CLOSE WINDOW

D3965
བོད་ཡིག

/[ ]@##/ /rgya gar skad du/ bo d+hi satwa go tsa ra pa ri shud+d+hi sU trA r+tha saM gra ha/ bod skad du/ byang chub sems dpa' spyod yul yongs su dag pa'i mdo'i don mdor bsdus pa/ sangs rgyas dang byang chub sems dpa' thams cad la phyag 'tshal lo//mtha' dag spyod yul ma yin pa/ /spyod yul spyod yul min spangs pas/ /spyod yul thams cad dag gyur pa/ /rdzogs sangs rgyas la phyag 'tshal 'dud/ /zhing ni yongs su sbyong 'dod pas/ /rang dang gzhan gyi rgyud dag la/ /byang chub sems dpas 'di ltar yid//so so'i spyod yul 'gyur bar bya/ /thog mar gnyid sad de yi tshe/ /'di ltar yid la bya ba ni/ /bsod nams ye shes mngon 'phel don/ /'bad pa med par mkhas gyur cig /bag med gnyid las rnam grol zhing / /skye dgu'i mi shes mtshan mo zad/ /thams cad mkhyen pa'i nyi shar bzhin//bla med de mthong ldan par shog /gnyid yongs su sad pa yi'o/ /ldang tshe nyon mongs nyer len gyi/ /'khor ba'i gnas mal spangs nas ni/ /de bzhin gshegs pas brnyes de ltar/ /stobs dang brtson sogs bla med shog /gnas mal las yongs su ldang ba'i 'o//ngo tsha dang ni khrel yod gos/ /byams dang snying rje'i ska rags ni/ /sems can thams cad bla med par/ /rgyal ba ji bzhin gyon gyur cig /smad g.yogs gyon pa'i 'o/ /byams chen dang ni brtse ba'i gos/ /bde gshegs ji bzhin gyon pa dang / /mtha' dag sems can yan lag ni//legs sbas mnyam pa nyid gyur cig /stod g.yogs gyon pa'i'o/ /bla med theg pa chen por ni/ /rkang pa 'jug par byed gyur cig /lha yi bzhon dang tshangs pa yi/ /bzhon pa la sogs nges 'byung gi/ /rim pas mthar gyis bgrod par shog /mchil lham gyon pa'i'o//lus can thams cad thams cad du/ /thams cad bde 'gro myong 'das dang / /thams cad mkhyen pa'i grong khyer gnas/ /sgo chen po ni 'byed par shog /sgo dbye ba'i'o/ /khams gsum rmongs pa chen po yi/ /srid pa'i khyim las phyir byung ste/ /thams cad mkhyen pa gsal 'dod pa//'jig rten mtha' dag nges 'gro shog /khang pa las phyir 'byung ba'i'o/ /mi khom ngan 'gro'i g.yang sa las/ /mtha' dag skye bo rnams kyi sgo/ /mi dge gang byas byang sems dang / /sangs rgyas kyis kyang bcad gyur cig /sgo 'gegs pa'i'o/ /bla med de bzhin gshegs pa yi//gom pas thams cad du bgrod shog /'gro ba'i 'o/ /nyon mongs ngan du spyod pa yi/ /bshang gci dri ma 'dor gyur cig /dri ma 'dor ba'i 'o/ /mi gtsang dri ma'i zhing sogs 'dor/ /tshul [(]khrim [,]khrims [)]'chal ba'i dri bsal te/ /brtse dang bya ba dag pa yi/ /phyag zhabs sems can ldan gyur cig /khrus kyi'o/ /rnam par thar pa'i sgo nas sgor/ /rnam 'phel bde bar gshegs pa bzhin/ /kun mkhyen tshul khrims dri zhim dang / /ye shes snang ba 'char bar shog /kha 'khru ba dang so shing za ba'i'o/ /rtag tu sems can mnyam par ni/ /na rgas nyon mongs thams cad dang //bral zhing thams cad mtshungs par yang / /rdo rje snying po'i lus su shog /sman nye bar spyod pa'i'o/ /kun nas rab tu dang ba dang / /'dod chags la sogs rdul spangs te/ /sems can rdzogs pa'i sangs rgyas bzhin/ /blta bas mi ngoms skur gyur cig /chag chag dang phyag dar skyang nul gyi'o//spyi gtsug 'jig rten mi mthong dang / /lha dang mi la sogs rnams kyi/ /phyag 'os rtag tu sems can kun/ /rdzogs sangs mchod rten bzhin mchod shog /mchod rten la phyag byed pa'i'o/ /skyes bu chen po seng ge yi/ /chos 'dzin rdo rje'i gdan 'dug ste/ /'os su gyur pa'i sems can gyi//bdud stobs stobs las rgyal thob shog /stan dang gding ba'i'o/ /kun mkhyen dam chos thams cad kyi/ /mdzod ni 'byed dang 'don pa dang / /skye bo rnams kyis bka' lung ni/ /tshangs dbyangs lta bu thob par shog /glegs bam 'byed pa dang 'don pa la sogs pa'i'o/ /rdul dang nad kyi skyon spangs te//gser gyi mdog can gnyen nyid dang / /sna tshogs yan lag mtshan nyid bzang / /sems can rgyal ba ji bzhin shog /bla med rdzogs sangs rgyas kyi spyan/ /dag pa lnga dang rtag ldan zhing / /nyon mongs gdung ba dri ma'i tshogs/ /lus can rnams ni dag par shog /dril phyis dang spyan 'byed dang khrus la sogs pa'i 'o//lam gyi yan lag brgyad ldan chus/ /yun ring zug rngur bying phyung ste/ /chos shes mngon par dag byed dpal/ /lus can rnams kyis rnyed par shog /khrus bya ba sbyin pa'i'o/ /ma lus bkres dang skom pa las/ /bde gshegs bzhin du rnam grol dang / / ye shes bdud rtsis legs tshim zhing / sems can rnams ni nad med gyur/ /bza' ba dang btung ba la longs spyod pa'i'o/ /kun mkhyen ye shes spyod pa yis/ /kha mgrin dpal ni brgyan pa dang / /mi gnas mya ngan 'das par ni/ /shes brtse'i gom pas rim bgrod shog /lung bstan rnam pa bzhi dag dang //so sor yang dag rig rnam bzhi/ /pha rol phyin pa chen po'i lam/ /bzhon pa chen por 'dzeg par shog /brtse dang shes rab yang dag 'byung / /ma lus lus dang ngag gi las/ /gzhan don phyir mi ldog par ni/ /sems can thams cad mnyam gyur cig /tam po la za ba dang /'chag pa dang / 'bel pa'i gtam dang / lam dang / bzhon pa la 'dzeg pa dang / bya ba rnams kyi'o/ /thams cad du ni sgrib bral gyi/ /dran dang shes rab yon tan ldan/ /sems can thams cad don phyir yang / /sems can kun dge byed gyur cig /de dang de'i spyod yul gyi sgo'i rnam pa'o//bla med de bzhin gshegs pa yi ni tshul khrims dri/ /byang chub yan lag me tog mdzes khebs de yan lag /bzang po'i mtshan rnams kyis ni mngon par brgyan pa dang / /sems can rnams ni 'gro ba'i don 'dod gyur par shog /dri 'am bdug pa dang me tog dang rgyan byin pa'i 'o//grang dang tsha ba'i gdung ba sel bar byed pa'i dri zhim dang / /gdugs dang 'dra ba'i phyogs kyi gnas yangs bdag po dang / /chos kyi rgyal mtshan bsgreng bas phyogs su brgyan pa yis/ /sems can rnams ni 'gro la rab tu gsal gyur cig /me tog dang gdugs dang rgyal mtshan dang ba dan bsgreng pa'i'o//shes rab rab tu gsal bas mun pa rnam bcom zhing / /des ni sdig pa'i snum dang sdong bu bsregs nas ni/ /spyan lngar nye bar 'phel ba rnams ni thob pa dang / /rgyal ba lta bur sems can rnams ni rab gsal shog /de bzhin gshegs pa bla na med pa mi 'gyur ba'i/ /snyan dang ldan zhing legs pa'i yid ches ngag dag dang //tshangs dbyangs ltar 'gyur de dag yon tan chen po ni/ /sems can bde bar gshegs pa dag dang mtshungs gyur cig /sgron ma dang bstod pa 'bul ba'i 'o/ /'gro ba khyab par rgyun chags min/ /mtha' dag smon lam chen po rnams/ / rgyun chad med 'das brtse ba yi/ /mal bder lhag par nyal gyur cig /ma smad spyod pas thams cad du/ /pha rol sems can rjes 'dzin des/ /rang tshul spyod dang spyod yul ni/ /sems can sangs rgyas bzhin gyur cig /smon lam dang gnas mal dang ma smad pa'i spyod pa thams cad kyi'o/ /spyod yul yongs su dag pa'i mdo'i don mdor bsdus pa/slob dpon dpal sgra gcan 'dzin bzang po'i zhabs kyis mdzad pa rdzogs so// //dpal chos kyi rje sa'i steng na 'gran zla dang bral ba kha che shAkya shrI bzang po dang / lo tsA ba byams pa'i dpal gyis bsgyur ba'o// //