| བོད་ཡིག |
198b1 @##/ /rgya gar skad du/ bo d+hi satwa s+ya mArga rngukra ma saM gra ha/ bod skad du/ byang chub sems dpa'i lam gyi rim pa mdor bsdus pa/ sangs rgyas dang byang chub sems dpa' thams cad la phyag 'tshal lo/ /sku gsum bdag nyid kun khyab rtag /shes rab thugs rje dbyer med pas/ /
198b2 sems can don kun sgrub mdzad pa/ /rdzogs sangs rgyas la gus phyag 'tshal/ /gdul bya'i skye bo rjes gzung phyir/ /byams dpal lo tsAs rab bskul bas/ /rgyal sras lam rim mdor bsdus ni/ /bdag gis ji ltar bzod ltar brjod/ /thog mar bshes gnyen bsten bya ste/ /de yi legs
198b3 spyad yon tan blang //de yang sems can don brtson nus/ /shes sogs yon tan pha rol phyin/ /phun tshogs dal ba myur du 'jig /las dang de 'bras sdug bsngal yin/ /de spong shes rab snying brtse bsgom/ /kun mkhyen bstan pa'i snying po'o/ /mi khom brgyad spangs 'byor bcas
198b4 pa'i//dal ba phun tshogs rnyed dka' ste/ /rgya mtsho cher g.yengs shing bug tu/ /rus sbal mgrin chud rang mtshungs gsungs/ /de yang mi rtag mdun gnas te/ /skad cig mi sdod rnam par 'jig /'du byed sdug bsngal rang bzhin 'dir/ /chos dang gang zag bdag med nyid/ /de
198b5 bzhin nyon mongs nye nyon mongs//lus ngag yid kyis bskyed pa yi/ /dge dang mi dge kun 'byung ba/ /las dang nyon mongs ming gis gdags/ /sdig pas ngan 'gror ltung 'gyur te/ /sdug bsngal sdug bsngal thob par 'gyur/ /dge bas lha dang mir 'phen mod/ /de yang yongs
198b6 'gyur sdug bsngal nyid//de bas sems can don sgrub phyir/ /byang chub sems bskyed de yi rgyun/ /stong nyid snying rje'i snying po can/ /bsgom bya lam gyi mchog yin no/ /lus dang tshor ba sems dang chos/ /phyi nang gnyis dag tshul lus kyi/ /mtshan nyid rjes brtags mnyam 'jog pa/ /
198b7 dran pa nye bar gzhag bzhi bsgom/ /dge chos bskyed cing rnam 'phel dang / /sdig sems mi bskyed nyer 'joms pa/ /bde gshegs kyis gsungs skyon sel phyir/ /yang dag spong ba bzhi rab bsgrags/ /'dun dang brtson 'grus sems dang ni/ /dpyod pa'i bya brag gis phye ba/ /mi
199a1 mthun gnyen po'i phyogs dbang gis//rdzu 'phrul rkang pa bzhir 'dod do/ /dad dang brtson 'grus dran pa dang / /ting 'dzin shes rab ces grags pa/ /thar pa'i rgyu yi sbyor ba yis/ /rgyal sras dbang po lngar gsungs so/ /dad sogs rnam 'phel lnga thob pa/ /mi
199a2 mthun phyogs 'joms zag bcas dang //zag pa med mtha' bcas 'di dag /sangs rgyas rnams kyi stobs zhes bstan/ /dran dad shes rab 'byed brtson 'grus/ /dga' dang shin tu sbyangs pa dang / /ting nge 'dzin dang btang snyoms rnams/ /byang chub yan lag bdun du 'dod/ /
199a3 yan lag lta dang rtog pa dang / /ngag dang las mtha' 'tsho ba dang / /brtson 'grus dran dang ting 'dzin ni/ /'phags lam yan lag brgyad du bzhed/ /sangs rgyas kun gyi bgrod pa'i lam/ /byang chub phyogs chos sum cu bdun/ /blo ldan rnams kyis mnyam rjes su/ /zab yangs
199a4 rjes 'brel rtag tu bsgom//de la gsum ni tshogs kyi lam/ /gnyis rim nges 'byed yan lag dang / /byang chub yan lag mthong lam ste/ /yan lag brgyad ni bsgom lam du'o/ /sdug bsngal me gsum gyis skrag pas/ /skye bo 'khor ba las dbyung phyir/ /snying brtse brtson 'grus dang
199a5 ldan gyis//sangs rgyas nyid bsgrub blo gros bskyed/ /phung po bdag min de la bdag /ldan min bdag kyang de min te/ /de ldan ma yin bya byed kyi/ /mthun dngos min bdag stong pa nyid/ /khyab dang rtag dang byed po dang / /rang dbang longs spyod chos nyid can/ /bdag ni phung po dang 'gal bas/ /
199a6 de'i phyir de gcig ji ltar 'grub/ /bya dang byed pa'i dngos po ni/ /rtag tu lhan cig srid ma yin/ /de yang de ldan ma yin pas/ /de yi gzhan phyogs gsum yang ngo / /phung po yang der rigs min te/ /de yis de ltar 'dod byas pas/ /rtag tu thar pa thob gyur te/ /gzugs sogs dngos
199a7 bral mthar phyin to//sgyu 'dra'i phyi rol gzung don med/ /de med der 'dzin yod ma yin/ /rnam rig tsam de shes de yang / /gdod nas ma skyes chos bdag med/ /brtse ba tsam gyis srid par 'phan/ /shes rab dman pas mya ngan 'da'/ /de'i phyir phan tshun mnyam ldan pa/ /rgyal bas bla
199b1 med lam du gsungs//thi gu las sbrul 'dir bsal med/ /thi gu'ang gsar gzhag ci yang med/ /mar mes thi gu yang dag mthong / /de mthong 'jigs pa rnam par spangs/ /'di la bsal bya ci yang med/ /gzhag par bya ba'ang cung zad med/ /yang dag nyid la yang dag lta/ /yang dag
199b2 mthong na rnam grol bshad//'di dag dman par bsgoms na ni/ /'phags lam byang chub dman nyid 'thob/ /bsam sor yang ni dman nyid kyis/ /bdag tu lta ba spong bar byed/ /rgya chen 'gro ba'i don bsgrubs pas/ /byang chub sems dpa' nyid kho nas/ /bsam pa la sogs khyad par gyis/ /
199b3 sku gsum byang chub 'thob par 'gyur/ /bdag gis 'di bsdus bsod nams ni/ /bskrun gyur gang des skye bo kun/ /rdzogs pa'i byang chub mchog thob nas/ /'gro la phan bde sbyin par shog /dge slong shAkya'i dpal bzang ming / /bdag dang gdul bya lhan cig tu/ /byams mgon
199b4 'phags pa'i zhabs pad drung //skyes nas de dgongs gsal byed shog /byang chub sems dpa'i lam gyi rim pa de kho na nyid bsdus pa/ dpal chos kyi rje sa'i steng na 'gran zla dang bral ba'i paN+Di ta chen po/ ma byon pa'i sangs rgyas gsum par yongs su grags pa'i kha che shAkya
shrI bzang pos mdzad pa rdzogs so/