| བོད་ཡིག |
258b5 ces bya ba'o/ /chos spyod yan lag bzhi pa rnal 'byor gyi dbang phyug chen po shrI dza ga ti ma trA nan+das mdzad pa rdzogs so// //rnal 'byor gyi dbang phyug de nyid dang / lo tsA ba byams pa'i dpal gyis bsgyur ba'o/ /[ ]@##/ /rgya gar skad du/ sap+ta aM ga
258b6 sad+d+harma tsAr+ya a ba tA ra/bod skad du/ dam pa'i chos spyod la 'jug pa'i yan lag bdun pa/ de bzhin gshegs pa shAkya seng ge la phyag 'tshal lo/ /sangs rgyas chos dang 'phags tshogs ni/ /skyabs mchog bden gnyis yongs bzung bas/ /shes rab snying rje mnyam sbyor la/ /bdag ni gus
258b7 pas phyag 'tshal lo//phyag btsal ba'i yan lag ste dang po'o/ /skyabs gsum bla med rin chen la/ /phyi nang kho na nyid don can/ /mchod sprin bsam mi khyab rnams kyis/ /legs par mchod pa'i cho gas mchod/ /mchod pa 'bul ba'i yan lag ste gnyis pa'o/ /'gro rnams bsgral 'dod bsam
259a1 pa yis//sangs rgyas chos dang dge 'dun la/ /byang chub snying por mchis kyi bar/ /rtag tu gus pas skyabs su mchi/ /skyabs su 'gro ba'i yan lag ste gsum pa'o/ /bdag gis lus ngag yid sgo nas/ /mi bzad sdig pa gang bgyis dang / /bgyid stsal rjes su yi rang gang / /de
259a2 dag thams cad so sor bshags//sdig pa bshags pa'i yan lag ste bzhi pa'o/ /rdzogs sangs byang chub sems dpa' dang / /rang rgyal rgyal ba'i slob ma dang / /'jig rten bsod nams gang bgyid la'ang / /dga' bas rjes su yi rang ngo / /rjes su yi rang ba'i yan lag ste lnga pa'o/ /shes rab snying rje dang
259a3 bcas pa'i//brtson pas sems can don du bdag /sangs rgyas mdun du gnas bgyis te/ /rdzogs pa'i byang chub sems bskyed bgyid/ /byang chub mchog tu sems bskyed pa'i yan lag ste drug pa'o/ /bsod nams tshogs kyi chos 'di dag /byang chub gsum gyi rgyur gyur pa/ /bdag med gnyis kyi lam
259a4 brten pas//mtho ris thar pa sgrub gyur cig /bdag gi bsod nams gang bgyis pas/ /skye bos rgyal ba thob gyur te/ /gus pas sems can thams cad don/ /rgya chen yang dag byed gyur cig /bdag ni tshe rabs thams cad du/ /sangs rgyas mthong ba rnyed gyur cig /dam pa'i chos ni nyan pa dang / /dge
259a5 'dun zhabs 'bring byed gyur cig /thabs mkhas yang dag bshes gnyen ldan/ /chos dang zang zing sbyin byed cing / /longs spyod sems can thun mong dang / /pha rol phyin pa kun rdzogs shog /'byor pa phul ba'i bsod nams dang / /tshul khrims legs par gzung ba dang / /dam chos yang dag mnyan
259a6 pa yis//bdag ni byang chub mchog thob shog /bdag ni 'di nas shi 'phos tshe/ /dga' ldan skyes nas yid dge bas/ /myur du byams mgon bsnyen byas te/ /byang chub lung bstan rnyed par shog /smon lam gdab pa'i yan lag ste bdun pa'o/ /dam pa'i chos spyod la 'jug pa'i
259a7 yan lag bdun pa/kha che'i paN+Di ta chen po shAkya shrI b+ha dras mdzad pa rdzogs so// //paN+Di ta chen po de nyid dang / bod kyi lo tsA ba dge slong byams pa'i dpal gyis bsgyur ba'o// //