CLOSE WINDOW

D3968
བོད་ཡིག

/ //rgya gar gyi mkhan po chen po bla ma su nA ya shrI mi tra dang / zhu chen gyi lo tsA ba dge slong dar ma grags kyis bsgyur cing zhus te gtan la phab pa'o//[ ]@##/ /rgya gar skad du/ bo d+hi tsit+ta ut+pA da sa mA dA na bi d+hi/ bod skad du/ byang chub kyi sems bskyed pa dang yi dam blang ba'i cho ga /thugs rje chen po la phyag 'tshal lo/ /sangs rgyas kun gyi mes po ni/ /'jam mchog mgon la rab btud nas/ /byang chub tu ni sems bskyed dang / /yi dam gsal po bri bar bya/ /de la dang po re zhig rigs kyi bu'am rigs kyi bu mo rten dang bsam pa phun sum tshogs pa dang ldan pas/dge ba'i bshes gnyen byang chub sems dpa'i sdom pa dang ldan pa'i thad du song nas/ dkyil 'khor bya ba sngon du btang nas pus mo g.yas pa'i lha nga sa la btsugs te thal mo sbyar nas 'di skad ces/ rigs kyi bu skyabs gsum sngon du 'gro ba can gyi byang chub kyi sems bdag la stsol cig ces lan gsum du gsol ba gdab par bya'o//de nas dge ba'i bshes gnyen des kyang nus pa ji lta ba bzhin du sbyin no zhes khas blang ngo / /de nas sa phyogs yid du 'ong bar de bzhin gshegs pa'i ring bsrel gyi snying po can gyi mchod rten nam/sangs rgyas kyi sku gzugs sam/ ri mo bzhugs su gsol te/ chu dri zhim pos sku khrus gsol la/ gos dkar pos phyis nas na bza' sna tshogs gsol te/ 'og nas 'chad pa'i cho gas dkyil 'khor rnams byas nas/ ji ltar rnyed pa'i me tog la sogs pas phyi rol gyi mchod pa bya'o//me tog bdug pa mar me dang / /dri dang lha bshos nyid dang ni/ /na bza' dang ni rgyan dang gdugs/ /gar dang rol mo glu dbyangs ni/ /yid 'ong sangs rgyas spyod yul dag /nam mkha' mtha' dag kun khebs pa/ /sangs rgyas rnams kyi spyan sngar ni/ /blos sprul nas ni bdag 'bul lo//zhes yid kyi mchod pas mchod par mdzad do/ mchod par bya ba dang / mchod par byed pa dang / mchod pa rnams rang bzhin gyis dbyer med par dmigs te/ ji ltar 'jam dbyangs la sogs pa/ /rgyal ba rnams la mchod mdzad pa/ /de bzhin bdag gis de bzhin gshegs//mgon po sras dang bcas rnams mchod/ /ces sgrub pas mchod par bya'o/ /dus gsum bzhugs pa'i sangs rgyas rnams/ /chos dang tshogs kyi mchog bcas la/ /zhing rdul kun gyi grangs rnyed kyi/ /lus btud nas ni bdag phyag 'tshal/ zhes lan gsum phyag byas la/rgyal dang de sras rnams la bdag gis ni/ /bdag gi lus kun rnam pa kun du 'bul/ /sems dpa' mchog rnams bdag ni yongs bzhes shig /gus pas khyed kyi 'bangs su mchi bar bgyi/ /ces bya ba 'dis bdag gi lus sangs rgyas rnams la dbul bar bya'o//de'i rjes la/ thog ma med ldan 'khor ba nas/ /tshe rabs 'di 'am gzhan dag la/ /bdag gis ma 'tshal sdig bgyis pa'am/ /bgyid du stsal ba nyid dang ni/ /gti mug 'khrul pas bdag non te/ /rjes su yi rang gang bgyis pa/ /de ni 'gyod pas shin tu yang //'gyod par bgyis te bdag 'chags kyis/ /'dren pa rnams kyis nyes pa la/ /nyes pa lags par gzung du gsol/ /'di ni bzang po ma lags pas/ /mgon po slan chad bdag mi bgyid/ /ces nyes pa thams cad bshags pa byas nas/ zag bcas zag pa med pa yi//dge la dga' bas yi rang ngo / /chos kyi 'khor lo bskor slad du/ /sangs rgyas rnams la bdag bskul lo/ /rgyal ba mya ngan 'das bzhed rnams/ /bskal pa mtha' las bzhugs su gsol/ /bdag gis dge kun ltos med par/ /rdzogs pa'i byang chub tu bsngo'o/ /zhes brjod pas bsod nams la rjes su yi rang ba dang /sangs rgyas la bskul ba dang / gsol ba gdab pa dang / yongs su bsngo ba byas nas/ dkon mchog gsum la skyabs su 'gro ba sbyin no/ /de la rang la mngon du phyogs shing tsog tsog por 'dug ste/ thal mo sbyar nas gnas pa la rigs kyi bu khyod kyis 'di skad ces brjod cig ces smrar gzhug ste/phyogs bcu na bzhugs pa'i sangs rgyas bcom ldan 'das rnams dang / byang chub sems dpa' thugs rje chen po can rnams kyang bdag la dgongs su gsol/ slob dpon dgongs su gsol/ bdag ming 'di zhes bgyi ba sangs rgyas la sogs pa la mchod pa la sogs pa bgyis pas/ byang chub snying por mchis kyi bar/ /sangs rgyas la ni skyabs su mchi/ /chos dang byang chub sems dpa' yi/ /tshogs la'ang de bzhin skyabs su mchi/ /zhes lan gsum brjod par bya'o//de'i rjes la/ lus dang de bzhin longs spyod dang / /dus gsum gyi ni dge ba rnams/ /sems can don grub bya ba'i phyir/ /ltos pa med par gtang bar bgyi/ /sa sogs 'byung ba chen po dang / /nam mkha' bzhin du rtag par yang / /sems can dpag tu med pa yi//rnam mang nyer 'tsho'i gzhir yang shog /de bzhin nam mkha'i mthas gtugs pa'i/ /sems can khams ni rnam kun du/ /thams cad mya ngan 'das bar du/ /bdag ni nyer 'tsho'i rgyur yang shog /mgon po'i spyan sngar rdzogs pa yi/ /byang chub tu ni sems bskyed de//sems can de dag thams cad kun/ /sangs rgyas bde la mgron du 'bod/ /ces smon pa'i mtshan nyid mngon du bya'o/ /de nas/ ji ltar sngon gyi bde gshegs kyis/ /byang chub thugs ni bskyed pa dang / /de dag byang chub thugs bsrung la/ /dus kun du ni gnas pa ltar/ /de bzhin 'gro la phan don du//bdag gis byang chub sems bskyed cing / /de bzhin du ni dus kun du/ /bdag gis de ni bsrung bar bgyi/ /zhes lan gsum gyi bar du smon pa dang 'jug pa'i sems gzung bar bgyi'o/ /de nas gal te byang chub sems dpa'i sdom pa bzung ba la mos pa brtan po yod na de'i tshe sdom pa sbyin no//ji ltar sngon gyi bde gshegs kyis/ /byang chub sems dpa'i bslab bzung ste/ /de dag byang sems bslab pa la/ /rim pa bzhin du gnas pa ltar/ /de bzhin 'gro la phan don du/ /byang chub sdom pa gzung bgyi zhing / /de bzhin bslab pa de dag la//rim pa bzhin du gnas par bgyi/ /zhes lan gsum brjod pas sdom pa sbyin no/ /ltung ba dang ltung ba med pa'i gzugs brnyan yang skabs ji lta ba bzhin du de dag dge ba'i bshes gnyen gyis bstan par bya'o/ /de nas langs te dkon mchog gsum la phyag btsal nas/dge ba'i bshes gnyen gyi zhabs gnyis la gtugs te nus pa ji lta ba bzhin du yon phul nas/ de ring bdag tshe 'bras bu yod/ /mi yi srid pa legs par thob/ /de ring sangs rgyas rigs su skyes/ /sangs rgyas sras su bdag gyur to/ /skyon med btsun pa'i rigs 'di la//ji ltar rnyog par mi 'gyur bar/ /de bzhin du ni rang rigs dang / /mthun pa'i las ni bdag gis bya/ /zhes bya bas mjug rgyas par bya'o/ /rnam pa de lta bu'i dge ba'i bshes gnyen med na ni sangs rgyas dang byang chub sems dpa'i spyan sngar bya'o zhes bya ba ni dkon mchog la skyabs su 'gro ba sngon du song ba can gyi byang chub sems dpa'i sdom pa gzung ba'i cho ga'o//de ltar byang chub kyi sems dang sdom pa bzung ba'i byang chub sems dpa'i tshogs gnyis po spyod pas yongs su rdzogs par byed pa des na spyod pa la mngon par sbyar bar bya'o/ /de yang rnam pa gsum ste/las dang po pa la ni sdom pa'i tshul khrims gtso bo yin pa'i phyir na/ yi dam gyi spyod pa'o/ /mos pas spyod pa'i spyod pa can la ni dge ba chos sdud pa'i tshul khrims gtso bo yin pa'i phyir na/ ting nge 'dzin gyi spyod pa'o/ /sa la bzhugs pa la ni sems can gyi don bya ba nyid gtso bo yin pa'i phyir na/sems can ston pa'i spyod pa'o/ /de la las dang po pa'i yi dam gyi spyod pa brjod do/ /nang par langs te/ oM pra kr-i ta pa ri shud+d+ha sarba d+harmAH pra kr-i ta pa ri shud+d+hou0f85haM/ zhes bya ba'i sngags kyis byin gyis brlabs shing yongs su brtags pa'i chus gdong la s ogs pa dag par bya zhing kun du spyod pa gtsang bas/sa phyogs yid du 'ong bar/ sangs rgyas dang byang chub sems dpa'i sku gzugs sam/ ring bsrel dang bcas pa'i mchod rten nam/ thang ka bkram zhing / bar snang la yang phyogs dus kun na bzhugs pa'i sangs rgyas dang byang chub sems dpa' rnams yid kyis dmigs te/oM a ma le/ bi ma le/ nirma le/ swa b+hA ba shud+d+haHswA hA/ zhes brjod la/ chu dri zhim pos sku khrus gsol te/ gos dkar pos phyis nas/ ji ltar rnyed pa'i gos dang rgyan rnams sngags 'dis dbul lo/ /oM A badzra waste hUM/ oM A badzra A laM ka re hUM/de nas mdun du mngon par phyogs te bsdad la/ oM badzra b+hU mi hUM/ zhes bya bas byin gyis brlabs pa'i sa'i char/ oM badzra u da ka hUM/ zhes bya bas byin gyis brlabs pa'i lci ba dang / chus kun du bzang po'i dkyil 'khor nye bar byugs la/ oM badzra re khe hUM/ zhes bya bas dkyil 'khor btang nas lag pa bkru'o//de nas dbus nas brtsams te/ dbus nyid kyi mthar thug par me tog sngags 'dis dgram mo/ /oM haM ma hA me ra be+e swA hA/ dbus su'o/ /shar dang lho dang byang dang nub rnams su ni/ oM yaM pUrba bi dai hA ya swA hA/ oM raM dzaM bu dwI pA ya swA hA/oM laM ut+ta ra ku ra be swA hA/ oM baM a ba ra ko da na ye swA hA/ me dang bden bral dang dbang ldan dang rlung gi phyogs dag tu ni/ oM yaHu pa dwI pA ya swA hA/ oM raHu pa dwI pA ya swA hA/ oM laHu pa dwI pA ya swA hA/ oM baHu pa dwI pA ya swA hA/ bar gyi shar dang lho dang byang dang nub rnams su ni/oM ya ga dza rat+nA ya swA hA/ oM ra pu ru Sha rat+nA ya swA hA/ oM la s+t+rI rat+nA ya swA hA/ oM ba a shwa rat+nA ya swA hA/ me dang bden bral dang dbang ldan dang rlung rnams su ni/ oM yA khang+ga rat+nA ya swA hA/ oM rA ma Ni rat+nA ya swA hA/ oM lA ma hA ni d+ha nA ya swA hA/ oM bA tsakra rat+nA ya swA hA/ oM haM a d+ho me ra be swA hA/zhes bya bas yang dbus su bzhag la dbul bar bya'o/ /de nas/ oM badzra puSh+pe hUM/ oM badzra d+hU pe hUM/ oM badzra dI pe hUM/ oM badzra gan d+he hUM/ oM badzra nai wi d+ya hUM/ zhes bya bas ji ltar rnyed pa'i me tog dang / bdug pa dang / mar me dang / dri dang / lha bshos dag dbul bar bya'o//de nas/ rgyal ba gang zag bla na med pa yi/ /sangs rgyas rnams ni thams cad dang / /rdzogs pa'i sangs rgyas grags ldan pa/ /kun gyi sku la phyag 'tshal lo/ /rdzogs sangs gang du bltams pa dang / /gang du byang chub la reg dang / /zhi ba'i 'khor lo bskor ba dang //zag med mya ngan 'das pa dang / /bde gshegs gang du bzhugs pa dang / /'chag pa dang ni bzhengs pa dang / /seng ge lta bur gzims pa yi/ /gnas de la ni bdag phyag 'tshal/ /steng dang bar dang 'og dag dang / /phyogs dang phyogs mtshams rnams su yang / /skur bcas sku ni med pa yi//mchod rten la ni bdag phyag 'tshal/ /zhes bya bas lan gsum du phyag byas la 'dug ste/ rten gyi stobs la sogs pa rdzogs par bya ba'i don du phung po gsum pa gdon par bya'o/ /sangs rgyas rjes su dran pa yang rjes su dran par bya'o/ /de nas bar snang la rang gi gzhi bdag dang 'jig rten skyong ba rnams yid kyis dmigs te/oM AHhUM zhes bya bas lan gsum byin gyis brlabs pas bdud rtsir gyur par bsam yid kyis de dag nyid la byin nas/ oM a kA ro mu khaM sarba d+har+m+mA NAM Ad+ya nu ta pan+na twAta oM AHhUM phaT swA hA/ zhes brjod pas bdud rtsi des tshim pa rnams rang gi gnas su song bar blta'o//de nas theg pa chen po'i mdo lnga dang / de dang rjes su mthun pa dag las mdo gang yang rung ba ci nus kyis bton nas/ sdug bsngal ba dang mgon med pa dag la gos dang zas la sogs pa tha na kham gcig tsam tshun chad byin la/ 'khor gsum yongs su dag pas pha rol tu phyin pa rnams yang dag par bsdus nas smon lam 'di skad ces gdab bo//phyogs bcu nam mkha'i mthas gtugs pa'i/ /sems can kun gyi don bsgrub phyir/ /ji ltar 'jam dbyangs spyod mdzad pa/ /bdag gi spyod pa'ang de 'drar shog /ji srid nam mkha' gnas pa dang //'gro ba ji srid gnas kyi bar/ /de srid 'gro ba'i sdug bsngal ni/ /'joms pas bdag kyang gnas par shog /bsod nams 'di yis thams cad gzigs pa nyid/ /thob nas nyes pa'i dgra rnams pham byas te/ /rga nad 'chi ba'i dba' klong 'khrugs pa yi/ /srid pa'i mtsho las 'gro ba 'don par shog /de nas/ oM badzra muH zhes bya bas dkyil 'khor gshegs su gsol te/ de nas byang chub kyi sems dang bslab pa dran pa sngon du btang bas ji ltar bde bar gnas par bya'o/ /zan za ba'i dus su na sngar bshad pa'i cho gas gtor ma bya'o/ / oM ha ri te ma hA yak+Shi Ni i dam ba ling gr-ih+Na gr-ih+Na k+Shi/ zhes bya bas 'phrog ma la zan changs gnyis sbyin no/ /oM agra paN+Di a shi b+h+yo aM/ zhes bya bas thog mar za ba rnams la zan changs gcig sbyin la ran pa tshod zin par zos nas/ oM uts+tshi Sh+Ta paN+Di a shi b+h+yaHswA hA/ zhes bya bas lhag ma za ba rnams la lhag ma byin no//gal te nus pa yod na nyi ma phyed dang dgongs ka'i thun dag la yang de bzhin du bya'o/ /nus pa med pa ni sngar ji skad brjod pa'i cho gas dkyil 'khor skyong nul byas la/ mchod pa dang phyag btsal ba yang byas nas phung po gsum pa bton te smon lam gdab po//de ni yi dam len pa'i cho ga'o/ /ting nge 'dzin dang sems can mgu bar bya ba'i cho ga ni/ mdo sde dang byang chub spyod 'jug dang bslab pa kun nas btus pa la sogs pa las shes par bya'o/ /byang chub sems dang yi dam gyi/ /cho ga bdag gis byas pa las/ /dge ba thob pa gang yin des//'gro ba byang chub bsten par shog /byang chub kyi sems bskyed pa dang yi dam blang ba'i cho ga /slob dpon mkhas pa chen po byang chub sems dpa' dgra las rnam par rgyal bas mdzad pa rdzogs so// //rgya gar gyi mkhan po chen po su ma ti kIrti dang /zhu chen gyi lo tsA ba dge slong blo ldan shes rab kyis bsgyur cing zhus te gtan la phab pa//[ @##/ /rgya gar skad du/ tsit+ta ut+pA da sam+ba ra bi d+hi kra ma/ bod skad du/ sems bskyed pa dang sdom pa'i cho ga'i rim pa/ 'jam dpal gzhon nur gyur pa la phyag 'tshal lo//ngan song thams cad 'jig pa dang / /sgrib pa thams cad las grol zhing / /rdzogs sangs go 'phang stsol mdzad pa/ /byang chub sems la phyag 'tshal lo/ /rdzogs sangs rgyas dang dam pa'i chos/ /byang chub sems dpa'i tshogs la yang / /de bzhin byang chub sems dpa' yi/