བོད་ཡིག |
231b4 @##/ /rgya gar skad du/ shrI dz+wa la ag+ni gu h+ya tan+t+ra rA dza/ bod skad du/ dpal gsang ba me 'bar ba'i rgyud kyi rgyal po/ bcom ldan 'das bde ba chen po la phyag 'tshal lo/ /'di skad bdag gis thos pa dus gcig na/ bcom ldan 'das de bzhin gshegs pa
231b5 thams cad kyi sku dang gsung dang thugs rdo rje btsun mo'i b+ha ga la snyoms par bzhugs so//de'i tshe 'khor 'dus pa'i nang na rdo rje phag mos gsol pa/ rnal 'byor gang lags 'pho ba gang / /'chi ba gang lags shi ba gang / /ro ni gang lags ro chen gang / /de bzhin shi ba chen
231b6 po gang //thal ba gang lags thal chen gang / /tsha tsha gang lags tsha tsha yi/ /chen po gang lags gnas ni gang / /bcom ldan 'das kyis bshad du gsol/ /bcom ldan 'das kyis bka' stsal pa/ /thabs dang shes rab snyoms 'jug la/ /rnal 'byor zhes ni gsungs pa
231b7 yin//dus min lha ni gsod pa ste/ /dang por 'pho ba'i rtags dang yang / /dus tshod nges par shes bya ste/ /bar chad med pa'i ting 'dzin gyis/ /'khrul 'khor bcas te khyad par gyis/ /'bras bu 'byung bar 'pho bar nges/ /khams dang 'byung ba so sor thim/ /srog gi
232a1 rtsol ba la thim ste//rtsol ba rnam shes la thim pa'i/ /skad cig dang po 'chi ba ste/ /rdo rje can sogs rigs bzhi dang / /rnam snang tha dad bral ba yi/ /skad cig dang po shi ba ste/ /de nas zhag bdun bar du gzhag /lus kyi mkha' 'gro mya ngan 'das/ /de ni shi ba
232a2 chen por grags//lus ni ta la'i mgo bo 'dra/ /'di nyid ro zhes gsungs pa ste/ /ye shes dbab dang ye shes brtan/ /mkha' spyod sa spyod sa 'og spyod/ /spyi bo mgrin pa snying ga ru/ /dri yi thig le gsum byas te/ /sku gsung thugs su byin gyis brlab/ /thog mar dri zhim sna
232a3 tshogs kyis//khrus byas gnas ni bcu gnyis su/ /dri yi thig le bcu gnyis bya/ /dpa' bo mkha' 'gros byin gyis brlab/ /gzhan yang rgyan la sogs pa kun/ /dngos su gnas pas rab tu nges/ /ri mor bris pa 'bring po ste/ /dri yi thig le tha mar nges/ /g.yas brkyang la
232a4 sogs 'dug stangs kyis//he ru kar grags chen por bzhengs/ /rang rig bdag po gang yin pa/ /he ru ka ru nges pa dang / /de la dus drug mchod pas mchod/ /'di dag ro ni chen po ste/ /'chi ba zhes ni rnam rtog ste/ /mkha' spyod gnas su 'khrid par byed/ /rang bzhin bsregs
232a5 pa thal ba ste//rtsa ba'i dkyil 'khor la brten nas/ /chos sku gzugs brnyan rim bzhin brtsig /yang na bum pa lta bu yi/ /gzhal yas khang pa brtseg mar brtsig /mi 'chi bcu phyed snying po dang / /tsan+dan gur kum la sogs pa'i/ /dri yis byugs shing bsgo bar bya/ /tsan+dan dmar
232a6 po la sogs pa'i//dri zhim ldan pa'i shing bu 'am/ /yang na 'bras bu yod pa yi/ /bud shing tshad dang mthun pa yis/ /thab khung chen por rdzogs par brtsig /bla ma dam pa mnyes byas la/ /zhal nas yang dag shes par bya/ /zur bzhi rgyal po chen po bzhi/ /phyogs bzhi mi 'jigs seng ge
232a7 brgyad//ka ba bzhi dang gdung bzhir ldan/ /cho ga yongs su rdzogs pa dang / /rig pa'i dkyil 'khor gzhug pa dang / /sngar gyi dbang thob rdzogs par bskur/ /de nas rgyun gzhag me sbar te/ /me lha la sogs gzhan dang 'dra/ /de nas rig pa de nyid kyang / /me yi khang pa mdzes pa ru/ /rang
232b1 bzhin spyan drangs bzhugs su gsol//me mchod sdig pa bsreg pa yi/ /sngags dang rdzas sogs gzhan dang 'dra/ /me dang du ba rlung sogs kyi/ /mtshan ma mkhas pas brtag bya ste/ /bkra shis rtags rnams byung na legs/ /med na sdig pa bsreg par bya/ /dung la sogs pa
232b2 byung na rab//ma byung na yang cho ga rnams/ /rdzogs pa las byung rus pa rnams/ /'di ni thal ba chen po ste/ /de las gzhan pa thal bar gsungs/ /de nas rus ba zhag gsum ni/ /gur kum la sogs dris gtor te/ /rus pa'i mtshan ma brtag bya ste/ /kha dog dbyibs dang dri dang ro/ /
232b3 bla ma'i zhal nas shes par bya/ /gdon bsal khrus bya rus pa brdung / /mnyams dum bu gcig pa la/ /dri sogs bsgos pa'i nang du ste/ /dkyil 'khor yongs su rdzogs pa yi/ /steng du seng ge'i khri dag la/ /seng ge rgyal chen 'og gi rgyan/ /steng nas gdugs dang rgyal mtshan te/ /
232b4 gnas der rus pa gzhag byas la/ /me tog byas nas zhag lnga ru/ /bsnyen pa byas te drug pa la/ /gdung byung sta gon bdun pa la/ /tsha tsha rab tu gnas par bya/ /dang por ro bsregs dus su yang / /shi ba dang po nas bzung ste/ /zhag lnga ro yi bsnyen pa ste/ /drug pa ro yi sta gon no/ /bdun
232b5 pa dur khrod rab tu gnas//dang por snang ba gnyis par ro/ /gsum pa rus pa mya ngan 'das/ /mya ngan 'das pa rnam pa gsum/ /gzhan la med cing rang la med/ /dman la med cing de rjes med/ /thabs sum gsungs shes rab kyi/ /rtsa rgyud bshad rgyud phyi ma dang / /phyi ma'i phyi mar ma
232b6 gsungs pa'o//mya ngan 'das pa rnam pa gsum/ /bdud rtsi sgron ma ra li yi/ /rgyud du khyod la nga yis bshad/ /de nas tsha tsha'i rim pa yang / /snang ba rgyal po la sogs la/ /mthun pa'i gtam gyis sa sogs blang / /mi snang sa bdag la sogs la/ /gtor ma me yis sa sogs blang / /
232b7 de nas skud pa rnam lnga yang / /phan pa rdo rje can dang yang / /gzi brjid gar dang rdo rje rgyal/ /srad bus sa gzungs sbyang sogs/ /cho ga gzhan dang mthun par bya/ /dur khrod gnas su rtsa ba yi/ /dkyil 'khor chen po bzhengs par bya/ /lha grangs du yod gtor ma gtang / /sbyin sreg dag
233a1 gis zhi byas te//gcig gam lnga'am bdun nam ni/ /nyi shu rtsa gcig brgya rtsa brgyad/ /ci nus par ni gdab par bya/ /dus ni mtshan mo shes pa ste/ /dang po la ni dkyil 'khor gyis/ /phyag rgya chen po rdzogs pa ste/ /gsum pa bzhi pa gnyis pa dag /chos
233a2 kyi sku yi gzugs brnyan gdab//bum dbang sa la gdab pa ste/ /gsang dbang sa dang chu la gdab/ /gsum pa me dang rlung la gdab/ /bzhi pa nam mkhar gsungs pa'o/ /dang po 'pho bas ma lhung la/ /gnyis pa ro bsreg ma lhung ba'o/ /gsum pa tsha tshas ma lhung na/ /'chi
233a3 bslu ba'i dam pa ste//srid pa'i 'chi ba las grol nges/ /dman pa'i 'pho ba la sogs pas/ /lhung zhing 'chi ba kho nar nges/ /de bas srid las grol 'dod pas/ /bla ma dam pa rab mnyes te/ /'pho ba la sogs gdams ngag blang / /rgyud 'di gtad kyis legs par zung / /de'i
233a4 tshe 'jig rten gyi khams kyi sa chen po yang g.yos par gyur to//mchod pa sna tshogs pa'i char yang bab bo/ /dpa' bo dang mkha' 'gro ma dang dur khrod na gnas pa'i ro langs chen po thams cad rgyud kyi don la rjes su yi rangs par gyur to/ /dpal gsang ba me 'bar ba'i rgyud kyi rgyal po
rdzogs so/ / //paN+Di ta ga ya d+ha ra dang / lots+tsha ba dge slong shAkya ye shes kyis bsgyur ba'o/
CLOSE WINDOW