CLOSE WINDOW

D4001
བོད་ཡིག

zhu chen gyi lo tsA ba ban de dpal brtsegs rak+shi tas bsgyur cing zhus te gtan la phab pa//[ @##/ /rgya gar skad du/ Ar+ya sA li stam+ba s+ya TI kA/ bod skad du/ 'phags pa sA lu ljang pa rgya cher 'grel pa/ 'jam dpal gzhon nur gyur pa la phyag 'tshal lo//gang gis dngos po rten 'byung bstan pa yis/ /yang dag mchog dang mchog min bka' stsal pa/ /chos kyi rgyal po de la phyag 'tshal te/ /sA lu ljang pa'i don ni ci nus bshad/ /mdo sde 'chad par 'dod pas thog mar thams cad du bsdus pa'i don dang /dgos pa dang / tshig gi don dang / mtshams sbyar ba dang / brgal ba'i lan brjod par bya'o/ /de la mdo sde 'di'i bsdus pa'i don ni/ rnam pa bdun te/ gleng gzhi dang / gleng bslang ba dang / yongs su shes par bya ba'i dngos po dang / yongs su shes pa dang / yongs su shes pa'i 'bras bu dang / de ji ltar yongs su shes par bya ba dang / mdo sde'i dgos pa'o/ /de la gleng gzhi ni mdo sde 'byung ba'i rgyu ste/ de yang yang dag par sdud par byed pas/ bdag la yid ches par bya ba'i phyir/thams cad du smos so/ /gleng bslang ba ni mdo sde bshad pa'i phyir skabs dang sbyar ba ste/ skabs su ma bab par smras na/ tshig thams cad 'chal bar 'gyur te/ de'i phyir tshig ma 'chal bar bya ba'i phyir/ thams cad du yang skabs dang sbyar ba'o/ /yongs su shes par bya ba'i dngos po gang zhe na/rten cing 'brel bar 'byung ba lugs su 'byung ba dang / lugs su mi 'byung ba ste/ de yang shes rab kyis shes par bya ba yin pas/ yongs su shes par bya ba zhes bya ste/ 'dis kun nas nyon mongs pa'i de kho na nyon mongs pa dang las dang tshe'i mtshan nyid dang /rnam par byang ba'i de kho na rten cing 'brel bar 'byung ba lugs su mi 'byung ba'i mtshan nyid kyang bstan no/ /lam 'di nyid kyis de kho na yongs su shes pas lam gyi rang bzhin gyi chos ni yongs su shes pa'o/ /yongs su shes pa'i 'bras bu ni rnam pa gnyis te/bla na yod pa dang / bla na med pa'o/ /de la bla na yod pa ni nyan thos rnams kyi dge sbyong gi 'bras bu bzhi dang / mya ngan las 'das pa'o/ /bla na med pa ni sangs rgyas nyid de/ de gnyis kyis ni blang bar bya ba'i yan lag kho na thabs dang bcas pa bstan to/ /ji ltar de yongs su shes par bya zhe na/don dam pa dang kun rdzob tu ste/ de ni yongs su shes par bya ba'i don to zhes 'phags pa dgongs pa nges par 'grel ba las gsungs so/ /de yang yongs su shes pa'i rang gi 'bras bu rnam gnyis thob par bya ba'i thabs bstan pa'i phyir bshad do/ / dgos pa ni sgrib pa spang ba dang / mi gnas pa'i mya ngan las 'das pa'i lam du 'jug pa ste/ mi gnas pa'i mya ngan las 'das pa'i lam ni/ mdor na byang chub sems dpa' rnams kyi shes rab dang snying rje'o/ /shes rab kyis ni 'khor bar mi ltung / snying rjes ni 'khor bar mi gtong zhing /mya ngan las 'das par mi ltung ba'i phyir te/ byang chub sems dpa' rten cing 'brel par 'byung ba la gnas pa/ shes rab kyis 'phel bar 'gyur ba dang / 'jug pa la rmongs pa'i sems can rnams la snying rje chen po 'byung ba'i phyir mi gnas pa'i mya ngan las 'das pa'i lam la 'jug pa ni de'i dgos pa'o//lam des kyang byang chub sems dpa' rnams kyi sgrib pa gnyis yang dag par bde blag tu spang bar 'gyur bas de yang de'i dgos pa'o/ / dgos pa brjod pa de yang nyan pa dag gus par nyan pa dang / len pa la sogs pa la gzud pa'i phyir te/dgos pa ni 'dir bsdus pa'i don gyi nang du 'dus pas logs shig tu ma bshad do/ /tshig gi don dang / mtshams sbyar ba dang / brgal ba'i lan brjod par bya ste/ de dag thams cad ni gzhung dang 'og nas sbyar ro/ /de la 'di skad ces bya ba 'dis ni / gsol ba btab nas yang dag par sdud par byed pas/mdo sde'i don 'og nas 'byung ba mtha' dag ston te / skur pa dang sgro 'dogs pa spang ba'i phyir ro/ /bdag gis thos pa zhes bya ba 'di gnyis kyis ni bdag gis mngon sum du thos pa dang / rtogs pa ma yin par ston te/ bdag nyid kyis thos pa gcig nas gcig tu brgyud pa las 'ongs pa ni ma yin no//thos su zad kyi rtogs pa ma yin te/ sangs rgyas ma gtogs par gzhan gyis 'di lta bu'i don rtogs mi srid pa'i phyir ro/ /de yang yid ches par bya ba'i rgyu yin te/ gzhan du na mi srid pa'i don smras na yid ches par mi 'gyur ro//dus gcig na zhes bya bas ni thos pa zhes bya ba gong ma dang sbyar te/ dus ni dus sam 'khor 'dus pa ste/ thams cad du thams cad na mdo sde dkon mchog 'di lta bu dag shin tu thos par dka' ba'i phyir ro/ /yang na dus gcig na bcom ldan 'das bzhugs so zhes 'og tu sbyar te/'dis ni 'dul ba'i bya ba mtha' yas pa'i phyir gzhan gyi tshe na ni bcom ldan 'das gzhan na bzhugs so zhes ston to/ /bcom ldan 'das zhes bya ba ni bdud bzhi bcom pa dang / dbang phyug la sogs pa'i yon tan dang ldan pa'i phyir ro/ / rgyal po'i khab ces bya ba ni grong cher gyi bye brag gi ming ste/ de na sngon rgyal po'i ming btags pa'i khang khyim dag la mi ma yin pa rnams mi 'tshe bas de dag la de skad btags zhes grags te/ de'i phyir grong khyer de la de skad ces bya'o/ /grong khyer de yang grong khyer mtha' dag gi nang na gtso bo yin la/de bzhin du mdo sde 'di yang gsung rab mtha' dag la khyab par byed pas gtso bor bstan pa'i phyir de nyid du bshad do/ /rgyal po'i khab ni rgya che ste/ rgyal po'i khab kyi gang na bzhugs gtol med pas de'i phyir/ bya rgod kyi phung po'i ri la zhes bya ba smos te/bya rgod 'dra bar ri'i rtse mo rdog rdog por 'dug pas bya rgod phung po'o/ /gnas 'di gnyis brjod pa ni/ khyim na gnas pa dang rab tu byung ba'i 'jig rten la phan btags pa'am/ bdag dang gzhan gyi don phun sum tshogs par bstan pa'i phyir ro//bya rgod kyi phung po'i ri zhes bya ba 'dis ni de ltar mdo sde 'di khong du chud par dka' bar ston te / mtho bar bstan pas so/ /ri zhes bya ba 'dis ni/ mu stegs can gyi rlung gis mi bsgul ba ste/ mi g.yo bar brtan pas so/ /chen po zhes bya ba ni grangs dang mthu gnyis te/nyon mongs pa bcom zhing phyir rgol bas mi phyed pa'i phyir ro/ /dge slong gi dge 'dun zhes bya ba ste 'dis ni mthu che ba bstan to/ /grangs phal che bar bstan pa ni stong nyis brgya lnga bcu zhes bya ba ste/ de'i tshe na ni de snyed cig yod de 'di ltar bcom ldan 'das kyis lteng rgyas 'od srungs g.yog lnga brgya dang /chu klung 'od srungs g.yog nyis brgya lnga bcu dang / ga ya 'od srungs g.yog nyis brgya lnga bcu dang / 'phags pa shA ri'i bu dang / maud gal gyi bu g.yog 'khor nyis brgya lnga bcu btul nas thog mar rgyal po'i khab tu bzhugs so//theg pa chen po'i mdo sde bshad pa la ci'i phyir nyan thos rnams smos shing / gang gi phyir de gong du smos she na/ yang dag par sdud par byed pas bdag la yid ches par bya ba bstan pa dang / nyan thos rnams kyang theg pa chen po la 'dzud par 'gyur ba bstan pa dang /'khor gyi gtso bo rnams 'dul zhing sgo de nas de'i 'khor theg pa chen po la gzud pa dang / rten cing 'brel bar 'byung ba la bsgom pa ni thun mong bas de dag brjod par rigs pa nyid do/ /gong du ci'i phyir smos she na/ de dag rang gi don lhur len pas/ rtag par bcom ldan 'das kyi zhabs 'bring byed par bstan pa dang /rab tu byung ba la gus par bya bar bstan pa'i phyir ro/ /dge slong gi dge 'dun las byang chub sems dpa' dag mong ba ni theg pa chen po'i mdo sde bstan pa la de dag gtso bo yin pa'i phyir ro/ /de dag ni byang chub tu sems dpas byang chub sems dpa'o//nyan thos rnams kyang rang gi byang chub la sems dpa' yod pas de rnam par bcad pa'i phyir sems dpa' chen po'o zhes bya ba smos te/ chen po rnam pa bdun dang ldan pa'i phyir/ byang chub sems dpa' sems dpa' chen po dag ces bya'o//de la chos chen po ni de dag la shes rab kyi pha rol tu phyin pa stong phrag brgya pa la sogs pa bstan pa ste/ shin tu rgya che ba'i phyir ro/ sems bskyed pa chen po ni bla na med pa yang dag par rdzogs pa'i byang chub tu sems bskyed pa'i phyir ro/ /mos pa chen po ni chos zab cing rgya che ba de dag nyid la mos pa'i phyir ro//bsam pa chen po ni sems can thams cad la phan pa dang / bde ba bskyed par sems pa'i phyir ro/ /tshogs chen po ni bsod nams dang ye shes kyi tshogs dpag tu med pa'i phyir ro/ /dus chen po ni bskal pa grangs med pa gsum gyis byang chub 'thob pa'i phyir ro//yang dag par 'grub pa chen po ni/ bla na med pa yang dag par rdzogs pa'i byang chub yang dag par 'grub pa'i phyir ro/ /bzhugs zhes bya ba ni rnam pa gsum gyis bzhugs pa ste/ spyod lam gyis bzhugs pa dang / chos 'chad cing bzhugs pa dang /nang du yang dag 'jog la tshangs pa dang / lha dang 'phags pa gnas pa'i mtshan nyid kyis bzhugs pa'o zhes bya bas ni bzhugs par gyur zin par bstan to/ /gang gi tshe gang zhig na gang dang lhan cig bzhugs pa de smos pas ni gleng gzhi bstan to/ / da ni de'i tshe na zhes bya ba la sogs pas gleng bslang ba bshad do//de'i tshe na zhes bya ba ni gang gi tshe na bcom ldan 'das bzhugs pa'o/ /chos rnam par gtan la dbab pa'i phyir skye bo dag gang du lhags nas nye bar 'gro ba de ni de'i bgrod par bya ba'i sa'o/ / ga la ba zhes bya ba ni/ phyogs gang na ba zhes bya ba'i tha tshig go/ /yang dag pa'i sgrub pa brjod pa'i phyir mchog tu dga' ba bskyed pa'i gtam gang yin pa de ni kun dga' bar byas nas zhes bya ba ni mjug brtul ba'o/ /byang chub sems dpa' dang / rab tu byung ba gnyis ka yang bla mar brjod pa'i phyir kun dga' ba'i gtam nyid byas kyi/gcig la gcig phyag la sogs pa ni ma byas so/ /gcig la gcig phyag byed na ni bla ma ma yin pa dang / thug pa med par 'gyur ro/ /'dus te zhes bya ba ni 'dus na ha cang yang mi ring ba zhes bya ba'i tha tshig go//rdo leb la 'khod do zhes bya ba ni de'i tshe rdo leb dang yang nye la/ chos rnam par gtan la dbab pa la yang sems shin tu 'dun pas de nyid du 'khod kyi/ stan bzang po la ni ma bsdad do/ /de nas zhes bya ba ni de'i 'og tu'o/ /'phags pa shA ri'i bu ni shes rab dang ldan pa'i mchog yin la/byams pa yang byang chub la shin tu nye ba ste/ de bas na des de la dri bar spro'i/ 'dir zhes bya ba ni rgyal po'i khab bam tshig gi phrad do/ /sA lu ljang pa zhes bya ba ni sA lu ljang bu'o/ /de la gzigs pa ni phyi'i rten cing 'brel bar 'byung ba dang /nang gi gnyis ka bye brag med par bstan pa ste/ gnyis ka bdag med pa dang / rgyu dang rkyen la ltos par 'dra ba'i phyir ro/ /de'i tshe na dge slong rnams la chos de bshad pas 'dul bas na de dag nyid la mdo 'di bshad do / /ci'i phyir bcom ldan 'das cang mi gsung bar gyur ce na/bdag lta bus bcom ldan 'das kyi dgongs pa shes par mi nus mod kyi/ 'on kyang rtags de brjod na/ dge slong gang dag nged ni mgo smos pas go ba'o snyam du nga rgyal byed pa de dag gis nga rgyal spang ba dang / byang chub sems dpa' rnams shin tu zab mo'i don gyi dgongs pa yang 'chad pas che ba nyid brjod pa dang /de tsam gyis bshad pa'i dgos pa yongs su rdzogs pa'i phyir ro/ /don ci zhes bya ba ni ldem por dgongs pa dang / dgongs pa gang zhes bya ba'i tha tshig go/ /bcom ldan 'das ni ldem por dgongs pa bzhi dang /dgongs pa bzhis chos bstan te/ gzhug pa la ldem por dgongs pa dang / mtshan nyid la ldem por dgongs pa dang / gnyen po la ldem por dgongs pa dang / bsgyur ba la ldem por dgongs pa dang / mnyam pa nyid la dgongs pa dang / don gzhan la dgongs pa dang /dus gzhan la dgongs pa dang / gang zag la dgongs pa ste/ de rnams kyi nang na 'dir gang las dgongs zhes bya ba'i tha tshig go/ /'di la 'gal ba ci zhig mthong na ldem por dgongs pa dang / dgongs pa rnams 'dri zhe na/ 'di snyam du sems te/ ma rig pa la sogs pa rgyu dang 'bras bur gyur pa/zag pa dang bcas pa'i chos rnams ni rten cing 'brel bar 'byung ba'i sgrar gsungs pa/ zag pa med pa'i lam dang / 'dus ma byas pa mya ngan las 'das pa la ni chos kyi sgrar gsungs pa / sangs rgyas su byed pa zag pa med pa nyid kyi chos ni sangs rgyas kyi sgrar gsungs te/'di dag thams cad ni phan tshun rang bzhin tha dad na ji ltar mi 'dra ba'i rten cing 'brel bar 'byung ba mthong bas chos mthong bar 'gyur ro / /ji ltar mi 'dra ba'i chos mthong bas sangs rgyas mthong bar 'gyur te/ de'i phyir gzugs dang sgra la sogs pa mthong ba bzhin du 'di yang tha dad par 'gyur ro snyam du bsams pa'o//ji ste gzhan zhig la 'dir rten cing 'brel bar 'byung ba la sogs par bzhed par lta na ni de'i tshad de dag ji lta bu zhig snyam nas/ rten cing 'brel bar 'byung ba ni gang ches ni gang /sangs rgyas ni gang zhes bya ba smos so/ /rten cing 'brel bar 'byung ba la sogs pa bzhin du bzhed pa ni ma yin pas na de'i phyir/ ji ltar na rten cing 'brel bar 'byung ba mthong bas chos dang sangs rgyas mthong zhes dris so/ /gleng bslang ba bshad zin to//da ni 'phags pa byams pas 'di la bcom ldan 'das zhes bya ba la sogs pas bcom ldan 'das kyis bka' rnams zlos te/ rten cing 'brel bar 'byung ba gang zhe na zhes bya ba la sogs pas yongs su shes par bya ba la sogs pa'i don ston te/bcom ldan 'das kyis dgongs pa dang / ldem por dgongs pa yang 'chad do/ /bcom ldan 'das zhes bya ba ni mchod pa'i tshig go/ /chos kyi bdag po zhes bya ba ni chos thams cad la mnga' brnyes pa ste/ de yang bcom ldan 'das chos thams cad 'chad pa la mnga' brnyes pas na tshig 'di dag thams cad tshad mar bya ba yin no zhes bstan pa'i phyir gsungs so//chos kyi bdag por bsgrub pa'i phyir thams cad mkhyen pa zhes bya ba gsungs te/ gang gi phyir de thams cad mkhyen pa de'i phyir chos kyi bdag po ste/de bas na de ni tshad ma'o zhes bya ba ni grags pa ston pa'o/ /sus rten cing 'brel bar 'byung ba zhes bya ba ni grags pa yin te/ de gang zhe na zhes bya ba'i tha tshig go/ /gang 'di ma rig pa'i rkyen gyis 'du byed rnams zhes bya ba 'dis ni ma rig pa la sogs pa'i mthu nges par rgyu dang 'bras bu'i dngos po gdon mi za ba ste/de ni rten cing 'brel bar 'byung ba'o/ /rgyu dang 'bras bur gyur pa de yang ma rig pa la sogs pa las gud na med de/ gzhan ma yin no zhes de ston to/ /ma rig pa la sogs pa 'di dag gi mtshan nyid ni 'og nas 'chad pas bdag gis 'dir ma brjod do//'di 'ba' zhig ces bya ba ni bdag dang bdag gi dang bral ba'o/ /sdug bsngal gyi phung po zhes bya ba ni sdug bsngal mang ba'o/ /chen po zhes bya ba ni thog ma med pa'o/ /ma rig pa la sogs pa 'gag pa yang rten cing 'brel bar 'byung ba zhes ji skad du bya/smras pa 'di ni nyes pa med de/ 'dir de med par dgag pa la ni ma rig pa la sogs pa dgag pa'o zhes brjod par byas pa ma yin gyi/ sman bcud kyis len zos pa bzhin du lam goms par byas pa'i stobs kyis gang ma rig pa dang mi mthun pa'i gnas 'byung ba gang rig pa skye ba de ni 'dir ma rig pa 'gag pa zhes te/'dir ram 'dis ma yin par gyur pa brjod par 'dod pa ma rig pa la sogs pa dgag pa'i phyir ro/ /de bas na gong nas gong du 'du byed la sogs pa dang mi mthun pa'i gnas 'byung ba nyid 'dir 'du byed la sogs pa 'gag par blta'o//gang dag 'khor bar 'jug pa dang / ldog pa la rmongs pa de rnams rmongs pa de dang bral ba'i phyir lugs su 'byung ba dang / lugs su mi 'byung ba rnam pa gnyis kyis kun nas nyon mongs pa dang / rnam par byang ba'i phyogs las brtsams te/rten cing 'brel bar 'byung ba bstan to/ /'di la dang po gsum ni 'phen pa'i yan lag go/ /ming dang gzugs dang skye mched drug dang / reg pa dang tshor ba rnams ni 'phags pa'i yan lag go/ /sred pa dang len pa dang srid pa 'di dag ni mngon par sgrub pa'i yan lag go//skye ba ni mngon par sgrub pa'i yan lag go/ /rga shi ni nyes dmigs kyi yan lag go/ /de la 'phen pa'i yan lag gis ni ring ba'i rgyu bstan to/ /mngon par sgrub pa'i yan lag gis ni nye ba'i rgyu bstan to/ /de gnyis med na skye ba 'grub par mi 'gyur te/ de bas na rnam pa gnyis su bshad do//ma rig pa'i rgyu las byung ba'i las kyis rnam par shes pa la bsgos pas ma 'ongs pa na skye ba 'phangs par 'gyur ro/ /de nas sred pa dang len pa gnyis kyis las de bskul bas skye ba mngon par 'grub par 'gyur te/ de bas na gang gis gang 'phen cing 'phangs pa de yang gang gis grub pa de las nyes dmigs su 'gyur bas/yan lag bcu gnyis kho nar bstan pa'i phyir yan lag bcu gnyis nyid du gyur te/ mi nyung mi mang ngo / /gzhan dag ni snga ma dang bar ma dang phyi ma rnams su gnyis dang brgyad dang gnyis go rims bzhin te/de la rmongs pa rnam par bzlog pa'i phyir bstan par dum bu gsum du rnam par 'jog pas yan lag rnams rnam par brjod do/ /kha cig na re ma rig pa'i rgyu ma bstan pas 'khor ba yang thog ma can du 'gyur la/ ma rig pa yang rgyu med par 'gyur ro zhes zer ro//de yang mi rigs te/ de'i yang gzhan de'i yang gzhan du brjod dgos pas gang nas bzung ste/ skye ba'i rim pa bstan par brtsam/ ma rig pa rgyu med par yang mi 'gyur te/ thog ma med pa'i dus kyi rigs mthun pa'i rkyen las de 'byung ba'i phyir ro//'di la yan lag rnams la ni rigs mthun pa'i rkyen zhes brjod par ma zad kyi rigs mi mthun pa yang gtogs so/ /ma rig pa la ni rigs mi mthun pa'i rkyen med do/ /tshul bzhin ma yin pa yid la byed pa la sogs pa la yang de rtas par byed pa'i rgyu nyid du mdo las gsungs kyi dngos kyi rgyu ni ma yin no//yang na tshul bzhin ma yin pa yid la byed pa la sogs pa phyin ci log gi rnam par zhugs pas ma rig pa'i rang bzhin kho na ste 'gal ba med do/ /de lta bas na 'khor ba la thog ma yod par mi 'gyur te/dper na sa bon gyi rkyen las myu gu 'byung bar brjod pa'i sa bon la thog ma yang yod pa'am/ rgyu med par yang mi 'gyur ba de bzhin du 'di yang klan kar mi 'gyur ro/ /gang gi phyir yan lag bcu gnyis kho nar gyur pa de ni 'phen pa dang / mngon par 'grub ba'i yan lag brjod pas bdag gis bshad pa nyid de mang du brjod mi dgos so//yongs su shes par bya ba bshad zin to/ /da ni yongs su shes pa dang / de'i 'bras bu bla na yod pa bstan pa'i phyir/ chos gang zhen zhes bya ba gsungs so/ /'dir chos kyang rnam pa gnyis su bshad do//sgrub pa'i chos dang 'bras bu'i chos so/ /sgrub pa'i chos ni 'phags pa'i lam yan lag brgyad pa ste/ de nyid 'dir yongs su shes pa'o/ /'dus byas dang 'dus ma byas kyi bye brag gis 'bras bu'i chos kyang rnam pa gnyis su'o/ /de la 'dus byas ni dge sbyong gi 'bras bu bzhi ste/rnam par grol ba'i lam gyi rang bzhin no/ /'dus ma byas ni nyon mongs pa spangs pa'i mtshan nyid mya ngan las 'das pa'o/ /bstan bcos las ni 'dus byas dang / 'dus ma byas kyi rang bzhin dge sbyong gi 'bras bu rnam par gzhag mod kyi/ 'on kyang mya ngan las 'das pa logs shig tu bshad pas ba lang dang glang zhes bya ba'i tshul du 'dus byas nyid du gzung ngo //yang na yongs su dag pa'i de bzhin gang yin pa 'dir mya ngan las 'das par 'dod de/ de la nyon mongs pa med pa'i phyir ro/ /'bras bu 'di brjod pa ni nyan thos dang rang sangs rgyas rnams lam 'di nyid kyis gang zag dang /chos la bdag med pa'i tshul du bsgoms na 'bras bu rnyed par 'gyur ro zhes go rims bzhin du bstan pa'i phyir ro/ /de la de kho na ma nor ba'i rang bzhin du rtog pa ni yang dag pa'i lta ba'o/ /de nyid la tshul bzhin du rtog cing dpyod pa ni yang dag pa'i rtog pa'o//de yang gzhan dag la ma nor ba'i rang bzhin 'chad cing brdzun la sogs pa'i nyes pa spangs pa'i tshig ni yang dag pa'i ngag go/ /de nas srog gcod pa la sogs pa'i nyes pa spangs shing lus kyi las yongs su dag pa ni/ yang dag pa'i las kyi mtha'o//de nas tshul 'chos pa dang / gzhogs slong la sogs pa log pas 'tsho ba'i nyes pa spangs shing yongs su dag pa'i lus dang ngag gi las kun du spyod pa ni yang dag pa'i 'tsho ba'o/ /nyes pa lhag ma rnams spang ba'i phyir mngon par spro ba ni yang dag pa'i rtsol ba'o//de kho na de nyid mi brjed pa ni yang dag pa'i dran pa'o/ /gong nas gong du yon tan gyi khyad par rnams mngon par sgrub pa'i phyir rtag tu mnyam par gzhag pa ni yang dag pa'i ting nge 'dzin to/ /lam la snyoms par zhugs pa la yang dag pa'i ngag la sogs pa ji ltar 'byung na/gang gis 'phags pa'i lam yan lag brgyad par 'gyur zhe na/ 'di la nyes pa med de/ 'jig rten las 'das pa'i lam gyi gnas skabs na rnal 'byor pa de lta bu'i so so'i rang gi rig pa de kho na myong ba myong bar yang 'gyur zhing gnas 'gyur ba yang 'thob la de nas langs pa'i tshe na yang dag pa'i ngag la sogs pa la 'jug ste/log pa'i ngag la sogs pa la mi 'jug go/ /de bas na rgyu la 'bras bu btags te/ de yang dag pa'i lta ba la sogs pa yan lag rnam pa brgyad ni rnam par dag pa'i rgyur 'gyur bas de la lam yan lag brgyad pa zhes bya ste/de'i tshe na tshig gcig kyang mi smra la/ gos la sogs pa yang mi tshol bas de'i gnas skabs na yan lag brgyad mi 'byung ste/ 'gal ba'i phyir ro/ /de la yang dag pa'i lta ba ni yongs su gcod pa'i yan lag ste/ des ji ltar myong ba de kho na nges par 'dzin pa'i phyir ro//yang dag pa'i rtog pa ni gzhan go bar byed pa'i yan lag ste/ des ji ltar rtogs pa'i de kho na rnam par gzhag nas tshig tu 'don pa'i phyir ro/ /yang dag pa'i ngag dang / las kyi mtha' dang / 'tsho ba ni gzhan yid ches par byed pa'i yan lag ste/de dag go rims bzhin du rnal 'byor pa'i lta ba dang / tshul khrims dang / yo byad bsnyungs pa rnam par dag par gzhan dag yid ches par 'gyur te/ 'dri ba'i lan legs par ldon par yang dag pa'i ngag gis lta ba rnam par dag par yid ches so/ /yang dag pa'i las kyi mtha' bya ba ma yin pa mi byed pas tshul khrims rnam par dag par ro//yang dag pa'i 'tsho bas gos la sogs pa chos bzhin tshol bas yo byad bsnyungs pa rnam par dag par ro/ /'di dag ni go rims bzhin du/ ngag dang lus dang gnyi ga'i las kyi rang bzhin no//yang dag pa'i rtsol bas ni nyan thos dang byang chub sems dpa' gnyi ga'i nyon mongs pa'i sgrib pa rnam par sbyong ba'i yan lag go/ /yang dag pa'i dran pa ni bying ba dang rgod pa nye ba'i nyon mongs pa rnam par sbyong ba'i yan lag ste/ dran pa nye bar gzhag pas yang dag par mtshan ma rtog pas /bying ba dang rgod pa la sogs pa'i skabs med pa'i phyir ro/ /yang dag pa'i ting nge 'dzin ni yon tan gyi khyad par mngon par sgrub pa la sgrib pa rnam par sbyong ba'i yan lag ste/ des mngon par shes pa la sogs pa yon tan mngon par sgrub pa'i phyir ro//da ni yongs su shes pa'i 'bras bu bla na med pa ston te/ sangs rgyas bcom ldan 'das gang zhe na zhes bya ba'i lan du sus chos thams cad thugs su chud pa'i phyir zhes bya ba gsungs te/ gang gi dngos po rnams ma lus par rnam pa thams cad du phyin ci ma log par lag mthil du skyu ru ra'i 'bras bu gzhag pa bzhin du gzigs pa ste/des dngos po rnams kyi don ji lta ba bzhin du thugs su chud pas na sangs rgyas zhes bya bar sbyar ro/ /gzigs zhes bya ba ni lus dang mig yod na 'grub po zhe na/ chos thams cad ni mig yul du mi rung ste/yul so sor nges pa'i phyir des de dag ces bya ba gsungs te/ des zhes bya ba ni sangs rgyas bcom ldan 'das so/ /de dag ces bya ba ni chos rnams so/ /'phags pa'i shes rab kyi spyan zhes bya ba ni zag pa med pa'i shes rab kyi spyan gyis gzigs kyi sha'i mig gis ni ma yin no zhes bya ba'i tha tshig go//'di ni bla na med pas na chos thams cad yul du rung ngo zhes dgongs pa'o/ /chos kyi sku zhes bya ba ni rgyu bstan pa ste/ sangs rgyas kyi chos thams cad kyi rgyur gyur ba ni yongs su dag pa'i ye shes sam/ yongs su dag pa'i de bzhin nyid de sku ni chos kyi sku'o//de yang bla na med pa'i shes rab kyi spyan gyi rgyu'o zhes bya ba bstan pa'i phyir smos so/ /chos kyi sku dang ldan pas gzigs so zhes ldan pa'i tshig ni khong nas dbyung bar sbyar ro/ /byang chub byed pa zhes pa ni byang chub rnam pa gsum gdags pa'i rgyu'o//slob pa dang mi slob pa ni mtshon pa ste/ slob pa yang ma yin mi slob pa yang ma yin pa yang gzigs pa nyid do/ /des 'jig rten las 'das pa'i slob pa dang mi slob pa'i chos rnams kyang gzigs na de ma yin pa gzhan lta ci'i phyir mi gzigs zhes bstan pa'i phyir slob pa dang mi slob pa smos so//da ni bcom ldan 'das kyis gang la dgongs te gsungs pa de bstan pa dang de ji ltar yongs su shes par bya ba bstan pa'i phyir/ de la rten cing 'brel bar 'byung ba mthong ba ji lta bu zhe na zhes bya ba gsungs te/ rten cing 'brel bar 'byung ba ni don dam pa dang kun rdzob kyi tshul gnyis su shes par bya ste/sgro 'dogs pa dang skur pa'i mtha' spangs pa'i phyir ro/ /don dam pa'i tshul kho na bsgoms na ni skur pa'i mthar ltung zhing chad par lta ba'am/ nyan thos kyi mya ngan las 'das pa la gnas par 'gyur/ kun rdzob kyi tshul kho nar bsgoms na ni sgro 'dogs pa'i mthar ltung bas gnyi ga'i tshul du bsgoms na mtha' gnyis spangs pas dbu ma'i lam la zhugs par 'gyur ro/ /de la ma rig pa la sogs pa sgyu ma dang gzugs brnyan la sogs pa bzhin rgyu rkyen la ltos pa yin mod kyi/dus gsum du yang gang ma skyes pa de ni 'dir don dam pa'i tshul te/ de skad du mi skye ba'i chos ni bden gyi chos gzhan ni brdzun no zhes gsungs so/ /de yang spros pa thams cad las 'das pa'i phyir sangs rgyas rnams kyi so so rang gis rig pa'o/ /brjod pa ni kun rdzob 'ba' zhig tu bcom ldan 'das kyis de ston te/de bstan pa'i phyir 'di la bcom ldan 'das kyis zhes bya ba gsungs te/ 'di la zhes bya ba ni tshig gi phrad do/ /dus thams cad du 'di ltar skye ba med pa'i chos su gsungs pa dang ldan pas na brtag pa'o/ /'dis ni dus gsum yang don dam par ro gcig pas 'gyur pa med par bstan to//gal te de lta na bdag tu smra ba dang gnyis 'dra bar 'gyur bas srog med pa zhes bya ba gsungs te/ rang gis bdag gi rang bzhin ma yin pa'i phyir te/ 'tsho bas na bdag kho na la srog ces gzhan dag gis brtags pa'i phyir ro//srog dang bral ba zhes bya ba ni de dang tha dad pa srog ces brjod pa'i bdag gis byin gyis ma brlabs pa'i phyir ro/ /'dis ni rtag pa yin mod kyi/ de bdag dang bral bas bdag dang mi 'dra'o zhes bstan te/ bdag med pa kho na la rtag par pha rol dag gis brtags pa'i phyir te/de bas na de bdag dang 'dra bar mi 'gyur bar dgongs pa'o/ /rten cing 'brel bar 'byung ba 'di don dam pa'i tshul du bdag bzhin du rtag par yongs su brtags pa ma yin par bstan pa'i phyir/ ji lta bu nyid ces bya ba gsungs te/ ma brtags pa'o zhes bya ba'i tha tshig go//ji ltar ma brtags zhes bya ba'i gtan tshigs bstan pa'i phyir ma nor ba zhes bya ba gsungs so/ /de ni 'di ltar tshad mas ma nor bar bsgrubs te/ de'i phyir brtags pa ma yin pa'o/ /'dis ni de phyin ci ma log par grub par bstan to/ /'di skyes pa'i phyir ji ltar ma skyes pa'i tshul du rtag pa dang ldan snyam pa la ma skyes pa zhes bya ba gsungs te/don dam par na 'di la gang skyes pa'i rang bzhin gang yang med de/ dper na gzugs brnyan bzhin no zhes dgongs pa'o/ /de skad du/ rkyen rnams las gang byung ba de ma skyes//de ni ngo bo nyid kyis skye ba med/ /ces gsungs so/ /gal te de da ltar ma skyes su zin kyang sngon skyes pas na byung ba dang ldan no snyam pa la/ ma byung ba zhes bya ba gsungs te/ sngon yang don dam par da ltar gyi dus bzhin du ma byung bar dgongs pa'o/ /gal te de rang gis byung ba med pas ma skyes pa dang /ma byung ba dang ldan pa yang dbang phyug la sogs pa gzhan gyis byas pa dang ldan pa ma yin nam snyam pa la ma byas pa zhes bya ba gsungs te/ de'i rgyu rtag pa ci yang med de/ rim dang rim ma yin par don byed pa 'gal ba'i phyir ro zhes dgongs pa'o//'dis rgyu med pa dang / mi mthun pa'i rgyu bkag go/ /gal te dbang phyug la sogs pas ma byas pas kyang 'di rgyu dang rkyen rnams 'dus pas byas pa'i phyir byas pa nyid do snyam pa la 'dus ma byas pa zhes bya ba gsungs te/ gang dag gis de byed pa'i rgyu dang rkyen kyang don dam par med de/der yang brtag cing brgal bar mthun pa'i phyir ro/ /de dag kyang mngon par 'du byed cing byed pa ma yin te/ chos thams cad g.yo ba med pa'i phyir ro/ /gzhan las kyang ma yin te/ mnyam pa'i dus sam/ tha dad pa'i dus na dngos po rnams don dam par skye ba mi srid do//ji ste phyogs 'dir rten cing 'brel bar 'byung ba skyes pa la sogs pa'i chos dang ldan par ma gyur kyang / ci ste na phyogs gzhan du skye bar 'gyur ro snyam pa la thogs pa med pa zhes bya ba gsungs te/ dngos po mtha' dag la stong pa nyid kyis khyab pa'i phyir ro//de'i phyir skye ba med pa 'di ni thams cad du thogs pa med do/ /'dis ni thams cad du 'gro ba bstan te/ ji skad du/ rtag tu skye med chos ni de bzhin gshegs/ chos rnams kun kyang bde bar gshegs dang 'dra/ /zhes gsungs so/ /gal te de lta na/ ji skad gsungs pa'i yon tan khyad par can dang ldan par rten cing 'brel bar 'byung ba thams cad kyis/de ltar ci'i phyir mi shes snyam pa la dmigs pa med pa zhes bya ba gsungs te/ /gzung ba dang 'dzin pa'i rnam pas stong pa'i phyir ro/ /de bas na gzung ba dang 'dzin pa la mngon par zhen pa'i shes pa rnams kyis de shes par mi nus so//'on kyang de dmigs pa med kyang spros pa med pa 'jig rten las 'das pa'i ye shes kyis shes par bya ba ste/ de yang chos gang yang mthong ba med pa ni de kho na mthong ba'o zhes bya bar sbyar ro/ / ci'i phyir yang 'di skad du gsungs pa bzhin du don dam pa'i tshul du bsgom par bya snyam pa la zhi ba zhes bya ba gsungs te / don dam pa'i tshul du bsgoms na gnod pa thams cad bral bas zhi ba'o/ /phyin ci log ni kun nas nyon mongs pa mtha' dag gi rtsa ba yin pas na de'i phyir de don dam pa'i tshul du bsgoms na kun nas nyon mongs pa mtha' dag nye bar zhi bar 'gyur gyi kun nas nyon mongs pa spong bar 'dod pa rnams kyis de ltar sgoms shig ces dgongs pa'o//ji skad du/ rtog pa rnams kyis 'jig rten don/ /'jig rten bzhin du shes par bya//kun nas nyon mongs spong 'dod pas/ /dam pa'i don gyis btsal bar bya/ /zhes bshad pa lta bu'o/ /gang la bdag med bdag gi med/ gzung ba med cing 'dzin pa med pa ni myong ba tha snyad btags pa thams cad las log pas shin tu 'jigs pa skye ste/ de'i phyir su zhig de de ltar bsgom par spro snyam pa la 'jigs pa med pa zhes bya ba gsungs te/'di la 'jigs pa med pa'i phyir ro/ /dngos po dang bdag tu mngon par zhen pa ni 'jigs pa thams cad kyi rtsa bar 'gyur gyi / 'di la don dam pa mthong na dngos po thams cad la mngon par zhen pa ldog ste/de bas na 'di don dam pa'i tshul du bsgoms na 'jigs pa thams cad rtsa ba nas gcod par 'gyur gyi / de ltar sgoms shig pa'o/ /rten cing 'brel bar 'byung ba 'di don dam pa'i tshul du mthong na yang phyis mi dge ba'i grogs dang phrad na tshul bzhin ma yin pa yid la byed pa bsgom pas 'dod chags la sogs pa kun nas nyon mongs pa rnams kyi rgyur 'gyur te/'jigs pa dang bcas pa'i rgyur 'gyur ro snyam pa la mi 'phrogs pa zhes bya ba gsungs te/ don dam pa mthong ba ni sus kyang bslu bar mi nus te/ des na 'phrogs par mi 'gyur ro/ /gal te de kho na mthong ba la sus kyang bslu bar mi zug tu zin kyang / yang bdag nyid phyin ci log la kun du spyod pas 'phrogs par 'gyur ro snyam pa la/ rnam par zhi ba ma yin pa'i rang bzhin du zhes bya ba gsungs te/ rang bzhin gang la nyon mongs pa rnams gnyen pos zhi ba de la de skad ces bya ste/rnam par zhi ba'i rang bzhin gang la yod pa zhes tshig rnam par sbyar ro/ /gang nye bar zhi ba ma yin pa'i rang bzhin de ni nye bar zhi ba ma yin pa'i rang bzhin te/ de ni 'di skad du 'di la gnyen po'i stobs kyis phyin ci log gi rang bzhin nye bar zhi bar bya ba med de/rang bzhin gyis 'od gsal ba'i phyir te/ chos kyi dbyings las phyin ci log gzod ma nyid nas ma skyes pa'o zhes bstan par 'gyur ro/ /de skad du chos gang yang so so'i skye bo rnams kyis bskyed pa yang med/ sangs rgyas rnams kyis bkag pa yang med ces gsungs so//yang dag pa la yang dag par lta ba 'ba' zhig tu zad de/ 'di la gzhag par bya ba'am gsal bar bya ba gang cung zad kyang med do/ /de skad du 'phags pa'i bden pa gnyis la 'jug pa las kyang rmi lam na sbrul gyis zin pa'i dug nye bar zhi ba bzhin du nyon mongs pa yang nye bar zhi bar 'gyur ro zhes gsungs so//de'i phyir de kho na goms par gyur na rang bzhin gyis 'od gsal ba'i chos kyi dbyings rtogs pas nor ba'i sa bon med pa'i phyir ro/ /de kho na'i bdag nyid du gnas pas glo bur gyi nyon mongs pa 'byung ba'i skabs med do//kha cig las ni rnam par zhi ba dang bcas pa'i rang bzhin zhes kyang 'byung ste/ ma rig pa la sogs pa rang bzhin gyis gzod ma nas zhi ba'i rang bzhin gang yin pa de ni rnam par zhi ba dang bcas pa'o/ /rang bzhin gyis rnam par zhi ba dang lhan cig pas na rnam par zhi ba dang bcas pa'i rang bzhin gang la yod pa zhes bya ba'i tshig rnam par sbyar ro//gang gis rnam pa 'di lta bu'i rten cing 'brel bar 'byung ba mthong ba des ji skad gsungs pa'i sgrub pa'i chos dang 'bras bu'i chos mthong ba ste/thams cad kyang don dam par ro gcig pa'i phyir ro/ /sangs rgyas bcom ldan 'das kyang ji skad gsungs pa'i don dam pa chos kyi sku'i rang bzhin yin pa'i phyir ro/ /de'i phyir sus ji skad gsungs pa'i chos mthong ba des sangs rgyas mthong ngo zhes gsungs te/bcom ldan 'das kyis zhes bya bar sbyar ro/ /de ci'i phyir des de ltar mthong snyam pa la bcom ldan 'das kyis 'dir 'phags pa'i chos mngon par rtogs te yang dag pa'i ye shes dang ldan pas zhes gtan tshigs gsungs te/ 'di ni 'dir mthong ba'i gtan tshigs so//sus ji skad gsungs pa'i rten cing 'brel bar 'byung ba khong du chud pa de ni 'phags pa'i chos mngon par rtogs pa ste/ don dam pa'i chos khong du chud ces bya ba'i tha tshig go/ /gang don dam pa'i chos khong du chud pa de ni yang dag pa'i ye shes dang ldan pa'o//gang yang dag pa'i ye shes dang ldan pa de ni mnyam pa nyid kyi ye shes gnas pa'i phyir rten cing 'brel bar 'byung ba dang / chos dang / sangs rgyas rnams la tha dad du dmigs pa med do/ /de lta bas na 'phags pa'i chos mngon par rtogs na yang dag pa'i ye shes dang ldan pa'i phyir rnal 'byor pa des ji skad gsungs pa'i rten cing 'brel bar 'byung ba mthong na chos dang sangs rgyas mthong ngo zhes bcom ldan 'das kyis gsungs so//de'i phyir mnyam pa nyid la dgongs pa dang / yongs su grub pa'i mtshan nyid la ldem por dgongs par bcom ldan 'das kyis gsungs pas/bcom ldan 'das kyi bka' la 'gal ba med par dgongs so/ /gal te rten cing 'brel bar 'byung ba 'di don dam par rgyu dang rkyen rnams kyis 'dus byas pa ma yin na ci'i phyir rten cing 'brel bar 'byung ba zhes bya snyam du sems pa la de'i phyir kun rdzob kyi tshul du rten cing 'brel bar 'byung ba bsgom pa bstan pa'i phyir rten cing 'brel bar 'byung ba zhes bya zhes bya ba gsungs te/'dir lan du rgyu dang bcas rkyen dang bcas pa la bya'i/ rgyu med rkyen med pa la ma yin te zhes bya ba gsungs so/ /'di snyam du sems te don dam par ni rten cing 'brel bar 'byung ba 'di ma skyes pa yin mod kyi/'on kyang kun rdzob tu sgyu ma dang / gzugs brnyan lta bur rgyu dang rkyen sna tshogs so sor nges pa la ltos pa tha snyad btags par yod pa nyid de / de'i phyir gsung rab dang 'jig rten du rnam par gzhag pa mtha' dag mi 'gal ba nyid do snyam mo//de lta mod kyi kun rdzob tu ji ltar mu stegs can rnams kyis 'di rgyu med pa dang / mi mthun pa'i rgyu la sogs pa'i mtshan nyid du yongs su brtags pa de ltar med pas mu stegs can gyi lta ba ma lus pa dgag pa'i phyir 'di la mtshan nyid rnam pa lnga rnam par gzhag ste/rgyu dang bcas pa las byung ba'i mtshan nyid dang / mi rtag pa du ma'i rgyu las byung ba'i mtshan nyid dang / bdag med par 'byung ba'i mtshan nyid dang / nus pa'i rkyen las byung ba'i mtshan nyid dang / byed pa med pa'i rkyen las byung ba'i mtshan nyid do/ /de la rgyu dang bcas rkyen dang bcas zhes bya ba 'dis ni/mtshan nyid dang po bstan te/ 'dis ni rgyu med par lta ba bstsal to/ /rgyu dang bcas par gyur kyang 'bras bu med pa'i rkyen du ji ltar 'gyur snyam pa la mdor zhes bya ba gsungs te/ 'di gang gi rkyen yin pa de'i rkyen 'di zhes bya ba ste/ de'i dngos po ni rkyen 'di nyid do//gang gis gang gi 'bras bu de nyid khong du chud par byed pa de ni rkyen de'i 'bras bu'o/ /de ni 'di skad du rkyen 'di yod na 'bras bu 'di 'byung ngo zhes bstan par 'gyur te/ de tsam la rten cing 'brel bar 'byung ba'i sgrar brjod par 'dod do/ /de la sgra bsgrub pa ni ci dgar zad de/don du 'gal ba med do/ /nga ci'i phyir 'di rgyu dang bcas par bshad snyam pa la de la byung yang rung zhes bya ba la sogs pa gsungs so/ /chos nyid 'di zhes bya ba ni rten cing 'brel bar 'byung ba'i chos nyid do/ /chos gnas pa nyid ces bya ba la sogs pa ni rnam grangs su gtogs pa ste/kha cig gang gis don rtogs par 'gyur ba'i skye bo nye bar gnas pa mtha' dag la phan gdags pa'i phyir rnam grangs su brjod do/ /gnas pa kho na gnas pa nyid de gnas par gnas pa zhes bya bar zad do/ /chos nges par gyur pa nyid ces bya ba ni mi 'gyur ba kho na ste /so so nges pa'i rgyu la ltos pa dang bcas pa zhes bya ba'i tha tshig go/ /rten cing 'brel bar 'byung bar mthun pa zhes bya ba ni nam yang rgyu dang rkyen la ma brten par 'byung ba gang yang med de/ rtag tu rgyu dang rkyen la ltos pa dang bcas pa'o zhes bya ba'i tha tshig go/ /de bzhin nyid ni de lta bu kho na bsgom pa'o//yang na de bzhin nyid khong du chud par 'gyur ba'i rgyu yin pa'i phyir ro/ /ma nor ba de bzhin nyid ces bya ba ni log pa nyid dgag pa'i phyir ro/ /gzhan ma yin pa de bzhin nyid ces bya ba ni gya gyu spang ba'i phyir te/ gal te dngos po la la zhig rten cing 'brel bar 'byung ba ma yin par gyur na de'i tshe gya gyur 'gyur ro//de ni med de/ dngos po thams cad rten cing 'brel bar 'byung ba'i phyir ro/ /yang dag pa nyid ces bya ba ni tshad ma dang ldan pa ste/ mi slu ba'i phyir ro/ /bden pa kho na zhes bya ba ni 'phags pa'i bden par gtogs pa'i phyir ro//ma nor ba nyid ces bya ba ni phyin ci log tu ma brtags pa'i phyir ro/ /phyin ci ma log pa nyid ces bya ba ni yang dag pa'i ye shes kyi yul yin pa'i phyir ro/ /yang na tshig snga ma snga ma dag phyi ma phyi mas bshad par sbyar ro/ /gnyis kyi phyir zhes bya ba la sogs pas ni mtshan nyid gnyis pa ston to//'brel ba ni de la rag lus nas 'byung ba ste/ mi rtag pa du ma'i rgyu bstan pa 'dis ni rtag pa gcig pu zhes bya ba mi mthun pa'i rgyu sel to/ /'di la rgyu ni len pa'i rgyu ste/ thun mong ma yin pa'i phyir ro/ /rkyen rnams ni lhan cig byed pa'i rgyur 'dod de/thun mong pa'i phyir ro/ /mtshan nyid gsum pa bstan pa'i phyir/ de yang phyi'i dang nang gi rnam pa gnyis su blta'o zhes bya ba gsungs te/ de yang zhes bya ba ni rgyu dang rkyen dang 'brel ba'i rten cing 'brel bar 'byung ba'o/ /de la byas pa rnams nang gi skye mched rnams la ni bdag tu mngon par zhe na/phyi'i skye mched rnams la ni bdag gir mngon par zhen te/ gnyi ga la mngon par zhen pa spang ba'i phyir rten cing 'brel bar 'byung ba rnam pa gnyis su bstan te/ bdag med pa dang / rten cing 'brel bar 'byung ba'i phyi nang mtshungs pa'i phyir ro//bdag yod na ni phyi dang nang gi rten cing 'brel bar 'byung bar mi rung ste/ bdag byin gyis rlob pa rtag tu nye bar gnas pa dang / de'i rang bzhin du gyur pas de bzhin du rtag tu yod par 'gyur ro/ /'di lta ste/ sa bon las myu gu zhes bya ba la sogs pas ni phyi rol gyi rten cing 'brel bar 'byung ba'i mtshan nyid bzhi pa ston te/sa bon la sogs pa so sor nges pa'i rgyur brjod pa'i phyir ro/ /rgyu 'di rjes su 'gro ba dang ldog pa gnyis kyis nus par bstan pa'i phyir ro/ /de'i thams cad las thams cad skye bar mi 'gyur te/ nus pa so sor nges pa'i phyir ro zhes dgongs pa'o//rtag pa la ni rjes su 'gro ba dang / ldog pa med pas de'i phyir gang dag rtag pa nus pa med pa las 'bras bu 'byung bar brjod pa de dag bstsal to/ /de la sa bon ni 'di snyam du bdag gis myu gu mngon par bsgrub po snyam du mi sems so zhes bya ba la sogs pas ni mtshan nyid lnga pa ston to//'on kyang zhes bya ba la sogs pas ni dngos po rnams kyi rgyu yod kyi byed pa med par bstan par 'gyur ro/ /byed pa rgyu yin na dngos po de 'brel pa med par 'gyur te / phan pa med pa'i phyir ro/ /phan na yang gal te de bdag yod pa tsam gyis byed pa la phan par byed na ni 'bras bu la yang ci'i phyir de bzhin du phan par mi byed/ci ste byed pa gzhan gyis bskyed na ni de'i tshe de yang de dang 'brel ba med par 'gyur ro/ /gal te byed pa yang nus pa so sor nges pas bdag yod pa tsam gyis 'bras bu bskyed na ni dngos pos kyang de bzhin du ci'i phyir mi bskyed / ji ste byed pa gzhan gyis zhe na/ 'o na ni byed pa la thug pa med par 'gyur ro/ /de bas na chos thams cad byed pa med do zhes bya ba bcom ldan 'das kyi bka' de rigs so/ /des ni gang dag byed pa dang bcas pa'i rgyur 'dod pa de dag bstsal to/ /de la sa'i khams ni sa bon brten pa'i bya ba byed do zhes bya ba la sogs pas ni sa la sogs pa'i sbyor ba bstan pas nus pa brjod pa'i phyir mtshan nyid bzhi pa ston to//'di las nyid sa'i khams te/ kha dog dang dbyibs kyi rang bzhin du blta'o/ /chu'i khams ni gsher ba'i rang bzhin/ me'i khams ni tsha ba'i rang bzhin/rlung gi khams ni g.yo ba'i rang bzhin te/ de ni myu gu mngon par 'grub par byed do/ /nam mkha'i khams ni nang du sbu gu steng reg bya med pa ste/ de yang snang ba dang mun pa'i rang bzhin du blta'o / /dus kyang sa la sogs pa'i gnas skabs kyi bye brag gis rab tu phye ba nyid dus kyi bye brag tu dgongs pa'o//sa'i khams kyang 'di snyam du bdag gis sa bon brten pa'i bya ba bya'o snyam du mi sems so zhes bya ba la sogs pas ni mtshan nyid lnga pa ston te/ de ltar mtshan nyid rnam pa lnga bstan pas rjes su 'gro ba'i sgo nas mu stegs can gyi blta ba bstsal nas ldog pa'i sgo nas bstsal ba'i phyir/ myu gu de yang zhes bya ba la sogs pa gsungs so/ /bdag gis ma byas zhes bya ba ni gang dag ngo bo nyid kho na rgyur smra ba de'i 'dod pa sel to/ /ngo bo nyid ni yod pa dang / med pa las bdag nyid rgyur mi 'thad de/ don med pa dang mi nus pa'i phyir ro/ /gzhan gyis ma byas zhes bya ba ni byed pa can gzhan gang gis kyang blo sngon du btang nas mi byed pa'i phyir te/ji skad bstan pa'i rigs pas chos thams cad ni byed pa med pa'i phyir ro/ /gnyis kas ma byas so zhes bya ba ni bdag dang gzhan gyis ma byas pa'o/ /dbang phyug gis ma byas zhes bya ba ni/ dbang phyug tu smra ba'i 'dod pa sel ba ste/dngos po rnams kyi rgyu dbang phyug la sogs pa rtag pa ni res 'ga' 'byung bas na mi 'thad de/ rgyu ma tshang ba med pa'i phyir ro/ /rtag pa ni gzhan la sdod pa med de/ gzhan gyis de la bsdad mi dgos pa'i phyir ro/ /rgyu dang rkyen de dag gi rgyu yang dbang phyug la sogs pa yin na ni ma tshang bar mi rung ba'i phyir ro//de'i phyir res 'ga' 'byung bas dbang phyug gis byas pa ma yin par dgongs pa'o/ /dus kyis kyang ma byas so/ /grangs can gyis brtags pa'i rang bzhin las ma byung ngo / /'di dag thams cad kyis ni mi mthun pa'i rgyu bsal to/ /tshig thams cad ni rgyu med pa sel te/rgyu med na ni ltos pa med pa'i phyir res 'ga' 'byung ba yang mi 'thad do/ /rten cing 'brel bar 'byung ba'i mtshan nyid rnam pa lnga po 'dis ni rtag par lta ba la sogs pa bsal to zhes bstan pa'i phyir rnam pa lngar blta ste zhes bya ba gsungs te/ rnam pa lnga zhes bya ba'i tha tshig go//rgyu dang 'bras bu shin tu tha dad pas rnam pa gcig pu'i rang bzhin ma yin no/ /gzhan du na 'di ni 'bras bu'o/ /'di ni rgyu'o zhes bye brag rnam par gzhag pa yang med par 'gyur ro/ /'das pa dang dus mnyam pa'i rgyu las kyang 'bras bu mi 'byung ste da ltar las so/ / skad cig pa'i phyir 'bras bu skye ba'i dus na rgyu mi gnas pa dus mnyam pa las mi 'byung ste/ thal bar 'gyur ro/ /des na rgyu dang 'bras bu'i rgyun mi 'chad pas chad pa ma yin no/ /rgyu dang 'bras bu mi 'dra bas 'pho bar ma yin no/ /'dis ni gang dag gi rgyu'i rang bzhin 'phos nas 'bras bu 'byung bar 'dod pa de dag bstsal to//shing n+ya gro d+ha'i sa bon la sogs pa chung ngu las sdong po dang yal ga dang lo ma la sogs pa che zhing mang du snang ba'i phyir des sa bon chung ngu las 'bras bu chen po mngon par 'grub pas skyes bu byed pa don med pa ma yin par dgongs pa'o//sa bon ji lta bu btab pa de lta bu'i 'bras bu mngon par 'grub ces bya ba ni 'di lta ste/ 'bras sA lu'i sa bon las 'bras sA lu'i 'bras bu nyid 'byung bar 'gyur te/ gzhan du ma yin no/ /'dis kyang 'bras bu dang / sa bon ma log pas na skyes bu'i byed pa don yod par bstan to//rgyu gnyis kyis na skyes bu'i byed pa don yod pa ma yin te/ mnyam pa'am 'bras bu chung ngu mngon par 'grub pa dang / 'bras bu log par 'grub pa'o/ /de'i phyir 'bras bu chen po dang / 'bras bu 'dra bar 'grub pas skyes bu byed pa don ma yin par bstan pa yin no/ /nang gi rten cing 'brel bar 'byung ba yang gnyis kyi phyir zhes bya ba 'dis ni mi rtag pa du ma'i rgyu las byung ba'i mtshan nyid bstan to//gang 'di ma rig pa'i rkyen gyis 'du byed rnams zhes bya ba la sogs pas ni nus pa'i rkyen las byung ba'i mtshan nyid bstan to/ /de la ma rig pa yang 'di snyam du bdag gis 'du byed rnams mngon par grub po snyam du mi sems so zhes bya ba la sogs pa ni byed pa med pa'i rkyen las byung ba'i mtshan nyid bstan to/rkyen rnams la yang de bzhin du sbyar ro/ /'dus nas zhes bya ba ni rdul phra rab rnams phan tshun 'brel ba'i phyir ro/ /'thungs pa ni ngoms pa'o//zos pa ni bza' ba'o/ /'chos pa ni bca' ba'o/ /'dir yang sa la sogs pa'i byed pa'i mtshan nyid bstan to/ /rnam par shes pa'i khams ni bsdus pas kyang ngo / /'dir yang nang gi sbu gu dang / snang ba dang / mun pa'i rang bzhin ni nam mkha'i khams su dgongs so/ /ming dang gzugs kyi myu gu mngon par sgrub par byed pa ni rnam par shes pa'i khams so zhes bya bar sbyar ro //de yang rnam par shes pa'i tshogs lngar bsdus pa'i rnam par shes pa gang yin pa dang / zag pa dang bcas pa'i rnam par shes pa'i mdung khyim ltar gcig tu bsdus la rnam par shes pa'i khams zhes sbyar te/skye ba'i rgyu yin pa'i phyir ro/ /rnam par shes pa'i tshogs lnga ni zag pa dang bcas pa ste/ 'khrul pa med pa'i phyir de ltar bye brag tu ma byas so/ /ci'i phyir sa la sogs pa 'di snyam du bdag cag lus kyi sra ba la sogs pa sngon ma grub par mi sems snyam pa la/de la sa'i khams ni bdag ma yin zhes bya ba la sogs pa gsungs so/ /bdag la sogs pa thams cad ni rnam grangs te/ grub pa'i mtha' tha dad pas brtags pa dag go/ /nga dang nga'i zhes rlom sems pa ni bdag go/ /de nyid 'gro ba de dang der 'byung bas na sems can no//tshe'i mtha'i bar du 'tsho bas na srog go/ /'byung bas na skye ba po'o/ /shed las byung bas na shed las skyes so/ /shed kyi bu yin pas na shed bu'o/ /de la sa'i khams ni nga'i nga rgyal dang bral bas na bdag ma yin no/ /'gro ba la sogs pa'i byed pa dang bral ba'i phyir sems can ma yin no//skad cig pa'i phyir srog ma yin no/ /bskyed par bya ba'i skye ba'i byed pa dang bral ba'i phyir skye ba po ma yin no/ /las las skyes pa'i phyir shed las skyes pa ma yin no/ /skyed pa'i shed med pas shed bu ma yin no/ /bud med dang skyes pa dang ma ning bdag nyid kyi bdag gzhan med pas bud med ma yin/skyes pa ma yin/ ma ning ma yin te/ bud med la sogs pa ni sa la sogs pa gnas pa'i bye brag tsam la brtags pa'i phyir ro/ /nga ma yin bdag ma yin zhes bya ba ni bdag dang bdag gis brtags pa dang bral ba'i phyir ro//gzhan su'i yang ma yin zhes bya ba ni dbang phyug la sogs pa bdag po med pa'i phyir ro/ /de'i phyir chos thams cad la bdag dang bdag gi med pas byed par ji ltar 'gyur zhes dgongs pa'o/ /sngar yongs su shes par bya ba'i dngos po'i rang bzhin ni bstan na de'i mtshan nyid ma shes pas de'i phyir de la ma rig pa gang zhe na zhes dris so//'dir yang mtshan nyid rnam pa lngar gsungs te/ rang gi mtshan nyid dang / nges pa'i tshig gi mtshan nyid dang / yan lag gi mtshams sbyor ba'i mtshan nyid dang / mtha' gnyis dang bral ba'i mtshan nyid dang /rgyu bsdu ba'i mtshan nyid do/ /gang khams drug po tha dad pa la tha dad pa ma yin par 'du shes pa de ni gcig pur 'du shes pa'o/ /rdul tha dad pa'i lus la gang gcig tu 'dzin pa de ni ril bor 'du shes pa'o/ /skad cig so so gzhan du gyur kyang gang dus gzhan na yang 'jug par mi 'dzin pa de ni rtag par 'du shes pa'o//ma byung ba las 'byung ba la gang yod pa de nyid las skye bar 'dzin pa de ni brten par 'du shes pa'o/ /byung nas med par gyur pa las yang 'das pa'i dus su 'phos pas 'dzin pa gang yin pa de ni ther zug tu 'du shes pa'o//sdug bsngal gsum dang ldan yang gang gcig tu sdug pa'i ngo bor 'dzin pa de ni bde bar 'du shes pa'o/ /'du shes de dag ni bdag la sogs par 'du shes pa'i rgyu yin pas de'i phyir sngar bstan to/ /'di lta bu la sogs pa mi shes pa rnam pa sna tshogs zhes bya ba des ni bdag tu lta ba la sogs pa nyon mongs pa'i tshogs thams cad kyang phyin ci log gi rnam pa las byung ba'i phyir ma rig pa'i rang bzhin te/de'i phyogs gcig tu gyur pa ni 'dod chags la sogs pa'o zhes de ston te/ 'dod chags dang / zhe sdang dang / gti mug gis bskyed pa'i phyir lus dang /ngag dang / yid kyi las 'di nyid la 'dod chags dang / zhe sdang dang / gti mug ces gsungs te/ btags pa'i phyir ro/ /mngon par chags pa dang bcas zhes bya ba ni bu dang chung ma la sogs pa 'dod pa'o/ /'di lta bu la sogs pa zhes bya ba ni gang dag lus dang sems 'khrugs par gyur pa rgyal po'i zha 'bring byed pa dang /tshong byed pa la sogs pa'o/ /lhag ma ni go sla bas ma bshad do/ /de la mun pa chen po'i phyir ma rig pa'o zhes bya ba la sogs pas ni nges pa'i tshig gi mtshan nyid ston to/ /de kho na med pa bzhin du byed pas na ma rig pa'o//mngon par 'du byed pa'i phyir zhes bya ba ni yang srid pa mngon par 'du byed pa'i phyir ro/ /rnam par rig pa'i phyir zhes bya ba ni rnam par shes par byed pa'i phyir ro/ /brten pa'i phyir zhes bya ba ni srid pa'i dbang gis 'di la rnam par shes pa gshol ba dang / gzugs su rung bas na go rims bzhin du ming dang gzugs so//de'i phyir mdo sde las kyang / rnam par shes pa gnas pa bzhi gsungs te/ gzugs la nye bar song ba'i rnam par shes pa dang / tshor ba la nye bar song ba dang / 'du shes la nye bar song ba dang / 'du byed la nye bar song ba ste /rnam par shes pa ni skad cig kyang mi brten par gnas pa med do zhes gsungs pa'i phyir ro/ /skye ba'i phyir zhes bya ba ni rnam par shes pa skye zhing 'phel bar byed pas skye mched de/ skye mched drug 'dus pas skye mched drug go/ /reg pa'i phyir zhes bya ba ni de'i stobs kyis yul dang dbang po dang rnam par shes pa rnams phan tshun 'dus shing reg pa dang mtshungs pa'i phyir ro//myong ba'i phyir zhes bya ba ni 'dis sngon gyi las kyi 'bras bu tshor zhing myong bar byed pas na tshor ba'o/ /skom pa'i phyir zhes bya ba ni de yang srid pa la sogs pa 'dod cing skom pas sred pa'o//nye bar len pa'i phyir zhes bya ba ni yang srid pa 'dzin cing len pa ste/ 'dod pa dang lta ba dang / tshul khrims dang / brtul zhugs dang / bdag tu smra ba la mngon par zhen pa ni len pa'o/ /yang srid pa bskyed pa'i phyir zhes bya ba ni de la skyes pa 'byung bas na srid pa'o//lhag ma rnams ni brda phrad par sla bas ma bshad do/ /gang zag la bdag med pa log par khong du chud pa'i phyir ma rig pa la sogs pa'i mtshan nyid dang po bstan to/ /da ni bdag med pa gnyi ga log par khong du chud pa la yan lag gi mtshams sbyor ba'i mtshan nyid gzhan yang zhes bya ba gsungs te/gang zag gang dang chos la bdag med pa'i mtshan nyid kyi de kho na mi rtogs pa de ni ma rig pa'o/ /de yang shes pa med pa nyid ni ma yin mod kyi/ phyin ci log gi tshul gyis shes pas na mi shes pa zhes brjod par 'dod de/ log par shes pa'o zhes rnam grangs kyis bstan to //des gzugs la sogs pa'i chos la mngon par zhen pa yang log par shes pa'i rang bzhin yin pas na ma rig pa zhes gsungs pa yin no/ /skabs gzhan nas kyang mi shes pa'i sgras de nyid brjod do/ /shes pa med pa nyid ma yin pas de'i phyir don 'di rnam grangs gzhan du ston to//yan lag gi mtshams sbyor bstan pa'i phyir ma rig pa yod na zhes bya ba gsungs te/ byis pa dag bdag la sogs par phyin ci log tu mngon par zhen pas tshe 'di la bde ba'i phyir bsod nams ma yin pa'i las mang du byed phyis bde ba'i phyir bsod nams kyi las kyang byed/sdug bsngal yang med bde ba yang med pa'i phyir mi g.yo ba'i las kyang byed pa ni ma rig pa'i rkyen gyis 'du byed rnams so/ /bsod nams ma yin pa ni gti mug las byung bas ni ma rig pa'i rkyen las byung ba zhes bya bar rigs na bsod nams dang mi g.yo ba'i 'du byed dag ni rtag tu ma chags pa la sogs pa'i dge ba'i rtsa ba las byung bas ma rig pa'i rkyen las byung bar ji ltar rigs she na/de nyes pa med do/ /ma rig pa ni rnam pa gnyis te/ rgyu dang 'bras bu la rmongs pa'i mtshan nyid dang / de kho na la rmongs pa'i mtshan nyid do//de la rgyu dang 'bras bu la rmongs pa'i rgyu las byung ba'i 'du byed rnams ni bsod nams ma yin pa nyid du 'dod de/ bsod nams dang mi g.yo ba ni ma yin no/ /de dag ni de kho na'i don la rmongs pa'i rgyu las byung bar 'dod de/ bdag bde bar gyur la sdug bsngal bar ma gyur cig ces mngon par zhen nas de mngon par 'du byed pa'i phyir ro//de bas na rgyu dang 'bras bu rmongs pa ma yin pa'i rgyu las byung yang de kho na'i don la rmongs pa'i mtshan nyid kyis ma rig pa'i rkyen las byung bas de 'gal ba med do/ /de kho na'i don la rmongs pa'i rgyu las byung ba yang yod la/rgyu dang 'bras bu la rmongs pa ma yin pa'i mtshan nyid las dge ba'i rtsa ba 'byung ba yang yod pas mi 'gal te/ de nyes pa med do/ /de bas na de kho na la log par shes pa ni ma rig pa zhes bya'o/ /'dod pa na spyod pa'i las rgyu'i dngos po 'dod pa'i khams su bsod nams kyis 'gro bar nye bar 'gro ba gang yin pa de dag ni bsod nams su nye bar 'gro ba'i 'du byed rnams so//bsod nams dang mi mthun pas na bsod nams ma yin pa ste/ de la gang ngan song du 'gro ba'i 'du byed gang yin pa de dag ni bsod nams ma yin par nye bar 'gro ba rnams so//mi g.yo ba ni gzugs dang / gzugs med pa'i khams de dag gi rgyur gyur pa'i 'du byed rnams te/ mi g.yo bar nyer bar 'gro ba rnams so/ /yang na bsod nams nyid du gyur cing red pa'i 'du byed gang yin pa de dag ni bsod nams su nye bar 'gro ba ste/ bsod nams zhes bya ba'i tha tshig go/ /gzhan yang de bzhin du khong du chud par bya'o/ /'du byed kyi rkyen gyis rnam par shes pa gang zhe na zhes bya ba tshig gi lhag ma ste/ de brjod par bya ba'o/ /bsod nams su nye bar 'gro ba'i 'du byed rnams las bsod nams su nye bar 'gro ba'i rnam par shes pa nyid du 'gyur/bsod nams ma yin pa'i nye bar 'gro ba'i 'du byed rnams las bsod nams ma yin pa nye bar 'gro ba'i rnam par shes pa nyid du 'gyur / mi g.yo bar nye bar 'gro ba'i 'du byed rnams las mi g.yo bar nye bar 'gro ba'i rnam par shes pa nyid du 'gyur ba 'di ni 'du byed kyi rkyen gyis rnam par shes pa zhes bya ste/de ni 'di skad du gang gi phyir bsod nams la sogs pa 'du byed rnam pa gsum gyis yongs su bsgos pa'i rnam par shes pa bsod nams la sogs pa'i 'gro ba gsum du rgyu'i dngos por ram/ rnam par smin pa'i 'bras bur 'gro ba de'i phyir 'du byed kyi rkyen gyis rnam par shes pa zhes bstan par 'gyur ro//'di ni rnam par shes pa'i rkyen gyis ming dang gzugs zhes bya'o zhes bya ba ni gang gi phyir rnam par smin pa'i rnam par shes pa dang dus mnyam du ming dang gzugs kyi rnam par smin pa mngon par 'grub ste/ des yongs su gzung bas 'phel bar 'gyur ba de'i phyir bsod nams la sogs pa'i 'du byed kyis yongs su bsgos pa'i rnam par shes pa'i rgyu las 'byung ba'i phyir de'i stobs kyis 'phel bar 'gyur bas de dang dus mnyam du 'grub pa ni rnam par shes pa'i rkyen gyis ming dang gzugs so//skye mched drug gi sgo nas zhes bya ba ni mig la sogs pas mthong ba la sogs pa'i bya ba byed pa'i dgos pa grub pa'o//reg pa'i tshogs drug ces bya ba ni mig gi 'dus te reg pa nas yid kyi 'dus te reg pa'i bar du ste/ de yang gsum 'dus nas skye'o/ /la la ni sdug bsngal la sogs pa tshor ba skye ba'i rgyu sems las byung ba'i chos gzhan zhig ces zer te/gsum 'dus pa nyid las de don gzhan ma yin no/ /ji lta bur zhes bya ba ni ji ltar tshor ba'i rnam pa skye bar nus pa'i rgyu'i rang bzhin du nges pa'o/ /tshor ba'i bye brag de dag myong ba dang / mngon par dga' ba dang / lhag par zhen pa dang / lhag par zhen nas 'dug pa zhes bya ba ni sred pa chung ngu dang / 'bring dang / rab dang / rab kyi mchog rab tu dbye ba ste/ bzhi po de dag ni rnam grangs su gtogs pa'o/ /yang na gang bde ba'i tshor ba myong ba'i dus na myong ba zhes bya'o//sdug bsngal myong ba'i dus na de nyid la yid kyis smon pa ni mngon par dga' ba'o/ /sdug bsngal yang ma yin pa bde ba yang ma yin pa'i tshor ba ni ma 'ongs pa na lhag par zhen pa'o/ /da ltar de dang 'bral bar mi 'dod pa ni lhag par zhen nas 'dug pa'o/ / sdug pa nyid sdug pa'i ngo bo bde ba'i ngo bo yang de bzhin no/ /sdug pa ni 'dod pa'o/ /bde ba ni mthun pa'o/ /ma 'ongs pa ni sdug pa'i dngos po la smon pa'i rnam pa ni len pa'o/ /yang srid pa bskyed pa'i las kun nas slong ba zhes bya ba ni sad par byed ces bya ba'i tha tshig go/ /'phel ba yongs su smin pa zhes bya ba ni 'phel ba yod pas gang phyis yongs su smin pa ni dga' ba'i mtshan nyid do//de las 'jig par 'gyur ba ni 'chi ba'i mtshan nyid do/ /de ltar zhes bya ba ni mjug sdud pa ste/ mtha' gnyis dang bral ba'i mtshan nyid ston to/ / rgyu gzhan dang gzhan las 'byung ba/ rkyen gzhan dang gzhan las byung ba zhes bya ba ni rgyu mthun pa'i rnam pa dang mi mthun pa'i rnam pa tha dad pa mang po'i phyir ro/ /des ni rtag pa'am/ gcig pu'am/ dbang phyug la sogs pa rgyur sgro btags pa'i mtha' bstsal to/ /rtag pa ma yin zhes bya ba ni 'byung ba dang 'jig pa'i chos can gyi phyir te/des ni bdag rtag pa la sogs pa las gyur pa'i rang bzhin ma yin pas/ gang dag de ther zug tu gnas pa'i rtag par sgro 'dogs pa de dag bstsal to/ /mi rtag pa ma yin zhes bya ba ni rgyun gyi rtag pa nyid kyi phyir rtag pa ste/des ni bdag rtag pa la sogs pa las gyur pa ma yin yang 'di rtag pa dang 'gal ba yang ma yin no zhes dgongs pa'o/ /'dus byas ma yin zhes bya ba ni blo sngon du btang ste/ de sus kyang ma byas pa'i phyir ro/ /'dus ma byas ma yin zhes bya ba ni sgyu ma ltar so sor nges pa'i rgyu dang rkyen dag tshogs pas byas pa'i phyir ro//rgyu med pa ma yin rkyen med pa ma yin zhes bya ba ni rgyu dang rkyen so sor nges pa la ltos pa'i phyir ro/ /myong ba po yod pa ma yin zhes bya ba ni byed pa po med pa'i phyir ro/ /zad pa'i chos ma yin zhes bya ba ni rang gi rgyu dang mthun pa'i 'bras bu 'byung ba dang /bdag gis 'bri ba med pa'i phyir ro/ /'jig pa'i chos ma yin zhes bya ba ni/ ji srid du rkyen tshogs pa de srid du 'byung ba'i phyir ro/ /'gog pa'i chos ma yin zhes bya ba ni/ mi mthun pa'i rkyen med par rang gis 'gog pa ma yin pa'i phyir ro/ /thog ma med pa'i dus nas zhugs pa zhes bya ba ni/thog ma gang yang med pa'i phyir ro/ /'khor ba la thog ma yod par rtog na ni de bzhin du thams cad kyang rgyu med pa can du 'gyur ba nyid do/ /rgyun ma chad ces bya ba ni rgyun mi 'chad pa ste/ rgyu 'jig pa dang dus nas mnyam du 'bras bu 'byung ste/bar chad med par 'byung ba'i phyir ro/ /rlung gi rgyun bzhin du rjes su zhugs pa zhes bya ba ni/ mya ngan las 'das pa'i rgya mtsho'i mtha' yin pa'i phyir ro/ /tshig de dag gis ni sgro btags pa skur ba dang rtag pa dang chad pa'i mtha' sel te/ ci rigs su sbyar ro//gal te rgyun mi 'chad par 'jug pa yin na/ de'i tshe rgyu gang spangs pas mya ngan las 'das pa thob par 'gyur ro zhes gang 'dogs pa de la rgyu gang spangs te mya ngan las 'das pa thob par bya ba'i rgyu bsdu ba'i mtshan nyid ston mod kyi 'on kyang zhes bya ba la sogs pa'o//bsdu bar bya ba gang gis rang gi 'bras bu mngon du 'grub par byed pa de ni bsdu bar bya'o/ /de la yan lag dang po ma rig pa dang sred pa dang len pa ni gnyi ga yang chags pa'i mtshan nyid yin pas gcig tu bsdus te sred pa zhes bshad do/ /'du byed dang srid pa ni las so//rnam par shes pa ni rnam par shes pa nyid do/ /rnam par shes pa ni sa bon gyi rang bzhin gyis rgyu byed do zhes bya ba ni nyon mongs pa dang las kyis mngon par 'dus byas pa de nyid yang srid pa'i myu gu so sor nye bar len pa'i rgyu yin pa'i phyir ro/ /las ni zhing gi rang bzhin gyis rgyu byed do zhes bya ba ni/des sa bon rnam par shes pa la mngon par 'du byed pa'i phyir ro/ /ma rig pa dang sred pa ni nyon mongs pa'i rang bzhin gyis rgyu byed do zhes bya ba ni las kyi sa bon rnam par shes pa la mngon par 'dus byas kyang nyon mongs pa med na dgra bcom pa la sa bon rnam par shes pa mi 'byung ba'i phyir ro//las dang nyon mongs pa dag ni sa bon rnam par shes pa bskyed do zhes bya ba ni de dag med na yang srid pa'i myu gu mngon par mi 'grub pa'i phyir ro/ /de la zhes bya ba la sogs pas ni las la sogs pa'i rjes su 'gro ba dang / ldog pa'i nus pa ston to/ /zhing gi bya ba byed ces bya ba ni des bskyed pa'i bag chags la gnas pa'i sa bon rnam par shes pa 'byung ba'i phyir ro//sred pa ni sa bon rnam par shes pa rlan par byed do/ /ma rig pa ni sa bon rnam par shes pa 'debs te zhes bya ba ni bdag la chags pa dang ldan pas sdug bsngal ba dang bde ba 'dor zhing thob par 'dod pas log pa'i blo can dang ngan pa'i gnas yongs su 'dzin pa'i phyir ro//de la las kyang 'di snyam du bdag gis sa bon rnam par shes pa'i zhing gi bya ba bya'o snyam du mi sems so zhes bya ba la sogs pas ni las la sogs pa byed pa med par ston to//sa bon rnam par shes pa skye ba ni zhes bya ba ni 'debs pa na bar ma de'i srid pa'i rgyun gyis mar me bzhin du ma'i mngal du 'gro zhes bya ba'i tha tshig go/ /ming dang gzugs kyi myu gu de yang bdag gis ma byas zhes bya ba la sogs pa ni sngar bshad pa bzhin no/ /bdag po med pa zhes bya ba ni dbang phyug la sogs pa bdag po gang yang med pa'i phyir ro//bdag gi med pa zhes bya ba ni bdag med pa'i bdag nyid pas bdag gi ba med do/ /'dzin pa med pa zhes bya ba ni bdag gang gis kyang byin gyis brlabs pa'i phyir ro/ /de dag ni gang zag la bdag med par bstan pa'o/ /nam mkha' dang mtshungs pa zhes bya ba ni/rang bzhin gyis stong pa'i phyir ro/ /de ltar na 'di rten cing 'brel bar 'byung bar ji ltar rigs snyam pa la/ sgyu ma'i mtshan nyid kyi rang bzhin dag la zhes bya ba gsungs te/ dper na sgyu ma yang don dam par rang bzhin med mod kyi rgyu dang rkyen ma tshang ba med pa'i phyir skye ba yod pa de bzhin du dngos po thams cad 'gal ba med do//des ni chos thams cad la bdag med pa'i mtshan nyid de bstan to/ /gal te sa bon rnam par shes pa nyon mongs pa dang / las kyis mngon par 'dus byas pa bdag po med pa bdag med pa byed pa med pas ming dang gzugs kyi myu gu mngon par 'grub tu zin na ni de'i tshe thams cad du gnas pas tshe du ma yang cig car mngon par 'grub par 'gyur te/de'i phyir skyes nas myong bar 'gyur ba la sogs pa las tha dad pa thob par mi 'gyur du dogs pa'i phyir byed pa med cing bdag med kyang / las dang 'bras bu tha dad pa rnam pa bzhi dang mthun pa'i dpe rnam pa bzhi ston te/de la mig gi rnam par shes pa'i dpes ni tshe 'di la myong bar 'gyur ba'i las ston to/ /gzugs brnyan gyi dpes ni skyes nas myong bar 'gyur te/ de dang nye ba'i phyir ro/ /zla ba'i dkyil 'khor gyi dpes ni lan grangs gzhan na myong bar 'gyur ba ste/ring pos bskal kyang rgyu'i dngos po nye bar snang ba'i phyir ro/ /me'i dpes ni myong bar 'gyur bar ma nges pa'i las ston to/ /rkyen de yod na 'bar gyi gzhan du ni ma yin te/ dus nges pa med par bstan pa'o/ /de dag thams cad kyis ni 'di skad du sa bon rnam par shes pa las du mas mngon par 'dus byas pa byed pa med pa bdag med pa rtag tu gnas mod kyi/las gang dang gang gi bag chags sad par byed pa lhan cig byed pa'i rgyu gnas par gyur pa de ni de'i bag chags sad par byed pa las de dang de'i rnam par smin pa mngon par 'grub po//de'i phyir bdag po la sogs pa med du zin kyang / ring ba dang nye ba la sogs pa'i las tha dad par rung ste de nyes pa med do zhes bstan par 'gyur ro/ /rnam pa lngar blta zhes bya ba la sogs pas ni 'dir ldog pa'i sgo nas rtag pa la sogs par lta ba sel to/ /skye ba dang 'chi ba'i srid pa ni rab tu tha dad pas mi rtag pa nyid do//sgyu ma skye ba ltar kun rdzob tu 'chi ba'i srid pa 'gags pa dang / dus mnyam du bar ma chod par skye ba'i srid pa mngon par 'grub ste chad pa ma yin no/ /de yang srang mda'i dpe ston te/ srang mda'i thog ma gcig dma' ba'i dus na gcig mtho bar 'gyur ba de bzhin du rgyu 'jig pa'i dus nyid na/'bras bu 'byung bas chad par mi 'gyur ro/ /srang mda'i dpe 'di yang kun rdzob tu rgyu dang 'bras bu'i dngos po la chad par lta ba yongs su spangs pa'i phyir bstan gyi/ don dam par ni ma yin no/ /don dam par ni phyi rol gyi don gyi gzugs srang mda' mi 'grub pa'i phyir te/rnam par shes pa la snang ba'i gzugs bden pa ma yin pa dang / rnam par shes pa lus med pa'i phyir mtho dman mi 'grub pa'i phyir ro / /don dam par bsam pa la ni/ kun rdzob [(]gyi [,]kyi [)]dngos po'i dpes bstan du mi 'dra ste de mi 'grub pa'i phyir ro//de lta na rgyu dang 'bras bu'i dngos po ji ltar snang ba bzhin no/ /mi 'dra bas na zhes bya ba ni mi la sogs pa'i ris mthun pa nas lha la sogs pa'i ris mthun par skye ba'o / /las chung ngu byas pa las zhes bya ba ni nyon mongs pa dang dad pa drag pos skad cig byas kyang mi dge ba la sogs pa'i las kyis mnar med pa la sogs par dus ring por mi 'dod pa dang /'dod pa'i rnam par smin pa mngon par 'grub pa'i phyir ro/ /ji ltar myong bar 'gyur ba'i las zhes bya ba ni bde ba la sogs pa myong bar 'gyur ba ste/ las ci 'dra ba nyid kyi 'bras bu 'byung bar ston te/sdug bsngal ba dang yid mi bde ba dang ldan yang tshangs par spyod pa la sogs pa la dge ba'i las las 'dod pa'i rnam par smin pa 'grub la/ bde ba dang yid bde ba dang ldan yang tshangs par mi spyod pa la sogs pa mi dge ba'i las las mi 'dod pa'i rnam par smin pa mngon par 'grub pa'i phyir ro//de bas na nus pa nges pa'i phyir ji ltar myong ba'i las nyid kyis de ltar 'bras bu myong bar 'gyur te/ 'gal ba med do/ /de las dgongs nas bcom ldan 'das kyis mdo sde gzhan las gang dag 'di skad ces skyes bu gang zag 'di ji lta bu las byed cing stsogs pa de lta de lta bur rnam par smin pa so sor myong na ni de lta na ni tshangs par spyod pa'i gnas med par 'gyur te yang dag par sdug bsngal zad cing sdug bsngal mthar bya ba'i skabs mi snang ngo //gang dag 'di skad ces skyes bu gang zag 'di ji ltar myong bar 'gyur ba'i las byed cing stsogs pa de ltar myong bar 'gyur ba'i rnam par smin pa 'dis myong bar 'gyur ro zhes zer na de lta na ni tshangs par spyad pa'i gnas kyang yod la yang dag par sdug bsngal zad par 'gyur ba'i skabs kyang snang ngo zhes gsungs te/de yang las dang 'bras bu la skur te/log par lta ba bsal bar bya ba'i phyir gsungs so/ /gang la la zhig gis zhes bya ba la sogs pas ni mdo sde'i dgongs pa ston to/ /rtag par rgyun du zhes bya ba ni dus thams cad dang rgyun mi 'chad par mthong ba'o/ /srog med pa la sogs pas ni sngar bshad pa bzhin no//med pa zhes bya ba ni rmi lam bzhin du brdzun pa'i phyir ro/ /gsog ces bya ba ni nyam chung ba ste/ sgyu ma ltar brtag pa'i khur mi bzod pa'i phyir ro/ /gsob ces bya ba ni smig rgyu bzhin du srid pa'i yul dngos po med pa'i phyir ro/ /snying po med pa zhes bya ba ni chu skyes kyi sdong po ltar khong na snying por gyur pa'i rdzas med pa'i phyir ro//nad ces bya ba ni cung zad tsam du bde ba myong bar 'gyur ba'i sdug bsngal nyid kyis sdug bsngal ba'i phyir ro/ /'bras zhes bya ba ni sdug bsngal gyi sdug bsngal nyid kyis 'bras ltar gnod pa'i phyir ro/ /zug rngu zhes bya ba ni dus thams cad du 'du byed kyi sdug bsngal nyid dang ldan pas 'phags pa rnams kyis mi 'dod pa'i phyir ro//sdig pa zhes bya ba ni sdig par gyur bas spang bar bya ba'i phyir ro/ /mi rtag pa zhes bya ba ni 'byung ba dang 'jig pa'i chos can gyi phyir ro/ /sdug bsngal ba zhes bya ba ni mi mthun pa'i phyir ro//stong pa zhes bya ba ni bdag gis byin gyis ma brlabs pa'i phyir ro/ /bdag med pa zhes bya ba ni bdag nyid kyis bdag ma yin pa'i phyir ro/ /ci bdag 'das pa'i dus na byung ba zhig gam/ 'on te ma byung ba zhig ces bya ba ni bdag yod par rmongs pa ma yin pa ste/ bdag la sogs par 'gyur ba gang yang med pa dang /sngon yang rkyen 'di dang mthun par zad pa'i phyir ro/ /cir gyur pa cig ces zhes bya ba ni lha dang mir ro/ /ji lta bur gyur pa zhig ces bya ba ni bde ba dang sdug bsngal ba dang / tshe ring ba dang / tshe thung ba dang / ming ci zhes bya ba dang / rus cir gyur pa dang / kha dog ji lta bu dang / gang du gnas par gyur pa la sogs pa bdag gi gnas kyi bye brag la rmongs pa med pa ste/ de bzhin du phyi ma'i mtha' dang yang sbyar ro/ /rgyu ma tshang ba med pa las de ltar 'bras bu'i rnam pa skye ba dang mi 'gal bas dbus kyi mtha' bstan to//'di ci zhes bya ba ni bdag gam bdag gi ma yin par ro/ /'di ji lta bu zhig ces bya ba ni bdag de ci gzugs can nam gzugs med pa cig snyam pa'o/ /ci zhig yod ces bya ba ni legs par byed pa'i las byed pa'am/ 'on te nyes par byed pa'i las byed par 'gyur zhes bya ba la sogs pa'o//cir 'gyur zhes bya ba ni tshe 'di nas bdag tshe phyi ma la cir 'gyur/ ci legs par byed pa'i las byed par 'gyur ram/ nyes par byed pa'i las byed par 'gyur zhes bya ba la sogs par dus gsum du yang bdag gi yul dang / gzhan gyi yul la rmongs par mi 'gyur ba'o//thams cad kyang bdag med pa dang rten cing 'brel bar 'byung ba dang mthun par bstan pa'i phyir/ sems can 'di dag gang nas 'ongs zhes bya ba la sogs pa gsungs te brda phrad par sla bas ma bshad do/ /dge sbyong thams cad ni rab tu byung ba'o//bram ze ni khyim pa ste/ rigs kyi bye brag tu 'jig rten na grags pa'o/ /lta bar song ba zhes bya ba ni lta ba'i rnam pa'o/ /tha dad pa zhes bya ba ni so so ba'o/ /bdag tu smra ba dang ldan pa zhes bya ba ni bdag phung po las gzhan nam/ gzhan ma yin zhes bya ba la sogs pa'i rtog pa dang ldan pa dag ste/bdag ni ngar shes pa'i yul yin pas de'i dbang gis dge slong dang bram ze dag phan tshun 'gyed do/ /'tsho bas ni srog go/ /yang dang yang 'gro ba rnams su len pas na gang zag go/ /dge mtshan dang ldan zhes bya ba ni de lta bu dang / gtam rgyud dang / sngon byung ba dang / glu bro la sogs pas bdag dga' bar 'gyur bar grag ces mngon par zhe na pa'i phyir ro/ /bkra shis su smra ba dang ldan pa ni rtswa dUr ba dang / gi wang la sogs pa bsten pa dang / zho dang / me tog dang / bum pa gang ba dang / nya dang bram ze dang /khyu mchog la sogs pa mthong ba dang / skar ma dang / yud tsam dang / tshes grangs dang / sbyor ba pa'i bye brag gis bdag rnam par dag par 'gyur ro zhes nga rgyal byed pa ste/ de dag lam ma yin pa la lam du mngon par zhen pa'i phyir/ tshul khrims dang brtul zhugs mchog tu 'dzin pa'i lta ba ste/bdag tu 'dzin pa ni rtsa ba'o/ /lhag par g.yo ba dang bral bar g.yo ba zhes bya ba ni/ sems rgyas pa dang zhum par gyur pa ste/ de dag ni lta bar song ba'i bye brag go/ /spangs par gyur ces bya ba ni kun du mi 'byung ba'i phyir ro/ / yongs su shes nas zhes bya ba ni bdag la sogs par nor pa'i yul bden pa ma yin par shes pa'o/ /rtsa ba nas bcad de zhes bya ba ni 'phags pa'i shes rab kyis bag chags de gtan nas bsal ba'i phyir ro/ /mi snang bar gyur ces bya ba ni res 'ga' yang sems la snang bar mi 'gyur ba'i phyir ro//phyis zhes bya ba ni tshe rabs gzhan pa'o/ /mi skye mi 'gag pa'i chos can du 'gyur ro zhes bya ba ni/ rtsa ba ni rtsa ba nas bcad pa'i phyir te skye ba med na 'gag pa mi srid pa'i phyir ro/ /de dag gis bdag tu lta ba spangs pa'i phyir de'i rtsa ba nyon mongs pa thams cad bsal nas sgrib pa spangs pa de'i 'bras bu nye bar bstan to//mi gnas pa'i mya ngan las 'das pa'i lam la 'jug pa de yang de'i 'bras bu ste/ bla na med pa yang dag par rdzogs pa'i byang chub tu lung ston ces bya bas ston te/ lam de la gnas pa nyid la lung ston pa'i phyir ro/ /de skad ces smras nas zhes bya ba ni yang dag par sdud par byed pas tshig de 'das pas yid brtan du rung ba'i lung nyid du ston to//'phags pa shA ri'i bu la sogs pa rjes su yi rang bas ni 'jig rten ma lus pas 'di yongs su gzung bar bstan to/ /bdag gis mdo sde 'di yi don/ /ci nus ci 'dra rgyas bshad pa/