བོད་ཡིག |
46a1 @#/ /chos dang chos nyid rnam par 'byed pa bzhugs so/ /
46b1 @##/ /rgya gar skad du/ d+harma d+harma tA bi b+haM ga ta/ bod skad du/ chos dang chos nyid rnam par 'byed pa/ 'phags pa 'jam dpal gzhon nur gyur pa la phyag 'tshal lo/ /gang phyir shes nas 'ga' zhig spang bya zhing / /gzhan dag 'ga' zhig mngon sum bya
46b2 ba'i phyir//des na de dag mtshan nyid las rnam dbye/ /byed par 'dod nas bstan bcos 'di mdzad do/ /'di dag thams cad ni gnyis kyis bsdus te/ chos dang chos nyid kyis so/ /chos kyis nye bar mtshon pa ni 'khor ba'o/ /chos nyid kyis nye bar mtshon pa ni theg
46b3 pa gsum gyi mya ngan las 'das pa'o//gnyis dang brjod pa ji ltar snang ba yang dag pa ma yin pa'i kun tu rtog pa ni chos kyi mtshan nyid de/ med pa snang ba ni yang dag pa ma yin pa'o/ /kun tu rtog pa ni thams cad du don med par rtog pa tsam mo/ /gzung ba dang / 'dzin pa dang /
46b4 rjod pa dang / brjod par bya ba'i khyad par med pa'i de bzhin nyid ni chos nyid kyi mtshan nyid do/ /med pa snang ba'i phyir 'khrul pa ni kun nas nyon mongs pa'i rgyu ste/ sgyu ma'i glang po che la sogs pa mthong ba bzhin no/ /yod pa mi mthong bas kyang ngo / /med pa dang snang ba dag las gang yang rung
46b5 ba zhig med na 'khrul pa dang ma 'khrul pa dang /kun nas nyon mongs pa dang rnam par byang ba rjes su 'jug par mi 'gyur ro/ /gnyis po dag gcig pa dang tha dad pa ma yin te/ yod pa dang med pa'i khyad par dang khyad par med pa'i phyir ro/ /rnam pa drug gis chos rtogs pa gong na med pa yin
46b6 te/mtshan nyid dang grub pa dang / gcig pa dang / tha dad pa ma yin pa dang / kun tu gnas pa dang / /thun mong dang thun mong ma yin pa dang / gzung ba dang 'dzin par snang ba dngos po med par 'jug pa'o/ /mtshan nyid dang / grub pa dang / gcig pa dang / tha dad pa ma yin pa
46b7 rnams ni ji ltar mdor bstan pa bzhin no//gang gang na 'khor bar byed pa de ni kun du gnas pa ste/ sems can dang snod kyi 'jig rten no/ /snod kyi 'jig rten ni thun mong ba bzhin nyid du rnam par rig pa'o/ /sems can gyi 'jig rten ni thun mong dang thun mong ma yin pa'o/ /skye ba dang /
47a1 tha snyad dang / rjes su gzung ba dang / tshar gcad pa dang / yon tan dang / skyon phan tshun byed pa'i phyir phan tshun bdag po nyid kyi ni thun mong ba'o/ /gnas dang / rnam par rig pa dang / las dang bde ba dang / sdug bsngal ba dang / 'chi 'pho dang / skye
47a2 ba dang /bcings pa dang / grol ba ni thun mong ma yin pa nyid kyis na thun mong ma yin pa'o/ /thun mong du phyi rol du gzung bar snang ba nyid ni 'dzin pa'i shes pa nyid yin gyi/ shes pa las logs shig na don med de/ thun mong nyid kyi phyir ro/ /thun mong ma yin pa'i gzung ba'i
47a3 rnam par shes pa'i don gzhan gyi sems la sogs pa ni mnyam par gzhag pa dang /mnyam par ma bzhag pa'i 'dzin pa'i rnam par rig pa'i yang phan tshun yul ma yin te/ mnyam par ma bzhag pa la ni rang gi rnam par rtog pa rab tu snang ba'i phyir ro/ /mnyam par gzhag pa
47a4 yang ting nge 'dzin gyi spyod yul la de'i gzugs brnyan rab tu snang ba'i phyir ro//gzung bar snang ba med na 'dzin par snang ba med par yang rab tu grub po/ /des na gzung ba dang 'dzin par snang ba med par rtog par rab tu grub po/ /thog ma med pa'i kun nas slong ba rab tu grub pa'i phyir
47a5 gnyis ma grub par rab tu grub pa'i phyir ro//rnam pa drug gis chos nyid kyi rtogs pa gong na med pa yin te/ mtshan nyid dang / kun tu gnas pa dang / nges par 'byed pa dang / reg pa dang / rjes su dran pa dang / de'i bdag nyid du nye bar 'gro bar de rab tu rtogs pa'o/ /mtshan
47a6 nyid ni mdor bstan pa bzhin no//kun tu gnas pa'i chos thams cad dang / mdo sde gsung rab yan lag bcu gnyis thams cad kyi tshig gi tshogs so/ /nges par 'byed pa ni theg pa chen po'i mdo sde la brten nas tshul bzhin yid la byed pas bsdus pa'i sbyor ba'i lam thams cad
47a7 do//reg pa ni yang dag pa'i lta ba thob pa'i phyir mthong ba'i lam gyis de bzhin nyid rab tu rtogs shing nyams su myong ba ste/ mngon sum nyid du sbyor bas so/ /rjes su dran pa ni ji ltar reg pa'i byang chub kyi phyogs kyis bsdus pa de'i dri ma sel ba'i bsgom pa'i lam thams cad do/ /
47b1 de'i bdag nyid du nye bar 'gro ba ni de bzhin nyid dri ma med par gyur pa las rnam pa thams cad du de bzhin nyid tsam snang ba ste/ de ni gnas yongs su gyur pa'i yongs su grub pa'o/ /rnam pa bcu rnams kyis gnas yongs su gyur pa rtogs pa ni gong na med pa ste/ ngo bo dang / dngos po
47b2 dang /gang zag dang / khyad par dang / dgos pa dang / gnas dang / yid la byed pa dang / sbyor ba dang / nyes dmigs dang / phan yon la rab tu rtogs pa'o/ /ngo bo rtogs pa ni de bzhin nyid dri ma med pa la glo bur gyi nyon mongs pa dang de bzhin nyid mi snang ba dang snang ba'o/ /dngos po rtogs
47b3 pa ni thun mong gi snod kyi rnam par rig pa de bzhin nyid du gyur pa dang /mdo sde'i chos kyi dbyings de bzhin nyid du gyur pa dang / thun mong ma yin pa'i sems can gyi khams kyi rnam par rig pa de bzhin nyid du gyur pa'o/ /gang zag rtogs pa ni dang po gnyis de bzhin nyid du gyur pa ni sangs rgyas dang byang chub
47b4 sems dpa' nyid kyi'o//phyi ma ni nyan thos dang rang sangs rgyas rnams kyi yang ngo / /khyad par rtogs pa ni sangs rgyas dang byang chub sems dpa' rnams kyi sangs rgyas kyi zhing yongs su dag pa'i khyad par dang / chos kyi sku dang / longs spyod rdzogs pa'i khyad par dang / sprul pa'i sku thob pa'i khyad par
47b5 kyang yin te/mthong ba dang / ston pa dang / 'byor pa brnyes pa'i khyad par gyi phyir ro/ /dgos pa rtogs pa ni sngon gyi smon lam gyi khyad par dang / theg pa chen po ston pa la dmigs pa'i khyad par gyi dang / sa bcu la rab tu sbyor ba'i khyad par gyi phyir ro/ /gnas rtogs pa ni/ rnam pa drug gis rnam par mi
47b6 rtog pa'i ye shes rtogs pa'i phyir ro//rnam pa drug gis rtogs pa nyid ni dmigs pa las dang / mtshan ma yongs su spangs pa las dang / yang dag par sbyor ba las dang / mtshan nyid kyi phyir dang / phan yon gyi phyir dang / yongs su shes pa'i phyir ro/ /rnam pa bzhis dmigs pa rtogs pa ste/ theg pa chen po ston pa
47b7 dang /de la mos pa dang / nges pa dang / tshogs yongs su rdzogs pa rnams kyis so/ /rnam pa bzhis mtshan ma spong ba rtogs pa ste/ mi mthun pa'i phyogs dang / gnyen po'i phyogs dang / de bzhin nyid dang / rtogs pa'i chos kyi mtshan ma yongs su spong ba las te/ rags pa dang / 'bring po dang / phra ba dang / ring
48a1 du rjes su 'gro ba'i mtshan ma yongs su spong ba rnam grangs ji lta ba bzhin du 'dis yang dag par bstan pa yin no//yang dag par sbyor ba rtogs pa la yang rnam pa bzhi ste/ dmigs pa'i sbyor ba las dang / mi dmigs pa'i sbyor ba las dang / dmigs pa mi dmigs pa nyid du sbyor
48a2 ba las dang /mi dmigs pa dmigs par sbyor ba las so/ /mtshan nyid rtogs pa la yang rnam pa gsum ste/ chos nyid la rab tu gnas pa'i phyir ni gnyis su med pa brjod pa dang bral ba'i chos nyid la rab tu gnas pa'i phyir ro/ /snang ba med pa'i phyir ni gnyis dang / ji ltar brjod pa dang / dbang po
48a3 dang /yul dang / rnam par rig pa dang / snod kyi 'jig rten rnams su snang ba med pa'i phyir ro/ /de rnams kyis ni gzugs med pa/ bstan du med pa/ gnas med pa/ snang ba med pa/ rnam par rig pa med pa/ rten med pa ni rnam par mi rtog pa'i ye shes so zhes ji ltar mdo las gsungs pa'i mtshan nyid de
48a4 gsal bar bstan pa yin no//snang ba'i phyir ni nam mkha'i dkyil ltar chos thams cad mthong ba'i phyir dang / sgyu ma la sogs pa ltar 'du byed thams cad mthong ba'i phyir ro/ /phan yon rtogs pa ni rnam pa bzhi ste/ chos kyi sku rdzogs par rab tu thob pa'i phyir dang / gong na med pa'i bde ba'i gnas pa rab
48a5 tu thob pa'i phyir dang /ston pa'i 'byor pa rab tu thob pa'i phyir ro/ /yongs su shes pa las rtogs pa yang rnam pa bzhi ste/ gnyen po yongs su shes pa'i phyir dang / mtshan nyid yongs su shes pa'i phyir dang / khyad par yongs su shes pa'i phyir dang / las yongs su shes pa'i phyir ro/ /de la gnyen po yongs su
48a6 shes pa ni rnam par mi rtog pa'i ye shes te/chos dang / gang zag dang / gyur pa dang / tha dad pa dang / skur pa lnga mi bde ba'i ngo bo las zhen pa'i gnyen po'o/ /mtshan nyid yongs su shes pa ni/ yid la byed pa med pa dang / yang dag par 'das pa dang / nye bar zhi ba dang / ngo bo'i don dang / bkra bar
48a7 'dzin pa lnga spangs pa ni rang gi mtshan nyid do//khyad par yongs su shes pa ni rtog pa med pa dang / phyogs gcig pa ma yin pa nyid dang / gnas pa med pa nyid dang / gtan du ba nyid dang gtan med pa rnam pa lnga'i khyad par gyi phyir ro/ /las yongs su shes pa ni/ rnam par rtog pa ring du byed pa
48b1 dang /bla na med pa'i bde ba'i sbyin pa dang / nyon mongs pa dang / shes bya'i sgrib pa dang bral bar sbyor ba dang / de'i rjes las thob pa'i ye shes kyis shes bya'i rnam pa thams cad la 'jug pa dang / sangs rgyas kyi zhing yongs su dag pa dang / sems can yongs su smin pa dang /
48b2 rnam pa thams cad mkhyen pa nyid ster bar byed pa'i rnam pa lnga ni las kyi khyad par ro/ /yid la byed pa rtogs pa ni/ ji skad du/ byang chub sems dpa' rnam par mi rtog pa'i ye shes de rtogs par 'dod pa de 'di ltar yid la byed pa/ de bzhin nyid mi shes pa thog ma med pa'i
48b3 dus can las te/yang dag pa ma yin pa'i kun tu rtog pa sa bon thams cad pa ste/ mi bden pa gnyis su snang ba'i rgyu dang / de la rten pa tha dad pa yang yin te/ de la rgyu dang 'bras bur bcas pa snang du zin kyang mi bden pa yin no/ /de ltar snang bas kyang de'i chos
48b4 nyid ni snang ba med la/de snang ba med pa las kyang chos nyid snang ba yin no/ /zhes tshul bzhin yid la byed pa na/ byang chub sems dpa' rnam par mi rtog pa'i ye shes rtogs pa yin no/ /de ltar nye bar dmigs pa las rnam par rig pa tsam la nye bar dmigs pa rtogs
48b5 par byed do//rnam par rig pa tsam la nye bar dmigs pa las don thams cad dmigs pa med par rtogs par byed do/ /don thams cad dmigs pa med pa las rnam par rig pa tsam yang mi dmigs par rtogs par byed do/ /de mi dmigs pa las gnyi ga
48b6 khyad par dmigs par rtogs par byed pa yin no//der gang yang gnyis dmigs pa med pa de ni/ rnam par mi rtog pa'i ye shes te/ yul med cing / dmigs pa med pa yin te/ mtshan ma thams cad mi dmigs pas nye bar mtshon pa nyid kyi
48b7 phyir ro//sbyor bas rtogs pa ni rnam pa bzhi ste/ mos pas spyod pa'i sa la mos pas sbyor ba'i phyir dang / de nyid nges par 'byed pa'i gnas skabs so/ /sa dang po la so sor rig par sbyor ba'i phyir dang / de nyid ni reg pa'i gnas skabs so/ /rnam par
49a1 ma dag pa'i sa drug la sgom pa la rab tu sbyor ba'i phyir dang /yongs su dag pa gsum po la yang ngo / /de nyid ni rjes su dran pa'i gnas skabs so/ /sangs rgyas kyis la mthar phyin pa la sbyor ba'i yang phyir te/ lhun gyis grub par
49a2 sangs rgyas kyi mdzad pa rgyun mi 'chad pa'i phyir ro//de nyid ni de'i bdag nyid du nye bar 'gro ba'i gnas skabs so/ /nyes dmigs rtogs pa ni/ gnas skabs su gyur pa med na'o/ /nyes dmigs rnam pa bzhi ste/ nyon mongs pa mi 'jug pa'i rten med pa'i nyes
49a3 dmigs dang /lam 'jug pa'i rten med pa'i nyes dmigs dang / gang zag mya ngan las 'das par tha snyad gzhag pa'i rten med pa'i nyes dmigs dang / byang chub rnam pa gsum gyi khyad par gyi tha snyad gzhag pa'i rten med pa'i nyes dmigs so/ /de dag las bzlog pa
49a4 la brten nas gnas yongs su gyur pa yod pa la/phan yon rnam pa bzhi nyid du rig pa'o/ /de dag nyid ni gnas gyur pa ji lta bar rtogs pa rnam pa bcur rig par bya'o/ /med pa'i chos snang ba ni/ dper na sgyu ma dang rmi lam la sogs pa bzhin no/ /gnas gyur pa'i
49a5 dpe ni/nam mkha' dang gser dang chu la sogs pa bzhin no// //chos dang chos nyid rnam par 'byed pa 'phags pa byams pas mdzad pa rdzogs so// //rgya gar gyi mkhan po paN+Di ta shAn+ti b+ha dra dang / zhu chen gyi lo tsA ba dge slong tshul khrims rgyal
49a6 bas bsgyur cing zhus te gtan la phab pa las/slad kyis kha che'i mkhan po paN+Di ta pa ra he ta dang / zhu chen gyi lo tsA ba dge slong dga' rdor gyis thugs dam sa tho ling gi gtsug lag khang du bcos shing gtan la phab pa// //mang+ga laM// //