| བོད་ཡིག |
66a2 / //[ @#/ /'phags pa chos bzhi pa'i rnam par bshad pa/ /'jam dpal gzhon nur gyur pa la phyag 'tshal lo/ /byang chub sems dpa' sems dpa' chen pos chos bzhi po 'di dag ji srid 'tsho'i bar du srog gi phyir yang yongs su gtang bar mi bya'o
66a3 zhes bya ba'i mdo 'di ci'i phyir brtsams she na/theg pa chen po la yang dag par zhugs pa bla na med pa'i byang chub thob par bya ba'i thabs la mgo rmongs pa rnams la yang dag par bstan pa'i phyir dang / bag med pa rnams yang dag par 'dzin du gzhug pa'i phyir dang / kun tu zhum pa rnams
66a4 yang dag par gzengs bstod pa'i phyir dang /yang dag par zhugs pa rnams yang dag par rab tu dga' bar bya ba'i phyir ro/ /bzhi zhes grangs smos pa ni rgya che bar dogs nas de dag nyan mi 'dod pa yongs su spang bar bya ba'i phyir ro/ /grangs smos na bde blag tu dran pa'i phyir ro/ /'og nas
66a5 'byung ba'i bzod pa dang /des pa gnyis dgos pa gcig pas tha mi dad pa'i phyir ro/ /theg pa chen po la yang dag par zhugs pa rnams kyi rnam grangs mang yang ming gnyis smos pa ni rgyu gsum gyis te/ mos pa dang / sbyor ba dang / khong du chud pas so/ /mos pas ji lta bu zhe na/ shes
66a6 bya zab mo la mos pa'i phyir byang chub sems dpa'o//mthu chen po la mos pa'i phyir sems dpa' chen po'o/ /sbyor bas ji lta bu zhe na/ bdag kyang bla na med pa yang dag par rdzogs pa'i byang chub kyi phyir rab tu brtson pa'i phyir dang / sems can thams cad sdug bsngal las yongs su
66a7 bskyab pa'i phyir ro//khong du chud pas ji lta bu zhe na/ stobs gnyis kyis byang chub rtogs par 'gyur ba'i phyir te/ gnyis gang zhe na/ blo'i stobs dang / brtson 'grus kyi stobs te/ mi shes pa dang / brtson 'grus chung ngus ni byang chub rtogs par mi nus so/ /ji srid 'tsho'i
66b1 bar du yongs su gtang bar mi bya'o zhes bya bas ni/chos de rnams la rgyun du bya ba nyid ston to/ /srog gi phyir yang zhes bya bas ni gus par bya ba nyid do/ /ci'i phyir chos bzhi zhes bya ste/ mi nyung mi mang zhe na/ byang chub kyi tshogs kyi bar chad byed pa'i chos bzhi ste/ de dag gi gnyen por bzhi'o
66b2 bar chad byed pa'i chos bzhi po dag gang zhe na/don du mi gnyer ba nyid dang / thabs mi shes pa nyid dang / sems can la mi phyogs pa nyid dang / yul la mngon du phyogs pa nyid do/ /yang bzhi ste/ mi rtsom pa dang / log par rtsom pa dang / rtsom pa gtong ba dang / rtsom pa la
66b3 rnam par g.yeng ba'o//yang byang chub kyi tshogs dang mthun pa'i chos bzhi ste/ de dag gi gzhi'i phyir bzhi'o/ /byang chub kyi tshogs dang mthun pa'i chos bzhi po dag gang zhe na/ gdams ngag dang rjes su bstan pa 'dod pa nyid dang / de 'thob pa dang / de'i snod nyid dang / de grub pa'o//
66b4 yang bzhi ste/ don du gnyer ba nyid dang / thabs shes pa nyid dang / sgrub pa ste/ de la sgrub pa ni rnam pa gnyis te/ sems can yongs su smin par byed pa dang / sangs rgyas kyi chos yongs su smin par byed pa'o/ /yang bzhi ste/ 'khor pa yongs su mi gtong ba dang / de na kun nas nyon mongs
66b5 pa med pa dang /sems can sdud pa dang / brtson 'grus sbyangs pa nyid do/ /yang rgyu bzhi po dag gis bgrod dka' ba'i lam las rgal bar byed pa yin te/ 'gro bar 'dod pa nyid dang / lam shes pa nyid dang / yi chad pas ji mi snyam pa nyid dang / bag yod pa nyid kyis so/ /de ltar na
66b6 'khor ba'i lam las rgal bar byed pa yin te/de dag gi gzhi'i phyir bzhi'o/ /ci'i phyir nyan thos dang rang sangs rgyas kyi byang chub la rab tu brtson pa la byang chub sems dpa' zhes mi bya zhe na/ ltag na med pa nyid du ming rnam par gzhag pa'i phyir te snang byed bzhin no/ /don mdor bsdu na bcom
66b7 ldan 'das kyis mdo sde 'dir theg pa chen po la yang dag par zhugs pa rnams kyi rjes su mthun pa'i las dang /ji ltar de'i 'bras bu med par mi 'gyur ba de yongs su bstan to/ /'phags pa chos bzhi pa'i rnam par bshad pa/ slob dpon dbyig gnyen gyis mdzad pa rdzogs so// //