma'o dge slong dag zhes bya ba la sogs pa smos te/ mdo las kyang 'dod pa las dben/ sdig pa mi dge ba'i chos las dben/ rtog pa dang bcas pa'i bsam gtan dang po thob par 'dod pas zhi gnas dang lhag mthong bsgom par bya ba nas bsam gtan gnyis pa dang /gsum pa dang / bzhi pa dang / mngon par shes pa la sogs pa thob par 'dod pas zhi gnas dang lhag mthong bsgom par bya'o zhes gsungs pas na kun du 'gro ba yin no/ /rab tu rtogs dang zhes bya ba las dang po'i zhi gnas dang lhag mthong la ni rab tu rtogs pa'i zhi gnas dang lhag mthong zhes bya ste/de'i tshe chos kyi dbyings kun du 'gro ba'i mtshan nyid du rtogs pa'i phyir ro/ /'byung ba zhes bya ba la/ sa gnyis pa dang / gsum pa dang / bzhi pa dang / lnga pa dang / drug pa'i dus na zhi gnas dang lhag mthong bsgom pa la ni 'byung ba'i zhi gnas dang lhag mthong zhes bya ste/de'i dus kyi zhi gnas dang lhag mthong gi mtshan ma can du spyod pa mthar 'byin par byed cing / mtshan ma can thams cad spong bar byed pa'i phyir ro/ /mtshan ma med pa dang zhes bya ba la/ sa bdun pa'i dus na zhi gnas dang lhag mthong bsgom pa ni mtshan ma med pa'i zhi gnas dang lhag mthong zhes bya ste/de'i dus na mdo sde la sogs pa'i chos rnam pa sna tshogs la mtshan ma tha dad par mi byed kyi/ thams cad kyang ro gcig par bsgom pa'i phyir ro/ /'dus ma byas zhes bya ba la/ sa brgyad pa dang / dgu pa dang / bcu pa'i dus kyi zhi gnas dang lhag mthong la ni 'dus ma byas kyi zhi gnas dang lhag mthong bsgom zhes bya ste/de ni brtsal ba dang 'bad pa med par lhun gyis grub pa nyid du zhi gnas dang lhag mthong la gnas pa'i phyir ro/ /yongs su dag dang rnam par dag /ces bya ba la/ sa brgyad pa dang / dgu pa dang / bcu pa'i dus kyi zhi gnas dang lhag mthong des sangs rgyas kyis gzhi shel gyi kha dog la sogs pa sbyong bar byed pas na yongs su dag pa zhes bya'o//nyon mongs pa dang shes bya'i sgrib pa'i bag la nyal tshun chad spangs pa'i sangs rgyas thob par byed pas na/ rnam par dag pa zhes bya ste/ 'di ni zhi gnas dang lhag mthong gi rab tu dbye ba'o//zhi gnas dang ni lhag mthong rnams/ /brtan pas sa rnams thams cad la/ /de ni rnal 'byor kun sgrub pa'o/ /zhes bya ba la/ rnal 'byor gyi sgra ni thabs la bya ste/ brtan pa byang chub sems dpa' rnams sa bcu thams cad la zhi gnas dang lhag mthong bsgom pa ni bdag dang gzhan gyi don thams cad sgrub par byed pa'i thabs yin te/de ni zhi gnas dang lhag mthong gi las so/ /'dus byas yod pa ni 'dus byas yin la zhes bya ba la/ gang la brtsal ba dang 'bad pa yod pa de la ni 'dus byas zhes bya na/ sa brgyad pa dang / dgu pa dang / bcu pa'i dus na brtsal ba dang 'bad pa med par zhi gnas dang lhag mthong lhun gyis grub par bsgom pa'i phyir 'dus ma byas zhes bya'o//thabs mkhas pa rnam par byed pa la tshigs su bcad pa rnam pa gnyis so zhes bya ba la/ zhi gnas dang lhag mthong gi 'og tu thabs mkhas pa'i skabs bshad par 'brel pa ci yod ce na/ zhi gnas dang lhag mthong ni don thams cad grub par byed pa'i thabs yin la/zhi gnas dang lhag mthong bsgoms pa de yang / thabs la mkhas pas theg pa gzhan du mi 'jug par bya ba'i phyir theg pa chen po'i don rtogs par bya bar yongs su bsngo bar bya ste/ de bas na zhi gnas dang lhag mthong gi 'og tu thabs la mkhas pa'i skabs bshad par 'brel to//de la byang chub sems dpa'i thabs kyang rnam pa lnga'o/ /sangs rgyas chos rnams rdzogs byed dang / /zhes bya ba la/ sangs rgyas kyi chos ni sa dang pha rol tu phyin pa dang / byang chub kyi phyogs dang / stobs dang / mi 'jigs pa dang / rnam pa thams cad mkhyen pa'i ye shes kyi bar la bya ste/de yongs su rdzogs par byed pa'i thabs ni rnam par mi rtog pa'i ye shes te/ 'di ni thabs rnam pa gcig go/ /de bas na shes rab kyi pha rol tu phyin pa 'bum las kyang gal te sbyin pa'i pha rol tu phyin pa yongs su rdzogs par 'dod na shes rab kyi pha rol tu phyin pa la bslab par bya'o zhes bya ba nas rnam pa thams cad mkhyen pa'i ye shes thob par 'dod pas shes rab kyi pha rol tu phyin pa la bslab par bya'o zhes gsungs so//sems can yongs su smin pa'i phyir ro zhes bya ba la/ sems can yongs su smin par byed pa'i thabs ni bsdu ba'i dngos po bzhi ste/des sems can mi dge ba'i gnas nas bslangs nas/ dge ba'i gnas su 'jog par byed pa'i phyir te/ 'di ni thabs rnam pa gnyis pa'o/ /myur du thob pa dang zhes bya ba la/ mngon par shes pa myur du thob cing / myur du mngon par 'tshang rgya bar byed pa'i thabs ni mdo las/sdig pa thams cad bshags par bya'o/ /bsod nams kun gyi rjes su yi rang bar bya'o/ /sangs rgyas thams cad la gsol ba gdab par bya'o/ /bdag gi shes pa bla na med pa'i byang chub tu 'tshang rgya bar gyur cig ces bya ba ste/ mdo sde'i tshig de bzhis rim bzhin du bshags pa dang /rjes su yi rang ba dang gsol ba dang / bsngo ba rnams bstan to/ /'di ni thabs rnam pa gsum pa'o/ /bya ba grub pa dang zhes bya ba la/ bya ba grub pa'i thabs ni ting nge 'dzin dang gzungs kyi sgo rnams te/ de gnyis kyis bdag dang gzhan gyi don rnams 'grub par byed pa'i phyir ro//ting nge 'dzin gyis rdzu 'phrul rnam pa sna tshogs bstan pa'i sgo nas gzhan gyi don 'grub par byed do/ /gzungs kyis ni bshad pa'i don dang tshig 'dzin pas bdag gi don 'grub par byed de/ 'di ni thabs bzhi pa'o/ /lam mi gcod par mkhas pa ni/ /zhes bya ba la/ lam mi gcod pa ni de bzhin gshegs pa'i gdung mi gcod pa ste/de'i thabs ni mi gnas pa'i mya ngan las 'das pa'i lam mo/ /de la mi gnas pa'i mya ngan las 'das pa'i lam ni rnam pa gnyis te/ shes rab dang snying rje'o/ /de la shes rab dang ldan pa ni 'khor ba na gnas kyang 'khor ba'i nyes pas mi gos te/ dper na pad+mo chu las skyes kyang chu'i nyes pa 'dam gyis mi gos pa bzhin no/ /snying rje dang ldan pas ni 'phags pa nyan thos bzhin du mya ngan las 'das pa 'ba' zhig tu mi 'jug gi/ 'khor bar sems can gyi don byed de/ 'di ni thabs rnam pa lnga pa'o/ /de yan chad kyis thabs kyi rab tu dbye ba bstan to/ /byang chub sems dpa' rnams kyi thabs//sa rnams kun la mnyam pa med/ /ces bya ba la/ 'jig rten pa dag rang gi don grub par bya ba'i phyir thabs la gnas pa yod/ 'phags pa nyan thos dang rang sangs rgyas dag kyang rang gi 'bras bu thob par bya ba'i thabs la gnas pa yod mod kyi/ byang chub sems dpa' rnams sa bcu dag na thabs la mkhas pa rnam pa lnga la gnas pa ni gnas pas khyad zhugs pas na mnyam pa med pa zhes bya'o//thabs gang la ni gnas nas su/ /don rnams thams cad 'grub par byed/ /ces bya ba la/ byang chub sems dpa' rnams thabs mkhas pa rnam pa lnga la gnas na/ bdag gi don dang gzhan gyi don gnyi ga 'grub par byed de/ de ni thabs mkhas pa'i las so/ /gzungs rnam par dbye ba la tshigs su bcad pa gsum ste zhes bya ba la/ thabs kyi 'og tu gzungs kyi skabs bshad par 'brel pa ci yod ce na/ gzungs kyi byang chub sems dpa' byang chub kyi phyogs thams cad kyang thob la/gzungs kyi stobs kyis sangs rgyas dang byang chub sems dpa' rnams kyis gsungs pa'i don dang tshig rnams kyang ma lus par 'dzin par byed cing / sngon ma thos pa'i chos dang don rnams kyang sems la snang bar 'gyur te/ de bas na thabs dang ldan na chos dang gzungs dang don 'dzin pa'i gzungs thob pa'i phyir/thabs kyi 'og tu gzungs bshad par 'brel to/ /yang na thabs mkhas pa dang gzungs la sogs pa byang chub kyi phyogs kyi chos kyi nang du gtogs pas/ de'i don mi bshad du mi rung ba'i phyir bshad do/ /yang na gtsug lag 'di ni mdo sde'i don 'chad pa yin te/theg pa chen po'i mdo sde las/ thabs dang / gzungs dang / smon lam dag 'byung ste de'i don bshad dgos pas gzungs kyi don bshad do/ /rnam smin thos pa goms pa dang / ting nge 'dzin gzungs te zhes bya ba la sogs pa la/ gzungs kyi rab tu dbye ba dang las bstan te/'dir gzungs kyi rang bzhin ma bshad mod kyi/ gzungs kyi rang bzhin ni dran pa dang shes rab kyi rang bzhin te/ dran pa dang shes rab khyad par can la gzungs zhes bya'o/ /de la gzungs rnam pa gsum ste/ rnam par smin pa las byung ba'i gzungs dang / thos pa goms pa las byung ba'i gzungs dang /ting nge 'dzin gyi gzungs so/ /de la tshe rabs gzhan du dam pa'i chos dris pa dang / mchod pa dang / bcangs pa dang / klags pa la sogs pa gzungs thob par 'gyur ba'i las dge ba bsags pas gang du skyes par 'di lta bu'i phung po mngon par 'grub par 'gyur te/ phung po gang grub pas sangs rgyas dang byang chub sems dpa' rnams kyis gang bshad pa'i don dang tshig rnams lan cig bshad pas kun 'dzin par nus te/'di ni rnam par smin pa las byung ba'i gzungs zhes bya'o/ /de bas na 'phags pa blo gros mi zad pa'i mdo las kyang / de la gzungs mi zad pa gang zhe na/gzungs zhes bya ba ni gang dge ba'i rtsa ba'i tshogs bsags pa dran pas chos kyi phung po stong phrag brgyad cu rtsa bzhi 'dzin pa dang / kun 'dzin pa dang / mi brjed pa dang / dran pas kun 'dzin pa 'di ni gzungs zhes bya'o zhes gsungs so/ /tshe 'dir dge ba'i bshes gnyen mang po la chos mang po lan mang du mnyan pa las sangs rgyas dang byang chub sems dpa' la sogs pas bshad pa dang /mkhan po dang / slob dpon la sogs pas bshad pa'i chos kyi don tshig ma lus par 'dzin nus par 'gyur te/ 'di ni thos pa la goms pa las byung ba'i gzungs zhes bya'o//gzungs de'i dbang du byas nas/ 'phags pa blo gros mi zad pa'i mdo las kyang / yang gzungs zhes bya ba ni sangs rgyas bcom ldan 'das kyis gsungs pa thams cad 'dzin pa dang / byang chub sems dpa' thams cad dang / rang sangs rgyas thams cad dang / nyan thos thams cad dang / sems can thams cad kyis smras pa dang / legs par smras pa thams cad ma lus par 'dzin pa ste/ 'di ni gzungs zhes bya'o zhes gsungs so/ /gang gis stong pa nyid dang / mtshan ma med pa dang / smon pa med pa'i ting nge 'dzin la sogs pa'i ting nge 'dzin dang gang yang rung ba cig bsgoms te mngon du byas pa dang /sangs rgyas dang byang chub sems dpa' rnams kyis bshad pa'i don dang tshig rnams la lan cig gis 'dzin par nus pa ni ting nge 'dzin gyi gzungs zhes bya'o/ /chung ba dang ni chen po dang / /zhes bya ba la/ gong du bshad pa'i gzungs gsum las/rnam par smin pa las byung ba dang / thos pa goms pa las byung ba'i gzungs ni chung ngu zhes bya'o/ /ting nge 'dzin gyi gzungs ni chen po zhes bya'o/ /chen po la yang rnam pa gsum ste zhes bya ba la/ ting nge 'dzin gyi gzungs chen por bshad pa la chen po de la yang rnam pa gsum du gzhag ste/chung ngu dang / 'bring dang / chen po'o/ /ma zhugs zhugs pa brtan rnams kyi/ /chung ngu dang ni 'bring po dang / /sa dag pa yi sa yin te/ /zhes bya ba la/ sa dang po la ma zhugs pa mos pas spyod pa rnams ting nge 'dzin 'ga' zhig bsgoms pa las gzungs thob pa ni chung ngu zhes bya ste/chung ngu ni chos dbyings mngon du ma byas pa'i phyir ro/ /sa la zhugs pa'i byang chub sems dpa' bstan pa rnams kyi gzungs la yang sa dang po yan chad sa bdun pa man chad ma dag pa'i ting nge 'dzin las grub pa'i gzungs ni 'bring po zhes bya ste/ sa de dag na brtsal ba dang 'bad pa yod pa'i phyir ro//dag pa'i sa ni chen po'o zhes bya ba las brgyad pa dang / sa dgu pa dang / sa bcu pa dag pa'i sa la gnas pa'i ting nge 'dzin las skyes pa'i gzungs ni brtsal 'bad med par lhun gyis grub par 'jug pa'i phyir te/ des ni gzungs kyi rab tu dbye ba bstan to/ /gzungs rnams la ni rab gnas te//yang dang yang ni byang chub dag /dam pa'i chos kyang ston byed cing / /rtag par rab tu 'dzin par byed/ /ces bya ba la/ byang chub sems dpa' dag gong du bshad pa'i rnam par smin pa las byung ba'i gzungs dang / thos pa goms pa las byung ba'i gzungs dang / ting nge 'dzin gyi gzungs gsum la gnas shing brten nas rgyun du sems can la phan par bya ba'i phyir dam pa'i chos kyi tshig dang don kyang ston cing bdag la phan par bya ba'i phyir sangs rgyas dang byang chub sems dpas gsungs pa'i don dang tshig kyang 'dzin par byed de/de ni gzungs kyi las so/ /yang dang yang zhes bya ba ni rtag pa dang rgyun ma chad par zhes bya ba'i don to//thos pa goms pas ni tshe 'di la mang du thos pa 'dzin pa dang zhes bya ba la sogs pa la/ tshe 'dir dge ba'i bshes gnyen mang po la lan mang du mnyan pa las sangs rgyas la sogs pas bshad pa'i don dang tshig 'dzin cing mi brjed par bzung ba'i mthu yod de/ de ni thos pa goms pa las byung ba'i gzungs zhes bya'o//smon lam rnam par dbye ba'i tshigs su bcad pa gsum ste zhes bya ba la/ gzungs kyi 'og tu smon lam gyi skabs bshad par 'brel pa ci yod ce na/ de ltar gzungs thob pa'i byang chub sems dpa' rnams bdag dang gzhan gyi don du smon lam 'debs te/smon lam btab pa yang smon lam gang dang gang btab pa de dang de dag thams cad de bzhin du 'grub par 'gyur te/ de bas na gzungs kyi 'og tu smon lam gyi skabs bshad par 'brel to/ /'dod dang ldan pa'i sems pa ni/ /zhes bya ba la sogs pas smon lam gyi rang bzhin dang /rgyu dang / sa dang / dbye ba dang / las bstan to/ /de la 'dod pa ni 'dod par bya ba'i dngos po la 'dod pa skye ba ste/ 'dir yang bla na med pa'i byang chub kyi 'bras bu ji ltar thob par bya snyam du sems shing 'dod pa ni 'dod pa zhes bya'o/ /sems pa ni sems g.yo zhing 'gul bar byed pa'i mtshan nyid de sems bskyed nas bla na med pa'i byang chub kyi 'bras bu ji lta bar thob par bya snyam du sems shing tshig tu 'byin pa ni smon lam gyi rang bzhin no//ye shes kyis ni de bskul te/ /zhes bya ba la/ ye shes ni 'di'i rnam par mi rtog pa'i ye shes la bya ste/ byang chub sems dpa' rnams kyi smon lam ni rnam par mi rtog pa'i ye shes kyi rgyu las byung bas na ye shes kyis bskul ba zhes bya'o//yang na ye shes de thob par bya bar bsngos pa ni ye shes kyis bskul ba zhes bya ste/ 'dis ni rgyu bstan to/ /brtan pa rnams kyi smon lam ni/ /sa rnams kun la mnyam pa med//ces bya ba la/ brtan pa byang chub sems dpa' rnams sa bcu thams cad du smon lam 'debs pa de ni 'jig rten pa dag lha dang mi'i 'bras bu thob par bya ba'i phyir smon lam 'debs pa dang / nyan thos dang rang sangs rgyas dag gi 'bras bu thob par bya ba'i phyir smon lam 'debs pa yod mod kyi/smon lam de dag kun pas kyang khyad zhugs pas na mnyam pa med pa zhes bya ste/ 'dis ni sa bstan to/ /rgyur gyur pa yang shes par bya/ /zhes bya ba la/ byang chub sems dpa' rnams kyi smon lam ni don thams cad 'grub pa'i rgyur 'gyur bar shes par bya'o zhes bya ba'i don to//de la don thams cad 'grub par bya ba ni rnam pa gnyis te/ tshe 'dir bdag dang gzhan gyi don 'grub par bya ba dang / tshe rabs gzhan du bdag dang gzhan gyi don 'grub par bya ba'o/ /sems las 'phral du 'bras bu'ang de/ /zhes bya ba la/de zhes bya ba'i sgra ni smon lam dang sbyar te/ byang chub sems dpa'i smon lam de zhes bya ba'i don to/ /sems las zhes bya ba ni sems tsam las she'am/ /smon lam btab pa tsam gyis zhes bya ba'i don to/ /'phral du zhes bya ba ni tshe 'di la bya ba'i don to/ /don du na lus dang ngag gi sgo nas las su byas pa med par tshe 'dir yang smon lam btab pa tsam gyis bdag dang gzhan gyi don 'grub par 'gyur ro zhes bya ba'i don to//ma 'ongs don rnams 'grub pa'i phyir/ /sems tsam las ni 'grub par 'gyur/ /zhes bya ba la/ ma 'ongs pa ni tshe phyi ma la bya ste/lus dang ngag gi sgo nas g.yos pa med la/ sems tsam gyis bsams pa'am/ smon lam btab pa tsam gyis tshe phyi mar yang bdag dang gzhan gyi don kun sgrub par byed do zhes bya ba'i don to/ /sna tshogs zhes bya ba la mos pas spyod pa'i dus kyi byang chub sems dpa' rnams kyi smon lam ni sna tshogs zhes bya ste/de'i dus na chos kyi dbyings kun du 'gro ba'i mtshan nyid mi rtogs pas/ 'di dang 'di lta bur gyur cig ces smon lam 'debs pa yang tha dad pa ni mi mthun par 'debs pas sna tshogs zhes bya'o/ /chen po zhes bya ba la/ sa dang por zhugs pa'i byang chub sems dpa' rnams kyi smon lam ni chen po zhes bya ste/smon lam chen po bcu mngon par sgrub pa'i phyir ro/ /rnam dag gong ma gong ma'i sa rnams la/ /byang chub bar du sems pa rnams/ /zhes bya ba la/ sa gnyis nas brtsams te/ sangs rgyas kyi sa la ma thug gi bar gyi byang chub sems dpa' rnams kyi smon lam ni rnam par dag pa zhes bya ste/ji lta zhe na sa 'og ma 'og ma la ltos nas/ sa gong ma gong ma rnams kyi smon lam 'phags shing khyad zhugs pa'i phyir te/ 'dis ni smon lam gyi rab tu dbye ba bstan to/ / bdag dang gzhan don rab tu sgrub/ /ces bya ba la/ byang chub sems dpa'i smon lam gyis ni bdag gi don yang sgrub par byed/ gzhan gyi don yang sgrub par byed de/ de ni las so/ /smon lam gyi mthus bsod nams kyi stobs dang ldan pa zhes bya ba la sogs pa la/ bsod nams kyi tshogs bsags pa'i byang chub sems dpa' bsod nams kyi stobs dang ldan pas smon lam btab pa'i mthus byang chub sems dpa' rnams lus dpag tu med pa dang /'od zer dpag tu med pa dang / rdzu 'phrul dpag tu med pas bdag dang gzhan gyi don sgrub pa ni tshig gis brjod par sla ba ma yin no zhes bya ba la sogs pa mdo las gsungs pas na/smon lam gyis bdag dang gzhan gyi don sgrub par mngon no/ /ting nge 'dzin gsum rnam par dbye ba la tshigs su bcad pa gsum ste zhes bya ba la/ smon lam gyi 'og tu ting nge 'dzin gsum bshad par 'brel pa ci yod ce na/de ltar gzungs dang smon lam du ldan pa'i byang chub sems dpa' sgrib pa thams cad spang bar bya ba'i phyir ting nge 'dzin gsum la sgom par byed de/ de gsum la bsgoms na bdag dang gzhan gyi don phyin ci ma log pa rnams spong bar 'gyur bas na/smon lam gyi 'og tu ting nge 'dzin gsum rnam par dbye ba'i skabs bshad par 'brel to/ /yang na smon lam dang ldan pa'i byang chub sems dpa' rnams lus kyi las sam/ ngag gi las sam/ yid kyi las gang sgrub par bsams pa de dang de dag thams cad de bzhin du sgrub ste/las gsum la yang sems kyi las ting nge 'dzin bsgrub pa gtso bo yin pas na/ smon lam gyi 'og tu ting nge 'dzin gyi skabs bshad par 'brel to/ /bdag med gnyis po dag dang ni/ /bdag 'dzin gnas su shes par bya/ /de dag rtag tu nye bar zhi//ting 'dzin gsum gyi spyod yul lo/ /zhes bya ba la/ spyod yul ni dmigs pa'i yul la bya ste/ de la kun du brtags pa'i gang zag la bdag med pa dang / kun du brtags pa'i chos la bdag med pa gnyis ni stong pa nyid kyi ting nge 'dzin gyi spyod yul te/ stong pa nyid kyi ting nge 'dzin gyis ni kun brtags kyi gang zag dang chos la bdag med pa'i stong pa nyid la dmigs pa'i phyir ro/ /gang zag la bdag med pa dang chos la bdag med pa'i gnas dang rten ni nye bar len pa'i phung po lnga ste/ nye bar len pa'i phung po lnga la dmigs nas gang zag dang chos yod par rtogs pa'i phyir ro//nye bar len pa'i phung bo lnga la ni smon pa med pa'i ting nge 'dzin gyis dmigs te/ de ji ltar dmigs she na/ nye bar len pa'i phung po lnga po 'di dag ni bdag dang chos su 'khrul pa med par 'byung ba'i gnas dang rten yin zhing skye ba dang rga ba la sogs pa'i sdug bsngal rnam pa sna tshogs dang ldan pa yin pas smon par bya ba ma yin no zhes bya bar dmigs so//kun brtags kyi gang zag dang / kun brtags kyi chos nye bar zhi zhing spangs pa dang / de gnyis kyi gzhi nye bar len pa'i phung po lnga nye bar zhi zhing spangs pa'i 'gog pa'i bden pa yongs su grub pa'i mtshan nyid la ni mtshan ma med pa'i ting nge 'dzin gyis dmigs te/ji ltar dmigs she na/ yongs su grub pa'i mtshan nyid ni mig dang gzugs la sogs pa'i mtshan ma thams cad dang bral ba yin no zhes dmigs so//ting nge 'dzin rnam pa gsum po ni/ gzung 'dzin dngos por shes par bya/ /zhes bya ba la/ gong du bshad pa ltar na stong pa nyid dang / smon pa med pa dang / mtshan ma med pa'i ting nge 'dzin gsum ni gzung ba dang 'dzin pa'i ngo bo lta bur gyur par shes par bya ste/ bdag med pa rnam pa gnyis dang / de'i gnas nye bar len pa'i phung po lnga dang / de dag nye bar zhi ba yongs su grub pa'i mtshan nyid ni gzung ba'i dngos po lta bu'o/ /stong pa nyid dang smon pa med pa dang / mtshan ma med pa'i ting nge 'dzin gsum ni 'dzin pa'i dngos po lta bur shes par bya'o//gzung ba'i spyod yul gsum la 'dzin pa ni/ /zhes bya ba la sogs pa la/ yul du gyur pa bdag med pa gnyis dang / de'i gnas su gyur pa nye bar len pa'i phung po lnga dang / de dag nye bar zhi ba'i mtshan nyid yongs su grub pa'i mtshan nyid dmigs pa ni stong pa nyid la sogs pa'i ting nge 'dzin gsum ste/de bas na bdag med pa rnam pa gnyis la sogs pa ni gzung bar gzhag /stong pa nyid kyi ting nge 'dzin gsum ni 'dzin par gzhag ste/ bdag med pa gnyis ni stong pa nyid kyi ting nge 'dzin gyi spyod yul lo/ /'dzin pa gnyis kyi gnas ni smon pa med pa'i ting nge 'dzin gyi spyod yul lo//de dag nye bar zhi ba ni mtshan ma med pa'i ting nge 'dzin gyi spyod yul te/ tshig de dag gis ting nge 'dzin gsum gyi spyod yul gang yin pa bstan to/ /rnam mi rtog dang rgyab kyis phyogs/ /dga' ba dang ni rtag tu ldan//zhes bya ba la/ stong pa nyid kyi ting nge 'dzin gsum ni rnam par mi rtog pa'i mtshan nyid de/ stong pa nyid kyi ting nge 'dzin des kun brtags kyi chos dang / kun brtags kyi gang zag la yod par mi rtog pa'i phyir ro/ /smon pa med pa'i ting nge 'dzin ni rgyab kyis phyogs pa'i mtshan nyid de/kun brtags kyi gang zag dang chos rnams byung ba'i rgyur gyur pa'i nye bar len pa'i phung po lnga sdug bsngal sna tshogs kyi rten du gyur par khong du chud pas chags pa mi skye ba'i phyir ro/ /mtshan ma med pa'i ting nge 'dzin ni rtag tu dga' ba dang ldan pa'i mtshan nyid de/kun brtags kyi gang zag dang / chos su 'khrul pa spangs pa dang / de dag gi gnas nye bar len pa'i phung po lnga spangs pa'i mya ngan las 'das pa yongs su grub pa'i mtshan nyid la rtag tu sems dga' ba skye ba'i phyir te/ tshig de dag gis ting nge 'dzin gyi mtshan nyid bstan to//ting nge 'dzin gsum du ci'i phyir bshad ce na/ de'i phyir/ yongs su shes dang spang ba dang / /mngon sum du ni bya ba'i phyir/ /rnam pa gsum du rab tu bshad/ /ces smos te/ stong pa nyid dang / smon pa med pa dang / mtshan ma med pa'i ting nge 'dzin gsum ni yongs su shes par bya ba dang /spang bar bya ba dang / mngon sum du bya ba'i phyir ting nge 'dzin gsum bshad do/ /de la kun brtags kyi chos dang gang zag la bdag med pa'i stong pa shes par bya ba'i phyir stong pa nyid kyi ting nge 'dzin bshad de/ stong pa nyid kyi ting nge 'dzin gyis ni kun brtags kyi chos dang gang zag gi stong pa khong du chud pa'i phyir ro//de'i gnas su gyur pa nye bar len pa'i phung po lnga spang bar bya ba'i phyir ni smon pa med pa'i ting nge 'dzin bshad do/ /smon pa med pa'i ting nge 'dzin gyis ni nye bar len pa'i phung po lnga sdug bsngal gyi rang bzhin can yin par shes nas spong bar byed pa'i phyir ro//kun brtags kyi gang zag dang / chos su brtags pa dang yang bral/ de'i gnas nye bar len pa'i phung po lnga spangs pa'i yongs su grub pa'i mtshan nyid mngon sum du bya ba'i phyir mtshan ma med pa'i ting nge 'dzin bshad do//mya ngan las 'das pa ni mtshan ma med pa'i ting nge 'dzin gyis mngon sum du byed pa'i phyir ro/ /mdo sde rgyan bam po drug pa'i bshad pa rdzogs so// //chos kyi mdo rnam par dbye ba la tshigs su bcad pa gnyis te zhes bya ba la/ ting nge 'dzin gsum gyi 'og tu chos kyi mdo bzhis bshad par 'brel pa ci yod ce na/gong du ting nge 'dzin gyi yul dang / mtshan nyid la sogs pa bshad na/ chos gang la bsgoms pa'i ting nge 'dzin gsum 'grub par 'gyur ba'i rgyu ma bstan te/ de bas na chos kyi mdo bzhi la bsgoms na ting nge 'dzin gsum gyi rgyu chos kyi mdo bzhi yin par bstan pa'i phyir/ting nge 'dzin gyi 'og tu chos kyi mdo bzhi bshad par 'brel to/ /ting nge 'dzin gyi rgyu yi phyir/ /chos kyi mdo ni rnam pa bzhi/ /byang chub sems dpa' bshad pa ni/ /sems can rnams la phan 'dogs phyir/ /zhes bya ba la/ stong pa nyid dang / smon pa med pa dang / mtshan ma med pa'i ting nge 'dzin gsum du mngon du bya ba'i rgyur byang chub sems dpa' rnams kyis 'dus byas thams cad mi rtag pa dang / 'dus byas thams cad sdug bsngal ba dang / chos thams cad bdag med pa dang / zhi ba dang mya ngan las 'das pa zhes bya bar chos kyi mdo bzhi bshad de/su la bshad ce na/ sems can rnams la bshad do/ /ci'i phyir bshad ce na/ sems can rnams phan pa dang bde bar bya ba'i phyir bshad do zhes bya ba'i don to/ /de la 'dus byas thams cad mi rtag pa'o/ /'dus byas thams cad ni sdug bsngal lo zhes bya ba la sogs pa la/'dus byas thams cad mi rtag pa'o zhes bya ba'i chos kyi mdo dang / 'dus byas thams cad sdug bsngal ba'o zhes bya ba'i chos kyi mdo gnyis ni smon pa med pa'i ting nge 'dzin mngon sum du bya ba'i rgyu'i dngos por bshad de/ 'dus byas thams cad mi rtag pa dang / 'dus byas thams cad sdug bsngal ba yin no zhes rnam pa gnyis ltar bsgoms na sog le'i so dang 'dra ba'i 'dus byas rnams la chags shing smon lam mi 'debs pas smon pa med pa'i ting nge 'dzin 'grub ste/ de bas na chos kyi mdo gnyis ni smon pa med pa'i ting nge 'dzin gyi rgyu'i dngos por bshad do//chos thams cad bdag med ces bya ba la ni stong pa nyid kyi'o zhes bya ba la/ chos thams cad bdag med ces bya ba'i chos kyi mdo ni stong pa nyid kyi ting nge 'dzin gyi rgyu'i dngos por bshad de/ kun brtags kyi gang zag la bdag med pa dang /kun brtags kyi chos la bdag med par bsgoms na stong pa nyid kyi ting nge 'dzin 'grub ste/ de bas na chos kyi mdo gsum pa ni stong pa nyid kyi ting nge 'dzin gyi rgyu'i dngos por bshad do/ /zhi ba ni mya ngan las 'das pa'o zhes bya ba la sogs pa la/zhi ba ni mya ngan las 'das pa'o zhes bya ba'i chos kyi mdo ni mtshan ma med pa'i ting nge 'dzin gyi rgyu'i dngos por bshad de/ mya ngan las 'das pa ni dbang po dang yul la sogs pa'i mtshan ma thams cad dang bral ba rnam par rtog pa dang / dpyod pa thams cad las 'das pa'i rnam par bsgoms na mtshan ma med pa'i ting nge 'dzin 'grub ste/de bas na chos kyi mdo bzhi pa ni mtshan ma med pa'i ting nge 'dzin gyi rgyu'i dngos por bshad do/ /ji ltar na mi rtag pa'i don zhes bya ba la sogs pa la/ mi rtag pa la sogs pa'i chos kyi mdo bzhi bshad pa la/mi rtag pa'i don ni ji lta bu sdug bsngal ba'i don ni ji lta bu/ bdag med pa'i don ni ji lta bu/ zhi ba'i don ni ji lta bu zhe na zhes bya ba'i don to/ /med pa'i don dang zhes bya ba la/ mi rtag ces bya ba'i sgra/ rgya gar skad du/ a ni ta ta zhes bya ba 'byung ste/a ni med pa'i don to/ /ni ta ta ni rtag pa'i don te/ byang chub sems dpa' rnams kyi skye ba dang / 'jig pa'i don ni mi rtag pa'i don ma yin gyi/ gang du rtag tu med pa'i don ni mi rtag pa'i don to/ /rtag tu med pa yang gang zhe na/ 'dus byas rnams la kun du brtags pa'i gang zag dang /kun brtags kyi chos rnams ni ri bong gi rwa bzhin du med de kun brtags kyi mtshan nyid rtag tu med pa'i don ni mi rtag pa'i don to/ /de bas na 'phags pa blo gros mi zad pa'i mdo las kyang / de la mi rtag pa'i don gang zhe na/ med pa'i don dang mi rtag pa'i don te/ dngos po 'jig pa'i don ni ma yin no/ /mi rtag pa'i don ni chos la bdag med pa ste/ ngo bo nyid kyis dben pa'i phyir de la 'jig pa gang yang med/ 'di ni mi rtag pa'i don to zhes bya ba gsungs so/ /des ni 'dus byas thams cad mi rtag pa'o zhes bya ba'i chos kyi mdo'i don bstan to//rnam rtog don zhes bya ba la/ gzung ba dang 'dzin par kun du rtog pa'i sems dang sems las byung ba gzhan gyi dbang gi mtshan nyid gang yin pa'i don ni sdug bsngal ba'i don te/ ji tsam du gzhan gyi dbang gis gzung ba dang / 'dzin par kun du rtog par byed pa'i de tsam du 'khor ba na sdug bsngal bar 'gyur te/de bas na gzhan dbang phyin ci log tu rtog pa'i don ni sdug bsngal ba'i don to/ /de bas na 'phags pa blo gros mi zad pa'i mdo las kyang / de la sdug bsngal gyi don gang zhe na/ dga' ba med pa'i don ni sdug bsngal gyi don to/ /dga' ba zad pa ni sdug bsngal ba'i don to//smon pa med pa'i don ni sdug bsngal gyi don to/ /sdug bsngal gyi sgra rab tu bstan pa ni sdug bsngal gyi don to zhes bya ba la sogs pa gsungs so/ /'dis ni 'dus byas thams cad sdug bsngal ba'o zhes bya ba'i chos kyi mdo'i don bstan to/ yongs su rtogs don de bzhin te/ /zhes bya ba la/ de bzhin te zhes bya ba ni nges par yod de zhes bya ba'i don to/ /kun brtags pa'i gang zag dang kun brtags pa'i chos la ni bdag dang rang bzhin med kyi/ de ltar kun du rtog par byed pa'i gzhan dbang med pa ma yin pa'i don ni bdag med pa'i don te/don du na kun brtags kyi gang zag dang / chos la rang bzhin med pa'i don ni bdag med pa'i don to/ /de bas na 'phags pa blo gros mi zad pa'i mdo las kyang / de la bdag med pa'i don gang zhe na/ bdag ni shin tu bdag med pa ste/ gang bdag med pa'i don de ni gsob po//gsog go /rang lus pa'o/ /stong pa'o/ /stong pa'i don ni bdag med pa'i don te/ 'di ni bdag med pa'i don zhes bya'o zhes gsungs so/ /'dis ni chos thams cad bdag med pa zhes bya ba'i chos kyi mdo'i don bstan to/ /rnam par rtog pa zhi ba'i don zhes bya ba la//rnam par rtog pa sems dang sems las byung ba gzhan dbang gi mtshan nyid kun brtags kyi gang zag dang / kun brtags kyi chos su rtog pa dang bral te/ gzung 'dzin gyi dri ma spangs nas yongs su grub pa'i mtshan nyid kyi don gang yin pa zhi ba mya ngan las 'das pa zhes bya ba'i don kyang de yin no//de bas na 'phags pa blo gros mi zad pa'i mdo las kyang / de la zhi ba'i don gang zhe na/ zhi bas zhi bar mi 'gyur te/ zhi ba nyid zhi ba'o/ /ma zhi ba yang zhi bas zhi bar mi 'gyur te/ gang zhi ba'i don de ni mtshan ma thams cad nye bar zhi ba ste/'di ni zhi ba zhes bya'o zhes gsungs so/ /'dis ni zhi ba mya ngan las 'das pa'o zhes 'byung ba'i chos kyi mdo'i don bstan to/ /de dag bzhi ni bstan pa yi/ /zhes bya ba la/ byang chub sems dpa' rnams kyi chos kyi mdo bzhi'i don ni gong du bshad pa de lta bu yin no zhes bya ba'i don to//byang chub sems dpa' rnams kyi med pa'i don ni mi rtag pa'i don to zhes bya ba la/ mi rtag pa'i don la rnam pa gnyis te/ skye ba dang 'jig pa'i don dang med pa'i don to/ /de la byang chub sems dpa' rnams kyi mi rtag pa'i don ni nyan thos la sogs pa lta bu skye ba dang 'jig pa'i don ni mi rtag pa'i don ma yin gyi/gang med pa'i don ni mi rtag pa'i don du 'dod do/ /gang rtag tu med pa de ni mi rtag pa ste zhes bya ba la/ de bas na gang rtag tu med pa de la mi rtag pa zhes bya ste/ rtag tu med pa de'ang gang zhe na/ kun du brtags pa'i gang zag dang /kun du brtags pa'i chos rnams te/ kun brtags kyi mtshan nyid thams cad ni ri bong gi rwa bzhin du rtag tu med de/ kun brtags rtag tu med pa nyid la mi rtag pa'o zhes bya'o/ /yang dag pa ma yin pa la rtog pa'i don ni sdug bsngal ba'i don to zhes bya ba la/kun brtags kyi gang zag dang / kun brtags kyi chos la yod par rtog pa'i sems dang sems las byung ba'i don la sdug bsngal ba'i don zhes bya ste/ don du gzhan gyi dbang gi mtshan nyid la sdug bsngal ba zhes bya'o/ /de ni mdor na 'di skad du bstan pa yin te/ phyin ci log dang ldan pa'i sems dang sems las byung ba rnams med pa'i gang zag dang chos la yod par phyin ci log tu rtog ste/ ji tsam du phyin ci log par yod pa de srid du skye ba dang / rga ba la sogs pa'i sdug bsngal 'byung zhing bslad pa'i bdag nyid yin pas sdug bsngal ba'o zhes bya'o//yang na zag pa dang bcas pa'i phyin ci log dang ldan pa'i sems dang sems las byung ba rnams skye zhing 'jig pa'i chos can te/ gang skye zhing 'jig par 'gyur ba'i don de ni mi rtag pa'i don to/ /gang mi rtag pa de ni sdug bsngal ba ste/ sdug bsngal bar 'gyur ba de nyid sdug bsngal ba'i don te/des 'dus byas thams cad mi rtag ces bya ba dang / 'dus byas thams cad sdug bsngal ba zhes bya ba'i chos kyi mdo gnyis kyi don bstan to/ /yongs su rtog pa tsam gyi don ni bdag med pa'i don to zhes bya ba la/ yongs su rtog pa gzhan dbang tsam ni yod kyi/kun brtags kyi gang zag dang chos med pa'i don ni bdag med pa'i don to zhes bya ba'i tha tshig go/ /don de nyid bstan pa'i phyir de bzhin te zhes bya ba'i sgra ni nges pa ste zhes bya ba la/ ka ri kA las/ de bzhin te zhes bya ba'i sgra 'byung ba nges par yod pa'i don du drangs te/yongs su brtags pa'i gang zag dang / yongs su brtags pa'i chos ni med kyi/ de la kun du rtog par byed pa'i gzhan dbang gi sems tsam ni yod pa'i don la/ bdag med pa'i don zhes bya ste/ kun brtags kyi chos dang / gang zag la rang bzhin med pa nyid bdag med pa'i don to//rnam par rtog pa nye bar zhi ba'i don ni zhes bya ba la sogs pa la/ nam gzhan gyi dbang gi mtshan nyid la/ kun du brtags pa'i bdag nyid kun du brtags pa'i chos dang bral nas yongs su grub pa'i mtshan nyid du 'gyur ba'i don la zhi ba mya ngan las 'das pa zhes bya'o/ / gzhan gyi dbang ni mtshan nyid skad cig tu 'jig pa'i don kyang zhes bya ba la sogs pa la/ skye zhing 'jig pa'i don la yang mi rtag pa zhes bya ste/ de bas na gzhan gyi dbang gi mtshan nyid skad cig ma snga ma ni 'gag /phyi ma mi skye ste/ skad cig ma'i don la yang mi rtag pa'i don du blta'o zhes bya ba'i don to//de bas na de sgrub pa'i phyir zhes bya ba la/ de ltar gzhan dbang rnams skad cig ma yin pas na/ ji ltar skad cig ma yin pa bsgrub pa'i phyir tshigs su bcad pa bcus skad cig ma yin pa'i rgyu dang gtan tshigs ston to/ /mi rigs rgyu las byung ba'i phyir/ / zhes bya ba la sogs pa la/ dngos po rnams tshad mas bsgrub pa la ni rnam pa gsum gyis bsgrub par bya ste/ dam bca' ba dang / rgyu dang dpe'o/ /dper na/ dngos po thams cad rang bzhin med/ /ces bya ba ni dam bca' ba'o/ /gcig dang du ma'i rang bzhin dang bral ba'i phyir zhes bya ba ni rgyu'o//gzugs brnyan bzhin zhes bya ba ni dpe'o/ /de dang 'dra bar 'dir yang tshigs bcad bcu'i mjug nas 'dus byas thams cad mi rtag pa'o zhes bya ba'i tshig ni dam bca' ba ste/ ji ltar dam bca' zhe na/ phyi nang gi 'dus byas rnams skad cig ma re re la 'jug pas na/mi rtag pa yin par dam bcas so/ /de la yang / mi rigs rgyu las byung ba'i phyir/ /zhes bya ba la sogs pa'i tshigs su bcad pa gnyis kyis ni phyi nang gi dngos po gnyi ga bsdus nas mi rtag pa yin par gtan tshigs kyis ston te/ de la gtan tshigs ni mi rigs pa'i phyir dang /rgyu las byung ba'i phyir dang / 'gal ba'i phyir dang / bdag nyid mi gnas pa'i phyir dang / dngos po med pa'i phyir dang / mtshan nyid nges pa'i phyir dang / rjes su 'brang ba'i phyir dang / 'gog pa'i phyir dang / 'gyur ba nye bar dmigs pa'i phyir dang /rgyu dang 'bras bu'i phyir dang / zin pa'i phyir dang / dbang gi phyir dang / dag pa'i phyir dang / sems can gyi rjes su 'brang ba'i phyir dang / phyi nang gi 'dus byas rnams mi rtag go zhes dam bca' ste/ mi rigs pa la sogs pa mi rtag par sgrub pa'i rgyu dang gtan tshigs yin no/ / de yang ji ltar 'grub ce na zhes bya ba ni phyi nang gi 'dus byas rnams mi rtag pa dang / skad cig ma yin par rgyu gang dang / gtan tshigs gang dang / tshad ma gang gis 'grub ce na zhes bya ba'i don to/ /skad cig ma med par 'dus byas rnams 'jug par mi rigs pa'i phyir te zhes bya ba la/phyi nang gi 'dus byas rnams skad cig ma snga ma 'gags shing phyi ma skye ba'i tshul du rgyun ma chad par 'byung zhing 'jug par mi rigs te/ 'dus byas rnams te rgyun du 'byung bas na skad cig ma yin no/ /'jug pa mi rigs zhes smras ba'i don bstan pa'i phyir/ 'jug pa ni rgyun du 'byung bas na 'jug pa zhes bya'o zhes bya ba smos te/'jug pa zhes bya ba'i don ni breng ma chad pa'am/ 'dab chags sam/ snga phyi'i rgyun 'brel par skad cig ma snga ma ni 'gags/ phyi ma ni skye ba'i tshul du chu'i rgyun bzhin du breng ma chad par 'byung ba la 'jug pa zhes bya'o/ / breng ma chad pa la 'jug pa zhes bya bar gyur kyang de skad du smras pa dang / des ci zhig bsgrub pa yin snyam pa la de'i phyir/ de yang skad cig ma re re la skye ba dang / 'gag pa med par mi rung ngo zhes bya ba smos te/ de ltar rgyun du 'jug pa de yang skad cig ma snga ma ni 'gags/ phyi ma skye ba'i tshul du skye ba dang 'gag pa med pa rgyun du 'jug par mi rung ste/dper na chu'i skad cig ma'i rgyun 'bab pa bzhin no/ /de ste yang dus gzhan du 'jug cing snga ma dang phyi ma 'gog pa dang / skye ba'i rgyun gyis 'jug par 'dod na zhes bya ba ni gal te gzhan dag 'di snyam du sems te/skad cig ma dang po de rgyus skyes nas de ma thag tu mi 'gag gi /lo'am zhag gam zla ba'i bar du ma 'gags par 'dug nas/ de nas yang de 'gags te/ skad cig ma gzhan rgyus bskyed nas rgyus bskyed pa'i skad cig ma de yang lo'am zla ba'am zhag 'gags te/yang gzhan skye ba'i tshul du rgyun du 'jug par rung ngo snyam du sems pa la/ de yang mi rung bar ston to/ /ji ltar mi rung bar rigs pa bstan pa'i phyir/ rgyu med pa'i phyir de ma thag tu 'byung ba med par 'gyur ro zhes bya ba smos te/ gal te skad cig ma dang po rgyus bskyed nas/ de'i bar du lo'am zla bar skye 'gag med par gnas na de lta na ni bar der skye 'gag gi rgyun chad de rgyun du 'jug pa med pas na dngos po rnams de'i bar na de ma thag tu rgyun du 'byung ba yang med par 'gyur ro/ /de ci'i phyir zhe na/ dang po'i skad cig ma rgyus bskyed nas thag gi zad cig tu rgyun med par gnas par 'dod de/de ltar na bar na gnas pa'i tshe na yang / rgyu gang gis gnas pa'i tshe yang brjod dgos la/ de 'gags nas phyis skad cig ma gzhan skye ba yang rgyu gang gis bskyed pa'i rgyu yang smra dgos te/ 'di yan chad kyis mi rigs pa zhes bya ba'i don bshad do//skyes nas dus rgyun med par dngos po dus gzhan du gnas par mi rung ste zhes bya ba la/ gzhan yang skad cig ma dang po rgyus bskyed nas/ skad cig ma gnyis pa phan chad ma 'gags kyi bar de na yang / skad cig ma skye ba dang 'gag pa'i tshul du rgyun mi 'chad par 'byung ba med par ni dngos po rnams dus gzhan du snang zhing rgyun du 'byung bar mi rung ste/dper na chu skad cig ma'i rgyun gyis rgyu chu 'bab pa yod na ni chu'i bred rgyun du snang la skad cig ma rgyun du 'bab pa chad nas chu 'bab par mi snang ba bzhin no//ci'i phyir zhe na/ rgyu las byung ba'i phyir zhes bya ba la/ skad cig ma'i rgyun med par dngos po rnams dus gzhan du snang bar ci'i phyir mi rung zhe na/ ji ltar dngos po rnams ni rgyu las skyes te/ skad cig ma dang po ji ltar rgyus bskyed pa bzhin du/ skad cig ma gnyis pa phan chad ma 'gags kyi bar du gnas par 'dod na/de'i bar na gnas par byed pa'i rgyu yang mi rung ste/ gnas par byed pa'i rgyu gang yin pa smra bar bya dgos so/ /yang dngos po gang dus gzhan du yang skad cig ma'i rgyun gyis rgyun mi 'chad par gnas shing rtag tu yang snang ba'i dngos po de dag ni rgyu las skyes te/dper na mar me bzhin no/ /ji ltar mar me rgyu las skyes pas skad cig ma'i rgyun du rgyun mi 'chad par snang la/ ras dang mar me la sogs pa'i rgyu zad de med par gyur na ni mi snang bar 'gyur ba bzhin du dngos po 'di dag kyang rgyun du snang bar 'dod na ni rgyu las skyes pa yin te/nam rgyu zad dam med par gyur na rgyun du snang ba yang chad par 'gyur te/ de bas na bar du rgyun du sdang bar byed pa'i phyir rgyu 'gag med du mi rung ngo / /'dus byas thams cad ni rgyu las skyes te 'gyur ba'i don to zhes bya ba la/ phyi dang nang gi 'dus byas thams cad ni rgyu rkyen las skyes te/rgyu rkyen las skyes pa zhes bya ba'i don ci zhe na/ rgyu rkyen las byung ba zhes bya ba'i don te/ gang rgyu dang rkyen las skyes pa de dag ni rtag pa'i rang bzhin ma yin gyi/ skad cig ma'i rang bzhin yin no zhes bya ba'i don to/ /de gal te byung nas phyis kyang 'byung na ni de la nges par rgyu yod par 'gyur ro zhes bya ba la/skad cig ma dang po rgyu rkyen gyis bskyed de/ byung nas skad cig ma gnyis pa la sogs pa yang 'byung zhing skye bar 'dod na ni ji skad cig ma dang pos rgyus bskyed pa bzhin du/ skad cig ma gnyis pa la sogs pa la yang skyed par byed pa'i rgyu dgos so zhes bya ba'i don to//gal te gzhan dag 'di snyam du sems te/ skad cig ma dang po la ni skyed par byed pa'i rgyu yod mod kyi/ skad cig ma gnyis pa la skyed par byed pa'i rgyu med par rang 'jig go snyam na/ de mi rigs par bstan pa'i phyir/rgyu med na ni thog ma nas med pa'i phyir ro zhes bya ba smos te/ ji ltar skad cig ma phyi ma la skyed par byed pa'i rgyu med na ni skad cig ma de thog ma nas med cing thog ma nas mi skye la mi snang bar 'gyur ro/ /de la gang dang gang rgyu yod pa de dag ni skyes te/ dper na myu gu bzhin no//gang dang gang rgyu med pa ni de mi skye ste/ dper na nam mkha'i me tog bzhin no/ /yang skad cig ma phyi ma skyes pa la rgyu med na ni skad cig ma snga ma skyes pa la yang rgyu med par 'gyur te/ skad cig ma'i rang bzhin du 'dra bas skad cig ma la la la ni rgyu yod/ la la la ni rgyu med par mi rigs so//la la dag skad cig ma dang po skyed pa rgyu de nyid kyis/ skad cig ma phyi ma yang rgyu de nyid kyis bskyed do snyam na/ mi rigs par bstan pa'i phyir/ rgyu de nyid kyis 'byung bar mi 'os te/ de'i rgyus dgos par spyad zin pa'i phyir ro zhes bya ba smos te/ skad cig ma snga ma skyed pa'i rgyu nyid kyis/phyi ma de nyid kyang bskyed par ni mi rigs te/ ci'i phyir zhe na/ skad cig ma snga ma skyed pa'i rgyu des/ rang gi 'bras bu bskyed nas 'gags zin pas 'gags pa des phyi ma bskyed mi nus so/ /rgyu gang gis 'bras bu gang bskyed de 'gags pa des gzhan mi skyed pa ni sa bon bzhin te/dper na sa bon gyis myu gu bskyed nas 'gags pa'i sa bon des sdong bu phyi ma skyed pa'i rgyu mi byed pa bzhin no/ /dgos pa spyad zin zhes bya ba ni 'bras bu bsgrubs nas 'gags zin zhes bya ba'i tha tshig go/ /gal te gzhan dag 'di snyam du skad cig ma snga ma skyed pa'i rgyu des ni rang gi 'bras bu bskyed nas 'gags zin pas na des skad cig ma phyi ma mi skyed kyi/skad cig ma phyi ma de rgyu gzhan gyis bskyed do zhe na yang mi rigs par bstan pa'i phyir/ rgyu gzhan yang mi dmigs te/de bas na nges par sngon gyi rgyu las gzhan 'byung bar rig par bya'o zhes smos te/ skad cig ma phyi ma de la/ rgyu gzhan gyis skyed par byed pa'i rgyu gzhan yod par yang ma mthong ste/ de bas na skad cig ma snga ma ni rgyu/ phyi ma ni 'bras bu lta bur rgyun mi 'chad par 'byung bar rig par bya'o//gong du bshad pa'i don rnams kyi mjug bsdu ba'i phyir/ de ltar rgyun med par dus gzhan na yod par mi rung ngo zhes smos te/ gong du bshad pa ltar na/ skad cig ma snga ma snga ma ni rgyu/ phyi ma phyi ma ni 'bras bu'i tshul du chu'i breng bzhin du rgyun ma chad par 'byung ba med par dngos po rnams dus thag gi zad cig tu snang zhing yod par mi rigs so zhes bya ba'i don te//tshig de dag gis ni rgyu las byung ba'i phyir zhes bya ba'i don to/ /ji ste 'di ltar gang gis rgyu dgos pa skyes zin pa ni mi skye'i/ skyes nas kyang dus gzhan la phyis 'gag par 'gyur te/skyes ma thag tu ma yin par 'dod na zhes bya ba ni gal te gzhan dag 'di snyam du sems te/ dngos po dang po skyes la rgyud dgos pa bzhin du/ skad cig ma phyi ma skyes pa la yang rgyu dgos so zhes smras pa/ gal te dngos po dang dngos po skyes pa bzhin du/de'i 'og tu yang dngos po de dag skye na ni rgyu dgos pa bden na rgyu dang rkyen gyi dang por dngos po gcig bskyed nas skyes zin pa'i 'og tu dang po des phyis yang mi skye ste/ skyes nas lo'am zla ba'am zhag la sogs par dus thag gi zad cig gnas nas/ de nas gdong phyis bdag gi skyes ma thag tu mi 'gag ste/de bas na bar du skye ba med pa'i phyir rgyu mi dgos so snyam du sems so/ /de ltar yang mi rigs par bstan pa'i phyir/ yang de rgyu gang gis 'gag par 'gyur zhes bya ba la sogs pa smos te/ dngos po dang po rgyus bskyed nas/ tha gi zad cig gnas te/phyis 'gag par 'gyur ba de'i dngos po gnas pa'i rang bzhin zhig pa las phyis 'gag par 'gyur ram/ 'jig pa'i rang bzhin zhig pa las 'gag par 'gyur bar brtag dgos so/ /gal te dngos po'i gnas pa'i rang bzhin zhig yin na gnas pa'i rang bzhin la 'jig pa'i rang bzhin med pas na/dngos po de rnams kyang mi 'jig ste/ phyis kyang 'gag par mi 'gyur te/ rtag tu gnas par 'gyur ro/ /gal te dngos po de 'jig pa'i rang bzhin zhig yin na ni 'jig pa'i rang bzhin la rtag pa dang gnas pa'i rang bzhin med pas dang po nas 'jig par 'gyur gyi bar du gnas par mi srid de/dper na nam mkha' med pa'i rang bzhin yin pas dang po med pa bzhin du phyis kyang med pa kho nar gnas kyi/ dang po ni med pa la/ phyis yod pa lta bur mi 'gyur ba dang 'dra'o/ / gzhan yang dngos po de skyes nas tha gi zad cig gnas te/ phyis 'gag par 'gyur ba rgyu gang gis 'gag par 'gyur ba'i 'gag pa'i rgyu bstan dgos so zhes bya ba'i don to/ /skyes pa'i rgyu gang yin pa de nyid do zhe na/ de yang mi rung ngo zhes bya ba la/ gal te gzhan dag na re dngos po de phyis 'gag par 'gyur ba ni dang po skyed skyed pa'i rgyu de nyid kyis phyis 'gag go zhe na yang de ltar mi rigs so//ji ltar mi rigs par bstan pa'i phyir/ ci'i phyir zhe na/ skye ba dang 'gag par 'gal ba'i phyir te zhes bya ba smos te/ dang po skye ba'i rgyu des/ mjug tu 'gag pa'i rgyu yang byas par ji ltar mi rigs she na/ ji ltar skye ba ni dngos po yod pa yin la/ 'gag pa ni dngos po med pa yin pas gang na skye ba yod pa de na 'gag pa med la/ gang na 'gag pa yod pa de na skye ba med de/ de bas na skyed pa'i rgyu nyid kyis 'gag pa'i rgyu byed par mi rung ngo //smras pa/ skye ba 'gag pa gnyis 'gal du zin kyang / skye ba'i rgyus 'gog pa byas kyang 'gal ba med do snyam pa la/ mi rigs par bstan pa'i phyir/ 'gal ba gnyis rgyu 'dra ba las mi dmigs so zhes bya ba smos te/ skye ba dang 'gag pa gnyis ni 'gal ba yin la/'gal ba'i chos gnyis rgyu gcig las skye bar ni mi mthong ste/ skyed par byed pa'i rgyus ni dngos po yod cing skyed par byed kyi/ dngos po med cing 'gag par mi byed do/ /gal te skyed pa'i rgyu des 'gag par byed na ni de skyed pa'i rgyur mi rung ngo //'gag pa'i rgyus kyang dngos po med cing 'gag par byed kyi dngos po yod cing skye bar mi byed de/ gal te 'gag pa'i rgyus dngos po skyed par byed na ni de 'gag pa ma yin te/ de bas na skyed pa'i rgyu des 'gog par byed par mi rigs so/ /'gal ba'i chos gnyis rgyu gcig la mi skye ba'i dpe bstan pa'i phyir/'di lta ste/ grib ma dang / nyi ma dang / grang ba dang / dro ba bzhin no zhes bya ba smos te/ de la grib ma ni gang la nyi ma'i 'od med cing mi gsal ba'i phyogs te/ de'i rgyu ni thog g.yogs pa la sogs pa'i skyabs yod pa'o/ / nyi ma ni gang du nyi ma'i 'od zer gyis bab cing / gsal ba'i phyogs te/ de'i rgyu ni nyi ma'i dkyil 'khor ro/ /'di ltar grib ma'i rgyu skyabs can gyis kyang nyi ma'i 'od zer yang 'byin par byed/ grib ma lta bu mi gsal ba yang 'byin par byed pa'i rgyu gnyis byed par ni ma mthong ngo //de bzhin du nyi ma'i dkyil 'khor gyis kyang nyi ma'i 'od zer snang ba'i rang bzhin yang 'byin par byed grib ma dang mi gsal ba'i rang bzhin yang 'byin par byed pa'i rgyu gnyis byed pa ni ma mthong ngo / /'di ltar yang grang ba dang dro ba gnyis kyang phan tshun 'gal ba ste/ gang na grang ba yod pa de na dro ba med la/gang na dro ba yod pa de na grang ba med de/ de la grang ba ni so thams pa dang spu ldang ba la sogs pa dro ba ni rngul zag pa la sogs pa'o/ /de la grang ba'i rgyu ni ba mo dang kha ba la sogs pa ste/ ba mo dang kha ba la sogs pa grang ba yang skyed par byed/ dro ba yang skyed par byed pa ma mthong ngo //dro ba'i rgyu ni me dang nyi ma'i 'od la sogs pa ste/ des ni grang ba yang skyed par byed/ dro ba yang skyed par byed pa ma mthong ngo / /tshig de dag gis rgyu las byung ngo zhes bya ba'i tshig gi don bstan to/ /yang na dus gzhan 'gags so zhes bya bar yang 'gal ba'i phyir te zhes bya ba la/rnam pa gzhan du yang phyi dang nang gi 'du byed rnams skyes ma thag tu mi 'gag gi /dus tha gi zad cig gnas nas/ phyis 'gog go zhes bya ba nga yang 'gal lo zhes bya ba'i don to/ /ci dang 'gal ba bstan pa'i phyir/ ci dang 'gal zhe na/lung dang ngo zhes bya ba smos te/ 'gal zhes smras pa de 'gal ba la rnam pa gnyis te/ lung dang 'gal ba dang / rigs pa dang 'gal ba'o/ /de la gal te dngos po rnams skyes nas tha gi zad cig gnas te 'gag go zhes smras na ni bcom ldan 'das kyi bka' lung dang 'gal bar 'gyur ro//bka' lung dang ji ltar 'gal ba bstan pa'i phyir/ gang bcom ldan 'das kyis zhes bya ba la sogs pa smos so/ /'du byed dag ni sgyu ma lta bu'o zhes bya ba la/ ji ltar sgyu ma rgyu rkyen gyi mthu las skye ba bzhin du/ phyi nang gi 'du byed kyang rgyu rkyen gyi mthu las skyes pas na sgyu ma lta bu'o//skye zhing 'gag pa'i chos can yin pas na 'jig pa zhes bya'o/ /skyes nas skad cig ma gcig las ring du mi gnas pas na/ re zhig pa zhes bya'o/ /skad cig ma re re skyes ma thag tu 'jig pas na/ yun thung du gnas pa zhes bya ba ste/ dngos po rnams dus tha gi zad cig tu gnas na ni de skad du 'byung ba'i lung dang 'gal lo//yang lung dang 'gal zhing rigs pa dang 'gal ba bstan pa'i phyir/ rnal 'byor pa yid la byed pas kyang / 'du byed de dag skye ba dang / 'jig par yid la byed pa na skad cig ma re re la 'gag par mthong ste zhes bya ba smos te/rnal 'byor pa 'phags pa'i bden pa bzhi sgom zhing yid la byed pas kyang / phyi nang gi 'du byed rnams skye ba dang 'jig pa'i mtshan nyid du yid la byed pas na/ 'du byed rnams skad cig ma re re la 'jig cing 'gag par mthong ste/ de ltar mthong bas na 'du byed rnams las skyo ba skye'o//skyo ba skyes nas 'dod chags dang bral bar 'gyur ro/ /'dod chags dang bral nas/ grol zhing mya ngan las 'das pa thob par 'gyur ro/ /de lta ma yin na ni de dag la yang skyo ba dang 'dod chags dang bral ba dang / grol ba rnams med par 'gyur te zhes bya ba la/gal te 'du byed rnams skad cig ma ma yin te/ rtag par gnas par gyur na ni rnal 'byor pa yid la byed pa rnams kyis kyang / 'du byed rnams skad cig ma re re 'gag pa yin par mthong bar mi 'gyur ro/ / de ltar ma mthong na skyo bar mi 'gyur ro/ /skyo bar ma gyur na ni 'dod chags dang bral bar mi 'gyur ro/ /'dod chags dang ma bral na grol bar mi 'gyur te/ de lta na ni ma yin gyi rnal 'byor pa rnams kyis skad cig mar 'gag par mthong bas na phyir grol ba'i bar du 'gyur te/de'i phyir 'du byed rnams skad cig ma'o/ /'gal ba'i dpe bstan pa'i phyir/ dper na gzhan dag 'chi ba'i dus la sogs pa na 'gag par mthong ba bzhin no zhes bya ba smos te/ dper na sems can gzhan dag 'du byed rnams skad cig ma re re la 'jig par mi mthong gi /nam srog gi dbang po chad de shi bar gyur pa na/ 'gag cing mi rtag par mthong ba de dag nam ma shi'i bar du ni skyo ba mi skye'o/ /nam de 'gag par gyur bar mthong ba la/ gdod skyo ba skye ba bzhin du rnal 'byor pa rnams kyis kyang 'du byed rnams rnal 'byor bsgom pa'i tshe na 'du byed rnams skad cig ma re re la 'jig par mthong bas na skyo ba skye bar 'gyur ro//yang na rnal 'byor pa rnams sems can phal pa bzhin du 'chi khar 'gag pa mthong nas gdod skyo bar gyur na ni ji ltar sems can phal pa 'chi khar skyo bar gyur pas de dag la rnam par grol ba med pa bzhin du/rnal 'byor la yang rnam par grol ba med pa'i skyon du 'gyur te/ 'dis ni 'gal ba'i phyir zhes bya ba'i tshig gi don bstan to/ /gal te 'du byed skyes nas bdag nyid gnas par nus pas dus gzhan du'ang bdag nyid gnas pa'am/rgyu 'ga' zhig gnas so zhes bya ba la/ gzhan yang 'di brtag dgos te/ 'du byed rnams skad cig tu 'jig pa ni ma yin gyi/ skyes nas lo'am/ zla ba la sogs par dus tha gi zad cig gnas nas 'gag ce na/ dus tha gi zad cig tu gnas pa de la phyogs rnams la gnyis su brtag go//ji ltar zhe na/ 'du byed rnams dus tha gi zad cig mi 'jig par gnas pa de/ 'du byed de bdag nyid gnas pa'i rang bzhin can zhig ste/ gnas pa'i mthu yod pas dus tha gi zad cig tu gnas pa'am/ yang na bdag nyid gnas pa'i mthu ni med kyi gnas par byed pa'i rgyu dang rkyen 'ga' zhig gis grogs byas nas dus tha gi zad cig tu gnas te/de gnyis gang ltar yang gnas par yang mi rigs so/ /de la dang po'i phyogs la mi rigs par bstan pa'i phyir/ yang / bdag nyid gnas pa mi rung ste/ zhes smos te/ bdag nyid la gnas pa'i mthu yod pas dus tha gi zad cig tu gnas so zhes byar mi rung ngo / /de ltar yang mi rigs so zhes bya ba'i don to/ /ji ltar mi rung snyams la/ de'i phyir/ bdag nyid mi gnas pa'i phyir te/ /zhes bya ba smos te/ ji ltar phyi nang gi 'dus byas rnams bdag nyid mi gnas shing 'jig pa'i rang bzhin yin pa'i phyir bdag nyid la gnas pa'i mthu yod pas gnas so zhes bya bar yang mi rung ngo //ci'i phyir 'jig pa'i rang bzhin yin snyam pa la/ de'i phyir/ mthar phyin gnas par mi nus pa'i phyir ro zhes smos te/ ji ltar 'dus byas rnams mthar phyin cing med par gyur pas na/bdag nyid la gnas pa'i mthu med do/ /gal te bdag nyid la gnas pa'i mthu yod pa zhig na rtag tu yang gnas pa'i mthu can du 'dug la/ mjug tu yang gnas par ga la 'gyur te/ dper na nam mkha' rtag pa'i rang bzhin la skye 'jig med pa bzhin no//'dus byas rnams la ni mthar gnas par mi rung ste/ 'jig par 'gyur bas na/ bdag nyid gnas pa'i mthu yang med par rig par bya'o/ /phyogs gnyis pa ni mi rigs par bstan pa'i phyir/ gnas pa'i rgyur yang mi rung ste zhes bya ba smos te/'di ltar gnas par byed pa'i rgyu rkyen gyis grogs byas nas dus tha gi zad cig tu gnas so zhes byar yang mi rung ste/ de ltar yang mi rigs so zhes bya ba'i don to/ /ji ltar mi rigs pa bstan pa'i phyir/ de med pa'i phyir te/ de lta bu ni gang yang mi dmigs so zhes bya ba smos te/dngos po rnams la bar du gnas par byed pa'i rgyu yang med de/ dngos po rnams la gnas par byed pa'i rgyu yod par ma mthong bas gnas par byed pa'i rgyus gnas par byas so zhes bya bar yang mi rigs so/ /tshig de dag gis ni bdag nyid mi gnas phyir zhes bya ba'i don bstan to//de ste gang gnas pa'i rgyu med kyang / 'jig pa'i rgyu med pas gnas te/ 'jig pa'i rgyu dang phrad nas phyis 'jig par 'gyur te zhes bya ba la/ gal te 'di skad du dngos po nyid kyang gnas pa'i mthu med par gnas par ma nus na/gnas pa'i rgyu gzhan gyis kyang bstangs shing dngos po rnams gnas par byas pa med du zin kyang dngos po gnas pa'i bar na de 'jig par byed pa'i rgyu med de/ nam 'jig par byed pa'i rgyu rkyen dang ma phrad kyi bar du 'jig par mi 'gyur gyi/ 'jig par byed pa'i rgyu rkyen dang phrad nas gdod 'jig par 'gyur te/sngar ni mi 'jig par gnas so zhes zer ro/ /de'i dpe bstan pa'i phyir smras pa/ mes sngon po bzhin no zhes bya ba smos te/ dper na lcags kyi kha dog sngon po 'jig par byad pa'i rgyu me dang ma phrad pa'i sngon rol na ni kha dog sngon por snang la/phyis de 'jig par byed pa'i rgyu me dang phrad nas mes sngon po bshig ste/ kha dog dmar por 'gyur ba dang / dper na bum pa 'jig par byed pa'i rgyu tho ba la sogs pa dang ma phrad pa'i dus na ni bum pa mi 'jig la/ 'jig par byed pa'i rgyu tho ba la sogs pa dang phrad nas/gdod 'jig par 'gyur ba dang 'dra'o zhes zer ro/ /de ltar yang mi rigs par bstan pa'i phyir/ yang de med pa'i phyir de ltar mi rung ste zhes bya ba smos te/ ji ltar dngos po rnams la skyed pa'i rgyu ni yod kyi/ 'jig par byed pa'i rgyu ni med de/ dper na rdo gnam du bor ba la gnam du 'dor ba'i rgyu lag pa la sogs pa ni yod kyi/sa la lhung bar byed pa'i rgyu med de rang ltung ba bzhin no/ /de dang 'dra bar dngos po rnams la rgyu med pa'i phyir/ 'jig pa'i rgyu dang ma phrad kyi bar du gnas so zhes bya bar yang mi rigs so/ / ji ltar mi rigs par bstan pa'i phyir/ smras pa/ 'jig pa'i rgyu ni phyis kyang gang yang med de zhes bya ba smos te/ ji ltar mes lcags kyi sngon po bshig go zhes smras pa yang ji ltar me dang ma phrad pa'i snga rol na lcags kyi sngon po 'jig par byed pa'i rgyu gang yang med de/ sngon po rang gis 'jig pa de bzhin du/ me dang phrad pa'i dus na yang mes sngon po bshig ste/ sngon po 'jig par byed pa'i rgyu mes ma byas kyi sngon po ni rang gi ngang gis zhig go/ /gal te gzhan dag 'di skad du/ gal te rang gi ngang gis zhig ste/ mes bshig pa ma yin na/ me dang ma phrad pa'i sngon rol nas sngon po mi snang bar ci'i phyir mi 'gyur zhe na/ de'i lan du/ mes kyang sngon po 'jig par 'gyur ba ni ma grub kyi/ mi 'dra bar skye bar nus par 'grub po zhes smos te/ mes lcags kyi sngon po 'jig par byas pa ni ma grub kyi sngon po ni rang gi ngang gis 'jig la/mes ni gzhan pa skyed de/ gang bskyed ce na/ lcags kyi kha dog dmar por bskyed do/ /don de nyid bstan pa'i phyir/ 'di ltar de dang phrad pa'i phyir sngon po'i rgyu mi 'dra bar snang ste zhes bya ba smos te/ 'di ltar mes ni sngon po bshig pa ma yin gyi/sngon po ni rang zhig la/ me dang phrad pas ni kha dog dmar por bskyed do/ /rnam pa thams cad du mi 'jig pa ni ma yin no zhes bya ba la/ gal te mes sngon po thams cad nas thams cad du bshig ste med par byas na ni phyis grangs pa'i dus na yang sngon por 'gyur bar mi rigs na/phyis grangs pa'i tshe sngon por snang bas na/ mes sngon po bshig pa ni ma yin gyi/ me'i snga rol gyi sngon po ni rang zhig la/ mes ni dmar po bskyed par grub po/ /gal te gzhan dag 'di skad du chu yang me dang phrad nas bskol ba dang /gdod phyis med par snang gi /me dang ma phrad pa'i snga rol nas med par mi snang ste/ de ltar me dang phrad nas mi snang bar gyur pas na/ chu 'jig par byed pa'i rgyu me yin pa bzhin du dngos po rnams la yang 'jig par byed pa'i rgyu yod de/ dper na bum pa lta bu dbyig pa la sogs pa dang ma phrad pa'i snga rol na ni chag par mi snang la dbyig pa la sogs pa dang phrad nas gdod chag par snang bas na/dngos po rnams la 'jig par byed pa'i rgyu yod do zhes zer ba la/ me dang dbyig pa la sogs pa la chu dang bum pa la sogs pa 'jig par byed pa'i rgyu ma yin par bstan pa'i phyir/chu yang bskol nas me dang phrad pa dang / je nyung je nyung du 'gyur te/ shin tu nyung ba las mthar mi skye bar snang gi lan cig me dang phrad pas de med pa ni ma yin no zhes bya ba smos te/ 'di ltar chu yang me dang phrad nas bskol ba dang je nyung je nyung du 'gyur te/khad kyis shin tu nyung ba las tha mar med par snang gi me dang phrad ma thag tu ni chu ni mi snang bar 'gyur ba ma yin pas na/ mes chu med pa'i rgyu ma byas kyi/ chu ni rang gi ngang gis skad cig ma gcig gi rgyun gyis rang zhig go//mes ni de na je nyung je nyung du gyur pa bskyed par zad kyi me ni chu 'jig par byed pa'i rgyu mi byed do/ /gzhan dag gis smras pa/ gal te mes chu skyed pa'i rgyu byas kyi chu 'jig pa'i rgyu ma byas na/ mes chu bskyed pas na mjug tu chu snang ba'i rigs na/ ci'i phyir mi snang bar 'gyur zhes rgol na yang /lan du chu phyis mi snang bar gyur pa ni chu zad pa'i skad cig ma snga ma ni mjug thug ste zad/ chu'i skad cig ma phyi ma skyed par byed pa'i grogs rgyu rkyen gzhan med de/ rgyu rkyen dang mi ldan pas na chu ma bskyed de/ de bas na chu phyis mi snang bar 'gyur ro//gal te mes chu med par byed pa yin na ni me dang phrad ma thag tu chu med pa'i rigs na/ med pa phrad ma thag tu chu med par ma gyur pas na mes chu 'jig pa'i rgyu ma byas so/ /gzhan yang 'di dpyad par bya ste/ mes chu 'jig pa'i rgyu byas na chu de mi 'jig pa'i rang bzhin can las mes 'jig par byas sam/chu de 'jig pa'i rang bzhin can las mes 'jig par byas/ gal te chu de mes mi 'jig pa'i rang bzhin can yin na ni mi 'jig pa'i rang bzhin can la/ 'jig par byar mi rung bas rgyu gang gis kyang 'jig par bya bar mi nus te/ dper na nam mkha' 'jig pa med pa la rgyu rkyen gyis 'jig par mi nus pa bzhin no//gal te chu de 'jig pa'i rang bzhin can zhig yin na ni chu rang 'jig pas de la 'jig par byed pa'i rgyu gzhan gyis mi 'jig go/ /gzhan yang bum pa la sogs pa 'jig par byed pa'i rgyu tho ba la sogs pas byas so zhes smras pa de yang mi rigs te/ji lta zhe na/ tho bas bum pa 'jig pa'i rgyu byed na/ tho ba des bum pa 'jig par byed pa'i dus na ni bum pa nyid byas sam/ bum pa las ma gtogs pa gzhan zhig byas/ gal te tho bas bum pa nyid byas na ni tho bas bum pa byas kyi/bum pa'i 'jig pa ma byas pa na/ tho bas bum pa gzhig pa'i rgyu byas so zhes smras pa yang 'gal lo/ /gal te tho bas bum pa ma yin pa zhig byas na ni tho bas gzhan byas pas bum pa la ci yang ma byas pa'i phyir tho bas bum pa bshig par mi rung ste/ dper na mchod sbyin la bde ba dang /mi bde ba byas pa de lha sbyin la ci yang byas pa ma yin pa bzhin no/ /gzhan yang tho bas bum pa bshig na bum pa 'jig pa'i rang bzhin can zhig yin pa las tho bas bum pa bshig gam/ bum pa 'jig pa'i rang bzhin can ma yin pa las tho bas bshig /gal te bum pa 'jig pa'i rang bzhin can zhig yin na ni kho rang gzhig pas na/ de la tho ba la sogs pa'i rgyu gzhan gyis gzhig mi dgos so/ /gal te bum pa 'jig pa'i rang bzhin can ma yin na ni de 'jig tu mi btub pas na/ rgyu gang gis kyang gzhig tu mi btub par 'gyur ro//de lta bu'i tshul du brtags na tho bas ni gyo mo bskyed kyi/ bum pa ni rang gi ngang gis 'jig pa yin no/ /tshig de dag gis dngos po med pa zhes bya ba'i tshig gi don bstan to/ /mtshan nyid gcig tu nges pa'i phyir skyes pas gang yang gnas par mi rung ngo zhes bya ba la/'dus byas kyi chos thams cad kyi mtshan nyid ni rtag pa zhes bya ba'i mtshan nyid dang / mi rtag pa zhes bya ba'i mtshan nyid gnyis su med kyi/ 'dus byas thams cad ni mtshan nyid gcig kho nar nges so/ /gang zhe na/ mi rtag pa dang / skad cig ma'i mtshan nyid du nges so//de ltar 'dus byas rnams skad cig ma'i mtshan nyid du nges pas na 'dus byas rnams dus tha gi zad cig gnas nas phyis 'jig par mi rigs so/ /'dus byas kyi mtshan nyid ni gcig tu nges par cis mngon zhe na/ lung gi gtan tshigs bstan pa'i phyir/'dus byas kyi mtshan nyid gcig tu nges pa 'di ni bcom ldan 'das kyis kyang 'di lta ste/ 'dus byas ni mi rtag pa'o zhes gsungs so zhes bya ba smos so/ /'dus byas kyi mtshan nyid mi rtag pa kho nar nges pa ni bcom ldan 'das kyis gsungs te/ ji skad gsungs she na/'dus byas thams cad ni mi rtag pa'o zhes gsungs so/ /de gal te skyes ma thag tu mi 'jig na ni yun cung zad cig gi bar du mi rtag la med par mi 'gyur bas mi rtag par mtshan nyid gcig tu ma nges par 'gyur ro zhes bya ba la/ gal te dngos po skyes ma thag tu mi 'jig gi /dus tha gi zad cig tu gnas nas gdod phyis 'jig par 'gyur na ni mi rtag pa'i mtshan nyid gcig tu nges par mi 'gyur te/ de ci'i phyir zhe na/ ma zhig gi bar du dus tha gi zad cig tu rtag par gnas pas na rtag par 'gyur la/ de nas 'jig par 'gyur bas na/mi rtag par yang 'gyur te/ 'dus byas la rtag pa dang mi rtag pa gnyis su gzhag na ni mtshan nyid gcig tu nges pa med cing lung dang 'gal bar 'gyur ro/ /tshig de dag gis ni mtshan nyid nges zhes bya ba'i tshig gi don bstan to/ /de skad cig ma re re la snga ma med pa skyes zin na/de ni 'di yin no zhes bya ba med par 'gyur ro zhes bya ba la/ gal te gzhan dag 'di skad du zer te/ skad cig ma re re la dngos po rnams 'gags nas snga ma dang phyi ma 'dra bar skad cig ma gzhan skye'o zhes zer na/ de lta na ni snga ma mthong ba'i dngos po dag phyis mthong ba'i dus na de dag bdag gis mthong ngo snyam pa'i blo dang sems skye bar mi rigs na/de lta ni ma yin te/ sngar mthong ba'i dngos po dag phyir mthong ba'i tshe de nyid bdag gis mthong ngo snyam pa'i blo skyes pas ni/ dngos po rnams skad cig ma re re la mi 'jig gi dus tha gi zad cig gnas nas phyis 'jig go zhes zer ro//de ltar yang mi rigs par bstan pa'i phyir 'dra ba rjes su 'brang ba'i phyir/ de lta bur gyur pa'i phyir zhes bya ba smos te/ dngos po rnams mthong ba las phyis mthong ba'i dus na bdag gis de nyid mthong ngo snyam pa'i blo skye ba yang skad cig ma snga ma'i tshe dngos po rnams kyi kha dog dang bong tshod ci 'dra bar byung ba skad cig ma phyi ma'i tshe na yang skad cig ma de dang 'dra ba'i kha dog dang bong tshod skye bar 'gyur te/phyi ma'i tshe yang 'dra ba byung na de nyid mthong ba'i blo skyes te nyes pa med do/ /dpe bstan pa'i phyir smras pa/mig 'phrul can gyis rde'u bzhin no zhes bya ba smos te/ dper na mig 'phrul can gyis pho long brgya tsam gnam du bor na/ 'dor ba la gor myur bas du ma byung ngo snyam pa mi skye'i/ gcig cig mthong ngo snyam pa'i blo skye'o/ /de dang 'dra bar dngos po rnams skye ba na yang skad cig ma 'dab chags su myur bar skye la/snga phyi 'dra ba sha stag skye bas na de nyid mthong ngo snyam pa'i blo skye ba'o/ /dper na chu bo la sogs pa 'bab pa na yang skad cig ma re re la yang 'gags shing skye mod kyi/ phyi ma rnams kyang snga ma dang 'dra ba sha stag skyes pas na/chu de dag mthong ngo snyam pa'i blo skye ba bzhin no/ /tshig de dag gis ni rjes su 'brang zhes bya ba'i don bstan to/ /'dra ba'i phyir de'i blor 'gyur te/ de'i dngos po'i phyir ni ma yin par ji ltar shes she na zhes bya ba ni gal te gzhan dag yang 'di skad du rgol te/ gang sngar mthong ba'i dngos po phyis mthong bas na/snga ma de nyid kyi dngos po ma zhig par mthong ba ni ma yin gyi/ skad cig ma snga ma 'gags pa dang 'dra ba'i skad cig ma gzhan sha stag skyes pas 'dra ba skyes pa'i phyir snga ma nyid mthong ngo snyam pa'i blor 'gyur bar ci mngon zhe na/ ma 'gags par dngos po sngar mthong ba nyid phyis mthong ngam/sus shes snyam rgol lo/ /de ltar mi rigs par bstan pa'i phyir/ 'gog pa'i phyir ro zhes smos te/ dngos po rnams mjug tu 'gag par 'gyur ba'i phyir/ dngos po snga ma nyid phyis mthong ba ni ma yin gyi/ skad cig snga ma 'gags nas phyi ma de 'dra ba skyes pa mthong ba las de nyid mthong ngo snyam pa'i blo skye bar 'gyur ro//don de nyid bstan pa'i phyir/ de bzhin gnas pa la ni mthar 'gas par mi 'gyur te/ thog ma'i skad cig ma dang bye brag med pa'i phyir ro zhes bya ba smos te/ gal te dngos po rnams skad cig ma re re la 'gag pa ni ma yin gyi/brtan por gnas pa'i rang bzhin yin na ni dngos po de mjug tu 'gag par yang mi 'gyur te/ ci'i phyir zhe na/ ji ltar thog ma'i skad cig ma 'gag pa med de gnas pa'i rang bzhin yin pa de bzhin du/ phyi ma'i skad cig ma na yang gnas pa'i rang bzhin gyi dngos po de nyid yin te/de las dngos po ma brjes pas na/ phyis kyang 'gag par mi 'gyur ro/ /don de dag gis mjug bsdu ba'i phyir/ de bas na de nyid yin par mi rigs so zhes bya ba smos te/ gong du bshad pa'i rigs pa ltar na/ mjug tu dngos po rnams 'gag par 'gyur ba'i phyir dngos po sngar mthong ba gang yin pa phyis kyang de nyid mthong bar mi rigs so/ /tshig de dag gis ni 'gog pa'i phyir zhes bya ba'i tshig gi don bstan to/ /tha mar 'gyur ba nye bar dmigs pa'i yang phyir te zhes bya ba la/ rnam pa gzhan du yang nang gi dngos po rnams la mjug tu gnyer ma can dang /skra dkar la sogs pa gzhan du 'gyur ba'i dngos po mthong la phyi'i dngos po rnams la yang ka ba la sogs pa khong rul ba la sogs pa gzhan du 'gyur ba mthong bas na/ skad cig dngos po rnams skad cig ma yin par rig par bya'o//'gyur ba zhes bya ba ci yin pa bstan pa'i phyir/ yongs su 'gyur ba zhes bya ba ni gzhan du 'gyur ba yin la zhes bya ba smos te/ yongs su 'gyur ba zhes bya ba'i don ni nang gi dngos po la yang snga ma snga ma dang mi 'dra bar phyi ma'i dus na skra dkar la sogs pa gzhan du 'gyur ba la bya'o//phyi'i dngos po la yang ka ba la sogs pa snga ma dang mi 'dra bar rul ba'i mtshan nyid du 'gyur ba la 'gyur ba zhes bya'o/ /de gal te thog ma nas ma brtsams su zin na ni phyi nang gi dngos po rnams tha mar yongs su 'gyur ba yang mi dmigs la zhig nas zhes bya ba la/gal te dngos po rnams thog ma nas skad cig ma re re la rga ba dang / 'drul ba la sogs pa'i mtshan nyid du brtsams su zin na ni nang gi dngos po la yang tha mar skra dkar la sogs pa'i mtshan nyid du gzhan du 'gyur bar mthong ba mi 'gyur la/ phyi'i dngos po la yang rul pa la sogs pa'i mtshan nyid du tha mar gzhan du 'gyur bar mthong bar mi 'gyur ro//de lta bas na thog ma nyid nas gzhan du 'gyur ba brtsams te zhes bya ba la/ gong du bshad pa ltar phyi nang gi dngos po rnams tha mar sngon dang mi 'dra ba'i mtshan nyid gzhan du 'gyur bar 'gyur bas na/dngos po rnams dang po nyid nas gang gzhan nas gzhan du 'gyur ba skad cig ma re re brtsams par rig par bya'o/ /gzhan gyis brgal ba/ gal te skad cig ma re re la rga ba dang rul pa la sogs pa'i mtshan nyid du gzhan nas gzhan du 'gyur bar brtsams na/ci'i phyir na phyis mthong ba'i tshe bdag gis sngon mthong ba'i dngos po de nyid mthong ngo snyam pa'i blo skyes zer ba la/ gang mthar gyis skye ba ni tha mar snang bar 'gyur te zhes bya ba smos te/ skad cig ma dang po nas snga ma dang phyi ma 'dra ba'i rang bzhin gzhan du 'gyur la skyes shing brtsams pas na/mjug tu skra dkar la sogs pa'i mtshan nyid dang / rul pa la sogs pa'i mtshan nyid du snang ste/ de bas na dang po nas gzhan nas gzhan du 'gyur ba brtsams pa yin no/ /de'i dpe bstan pa'i phyir 'o ma las zho'i gnas bzhin no zhes bya ba smos te/dper na'o ma las zhor 'gyur ba yang dang po nas skad cig ma re re la je ska je skar 'gyur bar brtsams pas na/ mjug tu ska ba'i rang bzhin zhor 'gyur bas na snang zhing mngon pa bzhin no/ /yang gzhan gyis brgal ba gal te skad cig ma re re la yang gzhan nas gzhan du 'gyur bar brtsams/ci'i phyir gzhan nas gzhan du 'gyur bar brtsams pa ma tshor zhes brgal ba la/ lan du ji srid du de gzhan du 'gyur ba phra bas yongs su mi rigs pa de bzhin du de dang 'dra ba rjes su 'brang ba'i phyir te/ de nyid ni 'di yin no zhes shes par bya ba grub po zhes bya ba smos te/dper na 'o ma dang po nas gzhan nas gzhan du ska ba'i rang bzhin du 'gyur bar brtsams nas/ gzhan du 'gyur ba rtsom pa phra bas ni gzhan du 'gyur ba mi rigs pa de bzhin du/ phyi nang gi dngos po gzhan dang yang rga ba dang 'drul ba la sogs pa'i mtshan nyid du gzhan nas gzhan du 'gyur bar brtsams pa phra bas na/de'i tshe rig par ma gyur gyi/ mjug tu rga ba dang rul pa gsal bar snang bar gyur ba dang / gdod rgas pa dang rul bar rig go/ /de bas na 'du byed rnams 'dab chags su bred ma chad par skad cig ma snga ma dang 'dra bar phyi ma skyes pas na/bdag gis skad cig ma snga ma nyid mthong ngo snyam pa'i blo skye'o/ /don de dag gi mjug bsdu ba'i phyir/ de'i phyir skad cig ma re re la gzhan du 'gyur ba'i phyir skad cig ma grub po zhes bya ba smos te/gong du bshad pa ltar na/ phyi nang gi 'du byed rnams mjug tu gzhan du 'gyur bar snang bas na/ 'du byed thams cad skad cig ma re re la gzhan du 'gyur bar snang bas na/ 'du byed thams cad skad cig ma yin par grub ste/ tshig de dag gis 'gyur ba nye bar dmigs zhes bya ba'i don bstan to//ji ltar grub ce na zhes bya ba la/ 'du byed rnams skad cig mar grub po zhes bshad na gtan tshigs gang gis skad cig ma grub ce na zhes bya ba'i don te/ de'i gtan tshigs smras pa/ de'i rgyu dang 'bras bu las zhes bya ba'o/ /tshig gi don de'i don bstan pa'i phyir/skad cig ma'i rgyu dang skad cig ma'i 'bras bu zhes bya ba'i don to/ zhes smos te/ rgyu skad cig ma yin pas na/ de las skyes pa'i 'bras bu yang skad cig ma yin par brtag la/ 'bras bu skad cig ma yin pas na/ de skyed par byed pa'i rgyu yang skad cig ma yin par rig par bya'o//rgyu skad cig ma yin pas 'bras bu skad cig ma yin par 'grub pa'i phyir/ sems ni skad cig mar grags pas mig dang gzugs la sogs pa 'du byed gzhan las gyur pas de dag kyang skad cig mar 'grub ste zhes bya ba smos te/'di ltar mig gi rnam par shes pa la sogs pas rnam par shes pa thams cad ni skad cig ma yin par sangs rgyas pa dang mu stegs pa thams cad la yang grags so/ /de ltar sems skad cig mar grags pas na/ sems de'i rgyu ni mig dang gzugs la sogs pa yin te/mdo las kyang mig dang gzugs la brten nas mig gi rnam par shes pa skye'o zhes gsungs so/ /de bas na 'du byed rnams kyi 'bras bu sems skad cig mar grub pas na de skyed par byed pa'i rgyu 'du byed rnams kyang skad cig mar grub po//gal te gzhan dag 'di skad du 'du byed rtag pas sems skad cig mar skyed de/ de bas na 'du byed ni rtag pa yin la/ de las skyes pa'i sems ni skad cig ma yin no zhes zer ba la/ de mi rigs par bstan pa'i phyir/ skad cig ma ma yin pa las ni skad cig mar 'byung bar mi 'os so zhes bya ba smos so//mig dang gzugs la sogs pa skad cig ma ma yin zhing rtag pa las 'bras bu skad cig ma'i rang bzhin gyi sems 'byung bar ni mi rigs so zhes bya ba'i don to/ /de'i dpe bstan pa'i phyir/ 'di lta ste/ rtag pa las mi rtag pa bzhin no zhes bya ba smos te/rtag pa las ni mi rtag pa 'byung bar mi srid de/ dper na nam mkha' rtag pa las bum pa dang snam bu la sogs pa mi rtag pa'i dngos po mi 'byung ba bzhin no/ /rgyu skad cig ma yin pas 'bras bu skad cig mar sgrub pa'i phyir ro/ /yang 'du byed thams cad ni sems kyi 'bras bu ste zhes smos te/gzhan yang mig dang gzugs la sogs pa'i 'du byed thams cad ni sems kyi 'bras bu yin te/ 'du byed rnams ni sems kyi 'bras bu yin la/ sems ni de dag gi rgyu yin no/ /de ltar na sems skad cig ma yin pas na de'i 'bras bu 'du byed rnams kyang skad cig mar rig par bya'o//ji ltar rig ce na zhes bya ba ni 'du byed rnams sems kyi 'bras bu yin par yang ci mngon la sems skad cig ma yin par 'du byed rnams kyang skad cig ma yin par ci mngon zhe na zhes bya ba'i don to/ / de'i lan du zin pa dang / dbang ba dang / dag pa dang / sems can gyi rjes su 'brang ba'i phyir ro zhes bya ba smos te/ 'du byed rnams sems kyi 'bras bu yin par ni sems kyi 'du byed rnams zin pa dang / sems kyi 'du byed rnams la dbang byed pa dang /sems dag pa'i rjes su 'du byed rnams 'brang ba dang / sems can gyi sems kyi rjes su 'du byed rnams 'brang bas na 'du byed rnams sems kyi 'bras bu yin par mngon no/ /sems kyi 'du byed zin pa'i don bstan pa'i phyir/ sems kyi mig la sogs pa la gnas dang bcas pa zin pa ste zhes smos te/gnas ni lus la bya'o/ /sems ni 'dis mig gi dbang po dang bcas pa'i lus kun du bzung ste/ de bas na 'du byed rnams sems kyi 'bras bu yin par rig par bya'o/ /sems kyis ji ltar lus zin pa bstan pa'i phyir/ lhan cig tu brgyal ba dang / bde bar zin pa'i rjes su 'brang ba'i phyir zhes bya ba smos te/ 'di ltar ma'i mngal du rnam par shes pa zhugs nas brgyal bar gyur pa dang / gdod pha ma'i mi gtsang ba las nur nur po dang mer mer po la sogs pa lus kyi dngos por 'grub kyi/ ji srid du rnam par shes pa ma'i mngal du zhugs nas brgyal bar ma gyur pa de srid du pha ma'i mi gtsang ba las nur nur po dang mer mer po la sogs pa mi 'gyur bas ni lus na sems kyi rjes su 'brang ba'i phyir sems kyis lus yongs su bzung ngo //mdo las kyang / dga' bo gal te ma'i mngal du rnam par shes pa brgyal bar ma gyur na pha ma'i mi gtsang ba las nur nur po la sogs par mi 'gyur ro zhes bshad do//gzhan yang sems la gnod par gyur na lus la yang gnod par 'gyur la/ sems bde bar gyur na lus kyang dge bar 'gyur bas sems kyi rjes su lus 'brang ba'i phyir/sems kyis lus zin pa'i phyir/ de bas na 'du byed rnams kyi 'bras bu yin no/ /'du byed rnams la sems dbang ba'i don bstan pa'i phyir/ sems ni 'du byed rnams la dbang byed pa ste zhes smos te/ sems 'di ni 'du byed rnams la dbang byed de/de bas na 'du byed ni sems kyi 'bras bu'o/ /ji ltar dbang byed pa lung gi gtan tshigs kyis bstan pa'i phyir/ ji ltar bcom ldan 'das kyis kyang / 'jig rten 'di ni sems kyis khrid do/ /sems kyis drangs so zhes bya ba smos te/ sems kyis gang du bsams par lus kyang de'i rjes su 'brang bas na sems kyis khrid pa dang drangs pa zhes bya'o//sems skye zhing 'byung bar 'gyur ro zhes bya ba la/ sems la 'dod chags zhig skyes nas lus kyang de'i rjes su 'brang nas spyod pa zed zed po dang / bzhin 'dzum pa la sogs pa'i mtshan nyid gzhan du 'gyur ro//gal te sems las zhe sdang zhig skyes na ni khu tshur 'chang ba dang / bzhin khro gnyer bsdus pa la sogs par gzhan du 'gyur bas na 'du byed rnams la sems dbang ngo / /lung gi gtan tshigs gnyis pa bstan pa'i phyir/ de bzhin du rnam par shes pa'i rkyen gyis ming dang gzugs zhes bya ba gsungs te zhes bya ba la/de bzhin du mdo gzhan dag las rnam par shes pa'i dbang gis ming dang gzugs 'byung ngo zhes gsungs pas na/ de'i phyir 'du byed rnams ni sems kyi 'bras bu yin no/ /dag pa'i sems kyi rjes su 'brang ba'i don bstan pa'i phyir/dag pa'i sems kyi rjes su 'brangs zhes bya ba ni rnal 'byor pa'i sems dag pa yin te/ de dag la ni 'du byed rnams de bzhin du 'gyur ro zhes smos te/ dag pa'i sems kyi rjes su 'brangs zhes bya ba la/ dag pa'i sems ni rnal 'byor ba rnams kyi sems la bya ba ste/'du byed rnams rnal 'byor pa'i sems kyis ji lta ji ltar bsams pa de bzhin du 'gyur bas na 'du byed rnams la sems dbang byed do/ /rnal 'byor pas ji ltar bsams pa de bzhin du 'gyur bar ci mngon zhe na/ lung gi gtan tshigs kyis bstan pa'i phyir/'di lta ste/ dge slong bsam gtan thob pa zhes bya ba la sogs pa smos so/ /sems can gyi sems kyi rjes su 'brang ba'i don bstan pa'i phyir sems can rjes su 'brang phyir zhes bya ba la sogs pa smos te/ 'di ltar 'du byed rnams ni sems kyi rjes su 'brang ste/ji lta zhe na/ 'di ltar sdig pa byed pa'i sems can rnams kyi sems kyi dbang gis lo tog la sogs pa yang kha dog dang / dri dang ro la sogs pa rnams mthu chung bar 'gyur zhing gser la sogs pa'i dngos po yang sol ba la sogs par snang la/bsod nams byed pa rnams kyi sems kyi dbang gis 'bru la sogs pa kha dog dang dri phun sum tshogs par snang la dngos po ngan pa rnams kyang rin po che la sogs par snang bas na/ 'du byed rnams sems kyi 'bras bu yin par mngon no/ /tshig de dag gi mjug bsdu ba'i phyir/de bas na de dag skad cig ma'o zhes bya ba smos te/ gong du bshad pa ltar na 'du byed rnams sems kyi 'bras bu yin pa'i phyir 'du byed rnams skad cig mar rig par bya'o/ /don de nyid bstan pa'i phyir/ de'i rjes su 'brang ba'i phyir skad cig ma las 'bras bu skad cig ma med par mi rung ngo zhes smos te/'bras bu thams cad ni rgyu'i rjes su 'brang ste/ rgyu ci 'dra bar btab pa 'bras bu yang de 'dra bar skye'o/ /de yang dper na rgyu 'bras sA lu'i sa bon btab na 'bras bu yang 'bras sA lu'i 'bras bu nyid smin pa de bzhin du/'du byed rnams kyi rgyu sems skad cig ma yin pas na de'i 'bras bu 'du byed rnams kyang skad cig mar rig par bya ste/ sems ni skad cig ma yin la/ de'i 'bras bu 'du byed rnams skad cig ma ma yin pa rtag pa'i mtshan nyid du 'gyur bar ni mi rigs so//de ltar 'du byed rnams re zhig bye brag med par skad cig mar tshigs su bcad pa gnyis kyis bsgrubs so zhes bya ba la/ 'di yan chad du phyi nang gi 'du byed rnams so sor ma phye bar gcig tu bsdus nas skad cig ma yin par tshigs su bcad pa gnyis kyis bstan to/ zhes bya ba'i don to/ /yang nang gi rnams bsgrub pa'i phyir tshigs su bcad pa rnams su rig par bya'o zhes bya ba la/ da ni tshigs su bcad pa lnga zhig gis nang gi 'du byed sems dang sems las byung ba rnams skad cig mar sgrub bo zhes bya ba'i don to/ /thog ma je bas je che dang //zhes bya ba la sogs pa la/ nang gi 'du byed skye ba la rnam pa bcu bzhi yod de/ thog mar skye ba dang / je bas je cher skye ba dang / sogs pa skye ba dang gnas kyi dngos por skye ba dang / 'gyur bar skye ba dang / smin par skye ba dang / tha ma'i skye ba dang / de bzhin du mchog gi skye ba dang /'od gsal bar skye ba dang / 'od mi gsal bar skye ba dang / yul gzhan du 'gro ba'i skye ba dang / sa bon can gyi skye ba dang / sa bon med pa'i skye ba dang / gzugs brnyan du skye ba ste/ skye ba rnam pa bcu bzhi yod pa la ni rnam pa bcu bzhi po de skad cig mar sgrub pa'i rgyu dang tshad ma ni/rgyu dang tshad kyi bye brag dang / /zhes bya ba nas sems kyi rjes su 'brang ba nas/ 'dus byas thams cad skad cig ma/ /zhes bya ba'i bar dag gis bstan to/ /je bas je che zhes bya ba nas zhes bya ba la/ thog mar je che je che dang / /zhes bya ba nas brtsams te/'dus byas thams cad skad cig ma'o/ /zhes bya ba'i bar dag gi tshigs su bcad pa lngas nang gi 'du byed rnams skad cig mar sgrub bo zhes bya ba'i don to/ /de dag gis ji ltar skad cig ma 'grub ce na zhes bya ba ni tshigs su bcad pa lnga po de dag gis nang gi 'du byed rnams ji ltar skad cig mar 'grub ce na zhes bya ba'i don to//thog mar skye ba ni dang por lus mngon par 'grub pa gang yin pa'o zhes bya ba la/ nang gi 'du byed sna la skye ba bcu bzhi yod pa'i mtshan nyid de je bstan nas/ de dag ji ltar skad cig ma yin pa ni gtan tshigs kyis phyis 'chad do//de la thog ma skye ba zhes bya ba ni 'chi ba'i char gtogs pa'i rnam par shes pa 'gags nas ma'i mngal du skad cig ma dang po la rnam par shes pa zhugs te brgyal nas skye ba'i nying mtshams sbyar ba gang yin pa la/ thog ma skye ba zhes bya ste/ gal te rtag pa zhig yin na ni 'chi ba'i char gtogs pa rnam par shes pa 'gags nas skye ba'i char gtogs pa rnam par shes pa 'byung mi srid de/ de lta ni ma yin te/ 'chi ba'i char gtogs pa rnam par shes pa 'gags nas skye ba'i char gtogs pa rnam par shes pa 'byung ba na/skad cig mar rig par bya'o/ /je bas je che ba ni dang po skyes pa'i skad cig ma phan chad do zhes bya ba la/ je bas je cher skye ba ni skad cig ma dang po la/ ma'i mngal du rnam par shes pa zhugs pa skad cig ma ma rtogs pa skad cig ma gnyis pa phan chad nur nur po dang mer mer po dang ltar ltar po la sogs pa skyes pa la bya ste/gal te skad cig ma ma yin na ni nur nur po'i rang bzhin 'gags nas mer mer po la sogs pa skye mi srid de/ de lta ni ma yin gyi nur nur po la sogs pa snga ma 'gags nas mer mer po la sogs pa gzhan skye bar 'gyur te/de bas na skad cig mar rig par bya'o/ /sogs pa ni kha zas dang / nyal ba dang / tshangs par spyod pa dang / snyoms par 'jug pa la sogs pa'o zhes bya ba la sogs pa'i don ni lus chung zhing rid pa las nyam che zhing brtas par 'gyur bar byed pa la bya ste/'dod pa'i khams na ni kha zas dang gnyid dang tshangs par spyod pas lus nyam chung ngu las nyam chen po dang ldan par byed do/ /gzungs la sogs pa'i khams na ni ting nge 'dzin la snyoms par zhugs pas lus brtas par 'gyur ro//gal te dngos po 'di dag rtag pa yin na ni kha zas la sogs pas kyang lus nyam chung ngu las nyam chen por 'gyur mi srid de/ de lta na ni ma yin gyi/ kha zas la sogs pas lus nyam chung ngu las nyam chen por skyed par byed pas na/ dngos po rnams skad cig mar rig par bya'o//gnas kyi dngos po ni gang mig gi rnam par shes pa la sogs pa mig la sogs pa'i gnas kyis so zhes bya ba la/ gnas kyi dngos por skye ba ni mig gi rnam par shes pa nas yid kyi rnam par shes pa'i bar du rnam par shes pa drug ni gnas pa zhes bya'o//mig gi dbang po nas yid kyi dbang po'i bar du dbang po drug ni gnas zhes bya ste/ gnas par byed pa rnam par shes pa rnams skad cig ma yin pas de'i dbang po rnams kyang skad cig ma ma yin du mi rung ste/ de bas na skad cig mar 'gyur ro/ /'gyur bas na gang 'dod chags la sogs pas kha dog la sogs pa 'gyur ba'i phyir ro zhes bya ba la/'gyur ba'i skye ba ni nam sems 'dod chags la sogs pa'i rnam par skyes pas na lus kyang sngon dang mi 'dra bar bzhin 'dzum pa dang / kha dog mdangs can du 'gyur ba dang /nam zhe sdang gi rnam par skye ba na/ lus la sogs pa yang khro gnyer bsdus pa dang / so gtsigs pa la sogs pa'i rnam pa gzhan du 'gyur te/ de lta bu dag kyang rtag pa'i chos rnams la mi srid kyi/ mi rtag pa'i chos rnams la srid de/ de bas na 'du byed rnams skad cig mar rig par bya'o//smin pa ni gang skyes nas dang / byis pa dang / gzhon nu dang / dar la bab pa dang / dar byid pa dang / rgas pa'i gnas so zhes bya ba la/ dang po ma'i mngal nas byung ma thag pa la ni skyes nas zhes bya'o/ /de nas de las 'das la 'gro nus la thug gi bar la ni byis pa zhes bya'o//de nas de las 'das nas rtsed mo nus kyi bar la ni gzhon nu zhes bya'o/ /de nas de las 'das nas sems dang lus kyi mthu rdzogs par 'gyur ba la ni dar la bab pa zhes bya'o/ /de las 'das la nam che rgas pa la sogs pa 'gyur ba la ni dar byed pa zhes bya'o//ru zhom par gyur pa la ni rgas pa zhes bya ste/ dngos po rtag pa rnams la ni de lta bu gzhan rnams gzhan du 'gyur ba 'byung mi srid de/ de lta ni ma yin gyi/ dngos po rnams gzhan nas gzhan du 'byung ba na skad cig mar rig par bya'o//tha ma dang mchog ni gang ngan 'gro dang / bde 'gror skye ba rnams te rim bzhin no zhes bya ba la/ tha ma dang mchog gi skye ba ni rim bzhin du ngan 'gro gsum du skyes pa ni tha mar skyes pa/ lha dang mi'i nang du skyes pa ni mchog tu skyes pa'o/ /de la rtag pa'i chos rnams la ni ngan song gsum du skyes pa las 'gags nas lha dang mir skye ba dang /lha dang mir skyes pa la 'gags nas/ ngan song du skye ba ni mi srid de/ de lta ni ma yin gyi/ ngan song gsum las shi 'phos nas/ lha dang mi'i nang du skye ba dang / lha dang mi'i nang nas shi 'phos nas ngan song gsum du skyes te/de bas na mi rtag par rig par bya'o/ /'od gsal ba ni gang 'dod pa'i sprul pa dang / 'dod pa'i gzhan 'phrul dang / gzugs dang gzugs med par skyes pa rnams sems tsam la rag las pa'i phyir ro zhes bya ba la/'od gsal bar skyes pa ni 'dod pa'i khams kyi lha drug las 'phrul dga' dang / gzhan 'phrul dbang byed dang / gzugs kyi khams kyi lha ril dang / gzugs med pa'i khams kyi lha thams cad la 'od gsal bar skyes pa zhes bya ste/ci'i phyir zhe na/ de skyes pa'i lha rnams bya ba thams cad rang gi sems la rag lus te/ bsams pa tsam gyis don thams cad 'grub pa'i phyir ro/ /ji lta zhe na/ 'phrul dga'i lha rnams kyang lha'i bu mo gang dang gang 'dod pa kun du spyod pa 'dod pa de na/ lha'i bu mo de'i sems dang mthun pa'i lus kyi kha dog dang gos dang rgyan la sogs pa sems kyis sprul na de bzhin du snang bar 'gyur ro//lha'i bu mo dag kyang lha'i bu gang 'dod pas kun du spyod par 'gyur ba na/ de lta bu'i rkyen dang / lus kyi kha dog dang / gos la sogs pa snang bar 'gyur ro//gzhan 'phrul dbang byed rnams kyang lha gzhan dag dang 'dod pa'i longs spyod myong bar bya ba'i phyir/ longs spyod dag sems kyis 'phrul na de bzhin du snang bar 'gyur ro/ /gzugs dang gzugs med pa'i khams kyi lha rnams kyis kyang / so so'i ting nge 'dzin la sogs pa gang la 'jug 'dod pa de bsams pa tsam gyis de dag 'grub par 'gyur zhing mngon sum du 'gyur te/de ltar rtag pa'i dngos po la ni de lta bu 'byung mi srid kyi/ mi rtag pa'i dngos po la srid pas na/ 'du byed thams cad skad cig ma'o/ /'od mi gsal ba ni gang de las gzhan du skyes pa rnams kyi'o zhes bya ba la 'od mi gsal bar skyes pa ni gang gong du bshad pa la ma gtogs pa rgyal chen bzhi'i ris dang /dga' ldan dang / mtshe ma dang / sum cu rtsa gsum pa dang / gling bzhi pa'i mi rnams dang / ngan song gsum dag ste/de dag ni bsams pa tsam gyis don thams cad mi 'grub pas na 'od mi gsal ba zhes bya ste/ 'di ltar 'od gsal ba las mi gsal bar 'gyur ba dang / 'od mi gsal ba las gsal bar 'gyur ba yang / rtag pa'i chos la mi srid kyi/ mi rtag pa'i chos la srid pas na/skad cig ma yin par rig par bya'o/ /yul gzhan du 'gro ba ni gang yul gzhan du skyes pa 'gags nas yul gzhan du skye ba'o zhes bya ba la yul gzhan du 'gro ba'i skye ba ni dngos po 'ga' zhig yul gzhan du phyin cing skye ba de yang sngon yul gzhan na gnas pa de 'gags nas phyis de ma yin pa'i yul gzhan du 'phos shing skyes pa la bya ste/de lta bu yang skye ba dang 'gag pa'i chos can la srid kyi/ rtag pa'i chos can la mi srid de de bas na skad cig ma'o/ /sa bon dang bcas pa ni gang dgra bcom pa tha ma'i phung po ma gtogs pa'o zhes bya ba la/sa bon ni khams gsum du skye bar byed pa'i nyon mongs pa'i bag chags la bya ste/ sa bon dang bcas pa'i skye ba ni mthong ba dang bsgom pas spang bar bya ba'i nyon mongs pa thams cad spangs pa'i dgra bcom pa'i phung po'i lhag ma dang bcas pa'i mya ngan las 'das pa thob pa dang /phung po'i lhag ma ma lus par spong ba'i dgra bcom pa'i phung po tha ma ma gtogs pa dgra bcom pa la 'jug pa dang / phyir mi 'ong ba dang / lan cig phyir 'ong ba dang / rgyun du zhugs pa dang / so so'i skye bo rnams ni sa bon dang bcas par skye ba zhes bya ste/nyon mongs pa'i rgyus tshe gcig nas gcig tu len pas so/ /de ltar tshe len pa yang rtag pa'i dngos po la ni mi srid kyi/ mi rtag pa'i dngos po la srid pas na/ 'dus byas rnams skad cig mar rig par bya'o//sa bon med pa ni gang de dag gi tha ma'o zhes bya ba la/ sa bon med pa'i skye ba ni dgra bcom pa rnams kyi phung po'i lhag ma dang bcas pa'i mya ngan las 'das pa dang / phung po lhag ma ma lus par spangs pa'i mya ngan las 'das pa'i dbyings su 'jug pa'i phung po tha ma la bya ste/skad cig ma ma yin na ni sa bon dang bcas pa las phyis sa bon med par skye mi srid kyi/ mi rtag pa rnams la sngon sa bon dang bcas pa las phyis sa bon med par 'gyur srid pas na skad cig mar rig par bya'o/ /gzugs brnyan la gang rnam par thar pa la bsgom pa rnams kyi ting nge 'dzin gyi dbang gis zhes bya ba la sogs pa la/gzugs brnyan du skye ba ni gang rnam par thar pa brgyad la bsgom pa'i bsam gtan pa'i gang zag gi ting nge 'dzin gyi mthu thams cad skyed la/ thams cad sngon po dang thams cad ser po dang /thams cad dmar po la sogs pa'i gzugs brnyan snang ba ste/ gal te rtag pa zhig yin na ni sngon gzugs brnyan mi snang ba las phyis gzugs brnyan snang bar 'gyur mi srid kyi/ mi rtag pa las de ltar 'gyur srid pas na skad cig mar rig par bya'o//skye ba rnam pa bzhi po 'di dag las zhes bya ba la sogs pa la/ nang gi 'du byed skye ba la rnam pa bcu bzhi yod de/ skye ba rnam pa bcu bzhi po thams cad skad cig ma'o/ /gtan tshigs gang gis skad cig mar 'gyur zhe na/ rgyu dang tshad kyi bye brag la sogs pa'i gtan tshigs dang /tshad mas skad cig mar rig par bya'o/ /thog mar skye ba la ni rgyu'i bye brag gi phyir te zhes bya ba la/ thog mar ma'i mngal du skye ba la ni rgyu'i bye brag gi gtan tshigs kyis na skad cig mar rig par bya ste/ 'di ltar dang po rnam par shes pa ma'i mngal du skyes pa des rgyu byas nas de'i 'og tu nur nur po 'byung ngo //nur nur pos rgyu byas nas mer mer po la sogs pa snga ma dang mi 'dra ba gzhan dag 'byung ste/ de bas na skad cig mar rig par bya'o/ /gal te de'i rgyur bye brag med du zin kyang de phyis 'du byed 'byung ba phyi ma phyi ma'i bye brag mi dmigs par 'gyur te zhes bya ba la/gal te dang po ma'i mngal du skyes pa skad cig ma de rtag pa gcig pu zhig yin te/ skad cig ma snga ma 'gag cing phyi ma gzhan skye ba rgyu gcig ste bye brag tu med du zin na phyis nur nur po las de dang mi 'dra ba'i mer mer po 'byung ba dang /mer mer po las de dang mi 'dra ba'i ltar ltar po la sogs pa phyi ma phyi ma'i dus na snga ma dang mi 'dra ba'i rang bzhin gzhan dang gzhan dag 'byung zhing dmigs par 'gyur mi srid do zhes bya ba'i don to/ /rtag pa las ci'i phyir mi 'dra ba'i bye brag 'byung bar mi srid snyam pa la rgyu bye brag med pa'i phyir ro zhes smos te/rtag pa gcig pu la ni rgyu'i bye brag du ma med de/ rgyu gcig tu zad pas rgyu gcig tu zad pa ni 'bras bu du ma 'byung bar mi 'gyur te/ dper na nas kyi sa bon las nas dang 'bras la sogs pa 'bras bu du ma mi 'byung ba bzhin no//bye brag yod du zin na ni de phyi ma dang tha dad pas skad cig ma 'grub bo zhes bya ba la/ gal te rgyu la bye brag yod de/ dang po'i rgyu ni skad cig ma gzhan yin la/ de 'gags pa'i 'og tu snga ma dang mi 'dra bar phyi ma'i phyi ma'i gzhan skye ste/ rgyu la mi 'dra ba'i bye brag yod na 'bras bu la yang nur nur po dang mi 'dra ba'i mer mer po la sogs pa gzhan skye ste/de ltar gyur na ni skad cig mar 'grub po/ /gal te rtag pa zhig yin na ni rtag tu yang nur nur po 'ba' zhig tu snang bar 'gyur gyi/ mer mer po la sogs pa'i dngos po mi 'dra ba gzhan dang gzhan snang bar mi 'gyur ro//je che je cher skye ba ni tshad kyi bye brag gi phyir te zhes bya ba la nur nur po las mer mer po la sogs pa'i chen por skye ba yang tshad kyi bye brag gi gtan tshigs kyis ni skad cig mar rig par bya ste/ gang gi phyir skad cig ma yin pas nur nur po'i dus kyi lus chung ngu 'gags nas mer mer po lta bur dngos po chen por skye bar 'gyur ro//tshad ces bya ba'i don bstan pa'i phyir/ tshad ces bya ba ni bong zhes bya ba'i don to zhes bya ba la/ tshad ces bya ba'i don ni bong skyed je che je cher gyur pa la bya'o//skad cig ma re re la tha dad pa ma yin na ni tshad kyi bye brag med par 'gyur ro zhes bya ba la/ gal te dngos po de rtag pa zhig yin te/ skad cig ma snga ma 'gags nas skad cig ma phyi ma la gzhan dang gzhan skye ba ma yin na ni nur nur po'i tshe bong chung ngur gnas pa las mer mer po'i tshe bong chen por 'gyur ba la sogs pa'i snga phyi la tshad che chung gi bye brag med par 'gyur te/dang por nur nur po'i dus gang yin pa rtag tu yang de 'ba' zhig snang bar 'gyur gyi/ mer mer po la sogs pa'i tshad chen por snang ba nam du yang mi 'gyur ro//de lta ni ma yin gyi nur nur po'i dus 'gags nas phyis mer mer po la sogs pa 'byung ba na skad cig mar rig par bya'o/ /sogs par skye ba la ni sogs pa don med par mi 'gyur ba'i phyir te zhes bya ba la sogs pa skye ba la yang sogs pa don med par mi 'gyur ba'i gtan tshigs kyis na nang gi 'du byed rnams skad cig mar rig par bya'o//sogs pa'i don bstan pa'i phyir/ ston pa ni sogs pa'o zhes smos te sngon dus su nyam chung zhing rid par gnas pa las/ phyis kha zas dang gnyid la sogs pa'i nyam che zhing tshon por brtas shing brtan pa la sogs pa zhes bya'o//'di ltar 'du byed rnams skad cig ma yin pas kha zas la sogs pas brtan pa na sngon nyam chung zhing rid pa'i dngos po 'gags nas phyis nyam tsho zhing chen po'i dngos por skyed par byed pas na/ sogs pa don med par 'gyur ba ma yin no//skad cig ma med na ni de bzhin du 'dug pa'i phyir de yang don med par 'gyur ro zhes bya ba la/ gal te dngos po rnams skad cig snga ma ni 'gags/ phyi ma skye ba lta bur skad cig ma'i rang bzhin ni ma yin gyi/ rtag pa zhig yin na ni rtag pa ni mi 'gyur zhing rtag tu de bzhin du gnas par 'gyur te/de ltar na sngon rid cing nyam chung ba'i dngos po rnams kha zas la sogs pas brtas kyang rid pa nyid kyi ngo bor 'dug gi /tshon po dang nyam chen por 'gyur du mi btub pas kha zas la sogs pas nams kyang nyam chen po dang brtas par ma byas pas na/kha zas la sogs pa zos pa don med par 'gyur ro/ /de lta ni ma yin gyi/ sngar nyam chung zhing rid pa las phyis kha zas la sogs pa bzos pa ni/ phyis nyam che zhing tshon por 'gyur ba la sogs pa don med pa ma yin pa'i phyir 'du byed rnams skad cig ma'o/ / rtag pa yin na sogs pa'i skabs su yang skyon gzhan yang yod par bstan pa'i phyir sogs pa nyid kyang mi rung ba'i phyir te/ skad cig ma re re la shin tu skye ba 'byung ba med de sogs pa mi rung ngo zhes smos te/ gal te skad cig ma re re la gzhan nas gzhan du 'jig cing 'gyur ba ma yin gyi/kha zas nyid kyang lus brtas par byed pa'i mtshan nyid du mi rung ste/ ci'i phyir zhe na/ rtag pa la ni skad cig ma re re la yang skad cig ma dang mi 'dra ba'i bong je che je cher 'gyur ba'am/ nyam chen po dang / tshon bor 'gyur bar 'gog pa med pas kha zas zos kyang brtas pa'i las ma byas pa'i phyir kha zas brtas par byed pa'i mtshan nyid du mi 'grub bo//gnas kyi dngos por skye ba la ni gnas par mi srid pa'i phyir te zhes bya ba la/ gnas kyi dngos por skye ba la yang gnas kyi dngos po ni mig gi dbang po nas yid kyi dbang po'i bar du dbang po drug go//de la gnas pa ni mig gi rnam par shes pa nas/ yid kyi rnam par shes pa'i bar du rnam par shes pa drug go/ /de la rnam par shes pa rnams skad cig ma yin te/ gnas pa rnam par shes pa rnams la rtag pa med pas de'i gnas dbang po rnams la yang rtag pa yod par mi srid pa'i phyir/dbang po rnams skad cig mar rig par bya'o/ /gal te gzhan dag 'di skad du gnas dbang po ni rtag pa yin la/ de la gnas pa'i rnam par shes pa rnams ni mi rtag pa yin no snyam du sems na de ltar yang mi rigs par bstan pa'i phyir/gnas 'dug pa yin la/ de la gnas pa mi 'dug par ni mi rung ste zhes smos te/ gal te mig gi dbang po la sogs pa dbang po rnams ni skad cig ma ma yin te/ rtag pa'i mtshan nyid du 'dug na/ de la gnas shing brten pa'i rnam par shes pa rnams skad cig ma ste/mi rtag pa ma yin par ni mi rung ngo / /de lta bas na dbang po rtag pa zhig yin na ni rnam par shes pa yang rtag par 'gyur ro/ /gal te rnam par shes pa mi rtag pa zhig yin na ni dbang po yang mi rtag par 'gyur ro/ /de'i dpe bstan pa'i phyir smras pa/bzhon pa 'dug pa la zhon pa mi 'dug pa bzhin no zhes bya ba la sogs pa ste/ bzhon pa ni rta la sogs pa'o/ /zhon pa ni de dang 'brel pa'i mi la sogs pa ste/ gal te bzhon pa rta gar yang ma song ste gnas gcig na 'dug na/de la zhon pa'i mi gnas gzhan du phyin par mi rigs te mi'ang 'dug par 'gyur ro/ /gal te rta la zhon pa'i mi gnas gzhan zhig tu phyin na de khyer bar byed pa'i rtas kyang gdon mi za bar gnas gzhan du phyin par 'gyur ro/ /gzhan yang ras tshig na ra sa la brten pa'i kha dog sngon po la sogs pa yang gdon mi za bar tshig par 'gyur ro//gal te kha dog sngon po ma tshig na ras kyang tshig par mi rigs so/ /de ma yin na ni gnas su yang mi rung ngo zhes bya ba la/ gal te rnam par shes pa skad cig ma ma yin/ dbang po rnams skad cig ma ma yin te/rtag pa yin na ni dbang po rnams rnam par shes pa'i gnas dang rten du mi rung ngo / /'gyur ba dang smin pa skye ba dang gnas pa la mi srid de zhes bya ba la/ 'dod chags dang zhe sdang la sogs pa'i dbang gis lus kyi mdog gzhan du skye bar 'gyur ba dang /byis pa la sogs pa'i gnas las dar la bab pa la sogs pa'i mtshan nyid smin par skyes pa yang skad cig ma ma yin zhing / rtag par gnas pa'i dngos po la ni rnam pa de ltar 'gyur mi srid do/ /ji ltar mi srid pa bstan pa'i phyir/ thog ma nas 'jig cing mi 'gyur ba'i phyir zhes bya ba smos te/rtag pa'i dngos po rnams ni thog ma'i rang bzhin 'jig cing med par yang mi 'gyur la/ sngon dang mi 'dra ba'i mtshan nyid gzhan len par yang mi 'gyur te/ rang bzhin gcig par gnas pa ni rnam pa du mar mi 'gyur bas rtag pa la ni 'dod chags la sogs pa'i dbang gis bdag gi lus dang bzhin la sogs pa gzhan du 'gyur mi srid la/byis pa las dar la bab pa la sogs pa smin par yang mi 'gyur ro/ /don de nyid zhib tu bstan pa'i phyir/ de ltar gnas pa la ni 'dod chags la sogs pas 'gyur bar yang mi 'gyur la gnas gzhan du yang smin par mi 'gyur te zhes smos te/rtag pa'i mtshan nyid gnas pa rnams la ni 'dod chags kyi sems skyes pa'i dbang gis gzhan gyi kha dog sngon dang mi 'dra ba'i 'dzum pa la sogs pa'i mtshan nyid phyis gzhan du 'gyur ba mi 'byung la/byis pa la sogs pa las kyang phyis dar la bab pa la sogs pa'i mtshan nyid du lus bong chen por smin par mi 'gyur ro/ /ji ltar mi 'gyur ba bstan pa'i phyir/ thog mar mi 'jig tu zin na/ tha mar yang 'gyur ba med pa'i phyir ro zhes smos te/ 'gyur ba'i skye ba la yang 'dod chags kyi sems skyes pa na/ dang po sems ma skyes pa'i kha dog la sogs pas ma zhig ma 'gags na ni 'dod chags kyi sems skyes pa'i dus na yang bzhin la sogs pa'i kha dog 'dzum pa la sogs pa'i mtshan nyid du gzhan du 'gyur bar mi snang gi 'dod chags 'byung ba'i dus na yang 'dod chags ma byung ba'i dus kyi bzhin de nyid snang bar 'gyur ro//rnam par smin pa mang yang gal te rtag pa zhig yin yang byis pa'i mtshan nyid gzhan du gyur nas mi 'jig tu mi btub na ni dar la bab pa'i dus na yang lus kyi bong tshod chen po la sogs par gzhan du mi 'gyur gyi/dus thams cad du yang byis pa'i rang bzhin 'ba' zhig tu gnas shing snang bar 'gyur ro/ /de lta ni ma yin gyi/ 'dod chags kyi sems skyes pa na sngon gyi bzhin dang kha dog 'gags nas phyis de ma yin pa'i bzhin dang kha dog gzhan 'byung ba dang /smin pa la yang byis pa la sogs pa'i dus kyi lus kyi bong tshod la sogs pa 'gags nas phyis de ma yin par/ dar la bab pa la sogs pa'i lus kyi bong tshod gzhan skyes te/ de bas na skad cig mar grub bo/ /de ltar thog mar mi 'jig pa dang mi 'gyur ba'i gtan tshigs kyis 'gyur ba dang /smin pa'i skye ba gnyis skad cig mar bsgrubs so/ /yang thog mar mi 'jig cing mthar mi 'gyur ba'i gtan tshigs de nyid mchog dang tha ma'i skye ba'i skad cig mar bsgrub pa'i phyir/ de bzhin du tha ma dang mchog skye ba la yang skad cig mar rig par bya'o zhes smos te/ji ltar 'gyur ba dang / smin pa skye ba la thog ma nas mi 'jig cing mi 'gyur ba'i gtan tshigs kyis skad cig ma bsgrubs pa de bzhin du tha ma dang / mchog tu skyes pa la yang thog ma nas mi 'jig cing mi 'gyur ba'i gtan tshigs de nyid kyis skad cig mar bsgrubs par rig par bya'o//gtan tshigs de nyid kyis ji ltar skad cig mar sgrub pa bstan pa'i phyir/ ji ltar smin pa skye ba bzhin du 'du byed de bzhin gnas pa la yang las kyi bag chags 'jog par mi 'gyur ro zhes bya ba smos te/ji ltar byis pa las dar la bab pa la sogs par smin par 'gyur ba la/ dang po byis pa'i dus mi 'jig cing / dar la bab pa'i dus la yang gzhan du ma gyur na ni rtag tu byis pa 'ba' zhig tu snang bar 'gyur gyi/ dar la bab pa la sogs pa'i mtshan nyid du nams kyang snang bar mi 'gyur ro//de bzhin du 'du byed rnams de bzhin du gnas te rtag pa zhig yin na ni sngon lha dang mi la sogs pa'i gnas na dge ba byed byed pa las/ dge ba byed pa'i las 'gags nas mi dge ba'i las byas pa'i bag chags kyis phyis ngan song gsum du sdug bsngal gyi 'bras bu myong bar yang mi 'gyur te/lha dang mi'i gnas su yang sdug bsngal gyi rang bzhin nyid dang ldan par 'gyur ba dang / sngon ngan song gsum gyi gnas na sdug bsngal ba'i rang bzhin du gnas pa las dge ba'i las byas pa'i bag chags kyis sngar sdug bsngal myong ba 'gags nas phyis bde ba myong bar mi 'gyur gyi/rtag tu sdug bsngal ba dang ldan pa nyid du 'gyur ro/ /gang gi phyir ngan 'gror skye ba dang / bzang 'gror skye ba yang rim gyis rgyud yongs su 'gyur ba'i bye brag las ni 'jug pa rnyed par 'gyur ro zhes bya ba la/de lta ni ma yin gyi/ sngon ngan song gsum gyi gnas su gnas pa na mi dge ba byed byed pa'i skad cig ma 'gags nas phyis dge ba byas pa'i rgyud bag chags je brtas su 'gyur ba'i bye brag las phyis lha dang mi'i bde 'gror 'bras bu bde ba myong bar 'gyur ba dang /sngon lha dang mi'i nang na gnas pa na las dge ba byed byed pa las sngar las dge ba byas pa 'gags nas phyis las mi dge ba byas pa'i bag chags je brtas je brtas su gyur pas mjug tu ngan song gsum du sdug bsngal ba'i 'bras bu myong bar 'gyur te/ mi rtag pa la ni de ltar 'gyur gyi/ rtag pa zhig na ni yang na rtag tu sdug bsngal 'ba' zhig myong bar 'gyur/ yang na rtag tu bde ba 'ba' zhig myong bar 'gyur gyi/ bar 'ga' bde bar 'gyur/ bar 'ga' sdug bsngal bar 'gyur ba lta bur rnam pa du mar ni mi 'gyur ro/ / thog mar ni mi 'jig cing mthar mi 'gyur ba'i gtan tshigs des 'od gsal ba dang / 'od mi gsal ba la yang skad cig mar bsgrub pa'i phyir/ 'od gsal ba dang / 'od mi gsal ba'i skye ba ni/ de bzhin du skad cig mar rung ngo zhes bya ba smos te/ gal te thog ma nas mi 'jig cing mi 'gyur ba med la/dngos po rnams skad cig mar 'gyur na ni sngon 'od gsal ba las phyis 'od mi gsal bar 'gyur ba dang / sngon 'od gsal ba las phyis 'od mi gsal bar rung ngo / /rtag pa las sngon 'od mi gsal ba las phyis 'od gsal ba ni mtshan nyid du mi rung bar bstan pa'i phyir/'od gsal ba ni de ltar gnas pa las mi 'byung ba'i phyir te/ 'byung ba ni sems la rag lus pa'i phyir ro zhes smos te/ mi 'jig cing 'gyur ba med de rtag pa'i mtshan nyid du gnas pa las ni sngon 'od mi gsal ba las phyis 'od gsal ba'i mtshan nyid 'byung mi srid de yang na ni rtag par 'od mi gsal bar 'gyur/yang na ni rtag par 'od gsal bar 'gyur te/ sngon 'od mi gsal ba las phyis 'od gsal bar 'gyur na ni skad cig ma yin no/ /ci'i phyir zhe na/ 'phrul dga' la sogs pa'i lha'i ris ni 'od mi gsal ba las 'od gsal ba 'byung ba ni sems la rag lus shing sems kyi rgyu las skyes te/de bas na sems skad cig ma yin pa'i phyir/ de las skyes pa'i bzhin gyi mdog dang lus la sogs par 'bras bur gyur pa'i chos rnams kyang skad cig ma yin par rig par bya'o//'jig pa med cing mi 'jig pa'i dngos po la/ 'od gsal ba las 'od mi gsal bar 'gyur ba mi srid par bstan pa'i phyir/ 'od gsal ba ma yin pa la yang thog ma 'jig pa med par mthar 'gyur ba mi rung ba'i phyir ro zhes smos te/thog mar 'od gsal ba'i rang bzhin du gnas pa las phyis 'od mi gsal ba'i rang bzhin du 'gyur ba yang thog ma nas 'jig pa med cing rtag pa'i dngos po la ni sngon 'od gsal ba las tha mar 'od mi gsal ba lta bur 'gyur bar mi rung ste/ de bas na sngon 'od gsal bar gnas pa'i dngos po 'gags nas phyis 'od mi gsal ba'i ngo bo 'byung bas na dngos po rnams skad cig ma yin par rig par bya'o//yul gzhan du skye ba 'gro ba la yang 'gro ba med pa'i phyir te zhes bya ba la/ yul gzhan du skye ba'i 'gro ba la yang 'gro ba med pa'i gtan tshigs kyis na skad cig mar rig par bya ste/'di ltar dngos po rnams skad cig ma'i ngang gis yul gcig nas gcig tu 'phos pa ma gtogs par yul gcig nas gcig tu 'pho bar byed pa'i 'gro ba zhes bya ba gang yang med pas na/ 'du byed rnams skad cig mar rig par bya'o//don de nyid bstan pa'i phyir/ 'du byed rnams yul gzhan du 'pho ba'i mtshan nyid 'gro ba zhes bya ba'i byed pa gang yang med de zhes smos te/ 'du byed rnams skad cig ma snga ma ni 'gags/ skad cig ma phyi ma ni skye ba'i tshul gyis yul gzhan du 'pho zhing phyin par zad kyi/de la ma gtogs par 'du byed rnams yul gcig nas gcig tu 'pho bar byed pa'i mtshan nyid 'gro ba zhes bya ba'i byed pa po rdzas gzhan ni gang yang med do zhes bya ba'i don to/ /'du byed skad cig ma las ma gtogs pa'i 'gro ba byed pa po gang yang med par gtan tshigs kyis bstan pa'i phyir/de'ang 'gro ba skyes pa'am ma skyes pa'am yul gzhan du byed grang na zhes smos te/ 'gro ba des 'du byed rnams yul gzhan du 'pho bar byed na/ 'du byed gnas pa'i mtshan nyid zhig yin pa las/ 'gro ba zhes bya ba'i chos skyes nas gdong 'du byed rnams yul gcig nas gcig tu 'pho bar byed dam/'on te 'gro ba ma skyes pas 'du byed yul gzhan nas gzhan du 'pho bar byed ces bya grang na de gnyi ga ltar yang mi rigs so/ /de la phyogs dang po bstan pa mi rigs pa'i phyir/ gal te skyes pa yin na ni de'i phyir 'gro ba'i dus na gar yang ma song bas 'dug pa la ni 'gro ba mi rung ngo zhes smos te/gal te 'gro ba skyes pa zhig gis 'du byed gnas pa yul gzhan du 'pho ba byed ces bya bar yang 'du byed nyid gnas pa'i rang bzhin can yin te/ 'du byed de la 'pho ba'i rang bzhin med pas na/'gro ba skyes pa'i dus na 'du byed gar yang ma song ste 'dug pas na/ 'gro bar byed pas 'du byed yul du gzhan du spos shing 'gro bar byas pa ni mi rung ngo / /gal te 'du byed rnams gnas pa'i rang bzhin can ma yin te/ yul gzhan du 'gro ba'i rang bzhin can yin na ni 'du byed nyid yul gzhan du song bas de la ma gtogs pa'i 'gro bar byed pa'i rdzas gzhan yod par mi rung ngo //phyogs gnyis pa mi rigs par bstan pa'i phyir/ de ste ma skyes pa yin na ni de'i phyir 'gro ba med par song ba zhes byar mi rung ngo zhes smos te/ 'di ltar 'gro ba da dung ma skyes pas 'du byed yul gzhan spos zhes byar yang mi rung ste/ 'gro ba med pa des 'du byed yul gzhan du sbod par mi nus pa'i phyir ro/ /'du byed de ma gtogs par 'gro bar byed pa rdzas gzhan med par gtan tshigs gzhan gyis kyang dpyad de/ 'di ltar 'gro bar byed pa des 'du byed yul gzhan du spos na 'gro bar byed pa nyid yul 'di na gnas pas 'du byed yul gzhan du sbod par byed dam/'on te 'gro bar byed pa yul gzhan la gnas pas 'du byed yul 'di na gnas yul gzhan du sbod par byed grang na/ gnyi ga ltar yang mi rigs so//de la dang po'i phyogs mi rigs par bstan pa'i phyir/ byed pa de yang yul de de na gnas bzhin du 'du byed kyi bya ba byed na/ gnas pas yul gzhan du phyin par mi rung ngo zhes smos te/ 'gro bar byed pa yul 'di na gnas pa des bdag nyid yul de na gnas pa bzhin du 'du byed rnams yul gzhan du phyin par byed pa ni mi 'gyur te/bdag nyid yul de na gnas te yul gzhan du ma song na/ 'du byed yul gzhan du phyin par ni mi rung ngo / /dper na rtas mi khyer te/ yul gzhan du phyin par byed pa yin na/ gal te rta nyid yul de na gnas te/ yul gzhan du ma phyin na rta de la zhon pa'i mi yul gzhan du phyin cing bskyal to zhes bya bar mi rung ba bzhin no/ /phyogs gnyis pa mi rigs par bstan pa'i phyir/ des te yul gzhan du gnas pa yin na ni/ byed pa med par yul gzhan du mi phyin pa'i phyir mi rung ngo zhes smos te/gal te 'gro bar byed pa yul gzhan la gnas pas 'du byed 'di na gnas pa 'pho bar byed do zhes bya ba ni 'gro bar byed pa yul gzhan la gnas par byed pa yin pas 'du byed 'di na gnas pa yul gzhan du 'pho bar byed par mi rung bar 'gyur te/dper na shar phyogs na gnas pa'i rtas nub phyogs na gnas pa'i mi yul gzhan du bskyal bar mi nus pa bzhin pas de ltar yang mi rung ngo / /gzhan yang 'di dpyad par bya ste/ 'gro bar byed pas 'du byed yul gzhan du phyin par byed na 'du byed sngar skyes la 'gro bar byed pa phyis skyes pas 'du byed yul gzhan du phyin par byed dam/yang 'du byed sngar skyes pa la/ 'gro bar byed la phyis skyes pas 'du byed yul gzhan du phyin par byed dam/ yang 'du byed dang 'gro bar byed pa gnyi ga mgo mnyam du skyes pas 'gro bar byed pas 'du byed spod grang na/rnam pa gsum char ltar yang mi rigs so/ /de la 'gro bar byed pa sngar skyes pas/ 'du byed phyis skyes pa spong par byed ces byar ni 'gro bar byed pa skyes pa'i dus na 'du byed ma skyes pas na/ 'du byed med pa la 'gro bar byed pas yul gzhan du spor med de/ lha sbyin skyes pas bu ma skyes pa gsor med pa bzhin no//gal te 'du byed sngar skyes la 'gro bar byed pa phyis skyes pas 'du byed yul gzhan du spod par byed ces byar yang 'du byed skyes pas na/ 'gro bar byed pa da dung ma skyes te med pas 'gro bar byed pa med pa des/ 'du byed yul gzhan du spod mi nus te/dper na rta da dung ma skyes pas mi yul gzhan du bskyal bar mi nus pa bzhin no/ /'du byed dang 'gro bar byed pa gnyis mgo mnyam du skyes pas kyang / 'gro bar byed pas 'du byed yul gzhan du sbod par mi nus te/ dper na glang gi rwa g.yas g.yon gnyis mgo mnyam du skyes pa gang gis kyang gang skyed pa'i rgyu ma byas pa dang 'dra bar 'du byed dang /'gro bar byed pa gnyi ga mgo mnyam du yul gzhan du phyin na/ 'gro bar byed pa gnyi ga 'du byed cung zad kyang yul gzhan du spos pa med do/ /byed pa ni yul de dang gzhan du gnas pa'i 'du byed las kun la yang mi dmigs te zhes bya ba la/'du byed rnams skad cig ma'i ngang gis skye zhing 'gags nas skad cig ma phyi ma la yul gzhan du phyin pa la ma gtogs par 'gro bar byed pa zhes bya ba rdzas gzhan ni gang yang med do zhes bya ba'i don to//don de nyid bstan pa'i phyir/ de bas na 'du byed rnams yul gzhan du skye ba las 'gro ba gzhan med do zhes smos te/ gong du bshad pa ltar na 'du byed rnams skad cig ma'i ngang gis rgyun mi 'chad par yul gzhan du 'phos pa ma gtogs pa'i 'gro bar byed pa zhes bya ba'i rdzas gzhan ni gang yang med do zhes bya ba'i don to//tshig de dag gi mjug bsdu ba'i phyir/ de med pa'i phyir skad cig mar grub bo zhes smos te/ de ltar 'du byed rnams yul gzhan du phyin par byed pa'i 'gro bar byed pa gzhan gang yang med pas na/ 'du byed rnams skad cig mar grub bo zhes bya ba'i don to//yul gzhan du bar chad med par skye ba'i mtshan nyid 'gro ba la ni rgyu mang po rig par bya ste zhes bya ba la/ skad cig ma snga ma 'jig phyi ma skyes pa'i tshul du 'du byed rnams yul gzhan du phyin par byed pa la/ rgyu mang pos yul gzhan du phyin par byed pa yod do zhes bya ba'i don to//sems kyi dbang gis 'gro ba yang yod do zhes bya ba la/ sems kyi rgyu byas nas 'du byed rnams yul gzhan du phyin pa la yod de/ dper na 'chag pa bsams pa'i sems kyi dbang gis lus la sogs pa'i skad cig ma'i rgyun gyis gom pa bor nas yul gzhan du phyin pa'o//sngon gyi las kyis 'phangs pa yang yod do zhes bya ba la/ sngon gyi las kyi rgyu'i shugs kyis 'du byed rnams yul gzhan du phyin pa yod de/ dper na srid pa bar mdo'i sems can lta bu sngon gyi las kyi dbang gis ma'i mngal du 'pho ba'o//'phen pa'i dbang gis 'gro ba yang yod de zhes bya ba la/ 'phen pas rgyu byas nas 'du byed rnams yul gzhan du phyin pa yang yod de/ dper na mda' 'phen pa'i mi'i dbang gis mda' yul gzhan du phyin pa lta bu'o/ / 'brel ba'i dbang gis 'gro ba yang yod de zhes bya ba la/ kha cig 'brel pa'i dbang gis rgyu byas nas 'du byed yul gzhan du phyin pa yang yod de/ dper na rta la mi zhon te rta dang mir 'brel pa yul gzhan du phyin na mi'ang yul gzhan du phyin pa dang / chu dang gzings su 'brel pas chu gang du phyin par gzings kyis kyang phyin pa lta bu'o//bskyod pa'i dbang gis 'gro ba yang yod de zhes bya ba la/ bskyod pas rgyu byas nas 'du byed yul gzhan du phyin pa'ang yod de/ dper na rlung gis bskyod nas rlung gi dbang gis rtswa dang 'dab ma la sogs pa yul gzhan du phyin pa lta bu'o//rang bzhin gyi dbang gis 'gro ba yang yod zhes bya ba la/ rang bzhin gyis rgyu byas nas 'du byed rnams yul gzhan du phyin pa'ang yod de/ dper na rlung thad kar 'gro ba'i rang bzhin yin pas 'di langs pa'i rlung yul gzhan du phyin par snang ba dang / me gyen du 'bar ba'i rang bzhin yin pas nam mkha'i phyogs mthon po dag tu me lce 'bar bas phyin par snang ba dang /chu thur du 'bab pa'i rang bzhin yin pas gshong la sogs pa thur du bab nas yul gzhan du phyin pa lta bu'o/ /mthus 'gro ba yang yod do zhes bya ba la/ 'du byed kha cig ni mthus rgyu byas nas yul gzhan du phyin pa yang yod de/dper na sngags pa dag sngags kyi mthus yul gcig nas gcig tu phyin par byed pa dang / sman 'thungs pa'am/ lus la bskus pa'i mthus sems can rnams yul gzhan du phyin pa dang / rdo khab len gyi mthus lcags 'gul zhing gyen du 'byung ba dang thad kar 'gro bar byed pa dang /rdzu 'phrul thob pa'i sems can dag la rdzu 'phrul gyi mthus yul gzhan nas gzhan du phyin pa'o/ /sa bon can dang / sa bon med pa'i dngos po skye bas skad cig mar rig par bya ste zhes bya ba la/ sngon nyon mongs pa'i sa bon dang bcas par gnas pa las 'phags pa'i lam bsgoms pa'i mthus phyis nyon mongs pa med pa'i dngos por skyes te/ de bas na skad cig mar rig par bya'o/ /tshad ma gang gis de skad cig mar rig par bya zhe na/ de'i phyir gnas pa la mi rung ba dang /tha mal mi srid pa'i phyir ro zhes smos te/ dngos po rnams skad cig ma ma yin te/ rtag pa'i rang bzhin du gnas pa la ni sngon sa bon can las phyis sa bon med par 'gyur bar yang mi rung ste/ rtag tu sa bon dang bcas par 'gyur ro/ /de ltar rtag par sa bon dang bcas par gyur na ni 'phags pa dgra bcom pa'i phung po lta bu phung po'i lhag ma dang bcas pa'i mya ngan las 'das pas sa bon med pa'i rang bzhin dang /phung po lhag ma ma lus par spangs pa'i mya ngan las 'das pa'i dbyings su 'jug pa'i phung po tha ma zhes bya ba yang yod mi srid par 'gyur ro//don de nyid zhib tu bstan pa'i phyir/ sa bon dang sa bon med pa'i dngos por skye ba skad cig ma ni gnas par mi rung ba'i phyir te zhes smos te/ sngar sa bon dang bcas par gnas pa las de 'gags nas phyis kyang nyon mongs pa'i sa bon dang bcas pa'i sems gzhan du 'byung ba dang /sngar sa bon dang bcas par gnas pa las skad cig ma de 'gags nas phyis sa bon med pa'i dngos po skad cig ma skye ba yang skad cig ma ma yin pa rtag par gnas pa'i dngos po la ni de lta bu 'byung bar mi rung ngo / /de la rtag pa'i dngos po la ni sa bon dang bcas pa'i sems snga ma 'gags nas/sa bon dang bcas pa'i sems phyi ma skye ba mi rigs par bstan pa'i phyir/ skad cig ma re re la rgyu 'gyur ba med par de bzhin du gnas pa la ni dus gzhan gyi tshe sa bon gyi dngos por mi rung ngo zhes smos te/ 'di ltar sa bon dang bcas pa las sa bon dang bcas par 'byung ba yang /sa bon dang bcas pa'i skad cig ma snga ma 'gags pas rgyu byas nas sa bon dang bcas pa skad cig ma phyi ma skye ba yin na/ rtag pa'i dngos po de bzhin du mi 'gyur bar gnas pa rnams la ni skad cig ma snga ma snga ma ni rgyu/phyi ma phyi ma ni 'bras bu lta bur 'byung ba med de/ de ltar ma byung na sa bon dang bcas pa'i skad cig ma snga ma 'gags nas phyi ma sa bon dang bcas pa'i skad cig ma gzhan skyes byar yang mi rung ste/ rtag tu yang rang bzhin gcig pa 'ba' zhig tu gnas par 'gyur ro//de yang dper na sa bon las myu gu skye ba sngar sa bon 'gags nas phyis gdong myu gu skye ba yin gyi/ sa bon ma 'gags pa ni nam yang myu gu mi skye ba bzhin no/ /rtag pa'i dngos po rnams la sngar sa bon yod par gnas pa las phyis sa bon med pa'i dngos por 'gyur bar mi srid par bstan pa'i phyir/skad cig ma tha ma la sa bon med pa yang mi rung ste zhes smos te/ gal te ngos po rtag pa yin te/ mi 'jigs par rtag tu de gzhan du gnas na ni sngar sa bon dang bcas pa las dgra bcom pa thob pa'i dus kyi skad cig ma tha ma la sa bon med pa'i dngos por mi 'gyur bar mi rung ste/rtag pa la ni sa bon dang bcas pa dang sa bon med pa rnam pa gnyis su 'gyur mi srid do/ /rtag pa la sngar sa bon dang bcas pa las phyis sa bon med pa'i mtshan nyid du ci'i phyir 'gyur mi srid pa bstan pa'i phyir/ sngon sa bon dang bcas pa la skad cig ma tha ma la sa bon med par khas blang du mi rung ngo zhes smos te/ sa bon ni sa bon dang bcas pa'i skad cig ma 'gags nas skad cig ma tha ma la sa bon med pa'i skad cig ma skye ba yin na/ rtag pa la ni sngar sa bon nas phyi ma gzhan skye ba med pas so so'i skye bo'i dus na ni sems dang sems las byung ba sa bon dang bcas par gnas pa las/tha ma dgra bcom pa'i phung po'i dus na ni sa bon med par 'gyur ro zhes khas blang bar mi nus so/ /de med na tha ma yang mi srid de 'di ltar tha ma nyid kyang mi 'byung ngo zhes bya ba la/gal te sa bon dang bcas pa'i skad cig ma ni 'gags/ phyis sa bon med pa'i skad cig ma skyes pa ni ma yin gyi/ dus thams cad du rtag par gnas na ni/ rtag tu yang sa bon dang bcas pa'i dngos por gnas kyi sa bon med par 'gyur bar ni phyis kyang med par 'gyur te/sa bon med pa'i dngos po phyis med par gyur pas na/ dgra bcom pa'i phung po tha ma zhes bya ba yang yod mi srid par 'gyur ro/ /de ltar phung po tha ma mi srid par gyur na/ dgra bcom pa'i phung po tha ma 'byung ngo zhes bya ba yang mi 'byung bar gyur pas dgra bcom pa la sogs pa yang med par 'gyur ro//gzugs brnyan skye ba la skad cig ma ni sems kyi rjes su 'brang ba las rig par bya ste zhes bya ba la/ rnam par thar pa brgyad bsgom pa dag sems las thams cad sngon por snang ba dang / thams cad ser por snang ba la sogs pa'i gzugs brnyan 'byung ba yang sems kyi dbang gis 'byung bas na skad cig mar rig par bya'o//don de nyid gsal bar bstan pa'i phyir/ skad cig ma re re la yang sems kyi dbang gis de skye ba'i phyir ro zhes bya ba smos te/ skad cig ma re re la ser po dang sngon po la sogs pa gzugs brnyan snang ba yang rnal 'byor pa'i sems kyis ji lta ji ltar bsams pa de lta de ltar snang ste/sems kyi dbang gis snang la sems kyang skad cig ma yin pas na sems las skyes pa'i sngon po la sogs pa'i gzugs brnyan yang skad cig mar rig par bya ste/ rgyu skad cig ma yin pa las 'bras bu skad cig ma yin par 'byung ba mi srid pa ni gong du sun phyung ba bzhin no//de ltar tshigs su bcad pa lngas nang gi 'du byed rnams skad cig mar bsgrubs nas/ da ni tshigs su bcad pa gsum zhig phyi'i 'du byed rnams skad cig mar bsgrub bo/ /'byung ba rnams dang don drug la//skad cig mar ni brjod par bya/ /zhes bya ba la/ phyi'i 'du byed 'di dag ste/ sa dang chu dang me dang rlung ste/ 'byung ba chen po dang / kha dog dang dri dang ro dang reg dang sgra dang chos kyi skye mched kyi gzugs so/ /de la chos kyi skye mched kyi gzugs ni rnam par rig byed ma yin pa'i gzugs te/de rnams skad cig mar brjod do/ /skam dang skye dang zhes bya ba la/ 'byung ba chen po bzhi las chu'i khams ni skam pa dang / skye ba'i gtan tshigs kyis skad cig mar brjod do/ /rang bzhin gyis/ g.yo zhing skye dang 'bri ba'i phyir//zhes bya ba la/ rlung gi khams ni rang bzhin gyis g.yo ba dang skye zhing 'bri ba'i gtan tshigs kyis skad cig mar brjod do/ /sa ni de las 'byung ba dang / /zhes bya ba la sa'i khams ni chu dang rlung las 'byung ba'i gtan tshigs nyid kyis skad cig mar brjod do//kha dog dang dri ro reg pa yang mtshungs pas de yang de bzhin no zhes bya ba la/ don drug las kha dog dang dri dang ro dang reg pa bzhi ni/ chu dang sa dang rlung la brten te/ de dag dang rang bzhin gcig pas na sa dang chu dang rlung gi skabs skam pa dang skye ba la sogs pa'i gtan tshigs nyid kyis skad cig mar brjod do//'byung ba shing la rag lus shing / /zhes bya ba la/ me'i khams skad cig mar 'byung ba yang shing la rag lus pa'i gtan tshigs kyis skad cig mar brjod do/ /je che je cher dmigs pa'i phyir/ /zhes bya ba la/ sgra ni je che je cher dmigs pa'i gtan tshigs kyis skad cig mar brjod do//sems kyi rjes 'brang zhes bya ba la/ chos kyi skye mched kyi gzugs rnam par rig byed ma yin pa'i gzugs kyang sems kyi rjes su 'brang ba'i gtan tshigs kyis skad cig mar rig par bya'o/ /'dri ba la/phyi rol rnams kyang skad cig ma/ /zhes bya ba la/ skad cig mar mi 'dod pa rnams la 'dri ba'i gtan tshigs kyis 'byung ba chen po bzhi dang / don drug po thams cad skad cig mar rig par bya'o/ /ji ltar brjod ce na zhes bya ba ni 'byung ba chen po bzhi dang / don drug po rnams gtan tshigs dang tshad ma gang gi skad cig mar brjod ces bya ba'i don to/ /chu ni skam zhing skye ste zhes bya ba la/ chu'i khams ni skam pa dang skye ba'i gtan tshigs kyis skad cig mar brjod do zhes bya ba'i don to/ /don de nyid bstan pa'i phyir/ lteng ka dang / mtsho dang rdzing bu la sogs pa'i chu bags kyis skye ba dang skam par dmigs te zhes smos te/ lteng ka dang mtsho la sogs pa dbyar lta bu char chu che ba'i dus na ni char zhag du ma'i snga rol nas bab la/ chu nyid gcig gis lhug ces chen por snang bar mi 'gyur gyi/ skad cig ma re re khad kyis je che je cher snang ba dang /dgun dpyid la sogs pa char chung zhing nyi ma tsha ba la sogs pa'i dus na yang nyin gcig tu lhug ces mi skam gyi skad cig ma re re khad kyis je chung je chung ngu skam zhing 'bri bas na chu skad cig ma yin par mngon no/ /skad cig ma re re mi 'byung ba med na phyis bye brag tu 'gyur ba'i rgyu med pa'i phyir te gnyi ga yang mi rung ngo zhes bya ba la/gal te chu 'di rtag pa zhig ste/ skad cig ma re re la snga ma ni 'gags nas phyi ma ni je che je cher 'gyur ba med pa dang / 'bri ba'i dus na yang khad kyis je chung je chung ngu 'gyur ba med na ni dus gcig tu cher snang ba'i rgyu yang med la/dus gcig tu chung ngu snang ba'i rgyu yang med pas rtag pa zhig na ni yang na rtag par chen po 'ba' zhig tu snang bar 'gyur/ yang na rtag par chung ngu 'ba' zhig tu snang bar 'gyur gyi/ bar 'ga' je cher snang pa dang bar 'ga' je chung je chung du snang ba gnyis 'byung du mi rung ngo //rlung yang rang bzhin gyis g.yo ba dang skye ba dang 'bri ba'i phyir te zhes bya ba la/ rlung yang skad cig mar brjod pa ni rang bzhin gyis g.yo ba'i gtan tshigs dang / skye ba'i gtan tshigs dang / 'bri ba'i gtan tshigs kyis skad cig mar brjod do zhes bya ba'i don to//de nyid kyi don rgyas par bstan pa'i phyir/ gnas pa la ni g.yo ba med par 'gyur te/ 'gro ba med pa de ni bsgrubs zin to zhes bya ba la/ skad cig ma ni ma yin gyi/ rtag pa'i mtshan nyid du gnas pa'i dngos po la ni gnas gcig nas gcig tu phyin par byed pa'i rang bzhin med de/rtag pa la 'gro ba med par ni sngar bsgrubs zin te/ ji ltar bsgrubs she na/ dngos po rnams skad cig ma'i ngang gis yul gzhan du phyin pa la ma gtogs par dngos po yul gcig nas gcig tu phyin par byed pa ni gang yang med do zhes bsgrubs zin to//rlung ni de lta ma yin gyi/ /shar gyi phyogs la sogs pa nas langs nas nub la sogs pa'i phyogs su phyin par 'gro bas na skad cig mar rig par bya'o/ /de bzhin du gnas pa'i phyir skye ba dang 'bri ba med do zhes bya ba la/rtag pa'i dngos po ni dus thams cad du yang skye ba dang 'bri ba med par gnas pa'i phyir bar 'ga' skye/ bar 'ga' 'bri bar mi 'gyur/ de lta na ni ma yin gyi rlung 'di dang po chung ngur langs pa las phyis je che je cher ldang ba dang / dang por chen por langs pa las phyis je chung je chung ngu 'gyur bas na skad cig mar rig par bya'o//sa ni de las skyes pa dang / 'gyur ba bzhi'i phyir te zhes bya ba la/ sa skad cig mar brjod pa yang de las skyes pa'i gtan tshigs dang / 'gyur ba bzhi'i gtan tshigs kyis skad cig mar brjod do zhes bya ba'i don to//de las skyes zhes bya ba'i sgra gang la bya bar bstan pa'i phyir/ de zhes bya ba ni chu dang rlung gnyis la bya'o zhes smos te/ de zhes bya ba'i sgra chu dang rlung gnyis la bya ste/ chu dang rlung gnyis las sa skyes pas na skad cig mar rig par bya'o//chu dang rlung gnyis las ji ltar sa skyes pa bstan pa'i phyir/ chags pa ni chu dang rlung du bcas pa las 'byung ste/ de'i phyir de'i 'bras bu'o zhes bya ba smos te/ dang po 'jig rten chags pa na thog ma nyid du las kyi dbang gis nam mkha' la rlung gi khams chags so//de nas 'khor lo'i rgyun tsam gyi char bab nas chu'i khams chags so/ /de nas rlung gis chu bskyod pas chu'i dbu ba las ri rab dang / gling bzhi la sogs par 'gyur te/ de bas na sa ni chu dang rlung gi 'bras bu yin la/ chu dang rlung ni sa'i rgyu yin no/ /de'i 'bras bu yin pas na de'ang skad cig mar rig par bya'o zhes bya ba las/chu dang rlung gi 'bras bu yin la/ chu dang rlung gnyis ni skad cig ma yin par bsgrubs pas/ de'i 'bras bu yang skad cig ma yin par rig par bya ste/ rgyu skad cig ma yin pa las 'bras bu skad cig ma ma yin par rtag pa 'byung bar ni mi srid pas gong du bsgrubs zin to//sa la 'gyur ba rnam pa bzhi dmigs te zhes bya ba las 'di la sngon dang mi 'dra bar kha dog dang dbyibs la sogs pa gzhan dang gzhan du 'gyur ba rnam pa bzhi dmigs pas na/ skad cig mar rig par bya'o//sems can rnams kyi las kyi bye brag gi phyir/ las kyis byas pa dang zhes bya ba la/ sa la las kyis byas pa'i dbang gis gzhan du 'gyur ba yod de/ 'di ltar mtho ris la sogs pa'i gnas na lha rnams kyi las dge ba'i dbang gis sa gzhi shing bal bzhin du 'jam zhing mnyen pa dag 'byung ba dang /sems can dmyal ba la sogs pa'i gnas na sems can dmyal ba las mi dge ba'i las kyi bye brag gi dbang gis sa gzhi lcags bsregs pa rab tu tsha ba dang bcas pa dang ngam grog dang tsher ma la sogs pa'i sdug bsngal rnam pa sna tshogs 'byung ba dag kyang snang ngo //gzhan yang sa gzhi gcig las sems can gyi rmo brko dang lag byad kyis ma phyin pa'i dus na ni lo tog la sogs pa mi 'khrungs la/ sa de nyid las rmo brko ba la sogs pa lag byad kyis phyin pa'i dus na lo tog bzang du skye bas na skad cig ma ste/'di ni 'gyur ba rnam pa gcig go/ /bsnun pa la sogs pa dag gis 'jig pa byas pa dang zhes bya ba la/ tho ba dang 'jor la sogs pas bsnun cing brko ba'i dbang gis kyang sa gzhan du 'gyur te/ sngon khung dang gshong du mi gnas pa las 'jor gyis brkos pa dang /khung bu dang gshong du 'gyur te/ 'di ni 'gyur ba rnam pa gnyis so/ /me la sogs pa 'byung bas byas pa dang zhes bya ba la/ me la sogs pa 'byung ba chen po'i dbang gis kyang sa gzhan du 'gyur te/ mes bsregs na kha dog sngon po dang / dmar por 'gyur ba dang / rlung gis bdas nas mtho ba las dma' bar 'gyur ba dang / chur bcug na gsher ba dang / zhig par 'gyur ba ste/ 'di ni 'gyur ba rnam pa gsum mo/ /dus gzhan du 'pho ba'i phyir dus kyis byas pa'o zhes bya ba la/ sa'i dus kyis byas nas gzhan du 'gyur ba yod de/dus bzang po'i tshe la 'brul la sogs pa bzang du 'khrungs pa'i gzhi byed pa las dus ngan pa'i tshe na 'bru la sogs pa ngan du 'khrungs pa'i rgyu byed pa dang / dbyar gyi tshe na rtswa la sogs pa sngon po skyed par byed la/ dgun gyi dus na ni skya bor 'gyur zhing 'khyags pa la sogs pa'i rang bzhin du 'gyur ba dang /sa phyogs kha cig na sngon dgon par gnas pa las phyis grong dang 'gro ba lang long dag na gnas par gyur pa dang / sngon grong na gnas par gyur pa las/ phyis dgon par gyur pa dag snang ste 'di ni 'gyur ba rnam pa bzhi'o//de'ang skad cig ma re re la 'jug pa'i rgyu med na de skye bar mi rung ngo zhes bya ba la/ de ltar 'gyur ba rnam pa bzhi po de yang skad cig ma re re la skye zhing 'jig par 'gyur ba med de/ rtag pa'i dngos po la ni gzhan nas gzhan du 'gyur ba rnam pa bzhi 'byung bar mi rung ste/de lta na ni ma yin gyi/ 'gyur ba rnam pa bzhi dmigs pas na/ sa yang skad cig ma yin pa rig par bya'o/ /kha dog dang dri dang ro dang reg pa rnams ni sa la sogs pa dang mtshungs pa'i phyir/ de bzhin du skad cig mar rig par bya'o zhes bya ba la/kha dog dang dri dang ro dang reg pa ste/ don rnam pa bzhi yang sa dang chu dang me dang rlung dang rang bzhin gcig cing rgyur byas pa'i gzugs de dag 'byung ba chen po bzhi la brten pas 'byung ba chen po bzhi skam pa dang / skye ba dang / rang bzhin gyis g.yo ba dang /de las 'byung ba dang yongs su 'gyur ba rnam pa bzhi'i gtan tshigs kyis skad cig mar bsgrubs te/ grub na de la brten pa'i kha dog la sogs pa yang skad cig mar grub par rig par bya'o/ /dper na lha sbyin gyi lus bsregs pa dang / lha sbyin la brten pa'i kha dog dang dri la sogs pa yang ma bsregs pa ma yin te/bsregs pa bzhin du me skad cig mar bsgrubs na me la yod pa'i kha dog ser po dang dri la sogs pa yang skad cig mar ma bsgrubs pa ma yin kyi skad cig mar bsgrubs pa nyid do/ /me yang skad cig ma'i 'byung ba shing la rag las pa'i phyir te zhes bya ba la/me skad cig mar brjod pa yang me 'byung ba chen po shing la rag las shing 'byung ba'i gtan tshigs kyis skad cig mar brjod de/ shing la ji ltar rag las she na/ shing yod na ni me 'byung / shing med na ni me mi 'byung / shing mang du bcug na ni me cher 'bar/shing nyung ngu bcug na ni me chung ngu 'bar bas na skad cig mar rig par bya'o/ /me shing la rag las pas na rag las pa'i gtan tshigs bstan pa'i phyir/ me 'byung la me dang lhan cig skyes pa'i shing de bzhin du mi gnas te zhes bya ba la/ kha cig me skad cig mar 'dod kyang / shing skad cig mar mi 'dod pa de sun 'byin te/ dang po shing gis me byung la me dang lhan cig tu 'brel zhing gnas pa'i shing de yang ji tsam ci tsam du mes shing bsregs te me 'das shing mi gnas te/ zhigs pa de tsam du shing yang zhigs shing mi gnas te/de bas na me dang shing lhan cig tu gnas pa yang min la/ me bzhin du shing yang mi rtag pa yin no/ /gal te gzhan dag 'di skad du shing ni mi rtag pa yin la/ me ni rtag pa yin no snyam na/ de ltar mi rigs par bstan pa'i phyir/ tha mar shing med par yang gnas par mi rung ba'i phyir/shing tshig pa'i tshe ni gnas par mi nus so zhes smos te/ mes shing bsregs na shing zad de med par gyur pa na/ mjug tu me yang gnas par mi nus te/ shing tshig ste zad pa dang / me yang mi gnas te mi snang bar gyur pas na me skad cig mar grub bo//gal te me rtag pa zhig yin na ni/ shing zad pa'i 'og tu yang me snang bar 'gyur ba'i rigs so/ /gzhan gyis brgal ba/ 'byung ba chen po bzhi rim bzhin du skad cig mar bsgrubs nas/ de nas gdod kha dog dang dri dang ro dang / reg skad cig mar bsgrub pa'i rigs na/de ltar ni ma bsgrubs kyi sa dang chu dang rlung gsum skad cig mar bsgrubs nas/ de nas kha dog la sogs pa'i don bzhi la skad cig mar bsgrubs te/ de'i 'og tu gdod me skad cig mar bsgrub ces rgol ba la/ tshigs su bcad pa sbyar ba la bde bar kha dog la sogs pa sngar bshad de/me ni phyis bshad do zhes smos te/ tshigs bcad sbyar ba la mi bde bas tshigs bcad sbyar ba bde bar bya ba'i phyir/ kha dog la sogs pa don bzhi sngar skad cig mar bsgrubs nas/ me phyis skad cig mar bsgrubs te bshad do//kha cig 'di skad du sgra ni rtag pa yin gyi/ mi rtag pa ma yin te/ gal te sgra skad cig ma re re la 'jig cing skye ba yin na ni/ dril bu la sogs pa'i sgra skyes ma thag tu 'gags pas phyis sgra mi 'byung ba'i rigs na/ phyis kyang sgra 'byung bar snang bas sgra rtag pa'o zhes zer ba la//de ltar mi rigs par bstan pa'i phyir/ sgra dus gzhan du dmigs pa de yang skad cig mar rig par bya ste/ je chung je chung dmigs pa'i phyir ro zhes bya ba smos te/ dril bu la sogs pa'i sgra dus gzhan du 'byung zhing grag pa yang skad cig mar rig par bya ste/ci'i phyir zhe na/ dril bu'i sgra dang po cher grag pa las/ de'i 'og tu cher grag pa 'gags nas/ de bas chung ngu grag go/ /de nas de'ang 'gags nas je chung je chung du gyur pa'i rjes la mi grag par gyur pas na skad cig mar gyur par rig par bya'o/ /sgra rtag pa yin na skyon yod par bstan pa'i phyir/skad cig ma med du zin na ni skad cig ma re re la je chung ngu 'gyur bar dmigs par mi 'gyur ro zhes smos te/ gal te dril bu la sogs pa'i sgra skad cig ma ma yin te/ rtag pa zhig yin du zin na ni/ sgra de je chung je chung du 'gyur nas mjug tu mi grag par mi 'gyur gyi/dus thams cad du grag pa'i skyon du 'gyur ro zhes bya ba'i don to/ /chos kyi skye mched kyi gzugs kyang sems kyi rjes su 'brang ba'i phyir skad cig mar grub ste ji ltar sngar bshad pa bzhin te zhes bya ba la/ chos kyi skye mched ni rnam par rig byed ma yin pa'i gzugs la bya ste/de'ang so sor thar pa'i sdom pa dang bsam gtan gyi sdom pa dang / zag pa med pa'i sdom pa rnam pa gsum mo/ /sdom pa de gsum sems kyi rjes su 'brang zhing sems kyi rgyu las skyes pas ni sems skad cig yin pa'i phyir/ de'i 'bras bur gyur pa rnam par rig byed ma yin pa'i gzugs kyang skad cig mar 'gyur te/ chos gang sems las skyes pa de dag ni skad cig ma yin no zhes sngar bsgrubs zin to/ /dri ba las kyang 'du byed thams cad skad cig mar grub ste zhes bya ba la/ mu stegs pa dang 'jig rten pa dag 'du byed rnams mi rtag pa 'di ni 'dod kyi skad cig mar mi 'dod do//ji ltar mi rtag par 'dod ce na/ nang gi 'du byed rnams kyang mjug tu 'chi bar snang la/ bum pa la sogs pa yang mjug tu chag par snang bas na mi rtag pa yin no zhes zer ro/ / de ltar mi rtag par 'dod la/ skad cig mar mi 'dod pa de dag la ji ltar skad cig ma mi 'dod pa dris nas dris pa'i lan med pa'i gtan tshigs kyis kyang 'du byed rnams skad cig mar grub bo/ /ji ltar zhe na zhes bya ba la sogs pa la 'du byed mi rtag par 'dod la skad cig mar mi 'dod pa de dag la ji ltar dri bar bya zhe na/de dag la 'di skad du dri bar bya'o zhes bya ba'i don to/ /khyod mi rtag par 'dod la/ ci'i phyir 'du byed rnams skad cig mar mi 'dod ces bya ba la/ mi rtag par 'dod la skad cig mar mi 'dod pa de dag la 'di skad dri bar bya ste/ ji skad du dri bar bya zhe na/khyed 'du byed mi rtag pa'o zhes zer zhing mi rtag par 'dod na/ 'du byed rnams skad cig mar ci'i phyir mi 'dod ces dri bar bya'o/ /gal te 'di skad du skad cig ma re re la mi rtag par mi rig go zhes zer na zhes bya ba la/ de skad du dris pa dang / skad cig mar mi 'dod pa de dag 'di skad du 'du byed rnams mjug tu 'chi ba dang / bum pa la sogs pa chag par mthong bas de'i phyir mi rtag par ni mi 'dod de/ de bzhin du 'dus byas rnams skad cig ma re re la 'jig par mthong na ni skad cig mar bdag cag 'dod na/de ltar skad cig ma re re la mi rtag cing 'jig par mi rig cing ma mthong bas na skad cig ma mi 'dod do zhes zer ro/ /de la 'di skad ces dri bar bya'o zhes bya ba la/ skad cig ma re re la 'jig par ma mthong bas na skad cig mar mi 'dod do zhes zer ba de la yang 'di skad ces dri bar bya'o zhes bya ba'i don to//ji skad du dri bar bya zhe na/ de'i phyir/ skad cig mar grub pa'i mar me la sogs pa mi g.yo ba'i tshe na yang de mi rig na ji ltar skad cig mar 'dod ces smos te/ gang dang gang skad cig mar mi rig par de dang de skad cig mar mi 'dod na zhi mar me dang chu'i rgyun la sogs pa skad cig ma yin par ni sangs rgyas dang mu stegs pa gnyi ga la grub ste/de ltar de dag skad cig ma yin yang mar me dang chu la sogs pa rlung gis bskyed de mi g.yo ba'i dus na skad cig ma yin par rig na/ci'i phyir de dag la yang skad cig ma yin par 'dod ces dri bar bya'o/ /gal te 'di skad du sngon gyi bzhin du phyis mi mthong ba'i phyir ro zhes zer ba de la yang 'di skad ces dri bar bya'o zhes bya ba la/ de skad du dris pa dang / gal te 'di skad du mar me ni sngon che zhing kha dog gsal ba las phyis de dag mi snang gi /mar me chung zhing mi gsal bar gyur nas/ je chung je chung ba'i mjug tu mar me de nyid shi nas mi snang bar 'gyur ba'i phyir skad cig mar 'gyur zhes zer ba la/ de la ma gtogs pa'i bum pa la sogs pa 'du byed gzhan dag ni lo dang zla bar bzhag na yang /je chung je chung du mi 'gyur bas na skad cig mar mi 'dod do zhes zer na yang de la 'di skad du dri'o/ /ji skad du dri bar bya zhe na/ de'i phyir/ 'o na yang 'du byed rnams la yang phyis de ltar ci'i phyir mi 'dod ces smos te/ de ltar dang po snang la/phyis mi snang ba rnams skad cig mar 'dod la/ myu gu dang / khang khyim dang / bum pa la sogs pa yang dang po snang la/ bar du dbyibs dang kha dog la sogs pa gzhan du gyur nas/ phyis mi snang bar gyur na/ ci'i phyir skad cig mar mi 'dod do zhes dri bar bya'o//gal te 'di skad du mar me la sogs pa dang / de ma yin pa'i 'du byed rnams mtshan nyid tha dad pa'i phyir ro zhes zer na zhes bya ba la/ de skad du dris pa dang / gal te gzhan dag 'di skad du mar me dang / bum pa la sogs pa 'du byed gzhan dag mtshan nyid mi 'dra ste/mar me ni skad cig ma'i ngang gis 'byung zhing / tsha ba dang snang bar byed pa'i mtshan nyid yin la/ bum pa la sogs pa ni nam zhig na phyis zhig cing sra ba dang / chu blugs su rung ba'i mtshan nyid yin pas mtshan nyid mi 'dra ba'i phyir/ mar me ni skad cig ma yin la/'du byed gzhan skad cig ma ma yin no zhes zer na/ de la yang 'di skad du bstan par bya'o/ /ji skad du bstan par bya zhe na/ de'i phyir/ mtshan nyid mi mthun pa ni rnam pa gnyis te/ rang bzhin mi mthun pa dang / 'jug pa mi mthun pa'o zhes smos te/ de la 'du byed rnams phan tshun mi mthun pa la rnam pa gnyis yod de/ rang bzhin mi mthun pa dang / 'jug pa mi mthun pa'o/ /de la rang bzhin mi mthun pa ni me'i rang bzhin tsha ba dang / chu'i rang bzhin gsher ba lta bu'o/ /'jug pa mi mthun pa ni mar me la sogs pa skad cig ma re re la skye zhing 'jig la/bum pa la sogs pa'i 'du byed gzhan rnams ni skyes nas dus tha gi zad cig gis chod de/ phyis 'jig pa'i tshul 'jug go/ /de la gal te rang bzhin mi mthun par 'dod na ni de'i phyir dpe rung ste zhes bya ba la/ gal te mar me ni tsha ba dang /gsal ba'i rang bzhin yin la/ de ma yin pa'i bum pa la sogs pa 'du byed gzhan ni sra ba dang chu blugs su rung ba'i rang bzhin yin pas/ rang bzhin mi mthun par 'dod na ni/ de ltar na mar me skad cig ma de 'du byed/ skad cig mar bsgrub pa'i dper rung gi /mthun pa gcig gi dper mthun pa gcig ston par ni mi rigs so//don de nyid bstan pa'i phyir/ de rang bzhin nyid ni de'i dpe ma yin te/ ji ltar mar me la mar me dang / ba lang la ba lang bzhin no zhes smos te/ 'di ltar 'du byed 'ga' zhig rtag pa'am/ mi rtag par bsgrub na/ de la rang bzhin mi gcig pa'i dpe gzhan gyis bsgrubs te/dper na nyi ma'i 'od tsha bar sgrub pa la/ de dang rang bzhin gcig pa me dper gzhag ste/ tsha ba khyad med bzhin zhes bya ba dang / ba men bsgrub pa la dper na ba lang gzhag ste/ ba men ni dper na ba lang 'dra ste zhes dper gzhag go//rang bzhin gcig pa ni dper gzhag par mi rigs pa ste/ dper na mar me dang mar me 'dra'o/ /ba lang dang ba lang 'dra'o zhes dper mi 'jog pa bzhin no/ /de ste 'jug pa mi mthun na yang de bas na dper bstan te zhes bya ba la/ gal te mar me de las gzhan pa/ bum pa la sogs pa'i 'du byed skye zhing 'gags pa'i 'jug pa mi mthun zhes zer ba yang / de'i phyir bum pa la sogs pa'i dper mar me gzhag ste/ 'di ltar mar me ni skad cig mar 'jig rten du grags te/ bum pa skad cig ma yin yang skad cig mar 'jig rten du ma grags te/de bas na mar me skad cig mar grags pa des dper byas nas/ bum pa skad cig mar ma grags par skad cig mar sgrub po/ /de la 'di skad ces dris te/ bzhon pa 'dug la zhon pa 'gro bar 'dod dam zhes bya ba la/ mi rtag par 'dod la skad cig mar mi 'dod pa de dag la yang 'di skad du dri bar bya ste/ khyed skad cig mar mi 'dod pa rnams la rta la mi zhon pa rta ni yul gar yang ma song ste 'dug la/ de la zhon pa'i mi yul gzhan du phyin par 'dod dam zhes zer te/ gal te bzhon pa rta yul gzhan du ma phyin na de la zhon pa'i mi yang gdon mi za bar yul gzhan du mi phyin par 'gyur ro//gal te mi yul gzhan du phyin na gdon mi za bar bzhon pa rta yang yul gzhan du phyin par 'gyur ro/ /de ltar mi 'dod do zhes zer na zhes bya ba la/ de skad du dris pa dang / skad cig mar mi 'dod pa dag 'di skad zer te/rta la mi zhon la mi yul gzhan du phyin na/ rta yul gzhan du ma phyin par mi 'dod kyi/ mi bzhin du rtas kyang yul gzhan du phyin par 'dod do zhes zer na yang / de la yang 'di skad du dri bar bya'o/ /ji skad du dri zhe na/ de'i phyir mig la sogs pa 'dug la gnas pa'i rnam par shes pa rgyun du 'gro'o zhes byar mi rung ngo zhes smos te/dper na rta la zhon pa'i mi yul gzhan du phyin na rtas kyang yul gzhan du phyin pa dang 'dra bar/ gal te mig la sogs pa'i dbang po la gnas pa'i rnam par shes pa rnams skad cig mar 'dod na ni de'i gnas su gyur pa mig la sogs pa'i dbang po lnga yang skad cig mar mi 'gyur du mi rung ngo //gal te mig la sogs pa'i dbang po ni rtag par 'dug na/ de la gnas pa'i rnam par shes pa rnams skad cig ma'i rgyun gyis rgyun du 'gro bar mi rung ste/ mig la sogs pa'i dbang po rtag na ni/de la gnas pa'i rnam par shes pa yang rtag par 'gyur ro/ /gal te rnam par shes pa mi rtag na ni dbang po rnams kyang mi rtag par 'gyur ro/ /gal te 'di skad du mar me snying po la gnas la rgyun du 'gro yang snying po ni gnas so zhes zer na yang / de la 'di skad ces dri bar bya'o zhes bya ba la/gal te skad cig mar mi 'dod pa dag 'di skad du zer te/ mar me ni mar me'i snying po la gnas shing 'bar la mar me nyid rgyun du 'gro zhing 'jig tu zin kyang de'i snying po mi 'jig cing rtag par gnas pas mthong ngo / /de bzhin du rnam par shes pa mig la sogs pa'i dbang po la gnas la/rnam par shes pa ni 'jig cing rgyun du 'gro ba'i dbang po ni mi 'jig cing rgyun du gnas so zhes zer na/ de la yang 'di skad du dri zhing lan glan par bya'o/ /ji skad du lan glan zhe na/ de'i phyir/ snying po ni skad cig ma re re la rgyun du 'gyur zhing skye ba'i phyir ma mthong ngo zhes smos te/'di ltar ji srid du mar me'i me lces snying po bsregs nas/ mar me'i rgyun skad cig ma re re la 'das shing zhigs pa de tsam du snying po bsregs pa yang skad cig ma re re zhig nas gzhan du gyur bas na/ mar me ni zhig gi /snying po ni ma zhig ste/phyi na gnas pa ma mthong ste/ de dang 'dra bar rnam par shes pa skad cig ma yin na/ de'i gnas dbang po rnams skad cig mar 'gyur ro/ /gal te 'di skad du 'du byed rnams skad cig ma yin na/ mar me la sogs pa bzhin du ci'i phyir/ skad cig mar ma grub ces zer na yang zhes bya ba la/gal te skad cig mar mi 'dod pa dag 'di skad du 'dri ste/ gal te mar me skad cig ma yin pa bzhin du bum pa la sogs pa'i 'du byed gzhan yang skad cig ma yin na/ ji ltar mar me skad cig ma yin par 'jig rten du grags pa bzhin du bum pa la sogs pa'i 'du byed gzhan yang skad cig mar ci'i phyir 'jig rten du ma grags shing ma grub ces zer na/'di skad du lan glan par bya'o/ /ji skad du lan glan zhe na/ de'i phyir/ phyin ci log gi dngos po'i phyir 'dra ba'i rgyud rgyun du 'byung bas de dag skad cig mar mi shes so zhes bya ba smos te/bum pa la sogs pa'i dngos po 'di dag mi rtag pa yin mod kyi/ mi gtsang ba la gtsang ba'i 'du shes dang / mi rtag pa la rtag pa'i 'du shes phyin ci log skyes pa'i dngos po dang / rgyu byed pas skad cig ma ma yin yang rtag pa'i 'du shes skye'o//ji ltar zhe na/ skad cig ma'i rgyun gyis 'byung bas na/ skad cig ma phyi ma rnams kha dog dang / dbyibs la sogs pa skad cig ma snga ma dang 'dra ba sha stag rgyun du 'byung bas na/ de dag gis skad cig mar ma shes so/ /don de nyid gsal bar bstan pa'i phyir/gang gi phyir gcig nas gcig tu 'gyur ba yod kyang de nyid ni 'di yin no zhes phyin ci log skye ste zhes smos te/ 'di ltar 'du byed rnams skad cig ma'i rgyun gyis 'byung bas na skad cig ma snga ma snga ma ni 'gags/ phyi ma phyi ma gzhan dag skye ste/ gcig nas gcig tu 'gyur ba'i bye brag yod du zin kyang skad cig ma phyi ma phyi ma skye ba rnams snga ma 'dra ba sha stag skye bas na skad cig ma ni ma yin par rig gi /snga ma mthong ba nyid bdag gis phyis kyang de mthong ngo snyam du blo phyin ci log skye'o/ /de lta ma yin na ni mi rtag pa la rtag pa phyin ci log pa yang med par 'gyur ro zhes bya ba la/gal te 'dus byas rnams skad cig ma yin pa las/ skad cig ma phyi ma phyi ma rnams snga ma dang 'dra ba 'ba' zhig skyes pas snga ma ma yin yang snga ma nyid mthong ngo snyam pa'i blo phyin ci log skyes pa ni ma yin gyi/ dngos po rnams rtag tu gnas pas phyis mthong ba'i dus na yang /snga ma nyid mthong bar gyur na ni/ des dngos po rnams phyin ci ma log pa mthong bas mi gtsang ba la gtsang bar 'dzin pa dang / mi rtag pa la rtag par 'dzin pa'i phyin ci log med par 'gyur ro/ /de med na yang kun nas nyon mongs pa yang med par 'gyur na/rnam par byang ba ga la yod ces dris pa las kyang 'du byed thams cad skad cig mar grub po zhes bya ba la/ gal te sems can rnams la phyin ci log med par gyur na ni phyin ci log med pas 'dod chags la sogs pa kun nas nyon mongs par 'gyur ba yang med par 'gyur te/ci'i phyir zhe na/ kun nas nyon mongs pa thams cad ni phyin ci log las 'byung ngo / /de ltar na kun nas nyon mongs pa med par gyur na sems can rnams rang bzhin gyis thar par 'gyur bas mjug tu rnam par byang zhing mya ngan las 'das par 'gyur ba ga la yod de/mya ngan las 'das par 'gyur ba yang med par 'gyur ro/ /de lta ni ma yin gyi sngar kun nas nyon mongs pa las phyis mya ngan las 'das par gyur te/ de ltar na dris pa las lan med pa'i sgo nas kyang 'du byed thams cad skad cig mar grub bo/ /gang zag la bdag med par grub pa'i phyir/bdag med pa rnam par dbye ba la tshigs su bcad pa bcu gnyis so zhes bya ba la/ chos kyi mdo bzhi las 'dus byas thams cad mi rtag pa'i don bstan te/ de'ang rnam pa gnyis su bshad do/ /gang zhe na/ med pa'i don kyang mi rtag pa'i don du bstan la/skad cig mar 'jig pa'i don kyang mi rtag pa'i don du bstan to/ /da ni chos thams cad la bdag med pa zhes bya ba'i chos kyi mdo'i don rgya cher ston te/ chos thams cad bdag med par tshigs su bcad pa bcu gnyis sgrub pa'i sgo nas/ gang zag la yang bdag med par sgrub bo//gong du skad cig mar bstan pa'i sgo nas yang gang skad cig ma yin pa des bdag med pa yin pas de'i skabs su bdag med par bsgrubs zin mod kyi/ mu stegs pa dang / 'jig rten pa dag phung po la ma gtogs pa'i bdag dang / byed pa po dang /lta ba po dang / tshor ba po dang / shed can dang / shed bdag la sogs pa yod par phyin ci log tu mngon par zhen te/ de dag gi phyin ci log dang bral ba'i phyir gtan tshigs gzhan gyis kyang gang zag la bdag med pa sgrub bo/ /gang zag yod ces bya ba'am med ces bya zhes bya ba la/bdag dang gang zag yod par smra ba rnams/ gang zag rang bzhin med par 'dod pa la 'di skad du 'dri ste/ 'di ltar bcom ldan 'das kyis kyang so so'i skye bo'i gang zag dang / rgyun du zhugs pa'i gang zag dang / lan cig phyir 'ong ba'i gang zag dang /phyir mi 'ong ba'i gang zag dang / dgra bcom pa'i gang zag dang / byang chub sems dpa'i gang zag dang / gang zag gcig 'jig rten du 'byung ba na 'jig rten kun la phan pa dang bde bar byed pa ste/ 'di ltar de bzhin gshegs pa'i gang zag go zhes gsungs la/rang gi sde pa las kyang / a sam bi ti pa dag phung po dang gcig pa yang ma yin/ tha dad pa yang ma yin pa'i gang zag rdzas su yod la/ tshig gis brjod du med par yang 'dod cing / mu stegs pa dang 'jig rten pa dag bdag dang gang zag yod par 'dod na/ khyed gang zag med par 'dod pa rnams gang zag ces bya ba 'di yod pa zhig tu 'dod dam/ med pa zhig tu 'dod pa smros shig ces dri'o/ /smras pa zhes bya ba ni de skad du 'dri ba la gang zag med par 'dod pa rnams kyis lan smras pa zhes bya ba'i don btags par yod par brjod pa ste zhes bya ba la/btags pa zhes bya ba dang / tshig tsam zhes bya ba dang / tha snyad tsam zhes bya ba dang / ming tsam zhes bya ba dag don gcig go/ /rdzas su yod ces bya ba yang / rang bzhin yod ces bya ba dang / don dam par yod ces bya ba dag dang don gcig ste/gang zag ces bya ba btags pa dang / ming tsam dang / tha snyad tsam du ni yod ces bya la/ rdzas dang rang bzhin du ni yod pa ma yin te med pa zhes bya'o/ /de bas na 'phags pa blo gros mi zad pa'i mdo las kyang / gang zag gi sgra de dag thams cad ni de bzhin gshegs pas kun rdzob kyi tshig gi gnas kyi sems can drang ba'i phyir bstan te zhes bya ba la sogs pa rgya cher gsungs so//gang zag yod par 'dod pa rnams kyis smras pa/ khyed cag gang zag med par 'dod pa rnams yang na gang zag yod do zhes bya ba'i phyogs bzung ste/ gang zag yod par mi smra ba/ yang na ni gang zag med do zhes bya ba'i phyogs bzung ste/ gang zag med par mi smra bar ci'i phyir btags par ni yod par yang smra la/ rdzas su med par smra ste/ phyogs gcig tu chang par mi smra zhe na/ lan du ji ltar phyogs gcig ma yin par bzung na yod pa'i nyes pa dang med pa'i nyes pa'i skabs su yang mi 'gyur ro zhes smos te/'di ltar yod pa'i phyogs 'ba' zhig bzung na yang yod pa'i skyon gyis gos par 'gyur ro/ /med pa'i phyogs 'ba' zhig bzung na yang med pa'i skyon gyis gos par 'gyur te/ de ltar phyogs gcig kho nar chad pa ma yin par bzung na ni yod pa'i nyes pas kyang mi gos/ med pa'i nyes pas mi gos pas na phyogs gcig tu chad par ma bzung ste/ phyogs gcig tu bzung na nyes pas ji ltar gos par 'gyur ba ni phyis 'chad do/ /de'ang rdzas su med par ji ltar rig par bya zhe na zhes bya ba ni gang zag yod par smra ba rnams 'di skad du gang zag de rdzas kyi dngos por med cing rang bzhin med par ci mngon zhe na zhes 'dri'o//de'i gtan tshigs bstan pa'i phyir/ mi dmigs pa'i phyir te zhes smos so/ /kA ri kA de nyid kyi don dgrol ba'i phyir/de ni gzugs la sogs pa bzhin du rdzas su mi dmigs so zhes smras te/ de la dngos po rnams rdzas su yod par sgrub pa'i tshad ma ni gnyis te/ mngon sum gyi tshad ma dang / rjes su dpag pa'i tshad ma'o/ /'di ltar gzugs nas chos kyi bar du chos 'di dag yod pa yin pas mig gi dbang po dang mig gi rnam par shes pa la sogs pas dmigs shing mngon sum du mthong ste/mngon sum gyi tshad mas bcad pa de bzhin te gang zag ni dbang po dang rnam par shes pa gang gis kyang ma dmigs shing ma mthong ste/ mngon sum gyi tshad mas ma bcad pas na gang zag rdzas su yod pa ma yin no//dmigs pa zhes bya ba ni blos rig par bya ste/ gang zag tu smra ba rnams kyis gang zag ni blos mi rig pa ma yin no zhes bya ba la/ gang zag mi dmigs so zhes bshad pa dang / gang zag tu smra ba rnams 'di skad du rgol te/gang mig gis mthong ba de 'ba' zhig rdzas su yod pa yin gyi/ gzhan rdzas su yod pa ma yin no zhes byar yang mi rung ste/ mig gis mi mthong la rdzas su yod cing blos rig pa yang yod de/ 'di ltar sems dang sems las byung ba'i tshogs bzhin no//'di ltar dmigs pa zhes bya ba yang / mig gis mthong ba 'ba' zhig la dmigs pa zhes bya bar yang ma zad kyi/ yid kyi rnam par shes pas 'di ni 'di lta bu zhig go zhes blos rig cing bcad pa la yang dmigs pa zhes bya ste/ de bas na gang zag de gzhan dag gis ma rig ma dmigs su zin kyang /bdag cag gang zag tu smra ba rnams kyi blos ni gang zag mi dmigs pa dang mi rig pa ma yin gyi/ gang zag dag gcig gis rig cing dmigs te/ de ltar na gang zag blos mngon sum du byas pas mngon sum gyi tshad mas bcad pa'i phyir/gang zag rdzas su yod do zhes zer ro/ /gang zag dmigs su rung ba 'jug gi tshad mas kyang sgrub pa'i phyir/ bcom ldan 'das kyis kyang tshe 'di nyid la bdag tu dmigs shing 'dogs so zhes gsungs na ji ltar dmigs pa yin zhes smos te/ gang zag rdzas su med cing dmigs pa yin na/mdo dag las bcom ldan 'das kyis sems can dag tshe 'di nyid la gang zag tu dmigs gang zag tu 'dogs so zhes bka' mi stsol ba'i rigs so/ /de lta ma yin gyi bcom ldan 'das kyis kyang / sems can dag tshe 'di nyid la gang zag la dmigs shing 'dogs so zhes bka' stsal na/ji ltar gang zag mi dmigs pa yin zhes zer ro/ /de la dmigs zhes bya ba ni sems kyis mthong zhes bya ba'i don to/ /'dogs so zhes bya ba ni tshig tu yang smra'o zhes bya ba'i tha tshig go/ /de ni de ru dmigs kyang rdzas su dmigs par 'gyur ba ma yin te/ci'i phyir zhe na/ phyin ci log gi phyir ro zhes bya ba la/ gang zag tu smra ba rnams kyis gang zag dmigs su zin kyang gang zag rdzas su yod pa las de dag gis dmigs shing mthong ba ni ma yin gyi/ gang zag rdzas su med bzhin du/de dag gis dmigs shing mthong ste/ de bas na de dag gis gang zag dmigs pa yang phyin ci log yin no/ /bcom ldan 'das kyis mdo las/ tshe 'di nyid la bdag tu dmigs shing 'dogs so zhes bka' stsal pa yang / gang zag nyid yang dag par rdzas su yod pa la dgongs te bdag dmigs so zhes gsungs pa ni ma yin gyi/sems can rnams kyi bdag med bzhin du bdag tu lta zhing bdag tu dmigs so zhes phyin ci log tu smra ba la dgongs nas/ tshe 'di nyid la bdag tu dmigs shing 'dogs so zhes bka' stsal to/ /'di ji ltar shes she na zhes bya ba la/gang zag tu smra bas dris pa/ gang zag 'di yod pa las gang zag tu dmigs shing 'dogs pa ni ma yin gyi/ gang zag tu dmigs pa phyin ci log tu yin par ci mngon zhe na zhes bya ba'i don to/ /lan du kun nas nyon mongs pa'i phyir te zhes smos te/ gang zag dang bdag tu lta ba kun nas nyon mongs pa'i rang bzhin yin pas na phyin ci log yin par mngon no//de la kun nas nyon mongs pa rnam pa drug ste/ 'dod chags dang / khong khro ba dang / nga rgyal dang / ma rig pa dang / lta ba dang / the tshom ste drug yod pa las/ gang zag tu lta ba 'di kun nas nyon mongs pa gang gi rang bzhin yin zhe na/de'i phyir/ kun nas nyon mongs pa 'di ni 'jig tshogs la lta ba nyon mongs pa'i mtshan nyid de ltar nga dang nga'i zhes bya'o zhes smos te/ kun nas nyon mongs pa drug yod pa las nga dang nga'i zhes lta ba'i kun nas nyon mongs pa'i 'di ni 'jig tshogs la lta ba'i kun nas nyon mongs pa'i mtshan nyid yin no//gal te gang zag tu smra ba dag 'di skad du gang zag tu lta ba 'di kun nas nyon mongs pa'i mtshan nyid yin yang phyin ci log gi mtshan nyid ma yin no snyam pa la/ mi rigs par bstan pa'i phyir/ phyin ci log ma yin pa ni kun nas nyon mongs par 'gyur bar mi 'os so zhes smos te/gang dang gang du kun nas nyon mongs pa yin pa de dang de dag phyin ci log yin te/ dper na rtag pa dang gtsang par 'dzin pa lta bu'o/ /gang dang gang kun nas nyon mongs pa med pa de dang de dag la phyin ci log med de/ dper na mi rtag pa dang mi gtsang bar 'dzin pa lta bu'o//de bas na bdag dang gang zag tu 'dzin pa 'di kun nas nyon mongs pa'i rang bzhin du gyur na ni phyin ci log ma yin par 'gyur bar mi rigs te gdon mi za bar phyin ci log tu 'gyur ro/ /de nyon mongs pa yin par ji ltar rig ce na zhes bya ba ni bdag tu smra ba dang /gang zag tu smra ba'i rnams 'dri ba ste/ 'jig tshogs la lta ba nyid kun nas nyon mongs pa'i rang bzhin yin par ci mngon zhes 'dri'o/ /lan du/ kA ri kA las/ nyon mongs rgyus zhes bya ba smos so/ /kA ri kA de nyid kyi don dgrol bar bya ba'i phyir/ 'di ltar 'di'i rgyu las 'dod chags la sogs pa'i nyon mongs pa rnams 'byung ngo zhes smos te/'di ltar nga dang bdag tu lta ba'i 'dod chags dang / zhe sdang dang / gti mug la sogs pa'i nyon mongs pa rnams 'byung ste/ de ltar bdag tu lta ba 'di nyon mongs pa'i rgyu byed pa'i phyir 'jig tshogs su lta ba ni nyon mongs pa'i rang bzhin yin par mngon no//gang zag yod par smra ba rnams 'di skad du rgol te/ 'di ltar gang zag rdzas su med kyi btags par yod do zhes smras na/ btags pa yang gzhi med par 'dogs mi srid de/ dper na bum pa zhes bya ba bum pa med par 'dogs mi srid kyi/bum pa la brten nas bum pa zhes 'dogs pa dang 'dra bar/ gang zag 'di ci la brten te 'dogs she na/ lan du gang zag ces 'dogs pa 'di yang gang zag rdzas su yod pa las 'dogs pa ni ma yin te/ nye bar len pa'i phung po lnga la 'dogs pa tsam du zad do/ /de bas na mdo las kyang /dge sbyong ngam bram ze'am/ gang su yang rung ba bdag gam bdag gi zhes 'dogs pa de dag ni nye bar len pa'i phung po lnga nyid la nga'am bdag gi zhes lta zhing 'dogs par zad do zhes gsungs so/ /de skad du lan glan pa dang / gzhan dag gis dris pa/ gzugs la sogs pa'i dngos po gang la/gang zag du gdags pa de las gang zag gcig ces dri'am/ de ste tha dad ces bya zhes smos te/ khyed gang zag med par 'dod pa rnams gzugs kyi phung po nas rnam par shes pa'i bar dag phung po lnga la gang zag tu 'dogs na phung po lnga dang gang zag tu gcig ste/phung po lnga gang yin pa gang zag kyang de yin/ gang zag gang yin pa phung po lnga yang de yin te/ rang bzhin gcig las phung po lnga la gang zag tu 'dogs pa'am/ 'on te phung po lnga dang gang zag tha dad de phung po lnga la ma gtogs par gang zag logs shig na yod pa phung po lnga la gdags zhes 'dri'o//smras pa zhes bya ba ni gang zag med par smra ba rnams kyis lan smras so zhes bya ba'i don to/ /gcig dang tha dad mi brjod de/ de ni de'i phyir zhes bya ba la/ gang zag de ni gong du bshad pa ltar na btags pa tsam du yod kyi rdzas su med pas na gang zag dang phung po rang bzhin gcig pa zhes kyang mi brjod de/phung po nyid bdag yin no zhes mi smra'o/ /phung po lnga dang gang zag tu tha dad pa zhes kyang mi brjod de/ phung po la ma gtogs par bdag logs shig na yod do zhes kyang mi smra'o zhes bya ba'i don to/ /ci'i phyir zhe na zhes bya ba ni gang zag tu smra ba rnams 'dri ba'i tshig ste/ khyed phung po dang gzugs gang zag tu gcig bar yang ci'i phyir mi smra la/tha dad par yang ci'i phyir mi smra zhes bya ba'i don to/ /skyon gnyis kyi phyir te zhes bya ba ni gang zag med par 'dod pa rnams kyis lan 'debs pa'i tshig ste/ phung po dang gang zag gcig par smras na yang skyon med par 'gyur tha dad ces smras na yang skyon yod par 'gyur te/nyes pa gnyis 'byung bar 'gyur bas na gcig par yang mi smra/ tha dad par yang mi smra'o zhes bya ba'i don to/ /skyon gnyis po gang yin pa bstan pa'i phyir/ phung po bdag tu 'gyur ba dang / de nyid rdzas su 'gyur ba'i phyir zhes bya ba smos te/ gal te phung po dang gang zag gcig go zhes smras na ni ji ltar bdag ni rtag pa'i rang bzhin yin pa bzhin du/phung po lnga yang rtag pa'i rang bzhin du 'gyur te/ de bas na phung po lnga nyid bdag yin no zhes mi smra ste/ phung po lnga nyid kyang bdag gi rang bzhin ma yin no/ /gzhan yang phung po lnga dang bdag gcig par gyur na/phung po rdzas su yod pa bzhin du gang zag kyang rdzas su yod par 'gyur te/ gang zag ni rdzas su yod pa ma yin gyi btags par yod pa'i phyir ro/ /'di ni nyes pa gcig go/ /gal te phung bo lnga la ma gtogs par gang zag logs shig na yod do zhes smras na ni ji ltar mu stegs pa rnams kyis bdag ces bya ba phung po la ma gtogs par logs shig na rdzas su yong ngo zhes smras pa ltar na/gang zag ces bya ba yang logs shig na rdzas su yod pa'i skyon du 'gyur te/ gang zag ces bya ba ni phung po la ma gtogs par logs shig na yang rdzas dang rang bzhin grub par yod pa ma yin no//de ltar gang zag btags par yod pas na brjod du med par mi rung ngo zhes bya ba la/ gong du bshad pa ltar na gang zag rdzas su med par 'gyur te/ btags pa tsam du yod pas na/ gang zag gi phung po dang rang bzhin gcig par 'gyur ro/ /phung po nyid gang zag gi rang bzhin yin no zhes kyang ma brjod la/phung po la ma gtogs par gang zag logs shig na yod par yang mi brjod la/ don du na phung po la yang gang zag gi rang bzhin med/ phung po la ma gtogs par gang zag ces bya ba logs shig na yang rdzas su med do zhes bya ba'i don to/ /de'i phyir lung du ma bstan pa'i dngos por grub bo zhes bya ba la/gang gi phyir phung po dang gang zag gnyis gcig par yang mi brjod/ tha dad par yang mi brjod pa'i phyir na/ gal te gzhan dag phung po dang gang zag gcig gam zhes 'dri na gcig pa yin no zhes lung mi bstan to/ /gal te phung po dang gang zag tha dad pa gcig yin nam zhes 'dri na yang /tha dad pa yin no zhes kyang lung du mi bstan te/ ci'i phyir zhe na/ gang zag rang bzhin med pa'i phyir phung po dang gcig par yang bstan du mi rung la/ tha dad pa yang bstan du mi rung ste/ dper na mo gsham gyi bu la kha dog nag por yang bstan du med/dmar por yang bstan du med pa bzhin no/ /'di yan chad du spyir mu stegs pa bdag tu smra ba dang / sangs rgyas pa gang zag yod par smra ba gnyi ga spyir bsdus te sun phyung ste/ da ni bstan pa 'di la zhugs pa saM bi ti pa dag gang zag rdzas su yod par 'dod pa'i lta ba sun dbyung ba'i phyir/ gang rnams ston pa'i bstan pa las 'das te gang zag rdzas su yod par 'dod pa de la 'di skad ces brjod par bya'o zhes bya ba smos te/ gang rnams zhes bya ba ni saM bi ti pa dag go/ /ston pa ni sangs rgyas bcom ldan 'das so/ /de'i bstan pa ni gsung rab yan lag bcu gnyis te/ chos thams cad mi rtag pa dang /sdug bsngal ba dang / stong pa dang / bdag med par bshad pa'o/ /'das pa ni gsung rab kyi don phyin ci log tu gsungs pa ste/ ji ltar phyin ci log tu gsungs she na/ 'di ltar gang zag ces bya ba rdzas su yod la/ de yang phung po lnga dang gcig pa zhes kyang mi brjod/tha dad pa zhes kyang mi brjod ces 'dod cing zer te/ de dag la 'di skad du dri bar bya'o zhes bya ba'i don to/ /ji skad du dri bar bya zhe na/ de'i phyir/ rdzas kyang yod la mi brjod la/ /dgos pa smra bar bya ba yin/ /zhes smos te/ ji ltar bdag cag gang zag med par 'dod pa rnams kyis phung po dang gang zag gcig par smras na ni phung po yang bdag bzhin du rtag par 'gyur ba dang /gang zag kyang phung po bzhin du rdzas su yod pa'i skyon du 'gyur bas gcig par mi smra la/ phung po dang tha dad par smras na ni gang zag de mu stegs kyis brtags pa'i bdag bzhin du rdzas su yod pa'i skyon du 'gyur bas na tha dad par yang mi smra'o zhes dgos pa brjod pa bzhin du/khyed kyi gang zag rdzas su yang yod la phung po dang gcig par yar mi brjod/ tha dad par yang mi brjod na/ ci'i phyir phung po dar gcig tu brjod du med pa dang / ci'i phyir phung po dang tha dad par yang brjod du med pa'i gtan tshigs dang /dgos pa smra dgos so zhes bya ba'i don to/ /ci'i phyir zhe na zhes bya ba ni gang zag tu smra ba rnams la 'dri ba ste/ gang zag dang phung po gcig par yang mi brjod/ tha dad par yang mi brjod pa'i dgos pa ci'i phyir smra dgos she na zhes bya ba'i don to/ /de'i lan du/ gcig dang tha dad mi brjod na//dgos pa med par mi rung ngo / /zhes smos te/ ji ltar phung po dang gang zag tu rang bzhin gcig par yang mi brjod na ni ci'i phyir gcig par mi brjod pa'i dgos pa dang gtan tshigs med du mi rung ngo / /gal te tha dad par yang mi brjod na ni ci'i phyir tha dad par mi brjod pa'i dgos pa dang gtan tshigs smra dgos te/dgos pa dang gtan tshigs med pa ni gang zag rdzas su yod par mi 'gro'o/ /gzhan yang gal te/ phung po dang gang zag gcig par yang mi brjod na ni gang na gcig par mi brjod par de na tha dad par 'gyur te/ dper na me dang chu gnyis tha dad pas na gcig par mi brjod pa bzhin te/de lta na ni phung po dang gang zag tha dad par 'gyur ro/ /gal te phung po dang gang zag tha dad par mi brjod na ni gcig par 'gyur te/ dper na me dang me'i tsha ba gnyis gcig pas na tha dad par mi 'gyur ba bzhin te/ de lta na ni phung po dang gang zag gcig pa nyid du 'gyur gyi/ gcig pa ma yin te/ tha dad do zhes bya ba'i tshig mi 'grub bo/ /ci ste dpe tsam gyi phyir gang zag mi brjod par 'dod de zhes bya ba la/ gal te gang zag tu smra ba rnams 'di skad du zer te/ gang zag rdzas su yod la/ phung po dang gcig par yang mi brjod/tha dad par yang mi brjod pa dngos su 'di 'dra zhes ni bstan du mi rung gi /'jig rten na rdzas su yod la gcig par yang mi brjod/ tha dad par yang mi brjod pa de bzhin du/ gang zag 'di yang rdzas su yang yod la phung po dang gcig par yang mi brjod/tha dad par yang mi brjod par bdag cag 'dod do zhes zer ro/ /dpe gang yin pa bstan pa'i phyir smras pa/ dper na me dang sreg pa gnyis tha dad par yang ma yin/ tha mi dad par yang ma yin par brjod pa bzhin no zhes bya ba smos te/ bsreg pa ni shing la bya'o/ /'di ltar me dang shing gnyis rdzas su yod kyang /me dang shing gnyis tha dad pa ma yin te/ gang gi phyir shing las me 'byung ba na me dang shing gnyis tha dad pa ma yin no/ /gal te me dang shing gnyis tha dad na ni shing med par yang me 'byung bar 'gyur te/ shing med par me 'byung ba ma mthong bas de bas na tha dad pa ma yin no//me dang shing gnyis tha mi dad cing gcig pa yang ma yin te/ shing ni me'i rgyu yin la/ tsha ba'i rang bzhin med pa yin la/ me ni shing gi 'bras bu yin te/ tsha ba'i rang bzhin can yin pas rang bzhin gcig pa yang ma yin te/ gal te rang bzhin gcig na ni me la reg na 'tshig par 'gyur ba bzhin du shing la reg na yang tshig par 'gyur ba'i skyon du 'gyur ba dang /shing la reg na mi 'tshig pa bzhin du me dang shing gnyis rang bzhin gcig pas me la reg na yang mi 'tshig pa'i skyon du 'gyur ro/ /de yang 'dra bar gang zag rdzas su yod la phung po gcig pa zhes kyang mi brjod/tha dad par yang mi brjod do zhes smra'o/ /yang de la 'di skad ces brjod par bya'o zhes bya ba la/ gang zag tu smra ba rnams de skad du smra ba la/ 'di skad du lan gdab par bya'o zhes bya ba'i don to/ /me dang bsreg pa mi brjod pa'i mtshan nyid 'jig rten mthong ba dang /gtsug lag las kyang mi rung ste/ nye bar dmigs pa gnyis su'o zhes bya ba la/ khyed kyi me dang shing gnyis gcig par mi brjod/ tha dad par yang mi brjod ces smras pa de mi rigs te/ ci'i phyir zhes me dang shing gnyis tha dad pa'i phyir/ tha dad pa ma yin par yang mi rung ngo //ji ltar tha dad ce na/ mtshan nyid tha dad pas tha dad pa dang / 'jig rten pa dag gis mthong bas na tha dad pa dang gtsug lag las me dang shing gnyis gcig par ma bshad kyi/ tha dad par bshad pas na tha dad pa'i phyir gcig tu mi rung ba dang / nye bar dmigs pa'i tshad mas kyang tha dad pa dang gnyis su dmigs pa'i phyir yang tha dad do zhes bya ba'i don to//gcig pa dang tha dad par mi rung ste zhes bya ba la/ me dang shing gnyis gcig pa mi rung ste/ tha dad par 'gyur ro zhes bya ba'i don to/ /mtshan nyid tha dad pa'i don bstan pa'i phyir me zhes bya ba ni me'i khams so//sreg pa ni 'byung ba lhag ma rnams te/ de dag gi mtshan nyid tha dad pas me dang shing du tha dad do zhes smos te 'byung ba chen po bzhi las/ me zhes bya ba ni me'i khams la bya ste/ de ni tsha ba'i mtshan nyid do/ /shing zhes bya ba ni sa dang chu dang rlung gi khams gsum la bya ste/ de la sra ba'i mtshan nyid ni sa'i khams so//sdud pa'i mtshan nyid ni chu'i khams so/ /g.yo ba ni rlung gi khams so/ /de ltar na me dang shing gnyis mtshan nyid tha dad pas me dang shing tha dad pa zhes bya'o/ /'jig rten na me dang shing tha dad par mthong ba bstan pa'i phyir/ 'jig rten na yang me med par bsreg shing la sogs pa dang /bsreg pa med par me yang mthong ste tha dad par grub bo zhes smos te/ 'jig rten na yang me dang shing gnyis tha dad par mthong gi gcig par ma mthong ste/ 'di ltar skabs 'ba' zhig tu me med par shing 'ba' zhig yod par mthong ste/ gang gi tshe shing dang me 'brel pa'i tshe'o//dus kha cig tu ni shing med par me 'ba' zhig 'byung bar mthong ste/ shing med par me 'byung ba'i don ni phyis brjod par bya'o/ /de ltar 'jig rten pa dag gis kyang me dang shing tha dad par mthong bas na de gnyis gcig pa ma yin te tha dad par grub bo/ / gtsug lag las me dang shing gnyis gcig par yang ma bshad kyi/ tha dad par bstan pa'i phyir/ gtsug lag las kyang bcom ldan 'das kyis gang du yang me dang bsreg pa brjod du med par ma gsungs so zhes smos te/ mngon pa'i chos 'bum gyi gzhung las kyang / bcom ldan 'das kyis me dang shing gnyis gcig par yang brjod du med/tha dad par yang brjod du med par ni ma gsungs kyi/ shing dang me gnyis tha dad pa nyid du bka' stsal te/ ji ltar zhe na/ me ni tsha ba'i rang bzhin no/ /sa ni sra ba'i rang bzhin no/ /chu ni gsher ba'i rang bzhin no/ /rlung ni g.yo ba'i rang bzhin no zhes bka' stsal pa'i phyir ro//de bas na 'di ni mi rung ngo zhes bya ba la/ gong du bshad pa'i gtan tshigs kyis me dang shing gnyis gcig pa'i mtshan nyid du mi rung ngo zhes bya ba'i don to/ /bsreg pa med par me yod do zhes bya ba ni ji ltar shes she na zhes bya ba ni gong du 'jig rten na shing med par yang me yod do zhes smras pa la/shing med par me yod par ji ltar shes she na zhes bya ba'i don to/ /de'i lan du kA ri kA las nye bar dmigs zhes smos te/ 'jig rten na shing med par yang me yod par mthong ngo zhes bya ba'i don to/ /de nyid kyi don dgrol ba'i phyir/ ji ltar rlung gis me 'phangs pa/rgyang ring por yang 'bar ba bzhin du 'gro'o zhes bya ba smos te/ dus kha cig tu spang ngam/ nags la sogs pa mes tshig pa las rlung gi shugs kyis me lce bcad nas rlung gis 'phangs te/ me lce rgyang ring por song ba na shing med par yang me 'ba' zhig 'bar bar mthong ste/de bas na shing med par me 'ba' zhig gnas pa mthong ngo / /de ste des na g.yo ba rlung yin no zhes bya ba ni zhes bya ba la gal te gang zag tu smra ba rnams me lce rlung gis khyer na ni shing lta bur me 'bar bar byed pa'i rgyu ni rlung yin no zhes smra na/ de'ang mi rigs par bstan pa'i phyir/gang de'i phyir me dang rlung gnyis tha dad par grub bo zhes smos te/ de ltar rlung ni de'i tshe me lce yul gzhan du phyin par byed pa'i las byed pas g.yo ba'i rang bzhin yin la/ me lce ni tsha ba'i rang bzhin yin pas na/ de gnyis tha dad par grub kyi/ gcig pa'i rang bzhin ma yin no/ zhes bya ba'i don to/ /ci'i phyir zhe na zhes bya ba ni gang zag yod par smra ba rnams 'dri ba ste/ rlung gis me lce khyer ba'i dus na rlung dang me lce gnyis ji ltar gcig par grub ce na zhes bya ba'i don to/ /lan du gnyis su ste/ dmigs pa zhes bya ba dang sbyar ro zhes smos te/ kA ri kA las gnyis su zhes 'byung gi /dmigs pa zhes bya ba ni tshig mi 'byung mod kyi/ rlung gis me lce khyer ba na rnam pa gnyis su dmigs te/ rlung ni g.yo bar byed pa'i mtshan nyid du dmigs la/ me lce la ni de'i tshe tsha ba'i mtshan nyid du dmigs pas na de gnyis tha dad do zhes bya ba'i don to/ / de ltar saM bi ti pa dag gang zag rdzas su yod par 'dod pa'i lta ba sun phyung ste bkag go/ /da mu stegs pa bdag ces bya ba dang / gang zag ces bya ba yod par 'dod pa sun phyung ba'i phyir/ gang 'di ltar lta ba po nas rnam par rig pa po dang / za ba po dang / shes pa po dang grol ba po'i bar du gang zag yod do zhe na zhes bya ba la/mu stegs pa dag ni 'di skad du da'i bdag ces bya ba yod de/ gzugs la lta ba'i bya ba byed pa nas/ chos la shes pa'i bya ba byed pa dang / las dge ba dang mi dge ba'i 'bras bu bde ba dang sdug bsngal yang bdag des myong bas na/ las dge ba dang mi dge ba yang bdag des da ltar 'khor ba'i rnams kyang bdag des byed pa yin no//sems can rnams 'ching ba ni rnam pa gsum ste/ sems can dang / rdul dang / mun pa'o/ /de ltar sems can gyi 'ching ba rnam pa gsum las thar nas grol zhing mya ngan las 'das par yang bdag de 'gyur te/ de ltar na nga'i bdag de ni byed pa po yin no zhes de skad du zer ro//bdag byed pa por ni mi rigs par bstan pa'i phyir/ da ni lta ba po nas grol ba po'i bar du mi rung ngo zhes smos te/ bdag de ni lta ba po'i bya ba byed pa nas/ grol ba po'i bar gyi byed pa por mi rung ste zhes bya ba'i don to/ /ji ltar mi rung bar bstan pa'i phyir/de'ang lta ba po zhes bya ba'i rnam par shes pa rnams kyi rkyen gyi dngos por byed par 'gyur ba'am/ bdag por 'gyur ba bgrang na zhes bya ba smos te/ 'di ltar gzugs la lta ba ni mig gi rnam par shes pa yin pa dang / sgra la nyan pa ni rna ba'i rnam par shes pa yin pa nas/chos la shes par byed pa ni yid kyi rnam par shes pa yin na/ gal te bdag de byed pa por gyur na/ dper na mig gi dbang pos rkyen dang grogs byas nas mig gi rnam par shes pa skye ba de bzhin du/ bdag des kyang mig gi rnam par shes pa skye ba'i rkyen dang grogs byas nas mig gi rnam par shes pa gzugs la lta ba'i bya ba byed pa byung nas mig gi rnam par shes pa la gzugs kyi ji 'dra ba 'byung ba bdag des mthong bar 'gyur bas na de lta bu'i tshul du lta ba la sogs pa'i bya ba byed par 'dod dam/'o na dper na rje bo dang dpon po bran la dbang bas/ de'i dbang gi mthus bran rnams kyi dgongs pa rnams rje bo la 'bul bar byed pa bzhin du/mig gi rnam par shes pa la sogs pa rnam par shes pa rnams la bdag de dbang byed de bdag gi mthus rnam par shes pa rnams gzugs la lta zhing rnam par shes pa la gzugs ji ltar snang ba bdag des mthong zhing myong bar 'gyur bas de lta bu'i sgo nas byed pa po zhes bya grang na/de gnyis ka ltar yang mi rigs so/ /de la dang po rnam par shes pa bskyed pa'i rkyen du mi rigs par bstan pa'i phyir de la re zhig /rnam shes gnyis la brten nas ni/ /'byung phyir de ni rkyen ma yin/ /zhes smos te/ mig gi rnam par shes pa ni gzugs la yang brten/ mig gi dbang po la yang brten nas rkyen rnam pa gnyis las byung ba'i phyir bdag ces bya ba gang yin pa ni mig gi rnam par shes pa skyed pa'i rkyen ma yin no/ /de ci'i phyir zhe na/ don med pa'i phyir zhes bya ba la/ rkyen gnyis las mig gi rnam par shes pa skyes kyang /bdag de ci'i phyir rnam par shes pa skyed pa'i rkyen ma yin zhe na/ 'di ltar shing gis me bskyed zin na chu de'i tshe cung zad kyang me bskyed mi dgos te/ chus cung zad kyang me bskyed par bya ba byed mi nus pa de bzhin du/ gzugs dang mig gnyis kyis mig gi rnam par shes pa skyed zin na ni de'i tshe bdag des cung zad kyang ci bya mi dgos te/bdag de na med pa dang / bdag gis cung zad kyang ci mi byed par 'gyur ro/ /bdag de rnam par shes pa la bdag po yang byed par mi rigs par bstan pa'i phyir/ bdag po yin na mi rtag dang / /mi 'dod pa ni 'byung mi byed//ces smos te/ gal te bdag de rnam par shes pa rnams la dbang byed de/ rnam par shes pa la gzugs dang sgra la sogs pa ci snang ci byung ba rnams bdag des myong bar 'gyur ro zhe na/ de lta na ni sems can dag rtag tu bde ba 'ba' zhig dang ldan par 'dod kyi/ sdug bsngal dang nam du yang phrad par mi 'dod pa yin pas/bde ba dang ldan pa'i rnam par shes pa rnams ni par 'ga' 'byung / bar 'ga' mi 'byung bar mi rtag pa'i mtshan nyid du mi 'byung bar 'gyur gyi bde ba dang ldan pa'i rnam par shes pa ni rtag tu 'byung bar byed pa'i skyon du 'gyur ro/ /mi 'dod pa dang mi bde ba dang ldan pa'i rnam par shes pa ni nams kyang 'byung bar mi byed pa'i skyon du 'gyur te/ci'i phyir zhe na/ rnam par shes pa rnams la ni bdag de dbang byed la rnam par shes pa la bde ba dang sdug bsngal ci 'byung yang bdag des myong bar gyur pas na/ bdag des rtag tu bde ba dang ldan pa'i rnam par shes pa 'ba' zhig skyed par byed par 'gyur gyi sdug bsngal dang ldan pa'i rnam par shes pa ni nams kyang 'byung bar mi byed par 'gyur ro//de dag gi don mjug bsdu ba'i phyir/ de bas na gnyis kar yang mi srid pa'i phyir zhes bya ba la sogs pa smos te/ de ltar gong du bshad pa'i rigs pas na/ bdag ces bya ba de rnam par shes par skyed pa'i rkyen du yang mi rung / rnam par shes pa la bdag po byed par yang mi rung bar bstan pas na/ bdag de lta ba po byed pas na/ grol ba pa'i bar bdag byed pa mi rung ngo zhes bya ba'i don to/ /gang zag yod par smra ba la nyes pa'i skyon gzhan yang yod par bstan pa'i phyir/de yi las dang mtshan nyid sgrub/ /ces bya ba smos te/ 'di ltar mig gi dbang po dang / rnam par shes pa la sogs pa rdzas su yod na/ de dag la las kyang yod mtshan nyid kyang yod do/ /de la mig gi dbang po dang / rnam par shes pa'i las ni gzugs la lta ba'i bya ba byed pa'o//mig gi dbang po'i mtshan nyid ni gzugs dang ba'o/ /mig gi rnam par shes pa'i mtshan nyid gzugs sngon po la sogs pa shes pa'i rang bzhin no/ /gal te gang zag ces bya ba de yang rdzas su yod par 'dod na ni gang zag de las ci byed pa'i las kyang sgrub dgos la/gang zag de'i mtshan nyid ji lta bu yin pa'i mtshan nyid kyang sgrub dgos so/ /gal te de'i las dang mtshan nyid med na ni de ri bong gi rwa dang mo gsham gyi bu bzhin du med pa yin no/ /gang zag rdzas su yod par smra ba la/ nyes pa'i skyon gzhan yang yod par bstan pa'i phyir/yang de rdzas su 'dod na ni/ /zhes bya ba smos te/ gal te gang zag de rdzas su 'dod na ni yang nyes pa 'di dag 'byung bar 'gyur ro zhes bya ba'i don to/ /nyes pa gang dag 'byung zhe na/ de'i phyir/ sangs rgyas bcom ldan 'das kyis/ rdzogs pa'i byang chub gsum la gnod//ces bya ba smos te/ 'di ltar sangs rgyas zhes bya ba yang ji snyed du yod pa'i chos thams cad kyi don phyin ci ma log par thugs su chud pa la sangs rgyas zhes bya ste/ de bas na sA lu ljang pa'i mdo las kyang / de la sangs rgyas bcom ldan 'das gang zhe na/ gang gis chos thams cad thugs su chud pa'i phyir sangs rgyas zhes bya ste/de dang 'phags pa'i chos kyi sku dang shes rab kyi spyan gyis/ byang chub byed pa dang / slob pa dang mi slob pas chos gzigs so zhes gsungs so/ /gal te gang zag yod na ni thams cad mkhyen pa des gang zag de gzigs par 'gyur ro//gal te gang zag gzigs shing mkhyen par gyur na ni chos rnam pa gsum mngon par byang chub cing thugs su chud pa la sangs rgyas dar 'gyur ro zhes bya ba ni mngon par 'gyur te/ de bas na/ rdzogs par byang chub gsum la gnod/ /ces bya ste/ gnod ces bya ba'i chos gsum thugs su chud pa med par zhes bya ba'i don to//chos gsum gang zhe na de'i phyir/ zab mo mngon par rdzogs par byang chub pa dang / thun mong ma yin par mngon par byang chub pa dang / 'jig rten las 'das pa mngon par byang chub pa'o zhes bya ba smos te/ de la chos la bdag med par thugs su chud pas na/zab mo mngon par byang chub pa'o/ /gang zag la bdag med par thugs su chud pas na/ thun mong ma yin pa'i mngon par byang chub pa zhes bya ste/ su dang thun mong ma yin zhe na/ mu stegs pa dag dang thun mong ma yin pa ste/ ci'i phyir zhe na/ mu stegs pa rnams ni bdag yod par lta'i/gang zag la bdag med par mi lta ba'i phyir ro/ /de ltar chos la bdag med pa dang / gang zag la bdag med par thugs su chud pa nyid 'jig rten las 'das par byang chub pa zhes bya'o/ /'jig rten pa rnams kyis ni chos dang gang zag la bdag med par ma rtogs pa'i phyir ro//yang na kun brtags rang bzhin med par mkhyen pas na/ zab mo mngon par byang chub pa zhes bya'o/ /gzhan gyi dbang kun brtags kyi chos dang / kun brtags kyi gang zag gi rang bzhin gnyis bral ba/ sems dang sems las byung ba tsam du med pa ma yin zhing / yod pa tsam du thugs su chud pas na/thun mong ma yin pa mngon par byang chub pa zhes bya ste/ de ltar mu stegs la sogs pa gang gis kyang ma rtogs pas na thun mong ma yin pa zhes bya'o/ /yongs su grub pa'i mtshan nyid thugs su chud pas na 'jig rten las 'das pa mngon par byang chub pa zhes bya ste/yongs su grub pa'i mtshan nyid ni 'jig rten pa su la yang med pas 'jig rten las 'das pa zhes bya'o/ /gal te gang zag mngon par byang chub cing gang zag thugs su chud par 'gyur ba ni zab mo ci'ang thugs su chud pa ma yin no/ /de ci'i phyir zhe na/ 'di ji ltar 'dzin pa de ni 'jig rten thams cad kyis khong du chud pa dang zhes smos te/gang zag dang bdag yod par ni 'jig rten kun gyis kyang khong du chud pas 'jig rten las lhag par sangs rgyas kyis zab mo ci'ang khong du chud pa med do/ /gzhan yang gang zag khong du chud pa med na ni mu stegs pa dang ma 'dres pa yang ma yin no//ci'i phyir zhe na mu stegs pa rnams mngon par chags pa dang zhes smos te/ mu stegs pa rnams kyang bdag yod par lta bas/ mu stegs pa la lhag par sangs rgyas kyis thun mong ma yin pa'i chos gang yang mkhyen par gyur pa med do/ /gzhan yang gal te bcom ldan 'das kyis gang zag thugs su chud par 'gyur na ni de ltar na 'jig rten ma 'ongs pa'ang ma yin no//ci'i phyir zhe na/ 'khor ba yun ring po dang mthun pa zhes smos te/ so so'i skye bo rnams ni 'khor ba thog ma med pa nas bdag tu lta ba la zhen pas na/ sangs rgyas bcom ldan 'das kyis 'jig rten las 'das pa gang yang lhag par thugs su chud pa ma yin no//gang zag rdzas su yod par lta na nyes pa gzhan yang yod par bstan pa'i phyir/ yang gang zag ni lta ba po nas rnam par rig pa po'i bar du yin na lta ba la sogs pa 'bad pa dang bcas pa dang 'bad pa med par 'gyur grang na zhes bya ba smos te/'di ltar gang zag de lta ba po nas rnam par rig pa po'i bar du byed pa yin na ni de rnam pa gnyis su brtag go/ /ji lta zhe na/ 'di ltar dang po lta ba 'dod pa skye'o/ /de nas mig 'byed pa la sogs pa'i 'bad pa byas nas gzugs la lta ba'i bya ba byed par 'dod dam/'on te mig 'byed pa la sogs pa'i 'bad pa med par gzugs la lta ba'i bya ba byed par 'dod grang na/ gnyis ka ltar yang mi rigs so/ /de la thang cig 'bad pa dang bcas pa'i sgo nas lta ba la sogs pa'i bya ba byed par mi rigs par bstan pa'i phyir/ 'bad pa dang bcas pa yin na yang 'bad pa de yang rang byung ba glo bur ba'am/de'i rkyen las 'byung bar 'gyur ro zhes bya ba smos te/ 'bad pa dang bcas pas gzugs la sogs pa la lta ba'i bya ba byed par 'dod na yang 'bad pa de la rnam pa gnyis su brtag ste/ ji lta zhe na/ 'bad pa de rang 'byung ba ste gzugs la sogs pa la lta ba'i bya ba byed par 'dod grang na gnyi ga ltar mi rigs so//de la 'bad par rang 'byung mi rigs par bstan pa'i phyir/ lta ba la sogs pa byed pa de rang byung ma yin gsum las kyang zhes bya ba smos te/ gzugs la lta ba dang sgra la nyan pa la sogs byed pa'i 'bad pa de rgyu med par rang 'byung bar yang mi rigs te/ci'i phyir zhe na/ 'bad pa rang 'byung bar gyur na ni 'og nas bshad pa lta bu'i nyes pa gsum 'byung ba'i phyir te/ de bas na 'bad pa rang 'byung bar mi rigs so/ /de'i rkyen las 'bad pa byung ba mi rigs par bstan pa'i phyir byed pa de'i rkyen kyang ste/ de ma yin zhes bya ba dang sbyar ro zhes bya ba smos te/gzugs la sogs pa lta ba'i bya ba byed pa'i 'bad pa de bdag des rgyu dang rkyen byas nas 'byung ba yang ma yin te/ ci'i phyir zhe na/ mig gi rnam par shes pa la sogs pa gzugs la lta ba'i bya ba byed pa de mig gi dbang po dang gzugs kyi rkyen gyis byung ba yin pas na/ bdag gi rkyen las gzugs la lta ba'i bya ba byed pa'i rnam par shes pa byung ba ma yin no zhes sngar yang smras la/phyis kyang bdag de'i rkyen du mi 'gyur bar 'chad do/ /'bad pa med par lta ba la sogs pa'i bya ba byed par mi rigs par bstan pa'i phyir/ 'bad pa med pa zhig yin na ni grub pa yin no zhes bya ba smos te/gal te bdag de gzugs la lta ba'i bya ba byed pa'i 'bad pa mi byed pa nas sgra la nyan pa'i bar gyi bya ba byed pa'i 'bad pa mi byed na ni bdag de byed pa po ma yin par grub bo zhes bya ba'i don to/ /ji ltar grub snyam pa la de'i phyir/ lta la sogs pa byed pa med/ /ces bya ba smos te/'di ltar bdag de gzugs la lta ba'i 'bad pa yang med pas na sgra la sogs pa la nyan pa'i 'bad pa med na/ bdag de gzugs la yang mi lta/ sgra la sogs pa la yang mi nyan pa nas lta bar byed pa po ma yin pa nas/ nyan pa la sogs pa'i bar gyi byed pa po mi byed pas na/ bdag de lta ba'i byed pa po byed pa nas nyan pa'i byed pa po byed pa'i bar du byed pa'i byed par ji ltar 'gyur te mi 'gyur ro zhes bya ba'i don to/ /gsum gyi phyir zhes bya ba'i nyes pa gsum po gang gi phyir zhes bya ba la gong du gal te 'bad pa glo bur du byung ste/ rgyu med pa las byung bar gyur na nyes pa rnam pa gsum 'byung ngo zhes gleng ba las nyes pa rnam pa gsum po gang yin zhe na zhes bya ba'i don to//nyes pa rnam pa gsum po bstan pa'i phyir/ byed pa ma yin mi rtag dang / /cig car rtag tu 'jug pa'i phyir/ /zhes bya ba smos te/ nyes pa gsum ni bdag byed pa po ma yin pa'i nyes pa dang /'bad pa la sogs pa'i byed pa yang mi rtag par 'gyur gyi/ rtag par 'gyur ba'i nyes pa dang / 'bad pa rtag par gyur pas cig car 'byung ba dang / rtag tu 'byung ba'i nyes par 'gyur te/ don de dag gi bar du dbye ba zhib tu ni 'grel pa'i skabs su bstan to/ /de bas na lta ba la sogs pa'i byed pa ni rang 'byung bar yang mi rigs zhes bya ba smos te/byed par byung bar gyur na ni nyes pa rnam pa gsum yod par 'gyur bas/ lta ba la sogs pa'i byed pa de rang byung ngo zhes bya ba yang mi rigs so zhes bya ba'i don to/ /gal te lta ba la sogs pa la byed pa glo bur du byung na ni lta ba la sogs pa de dag /gang zag byed pa ma yin na/ /zhes bya ba la/ gal te lta ba'i bya ba byed pa nas shes pa'i bya ba byed pa'i bar de dag gi glo bur du byung ste/ rgyu gang las kyang byung ba ma yin na ni de lta na gang zag dang gang gis lta ba'i bya ba byed pa yang ma byas pa bskyed pa nas/ nyes pa'i bya ba byed pa'i bar dag gang yang gang zag gis ma byas ma bskyed pa na/gang zag de lta ba'i bya ba byed pa po ma yin pas na/ shes pa'i bya ba byed pa po ma yin pa'i bar du byed pa po ma yin par 'gyur ro/ /glo bur yin na ni ltos pa med pa'i phyir byed pa nam yang med par mi 'gyur te/ mi rtag pa med par 'gyur ro zhes bya ba la/gal te lta ba la sogs pa'i bya ba byed pa 'di glo bur du byung gi/ /rgyus bskyed pa ma yin na ni gang rgyu la ltos pa de dag rgyu yod na ni skye la/ rgyu med na ni mi skye bas bar 'ga' med par mi 'gyur gyi/ rgyu med pa'i chos rnams ni rgyu rkyen la ltos pa med pas na/ lta ba la sogs pa'i byed pa 'di nam yang med par mi 'gyur gyi/dus thams cad du lta ba la sogs pa'i bya ba byed pa dang ldan par 'gyur ro/ /de ltar gyur na ni lta ba la sogs pa'i bya ba byed pa 'di mi rtag par mi 'gyur gyi/ rtag pa'i mtshan nyid du 'gyur ro/ /byed pa rtag na ni lta ba la sogs pa cig car ram/rtag tu 'byung ba'i nyes par 'gyur/ /zhes bya ba la/ gal te lta ba la sogs pa'i byed pa 'di rtag pa'i mtshan nyid yin par 'gyur na ni lta ba la sogs pa'i bya ba byed pa cig car du thal zhes bya ba'am/ dus thams cad du rtag tu 'byung ba'i nyes par 'gyur ro/ /ci'i phyir zhe na/ mi rtag pa'i chos la ni cig car mi 'byung gi /kha cig 'byung kha cig mi 'byung bar 'gyur ba dang / bar 'ga' 'byung / bar 'ga' mi 'byung bar mi 'gyur gyi/ rtag pa'i chos la ni rnam pa du mar gzhag tu med pas na/ nam mkha' bzhin du thog thag tu khyab par 'byung ba dang / dus thams cad du 'byung ba'i skyon du 'gyur ro//de lta bas na lta ba la sogs pa'i byed pa 'di glo bur du 'byung zhes bya bar yang mi rigs so/ /bdag de lta ba la sogs pa'i byed pa'i rkyen du yang mi rigs par bstan pa'i phyir/ de bzhin gnas dang zhig pa las/ /snga na med cing mi rtag phyir/ /gsum pa'i phyogs kyang med pas na/ /rkyen du yang ni mi rung ngo //zhes smos te/ 'di ltar bdag ni lta ba la sogs pa'i bya ba byed pa'i rgyu dang rkyen du yang mi rung ngo / /ci'i phyir zhe na/ gal te bdag de lta ba la sogs pa'i rgyu dang rkyen byed na/ bdag de rtag pa zhig yin te/ rtag pa des rkyen byed dam/ gal te bdag mi rtag pa zhig yin te mi rtag pa des rkyen byed dam/yang na bdag de rtag pa yang ma yin mi rtag pa yang ma yin te/ de lta bus lta ba la sogs pa'i rkyen byed grang na gsum char ltar yang mi rigs so/ /ji ltar mi dmigs she na/ bdag de de bzhin du gnas te rtag pa zhig yin na ni rgyu rtag pa las byung ba'i 'bras bu rnams par 'ga' 'byung /bar 'ga' mi 'byung bar mi rigs kyi/ dus thams cad du 'byung bar 'gyur ba'i phyir nam mig bltas pa'i tshe na ni lta ba'i bya ba byed pa yod la/ ma bltas pa'i snga rol na lta ba'i bya ba byed pa med par mi 'gyur te/ de'i snga rol na yang lta ba'i bya ba byed pa yod par 'gyur bas snga ma med par mi 'gyur ro//gal te bdag de mi rtag par te zhig pa'i rang bzhin yin pa la lta ba la sogs pa'i rkyen byed do zhes zer na ni de lta na bdag de mi rtag par 'gyur ba'i phyir rtag par khas blangs pa don med do/ /rtag pa dang mi rtag pa'i phyogs la ma gtogs pa rtag pa yang ma yin mi rtag pa yang ma yin par gzhag pa'i phyogs gsum pa gang yang med do//ci'i phyir zhe na/ rtag pa dang mi rtag pa gnyis 'gal ba'i chos yin pas gang na rtag pa yod pa de na mi rtag pa med do/ /gang na mi rtag pa yod pa de na rtag pa med de/ de bas na chos gcig la rtag pa yang ma yin mi rtag pa yang ma yin par rnam pa gnyis su gzhag tu mi rung ngo //yang rtag pa ma yin na ni mi rtag par 'gyur te/ mi rtag pa'i skyon yang sngar smras zin to/ /mi rtag pa ma yin na ni rtag par 'gyur te/ rtag pa'i skyon yang sngar smras zin to/ /de ste yang gang zag gi rkyen gyis byed pa byung na yang de de bzhin du gnas pa rkyen du mi rung ste/snga na med pa'i phyir ro zhes bya ba la/ 'di ltar gang zag gi rgyu dang rkyen byas nas gzugs la lta ba la sogs pa'i byed pa 'byung bar yang mi rigs te/ ci'i phyir zhe na/ gang zag ni de bzhin du rtag par gnas pa yin pas/ji ltar mig phye ba'i dus na gzugs mthong ba de bzhin du mig ma phye ba'i tshe na yang gzugs mthong bar 'gyur ba'i rigs ni mig ma phye ba'i snga rol na gzugs mthong ba med de/ phyis gzugs gdod mthong bas na gang zag byed pa'i rgyu rkyen du 'gyur ba'i phyir mi rigs so//don de nyid bstan pa'i phyir/ de'i rkyen las byung ba yin na ni gang zag rnams kyang med par mi 'gyur bas gang gi tshe skyes pa na byed pa snga na ci'i phyir med par 'gyur zhes smos te gang zag gi rkyen las gzugs la lta ba la sogs pa byed pa byung ba yin na ni de lta na ni gang zag nams kyang med pa yin te/gang zag rtag par yod pas gzugs la lta ba la sogs pa'i byed pa yang nams kyang med par mi 'gyur gyi/ dus thams cad du yod pa'i rigs na de ltar ni mi 'gyur gyi gang gi tshe mig phye nas gzugs la bltas pa de'i tshe 'ba' zhig na gzugs la lta ba'i byed pa skyed kyi de'i snga rol na ci'i phyir mi skye ste/de'i snga rol na yang gzugs la lta ba'i bya ba byed pa'i skye ba'i rigs na/ sngar ma skyes pa'i phyir gang zag rkyen du mi rigs so/ /'di ltar bar 'ga' skye/ bar 'ga' mi skye na ni rgyu rtag pa las byung bar mi rigs so/ / zhig pa yang rkyen du mi rung ste/ mi rtag pa'i phyir ro zhes bya ba la/ gang zag 'jig cing mi rtag pa'i rang bzhin yang rkyen du mi rung ste/ ci'i phyir zhe na/ gang zag ni gzhan dag gis rtag pa'i rang bzhin yin par khas blangs pas gang zag mi rtag par gyur pa'i phyir rtag par khas blangs pa'i don med do//gang gnas pa yang ma yin zhig pa yang ma yin par 'gyur ba'i phyogs gsum po gang yang med pa nas zhes bya ba la/ gong du rtag pa yang rkyen du mi rung bar bshad/ mi rtag pa yang rkyen du mi rung bar bshad pa'i phyir na rtag pa yang ma yin mi rtag pa yang ma yin pa'i phyogs gsum du gzhag pa ni med de/dngos po gcig la rtag pa yang ma yin/ mi rtag pa yang ma yin zhes gnyis su gzhag tu mi rung la/ rtag pa ma yin na ni mi rtag pa'i phyogs su ltung / mi rtag pa ma yin na ni rtag pa'i phyogs su ltung bas phyogs de yang sngar sun phyung zin to//de ltar gcig pa la brten te rdzas su gang zag mi dmigs so zhes bya ba la 'di man chad mngon sum gyi tshad ma dang rjes su dpag pa'i tshad mas gang zag rdzas su med par bsgrubs nas da ni lung gi tshad mas kyang gang zag rdzas su med par sgrub bo/ /chos rnams thams cad bdag med de//dam pa'i don du stong pa'o/ /bdag tu dmigs pa nyes par yang / /gang phyir de yang bshad pas so/ /zhes bya ba la/ lung las kyang gang zag rdzas su med par bshad de/ lung las she na/ chos kyi mdo bzhi las/ 'dus byas thams cad mi rtag pa dang / 'dus byas thams cad sdug bsngal ba dang /chos thams cad bdag med pa dang / zhi ba mya ngan las 'das pa'o zhes 'byung ba'i nang nas 'dus byas thams cad dang 'dus ma byas kyi chos thams cad la bdag med do zhes gsungs so/ /nyan thos kyi mdo sde don dam par stong pa zhes bya ba las kyang / chos thams cad don dam par stong ngo zhes bka' stsal to//nyan thos kyi gzhung gcig las brtsams pa dang / lung ring po zhes bya ba la sogs pa gzhung mang du yod pa las lung ring po'i gzhung gi nang nas chos gcig las brtsams pa dang / gnyis las brtsams ba dang / gsum las brtsams pa dang / bzhi las brtsams pa dang / lnga las brtsams pa'i char gyi nang nas lnga lngas las brtsams pa'i lnga phrugs bshad pa'i skabs su/ gang gi phyir bdag tu bltas na nyes pa rnam pa lnga 'byung ngo zhes gsungs te/ de bas na gang zag rdzas su yod pa ma yin no//las kyang yod rnam par smin pa yang yod de zhes bya ba la/ las yod pa ni las dge ba dang mi dge ba byas pa yod pa'o/ /rnam par smin pa yod pa ni 'bras bu bde ba dang sdug bsngal myong bar 'gyur ba yod pa'o/ /chos kyi tha snyad ma gtogs par/ / zhes bya ba la sogs pa la ma rig pa'i rkyen gyis 'du byed nas/ skye ba'i rkyen gyis rga shi la sogs pa rten cing 'brel te 'byung ba yan lag bcu gnyis tshul gyis 'khor bar skye ba ni chos kyi tha snyad ces bya ste/ de lta bu'i tshul gyis skye ba ma gtogs pa'i phung po 'di 'dor zhing phung po gzhan len pa'i phung po dag ni med do zhes bka' stsal to//bdag tu lta ba dang / srog tu lta ba yin zhes bya ba la gang zag rdzas su yod par khas blangs na/ bdag dang bdag gi med pa'i phung po la bdag dang srog tu lta bar 'gyur te/ 'di ni nyes pa rnam pa gcig go/ / mu stegs can rnams dang bye brag med pa zhes bya ba la/ 'di ltar mu stegs pa rnams kyang bdag dang gang zag yod par lta ba la/ gang zag rdzas su yod par lta ba 'di'ang bdag dang gang zag tu lta bas mu stegs pa rnams dang gang zag tu lta bar khyad par med de/ 'di ltar nyes pa rnam pa gnyis so/ / lam log par zhugs pa yin zhes bya ba la/ mya ngan las 'das pa dang / thar pa'i lam ni 'du byed thams cad mi rtag pa dang / sdug bsngal ba dang / stong pa dang / bdag med par bsgom pa yin na/ gang zag tu lta ba 'dis bdag dang gang zag tu bltas pas lam log par zhugs pa yin te/ 'khor ba dang ngan song du skye ba'i lam la zhugs pa yin zhes bya ba'i don to/ /'di ni nyes pa rnam pa gsum mo/ /stong pa nyid la de'i sems mi 'jug ces bya ba la/ stong pa nyid ni bdag dang bdag gi med pa'i chos te gang zag rdzas su yod par bltas pas stong pa nyid la de'i sems mi 'jug pa zhes bya'o//mi 'jug pa nyid bstan pa'i phyir/ mi dad mi gnas mi mos pa dang zhes bya ba smos te nyan pa'i dus na dad pa med pas na mi dad pa'o/ /sems pa'i dus na rtogs pa mi 'byung bas na mi gnas pa'o/ /bsgom pa'i dus na yang stong pa nyid mthong bar mi 'byung bas na mi mos pa zhes bya ste/'di ni nyes pa rnam pa bzhi'o/ /de'i 'phags pa'i chos rnam par byang bar mi 'gyur zhes bya ba la de'i zhes bya ba ni gang zag rdzas su yod par smra ba'i gang zag tu lta ba de zhes bya ba'i don to/ /'phags pa'i chos ni mthong ba'i lam dang bsgom pa'i lam la bya ste/ mthong ba'i lam dang bsgom pa'i lam la brten nas/mthong ba dang bsgom pas spang bar bya ba'i nyon mongs pa spangs te mya ngan las 'das pa mngon sum du thob pa mi 'byung bas na 'phags pa'i chos rnam par byang bar mi 'gyur ro zhes bya ba'i don to/ /'di ni nyes pa rnam pa lnga pa ste/ de ltar lung gi tshig rigs pa dang sbyar na yang gang zag rdzas su yod par mi rung ngo //bcom ldan 'das kyis de dang der zhes bya ba la sogs pa ni gang zag tu smra ba'i rnams yang rgol ba'i tshig ste/ 'di ltar bcom ldan 'das kyis mdo sde de dang de dag gi nang nas kun shes pa'i gang zag dang / shes par byed pa'i gang zag dang /khur bor ba'i gang zag dang / dad pa'i rjes su 'brang ba'i gang zag dang / chos kyi rjes su 'brang ba'i gang zag ces bya ba la sogs pa gang zag rnam pa mang po bshad de/ de ste gang zag med pa zhig yin na ni ci'i phyir bcom ldan 'das kyis gang zag gi rnam grangs mang por bshad cing bka' stsal/gal te gang zag rdzas su med na ni bcom ldan 'das kyis gang zag gi rnam grangs bka' stsal par mi 'gyur na/ bcom ldan 'das kyis bka' stsal cing bshad pas na lung las 'byung ba'i phyir gang zag rdzas su yod ces rgol lo/ /de skad du rgol ba la gang zag rdzas su yod pa'i phyir bcom ldan 'das kyis gsungs pa ni ma yin gyi/gang zag ces bya ba ming du btags pa'i sgo nas kun nas nyon mongs pa'i chos dang rnam par byang ba'i chos la tha snyad du bya ba'i phyir gang zag ming du btags so zhes bstan pa'i phyir/ kun nas nyon mongs rnam par byang / / gnas dang chad pa tha dad pa/ /'jug dang rgyud kyang tha dad par/ /gang zag gis ni shin tu bstan/ /zhes bya ba smos te gal te gang zag ces bya ba'i ming dang tha snyad ma btags na ni kun nas nyon mongs pa tha dad pa dang / rnam par byang ba tha dad pa dang / gnas pa tha dad pa dang / chad pa tha dad pa dang /'jug pa tha dad pa dang / rgyu tha dad pa dag bstan du mi rung gi /de dag tha dad par bstan pa yang / gang zag tu btags pa'i ming gi sgo nas de dag bstan par mi nus te/ gang zag rdzas su med kyang gang zag ming du btags so/ /de la kun nas nyon mongs pa'i chos dang / ldan na kun nas nyon mongs pa'i dus na ni kun nas nyon mongs pa dang bcas pa'i gang zag ces bya'o/ /rnam par byang ba'i chos dang ldan pa ni de'i dus na rnam par byang ba dang ldan pa'i gang zag ces bya'o/ /de la kun nas nyon mongs pa la yang gnas rnam pa mang ste/ kun nas nyon mongs pa chung ngu la gnas pa dang /kun nas nyon mongs pa 'bring po la gnas pa dang / kun nas nyon mongs pa chen po la gnas pa'o/ /de la kun nas nyon mongs pa chung ngu la gnas pa na gang zag 'di ni 'dod chags chung ngu zhes gdags so/ kun nas nyon mongs pa 'bring la gnas na ni gang zag 'di ni 'dod chags 'bring dang ldan pa zhes bya'o//kun nas nyon mongs pa chen po la gnas pa'i tshe na ni gang zag 'di ni 'dod chags chen po dang ldan pa zhes bya'o/ /de bzhin du zhe sdang la sogs pa la yang sbyar ro/ /rnam par byang ba'i chos la yang rnam par byang ba chung ngu la gnas pa dang /rnam par byang ba 'bring la gnas pa dang / rnam par byang ba chen po la gnas pa ste/ rnam par byang ba la yang gnas pa tha dad pa rnam pa gsum mo/ /de la rnam par byang ba chung ngu la gnas pa la ni lam chung ngu thob pa zhes bya'o/ /rnam par byang ba 'bring la gnas pa la ni lam 'bring po thob pa'i gang zag ces bya'o//rnam par byang ba chen po la gnas pa la ni lam chen po thob pa'i gang zag ces bya'o/ /de la gang zag gang gcig tu mi dge ba'i las byed pa rnams ni kun nas nyon mongs pa'i phyogs su ltung zhing chad pa'i gang zag ces bya'o//gang zag gang gcig tu dge ba rnams la ni rnam par byang ba'i phyogs su ltung zhing chad pa'i gang zag ces bya'o/ /kun nas nyon mongs pa la spyod pa rnams la ni kun nas nyon mongs pa la spyod pa'i gang zag ces bya'o/ /rnam par byang ba la spyod pa rnams la ni rnam par byang ba la 'jug pa'i gang zag ces bya'o//gang zag gang kun nas nyon mongs pa la gnas pa'i gang zag de dag la ni gang zag 'di sems kyi rgyud kun nas nyon mongs pa dang ldan pa zhes bya'o/ /gang zag gi gang rnam par byang ba'i chos la gnas pa de dag la ni gang zag 'di sems kyi rgyud rnam par byang ba'i chos dang ldan pa zhes bya ste/de ltar gang zag tu gdags pa med par chos de dag tha dad par dbye zhing bstan par mi rung ngo / /kun nas nyon mongs pa dang / rnam par byang ba gnas tha dad pa dang / chad pa'i bye brag la gang zag btags pa med par 'jug pa tha dad pa dang /rgyu tha dad par bstan par mi nus so zhes bya ba la gal te gang zag ces bya ba'i ming ma bstan ma btags par ni kun nas nyon mongs pa dang / rnam par byang ba tha dad par bstan pa dang / kun nas nyon mongs pa dang rnam par byang ba'i gnas tha dad pa dang /gang zag 'di ni dge ba byed par chad/ gang zag 'di mi dge ba byed par chad pa la sogs pa tha dad par bstan pa dang / gang zag 'di ni mi dge ba la 'jug pa/ gang zag 'di ni dge ba la 'jug pa'o zhes 'jug pa tha dad par bstan pa dang / gang zag 'di'i sems kyi rgyud kun nas nyon mongs pa dang ldan pa'i gang zag 'di'i sems kyi rgyud rnam par byang ba dang ldan zhes rgyud tha dad par bstan pa la sogs pa tha dad pa rnam pa mang po bstan par mi nus te/de bas na tha dad pa rnam pa sna tshogs bstan pa'i phyir gang zag ces bya ba'i ming btags shing bshad do//yongs su shes pa'i mdo sde las yongs su shes par bya ba'i chos ni kun nas nyon mongs pa'o/ /yongs su shes par byed pa ni rnam par byang ba'o zhes bya ba la yongs su shes pa'i mdo sde'i nang nas yongs su shes par bya ba'i chos dang / yongs su shes par byed pa ste rnam pa gnyis su gsungs so/ /de la sdug bsngal gyi bden pa dang / kun 'byung ba'i bden pa gnyis la ni yongs su shes pa'i chos zhes bya ste/ de ni kun nas nyon mongs pa'i phyogs su bsdu'o/ /'gog pa'i bden pa dang / lam gyi bden pa gnyis la ni yongs su shes par byed pa zhes bya ste/de ni rnam par byang ba'i phyogs su bsdu'o/ /de la gal te gang zag ma brtags na 'di ni yongs su shes par bya ba'i gang zag 'di ni yongs su shes par byed pa'i gang zag ces gang zag de dag gi 'jug pa tha dad pa dang /rgyud tha dad pa bstan cing bshad par mi rung ste/ de bas na gang zag gi ming btags so/ /de la yongs su shes par bya ba'i gang zag ni kun nas nyon mongs pa'i phyogs la zhugs shing kun nas nyon mongs pa'i chos dang sems kyi rgyud dang ldan pa zhes bya ba'o//yongs su shes par byed pa'i gang zag ni rnam par byang ba'i chos la zhugs shing rnam par byang ba'i chos dang sems kyi rgyud dang ldan pa zhes bya'o/ /khur khyer ba'i mdo las kyang khur dang khur khyer ba ni nyon mongs pa'o/ /khur bor ba ni rnam par byang ba'o zhes bya ba la khur khyer ba'i mdo sde'i nang nas kyang /khur khyer ba'i gang zag dang / khur bor ba'i gang zag ces gang zag rnam pa gnyis su bshad do/ /de la sdug bsngal gyi bden pa la ni khur zhes bya'o/ /kun 'byung gi bden pa la ni khur khyer ba'am/ khur len pa zhes bya ste de gnyis ni kun nas nyon mongs pa'i phyogs su gtogs so//khur bor ba la yang rnam pa gnyis te gang du khur bor ba dang gang gis khur bor ba'o/ /de la gang du khur bor zhe na 'gog pa'i dus su khur bor ro/ /gang gis khur bor zhe na/ lam gyi bden pas khur bor te/'di gnyis ni rnam par byang ba'i phyogs su gtogs so/ /de la gang gis sdug bsngal dang kun 'byung ma spangs pa'i gang zag rnams ni khur khyer ba la 'jug cing / khur dang sems kyi rgyud ldan pa/ /zhes bya'o/ /gang gis 'gog pa'i bden pa dang / lam gyi bden pa thob pa'i gang zag gnyis la ni khur por ba la 'jug cing khur bor ba'i chos dang sems kyi rgyud ldan pa zhes bya ste/de ltar de dag gi 'jug pa tha dad pa dang sems kyi rgyud tha dad pa yang gang zag ces bya ba'i ming btags pa med pa 'di ni khur khyer ba'i gang zag go/ / 'di khur bor ba'i gang zag go zhes bstan par mi nus so/ /byang chub kyi phyogs kyi chos rnams kyang sbyor ba dang / mthong ba dang / bsgom pa dang / mthar thug pa'i lam gyi bye brag tha dad pas gnas rnam pa mang ste zhes bya ba la byang chub kyi phyogs sum cu rtsa bdun bsgom pa la yang sbyor ba'i lam gyi gnas na bsgom pa dang /mthong ba'i lam gyi gnas na bsgom pa dang / bsgom pa'i lam gyi gnas na bsgom pa dang / mthar thug pa'i lam gyi gnas na bsgom pa la sogs te bsgom pa'i gnas rnam pa mang du yod do/ /de la sbyor ba'i lam ni mos pa spyod pa'i sa bzhi la bya ste/de'i dus na byang chub kyi phyogs la bsgom pa'i tshe na ni gang zag de mos pa spyod pa'i gang zag ces bya'o/ /mthong ba'i lam gyi dus na ni byang chub sems dpa' rnams kyis sa dang po thob pa'am/ nyan thos rnams kyis rgyun du zhugs pa'i lam thob pa ste/de'i dus na byang chub kyi phyogs kyi chos sum cu rtsa bdun la bsgom pa'i gang zag la ni mthong ba'i lam la gnas pa'i gang zag ces bya'o/ /theg pa chen po'i tshul gyis ni sa gnyis pa yan chad bsgom pa'i lam yin la/ theg pa chung ngu'i tshul gyis ni rgyun du zhugs pa'i 'bras bu thob pa yan chad bsgom pa'i lam la gnas pa zhes bya ste/de'i tshe byang chub kyi phyogs la bsgom pa'i tshe na ni bsgom pa'i lam la gnas pa'i gang zag ces bya'o/ /nyan thos kyi tshul gyis dgra bcom pa'i 'bras bu thob pa dang / theg pa chen po'i tshul gyis mngon par sangs rgyas pa dag ni mthar thug pa'i lam zhes bya ste/de'i dus na byang chub kyi phyogs la gnas pa'i gang zag la ni mi slob pa'i gang zag ces bya ste/ de ltar tha dad pa rnam par gzhag pa la yang gang zag ces bya ba'i ming ma btags par 'jug pa tha dad pa dang / rgyud tha dad par bstan par mi nus te de'i phyir gang zag ces bya ba'i ming btags nas bshad do//de'i phyir gang zag rdzas su yod pa ma yin yang zhes bya ba la sogs pa la/ bcom ldan 'das kyis mdo de dang de dag gi nang nas gang zag ces bya ba bshad cing bstan pa yang dgongs pa de dag gi phyir bshad cing bstan to zhes bya ba'i don to//de lta ma yin na ni gang zag kyang rdzas su med la/ bcom ldan 'das kyis gang zag tu btags pa rnams kyang don med pa dang dgos pa med par 'gyur ro zhes bya ba'i don to/ /gal te gang zag yod par smra ba rnams 'di skad du 'di ltar sems can rnams kun sems kyi rgyud la bdag tu lta ba ma skyes pa'i sems kyi rgyud la bdag tu lta ba skyed pa'i phyir bcom ldan 'das kyis gang zag bshad do zhe na/de ltar yang mi rigs par bstan pa'i phyir/ de ni bdag tu lta ba skye ba'i don du yang mi rung ste zhes smos te/bcom ldan 'das kyis gang zag yod do zhes bshad pa de bdag tu lta ba bskyed pa'i phyir bcom ldan 'das kyis bshad do zhes byar yang mi rung ngo zhes bya ba'i tha tshig go/ /ci'i phyir de ltar mi rung snyam pa la gang gi phyir bdag tu lta ba bskyed pa ma yin/ snga nas skyes pa'i phyir ro zhes bya ba smos te/sems can rnams kyi sems kyi rgyud la bdag tu lta ba bskyed pa'i phyir gang zag yod do zhes bshad pa yang ma yin te/ ci'i phyir zhe na/ bdag tu lta ba ni 'khor ba thog ma med pa'i dus nas sems kyi rgyud la skyes zin pas na bskyed pa'i phyir ro zhes byar yang mi rung ngo //gal te gang zag tu smra ba rnams 'di skad du sems can gyi sems kyi rgyud la bdag tu lta ba skyes kyang bdag tu lta ba de la sems can gyis goms par mi bya ste/ de bas na bdag tu lta ba la goms pa bskyed pa'i phyir/ bcom ldan 'das kyis gang zag bshad do zhe na yang mi rigs par bstan pa'i phyir/de goms par bya ba'i phyir yang ma yin te zhes bya ba smos te/ bdag tu lta ba la goms par bya ba'i gang zag yod par gsungs pa dang mi rigs so zhes bya ba'i don to/ /ji ltar mi rigs par bstan pa'i phyir gang gi phyir bdag tu lta ba ni thog ma med pa'i dus nas goms pa ste zhes bya ba smos te 'di ltar bdag tu lta ba ni 'khor ba thog ma med pa'i dus nas sems can gyis goms pa dang /'dris par byas zin pas na de la goms par bya ba'i phyir bshad ces byar mi rung ngo / /yang gal te bdag mthong bas thar bar 'gyur ba'i phyir bshad do zhe na zhes bya ba la yang gal te gang zag yod par smra ba rnams 'di skad du sems can rnams bdag tu lta ba la goms par byas shing bdag ces bya ba ming tsam gyi sgo nas shes par 'gyur yang sems can gyis bdag mthe bong tsam mam yungs 'bru tsam gyi mtshan nyid ma mthong bas sems can thar pa dang grol bar 'gyur te/de bdag mthe bong tsam dang yungs 'bru tsam mthong ba'i sgo nas sems can thar pa dang mya ngan las 'das pa thob par bya ba'i phyir/ bcom ldan 'das kyis gang zag bshad do zhe na yang mi rigs so zhes bya ba'i don to//de ltar mi rigs par bstan pa'i phyir/ de lta ma yin na ni/ 'bad pa ma byas thams cad kyis/ /thar pa'am zhes bya ba smos te gal te bdag tu lta bas thar par 'gyur na ni so so'i skyo bo phal pa bden pa bzhi ma mthong ba rnams la yang bdag tu lta ba yod pas/de lta na ni bden pa mthong bar bya ba'i phyir/ mnyan pa dang / bsam pa dang / bsgom pa la sogs pa'i 'bad pa ma byas par yang sems can thams cad thar pa thob pa dang / mya ngan las 'das pa thob pa'i skyon du 'gyur ro//yang na thar pa yang don med par 'gyur te zhes bya ba la gal te bdag tu mthong bas thar par 'gyur ro zhe na/ de lta na ni bdag tu lta ba nyid 'ching ba yin pa'i phyir/ des bcings par 'gyur gyi thar par mi 'gyur bas na sems can thar par bya ba'i phyir/ bcom ldan 'das kyis gang zag bshad do zhes bya ba yang don med do//de nyid kyi don dgrol ba'i phyir/ sngon bdag dang bdag med par bzung la/ bden pa mthong ba rtogs par 'gyur ba'i tshe/ bdag yod par 'dzin te zhes bya ba la sogs pa smos te/ 'di ltar bdag yod par mthong ba nyid bden pa mthong ba dang 'dra ste/sngon chad ma bsgoms pa'i tshe na ni bdag yod pa'i chos la bdag yod par ma mthong gi /bdag med par mthong bas na thar bar 'gyur gyi bsgoms nas phyis bdag yod par 'gyur ba dang / thar pa dang mya ngan las 'das par gyur to zhes bya ba'i don to//ji ltar sdug bsngal la sdug bsngal du sngon mi 'dzin pa las kyang phyis 'dzin pa bzhin no zhes bya ba smos te/ dper na mnyan pa dang bsam pa dang bsgom pa la sogs pa ma byas pa'i sngon rol na sdug bsngal la sogs pa'i bden pa bzhi ma thob pas na sems can rnams thar par ma gyur gyi phyis sdug bsngal la sogs pa'i bden pa bzhi mthong ba dang gdod thar par gyur pa dang 'dra bar sems can rnams kyis kyang bdag yod pa'i chos la bdag yod par sngon ma mthong bas sems can thar bar ma gyur gyi/phyis bsgom pa la sogs pa'i mthus phyis bdag yod par mthong ba dang / gdod thar par 'gyur ro zhes zer na yang mi rigs par bstan pa'i phyir sngon ji lta ba bzhin du phyir kyang de bzhin du thar par 'gyur ro zhes bya ba smos te/ ji ltar bdag mthong bas thar par 'gyur ba yin na ni sngon sems can rnams bdag tu lta ba yod pa de'i rkyen gyis 'dod chags la sogs pas nyon mongs pa byung nas/des bcings pa'i phyir thar par ma gyur pa de bzhin du bsgoms nas mthong bar gyur na yang 'di ltar bdag tu mthong ba las nyon mongs pa thams cad 'byung ste/bdag dang mthun pa rnams la ni 'dod chags skye/ bdag dang mi mthun pa rnams la ni zhe sdang skye ste/ 'di ltar nyon mongs pa skyes par gyur na nyon mongs pas bcings par 'gyur gyi thar par nams kyang mi 'gyur te/ de bas na bdag tu lta ba las thar par 'gyur ro zhes bya ba 'gal ba yin no//de yod na ni nyes pa de dag tu 'gyur ro zhes bya ba ni bdag tu lta ba yod na gong du bshad pa'i nyes pa rnams 'byung bar 'gyur ro zhes bya ba'i tha tshig go/ /da ni ngo tsha ba nas brtsams te/ gang zag la bdag med par bshad pa'i bar dag gis byang chub kyi phyogs rnams kyi las mdor bstan pa'i phyir/de ltar yon tan de dag dang / /byang chub sems dpa' rtag ldan pas/ /bdag gi don kyang mi 'dor zhing / /gzhan gyi don kyang sgrub pa yin/ /zhes bya ba smos te de ltar zhes bya ba ni gong du bshad pa ltar te gang du bshad pa ltar byang chub sems dpa' ngo tsha ba dang bstan pa la sogs pa'i yon tan dang ldan pa rnams las rnam pa gnyis byed de/las rnam pa gnyis ni bdag gi don mi 'dor ba dang gzhan gyi don kyang bsgrub pa'o/ /de la bdag gi don kyang spangs pa phun sum tshogs pa dang / ye shes phun sum tshogs pa'i bdag nyid de rnam pa gnyis po de dag spang ba ni nyon mongs pa dang shes bya'i sgrib pa spang ba'o/ /ye shes ni gang zag la bdag med par khong du chud pa dang / chos la bdag med par khong du chud pa ste de dag thob pa las nams kyang nyams par mi 'gyur ba ni bdag gi don mi 'dor ba zhes bya'o//sems can rnams kyang spangs pa dang ye shes nyid la 'god par byed pa ni gzhan gyi don kyang sgrub pa zhes bya'o/ /byang chub kyi phyogs kyi skabs bshad pa rdzogs so// //da 'di man chad ni yon tan gyi skabs bshad do/ / de la byang chub kyi phyogs kyi skabs su byang chub sems dpa' rnams kyi dmigs pa dang / rnam pa dang / rang bzhin dang / khyad par la sogs pa rnam pa thams cad du byang chub sems dpa'i bslab pa'i lam rdzogs par bshad do/ /de la bslab pa'i lam de dag la slob pa'i byang chub sems dpa' ni yon tan rnam pa gnyis dang ldan par 'gyur te/yon tan gnyis po gang zhe na/ bsgrub pa'i yon tan dang / rab tu bsngags pa'i yon tan te/ de bas na byang chub kyi skabs kyi 'og tu yon tan gyi skabs bshad par 'brel to/ /de la bsgrub pa'i yon tan ni rnam pa gsum ste/rgyu mthun pa'i yon tan dang / 'brel ba'i yon tan dang / sems can la mngon du lta ba'i yon tan no/ /de la rgyu mthun pa'i yon tan ni bslab pa'i lam de dag la dus ring por goms par byas pas byang chub sems dpa' nyid lam gyi ngo bor 'gyur te/de bas na rtag tu yang lam sngar skyes pa rnams bstan pa dang / dge ba ma skyes pa rnams phyir zhing 'phel bar 'gyur te/ de yang / rang gi lus ni yongs su gtong / /zhes bya ba nas brtsams te/ rtog pa med pa'i shes rab ni/ /blo ldan dag gis ngo mtshar shes//zhes bya ba tshigs su bcad pa gnyis kyis bstan to/ /'brel pa'i yon tan ni mthong ba dang / bsgom pa'i lam gnyis kyis nyon mongs pa dang shes bya'i sgrib pa gnyis spangs nas sangs rgyas kyi sar gnas rnam par dag pa thob pa ste/ de yang de bzhin gshegs pa'i rigs su ste zhes bya bas ni mthong ba'i lam bstan to//lung bstan pa ni thob pa dang / dbang bskur ba dang zhes bya bas ni bsgom pa'i lam bstan to/ /byang chub kyang thob par ngo mtshar che bar 'dod ces bya bas sgrib pa gnyis dang bral ba'i gnas rnam par dag pa thob par bstan to//de lta bu'i byang chub sems dpa' de ni sems can thams cad dang bdag tu mnyam pa nyid kyi sems thob par 'gyur te/ de yang / ji ltar blo ldan sems can la/ /byams pas rab tu byed pa bzhin/ /zhes bya ba la sogs pa tshigs su bcad pa gsum gyis bstan to//sems can la mnyam pa nyid kyi sems thob pa'i byang chub sems dpa' de rtag tu sems can rnams la phan 'dogs par byed de/ de yang / snod du yang ni byed pa yang / /zhes bya ba la sogs pa tshigs su bcad pa bcu drug gis bstan te/de ltar sems can la sems mnyam pa nyid thob pa dang / sems can la phan 'dogs par byed pa nyid sems can la mngon par lta ba'i yon tan can zhes bya ba'o/ /ngo mtshar che ba'i rnam par dbye ba'i tshigs su bcad pa gsum mo zhes bya bas/gang so so'i skye bo dang / nyan thos dang / rang sangs rgyas la sogs pa la med cing mi srid pa'i yon tan dang ldan pa ni ngo mtshar che ba zhes bya ste/ ngo mtshar che ba'i chos de la dbye na du yod pa tshigs su bcad pa gsum gyis ston to zhes bya ba'i don to/ / de la tshigs su bcad pa gsum gyis bsdus pa'i don ni pha rol tu phyin pa drug pa sgrub pa la ngo mtshar che ba dang / 'bras bu thob pa la ngo mtshar che ba bstan to/ /rang gi lus ni yongs su gtong / /zhes bya ba la sbyin pa'i pha rol tu phyin pa la yang bza' ba dang / bgo ba la sogs pa tsam gyi dngos po gtong ba ni 'jig rten pa dag dang /nyan thos dang / rang sangs rgyas la yang srid pas ngo mtshar che ba ma yin gyi/ gang 'dod pa rnam pas mgo dang rkang lag la sogs pa yang yongs su gtong bar byed pa ni byang chub sems dpa' rnams kyis sbyin pa la ngo mtshar du bya ba yin no zhes bya ba'i don to//sdom pa'i phyir ni phun sum tshogs/ /zhes bya ba la/ tshul khrims kyi pha rol tu phyin pa la yang dge slong pha dang dge slong ma la sogs pa sdom pa'i tshul khrims yang dag par blang ba'i phyir 'khor los sgyur ba la sogs pa longs spyod phun sum tshogs pa yang mi gtsang ba dang mchil ma'i rdog bu bzhin du bor nas khyim nas khyim med par rab tu byung bar byed pa ni byang chub sems dpa' rnams kyi tshul khrims kyi pha rol tu phyin pa yang dag par len pa la ngo mtshar du bya ba yin no//nyam chung ba la bzod pa dang / /zhes bya ba la rgyal po dang blon po la sogs pa dbang dang mthu dang stobs la sogs pa che bas gnod pa byas pa rnams nyams su len cing bzod par byed pa ni ngo mtshar ci che sprang po dang gdol bu la sogs pa mthu dang dbang chung ba rnams kyis gnod pa sna tshogs byas pa la yang nyams su len cing bzod pa ni byang chub sems dpa'i bzod pa'i pha rol tu phyin pa la ngo mtshar bya ba yin no zhes bya ba'i don to//lus dang srog la mi lta bar/ /brtson 'grus rtsom pa dang zhes bya ba la brtson 'grus la yang nyan pa dang sems pa la sogs pa'i dge ba 'ga' tsam byed pa'am dge ba cung zad tsam byed pa ngo mtshar du bya ba ma yin gyi/dge ba'i chos la 'jug pa na/ lus la grang ba dang / tsha ba la sogs pa'i sdug bsngal byung ba nyams su len cing srog la bab pa na yang brtson 'grus mi gtong bar lus dang srog la mi phangs par byas nas brtson 'grus rgya chen por rtsom pa ni byang chub sems dpa'i brtson 'grus la ngo mtshar du bya ba yin no zhes bya ba'i don to//bsam gtan gyi bde ba dag la ma chags te zhes bya ba la bsam gtan gyi pha rol tu phyin pa la yang bsam gtan dang po dang gnyis pa la sogs pa'i bde ba dam pa mchog thob na yang de la dga' ba dang bde bar bya ba 'dzin cing bsam gtan gyi bde ba spangs nas/slar 'dod pa'i khams su ngan song gsum la sogs pa'i gnas man chad du skye bar byed pa ni ngo mtshar du bya ba yin no zhes bya ba'i don to//rtog pa med pa'i shes rab ste/ /blo ldan dag gis ngo mtshar shes/ /zhes bya ba la/ shes rab kyi pha rol tu phyin pa la yang shes rab ni chos rnams kyi rang dang spyi'i mtshan nyid 'byed pa yin na/'dus byas dang / 'dus ma byas kyi chos la yang yod pa dang med pa la sogs pa gang la yang mi rtog pa ni byang chub sems dpa' rnams kyi shes rab la ngo mtshar du bya ba yin te/ de ltar tshigs su bcad pa gnyis kyis pha rol tu phyin pa drug bsgrub pa la ngo mtshar che ba bstan to//da ni 'bras bu thob pa la ngo mtshar che ba ston te/ de la 'bras bu la yang slob pa'i 'bras bu dang / mi slob pa'i 'bras bu ste rnam pa gnyis so/ /de bzhin gshegs pa'i rigs su ste/ /zhes bya ba la mos pa spyod pa'i sa man chad na so so'i skye bo'i rigs su gnas pa las sa dang po thob pa'i dus na de bzhin gshegs pa'i rigs su skyes pa thob ste/de yang ngo mtshar du bya ba yin no/ /de la de bzhin gshegs pa'i rigs ni chos kyi dbyings dang rnam par mi rtog pa'i ye shes te/ des sa dang po thob pa nas sa dang po la de bzhin gshegs pa'i rigs su skyes pa zhes bya'o//de bas na sa bcu pa'i mdo las kyang de'i tshe de'i bdag nyid kyis chos thob pa nas de bzhin gshegs pa'i rigs su skyes pa zhes bya'o zhes gsungs te/ 'di ni slob pa'i 'bras bu rnam pa gcig thob pa'o//lung bstan pa thob pa dang zhes bya ba la sa brgyad pa thob pa'i dus na rtsol ba dang 'bad pa thams cad las 'das nas rnam par mi rtog pa'i ye shes lhun gyis grub pa thob ste/ de'i tshe phyogs bcu'i de bzhin gshegs pa thams cad kyis bla na med pa'i byang chub tu lung bstan pa thob pa yang byang chub sems dpa' rnams kyi ngo mtshar du bya ba yin no zhes bya ba'i don to//'di ni slob pa'i 'bras bu rnam pa gnyis thob pa'o/ /dbang bskur ba dang zhes bya ba la sa dgu pa las 'das nas sa bcu thob pa dang / phyogs bcu'i de bzhin gshegs pa thams cad kyis chos kyi rgyal po'i rgyal tshab tu dbang bskur bar mdzad de/de'ang byang chub sems dpa' rnams kyi ngo mtshar du bya ba yin no zhes bya ba'i don to/ /'di ni slob pa'i 'bras bu gsum thob pa'o/ /byang chub kyang thob pa zhes bya ba la/ sangs rgyas kyi sar bla na med pa'i byang chub tu mngon par sangs rgyas pa thob pa yang byang chub sems dpa' rnams kyi ngo mtshar du bya ba ste/'dis ni mi slob pa'i 'bras bu mchog thob pa bstan to/ /'di dag la ni ci zhig ngo mtshar che zhe na/ gong du bshad pa'i chos de lta bu dag ni so so'i skye bo dang / nyan thos dang / rang sangs rgyas la sogs pa la yod pa mi srid pas de'i phyir ngo mtshar du bya ba'o/ /ngo mtshar mi che bar rnam par dbye ba'i tshigs su bcad pa zhes bya ba la/ gong du bshad pa lta bu'i chos de dag 'jig rten dang nyan thos la sogs pa de dag la ltos na ni ngo mtshar du bya ba yin mod kyi/ byang chub sems dpa' bsam pa rlabs po che dang 'dra ba rnams la/ de ngo mtshar du bya ba ma yin par bstan pa'i phyir tshigs su bcad pa gcig rtsom mo zhes bya ba'i don to/ /'dod chags bral dang snying rje dang / /sgom pa dag ni dam pa dang / /de bzhin sems ni mnyam pa la/ /de la sbyor ba ngo mtshar min//zhes bya ba la gang 'dod chags dang bral ba'i sems rnyed pa dang / snying rje chen po dang ldan pa dang / /bsgom pa dam pa la bsgom pa dang / bdag dang sems can du mnyam pa'i sems rnyed pa dag gis gong du bshad pa lta bu pha rol tu phyin pa dag la sbyor zhing byang chub dam pa'i bar dag thob par gyur pa la/ngo mtshar mi che ba zhes bya ba'i don to/ /de la 'khor los sgyur ba'i longs spyod la sogs pa la yang mi gtsang ba lta bur 'du shes pa rnyed cing longs spyod la chags pa'i 'dod chags dang bral ba rnams phyi nang gi dngos po yongs su gtong bar byed pa ni ngo mtshar du che ba ma yin no//sems can thams cad kyi sdug bsngal bsal bar bya'o snyam du sems pa'i snying rje chen po dang ldan pa rnams kyis sems can gyi srog mi gcod pa dang nor la ma byin par mi len pa la sogs pa'i tshul khrims srung bar byed pa ni ngo mtshar du mi che ba yin no//gzhan yang snying rje khyad par can dang ldan pas bdag gi lus dang srog las kyang sems can la phangs par 'dzin te/ sems can gyi sdug bsngal bsal bar bya ba'i phyir bdag nyid sdug bsngal rnam pa sna tshogs nyams su len pa des sems can gzhan gyi gnod pa byas nas slar gnod pa mi byed cing bzod pa byed pa ngo mtshar du bya ba ma yin no//'di ltar lo re re nyi ma re re skad cig ma re re la dge ba rgyun ma chad par sgom nus pa'i brtson 'grus dang ldan pa dang / theg pa chen po'i chos zhi gnas sgom pa'i sems dang ldan pa dang /theg pa chen po'i lhag mthong bsgom pa'i sems dang ldan pa dang / lus dang srog la'ang mi lta bar brtson 'grus rtsom pa dang / bsam gtan gyi sar ro la ma chags pa'i bsam gtan dang ldan pa dang / ci la yang mi rtog pa'i shes pa dang ldan pa dang / bsgom pa dam pa ste de lta bu dang ldan pa rnams sa dang po la de bzhin gshegs pa'i rigs su skyes pa dang / sa brgyad pa la rtsol ba dang 'bad pa thams cad las 'das pas rnam par mi rtog pa lhun gyis grub pa thob pa'i phyir/ de bzhin gshegs pa rnams kyis lung bstan pa thob pa dang /sa bcu la dbang bskur ba thob pa dang / sangs rgyas kyi sar mngon par byang chub pa yang ngo mtshar du bya ba ma yin no zhes bya ba'i don to/ /gzhan yang bdag gang yin pa sems can yang de yin/ sems can gang yin pa bdag kyang de yin no zhes bdag dang gzhan du mnyam pa nyid kyi sems thob pa rnams pha rol tu phyin pa drug sgrub pas bdag gi don la 'jug pa bzhin du sems can thams cad kyi don du pha rol tu phyin pa drug sgrub pa yang ngo mtshar mi che ba'o zhes bya ba'i don to//bsgom pa dam pa la brten nas sa brgyad pa la mngon par 'du byed pa med cing /rnam par mi rtog pa'i brtson 'grus la sogs pa la sbyor ba ni ngo mtshar ma yin no zhes bya ba la bsgom pa dam pa ni skad cig ma re re la yang dge ba rgyun mi 'chad par bsgom pa dang / theg pa chen po'i zhi gnas bsgom pa dang /theg pa chen po'i lhag mthong bsgom pa ste/ bsgom pa thob pa de lta bu thob pa la brten nas lus dang srog la yang mi phangs par brtson 'grus rtsom pa dang / bsam gtan gyi ro la mi chags pa dang / rnam par mi rtog pa'i shes rab dang ldan pa dang sa brgyad pa thob nas/mngon par 'du mi byed cing / rtsol ba dang 'bad pa med pa'i brtson 'grus dang / bsam gtan dang shes rab thob pas/ lung bstan pa thob pa dang / sa bcu dbang bskur ba thob pa dang / sangs rgyas kyi sar mngon par byang chub pa thob pa ni ngo mtshar du bya ba ma yin no zhes bya ba'i don to//sems mnyam pa la tshigs su bcad pa gsum mo zhes bya ba la gong du bshad pa ltar/ ngo mtshar chen po'i chos dang / ngo mtshar mi che ba dang / byang chub sems dpa' de sems can thams cad la sems mnyam par 'gyur te/ ji ltar sems mnyam pa de tshigs su bcad pa gsum gyis bstan to/ /tshigs su bcad pa gsum gyis bsdus pa'i don ni sems can la sems mnyam pa dang / sems can gyi don du pha rol tu phyin pa drug sgrub pa la mnyam pa'o/ /ji ltar blo ldan sems can la/ / byams pa rab tu byed pa bzhin/ /de ltar bdag dang chung ma dang / /bu grogs rtsa lag rnams la min/ /zhes bya ba la/ ji ltar blo dang ldan pa'i byang chub sems dpa' dag sems can thams cad la byams pa dang sdug pa dang phangs pa dang gces pa'i sems su thams cad 'byung ba de ltar sems can dag bdag nyid la/bdag nyid de tsam du sdug pa'i bsam pa mi 'byung ba dang / khyim thab chung ma la de tsam du sdug pa'i bsam pa mi 'byung ba dang / pha ma bu la de tsam du sdug pa'i bsam pa mi 'byung ba dang grogs rnams la de tsam du sdug pa'i bsam pa mi 'byung ba dang /nye du dag kyang nye du la de tsam du sdug pa'i bsam pa mi 'byung ba ste/ de ci'i phyir zhe na/ sems can dag la bar 'ga' bdag nyid la bdag nyid zhe sdang skyes nas dug za ba dang / g.yang du mchong ba la sogs pa byed cing bdag nyid kyis bdag nyid la gsod pa yod do//de bzhin du nye du la sogs pa dang / nye du dag la brdeg btsog pa dang / gsad pa la sogs pa'i las byed pa dang / sems mnyam pa ma yin gyi/ byang chub sems dpa' rnams ni sems can thams cad la sdug par byed cing dus thams cad du sdug par byed pas na sems can la sems mnyam pa ste/'dis ni sems can la sems mnyam pa bstan to/ /'dod pa la ni nye mgon med/ /ces bya ba la 'dod pa la ni bza' ba dang bgo ba la sogs pa'i zang zing bram ze dang khyim bdag la sogs pa ste/nye mgon med pa ni mdza' ba dang bshes pa 'ba' zhig la zang zing gtong ba ma yin gyi mdza' ba dang / mi mdza' ba dang / phongs pa dang ma phongs par kun la yang 'dra bar yo byad yongs su gtong ba ni nye mgon med pa zhes bya'o/ /de lta bu ni sbyin pa'i pha rol tu phyin pa la mnyam par bsgrub pa'o//tshul khrims rtag tu ma nyams shing / /zhes bya ba la tshul khrims rnam pa gnyis te/ rang bzhin gyi kha na ma tho ba srung ba dang bcas pa'i kha na ma tho ba srung ba'o/ /de la rang bzhin gyi kha na ma tho ba srung ba ni phas pham pa bzhi mi 'byung bar srung ba'o//bcas pa'i kha na ma tho ba srung ba ni phyed yol phan chad zan mi bza'o zhes bcas pa dang / rtsa mi bcad do zhes bya ba la sogs pa bcas pa'i rnam pa bsrung ba ste/ de la ji ltar rang bzhin gyi kha na ma tho ba mi 'byung bar srung ba bzhin du bcas pa'i kha na ma tho ba rdul tsam tshun chad kyang mi 'byung bar srung zhing /de la bar 'ga' srung / bar 'ga' mi srung ba ma yin gyi dus thams cad du srung ste/ de ni tshul khrims rtag tu ma nyams pa zhes bya ste/ de lta bu'i tshul khrims kyi pha rol tu phyin pa la mnyam par bsgrub pa'o/ / thams cad du bzod pa dang zhes bya ba la yul thams cad du bzod pa dang dus thams cad du bzod pa dang sems can thams cad du bzod pa zhes bya'o/ /de la shar phyogs su ni bzod par bya'i/ nub phyogs su ni bzod par mi bya zhes bya ba med pas phyogs bcu thams cad du yang bzod par byed pa ni yul thams cad du bzod pa zhes bya'o//'das pa'i dus su ni bzod par bya'i ma 'ongs pa'i dus su ni mi bzod ces bya ba med kyi dus gsum thams cad du'ang bzod par byed pa ni dus thams cad du bzod pa'o/ /de la bshes pa dang mdza' ba rnams la ni bzod par bya'i dgra la sogs pa la bzod par mi bya'o//dbang dang mthu che ba rnams la ni bzod par bya'i/ dbang chung zhing nyam chung ba rnams la ni bzod par mi bya zhes bya ba med par ji ltar mdza' ba'i rnams la bzod pa bzhin du dgra la yang bzod par byed la/ 'di ltar dbang mthu che ba'i rnams la bzod par byed pa bzhin du mthu chung ngu'i rnams la yang bzod par byed pas na sems can thams cad la bzod pa zhes bya ste/de lta bur bzod pa'i pha rol tu phyin pa la mnyam par bsgrub pa'o/ /thams cad don la brtson chen rtsom/ /zhes bya ba la ji ltar bdag gi don bsgrub par bya ba'i phyir brtson 'grus rtsom pa de ltar sems can thams cad kyi don bsgrub par bya ba'i phyir brtson 'grus rtsom pa dang /ji ltar dge ba gcig 'grub par bya ba'i phyir brtson 'grus rtsom pa de ltar dge ba thams cad 'grub par bya ba'i phyir yang brtson 'grus rtsom pa'i don chen thams cad la brtson chen rtsom pa zhes bya ste/de lta bu ni brtson 'grus kyi pha rol tu phyin pa la mnyam par bsgrub pa'o/ /rtag tu dge ba'i bsam gtan dang / /zhes bya ba la bsam gtan rnam pa gsum ste nyon mongs pa can dang dag par gyur pa dang zag pa med pa'o/ / de la bsam gtan gyi bde ba'i ro la chags pa'i bsam gtan ni nyon mongs pa can zhes bya'o/ /bsam gtan gyi ro la ma chags pa'i bsam gtan ni dag par gyur pa zhes bya ste/ byang chub sems dpa' rnams nyon mongs pa can gyi bsam gtan la mi gnas kyi dag par gyur pa'i bsam gtan dang / zag pa med pa'i bsam gtan la bsgom la/de'ang bar 'ga' bsgom/ bar 'ga' mi bsgom pa ma yin gyi dus thams cad du bsgom pas rtag tu dge ba'i bsam gtan pa zhes bya ste/ de lta bu ni bsam gtan gyi pha rol tu phyin pa la mnyam par bsgrub pa'o/ /shes rab kyang ni rnam mi rtog /zhes bya ba la/ shes rab kyis chos thams cad nam mkha'i ngos bzhin du rtog gi yod par yang mi rtog /med par yang mi rtog /rtag par yang mi rtog /mi rtag par yang mi rtog pa ni shes rab rnam par mi rtog pa zhes bya ste/ de lta bu ni shes rab kyi pha rol tu phyin pa la mnyam pa nyid du bsgrub pa'o//de la byang chub sems dpa' yi/ /sems mnyam par ni shes par bya/ /zhes bya ba la pha rol tu phyin pa drug po de dag la gong du bshad pa lta bur bsgrub pa ni pha rol tu phyin pa bsgrub pa la sems mnyam pa yin par shes par bya ste/ de ltar tshigs su bcad pa gnyis kyis ni sems can gyi don du pha rol tu phyin pa drug bsgrub pa la sems mnyam pa bstan to//phan 'dogs pa rnam par dbye ba la tshigs su bcad pa bcu drug go zhes bya ba la/ sems can thams cad la mnyam pa nyid kyi sems thob pa de sems can la sems mnyam pas byams pa dang sdug par sems pa tsam du ma zad kyi/lus dang srog dag gi sgo nas phan 'dogs par byed de/ de ltar phan 'dogs par byed pa de rnam par dbye ba la tshigs su bcad pa bcu drug gis bstan pa la de la tshigs su bcad pa gnyis kyis ni pha rol tu phyin pa drug gis phan 'dogs par byed pa bstan to//tshigs su bcad pa bcu bzhis ni pha ma la sogs pas bu tsha la sogs pa la phan 'dogs pa bzhin du/ byang chub sems dpa' sems can la phan 'dogs par byed pa bstan to/ /snod du yang ni byed pa dang //zhes bya ba la/ sems can rnams la bza' ba dang bgo ba la sogs pas phongs nas/ nyan pa dang sems pa la sogs pa'i dge ba byed mi nus pa ni snod du ma gyur pa zhes bya'o/ /de la byang chub sems dpa' sems can bza' ba dang / bgo ba la sogs pa'i yo byad kyis phongs par gyur nas dge ba spyod mi nus pa rnams la zang zing byin nas/phongs pa dang brel ba med par byas te/ dge ba byed du bcug pa ni snod du byed pa zhes bya ste/ sbyin pas ni de ltar phan 'dogs par byed do/ /de bzhin tshul khrims 'jog pa dang //zhes bya ba la/ byang chub sems dpa' nyid byang chub sems dpa'i sdom pa'i tshul khrims la gnas pa bzhin du sems can gzhan yang sdom pa'i tshul khrims la 'jog par byed de/ tshul khrims kyis ni de ltar phan 'dogs so/ /gnod pa la ni bzod pa dang //zhes bya ba la sems can gzhan dag gis lus kyi sgo nas brdeg pa la sogs pa byas pa dang / ngag gi sgo nas tshig rtsub po smras kyang slar lus dang ngag gis lan mi ldon pa ni gnod pa la bzod pa zhes bya ste/ bzod pas ni de ltar phan 'dogs par byed do//don spyod par ni 'gro ba dang / /zhes bya ba la don spyod pa ni sems can gyi las su bya ba la sgrub pa ste/ sems can gyi las su bya ba ni grogs bya ba'i phyir thag ring po'i gnas dang / sdug bsngal ba'i gnas dag tu yang 'gro zhing grogs byed pa ni don spyod pas 'gro ba zhes bya ste/brtson 'grus kyis ni de ltar phan 'dogs so/ /bstan pa la yang 'dzud par byed/ /ces bya ba la gang bsam gtan dang ldan pa de dag ni rdzu 'phrul gyi mthu rnyed pa yin te/ de bas na bsam gtan gyis 'bar ba dang 'thul ba la sogs pa'i rdzu 'phrul bstan nas/sems can dad pa bskyed nas skyabs su 'gro ba la sogs pa byed du bcug pa ni bstan pa la 'jug pa zhes bya ste bsam gtan gyis ni de ltar phan 'dogs par byed do/ /the tshom yang dag sel bar byed/ /ces bya ba la/ sems can rnams theg pa gsum gyi chos mi shes shing de dag la yod dam med snyam du blo gnyis su 'jug pa ni the tshom zhes bya ste/de dag la theg pa gsum gyi mtshan nyid phyin ci ma log par bshad nas shes pa dang blo rnam pa gnyis med par byas pa ni the tshom yang dag par sel ba zhes bya ste/shes rab kyis ni de ltar phan 'dogs so/ /blo ldan rnams kyis sems can la/ /phan 'dogs par ni 'di dag 'dod/ /ces bya ba la gong du bshad pa lta bur pha rol tu phyin pa drug gis sems can gyi don sgrub pa ni pha rol tu phyin pa las phan 'dogs pa zhes bya ste/ de ltar tshigs su bcad pa gnyis kyis ni pha rol tu phyin pa drug gis phan 'dogs par byed pa bstan to/ /tshigs su bcad pa lhag mas ni ma la sogs pa dang 'dra bar phan 'dogs pa bstan to zhes bya ba la/ 'di man chad tshigs su bcad pa bzhis ni mas bu la phan 'dogs pa dang /phas bu la phan 'dogs pa dang / nye dus nye du la phan 'dogs pa dang / grogs pos grogs po la phan 'dogs pa dang / bran gyis rje bo la phan 'dogs pa dang / slob dpon gyis slob ma la phan 'dogs pa dang / mkhan pos slob ma la phan 'dogs pa dang 'dra bar byang chub sems dpas kyang sems can la phan 'dogs par byed pa bstan to//las lnga dag gis sems can gyi/ /rgyal sras ma dang 'dra ba'o/ /zhes bya ba la/ mas bu la las rnam pa lngas phan 'dogs par byed pa de bzhin du byang chub sems dpas kyang las rnam pa lngas sems can la phan 'dogs par byed de/de bas na byang chub sems dpa' rnams ni sems can thams cad kyi ma dang 'dra ba yin no/ /de la mas bu la phan 'dogs par byed pa'i las lnga po gang zhe na/ skye gnas 'dzin pa dang gcig /skyed par byed pa dang gnyis/mthun par byed pa dang gso ba dang shin tu skyed par byed pa dang gsum/ ngan las srung bar byed pa dang bzhi/ smra ba yang slob par byed pa dang lnga'o/ /bsam pa mtshungs pas sems can rnams/ /rtag tu de bzhin 'dzin par byed/ /ces bya ba la 'di ltar ma ni bu ma byung gi bar du mi bde ba bzhin du/bu mngal na 'dzin par byed pa de bzhin du byang chub sems dpa' snying rje chen po'i bsam pas sems can sdug bsngal ba gcig mi gtong ste/ 'dzin pa bzhin du snying rje'i sems de nyid kyis sems can sdug bsngal ba thams cad kyang mi gtong zhing 'khor ba'i mtha'i bar du 'dzin par byed de/de bas na byang chub sems dpa' ni ma dang 'dra'o/ /de la byang chub sems dpa' ni ma lta bu'o/ /snying rje chen po ni ma ma lta bu'o/ /'phags pa'i sar ni skyed pa dang / /zhes bya ba la mos pas spyod pa'i sa 'jig rten gyi chos mchog 'das nas nyan thos kyi tshul gyis kyang rgyun du zhugs pa dang /lan cig phyir 'ong ba dang / phyir mi 'ong ba dang / dgra bcom pa'i 'bras bu dang / 'gog par yang snyoms par 'jug pa thob pa dag ni 'phags pa'i sa'o/ /byang chub sems dpa'i tshul gyis ni 'jig rten gyi chos mchog 'das nas sa dang po yan chad sangs rgyas kyi sa man chad la 'phags pa'i sa zhes bya ste/'di ltar mas bu ma shi ba dang / mi gnod par lto nas 'byin cing skyed pa de bzhin du byang chub sems dpa' rnams kyang sems can rnams 'phags pa'i sa de dag tu 'byin cing 'jog la skyed par byed pas na ma lta bur gyur pa'o//dge ba yang ni 'phel bar byed/ /ces bya ba la ji ltar mas bu skyes nas nu ma nu par byed pa dang / kha zas kyis gsos par byed pa dang / chus bkrus pa dang / mar gyis mnye ba la sogs pa'i sgo nas bu'i lus cher bskyed pa la sogs pa de bzhin du byang chub sems dpa' rnams kyis kyang /sems can rnams 'jig rten gyi dge ba dang / 'jig rten las 'das pa'i dge ba thams cad 'phel zhing skyed par byed pas na ma dang 'dra'o/ /de la 'jig rten gyi dge ba ni so so'i skye bo'i dus na pha rol tu phyin pa drug spyod pa'o//'jig rten las 'das pa'i dge ba ni sa dang po yan chad pha rol tu phyin pa drug dang / byang chub kyi phyogs kyi chos rnams bsgrub pa'o/ /nyes byas yongs su bsrung ba dang / /zhes bya ba la/ ji ltar mas bu la g.yang sa dang / ngam grog la sogs par mi ltung bar 'gyur ba srung bar byed pa de bzhin du byang chub sems dpa' rnams kyis kyang sems can rnams ngan song gsum du ltung bar 'gyur ba'i lus kyi nyes pa byed pa dang /ngag gi nyes pa byed pa dang / yid kyi nyes pa byed pa las bsrung zhing bzlog par byed pas na ma dang 'dra ba yin no//nyan cing shes par byed pa ste/ /zhes bya ba la/ ji ltar mas bu la 'jig rten gyi ming dang / tshig dang / brda dang / tha snyad rnams lobs pa dang mkhas par gyur pa slob par byed pa de bzhin du byang chub sems dpas kyang sangs rgyas dang byang chub sems dpa' rnams las dam pa'i chos nyan pa nas/ji ltar mnyan pa'i chos sems can la ston cing slob par byed de/ de bas na ma dang 'dra'o/ /las lnga yis ni sems can gyi/ /rgyal sras pha dang mtshungs pa'o/ /zhes bya ba la ji ltar phas bu la las rnam pa lngas phan 'dogs par byed pa de bzhin du byang chub sems dpas kyang las rnam pa lngas sems can la phan 'dogs par byed pas na byang chub sems dpa' rnams ni sems can gyi pha dang 'dra ba yin no//ji ltar phas las rnam pa lngas bu la phan 'dogs she na/ las rnam pa lnga ni sa bon 'debs par byed pa dang / bzo slob par byed pa dang / mthun pa'i mna' ma len par byed pa dang / grogs po dam pa la phan 'dogs par byed pa dang / bu lon med par byed pas phan 'dogs so/ /dad pa sems can thams cad la/ /thams cad du ni skyed pa dang //zhes bya ba la/ ji ltar phas bu'i lus skyed par byed pa'i sa bon khu ba ma bzhag na ni bu'i lus skye bar mi 'gyur bas lus rgyu khu ba 'jog par byed do/ /de bzhin du dad pa yang theg pa gsum gyi lus thob par byed pa'i sa bon yin te/ de bas na byang chub sems dpa' de rnams dkon mchog gsum gyi gdung mi gcod pa'i phyir/sems can gyi sems kyi rgyu la dad pa'i sa bon 'jog par byed de/ de'i phyir pha dang 'dra'o/ /lhag pa'i tshul khrims la sogs slob/ /ces bya ba la/ ji ltar phas bu la so so'i rigs dang mthun pa'i bzo slob par byed de/rgyal rigs zhig yin na ni dgra chos la sogs pa rgyal rigs kyis bslab par bya ba gang yin pa slob par byed pas na dmangs rigs pa sogs pa yang so so'i bzo slob par byed pa de bzhin du/ byang chub sems dpa' yang sems can la lhag pa'i tshul khrims kyi bslab pa dang /lhag pa'i sems kyi bslab pa dang / lhag pa'i shes rab kyi bslab pa gsum slob par byed pas na pha dang 'dra'o/ /rnam par grol ba sbyor ba'i phyir/ /zhes bya ba la ji ltar phas chung ma'i bde ba dang dga' ba bus myong bar bya ba'i phyir/bu dang rjes su mthun pa'i mna' ma len par byed pa de bzhin du byang chub sems dpas kyang sems can rnams mya ngan las 'das pa'i bde ba dang dga' ba sems can gyis myong bar bya ba'i phyir/ rnam par grol ba'i gnas su sems can rnams 'jog cing der sbyor bar byed pas pha dang 'dra'o//sangs rgyas la ni gsol ba 'debs/ /zhes bya ba la/ ji ltar phas bu de'i bu'i srog dang srid la phan par 'gyur ba'i grogs po dam pa dag la bu 'doms shing gtod par byed pa de bzhin du byang chub sems dpa' rnams kyis kyang sems can thams cad la phan par bya ba'i don du de bzhin gshegs pa rnams mya ngan las mi 'da' zhing bzhugs su gsol bar gsol ba 'debs pa dang /chos kyi 'khor lo bskor bar gsol ba 'debs te de bas na pha dang 'dra'o/ /sgrib pa de dag rnam par spang / /zhes bya ba la/ ji ltar phas bdag la bu lon yod pa'i snam bu la khrin dang gnyer du mi 'gyur bas snga nas sbyong bar byed pa de bzhin du byang chub sems dpa' rnams kyis kyang sems can rnams 'khor ba las 'dar mi ster cing mya ngan las 'das pa'i gnas su 'jug tu mi ster ba'i sgrib pa dang /shes bya'i sgrib pa sbyong bar byed de de bas na pha dang 'dra'o//dad pa ni sems can rnams 'phags pa'i lus so sor thob par 'gyur ba'i sa bon no zhes bya ba la ji ltar pha'i khu ba bu'i lus kyi sa bon yin te/ de las bsgrub pa bzhin du theg pa gsum gyis chos so so la yang dad pa'i dad pas kyang theg pa gsum du 'phags pa rnams kyi lus thob par byed pas na/dad pa ni 'phags pa'i lus thob par byed pa'i sa bon no/ /bzo ni slob pa zhes bya ba la/ sems can rigs bzhi so so'i rigs kyi bzo slob pa dang 'dra bar byang chub sems dpa' lhag pa'i tshul khrims la sogs pa bslab pa rnam pa gsum ni bzo'i las lta bu zhes bya ba'i don to/rnam par grol ba ni chung ma ste zhes bya ba la mya ngan las 'das pa ni chung ma lta bu ste/ ji ltar chung mas dga' ba dang bde ba myong bar byed pa de bzhin du byang chub sems dpa' mya ngan las 'das pa thob na yang bde ba dang dga' ba myong bar 'gyur bas na chung ma lta bu ste/bde ba ni lus la phan pa'o/ /dga' ba ni sems la phan pa'o/ /sgrib pa ni bu lon no zhes bya ba la/ ji srid du bu lon chags pa yod pas de srid du mi bde ba yod pa de bzhin du ji srid du sgrib pa gnyis ma spangs pa de srid du sems can rnams 'khor ba las mi 'da' zhing mya ngan las 'das pa'i gnas mi thob pas na nyon mongs pa dang shes bya'i sgrib pa gnyis ni bu lon lta bu'o//las lnga dag gis sems can gyi/ /rgyal sras rtsa lag 'dra ba'o/ / zhes bya ba la dper na nye dus nye du rnams la las rnam pa lngas phan 'dogs par byed pa de bzhin du byang chub sems dpa' rnams kyang las rnam pa lngas sems can la phan 'dogs par byed de/ de bas na byang chub sems dpa' rnams ni sems can rnams kyi rtsa lag lta bur gyur pa'o/ / de la rtsa lag rnams rtsa lag la las rnam pa lngas phan 'dogs par byed pa ni gsang thub par byed pa dang / nyes par byed pa la smod par byed pa dang / legs par byed pa la stod par byed pa dang / bya ba rnams rab tu ston par byed pa dang / nyon mongs pa'i gnas las zlog par byed pa'o//gang yang bstan par mi rigs par/ /sems can rnams la ston par byed/ /ces bya ba la ji ltar nye du rnams kyis nye du'i lus dang srog la gnod par 'gyur ba'i gsang ba dag gzhan la mi sgrogs shing sbed par byed pa dang / nye dus gsang ba'i tshig smras te gzhan pa'i rnams thub par byed pa de bzhin du byang chub sems dpa' yang sems can thos pa nyung ngu dang /nyan thos dang / rang sangs rgyas kyi theg pa rnams la zab cing rgya che ba'i chos zab mo dag mi ston cing gsang bar byed de/ de dag la zab mo bstan na skrag par 'gyur ba'i phyir ro//bslabs las nyams pa smod pa dang / /zhes bya ba la 'di ltar nye dus lus dang srog la gnod par 'gyur ba'i las ngan pa srog gcod pa la sogs pa byas na khyed kyis ma legs pa zhig byas so zhes smod par byed pa de bzhin du sems can rnams kyis lhag pa'i tshul khrims kyi bslab pa dang /lhag pa'i sems kyi bslab pa dang / lhag pa'i shes rab kyi bslab pa nyams pa rnams la ma legs so zhes smod par byed do/ /de bzhin phun sum tshogs la bsngags/ /zhes bya ba la ji ltar nye dus nye du dag lus dang srog la phan par 'gyur ba'i las legs pa zhig byas nas las 'di lta bu dag byas pa legs so zhes stod par byed pa de bzhin du sems can rnams lhag pa'i tshul khrims dang sems dang shes rab phun sum tshogs par 'gyur na legs so zhes stod par byed do//lung ston par byed ces bya ba la ji ltar gnyen rnams gnyen gyi phyi dang nang gi bya ba rnams kyi grogs byed cing ston par byed pa de bzhin du byang chub sems dpa' rnams kyis kyang /sems can sa dang po la sogs par khong du chud par bya ba'i phyir bklag pa dang / bsam gtan bsgom pa la sogs pa'i man ngag sbyin par byed do//bdud rnams kyang ni rig par byed/ /ces bya ba la ji ltar gnyen gyis gnyen rnams btson du bzung ba dang / rgyal po dang / rkun po dang / me dang / chu la sogs pa'i 'jigs pa byung na/ 'jigs pa de las bzlog cing 'jigs pa'i skyabs byed pa de bzhin du byang chub sems dpa' rnams kyis kyang sems can rnams 'dod pa'i yon tan lnga la sogs pa la sems g.yengs pa rnams/'di dag ni bdud kyi las yin no zhes bstan cing bslabs te bdud kyi las yin par rig par byas nas bdud kyi las byed pa las zlog par byed do//las lnga dag gis sems can gyi/ /rgyal sras grogs po 'dra ba'o/ /zhes bya ba la/ ji ltar grogs pos grogs po la las rnam pa lngas phan 'dogs par byed pa de bzhin du byang chub sems dpas kyang las rnam pa lngas sems can la phan 'dogs par byed pas na byang chub sems dpa' rnams ni sems can thams cad kyi grogs por 'gyur ba'o//de la grogs pos grogs po la ji ltar na las rnam pa lngas phan 'dogs she na/ 'di ltar las rnam pa lnga ni grogs po la phan pa dang / bde ba phyin ci ma log par shes pa dang /bde ba dang phan pa stobs pa dang / mi skyo ba dang / mi phyed pa dang / rtag tu phan pa dang bde bar 'dod pa'o/ /nyon mongs rnam par byang ba las/ /bdag gi 'khrul pa med pa'i blos/ /zhes bya ba la ji ltar grogs pos grogs po la ji ltar byas na phan pa dang bde bar 'gyur ba phyin ci ma log par shes so//de bzhin du byang chub sems dpa' rnams kyis kyang nyon mongs pa'i phyogs dang / rnam par byang ba'i phyogs kyi chos la blo 'khrul pa med de nyon mongs pa'i phyogs la rnam par byang ba'i chos su mi 'dzin/ rnam par byang ba'i chos la nyon mongs pa'i phyogs su mi 'dzin gyi nyon mongs pa la yang nyon mongs pa nyid du shes rnam par byang ba'i chos la yang rnam par byang ba'i chos nyid du shes pa'o/ /de la sdug bsngal dang kun 'byung gi bden pa gnyis ni nyon mongs pa'i phyogs so/ / 'gog pa dang lam gnyis ni rnam par byang ba'i phyogs so/ /yang na ma rig pa'i rkyen gyis 'du byed nas skye ba'i rkyen gyis rga shi ni nyon mongs pa'i phyogs so/ /ma rig pa 'gags na 'du byed 'gag pa nas skye ba 'gags na rga shi 'gag pa'i bar dag ni rnam par byang ba'i phyogs so//'jig rten 'byor pa ma lus dang / /zhes bya ba la ji ltar grogs pos grogs po la 'phral du srog dang srid pa bde bar 'gyur ba stobs pa de bzhin du byang chub sems dpas kyang sems can rnams brgya byin dang / tshangs pa dang / 'khor los sgyur ba la sogs pa'i 'jig rten gyi phun sum tshogs pa'i bde ba la sems can 'god par byed cing de lta bu dag sbyin par byed do zhes bya ba'i don to//'jig rten pa yang ma yin sbyin/ /zhes bya ba la/ ji ltar grogs pos grogs po la nam nam zhar zhar srog dang srid la phan par 'gyur ba'i phan yon stobs pa bzhin du byang chub sems dpa' rnams kyis kyang sems can rnams 'jig rten las 'das pa'i phun sum tshogs pa theg pa chen po'i mya ngan las 'das pa la 'jog pas na phan par byed pa yin no//de la 'jig rten gyi phan pa dang bde ba ni 'phral du srog dang srid la phan pa ni bde ba'o//yun ring srog dang srid la phan pa ni phan pa'o/ /skyo ba med cing zhes bya ba la ji ltar grogs po dag grogs po la phan pa dang bde ba bya ba la skyo ba med pa de bzhin du byang chub sems dpa' yang sems can rnams 'jig rten gyi phun sum tshogs pa bde ba dang /'jig rten las 'das pa'i phun sum tshogs pa phan pa la sems can 'god par bya ba la skyo ba cung zad kyang med do/ /mi phyed pa zhes bya ba la ji ltar grogs po dag gis bdag gi grogs dang 'bye bar 'gyur ba'i phra ma smras kyang phyed par mi 'gyur ba de bzhin du byang chub sems dpa' rnams sems can gyi don du dka' ba spyod pa rnam pa sna tshogs pa spyod cing pha rol tu phyin pa drug spyod pa la bdud la sogs pa'i dbang du mi 'gyur ba dang /grang ba dang tsha ba la sogs pa sdug bsngal rnam pa sna tshogs kyi dbang du mi 'gyur te/byang chub sems dpa'i spyod pa las phyed par mi 'gyur ro/ /rtag tu bde dang phan 'dod do/ /zhes bya ba la ji ltar grogs pos grogs po rnams dus thams cad du bde ba dang / phan pa'i chos dang ldan par 'dod cing dad la sems can la yang rtag tu de ltar sems pa de bzhin du byang chub sems dpa' yang dus thams cad du sems can rnams phan pa dang bde ba dang ldan zhing rtag tu chos de dag dang 'grogs par 'dod do//'jig rten gyi phun sum tshogs pa ni bde ba ste zhes bya ba la brgya byin dang / tshangs pa la sogs pa'i 'jig rten gyi phun sum tshogs pa rnams la bkod pa ni bde ba zhes bya ste/de'i dus na 'jig rten 'jig rten gyi longs spyod kyi bde ba myong ba'i phyir ro/ /nyon mongs pa'i nad kyi gnyen po'i phyir zhes bya ba la sogs pa la 'jig rten las 'das pa'i mya ngan las 'das pa dang /de'i lam la bkod pa la ni phan pa zhes bya ste/ ci'i phyir zhe na dper na sman 'thungs na nad la phan pa bzhin du 'jig rten las 'das pa'i chos kyis kyang nyon mongs pa'i nad thams cad sel bar byed pas ni phan pa zhes bya'o/ /las lnga dag gis sems can gyi rgyal sras bran dang 'dra ba'o zhes bya ba la ji ltar bran las rnam pa lngas jo bo la phan 'dogs par byed pa de bzhin du byang chub sems dpas kyang las rnam pa lngas sems can la phan 'dogs par byed de/de bas na byang chub sems dpa' ni sems can thams cad kyi bran dang 'dra'o//bran jo bo la las rnam pa lngas phan 'dogs pa'i las rnam pa lnga gang zhe na/ bya ba la spro ba dang ldan pa yin/ mi slu ba yin spyo zhing brdegs kyang bzod pa yin/ 'dod pa thams cad bya ba la mkhas pa yin/ thabs mkhas la khong gzo ba shes pa can yin no//sems can yongs su smin byed la/ /thams cad du ni brtson pa dang / /zhes bya ba la ji ltar bran jo bo'i bya ba la spro ba dang ldan pa yin te skyo ba dang le lo med cing / brtson par byed pa de bzhin du byang chub sems dpa' yongs su sbyin par bya ba la bar 'ga' byed/ bar 'ga' mi byed pa ma yin gyi/dus thams cad du sems can gyi don byed de skyo ba dang le lo med cing brtson 'grus dang ldan pa yin no/ /yang dag 'byung bar smra ba dang / /zhes bya ba la ji ltar bran brdzun dang / g.yo sgyu med de/ jo bo la mthong ba dang / thos pa la sogs pa drang por smra zhing mi slu ba yin pa de bzhin du byang chub sems dpa' rnams kyis kyang sdug bsngal dang /kun 'byung gnyis la ni nyon mongs pa'i phyogs yin par ma nor bar ston/ 'gog pa dang lam gnyis la ni rnam par byang ba'i phyogs gnyis ka ma nor bar ston cing nyon mongs pa dang / las dang / sdug bsngal las 'byung bar 'gyur ba'i chos ma nor bar smra zhing ston pas na bran dang 'dra ba'o/ /log par byed la bzod pa dang / /zhes bya ba la ji ltar bran jo bos tshig drag pos spyo zhing brdegs kyang sdug bsngal bzod cing nyams su len la jo bo mi gtong ba de bzhin du/sems can rnams kyis lus dang ngag gi sgo nas byang chub sems dpa' la gnod pa rnam pa sna tshogs byas pa dang / phan btags kyang slar log par gnod pa nyams su len cing sems can yongs su mi gtong bas na bran lta bu'o/ /phun sum tshogs pa gnyis gtong ba//zhes bya ba la/ ji ltar bran 'dod pa thams cad bya ba la mkhas pa yin te/ jo bo gang dang gang dgos pa'i rnam pa yid bzhin du sbyor zhing stobs par byed pa de bzhin du byang chub sems dpas kyang sems can thams cad la 'jig rten gyi phun sum tshogs pa dang / 'jig rten las 'das pa'i phun sum tshogs pa gtong zhing stobs par byed pas na bran dang 'dra'o//yang na phun sum tshogs pa gnyis gtong ba ni bsod nams kyi tshogs rdzogs par byed pa dang / ye shes kyi tshogs rdzogs par byed pa'o/ /de dag gi ni thabs la mkhas/ /zhes bya ba la ji ltar bran thabs la khong gzo bas shes pa can yin te/jo bo'i las su bya ba ci dang ci bya ba rnams/ myur du 'grub par bya ba'i thabs la mkhas pa de bzhin du byang chub sems dpa' yang sems can rnams kyis 'jig rten gyi phun sum tshogs pa dang / 'jig rten las 'das pa'i phun sum tshogs pa 'grub par 'gyur ba'i thabs la mkhas pa yin te/'jig rten gyi phun sum tshogs pa 'grub par 'gyur ba'i thabs ni sbyin pa dang tshul khrims la sogs pa'o/ /'jig rten las 'das pa'i phun sum tshogs pa'i thabs ni byang chub kyi phyogs sum cu rtsa bdun bsgom pa'o//las lnga dag gis sems can gyi/ /rgyas sras slob dpon 'dra ba'o/ /zhes bya ba la ji ltar las rnam pa lngas slob dpon gyis slob ma la phan 'dogs par byed pa de bzhin du byang chub sems dpa' rnams kyis kyang / las rnam pa lngas sems can la phan 'dogs par byed do//slob dpon gyi las rnam pa lnga gang zhe na/ bdag nyid shin tu bslab pa dang / thams cad slob par byed pa dang / myur du slob par byed pa dang / /de'i rang bzhin can gyi phyir mdangs can dang / zang zing med pa'i sems dang ldan pa'o/ / mi skye ba'i chos la bzod pa thob pa zhes bya ba la 'di ltar slob dpon bdag nyid shin tu bslabs pa yin te/ bshad par bya ba dang / shes par bya ba'i chos thams cad ma lus par shes pa dang / gdod phan 'dogs par byas par slob dpon yin pa de bzhin du/ byang chub sems dpa' sa brgyad thob pa ni mi skye ba'i chos la bzod pa thob pas shes par bya ba dang /mngon par 'du bya ba dang / bsgom par bya ba dang / spang bar ba ba'i chos rnams la lhun gyis grub par spyod pa'i rnam par mi rtog pa'i ye shes thob pas na/ slob dpon shin tu bslab pa dang 'dra ba yin no/ /gang 'dod pa/ theg pa thams cad ston pa dang / /zhes bya ba la ji ltar slob dpon thams cad slob par byed de/ kha cig slob kha cig mi slob pa ma yin gyi/ bdag ci shes pa rnams slob ma la ma lus par slob par byed pa de bzhin du byang chub sems dpa' rnams kyang /sems can mi skye ba'i chos la bzod pa thob par 'dod pa rnams la theg pa 'ga' ston pa ma yin gyi/ nyan thos dang / rang sangs rgyas dang / theg pa chen po'i chos thams cad ma lus par ston cing / slob par byed pas na/slob dpon lta bu'o/ /rnal 'byor grub par sbyor ba dang / /zhes bya ba la ji ltar 'jig rten pa'i slob dpon sgra'i gtsug lag dang / rgyu'i gtsug lag la sogs pa 'chad pa/ slob ma nye g.yog tu bkol ba'i phyir/ slob ma de dag myur du lobs par mi byed kyi/dus ring pos lobs par byed do/ /slob dpon yang dag pa dag ni de lta ma yin te/ slob ma bslab pa'i rnams bslab ba'i las dag myur du lobs par byed pa de bzhin du rnal 'byor gyi sgra ni zhi gnas dang lhag mthong bsgom pa la bya ste/ sems can rnams kyis zhi gnas dang lhag mthong sgrub pa'i ting nge 'dzin myur du 'grub par 'gyur bar sbyor bar byed pas na/slob dpon lta bu yin no/ /mdangs can dang ni zhes bya ba la ji ltar slob dpon dag slob ma la byams pa'i sems yin pas/ bzhin khro gnyer med cing / rtag tu yang 'dzum pa dang tshig 'jam por smra ba de bzhin du/byang chub sems dpa' rnams kyang sems can thams cad la byams pa'i sems dang ldan pas khro gnyer med cing bzhin mdangs can ston pa la/ tshig 'jam pos smra bas na slob dpon lta bu'o/ /phyir bya ba dang / rnam par smin pa re ba med//ces bya ba la/ ji ltar slob dpon slob ma la chos ston cing 'chad pa la sogs pa byed pa yang / rnyed pa dang bkur sti la sogs pa'i sems zang zing can gyis ston pa ma yin gyi/ slob ma'i sdug bsngal med par bya'o snyam pa'i sems snying rje dang ldan pas ston pa de bzhin du/byang chub sems dpa' sems can rnams la phan pa dang bde ba byed pa yang / tshe 'di la phan btags pa'i lan la re ba med pa dang / tshe phyi ma rnam par smin pa'i 'bras bu la re ba med pas phan 'dogs par byed de/ de bas na slob dpon dang 'dra'o//las lnga dag gis sems can gyi/ /rgyal sras mkhan po 'dra ba'o/ /zhes bya ba la ji ltar mkhan pos slob ma rnams la las rnam pa lngas phan 'dogs par byed pa de bzhin du byang chub sems dpas kyang las rnam pa lngas sems can la phan 'dogs par byed pas na byang chub sems dpa' ni sems can thams cad kyi mkhan po lta bu yin no//mkhan po las rnam pa lngas slob ma la phan 'dogs pa'i las rnam pa gang zhe na/ rab tu 'byung bar byed pa dang / bsnyen par rdzogs par byed pa dang nyes pa yongs su spong ba ston par byed pa dang /zang zing gis sdud pa dang / chos kyis sdud pa'o/ /sems can don la rab brtson pa/ /tshogs ni rdzogs par byed pa dang / /zhes bya ba la ji ltar mkhan pos slob ma khyim nas khyim med par rab tu 'byung ste/ dge sbyong gi bslab pa byin nas/ rab tu 'byin par byed pa de bzhin du/ byang chub sems dpa' sems can gyi don la brtson pa rnams kyang / sems can bsod nams dang ye shes kyi tshogs ma rdzogs pa rnams/ tshogs gnyis rdzogs par 'byin par byed pas na mkhan po lta bu'o//tshogs bsags grol bar byed pa dang / /zhes bya ba la/ ji ltar mkhan pos slob ma rab tu byung nas/ bslab pa nyis brgya lnga bcu byin te/ bsnyen par rdzogs par byed pa de bzhin du/ byang chub sems dpa' rnams kyis kyang sems can tshogs gnyis rdzogs pa dag rnam par grol ba mya ngan las 'das pa'i gnas su phyin par byed pas na/byang chub sems dpa' rnams mkhan po lta bu'o/ /mi mthun phyogs ni nyams par byed/ /ces bya ba la ji ltar mkhan pos slob ma la/phas pham pa dang ltung ba dang nyes byas la sogs pa gang dang gang yin pa ston cing / nyes pa la 'jug pa las zlog cing spong bar byed pa de bzhin du byang chub sems dpas kyang sems can rnams la rnam par grol ba dang / mya ngan las 'das pa thob par bya ba la bgegs su gyur pa/pha rol tu phyin pa drug gi mi mthun pa'i phyogs nyams shing spong bar byed pas na mkhan po lta bu'o/ /'jig rten phun sum tshogs sna tshogs/ /zhes bya ba la ji ltar mkhan pos slob ma la/ chos gos dang lhung bzed la sogs pa'i yo byad 'jig rten gyi zang zing gis phan 'dogs par byed pa de bzhin du/byang chub sems dpas kyang sems can thams cad brgya byin dang / tshangs pa la sogs pa 'jig rten gyi phun sum tshogs pa rnam pa sna tshogs pa thob par byed pas mkhan po lta bu'o/ / 'jig rten ma yin sbyor bar byed/ /ces bya ba la ji ltar mkhan pos slob ma la chos bstan pa'i sgo nas kyang phan 'dogs par byed pa de bzhin du/ byang chub sems dpa' rnams kyis kyang / sems can 'jig rten las 'das pa'i phun sum tshogs pa theg pa gsum gyi lam dang /mya ngan las 'das pa la 'jog par byed pas na mkhan po lta bu'o/ /drin gzo ba'i rnam par dbye ba'i tshigs su bcad pa gnyis so zhes bya ba la byang chub sems dpa' pha rol tu phyin pa drug la sogs pa la sems can la phan btags na phan btags pa'i sems can rnams byang chub sems dpa' la drin du gzo ba la/byang chub sems dpa' sems can pha rol tu phyin pa drug la gnas na/ sems can la drin du gzo bar byed de/ de ltar na sems can dang / byang chub sems dpa' gnyi ga phan tshun gcig la gcig drin du gzo bar byed pa tshigs su bcad pa gnyis kyis bstan to zhes bya ba'i don to//longs spyod la ni ma chags shing / /zhes bya ba la sems can bza' ba dang / bgo ba la sogs pa'i yo byad kyis phongs pa rnams la/ yo byad thams cad byin te longs spyod dang ldan par byas na sems can/ de dag byang chub sems dpa' la drin du gzo bar byed do/ /de bzhin du sems can longs spyod dang ldan pa/ de dag gis longs spyod dang ldan pa dang / ser sna spangs nas sbyin pa la sogs pa la 'jug pa na/ sems can 'di dag gis phan btags pa zhes sems can de dag la byang chub sems dpa' drin du gzo bar byed do//tshul khrims kyang ni ral ba med/ /ces bya ba la/ byang chub sems dpa' sems can rnams tshul khrims la bkod na/ sems can de dag byang chub sems dpa' la drin du gzo bar byed pa de bzhin du sems can rnams kyis kyang /ji ltar byang chub sems dpa' tshul khrims la bkod pa'i sems can de dag gis tshul khrims nyams par ma byas te/ phas pham pa la bag bya ste/ bsrung ba bzhin du nyes byas la sogs pa nyes pa phra mo rnams la yang /bag byas na byang chub sems dpa' sems can de dag la drin du gzo bar byed do/ /drin du gzo ba dang ldan pa ste zhes bya ba la sems can rnams kyis lus dang ngag gi sgo nas byang chub sems dpa' la gnod pa byas kyang byang chub sems dpa' gnod pa dang ldan pa des/sems can la slar gnod pa mi byed pa rnams la/ slar phan 'dogs par byed de/ des na sems can rnams byang chub sems dpa' bdag cag la gnod pa ma byas so zhes byang chub sems dpa' drin du gzo bar byed la/ byang chub sems dpa' bzod pa la dga' bas sems can de dag kyang bzod pa la gnas par gyur na/sems can de dag la byang chub sems dpa' yang drin du gzo bar byed do/ /bsgrub pa la yang sbyor ba'o/ /zhes pa la/ sems can rnams byang chub sems dpas brtson 'grus bsgrub pa dang /bsam gtan bsgrub pa dang / shes rab bsgrub pa la bkod na/ sems can de dag byang chub sems dpa' la drin du gzo bar byed pa de bzhin du/ byang chub sems dpas ji ltar bkod pa ltar/ /sems can brtson 'grus bsgrub pa dang /bsam gtan bsgrub pa dang / shes rab bsgrub pa na/ byang chub sems dpa' sems can de dag la drin du gzo bar byed do/ /pha rol phyin pa drug la ni/ /de ltar lus can sgrub par byed/ /de bzhin byang chub sems dpa' la/ /phyir yang drin du gzo bar 'gyur//zhes bya ba la 'di ltar byang chub sems dpa' sems can rnams pha rol tu phyin pa drug la bkod na/ sems can rnams byang chub sems dpa' la drin du gzo ba byed do/ /de bzhin du pha rol tu phyin pa drug la sems can bkod de/ lus can sems can rnams kyis pha rol tu phyin pa drug sgrub par byed na/'di dag gis bdag la phan btags so zhes de dag la byang chub sems dpa' drin du gzo bar byed do/ /de bzhin zhes bya ba ni ji ltar byang chub sems dpa' la drin du gzo ba de ltar ro zhes bya ba la sems can rnams pha rol tu phyin pa drug spyod pa la bkod na/sems can de dag byang chub sems dpas bdag cag la phan btags so zhes byang chub sems dpa' la drin du gzo bar byed pa de bzhin du/ sems can rnams pha rol tu phyin pa drug sgrub par byed na yang / sems can 'di dag gis bdag la phan btags so zhes sems can de dag la byang chub sems dpa' slar drin du gzo bar byed do//tshul khrims la'o zhes bya ba ni byang chub sems dpa' sems can tshul khrims la bkod na/ sems can de dag byang chub sems dpa' la drin du gzo bar byed pa ltar/sems can de dag tshul khrims la gnas na yang / sems can de dag la byang chub sems dpa' drin du gzo bar byed do/ /bzod pa la dga' ba/ byang chub sems dpas phan pa byas pa la drin du gzo ba'i phyir/ drin du gzo ba dang ldan pa ni bzod pa'o zhes bya ba la sems can gyis byang chub sems dpa' la gnod pa byas kyang /sems can de dag la byang chub sems dpa' gnod pa mi byed pas gnod pa byas pa'i sems can des byang chub sems dpa' bzod pa la dga' ba shes nas/ byang chub sems dpa' phan btags pa'i sems can de la phan pa byas la drin du gzo ba'i phyir/ drin du gzo ba'i sems kyis byang chub sems dpa' bzod pa la dag pa'i sems dang mthun par bzod pa la gnas par byed na/ sems can de la byang chub sems dpa' drin du gzo bar byed do//gang gis gang du sgrub par byed pa'i phyir/ /zhes bya ba la gang gis sgrub par byed ce na/ brtson 'grus kyis sgrub par byed do/ /gang la sgrub par byed ce na/ bsam gtan dang shes rab la sgrub par byed do/ /re ba rnam par dbye ba'i tshigs su bcad pa zhes bya ba de ltar sems can la phan 'dogs pa la zhugs pa'i byang chub sems dpa' de gnas rnam pa lnga ji ltar thob par bya zhe na re ba dang smon pa skye ste/de bstan pa la tshigs su bcad pa gcig brtsams so zhes bya ba'i don to/ / 'phel ba dang ni zhes bya ba la byang chub sems dpa' rnams rtag tu sbyin pa'i pha rol tu phyin pa nas shes rab kyi pha rol tu phyin pa'i bar du pha rol tu phyin pa drug ji ltar 'phel bar 'gyur zhes re zhing 'dod de/ 'di ni re ba'i gnas rnam pa gcig go/ /'bri bar 'dod ces bya ba la byang chub sems dpa' rnams pha rol tu phyin pa drug gi mi mthun pa'i phyogs/ser sna nas 'chal ba'i shes rab kyi bar dag rtag tu ji ltar 'phri zhing nyams par 'gyur zhes re zhing 'dod de/ 'di ni re zhing 'dod pa'i gnas rnam pa gnyis so//sems can rnams ni smin pa dang / /zhes bya ba la byang chub sems dpa' rnams ni sems can rtag tu dad pa ma skyes pa rnams ni dad pa skyed/ dad pa skyes pa rnams ni dge ba la 'god/ dge ba la bkod pa rnams ni yongs su smin par bya'o zhes re zhing 'dod de/'di ni re ba'i gnas rnam pa gsum mo/ /sa la khyad par 'gro ba dang / /zhes bya ba la byang chub sems dpa' rnams ni rtag tu sa dang po thob nas/ sa gnyis pa ji ltar thob par bya zhes 'dod pa nas/ sa dgu pa thob na sa bcu pa ji ltar thob par bya zhes 'dod cing re ste/'di ni re ba'i gnas rnam pa bzhi pa'o/ /rtag tu bla med byang chub la'o/ /zhes bya ba ni byang chub sems dpa' rnams dus thams cad du sa bcu las 'das nas/ sangs rgyas ji ltar thob par bya zhes 'dod de/ 'di ni re ba'i gnas rnam pa lnga pa ste/byang chub sems dpa' rnams re zhing 'dod na yang gnas lnga po de dag la re zhing 'dod pa skye ste/ 'jig rten gyi phun sum tshogs pa'am/ nyan thos dang / rang sangs rgyas kyi lam dang / mya ngan las 'das pa la ni re ba cung zad kyang mi skye'o//sbyor ba chud mi za ba'i rnam par dbye ba'i tshigs su bcad pa zhes bya ba la nyan thos dag gis sbyor ba byas pa nas/ bdag gi don du zhus pas sems can gyi don med pa'i phyir chud zos pa dang / 'jig rten pa dag gi sbyor ba ni phal cher 'bras bu med par 'gyur bas chud zos pa yin gyi/byang chub sems dpa' re ba phyin ci ma log cing re ba phun sum tshogs pa dang ldan pas las su ji dang ji byas pa rnams de bzhin du 'bras bu grub cing 'bras bu med par mi 'gyur na sbyor ba chud mi za ba zhes bya ste/ de'ang sbyor ba rnam pa bzhi chud mi za'o/ / 'jigs pa spangs dang zhes bya ba la gal te theg pa chen po'i chos zab cing rgya che ba la skrag na ni byang chub sems dpa' de theg pa chen po la sbyor ba las chud zos pa yin na ni/ byang chub sems dpa' rnams ni zab cing rgya che ba'i chos la bdag nyid kyang skrag cing 'jigs pa med pa/sems can rnams theg pa chen po'i don la/ skrag cing 'jigs pa yang sel bar byed pas na/ sbyor ba chud mi za ba zhes bya ste/ 'di ni chud mi za ba rnam pa gcig go/ /de la chos dang gang zag bdag med pa ni zab pa'o/ /sa dang pha rol tu phyin pa rnams ni rgya che ba'o//bskyed pa dang zhes bya ba la/ gal te byang chub sems dpa' bdag dang sems can dag 'jig rten gyi phun sum tshogs pa 'dod pa'i phyir sems bskyed dam/ nyan thos dang / rang sangs rgyas kyi phun sum tshogs pa 'dod pa'i sems bskyed na ni sbyor ba chud zos pa yin na/byang chub sems dpa' ni de ltar mi mdzad kyi/ bdag dang sems can rnams kyang bla na med pa'i byang chub tu sems skyed par byed pas na/ byang chub kyi sems las ma nyams pa'i phyir sbyor ba chud ma zos te/ 'di ni chud ma zos pa rnam pa gnyis pa'o/ /the tshom yang ni gcod pa dang //zhes bya ba la gal te sems can bla na med pa'i byang chub tu sems bskyed pa rnams theg pa chen po'i chos la the tshom bcad na ni sems can de dag byang chub tu sems bskyed pa las log par 'gyur ba chud za ba yin na/ byang chub tu sems bskyed pa rnams theg pa chen po'i chos la the tshom za ba'i the tshom gcod par byed pas na byang chub kyi sems las mi ldog pa'i phyir sbyor ba chud mi za ste/'di ni chud mi za ba rnam pa gsum pa'o/ /bsgrub pa dag ni gdams ngag rnams/ /rgyal sras rtag tu chud mi za/ /zhes bya ba la gal te byang chub sems dpa' rnams kyi sangs rgyas dang byang chub sems kyis/sa dang pha rol tu phyin pa'i gdams ngag bstan pa bzhin du/ bdag nyid kyang mi bsgrub cing / sems can la yang bsgrub pa'i gdams ngag mi ston na sbyor ba chud zos pa yin na/ byang chub sems dpa'i bdag nyid kyang yang dag pa'i gdams ngag dang man ngag bzhin du sgrub par byed pa yin la/sems can la yang yang dag pa'i gdams ngag dang man ngag ston par byed pas sbyor ba chud mi za ste/ 'di ni chud mi za ba rnam pa bzhi pa ste/ 'di ni chud mi za ba gong du bshad pa'i chos bzhi ni byang chub sems dpa' rnams kyi rtag tu chud mi za ba'i chos zhes bya'o//yang dag pa'i sbyor ba'i rnam par dbye ba'i tshigs su bcad pa gnyis so zhes bya ba la sbyor ba ni las su byed pa la bya ste/ de ltar chud mi za ba la gnas pa'i byang chub sems dpa' lus dang ngag dang yid gsum gyi sgo nas las su byed pa rnams ma nor bar byed par 'gyur te/de bas na las su byed pa la ma nor bar byed pa tshigs su bcad pa gnyis kyis bstan to/ /sbyin pa la ni re ba med/ /ces bya ba la brel ba dang phongs pa rnams la chos dang zang zing dang /mi 'jigs pa'i sbyin pa byas kyang / tshe 'di la phan 'dogs pa'i lan yang re ba med la/ tshe rabs gzhan du yang longs spyod chen po'i rnam par smin pa la re ba med par gtong ste/ de ltar gtod pa ni sbyin pa'i pha rol tu phyin pa yang dag par sbyor ba'o//tshul khrims sred par 'dod pa med/ /ces bya ba la tshul khrims bsrungs nas lha dang mi'i nang du skye bar 'gyur ba yin na/ byang chub sems dpa' tshul khrims bsrung ba ni srid pa'i bde ba lha dang mi'i gnas thob par bya ba'i phyir bsrung ba ma yin gyi/bla na med pa'i byang chub thob par bya ba'i phyir bsrung ste/ 'di ni tshul khrims kyi pha rol tu phyin pa la yang dag par sbyor ba'o/ /thams cad du ni bzod pa dang / /zhes bya ba la lus kyi sgo nas mi rdeg pa dang ngag gi sgo nas tshig rtsub po tsam mi 'byin kyang sems la khong khro ba yod na/thams cad du bzod pa ma yin gyi/ byang chub sems dpa' ni lus dang ngag gi gnod pa mi byed pa bzhin du yid la yang khong khro ba med pas na/ thams cad du bzod pa zhes bya ste/ 'di ni bzod pa'i pha rol tu phyin pa la yang dag par sbyor ba'o/ / brtson 'grus dge ba thams cad 'byung / /zhes bya ba la pha rol tu phyin pa 'ga' tsam bsgrub pa'i phyir brtson 'grus rtsom pa'am/ theg pa 'ga' tsam gyi chos la brtson 'grus rtsam pa ni dge ba thams cad 'byung ba'i brtson 'grus zhes mi bya'i/ byang chub sems dpa' rnams ni pha rol tu phyin pa thams cad dang /theg pa gsum char gyi chos la yang brtson 'grus rtsom pas na/ dge ba thams cad 'byung ba'i brtson 'grus zhes bya ste/ 'di ni brtson 'grus kyi pha rol tu phyin pa la yang dag par sbyor ba'o/ /de bzhin gzugs med ma yin bsam gtan dang //zhes bya ba la byang chub sems dpa' rnams bsam gtan bsgom pa ni bsam gtan gyi 'bras bu 'dod pa'i khams dang / gzugs kyi khams su skye bar 'gyur bar bsgom gyi gzugs med pa'i khams su skye bar 'gyur ba'i bsam gtan mi bsgom ste/gzugs med pa'i khams su skyes nas bdag nyid sangs rgyas kyi chos yongs su smin par bya ba dang / sems can yongs su smin par bya ba'i mtha' med pa'i phyir te/ de lta bu'i bsam gtan ni bsam gtan gyi pha rol tu phyin pa la yang dag par sbyor ba zhes bya'o//shes rab thabs dang ldan na ni/ /zhes bya ba la thabs yod la shes rab med pa dang shes rab yod pa la thabs med pa ni byang chub sems dpa'i 'ching ba yin pas/ chos rnams stong pa nyid du shes pa'i shes rab de sems can yongs su smin par byed pa'i thabs bsdu ba'i dngos po bzhi dang ldan na/thabs kyis yongs su zin pa'i shes rab yin te/ de lta bu ni byang chub sems dpa'i shes rab kyi pha rol tu phyin pa'i yang dag pa'i sbyor ba'o/ /pha rol phyin pa drug rnams la/ /bstan pa rnams kyis yang dag sbyor//zhes bya ba la gong du bshad pa lta bur pha rol tu phyin pa drug la sbyor na bstan pa byang chub sems dpa' rnams pha rol tu phyin pa rnams la yang dag pa dang ma nor bar sbyor ba yin no zhes bya ba'i don to/ /ji ltar dkon mchog brtsegs pa las kyang zhes bya ba la sogs pa la gong du bshad pa lta bur pha rol tu phyin pa drug la sbyor na/pha rol tu phyin pa drug la yang dag par sbyor ba yin par/ 'phags pa dkon mchog brtsegs pa'i mdo las kyang bshad de/ ji skad du gsungs she na/ rnam par smin pa la mi re ba'i sbyin pa dang /srid pa'i skye ba thams cad la mi gnas pa'i tshul khrims dang / sems can thams cad la khong khro ba med pa'i bzod pa dang / dge ba'i rtsa ba thams cad yang dag par sdud pa'i brtson 'grus dang / gzugs med pa'i khams kyis ma gos pa'i bsam gtan dang thabs la mkhas pas bsdu ba'i dngos po bzhi dang rab tu ldan pa'i thabs kyis yongs su zin pa'i shes rab dang zhes bya ba gsungs so//nyams pa dang khyad par gyi phyogs kyi chos rnam par dbye ba la tshigs su bcad pa rnam pa gnyis so zhes bya ba la chos gang gnas na pha rol tu phyin pa drug las nyams par 'gyur ba'i nyams pa'i phyogs kyi chos zhes bya'o//chos gang la gnas na pha rol tu phyin pa rnams 'phel zhing 'bogs par 'gyur ba'i chos la ni khyad par gyi phyogs kyi chos zhes bya ste/byang chub sems dpa' yang dag pa'i sbyor ba la gnas pa de dag pha rol tu phyin pa drug gi mi mthun pa'i phyogs ni nyams shing 'bri bar 'gyur la/ de'i gnyen por gyur pa'i chos rnams ni zla ba yar gyi ngo bzhin du 'phel bar 'gyur te/ de bas na nyams pa dang 'phel bar 'gyur ba tshigs su bcad pa gnyis kyis bstan to/ /longs spyod chags dang zhes bya ba la gzugs la sogs pa'i 'dod pa lnga'i yon tan la chags pa ni longs spyod la chags pa zhes bya ste/ byang chub sems dpa' longs spyod la chags na sbyin pa yongs su gtong bar mi nus pas/sbyin pa'i pha rol tu phyin pa las nyams par 'gyur ro/ /ral bar bcas zhes bya ba la byang chub sems dpas bslab tshig phra mo dag kyang nyams par byas na/ des tshul khrims kyi pha rol tu phyin pa las nyams par 'gyur ro//nga rgyal dang ni zhes bya ba la/ mkhan po dang slob dpon dang gang zag yon tan can la lus dang ngag dang yid kyis gus pa med pa ni nga rgyal dang bcas pa zhes bya ste/ yod pa'i rnams la bzod par mi nus mi srid pa srid pas nga rgyal gyis ni bzod pa'i pha rol tu phyin pa nyams par 'gyur ro//nyams rangs dang zhes bya ba la nyal ba dang 'phros pa la sogs pa'i bde ba tsam la chags pa ni nyams rangs zhes bya ste/ de ltar nyams rangs yod na brtson 'grus kyi pha rol tu phyin pa la 'jug tu mi btub pas brtson 'grus kyi pha rol tu phyin pa las nyams par 'gyur ro//myong dang zhes bya ba la myang ba ni bsam gtan gyi ro la chags pa ste/ bsam gtan gyi ro myongs na bsam gtan las nyams par 'gyur bas na bsam gtan gyi pha rol tu phyin pa las nyams par 'gyur ba'i rgyu'o//rnam par rtog pa ni zhes bya ba la bdag dang sems can dang / rdzas kyi dngos po la sogs pa yod par rtog pa ni rnam par rtog pa zhes bya ste/ de ltar brtags na rnam par mi rtog pa'i shes rab mi 'byung bas/ shes rab las nyams par 'gyur ba'i rgyu'o/ / de rnams kyi ni gnyen po la/ /gnas pa'i byang chub sems dpa' ni/ /de dag las ni bzlog pas na/ /khyad par phyogs chos shes par bya/ /zhes bya ba la de rnams kyi sgras ni gong du bshad pa'i longs spyod la chags pa nas/ rnam par rtog pa dang ldan pa'i nyams par gyur pa'i rgyu drug la bya ste/rgyu drug po de'i gnyen po ni longs spyod la ma chags pa dang / tshul khrims ma ral ba dang / nga rgyal med pa dang / rang nyams med pa dang / bsam gtan gyi ro la mi myang ba dang / bdag dang sems can dang / chos rnams la yod par mi rigs pa ste/gnyen po'i chos de drug la gnas pa ni nag po'i chos las bzlog ste/ dkar po'i phyogs la gnas pas sbyin pa'i pha rol tu phyin pa nas shes rab kyi pha rol tu phyin pa'i bar du pha rol tu phyin pa drug 'bogs shing khyad par du 'gro ba'i chos yin no zhes bya ba'i don to//yon tan gyi gzugs brnyan du gyur pa dbye ba la tshigs su bcad pa drug ste/ gcig rtsa ba drug pa'o zhes bya ba la pha rol tu phyin pa drug las nyams par 'gyur ba'i rgyu dang / pha rol tu phyin pa drug 'phel bar 'gyur ba'i rgyur bshad de/ de la byang chub sems dpa' pha rol tu phyin pa drug nyams par 'gyur ba'i rgyu la gnas na ni yon tan gyi gzugs brnyan la gnas pa zhes bya ba ste/de la yang dag pa'i yon tan med kyi/ yon tan sgyu ma tsam la gnas pa'o/ /gal te pha rol tu phyin pa'i rgyu la gnas na ni byang chub sems dpa' de yang dag pa'i yon tan la gnas pa zhes bya ste/de bstan pa'i phyir tshigs su bcad pa gnyis rtsom mo/ /de la tshigs su bcad pa dang po ni rtsa ba drug pa'o/ /stobs pa dang zhes bya ba la phyi dang nang gi sbyin no zhes tshig gis stobs par byed pa tsam du zad kyi/phyi nang gi dngos po gtong ba'i sbyin pa sgrub pa med pa na sbyin pa yang dag pa ma yin gyi/ sbyin pa'i gzugs brnyan la gnas pa zhes bya ste/ tshul 'chos dang zhes bya ba phas pham pa dang ltung ba la sogs pa'i nyes pa ni mi srung zhing nyes pa rgyun du 'byung la/ spyod lam tsam gyi sgo nas tshul 'chos pa la yon tan dang 'dra bar ston pa ni tshul khrims kyi gzugs brnyan la gnas pa zhes bya'o/ /ngag 'jam pa dag ston pa dang / /zhes bya ba la/ sems la sems can thams cad kyi zhe sdang spangs pa'i byams pa med pa la/ rtag tu sems can la gsod par bya ba'i zhe sdang dang / sems ldan zhing tshig gi sgo nas 'jam zhing snyan pa tsam smra ba ni bzod pa'i gzugs brnyan la gnas pa zhes bya'o/ /glo bur 'jug pa de bzhin te/ /zhes bya ba la rgyun du dge ba la brtson 'grus byed pa ni med kyi skye bo mang po'i nang du brtson 'grus che ba dang phul 'phral la glo bur du brtson 'grus rtsom pa ni brtson 'grus kyi gzugs brnyan la gnas pa'o//lus dang ngag yid de bzhin ni/ /zhes bya ba ni lus zhi ste shing drung dang brag la sogs pa'i gnas na gnas pa dang / ngag zhi ste smra ba mang po mi smra bar byed kyang sems la rgod pa dang g.yeng ba rnam pa sna tshogs rgyun du 'byung ste/de ni bsam gtan gyi gzugs brnyan la gnas pa'o/ /tshig snyan phun sum tshogs pa dang / /zhes bya ba la theg pa gsum gyi chos rnams kyi rang dang spyi'i mtshan nyid la shes pa ni med kyi/'jig rten gyi sgra'i gtsug lag dang rgyu'i gtsug lag shes shing smra ba'i dus na tshig 'brel ba tsam du smra bar zad kyi don gang la bya gtol med na shes rab kyi gzugs brnyan la gnas pa zhes bya'o/ /bsgrub pa rab tu spangs pa ste/ / yang dag ma yin par yang bshad/ /ces bya ba la stobs pa tsam la gnas nas tshig snyan pa phun sum tshogs pa la gnas par zad kyi sbyin pa sgrub pa nas chos kyi rang dang spyi'i mtshan nyid rtogs pa'i sgrub pa med na/ byang chub sems dpa' de yang dag pa'i byang chub sems dpa' ma yin par bshad de/pha rol tu phyin pa'i gzugs brnyan tsam la gnas pa'i byang chub sems dpa' yin par bshad do/ /bzlog pa rab tu sbyor ba ni/ /yang dag par ni de bshad do/ /zhes bya ba la gong du bshad pa'i stobs pa nas tshig snyan pa phun sum tshogs pa spyod pa las bzlog ste/sbyin pa la sogs pa nas chos kyi mtshan nyid rtogs pa'i shes rab la spyod pa na byang chub sems dpa' de yang dag pa'i yon tan la gnas par bshad do/ /'dul ba rnam par dbye ba la tshigs su bcad pa zhes bya ba la/ de ltar yang dag pa'i yon tan la gnas pa'i byang chub sems dpa' des ni sems can gyi sems kyi rgyud la pha rol tu phyin pa drug dang / mi mthun pa yod pa'i phyogs rnams 'dul bar byed par nus te/ de bas na 'dul ba rnam par dbye ba la tshigs su bcad pa gcig gis bstan to//de'ang mdor na/ gang gis 'dul ba dang / sa gang la gnas pa na 'dul ba dang / chos gang bsgrubs pas 'dul ba dang / gang gis 'dul ba dang / gang 'dul bas 'dul ba rnam par dbye ba bstan to/ /blo ldan zhes bya ba las kun ni sa bcu kun la bya ste/sa gang la gnas pa'i tshe 'dul zhe na/ sa bcu la gnas pa'i tshe 'dul lo/ /sbyin pa la sogs nyer bsgrubs pas/ /zhes bya ba la chos gang bsgrubs she na/ sa bcu rnams su pha rol tu phyin pa drug gi chos rnams bsgrubs pas 'dul lo/ /sems can rnams kyis zhes bya ba la su yis 'dul zhe na/sems can rnams kyis 'dul lo/ /mi mthun phyogs rnams drug ni 'dul bar byed/ /ces bya ba la ci zhig 'dul zhe na/ sems can rnams kyi sems kyi rgyud la pha rol tu phyin pa drug gi mi mthun pa'i phyogs ser sna nas 'chal ba'i shes rab kyi bar dag yod par 'dul te/de la byang chub sems dpa' sbyin pa bsgrubs pas ni sems can gyi ser sna 'dul lo/ /tshul khrims bsgrubs pas ni sems can gyi ngan pa'i ngang tshul 'dul lo/ /bzod pa bsgrubs pas ni khong khro ba 'dul lo/ brtson 'grus bsgrubs pas ni sems can gyi le lo 'dul lo//bsam gtan bsgrubs pas ni sems can gyi sems g.yeng ba 'dul lo/ /shes rab bsgrubs pas ni sems can gyi 'chal ba'i shes rab 'dul lo/ /lung bstan pa rnam par dbye ba'i tshigs su bcad pa zhes bya ba la de ltar byang chub sems dpa' bdag nyid kyang yang dag pa'i yon tan la gnas shing sems can gyi sems kyi rgyud la pha rol tu phyin pa drug dang mi mthun pa'i phyogs yod pa 'dul ba la zhugs pa de bdag nyid bla na med pa'i byang chub tu lung bsgom pa 'thob par 'gyur zhing mi skye ba'i chos la bzod pa thob pa'i gnas/sa brgyad pa la yang 'jug par 'gyur te/de bas na lung du bstan pa rnam par dbye ba'i tshigs su bcad pa gsum gyis bstan to/ /blo ldan lung bstan rnam gnyis te/ /gang zag dus kyi bye brag gis/ /zhes bya ba la blo dang ldan pa byang chub sems dpa' rnams bla na med pa'i byang chub tu lung bstan pa rnam pa gnyis yod de/gang zag gi bye brag gis lung bstan pa dang / dus kyi bye brag gis lung bstan pa'o/ /de la gang zag gi bye brag gis bstan pa la rnam pa bzhi ste/ rigs la gnas pa'i gang zag lung bstan pa dang / byang chub tu sems bskyed pa'i gang zag lung bstan pa dang /mngon du gyur pa'i gang zag lung bstan pa dang / mngon du gyur pa ma yin pa'i gang zag lung bstan pa'o/ /de la rigs la gnas pa'i gang zag lung bstan pa ni sbyin pa nas shes rab kyi pha rol tu phyin pa drug gi rigs dang sa bon yod pas byang chub tu sems bskyed kyang pha rol tu phyin pa drug gi mtshan ma snang na gang zag de de bzhin gshegs pa rnams kyis bla na med pa'i byang chub tu 'tshang rgya bar 'gyur ro zhes lung ston gyi theg pa chen po'i rigs yod kyang rig pa'i mtshan ma med pa rnams ni 'tshang rgya bar 'gyur bar lung mi ston te/sems bskyed pa'i lung bstan pa rigs la gnas pa'i gang zag las bdag dang sems can phan par 'dod pa'i phyir dad pa dang / mos pa chen po'i shugs kyis dkon mchog gsum la mchod pa rgya chen po byas nas bla na med pa'i byang chub tu sems bskyed na/ de la de bzhin gshegs pa rnams kyis gang zag 'di ma 'ongs pa'i dus na 'tshang rgya bar 'gyur ro zhes lung bstan to/ /mngon sum du 'gyur bar lung bstan pa ni de bzhin gshegs pa chos 'chad pa'i 'og tu gang zag de 'dus na/ de la de bzhin gshegs pa gang zag 'di mngon par 'tshang rgya bar 'gyur ro zhes lung bstan pa'o//mngon sum ma yin pa la lung bstan pa ni gang zag lung ston par 'os pa ste/ de bzhin gshegs pa chos 'chad pa'i 'khor du tshogs pa ni ma yin gyi/ de'i tshe 'jig rten gyi khams gzhan la gnas pa'am/sangs rgyas mya ngan las 'das pa'i 'og tu 'byung ba ste/ de dag la de bzhin gshegs pa rnams kyis 'jig rten gyi khams che ge mo zhig na gnas pa'i gang zag 'tshang rgya bar 'gyur ro zhes lung ston pa'am/ ma 'ongs pa na gang zag 'di lta bu dag 'byung ste/de mngon par 'tshang rgya bar 'gyur ro zhes lung ston pa ste/ dper na A tsAr+ya nA ga rdzun lung bstan pa lta bu'o/ /dus kyi bye brag gis lung ston pa la rnam pa gnyis te/ dus dpag tu yod par lung ston pa dang dus dpag tu med par lung ston par lo dang zla ba dang bskal pa grangs chad par byas nas lung ston pa ste/bskal pa brgya zhe'am stong zhe'am bskal pa bye ba stong ji snyed cig na 'tshang rgya bar 'gyur ro zhes lung ston par 'gyur ro zhes ston pa'o/ /dus dpag tu med par lung ston pa ni bskal pa'i grangs chad pa med de/'di ltar gang zag 'di nam zhig na 'tshang rgya bar 'gyur ro zhes lung ston pa'o/ /byang chub pa dang lung bstan dang / /zhes bya ba la yang lung bstan pa rnam pa gnyis te/ byang chub tu lung bstan pa dang / lung bstan pa'i lung bstan pa'o/ /de la byang chub tu lung bstan pa ni ma 'ongs pa na/sangs rgyas che ge mo zhig mngon par 'tshang rgya bar 'gyur ro zhes lung ston pa ste/ dper na shAkya thub pas ma 'ongs pa na sangs rgyas byams pa zhes bya ba 'byung bar 'gyur ro zhes lung ston pa'o/ /lung ston pa'i lung bstan pa ni nam zhig na gang zag gang 'byung ba de bzhin gshegs pa nyid kyis lung mi ston gyi ma 'ongs pa na de bzhin gshegs pa che ge mo zhig 'byung bar 'gyur te/des gang zag che ge mo zhig bla na med pa'i byang chub tu 'tshang rgya bar 'gyur ro zhes lung bstan par 'gyur ro//gzhan yang chen por shin tu bshad/ /ces bya ba la/ lung bstan pa rnam pa gzhan yang yod de/ gang zhe na/ gang chen por lung bstan pa'o/ /de la chen por lung bstan pa ni sa brgyad pa'i byang chub sems dpa' rnams bla na med pa'i byang chub tu lung bstan pa zhes bya'o//sa brgyad pa lung bstan pa la/ ci'i phyir chen por lung bstan pa zhes bya zhe na/ de'i phyir/ mi skye bzod pa thob pa dang / /nga dang spyod pa spangs pa dang / /sangs rgyas thams cad rgyal sras dang / /gcig gis dngos su gyur pa'i phyir ro//zhes bya ba smos te sa brgyad pa la mi skye ba'i chos la bzod pa thob pas/ nga spangs pa ste/ rtsol ba dang 'bad pa spangs pa dang / spyod pa spangs pa ste/ mtshan ma dang bcas pa'i spyod pa spangs pa dang / sangs rgyas thams cad dang / phrin las gcig tu gyur pa las sa brgyad pa la zhugs pa'i byang chub sems dpa' thams cad dang /phrin las gcig cing rnam par mi rtog pa lhun gyis grub pa brnyes pa rang bzhin gcig pas na/ sa brgyad pa lung bstan pa ni chen por lung bstan pa zhes bya'o/ /lung bstan pa'i rnam grangs gzhan yang bstan pa'i phyir/zhing dang dus dang ming dag dang / /de yang bskal pa'i ming dag dang / /g.yog dang rjes su 'jug pa dang / /dam chos rnams su de 'dod do/ /zhes bya ba smos te/ gzhan yang sangs rgyas kyi zhing bde ba can zhe'am/ che ge mo zhig tu sangs rgyas kyi mtshan snang ba mtha' yas zhe'am che ge mo zhig dus 'di srid cig 'das nas/bskal pa'i ming skar ma can zhe'am/ che ge mo zhig tu nyan thos kyi g.yog 'di snyed cig dang / de'i rjes su 'brang ba'i byang chub sems dpa' 'di snyed cig 'khor du 'gyur zhing de mngon par sangs rgyas te bshad pa'i chos rnams kyang bskal pa 'di snyed cig tu gnas par 'gyur ro zhes lung bstan pa'o//yang byang chub tu lung ston pa yin zhes bya ba la yang bstan pa gnyis te/ byang chub tu lung bstan pa dang / lung bstan pa'i lung bstan pa'o//de la byang chub tu lung bstan pa ni ma 'ongs pa na de bzhin gshegs pa che ge mo zhig mngon par rdzogs par 'tshang rgya bar 'gyur ro zhes lung ston pa'o/ /de bzhin gshegs pa 'di zhes bya bas/ dus che ge mo zhig na zhes bya ba la sogs pa'o/ / lung bstan pa'i lung bstan pa ni gang zag gang zhig lung ston na/ de bzhin gshegs pa de nyid kyis de la lung mi ston gyi nam zhig na de bzhin gshegs pa che ge mo zhig 'di srid cig na/ 'byung bar 'gyur te des gang zag che ge mo zhig bla na med pa'i byang chub tu 'tshang rgya bar 'gyur ro zhes lung ston pa ni lung ston pa'i lung ston pa zhes bya'o//gzhan yang lung bstan pa chen po ni sa brgyad pa la mi skye ba'i bzod pa thob pa'i phyir/ bdag sangs rgyas su 'gyur ro zhes bya ba la lung bstan pa'i grangs su gzhan yang yod de/ gang zhe na/ lung bstan pa chen po zhes bya ba'o/ /de las brgyad pa la zhugs pa'i byang chub sems dpa' rnams de bzhin gshegs pa thams cad kyis/ bla na med pa'i byang chub tu lung bstan pa ni lung bstan pa zhes bya'o/ /ci'i phyir/ de'i tshe lung bstan pa zhes bya zhe na/ de'i tshe mi skye ba'i chos la bzod pa thob pa'i phyir/sa brgyad pa la zhugs pa'i byang chub sems dpa' de bdag nyid gdon mi za bar bla na med pa'i byang chub tu 'tshang rgya bar shes pas bdag 'tshang rgya bar 'gyur ro zhes bdag nyid kyis bdag nyid la yang lung ston cing de bzhin gshegs pa rnams kyis kyang lung ston par mdzad pas na/lung ston pa zhes bya'o/ /sa brgyad pa la zhugs pa ji ltar na mi skye ba'i chos la bzod pa thob ce na de'i phyir/ nga rgyal spangs pa'i phyir dang / mtshan ma la spyod pa spangs pa'i phyir dang / de dang bdag gi rgyud tha dad pa med par ma mthong bas zhes bya ba la sogs pa smos te/sa brgyad pa la zhugs pa'i tshe/ rtsol ba dang 'bad pa thams cad spangs pas na nga rgyal spangs pa zhes bya'o/ /mdo sde la sogs pa'i chos mang po la mtshan ma rnam pa sna tshogs su yid la byed pa spangs pas na/mtshan ma la spyod pa spangs pa zhes bya'o/ /sa brgyad pa la zhugs pa'i byang chub sems dpa' rnams te de bzhin gshegs pa thams cad dang / bdag nyid du rnam par mi rtog pa'i ye shes lhun gyis grub pa thob pa mi 'dra ba med de/ rgyud tha dad pa med par mthong bas/de'i tshe mi skye ba'i chos la bzod pa thob cing bdag 'tshang rgya bar 'gyur ro zhes bdag la bdag lung ston pa dang / de bzhin gshegs pa rnams kyis kyang sangs rgyas par 'gyur ro zhes lung ston pas ni/ lung ston pa chen po zhes bya'o/ /nges par 'gyur ba rnam par dbye ba'i tshigs su bcad pa rtsa ba drug pa ste/zhes bya ba la/ gong du bshad pa lta bur lung bstan pa la sogs pa yon tan dang ldan pa byang chub sems dpa' de pha rol tu phyin pa drug sgrub pa yang de dag gi 'bras bu thob par 'dod pa'i sgrub pa ni ma yin gyi bla na med pa'i byang chub thob par 'dod pa'i phyir sgrub mod kyi/pha rol tu phyin pa'i 'bras bu rnam pa drug kyang gdon mi za ba dang / nges par 'thob par 'gyur te/ de bas na nges par 'gyur ba'i rnam par dbye ba'i tshigs su bcad pa rtsa ba drug pa gcig gis bstan to/ /blo ldan phun sum tshogs pa dang //skye dang skye med nges par 'gyur/ /rtag tu sgom par byed pa dang / /mnyam par gzhag las mi nyams dang / /bya ba 'grub dang lhun gyis 'grub/ /kun du bzod pa thob pa la/ /zhes bya ba la byang chub sems dpa' pha rol tu phyin pa drug sgrub pa na/pha rol tu phyin pa drug gi 'bras bu rnam pa drug nges par 'thob par 'gyur te/ 'bras bu nges par thob pa rnam pa drug ni phun sum tshogs pa nges par 'thob par 'gyur ba dang / skye ba nges par 'thob par 'gyur ba dang / mi skye ba nges par 'thob par 'gyur ba dang /rtag tu bsgom pa nges par 'thob par 'gyur ba dang / mnyam par gzhag pa las mi nyams pa nges par 'thob par 'gyur ba dang / bya ba bsgrub pa nges par 'thob par 'gyur ba dang / lhun gyis grub cing mi skye ba'i chos la bzod pa thob pa nges par 'thob par 'gyur ba'o//rtag tu rgya chen po'i longs spyod phun sum tshogs pa thob pa'i phyir ro zhes bya ba la sbyin pa'i pha rol tu phyin pa bsgrubs pas na phun sum tshogs pa nges par thob par 'gyur te/ sbyin pa'i mthus byang chub sems dpa' gang nas gang du skyes pa ste de dag thams cad du brgya byin dang tshangs pa dang /'khor los sgyur ba la sogs pa'i longs spyod 'thob par gdon mi za ba'i phyir ro/ /rtag tu ji ltar 'dod pa bzhin du/ skye ba yongs su 'dzin pa'i phyir ro zhes bya ba la tshul khrims kyi pha rol tu phyin pa bsgrubs pas ni skye ba nges par 'thob par 'gyur te/tshul khrims dang ldan pa byang chub sems dpa' sems can la phan pa bzhin du las dang nyon mongs pa'i dbang gis 'khor bar skye ba lta bu ni ma yin gyi/ lha dang mi la sogs pa'i gnas de dang / de dag tu ji dgar skye bar 'gyur bar gdon mi za ba'i phyir ro//rtag tu 'khor ba'i sdug bsngal gyis mi skyo ba'i phyir ro zhes bya ba la bzod pa'i pha rol tu phyin pa bsgrubs pas ni mi skyo ba'i nges pa 'thob par 'gyur te/ bzod pa la gnas pa rnams dus thams cad du yang bdag dang / sems can gyi don du zhugs pa na grang ba dang tsha ba la sogs pa'i sdug bsngal thams cad kyis skyo ba med pa'i sems thob par gdon mi za ba'i phyir ro//rtag tu bsgom pa rgyun mi 'chad pa'i phyir ro zhes bya ba ni brtson 'grus kyi pha rol tu phyin pa bsgrubs pas/ rtag tu bsgom pa nges par thob par 'gyur te/brtson 'grus kyi mthus/ byang chub sems dpa' gar skyes gar skyes kyang de dag thams cad du 'jig rten dang 'jig rten las 'das pa'i dge ba bsgom pa la rgyun mi 'chad par bsgom pa gdon mi za ba 'thob par 'gyur ba'i phyir ro//rtag tu ting nge 'dzin las mi nyams pa dang / sems can bya ba bsgrub pa'i phyir ro zhes bya ba la bsam gtan gyi pha rol tu phyin pa bsgrubs pas ni mnyam par gzhag pa las mi nyams pa nges par 'thob par 'gyur ba dang / bya ba bsgrub pa nges par 'thob par 'gyur te/ji lta zhe na bsam gtan bsgrubs pa'i mthus/ byang chub sems dpa' tshe rabs gar skyes gar skyes kyang bsam gtan la gnas nas nams kyang nyams par mi 'gyur bar gdon mi za ba dang / bsam gtan gyi mthus/ rdzu 'phrul bsgrubs nas rdzu 'phrul gyis sems can gyi don bsgrub par gdon mi za bar rnam par nges par rnam pa gnyis ni bsam gtan gyi 'bras bu yin par bsdu'o/ /kun du rnam par mi rtog pa'i ye shes lhun gyis grub pa la gnas pa'i phyir ro zhes bya ba la shes rab kyi pha rol tu phyin pa bsgrubs pas ni lhun gyis grub par mi skye ba'i chos la bzod pa thob par nges par 'gyur te/ci'i phyir zhe na/ shes rab bsgoms pa'i mthus sa brgyad pa thob pa dang / rnam par mi rtog pa'i ye shes lhun gyis grub pa la gnas pa la gdon mi za bar 'thob par 'gyur te/de bas na shes rab kyi 'bras bu ni lhun gyis grub par mi skye ba'i chos la bzod pa thob par nges pa'o/ /gdon mi za bar bya ba'i rnam par dbye ba'i tshigs su bcad pa rtsa ba drug ste zhes bya ba la chos gang ma byas na/ byang chub sems dpa' bla na med pa'i byang chub tu 'tshang rgya bar mi 'gyur te/de bas na mi byar mi rung ba'i chos la gdon mi za bar bya ba zhes bya ste/ de tshigs su bcad pa rtsa ba drug pa gcig gis bstan to/ /mchod pa dang zhes bya ba la sbyin pa'i pha rol tu phyin pas ni de bzhin gshegs pa thams cad la chos gos dang /lhung bzed la sogs pa mchod pa mi byar mi rung ste/ 'di ni sbyin pa'i pha rol tu phyin pa gdon mi za bar bya'o/ /bslab pa'i yi dam dang zhes bya ba la/ tshul khrims kyi pha rol tu phyin pas ni mkhan po dang slob dpon las/byang chub sems dpa'i tshul khrims kyi bslab pa yang dag par blangs nas bslab pa mi nyams par bya'o zhes dam bcas pa bzhin du/ bslab pa mi dral mi nyams par bya bar mi byar mi rung ste/ 'di ni tshul khrims kyi pha rol tu phyin pa la gdon mi za bar bya ba'o//snying rje zhes bya ba la/ bzod pa'i pha rol tu phyin pas ni sems can gyi sdug bsngal bar bya ba'i snying rje'i sems mi byar mi rung ste/ 'di ni bzod pa'i pha rol tu phyin pa gdon mi za bar bya ba'o/ /dge ba sgom pa dang zhes bya ba la/ brtson 'grus kyi pha rol tu phyin pas ni 'jig rten dang 'jig rten las 'das pa'i dge ba rgyun du bsgom pa mi byar mi rung ste/de ni brtson 'grus kyi pha rol tu phyin pa gdon mi za bar bya'o/ /bag yod de bzhin dgon pa dang / /zhes bya ba la/ bsam gtan gyi pha rol tu phyin pas ni bag med pa'i gnas su 'du 'dzi spangs nas dgon pa na gnas pa mi byar mi rung ste/de ni bsam gtan gyi pha rol tu phyin pa gdon mi za bar bya ba'o/ /thos pa'i don la mi ngoms pa/ /zhes bya ba la shes rab kyi pha rol tu phyin pas ni dge ba'i bshes gnyen mang po la brten cing mdo sde la sogs pa gsung rab mang du mnyan pa la chog mi shes pa mi byar mi rung ste/de ni shes rab kyi pha rol tu phyin pa gdon mi za bar bya ba'o/ /sa rnams kun la brtan pa yi/ /gdon mi za bar bya ba rnams/ /zhes bya ba gong du bshad pa'i chos mi byar mi rung ba rnam pa drug ni sa bcu kun du byang chub sems dpa' rnams kyis mi byar mi rung ba yin te/gdon mi za bar bya dgos pa yin no zhes bya ba'i don to/ /rgyun du bya ba la rnam par dbye ba'i tshigs su bcad pa rnam pa gnyis te zhes bya ba la bskal pa re re/ lo re re/ nyi ma re re/ skad cig ma re re la yang phreng ma chad par bya ba ni rgyun du bya ba zhes bya ste/ chos rnam pa drug ni rgyun du bya ba yin par tshigs su bcad pa gnyis kyis bstan to zhes bya ba'i don to/ /'dod pa'i nyes la shes pa dang / /zhes bya ba la 'dod pa'i gzugs dang / sgra dang / dri dang / ro dang / reg ste 'dod pa lnga'i yon tan la bya'o/ /byang chub sems dpas ser sna spang zhing sbyin pa'i pha rol tu phyin pa rdzogs par bya ba'i phyir/ 'dod pa lnga'i nyes pa mi rtag pa dang / sdug bsngal ba dang / rmi lam dang / sgyu ma lta bu dang / dug dang / mtshon lta bu yin par rtag tu shes par bya ste/ de ltar du yid la byas na longs spyod la sogs pa'i sems mi 'byung bas sbyin pa rdzogs par 'gyur ro/ /'khrul pa dag la rnam par rtog /ces bya ba la ngan ba'i ngang tshul spangs shing tshul khrims kyi pha rol tu phyin pa rdzogs par bya ba'i phyir/tshul khrims nyams par 'gyur ba'i rgyu lus kyi 'khrul pa ji yod pa dang / ngag gi 'khrul pa ji yod pa dang / yid kyi 'khrul pa ji yod pa la rtag tu brtag cing / 'khrul pa mi 'byung bar bag bya ste/ de ltar byas na ngan pa'i ngang tshul dang bral zhing tshul khrims kyi pha rol tu phyin pa yongs su rdzogs par 'gyur ro//de bzhin sdug bsngal bzod pa dang / /zhes bya ba la bzod pa'i pha rol tu phyin pas ni bdag dang sems can gyi don du phyi dang nang gi sdug bsngal rnam pa sna tshogs myong ba nyams su blang zhing bzod par bya ba rgyun du bya ste/de ltar byas na zhe sdang spangs shing bzod pa'i pha rol tu phyin pa rdzogs par 'gyur ro/ /dge ba dag kyang goms par byed/ /ces bya ba la brtson 'grus kyi pha rol tu phyin pas ni 'jig rten dang 'jig rten las 'das pa'i dge ba rgyun du bsgom par bya ste/de ltar na le lo spangs shing brtson 'grus kyi pha rol tu phyin pa rdzogs par 'gyur ro/ /de ltar bde ba'i ro mi myang ba zhes bya ba la/ bsam gtan gyi pha rol tu phyin pas ni bsam gtan gyi bde ba'i ro la ma chags shing bsam gtan gyi ro mi myang bar rgyun du bya ste/de ltar byas na bsam gtan las mi nyams par 'gyur zhing bsam gtan gyi pha rol tu phyin pa myur du rdzogs par 'gyur ro/ /mtshan ma dag la mi rtog cing / /zhes bya ba la/ shes rab kyi pha rol tu phyin pas bdag dang chos dang sems can rnams la sogs pa dag la yod pa dang /med par rtog pa'i mtshan ma la mi rtog pa rgyun du bya ste/ de ltar byas na log pa'i shes rab spangs shing shes rab kyi pha rol tu phyin pa myur du rdzogs par 'gyur ro/ /sa rnams kun la bstan pa yi/ /rtag tu bya ba rnams yin no//zhes bya ba la gong du bshad pa'i chos drug po dag ni sa bcu thams cad du byang chub sems dpa' rnams kyis rtag tu rgyun mi 'chad par yid la bya ba yin no zhes bya ba'i don to/ /dam pa'i dngos po rnam par dbye ba'i tshigs su bcad pa rtsa ba drug pa'o zhes bya ba la/de ltar mi byar mi rung ba'i chos dang / rgyun du bya ba'i chos la gnas pa'i byang chub sems dpa' de yon tan dam pa dang ldan par 'gyur te/ yon tan dam pa dang ldan bas na byang chub sems dpa' nyid kyang sems can thams cad kyi mchog dang dam par 'gyur te/de bas na dam pa'i dngos po gang yin pa tshigs su bcad pa rtsa ba drug pa gcig gis bstan to/ /chos sbyin pa dang zhes bya ba la/ sbyin pa rnam pa gsum ste/ zang zing sbyin pa dang mi 'jigs pa sbyin pa dang / chos sbyin pa'o/ /de la sbyin pa rnam pa gsum las chos kyi sbyin pa ni sbyin pa'i dam pa yin te/ci'i phyir zhe na/ chos sbyin pas ni 'jig rten las 'das pa'i phun sum tshogs pa 'grub la mi 'jigs pa dang / zang zing sbyin pas ni 'jig rten gyi phun sum tshogs pa 'grub par 'gyur ba'i phyir chos sbyin pa dam pa ste/de bas na rdo rje gcod pa la sogs pa'i mdo las kyang / gang gis stong gsum gyi stong chen po'i 'jig rten gyi khams rin po che sna bdun gyis bkang ste byin pa bas/ gang gis mdo 'di las tshig bzhi pa'i tshigs su bcad pa gcig tsam bstan cing bshad na bsod nams dpag tu med pa 'phel bar 'gyur zhes gsungs pa lta bu'o//tshul khrims dag ces bya ba la/ tshul khrims la rnam pa gsum ste/ so sor thar pa'i sdom pa dang / bsam gtan gyi sdom pa dang / zag pa med pa'i sdom pa las gang 'phags pa rnams dgyes pa'i tshul khrims rnam par dag pa'i rang bzhin zag pa med pa'i sdom pa ni sdom pa rnam pa gsum gyi nang na dam pa yin no//yang na tshul khrims rnam pa gsum ste/ sdom pa'i tshul khrims dang / dge ba sdud pa'i tshul khrims dang /sems can gyi don byed pa'i tshul khrims dang gsum las/ tshul khrims rnam par dag pa zhes bya ba ni/ dge ba sdud pa'i tshul khrims la bya ste/ dge ba sdud pa'i tshul khrims gsum gyi nang na dam pa yin no/ /de bzhin ma skyes bzod pa dang //zhes bya ba la bzod pa rnam pa gsum ste/ sdug bsngal ji mi snyam pa'i bzod pa dang / gnod pa nyams su len pa'i bzod pa dang / chos la nges par rtog pa'i bzod pa dang gsum las chos la nges par rtog pa'i bzod pa ni bzod pa'i dam pa yin no//de la mos pas spyod pa'i sa bzhi las bzod pa'i dus de kho na phyogs gcig la zhugs pa'i ting nge 'dzin dang ldan pa'i shes rab kyis rtogs pa la/ chos la nges par rtog pa'i bzod pa zhes bya'o/ /theg chen brtson 'grus brtsams pa dang //zhes bya ba la 'jig rten pa dag lha dang mi la sogs pa'i 'bras bu thob par bya ba'i phyir/ dge ba la brtson 'grus rtsom pa yang yod/ 'phags pa nyan thos dang / rang sangs rgyas dag rang gi theg pa la nyan pa dang / sems pa dang / bsgom pa'i sgo nas brtson 'grus rtsom pa yang yod mod kyi/theg pa chen po'i chos zab cing rgya che ba nyan pa dang / sems pa dang / bsgom pa la sogs pa'i sgo nas/ brtson 'grus rtsom pa ni brtson 'grus thams cad kyi dam pa yin no/ /mthar ni snying rje ldan par gnas//zhes bya ba la gzugs kyi khams kyi bsam gtan dang po dang / gnyis pa dang / gsum pa dang / bzhi pa las mtha'i sgras ni bsam gtan bzhi pa la bya ste/ tshad med pa bzhi las snying rje tshad med pa dang ldan pa'i bsam gtan bzhi pa ni bsam gtan gyi nang na dam pa yin no//yang tshad med pa bzhi dang ldan pa'i zag pa med pa'i bsam gtan bzhi pa ni bsam gtan gyi nang na dam pa yin no/ /shes rab pha rol phyin pa la/ /zhes bya ba la pha rol tu phyin pa drug las/ sbyin pa'i pha rol tu phyin pa nas bsam gtan gyi pha rol tu phyin pa'i bar du pha rol tu phyin pa lnga las/shes rab kyi pha rol tu phyin pa dam pa yin te/ de bas na shes rab kyi pha rol tu phyin pa 'bum la sogs pa'i nang nas kyang / gal te sbyin pa'i pha rol tu phyin pa yongs su rdzogs par 'dod na/ shes rab kyi pha rol tu phyin pa la bslab par bya'o zhes bya ba la sogs pa gsungs so//bshad pa rnam par gzhag pa dbye ba'i tshigs su bcad pa bzhi ste zhes bya ba la de ltar yon tan mchog dang ldan pa byang chub sems dpa' de/ sems can 'dul bar bya ba'i thabs kyang shes shing /thabs de shes pas sems can rnams kyi ston par 'gyur ro/ /sems can gyi ston par 'gyur na/ sems can rnams la chos 'chad pa la yang mkhas par 'gyur te/ chos bshad pa yang rnam pa bzhi 'chad do/ /gang zhe na chos rnam par gzhag pa 'chad pa dang /bden pa rnam par gzhag pa 'chad pa dang / rigs rnam par gzhag pa 'chad pa dang / theg pa rnam par gzhag pa 'chad pa ste/ rnam par gzhag pa bzhi 'chad pa tshigs su bcad pa bzhis bstan to/ /mdo sogs rnam pa'i bye brag gis//rig pa'i gnas ni rnam par gzhag /sa rnams bdun la blo ldan pa'i/ /chos rnams rnam par gzhag rig bya/ /zhes bya ba la mdo la sogs pa ni/ mdo'i sde dang / lung du bstan pa'i sde dang / tshigs su bcad pa'i sde la sogs pa gsung rab yan lag bcu gnyis la bya'o//rnam pa'i bye brag gis zhes bya ba ni/ gsung rab yan lag bcu gnyis kyi tshul du'am/ gsung rab yan lag bcu gnyis dang mi 'gal bar zhes bya ba'i don to/ /gsung rab yan lag bcu gnyis dang mi 'gal bar nang rig pa dang /rgyu rig pa dang / sgra rig pa dang / gso ba rig pa dang / bzo'i las kyi gnas rig pa rnam par gzhag cing sems can gzhan la 'chad na/ byang chub sems dpa' rnam pa bcu kun du chos rnam par gzhag pa yin par rig par bya'o/ /de nyid rnam bdun brten pa las//bden pa dag kyang rnam gzhag yin/ /zhes bya ba la/ de kho na nyid rnam pa bdun la brten nas/ de kho na nyid rnam pa bdun 'chad cing ston pa ni bden pa bzhi rnam par gzhag pa 'chad pa yin par rig par bya'o/ /rigs dang theg pa rnam par gzhag pa ni/rnam pa bzhi dang rnam pa gsum yin no zhes bya ba la rigs pa bzhi ste/ ltos pa'i rigs pa dang / bya ba byed pa'i rigs pa dang / 'thad pa bsgrub pa'i rigs pa dang / chos nyid kyi rigs pa ste/ rigs pa bzhi sems can la 'chad na/ rigs pa rnam par gzhag pa 'chad pa zhes bya'o/ de la 'jig rten gyi tshul gyis rigs pa bzhi bshad na/ mig dang gzugs la ltos nas/ mig gi rnam par shes pa skye ba dang / sa bon la ltos nas myu gu skye ba ni ltos pa'i rigs pa zhes bya'o/ /de ltar dngos po rnams rgyu dang rkyen la ltos nas skyes pa'i 'og tu rang gi las byed pa ni bya ba byed pa'i rigs pa zhes bya ste/dper na mig dang gzugs la ltos nas mig gi rnam par shes pa skyes pa dang / mig gi rnam par shes pa gzugs la lta ba'i byed pa la bya ba byed pa'i rigs pa zhes bya'o/ /mngon sum dang rjes su dpag pa'i rigs pas dngos po mngon sum du gyur pa dang /lkog tu gyur pa gnyis ni yongs su spyod pa ni 'thad pa sgrub pa'i rigs pa zhes bya ste/ mngon sum gyi rigs pas ni sa phyogs gang du bum pa mthong na/ sa phyogs de na bum pa yod pa zhes bya'i/ bum pa med pa zhes mi bya ba ni mngon sum gyi tshad ma'o//sngon me gang na yod pa na du ba yod par mthong nas/ phyis ri sul la sogs pa nas dud pa byung bar mthong na/ me ma mthong yang de na me yod par dpag pa ni rjes su dpag pa'i tshad ma zhes bya'o/ /'jig rten na me rang bzhin gyis tsha ba dang /chu rang bzhin gyis gsher ba ni chos nyid kyi rigs pa zhes bya'o/ /rigs pa bzhi chos kyi don dang sbyar ba ste bstan pa'i phyir/ tshul bzhin yid la byed pa ltar/ /zhes bya ba la sogs pa smos te/ nyan thos dang rang sangs rgyas kyi theg pas/ mos pa spyod pa'i sar chos rnams mi rtag pa dang / sdug bsngal ba dang / stong pa dang / bdag med pa tshul bzhin yid la byed pa la ltos nas/ mthong ba'i lam rgyun du zhugs pa'i tshe gang zag la bdag med par ma mthong ba'i yang dag pa'i lta ba skyes pa ni ltos pa'i rigs pa zhes bya'o//byang chub sems dpa' rnams kyis mos pa spyod pa'i sar chos rnams mi rtag pa dang sdug bsngal ba dang / stong pa dang / bdag med pa tshul bzhin yid la byed pa la ltos nas/ mthong ba'i lam sa dang por gang zag dang chos la bdag med par khong du chud pa'i 'jig rten las 'das pa'i lta ba skyes pa ni ltos pa'i rigs pa zhes bya'o//yang dag lta ba 'bras bu ldan/ /zhes bya ba la 'bras bu zhes bya ba ni rnam par grol ba mya ngan las 'das pa la bya ste/ de ltar mthong ba'i lam du yang dag pa'i lta ba skyes nas yang dag pa'i lta ba des/rnam par grol ba mya ngan las 'das pa skyed par byed pa ni bya ba byed pa'i rigs pa zhes bya'o/ /tshad mas rnam dbye zhes bya ba la mngon sum dang rjes su dpag pa'i tshad mas mngon sum du gyur pa dang / lkog tu gyur pa dag thog tu dbab cing yongs su sgrub pa ni 'thad pa sgrub pa'i tshad ma zhes bya'o//dper na tshe 'dir srog gcod pa la sogs pa'i las ngan pa byas na/ 'phral du bcing ba dang / brdeg pa la sogs pa'i sdug bsngal myong bar mngon sum du snang ba ni mngon sum gyi tshad ma'o//mig gi dbang po bltar mi snang yang mig dang / gzugs la brten nas/ mig gi rnam par shes pa skye ba dang sbyar na mig gi rnam par shes pa skyed par byed pa'i sgo dang rten du gyur pa mig gi dbang po yod do zhes dpag pa ni rjes su dpag pa'i tshad ma zhes bya'o//gzhan yang rgyu dang rkyen gyis byas pa de dag mi rtag pa ste/ dper na bum pa bzhin no zhes rgyu rkyen gyis byas pa'i sgo nas mi rtag pa yin par dpag pa ni rjes su dpag pa'i tshad ma zhes bya'o/ /bsam mi khyab ces bya ba la chos kyi dbyings dang rnam par mi rtog pa'i ye shes la bsam gyis mi khyab pa zhes bya ste/yang dag pa'i lta ba skyes na bsam gyis mi khyab pa'i gnas chos kyi dbyings dang rnam par mi rtog pa'i ye shes thob par 'gyur ba ni chos nyid kyi rigs pa zhes bya ste/ dper na me chos nyid kyis tsha ba yin pa bzhin du/ tshul bzhin du yid la byed pa las yang dag pa'i lta ba skye la yang dag pa'i lta ba las mya ngan las 'das pa'i gnas thob pa ni/ chos nyid kyis de ltar thob pa yin pa'i phyir/ de la chos nyid kyi rigs pa zhes bya'o//bsam pa dang ni bshad pa dang / /sbyor ba dang ni tshogs rnams dang / /yang dag 'byung ba'i bye brag gis/ /theg pa rnam pa gsum du 'dod/ /ces bya ba la/ rnam pa lngas theg pa gsum gyi mtshan nyid rig par bya ste/ de la bsam pa chung ngu dang /bshad pa chung ngu dang / sbyor ba chung ngu dang / tshogs chung ngu dang / yang dag par 'byung ba chung ba la ni nyan thos kyi theg pa zhes bya'o/ /bsam pa 'bring dang / bshad pa 'bring dang / sbyor ba 'bring dang / tshogs 'bring dang / yang dag par 'byung ba 'bring la ni/rang sangs rgyas kyi theg pa zhes bya'o/ /bsam pa chen po dang / bshad pa chen po dang / sbyor ba chen po dang / tshogs chen po dang / yang dag par 'byung ba chen po la ni theg pa chen po zhes bya'o/ /mdo dang dbyangs kyis bsnyad pa'i bye brag gis so zhes bya ba la/rig pa'i gnas lnga mdo dang dbyangs kyis bsnyad pa la sogs pa'i gsung rab yan lag bcu gnyis dang mthun pa'i chad pa ni chos rnam par gzhag pa 'chad pa zhes bya'o/ /brgal ba/ mdo sde la sogs pa gsung rab yan lag bcu gnyis ni nang rig pa zhes bya ste/de bshad pas na rig pa bshad par zad de/ de'i nang du rgyu rig pa dang / sgra rig pa dang / gso ba rig pa dang / bzo'i las kyi gnas rig pa rnams ji ltar 'dus shing bshad par 'gyur zhes rgol ba la/ theg pa chen po'i mdo sde'i rig par ni gnas lnga char 'dus par yod par bstan pa'i phyir/rig pa'i gnas gzhan dag kyang der 'dus par theg pa chen po las byang chub sems dpa' rnams la bshad do zhes smos te/ de la theg pa chen po nyid ni nang rig pa zhes bya'o/ /rgyu rig pa dang /sgra rig pa dang / gso ba rig pa dang / bzo'i las kyi gnas rig pa dag kyang theg pa chen po'i mdo sder bsdus nas/ bcom ldan 'das kyis byang chub sems dpa' rnams la bshad de/ dper na rgyu rig pa lta bu yang mngon sum dang / rjes su dpag pa'i tshad ma lang kar gshegs pa dang dgongs pa nges par 'grel pa la sogs pa mdo sde'i nang nas bshad de/dgongs pa nges par 'grel pa'i mdo las/ rig pa ni rnam pa bzhir shes par bya ste/ ltos pa'i rigs pa dang / bya ba byed pa'i rigs pa dang /'thad pa sgrub pa'i rigs pa dang / chos nyid kyi rigs pa'o zhes bya ba la sogs pa gsungs pa'o/ /sgra rig pa yang thogs pa dang bcas pa'i phyir gzugs so/ /myong ba'i bdag nyid kyi phyir tshor ba'o zhes bya ba la sogs pa mdo sde de dang /de dag gi nang nas sgra'i mtshan nyid rgyas par bshad do/ /gso ba rig pa yang gser 'od dam pa'i mdo la sogs pa'i nang nas sman dpyad kyi cho ga bshad pa lta bu'o/ /bzo'i las kyi gnas rig pa yang theg pa chen po'i mdo sde de dang de dag gi nang nas/ gar dang glu dang rol mo la sogs pa'i bzo'i las rnam pa sna tshogs gsungs pa lta bu ste/de bas na theg pa chen po'i mdo sde'i nang na rig pa'i gnas thams cad 'dus so/ /de bzhin nyid rnam bdun brten nas/ /zhes bya ba la sogs pa la/ de bzhin nyid rnam pa bdun la brten te/de bzhin nyid rnam pa bdun bshad pa ni bden pa bzhi'i rnam par gzhag pa bshad pa zhes bya'o/ /'jug pa'i de bzhin nyid dang zhes bya ba la 'khor ba thog ma med pa dang / tha ma med pa la 'jug pa'i de bzhin nyid ces bya ste/ 'di ltar 'khor ba ni ma rig pa'i rkyen gyis 'du byed skyed pa nas/skye ba'i rkyen gyis rga shi skyed pa'i tshul du gcig gis gcig skyed cing 'jug par byed la bden zhing ma nor bas na 'jug pa'i de bzhin nyid ces bya'o/ /mtshan nyid kyi de bzhin nyid dang zhes bya ba la kun brtags pa dang / gzhan gyi dbang dang yongs su grub pa'i mtshan nyid gsum la mtshan nyid kyi de bzhin nyid ces bya ste/ kun brtags pa'i mtshan nyid ni ri bong gi rwa bzhin du mtshan nyid med par bden/ gzhan gyi dbang gi mtshan nyid ni gzung ba dang / 'dzin pa lta bur phyin ci log tu rtog pa'i gzhi dang rten du 'gyur bar bden/yongs su grub pa'i mtshan nyid ni gzung 'dzin gnyis dang bral ba'i rang bzhin yin par bden pas na mtshan nyid kyi de bzhin nyid ces bya'o/ /rnam par rig pa'i de bzhin nyid ces bya ba la/ chos thams cad sems la snang ba tsam du zad pa ni/rnam par rig pa'i de bzhin nyid ces bya la/ 'dus byas dang 'dus ma byas kyi chos rnams sems tsam du zad de/ sems las logs shig na yod pa ma yin par bden zhing phyin ci ma log pas na/ rnam par rig pa'i de bzhin nyid ces bya ste/ de bas na sa bcu'i mdo las kyang /kye rgyal ba'i sras dag khams gsum pa 'di dag ni sems tsam mo zhes gsungs so/ /gnas pa'i de bzhin nyid ces bya ba la sdug bsngal gyi bden pa la gnas pa'i de bzhin nyid ces bya ste/ sdug bsngal gyi bden pa ni skye ba dang rga shi la sogs pa'i mtshan nyid du gnas par bden zhing ma nor ba'i phyir ro//log par sgrub pa'i de bzhin nyid dang zhes bya ba la/ las dang nyon mongs pa'i mtshan nyid dang / kun 'byung gi bden pa la log par sgrub pa'i de bzhin nyid ces bya ste/ kun 'byung gi bden pas sdug bsngal gyi bden pa sgrub cing skyed par ma nor cing phyin ci ma log pa'i phyir ro//rnam par dag pa'i de bzhin nyid ces bya ba la/ 'gog pa'i bden pa la ni rnam par dag pa'i de bzhin nyid ces bya ste/ sdug bsngal dang kun 'byung gi bden pa shes pa'i mtshan nyid ma nor cing phyin ci ma log pa'i phyir ro//yang dag par sgrub pa'i de bzhin nyid ces bya ba la/ lam gyi bden pa la ni yang dag par sgrub pa'i de bzhin nyid ces bya ste/ lam gyi bden pa des 'gog pa'i bden pa sgrub par byed pa ma nor cing phyin ci ma log pa'i phyir ro/ /de la 'jug pa'i de bzhin nyid dang /gnas pa'i de bzhin nyid dang / log par sgrub pa'i de bzhin nyid gsum gyis ni sems can thams cad 'dra zhing mnyam mo/ /mtshan nyid kyi de bzhin nyid gnyis kyis ni 'dus byas dang 'dus ma byas kyi chos thams cad 'dra zhing mnyam mo//rnam par dag pa'i de bzhin nyid kyis ni nyan thos dang / rang sangs rgyas dang / de bzhin gshegs pa rnams 'dra zhing mnyam mo/ /yang dag par sgrub pa'i de bzhin nyid kyis ni nyan pa dang sems pa nas bsgom pa'i dge ba la zhugs pa rnams 'dra zhing mnyam mo//de bas na 'phags pa dgongs pa nges par 'grel pa'i mdo las kyang / byams pa de la kun nas nyon mongs pa dang / rnam par byang ba'i chos de dag nyid kyi de bzhin nyid gang yin pa de ni ji lta ba bzhin yin pa ste/ de la rnam pa bdun te/ 'byung ba de bzhin nyid gang 'du byed rnams kyi thog ma dang tha ma med pa'o//mtshan nyid kyi de bzhin nyid ni gang chos rnams kyi gang zag la bdag med pa dang / chos la bdag med pa'o/ /rnam par rig pa'i de bzhin nyid ni/ gang du 'du byed rnam par rig pa tsam mo/ / gnas pa'i de bzhin nyid ni gang ngas sdug bsngal gyi bden pa bshad pa'o/ /log pa'i nan tan gyi de bzhin nyid ni gang ngas kun 'byung gi bden pa bshad pa'o/ /rnam par dag pa'i de bzhin nyid ni gang ngas 'gog pa'i bden pa bshad pa'o/ / yang dag pa'i nan tan gyi de bzhin nyid ni gang ngas lam gyi bden pa bstan pa'o/ /byams pa de la 'byung ba'i de bzhin nyid dang / gang gnas pa'i de bzhin nyid dang / gang log pa'i nan tan gyi de bzhin nyid ni des ni sems can thams cad mtshungs shing mnyam mo/ / byams pa de la gang mtshan nyid kyi de bzhin nyid dang / gang rnam par rig pa'i de bzhin nyid des ni chos thams cad mtshungs shing mnyam mo/ /byams pa de la gang rnam par dag pa'i de bzhin nyid des ni/ gang nyan thos kyi byang chub dang / rang sangs rgyas kyi byang chub dang bla na med pa yang dag par rdzogs pa'i byang chub dang /byang chub thams cad mtshungs shing mnyam mo/ /byams pa gang yang dag pa'i nan tan de bzhin nyid des ni thos pa dang / bsams pa dang bsgoms pa'i 'dres pa la dmigs pa'i zhi gnas dang lhag mthong gis yongs su zin pa'i shes rab mtshungs shing mnyam mo zhes gsungs so//bya ba byed pa'i rigs pa ni yang dag par lta ba 'bras bu dang bcas pa'o zhes bya ba la/ 'bras bu ni rnam par grol ba mya ngan las 'das pa la bya ste/ mthong ba'i lam du nyan thos dang /rang sangs rgyas kyi gang zag la bdag med par mthong ba'i yang dag pa'i lta ba skyes pa dang / byang chub sems dpa' rnams mthong ba'i lam na gang zag dang chos la bdag med par shes pa'i yang dag pa'i lta ba skyes pas rnam par grol ba'i 'bras bu thob pa byas pa ni bya ba byed pa'i rigs pa zhes bya'o//chos nyid kyi rigs pa ni bsam gyis mi khyab pa'i gnas te/ chos nyid ni grub pas bsam gyis mi khyab pa yin no zhes bya ba la/ chos kyi dbyings rnam par mi rtog pa'i ye shes la sogs pa bsam gyis mi khyab pa'i gnas la chos nyid kyi rigs pa zhes bya ste/ci'i phyir de la chos nyid kyi rigs pa zhes bya na/ chos kyi dbyings la sogs pa ni chos nyid kyi tshul bzhin yid la byed pa las yang dag pa'i lta ba skye/ yang dag pa'i lta ba las mya ngan las 'das pa'i 'bras bu thob pa/chos nyid kyis de de ltar 'grub pa yin pas na/ 'di la mngon sum dang rjes su dpag pa'i tshad mas ci'i phyir tshul bzhin yid la byed pa las yang dag pa'i lta ba skye/ yang dag pa'i lta ba las/ /ci'i phyir de bzhin nyid la sogs pa bsam gyis mi khyab pa'i gnas 'thob ces dpyad cing /dpag tu med pa'i phyir bsam gyis mi khyab pa'i gnas la chos nyid kyi rigs pa zhes bya'o/ /bsam pa dang bshad pa dang / sbyor ba dang / tshogs dang yang dag par 'byung ba tha ma ni nyan thos kyi theg pa'o zhes bya ba la/de ltar nyan thos dag ni de'i don tsam bya bar sems pas bsam pa chung ste/ de dag bsam pa chung bas na/ de'i sems dang mthun par de bzhin gshegs pa rnams kyis chos kyang chung ngu bshad do/ /chos chung ngu bshad pas de dag gis lus dang ngag dang yid kyi sgo nas las su bya ba'i sbyor ba yang chung ngu la sbyar zhing las su bya la/ji ltar sbyor ba chung ba bzhin du de ltar bsod nams dang ye shes kyi tshogs chung ba bzhin du mngon par 'byung ba ste/ 'bras bu'ang chung ngu 'thob po/ /bar ma ni rang sangs rgyas kyi theg pa'o zhes bya ba la rang sangs rgyas kyi theg pa pa rnams ni bsam pa bar ma dang ldan pa ste/de'i phyir de dag la de bzhin gshegs pas chos kyang bar ma ste/ rten cing 'brel bar 'byung ba lugs bzhin pa dang lugs las zlog pa bshad do/ / nyan thos rnams la chos chung ngu bshad pa ni rang bzhin tsam bshad pa'i phyir ro/ /de ltar chos bar ma bshad pas de dag gis lus dang ngag dang yid kyi sgo nas las su bya ba yang bar ma la sbyar zhing las su bya ba bar ma tsam la 'jug go/ /las su bya bya bar ma byas pas tshogs kyang bar ma bsags so//tshogs bar ma bsags pas 'bras bu yang dag par 'byung ba yang bar ma thob ste/ nyan thos dang rang sangs rgyas la mya ngan las 'das pa'i 'bras bu la ni bye brag med mod kyi/ mngon par shes pa lnga la ni bye brag yod de/nyan thos kyi 'phrul gyi mig gis stong gnyis las mi mthong na/ rang sangs rgyas kyi 'phrul gyi mig dang / rna ba la sogs pas stong gsum gyi stong chen po'i 'jig rten gyi khams kyi gzugs dang sgra la sogs pa thos pa'i phyir 'bras bu la khyad par yod do//mchog ni theg pa chen po'o zhes bya ba la byang chub sems dpa' rnams ni bdag dang gzhan gnyis ga'i don bya bar sems pas bsam pa che'o/ /de ltar de dag bsam pa che bas na/ zab cing rgya che ba'i theg pa chen po'i chos bshad pa che'o//de dag chos ji ltar bshad pa bzhin du lus dang ngag dang yid gsum gyi sgo nas bdag dang gzhan gyi don du sbyor zhing 'jug pas na sbyor ba che ba'o/ /de dag gi sbyor ba chen po la sbyar bas bsod nams dang ye shes kyi tshogs chen po bsags pas tshogs che ba'o//de ltar tshogs chen po bsags pas mthar bla na med pa'i byang chub chen po'i 'bras bu thob pa/ yang dag par 'byung ba de che ste/ theg pa gsum gyi bye brag ni rnam pa lnga po dag gis dbye'o/ /yongs su tshol ba rnam par dbye ba la tshigs su bcad pa zhes bya ba la/de ltar rnam par gzhag pa bshad pa rnam pa bzhi la mkhas pa de/ ji ltar tshig gi sgo nas sems can la chos ston par mkhas pa de bzhin du bdag nyid kyi sems kyang / chos kyi mtshan nyid gang yin pa tshol zhing shes par byed de/ de bas na chos rnam pa bzhi'i mtshan nyid tshol ba tshigs su bcad pa gcig gis bstan to//de la chos rnam pa bzhi'i tshol ba ni ming yongs su tshol ba dang / dngos po yongs su tshol ba dang / rang bzhin btags pa yongs su tshol ba dang / khyad par du btags pa yongs su tshol ba ste/ yongs su tshol ba 'di dag ni mos pa spyod pa'i sa'i dus na/tshol bar byed par rig par bya'o/ /ming dang dngos po phan tshun du glo bur du 'byung ba tshol ba ste zhes bya ba la ming ni gang gis bum pa zhe'am/ snam bu zhes rjod par byed pa la ming zhes bya'o/ /dngos po ni bum pa lta bur chu blugs su rung ba dang snam bu lta bur bgor rung ba brjod par bya ba'i chos la dngos po zhes bya ste/'di ltar bum pa la sogs pa chu blugs su rung ba'i dngos po la ming bum pa zhes btags pa ni ming nyid bum pa'i rang bzhin ma yin gyi/ ming thams cad glo bur du btags shing logs shig na brla brnyan tsam du btags pa yin par shes pa ni/ming yongs su tshol ba zhes bya'o/ /ming thams cad glo bur du yin par ci mngon zhe na/ gal te ming glo bur ba ma yin gyi/ bum pa nyid kyi rang bzhin yin na ni/ me dang tsha ba nyid rang bzhin gcig pas me med par byas na tsha ba yang med par 'gro ba de bzhin du bum pa bcag ste med par byas nas ming yang med par 'gyur ba'i rigs na/bum pa bcag kyang ming med par mi 'gyur gyi/ ming phyi na yod pa dang / lha sbyin shi ste med kyang lha sbyin gyi ming yang med par mi 'gyur gyi/ming phyi na yod pas na/ ming dang dngos po rang bzhin gcig pa ma yin no/ /'di ltar bum pa zhes bya ba'i ming la/ lto zlum po skye seng seng po chu blugs su rung du ma btags pa yang glo bur dang / brnyan ma tsam du btags pa yin par shes na dngos po yongs su tshol ba zhes bya ste/don du na bum pa'i dngos po yang bum pa'i ming dang / rang bzhin mi gcig par shes pa'o/ /bum pa'i dngos po dang / ming gnyis ji ltar rang bzhin mi gcig ce na/ gal te ming dang dngos po gnyis rang bzhin gcig na ni/ ming med par byas pas dngos po nyid kyang med par 'gyur ba'i skyon du 'gyur te/dper na rab tu ma byung ba'i dus na khyim na gnas pa'i ming btags pa las rab tu byung ba'i dus na khyim na gnas pa'i ming med par byas pa dang / dngos po yang med par 'gyur ba'i rigs na/ ming med par byas kyang dngos po phyi na yod pas na/ ming dang dngos po gnyis gcig pa ma yin no/ /btags pa rnam pa gnyis po 'di/ /de tsam nyid du tshol ba'o/ /zhes bya ba la 'di ltar rjod par byed pa'i ming dang / brjod par bya ba'i bum pa la sogs pa'i dngos po gnyis phan tshun nas 'brel pa la/rang bzhin du btags pa dang / khyad par du btags so/ /de la rang bzhin du btags pa ni/ sa sra ba'i mtshan nyid btags pa dang / chu gsher ba'i mtshan nyid btags pa dang / thogs pa dang bcas pa'i phyir gzugs zhes btags pa dang /myong ba'i bdag nyid kyi phyir tshor ba zhes btags pa ste/ de ltar chos rnams kyi rang gi mtshan nyid so sor btags pa de dag kyang btags pa tsam du yod par zad kyi/ sa sra ba'i mtshan nyid dang / chu gsher ba'i mtshan nyid du grub pa med par shes na rang bzhin du btags pa yongs su tshol ba zhes bya'o//de ltar rang gi mtshan nyid du btags pa'i chos de dag nyid la yang mi rtag pa dang / sdug bsngal ba dang / zag pa dang bcas pa dang / zag pa med pa dang / 'dus byas dang 'dus ma byas dang /gzugs can dang / gzugs med pa dang / 'dod pa'i khams su gtogs pa dang / gzugs med pa'i khams su gtogs pa la sogs pa ni khyad par du btags pa zhes bya ste/ khyad par du btags pa de dag kyang ming tsam tshig tsam du zad kyi rang bzhin yod pa ma yin par shes pa ni/khyad par du btags pa yongs su tshol ba zhes bya'o/ /de la dngos po la ming glo bur yin par yongs su tshol ba ni zhes bya ba la dngos po bum pa la sogs pa'o/ /ming ni bum pa zhes bya ba'i tshig ste/ bum pa'i dngos po la bum pa zhes bya ba'i ming btags pa 'di ming nyid bum pa'i rang bzhin ma yin gyi/bla thabs dang / bla dwags su btags par zad de zhes tshol zhing shes pa ni ming yongs su tshol ba zhes bya'o/ /ming la dngos po glo bur ba yin par yongs su tshol ba zhes bya ba la/ming ni bum pa zhes bya ba'i tshig la bya ste/ tshig 'dis brjod par bya ba'i dngos po yang chu blugs su rung ba'i bum pa ste/ bum pa zhes bya ba'i rjod par byed pa'i ming la/ bum pa zhes bya ba rjod par byed pa'i dngos po btags pa yang glo bur dang bla thabs su btags par zad kyi/ming dang dngos po gnyis rang bzhin mi gcig par tshol ba ni/ dngos po yongs su tshol ba zhes bya'o/ /gang gnyi ga mngon par 'brel pa la rang bzhin dang khyad par du btags pa zhes bya ba la/ gnyi ga mngon par 'brel ba ni/ rjod par byed pa'i ming dang /rjod par byed pa'i dngos po gnyis 'brel pa ste/ de gnyis 'brel pa las sub la sogs pa'i chos kyi rang gi mtshan nyid du btags pa dang / skye ba dang 'jig pa la sogs pa spyi'i mtshan nyid du btags pa gnyis kyang btags pa tsam du yod par zad kyi/rang gi mtshan nyid kyang rang bzhin du grub pa med par shes pa ni/ rang gi ngo bo yongs su tshol ba zhes bya'o/ /spyi'i mtshan nyid kyang btags pa tsam du zad kyi rang bzhin yod pa ma yin par shes pa ni khyad par du yongs su tshol ba zhes bya'o/ / mdo sde rgyan bam po bdun pa'i bshad pa rdzogs so// //yang dag pa ji lta ba bzhin du yongs su shes pa rnam par dbye ba'i tshigs su bcad pa bcu'o zhes bya ba la/ de ltar mos pa spyod pa'i sar ming dang dngos po dang / rang bzhin dang khyad par rnams yongs su btsal na/sa dang por ming dang dngos po dang rang bzhin dang khyad par rnams stong pa nyid kyi mtshan nyid du yongs su shes par 'gyur te/ de bas na yang dag pa ji lta ba bzhin du shes pa tshigs su bcad pa bcus bstan to/ /thams cad dmigs su med pa'i phyir//yang dag shes pa rnam pa bzhi/ /zhes bya ba la sogs pa tshigs su bcad pa gcig gis yang dag pa ji lta ba bzhin du shes pa bzhi'i mtshan nyid dang las kyi bdag nyid chen po bstan to/ /de la yang dag pa ji lta ba bzhin du shes pa bzhi ni/ ming yongs su tshol ba dang ldan pa yang dag pa ji lta ba bzhin du shes pa dang /dngos po yongs su tshol ba dang ldan pa yang dag pa ji lta ba bzhin du shes pa dang / rang bzhin yongs su tshol ba dang ldan pa yang dag pa ji lta ba bzhin du shes pa dang / khyad par yongs su tshol ba dang ldan pa yang dag pa ji lta ba bzhin du yongs su shes pa'o//de la ming thams cad dngos po med cing stong pa la dmigs su med par shes na/ ming yongs su tshol ba dang ldan pa yang dag pa ji lta ba bzhin du shes pa zhes bya'o/ /bum pa la sogs pa'i dngos po thams cad kyang rang bzhin med cing stong la dmigs su med par shes na/dngos po yongs su tshol ba dang ldan pa yang dag pa ji lta ba bzhin du yongs su shes pa zhes bya'o/ /sa'i rang gi mtshan nyid sra ba la sogs pa rang gi mtshan nyid thams cad rang bzhin med cing stong la dmigs su med par shes na/rang bzhin yongs su tshol ba dang ldan pa yang dag pa ji lta ba bzhin du shes pa zhes bya'o/ /skye ba dang 'gag pa la sogs pa'i chos rnams kyang rang bzhin med cing stong la dmigs su med par shes na/khyad par yongs su tshol ba dang ldan pa yang dag pa ji lta ba bzhin du shes pa zhes bya ste/ de ltar tshigs bcad phyed kyis ni yang dag pa ji lta ba bzhin du shes pa'i mtshan nyid bstan to/ /bstan pa thams cad don sgrub phyir/ /sa kun du ni skye bar byed/ / ces bya ba la/ sa dang po nas brtsams te sa bcu man chad la sa kun zhes bya ste/ bstan pa byang chub sems dpa' rnams sa bcu thams cad du bdag dang gzhan gyi don bsgrub par bya ba'i phyir/ yang dag pa'i shes pa bzhi skye bar byed cing de dag la sgom par byed de/ / tshigs bcad 'og ma phyed kyis ni yang dag pa'i shes pa'i las kyi bdag nyid che ba bstan to/ /de ltar sa dang por chos thams cad bdag med par shes pa'i ye shes de bcings pa thams cad las dgrol bar bya ba'i thabs yin te/ des bcings pa thams cad las grol bar byed do//de la bcings pa gang yin pa dang / des gang bcings pa shes par bya ba'i phyir/ gnas dang longs spyod sa bon gyi/ /mtshan ma dag gis bcings pa dang / /zhes bya ba la sogs pa smos te/ de la bcings pa ni gnas kyi mtshan ma dang / longs spyod kyi mtshan ma dang / sa bon gyi mtshan ma'o/ /de la gnas kyi mtshan ma ni snod kyi 'jig rten te/ mtshan ma dang yul zhes bya ba dag don gcig pas snod kyi 'jig rten ni kun gzhi rnam par shes pas dmigs par bya ba'i yul yin pa'i phyir snod kyi 'jig rten la gnas kyi mtshan ma zhes bya'o//de'i phyir sum cu pa'i bstan bcos la sogs pa las kyang kun gzhi rnam par shes pa ni gnas rnam par rig par bshad do/ /longs spyod ni mig gi rnam par shes pa nas yid kyi rnam par shes pa'i bar du/ rnam par shes pa drug la ni longs spyod ces bya ste/rnam par shes pa drug gi mtshan ma dang yul ni gzugs dang / sgra dang / dri dang / ro dang / reg bya ste yul lnga'o/ /sa bon gyi mtshan ma ni kun gzhi rnam par shes pa la bya ste/ kun gzhi rnam par shes pa ni gnas dang longs spyod la sogs pa'i mtshan ma'i bag la zha ba dang /bag chags kyi gzhi byed pa'i phyir/ sa bon gyi mtshan ma zhes bya ste/ bcing ba de gsum gyis bcings so zhes bya ba'i don to/ /des gang bcings she na de'i phyir/ rten bcas sems dang sems las byung ba dag /ces bya ba smos te/ gong ma'i bcings pa des ni rten dang sems dang sems las byung ba gsum bcings so zhes bya ba'i don to//de la rten gyi sgras ni mig gi dbang po nas yid kyi dbang po'i bar du/ dbang po drug dang bcas pa'i lus la bya ste/ don du na gzugs kyi phung po la bya'o/ /yid kyi dbang po yang 'di'i skabs su nyon mongs pa'i yid la bya'o//sems kyi sgras ni rnam par shes pa brgyad la bya ste/ phung po lnga'i nang nas rnam par shes pa'i phung po la bya'o/ /sems las byung ba'i sgras ni tshor ba'i phung po dang / 'du shes kyi phung po'i gnyis dang / reg pa dang yid la byed pa la sogs pa sems las byung ba lnga bcu rtsa gcig la bya ste/don du bshad pa'i bcing ba des phung po lnga bcings so zhes bya ba'i don to/ /gang du bcings ji ltar bcings she na/ de'i phyir/ 'dir ni sa bon ldan pas bcings/ /zhes smos te/ gang du bcings she na/khams gsum 'dir bcings so zhes bya ba'i don to/ /ji ltar bcings she na/ gnas kyi mtshan ma'i bag chags dang / longs spyod kyi mtshan ma'i bag chags kun gzhi la bsags pas ji srid du bag chags ma spangs te/ bag chags dang ldan pa de srid du thar pa med pas na de ltar bcings so//de la gnas kyi mtshan ma ni snod kyi 'jig rten to zhes bya ba la gnas ni snod kyi 'jig rten la bya ste/ de dag nyid kun gzhi'i gnas yin pas na gnas kyi mtshan ma zhes bya'o/ /longs spyod kyi mtshan ma ni zhes bya ba la/ longs spyod ni mig gi rnam par shes pa nas yid kyi rnam par shes pa drug la bya ste/de dag gi mtshan ma dang yul ni gzugs nas reg bya'i bar du lnga'o/ /gang de dag gi sa bon ni zhes bya ba la/ gnas dang longs spyod gnyis kyi sa bon gyi mtshan ma dang gzhir gyur pa ni kun gzhi rnam par shes pa ste/kun gzhi ni chos thams cad kyi sa bon gyi rten byed pa'i phyir ro/ /chos gang shes shing bsgoms pas bcings pa las thar par 'gyur ba'i thabs bstan pa'i phyir/ mtshan ma bdun du gang bzhag pa/ /bdag nyid kyis ni gang gnas pa/ /brten pas thams cad rnam bshig na//byang chub mchog ni rnyed par 'gyur/ /zhes bya ba smos te/ mtshan ma mdun du gang bzhag pa/ /zhes bya ba ni gang sngon mnyan pa dang bsam pa dang bsgom pa la sogs pa'i sbyor ba la brten nas/ rnal 'byor pas 'phral du bam pa dang bsngos pa dang keng rus la sogs pa'i mtshan ma mdun du bsams shing brtags te gzhag pa ni mtshan ma mdun du bzhag pa zhes bya'o//gang 'phral du bsams te gzhag pa ni ma yin gyi/ sems can rnams 'khor ba thog ma med pa'i dus nas bsgrims shing 'bad mi dgos pas bum pa dang snam bu la sogs pa rang gi ngang gis sems la snang ba ni/bdag nyid kyis gang gnas pa zhes bya ste/ byang chub sems dpa' brtan pa rnams kyis mdun du bzhag pa'i mtshan ma dang / bdag nyid kyis gnas pa'i mtshan ma gnyis bshig ste/ stong par dmigs su med pa'i mtshan nyid du byas nas/de la yod pa'i ngo bor rtog pa'i tshul du bsgoms na/ byang chub thob pa dang / byang chub mchog thob par 'gyur ro zhes bya ba'i don to/ /de la bsgom pa'i rim pa yang dang po ni mdun du gzhag pa'i mtshan nyid stong par bshig ste/ bsgom pa de stong par bshig pa dang de'i 'og tu bdag nyid kyis gnas pa'i dngos po rnams stong par bshig ste ji ltar zhe na 'di ltar bam pa dang /bsngos pa la sogs pa 'di dag sems dang sems las byung ba la/ snang ba tsam du zad kyi rang bzhin du grub par yod pa ma yin pa de bzhin du/ bum pa dang snam bu la sogs pa 'di dag kyang sems dang sems las byung ba la snang bar zad kyi/ rang bzhin gyis grub par yod pa ma yin no zhes de ltar bsgom mo/ /de la nyan thos dang rang sangs rgyas kyis rtag pa dang / gtsang ba dang bdag dang bde ba dang ldan pa'i gang zag stong par bshig ste bsgoms na ni nyan thos kyi byang chub dang /rang sangs rgyas kyi byang chub thob po/ /byang chub sems dpa' rnams kyis gang zag dang chos gnyis stong par bshig ste bsgoms na ni bla na med pa'i byang chub mchog 'thob par 'gyur ro/ /de bzhin du mi rtog pa de lta bu rim gyis smra bar bya'o zhes bya ba ni mdun du gzhag pa'i mtshan ma dang ldan pa bdag nyid gnas pa'i mtshan ma gnyis la bsgom pa'i rim pa yang /dang por mdun du gzhag pa'i mtshan ma keng rus la sogs pa stong par bshig nas de la mi rtog par bya'o//de nas bum pa la sogs pa bdag nyid gnas pa'i mtshan ma stong par bshig ste/ de la mi rtog par bya'o/ /gang mnyan pa dang bsam pa dang / /zhes bya ba la sogs pa la mdun du gzhag pa'i mtshan ma zhes bya ba'i don 'chad de/ mdun du gzhag pa'i mtshan ma zhes bya ba ni gang rnal 'byor pas mnyan pa dang bsam pa dang bsgom pa'i ting nge 'dzin gyi yul la bya ste/keng rus la sogs pa'i mtshan ma nyid 'phral du sems kyis brtags te gzhag pa'o/ /rang bzhin la gnas par gyur cing zhes bya ba la/bdag nyid gnas pa ni gang 'phral du bsams te mdun du gzhag pa ni ma yin gyi 'khor ba thog ma med pa'i dus nas bsgrims shing 'bad mi dgos par sems la rang gi ngang gis snang ba ste/ gang bum pa la sogs pa rang bzhin gyi sems kyis brtags te/sems las phyi rol du yod pa lta bur snang ba'o/ /de la bshig pa ni yod pa'i dngos po las bral ba rnam par mi rtog pa ste zhes bya ba la de gnyis stong par bshig pa'i thabs ni mdun du gzhag pa'i mtshan ma dang rang bzhin la gnas pa gnyis sems la snang ba dang bral zhing /sems la mi snang bar bya ba nas/ de la yod par rtog pa spangs te/ mi rtog pa'i tshul du bsgom pa ni gzhag pa zhes bya'o/ /de'i thabs ni mtshan ma'i gnyen po'o zhes bya ba la stong par bshig nas mi rtog pa'i tshul du bsgom pa nyid mtshan mar 'dzin pa thams cad med cing 'jig par byed pa'i thabs yin no//mdun du gzhag pa dang / phyir bdag nyid gnas pa zhes bya ba la sogs pa la de gnyis stong par bsgom pa'i rim pa ni dang po nyid du mdun du gzhag pa'i mtshan ma keng rus la sogs pa stong par bshig ste ji ltar bshig ce na/keng rus la sogs pa snang ba 'di dag sems la snang ba tsam du zad kyi yang dag par yod pa ma yin no zhes gzhig go/ /bum pa la sogs pa bdag nyid kyis gnas pa rnams stong par bshig ste/ji ltar bshig ce na ste/ ji ltar keng rus la sogs pa sems la snang bar zad kyi rang bzhin yod pa ma yin pa de bzhin du bum pa la sogs pa 'di dag kyang sems la snang bar ma zad kyi/ rang bzhin yod pa ma yin no zhes de de la phyin ci log bzhi dang ldan pa'i gang zag gi mtshan ma rnam par 'jig pa'i rnal 'byor can no zhes bya ba la sogs pa la rtag pa dang /bde ba dang / gtsang ba dang / bdag dang ldan pa'i gang zag la yod par 'dzin pa stong par bshig nas bsgom pa'i rnal 'byor pas ni/ nyan thos kyi byang chub dang /rang sangs rgyas kyi byang chub thob par 'gyur ro/ /chos thams cad kyi mtshan ma rnam par 'jig pa ni byang chub chen por ro zhes bya ba la/ gang zag gi mtshan ma dang / chos kyi mtshan ma gnyis stong par bshig nas bsgom pa'i rnal 'byor pas ni bla na med pa'i byang chub 'thob po zhes bya ba'i don to//de dag gis ji lta bur bcings pa yongs su shes par thal bar 'gyur ba dang / yang dag pa ji lta ba bzhin yongs su shes pa de dag bstan to zhes bya ba la/ gang du tshigs su bcad pa gsum bshad pa'i bsdus pa'i don ni/ji lta bus sems can yongs su bcings pa shes pa dang / yongs su bcings pa shes pa nas/ gang gis bcings pa las thar bar 'gyur ba shes pa dang / yang dag pa ji lta ba bzhin du shes pa'i mtshan nyid gang yin pa ste/don de gsum bstan to/ /de la/ gnas dang longs spyod sa bon gyi/ /zhes bya ba la sogs pa tshigs su bcad pa gcig gis ni bcings pa gang yin pa shes pa bstan to/ /mtshan ma mdun du gzhag pa dang / /zhes bya ba la sogs pa'i tshigs su bcad pa gcig gis ni gang yongs su shes pas thar bar 'gyur ba'i thabs bstan to//dang po tshigs su bcad pa/ thams cad dmigs pa med pa'i phyir/ /zhes bya ba'i tshigs su bcad pa gcig gis ni yang dag pa ji lta ba bzhin du shes pa gang yin pa bstan to/ / mtshan nyid gsum yongs su shes pas kun gzhi rnam par shes pa la nyon mongs pa dang / shes bya'i sgrib pa'i bag chags yod pa spangs nas thar bar 'gyur ba de bstan pa'i phyir/ de bzhin nyid dmigs ye shes kyis/ /zhes bya ba la sogs pa smos so/ / de la de bzhin nyid ni stong pa nyid chos kyi dbyings la bya ste/ stong pa nyid la dmigs pa'i ye shes kyis ni yongs su rdzogs pa'i mtshan nyid mngon sum du byed do zhes bya ba'i don to/ /gzung ba gnyis ni rnam par spangs/ /zhes bya ba la gzung ba gnyis ni gzung 'dzin gnyis sam kun du brtags pa'i gang zag dang /kun brtags kyi chos gnyis ri bong gi rwa bzhin du mtshan nyid med par shes na kun du brtags pa'i mtshan nyid mngon sum du byed do zhes bya ba'i don to/ /gnas ngan len tshogs mngon sum dang //zhes bya ba la gnas ngan len gyi tshogs ni kun gzhi rnam par shes pa nyon mongs pa dang shes bya'i sgrib pa dang bcas pa la bya ste/ kun gzhi rnam par shes pa ni nyon mongs pa dang / shes bya'i sgrib pa thams cad kyi rten du gyur pa phyin ci log tu rnam par rtog pa rnams kyi gnas yin no zhes shes na/gzhan gyi dbang mngon sum du 'gyur ro/ /brtan pa de dag zad par 'dod/ /ces bya ba la/ de ltar byang chub sems dpa' mtshan nyid gsum mngon sum du byas na/ kun gzhi rnam par shes pa gzhan gyi dbang gi mtshan nyid la nyon mongs pa dang /shes bya'i sgrib pa ci yod pa zad cing dag nas thar pa thob par 'gyur zhing 'dod do zhes bya ba'i don to/ /gnas ngan len gyi tshogs mngon sum pa'i phyir zhes bya ba la/ gnas ngan len gyi tshogs ni nyon mongs pa dang shes bya'i sgrib pa la bya ste/kun gzhi rnam par shes pa ni phyin ci log thams cad kyi rgyu yin no zhes shes na/ gzhan gyi dbang gi mtshan nyid mngon sum du 'gyur ro zhes bya ba'i don to/ /de nyid zad par bya ba ni zhes bya ba la sogs pa la gnas ngan len gyi tshogs kun gzhi rnam par shes pa la nyon mongs pa dang shes bya'i sgrib pa zad par bya ba'i phyir mtshan nyid mngon sum du bya'o zhes bya ba'i don to//mtshan nyid gsum mngon sum du byas na/ kun gzhi rnam par shes pa la bag la nyal yod pa zad par gyur nas thar pa 'thob par 'gyur ro zhes bya ba'i don to//de la 'phags pa nyan thos rnams kyis kyang phyin ci log bzhi dang ldan pa'i gang zag stong par shes pa'i yang dag pa'i ye shes bsgoms pas na/ 'phags pa nyan thos la yang dag pa'i ye shes yod de/ 'phags pa nyan thos la yang dag pa'i ye shes yod pa dang /byang chub sems dpa' rnams la yang dag pa'i ye shes yod par khyad par ci yod ce na/ yang dag pa'i ye shes kyi khyad par bstan pa'i phyir/ de bzhin mi dmigs ye shes ni/ rnam pa tha dad med bsgoms pas//zhes bya ba la sogs pa smos te/ tshigs su bcad pa 'dis/ nyan thos rnams mtshan ma med pa la bsgom pa bas/ byang chub sems dpa' dag mtshan ma med pa bsgom pa khyad zhugs pa ston te/ ji lta zhe na/ 'phags pa nyan thos rnams kyis ni mtshan ma dang mtshan ma med pa gnyis tha dad pa bsgom ste/de la mtshan ma zhes bya ba ni 'khor ba la bya'o/ /mtshan ma med pa zhes bya ba ni mya ngan las 'das pa la bya ste/ 'khor ba la ni skye ba dang / rga ba la sogs pa'i sdug bsngal dang bcas pas/ma zhi ba'i rang bzhin du yid la byed/ mya ngan las 'das pa la ni sdug bsngal thams cad spangs pas zhi ba'i mtshan nyid du yid la byed/ 'khor ba ni spong bar 'dod/ mya ngan las 'das pa ni mngon sum du bya bar 'dod do/ /de la de bzhin nyid la dmigs pa'i ye shes shes bya ba ni chos rnams rang bzhin gyis mya ngan las 'das pa'i mtshan nyid du dmigs pa stong pa nyid la lta ba ye shes la bya ste/byang chub sems dpa' rnams kyis ni mtshan ma ste/ 'khor ba dang de bzhin nyid la dmigs pa'i ye shes te mya ngan las 'das pa gnyis tha dad pa med cing ro gcig par mthong nas 'khor ba'i stong pa nyid mya ngan las 'das pa yin no zhes bsgoms na/nyan thos mtshan ma med par bsgoms pa bas khyad zhugs so/ /de bas na 'phags pa blo gros mi zad pa'i mdo las kyang chos kyi dbyings dang /'khor ba'i khams dang mya ngan las 'das pa'i dbyings de ni mtshungs so/ /chos kyi dbyings dang sems can gyi khams dang chos thams cad kyi khams de ni mtshungs so/ /ci'i phyir mtshungs she na/stong pa nyid du mtshungs pas na de ni mtshungs so zhes bya ba la sogs pa gsungs so/ /de ltar mtshan ma dang de bzhin nyid tha dad pa med par bsgoms pas ji ltar na nyan thos la sogs pa'i mtshan ma med par bsgom pa bas/ khyad zhugs she na/ yod med don ni mngon sum du//rnam par rtog las 'byor zhes bya/ /zhes smos te/ mtshan ma dang de bzhin nyid tha mi dad par bsgoms pas na/ yod pa'i don kyang mngon sum du gyur la/ med pa'i don kyang mngon sum du gyur te/ de ltar gyur pas/ sems can gyis gang dang gang bsams shing ji dang ji ltar bsams pa de dang de dag de bzhin du 'grub par 'gyur te/nam mkha' stong pa las yo byad kyi char 'bab par gyur cig ces bsams na yang / yo byad kyi char 'bab par 'gyur bas rnam par rtog pa las thams cad 'byor pa zhes bya ste/de bas na nyan thos kyi mtshan ma med pa bas/ byang chub sems dpa' mtshan ma med par bsgom pa khyad zhugs pa yin no/ /de la yod pa ni yongs su grub pa'i mtshan nyid kyi chos kyi dbyings la bya ste/ chos kyi dbyings mngon sum du gyur pas na yod pa mngon sum du gyur pa zhes bya'o//de la med pa ni gzung ba dang 'dzin pa kun brtags kyi mtshan ma la bya ste/ kun brtags rang bzhin med pa yang mngon sum du gyur pas na/ med pa mngon sum pa zhes bya'o/ /mtshan ma dang de bzhin nyid tha dad pa med pa mthong ba'i phyir te zhes bya ba la/mtshan ma ni 'khor ba'i chos la bya'o/ /de bzhin nyid ni chos thams cad rang bzhin gyis mya ngan las 'das pa'i mtshan nyid stong pa nyid la bya ste/ 'khor ba dang mya ngan las 'das pa gnyis rang bzhin gcig par mthong bas na mtshan ma dang de bzhin nyid tha dad pa med par mthong ba zhes bya ste/don du 'khor ba dang rang bzhin gyis stong pa gang yin pa de nyid mya ngan las 'das pa yin gyi/ mya ngan las 'das pa zhes bya ba yang 'khor ba'i stong pa nyid la ma gtogs par logs shig na yod pa ma yin par mthong ba'o//de bas na byang chub sems dpa'i mtshan ma med pa bsgom pa ni/ nyan thos kyi mtshan ma med pa bsgom pa bas khyad zhugs pa yin no/ /ji ltar khyad zhugs pa bstan pa'i phyir ro/ / de dag gi mtshan ma dang / mtshan ma med pa tha dad par mthong nas/ mtshan ma thams cad yid la mi byed pa dang / mtshan ma med pa'i dbyings yid la byed pas zhes bya ba ste/ nyan thos de dag gis ni mtshan ma ste 'khor ba dang / mtshan ma med pa ste/ mya ngan las 'das pa gnyis tha dad par mthong ste/ ji ltar tha dad par mthong zhe na/ 'khor ba ni skye ba dang rga ba la sogs pa'i sdug bsngal rnam pa sna tshogs dang ldan pas ma zhi ba'i rang bzhin du mthong la/ mya ngan las 'das pa ni skye ba dang rga ba la sogs pa'i sdug bsngal rnams spangs pas zhi ba'i rang bzhin du mthong ste/de bas na 'khor ba ni spong 'dod pas yid la byed la/ mya ngan las 'das pa'i mngon du bya bar 'dod pas/ mya ngan las 'das pa'i dbyings ni yid la byed do/ /byang chub sems dpas ni de bzhin nyid las gzhan du mtshan ma ma mthong bas/mtshan nyid med par mthong ste zhes bya ba la/ byang chub sems dpa' rnams kyis ni de bzhin nyid stong pa nyid la ma rtogs pa'i mtshan ma zhes bya ba/ 'khor ba'i chos logs shig na yod par ma mthong ste/ mtshan ma ste 'khor ba nyid stong pa nyid kyi rang bzhin du mthong nas/'khor ba dang mya ngan las 'das pa gnyis ro gcig par mthong ba'i phyir/ 'khor ba yang mi spong la/ mya ngan las 'das pa yang mi len pa'i tshul du bsgoms te/ de bas na 'khor ba dang mya ngan las 'das pa tha dad pa med par bsgom pa'i phyir/nyan thos mtshan ma med pa bsgom pa dang / byang chub sems dpa' mtshan ma med pa bsgom pa la bye brag yod do/ /de bzhin nyid yod pa'i don dang / /zhes bya ba la/ de bzhin nyid ni stong pa nyid la bya ste/ stong pa nyid ni yod pa'i don du mngon sum du mthong ngo zhes bya ba'i don to//mtshan ma med pa'i don la mngon sum du gyur pa ste/ zhes bya ba la mtshan ma ni gzung ba dang / 'dzin pa la sogs pa ste/ gzung 'dzin mtshan ma rnams ni med pa'i mtshan nyid yin pa mngon sum du mthong ngo zhes bya ba'i don to/ / ji ltar rnam par brtags pa bzhin du don thams cad 'byor pa'i phyir ro zhes bya ba ni de ltar med pa'i don kyang mngon sum du gyur/ yod pa'i don kyang mngon sum du gyur/ gang dang gang bsams pa rnams de bzhin du grub par 'gyur te/ de bas na rnam par rtog pa las 'byor pa rnyed pa zhes bya'o//brgal ba/ gal te 'khor ba ni mya ngan las 'das pa'i rang bzhin yin na/ sems can thams cad la mya ngan las 'das pa yod pas/ sems can thams cad kyis mya ngan las pa mthong bar rigs na/ ci'i phyir ma mthong snyam pa la de'i phyir/ nus pa dag ni yang dag bsgribs/ /yang dag ma yin kun du snang / /zhes bya ba smos te/ 'di ltar 'khor ba nyid mya ngan las 'das pa'i rang bzhin yin yang / byis pa so so'i skye bo dag bdag dang chos su mngon par chags pa'i bag chags kyi sgrib pas yang dag par bsgribs te/stong pa nyid la yod pa'i chos ma mthong la/ yang dag pa ma yin pa gzung ba dang / 'dzin pa'i chos med pa rnams ni/ sems la snang zhing mthong ste dper na/ mi shes pas bsgribs pas/ thag pa yod pa ni mi mthong la/ thag pa la sbrul gyi rang bzhin med pa'i sbrul mthong ba lta bu'o//yang dag byang chub sems dpa' la/ /de bsal nas ni thams cad snang / /zhes bya ba la byang chub sems dpa' rnams ni gang zag dang / chos su mngon par chags pa med pas/ yang dag pa stong pa nyid yod pa'i chos ni sems la snang zhing mthong la/yang dag pa ma yin pa gzung ba dang / 'dzin pa lta bu ni bsal nas sems la mi snang ste/ dper na sngas pa dang bral ba'i mis thag pa yod pa ni mthong la sbrul med pa ni mi mthong ba bzhin no/ /rang gi ngang gis zhes bya ba la/ byis pa rnams la ni gzung ba dang /'dzin pa la sogs pa'i med pa'i chos ni bsgrim mi dgos par sems la snang ngo zhes bya ba'i don to/ /rang gi ngang gis yang dag pa nyid snang / zhes bya ba la/ byang chub sems dpa' rnams la ni stong pa nyid kyi chos sems la bsgrim mi dgos par snang zhing mthong ngo zhes bya ba'i don to//'phags pa rnams la stong pa nyid snang gi /mtshan ma mi snang ngo zhes bstan pa'i don de nyid bsgrub pa'i phyir/ mi snang ba dang snang ba ni/ /yod med don du rig par bya/ /zhes bya ba la sogs pa smos te/ yod pa'i don ni stong pa nyid la med pa'i don ni gzung 'dzin gyi mtshan ma rnams te/byang chub sems dpa' rnams kyis yod pa'i don ni sems la snang zhing mthong la/ med pa'i don mtshan ma rnams ni sems la mi snang zhing mi mthong bar rig par bya'o zhes bya ba'i don to/ /gnas kyang shin tu 'phos pa ste//de ni thar pa 'dod bzhin spyod/ /ces bya ba la/ gang gi tshe stong pa nyid yod pa'i chos kyang mthong / mtshan ma ste med pa'i chos kyang mthong la/ de'i tshe na gzhan gyi dbang gi mtshan nyid du kun gzhi rnam par shes pa/ gnas gzhan du gyur pa zhes bya ste/gnas gzhan du gyur pa de nyid la thar pa dang mya ngan las 'das pa zhes bya ba yang gnas gzhan du gyur pa nyid la bya ba yin par rig par bya'o/ /ci'i phyir gnas gzhan du gyur pa thar pa zhes bya zhe na/ dper na skye bo la la zhig bcings pa las thar pa na/ ji dgar spyod pa de bzhin du/ gnas gzhan du gyur pa de'i tshe/ sems la dbang thob ste/ dngos po gang mthong yang / chags pa dang zhe sdang gi 'ching ba mi 'byung bar spyod pas na thar ba zhes bya'o/ /des ni mi snang ba dang snang ba de nyid thar par rig par bya'o zhes bya ba la/ stong pa nyid mthong ba dang /mtshan ma rnams mi mthong ba'i sems rnyed pa nyid thar pa dang / mya ngan las 'das pa yin pas rig par bya'o zhes bya ba'i don to/ /ci'i phyir zhe na/ 'dod pa bzhin spyod pa'i phyir te zhes bya ba la/ yod med kyi don du mthong ba de la/ ci'i phyir thar pa zhes bya zhe na/ de'i tshe ji dgar 'dod pa bzhin du spyod pas na thar pa zhes bya'o/ /ji dgar 'dod bzhin du spyod pa'i don bstan pa'i phyir/ de rang dbang thob pas rang gi sems la dbang byed pas/ rang bzhin gyis mtshan ma mi 'byung ba'i phyir ro zhes smos te/ ji srid du sems la mtshan ma 'byung ba de srid du 'ching ba yin no//nam stong pa nyid yod pa'i don mthong ba dang mtshan ma la sogs pa med pa'i don mthong ba nas/ sems la dbang thob ste/ chags pa dang zhe sdang la sogs pa gang gi dbang du yang mi 'gyur zhing / sems nam mkha' bzhin du gnas pa'i mtshan ma bcing la sems gang la yang mi 'byung ba'i phyir de'i tshe thar pa zhes bya'o//da tshigs su bcad pa gcig gis thabs gang gis sangs rgyas kyi zhing yongs su dag par 'gyur ba'i sangs rgyas kyi zhing dag par bya ba'i thabs bstan pa'i phyir/ thams cad chen por don snang na//bar chad 'gyur zhes bya ba la sogs pa smos te/ chen po'i sgras ni snod kyi 'jig rten sa gzhi chen po la bya ste/ dus thams cad skad cig ma re re la yang kun gzhi rnam par shes pa las sa gzhi chen po lta bur snang bar 'gyur na/ ji srid du sems las de srid du snang ba yod pa de srid du sa gzhi chen po yang ngam grog dang tsher ma dang gyo mo la sogs pa yod par ma dag par snang gi /gser la sogs pa rin po che'i kha dog tu mi snang bas na/ sangs rgyas kyi zhing yongs su sbyang bar bya ba la bar du gcod pa yin no/ /brgal ba gal te sa gzhi chen po 'di skad cig ma re re la sems la snang ba yin na/sems can rnams ci'i phyir 'di snyam du/ khar sang sngar mthong ba'i sa gzhi nyid bdag gis di ring yang mthong ngo snyam pa'i blo skye bar 'gyur zhes rgol ba yin la/ de'i lan du gcig nas gcig brgyud dang mthun pas zhes bya ba smos te sa gzhi chen po skad cig ma'i ngang gis snang ba nas skad cig ma snga ma las sa gzhi chen po'i dbyibs dang kha dog ci 'dra bar 'byung ba skad cig ma phyi ma la yang sa gzhi chen po'i kha dog dang dbyibs snga ma dang 'dra ba sha dag brgyud mar 'byung bas na/khar sang sngar mthong ba'i sa nyid di ring yang bdag gis de mthong ngo snyam pa'i blo skye ste/de bas na de lta bu'i blo ji srid yod kyi bar du sangs rgyas kyi zhing dag par mi 'gyur ro/ /'o na ji ltar byas pas sangs rgyas kyi zhing dag par 'gyur zhe na/ de'i phyir/ de bas na/ yongs su shes pas 'di dag pa'o zhes smos te/de ltar ji srid du sa gzhi chen po sems la snang ba yod pa de srid du/ sangs rgyas kyi zhing sbyong ba la bar du gcod pa yin par shes par byas nas/ ci nas kyang sa gzhi chen po lta bur sems la snang bar ma gyur cing sa chen po la chags pa'i sems spang bar bya ste/chags pa'i sems spangs nas/ sangs rgyas kyi zhing yongs su dag pa'i mtshan nyid sems la sbyang bar 'gyur te/ sangs rgyas kyi zhing ni de ltar sbyong ngo / /de bas na bar chad byed par yongs su shes nas zhes bya ba la sogs pa ji srid du sems la sa gzhi chen po lta bur yod par snang zhing /yod par chags pa yod pa de srid du sangs rgyas kyi zhing yongs su dag par bya ba la bar du gcod pa yin par shes nas/ yod par chags pa spang bar bya ste/ de la yod par chags pa spangs na/ sangs rgyas kyi zhing shel gyi kha dog la sogs pa dag pa'i mtshan nyid du sems la snang bar 'gyur ro//dpag tu med pa rnam par dbye ba la tshigs su bcad pa zhes bya ba la/ de ltar yang dag pa'i ye shes dang ldan pa'i byang chub sems dpa' bdag grol ba dang thar pa thob pa des sems can dpag tu med pa rnams sgrol bar byed de/de bas na dpag tu med pa rnam par dbye ba la tshigs su bcad pa gcig gis bstan to/ /de la dpag tu med pa rnams bsdus na/ byang chub sems dpa' rnams kyi dpag tu med pa ni rnam pa lnga'o/ /smin par bya dang rnam sbyang dang / /thob bya smin par rung ba dang //yang dag bstan pa'i dngos po dang / /blo ldan rnams kyis dpag tu med/ /ces bya ba la/ byang chub sems dpa' rnams kyi dpag tu med pa'i dngos po ni rnam pa lnga ste/ yongs su smin par bya ba'i dngos po dpag tu med pa dang / rnam par byang ba'i dngos po dpag tu med pa dang /thob par bya ba'i dngos po dpag tu med pa dang / yang dag par bstan par bya ba'i dngos po dpag tu med pa ste/ dpag tu med pa'i dngos po rnam pa lnga'o/ /de la yongs su smin par bya ba'i dngos po ni khyad par med par nyan thos kyi rigs la gnas pa dang / rang sangs rgyas kyi rigs la gnas pa dang /byang chub sems dpa'i rigs la gnas pa dang / rigs ma nges pa dang / rigs med pa rnams te/ nam mkha'i khams mthar thug pa sems can gyi khams der thug ste/ nam mkha' bzhin du sems can gyi khams la mthar thug pa med pas na/yongs su smin par bya ba'i dngos po dpag tu med pa zhes bya'o/ /de ltar nyan thos kyi rigs can dang / rang sangs rgyas kyi rigs can dang / byang chub sems dpa'i rigs can ni theg pa gsum du yongs su smin par bya'o/ /ma nges pa'i rigs can rnams ni theg pa gsum du yongs su smin par bya'o//rigs med pa ni dge ba bcu la bkod nas lha dang mi'i nang du gzhag ste/ yongs su smin par bya'o/ /rnam par sbyong ba'i dngos po ni 'jig rten gyi khams snod kyi 'jig rten te/ de dag kyang ngam grog dang tsher ma la sogs pa med cing ma gzhi shel la sogs pa'i mtshan nyid du yongs su sbyang ba'i 'jig rten gyi khams kyang nam mkha'i mtha' thog thag tu za 'og gi gur bzhin du gnas pas na/yongs su sbyong ba'i dngos po dpag tu med do/ /thob par bya ba'i chos dngos po ni dge ba'i chos dang mi dge ba'i chos rnam pa gnyis las mi dge ba'i chos rnams spangs nas/stobs dang mi 'jigs pa la sogs pa dge ba'i chos thob par bya zhing / mngon du bya ba yang dpag tu med pa zhig yod de/ smin par rung ba'i dngos po dpag tu med pa ni 'di ltar rigs lnga las/ nyan thos kyi rigs dang / rang sangs rgyas kyi rigs dang / theg pa chen po'i rigs dang / rigs ma nges pa'i gang zag rnams ni theg pa gsum la gzud cing mya ngan las 'das pa thob par bya ba'i skal pa yod pas na/ smin par byar rung ba'i dngos po zhes bya ste/ smin par byar rung ba'i sems can gyi khams la yang mtha' med pas na dpag tu med pa zhes bya'o//yang dag par bstan par bya ba'i dngos po dpag tu med pa ni/ gdul ba'i sems can de dag gdul bar bya ba'i thabs bstan pa'i thabs kyang dpag tu med de/ 'dod chags can la mi gtsang ba'i chos bstan pa dang / zhe sdang can la byams pa'i chos bstan pa la sogs pa gsung rab yan lag bcu gnyis bstan cing bshad pa yang dpag tu med pa'i phyir ro//de la smin par bya ba'i dngos po dang / smin par rung ba'i dngos po gnyis la khyad par ci yod ce na/ 'di ltar rigs yod pa dang / rigs med pa la sogs pa'i sems can bye brag med par sems can thams cad la ni smin pa'i dngos po zhes bya'o//theg pa gsum du yongs su mya ngan las 'dar rung ba'i sems can rigs yod pa'i sems can rnams la ni smin par rung ba'i dngos po zhes bya'o/ /de'ang mdor na gang la dmigs par bya ba yang dpag tu med pa dang /gang la gnas nas smin par bya ba yang dpag tu med pa dang / gang dang ldan pas smin par bya ba yang dpag tu med pa dang / gang smin par bya ba yang dpag tu med pa dang / thabs gang gis smin par bya ba yang dpag tu med pa ste/ mdor na de rnams ston to/ /de la gang la dmigs she na/rigs yod pa dang rigs med pa la sogs pa'i sems can kun la dmigs te/ de'ang dpag tu med do/ /gang la gnas nas smin par byed ce na/ snod kyi 'jig rten la gnas nas smin par byed de/ snod kyi 'jig rten de'ang dpag tu med do/ /gang dang ldan pas smin par byed ce na/chos kyi khams dang pha rol tu phyin pa la sogs pa dang ldan pas smin par byed do/ /de'ang dpag tu med do/ /gang smin par byed ce na/ smin par nus pa'i sems can rigs can rnams smin par byed de/ de yang dpag tu med do/ /gang gis smin par byed ce na/ gdul bar bya ba'i thabs chos bstan pas smin par byed de/ de'ang dpag tu med do/ /bstan pa'i 'bras bu rnam par dbye ba la tshigs su bcad pa gnyis te zhes bya ba la/ thabs gang gis sems can rnams 'dul bar byed ce na/ chos bstan pa'i thabs kyis sems can 'dul bar byed de/de bas na tshigs su bcad pa gnyis kyis/ byang chub sems dpa' rnams kyis sems can rnams la chos bstan na/ 'bras bu rnam pa brgyad yod par tshigs su bcad pa gnyis kyis bstan to/ /byang chub kyi ni sems bskyed cing //de bzhin mi skye bzod pa dang / /chung ngur dri ma med pa'i mig /zag pa zad pa de bzhin te/ /dam chos ring du gnas pa dang / /shes dang gcod dang longs spyod dang / /bshad pa dag gi 'bras bu ni/ /de brtson blo ldan dag gis shes/ /zhes bya ba la blo ldan byang chub sems dpa' rnams chos bshad par brtson pa la/'bras bu rnam pa brgyad yod par shes par bya ste/ 'bras bu rnam pa brgyad ni/ /byang chub tu sems bskyed pa dang / mi skye ba'i chos la bzod pa thob pa dang / theg pa chung ngur chos kyi mig dri ma med pa thob pa dang / de bzhin du theg pa chung ngur zag pa zad pa thob pa dang /dam pa'i chos yun ring du gnas pa dang / mi shes pa rnams chos kyi don shes par gyur pa dang / the tshom du gyur pa rnams the tshom gcod pa dang / chos kyi longs spyod chen po myong ba'o/ /'bras bu rnam pa brgyad bsdus na/'bras bu rnam pa gsum zhig ston te/ nyan thos rnams kyis chos thob pa las/ 'bras bu gang thob pa dang / byang chub sems dpa' rnams kyis 'bras bu gang thob pa dang nyan thos dang byang chub sems dpa' gnyi gas 'bras bu gang thob pa ste/ rnam pa de gsum ston to//de la chos bshad pa na/ nyan pa'i sems can la la ni bla na med pa yang dag par rdzogs pa'i byang chub tu sems skyed par byed de/ de ni byang chub sems dpa' rnams kyis 'bras bu thob pa'o/ /de la mi skye ba'i chos la bzod pa thob pa rnam pa gsum ste/mos pa spyod pa'i sa la bzod pa thob pa'i dus na de kho na phyogs gcig pa'i ston pa nyid khong du chud pa la yang bzod pa thob pa zhes bya'o/ /sa dang po'i dus na yang mi skye ba'i chos la bzod pa thob pa zhes bya ste/ de'i tshe gzung 'dzin gnyis dang bral ba'i chos kyi dbyings mngon sum du byas pas na/mi skye ba'i chos la bzod pa thob pa zhes bya'o/ /sa brgyad pa thob pa'i dus na yang / mi skye ba'i chos la bzod pa thob pa zhes bya ste/ rnam par mi rtog pa lhun gyis grub pa'i ye shes rnyed pa'i phyir ro/ /de la chos bshad pa'i dus na kha cig gis ni bzod pa'i dus de kho na phyogs gcig pa'i ting nge 'dzin mngon sum du byed pa dang /kha cig gis ni sa dang po thob/ kha cig gis ni sa brgyad pa la 'jug pas/ mi skye ba'i chos la bzod pa thob pa zhes bya ste/ 'bras bu 'di yang byang chub sems dpa' rnams kyis thob pa'i 'bras bu'o//chos la dri ma med pa'i mig thob pa ni/ nyan thos kyi theg pa la gnas pa rnams la mthong ba'i lam skyes nas mthong bas spang bar bya ba'i nyon mongs pa spangs te/ rgyun du zhugs pa thob pa ni chos kyi mig dri ma med pa zhes bya ste/ shes rab kyis bden pa bzhi mthong bas na/ chos kyi mig ces bya la/ mthong bas spang bar bya ba'i nyon mongs pa spangs pas na dri ma med pa zhes bya ste de bas na mdo sde dang de dag gi nang nas/ chos kyi rnam grangs 'di bshad pas na/ rdul med cing dri ma dang bral ba'i chos la chos kyi mig skyes so zhes gsungs so//de la bzod pa'i dus na ni/ rdul med pa zhes bya ste/ bzod pas mthong bas spang bar bya ba'i nyon mongs pa rnams spong bar byed pa'i phyir ro/ /ye shes kyi dus na ni dri ma dang bral ba zhes bya ba ste/ ye shes kyis rnam par grol ba mngon sum du byed pa'i phyir ro//mthong ba'i lam skyes pa'i gang zag dag ni chos bshad pa'i mthus/ bsgom pa'i lam dang / mthar thug pa'i lam skyes nas/ nyon mongs pa thams cad dang bral ba'i mtshan nyid dgra bcom pa'i 'bras bu thob pa ni zag pa zad pa thob pa zhes bya ste/dri ma med pa'i chos kyi mig thob pa dang / zag pa zad pa thob pa gnyis ni/ 'phags pa nyan thos rnams kyis ni chos thos pa'i 'bras bu'o/ /dam pa'i chos gzhan la bshad na/ des kyang gzhan la bshad/des kyang gzhan la bshad pa'i sgo nas mar me gcig las mar me mang po 'phel ba bzhin du dam pa'i chos yun ring du mi 'jig par 'gyur bas na/ dam pa'i chos yun ring du gnas pa zhes bya'o/ /sngon theg pa che chung gi chos rnams kyi rang dang spyi'i mtshan nyid la shes pa med pa las/dam pa'i chos shes nas shes pa med pa dang bral te/ theg pa che chung gi chos rnams kyi rang dang / spyi'i mtshan nyid la mkhas par 'gyur bas na/ don shes par 'gyur ba zhes bya'o/ /sngon chos rnams kyi rang dang spyi'i mtshan nyid la the tshom du gyur pa'i chos/chos thos nas chos kyi mtshan nyid la the tshom thams cad dang bral bar 'gyur bas na the tshom gcod pa zhes bya'o/ /sngon gyi mi shes pa yang med the tshom gyi mi shes pa yang med pa nges pa'i sems thob pa rnams ni/ dam pa'i chos rgya chen po dag thob nas/chos kyi longs spyod kha na ma tho ba med pa'i don sems kyis myong bar 'gyur bas chos la longs spyod thob pa zhes bya ste/ de ltar dam chos yun ring du gnas pa dang / mi shes pa rnams don shes par 'gyur ba dang / the tshom gcod pa dang chos kyi longs spyod myong ba rnams ni/nyan thos dang byang chub sems dpa' gnyi ga'i chos thos pa'i thun mong gi 'bras bu'o/ /gcig nas gcig tu 'dzin pas zhes bya ba ni byang chub sems dpa' la las gzhan dag la chos bshad na/ des chos bzung nas/ gzhan la 'chad par byed/des kyang gzhan la 'chad par byed pa'i sgo nas/ dam pa'i chos yun ring du 'jig rten du gnas par 'gyur ro/ /nges pa rnams ni bya ba la/ mi shes pa med pa dang the tshom med pa'i gang zag ni nges pa zhes bya'o/ /dam pa'i chos kyi dga' ba'i ro kha na ma tho ba med pa rgya chen po la longs spyod par 'gyur ro zhes bya ba la/mi shes pa med pa dang the tshom med pa'i gang zag rnams dam pa'i chos thos pa ni/ chos kyi dga' ba'i ro nyon mongs pa'i dri mas ma gos pas zag pa med pa'i chos kyi longs spyod chen po myong bar 'gyur ro/ / theg pa chen po'i che ba po rnam par dbye ba'i tshigs su bcad pa rnam pa gnyis te zhes bya ba la/ gzhan gyi don phun sum tshogs pa la zhugs pa'i byang chub sems dpa' de gzhan gyi don phun sum tshogs par byed pa yang ma zad kyi/ bdag nyid kyi don phun sum tshogs pa dang yang ldan te/de la bdag gi don phun sum tshogs pa gang zhe na/ theg pa chen po'i bdag nyid chen po dang ldan pa'o/ /de la theg pa chen po'i bdag nyid chen po la yang bdag nyid chen po rnam pa bdun yod do/ /bdag nyid chen po rnam pa bdun la theg pa chen po zhes bya'o//bdag nyid chen po rnam pa bdun yang / chen po rnam pa gnyis su bsdus te/ rgyu che ba dang 'bras bu che ba'o/ /dmigs pa dag ni che ba dang / /grub pa gnyis kyang de bzhin du/ /ye shes gnyis ni brtson 'grus brtsams//thabs la mkhas par 'gyur ba dang / /yang dag thob pa chen po dang / /sangs rgyas las ni chen po'o/ /chen po de dag ldan pas na/ /theg pa chen po brjod pa'o/ /zhes bya ba la/ chen po rnam pa bdun dang ldan pas na/ theg pa chen po zhes bya ste/ chen po rnam pa bdun ni/dmigs pa che ba dang / sgrub pa gnyis che ba dang / ye shes gnyis che ba dang / brtson 'grus brtsams pa che ba dang / thabs la mkhas par 'gyur ba che ba dang / yang dag par thob pa che ba dang / sangs rgyas kyi las che ba'o/ /dmigs pa chen po ni rgya che ba'i mdo la sogs pa dang ldan pa'i phyir ro zhes bya ba la/nyan thos rnams ni sde snod gsum tsam la dmigs par zad kyi/ byang chub sems dpa' rnams ni zab cing rgya che ba'i mdo sde shes rab kyi pha rol tu phyin pa stong phrag brgya pa la sogs pa stong phrag brgya pa'i mdo sde dpag tu med pa la dmigs pas na dmigs pa che'o//sgrub pa chen po ni sgrub pa rnam pa gnyis te/ bdag gi don dang gzhan gyi don to zhes bya ba la/ nyan thos rnams ni bdag gi don tsam sgrub par zad kyi/ byang chub sems dpa' dag bdag dang gzhan gnyi ga'i don bsgrubs pas na sgrub pa che'o/ /ye shes chen po ni chen po gnyis te/ gang zag la bdag med pa dang / chos la bdag med pa ste/ rtogs pa'i dus na'o zhes bya ba la/ rtogs pa'i dus ni sa dang po la bya ste/ sa dang po'i dus na gang zag la bdag med pa dang / chos la bdag med pa gnyis rtogs pas ni/ ye shes chen po zhes bya ste/ nyan thos kyi sa rnams kyis ni/ mthong ba'i lam rgyun du zhugs pa thob pa'i dus na/ gang zag la bdag med pa las ma rtogs pa'i phyir ye shes chen po zhes mi bya'o//brtson 'grus chen po ni bskal pa grangs med pa gsum du rtag tu gus par sbyor ba'i phyir ro zhes bya ba la/ nyan thos rnams kyi tshe gsum mam/ tshe bdun tsam zhig brtson 'grus rtsom gyi/ byang chub sems dpa' rnams kyis ni rab tu nye ba/bskal pa grangs med pa gsum gyi bar du brtson 'grus rtsom ste/ de bas na brtson 'grus brtsams pa che'o/ /thabs la mkhas pa chen po ni nyon mongs pa med par 'khor ba yongs su mi gtong ngo zhes bya ba la nyan thos rnams ni skye ba dang rga ba la sogs pa'i sdug bsngal dang ldan par mthong la mya ngan las 'das pa ni zhi ba'i mtshan nyid du mthong bas/'khor ba spangs nas/ mya ngan las 'das pa mngon sum du bya bar sems pa'i phyir thabs chen po zhes mi bya'o/ /byang chub sems dpa' rnams ni shes rab dang snying rje dang ldan pas snying rjes 'khor ba yongs su mi gtong la/shes rab kyis ni 'khor bar gnas kyang 'khor ba'i nyon mongs pas mi gos par byed de/ dper na pad+mo 'dam las skyes kyang 'dam gyi nyes pas mi gos pa bzhin du gnas pas na thabs mkhas pa che'o zhes bya'o//de yan chad rgyu che ba bstan to/ /yang dag par thob pa chen po ni stobs dang mi 'jigs pa dang zhes bya ba la sogs pa dang / 'phags pa nyan thos rnams kyis ni mjug tu dgra bcom pa'i 'bras bu mtha' dag skye mched dang /zil gyis gnon pa'i skye mched dang / mngon par shes pa drug tsam las mi 'thob kyi/ byang chub sems dpa' rnams kyis ni mthar stobs dang / mi 'jigs pa dang ma 'dres pa la sogs pa yon tan dpag tu med pa 'thob pa che ba zhes bya'o/ / sangs rgyas kyi phrin las chen po ni/ mngon par byang chub ston pa dang / /mya ngan las 'das pa yang dag /ces bya ba la/ nyan thos rnams kyis ni/ dgra bcom pa'i 'bras bu 'thob cing mya ngan las 'das pa thob na/ mngon par byang chub pa dang / chos kyi 'khor lo bskor ba la sogs pa'i las mi byed kyi/byang chub sems dpa' rnams kyis ni mngon par sangs rgyas nas kyang sems can bsgral bar bya ba'i phyir/'og min gyi pho brang na bzhugs pa dang / lhums su gshegs pa dang / mngon par 'tshang rgya ba la sogs pa nas/yongs su mya ngan las 'das pa'i bar dag chos ston pa'i phrin las mdzad pas na phrin las che ba zhes bya ste/ rnam pa de gnyis kyis ni 'bras bu che bar bstan to/ /theg pa chen pos kun bsdus pas rnam par dbye ba'i tshigs su bcad pa gnyis te zhes bya ba la de ltar theg pa chen po'i bdag nyid chen po dang ldan pa rnams ni nyan thos dang rang sangs rgyas kyi theg pa la brten nas/mya ngan las 'das pa'i gnas su 'byung bar med pa ni ma yin te/ theg pa chen po'i bdag nyid chen po nyid kyis mi gnas pa'i mya ngan las 'das pa'i gnas su 'byung bar byed do//de bas na theg pa chen po'i bdag nyid che ba'i 'og tu/ theg pa chen po bsdus pa'i skabs bshad do/ /de la theg pa chen po zhes bya ba ni shes rab kyi pha rol tu phyin pa stong phrag brgya pa las/rmad ga cad la sogs pa la bya bas theg pa chen po'i don brjod na dpag tu med mod kyi 'on kyang dpag tu med pa de dag bsdus na chos rnam pa brgyad kyi nang du/ theg pa chen po'i don ma lus par 'dus pa na/ chos rnam pa brgyad la theg pa chen po zhes bya'o//de la chos rnam pa brgyad bsdus pa'i don kyang rigs la gnas pa'i byang chub sems dpas bla na med pa'i byang chub tu sems bskyed nas mos pa spyod pa'i sar byang chub sems dpa'i spyod pa pha rol tu phyin pa drug bsgrubs te/ de'i 'og tu sa bcu'i rim gyis bsgoms nas sangs rgyas kyi sa mngon du byas pa ste/de rnams la theg pa chen po zhes bya'o/ /rigs dang zhes bya ba la/ rigs zhes bya ba dang sa bon zhes bya ba dang skal ba yod pa zhes bya ba'i don gcig ste/ don du na sbyin pa nas shes rab kyi pha rol tu phyin pa'i bar du/pha rol tu phyin pa drug gi sa bon yod pa la rigs zhes bya ste/ 'di ni rigs la gnas pa zhes bya ba'i don bstan te/ chos rnam pa gcig go/ /chos la mos pa dang zhes bya ba la/ de ltar theg pa chen po'i rigs yod pas/ zab cing rgya che ba'i chos la yang sems gcig tu dad pa ni chos la mos pa zhes bya ste 'di ni chos rnam pa gnyis so//de ltar sems ni bskyed pa dang / /zhes bya ba la/ byang chub sems dpa'i rigs kyang yod/ zab cing rgya che ba'i chos la yang mos par 'gyur bas de'i 'og tu/ bdag dang sems can thams cad la phan par bya ba'i phyir bla na med pa'i byang chub thob par gyur cig ces smon lam 'debs pa ni sems bskyed pa zhes bya ste/'di ni chos rnam pa gsum ste/ de yan chad kyis rigs la gnas pas bla na med pa'i byang chub tu sems bskyed de zhes bya ba'i don smras so//sbyin la sogs pa sgrub pa dang / /zhes bya ba la/ de ltar bla na med pa'i byang chub tu sems bskyed nas mos pa spyod pa'i sar sbyin pa'i pha rol tu phyin pa nas shes rab kyi pha rol tu phyin pa'i bar du/ pha rol tu phyin pa drug bsgrub pa ni chos rnam pa bzhi ste/ des ni byang chub tu sems bskyed nas mos pa spyod pa'i sar pha rol tu phyin pa drug sgrub ces bya ba'i don bstan to//skyon med pa la 'jug pa dang / /zhes bya ba la gzung ba dang 'dzin pa la mngon bar chags pa ni skyon te/ sa dang por gzung ba dang 'dzin pa la mngon par chags pa spangs pas na/ mos pa spyod pa'i sar pha rol tu phyin pa drug bsgrubs pas sa dang po thob pa'i phyir skyon med pa zhes bya'o//'di ni chos lnga'o/ /sems can rnams ni smin byed dang / /zhes bya ba la/ de nas sa gnyis nas brtsams te/ sa bdun pa man chad na byang chub kyi phyogs dang / pha rol tu phyin pa'i chos rnams kyis sems can bstan pa la ma dad pa rnams ni bstan pa la dad par byed/bstan pa la dad pa rnams ni dge ba la bkod nas yongs su smin par byed de/ 'di ni chos drug go/ /zhing yang yongs su sbyong ba dang / /mi gnas pa'i mya ngan las 'das/ /zhes bya ba la/ de nas phyir mi ldog pa'i sa/sa brgyad pa dang / dgu pa dang / bcu pa la ni sangs rgyas kyi zhing yongs su sbyong ba dang mi gnas pa'i mya ngan las 'das pa'i lam la gnas par byed de/ 'di ni chos bdun no/ /de sangs rgyas kyi zhing yongs su sbyong ba la ni snod kyi 'jig rten shel dang gser la sogs pa'i kha dog tu snang bar byed pa'o//mi gnas pa'i mya ngan las 'das pa'i lam ni shes pa dang snying rje gnyis te/ snying rjes 'khor ba yongs su ma btang na/ mya ngan las 'das pa 'ba' zhig gi phyogs la mi gnas so/ /byang chub sems dpa' sems can gyi don du 'khor ba na gnas kyang ye shes kyi mthus/'khor ba'i nyes pas mi gos pas na/ 'khor ba na mi gnas so/ /byang chub mchog kyang rnam par ston/ /zhes bya ba la/ de nas sa bcu 'das nas sa bcu gcig pa sangs rgyas kyi sa sku gsum thob pas na byang chub pa zhes bya la/ byang chub pa nas yum gyi lhums su 'jug pa dang /lhums nas 'byung ba dang / khab nas byung zhing rab tu 'byung ba bstan pa la sogs pa bstan nas mngon par sangs rgyas pa dang / chos kyi 'khor lo bskor ba dang / mya ngan las 'das pa'i bar dag ston par byed de de ni chos brgyad pa'o/ /de bas na theg pa chen po zhes bya ba yang mdor bsdus na/rigs nas brtsams te/ yongs su mya ngan las 'das pa'i bar dag bstan pa theg pa chen po zhes bya'o/ /byang chub sems dpa' rnam par dbye ba'i tshigs su bcad pa bcu'o zhes bya ba la/ gang du byang chub kyi phyogs kyi chos bsgrubs pa des yon tan rnam pa gnyis thob ste/yon tan gnyis ni bsgrub pa'i yon tan dang / rab tu bsngags pa'i yon tan no/ /de la sgrub pa'i yon tan la yang rgyu mthun pa'i yon tan dang bral ba'i yon tan dang sems can la mngon du lta ba'i yon tan gsum ni 'di yan chad du bshad zin to//da ni byang chub sems dpa' rnam par dbye ba man chad kyis rab tu bsngags pa'i yon tan ston to/ /de la mos pa spyod pa'i sa nas/ sa bcu rnams la phye na byang chub sems dpa' du yod pa dang / sa de dag la gnas pa'i byang chub sems dpa' rnams kyi mtshan nyid ji lta bu yin pa bstan pa ni/byang chub sems dpa' rnam par dbye ba zhes bya ste/ de tshigs su bcad pa bcus bstan to/ /byang chub sems dpa' lnga po ni/ /sa rnams kun du shes par bya/ /zhes bya ba la/ sa bcu'i steng du/ mos pa spyod pa'i sa bstan te sa bcu gcig po de dag la/byang chub sems dpa' rnam pa lnga zhig yod par shes par bya'o zhes bya ba'i don to/ /gcig ni mos dang ldan pa dang / /zhes bya ba la/ byang chub sems dpa' rnam pa lnga po gang yin pa de ni ston to/ /de la gcig ces bya ba ni mos pa spyod pa'i sa bzhi la gnas pa'i byang chub sems dpa' zhe bya ste/mos pa spyod pa'i sa bzhi la gnas pa'i byang chub sems dpa' la ni mos pa dang ldan pa'i byang chub sems dpa' zhes bya'o/ /ji lta'i phyir mos pa dang ldan pa zhes bya zhe na/ de'i tshe chos kyi dbyings kun du 'gro ba'i mtshan nyid mngon sum du ma byas kyi/chos kyi dbyings kun du 'gro ba'i mtshan nyid la dad cing yid ches pa tsam yod pa'i phyir ro/ /lhag pa'i bsam pa dag pa gzhan/ /zhes bya ba la/ gzhan zhes bya ba ni/ byang chub sems dpa' gnyis pa ni/ /zhes bya ba'i don to/ /sa dang po la zhugs pa'i byang chub sems dpa' la ni lhag pa'i bsam pa rnam par dag pa'i byang chub sems dpa' zhes bya ste/ci'i phyir lhag pa'i bsam pa rnam par dag pa zhes bya zhe na/ de'i tshe chos kyi dbyings kun du 'gro ba'i mtshan nyid rtogs pa dang / bdag dang gzhan gyi don phun sum tshogs pa'i sems dang ldan pa lhag pa zhes bya ba la/mthong bas spang bar bya ba'i nyon mongs pa dang / shes bya'i sgrib pa spangs pa'i phyir rnam par dag pa zhes bya'o/ /mtshan ma dang ni zhes bya ba la/ /sa gnyis pa yan chad sa drug pa man chad la gnas pa'i byang chub sems dpa' la mtshan ma dang bcas pa'i byang chub sems dpa' zhes bya ste/ci'i phyir mtshan ma dang bcas pa zhes bya zhe na/ sa gnyis pa la ni 'di ni nyan thos kyi theg pa/ 'di ni rang sangs rgyas kyi theg pa/ 'di ni theg pa chen po'o zhes theg pa la rnam pa sna tshogs su 'byed pa'i mtshan ma spyod pa'i phyir ro//sa gsum pa la ni lhan cig skyes pa'i 'jig tshogs la lta ba'i mtshan ma spangs so/ /sa bzhi pa la ni sdug bsngal dang kun 'byung gi bden pa la gnod pa'i rnam par mthong ba dang / 'gog pa dang lam gyi bden pa la zhi ba'i rnam par mthong ba'i mtshan ma yod pa'i phyir ro//sa lnga pa la ni bzo'i las kyi gnas rnam pa sna tshogs la 'jug cing rtog pa kun du 'byung ngo / /sa drug pa la ni rten cing 'brel te 'byung ba/ ma rig pa'i rkyen gyis 'du byed la sogs pa lugs bzhin pa dang / ma rig pa 'gags pas 'du byed 'gag pa la sogs pa lugs las bzlog pa la rtogs pa'i mtshan ma yod pas/sa de dag la gnas pa'i byang chub sems dpa' la mtshan ma dang bcas pa zhes bya'o/ /mtshan ma med ces bya ba la/ sa bdun pa la gnas pa'i byang chub sems dpa' la mtshan ma med pa'i byang chub sems dpa' zhes bya ste/ji ltar mtshan ma med pa zhes bya zhe na/ sa de la gnas pa'i byang chub sems dpa' des sa drug pa man chad la 'byung ba'i mtshan ma thams cad spangs pa'i phyir mtshan ma med pa zhes bya'o/ /mngon par 'du mi byed la spyod/ / ces bya ba la/ phyir mi ldog pa'i sa brgyad pa dang / dgu pa dang / bcu pa la gnas pa'i byang chub sems dpa' la ni/ mngon par 'du mi byed pa la spyod pa'i byang chub sems dpa' zhes bya ste/ ci'i phyir sa de gsum la gnas pa la mngon par 'du mi byed pa la spyod pa zhes bya zhe na/de'i tshe bdag dang gzhan gyi don sgrub pa dang / rnam par mi rtog pa'i ting nge 'dzin la rtsol 'bad med par lhun gyis grub pa nyid du gnas pas mngon par 'du mi byed pa la spyod pa zhes bya'o/ /byang chub sems dpa' lnga po ni/ /sa rnams kun du shes par bya/ / zhes bya ba la mos pa spyod pa'i sa yan chad sa bcu pa man chad sa bcu gcig rnams ni byang chub sems dpa' rnam pa lnga zhig yod par shes par bya'o zhes bya ba'i don to/ /da ni byang chub sems dpa' de lnga'i mtshan nyid bshad de/ de la gang pha rol tu phyin pa drug bsgrub pa dang /pha rol tu phyin pa drug bsgrubs pa rnams 'jig rten gyi phun sum tshogs pa dang / nyan thos dang rang sangs rgyas kyi mya ngan las 'das par mi bsngo'o/ /bla na med pa'i byang chub chen po thob par bsngo zhing smon lam 'debs pa de/ byang chub sems dpa'i mtshan nyid yin par bstan pa'i phyir 'dod la ma chags zhes bya ba la sogs pa smos so//de la 'dod pa la ma chags pa ni sbyin pa'i pha rol tu phyin pa ste/ sbyin pa'i pha rol tu phyin pa la gnas na/ gzugs la sogs pa 'dod pa lnga'i yon tan dang / longs spyod la ma chags shing phyi nang gi dngos po yongs su gtong bar byed do//las gsum rnam par dag ces bya ba la/ las gsum rnam par dag pa'i tshul khrims kyi pha rol tu phyin pa ste/ tshul khrims la gnas na lus kyi sgo nas srog mi gcod/ ma byin par mi len/ mi tshangs par mi spyod pas/lus kyi las rnam par dag pa dang ngag gi sgo nas brdzun dang / phra ma dang / tshig rtsub po dang / tshig 'khyal ba mi smra bas ngag gi las rnam par dag pa dang / yid kyi sgo nas chags sems dang gnod sems dang log pa'i lta ba med pas yid kyi las rnam par dag go//khro ba zil gnon zhes bya ba la/ khro ba zil gyis gnon pa ni bzod pa'i pha rol tu phyin pa ste/ bzod pa la gnas na zhe sdang gi sems mi 'byung bar zil gyis gnon pa'i phyir ro/ /yon tan mchog la brtson zhes bya ba la/ yon tan gyi sgras ni/ sbyin pa la sogs pa 'jig rten las 'das pa'i dge ba la bya ste/yon tan mchog la brtson pa ni brtson 'grus kyi pha rol tu phyin pa ste/ brtson 'grus kyis ni 'jig rten las 'das pa'i dge ba thams cad bsgrub pa la brtson pa'i phyir ro/ /chos la mi g.yo zhes bya ba la/ chos la mi g.yo ba ni bsam gtan gyi pha rol tu phyin pa ste/bsam gtan gyis ni sems rtse gcig tu gzhag pa'i sems las sems phyi rol du g.yo zhing g.yeng ba mi byed pa'i phyir ro/ /yang dag zab mo mthong zhes bya ba la/ yang dag zab mo ni gang zag dang chos la bdag med pa'o/ /yang dag zab mo mthong ba ni shes rab kyi pha rol tu phyin pa ste/shes rab kyis bdag med pa gnyis mthong zhing khong du chud pa'i phyir ro/ /'di yan chad kyi tshig gis pha rol tu phyin pa drug bsgrub pa bstan to/ /byang chub chen por mos ldan byang chub sems/ /zhes bya ba la/ gang du pha rol tu phyin pa drug bsgrub pa rnams bla na med pa'i byang chub thob pa'i rgyur gyur cig ces bsngo ba ni byang chub chen por mos pa dang ldan pa zhes bya ste/'dis ni byang chub tu smon lam 'debs pa bstan to/ /yang rnam grangs gzhan gyis pha rol tu phyin pa drug bsgrub pa dang / byang chub tu smon lam 'debs pas byang chub sems dpa' yin par bstan pa'i phyir/phan 'dogs 'dod dang zhes bya ba la sogs pa smos so/ /de la phan 'dogs par 'dod pa ni sbyin pa'i pha rol tu phyin pa ste/ sbyin pa ni bza' ba dang bgo ba la sogs pa'i yo byad kyis sems can rnams la phan 'dogs pa'i phyir ro//gnod pa med par lta zhes bya ba la/ gnod pa med par lta ba ni tshul khrims kyi pha rol tu phyin pa ste/ tshul khrims la gnas pa rnams sems can gzhan gyi srog mi gcod pas na srog la gnod par mi byed/ nor la ma byin par mi len pas na/longs spyod la gnod par mi byed/ gzhan gyi bud med la mi tshangs par mi spyod pas na chung ma la gnod par mi byed do/ /pha rol gnod byed dag la bzod pa dang / /zhes bya ba la pha rol gnod byed la bzod pa ni bzod pa'i pha rol tu phyin pa ste/bzod pa la gnas pa rnams ni/ sems can gzhan gyis bdag gi srog dang longs spyod la gnod pa byas kyang / slar gnod pa'i lan ldon par mi byed de/ 'di ni bzod pa gsum las gnod pa la ji snyam pa'i bzod pa bstan to//brtan pa zhes bya ba la brtan pa ni brtson 'grus kyi pha rol tu phyin pa brtsams pa ste/ brtson 'grus drag po dang ldan pa'i rnam pa ni/ dge ba'i phyogs la brtson 'grus rtsom pa'i tshe/ grang ba dang tsha ba la sogs pa'i sdug bsngal myong bas/ mi skrag cing brtson 'grus brtsams pa las mi ldog pa'i brtan pa zhes bya'o/ /bag yod ces bya ba la 'du 'dzi mang po'i nang na gnas shing bsam gtan thob pa'i ro la chags pa'i rnam pa ni bag med pa'o/ /bsam gtan gyi pha rol tu phyin pa la gnas pa ni bag yod pa zhes bya ste/bsam gtan rdzogs par bya ba'i dgon pa na gnas shing bsam gtan gyi ro la ma chags par byed pas na bag yod pa zhes bya'o/ /mang du thos pa dang zhes bya ba la/ dge ba'i bshes gnyen mang po las chos mang du thos na/ shes rab 'byung bas mang du thos pa ni shes rab kyi pha rol tu phyin pa la gnas pa ste/ 'di yan chad kyis pha rol tu phyin pa drug bsgrub pa bstan to/ /pha rol don brtson byang chub sems dpa' yin/ /zhes bya ba la/ de ltar pha rol tu phyin pa drug pa sgrubs pa'i rnam pa sems can yongs su bsgral bar bya ba'i don du/bla na med pa'i byang chub tu bsngo ba ni pha rol gyi don la brtson pa zhes bya ste/ des na byang chub chen por smon lam 'debs pa bstan to/ /de ltar pha rol tu phyin pa drug kyang bsgrub la byang chub chen por smon lam 'debs pa de byang chub sems dpa' yin no zhes bya ba'i don to//yang rnam grangs gzhan gyis pha rol tu phyin pa drug sgrub cing byang chub chen por smon lam 'debs pa byang chub sems dpa' yin par bstan pa'i phyir rang gis yongs su bzung ba nyes par mthong ngo zhes bya ba la sogs pa smos te/rang gis yongs su bzung ba ni bdag la yod pa'i yo byad dang longs spyod la bya ste/ bdag gi longs spyod rnams la/ mi rtag pa dang / sdug bsngal ba dang / rmi lam dang / sgyu ma lta bu yin zhing longs spyod la chags pa'i skyon gyis ngan song gsum du skye ba dang /'jig rten dang 'jig rten las 'das pa'i phun sum tshogs pa thos par bya ba la/ bar du gcod pa'i nyes pa yod par ma mthong ba rnams ni sbyin pa la 'jug par mi byed kyi/ byang chub sems dpa' rnams ni bdag gi longs spyod la chags na skyon dang nyes pa yod par mthong bas/phyi nang gi dngos po yongs su gtong bar byed do/ 'dis ni sbyin pa'i pha rol tu phyin pa dang ldan par bstan to/ /longs spyod ma chags zhes bya ba la/ gang gis 'dod pa lnga'i longs spyod dang / zang zing la chags pa rnams ni khyim nas khyim med par rab tu 'byung bar mi nus kyi/byang chub sems dpa' ni 'dod pa lnga'i yon tan dang zang zing la chags pa med pas khyim nas khyim med par rab tu 'byung ba ste/ 'dis ni tshul khrims kyi pha rol tu phyin pa dang ldan par bstan to/ /zhe la 'dzin pa med ces bya ba la/ sems can gyis gnod pa byas pa dang phrad nas 'dis bdag la 'di lta bu zhig gnod pa byas kyi/lan ldon du btang ngo snyam du sems pa ni zhe la 'dzin pa zhes bya ste/ byang chub sems dpa' ni sems can gzhan gyis gnod pa byas kyang / slar gnod pa bya'o snyam du sems pa'i bsam pa med pas/ zhe la 'dzin pa med pa zhes bya ste/'dis ni bzod pa'i pha rol tu phyin pa dang ldan pa bstan to/ /rnal 'byor zhes bya ba ni zhi gnas dang lhag mthong bsgom pa la sogs pa'i dge ba la rgyun du 'jug cing sgrub pa ni rnal 'byor zhes bya ste/ 'dis ni brtson 'grus kyi pha rol tu phyin pa bsgrub pa dang 'dra bar bstan to//mtshan ma mkhas zhes bya ba la/ nam sems rtse gcig pa'i ting nge 'dzin bsgom pa na/ zhi gnas kyi mtshan ma dang / gzengs bstod pa'i mtshan ma dang / btang snyoms kyi mtshan ma la bsgom pa ni/ mtshan ma la mkhas pa zhes bya zhe na/gang gi tshe sems la 'dod pa lnga'i yon tan la sogs pa g.yeng bar gyur ba'i dus na ni 'khor ba'i skyon yid la bya ba la sogs pa zhi gnas kyi mtshan ma yid la byas nas sems zhi bar bya'o/ /nam sems gnyid dang rmugs pas non te mi gsal bar gyur na bsam gtan gyi 'bras bu'am/de bzhin gshegs pa'i yon tan la sogs pa yid la bya ba gzengs bstod pa mtshan ma yid la byas nas sems gso bar bya'o/ /nam zhum rgod spangs pa'i phyir bsngos na theg pa chen po'i spyod pa las mi nyams par 'gyur bas na/ nang du rab tu gnas pa zhes bya ste/ tshig des byang chub chen por smon lam btab po//de ltar pha rol tu phyin pa drug kyang bsgrubs la/ byang chub chen po thob par bya ba'i phyir smon lam yang 'debs pa de la byang chub sems dpa' zhes bya'o zhes bya ba'i don bstan to/ /yang rnam grangs gzhan gyis pha rol tu phyin pa drug bsgrub pa dang /byang chub chen por smon lam 'debs pa ni byang chub sems dpa'i mtshan nyid yin par bstan pa'i phyir snying rje ldan pa zhes bya ba la sogs pa smos so/ /de la sems can bkres pa dang grang ba la sogs pa'i sdug bsngal gyis nyen pa rnams la snying rje med pa dag ni bza' ba dang bgo ba la sogs pa'i yo byad gtong zhing sbyin par mi byed kyis/byang chub sems dpa' ni sems can yo byad kyis phongs te/ sdug bsngal ba rnams la snying rje dang ldan pas bza' ba dang bgo ba la sogs pa gtong zhing sbyin par byed de/ 'dis ni sbyin pa'i pha rol tu phyin pa bsgrub pa brtan to//ngo tsha yon tan gnas zhes bya ba la/ gang dag srog gcod pa dang / ma byin par len pa la sogs pas sdig pa'i las byed pa la 'dzem zhing ngo tsha ba med pa de dag la tshul khrims med kyi/ byang chub sems dpa' rnams ni ngo tsha ba'i yon tan la gnas pa ste/ srog gcod pa dang ma byin par len pa la sogs pa sdig pa'i las byed pa bag tsha zhing 'dzem pas/ de dag cung zad kyang mi byed de/ 'dis ni tshul khrims kyi pha rol tu phyin pa bsgrub pa bstan to/ /sdug bsngal bzod cing zhes bya ba la/ gang dag gzhan gyis brdeg pa dang / bcing ba la sogs pa'i gnod pa byas pa la/mi bzod pa de dag ni slar sems can la gnod pa byed na/ byang chub sems dpa' ni sems can gzhan gyis gnod pa byas pa'i sdug bsngal rnams bzod cing nyams su len pas gzhan la slar gnod pa mi byed de/ 'dis ni bzod pa'i pha rol tu phyin pa bsgrub pa bstan to//bdag gi bde la chags zhes bya ba la/ gang dag nyan pa dang / sems pa la sogs pa'i dge ba byed na/ bkres pa dang skom pa'i sdug bsngal mi bzod cing / nyal ba dang 'phres pa tsam gyis bdag gi bde ba la chags pa de dag ni/ bdag dang gzhan gyi don du brtson 'grus rtsom par mi nus kyi/byang chub sems dpa' rnams ni nyan pa la sogs pa'i dge ba byed pas na/ grang ba dang bkres pa la sogs pa'i sdug bsngal bzod cing nyal ba dang / 'phres pa la sogs pa'i bdag gi bde ba la ma chags pas bdag dang gzhan gyi don du brtson 'grus rtsom ste/'dis ni brtson 'grus kyi pha rol tu phyin pa'i bsgrub pa bstan to/ /dran gtso bo zhes bya ba la/ gang dag sems nyon mongs pa'i dbang du song nas bsgom par bya ba'i yul brjed pa de dag la ni bsam gtan med kyi/ byang chub sems dpa' rnams ni ting nge 'dzin gyi yul ma brjed pa'i dran pa dang ldan pa dang /rtag tu yang bsam gtan dang ldan te/ 'dis ni bsam gtan gyi pha rol tu phyin pa bsgrub pa bstan to/ /shin tu mnyam gzhag nyid ces bya ba la gang sems mnyam par gzhag pa'i ting nge 'dzin med pa de dag la yang dag pa ji lta ba bzhin du shes pa'i shes rab med kyi/byang chub sems dpa' rnams ni rtag tu sems mnyam par gzhag pas/ yod med gang yang mi rtog pa'i ye shes dang ldan te/ 'dis ni shes rab kyi pha rol tu phyin pa bsgrub pa bstan to/ /'di yan chad kyis pha rol tu phyin pa drug bsgrub pa bstan pa yin no//theg pa mi 'khrugs byang chub sems dpa'o/ /zhes bya ba la/ de ltar pha rol tu phyin pa drug bsgrub pa rnams 'jig rten gyi longs spyod dang / theg pa chung ngu'i mya ngan las 'das par bsngos na ni theg pa chen po'i spyod pa las nyams pas/theg pa chen po las 'khrugs pa zhes bya na/ byang chub sems dpa' rnams kyis pha rol tu phyin pa drug bsgrubs pa rnams bla na med pa'i byang chub thob par bya ba'i phyir bsngos pas theg pa chen po'i spyod pa la ma nyams pa'i phyir theg pa las mi 'khrugs pa zhes bya ste/'dis ni byang chub chen por smon lam 'debs pa bstan to/ /de ltar pha rol tu phyin pa drug kyang bsgrub la/ byang chub chen por smon lam 'debs pa de la/ byang chub sems dpa' zhes bya'o zhes bya ba'i don to/ /yang rnam grangs gzhan gyis pha rol tu phyin pa drug bsgrub pa dang /byang chub chen por smon lam 'debs pa de byang chub sems dpa'i mtshan nyid yin pa'i phyir/ sdug bsngal spangs shing zhes bya ba la sogs pa smos so/ /de la sdug bsngal spangs pa ni sbyin pa'i pha rol tu phyin pa ste/ sbyin pas sems can grang ba dang bkres pa la sogs pa'i sdug bsngal gyis nyen pa rnams la bza' ba dang bgo ba la sogs pa'i yo byad byin nas grang ba dang bkres pa la sogs pa'i sdug bsngal med par byed pa'i phyir ro//sdug bsngal byed pa med ces bya ba la/ sdug bsngal bar byed pa med pa ni tshul khrims kyi pha rol tu phyin pa ste/tshul khrims kyis sems can gyi srog mi gcod/ nor la ma byin par mi len pas na srog dang nor la sogs pa la sdug bsngal skyed par mi byed pa'i phyir ro/ /sdug bsngal bzod cing zhes bya ba la sdug bsngal bzod pa ni bzod pa'i pha rol tu phyin pa ste/bzod pa dang ldan pa rnams sems can gzhan gyis/ lus dang srog la gnod pa rnam pa sna tshogs byas shing sdug bsngal skyed kyang sdug bsngal nyams su len cing slar gnod pa'i lan mi ldon pa'i phyir ro/ /sdug bsngal 'jigs pa med ces bya ba la sogs pa sdug bsngal gyi 'jigs pa med pa ni brtson 'grus kyi pha rol tu phyin pa ste/dge ba'i phyogs la brtson 'grus drag tu brtsams pa rnams brtson 'grus rtsom pa'i dus na/ grang ba dang tsha ba la sogs pa'i phyi nang gi sdug bsngal byung yang 'jigs pa med de/ brtson 'grus brtsams pa las mi ldog pa'i phyir ro//sdug bsngal rnam grol zhes bya ba la sdug bsngal las rnam par grol ba ni bsam gtan gyi pha rol tu phyin pa ste/ bsam gtan dang ting nge 'dzin thob pa rnams 'dod pa'i khams kyi 'dod chags dang bral bas khams gong mar gtogs par skyed pa'i phyir ro//'dod pa'i khams kyi ngan song gsum du skye ba'i sdug bsngal gyi sdug bsngal de la mi 'byung ba'i phyir ro/ /sdug bsngal rtog pa med ces bya ba la/ sdug bsngal la rtog pa med pa ni shes rab kyi pha rol tu phyin pa ste/ shes rab kyi pha rol tu phyin pa dang ldan pa rnams bdag dang sdug bsngal skye ba'i rgyu dang sdug bsngal gsum la rang bzhin yod par mi rtog pa'i phyir te/'di dag gis ni pha rol tu phyin pa drug bsgrub pa bstan to/ /sdug bsngal khas len byang chub sems dpa'o/ /zhes bya ba la/ sdug bsngal khas len pa ni byang chub chen por smon lam 'debs pa ste/byang chub don du smon lam 'debs pa na sems can gyi don du/ bla na med pa'i byang chub thob par shog cig ces smon lam 'debs la/ bla na med pa'i byang chub kyang sems can gyi don du 'khor ba mi gtong bar khas blangs na/gdod bla na med pa'i byang chub thob par 'gyur la/ 'khor ba yang sdug bsngal gyi rang bzhin yin pas 'khor ba khas blangs na/ sdug bsngal khas blangs pa yin te/ 'dis ni byang chub chen por smon lam 'debs pa bstan to/ /de ltar pha rol tu phyin pa drug kyang sgrub la/byang chub chen por yang smon lam 'debs pa de byang chub sems dpa' yin no zhes bya ba'i don to/ /yang rnam grangs gzhan gyis pha rol tu phyin pa drug sgrub pa dang / byang chub chen por smon lam 'debs pa de la byang chub sems dpa'i mtshan nyid yin par bstan pa'i phyir/chos dga' zhes bya ba la sogs pa smos so/ /de la chos la dga' ba ni sbyin pa'i pha rol tu phyin pa dang ldan pa ste/ sbyin pa dang ldan pa rnams phyi nang gi dngos po gtong ba'i chos la dga' ba'i phyir ro/ /rang bzhin chos la dga' zhes bya ba la/rang bzhin gyis chos la dga' ba ni tshul khrims kyi pha rol tu phyin pa dang ldan pa ste/ tshul khrims dang ldan pa rnams rang bzhin gyis kha na ma tho ba chos rdul tsam yang mi 'byung bar dga' ba'i phyir ro/ /chos la smod cing zhes bya ba la/ chos la smod pa ni/ bzod pa'i pha rol tu phyin pa dang ldan pa ste/bzod pa dang ldan pa rnams mi bzod pas 'gyur ba'i rgyu zhe sdang gi chos la smod pa byed pa'i phyir ro/ /chos la brtson zhes bya ba la chos la brtson pa ni brtson 'grus kyi pha rol tu phyin pa dang ldan pa dag ste/ brtson 'grus dang ldan pa'i rnams 'jig rten dang 'jig rten las 'das pa'i dge ba'i chos la rtag tu brtson pa'i phyir ro//chos dbang zhes bya ba la chos la dbang byed pa ni bsam gtan gyi pha rol tu phyin pa dang ldan pa ste/ bsam gtan dang ldan pa rnams sems rtse gcig pa'i mtshan nyid du dbang sgyur zhing / 'phrul gyi mig la sogs pa'i mngon par shes pa la dbang byed pa'i phyir ro/ /chos la mun pa med ces bya ba la chos la mun pa med pa ni/ shes rab kyi pha rol tu phyin pa dang ldan pa rnams te/ dper na mun pa med par gyur na/ blta bar bya ba'i dngos po rnams gsal bar mthong bar 'gyur ba bzhin du/shes rab kyi snang ba skyes pa rnams kyis kyang / chos rnams kyi rang dang spyi'i mtshan nyid gsal bar mthong ba'i phyir/ shes rab dang ldan pa rnams chos la mun pa med pa zhes bya ste/ tshig gang dag gis pha rol tu phyin pa drug sgrub pa bstan to/ / chos gtsor byed pa byang chub sems dpa'o zhes bya ba la pha rol tu phyin pa drug bsgrubs pa rnams bla na med pa'i byang chub chen po thob pa'i rgyur gyur cig ces bsngos shing der gzhal bar byas na/ chos gtsor byed pa zhes bya ste/ 'dis ni byang chub chen por smon lam 'debs pa bstan to//de ltar pha rol tu phyin pa drug kyang bsgrubs la byang chub chen por smon lam 'debs pa de la/ byang chub sems dpa'o zhes bya ba'i don to/ /yang rnam grangs gzhan gyis pha rol tu phyin pa drug bsgrub pa dang / byang chub chen por smon lam 'debs pa de byang chub sems dpa'i mtshan nyid yin no zhes bstan pa'i phyir longs spyod bag yod ces bya ba la sogs pa smos so//gang dag 'dod pa lnga'i longs spyod yod pa bdag nyid spyod cing gzhan la mi gtong ba de dag ni/ longs spyod la bag med pa zhes bya ste/ byang chub sems dpa' ni 'khor los sgyur ba la sogs pa'i longs spyod kyang mi gtsang ba lta bur mthong bas/gzhan la gtong bar byed pas longs spyod la bag yod pa zhes bya ste/ 'dis ni sbyin pa'i pha rol tu phyin pa dang ldan par bstan to/ /gdul ba la bag yod dang zhes bya ba la gang dag gis bcas pa'i kha na ma tho ba dang /rang bzhin gyi kha na ma tho ba ma bsrungs pa de dag ni gdul ba la bag med pa ste/ lus dang ngag dang yid gsum ma thul pa'i phyir ro/ /byang chub sems dpa' rnams ni rang bzhin gyi kha na ma tho ba dang bcas pa'i kha na ma tho ba gnyis ka srung bar byed pas gdul ba la bag yod pa ste/lus dang ngag dang yid gsum dul ba'i phyir te/ 'dis ni tshul khrims kyi pha rol tu phyin pa dang ldan pa bstan to/ /bsrung ba bag yod ces bya ba la/ gang dag gzhan gyis gnod pa byas na/ sems 'khrugs nas gzhan la gnod pa byed pa de dag ni/bsrung ba la bag med de/ bdag dang gzhan gnyi ga'i sems ma bsrungs pa'i phyir ro/ /byang chub sems dpa' rnams ni gzhan gyis gnod pa byas kyang / bdag nyid zhe mi sdang zhing gzhan la slar gnod pa mi byed pas/ bsrung ba la bag yod pa zhes bya ste/bdag gi sems kyang zhe sdang gi dbang du ma song bar bsrungs la/ gzhan gyi sems kyang 'khrugs par mi 'gyur par bsrung ba'i phyir te/ 'dis ni bzod pa'i pha rol tu phyin pa dang ldan pa bstan to/ /dge ba bag yod dang zhes bya ba la/ gang le lo'i dbang du song nas dge ba mi byed pa de dag ni dge ba la bag med pa zhes bya ste/de la dge ba 'phel ba med pa'i phyir ro/ /byang chub sems dpa' ni le lo thams cad spangs nas/ mnyan pa dang bsam pa la sogs pa'i dge ba rgyun du spyod pas/ dge ba la bag yod pa zhes bya ste/'dis ni brtson 'grus kyi pha rol tu phyin pa dang ldan par bstan to/ /dge ba la bag yod ces bya ba la/ gang dag bsam gtan thob kyang bsam gtan gyi bde ba'i ro la chags par byed pa de dag ni bde ba la bag med pa zhes bya ste/ bsam gtan khyad par can mi thob cing /sngar thob pa'i bsam gtan las kyang nyams par 'gyur ba'i phyir ro/ /byang chub sems dpa' rnams ni bsam gtan thob kyang bsam gtan gyi bde ba'i ro la chags par mi byed pas/ de la bag yod pa zhes bya ba ste/ 'dis ni bsam gtan gyi pha rol tu phyin pa dang ldan pa bstan to//chos la bag yod pa zhes bya ba la/ gang dag gis chos rnams la rtag pa dang / bag yod pa la sogs par bzung ba de dag ni chos la bag med pa zhes bya ste/ chos kyi mtshan nyid log par bzung ba'i phyir ro/ /byang chub sems dpa' rnams mi rtag pa dang /stong pa dang / bdag med par yang dag pa ji lta ba bzhin du shes pas chos la bag yod pa zhes bya ste/ chos kyi mtshan nyid ma nor bar bzung ba'i phyir ro/ /'dis ni shes rab kyi pha rol tu phyin pa dang ldan pa bstan te/ tshig de dag gis pha rol tu phyin pa drug sgrub pa smras pa yin no//theg pa bag yod byang chub sems dpa'o/ /zhes bya ba la/ pha rol tu phyin pa drug bsgrub pa rnams bla na med pa'i byang chub thob par bya ba'i phyir bsngos na theg pa chen po la bag yod pa zhes bya ste/ 'dis ni byang chub chen por smon lam 'debs pa bstan to//de ltar pha rol tu phyin pa drug kyang bsgrubs la/ byang chub chen por yang smon lam 'debs pa de dag byang chub sems dpa' yin no zhes bya ba'i don to/ /yang rnam grangs gzhan gyis pha rol tu phyin pa drug bsgrubs pa dang / byang chub chen por smon lam 'debs pa de/byang chub sems dpa'i mtshan nyid yin no zhes bstan pa'i phyir/ sbyin med ngo tsha zhes bya ba la sogs pa smos so/ /de la dper na slong ba po rnams la bslangs pa las/ gtong bas ma byin na ngo tsha'o/ /de dang 'dra bar byang chub sems dpa' ni rang bzhin gyis ma bslangs par gtong ba'i bdag nyid can yin na/gal te slong ba po 'ongs pa'i tshe/ mig gnags nas bkyigs te ma byin na ngo tsha'o/ /de bas na byang chub sems dpa' bdag gi chos nyid dang 'gal lo zhes slong ba po 'ongs pa'i rnams la phyi nang gi dngos po sbyin par byed de/'dis ni sbyin pa'i pha rol tu phyin pa dang ldan pa bstan to/ /nyes chung ngo tsha zhes bya ba la/ byang chub sems dpa' ni rang bzhin gyis kha na ma tho ba la 'jigs par lta bas rang bzhin gyis kha na ma tho ba 'byung ba srung ba bzhin du bcas pa'i kha na ma tho ba nyes pa chung ngu rdul tsam la yang 'jigs par lta bas/gal te nyes pa chung ngu rdul tsam byung na yang ngo tsha zhing 'dzem pa yin no/ /de bas na byang chub sems dpa' chos nyid las 'das so zhes nyes pa chung ngu yang srung bar byed de/ 'dis ni tshul khrims kyi pha rol tu phyin pa dang ldan par bstan pa'o//mi bzod ngo tsha zhes bya ba la byang chub sems dpa' ni phyogs thams cad dang dus thams cad du sems can thams cad la/ bzod par byed pa'i rang bzhin can yin na gal te mi bzod pa'i sems shig byung na yang byang chub sems dpa' ngo tsha bar byed do//de bas na byang chub sems dpa'i chos nyid las 'das so zhes dus thams cad du phyogs thams cad du sems can thams cad la bzod par byed de/ 'dis ni bzod pa'i pha rol tu phyin pa dang ldan pa bstan to/ /nyams pas ngo tsha ba dang zhes bya ba la/byang chub sems dpa'i rang bzhin gyis le lo spangs nas/ brtson 'grus kyi mthus dge ba rgyun du byed pa'i bdag nyid can yin na/ gal te le lo'i dbang du byas nas brtson 'grus nyams pas dge ba rgyun du mi byed na ngo tsha ba yin no/ / de bas na byang chub sems dpa'i chos nyid dang 'gal lo zhes le lo spangs nas brtson 'grus rgyun du rtsom par byed do/ /'dis ni brtson 'grus kyi pha rol tu phyin pa dang ldan pa bstan to/ /g.yeng bas ngo tsha zhes bya ba la/ byang chub sems dpa' ni rang bzhin gyis lus dben par byed de dgon pa na gnas pa dang /sems dben par byed de gzugs la sogs pa la rtog cing g.yeng ba spong ba'i bdag nyid yin na/ gal te lus 'du 'dzi'i nang na gnas shing sems gzugs la sogs pa la g.yeng na ngo tsha bar byed de/ de bas na byang chub sems dpa'i chos nyid las 'das so zhes byang chub sems dpa' rnams ni lus kyi 'du 'dzi dang sems kyi g.yeng ba gnyi ga spong bar byed de/'dis ni bsam gtan gyi pha rol tu phyin pa dang ldan par bstan to/ /lta chung ngo tsha zhes bya ba la/ byang chub sems dpa' rnams ni rang bzhin gyis shes rab chen po dang ldan pas/lta ba chen po'i bdag nyid can te/ gang zag dang chos la bdag med par lta ba'i phyir ro/ /de lta bu yin pa las chos la bdag med par lta ba ni med kyi/ lta ba chung ngu gang zag la bdag med pa tsam du lta na/ byang chub sems dpa' ngo tsha ba'o//de bas na byang chub sems dpa'i chos nyid las 'das so zhes byang chub sems dpa' rnams ni gang zag dang chos gnyi ga la bdag med par lta ste/ 'dis ni shes rab kyi pha rol tu phyin pa dang ldan par bstan te/ tshig de dag gis pha rol tu phyin pa drug sgrub pa bstan pa yin no//theg gzhan ngo tsha byang chub sems dpa'o/ /zhes bya ba la/ byang chub sems dpa' ni rang bzhin gyis pha rol tu phyin pa drug sgrub pa yang bla na med pa'i byang chub chen po thob par bya ba'i phyir/ bsngos shing smon lam 'debs pa yin na/ gal te pha rol tu phyin pa drug sgrub pa rnams theg pa gzhan te/nyan thos dang rang sangs rgyas kyi theg pa'i mya ngan las 'das pa thob par bya ba'i phyir bsngo zhing smon lam 'debs na ngo tsha ba yin no/ /de bas na byang chub sems dpa'i chos nyid las 'das so zhes pha rol tu phyin pa drug sgrub pa rnams byang chub chen por thob par bya ba'i sngo bar byed de 'dis ni byang chub chen por smon lam 'debs pa bstan to//de ltar pha rol tu phyin pa drug kyang bsgrub la/ byang chub chen por yang smon lam 'debs pa de byang chub sems dpa' yin no zhes bya ba'i don to/ /slong ba la rim gro med pa'o zhes bya ba la/slong ba 'ongs na mig gnags nas bkyigs te ster ba ni rim gro med pa zhes kyang bya ste/ de lta bu dag kyang byang chub sems dpa' ngo tsha'o/ /tshigs su bcad pa 'di dag thams cad kyis zhes bya ba la 'dod la ma chags las gsum rnam dag ces bya ba nas brtsams te/theg gzhan ngo tshas byang chub sems dpa'o/ /zhes bya ba yan chad kyis don gyi rnam grangs gzhan nas gzhan du sbyar te/ pha rol tu phyin pa drug sgrub pa dang byang chub chen por smon lam 'debs pa'i sgo nas byang chub sems dpa'i mtshan nyid gang yin pa bstan to zhes bya ba'i don to//dgong pha rol tu phyin pa drug sgrub pa dang byang chub chen por smon lam 'debs pa'i don/ rnam grangs du mas rgyas par bshad pa'i don gyi mjug mdor bsdus te bstan pa'i phyir/ 'di dang pha rol dag dang btang snyoms kyis zhes bya ba la sogs pa tshigs su bcad pa gcig smos so//tshigs su bcad pa 'dis kyang pha rol tu phyin pa drug sgrub pa dang / byang chub chen por smon lam 'debs pa'i sgo nas byang chub sems dpa' rnams ji ltar sems can la phan 'dogs pa de ston to/ /phan 'dogs pa yang rnam pa gnyis te/rgyu'i chos kyis phan 'dogs pa dang / 'bras bu'i chos kyis phan 'dogs pa'o/ /de la tshe 'dir phan 'dogs pa ni sbyin pa'i pha rol tu phyin pas byed de/ yo byad kyis phongs pa rnams la yo byad byin nas longs spyod pa la gzhag pa'i sgo nas phan 'dogs so/ / tshe rabs pha rol du tshul khrims kyi pha rol tu phyin pas phan 'dogs te/ sems can dag tshul khrims la bkod na/ lha dang mi la sogs pa'i skye ba bzang po 'thob par 'gyur ba'i phyir ro/ /bzod pa'i pha rol tu phyin pa ni btang snyoms su 'jog pa'i sgo nas phan 'dogs te/sems can gzhan gyis gnod pa byas kyang / slar gnod pa'i lan mi glon zhing ci'ang mi byed par btang snyoms su 'jog pa'i phyir ro/ /sbyor bar 'du byed pa dang zhes bya ba la/ sbyor ba ni sems can gyi las su bya ba'o/ /'du byed pa ni grogs su 'gro ba ste/brtson 'grus kyi pha rol tu phyin pa ni sems can gyi las su bya ba rnams kyi grogs byed pa'i sgo nas phan 'dogs so/ /'byor pa thob ces bya ba la/ 'byor pa thob pa ni mngon par shes pa thob pa la bya ste/ bsam gtan gyi pha rol tu phyin pa ni mngon par shes pas thob par byas nas mngon par shes pa thob pa'i sgo nas sems can la phan 'dogs so//mtshungs par ston dang zhes bya ba la/ theg pa gsum gyi chos gang la gang bstan na 'dul bar 'gyur ba'i chos de ston pa zhes bya ste/ shes rab kyi pha rol tu phyin pas ni sems can dang 'tsham pa'i chos bshad de/the tshom bcad pa'i sgo nas phan 'dogs so/ /de ltar tshig de dag gis pha rol tu phyin pa drug sgrub pas rgyu'i chos kyis phan 'dogs par bstan to/ /'bras bu chen pos phan 'dogs par 'jug pa byang chub sems dpa'o zhes bya ba la/de ltar pha rol tu phyin pa drug bsgrub pa bla na med pa'i byang chub tu bsngos nas bla na med pa'i byang chub thob par bya ste/ byang chub thob pa dang mngon par 'tshang rgya ba dang chos kyi 'khor lo bskor ba'i sgo nas sems can la phan 'dogs pa dang / 'jug par byed de/ 'dis ni byang chub chen por smon pas 'bras bu'i chos kyis phan 'dogs pa bstan to/ /de ltar rgyu'i chos kyis kyang phan 'dogs pa 'bras bu'i chos kyis kyang phan 'dogs pa de byang chub sems dpa' yin no zhes bya ba'i don to/ /byang chub sems dpa'i mtshan nyid spyir rnam par dbye ba'i tshigs su bcad do zhes bya ba la/de ltar sa bcu gcig po dag na/ byang chub sems dpa' grangs kyis du yod pa dang / byang chub sems dpa'i mtshan nyid bshad nas da ni byang chub sems dpa' de dag la mi dbye bar mtshan du ji skad bya ba'i mtshan 'chad do/ / de la ming la rnam pa gnyis te don dang bcas pa dang don med pa'o/ /de la don dang bcas pa ni yon tan las drangs nas ming du btags pa ste/ dper na bcom ldan 'das zhes bya ba lta bu'o/ /don med pa ni dper na mi dbul po la dbang phyug ces btags pa lta bu'o/ / 'dir byang chub sems dpa' de dag gi mtshan gyi rnam grangs bcu drug po 'byung ste/ de dag thams cad ni yon tan las drangs nas mtshan du btags pas don dang bcas par rig par bya'o/ /gang zag dang chos la bdag med pa'i mtshan nyid kyis shes bya zab mo la dad pas na/byang chub sems dpa' zhes bya'o/ /mthu chen po mos pas na/ sems dpa' che zhes bya ste/ mthu chen po ni ba spu'i bu ga gcig nas kyang stong gsum gyi stong chen po'i 'jig rten gyi khams 'byung ba dang 'jig pa'i bskal pa ston pa'i phyir ro/ /yang na bdag bla na med pa'i byang chub thob par bya bar sems pas byang chub sems dpa'o//sems can thams cad 'khor ba'i sdug bsngal las bsgral nas mya ngan las 'das pa la gzhag par sems pas na sems dpa' chen po zhes bya'o/ /yang na shes rab dang ldan pas na byang chub sems dpa' zhes bya ste/shes rab dang ldan pa rnams kyang 'khor ba na gnas kyang 'khor ba'i nyes pas gos par mi 'gyur ro/ /brtson 'grus ni chen por 'gyur ba'i rgyu yin pas/ brtson 'grus dang ldan pa'i phyir sems dpa' chen po zhes bya'o/ /yang na chen po rnam pa bdun dang ldan pas sems dpa' chen po zhes bya ste/chen po rnam pa bdun ni sngar bshad pa rnams so/ /shin tu zab cing rgya che ba'i shes rab dang ldan pas/ blo ldan zhes bya ba zab mo'i don gyi dgongs pa 'grel par byed pa'i shes rab kyi snang ba chen po thob pas na gzi brjid mchog ces bya'o//de bzhin gshegs pa'i rigs su skyes pas na rgyal ba'i sras so zhes bya'o/ /sangs rgyas kyi rigs rgyun mi 'chad pas bya ba la zhugs pas na rgyal ba'i gzhi zhes bya'o/ /sku gsum 'bras bur gyur pa dang / stobs dang mi 'jigs pa la sogs pa sangs rgyas kyi chos 'dab ma lta bur gyur pa'i rgyu byed pas na rgyal ba'i myu gu zhes bya'o//bdag dang gzhan gyi rgyud la yod pa'i nyon mongs pa las rgyal bar byed pas na rnam par rgyal byed ces bya'o/ /bdud bzhi 'joms par byed pa'i grogs med par dpa' bo gcig pu yin pas na mthu rtsal can zhes bya'o//'jig rten thams cad kyis ma rtogs pa'i chos ngo mtshar du bya ba don dam pa'i chos rtogs pas na ngo mtshar mchog ces bya'o/ /'khor ba'i 'brog dgon par zhugs pa'i sems can gyi 'dron pa mang po rnams mya ngan las 'das pa'i grong khyer chen por phyin par byed pas na/ded dpon zhes bya'o/ /phyogs bcu thams cad du yon tan gyi dris khyab pas na/ grags pa chen po zhes bya'o/ /sbyin pa la sogs pa bsod nams kyi tshogs chen po dang ldan pas na bsod nams che zhes bya'o//sems can thams cad bsgrub pa'i thugs rje chen po dang ldan pas na snying rje can zhes bya'o/ /'jig rten las 'das pa'i longs spyod chen po dang ldan pas na dbang phyug ces bya'o/ /lus dang ngag dang yid kyi las kha na ma tho ba med pa dang ldan pas na chos ldan zhes bya'o//de ltar byang chub sems dpa'i mtshan bcu drug gi don so sor bstan nas byang chub sems dpa' zhes bya ba'i don rgyas par bshad pa'i phyir de nyid legs rtogs zhes bya ba la sogs pa smos so/ /de la khyad par rnam pa lnga khong du chud cing rtogs pas na/byang chub sems dpa' zhes bya ste/ khyad par rnam pa lnga ni de nyid legs par rtogs pa dang / don chen po legs par rtogs pa dang / thams cad kyi don rtogs pa dang / rtag pa'i don rtogs pa dang / thabs rtogs pa ste/ de lnga rtogs pas byang chub sems dpa' zhes bya'o//de la gang zag la bdag med pa dang / chos la bdag med par rtogs pas na de nyid legs rtogs pa'o/ /bdag gi don dang gzhan gyi don 'grub par bya ba rtogs pas na don chen po legs par rtogs pa'o/ /'dus byas dang 'dus ma byas dang /zag pa dang bcas pa dang / zag pa med pa la sogs pa'i chos ma lus par rtogs pas na thams cad kyi don rtogs pa zhes bya'o/ /byang chub sems dpa' rnams ni bar 'ga' shes pa dang / bar 'ga' shes pa dang mi ldan pas ma yin gyi phung po lhag ma ma lus par spangs pa'i mya ngan las 'das par zhugs kyang mkhyen pa zad pa med par rtogs pas na rtag pa rtogs so//sems can gang la chos gang bstan pas 'dul bar 'gyur ba dang sku ci 'dra ba bstan nas 'dul bar 'gyur ba'i chos de bstan pa dang / sku de rtogs pa'i thabs rtogs pas na thabs rtogs pa zhes bya'o//yang rnam grangs gzhan gyis khyad par rnam pa bzhi rtogs pas byang chub sems dpa' zhes bya bar bstan pa'i phyir/ bdag gi rjes shes phra mo'i lta ba shes/ /rnam pa sna tshogs rnam rig shes pa dang / /thams cad yang dag ma yin kun rtogs shes//de phyir byang chub sems dpa' zhes kyang bya/ /zhes bya ba smos te/ sems dang yid rnam par shes pa gsum gyi rang bzhin rtogs pa dang de gsum char yang dag pa ma yin par kun du rtog pa'i mtshan nyid yin par shes pas na/ de'i phyir byang chub sems dpa' zhes bya'o/ /de la sems ni kun gzhi rnam par shes pa la bya ste/ kun gzhi rnam par shes pa'i rang bzhin ji lta bu yin pa rtogs pas na/ bdag gi rjes shes pa zhes bya ste/ kun gzhi rnam par shes pa la dmigs nas bdag tu rtog pa 'jug pas na/kun gzhi'i rang bzhin shes pa la bdag gi rjes shes pa'o zhes btags so/ /de la ji ltar shes pa na kun gzhi rang bzhin shes par 'gyur zhe na/ sum cu pa'i rab tu byed pa las/ de la kun gzhi rnam shes ni/ /rnam smin sa bon thams cad pa/ / len pa dag dang de yi gnas/ /rig pa rnam par mi rig pa'o/ /rtag tu rig dang yid byed dang / /rigs dang 'du shes sems par ldan/ /de ni tshor ba btang snyoms te/ /ma bsgribs lung ma bstan kyang de/ /zhes bshad pa lta bur shes na kun gzhi rang bzhin shes pa yin no//'di ni nyon mongs pa'i yid la bya ste kun gzhi rnam par shes pa la nga dang bdag gir dmigs pa byed pa'o/ /nyon mongs pa'i yid kyi rang bzhin shes pas na/ phra mo'i lta ba shes pa zhes bya ste/ ci'i phyir nyon mongs pa'i yid kyi rang bzhin shes pa la phra mor lta ba shes zhes bya'o zhe na/nyon mongs pa'i yid ni las dge ba dang mi dge ba lung du ma bstan pa byed pa'i dus na yang nga'o snyam pa dang / bdag go snyam du sems pa rtag tu 'byung bas na/ blta dka' ba'i phyir nyon mongs pa'i yid shes pa la/ phra mo lta ba shes pa zhes btags so//ji ltar shes pa na nyon mongs pa'i yid shes par 'gyur zhe na/ sum cu pa'i rab tu dbye ba las/ de la gnas te rab 'jug cing / /de la dmigs pas yid ces bya/ /rnam shes ngar sems bdag nyid can/ /nyon mongs bzhi dang 'grogs pa ste//rtag tu bsgribs la lung ma bstan/ /ces bshad pa'i tshul du shes na nyon mongs pa'i yid kyi rang bzhin shes pa yin no/ /rnam par shes pa ni mig gi rnam par shes pa nas yid kyi rnam par shes pa'i bar du 'jug pa'i rnam par shes pa drug la bya ste/ rnam par shes pa drug gi rang bzhin shes pas na rnam pa sna tshogs kyi rnam par rig pa zhes bya'o/ /ji ltar shes na rnam par shes pa drug gi rang bzhin shes pa yin zhe na/ sum cu pa'i rab tu dbye ba las/ /gsum ni rnam pa drug po la/ /dmigs pa gang yin de dag ste//kun du 'gro dang bye brag gis/ /sems la byung ba dge ba dang / /de bzhin nyon mongs nye nyon mongs/ /tshor ba gsum dang de ldan no/ /zhes bshad pa'i tshul du shes na rnam par shes pa drug gi rang bzhin shes pa yin no/ /rnam par shes pa brgyad po de dag kyang gzung ba dang 'dzin pa'i rnam pa lta bu rtog pa'i rang bzhin can yin par shes pa ni thams cad yang dag ma yin pa kun du rtog par shes pa'o//yang rnam grangs gzhan gyis spyod par rnam pa lnga rtogs pas na byang chub sems dpa' zhes bya'o zhes bstan pa'i phyir/mi shes shes pa rjes su shes pa shes/ /dngos po med shes rjes su 'byung ba shes/ /mi shes shes pa so sor shes pas na/ /de'i phyir byang chub sems dpa' zhes kyang bya/ /zhes smos te/ rnam pa lnga shes pa ni mi shes pa shes pa so sor shes pa dang /rjes su shes pa so sor shes pa dang / dngos po med pa so sor shes pa dang / 'byung ba rjes su shes pa so sor shes pa dang / mi shes pa shes pa so sor shes pa ste/ de ltar rnam pa lngas shes pas na/ de'i phyir byang chub sems dpa' zhes bya ba/de la rnam par mi rtog pa'i ye shes kyi rang bzhin ni chos thams cad nam mkha'i ngos lta bur dmigs pa yin no zhes shes pas na/ mi shes pa shes pa so sor zhes bya ste/ rnam par mi rtog pa'i ye shes la gzung ba 'dzin pa lta bu'i shes pa med pas mi shes pa zhes bya'o//'on kyang rnam par mi rtog pa'i ye shes ni ye shes kyi rang bzhin te/ me long gi dkyil 'khor du gzugs brnyan snang ba lta bur ye shes kyi dkyil 'khor der yang / shes bya'i dkyil 'khor thams cad snang bas shes pa zhes kyang bya'o/ /dag pa 'jig rten pa'i ye shes kyis ni chos thams cad la sgyu ma dang smig rgyu dang /rmi lam lta bur dmigs par byed pa yin par shes pas na/ rjes su shes pa zhes bya ba ste/ dag pa 'jig rten pa'i ye shes ni rnam par mi rtog pa'i ye shes kyi rjes las byung bas rjes su shes pa zhes btags so//yang na ma rig pa'i rkyen gyis 'du byed nas/ skye ba'i rkyen gyis rga shi la sogs pa rten cing 'brel te 'byung ba lugs bzhin pa dag ma rig pa las byung ba shes pa mi shes pa shes pa zhes bya'o/ /ma rig pa 'gags na 'du byed 'gag pa nas skye ba 'gags na rga shi 'gag pa'i bar du rten cing 'brel te 'byung ba'i rang bzhin shes pas na rjes su shes pa shes pa zhes bya'o//kun btags kyi mtshan nyid thams cad ni ri bong gi rwa bzhin du rang bzhin med par shes pas dngos po med pa shes pa zhes bya'o/ /ji snyed kyi gzung ba dang 'dzin pa thams cad dang /sdug bsngal ba thams cad ni gzhan gyi dbang gi mtshan nyid las byung bar shes pas na 'byung ba rjes su shes pa zhes bya'o/ /yongs su grub pa'i mtshan nyid ni gzung 'dzin thams cad dang bral ba gnyis su med pa'i mtshan nyid yin par shes pas na mi shes pa shes pas so sor shes pa zhes bya ste yongs su grub pa'i mtshan nyid la gzung 'dzin gyi shes pa med pas ni mi shes pa zhes bya'o//ye shes kyi bdag nyid yin pas na shes pa zhes bya'o/ /yang rnam grangs gzhan gyi shes bya'i khyad par rnam pa lnga shes pas byang chub sems dpa' zhes bstan pa'i phyir ro//don med shes shing don dam shes pa dang / /thams cad shes dang ma lus don shes dang / /shes bya shes gnas shes pa yongs shes pas/ /de ltar byang chub sems dpa' zhes kyang zhes bya ba smos te/shes bya'i khyad par rnam pa lnga shes pa ni gzhan gyi dbang gi mtshan nyid shes pa dang / yongs su grub pa'i mtshan nyid shes pa dang / kun brtags kyi mtshan nyid shes pa dang / shes pa dang shes pa po thams cad rnam pa thams cad du shes pa dang / shes bya dang shes pa po dang / shes pas 'khor gsum yongs su dag par shes pa ste/ de'i phyir byang chub sems dpa' zhes bya'o/ /de la don med par shes pa ni gzhan gyi dbang gi mtshan nyid shes pa ste/ khams gsum thams cad gzhan dbang tsam du zad kyi/de las gzhan pa gzung ba dang 'dzin pa'i dngos po'i don yod pa ma yin par shes pa dang / ji tsam du gzhan dbang gis gzung ba dang 'dzin pa la mngon par chags pa de tsam du don med pa'i ngo bo skye ba dang rga ba la sogs pa'i sdug bsngal rgyun du 'byung bar shes so/ /don dam pa shes pa ni yongs su grub pa'i mtshan nyid shes pa ste/yongs su grub pa'i mtshan nyid gzung 'dzin gnyis dang bral ba gnyis su med pa'i mtshan nyid yin par shes pa'o/ /thams cad shes pa ni kun du brtags pa'i mtshan nyid shes pa ste/ gzugs la sogs pa'i gzung ba'i chos rnams dang /mig la sogs pa'i chos de gzung 'dzin du kun brtags pa'i chos thams cad ni ri bong gi rwa bzhin dang mtshan nyid med par shes pa'o/ /ma lus pa'i don shes pa ni phung po dang khams dang skye mched dang / zag pa dang bcas pa dang / zag pa med pa la sogs pa'i shes bya'i chos kun rdzob kyi bden pa thams cad shes pa ste/ji snyed du kun rdzob kyi chos thams cad ni smra ba dang / bsam pa'i yul du myur bar shes par bya'o/ /shes bya dang shes pa'i gnas dang / shes pa gsum shes pa ni shes bya dang shes pa po dang /shes pa gsum 'khor gsum yongs su dag par shes pa dang / don dam par na shes bya ste phyi'i yul dang / shes pa po ste gang zag dang / shes bya ste shes rab gsum rang bzhin med par shes pa'o/ /de la don med par shes pa dang / don dam par shes pa dang /thams cad shes pas ni mtshan nyid gsum shes pa bstan to/ /ma lus pa'i don rnam pa thams cad du shes pa dang / shes bya dang / shes pa po dang / shes pa gsum 'khor gsum yongs su dag par shes pa ni kun rdzob kyi bden pa shes pa dang /don dam pa'i bden pa shes pa bstan to/ /yang rnam grangs gzhan gyis rnam pa lnga shes pas na/ byang chub sems dpa' zhes bya'o zhes bstan pa'i phyir/ rdzogs pa shes dang gnas kyang shes pa dang / /mang shes rim gyis ston par shes pa dang / / rab tu the tshom bsal ba shes pa dang / de'i phyir byang chub sems dpa' zhes kyang bya'o/ /zhes bya ba smos te de la rdzogs pa shes pa ni 'og min gyi pho brang du rdzogs par longs spyod pa'i skus mngon par sangs rgyas par bya ba shes pa'o/ /yang na sangs rgyas kyi ye shes bzhi dang chos kyi dbyings rnam par dag pa lnga thob nas/shes bya thams cad rnam pa thams cad du ma lus par shes pa ni rdzogs pa zhes bya'o/ /gnas shes pa ni byang chub sems dpa' gang gis dga' ldan gyi gnas na bzhugs shing lha rnams la phan gdags par bya bar shes pa'o/ / mang shes pa ni byang chub sems dpa' gang gis yum gyi lhums su gshegs shing / yum gyi lhums su sems can gyi don ji ltar mdzad par bya ba shes pa'o/ /rim gyis ston pa shes pa ni byang chub sems dpa' gang gis lhums nas 'byung ba dang / pho brang slas lnga brgya'i nang na 'dod pa'i longs spyod la spyod pa dang /khab nas byung zhing rab tu 'byung ba dang / lo drug tu dka' ba spyad pa dang rdo rje gdan la sprul pa'i skus mngon par rdzogs par byang chub pa bstan pa shes pa'o/ /rab tu the tshom sel ba shes pa ni sprul pa'i sku gang gis chos kyi 'khor lo bskor nas/sems can gyi the tshom yongs su gcad par bya ba shes pa'o/ /rnam grangs gzhan du yang rnam pa bcu gcig shes pas ni byang chub sems dpa' zhes bya'o zhes bstan to/ /rnam pa bcu gcig gis ni 'das pa shes pa dang / ma 'ongs pa shes pa dang /da ltar byung ba shes pa dang / nang shes pa dang / phyi shes pa dang / rtsing ba shes pa dang / zhib pa shes pa dang / tha ma shes pa dang / bzang po shes pa dang / nye ba shes pa dang / ring ba shes pa'o/ /rnyed dang zhes bya ba la/ 'das pa shes pa ni rnyed pa shes pa zhes bya ste/'das pa'i chos ni rgyus 'bras bu bskyed nas gnyi ga 'gags par shes so/ /ma rnyed ces bya ba la/ ma 'ongs pa'i dngos po shes pa ni ma rnyed pa shes pa zhes bya ste/ ma 'ongs pa'i dngos po rnams ni rgyu yang ma skyes la/ rgyu ma skyes pas rgyus 'bras bu da dung ma bskyed par shes so//blo la rab tu gnas zhes bya ba la/ da ltar gyi dngos po shes pa ni blo rab tu gnas pa shes pa zhes bya ste/ da ltar gyi dngos po rnams ni rgyus 'bras bu bskyed nas/ da dung ma 'gags pas na sems can gyi spyod yul du gyur par shes pa'o//shes pa dang zhes bya ba la/ bdag nyid kyi blos chos rnams mi rtag pa dang / sdug bsngal ba la sogs par rtog pa ni shes pa zhes bya ste/ 'dis ni nang shes pa bstan to/ /rjes shes zhes bya ba la dge ba'i bshes gnyen gyi chos bstan pa thob pa las chos rnams mi rtag pa dang sdug bsngal ba la sogs pa shes pa ni rjes su shes pa zhes bya ste/'dis ni phyi shes pa bstan to/ /so sor ston pa zhes bya ba la/ chos rnams kyi rang dang spyi'i mtshan nyid gzhan la ston pa'i blo dang shes pa la/ so sor ston pa zhes bya'o//gzhan la ston pa'i shes pas ni rtsing ba shes pa bstan te/ chos ston pa'i blo ni ming tshig la sogs pa rags pa la dmigs pa'i phyir ro/ /smra med blo dang zhes bya ba la/ smra ba dang bshad pa thams cad spangs nas nang du bsam gtan du 'jog pa'i blo la smra med blo zhes bya ste/'dis ni zhib pa shes pa bstan te/ bsam gtan gyi shes pa ni sgra dang tshig la sogs pa thams cad las 'das pa rtog pa med pa'i sems rtse gcig la gnas pa'i phyir ro/ /nga dang zhes bya ba la sa bdun pa man chad kyi byang chub sems dpa'i shes pa la nga rgyal dang bcas pa'i shes pa zhes bya'o//'dis ni tha ma shes pa bstan te/ sa bdun pa man chad na nga rgyal phra mo yod pa dang / rtsol 'bad da dung yod pa'i phyir ro/ /nga rgyal bcom zhes bya ba la/ sa brgyad pa dag ni shes pa'i nga rgyal bcom pa'i shes pa zhes bya'o/ /'dis ni shes pa bzang po bstan te/sa brgyad pa yan chad nga rgyal phra mo yang mi 'byung zhing brtsal 'bad spangs nas/ lhun gyis grub par gnas pa'i phyir ro/ /yang na mos pa spyod pa'i sa la gnas pa rnams kyi shes pa ni nga rgyal dang bcas pa zhes bya ste/ gzung 'dzin du rtog pa da dung ma spangs pa'i phyir ro//sa dang po yan chad kyi shes pa ni nga rgyal bcom pa'i shes pa zhes bya ste/ gzung 'dzin du chags pa spangs pa'i phyir ro/ /blo gros blo ldan zhes bya ba'i tshig ni shes pa bcu gcig po gnas dang sbyar te/ rnyed pa shes pa'i blo gros kyi blo dang ldan pa dang zhes bya ba la sogs pa dang sbyar ro//smin dang zhes bya ba la sa brgyad pa yan chad kyi byang chub sems dpa'i shes pa la/ smin pa'i shes pa zhes bya'o/ /'dis ni nye ba'i shes pa bstan te sa brgyad pa yan chad rnam par mi rtog pa lhun gyis grub pa sangs rgyas kyi sa dang nye ba'i phyir ro//ma smin pa zhes bya ba la sa bdun pa man chad kyi byang chub sems dpa'i shes pa la ma smin pa zhes bya'o/ /'dis ni ring ba'i ma smin pa'i shes pa zhes bya ste/ 'dis ni ring ba'i shes pa bstan to/ /yang na mos pa spyod pa'i sa rnams kyi shes pa ni ma smin pa zhes bya ste/de'i tshe chos kyi dbyings mngon sum du ma gyur pa dang sangs rgyas kyi sa dang yang thag ring bas 'dis ni ring ba'i shes pa bstan to/ /sa dang po la zhugs pa yan chad kyi shes pa ni smin pa'i shes pa zhes bya ste/ de la zhugs pa rnams kyis chos kyi dbyings mngon sum du byas pa dang /myur du 'tshang rgya bar 'gyur bas na/ 'dis ni nye ba'i shes pa bstan to/ /yon tan gyi skabs bshad pa rdzogs so// //mtshan ma rnam par dbye ba la tshigs su bcad pa gnyis so zhes bya ba la de ltar gong du bshad pa'i yon tan dang ldan pa'i byang chub sems dpa' yon tan phun sum tshogs pa dang ldan yang /dge ba sbed pa yin te/ yon tan sgrogs su zin kyang gang na chu bya snang ba de na chu yod par mngon pa dang / gang na dud pa'i mtshan ma snang ba de na me yod par mngon pa de bzhin du byang chub sems dpa' de dag la yang pha rol tu phyin pa drug dang rjes su mthun pa'i mtshan ma rnam pa lnga 'byung ste/mtshan ma rnam pa lnga'i sgo nas 'di ni byang chub sems dpa' yin no zhes shes pas byang chub sems dpa'i grangs su 'gro ste/ de'i tshigs su bcad pa gnyis kyis bstan to/ / snying rje legs par smra ba dang / /brtan pa lag pa brkyang ba dang / /dgongs pa zab mo rnam par grol/ /mtshan ma 'di dag bstan pa'o/ /zhes bya ba la byang chub sems dpa' brtan pa rnams kyis pha rol tu phyin pa drug dang rjes su mthun pa'i mtshan ma rnam pa lnga ste/ snying rje dang ldan pa dang legs par smra ba dang ldan pa dang /brtan pa dang ldan pa dang / lag pa brkyang ba dang / dgongs pa zab mo rnam par 'grel ba'o/ /chos de lnga yang rnam pa lngar bshad de/ rang bzhin dang rten dang 'bras bu'i rjes su bsngags pa dang / go rims dang bsdu bas so//de la snying rje'i rang bzhin ni rnam pa gnyis te/ bsam pa dang ldan pa dang / bsgrub pa dang ldan pa'o/ /de la bsam pa dang ldan pa yang rnam pa gnyis te/ phan pa'i bsam pa dang / bde ba'i bsam pa'o/ /de la mi dge ba'i gnas nas bslangs te/ dge ba'i gnas su gzhag par sems pa ni phan pa'i bsam pa'o//ngan song gsum la sogs pa'i sdug bsngal las bzlog nas thar pa dang mtho ris su gzhag par sems pa ni bde ba'i bsam pa zhes bya'o/ /de la bsgrub pa dang ldan pa ni bsam pa de la brten nas byang chub sems dpa' rnams lus dang ngag dang yid gsum gyi sgo nas sems can rnams la phan pa dang bde ba la 'god par mdzad do//de ni bsgrub pa dang ldan pa zhes bya'o/ /de'i phyir na byang chub sems dpa' snying rje dang ldan pa zhes bya'o/ /de la legs par smra ba'i rang bzhin gang zhe na/ de la rnam pa gnyis te 'jig rten gyi tha snyad kyi gtam gyi rang bzhin dang /chos 'chad pa'i gtam gyi rang bzhin no/ /de la 'jig rten gyi tha snyad kyi gtam gyi rang bzhin yang rnam pa gnyis te/ kun du dga' bar byed pa dang / yang dag par dga' bar byed pa'o/ /de la kun du dga' bar byed pa ni bzhin 'dzum zhing khro gnyer spangs nas/rtag tu yang khams snyoms sam ma snyoms pa la sogs pa 'dri bar byed pa'o/ /yang dag par dga' bar byed pa ni gang sems can rnams kyi bu tsha gnyen bshes dar bar byed pa'am/ gter dang 'bru spel bar byed par 'gyur ba mthong na/de bzhin du gtam de dag byed pa'i sgo nas/ sems can rnams dga' bar byed pa'o/ /chos 'chad pa'i gtam gyi rang bzhin ni pha rol tu phyin pa dang byang chub kyi phyogs la sogs pa chos gang bshad pas sems can rnams thar pa dang / mtho ris 'thob par 'gyur ba'i chos de 'chad de/ 'dis ni legs par smra ba'i rang bzhin de lta bu yin par bstan to/ /de la bstan pa'i rang bzhin ni byang chub sems dpa' shes rab dang ting nge 'dzin dang brtson 'grus gsum dang ldan pas bdag dang gzhan gyi don bsgrub pa na/sdug bsngal ba dang 'jigs pa gang byung yang mi skrag pa dang / mi zhum pa dang mthu dang ldan pa dang / mi ldog pa ste de ni brtan pa'i rang bzhin du rig par bya'o/ /de la lag pa brkyang ba'i rang bzhin ni rnam pa gnyis te/ sbyin pa sbyin pa na rgya chen po sbyin pa dang /nyon mongs pa med pa sbyin pa'o/ /de la gang nang gi dngos po la yang mgo dang rkang lag la sogs pa thams cad gtong ba dang / phyi'i dngos po la yang 'khor los sgyur ba la sogs pa'i longs spyod kyang sbyin pa ni rgya chen po sbyin pa zhes bya'o/ /sbyin pa gang sbyin na de'i tshe 'di dang tshe rabs gzhan du gnod par 'gyur ba'i sbyin pa dug dang mtshon la sogs pa sbyin par mi byed kyi/dngos po skyon med pa sbyin par byed pa ni nyon mongs pa med pa sbyin pa zhes bya ste/ 'di ni lag pa brkyang ba'i rang bzhin du rig par bya'o/ /de la dgongs pa zab mo nges par 'grel pa'i rang bzhin ni so so yang dag par rig pa bzhi dang ldan pas/de bzhin gshegs pa'i dgongs pa bzhi dang / ldem po dgongs pa bzhi la sogs pa phyin ci ma log pa'i bar ma chad par byed pa ste/ 'di ni dgongs pa nges par 'grel ba'i rang bzhin du rig par bya'o/ /de la snying rje dang ldan pa'i rten nam yul ni rnam pa lnga ste/sdug bsngal ba'i sems can dang / nyes par spyod pa'i sems can dang / bag med pa'i sems can dang / log par zhugs pa'i sems can dang / nyon mongs pa'i bag la nyal ba'i sems can no/ /de la ngan song gsum du skyes pa'i sems can rnams ni sdug bsngal ba'i sems can zhes bya'o//shan pa dang rngon pa la sogs pa lus dang ngag dang yid gsum gyi sgo nas/ las ngan pa la zhugs pa rnams ni nyes par spyod pa'i sems can zhes bya'o/ /gang gar dang glu la sogs pa la chags shing 'dod pa lnga'i yon tan la zhen pa'i sems can rnams ni bag med pa'i sems can zhes bya'o//gang khyim nas khyim med par rab tu byung yang / mu stegs kyi lta ba sna tshogs la zhen pa'i sems can rnams ni log par zhugs pa'i sems can zhes bya'o/ /gang so so'i skye bo dge ba khams gsum gyi nyon mongs pa ma spangs pa rnams ni/nyon mongs pa'i bag la nyal ba'i sems dang ldan pa zhes bya ste/ sems can de lnga la dmigs nas byang chub sems dpa' snying rje chen po 'byung ngo / /de la legs par smra ba'i rten dang yul yang rnam pa lnga ste/ yang dag par kun du smra ba dang / yang dag par dga' bar byed pa dang / yang dag par dbugs 'byin par byed pa dang / yang dag par skabs 'byed pa dang rig pa'i man ngag ston pa'o/ /de la nyin re zhing khams bde ba dang / mi bde ba 'dri ba ni yang dag par kun du smra ba'o/ / bu tsha gnyen bshes dar ba dang / gter dang 'bru la sogs pa 'phel ba'i gtam smra ba ni yang dag par dga' bar byed pa'o/ /rgyal po dang rkun po la sogs pa'i 'jigs pa byung na 'jigs pa'i bskyab bya ba'i tshig smra ba ni yang dag par dbugs 'byin pa'o/ /gsol ba ma btab par yang don du bya ba dang /las su gnyer ba rnams kyi grogs bya bar khas len pa ni yang dag par skabs 'byed pa'o/ /thar pa dang mtho ris 'thob par 'gyur ba'i chos 'chad pa ni yang dag par lung ston pa zhes bya ste/ rnam pa de dag la dmigs nas/ byang chub sems dpa' rnams legs par smra ba la 'jug go//de la byang chub sems dpa' rnams kyis brtan pa'i rten dang yul yang rnam pa lnga ste/ 'khor ba'i sdug bsngal rnam pa sna tshogs nyams su myong ba dang / 'dul ba'i sems can rnams kyis log pa sna tshogs byas pa dang /sems can rnams kyi don du dus ring por 'khor bar gnas par khas len pa dang / 'khor mang po'i nang na chos 'chad pa'i tshe/ phas kyi rgol ba rnams kyis rnam pa du mar rgal ba dang / byang chub sems dpa'i bslab tshig thams cad khas len cing rgya che ba'i chos nyan pa'o//de la byang chub sems dpa' rnams kyi lag pa brkyang ba'i gnas dang rten kyang rnam pa lnga ste/ che ba sbyin pa dang / tha dad pa med par sbyin pa dang / gus par bya ste sbyin pa dang / nyon mongs pa med pa'i sbyin pa dang / mi brten pa'i sbyin pa'o/ /de la phyi dang nang gi dngos po thams cad gtong ba ni rgya che ba'i sbyin pa zhes bya'o//kha cig la sbyin kha cig la mi sbyin zhes bya ba med kyi 'dra ba kho nar sems can kun la sbyin par byed pa ni/ tha dad pa med pa sbyin pa zhes bya'o/ /slong ba rnams la rang gi lag pas bkur sti dang bcas pas sbyin par byed pa ni gus par sbyin par byed pa zhes bya'o//dug dang mtshon la sogs pa sbyin pa ni ma yin gyi sbyin pa gang sbyin na/ tshe rabs gzhan du bde bar 'gyur ba sbyin par byed pa ni nyon mongs pa med pa'i sbyin pa zhes bya'o/ /sbyin pa'i 'bras bu tshe rabs gzhan du rnam par smin pa la ma chags/tshe rabs 'dir lan la ma chags par sbyin pa ni mi gnas pa'i sbyin pa zhes bya'o/ /de la byang chub sems dpa' rnams kyi dgongs pa zab mo rnam par 'grel ba'i rten dang yul la yang rnam pa lnga ste/ 'di ltar de bzhin gshegs pa rnams kyi mdo sde zab mo zab par snang ba stong pa nyid dang ldan pa rten cing 'brel te 'byung ba lugs dang lugs las bzlog pa ni rten dang po'o//'dul ba yang ltung ba la mkhas pa dang / ltung ba slong ba la mkhas pa ni rten gnyis pa'o/ /chos rnams kyi rang dang spyi'i mtshan nyid phyin ci ma log par rnam par 'jog pa ni rten gsum pa'o//mdo sde de dang de dag gi nang nas dgongs pa dang bcas pa'i ming dang tshig la sogs pa rnam par 'byed pa ni rten bzhi pa'o/ /chos rnams kyi chos kyi tshig tha dad par dbye ba ni rten lnga pa'o/ /de la snying rje dang ldan pa rnams tshe 'dir yang dgra med cing bde bar gnas pa'i sems 'thob pa dang /tshe rabs gzhan du yang bde 'gro lha dang mi'i nang du skye ba ni snying rje dang ldan pa'i 'bras bur rig par bya'o/ /legs par smra ba'i byang chub sems dpa' rnams ngag gi nyes pa rnam pa bzhi 'di lta ste/brdzun dang phra ma dang / tshig rtsub po dang / tshig 'khyal pa spangs shing tshe 'di dang tshe rabs gzhan du bdag gi tshig btsun pa dang / tshig gzhan gyis bzung bar 'gyur ba ni snyan par smra ba'i 'bras bu'o/ /brtan pa dang ldan pa'i byang chub sems dpa' ni tshe 'dir yang thams cad nas thams cad du le lo dang snyom las dang bral bar 'gyur zhing rab tu dga' ba'i sems kyis byang chub sems dpa'i tshul khrims kyi sdom pa yang dag par len par byed la/blangs nas kyang mi 'dor ba dang / bzod pas bdag dang pha rol rjes su 'dzin pa dang /ma 'ongs pa na yang byang chub sems dpa' rnams kyi las su bya zhing brtsams pa'i rnam pa la brtan por rtsom ste/ brtsams pa mthar ma phyin gyi bar du bar ma dor mi ldog pa 'di dag ni brtan pa'i 'bras bur rig par bya'o/ /de la byang chub sems dpa' lag brkyang pa dang ldan pa rnams ni phyi nang gi dngos po gtong ba'i sgo nas tshe 'dir sems can rnams la phan 'dogs par byed pa dang /de'i rkyen gyis bdag nyid tshe rabs gzhan du longs spyod chen por 'gyur zhing byang chub kyi tshogs chen por yongs su rdzogs par 'gyur te/ 'di ni lag pa brkyang ba'i 'bras bu'o//dgongs pa zab mo rnam par dgrol ba'i byang chub sems dpa' tshe 'dir yang mdo sde dang / 'dul ba dang / ma mo lta bu 'chad pa'i sgo nas/ sems can rnams kyi mi shes pa dang log par shes pa dang / the tshom sel ba tshe rabs gzhan du yang rig pa'i gnas thams cad la mkhas pa'i shes rab kyi snang ba chen po 'thob ste/'di ni dgongs pa zab mo rnam par 'grel pa'i 'bras bu'o/ /mtshan ma lnga po 'di dag gi go rims ni thog ma nyid du byang chub sems dpa' sems can rnams la snying rje bar byed pas snying rje dang por bshad do//de nas snying rje dang ldan pa'i byang chub sems dpa' de sems can la phan par bya ba'i phyir/ mi dge ba'i gnas nas bslang dge ba'i gnas su gzhag pa'i don du rigs pa'i man ngag ston par byed de/ de bas na de'i 'og tu legs par smra ba bstan to/ /de ltar snying rje dang ldan zhing sems can gyi don du rigs par smra ba la zhugs pa de 'khor ba'i sdug bsngal rnam pa sna tshogs nyams su myong zhing sems can gyi don mi gtong zhing mi ldog ste/de bas na de'i 'og tu brtan pa bstan to/ /de ltar brtan pa de dag ldan pa de sems can bstan pa la ma zhugs ba rnams ni bstan pa la gzung ba'i phyir zang zing gis phan 'dogs par byed do//bstan pa la zhugs pa rnams la ni chos bshad pas phan 'dogs par byed de/ de bas na de'i 'og tu lag pa brkyang ba dang / dgongs pa zab mo rnam par dgrol ba bstan to//mtshan ma lnga po dag pha rol tu phyin pa drug gis bsdus te/ de la pha rol tu phyin pa gang gis mtshan ma gang bsdus she na/ snying rje ni bsam gtan gyi pha rol tu phyin pas bsdus so/ /legs par smra ba ni tshul khrims kyi pha rol tu phyin pa dang / shes rab kyi pha rol tu phyin pas bsdus te/de la sems can rnams la 'phral du tshig rtsub po mi smra zhing snyan par smra ba ni tshul khrims kyi pha rol tu phyin pas bsdus so/ /dam pa'i chos kyi gtam smra ba ni shes rab kyi pha rol tu phyin pas bsdus so/ /de la brtan pa ni brtson 'grus kyi pha rol tu phyin pa dang /bzod pa'i pha rol tu phyin pa dang / shes rab kyi pha rol tu phyin pas bsdus so/ /lag pa brkyang ba ni sbyin pa'i pha rol tu phyin pas bsdus so/ /dgongs pa zab mo rnam par 'grel pa ni/ bsam gtan gyi pha rol tu phyin pa dang / shes rab kyi pha rol tu phyin pas bsdus so//mtshan ma lnga po de dag gi las bstan pa'i phyir/ yongs su sdud dang mos pa 'thob/ /skyo med gnyis kyis bsdus pa'i phyir/ /zhes bya ba smos te/ snying rje dang ldan pa'i las ni byang chub kyi sems kyis sems can yongs su bzung ba ste/ snying rje dang ldan na skye gnas bzhis bsdus pa'i sems can thams cad phung po lhag ma ma lus pa'i mya ngan las bzla bar bya'o zhes khas len pa'i phyir ro//legs par smra ba ni sems can rnams sangs rgyas kyi bstan pa la dad pa bskyed par bya ba'i phyir smra ste/ byang chub sems dpa' rnams bzhin 'dzum zhing 'phral du snyan par smra ba'i tshig dang /chos ston pa'i sgo nas sems can drangs te/ sangs rgyas kyi chos la dad pa skyed par byed do/ /brtan pa dang ldan par bya ba ni bdag yongs su smin par bya ba dang / sems can yongs su smin par bya ba'i ched du grang ba dang /tsha ba la sogs pa'i phyi'i sdug bsngal dang / bkres pa dang skom pa la sogs pa nang gi sdug bsngal byung bas mi skyo zhing mi ldog par bya ba'i phyir/ brtan pa dang ldan par bya ste/ brtan pa dang ldan par gyur na dka' ba spyod pa'i sdug bsngal rnams kyis mi skyo bar 'gyur ro//lag pa brkyang ba dang / dgongs pa zab mo 'grel pa gnyis dang bcas pa'i mya ngan las 'das pa la gzhag par bya'o snyam du sems pa'i phan pa lhag pa'i bsam pa zhes bya ste/ sems can gyi phung po'i lhag ma dang bcas pa'i mya ngan las 'das pa thob na 'dod chags la sogs pa'i nyon mongs pa'i gtse ba med pas phan pa dang ldan par 'gyur ro//sems can rnams phung po'i lhag ma ma lus par spangs pa'i mya ngan las 'das pa la 'god do snyam du bsam pa ni bde ba'i lhag pa'i bsam pa zhes bya ste/ sems can gyi phung po'i lhag ma ma lus pa'i mya ngan las 'das pa thob na/skye ba dang rga ba la sogs pa'i sdug bsngal dang bral bas bde ba dang ldan par 'gyur ro/ /de la lhag pa'i bsam pa rnam pa lnga las mya ngan las 'das pa thob par 'dod pa ni phan pa dang bde ba'i bsam pa yin pas/ de ni phan pa'i lhag pa'i bsam pa dang / bde ba'i lhag pa'i bsam pa'i nang du bsdus te/ de yan chad lhag pa'i bsam pa rnam pa gnyis bstan to/ /de ltar bsam pa de lta bu ni brtan pa byang chub sems dpa' rnams kyi sems can rnams la phan pa'i bsam pa dang / bde ba'i lhag pa'i bsam pa zhes bya ste/ 'dis ni sems can gyi don du lhag pa'i bsam pa rnam par dbye ba bstan to/ /ma dag pa dang zhes bya ba la mos pa spyod pa'i sa la gnas pa'i byang chub sems dpa' rnams kyi bsam pa ma dag pa'i lhag pa'i bsam pa zhes bya ste/chos kyi dbyings kun du 'gro ba'i mtshan nyid ma rtogs pas mthong bas spang bar bya ba'i nyon mongs pa dang gzung ba dang 'dzin pa la mngon par chags pa ma spangs pas na ma dag pa zhes bya'o/ /rnam par dag pa zhes bya ba la/ sa dang po yan chad sa bdun pa man chad la zhugs pa'i byang chub sems dpa' rnams kyi bsam pa la rnam par dag pa'i lhag pa'i bsam pa zhes bya ba ste/sa de dag la zhugs pa'i byang chub sems dpa' rnams mthong bas spang bar bya ba'i nyon mongs pa ma lus par spangs shing gzung ba dang 'dzin pa la mngon par chags pa yang med la/bsgom pas spang bar bya ba'i nyon mongs pa dang shes bya'i sgrib pa yang shas kyis spangs pa'i phyir rnam par dag pa zhes bya'o/ /shin tu dag pa zhes bya ba la/ phyir mi ldog pa'i sa/ sa brgyad pa dang dgu pa dang bcu pa la gnas pa'i byang chub sems dpa' rnams kyis bsam pa la shin tu dag pa'i bsam pa zhes bya ste/ci'i phyir zhe na sa bdun pa yan chad na ni brtsal 'bad dang bcas pas rtsol ba dang 'bad pa'i mtshan nyid du ldog pa yod mod kyi sa brgyad pa yan chad thob nas ni brtsal 'bad pa thams cad spangs te/ lhun gyis grub pas brtsal 'bad kyi mtshan nyid du phyir ldog pa med pas na shin tu dga' ba zhes bya ste/ tshig de dag gis bdag gi dbang du byas nas/ lhag pa'i bsam pa rnam par dbye ba bstan to/ /sa kun la zhes bya ba la/ byang chub sems dpa' rnams sa bcu'i steng du mos pa spyod pa'i sa bsnan te sa bcu gcig po de dag kun na lhag pa'i bsam pa rnam pa lnga zhig 'byung ste/sems can gyi dbang du byas nas ni/ phan pa'i lhag pa'i bsam pa dang / bde ba'i lhag pa'i bsam pa gnyis 'byung ngo / /bdag gi dbang du byas nas ni/ma dag pa'i lhag pa'i bsam pa dang / rnam par dag pa'i lhag pa'i bsam pa dang / shin tu dag pa'i lhag pa'i bsam pa ste/ lhag pa'i bsam pa rnam pa gsum 'byung ngo / /yongs su bsdu ba rnam par dbye ba la tshigs su bcad pa zhes bya ba la/de ltar sems can gyi don dang bdag gi don bya'o snyam du sems pa'i byang chub sems dpa' de dag ni nyan thos bzhin du 'khor ba la zhe sdang ba ma yin gyi/ snying rje chen pos sems can rnams sdud cing mi gtong bar byed de/ de bas na lhag pa'i bsam pa'i rjes la/yongs su bsdu ba'i rnam par dbye ba'i tshigs su bcad pa gcig gis bstan to/ /smon lam dang ni sems mnyam pa/ /bdag po byed pas yongs su bsdus/ /tshogs rnam drang bar bya ba'i phyir/ /blo ldan rnams kyis sa kun la/ /zhes bya ba la/ byang chub sems dpa' rnams kyis sems can yongs su sdud pa ni rnam pa bzhi ste/smon lam gyis yongs su sdud pa dang / sems mnyam pa 'thob pas yongs su sdud pa dang / bdag po byed pas yongs su sdud pa dang / tshogs rnam par 'dren pas yongs su sdud pa ste/ blo ldan byang chub sems dpa' rnams mos pa spyod pa'i sa yan chad sa bcu gcig po kun la/rnam pa bzhi lta bus sems can yongs su sdud par byed do/ /de la smon lam gyis yongs su sdud pa ni dang po byang chub tu sems bskyed pa nas/ snying rje chen po dang ldan pa'i byang chub kyi sems kyis sems can thams cad mya ngan las 'das pa'i dbyings su dgod par bya'o zhes khas len pa ni smon lam gyis yongs su sdud pa zhes bya ste/de'ang dper na 'phags pa rdo rje gcod pa'i mdo las/ ji snyed du sems can gyi bsdu bas bsdus pa mngal nas skyes pa dang / sgo nga las skyes pa dang /rdzus te skyes pa dang / gzugs yod pa dang / gzugs med pa dang / 'du shes yod pa dang / 'du shes med pa la sogs pa sems can gyi grangs su 'gro bar bgrang ba'i rnams/ phung po lhag ma ma lus par spangs pa'i dbyings su dgod par bya'o zhes gsungs pa lta bu'o//sems mnyam pa nyid thob pas sems can yongs su sdud pa ni sa dang po la chos kyi dbyings kun du 'gro ba'i mtshan nyid rtogs pa'i dus na/ bdag dang pha rol mi 'byed pa'i sems thob pas/ sems can rnams mi gtong zhing sdud par byed pa ste/ de'ang sa bcu'i sa dang po'i mdo las/ 'di ltar de ni bdag gi 'du shes dang bral bas/ bdag la phangs par sems pa yang med na/ yo byad thams cad la phangs par sems pa lta ga la yod de/ de ni su las kyang rim gro bya ba cung zad tsam yang re ba med la gzhan du na bdag nyid kyis sems can de dag la yo byad mang po thams cad kyis bsdu bar bya'o snyam du sems so zhes bya ba la sogs pa rgya cher gsungs pa lta bu'o//bdag po byed pas sems can yongs su sdud pa ni gang gi phyir/ byang chub sems dpa' rgyal po'am/ blon po'am/ rje bo'am dpon po la sogs pa dbang dang ldan par gyur na/ mthu dang dbang gis sems can mi dge ba las zlog cing dge ba la 'jog par byed pa ste/ de'ang dper na sa bcu ba'i sa dang po las de la gnas pa'i byang chub sems dpa' sems dpa' chen po ni phal cher 'dzam bu'i gling du rgyal por 'gyur te/srid chen po la dbang bsgyur ba rab tu thob cing chos kyis yongs su bskyang ba dang / sems can rnams sbyin pa chen pos yongs su bsdus pa la mkhas shing mthu yod pa yin/ sems can rnams kyi 'jungs pa'i dri ma bzlog pa la mkhas pa yin zhes bya ba la sogs pa rgya cher gsungs so//sa gnyis pa las kyang / de la gnas pa'i byang chub sems dpa' rnams phal cher 'khor los sgyur ba'i rgyal por gling bzhi pa la dbang bar 'gyur te/ chos kyis dbang bsgyur ba rab tu 'thob cing rin po che sna bdun dang ldan pa/ sems can thams cad kyi ser sna'i skyon dang / tshul khrims ngan pa'i dri ma bzlog pa la mkhas shing mthu yod pa dang sems can rnams dge ba bcu'i las kyi lam la rab tu dgod par bya bar shin tu mkhas pa dang zhes bya ba la sogs pa rgya cher gsungs te/ sa gsum pa la sogs pa la yang /rgyal po dang jo bor gyur nas sems can gyi don byed pa la mdo las 'byung ba bzhin du sbyar ro/ /tshogs rnam par drang bar bya ba'i phyir sems can sdud pa ni mkhan po dang slob dpon du gyur nas/ sems can rnams slob mar byas te sems can rnams mi dge ba'i gnas nas bzlog cing dge ba'i gnas su dgod par byed do//skye ba rnam par dbye ba'i tshigs su bcad pa zhes bya ba la/ de ltar sems can bsdu ba la zhugs pa'i byang chub sems dpa' ni nyan thos bzhin mya ngan las 'das pa'i phyogs 'ba' zhig la gnas pas sems can sdud par mi nus kyi 'khor bar skyes na gdod sems can sdud par nus te/de bas na yongs su bsdu ba rnam par dbye ba'i 'og tu skye ba rnam par dbye ba'i tshigs su bcad pa gcig gis bshad do/ /de la byang chub sems dpa'i skye ba mdor bsdus na rnam ba bzhi ste/las kyi dbang gis skye ba dang / smon lam gyi dbang gis skye ba dang / ting nge 'dzin gyi dbang gis skye ba dang / 'byor pa'i dbang gis skye ba'o/ /las rnams kyi ni dbang dag dang / /zhes bya ba la/ 'dis las kyi dbang gis skye ba bstan te sa dang po la sogs pa la zhugs pa mos pas spyod pa'i sa la gnas pa'i byang chub sems dpa' rnams ni las kyi dbang gis skyes te de dag sems la dbang ma thob pas gang du bsams shing smon lam btab pa der gdon mi za bar 'gyur bar nges pa med de/bsod nams kyi tshogs kyi las byas pas bdag dang gzhan la phan par 'gyur ba'i gnas de dang de dag tu skye'o//de ltar skye ba de sdig pa mi dge ba'i las kyis skye ba ni ma yin par gzhag go/ /gzhan yang smon lam dag gis te zhes bya ba la/ gzhan gyi sgra ni sa la zhugs pa'i byang chub sems dpa' rnams la bya ste/ sa dang po dang gnyis pa la zhugs pa'i byang chub sems dpa' rnams ni sems can yongs su smin par bya ba'i phyir lha dang mi dang byol song dang yi dwags dang sems can dmyal ba la sogs pa'i gnas de dang de dag tu skye bar gyur cig ces smon lam btab nas/smon lam gyi dbang gis skye ba len te/lo nyes chen po byung ba'i dus na sems can rnams kyi bkres pa dang / skom pa la sogs pa'i sdug bsngal med par bya ba'i phyir smon lam btab ste/ nya dang glang po che la sogs pa'i lus blangs nas/ rang gi shas sems can la tshim par byas pa dang / nad kyi bskal pa bar ma byung nas nad rnam pa sna tshogs kyis sems can sdug bsngal bar gyur pa na/smon lam gyi dbang gis rig sngags grub pa dang / sman pa chen po'i lus su bsgyur nas/ sems can rnams kyi nad rnam pa sna tshogs zhi bar byed pa ste/ rgyas par de bzhin gshegs pa'i gsang ba bstan pa'i mdo las/sku'i gsang ba bstan pa'i skabs su ji skad 'byung ba bzhin du sbyar ro/ /ting nge 'dzin zhes bya ba la/ sa gsum pa yan chad sa bdun man chad kyi byang chub sems dpa' ni sems can gyi don du ting nge 'dzin gyi dbang gis skye ste/ting nge 'dzin dang bsam gtan bsgrubs pas ni gzugs kyi khams su skye zhing 'bras bu len pa yin pa las/ de las bzlog nas 'dod pa'i khams su skyes te/ sems can rnams yongs su smin par byed pa'o/ /brtan pa rnams ni skye ba 'dod/ /sa brgyad pa dang dgu pa dang bcu pa la sogs pa nas sa bcu pa'i 'byor pa thob pa nas/sems can yongs su smin par bya ba'i phyir/ sprul pa'i sku dga' ldan gyi pho brang na gnas pa dang / de na 'chi 'pho bstan te/ yum gyi lhums su gshegs pa dang / lhums nas 'byung ba la sogs pa ston pa ste/dbang bcu'i 'byor ba thob pa yang sa bcu pa'i sa brgyad pa las des lus kyi ye shes mngon par bsgrub pa de lta bu rab tu thob pas/ bskal pa brjod du med pa'i yang brjod du med par tshe byin gyis brlabs pa'i phyir che'i dbang rab tu 'thob bo/ /ting nge 'dzin shin tu rtogs pa'i ye shes la 'jug par bya ba'i phyir sems kyi dbang rab tu 'thob bo//'jig rten gyi khams thams cad rgyan du mas rab tu brgyan cing / shin tu klubs pa'i byin gyi rlabs yang dag par bstan pa'i phyir yo byad kyi dbang rab tu 'thob bo/ /las kyi rnam par smin pa'i phyir byin gyi rlabs dus bzhin du mngon par bstan pa'i phyir/las kyi dbang rab tu 'thob bo/ /'jig rten gyi khams thams cad du skye ba yongs su bstan pa'i phyir skye ba'i dbang rab tu 'thob bo/ /sangs rgyas kyi zhing dang dus gang du ji dga' bar mngon par 'tshang rgya bas yang dag par bstan pa'i phyir smon lam gyi dbang rab tu 'thob bo /'jig rten gyi khams thams cad sangs rgyas kyis rab tu gang ba yang dag par bstan pa'i phyir mos pa'i dbang rab tu 'thob bo/ /sangs rgyas kyi zhing thams cad du rdzu 'phrul dang rnam par 'phrul pa yang dag par bstan pa'i phyir/rdzu 'phrul gyi dbang rab tu 'thob bo/ /de bzhin gshegs pa'i stobs dang mi 'jigs pa dang / sangs rgyas kyi chos ma 'dres pa dang / mtshan dang dpe byad bzang po dang mngon par 'tshang rgya bar yang dag par bstan pa'i phyir ye shes kyi dbang rab tu 'thob bo/ /mtha' dang dbus med pa'i chos kyi snang ba yang dag par bstan pa'i phyir/chos kyi dbang rab tu 'thob bo zhes gsungs so/ /de ltar na brtan pa byang chub sems dpa' mos pa spyod pa'i sa la gnas pa rnams ni smon lam gyi dbang gis skye ba yang yod mod kyi/ phal cher las kyi dbang gis skye'o/ /sa dang po dang gnyis pa la zhugs pa'i byang chub sems dpa' rnams ting nge 'dzin gyi dbang gis skye ba yang yod mod kyi phal cher smon lam gyi dbang gis skye'o//sa gsum pa yan chad bdun pa man chad ni phal cher ting nge 'dzin gyi dbang gis skye'o/ /sa brgyad pa dang dgu pa dang bcu pa pha ni dbang bcu 'thob pa 'byor pa'i dbang du skye'o//gang bsam gtan rnams la bzlog nas zhes bya ba la/ bsam gtan las bzlog pa'i don ji lta bu/ ci bsam gtan yongs su btang ba la bsam gtan las bzlog pa zhes bya ba'am zhe na/ lan du bsam gtan las bzlog pa'i don ni bsam gtan yongs su btang ba la mi bya'i/bsam gtan gyi 'bras bu gzugs kyi khams su skye bar 'gyur ba las 'bras bu de bzlog nas sems can gyi don du 'dod pa'i khams su skye bar byed pa'o/ /gnas pa'i sa rnam par dbye ba'i tshigs su bcad pa zhes bya ba la/de ltar 'phags pa byang chub sems dpa' rnams kyi skye ba rnam pa bzhir bshad pa yang 'gro ba dang skye gnas tha dad pa dang / skyes pa rabs kyi sde'i bye brag gis skye ba mtha' yas pas te/ /skye ba de dag gi tshe na byang chub sems dpa' rnams sems dag pa chung ngu dang 'bring dang chen po la sogs pa'i rnam pas sems dag pa'i bye brag mang du 'byung ste/de bas na skye ba'i rjes la sems rnam par dag pa dbye ba dus gnas pa'i sa ste sa bcu rnam par dbye ba bstan to/ /de la gnas pa nyid sa yin pas gnas pa'i sa zhes bya ste/ dper na sa'i steng na sems can dang sems can ma yin pa sna tshogs skye zhing gnas pa de bzhin du sems dag pa rab 'bring gi bye brag las kyang 'jig rten dang 'jig rten las 'das pa'i yon tan thams cad skye zhing 'byung bas na/sems dag pa'i khyad par nyid la sa bcu zhes bya bar zad do//sa bcu'i rnam par dbye ba yang mdor bstan pa dang rgyas par bshad pa'i sgo rnam pa gnyis kyis bshad do/ /de la mdor bstan pa'i phyir/ mtshan nyid gang zag bslab pa dang / /phung po grub pa mtshan ma dang / /nges pa'i tshig dang 'thob pa'i phyir/gnas pa'i sa ni de nyid do/ /zhes bya ba smos te/ gnas pa'i sa ste/ sa bcu rnams ni don rnam pa brgyad kyis bshad de/ brgyad gang zhe na mtshan nyid dang / gang zag dang / bslab pa dang / phung po dang / grub pa dang / mtshan ma dang / nges pa'i tshig dang /'thob pa ste/ don rnam pa brgyad po de nyid kyis sa bcu bstan cing bshad pa yin na zhes bya ba'i don to/ /mtshan nyid rnam par dbye ba las brtsams te tshigs su bcad pa lnga'o zhes bya ba la/ da 'di man chad zhib tu 'chad de/ dper na sa'i mtshan nyid sra ba dang / chu'i mtshan nyid gsher ba yin pa de bzhin du sa dang po'i mtshan nyid bstan pa nas/sa bcu pa'i mtshan nyid gang yin pa phye ste bstan pa'i phyir tshigs su bcad pa lnga rtsom mo zhes bya ba'i don to/ /stong pa nyid mchog rtogs pa dang / /zhes bya ba la/ de las dang po'i mtshan nyid ni stong pa nyid mchog rtogs pa'i mtshan nyid de/stong pa nyid mchog ni gang zag dang chos la bdag med pa'o/ /bdag med pa de gnyis sa dang po thob pa'i dus na rtogs pas na sa dang po ni stong pa nyid mchog rtogs pa'i mtshan nyid du gzhag go/ /de bas na sa dang po las kyang bsam pa dang /lhag pa'i bsam pa rab tu brtan pa zhes gsungs pa dang / sems kyi stobs dang blo'i stobs kyis shin tu rnam par phye ba rnam par 'byed pa zhes gsungs pa dang / dus gsum mnyam pa nyid du rtogs pa yin zhes gsungs te/ de'i don kyang gang zag la bdag med par rtogs pas bsam pa rab tu brtan pa zhes bya'o//chos la bdag med par rtogs pas lhag pa'i bsam pa rab tu rtogs pa zhes bya'o/ /yang gang zag la bdag med par rtogs pa'i shes pa dang ldan pas sems kyi stobs kyis shin tu rnam par 'byed pa zhes bya'o//chos la bdag med par rtogs pa'i shes rab dang ldan pas blo'i stobs kyis shin tu rnam par phye ba rnam par 'byed pa zhes bya'o/ /dus gsum gyi dngos po thams cad stong pa nyid du ro gcig pa'i mtshan nyid du rtogs pas dus gsum mnyam pa nyid du rtogs pa zhes bya'o//las rnams chud mi za bar gnas/ /zhes bya ba las gnyis pa'i mtshan nyid ni las rnams chud mi za bar gnas pa'i mtshan nyid du gzhag ste/ ji ltar zhe na sa gnyis pa'i tshe/ las dge ba dang mi dge ba dang las de'i 'bras bu bde ba dang sdug bsngal ba la sogs pa las kyi rnam par smin pa yod par gzigs nas/dus thams cad du dge ba bcu'i las kyi lam 'ba' zhig la gnas kyi mi dge ba'i las kyi lam ni rmi lam na yang nye bar mi spyod do/ /de bas na sa gnyis pa ni las rnams kyis chud mi za ba'i mtshan nyid du gzhag go//de bas na sa gnyis pa la yang srog gcod pa las phyir ldog pa yin te/ dbyig pa spangs mtshon cha spangs zhes bya ba nas/ de kun du rtog pa tsam gyis kyang / sems can gzhan la 'tshe ba mi byed na/ sems can gzhan dag la sems can du 'du shes shing ched du bsams shing lus kyi rnam pa 'tshe ba chen po bya ba lta ci smos zhes bya ba la sogs pa dang /yang de ltar sems mngon par sgrub ste/ sems can rnams kyi ngan song dang / ngan 'gro dang rnam par ltung ba yod pa gang yang rung ste/ de dag thams cad mi dge ba bcu'i las kyi lam rnams yang dag par blangs pa'i rgyu las byung gi bdag gis ni 'di ltar bdag nyid yang dag par sgrub pa la gnas te/gzhan yang yang dag par sgrub pa la dgod par bya'o zhes bya ba la sogs pa rgya cher gsungs so/ /mchog tu bde ba'i bsam gtan la/ /bsgrubs nas de dag 'dod par skye//zhes bya ba la/ sa gsum pa'i mtshan nyid ni byang chub sems dpa'i mchog tu bde ba'i bsam gtan bsgrubs nas/ bsam gtan de las kyang mnyam par bya ste/ sems can gyi don du 'dod pa'i skye ba'i mtshan nyid rnam par gzhag go/ / de la mchog tu bde ba'i bsam gtan ni gzugs kyi khams kyi bsam gtan dang po dang gnyis pa dang gsum pa dang / bzhi pa dag dang zag pa med pa'i mtshan nyid la bya'o/ /bsgrubs nas zhes bya ba ni de mngon sum du byas shing de thob par byas pa'o/ /mnyam pa ni bsam gtan de dag med par ma gyur pa'o//slar 'dod pa'i khams su skye ba ni sems can gyi don du 'dod pa'i khams kyi lus len pa'o/ /de bas na sa gsum pa las kyang des de bzhin gshegs pa'i ye shes de ltar chad pa med pa yang dag par rjes su mthong ste/ 'du byed du gyur pa de ltar gnod pa mang po dang ldan pa yongs su rtogs pa na/sems can rnams la de bas kyang shas cher sems kyi bsam pa bcu nye bar gzhag ste/ bcu gang zhe na 'di lta ste/ mgon med pa dang rten med pa'i sems can gyi bsam pa dang zhes bya ba nas/ chos de dag thos nas kyang rang gi sems la nges par rtogs nas gcig pu dben par song ste/de ltar spyod do/ /chos kyi rjes su mthun pa'i chos bsgrubs pas/ sangs rgyas kyi chos 'di dag khong du chud par bya ba'i tshig gi las yongs su dag pa 'ba' zhig gis ni ma yin no snyam ste/ de chos kyi rjes su mthun pa'i chos bsgrub pa'i rgyur 'dod pa rnams las dben pa sdig pa mi dge ba'i chos rnams las dben pa rtog pa dang bcas pa dpyod pa dang bcas pa/dben pa las skyes pa'i dga' ba dang bde ba can bsam gtan dang po rdzogs par byas te gnas so zhes bya ba nas/ bsam gtan dang rnam par thar pa dang ting nge 'dzin dang snyoms par 'jug pa dang /rnam par ldang ba gang du byang chub kyi yan lag yongs su rdzogs par 'gyur ba mthong ba de ched du bsams te/ smon lam btab pa'i dbang gis skye ba ma gtogs par de dag las kyi dbang gis mi skye'o zhes bya ba gsungs so//de nas byang chub phyogs rnams ni/ /'khor bar yongs su bsngo ba dang / /zhes bya ba la/ de nas zhes bya ba ni de'i 'og tu zhes bya ba'i don to/ /sa gsum pa bsgrubs pa'i 'og tu sa bzhi pa'i mtshan nyid ni shes rab kyis byang chub kyi phyogs rnams mngon du byas la/snying rje chen po'i mtshan nyid kyis sems can gyi don du 'khor bar yongs su bsngo ba'i mtshan nyid du gzhag go/ /brgal ba dang / byang chub kyi phyogs ni 'khor ba las 'byung bar byed pa'i rgyu yin na/ de nyid 'khor bar yongs su bsngo zhing 'khor ba'i rgyur ji ltar 'gyur zhe na/ lan du dper na thabs kyis ma zin pa'i dug ni 'chi ba'i rgyur 'gyur la/ thabs kyis zin pa'i dug ni sman du 'gyur ba de bzhin du thabs kyi mtshan nyid snying rje chen pos yongs su ma zin pa'i byang chub kyi phyogs bsgom pa ni/ 'khor ba las 'byung ba'i rgyur 'gyur la/ snying rje chen po'i thabs kyis zin pa'i byang chub kyi phyogs bsgoms pa ni slar 'khor bar skye ba'i rgyur 'gyur te/'di ltar byang chub sems dpa' snying rje can 'khor ba la rgyab kyis lta ba de byang chub kyi phyogs bsgom pa yang snying rje'i dbang gis sems can gyi don bsgoms pas/ byang chub kyi phyogs de dag 'khor ba la rgyab kyis lta bar mi byed kyi 'khor ba la mngon du lta ba'i rgyur 'gyur bas 'khor bar yongs su bsngos pa zhes bshad do//de bas na sa bzhi pa las kyang kye rgyal ba'i sras dag byang chub sems dpa'i sa 'od 'phro ba can 'di la gnas pa'i byang chub sems dpa' de ni kun du sbyor ba dang ldan zhing shes bzhin can dran pa dang ldan par gyur nas/'jig rten gyi chags sems dang yid mi bde ba rnam par spangs te/ nang gi lus la lus kyi rjes su lta ba can la gnas so zhes bya ba nas yang dag pa'i ting nge 'dzin dben pa la gnas pa/ 'dod chags dang bral ba la gnas pa/'gog pa la gnas pa/ rnam par byang bas yongs su bsgrubs pa bsgom mo/ /de dag kyang sems can thams cad la lta ba dang bcas pas sngon smon lam mngon par bsgrubs pas nye bar brtan pa/ snying rje chen po sngon du 'gro ba byams pa chen po dang ldan pa zhes bya ba la sogs pa gsungs so//sems la nyon mongs med par yang / /sems can yongs su smin par byed/ /ces bya ba la/ sa lnga pa'i mtshan nyid ni byang chub sems dpa' sems la nyon mongs pa med pa'i sems can yongs su smin par byed pa'i mtshan nyid du rnam par gzhag ste/sems la nyon mongs pa med pa ni sa de la 'phags pa'i bden pa bzhi bsgom zhing gnas pa med pas nyon mongs pa'i gnyen po dang ldan pa'i phyir 'dod chags la sogs pa'i nyon mongs pas sems la mi gos pa'i phyir sems la nyon mongs pa med do//gtsug lag dang bzo'i las rnam pa sna tshogs la mkhas te/ de bas na mkhas pa des theg pa gsum gyi rigs can gyi sems can yongs su smin par yang gzhag go/ /de bas na sa lnga pa las kyang de dran pa dang blo gros dang / rtogs pa'i blo'i stobs bskyed pas yid la bya ba'i phyir/mi ldog par gyur nas/ des 'di ni sdug bsngal gyi bden pa'o zhes yang dag pa ji lta ba bzhin rab tu shes so/ /'di ni sdug bsngal kun 'byung ba'o/ /'di ni sdug bsngal 'gog pa'o/ /'di ni sdug bsngal 'gog par 'gyur ba'i lam 'phags pa'i bden pa'o zhes yang dag pa ji lta ba bzhin du shes so zhes bya ba la sogs pa gsungs pa dang /khyad par can gyi chos yongs su btsal ba la/ mngon par brtson pas de gang 'di'i 'jig rten na yi ge dang gtsug lag dang rtsis dang khrims thabs la sogs pa yod pa de dag mngon par bsgrub po//'byung khung gi dpyad dang / gso ba'i dpyad dang / skem pa dang brjed byed dang 'byung po'i gdon bsal ba dang / dug dang ro langs kyi sbyor ba bsal ba dang / sngags dang / gar dang / gtam dang / rol mo dang sgrung gtam gyis rab tu dga' bar bya ba zhes bya ba nas sems can thams cad la phan pa dang bde ba yod par gyur pa de dag snying rje dang ldan pas mthar gyis sangs rgyas kyi chos la rab tu dgod pa'i phyir mngon par sgrub pa'o zhes gsungs so//bsams bzhin du ni skye ba dang / /kun nas nyon mongs rjes su srung / / zhes bya ba la/ byang chub sems dpa'i sa drug pa'i mtshan nyid ni bsams bzhin du srid par skye ba na kun nas nyon mongs pa'i chos rjes su srung ba'i mtshan nyid du gzhag ste/ sa drug pa la gnas pa'i byang chub sems dpa' rnams sems can gyi don du khams gsum du skye ba nas las dang nyon mongs pa'i dbang gis rang dbang med par skye ba ni ma yin gyi/bsod nams dang ye shes kyi tshogs chen pos zin pas/ dran pa dang shes bzhin ma nyams par gang nas gang du skye ba de dang der/ 'di dang 'dir skye bar bya'o zhes shes bzhin du skye bas na/bsams bzhin du skye ba zhes bya'o/ /de ltar bsams bzhin du skye ba na yang rten cing 'brel te 'byung ba bsgom pa na mang du gnas pas nyon mongs pas mi gos pa'i phyir kun nas nyon mongs pa rjes su srung ba zhes bya'o/ /de bas na sa drug pa las kyang /de chos thams cad la rang gzhan de ltar rtog pa'i tshe/ de bas kyang snying rje chen po sngon du 'gro ba dang / snying rje chen po'i dbang sgyur ba dang / snying rje chen po yongs su rdzogs par bya ba'i phyir/ 'jig rten 'byung ba dang 'jig pa la rnam par lta'o/ /'jig rten 'byung ba dang 'jig pa la lta ba'i tshe 'di snyam ste/'jig rten gyi tha snyad skye ba ji snyed yod pa de dag thams cad bdag tu mngon par zhen pa las 'byung ste/ bdag tu mngon par zhen pa dang bral na 'byung ba gang yang med par 'gyur ro/ /byis pa'i blo can bdag tu mngon par zhen pa mi shes pa'i rab rib kyis bsgribs pa yod pa dang med pa la mngon par mos pa/tshul bzhin ma yin pa yid la byed pa las byung ba/ yang dag pa ma yin par rab tu zhugs pa/ log pa'i rjes su 'brang ba de dag ni bsod nams dang bsod nams ma yin pa dang mi g.yo ba'i 'du byed nye bar sogs te zhes bya ba nas/'du byed dang rgyu rkyen ldan pa 'di dag rgyun gcad par bya'o/ /sems can yongs su smin par bya ba'i phyir 'du byed rnams shin tu zhi ba yang mngon du mi bya'o zhes bya ba'i bar du gsungs so/ /mtshan ma med pa phyogs gcig lam/bgrod pa gcig pa'i lam dang 'brel/ /zhes bya ba la/ byang chub sems dpa' rnams kyi sa bdun pa'i mtshan nyid ni bgrod pa gcig pa'i lam dang 'brel zhing mtshan ma med pa la phyogs gcig gi lam gyi mtshan nyid du bzhag go/ / de la 'grod pa gcig pa ni sa brgyad pa la bya ste/ sa brgyad pa'i dus na bar 'ga' brtsal 'bad dang bcas/ bar 'ga' brtsal 'bad med par gnas pa ma yin gyi rnam par mi rtog pa'i ting nge 'dzin la lhun gyis grub pa 'ba' zhig tu gnas pas na/ bgrod pa gcig pa'i lam zhes bya ste/sa bdun pa ni sa brgyad pa lta bur gnas te/ sa bdun pa'i rjes la sa brgyad pa thob pas na/ sa bdun pa de bgrod pa gcig pa'i lam dang 'brel pa zhes bya'o/ /sa bdun pa'i dus na mdo la sogs pa'i chos mang po la mtshan ma tha dad par mi byed de/mdo sde thams cad kyi don kyang mtshan nyid gcig pa yin pa kho nar rtag tu dmigs pas na sa bdun pa ni mtshan ma med pa'i phyogs gcig pa'i lam zhes bya'o/ /de la bgrod pa gcig pa'i lam dang 'brel pa'i don kyang sa bdun pa nyid las/ kye rgyal ba'i sras 'di lta ste/dper na kun nas nyon mongs shing rnam par dag pa'i 'jig rten gyi khams dang / shin tu dag pa'i 'jig rten gyi khams gnyis kyi 'jig rten gyi khams kyi bar ni smon lam dang thabs dang shes rab dang mngon par shes pa'i stobs dang / shugs chen po ma gtogs par 'dod 'dod brgal bar mi nus so//kye rgyal ba'i sras de bzhin du byang chub sems dpa'i spyod pa 'dres pa dang yongs su dag pa'i bar yang / smon lam dang / thabs dang / shes rab dang / mngon par shes pa dang / ye shes kyi stobs dang /shugs chen po ma gtogs par 'dod 'dod brgal bar mi nus so zhes gsungs so/ /mtshan ma med pa la phyogs gcig pa'i don kyang sa bdun pa nyid las/ de ltar sa bdun pa la gnas pa'i tshe/ lus kyi las tshad med pa mtshan ma dang bral bar rab tu 'byung ngo //ngag gi las tshad med pa mtshan ma dang bral bar rab tu 'byung ngo / /yid kyi las tshad med pa mtshan ma dang bral ba shin tu rnam par sbyangs pa mi skye ba'i chos kyi bzod pas snang bar gyur pa tshad med pa rab tu 'byung ngo zhes gsungs so/ /mtshan med lhun gyis grub pa ni//zhing yang rnam par sbyong ba ste/ /zhes bya ba la/ byang chub sems dpa'i sa brgyad pa'i mtshan nyid ni mtshan ma med pa la yang lhun gyis grub ste mngon par 'du bya ba med par mtshan ma med pa la gnas pa dang / sangs rgyas kyi zhing yongs su sbyong ba'i mtshan nyid du rnam par gzhag go//de la sa brgyad pa'i dus na rnam par mi rtog pa'i ting nge 'dzin lhun gyis grub pa la gnas te/ rnam par mi rtog pa'i ting nge 'dzin la gnas pa'i tshe/ brtsal 'bad kyi bag cung zad kyang mi 'byung bas na/ mtshan ma med pa la lhun gyis grub cing mngon par 'du bya ba med par mtshan ma med pa la gnas pa zhes bya'o//sangs rgyas kyi zhing gser dang shel la sogs pa'i kha dog lta bur snang bar sbyong bas na/ sangs rgyas kyi zhing yang yongs su sbyong ba zhes bya'o/ /de bas na sa brgyad pa nyid las kyang mtshan ma med pa lhun gyis grub pa'i don kyang /kye rgyal ba'i sras dag de lta bu'i bzod pa dang ldan pa'i byang chub sems dpa' ni byang chub sems dpa'i sa mi g.yo ba thob ma thag tu byang chub sems dpa'i gnas zab mo shes par dka' ba ma 'dres pa mtshan ma thams cad dang bral ba/ 'du shes kyi 'dzin pa thams cad las phyir log pa tshad med pa/nyan thos dang rang sangs rgyas thams cad kyis mi 'phrogs pa dben pa/ dben pa thams cad mngon du gyur pa thob pa yin te/ kye rgyal ba'i sras dag 'di lta ste dper na/ dge slong rdzu 'phrul dang ldan pa/ sems can thams cad la dbang thob pa/mthar gyis 'gog pa'i bar du mnyam par gzhag pa ni rgyu ba dang sems pa dang / g.yo ba'i rnam par rtog pa dang / 'du shes thams cad dang bral ba yin no/ /kye rgyal ba'i sras dag de bzhin du byang chub sems dpa' yang / byang chub sems dpa'i sa brgyad pa 'di thob ma thag tu ched du bya ba thams cad dang bral te/lhun gyis grub pa'i chos nyid thob cing lus dang ngag dang sems kyi rtsol ba thams cad dang bral te/ rnam par smin pa'i chos nyid la gnas pa yin/ kye rgyal ba'i sras dag 'di lta ste/mi la la zhig gnyid kyis log pa'i rmi lam du/ bdag chu klung chen pos khyer ba snyam byed la/ de de nas ci phyir snyam du 'bad cing rtsol ba chen po rtsom pa las/ de 'bad cing rtsol ba chen po de nyid kyis sad par gyur na/ de sad ma thag tu 'bad cing rtsol ba thams cad dang bral bar 'gyur ro//kye rgyal ba'i sras dag de bzhin du byang chub sems dpa' yang nyon mongs pa'i chu klung chen po bzhir sems can mang po drang bar sems nas/ 'bad cing rtsol ba yongs su rtsom mo/ /de brtson 'grus chen po dang ldan pas byang chub sems dpa'i sa mi g.yo ba thob ma thag tu ched du bya ba thams cad dang bral ba yin te/de gnyis po rgyu ba'am mtshan ma'i rgyu ba dag kyang thams cad kyi thams cad du mi snang bar 'gyur ro zhes gsungs so/ /sangs rgyas kyi zhing yongs su sbyong ba'i don kyang / sa brgyad pa nyid las skye ba mngon par bsgrub pa tshad med pa dang /zhing yongs su sbyong ba tshad med pa dang / sems can yongs su smin par bya ba tshad med pa dang zhes bya ba la sogs pa gsungs so/ /sems can smin par 'grub pa yang / /de dag phan chad skye bar 'gyur/ /zhes bya ba la/ de dag phan chad ces bya ba ni sa brgyad pa phan chad ces bya ba'i don te/sa brgyad pa phan chad/ sa brgyad pa 'das nas sa dgu pa'i mtshan nyid ni sems can yongs su smin pa 'grub pa'i mtshan nyid du gzhag ste/ ci'i phyir zhe na/ sa dgu pa thob pa na chos dang don dang nges pa'i tshig dang spobs pa so so yang dag par rig pa bzhi thob pas/chos bshad pa la thogs pa med pa'i phyir sems can yongs su smin par byed pa'i mthu dang ldan pa yin no/ /de bas na sa dgu pa nyid las kyang byang chub sems dpa'i sa legs pa'i blo gros can 'di la gnas pa'i byang chub sems dpa' 'di ni chos smra ba chen po byed cing de bzhin gshegs pa'i chos kyi mdzod srung ngo //de chos smra ba'i tshul dang ldan pas ye shes la mkhas pa tshad med pa dang ldan pa'i phyir/ byang chub sems dpa'i tshig so so yang dag par rig pa bzhis mngon par bsgrubs pas chos ston to//de chos so so yang dag par rig pas chos rnams kyi rang gi mtshan nyid rab tu shes so/ /don so so yang dag par rig pas chos rnams kyi rnam par dbye ba rab tu shes so/ /nges pa'i tshig so so yang dag par rig pas chos rnams ma 'dres par bstan pa rab tu shes so//spobs pa so so yang dag par rig pas chos rnams kyi mthun pa'i rgyun mi 'chad pa rab tu shes so zhes bya ba la sogs pa rgya cher gsungs so/ /ting nge 'dzin dang gzungs dang zhes bya ba la/ byang chub sems dpa'i sa bcu pa'i mtshan nyid ni ting nge 'dzin gyi sgo rnams dang /gzungs kyi sgo rnams rnam par dag pa'i mtshan nyid du gzhag go/ /de la ting nge 'dzin ni byang chub sems dpa'i ting nge 'dzin dri ma med pa zhes bya ba dang / theg pa chen po snang ba zhes bya ba la sogs pa ste/ ting nge 'dzin de dag kyang mngon par shes pa la sogs pa yon tan mang po 'byung ba'i rgyur gyur pas na sgo zhes bya ba'o//gzungs ni mi zad pa'i za ma tog dang / sgo mtha' yas kyi gzungs zhes bya ba la sogs pa ste/ gzungs de dag kyang de bzhin gshegs pa rnams kyi chos bshad pa'i don dang tshig mi brjed par 'dzin pa'i rgyur gyur pa dang /sems can la chos rnam pa sna tshogs ston pa'i rgyur gyur pas na sgo zhes bya ste/ sa dang po'i dus na ting nge 'dzin dag pa dang gzungs dag pa thob pa'i mtshan nyid du gzhag go/ /de la ting nge 'dzin dag pa thob pa yang / sa bcu pa nyid las/kye rgyal ba'i sras dag byang chub sems dpa' ye shes de lta bu dang ldan zhing dbang bskur ba thob pa de la byang chub sems dpa'i ting nge 'dzin dri ma med pa zhes bya ba mngon sum du 'gyur ro zhes bya ba nas/ byang chub sems dpa'i ting nge 'dzin da ltar byung ba'i sangs rgyas mngon sum du bzhugs pa zhes bya ba mngon du 'gyur te zhes bya ba la sogs pa gsungs so//gzungs kyi sgo dag pa thob pa yang sa bcu pa nyid las/ sa bcu pa 'di la gnas pa'i byang chub sems dpa' byang chub sems dpa'i rnam par thar pa'i sgo de dag la sogs pa rnam par thar pa'i sgo brgya stong grangs med pa dpag tu med pa rab tu 'thob po//de bzhin du ting nge 'dzin brgya stong dang / gzungs brgya stong 'thob po zhes gsungs so/ /byang chub nyid kyang rnam par dag /ces bya ba la/ sa bcu gcig pa ste sangs rgyas kyi sa la ni byang chub rnam par dag pa'i mtshan nyid du rnam par gzhag go//de la zad pa dang mi skye ba'i ye shes la byang chub ces bya ste/ sangs rgyas kyi sa'i dus na nyon mongs pa dang shes bya'i sgrib pa bag la nyal phra mo tshun chad kyang dag pa'i mtshan nyid du rnam par gzhag go/ / de bas na 'phags pa dgongs pa nges par 'grel pa'i mdo las kyang / 'phags pa spyan ras gzigs kyi dbang pos zhus pa/ bcom ldan 'das gnas ngan len rab tu spangs pa dus bag la nyal ba 'di dag rab tu phye/ spyan ras gzigs kyi dbang po rnam pa gnyis kyis te/ shun pa la yod pa'i gnas ngan len spangs nas dang po dang gnyis pa'o/ /srid la yod pas ni gsum pa yan chad do/ /snying po la yod pa'i gnas ngan len rab tu spangs pa de ni bag la nyal thams cad kyi thams cad du med pa'i gnas te/ ngas sangs rgyas kyi sar bshad do zhes gsungs so//rnam par gzhag pa de dag las/ /sa yi mtshan nyid shes par bya/ /zhes bya ba la/ gong du sa dang po ni stong pa nyid mchog rtogs pa'i mtshan nyid du rnam par gzhag pa nas/ sangs rgyas kyi sa ni byang chub nyid rnam par dag pa'i mtshan nyid du rnam par gzhag pa ste/rnam par gzhag pa de dag las/ sa bcu'i mtshan nyid de 'dra bar shes par bya'o zhes bya ba'i don to/ /las rnams chud mi za bar gzhag ste zhes bya ba la sa gnyis pa'i tshe las dge ba dang mi dge ba dang / de'i 'bras bu bde ba dang sdug bsngal ba la sogs pa ji ltar smin cing skye ba yang thugs su chud la/de ltar thugs su chud pas dge ba bcu'i las kyi lam 'ba' zhig na gnas kyi/ mi dge ba bcu'i las cung zad kyang mi 'dzad pas na las rnams chud mi za bar gzhag go/ /yongs su mi 'bri bar zhes bya ba la gzugs kyi bsam gtan thob pa las ma nyams par byas nas bsam gtan thob pa'i 'bras bu gzugs kyi khams su skye bar mi byed kyi sems can gyi don du slar 'dod pa'i khams su skye ba'o//byang chub kyi phyogs rnams 'khor bar yongs su bsngo ba'o zhes bya ba la/ snying rje chen pos zin pa'i byang chub kyi phyogs bsgom pa ni 'khor ba las 'byung ba'i rgyur 'gyur gyi/snying rje chen pos yongs su zin pa'i byang chub kyi phyogs bsgom pa ni mya ngan las 'das pa 'ba' zhig gi rgyur 'gyur bar ma zad kyi/ 'khor bar skye ba'i rgyur yang 'gyur bas na 'khor bar yongs su bsngo ba zhes bya'o//bdag nyid kyi sems kun nas nyon mongs pa med pa zhes bya ba la/ 'phags pa'i bden pa bzhi bsam pa ni nyon mongs pa'i gnyen po yin te/ sa lnga pa'i dus na yang 'phags pa'i bden pa bzhi bsgom pa la mang du gnas pas na sems can gyi don du 'khor ba na gnas kyang nyon mongs pas gos par mi 'gyur ba'i phyir/bdag nyid kyi sems kun nas nyon mongs pa med pa zhes bya'o/ /sems can rnams yongs su smin par byed cing zhes bya ba la/ sa lnga pa la gtsug lag dang bzo sna tshogs la mkhas pas/ de'i sgo nas sems can drangs te/theg pa gsum la 'god par byed pas sems can yongs su smin par byed pa zhes bya'o/ /de na nyon mongs pa rjes su srung ba'o zhes bya ba la/ sa drug pa'i tshe rten cing 'brel te 'byung ba sgom pa la mang du gnas pas/ rten 'brel sgom pa ni nyon mongs pa'i gnyen po yin pa'i phyir 'khor ba na sems can gyi don byed kyang sems can nyon mongs pa'i dbang du mi 'gyur bas nyon mongs pa rjes su srung ba zhes bya'o//bdun pa la ni 'dres shing nye bar 'dre bas/ bgrod pa gcig gi lam la gnas pa brgyad pa dang 'brel pa yin te zhes bya ba la/sa brgyad pa'i dus na rnam par mi rtog pa lhun gyis grub pa la gnas pas sa brgyad pa ni bgrod pa gcig pa'i lam la gnas pa zhes bya'o/ /de la sa bdun pa'i byang chub sems dpa' rnams mtshan ma med pa la gnas pa/ sa bdun pa la gnas pa'i byang chub sems dpa' rnams dang rang bzhin gcig tu gyur pas na 'dres pa zhes bya'o//mngon par 'du byed pa med pa'i lam thob pas sa brgyad pa la gnas pa'i byang chub sems dpa' dang nye bar 'gyur te/ sa brgyad pa thob pa'i rgyur gyur pas na/ nye bar 'dres pa zhes bya ste/de'i phyir sa brgyad pa dang 'dres pa zhes bshad do/ /brgal ba/ sa bdun pa la gnas pa rnams kyis sa brgyad pa ma thob na ji ltar nye bar 'dres pa zhes bya bar 'gyur zhe na/ lan du nye bar 'dres pa zhes bya ba'i tshig 'di ni dngos su thob pa la mi bya'o/ / sa de dang nye bar 'gyur ba la bya ste/ dper na skas kyi mgor phyin pas khang pa'i steng na nye ba bzhin du sa bdun pa mtshan ma med pa la gnas pa de ni mngon par 'du byed pa dang bcas pa thams cad mthar phyin te/ rtsol 'bad can gyi sa'i rtse mo la gnas pas mngon par 'du byed pa med pa'i sa brgyad pa dang nye bar 'gyur te/de ma thag tu sa brgyad pa 'thob pas na nye bar 'dres pa zhes bya'o/ /yang na mngon par 'du byed pa dang bcas pa'i lam sa bdun pa nyid thob par gyur pa'i phyir 'dres pa zhes bya ste/ de ma thag tu sa brgyad pa la 'jug pas/ bgrod pa gcig pa'i lam la gnas pa brgyad pa dang 'brel ba zhes bya'o//mtshan ma med pa la phyogs gcig pa'i lam mo zhes bya ba la sa bdun pa'i dus na bar 'ga' mtshan ma med par gnas pa ni ma yin gyi/ rtag tu brtsal 'bad dang bcas pa'i sgo nas rnam par mi rtog pa'i ye shes la gnas pas na mtshan ma med pa la phyogs gcig pa'i lam zhes bya'o//brgyad pa la mtshan ma med pa la lhun gyis grub ste zhes bya ba la/ sa brgyad pa'i dus na brtsal 'bad thams cad dang bral te/ rnam par mi rtog pa'i ting nge 'dzin lhun gyis grub pa la gnas pas na mtshan ma med pa yang lhun gyis grub pa zhes bya'o//de ltar na mtshan ma med pa la gnas pa rnam pa gnyis te/ mngon par 'du byed pa dang bcas shing brtsal ba dang bcas pas mtshan ma med pa la gnas pa dang mngon par 'du byad pa med cing brtsal ba med par mtshan ma med pa la gnas pa'o//de la sa bdun pa'i dus na mtshan ma med pa la gnas su zin kyang mi mthun pa'i phyogs las shin tu rgyal bar ma gyur pas na brtsal 'bad dang bcas pa'i sgo nas mtshan ma med pa la sgom pas na sa bdun pa la ni 'bad pa dang bcas brtsal ba dang bcas pas mtshan ma med pa la gnas pa zhes bya'o//sa brgyad pa la ni mtshan ma med pa de nyid la bsgom pa dang / mang du byas pas brtsal 'bad med par lhun gyis grub pa nyid du rnam par mi rtog pa'i ting nge 'dzin gnas pa'i phyir/ 'bad pa med pa dang brtsal ba med par mtshan ma med pa la gnas pa zhes bya'o//de bas na sa brgyad pa nyid las/ kye rgyal ba'i sras dag 'di lta ste/ dper na rgya mtsho chen por 'gro ba'i gru ni rgya mtsho chen por ma phyin gyi bar du ched du bskyod cing 'gro bar bya ba yin te/ rgya mtsho chen po la zhen ma thag tu rlung gi dkyil 'khor gyis bsdu bas ched du bskyod mi dgos pa ma yin la/des rgya mtsho chen po nyid gcig gis ci chod pa de ni sngon chad du bskyod cing 'gro bas lo brgyar yang de ltar tshad med par phyin par mi nus so/ /kye rgyal ba'i sras dag de bzhin du byang chub sems dpa' sems dpa' chen po'i dge ba'i rtsa ba chen po'i tshogs yang dag par bsags pa'i theg pa chen po'i grur zhugs pa yang /byang chub sems dpa'i spyod pa rgya mtshor phyin nas yud tsam gcig tu lhun gyis grub pa'i ye shes kyis thams cad mkhyen pa'i ye shes ci tsam yang dag par gnon pa de ni sngon gyi ched du bya ba'i las kyis bskal pa brgya stong du yang yang dag par non par mi nus so zhes bya ba gsungs so//sa nyid la gang zag rnam par dbye ba las brtsams te tshigs su bcad pa gnyis so zhes bya ba la/ sa dang po yan chad sa bcu pa man chad la nyid ces bya ste/ sa de dag na sa 'di la gnas pa'i gang zag la ming du 'di skad ces bya/sa 'di la gnas pa'i gang zag la ni ming du 'di skad ces bya zhes phye ste bstan pa ni sa nyid la gang zag rnam par dbye ba zhes bya ste/ de tshigs su bcad pa gnyis kyis bstan to zhes bya ba'i don to/ / lta ba rnam dag ces bya ba la/ sa dang po la gnas pa'i byang chub sems dpa' la ni ming du lta ba rnam par dag pa'i gang zag ces bya ste/ ci'i phyir zhe na/ sa dang po thob pa'i dus na gang zag la yod par lta ba dang / chos la yod par lta ba'i gnyen por gyur pa/ gang zag dang chos la bdag med par chud pa'i ye shes rnam par mi rtog pa'i ye shes rnyed pa'i phyir lta ba rnam par dag pa'i gang zag ces bya'o//de bas na sa dang po nyid las kyang sems kyi stobs dang blo'i stobs kyis shin tu rnam par phye ba rnam par 'byed pa yin zhes gsungs pa dang / dus mnyam pa nyid du rtogs pa yin zhes gsungs so/ /tshul khrims shin tu dag ces bya ba la/ sa gnyis pa la gnas pa'i byang chub sems dpa' la ming du tshul khrims shin tu dag pa'i gang zag ces bya ste/ sa gnyis pa la gnas pa'i byang chub sems dpa' rnams ltung ba chen po mi 'byung ba bzhin du ltung ba'i 'khrul pa phra mo yang 'byung ba med pa'i phyir/tshul khrims rnam par dag pa'i gang zag tu gzhag go/ /de bas na sa gnyis pa nyid las kyang srog gcod pa las phyir log pa'i skabs su yang srog gcod pa las phyir log pa yin te/dbyig pa spangs mtshon cha spangs zhes bya ba nas de kun du rtog pa tsam gyis kyang srog chags la 'tshe ba mi byed na sems can gzhan la sems can du 'du shes shing ched du bsams shing lus kyi rnam par 'tshe ba chen po bya ba lta ci smos zhes gsungs so/ /ma byin par len pa'i skabs su yang bdag gi longs spyod kyis chog shes pas gzhan gyi longs spyod la bag med pa yin te tha na rtswa dang lo ma yang ma byin par len pa 'tsho ba'i yo byad gzhan dag lta ci smos zhes gsungs so//'dod pas log par spyod pa'i skabs su yang bdag gi chung mas chog shes pas gzhan gyi chung ma la mi 'dod pa yin te/gzhan gyis yongs su bzung ba'i bud med gzhan gyi chung ma rus dang mtshan dang chos kyis bsrungs pa rnams la chags pa yang mi skyed na gnyis kyis gnyis sprod pa lta ci smos zhes bya ba la sogs pa gsungs so//mnyam par gzhag dang zhes bya ba la sa gsum pa la gnas pa'i byang chub sems dpa' la ni ming du mnyam par gzhag pa'i byang chub sems dpa' zhes bya ste/ tshe rabs gar skyes te shi 'phos kyang / bsam gtan dang ting nge 'dzin nyams pa med pa thob pas na mnyam par gzhag pa'i gang zag ces bya'o//de bas na sa gsum pa las kyang de rnam pa de lta bu'i brtson 'grus rtsom pas na/ chos yongs su tshol zhing chos de dag thos nas kyang / rang rang gi sems la nges par rtogs pas gcig tu dben par song ste/ 'di ltar dpyod do//chos kyi rjes su mthun pa'i chos bsgrubs pas/ sangs rgyas kyi chos 'di dag khong du chud par bya ba'i tshig gi las yongs su dag pa 'ba' zhig gis ni ma yin no snyam ste/ de chos kyi rjes su mthun pa'i chos bsgrub pa'i rgyu 'dod pa rnams las dben pa/ sdig pa mi dge ba'i chos rnams las dben pa zhes bya ba la sogs pa rgya cher gsungs so//chos la nga rgyal spangs zhes bya ba la/ sa bzhi pa la gnas pa'i byang chub sems dpa' rnams la ni ming du chos la nga rgyal spangs pa'i gang zag ces bya ste/ 'di ltar sa gsum pa'i tshe na chos la bla mar byed cing chos la gus pa mang ste/chos brtsal ba la gcig tu spro ba gang yin pa de sa bzhi pa'i tshe na sems de las kyang log go/ /sa gsum pa la chos la bla mar byed cing / chos brtsams pa la gcig tu spro ba yang / sa gsum pa nyid las de de ltar shin tu brtags pa'i shes rab dang ldan pas/de bas kyang shas cher dam pa'i chos yongs su tshol ba la mngon par brtson par gnas te/ nyin mtshan du chos nyan pa don du gnyer/ chos 'dod/ chos la dga'/ chos la brten/ chos la gzhol/ chos la 'bab/ chos la phyogs/ chos la gnas tshol/ chos la skyabs tshol zhing chos kyi rjes su mthun pa'i chos spyod do/ /sangs rgyas kyi chos yongs su tshol ba la mngon par brtson pa de ni/ rdzas kyi rnam pa'am/ nor dang 'bru dang mdzod dang bang ba'i rnam pa yongs su mi gtong ba gang yang med do//de la bya dka' bar 'du shes pa ma yin gyi/ gzhan du na chos smra ba'i gang zag de la bya dka' ba'i 'du shes su gyur pa ni ma gtogs so/ /phyi rol gyi dngos po nye bar bzung ba yongs su mi gtong ba de gang cung zad kyang med do/ /nang gi dngos po yongs su mi gtong ba de gang cung zad kyang med do//bla ma'i yongs su spyod pa dang rim gro bya ba nyams su mi len pa cung zad kyang med do/ /nga rgyal gyi sems las kyang nga rgyal spangs te/ nga rgyal med pa nye bar spyad par bya ba ji lta bu ste/ nyams su mi len pa de gang yang med do zhes bya ba nas/ gal te la la zhig de la 'di skad ces zer te/gal te khyod kyis me'i 'obs chen po kun du 'bar ba/ kun du rab tu 'bar ba/ me lce gcig tu gyur pa'i nang du bdag bor te/ sdug bsngal gyi tshor ba chen po rang gi lus kyis nyams su blang ba lta na/ ngas khyod la chos kyi tshig yang dag par rdzogs pa'i sangs rgyas kyis bstan pa byang chub sems dpa'i spyod pa yongs su sbyong ba 'di bshad par bya'o zhe na yang /de 'di snyam ste/ yang dag par rdzogs pa'i sangs rgyas kyi bstan pa la byang chub sems dpa'i spyod pa yongs su spyod pa'i chos kyi tshig gcig gi don du yang stong gsum gyi stong chen po'i 'jig rten gyi khams mes gang bar tshangs pa'i 'jig rten nas bdag nyid dor bar mos na/me'i 'obs tha mal bar bdag dor ba lta ci smos/ sems can dmyal ba'i sdug bsngal thams cad nyams su bab kyang bdag gis chos btsal bar bya na me'i sdug bsngal dang 'grogs pa lta ci smos zhes gsungs so//de ltar sa gsum pa la chos la gcig tu gus pa'i bsam pa de'ang sa bzhi pa'i tshe na ldog ste/ ji ltar ldog ce na/ 'di ltar gang gcig tu chos tshol ba 'di'ang / sems g.yengs pa dang / sems nga rgyal can du byed pa yin no zhes tshol ba de spangs nas/byang chub kyi phyogs bsgom pa la rab tu sbyor bar byed do/ /de'i phyir sa bzhi pa nyid las kye rgyal ba'i sras dag byang chub sems dpa'i sa 'od 'phro ba can 'di la gnas pa'i byang chub sems dpa' de ni kun sbyong ba dang ldan zhing shes bzhin can dran pa dang ldan par gyur nas/snying rjes 'jig rten gyi chags sems dang yid mi bde ba rnam par spangs te/ nang gi lus la lus kyi rjes su lta ba can du gnas so zhes bya ba la sogs pa gsungs so/ /rgyud dang nyon mongs rnam dag bye brag la/ /zhes bya ba la/rgyud bye brag med pa dang / nyon mongs pa dang rnam par byang ba'i bye brag la nga rgyal med pa zhes bya bar sbyar ro/ /de la sa lnga pa la gnas pa'i byang chub sems dpa' rnams la ni ming du rgyud kyi bye brag las nga rgyal med pa'i gang zag ces bya ste/ de'i tshe sems kyi bsam pa rnam par dag pa mnyam pa nyid sa bcu thob pas dus gsum gyi de bzhin gshegs pa rnams kyi rgyud dang /dus gsum gyi de bzhin gshegs pa'i chos rnams dang sa lnga pa la gnas pa'i byang chub sems dpa'i sems kyi rgyud dang / chos rnams su rnam par dag pa'i mtshan nyid du tha dad pa med par khong du chud pas na/rgyud kyi bye brag la nga rgyal med pa'i gang zag ces bya'o/ /de la sems kyi bsam pa rnam par dag pa mnyam pa nyid bcu ni sa lnga pa nyid las/ kye rgyal ba'i sras dag byang chub sems dpa'i sa bzhi pa la/ sa'i lam yongs su rdzogs par byas pa de byang chub sems dpa'i sa lnga pa la 'jug ste/rnam par dag pa la sems kyi mnyam pa nyid bcus 'jug go/ /bcu gang zhe na 'di lta ste/ 'das pa'i sangs rgyas kyi chos kyi bsam pa rnam par dag pa mnyam pa nyid dang / ma byon pa'i sangs rgyas kyi chos kyi bsam pa rnam par dag pa mnyam pa nyid dang /da ltar byung ba'i sangs rgyas kyi chos kyi bsam pa rnam par dag pa mnyam pa nyid dang / tshul khrims kyi bsam pa rnam par dag pa mnyam pa nyid dang / sems kyi bsam pa rnam par dag pa mnyam pa nyid dang /lta ba dang / nem nur dang / dogs pa bsal bas bsam pa rnam par dag pa mnyam pa nyid dang / lam dang lam ma yin par shes pas bsam pa rnam par dag pa mnyam pa nyid dang / nan tan spong bar shes pas bsam pa rnam par dag pa mnyam pa nyid dang /byang chub kyi phyogs kyi chos thams cad du gong nas gong du rnam par bsgom pa dang / bsam pa rnam par dag pa mnyam pa nyid dang / sems can yongs su smin par byas pas bsam pa rnam par dag pa mnyam pa nyid de zhes gsungs pa ste/ de'i don kyang ji ltar 'das pa'i sangs rgyas bcom ldan 'das rnams kyis sangs rgyas kyi chos rnam par dag par gyur pa/de bzhin du sa lnga pa thob pa'i byang chub sems dpa' rnams kyang bdag cag gis kyang de dang 'dra bar sangs rgyas kyi chos rnams ring po mi thogs par sangs rgyas kyi chos de dag dag par 'gyur ro zhes de lta bu'i bsam pa thob po//sa drug pa la gnas pa'i byang chub sems dpa' rnams la ni ming du kun nas nyon mongs pa dang rnam par byang ba'i bye brag la nga rgyal med pa'i gang zag ces bya ste/ ci'i phyir zhe na/ sa de la gnas pa'i tshe/chos mnyam pa nyid bcu thob pas rten cing 'brel te 'byung ba'i stong pa nyid rtogs pa'i phyir stong pa nyid la ni ma rig pa'i rkyen gyis 'du byed la sogs pa nag po'i phyogs su gzhag pa dang / ma rig pa 'gags pa la sogs pa dkar po'i phyogs su gzhag pa ste/rnam pa gnyis su gzhag tu med kyi thams cad kyang ma skyes ma byung zhing stong pa nyid kyi mtshan nyid du ro gcig par khong du chud pas na/ de'i tshe kun nas nyon mongs pa dang / rnam par byang ba la nga rgyal med pa'i gang zag ces bya'o/ /de bas na sa drug pa nyid las/kye rgyal ba'i sras dag sa lnga pa la sa'i lam yongs su rdzogs pas byang chub sems dpa'i sa drug pa la 'jug go/ /de la chos mnyam pa nyid bcus 'jug ste/ bcu gang zhe na/ 'di lta ste/ chos thams cad mtshan ma med pa mnyam pa nyid dang / chos thams cad mi skye ba mnyam pa nyid dang /chos thams cad ma byung ba mnyam pa nyid dang / chos thams cad dben pa mnyam pa nyid dang / chos thams cad snga nas rnam par dag pa mnyam pa nyid dang / chos thams cad spros pa med pa mnyam pa nyid dang / / chos thams cad blang ba med pa dang dor ba med pa mnyam pa nyid dang / chos thams cad sgyu ma dang rmi lam dang mig yor dang sgra brnyan dang chu zla dang gzugs brnyan dang sprul pa dang mtshungs pa mnyam pa nyid dang / chos thams cad dngos po yod pa dang dngos po med pa dang gnyi ga ma yin pa mnyam pa nyid dang zhes bya ba nas/rgyu rkyen dang ldan pas ni 'du byed 'phel bar 'gyur ro/ /rgyu rkyen dang mi ldan pas ni 'phel ba med pa zhes bya ba'i bar du gsungs so/ /skad cig gcig thob blo zhes bya ba la/ sa bdun pa la gnas pa'i byang chub sems dpa' rnams la ni skad cig ma gcig la thob pa'i blo dang ldan pa'i gang zag ces bya ste/ci'i phyir zhe na/ sa drug pa la gnas pa'i mtshan ma med pa'i ting nge 'dzin la gnas par gyur pa'i sangs rgyas kyi chos thams cad skyed par byed pa'i rgyu byang chub kyi phyogs kyi chos rnams skad cig ma re re la yongs su rdzogs par byed pa'i phyir skad cig ma la thob pa'i blo dang ldan pa'i gang zag ces bya'o//de bas na sa bdun pa nyid las kyang / kye rgyal ba'i sras dag de ltar byang chub sems dpa'i sa ring du song ba 'di la gnas pa'i byang chub sems dpa'i pha rol tu phyin pa bcu po de dag de ltar yongs su rdzogs par 'gyur te/bsdu ba'i dngos po bzhi yang yongs su rdzogs par 'gyur ro/ /gnas bzhi dang byang chub kyi phyogs sum cu rtsa bdun dang / rnam par thar pa'i sgo gsum dang / mdor bsdu na byang chub kyi yan lag gi chos thams cad skad cig tu yongs su rdzogs par 'gyur ro zhes gsungs so//btang snyoms pa dang zhing yang rnam par spyod/ /zhes bya ba la/ sa brgyad pa la gnas pa'i byang chub sems dpa' rnams la ni btang snyoms dang zhing rnam par sbyong ba'i gang zag ces bya ste/lhun gyis grub par mtshan ma med pa rnam par mi rtog pa'i ting nge 'dzin la gnas pas btang snyoms pa zhes bya'o/ /lhun gyis grub par gnas pa'i dpe yang kye rgyal ba'i sras dag 'di lta ste/ dper na rgya mtsho chen por 'gro ba'i gru ni rgya mtsho chen por ma phyin gyi bar du ched du bskyod cing 'gro bar bya ba yin te/rgya mtsho chen po la zhen ma thag tu rlung gi dkyil 'khor gyis bsu bas ched du bskyod mi dgos pa yin no zhes bya ba la sogs pa'i skabs su gsungs so/ /sa brgyad pa la gnas pa'i tshe sangs rgyas kyi zhing rin po che sna bdun gyis brgyan pa lta bur byin gyis rlob cing ston pas na zhing yongs su sbyong ba zhes bya ste/de yang sa brgyad pa nyid las/ 'jig rten gyi khams thams cad rgyan du mas rab tu brgyan cing shin tu klubs pa'i byin gyi rlabs yang dag par bstan pa'i yo byad kyi dbang rab tu thob po zhes gsungs pa'o//sems can smin par mkhas pa dang / /zhes bya ba la/ sa dgu pa la gnas pa'i byang chub sems dpa' ni sems can rnams yongs su smin par bya ba la mkhas pa'i gang zag ces bya ste/ci'i phyir zhe na/ sa dgu pa thob pa'i tshe so so yang dag par rig pa shin tu rnam par dag pa thob pa'i blo dang ldan pas rnam pa thams cad du sems can gyi don byed nus pa'i phyir sems can yongs su smin par bya ba la mkhas pa'i gang zag ces bya'o/ / de bas na sa dgu pa nyid las kyang / sa dge ba'i blo gros la gnas pa'i byang chub sems dpa' ni chos smra ba chen po'i go 'phang la gnas shing de bzhin gshegs pa'i chos kyi mdzod yongs su bsrungs pa yin/ de chos smra ba'i tshul dang ldan pas ye shes la mkhas pa tshad med pa rjes su song zhing so so yang dag par rig pa bzhis mngon par bsgrubs pa'i byang chub sems dpa'i tshig gis chos ston te zhes bya ba la sogs pa gsungs so//rdzu 'phrul che lus kyang kun rdzob ston par nus te/ dbang bskur byang chub sems dpar 'gyur/ / zhes bya ba la/ sa bcu pa la gnas pa'i byang chub sems dpa' la ni ming du rdzu 'phrul che ba dang lus kun rdzob ston par nus pa dang dbang bskur ba thob pa'i gang zag ces bya'o/ /de la sa bcu pa la byang chub sems dpa' rnams rdzu 'phrul chen por rnam par gzhag ste/ sa de la gnas pa'i tshe thogs pa med pa'i mngon par shes pa chen po thob pa'i phyir ro/ /de bas na sa bcu pa nyid las kyang mngon par shes pas mngon par bsgrub pas brgya stong rab tu 'thob bo zhes gsungs pa dang 'dod na 'jig rten gyi khams dog pa yangs par byin gyis rlob bo//'jig rten gyi khams yangs pa yang dag par byin gyis rlob bo zhes bya ba la sogs pa'o/ /sa bcu pa la chos kyi sku yongs su rdzogs par yang rnam par gzhag ste/ ci'i phyir zhe na/ chos kyi sku thob par 'gyur ba'i rgyu ting nge 'dzin gyi sgo dang gzungs kyi sgo tshad med pa thob pas byang chub sems dpa'i chos kyi sgo ni sa bcur rdzogs so// //de bas na sa bcu pa las kye rgyal ba'i sras de ltar byang chub sems dpa'i sa bcu pa 'di la gnas pa'i byang chub sems dpa' byang chub sems dpa'i rnam par thar pa'i sgo bcu po de dag la sogs pa rnam par thar pa'i sgo brgya stong grangs med pa rab tu 'thob bo//de bzhin du ting nge 'dzin brgya stong dang gzungs brgya stong 'thob bo zhes gsungs so/ /sa bcu pa la lung bstan par yang rnam par gzhag pa ste/ sa bcu pa la gnas pa'i tshe dga' ldan gyi pho brang na bzhugs pa dang yum gyi lhums su gshegs pa la sogs pa'i sprul pa'i lus rnam pa sna tshogs ston par byed pa'i phyir ro//de lta bas na sa bcu pa nyid las kyang / kye rgyal ba'i sras byang chub sems dpa'i sa chos kyi sprin 'di la gnas pa'i byang chub sems dpa' ni 'jig rten gyi khams gcig na/dga' ldan gyi pho brang na bzhugs pa nas bzung ste/ 'pho ba dang gshegs pa dang / lhums na zhugs pa dang / bltams pa dang / mngon par 'byung ba dang / mngon par rdzogs par byang chub pa dang / bskul ba dang /chos kyi 'khor lo bskor ba dang / yongs su mya ngan las 'das pa chen po'i sa zhes bya ba'i bar du de bzhin gshegs pa'i mdzad pa thams cad sems can rnams kyi bsam pa ji lta ba dang 'dul ba ji lta ba bzhin du byin gyis rlob bo zhes gsungs so/ / sa bcu pa la gnas pa'i tshe sangs rgyas su dbang bskur ba thob pa zhes kyang rnam par gzhag ste/ sa de thob ma thag tu phyogs bcu'i de bzhin gshegs pa thams cad kyi 'od zer gyis chos kyi rgyal po'i rgyal tshab tu dbang bskur bar mdzad pa'i phyir ro/ /de bas na sa bcu pa nyid las/kye rgyal ba'i sras dag de ltar byang chub sems dpa' de sa dgu pa'i bar du shes par bya ba tshad med pa yongs su brtags pa'i blos rnam par phye ba/ shin tu rnam par phye ba/ chos dkar po shin tu rdzogs pa/ bsags par bya ba'i tshogs mtha' yas pa shin tu bsags pa/bsod nams dang ye shes kyi tshogs yongs su zin pa/ snying rje chen po shin tu yangs pa thob pa/ 'jig rten gyi khams rnam par phye ba/ rnam pa tha dad pa la mkhas la sems can gyi khams thibs pos nye bar spyod pa la rab tu bzhugs pa/ de bzhin gshegs pa'i spyod yul la 'jug pa dang ldan pa'i 'du shes dang yid la byed pa can stobs dang mi 'jigs pa dang sangs rgyas kyi chos la lhag par dmigs pa'i rjes su song ba ni rnam pa thams cad du thams cad mkhyen pa'i ye shes su dbang bskur ba'i sa thob pa zhes bya'o zhes gsungs pa dang /gzhan yang de mngon du gyur ma thag tu stong gsum brgya stong phrag bcu'i tha gru dang mnyam pa'i rin po che'i pad+mo chen po'i rgyal po las byung ba zhes bya ba nas/ kye rgyal ba'i sras dag 'di lta ste dper na 'khor los sgyur ba'i rgyal po'i bu thu bo/ /gzhon nu btsun mo dam pa las btsas pa rgyal po'i mtshan dang ldan pa de 'khor los sgyur ba'i rgyal pos lha rdzas kyi glang po rin po che gser gyi khri dam pa la gzhag ste/steng nas bla re bre zhing gdugs dang rgyal mtshan dang / rol mo brdung ba dang / dkrol ba dang / glu'i dbyangs la sogs pa rgya chen po ste/rgya mtsho chen po bzhi las chu blangs pa gser gyi bum pas bcus te/ chu des gzhon nu de'i spyi bo nas mngon par dbang bskur na/ dbang bskur ma thag tu de ni rgyal po rgyal rigs spyi bo nas dbang bskur ba zhes bya ba'i grangs su 'gro'o/ /dge ba bcu'i las kyi lam yongs su rdzogs nas ni 'khor los sgyur bar bgrang ba rab tu 'thob po//kye rgyal ba'i sras dag de bzhin du byang chub sems dpa' yang sangs rgyas bcom ldan 'das de dag gis dbang bskur ma thag tu ye shes kyi dbang mngon par bskur bas dbang bskur zhes bya'o//stobs bcu yongs su rdzogs nas ni yang dag par rdzogs pa'i sangs rgyas kyi grangs su 'gro'o zhes gsungs so/ /sa bcu rnams la/ byang chub sems dpa' rnams su rnam par gzhag ste zhes bya ba la/ sa 'di thob pa'i tshe na/ sa thob pa'i gang zag de'i ming 'di skad ces bya'o zhes rnam par gzhag pa ni/sa bcu rnams la byang chub sems dpa' rnams su rnam par gzhag pa zhes bya'o/ /gang zag dang chos su lta ba'i gnyen po'i ye shes thob pa'i phyir ro zhes bya ba la/ gang zag dang chos su lta ba'i gnyen po'i ye shes ni rnam par mi rtog pa'i ye shes la bya ste/rnam par mi rtog pa'i ye shes thob ces bya ba'i don to/ /bsam gtan dang ting nge 'dzin nyams pa med pa thob pa'i phyir ro zhes bya ba la sa gsum pa thob phan chad/ tshe brjes kyang bsam gtan dang ting nge 'dzin thob pa las nyams pa mi 'byung bas na/bsam gtan dang ting nge 'dzin nyams pa med pa zhes bya'o/ /mdo la la sogs pa sna tshogs pa nga rgyal spangs pa'i phyir ro zhes bya ba la/ sa gsum pa'i dus na tshigs su bcad pa gcig gi phyir yang / stong gsum gyi stong chen po'i 'jig rten gyi khams me ma mur gyis gang ba'i nang du tshangs pa'i 'jig rten nas bdag nyid dor bar spro ba'i sems de lta bu yang sa bzhi pa thob pa na/sems de yang g.yeng ba dang nga rgyal can du byed pa yin no zhes/ sa bzhi pa'i dus na de yang spangs nas byang chub kyi phyogs bsgom pa la sbyor bar byed do//lnga pa la rgyud kyi bye brag med pa ste zhes bya ba la/ sa lnga pa thob pa'i dus na sems kyi bsam pa rnam par dag pa bcu rnyed pas dus gsum gyi de bzhin gshegs pa dang bdag tu sems kyi rgyud gcig par mthong bas na rgyud kyi bye brag la nga rgyal med pa zhes bya'o//drug pa la ni kun nas nyon mongs pa dang / rnam par byang ba'i bye brag la nga rgyal med pa ste zhes bya ba la/ sa drug pa thob pa na/ ma rig pa'i rkyen gyis 'du byed la sogs pa la/ kun nas nyon mongs pa'i phyogs su mi sems/ ma rig pa 'gags pas 'du byed 'gag pa la sogs pa/dkar po'i phyogs su mi sems pas na kun nas nyon mongs pa dang rnam par byang ba'i phyogs la nga rgyal med pa zhes bya'o/ /ci'i phyir nga rgyal med ce na de'i phyir rten cing 'brel par 'byung ba'i de bzhin nyid la gnas pa mang bas rang bzhin rnam par dag pa la brten te zhes bya ba la sogs pa smos te/sa drug pa thob pa'i dus na/ rten cing 'brel te 'byung ba'i stong pa nyid skye 'gag med pa'i don la sgom zhing gnas pa mang bas stong pa nyid la ni dkar po'i phyogs dang / nag po'i phyogs zhes rnam pa gnyis su gzhag tu med kyi/stong pa nyid ni rang bzhin gyis rnam par dag pa yin pas rang bzhin gyis rnam par dag pa'i chos la ni ma rig pa la sogs pa'i kun nas nyon mongs pa'i phyogs ni nag po'i phyogs su ma mthong la/ ma rig pa 'gags pas 'du byed 'gag pa la sogs pa rnam par byang ba'i phyogs la ni dkar po'i phyogs su ma mthong bas na/kun nas nyon mongs pa dang rnam par byang ba'i bye brag la nga rgyal med pa zhes bya'o/ /btang snyoms dang ni zhing rnam par sbyong ba ste/ mtshan ma med pa lhun gyis grub pa gnas pa'i phyir ro zhes bya ba la/sa brgyad pa thob pa'i dus na btang snyoms sbyong ba dang zhing rnam par sbyong bar gzhag ste de'i tshe rnam par mi rtog pa lhun gyis grub pa'i ting nge 'dzin thob pa'i phyir btang snyoms sbyong bar gzhag go/ /snod kyi 'jig rten rin po che sna bdun gyis brgyan pa kun du ston pa'i phyir zhing rnam par sbyong bar rnam par gzhag go//phyir mi ldog pa'i sa la zhugs pa'i byang chub sems dpa' rnams dang 'dres shing nye bar 'dres par sbyor ba'i phyir ro zhes bya ba la/ sa brgyad pa thob nas brgyad pa la zhugs pa'i byang chub sems dpa' rnams dang rang bzhin gcig cing phrin las gcig par gyur pas phyir mi ldog pa'i sa la zhugs pa'i byang chub sems dpa' rnams dang 'dres shing nye bar 'dres pa zhes bya'o//gong du sa bdun pa la yang 'dres shing nye bar 'dres pa zhes bshad pa dang / 'dir sa brgyad pa'i skabs su 'dres shing nye bar 'dres pa zhes bshad pa gnyis la bye brag ci yod ce na/bye brag yod de gong du sa bdun pa'i tshe na sa brgyad pa dang 'brel pas 'dres shing nye bar 'dres pa zhes bshad la/ 'dir ni sa brgyad pa thob pa'i byang chub sems dpa' ste/ sa brgyad pa thob pa'i byang chub sems dpa' rnams dang /rang bzhin gcig cing phrin las gcig tu gyur pas na 'dres pa dang rab tu 'dres pa zhes bshad pa'i phyir ro/ /sa dgu pa la ni sems can yongs su smin par bya ba la mkhas pa snga ma bzhin no zhes bya ba la/ sa dgu pa thob pa'i byang chub sems dpa' ni sems can yongs su smin par bya ba la mkhas pa'i gang zag ces gzhag ste/de'i don yang sngar so so yang dag par rig pa bzhi thob pas na sems can smin par byed pa'i mthu yod do zhes bshad pa dang 'dra'o/ /mngon par shes pa chen po thob pa'i phyir ro zhes bya ba la/sa bcu pa'i tshe rdul phra mo gcig tsam yang stong gsum gyi stong chen po'i 'jig rten gyi khams tsam du cher spro bar byed pa dang / stong gsum gyi stong chen po'i 'jig rten gyi khams tsam yang rdul phra mo gcig tsam du chung ngu sdud cing mngon par shes pa thob pas na/rdzu 'phrul chen por rnam par gzhag go/ /chos kyi sku kun du rdzogs pa dang zhes bya ba la/ sa bcu pa'i tshe chos kyi sku'i rgyu ting nge 'dzin gyi sgo dpag tu med pa dang gzungs kyi sgo dpag tu med pa thob pas na byang chub sems dpa'i chos kyi sku yongs su rdzogs pa zhes bya ba rnam par gzhag go//sangs rgyas su dbang bskur ba zhes bya ba la/ sa bcu pa'i tshe phyogs bcu'i de bzhin gshegs pa thams cad kyi 'od zer gyis/ chos kyi rgyal po'i rgyal tshab tu dbang bskur bar mdzad pas na sangs rgyas su dbang bskur ba zhes rnam par gzhag go//bslab pa rnam par gzhag pa las brtsams te tshigs su bcad pa lnga'o zhes bya ba la/ byang chub sems dpa'i bslab pa ni gsum ste/ lhag pa'i tshul khrims kyi bslab pa dang / lhag pa'i sems kyi bslab pa dang / lhag pa'i shes rab kyi bslab pa'o//de la sa bcu pa thams cad na yang bslab pa 'di gsum la slob ste/ de bas na sa gang la bslab pa gang slob pa'i dbang du byas nas tshigs su bcad pa lnga ston to/ /chos nyid rab tu rtogs nas 'dir/ /lhag pa'i tshul khrims rjes su slob/ / ces bya ba la/ sa dang por gang zag la bdag med pa dang / chos la bdag med pa'i chos nyid rab tu rtogs nas/ 'dir zhes bya ba ni sa gnyis pa dang sbyar te/ de nas sa gnyis par lhag pa'i tshul khrims kyi bslab pa slob po zhes bya ba'i don to/ /'di ltar sa dang po la yang lhag pa'i tshul khrims kyi bslab pa yod mod kyi de'i tshe na ma bsams ma brtags par ltung ba dang nyes pa pho mo dag 'byung bas tshul khrims rnam par dag pa ma yin gyi sa gnyis pa la ni gnyid kyis log pa'i rmi lam du 'di kha na ma tho ba'i las la 'jug pa mi rmi bas/de'i tshe bslab pa shin tu rnam par dag pa'i phyir lhag pa'i tshul khrims kyi bslab pa la rjes su slob pa zhes bya'o//lhag sems zhes bya ba la/ sa gsum thob pa'i dus na bsam gtan dang ting nge 'dzin nyams pa med pa thob pas lhag pa'i sems la rjes su slob pa rnam par gzhag go/ / lhag pa'i shes rab la zhes bya ba la sa bzhi pa dang lnga pa dang drug pa la ni lhag pa'i shes rab la slob par rnam par gzhag ste/ ji ltar zhe na sa bzhi pa'i dus na ni byang chub kyi phyogs sum cu rtsa gsum gyis zin cing byang chub kyi phyogs sum cu rtsa bdun pa'i shes rab dang ldan pas lhag pa'i shes rab la slob pa zhes bya'o//sa lnga pa dang drug pa la ji ltar lhag pa'i shes rab la slob pa bstan pa'i phyir/ shes rab spyod yul rnam gnyis te/ /chos kyi de mi shes pa dang / /shes pas ldog pa de bzhin te/ /shes rab spyod yul de yi phyir/ /sa gnyis la de rnam gzhag go//zhes bya ba smos te/ de ltar sa lnga pa dang drug pa la lhag pa'i shes rab la slob pa yang lhag pa'i shes rab kyi spyod yul rnam pa gnyis te/ chos rnams kyi de bzhin nyid dang 'phags pa'i bden pa bzhi ste de gnyis spyod yul rnam pa gcig go/ /mi shes pas 'jug pa dang shes pas ldog pa ste rten cing 'brel te 'byung ba lugs bzhin dang lugs las bzlog pa ste/shes rab kyi spyod yul rnam pa gnyis po de chos kyi de bzhin nyid ni chos rnams kyi mnyam pa stong pa nyid la bya'o/ /bden pa bzhi ni sdug bsngal dang kun 'byung dang 'gog pa dang lam la bya ste/sa lnga pa'i dus na sems kyi bsam pa rnam par dag pa mnyam pa nyid thob pa dang 'phags pa'i bden pa bzhi la gnas shing bsgom pas lhag pa'i shes rab kyi bslab pa la slob par bshad do/ /mi shes pas 'jug pa ni ma rig pa'i rkyen gyis 'du byed la sogs pa rten cing 'brel te 'byung ba lugs las 'byung ba dang /shes pas ldog pa rten cing 'brel bar 'byung ba lugs las bzlog pa la bya ste/ sa drug pa'i dus na yang rten cing 'brel te 'byung ba lugs bzhin dang lugs las bzlog pa la/ mang du gnas shing bsgoms pas na lhag pa'i shes rab la slob pa zhes bshad de/'di ltar lhag pa'i shes rab kyi spyod yul rnam pa gnyis las sa lnga pa'i dus na ni lhag pa'i shes rab des chos kyi de bzhin nyid dang bden pa bzhi la dmigs/ sa drug pa'i dus na rten cing 'brel te 'byung ba lugs bzhin dang lugs las bzlog pa la dmigs pas na sa lnga pa dang drug pa gnyis la yang lhag pa'i shes rab kyi bslab pa la slob par gzhag go//bslab pa rnams dang bsgom pa yi/ /'bras bu gzhan ni rnam pa bzhi/ /zhes bya ba la/ gzhan gyi sgra ni sa bdun pa dang brgyad pa dang dgu pa dang bcu ba la bya bar snyegs te/sa de bzhi la bslab pa gsum la bslab pa'i 'bras bu rnam pa bzhi thob par rig par bya ba'i don to/ /mtshan ma med dang 'du byed bcas/ /gnas pa 'bras bu dang po'o//zhes bya ba la/ 'bras bu bzhi las 'bras bu dang po ni mtshan ma med pa 'du byed dang bcas par gnas te/ sa bdun pa'i dus na 'bad pa dang brtsal bar bcas pas/ rnam par mi rtog pa'i ting nge 'dzin la bsgom pa'i phyir mtshan ma med pa la 'du byed pa dang bcas par gnas pa zhes bya ba ste 'di ni 'bras bu rnam pa gcig go//de nyid 'du byed med pa'i 'bras bu gnyis su 'dod pa'o/ /de nyid kyi sgras mtshan ma med pa la snyegs te/ sa brgyad pa'i dus na rnam par mi rtog pa'i ting nge 'dzin la brtsal 'bad med par lhun gyis grub pa nyid du gnas shing bsgom ste/de ni 'bras bu rnam pa gnyis pa'o/ /zhing dag cing zhes bya ba la/ sa brgyad pa'i dus na mtshan ma med pa lhun gyis grub pa 'ba' zhig tu gnas par mi zad kyi sangs rgyas kyi zhing yongs su dag par yang byed de de yang 'bras bu gnyis pa'i nang du bsdu'o//sems can rnams smin pas 'grub pa nyid kyang ngo zhes bya ba la/ sa dgu pa'i dus na so so yang dag par rig pa bzhi thob pas sems can yongs su smin par bya ba grub ste/ de ni 'bras bu gsum pa'o/ /ting nge 'dzin dang gzungs rnams kyang / / 'grub pa 'bras bu mchog yin no/ /zhes bya ba la/ sa bcu pa la ting nge 'dzin mchog dang gzungs mchog rnams kyi 'bras bu 'grub ste/ de ni 'bras bu bzhi pa'o/ /'bras bu bzhi po 'di dag ni/ /sa bzhi dag la shin tu gnas/ /zhes bya ba la/ bslab pa gsum gyi 'bras bu rnam pa bzhi po dag ni sa bzhi dag gi dus na rim bzhin du thob pas na sa bzhi dag la rim bzhin du gnas ba zhes bya'o//de yang sa bdun pa la ni mtshan ma med pa la 'du byed pa dang bcas par gnas pa'i 'bras bu 'thob bo/ /sa brgyad pa la ni mtshan ma med pa la 'du byed pa med pa dang bcas pa'i 'bras bu 'thob po//sa dgu pa la ni sems can yongs su smin par byed pa'i 'bras bu 'thob bo/ /sa bcu pa la ni gzungs dang ting nge 'dzin mchog mngon du 'gyur ba'i 'bras bu 'thob bo/ /sa bzhi pa la ni byang chub kyi phyogs kyi yang dag par zin pa'i shes rab po zhes bya ba la/sa bzhi pa'i dus na byang chub kyi phyogs sum cu rtsa bdun la sgom par byed pas/ lhag pa'i shes rab la slob par bshad do/ /sa gnyis la yang spyod yul gnyis te zhes bya ba la/ sa lnga pa dang drug pa gnyis la lhag pa'i shes rab de spyod yul rnam pa gnyis la dmigs te/sa lnga pa'i tshe na ni chos kyi de kho na nyid dang sdug bsngal la sogs pa'i bden pa bzhi la dmigs so/ /sa drug pa'i tshe na ni mi shes pa ste rten cing 'brel bar 'byung ba lugs bzhin pa dang / shes pa ste rten cing 'brel bar 'byung ba lugs las bzlog pa la dmigs so//'di yan chad bslab pa'i 'bras bu rnam pa bzhi ste zhes bya ba la/ sa bdun pa dang / brgyad pa dang dgu pa dang bcu pa man chad bslabs pa'i 'bras bu rnam pa bzhi rim bzhin 'thob ste/ sa bdun pa la ni mtshan ma med pa la mngon par 'du byed pa dang bcas par gnas pa'i 'bras bu 'thob bo//de la 'bras bu gnyis pa ni mtshan ma med pa la gnas pa ni/ de nyid mngon par 'du mi byed pa dang zhing yongs su dag par bya'o zhes bya ba las sa brgyad pa la 'bras bu gnyis pa ste/mtshan ma med pa la mngon par 'du mi byed par gnas pa dang zhing yongs su dag pa'i 'bras bu 'thob bo/ /sa dgu pa la ni so so yang dag par rig pa bzhis sems can yongs su smin par byed pa'i 'bras bu 'thob bo/ /sa bcu pa la ni gzungs dang ting nge 'dzin dpag tu med pa'i 'bras bu 'thob bo /phung po rnam par gzhag pa las brtsams te tshigs su bcad pa gnyis so zhes bya ba la/ rnam par grol ba'i phung po lnga rnam pa lnga ste/ tshul khrims kyi phung po dang / ting nge 'dzin gyi phung po dang / shes rab kyi phung po dang /rnam par grol ba'i phung po dang / rnam par grol ba'i ye shes mthong ba'i phung po'o/ /de la sa bcu dang sangs rgyas kyi sa ste/ sa bcu gcig pa rnams la/ sa gang la phung po gang thob par bstan pa ni phung po rnam par gzhag pa las brtsams te zhes bya ste/de tshigs su bcad pa gnyis kyis bstan to zhes bya ba'i don to/ /chos nyid rab tu rtogs na 'dir/ /tshul khrims kyi ni phung po sbyong / /zhes bya ba la/ sa dang por gang zag dang chos la bdag med pa'i mtshan nyid kyi chos nyid rab tu rtogs nas sa gnyis pa 'dir tshul khrims kyi phung po rab tu sbyong ste/sa dang po la tshul khrims kyi phung po thob pa yod mod kyi ma bsams par nyes pa phra mo dag 'byung bas tshul khrims rnam par dag pa ma yin gyi/ sa gnyis pa'i dus na ni rmi lam du yang kha na ma tho ba dang bcas pa'i las byed pa mi rmi bas tshul khrims kyi phung po rnam par sbyong bar bshad do//ting 'dzin shes rab phung po ni/ /de dag phan chad rnam sbyong ngo / /zhes bya ba la de dag phan chad ces bya ba ni sa dang po dang gnyis pa phan chad sa gsum pa dang bzhi pa dang lnga pa dang drug pa rnams la ting nge 'dzin gyi phung po dang /shes rab kyi phung po gnyis rnam par sbyong ngo / /de la yang sa gsum pa la ni ting nge 'dzin gyi phung po rnam par sbyong ste/ bsam gtan dang ting nge 'dzin nyams pa med pas thob pa'i phyir ro/ /sa bzhi pa dang lnga pa dang drug pa la ni shes rab kyi phung po rnam par sbyong ste/sa bzhi pa la ni byang chub kyi phyogs bsgom pa'i shes rab dang ldan pa dang / sa lnga pa la ni bden pa bzhi bsgom pa'i shes rab dang ldan pa dang / sa drug pa la rten cing 'brel te 'byung ba lugs bzhin pa dang lugs las bzlog pa'i de bzhin nyid la bsgom pa'i shes rab dang ldan pa'i phyir ro//rnam grol rnam grol ye shes kyang / /de las gzhan du rnam par sbyong / /zhes bya ba la/ de las gzhan pa zhes bya ba ste/ gong du bshad pa'i las gzhan pa ste/ sa bdun pa dang brgyad pa dang dgu pa dang bcu pa dang sangs rgyas kyi sa la ni rnam par grol ba'i phung po dang /rnam par grol ba'i ye shes mthong ba'i phung po gnyis rnam par sbyong ngo / /de la yang sa bdun pa dang brgyad pa dang dgu pa dang bcu pa la ni rnam par grol ba'i phung po rnam par sbyong ngo / /sangs rgyas kyi sa la ni rnam par grol ba'i ye shes mthong ba'i phung po sbyong ngo //de la sa bdun pa dang brgyad pa dang dgu pa dang bcu pa la ji ltar rnam par grol ba'i phung po sbyong la/ sangs rgyas kyi sa la ji ltar rnam par grol ba'i ye shes mthong ba'i phung po rnam par sbyong zhe na/ de'i phyir sgrib pa rnam par gzhil ba dang /thogs pa'i sgrib pa las kyang ngo zhes bya ba smos te/ 'di ltar sa bdun pa dang brgyad pa dang dgu pa dang bcu pa la ni 'bras bu rnam pa bzhi thob par bya ba la sgrib pa rnam bzhi dag las rnam par grol ba'i phung por rnam par gzhag go/ / de la 'bras bu bzhi ni gong du bshad ma thag pa rnams te/ sa bdun pa la mtshan ma med pa la mngon par 'du byed pa dang bcas pa'i 'bras bu thob pa dang / sa brgyad pa la mtshan ma med pa lhun gyis grub pa'i 'bras bu 'thob cing yongs su sbyong ba dang / sa dgu pa la sems can yongs su smin pa'i 'bras bu thob pa dang /sa bcu pa la gzungs dang ting nge 'dzin dpag tu med pa'i 'bras bu 'thob bo/ /'bras bu de bzhi'i sgrib pa yang rnam pa bzhi ste/ mtshan ma phra mo kun du rgyu bar byed pa dang mtshan ma med pa nyid la mngon par 'du byed pa dang /sems can gyi don bya ba la mngon par 'du byed pa med pa dang chos thams cad la dbang ma thob pa'o/ /de la sa bdun pa la mtshan ma med pa la mngon par 'du byed pa dang bcas par gnas pas mtshan ma phra mo kun du sgrib pa dang bral lo//sa brgyad pa mtshan ma med pa la mngon par 'du byed pa med par gnas pas mtshan ma med pa la mngon par 'du byed pa dang bcas pa'i sgrib pa dang bral lo/ /sa dgu pa la sems can yongs su smin par byed pa'i 'bras bu grub pas sems can gyi don bya ba la mngon par 'du byed pa med pa'i sgrib pa dang bral lo//sa bcu pa la gzungs dang ting nge 'dzin dpag tu med pa thob pas chos thams cad la dbang ma thob pa'i sgrib pa dang bral te/ de bas na sa de dag la ni rnam par grol ba'i phung po rnam par sbyong bar gzhag go//sangs rgyas kyi sa la ni thogs pa'i sgrib pa las rnam par grol ba'i ye shes mthong ba'i phung por rnam par gzhag pa ste/ gang gi phyir sangs rgyas kyi sa thob pa dang / shes bya'i sgrib pa dar las chod pa tsam yod pa dang bral nas/ ye shes kyis shes bya thams cad la thogs pa dang chags pa med par 'jug pa'i phyir ro//brgal ba/ rnam par grol ba'i 'gog pa'i bden pa'i rang bzhin yin la/ 'gog pa'i bden pa ni 'dus ma byas pa yin pas/ 'dus ma byas la spangs pa dang bcas pa'i don med na ji ltar 'dus ma byas phung por rnam par gzhag ste/mngon pa'i chos mdzod las kyang / phung po 'dus ma byas ma bshad/ don dang rmi lam tsam phyir zhes smos so/ /lan 'dus ma byas ni phung po'i mtshan nyid du mi gzhag ste/ 'di ltar rnam par grol ba la rgya gar skad du/ bi muk+ti zhes 'byung ste/ bi muk+ti'i don ni rnam pa gnyis su 'gro'o/ /gang zhe na nyon mongs pa spangs pa'i mtshan nyid la yang bi muka ti ste/ rnam par grol ba zhes bya/ mos pa'i mtshan nyid la bi mug ti ste/ rnam par grol ba zhes bya ba las/ 'di skabs su ni rnam par grol ba zhes bya ba mos pa'i mtshan nyid la bya ste/mos pa'i mtshan nyid ni 'dus byas yin pas/ rnam par grol ba'i phung por gzhag pa la nyes pa med do/ /gzhan du na rnam par grol ba phung po 'dus byas kyi phung por bsdus par mi 'gyur ro/ /thogs pa'i sgrib pa las ni sangs rgyas kyi sa la ste zhes bya ba la/sangs rgyas kyi sa ni thogs pa dang bcas pa'i sgrib pa las rnam par grol ba'i ye shes mthong ba'i phung po thob par rnam par gzhag go zhes bya ba'i don to/ /gang gis shes bya gzhan dag gi ye shes la thogs par byed pa ste zhes bya ba la/sangs rgyas kyi sa thob pa na sa bcu'i byang chub sems dpa' rnams la yod pa'i sgrib pa dar la tsam gyis chod pa dang bral nas/ gang gi phyir nyan thos dang rang sangs rgyas la sogs pa'i ye shes kyis kyang thogs te/ de dag gi ye shes kyis kyang khong du chud pa'i shes bya thams cad la yang de bzhin gshegs pa'i ye shes 'jug pas na sangs rgyas kyi sa'i dus na ni rnam par grol ba'i ye shes mthong ba rnam par sbyong bar rnam par gzhag go//'grub pa rnam par gzhag pa las brtsams te/ tshigs su bcad pa gsum mo zhes bya ba la/ sa gang dang gang thob par bya ba'i phyir brtsams shing brtsal ba las sa de dang de 'grub pa'am/ thob pa'am ma rdzogs par gyur pa la 'grub pa zhes bya ste/ mos pa spyod pa'i sa dang sa bcu rnams su yon tan ji tsam zhig ni grub/ji tsam zhig ma grub pa phye ste/ bstan pa la 'grub pa rnam par gzhag pa zhes bya ste/ de tshigs su bcad pa gsum gyis bstan to/ /ma grub pa dang grub pa ni/ /sa rnams thams cad shes par bya/ /zhes bya ba la/ sa bcu dang mos pa spyod pa'i sa bsnan te/sa bcu gcig dag la rnam pa gnyis su shes par bya ste/ ma grub pa dang grub pa'i sa'o/ /de la mos pas spyod pa'i sa thams cad ni ma grub pa'i sa ste/ ci'i phyir zhe na/ chos kyi dbyings thams cad du 'gro ba'i mtshan nyid du ma rtogs pas/ sa bcu las sa 'ga' yang khong du chud pa med pa'i phyir ma grub pa'i sar gzhag go/ /sa dang po pa yan chad sa bcu pa man chad ni grub pa'i sa zhes bya ste/ chos kyi dbyings kun du 'gro ba'i mtshan nyid rtogs shing so so'i sa gang yin pa mngon sum du byas pa'i phyir grub pa'i sa zhes bya'o//grub pa yang ni ma grub dang / /grub par yang ni 'dod pa ste/ /zhes bya ba la/ sa dang po yan chad sa bcu man chad grub par bshad pa la yang rnam pa gnyis su gzhag ste/ grub par gzhag par 'dod pa dang / ma grub par gzhag par 'dod pa'o//de la sa dang po yan chad sa bdun pa man chad ni ma grub pa zhes bya ste/ brtsal 'bad dang bcas par mtshan ma med pa'i lam la bsgom pa'i phyir ma grub pa'i sa zhes bya'o/ /sa brgyad pa dang dgu pa dang bcu pa rnams la ni grub pa zhes bya ste/de ci'i phyir zhe na/ lhun gyis grub par mtshan ma med pa'i lam la gnas pa'i phyir ro/ /de la sa rnams la grub pa dang ma grub pa rnam pa gnyis su bstan pa las/ grub pa rnams kyang thabs gang gis grub ce na/ ji ltar rnam gzhag yid byed pas//de ni brtags par shes pa dang / /de nyid rnam par mi rtog ste/ /zhes bya ba smos te/ 'di ltar sa re re la/ sa'i yon tan gang yod pa dang / sa'i skyon gang yin pa dang / sa de la bsgom par bya ba'i chos gang yin pa de dag kyang sems la gsal bar snang la/sa gong ma'i yon tan ci 'dra ba dang / sa gong ma thob par bya ba'i chos gang yin pa dag kyang yid la byed pa ni ji ltar rnam par gzhag pa yid la byed pa zhes bya ste/ dper na sa dang po grub par bya ba yang sa dang po'i yon tan dang / bsgom par bya ba dag kyang yid la byed la/sa gnyis pa thob par bya ba'i rgyu chos rnams kyang yid la byed pa ni ji ltar rnam par gzhag pa yid la byed pa zhes bya'o/ /de la sa dang po'i yon tan yid la byed pa yang dper na sa dang po las/ kye rgyal ba'i sras dag de la sems can dge ba'i rtsa ba shin tu bsags pa spyad pa/tshogs shin tu bsags pa zhes bya ba la sogs pa gsungs so/ /sa dang po thob pa des sa gnyis pa thob par bya ba'i rgyu yid la byed pa yang sa dang po nyid las/ kye rgyal ba'i sras dag de ltar byang chub sems dpa' sa dang po la shin tu sbyang bar byas pa de sa gnyis pa la mngon par mos pa yin te/de'i sems kyi bsam pa bcu 'byung ngo / /bcu gang zhe na 'di lta ste/ drang po'i bsam pa dang / 'jam pa'i bsam pa dang / las su rung ba'i bsam pa dang zhes bya ba la sogs pa gsungs so//yang na sa re re'i don rtogs par bya ba'i phyir ming gi tshogs dang tshig gi tshogs dang yi ge'i tshogs rnams ji ltar bshad pa/ sems shing yid la byed pa ni ji ltar rnam par gzhag pa yid la byed pa zhes bya'o/ /ji ltar rnam par gzhag pa yid la byed pa de'ang brtags pa tsam du shes te/ji ltar sems nyid sa rnam par gzhag pa lta bur snang bar zad kyi/ sems las ma gtogs par sa zhes bya ba'i don phyi rol na yod pa ma yin no zhes rtogs pa ni brtags pa tsam du shes so zhes bya'o/ / de nas de'i 'og tu gzung ba'i yul med na/ 'dzin pa'i sems kyang ga la zhig yod ces brtags pa tsam du shes pa de la yang mi rtog ste/ gzung 'dzin la rtog pa med pa'i rnam par mi rtog pa'i ye shes la bsgoms nas dang po 'thob par 'gyur te/ de nas ni gong du yang /de nas 'dzin gnyis rnam grol ba/ /'jig rten 'das pa bla na med/ /rnam par mi rtog dri med pa'i/ /des ni ye shes de thob bo /des na gnas gzhan 'gyur ba ste/ /dang po'i sar ni 'dod pa'o/ /zhes gsungs so/ /sa gnyis pa la sogs pa sa gong ma rnams la yang /tshul de ltar bsgoms pas so so'i sa 'grub par rig par bya'o/ /bsgom pa dang ni 'grub pa yang / /sa rnams la ni bsam mi khyab/ /so so rang gis rig pa dang / /sangs rgyas rnams kyi spyod yul phyir/ /zhes bya ba la/ sa dang po nas sa bcu pa man chad kyi so so'i bsgoms pa yang bsam gyis mi khyab/ /de dag bsgom pas sa'i mthar phyin te/ sa grub pa yang bsam gyis mi khyab pas na/ bsgom pa dang / grub pa gnyis tshig gis bshad cing gtan la dbab par mi nus te/ ci'i phyir zhe na/ sa so so'i sgom pa dang grub pa gnyis ni sa thob pa'i byang chub sems dpa' rnams la rang bzhin rig par bya ba yin pas/ bsam gyis mi khyab pa dang / sangs rgyas bcom ldan 'das kyi spyod yul du 'byung bas na/ bsam gyis mi khyab pa ste/de'i phyir sa'i bsgom pa dang / grub pa ni so so'i skye bo rnams kyi sems kyis kyang mi rtogs la/ tshig gis bshad pa'i yul yang ma yin pas na bsam gyis mi khyab par gzhag go/ /de'i phyir sa bcu dang po bshad pa rnam par grol ba'i zla bas gsol ba btab pa dang /de nas byang chub sems dpa' rdo rje'i snying pos phyogs bcur bltas nas/ 'khor thams cad de bas kyang dad par bya ba'i phyir/ de'i tshe tshigs su bcad pa 'di dag smras so/ /phra la shel dkar drang srong chen po'i lam/ /mi rtog spyod yul ma yin lta bar dka'//rang bzhin zhi zhing 'gag med 'byung ba med/ /mkhas gsal shes pas khong du chud pa yin/ /ngo bo nyid stong zhi zhing gnyis med mi zad pa/ brgyud pas rnam grol mnyam nyid thob las mya ngan 'das/ /mtha' dang dbus med tshig gis brjod du med//dus gsum grol ba nam mkha' 'dra zhing mtshungs/ /bde gshegs spyod yul zhi zhing nye bar zhi/ /smra ba'i lam rnams kun gyis rdzogs par dka'/ /de dag sa dang spyod pa de 'dra bas/ /smra ba dka' na shes par ga la nus/ /de ni bsams pas sems lam rnam par spangs//ye shes mngon bsgrubs rgyal ba'i spyod yul te/ /phung po skye mched khams kyis brjod pa min/ /sems kyis mi shes yid kyis rnam ma brtags/ /ji ltar bar snang gnas kyi bya yi rjes/ /shin tu smra dka' blta bar mi nus pa/ /de ltar bde gshegs sras kyi sa rnams kyang //yid dang sems kyi yul gyis shes mi nus/ /'on kyang byams dang snying rje smon lam gyis/ /de las phyogs tsam rim pa'i tshul bzhin du/ spyad par bya ste sems kyi spyod yul min/ /ye shes tshul gyis rdzogs par bya ba'o/ / zhes bya ba la sogs pa gsungs so/ /gang yang rab tu dga' ba'i 'grub pa ni sngar smras pa'o zhes bya ba la/ sa grub pa'i don 'chad de/ sa dang po 'grub par 'gyur ba yang / sngar smras pa lta bu ste/ mthong bas spang bar bya ba'i nyon mongs pa dang bral ba dang / chos kyi dbyings khong du chud par 'gyur ba la bar du gcod pa gzung 'dzin gnyis dang bral bas sa ji ltar rnam par gzhag pa yid la byed pa ste zhes bya ba la/sa so so'i yon tan dang / bsgom par bya ba yid la byed cing / sa gong ma 'thob par 'gyur ba rnams la yang bsgom pa ni/ji ltar rnam par gzhag pa yid la byed pa zhes bya'o/ /yang na sa rnams kyi don 'chad par byed pa'i ming dang tshig dang yi ge la sogs pa yid la byed pa ni ji ltar rnam par gzhag pa yid la byed pa zhes bya'o/ /sa rnam par gzhag pa de yang / rtog pa tsam du shes pa dang /de nyid du de mi rtog pa'i phyir rig par bya'o zhes bya ba la/ sems dang sems las byung ba nyid las/ rnam par gzhag pa lta bu snang bar zad kyi/ sems las logs shig na sa zhes bya ba yod pa ma yin no zhes kyang rtog la/ sems tsam du rtog pa de yang ma yin te/ci la yang mi rtog pa la gnas na 'grub par 'gyur bar rig par bya'o zhes bya ba'i don to/ /yang sa rnams la bsgom pa dang / grub pa gnyis ka bsam gyis mi khyab pa 'dis kun la bya ste zhes bya ba la/ so sor ji ltar 'grub par 'gyur ba mdo tsam du ni gong du bshad pa yin mod kyi/yang dag par re re la yang so so'i sa bsgoms pa yang bsam gyis mi khyab/ sa 'grub pa yang bsam gyis mi khyab pas na/ so so'i skye bo rnams kyi sems kyis kyang bsam par mi nus la tshig gis kyang gtan la dbab cing bshad par mi nus so zhes bya ba'i don to//de ci'i phyir tshig gis bshad par mi nus so zhe na/ de'i phyir/ 'di ltar de gnyis ni byang chub sems dpa' rnams kyi so so rang gis rig pa dang / sangs rgyas rnams kyi spyod yul te/ gzhan gyi ni ma yin no zhes bya ba smos te/'di ltar sa bsgom pa dang / sa 'grub pa gnyis ni/ sa 'thob pa'i byang chub sems dpa' rnams kyi ye shes kyi sa so so rang gis rig pa yin pa dang / de bzhin gshegs pa rnams kyi spyod yul yin gyi/ so so'i skye bo dang / nyan thos dang rang sangs rgyas dag gi spyod yul ma yin pas na bsam gyis mi khyab po//sa la rab tu zhugs pa'i mtshan ma rab tu dbye ba la tshigs su bcad pa gnyis po zhes bya ba la/ dper na chu skyar gang na snang ba de na chu yod par brtag pa dang / dud pa'i mtshan ma gang na snang ba de na me yod par rtag pa de bzhin du/ mtshan ma dang rtags ji lta bu dag snang na sa thob bo zhes brtags pa ni sa rab tu zhugs pa'i mtshan ma rnam par dbye ba zhes bya ste/ don du na sar zhugs pa'i byang chub sems dpa' rnams la mtshan ma rnam pa bcu ste/mtshan ma rnam pa bcu snang ba dang sa la zhugs pa yin par shes par bya ba'i tshigs su bcad pa gnyis kyis bstan to/ /de la gong du snying rje ba dang / legs par smra ba la sogs pa'i skabs su yang mtshan ma bshad na der mtshan ma bshad pa dang da 'dir mtshan ma bshad par bye brag ci yod ce na/gong du ni sar zhugs pa dang / ma zhugs kyang rung ste/ byang chub sems dpa' spyi'i mtshan mar bshad do/ /'dir ni sa la zhugs pa'i byang chub sems dpa' rnams kyi mtshan ma bshad de bye brag ni de yod do//lhag par mos pa thams cad du/ /zhes bya ba la/ sa la zhugs pa'i byang chub sems dpa'i mtshan ma ni 'di lta ste/ sa gang la ma zhugs shing gang la ma thob pa la ni sa de thob par bya ba'i phyir mos pa dang / dad pa dang / 'dod pa skye'o//snang bar bcas pa'i mtshan mar 'dod/ /ces bya ba la/ sa gang la bzhugs te sa thob par gyur pa'i sa de la snang ba dang bcas zhes bya ba ni bdag gis thob pa'i sa'i spang ba dang blang ba dang / bsgom par bya ba'i chos rnams kyi rang dang spyi'i mtshan nyid sems la gsal bar snang ste/shes rab kyis gsal bar mthong ngo zhes bya ba'i don te/ 'di ni mtshan ma rnam pa gcig go/ /don du na sa dang po thob pa dang / sa dang po'i spang ba dang blang ba dang / bsgom pa'i chos rnams ni sems la gsal bar snang la/ ma thob pa'i sa gnyis pa thob par bya ba'i phyir ni mos pa dang dad pa dang 'dod pa skye ste/de lta bu'i mtshan ma byung na sa dang po thob zin par rig par bya ste/ sa gnyis pa la sogs pa gong ma la yang de bzhin du sbyar ro/ /ma zhum pa dang zhes bya ba la/ nam sa thob par gyur na sa dang pha rol tu phyin pa dang yang dag par ldan pa'i theg pa chen po'i chos zab cing rgya che ba rnams la skrag pa dang zhum pa'i sems mi skye ste/'di ni mtshan ma gnyis pa'o/ /de la gang zag dang chos la bdag med pa bsgom pa zab pa zhes bya'o/ /sa dang pha rol tu phyin pa dang /stobs dang mi 'jigs pa la sogs pa'i chos ston pas rgya che ba zhes bya'o/ /skye ba med ces bya ba la/ sar zhugs pa dang bdag dang gzhan gyi don du grang ba dang tsha ba dang / bkres pa dang skom pa dang / mgo dang rkang lag la sogs pa gtong ba'i dka' bar spyod pa sdug bsngal sna tshogs 'byung yang skyo ba'i sems mi skye zhing sems ldog par mi byed par 'gyur te/'di ni mtshan ma gsum pa'o/ /gzhan dring mi 'jog bdag nyid do/ /zhes bya ba la/ bdag nyid ces bya ba ni rang gi bsod nams dang ye shes kyi stobs kyis mngon sum du byas shing /rtogs par byas zin pa'i sa la bya ste/ rang gis thob zin pa'i sa la ni gzhan gyi dring mi 'jog gi /ci'i phyir zhe na/ sa de bdag gis mngon sum du byas ma zin pas/ da de mngon sum du bya ba'i phyir dge ba'i bshes gnyen la brten mi dgos te 'di ni mtshan ma bzhi pa'o//rab tu rtogs pa thams cad du/ /zhes bya ba la/ sa la zhugs kyang sa gang ma thob pa rnams thob par bya ba'i phyir/ de thob par bya ba'i thabs rtogs shing / sa de 'grub par bya ba'i thabs la mkhas par 'gyur te/ dper na sa dang po rtogs shing khong du chud na lhag ma ma thob pa rnams thob par bya ba la yang mkhas par 'gyur ro/ /de bas na sa bcu pa sa dang po las rnam par mi rtog pa'i ye shes kyis sa dang por chos kyi dbyings su rtogs na/ sa thams cad kyang rtogs par 'gyur te/ ji ltar rtogs par 'gyur zhe na/ rnam par mi rtog pa'i rjes las byung ba'i dag pa 'jig rten pa'i ye shes kyis sa lhag ma rnams 'grub par 'gyur ba'i thabs shes pas na rtogs par 'gyur te/ 'di ni mtshan ma lnga pa'o/ /de bzhin du sa lhag ma rnams la yang sbyar ro//de bas na sa dang po las byang chub sems dpa' rdo rje snying pos smras pa/ kye rgyal ba'i sras dag de ltar byang chub sems dpa' sa dang po la yongs su sbyang ba byas pa de gnyis la mngon par mos pa yin te/ de'i sems kyi bsam pa bcu 'byung ngo //bcu gang zhe na 'di lta ste/ drang po'i bsam pa dang / 'jam pa'i bsam pa dang las su rung ba'i bsam pa dang zhes bya ba la sogs pa gsungs so/ /sa gnyis pa nas gsum par 'jug pa'i thabs kyang byang chub sems dpa' rdo rje snying pos smras pa/kye rgyal ba'i sras dag de ltar byang chub sems dpa' sa gnyis pa la bsam pa shin tu sbyangs pa ni sa gsum pa yongs su gnon te/ de sems kyi bsam pa yid la bya ba bcus yongs su gnon to/ /bcu gang zhe na 'di lta ste/ dag pa'i bsam pa yid la bya ba dang /mi g.yo ba'i sems kyi bsam pa yid la bya ba dang zhes bya ba la sogs pa gsungs te/ sa 'og ma rnams la yang de bzhin du sbyar ro/ /kun du mnyam pa'i sems nyid dang / /zhes bya ba la/ sa la zhugs pa'i byang chub sems dpa'i byang chub sems dpa' rnams ni gang zag dang chos la bdag med par rtogs pas chos kyi dbyings kun du 'gro ba'i mtshan nyid khong du chud pa'i phyir/bdag dang sems can zhes bya ba tha dad par mi byed kyi sems can thams cad gang yin pa bdag kyang de yin la/ bdag gang yin pa sems can thams cad kyang de yin no zhes bdag dang sems can du mnyam pa nyid kyi sems thob ste/de ni mtshan ma rnam pa drug pa'o/ /mi bkri zhes bya ba la/ mi bkri zhes bya ba'i don ni mi 'gyur zhe'am/ dbang du mi 'gyur zhes bya ba'i don to/ /sa la zhugs pa'i byang chub sems dpa' rnams ni bsod nams kyi tshogs chen po bsags pa dge ba phun sum tshogs pa dang ldan pa dang /ye shes kyi tshogs bsags pas chos kun stong par khong du chud pa'i phyir/ gang la yang chags pa med ci la yang zhe sdang med pa de/ de bas na bsngags pa dang bsngags pa ma yin pa dang /bde ba dang sdug bsngal ba la sogs pa gang byung ba de dag gis mi bskyod/ de dag gis sems bsgyur bar mi nus te/ bsngags na yang 'gying ba'i bsam pa mi skye/ bsngags pa ma yin pa smras na yang sro shi ba'i bsam pa mi skye bas na mi bkri ba zhes bya ste 'di ni mtshan ma bdun pa'o//de la bsngags pa ni yon tan brjod pa'o/ /bsngags pa ma yin pa ni smad cing skyon brjod pa'o/ /ma chags pa dang zhes bya ba la/ sa la zhugs pa'i byang chub sems dpa' rnams ni sangs rgyas dang byang chub sems dpa'i longs spyod phun sum tshogs pa dang ldan pas/brgya byin dang tshangs pa dang 'khor los sgyur ba la sogs pa'i longs spyod la yang mi gtsang ba lta bur rtogs nas/ de dag la kun spangs te/ rab tu 'byung bar byed pas na/ ma chags pa zhes bya ste/ 'di ni mtshan ma brgyad pa'o//thabs shes te zhes bya ba la/ sa la zhugs pa'i byang chub sems dpa' ni sangs rgyas kyi chos thams cad 'grub pa'i thabs rnam par mi rtogs pa'i ye shes dang ldan pas thabs shes pa zhes bya ste/ 'di ni mtshan ma dgu pa'o/ /rnam par mi rtog pa'i ye shes de/sangs rgyas kyi chos thams cad 'grub pa'i thabs yin par ci mngon zhe na/ shes rab kyi pha rol tu phyin pa 'bum las/ byang chub sems dpa' sems dpa' chen po rnams kyis/ gal te sbyin pa'i pha rol tu phyin pa yongs su rdzogs par bya bar 'dod na/mi dmigs pa'i tshul gyis shes rab kyi pha rol tu phyin pa la bslab par bya'o zhes gsungs pa nas/ gal te rnam pa thams cad mkhyen pa nyid thob par 'dod na mi dmigs pa'i tshul gyis shes rab kyi pha rol tu phyin pa la bslab par bya'o zhes gsungs pa'i phyir ro//dkyil 'khor du yang skye ba'o/ /zhes bya ba la/ sa la zhugs pa'i byang chub sems dpa' rnams sems can gyi don du ni smon lam gyi dbang gis sangs rgyas med pa'i ting nge 'dzin gyi khams su skye ba las ma gtogs par gar skyes gar skyes kyang dus thams cad du de bzhin gshegs pa bzhugs pa'i 'khor gyi dkyil 'khor du skye ste/'di ni mtshan ma bcu pa'o/ /de bas na sa bcu pa'i sa dang po las kyang bdag shi nas kyang gdon mi za bar sangs rgyas dang byang chub sems dpa' gang dang mi 'bral bar 'gyur ro zhes/de'i phyir de la ngan song gi 'jigs pa med do/ /zhes gsungs so/ /thabs la mkhas pa ni mi dmigs pas sangs rgyas su 'grub pa'i thabs su shes pa'i phyir ro zhes bya ba la/ sangs rgyas su 'grub pa'i thabs ni mi dmigs te/rnam par mi rtog pa'i ye shes yin par shes nas sa thams cad la yang rnam par mi rtog pa'i ye shes la gnas pa ni thabs la mkhas pa zhes bya'o/ /byang chub sems dpa'i sa rnams la/ pha rol tu phyin pa thob pa'i mtshan ma rnam par dbye ba la tshigs su bcad pa gnyis so zhes bya ba la/sa thob pa'i byang chub sems dpa' rnams la mtshan ma bcu 'byung bar ma zad kyi/ sa thob pa'i byang chub sems dpa' rnams sa re rer pha rol tu phyin pa bcu bcu 'thob ste/pha rol tu phyin pa bcu 'thob pa'i mtshan ma bcu drug 'byung ba'i tshigs su bcad pa gnyis kyis ston to zhes bya ba'i don to/ /yang na sa re re zhing pha rol tu phyin pa re re rdzogs te/ pha rol tu phyin pa re re rdzogs pa'i mtshan ma bcu drug 'byung ba'i tshigs su bcad pa gnyis kyis ston to//zhes bya ba'i don to/ /tshigs su bcad pa bcu drug gi don bshad pa yang rnam pa gnyis te/ bsdus te spyir bstan pa dang / spros te rgyas par bshad pa'o/ /'dod med ma yin zhes bya ba la/sa la zhugs phan chad pha rol tu phyin pa bcu bsgrub pa la/ 'dod pa dang mos pa dang bral ba ma yin te/ pha rol tu phyin pa rnams la bsgrub pa la/ 'dod pa dang mos pa'i shas cher yod pa ni/ 'dod med ma yin pa zhes bya ste/ 'dis ni bsdus te spyir bstan pa yin no//pha rol tu phyin pa bsgrub pa la mos pa dang bral ba ma yin par spros te/ rgyas par bshad pa'i phyir/ chags med ces bya ba la sogs pa smos te/ de la lus dang longs spyod la zhen cing gtong mi phod pa ni chags pa zhes bya ste/ sa dang po la zhugs pa'i byang chub sems dpa' rnams bdag dang gzhan du mnyam pa nyid thob pas phyi nang gi dngos po thams cad sems can la yongs su gtong bar byed de/ de bas na sbyin pa'i mi mthun pa'i phyogs ser sna med pa'i phyir chags pa med ces bya'o/ / de'i phyir sa dang po la ni sbyin pa'i pha rol tu phyin pa shas che ba yin te/ de bas na sa dang po las/ de'i pha rol tu phyin pa bcu las sbyin pa'i pha rol tu phyin pa shas che ba yin te/ lhag ma rnams kyang ci tshul ci nus su yang dag par mi sgrub pa ma yin no zhes gsungs so//'khu ba'i sems med ces bya ba la/ sems can rnams kyi srog gcod pa dang nor la ma byin par len pa la sogs pa mi dge ba bcu spyod pa ni 'khu ba'i sems zhes bya ste/ sa gnyis pa la zhugs pa'i byang chub sems dpa' rnams rmi lam du yang mi dge ba bcu spyod pa mi rmi pas/'khu ba'i sems med pa zhes bya'o/ /de bas na sa gnyis pa la ni tshul khrims kyi pha rol tu phyin pa shas che ba yin te/ de bas na sa gnyis pa pha rol tu phyin pa bcu las tshul khrims kyi pha rol tu phyin pa shas che ba yin te/lhag ma rnams kyang de ltar tshul bzhin du ci nus su mi sgrub pa ni ma yin no zhes gsungs so/ /khro med ces bya ba la/ gzhan gyi srog dang longs spyod la sogs pa la gnod pa byas na/ zhe sdang gi bsam pas slar yang gnod pa bya bar sems pa'am/grang ba dang tsha ba la sogs pa'i sdug bsngal myong na mi bzod pa'i sems skye ba ni khro ba zhes bya'o/ /sa gsum pa la zhugs pa'i byang chub sems dpa' rnams bzod pa ni mi mthun pa'i phyogs sems can gyis gnod pa byas kyang slar gnod pa'i lan glan pa'i bsam pa med pa dang /bdag dang gzhan gyi don du grang ba dang tsha ba la sogs pa'i sdug bsngal myong yang bzod cing nyams su len pas khro ba med pa zhes bya ste/ de bas na sa gsum pa 'di la bzod pa'i pha rol tu phyin pa shas che ba yin no//de'i phyir sa gsum pa las kyang pha rol tu phyin pa bcu las bzod pa'i pha rol tu phyin pa shas che ba yin te/ lhag ma rnams kyang ci tshul ci nus su mi sgrub pa ma yin no zhes gsungs so//le lo med ces bya ba la/ nyal ba dang 'phres pa la sogs pa la dga' bar byas nas byang chub kyi phyogs kyi dge ba'i chos rgyun du mi sgom pa ni le lo zhes bya'o/ /sa bzhi pa la gnas pa'i byang chub sems dpa' rnams brtson 'grus kyi mi mthun pa'i phyogs le lo spangs nas byang chub kyi chos la rgyun du sgom par byed pas na le lo med pa zhes bya ste/de bas na sa bzhi pa 'di la brtson 'grus kyi pha rol tu phyin pa shas che ba yin no/ /de'i phyir sa bzhi pa nyid las/ pha rol tu phyin pa bcu las brtson 'grus kyi pha rol tu phyin pa shas che ba yin te/lhag ma rnams kyang ci tshul ci nus su yang dag par mi sgrub pa ma yin no zhes gsungs so/ /byams pa dang snying rje bsam pas zhes pa la/ bsam gtan bzhi dag la lhag par tshad med pa bzhi dang ldan pas bsam gtan bzhi dang ldan pa rnams ni byams pa dang snying rje'i bsam pa dang ldan pa zhes bya'o//sa lnga pa thob pa'i byang chub sems dpa' rnams bsam gtan dang ting nge 'dzin thob pa yin pas na/ byams pa dang snying rje'i bsam pa dang ldan pa zhes bya ste/de bas na sa 'di la bsam gtan gyi pha rol tu phyin pa shas che ba yin no/ /de'i phyir sa lnga pa nyid las/ de'i pha rol tu phyin pa bcu pa las bsam gtan gyi pha rol tu phyin pa shas che ba yin te/ lhag ma rnams kyang ci tshul ci nus su mi sgrub pa ma yin no zhes gsungs so//blo log mi rtog dang rnam rtog mi 'phrogs pa zhes bya ba la/ rtag pa dang gtsang ba dang bdag la sogs pa yod par 'dzin pa ni blo log pa zhes bya'o/ /chos rnams kyi rang gi mtshan nyid la sems pa ni rtog pa zhes bya'o//rtag go zhes bya ba la sogs pa chos rnams kyi khyad par dang / spyi'i mtshan nyid la sems pa ni rnam par mi rtog pa zhes bya'o/ /yang na ma rig pa'i rkyen gyis 'du byed la sogs pa lugs bzhin pa'i rten cing 'brel te 'byung ba la nag po'i phyogs su rtog pa ni rtog pa zhes bya'o//ma rig pa 'gags pas 'du byed 'gag pa la sogs pa lugs las bzlog pa'i rten cing 'brel te 'byung ba la dkar po'i phyogs su rtog pa ni rnam par rtog pa zhes bya'o/ /sa drug pa thob pa'i byang chub sems dpa' rnams stong pa nyid ro gcig pa'i mtshan nyid kyi ting nge 'dzin la gnas pas na/de dag la rtag pa dang bde ba la sogs par rtog pa med pa'i phyir/ blo log pa med pa zhes bya ba'o/ /lugs bzhin pa'i rten cing 'brel te 'byung ba dang /lugs las bzlog pa'i rten cing 'brel te 'byung ba gnyis ka stong pa nyid kyi mtshan nyid du rtogs pas dkar po'i phyogs dang nag po'i phyogs su mi rtog pa'i phyir rtog pa dang rnam par rtog pas mi 'phrogs pa zhes bya ste/ de bas na sa drug pa la shes rab kyi pha rol tu phyin pa shas che ba yin no//de'i phyir sa drug pa nyid las kyang / pha rol tu phyin pa bcu las shes rab kyi pha rol tu phyin pa shas che ba yin te/ lhag ma rnams kyang ci tshul ci nus su yang dag par mi sgrub pa ma yin no zhes gsungs so//de yan chad sa drug po dang pha rol tu phyin pa drug sbyar te bstan to/ /g.yeng ba'i blo min zhes bya ba la/ sa la zhugs pa'i byang chub sems dpa' rnams ni dge ba ci yod pa rnams nyan thos dang rang sangs rgyas kyi theg par mi bsngo ste/bdag 'ba' zhig gi don du 'gyur ba theg pa chung ngu yid la mi byed pas g.yeng ba'i blo ma yin pa zhes bya'o/ /de bas mi 'phrogs zhes bya ba la/ sa la zhugs pa'i byang chub sems dpa' rnams brgya byin dang tshangs pa la sogs pa'i longs spyod kyang spangs nas khyim nas khyim med par rab tu 'byung ste/longs spyod kyi bde ba gang la yang ma chags pas na bde bas mi 'phrogs pa zhes bya'o/ /sdug bsngal dag gis ldog mi 'gyur/ /zhes bya ba la/bdag dang sems can gyi don byed pa'i brtson pa zhes bya ste/ de bas na sa bcu pa 'di la ye shes kyi pha rol tu phyin pa shas che ba yin zhing / mngon par shes pa'i las la thogs pa med par 'jug pa yin no/ /de'i phyir sa bcu pa nyid las/ kye rgyal ba'i sras dag de la byang chub sems dpa'i chos kyi sprin la gnas pa'i byang chub sems dpa' ni chos kyi khams yang dag par bsgrubs pa/yang dag pa ji lta ba bzhin du rab tu shes so zhes bya ba la sogs pa gsungs so/ /de de lta bu'i ye shes dang ldan pa'i blos/gong du sems can rnams kyi sprul pa'i las yang dag par ji lta ba bzhin du shes so zhes bya ba la sogs pa gsungs so/ /yang de'i pha rol tu phyin pa bcu las ye shes kyi pha rol tu phyin pa shas che ba yin te/ lhag ma rnams kyang ci tshul ci nus su mi sgrub pa ma yin no zhes gsungs so//de ltar sa bzhi dang pha rol tu phyin pa bzhi rnams su sbyar te bstan to/ /sa bcu rnams su pha rol tu phyin pa bcu bsgrubs pa'i 'bras bu gang yin pa bstan pa'i phyir/ kun gyi steng 'dug yon tan gter te sangs rgyas sras rig bya//zhes bya ba smos te/ kun gyi steng ni sa bcu pa'i byang chub sems dpa'o/ /sa bcu pa'i steng na 'dug pa ni sangs rgyas kyi sa stobs dang mi 'jigs pa la sogs pa'i yon tan thams cad gter du gyur pa sangs rgyas su grub pa ste/rgyal ba'i sras byang chub sems dpa' rnams sa bcu bsgrubs pas mjug tu yon tan thams cad kyi gter du gyur pa/ sangs rgyas kyi mtshan nyid kyi 'bras bu thob par rig par bya'o/ /yang na kun gyi gter ni sa bcu pa nyid la bya ste/sa dgu man chad pha rol tu phyin pa dgu bsgrubs pas/ de'i 'og tu sa kun gyi steng yon tan thams cad kyi 'byung gnas su gyur pa sangs rgyas kyi sa'i rgyu lta bur gnas pa/ sa bcu pa de rgyal ba'i sras byang chub sems dpas 'thob par 'gyur bar rig par bya'o zhes bya ba'i don to//pha rol tu phyin pa bcu thob pa'i byang chub sems dpa'i mtshan ma bcu drug ston to zhes bya ba la/ sa re re thob pa la pha rol tu phyin pa bcu bcu thob pa shas cher byas na/ sa gcig cing pha rol tu phyin pa re re shas che ba'i mtshan ma bcu drug tshigs su bcad pa gnyis kyis ston to zhes bya ba'i don to//de la mtshan ma bcu drug ni chags med nas/ blo log med cing rtog dang rnam rtog mi 'phrogs zhes bya ba yan chad pha rol tu phyin pa drug dang / sa drug tu sbyar te/ mtshan ma drug bstan to/ /g.yeng ba blo min zhes bya ba nas/ ston pa mchog la ste bya ba yan chad mtshan ma drug ste/ de ltar mtshan ma bcu gnyis so/ /bsod nams kun bsags zhes bya ba nas mngon shes rtsen zhes bya ba yan chad pha rol tu phyin pa bzhi dang /sa bzhir sbyar te mtshan ma bzhi bstan nas de ltar mtshan ma bcu drug go/ /'dod med ma yin zhes bya ba'i dang po ni/ pha rol tu phyin pa rnams bsgrub pa'i phyir ston pa'o/ /kun gyi steng 'dug yon tan gter te/sangs rgyas sras rig bya'i tshig thams ni pha rol tu phyin pa drug bsgrubs pa'i 'bras bu gang yin pa bstan to/ /rtag tu pha rol tu phyin pa rnams sgrub pa la mos pa dang ma bral ba zhes bya ba ni/ sa re re la yang pha rol tu phyin pa bcu bsgrub pa la dad pa dang 'dod pa med pa ma yin te zhes bya ba'i don to//pha rol tu phyin pa drug rnams re re'i mi mthun pa'i phyogs dang bral ba dang zhes bya ba la/ sbyin pa'i pha rol tu phyin pa'i mi mthun pa'i phyogs ni chags pa ste/ de sa dang po'i tshe na med do/ /tshul khrims kyi pha rol tu phyin pa'i mi mthun pa'i phyogs ni 'khu ba'i sems te/de sa gnyis pa'i tshe na med do/ /bzod pa'i pha rol tu phyin pa'i mi mthun pa'i phyogs ni khro ba ste/ de sa gsum pa'i tshe na med do/ /brtson 'grus kyi pha rol tu phyin pa'i mi mthun pa'i phyogs ni le lo ste/ de sa bzhi pa'i tshe na med do//bsam gtan gyi pha rol tu phyin pa'i mi mthun pa'i phyogs ni gnod sems dang 'tshe ba ste/ de sa lnga pa'i dus na med do/ /shes rab kyi pha rol tu phyin pa'i mi mthun pa'i phyogs ni blo log pa ste/ rtog pa dang rnam par rtog pa ste/ de sa drug pa'i dus na med do/ /theg pa gzhan yid la byed pas mi g.yeng pa zhes bya ba la/ dge ba'i tshogs ci bsags pa rnams nyan thos dang / rang sangs rgyas kyi theg par mi bsngo zhing nyan thos dang rang sangs rgyas kyi chos yid la mi byed pa'i theg pa gzhan yid la byed pas ma g.yengs pa zhes bya'o//'byor pa'i bde ba la ma chags zhes bya ba ni 'khor los sgyur ba la sogs pa'i longs spyod la ma chags zhes bya ba'i don to/ /rgud pa dang dka' bar spyod pa'i sdug bsngal gyi sbyor ba las phyir mi ldog ces bya ba la/rgud pa ni longs spyod la sogs pa dang bral zhing shi bar gyur pa'o/ /dka' ba spyod pa ni mgo dang rkang lag la sogs pa btang ba ste/ bdag dang gzhan gyi don la sbyor ba na rgud pa'i sdug bsngal dang / dka' ba spyod pa'i sdug bsngal byung yang / bdag dang gzhan gyi don la sbyor ba'i las mi gtong bas na phyir mi ldog pa zhes bya'o//dge ba'i bshes la brten pa dang / /zhes bya ba la/ theg pa chen po ston pa'i dge ba'i bshes gnyen la phyag 'tshal ba dang / bsnyen bkur bya ba dang / dus dus su de dag gi thad du 'gro ba ni dge ba'i bshes gnyen la brten pa zhes bya'o//thos pa la brtson pa zhes bya ba la/ theg pa chen po'i chos kyi don dang tshig rgyun du nyan pa ni thos pa la brtson pa zhes bya'o/ /ston pa mchod pa la brtson pa zhes bya ba la/ sangs rgyas bcom ldan 'das rnams la spos dang /me tog la sogs pas rgyun du mchod par byed pa ni ston pa mchod pa la brtson pa zhes bya'o/ /thabs la mkhas pa'i pha rol tu phyin pas yang dag par bsngo ba dang zhes bya ba la/ mi dmigs pa'i tshul du dge ba ci byas pa rnams bdag dang sems can gnyi ga'i thun mong du byas nas bla na med pa'i byang chub thob par byed pa'i phyir bsngo ba ni thabs la mkhas pa'i pha rol tu phyin pas yang dag par bsngo ba zhes bya'o//bde ba'i gnas su skye ba zhes bya ba la/ smon lam gyi pha rol tu phyin pa'i dbang gis gang du sangs rgyas dang byang chub sems dpa' rnams gnas pa der skye bar byed pa ni bde ba'i gnas su skye ba zhes bya'o//de mi mthun pa'i phyogs kyi chos dang ma 'dres pa'i phyir zhes bya ba la pha rol tu phyin pa drug gi mi mthun pa'i phyogs ni ser sna dang ngan pa'i ngang tshul la sogs pa ste/stobs kyi pha rol tu phyin pa dang ldan pas rgyun du dge ba 'ba' zhig byed kyi/ pha rol tu phyin pa drug dang mi mthun pa'i phyogs cung zad kyang mi byed pa ni rtag tu dge ba byed pa zhes bya'o/ /mngon par shes pa'i yon tan gyis rtsen pa ni ye shes kyi pha rol tu phyin pas so zhes bya ba la/ye shes kyi pha rol tu phyin pa dang ldan pas rdul phra mo dag kyang 'jig rten gyi khams dpag tu med pa tsam du chen por byed pa dang / 'jig rten gyi khams dpag tu med pa yang rdul phra mo tsam du chung ngur byed pa la sogs pa rdzu 'phrul rnam pa sna tshogs byed pa ni mngon par shes pa'i yon tan gyis rtsen pa zhes bya'o//de la byams pa ni gnod sems kyi gnyen po ste/ bde ba bsgrub pa'i bsam pa'o/ /zhes bya ba'o/ / sems can rnams la brdeg pa dang bcing ba la sogs pa'i gnod pa sna tshogs pa bya bar sems pa ni gnod sems zhes bya'o/ /sems can rnams 'jig rten dang 'jig rten las 'das pa'i bde ba la gzhag par sems pa ni/ bde ba bsgrub pa'i bsam pa zhes bya'o//byams pa'i sems byung na ni gnod sems med par 'gyur bas/ byams pa ni gnod sems kyi gnyen po ste/ dngos su byams pa'i rang bzhin ji lta bu zhe na/ sems can rnams bde ba la gzhag par sems pa'o/ /snying rje ni 'tshe ba'i gnyen po ste/sdug bsngal med par byed pa'i bsam pa'o zhes bya ba la/ sems can rnams la brdeg pa dang 'ching ba la sogs pa byed pa ni 'tshe ba'o/ /sems can rnams kyi skye rga na 'chi la sogs pa'i sdug bsngal med par byed pa'i bsam pa zhes bya'o/ / snying rje byung na sems can la 'tshe ba mi 'byung bas snying rje ni 'tshe ba'i gnyen po ste/ dngos su ni snying rje'i rang bzhin ji lta bu yin zhe na/ sems can gyi sdug bsngal med par byed pa'i bsam pa'o/ /rang bzhin du rtog pa ni rtog pa'o zhes bya ba la/ sa ni sra ba'i rang bzhin no//chu ni gsher ba'i rang bzhin no/ /zhes rtog pa la rtog pa zhes bya'o/ /bye brag tu rtog pa ni rnam par rtog par rig par bya'o zhes bya ba la/ sa 'jig go/ /sa mi rtag go/ /sdug bsngal ba'o/ /zhes bye brag tu rtog pa la rnam par rtog pa zhes bya'o//de nyid kyi rjes su bsngags pa rnam par dbye ba la tshigs su bcad pa zhes bya ba la/ da ni sa bcu rnams su pha rol tu phyin pa bcu bsgrubs pa'i yon tan dang legs pa ji snyed yod pa rnam par dbye ba la tshigs su bcad pa gcig gis ston to//zhi gnas dang ni lhag mthong gnyis/ /lnga bdag nyid du rig par bya/ /blo ldan dag gis bsngags pa ni/ /rnam pa kun du sa kun la/ /zhes bya ba la/ blo dang ldan pa byang chub sems dpa' rnams kyis mos par spyod pa'i sa yan chad/ sa bcu pa man chad na pha rol tu phyin pa bcu bsgrubs pa'i yon tan rnam pa lngar rig par bya ste/yon tan rnam pa lnga ni 'grel pa las 'og nas 'byung ba'o/ /lnga po de la yang rnam pa gsum du bzhag ste/ kha cig ni zhi gnas kyi phyogs su gzhag go/ /kha cig ni lhag mthong gi phyogs su gzhag go//kha cig ni gnyi ga'i phyogs su gzhag go/ /skad cig ma re re la gnas ngan len gyi gnas thams cad 'joms par byed pa dang zhes bya ba la/ gnas ngan len gyi gnas ni nyon mongs pa dang / shes bya'i sgrib pa'i bag chags kyi rten du gyur pa rnam par shes pa la bya ste/zhi gnas rtse gcig pas lus dang sems las su rung par byas nas/ de'i rgyus lus dang sems las su mi rung pa'i rgyu nyon mongs pa dang / shes bya'i sgrib pa'i bag chags spong bar byed pa ni 'joms par byed pa zhes bya'o/ / mos pa spyod pa'i sa yan chad na yang gnas ngan len gyi bag chags 'joms mod kyi/ skad cig ma re re la mi 'joms te/ sa dang po yan chad ni skad cig ma re re la yang gnas ngan len gyi gnas thams cad 'joms par byed de/ 'di ni rjes su bsngags pa rnam pa gcig go/ / 'du shes sna tshogs dang bral ba'i chos kyi dga' pa la/ dga' ba rab tu 'thob pa dang zhes bya ba la/ 'di ni gzugs can gyi chos/ 'di ni gzugs med pa'i chos/ 'di ni 'dus byas kyi chos/ 'di ni 'dus ma byas kyi chos zhes tha dad par mi rtog pa ni 'du shes sna tshogs dang bral ba'i chos so//de ltar mtshan ma rnam pa sna tshogs su rtog pa spangs nas/ zhi gnas mtshan ma'i gnod pa thams cad dang bral ba'i mtshan ma med par bde ba rang gis rig cing / de la rtse gcig tu 'jog pa ni/ chos kyi dga' ba la rab tu dga' ba thob pa zhes bya ste/rab tu dga' ba thob ces bya ba ni sems g.yeng ba med pa thob ces bya ba'i don to/ /de las dang po yan chad mtshan ma rnam pa sna tshogs la rtog pa spangs nas mtshan ma med pa la gnas pa'i zhi gnas kyi lam rtse gcig tu thob pas na/ 'du shes sna tshogs pa dang bral ba'i chos kyi dga' ba rab tu 'thob pa zhes bya/ 'di ni mtshan ma rnam pa gnyis pa'o/ /yongs su ma chad pa'i rnam pa thams cad du tshad med pa'i chos kyi snang ba rab tu shes pa dang zhes bya ba la/ 'di ni gzugs can/ 'di ni gzugs med pa/'di ni gzugs/ 'di ni sgra zhes tha dad par mi byed par/ chos thams cad ro gcig pa'i mtshan nyid du shes pa ni yongs su ma chad pa'i rnam pa thams cad du mtshan ma med pa'i chos kyi snang ba rab tu shes pa zhes bya'o/ /yang na chos kha cig shes/ kha cig mi shes pa ma yin gyi/phyogs bcu dus gsum gyi chos thams cad mnyam par shes pas na/ yongs su ma chad pa'i rnam pa thams cad du tshad med pa'i chos kyi snang ba rab tu shes pa zhes bya'o/ /'di ni mtshan ma rnam pa gsum pa'o/ /rnam par ma brtags pa ma yin pa rnam par dag pa'i phyogs kyi mtshan ma dag la spyod par 'gyur/theg pa chen po mdo sde'i rgyan gyi 'grel ba rgya cher bshad pa slob dpon chen po blo gros brtan pas mdzad pa rdzogs so// //mang yul du mkhan po mu ni tsan+d+ra dang / lo tsA ba lce bkra shis kyis TI kA rnam pa gnyis kyis gzhi bzung ste/mkhan pos kyang ci mkhyen du TI kA gsar du bsgyur ba rnam pa gnyis dang gtugs na yang / TI kA gsar pa las mi mngon pa dag kyang 'di las zhib tu 'chad pas 'di yang gces par bgyi'o/ /mjug cung zad cig ma tshang ba 'di stor bas TI kA gnyis dang gtugs shing bgyis lags so// //