བོད་ཡིག |
237a4 @##/ /rgya gar skad du/ bo d+hi tsit+ta ut+pA da bi d+hi/ bod skad du/ byang chub tu sems bskyed pa'i cho ga /sangs rgyas dang byang chub sems dpa' thams cad la phyag 'tshal lo/ /phyogs bcu'i 'jig rten gyi khams mtha' yas mu med pa dag na bzhugs pa'i de bzhin gshegs pa
237a5 dgra bcom pa yang dag par rdzogs pa'i sangs rgyas dang /dam pa'i chos dang / byang chub sems dpa'i dge 'dun chen po dang bcas pa thams cad la phyag 'tshal lo/ /sangs rgyas dang byang chub sems dpa' thams cad bdag la dgongs su gsol/ /dag ming 'di zhes
237a6 bgyi bas/thog ma dang tha ma ma mchis pa'i 'khor ba na 'khor ba'i tshe/ lus dang ngag dang yid kyis/ sangs rgyas dang chos dang / dge 'dun dang / pha ma dang / sems can dag la sdig pa mi dge ba'i las bgyid pa dang bgyid du stsal ba dang / bgyid pa la rjes su yi rang ba ci mchis
237a7 pa de dag thams cad gcig tu bsdoms shing bsdus te/sangs rgyas dang byang chub sems dpa' thams cad kyi spyan sngar bla na med pa'i so sor bshags pas 'chags so/ /mi 'chab bo/ /slan chad 'di lta bu mi bgyid do/ /de skad lan gsum bzlas/ sdig pa bshags pa'o/ /sangs rgyas
237b1 dang byang chub sems dpa' thams cad bdag la dgongs su gsol//ji ltar sangs rgyas bcom ldan 'das rnams kyis bsod nams kyi rjes su yi rang ba bla na med pa thugs su chud pa de bzhin du bdag ming 'di zhes bgyi ba yang sangs rgyas dang byang chub sems dpa' dang rang sangs rgyas dang 'phags
237b2 pa nyan thos thams cad dang /'gro ba ma lus pa'i bsod nams thams cad la rjes su yi rang ngo / /de skad lan gsum bzlas/ bsod nams la rjes su yi rang ba'o / /sangs rgyas dang byang chub sems dpa' thams cad bdag la dgongs su gsol/ /bdag ming 'di zhes bgyi bas sangs rgyas kyi gdung
237b3 rgyun mi 'chad par bgyi ba'i slad du/dus 'di nas bzung ste/ byang chub snying po la mchis kyi bar du yang dag par rdzogs pa'i sangs rgyas rkang gnyis kyi mchog la skyabs su mchi ste/ thugs rje chen po dang ldan pa/ thams cad mkhyen pa/ thams cad gzigs pa/ 'jigs pa thams cad
237b4 dang bral ba/skyes bu chen po/ /skyes bu khyu mchog sku bsam gyis mi khyab pa/ bla na med pa'i sku/ chos kyi sku mnga' ba la skyabs su mchi'o/ /chos 'dod chags dang bral ba'i mchog la skyabs su mchi ste/ bla na med pa de bzhin gshegs pa la mnga' ba/ zhi ba chos kyi sku so sor rang
237b5 gis rig pa la skyabs su mchi'o//dge 'dun dul ba tshogs kyi mchog la skyabs su mchi ste/ phyogs bzhi'i 'phags pa phyir mi ldog pa'i byang chub sems dpa' chen po'i dge 'dun la skyabs su mchi'o/ /de skad lan gsum bzlas/ skyabs su 'gro ba'o/ /sangs rgyas dang byang
237b6 chub sems dpa' thams cad bdag la dgongs su gsol//bdag ming 'di zhes bgyi ba dus 'di nas bzung ste byang chub kyi snying po la gnas kyi bar du/ sangs rgyas dang byang chub sems dpa' thams cad la dus ji lta ba dang stobs ci mchis pa bzhin du bdag dbul zhing mchis na/ mgon po
237b7 thugs rje chen po dang ldan pa dag bdag bzhes su gsol//de skad lan gsum bzlas / bdag dbul ba'o/ /sangs rgyas dang byang chub sems dpa' thams cad bdag la dgongs su gsol/ /ji ltar sngon gyi de bzhin gshegs pa dgra bcom pa yang dag rdzogs pa'i sangs rgyas dag
238a1 sngon byang chub sems dpa'i spyad pa spyod pa'i tshe/sems can thams cad bsgral ba dang / sems can thams cad dgrol ba dang / sems can thams cad dbugs dbyung ba dang / sems can thams cad yongs su mya ngan las 'da' ba dang / sems can thams cad
238a2 thams cad mkhyen pa'i ye shes la dgod pa'i slad du ci ltar bla na med pa yang dag par rdzogs pa'i byang chub tu thugs bskyed pa de bzhin du bdag ming 'di zhes bgyi ba yang dus 'di nas bzung ste/byang chub snying po la mchis kyi bar du sems can thams cad bsgral ba dang / sems can thams
238a3 cad dgrol ba dang /sems can thams cad dbugs dbyung ba dang / sems can thams cad yongs su mya ngan las 'da' ba dang / sems can thams cad thams cad mkhyen pa'i ye shes la dgod pa'i slad du bla na med pa yang dag par rdzogs pa'i byang chub tu sems bskyed do/ /ji ltar sngon gyi sangs
238a4 rgyas bcom ldan 'das rnams dang byang chub sems dpa' chen po de dag gis dngos po thams cad dang bral ba phung po dang khams dang skye mched dang zung ba dang 'dzin pa rnam par spangs pa/chos bdag med pa mnyam pa nyid kyis rang gi sems gzod ma nas ma skyes pa/ stong pa nyid kyi ngo bo
238a5 nyid kyi byang chub kyi sems bskyed pa de bzhin du/bdag ming 'di zhes bgyi ba yang dus 'di nas bzung ste/ byang chub kyi snying po la mchis kyi bar du byang chub tu sems bskyed do/ /ji ltar sngon gyi de bzhin gshegs pa dgra bcom pa yang dag par rdzogs pa'i sangs rgyas de dag gis bdud dpung dang
238a6 bcas pa pham par mdzad de/nyid mngon par rdzogs par sangs rgyas pa de bzhin du/ bdag ming 'di zhes bgyi ba yang bdud dpung dang bcas pa mtha' dag pham par bgyis te/ bdag mngon par rdzogs par 'tshang rgya bar bgyi'o/ /ji ltar sngon gyi de bzhin gshegs pa dgra bcom pa
238a7 yang dag par rdzogs pa'i sangs rgyas de dag gis nyid mngon par rdzogs par sangs rgyas nas chos kyi 'khor lo rab tu bskor ba de bzhin du/bdag ming 'di zhes bgyi ba yang nyid mngon par rdzogs par sangs rgyas te/ chos kyi 'khor lo rab tu bskor bar bgyi'o/ /ji ltar sngon gyi de bzhin gshegs
238b1 pa dgra bcom pa yang dag par rdzogs pa'i sangs rgyas de dag gis nyid mngon par rdzogs par sangs rgyas nas tshogs yongs su bsdus pa de bzhin du/bdag ming 'di zhes bgyi ba yang nyid mngon par rdzogs par sangs rgyas te tshogs yongs su bsdu bar bgyi'o/ /byang chub mchog tu sems
238b2 ni bskyed par bgyi//sems can thams cad bdag gis mgron du gnyer/ /byang chub spyod mchog yid 'ong spyad par bgyi/ /'gro la phan phyir sangs rgyas 'grub par shog /de skad lan gsum bzlas/ byang chub tu sems bskyed pa'o/ /bdag gis byang chub tu sems bskyed pa'i dge ba'i rtsa ba
238b3 'di dang /gzhan yang bdag gis bsod nams cung zad ci bgyis pa dang / bgyid pa dang bgyid par 'gyur ba de dag thams cad pha ma la sogs pa sems can thams cad dang bdag gi don du bla na med pa yang dag par rdzogs pa'i byang chub tu yongs su bsngo'o/ /bdag gis bsod nams 'dis pha
238b4 ma la sogs pa sems can ma brgal ba rnams ni bsgral lo//ma grol ba rnams ni dgrol lo/ /dbugs ma phyin pa rnams ni dbugs dbyung ngo / /yongs su mya ngan las ma 'das pa rnams ni/ yongs su mya ngan las bzla'o/ /mngon par rdzogs par sangs ma rgyas pa rnams ni mngon par
238b5 rdzogs par 'tshang rgya bar bgyi'o//skyabs ma mchis pa dang / gnas ma mchis pa dang / dpung gnyen ma mchis pa'i 'jig rten gyi skyabs dang gnas dang / dpung gnyen du gyur cig /bsod nams 'di yis thams cad gzigs pa nyid/ /thob nas nyes pa'i dgra rnams pham byas te/
238b6 rga nad 'chi ba'i rlabs chen 'khrugs pa yi/ /srid pa'i mtsho las 'gro ba 'don par bgyi/ /de nas bdag sbyin pa stsol ba dang / tshul khrims bsrung ba dang / bzod pa bsgom pa dang / brtson 'grus brtsam pa dang / bsam gtan la mnyam par gzhag pa dang / shes rab rnam par dpyod
238b7 pa dang /thabs mkhas pa la slob pa ci yang rung ste/ de dag thams cad sems can thams cad kyi don dang phan pa dang bde ba'i slad du/ bla na med pa yang dag par rdzogs pa'i byang chub las brtsams te/ 'das pa dang / ma 'ongs pa dang / da ltar byung ba'i byang chub sems dpa' chen po
239a1 snying rje chen po dang ldan pa/theg pa chen po la yang dag par zhugs pa sa chen po la gnas pa rnams kyi rjes su mthun par 'jug go/ /'phags pa ngag bdag byang chub sems dpa' lags kyi/ byang chub sems dpa' lags par gzung du gsol/ /sa dang chu dang
239a2 me dang rlung //rtsi dang nags kyi shing lta bur/ /rtag tu srog chags thams cad kyis / /'dod dgur dpag med spyod par shog /mthong ba dang ni reg pa dang / /thos pa dang ni dran pas kyang / /bdag ni sems can thams cad kyi/ /nad rnams gso bar bgyid gyur cig /sems can thams
239a3 cad bde dang ldan gyur cig /ngan 'gro thams cad rtag tu stongs par shog /byang chub sems dpa' gang dag su bzhugs pa/ /de dag kun gyi smon lam 'grub gyur cig /de skad lan gsum bzlas/ bsod nams bsngo ba'o/ /byang chub tu sems bskyed pa'i cho ga /slob dpon mkhas pa chen
po 'phags pa klu sgrub kyi zhal snga nas mdzad pa rdzogs sto /