CLOSE WINDOW

D3956
བོད་ཡིག

/ //rgya gar gyi mkhan po paN+Di ta de nyid dang / lo tsA ba dge slong dge ba'i blo gros kyis bsgyur cing zhus te gtan la phab pa//[ ]@/ /rang gi bya ba'i rim pa bskul ba dang bcas pa yi ger bris pa bzhugs/ / @##/ /rang gi bya ba'i rim pa bskul ba dang bcas pa yi ger bris pa/ sangs rgyas dang byang chub sems dpa' thams cad la phyag 'tshal lo/ /'khor ba thog ma med pa nas / /nyon mongs bag chags tshad med pas/ /yul ngan rkyen dang phrad pa las/ /nyon mongs sdug bsngal skye ba'i tshe//rang gi dran pa'i phyir du 'di/ /byas pas de tshe dran par shog /nang gi sems ni dul gyur na/ /phyi yi dgra 'dis gnod mi nus/ /rang gi nang sems g.yo ba na/ /phyi yi dgra 'dis rkyen byas nas / /nang gi dgra 'dis rang rgyud bsreg /des na nang gi dgra 'di gzhom/ /dug can snod kyis zas brlag bzhin//nang gi dri mas dge tshogs brlag /gnyen po chu yis khrus byas nas/ /dag pas bde ba chen po 'thob/ /gang na gnas tshe gang gi tshe/ /gang gi dri ma ldang ba dang / /nang gi dgra 'di 'byung ba'i tshe/ /thabs ni sna tshogs gsungs pas spang //dgra gzhom dri ma bkru ba'i phyir/ /de tshe 'bad pa chen po bya/ /gang gis rang gi rgyud 'di la/ /nang du bltas te rang sems brtag /de tshe yul la shes pa skye/ /shes pa skye ba'i yul rnams gsum/ /nyon mongs bar ma dge ba skye/ /rgyu rkyen yul gyi bye brag gis//nyon mongs skye ba dag la gsum/ /chen po 'bring dang chung ngu'o/ /gnyen po'i rim pa'ang de bzhin te/ /chen po skye ba'i yul de la/ /brten te tshogs chen 'bad pas skye/ /'bring gi yul la 'bring yin te/ /chung ngu la ni chung ngu'o/ /chen po kun la skyes na mchog /bar ma lung ma bstan pa yang / /dran pas zin pa'i sems de yis/ /kun slong rjes kyis dge bar bsgyur/ /thabs sgo sna tshogs pa yis so/ /dge ba che 'bring chung ngu dag /ngang gis skyes pa'i yul de la/ /sbyor ba dngos dang rjes dag las/ /khyad 'phags bsod nams kun bsngo bya//shes na gang la'ang tshogs 'phel 'gyur/ /thog med dus nas ji srid du/ /bdag ni dug gsum zhen pas 'khor/ /ji srid skye shi kha brgyud pas/ /de srid las rnams chud re zos/ /ji srid dge sems 'phel 'gyur ba/ /de srid sangs rgyas mngon sangs rgyas//bdag ni gti mug mun pas bsgribs/ /mun nag glog 'gyu snang ba tsam/ /ci zhig ltar stes dran rnyed tshe/ /de tshe 'bad pas bsgrub par bya/ /'chi bar nges pa cha yod cing / /gnas pa'i dbang ster med mod kyi/ /bdag ni re zhig mi 'chi snyam/ dran pa btang ste byang chub bsgrub / /gzhan dag la yang sgrub par gyis/ /dper na byis pa rig med pas/ /me dang g.yang sogs 'jigs pa med/ /de bzhin 'gro ba gti mug rnams/ /ngan song dag la'ang 'jigs pa med/ /dper na zas mchog ro dang ldan/ / nad pa dag la byin pa'i tshe/ /zas la smod cing mi 'dod bzhin/ /thabs kyi bye brag 'di dag kyang / /rmongs pa nyon mongs ldan pa la/ /bstan kyang de 'dra nyid du'o/ /dper na bza' la dga' ba'i mi/ /zos brlag bsags phan cha yod kyang / /'dod pas mi tshugs za ba bzhin/ / snga phyi rgyu 'bras cha yod kyang / /nyon mongs zhen pa stobs cha yod/ /dge med sdig pa sna tshogs spyod/ /dper na kha bya mkhan dag gis/ /kha la bya dgos kun bsgrub zer/ /gzhan gyi dran pa bskyed pa'i tshe/ /de bzhin dge ba bya dgos zer/ /kha cig kha la gleng byed cing / /zhe la don du sgrub mi byed//kha cig 'bras bu don chen po/ /btang nas bya ba chung ngu sgrub/ /de yang byis pa'i spyod pa can/ /kha cig bsam pa rlung bzhin g.yo/ /rung dang mi rung gnyis ka byed/ /kha cig kha dog dkar po bzhin/ /rkyen gang ldan pa de ltar 'gyur/ /kha cig rang nyid ngang gis dge/grogs kyis rbad pas nyon mongs skyed / /kha cig rkyen med rgyu dang ldan/ /dam pa'i grogs kyis zin pa na/ /sdig spong dge byed de la bskul/ /kha cig dge la bskul mi dgos/ /rang gi bya ba'i rim pa bskul ba dang bcas pa yi ger bris pa/ slob dpon mkhas pa chen po dpal mar me mdzad ye shes kyi zhal snga nas mdzad pa rdzogs so/