CLOSE WINDOW

D3978
བོད་ཡིག

/[ ]@##/ /rgya gar skad du/ tri sam+ba ra kra ma/ bod skad du/ sdom pa gsum gyi rim pa/ dkon mchog gsum la phyag 'tshal lo/ /de la byang chub sems dpa' khyim pa slob pa la/ bsnyen gnas dbog pa dang / dge bsnyen gyi sdom pa dang /byang chub sems dpa'i sems bskyed pa dang por bya'o/ /bsnyen gnas dbog pa ni/ btsun pa'am/ slob dpon dgongs su gsol/ bdag dge bsnyen ming 'di zhes bgyi ba/ ji srid byang chub snying po la mchis kyi bar du/ sangs rgyas dang chos dang dge 'dun la skyabs su mchi'o//de bzhin du lan gnyis lan gsum du bya'o/ /de ltar btsun pas bdag la gsum la skyabs su song bar gzung du gsol zhes bya'o/ /btsun pa'am slob dpon bdag la dgongs su gsol/ /bdag dge bsnyen ming 'di zhes bgyi ba dus 'di nas bzung ste/ ji srid sang nyi ma ma shar gyi bar du/ srog chags so cog gsod pa dang / gzhan gyi nor 'phrog pa dang / mi tshangs par spyod pa dang / brdzun du smra ba dang / myos byed 'thung ba dang / dus ma yin par za ba dang / phreng ba dang / kha dog bsgyur ba dang / gar dang / glu dang / rtsed 'jo dang /mal stan mthon po la sogs pa ldog par bgyid pa/ yon tan brgyad kyis bdag dgra bcom pa rnams kyi tshul du 'jog go zhes bya ba ni bsnyen gnas dbog pa'o/ /tshe dang ldan pa brjod cing / bdag la dgongs su gsol/ bdag ming 'di zhes bgyi ba dus 'di nas bzung ste/ ji srid 'tsho'i bar du rkang gnyis rnams kyi mchog sangs rgyas la skyabs su mchi'o//theg pa chen po'i chos mtha' dag la skyabs su mchi'o/ /tshogs rnams kyi mchog dge 'dun la skyabs su mchi'o/ /btsun pas bdag dge bsnyen du gzung du gsol/ thabs yin no/ /legs so/ /tshe dang ldan pa brjod cig /slob dpon dgongs su gsol/ ji ltar 'phags pa dgra bcom pa de dag gis ji srid 'tsho'i bar du srog gcod pa spangs te/ srog gcod pa las log pa de bzhin du/ bdag ming 'di zhes bgyi ba yang dus deng nas bzung ste/ ji srid 'tsho'i bar du srog gcod pa spangs te/srog gcod pa las slar ldog par bgyid do/ /yan lag dang po 'dis bdag 'phags pa dgra bcom pa de dag gi bslab pa la rjes su slob pa dang rjes su sgrub po/ /rjes su bgyid do/ /gzhan yang 'phags pa dgra bcom pa de dag gis ji srid 'tsho'i bar du/ ma byin par len pa dang /'dod pas log par g.yem pa dang / brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas spangs te/ ma byin par len pa dang / 'dod pas log par g.yem pa dang / brdzun du smra ba dang / 'bru'i chang dang / bcos pa'i chang myos par 'gyur ba'i bag med pa'i gnas las slar ldog pa de bzhin du/bdag ming 'di zhes bgyi bas kyang dus 'di nas bzung ste/ ji srid 'tsho'i bar du/ ma byin par len pa dang / 'dod pas log par g.yem pa dang / brdzun du smra ba dang / 'bru'i chang dang / bcos pa'i chang myos par gyur pa bag med pa'i gnas spangs te/ma byin par len pa dang / 'dod pas log par g.yem pa dang / brdzun du smra ba dang / 'bru'i chang dang / bcos pa'i chang myos par 'gyur ba bag med pa'i gnas las slar ldog par bgyid do/ /yan lag gnyis pa dang / gsum pa dang / bzhi pa dang / lnga pa 'dis bdag 'phags pa dgra bcom pa de dag gi bslab pa la rjes su bslab po/ /rjes su sgrub po/ /rjes su bgyid do/ /thabs yin no/ /legs so/ /dge bsnyen gyi sdom pa dbog pa'o/ /ji ltar sangs rgyas bcom ldan 'das rnams dang / byang chub sems dpa' chen po de dag gis/byang chub kyi sems chen po bskyed pa de bzhin du/ bdag gis kyang deng nas bzung ste/ ji srid byang chub snying po la mchis kyi bar du/ sems can ma brgal ba rnams bsgral ba dang / sems can ma grol ba rnams dgrol ba dang / sems can dbugs ma phyin pa rnams dbugs phyin pa dang / sems can yongs su mya ngan las ma 'das pa rnams mya ngan las bzla ba'i slad du/byang chub kyi sems chen po bskyed par bgyi'o/ /bdag gi de ring skyob pa thams cad kyi/ /spyan sngar 'gro ba bde gshegs nyid dang ni/ /bar du bde la mgron du bos zin gyis/ /lha dang mi la sogs pa dga' bar gyis/ /zhes de ltar sangs rgyas dang byang chub sems dpa' thams cad dang /'jig rten skyong ba brgyad la sogs pa'i lha rnams thams cad yid kyis dmigs te/ dad pa chen pos byang chub tu sems bskyed par bya'o/ /de ltar kun rdzob kyi rnam pa smon lam gyi rang bzhin du gyur pa'i byang chub kyi sems bskyed do/ /don dam pa la ni bsgoms pa'i stobs kyis bskyed par bya'o//byang chub tu sems bskyed pa'o/ /sdom pa gsum gyi rim pa/ slob dpon chen po rnyog med rdo rje'i zhal snga nas mdzad pa rdzogs so// //rgya gar gyi mkhan po a tu l+ya dA sa dang / zhu chen gyi lo tsA ba dge slong blo ldan shes rab kyis bsgyur ba'o// //