CLOSE WINDOW

D3963
བོད་ཡིག

/ //paN+Di ta chen po de nyid dang lo tsA ba byams pa'i dpal gyis rgyang ro sa lu'i gtsug lag khang du bsgyur ba'o//[ ]@##/ /rgya gar skad du/ mahA yA na u pa de sha gA thA/ bod skad du/ theg pa chen po'i man ngag gi tshigs su bcad pa/rje btsun mi pham mgon po la phyag 'tshal lo/ /rnyed dka'i dal 'byor myur du 'jig /'jig rten las 'bras sdug bsngal yin/ /de spang stong nyid snying rje bsgom/ /bde gshegs bstan pa'i snying po'o/ /bde 'dod skyes bus bsod nams bsags/ /de yang rang bzhin med par bsgom//rang bzhin med shes bsod nams mchog /de phyir bsod nams bde ba'i rgyu/ /bsod nams bsags pas bde ba 'thob/ /de phyir mis ni bsod nams bsags/ /de yang yang dang yang du bsgrub/ /di ring nyid nas 'dun te bsgrub/ /chos kun rang sems rnam par snang //rang bzhin 'od gsal dri ma med/ /stong nyid snying rje ro gcig thabs/ /de bsgom 'bras bu byang chub mchog /sems can kun gyi don bsgrub phyir/ /byang chub mchog gnyis sems bskyed de/ /stong nyid snying rje'i snying po can/ /bsgom bya de 'bras sku gsum 'thob/ / bsam pa rin chen sems gnyis 'brel/ /sbyor ba dka' spyad dang len dang / /rnam pa kun du mi dmigs shes/ /gnod pas skyo med sangs rgyas sras/ /skye 'gag gnas med byang chub sems/ /rgya chen sems can don la mkhas/ /tshogs gnyis rgyun chad med pa'i lam/ /stong nyid snying rje'i snying po'o//rmi lam lta bur phyi rol min/ /sgyu ma lta bur bden don med/ /nam mkha' lta bur mtshan nyid bral/ /chos kun rang bzhin 'od gsal yin/ /rang bzhin 'od gsal nyid las 'dir/ /ma skyes skye ba'i rten can gyi/ /byang chub sems gnyis rjes 'brel bas/ /sems can kun don spyad par bya//dam pa gsum gyis sdig las bzlog /dri med gnyis kyis dge tshogs bsgrub/ /mnyam par gzhag pas rang sems gdul/ /bdag nyid chen po'i bsgrub pa'o/ /sems ni rtag par byang chub 'dod/ /bya ba lus can don la brtson/ /bde sdug rmi lam 'drar shes pas//mkhas pas gzhan don sgrub par byed/ /khrims kyis dal 'byor snying po blang / /thos pas tshe yi snying po blang / /bsgrub pas bstan pa'i snying po blang / /de yi snying po gzhan don no/ /rtse gcig gnas pas dran pa bsten/ /byang chub sems kyis tshogs gnyis bsags/ / ma bcos mthong bas mnyam par gzhag /bsgrub pa'i snying po mdor bsdus pa'o/ /gang gis skye dang gnas mthong ba/ /rmi lam mar me dag dang mtshungs/ /'gro ba brdzun pa'i 'khrul 'khor gyis/ /rigs ldan skyes bu rtag tu bslus/ /'du byed gar mkhan lta bu ste/ /de yi rang bzhin nam mkha' 'dra//mkhas pas don kun bsgrub 'dod pas/ /bden gnyis mtshan nyid rtogs par byos/ /bya byed phra men rdzu 'phrul 'dra/ /'chi bdag ri gzar chu drag bzhin/ /mdza' sdang rmi lam dgra gnyen mtshungs/ /'jigs pa 'khor ba'i rgya mtsho yin/ /yid 'ong mi 'ong rkyen gyis bsgrub//dge sdig kun slong bsam pas bsgrub/ /thams cad las kyis 'grub gyur te/ /kye ma dal 'byor don yod byos/ /mdza' dang mi mdza' chags sdang gis/ /gtan sdug sdig pa 'phel 'gyur na/ /thams cad slu ba'i chos can la/ /kye ma yid brtan su zhig 'cha'//yid mthun tshong grogs lta bur 'bral/ /mi mthun lam kha'i tsher shing bzhin/ /rang srog bum nang bung ba 'dra/ /thams cad sha lam grog tshang mtshungs/ /legs bshad me tog ci ltar phan/ /nyes spyad sbrul gdug so ltar gdug /kun kyang bdag sdug mi 'dod na//dal ba don med ci tha tshig /nyin mtshan glog rgyun lta bur 'das/ /tshe srog chu bur ji bzhin 'gag /bde sbyor chu 'gram bye ma bzhin/ /kye ma ji ltar bdag 'chi grang / /'du byed rmi lam yul 'dra ste/ /mdza' bshes srang sdod tshong grogs mtshungs/ /dge sdig rang lus grib ma bzhin//ci byas mi bzad tshor ba'i rgyu/ /gshin rje'i pho nyas phyi bzhin gtugs/ /gnyan nor na bun lta bur dengs/ /'jigs chen g.yangs sar bdag lhung na/ /kye ho bsod nams su zhig sogs/ /srid gsum sdug bsngal me 'obs 'bar/ /skye bo don med 'ching bas bcings//de bas snying brtse brtson 'grus kyis/ /sangs rgyas bstan pa bsgrub par bya/ /phung po bdag med sgyu ma 'dra/ /yid ni me long gzugs bzhin te/ /sems can sgyu ma'i 'bras dang mtshungs/ /chos kun stong pa nyid shes bya/ /'khrul phyir snang ba phyi rol min//sna tshogs snang phyir snang min te/ /shes byed med phyir shes yod min/ /de phyir chos kun stong pa nyid/ /brtse ba tsam gyis srid par 'phen/ /shes rab smad pas mya ngan 'da'/ /de phyir phan tshun mnyam ldan pas/ /rgyal bas bla med lam du gsungs/ /nyin mtshan sdod med res 'jog 'gro//tshe 'di snod med rtag tu 'brid/ /gzhan du 'od cir 'gyur gding med na/ /'chi tshe bdag yid ji ltar bde/ /gang bsags bung ba'i rtsi ltar 'dor/ /gnyan sdug sbrul tshang bya khyung bzhin/ /bdag gcig ya nga'i thang la rgyug /kyi hud bzod dka'i tshor bas 'jigs//mi sdug gshin rje'i pho nyas bzung / /yid 'ong gnyen dang bshes pas spangs/ /skyabs gcig bsod nams rgyang bsrings na/ /de tshe gnas skabs ci 'dra zhig /de ring nyid kyang 'chi srid na/ /lo brgyar bde bar gnas sam ci/ /nams kyang mi sdod 'gro 'gyur gyis//bdag don bdag gis bsgrub par gyis/ /'di la mi 'jigs su yang med/ /'jigs nas gding thob ci'ang med/ /gdeng drod dge las gzhan med na/ /ci phyir bdag yid bde bar 'dug /sngon chad ma myong bde sdug med/ /gang myong de la snying po med/ /kye ma rmi lam sgyu 'dras bslus//da ni bla ma'i bka' bsgrub rigs/ /ji lta ji ltar sna tshogs spyod yul gang snang ba/ /rgyal sras spyod tshe yul dus ngo bo de med bsgom/ /de lta de ltar mnyam nyid 'gro 'ong med gnas nas/ /sems can don brtson tshogs gnyis 'du byed mkhas par 'gyur/ /gson tshe rtswa rtse'i zil pa 'dra//pha rol la yang shin tu nye/ /gcig pur gar 'gro nges med de/ /thams cad slu ba'i chos can nyid/ /bdag gis bdag don ma bsams na/ /nyin mtshan don med 'da' bar zad/ /mi dge spyad pas sdug bsngal 'byung / /de bas bag yod brtson par rigs/ /ma thob thob na dga' snyam sems//thob nas cung zad cis kyang skyo/ /mi skyo na yang chog shes med/ /chog shes gang med dbul po yin/ /dbul pos 'byor pa'i chog mi shes/ /phyug po rgyal pos chog mi shes/ /rgyal po lha yi dbang phyug 'dod/ /des kyang mi chog brgya stong 'dod/ / gos med tshe na gos 'dod de/ /gos thob gos zas mang po 'dod/ /des kyang mi chog de bzhin du/ /rgya yul sogs kyi gos gzhan tshol/ /nor med tshe na nor 'dod de/ /gcig gis mi chog khri phrag tshol/ /de snyed na yang pa ru sha'i/ /rta glang gser ri la sogs 'dod/ /gcig thob brgya 'dod brgya rnyed na//stong 'dod de yis mi chog ste/ /gnyis 'gyur de bzhin gsum 'gyur dang / /brgya 'gyur la sogs 'dod me mched/ /de phyir gang la chog shes yod/ /de la nor rnams thams cad yod/ /gang la de med thams cad med/ /phyug po dbul po'i khyad par ci//dbul po cung zad dngos pos phongs/ /cung zad thob na'ang che thob sems/ /phyug po chog med mang pos phongs/ /chen po rnyed kyang chung ngur sems/ /srid la yid skyo nges 'byung mchog /bdag 'dul sangs rgyas bstan pa'i srog /'chi bdag mi bzad dgra bo'i sde/ /pha rol don shes rnyed pa'i mchog /bag byed khrel yod chos 'dul yin/ /rang blo rang sbyong lhag pa'i sems/ /phyi nang stong shes shes rab ste/ /'khor ba'i sdug bsngal sgrol ba'i gru/ /bstan rtsa bslab pa bsrung 'dod pas/ /'bad pas kun gyis sems bsrung bya/ /bslab pa ma bsrungs lus don ci//sems ma bsrungs na chos don med/ /rang sems rang gis bsrung 'dod na/ /bsrung bral mtshan ma med bsgom bya/ /sprul pa lta bu'i dran pa yis/ /thams cad 'bad de bsrung bar gyis/ /bdag gi mnyam nyid rang bzhin te/ /yang dag don shes bsrung ba'i mchog /gang gis lus sems sgyu 'drar ni//gnas nas yang yang mnyam gzhag bya/ /sdig byas 'bras bu rnam gsum ste/ /sdug bsngal chu bo'i rgyun bzhin 'bab/ /sna tshogs 'jigs pa char bzhin te/ /mi 'dod nyi so grib 'dra'o/ /yid 'ong thob dang dge rgyun 'phel/ /gang dang gar 'gro mdun stong dang / /de dang der song 'dod dgu gsum//'di dag bsdom nas mchod 'os 'bras/ /ma byon pa'i sangs rgyas chos rje shAkya shrIs yul 'khor so sor byon pa'i tshe zhu ba po rnams kyi skal ba dang sbyar te zhar byung du brtsams shing gsungs pa'i tshigs su bcad pa kha 'thor ba rnams rdzogs so// //dpal sa'i steng na 'gran zla dang bral ba'i ma hA paN+Di ta de nyid dang /