CLOSE WINDOW

D4026
བོད་ཡིག

@##/ /rgya gar skad du/ sU tra a laM kA ra byA khyaM / bod skad du/ mdo sde'i rgyan gyi bshad pa/ sangs rgyas dang byang chub sems dpa' thams cad la phyag 'tshal lo/ /don shes don ston rab tu byed pa ngag dang tshig rnams dri med pas/ /sdug bsngal bsgral phyir sdug bsngal 'gro la snying rje'i phyir te de'i bdag nyid//theg mchog bstan pa'i rnam pa chos kyi de yis 'gro ba'i sems can la/ /'byor ba'i don tshul bla med gyur pa lnga yi bdag nyid ston par byad / /don shes don ston rab tu byed pa zhes bya ba la sogs pa ni ci zhes bstan pa las brtsams pa yin no//su zhig brgyan par byed ce na/ don shes pa'o/ /rgyan ci zhig brgyan par byed ce na/ don ston rab tu byed pa'o/ /cis she na/ ngag dang tshig rnams dri med pas te/ ngag dri ma med pas zhes bya ba ni/ grong khyer pa la sogs pas so/ /tshig dri ma med pas zhes bya ba ni/ tshig dang yi ge rigs pa dang 'brel pa zhes bya ba rgyas par 'byung ba ste/ngag dang tshig dang yi ge dag pa med par ni don bstan par mi nus so/ /gang gi phyir zhe na/ sdug bsngal bsgral ba'i phyir ro/ /gang las she na/ /sdug bsngal 'gro la snying rje'i phyir te/ de'i bdag nyid sdug bsngal ba'i 'gro ba la snying rje ba gang yin pa'i snying rje de'i phyir ro//de'i bdag nyid ces bya ba ni snying rje'i bdag nyid do/ /ci zhig gi rgyan du byed ce na/ theg mchog bstan pa'i rnam pa chos kyi ste/ chos kyi rnam grangs gang la theg pa mchog bstan pa'i rnam pa yod pa'i chos de'i'o/ /gang gi ched du brgyan par byed ce na/des 'gro ba'i sems can la'o/ /la zhes bya ba 'di ni ched yin te/ theg pa chen pos 'gro ba'i sems can gyi ched du zhes bya ba'i tha tshig go/ /rgyan rnam pa du zhig gis brgyan par byed ce na/ rnam pa lnga ste/ 'byor ba'i don tshul bla med gyur pa rnam pa lnga'i bdag nyid ston par byed do//'byor pa zhes bya ba ni rigs pa'o/ /bla med gyur pa zhes bya ba ni theg pa bla na med par gtogs pa'o/ /da ni don gyi tshul lnga'i bdag nyid de tshigs su bcad pa gnyis pas ston par byed de/ gser las brdungs byas 'dra zhing pad+ma rgyas pa bzhin/ /bkres pas nyen pa g.yos legs kha zas za ba 'dra//'phrin yig legs pa thos 'dra rin chen sgrom phye ltar/ /chos de 'dir bshad pa yang dga' ba'i mchog bskyed do/ /tshigs su bcad pa 'dis ni dpe chos de'i don rnam par lnga'i dbang du byas nas ston te/ bsgrub par bya ba dang /bye brag tu shes par bya ba dang / bsam par bya ba dang / bsam gyis mi khyab pa dang / yongs su grub pa rtogs pa'i don so so rang gis rig par bya ba byang chub kyi phyogs dang mthun pa'i ngo bo nyid do/ /de mdo sde'i rgyan 'dis rnam par bkrol na go rims bzhin du/ gser las brdungs byas pa la sogs pa lta bu yin la/mdo sde'i rgyan 'dis rnam par phye na dga' ba'i mchog bskyed do/ /gang gi tshe chos de rang bzhin gyis yon tan dang ldan pa yin na/ ji ltar de brgyan par byed ces bya ba'i klan ka 'di yongs su spang bar bya ba'i phyir/ tshigs su bcad pa gsum pa ste/ gzugs rgyan rang bzhin yon tan ldan pa me long nang song na/ /mthong ba'i dbang gis mi rnams rab tu dga' ba'i mchog bskyed pa/ /de bzhin legs gsungs rtag tu rang bzhin yon tan ldan pa yi/ /chos kyang don rnams phye bas mkhas rnams 'di na dga' mchog bskyed/ /'dis ci ston zhe na/dper na gzugs rgyan dang rang bzhin nyid kyis yon tan dang ldan pa me long gi nang du song na mthong ba'i dbang gis rab tu dga' ba'i mchog bskyed pa de bzhin du/ legs par gsungs pa dag gis rtag tu yon tan dang ldan pa'i chos de yang don rnam par phye ba blo dang ldan pa rnams la dga' ba khyad par can bskyed de/de bas na dga' ba'i khyad par can bskyed pa'i phyir brgyan pa dang 'dra bar 'gyur ro/ /de'i 'og tu tshigs su bcad pa gsum gyis chos de la gus pa bskyed pa'i phyir phan yon rnam pa gsum ston te/ ji ltar bsnams na rab dku la/ /myangs na zhim pa'i sman bzhin du//chos kyang de bzhin gnyis su gnas/ /don dang yi ge shes par bya/ /chos dka' rgya chen zab mo 'di/ /rgyal po bzhin du mnyes par dka' / /mnyes par byas na de bzhin du/ /yon tan mchog gis nor sbyin byed/ /rin chen rigs ldan rin thang med/ /lta mi shes pa'i mi mi mgu//de bzhin mi mkhas chos 'di la/ /bzlog na de bzhin mgu bar 'gyur/ /phan yon rnam pa gsum la/ sman gyi dpes ni sgrib pa spong ba'i rgyu nyid de/ gnyis su gnas zhes bya ba ni/ yi ge dang don du rnam par gnas pa'o/ /rgyal po'i dpes ni dbang 'byor ba'i rgyu nyid de /mngon par shes pa la sogs pa yon tan khyad par can rnams kyis dbang phyug sbyin par byed pa'i phyir ro/ /rin po che rigs dang ldan pa'i ring thang med pa'i dpes ni/ 'phags pa'i nor la spyod pa'i rgyu nyid de/ de ltar shes pa'i mi ni 'phags pa'i skye bo yin par rig par bya'o/ / dang po'i skabs rdzogs so// //kha cig theg pa chen po 'di sangs rgyas kyi bka' yang ma yin na/ de la phan yon 'di lta ga la yod ces log par zhugs pa de dag la 'di sangs rgyas kyi bka' nyid du sgrub pa'i phyir/ gtan tshigs rnam par dbye ba las brtsams te tshigs su bcad pa/ / sngar lung ma bstan lhan cig byung / /spyod yul ma yin grub pa dang / /yod dang med na yod med dang / /gnyen po dang ni sgra gzhan phyir/ /sngar lung ma bstan zhes bya ba ni/ gal te 'di dam pa'i chos kyi bar chad byed par phyis 'ga' zhig gis phyung ba yin na/ ci'i phyir ma 'ongs pa'i 'jigs pa bzhin du snga nas lung ma bstan/lhan cig byung zhes bya ba ni theg pa chen po nyan thos kyi theg pa dang dus mnyam du byung bar dmigs kyi/ phyis ni ma yin na ji ltar 'di sangs rgyas kyi bka' ma yin pa nyid du shes/ spyod yul ma yin zhes bya ba ni/ de ltar zab cing rgya che ba'i chos 'di ni rtog ge pa rnams kyi spyod yul ma yin te/mu stegs can rnams kyi bstan bcos la de lta bu mi dmigs pa'i phyir ro/ /brjod du zin kyang de la ma mos pa'i phyir 'di gzhan dag gis bshad do zhes bya bar yang mi rung ngo / /grub pa zhes bya ba ni 'on te gzhan zhig gis mngon par rdzogs par sangs rgyas nas bshad do zhe na ni/'di sangs rgyas kyi bka' yin pa nyid du grub ste/ gang zhig mngon par rdzogs par sangs rgyas nas/ /de skad du 'chad pa de nyid sangs rgyas yin no/ /yod dang med na yod med dang / /zhes bya ba ni/ gal te theg pa chen po cung zad cig yod na ni/ de yod dang 'di sangs rgyas kyi bka' yin par grub ste/ 'di las gzhan pa'i theg pa chen po med pa'i phyir ro/ /'on te med na ni de med dang nyan thos kyi theg pa yang med pas nyan thos kyi theg pa ni sangs rgyas kyi bka' yin gyi theg pa chen po ni ma yin no zhes bya ba de yang mi rung ste/sangs rgyas kyi theg pa med par sangs rgyas rnams mi 'byung pa'i phyir ro/ /gnyen po zhes bya ba ni theg pa chen po bsgoms na rnam par mi rtog pa'i ye shes thams cad kyi gnas su gyur pa nyid kyis nyon mongs pa rnams kyi gnyen por 'gyur te/ de lta bas na sangs rgyas kyi bka' yin no//sgra gzhan phyir zhes bya ba ni sgra ji bzhin gyi don ma yin no/ /de lta bas na sgra ji bzhin gyi don gyi rjes su 'brangs nas 'di sangs rgyas kyi bka' ma yin par rig par ni mi bya'o/ /la la sngar lung ma bstan zhes bshad pa gang yin pa bcom ldan 'das kyis ched du ma dgongs nas ma 'ongs pa 'di lung ma bstan par zad do snyam du sems pa la btang snyoms su gzhag tu mi rung bar tshigs su bcad pa/sangs rgyas rnams ni mngon sum spyan/ /bstan pa dag kyang bsrung bar mdzad/ /dus la'ang ye shes ma bsgribs pa/ /de phyir btang snyoms mi rung ngo / / tshigs su bcad pa 'dis ci zhig ston zhe na/ rgyu gsum gyis ma 'ongs pa na bstan pa la gnod pa chen po la btang snyoms su gzhag tu mi rung bar ston te/ sangs rgyas rnams ni mngon sum pa'i spyan nyid kyis 'bad pa mi mnga' bar ye shes 'jug pa'i phyir dang / bstan pa bsrung bar bya ba la 'bad pa dang bcas pa'i phyir dang /dus thams cad la ye shes thogs pa mi mnga' pa nyid kyis ma 'ongs pa mkhyen pa'i mthus so/ /la la yod dang med na yod med phyir/ /zhes bshad pa gang yin pa nyan thos kyi theg pa 'di nyid theg pa chen po yin pas 'di kho nas byang chub chen po 'thob bo snyam du sems pas de'i phyir nyan thos kyi theg pa/theg pa chen po nyid du mi rung bar tshigs su bcad pa/ ma tshang ba dang 'gal ba dang / /thabs min de ltar ma bstan phyir/ /nyan thos kyi ni theg pa 'di/ /theg chen chos zhes bya ba min/ /ma tshang ba zhes bya ba ni/ gzhan gyi don du bstan pa ste/nyan thos kyi theg pa las ni nyan thos rnams bdag nyid skyo ba dang / 'dod chags dang bral ba dang / rnam par grol ba tsam gyi thabs shig bstan pa'i phyir gzhan gyi don du bstan pa ci yang med la/ rang gi don kho na gzhan dag la bstan pa ni/ gzhan gyi don du 'gyur bar 'os pa ma yin no//'gal ba zhes bya ba ni gzhan rang gi don la sbyor ba na rang gi don kho na la rab tu sbyor ba yin la/ bdag nyid mya ngan las 'da' ba'i don du rab tu sbyor bde bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ro zhes bya ba 'di ni 'gal te/ nyan thos kyi theg pa kho nas ni byang chub kyi phyir ring mo zhig tu 'bad kyang sangs rgyas su 'gyur bar 'os pa ma yin no//thabs min zhes bya ba ni nyan thos kyi theg pa ni sangs rgyas nyid kyi thabs ma yin no/ /thabs ma yin pa ni ring mo zhig tu btsal kyang 'dod pa'i don 'thob bar mi 'gyur te/ rwa la sogs pa las 'jo ba bzhin no//'on te 'dir byang chub sems dpas ji ltar bslab par bya ba gzhan du'ang bstan to zhe na / de ltar ma bstan phyir nyan thos kyi theg pa kho na theg pa chen po yin par ni mi 'os te/ 'di las de lta bu bstan pa mi dmigs so/ /nyan thos kyi theg pa dang theg pa chen po phan tshun 'gal ba kho na yin pas phan tshun 'gal bar tshigs su bcad pa/bsam pa dang ni bstan pa dang / /sbyor ba dang ni rton pa dang / /dus 'gal phyir na dman pa gang / /de ni dman pa kho na yin/ /ji ltar 'gal zhe na/ 'gal ba rnam pa lnga ste/ bsam pa dang / bstan pa dang / sbyor ba dang / rton pa dang / dus 'gal ba dag gis so//nyan thos kyi theg pa las ni bdag mya ngan las 'das pa kho na'i phyir bsam pa dang / de nyid kyi phyir bstan pa dang / de nyid kyi phyir sbyor ba dang / bsod nams dang ye shes kyi tshogs kyis bsdus pa'i rton pa yang chung la dus kyang thung ste/ tshe gsum gyis kyang de'i don 'thob bo/ / theg pa chen po las ni thams cad de las bzlog pa yin te/ de lta bas na phan tshun 'gal ba'i phyir theg pa dman pa gang yin pa de ni dman pa kho na yin gyi / de theg pa chen po yin par ni mi 'os so/ /la la sangs rgyas kyi bka'i mtshan nyid ni 'di yin te/ gang mdo sde la yang 'jug / 'dul ba la yang snang / chos nyid dang mi 'gal ba nyid yin na/ theg pa chen po ni chos thams cad ngo bo nyid du ston pa'i phyir de lta yang ma yin te/ de lta bas na sangs rgyas kyi bka' ma yin no snyam du sems na/ de'i phyir mtshan nyid dang mi 'gal bar tshigs su bcad pa/rang gi mdo la'ang 'jug pa dang / /rang gi 'dul la'ang snang phyir dang / /zab pa'i phyir dang rgya che'i phyir/ /chos nyid dang ni 'gal ba med/ /tshigs su bcad pa 'dis ci ston zhe na/ 'di ni rang gi theg pa chen po'i mdo la'ang 'jug pa kho na'o/ /rang gi nyon mongs pa theg pa chen po las byang chub sems dpa' rnams kyi nyon mongs pa 'byung ba gang yin pa 'dul ba la yang snang ste/byang chub sems dpa' rnams kyi nyon mongs pa ni rnam par rtog pa yin no/ /zab cing rgya che ba'i mtshan nyid kyi phyir chos nyid dang yang mi 'gal te/ byang chub chen po 'thob par 'gyur ba'i chos nyid ni 'di kho na yin no//de lta bas na mtshan nyid dang 'gal ba med do/ /spyod yul ma yin zhes bshad pas de'i phyir rtog ge'i spyod yul nyid du mi rung bas tshigs su bcad pa/ rtog ge rten cing ma nges la/ /ma khyab kun rdzob skyo ba can/ /byis pa la ni brten par 'dod/ /de phyir de ni de'i yul min//rtog ge de kho na nyid ma mthong ba la brten pa ni lung cung zad la brten pa yin no/ /dus gzhan na gzhan du shes pa'i phyir ma nges pa yang yin no/ /shes bya thams cad yul ma yin pas ma khyab pa yang yin no/ /kun rdzob kyi bden pa'i yul can yin gyi/ don dam pa'i bden pa'i yul can yang ma yin no//spobs pa yongs su gtugs par 'gyur ba'i phyir skyo ba can yang yin no/ /theg pa chen po ni mdo sde 'bum phrag du ma bstan pa'i phyir brten pa med pa nas skyo ba can ma yin pa'i bar du yin te/ de'i phyir de ni rtog ge'i spyod yul ma yin no/ /thabs ma yin pa'i phyir nyan thos kyi theg pas ni yun ring mo zhig tu yang sangs rgyas nyid 'thob par mi nus so zhes bshad pa/'o na theg pa chen po ji ltar thabs su rung zhe na/ thabs nyid du rung bar tshigs su bcad pa/ rgya che'i phyir dang zab pa'i phyir/ /yongs su smin dang rnam mi rtog /de phyir 'di las gnyis bstan te/ / de ni bla na med pa'i thabs/ /tshigs su bcad pa 'dis ci ston zhe na/ mthu rgya chen po bstan pas sems can rnams yongs su smin par byed de/ mthu la mos pa'i sgo nas 'bad pa'i phyir ro/ /zab mo bstan pas rnam par mi rtog ste/ de'i phyir theg pa chen po 'di las de gnyis bstan to/ / de ni bla na med pa'i ye shes kyi thabs yin te/ de gnyis kyis go rims bzhin du sems can rnams yongs su smin par byed pa'i phyir dang / bdag nyid kyis sangs rgyas kyi chos yongs su smin par byed pa'i phyir ro/ /gang dag 'dis skrag pa de'i phyir gnas ma yin pa la skrag pa'i nyes dmigs dang rgyu nyid kyi tshigs su bcad pa/'gro ba de'i gnas min la skrag pa gdung byed 'gyur/ /bsod nams ma yin phung chen bsags byas yun ring du/ /rigs med grogs ngan sngon dge ma bsags blo ma sbyangs/ /chos 'dis skrag 'gyur 'di ni don chen 'di las ltung / /skrag pa'i gnas ma yin pa la skrag pa ni de'i gnas ma yin pa la skrag pa ste/ngan song dag tu gdung bar byed par 'gyur ro/ /de ci'i phyir zhe na/ bsod nams ma yin pa'i phung po chen po bsags pa byas pa'i phyir ro/ /dus ji srid du zhe na/ yun ring por te/ de ltar na nyes dmigs gang yin pa dang / rgyu gang gis yin pa dang /dus ji srid du yin pa de bstan to/ /yang ci'i phyir skrag ce na/ skrag pa'i rgyu rnam pa bzhi ston te/ 'di la rigs med pa'am/ grogs ngan pa'am/ theg pa chen po'i chos nyid la blo gros ma sbyangs pa'am/ sngon dge ba ma bsags pa'o/ /don chen 'di las ltung zhes bya ba ni/byang chub chen po'i tshogs kyi don las ma thob pa'i nyams pa ste/ 'di ni nyes dmigs gzhan ston pa yin no/ /skrag pa'i rgyu bshad nas mi skrag pa'i rgyu bshad par bya ste/ mi skrag pa'i rgyu nyid du tshigs su bcad pa/ de las gzhan dang gzhan med shin du zab cing rjes song phyir//sna tshogs ston zhing mang po'i sgo nas rtag tu ston dang ldan/ /ji skad bshad bzhin don min bcom ldan dgongs pa shin tu zab/ /mkhas pa rnams kyis tshul bzhin brtags na chos 'dir skrag mi 'gyur/ /de las gzhan med ces bya ba ni/ de las gzhan pa'i theg pa chen po med pa'i phyir ro//'on te nyan thos kyi theg pa nyid theg pa chen po yin par gyur na ni/ gzhan nyan thos dang rang sangs rgyas med par 'gyur te/ thams cad sangs rgyas kho nar 'gyur ro/ /shin tu zab ces bya ba ni/ thams cad mkhyen pa'i ye shes kyi lam mo//rjes song zhes bya ba ni dus mnyam du byung ba'i phyir ro/ /sna tshogs ston zhes bya ba ni/ 'di las tshogs kyi lam sna tshogs ston gyi/ stong pa nyid 'ba' zhig ni ma yin te/ de lta bas na 'di ni dgongs pa can yin par 'gyur ro/ /mang po'i sgo nas rtag tu ston dang ldan zhes bya ba ni 'di dag mdo de dang de dag la rnam grangs mang po dag gis yang dang yang du stong pa nyid ston te/de lta bas na dgos pa chen po nyid yod par 'gyur ro/ /de lta ma yin na lan cig dgag pa tsam mdzad par 'gyur ro/ /ji skad bshad bzhin don min zhes bya ba 'di'i don ni sgra ji bzhin ma yin te/ de'i phyir yang skrag par rigs pa ma yin no//bcom ldan 'das dgongs pa shin tu zab ces bya ba ni/ sangs rgyas bcom ldan 'das rnams kyi dgongs pa ni shin tu zab ste shes par dka'o/ /de lta bas na bdag cag gis de ma shes pa'i phyir skrag par bya ba ma yin te/ mkhas pa rnams kyis de ltar tshul bzhin brtags na skrag par mi 'gyur ro//ring du rjes su zhugs pa'i ye shes kyi spyod yul nyid yin par tshigs su bcad pa/ 'di ni dang por thos la brten nas yid la byed pa 'byung / /tshul bzhin yid la byed las yang dag don yul ye shes 'byung / /de las chos 'thob de yod de las blo gros rab tu skye//gang tshe de ni so so rang rig med na ji ltar nges/ /dang por thos pa la brten nas tshul bzhin yid la byed pa 'byung ngo / /tshul bzhin yid la bya ba ni/ tshul bzhin du zhes bya ba'i tha tshig ste/ tshul bzhin du yid la byed pa las 'jig rten las 'das pa'i yang dag pa'i lta ba de kho na nyid kyi don gyis yul can gyi ye shes 'byung ngo //de las de'i 'bras bu chos 'thob bo/ /thob pa de yod na de las rnam par grol ba'i ye shes rab tu skye'o/ /de ltar gang gi tshe blo gros de ni so so rang gis rig pa yin na/ de med na 'di ji ltar nges te/ 'di sangs rgyas kyi bka' ma yin no zhes bya bar ji ltar nges par 'gyur/skrag pa'i gzhi'i gnas ma yin pa nyid du tshigs su bcad pa/ bdag gis mi shes sangs rgyas zab mo mkhyen ma yin/ /zab mo ci yi phyir na rtog ge'i yul ma yin/ /ci'i phyir zab mo'i don rig pa dag mthar 'gyur zhes/ /bya ba de ni skrag pa'i gnas su rigs ma yin//re zhig gal te bdag gis 'di mi shes pas skrag pa'i gnas yin no zhe na/ de ni rigs pa ma yin no/ /'on te sangs rgyas kyang zab mo thugs su chud pa ma yin na/ de ci'i phyir zab mo ston par 'gyur zhes skrag pa'i gnas yin no zhe na/ de yang rigs pa ma yin no/ /'on te ci'i phyir zab mo rtog ge'i yul ma yin zhes skrag pa'i gnas yin no zhe na/de yang rigs pa ma yin no/ /'on te ci'i phyir zab mo'i don rig pa dag kho na thar pa yin gyi/ rtog ge pa rnams ni ma yin zhes skrag pa'i gnas yin no zhe na/ de yang rigs pa ma yin no/ /ma mos pa nyid kyis grub par tshigs su bcad pa/dman par mos shing khams kyang shin tu dman/ /grogs po dman pa dag gis yongs bskor ba/ /zab cing rgya che legs par bshad pa'i chos/ /'di la gal te mos med grub pa yin/ /gang zhig dman pa la mos pa ni/ des na kun gzhi rnam par shes pa la bsgos pa'i khams dman pa kho na yang dag par 'grub ste/grogs po dman pa la mos pa'i khams tsam du mtshungs pa dag kho nas yongs su bskor ba gang yin pa de gal te theg pa chen po'i chos zab cing rgya che ba legs par bshad pa 'di ni mos pa med pa na/ de nyid kyis theg pa chen po 'di mchog yin par grub bo//mdo sde ma thos pa spang du mi rung bar tshigs su bcad pa/ thos rjes 'brangs te blo ldan thob nas ni/ /gang zhig thos la rab tu brnyas byed pa/ /rnam pa sna tshogs dpag tu med lus la/ /rmongs pa gang gi phyir na nges par byed/ /de la ma mos la ni rag na mdo sde ma thos pa rnams khyad par med par spong ba ni rigs pa ma yin te/gang zhig thos pa'i rjes su 'brangs pa kho nas blo dang ldan pa thob nas thos pa nyid la brnyas par byed pa'i rmongs pa de thos pa sna tshogs dpag tu med pa lus pa yod bzhin du gtan tshigs gang gi phyir/ 'di sangs rgyas kyi bka' ma yin no zhes nges par byed/de la ni thos pa las stobs gzhan med de/ de lta bas na ma thos par spong ba ni rigs pa ma yin no/ /gang thos pa de yang tshul bzhin yid la bya'i/ tshul bzhin ma yin par ni ma yin no zhes tshul bzhin ma yin par yid la byed pa'i nyes dmigs kyi tshigs su bcad pa/don sgra ji bzhin yongs rtogs na/ /bdag nyid snyems shing blo nyams 'gyur/ /legs par gsungs pa'ang spangs pas na/ /brlag 'gyur chos la khong khro sgrib/ /bdag nyid snyems zhes bya ba ni/ bdag nyid kyi lta ba mchog tu 'dzin gyi mkhas pa las don mi tshol ba'o//blo nyams 'gyur zhes bya ba ni/ yang dag pa ji lta ba bzhin shes pa las ma thob par yongs su nyams pa'i phyir ro/ /legs par bshad pa'i chos spong ba ni/ de'i gzhi las bsod nams ma yin pa 'phel ba'i phyir brlag par 'gyur ro/ /chos la khong khro ba'i sgrib pa ni chos kyis phongs par 'gyur ba'i las te/'di la nyes dmigs ni de yin no/ /sgra ji bzhin ma yin pa'i don mi shes par yang khong khro bar rigs pa ma yin pas khong khro bar mi rung bar tshigs su bcad pa/ yid kyi nyes pa rang bzhin gdug pa ste/ /mi rigs pa yi gzugs la'ang mi rigs na//the tshom za ba'i chos la smos ci dgos/ /de phyir btang snyoms bzhag legs nyes pa med/ /rang bzhin gdug pa zhes bya ba ni/ rang bzhin gyis kha na ma tho ba dang bcas pa ste/ de lta bas na btang snyoms su gzhag pa bla'o / /ci'i phyir zhe na/ de ni nyes pa med kyi khong khro ba ni nyes pa dang bcas pa yin no//theg pa chen po mdo sde'i rgyan las/ theg pa chen po sgrub pa'i skabs rdzogs so// //skyabs su 'gro ba'i khyad par bsdu bar tshigs su bcad pa/ kun tu 'gro dang khas len rtogs dang zil gnon par/ /dbye ba'i rang bzhin don rnam bzhi yi khyad par gyis//theg pa mchog phyir dkon mchog skyabs rab song ba gang / /de nyid skyabs su song ba rnams kyi mchog ces bya / /de nyid skyabs su 'gro ba rnams kyi mchog ces bya ba ci'i phyir bya zhe na/ rang bzhin gyi don gyi khyad par rnam pa bzhi'i phyir ro/ /don rnam pa bzhi ni/ kun tu 'gro ba dang khas len pa dang /rtogs pa dang / zil gyis gnon par byed pa'i sgo nas rig par bya ste/ kun tu 'gro ba'i don dang / khas len pa'i don dang / rtogs pa'i don dang / zil gyis gnon pa'i don te/ de dag ni 'og nas ston to/ /de lta mod kyi mchog la skyabs su 'gro ba bya dka' ba mang ba'i phyir/kha cig mi spro bas skyabs su 'gro bar spro bar bya ba'i phyir tshigs su bcad pa/ gang phyir dang por nges par bya ba 'di dka' ste/ /de ni bskal pa stong phrag du mar bsgrub par dka'/ /gang phyir grub na sems can phan byed don chen te/ /de phyir theg chen 'di la skyabs don mchog yin no//'dis ni skyabs su 'gro bar nges pa de smon lam dang sgrub pa'i khyad par dag gis grags pa'i rgyu nyid du ston par byed de/ 'bras bu thob pa'i khyad par gyi don chen po nyid do/ /sngar glengs pa kun tu 'gro ba'i don gyi tshigs su bcad pa/ gang zhig sems can thams cad bsgral bar zhugs pa dang //theg pa ye shes kun tu 'gro la mkhas par ldan/ /gang zhig mya ngan 'das la 'khor zhi ro gcig pa/ /de 'dra'i blo ldan de 'dir kun 'gror shes par bya/ /'dis ni kun du 'gro ba'i don rnam pa bzhi ston te/ sems can kun tu 'gro ba'i don ni/ sems can thams cad bsgral ba'i phyir zhugs pas so//theg pa kun tu 'gro ba'i don ni theg pa gsum la mkhas pa dang ldan pa'i phyir ro/ /ye shes kun tu 'gro ba'i don ni gang zag dang chos la bdag med par mkhas pa dang ldan pa'i phyir ro/ /mya ngan las 'das pa kun tu 'gro ba'i don ni 'khor ba dang zhi ba ro gcig pa'i phyir te/de dag gis nyes pa dang yon tan la rnam par mi rtog pa'i phyir/ de la 'khor ba dang mya ngan las 'das pa la bye brag med do/ /khas len pa'i don du tshigs su bcad pa/ gang zhig dga' ba mang pos byang chub mchog don gnyer/ /gang zhig skyo ba med par dka' ba yang dag spyod//gang zhig rnam sangs rgyas nas sangs rgyas kun mnyam 'gyur/ /blo ldan de ni khas len mchog tu shes par bya/ /'dir ni khyad par rnam pa gsum gyis khas len pa nyid kyi khyad par ston te/ smon lam gyi khyad par ni 'di ltar sangs rgyas gang kho na las skyabs su 'gro ba de kho na'i dngos po don du gnyer ba ste/de'i yon tan gyi khyad par shes pa nyid kyis rab tu dga' ba mang ba'i phyir ro/ /sgrub pa'i khyad par ni/ 'di ltar skyo ba med par dka' ba spyod pa'o/ /thob pa'i khyad par ni 'di ltar mngon par rdzogs par sangs rgyas nas sangs rgyas thams cad dang mnyam pa nyid du 'gyur ba'o//yang khas len pa'i khyad par de nyid sangs rgyas kyi sras kyi mchog nyid du legs par skyes pas tshigs su bcad pa gzhan gyis ston te/ sangs rgyas sras kyi mchog tu legs par gang skyes pa/ /sems dang shes rab dang ni tshogs ldan snying rje 'di/ /sa bon ma dang mngal nas ma ma mtshungs pa med//blo ldan de ni khas len mchog tu shes par bya/ /legs par skyes pa de yang btsun par skyes pa'i khyad par gyis ston par byed de/ sa bon dang / ma dang / mngal gyi gnas dang / ma ma mtshungs pa med pas so/ /sems bskyed pa ni sa bon no//shes rab kyi pha rol tu phyin pa ni byang chub sems dpa'i ma'o/ /bsod nams dang ye shes kyi tshogs dang ldan pa ni mngal gyi gnas te rten du gyur pa'i phyir ro/ /snying rje ni ma ma ste des bskyed pa'i phyir ro/ /legs par skyes pa de nyid lus kyi khyad kyis khyad par du byed cing / yang khas len pa de nyid kyi khyad par tshigs su bcad pa gzhan gyis ston te/sna tshogs mtshan rnams kun gyis de'i lus brgyan/ /sems can thams cad smin par byed stobs thob/ /sangs rgyas bde chen mtha' yas zhi ba rnyed / /sems can kun bskyab thabs chen bsham pa shes/ /lus kyi khyad par ni khyad par rnam pa bzhis ston te/gzugs bzang ba'i khyad par ni/ mtshan rnams kyis brgyan pa'i phyir ro/ /sna tshogs zhes smos pa ni/ 'khor los sgyur ba la sogs pa'i mtshan las khyad par du bya ba'i phyir ro/ /stobs kyi khyad par ni/ sems can thams cad yongs su smin par bya ba'i stobs thob pa'i phyir ro//bde ba'i khyad par ni sangs rgyas kyi bde ba chen po mtha' yas pa zhi ba rnyed pa'i phyir ro/ /ye shes kyi khyad par ni sems can thams cad yongs su bskyab par bya ba'i thabs chen po bsham pa shes pa'i phyir ro/ /phun sum tshogs pa rnam pa 'di bzhis rgyal po'i sras btsun par skyes so zhes bya bar shes te/'di lta ste/ gzugs phun sum tshogs pa dang / stobs phun sum tshogs pa dang / bde ba phun sum tshogs pa dang / rang gi bzo shes pa phun sum tshogs pa'o/ /yang legs par skyes pa de nyid sangs rgyas kyi gdung rgyun mi gcod pa'i sgo nas tshigs su bcad pa gzhan gyis ston te/sangs rgyas kun gyis 'od zer chen pos dbang bskur byin/ /de ni chos la dbang ba kun dang yang dag ldan/ /sangs rgyas 'khor gyi dkyil 'khor ston pa'i rnam par shes/ /bslab pa bca' bas tshar bcad phan 'dogs byed la brtson/ /rgyu bzhis rgyal po'i sras su btsun par skyes pa rang gi rigs mi gcod de/dbang bskur ba thob pa dang / dbang thogs pa med pa dang / rtsod pa brtag pa la mkhas pa dang / tshar gcod pa dang / phan 'dogs par byed pas so/ /de dang chos mthun par byang chub sems dpa' yang 'od zer dag gis dbang bskur ba thob pa dang /ye shes thogs pa med pa'i phyir chos thams cad la dbang dang ldan pa dang / sangs rgyas kyi 'khor gyi dkyil 'khor du ston pa'i rnam pa shes pa dang / bslab pa'i gzhi bca' bas nyes pa dang ldan pa dang yon tan dang ldan pa rnams tshar bcad pa dang phan 'dogs par byed pa nyid do/ / yang khas len pa'i khyad par de nyid blon po chen po lta bur tshigs su bcad pa gzhan gyis ston te/ blon po chen po lta bur pha rol phyin la 'jug pa'i phyir/ /byang chub chen po'i phyogs mthun bdal la rtag tu spyan byed phyir/ /gsang ba'i gnas ni rnam gsum rtag tu yang dag 'dzin pa'i phyir/ / sems can mang don rtag tu rgyun mi 'chad par rab byed phyir/ /'di la rgyu bzhis blon po chen por bzhag ste/ btsun mo'i nang du 'gro ba'i phyir nang na spyod pa nyid dang / mdzod thams cad kyi spyan nyid dang / gsang gtam la yid brtan pa nyid dang / bgo bsha' la dbang po nyid kyis so//de dang chos mthun par byang chub sems dpa' yang pha rol tu phyin pa rnams la 'jug pa dang / mdo sde de dang de dag las byang chub chen po'i phyogs dang mthun pa bdal ba rnams la mi brjed pa'i chos can yin pa'i phyir rtag tu spyan byed pa dang / rtag tu sku dang gsung dang thugs kyi gsang ba rnam pa gsum 'dzin pa dang /sems can mtha' yas pa'i don byed pa'i phyir/ rtag tu rgyun mi 'chad par sems can mang po'i don byed pa'o/ /rtogs pa'i don du tshigs su bcad pa/ bsod nams phung chen srid gsum bla ma srid pa'i bde ba dang / / sdug bsngal phung po chen po rab zhi blo mchog bde ba dang / /chos mang phung po mchog rab rtag pa'i sku ste dge ba'i tshogs/ /bag chags bzlog cing srid dang zhi las rnam par grol ba 'thob/ /de la chos 'di la mos pa'i dus nyid na bsod nams kyi phung po chen po 'thob bo/ /sems bskyed pa'i dus na srid pa gsum gyi bla ma nyid do//bsams bzhin du skye ba yongs su 'dzin pa'i dus na srid pa'i bde ba'o/ /mngon par rtogs pa'i dus na sems can thams cad bdag nyid du khas blangs pas sdug bsngal gyi phung po chen po rab tu zhi ba ste/ 'dis rab tu zhi bar byed pas na rab tu zhi ba'o/ / mi skye ba'i chos la bzod pa thob pa'i dus na blo mchog gi bde ba'o/ /mngon par rdzogs par byang chub pa'i dus na chos mang po'i phung po la sogs pa ste/ de la sangs rgyas rnams kyi chos kyi sku ni mdo sde la sogs pa'i chos mtha' yas pa'i 'byung gnas yin pa'i phyir chos mang phung po'o/ /chos thams cad kyi mchog yin [(]ba'i [,]pa'i [)]phyir mchog rab bo//zad mi shes pa'i phyir rtag pa'o/ /stobs dang mi 'jigs pa la sogs pa dge ba'i chos rnams bsags pa'i phyir dge ba'i tshogs so/ /de lta bu'i sku de la / bag chags bzlog pa dang / 'khor ba dang mya ngan las 'das pa dag la mi gnas pa'i phyir srid pa dang zhi ba dag las rnam par grol ba 'thob ste/rnam pa de brgyad ni rtogs pa'i don to/ /zil gyis gnon pa'i don du tshigs su bcad pa/ blo ldan nyan thos tshogs bcas dge ba rgya chen don che dang / /mtha' yas rtag rgyun mi 'chad zad mi shes pas zil gyis gnon/ /dge bde yang 'jig rten 'jig rten ma yin yongs smin byed//dbang 'byor rnyed pa de ni phung po zhi bas zad mi shes/ /byang chub sems dpa' rgyu bzhis nyan thos rnams zil gyis gnon te/ dge ba'i rtsa brgya che ba nyid dang / don che ba nyid dang / tshad med pa nyid dang / zad mi shes pa nyid kyis so/ / dge ba rnam pa bzhi bshad pa gang yin pa de yang 'jig rten dang 'jig rten ma yin pa dang / yongs su smin par byed pa dang / dbang 'byor pa rnyed pa ste/ 'jig rten pa dang / 'jig rten las 'das pa dang / yongs su smin par byed pa dang / dbang 'byor pa'o/ /yon tan de bzhi ni dge ba'i dbang du byas te bstan pa yin no//dbang 'byor pa gang yin pa de ni phung po zhi bas zad mi shes par rig par bya ste/ phung po'i lhag ma med pa'i mya ngan las 'das par yang mi zad pa'i phyir ro/ /skyabs su 'gro ba brjod par tshigs su bcad pa/ 'di ni de'i dngos 'dod pas khas len de yang snying brtse las rig bya//de las rnam pa kun mkhyen phan dang bde byed dka' la skyo ba med/ /nges par 'byung la theg pa kun gyis rton pa'i yon tan rtag tu ldan/ /brda dang chos nyid thob pa blo ldan rnams kyi skyabs 'gro 'di mchog yin/ /'dis ni skyabs su 'gro ba'i ngo bo nyid dang / rgyu dang / 'bras bu dang / las dang ldan pa dang / dbye ba'i don rnams bstan te/ sangs rgyas nyid 'dod pas khas len pa ni skyabs su 'gro ba'i ngo bo nyid yin no/ /de yang snying rje las rig par bya'o zhes bya ba ni rgyu'o/ /de las rnam pa thams cad mkhyen pa nyid ces bya ba ni 'bras bu'o/ /sems can rnams la phan pa dang bde ba byed cing dka' ba spyad pa dag la mi skyo ba ni las so//nges par 'byung bar bya ba la theg pa thams cad kyis rton pa'i yon tan dang ldan pa ni ldan pa'o/ /brdar btags pa dang chos nyid kyis thob pa rags pa dang phra ba'i khyad par gyis rab tu dbye ba'i mtshan nyid ni dbye ba'o//skyabs su 'gro ba'i khyad par gyi tshigs su bcad pa/ skyabs su 'gro ba 'dir song don chen te/ /de ni dpag med yon tan tshogs 'phel 'gyur/ /'gro ba 'di la snying rje'i bsam pas khyab/ /mtshungs med 'phags chen chos kyang rgyal bar byed/ /'dir skyabs su 'gro ba'i don che ba nyid ni rang dang gzhan gyi don sgrub pa dag gis ston te/rang gi don sgrub pa ni yon tan rnam pa mang po dpag tu med pa 'phel bas so/ /dpag tu med pa nyid ni rtog ge dang grangs dang dus kyis dpag tu med pa nyid las rig par bya ste/ yon tan 'phel ba de ni rtog ges kyang dpag tu med la grangs kyis kyang ma yin no//gtan du ba yin pa'i phyir dus kyis kyang ma yin no/ /gzhan gyi don sgrub pa yang bsam pa'i sgo nas ni snying rjes khyab pas so/ /sbyor ba'i sgo nas theg pa chen po'i chos rgyas par byed pa'i phyir te/ theg pa chen po ni 'phags pa chen po rnams kyi chos yin no//skyabs su 'gro ba'i skabs rdzogs so// //rigs rab tu dbye ba bsdu bar tshigs su bcad pa/ yod dang mchog dang mtshan nyid dang / /rtags dang rigs rab dbye ba dang / /nyes dmigs dang ni phan yon dang / /dpe rnam gnyis te rnam pa bzhi//'dis ni rigs yod pa nyid dang / mchog nyid dang / mtshan nyid dang / rtags dang / rab tu dbye ba dang / nyes dmigs dang / phan yon dang / dpe zhes bya ba khyad par de dag bsdus te/ khyad par de dag kyang so sor rnam pa bzhi bzhi'o/ /yod pa nyid du rnam par dbye bar tshigs su bcad pa/khams rnams dang ni mos pa dang / /sgrub pa tha dad dbye ba dang / /'bras bu tha dad dmigs pa'i phyir/ /rigs yod nyid du nges par brjod/ /sems can rnams ni khams sna tshogs pa yin pa'i phyir/ khams kyi dbye ba dpag tu med de/ ji skad du/ ba ru ra'i mdo las bshad pa lta bu'o//de lta bas na khams kyi dbye ba de lta bu yang yid ches par bya dgos pas theg pa gsum gyi rigs tha dad pa yod do/ /sems can rnams kyi mos pa tha dad pa yang dmigs te/ thog ma kho nar la la theg pa 'ga' zhig kho na la mos par 'gyur ro/ /de ni rigs kyi dbye ba med par mi 'gyur ro//rkyen gyi dbang gis mos pa bskyed du zin kyang sgrub pa tha dad pa dmigs te/ kha cig ni nges par sgrub la/ kha cig ni ma yin no/ /de yang rigs kyi dbye ba med par mi 'gyur ro/ /'bras bu tha dad pa byang chub dman pa dang / 'bring dang / khyad par can rnams kyang dmigs te/de yang 'bras bu ni sa bon gyi ngo bo dang mthun pa'i phyir/ rigs kyi dbye ba med par mi 'gyur ro/ /mchog nyid du rnam par dbye bar tshigs su bcad pa/ de dge khyad par 'phags pa dang / /thams cad dang ni don chen dang / mi zad pa yi rgyu mtshan phyir/ /rigs mchog nyid ces brjod pa yin//'dir rigs ni rgyu mtshan rnam pa bzhis mchog nyid du ston te/ rigs de ni dge ba'i rtsa ba rnams khyad par du 'phags pa dang / thams cad dang / don chen po dang / mi zad pa nyid kyi rgyu mtshan yin no/ /nyan thos rnams kyi dge ba'i rtsa ba ni de ltar sbyangs pa ma yin no//thams cad yod pa yang ma yin te/ stobs dang mi 'jigs pa la sogs pa med pa'i phyir ro/ /don chen po yang ma yin te/ gzhan gyi don med pa'i phyir ro/ /mi zad pa yang ma yin te/ phung po'i lhag ma med pa'i mya ngan las 'da' bar mthar thug pa'i phyir ro/ /mtshan nyid rnam par dbye bar tshigs su bcad pa/rang bzhin dang ni rgyas pa dang / /de ni rten dang brten pa dang / /yod med gnyis dang yon tan ni/ /sgrol ba'i don du shes par bya/ /'dis ni rigs rnam pa bzhi ston te/ rang bzhin du gnas pa dang / yang dag par bsgrubs pa dang / rten gyi ngo bo nyid dang / brten pa'i ngo bo nyid de de dag nyid dang go rims bzhin no//de ni rgyu'i dngos por yod do/ /'bras bu'i dngos por med do/ /rigs ni yon tan sgrol ba'i don du yang rig par bya ste/ 'di las yon tan sgrol zhing 'byung ba'i phyir ro/ /rtags rnam par dbye bar tshigs su bcad pa/ sbyor ba'i sngon du snying rje dang //mos pa dang ni bzod pa dang / /dge ba yang dag spyod pa ni/ /rigs kyi rtags su shes par bya/ /byang chub sems dpa'i rigs kyi rtags ni rnam pa bzhi ste/ sbyor ba'i sngon rol nyid nas sems can rnams la snying rje ba dang / theg pa chen po'i chos la mos pa dang / dka' ba spyad pa dag la ji mi snyam pa'i don gyis bzod pa dang /pha rol tu phyin pa'i rang bzhin gyi dge ba yang dag par spyod pa'o/ /rab tu dbye ba rnam par dbye bar tshigs su bcad pa/ rigs ni nges dang ma nges pa/ /rkyen rnams kyis ni mi 'phrogs dang / /'phrog pa nyid de mdor na rigs/ / dbye ba 'di ni rnam pa bzhi/ /rigs ni mdor na rnam pa bzhi ste/ nges pa dang ma nges pa dang de dag nyid go rims bzhin du rkyen rnams kyis mi 'phrogs pa dang 'phrog pa'o/ /nyes dmigs rnam par dbye bar tshigs su bcad pa/ nyon mongs goms dang grogs ngan dang / /phongs dang gzhan gyi dbang nyid de//mdor na rigs kyi nyes dmigs ni/ /rnam pa bzhi ru shes par bya/ /byang chub sems dpa'i rigs kyi nyes dmigs ni/ gang gis na rigs la gnas kyang yon tan dag la mi 'jug pa ni mdor na rnam pa bzhi ste/ nyon mongs pa mang ba dang /mi dge ba'i grogs po dang / yo byad kyis phongs pa dang / gzhan gyi dbang du gyur pa'o/ /phan yon rnam par dbye bar tshigs su bcad pa/ ring mo zhig na ngan song du/ /'gro zhing myur du thar pa dang / /de na'ang sdug bsngal chung [(]du [,]ngu [)]myong / /skyo bcas sems can smin bar byed//byang chub sems dpa'i rigs la phan yon rnam pa bzhi ste/ ring mo zhig na ngan song du 'gro ba dang / de dag nas myur du thar pa dang / de dag tu skyes na yang sdug bsngal chung ngu myong ba dang / sems skyo zhing der skyes pa'i sems can rnams snying rjes yongs su smin par byed pa'o/ / gser gyi rigs chen po dang 'dra bar tshigs su bcad pa/ gser gyi rigs bzhin shes par bya/ /dge ba dpag tu med pa'i gnas/ /ye shes dang ni dri med ldan/ /mthu rnams kyi yang gnas yin no/ /gser gyi rigs chen po ni gser rnam pa bzhi'i gnas su 'gyur te/ mang po dang /'od gsal ba dang / dri ma med pa dang / las su rung ba'o/ /de dang chos mthun par byang chub sems dpa'i rigs kyang dge ba'i rtsa ba dpag tu med pa'i gnas dang / ye shes kyi gnas dang / nyon mongs pa'i dri ma med pa'i gnas dang / mngon par shes pa la sogs pa'i mthu'i gnas yin te/de lta bas na gser gyi rigs chen po lta bur rig par bya'o/ /rin po che'i rigs chen po dang 'dra bar tshigs su bcad pa/ rin chen mchog rigs bzhin shes bya/ /byang chub chen po'i rgyu mtshan phyir/ /ye shes che dang ting 'dzin 'phags/ /sems can mang po'i don gnas phyir//rin po che'i rigs chen po ni rin po che bzhi'i gnas su 'gyur te/ rigs dang ldan pa dang / kha dog phun sum tshogs pa dang / dbyibs phun sum tshogs pa dang / tshad phun sum tshogs pa'i'o / /byang chub sems dpa'i rigs kyang de dang 'dra bar rig par bya ste/ byang chub chen po'i rgyu mtshan yin pa'i phyir dang / ye shes chen po'i rgyu mtshan yin pa'i phyir dang / 'phags pa'i ting nge 'dzin gyi rgyu mtshan yin pa'i phyir te/ ting nge 'dzin ni sems yang dag par gnas pa'o/ /sems can mang po yongs su smin par byed pa'i rgyu mtshan yin pa'i phyir te/ sems can mtha' yas pa yongs su smin par byed pa'i phyir ro //rigs med pa la gnas pa rnam par dbye bar tshigs su bcad pa/ la la gcig tu nyes par spyod nges yod/ /la la dkar po'i chos rnams kun tu bcom/ /la la thar ba'i cha mthun dge ba med/ /dkar po dman pa yod pa rgyu dang bral/ / don 'di la ni rigs med pa la gnas pa yongs su mya ngan las mi 'da' ba'i chos can yin par bzhed do/ /de yang mdor bsdu na rnam pa gnyis te/ de'i dus dang gtan yongs su mya ngan las mi 'da' ba'i chos can no/ /de'i dus su yongs su mya ngan las mi 'da' ba'i chos can yang rnam pa bzhi ste//gcig tu nyes par spyod pa dang / dge ba'i rtsa ba kun tu chad pa dang / thar pa'i cha dang mthun pa'i dge ba'i rtsa ba med pa dang / dge ba'i rtsa ba dman pa yod pa tshogs yongs su ma rdzogs pa'o/ /gtan yongs su mya ngan las mi 'da' ba'i chos can ni rgyu dang bral ba ste/ gang la yongs su mya ngan las 'da' ba'i rigs nyid med pa'o//rang bzhin dang rgyas pa'i rigs rnam par dbye ba nyid du tshigs su bcad pa/ /zab cing rgya cher bshad pa gzhan la phan phyir bstan pa'i chos chen la/ /mi shes bzhin du mos pa shin tu rgya chen 'byung zhing sgrub la bzod/ /de dag tha mar rnam pa gnyis mchog phun sum tshogs 'gyur gang yin de//byang chub sems dpa' rang bzhin yon tan ldan de rgyas pa'i rigs las shes/ /zab cing rgya che bar bshad pa gzhan la phan par bya ba'i phyir bstan pa theg pa chen po'i chos rgya chen po la zab cing rgya che ba'o/ /don mi shes bzhin du mos pa rgya chen po 'byung zhing sgrub pa la yang mi skyo la/tha mar yang phun sum tshogs pa rnam pa gnyis kyi mchog byang chub chen po phun sum tshogs pa 'thob par 'gyur ba yin pa de ni byang chub sems dpa'i rigs rang bzhin gyis yon tan dang ldan pa dang rgyas pa'i che ba yin par rig par bya'o/ /rnam pa gnyis zhes bya ba ni/gnyis po 'jig rten pa dang nyan thos dag go/ /mchog ces bya ba ni khyad par du 'phags pa'o/ /'bras bu'i sgo nas rigs khyad par du bya bar tshigs su bcad pa/ yon tan shin tu rgya che byang chub shing bskyed phyir/ /bde dang sdug bsngal chen po zhi ba thob bya'i phyir//bdag dang gzhan la phan bde byed pa 'bras bu'i phyir/ /rigs mchog de ni rtsa ba bzang po lta bu yin/ /'dis ni byang chub sems dpa'i rigs byang chub kyi shing rang dang gzhan la phan pa dang bde ba byed pa'i 'bras bu can gyi rtsa ba bzang po nyid yin par bstan to/ /rigs kyi skabs rdzogs so// //sems bskyed pa'i mtshan nyid du tshigs su bcad pa/ spro ba che dang rtsom pa che/ /don che ba dang 'byung ba che/ /byang chub sems dpa'i sems dpa' ste/ /don gnyis ldan pa'i sems 'byung ba/ /spro ba chen po ni go cha'i brtson 'grus kyis te/ zab mo dang yun ring por dka' ba spyad pa sgrub pa la spro ba'i phyir ro//rtsom pa chen po ni go cha ji lta ba bzhin du sbyor ba'i brtson 'grus kyis so/ /don chen po ni bdag dang gzhan la phan pa'i ched kyi phyir ro/ /'byung ba chen po ni byang chub chen po yang dag par 'grub pa'i phyir ro/ /'dis ni yon tan rnam pa gsum yongs su bstan te/ skyes bu byed pa'i yon tan ni tshig gnyis kyis so//don byed pa'i yon tan dang 'bras bu yongs su 'dzin pa'i yon tan ni tshig gnyis kyis so/ /don gnyis dang ldan pa ni byang chub chen po dang sems can gyi don bya ba la dmigs pa'i phyir ro/ /yon tan gsum dang don gnyis la dmigs pa dang ldan pa'i sems pa ni sems bskyed pa zhes bya'o//sems bskyed pa rab tu dbye bar tshigs su bcad pa/ sems bskyed de ni sa rnams la/ /mos dang lhag bsam dag pa dang / /rnam par smin pa gzhan du 'dod/ /de bzhin sgrib pa spangs pa'o/ /byang chub sems dpa' rnams kyi sems bskyed pa ni rnam pa bzhi ste/ mos pas spyod pa'i sa la ni mos pa las 'byung ba'o//sa bdun la ni lhag pa'i bsam pa rnam par dag pa'o/ /sa brgyad pa la sogs pa la ni rnam par smin pa'o/ /sangs rgyas kyis la ni sgrib pa med pa'o/ /sems bskyed pa rnam par gtan la dbab par tshigs su bcad pa bzhi ste/ de yi rtsa ba snying rjer 'dod//rtag tu sems can phan par sems/ /chos la mos dang de bzhin de'i/ /ye shes tshol bar dmigs pa'o/ /gong du 'dun pa 'gro ba ste/ /sdom pa rgya chen de yi rten/ /lam 'gog pa ni mi mthun phyogs/ /slong zhing dang du len pa'o/ /bsod nams ye shes rang bzhin gyi/ / dge ba'i 'phel ba de'i phan yon/ /pha rol phyin la rtag sbyor ba/ /de ni nges par 'byung bar brjod/ /'di yi mthar thug sa yin te/ /so so rang gi der sbyor bas/ /byang chub sems dpa'i sems bskyed pa/ /rnam par nges par shes par bya/ /de la rnam par gtan la dbab pa ni 'di yin te/ byang chub sems dpa' rnams kyi sems bskyed pa rnam pa bzhi po 'di'i rtsa ba ni gang / bsam pa ni gang / mos pa ni gang / dmigs pa ni gang / 'gro ba ni gang / rten ni gang / nyes dmigs ni gang / phan yon ni gang / nges par 'byung ba ni gang / mthar thug pa ni gang zhe na/ smras pa/ snying rje chen po ni rtsa ba'o//rtag tu sems can la phan par sems pa'o/ /theg pa chen po'i chos la mos pa'o/ /de'i ye shes la tshol bar dmigs pa ste/ de'i ye shes la tshol ba'i rnam par dmigs pa'i phyir ro/ /gong nas gong du 'dun pa ni 'gro ba'o/ /byang chub sems dpa'i tshul khrims kyi sdom pa ni rten no/ /lam gcod pa ni nyes dmigs te lam gcod pa de yang gang zhe na/mi mthun pa'i phyogs theg pa gzhan gyi sems slong zhing dang du len pa'o/ /bsod nams dang ye shes kyi rang bzhin gyi dge ba'i rtsa ba 'phel ba ni phan yon no/ /rtag tu pha rol tu phyin pa la goms pa ni nges par 'byung ba'o/ /sa ni mthar thug pa yin te/so so rang gi sa la sbyor bas gang zhig sa gang la zhugs pa'i sa de ni de'i mthar thug pa yin no/ /yang dag par blang pa brda las byung ba'i sems bskyed par tshigs su bcad pa/ grogs stobs rgyu stobs rtsa ba'i stobs/ /thos stobs dge ba goms pa las/ /mi brtan pa dang brtan 'byung ba//gzhan gyis bstan pa'i sems bskyed bshad/ /gzhan gyis bstan zhing gzhan gyi rnam par rig byed las sems bskyed pa gang yin pa de ni yang dag par blangs pa brda las byung ba zhes bya'o/ /de yang grogs kyi stobs las te/ dge ba'i bshes gnyen gyi ngor skye ba yang yod do//rgyu'i stobs las te/ rigs kyi mthus skye ba yang yod do/ /dge ba'i rtsa ba'i stobs las te/ de'i rigs rgyas pa'i sgo nas skye ba yang yod do/ /thos pa'i stobs las skye ba yang yod de/ chos kyi rnam grangs de dang de bshad pa na mang du byang chub tu sems skyed pa'i phyir ro//dge ba goms pa las te/ tshe 'di nyid la rtag tu nyan pa dang / 'dzin pa dang / 'chang ba la sogs pa las skye ba yang yod do/ /de yang grogs kyi stobs las ni mi brtan par 'byung bar rig par bya'o/ /rgyu la sogs pa'i stobs las ni brtan pa 'byung ngo //don dam pa'i sems bskyed par tshigs su bcad pa bdun te/ rdzogs pa'i sangs rgyas rab bsnyen byas/ /bsod nams ye shes tshogs rab bsags/ /chos la mi rtog ye shes ni/ /skyes phyir de ni dam par 'dod/ /chos dang sems can rnams dang ni/ /de yi bya ba sangs rgyas nyid//mchog la sems mnyam rnyed pa'i phyir/ /de yi rab dga' khyad par 'phags/ /skye ba rgya che de la spro/ /bsam pa yang ni dag pa dang / /lhag ma dag la mkhas pa dang / /nges par 'byung bar shes par bya/ /chos la mos pa sa bon dang / /pha rol phyin mchog ma las skyes//bsam gtan las byung bde ba'i mngal/ /snying rje bskyed pa'i ma ma'o/ /smon lam chen po bcu bsgrub phyir/ /rgya che bar ni shes par bya/ /dka' ba yun ring mi skye'i phyir/ /spro bar khong du chud par bya/ /byang chub nye bar rtogs pa dang / /de yi thabs shes rnyed pa'i phyir//bsam pa dag par shes par bya/ /sa gzhan tshul la mkhas pa nyid/ /ji ltar rnam gzhag yid byed pas/ /de rtog nyid du shes phyir dang / /de nyid la yang mi rtog phyir/ /nges par 'byung bar shes par bya/ /tshigs su bcad pa dang pos ni/ lung dang bsgrub pa dang rtogs pa'i khyad par dag gis sems bskyed pa don dam pa nyid du ston par byed do//don dam pa'i sems bskyed pa de yang sa rab tu dga' ba yin pas de'i rab tu dga' ba khyad par du 'phags pa'i rgyu ston te/ de la chos rnams la sems mnyam pa nyid ni chos la bdag med par rtogs pa'i phyir ro//sems can rnams la sems mnyam pa nyid ni bdag dang gzhan mnyam pa nyid du rtogs pa'i phyir ro/ /sems can gyi bya ba dag la sems mnyam pa nyid ni bdag nyid kyi sdug bsngal dang 'dra bar de dag gi sdug bsngal zad par 'dod pa'i phyir ro/ /sangs rgyas nyid la sems mnyam pa nyid ni de'i chos kyi dbyings dang bdag dbyer med par rtogs pa'i phyir ro//don dam pa pa'i sems bskyed pa de nyid la don dam pa rnam pa drug tu rig par bya ste/ skye ba dang / rgya che ba dang / spro ba dang / bsam pa dag pa dang / lhag ma la mkhas pa dang / nges par 'byung ba'o/ /de la skye ba ni sa bon dang ma dang mngal dang ma ma'i bye brag las rig par bya'o//rgya chen po ni smon lam chen po bcu mngon par bsgrub pa'i phyir ro/ /spro ba ni dka' ba yun ring pos mi skyo ba'i phyir ro/ /bsam pa dag pa ni/ byang chub dang nye bar shes pa'i phyir dang / de'i thabs shes pa'i phyir ro/ / lhag ma la mkhas pa ni/ sa gzhan dag la mkhas pa'o/ /nges par 'byung ba ni/ sa ji ltar rnam par gzhag pa bzhin yid la byed pas so/ /ji ltar yid la byed pas she na/ 'di ni rtog pa tsam mo zhes sa rnam par gzhag pa de rtog pa nyid du shes pa'i phyir dang / rtog pa nyid du shes pa de nyid la yang rnam par mi rtog pa'i phyir ro//dpe'i che ba nyid du tshigs su bcad pa drug ste/ bskyed pa sa dang mtshungs pa ste/ /gzhan ni bzang po'i gser dang 'dra/ /zla ba yar gyi tshes pa bzhin/ /gzhan ni me dang 'drar shes bya/ /gzhan ni gter chen bzhin shes bya/ / gzhan ni rin chen 'byung gnas bzhin/ /rgya mtsho 'dra bar shes bya gzhan/ /rdo rje dang 'dra ri rab 'dra/ /sman gyi rgyal po 'dra ba ste/ /gzhan ni mdza' chen 'drar shes bya/ /yid bzhin nor bu 'dra ba dang / /gzhan ni nyi ma 'drar shes bya/ /gzhan ni dri za'i dbyangs snyan bzhin/ /gzhan ni rgyal po 'drar shes bya//de bzhin gzhan ni mdzod lta bu/ /lam po che dang 'drar shes bya/ /theg pa 'dra bar shes bya ste/ /sems bskyed bkod ma 'dra ba yin/ /kun dga'i sgra dang 'dra ba ste/ /klung chen rgyun dang 'dra ba'o/ /rgyal sras rnams kyis sems bskyed pa/ /sprin dang 'dra bar bstan pa ste//de phyir de ltar yon tan phyug /sems ni dga' bas yang dag bskyed/ /byang chub sems dpa' rnams kyi sems bskyed pa dang po ni sa dang mtshungs te/ sangs rgyas kyi chos thams cad dang de'i tshogs 'phel ba'i rten du gyur pa'i phyir ro//bsam pa dang ldan pa'i sems bskyed pa ni gser bzang po dang 'dra ste/ phan pa dang bde ba'i bsam pa gzhan du 'gyur ba mi sten pa'i phyir ro/ /sbyor ba dang ldan pa ni zla ba yar gyi ngo'i tshes pa bzhin te/ dge ba'i chos 'phel bar 'gyur ba'i phyir ro/ /lhag pa'i bsam pa dang ldan pa ni me dang 'dra ste/shing gi bye brag dag gis me bzhin du gong nas gong du khyad par du 'gro ba'i phyir ro/ /lhag pa'i bsam pa ni khyad par rtogs pa'i bsam pa'o/ /sbyin pa'i pha rol tu phyin pa dang ldan pa ni gter chen po bzhin te/ zang zing gi longs spyod kyis sems can dpag tu med pa tshim par byed pa dang mi zad pa'i phyir ro//tshul khrims kyi pha rol tu phyin pa dang ldan pa ni rin po che'i 'byung gnas lta bu ste/ de las yon tan rin po che thams cad 'byung ba'i phyir ro/ /bzod pa'i pha rol tu phyin pa dang ldan pa ni rgya mtsho dang 'dra ste/ nyam nga ba 'byung ba thams cad kyis mi 'khrugs pa'i phyir ro//brtson 'grus kyi pha rol tu phyin pa dang ldan pa ni rdo rje lta bu ste/ mi shigs pa nyid kyis sra ba'i phyir ro/ /bsam gtan gyi pha rol tu phyin pa dang ldan pa ni ri'i rgyal po dang 'dra ste/ rnam par g.yeng bas mi g.yo ba'i phyir ro/ /shes rab kyi pha rol tu phyin pa dang ldan pa ni sman gyi rgyal po lta bu ste/nyon mongs pa dang shes bya'i sgrib pa'i nad rab tu zhi bar byed pa'i phyir ro/ /tshad med pa dang ldan pa ni mdza' bo chen po dang 'dra ste/ gnas skabs thams cad du sems can thams cad yal bar mi 'dor ba'i phyir ro/ /mngon par shes pa dang ldan pa ni yid bzhin gyi nor bu dang 'dra ste/ji ltar mos pa bzhin de'i 'bras bu 'byor pa'i phyir ro/ /bsdu ba'i dngos po dang ldan pa bzhi ni nyi ma dang 'dra ste/ gdul ba'i lo tog yongs su smin par byed pa'i phyir ro/ /so so yang dag par rig pa dang ldan pa ni dri za'i dbyangs snyan pa lta bu ste/gdul bya 'dul bar byed [(]ba'i [,]pa'i [)]chos ston pa'i phyir ro/ /rton pa dang ldan pa ni rgyal po lta bu ste/ chud mi za ba'i rgyu yin pa'i phyir ro/ /bsod nams dang ye shes kyi tshogs dang ldan pa ni mdzod lta bu ste/ bsod nams dang ye shes kyi tshogs mang po'i mdzod kyi gnas yin pa'i phyir ro//byang chub kyi phyogs dang mthun pa dang ldan pa ni lam po che lta bu ste/ 'phags pa'i gang zag thams cad gshegs shing rjes su gshegs pa'i phyir ro/ /zhi gnas dang lhag mthong dang ldan pa ni/ theg pa lta bu ste/ bde blag tu khyer ba'i phyir ro/ / gzungs dang spobs pa dang ldan pa ni bkod ma lta bu ste/ chu 'dzin zhing mi zad par 'byin pa dang chos mthun par thos pa dang ma thos pa'i chos kyi tshig dang don 'dzin zhing mi zad pa 'byin pa'i phyir ro/ /chos bshad pa dang ldan pa ni/ kun dga' ba'i sgra dang 'dra ste/ thar pa 'dod pa'i gdul bya rnams la snyan pa thos par byed pa'i phyir ro//bgrod pa gcig pa'i lam dang ldan pa ni rlung gi rgyun dang 'dra ste/ mi skye ba'i chos la bzod pa thob pa na rang gi ngang gis 'byung ba'i phyir ro/ /bgrod pa gcig pa nyid ni/ sa der gtogs pa'i byang chub sems dpa' rnams kyi bya ba byed pa tha mi dad pa'i phyir ro//thabs la mkhas pa dang ldan pa ni sprin lta bu ste/ ji ltar snod kyi 'jig rten gyi 'byor pa thams cad sprin las 'byung ba ltar/ dga' ldan gyi gnas na bzhugs pa la sogs pa ston pa'i sgo nas sems can thams cad kyi don bya ba rnams de la rag las pa'i phyir ro/ /dpe nyi shu rtsa gnyis dang ldan pa'i sems bskyed pa de ni/'phags pa blo gros mi zad pas bstan pa'i mdo las/ mi zad pa nyid 'byung ba dang sbyar bar khong du chud par bya'o/ /sems ma bskyed pa smad par tshigs su bcad pa/ cher 'os sems bskyed spangs pa'i skye bo dag /gzhan don sems dang de yi thabs rnyed dang //dgongs chen don dang de nyid mchog mthong bas/ /bde ba de spangs zhi bar 'gro bar 'gyur/ /sems bskyed pa de spangs pa'i sems can rnams kyis bde ba rnam pa bzhi mi 'thob ste/ /byang chub sems dpa' rnams kyi gzhan gyi don sems pas bde ba gang yin pa dang / gzhan gyi don gyi thabs rnyed pas bde ba gang yin pa dang / dgongs pa chen po'i don mthong ba ste/ theg pa chen po'i mdo zab mo dgongs pa can gyi don rtogs pas bde ba gang yin pa dang / de kho na nyid mchog gi don chos la bdag med pa mthong bas bde ba gang yin pa'o//ngan 'gro dang yongs su skyo bas 'jigs pa med pa'i phyir/ sems bskyed pa bsngags par tshigs su bcad pa/ blo ldan sems mchog skyes ma thag tu yang / /mtha' yas nyes pa byed las sems rab bsdoms / /gnyis 'phel byed pas rtag tu dge ba dang / /brtse ldan bde dang sdug bsngal dag gis dga'//byang chub sems dpa'i sems kyi mchog de skyes ma thag tu sems can mtha' yas pa'i rten can gyi nyes pa byed pa las sems rab tu bsdams par 'gyur te/ de'i phyir 'di ngan 'gros 'jigs par mi 'gyur ro/ /de ni dge ba'i las dang snying brtse ba gnyis 'phel bar byed pas rtag tu dge ba dang ldan [(]ba [,]pa [)]dang /snying brtse ba dang ldan par yang 'gyur te/ des na de dge ba dang ldan pa'i phyir/ bde bas kyang dga' la snying brtse ba dang ldan pa'i phyir gzhan gyi don byed pa'i rgyu mtshan can gyi sdug bsngal gyis kyang dga'o/ /de'i phyir 'di bya ba mang pos yongs su skyo bas kyang 'jigs par mi 'gyur ro//mi byed pa'i sdom pa thob par tshigs su bcad pa/ gang tshe gzhan gyi don phyir lus dang ni/ /srog la mi lta rab ngal khas len pa/ /de lta bu de gzhan gyi gnod pa yis/ /ji ltar ngan par byed pa'i las la 'jug /de'i bsdus pa'i don ni/gang zhig gzhan gyi don gyi phyir lus dang srog la yang mi lta ba'i phyir/ gzhan nyid ches sdug gi bdag nyid ni ma yin pa de ji ltar gzhan gyis gnod pa byas pas bdag gi don du nyes par byed pa'i las la 'jug par 'gyur/ sems mi ldog par tshigs su bcad pa gnyis te//de yis chos kun sgyu ma lta bu dang / /skye ba skyed mos tshal 'gro ltar rtogs nas/ /'byor pa'i dus na rgud pa'i dus na'ang 'di/ /nyon mongs sdug bsngal dag gis 'jigs pa med/ /rang gi yon tan sems can phan 'dogs dga'/ /bsams bzhin skye ba rdzu 'phrul rnam par 'phrul/ / rgyan dang ston mo sa mchog rtse dga' ba/ /snying rje'i bdag nyid min pa rnams la med/ /byang chub sems dpa' des chos thams cad sgyu ma lta bur mthong ba'i phyir/ 'byor pa'i dus na nyon mongs pa rnams kyis mi 'jigs la/ skye ba skyed mos tshal du 'gro ba lta bur mthong ba'i phyir/ rgud pa'i dus na sdug bsngal gyis mi 'jigs na/ de'i byang chub kyi sems 'jigs pa gang gis ldog par 'gyur/ gzhan yang rang gi yon tan gyis rgyan dang / gzhan la phan 'dogs pas dga' ba'i ston mo dang / bsams bzhin du skye ba'i skyed mos tshal gyis dang / rdzu 'phrul gyis rnam par 'phrul pa'i rtsed mos dga' ba'i byang chub sems dpa' dag kho na la yod kyi/byang chub sems dpa' ma yin pa rnams la ni med na de dag gis sems ji ltar zlog par 'gyur/ sdug bsngal gyis 'jigs pa dag ga par tshigs su bcad pa/ gzhan don brtson ldan snying rje'i bdag nyid 'di//gang tshe mnar med pa la'ang dga' 'dzin pa/ /de 'dra ba dag srid na gzhan rten can/ /sdug bsngal 'byung ba rnams kyis ga la 'jigs/ /gzhan yang gzhan gyi don la brtson pa gang zhig snying rje'i bdag nyid can yin pa'i phyir/ mnar med pa la yang dga' bar 'dzin pa de ji ltar srid pa na gzhan gyi don gyi rgyu mtshan can gyi sdug bsngal 'byung ba dag gis 'jigs par 'gyur te/gang gi phyir na 'di sdug bsngal gyis 'jigs pa'am sems ldog par 'gyur/ sems can yal bar 'dor ba dgag par tshigs su bcad pa/ slob dpon brtse chen rtag tu bsten pa'i bdag /pha rol sdug bsngal dag gis sems gdung ba/ /gzhan gyi bya ba nye bar gnas pa la/ /gzhan gyis bskul ba shin tu ngo yang tsha/ /slob dpon snying rje rtag tu bsten pa'i bdag nyid can pha rol gyi sdug bsngal dag gis sems gdung ba gang yin pa de la gal te gzhan gyi don bya ba byung ba la dge ba'i bshes gnyen gzhan dag gis bskul bar bya dgos pa ni te bor ngo tsha ba'o //le lo smad par tshigs su gcad pa/ mgo la sems can khur chen khyer ba yi/ /sems can mchog ni dal gyis 'gro mi mdzes/ /bdag gzhan sna tshogs 'ching bas rab bcings pa/ / brtson pa brgya 'gyur du ni bya ba'i rigs/ /byang chub sems dpa' mgo la sems can gyi khur chen po thogs nas pha rol gnon pa dal ba ni mi mdzes kyi/ des nyan thos kyi brtson 'grus pas brtson 'grus brgya 'gyur du bya bar rigs te/ 'di ltar de ni bdag dang gzhan gyi 'ching ba rnam pa sna tshogs nyon mongs pa dang las dang skye ba'i ngo bo dag gis shin tu bcings pa yin no//sems bskyed pa'i skabs rdzogs so// //sgrub pa'i mtshan nyid kyi tshigs su bcad pa/ gnas rtsom 'bras bu 'byung ba che bdag nyid/ /rgyal sras rnams kyi sgrub pa yin par 'dod//rtag tu len pa che dang bzod pa che/ /don chen yang dag sgrub pa'i bya ba byed/ /de la gnas chen po ni sems bskyed pa la gnas pa'i phyir ro/ /rtsom pa chen po ni rang dang gzhan gyi don rtsom pa'i phyir ro/ /'bras bu 'byung ba chen po ni 'bras bu byang chub chen po 'thob pa yin pa'i phyir ro//de nyid kyi phyir go rims bzhin du len pa che ba ste/ sems can thams cad nye bar len pa'i phyir ro/ /bzod pa che ba ste/ sdug bsngal thams cad dang du len pa'i phyir ro/ /don chen yang dag sgrub pa'i bya ba byed pa ste/ sems can mang po'i don yang dag par sgrub pa'i phyir ro//rang dang gzhan gyi don khyad par med par tshigs su bcad pa/ gzhan dang bdag tu mnyam pa'i sems nyid dam/ /bdag pas gzhan ches sdug pa rnyed nas ni/ /de ltar bdag pas gzhan don mchog tu shes/ /rang gi don gang gzhan gyi don gang yin//gzhan dang bdag mnyam pa'i sems nyid brda las byung ba'i sems bskyed pa rnyed pa'i tshe mos pa'i sgo nas sam/ don dam pa'i sems bskyed pa rnyed pa'i tshe/ shes pa'i sgo nas rnyed nas sam/ yang na bdag pas gzhan ches shin tu sdug bsngal ba rnyed nas rgyu de nyid kyis bdag pas gzhan gyi don la khyad par 'phags par 'du shes pa'i byang chub sems dpa'i la rang gi don ni gang zhig yin la gzhan gyi don gang zhig yin te/de la gnyis ka khyad par med do zhes bya ba'i tha tshig go/ /gzhan gyi don khyad par du bya bar tshigs su bcad pa/ ji ltar snying rje'i bdag nyid gzhan gyi don gyi phyir//bdag la sdug bsngal mi bzad gdung ba rab byed pa/ /de ltar 'jig rten gdung ba'i las kyis gzhan dgra la/ /shin tu brtse ba med par rab tu 'jug ma yin/ /ji ltar 'di'i gzhan gyi don bdag nyid kyi don las khyad par du 'phags pa de sgrub par byed de/gzhan gyi don du bdag nyid la shin tu gdung bar byed ba'i phyir ro/ /gzhan gyi don sgrub par rnam par dbye bar tshigs su bcad pa gnyis te/ tha dad 'bring dang mchog chos nyid gnas la/ /legs par ston dang mgu byed 'jug pa dang / /don la rnam nges dge la yongs smin byed//de bzhin gdams ngag gnas dang blo rnams grol/ /yon tan khyad par can 'grub de bzhin du/ /rigs su skye dang lung bstan dbang bskur dang / /de bzhin gshegs mkhyen bla med go 'phang ste/ /bcu gsum bdag nyid 'di ni gzhan gyi don/ /sems can gyi ris rnam pa gsum po rigs dman pa dang 'bring dang khyad par can la gnas pa la byang chub sems dpa'i gzhan gyi don rnam pa bcu gsum ste/rjes su bstan pa dang / kun brjod pa'i cho 'phrul dag gis legs par ston pa dang / rdzu 'phrul gyi cho 'phrul gyis mgu bar byed pa dang / bstan pa khas len du gzhug pa'i phyir 'jug pa dang /zhugs pa rnams kyi the tshom gcod pa'i phyir don la rnam par nges par byed pa dang / dge ba'i rtsa ba yongs su smin par byed pa dang / 'doms pa dang / sems gnas par byed pa dang / shes rab rnam par grol bar byed pa dang / mngon [(]bar [,]par [)]shes pa la sogs pa yon tan khyad par can rnams yang dag par 'grub par byed pa dang /de bzhin gshegs pa'i rigs su skye ba dang / sa brgyad pa la lung bstan pa dang / sa bcu pa la dbang bskur ba dang / de bzhin gshegs pa'i ye shes dang ldan pa'o/ /rnam pa bcu gsum po 'di dag ni ci rigs par rigs la gnas pa gsum byang chub sems dpa'i don yin no//gzhan gyi don sgrub pa phun sum tshogs par tshigs su bcad pa/ skye bo dang mthun phyin ci ma log 'chad/ /mi 'gying ba dang bdag gi med la mkhas/ /bzod dul shin tu ring song mi bzad pa/ /rgyal sras rnams kyi sgrub pa mchog yin no//'dis ni gzhan gyi don sgrub pa 'di phun sum tshogs pa yin pa de ston to/ /'di ji ltar phun sum tshogs pa yin zhe na/ gal te rigs la gnas pa'i skye bo dang mthun zhing / phyin ci ma log par 'chad par 'gyur ba dang / 'gying ba med par mgu bar 'gyur ba dang /mi mthun pa mi byed pas bdag gi ba med par 'jug pa ste/ rdzu 'phrul gyis mi rlom zhing sems can zhugs pa rnams la bdag gi bar 'dzin pa med pa dang / don rnam par nges par bya ba la mkhas pa'i sgrub pa yin te/ dge ba yongs su smin par bya ba la bzod pa'i sgrub pa yin/dul bas 'doms pa la sogs pa'i sgrub pa yin te/ ma dul bas ni gzhan dag la gdams pa la sogs bstan par mi nus so/ /rigs su skyes pa la sogs pa shin tu ring du song ba'i sgrub pa yin no/ /ring du ma song ba'i sgrub pas ni/ gzhan dag rigs su skyes pa la sogs par bya bar mi nus so//byang chub sems dpa'i sgrub pa 'di dag thams cad kyang khas blangs pa'i sems can mi zad pa'i phyir mi zad pa yin te/ de'i phyir yang phun sum tshogs pa yin par rig par bya'o/ /sgrub pa khyad par du bya bar tshigs su bcad pa gnyis te/ 'dod ldan skye bo 'jigs pa che la 'jug /srid dga' phyin ci log bde g.yo ba la/ /zhi dga' rang gi len par rab zhi la/ /snying rje'i bdag nyid len kun zhi la rtag /skye bo rmongs pa rang gi bde don brtson/ /rtag tu de ma thob par sdug bsngal 'gyur/ /brtan pa rtag tu gzhan don brtson pa ni//gnyi ga'i don byas mya ngan 'da' bar 'gyur/ /de la 'dod pa rnams 'jigs pa chen po nyid yin pa ni lus dang sems kyi sdug bsngal mang po dang / ngan 'gror 'gro ba'i rgyu yin pa'i phyir ro/ /phyin ci log gi bde ba g.yo ba ni gzugs dang gzugs med pa'i srid pa'i dga' ba rnams mi rtag pa nyid kyi phyir dang /'du byed kyi sdug bsngal gyis don dam par sdug bsngal ba'i phyir ro/ /len pa dag ni nyon mongs pa rnams su rig par bya ste/ sdug bsngal len pa'i phyir ro/ /skye bo rmongs pa rtag tu rang bde ba'i don du zhugs pa ni bde ba mi 'thob kyi/sdug bsngal kho na 'thob bo/ /byang chub sems dpa' gzhan gyi don du zhugs pa ni/ rang dang gzhan gyi don bsgrubs nas mya ngan las 'das pa'i bde ba 'thob ste/ 'di ni sgrub pa'i khyad par gzhan yin no/ /spyod yul yongs su bsngo bar tshigs su bcad pa/ rgyal sras spyod tshe ji lta ji lta bur//dbang po'i spyod yul sna tshogs 'jug 'gyur ba/ /de lta de ltar rigs shing mthun tshig gis/ /sems can phan phyir de mngon 'du byed do/ /byang chub sems dpa' spyod lam byed pa'i spyod pa la 'jug pa na rnam pa gang dang gang gis mig la sogs pa'i dbang po'i spyod yul sna tshogs la 'jug pa'i rnam pa de dang der 'brel zhing 'dra ba'i tshig gis sems can rnams la phan par bya ba'i phyir de thams cad ji ltar spyod yul yongs su dag pa'i mdo las rgyas par bstan pa bzhin mngon par 'du byed do//sems can rnams la mi bzod pa dgag par tshigs su bcad pa/rtag tu nyes pas rang dbang med par byas sems kyis / /skye bo la ni blo ldan nyes par mi 'dzin te/ /mi 'dod bzhin du log par sgrub par 'gyur ro zhes/ /skye bo dag la snying rje rnam par 'phel phyir ro/ /rtag tu nyon mongs pa rnams kyis rang dbang med par byas pa'i sems dang ldan pa'i skye bo la byang chub sems dpa' nyes par mi 'dzin to//de ci'i phyir zhe na/ 'di dag ni mi 'dod bzhin du log par sgrub pa dag tu 'gyur ro zhes bya bar rig nas snying rje 'phel bar 'gyur ba'i phyir ro/ /sgrub pa'i che ba nyid kyi tshigs su bcad pa/ sgrub pa 'di ni srid dang 'gro ba kun//zil gyis mnan 'gro zhi ba mchog dang ldan/ /yon tan sna tshogs tshogs kyis rnam par 'phel/ /byams pa'i bsam pas rtag tu 'gro ba sdud/ /che ba nyid ni rnam pa bzhi ste/ zil gyis gnon pa'i che ba nyid ni/ srid pa gsum dang 'gro ba lnga po thams cad zil gyis mnan nas 'gro ba'i phyir te/ji skad du/ shes rab kyi pha rol tu phyin pa las/ rab 'byor gal te gzugs dngos por 'gyur gyi / dngos po med pa ma yin na shes rab kyi pha rol tu phyin pa 'dis lha dang mi dang lha ma yin du bcas pa'i 'jig rten zil gyis mnan nas nges par 'byung bar mi 'gyur zhes bya ba la sogs pa rgyas par gsungs pa lta bu'o//mya ngan las 'das pa'i che ba nyid ni mi gnas pa'i mya ngan las 'das pa dang ldan pa'i phyir ro/ /yon tan gyi che ba nyid dang / sems can yongs su mi gtong ba'i che ba nyid ni yon tan gyis 'phel ba pa dang /'gro ba sdud pa'i phyir ro/ /sgrub pa'i skabs rdzogs so// //don dam pa'i mtshan nyid du tshigs su bcad pa/ yod min med min de bzhin min gzhan min/ /skye dang 'jig med 'bri bar mi 'gyur te/ /'phel ba med cing rnam par dag pa'ang med/ rnam par dag 'gyur de ni don dam mtshan//gnyis med pa'i don ni don dam pa ste/ gnyis med pa'i don de yang rnam pa lngas yang dag par ston to/ /kun brtags pa dang gzhan gyi dbang gi mtshan nyid kyis ni yod pa ma yin no/ /yongs su grub pa'i mtshan nyid kyis ni med pa ma yin no/ /kun brtags pa dang gzhan gyi dbang dag dang yongs su grub par gcig pa nyid med pas de bzhin ma yin no//de dag kho na dang gzhan pa nyid med pas gzhan ma yin no/ /chos kyi dbyings 'dus ma byas pa'i phyir skye ba yang med/ 'jig pa yang med do/ /kun nas nyon mongs pa dang rnam par byang ba dag 'gag pa dang skye ba dang de bzhin gnas pa'i phyir 'bri bar yang mi 'gyur/'phel bar yang mi 'gyur ro/ /rang bzhin gyis kun nas nyon mongs pa can ma yin pa'i phyir/ rnam par dag par 'gyur ba med do/ /glo bur gyi nyon mongs pa dang bral bas rnam par ma dag pa yang ma yin te/de ltar na gnyis med pa'i mtshan nyid rnam pa lnga po de ni don dam pa'i mtshan nyid yin par rig par bya'o/ /bdag tu lta ba'i phyin ci log dgag par tshigs su bcad pa/ bdag tu lta ba bdag nyid bdag mtshan min/ /ngan par gnas min mtshan nyid mi 'dra phyir/ / gnyis las gzhan med de ni nor pa skyes/ /de phyir thar pa nor tsam zad pa yin/ /re zhig bdag tu lta ba nyid ni bdag gi mtshan nyid ma yin no/ /ngan par gnas pa nyid kyang ma yin te/ 'di ltar de ni bdag gi mtshan nyid du kun brtags pa'i bdag dang mtshan nyid mi 'dra ba'i phyir ro/ /de yang nye bar len pa'i phung po lnga ste/nyon mongs pa'i gnas ngan len gyis rab tu bskyed pa'i phyir ro/ /'di gnyis las gzhan pa'i bdag gi mtshan nyid kyang mi dmigs te/ de lta bas na bdag ni med kyi bdag tu lta ba gang yin pa de ni nor pa skyes pa yin no/ /bdag med pa nyid kyi phyir/ thar pa yang nor pa tsam du zad pa yin par rig par bya'i grol ba ni 'ga' yang med do//phyin ci log smad par tshigs su bcad pa gnyis te/ ji ltar 'khrul pa tsam brten skye bo yis/ /sdug bsngal rang bzhin rgyun chags rtogs mi 'gyur/ /rigs min rig nyid sdug bsngal sdug bsngal med//chos kyi rang bzhin de yi rang bzhin min/ /brten nas dngos rab skye bar mngon 'jug pa'i/ /skye bo ji ltar gzhan gyis byas la brten / /gang phyir yod pa mi mthong med mthong ba / /'di 'dra'i mun nag rnam pa de gang zhig /ji ltar na 'jig rten 'di dag tu lta ba nor pa tsam la brten nas 'du byed rnams kyi sdug bsngal gyis ngo bo nyid rtag tu rjes su 'brel pa mi mthong ste/sdug bsngal gyi rang bzhin de ni ye shes kyis rig par bya mi dgos te/ sdug bsngal nyams su myong bas rig pa yin no/ /sdug bsngal ma spangs pas sdug bsngal bar gyur pa yin la sdug bsngal dang ldan pa'i bdag med pa'i phyir sdug bsngal bar gyur pa med do//gang zag la bdag med pas chos tsam du zad pa'i phyir chos kyi rang bzhin yin no/ /chos la bdag med pas chos kyi rang bzhin ma yin no/ /yang gang gi tshe 'jig rten gyis de dang de la brten nas dngos po de dang de dag 'byung ngo zhes bya bar dngos po rnams kyi rten cing 'brel par 'byung ba mngon sum du mthong ba na de ji ltar mthong ba la sogs pa ni gzhan gyis byas kyi /rten cing 'brel par 'byung ba ni ma yin no zhes bya ba'i lta ba 'di la brten/ 'jig rten gyi mun nag gang rten cing 'brel par 'byung ba yod pa ni mi mthong gi /med pa bdag tu rtogs pa 'di 'dra ba de gang zhig yin te/ yod pa ni mun pas mi mthong bar nus kyi/ med pa mthong bar ni ma yin no/ /bdag med par zhi ba rung bar tshigs su bcad pa/ 'di la don dam tshul gyis zhi ba dang / / skye ba de gnyis khyad par ci yang med/ /'on kyang dge ba'i las rnams byed pa dag /skye ba zad pas zhi ba 'thob par bshad/ /don dam pa'i tshul bdag med par mnyam pa nyid kyis 'khor ba dang mya ngan las 'das pa dag la tha dad du bya ba ci yang med do/ / 'on kyang gang dag thar pa'i lam sgom pa dge ba'i las byed pa dag gi skye ba zad pas thar pa 'thob par 'gyur ba nyid do/ /phyin ci log smad pa byas nas de'i gnyen po don dam pa'i ye shes la 'jug par tshigs su bcad pa bzhi ste/ byang chub sems dpa' bsod nams ye shes kyi//mtha' yas pha rol tshogs rnams legs bsags nas/ /chos la sems pa shin tu rnam nges phyir/ /don gyi rnam pa brjod pa'i rgyu can rtogs/ /de yis brjod pa tsam du don rig nas/ /der snang sems tsam la ni yang dag gnas/ /de nas chos dbyings gnyis kyi mtshan nyid dang //bral ba mngon sum nyid du rtogs par 'gyur/ /sems las gzhan med par ni blos rig nas/ /de nas sems kyang med pa nyid du rtogs/ /blo dang ldan pas gnyis po med rig nas/ /de mi ldan pa'i chos kyi dbyings la gnas/ /blo dang ldan pa'i mi rtog ye shes stobs//rtag tu kun nas mnyam par song ba yis/ /de la brten pa'i nyes tshogs tshang tshing dag /dug sman chen pos dug bzhin sel bar byed/ /gcig gis ni tshogs chen po bsags pa dang / ting nge 'dzin la brten nas bsam pa'i phyir chos bsam pa nyid du rnam par nges pa nyid dang /yid kyi brjod pa yin pa'i phyir chos de dag don du snang bar rtogs pa'i phyir de la 'jug pa rab tu ston te / dus rab tu dbye ba grangs med pas 'di'i pha rol yongs su rdzogs pas na mtha' yas pha rol yin no/ /gnyis pas ni don rnams yid kyis brjod pa tsam du rig nas der snang ba'i sems tsam la gnas pa ston te/'di ni byang chub sems dpa'i nges par 'byed pa'i cha dang mthun pa'i gnas skabs yin no/ /de phan chad ni chos kyi dbyings gnyis kyi mtshan nyid gzung ba dang / 'dzin pa'i mtshan nyid dang bral ba mngon sum nyid du rtogs te/'di ni mthong ba'i lam gyi skabs yin no/ /gsum pas ni ji ltar 'dis chos kyi dbyings mngon sum nyid du rtogs pa ston to/ /ji ltar 'dis mngon sum du rtogs she na/ sems las gzhan pa'i dmigs pa gzung ba med do zhes bya bar blos rtogs nas gzung ba med na 'dzin pa yang med pa'i phyir sems tsam po de yang med pa nyid du khong du chud do//de gnyis med pa nyid du rig nas de dang mi ldan pa'i chos kyi dbyings gzung ba dang / 'dzin pa'i mtshan nyid dag dang bral ba la gnas te/ de ltar na chos kyi dbyings mngon sum nyid du rtogs pa yin no//bzhi pas ni bsgom pa'i lam gyi gnas skabs na gnas yongs su gyur pas don dam pa'i ye shes la 'jug pa ston te/ rnam par mi rtog pa'i ye shes kyi stobs kyis dus kun du mnyam pa nyid du song bas de la brten pa'i nyes pa'i tshogs ring du rjes su zhugs pa/ gnas ngan len gyi mtshan nyid dag dug sman chen pos dug bzhin du sel ba'i phyir ro//de gang la mnyam pa nyid du song zhe na/ gzhan gyi dbang gi ngo bo nyid la'o/ /don dam pa'i ye shes kyi che ba nyid kyi tshigs su bcad pa/ thub pas gsungs pa'i dam chos legs bzhag pa/ /rtsa ba'i chos kyi dbyings la blo gros bzhag /dran rgyu rtog pa tsam rig brtan pa dag /myur du yon tan rgya mtsho'i pha rol 'gro/ /byang chub sems dpa' don dam pa'i ye shes la zhugs pa des sangs rgyas kyis gsungs pa'i dam pa'i chos legs par bzhag pa'i rtsa ba'i sems bsdus pa'i chos la dmigs pa'i chos kyi dbyings la blo gros bzhag nas dran pa gang dang gang skye ba'i dran pa 'jug pa de dag thams cad rtog pa tsam du khong du chud de/de ltar na myur du yon tan rgya mtsho'i pha rol sangs rgyas nyid du 'gro bar 'gyur bas 'di ni don dam pa'i ye shes kyi che ba nyid yin no/ /de kho na nyid kyi skabs rdzogs so// //mthu'i mtshan nyid rnam par dbye bas tshigs su bcad pa/ skye dang ngag sems dge dang mi dge bskyed/ /de yi gnas dang 'byung ba mngon sum gang / /shes pa kun 'gro rab tu dbye bcas la/ /thogs med bstan pa thob pa'i mthu yin no/ /gzhan dag gi skye ba shes pa ni/'chi 'pho dang skye ba mngon par shes pa yin no/ /de dang de dag tu skyes pa rnams ci smra ba'i tshig shes pa ni/ lha'i rna ba'i mngon par shes pa yin no/ /sems shes pa ni sems kyi rnam grangs mngon par shes pa yin no/ /sngon dge ba dang mi dge ba bskyed pa shes pa ni/sngon gyi gnas mngon par shes pa yin no/ /gang na gdul bya dag 'khod pa de'i gnas su 'gro ba shes pa ni/ rdzu 'phrul gyi yul mngon par shes pa'o/ /ji ltar sems can rnams skye ba las 'byung bar 'gyur ba'i 'byung ba shes pa ni/zag pa zad pa'i mngon par shes pa yin te/ de ltar na 'jig rten gyi khams thams cad du don drug po de dag rab tu dbye ba dang bcas pa la shes pa mngon sum du gyur pa thogs pa med pa gang yin pa de ni byang chub sems dpa' rnams kyi mthu mngon par shes pas bsdus pa yin no//mthu'i mtshan nyid rnam par dbye ba la/ rang bzhin gyi don ni bshad zin to/ /rgyu'i don las brtsams te tshigs su bcad pa/ bsam gtan bzhi pa shin tu dag thob nas/ /mi rtog ye shes yongs su gzung ba dang / /ji ltar rnam gnas yid la byed pa las/ /mthu 'grub pa yi dam pa thob par 'gyur//rten gang dang / ye shes gang dang / yid la byed pa gang dag gis mthu de yang dag par 'grub pa de ston to/ /'bras bu'i don las brtsams te tshigs su bcad pa/ gang gis 'phags dang lha dang tshangs pa yi/ /gnas pa dpe med rgya ches rtag tu gnas//phyogs su de song sangs rgyas sems can dag /yang dag mchod byed rnam par dag pa bskyed / /mthu de'i 'bras bu rnam pa gsum ston te/ bdag nyid kyis 'phags pa la sogs pa'i bde bar gnas pa mtshungs pa med pa mchog dang 'jig rten gyi khams gzhan dag tu song ste/sangs rgyas rnams la mchod pa dang / sems can rnams rnam par sbyong ba'o/ /las rnam pa drug gi don las brtsams nas tshigs su bcad pa bzhi ste/ mthong ba'i lam dang ston pa'i las las brtsams te tshigs su bcad pa/ 'chags dang 'jig bcas sems can bcas pa yi//'jig rten khams kun sgyu ma lta bur mthong / /dbang ldan ji ltar 'dod bzhin de dag dang / /rnam bcas sna tshogs dag kyang yang dag ston/ /bdag nyid kyis kyang 'jig rten gyi khams 'chags pa dang 'jig pa dang bcas shing sems can dang bcas pa thams cad sgyu ma lta bu nyid du mthong la/dbang bcu thob pa'i phyir dbang dang ldan pa gzhan dag la yang ji ltar 'dod pa bzhin de dag dang / gzhan yang g.yo ba la sogs pa'i rnam pa sna tshogs ston pa'i phyir te/ de dag kyang ji skad du/ sa bcu pa'i sa brgyad pa las bstan pa lta bu yin no//'od zer gyi las las brtsams te tshigs su bcad pa/ /'od zer btang bas shin tu sdug bsngal ba'i/ /ngan song ba dag mtho ris 'gro bar byed/ /bdud gnas gzhal med khang mtho mdzes pa dag /bdud bcas kun du bskyod cing skrag par byed/ /'od zer gyi las rnam pa gnyis ston te/ngan song du skyes pa rnams dad pa bskyed nas mtho ris su skye bar byed pa dang / bdud kyi gnas bdud dang bcas pa rnams bskyod pas mi dga' bar byed pa'o/ /rnam par rol pa'i las dang sprul pa'i las las brtsams te tshigs su bcad pa/ de ni mchog tshogs nang du ting nge 'dzin/ /dpag med rnam par rol pa kun ston zhing / /las dang skye dang mchog gi sprul pa yis/ /sems can rnams kyi don du dus kun gnas/ /sangs rgyas kyi 'khor gyi dkyil 'khor gyi nang du ting nge 'dzin dpag tu med pas rnam par rol pa kun tu ston pa'i phyir dang /sprul pa rnam pa gsum gyis rtag tu sems can gyi don byed pa'i phyir te/ sprul pa rnam pa gsum ni bzo'i las kyi gnas sprul pa dang / 'dul ba'i dbang gis ji ltar 'dod pa bzhin skye ba sprul pa dang / dga' ldan gyi gnas na bzhugs pa la sogs pa mchog sprul pa'o//zhing yongs su dag pa'i las las brtsams te tshigs su bcad pa/ ye shes dag la dbang phyir zhing rnams ni/ /ji ltar 'dod bzhin bstan phyir dag pa 'thob/ /sangs rgyas mtshan mi grags par sangs rgyas mtshan/ /yang dag bsgrags pas de dag khams gzhan 'gyed//yongs su sbyong ba rnam pa gnyis kyis te/ snod yongs su sbyong bas ni ye shes la dbang ba'i phyir ji ltar 'dod pa bzhin/ sangs rgyas kyi zhing shel dang bai DUr+ya la sogs pa'i rang bzhin du kun tu ston pa'i phyir ro/ / sems can yongs su sbyong bas ni/ sangs rgyas kyi mtshan med pa'i 'jig rten gyi khams dag tu skyes pa'i sems can rnams la sangs rgyas kyi mtshan yang dag par bsgrags pas dad pa len du bcug nas de dang mi 'bral ba'i 'jig rten gyi khams dag tu bskyed pa'i phyir ro/ /ldan pa'i don las brtsams te tshigs su bcad pa/'dab gshog kun du rgyas pa'i bya bzhin du/ /sems can smin par byed par nus pa nyid/ /sangs rgyas las ni shin tu bsngags pa thob / /skye dgu rnams la tshig gzung 'os par 'gyur/ /ldan pa rnam pa gsum ston ste/ sems can yongs su smin par byed nus pa dang ldan pa dang /bsngags pa dang ldan pa dang / tshig gzung bar 'os pa dang ldan ba'o/ /'jug pa'i don las brtsams te tshigs su bcad pa/ mngon par shes pa drug dang rig pa gsum/ /rnam thar brgyad dang de bzhin zil gnon brgyad//zad par skye mched bcu dang ting nge 'dzin/ /dpag tu med par brtan pa thob pa'i mthu/ /byang chub sems dpa'i mthu ni rab tu dbye ba drug gis 'jug ste/ mngon par shes pa dang / rig pa dang / rnam par thar pa dang / zil gyis gnon pa'i skye mched dang / zad par gyi skye mched dang /ting nge 'dzin dpag tu med pa'i rab tu dbye ba dag gis so/ /de ltar rnam par dbye ba'i mtshan nyid kyi don drug gis mthu bshad nas/ de'i che ba'i bdag nyid brjod pa'i phyir tshigs su bcad pa/ de ni dbang mchog thob pa'i blo dang ldan/ /'gro ba dbang med rang dbang bkod rtag tu//gzhan la phan bya gcig tu mngon dga' ste/ /seng ge bzhin du rab brtan srid na spyod/ /che ba'i bdag nyid rnam pa gsum ston te/ /bdag nyid ye shes kyi mchog la dbang thob pas 'gro ba nyon mongs pas rang dbang med pa rang dbang yod pa la 'god pa'i phyir dbang gi che ba'i bdag nyid dang /rtag tu gzhan la phan par bya ba la gcig tu mngon par dga' ba'i phyir mngon par dga' ba'i che ba'i bdag nyid dang / srid pas mi 'jigs pa'i che ba'i bdag nyid do/ /mthu'i skabs rdzogs so// //byang chub sems dpa' yongs su smin par bsdu bar tshigs su bcad pa/dga' dang dad dang rab zhi snying brtse dang / /bzod dang yid gzhungs mthu can nyid dang ni/ /mi 'phrogs pa dang yan lag ldan pa rab/ /de ni rgyal sras yongs su smin pa'i mtshan/ /dga' ba ni theg pa chen po bshad pa'i chos la'o/ /dad pa ni de ston par byed pa la'o/ / rab tu zhi ba ni nyon mongs pa rnams so/ /snying brtse ba ni sems can rnams la'o/ /bzod pa ni dka' ba spyod pa la'o/ /yid gzhungs pa ni len pa dang / 'dzin pa dang / khong du chud pa dag la'o/ /mthu can nyid ni rtogs par bya ba la'o/ /mi 'phrogs pa ni bdud dang phas kyi rgol ba dag gis so//yan lag ldan pa ni/ spong ba'i yan lag rnams dang ldan pa nyid do/ /rab ces bya ba ni/ dga' ba la sogs pa chen po nyid ston par byed do/ /rnam pa dgu po de ni mdor na byang chub sems dpa' rnams kyis bdag yongs su smin pa yin par rig par bya'o/ /dga' ba yongs su smin pa las brtsams te tshigs su bcad pa/grogs mchog la sogs gsum dang brtson rab dang / /mthar phyin dam pa dang ni chos mchog sdud/ /dam chos cher gzung phyir ni snying rje can/ /yang dag yongs su smin pa'i mtshan nyid 'dod/ /grogs po mchog la sogs pa gsum ni skyes bu dam pa la brten pa dang /dam pa'i chos nyan pa dang / tshul bzhin yid la byed pa'o/ /brtson pa'i rab ni brtson 'grus chen po rtsom pa'o/ /mthar phyin pa'i dam pa ni/ bsam gyis mi khyab pa'i gnas thams cad la the tshom med pa'o/ /chos kyi mchog sdud pa ni theg pa chen po'i chos srung ba ste/de la zhugs pa rnams la 'tshe ba dag las srung ba'i phyir ro/ /de ni byang chub sems dpa'i theg pa chen po'i chos yongs su gzung ba'i dbang du byas nas/ dga' ba yongs su smin pa'i mtshan nyid yin par rig par bya ste/rgyu gang gis yongs su smin par 'gyur zhe na/ grogs po mchog la sogs pa gsum gyis so/ /de'i yongs su smin pa gang yin zhe na/ brtson pa'i rab dang mthar phyin pa'i dam pa dang ldan pa'o/ /las gang yin zhe na/ chos kyi mchog sdud pa ste/'dis ni de dag yongs su bstan to/ /dad pa yongs su smin pa las brtsams te tshigs su bcad pa/ yon tan shes dang sems kyang mi phyed dang / /ting 'dzin myur du thob dang 'bras bu myong / /ston la yid ches bya phyir rgyal sras kyi/ /yang dag yongs su smin pa'i mtshan nyid 'dod//de yongs su smin pa yang rgyu dang rang bzhin dang las kyis bstan to/ /yon tan shes pa ni 'di ltar bcom ldan 'das de ni de bzhin gshegs pa zhes bya ba la sogs pa rgyas par 'byung ba lta bu ste rgyu'o/ /shes nas dad pa thob pa'i phyir sems mi phyed pa ni rang bzhin no//ting nge 'dzin myur du thob pa dang / de'i 'bras bu mngon par shes pa la sogs pa nyams su myong ba ni las so/ /rab tu zhi ba yongs su smin pa las brtsams te tshigs su bcad pa/ shin tu sdom zhing nyon mongs rtog pa spong / /bar chad med cing dge la mngon par dga'//rgyal ba'i sras kyis nyon mongs bsal ba'i phyir/ /yang dag yongs su smin pa'i mtshan nyid 'dod/ /nyon mongs sel ba ni byang chub sems dpa'i rab tu zhi ba ste/ de yongs su smin pa yang rgyu dang rang bzhin dang las kyis bstan to/ / dran pa dang shes bzhin dag gis dbang po rnams shin tu sdom pa ni rgyu'o/ /nyon mongs pa can gyi rnam par rtog pa spong ba ni rang bzhin no/ /gnyen po sgom pa la bar chad med pa dang dge ba la mngon par dga' ba ni las so/ /snying brtse ba yongs su smin pa'i mtshan nyid kyi dbang du byas te tshigs su bcad pa/rang bzhin snying brtse gzhan gyi sdug bsngal mthong / /dman pa'i sems kyang yang dag rab tu spong / /khyad par 'gro dang 'gro ba'i mchog gyur lus/ /gzhan la snying brtse yongs su smin pa'i mtshan/ /de rang bzhin te rigs dang / gzhan sdug bsngal bar mthong ba dang /theg pa dman pa yongs su spong pas yongs su smin par 'gyur ba ni rgyu'o/ /yongs su smin pa 'phel bar 'gyur ba'i phyir khyad par du 'gro ba ni rang bzhin no/ /phyir mi ldog pa'i sa la 'jig rten thams cad pas lus mchog tu gyur pa ni las so/ /bzod pa yongs su smin pa'i mtshan nyid las brtsams te tshigs su bcad pa/rang bzhin brtan pa so sor brtags sgom pa/ /grang sogs shin tu sdug bsngal rtag mi mjed/ /khyad par 'gro dang dge la mngon par dga'/ /bzod pa yongs su smin pa'i mtshan nyid 'dod/ /brtan pa dang mi mjed pa dang bzod pa zhes bya ba ni rnam grangs te/yongs su smin pa la rigs dang so sor brtags te sgom pa ni rgyu'o/ /grang ba la sogs pa'i sdug bsngal mi bzad pa rnams ji mi mjed pa ni rang bzhin no/ /bzod pa khyad par du 'gro ba dang / dge ba la mngon par 'dod pa ni las so//yid gzhungs pa yongs su smin pa las brtsams te tshigs su bcad pa/ rnam smin dag cing thos sogs dran mi brjed/ /de bzhin legs bshad nyes par smras pa dag /rab shes blo chen skye bar rung ba nyid/ /shin tu yid gzhungs yongs su smin pa'i mtshan/ /de la yid gzhungs pa dang mthun pa'i rnam par smin pa dag ni rgyu'o//dran pas thos pa dang bsams pa dang bsgoms pa byas nas ring mo zhig lon pa dang smras nas ring mo zhig lon pa mi brjed pa dang / legs par bshad pa dang / nyes par smras pa don rab tu shes pa ni yid gzhungs pa yongs su smin pa'i rang bzhin no//'jig rten las 'das pa'i shes rab skye bar rung ba nyid ni las so/ /mthu thob pa yongs su smin pa las brtsams te tshigs su bcad pa/ dge ba gnyis kyis khams gnyis brtas pa dang / /rten ni 'bras bu skye bar rung ba'i mchog /yid la bsam grub 'gro ba'i mchog gyur pa//mthu thob yongs su smin pa'i mtshan nyid do/ /de la bsod nams dang ye shes gnyis kyis bsod nams dang ye shes de gnyis kyi sa bon brtas pa ni de yongs su smin pa'i rgyu'o/ /rten rtogs par bya bar rung ba ni/ de yongs su smin pa'i rang bzhin no//yid la bsam pa phun sum tshogs pa grub pa dang 'gro ba'i mchog tu gyur pa ni las so/ /mi 'phrogs pa yongs su smin pa las brtsams te tshigs su bcad pa/ chos bzangs rigs pas rnam dpyad bsam pa can/ /rtag tu bdud kyis bar chad byed pa med//khyad par rnyed dang gzhan gyi phyogs sun 'byin/ /mi 'phrogs yongs su smin pa'i mtshan nyid do/ /dam pa'i chos la rigs pas rnam par dpyad pa byas pa'i bsam pa ni de yongs su smin pa'i rgyu'o/ /lam la bdud kyi bar chad bya bar mi nus shing bdud kyi bar chad med pa ni rang bzhin no//khyad par rtogs pa dang gzhan gyi phyogs sun 'byin pa ni las so/ /spong ba'i yan lag dang ldan pa yongs su smin pa las brtsams te tshigs su bcad pa/ dge ba bsags dang rten kyang brtson par rung / /dben dang dge ba mchog la mngon par dga'//rgyal ba'i sras kyi yan lag ldan pa yi/ /yang dag yongs su smin pa'i mtshan nyid do/ /de yongs su smin pa'i rgyu ni dge ba'i rtsa ba bsags pa'o/ /rten brtson 'grus rtsom par bzod pa ni rang bzhin no/ /dben pa dang dge ba'i mchog la mngon par dga' ba ni las so/ /bdag yongs su smin pa rnam pa dgu'i cha ba'i bdag nyid las brtsams te tshigs su bcad pa/de ltar dngos po rnam dgu smin pa'i bdag /pha rol yongs su smin byed rung dang ldan/ /chos kyi rang bzhin rgyun 'phel bdag nyid can/ /rtag tu 'gro ba'i gnyen mchog gyur pa yin/ /de'i che ba'i bdag nyid ni rnam pa gnyis te/gzhan yongs su smin par bya ba'i ston par gyur pa dang / rtag tu chos kyi skus 'phel ba'o/ /de nyid kyi phyir 'gro ba'i gnyen gyi mchog tu gyur pa yin no/ /sems can yongs su smin pa rnam par dbye ba las brtsams te tshigs su bcad pa bcu gcig go/ /ji ltar rma dang zas la de dag gi//gzag dang dpyad du rung ba smin 'dod ltar/ /de bzhin rten 'dir phyogs gnyis zhi ba dang / /de bzhin dpyad pa nyid du smin pa bstan/ /'dis ni yongs su smin pa'i rang bzhin ston te/ ji ltar rma'i yongs su smin pa brtol ran pa yin pa dang / kha zas kyis yongs su smin pa dpyad du rung ba de bzhin du/sems can rnams kyi rten rma dang kha zas lta bu la gzags pa lta bu mi mthun pa'i phyogs zhi ba dang dpyad pa lta bu gnyen po'i phyogs dpyad pa dag tu rung ba ni rten yongs su smin pa ste/ phyogs gnyis ni 'dir mi mthun pa'i phyogs dang / gnyen po'i phyogs yin par rig par bya'o//tshigs su bcad pa gnyis pa/ lus can bral bar smin byed de bzhin du/ /yongs smin rab smin mthun par smin byed gzhan/ /legs par smin byed rtogs pa smin byed dang / /rtag smin gong du smin byed bshad par 'dod/ /'dis ni yongs su smin pa'i rab tu dbye ba ston te/nyon mongs pa dang bral bar smin par byed pa ni bral bar smin par byed pa'o/ /thams cad du theg pa gsum gyis smin par byed pa ni yongs su smin par byed pa'o/ /phyi rol pa'i yongs su smin pa las khyad par du 'phags pa'i phyir mchog tu smin par byed pa ni/rab tu smin par byed pa'o/ /gdul bya ji lta ba bzhin du chos ston pa'i phyir/ 'tsham par smin par byed pa ni mthun par smin par byed pa'o/ /gus par smin par byed pa ni legs par smin par byed pa'o/ /rtogs pas smin par byed pa ni rtogs pa smin par byed pa'o/ / phyin ci ma log pa'i don gyis rtag tu smin par byed pa ni rtag tu smin par byed pa'o/ /yongs su nyams par mi 'gyur ba'i don gyis gong nas gong du rim gyis smin par byed pa ni gong nas gong du smin par byed pa ste/ de ltar na rnam pa brgyad po 'di ni gzhan yongs su smin pa'i rab tu dbye ba yin no//tshigs su bcad pa gsum pa dang bzhi pa/ ji ltar rgyal sras phan pa'i bsam pas 'dir/ /'gro kun rnam par smin byed gnas pa ltar/ /de bzhin pha dang ma dang gnyen bshes rnams/ /bu dang gnyen po rnams la legs mi gnas/ /ji ltar brtse bdag bde dang phan sbyor phyir//sems can gzhan la byams 'dod de ltar ni/ /skye bo bdag la byams par mi 'dod na/ /rab sdug skye bo gzhan bstan smos ci dgos/ /'di gnyis cis ci ston zhe na/ byang chub sems dpa' bsam pa ji lta bus sems can rnams yongs su smin par byed pa'i bsam pa de ston par byed de/phan pa dang bde ba la yang dag par sbyor ba'i phyir/ pha ma dang gnyen bshes kyi bsam pa las khyad par du 'phags pa dang / 'jig rten bdag la byams pa las khyad par du 'phags pa'i bsam pa yin no/ /'jig rten bdag la byams pa ni bdag nyid phan pa ma yin pa dang /bde ba ma yin pa la sbyor ro/ /tshigs su bcad pa lhag ma rnams kyis ni sbyor ba gang gis sems can rnams yongs su smin par byed pa de pha rol tu phyin pa sgrub pas yang dag par ston te/ sbyin pa ji lta bus sems can rnams ji ltar yongs su smin par byed pa de las brtsams te tshigs su bcad pa/byang chub sems dpa'i lus dang longs spyod dag /gzhan la mi sbyin pa ni yong med de/ /phan 'dogs rnam pa gnyis kyis gzhan smin byed/ /mnyam par sbyin pa'i yon tan ngoms mi 'gyur/ /sbyin pa rnam pa gsum gyis sems can yongs su smin par byed de/rang gi lus dang longs spyod thams cad sbyin pa dang / mi mnyam pa med par sbyin pa dang / ngoms pa med par sbyin pas so/ /ji ltar yongs su smin par byed ce na/ tshe 'di dang tshe phyi ma la phan 'dogs pas te/ phongs pa med par 'dod pa yongs su rdzogs par byed pa'i phyir dang /des bsdus nas dge ba la 'god pa'i phyir ro/ /tshul khrims ji lta bus sems can rnams ji ltar yongs su smin par byed pa de las brtsams nas tshigs su bcad pa/ bstan pa rang bzhin lhag par 'tshe ba med/ /bdag dga' bag yod 'di la gzhan 'god cing //phan rnam gnyis 'dogs rnam par smin pa dang / /rgyu mthun yon tan brgyud pas gzhan smin byed/ /tshul khrims rnam pa lnga ste/ bstan pa'i tshul khrims dang / rang bzhin gyi tshul khrims dang / lhag par 'tshe ba med pa'i phyir yongs su rdzogs pa'i tshul khrims dang /dge ba bcu'i las kyi lam yongs su rdzogs pa'i phyir 'tshe ba med pa ni lhag par 'tshe ba med pa ste/ sa gnyis pa las ji skad 'byung ba bzhin no/ /bdag nyid de la dga' ba'i phyir rtogs pa'i tshul khrims dang / bag yod pa'i phyir rtag tu 'khrul pa med pa'i tshul khrims kyis so//ji ltar yongs su smin par byed ce na/ tshul khrims la 'god pas tshe 'di dang phyi ma la phan pa rnam pa gnyis byed pas so/ /gzhan la tshe phyi ma la phan 'dogs pa ni rnam par smin pa dang rgyu mthun pa'i yon tan dag brgyud pas byed de/de'i rnam par smin pa dang rgyu mthun pa dag phan tshun mthun pas rgyun mi 'chad pa'i phyir ro/ /bzod pa ji lta bus sems can rnams ji ltar yongs su smin par byed pa de las brtsams nas tshigs su bcad pa/ gzhan gnod byed la phan byed blo ldan pa/ /gnod byed drag po dag kyang rab tu bzod//thabs rig gnod byed bzod pa de dag gis/ /gnod byed dge ba yang dag len du 'jug /gzhan gnod pa byed pa la phan pa byed pa'i blo dang ldan pa'i phyir/ /gnod pa byed pa drag po la ji mi snyam pa'i bzod pas yongs su smin par byed de/ phan pa byed pa'i blo nyid ni bzod pa'i pha rol tu phyin pa yongs su rdzogs par 'gyur ba dang mthun par 'jug pa las rig par bya'o//ji ltar yongs su smin par byed ce na/ gnod pa byed pa la mi mjed pa'i phyir tshe 'di la phan 'dogs pa dang / thabs shes pa gnod pa byed pa la mi mjed pa de dag gis gnod pa byed pa rnams dad par byas nas dge ba yang dag par len du 'jug pa'i phyir tshe phyi ma la phan 'dogs pas so//brtson 'grus ji lta bus sems can ji ltar yongs su smin par byed pa de las brtsams te tshigs su bcad pa/ rgyal sras brtson 'grus mchog la brten pa ste//sems can tshogs rab smin par byed pa na/ /pha rol sems dge gcig gis phyir yang ni/ /bskal pa bye ba stong du'ang skyo mi 'gyur/ /brtson 'grus chen po yun ring por mi skyo bas te/ yun ring por mi skyo ba nyid ni gzhan gyi sems dge ba gcig gi phyir yang bskal pa bye ba stong phrag tu mi skyo bas sems can mtha' yas pa yongs su smin par byed pa'i phyir ro//de nyid kyi phyir ji ltar yongs su smin par byed ce na/ sems dge ba la yang dag par sbyor bas tshe 'di dang / tshe phyi ma la phan 'dogs pas so zhes bshad par 'gyur ro//bsam gtan ji lta bus sems can rnams ji ltar yongs su smin par byed pa de las brtsams te tshigs su bcad pa/ yid kyi dbang ni bla na med thob nas/ /gzhan gyis mchod 'dod thams cad nges bcom ste/ /mchog gi bstan la gzhan dag 'dun byed cing //de dag dge bas yang dag 'phel bar byed/ /bsam gtan gyi dbang bla na med pa thob pa dang / zang zing med pa gzhan gyis mchod par 'dod pa thams cad nges par bcom pas yongs su smin par byed de/ gzhan sangs rgyas kyi bstan pa la 'dun par byed pa dang /'dun par byas pa la dge ba'i chos spel ba'i sgo nas yongs su smin par byed do/ /shes rab ji lta bus ji ltar yongs su smin par byed pa de las brtsams te tshigs su bcad pa/ de nyid dgongs don tshul las rab nges te/ /sems can the tshom shin tu sel bar byed//de phyir rgyal ba'i bstan la de gus pas/ /rang gzhan dge ba'i yon tan rnam 'phel byed/ /byang chub sems dpa' de de kho na'i don gyi tshul dang / dgongs pa'i don gyi tshul la shin tu rnam par nges pa'i shes rab kyis yongs su smin par byed do/ /ji ltar yongs su smin par byed ce na/sems can rnams kyi the tshom rnam par sel ba'i phyir ro/ /de'i phyir de dag bstan pa la gus pas bdag dang gzhan gyi yon tan yang dag par 'phel bar byed pa nyid kyis so/ /mjug bsdu ba'i tshigs su bcad pa/ de ltar byang chub sems dpa' snying rje yis //'gro kun bde 'gror 'gro ba'am dge gsum la/ /rnam pa chung dang mchog dang 'bring dag gis/ /'jig rten yod dang mnyam par 'jug pas 'dul/ /'dis ni sus 'dul ba ste/ byang chub sems dpa' dang / gang gis 'dul ba ste snying rje dang / gang 'dul ba ste 'gro ba mtha' dag dang / gang du 'dul ba ste bde 'gror 'gro ba'am/ theg pa gsum dang / yongs su smin par byed pa'i rnam pa ji lta bu dag dang / dus ji srid pa de dag yongs su bstan pas yongs su smin pa'i che ba'i bdag nyid mdor bstan to/ /de la rnam pa chung ngu ni mos pas spyod pa la gnas pa'i byang chub sems dpa'i'o//mchog ni brgyad pa la sogs pa la gnas pa'i'o/ /'bring ni bdun pa la gnas pa'i yin par rig par bya'o/ /'jig rten yod pa ji srid pa de dang mnyam par 'jug pas te/ gtan du zhes bya ba'i tha tshig go//yongs su smin pa'i skabs rdzogs so// //thams cad mkhyen pa nyid la tshigs su bcad pa gnyis te/ gsum pa ni de dag nyid kyi bshad par gyur pa'o/ /dka' spyod dpag med brgya phrag dang / dpag med dge ba bsags pa dang / dpag tu med pa'i dus dang ni/ / dpag med sgrib pa zad pa'i phyir/ /sgrib pa kun gyi dri med pa/ /rnam pa thams cad mkhyen nyid 'thob/ /rin chen snod ni phye ba ltar/ /sangs rgyas nyid ni yang dag bstan/ /ngal brgyas rmad byung dka' spyad dge kun bsags/ /bskal mchog dus ring 'gro ba'i sgrib kun zad/ / sar gtogs sgrib pa phra bcom sangs rgyas te/ /de ni mthu che rin chen snod phye bzhin/ /yang dag par 'grub pa dang / ngo bo nyid dang / dpe'i sgo nas sangs rgyas nyid bstan to / /dka' ba spyod pa brgya phrag ji snyed dang / dge ba'i tshogs ji snyed dang / dus ji srid dang / nyon mongs pa dang /shes bya'i sgrib pa ji tsam spangs pas yang dag par 'grub pa 'di ni yang dag par 'grub pa'o/ /sgrib pa thams cad kyi dri ma med pa rnam pa thams cad mkhyen pa nyid 'thob pa ni ngo bo nyid do/ /rin po che'i snod phye ba ni de'i dpe'o/ /sangs rgyas nyid de'i gnyis su med pa'i mtshan nyid mthu dang bcas pa la tshigs su bcad pa gnyis te/gsum pa ni de dag nyid kyi bshad par gyur pa'o/ /chos rnams thams cad sangs rgyas nyid/ /chos ni gang yang yod ma yin/ /de ni chos dkar rang bzhin yang / /de yis de ni brjod ma yin/ /rin chen chos kyi rgyu mtshan phyir//de ni rin chen 'byung gnas bzhin/ /dge ba'i lo tog rgyu mtshan phyir/ /de ni sprin dang 'dra bar 'dod/ /de bzhin nyid tha dad pa'i rang bzhin ma yin pa'i phyir dang / sangs rgyas nyid kyang de rnam par dag pas rab tu phye ba'i phyir chos thams cad kyang sangs rgyas nyid yin la chos gang yang kun brtags pa'i chos kyi ngo bo nyid du yod pa ma yin no//pha rol tu phyin pa la sogs pa dge ba rnams de'i ngo bor yongs su gyur pa'i phyir sangs rgyas nyid de ni chos dkar po'i rang bzhin yang yin la/ pha rol tu phyin pa la sogs pa pha rol tu phyin pa'i ngo bor yongs su ma grub pa'i phyir/de dag gis de bstan par bya ba yang ma yin te/ 'di ni gnyis su med pa'i mtshan nyid yin no/ /rin po che'i 'byung gnas dang / sprin lta bu nyid ni mthu yin te/ bstan pa'i chos rin po che rnams de las rab tu 'byung ba'i phyir dang /gdul bya'i rgyud kyi zhing la dge ba'i lo tog rnams rab tu bskrun pa'i phyir ro/ /sangs rgyas nyid ni chos kun ldan pa'am yang na chos kun bral ba ste/ /rin chen chos rab che yangs 'byung phyir rin chen chos kyi 'byung gnas bzhin/ /skye dgu rnams la legs bshad mi zad chos kyi char chen 'bebs pas na//'byung po'i lo tog dkar po shin tu che 'phel rgyu phyir sprin dang 'dra/ /tshigs su bcad pa gsum pa 'dis ni don de nyid ston te / chos rin po che rab tu che zhing yangs pa 'byung ba'i rgyu mtshan yin pa'i phyir rin po che'i 'byung gnas bzhin no/ / skye dgu rnams la legs par bshad pa mi zad pa'i chos kyi char chen po 'bebs pas na zhes bya bar 'dir tshig rnam par sbyar bar rig par bya'o/ /'byung po rnams kyi dkar po'i lo tog shin tu chen po 'phel ba'i rgyu yin pa'i phyir sprin dang 'dra'o/ /sangs rgyas de nyid skyabs bla na med pa yin pa la tshigs su bcad pa lnga'o//rtag tu nyon mongs tshogs kun dang / /nyes par spyod pa thams cad dang / /rga dang 'chi ba dag las kyang / /sangs rgyas nyid ni yongs su skyob/ /'dis ni mdor na nyon mongs pa dang las dang skye ba'i kun nas nyon mongs pa las yongs su skyob pa'i don gyis skyabs nyid yin par ston to//'tshe ba dag ni thams cad dang / /ngan song dang ni thabs min dang / /'jig tshogs theg pa dman dag las/ /de phyir skyabs kyi dam pa'o/ /gnyis pa 'dis ni 'tshe ba la sogs pa las yongs su skyob pa'i phyir rgya cher bstan to/ /de la 'tshe ba thams cad las yongs su skyob pa nyid ni/sangs rgyas kyi mthus long ba rnams kyis ni mig thob po/ /'on pa rnams kyis ni rna ba thob po/ /sems 'khrugs pa rnams kyis ni rang gi sems thob po/ /nad 'go ba rnams ni zhi bar gyur to/ /zhes bya ba de lta bu la sogs pa gang yin pa'o//ngan song las yongs su skyob pa nyid ni sangs rgyas kyi 'od kyis der song ba rnams thar par byas pa'i phyir dang / der mi 'gro ba la 'god pa'i phyir ro/ /thabs ma yin pa las yongs su skyob pa nyid ni mu stegs can gyi lta ba las slong ba'i phyir ro/ /'jig tshogs las yongs su skyob pa nyid ni theg pa gnyis kyis yongs su mya ngan las zlo ba'i phyir ro//theg pa dman pa las yongs su skyob pa nyid ni ma nges pa'i rigs can rnams theg pa chen po la bgrod pa gcig par byed pa'i phyir ro/ /sangs rgyas nyid de skyabs ni dpe med mchog tu 'dod/ / sna tshogs 'jigs 'gyur 'jig tshogs kun dang theg pa dang / /ngan song rnam mang sdug bsngal thabs min song ba rnams/ /skye dang 'chi dang nyon mongs ngan song kun las srung / /gsum pa 'dis ni gang gis na skyabs de nyid dpe med cing mchog nyid kyis bla na med pa yin pa de don de nyid kyis ston to//sangs rgyas chos kyis shin tu rdzogs pa'i sku gang yin/ /dam pa'i chos la sems can rab 'dul mkhyen pa gang / /'gro ba kun la thugs rje pha rol phyin pa gang / /sangs rgyas nyid de 'dir ni skyabs kyi mchog tu 'dod/ /bzhi pa 'dis ni rgyu gang dag gis skyabs de de ltar bla na med pa yin pa de ston te/rang gi don gyi mthar thug pa'i dbang du byas nas sangs rgyas kyi chos stobs dang mi 'jigs pa la sogs pa shin tu rdzogs pa'i ngo bo nyid kyi phyir ro/ /gzhan gyi don mthar thug pa'i dbang du byas nas dam pa'i chos la sems can 'dul ba'i thabs mkhyen pa'i phyir dang /thugs rjes pha rol tu phyin pa'i phyir ro/ /'jig rten ji srid sems can gyi/ /gnod dang phun sum tshogs pa kun/ /bzlog cing 'byor par bya ba'i phyir/ /sangs rgyas skyabs chen nyid du 'dod/ /tshigs su bcad pa lnga pa 'dis ni dus ji srid cig tu sems can ji rnyed cig gi gang gi don du skyabs yin pa de mdor bstan to//gang gi don du zhes bya ba ni/ gnod pa thams cad bzlog pa dang / phun sum tshogs pa thams cad 'byor par bya ba'i phyir ro/ /gnas yongs su gyur pa la tshigs su bcad pa drug pa ste/ gang la nyon mongs shes bya'i sgrib pa'i sa bon dus ring rtag ldan pa/ /spong ba shin tu rgya che rnam pa kun gyis rab tu bcom gyur zhing / /gnas gyur chos dkar yon tan mchog rab ldan pa thob pa sangs rgyas nyid/ /de ni mi rtog rab dag shin tu yul chen ye shes lam gyis 'thob/ /'dis ni mi mthun pa'i phyogs kyi sa bon dang bral ba dang /gnyen po phun sum tshogs pa dang ldan pas gnas yongs su gyur pa dang / lam rnam pa gnyis thob pas de ji ltar 'thob pa yang bstan te/ 'jig rten las 'das pa'i ye shes shin tu rnam par dag pa'i lam thob pa dang / de'i rdzas la thob pa shes bya mtha' yas pa'i yul can gyi ye shes kyi lam 'thob pas so//dus ring zhes bya ba ni thog ma med pa'i dus nas so/ /spong ba shin tu rgya che rnam pa kun gyis zhes bya ba ni sa'i rnam pa dag gis so/ /de bzhin gshegs pa de ni der bzhugs nas/ /ri dbang mtho steng bzhugs bzhin 'gro la gzigs//zhi bar mngon dga'i 'gro la'ang thugs rje na/ /srid la mngon dga'i skye bo gzhan ci smos/ /gnyis pa 'dis ni gnas yongs su gyur pa de gzhan las khyad par du ston te/ de la gnas pa ni ri'i dbang po mthon po la bzhugs pa bzhin du 'jig rten ches shin tu dman pa la gzigs so//gzigs nas kyang nyan thos dang rang sangs rgyas rnams la'ang thugs rje na/ de dag las gzhan pa la lta smos kyang ci dgos/ gnas la 'jug dang rab 'jug mi 'jug dang / /ldog dang kun 'jug gnyis dang gnyis min dang / /mnyam dang khyad 'phags kun 'gro bdag nyid ni//de bzhin gshegs pa rnams kyi yongs gyur 'dod/ /gsum pa 'dis ni de'i phan yon gyi dbye ba ston te/ gnas la zhes bya ba ni gnas yongs su gyur pa gang yin pa de yang dag par ston to/ /de bzhin gshegs pa rnams kyi yongs su gyur pa de ni gzhan gyi don du 'jug pas na 'jug pa'o//chos thams cad las khyad zhugs pa'i phyir mchog tu 'jug pa ni rab tu 'jug pa'o/ /kun nas nyon mongs pa'i rgyu la mi 'jug pas mi 'jug pa'o/ /kun nas nyon mongs pa las ldog pas zlog pa'o/ /gtan du ba yin pa'i phyir kun tu 'jug pa ni kun tu 'jug pa'o//mngon par rdzogs par byang chub pa dang / yongs su mya ngan las 'da' ba ston par 'jug pas gnyis su 'jug pa'o/ /'khor ba dang mya ngan las 'das pa la mi gnas pa'i phyir 'dus byas dang 'dus ma byas nyid gnyis su mi 'jug pa ni gnyis ma yin par 'jug pa'o/ /nyan thos dang rang sangs rgyas dag dang rnam par grol ba 'dra ba nyid kyis mnyam du 'jug pa'o//stobs dang mi 'jigs pa la sogs pa sangs rgyas kyi chos rnams kyis mi mnyam pa'i phyir khyad par du 'phags par 'jug pa'o/ /theg pa thams cad ston par 'gro ba'i phyir kun tu 'gro ba'i 'jug pa'o//ji ltar nam mkha' rtag tu kun song 'dod/ /de bzhin de yang rtag tu kun song 'dod/ /ji ltar nam mkha' gzugs gyur kun tu song / /de bzhin de yang sems can tshogs kun song / /bzhi pa 'dis ni bstan pa dang bshad pa phyed snga ma dang phyed phyi ma dag gis de'i rang bzhin gyis sangs rgyas kyi thams cad du song ba nyid nam mkha' dang chos mthun par ston to//sangs rgyas kyi sems can gyi tshogs kun tu song ba nyid ni sems can thams cad bdag nyid du zhal gyis bzhes pa yongs su grub pa las rig par bya'o/ /ji ltar chu yi snod chag na/ / zla ba'i gzugs brnyan mi snang ba/ /de bzhin sems can ngan pa la/ /sangs rgyas gzugs kyang mi snang ngo / /lnga pa 'dis ni thams cad du song ba yin yang snod du ma gyur pa'i sems can rnams la sangs rgyas kyi sku mi snang ba dpes sgrub par byed do/ /ji ltar me ni gzhan du 'bar//gzhan du zhi bar 'gyur ba ltar/ /de bzhin sangs rgyas rnams la yang / /snang dang mi snang shes par bya/ /drug pa 'dis ni sangs rgyas kyis gdul ba dag yod na sangs rgyas 'byung bas de snang la / btul nas yongs su mya ngan las 'da' bas de mi snang ba me 'bar ba dang zhi ba dang chos mthun pas sgrub par byed do//sangs rgyas kyi mdzad pa lhun gyis grub pa rgyun mi 'chad pa la tshigs su bcad pa bzhi ste/ ji ltar rnga dag ma brdungs par/ /sgra ni kun tu 'byung ba ltar/ /de bzhin rgyal ba gzo med par/ /bshad pa dag ni kun tu 'byung //ji ltar nor bu 'bad med par/ /rang gi 'od ni ston pa ltar/ /sangs rgyas rnams kyang gzo med par/ /de bzhin mdzad pa nges par ston/ /tshigs su bcad pa 'di gnyis kyis ni rnga ma brdungs pa'i sgra dang / nor bu'i 'od dang chos mthun par sangs rgyas kyi mdzad pa lhun gyis grub par sgrub po//ji ltar mkha' la 'jig rten gyi/ /bya ba rgyun mi 'chad par snang / /de bzhin zag med dbyings na yang / /rgyal ba'i mdzad pa rgyun mi 'chad/ /ji ltar mkha' la rtag tu ni/ /bya ba nyams zhing 'byung ba ltar/ /de bzhin zag med dbyings na yang / /sangs rgyas phrin las skye zhing 'bri//'di gnyis kyis ni sangs rgyas kyi mdzad pa rgyun mi 'chad pa nyid ston te/ sangs rgyas kyi mdzad pa ni rgyun mi 'chad pa'i phyir nam mkha' 'chad pa med pa la 'jig rten gyi bya ba gzhan dang gzhan 'byung ba dang 'jig pa de dang 'dra'o/ /zag pa med pa'i dbyings zab pa la tshigs su bcad pa bcu drug go//snga ma phyi mar khyad med kyang / /sgrib pa kun gyi dri med pa/ /de bzhin nyid ni sangs rgyas 'dod/ /dag pa ma yin ma dag min/ /snga ma dang phyi mar khyad par med pa'i phyir dag pa yang ma yin la/ phyis sgrib pa thams cad kyi dri ma med pa'i phyir ma dag pa yang ma yin te/dri ma dang bral bas so/ /stong pa nyid ni rnam dag na/ /bdag med mchog gi bdag thob pas/ /sangs rgyas dag pa'i bdag thob phyir/ /bdag nyid chen po'i bdag tu gyur/ /zag pa med pa'i dbyings de la sangs rgyas rnams kyi bdag nyid kyi mchog ston te/ ci'i phyir zhe na/bdag med pa mchog gi bdag nyid kyi phyir ro/ /bdag med pa mchog ni de bzhin nyid rnam par dag pa'o/ /de yang ngo bo nyid kyi don gyis sangs rgyas rnams kyi bdag yin no/ /de rnam par dag na sangs rgyas rnams kyis bdag med pa mchog gi bdag nyid dag pa 'thob po//de bas na sangs rgyas rnams kyi dag pa'i bdag thob pa'i phyir bdag nyid chen po'i bdag tu gyur pa yin te/ dgongs pa 'di ni zag pa med pa'i dbyings la sangs rgyas rnams kyi bdag gi mchog rnam par 'jog go/ /de phyir sangs rgyas yod min zhing / /med par yang ni mi brjod do/ / de ltas sangs rgyas de skad 'dri/ /lung ma bstan pa'i tshul du 'dod/ /rgyu de nyid kyi phyir sangs rgyas ni yod pa zhes kyang mi brjod de/ de bzhin nyid ni gang zag dang chos med pa'i mtshan nyid yin pa'i phyir ro/ /sangs rgyas nyid ni de'i bdag nyid yin pa'i phyir med pa zhes kyang mi brjod do/ / de bzhin nyid kyi mtshan nyid du yod pa'i phyir ro/ /de bas na sangs rgyas la de bzhin gshegs pa nongs phan chad yod dam med ces bya ba la sogs pa yod pa dang med pa 'dri ba la lung ma bstan pa'i tshul du 'dod do/ /ji ltar lcags la tsha ba dang / /mig la rab rib zhi ba ltar/ /sangs rgyas sems dang ye shes la//yod dang med par mi brjod do/ /ji ltar lcags la tsha ba zhi ba dang / mig la rab rib zhi ba ni gdung ba dang rab rib med pa'i mtshan nyid yin pa'i phyir yod pa'ang ma yin la/ zhi ba'i mtshan nyid du yod pa'i phyir med pa'ang ma yin pa de bzhin du/ sangs rgyas rnams kyi sems dang ye shes la gdung ba dang rab rib lta bu 'dod chags dang ma rig pa dag zhi ba ni yod par mi brjod de/sems dang shes rab rnam par grol ba dag ni des rab tu phye ba'i phyir ro/ /med pa yang ma yin te/ rnam par grol ba'i mtshan nyid de lta bur yod pa'i phyir ro/ / zag med dbyings na sangs rgyas rnams/ /mkha' ltar lus ni med phyir dang / /sngon gyi lus rjes 'brang ba'i phyir/ /gcig min mang po nyid ma yin/ zag pa med pa'i dbyings na sangs rgyas rnams sngon gyi lus kyi rjes su 'brang bas ni gcig pa nyid kyang ma yin la / nam mkha' ltar lus med pas na mang po nyid kyang ma yin no//stobs sogs sangs rgyas chos rnams la/ /byang chub rin chen 'byung gnas 'dra/ /'gro ba'i dge ba'i lo tog la/ /sprin chen dang yang 'dra bar 'dod/ /bsod nams ye shes rab rdzogs phyir/ /zla ba nya ba lta bur 'dod/ /ye shes snang ba byed pa'i phyir//nyi ma chen po 'dra bar 'dod/ /rin po che'i 'byung gnas dang / sprin lta bu nyid dang / zla ba nya ba nyid dang / nyi ma chen po lta bu'i tshigs su bcad pa 'di gnyis kyi don ni go bar zad do/ /ji ltar nyi ma'i dkyil 'khor gyi/ /'od zer dpag tu med 'dres shing //rtag tu bya ba gcig la 'jug /'jig rten la yang snang bar byed/ /de bzhin zag med dbyings na yang / /sangs rgyas dpag tu med 'dres shing / /mdzad pa gcig ni mdzad pa la/ /ye shes snang ba mdzad par 'dod/ /gcig gis ni 'od zer 'dres par bya ba gcig pa nyid kyi dpes phrin las 'dra ba nyid ston te/'od zer rnams kyi bya ba gcig nyid ni smin pa dang skems pa la sogs par bya ba mthun pa nyid las rig par bya'o/ /gnyis pas ni zag pa med pa'i dbyings na sprul pa la sogs pa'i mdzad pa gcig pa nyid ston to/ /dper na nyi ma'i 'od zer gcig byung na 'od zer kun 'byung ba/de bzhin sangs rgyas rnams kyi yang / /ye shes 'byung bar shes par bya/ /dus gcig tu 'od zer thams cad 'byung ba ltar sangs rgyas thams cad kyi ye shes dus gcig tu 'jug par ston to/ /ji ltar nyi ma'i 'od zer dag / 'jug la bdag gir bya ba med/ /de bzhin sangs rgyas ye shes kyang / /'jug la bdag gir mdzad mi mnga'/ /nyi ma'i 'od zer gcig btang bas/ /'gro 'di snang bar byed pa ltar/ /de bzhin shes bya thams cad la/ /sangs rgyas ye shes cig car snang / /bdag gir bya ba med pa dang //shes bya cig car snang bar byed pa la go rims bzhin du tshigs su bcad pa gnyis te/ don brda phrad par zad do/ /ji ltar nyi ma'i 'od zer rnams/ /sprin la sogs pas bsgribs par 'dod/ /de bzhin sangs rgyas ye shes rnams/ /sems can gyi ni nyes pas bsgribs//ji ltar 'od zer rnams rab tu snang bar bya ba la sprin la sogs pas bsgribs pa de bzhin du/ sangs rgyas kyi ye shes kyang sems can rnams snyigs ma lnga shas che ba'i nyes pas snod du ma gyur pa nyid kyis bsgribs so/ /ji ltar mdud pa'i dbang gis na/ / gos la tshon bkra mi bkra ba/ /de bzhin 'phen pa'i dbang gis na/ /grol ba'i ye shes bkra mi bkra/ /ji ltar mdud pa'i khyad par gyis gos la kha cig tu ni tshon khra bo nyid du 'gyur la/ kha cig tu ni khra bo nyid du mi 'gyur ba de bzhin du sngon gyi smon lam gyi spyod pa'i stobs bskyed pa'i khyad par las sangs rgyas rnams kyi rnam par grol ba'i ye shes ni bkra ba nyid du 'gyur la/nyan thos dang rang sangs rgyas rnams kyi rnam par grol ba'i ye shes ni khra bo nyid du mi 'gyur ro/ /dri med dbyings la sangs rgyas kyi/ /mtshan nyid dang ni gnas pa dang / /phrin las zab pa 'di bshad pa//mkha' la tshon gyis ri mo 'dri/ /dri med pa'i dbyings la sangs rgyas rnams kyi zab pa rnam pa 'di gsum bshad do/ /tshigs su bcad pa bzhis ni mtshan nyid zab pa'o/ /lnga pas ni gnas pa zab ste/ gcig pa nyid dang tha dad pa nyid du mi gnas pa'i phyir ro/ /lhag ma rnams kyis ni phrin las zab pa'o//mtshan nyid zab pa de yang rnam par dag pa'i mtshan nyid dang / bdag mchog gi mtshan nyid dang / lung ma bstan pa'i dngos po'i mtshan nyid dang / rnam par grol ba'i mtshan nyid las brtsams te bshad do/ /phrin las zab pa ni byang chub kyi phyogs la sogs pa rin po che'i gnas nyid kyi phrin las dang /sems can yongs su smin par mdzad pa'i phrin las dang / mthar thug par gshegs pa'i phrin las dang / chos ston pa'i phrin las dang / sprul pa la sogs pa mdzad pa'i phrin las dang / ye shes 'jug pa'i phrin las dang / rnam par mi rtog pa'i phrin las dang /ye shes rnam pa sna tshogs pa'i phrin las dang / ye shes mi 'jug pa'i phrin las dang / rnam par grol bar 'dra ba las ye shes khyad par du 'phags pa'i phrin las las brtsams te bshad do/ /zag pa med pa'i dbyings de spros pa med pa'i phyir nam mkha' dang 'dra ba la zab mo'i rab tu dbye ba ston pa de ni dper na nam mkha' la tshon gyis 'dri ba dang 'dra bar rig par bya'o//de bzhin nyid ni thams cad la/ /khyad par med kyang dag gyur pa/ /de bzhin gshegs nyid de yi phyir/ /'gro kun de yi snying po can/ /de bzhin nyid ni thams cad la khyad par med la/ de bzhin gshegs pa yang de rnam par dag pa'i ngo bo nyid yin te/de'i phyir sems can thams cad ni de bzhin gshegs pa'i snying po can zhes bya ba 'byor pa rnam par dbye ba la tshigs su bcad pa bcu gcig go/ /nyan thos rnams kyi 'byor pas ni/ /'jig rten pa yi zil gyis gnon/ / rang sangs rgyas kyi sa pa yis/ /nyan thos kyi yang zil gyis gnon/ /de yis byang chub sems dpa' yi/ /'byor pa'i char yang mi phod do/ /de yis de bzhin gshegs pa yi/ /'byor pa'i char yang mi phod do/ /'di gnyis kyis ni mthu phul du byung ba'i khyad par gyis sangs rgyas rnams kyi 'byor pa nyid ston to//sangs rgyas rnams kyi 'byor pa ni/ /gang gi gang du ji ltar dang / /ji tsam dus gang 'jug pa ni/ /bsam yas dpag tu med par 'dod/ /gsum pa 'dis ni rnam pa'i rab tu dbye ba dang / zab pa'i khyad par dag gis ston to/ /ji ltar bsam gyis mi khyab pa yin/ji ltar tshad med pa yin zhe na/ smras pa/ de gang zag gang gi don dang / 'jig rten gyi khams gang du dang / ji ltar te ci 'dra ba dag gis dang / mang nyung ci tsam pa dang / dus gang gis 'jug pa yin no/ /tshigs su bcad pa lhag ma rnams kyis ni gzhan du gyur pa'i khyad par gyis 'byor pa'i dbye ba ston to//dbang po lnga rnams gzhan gyur na/ /don kun 'jug dang thams cad kyi/ /yon tan brgya phrag bcu gnyis 'byung / /'byor pa dam pa 'thob par 'gyur/ /dbang po lnga gzhan du gyur na/ /dbang po lnga po thams cad don lnga po thams cad la 'jug pa'i 'byor pa dam pa dang /de la yang so sor yon tan brgya phrag bcu gnyis 'byung ba la 'byor pa dam pa rnams la gnyis 'thob bo/ /yid ni gzhan du gyur pa na/ /'byor dang mthun spyod mi rtog pa'i/ /ye shes shin tu dri med la/ /'byor pa dam pa 'thob par 'gyur/ /yid gzhan du gyur na 'byor pa dang mthun par spyod pa rnam par mi rtog pa'i ye shes shin tu rnam par dag pa la 'byor pa'i mchog rnyed par 'gyur te/de dang lhan cig 'byor pa'i ye shes thams cad 'jug go/ /don bcas 'dzin pa gzhan gyur na/ /ji ltar 'dod bzhin longs spyod dag /bstan phyir zhing ni dag pa la//'byor pa dam pa 'thob par 'gyur/ /don gzhan du gyur pa dang / 'dzin pa gzhan du gyur pa na zhing rnam par dag pa la 'byor pa'i mchog 'thob par 'gyur te/ des ji ltar 'dod pa bzhin du longs spyod kun tu ston par byed do/ /rnam rtog gzhan du gyur na ni/ /dus rnams rtag tu ye shes dang //las rnams kun la thogs med la/ /'byor pa dam pa 'thob par 'gyur/ /rnam par rtog pa gzhan du gyur na ye shes dang phrin las thams cad la dus thams cad du thogs pa med pa la 'byor pa'i mchog 'thob par 'gyur ro/ /rten ni gzhan du gyur pa na/ /sangs rgyas dri med gnas la ni//mi gnas mya ngan 'das pa yi/ /'byor pa'i dam pa 'thob par 'gyur/ /rten gzhan du gyur na sangs rgyas rnams kyi zag pa med pa'i dbyings su mi gnas pa'i mya ngan las 'das pa la 'byor pa dam pa 'thob par 'gyur ro/ /'khrig pa gzhan du gyur na ni/ / sangs rgyas bde bar gnas pa dang / /mo mthong nyon mongs med pa la/ /'byor pa dam pa 'thob par 'gyur/ /'khrig pa gzhan du gyur na sangs rgyas kyi bde bar gnas pa dang / bud med mthong na nyon mongs pa med pa dang gnyis la 'byor pa dam pa 'thob par 'gyur ro/ /nam mkha'i 'du shes gzhan gyur na//bsams pa'i don ni 'byor pa dang / /'gro gzugs rnam par 'byed pa la/ /'byor pa dam pa 'thob par 'gyur/ /nam mkha'i 'du shes rnam par gyur na gnyis kho na la ste/ gang gis na nam mkha'i mdzod du 'gyur ba bsams pa'i don 'byor pa dang / ji ltar 'dod pa bzhin du 'gro ba'i phyir dang /nam mkhar byed pa'i phyir 'gro ba dang / gzugs rnam par 'byed pa la 'byor pa'i mchog 'thob par 'gyur ro/ /de ltar sangs rgyas dri med pa'i/ /gnas na gzhan gyur dpag med pas/ /bsam yas bya ba sgrub pa yi / /'byor pa dpag tu med par 'dod//de ltar sgo 'dis na sangs rgyas rnams kyi zag pa med pa'i dbyings ni gzhan du gyur pa yang dpag tu med la/ de la yang phrin las bsam gyis mi khyab pa sgrub pa'i 'byor pa dpag tu med par rig par bya'o/ /sangs rgyas de nyid kyis sems can yongs su smin par mdzad pa'i rgyu la tshigs su bcad pa bdun no//'di na 'jig rten phyogs phyogs rgyal ba'i legs bshad pas/ /dge ba 'phel ba'i 'jig rten rnam dag mchog tu 'gro/ /dge ba ma bsags dge ba 'phel bar mchog tu 'gro/ /de ltar ma smin smin pa rtag 'gro ma lus min/ /'dis ni yongs su smin par mdzad pa ci 'dra ba'i rgyur gyur pa de ston te/dge ba'i rtsa ba bsags pa rnams ni rnam par grol ba mchog tu'o/ /dge ba'i rtsa ba ma bsags pa rnams ni dge ba'i rtsa ba bsags par ro/ /ma smin pa ni dge ba'i rtsa ba 'phel ba'i mchog tu 'gro bas smin par 'gro'o/ / smin pa ni shin tu rnam par dag pa'i mchog tu 'gro'o/ /de ltar dus rtag tu 'gro yang 'jig rten mtha' yas pa'i phyir ma lus par yang mi 'gyur ro/ /de ltar 'jig rten phyogs phyogs brtan rnams rtag par dus kun du/ /byang chub chen po thob dka' yon tan mchog ldan rmad byung can/ /rtag brtan skyabs med rnams kyi skyabs gang yin pa thob pa de//ya mtshan che la tshul bzang spyad phyir ya mtshan che ba'ang med/ /'dis ni byang chub sems dpa' yongs su smin pa rnams kyi yongs su smin pa la ya mtshan che ba dang / ya mtshan che ba med pa'i mtshan nyid bstan to/ / rtag par dus kun tu zhes bya ba ni/ /rtag tu dang rgyun mi 'chad par ro/ /tshul bzang spyad pa ni de dang mthun pa'i las spyad pa'o/ /de ni cig car la lar sgo mang brgya nas chos kyi 'khor lo dang / /la lar skye ba mi snang la lar skye bo'i spyod pa sna tshogs dang //la lar byang chub thams cad la lar de ni mya ngan 'das ston kyang / /de ni gnas de las kyang rnam par g.yo mi mnga' la thams cad mdzad/ /gsum pa 'dis ni cig car sgo mang po nas yongs su smin par mdzad pa'i thabs la sbyor ba'i rgyu ston te/ ji ltar gang la gnas te sems can rnams 'dul ba'o//skye bo'i spyod pa sna tshogs ni skyes pa'i rabs kyi khyad par gyis so/ /gnas de las kyang mi g.yo ba zhes bya ba ni zag pa med pa'i dbyings las so/ /sangs rgyas rnams ni 'di snyam lus can 'di ni bdag gis smin byas she'am/ 'di ni rab tu smin bya gzhan yang da ltar smin par byed snyam du//'du mdzad mi mnga' bar yang phyogs phyogs kun tu rtag par sgo gsum nas/ /dge ba'i chos rnams kyis ni skye bo rab tu smin par 'gyur ba nyid/ /bzhi pa 'dis ni da yongs su smin par sbyar ba'i rgyu mngon par 'du mdzad pa mi mnga' bar ston te/ sgo gsum nas zhes bya ba ni theg pa gsum gyis so/ /ji ltar nyi ma 'bad med phyogs phyogs kun tu 'od zer dag /rab 'byam gsal ba mang pos lo tog rnam smin byed pa ltar/ /de bzhin chos ldan nyi ma 'ang rab zhi byed pa chos kyi 'od/ /rab 'byam dag gis phyogs phyogs kun tu sems can rnam smin mdzad//lnga pa 'dis ni mngon par 'du mdzad pa mi mnga' bar yongs su smin par mdzad pa'i dpe ston to/ /ji ltar mar me gcig las mar me'i tshogs rab mang / /dpag med grangs med 'byung yang de la zad pa med/ /de bzhin smin pa gcig las smin pa'i tshogs rab mang //grangs med dpag med 'byung yang de la zad pa med/ /drug pa 'dis ni gcig nas gcig tu yongs su smin par mdzad pa bstan to/ /ji ltar rgya mtsho chen po 'di na chu yis ngoms par mi 'gyur zhing / /chu chen mang po rab tu 'bab pas 'phel bar yang ni mi 'gyur ba/ /de bzhin sangs rgyas khams kyang dag pa 'jug pa rtag rgyun mi 'chad pas//ngoms pa mi mnga' 'phel bar mi 'gyur de 'dir rmad du byung ba'i mchog /bdun pa 'dis ni yongs su smin pa rnams kyi rnam par grol ba 'jug pa la rgya mtsho dper brjod pas chos kyi dbyings la go skabs yod pa'i phyir ngoms pa yang mi mnga' la/lhag pa med pa'i phyir 'phel ba yang mi mnga' bar ston to/ /chos kyi dbyings rnam par dag pa la tshigs su bcad pa bzhi'o/ /chos rnams kun gyi de bzhin nyid/ /sgrib gnyis dag pa'i mtshan nyid de/ /dngos po shes pa de la dmigs/ /dngang zad mi shes mtshan nyid do//tshigs su bcad pa 'di ni ngo bo nyid kyi don las brtsams pa yin te/ chos thams cad kyi de bzhin nyid nyon mongs pa dang / /shes bya'i sgrib pa gnyis rnam par dag pa'i mtshan nyid dang / dngos po dang de la dmigs pa shes pa dag la dbang zad mi shes pa'i mtshan nyid do//de bzhin nyid shes thams cad nas/ /bsgoms pa las ni yang dag 'byung / /sems can kun la rnam kun du/ /gnyis bskyed mi zad 'bras bu can/ /gnyis pa 'di ni rgyu'i don dang 'bras bu'i don las brtsams pa yin te/ thams cad nas de bzhin nyid shes pa bsgoms pa ni chos kyi dbyings rnam par dag pa'i rgyu'o//thams cad nas zhes bya ba ni chos kyi rnam grangs kyi sgo thams cad nas so/ /sems can thams cad la rnam pa thams cad du phan pa dang bde ba gnyis bskyed pa mi zad pa nyid ni 'bras bu'o/ /sku dang gsung dang thugs sprul pa'i//sbyor ba'i thabs kyi las can te/ /ting nge 'dzin dang gzungs sgo dang / /dpag tu med pa gnyis dang ldan/ /gsum pa 'di ni phrin las kyi don dang ldan pa'i don las brtsams pa yin te/ sku la sogs pa rnam pa gsum sprul pa ni phrin las so/ /ting nge 'dzin dang / gzungs kyi sgo dag dang /bsod nams dang ye shes kyi tshogs dpag tu med pa gnyis dang ldan pa ni ldan pa'o/ /rang bzhin chos rdzogs longs spyod dang / /sprul pa dag gis tha dad 'jug /'di ni sangs rgyas rnam dag gi /chos dbyings rnam par dag par bshad/ /bzhi pa 'di ni 'jug pa'i don las brtsams pa yin te/rang bzhin dang / longs spyod rdzogs pa dang / sprul pa'i sku 'jug pas tha dad du 'jug pa can yin no/ /sangs rgyas kyi sku rab tu dbye ba la tshigs su bcad pa bdun no/ /sangs rgyas rnams kyi sku dbye ba/ /rang bzhin longs spyod rdzogs pa dang / /gzhan ni sprul pa'i sku yin te//dang po gnyis pa'i rten yin no/ /sangs rgyas rnams kyi sku ni rnam pa gsum ste/ rang bzhin pa ni chos kyi sku gnas yongs su gyur pa'i mtshan nyid do/ /longs spyod rdzogs pa ni gang gis 'khor gyi dkyil 'khor dag tu chos la longs spyod rdzogs par mdzad pa'o/ / sprul pa ni gang gis sems can gyi don mdzad pa'o/ /longs spyod rdzogs pa khams kun du/ /'khor yongs sdud dang zhing dang mtshan/ /sku dang chos rdzogs longs spyod dang / /mdzad pa dag gis tha dad do/ /de la longs spyod rdzogs pa ni 'jig rten gyi khams thams cad na 'khor gyi dkyil 'khor dang /sangs rgyas kyi zhing dang / mtshan dang / sku dang / chos la longs spyod rdzogs pa dang / mdzad pa dag gis tha dad pa yin no/ /rang bzhin sku ni mnyam pa dang / /phra zhing de dang 'brel pa dang / /dgyes dgur longs spyod ldan pa la/ /longs spyod rdzogs 'byor rgyur 'dod do/ / sangs rgyas thams cad kyi rang bzhin gyi sku ni khyad par med pa nyid kyis mnyam pa dang / shes par dka' ba nyid kyis phra ba dang / longs spyod rdzogs pa'i sku de dang 'brel pa dang / ji ltar dgyes par longs spyod bstan par bya ba la longs spyod rdzogs pa pa 'byor pa'i rgyu yin no/ / sangs rgyas sprul pa dpag med pa/ /sprul pa'i skur ni 'dod pa ste/ /don gnyis phun sum tshogs pa ni/ /rnam pa thams cad gnyis la gnas/ /sangs rgyas rnams kyi sprul pa'i sku ni sangs rgyas kyi sprul pa'i bye brag dpag tu med pa'o/ /longs spyod rdzogs pa ni rang gi don phun sum tshogs pa'i mtshan nyid do//sprul pa ni gzhan gyi don phun sum tshogs pa'i mtshan nyid do/ /don gnyis phun sum tshogs pa de yang rang bzhin gyi sku dang / longs spyod rdzogs pa'i sku dang / gnyis la go rims bzhin du gnas so/ /bzo dang skye dang byang chub che/ /mya ngan 'das pa rtag ston pas//sangs rgyas sprul pa'i sku 'di ni/ /rnam par grol ba'i thabs chen no/ /sprul pa'i sku de ni rtag tu gdul ba'i don du pi wang len pa la sogs pa bzo dang / skye ba dang / mngon par rdzogs par byang chub pa dang / mya ngan las 'das pa ston pa dag gis rnam par grol ba'i thabs chen po yin pa'i phyir//gzhan gyi don phun sum tshogs pa'i mtshan nyid du rig par bya'o/ /sku gsum dag gis sangs rgyas kyi/ /sku bsdus par ni shes bya ste/ /sku gsum dag gis rang gzhan gyi / /don 'di rten dang bcas par bstan/ /sku gsum dag gis sangs rgyas rnams kyi sku thams cad bsdus par rig par bya ba la/sku gsum po de dag gis kyang rang dang gzhan gyi don rten dang bcas par bsten te/ gnyis po ni rang dang gzhan gyi don gyis rab tu phye ba'i phyir dang / de gnyis kyang de la brten pa'i phyir te/ ji skad sngar bshad pa bzhin no/ /de dag rten dang dgongs pa dang //phrin las kyis ni mnyam pa nyid/ /rang bzhin dang ni rgyun mi 'chad/ /rgyun gyis de dag rtag pa nyid/ /sangs rgyas thams cad kyi sku gsum po de dag ni go rims bzhin du rnam pa gsum gyis khyad par med de/ rten gyis ni chos kyi dbyings tha mi dad pa'i phyir ro//dgongs pas ni sangs rgyas kyi dgongs pa tha dad pa med pa'i phyir ro/ /phrin las kyis ni phrin las thun mong ba'i phyir ro/ /sku gsum po de dag la go rims bzhin du gang gis na de bzhin gshegs pa rnams sku rtag pa'o zhes brjod pa rtag pa nyid rnam pa gsum du rig par bya ste/ngo bo nyid kyi sku ni rang bzhin gyis rtag pa'i phyir rang bzhin gyis rtag pa nyid do/ /longs spyod rdzogs pa'i sku ni rgyun mi 'chad pas te/ chos la longs spyod rdzogs pa rgyun mi 'chad pa'i phyir ro/ /sprul pa'i sku ni rgyun gyis te/ /mi snang bar byas nas yang dang yang du sprul pa kun tu ston pa'i phyir ro//sangs rgyas kyi ye shes rnam par dbye ba la tshigs su bcad pa bcu ste/ me long ye shes mi g.yo ste/ /ye shes gsum ni de la brten/ /mnyam pa nyid dang so sor rtog /bya ba sgrub pa kho na 'o/ /sangs rgyas rnams kyi ye shes ni rnam pa bzhi ste/ me long lta bu'i ye shes dang / mnyam pa nyid kyi ye shes dang / so sor rtog pa'i ye shes dang / bya ba sgrub pa'i ye shes so/ /me long lta bu'i ye shes ni mi g.yo ba'o/ /ye shes gsum ni de la brten pa dang g.yo ba'o/ /me long ye shes nga yi med/ /yongs su ma chad rtag tu ldan/ /shes bya kun la ma rmongs la/ / rtag tu de la mngon phyogs min/ /me long lta bu'i ye shes ni rtag tu nga yi ba med pa dang / yul gyi sgo nas yongs su ma chad pa dang / dus kyi sgo nas rtag tu ldan pa dang / rtag tu sgrib pa dang bral ba'i phyir / shes bya thams cad la ma rmongs pa yang yin la/ rnam pa med pa'i phyir de dag la mngon du phyogs pa yang ma yin no//ye shes kun gyi rgyu mtshan phyir/ /ye shes 'byung gnas chen po 'dra/ /longs spyod rdzogs pa'i sangs rgyas nyid/ /ye shes gzugs brnyan 'byung phyir ste / /mnyam pa nyid kyi ye shes la sogs pa de dag gi rnam pa thams cad kyi rgyu yin pa'i phyir ye shes thams cad kyi 'byung gnas lta bu'o//de ni longs spyod rdzogs pa'i sangs rgyas kyang yin la/ ye shes kyi gzugs brnyan 'byung ba'i phyir/ me long lta bu'i ye shes zhes kyang bya'o/ /sgom pa dag pas sems can la/ /mnyam pa nyid kyi ye shes 'dod/ /mi gnas zhi bar zhugs pa ni//mnyam nyid ye shes yin par 'dod/ /byang chub sems dpas mngon par rtogs pa'i dus na sems can rnams la mnyam pa nyid kyi shes pa thob pa gang yin pa de sgom pa dag pa'i sgo nas byang chub thob pa'i dus na mi gnas pa'i mya ngan las 'das par zhugs pa ni mnyam pa nyid kyi ye shes su 'dod do//dus rnams kun tu byams pa dang / /thugs rje chen po dag dang ldan/ /sems can rnams la mos pa bzhin/ /sangs rgyas sku ni nges par ston/ /dus thams cad du byams pa chen po dang / thugs rje chen po dang ldan pa dang / sems can rnams la mos pa ji lta ba bzhin du sangs rgyas kyi sku nges par ston par mdzad pa yin te/'di ltar sems can kha cig gis ni de bzhin gshegs pa kha dog sngon por/ kha cig gis ni kha dog ser por mthong ngo zhes bya ba de lta bu la sogs pa'o/ /so sor rtog pa'i ye shes ni/ /shes bya kun la rtag mi thogs/ / ting nge 'dzin dang gzungs rnams kyi/ /gter dang 'dra ba kho na yin/ /'khor gyi dkyil 'khor rnams su ni/ /'byor pa thams cad ston mdzad pa/ /the tshom thams cad gcod pa yi/ /chos chen char ni rab tu 'bebs/ /so sor rtog pa'i ye shes ni tshigs su bcad pa ji lta ba bzhin no/ / bya ba sgrub pa'i ye shes ni/ /khams rnams kun tu sna tshogs shing / /dpag med bsam yas sprul pa yis/ /sems can don ni sgrub pa 'o/ /bya ba sgrub pa'i ye shes ni 'jig rten gyi khams thams cad du sprul pa rnam pa sna tshogs dpag tu med pa bsam gyis mi khyab pa dag gis sems can thams cad kyi don mdzad pa'o//sangs rgyas sprul pa de rtag tu/ /mdzad pa grub pa'i bye brag dang / /grangs dang zhing gis rnam kun tu/ /bsam mi khyab par shes par bya/ /sangs rgyas kyi sprul pa de ni rtag tu bya ba mdzad pa'i bye brag dang grangs dang zhing gi sgo nas rnam pa thams cad du bsam gyis mi khyab par rig par bya'o//'dzin pa'i phyir dang sems mnyam phyir/ /yang dag chos rab ston phyir dang / /bya ba sgrub pa nyid kyi phyir/ /ye shes bzhi po yang dag 'byung / /de la 'dzin pa'i phyir ni thos pa'i chos rnams la'o/ /sems mnyam pa'i phyir ni sems can thams cad la bdag dang gzhan mnyam pa nyid kyis so//lhag ma ni don go bar zad do/ /sangs rgyas gcig pa nyid dang / du ma nyid ma yin pa'i tshigs su bcad pa/ /tha dad rigs don yod phyir dang / /rdzogs dang thog ma med pa'i phyir/ /sangs rgyas gcig min dri med gnas/ /tha dad min phyir mang po'ang min//sangs rgyas ni gcig kho na'o zhes bya ba 'di ni mi 'dod do/ /de ci'i phyir zhe na/ rigs tha dad pa'i phyir te/ sems can sangs rgyas kyi rigs can mtha' yas pa de la gcig kho na zhig mngon par rdzogs par sangs rgyas kyi/ gzhan dag ni mngon par rdzogs par 'tshang mi rgya'o zhes bya ba 'di ci'i phyir mngon par rdzogs par 'tshang mi rgya ba'i phyir/byang chub sems dpa' gzhan gyi bsod nams dang ye shes kyi tshogs don med par yang 'gyur ro/ /don med par ni rigs pa ma yin te/ de lta bas na don med pa ma yin pa'i phyir yang sangs rgyas gcig kho na ma yin no//su yang rgyas nyid la mi 'god pa'i phyir sangs rgyas kyi sems can gyi don mdzad pa yang rdzogs par mi 'gyur te/ de ni rigs pa ma yin no/ /tshogs med par yang sangs rgyas nyid du mi rung la/ sangs rgyas gzhan med par yang tshogs mi rung ba'i phyir thog ma'i sangs rgyas 'ga' yang med pas thog ma med pa'i phyir yang sangs rgyas gcig tu rig pa ma yin no//zag pa med pa'i dbyings na chos kyi sku la tha dad pa med pa'i phyir/ sangs rgyas rnams kyi sku mang po nyid du yang mi 'dod do/ /sangs rgyas nyid la 'jug pa'i/ thabs kyi tshigs su bcad pa bzhi'o/ /med pa gang yin de nyid ni/ /yod pa yi ni dam pa yin/ /rnam pa kun tu mi dmigs pa/ /dmigs pa yi ni mchog tu 'dod/ /kun brtags pa'i ngo bo nyid du med pa gang yin pa de nyid yongs su grub pa'i ngo bo nyid du yod pa'i dam pa yin la/ kun brtags pa'i ngo bo nyid rnam pa thams cad du mi dmigs pa gang yin pa de nyid yongs su grub pa'i ngo bo nyid mi dmigs pa'i mchog yin no/ /sgom pa rnam par mi lta ba'i/ /sgom pa dam par 'dod pa ste/ /thob par lta ba med rnams kyi/ /thob pa yang ni dam par 'dod/ /sgom pa mi dmigs pa gang yin pa de nyid sgom pa dam pa yin la/thob pa'i mi dmigs pa gang yin pa de nyid thob pa dam pa yin no/ /bla ma ring dang mtshan ma dang / /bdag gis brtson 'grus lta ba yi/ /byang chub sems dpa' nga rgyal can/ /byang chub las ni ring zhes bya/ /gang dag sangs rgyas nyid la bla ma ya mtshan gyi chos dang ldan par lta ba dang /de yang dag par 'grub par bya ba dus ring bar lta ba dang / mtshan ma ste sems kyi dmigs par lta ba dang / bdag gis brtson 'grus brtsams pa yin te/ sangs rgyas nyid thob par bya'o zhes bdag nyid kyi brtson 'grus su lta ba'i byang chub sems dpa' nga rgyal can de lta bu de dag ni dmigs pa can yin pa'i phyir/byang chub las ring ba zhes bya'o/ /ji skad bshad pa 'di dag kun/ /rtog pa tsam du lta ba yi/ /byang chub sems dpa' rtogs med rnams/ /byang chub thob ces nges par brjod/ /'di dag thams cad ni rtog pa tsam zhes bya bar lta ba rnams ni rtog pa tsam de la yang mi rtog pa'i phyir byang chub sems dpa' rtog pa med pa rnams ni mi skye ba'i chos la bzod pa thob pa'i gnas skabs na don du byang chub 'thob pa dang 'dra bar nges par brjod do//sangs rgyas rnams phan tshun mdzad pa gcig pa nyid la tshigs su bcad pa bzhi'o//klung dag sa yi 'og tu ma song ba/ /gnas rnams tha dad chu yang tha dad pa/ /chu yang chung zhing bya ba tha dad byed/ /chur gnas srog chags phra mo'i nyer spyad 'gyur/ /rgya mtshor song bar gyur na thams cad kyang / /gnas rnams gcig cing chu yang che la gcig /bya ba gcig cing chu la gnas pa yi//srog chags mang po'i rtag tu nyer spyad che/ /sangs rgyas nyid du ma zhugs brtan pa rnams/ /rten kyang tha dad blo gros tha dad cing / /rtogs chung rang gi bya ba tha dad la/ /sems can nyung don rtag tu nyer spyad 'gyur/ /sangs rgyas nyid du zhugs na de dag kun/ /rten kyang gcig cing rtogs pa che la gcig /mdzad pa gcig tu 'dres shing rtag par yang / /sems can tshogs che'i nye bar spyad pa che/ /de la klung gi gnas tha dad pa ni rang gi snod tha dad pa'i phyir ro/ /bya ba byed pa tha dad pa nyid du byed pa'i phyir ro/ /phra mo'i nye bar spyad pa zhes bya ba ni//chung ngu rnams kyi nye bar spyad pa'o/ /lhag ma ni don go bar zad do/ /sangs rgyas nyid la spro bar bya ba'i tshigs su bcad pa/ de ltar sangs rgyas nyid ni dkar po'i chos/ /dpe med ldan phyir phan bde'i rgyu yi phyir/ /bde dge dam pa mi zad 'byung gnas phyir/ /blo ldan byang chub sems dge blang ba'i rigs//de ltar sangs rgyas nyid ni rang gi don phun sum tshogs pas dkar po'i chos dpe med pa dang ldan pa'i phyir dang / gzhan gyi don phun sum tshogs pas phan pa dang bde ba'i rgyu yin pa'i phyir dang / bde bar gnas pa'i khyad par gyis bde ba kha na ma tho ba med pa mchog zad mi shes pa'i 'byung gnas yin pa'i phyir blo dang ldan pas der smon pa yongs su gzung ba'i sgo nas byang chub kyi sems blang ba'i rigs so//byang chub kyi skabs rdzogs so// //sdom ni dang po sgrub skyabs rigs/ /de bzhin du ni sems bskyed dang / /rang gzhan don dang de nyid don//mthu dang yongs smin byang chub bo/ /byang chub kyi skabs 'di dang po nas bzung ste/ ril gyis byang chub kyi le'u'i rjes su 'brangs te sbyar bar khong du chud par bya'o/ /mos pa rnam par dbye ba la tshigs su bcad pa gnyis so/ /skye dang ma skyes 'dzin dang gzung gyur dang //grogs blangs bdag nyid dang ni nor pa dang / /ma nor gzhan dang mngon sum ma yin gzhan/ /sgras byung tshol ba dang ni lta ba pa'o / /skyes pa ni 'das pa dang da ltar byung ba'o/ /ma skyes pa ni ma 'ongs pa'o/ /'dzin pa ni nang gi ste/ gang gis dmigs pa la mos par byed pa'o/ / gzung bar gyur pa ni/ phyi rol gyi sde gang la dmigs pa nyid du mos pa'o/ /grogs po las blangs pa ni rags pa'o/ /bdag nyid las byung ba ni phra ba'o/ /nor pa ni dman pa ste log par mos pa'i phyir ro/ /ma nor bar ni gya nom pa'o/ /mngon sum pa ni nye ba ste/ rkyen nye ba'i phyir ro/ /mngon sum ma yin pa ni ring ba ste bzlog pa'o//sgra las byung ba ni thos pa las byung ba'o/ /tshol ba pa ni bsags pa las byung ba'o/ /lta ba pa ni bsgoms pa las byung ba ste so sor rtog pa'i phyir ro/ /'phrogs dang 'dres dang mi mthun phyogs ma 'dres/ /dman dang rgya che bsgribs dang ma bsgribs dang / / brtson dang ma brtson bsags dang ma bsags pa/ /brtan zhugs ring du song ba'i mos pa'o/ /'phrogs pa ni chung ngu'o/ /'dres pa ni 'bring po'o/ /mi mthun pa'i phyogs rnams dang ma 'dres pa ni chen po'o/ /dman pa ni theg pa gzhan la'o/ /rgya chen po ni theg pa chen po la'o/ /bsgribs pa ni khyad par du 'gro bar bya ba la sgrib pa dang bcas pa'o//ma bsgribs pa ni sgrib pa med pa'o/ /brtson pa ni rtag tu dang gus par byas te sbyor ba'i phyir ro/ /mi brtson pa ni de dag dang bral ba'o/ /bsags pa ni rtog par rung ba'o/ /ma bsags pa ni bzlog pa'o/ /brtan par zhugs pa ni sa la zhugs pa'o//ring du song ba ni sa lhag ma rnams la'o/ /mos pa'i bar du gcod pa la tshigs su bcad pa gsum mo/ /yid la mi byed mang ba dang / /le lo rnal 'byor 'khrugs pa dang / /grogs ngan dge ba zhan pa dang / /tshul bzhin ma yin yid la byed/ /skyes pa la ni med la mi byed pa mang ba bar du gcod do//ma skyes pa la ni le lo'o/ /gzung ba dang 'dzin par gyur pa la ni rnal 'byor 'khrugs pa ste/ de kho na bzhin du mngon par zhen pa'i phyir ro/ /grogs po las blangs pa ni/ grogs po ngan pa ste log par 'dzin du 'jug pa'i phyir ro/ /bdag nyid mos pa la ni dge ba'i rtsa ba nyam chung ba'o//ma nor ba la ni tshul bzhin ma yin pa yid la byed pa bar du gcod de/ de dang 'gal ba'i phyir ro/ /bag med pa dang thos pa nyung / /thos dang bsam pa nyung ngus chog /zhi ba tsam gyis nga rgyal dang / /de bzhin ma 'dris yin par 'dod/ /mngon sum pa la ni bag med pa ste/de ni bag yod pas byas pa'i phyir ro/ /sgra las byung ba ni thos pa nyung ba ste/ nges pa'i don gyi mdo sde ma thos pa'i phyir ro/ /tshol ba pa la ni thos pa tsam gyis chog par 'dzin pa dang bsam pa nyung ngus chog par 'dzin pa'o/ /lta ba pa la ni bsam pa tsam gyis chog par 'dzin pa dang /zhi gnas tsam gyis mngon pa'i nga rgyal byed pa'o/ /'phrogs pa dang / 'dres pa dag la ni ma 'dres pa bar du gcod do/ /mi skyo ba dang de bzhin skyo/ /sgrib pa dang ni mi brtson pa/ /tshogs ma bsags pa mos pa yi/ /bar du gcod par shes par bya/ /dman pa la ni 'khor ba las mi skyo ba'o//rgya chen po la ni skyo ba'o/ /ma bsgribs pa la ni sgrib pa'o/ /brtson pa la ni mi brtson pa'o/ /bsags pa la ni ma bsags pa bar du gcod do/ /mos pa'i phan yon la tshigs su bcad pa lnga ste/ bsod nams che dang 'gyod pa med/ /yid bde ba dang bde ba che//chud mi za dang brtan pa dang / /de bzhin khyad par 'gro ba dang / /chos ni mngon par rtogs pa dang / /bdag dang gzhan don thob pa'i mchog /mngon shes myur ba de dag ni/ /mos pa yi ni phan yon yin/ /skyes pa da ltar byung ba'i ni bsod nams chen po'o/ /'das pa'i ni 'gyod pa med pa ste/yid la gcags pa med pa'i phyir ro/ /'dzin pa dang gzung bar gyur pa'i ni yid bde ba chen po ste/ ting nge 'dzin dang ldan pa'i phyir ro/ /dge ba'i grogs pos bskyed pa'i ni chud mi za'o / /bdag nyid mos pa'i ni brtan pa'o/ /ma nor ba dang / /mngon du ba dang / thos pa las byung ba la sogs pa nas 'bring gi bar gyi ni khyad par du 'gro ba'o//chen po'i ni chos mngon par rtogs pa'o/ /theg pa dman pa'i ni bdag gi don thob pa'o/ /rgya chen po'i ni gzhan gyi don thob pa'i mchog go/ /ma bsgribs pa dang / brtson pa la sogs pa dkar po'i phyogs rnams kyi phan yon ni mngon par shes pa myur ba nyid do//'dod pa can ni de khyi 'dra/ /ting nge 'dzin pa'i rus sbal bzhin/ /rang don byed pa'i de bran 'dra/ /gzhan don byed pa'i rgyal po bzhin/ /ji ltar khyi ni rtag tu ltogs shing sdug bsngal gyis nyen chog mi shes/ /ji ltar rus sbal de ni chu yi nang na kun nas bskums shing 'dug /ji ltar bran ni rtag tu 'jigs shing skrag pa'i lus kyis rnam par rgyu/ /ji ltar rgyal po yang ni bka' yis yul la dbang bsgyur gnas pa ltar / /de bzhin g.yem dang gnas dang rang gzhan phan bya don byed pa'i/ /mos pa sna tshogs dag gis rtag tu khyad par shes par bya//theg pa chen po de la de mchog tshul bzhin rig nas ni/ /'di na brtan pas de la de nyid rtag par rab tu tshol/ /yang 'dod pa can rnams kyi mos pa ni khyi dang 'dra'o/ /'jig rten pa'i ting nge 'dzin dang ldan pa rnams kyi ni rus sbal bzhin no/ /rang gi don dang ldan pa rnams kyi ni bran dang 'dra'o//gzhan gyi don dang ldan pa rnams kyi ni rgyal po bzhin no/ /don de nyid gzhan gyis bstan nas/ gzhan gyis theg pa chen po la mos pa yang dag par len du 'jug pa yin no/ /mos pa la zhum pa dgag par tshigs su bcad pa/ gang phyir sems can mir gyur pa//tshad med skad cig re re la/ /rdzogs pa'i byang chub thob de'i phyir/ /zhum pa dang du blang mi bya/ /rgyu gsum gyis zhum par rigs pa ma yin te/ 'di ltar mir gyur pas 'thob pa dang / dpag tu med pas 'thob pa dang / rtag tu 'thob pa'o/ /mos pa'i bsod nams kyi khyad par la tshigs su bcad pa gnyis te/gzhan dag la ni zas byin pa'i/ /bsod nams 'phel ba ji lta bar/ /bdag nyid za ba'i ma yin pa/ /de bzhin gzhan don rten gyi chos/ /bstan las mdo las gsungs pa yi/ /bsod nams cher 'byung thob pa ltar/ /rang gi don gyi rten gyi chos/ / bstan las thob pa ma yin no/ /ji ltar gzhan gyi don gyi dbang du byas nas kha zas byin pa'i bsod nams skye bar 'gyur ba ltar/ rang gi don gyi dbang du byas nas bdag nyid za ba ma yin pa de bzhin du gzhan gyi don gyi rten theg pa chen po'i chos bstan pa las / theg pa chen po'i mdo de dang de dag las gsungs pa'i bsod nams 'byung ba chen po 'thob pa ltar rang gi don gyi rten nyan thos kyi theg pa'i chos bstan pa las ni ma yin no//mos pa'i 'bras bu yongs su bsdu bar tshigs su bcad pa/ de ltar 'phags pa chen po'i chos ni yangs gyur la/ /blo dang ldan [(]bas [,]pas [)]rtag tu mos pa che bskyed na//bsod nams rgya chen rgyun mi 'chad dang de 'phel dang / /yon tan dpag tu med pas bdag nyid chen por 'gyur/ /gang la dang gang zhig dang mos pa ji lta bus 'bras bu gang yongs su 'dzin pa ste/ theg pa chen po'i chos rgya chen po la blo gros dang ldan pas mos pa yongs su nyams par mi 'gyur ba rgya chen pos 'bras bu rnam pa gsum po bsod nams rgya chen po 'phel ba dang /mos pa de nyid 'phel ba dang / de'i rgyu las byung ba yon tan mtshungs pa med pas bdag nyid chen po sangs rgyas nyid yongs su 'dzin to/ /mos pa'i skabs rdzogs so// // chos yongs su tshol ba'i skabs las/ dmigs pa yongs su tshol ba la tshigs su bcad pa bzhi'o/ /sde snod dag gis gsum mam gnyis kyang rung / /bsdus pa'i phyir te rgyu ni dgus 'dod do/ /de ni bag chags rtogs dang zhi ba dang / /rab tu rtogs pas rnam par grol bar byed/ /sde snod gsum ni//mdo sde dang / 'dul ba dang / chos mngon pa rnams so/ /gsum po de dag nyid theg pa dman pa dang / theg pa mchog gi bye brag gis rnam pa gnyis su 'gyur te/ nyan thos kyi sde snod dang / byang chub sems dpa'i sde snod do/ /gsum po'am/ gnyis po de yang ci'i phyir sde snod ces bya zhe na/smras pa/ bsdus pa'i phyir te/ shes bya'i don thams cad bsdus pa'i phyir ro/ /ci'i phyir gsum yin zhe na/ rgyu dgus te/ the tshom gyi gnyen por ni mdo sde ste/ gang zhig don gang la the tshom za ba de la de nges par bya ba'i ched du bshad pa'i phyir ro/ / mtha' gnyis la sbyor ba'i gnyen por ni 'dul ba ste/ kha na ma tho ba dang bcas pa'i yongs su spyad pa bkag pa'i sgo nas 'dod pa'i bsod nams la rjes su sbyor ba'i mtha' dang / kha na ma tho ba med pa'i yongs su spyad pa rjes su gnang ba'i sgo nas bdag nyid dub pa la sbyor ba'i mtha'o / /rang gi lta ba mchog tu 'dzin pa'i gnyen por ni chos mngon pa ste/chos kyi mtshan nyid phyin ci ma log par ston pa'i phyir ro/ /yang mdo sdes ni bslab pa gsum bshad do/ /'dul bas ni lhag pa'i tshul khrims dang / lhag pa'i sems sgrub pa yin te/ tshul khrims dang ldan pa ni 'gyod pa med pa la sogs pa'i rim gyis ting nge 'dzin 'thob pa'i phyir ro//chos mngon pa bas ni lhag pa'i shes rab sgrub pa yin te/ don phyin ci ma log par rab tu 'byed pa'i phyir ro/ /yang mdo sdes ni chos dang don bshad do/ /'dul bas ni chos dang don sgrub pa ste/ nyon mongs pa 'dul ba la rab tu brtson pas de gnyis rtogs pa'i phyir ro//chos mngon pas ni chos dang don 'brel pa'i gtam rnam par gtan la dbab pa la mkhas pa ste/ rgyu dgu po 'dis sde snod gsum du 'dod do/ /de yang 'khor ba las rnam par grol bar bya ba'i ched yin te/ des ji ltar rnam par grol bar byed ce na/des ni bag chags rtogs dang zhi ba dang / /rab tu rtogs pas rnam par grol bar byed/ /thos pas ni sems la bag chags kyi sgo nas so/ /bsams pas ni rtogs par byed pa'i sgo nas so/ /bsgoms pas ni zhi gnas kyis zhi bar byed pa'i sgo nas dang / lhag mthong gis rab tu rtogs pa'i sgo nas so//mdo dang chos mngon 'dul ba dag /mdor na don ni rnam bzhir 'dod/ /blo dang ldan pas de shes nas/ /rnam pa thams cad mkhyen pa thob / /mdo sde dang / chos mngon pa dang / 'dul ba de dag ni mdor bsdu na/ so so re re zhing don rnam pa bzhi bzhi ste/byang chub sems dpas de rnams shes nas thams cad mkhyen pa nyid 'thob bo/ /nyan thos kyis ni tshigs su bcad pa gcig gi don shes pas kyang zag pa zad pa 'thob bo/ /gnas rnams dang ni mtshan nyid dang / /chos don smos phyir mdo yin no/ /mngon du'i phyir dang yang yang dang //zil gnon rtogs phyir mngon pa'i chos/ /ji ltar na so so re re zhing don rnam pa bzhi yin zhe na/ gnas dang / mtshan nyid dang / chos dang don smos pa'i phyir mdo sde ste/ de la gnas ni yul gang du/ gang gis gang gi phyir bshad pa'o/ /mtshan nyid ni kun rdzob kyi bden pa'i mtshan nyid dang /don dam pa'i bden pa'i mtshan nyid do/ /chos ni phung po dang / khams dang / skye mched dang / zas dang / rten cing 'brel bar 'byung ba la sogs pa rnams so/ /don ni dgongs pa'o/ /mngon du ba'i phyir dang / yang dang yang gi phyir dang /zil gyis gnon pa'i phyir dang / rtogs pa'i phyir chos mngon pa yin par rig par bya ste/ mya ngan las 'das pa la mngon du phyogs pa'i chos ni chos mngon pa ste/ bden pa dang / byang chub kyi phyogs dang mthun pa dang / rnam par pa'i sgo la sogs pa ston pa'i phyir ro//yang dang yang du ston pa'i chos ni chos mngon pa ste/ chos re re la yang gzugs can dang / gzugs can ma yin pa dang / bstan du yod pa la sogs pa'i bye brag gis mang du ston pa'i phyir ro/ /zil gyis gnon pa'i chos ni/ chos mngon pa ste/brtsad pa dang brtsad pa'i gzhi la sogs pas phas kyi rgol ba zil gyis gnon pa'i phyir ro/ /'dis ni mdo sde'i don rtogs par 'gyur bas na chos mngon pa'o/ /ltung dang 'byung dang ldang ba dang / /nges par 'byung dang gang zag dang / /bcas pa dang ni rab dbye dang / / rnam par nges phyir 'dul ba nyid/ /ltung ba dang / 'byung ba dang / ldang ba dang / nges par 'byung ba'i sgo nas 'dul ba yin par rig par bya ste/ de la ltung ba'i ris lnga'o/ /ltung ba rnams 'byung ba ni mi shes pa dang / bag med pa dang / nyon mongs pa mang ba dang / ma gus pa las so//ldang ba ni bsam pas yin gyi chad pa'i las kyis ni ma yin no/ /nges par 'byung ba ni rnam pa bdun te/ bshags pa dang / bslab pa byin pa la sogs pa chad pa'i las khas len pa dang / bslab pa bcas pa la rnam grangs kyis gnang ba'i phyir glod pa dang / dge 'dun tshogs pas bslab pa'i gzhi bag yangs su byas pa'i phyir bag yangs su byas pa dang /dge slong dang dge slong ma dag pho smos kyi mtshan gyur pa na ltung ba thun mong ma yin pa ni rten yongs su gyur pa dang / chos kyi sdom gyis rnam pa so sor rtog pa'i khyad par te/ yang dag par so sor rtog pa dang /bden pa mthong bas ltung ba phra mo'i yang phra mo med pa'i chos nyid thob pa'i phyir chos nyid thob pa'o/ /yang don rnam pa bzhis 'dul ba yin par rig par bya ste/ gang zag las ni gang la brten nas bslab pa 'cha' ba'o/ /bcas pa las ni nam gang zag gi nyes pa gsol ba na/ston pas dge 'dun bsdus te bslab pa 'cha' bar mdzad pa'o/ /rab tu dbye ba las ni gang bslab pa'i gzhi bcas pa la mdor bstan pa ste rnam par phye ba'o/ / rnam par nges pa las ni de la ltung ba'am/ ltung ba med pa ni ji lta bu zhes nges par 'dzin pa'i phyir ro/ /dmigs pa rnyed pa yongs su tshol ba la tshigs su bcad pa gsum mo//dmigs pa chos dang nang dang ni/ /phyi dang gnyis ni yin par 'dod/ /don gnyis kyis ni gnyis po rnyed/ /gnyis po dag ni mi dmigs pas/ /dmigs pa chos ni bshad pa gang yin pa'o/ /lus la sogs pa ni nang dang phyi'o//de la 'dzin par gyur pa'i lus la sogs pa ni nang ste dmigs pa chos so/ /gzung bar gyur pa ni phyi'o/ /de dag nyid kyi de bzhin nyid gnyis so/ /de la nang dang phyi'i dmigs pa gnyis ni don gnyis kyis go rims bzhin du rnyed de/ gal te gzung ba'i don las 'dzin pa'i don tha mi dad par mthong ba'am/'dzin pa'i don las gzung ba'i don tha mi dad par mthong na'o/ /phyi nang gi dmigs pa gnyis po thams cad kyi de bzhin nyid rnyed pa ni de gnyis nyid mi dmigs pa las rig par bya'o/ /yid kyi brjod pas bshad bzhin don/ /rab dang don du snang ba ni//brjod las yin par rab 'dzin phyir/ /sems ni ming la gnas pa'i phyir/ /thos la sogs pa'i shes gsum gyis/ /chos kyi dmigs pa rnyed par 'gyur/ /dmigs pa rnam pa gsum rnyed pa/ /sngar bshad de la yang dag brten/ /chos la dmigs pa rnyed pa ni//thos pa dang / bsams pa dang / bsgoms pa las byung ba'i shes pa gsum gyis 'gyur ro/ /de la mnyam par gzhag pa'i sems kyis yid kyi brjod pa dag gis ji skad bshad pa'i don la rab tu dang ba de rab tu 'dzin pa'i phyir/ thos pa las byung ba'i shes pas de rnyed de/ yid kyi brjod pa dag gis zhes bya ba ni yang dag par rtog pa dag gis so//rab tu dang ba ni mos pa ste/ nges pa'o/ /rab tu 'dzin pa'i phyir zhes bya ba ni rab tu rnam par 'byed pa'i phyir ro/ /don du snang ba ni brjod pa las yin par rab tu 'dzin pa'i phyir bsams pa las byung ba'i shes pas de rnyed de/gal te yid kyi brjod pa kho na las don 'di snang gi/ /dmigs pa gnyis rnyed pa las ji skad bshad pa ltar yid kyi brjod pa las gzhan pa ni ma yin no zhes bya bar mthong na'o/ /sems ming la gnas pa'i phyir bsgoms pa las byung ba'i shes pas de rnyed par rig par bya ste/ gnyis mi dmigs pas rnyed pa las ji skad bshad pa ltar gnyis mi dmigs pa'i phyir ro//de nyid kyi phyir dmigs pa rnam pa gsum rnyed pa sngar bshad pa de ni chos kyi dmigs pa rnyed pa la yang dag par brten pa yin par rig par bya'o/ /yid la byed pa yongs su tshol ba las tshigs su bcad pa lnga ste/rigs gsum pa dang bya ba byed/ /mi gnod rten bcas gzhan yin te/ /mos pa 'jog par byed dang gzhan/ /'dun pa drag por byed pa dang / /dman dang rdzogs rten rnam pa gnyis/ /brjod dang bcas dang brjod med nyid/ /shes pa dang ni mtshungs ldan pa//rnal 'byor rgyu bdag bcas pa dang / /de ni 'dres la dmigs pa dang / /ma 'dres pa la dmigs pa de / /rnam pa lnga dang rnam bdun nyid/ /'di yi yongs su shes pa lnga/ /rnam pa bsgom dang ldan pa ni/ /bzhi dang sum cu rtsa bdun no/ /de ni lam gnyis rang bzhin te/ / phan yon gnyis dang nod pa dang / /sbyor ba pa dang dbang sgyur dang / /chung dang rgya che'i bdag nyid de/ /rnal 'byor rnams kyi yid byed 'di/ /thams cad bdag nyid yin par 'dod/ /rnal 'byor yid la byed pa ni rnam pa bco brgyad de/ rigs nges pa dang / bya ba byed pa dang / rten rnam par dbye ba dang /mos pa 'jog par byed pa dang / 'dun pa skyed par byed pa dang / /ting nge 'dzin la brten pa dang / /shes pa dang mtshungs par ldan pa dang / /'dres pa la dmigs pa dang / ma 'dres pa la dmigs pa dang / yongs su shes pa nges pa dang / sgom pa'i rnam pa la zhugs pa dang /zhi gnas dang lhag mthong gi lam gyi rang bzhin dang / phan yon yid la byed pa dang / nod par byed pa dang / sbyor ba'i yid la byed pa dang / /dbang sgyur ba'i yid la byed pa dang / chung ngu yid la byed pa dang / rgya chen po yid la byed pa'o/ /de la rigs nges pa ni nyan thos la sogs pa'i rigs su nges pa gang yin pa'o//bya ba byed pa ni tshogs bsags pa'i gang yin pa'o/ /rten rnam par dbye ba ni/ gnod pa dang bcas pa khyim na gnas pa'i rten can dang / gnod pa med pa rab tu byung ba'i rten can gang yin pa'o/ /mos pa 'jog par byed pa ni sangs rgyas rjes su dran pa dang ldan pa gang yin pa'o//'dun pa skyed par byed pa ni de la yid ches pa dang ldan pa gang yin pa'o/ /ting nge 'dzin la brten pa ni nyer bsdogs dang dngos gzhi'i ting nge 'dzin dang ldan pa gang yin pa ste/ rtog pa dang bcas dpyod pa dang bcas pa ste rtog pa med la dpyod pa tsam dang /rtog pa yang med/ dpyod pa yang med pa'o/ /shes pa dang mtshungs par ldan par ni rnal 'byor gyi rgyu dang / rnal 'byor mi shes pa dang bcas pa gang yin pa ste/ de yang go rims bzhin du thos pa dang bsams pa las byung ba dang / bsgoms pa las byung ba'o/ /'dres pa la dmigs pa ni rnam pa lnga ste/ mdo dang sdom gyi tshigs su bcad pa dang / nye bar gtod pa dang / ji snyed gzung ba dang / ji snyed bstan pa la dmigs pa'o/ /ma 'dres pa la dmigs pa ni rnam pa bdun te/ ming la dmigs pa dang / tshig la dmigs pa dang /yi ge la dmigs pa dang / gang zag la bdag med pa la dmigs pa dang / chos la bdag med pa la dmigs pa dang / gzugs can gyi chos la dmigs pa dang / gzugs can ma yin pa'i chos la dmigs pa'o/ /de la gzugs can gyi chos la dmigs pa ni/lus la dmigs pa gang yin pa'o/ /gzugs can ma yin pa'i chos la dmigs pa ni tshor ba dang / sems dang / chos la dmigs pa'o/ /yongs su shes pa nges pa ni/ yongs su shes par bya ba'i gzhi dang / yongs su shes par bya ba'i don dang / yongs su shes pa dang /yongs su shes pa'i 'bras bu dang / de rab tu rig pa rnams la ste/ de la yongs su shes par bya ba'i gzhi ni sdug bsngal lo/ /yongs su shes par bya ba'i don de nyid la/ mi rtag pa dang / sdug bsngal ba dang / stong pa dang bdag med pa'o/ /yongs su shes pa ni lam mo/ / yongs su shes pa'i 'bras bu ni rnam par grol ba'o/ /de rab tu rig pa ni rnam par grol ba'i ye shes mthong ba'o/ /sgom pa'i rnam pa la zhugs pa ni/ rnam pa bzhi bsgom pa dang / rnam pa sum cu rtsa bdun bsgom pa'o/ /de la rnam pa bzhi bsgom pa ni/ gang zag la bdag med pa'i rnam pa bsgom pa dang /chos la bdag med pa'i rnam pa bsgom pa dang / mthong ba'i rnam pa bsgom pa dang / shes pa'i rnam pa bsgom pa'o/ /de la rnam pa sum cu rtsa bdun bsgom pa ni/ mi sdug pa'i rnam pa bsgom pa dang / sdug bsngal gyi rnam pa bsgom pa dang /mi rtag pa'i rnam pa bsgom pa dang / bdag med pa'i rnam pa bsgom pa ni dran pa nye bar gzhag pa dag gi dus na'o/ /'thob pa'i rnam pa bsgom pa dang / rten pa'i rnam pa bsgom pa dang / bsal ba'i rnam pa bsgom pa dang / gnyen po'i rnam pa bsgom pa ni yang dag par spong ba dag gi dus na'o//chog par 'dzin pa'i gnyen po yid la byed pa sgom pa ni gang gi tshe 'dun pa skyed par byed pa na'o/ /rnam par g.yeng ba dang / the tshom gyi gnyen po yid la byed pa bsgom pa ni gang gi tshe 'bad par byed/ brtson 'grus rtsom par byed pa na ste/ go rims bzhin no/ / rgod pa'i gnyen po ting nge 'dzin gyi rnam pa bsgom pa ni gang gi tshe sems rab tu 'dzin pa na'o/ /zhum pa'i gnyen po ting nge 'dzin gyi rnam pa bsgom pa ni/ gang gi tshe yang dag par rab tu 'jog pa na ste/ 'di dag ni go rims bzhin du rdzu 'phrul gyi rkang pa bzhi po dag gi dus na rig par bya'o//sems gnas pa 'jig rten las 'das pa'i phun sum tshogs pa la yid ches pa'i rnam pa bsgom pa dang / ji ltar yid ches pa'i rnam pa bsgom pa de bzhin du 'bad pa'i rnam pa bsgom pa dang / chos mi brjed pa'i rnam pa bsgom pa dang / sems gnas pa'i rnam pa bsgom pa dang /rab tu rnam par 'byed pa'i rnam pa bsgom pa ni dbang po dag gi dus na'o/ /yid la byed pa lnga po de dag nyid mi mthun pa'i phyogs spangs pa ni stobs dag gi dus na'o/ /rdzogs pa'i byang chub rab tu snang ba'i rnam pa bsgom pa dang / de nyid la rnam par 'byed pa dang / spro ba dang / yid bde ba dang / las su rung ba dang / sems gnas pa dang / mnyam pa nyid kyi rnam pa bsgom pa ni byang chub kyi yan lag bdun dag gi dus na'o/ /thob par nges pa'i rnam pa bsgom pa dang / yongs su sbyong ba'i sa shes pa'i rnam pa bsgom pa dang / gzhan la go bar byed pa'i rnam pa bsgom pa dang /'phags pa dgyes pa'i tshul khrims la zhugs pa'i rnam pa bsgom pa dang / yo byad bsnyungs pa'i tshul kun tu spyod pa'i rnam pa bsgom pa dang / sngon bsgoms pas thob pa'i lam goms pa'i rnam pa bsgom pa dang / chos la gnas pa'i rgyu mtshan mi brjed pa'i rnam pa bsgom pa dang /mtshan ma med pa la sems gnas pas gnas yongs su gyur pa'i rnam pa bsgom pa ni/ lam gyi yan lag gi dus na'o/ /zhi gnas dang lhag mthong bsgom ba lam gyi rang bzhin dag la ni bshad pa gang yang med do/ /phan yon yid la byed pa ni rnam pa gnyis te/gnas ngan len sel ba dang / lta ba'i mtshan ma sel ba'o/ /nod par byed pa ni sangs rgyas dang / byang chub sems dpa' rnams las chos kyi rgyun gyi gdams ngag nod par byed pa gang yin pa'o/ /sbyor ba'i yid la byed pa ni rnam pa lnga ste/ ting nge 'dzin gyi spyod yul la grangs nye bar rtog pa sbyor ba pa ni gang gis mdo la sogs pa la ming dang /tshig dang yi ge'i grangs nye bar rtog par byed pa'o/ /gnas pa nye bar rtog par sbyor ba pa ni gang gis gnas rnam pa gnyis nye bar rtog par byed pa ste/ tshad yod par gnas pa ni yi ge rnams so/ /tshad med par gnas pa ni ming dang tshig dag go//kun tu rtog pa nye bar rtog pa sbyor ba pa ni/ gang gis gnyis la brten nas gnyis su kun tu rtog pa nye bar rtog par byed pa ste/ ming du kun tu rtog pa la brten nas don du kun tu rtog pa dang / don du kun tu rtog pa la brten nas/ ming du kun tu rtog pa'o/ /yi ge ni kun brtag par bya ba ma yin no//rim pa nye bar rtog pa sbyor ba pa ni gang gi ming 'dzin pa sngon du 'gro ba can gyi don 'dzin pa la 'jug pa nye bar rtog par byed pa'o/ /rtogs pa sbyor ba pa ni rnam pa bcu gcig tu rig par bya ste/ glo bur ba nyid rtogs pa dang / snang ba'i rgyu mtshan rtogs pa dang /don mi dmigs pa rtogs pa dang / dmigs pa mi dmigs pa rtogs pa dang / chos kyi dbyings rtogs pa dang / gang zag la bdag med pa rtogs pa dang / chos la bdag med pa rtogs pa dang / bsam pa dman pa rtogs pa dang / yangs shing bdag nyid chen po'i bsam pa rtogs pa dang /ji ltar rtogs pa'i chos rnam par gzhag pa rtogs pa dang / chos rnam par gzhag pa rtogs pa'o/ /dbang bsgyur ba'i yid la byed pa ni rnam pa gsum ste/ nyon mongs pa'i sgrib pa shin tu rnam par dag pa dang / shes bya'i sgrib pa shin tu rnam par dag pa dang /yon tan mngon par sgrub pa shin tu rnam par dag pa'o/ /chos kyi de kho na nyid kyi don yongs su tshol ba la tshigs su bcad pa gnyis so/ /rtag tu gnyis bral 'khrul pa'i rten gang yin dang gang zhig rnam kun du/ /brjod par nus ma yin zhing spros pa med pa'i bdag nyid de kho na//shes bya spang bya rang bzhin dri med 'dod gang rnam par sbyang bya ste/ /de ni nam mkha' gser dang chu ltar nyon mongs pa las rnam dag 'dod/ /de kho na nyid rtag tu gnyis dang bral ba ni kun brtags pa'i ngo bo nyid yin te/ gzung ba dang 'dzin pa'i mtshan nyid du gtan med pa'i phyir ro//'khrul pa'i rten ni gzhan gyi dbang ste/ des der kun tu rtog pa'i phyir ro/ /brjod du med cing spros pa med pa'i bdag nyid ni yongs su grub pa'i ngo bo nyid do/ /de la de kho na nyid dang po ni yongs su shes par bya ba yin no/ /gnyis pa ni spang bar bya ba yin no/ /gsum pa ni glo bur gyi dri ma las rnam par sbyang bar bya ba yin te/rang bzhin gyis rnam par dag go/ /rang bzhin gyis rnam par dag pa gang yin pa de ni nam mkha' dang gser dang chu lta bur nyon mongs pa las rnam par dag pa yin te/ nam mkha' la sogs pa ni rang bzhin gyis ma dag pa yang ma yin la/ de dag glo bur gyi dri ma dang bral ba'i sgo nas rnam par dag par mi 'dod pa yang ma yin no//'gro ba dag na de las gzhan yang cung zad yod min la/ /'gro ba ma lus pa yang de la kun tu rmongs pa'i blo/ /yod pa kun nas spangs te med la mngon zhen gang yin pa/ /'jig rten rmongs pa'i rnam pa tshabs chen 'di go ji lta bu//'jig rten na chos kyi dbyings kyi mtshan nyid de lta bu las gzhan ni cung zad kyang med de/ chos nyid dang chos tha mi dad pa'i phyir ro/ /lhag ma ni don go bar zad do/ /de kho na nyid la sgyu ma lta bu yongs su tshol ba'i tshigs su bcad pa bco lnga'o//ji ltar sgyu ma de bzhin du/ /yang dag ma yin kun rtog brjod/ /sgyu ma byas pa ji lta bar/ /de bzhin gnyis su 'khrul pa brjod/ /'khrul pa'i rgyu mtshan shing dang bong ba la sogs pa sgyu ma'i sngags kyis btab pa ji lta ba de bzhin du yang dag pa ma yin pa'i kun tu rtog pa gzhan gyi dbang gi ngo bo nyid kyi rnam par rig par bya'o//ji ltar sgyu ma de la sgyu ma byas pa rta dang glang po che dang gser la sogs pa'i gzugs de'i ngo bor snang ba de bzhin du yang dag pa ma yin pa'i kun tu rtog pa de la gnyis su 'khrul pa gzung ba dang / 'dzin pa nyid du snang ba kun brtags pa'i ngo bo nyid kyi rnam par rig par bya'o//ji ltar de la de med pa/ /de bzhin du ni don dam 'dod/ /ji ltar de ni dmigs pa ltar/ /de bzhin du ni kun rdzob nyid/ /ji ltar de la de med pa ste / sgyu ma byas pa de la glang po che la sogs pa med pa de bzhin du gzhan gyi dbang de la kun brtags pa gnyis kyi mtshan nyid med pa la don dam par 'dod do//ji ltar sgyu ma byas pa de glang po che la sogs pa'i ngo bor dmigs pa de bzhin du/ yang dag pa ma yin pa las kun brtags pa de kun rdzob kyi bden par dmigs so/ /de med na ni de yi rgyu/ /gsal bar dmigs pa ji lta bar/ /de bzhin gnas ni gzhan gyur na //yang dag ma yin rtog pa dmigs/ /ji ltar sgyu ma byas pa de med na de'i rgyu shing la sogs pa'i don yang dag pa gsal bar dmigs pa de bzhin du gnas gzhan du gyur na gnyis su 'khrul pa med pa'i phyir yang dag pa ma yin pa'i kun tu rtog pa'i don yang dag par dmigs so//ji ltar 'jig rten ma 'khrul ba/ /de yi rgyu la 'dod dgur spyod/ /de bzhin sdom brtson ma 'khrul ba/ /gnas gzhan gyur la dgyes dgur spyod/ /ji ltar 'jig rten ma 'khrul ba de'i rgyu shing la sogs pa la 'dod dgur rang dbang du spyod pa de bzhin du/ 'phags pa 'khrul pa mi mnga' ba yang gnas gzhan du gyur pa la 'dod dgur rang dbang du spyod do//de lta bu ni de la yod/ /de yi dngos po yod ma yin/ /de ltas sgyu ma la sogs pa/ /yod dang med pa nyid du brjod/ /tshigs su bcad pa 'di'i don go bar zad do/ /de la yod pa med ma yin/ /med pa yod pa nyid ma yin//sgyu ma dag la sogs pa la/ /yod med khyad par med pa'ang brjod/ /de la yod pa ni med pa ma yin te/ de lta bur yod pa gang yin pa de ni med pa ma yin no/ /med pa ni yod pa nyid ma yin te/ glang po che la sogs par med pa gang yin pa de ni yod pa ma yin no//sgyu ma la sogs pa yod pa dang med pa de dag khyad par med par yang brjod do/ /de la de ltar yod pa gang yin pa de nyid glang po che la sogs par med par yin la/ glang po che la sogs par med pa gang yin pa de nyid de lta bur yod pa ma yin pas so/ /de bzhin gnyis snang de la yod//de yi dngos po yod ma yin/ /de ltar gzugs la sogs pa la/ /yod dang med pa nyid du brjod/ /de bzhin du yang dag pa ma yin pa'i kun tu rtog pa 'di la gnyis su snang ba ni yod do/ /gnyis kyi dngos po ni med do/ /de lta bas na yang dag pa ma yin pa'i kun tu rtog pa'i ngo bo nyid gzugs la sogs pa la yod pa dang med pa nyid brjod do//de la yod pa med ma yin/ /med pa yod pa nyid ma yin/ /gzugs la sogs pa dag la ni/ /yod med khyad par che ba'ang brjod/ /de la yod pa nyid ni med pa ma yin te/ gnyis su snang ba gang yin pa'o//med pa nyid ni yod pa ma yin te/ gnyis kyi dngos po med pa nyid gang yin pa'o/ /gzugs la sogs pa la yod pa dang med pa khyad par med pa yang brjod de/ gnyis po snang bar yod pa gang yin pa de nyid gnyis kyi dngos por med pa ma yin pas so/ /sgro 'dogs pa dang skur pa yi//mtha' rnams dgag par bya phyir dang / /theg pa dman pas 'gro ba dag /dgag par bya phyir 'dod pa yin/ /ci'i phyir yod pa dang med pa dag gcig tu chad pa dang / khyad par med pa 'dir yang 'dod ce na/ go rims bzhin du sgro 'dogs pa dang / skur pa 'debs pa'i mtha' dgag par bya ba'i phyir dang /theg pa dman pas 'gro ba dgag pa'i phyir 'dod pa yin te/ med pa la med pa nyid du rig nas sgro 'dogs par mi byed do/ /yod pa la yod pa nyid du rig nas skur ba 'debs par mi byed do/ /de gnyis khyad par med pa nyid du rig nas yod pas yid 'byung bar mi 'gyur te/ de lta bas na theg pa dman pas nges par mi 'byung ngo //'khrul pa'i rgyu dang 'khrul pa ni/ /gzugs kyi rnam par rig pa dang / /gzugs can min rnams rig par 'dod/ /med phyir cig shos kyang med 'gyur/ /gzugs su 'khrul pa'i rgyu rnam par rig pa gang yin pa de ni gzugs kyi rnam par rig pa yin la/gzugs su 'khrul pa gang yin pa de ni gzugs can ma yin pa'i rnam par rig pa yin par 'dod do/ /gzugs kyi rnam par rig pa med pa'i phyir cig shos gzugs can ma yin pa'i rnam par rig pa yang med de/ rgyu med pa'i phyir ro/ /sgyu ma'i glang po'i gzugs 'dzin pa//'khrul phyir gnyis su brjod pa ste/ /de la ji bzhin gnyis med kyang / /gnyis po dag tu nye bar dmigs/ /keng rus kyi ni gzugs 'dzin pa/ /'khrul phyir gnyis su brjod pa ste/ /de la ji bzhin gnyis med kyang / /gnyis po dag tu nye bar dmigs/ /sgyu ma'i glang po che'i gzugs 'dzin pa'i 'khrul pa las gzung ba dang //'dzin pa gnyis su brjod de/ de la gnyis po ji lta bar med kyang gnyis su rnam par dmigs so/ /keng rus kyi gzugs brnyan yid la byed pa'i der 'dzin pa yang 'khrul pa las gnyis su brjod de snga ma bzhin no/ /'khrul pa'i mtshan nyid chos gang yin//de bzhin yod dang de bzhin med/ /yod med khyad par med pa'i phyir/ /yod dang med dang sgyu ma 'dra/ /'khrul pa'i mtshan nyid kyi chos mi mthun pa'i phyogs kyi ngo bo nyid gang dag yin pa de dag ni yod pa dang med pa dang sgyu ma lta bu yin no/ /ci'i phyir zhe na/ yang dag pa ma yin pa'i kun tu rtog pa nyid du de bzhin yod pa'i phyir yod pa yin no//gzung ba dang / 'dzin pa nyid du de bzhin med pa'i phyir med pa yin no/ /yod pa dang med pa de dag khyad par med pa'i phyir/ /yod pa yang ma yin la/ med pa yang ma yin no/ /sgyu ma'i mtshan nyid kyang de dang 'dra ste/de lta bas na sgyu ma lta bu yin no/ /gnyen po'i chos ni gang yin pa/ /de bzhin med dang de bzhin yod/ /de bzhin med phyir mtshan nyid med/ /sgyu ma dang yang 'dra bar bstan/ /gnyen po'i chos dran pa nye bar gzhag pa la sogs pa sangs rgyas kyis bstan pa gang dag yin pa de dag kyang mtshan nyid med pa dang /sgyu ma lta bur bstan to/ /ci'i phyir zhe na/ ji ltar byis pa rnams kyis bzung ba de bzhin med pa'i phyir dang / ji ltar bshad pa de ltar yod pa'i phyir dang / ji ltar bcom ldan 'das kyis lhums su 'jug pa dang / bltams pa dang / / mngon par 'byung ba dang / mngon par rdzogs par byang chub pa la sogs pa kun tu bstan pa de bzhin med pa'i phyir te/ de ltar na mtshan nyid med pa yin no/ /yod pa ma yin yang yod pa lta bur snang ste/ de lta bas na sgyu ma lta bu yin no/ /dpe'i don du tshigs su bcad pa/ sgyu ma'i rgyal po sgyu ma yin//rgyal po gzhan gyis pham pa ltar/ /gang dag gis ni chos mthong ba'i/ /rgyal sras de dag nga rgyal med/ /gnyen po'i chos gang dag yin pa de dag ni sgyu ma'i rgyal po lta bu ste/ kun nas nyon mongs pa spong bar bya ba'i phyir/ rnam par byang ba la dbang byed pa'i phyir ro//kun nas nyon mongs pa gang dag yin pa de dag kyang dpe'i don kyis rgyal po lta bu yin te / kun nas nyon mongs pa 'grub pa la dbang byed pa'i phyir ro/ /de'i phyir gnyen po de dag gis kun nas nyon mongs pa pham par byed pa ni/ /rgyal pos rgyal po 'bebs pa lta bur blta bar bya ste/de shes pas phyogs gnyis ka la byang chub sems dpa' rnams nga rgyal med par 'gyur ro/ /sangs rgyas rnams sangs rgyas mchog rnams kyis de dang de las 'dus byas dag /gsungs pa sgyu ma rmi lam smig rgyu gzugs brnyan dang 'dra mig yor dang / brag ca lta bu dang ni chu zla'i gzugs 'dra sprul dang 'drar shes bya//drug dang drug dang gnyis dang drug tshan gnyis dang gsum po re rer 'dod/ /gang du bcom ldan 'das kyis chos rnams ni sgyu ma lta bu'o zhes bya ba nas sprul pa lta bu'o zhes bya ba'i bar gsungs pa de la chos rnams sgyu ma lta bu ni nang gi skye mched drug ste/bdag dang srog la sogs pa med bzhin du de ltar snang ba'i phyir ro / /rmi lam lta bu ni phyi'i skye mched drug ste/ de nye bar spyad pa'i dngos por med pa'i phyir ro/ /smig rgyu lta bu ni sems dang sems las byung ba'i chos gnyis te/ 'khrul bar byed pa'i phyir ro//yang gzugs brnyan lta bu ni nang gi skye mched drug kho na ste/ sngon gyi las kyi gzugs brnyan yin pa'i phyir ro/ /mig yor lta bu ni/ nang gi skye mched rnams kyi grib ma lta bu yin pa'i phyir/ /phyi'i skye mched drug kho na ste/ de'i dbang gis 'byung bas so / /drug tshan gnyis su 'dod pa ni drug tshan gnyis su 'dod pa yin no//brag ca lta bu ni bshad pa'i chos rnams so/ /chu zla'i gzugs lta bu ni/ ting nge 'dzin la brten pa'i chos rnams te/ ting nge 'dzin ni dang ba nyid kyis chu lta bu yin pa'i phyir ro/ /sprul pa lta bu ni/ bsams bzhin du srid par skye ba yongs su len pa yin te/bya ba thams cad la kun nas nyon mongs pa med par sbyor ba'i phyir ro/ /shes bya yongs su tshol ba'i tshigs su bcad pa/ /yang dag min rtog yang dag min/ /yang dag ma yin min mi rtog /rtog min mi rtog ma yin pa/ /shes bya thams cad yin par brjod//yang dag pa ma yin pa'i rtog pa ni/ /'jig rten las 'das pa'i ye shes kyi rjes su mthun pa ma yin pa'i rnam par rtog pa gang yin pa'o/ /yang dag pa yang ma yin la/ /yang dag pa ma yin pa yang ma yin pa ni de'i rjes su mthun pa nges par 'byed pa'i cha dang mthun pa'i bar gang yin pa'o//mi rtog pa ni de bzhin nyid dang / 'jig rten las 'das pa'i ye shes so/ /rtog pa yang ma yin mi rtog pa yang ma yin pa ni 'jig rten las 'das pa'i rjes las thob pa 'jig rten pa'i ye shes te/ shes bya thams cad ni de tsam du zad do/ /kun nas nyon mongs pa dang /rnam par byang ba yongs su tshol ba la tshigs su bcad pa gnyis te/ rang gi khams las gnyis snang zhing / /ma rig nyon mongs lhan cig tu/ /'jug pa'i rnam rtog rang 'byung ste/ /rdzas gnyis rnam par spangs pa yi / /rang gi khams las zhes bya ba ni/ rang gi sa bon kun gzhi'i rnam par shes pa las so/ /gnyis su snang zhes bya ba ni gzung ba dang 'dzin par snang ba'o/ /ma rig pa dang / nyon mongs pa dang / /lhan cig 'jug pa zhes bya ba ni/ 'di dag la ma rig pa dang nyon mongs pa rnams dang lhan cig 'jug pa yod pas na 'di dag ni ma rig pa dang /nyon mongs pa dang lhan cig 'jug pa yin no/ /rdzas gnyis spangs pa ni/ gzung ba'i rdzas dang / 'dzin pa'i rdzas te/ de ltar kun nas nyon mongs pa yongs su btsal bar bya'o/ /dmigs pa'i khyad par thob pa yi / /rang gi dbyings la gnas ldan phyir//de nyid gnyis su snang med par/ /'jug ste pags dang mda' bzhin no/ /dmigs pa'i khyad par thob pa zhes bya ba ni/ chos kyi dmigs pa rnyed pa gang yin pa ste/ de ni sngar bshad zin to/ /rang gi dbyings la gnas ldan phyir/ zhes bya ba la/ rang gi dbyings ni rnam par rtog pa rnams kyi de bzhin nyid do//de la gnas pa ni ming la sems gnas pa'i phyir ro/ /ldan pa'i phyir zhes bya ba ni goms pas sgom pa'i lam dang ngo / /gnas yongs su gyur pa'i rnam par rtog pa de nyid gnyis su snang ba med par 'jug ste/ pags pa dang mda' bzhin no/ /ji ltar pags pa de nyid khengs pa dang bral bas mnyen por 'gyur ba dang /mda' de nyid mes bsros pa dang drang por 'gyur ba de bzhin du zhi gnas dang / lhag mthong bsgoms pa dag gis sems dang / shes rab rnam par grol ba thob na gnas gzhan du gyur pa rnam par rtog pa de dag nyid yang gnyis su snang bar mi 'jug ste/de ltar rnam par byang ba yongs su btsal bar bya'o/ /rnam par rig pa tsam yongs su tshol ba la tshigs su bcad pa gnyis te/ sems ni gnyis su snang ba ste/ /de bzhin chags sogs snang ba 'am/ /dad la sogs par snang bar 'dod/ /nyon mongs dge chos yod ma yin//sems tsam po 'di gzung bar snang ba dang / 'dzin par snang ba dang / gnyis su snang bar 'dod do/ /de bzhin du de nyid 'dod chags la sogs pa nyon mongs par snang ba'am/ dad pa la sogs pa dge ba'i chos su snang bar 'dod la/de dag tu snang ba las gzhan pa kun nas nyon mongs pa'i chos 'dod chags la sogs pa'i mtshan nyid dam/dge ba dad pa la sogs pa'i mtshan nyid ni med de/ dper na gnyis su snang ba las gzhan pa gnyis kyi mtshan nyid med pa bzhin no/ /sems ni sna tshogs snang ba dang / /rnam pa sna tshogs can du 'jug /de la snang ste yod dang med/ /de phyir chos kyi ma yin no/ /sems 'di nyid rnam grangs kyi 'dod chags su snang ba'am/ zhe sdang du snang ba'am/ de las gzhan pa'i chos su snang ba sna tshogs su snang ba dang / cig car dad pa dang / brtson 'grus la sogs pa'i rnam pa ste/ rnam pa sna tshogs can du 'jug go//nyon mongs pa can dang dge ba'i gnas skabs kyi sems la snang ba yod pa'am/ med pa ni nyon mongs pa can dang / dge ba'i chos rnams kyi ni ma yin te/ der snang ba las ma gtogs pa de'i mtshan nyid med pa'i phyir ro/ /mtshan nyid yongs su tshol ba la tshigs su bcad pa brgyad de/gcig gis ni bstan to/ lhag ma rnams kyis ni bshad do/ /sangs rgyas rnams kyis sems can la/ /phan gdags phyir ni mtshan gzhi dang / /mtshan nyid dang ni mtshon pa dag /rab tu dbye ba yang dag bshad/ /'dis ni bstan to/ /sems ni lta bcas gang yin dang //de yi gnas skabs mi 'gyur ba/ /'di ni mdor na mtshan gzhi ste/ /rab tu dbye na tshad med do/ de la sems ni rnam par shes pa dang gzugs so/ /lta ba ni sems las byung ba'i chos rnams so/ /de'i gnas skabs ni sems dang ldan pa ma yin pa'i chos rnams so//mi 'gyur ba ni nam mkha' la sogs pa 'dus ma byas te/ de dang de'i rnam par rig pa rtag tu de bzhin du 'jug pa'i phyir ro/ /de ltar na mtshan gzhi ni mdor bsdu na rnam pa de lnga yin no/ /rab tu dbye na ni tshad med do/ /ji ltar brjod don 'du shes kyi/ /rgyu mtshan de yi bag chags dang //de las kyang don snang ba ni/ /kun brtags pa yi mtshan nyid do/ /mtshan nyid ni mdor bsdu na rnam pa gsum ste/ kun brtags pa la sogs pa'i mtshan nyid do/ /de la kun brtags pa'i mtshan nyid ni rnam pa gsum ste/ ji ltar brjod pa'i don gyi 'du shes kyi rgyu mtshan dang /brjod pa de'i bag chags dang / bag chags de las kyang tha snyad la mi mkhas pa rnams la brjod pa'i don gyi 'du shes med par don du snang ba gang yin pa'o/ /de la brjod pa ji lta ba bzhin du don du 'du shes pa sems las byung ba ni ji ltar brjod pa'i don gyis 'du shes so/ / de'i dmigs pa gang yin pa de ni rgyu mtshan yin no/ /de ltar na kun brtag par bya ba gang yin pa dang / rgyu bag chags gang las yin pa de gnyi ga 'dir kun brtags pa'i mtshan nyid du bzhed do/ /ming dang don ni ji lta bar/ /don dang ming du snang ba gang / /yang dag min rtog rgyu mtshan ni//kun brtags pa yin mtshan nyid do/ /rnam grangs gzhan yang ming dang don ji bzhin par ni ming dang don ji lta bar ro/ /don dang ming du snang ba ni don dang ming du snang ba'o/ /gal te ming ji lta bar don nam/ don ji lta bar ming du snang na yang dag pa ma yin/ pa'i kun tu rtog pa'i dmigs pa 'di ni kun brtags pa'i mtshan nyid yin te/ kun brtag par bya ba ni 'di lta ste/ ming dang don zhes bya ba ni 'di tsam du zad pas so/ /rnam gsum rnam gsum snang ba can/ /'dzin dang gzung ba'i mtshan nyid de/ /yang dag ma yin kun rtog ni/ / gzhan gyi dbang gi mtshan nyid do/ /'di la rnam pa gsum dang / rnam pa gsum du snang ba yod pas na/ rnam pa gsum dang rnam pa gsum du snang ba can no/ /de la rnam pa gsum du snang ba ni gnas su snang ba dang / don du snang ba dang / lus su snang ba'o/ /yang rnam pa gsum du snang ba ni yid dang /'dzin pa dang / rnam par rtog par snang ba ste/ yid ni rtag tu nyon mongs pa can gang yin pa'o/ /'dzin pa ni rnam par shes pa lnga'i tshogs so/ /rtog pa ni yid kyi rnam par shes pa'o/ /de la rnam pa gsum du snang ba dang po ni gzung ba'i mtshan nyid do/ /gnyis pa ni 'dzin pa'i mtshan nyid de /de ltar na yang dag pa ma yin pa'i kun tu rtog pa 'di ni gzhan gyi dbang gi mtshan nyid yin no/ /med dang yod nyid gang yin dang / /yod dang med pa mnyam nyid dang / /ma zhi zhi dang rnam mi rtog /yongs su grub pa'i mtshan nyid do/ /yongs su grub pa'i mtshan nyid ni de bzhin nyid yin te/de ni kun brtags pa'i chos thams cad kyi med pa nyid yin no/ /de'i med pa nyid du yod pa'i phyir yod pa nyid kyang yin no/ /yod pa dang med pa de dag tha mi dad pa'i phyir/ yod pa dang med pa mnyam pa nyid kyang yin no/ /nye ba'i nyon mongs pa'i glo bur ba dag gis ma zhi ba nyid kyang yin no//rang bzhin gyis rnam par dag pa'i phyir zhi ba nyid kyang yin no/ /rnam par mi rtog pa ni spros pa med pas rnam par rtog pa'i spyod yul ma yin pa'i phyir ro/ /'dis ni de bzhin nyid kyi mtshan nyid rnam pa gsum yongs su bstan te/ rang gi mtshan nyid dang /kun nas nyon mongs pa dang / rnam par byang ba'i mtshan nyid dang / rnam par mi rtog pa'i mtshan nyid do/ /mtshan nyid rnam pa gsum bshad zin to/ /rgyu mthun chos la dmigs nas ni/ /tshul bzhin yid la byed pa dang / /sems kyi dbyings la gnas pa dang / /don yod pa dang med par mthong //mtshon pa ni rnal 'byor gyis rnam pa lnga ste/ gzhi dang / bskyed pa dang / me long lta bu dang / snang ba dang rten to/ /de la gzhi ni rgyu mthun pa'i chos te/ sangs rgyas kyis thugs su chud nas bshad pa gang yin pa de ni thugs su chud pa de'i rgyu mthun pa yin no//bskyed pa ni tshul bzhin yid la byed pa'o/ /me long lta bu ni sems kyi dbyings la gnas pa'i ting nge 'dzin te/ gong du ming la gnas par bshad pa gang yin pa de nyid do/ /snang ba ni don yod pa dang / med pa nyid du mthong ba 'jig rten las 'das pa'i shes rab ste/ gang gis yod pa la yang yod pa yang dag pa ji lta ba bzhin du mthong la/med pa la yang med pa yang dag pa ji lta ba bzhin du mthong ba'o/ /rten ni gnas gzhan du gyur pa'o/ /de ni mnyam pa nyid du 'gyur/ /'phags rigs shin tu dri med pa/ /mnyam dang khyad 'phags 'bri med cing / /'phel med pa yi mtshan nyid 'dod//mnyam pa nyid du 'gyur ba ni 'phags pa'i rigs zag pa med pa'i dbyings na de las gzhan pa'i 'phags pa dag dang ngo / /sangs rgyas rnams kyi 'phags pa'i rigs dri ma med pa de la yang rnam par grol bar mnyam pa nyid kyis nyan thos dang / rang sangs rgyas dag dang mnyam pa yin no//khyad par rnam pa lngas khyad par du 'phags pa yang yin te/ rnam par dag pa'i khyad par gyi ni nyon mongs pa dag chags dang bcas te rnam par dag pa'i phyir ro/ /yongs su dag pa'i khyad par gyis ni zhing yongs su dag pa'i phyir ro/ /sku'i khyad par gyis ni chos kyi sku'i phyir ro//longs spyod rdzogs pa'i khyad par gyis ni 'khor gyi dkyil 'khor dag tu chos kyi longs spyod rdzogs pa rgyun mi 'chad par 'jug pa'i phyir ro/ /phrin las kyi khyad par gyis ni dga' ldan gyi gnas na bzhugs pa la sogs pa sprul pa dag gis sems can gyi don mdzad pa rjes su sgrub pa'i phyir ro//de la ni kun nas nyon mongs pa'i phyogs 'gag pa ni 'bri ba yang med la/ rnam par byang ba'i phyogs skye ba na 'phel ba yang med do/ /de ltar na rnal 'byor gyis rnam pa lnga po 'di ni mtshon pa yin te/ des mtshan gzhi dang / mtshan nyid de mtshon par byed do/ /rnam par grol ba yongs su tshol ba la tshigs su bcad pa drug ste/ sa bon gzhan du gyur pa'i phyir/ /gnas don lus su snang ba dag /gzhan du gyur pa zag med dbyings/ /de ni rten kun 'gro ba can/ /sa bon gzhan du gyur pa'i phyir//zhes bya ba ni/ kun gzhi rnam par shes pa gzhan du gyur pa'i phyir ro/ /gnas dang don dang lus su snang ba'i rnam par shes pa rnams gzhan du gyur pa ni zag pa med pa'i dbyings te/ rnam par grol ba'o/ /de ni rten kun tu 'gro ba can te/ nyan thos dang rang sangs rgyas dang sangs rgyas la mnga' ba yin no//yid dang 'dzin dang rnam par rtog /gyur phyir rnam par mi rtog dang / /zhing dang ye shes las dag la/ /dbang gi rnam pa bzhi yin no/ /gyur pa'i don ni yid dang 'dzin pa dang rnam par rtog pa bzlog pa ste/ go rims bzhin du rnam par mi rtog pa dang zhing dang ye shes dang las dag la dbang rnam pa bzhi yin no//dbang de mi g.yo la sogs pa'i/ /sa gsum la ni rnam bzhi ste/ /gcig la rnam gnyis de las gzhan/ /dbang re rer ni 'dod pa yin/ /dbang de yang sa mi g.yo ba la sogs pa gsum la rnam pa bzhir rig par bya ste/sa mi g.yo ba gcig la rnam pa gnyis te/ mngon par 'du byed pa med par rnam par mi rtog pa'i phyir rnam par mi rtog pa dang / sangs rgyas kyi zhing yongs su dag pa'i phyir zhing la dbang ngo / /de las gzhan pa'i sa la ni dbang re re ste//legs pa'i blo gros la ni so sor yang dag par rig pa'i khyad par thob pa'i phyir ye shes la dbang ngo / /chos kyi sprin la ni mngon par shes pa'i las rnams la thogs pa med pa'i phyir las la dbang ngo / /blo dang ldan pas srid gtogs bdag med rnam pa gnyi ga 'ang rig 'gyur la//de yang mnyam par shes nas de ni 'dzin pa'i sgo nas de nyid 'jug /de nas de la yid gnas phyir na de la de yang mi snang ngo / /de mi snang ba grol ba yin te mchog tu dmigs dang bral ba'o/ /rnam par grol ba'i rnam grangs gzhan yang byang chub sems dpas srid pa gsum du gtogs pa bdag med pa rnam pa gnyi ga rig par gyur la/bdag med pa rnam pa gnyis po de yang kun brtags pa'i gang zag med pa bzhin du/ kun brtags pa'i chos med par shes pa'i phyir/ mnyam par shes nas te/ rnam pa thams cad du med pa'i phyir ni ma yin no/ / 'di ni 'dzin pa tsam mo zhes 'dzin pa'i sgo nas de kho na nyid rnam par rig pa tsam la 'jug go/ /de nas de kho na nyid rnam par rig pa tsam de la yid gnas pa'i phyir/ de kho na nyid rnam par rig pa tsam de yang mi snang ngo / /de mi snang ba ni grol ba mchog tu dmigs pa dang bral ba gang yin pa ste/gang zag dang chos dag mi dmigs pa'i phyir ro/ /tshogs kyis gzhi dang bskyed yod na/ /ming tsam du ni mthong bar 'gyur/ /ming tsam mthong ste der mthong na/ /de yang phyis ni mi mthong ngo / /rnam grangs gzhan yang tshogs kyis zhes bya ba ni tshogs bsags pa'i sngon gyi tshogs kyi stobs kyis so//gzhi zhes bya ba ni thos pa'o/ /bskyed pa yod na zhes bya ba ni/ tshul bzhin yid la byed pa'o/ /ming tsam du mthong bar 'gyur ro zhes bya ba ni mngon par brjod pa tsam du ste/ don dang bral bar ro/ /ming tsam du mthong ste zhes bya ba ni rnam par rig pa tsam du ste/ming ni gzugs can ma yin pa'i phung po bzhi yin pa'i phyir ro/ /der mthong na de yang phyis mi mthong ba nyid de/ don med na de'i rnam par rig pa mi mthong ba'i phyir ro/ /de bas na 'di ni mi dmigs pa'i rnam par grol ba yin no/ / sems ni gnas ngan len dang bcas/ /bdag lta'i zhags pas zin par ni/ /rab tu 'jug par 'gyur te de/ /nang du gnas phyir ldog par 'dod/ /rnam grangs gzhan yang sems 'di ni skye ba rnams su gnas ngan len dang bcas par rab tu 'jug go/ /bdag tu lta ba'i zhags pas zin pas zhes bya ba ni gnas ngan len gyi rgyu ston te/bdag tu lta ba rnam pa gnyis kyis zin pas na de'i phyir gnas ngan len dang bcas pa yin no/ /de nang du gnas pa'i phyir ldog go zhes bya ba ni/ sems de sems kho na la gnas pa'i phyir te/ dmigs pa mi dmigs pa'i phyir ro//ngo bo nyid med pa yongs su tshol ba la tshigs su bcad pa gnyis te/ rang dang rang gi bdag nyid du/ /med phyir rang gi ngo bo la/ /mi gnas phyir dang 'dzin bzhin de/ /med phyir ngo bo nyid med 'dod/ /rang med pa'i phyir ngo bo nyid med pa ni chos rnams rkyen la rag las pa'i phyir ro//rang gi bdag nyid du med pa'i phyir ngo bo nyid med pa ni 'gags pa rnams yang de'i bdag nyid du mi skye ba'i phyir ro/ /rang gi ngo bo la mi gnas pa'i phyir ngo bo nyid med pa ni skad cig ma yin pa'i phyir ro/ /de ltar na ngo bo nyid med pa rnam pa gsum po 'di ni 'dus byas kyi mtshan nyid gsum dang sbyar bar rig par bya'o//'dzin pa bzhin de med pa'i phyir ngo bo nyid med pa la de med pa'i phyir zhes bya ba ni ngo bo nyid med pa'i phyir te/ ji ltar byis pa rnams ngo bo nyid rtag pa dang / bde ba dang / gtsang ba dang / bdag gam/ kun brtags pa'i mtshan nyid gzhan du 'dzin pa de ltar ngo bo nyid 'di med pas de'i phyir yang chos rnams ngo bo nyid med pa nyid du 'dod do//phyi ma phyi ma'i rten yin pas/ /ngo bo nyid ni med pa yis/ /skye med 'gag med gzod nas zhi/ /rang bzhin mya ngan 'das pa grub/ /ngo bo nyid med pas ni skye ba med pa la sogs pa grub ste/ gang zhig ngo bo nyid med pa de ni ma skyes pa'o//gang ma skyes pa de ni ma 'gags pa'o/ /gang ma skyes pa dang / ma 'gags pa de ni gzod ma nas zhi ba'o/ /gang gzod ma nas zhi ba de ni rang bzhin gyis yongs su mya ngan las 'das pa'o/ /de ltar na ngo bo nyid med pa la sogs pa 'di dag phyi ma phyi ma'i rten yin pas ngo bo nyid med pas skye ba med pa la sogs pa grub pa yin no//mi skye ba'i chos la bzod pa yongs su tshol ba la tshigs su bcad pa 'phags pa ste/ thog ma dang ni de nyid gzhan nyid dang / /rang gi mtshan nyid rang dang gzhan du 'gyur/ /kun nas nyon mongs pa dang khyad par la//skye ba med pa'i chos la bzod par bshad/ /chos brgyad la skye ba med par bzod pa ni mi skye ba'i chos la bzod pa'o/ /de thog ma ni 'khor ba la ste/ de la thog ma skye ba med do/ /de nyid dang gzhan nyid ni snga ma dang phyi ma rnams la ste/ 'khor ba na chos gang dag sngar skyes pa de dag nyid skye ba ni med de/de'i ngo bor mi skye ba'i phyir ro/ /gzhan dag kyang ma yin te/ sngon med pa'i rnam par mi skye ba'i phyir ro/ /rang gi mtshan nyid ni/ kun brtags pa'i ngo bo nyid la ste/ de la ni nam yang skye ba med do/ /rang skye ba med pa ni gzhan gyi dbang la'o/ /gzhan du 'gyur ba ni yongs su grub pa la ste/de la ni gzhan du 'gyur bar skye ba med do/ /kun nas nyon mongs pa ni spangs pa la ste/ zad pa shes pa thob pa la kun nas nyon mongs pa skye bar mi blta'o/ /khyad par ni sangs rgyas kyi chos kyi sku rnams la ste/ de dag la ni khyad par du skye ba med do//de ltar na chos de dag la skye ba med pa'i chos la bzod par bshad do/ /theg pa gcig pa nyid yongs su tshol ba la tshigs su bcad pa bdun te/ chos dang bdag med grol ba rnams/ /mtshungs phyir rigs ni tha dad phyir/ /bsam gnyis thob phyir sprul pa'i phyir/ / mthar thug phyir na theg gcig nyid/ /nyan thos la sogs pa'i chos kyi dbyings tha mi dad pas na chos kyi dbyings mtshungs pa'i phyir theg pa gcig pa nyid de/ bgrod par bya bas na theg pa yin pas so/ /nyan thos la sogs pa'i gang zag rnams bdag med pa 'dra bas bdag med [(]ba [,]pa[) ] mtshungs pa'i phyir theg pa gcig pa nyid de/'gro ba pos na theg pa yin pas so/ /rnam par grol ba mtshungs pa'i phyir theg pa gcig pa nyid de/ 'gro bas na theg pa yin pas so/ /nyan thos la sogs pa'i rigs su ma nges pa rnams theg pa chen pos nges par 'byung bas na rigs tha dad pa'i phyir theg pa gcig pa nyid de/'dis 'gro bas na theg pa yin pas so/ /bsam pa gnyis thob pa'i phyir theg pa gcig pa nyid de/ sangs rgyas rnams kyis sems can thams cad la bdag nyid kyi dgongs pa brnyes pa'i phyir dang / nyan thos de'i ris su nges pa sngon byang chub kyi tshogs spyad pa rnams sangs rgyas kyi mthus de bzhin gshegs pas rjes su bzung ba'i khyad par phyogs tsam thob par bya ba'i phyir rgyud tha mi dad par mos pa'i sgo nas bdag nyid kyis sangs rgyas kyi dgongs pa thob pa'i phyir ro//de ltar na bsam pa gcig pa nyid thob pas sangs rgyas dang /nyan thos rnams gcig pa'i phyir theg pa gcig pa nyid do/ /sprul pa'i phyir theg pa gcig pa nyid de/ ji skad du/ nga ni lan brgya phrag du mar nyan thos kyi theg pas yongs su mya ngan las 'das so zhes gsungs pa lta bu ste/ gdul bya rnams kyi don du de ltar ston pa'i phyir ro//mthar thug pa'i phyir yang theg pa gcig pa nyid de/ gang phan chad bgrod par bya ba med pa de ni theg pa yin pas sangs rgyas nyid kho na theg pa gcig pa yin no/ /de lta bas na mdo de dang de las ni dgongs pa de dang des theg pa gcig pa nyid du gsungs par rig par bya'i//theg pa gsum med pa ni ma yin no/ /yang ci'i phyir sangs rgyas rnams kyis dgongs pa de dang des theg pa gcig pa nyid du bshad ce na/ kha cig dag ni drang phyir dang / /gzhan dag yang dag gzung ba'i phyir/ /rdzogs pa'i sangs rgyas rnams kyis ni//ma nges rnams la theg gcig bshad/ /kha cig drang ba'i phyir zhes bya ba ni nyan thos kyi rigs can ma nges pa gang dag yin pa'o/ /gzhan dag yang dag par bzung ba'i phyir zhes bya ba ni byang chub sems dpa'i rigs can ma nges pa gang dag yin pa'o/ /nyan thos ma nges rnam gnyis te//theg don mthong dang ma mthong ba'i / /don mthong 'dod chags bral ba dang / /'dod chags bral min 'di dman pa'o/ /nyan thos ma nges pa yang rnam pa gnyis su rig par bya ste/ theg pa'i don mthong ba ni bden pa mthong ba theg pa chen pos nges par 'byung ba gang yin pa'o//theg pa'i don ma mthong ba ni bden pa ma mthong ba theg pa chen pos nges par 'byung ba gang yin pa'o/ /don mthong ba yang 'dod pa dag las 'dod chags dang bral ba dang / 'dod chags dang ma bral ba'o/ /don mthong ba rnam pa gnyis su bshad pa gang yin pa de ni dman pa yin te/rtog ba bul ba yin par rig par bya'o/ /de gnyis 'phags pa'i lam thob pa/ /srid pa dag tu bsgyur ba'i phyir/ /bsam gyis mi khyab bsgyur ba yi/ /skye ba dang ni yang dag ldan/ /don mthong ba de gnyis ni 'phags pa'i lam thob pa srid pa dag tu bsgyur ba'i phyir//bsam gyis mi khyab par bsgyur ba'i skye ba dang ldan par rig par bya'o/ /'phags pa'i lam de skye bar bsgyur ba ni bsam gyis mi khyab ste/ de lta bas na bsam gyis mi khyab par bsgyur ba yin no/ /gcig ni smon lam dbang gis na/ /skye ba rab tu sgrub par byed//cig shos phyir mi 'ong ba dang / /ldan phyir sprul pas rab tu sgrub/ /de gnyis la gcig ste 'dod chags dang ma bral ba gang yin pa de ni smon lam gyi dbang gis ji ltar 'dod pa bzhin du skye ba 'dzin to/ /cig shos ni phyir mi 'ong ba dang ldan pa'i stobs kyis sprul pa dag gis 'dzin to//de gnyis yang dang yang du ni/ /rang sems kun tu 'byung ldan pas/ /mya ngan 'das la mngon dga'i phyir/ /rtogs pa bul yin par 'dod/ /de gnyi ga yang rang gi nyan thos kyis sems skyo ba dang ldan pa yang dang yang du kun tu 'byung bas mya ngan las 'das pa la lhag par dga' ba'i phyir rtogs pa bul ba yin par 'dod de/yun ring mo zhig na mngon par rdzogs par 'tshang rgya ba'i phyir ro/ /don byas ma yin de sangs rgyas/ /med par skyes nas sprul don gnyer/ /bsam gtan don brtson der brten nas/ /byang chub dam pa 'thob par 'gyur//bden pa mthong ba 'dod chags dang ma bral ba don ma byas pa slob pa gang yin pa de ni/ sangs rgyas med pa'i dus su skyes nas sprul pa don du gnyer bas bsam gtan gyi don du brtson par 'gyur zhing sprul pa de la yang brten nas rim gyis byang chub dam pa thob par 'gyur ngo //bcom ldan 'das kyis gnas skabs gsum la gnas pa de la dgongs nas/ dpal phreng gi mdo las me'i dpes nyan thos su gyur nas/ rang sangs rgyas su 'gyur ro/ /phyis ni sangs rgyas su yang 'gyur ro zhes gsungs te/ gang gi tshe sngon bden pa mthong ba'i gnas skabs dang / /gang gi tshe sangs rgyas med pa'i dus su bdag nyid kyis bsam gtan bskyed nas skye ba'i lus bor te/ sprul pa'i lus 'dzin pa dang / gang gi tshe byang chub dam pa 'thob pa'i gnas skabs so/ /rig pa'i gnas yongs su tshol ba la tshigs su bcad pa/rig pa'i gnas lnga dag la brtson par ma byas par/ /'phags mchog gis kyang thams cad mkhyen nyid mi 'gyur te/ /de lta bas na gzhan dag tshar bcad rjes gzung dang / /bdag nyid kun shes bya phyir de la de brtson byed/ /rig pa'i gnas ni rnam pa lnga ste/nang rig pa dang / gso ba rig pa dang / gtan tshigs rig pa dang / sgra rig pa dang / bzo'i las kyi gnas rig pa'o/ /de dag gang gi phyir byang chub sems dpas btsal bar bya ba de ston te/ bye brag med par ni thams cad mkhyen pa nyid thob par bya ba'i phyir ro/ / bye brag tu ni gtan tshigs rig pa dang / sgra rig pa ni gzhan de dag la ma mos pa rnams tshar bcad pa'i phyir yongs su tshol lo/ /gso ba rig pa dang / bzo'i las kyi gnas rig pa ni gzhan de dag la mos pa rnams la phan gdags pa'i phyir yongs su tshol lo/ /nang rig pa ni bdag nyid kun shes par bya ba'i phyir yongs su tshol lo//khams brtas pa yongs su tshol ba la tshigs su bcad pa bcu gsum ste/ pha rol tu phyin pa yongs su rdzogs par bya ba'i phyir/ pha rol tu phyin pa dang ldan pa'i yid la byed pa gang dag khams brtas par byed pa de dag kho na tshigs su bcad pa 'di dag gis bstan to//de la tshigs su bcad pa dang po ni 'di yin te/ rgyu dmigs nas ni dga' ba dang / /rten la de rjes dran pa dang / /'bras bu thun mong 'dod pa dang / ji ltar byang chub bzhin mos pa'o/ /de dag kyang rgyu dmigs nas dga' ba yid la byed pa nas bdag nyid mchog tu nges par 'dzin pa yid la byed pa'i bar dag yin no//de la rgyu dmigs nas dga' ba yid la byed pa ni/ re zhig dang po kho nar byang chub sems dpa'i rigs la gnas pa bdag nyid la pha rol tu phyin pa rnams kyi rigs mthong ba dang / rgyu dmigs nas dga' bas pha rol tu phyin pa'i khams brtas par byed do//rigs la gnas pa ni bla na med pa yang dag par rdzogs pa'i byang chub tu sems bskyed pas de'i 'og tu rten la de rjes su dran pa yid la byed pa ste/ byang chub sems dpa' de bdag nyid la pha rol tu phyin pa rnams kyi rten du gyur pa byang chub kyi sems yang dag par rjes su mthong ba dang 'di snyam du 'di skad bdag la byang chub kyi sems yod pas na//gdon mi za bar pha rol tu phyin pa 'di dag yongs su rdzogs par 'gyur ro snyam du yid la byed do/ /sems bskyed pa ni pha rol tu phyin pa rnams kyis rang dang gzhan gyi don la rab tu sbyor ba'am 'bras bu thun mong 'dod pa yid la byed de /pha rol tu phyin pa 'di dag gi 'bras bu ni gzhan dang thun mong du gyur cig /gzhan du ma gyur cig snyam du mngon par 'du byed pa'i phyir ro/ /rang dang gzhan gyi don la rab tu sbyor ba ni//kun nas nyon mongs pa med pa'i thabs de kho na nyid kyi don rtogs par 'gyur bas de'i 'og tu ji ltar byang chub pa bzhin du mos pa yid la byed pa ste/ ji ltar sangs rgyas bcom ldan 'das rnams kyis pha rol tu phyin pa mngon par rdzogs par sangs rgyas pa dang / mngon par rdzogs par 'tshang rgya bar 'gyur ba dang / mngon par rdzogs par sangs rgyas pa de bzhin du bdag kyang mos so snyam du mngon par 'du byed pa'i phyir ro/ /thams cad du yang go rims ni de lta bur rig par bya'o/ /mthu ni rnam pa bzhi dag gis//dga' dang nges par mi skyo dang / /mi mthun phyogs dang gnyen po la/ /sgrub pa rnam pa bzhi yin no/ /mthus dga' ba yid la byed pa ni mthu rnam pa bzhi yang dag par mthong nas dga' ba'i phyir ro/ /mthu rnam pa bzhi ni/ mi mthun pa'i phyogs spong ba dang /tshogs yongs su smin pa dang / rang dang gzhan la phan pa dang / tshe phyi ma la rnam par smin pa dang / rgyu mthun pa'i 'bras bu 'byin pa nyid do/ /sems can dang / rang gi sangs rgyas kyi chos yongs su smin pa las brtsams te nges par skyo ba med pa yid la byed pa ni sems can thams cad kyi log par sgrub pa dang /sdug bsngal 'bab pa thams cad kyi nges par skyo ba med par mngon par 'du byed pa'i phyir ro/ /byang chub dam pa thob par 'gyur ba'i phyir mi mthun pa'i phyogs dang gnyen po la sgrub pa rnam pa bzhi yid la byed pa ni sbyin pa la sogs pa'i mi mthun pa'i phyogs ser sna la sogs pa so sor 'chags pa dang /gnyen po sbyin pa la sogs pa la rjes su yi rang ba dang / de'i ched kyi chos bshad pa'i phyir sangs rgyas la gsol ba gdab pa dang / de dag byang chub tu bsngo ba'o/ / rab dang yang dag nod pa dang / /gzhan la sbyin par 'dun pa dang / /go cha dang ni smon lam dang / /mngon par dga' dang bya ba'i yid/ /mos pa'i stobs bskyed pa las brtsams nas/ pha rol tu phyin pa'i ched kyi chos dang don la rab tu dang ba yid la byed pa'o/ /chos yongs su tshol ba las brtsams te yang dag par nod pa yid la byed pa ni/chos de nyid la mi smod pa'i tshul gyis yongs su 'dzin pa'i phyir ro/ /bshad pa las brtsams nas/ sbyin par 'dun pa yid la byed pa ni/ /gzhan dag la chos dang don rab tu bshad pa'i phyir ro/ /sgrub pa las brtsams te go cha yid la byed pa ni/sbyin pa la sogs pa yongs su rdzogs par bya ba'i phyir go cha gyon pa'i phyir ro/ /smon lam yid la byed pa ni/ de yongs su rdzogs pa'i rkyen dang phrad par bya ba'i phyir ro/ /mngon par dga' ba yid la byed pa ni/ kye ma bdag ni sbyin pa la sogs pa sgrub pas yang dag par sgrub par byed do snyam du mngon par dga' ba'i phyir te/yid la byed pa gsum po 'di dag kho na gdams ngag rjes su ston pa dang sbyar bar bya'o/ /thabs dang ldan pa'i las yid la byed pa ni kun tu rtog pa dag gis rnam pa thams cad du sbyin pa la sogs pa la sbyor ba yid la byed pa'i phyir ro//sbyin sogs rnam pa drug la ni/ /mthu thob pa dang yongs smin dang / /mchod pa dang ni bsten pa la/ /yang dag spro ba mchog dang brtse/ /spro ba yid la byed pa ni rnam pa bzhi ste/ sbyin pa la sogs pa rnam pa drug po sbyin pa'i sbyin pa nas shes rab kyi sbyin pa'i bar dang /de bzhin du tshul khrims la sogs pa rnam pa drug la mthu thob pa dang / pha rol tu phyin pa dag kho nas bsdu ba'i dngos po'i sbyor bas sems can yongs su smin pa dang / mchod pa ste/ sbyin pas rnyed pa dang / bkur sti'i mchod pa dang / lhag ma rnams kyis sgrub pa'i mchod pa dang / pha rol tu phyin pa phyin ci ma log par 'doms pa'i don du dge ba'i bshes gnyen bsten pa la spro ba yid la byed par rig par bya'o/ /brtse ba yid la byed pa ni tshad med pa bzhis yin te/ sbyin pa la sogs pa sgrub pas byams pa dang /ser sna la sogs pa dang 'grogs pas sems can rnams la snying rje ba dang / sems can sbyin pa la sogs pa dang ldan pa rnams la dga' ba dang / de dag la kun nas nyon mongs pa med par mos pa'i sgo nas btang snyoms su byed pa yin no//ma byas ngan par byas pa la/ /ngo tsha 'gyod dang yul la dga'/ /skyo la dgra bo'i 'du shes dang / /'god dang brjod pa'i blo gros so/ /ngo tsha shes pa'i chos las brtsams te/ ngo tsha ba yid la byed pa ni sbyin pa la sogs pa ma byas pa'am/ yongs su ma rdzogs pa'am/log par byas pa dag la ngo tsha ba'o/ /ngo tsha nas ni 'jug pa dang ldog par bya ba'i phyir dang / yun mi ring bar 'gyod par byed do/ /mgu ba las brtsams te sbyin pa la sogs pa dmigs pa la dga' ba yid la byed pa ni sems rnam par g.yeng ba med par kun tu 'dzin pa'i phyir ro//skyo ba med pa yid la byed pa ni sbyin pa la sogs pa la sbyor bas skyo ba la dgra bo'i 'du shes su byed pa'i phyir ro/ /'god par 'dun pa yid la byed pa ni/ pha rol tu phyin pa dang ldan pa'i bstan bcos la 'god par mngon par 'du byed pa'i phyir ro/ / 'jig rten gyi shes pa nyid las brtsams te brjod pa yid la byed pa ni/ bstan bcos de nyid 'jig rten la snod ji lta ba bzhin du brjod par mngon par 'du byed pa'i phyir ro/ /sbyin sogs rdzogs pa'i byang chub kyi/ /rten yin dbang phyug la sogs min/ / gnyis po dag la skyon dang ni/ /yon tan so so yang dag rig /rten yid la byed pa ni byang chub 'thob pa'i rten ni sbyin pa la sogs pa yin gyi/ dbang phyug la sogs pa ma yin pa'i phyir ro/ /so so yang dag par rig pa yid la byed pa ni ser sna dang sbyin pa la sogs pa mi mthun pa'i phyogs dang gnyen po dag la skyon dang yon tan du so so yang dag par rig pa'i phyir ro//bsags pa rjes su dran pa yis/ /dga' dang don chen mthong ba dang / /rnal 'byor rnam par mi rtog dang / /de 'dzin rkyen dang phrad 'dod pa/ /bsags pa rjes su dran pas dga' ba yid la byed pa ni/sbyin pa la sogs pa bsags na bsod nams dang ye shes kyi tshogs bsags par yang dag par mthong ba'i phyir ro/ /don chen po mthong ba yid la byed pa ni/ sbyin pa la sogs pa byang chub kyi phyogs dang mthun pa'i ngo bo'i don gyis byang chub chen po 'thob pa'i don du yang dag par mthong ba'i phyir ro//'dod pa yid la byed pa ni de yang rnam pa bzhi ste/ rnal 'byor 'dod pa yid la byed pa ni/ zhi gnas dang lhag mthong gi rnal 'byor sgom par 'dod pa'i phyir ro/ /rnam par mi rtog pa 'dod pa yid la byed pa ni pha rol tu phyin pa yongs su rdzogs par bya ba'i don du thabs la mkhas par 'dod pa'i phyir ro//'dzin par 'dod pa yid la byed pa ni/ pha rol tu phyin pa'i ched kyi chos dang don 'dzin par 'dod pa'i phyir ro/ /rkyen dang phrad par 'dod pa yid la byed pa ni/ yang dag pa'i smon lam mngon par 'du byed pa'i phyir ro//log par 'dzin pa rnam pa bdun/ /spong ba'i mthu ni thob pa dang / /ngo mtshar ngo mtshar med pa la/ /'du shes rnam pa bzhi nyid do/ /pha rol tu phyin pa rnams kyis log par 'dzin pa rnam pa bdun spong ba'i mthu thob pa yid la byed pa la log par 'dzin pa rnam pa bdun ni med pa la yod par 'dzin pa dang /nyes pa dang ldan pa la yon tan dang ldan pa nyid du 'dzin pa dang / yon tan dang ldan pa la yon tan dang ldan pa ma yin pa nyid du 'dzin pa dang / 'du byed thams cad la rtag pa dang / bde bar log par 'dzin pa gnyis dang /chos thams cad la bdag tu log par 'dzin pa dang / mya ngan las 'das pa la ma zhi bar log par 'dzin pa ste/ de dag gi gnyen por stong pa nyid la sogs pa'i ting nge 'dzin gsum dang / chos kyi sdom bzhi ston to/ /ngo mtshar la 'du shes rnam pa bzhi yid la byed pa ni/pha rol tu phyin pa rnams la rgya che ba'i 'du shes dang / yun ring ba'i 'du shes dang / lan la re ba med pa'i 'du shes dang / rnam par smin pa la mi lta ba'i 'du shes so/ /ngo mtshar med pa la yang 'du shes rnam pa bzhi yid la byed de/ ngo mtshar med pa rnam pa bzhi ni/ pha rol tu phyin pa rnams rgya che ba dang yun ring ba nyid yin na 'bras bu sangs rgyas nyid mngon par 'grub pa dang / gnyis po de nyid yod na rang dang gzhan la sems mnyam par 'jog pa dang / de dag pas khyad par du 'phags pa brgya byin la sogs pa las mchod pa la sogs pa rnyed du zin kyang lan la re ba med pa dang /'jig rten thams cad las mngon par 'phags pa'i lus dang longs spyod 'thob tu zin kyang rnam par smin pa la mi lta ba nyid do/ /sems can rnams la snyoms pa dang / /bdag nyid chen po mthong ba dang / / gzhan gyi yon tan lan re dang / /gsum du smon dang rgyun du'o/ /snyoms pa yid la byed pa ni/ /sbyin pa la sogs pas sems can thams cad la mnyam pa nyid du 'jug par mngon par 'du byed pa'i phyir ro/ /bdag nyid chen po mthong ba yid la byed pa ni pha rol tu phyin pa rnams sems can la phan pa nyid du yang dag par mthong ba'i phyir ro//lan re ba yid la byed pa ni/ gzhan dag la sbyin pa la sogs pa'i yon tan la 'jug pas so/ /smon pa yid la byed pa ni/ sems can dag la pha rol tu phyin pa rnams gnas gsum du smon pa'i phyir te/ byang chub sems dpa'i sa'i mthar thug pa dang /sangs rgyas kyi sa'i mthar thug pa dang / sems can gyi don byed par smon pa'i phyir ro/ /rgyun du yid la byed pa ni/ /sbyin pa la sogs pas dus don yod par byed par mngon par 'du byed pa'i phyir ro/ /sangs rgyas bstan pa sgrub pa'i phyir//tshu rol mi gnas sems pa dang / /des dman dar ba'i sems can la/ /mi dga' ba dang rab dga' ba'o/ /yang dag pa'i sbyor ba yid la byed pa ni/ phyin ci ma log par sgrub pa'i phyir tshu rol du mi gnas pa'i yid la byed pa'i phyir ro/ /mi dga' ba yid la byed pa ni/sems can sbyin pa la sogs pas dman pa rnams la'o/ /dga' ba yid la byed pa ni/ sems can sbyin pa la sogs pas dar ba rnams la'o/ /sgom pa bcos dang yang dag la/ /ma dad pa dang dad pa dang / /dang du mi len yid byed dang / /lung bstan nges par dga' ba'o//ma dad pa yid la byed pa ni/ pha rol tu phyin pa ltar bcos pa bsgom pa la'o/ /dad pa yid la byed pa ni yang dag pa la'o/ /dang du mi len pa yid la byed pa ni/ /ser sna la sogs pa'i mi mthun pa'i phyogs sbyin pa la sogs pas 'dul bar mngon par 'du byed pa'i phyir ro//dga' ba yid la byed pa ni rnam pa gnyis te/ pha rol tu phyin pa yongs su rdzogs pa lung bstan pa 'thob par dga' ba yid la byed pa dang / pha rol tu phyin pa nges pa'i sa la gnas pa 'thob par dga' ba yid la byed pa'o/ /phyi ma'i tshe la mthong ba'i phyir/'jug sems mnyam par lta ba'i phyir/ /mchog chos rnams la zhugs pa yis/ /bdag nyid mchog tu nges 'dzin phyir/ /tshe phyi ma la mthong ba'i phyir 'jug pa yid la byed pa ni/ byang chub sems dpa' yin phan chad 'gro ba gang du son yang sbyin pa la sogs pa gdon mi za bar bya dgos so snyam du mngon par 'du byed pa'i phyir ro//mnyam pa nyid du lta ba yid la byed pa ni de las gzhan pa'i byang chub sems dpa' rnams dang bdag lhan cig pha rol tu phyin pa rtag tu bya bar mos pa'i phyir ro/ /bdag nyid mchog tu nges par 'dzin pa yid la byed pa ni/ pha rol tu phyin pa mchog gi chos la zhugs pas bdag nyid gtso bo'i ngo bor yang dag par mthong ba'i phyir ro//pha rol phyin bcu'i rgyus byung ba/ dge ba yid la byed 'di dag /rtag tu byang chub sems dpa' yi/ /khams ni brtas par byed pa yin/ /zhes bya ba ni/ mjug sdud pa'i tshigs su bcad pa ste don go bar zad do//chos yongs su tshol ba'i rab tu dbye ba la tshigs su bcad pa gnyis te/ rgyas dang lhag pa'i bsam dang chen po ni/ /brtan pa'i yongs su tshol ba yin par 'dod/ /de dag gi ni spang dang bcas pa dang / /spang ba med dang de bzhin dbang 'byor pa'o//byang chub sems dpa' rnams kyi tshol ba ni/ /sku med pa dang bcas dang sku thob dang / /sku yongs rdzogs dang nga rgyal mang ba dang / /nga rgyal phra dang nga rgyal med par 'dod/ /chos yongs su tshol ba ni rnam pa bcu gsum ste/ rgyas pa ni thos pa la mos pa rgyas pas so//lhag pa'i bsam pa ni chos kyi sgo'i rgyun gyis so/ /chen po ni dbang 'byor pa thob pa rnams kyi'o/ /spang ba dang bcas pa ni dang po'o/ /spang ba med pa ni gnyis pa'o/ /dbang 'byor pa ni gsum pa'o/ /sku med pa ni thos pa dang bsams pa las byung ba ste/ chos kyi sku dang bral ba'i phyir ro//sku dang bcas pa ni mos pas spyod pa ni bsgoms pa las byung ba'o/ /sku thob pa ni sa bdun po dag la'o/ /sku yongs su rdzogs pa ni sa lhag ma rnams la'o/ /nga rgyal mang ba ni mos pas spyod pa'i sa la'o/ /nga rgyal phra ba ni sa bdun pa dag la'o//nga rgyal med pa ni sa lhag ma rnams la'o/ /rgyu gnyis kyi chos yongs su btsal ba la tshigs su bcad pa/ bstan bcos gzugs dang gzugs min la/ /mtshan dang de bzhin nad med dang / /mngon shes rnams kyis dbang phyug dang / /de zad mi shes nyid kyi rgyu/ / chos ni gzugs la ni mtshan gyi rgyu'o/ /gzugs ma yin pa la ni nad med pa'i rgyu ste/ nyon mongs pa'i nad rab tu zhi bar byed pa'i phyir ro/ /mngon par shes pa rnams kyis dbang phyug gi rgyu yang yin no/ /de dag zad mi shes pa nyid kyi rgyu yang yin te/ phung po'i lhag ma ma lus pa'i mya ngan las 'das pa na yang rgyun mi 'chad pa'i phyir ro//de nyid kyi phyir tshangs pas zhus pa'i mdo las/ chos bzhi dang ldan pa'i byang chub sems dpa' rnams chos yongs su tshol bar 'gyur te/ dkon pa'i don gyis rin po che'i 'du shes dang /nyon mongs pa'i nad rab tu zhi bar byed pa'i don gyis sman gyi 'du shes dang / chud mi za ba'i don gyis nor gyi 'du shes dang / sdug bsngal thams cad rab tu zhi ba'i don gyis mya ngan las 'da' ba'i 'du shes dang ldan pa zhes gsungs so/ / mtshan rnams ni mdzes par byed pa'i phyir rin po che lta bu ste/ de bas na de'i rgyu yin pa'i phyir chos la rin po cher 'du shes so/ /nad med pa'i rgyu yin pa'i phyir sman du 'du shes so/ /mngon par shes pa rnams kyis dbang phyug gi rgyu yin pa'i phyir nor du 'du shes so/ / de dag zad mi shes pa nyid kyi rgyu yin pa'i phyir mya ngan las 'das par 'du shes te/ zad pas 'jigs pa med pa'i don gyis so/ /rnam par rtog pa yongs su tshol ba'i tshigs su bcad pa/ rgyal ba'i sras rnams kyis ni med dang yod pa dang / /sgro 'dogs skur pa'i rtog dang gcig nyid du ma nyid//rang dang khyad par rtog dang ming don ji bzhin du/ /mngon par zhen pa'i rtog pa yang dag spang bar bya/ /byang chub sems dpas rnam par rtog pa rnam pa bcu spang bar bya ste/ med par rnam par rtog pa ni gang gi gnyen por shes rab kyi pha rol tu phyin pa las/'di la byang chub sems dpas byang chub sems dpa' nyid du yod par zhes gsungs pa yin no/ /yod par rnam par rtog pa ni gang gi gnyen por byang chub sems dpa' yang dag par rjes su mi mthong zhes bya ba la sogs pa gsungs pa yin no/ /sgro 'dogs pa'i rnam par rtog pa ni gang gi gnyen por shA ri'i bu gzugs ni gzugs kyi ngo bo nyid kyis stong ngo zhes gsungs pa yin no//skur pa 'debs pa'i rnam par rtog pa ni gang gi gnyen por stong pa nyid kyis ni ma yin no zhes gsungs pa yin no/ /gcig pa nyid du rnam par rtog pa ni gang gi gnyen por gzugs kyi stong pa nyid gang yin pa de ni gzugs ma yin no zhes gsungs pa yin no//tha dad pa nyid du rnam par rtog pa gang gi gnyen por stong pa nyid las kyang gzugs gzhan ma yin te/ gzugs nyid stong pa nyid stong pa nyid gzugs so zhes gsungs pa yin no//rang gi mtshan nyid la rnam par rtog pa ni gang gi gnyen por gzugs gang yin pa de ni ming tsam mo zhes gsungs pa yin no/ /khyad par la rnam par rtog pa ni gang gi gnyen por gzugs la ni skye ba yang med/ 'gag pa yang med/ kun nas nyon mongs pa yang med/rnam par byang ba yang med do zhes gsungs pa yin no/ /ming ji lta ba de bzhin du don mngon par zhen pa'i rnam par rtog pa ni gang gi gnyen por ming ni bcos ma ste zhes bya ba la sogs pa gsungs pa yin no/ /don ji lta bar ming du mngon par zhen pa'i rnam par rtog pa ni gang gi gnyen por byang chub sems dpas ming de dag yang dag par rjes su mi mthong ngo //yang dag par rjes su ma mthong na mngon par mi zhen to zhes bya ba gsungs pa yin te/ don ji lta bar snyam du dgongs pa yin no/ /de ltar blo gros dge ba brtson 'grus drag bsten nas/ /de bzhin nyid bcas gnyis kyi chos nyid yongs btsal ba//de phyir rtag tu skye dgu rnams kyi ston par 'gyur/ /de ni rgya mtsho bzhin du yon tan rnams kyis gang / /mjug sdud pa'i tshigs su bcad pa 'dis yongs su tshol ba'i che ba'i bdag nyid rnam pa gsum ston te/ thabs kyis che ba'i bdag nyid ni brtson 'grus drag po nyid kyi phyir dang /kun rdzob dang don dam pa'i chos nyid yongs su tshol ba nyid kyi phyir ro/ /de bzhin nyid dang bcas pa ni bden pa zhes bya ba'i tha tshig go/ /gzhan gyi don gyi che ba'i bdag nyid skye dgu rnams kyi ston par 'gyur ba'i phyir ro/ /rang gi don gyi che ba'i bdag nyid ni rgya mtsho bzhin du yon tan rnams kyis gang ba'i phyir ro //chos yongs su tshol ba'i skabs rdzogs so// //chos ston pa la ser sna dgag pa'i tshigs su bcad pa/ brtan pa rnams ni srog dang longs spyod tshegs ches rnyed cing snying po med pa dag /rab dga'i yid kyis sems can sdug bsngal rnams la sbyin rnams rgya chen rtag gtong na/ /chos yangs skye dgu rnams la rnam pa kun tu phan byed tshegs ches rnyed min zhing / /shin tu btang yang zad med 'phel 'gyur ba lta lan cig ma yin smos ci dgos//byang chub sems dpa' rnams ni snying rjes srog dang longs spyod tshegs chen pos rnyed cing zad par 'gyur bas snying po med pa dag kyang sems can sdug bsngal bar 'gyur ba rnams la sbyin pa rgya chen po rtag tu gtong na/ chos gang zhig tshegs chen pos rnyed pa ma yin zhing /shin tu btang yang zad pa med la/ 'phel bar 'gyur ba lta smos kyang ci dgos/ chos la don med pa nyid dang don yod pa nyid kyi tshigs su bcad pa gnyis te/ gang phyir so so rang rig bya phyir bcom ldan 'das kyis chos ma bstan/ /thugs rje'i bdag nyid sbrul chen lta bus rigs bshad dbugs 'dra'i chos rnams kyis//skye bo nyid kyi chos la kun nas drangs te nyid zhi zhal gyi sgo/ /rnam par dag pa rgya chen thun mong zad mi shes la yang dag bkod/ /de la sbrul chen po lta bu ni sangs rgyas rnams so/ /de dag nyid kyi zhi ba zhal gyi sgo ni chos kyi sku ste/nyon mongs pa dang / shes bya'i sgrib pa bag chags dang bcas pa rnam par dag pas rnam par dag pa rgya che ba dang / sangs rgyas thams cad dang thun mong ba dang / gtan du ba'i phyir zad mi shes pa yang yin no/ /de ltas rnal 'byor can gyis sgom pa gang yin de ni don med min//de ltas bde bar gshegs kyi bstan pa gang yin de yang don med min/ /gal te thos pa tsam gyis don mthong 'gyur na sgom pa don med 'gyur/ /gal te ma thos par yang sgom 'jug 'gyur na bstan pa don med 'gyur/ /de lta bas na rnal 'byor can rnams kyi bsgom pa don med par mi 'gyur te/de'i dbang gis so so rang gis rig par bya ba'i chos rtogs pa'i phyir ro/ /bstan pa yang don med par mi 'gyur te/ rigs par bshad pa'i chos rnams kyis nyid kyi chos nyid la skye bo kun nas 'dren pa'i phyir ro/ / bsgom pa dang / bshad pa ji ltar na don med par mi 'gyur ba de ni tshigs su bcad pa phyed kyis ston to/ /lhag ma ni don go bar zad do/ /ston pa rnam par dbye ba'i tshigs su bcad pa/ sems dpa' mchog gi ston pa ni/ /lung dang rtogs dang dbang 'byor pas/ /sa dang gzugs ni thams cad dang //nam mkha' las kyang 'byung ba yin/ /de la dbang 'byor pa las ni sa chen po la zhugs pa rnams kyi gang yin pa'o/ /gzugs thams cad las ni shing dang sil snyan la sogs pa'i bar las kyang 'byung ba yin no/ /lhag ma ni don go bar zad do//ston pa phun sum tshogs pa la tshigs su bcad pa gnyis te/ rgya che the tshom spong ba dang / /gzung 'os de nyid gnyis ston pa/ /'di ni byang chub sems dpa' yi / /ston pa phun tshogs yin zhes bya/ /tshigs su bcad pa 'di ni 'phags pa tshangs pas zhus pa'i mdo las/chos bzhi po dam pa'i chos yongs su 'dzin pa dang / bdag nyid kyi shes rab sbyangs pa dang / skyes bu dam pa'i las byed pa dang / kun nas nyon mongs pa dang / rnam par byang ba yang dag par ston pa dang ldan pa'i byang chub sems dpa' sems dpa' chen po rnams ni [(]ches [,]chos [)]kyi sbyin pa chen po rnam par 'byed do zhes gang gsungs pa'i don bzhi ston pa yin te/gcig gis ni mang du thos pa'i phyir ston pa rgya chen por 'gyur ro/ /gnyis pas ni shes rab che ba'i phyir the tshom spong ba ste/ gzhan dag gi the tshom gcod pa'i phyir ro/ / gsum pas ni kha na ma tho ba med pa'i las can yin pa'i phyir gzung bar 'os pa'o/ /bzhi pas ni bden pa gnyis kyis kun nas nyon mongs pa'i mtshan nyid dang / rnam par byang ba'i mtshan nyid kyi de kho na nyid rnam pa gnyis ston par 'gyur ro/ /sems dpa' mchog gi ston pa ni//'jam zhing rgyags bral mi skyo ba / /gsal zhing sna tshogs rigs pa dang / /'go zhing zang zing med kun 'gro/ /tshigs su bcad pa gnyis pa 'di la 'jam pa ni gzhan gyis brgal ba la tshig rtsub mo mi 'byin pa'i phyir ro/ /rgyags pa dang bral ba ni bstod dam grub na rgyags par mi 'gyur pa'i phyir ro//mi skyo ba ni dub pa med pa'i phyir ro/ /gsal ba ni zad par ston pas slob dpon gyi dpe mkhyud med pa'i phyir ro/ /sna tshogs ni mi zlos pa'i phyir ro/ /rigs pa ni tshad ma dang mi 'gal ba'i phyir ro//'go ba ni tshig dang yi ge grags pa'i phyir ro/ /zang zing med pa ni/ dad pa'i lhag par bya ba don du mi gnyer ba'i phyir ro/ /kun tu 'gro ba ni theg pa gsum car la 'gro ba'i phyir ro/ /tshig phun sum tshogs pa'i tshigs su bcad pa/ rgyal sras tshig ni mi zhan pa//snyan zhing legs bshad grags pa dang / /ci rigs pa dang zang zing med/ /ran zhing de bzhin yangs pa yin/ /mi zhan pa ni grong khyer pa ste/ 'khor la khyab pa'i phyir ro/ /snyan pa ni snyan zhing 'jebs pa'o/ /legs par bshad pa ni rnam par gsal ba ste/ yi ge legs par nges par bshad pa'i phyir ro//grags pa ni rnam par rig par byed pa ste/ /grags pa brjod pa'i phyir ro/ /ci rigs pa ni mnyan par 'os pa ste/ gdul bya dang mthun pa'i phyir ro/ /zang zing med pa ni brten pa med pa ste/ rnyed pa dang / bkur sti dang / tshigs su bcad pa la mi brten pa'i phyir ro//ran pa ni mi mthun pa med pa ste/ ran pa la mi skyo ba'i phyir ro/ /yangs pa ni gtugs pa med pa'o/ /yi ge phun sum tshogs pa la tshigs su bcad pa gnyis te/ bstan dang de bzhin bshad pa dang / /theg dang mthun dang bde ba dang / / grags pa dang ni ci rigs dang / /nges par 'byung dang mthun pa'i phyir/ /bstan pa ni tshig dang yi ge rigs pa ste/ rigs pa dang mi 'gal ba'i phyir ro/ /bshad pa ni 'brel pa ste/ bstan pa dang mi 'gal ba'i phyir ro/ /theg pa dang mthun pa ni mthun pa ste/ theg pa gsum car dang mi 'gal ba'i phyir ro//bde ba ni rung ba ste/ sgra nyam nga ba med pa'i phyir ro/ /grags pa ni 'byor pa ste/ don grags pa nyid kyis 'don pa'i phyir ro/ /ci rigs pa ni 'phrod pa ste/ gdul bya dang mthun pa'i phyir ro/ /nges par 'byung ba ni 'tsham pa ste/ mya ngan las 'das pa'i ched kyi phyir ro//mthun pa ni 'grus skyong gi yan lag gi tshogs te/ slob ma'i 'phags pa'i lam dang mthun pa'i phyir ro/ /de mdor sems dpa' mchog rnams kyi/ /yi ge phun tshogs yin zhes bya/ /bde gshegs gsung ni mtha' yas te/ /yan lag drug cu bsam mi khyab//yan lag drug cu bsam gyis mi khyab pa ni/ gsang ba pa'i bdag pos bstan pa las/ sangs rgyas kyi gsung rnam pa drug cu bstan pa/ zhi ba'i blo gros gzhan yang de bzhin gshegs pa'i gsung ni rnam pa drug cu dang ldan par 'byung ste/ mnyen pa dang / 'jam pa dang / yid du 'ong ba dang / yid du 'thad pa dang / dag pa dang zhes bya ba la sogs pa rgyas par 'byung ba gang yin pa'o/ /de la mnyen pa ni sems can gyi khams kyi dge ba'i rtsa ba ston pa'i phyir ro/ /'jam pa ni mthong ba'i chos kho na la reg na bde ba'i phyir ro/ /yid du 'ong ba ni don bzang ba'i phyir ro//yid du 'thad pa ni yi ge bzang ba'i phyir ro/ /dag pa ni 'jig rten las 'das pa gong na med pa'i rjes la thob pa'i phyir ro/ /dri ma med pa ni nyon mongs pa'i bag la nyal dang / bag chags thams cad dang bral ba'i phyir ro/ /gsal ba ni tshig dang yi ge rab tu grags pa'i phyir ro//snyan cing 'jebs pa ni mu stegs can blo gros ngan pa thams cad kyi lta ba 'joms pa'i stobs kyi yon tan dang ldan pa'i phyir ro/ /mnyan par 'os pa ni sgrub pas nges par 'byung ba'i phyir ro/ /mi tshugs pa ni phas kyi rgol thams cad kyis mi brdzi ba'i phyir ro//snyan pa ni dga' bar byed pa'i phyir ro/ /dul ba ni 'dod chags la sogs pa'i gnyen po yin pa'i phyir ro/ /mi rtsub pa ni bslab pa bca' ba'i thabs bde ba'i phyir ro/ /mi brlang ba ni de las 'das nas nges par 'byung ba'i thabs yang dag par ston pa'i phyir ro//rab tu dul ba ni theg pa gsum char gyis 'dul ba ston pa'i phyir ro/ /rnar snyan pa ni rnam par g.yeng ba'i gnyen po yin pa'i phyir ro/ /lus sim par byed pa ni ting nge 'dzin bskyed pa'i phyir ro/ /sems tshim par byed pa ni lhag mthong gis rab tu dga' ba bskyed pa'i phyir ro//snying dga' bar byed pa ni the tshom gcod par byed pa'i phyir ro/ /dga' ba dang bde ba bskyed pa ni log par nges pa sel ba'i phyir ro/ /yongs su gdung ba med pa ni sgrub pa la 'gyod pa med pa'i phyir ro/ /kun tu shes par bya ba ni/ /thos pa las byung ba'i shes pa phun sum tshogs pa'i rten yin pa'i phyir ro//rnam par rig par bya ba ni bsams pa las byung ba'i shes pa phun sum tshogs pa'i rten yin pa'i phyir ro/ /rnam par gsal ba ni slob dpon gyi dpe mkhyud med par chos ston pa'i phyir ro/ /dga' bar byed pa ni rang gi don rjes su thob pa rnams dga' bar bya ba yin pa'i phyir ro//mngon par dga' bar byed pa ni rang gi don rjes su ma thob pa rnams kyis dga' bar bya ba yin pa'i phyir ro/ /kun shes par byed pa ni/ bsam gyis mi khyab pa'i chos yang dag par ston pa'i phyir ro/ /rnam par rig par byed pa ni bsam du rung ba'i chos yang dag par ston pa'i phyir ro//rigs pa ni tshad ma dang mi 'gal ba'i phyir ro/ /'brel pa ni gdul ba la ji ltar rigs par ston pa'i phyir ro/ /zlos pa'i skyon med pa ni don med pa ma yin pa'i phyir ro/ /seng ge'i sgra'i shugs ni mu stegs can gyi tshogs thams cad skrag par byed pa'i phyir ro//glang po che'i sgra skad ni rgya che ba'i phyir ro/ /'brug gi sgra dbyangs ni brjid pa'i phyir ro/ /klu'i dbang po'i sgra ni gzung bar 'os pa'i phyir ro/ /dri za'i glu dbyangs ni snyan pa'i phyir ro/ /ka la ping ka'i sgra dbyangs ni rno ba dang 'jigs pa'i phyir ro//tshangs pa'i sgra dbyangs su bsgrags pa ni thag ring por grag pa'i phyir ro/ /shang shang te'u'i sgra dbyangs su grag pa ni grub pa thams cad kyi sngon du 'gro ba'i bkra shis yin pa'i phyir ro/ /lha'i dbang po'i sgra dbyangs ltar snyan pa ni mi 'da' bar bya ba yin pa'i phyir ro/ /rnga'i sgra ni bdud dang phyir rgol ba thams cad las rnam par rgyal ba'i sngon du 'gro ba yin pa'i phyir ro//ma khengs pa ni bstod kyang kun nas nyon mongs pa med pa'i phyir ro/ /mi dma' ba ni smad kyang kun nas nyon mongs pa med pa'i phyir ro/ /sgra thams cad kyi rjes su zhugs pa ni thams cad lung bstan pa'i mtshan nyid la rnam pa thams cad du rjes su zhugs pa'i phyir ro//tshig zur chag med pa ni bsnyel te mi gsung ba'i phyir ro/ /ma tshang ba med pa ni gdul ba'i bya ba la dus thams cad du nye bar gnas pa'i phyir ro/ /ma zhum pa ni rnyed pa dang bkur sti la mi brten pa'i phyir ro//mi zhan pa ni bsnyengs pa dang bral ba'i phyir ro/ /rab tu dga' ba ni mi skyo ba'i phyir ro/ /khyab pa ni rig pa'i gnas thams cad la mkhas pa dang ldan pa'i phyir ro/ /thab dang bcas pa'i ched ni/ sems can rnams kyi de dag gi don thams cad sgrub par byed pa'i phyir ro//rgyun chags pa ni rgyun ma chad pa'i phyir ro/ /'brel pa ni rnam pa sna tshogs su nye bar gnas pa'i phyir ro/ /sgra thams cad rdzogs par byed pa ni/ gsung gcig las sgra'i rnam par rig pa rnam pa du ma nye bar gnas pa'i phyir ro/ / dbang po thams cad tshim par byed pa ni gcig las don du ma'i rnam par rig pa nye bar gnas pa'i phyir ro//ma smad pa ni dam bcas pa ji lta ba bzhin pa'i phyir ro/ /mi 'gyur ba ni dus la bab par rab tu sbyor ba'i phyir ro/ /ma rtabs pa ni rtab rtab por mi gsung ba'i phyir ro/ /'khor kun tu grag pa ni 'khor nye ba dang ring bas mtshungs par thos pa'i phyir ro//rnam pa thams cad kyi mchog dang ldan pa ni/ 'jig rten pa'i don thams cad dpe'i chos su bsgyur ba'i phyir ro/ /ston pa'i che ba'i bdag nyid kyi tshigs su bcad pa bzhi ste/ ngag tshig shin tu rigs pa dang / /bstan dang rnam 'byed the tshom gcod //lan mang byed dang ldan pa ni/ /mgo smos rnam spros go rnams la/ /brjod pa ni ngag gis so/ /'dogs pa ni tshig shin tu rigs pa dag gis so/ /rab tu 'jog pa dang / rnam par 'byed pa dang / rnam par 'brel pa ni go rims bzhin du bstan pa dang / rnam par 'byed pa dang / the tshom gcod pa rnams kyis so/ /gsal bar byed pa ni bshad pa la nges pa'i stobs bskyed pa'i phyir lan mang du byed pa dang ldan par ston pa yin no/ /ston pa ni mgo smos pas go ba rnams la'o/ /yang dag par rab tu ston pa ni rnam par spros na go ba rnams la'o//sangs rgyas rnams kyi ston pa 'di/ /'khor gsum gyis ni dag pa ste/ /'di ni nyes pa brgyad dag dang / /bral ba nyid du shes par bya/ /'khor gsum gyis dag pa zhes bya ba ni gang gi ston pa ste/ ngag dang tshig dag dang /ji ltar ston pa ste/ bstan pa la sogs pa'i rnam pa dang / gang dag la ston pa ste/ mgo smos pa dang rnam par spros na go ba rnams kyis so/ /yang ston pa 'di nyid go rims bzhin du nyes pa brgyad dang bral bar rig par bya ste/ le lo dang ni mi 'go ba //skabs mi 'byed dang ma nges dang / /the tshom dag ni mi gcod dang / /de dang bral ba brtan mi byed/ /nyes pa brgyad po de dag kyang le lo dang / mi 'go ba dang / go skabs mi 'byed pa dang / don nges pa ma yin pa nyid dang / the tshom mi gcod pa nyid dang //de dang bral ba brtan por mi byed pa ste/ nges par zhes bya ba'i tha tshig go/ /skyo ba dang ni ser sna nyid/ /'di dag gtam gyi nyes par 'dod/ /de dag med phyir sangs rgyas kyi/ /bshad pa bla na med par 'gyur/ /skyo ba dang ni gang gis yang dang yang du ston par mi byed pa'o//ser sna nyid ni zad par yang dag par rab tu ston par mi byed pa'i phyir ro/ /don phun sum tshogs pa'i tshigs su bcad pa gnyis te/ dad dang dga' dang blo rnams kyi/ /rgyu phyir chos 'di dge ba yin/ /don rnam gnyis ldan gzung sla dang / /yon tan bzhi ldan tshangs spyod ston//gzhan dang thun mong ma yin ldan pa dang / /khams gsum nyon mongs rnam spong rdzogs byed dang / /ngo bo nyid dag dri ma dag pa ste/ /tshangs spyod yon tan bzhi ldan yin par 'dod/ /yon tan bzhi ldan gyi tshangs par spyod pa yang dag par rab tu ston pa'i chos ni go rims bzhin du thos pa dang /bsams pa dang / bsgoms pa dag gis dad pa dang dga' ba dang / blo'i rgyu yin pa'i phyir thog ma dang / bar dang tha mar dge ba yin no/ /de la dad pa ni mos pa dang yid ches pa'o/ /dga' ba ni rigs pas nges par brtags pa'i sgo nas thob pa nyid du nus par rig nas rab tu dga' ba'o//blo ni sems mnyam par gzhag pa'i yang dag pa ji lta ba bzhin du shes pa'o/ /don rnam pa gnyis dang ldan pas de'i phyir don bzang po yin te/ kun rdzob dang don dam pa'i bden pa dang ldan pa'i phyir ro/ /gzung sla bas de'i phyir tshig 'bru bzang po yin te/tshig dang yi ge grags pa'i phyir ro/ /yon tan bzhi ldan gyi tshangs par spyod pa la ma 'dres pa ni gzhan dag dang thun mong ma yin pa'i phyir ro/ /yongs su rdzogs pa ni khams gsum pa'i nyon mongs pa spong ba yongs su rdzogs pa'i phyir ro//yongs su dag pa ni ngo bo nyid kyis rnam par dag pa'i sgo nas zag pa med pa'i phyir ro/ /yongs su byang ba ni dri ma rnam par dag pa'i sgo nas zag pa zad pa rnams kyi rgyud rnam par dag pa'i phyir ro/ /ldem por dgongs pa rnam par dbye ba'i tshigs su bcad pa gnyis te/gzhug pa ldem por dgongs pa dang / /mtshan nyid ldem por dgongs pa gzhan/ /gnyen po ldem por dgongs pa dang / /bsgyur la ldem por dgongs pa ste/ /nyan thos dang ni ngo bo nyid/ /de bzhin nyes pa gdul ba dang / /brjod pa zab pa nyid la ni//ldem por dgongs pa rnam pa bzhi/ /sangs rgyas kyi bshad pa la ldem por dgongs pa rnam pa bzhir rig par bya ste/ gzhug pa la ldem por dgongs pa dang / mtshan nyid la ldem por dgongs pa dang / gnyen po la ldem por dgongs pa dang / /bsgyur ba la ldem por dgongs pa'o//de la gzhug pa la ldem por dgongs pa ni nyan thos rnams la blta bar bya ste/ bstan pa la 'jug par bya ba'i don du mi skrag par bya ba'i phyir gzugs la sogs pa yod pa nyid du bstan pa'i phyir ro/ /mtshan nyid la ldem por dgongs pa ni kun brtags pa la sogs pa'i ngo bo nyid gsum la blta bar bya ste//chos thams cad ngo bo nyid med pa dang / ma skyes pa la sogs par bstan pa'i phyir ro/ /gnyen po la ldem por dgongs pa ni nyes pa rnams gdul bar bya ba la blta bar bya ste/ ji skad du/sgrib pa brgyad kyi gnyen por theg pa mchog phan yon dang bcas pa bshad pa'i zhar la tshigs su bcad pa gnyis 'chad par 'gyur ba lta bu'o/ /bsgyur ba la ldem por dgongs pa ni brjod pa zab mo la blta bar bya ste/ ji skad du/ snying po med la snying por shes/ /phyin ci log la legs par gnas/ /nyon mongs pas ni rab nyon mongs/ /byang chub dam pa 'thob par 'gyur/ /zhes gsungs pa lta bu'o/ /de la dgongs pa ni 'di yin te/ snying po med la snying por shes/ /zhes bya ba ni gang dag gis blo rnam par g.yeng ba med pa la snying por 'dzin pa ste/gtso bor sems pa zhes bya ba'i tha tshig go /snying po ni sems kyi rnam par g.yeng ba'o/ /phyin ci log la leg par gnas/ /zhes bya ba ni/ rtag pa dang / bde ba dang / gtsang ba dang /bdag tu 'dzin pa las bzlog ste/ phyin ci log mi rtag pa la sogs pa la yongs su mi nyams pa'i sgo nas legs par gnas pa yin no/ /nyon mongs pas ni rab nyon mongs/ /zhes bya ba ni/ yun ring por dka' ba spyod pa'i ngal bas shin tu nyon mongs pa yin no//dgongs pa rnam par dbye ba'i tshigs su bcad pa/ mnyam pa nyid dang don gzhan dang / /de bzhin du ni dus gzhan dang / /gang zag gi ni bsam pa la/ /dgongs pa rnam pa bzhir shes bya/ /dgongs pa rnam pa bzhi la mnyam pa nyid la dgongs pa ni/'di ltar nga nyid de'i tshe yang dag par rdzogs pa'i sangs rgyas rnam par gzigs su gyur to zhes gsungs pa lta bu ste/ chos kyi sku la khyad par med pa'i phyir ro/ /don gzhan la dgongs pa ni 'di ltar chos thams cad ni ngo bo nyid med pa ma skyes pa'o zhes bya ba la sogs pa gsungs pa lta bu ste/don la sgra ji bzhin ma yin pa'i phyir ro/ /dus gzhan la dgongs pa ni/ 'di ltar gang dag bde ba can du smon lam 'debs pa de dag der skye bar 'gyur ro zhes gsungs pa lta bu ste/ dus gzhan na snyam du dgongs pa yin no//gang zag gi bsam pa la dgongs pa ni/ 'di ltar dge ba'i rtsa ba de nyid kha cig la ni bsngags la chung dus chog shes pa kha cig la ni smad pa lta bu'o/ /theg pa chen po'i mdo shin tu rgyas pa bsdus pa las tshigs su bcad pa gnyis po phan yon dang bcas pa blangs te/smras pa/ sangs rgyas chos la brnyas pa dang / /le lo cung zad chog 'dzin dang / /nga rgyal 'dod chags spyod pa dang / /'gyod dang ma nges ldog pa ni/ /sems can rnams kyi sgrib pa ste/ /de yi gnyen por theg mchog gsungs//des de'i bar du gcod pa yi/ /nyes pa thams cad spongs bar 'gyur/ /gang zhig tshig gam don sgo nas/ /tshigs bcad gnyis 'dzin rab sbyor ba/ /sems can blo ldan mchog de yis/ /yon tan rnam bcu thob 'gyur te/ /khams ni zad par brtas pa dang //'chi ba'i tshe na rab dga' mchog /ji ltar 'dod par skye ba dang / /kun tu tshe rabs dran pa dang / /sangs rgyas rnams dang phrad pa dang / /de las theg mchog thos pa dang / /mos pa blo dang bcas pa dang / /sgo gnyis byang chub myur 'thob pa'o//sangs rgyas chos la brnyas pa dang / /zhes bya ba la sogs pa tshigs su bcad pa lnga ste/ de la ma nges pa ldog pa ni/ byang chub sems dpa' ma nges pa rnams theg pa chen po las ldog pa'o/ /theg pa mchog gsungs pa ni theg pa chen po bstan pa yin no//sangs rgyas la brnyas pa'i sgrib pa'i gnyen por gsungs pa ni 'di ltar nga nyid de'i dus na yang dag par rdzogs pa'i sangs rgyas rnam par gzigs su gyur to zhes gsungs pa lta bu'o/ /chos la brnyas pa'i sgrib pa'i gnyen por gsungs pa ni/ gang+gA'i klung gi bye ma 'di snyed dang mnyam pa'i sangs rgyas rnams la bsnyen bkur byas na gzod theg pa chen po'i rtogs pa skye'o zhes bya ba lta bu'o//le lo'i sgrib pa'i gnyen por gsungs pa ni/ gang dag bde ba can du smon lam 'debs pa de dag der skye bar 'gyur ro zhes bya ba dang /de bzhin gshegs pa zla 'od dri med kyi mtshan smos pa tsam gyis bla na med pa yang dag par rdzogs pa'i byang chub tu nges pa yin no zhes bya ba lta bu'o/ /cung zad tsam gyis chog par 'dzin pa'i sgrib pa'i gnyen por gsungs pa ni/ gang du bcom ldan 'das kyis la lar sbyin pa la sogs pa smad la/ gzhan du ni bsngags pa lta bu'o/ /'dod chags spyod pa'i sgrib pa'i gnyen por gsungs pa ni/ gang du sangs rgyas bcom ldan 'das kyis sangs rgyas kyi zhing gi 'byor pa bsngags pa lta bu'o/ / nga rgyal spyod pa'i sgrib pa'i gnyen por gsungs pa ni/ gang du bcom ldan 'das kyis sangs rgyas la la'i phun sum tshogs pa lhag par bsngags pa lta bu'o/ /'gyod pa'i sgrib pa'i gnyen por gsungs pa ni/ gang dag sangs rgyas dang byang chub sems dpa' rnams la gnod pa byed pa de dag thams cad ni mtho ris su 'gro bar 'gyur ro zhes bya ba lta bu'o//ma nges pa ldog pa'i sgrib pa'i gnyen por gsungs pa ni/ nyan thos chen po rnams sangs rgyas nyid du lung bstan pa bshad pa dang / theg pa gcig tu bshad pa lta bu'o//khams zad par brtas pa ni/ theg pa chen po'i rten can gyi khams thams cad brtas pa gang yin pa ste/ de'i sgrib pa dang bral ba'i sgo nas theg pa chen po thams cad la mos pa 'thob pa'i phyir ro/ /sgo gnyis ni ting nge 'dzin gyi sgo dang / gzungs kyi sgo'o//mthong ba'i chos la ni phan yon rnam pa gnyis so/ /tshe phyi ma la ni rnam pa brgyad de/ rim gyis gong nas gong du khyad par 'thob pa'i sgo nas rig par bya'o/ /ston pa'i phan yon gyi tshigs su bcad pa/ de ltar blo bzang skyo ba med ldan brtse ba can/ / snyan par rab grags cho ga bzang shes ldan pa yi/ /byang chub sems dpa' legs par smra ba yin pa ste/ /bshad pas skye bo'i nang na nyi ma bzhin du lham/ /rgyu lngas legs par smra ba nyid dang / nyi ma bzhin du lham pa'i phan yon yin te/ 'jig rten 'dun par byed pa'i sgo nas ya mtshan du gyur pa'i phyir ro//rgyu lnga ni/ gang gis phyin ci ma log pa dang / yang dang yang du dang / zang zing med pa'i sems dang / tshig gzung bar 'os ba dang / gdul ba dang 'tsham par 'chad pa yin no/ /bshad pa'i skabs rdzogs so// //sgrub pa rnam par dbye ba la tshigs su bcad pa drug ste/ blo ldan gnyis la log nyid dang / /yang dag nyid rnams spangs gsum gyis/ /gang zag dang ni chos dag la/ /bdag med rnam gnyis kun shes nas/ /ji skad du/ don kun shes shing chos kun shes nas chos dang mthun pa'i chos la zhugs pa yin/mthun par zhugs pa yin/ mthun pa'i chos la spyod pa yin zhes 'byung ba de ston par byed de/ de la gang zag dang chos la bdag med pa shes pa rnam pa gnyis ni gzung ba dang 'dzin pa med pa'i phyir ro//gnyis la log pa nyid dang yang dag pa nyid/ spangs pa gsum ni kun brtags pa'i ngo bo nyid med pa la stong pa nyid kyi ting nge 'dzin dang / gzhan gyi dbang dang / yongs su grub pa'i ngo bo nyid dag yod pa la smon pa med pa dang / mtshan ma med pa dag go/ / 'jig rten pa'i ting nge 'dzin gsum po 'di dag ni 'jig rten las 'das pa'i ye shes 'dren pa'i phyir log pa nyid kyang ma yin la/ 'jig rten las 'das pa ma yin pa'i phyir yang dag pa nyid kyang ma yin no/ /don shes pas ni chos rnams kun/ /gzings dang 'dra ba nyid du rig /thos pas chog par 'dzin spong ba/ /des na chos shes pa zhes brjod/ /de ltar don shes pa ni mdo la sogs pa'i chos thams cad gzings lta bu nyid du shes shing thos pa tsam gyis chog par 'dzin pa spong bar byed de / des na chos shes pa yin no//so so'i skye bo'i shes pa yis/ /de bzhin du ni gnyis rtogs nas/ /shes pa de yongs rdzogs bya'i phyir/ /mthun pa'i chos ni rab tu sgrub/ /so so'i skye bo'i don dang chos shes pa rnam pa gnyis po des de bzhin du ji skad bshad pa'i bdag med pa gnyis rtogs nas/shes pa de yongs su rdzogs par bya ba'i phyir sgrub par byed de/ de ltar na mthun pa'i chos la 'jug pa yin no/ /de nas des ni sa dang por/ /byang chub sems dpa' de'i bdag nyid/ /kun dang mnyam par 'jig rten las/ / 'das pa'i ye shes bla med 'thob/ /de nas des 'jig rten las 'das pa'i ye shes bla na med pa 'thob bo zhes bya ba ni/ theg pa ches khyad par du 'phags pa gzhan med pa'i phyir ro/ /sa dang po sa rab tu dga' ba la byang chub sems dpa' thams cad dang mnyam par ro/ / de'i bdag nyid ces bya ba ni de'i sa pa rnams dang ngo / /de ltar na mthun par zhugs pa yin te/ de'i sa pa'i byang chub sems dpa' dang mnyam pa nyid kyi phyir ro/ /mthong bas spang bya'i nyon mongs rnams/ /thams cad yang dag zad byas nas/ /shes bya'i sgrib pa spang bya'i phyir//sgom pa la ni rab tu sbyor/ /tshigs su bcad pa 'di'i don go bar zad do/ /rnam 'jog rnam par mi rtog pa'i/ /ye shes lhan cig spyod pa yis/ /de bzhin sa ni lhag ma la/ /mthun pa yi ni chos spyod do/ /lhag mas ni mthun pa'i chos spyod pa nyid ston te/ rnam par 'jog pa dang /rnam par mi rtog pa zhes bya ba ni sa rnam par 'jog pa'i ye shes dang / rnam par mi rtog pa'o/ /lhan cig spyod pa yis zhes bya ba ni rjes su 'brel bar spyod pa ste/ phan tshun bar chad med pas so/ /sgrub pa la bag yod par bya ba'i tshigs su bcad pa bzhi ste/blo ldan gang du sgrub pa'i yul/ /legs par rnyed dang gnas bzang dang / /sa bzang ba dang grogs bzang dang / /rnal 'byor bde ba'i yon tan ldan/ /mthun pa'i yul du gnas pa la sogs pa 'khor lo bzhis bag yod par bya ba ston te/ de la tshigs su bcad pa 'dis ni mthun pa'i yul du gnas pa ston to//legs par rnyed pa ni chos gos dang / bsod snyoms la sogs pa'i 'tsho ba'i yo byad rnams tshegs chung ngus rnyed pa'i phyir ro/ /gnas bzang ba ni rkun po la sogs pa skye bo ngan pa dag mi gnas pa'i phyir ro/ /sa bzang ba ni nad med pa'i sa yin pa'i phyir ro//grogs bzang po ni grogs tshul khrims dang lta ba mthun pa'i phyir ro/ /rnal 'byor bde ba ni nyin par 'du 'dzi nyung zhing ljan ljin nyung ba'i phyir dang / mtshan mo sgra chung ba la sogs pa'i phyir ro/ /byang chub sems dpa' thos mang dang //bden mthong smra mkhas brtse ba can/ /skyo med skyes bu dam pa ni/ /chen po yin par shes par bya/ /gnyis pa 'dis ni skyes bu dam pa nyid ston te/ lung dang rtogs pa dang / tshig tu smra ba dang / zang zing med pa'i sems dang / snyom las med pa nyid kyi yon tan dang ldan pa'i phyir ro//dmigs pa bzang dang ston pa bzang / /thabs bzang ba dang nges 'byung dang / /sbyor ba bzang po'i bdag nyid kyi/ /yang dag smon lam yin par bshad/ /gsum pa 'dis ni bdag nyid kyi yang dag pa'i smon lam tshul bzhin yid la byed pas bsdus pa ston te/dam pa'i chos la dmigs pa dang / tshogs bsags pa dang / zhi gnas la sogs pa'i rgyu mtshan dus su sgom pa dang / gong du bya ba yod pas cung zad tsam gyis chog par mi 'dzin pa dang / rtag tu dang gus par byas te sbyor ba'i phyir ro//dga' dang dal bar skye ba dang / /nad med [(]ba [,]pa [)]dang ting 'dzin dang / /rnam par 'byed pa byed rgyu ni/ /sngon chad bsod nams byas pa nyid/ /bzhi pa 'dis ni rgyu rnam pa lngas sngon bsod nams byas pa nyid ston te/ dga' ba'i rgyu nyid ni gang gis na mi mthun pa'i yul du gnas na yang dga' ba ma yin no//dal bar skye ba'i rgyu nyid ni/ gang gis na skyes bu dam pa la brten pa 'thob pa yin no/ /nad med pa dang / ting nge 'dzin dang / shes rab kyi rgyu nyid ni/ gang gis na bdag nyid kyi yang dag pa'i smon lam 'grub pa yin no //nyon mongs pa kho nas nyon mongs pa las nges bar 'byung ba'i tshigs su bcad pa gsum ste/ chos kyi dbyings ni ma gtogs pa/ /gang phyir chos med de yi phyir/ /sangs rgyas rnams kyis de dag las//nges 'byung chags sogs yin par dgongs/ /bcom ldan 'das kyis 'dod chags las ma gtogs par 'dod chags las nges par 'byung bar nga mi smra ste/ zhe sdang dang / gti mug dag kyang de dang 'dra'o zhes gang gsungs pa de'i dgongs pa ston te/gang gi phyir chos nyid las ma gtogs pa'i chos med pas chos kyi dbyings las ma gtogs pa'i chos med pa de'i phyir 'dod chags la sogs pa'i chos nyid kyang 'dod chags la sogs pa'i ming 'thob la/de yang 'dod chags la sogs pa las nges par 'byung ba yin pas de la dgongs pa ni de yin par rig par bya'o/ /chos kyi dbyings ni ma gtogs par/ /gang phyir chos med de yi phyir/ /kun nas nyon mongs bstan pa la/ /blo ldan dgongs pa de yin 'dod/ / ma rig pa dang / byang chub ni gcig go zhes kun nas nyon mongs pa bstan pa der yang dgongs pa ni de kho na yin te/ ma rig pa dang byang chub kyi chos nyid la de dag nye bar btags pa'i phyir ro/ /gang phyir chags sogs de nyid la/ /tshul bzhin 'jug pa de yi phyir/ / de las rnam grol 'gyur des na/ /de yis de dag las nges 'byung / /'dod chags la sogs pa de dag kho na la tshul bzhin du 'jug na de dag las rnam par grol bar 'gyur ro/ /de lta bas na de dag yongs su shes pa nyid de dag gi nges par 'byung ba yin pas 'di la dgongs pa ni de yin no//nyan thos dang / rang sangs rgyas kyi yid la byed pa yongs su spang ba'i tshigs su bcad pa gnyis te/ sems can ched du dmyal ba'i srid par gnas pa yis/ /sdug bsngal mi bzad cis kyang rgyal sras gnod byed min/ /ji srid yon tan skyon gyis theg pa dman zhugs pa'i//rnam rtog dge ba sna tshogs blo ldan gnod byed yin/ /blo dang ldan pa dmyal bar gnas pa dus kun tu/ /byang chub dri med yangs pa'i bar du gcod byed min/ /theg pa gzhan la rab bsil rnam rtog bdag phan pa/ rab tu bde bar gnas kyang bar du gcod par byed//tshigs su bcad pa 'di gnyis la gcig gis sgrub par byed pa ni gnyis pa yin te/ gnyi ga'i don go bar zad do/ /ngo bo nyid med pa dang / rang bzhin gyis rnam par dag pa la skrag pa dgag pa'i tshigs su bcad pa bzhi ste/chos med pa dang dmigs pa dang / /kun nas nyon mongs med rnam dag /sgyu ma la sogs 'dra ba dang / /de bzhin nam mkha' 'drar shes bya/ /ji ltar tshul bzhin bris pa'i ri mo la/ /mthon dman med kyang snang ba de bzhin du/ /yang dag ma yin rtog la rnam kun tu//gnyis po rtag tu med kyang snang bar 'gyur/ /ji ltar chu rnyog pa las dngas pa na / /dngas pa nyid de de las skye min gyi / /de ni de la dri ma bral bar zad/ /de bzhin rang sems dag la tshul de nyid/ /sems ni rtag tu rang bzhin 'od gsal 'dod//de ni glo bur nyes pas ma rung byas/ /chos nyid sems las gzhan pa sems gzhan ni/ /'od gsal ma yin rang bzhin la brjod do/ /chos med pa yang yin la chos dmigs kyang dmigs so zhes bya ba ni/ byis pa rnams skrag pa'i gnas yin la/ chos kyi dbyings rang bzhin gyis kun nas nyon mongs pa yang med la/phyis rnam par dag go zhes bya ba yang skrag pa'i gnas yin te/ de dag go rims bzhin du sgyu ma la sogs pa dang 'dra ba dang / nam mkha' dang 'dra bar rab tu bsgrubs pas des mi skrag pa 'gog par byed do//de bzhin du ri mo'i mthon dman dang 'dra ba dang / chu rnyog pa las dngas pa dang 'dra bar yang go rims bzhin no/ /tshigs su bcad pa gsum pas ni/ sems chu dang 'dra bar bsgrub ste/ ji ltar chu rang bzhin gyis dngas pa las glo bur gyi rnyog pas rnyogs pa yin pa de bzhin du/sems rang bzhin gyis 'od gsal bar 'dod pa las glo bur gyi nyes pas ma rung bar byas so / /chos nyid kyi sems las ma gtogs pa sems gzhan te/ gzhan gyi dbang gi mtshan nyid ni//rang bzhin gyis 'od gsal ba nyid du mi brjod do/ /de lta bas na sems ni 'dir chos nyid kyi sems kho na yin par rig par bya'o/ /'dod chags las skyes pa'i ltung ba dgag pa'i tshigs su bcad pa bzhi ste/ byang chub sems dpa' sems can la//bu gcig pa la bya ba bzhin/ /rkang gi khong nas byams pa che/ /de ltas rtag phan byed par 'dod/ /sems can rnams la phan byed phyir/ /de la chags skyes ltung mi 'gyur/ /'di yi zhe sdang rnam kun du/ /sems can kun dang 'gal bar 'gyur//ji ltar phug ron rang gi bu mchog byams/ /rang gi bu de nye bar 'khyud nas 'dug /de 'dra ba la khong khro 'gal ba ltar/ /brtser bcas lus can bu la'ang de dang 'dra/ /gang phyir byams pa de phyir khong khro 'gal/ /gang phyir zhi ba de phyir gnod sems 'gal//gang phyir don byed de phyir sgyu sems 'gal/ /gang phyir sim byed de phyir 'jigs byed 'gal/ /byang chub sems dpa' sems can rnams la byams pa gang yin pa de ni 'dod chags su dgongs te/ sems can la phan par byed pa'i rgyu yin pa'i phyir/ / de dag la des byas pa'i ltung ba 'gog par byed do/ /phug ron dper brjod pa ni/ de 'dod chags mang ba'i phyir bu la byams pa yang shin tu che ba'i phyir ro/ /byang chub sems dpa' brtse ba dang bcas pa ni/ sems can rnams la khong khro ba 'gal lo/ / byang chub sems dpa' rnams ni gang gi phyir byams pa la sogs pa dang ldan pas sems can rnams la byams pa dang / gnod pa zhi ba dang / don sgrub pa dang / dga' ba skyed pas sim par byed pa yin pa de'i phyir yang khong khro ba yang 'gal la/ de'i sngon du 'gro ba can gyi gnod pa'i sems la sogs pa yang 'gal lo//sgrub pa rab tu dbye ba'i tshigs su bcad pa lnga ste/ sman bzang po la nad pa bzhin/ /'khor ba la ni 'jug par byed/ /nad pa la ni sman pa bzhin/ /sems can rnams la sgrub par byed/ /bran ma grub pa ji bzhin du//bdag nyid la ni sgrub par byed/ /zong la tshong pa ji bzhin du/ /'dod pa dag la sgrub par byed/ /gos la btso blag mkhan bzhin du/ /las la rab tu sgrub par byed/ /bu gzhon pa la pha bzhin du/ /sems can mi 'tshe sgrub par byed/ /me don gnyer ba gtsub shing ltar//rtag par rab tu sgrub par byed/ /yid brtan bzhin du lhag pa'i sems/ /ma rdzogs pa la sgrub par byed/ /sgyu ma mkhan ltar shes bya la/ /shes rab kyis ni sgrub par byed/ /de ni byang chub sems dpa' yi/ /ji ltar gang du sgrub par 'dod/ /ji ltar gang dang gang du sgrub pa de ston par byed de/ji ltar zhes bya ba ni sman bzang po la sogs pa la nad pa la sogs pa ltar ro/ /gang du zhes bya ba ni 'khor ba la sogs par te/ so sor brtags nas 'khor ba brten pa'i phyir dang / snying rjes sems can nyon mongs pa'i nad kyis thebs pa yongs su mi gtong ba'i phyir dang /rang gi sems legs par 'chos pa'i phyir dang / sbyin pa'i pha rol tu phyin pa la sogs pas go rims bzhin du longs spyod 'phel bar byed pa'i phyir dang / lus la sogs pa'i las yongs su sbyong ba'i phyir dang / sems can gnod par byed pa dag gis mi 'khrugs pa'i phyir dang / dge ba'i chos sgom pa la bar chad med par brtson pa'i phyir dang / ting nge 'dzin gyi ro myong bar mi byed pa'i phyir dang / shes bya la phyin ci ma log pa'i phyir ro / /sgrub pa'i 'khor gsum yongs su dag pa'i tshigs su bcad pa/de ltar rtag tu brtson 'grus rgya chen ldan/ /gnyis yongs smin par bya la rab brtson de/ /rim gyis dri med mi rtog blo mchog gis/ /sgrub pa bla na med par rab tu 'gro/ /chos la bdag med pa'i ye shes rnam par mi rtog pas sgrub pa po dang /bsgrub par bya ba dang / sgrub pa la mi rtog pa'i phyir 'khor gsum yongs su dag par rig par bya'o/ /gnyis yongs smin par bya la rab brtson de/ /zhes bya ba ni sems can rnams dang bdag nyid do/ /sgrub pa'i skabs rdzogs so// // gdams ngag rjes su bstan pa rnam par dbye ba'i tshigs su bcad pa lnga bcu rtsa gcig ste/ bskal pa grangs med nges 'byung zhing / /mos pa rnam par 'phel byed pa/ /ji ltar chu yis rgya mtsho bzhin/ /dge chos rnams kyis yang dag rdzogs/ / mos pa rnam par 'phel byed pa/ /zhes bya ba ni chen po'i gnas skabs su phyin pa'i phyir ro/ /lhag ma ni don go bar zad do/ /de bzhin du ni tshogs bsags pa'i/ /rgyal sras gzod nas dag pa po / /legs par shes shing sems dge ba/ /sgom pa la ni rab tu sbyor/ / gzod ma nas dag pa ni byang chub sems dpa'i sdom pa yongs su sbyangs pa'i phyir dang / don phyin ci ma log par 'dzin pa'i sgo nas theg pa chen po la lta ba drang por byas pa'i phyir ro/ /legs par shes pa ni thos pa mang ba'i phyir ro/ /sems dge ba ni sgrib pa dang bral ba'i phyir ro//de tshe chos kyi rgyun la ni/ /sangs rgyas rnams las zhi gnas dang / /ye shes yangs pa thob bya'i phyir/ /gdams ngag rgya chen rnyed par 'gyur/ /tshigs su bcad pa 'di'i don go bar zad do/ /de nas dang por sdom brtson de/ /mdo yi sde la sogs pa'i chos//mi gnyis don ni rnam 'byed pa/ /mdo sogs ming la sems 'jog go/ /de nas de ni rim bzhin du/ /tshig rab dbye la dpyod byed cing / /so so'i nang na tshul bzhin du/ /de yi don yang rnam par dpyod/ /don de dag ni nges gzung nas/ /chos la kun nas sdom par byed//de yi don ni thob bya'i phyir/ /de nas de ni smon par byed/ /dang por mdo'i sde dang / dbyangs kyis bsnyad pa'i sde la sogs pa'i chos la mdo la sogs pa'i ming sa bcu pa zhes bya ba la sogs pa de lta bu gang yin pa de la sems 'jog par byed do/ /tshigs su bcad pa gsum po 'dis ni sems drug bstan te/rtsa ba'i sems dang / rjes su dpyod pa'i sems dang / rnam par dpyod pa'i sems dang / nges par 'dzin pa'i sems dang / sdom pa'i sems dang / smon pa'i sems so/ /de la rtsa ba'i sems ni mdo'i sde la sogs pa'i chos rnams kyi ming la dmigs pa gang yin pa'o//rjes su dpyod pa'i sems ni/ gang gis mdo'i sde la sogs pa'i ming gi sgo nas dmigs pa rnams kyi tshig rab tu dbye ba'i rjes su 'gro ba'o/ /rnam par dpyod pa'i sems ni/ gang gis don dang yi ge dpyod par byed pa'o//de la don ni rnam pa bzhis dpyod par byed de/ bgrang ba dang / 'jal ba dang / rtog pa dang / so sor rtog pas so/ /de la bgrang ba ni grangs 'dzin pa ste/ dper na gzugs ni skye mched bcu dang / gcig gi phyogs so/ /tshor ba ni tshor ba drug gi tshogs so//zhes bya ba de lta bu la sogs pa'o/ /'jal ba ni grangs dang ldan pa'i chos kyi mtshan nyid la sgro 'dogs pa dang / skur pa 'debs pa med par 'tsham par 'dzin pa'o/ /rtog pa ni tshad mas rtog pa'o/ /so sor rtog pa ni bgrang ba dang / gzhal ba dang /brtags pa'i don la lta ba'o/ /yi ge rnam pa gnyis kyis spyod par byed de/ yi ge tshogs pa rnams don dang bcas pa nyid dang / sil bu rnams don med pa nyid kyis so/ /nges par 'dzin pa'i sems ni gang gis ji ltar rjes su dpyad pa 'am/ rnam par dpyad pa de'i rgyu mtshan nges par 'dzin pa'o//sdom pa'i sems ni ji ltar rnam par dpyad pa'i don rtsa ba'i sems la bsdus te/ kun nas sdom pa'i rnam par 'byung ba'o/ /smon pa'i sems ni ting nge 'dzin gyi don tam/ de yongs su rdzogs par bya ba'i don tam/ dge sbyong gi tshul gyi 'bras bu'i don tam/sa la 'jug pa'i don tam/ khyad par du 'gro ba'i don kyang rung / gang gi don du rab tu brtson pa de la 'dun pa dang lhan cig 'byung ba'o/ /'di sems kho na dmigs par snang ba 'byung gi /sems las ma gtogs pa'i dmigs pa ni med do zhes sems tsam du shes kyang rung /ma shes kyang rung ste/ dmigs pa ni sems yin te/ gzhan ma yin pas sems rnam pa drug po dmigs par rnam par gzhag go/ /yid kyi brjod pas rgyun chags su/ /btsal bya so sor brtag par bya/ /yid la byed pa brjod med pa/ro gcig pas kyang dpyad par bya/ /chos kyi ming ni bsdoms pa'ang 'di/ /zhi gnas lam du shes par bya/ /lhag mthong lam ni de don rnams/ /rnam par dpyod par shes par bya/ /zung du 'brel ba'i lam ni de/ /bsdoms pa yin par rnam shes bya//zhum pa'i sems ni rab gzung ste/ /rgod pa yang ni zhi bar bya/ /de nas dmigs pa de la ni/ /mnyam par gyur na btang snyoms gzhag /de la rtag tu bya ba dang / /gus par byas te sbyar bar bya/ /tshigs su bcad pa bzhi po 'dis ni yid la byed pa bcu gcig bstan te/rtog pa dang bcas shing dpyod pa dang bcas pa dang / rtog pa med la dpyod pa tsam dang / rtog pa yang med dpyod pa yang med pa dang / zhi gnas yid la byed pa dang / lhag mthong yid la byed pa dang / zung du 'brel pa yid la byed pa dang / rab tu 'dzin pa'i rgyu mtshan yid la byed pa dang /zhi gnas kyi rgyu mtshan yid la byed pa dang / btang snyoms kyi rgyu mtshan yid la byed pa dang / rtag tu sbyor ba yid la byed pa dang / gus par bya ba yid la byed pa'o/ /dmigs pa la ni sems gtad nas/ /de rgyun rnam par g.yeng mi bya/rnam g.yeng myur du rtogs byas nas/ /de la slar ni glan par bya/ /blo ldan gong nas gong du yang / /sems ni nang du bsdu bar bya/ /de nas yon tan mthong ba'i phyir/ /ting nge 'dzin la sems gdul lo/ /rnam g.yeng nyes pa mthong ba'i phyir/ /de la mi dga' zhi bar bya//brnab sems yid mi bde ba sogs/ /langs pa de bzhin zhi bar bya/ /de nas sdom brtson can gyis ni/ /sems la mngon par 'du byed bcas/ /rang gi ngang gis 'byung ba 'thob/ /de goms pa las 'du mi byed/ /tshigs su bcad pa bzhi po 'dis ni sems gnas pa rnam pa dgus gnas pa'i thabs bstan te/rnam pa dgu ni/ sems 'jog par byed/ kun tu 'jog par byed/ nges par 'jog par byed/ nye bar 'jog par byed/ 'dul bar byed/ zhi bar byed/ nye bar zhi bar byed/ rgyud gcig tu byed/ mnyam par 'jog par byed ces bya ba yin no//de nas de yi lus dang sems/ /shin tu sbyangs pa che thob nas/ /yid la byed dang bcas shes bya/ /de yis de ni 'phel byas nas/ /'phel ba ring du 'gro ba yis/ /dngos gzhi'i gnas pa des 'thob po/ /mngon shes don du gnyer bas te//sbyangs na las su rung ba'i mchog /bsam gtan las 'thob mngon par shes/ /mngon par bsgrubs pa'i sgo nas de/ /sangs rgyas dpag tu med pa la/ /mchod pa'i phyir dang mnyan pa'i phyir/ /'jig rten khams ni rnams su 'gro/ /'dis ni sangs rgyas dpag med la//bskal dpag med par bsnyen bkur byas/ /de la bsnyen bkur byas pa'i phyir/ /sems ni las rung mchog tu 'gyur/ /bsam gtan las su rung ba mchog tu 'gyur ro zhes bya bar sbyar ro/ /bskal pa dpag tu med par gyur pa zhes bya ba ni grangs med dpag tu med par gyur par ro//tshigs su bcad pa 'di rnams kyi lhag ma'i don go bar zad do/ /de nas de dag sngon rol du/ /phan yon lnga ni 'thob 'gyur te/ /des na rnam par dag pa'i snod/ /bla na med pa nyid 'gyur 'di'i/ /lus las gnas ngan len pa kun//skad cig re re la zad 'gyur/ /lus dang sems ni kun tu yang / /shin tu sbyangs pas gang bar 'gyur/ /chos rnams snang ba thams cad du/ /yongs su chad pa med rtogs 'gyur/ /yang dag pa yi rgyu mtshan ni/ /ma brtags pa dag rab tu mthong //de bzhin chos sku rab rdzogs dang / /rnam par dag par bya ba'i phyir/ /blo dang ldan pas rnam kun du/ /rtag tu rgyu yongs 'dzin par byed/ /de nas dag pa'i sngon rol du phan yon lnga 'thob par 'gyur te/ dag pa zhes bya ba ni lhag pa'i bsam pa dag pa'i sa'o//de dag thob pas na rnam par dag pa'i snod nyid 'thob ste/ bla na med pa ni theg pa bla na med pa'i phyir ro/ /de bzhin chos sku rab rdzogs dang / /rnam par dag par bya ba'i phyir/ /zhes bya ba ni/ byang chub sems dpa' sa bcu pa la ni yongs su rdzogs pa'o/ / sangs rgyas kyi sa la ni rnam par dag pa'o/ /phan yon lnga po 'di dag las/ gsum ni zhi gnas kyi phyogs dang mthun pa yin la/ gnyis ni lhag mthong gi phyogs dang mthun pa yin par rig par bya ste/ 'di'i bar du ni 'jig rten pa'i lam yang dag dag par 'grub pa yin no//de nas de 'drar gyur pa yi/ /byang chub sems dpa' mnyam gzhag pas/ /yid kyi brjod pa ma gtogs par/ /don kun rab tu mi mthong ngo / /chos kyi snang ba 'phel bya'i phyir/ /brtson 'grus brtan po kun tu rtsom / /chos kyi snang ba 'phel nas ni//sems tsam la ni gnas par 'gyur/ /de nas don kun snang ba ni/ /sems su rab tu snang bar 'gyur/ /de tshe de yi gzung ba yi/ /rnam par g.yeng ba de spangs 'gyur/ /de nas de la 'dzin pa yi/ /rnam par g.yeng ba 'ba' zhig lus/ /de tshe bar chad med pa yi//ting nge 'dzin la myur du reg /de'i 'og tu nges par 'byed pa'i cha dang mthun pa rnams te/ nam zhig byang chub sems dpa' de lta bu sems mnyam par gzhag pas yid kyi brjod pa las ma gtogs pa don thams cad ma mthong gi /'di'i yid kyi brjod pa kho na rang gi mtshan nyid dang /spyi'i mtshan nyid du snang bar mthong ba na / de ni 'di'i dro bar gyur pa'i gnas skabs yin te/ gang gi dbang du mdzad nas chu bo tsha sgo can gyi mdo las/ snang ba zhes bya ba 'di ni chos la nges par rtogs pa'i bzod pa'i tshig bla dgas so zhes gsungs pa ni snang ba 'di yin no//de chos kyi snang ba de nyid spel ba'i phyir mi gnas pa'i byed pas brtson 'grus brtan po rtsom par byed pa de ni 'di'i rtse mo'i gnas skabs yin no/ /de chos kyi snang ba 'phel nas sems tsam la gnas te/ 'di ni sems kho nar zad do zhes bya bar rtogs pa'i phyir ro//de nas don du snang ba thams cad ni sems kho nar zad kyi/ don sems las gzhan pa ni ma yin no zhes bya bar mthong ste/ de'i tshe ni 'di'i gzung ba'i rnam par g.yeng ba spangs la/ 'dzin pa'i rnam par g.yeng ba 'ba' zhig lus so//de ni 'di'i bzod pa'i gnas skabs yin no/ /de'i tshe bar chad med pa'i ting nge 'dzin la yang myur du reg par 'gyur te/ de ni 'di'i 'jig rten pa'i chos kyi mchog gi gnas skabs yin no/ /ci'i phyir de 'di'i bar chad med pa zhes bya zhe na/ 'di ltar de yi mjug thogs su//'dzin pa'i rnam par g.yeng ba spang / /'di dag go rims bzhin du ni/ /dro bar gyur pa yin zhes bya/ /de ltar na 'di dag ni nges par 'byed pa'i cha dang mthun par dro bar gyur pa la sogs pa yin no/ /de nas des ni 'jig rten las/ /'das pa'i ye shes bla med pas//rnam par mi rtog dri ma med/ /'dzin pa gnyis dang bral ba 'thob/ /de yan chad ni mthong ba'i lam gyi gnas skabs yin te/ bla na med pa ni ye shes bla na med pas so/ /rnam par mi rtog pa ni gzung ba dang 'dzin pa'i rnam par rtog pa dang bral ba'i phyir ro/ /dri ma med pa ni mthong bas spang bar bya ba'i nyon mongs pa spangs pa'i phyir te/'dis ni rdul dang bral ba dang / dri ma dang bral ba zhes bshad pa yin no/ /'dzin pa gnyis dang bral ba ni gzung ba dang 'dzin pa dang bral ba'i phyir ro/ /de 'di'i gnas yongs gyur pa ste/ /sa ni dang po yin par 'dod//'di'i de bskal pa dpag med kyis/ /shin tu rnam par dag par 'gyur/ /tshigs su bcad pa 'di'i don ni go bar zad do/ /chos kyi dbyings ni mnyam pa nyid/ /rab tu rtogs nas de yi tshe/ /rtag tu sems can thams cad la/ /bdag dang mtshungs pa'i sems 'thob ste//sems can rnams la bdag med dang / /sdug bsngal dang ni don bya dang / /lan mi re la 'di sems snyoms/ /rgyal sras gzhan dang 'dra ba yin/ /chos la bdag med pas chos mnyam pa nyid rtogs nas mtshungs pa nyid rnam pa lngas rtag tu sems can thams cad la bdag dang mtshungs pa'i sems nyid 'thob ste/bdag med pa'i mtshungs pa nyid dang / sdug bsngal mtshungs pa nyid kyis ni rang dang gzhan gyi rgyud dag la bdag med pa dang / sdug bsngal dag khyad par med pa'i phyir ro/ /bya ba mtshungs pa nyid kyis ni rang dang gzhan gyi sdug bsngal spang bar bya dgos par mtshungs pa'i phyir ro//lan mi re ba mtshungs pa nyid kyis ni bdag nyid las bzhin du gzhan las lan mngon par mi 'dod pa'i phyir ro/ /de las gzhan pa'i byang chub sems dpa' dang mtshungs pa nyid kyis ni/ji ltar de dag gi mngon par rtogs pa de bzhin du mngon par rtogs pa'i phyir ro/ /des ni khams gsum 'dus byas rnams/ /yang dag ma yin kun rtog par/ /ye shes shin tu rnam dag pa/ /gnyis su med pa'i don gyis mthong / /des ni khams gsum pa'i 'dus byas rnams yang dag pa ma yin pa'i kun du rtog pa tsam du mthong ste/ye shes shin tu rnam par dag pa ni 'jig rten las 'das pa'i phyir ro/ /gnyis su med pa'i don gyis zhes bya ba ni gzung ba med pa dang / 'dzin pa med pa'i don gyis so/ /de dag med pa'i ngo bo ni/ / mthong ba'i spang bya rnams las grol/ /de nas de tshe mthong ba'i lam/ /thob pa zhes ni nges par brjod/ /gzung ba dang 'dzin pa med pa de'i ngo bo chos kyi dbyings mthong bas spang bar bya ba'i nyon mongs pa rnams las rnam par grol bar mthong ngo / /med pa'i stong pa nyid shes shing //de bzhin yod pa'i stong nyid dang / /rang bzhin stong pa nyid shes pas/ /stong pa shes pa zhes brjod do/ /byang chub sems dpa' de ni stong pa nyid rnam pa gsum shes pa'i phyir stong pa shes pa zhes bya'o/ /med pa'i stong pa nyid ni kun brtags pa'i ngo bo nyid de/rang gi mtshan nyid kyis med pa'i phyir ro/ /de bzhin du yod pa'i stong pa nyid ni gzhan gyi dbang ste/ de ni ji ltar brtags pa de ltar med kyi/ rang gi mtshan nyid kyis ni yod do/ /rang bzhin gyis stong pa nyid ni yongs su grub pa'i ngo bo nyid de/ stong pa nyid kyi ngo bo nyid yin pa'i phyir ro//mtshan med gzhi ni rnam rtog rnams/ /yang dag zad pa yin zhes bya/ /smon pa med par gyur pa ste / /yang dag ma yin kun rtog go/ /mtshan ma med pa'i gzhi ni rnam par rtog pa rnams yang dag par zad pa yin la/ smon pa med pa'i gzhi dmigs pa de ni yang dag pa ma yin pa'i kun tu rtog pa dmigs pa yin par shes par bya'o//rgyal sras byang chub phyogs mthun par / rnam pa sna tshogs thams cad ni/ /rtag tu mthong ba'i lam de dang / lhan cig tu ni thob par 'dod/ /byang chub sems dpa'i byang chub kyi phyogs dang mthun pa'i chos dran pa nye bar gzhag pa la sogs pa rnam pa sna tshogs thams cad mthong ba'i lam de dang lhan cig 'thob bar rig par bya'o//gang zhig blo yis 'gro ba 'dus byas tsam/ /bdag med sdug bsngal rgyas pa tsam shes te/ /don med rang bzhin bdag lta rnams spangs nas//bdag nyid che lta don chen rnyed pa gang / /'di na bdag lta med par bdag tu blta / /sdug bsngal med par shin tu sdug bsngal gyur / /rang la phan byas bdag la ji lta bar/ /don kun byed la lan kyang re ba med/ /gang zhig grol ba mchog gis sems grol la/ 'ching ba mi bzad yun yang ring por bcings/ /sdug bsngal mthar thug pa ni ma mthong yang / /rab tu sbyor ba nyid dang byed pa nyid/ /'di na 'jig rten tshe gcig rang sdug bkur mi nus/ /'jig rten gnas pa srid du gzhan sdug bsngal/ /bsdoms pa smos ci dgos te bsam du med/ / byang chub sems dpa' de las bzlog pa yin/ /rgyal sras sems can rnams la dga' ba dang / /byams pa gang yin sbyor dang mi skyo gang / /de ni srid pa dag na ngo mtshar che/ /sems can bdag dang mtshungs phyir de lta'ang min/ /tshigs su bcad pa lnga po 'di dag gis ni byang chub sems dpa' mthong ba'i lam thob pa'i che ba'i bdag nyid brjod de/don med pa'i rang bzhin gyis bdag tu lta ba ni/ 'jig tshogs la lta ba nyon mongs pa can gang yin pa'o/ /bdag nyid chen po'i lta ba don chen po ni sems can thams cad la bdag dang mnyam pa'i sems rnyed pa'i phyir/bdag tu lta ba gang yin pa ste/ de ni don thams cad byed pa'i rgyu yin pa'i phyir don chen po yin no/ /don med pa'i rang bzhin gyis bdag tu lta ba med par bdag tu lta ba ni don chen po gang yin pa'o/ /rang gi rgyud las skyes pa'i sdug bsngal med par yang sems can thams cad kyi rgyud las skyes pas shin tu sdug bsngal bar gyur pa'o//grol ba mchog ni theg pa bla na med pas sems can mthong ba'i lam gyis spang bar bya ba rnams las grol la / sems can thams cad kyi rgyud las byung ba'i 'ching ba mi zad pa yun ring pos kyang bcings pa'o//sems can gyi khams nam mkha' bzhin du mtha' yas pa'i phyir/ sdug bsngal gyi mthar thug pa ma mthong yang sems can rnams kyi sdug bsngal mthar bya ba'i phyir rab tu yang sbyor la/ sems can tshad med pa'i don byed pa nyid do//byang chub sems dpa' de las bzlog pa yin no/ /de ni 'jig rten gnas pa ji srid par sems can thams cad kyi sdug bsngal bsdoms pa bkur bar nus so/ /byang chub sems dpa' sems can rnams la dga' ba gang yin pa dang / /phan pa dang bde bar 'dod pa gang yin pa dang /de'i don du sbyor ba gang yin pa dang / der sbyor ba la mi skyo ba gang yin pa de thams cad ni 'jig rten na shin tu ngo mtshar yang che la/ sems can thams cad bdag dang mtshungs pa'i phyir ngo mtshar yang mi che'o/ /de nas 'di ni lhag ma yi/ /sa rnams sgom ba'i lam 'di la//ye shes rnam pa gnyis po dag /bsgom phyir rab tu sbyor bar byed/ /rnam par mi rtog ye shes de/ /sangs rgyas chos ni sbyong bar byed/ /gzhan ni ji bzhin rnam 'jog pa/ /sems can rnams ni yongs smin byed/ /grangs med gnyis ni rdzogs pa yis//sgom pa yi ni tshar phyin te/ /sgom pa tha ma thob nas ni/ /byang chub sems dpa' dbang bskur ba/ /rdo rje lta bu'i ting nge 'dzin/ /rtogs pas mi shigs thob nas ni/ /gnas gzhan gyur pa mthar thug pa/ /sgrib pa kun gyi dri med dang / /gang la gnas nas sems can kun//phan phyir rab tu sgrub byed pa/ /rnam pa thams cad mkhyen pa yi/ /go 'phang bla na med pa 'thob/ /'di dag gis ni sgom pa'i lam bstan te/ ye shes rnam pa gnyis la rnam par mi rtog pa ni gang gis na bdag nyid kyis sangs rgyas kyi chos rnam par sbyong bar byed pa yin no//ji lta ba bzhin du rnam par 'jog pa ni 'jig rten las 'das pa'i rjes la thob pa 'jig rten pa ste/ gang gis na sems can yongs su smin par byed pa yin no/ /grangs med pa gnyis kyis sgom pa'i tha ma mjug tu phyin pa thob nas dbang bskur ba'i byang chub sems dpa' ni rnam par rtog pa'i bag la nyal gyis mi shigs pa'i don gyis rdo rje lta bu'i ting nge 'dzin 'thob po//de'i 'og tu gnas gzhan du gyur pa'i mthar phyin pa dang / gang la gnas nas 'khor ba ji srid par mngon par rdzogs par byang chub pa dang / yongs su mya ngan las 'das pa yang dag par ston pa la sogs pas sems can rnams la phan pa rab tu sgrub par byed pa thams cad mkhyen pa nyid kyi go 'phang bla na med pa nyon mongs pa dang / shes bya'i sgrib pa thams cad kyi dri ma med pa 'thob po/ /de ltar mthong dka'i thub pa rtag mthong ba//thos pa mnyam med las byung rab dang ba'i/ /shugs kyis rtag par shin tu sems tshim pa/ /ji lta bur na don chen 'gyur ma yin/ /chos kyi sgo la rnam par gnas pa la/ /de bzhin gshegs rtag mngon sum 'doms mdzad cing / / co nas 'dren bzhin nyes pa'i tshang tshing nas/ /tshan gyis drangs te byang chub la 'god do/ /sangs rgyas rnams ni rtag tu rang don yang dag sbyor la legs par bsngags pa dang / /log par sbyor la smod mdzad gnas dang rnam 'byed lhur len mchog gi sems can la/ /gang zhig spangs dang bsten pas bde gshegs bstan pa 'di la rnal 'byor yongs 'gyur ba//bar chad mthun pa'i chos ni rnam pa thams cad rgyal rnams tshul bzhin 'di na ston/ /tshigs su bcad pa gsum po 'di dag gis ni gdams ngag gi che ba nyid ston te/ gang gis chos kyi sgo'i rgyun la gdams ngag 'thob pa des ni rtag tu sangs rgyas mthong bar 'gyur ro//des na gang gis na shin tu dang ba'i shugs kyis sems tshim par byas pa 'di sangs rgyas rnams rtag tu mthong ba de don chen por 'gyur ba mtshungs pa med pa'i chos thos so/ /lhag ma ni don go bar zad do//rjes su bstan pa rnam pa bzhi ni tshigs su bcad pa gcig gis ston te/ lhag pa'i tshul khrims kyi dbang du mdzad nas/ byang chub sems dpa' rang gi don la yang dag par sbyor ba la bsngags pa mdzad pa dang / log par sbyor ba la snod pa mdzad pa dang /lhag pa'i sems dang / lhag pa'i shes rab kyi dbang du mdzad nas gnas pa dang / rnam par 'byed pa lhur len ba la de dag gi bar du gcod pa dang / de dag dang mthun pa'i chos rnam pa thams cad ston pa'o/ /gang zhig spangs pa dang bsten pas zhes bya ba ni bar du gcod pa dang mthun pa ste go rims bzhin no//rnal 'byor zhes bya ba ni zhi gnas dang / lhag mthong sgom pa'o/ /de ni mthong bar rab dag mi rtog byang chub kyis/ /'jig rten thams cad zil mnan mun pa chen po yang / /rnam pa kun tu bsal nas nyi ma chen po dag /shar ba bzhin du 'gro ba rnams la lham me'o/ /de ltar rtag tu dge ba bsags pas rab gang zhing / /thub pa las ni rtag tu gdams ngag che thob pa'i/ /sems dpa' mchog ni sems kyi ting 'dzin rab yangs pa/ /thob nas yon tan rgya mtsho'i pha rol 'gro bar 'gyur//tshigs su bcad pa 'di dag gi don ni go bar zad do/ /gdams ngag rjes su bstan pa'i skabs rdzogs so/ / sdom ni/ mos pa mang ba nyid dang ni/ /chos tshol ba dang bshad pa dang / /de bzhin sgrub dang yang dag pa'i/ /gdams ngag rjes su bstan pa yin/ /mjug sdud pa'i tshigs su bcad pa ste//don go bar zad do// // thabs dang ldan pa'i las rnam par dbye ba'i tshigs su bcad pa bzhi ste/ ji ltar nags tshal dang ni lus can ri bo dang / /chu bo rnams kyi rten ni kun nas sa yin pa/ /de bzhin mkhas pa rnams kyi las rnams gsum po yang //kun nas sbyin pa la sogs dge ba yin par brjod/ /tshigs su bcad pa 'dis ni kun nas slong ba'i thabs bstan te/ sbyin pa la sogs pa'i dge ba pha rol tu phyin pa dang / byang chub kyi phyogs dang mthun pa la sogs pa rnam pa thams cad ni las gsum gyis kun nas bslang ba'i phyir ro//mkhas pa rnams kyi zhes bya ba ni byang chub sems dpa' rnams kyi'o/ /nags tshal la sogs pa smos pa ni nye bar spyad par bya ba dang / nye bar spyod pa po dang / brtan pa dang / mi brtan pa'i dngos po nges par bstan pa'i phyir ro/ shin tu dka' ba'i las ni ngo bo sna tshogs pa//bskal pa mang pos tshar phyin mngon brtson bdag nyid can/ /rgyal sras rnams ni lus dang ngag sems rang bzhin gyi / /las rnams dag gis 'di na yid 'byung 'gyur ba med/ /ji ltar bdag la phan 'dod dug dang mtshon dang ni/ /gnam lcags lce dang dgra las rang gi lus zlog pa//de bzhin rgyal sras theg pa dman pa rnam gnyis las/ /las rnams gsum gyis bdag nyid zlog par byed pa yin/ /tshigs su bcad pa 'di gnyis kyis ni ldang ba'i thabs ston te/ theg pa chen po la skyo ba dang / theg pa gzhan du lhung ba las slong ba'i phyir go rims bzhin no//yid 'byung ba ni skyo ba zhes bya ba'i tha tshig go/ /theg pa dman pa dang ldan pa'i las ni theg pa dman par sems yongs su bsngo ba'i phyir dang / theg pa chen po la dge ba'i rtsa ba gcod pa'i phyir dang / dge ba ma skyes pa mi skyed cing dge ba'i lo tog skyes pa 'joms pa'i phyir dang /sangs rgyas nyid phun sum tshogs pa thob pa'i gegs su gyur pa'i phyir dug la sogs pa dang chos mthun pa yin no/ /rtag tu rnam par mi rtog las can las min zhing / /las kyi bya ba rnam pa gsum la mi lta ste/ /des na 'dis ni de'i thabs yang dag bzung ba'i phyir//las rnams dag pa mtha' yas de yi pha rol 'gro/ /tshigs su bcad pa bzhi pa 'dis ni 'khor gsum yongs su dag pa'i sgo nas las rnam par dag pa'i thabs ston te/ byed pa po dang / las dang bya ba rnams mi dmigs pa'i phyir ro/ /mtha' yas pa zhes bya ba ni mi zad pa'i phyir ro//thabs dang ldan pa'i las kyi skabs rdzogs so// //pha rol tu phyin pa rab tu dbye ba'i bsdu ba'i sdom ni/ /grangs dang de yi mtshan nyid go rims dang / /nges pa'i tshig dang goms bya yon tan dang / /de dag rab dbye bsdu dang mi mthun phyogs//yon tan phan tshun rnam nges yin zhes bya/ /grangs rnam par dbye ba'i tshigs su bcad pa drug ste/ re zhig /longs spyod dang lus phun sum tshogs pa dang / /'khor rtsom phun sum tshogs pa mngon mtho dang / /rtag tu nyon mongs dbang nyid mi 'gro dang //bya ba rnams la phyin ci ma log pa'o/ /zhes bya ba ni dang po'o/ /de la pha rol tu phyin pa bzhis ni mngon par mtho ba rnam pa bzhi ste/ sbyin pas ni longs spyod phun sum tshogs pa'o/ /tshul khrims kyis ni lus phun sum tshogs pa'o/ /bzod pas ni 'khor phun sum tshogs pa ste/'di ltar de bstan pas tshe phyi ma la skye bo mang po dga' bar 'gyur ro/ /brtson 'grus kyis ni rtsom pa phun sum tshogs pa ste/ las kyi mtha' thams cad 'grub pa'i phyir ro/ /lnga pas ni nyon mongs pa'i dbang du mi 'gro ba nyid de / bsam gtan gyis ni nyon mongs pa rnam par gnon pa'i phyir ro//drug pas ni bya ba rnams la phyin ci ma log pa ste/ bya ba thams cad yang dag pa ji lta ba bzhin du rab tu shes pa'i phyir ro/ /de ltar na mngon par mtho ba dang / de la yang kun nas nyon mongs pa med pa dang / bya ba la phyin ci ma log pa dang / rtsom pa'i dbang du byas nas pha rol tu phyin pa drug rnam par gzhag go//sems can don la rab brtson pa/ /gtong dang mi gnod bzod pas byed/ /gnas dang grol ba gzhir bcas pas/ /rang don rnam pa thams cad spyod/ /ces bya ba ni gnyis pa ste/ byang chub sems dpa' sems can gyi don rnams la yang dag par rab tu brtson pa ni pha rol tu phyin pa gsum po sbyin pa dang /tshul khrims dang / bzod pa dag gis go rims bzhin du gtong ba dang / mi gnod pa dang / gnod pa byed pa bzod pas sems can gyi don byed do/ /gsum gyis ni sems gnas pa dang / rnam par grol ba gzhi dang bcas pas rang gi don rnam pa thams cad spyod de /brtson 'grus la brten nas go rims bzhin du bsam gtan dang / shes rab dag gis sems mnyam par ma bzhag pa mnyam par 'jog pa'i phyir dang / mnyam par bzhag pa rnam par grol ba'i phyir ro/ /de ltar na gzhan gyi don dang rang gi don las brtsams te pha rol tu phyin pa drug go//mi phongs pa dang rnam par mi 'tshe dang / /rnam 'tshe bzod dang bya bas mi skyo dang / /dga' byed legs par brjod pa de yi phyir/ /gzhan gyi don ni rang gi don yin no/ /zhes bya ba ni gsum pa yin te/ byang chub sems dpa'i gzhan gyi don mtha' dag ni sbyin pa la sogs pas go rims bzhin du gzhan dag la yo byad kyis mi phongs pa dang /rnam par mi 'tshe ba dang / rnam par 'tshe ba bzod pa dang / grogs bya ba la skyo ba med pa dang / rdzu 'phrul la sogs pa'i mthus dga' bar byed pa dang / the tshom gcod pa'i sgo nas legs par brjod pa dag gis 'gyur ro/ /de'i phyir na gzhan gyi don ni byang chub sems dpa' rang gi don du 'gyur te/ gzhan gyi don ni rang gi don yin pa'i phyir dang / byang chub chen po 'thob pa'i phyir ro/ /de ltar na rang dang gzhan gyi don mtha' dag gi skabs kyis pha rol tu phyin pa drug go//longs spyod mngon par mi dga' dang / /rab gus gnyis la mi skyo dang / /rnal 'byor rnam par mi rtog pa/ /theg chen mtha' dag 'dir zad do/ /zhes bya ba ni bzhi pa ste/ /sbyin pas ni byang chub sems dpa' longs spyod rnams la mi lta ba'i phyir mngon par mi dga'o//tshul khrims yang dag par blangs pas ni byang chub sems dpa' bslab pa dag la shin tu gus pa nyid do/ /bzod pa dang brtson 'grus kyis ni go rims bzhin du sems can dang sems can ma yin pas byas pa'i sdug bsngal dang / dge ba la rab tu sbyor ba dang gnyis la skyo ba med do//bsam gtan dang shes rab dag gis ni zhi gnas dang lhag mthong gis bsdus pa'i rnal 'byor rnam par mi rtog pa ste/ theg pa chen po mtha' dag ni 'di tsam du zad do/ /de'i phyir theg pa chen po kun bsdus pa'i dbang du byas nas pha rol tu phyin pa drug go/ / yul rnams la ni ma chags lam/ /de thob rnam g.yeng sdom pa'i lam/ /sems can mi gtong 'phel ba dang / /sgrib pa rnam par sbyong ba'i gzhan/ /zhes bya ba ni lnga pa'o/ /de la sbyin pa ni yul rnams la ma chags pa'i lam yin te/ gtong ba la goms pas de la chags pa dang bral ba'i phyir ro//tshul khrims ni de thob pa'i rnam par g.yeng ba yang dag par sdom pa rnams kyi lam yin te/ dge slong gi sdom pa la gnas pa la yul thob par bya ba'i phyir/ las kyi mtha'i rnam par g.yeng ba thams cad mi 'byung ba'i phyir ro/ / bzod pa ni sems can mi gtong ba'i lam ste/ gnod pa byed pa thams cad kyi sdug bsngal gyis yid mi 'byung ba'i phyir ro/ /brtson 'grus ni dge ba 'phel ba'i lam ste/ brtson 'grus brtsams pa la de 'phel bar 'gyur ba'i phyir ro/ /bsam gtan dang shes rab ni sgrib pa rnam par sbyong ba dag gi lam yin te/de gnyis kyis nyon mongs pa dang / shes bya'i sgrib pa rnam par sbyong ba'i phyir ro/ /lam zhes bya ba ni thabs te/ de ltar na lam gyi rnam pa thams cad kyi dbang du byas nas pha rol tu phyin pa drug go/ /bslab gsum dbang du mdzad nas ni//rgyal bas pha rol phyin pa drug /yang dag bshad de dang po gsum/ /tha ma gnyis kyis rnam pa gnyis/ /gcig ni gsum car la yang gtogs/ /zhes bya ba ni drug pa'o/ /de la lhag pa'i tshul khrims kyi bslab pa ni pha rol tu phyin pa dang po gsum ste/ tshogs dang bcas pa dang 'khor dang bcas pa gzung ba'i phyir ro//sbyin pas longs spyod la mi lta na tshul khrims yang dag par len to/ /yang dag par blangs pa ni bzod pas gshe ba la slar mi gshe ba la sogs pas srung ngo / /rnam pa gnyis zhes bya ba ni/ lhag pa'i sems dang / lhag pa'i shes rab kyi bslab pa'o//de ni tha ma gnyis kyis bsdus te/ bsam gtan dang / shes rab dang go rims bzhin no/ /gcig pu brtson 'grus kyi pha rol tu phyin pa ni bslab pa gsum car du yang gtogs te/ brtson 'grus ni thams cad kyi grogs su gyur pa'i phyir ro/ /mtshan nyid rnam par dbye ba'i tshigs su bcad pa drug ste/sbyin pa mi mthun phyogs nyams dang / /rnam par mi rtog ye shes ldan/ /'dod pa thams cad yongs rdzogs byed/ /sems can rnam smin byed rnam gsum/ /byang chub sems dpa' rnams kyi sbyin pa'i mtshan nyid ni rnam pa bzhi ste/ ser sna spangs pa'i phyir mi mthun pa'i phyogs nyams pa dang /chos bdag med pa rtogs pa dang ldan pa'i phyir/ rnam par mi rtog pa'i ye shes dang ldan pa dang / gang ci 'dod pa de la de sbyin pa'i phyir/ /'dod pa thams cad yongs su rdzogs par byed pa dang / sbyin pas bsdus nas theg pa gsum la skal ba ji lta ba bzhin du sbyor ba'i phyir sems can yongs su smin par byed pa rnam pa gsum mo//tshul khrims mi mthun phyogs nyams dang / /rnam par mi rtog ye shes ldan/ /'dod pa thams cad yongs rdzogs byed/ /sems can rnam smin byed rnam gsum/ /bzod pa mi mthun phyogs nyams dang //rnam par mi rtog ye shes ldan/ /'dod pa thams cad yongs rdzogs byed/ /sems can rnam smin byed rnam gsum/ /brtson 'grus mi mthun phyogs nyams dang / /rnam par mi rtog ye shes ldan/ /'dod pa thams cad yongs rdzogs byed/ /sems can rnam smin byed rnam gsum//bsam gtan mi mthun phyogs nyams dang / /rnam par mi rtog ye shes ldan/ /'dod pa thams cad yongs rdzogs byed/ /sems can rnam smin byed rnam gsum/ /shes rab mi mthun phyogs nyams dang / /rnam par mi rtog ye shes ldan/ /'dod pa thams cad yongs rdzogs byed//sems can rnam smin byed rnam gsum/ /sbyin pa'i mtshan nyid rnam pa bzhi ji lta bar tshul khrims la sogs pa 'di dag gis yang de dang 'dra bar rig par bya'o/ /'di dag gi mi mthun pa'i phyogs ni 'chal pa'i tshul khrims dang / khro ba dang / le lo dang /rnam par g.yeng ba dang / 'chal ba'i shes rab ste go rims bzhin no/ /'dod pa thams cad yongs su rdzogs par byed pa nyid ni tshul khrims la sogs pas gzhan dag la lus dang / ngag thams cad yang dag par sdom pa dang / gnod par byed pa la bzod pa dang / grogs dang / yid la 'thad pa dang / the tshom gcod pas 'dod pa yongs su rdzogs par byed pa'i phyir ro/ /sems can yongs su smin par byed pa nyid ni/ tshul khrims la sogs pas mgu bar byas te/ theg pa gsum la yongs su smin par byed pa'i phyir ro/ /go rims rnam par dbye ba'i tshigs su bcad pa//snga ma la brten phyi ma ste / /dman dang mchog tu gnas phyir dang / /rags pa dang ni phra ba'i phyir/ /de dag rim par bstan pa yin/ /rgyu gsum gyis sbyin pa la sogs pa de dag rim par bstan te/ snga ma la brten nas phyi ma skye ba'i phyir ni longs spyod la mi lta ba'i tshul khrims yang dag par len to//tshul khrims dang ldan na bzod par 'gyur ro/ /bzod pa dang ldan na brtson 'grus rtsom mo/ /brtson 'grus brtsams na ting nge 'dzin skyed par byed do/ /sems mnyam par bzhag na yang dag pa ji lta ba bzhin du rab tu shes so//snga ma dman la phyi ma mchog tu gnas pa'i phyir ni sbyin pa ni dman la/ tshul khrims ni mchog yin pa nas/ de bzhin du bsam gtan ni dman la/ shes rab ni mchog yin pa'i bar du yin no/ /snga ma ni rags la phyi ma ni phra ba'i phyir ni sbyin pa ni 'jug sla ba'i phyir dang / bya sla ba'i phyir rags la/tshul khrims ni de bas ches 'jug dka' ba'i phyir dang / ches bya dka' ba'i phyir phra ba nas/ de bzhin du bsam gtan ni rags la/ shes rab ni phra ba'i bar du yin no/ /nges pa'i tshig rnam par dbye ba'i tshigs su bcad pa/ dbul ba 'dor bar byed pa dang //bsil ba 'thob dang khro bzod dang / /mchog sbyor ba dang yid 'dzin dang / /don dam shes pa'i phyir bshad do/ /dbul ba 'dor bar byed pas na sbyin pa'o/ /bsil ba 'thob par byed pas na tshul khrims te/ de dang ldan pa la yul gyi mtshan ma'i nyon mongs pa'i yongs su gdung ba med pa'i phyir ro//khro ba bzod pa zhes bya ba ni bzod pa ste/ des khro ba bzod pa'i phyir ro/ /mchog dang sbyor bar byed pas na brtson 'grus te/ dge ba'i chos la sbyor ba'i phyir ro/ /yid nang du 'dzin par byed pas na bsam gtan no/ /'dis ni don dam pa shes pas na shes rab bo//sgom pa rnam par dbye ba'i tshigs su bcad pa/ thams cad sgom pa dngos po dang / /de bzhin yid la byed pa dang / /bsam pa dang ni thabs dag dang / /dbang 'byor nyid la brten par brjod/ /pha rol tu phyin pa sgom pa ni dngos po la brten pa nas dbang 'byor ba nyid la brten pa'i bar rnam pa lnga yin no//de la dngos po la brten pa yang rnam pa bzhi ste/ rgyu la brten pa ni rigs kyi stobs kyis pha rol tu phyin pa rnams la sgrub pa goms pa gang yin pa'o/ /rnam par smin pa la brten pa ni lus phun sum tshogs pa'i stobs kyis gang yin pa'o/ / smon lam la brten pa ni sngon gyi smon lam gyi stobs kyis gang yin pa'o/ /so sor rtog pa'i stobs la brten pa ni/ shes rab kyi stobs kyis pha rol tu phyin pa rnams la sgrub pa goms pa gang yin pa'o/ /pha rol tu phyin pa sgom pa yid la byed pa la brten pa yang rnam pa bzhi ste/ mos pa yid la byed pa ni pha rol tu phyin pa dang ldan pa'i mdo sde thams cad la mos pa yin no//ro myang ba yid la byed pa ni/ pha rol tu phyin pa thob pa dag la yon tan du lta ba'i tshul gyis ro myong bar byed pa yin no/ /rjes su yi rang ba yid la byed pa ni/ 'jig rten gyi khams thams cad na sems can thams cad kyi sbyin pa la sogs pa la rjes su yi rang ba yin no//mngon par dga' ba yid la byed pa ni/ bdag nyid dang sems can thams cad kyi pha rol tu phyin pa'i khyad par ma 'ongs pa la mngon par dga' ba yin no/ /pha rol tu phyin pa sgom pa bsam pa la brten pa ni rnam pa drug ste/ngoms mi shes pa'i bsam pa dang / rgya chen po'i bsam pa dang / dga' ba'i bsam pa dang / phan pa'i bsam pa dang / ma gos pa'i bsam pa dang / dge ba'i bsam pa'o/ /de la byang chub sems dpa'i sbyin pa la ngoms mi shes pa'i bsam pa ni/ byang chub sems dpa' sems can gcig la yang skad cig ma gcig la 'jig rten gyi khams gang gA'i klung gi bye ma snyed rin po che sna bdun gyis bkang ba dang /lus gang gA'i klung gi bye ma snyed sbyin par byed cing / de bzhin du bskal pa gang gA'i klung gi bye ma snyed du skad cig ma re re la sbyin par byed la/ sems can gcig la ji lta ba de bzhin du/ bla na med pa yang dag par rdzogs pa'i byang chub tu yongs su smin par bya ba'i sems can gyi khams ji snyed pa de dag la rnam grangs 'dis sbyin par byed kyang byang chub sems dpa' sbyin pa'i bsam pa la ngoms pa med pa nyid gang yin pa ste/ bsam pa de lta bu gang yin pa de ni byang chub sems dpa'i sbyin pa la ngoms mi shes pa'i bsam pa yin no//byang chub sems dpa'i sbyin pa brgyud pa de lta bu yang skad cig tsam yang nyams par mi byed cing byang chub kyi snying po la 'dug gi bar du rgyun gcod par mi byed de/ bsam pa de lta bu gang yin pa de ni byang chub sems dpa'i sbyin pa la rgya chen po'i bsam pa yin no//sems can de dag de ltar sbyin pas rjes su 'dzin pa ni/ byang chub sems dpa' ches dga' bar 'gyur gyi/ sbyin pa des rjes su bzung ba'i sems can de dag ni de lta ma yin te/ bsam pa de lta bu gang yin pa de ni byang chub sems dpa'i sbyin pa la dga' ba'i bsam pa yin no//byang chub sems dpa' sems can gang dag la de ltar sbyin pas phan 'dogs pa'i sems can de dag bdag nyid la ches phan 'dogs pa yin par yang dag par rjes su lta ba ltar bdag nyid ni ma yin te/ de dag ni bla na med pa yang dag par rdzogs pa'i byang chub nye bar ston pa'i phyir ro/ /bsam pa de lta bu gang yin pa de ni byang chub sems dpa'i sbyin pa la phan pa'i bsam pa yin no/ /byang chub sems dpa' sems can rnams las de ltar sbyin pa las byung pa'i bsod nams rgya chen po mngon par 'dus byas kyang lan dang rnam par smin pa don du gnyer ba yang ma yin te/bsam pa de lta bu gang yin pa de ni byang chub sems dpa'i sbyin pa'i pha rol tu phyin pa bsgom pa la ma gos pa'i bsam pa yin no/ /byang chub sems dpa' sbyin pa'i phung po de ltar rgya che ba'i rnam par smin pa gang yin pa de yang sems can rnams kho na la 'dor gyi/bdag nyid la ni ma yin zhing / sems can thams cad dang thun mong du byas nas bla na med pa yang dag par rdzogs pa'i byang chub tu yang yongs su sngo bar byed de/ /bsam pa de lta bu gang yin pa de ni byang chub sems dpa'i sbyin pa'i pha rol tu phyin pa bsgom pa la dge ba'i bsam pa yin no//de la byang chub sems dpa'i tshul khrims kyi pha rol tu phyin pa bsgom pa nas/ shes rab kyi pha rol tu phyin pa bsgom pa'i bar la ngoms mi shes pa'i bsam pa ni byang chub sems dpa' lus gang gA'i klung gi bye ma snyed kyis che'i tshad bskal pa gang gA'i klung gi bye ma snyed du rtag par yo byad thams cad kyis phongs bzhin du/stong gsum gyi stong chen po'i 'jig rten gyi khams me mar mur gyis rab tu gang bar spyod lam rnam pa bzhi byed cing / tshul khrims kyi pha rol tu phyin pa'i skad cig ma gcig nas/shes rab kyi pha rol tu phyin pa'i skad cig ma gcig gi bar sgom par byed cing / rnam grangs des gang gis bla na med pa yang dag par rdzogs pa'i byang chub mngon par rdzogs par 'tshang rgya bar 'gyur ba'i tshul khrims kyi phung po ji snyed pa nas shes rab kyi phung po ji snyed pa'i bar gyi tshul khrims kyi phung po nas shes rab kyi phung po'i bar de sgom par byed kyang byang chub sems dpa' tshul khrims kyi pha rol tu phyin pa bsgom pa'i bsam pa nas/shes rab kyi pha rol tu phyin pa bsgom pa'i bsam pa'i bar la ngoms pa med pa nyid gang yin pa ste/ bsam pa de lta bu gang yin pa de ni byang chub sems dpa'i tshul khrims kyi pha rol tu phyin pa bsgom pa la ngoms mi shes pa'i bsam pa nas/shes rab kyi pha rol tu phyin pa sgom pa la ngoms mi shes pa'i bsam ba'i bar yin no/ /'di ltar byang chub sems dpa' tshul khrims kyi pha rol tu phyin pa bsgom pa brgyud pa nas/shes rab kyi pha rol tu phyin pa bsgom pa brgyud pa'i bar de mi gtong zhing byang chub kyi snying po la 'dug gi bar du rgyud gcod par mi byed do / /bsam pa de lta bu gang yin pa de ni byang chub sems dpa'i tshul khrims kyi pha rol tu phyin pa bsgom pa nas/ shes rab kyi pha rol tu phyin pa bsgom pa'i bar la rgya chen po'i bsam pa yin no//tshul khrims kyi pha rol tu phyin pa bsgom pa nas/ /shes rab kyi pha rol tu phyin pa bsgom pa'i bar des sems can rnams rjes su 'dzin pa na/ byang chub sems dpa' ches dga' bar 'gyur gyi/ rjes su bzung ba'i sems can de dag ni de lta ma yin te/bsam pa de lta bu gang yin pa de ni byang chub sems dpa'i tshul khrims kyi pha rol tu phyin pa bsgom pa nas/ shes rab kyi pha rol tu phyin pa bsgom pa'i bar dag la dga' ba'i bsam pa yin no/ /byang chub sems dpa' sems can gang dag la de ltar tshul khrims kyi pha rol tu phyin pa bsgom pa nas/shes rab kyi pha rol tu phyin pa bsgom pa'i bar gyis phan 'dogs pa'i sems can de dag bdag nyid la ches phan 'dogs pa yin par yang dag par rjes su lta ba ltar bdag nyid la ni ma yin to / de dag ni bla na med pa yang dag par rdzogs pa'i byang chub nye bar rton pa'i phyir ro//bsam pa de lta bu gang yin pa de ni byang chub sems dpa'i tshul khrims kyi pha rol tu phyin pa bsgom pa nas/ shes rab kyi pha rol tu phyin pa bsgom pa'i bar gyis phan pa'i bsam pa yin no/ /byang chub sems dpa' de ltar tshul khrims kyi pha rol tu phyin pa las byung ba nas/shes rab kyi pha rol tu phyin pa las byung ba'i bar gyi bsod nams rgya chen po mngon par 'dus byas kyang lan dang rnam par smin pa don du gnyer ba yang ma yin te/ /bsam pa de lta bu gang yin pa de ni/ byang chub sems dpa'i tshul khrims kyi pha rol tu phyin pa bsgom pa nas/shes rab kyi pha rol tu phyin pa bsgom pa'i bar la ma gos pa'i bsam pa yin no/ /byang chub sems dpa' de ltar tshul khrims kyi pha rol tu phyin pa bsgoms pa las byung ba nas/ shes rab kyi pha rol tu phyin pa bsgoms pa las byung ba'i bar gyi bsod nams kyi phung po de lta bu'i rnam par smin pa gang yin pa de yang sems can rnams kho na la 'dar gyi/bdag nyid la ni ma yin zhing / sems can thams cad dang thun mong du byas nas / bla na med pa yang dag par rdzogs pa'i byang chub tu yang yongs su sngo bar byed de/ bsam pa de lta bu gang yin pa de ni byang chub sems dpa'i tshul khrims kyi pha rol tu phyin pa bsgom pa nas/shes rab kyi pha rol tu phyin pa bsgom pa'i bar la dge ba'i bsam pa yin no/ /pha rol tu phyin pa bsgom pa thabs la brten pa ni rnam pa gsum ste/ rnam par mi rtog pa'i ye shes kyis/ 'khor gsum yongs su dag par so sor rtog pa'i phyir te/'di ltar thabs de ni yid la byed pa thams cad mngon par 'grub par byed pa yin no/ /pha rol tu phyin pa bsgom pa dbang 'byor pa nyid la brten pa ni rnam pa gsum ste/ sku la dbang 'byor pa nyid dang / spyod pa la dbang 'byor pa nyid dang / ston pa la dbang 'byor pa nyid do//de la sku la dbang 'byor pa nyid ni de bzhin gshegs pa'i sku gnyis po ngo bo nyid kyi sku dang / longs spyod rdzogs pa'i sku yin par blta bar bya'o/ /de la spyod pa la dbang 'byor pa nyid ni/ sprul pa'i sku yin par blta bar bya ste/ des ni sems can thams cad la chos dang mthun pa'i spyod pa rnam pa thams cad ston par byed do//ston pa la dbang 'byor pa nyid ni/ pha rol tu phyin pa drug po rnam pa thams cad ston pa la thogs pa med pa yin no/ /rab tu dbye ba bsdu ba'i tshigs su bcad pa bcu gnyis te/ sbyin pa la sogs pa so sor don drug tu rab tu dbye ba'i phyir ro//don drug ni ngo bo nyid dang / rgyu dang / 'bras bu dang / las dang / ldan pa dang / 'jug pa'i don rnams so/ /de la sbyin pa'i rab tu dbye ba la tshigs su bcad pa gnyis te/ don rnams gtong bar byed pa dang / /rtsa ba sems pa la brten dang / /lus dang longs spyod phun tshogs dang //gnyis rjes 'dzin dang rdzogs byed dang / /de yang ser sna med ldan dang / /chos dang zang zing mi 'jigs gtong / /sbyin pa de 'drar yongs shes nas/ /mkhas pa yang dag sgrub par byed/ /sbyin pa'i ngo bo nyid ni len pa po rnams la don gtong ba'o/ / rgyu ni ma chags pa la sogs pa dang lhan cig skyes pa'i sems pa'o / /'bras bu ni/ lus phun sum tshogs pa tshe la sogs pas bsdus pa dang / longs spyod phun sum tshogs pa ste/ gnas lnga'i mdo las 'byung ba bzhin no/ /las ni/ rang dang gzhan rjes su 'dzin pa dang / byang chub chen po'i tshogs yongs su rdzogs par byed pa'o//ldan pa ni/ /ser sna med pa dang ste/ ser sna med pa dag la yod do/ /'jug pa ni chos dang zang zing dang mi 'jigs pa sbyin pa'i rab tu dbye bas so/ /tshul khrims kyi rab tu dbye ba la tshigs su bcad pa gnyis te/ yan lag drug zhi bsam pas zin//bde 'gro gnas pa sbyin byed dang / /rten dang zhi dang 'jigs pa med/ /bsod nams tshogs dang ldan pa dang / /brdar btags chos nyid thob pa ste/ /sdom pa gnas pa rnams la yod/ /tshul khrims de 'drar yongs shes nas/ /mkhas pa yang dag sgrub par byed//yan lag drug ces bya ba ni ngo bo nyid do/ /yan lag drug ni tshul khrims dang ldan par gnas pa nas bslab pa'i gzhi rnams la yang dag par blangs te/ slob pa zhes bya ba'i bar yin no/ zhi ba'i bsam pas zin pa zhes bya ba ni rgyu ste/mya ngan las 'das pa'i bsam pas yang dag par len pa'i phyir ro/ /bde 'gro gnas pa sbyin byed dang / /zhes bya ba ni 'bras bu ste / tshul khrims kyis bde 'gror 'gro ba'i phyir dang / 'gyod pa med pa la sogs pa'i rim gyis sems gnas pa thob pa'i phyir ro/ /rten dang zhi dang 'jigs pa med//ces bya ba ni las te/ tshul khrims ni yon tan thams cad kyi rten yin no/ /nyon mongs pa'i yongs su gdung ba zhi bas zhi ba'o/ /srog gcod pa la sogs pa'i rkyen can gyi rten 'jigs pa dang / kha na ma tho ba dang / khon rnams mi 'byung ba'i phyir 'jigs pa med pa'o//bsod nams tshogs dang ldan pa dang / /zhes bya ba ni ldan pa ste/ dus thams cad du lus dang ngag dang yid kyi las yang dag par kun tu spyod pa'i phyir ro/ /brdar btags chos nyid thob pa ste/ /sdom la gnas pa rnams la yod/ /ces bya ba ni 'jug pa ste/ de la brdar btags pas thob pa ni so sor thar pa'i sdom pas bsdus pa'o//chos nyid kyis thob pa ni bsam gtan dang / zag pa med pa'i sdom pas bsdus pa'o/ /de ni 'di'i rab tu dbye bas 'jug pa ste/ rab tu dbye ba rnam pa gsum gyis 'jug pa'i phyir ro/ /sdom la gnas pa rnams la yod//ces bya ba ni rten gyis 'jug pa'o/ /bzod pa rab tu dbye ba la tshigs su bcad pa gnyis te/ mi mjed ji mi snyam shes dang / /snying rjes chos la brten pa'i phyir/ /phan yon lngar ni yang dag bshad/ /de ni gnyis kyi don byed de/ /dka' thub gtso dang kun tu ldan/ / de la de ni rnam gsum 'dod/ /bzod pa de 'drar yongs shes nas/ /mkhas pa yang dag sgrub par byed/ /mi mjed ji mi snyam shes dang / /zhes bya ba ni bzod pa rnam pa gsum gyi ngo bo nyid yin no/ /gnod pa byed pa la mi mjed pa'i bzod pa ni mi mjed pa'i bzod pa ste/ mi 'thing ba'i phyir ro//sdug bsngal la ji mi snyam pa'i bzod pa dang / chos la nges par rtog pa'i bzod pa yang go rims bzhin no/ /snying rjes chos la brten pa'i phyir/ /zhes bya ba ni rgyu ste/ chos la brten pa ni tshul khrims yang dag par len pa dang / thos pa chub pa'o/ / phan yon lngar ni yang dag bshad/ /ces bya ba ni 'bras bu ste/ ji skad du/ mdo las bzod pa la phan yon rnam pa lnga ste/ khon mi mang ba yin/ dbyen mi mang ba yin/ bde ba dang yid bde ba mang ba yin/ 'gyod pa med par 'chi ba'i dus byed pa yin/ lus zhig nas kyang bde 'gro mtho ris kyi 'jig rten dag tu skye bar 'gyur ro zhes gsungs pa lta bu'o//de ni gnyis kyi don byed de/ /zhes bya ba ni mi mjed pa dang / ji mi snyam pa dang / shes pa zhes bya ba'i dbang du byas pa'o/ /'di ni las yin te/ ji skad du/ gang zhig pha rol 'khrugs shes nas//bdag nyid de la nyer zhi ba/ /de ni bdag dang pha rol dang / /gnyis po dag gi don byed do/ /zhes bshad pa lta bu'o/ /dka' thub gtso dang kun tu ldan/ /zhes bya ba ni ldan pa ste/ ji skad du/ bzod pa ni dka' thub kyi mchog go zhes bshad pa lta bu'o//de la de ni zhes bya ba ni rten gyis 'jug pa'o/ /rnam gsum 'dod ces bya ba ni/ /rab tu dbye bas 'jug pa ste/ /bzod pa rnam pa gsum gyi rab tu dbye bas ji skad du sngar bshad pa lta bu'o/ /brtson 'grus kyi rab tu dbye ba la tshigs su bcad pa gnyis te/ dge la yang dag spro ba dang //dad dang 'dun la brten pa dang / /dran sogs yon tan 'phel byed dang / /kun nas nyon mongs gnyen po dang / /ma chags la sogs yon tan ldan/ /de dag la ni de rnam bdun/ /brtson 'grus de 'drar yongs shes nas/ /mkhas pa yang dag sgrub par byed//dge la yang dag spro ba dang / /zhes bya ba ni ngo bo nyid de/ dge la zhes bya ba ni de las gzhan pa'i bya ba la spro ba bsal ba'i phyir ro/ /yang dag spro ba zhes bya ba ni/ gzhan mu stegs can gyi thar pa'i don du spro ba bsal ba'i phyir ro/ /dad dang 'dun la brten pa dang / zhes bya ba ni rgyu ste/dad pa dang don du gnyer ba ni brtson 'grus rtsom par byed do/ /dran sogs yon tan 'phel byed dang / /zhes bya ba ni 'bras bu ste/ brtson 'grus brtsams pa la dran pa dang ting nge 'dzin la sogs pa'i yon tan 'byung ba'i phyir ro/ /kun nas nyon mongs gnyen po dang //zhes bya ba ni las te/ ji skad du/ brtson 'grus brtsams pa ni sdig pa mi dge ba'i chos rnams dang ma 'dres par bde bar gnas so zhes gsungs pa lta bu'o/ /ma chags la sogs yon tan ldan/ /zhes bya ba ni ldan pa'o/ /de dag la zhes bya ba ni brtson 'grus brtsams pa dag la ste/de ni rten gyis 'jug pa'o/ /de rnam bdun zhes bya ba ni rab tu dbye bas 'jug pa ste/ de yang lhag pa'i tshul khrims la sogs pa'i bslab pa gsum la lus dang sems kyi brtson 'grus rtag tu byed pa dang / gus par byed pa gang yin pa'o/ /bsam gtan gyi dbye ba la tshigs su bcad pa gnyis te/sems ni nang du gnas pa dang / /dran dang brtson 'grus la brten pa/ /bde ba skyed par byed pa dang / /mngon shes gnas la dbang bsgyur ba/ /chos rnams kyi ni gtso bo ste/ /de dag la yod de rnam gsum/ /bsam gtan de 'drar yongs shes nas//mkhas pa yang dag sgrub par byed/ /sems ni nang du gnas pa dang / /zhes bya ba ni ngo bo nyid do/ /dran dang brtson 'grus la brten pa/ zhes bya ba ni rgyu ste/ dmigs pa ma brjed na brtson 'grus la brten nas bsam gtan mngon par sgrub pa'i phyir ro/ /bde ba skyed par byed pa dang //zhes bya ba ni 'bras bu ste/ bsam gtan gyi 'bras bu ni gnod pa med par skye ba yin pa'i phyir ro/ /mngon shes gnas la dbang bsgyur ba/ /zhes bya ba ni las te/ bsam gtan gyis mngon par shes pa la dbang bsgyur ba'i phyir dang / 'phags pa dang /lha dang / tshangs pa'i gnas la dbang bsgyur ba'i phyir ro/ /chos rnams kyi ni gtso bo ste/ /zhes bya ba ni gtso bo dang ldan pa yin te/ ji skad du/ chos thams cad kyi gtso bo ni ting nge 'dzin to zhes gsungs pa lta bu'o/ /de dag la yod ces bya ba ni bsam gtan pa dag la ste/'di ni rten gyis 'jug pa'o/ /de rnam gsum zhes bya ba ni rtog pa dang bcas shing / dpyod pa dang bcas pa dang / rtog pa med la dpyod pa tsam dang / rtog pa yang med dpyod pa yang med pa'o/ /yang dga' ba dang ldan pa dang / sim pa dang ldan pa dang / btang snyoms dang ldan pa ste/'di ni rab tu dbye bas 'jug pa'o/ /shes rab kyi dbye ba la tshigs su bcad pa gnyis te/ shes bya yang dag rab rnam 'byed/ /ting nge 'dzin la brten pa dang / /kun nas nyon mongs shin tu grol/ /shes rab 'tsho ba legs bshad dang / /chos rnams kyi ni mchog yin te//de dag la yod de rnam gsum/ /shes rab de 'drar yongs shes nas/ /mkhas pa yang dag sgrub par byed/ /shes bya yang dag rab rnam 'byed/ /ces bya ba ni ngo bo nyid de/ /shes bya zhes bya ba ni 'jig rten pa'i bya ba yang dag par rab tu rnam par 'byed pa bsal ba'i phyir ro/ /yang dag pa zhes bya ba ni log pa ma yin pa'o//ting nge 'dzin la brten pa dang / /zhes bya ba ni rgyu ste/ 'di ltar sems mnyam par gzhag pas yang dag pa ji lta ba bzhin du rab tu shes so/ /kun nas nyon mongs shin tu grol/ /zhes bya ba ni 'bras bu ste/ 'jig rten pa dang / 'jig rten las 'das pa dman pa dang /'jig rten las 'das pa chen po'i rab tu rnam par 'byed pa des ni kun nas nyon mongs pa las shin tu rnam par grol bar 'gyur ro/ /shes rab 'tsho ba legs bshad dang / /zhes bya ba ni shes rab kyis 'tsho ba dang / legs par bshad pa ni 'di'i las yin te/ des ni shes rab kyis 'tsho ba rnams kyi nang na bla na med par 'tsho ba dang / chos yang dag par 'chad par yang byed do/ /chos rnams kyi ni mchog yin te/ /zhes bya ba ni mchog nyid dang ldan pa ste/ ji skad du/ shes rab ni chos thams cad kyi mchog go zhes gsungs pa lta bu'o/ /de dag la yod de rnam gsum/zhes bya ba ni 'jug pa ste/ shes rab can dag la yod pa'i phyir ro/ /rab tu dbye ba rnam pa gsum gyis 'jug pa ni 'jig rten pa dang / 'jig rten las 'das pa dman pa dang / 'jig rten las 'das pa chen po'o/ /sbyin pa la sogs pa so so'i don drug tu rab tu phye bas rab tu dbye ba bshad zin to// //bsdu ba rnam par dbye ba'i tshigs su bcad pa/ dkar po'i chos kun rnam par g.yengs pa dang / /mnyam par gzhag dang gnyis kar shes par bya/ /pha rol phyin pa gnyis dang ni/ / gnyis dang gnyis kyis yongs su bsdus/ /dkar po'i chos kun ni sbyin pa la sogs pa'o/ /de la rnam par g.yengs pa ni pha rol tu phyin pa dang po gnyis kyis bsdus te/ sbyin pa dang yang dag par blangs pa'i tshul khrims dag ni mnyam par gzhag pa ma yin pa'i phyir ro/ /mnyam par bzhag pa ni phyi ma gnyis kyis te/bsam gtan dang / yang dag pa ji lta ba bzhin gyi shes rab dag ni mnyam par gzhag pa yin pa'i phyir ro/ /gnyis ka ste mnyam par gzhag pa dang / mnyam par ma gzhag pa ni pha rol tu phyin pa gnyis kyis bsdus te/ bzod pa dang /brtson 'grus kyi pha rol tu phyin pa dag ni mnyam par gzhag pa dang / mnyam par ma gzhag pa yin pa'i phyir ro/ /mi mthun pa'i phyogs rnam par dbye ba'i tshigs su bcad pa drug ste/ byang chub sems dpa'i sbyin pa ni/ /ma chags mi chags chags pa med/ / chags pa nyid kyang ma yin te/ /ma chags mi chags chags pa med/ /chags pa rnam pa bdun ni/ sbyin pa'i mi mthun pa'i phyogs yin te/ longs spyod la chags pa dang / bshol ba la chags pa dang / de tsam gyis chog par 'dzin pa la chags pa dang / len la re pa la chags pa dang /rnam par smin pa la chags pa dang / de'i mi mthun pa'i phyogs la chags pa'i bag la nyal yang dag par ma bcom pa'i phyir mi mthun pa'i phyogs la chags pa dang / rnam par g.yeng ba la chags pa'o/ /rnam par g.yeng ba de yang rnam pa gnyis te/ yid la byed pa'i rnam par g.yeng ba ni theg pa dman pa la dga' ba'i phyir ro/ /rnam par rtog pa'i rnam par g.yeng ba ni sbyin pa po dang / len pa po dang / sbyin par rnam par rtog pa'i phyir ro/ /de bas na chags pa rnam pa bdun las grol ba'i phyir sbyin pa'i ma chags pa nyid lan bdun bshad do//byang chub sems dpa'i tshul khrims ni/ /ma chags mi chags chags pa med/ /chags pa nyid kyang ma yin te/ /ma chags mi chags chags pa med/ /byang chub sems dpa'i bzod pa ni/ /ma chags mi chags chags pa med/ /chags pa nyid kyang ma yin te//ma chags mi chags chags pa med/ /byang chub sems dpa'i brtson 'grus ni/ /ma chags mi chags chags pa med/ /chags pa nyid kyang ma yin te/ /ma chags mi chags chags pa med/ /byang chub sems dpa'i bsam gtan ni/ /ma chags mi chags chags pa med//chags pa nyid kyang ma yin te/ /ma chags mi chags chags pa med/ /byang chub sems dpa'i shes rab ni/ /ma chags mi chags chags pa med/ /chags pa nyid kyang ma yin te/ /ma chags mi chags chags pa med/ /ji ltar sbyin pa la ma chags pa bshad pa ltar tshul khrims nas shes rab kyi bar la yang de dang 'dra bar rig par bya'o//khyad par ni 'di yod de/ longs spyod la chags pa'i skyin par 'chal ba'i tshul khrims la sogs pa la chags pa brjod par bya'o/ /mi mthun pa'i phyogs la chags pa ni de'i mi mthun pa'i phyogs kyi bag la nyal yang dag par ma bcom pa'i phyir ro//rnam par rtog pa'i rnam par g.yeng ba ni ci rigs par 'khor gsum du rnam par rtog pa'i phyir ro/ /yon tan rnam par dbye ba'i tshigs su bcad pa nyi shu rtsa gsum ste/ /sangs rgyas sras rnams slong dang phrad na rang gi srog kyang rtag tu gtong / / snying rjes gzhan las lan kyang mi re 'dod pa'i 'bras bu don mi gnyer/ /sbyin pa de nyid kyis kyang skye bo thams cad byang chub gsum la bkod/ /sbyin pa ye shes kyis yongs zin pas 'jig rten dag na mi zad gzhag /ces bya ba'i tshig gi don ni go bar sla'o/ /rgyal ba'i sras rnams sdom dang brtson pa'i rang bzhin tshul khrims gsum rtag blangs//mtho ris mngon par mi 'dod yang dag thob kyang de la chags mi bskyed / /tshul khrims de nyid kyis kyang skye bo thams cad byang chub gsum la bkod/ /tshul khrims ye shes kyis yongs zin pas 'jig rten dag na mi zad gzhag /ces bya ba la tshul khrims rnam pa gsum ni sdom pa'i tshul khrims dang / dge ba'i chos sdud pa'i tshul khrims dang / sems can don byed pa'i tshul khrims te/ 'di rnams las gcig ni sdom pa'i rang bzhin yin no/ /gnyis ni brtson pa'i rang bzhin yin no/ / sangs rgyas sras rnams shin tu bya dka' de bzhin mi yi gnod kun bzod/ /mtho ris gnyer dang mi nus pas min 'jigs pas ma yin phan ltas min/ /bzod pa bla na med pas skye bo thams cad byang chub gsum la bkod/ /bzod pa ye shes kyis yongs zin pas 'jig rten dag na mi zad gzhag /ces bya ba ni sdug bsngal la ji mi snyam pa'i bzod pa dang / gnod pa byed pa la mi mjed pa'i bzod pa dang go rims bzhin no/ /rgyal ba'i sras rnams go cha sbyor ba'i bdag nyid brtson 'grus dpe med byas/ /rang dang gzhan gyi nyon mongs tshogs gzhom byang chub dam pa 'thob par byed//brtson 'grus de nyid kyis kyang skye bo thams cad byang chub gsum la bkod/ /brtson 'grus ye shes kyis yongs zin pas 'jig rten dag na mi zad gzhag /ces bya ba ni go cha'i brtson 'grus dang sbyor ba'i brtson 'grus yin no/ / rgyal ba'i sras rnams ting 'dzin mang ldan bsam gtan rnam pa thams cad bsgrubs/ /bsam gtan bde ba phul gyis gnas shing snying rjes skye ba dman la brten/ /bsam gtan de nyid kyis kyang skye bo thams cad byang chub gsum la bkod/ /bsam gtan ye shes kyis yongs zin pas 'jig rten dag na mi zad gzhag /ces bya ba la/ ting nge 'dzin mang po dang ldan pa zhes bya ba ni/ byang chub sems dpa'i ting nge 'dzin mtha' yas pas bsdus pa'o/ /rgyal ba'i sras rnams de nyid shes bya gang yin mtha' dag rnam kun shes/ /mya ngan 'das pa'ang blo yis chags rab ma bskyed 'khor bar smos ci dgos//ye shes de nyid kyis kyang skye bo thams cad byang chub gsum la bkod/ /ye shes sems can yongs su bzung bas 'jig rten dag na mi zad gzhag /ces bya ba la de nyid ces bya ba ni don dam pas bsdus pa'i spyi'i mtshan nyid gang zag dang / chos la bdag med pa'o//shes bya gang yin pa mtha' dag rnam pa kun tu zhes bya ba ni rang gi brda la sogs pa'i mtshan nyid kyi dbye ba mtha' yas pas tha dad pa'i shes bya gzhan gang yin pa de yin no/ /sbyin pa la sogs pa rnams ni rnam par mi rtog pa'i ye shes kyis yongs su zin pas mi zad pa nyid de/phung po'i lhag ma med pa'i mya ngan las 'das pa na yang de mi zad pa'i phyir ro/ /ye shes ni sems can yongs su bzung bas mi zad pa nyid de/ snying rjes sems can rnams yongs su mi gtong ba'i phyir ro/ /tshigs su bcad pa drug po 'di rnams kyi bsdus pa'i don ni tshigs su bcad pa bdun pa//rgya che ba dang zang zing med/ /don che ba dang mi zad pa/ /sbyin la sogs pa thams cad kyi / /yon tan gzhir ni shes par bya/ /zhes bya bas bstan te/ de la rtsa ba dang pos ni sbyin pa la sogs pa'i rgya che ba nyid yongs su bstan to/ /gnyis pas ni zang zing med pa nyid do//gsum pas ni don chen po nyid de/ /sems can gyi don chen po sgrub pa'i phyir ro/ /bzhi pas ni mi zad pa nyid de/ de ltar na tshigs su bcad pa de dag gis de rnams kyi yon tan bzhir rig par bya'o/ /slong ba mthong rdzogs dga' ba dang / /mi dga' ba dang smon pa yang //sbyin pa po ni brtser ldan pas/ /lhag par ldan pas rtag zil gnon/ /slong ba po'i skye bo la sbyin pa po mthong ba dang / de las ci 'dod pa thob pas yid la re ba yongs su rdzogs pas dga' ba gang yin pa dang / ma mthong ba dang / yongs su ma rdzogs pas mi dga' ba dang /de mthong ba dang / yid la re ba yongs su rdzogs par smon pa skye ba gang yin pa de ni byang chub sems dpa' la dus thams cad du slong ba po mthong ba dang / de'i yid la re ba yongs su rdzogs pa dang / ma mthong ba dang / yongs su ma rdzogs pas lhag par skye ste/de'i phyir sbyin pa po brtse ba dang ldan pas lhag par ldan pa'i sgo nas de dag thams cad zil gyis gnon to/ /brtse bas sems can rnams la ni/ /srog dang longs spyod chung ma dag /rtag gtong shin tu dga' byed pa/ /de spang ji ltar srung mi 'gyur/ /de dag spong ba ni de spang ba ste// gzhan gyi srog dang longs spyod dang chung ma dag go/ /'dis ni lus kyi nyes par spyod pa rnam pa gsum las ldog pa'i tshul khrims kyi yon tan ston to/ /'phags pa mi lta sems snyoms shing / /mi 'jigs brtse phyir kun ster ba/ /gzhan la gnod par byed pa yi//log pa'i tshig ni ji ltar smra/ /'dis ni brdzun du smra ba las log pa'i yon tan ston te/ brdzun du smra ba ni bdag nyid kyi phyir te/ lus dang srog la lta bas sam/ skye bo gzhan gyi phyir te/ skye bo mdza' ba la byams pas sam/ 'jigs pas te/ rgyal po la sogs pas skrag pas sam//zang zing cung zad tsam gyi phyir te/ rnyed pa'i don du smra bar 'gyur grang na/ /byang chub sems dpa' ni rang gi lus dang srog la mi lta ba dang / bdag nyid dang snyoms pa'i sems kyis sems can thams cad la sems snyoms pa dang / 'jigs pa lnga las yang dag par 'das pa'i phyir mi 'jigs pa dang /bdog pa thams cad yongs su gtong ba'i phyir/ slong ba po rnam pa thams cad ster ba yin na de rgyu gang gis brdzun du smra bar 'gyur/ snyoms par phan par 'dod pa brtse ba can/ /gzhan gyi sdug bsngal skye bas shin tu 'jigs/ /sems can gdul ba la ni legs brtson pa//ngag gi nyes rnam gsum las shin tu ring / /byang chub sems dpa' ni sems can thams cad la snyoms par phan par 'dod pa yin na/ de ji ltar gzhan dag la bshes pa dbye ba'i phyir phra ma byed par 'gyur/ gzhan gyi sdug bsngal bsal ba'i bsam pa can yin pa'i phyir brtse ba can gzhan gyi sdug bsngal skye bas shin tu 'jigs pa yang yin na/de ji ltar gzhan dag la sdug bsngal bskyed pa'i phyir/ tshig rtsub mos smra bar 'gyur/ sems can rnams gdul ba la yang dag par rab tu brtson pa yang yin na/ de ji ltar tshig kyal pa smra bar 'gyur te/ de lta bas na 'di ni ngag gi nyes pa rnam pa gsum po phra ma dang / tshig rtsub po dang / tshig kyal pa las shin tu ring ba yin no/ /thams cad gtong ba snying rje can/ /rten 'byung chos la rab mkhas pa/ /de ni yid kyi nyon mongs kun/ /ji lta bur na dang du len//brnab sems dang / gnod sems dang / log par lta ba ste go rims bzhin no/ /'di ni 'chal ba'i tshul khrims kyi gnyen po'i chos kyi khyad par dang ldan pa'i phyir/ byang chub sems dpa' rnams kyi tshul khrims rnam par dag pa'i yon tan yin par rig par bya'o/ /brtse ldan gang tshe gnod pa byed pa dang //gzhan la phan pa'i sdug bsngal la rtag tu/ /phan pa'i 'du shes dga' ba rnyed gyur pa/ /de yis gang la ci zhig bzod par bya/ /gnod pa byed pa la bzod pa bya dgos pa yin na/ byang chub sems dpa' ni de la phan pa'i 'du shes 'thob ste/ bzod pa'i tshogs kyi rgyu mtshan yin pa'i phyir ro/ /sdug bsngal la yang bzod pa bya dgos pa yin na/ byang chub sems dpa' ni gzhan la phan pa'i rgyur gyur pa'i sdug bsngal de la yang rtag tu dga' ba 'thob pa na gang la gnod pa byed pa'i 'du shes kyang mi 'byung / sdug bsngal gyi 'du shes kyang mi 'byung ba des gang la ci zhig bzod par bya//gzhan la gzhan gyi 'du shes bral ba dang / /bdag pas ches lhag gzhan la rtag byams dang / /dka' ba spyod phyir brtse ba dang bcas la/ /brtson 'grus dka' ba min la shin tu dka'/ /brtse ba dang bcas pa ni/ byang chub sems dpa' ste/ brtse ba dang bcas pa de la ni gzhan gyi don du dka' ba spyod pa'i brtson 'grus gang yin pa de dka' ba yang ma yin la/ shin tu dka' ba yang yin no/ /ji ltar dka' ba ma yin zhe na/ gzhan la gzhan gyi 'du shes dang bral ba'i phyir dang / rtag tu bdag pas ches lhag par gzhan dag la byams pa'i phyir ro//ji ltar shin tu dka' ba yin zhe na/ de ltar gzhan gyi 'du shes dang bral ba dang / bdag pas ches lhag par byams pa'i brtson 'grus gang yin pa de'o/ /gsum gyi bsam gtan bde ba chung / /bdag bde zhen pa yongs nyams 'gyur//zad 'gyur rmongs dang bcas par 'dod/ /byang chub sems dpa'i bzlog pa'o/ /'jig rten pa rnams kyi bsam gtan ni bde ba chung ba'o/ /nyan thos dang / rang sangs rgyas rnams kyi ni bdag nyid bde ba'o/ /'jig rten pa rnams kyi ni 'jig tshogs la zhen pa'o//nyan thos dang / rang sangs rgyas rnams kyi ni mya ngan las 'das pa la zhen pa'o/ /'jig rten pa rnams kyi ni yongs su nyams par 'gyur ba'o/ /nyan thos dang / rang sangs rgyas rnams kyi ni zad par 'gyur ba ste/ phung po'i lhag ma med pa'i mya ngan las 'das par de zad par 'gyur ba'i phyir ro//thams cad kyi yang ci rigs par nyon mongs pa can dang / nyon mongs pa can ma yin pa'i rmongs pas rmongs pa dang bcas pa'o/ /byang chub sems dpa' rnams kyi bsam gtan ni bde ba mang ba dang / bdag dang gzhan bde ba dang /ma zhen pa dang / yongs su mi nyams pa dang / mi zad pa dang / rmongs pa med pa yin no/ /ji ltar mtshan mo lag nom dang / /khebs sgron de bzhin shes pa gsum/ /snying rje can gyi shes pa ni/ /nyi ma'i zer bzhin mtshungs pa med/ /ji ltar mun khung na lag nom dag gi shes pa yul chung ba dang /mngon sum ma yin pa dang / mi gsal ba ltar so so'i skye bo rnams kyi yang de dang 'dra'o/ /ji ltar phug tu sgron mas shes pa nyi tshe ba'i mngon sum dang / shin tu dri ma med pa ma yin pa ltar nyan thos dang / rang sangs rgyas rnams kyi yang de dang 'dra'o/ / ji ltar nyi ma'i 'od zer dag gis shes pa kun nas mngon sum dang / shin tu dri ma med pa ltar byang chub sems dpa' rnams kyi yang de dang 'dra ste/ de nyid kyi phyir de ni mtshungs pa med pa yin no/ /sbyin pa rten dang gzhi dang ni/ /rgyu mtshan dang ni yongs bsngo dang / /rgyu dang ye shes zhing dag dang //gnas kyi sgo nas mchog tu 'dod/ /de la rten ni byang chub sems dpa'o/ /gzhi mchog ni zang zing sbyin pa'i ni nang gi dngos po'o/ /mi 'jigs pa sbyin pa'i ni ngan song dang 'khor bas 'jigs pa dag la de dag gis mi 'jigs pa'o/ /chos sbyin pa'i ni theg pa chen po'o//rgyu mtshan ni snying rje'o/ /yongs su bsngo ba ni gang gis 'bras bu byang chub chen po don du gnyer ba'o/ /rgyu ni sngon sbyin pa'i pha rol tu phyin pa la goms pa'i bag chags so/ /ye shes ni gang gis 'khor gsum yongs su dag pa'i sbyin pa sbyin pa ste/ sbyin pa po dang sbyin par bya ba dang /len pa po rnams su rnam par mi rtog pa'i phyir ro/ /zhing ni rnam pa lnga ste/ slong ba dang / sdug bsngal ba dang / rten med pa dang / nyes par spyad pa spyod pa dang / yon tan dang ldan pa'o/ /gzhi ni phyi ma phyi ma zhing dam pa yin no/ /de dag med na lnga pa'o//gang la gnas nas sbyin pa'i gnas ni rnam pa gsum ste/ mos pa dang / yid la byed pa dang / ting nge 'dzin to/ /mos pa ni/ ji skad du/ sgom pa rnam par dbye ba las mos pa yid la byed pa bshad pa lta bu'o/ /yid la byed pa ni ji skad du/ de nyid las ro myang ba dang /rjes su yi rang ba dang / mngon par dga' ba yid la byed pa bshad pa lta bu'o/ /ting nge 'dzin ni nam mkha' mdzod la sogs pa ste/ ji skad du de nyid las dbang 'byor pa bshad pa lta bu'o/ /de ltar na rten la sogs pa mchog gis sbyin pa mchog yin no/ /'dir ni gang zhes bstan pa yin par rig par bya ste /gang dang / gang zhig dang / gang gis dang / gang gi phyir dang / gang las dang / gang gis yongs su zin pa dang / gang la dang rnam pa ji snyed sbyin pa de ni sbyin pa yin no/ /tshul khrims rten dang gzhi dang ni/ /rgyu mtshan dang ni yongs bsngo dang //rgyu dang ye shes zhing dag dang / /gnas kyi sgo nas mchog tu 'dod/ /bzod pa rten dang gzhi dang ni/ /rgyu mtshan dang ni yongs bsngo dang / /rgyu dang ye shes zhing dag dang / /gnas kyi sgo nas mchog tu 'dod/ /brtson 'grus rten dang gzhi dang ni/ /rgyu mtshan dang ni yongs bsngo dang //rgyu dang ye shes zhing dag dang / /gnas kyi sgo nas mchog tu 'dod/ /bsam gtan rten dang gzhi dang ni/ /rgyu mtshan dang ni yongs bsngo dang / /rgyu dang ye shes zhing dag dang / /gnas kyi sgo nas mchog tu 'dod/ /shes rab rten dang gzhi dang ni//rgyu mtshan dang ni yongs bsngo dang / /rgyu dang ye shes zhing dag dang / /gnas kyi sgo nas mchog tu 'dod/ /tshul khrims kyi gzhi mchog ni/ byang chub sems dpa'i sdom pa'o/ bzod pa'i ni ngan pa stobs chung ngus gsod pa dag go/ /brtson 'grus kyi ni pha rol tu phyin pa sgom pa dang /de'i mi mthun pa'i phyogs spang ba'o/ /bsam gtan gyi ni byang chub sems dpa'i ting nge 'dzin rnams so/ /shes rab kyi ni de bzhin nyid do/ /tshul khrims la sogs pa thams cad kyi zhing ni theg pa chen po'o/ /lhag ma ni snga ma bzhin du rig par bya'o//byang chub sems dpa'i sbyin pa ni/ /sems can gcig bde bskal mang du/ /gnod pa byed kyang dga' 'gyur na/ /de las bzlog pa smos ci dgos/ /gal te byang chub sems dpa' rnams kyi sbyin pa ni sems can gcig kho na bde bar 'gyur la/ bdag la ni bskal pa mang por gnod pa byed du zin kyang /'on kyang snying rje'i khyad par gyis de dag de la dga' bar 'gyur na/ sems can yang du ma zhig la bde bar 'gyur la/ bdag nyid la yang bskal pa mang por phan pa byed pa gang yin pa lta smos kyang ci dgos/ /lus can rnams ni gang phyir nor 'dod pa//brtan rnams de nyid lus can rnams la gtong / /skye bo rnams ni lus phyir nor 'dod de/ /de nyid brtan rnams brgya phrag rnams su gtong / /de la phyed snga ma phyed phyi mas bshad do/ /gang tshe lus nyid gtong yang yid sdug mi bsngal ba/ /de tshe rdzas ngan lta la smos kyang ci zhig dgos//de 'di'i 'jig rten 'das pa de des dga' 'gyur ba/ /gang yin de ni de yi yang ni bla ma yin/ /'di la gang gi tshe lus nyid gtong ba na yid sdug bsngal bar mi 'gyur ba de ni 'di'i 'jig rten las 'das pa yin no zhes bstan to/ /de sdug bsngal des bde bar 'gyur ba gang yin pa de ni de'i yang bla ma yin pas 'jig rten las 'das pa de bas kyang bla ma yin no//ji ltar blo ldan 'di na kun gtong bas/ /don gnyer skye bo dga' bas dga' ba ltar/ /de ltar slong mo pa dag blang bya ba/ /'dod dgu thob pa dag gis dga' mi 'gyur/ / kun gtong ba zhes bya ba ni rang gi srog man chad gtong bas so/ 'dod dgu thob pa dag gis zhes bya ba ni ci 'dod pa thob pa dag gis so/ /blo can bdog dgu btang bas nor med pa/ /bdag nyid nor ldan sems pa ji lta bar/ /slong ba longs spyod kun rdzogs bdag nyid ni/ / de ltar nor dang ldan par mi sems so/ /ji ltar blo ldan 'di ni sbyin pa bzang pos tshul bzhin du/ /don gnyer tshim byas de la phan chen 'dogs par sems pa ltar/ de bzhin slong mo ba dag shin tu nor mang thob nas ni/ /sbyin pa po la rnyed pa'i rgyu yis drin du mi rtsi'o/ /tshigs su bcad pa gnyis kyi don ni go bar zad do//lam ka'i 'bras mchog ldan pa'i shing las longs spyod ji lta bar/ /lus can rnams kyis gang gi nor rdzas rgya cher blangs nas ni/ /bdag nyid dogs dang bral bar rang nyams spyod par byed pa la/ /btang dga' longs spyod can de byang chub sems dpa' las gzhan min//'di la btang pa la dga' ba'i longs spyod yod pas na btang dga' longs spyod can te/ de ni byang chub sems dpa' las gzhan ma yin par rig par bya'o/ /lhag ma ni don go bar zad do/ /gtso dang 'di rgyu las kyi dbye ba dang / / rnam pa'i dbye ba rten gyi dbye ba dang / /bar chad rnam bzhi'i gnyen po'i dbye ba yis/ /brtson 'grus yongs shes bya zhes rab tu bstan/ /rab tu dbye ba rnam pa drug po gtso bo'i dbye ba dang / de'i rgyu'i dbye ba dang / las kyi dbye ba dang / rnam pa'i dbye ba dang / rten gyi dbye ba dang /bar chad rnam pa bzhi'i gnyen po'i dbye bas brtson 'grus yongs su shes par bya ste/ bstan pa 'di ni tshigs su bcad pa phyi ma rnams kyis bshad do/ /dge ba'i tshogs kyi nang na brtson 'grus mchog/ /'di ltar de la brten nas de rjes 'thob/ /brtson 'grus kyis ni mod la bde gnas mchog /dngos grub 'jig rten 'das dang 'jig rten gtogs/ /dge ba'i tshogs kyi nang na brtson 'grus mchog /ces bya ba ni brtson 'grus dge ba'i chos thams cad kyi gtso bo yin par bstan to/ /'di ltar de la brten nas de rjes 'thob/ /ces bya ba ni gtso bo'i rgyu bstan pa ste/'di ltar brtson 'grus la brten nas dge ba'i chos thams cad 'thob bo/ /brtson 'grus kyis ni mod la bde gnas mchog /dngos grub 'jig rten 'das dang 'jig rten gtogs/ /zhes bya ba ni las bstan pa ste/ brtson 'grus kyis ni mthong ba'i chos la bde bar gnas pa'i mchog dang /'jig rten las 'das pa dang / 'jig rten pa thams cad kyang 'grub par byed do/ /brtson 'grus kyis ni srid gcod 'dod pa 'thob/ /brtson 'grus kyis ni dag pa rab 'gyur ldan//brtson 'grus kyis ni 'jig tshogs 'das nas grol/ /brtson 'grus kyis ni byang chub mchog sangs rgyas/ /'jig rten pa dang / 'jig rten las 'das pa'i dngos grub kyi bye brag gi sgo nas rnam grangs gzhan gyis brtson 'grus kyi las kho na bstan te/de la rab tu 'gyur ba ni 'jig rten pa'i dngos grub gtan du ba ma yin pa'i phyir ro/ /gzhan yang nyams dang 'phel ba'i brtson 'grus dang / /thar pa'i dbang dang mi mthun phyogs spangs gzhan/ /de nyid rab zhugs yongs su sgrub byed dang //brtson 'grus don chen nges tshig gzhan du 'dod/ /thog mar go cha'i brtson 'grus de nas ni/ /tshul bzhin rab zhugs sbyor ba'i brtson 'grus te/ /ma zhum mi 'khrugs chog mi shes brtson 'grus/ /rnam pa thams cad sangs rgyas rnams rab gsungs//'di ni rnam pa'i dbye ba ste/ de la nyams pa dang / 'phel ba'i brtson 'grus ni yang dag par spong ba rnams la ste/ gnyis la mi dge ba'i chos nyams par byed pa dang / gnyis la dge ba'i chos 'phel bar byed pa yin no/ /thar pa'i dbang gi brtson 'grus ni dbang po rnams la ste//'di ltar thar pa la dbang byed pa'i don gyis dbang po rnams yin pas so/ /mi mthun pa'i phyogs spangs pa ni/ stobs rnams la ste/ 'di ltar mi mthun pa'i phyogs kyis mi brdzi ba'i don gyis stobs rnams yin pas so//de kho na nyid la rab tu zhugs pa ni/ byang chub kyi yan lag rnams la ste/ mthong ba'i lam la de rnam par gzhag pa'i phyir ro/ /de yongs su sgyur bar byed pa ni/ lam gyi yan lag rnams la ste/ 'di ni bsgom pa'i lam la gnas yongs su 'gyur ba'i rgyu yin pa'i phyir ro//don chen po'i brtson 'grus ni/ pha rol tu phyin pa'i ngo bo nyid de/ rang dang gzhan gyi don mngon par sgrub pa'i phyir ro/ /go cha'i brtson 'grus ni sbyor ba'i phyir go bgos pa yin no/ /sbyor ba'i brtson 'grus ni/de bzhin du sbyor ba'i phyir ro/ /ma zhum pa'i brtson 'grus ni/ rtogs par bya ba rgya chen po la yang zhum pa med pa'i phyir ro/ /mi 'khrugs pa'i brtson 'grus ni/ grang ba dang tsha ba la sogs pa'i sdug bsngal gyis mi 'khrugs pa'i phyir ro//chog mi shes pa'i brtson 'grus ni/ rtogs pa cung zad tsam gyis chog par mi 'dzin pa'i phyir ro/ /go cha'i brtson 'grus la sogs pa 'di dag nyid/ mdo las/ mthu dang ldan pa dang / brtson 'grus dang ldan pa dang / spro ba can dang / /pha rol gnon pa brtan pa dang / dge ba'i chos rnams la brtson pa ma btang ba zhes 'byung ba dang go rims bzhin no/ /theg pa gsum brtson skye bo la brten nas/ /bsam blo zhan dang rgya rab che ldan phyir/ /brtson 'grus tha ma 'bring dang mchog gzhan te//de ni don chung ba dang don chen 'dod/ /'dis ni rten gyi bye brag gis brtson 'grus kyi dbye ba bstan te/ /theg pa gsum la rab tu brtson pa'i skye bo gang yin pa de la brten nas go rims bzhin du brtson 'grus tha ma dang //'bring dang mchog tu rig par bya'o/ /ci'i phyir zhe na/ /bsam pa dang blo zhan pa dang / rgya rab tu chen po dang ldan pa'i phyir ro/ /bsam pa dang blo zhan pa ni theg pa gnyis la rab tu brtson pa rnams kyi ste/ bdag 'ba' zhig gi yus su byed pa'i phyir ro//rgya rab tu chen po ni theg pa chen po la rab tu brtson pa rnams kyi ste/ /rang dang gzhan gyi don gyi skabs yin pa'i phyir ro/ /de nyid kyi phyir brtson 'grus de ni go rims bzhin du don chung ba dang / /don chen por 'dod de/rang gi don gyi yus su byed pa'i phyir dang / rang dang gzhan gyi don gyi skabs yin pa'i phyir ro/ /brtson 'grus ldan pa longs spyod kyis pham med/ /brtson 'grus ldan pa nyon mongs kyis pham med/ /brtson 'grus ldan pa skyo bas pham pa med//brtson 'grus ldan pa thob pas pham pa med/ /ces bya ba 'di ni bar du gcod pa rnam pa bzhi'i gnyen po'i dbye ba ste/ /gang gis sbyin pa la sogs pa la 'jug par mi 'gyur ba sbyin pa la sogs pa'i bar du gcod pa ni rnam pa bzhi ste//longs spyod la chags pa ni de kun tu 'dzin pa'i phyir ro/ /nyon mongs pa ni de yongs su gcod pa la lhag par zhen pa'i phyir ro/ /skyo ba ni sbyin pa la sogs pa la sbyor bar brtson pa la yongs su skyo ba'i phyir ro/ / thob pa ni sbyin pa la sogs pa cung zad tsam gyis chog par 'dzin pa'i phyir ro/ /de dag gi gnyen po'i bye brag gis brtson 'grus rnam pa 'di bzhi bshad do/ /phan tshun rnam par nges pa rnam par dbye ba'i tshigs su bcad pa/ /phan tshun bsdus phyir rab dbye'i phyir//chos nyid phyir dang rgyu mtshan phyir/ /pha rol phyin drug rnam kun tu/ /rnam par nges par shes par bya/ /phan tshun bsdus pa'i phyir rnam par nges pa ni mi 'jigs pa'i sbyin pas ni tshul khrims dang bzod pa bsdus te/'di ltar de gnyis kyis mi 'jigs pa sbyin par byed do/ /chos kyi sbyin pas ni bsam gtan dang shes rab dag ste/ 'di ltar de gnyis kyis chos sbyin par byed do/ /gnyi gas ni brtson 'grus te 'di ltar des gnyis ka sbyin par byed do//dge ba'i chos sdud pa'i tshul khrims kyis ni sbyin pa la sogs pa thams cad bsdus te/ de bzhin du bzod pa la sogs pa thams cad bsdus pa yang ci rigs par sbyar bar bya'o/ /rab tu dbye bas rnam par nges pa ni/ gzhan gyi rgyud la tshul khrims la sogs pa 'jog pa'i phyir sbyin pa ni rnam pa drug ste/sbyin pa'i sbyin pa dang / tshul khrims kyi sbyin pa nas shes rab kyi sbyin pa'i par yin no / /chos nyid kyis rnam par nges pa ni sbyin pa la sogs pa'i don gang dag la mdo la sogs pa snang ba gang dag yin pa dang //mdo la sogs pa'i chos gang dag la/ sbyin pa la sogs pa snang ba gang dag yin pa de dag ni phan tshun bsdus pa yin par rig par bya'o/ /rgyu mtshan gyi phyir rnam par nges pa ni sbyin pa'i tshul khrims la sogs pa'i rgyu mtshan yin te//longs spyod la mi lta na tshul khrims la sogs pa la 'jug pa'i phyir ro/ /tshul khrims kyang sbyin pa la sogs pa'i rgyu mtshan yin te/ dge slong gi sdom pa yang dag par blangs na yongs su 'dzin pa thams cad gtong ba'i phyir dang //tshul khrims la gnas na bzod pa la sogs pa dang ldan pa'i phyir ro/ /dge ba'i chos sdud pa'i tshul khrims yang dag par blangs pa ni/ sbyin pa la sogs pa thams cad kyi rgyu mtshan yin te/ de bzhin du bzod pa la sogs pa phan tshun gyi rgyu mtshan gyi dngos po yin pa yang ci rigs par sbyar bar bya'o//bsdu ba'i dngos po rnam par dbye ba'i tshigs su bcad pa bdun ste/ bsdu ba'i dngos po bzhi ni/ sbyin pa dang / snyan par smra ba nyid dang / don spyod pa nyid dang //don mthun pa nyid do / /de la/ sbyin mtshungs de ston len 'jug dang / /bdag nyid rjes su 'jug rnams kyis/ /snyan par smra dang don spyod dang / /don mthun nyid du 'dod pa yin/ /sbyin pa ni mtshungs par 'dod de/pha rol tu phyin pa dag gi skabs nas ji skad du bshad pa lta bu yin no/ /snyan par smra ba ni de ston pa yin no/ /don spyod pa ni/ de yang dag par len du 'jug pa'o/ /de zhes bya ba'i sgras ni pha rol tu phyin pa rnams bzung ste/pha rol tu phyin pa ston pa dang / pha rol tu phyin pa yang dag par len du 'jug pa zhes bya ba'i tha tshig go/ /don mthun pa nyid ni gang la gzhan yang dag par len du 'jug pa de la bdag nyid rjes su 'jug pa'o/ /yang ci'i phyir bsdu ba'i dngos po bzhir 'dod ce na/'di ni gzhan dag la/ /phan par byed pa'i thabs dang ni/ /'dzin par byed dang 'jug byed dang / /de bzhin rjes su 'jug byed pa/ /bsdu ba'i dngos po bzhir shes bya/ /sbyin pa ni phan par byed pa'i thabs te/ /zang zing gi sbyin pas lus la phan pa bskyed pa'i phyir ro//snyan par smra ba ni 'dzin par byed pa ste/ bye brag tu mi shes pa dang / /the tshom za bar don 'dzin du 'jug pa'i phyir ro/ /don spyod pa ni 'jug par byed pa ste/ dge ba la 'jug par byed pa'i phyir ro/ /don mthun pa ni rjes su 'jug par byed pa ste/ yang dag par len du 'jug par byed pa po ni ji skad smras pa de bzhin byed pa yin no zhes bya bar rig nas des dge ba gang la gzhan dag bcug pa de la rjes su 'jug pa yin no//dang pos snod 'gyur dngos po ste/ /gnyis pa yis ni mos pa yin/ /gsum pa yis ni sgrub pa ste/ /bzhi pas rnam par par sbyong ba'o//zang zing gi sbyin bas pas ni snod du rung bar 'gyur ta/ chos nyan du btub par byed pa'i phyir ro/ /snyan par smra bas ni chos de la mos par byed de/ /de'i don bye brag tu shes par byed pa dang / /the tshom gcod pa'i phyir ro/ /don spyod pas ni chos bzhin du sgrub bar par byed do//don mthun pas yun ring por sgrub pa'i phyir sgrub pa de rnam par sbyong bar byed de/ 'di ni bsdu ba'i dngos po rnams kyi las yin no/ /zang zing dang ni chos kyis te/ /dmigs pa'i chos la sogs pa yis/ /bsdu ba gnyis kyi sgo nas ni/ /bsdu ba'i dngos po bzhir 'dod do//gang yang bcom ldan 'das kyis zang zing gis bsdu ba dang / chos kyis bsdu ba dang / bsdu ba gzhan gnyis gsungs pa de dag gis bsdu ba'i dngos po bzhi po 'di dag kho na bsdus te/ /dang po ni zang zing gis bsdu bas so/ /lhag ma rnams ni chos kyis bsdu bas so//de dag kyang chos rnam pa gsum po dmigs pa'i chos dang / sgrub pa'i chos dang de rnam par sbyong ba'i chos dang go rims bzhin no/ /rnam pa'i dbye ba'i sgo nas ni/ /bsdu ba dman dang 'bring dang mchog /phal cher don med don yod dang / /rnam kun don yod shes par bya/'di ni bsdu ba'i rnam pa'i rab tu dbye ba'o/ /de la byang chub sems dpa' rnams kyi bsdu ba dman pa dang / 'bring dang / mchog ni theg pa gsum la rab tu zhugs pa dag la rig par bya ste go rims bzhin no/ /phal cher don med ba ni mos pas spyod pa'i sa la'o//phal cher don yod pa ni sa la zhugs pa rnams kyi'o/ /rnam pa thams cad du don yod pa ni sa brgyad pa la sogs pa la ste/ sems can gyi don gdon mi za bar 'grub pa'i phyir ro/ /'khor sdud pa dang ldan pa rnams/ /tshul 'di la ni yang dag brten/ /kun gyi don kun sgrub byed cing //thabs bzang yin par rab tu bsngags/ /su dag 'khor sdud pa la zhugs pa de dag thams cad kyis ni 'di lta ste/ bsdu ba'i dngos po bzhi'i thabs kho na la yang dag par brten te/ 'di ltar 'di ni thams cad kyi don kun 'grub par byed pa dang / thabs bzang po yin par sangs rgyas rnams kyis rab tu bsngags so//bsdus dang sdud par 'gyur ba dang / /gang dag da ltar sdud byed pa/ /de kun de 'dra de lta bas/ /'di ni sems can smin byed lam/ /'dis ni sems can thams cad yongs su smin par bya ba la bsdu ba'i dngos po bzhi dus gsum du yang bgrod pa gcig pa'i lam nyid yin par ston te/lam gzhan med pa'i phyir ro/ /de ltar rtag tu longs spyod ma chags blo/ /zhi sdom brtson pa'i pha rol phyin gnas bdag /srid yul mtshan ma rnam par mi rtog pa/ /de ni sems can tshogs sdud byed pa yin/ 'dis ni ji skad du bshad pa'i pha rol tu phyin pa drug la gnas pa'i byang chub sems dpa'i bsdu ba'i dngos po'i sbyor ba ston te/pha rol tu phyin pa dag dang / bsdu ba'i dngos po dag gis go rims bzhin du rang dang gzhan gyi don sgrub pa'i phyir ro/ /pha rol tu phyin pa'i skabs rdzogs so// //sangs rgyas la mchod pa'i rnam par dbye ba'i tshigs su bcad pa rnam pa bdun te/rab dang sems dang ldan pa yis/ /tshogs gnyis rdzogs par bya ba'i phyir/ /sangs rgyas rnams la gos sogs kyis/ /mngon sum mngon sum min par mchod/ /sangs rgyas 'byung ba don yod par//smon lam dang ni ldan pa yi/ /gsum po dmigs par mi byed pa/ /sangs rgyas mchod pa rdzogs pa yin/ /sems can dag ni tshad med pa/ /yongs su smin par byed pa gzhan/ /rdzas dang sems kyi sgo nas gzhan/ /mos pa dang ni smon pa dang / / brtse dang bzod pa dag dang ni/ /yang dag spyod pa'i sgo dang ni/ /gzhi la gtod dang rtogs pa dang / /grol dang de bzhin nyid kyis gzhan/ /de ltar na tshigs su bcad pa 'di bzhis ni/ /rgyu mtshan dang ni yongs bsngo dang / /rten dang dngos dang rgyu dang ni/ /ye shes dang ni zhing dag dang //gnas kyi mchod pa rab bstan par/ /rig par bya ste/ de la rgyu mtshan ni rab tu dang ba dang ldan pa'i sems so/ /yongs su bsngo ba ni/ bsod nams dang ye shes kyi tshogs yongs su rdzogs par byed pa'o/ /rten ni mngon sum dang lkog tu gyur pa'i sangs rgyas rnams so/ /dngos po ni gos la sogs pa'o//rgyu ni bdag la sangs rgyas 'byung ba don yod par gyur cig ces sngon smon pa'o/ /ye shes ni mchod par byed pa dang / mchod par bya ba dang / mchod pa mi dmigs pa'i phyir rnam par mi rtog pa'o/ /zhing ni sems can tshad med pa rnams te/ de yongs su smin par bya ba'i phyir/de dag gis de la rab tu sbyor bas de dag la de btab pa'i phyir ro/ /gnas ni rdzas dang sems te/ de la rdzas la brten nas mchod pa ni gos la sogs pa'o/ /sems la brten nas mchod pa ni ro myang ba dang / rjes su yi rang ba dang / mngon par dga' ba'i yid la byed pa dag dang /mos pa la sogs pa ji skad du bshad pa 'di lta ste/ theg pa chen po la mos pa dang / byang chub tu sems bskyed pa ste/ 'dir tshigs su bcad pa sbyar ba'i ngor smon lam nyid smon par bshad pa dang / sems can la brtse ba dang / dka' ba spyod ba'i sdug bsngal bzod pa dang /pha rol tu phyin pa yang dag par spyod pa dang / chos la tshul bzhin yid la byed pa'i sgo nas te/ /de ni phyin ci ma log pa'i phyir gzhi la gtod pa yin no/ /yang dag pa'i lta ba'i sgo nas ni mthong ba'i lam la ste/ de ni yang dag pa ji lta ba bzhin du rtogs pa'i phyir gzhi rtogs pa yin no//rnam par grol ba'i sgo nas ni nyon mongs pa las rnam par grol ba'i phyir nyan thos rnams kyi yin no/ /de bzhin nyid kyi sgo nas byang chub chen po 'thob ste/ 'di ni mchod pa'i rnam pa'i dbye ba yin no/ /rgyu dang 'bras bu nyid dang ni/ /bdag nyid dang ni gzhan dag dang //rnyed dang bkur sti nyid dang ni/ /sgrub pa'i sgo nas de rnam gnyis/ /mchod pa chung dang chen po de/ /nga rgyal bcas dang nga rgyal med/ /sbyor dang 'gro ba nyid dang ni/ /smon pa'i sgo nas der 'dod do/ /zhes bya ba 'di ni dus la sogs pa'i dbye bas rnam pa'i dbye ba gzhan yin te/de la rgyu ni 'das pa'o/ /'bras bu ni da ltar byung ba'o/ /rgyu ni da ltar byung ba'o/ /'bras bu ni ma 'ongs pa'o/ /de ltar na rgyu dang 'bras bu'i sgo nas 'das pa dang / ma 'ongs pa dang / da ltar byung bar rig par bya'o/ /bdag nyid ces bya ba ni nang gi'o/ /gzhan dag ces bya ba ni phyi'i'o//rnyed pa dang bkur sti ni rags pa'o/ /sgrub pa ni phra ba'o/ /chung ngu ni dman pa'o/ /chen po ni gya nom pa'o/ /yang nga rgyal dang bcas pa ni dman pa'o/ /nga rgyal med pa ni gya nom pa ste/ 'khor gsum du rnam par mi rtog pa'i phyir ro/ /dus gzhan na sbyar bar bya ba ni ring ba'o//de'i dus na sbyar bar bya ba ni nye ba'o/ /'gro ba rnam par chad pa ni mi ring ba'o/ /de ma thag pa'i ni nye ba'o/ /yang mchod pa gang zhig tshe phyi ma la sbyar bar smon lam 'debs pa de ni ring ba'o/ /gang zhig bya bar smon lam 'debs pa de ni nye ba'o/ / yang sangs rgyas la mchod pa'i mchog gang yin par rig par bya zhe na/ /rang gi sems kyis sangs rgyas rnams mchod pa/ /chos la mos dang bsam dang dbang 'byor dang / /rnam par mi rtog thabs yongs bzung ba dang / /kun dang don gcig nyid la 'jug pas mchog / ces bya ba smos te/ rnam pa lngas rang gi sems kyis sangs rgyas rnams la mchod pa mchog tu rig par bya'o/ /'di lta ste mchod pa dang ldan pa'i theg pa chen po'i chos la mos pa dang / bsam pa ste/ bsam pa dgu po ro myang ba dang / rjes su yi rang ba dang / mngon par dga' ba'i bsam pa dag dang / ngoms mi shes pa dang / rgya chen po dang / dga' ba dang / phan pa dang / ma gos pa dang / dge ba'i bsam pa gang dag pha rol tu phyin pa sgom pa las bstan pa rnams dang / dbang 'byor ba nyid de / nam mkha' mdzod la sogs pa'i ting nge 'dzin dang /rnam par mi rtog pa'i ye shes kyis thabs yongs su bzung ba dang / byang chub sems dpa' chen po thams cad dang / don gcig pa nyid la 'jug pa'i sgo nas te/ don thams cad ni 'dres pa nye bar 'dres pa yin pa'i phyir ro/ /dge ba'i bshes gnyen la brten pa rnam par dbye ba'i tshigs su bcad pa bdun te/de la tshigs su bcad pa phyed dang lngas ni/ /bsten pa rten dang gzhi dang ni/ /rgyu mtshan dang ni yongs bsngo dang / /rgyu dang ye shes zhing dag dang / /gnas kyi sgo nas rab tu bstan/ /bshes gnyen dul ba zhi zhing nyer zhi ba/ /yon tan lhag pa brtson bcas lung gis phyug /de nyid rab tu rtogs pa smra mkhas ldan/ /brtse ba'i bdag nyid skyo ba spangs la bsten / /bsten pa'i rten ni yon tan de lta bu dang ldan pa'i bshes gnyen yin te/ dul ba ni tshul khrims dang ldan pa'i phyir dbang po dul bas so/ /zhi ba ni ting nge 'dzin dang ldan pa'i phyir sems nang du zhi bar gnas pas so//nye bar zhi ba ni shes rab dang ldan pa'i phyir nyon mongs pa nye bar gnas pa nye bar zhi bas so/ /yon tan lhag pa ni mnyam pa'am chung ba ma yin pa'o/ /brtson pa dang bcas pa ni/ gzhan gyi don la g.yel ba ma yin pa'o/ /lung gis phyug pa ni thos pa nyung ngu ma yin pa'o//de kho na nyid rab tu rtogs pa ni de kho na nyid khong du chud pa'i phyir ro/ /smra mkhas pa dang ldan pa ni smra mkhas pa dang ldan pa'o/ /brtse ba'i bdag nyid ni zang zing gi sems med pa'i phyir ro/ /skyo ba spangs pa ni rtag tu chos ston pa'i phyir ro/ /bkur sti rnyed pa dag dang rim gro dang //sgrub pa'i sgo nas bshes gnyen bsten par bya/ /zhes bya ba ni/ rten bzhi de bzhin blo ldan chos la ni/ /shes bsam dus su 'dud pas bshes gnyen bgrod/ /ces bya ba ni rgyu mtshan rnams pa gsum ste/ kun shes par 'dod pa nyid dang / dus shes pa nyid dang /nga rgyal med pa nyid do/ /de ni bsnyen bkur rnyed la 'dod pa med/ /bsgrub par bya phyir de yongs sngo bar byed/ /ces bya ba ni yongs su bsngo ba ste/ sgrub pa'i don du rten gyis rnyed pa dang bkur sti'i don du ni ma yin no/ /bstan pa ji skad bstan pa sgrub pa des/ /de yi sems ni yang dag mgu bar byed//ces bya ba ni bstan pa'i rgyu ni ji skad bstan pa bzhin du sgrub pa yin te/ des de'i sems mgu bar 'gyur ba'i phyir ro/ /theg pa gsum la mkhas pa blos rtogs nas/ /rang gi theg pa bsgrub par bya phyir 'bad/ /ces bya ba la ye shes ni theg pa gsum la mkhas pa yin no/ / sems can tshad med yongs smin bya phyir dang / /zhing dag pa yang sbyang bar bya ba'i phyir/ /zhes bya ba ni de bsten pa'i zhing rnam pa gnyis te/ sems can tshad med pa dang sangs rgyas kyi zhing yongs su dag pa ste/ gong du gnas nas chos thos pa de dag la 'jog pa'i phyir ro/ /de chos bgo skal la spyod yon tan ldan//bshes gnyen rab tu brten bya zang zing min/ /zhes bya ba ni bsten pa'i gnas yin te/ chos kyi bgo skal la spyod pa la brten nas dge ba'i bshes gnyen la brten par bya'i/ zang zing gi bgo skal la spyod pa la ni ma yin no/ /'di man chad tshigs su bcad pa phyed dang gnyis kyis ni bstan pa'i rnam pa'i dbye ba rig par bya ste/blo dang ldan pa rgyu dang 'bras bu dang / /chos sgo rjes 'gro phyir dang thos mnyam dang / /sems kyi rnal 'byor nga rgyal bcas pa dang / nga rgyal med yid ldan pas bshes gnyen bsten/ /de la blo dang ldan pa rgyu dang 'bras bu dang / / zhes bya ba ni 'das pa la sogs par dbye ba ste snga ma bzhin no/ /chos sgo rjes 'gro phyir dang zhes bya ba ni/ nang dang phyi'i bye brag gis ni chos kyi sgo'i rjes su 'gro ba ni chos kyi sgo'i rgyun no/ /phyi ni phyi rol lo/ /thos pa mnyan pa dang / sems kyi rnal 'byor zhes bya ba ni rags pa dang phra ba'i dbye ba ste mnyan pa ni rags pa'o//bsam pa dang sgom pa ni phra ba ste/ de nyid sems kyi rnal 'byor yin no/ /nga rgyal bcas pa dang / nga rgyal med pa'i yid dang ldan pas zhes bya ba ni dman pa dang / gya nom pa'i dbye ba'o/ /blo ldan 'gro dang sbyar ba dang / /smon pa'i sgo nas dge bshes bstan //zhes bya ba ni ring ba dang / nye ba'i dbye ba ste/ snga ma bzhin du sbyar bar bya'o/ /bstan pa'i mchog gang zhe na/ tshigs su bcad pa bdun pa ste / /rang gi sems kyis bshes gnyen mchog bsten pa/ /chos la mos dang bsam dang dbang 'byor dang / / rnam par mi rtog thabs yongs bzung ba dang / /kun nas don gcig nyid la 'jug pas mchog /ces bya ba ni snga ma bzhin no/ /tshad med pa rnam par dbye ba'i tshigs su bcad pa bcu gnyis te/ brtan pa'i tshangs pa'i mi mthun spangs/ /rnam par mi rtog ye shes ldan/ /dmigs pa rnam pa gsum la 'jug /sems can rnams ni yongs smin byed/ /tshangs pa'i gnas pa ni tshad med pa bzhi ste/ byams pa dang / snying rje dang / dga' ba dang / btang snyoms so/ /byang chub sems dpa' de dag kyang mtshan nyid bzhir rig par bya ste/ mi mthun pa'i phyogs spangs pa dang /gnyen po'i khyad pa dang ldan pa dang / dmigs pa rnam pa gsum la 'jug pa'i phyir 'jug pa'i khyad par te/ 'di ltar de dag ni sems can la dmigs pa dang / chos la dmigs pa dang / dmigs pa med pa'o/ /las kyi khyad par ni/ sems can yongs su smin par byed pa'i phyir ro// sems can dang / chos la dmigs pa dag kyang sems can gyi ris sam/ chos gang la 'jug /dmigs pa med pa dag kyang dmigs pa gang la 'jug ce na/ brtan pa rnams kyi de dag bde 'dod dang / /sdug bsngal gyis nyam thag dang bde ba dang / /nyon mongs can dang de dag bstan chos dang //de yi de bzhin nyid la rab tu 'jug /sems can la dmigs pa ni bde bar 'dod pa nas sems can gyi tshogs nyon mongs pa can gyi bar la 'jug ste/ 'di ltar byams pa ni sems can rnams la bde ba dang ldan pa'i rnam pa yin no/ /snying rje ni sdug bsngal dang bral ba'i rnam pa yin no//dga' ba ni bde ba dang mi 'bral ba'i rnam pa yin no/ /btang snyoms ni tshor ba de dag la sems can rnams kyi kun nas nyon mongs pa med par sgrub pa'i rnam pa yin no/ /chos la dmigs pa ni/ /de dag bstan pa'i chos la ste/ gang la gnas pa de dag bstan pa'i chos la 'jug go//dmigs pa med pa ni de bzhin nyid la 'jug pa ste/ de dag tu rnam par mi rtog pa'i phyir dmigs pa med pa dang 'dra bas na dmigs pa med pa'o/ /gzhan yang / de don de bzhin nyid phyir dang / /zhi ba thob pas dag phyir dang / /las gnyis nyon mongs zad pa'i phyir//byams pa dmigs pa med pa yin/ /rgyu 'di bzhis byams pa dmigs pa med pa yin par rig par bya ste/ de bzhin nyid la dmigs pa dang / mi skye ba'i chos la bzod pa thob pa'i sgo nas khams rgyas pas de rnam par dag pa dang / las gnyis te/lus dang ngag gi las byams pa'i rgyu mthun pas bsdus pa gang yin pa dang / nyon mongs pa zad pa ste/ 'di ltar nyon mongs pa ni dmigs par bshad de/ yid kyi rang bzhin gyi mdud pa rnams spangs pa'i phyir dmigs par 'chad do zhes 'byung ba'i phyir ro/ /de dag g.yo dang mi g.yo dang //chags pas ro myangs min shes bya/ /tshangs pa'i gnas pa de dag kyang rnam pa bzhir rig par bya ste/ de la g.yo ba ni nyams pa'i skal ba can te/ yongs su nyams par 'gyur ba'i phyir ro/ /mi g.yo ba ni gnas pa dang khyad par du 'gyur ba'i skal ba can te/ yongs su nyams par mi 'gyur ba'i phyir ro//chags pas ro myangs min zhes bya ba ni bde bas g.yen spyos pa ste/ sems rgya chung bas so/ /ro myangs pa ni nyon mongs pa can no/ /ro myangs pa ma yin pa ni nyon mongs pa can ma yin pa ste/ 'di ni tshangs pa'i gnas pa rnams kyi nyams pa'i skal ba can la sogs pa'i rnam pa'i dbye ba yin no//de dag las/ byang chub sems dpa'i mi g.yo ba/ /chags dang bral ba rab tu gnas/ /g.yo ba la yang ma yin la ro myangs pa dag la yang ma yin no/ /mnyam gzhag ngo bo nyid min chung / /'bring dang dman pa'i sa pa dang / /bsam pa dman dang nga rgyal bcas//gang yin de dman gzhan nyid lhag /'di ni chung ngu dang / chen po'i dbye ba'o/ /de la chung ngu ni rnam pa drug ste/ mnyam par ma bzhag pa'i ngo bo nyid thams cad dang / mnyam par bzhag pa yang chung ngu dang / /'bring gang dag yin pa dang / /gong ma gong ma'i byang chub sems dpa'i sa la ltos nas dman pa'i sa pa gang dag yin pa dang /nyan thos rnams kyi bsam pa dman pa dang / nga rgyal dang bcas pa mi skye ba'i chos la bzod pa thob pa dang bral ba gang dag yin pa de dag ni dman pa ste chung ngu yin no zhes bya ba'i tha tshig go/ /gzhan nyid ni lhag pa'o zhes bya ba ni ji skad bshad pa las bzlog pa ni chen po yin par rig par bya'o//tshangs pa'i gnas pas gnas pa yi / /blo ldan rtag tu 'dod par skye/ /des ni tshogs rnams rdzogs byed cing / /sems can dag kyang rnam smin byed/ /kun tu tshangs dang mi 'bral la/ /de yi mi mthun phyogs dang bral//bag med gyur kyang de yi rkyen / /mi bzad pas kyang mi 'gyur ro/ /rgyu dang 'bras bu dang rtags kyi dbye ba ste/ /de la tshangs pa'i gnas pa dag gis gnas pa zhes bya ba ni rgyu'o/ /'dod pa'i sems can rnams kyi nang du skye'o zhes bya ba ni rnam par smin pa'i 'bras bu'o//tshogs rnams rdzogs par byed do zhes bya ba ni bdag po'i 'bras bu'o/ /sems can dag yongs su smin par byed do zhes bya ba ni skyes bu byed pa'i 'bras bu'o/ /thams cad du tshangs pa'i gnas pa dag dang mi 'bral bar 'gyur ro zhes bya ba ni rgyu mthun pa'i 'bras bu'o/ /de'i mi mthun pa'i phyogs dang bral ba zhes bya ba ni bral ba'i 'bras bu'o//bag med par gyur kyang zhes bya ba ni mi mthun pa'i phyogs mngon du gyur kyang ngo / /rkyen mi zad pas kyang mi 'gyur ro zhes bya ba ni rtags so/ /tshigs su bcad pa gzhan bzhis ni skyon dang yon tan dbye ba ste/ byang chub sems dpa' gnod sems dang //rnam 'tshe mi dga' gnod sems dang / /'dod pa'i 'dod chags dang ldan pa/ /nyes dmigs rnam pa mang la reg /ces bya ba ni skyon te/ tshangs pa'i gnas pa med na de'i mi mthun pa'i phyogs dang ldan pa'i phyir ro/ /de la gnod sems la sogs pa'i ni go rims bzhin du/byams pa la sogs pa'i mi mthun pa'i phyogs yin te/ gnod sems dang 'dod pa'i 'dod chags dag ni btang snyoms kyi yin no/ /ji ltar nyes dmigs rnam pa mang po la reg ce na/ bshad pa/ nyon mongs rnams kyis bdag 'joms sems can 'joms shing tshul khrims 'joms//nyams bcas rnyed pas dman zhing srung dang de bzhin ston pas smad/ /rtsod bcas mi snyan de ni gzhan du mi khom rnams su skye/ /thob dang ma thob nyams pas yid la sdug bsngal chen po 'thob/ /de la tshig dang po gsum gyis ni bdag nyid la yang gnod par byed la/gzhan la yang gnod par byed/ gnyis ka la yang gnod par byed pas na de ni nyes dmigs yin par ston to / /nyams pa dang bcas pa la sogs pa tshig drug gis ni mthong ba'i chos kyi kha na ma tho ba 'phel lo zhes bya bar ston to/ /ji ltar 'phel zhe na/ 'di la bdag nyid dang /gzhan dag dang / lha dang ston pa yang smod la/ tshangs pa mtshungs par spyod pa mkhas pa gzhan dag kyang chos nyid kyis rnam par smod do/ /phyogs dang phyogs mtshams su yang 'di'i sgra dang tshigs su bcad pa mi snyan pa dag 'byung te / de lta bas na 'di ni nyams pa dang bcas pa nas mi snyan pa zhes bya ba'i bar 'dis go rims bzhin du ston to//tshig lhag ma gsum gyis ni go rims bzhin du tshe phyi ma dang / mthong ba'i chos dang / tshe phyi ma'i kha na ma tho ba 'phel te/ de las skyes pa'i sems kyi sdug bsngal dang / yid mi bde ba so sor myong bar 'gyur bas 'di ni nyes dmigs yin par ston to//nyes pa 'di kun byams sogs la/ /legs par gnas la mi 'byung ste/ nyon mongs can min sems can gyi/ /don du 'khor ba yongs mi gtong / zhes bya ba ni tshangs pa'i gnas pa dang ldan pa'i yon tan rnam pa gnyis ston te/ ji skad bshad pa'i skyon med pa dang /kun nas nyon mongs pa med kyang sems can gyi phyir 'khor ba yongs su mi gtong ba'o/ /ji ltar rgyal ba'i sras rnams sems can la/ /byams pa la sogs sems dpa' 'di 'byung ba/ /sems can thams cad yon tan ldan pa yi/ /bu gcig pa la'ang de lta ma yin no//zhes bya ba 'dis ni byang chub sems dpa'i byams pa la sogs pa che ba nyid du ston to/ /snying rje'i rnam par dbye ba la/ de'i dmigs pa'i rab tu dbye ba las brtsams nas tshigs su bcad pa gnyis te/ rab 'bar dgra yi dbang du song / /sdug bsngal gyis non mun pas bsgribs//bgrod dka'i lam la kun tu zhugs/ /'ching ba che dang yang dag ldan/ /zas chen dug dang 'dres la zhen/ /lam ni rab tu stor gyur pa/ /lam gol rab zhugs stobs chung ba'i/ /sems can rnams la snying rje'o/ /de la rab tu 'bar ba ni 'dod pa'i 'dod chags kyis 'dod pa'i bde ba la chags pa rnams so//dgra'i dbang du song ba ni dge ba la zhugs pa la bdud kyis bar chad byas pa rnams so/ /sdug bsngal gyis non pa ni sems can dmyal ba la sogs par sdug bsngal gyi zil gyis non pa rnams so/ /mun pas bsgribs pa ni/ shan pa la sogs pa gcig tu nyes par spyod pa rnams te/las kyi rnam par smin pa la kun tu rmongs pa'i phyir ro/ /bgrod dka' ba'i lam la kun tu zhugs pa ni/ yongs su mya ngan las mi 'da' ba'i chos can rnams te/ 'khor ba'i lam gtan rgyun mi gcod pa'i phyir ro/ /'ching ba chen po dang yang dag par ldan pa ni//gzhan mu stegs can thar pa la kun tu zhugs pa rnams te/ lta ba ngan pa sna tshogs kyi 'ching ba dam pos bcings pa'i phyir ro/ /zas chen po dug dang 'dres pa la zhen pa ni/ snyoms par 'jug pa'i bde ba la zhen pa rnams te/ de dag gi snyoms par 'jug pa'i bde ba nyon mongs pa can ni/dper na kha zas zhim po dug dang 'dres pa dang 'dra ste/ de las rab tu nyams par 'gyur ba'i phyir ro/ /lam rab tu stor ba ni mngon pa'i nga rgyal can rnams te/ thar pa'i lam nor ba'i phyir ro/ /lam gol ba la rab tu zhugs pa ni/ ma nges pa theg pa dman pa la rab tu zhugs pa rnams so//stobs chung ba ni byang chub sems dpa'i tshogs yongs su ma rdzogs pa rnams te/ de ltar na sems can rnam pa bcu po 'di dag ni byang chub sems dpa'i snying rje'i dmigs pa yin no/ /snying rje'i 'bras bu lnga bstan pa'i tshigs su bcad pa/'tshe spongs byang chub mchog gi sa bon dang / /bde ba skyed dang gdung byed 'dod pa'i rgyu/ /ngo bo nyid sbyin chos la rten pa yi/ /rgyal ba'i sras la byang chub thag mi ring / /de la 'tshe ba spangs pa nyid kyis ni de'i mi mthun pa'i phyogs rnam par 'tshe ba spangs pa'i phyir bral ba'i 'bras bu bstan te/byang chub mchog gi sa bon nyid kyis bdag po'i 'bras bu'o/ /go rims bzhin du gzhan dang bdag nyid la bde ba skyed pa dang / gdung bar byed pa nyid kyis ni skyes bu byed pa'i 'bras bu'o/ /'dod pa'i rgyu nyid kyis ni rnam par smin pa'i 'bras bu'o/ /ngo bo nyid sbyin pa nyid kyis ni rgyu mthun pa'i 'bras bu ste/ma 'ongs pa na 'bras bu snying rje khyad par du 'phags pa sbyin pa'i phyir ro/ /de ltar na rnam pa lnga po'i snying rje la brten nas sangs rgyas nyid thag mi ring bar rig par bya'o/ /'khor ba dang mya ngan las 'das pa la mi gnas pa nyid kyi tshigs su bcad pa/ snying rje blo mchog 'khor bar gtogs pa yi//sdug bsngal bdag nyid kun dang bdag med pa'ang / /rnam par shes nas skyo bar mi 'gyur zhing / /nyes pas rab gnod par yang mi 'gyur ro/ /byang chub sems dpa' 'khor bar gtogs pa thams cad yang dag pa ji lta ba bzhin yongs su shes nas snying rje dang ldan pa'i phyir skyo bar yang mi 'gyur la//blo mchog dang ldan pa'i phyir nyes pa dag gis gnod par yang mi 'gyur ro/ /de ltar na mya ngan las 'das pa la yang mi gnas la/ 'khor ba la yang gnas par mi 'gyur te/ go rims bzhin no/ /'khor ba yongs su shes pa'i tshigs su bcad pa//'jig rten sdug bsngal bdag nyid lta ba yi/ /brtse dang ldan pa'i sdug bsngal de dang ni/ /de yongs spang ba'i thabs kyang ji bzhin rig /nyam nga bar byed skyo bar yang mi 'gyur/ /de yang ji bzhin du rig go zhes bya ba ni sdug bsngal yang dag pa ji lta ba bzhin du ste/gang gis na sdug bsngal de 'gag par 'gyur ba sdug bsngal de yongs su spang ba'i thabs kyang rig go/ /nyam nga bar byed ces bya ba ni snying rje bar byed pa'o/ /'dis ni byang chub sems dpa' 'khor ba'i sdug bsngal dang de yongs su spang ba'i thabs yang dag pa ji lta ba bzhin du shes kyang snying rje'i khyad par gyis skyo bar mi 'gyur ro zhes bya bar rab tu ston to//snying rje'i rab tu dbye ba'i tshigs su bcad pa gnyis te/ snying rje'i bdag nyid can gyi brtse ba 'di/ /rang bzhin dang ni so sor brtags pa dang / /de sngon goms par byas dang ldan pa dang / /mi mthun phyogs nyams rnam dag thob pa bzhi//'di ni go rims bzhin du rigs kyi khyad par dang / yon tan dang / skyon yongs su brtags pa dang / tshe rabs gzhan na yongs su goms pa dang / 'dod chags dang bral ba thob pa'i sgo nas rig par bya ste/ de'i mi mthun pa'i phyogs rnam par 'tshe ba spangs na rnam par dag pa 'thob pas de ltar na 'dod chags dang bral ba thob pa'i sgo nas yin no//mnyam dang rtag min lhag pa'i bsam pas min/ /sgrub pa'i sgo nas 'dod chags bral ba dang / /mi dmigs pas min gang de brtse min te/ /de bzhin brtse med gang de byang chub min/ /de la mnyam pa ni sems can bde ba la sogs pa la ste/gang cung zad ci tshor ba de ni 'dir sdug bsngal ba'o zhes bya bar rig pas so/ /rtag pa ni phung po'i lhag ma med pa'i mya ngan las 'das pa na yang de mi zad pa'i phyir ro/ /lhag pa'i bsam pas ni sa la zhugs pa rnams kyi ste/ /bdag dang gzhan mnyam pa nyid kyi bsam pa thob pa'i phyir ro//sgrub pa'i sgo nas ni sdug bsngal las yongs su skyo bar byed pas so/ /'dod chags dang bral bas ni de mi mthun pa'i phyogs rnam par 'tshe ba spangs pa'i phyir ro/ /mi dmigs pas ni mi skye ba'i chos la bzod pa thob pa'i phyir ro/ /snying rje shing dang 'dra ba'i tshigs su bcad pa lnga ste/snying rje dang ni bzod dang sems pa dang / /smon lam skye ba sems can yongs smin byed/ /dang po rtsa ba tha ma 'bras mchog ldan / /'di ni snying rje'i ljon shing chen po yin/ /zhes bya ba ni rtsa ba dang / sdong po dang / yal ga dang / lo ma dang / me tog dang / 'bras bu'i gnas skabs pa'i snying rje'i shing yin par rig par bya ste/ de'i rtsa ba ni snying rje'o/ /sdong po ni bzod pa'o/ /yal ga ni sems can gyi don la sems pa'o/ /lo ma ni skye ba bzang po dag tu smon pa'o/ /me tog ni skye ba bzang po'o/ /'bras bu ni sems can yongs su smin par byed pa'o//rtsa ba snying rje med gyur na/ /dka' spyod bzod pa nyid mi 'gyur/ /blo ldan sdug bsngal mi bzod na/ /sems can don sems nyid mi 'gyur/ /sems pa dang ni bral ba'i blo/ /skye ba dkar po rnam dag tu/ /smon lam 'debs par mi 'gyur ro/ /skye ba bzang po ma thob na//sems can yongs smin byed mi 'gyur/ /tshigs su bcad pa 'di gnyis kyis ni snga ma las phyi ma skye ba dang / chos mthun pa'i phyir snying rje la sogs pa rtsa ba la sogs pa'i dngos por sgrub par byed do/ /snying rje'i chu ba byams pa ste/ /de sdug bsngal na bde ba yis/ / yangs rgyas tshul bzhin yid byed pas/ /yal ga rgya chen 'phel ba dang / /smon lam rgyun ni ma bcad pas/ /lo ma 'dor len rkyen rnam gnyis/ /grub pa de phyir me tog dang / /'bras bu don yod shes par bya/ /tshigs su bcad pa 'di gnyis kyis ni snying rje'i shing gi rtsa ba dang chu ba la sogs pa dang /chos mthun par ston par byed de/ snying rje ni rtsa ba yin par bshad do/ /de'i chu ba ni byams pa ste/ /des de rgyas par byed pa'i phyir ro/ /byams pa'i sems dang ldan pa ni/ /gzhan sdug bsngal bas sdug bsngal bar 'gyur te/ des na byang chub sems dpa' sems can gyi don la zhugs pa la snying rje'i sgo nas sdug bsngal skye ba gang yin pa de las bde ba skyes pas yangs pa rgyas par 'gyur te/bzod pa rgyas par 'gyur zhes bya ba'i tha tshig go/ /de ni sdong por bshad de/ sdong po ni yangs pa yin no/ /theg pa chen po la tshul bzhin yid la byed pa rnam pa mang pos yal ga 'phel bar 'gyur te/sems pa ni yal ga zhes bshad do/ /snga ma dang phyi ma 'gag pa dang skye ba'i rim gyis smon lam gyi rgyun ma bcad pas smon lam rnams lo ma 'dor ba dang / len pa dang chos mthun par rig par bya'o/ /nang ni rkyen grub pa ste/ rang gi rgyud yongs su smin pa las me tog lta bu'i skye ba don yod par rig par bya'o//phyi'i rkyen yongs su grub pa ste/ gzhan gyi rgyud yongs su smin pa las 'bras bu lta bu sems can yongs su smin par byed pa don yod par rig par bya'o/ /snying rje'i phan yon gyi tshigs su bcad pa/ snying rje chen po yon tan 'byung gnas kyi //sems can rnams la snying rje su mi byed/ /'di ltar 'di dag la ni sdug bsngal yang / /brtses bskyed bde ba gzhal du med pa 'byung / /'dir snying rje chen po'i yon tan ni phyed 'og mas bstan te/ lhag ma ni don go bar zad do/ /snying rje'i chags pa med pa'i tshigs su bcad pa/snying rjes zin pa'i brtser ldan rnams/ /zhi la'ang yid ni mi gnas na/ /'jig rten bde dang rang srog la/ /chags par 'gyur ba smos ci dgos/ /'jig rten thams cad ni 'jig rten gyi bde ba dang / rang gi srog la chags so/ /de la yang chags pa med pa nyan thos dang /rang sangs rgyas rnams ni sdug bsngal thams cad nye bar zhi ba mya ngan las 'das pa la yid gnas so/ /byang chub sems dpa' rnams ni snying rjes zin pa'i phyir mya ngan las 'das pa la yang yid mi gnas na/ de dag la chags par 'gyur ba lta smos kyang ci dgos/snying rjes byams pa khyad par du 'phags pa'i tshigs su bcad pa gsum ste/ /kha na ma tho med pa'i byams pa gang / /de ni yod min 'jig rten pa yang min/ /blo ldan rnams kyi brtse bas byams pa ni/ /kha na ma tho med cing 'jig rten 'das/ /pha ma la sogs pa'i byams pa ni sred pa'i rang bzhin dang /kha na ma tho ba dang bcas pa'o/ /'jig rten pa'i snying rjes gnas pa rnams kyi kha na ma tho ba med kyang / /'jig rten pa yin no/ /byang chub sems dpa' rnams kyi byams pa ni snying rje'i rang bzhin dang / kha na ma tho ba med pa dang / /'jig rten las 'das pa yin no/ / ji ltar kha na ma tho ba med pa yin zhe na/ sdug bsngal dba' rgal che dang mi shes pa'i/ mun pa che la rten par gyur pa yi/ /'jig rten 'dren pa'i thabs gang yin pa de/ /ji ltar kha na ma tho med mi 'gyur/ /sdug bsngal gyi dba' rgal chen po dang / mi shes pa'i mun pa chen po la zhes bya bar sbyar te/lhag ma ni don go bar zad do/ /ji ltar na 'jig rten las 'das pa yin zhe na/ 'jig rten byang chub rang sangs rgyas pa yi/ /dgra bcom rnams la byams pa de med na/ /de las gzhan la smos kyang ci dgos pa/ /ji ltar 'jig rten 'das pa ma yin 'gyur/ /byang chub so sor sangs rgyas pa ni/byang chub rang sangs rgyas pa rnams so/ /lha ma ni don go bar zad do/ /skrag pa la mngon par dga' ba'i rgyu mtshan gyi tshigs su bcad pa/ byang chub sems dpa' sdug bsngal med/ /brtse bas sdug bsngal 'gyur ba gang / /de la dang por kun tu skrag /reg nas shin tu mngon par dga'//sdug bsngal med ces bya ba ni/ sems can rnams la sdug bsngal med par bya ba'i phyir ro/ /byang chub sems dpa' rnams la snying rje sdug bsngal skye ba gang yin pa de la dang por ni kun tu skrag par 'gyur te/ mos pas spyod pa'i sa la bdag dang gzhan mi mnyam pa nyid kyis sdug bsngal la yang dag pa ji lta ba bzhin ma reg pa'i phyir ro//lhag pa'i bsam pa rnam par dag pa'i sa la reg nas ni shin tu mngon bar dga'o/ /snying rje'i sdug bsngal gyis bde ba zil gyis gnon pa'i tshigs su bcad pa/ brtse bas bskyed pa'i sdug bsngal 'jig rten gyi/ /bde ba thams cad zil gyis gnon 'gyur zhing //don byas rnams kyang de dang mi ldan gang / /de las ngo mtshar che ba ci zhig yod/ /byang chub sems dpa' rnams kyi snying rjes bskyed pa'i sdug bsngal nyid 'di ltar 'jig rten pa'i bde ba gang yin pa thams cad zil gyis gnon pa de lta bu'i bde bar 'gyur zhing / dgra bcom pa don byas pa rnams kyang bde ba de dang mi ldan na gzhan dag lta smos kyang ci dgos pa gang yin pa de las ngo mtshar che ba ni med do//snying rjes byas pa'i sbyin pa'i phan yon gyi tshigs su bcad pa/ brtan pa'i brtse dang ldan pa'i sbyin pa yis/ /sbyin pa'i bde ba byed pa gang yin pa/ /de la khams gsum nye bar spyad rnams kyi//bde ba de yis char yang mi phod do/ /bde ba de la 'jig rten gsum gyi bde ba'i nye bar spyad pa rnams kyis bde ba byas pa gang yin pa des kyang char yang mi phod do zhes bya ba 'di ni phyed 'og ma'i don yin te/ lhag ma ni don go bar zad do/ /brtse bas sdug bsngal khas len pa'i tshigs su bcad pa/sems can don phyir brtse bas sdug bsngal gyi/ /rang bzhin 'khor ba gang yin mi gtong na/ /snying rje can rnams gzhan la phan pa'i phyir/ /sdug bsngal ci ste khas len byed mi 'gyur/ /sdug bsngal thams cad ni 'khor ba'i sdug bsngal gyi khongs su gtogs te/de khas blangs pas sdug bsngal thams cad khas blangs par 'gyur ro/ /gsum dang de dag gi 'bras bu 'phel ba'i tshigs su bcad pa/ brtse dang ldan pa'i snying rje sbyin pa dang / /longs spyod dang ni de las byams pa dang //rjes su bzung bas bskyed dang de yi mthus/ /byams pa'i bde ba rtag tu 'phel bar 'gyur/ /byang chub sems dpa' rnams la tshe rabs thams cad du gsum 'phel bar 'gyur te/ snying rje la goms pas snying rje dang / snying rje'i dbang gis sbyin pa dang /sbyin pa'i dbang gis longs spyod dag go/ /gsum po de dag las kyang 'bras bu bde ba rnam pa gsum 'byung ste/ snying rje las byams pas bskyed pa dang / sbyin pa las sems can rjes su 'dzin pas bskyed pa dang / longs spyod dag las de rjes su 'dzin par byed pa'i mthus byas pa'o//sbyin pa la spro bar bya ba'i tshigs su bcad pa/ snying rje rgyas par bya zhing 'phel bar bya/ /sbyin pas yongs smin bya zhing bde bar bya/ /kun tu drang bar bya zhing bkri bya zhes/ /zhen pa rnams la rab tu smra dang 'dra/ /sbyin pa la zhen pa rnams la zhes bya bar sbyar te/snying rje ni yon tan drug po ngo bo nyid rgyas pa dang / longs spyod dag gis de spel ba dang / sbyin pas sems can smin par bya ba dang / sbyin pa po'i bde ba bskyed pa dang / byang chub chen po'i tshogs kun tu 'dren pa dang / byang chub chen po dang nye bar 'khrid pas byang chub sems dpa' sbyin pa la zhen pa rnams la spro ba bskyed ba dang 'dra'o//gzhan bde bas bde ba nyams su myong ba'i tshigs su bcad pa/ /snying rjes sdug bsngal dag gis sdug bsngal ba/ /bde ma bskyed par gang gis bde bar 'gyur/ /de phyir brtse dang ldan pas gzhan bde ba//bskyed nas bdag nyid bde bar byed pa yin/ byang chub sems dpa' snying rjes gzhan gyi sdug bsngal dag gis sdug bsngal ba de ji ltar sems can rnams la bde ba ma bskyed par bde bar 'gyur/ de lta bas na byang chub sems dpa' ni gzhan dag la bde ba bskyed nas bdag nyid bde bar byed pa kho na'o zhes bya bar rig par bya'o//brtse bas sbyin pa la rjes su ston pa'i tshigs su bcad pa drug ste/ snying rje can ni rtag tu rang sbyin la/ /ston dang 'dra ste rang bde mi 'dod pa/ /longs spyod rnams kyis gzhan dag bde bar gyis//yang na tha dad min bde bdag la 'ang min/ /snying rje can bde ba ni gzhan gyi bde ba med na med de/ de lta bas na bde ba tha dad pa ma yin pa'i phyir / byang chub sems dpa' ni de med par bdag nyid sbyin pa'i 'bras bu bde ba mi 'dod do/ /de bde bde ba bdag gis sbyin pa ni//'bras dang bcas te sems can rnams la byin/ /gal te khyod kyis bdag la bya ba yod/ /de dag nyid la shin tu 'bras bur byos/ /gang phyir de dag bde ba nyid bdag gi bde ba yin pas bde ba sbyin pa sbyin par byed pa bdag gis sbyin pa dang / sbyin pa'i 'bras bu de sems can rnams la sbyin pa de'i phyir 'bras bur bya ba ji snyed yod pa thams cad de dag kho na la 'bras bur bya bar rig par gyis shig ces byang chub sems dpa' snying rjes sbyin pa la rjes su ston to/ /sbyin pa po ni longs spyod mi 'dod kyang / /longs spyod shin tu mang la bzang dang phrad/bdag ni bde ba de 'dod ma yin te/ /'di ltar bdag ni sbyin la brgyud dang ldan/ /sbyin pa po longs spyod la rgyab kyis phyogs pa la longs spyod shin tu mang po dang / shin tu bzang po dag nye bar gnas te/ sems rgya che ba'i phyir de ni chos nyid yin no//bdag ni longs spyod dag de ltar nye bar gnas pa'i bde ba gang yin pa de ni mi 'dod de/ 'di ltar bdag ni de rgyun chags par 'dod pa'i phyir sbyin pa la brgyud pa dang ldan pa yin gyis bde ba la ni ma yin no/ /bdag ni rtag tu brtse bas bdog pa kun/ /yongs su gtong ba gang yin de ltos la//des na khyod kyis bdag ni de'i 'bras la/ /don gnyer med pa nyid du shes par bya/ /bdag ni rtag tu snying rjes sbyin pa'i 'bras bu thams cad yongs su gtong ba de nyid kyi phyir khyod kyis bdag la sbyin pa'i 'bras bu don du gnyer ba med pa nyid du rig par bya'o//zhes byang chub sems dpa' sbyin pa la rjes su ston par byed do/ /gal te khyod 'bras thob pa mi gtong na/ /sbyin la mngon dga' yin par mi 'gyur te/ /'di ltar skad cig tsam yang sbyin med na/ /sbyin la mngon par dga' ba nyid ma yin/ /zhes bya ba ba'i tshigs su bcad pa ni don go bar zad do//ma byas pa la 'bras bu mi 'byin te/ /'di ltar lan bltas bdag gi cha ma yin/ /khyod ni gang zhig khyod byed pa de la 'bras bu 'byin te/ de lta bas na lan la lta bas bdag gi cha ma yin gyi/ 'di ltar bdag ni/ khyod kyi lan la lta dang bral bas na//'bras bu shin tu gzhan la gtong ba yin/ /'di ni don go bar zad do/ /brtse bas sbyin pa'i tshigs su bcad pa gnyis te/ rgyal sras rnams kyi brtse bas sbyin pa ni/ /kha na ma tho med cing dag pa'i gzhi/ /bde ba 'dren par byed pa nyid dang ni//rjes su bsrung bcas tshol med gos pa med/ /de la kha na ma tho ba med pa ni gzhan la mi gnod par sbyin pa'i phyir ro/ /gzhi dag pa ni dug dang mtshon dang chang la sogs pa spangs pa'i sgo nas dngos po rung ba sbyin pa'i phyir ro/ /bde ba bskyed pa ni/ sbyin pas kun tu bsdus nas dge ba la sbyor ba'i phyir ro//rjes su bsrung ba dang bcas pa ni 'khor gyi skye bo la mi gnod par gzhan la sbyin pa'i phyir ro/ /tshol ba med pa ni ma bslangs kyang don du gnyer ba nyid dam/ phongs par khong du chud nas bdag nyid kyis sbyin pa'i phyir dang / yon gnas mi 'dam pa'i phyir ro//gos pa med pa ni/ lan dang rnam par smin pa la dga' ba med pa'i phyir ro/ /rnam pa gzhan yang / rgyal sras rnams kyi brtse bas sbyin pa ni/ mtha' dag rgya che gtso dang rtag pa dang / /dga' dang zang zing med dang dag pa dang / /byang chub la gzhol dge la gzhol ba yin//de la mtha' dag ni nang dang phyi'i dngos po sbyin pa'i phyir ro/ /rgya chen po ni dngos po mang po sbyin pa'i phyir ro/ /gtso bo ni dngos po gya nom pa sbyin pa'i phyir ro/ /rtag pa ni yang dang yang du sbyin pa'i phyir ro/ /dga' ba ni so sor brtags pa med par rab tu dga' bas sbyin pa'i phyir ro//zang zing med pa ni gos pa med pa ji lta ba bzhin no/ /dag pa ni gzhi dag pa ji lta ba bzhin no/ /byang chub la gzhol ba ni byang chub chen por yongs su bsngos pa'i phyir ro/ /dge ba la gzhol ba ni bde ba bskyed pa ji lta ba bzhin no/ /nye bar spyod pa'i khyad par gyi tshigs su bcad pa/ji ltar bde ba gsum gyis tshim pa'i yid/ /brtse ldan yongs su gtong bas dga' 'gyur bas/ /longs spyod can dag nye bar spyod pa yis/ /de ltar dga' bar 'gyur ba ma yin no/ /de la bde ba gsum ni sbyin pas dga' ba dang /gzhan rjes su 'dzin pas dga' ba dang / /byang chub kyi tshogs rdzogs pas dga' ba'o/ /lhag ma ni don go bar zad do/ /pha rol tu phyin pa mngon par sgrub pa'i snying rje'i tshigs su bcad pa/ /bkren la brtse dang ma rungs pa la brtse/ /kun 'khrugs la brtse bag med rnams la brtse//yul gyi gzhan dbang can la snying rje dang / /log par mngon par zhen la snying rje ba'o/ /de la bkren pa ni ser sna can rnams so/ /ma rungs pa ni tshul khrims 'chal pa gzhan la gnod pa rnams so/ /kun tu 'khrugs pa ni khro ba can rnams so/ /bag med pa ni le lo can rnams so/ /yul gyi gzhan dbang can ni 'dod pa dag la sems rnam par g.yengs pa rnams so//log par mngon par zhen pa ni/ shes rab 'chal ba mu stegs can la sogs pa'o/ /pha rol tu phyin pa'i mi mthun pa'i phyogs la gnas pa 'di dag la/ snying rje ba gang yin pa de ni bkren pa la sogs pa la snying rje ba yin te/de yang de'i mi mthun pa'i phyogs rnam par sun 'byin pa'i phyir pha rol tu phyin pa mngon par sgrub par byed par 'gyur ro/ /de ltar na pha rol tu phyin pa mngon par sgrub pa'i snying rje zhes bya'o/ /snying rje'i rkyen bstan pa'i tshigs su bcad pa/ bde dang sdug bsngal de rgyu las//byang chub sems dpa'i snying rje ste/ /rgyu dang bshes gnyen rang bzhin las/ /byang chub sems dpa'i snying rje'o/ /de la phyed gong mas ni snying rje'i dmigs pa'i rkyen ston te/ tshor ba rnam pa gsum la dmigs nas sdug bsngal nyid gsum gyis snying rje bar byed pa'i phyir ro//bde ba yang ma yin sdug bsngal ba yang ma yin pa'i tshor ba ni bde ba dang sdug bsngal dag gi rgyu yin te/ yang de dag 'dren pa'i phyir ro/ /phyed 'og mas ni go rims bzhin du rgyu dang bshes gnyen dang rang bzhin dag gis snying rje'i rgyu dang bdag po dang mtshungs pa de ma thag pa'i rkyen rnams ston to//snying rje chen po nyid kyi tshigs su bcad pa/ byang chub sems dpa'i snying rje ni/ /mnyam par shes bya de bsam phyir/ /sgrub phyir 'dod chags bral phyir dang / /mi dmigs phyir dang dag phyir ro/ /de la mnyam pa ni tshor ba rnam pa gsum car gyi gnas skabs su gang ci tshor ba de ni 'dir sdug bsngal ba'o zhes bya bar rig pa'i phyir ro//de yang bsam pa'i phyir ni sems kyis snying rje ba'i phyir ro/ /sgrub pa'i phyir ni de yongs su skyob pa'i phyir ro/ /'dod chags dang bral ba'i phyir ni de'i mi mthun pa'i phyogs rnam par 'tshe ba spangs pa'i phyir ro//mi dmigs pa'i phyir ni bdag dang gzhan dang snying rjer mi dmigs pa'i phyir ro/ / rnam par dag pa'i phyir ni/ sa brgyad pa la mi skye ba'i chos la bzod pa thob pa'i phyir ro/ /rang gi sems kyi byams la sogs/ /bsgom pa chos la mos pa dang / /bsam dang dbang 'byor nyid dang ni//rnam par mi rtog gcig phyir mchog /ces bya ba'i don ni gang du bshad pa'i rjes su 'brangs te khong du chud par bya'o/ /de ltar bcom ldan 'das la dang ba rab skyes shing / /rdzas dang bkur sti chen pos shin tu rgyun mchod ldan/ /yon tan mang ldan phan byed bshes la rtag bsten pa //'gro la rjes su brtse ba grub pa kun thob 'gyur/ /'dis ni ji skad bshad pa'i mchod pa dang bstan pa dang tshad med pa rnams kyi go rims dang yon tan mdor bsdus nas ston te/ rdzas dang bkur sti chen pos shin tu rtag tu mchod pa ni rdzas dang bkur sti chen pos shin tu rgyun du mchod pa dang ldan pa ste//bkur sti ni yang dag pa'i sgrub pa yin par rig par bya'o/ /de ltar na rnyed pa dang bkur sti dang sgrub pa'i mchod pa dang ldan pa yin no/ /yon tan mang po dang ldan pa ni de las gzhan pa dag dang ngo / /phan par byed pa ni rjes su brtse bar byed pa nyid kyis rig par bya'o//grub pa kun thob par 'gyur ro zhes bya ba ni rang dang gzhan gyi don grub pa 'thob par 'gyur ba'o/ /mchod pa dang bstan pa dang tshad med pa'i skabs rdzogs so// //ngo tsha ba rnam par dbye ba'i tshigs su bcad pa bcu drug ste/ /ngo tsha mi mthun phyogs spangs dang / / rnam par mi rtog ye shes ldan/ /kha na ma tho med dman yul/ /sems can smin byed brtan pa'i yin/ /'dis ni ngo bo nyid dang / grogs dang / dmigs pa dang / las phun sum tshogs pas byang chub sems dpa'i ngo tsha ba'i mtshan nyid rnam pa bzhi ston te/ yul kha na ma tho ba med cing dman pa ni nyan thos dang rang sangs rgyas kyi theg pa ste/de ni kha na ma tho ba med pa yang yin la/ theg pa chen po bas dman pa yang yin pas des kyang byang chub sems dpa' ngo tsha'o/ /ji ltar sems can rnams yongs su smin par byed ce na/ /ngo tsha ba de nyid la gzhan dag rab tu 'god pa'i phyir ro//pha rol phyin pa drug po yi/ /mi mthun phyogs ni 'phel ba dang / /gnyen po 'grib pas byang chub sems/ /mi bzad ngo tsha skye bar 'gyur/ /'di ni byang chub sems dpa' rnams kyi 'phel ba dang 'grib pas ngo tsha ba yin te/ pha rol tu phyin pa'i mi mthun pa'i phyogs 'phel ba dang / de'i gnyen po yongs su 'grib pas shin tu ngo tsha ba skye ba'i phyir ro/ /brtan rnams pha rol phyin pa drug /bsten pa la ni le lo dang / /nyon mongs rjes su mthun chos la/ /sbyor ba las kyang ngo tshar 'gyur/ /'di ni mi sbyor ba dang sbyor bas ngo tsha ba yin te/ pha rol tu phyin pa sgom pa la mi sbyor ba dang /nyon mongs pa dang mthun pa'i chos dbang po'i sgom bsdams pa la sogs pa la sbyor bas ngo tsha ba skye ba'i phyir ro/ mnyam gzhag ngo bo nyid min chung / /'bring dang dman pa'i sa pa dang / /bsam pa dman dang ngar bcas pa'i/ /ngo tsha dman de las gzhan lhag /'di ni ngo tsha ba chung ngu dang chen po ste/tshigs su bcad pa 'di'i don ni/ sngar bshad pa'i rjes su 'brangs nas khong du chud par bya'o/ /'di man chad tshigs su bcad pa bzhi dang gsum gyis go rims bzhin du ngo tsha ba'i mi mthun pa'i phyogs dang / ngo tsha ba'i skyon dang / yon tan gyi dbye ba ston to//blo ldan ngo tsha med pa ni/ /tshul bzhin min pas nyon mongs dag /dang du len cing khong khro dang / /yal bar 'dor dang nga rgyal gyis/ /sems can rnams dang tshul khrims 'joms/ /zhes bya ba 'dis ni bdag nyid la yang gnod par byed la/ gzhan la yang gnod par byed/gnyi ga la yang gnod par byed ces bstan to/ /tshul bzhin ma yin [(]ba [,]pa [) zhes bya ba ni tshul bzhin ma yin pa yid la byed pas so/ /yal bar 'dor bas ji ltar sems can rnams 'joms she na/ sems can gyi don la bag med pa'i phyir ro/ /'gyod pas nyams dang bcas 'gyur zhing //bkur stis dman pa 'thob 'gyur des/ /dad ldan mi min tshogs dang ni/ /ston pas kyang ni btang snyoms mdzad/ /rgyal sras chos dang mthun rnams kyis/ /rnam par smod cing 'jig rten las/ /mthong ba'i chos la mi snyan 'thob/ /gzhan du phyir zhing mi khom skye//zhes bya ba 'dis mi mthong ba'i chos kyi kha na ma tho ba 'phel lo zhes ston te/ go rims bzhin du bdag nyid dang / /gzhan dang lha dang ston pa dag smod pa'i phyir dang / tshangs pa mtshungs par spyod pa mkhas pa dang / chos nyid kyis rnam par smod pa'i phyir dang / phyogs dang phyogs mtshams su yang sdig pa can gyi mi snyan pa 'byung ba'i phyir ro//gzhan du phyir zhing mi khom skye/ /zhes bya ba 'dis ni tshe phyi ma'i kha na ma tho ba 'phel lo zhes bstan te/ mi khom pa rnams su skye ba'i phyir ro / /des na chos dkar thob pa dang / ma thob pa las rnam nyams 'gyur//zhes bya ba 'dis ni mthong ba'i chos dang tshe phyi ma'i kha na ma tho ba 'phel lo zhes bstan te / dge ba'i chos thob pa las yongs su nyams pa dang / ma thob pa las yongs su nyams pa dang / go rims bzhin no/ /de phyir sdug bsngal gnas pa dang / /yid kyang rnal du mi gnas 'gyur/ / zhes bya ba 'dis ni de las skyes pa'i sems kyi sdug bsngal dang yid mi bde ba so sor myong bar 'gyur ro zhes bstan to/ /rgyal sras ngo tsha ldan rnams la/ /nyes pa 'di dag kun mi 'byung / /zhes bya ba 'di nas bzung ste ngo tsha ba'i yon tan yin par rig par bya ste/ 'di ltar nyes pa 'di dag kyang mi 'byung bas so//mkhas pa rtag tu lha dag dang / /mi rnams su ni yang dag skye/ /zhes bya ba 'di ni de'i rnam par smin pa'i 'bras bu yin no/ /blo ldan ngo tshas myur du ni/ /rdzogs pa'i byang chub tshogs rdzogs byed/ /ces bya ba 'di ni bdag po'i 'bras bu'o/ /rgyal ba'i sras ni sems can rnams//smin byed skyo bar mi 'gyur nyid/ /ces bya ba 'di ni skyes bu byed pa'i 'bras bu yin no/ /de rtag mi mthun phyogs dang ni/ /gnyen po bral dang mi 'bral 'gyur/ /zhes bya ba 'dis ni bral ba dang rgyu mthun pa'i 'bras bu dag bstan te/ 'di lta ste/ mi mthun pa'i phyogs dang bral ba nyid dang gnyen po dang ma bral ba nyid do//de ltar rgyal sras ngo tsha ldan/ /phan yon de dag 'thob par 'gyur/ /zhes bya bas ni/ ji skad bshad pa'i nyes pa med pa dang yon tan dang ldan pa 'thob bo zhes bstan to/ /byis pa shin tu gos bzang gyon yang ni/ /khrel dang bral phyir nyes pas dri ma can//rgyal sras ngo tsha shes pa'i gos can ni/ /dgab pa med kyang nyes pa'i dri ma bral/ /'dis ni ngo tsha med pa ni de las gzhan pa'i gos gyon yang nyes pas dri ma can yin pa'i phyir la/ ngo tsha dang ldan pa ni gcer bur 'dug kyang dri ma med pa'i phyir/ ngo tsha ni gos khyad par du 'phags pa yin no zhes ston to//rgyal ba'i sras ni khrel dang ldan gyur pa/ /nam mkha' bzhin du chos kyis mi gos 'gyur/ /chos kyis zhes bya ba ni 'jig rten pa'i chos rnams so/ /rgyal sras rnams kyi nang du 'dus gyur pa/ /ngo tsha shes pas brgyan pa mdzes pa yin/ / tshigs su bcad pa 'dis ni ngo tsha ba nam mkha' dang rgyan dang 'dra ba nyid du ston to/ /byang chub sems dpa' rnams ni ngo tsha bas/ /gdul ba rnams la ma bzhin byams pa nyid/ /bskyab par bya ba'i sems can yal bar bor na ngo tsha ba'i phyir ro/ /ngo tsha ba ni nyes pa thams cad las/ / 'khor ba kun tu srung bar byed pa'ang yin/ /glang po che dang rta'i tshogs la sogs pa dang 'dra ba'i phyir ro/ /gos la sogs pa'i dpe 'di rnams kyis ngo tsha bas gnas pa na nyon mongs pa'i gnyen po nyid dang / rgyu ba na 'jig rten gyi chos kyi gnyen po nyid dang chos mthun pa dang / gnas pa dang mthun pa nyid dang / sems can yongs su smin par byed pa dang mthun pa nyid dang / nyon mongs pa can ma yin par 'khor ba dang mthun pa nyid ston to/ /kun la dang du len pa dang / /kun la dang du mi len zhing / /kun la mi 'jug 'jug pa ni/ /khrel ldan khrel bas byas pa'i rtags//'dis ni ngo tsha ba dang ldan pa'i rtags ngo tsha bas byas pa rnam pa bzhi ston te/ 'di lta ste/ nyes pa thams cad la dang du mi len zhing mi 'jug pa dang / yon tan thams cad la dang du len zhing 'jug pa'o/ /rang gi sems kyis khrel sgom pa/ chos la mos dang bsam pa dang / / dbang 'byor ba dang mi rtog dang / /gcig pa nyid kyis gtso bo yin/ /zhes bya ba 'di'i bshad pa ni snga ma bzhin no/ /brtan pa rnam par dbye ba'i tshigs su bcad pa bdun te/ byang chub sems dpa'i brten pa ni/ /de las gzhan pa thams cad las/ /mtshan nyid dang ni rab dbye dang / /mi 'gyur bas ni khyad par 'phags//brtson 'grus ting 'dzin shes rab ni/ /snying stobs sran thub brtan bar 'dod/ /gang phyir gsum gyis byang chub sems/ /'jigs pa med par rab tu 'jug// 'dis ni brtan pa'i mtshan nyid rnam grangs dang bcas sgrub pa dang bcas par bshad de/ brtson 'grus la sogs pa ni mtshan nyid do/ /snying stobs la sogs pa ni rnam grangs so/ /lhag ma ni sgrub pa'o/ /ji ltar gsum po 'dis 'jigs pa med par rab tu 'jug ce na/ zhum dang g.yo dang rmongs pa yis / /bya ba rnams la 'jigs pa skye / /de phyir gnyug ma gsum la ni/ / brtan pa'i ming du shes par bya/ /bya ba thams cad la 'jigs pa ni yang na ni zhum pa'i sems kyis skye ste/ de la mi spro ba'i phyir ro/ /yang na ni g.yo ba'i sems kyis te/ sems rnal du mi gnas pa'i phyir ro/ /yang na ni rmongs pas te/ de'i thabs mi shes pa'i phyir ro/ /de dag gi gnyen por ni go rims bzhin du brtson 'grus la sogs pa ste/de lta bas na brtson 'grus la sogs pa gnyug ma gsum la brtan pa zhes bya bar rig par bya'o/ /gnyug ma zhes bya ba ni so sor brtag pa med par byed pa'o/ /rang bzhin dang ni smon lam dang / /lta ba med pa nyid dang ni/ / sems can log par sgrub pa dang / /zab cing rgya che thos pa dang / /gdul bya gdul bar dka' ba dang / /rgyal sku bsam gyis mi khyab dang / /dka' ba dag ni sna tshogs dang / /'khor ba gtong ba med nyid dang / /de nyid nyon mongs med pa la/ /brtan pa'i brtan pa skye ba ni/ /de las gzhan dang mi mtshungs te//brtan ldan rnams kyi mchog tu 'dod/ /tshigs su bcad pa gsum po 'dis ni brtan pa'i rab tu dbye ba ston te / go rims bzhin du rigs dang / sems bskyed pa dang / rang gi don dang / gzhan gyi don dang / de kho na nyid kyi don dang / mthu dang / sems can yongs su smin par byed pa dang /byang chub mchog gi sgo nas so/ /de la mi lta ba nyid ni rang gi don la zhugs pa lus dang srog la mi lta ba nyid las rig par bya'o/ /yang dka' ba spyod pa dang / bsams bzhin du srid par skye ba dang / de na kun nas nyon mongs ba med pa'i sgo nas kyang rab tu dbye ba yin no//phye ma leb dang 'dab chags dang / /rgya mtsho dag gis ri rab ltar/ /brtan pa grogs ngan sdug bsngal dang / /zab mo thos pas mi g.yos so/ /'dis ni byang chub sems dpa'i brtan pa'i mi 'gyur ba nyid ston te/ dpe gsum ni gsum gyis mi g.yos pa dang go rims bzhin du rig par bya'o//mi skyo ba'i rnam par dbye ba'i tshigs su bcad pa gnyis te/ byang chub mi skyo mnyam med pa/ /gzhi gsum thos pas mi ngoms dang / /brtson 'grus che dang sdug bsngal la/ /khrel dang brtan la brtan pa ste/ /byang chub che la 'dun pa drag / blo ldan rnams kyi mi skyo ba/ /sa rnams la ni ma rdzogs dang / /rdzogs dang shin tu rdzogs par 'dod/ /'di gnyis kyis ni gzhi dang / rten dang / ngo bo nyid dang / rab tu dbye ba'i sgo nas mi skyo ba bstan te/ gzhi gsum ni thos pas mi ngoms pa dang / yun ring por brtson 'grus rtsom pa dang /'khor ba'i sdug bsngal la'o/ /khrel yod pa dang brtan pa la brten nas de dag gis skyo ba skyes nas ngo tsha zhing mi skyo bar yang byed do/ /byang chub chen po la 'dun pa drag po zhes bya ba ni ngo bo nyid de/ 'dun pa log na skyo bar 'gyur bas so/ /ma rdzogs pa ni mos pas spyod pa'i sa la'o//rdzogs pa ni sa bdun po dag la'o/ /shin tu rdzogs pa ni de yan chad kyi sa la ste 'di ni rab tu dbye ba yin no/ /bstan bcos shes pa nyid kyis tshigs su bcad pa gnyis te/ brtan pa'i bstan bcos shes pa nyid/ /gzhi dang ched du bya ba dang / /las dang mtshan nyid dag dang ni//mi zad nyid dang 'bras bu ni/ /yang dag 'grub pas khyad par 'phags/ /ting nge 'dzin dang gzungs sgos bsdus/ /sems can smin par byed pa dang / /dam chos 'dzin par byed pa'ang yin/ /de la bstan bcos shes pa nyid kyi gzhi ni rig pa'i gnas lnga ste/nang rig pa dang / gtan tshigs rig pa dang / sgra rig pa dang / gso ba rig pa dang / bzo'i las kyi gnas rig pa'o/ /ched du bya ba ni/ rang dang gzhan gyi don bya ba'o/ /las ni gzhi dang po la bdag nyid sgrub cing gzhan dag la yang de yang dag par ston pa dang / gnyis pa la de'i skyon yongs su shes shing pha rol rgol ba tshar bcad pa dang /gsum pa la bdag nyid nges pa'i tshig bzang po brjod cing gzhan yid ches par byed pa dang / bzhi pa la gzhan dag gi nad rab tu zhi bar byed pa dang / lnga pa la gzhan dag la de bgo bsha' byed pa'o/ /bstan bcos shes pa nyid kyi mtshan nyid ni gzhi lnga po 'di dag nyid thos shing 'dzin pa dang /tshig gis byang ba dang / yid kyis brtag pa dang / mthong bas legs par rtogs pa dag yin te/ thos nas go rims bzhin du de 'dzin pa dang / kha ton byed pa dang / ci rigs par de dag gi skyon dang yon tan khong du chud pa'i sgo nas rab tu dang ba'i yid kyis don sems pa dang /legs par bshad pa dang nyes par bshad pa dmigs phyed pa'i phyir ro/ /mi zad pa nyid ni phung po'i lhag ma med pa'i mya ngan las 'das pa na yang mi zad pa'i phyir ro/ /'bras bu yang dag par 'grub pa ni chos thams cad rnam pa thams cad du mkhyen pa nyid do//byang chub sems dpa' rnams kyi bstan bcos shes pa nyid de yang ting nge 'dzin gyi sgo dag dang / gzungs kyi sgo dag gis bsdus la sems can yongs su smin par byed pa yang yin te/ ting nge 'dzin gyi sgo dag nas de'i bya ba bsgrub pa'i phyir ro/ /dam pa'i chos 'dzin par byed pa yang yin te/gzungs dag gis de 'dzin pa'i phyir ro/ /'jig rten shes pa nyid kyi tshigs su bcad pa bzhi ste/ brtan rnams 'jig rten shes pa nyid/ /lus dang ngag dang yid dang ni/ /bden pa shes pas mnyam pa med/ /de la gzhan pa dag las 'phags/ /ji ltar lus kyis she na/ bshad pa/brtan rnams rtag tu 'dzum par byed/ /ji ltar ngag gis she na/ bshad pa/ gsong po dag tu smra ba yin/ /de yang ci'i phyir zhe na/ bshad pa/ sems can snod du bya ba'i phyir/ /don gang gi ched du sems can snod du bya zhe na/ bshad pa/ dam chos bsgrub par bya ba'i phyir/ / ji ltar bden pa shes pas zhe na/ bshad pa/ gang phyir bden pa gnyis las ni/ /'jig rten rnam dag 'byung bar 'dod/ /gnyis kyis nub 'gyur de yi phyir/ /de shes 'jig rten shes zhes bya/ /bden pa gnyis kyis ni 'jig rten 'khor bar yang dang yang du 'byung ste/ gang dang gang gis 'byung ba'i phyir ro//'gog pa dang lam gyi bden pa gnyis kyis ni nub par 'gyur te/ gang yin pa dang / gang gis nub par 'gyur ba'i phyir ro/ /de lta bas na de shes pa ni 'jig rten shes pa zhes bya ste/ 'jig rten 'byung ba dang nub par 'gyur ba shes pa rab dang ldan pa'i phyir ro/ /de dag zhi bya thob bya'i phyir//blo ldan bden pa rnams la sbyor/ /gang gis blo ldan bden shes phyir/ /'jig rten shes zhes nges par brjod/ /'dis ni 'jig rten shes pa nyid kyi las bstan te/ /de la zhi bar bya ba ni sdug bsngal dang kun 'byung gi bden pa dag go/ /thob par bya ba ni 'gog pa dang lam gyi bden pa dag go//ston pa rnam par dbye ba'i tshigs su bcad pa rnam pa gsum ste/ gtsug lag bstan pa'i chos dang ni/ /de don dgongs pa can dang ni/ /nges don tshad ma ldan pa dang / /de yi brjod med thob pa'o/ /'di ni ston pa rnams kyi mtshan nyid do/ /de la tshad ma dang ldan pa'i don ni ston pa tshad mar gyur pa'am/des tshad mar mdzad pas nges par byas shing rnam par phye ba gang yin pa'o/ /brjod pa med pa thob pa ni rtogs pa'i ye shes 'jig rten las 'das pa ste / de ni brjod du med pa'i phyir ro/ /lhag ma ni don go bar zad do/ /spong dang ji skad bshad pa dang //log par yang dag shes pa dang / /brjod dang bcas pa 'thob pa dag /'dir ni dgag par bstan pa yin/ /ston pa dang po la ni gtsug lag gi chos spong ba'i gang zag dgag par bstan to/ /gnyis pa la ni tshig 'bru sgra ji bzhin gyi don te dgongs pa can gyi don ni ma yin no//gsum pa la ni log par bsams pa'i don phyin ci log tu drangs pa'o/ /bzhi pa la ni brjod pa dang bcas pa'i shes pa so so rang gis rig par bya ba ma yin pa'o/ /mos dang rnam par dpyod pa dang / /gzhan las ji bzhin thos pa dang / /brjod pa med pa'i ye shes las//brtan rnams nyams par mi 'gyur ro/ /'di ni ston pa'i phan yon yin te/ ston pa dang pos ni gtsug lag gi chos la mos pa las nyams par mi 'gyur ro/ /gnyis pas ni bdag nyid kyi dgongs pa can gyi don dpyod pa las so/ /gsum pas ni gzhan las de'i don gyi tshul phyin ci ma log par thos pa las so//bzhi pas ni 'jig rten las 'das pa'i ye shes las so/ /so so yang dag par rig pa rnam par dbye ba'i tshigs su bcad pa bzhi ste/ /rnam grangs dang ni mtshan nyid dang / /tshig dang ye shes shes pa'i phyir/ /byang chub sems dpa'i yang dag rig /bzhi po mtshungs pa med par 'dod//dang po ni rnam grangs shes pa de / /don re re'i ming gi rnam grangs ji snyed shes pa yin no/ /gnyis pa ni mtshan nyid shes pa ste/ don gang yin pa de'i ming shes pa yin no/ /gsum pa ni tshig shes pa ste/ /yul mi so so'i skad gang dag yin pa shes pa'o/ / bzhi pa ni ye shes shes pa ste/ /bdag nyid kyi spobs pa gang yin pa ste/ /'di ni so so yang dag par rig pa rnams kyi mtshan nyid yin no/ /bstan pa la ni rab brtson pa'i/ /gang dang gang gis ston pa ni/ /chos dang don ni gnyis po dag /tshig dang shes pa kho nas ston//chos ni bstan dang bshad phyir dang / /rnam pa kun du gnyis thob phyir/ /rgol ba rnams kyi lan 'debs phyir/ /so so yang dag rig pa bzhi/ /zhes bya ba ni bzhi nyid kyi rgyu yin no/ /bstan pa la rab tu brtson pa'i gang zhig gang gis ston pa de la ye shes dgos so//gang zhig ston ce na/ chos dang don no/ /gang gis ston ce na/ tshig gi shes pas so/ /de la chos dang don dag ston pa ni chos bstan pa dang bshad pa'i phyir ro/ /tshig gis ston pa ni gnyis po de nyid rnam pa thams cad du thob par byed pa'i phyir ro/ /shes pas ston pa ni rgol ba rnams kyi lan 'debs pa'i phyir ro//de bas na gang zhig gang gis ston pa de shes pa'i phyir/ so so yang dag par rig pa bzhir rnam par gzhag go/ /mnyam nyid so so rang rig nas/ /phyis ni rab tu shes pa yin/ /the tshom thams cad gcod byed pa/ /so so yang dag rig par brjod/ /'dis ni so so yang dag par rig pa rnams kyi nges pa'i tshig dang las bstan te/'jig rten las 'das pa'i ye shes kyis chos thams cad mnyam pa nyid de bzhin nyid so so rang gis rig nas/ dus phyis de'i rjes la thob pa'i shes pas rnam grangs la sogs pa rab tu shes pa ni so so yang dag par rig pa zhes bya ba'i nges pa'i tshig yin no//gzhan dag gi the tshom thams cad gcod par byed pa zhes bya ba ni las yin no/ /tshogs rnam par dbye ba'i tshigs su bcad pa rnam pa bzhi ste/ byang chub sems dpa' rnams kyi tshogs/ /bsod nams ye shes mtshungs pa med/ / gcig gis 'khor bar mngon mtho byed/ /gzhan gyis nyon mongs med par 'khor/ /'dis ni tshogs gang yin pa dang gang gi don du yin pa de bstan to/ /tshogs ni rnam pa gnyis te/ /bsod nams kyi tshogs dang / ye shes kyi tshogs so/ /de la bsod nams kyi tshogs kyis ni 'khor ba na mngon par mtho bar 'gyur ro//ye shes kyi tshogs kyis ni kun nas nyon mongs pa med par 'khor bar 'gyur ro/ /sbyin dang tshul khrims bsod nams kyi/ /tshogs yin shes rab ye shes kyi/ /gsum po gzhan ni gnyis ka ste/ lnga char yang ni ye shes tshogs//'dis ni pha rol tu phyin pa rnams kyis tshogs gnyis po de bsdus par ston te/ bzod pa dang brtson 'grus dang bsam gtan gyi stobs kyis ni gnyi ga byed do/ /de lta bas na gsum po ni tshogs gnyi ga yin no/ /yang pha rol tu phyin pa lnga po thams cad shes rab tu yongs su bsngos pa'i sgo nas ye shes kyi tshogs yin par rig par bya'o//rgyun du sgom pa thob nas ni/ /dge la yang dang yang du sgrub/ /brtan pa'i tshogs gang yin pa de/ /don kun sgrub par byed pa yin/ /'di ni tshogs kyi nges pa'i tshig dang las yin te/ /sam zhes bya ba ni rgyun du'o//b+ha zhes bya ba ni sgom pa thob nas so/ /ra zhes bya ba ni yang dang yang du sgrub pa'o/ /don thams cad sgrub par byed pa zhes bya ba ni las te/ rang dang gzhan gyi don dag sgrub pa'i phyir ro/ /'jug dang mtshan ma med pa dang / /lhun gyis grub par bya ba dang / /dbang bskur mthar thug bya ba'i phyir//brtan rnams tshogs ni sgrub par byed/ /'di ni tshogs kyi rab tu dbye ba ste/ de la mos pas spyod pa'i sa'i tshogs ni sa la 'jug pa'i phyir yin no/ /sa drug po dag gi ni mtshan ma med pas bdun pas bsdus pa'i phyir yin te/ de na mtshan ma kun tu mi spyod pa'i phyir ro//sa brgyad pa'i ni lhun gyis grub pa ste/ de las gzhan pa'i sa gnyis bsdus pa'i phyir yin no/ /de gnyis kyi tshogs ni dbang bskur ba'i ste/ sa bcu pas bsdus pa'i phyir yin no/ /de'i tshogs ni mthar thug pa ste/ sangs rgyas kyis sa bsdus pa'i phyir yin no/ /dran pa nye bar gzhag pa rnam par dbye ba'i tshigs su bcad pa rnam pa gsum ste//blo ldan dran pa nyer gzhag pa/ /sgom pa rnam pa bcu bzhi yis/ /mtshungs pa med pa'i phyir na de/ /de las gzhan las khyad par 'phags/ /bcu bzhi po gang dag gis she na/ brten dang gnyen po dag dang ni//de bzhin du ni 'jug pa dang / /dmigs pa dang ni yid byed dang / /thos pas sgom pa khyad par 'phags/ /mthun dang rjes su 'jug pa dang / /yongs su shes dang skye ba dang / /chen po dang ni mchog nyid dang / /bsgom dang yang dag 'grub pas gzhan/ /zhes bya ba rnam pa bcu bzhi po 'di dag gis byang chub sems dpa' rnams kyi dran pa nye bar gzhag pa bsgom pa khyad par du 'phags te/rten gyis ji lta bu zhe na/ theg pa chen po thos pa dang bsams pa dang bsgoms pa las byung ba'i shes rab la brten nas so/ /gnyen pos ji lta bu zhe na/ lus la sogs pa'i chos la bdag med par 'jug pa'i sgo nas phyin ci log bzhi'i gnyen po mi gtsang ba dang /sdug bsngal ba dang / mi rtag pa dang / bdag med pa'i 'du shes rnams kyi yang gnyen po yin pa'i phyir ro/ /'jug pas ji lta bu zhe na/ dran pa nye bar gzhag pa bzhis go rims bzhin du bdag nyid kyang sdug bsngal dang /kun 'byung ba dang / 'gog pa dang / lam gyi bden pa la 'jug cing gzhan dag kyang 'dzud pa'i phyir te/ dbus dang mtha' rnam par 'byed pa las ji skad bshad pa lta bu yin no/ /dmigs pas ji lta bu zhe na/ sems can thams cad kyi lus la sogs pa la dmigs pa'i phyir ro//yid la byed pas ji lta bu zhe na/ lus la sogs pa mi dmigs pa'i phyir ro/ /thob pas ji lta bu zhe na/ lus la sogs pa dang bral bar bya ba'i phyir yang ma yin/ mi 'bral bar bya ba'i phyir yang ma yin no/ /mthun pas ji lta bu zhe na/ pha rol tu phyin pa dang mthun pas de'i mi mthun pa'i phyogs kyi gnyen po yin pa'i phyir ro/ /rjes su 'jug pas ji lta bu zhe na/ 'jig rten pa dang / nyan thos dang / rang sangs rgyas rnams kyi yang rjes su 'jug pas de dag la de bstan pa'i phyir de dang ldan pa'i dran pa nye bar gzhag pa bsgom pa'i phyir ro/ / yongs su shes pas ji lta bu zhe na/ lus ni sgyu ma lta bu nyid du yongs su shes pas te / de kho na bzhin du yang dag pa ma yin pa'i ngo bo snang ba'i phyir ro/ /tshor ba ni rmi lam lta bu nyid du yongs su shes pas te/ de kho na bzhin du log par nyams su myong ba'i phyir ro/ /sems ni nam mkha' bzhin du rang bzhin gyis 'od gsal bar yongs su shes pas so//chos rnams ni nam mkha' glo bur gyi rdul dang du ba dang sprin dang khug rnas khebs pa bzhin du glo bur ba nyid du yongs su shes pas so/ /skye bas ji lta bu zhe na/ bsams bzhin du srid par skye ba na 'khor los sgyur ba la sogs par gyur ba'i lus dang tshor ba la sogs pa khyad par du 'phags pa phun sum tshogs shing de la kun nas nyon mongs pa med pas so//chen pos ji lta bu zhe na/ rang bzhin gyis dbang po rno ba nyid kyis dran pa nye bar gzhag pa bsgom pa chung [(]du [,]ngu [)]yang de las gzhan pa dag las che ba'i phyir ro/ /mchog nyid kyis ji lta bu zhe na/bsgom pa yongs su grub pa rnams 'dres pa nye bar 'dres pa lhun gyis grub par bsgom pa'i phyir ro/ /bsgoms pas ji lta bu zhe na/ shin tu bsgoms pas phung po'i lhag ma med pa'i mya ngan las 'das pa na yang de mi zad pa'i phyir ro/ /yang dag par 'grub pas ji lta bu zhe na/sa bcu dang sangs rgyas kyis nyid du yang dag par 'grub pa'i phyir ro/ /yang dag par spong ba rnam par dbye ba'i tshigs su bcad pa lnga ste/ brtan pa rnams kyi yang dag spong / /lus can kun dang mtshungs pa med/ /dran pa nye bar gzhag pa yi/ /nyes pa rnams kyi gnyen por sgom//dran pa nye bar gzhag pa bsgom pa ji skad bshad pa de dag gi mi mthun pa'i phyogs nyes pa rnams kyi gnyen por yang dag par spong ba bsgom mo zhes bya ba ni yang dag par spong ba'i spyi'i mtshan nyid yin no/ /rab tu dbye ba ni/ 'khor ba nye bar spyad pa dang / /sgrib pa dag ni dor ba dang //yid la byed pa dor ba dang / /sa rnams la ni 'jug pa dang / /mtshan ma med par gnas pa dang / /lung bstan pa ni thob pa dang / /sems can rnams yongs smin bya dang / /dbang ni bskur bar bya ba dang / /zhing rnams dag par bya phyir dang / /mthar thug nyid du bya ba'i phyir/ / byang chub sems dpa' blo ldan rnams/ /mi mthun phyogs kyi gnyen por sgom/ /'di ni yang dag par spong ba bsgom pa'i rab tu dbye ba ste/ /'khor ba'i phun sum tshogs pa rnams la kun nas nyon mongs pa med par yongs su longs spyod pa dang / sgrib pa lnga dor ba dang / nyan thos dang rang sangs rgyas kyi yid la byed pa dor ba dang /sa la 'jug pa dang / sa bdun pa la mtshan ma med par gnas pa dang / sa brgyad pa la lung bstan pa thob pa dang / dgu pa la sems can rnams yongs su smin par bya ba dang / bcu pa la dbang bskur ba dang / gsum car la zhing rnam par dag par bya ba'i phyir dang /sangs rgyas kyi sa la mthar thug par bya ba'i phyir/ mi mthun pa'i phyogs gang dag yin pa de dag gi gnyen por yang dag par spong ba bsgom par rig par bya ste/ 'di ni de'i rab tu dbye ba yin no/ /'dun pa la ni brten nas su/ /rnal 'byor rgyu mtshan bcas bsgom pa//yang dag spong ba thams cad la/ /gnyen po zhes ni nges par brjod/ /'di ni 'dun pa bskyed do/ /'bad do/ /brtson 'grus rtsom mo/ /sems rab tu 'dzin to/ /yang dag par rab tu 'jog go zhes bya ba'i tshig 'di rnams kyi don bstan te/ 'dun pa la brten nas zhi gnas dang lhag mthong zhes bya ba'i rnal 'byor bsgom zhing 'bad do//bsgom pa de yang zhi gnas dang / rab tu 'dzin pa dang / /btang snyoms kyi rgyu mtshan dag dang lhan cig bsgom ste/ de lta bas na rgyu mtshan dang bcas pa yin no/ /yang ji ltar bsgom zhe na/ 'di ltar zhi gnas dang rab tu 'dzin pa'i nye ba'i nyon mongs pa zhum pa dang rgod pa dag gi gnyen por brtson 'grus rtsom mo//brtson 'grus ji ltar rtsom zhe na/ sems rab tu 'dzin to/ /yang dag par rab tu 'jog go/ /de la rab tu 'dzin pa ni shes rab kyis so/ /yang dag par rab tu 'dzin pa ni zhi gnas kyis so/ /mnyam pa thob nas ni btang snyoms su 'jog ste/rnal 'byor bsgom pa 'di ni yang dag par spong ba'i rab tu dbye ba ji skad bshad pa thams cad la gnyen po zhes bya'o/ /rdzu 'phrul gyi rkang pa rnam par dbye ba'i tshigs su bcad pa rnam pa lnga ste/ brtan pa rnams kyi rdzu 'phrul gyi/ /rkang pa mtshan nyid mchog ldan bzhi//bdag nyid dang ni gzhan dag gi /don kun 'grub pa'i phyir skye'o/ /'jig rten dang 'jig rten las 'das pa'i don thams cad 'grub par rig par bya ste/ lhag ma ni don go bar zad do/ /rten dang rab tu dbye ba dang / /thabs dang mngon par sgrub pa yi/ /blo ldan rdzu 'phrul rkang pa rnams//rnam pa kun tu rnam gzhag 'dod/ /bstan pa'i 'di'i bshad pa ni lhag ma yin te/ bsam gtan pha rol phyin brten nas/ /rab tu dbye ba dag dang thabs/ /rnam bzhi mngon par sgrub pa ni/ /rnam pa drug tu brjod pa yin/ /bsam gtan gyi pha rol tu phyin pa la brten nas 'dun pa dang brtson 'grus dang /sems dang dpyod pa'i ting nge 'dzin gyi dbye bas rab tu dbye ba rnam pa bzhi'o/ /thabs kyang rnam pa bzhi kho na'o/ /mngon par sgrub pa ni rnam pa drug go/ /thabs rnam pa bzhi gang zhe na/ gcig ni 'bad par byed pa ste/ /gnyis pa phan 'dogs bdag nyid yin//gsum pa gtod par byed pa ste/ /bzhi pa gnyen po pa yin no/ /spong ba'i 'du byed brgyad las 'dun pa dang rtsol ba dang dad pa ni 'bad par byed pa'i thabs te/ dad cing don du gnyer na 'bad pa'i phyir ro/ /shin tu sbyangs pa ni phan 'dogs par byed pa'o//dran pa dang shes bzhin ni nye bar gtod par byed pa ste/ gcig gis sems dmigs pa las mi 'phro bar byed pa'i phyir dang / gnyis pas 'phro ba rab tu shes pa'i phyir ro/ /sems pa dang btang snyoms ni gnyen po'i thabs yin te/ nye ba'i nyon mongs pa zhum pa dang rgod pa dag dang /nyon mongs pa rnams kyi gnyen po yin pa'i phyir ro/ /mngon par sgrub pa rnam pa drug gang zhe na/ mthong ba dang ni gdams ngag dang / /gnas pas rnam par rtse ba dang / /smon lam dang ni dbang dag dang / /chos thob pa ni sgrub pa'i phyir/ /de la mthong ba ni spyan rnam pa lnga po sha'i spyan dang /lha'i spyan dang / shes rab kyi spyan dang / /chos kyi spyan dang / sangs rgyas kyi spyan no/ /gdams ngag ni mngon par shes pa drug ste/ de dag gis go rims bzhin du nye bar song nas skad dang sems dang 'ong ba dang 'gro ba rig par byas nas nges par 'byung bar bya ba'i phyir 'doms pa'i phyir ro//gnas pas rnam par rtse ba ni/ 'di ltar byang chub sems dpa' rnams ting nge 'dzin gyis sprul pa la sogs pa rnam pa du mas rnam par rtse ba yin no/ /smon lam ni smon lam shes pa gang gis byang chub sems dpa' smon lam gyi stobs can rnams smon lam khyad par can gyis rnam par rtse ba'o//de dag gi lus dang 'od dang dbyangs ni bgrang bar sla ba ma yin te/ rgyas par sa bcu pa'i mdo las ji skad 'byung ba lta bu yin no/ /dbang yang de nyid las/ dbang bcu ji skad bstan pa lta bu yin no/ /chos thob pa ni stobs dang mi 'jigs pa dang sangs rgyas kyi chos ma 'dres pa rnams thob pa ste//de ltar na 'di ni mthong ba la sogs pa mngon par sgrub pa rnam pa drug yin no/ /dbang po rnam par dbye ba'i tshigs su bcad pa/ /byang chub spyod dang thos mchog dang / /zhi gnas lhag mthong dad sogs kyi / /gzhi yin par ni shes bya ste//don grub byed pa'i skabs kyis so/ /dad pa'i dbang po'i gzhi ni byang chub ste dmigs pa zhes bya ba'i don to/ /brtson 'grus kyi dbang po'i gzhi ni byang chub sems dpa'i spyod pa'o/ /dran pa'i dbang po'i gzhi ni theg pa chen pos bsdus pa'i thos pa'o/ /ting nge 'dzin gyi dbang po'i gzhi ni zhi gnas so//shes rab kyi dbang po'i gzhi ni lhag mthong ngo / /de dag gi don gyi skabs kho nas dad pa la sogs pa 'di dag dbang byed pa'i don gyis dbang po rnams zhes bya'o/ /stobs rnam par dbye ba'i tshigs su bcad pa/ dad sogs sa la 'jug pa ste/ /kun nas nyon mongs can du 'dod//mi mthun phyogs nyam chung bas yang / /de dag nyid la stobs zhes bya/ /tshigs su bcad pa 'di'i don go bar zad do/ /byang chub kyi yan lag rnam par dbye ba'i tshigs su bcad pa rnam pa bdun te/ /sar zhugs pa la byang chub kyi/ /yan lag rnam par gzhag par brjod//chos rnams dang ni sems can kun/ /mnyam pa nyid du rtogs phyir ro/ /'dis ni gnas skabs gang du gang zhig rtogs pas byang chub kyi yan lag rnams rnam par gzhag pa de bstan te/ sa la zhugs pa'i gnas skabs na go rims bzhin du chos la bdag med pa dang bdag dang gzhan la mnyam pa nyid kyis chos thams cad dang sems can thams cad mnyam pa nyid du rtogs pa'i phyir ro/'di man chad ni byang chub kyi yan lag rnams 'khor lo la sogs pa rin po che sna bdun dang chos mthun par ston to / /shes bya ma rgyal rgyal bya'i phyir / /dran pa dag ni kun tu spyod//shes bya ma rgyal ba rgyal bar bya ba'i phyir te/ dper na 'khor los sgyur ba'i 'khor lo rin po che yul ma phebs pa 'phebs pa lta bu'o/ /'di yi rnam 'byed rtog pa yi/ /mtshan ma thams cad 'joms par byed/ /dper na glang po rin po ches phyir rgol ba 'joms par byed pa lta bu'o//'di yi brtson 'grus ma lus pa/ /myur du rtogs par bya phyir 'jug /mngon par shes pa myur ba nyid bsgrub pa'i phyir te/ dper na rta rin po ches myur dus chen po rgya mtsho'i mthas klas par 'gro ba lta bu'o/ /chos kyi snang ba rnam 'phel ba'i/ /dga' bas rtag tu rgyas par 'gyur//byang chub sems dpa' brtson 'grus brtsams pa'i chos kyi snang ba rnam par 'phel bar 'gyur ro/ /des na rtag tu lus thams cad dga' bas tshim par byed de/ dper na nor bu rin po che'i snang ba'i khyad par gyis 'khor los sgyur ba'i rgyal po dga' bar byed pa lta bu'o//sgrib pa kun las thar pa'i phyir/ /shin tu sbyangs pas bde ba 'thob/ /gnas ngan len thams cad yang dag par bcom pa'i phyir te/ dper na bud med rin po ches 'khor los sgyur ba'i rgyal po dga' ba nyams su myong ba lta bu'o/ /ting nge 'dzin las bsams pa'i don//'byor pa nye bar skye bar 'gyur/ /dper na 'khor los sgyur ba'i 'byor pa khyim bdag rin po che las grub pa lta bu'o/ /btang snyoms kyis ni thams cad du/ /'di ni ji ltar 'dod bzhin gnas/ /rjes la thob dang mi rtog pa'i/ /gnas pas mchog ni rtag tu gnas//btang snyoms zhes bya ba ni rnam par mi rtog pa'i ye shes te/ des byang chub sems dpa' thams cad du ji ltar 'dod pa bzhin du gnas te/ de'i rjes la thob pa'i gnas pas gzhan 'bul zhing gzhan 'dor ba'i phyir dang / rnam par mi rtog pa'i gnas pas de la rtsol ba med par gnas par byed pa'i phyir te/dper na 'khor los sgyur ba'i blon po rin po che dpung gi tshogs yan lag bzhi pa dbul bar bya ba yang 'bul la/ dor bar bya ba yang 'dor zhing gang du dpung gi tshogs yan lag bzhi pa ma dub par phyin pa der song nas kyang gnas par byed do//yon tan de lta'i sems dpa' ni/ /'khor los sgyur ba 'dra bar 'jug /yon tan de lta bu dang ldan pa'i byang chub sems dpa' ni 'khor los sgyur ba dang 'dra bar 'jug go/ /rtag tu rin chen bdun lta bu'i/ /byang chub yan lag rnams kyis bskor/ /zhes bya ba ni byang chub kyi yan lag rnams rin po che dang 'dra ba nyid du mjug sdud par byed pa yin no//rang bzhin yan lag gnas yan lag /gsum pa nges 'byung yan lag ste/ /bzhi pa phan yon yan lag yin/ /rnam gsum nyon mongs med yan lag /'dis ni byang chub kyi yan lag gang yin pa dang /ji ltar yan lag yin pa de ston to/ /de la dran pa ni gnas kyi yan lag ste/ thams cad de la brten nas 'byung ba'i phyir ro/ /chos rab tu rnam par 'byed pa ni rang bzhin gyi yan lag ste/ byang chub ni de'i ngo bo nyid yin pa'i phyir ro/ /brtson 'grus ni nges par 'byung ba'i yan lag ste/des mthar thug pa ma thob kyi bar du rgyun mi gcod pa'i phyir ro/ /dga' ba ni phan yon gyi yan lag ste/ /des sems dga' bar byed pa'i phyir ro/ /shin tu sbyangs pa dang ting nge 'dzin dang btang snyoms ni kun nas nyon mongs pa med pa'i yan lag ste/gang gis gang la brten nas kun nas nyon mongs pa med pa gang yin pa zhes bya ba rnam pa gsum ni kun nas nyon mongs pa med pa'i yan lag yin par rig par bya'o/ /lam gyi yan lag rnam par dbye ba'i tshigs su bcad pa gnyis te/ de yi 'og tu ji lta bar//rtogs pa'i rjes su 'jug pa ste / /rnam gzhag ji bzhin rtogs pa yang / /rnam par gzhag la 'jug pa dang / /las gsum rnam par dag pa dang / /shes bya dag dang lam dang ni/ /yon tan khyad par can gyi ni/ /sgrib pa'i gnyen po bsgom pa'o/ / byang chub kyi yan lag gi 'og tu yang dag pa ji lta ba bzhin du rtogs pa'i rjes su 'jug pa ni yang dag pa'i lta ba'o/ /rtogs pa de nyid kyis rnam par gzhag pa yongs su dpyod pa ni yang dag pa'i rtog pa'o/ /de rnam par gzhag pa mdo'i sde la sogs pa bcom ldan 'das kyis gsungs pa la 'jug pa yang de nyid yin te/des de'i don rtogs pa'i phyir ro/ /las gsum rnam par dag pa ni/ yang dag pa'i ngag dang las kyi mtha' dang 'tsho ba ste/ ngag dang lus dang gnyi ga'i las bsdus pa'i phyir ro/ /yang dag pa'i rtsol ba la sogs pa ni go rims bzhin du shes bya'i sgrib pa dang /las kyi sgrib pa dang / yon tan khyad par can gyi sgrib pa'i gnyen po sgom pa ste/ yang dag pa'i rtsol bas ni yun ring por mi skyo bar shes bya'i sgrib pa'i gnyen po sgom par byed do/ /yang dag pa'i dran pas ni zhi gnas dang rab tu 'dzin pa dang /btang snyoms kyi rgyu mtshan dag la zhum pa dang rgod pa med pa'i phyir/ lam mngon sum du bya ba'i ched du sgrib pa'i gnyen po sgom par byed do/ /yang dag pa'i ting nge 'dzin gyis ni yon tan khyad par can mngon par sgrub pa'i sgrib pa'i gnyen po sgom par byed do//de ltar na lam gyi yan lag rnam pa brgyad du rnam par gzhag go/ /zhi gnas dang lhag mthong rnam par dbye ba'i tshigs su bcad pa gsum ste/ yang dag gnas pa la brten nas/ /sems la sems ni 'jog phyir dang / /chos rab rnam par 'byed pa'i phyir//zhi gnas dang ni lhag mthong yin/ /yang dag pa'i ting nge 'dzin la brten nas sems la sems nye bar 'jog pa'i phyir dang / chos rnams rab tu rnam par 'byed pa'i phyir/ go rims bzhin du zhi gnas dang lhag mthong yin par rig par bya'i ting nge 'dzin med par ni ma yin te/'di ni zhi gnas dang lhag mthong gi mtshan nyid yin no/ /de ni kun 'gro cha gcig dang / /cha gcig ma yin rgyur 'dod do/ /zhi gnas dang lhag mthong de ni yon tan gang dang gang 'dod pa de dang de bsgom pa'i phyir kun tu 'gro ba yin te/ ji skad du mdo las/dge slong kye ma bdag gis 'dod pa dag las dben par 'dod na zhes bya ba nas rgyas par dge slong des chos gnyis po 'di kho na bsgom par bya'o/ /'di lta ste/ zhi gnas dang lhag mthong ngo zhes bya ba la sogs pa'i bar du gsungs pa lta bu yin no/ /zhi gnas dang lhag mthong cha gcig pa ni gang gi tshe zhi gnas dang lhag mthong sgom par byed pa'o//gnyis ka'i cha ni gang tshe cig car gnyi ga sgom par byed pa'o/ /byang chub sems dpa' rnams kyi zhi gnas dang lhag mthong de ni mos pas spyod pa'i sa la rgyu yin par 'dod do/ /rtogs dang nges par 'byung ba dang //mtshan med 'du mi byed pa dang / /yongs dag rnam par dag pa la/ /brtan pa'i zhi gnas lhag mthong gis / /rnal 'byor de sa kun 'gro ste/ /thams cad sgrub par byed pa yin/ /zhes bya ba ni rgyur 'dod do zhes bya ba la sogs pas ni zhi gnas dang lhag mthong gi rab tu dbye ba dang las bstan pa yin te/rnal 'byor ni thabs yin par rig par bya'o/ /de la rtogs pa ni sa dang po la 'jug pa'o/ /nges par 'byung ba ni sa drug pa'i bar te/ de dag gi mtshan ma dang bcas pa'i sbyor ba las nges par 'byung ba'i phyir ro/ / mtshan ma med pa ni sa bdun pa'o/ /'du mi byed pa ni sa gzhan gsum ste/ mngon par 'du byed pa med par 'byung ba'i phyir ro/ /'du bya ba ni 'du byed pa ste/ /de 'di la med pas 'du byed pa med pa'o / /sa gsum po de nyid la brten nas sangs rgyas kyi zhing yang yongs su sbyang bar bya la/sangs rgyas nyid kyang thob par bya ste/ 'di ni go rims bzhin du yongs su dag pa dang / /rnam par dag pa yin no/ /thabs la mkhas pa rnam par dbye ba'i tshigs su bcad pa gnyis te/ sangs rgyas chos rnams rdzogs bya dang / sems can rnams yongs smin bya dang / /myur thob bya ba 'grub pa dang //lam rgyun mi gcod la mkhas pa/ /byang chub sems dpa'i sa kun la/ /thabs ni mtshungs pa med pa ste/ /thabs mkhas de la brten nas ni/ /de dag don kun sgrub par byed/ /'dis ni thabs la mkhas pa'i rab tu dbye ba dang las bstan te/ de la sangs rgyas kyi chos yongs su rdzogs par byed pa'i thabs ni rnam par mi rtog pa'i ye shes so//sems can yongs su smin par byed pa'i ni bsdu ba'i dngos po bzhi'o/ /myur du mngon par rdzogs par byang chub pa'i ni sdig pa thams cad so sor bshags so zhes bya ba nas bdag gi ye shes rdzogs par byang chub par gyur cig ces bya ba'i bar te/so sor bshags pa dang / rjes su yi rang ba dang / gsol ba dang / yongs su bsngo ba yin no/ /bya ba 'grub pa ni ting nge 'dzin dang gzungs kyi sgo rnams te/ de dag gis sems can gyi don gyi bya ba bsgrub pa'i phyir ro/ /lam rgyun mi gcod pa ni mi gnas pa'i mya ngan las 'das pa yin no//byang chub sems dpa' rnams kyi sa thams cad la thabs rnam pa lnga po 'di dag la mkhas pa ni de las gzhan pa dag dang mtshungs pa med pa yin te/ 'di ni rab tu dbye ba yin no/ rang dang gzhan gyi don thams cad sgrub pa ni las so/ /gzungs rnam par dbye ba'i tshigs su bcad pa gsum ste/rnam smin thos la goms pa dang / /ting nge 'dzin gyi gzungs dag ni/ /chung ngu dang ni chen po ste/ /chen po de yang rnam pa gsum/ /blo ldan ma zhugs zhugs pa yang / /ma dag sa pa rnams kyi ni/ /chung ngu dang ni 'bring po ste/dag pa'i sa yi gzungs chen yin/ /byang chub sems dpa' yang dang yang / /de la yang dag brten nas ni/ /rtag tu dam pa'i chos dag kyang / /rab tu ston cing 'dzin par byed/ /'drir yang gzungs kyi rab tu dbye ba dang las bstan te/ de la gzungs ni sngon gyi las kyi rnam par smin pa dang /mthong ba'i chos la mang du thos pas len pa dang 'dzin par nus pa'i khyad par gyi sgo nas thos pa la goms pa dang / ting nge 'dzin la brten nas rnam pa gsum mo/ /de yang rnam par smin pa dang thos pa la goms pa dag gis ni chung ngu yin par rig par bya'o//ting nge 'dzin gyis ni chen po yin no/ /chen po de yang rnam pa gsum ste/ sa la ma zhugs pa rnams kyi ni chung ngu'o/ /sa la zhugs pa ma dag pa'i sa pa rnams kyi ni 'bring ste sa bdun po dag gi'o/ /yongs su dag pa'i sa pa'i ni chen po ste sa lhag ma rnams kyi'o/ /'di ni gzungs kyi rab tu dbye ba ste/las ni dam pa'i chos rab tu ston pa dang / 'dzin pa yin no/ /smon lam rnam par dbye ba'i tshigs su bcad pa gsum ste/ brtan pa rnams kyi smon lam ni/ /sems pa 'dun dang bcas pa ste/ /de ni ye shes kyis bskul ba/ /sa rnams kun la mnyam pa med//de ni rgyur gyur shes bya ste/ /sems tsam las ni 'grub pa'i phyir/ /sems las mod la 'bras bu can/ /de ni ma 'ongs don 'grub byed/ /sna tshogs che dang byang chub bar/ /sa rnams gong nas gong du ni/ /rnam dag byang chub sems dpa' yi/ /rang gzhan don rab sgrub byed yin//'dir smon lam ni ngo bo nyid dang / gzhi dang / sa dang / rab tu dbye ba dang / las kyis bstan te/ ngo bo nyid ni sems pa 'dun pa dang mtshungs par ldan pa yin no/ /gzhi ni ye shes so/ /sa thams cad ces bya ba ni sa'o/ /smon lam de ni sems kho na las mod la 'bras bur 'gyur ba'i phyir dang /ma 'ongs pa na 'dod pa'i don 'grub pa'i phyir rgyur gyur pa yin no/ /sems las mod la 'bras bur 'gyur ba yang sems tsam las ji ltar 'dod pa'i don 'grub pa'i sgo nas rig par bya ste/ smon lam gang gis byang chub sems dpa' smon lam gyi stobs can rnams rnam par rtse ba de'i lus bgrang bar bya sla ba ma yin no zhes bya ba rgyas par 'byung ba lta bu'o//sna tshogs pa ni mos pas spyod pa'i sa la 'di lta 'di ltar gyur cig ces bya ba yin no/ /chen po ni sa la zhugs pa'i smon lam chen po bcu'o/ /rnam par dag pa ni byang chub kyi bar du sa gong nas gong du rnam par dag pa'i khyad par gyi phyir te/'di ni rab tu dbye ba yin no/ /rang dang gzhan gyi don du rab tu sgrub par byed pa ni las so/ /ting nge 'dzin gsum rnam par dbye ba'i tshigs su bcad pa gsum ste/ /ting 'dzin gsum gyi spyod yul ni/ /bdag med rnam pa gnyis po dang //bdag tu 'dzin pa'i rten dang ni/ /de rtog nyer zhi yin zhes bya/ /ting nge 'dzin rnam pa gsum gyi spyod yul rnam pa gsum du shes par bya ste/ stong pa nyid kyi ting nge 'dzin gyi ni gang zag dang chos la bdag med pa'o/ /smon pa med pa'i ting nge 'dzin gyi ni de gnyi ga la bdag tu 'dzin pa'i rten nye bar len pa'i phung po lnga'o//mtshan ma med pa'i ting nge 'dzin gyi ni rten de gtan du nye bar zhi ba yin no/ /ting 'dzin de ni gzung 'dzin ngo bo'i phyir/ /rnam pa gsum du shes par bya/ /gzung ba spyod yul rnam pa gsum la 'dzin pa'i ting nge 'dzin gang dag yin pa de dag ni stong pa nyid la sogs pa'i ting nge 'dzin yin pas gzung ba dang 'dzin pa'i ngo bos ting nge 'dzin gsum du shes par bya'o//de dag kyang go rims bzhin du/ /rnam par mi rtog rgyab kyis phyogs/ /rtag tu dga' dang ldan pa 'o/ /stong pa nyid kyi ting nge 'dzin ni rnam par mi rtog pa ste/ gang zag dang chos dag la bdag tu rnam par mi rtog pa'i phyir ro//smon pa med pa ni bdag tu 'dzin pa'i rten de la rgyab kyis phyogs pa yin no/ /mtshan ma med pa ni de'i rten nye bar zhi ba de la dus thams cad du dga' ba dang mtshungs par ldan pa yin no/ /yongs su shes dang spang ba dang / / mngon sum du ni bya ba'i phyir/ /stong nyid la sogs ting 'dzin rnams/ /don rnam gsum du yongs su bsgrags / /stong pa nyid ni gang zag dang chos la bdag med pa dag tu yongs su shes par bya ba'i phyir yin no/ /smon pa med pa ni de dag la bdag tu 'dzin pa'i rten spang ba'i phyir yin no//mtshan ma med pa'i ting nge 'dzin ni de nye bar zhi ba mngon sum du bya ba'i phyir yin no/ /chos kyi sdom rnam par dbye ba'i tshigs su bcad pa gnyis te/ sems can rnams la phan bzhed pas/ /ting nge 'dzin gyi rgyu nyid du/ /chos kyi sdom ni rnam pa bzhi/ /byang chub sems dpa' rnams la bshad//de la 'du byed thams cad ni mi rtag pa'o/ /'du byed thams cad ni sdug bsngal ba'o zhes bya ba ni smon pa med pa'i ting nge 'dzin gyi rgyu'i dngos por bstan to/ /chos thams cad ni bdag med pa'o zhes bya ba ni stong pa nyid kyi'o/ /mya ngan las 'das pa ni zhi ba'o zhes bya ba ni mtshan ma med pa'i ting nge 'dzin gyi'o//yang mi rtag pa'i don nas zhi ba'i don gyi bar ci zhig yin zhe na/ bshad pa/ brtan pa rnams kyi bzhi po de/ /med pa'i don dang rnam rtog don/ /kun tu rtog don kho na dang / /rnam rtog nye bar zhi ba'i don/ /byang chub sems dpa' rnams kyi mi rtag pa'i don ni med pa'i don te/rtag tu med pa'i don gang yin pa de ni mi rtag pa yin pas de dag gi kun brtags pa'i mtshan nyid gang yin pa'o/ /sdug bsngal ba'i don ni yang dag pa ma yin pa'i rnam par rtog pa'i don te/ gzhan gyi dbang gi mtshan nyid gang yin pa'o/ /bdag med pa'i don ni kun tu rtog pa tsam gyi don te/kho na zhes bya ba'i sgras ni nges par gzung ba'i phyir kun brtags pa'i bdag ni med kyi/ kun tu rtogs pa tsam zhig ni yod pas kun brtags pa'i mtshan nyid kyi med pa'i don ni bdag med pa'i don to zhes bshad pa yin no/ /zhi ba'i don ni rnam par rtog pa nye bar zhi ba'i don te/yongs su grub pa'i mtshan nyid mya ngan las 'das pa yin no/ /gzhan gyi dbang gi mtshan nyid skad cig la 'jig pa'i don yang mi rtag pa'i don du rig par bya ste/ de lta bas na de rab tu bsgrub pa'i phyir skad cig ma nyid rnam par dbye ba'i tshigs su bcad pa bcu'o//mi rung rgyu las skye phyir dang / /'gal phyir rang nyid mi gnas phyir/ /med phyir mtshan nyid nges phyir dang / /rjes su 'jug phyir 'gag pa'i phyir/ /yongs su 'gyur ba dmigs phyir dang / /de'i rgyu nyid dang 'bras bu'i phyir/ /zin pa'i phyir dang bdag po'i phyir/ /dag dang sems can rjes 'jug phyir//de la 'og nas 'dus byas thams cad skad cig ma zhes 'byung ba 'di ni dam bca' ba yin par rig par bya'o/ /de yang ji ltar 'grub ce na/ skad cig ma nyid med par 'du byed rnams 'jug par mi rung ba'i phyir te/ rgyun gyis 'jug pa ni 'jug pa yin na de yang skad cig re re la skye ba dang 'gag pa med par mi rung ngo //'on te dus gzhan gyi bar du gnas nas snga ma dang phyi ma 'gag pa dang skye ba'i sgo nas rgyun gyis 'jug par 'dod na/ de'i mjug thogs su 'jug par mi 'gyur te/ rgyun med pa'i phyir ro/ /skyes pa ni rgyun med par dus gzhan gyi bar du yod par yang rung ba ma yin no//ci'i phyir zhe na/ rgyu las skye ba'i phyir te/ 'dus byas thams cad ni rgyu las skye zhing yod do zhes bya ba'i tha tshig go/ /de gal te byung nas yang dus phyis yod na de la gdon mi za bar rgyu dgos te/ rgyu med na dang po kho na nas rgyu med pa'i phyir ro/ /de ni rgyu de kho nas yod par 'gyur bar yang rigs pa ma yin te /de rgyur spyad zin pa'i phyir ro/ /rgyu gzhan yang mi dmigs te/ de lta bas na gdon mi za bar skad cig re re la snga ma'i rgyu can gzhan zhig yod do zhes bya bar rig par bya'o/ /de ltar na skyes pa rgyun med par dus gzhan gyi bar du yod par mi rung ngo //ji ste 'di ltar gang gi don du rgyu dgos par 'gyur ba skyes zin pa yang skye ba ni ma yin gyi/ skyes pa ni phyis dus gzhan na 'gag par 'gyur te/ skyes pa tsam kho nas ni ma yin no zhes bya bar 'dod na de phyis ci zhig gis 'gag par 'gyur/ gal te skye ba'i rgyu kho nas so zhe na/de ni rigs pa ma yin no/ /ci'i phyir zhe na/ skye ba dang 'gag pa dag 'gal ba'i phyir ro/ /'gal ba dag gi rgyu 'dra bar ni mi rigs te/ dper na grib ma dang nyi ma dag grang ba dang dro ba dag gi lta bu'o/ /dus gzhan na 'gag pa nyid kyang 'gal ba'i phyir ro/ /gang dang 'gal zhe na/bcom ldan 'das kyis dge slong dag 'du byed de dag thams cad ni sgyu ma lta bu skye zhing 'jig pa/ dus re zhig pa/ yun thung ngur gnas pa'o zhes gsungs pa gang yin pa'i lung dang yang 'gal lo/ /rnal 'byor pa rnams kyi yid la byed pa dang yang 'gal te/de dag ni 'du byed rnams la skye ba dang 'jig pa dag tu yid la byed pa na skad cig re re la 'di rnams 'gag par mthong ngo / /de lta ma yin na 'chi ba'i dus la sogs pa na 'gag par mthong ba gzhan dag ji lta bar de dag kyang yid 'byung ba dang / 'dod chags dang bral ba dang /rnam par grol ba dag tu mi 'gyur ro/ /yang gal te 'du byed skyes pa dus gzhan gyi bar du gnas par 'gyur na/ bdag nyid dam gnas pa'i rgyu 'ga' zhig gis gnas par 'gyur grang na/ re zhig bdag nyid gnas par ni rigs pa ma yin no/ / ci'i phyir zhe na/ phyis bdag nyid mi gnas pa'i phyir te/ gang gis na 'di gnas par mi nus/ de med pa'i phyir gnas pa'i rgyus kyang rigs pa ma yin te/ de ni cung zad kyang mi dmigs so/ /'on te gnas pa'i rgyu med du zin kyang 'jig pa'i rgyu med pas gnas la 'jig pa'i rgyu dang phrad nas ni phyis mes sngon po nyid bzhin du 'jug go snyam du sems na/de med pa'i phyir de ni rigs pa ma yin te/ 'jig pa'i rgyu ni phyis kyang cung zad kyang med do/ /mes sngon po nyid 'jug go zhes bya ba yang rab tu ma grub po/ /de'i mthu ni mi 'dra bar skye ba la rab tu grub ste/ 'di ltar de dang 'brel pa las sngon po nyid kyi rgyun mi 'dra bar 'dzin gyi rnam pa thams cad du mi 'jug pa nyid ni ma yin no//chu bskol ba rnams kyang me dang 'brel pa las nyung ba dang ches nyung ba skye ba'i sgo nas mthar shin tu dman pas nam yang mi skye bar 'dzin gyi/ me dang phrad pa las de cig car kho nar med pa ni ma yin no//mtshan nyid nges pa'i phyir skyes pa ni 'ga' yang gnas par rung ba nyid ma yin no/ /bcom ldan 'das kyis 'dus byas mi rtag pa nyid du gsungs pa gang yin pa de ni 'dus byas kyi mtshan nyid nges pa yin na/ des gal te skyes pa tsam gyis 'jig par mi 'gyur na ni 'di'i dus cung zad cig mi rtag pa nyid du mi 'gyur bas mi rtag pa nyid kyi mtshan nyid ma nges par thal bar 'gyur ro/'on te skad cig ma re re la sngon med pa skye na de nyid 'di yin no zhes bya bar ngo shes par yang mi 'gyur ro snyam du sems na 'dra bar rjes su 'jug pa'i phyir der ni 'gyur ba kho na ste/sgyu ma mkhan gyi sgang sgong dang 'dra'o/ /'dra ba'i phyir de'i blo 'byung gis de yod pa'i phyir ni ma yin no zhes bya ba ci mngon zhe na/ 'gag pa'i phyir te/ de kho na bzhin du gnas pa ni skad cig ma dang po dang khyad par med pa'i phyir mthar yang 'jig par mi 'gyur ro/ /de lta bas na de nyid 'di yin no zhes bya bar ni nges par mi bzung ngo //mthar yongs su 'gyur ba yang dmigs pa'i phyir te/ yongs su 'gyur ba zhes bya ba ni gzhan nyid du 'gyur ba'o/ de gal te phyi dang nang gi dngos po rnams la dang po kho na nas brtsams par ma gyur na ni mjug tu yang yongs su 'gyur ba dmigs par mi 'gyur ro//de lta bas na zho'i gnas skabs na 'o ma lta bur rim gyis 'phel na mthar mngon par 'gyur ba gang yin pa gzhan du 'gyur ba nyid ni dang po kho na nas brtsams pa yin la/ ji srid du gzhan nyid du 'gyur ba de phra ba'i phyir/ yongs su mi chod pa de srid du ni 'dra ba rjes su 'jug pas de nyid 'di yin no zhes bya bar shes so zhes bya bar grub po//de lta bas na skad cig re re la gzhan nyid du 'gyur ba'i phyir skad cig ma nyid du rab tu grub po/ /yang gang gis rab tu grub ce na/ de'i rgyu nyid dang 'bras bu'i phyir zhes bya bas te/ skad cig ma'i rgyu yin pa'i phyir dang /skad cig ma'i 'bras bu yin pa'i phyir zhes bya ba'i tha tshig ste/ sems ni skad cig mar rab tu sgrub po/ /de'i rgyu ni mig la sogs pa 'du byed gzhan dag yin no/ /de lta bas na de dag kyang skad cig ma yin no zhes bya bar grub po/ /skad cig ma ma yin pa las skad cig ma 'byung bar 'os pa ni ma yin te/dper na mi rtag pa las rtag pa lta bu'o/ /yang 'du byed thams cad kyang sems kyi 'bras bu yin no/ /'di ci mngon zhe na/ zin pa'i phyir dang / bdag po'i phyir dang / dag pa dang sems can gyi rjes su 'jug pa'i phyir te/ mig la sogs pa'i 'du byed rnams ni des sems dang lhan cig mtshungs par ldan pa'i phyir rjes su zin par 'jug pa'i sgo nas rten dang bcas par zin pa yin te /de lta bas na sems kyi 'bras bu yin no/ /sems ni 'du byed rnams kyi bdag po yang yin te/ ji skad du/ bcom ldan 'das kyis 'jig rten 'di ni sems kyis khrid cing sems kyis 'dren te sems 'byung zhing byung ba'i dbang du 'gyur ro zhes gsungs pa dang /de bzhin du rnam par shes pa'i rkyen gyis ming dang gzugs zhes kyang gsungs pa lta bu ste/ de lta bas na 'du byed rnams ni sems kyi 'bras bu yin no//sems dag pa'i rjes su 'jug pa'i yang phyir te/ 'du byed rnams ni rnal 'byor pa rnams kyi sems dag pa'i rjes su 'jug go/ /ji skad du/ dge slong bsam gtan pa rdzu 'phrul dang ldan pa sems la dbang thob pas ni gal te shing gi phung po 'di la gser du mos na de la de kho na nyid bzhin du 'gyur ro zhes gsungs pa lta bu ste/de'i phyir yang 'du byed rnams sems kyi 'bras bu yin no/ /sems can gyi rjes su 'jug pa'i yang phyir te/ 'di ltar na sems can sdig pa byed pa rnams la phyi'i dngos po rnams ngan par 'gyur la/ /bsod nams byed pa rnams la gya nom par 'gyur ro//de bas na de dag gi sems kyi rjes su 'jug pa'i phyir 'du byed rnams sems kyi 'bras bu nyid du grub po/ /de'i phyir skad cig ma nyid yin te/ de'i rjes su byed pa'i phyir skad cig ma'i 'bras bu skad cig ma ma yin par ni mi rung ngo / /de ltar na re zhig tshigs su bcad pa gnyis kyis khyad par med par 'du byed rnams skad cig ma nyid du bsgrubs pa yin no//yang nang gi rnams bsgrub pa'i phyir tshigs su bcad pa lngar rig par bya ste/ dang po je bas je che dang / /rgyas dang rten gyi dngos po dang / /'gyur dang yongs su smin pa dang / /de bzhin dman dang khyad par 'phags//'od gsal ba dang 'od mi gsal/ /yul gzhan 'gro dang sa bon bcas/ /sa bon med pa'i ngo bo dang / /gzugs brnyan du ni skye ba ste/ /skye ba rnam pa bcu bzhi la/ /rgyu dang tshad kyi khyad par dang / /rgyas pa don med mi rung dang / /rten nyid du ni mi srid dang //gnas pa la ni mi srid dang / /dang po mi 'jig mthar mi 'gyur/ /de bzhin dman dang khyad par 'phags/ /'od gsal ba dang 'od mi gsal/ /'gro med gnas pa mi rung dang / /tha ma nyid ni mi srid phyir/ /sems kyi rjes su 'jug pa'i phyir/ /'dus byas thams cad skad cig ma//dang po je bas je che dang / /zhes bya ba nas/ 'dus byas thams cad skad cig ma zhes bya ba'i bar 'di dag gis skad cig ma nyid ji ltar 'grub ce na/ nang gi 'du byed rnams kyi skye ba ni rnam pa bcu bzhi ste/ dang por skye ba ni dang po nyid du bdag gi ngo bo mngon par grub pa gang yin pa'o//je bas je cher skye ba ni skye ba'i skad cig ma dang po phyin chad gang yin pa'o/ /rgyas pas ni zas dang nyal ba dang tshangs par spyod pa dang snyoms par 'jug pas rgyas pa gang yin pa'o/ /rten gyi dngos pos ni rten mig la sogs pas mig gi rnam par shes pa la sogs pa gang yin pa'o//'gyur ba ni 'dod chags la sogs pas kha dog la sogs pa rnam par 'gyur ba'i sgo nas gang yin pa'o/ /yongs su smin par ni mngal na gnas pa dang byis pa dang / gzhon nu dang lang tsho dang dar la bab pa dang / rgan po'i gnas skabs dag na gang yin pa'o//dman pa nyid dang khyad par du 'phags pa nyid du ni ngan 'gro dang bde 'gror skye ba rnams kyi gang yin pa ste go rims bzhin no/ /'od gsal ba nyid du ni 'dod pa sprul pa dang / 'dod pa gzhan gyis sprul pa dang / gzugs dang gzugs med pa dag tu skye ba rnams kyi gang yin pa ste/sems tsam la rag las pa'i phyir ro/ /'od mi gsal ba nyid du ni de las gzhan du skye ba rnams kyi gang yin pa'o/ /yul gzhan du 'gro bar ni yul gzhan du skyes pa 'gags nas yul gzhan du skye ba gang yin pa'o/ /sa bon dang bcas pa nyid du ni dgra bcom pa'i phung po tha ma gang dag yin pa de dag ma gtogs pa'o//sa bon med pa nyid du ni tha ma de dag gang yin pa'o/ /gzugs brnyan nyid du ni rnam par thar pa'i bsam gtan pa rnams kyi ting nge 'dzin gyi dbang gis gzugs brnyan zhes bya ba'i 'du byed rnams skye ba gang yin pa'o/ /skye ba rnam pa bcu bzhi po 'di dag la nang gi 'du byed rnams rgyu dang tshad kyi khyad par dang //zhes bya ba la sogs pa'i rgyus skad cig ma nyid du rig par bya ste/ re zhig dang por skye ba la ni rgyu nyid kyi khyad par gyi phyir ro/ /gal te de rgyu nyid kyi khyad par du ma gyur na/ des na rgyu khyad par med pa'i phyir/ 'du byed kyi 'jug pa'i khyad par phyi ma phyi ma dmigs par 'gyur ro//khyad par yod na ni phyi ma phyi ma dag las de gzhan yin pa'i phyir skad cig ma nyid du grub po/ /je bas je cher skye ba la ni tshad kyi phyir ro/ /tshad ni bong zhes bya ba'i tha tshig ste/ skad cig re re la gzhan du 'gyur ba med par tshad kyi khyad par yod par mi 'gyur ro//rgyas par skye ba la ni skye ba don med pa'i phyir te/ rgyas pa ni nye bar ston pa'o/ /skad cig ma nyid med na de don med par 'gyur te/ de kho na bzhin du gnas pa'i phyir ro/ /rgyas pa de nyid mi rung ba'i yang phyir te/ skad cig re re la ches rgyas pa skye ba med par ni rgyas par mi rung ngo //rten gyi dngos pos skye ba la ni rten nyid du mi srid pa'i phyir te/ rten gnas bzhin du de la brten pa mi gnas par mi rung ba ma yin te/ theg pa gnas bzhin du de la zhon pa mi gnas pa bzhin no/ de lta ma yin na rten nyid du mi srid par 'gyur ro/ /'gyur bar skye ba dang yongs su smin par skye ba la ni/gnas pa la ni mi srid dang / /dang po mi 'jig mthar mi 'gyur/ /de bzhin du gnas pa nyid la ni/ 'dod chags la sogs pas 'gyur ba yang mi srid la/ gnas skabs gzhan dag tu yongs su smin pa yang mi srid de/ dang po nas mi 'jig pa yin na tha mar yang 'gyur ba med pa'i phyir ro//'gyur ba dang yongs su smin par skye ba la ji lta ba de bzhin du dman pa dang / khyad par can du skye ba la yang skad cig ma nyid du rig par bya ste/ /de kho na bzhin du gnas pa'i 'du byed dag la ni gang gis na ngan 'gro'am bde 'gror skye bar 'gyur ba'i las kyi bag chags 'jug pa rnyed par mi 'gyur gyi rim gyis rgyud yongs su 'gyur ba'i khyad par las ni 'jug pa rnyed par rung ngo //'od gsal ba dang 'od mi gsal bar skye ba la yang de kho na bzhin du skad cig ma nyid du rung ste/ /re zhig 'od gsal ba la ni de bzhin du gnas pa la sems la rag lus te 'jug pa mi srid pa'i phyir ro//'od mi gsal ba la yang dang po nas 'jig pa med na tha mar 'gyur ba mi rung ba'i phyir ro/ /yul gzhan du 'gro bar skye ba la ni 'gro ba med pa'i phyir ro/ /'du byed rnams la 'gro ba zhes bya ba yul gzhan du 'pho ba'i mtshan nyid kyi bya ba 'ga' yang mi rung ste/de ni skyes pa'am ma skyes pa zhig gis 'du byed yul gzhan du 'gro bar byed grang / gal te skyes pas so zhe na/ des na 'gro ba'i dus na gang du yang ma song bas gnas pa kho na la 'gro ba 'thad pa ma yin no/ /'on te ma skyes pas so zhe na/des na 'gro ba med na song ba zhes bya bar mi rung ngo / /bya ba de yang gal te yul de nyid na gnas pa'i 'du byed la bya ba byed do zhe na/ rung ba ma yin te/ gnas pa ni yul gzhan du ma phyin pa'i phyir ro/ /'on te yul gzhan na gnas pa la'o zhe na yang rung ba ma yin te/bya ba med na yul gzhan du ma phyin pa'i phyir ro/ /bya ba ni yul de'am gzhan na gnas pa'i 'du byed las gzhan du yang mi dmigs pa'i phyir ro/ /de lta bas na 'du byed rnams yul gzhan dag tu rgyun gyis skye ba las gzhan pa'i 'gro ba ni med do/ /de med pa'i phyir skad cig ma nyid du grub po//yul gzhan du bar chad med par skye ba'i mtshan nyid kyi 'gro ba ni rgyu du mas rig par bya ste/ sems kyi dbang gis kyang yod de/ dper na 'chags pa la sogs pa'i gnas skabs kyi lta bu'o/ /sngon gyi las kyi 'phen pas kyang yod de/ dper na srid pa bar ma'i lta bu'o//'phangs pa'i dbang gis kyang yod de/ /dper na mda' 'phangs pa lta bu'o/ /'brel pa'i dbang gis kyang yod de/ dper na bzhon pa dang chu rgal bar zhugs pa rnams kyi lta bu'o/ /ded pa'i dbang gis kyang yod de/ dper na rtsa rlung gis bdas pa rnams kyi lta bu'o//ngo bo nyid kyi dbang gis kyang yod de/ dper na rlung ni thad kar 'gro/ me ni gyen du 'bar/ chu ni gzhol bar 'bab pa lta bu'o/ /mthus kyang yod de/ dper na kha cig ni gsang sngags dang sman gyi mthus/ lcags dag ni khab len gyi mthus/ rdzu 'phrul dang ldan pa rnams ni rdzu 'phrul gyi mthus 'gro ba lta bu'o//sa bon dang bcas pa dang sa bon med pa'i ngo bor skye ba la ni gnas pa mi rung ba dang / tha ma nyid ni mi srid phyir/ /skad cig ma nyid du rig par bya ste/ sa bon dang bcas pa dang sa bon med pa'i ngo bor skye ba la gnas pa mi rung ba'i phyir skad cig ma nyid yin te/skad cig re re la rgyu'i ngo bo med pa de bzhin du gnas pa ni dus gzhan nas sa bon gyi ngo bo'am/ skad cig ma tha ma la sa bon med pa nyid du rung ba ma yin no/ /sngar sa bon dang bcas pa nyid yin la/ skad cig ma tha ma la sa bon med pa nyid du khas blang bar mi nus te/de med na tha ma nyid du mi srid pa'i phyir ro/ /de lta na ni tha ma nyid kyang mi srid do/ /gzugs brnyan du skye ba la ni sems kyi rjes su 'jug pa'i phyir skad cig ma nyid du rig par bya ste/ skad cig re re la sems kyi dbang gis de bzhin du skye ba'i phyir ro/ /de ltar ne re zhig nang gi 'du byed thams cad skad cig mar bsgrub pa yin no//da ni tshigs su bcad pa gsum gyis phyi'i skad cig ma nyid du sgrub ste/ 'byung ba rnams dang don rnam drug /skad cig nyid du brjod pa ni/ /skam dang 'phel dang rang bzhin gyis/ /g.yo dang 'phel dang 'grib pa'i phyir/ / 'byung ba de dang 'brel phyir dang / /yongs su 'gyur ba bzhi yi phyir/ /kha dog dri dang ro dang reg /'dra phyir de ni de dang 'dra/ /bud shing rag las 'jug pa'i phyir/ /je bas je cher dmigs pa'i phyir/ /sems rjes 'jug phyir dri ba'i phyir/ /des na phyir yang skad cig ma/ /phyi'i de gang zhe na/'byung ba chen po bzhi po dag dang / don rnam pa drug po kha dog dang dri dang ro dang reg bya dang sgra dang chos kyi skye mched pa'i gzugs te/ de bas na 'byung ba rnams dang / don rnam pa drug ni skad cig ma nyid du brjod do/ /ji ltar shes she na/ re zhig chu dag skam pa dang 'phel ba'i phyir te/chu mig dang mtsho dang mtshe'u la sogs par chu dag rim gyis 'phel ba dang / skam pa dmigs so/ /de gnyi ga la yang skad cig re re la yongs su 'gyur ba med par mi 'gyur te/ phyis kyang khyad par gyi rgyu med pa'i phyir ro/ /rlung ni rang bzhin gyis g.yo ba'i phyir dang / / 'phel ba dang 'grib pa'i phyir ro/ /gnas pa ni g.yo ba nyid du mi 'gyur te/ /'gro ba med pa'i phyir ro zhes bya ba ni rab tu bsgrubs zin to/ /'phel ba dang 'grib pa dag kyang med de/ /de kho na bzhin du gnas pa'i phyir ro/ /sa ni de dang 'brel pa'i phyir dang / yongs su 'gyur ba bzhi'i phyir ro/ /de zhes bya ba'i sgras ni chu yang bzung la rlung yang bzung ste/sa ni 'chags pa'i dus na rlung dang bcas pa'i chu dag las 'byung ngo / /de lta bas na de'i 'bras bu yin pa'i phyir/ de yang skad cig ma yin par rig par bya'o/ /sa la yongs su 'gyur ba rnam pa bzhi yang dmigs te/ las kyis byas pa ni sems can rnams kyi las kyi khyad par gyis so//gnod pas byas pa ni bsnun pa la sogs pas so/ /'byung bas byas pa ni me la sogs pas so/ /dus kyis byas pa ni dus gzhan gyi bar du yongs su gnas pas so/ /de yang skad cig re re la gzhan skye ba med par ni mi rung ste/ 'jigs pa'i rgyu med pa'i phyir ro/ /kha dog dang dri dang ro dang reg bya rnams ni sa la sogs pa dang rgyu 'dra ba'i phyir/ /de kho na bzhin du skad cig ma nyid du rig par bya'o/ /me ni bud shing la rag las te 'byung ba'i phyir skad cig ma nyid yin te/ me byung na me dang lhan cig 'byung ba'i bud shing de kho na bzhin du gnas pa ni med do//mjug tu bud shing med pa yang gnas par 'gyur du 'ong bas bud shing tshig pa'i me yang gnas par nus par rung ba ma yin no/ /tshigs su bcad pa sbyar ba'i ngor kha dog la sogs pa ni sngar brjod la me ni phyis brjod do/ /sgra yang dril bu la sogs pa'i dus gzhan gyi bar du dmigs pa gang yin pa de yang je bas je che bar dmigs pa'i phyir ro//skad cig ma nyid du rig par bya ste/ skad cig re re la skad cig ma nyid med par ni je bas je cher dmigs par mi 'gyur ro/ /chos kyi skye mched pa'i gzugs kyang sems kyi rjes su 'jug pa'i phyir skad cig ma nyid du grub pa kho na ste/ji skad du sngar bshad pa lta bu'o/ /de lta bas na phyi yang skad cig ma nyid du grub pa yin no/ /yang dri bas kyang 'du byed thams cad skad cig ma nyid du grub po/ /ji ltar byas pas she na/ re zhig skad cig ma ma yin par smra ba la ci'i phyir khyod 'du byed rnams mi rtag pa nyid du 'dod la/skad cig ma nyid du mi 'dod ces bya ba 'di dri bar bya'o/ /gal te de 'di skad du skad cig re re la mi rtag pa nyid mi 'dzin pa'i phyir ro zhes zer na / de la 'di skad ces brjod par bya ste/ mar me la sogs pa skad cig mar rab tu gru pa'i dngos po dag la yang mi g.yo ba'i gnas skabs na de mi 'dzin pa'i phyir skad cig ma nyid ma yin par ci'i phyir mi 'dod/gal te 'di skad du snga ma bzhin du phyis mi 'dzin pa'i phyir ro zhes zer na/ de la 'di skad ces brjod par bya ste/ 'du byed rnams la yang ci'i phyir de ltar mi 'dod/gal te 'di skad du mar me la sogs pa ni de dag las gzhan pa'i 'du byed rnams dang mi 'dra ba'i phyir ro zhes zer na/ de la 'di skad ces brjod par bya ste/ mi 'dra ba ni rnam pa gnyis te/ ngo bo nyid mi 'dra ba dang / 'jug pa mi 'dra ba'o/ /de la gal te re zhig ngo bo nyid mi 'dra ba yin par 'dod na de nyid kyi phyir dpe nyid du rung ngo //de'i ngo bo nyid kho na ni de'i dper mi 'gyur te/ dper na mar me'i mar me dang / ba lang gi ba lang lta bu'o/ /'on te 'jug pa mi 'dra ba yin no zhe na/ de nyid kyi phyir dpe nyid du rung ste/ mar me la sogs pa ni skad cig ma nyid kyi rjes su 'jug par rab tu grub pa'i phyir ro//yang de la khyod ci bzhon pa 'dug la bzhon pa la zhon pa 'gro bar 'dod dam zhes bya ba 'di 'dri bar bya'o/ /gal te ma yin no zhes zer na/ de la 'di skad ces brjod par bya ste/ mig la sogs pa gnas la de dag la brten pa'i rnam par shes pa rgyun gyis 'gro'o zhes bya bar ni mi rung ngo //gal te 'di skad du snying po la brten pa'i mar me rgyun gyis 'gro la snying po ni gnas par mthong ba ma yin nam zhes zer na/ de la 'di skad ces brjod par bya ste/ ma mthong ste/ de'i rgyun gyi snying po skad cig re re la 'gyur ba skye ba'i phyir ro//gal te 'di skad du 'du byed rnams skad cig ma nyid yin na ci'i phyir mar me bzhin du skad cig ma nyid du ma grub ces zer na/ de la 'di skad ces brjod par bya'o / /phyin ci log gi gzhi yin pa'i phyir te/ rgyun 'dra ba 'jug pas 'di dag gi skad cig ma nyid mi shes te/'di ltar gzhan dang gzhan nyid yin mod kyi/ de nyid 'di yin no snyam pa'i phyin ci log skye'o/ /de lta ma yin na mi rtag pa la rtag par phyin ci log par yang mi 'gyur ro/ /de med na kun nas nyon mongs par yang mi 'gyur na rnam par byang ba lta smos kyang ci dgos/ de ltar na brgal zhing brtag pa'i sgo nas kyang 'du byed thams cad skad cig ma nyid du rab tu grub po//gang zag la bdag med pa rab tu bsgrub pa'i phyir bdag med pa rnam par dbye ba'i tshigs su bcad pa bcu gnyis te/ gang zag btags par yod nyid du/ /brjod bya rdzas su ma yin no/ / mi dmigs phyin ci log pa dang / /kun nas nyon mongs nyon mongs rgyu/ /nyes pa gnyis phyir de las 'di/ /gcig dang gzhan du brjod bya min/ /phung po bdag tu thal ba dang / /de rdzas nyid du thal 'gyur phyir/ /gal te rdzas yod brjod min pa'i/ /dgos pa yang ni brjod dgos so//gcig dang gzhan du brjod min pa/ /dgos pa med par mi rigs so/ /mtshan nyid dang ni 'jig rten na/ /mthong phyir bstan bcos sgo nas kyang / /bud shing me bzhin gnyis su ni/ /brjod min mi rung dmigs phyir ro/ /gnyis yod rnam shes skye ba'i phyir/ /de rkyen ma yin don med phyir//de phyir lta ba po nas ni/ /grol po'i bar du mi 'gyur ro/ /bdag po nyid cig yin na ni/ /mi rtag mi 'dod 'byung mi byed/ /de las mtshan nyid grub dgos te/ /rdzogs pa'i byang chub gsum la gnod/ /nyes pa gsum phyir lta sogs la/ /de yi byed pa rang byung min//byed pa de yi rkyen can yang / /lta sogs byed pa med pa yin/ /byed po min phyir mi rtag phyir/ /cig car rtag tu 'jug pa'i phyir/ /lta la sogs pa byed pa ni/ /rang 'byung nyid du mi rung ngo / /de bzhin gnas dang zhig pa ni/ /snga na med dang mi rtag dang //phyogs gsum pa yang med pa'i phyir/ /rkyen nyid du ni mi rung ngo / /'di ltar chos rnams thams cad ni/ /bdag med dam pa'i don du na/ /stong nyid bdag tu dmigs pa ni/ /nyes par bshad pa kho na yin/ /kun nas nyon mongs rnam byang ba'i/ /gnas skabs gcod pa'i bye brag dang //'jug dang rgyun gyi bye brag kyang / /gang zag gis ni nye bar bstan/ /bdag tu lta ba skyed mi dgos/ /goms pa thog ma med dus can/ /gang zag yod na thams cad ni/ /'bad med thar pa'am thar pa med/ /ci gang zag yod pa zhes brjod par bya ba'am/ med pa zhes brjod par bya zhe na/ bshad pa/ gang zag btags par yod nyid du/ /brjod bya rdzas su ma yin no/ /'di ltar gang gi phyir gang zag btags par ni yod do zhes brjod par bya la rdzas su ni med do zhes brjod par bya ste/ /de ltar mgo gcig tu smra ba ma yin pa'i smra ba yongs su bzung na med pa nyid kyi nye ba'i go skabs su yang mi 'gyur la/yod pa nyid kyi yang ma yin no/ /yang de rdzas su med do zhes bya ba ji ltar rig par bya zhe na/ mi dmigs pa'i phyir te/ de ni gzugs la sogs pa bzhin du rdzas su mi dmigs so/ /dmigs pa zhes bya ba ni blos rtogs pa yin na/gang zag ni gang zag tu smra ba rnams kyis blos mi rtogs pa yang ma yin la/ bcom ldan 'das kyis kyang mthong ba'i chos kho na la bdag tu dmigs shing 'dogs par byed do zhes gsungs na/ ji ltar mi dmigs pa yin zhe na/ de de ltar dmigs pa ni rdzas su dmigs pa ma yin no//ci'i phyir zhe na/ phyin ci log pa'i phyir te/ 'di ltar bcom ldan 'das kyis bdag med pa la bdag go snyam du phyin ci log go zhes gsungs so/ /de lta bas na de ltar gang zag tu 'dzin pa gang yin pa de ni phyin ci log yin no/ /'di ji ltar rtogs she na/ kun nas nyon mongs pa'i phyir te/'di lta ste/ nga dang nga'i zhes bya ba ni 'jig tshogs la lta ba'i nyon mongs pa'i mtshan nyid kyi kun nas nyon mongs pa yin te/ phyin ci ma log pa ni kun nas nyon mongs par 'gyur bar 'os pa ma yin no/ /de kun nas nyon mongs pa yin no zhes bya bar yang ji ltar rig par bya zhe na/nyon mongs pa'i rgyu yin pa'i phyir te/ 'di ltar 'dod chags la sogs pa nyon mongs pa rnams ni de'i rgyu can du skye'o / /yang gzugs la sogs pa zhes bya ba'i gzhi gang la gang zag ces 'dogs pa gang yin pa de dang ci gang zag gcig pa nyid du brjod par bya'am/'on te gzhan pa nyid du brjod par bya zhe na/ bshad pa/ de las 'di/ gcig dang gzhan du brjod bya min/ /ci'i phyir zhe na/ nyes pa gnyis kyi phyir ro/ /nyes pa gnyis po gang gi phyir zhe na/ phung po bdag tu thal ba dang / /de rdzas nyid du thal 'gyur phyir//gcig pa nyid yin na ni phung po rnam kyang bdag nyid du thal bar 'gyur la/ gang zag kyang rdzas nyid du thal bar 'gyur ro/ /gzhan nyid yin na ni gang zag rdzas su yod pa nyid du thal bar 'gyur ro/ /de ltar na gang zag btags par yod pa'i phyir/ brjod par bya ba ma yin pa nyid du rigs te/de nyid kyis lung du ma bstan pa'i dngos por yang grub po/ /gang dag ston pa'i bstan pa las 'das te/ gang zag rdzas su yod pa nyid du 'dod pa de dag la/ 'di skad ces brjod par bya'o/ /gal te rdzas yod brjod min pa'i/ /dgos pa yang ni brjod dgos so//ci'i phyir zhe na/ /gcig dang gzhan du brjod min pa/ /dgos pa med par mi rigs so/ /'on te dpe tsam gyis gang zag brjod par bya ba ma yin pa nyid du 'dod de/ dper na bud shing las me gzhan dang gzhan nyid ma yin par brjod par bya ba ma yin pa lta bu'o zhe na/de dag la 'di skad ces brjod par bya ste/ mtshan nyid dang ni 'jig rten na/ /mthong phyir bstan bcos sgo nas kyang / /bud shing me bzhin gnyis su ni/ /brjod min mi rung dmigs phyir ro / /gcig pa nyid dang gzhan pa nyid du ste/ me zhes bya ba ni me'i khams so//bud shing ni 'byung ba lhag ma rnams te/ de dag gi mtshan nyid tha dad pas bud shing las me gzhan pa kho na yin no/ /'jig rten na me med par yang shing la sogs pa bud shing mthong la/ bud shing med par yang me mthong bas gzhan pa nyid grub po/ /bstan bcos las kyang bcom ldan 'das kyis gang du yang me dang bud shing dag brjod du med par ma gsungs bas 'di ni rigs pa ma yin no//bud shing med par me yod do zhes bya ba 'di ji ltar shes she na/ dmigs pa'i phyir te/ 'di ltar me rlung gis khyer ba na 'bar bzhin du rgyangs bcad par yang 'gro'o//'on te yang de na ni rlung bud shing yin no zhe na/ de nyid kyi phyir me dang bud shing dag tha dad pa nyid du grub po/ /gang las she na/ gnyis su ni dmigs pa'i phyir zhes skabs su bab pa'o/ /gnyis ni der me dang bud shing nyid du dmigs pa yin no//mthong ba po nas rnam par shes pa po'i bar dang / byed pa po dang / za ba po dang / shes pa po dang / grol pa po gang yin pa'i gang zag de ni yod pa kho na'o zhe na/ de ni mthong ba por yang mi rung la grol ba po'i bar du yang mi rung ste/ de ni lta ba zhes bya ba la sogs pa'i ming can rnam par shes pa rnams la rkyen gyi ngo bo'am bdag po la sogs pa'i rkyen gyis byed pa po zhig tu 'gyur grang na//de la re zhig /gnyis yod rnam shes skye ba'i phyir/ /de rkyen ma yin/ ci'i phyir zhe na/ don med pa'i phyir te/ de la de'i mthu ni cung zad kyang ma mthong ngo / /bdag po nyid gcig yin na ni/mi rtag mi 'dod 'byung mi byed/ /de rnam par shes pa 'byung ba la bdag po nyid gcig yin na ni/ rnam par shes pa 'dod pa mi rtag pa yang 'byung bar mi byed la/ mi 'dod pa yang 'byung bar mi byed pa kho na'o/ /de lta bas na gnyi ga ltar yang mi srid pa'i phyir/de ni mthong ba po nas grol ba po'i bar yin par mi rung ngo / /gzhan yang gal te gang zag rdzas su yod na de'i las mtshan nyid bsgrub dgos te/ gang zhig rdzas su yod pa de'i ni las dang mtshan nyid kyang dmigs te/ dper na mig la sogs pa'i lta ba la sogs pa dang /gzugs dang ba la sogs pa lta bu yin no / gang zag gis ni de lta yang ma yin te/ de lta bas na de ni rdzas su med do/ /de rdzas su 'dod na/ sangs rgyas bcom ldan 'das kyi rdzogs par byang chub pa rnam pa gsum po zab mo mngon par rdzogs par byang chub pa dang thun mong ma yin pa mngon par rdzogs par byang chub pa dang /'jig rten las 'das par mngon par rdzogs par byang chub pa la yang gnod par 'gyur ro/ /gang zag mngon par rtogs pas ni zab mo yang cung zad kyang mngon par rdzogs par byang chub par yang mi 'gyur la/ gzhan mu stegs can dang thun mong ma yin pa yang ma yin/'jig rten na ma 'dres pa yang ma yin te/ 'di ltar 'dzin pa de ni 'jig rten thams cad kyis go ba/ mu stegs can mngon par zhen pa/ yun ring po nas 'khor ba na 'dres pa yang yin no/ /gzhan yang gang zag mthong ba po nas rnam par shes pa po'i bar zhig yin na de lta ba la sogs pa la byed pa dang bcas pa'am/byed pa med pa zhig tu 'gyur grang na/ byed pa dang bcas pa'i byed pa de yang rang byung ba glo bur ba'am/ de'i rkyen can zhig tu 'gyur grang na/ nyes pa gsum phyir lta sogs la/ /de yi byed pa rang byung min//nyes pa gsum po 'chang ba de nyid kyi phyir byed pa de'i rkyen yang min zhes bya bar sbyar ro/ /byed pa med pa yin na ni/ lta sogs byed pa med pa yin/ /zhes bya ba 'grub par 'gyur te/ gang zag lta ba la sogs pa la byed pa med na ji ltar lta ba po nas rnam par shes pa po'i bar yin/nyes pa gsum gyi phyir zhes bshad pa nyes pa gsum po gang gi phyir zhe na/ byed po min phyir mi rtag phyir/ /cig car rtag tu 'jug pa'i phyir/ /lta la sogs pa byed pa ni/ /rang byung nyid du mi rung ngo / /gal te lta ba la sogs pa la gang las mthong ba la sogs par 'gyur ba'i byed pa glo bur ba zhig yin na/'o na ni gang zag de dag gi byed pa po ma yin pas ji ltar de mthong ba po nas rnam par shes pa po'i bar yin/ yang glo bur ba nyid yin na ni/ ltos pa med pa'i phyir nam yang byed pa med par mi 'gyur bas mi rtag par mi 'gyur ro/ / byed pa rtag pa yin na yang mthong ba la sogs pa cig car dang rtag tu 'byung bar 'gyur ba'i nyes par 'gyur ro/ /de lta bas na lta ba la sogs pa la byed pa rang byung ba nyid du mi rung ngo / /de bzhin gnas dang zhig pa ni/ /snga na med dang mi rtag dang / /phyogs gsum pa yang med pa'i phyir//rkyen nyid du ni mi rung ngo / /'on te byed pa gang zag gi rkyen can yin no zhe na/ gnas pa de ni rkyen nyid du rung ba ma yin te/ snga na med pa'i phyir ro/ /de de'i rkyen nyid yin na ni gang zag ni nam yang med pa ma yin pas ci'i phyir/ sngon rol gang gi tshe ma skyes pa na byed pa med par 'gyur/zhig pa yang rkyen nyid du mi rung ste/ gang zag mi rtag pa nyid du thal bar 'gyur ba'i phyir ro/ /phyogs gsum pa gnas pa yang yin la/ zhig pa yang yin no zhes bya ba ni 'ga' yang med pas byed pa de'i rkyen can nyid du rung ba ma yin te/ de ltar na re zhig rigs pa la brten nas gang zag rdzas su mi dmigs pa yin no//'di ltar chos rnams thams cad ni/ /bdag med dam pa'i don du na/ /stong nyid bdag tu dmigs pa ni/ /nyes par bshad pa kho na yin/ /bcom ldan 'das kyis chos kyi mod dag las ni/ chos thams cad ni bdag med pa'o zhes bshad do//don dam pa stong pa nyid las ni las kyang yod/ las kyi rnam par smin pa yang yod kyi chos su brdar btags pa ma gtogs pa gang zhig phung po 'di dag 'dor zhing phung po gzhan nying mtshams sbyor bar byed pa'i byed pa po ni mi dmigs so zhes bshad do//lnga pa las ni bdag tu dmigs pa la nyes dmigs lnga ste/ bdag tu lta ba dang / srog tu lta bar 'gyur/ mu stegs can rnams dang khyad par med par 'gyur/ lam gol bar zhugs par 'gyur/ stong pa nyid la yang 'di'i sems 'jug par mi 'gyur/ dad par mi 'gyur/ yang dag par gnas par mi 'gyur/ mos par mi 'gyur/ 'di'i 'phags pa'i chos rnams kyang rnam par byang bar mi 'gyur ro zhes bshad do / de ltar na lung gi sgo nas kyang rung ba ma yin no/ /bcom ldan 'das kyis kyang kun shes pa dang ldan pa dang / khur khyer ba dang dad pas rjes su 'brang ba la sogs pa'i gang zag rnam par gzhag pa'i sgo nas gang zag kyang de dang de las bshad de/rdzas su med pa nyid gcig yin na ni/ ci'i phyir bshad ce na/ kun nas nyon mongs rnam byang ba'i/ /gnas skabs gcod pa'i bye brag dang / /'jug dang rgyun gyi bye brag kyang //gang zag gis ni nye bar bstan/ /kun nas nyon mongs pa dang rnam par byang ba'i gnas skabs dang / gcod pa'i bye brag dag dang / de dag gi 'jug pa'i bye brag dag dang / rgyun gyi bye brag ni gang zag gdags pa med par bshad par mi nus so/ /de la yongs su shes pa'i mdo las ni/yongs su shes par bya ba'i chos rnams ni kun nas nyon mongs pa'o/ /yongs su shes pa ni rnam par byang ba'o zhes bshad do / /khur khyer ba'i mdo las ni/ khur dang khur khyer ba ni kun nas nyon mongs pa'o/ /khur 'dor ba ni rnam par byang ba'o zhes bshad pa de dag gi 'jug pa'i bye brag dang /rgyun gyi bye brag kyang kun shes pa dang ldan pa dang / khur khyer ba'i gang zag gdags pa med par bshad mi nus la/ byang chub kyi phyogs dang mthun pa'i chos kyi gnas skabs sbyor ba dang / mthong ba dang / sgom pa dang / mthar thug pa'i lam gyi bye brag gi rnam pa du ma zhig yod pa de dag gi 'jug pa'i bye brag dang /rgyun gyi bye brag kyang dad pas rjes su 'brang ba la sogs pa'i gang zag gdags pa med par bshad par mi nus te/ gang zag rdzas su med pa nyid gcig yin na ni ci'i phyir bshad ces bya ba 'di la tshul ni 'di lta bu yin par rig par bya'o//de lta ma yin na/ gang zag bshad pa dgos pa med par 'gyur te/ re zhig 'di bdag tu lta ba bskyed pa'i phyir/ dgos pa ni ma yin te/ 'di ltar bdag tu lta ba bskyed mi dgos/ gna' nas skyes zin pa'i phyir ro/ /de goms par bya ba'i phyir yang ma yin te/'di ltar/ goms pa thog ma med dus can/ /gal te yang bdag tu lta bas thar pas 'di bshad do zhe na/ de lta yin na ni/ thams cad 'bad pa med par thar bar 'gyur te/ /'di ltar bdag tu lta ba ni/ bden pa ma mthong ba thams cad la yod do//yang na ni thar pa med pa kho nar 'gyur te/ ji ltar sdug bsngal la sngar sdug bsngal du ma bzung ba las phyis 'dzin pa lta bur/ sngar bdag la bdag med par ma bzung ba las/ bden pa mngon par rtogs pa'i dus na bdag tu 'dzin pa ni 'ga' yang med kyi/ sngon ji lta ba phyis kyang de dang 'dra bar thar par mi 'gyur ro//yang bdag cig yod na ni gdon mi za bar ngar 'dzin pa dang / nga yir 'dzin pa dag gis bdag la sred pa dang / de'i rgyu can gyis nyon mongs pa dag gdon mi za bar 'byung bar 'gyur bas de'i phyir yang thar par mi 'gyur ro/ /yang na ni gang zag yod par khas blang bar mi bya ste/de yod na ni gdon mi za bar nyes pa 'di dag tu thal bar 'gyur ro/ /de ltar yon tan de dag dang / /rtag ldan byang chub sems dpa' ni/ /bdag nyid don yang mi 'dor zhing / /gzhan gyi don yang sgrub par byed/ /ngo tsha shes pa dang brtan pa la sogs pa'i yon tan rnams kyi las mdor bstan pa yin no// byang chub kyi phyogs dang mthun pa'i skabs rdzogs so// //ngo mtshar che ba rnam par dbye ba'i tshigs su bcad pa gsum ste/ rang gi lus dang sdom pa'i phyir/ /phun sum tshogs pa yongs gtong dang / /nyam chung rnams la bzod pa dang //lus dang srog la mi lta bar/ /brtson 'grus rtsom dang bsam gtan gyi / /bde la ro myong med nyid dang / /shes rab la ni mi rtog pa/ /blo ldan rnams kyi ngo mtshar 'dod/ /de bzhin gshegs rigs skye ba dang / /lung bstan pa dang dbang bskur dang / /byang chub rab tu thob pa yang //ngo mtshar che ba yin par 'dod/ /de la tshigs su bcad pa gnyis kyis ni pha rol tu phyin pa drug las brtsams te/ /sgrub pa'i ngo mtshar che ba bshad do/ /sbyin pa la ni rang gi lus gtong ba ngo mtshar che la/ tshul khrims kyi sdom pa'i ched du ni phun sum tshogs pa rgya chen po gtong ba ngo mtshar che'o //lhag ma ni don go bar zad do/ /tshigs su bcad pa gsum pas ni/ byang chub sems dpa'i 'bras bu bzhi las brtsams te 'bras bu'i ngo mtshar che ba bshad de/ sa dang po dang brgyad pa dang bcu pa la slob pa'i 'bras bu gsum dang / sangs rgyas kyi sa la mi slob pa'i 'bras bu bzhi pa mchog yin no//ngo mtshar mi che ba rnam par dbye ba'i tshigs su bcad pa/ 'dod chags bral dang snying rje dang / /de bzhin sgom mchog thob pa dang / /sems mnyam phyir na de dag la/ /sbyor ba ngo mtshar che ma yin/ /de dag la zhes bya ba ni pha rol tu phyin pa rnams la ste/'dod chags dang bral ba la brten nas sbyin pa la sbyor ba la ngo mtshar mi che'o/ /snying rje la brten nas tshul khrims dang bzod pa dang / sgom pa mchog la brten nas sa brgyad pa la mngon par 'du byed pa med cing rnam par mi rtog pa'i brtson 'grus la sogs pa la sbyor ba ngo mtshar mi che'o//bdag dang gzhan mnyam pa'i sems nyid la brten nas pha rol tu phyin pa thams cad la sbyor ba yang ngo mtshar mi che ba nyid de/ bdag nyid kyi don bzhin du gzhan gyi don la skyo ba med pa'i phyir ro/ /sems mnyam pa nyid kyi tshigs su bcad pa gsum ste/ ji ltar blo ldan sems can la//rab tu byams par gyur pa ltar/ /sems can bdag dang chung ma dang / /bu bshes gnyen la de lta min/ /don gnyer ba la phyogs med dang / /tshul khrims rtag tu ma nyams dang / /kun tu bzod cing thams cad phyir/ /brtson 'grus chen po rtsom pa dang //rtag tu bsam gtan dge ba dang / /shes rab rnam par mi rtog nyid/ /byang chub sems dpa' de dag la/ /de ltar sems mnyam shes par bya/ /tshigs su bcad pa gcig gis ni sems can rnams la sems mnyam pa bstan to/ /gnyis kyis ni pha rol tu phyin pa rnams la'o//sems can rnams ni bdag nyid la sogs pa la byams pa mnyam pa nyid dang ldan pa yang ma yin la gtan du ba yang ma yin te/ 'di ltar res 'ga' bdag nyid kyang gsod par byed do/ /byang chub sems dpa' rnams kyi ni sems can thams cad la mnyam pa nyid dang /gtan du ba yin no/ /pha rol tu phyin pa rnams la sbyin pa la sems mnyam pa nyid ni don du gnyer ba la phyogs med pa'i phyir ro/ /tshul khrims la ni rtag tu phra rab tsam yang mi nyams pa'i phyir ro/ /kun tu bzod cing zhes bya ba ni yul dang dus dang sems can rnams la bye brag med par ro//thams cad kyi phyir brtson 'grus rtsom pa ni rang dang gzhan gyi don dang dge ba thams cad kyi don du mnyam par sbyor ba'i phyir ro/ /lhag ma ni don go bar zad do/ /phan 'dogs pa nyid rnam par dbye ba'i tshigs su bcad pa bcu drug ste/ snod nyid du ni byed pa dang //tshul khrims dag la 'god pa dang / /gnod pa la ni bzod pa dang / /don byed par ni 'gro ba dang / /bstan pa 'di la 'dzud pa dang / /the tshom gcod par byed pa 'di/ /blo ldan rnams kyi sems can la/ /phan 'dogs nyid du 'dod pa yin/ /tshigs su bcad pa 'di gnyis kyis ni pha rol tu phyin pa drug gis byang chub sems dpa' rnams kyi phan 'dogs pa nyid ji lta bu yin pa de yongs su bstan te//sbyin pas ni sems can rnams dge ba bya ba la snod nyid du byed do/ /bsam gtan gyis 'dzud par byed do / /mthu'i khyad par dang ldan pa'i phyir ro// tshigs su bcad pa lhag ma rnams kyis ni phan 'dogs pa nyid ma la sogs pa dang chos mthun par bstan te/ gang dag rtag tu sems can rnams/ /bsam pa mnyam pas 'dzin byed cing / /'phags pa'i sa la bskyed pa dang / /dge ba 'phel bar byed pa dang //nyes byas las ni yongs bsrung dang / /thos pa byang bar byed pa ni/ /las lnga dag gis rgyal sras rnams/ /sems can ma dang 'dra ba yin/ /sems can gyi ma dang 'dra ba ni sems can rnams kyi ma lta bu'o/ /ma ni bu rnams la phan pa rnam pa lnga byed de/khong na 'dzin par byed/ skyed par byed/ snun par byed/ gso bar byed/ kun tu skyed par byed/ ngam grog las kyang srung bar byed/ smra ba la yang slob par byed do/ /byang chub sems dpa' rnams kyi las lnga po 'di dag kyang de dang chos mthun par rig par bya ste/ 'phags pa'i sa ni 'phags pa'i chos yin par rig par bya'o / /sems can kun la rtag par ni/ /dad pa skyed par byed pa dang / /lhag pa'i khrims sogs slob pa dang / /rnam par grol la sbyor ba'i phyir/ /sangs rgyas la ni gsol ba dang / /de dag sgrib pa sbyong ba'i phyir//las lnga dag gis rgyal sras rnams/ /sems can pha dang 'dra ba yin/ /pha ni bu rnams la phan pa rnam pa lnga byed de/ de dag gi sa bon 'debs par byed/ bzo slob par byed/ thab rir bab pa'i chung ma len par byed/ bshes gnyen dam pa dag la 'doms par byed/ ji ltar pha'i bu lon des gzhal dgos pa med pa ltar chags nyen med par byed do/ /byang chub sems dpa'i las lnga po 'di dag kyang / de dang chos mthun par rig par bya ste/ byang chub sems dpa' rnams kyi 'phags pa'i lus thob pa'i sa bon ni dad pa yin no/ /bzo ni slob pa yin no//chung ma ni rnam par grol ba ste/ rnam par grol ba'i dga' ba dang bde ba yang dag par myong ba'i phyir ro/ /dge ba'i bshes gnyen dag ni sangs rgyas rnams so/ /chags nyen lta bu ni sgrib pa'o/ /gang dag bstan par mi 'os pa/ /sems can rnams la gsang byed cing //bslab las nyams la smod pa dang / /phun sum tshogs pa bsngags pa nyid/ /gdams ngag sbyin par byed pa dang / /bdud rnams sbron par byed pa ste/ /las lnga dag gis rgyal sras rnams/ /sems can rtsa lag 'dra ba yin/ /rtsa lag dag ni rtsa lag rnams la phan pa rnam pa lnga byed de/gsang bar bya ba gsang bar byed/ spyod pa ngan pa la smod par byed/ spyod pa bzang po la bsngags par byed/ bya ba rnams la grogs kyi ngo bor 'gro bar byed/ nyam nga ba'i gnas dag las zlog par byed do/ /byang chub sems dpa'i rnams kyi las lnga po 'di dag kyang de dang chos mthun par rig par bya ste/'os pa ma yin pa dag la zab mo bshad pa gsang ba'i phyir dang / bslab pa nyams pa dang / phun sum tshogs pa dag la go rims bzhin du smod pa dang bsngags pa'i phyir dang / rtogs par bya ba'i ched du 'doms pa'i phyir dang / bdud kyi las sbron pa'i phyir ro//kun nas nyon mongs rnam byang la/ /gang dag rang blo ma 'khrul ba/ /'jig rten 'jig rten min pa yi/ /phun tshogs zad par sbyin par byed/ /skyo ba med pas mi phyed cing / /rtag tu phan dang bde 'dod pa/ /las lnga dag gis rgyal sras rnams//sems can grogs po 'dra ba yin/ /grogs po'i phan pa dang bde ba la phyin ci mi log pa dang / bde ba dang phan pa nye bar sgrub pa dang / mi phyed par 'gyur ba dang / rtag tu phan pa dang bde ba 'dod pa gang yin pa de ni grogs po yin te/ de bzhin du byang chub sems dpa' rnams kyang las lngas sems can rnams la phan 'dogs par rig par bya'o//'jig rten pa'i phun sum tshogs pa ni bde ba ste/ des bde ba nyams su myong ba'i phyir ro/ /'jig rten las 'das pa ni phan pa ste/ kun nas nyon mongs pa'i nad kyi gnyen po'i phyir ro//gang dag sems can smin bya la/ /rtag tu brtson pa dang ldan zhing / /yang dag nges par 'byung ba smra/ /log par sgrub pa rnams la bzod/ /phun sum tshogs pa gnyis sbyin byed/ /de yi thabs la mkhas pa ni/ /las lnga dag gis rgyal sras rnams//sems can bran dang 'dra ba yin/ bran ni jo bo la las lngas yang dag par 'jug ste/ ldang ba phun sum tshogs pa yin/ bya ba rnams la mi bslu ba yin/ spyo ba dang brdeg pa la sogs pa la bzod pa yin/ dgos pa thams cad byed pa'i phyir gzo pa yin/mkhas shing thabs shes pa yin no/ /byang chub sems dpa' rnams kyi las lnga po 'di dag kyang de dang chos mthun par rig par bya ste/ phun sum tshogs pa gnyis ni 'jig rten dang 'jig rten las 'das pa yin par rig par bya'o/ /gang dag mi skye'i chos la ni/ / bzod pa thob par 'dod pa dang / /theg pa thams cad ston pa dang / /rnal 'byor grub par sbyor ba dang / /bzhin mdzes lan du phan 'dogs dang / /rnam par smin la mi lta ba/ /las lnga dag gis rgyal sras rnams/ /sems can slob dpon 'dra ba yin/ /slob dpon ni slob ma rnams la las rnam pa lngas phan 'dogs par 'gyur te/bdag nyid legs par bslab pa yin/ thams cad slob pa yin/ myur du slob pa yin/ bzhin mdzes shing nges pa'i rang bzhin can yin / /sems la zang zing med pa yin no/ /byang chub sems dpa' rnams kyi las lnga po 'di dag kyang de dang chos mthun par rig par bya'o//sems can don la shin tu brtson/ /tshogs rnams rdzogs par byed pa dang / /tshogs bsags myur du grol bar byed/ /mi mthun phyogs ni spong byed cing / /'jig rten 'jig rten ma yin pa'i/ /phun sum sna tshogs la sbyar ba//las lnga dag gis rgyal sras rnams/ /sems can mkhan po 'dra ba yin/ /mkhan po ni lhan cig gnas pa rnams la las rnam pa lngas phan 'dogs pa yin te/ rab tu 'byin par byed/ /bsnyen par rdzogs par byed/ /nyes pa yongs su spangs pa la rjes su ston par byed/zang zing dang / chos kyis yongs su sdud par byed do/ /byang chub sems dpal rnams kyi las lnga po 'di dag kyang de dang chos mthun par rig par bya'o/ /lan du phan 'dogs pa'i rnam par dbye ba'i tshigs su bcad pa gnyis te/ longs spyod rnams la ma chags dang / /tshul khrims nyams pa med pa dang //byas pa gzo dang ldan pa dang / /sgrub pa la yang sbyor ba'i phyir/ /pha rol phyin pa drug po la/ /de ltar 'jug pa'i lus can dag /byang chub sems dpa' rnams la ni/ /de bzhin lan du phan 'dogs yin/ /de bzhin zhes bya ba ni ji ltar byang chub sems dpa' rnams de dag la phan 'dogs pa bzhin du'o//de la longs spyod rnams la ma chags pas ni sbyin pa la 'jug go/ /tshul khrims nyams pa med pas ni tshul khrims la'o/ /phan 'dogs pa'i byang chub sems dpa' la drin chags pa'i sgo nas byas pa gzo ba dang ldan pas ni bzod pa la ste/de dag ni bzod pa la dga' bas so/ /sgrub pa la sbyor bas ni/ brtson 'grus dang bsam gtan dang / shes rab dag la ste/ gang gis dang gang du bsgrub pa'i phyir ro/ /smon pa rnam par dbye ba'i tshigs su bcad pa/ rtag tu 'phel dang nyams pa dang //sems can rab tu smin pa dang / /sa la khyad par 'gro ba dang / /bla na med pa'i byang chub 'dod/ /byang chub sems dpa' rnams ni rtag tu pha rol tu phyin pa 'phel ba dang / de'i mi mthun pa'i phyogs nyams pa dang / sems can yongs su smin pa dang / sa la khyad par du 'gro ba dang /bla na med pa yang dag par rdzogs pa'i byang chub ste gnas lnga 'dod do/ /sbyor ba chud mi za ba nyid rnam par dbye ba'i tshigs su bcad pa/ 'jigs spangs yang dag bskyed pa dang / /the tshom dag ni gcod pa dang / /sgrub pa yi ni gdams ngag la/ /rgyal sras rtag tu chud mi za//byang chub sems dpa' rnams kyi sbyor ba ni/ sems can gyi don rnam pa bzhi po chos zab cing rgya che ba la skrag pa spang ba dang / byang chub kyi sems yang dag par bskyed pa dang / byang chub kyi sems bskyed pa rnams kyi the tshom gcod pa dang / pha rol tu phyin pa bsgrub pa'i gdams ngag la chud mi za ba yin par rig par bya'o//yang dag par sbyor ba nyid rnam par dbye ba'i tshigs su bcad pa gnyis te/ re ba med pa'i sbyin pa dang / /yang srid mi 'dod tshul khrims dang / /thams cad la ni bzod pa dang / /yon tan kun 'byung brtson 'grus dang //de bzhin bsam gtan gzugs med yin / /shes rab thabs dang ldan pa ni/ /pha rol phyin pa drug po la/ /brtan pa rnams kyi yang dag sbyor/ /ji skad du dkon mchog brtsegs pa las/ rnam par smin pa la re ba med pa'i sbyin pa dang zhes bya ba la sogs pa rgyas par 'byung ba lta bu'o//yongs su nyams pa dang khyad par du 'gyur ba'i skal pa can gyi chos rnam par dbye ba'i tshigs su bcad pa gnyis te/ longs spyod chags dang nyams bcas dang / /nga rgyal nyid dang bsod nyams dang / /ro myang ba dang rnam rtog ni/ /brtan pa rnams kyi nyams pa'i rgyu//de dag gnyen po la gnas pa'i/ /byang chub sems dpa' rnams kyi ni/ /de las bzlog phyir khyad par gyi/ /skal can chos su shes par bya/ /pha rol tu phyin pa drug gi mi mthun pa'i phyogs ni nyams pa'i skal ba can yin la/ de dag gi gnyen po ni/ khyad par du 'gyur ba'i skal ba can yin par rig par bya'o//bcos ma dang yang dag pa'i yon tan rnam par dbye ba'i tshigs su bcad pa gnyis te/ gcig ni rtsa ba drug pa yin no/ /sprul pa dang ni tshul 'chos dang / /bzhin mdzes pa ni ston pa dang / /de bzhin 'phral la 'jug pa dang / / lus dang ngag ni zhi ba dang / /de bzhin smra mkhas phun sum tshogs/ /de dag sgrub dang bral ba ni/ /byang chub sems dpa' rnams dag gi /yang dag min pa nyid du bshad/ /bzlog par rab tu sbyor rnams kyi/ /de dag yang dag nyid du bshad/ /byang chub sems dpa' rnams kyi yon tan sprul pa la sogs pa drug ni pha rol tu phyin pa drug gi bcos ma yin par rig par bya'o//lhag ma ni don go bar zad do/ /'dul ba rnam par dbye ba'i tshigs su bcad pa/ blo ldan de dag sa kun tu/ /sbyin la sogs pa nyer bsgrubs pas/ /sems can rnams kyi mi mthun phyogs//rnam pa drug ni 'dul bar byed/ /pha rol tu phyin pa drug gi mi mthun pa'i phyogs ni rnam pa drug ste/ ser sna dang / 'chal ba'i tshul khrims dang / khong khro ba dang / le lo dang / rnam par g.yeng ba dang / 'chal ba'i shes rab dag dang / go rims bzhin no//lhag ma ni don go bar zad do/ /lung bstan pa rnam par dbye ba'i tshigs su bcad pa gsum ste/ gang zag dus kyi bye brag gis/ /blo ldan lung bstan rnam pa gnyis/ /byang chub dang ni lung ston pa/ /gzhan yang chen por brjod pa ni/ /mi skye bzod pa thob pa yis//nga rgyal rtsol ba spangs pa dang / /sangs rgyas rgyal sras thams cad dang / /ngo bo gcig tu gyur pa las/ /yang de zhing dang ming dang ni/ /dus dang bskal ba'i ming dang ni/ /'khor dang dam pa'i chos dag kyang / /gnas pa'i sgo nas der 'dod do/ /de la gang zag gi bye brag gis lung ston pa ni//gang zag rigs la gnas pa sems bskyed pa mngon sum dang / mngon sum ma yin par gnas pa la lung ston pa'i phyir ro/ /dus kyi bye brag gis ni dus dpag tu yod pa dang / /dpag tu med par lung ston pa'i phyir ro/ /gzhan yang byang chub tu'am/ 'di dus che ge mo zhig na de bzhin gshegs pa mtshan 'di zhes bya bas lung bstan pas lung ston par 'gyur ro/ /gzhan yang sa brgyad pa la mi skye ba'i chos la bzod pa thob pas bdag ni sangs rgyas su 'gyur ro snyam pa'i nga rgyal spangs pa dang / mtshan ma'i rtsol ba thams cad spangs pa dang /de dag dang bdag gi rgyud tha dad par ma mthong ba'i sgo nas sangs rgyas dang byang chub sems dpa' thams cad dang lhan cig ngo bo gcig par gyur pa las lung bstan pa gzhan gang yin pa de ni chen po yin no/ /yang zhing la sogs pas lung ston pa ni dus 'di tsam zhig na bskal pa 'di zhes bya ba la sangs rgyas kyi zhing 'di lta bu zhig tu sangs rgyas mtshan 'di zhes bya bar 'gyur te/'di'i 'khor ni 'di lta bur 'gyur ro/ /'di'i dam pa'i chos ni dus 'di srid cig tu gnas par 'gyur ro zhes bya bar ro/ /nges par 'gyur ba'i rnam par dbye ba'i tshigs su bcad pa rtsa ba drug pa ste/blo ldan rnam pa thams cad du/ /phun tshogs skye dang mi skyo dang / /rtag tu sgom par byed pa dang / /ting 'dzin nyams pa med pa dang / /bya ba grub dang lhun grub pa'i/ /bzod pa 'thob la nges par 'gyur/ /pha rol tu phyin pa drug gi dbang du byas nas nges par 'gyur ba rnam pa 'di drug bstan te/phun sum tshogs pa la nges par 'gyur ba ni rtag tu longs spyod phun sum tshogs pa rgya chen po 'thob pa'i phyir ro/ /skye ba la nges par 'gyur ba ni rtag tu ji ltar 'dod pa bzhin skye ba yongs su 'dzin pa'i phyir ro/ /mi skyo ba la nges par 'gyur ba ni/rtag tu 'khor ba'i sdug bsngal rnams kyis mi skyo ba'i phyir ro/ /rtag tu sgom pa la nges par 'gyur ba ni/ /rtag tu sgom pa rgyun mi gcod pa'i phyir ro/ /ting nge 'dzin nyams pa med pa dang / bya ba grub pa la nges par 'gyur ba ni/ rtag tu ting nge 'dzin yongs su mi nyams pa'i phyir dang /sems can gyi bya ba sgrub pa'i phyir ro/ /lhun gyis grub par mi skye ba'i chos la bzod pa thob par nges par 'gyur ba ni/ rtag tu lhun gyis grub par rnam par mi rtog pa'i ye shes kyis gnas pa'i phyir ro/ /gdon mi za bar bya dgos pa rnam par dbye ba'i tshigs su bcad pa rtsa ba drug ste/mchod bslab yang dag blang ba dang / /snying rje dge ba bsgom pa dang / /de bzhin dgon par bag yod dang / /thos don ngoms mi shes pa nyid/ /sa rnams kun la brtan pa yi/ /gdon mi za bar bya ba nyid/ /gdon mi za bar bya dgos pa 'di drug ni/ pha rol tu phyin pa drug gi dbang du byas pa ste/tshigs su bcad pa'i don ni go bar zad do/ /rtag tu bya ba rnam par dbye ba'i tshigs su bcad pa gnyis te/ 'dod pa'i nyes dmigs shes pa dang / /'khrul pa dag la rtog pa dang / /sdug bsngal dang du len nyid dang / /dge ba dag ni sgom pa dang / /bde la ro myang med nyid dang / / mtshan ma rnam par mi rtog pa/ /sa rnams kun la brtan pa yi/ /rtag tu bya ba dag yin no/ /pha rol tu phyin pa drug yongs su sgrub pa'i phyir rtag tu bya ba drug ste/ tshigs su bcad pa dag gi don ni go bar zad do/ /gtso bo'i dngos po rnam par dbye ba'i tshigs su bcad pa rtsa ba drug pa ste/ chos sbyin tshul khrims dag pa dang / /mi skye bzod pa thob nyid dang / theg chen brtson 'grus rtsom pa dang / /mtha' la snying rje ldan gnas dang / /shes rab blo dang ldan rnams kyi/ /pha rol phyin pa'i gtso bor 'dod/ /rnam pa 'di drug ni pha rol tu phyin pa drug gi gtso bo yin te/ de la tshul khrims rnam par dag pa ni 'phags pa dgyes pa'i tshul khrims so//mtha' la snying rje dang ldan par gnas pa ni bsam gtan bzhi pa snying rje tshad med pa dang ldan pa ste/ lhag ma ni don go bar zad do/ /gdags pa rnam par gzhag pa rnam par dbye ba'i tshigs su bcad pa bzhi ste/ mdo sogs rnam pa'i bye brag gis/ /rig pa'i gnas ni rnam gzhag pa/ /sa rnams kun la brtags pa yi/ /chos rnams gzhag pa yin shes bya/ /de bzhin nyid ni rnam bdun la/ /brten nas bden pa rnam par gzhag /rigs pa theg pa rnam gzhag pa/ /rnam pa bzhi dang rnam gsum nyid//tshul bzhin yid la byed pa dang / /yang dag lta ba 'bras ldan dang / /tshad mas rnam 'byed bsam mi khyab/ /rigs pa bzhir ni shes par bya/ /bsam pa dang ni bshad nyid dang / /sbyor ba dang ni tshogs dag dang / /'grub pa'i rab tu dbye ba yis/ /theg pa rnam pa gsum du 'dod//chos dang / /bden pa dang / rigs pa dang / theg pa gdags pa rnam par gzhag pa'i dbye bas gdags pa rnam par gzhag pa rnam pa bzhi'o/ /de la mdo'i sde dang dbyangs kyis bsnyad pa'i sde la sogs pa'i rnam pa'i bye brag gis rig pa'i gnas lnga rnam par gzhag pa ni/chos rnam par gzhag pa yin par rig par bya'o/ /de las gzhan pa'i rig pa'i gnas rnams ni de'i khongs su 'dus pa kho na ste/ theg pa chen po las byang chub sems dpa' rnams la bshad do/ /de bzhin nyid rnam pa bdun po 'jug pa'i de bzhin nyid dang / mtshan nyid kyi de bzhin nyid dang /rnam par rig pa'i de bzhin nyid dang / gnas pa'i de bzhin nyid dang / log par sgrub pa'i de bzhin nyid dang / rnam par dag pa'i de bzhin nyid dang / yang dag pa'i sgrub pa'i de bzhin nyid la brten nas bden pa rnam par gzhag pa yin no/ /rigs pa gdags pa rnam par gzhag par ni rnam pa bzhi ste/ltos pa'i rigs pa dang / bya ba byed pa'i rigs pa dang / 'thad pa sgrub pa'i rigs pa dang / chos nyid kyi rigs pa'o/ /theg pa gdags pa rnam par gzhag pa ni rnam pa gsum ste/ nyan thos kyi theg pa dang /rang sangs rgyas kyi theg pa dang / theg pa chen po'o/ /de la ltos pa'i rigs pa ni/ theg pa gsum car la tshul bzhin yid la byed pa ste/ de la ltos nas rkyen des 'jig rten las 'das pa'i yang dag pa'i lta ba skye ba'i phyir ro/ /bya ba byed pa'i rigs pa ni/ yang dag pa'i lta ba 'bras bu dang bcas pa'o//'thad pa sgrub pa'i rigs pa ni/ mngon sum la sogs pa'i tshad mas yongs su rtog pa'o/ /chos nyid kyi rigs pa ni bsam gyis mi khyab pa'i gnas te/ chos nyid ni grub pa yin pas gdod ci'i phyir tshul bzhin yid la byed pa las yang dag pa'i lta bar 'gyur zhe'am//de las 'bras bu nyon mongs pa spong bar 'gyur zhes bya ba de lta bu la sogs pa bsam par bya ba ni ma yin no/ /theg pa gsum rnam par gzhag pa ni bsam pa dang / bshad pa dang / sbyor ba dang / tshogs dang / yang dag par 'grub pa dang / rnam pa lnga'i sgo nas rig par bya ste/bsam pa dang / bshad pa dang / sbyor ba dang / tshogs dang / yang dag par 'grub pa dman pa rnams ni nyan thos kyi theg pa'o/ /'bring rnams ni rang sangs rgyas kyi theg pa'o/ /mchog rnams ni theg pa chen po ste/ bsam pa ji lta ba dang / 'dod pa ji lta bar chos bshad pa yin no//chos bshad pa ji lta bar de la sbyor ro/ /sbyor ba ji lta bar tshogs stsogs so/ /tshogs ji lta bar byang chub yang dag par 'grub po/ /yongs su tshol ba'i rnam par dbye ba'i tshigs su bcad pa/ ming dang dngos dag phan tshun du/ /glo bur ba ni nyid du btsal//'dogs pa rnam pa gnyis po 'dir/ /de tsam nyid du tshol ba'o/ /chos rnams la yongs su tshol ba ni rnam pa bzhi ste/ ming yongs su tshol ba dang / /dngos po yongs su tshol ba dang / /ngo bo nyid gdags pa yongs su tshol ba dang / khyad par gdags pa yongs su tshol ba'o//de la dngos po la ming glo bur ba nyid du yongs su tshol ba ni ming yongs su tshol ba yin par rig par bya'o/ /ming la dngos po glo bur ba nyid du yongs su tshol ba ni dngos po yongs su tshol ba yin par rig par bya'o/ /de gnyis 'brel ba la ngo bo nyid dang khyad par 'dogs pa dag gdags pa tsam du yongs su tshol ba ni/ngo bo nyid dang khyad par 'dogs pa yongs su tshol ba yin par rig par bya'o/ /yang dag pa ji lta ba bzhin yongs su shes pa rnam par dbye ba'i tshigs su bcad pa brgyad de/ thams cad dmigs su med pa'i phyir/ /yang dag ye shes rnam pa bzhi//sa rnams kun la brtan pa yi/ /don kun grub par byed par 'gyur/ /chos rnams yang dag pa ji lta ba bzhin du shes pa ni rnam pa bzhi ste/ ming yongs su tshol ba dang ldan pa ste/ dngos po yongs su tshol ba dang ldan pa dang / ngo bo nyid dang khyad par du 'dogs pa yongs su tshol ba dang ldan pa'o//de yang ming la sogs pa 'di dag thams cad mi dmigs pa las rig par bya ste/ phyed 'og mas ni yang dag pa ji lta ba bzhin yongs su shes pa ni che ba'i bdag nyid dang las kyis ston to/ /'ching ba yi ni rten dag dang / /longs spyod sa bon rgyu mtshan 'dir/ / sems dang sems las byung ba rnams/ /rten bcas sa bon bcas te bcings/ /de la rten gyi rgyu mtshan ni snod kyi 'jig rten no/ /longs spyod kyi rgyu mtshan ni gzugs la sogs pa yul lnga'o/ /sa bon gyi rgyu mtshan ni/ de dag gi sa bon kun gzhi rnam par shes pa gang yin pa ste/rgyu mtshan rnam pa gsum po 'dir sems dang sems las byung ba rten dang bcas pa rnams dang / de dag gi sa bon kun gzhi rnam par shes pa gang yin pa yang bcings so/ /rten ni mig la sogs pa yin par rig par bya'o/ /mdun bzhag mtshan ma gang yin dang / bdag nyid 'dug pa gang yin pa//thams cad rnam 'jig blo ldan gyis/ /byang chub mchog ni thob par 'gyur/ /de ltar mi rtog pa rim pa de lta bus zhes brjod par bya ste/ de la mdun du bzhag pa'i mtshan ma ni/ thos pa dang bsam pa dang bsgom pa'i sbyor bas dmigs par byas pa'i kun brtags pa gang yin pa'o//bdag nyid 'dug pa ni rang bzhin gyis dmigs par 'gyur gyi/ 'bad pas kun brtags pa ma yin pa gang yin pa'o/ /de rnam par 'jig pa ni 'bral ba ste/ dmigs pa med pa'i ngo bo'o/ /de'i thabs ni mtshan ma'i gnyen po rnam par mi rtog pa'o//de gnyi ga yang rim gyis 'byung ste/ sngar ni gzhag pa la'o/ /phyis ni bdag nyid 'dug pa la'o / /de la phyin ci log bzhi dang ldan pa'i gang zag gi mtshan ma rnam par 'jig pa'i rnal 'byor pas ni nyan thos kyi byang chub bam/ rang sangs rgyas kyi byang chub 'thob po//chos thams cad kyi mtshan ma rnam par 'jig pas ni byang chub chen po 'thob ste/ 'dis ni yang dag pa ji lta ba bzhin yongs su shes pas 'ching ba ji ltar yongs su shes na thar par 'gyur ba de bstan to/ /de bzhin nyid dmigs shes pa dang / gnyis su 'dzin pa rnam spangs dang //gnas ngan len lus mngon sum pa/ /blo ldan de zad byed par 'dod/ /'dis ni ngo bo nyid gsum ji ltar yongs su shes pas gzhan gyi dbang gi ngo bo nyid zad par 'gyur ba de yongs su bstan te/ /de bzhin nyid la dmigs pa nyid kyis yongs su grub pa'i ngo bo nyid yongs su shes pa dang /gnyis su 'dzin pa rnam par spangs pa nyid kyis kun brtags pa dang / gnas ngan len gyi lus mngon sum pa nyid kyis gzhan gyi dbang yongs su shes pas gnas ngan len gyi lus kun gzhi rnam par shes pa gzhan gyi dbang de nyid zad par 'gyur ro/ /de zad par byed pa ni de zad pa'i ched du'o//de bzhin nyid dmigs ye shes ni/ /rnam pa tha dad med bsgoms shing / /yod dang med don mngon sum pa/ /rnam rtog dbang 'byor nyid ces bya/ /rnam pa tha dad pa med pa bsgom pa ni mtshan ma dang de bzhin nyid ngag tha mi dad pa nyid du mthong ba'i phyir ro/ /'dis ni nyan thos kyi mtshan ma med pa las byang chub sems dpa'i mtshan ma med pa khyad zhugs par yongs su bstan te//de dag ni mtshan ma dang mtshan ma med pa dag tha dad pa nyid du mthong bas mtshan ma thams cad yid la mi byed pa dang / mtshan ma med pa'i dbyings yid la byed pa'i sgo nas mtshan ma med pa la snyoms par 'jug go//byang chub sems dpa' rnams ni de bzhin nyid las ma gtogs pa'i mtshan ma ma mthong bas mtshan ma nyid mtshan ma med par mthong ste/ de'i phyir de dag gi ye shes de ni rnam pa tha dad pa med par bsgom pa yin no/ /yod pa'i don de bzhin nyid dang med pa'i don mtshan ma mngon sum pa ste rnam par rtog pa ji lta ba bzhin don thams cad grub pa'i sgo nas rnam par rtog pa la dbang 'byor pa nyid thob pa'i phyir/rnam par rtog pa la dbang 'byor pa nyid ces bya'o/ /byis pa yang dag nyid bsgribs nas/ yang dag ma yin kun tu snang / /byang chub sems dpa' de bsal nas//yang dag nyid ni kun tu snang / /'dis ni ji ltar byis pa rnams la rang gi ngag gis yang dag pa ma yin pa mtshan ma kho na snang gi/ yang dag pa ji bzhin nyid ni ma yin pa dang / de bzhin du byang chub sems dpa' rnams la rang gi ngag gis yang dag pa kho na snang gi /yang dag pa ma yin pa ni ma yin no zhes bya bar nye bar bstan to//don med pa dang don yod dag /mi snang snang ba nyid shes bya/ /de ni gnas gzhan gyur pa ste/ 'dod dgur spyod phyir thar pa yin/ /don med pa mtshan ma mi snang ba nyid dang / don yod pa de bzhin nyid snang ba nyid ni gnas gzhan du gyur pa yin par rig par bya ste/de de dag mi snang ba nyid dang snang ba yin no/ /de nyid thar pa yin par yang rig par bya'o/ /ci'i phyir zhe na/ 'dod dgur spyod pa'i phyir te/ de'i tshe rang dbang du 'gyur zhing rang bzhin gyis mtshan ma kun tu mi spyod pa'i phyir rang gi sems la dbang sgyur bar 'gyur ro/ / don chen rnam pa thams cad du/ /gzhan dang gzhan rigs mthun snang ba/ /bar chad byed yin de lta bas/ /yongs shes byas nas de spang ngo / /'di ni zhing yongs su sbyong ba'i thabs yang dag pa ji lta ba bzhin yongs su shes pa yin no/ /don chen po ni snod kyi 'jig rten te/ /gzhan dang gzhan 'byung ba na de nyid 'di yin no zhes bya bar rigs mthun par snang ngo //de ni de ltar snang bas sangs rgyas kyi zhing yongs su dag par bya ba la bar chad byed par 'gyur te/ /de lta bas na bar chad byed par yongs su shes par byas nas de ltar snang ba de spang bar bya'o/ /dpag tu med pa rnam par dbye ba'i tshigs su bcad pa/yongs smin rnam par sbyang bya dang / /thob bya smin par rung bya dang / /yang dag bshad pa'i dngos po ni/ /blo ldan rnams kyi dpag tu med/ /byang chub sems dpa' rnams kyi dpag tu med pa'i dngos po ni rnam pa lnga ste/ yongs su smin par bya ba'i dngos po ni sems can gyi khams khyad par med par ro//rnam par sbyang bar bya ba ni snod kyi 'jig rten gyis bsdus pa'i 'jig rten gyi khams so/ /thob par bya ba ni chos kyi dbyings so/ /yongs su smin par rung bar bya ba ni gdul ba'i khams so/ /yang dag par bshad pa'i dngos po ni 'dul ba'i thabs kyi khams so//bshad pa'i 'bras bu rnam par dbye ba'i tshigs su bcad pa rnam pa gnyis te/ byang chub sems ni skye ba dang / /mi skye ba yi bzod pa nyid/ /dri med mig ni dman pa dang / /zag pa zad pa nyid dang ni/ /dam chos yun ring gnas pa dang / /bye brag shes gcod longs spyod nyid//de la zhugs pa blo ldan gyi / /bshad pa'i 'bras bu yin shes bya/ /bshad pa la zhugs pa'i byang chub sems dpa'i nyan pa po rnams la bshad pa'i 'bras bu ni rnam pa brgyad du rig par bya ste/ kha cig ni byang chub tu sems bskyed do/ /kha cig ni mi skye ba'i chos la bzod pa thob po//kha cig ni chos rnams la chos kyi mig rdul med cing dri ma dang bral ba theg pa dman pas bsdus pa skyed do/ /kha cig ni zag pa zad pa 'thob po/ /rgyud de 'dzin pas dam pa'i chos kyang yun ring du gnas par 'gyur ro/ /don bye brag tu mi shes pa rnams kyang bye brag tu shes par 'gyur ro//the tshom za ba rnams kyi the tshom yang gcod par 'gyur ro/ /nges pa rnams kyang dam pa'i chos kyi dga' ba'i ro kha na ma tho ba med pa rgya chen po la longs spyod par 'gyur ro/ /theg pa chen po nyid rnam par dbye ba'i tshigs su bcad pa gnyis te/ dmigs pa che ba nyid dang ni//de bzhin sgrub pa gnyis dag dang / /ye shes brtson 'grus rtsom pa dang / /thabs la mkhas par gyur pa dang / /yang dag 'grub pa chen po dang / /sangs rgyas phrin las chen po ste / /chen po 'di dang ldan pa'i phyir/ /theg chen zhes ni nges pa brjod/ /chen po nyid rnam pa bdun dang ldan pa'i phyir theg pa chen po zhes nges par brjod de/dmigs pa chen po nyid ni mdo'i sde la sogs pa'i chos rgya chen po dpag tu med pa dang ldan pa'i phyir ro/ /sgrub pa chen po nyid ni/ rang gi don dang gzhan gyi don gnyis bsgrub pa'i phyir ro/ /ye shes chen po nyid ni rtogs pa'i dus na gang zag la bdag med pa dang chos la bdag med pa gnyis shes pa'i phyir ro//brtson 'grus rtsom pa chen po nyid ni/ bskal pa grangs med pa gsum du rtag tu gus par byas te sbyor ba'i phyir ro/ /thabs la mkhas pa chen po nyid ni 'khor ba yongs su mi gtong zhing kun nas nyon mongs pa med pa'i phyir ro//yang dag par 'grub pa chen po nyid ni/ stobs dang mi 'jigs pa dang sangs rgyas kyi chos ma 'dres pa yang dag par 'grub pa'i phyir ro/ /sangs rgyas kyi phrin las chen po nyid ni/ yang dang yang du mngon par rdzogs par byang chub pa dang //mya ngan las 'das pa chen po kun tu ston pa'i phyir ro/ /theg pa chen po bsdus pa'i rnam par dbye ba'i tshigs su bcad pa gnyis te/ rigs dang chos la mos pa dang / /de bzhin sems ni bskyed pa dang / /sbyin la sogs pa sgrub pa dang / /skyon med pa la 'jug nyid dang //sems can rnams yongs smin byed dang / /zhing ni rnam par sbyong ba dang / /mi gnas mya ngan 'das pa dang / /byang chub mchog dang ston pa'o/ /dngos po rnam pa bcu po 'dis theg pa chen po mtha' dag bsdus te/ /des sems can rnams yongs su smin par byed pa ni sa la zhugs pa'i sa bdun pa'i bar la rig par bya'o//zhing yongs su sbyong ba dang / mi gnas pa'i mya ngan las 'das pa ni phyir mi ldog pa'i sa rnam pa gsum la'o/ /byang chub mchog ni sangs rgyas kyi sa la ste/ mngon par rdzogs par byang chub pa dang / mya ngan las 'das pa chen po ston pa yang de nyid la rig par bya'o//lhag ma ni don go bar zad do/ /byang chub sems dpa' rnam par dbye ba'i tshigs su bcad pa bcu ste/ gcig ni mos pa dang ldan pa/ /lhag pa'i bsam pa dag pa gzhan/ /mtshan ma dang ni mtshan med dang / / mngon par 'du byed med spyod pa/ /lnga po 'di dag sa kun la/ /byang chub sems dpa' yin shes bya/ /de la mtshan ma la spyod pa ni sa gnyis pa nas bzung ste sa drug pa'i bar du'o/ /mtshan ma med par spyod pa ni sa bdun pa la'o/ /mngon par 'du byed pa med par spyod pa ni de yan chad do//lhag ma ni don go bar zad do/ /'dod la ma chags las gsum rnam par dag /khro ba zil gnon yon tan mchog lhur len/ /chos las mi g.yo de nyid zab mo mthong / /byang chub dga' ldan byang chub sems dpa' yin/ /'dis ni pha rol tu phyin pa drug sgrub pa dang byang chub chen por smon pa'i sgo nas byang chub sems dpa'i mtshan nyid yongs su bstan to//phan 'dogs 'dod dang gnod pa med lta dang / /gzhan gyi gnod pa dang du len pa dang / /brtan pa bag yod mang du thos pa dang / /gzhan gyi don brtson byang chub sems dpa' yin//de la brtan pa ni brtson 'grus brtsams pa sdug bsngal dag gis spa mi 'gong ba'i phyir ro/ /bag yod pa ni bsam gtan gyi bde ba dag la ma chags pa'i phyir ro / /lhag ma ni don go bar zad do/ /rang gis yongs su bzung ba'i nyes dmigs shes//longs spyod ma chags zhe la khon mi 'dzin/ /rnal 'byor rgyu mtshan la mkhas lta ngan med/ /nang du rab gnas byang chub sems dpa' yin/ /de la longs spyod dag la ma chags pa ni gang zhig de dag spangs nas rab tu 'byung ba yin no/ /rgyu mtshan la mkhas pa ni zhi gnas la sogs pa'i rgyu mtshan gsum la mkhas pa'i phyir ro//nang la rab tu gnas pa ni theg pa chen po las mi g.yo ba'i phyir te/ theg pa chen po ni byang chub sems dpa' rnams kyi nang yin no/ /lhag ma ni don go bar zad do/ /brtse dang ldan pa ngo tsha yon tan gnas/ /sdug bsngal dang len rang gi bder ma chags//dran gtso shin tu mnyam par gzhag pa'i bdag /theg pa mi 'khrugs byang chub sems dpa' yin/ /de la dran pa gtso bo ni bsam gtan dang ldan pa dran pa'i stobs kyis sems mnyam par 'dzeg pa'i phyir ro/ /shin tu mnyam par gzhag pa'i bdag nyid ni//rnam par mi rtog pa'i ye shes so/ /lhag ma ni don go bar zad do/ /sdug bsngal sel ba sdug bsngal mi byed nyid / /sdug bsngal bzod pa sdug bsngal 'jigs pa med/ /sdug bsngal rnam grol sdug bsngal mi rtog pa/ /sdug bsngal khas len byang chub sems dpa' yin//de la sdug bsngal las rnam par grol ba ni/ /bsam gtan dang ldan pa'i 'dod pa'i khams las 'dod chags dang bral bas sdug bsngal gyi sdug bsngal nyid las grol ba'i phyir ro / /sdug bsngal khas len pa ni 'khor ba khas len pa'i phyir ro//lhag ma ni don go bar zad do/ /chos la mi dga' rang bzhin chos la dga'/ /chos la smod cing chos la mngon par brtson/ /chos la dbang ba chos la mun pa med/ /chos gtsor byed pa byang chub sems dpa' yin/ /de la chos la smod pa ni/ mi bzod pa la smod pa'i phyir ro//chos la dbang ba ni snyoms par 'jug pa la'o/ /chos gtsor byed pa ni byang chub chen por lhur len pa'o/ /tshig sbyar ba la bde bas chos nyid 'dir chos su bshad do/ /lhag ma ni don go bar zad do/ /longs spyod bag yod nges la bag yod dang / /bsrung la bag yod dge la bag yod dang //bde la bag yod chos la bag yod dang / /theg pa bag yod byang chub sems dpa' yin/ /de la bsrung ba la bag yod pa ni bzod pa dang ldan pa rang dang gzhan gyi sems rjes su bsrung ba'i phyir ro/ /chos la bag yod pa ni/ yang dag pa ji lta ba bzhin du rab tu shes pa'i phyir ro//lhag ma ni don go bar zad do/ /ma gus ngo tsha nyes chung ngo tsha dang / /mi bzod ngo tsha yongs nyams ngo tsha dang / /rnam 'phro ngo tsha lta chung ngo tsha dang / /theg chen ngo tsha byang chub sems dpa' yin/ /de la ma gus bas ngo tsha ba ni/ gang zhig slong ba la khyad du gsod pas so//nyes pa chung ngus ngo tsha ba ni/ kha na ma tho ba phra rab tsam dag la yang 'jigs par lta bas so/ /lta ba chung ngus ngo tsha ba ni/ chos la bdag med par ma rtogs pas so/ /lhag ma ni don go bar zad do/ /tshigs su bcad pa 'di dag thams cad kyis ni rnam grangs gzhan gyis pha rol tu phyin pa drug sgrub pa dang /byang chub chen por smon pa'i sgo nas byang chub sems dpa'i mtshan nyid rig par bya'o/ /'di dang pha rol dang ni btang snyoms dang / /'du byed ldan dang dbang 'byor nyid thob dang / /mtshungs par ston dang 'bras bu chen po yis//byang chub sems dpa' phan 'dogs byed la 'jug /sbyin pas ni 'di kho na la sems can rnams la phan pa la 'jug go/ /tshul khrims kyis ni skye ba khyad par can thob nas gzhan du'o/ /'du byed dang ldan pa zhes bya ba ni brtson 'grus dang ldan pa'o//'bras bu chen po yis zhes bya ba ni sangs rgyas nyid kyis so/ /lhag ma ni don go bar zad do/ /'dis ni byang chub sems dpa' pha rol tu phyin pa drug dang / byang chub chen por smon pas ji ltar sems can rnams la phan 'dogs par 'gyur ba de yongs su bstan to//byang chub sems dpa'i mtshan spyir rnam par dbye ba'i tshigs su bcad pa brgyad de/ byang chub sems dpa' sems dpa' che/ /blo ldan nyid dang gsal ba'i mchog /rgyal sras rgyal ba'i gzhi dang ni/ /rgyal byed rgyal ba'i myu gu dang / /rtsal ldan dang ni 'phags mchog dang //ded dpon dang ni grags mchog dang / /snying rje can dang bsod nams che/ /dbang phyug de bzhin chos dang ldan/ /bcu drug po 'di dag ni spyir byang chub sems dpa' rnams kyi mtshan don dang mthun pa yin no/ /de nyid bzang rtogs don chen legs rtogs dang / /don kun rtogs dang rtag tu rtogs pa dang //thabs rnams rtogs par 'gyur ba'i khyad par rgyu/ /des na byang chub sems dpa' zhes bya'o/ /rtogs pa'i khyad par rnam pa lngas byang chub sems dpa' zhes bya ste/ gang zag dang chos la bdag med pa rtogs pa dang / /rang dang gzhan gyi don rtogs pa dang /don thams cad rnam pa thams cad du rtogs pa dang / yongs su mya ngan las 'das pa kun tu ston pa na yang mi zad par rtogs pa dang / gdul bya ji lta ba bzhin du 'dul ba'i thabs rtogs pas so/ /bdag rjes rtogs dang lta ba phra rtogs dang / /rnam rig sna tshogs rnam par rtogs dang kun//yang dag min rtog yin par rtogs pa'i rgyu/ /des na byang chub sems dpa' zhes bya'o/ /'dir yang sems dang yid dang rnam par shes pa rtogs pa dang / de rnams kyang yang dag pa ma yin pa'i kun tu rtog pa nyid du rtogs pa'i sgo nas rtogs pa'i khyad par rnam pa bzhi ston te/de la sems ni kun gzhi'i rnam par shes pa'o/ /yid ni de la dmigs pa bdag tu lta ba la sogs pa dang mtshungs par ldan pa'o/ /rnam par shes pa ni rnam par shes pa'i tshogs drug go/ /ma rtogs rtogs dang rjes su rtogs pa rtogs/ / dngos med rtogs dang rab tu skye ba rtogs/ /ma rtogs rtogs pa so sor rtogs pa'i rgyu/ /des na byang chub sems dpa' zhes bya'o/ /'dir ni ma rig pa rtogs pa dang / rig pa rtogs pa dang / kun brtag pa la sogs pa'i ngo bo nyid gsum rtog pa'i sgo nas rtogs pa'i khyad par rnam pa lnga ston te/de la ma rtogs pa nyid du rtogs pa so sor rtogs pas yongs su grub pa'i ngo bo nyid rig par bya'o/ /don med rtogs dang don dam rtogs pa dang / /don kun rtogs dang mtha' dag don rtogs dang / /rtogs bya rtogs gzhi rtogs pa rtogs pa'i rgyu/ /des na byang chub sems dpa' zhes bya'o//'dir ni rtogs pa'i khyad par rnam pa lnga ston te/ gzhan gyi dbang gi mtshan nyid rtogs pa dang / yongs su grub pa'i mtshan nyid rtogs pa dang / kun brtags pa'i mtshan nyid rtogs pa dang / shes bya thams cad rnam pa thams cad du rtogs pa dang /rtogs par bya ba dang / rtogs pa po dang / rtogs pa 'khor gsum yongs su dag par rtogs pa'i phyir ro/ /grub par gyur pa rtogs dang gnas rtogs dang / lhums rjes rtogs dang rim pa rtogs pa dang / /rab tu rtogs dang the tshom bsal rtogs rgyu/ /des na byang chub sems dpa' zhes bya'o//de la grub par gyur pa rtogs pa ni sangs rgyas nyid do/ /gnas rtogs pa ni gang gis na dga' ldan gyi gnas na bzhugs pa'o/ /lhums rjes su rtogs pa ni gang gis na yum gyi lhums su 'jug pa'o/ /rim pa ston pa rtogs pa ni gang gis na lhums nas bltams shing 'dod pa la yongs su longs spyod pa dang /rab tu 'byung ba dang / dka' ba spyod pa dang / mngon par rdzogs par byang chub ston pa yin no/ /rab tu rtogs pa dang the tshom bsal ba rtogs pa ni/ gang gis na sems can rnams kyi the tshom thams cad bcad pa'i phyir chos kyi 'khor lo bskor ba yin no//blo dang ldan pa blo thob ma thob dang / /rab gnas rtogs dang rjes su rtogs pa dang / /so sor chad blo brjod med nga bcom dang / /nga can blo gros ma smin yang dag smin/ /'dir ni 'das pa la sogs pa'i rtogs pa rnam pa bcu gcig gis byang chub sems dpa' yongs su bstan te//de la blo thob pa dang / ma thob pa dang rab tu gnas pa ni rtogs pa 'das pa dang / ma 'ongs pa dang / da ltar byung ba dag dang go rims bzhin no/ /rtogs pa ni rang gis rtogs pa'i phyir ro//rjes su rtogs pa ni gzhan las rtogs pa'i phyir te/ 'dis ni nang dang phyi'i rtogs pa ston to/ /so sor 'chad par byed pa dang / /brjod pa med pa'i blo zhes bya ba ni rigs pa dang phra ba'o/ /nga rgyal can dang nga rgyal bcom pa zhes bya ba ni dman pa dang gya nom pa'o//blo gros ma smin pa dang yang dag par smin pa zhes bya ba ni rtogs pa ring ba dang nye ba ston pa yin no/ /yon tan gyi skabs rdzogs so// //rtags rnam par dbye ba'i tshigs su bcad pa gnyis te/ brtse dang snyan par smra ba dang / / brten pa nyid dang lag brkyang nyid/ /dgongs pa zab mo nges 'grel ba/ /'di dag blo ldan rnams kyi rtags/ /yongs gzung mos pa thob pa dang / /mi skyo gnyis kyis bsdu ba'i phyir / /bsam pa dang ni sbyor ba las/ /rtags lngar rnam par shes par bya//de la tshigs su bcad pa dang pos ni byang chub sems dpa'i rtags lnga ston to/ /gnyis pas ni de dag gi las dang mdor bsdu ba'o/ /de la brtse ba ni byang chub kyi sems kyis sems can yongs su bzung ba'i phyir ro/ /snyan par smra ba ni/ sems can rnams kyis sangs rgyas kyi bstan pa la mos pa thob par bya ba'i phyir ro//brtan pa nyid ni bya dka' ba spyod pa la sogs pas mi skyo bar bya ba'i phyir ro/ /lag brkyang ba nyid dang / dgongs pa nges par 'grel pa ni gnyis kyis bsdu ba'i phyir te/ zang zing dang chos kyis go rims bzhin no/ / rtags lnga po 'di dag las brtse ba ni bsam pa'i sgo nas rig par bya'o/ /lhag ma ni sbyor ba'i sgo nas so/ /khyim pa dang rab tu byung ba rnam par dbye ba'i tshigs su bcad pa gsum ste/ byang chub sems dpa' rtag tu ni/ /khyim pa 'khor los sgyur rnams su/ /gyur nas skye ba thams cad du/ / sems can rnams kyi don byed do/ /sa rnams kun la blo ldan gyis / /rab byung len pas thob pa dang / /chos nyid kyis ni thob pa gzhan/ /rab tu byung ba ston byed yin/ /rab tu byung ba'i phyogs dag ni/ /yon tan tshad med rnams dang ldan/ /de ltas sdom brtson khyim pa yi/ / byang chub sems dpa' las khyad 'phags/ /tshigs su bcad pa gcig gis ni byang chub sems dpa' khyim pa'i phyogs ji lta bu zhig la gnas te/ sems can gyi don byed pa de yongs su bstan to/ /gnyis pas ni rab tu byung ba'i phyogs ji lta bu zhig la'o/ /de la rab tu byung ba ni/ rnam pa gsum du rig par bya ste/yang dag par len pas thob pa dang / chos nyid kyis thob pa dang / sprul pa rnams kyis ston par byed pa'o/ /gsum pas ni rab tu byung ba'i phyogs khyim pa'i phyogs las khyad par du 'phags par yongs su bstan to/ /lhag pa'i bsam pa rnam par dbye ba'i tshigs su bcad pa rtsa ba drug pa ste/sa rnams kun la brtan pa yi/ /pha rol sdug pa'i 'bras bu dang / /'di la dge ba 'jug 'dod dang / /mya ngan 'das par 'dod pa dang / /ma dag rnam dag rab dag pa/ /sems can rnams la bsam par 'dod / /'dis ni mdor na lhag pa'i bsam pa rnam pa lnga yongs su bstan te/bde ba'i lhag pa'i bsam pa ni pha rol tu phyin pa'i 'bras bu 'dod pa'o/ /phan pa'i lhag pa'i bsam pa ni/ 'di nyid la dge ba la 'jug par 'dod pa'o/ /mya ngan la 'das par 'dod pa ni de gnyi ga'i lhag pa'i bsam pa kho na yin pas gzhan ma yin par rig par bya'o/ / lhag pa'i bsam pa ma dag pa la sogs pa gsum ni ma zhugs pa rnams dang / sa la zhugs pa rnams dang / phyir mi ldog pa'i sa thob pa rnams kyi ste go rims bzhin no/ /yongs su 'dzin pa rnam par dbye ba'i tshigs su bcad pa/ sa rnams kun la blo ldan pa'i/ /smon lam dang ni sems mnyam dang //bdag por gyur pa dag dang ni/ /'khor sdud pa yis yongs su 'dzin/ /byang chub sems dpa' rnams kyi sems can rnams yongs su 'dzin pa ni rnam pa bzhi ste/ smon lam gyis yongs su 'dzin pa ni/ /byang chub kyi sems kyis sems can thams cad yongs su 'dzin pa'i phyir ro//sems mnyam pa nyid kyis yongs su 'dzin pa ni mngon par rtogs pa'i dus na bdag dang gzhan mnyam pa nyid thob pa'i phyir ro/ /bdag pos yongs su 'dzin pa ni/ rje bor gyur pa 'di gang dag gi rje bo yin pa'o/ /'khor sdud pas yongs su 'dzin pa ni/ slob ma'i tshogs nye bar len pa'i phyir ro//skye ba rnam par dbye ba'i tshigs su bcad pa/ blo ldan rnams kyi las dang ni/ /gzhan yang smon lam dag dang ni/ /ting nge 'dzin dang dbang 'byor pa'i/ /dbang gis skye bar 'dod pa yin/ /byang chub sems dpa' rnams kyi skye ba ni rnam pa bzhi ste/ las kyi dbang gis ni mos pas spyod pa'i sa la gnas pa rnams las kyi dbang gis 'dod pa'i gnas su skye ba gang yin pa'o//smon lam gyi dbang gis ni sa la zhugs pa rnams sems can yongs su smin par bya ba'i phyir ro/ /dud 'gro la sogs pa'i gnas dman par yang skye ba gang yin pa'o/ /ting nge 'dzin gyi dbang gis ni bsam gtan rnams bzlog nas 'dod pa'i khams su skye ba gang yin pa'o//dbang 'byor ba'i dbang gis ni/ sprul pa dag gis dga' ldan gyi gnas la sogs par skye bar kun tu ston pa gang yin pa'o/ /gnas pa dang sa rnam par dbye ba'i sdom gyi tshigs su bcad pa/ mtshan nyid gang zag bslab pa dang / /phung po grub pa rtags dang ni/ /nges pa'i tshig dang thob pa yis/ /gnas pa dang ni sa nyid do/ /mtshan nyid rnam par dbye ba las brtsams nas tshigs su bcad pa lnga ste/ stong pa nyid ni mchog rtogs nas/ /las rnams chud mi za bar gnas/ /bsam gtan rab bdes gnas nas ni//de yi 'og tu 'dod par skye/ /de nas byang chub phyogs mthun rnams/ /'khor ba dag tu yongs su bsngo/ /sems kun nyon mongs med par ni/ /sems can rnams yongs smin par byed/ /ched du bsams te skye bas na/ /kun nas nyon mongs rjes su gsung / /bgrod pa gcig pa'i lam dang 'brel//mtshan med gcig tu nges pa'i lam/ /mtshan ma med pa lhun gyis grub/ /zhing yang rnam par sbyong ba ste/ /de yi 'og tu sems can ni/ /smin par byed pa 'grub par 'gyur/ /ting nge 'dzin dang gzugs rnam dang / /byang chub rnam par dag pa nyid/ /rnam par gzhag pa 'di dag gis//sa yi mtshan nyid shes par bya/ /gnas pa bcu gcig ni sa bcu gcig go/ /de dag gi mtshan nyid las dang po'i mtshan nyid ni stong pa nyid mchog mngon par rtogs pa ste/ gang zag dang chos la bdag med pa mngon par rtogs pa'i phyir ro/ /gnyis pa'i ni las rnams chud mi za ba la rnam par gnas pa ste/dge ba dang mi dge ba'i las kyi lam dang de'i 'bras bu rnam pa sna tshogs shes pa'i phyir ro/ /gsum pa'i ni byang chub sems dpa'i bsam gtan bde ba phul du byung ba dag gis gnas nas de dag las yongs su ma nyams bzhin du 'dod pa'i khams su skye ba yin no//bzhi pa'i ni byang chub kyi phyogs dang mthun pas mang du gnas kyang byang chub kyi phyogs dang mthun pa rnams 'khor bar yongs su bsngo ba yin no/ /lnga pa'i ni 'phags pa'i bden pa bzhis mang du gnas pas bdag nyid kyi sems la kun nas nyon mongs pa med par sems can rnams yongs su smin par byed pa yin te/bstan bcos dang bzo sna tshogs byed pa'i phyir ro/ /drug pa'i ni rten cing 'brel bar 'byung bas mang du gnas pas bsams bzhin du srid par skye ba na der kun nas nyon mongs pa rjes su bsrung ba yin no/ /bdun pa'i ni 'dres pa nye bar 'dris pa nyid kyis bgrod pa gcig pa'i lam la gnas pa brgyad pa dang 'brel pa mtshan ma med par gcig tu nges pa'i lam yin no//brgyad pa'i ni mngon par 'du byed pa med pa'i mtshan ma med pa la gnas pa'i phyir/ mtshan ma med pa yang lhun gyis grub pa dang sangs rgyas kyi zhing yongs su sbyong ba yin no//dgu pa'i ni so so yang dag par rig pa la dbang ba nyid kyis sems can yongs su smin pa 'grub par 'gyur ba yin te/ rnam pa thams cad du sems can yongs su smin par nus pa'i phyir ro/ /bcu pa'i ni ting nge 'dzin gyi sgo nas / gzungs kyi sgo rnams rnam par dag pa nyid yin no//bcu gcig pa sangs rgyas kyi sa'i mtshan nyid ni/ /byang chub rnam par dag pa nyid yin te/ shes bya'i sgrib pa rnam pa thams cad spangs ba'i phyir ro/ /sa rnams kho na la gang zag rnam par dbye ba las brtsams nas tshigs su bcad pa gnyis te//byang chub sems dpa' lta ba rnam dag pa/ /tshul khrims shin tu rnam dag mnyam par gzhag /chos la nga spangs rgyud dang kun nyon mongs/ /rnam par dag pa tha dad nga rgyal med/ /skad cig gcig blo thob pa btang snyoms pa//zhing rnams sbyong ba sems can smin byed par/ /mkhas pa mthu chen lus yongs rdzogs pa dang / /nges par ston la mkhas pa dbang bskur yin/ /sa bcu po dag la byang chub sems dpa' bcu rnam par gzhag ste/ sa dang po la ni/ gang zag dang chos su lta ba'i gnyen po'i ye shes thob pa'i phyir/lta ba rnam par dag pa yin no/ /gnyis pa la ni ltung ba'i 'khrul pa phra mo kun tu spyod pa yang med pa'i phyir tshul khrims shin tu rnam par dag pa yin no/ /gsum pa la ni mi nyams pa'i bsam gtan dang / ting nge 'dzin thob pa'i phyir mnyam par gzhag pa yin no//bzhi pa la ni mdo'i sde la sogs pa'i chos la tha dad pa nyid kyi nga rgyal spangs pa'i phyir/ chos la nga rgyal spangs pa yin no/ lnga pa la ni sems dang bsam pa rnam par dag pa mnyam pa nyid bcus rgyud thams cad mnyam pa nyid du 'jug pa'i phyir rgyud tha dad par nga rgyal med pa yin no//drug pa la ni/ rten cing 'brel bar 'byung ba'i de bzhin nyid kyis mang du gnas pas na nag po dang dkar po'i phyogs dag gi de bzhin nyid la kun nas nyon mongs pa dang rnam par byang bar mi lta ba'i phyir/ kun nas nyon mongs pa dang rnam par byang ba tha dad par nga rgyal med pa yin te/ rang bzhin gyis rnam par dag pa'i phyir ro/ /bdun pa la ni mtshan ma med par gnas pa'i mthus/ skad cig re re la byang chub kyi phyogs dang mthun pa sum cu rtsa bdun bsgom pa'i phyir/ skad cig gcig dang ldan pa'i blo thob pa yin no/ /brgyad pa la ni lhun gyis grub par mtshan ma med pa la gnas pa'i phyir dang //byang chub sems dpa' phyir mi ldog pa'i sa la zhugs pa rnams dang 'dres pa nye bar 'dres pa'i phyir btang snyoms pa dang / sangs rgyas kyi zhing rnam par sbyong par byed pa yin no/ /dgu pa la ni sems can yongs su smin par byed pa la mkhas pa ste snga ma bzhin no/ /byang chub sems dpa'i sa bcu pa la ni/mngon par shes pa chen po thob pa'i phyir dang / /mthu chen por yang rnam par gzhag go/ /ting nge 'dzin dang gzungs kyi sgo tshad med pas khyab pa'i phyir/ /lus yongs su rdzogs par yang rnam par gzhag go/ /dga' ldan gyi gnas na gnas pa la sogs pa'i sprul pa nges par ston pa'i phyir lus nges par ston pa la mkhas par yang rnam par gzhag go//de nas sangs rgyas thams cad las dbang bskur ba thob pa'i phyir/ sangs rgyas nyid du dbang bskur ba yin par yang rnam par gzhag go/ /bslab pa rnam par gzhag pa las brtsams nas tshigs su bcad pa lnga ste/chos nyid rab tu rtogs nas 'dir/ /lhag pa'i tshul khrims lhag sems dang / lhag pa'i shes rab la rjes slob/ /shes rab spyod yul gnyis yin te/ /chos kyi de nyid de dang ni/ /mi shes shes sogs 'jug pa nyid/ /shes rab spyod yul de lta bas//de sa gnyis la rnam par gnas/ /bslabs pa rnams dang bsgoms pa yi/ /'bras bu gzhan ni rnam pa bzhi/ /mtshan med 'du byed dang bcas par/ /gnas pa 'bras bu dang po yin/ /de nyid mngon 'du byed med dang / /zhing ni rnam par dag pa dag /'bras bu gnyis par 'dad pa yin//sems can smin par 'grub nyid dang / /ting nge 'dzin dang gzungs rnams ni/ /'grub pa 'bras bu dam pa yin/ /'bras bu rnam pa 'di bzhi ni/ /sa bzhi po la yang dag bstan / /sa dang po la chos nyid de bzhin nyid rtogs nas gnyis pa la lhag pa'i tshul khrims la slob pa'o //gsum pa la lhag pa'i sems la'o/ /bzhi pa dang lnga pa dang drug pa dag la ni lhag pa'i shes rab la ste/ sa bzhi pa la ni byang chub kyi phyogs dang mthun pas bsdus pa'i shes rab po/ /de yang sa gnyis la ni spyod yul gnyis pa can te/gnyis ni chos kyi de kho na nyid sdug bsngal la sogs pa'i bden pa dang / de mi shes pa dang shes pa la sogs pa'i 'jug pa rten cing 'brel bar 'byung ba lugs dang mthun pa dang lugs dang mi mthun pa'o/ /de mi shes pa la sogs pa'i 'jug pa ni ma rig pa la sogs pa'o/ / de shes pa la sogs pa'i 'jug pa ni rigs pa la sogs pa ste/ de lta bas na sa gnyi ga la yang lhag pa'i shes rab rnam par gzhag go/ /de yan chad bslab pa'i 'bras bu rnam pa bzhi ni go rims bzhin du sa bzhi la brten par rig par bya ste/ /de la 'bras bu dang po ni mtshan ma med par gnas pa 'du byed pa dang bcas pa'o//'bras bu gnyis pa ni mtshan ma med par gnas pa de nyid mngon par 'du byed pa med pa dang / zhing yongs su dag pa yin par rig par bya'o/ /lhag ma ni don go bar zad do/ /phung po rnam par gzhag pa las brtsams nas/ /tshigs su bcad pa gnyis te/chos nyid rab tu rtogs nas 'dir/ /tshul khrims kyis ni phung po sbyong / /de yi 'og tu ting 'dzin dang / /shes rab phung po rnam par sbyong / /de las gzhan pa dag la ni/ /sgrib pa rnam bzhi dang thogs pa yi/ /sgrib pa las kyang rnam grol dang / /grol ba'i ye shes rnam par sbyong / /de las gzhan pa dag la zhes bya ba ni sa bdun pa nas sangs rgyas kyi sa'i bar du ste/rnam par grol ba dang rnam par grol ba'i ye shes gnyi ga rnam par sbyong ngo / /rnam par grol ba de yang 'bras bu rnam pa bzhi'i sgrib pa las rig par bya'o/ /sangs rgyas kyis la ni/ thogs pa'i sgrib pa las te/sangs rgyas rnams ni gang gis na gzhan dag shes bya la shes pa thogs par 'gyur ba de las rnam par grol bas thams cad la ye shes thogs pa mi mnga'o/ /lhag ma ni don go bar zad do/ /grub pa rnam par gzhag pa las brtsams nas tshigs su bcad pa gsum ste//sa rnams thams cad ma grub dang / /grub pa dag tu shes par bya/ /grub pa dag kyang ma grub dang / /grub pa dag tu yang 'dod do/ /grub pa ji ltar rnam gzhag bzhin/ /yid la byed pas de rtogs par/ /shes pa'i phyir dang de nyid la/ /rnam mi rtog phyir rnam shes bya//so so rang rig bya phyir dang / /sangs rgyas rnams kyi yul gyi phyir/ /sa rnams kun la sgom pa dang / /grub pa yang ni bsam mi khyab/ /de la mos pas spyod pa'i sa la ni ma grub pa'o/ /lhag ma rnams ni grub pa ste/ /de ltar na de dag ni sa thams cad yin no//grub pa dag la yang bdun ni ma grub pa yin no/ /lhag ma dag ni grub pa ste/ mngon par 'du bya ba med par 'jug pa'i phyir ro/ /gang yang gong du sa rab tu dga' ba grung bar bshad pa de la grub pa ni sa ji ltar rnam par gzhag pa bzhin yid la byed pas sa rnam par gzhag pa de rtog pa tsam du shes pa'i phyir dang /de la yang rnam par mi rtog pa'i phyir rig par bya ste/ gang gi tshe sa rnam par gzhag pa de rtog pa tsam du shes shing rtog pa tsam de la yang rnam par rtog par mi byed na/ /de ltar na gzung ba dang 'dzin pa'i rnam par mi rtog pa'i ye shes thob pa'i phyir sa yongs su grub pa zhes bshad pa yin no//gzhan yang sa thams cad la sa rnams bsgom pa dang / grub pa gnyi ga bsam gyis mi khyab ste/ /'di ltar de dag ni byang chub sems dpa' rnams kyi so so rang gis rig par bya ba dang /sangs rgyas rnams kyi yul yin gyi gzhan dag gi ni ma yin no/ /sa la zhugs pa'i rtags rnam par dbye ba las brtsams nas tshigs su bcad pa gnyis ste/ snang dang bcas dang mos pa dang / /ma zhum pa dang mi dman nyid/ /gzhan dring mi 'jog bdag nyid dang //thams cad rab tu rtogs pa dang / /kun la sems ni mnyam pa dang / /bkri dang rjes su chags med dang / /thabs shes 'khor du skye ba ni/ /kun la rtags su 'dod pa yin/ /rnam pa bcu po 'di dag ni/ /sa thams cad la byang chub sems dpa' sa la zhugs pa'i rtags yin par rig par bya ste/sa gang la zhugs pa de la snang ba dang / gang la ma zhugs pa de la mos pa zhes bya ba 'di ni rtags gcig go/ /ma zhum pa nyid ni chos zab cing rgya che ba dam pa dag la'o/ /mi dman pa nyid ni dka' ba spyod pa rnams la'o//gzhan gyi dring mi 'jog pa nyid ni rang gi sa la'o/ /sa thams cad rab tu rtogs pa ni de dag mngon par sgrub pa la mkhas pa'i phyir ro/ /kun la sems mnyam pa nyid ni sems can thams cad la bdag dang sems mnyam pa nyid do/ /bkrir mi btub pa nyid ni snyan pa dang mi snyan pa'i sgra dag gis so//rjes su chags pa med pa ni/ /'khor los sgyur ba nyid la sogs pa'i phun sum tshogs pa dag la'o/ /thabs la mkhas pa ni/ /mi dmigs par sangs rgyas nyid kyi thabs shes pa'i phyir ro/ /skye ba ni dus rtag tu sangs rgyas kyi dkyil 'khor rnams su skye ba ste/'di dag ni sa rnams la byang chub sems dpa'i rtags gzhan yin no/ /pha rol tu phyin pa thob pa'i rtags rnam par dbye ba'i tshigs su bcad pa gnyis ste/ /'dun pa med pa ma yin chags dang 'khu ba'i snying med khro min le lo med//byams dang snying rje min pa'i bsam med blo gros rnam rtog ngan rtog 'phrogs pa med/ /blo gros rnam par g.yengs min bde bas mi 'phrogs sdug bsngal dag gis gnod pa med/ /dge ba'i bshes la nye bar brten zhing thos pa lhur len ston pa mchod la brtson//thabs mchog shes pa gang zhig bsod nams yang dag bsdus pa shin tu rgya chen kun/ /gzhan dang thun mong byas nas nyin gcig bzhin du rdzogs pa'i byang chub yongs bsngo zhing / /bzang po'i gnas su skyes pa rtag tu dge byed mngon shes yon tan rnams kyis rtsen//sangs rgyas sras de kun gyi bla na 'dug pa yon tan gter du shes par bya/ /byang chub sems dpa' pha rol tu phyin pa bcu thob pa'i rtags rnam pa bcu drug ston te/ rtags rnam pa bcu drug ni rtag tu pha rol tu phyin pa rnams la sgrub pa'i bdun pa dang ma bral ba nyid dang /pha rol tu phyin pa drug po re re'i mi mthun pa'i phyogs dang bral ba nyid dang / /thabs la mkhas pa'i pha rol tu phyin pa'i rtags theg pa gzhan yid la byed pas sems rnam par ma g.yengs pa nyid dang / /phun sum tshogs pa'i bde ba dag la ma chags pa nyid dang /rgud pa dang dka' ba spyod pa'i sdug bsngal dag gis sbyor ba las mi ldog pa nyid dang / dge ba'i bshes gnyen la brten cing thos pa lhur len pa nyid dang / ston pa mchod pa gtsor byed pa nyid dang / dge ba thams cad bla na med pa'i byang chub tu yongs su bsngo ba dang /smon lam gyi pha rol tu phyin pas sangs rgyas dang byang chub sems dpa'i gnas su skye ba'i phyir gnas bzang por skye ba dang / stobs kyi pha rol tu phyin pa'i stobs de'i mi mthun pa'i phyogs kyi chos dang ma 'dres pa'i phyir rtag tu dge ba byed pa nyid dang /ye shes kyi pha rol tu phyin pa'i mngon par shes pa'i yon tan gyis rnam par rtse ba'o/ /de la byams pa ni/ gnod sems kyi gnyen po ste/ bde ba nye bar sgrub pa'i rnam pa can gyi bsam pa yin no/ /snying rje ni rnam par 'tshe ba'i gnyen po ste/ sdug bsngal dang bral ba'i bsam pa yin no//rtog pa ni ngo bo nyid du rtog pa'o/ /rnam par rtog pa ni khyad par du rtog par rig par bya'o/ /de nyid kyi phan yon rnam par dbye ba'i tshigs su bcad pa/ sa rnams kun la rnam kun du/ /blo ldan rnams kyi phan yon ni/ /zhi gnas lhag mthong gnyi ga la//lnga po'i bdag nyid dag tu 'dod/ /sa thams cad la byang chub sems dpa' rnams kyi pha rol tu phyin pa thob pa de nyid kyi phan yon gyi rnam pa thams cad ni rnam pa lngar rig par bya ste/ skad cig re re la gnas ngan len gyi rten thams cad zad par 'gyur/sna tshogs kyi 'du shes dang bral ba'i chos kyi dga' ba la yang dga' ba 'thob par 'gyur/ /sa thams cad du rnam pa yongs su ma chad pa'i chos kyi snang ba tshad med pa yang yang dag par shes par 'gyur/ 'di'i rnam par dag pa'i skal ba dang mthun pa'i pa'i rgyu mtshan rnam par brtags pa ma yin pa dag kyang kun tu spyod par 'gyur/chos kyi sku yongs su rdzogs pa 'grub par bya ba'i phyir/ gong nas ches gong du rgyu phun sum tshogs pa yang yongs su 'dzin par byed do/ /de la dang po dang gnyis pa ni zhi gnas kyi phyogs dang mthun pa dag yin par rig par bya'o//gsum pa dang bzhi pa ni lhag mthong gi phyogs dang mthun pa dag yin no/ /lhag ma ni gnyi ga'i phyogs dang mthun pa yin no/ /sa'i nges pa'i tshig rnam par dbye ba'i tshigs su bcad pa dgu ste/byang chub la ni nye ba dang / /sems can don sgrub mthong ba la/ /rab tu dga' ba skye 'gyur te/ /de phyir rab dga' zhes brjod do/ /'di la ni bshad du cung zad kyang med do/ /'tshal tshul rtsol ba'i dri bral phyir/ /dri ma med pa'i sa zhes bya/ /'chal ba'i tshul khrims kyi dri ma dang theg pa gzhan yid la byed pa'i dri ma las 'das pa'i phyir/dri ma med pa'i sa zhes bya ste/ de lta bas na bdag gis bsgrub tu mtshungs pa la rnam pa thams cad yongs su sbyang ba mngon par sgrub pa kho na la brtson par bya'o zhes 'byung ba'i phyir ro/ /chos kyi snang ba chen po ni/byed pa'i phyir na 'od byed pa'o/ /'di ltar de la ting nge 'dzin gyi stobs kyis chos tshad med pa yongs su tshol zhing 'dzin pa'i phyir gzhan dag la chos kyi snang ba chen po byed do/ /'di ltar byang chub phyogs mthun chos/ /rab tu sreg byed 'od lta bu/ /de dang ldan phyir sa de ni//gnyis po sred phyir 'od 'phro can/ /byang chub kyi phyogs dang mthun pa'i bdag nyid kyi shes rab de ni/ de la phal cher gnyis po sreg par nye bar gnas te/ gnyis na 'dir nyon mongs pa'i sgrib pa dang / shes bya'i sgrib pa yin par rig par bya'o/ / sems can rnams yongs smin byed cing / /rang gi sems kyang bsrung ba'i phyir/ /blo ldan rnams kyis sbyang dka' ba/ /de phyir sbyang dka' zhes bya'o/ /de la ni sems can yongs su smin par byed pa mngon par brtson yang / /sems can gyi log par bsgrubs pas kun nas nyon mongs par mi 'gyur te//de gnyi ga yang bya dka' ba'i phyir sbyang dka' ba yin no/ /shes rab pha rol phyin bstan nas/ /'khor ba dang ni mya ngan 'das/ /gnyis 'dir mngon du gyur pa'i phyir/ /mngon du gyur pa'i sa zhes bshad/ /de ni shes rab kyi pha rol tu phyin pa la brten nas/mya ngan las 'das pa dang 'khor ba dag la mi gnas pa'i phyir/ 'khor ba dang mya ngan las 'das pa dag la mngon du gyur pa yin no/ /bgrod gcig lam dang 'brel ba'i phyir/ ring du song ba'i sar 'dod do/ /bgrod pa gcig pa'i lam ni sngar bstan pa yin no//de dang 'brel ba'i phyir ring du song ba yin te/ /sbyor ba'i mthar phyin par song ba'i phyir ro/ /'du shes gnyis kyis mi g.yo'i phyir/ /mi g.yo ba zhes nges par brjod/ /mtshan ma la sogs pa'i 'du shes dang / mtshan ma med pa la sogs pa'i 'du shes gnyis kyis mi g.yo ba'i phyir ro//so so yang dag rig blo bzang / /sa de legs pa'i blo gros yin/ /so so yang dag par rig pa'i blo gros bzang ba'i phyir/ zhes bya ba ni gtso bo yin pa'i phyir ro/ /sprin bzhin gnyis kyis nam mkha'i chos/ /khyab pa'i phyir na chos kyi sprin//gnyis kyis khyab pa'i phyir zhes bya ba ni sprin bzhin du ting nge 'dzin dang gzungs kyi sgos thob pa'i chos rten la yod pa nam mkha' lta bur khyab pa'i phyir chos kyi sprin zhes bya'o/ /dge ba sgrub pa sna tshogs la/ /dga' bas rtag par thams cad du//gnas phyir byang chub sems dpa' yi/ /sa rnams gnas pa yin par 'dod/ /dge ba sgrub pa rnam pa sna tshogs kyi phyir dga' bas rtag par thams cad du gnas pa'i phyir/ /byang chub sems dpa' rnams kyi sa dag ni gnas pa zhes bya'o/ /'byung po dpag med 'jigs med phyir//dpag tu med pa de dag la/ /phyi phyir gong du 'gro ldan phyir/ /de dag nyid ni sar 'dod do/ /'byung po dpag tu med pa 'jigs pa med par bya ba'i phyir dpag tu med pa de dag la phyi phyir zhing gong du 'gro ba dang ldan pa'i phyir gnas pa de dag nyid la yang sa rnams zhes bya ste/'byung po dpag tu med pa 'jigs pa med par bya ba'i phyir zhes bya ba ni 'byung po dpag tu med pa rnams kyi 'jigs pa spang ba'i phyir ro/ /dpag tu med pa de dag la zhes bya ba ni re re la yang tshad med pa'i phyir ro/ /gong du 'gro ba dang ldan pa'i phyir zhes bya ba ni sa gong mar 'gro ba dang ldan pa'i phyir ro//thob pa rnam par dbye ba'i tshigs su bcad pa/ sa thob pa ni mos pa dang / /spyod pa dag la 'jug pa dang / /rtogs pa'i phyir dang sa rnams ni/ /'grub pa'i sgo nas rnam pa bzhi/ /sa rnams thob pa ni rnam pa bzhi ste/mos pas thob pa ni mos pas spyod pa'i sa la ji skad bshad pa la mos pas so/ /spyod pas thob pa ni/ de nyid la chos spyod pa bcu la 'jug pas so/ /rtogs pas thob pa ni/ sa la 'jug pa'i tshe don dam pa rab tu rtogs pas so//'grub pas thob pa ni phyir mi ldog pa'i sa la 'jug pa'i tshe'o/ /spyod pa rnam par dbye ba'i tshigs su bcad pa rtsa ba drug pa ste/ lus can theg pa chen po dang / /theg pa dman la mos pa rnams/ /gnyi ga 'dun par bya ba dang / /gdul ba'i phyir ni brten rnams kyi//spyod pa bzhi po mdo bzhin du/ /rjes su 'brangs nas bshad pa yin/ /de la pha rol tu phyin pa'i spyod pa ni theg pa chen po la mos pa rnams kyi phyir bshad do/ /byang chub kyi phyogs dang mthun pa'i spyod pa ni/ nyan thos dang rang sangs rgyas kyi theg pa la mos pa rnams kyi phyir ro/mngon par shes pa'i spyod pa ni/ /theg pa chen po dang dman pa la mos pa gnyi ga mthus 'dun par bya ba'i phyir ro/ /sems can yongs su smin par bya ba'i spyod pa ni/ gnyis po nyid kyis yongs su smin par bya ba'i phyir te/ yongs su smin pa ni/'dir 'dul ba yin no/ /sangs rgyas kyi yon tan rnam par dbye ba'i tshigs su bcad pa mang ste/ re zhig tshad med pa rnam par dbye ba las sangs rgyas la bstod pa las brtsams te/ /tshigs su bcad pa gcig go/ /sems can rnams la brtse ba can/ / phrad dang bral ba'i dgongs pa can/ /mi 'bral ba yi dgongs pa can/ /phan bde dgongs khyod la phyag 'tshal/ /'dir sems can rnams la brtse ba nyid ni/ phan pa dang bde ba'i dgongs pa nyid kyis bstan to/ /bde ba'i dgongs pa nyid kyang byams pas bde ba dang phrad par dgongs pa nyid dang /snying rjes sdug bsngal dang bral ba'i dgongs pa nyid dang / dga' bas bde ba dang mi 'brel ba'i dgongs pa nyid kyis bstan to/ /phan pa'i dgongs pa nyid ni btang snyoms kyis bstan te / de yang kun nas nyon mongs pa med pa nyid kyi dgongs pa'i mtshan nyid du rig par bya'o//rnam par thar pa dang / zil gyis gnon pa'i skye mched dang / zad par gyi skye mched rnam par dbye ba'i tshigs su bcad pa/ thub pa sgrib kun nges par grol/ /'jig rten thams cad zil gyis gnon/ / khyod kyi mkhyen pas shes bya khyab/ /thugs grol khyod la phyag 'tshal lo/ /'dir bcom ldan 'das kyi rnam par thar ba'i khyad par ni/ /nyon mongs pa dang shes bya'i sgrib pa thams cad las nges par grol ba nyid kyis ston to/ /zil gyis gnon pa'i skye mched kyi khyad par ni/'jig rten thams cad zil gyis gnon pa nyid dang / nyid kyi thugs la mnga' bsgyur bas ji ltar bzhed pa bzhin dmigs pa dang sprul ba dang / yongs su bsgyur bas byin gyis rlobs pa nyid kyis so/ /zad par gyi skye mched kyi khyad par ni/ shes bya thams cad la ye shes kyis khyab pas ston te/de nyid kyi phyir rnam par thar pa la sogs pa'i yon tan gyi mi mthun pa'i phyogs las grol bas na thugs grol ba yin no/ /nyon mongs pa med pa'i rnam par dbye ba'i tshigs su bcad pa/ /sems can dag ni thams cad kyi/ / nyon mongs ma lus thams cad 'dul/ /nyon mongs 'joms mdzad nyon mongs la/ /thugs rjer bcas khyod la phyag 'tshal/ /'dir bcom ldan 'das kyi nyon mongs pa med pa'i khyad par sems can thams cad kyi nyon mongs pa 'dul ba dang / /nyon mongs pa bskyed pa rnams la yang de dag gi nyon mongs pa'i gnyen po mdzad pa dang /skye bo nyon mongs pa can la rjes su brtse bas yang dag par bstan te/ nyon mongs pa med par gnas pa gzhan dag ni/ sems can rnams kyi de dag la dmigs pa'i nyon mongs pa 'ga' kho na zhig skye ba'i rkyen tsam yongs su spong gi /nyon mongs pa skyes pa rgyud las sel bar ni mi byed do/ /smon nas shes pa rnam par dbye ba'i tshigs su bcad pa/ lhun gyis grub cing chags mi mnga'/ /thogs pa mi mnga' rtag par ni/ /mnyam par gzhag cing 'dri kun gyi/ / lan ldon khyod la phyag 'tshal lo/ /'dir bcom ldan 'das kyi smon nas mkhyen pa'i khyad par ni rnam pa lngas yang dag par bstan te/ lhun gyis grub par mngon du 'gyur ba nyid dang / chags pa mi mnga' bar mngon du 'gyur ba nyid dang / shes bya thams cad la thogs pa mi mnga' ba nyid dang /rtag tu mnyam par gzhag pa nyid dang / sems can rnams kyi the tshom thams cad gcod pa nyid kyis ston te/ smon nas shes pa thob pa gzhan dag ni smon pa/ lhun gyis grub pas smon nas shes pa mngon du byed pa ma yin no/ /chags pa med pa yang ma yin te/snyoms par 'jug pa la ltos pa'i phyir ro/ /thogs pa med pa yang ma yin te/ nyi tshe shes pa'i phyir ro/ /rtag tu mnyam par gzhag pa yang ma yin la/ the tshom thams cad gcod pa yang ma yin no/ /so so yang dag par rig pa rnam par dbye ba'i tshigs su bcad pa/rten dang rten pa bshad bya dang / /gsung dang mkhyen pa 'chad byed la/ /blo gros rtag thogs mi mnga' ba/ /legs ston khyod la phyag 'tshal lo/ /'dir ni mdor na gang dang gang gis bshad par bya ba de la blo gros rtag tu thogs pa mi mnga' ba nyid kyis/ bcom ldan 'das kyi so so yang dag par rig pa bzhi bstan te/de la rten chos dang / /de la brten pa don dang gnyis ni bshad par bya'o / /gsung dang mkhyen pa dang gnyis kyis ni 'chad par byed do/ /legs par ston pa nyid kyis ni 'di dag gi las yang dag par bstan to/ /mngon par shes pa rnam par dbye ba'i tshigs su bcad pa//gshegs nas spyod pa mkhyen mdzad de/ /de dag skad kyis sems can gyi/ /'ong dang 'gro dang nges 'byung la/ /legs 'doms khyod la phyag 'tshal lo/ /'dir mngon par shes pa drug gis bcom ldan 'das kyi yang dag par 'doms pa nyid bstan te/rdzu 'phrul gyi mngon par shes pas gdul ba'i drung du gshegs nas sems kyi rnam grangs mngon par shes pas sems kyi spyod pa mkhyen par mdzad de/ lha'i rna ba'i mngon par shes pas de dag gi skad kyis/ mngon par shes pa lhag ma gsum gyis/ go rims bzhin du ji ltar sngon gyi mtha' nas 'dir 'ong ba dang /ji ltar phyi ma'i mthar 'gro ba dang / ji ltar 'khor ba las nges par 'byung ba mkhyen pas de bzhin du gdams ngag stsol bar mdzad do/ /mtshan dang dpe byad bzang po rnam par dbye ba'i tshigs su bcad pa/ lus can kun gyis khyod mthong na//skyes bu dam pa lags par 'tshal/ /mthong ba tsam gyis rab dang bar/ /mdzad pa khyod la phyag 'tshal lo/ /'dir bcom ldan 'das la skyes bu chen po nyid du yid ches pas mtshan dang dpe byad bzang po rnams kyi las mthong ba tsam gyis gzhan dag rab tu dang bskyed par mdzad pa nyid yang dag par bstan to//yongs su dag pa rnam par dbye ba'i tshigs su bcad pa/ /len dang gnas dang gtong ba dang / /sprul dang yongs su bsgyur ba dang / /ting nge 'dzin dang ye shes la/ /mnga' brnyes khyod la phyag 'tshal lo/ / 'dir dbang rnam pa bzhis bcom ldan 'das kyi yongs su dag pa bzhi po rnam pa thams cad du yongs su bstan te/ /rten yongs su dag pa ni/ lus len pa dang / gnas pa dang / gtong ba la mnga' bas so/ /dmigs pa yongs su dag pa ni/ sprul pa dang / yongs su bsgyur ba la mnga' bas so//thugs yongs su dag pa ni/ rnam pa thams cad du ting nge 'dzin la mnga' bas so/ /shes rab yongs su dag pa ni/ rnam pa thams cad du ye shes la mnga' bas so/ /stobs rnam par dbye ba'i tshigs su bcad pa/ thabs dang skyabs dang dag pa dang //theg chen nges par 'byung ba la/ /sems can rnams la rab slu ba'i/ /bdud 'joms khyod la phyag 'tshal lo/ /'dir don bzhi la sems can rnams la rab tu slu bar byed pa'i bdud gang yin pa de 'joms par mdzad pa nyid kyis/ bcom ldan 'das kyi stobs rnams kyi las yang dag par bstan te/'di lta ste/ bde 'gro dang ngan 'gror 'gro ba'i thabs la rab tu slu ba dang / /lha la sogs pa skyabs ma yin pa la skyabs su rab tu slu ba dang / zag pa dang bcas pa'i 'dag pa tsam gyis dag par rab tu slu ba dang /theg pa chen pos nges par 'byung ba la rab tu slu bar byed pa'o/ /gnas dang gnas ma yin pa mkhyen pa'i stobs kyis ni / bcom ldan 'das don dang po la bdud 'joms par mdzad pa yin par rig par bya'o/ /las bdag gir bya ba mkhyen pa'i stobs kyis ni gnyis pa la'o//bsam gtan dang rnam par thar pa dang / ting nge 'dzin dang / snyoms par 'jug pa mkhyen pa'i stobs kyis ni gsum pa la'o/ /dbang po mchog dang mchog ma yin pa nyid la sogs pa mkhyen pa'i stobs kyis ni bzhi pa la ste/ dbang po dman pa la sogs pa spangs nas mchog dag la sbyor ba'i phyir ro//mi 'jigs pa'i rnam par dbye ba'i tshigs su bcad pa/ rang gzhan don du ye shes dang / /spangs dang nges 'byung bgegs byed par/ /ston mdzad mu stegs gzhan dag gis/ /mi brdzi khyod la phyag 'tshal lo//'dir rang gi don du ye shes dang spangs ba ston par mdzad pa nyid dang / gzhan gyi don du nges par 'byung ba dang / bgegs byed pa ston par mdzad pa nyid kyis gzhan mu stegs can rnams kyis mi brdzi ba'i phyir/ /go rims bzhin du bcom ldan 'das kyis mi 'jigs pa rnam pa bzhi bsnyad do//bsrung ba med pa dang / dran pa nye bar gzhag pa rnam par dbye ba'i tshigs su bcad pa/ bsrung med bsnyel ba mi mnga' bas/ /'khor gyi nang na bag brkyang gsung / /kun nas nyon mongs gnyis spangs pa/ /'khor sdud khyod la phyag 'tshal lo//'dir ni bcom ldan 'das kyi bsrung ba med pa gsum dang / dran pa nye bar gzhag pa gsum dang / de dag gi las 'khor sdud pa nyid yongs su bstan te/ de dag gis ni go rims bzhin du 'khor gyi nang du bsrung ba med pa'i phyir/ bag brkyang ste gsung ba yang yin la/bsnyel ba mi mnga' ba nyid kyis rtag tu dgongs pa nye bar gnas pas rjes su chags pa dang / khong khro ba med pa'i phyir kun nas nyon mongs pa gnyis spangs pa yang yin no/ /bag chags yang dag par bcom pa rnam par dbye ba'i tshigs su bcad pa/kun mkhyen khyod la rgyu ba dang / /gnas pa kun la rtag par ni/ /kun mkhyen mi spyod mi mnga' ste/ /yang dag don ldan khyod phyag 'tshal/ /'dis ni rgyu ba dang gnas pa thams cad la rtag tu thams cad mkhyen pa ma yin pa'i spyod pa mi mnga' ba'i phyir/ bcom ldan 'das kyis bag chags thams cad yang dag par bcom pa yongs su bstan to //thams cad mkhyen pa ma yin pa ni/ nyon mongs pa zad kyang / bag chags yang dag par ma bcom pa'i phyir/ res 'ga' glang po che 'khrul pa dang / shing rta 'khrul pa dang lhan cig thug pa la sogs pa thams cad mkhyen pa ma yin pa'i spyod pa byed de/ji skad du/ bzhag pa'i bu'i mdo las gsungs pa lta bu'o/ /yang dag pa'i don du thams cad mkhyen pa nyid yin pa'i phyir/ bcom ldan 'das la ni de mi mnga'o/ /bsnyel ba mi mnga' ba nyid rnam par dbye ba'i tshigs su bcad pa/sems can kun gyi bya ba la/ /khyod ni dus las mi 'da' bas/ /mdzad pa rtag tu don mnga' ba/ /mi bsnyel khyod la phyag 'tshal lo/ /'dis ni sems can gang gi don gang yin pa/ gang gi dus su bya ba de'i dus las mi 'da' ba'i phyir/ bcom ldan 'das kyi mdzad pa rtag tu 'bras bu yod pa yin no zhes bsnyel ba mi mnga' ba'i chos nyid ngo bo nyid dang /las kyi sgo nas yang dag par bstan to/ /thugs rje chen po rnam par dbye ba'i tshigs su bcad pa/ /'jig rten kun la nyid mtshan du/ /lan drug tu ni so sor gzigs/ /thugs rje chen po dang ldan pas//phan dgongs khyod la phyag 'tshal lo/ /'dir bcom ldan 'das kyis thugs rje chen po las dang ngo bo nyid kyis yongs su bstan te/ bcom ldan 'das ni thugs rje chen pos nyin mtshan lan drug tu/ su ni nyams/ su ni 'phel zhes bya ba de lta bu la sogs pa 'jig rten la so sor gzigs so//de dang ldan pa'i phyir bcom ldan 'das sems can thams cad la rtag tu phan par dgongs pa yin no/ /ma 'dres pa'i yon tan rnam par dbye ba'i tshigs su bcad pa/ spyod pa dang ni rtogs pa dang //ye shes dang ni phrin las kyis/ /nyan thos rang sangs rgyas kun gyi / /bla ma khyod la phyag 'tshal lo/ /'dir sangs rgyas kyi chos ma 'dres pa spyod pas bsdus pa drug dang / rtogs pas bsdus pa drug dang / ye shes kyis bsdus pa gsum dang / phrin las kyi bsdus pa gsum gyis/ de las gzhan pa'i sems can mchog /nyan thos dang rang sangs rgyas rnams pas kyang mchog tu gyur pa nyid kyis/ bcom ldan 'das sems can thams cad kyi mchog nyid du yongs su bstan te/ de la de bzhin gshegs pa la 'khrul pa mi mnga'/ca co mi mnga'/ bsnyel ba mi mnga'/ thugs mnyam par ma bzhag pa mi mnga'/ tha dad pa'i 'du shes mi mnga'/ so sor ma brtags pa'i btang snyoms mi mnga' zhes bya ba ni/ sangs rgyas kyi chos ma 'dres pa gang dag sangs rgyas kho na la mnga'i/ gzhan dag la med pa spyod pas bsdus pa drug yin no/ /'dun pa nyams pa mi mnga'/ brtson 'grus dang / dran pa dang / ting nge 'dzin dang / shes rab dang / rnam par grol ba nyams pa mi mnga' zhes bya ba ni rtogs pas bsdus pa drug yin no/ /gang 'das pa'i dus la de bzhin gshegs pa'i ye shes ma chags ma thogs pa dang /ma 'ongs pa dang / da ltar byung ba'i dus la de bzhin gshegs pa'i ye shes ma chags ma thogs pa zhes bya ba ni ye shes kyis bsdus pa gsum yin no/ /de bzhin gshegs pa'i sku'i phrin las thams cad dang /gsung gi phrin las thams cad dang / /thugs kyi phrin las thams cad ye shes sngon du 'gro zhing ye shes kyi rjes su 'brang ba zhes bya ba ni/ phrin las kyis bsdus pa gsum yin no/ /rnam pa thams cad mkhyen pa nyid rnam par dbye ba'i tshigs su bcad pa/sku gsum dag gi byang chub che/ /rnam pa kun brnyes thams cad du/ /sems can kun gyi the tshom dag /gcod pa khyod la phyag 'tshal lo/ /'dis ni sku gsum gyi rnam pa thams cad byang chub pa brnyes pa'i phyir dang / /shes bya thams cad rnam pa thams cad du mkhyen pa'i phyir/bcom ldan 'das kyi rnam pa thams cad mkhyen pa nyid yongs su bstan te/ sku gsum ni ngo bo nyid med pa pa dang / longs spyod rdzogs pa pa dang / sprul pa pa'o/ /shes bya thams cad kyi rnam pa thams cad mkhyen pa ni/ 'dir lha dang mi la sogs pa'i sems can thams cad kyi the tshom thams cad gcod pa'i phrin las kyis bstan to//pha rol tu phyin pa drug yongs su rdzogs pa'i rnam par dbye ba'i tshigs su bcad pa/ 'dzin pa med cing nyes pa med/ /rnyog pa med cing mi gnas pa/ / mi g.yo chos rnams thams cad la/ /spros med khyod la phyag 'tshal lo/ /'dis ni pha rol tu phyin pa drug gi mi mthun pa'i phyogs mtha' dag las nges par grol bas/ bcom ldan 'das kyi pha rol tu phyin pa drug yongs su rdzogs par brjod de / de la 'dzin pa nyid ni/longs spyod la kun tu 'dzin pa med pa'i phyir rig par bya'o/ /nyes pa med pa nyid ni / lus la sogs pa'i las dri ma med pa'i phyir ro/ /rnyog pa med pa ni/ 'jig rten gyi chos dang / sdug bsngal dag gis sems rnyog pa can du mi byed pa'i phyir ro//mi gnas pa nyid ni rtogs pa chung ngu dang /[ (]dan ngon [,]ngan ngon [)]tsam la mi gnas pa'i phyir ro/ /mi g.yo ba nyid ni/ /rnam par mi g.yeng ba'i phyir ro/ /spros pa med pa nyid ni/ rnam par rtog pa'i spros pa thams cad kun tu mi spyod pa'i phyir ro//sangs rgyas kyi mtshan nyid rnam par dbye ba'i tshigs su bcad pa gnyis te/ dam pa'i don ni grub pa ste/ /sa kun las ni nges par byung / /sems can kun gyi mchog tu gyur/ /sems can thams cad rnam grol mdzad/ /yon tan mi zad mnyam med ldan//'jig rten dag dang dkyil 'khor na'ang / /snang la lha dang mi rnams kyis/ /rnam pa kun tu mi mthong ngo / /'dir ngo bo nyid dang / rgyu dang / 'bras bu dang / las dang ldan pa dang / 'jug pa'i don drug gis sangs rgyas kyi mtshan nyid yongs su bstan te/de la don dam pa grub pa ni/ de bzhin nyid rnam par dag pa ste/ de ni sangs rgyas rnams kyi ngo bo nyid kyi sku'o/ /byang chub sems dpa'i sa thams cad las nges par byung ba nyid ni rgyu'o/ /sems can thams cad kyi mchog tu gyur pa nyid ni 'bras bu'o//sems can thams cad rnam par grol bar mdzad pa nyid ni las so/ /yon tan mi zad pa dang / mnyam pa med pa dang ldan pa nyid ni ldan pa'o/ /'jig rten gyi khams sna tshogs su snang ba nyid ni/ sprul pa'i skus so/ /'khor gyi dkyil 'khor rnams na'ang snang ba nyid ni/longs spyod rdzogs pa'i skus so/ /rnam pa thams cad du mi snang ba nyid ni chos kyi skus te/ 'jug pa'i rab tu dbye ba rnam pa gsum yin no/ / theg pa chen po mdo sde'i rgyan byang chub sems dpa' chen po rtogs pa rnam par byang bas bshad pa las/spyod pa dang mthar thug pa'i skabs zhes bya ba ste/ le'u nyi shu rtsa gcig pa'o// //theg pa chen po mdo sde'i rgyan gyi bshad pa rdzogs so// //rgya gar gyi mkhan po shAkya sing+ha dang / zhu chen gyi lo tsA ba ban+de dpal brtsegs la sogs pas bsgyur cing zhus te gtan la phab pa// //theg chen mdo sde kun gyi rgyan/ /bshad pa 'di'i gzhung tshad ni/ /sha lo ka sum stong dag dang rtsa/ /drug brgya lnga bcu yin par bsgrags// //