CLOSE WINDOW

D3936
བོད་ཡིག

@##/ /rgya gar skad du/ bo d+hi satwa tsar+ya pra dI pi rat+na mA lI nA ma/ bod skad du/ byang chub sems dpa'i spyod pa bsdus pa'i sgron ma rin po che'i phreng ba zhes bya ba/ sangs rgyas dang byang chub sems dpa' thams cad la phyag 'tshal lo/ /shes bya ma lus dag ni thugs chud cing / /nyes pa'i dri ma dag ni drungs phyung ba//phyogs bcu dag na dus gsum bzhugs pa yi/ /bde bar gshegs pa rnams la phyag 'tshal lo/ /spyod pa bsdus pa'i sgron ma rin chen phreng ba gang / /bdag gis dri med gsung dang bla ma'i gdams ngag la brten te/ /rab gsal bshad kyi rnam rtog rang dgas min/ / rin chen rgyal po lta bu'i mi yi lus/ /rigs ldan dal 'byor thob nas ni/ /byams dang snying rje sngon 'gro bas/ /gzhi gsum yon tan dran byas te/ /byang chub snying por mchis kyi bar/ /dang po skyabs su 'gro bar bya/ /ston pa gzhan la mi phyogs par/ /bla na med pa'i sangs rgyas sku//dpal ldan skyes mchog mtshan 'chang ba/ /thob 'dod sangs rgyas skyabs song yin/ /'jig rten skyabs med bskyab pa'i phyir/ /spyod cing rang gi don btang ste/ /sangs rgyas bsgrub phyir blo brtan na/ /sangs rgyas skyabs su song ba yin/ /rga shi nad dang 'chi ba las//sems can bde phongs bskyab pa'i phyir/ /sangs rgyas nyid ni smon pa ni/ /sangs rgyas skyabs su song ba yis/ /byang chub sems dpa'i spyod chen la/ /gang zhig spyod med zhum med cing / /mos pa chen po skyed byed pa/ /sangs rgyas skyabs su song ba yis/ /byang chub mchog tu smon byed de//rang gi don la mi lta zhing / /gzhan don brtson yang nga med na/ /sangs rgyas skyabs su song ba yin/ /dam chos 'khor los sgyur ba yi/ /rgyal po thob ste 'chi med pa'i/ /lam gyis 'gro ba skyabs smon na/ /chos la skyabs su song ba yin/ /bdag dang 'jig rten mthong med kyang / / 'jig rten yongs su mi gtong zhing / /dam chos bsgrub par gang mos pa/ /chos la skyabs su song ba yin/ /'gro ba'i sdug bsngal bsal bya zhing / /bdag gi dam chos brtan bya zhes/ /sems can don la sems mnyen na/ /chos la skyabs su song ba yin/ /'jig rten ma lus thams cad la/ / chos 'di skyabs kyi mchog yin zhes/ /rtog cing dam chos spyod byed na/ /chos la skyabs su song ba yin/ /dge bshes dam pa sten byed cing / /nyan 'dod tshul bzhin du sems la/ /ston cing nan tan lhur len na/ /chos la skyabs su song ba yin/ /dam chos yongs su gzung ba'i phyir/ /spyod pa yang dag spyod byed cing //lus dang srog la mi lta na/ /chos la skyabs su song ba yin/ /thabs dang shes rab zung 'brel ba/ /bdag don ma yin gzhan don du/ /snying rje chen pos spyod byed na/ /chos la skyabs su song ba yin/ /gang zhig bde la chags med la/ /sdug bsngal rnams kyis mi 'jigs shing //'jig rten phan spyod don shes na/ /chos la skyabs su song ba yin/ /'gro ba ma lus thams cad kyang / /bdag gi chos la dgod bya zhes/ /sems bskyed nan tan spyod byed na/ /chos la skyabs su song ba yin/ /mos pa shin tu brtan pa yis/ /rgyal sras mchog gi drung song ba//gang gi bsam pa mi bzlog pa/ /de ni dge 'dun skyabs song yin/ /theg pa dman par gyur pa yi/ /nyan thos theg la gnas pa rnams/ /byang chub sems ni skyed byed na/ /dge 'dun skyabs su song ba yin/ /dge 'dun yon tan dran bya zhing / /dge 'dun bzhin du bkur gnas su//sems can thams cad bkur mos na/ /de ni dge 'dun skyabs song yin/ /byang chub go cha brtan byed cing / /dge 'dun rnams la yang dag mos/ /dge 'dun bsnyen bskur gang dad pa/ /dge 'dun skyabs su song ba yin/ /dran dang shes bzhin bag yod na//tshul khrims ting 'dzin shes rab dang / /dge 'dun yon tan rin chen gyis/ /sems can brgyan par byed pa dang / /dge 'dun rnams la dad brtan pas/ /'gro ba ma lus rnams kyis kyang / /dad pa bzlog par mi nus na/ /de ni dge 'dun skyabs song yin/ /skyes bu dam pa rin po che//bcas pa'i kha na ma tho dang / /rang bzhin kha na ma tho dang / /bdud la shin tu dpa' ba yi/ /skyes mchog de ni dge 'dun yin/ /byang chub mchog sems mi ldog dang / /dbang bcu tshad med yon tan gyis/ /brgyan pa'i yon tan gang tshol ba/ /de ni dge 'dun skyabs song yid//de ltar gsum pa skyabs song ba/ /'jigs pa rnams las srung byed pa/ /dkon mchog gsum gyi skyabs ldan pa/ /de phyir mi 'jigs sbyin bdag yin/ /skyabs song bsod nams gang yin pa/ /de yi tshad gzung shin du dka'/ /de ltar skyabs su song ba des/ /byang chub sems ni rin po che//bla ma sdom la gnas shing mkhas/ /gzhan gyi don la mngon phyogs shing / /chos dang zang zing phan 'dogs la/ /gsol ba btab la blang bar bya/ /sangs rgyas chos dang dge 'dun dang / /de bzhin bla ma rnams la yang / /sgo gsum dang bas phyag 'tshal te/ /ma rtog la sogs dngos po dag /ci 'byor pa yis mchod pa bya/ /yongs su gzung ba med pa dang / /kun du bzang po'i gzhung bzhin du/ /blos sprul pa yis mchod pa bya/ /sdig bshags pa dang rjes yi rang / /gsol ba gdab dang yongs bsngo bya/ /nyi zla lta bu'i byang chub sems/ /lan gsum bar du blang bar bya//sangs rgyas chos la 'dod gyur na/ /byang chub mchog tu sems bskyed na/ /kye ma rnyed pa rnyed pa che/ /'di ni rnyed pa kun gyi mchog /byang chub sems kyi bsod nams gang / /gal te de la gzags mchis na/ /nam mkha'i khams ni kun gang ste/ /de ni de las lhag par 'gyur//zhes gsungs so/ /yid bzhin nor bu'i sems skye ba/ /rgyu med ma yin gyi na ma yin gyi/ /rgyal dang rgyal ba'i chos dang dge 'dun la/ /dad dang dang ba bskyed nas sems skye'o/ /de ni 'dod dang longs spyod rgyal srid dang / /bdag la bde dang grags dang snyan phyir min/ /'gro ba'i sdug bsngal ma lus bsal bya'i phyir//'jig rten phan par byed pa'i sems skye'o/ /rgyal ba kun dang chos dang dge 'dun la/ /dad pa'i sgo nas gus par mchod pa dang / /bla ma gus par mchod cing sems skye'o/ /byang chub sems ni rin chen gang yod pa/ /mi nyams pa srung zhing yang dag spel bar bya//yon tan phan 'dogs sdug bsngal gyur pa la/ /ci 'byor pa yi bza' dang btung la sogs/ /re ba med par gus pas gtang bar bya/ /'jigs pas nyen pa'i sems can bskyab pa dang / /mun nang 'thoms pa'i skye bo mig med la/ /chos kyi sbyin pa gus par gtang bar bya/ / lus dang sems ni 'khrugs pa'i sems can la/ /g.yog dang sman gyi sbyin pas gus par bya/ /phyi dang nang gi dngos po thams cad dag /sems can kun la ma lus gtang bar bya/ /yon tan ma lus dag ni gang yin pa/ /de dag thams cad sbyin pa la sogs te/ /bsod nams phung po gzhal dka' dpag tu med//len la re ba med par sbyin pa yongs gtong ba/ /nor rnams yongs su nyams par mi 'gyur te/ /bang mdzod dag ni rin chen 'thob par 'gyur/ /sbyin la the tshom med par gus par gtong ba dag /sangs rgyas byang chub yun mi ring bar 'gyur/ /bde bar gyur pa dag ni thams cad kyi//rgyu yi gtso bo sbyin par dam pas gsungs/ /bde ba rgya chen rgyu yi sbyin pa 'di/ /byed par 'dod las mi rtog rnal 'byor dang / /sems can rnams la snying rje chen po bskyed/ /longs spyod rnams ni mi rtag mthong gyur cing / /snying rje chen po rang gi dad gyur na/ /sbyin bdag gi khyim gzhan dang gzhan gyi bar//shin tu rigs pa'i tshul 'di rtogs gyur la/ /gang byin de la 'jigs pa skye mi 'gyur/ /khyim na gang bzhag de la 'jigs pa 'byung / /byin pas 'jig rten pha rol bde ba 'grub/ /ma byin tshe 'di nyid la sdug bsngal skyed/ /ma yi nor rnams skar mda'i rang bzhin ltar//ma byin nor rnams mi rtag med 'gyur te/ /byin pas rtag tu mi zad gter du 'gyur/ /sems can phan par sems pa gang yin pa'i/ /nor rnams snying po med pa yod par 'gyur/ /gang zhig yongs su gtong ba mkhas pas bsngags/ /skye bo byis pa de dag sogs la dga'//yongs su bzung bas mi 'bral gang yang med/ /byin pas rtag tu phun sum tshogs pa 'byung / /gang zhig byin pa de ni lam gyi mchog /ma byin khyim du bzhag pa de ni nyon mongs skye/ /slong ba sngon du 'ongs na rgyal sras des/ /rdzogs pa'i byang chub tshogs ni spel ba'i phyir//ltos pa med par yongs su gtang bar bya/ /dge ba'i bshes gnyen 'du shes de la bskyed/ /gang zhig zang zing nor la chags byed pa/ /de la byang chub sems mchog skye ba med/ /sems mchog de ni skyon dang ma 'grogs te/ /rgya mtsho chen po ro dang mi 'grogs bzhin/ /de bas rtag tu skyon rnams kun spangs te//byang chub 'dod pas rtag tu thams cad sbyin/ /yon tan mnga' ba mtha' yas 'phags pa'i nor/ /nor gzhan phal pa sdug bsngal rgyu/ /bdog mang dag gis ci zhig bya/ /rgya mtsho che la chu bo bzhin/ /chog shes med par dbul por gsungs/ / sbyin pa de ni byang chub rtsa ba ste/ /zhum pa brtsal la sbyin pa gtang bar bya/ /de ltar sbyin la gus dang ldan par gyur pa des/ /dran dang ldan zhing shes bzhin bag yod pas/ /dbang po'i sgo rnams rtag tu bsrung bar bya/ /gang zhig lus ngag yid kyi las/ /thams cad legs par yongs brtags te//bdag dang gzhan la phan shes nas/ /rtag tu byed pa de mkhas pa/ /mi gsod pa dang rku spong dang / /gzhan gyi chung ma spong ba dang / /brdzun dang phra ma tshig rtsub dang / /ma 'brel smra ba yang dag sdom/ /brnab sems gnod sems log lta spang / /'di dag spangs las dkar bcu ste//las lam bcu las nyams mi bya/ /chang mi 'thung dang 'tsho ba bzang / /mdor bsdus tshul khrims yin par gsungs/ /tshul rnams ma lus 'byung ba'i gzhi yin pas/ /de phyir tshul khrims bsrung la brtson par bya/ /nang gi sems ni dul gyur na/ /phyi yi dgra 'dis gnod mi nus//nang gi sems ni g.yo ba na/ /phyi yi dgra 'dis rkyen byas te/ /nang gi dgra 'dis lus sems bsreg /de phyir nang gi dgra 'di gzhom/ /yon tan ma lus byang chub sems las 'byung / /byang chub sems mchog snying rje'i rgyud las byung / /de las snying rje'i ngang tshul ldan par bya//dge sbyong tshul la gnas byas nas/ /de yis mi mthun phyogs spang bya/ /de la mi mthun gang zhe na/ /'dod dang gnod sems rnam par 'tshe/ /bdag bstod gzhan la brnyas pa dang / /mi mthun rnyed pa kun du tshol/ /rnyed pas rnyed pa tshol byed dang / /dad pas byin pa chud gson dang //ltung ba 'chab cing 'du 'dzi dga'/ /bdag gi rnyed pas chog mi shes/ /gzhan la phrag dog ser sna byed/ /gzhan gyi rnyed pa 'dod par byed/ /bdag gi 'khrul ba la mi rtog /gzhan gyi 'khrul pa rtog par byed/ /so sor thar pa'i 'dul mi bsrung / /khwa ltar mu cor smra ba dang //ma gus rgod khengs lta ba ngan la zhen pa dang / /'khor ba la ni dga' ba dang / /mya ngan 'das la rgyab phyogs dang / /zab mo'i chos ni spong ba dang / /dkon mchog gsum la ma gus dang / /bla ma khyad du gsod pa ste/ /brtags te legs par spang bar bya/ /de ltar tshul khrims srung byed na//sngon chad mi shes skye bo thams cad kyang / /tshul khrims ldan pa'i skye bo de la 'dud/ /tshul khrims rtag tu ldan pa'i mi/ /bde ba nas ni bde ba nyid du 'gyur/ /de ltar tshul khrims rgyan dang ldan pa des/ /bdud kyi las rnams yongs su spong ba dang / /bzod pa dga' zhing yang dag gnas par bya//bzod pa shin tu phan pa sgrub byed pa/ /de la su zhig nan tan mi byed yod/ /chos tshol ba dang gzhan don byed pa la/ /bzod pa'i go chas mi 'khrugs mtsho ltar bya/ /gzhan don 'dod pa'i yid dang ldan pa la/ /tshul khrims dam pa bzod pa zhes bya gsungs//gnod pa skye med tshul du rab mthong ba/ /de ni bzod pa 'phrul zhes drang srong dam pas gsungs/ /bzod la gnas pa'i lus ni yongs su dag gyur cing / /gzugs rigs tshe ring nad med thob byed pa/ /bzod pa'i go cha brtan par su mi byed/ /ji ltar bzod pa'i stobs la gnas pa de//rtag tu dge ba'i las la spro ba byed pa gang / /de la dge ba'i lo tog gong nas gong du 'phel/ /bshad pas sems can rgyud kun grol/ /ma rig mun sel shes rab bskyed/ /nyan pa byang chub yan lag ste/ /bsam bsgom sa gzhi lta bu ste/ / ma bshad shes pa med pa yin/ /sangs rgyas bstan pa yun thung 'gyur/ /nyan pas shes rab 'phel 'gyur bas/ /ma nyams bsgom pa'i rten dang 'brel/ /blang bya dor bya mi shes pas/ /gzings spangs rgya mtsho brgal ba bzhin/ /rtsol bas nan tan ma byas na/ /shing las me 'byung mi srid bzhin//bsgom sgrub nan tan ma byas par/ /'bras bu chen po ga la 'byung / /rgyud la 'bad par ma byas par/ /bla med byang chub mi 'byung ste/ /dper na zhi ba'i las dang mtshungs/ /chos sku rgyu la rag las phyir/ /gsang sngags man ngag thabs chen gyis/ /tshe 'dir byang chub 'byung 'gyur zhes//smra zhing tshogs rnams ma bsags na/ /bskal pa brgyar yang mi 'grub po/ /thabs kyis 'grub ces lta ba la/ /nan tan mi byed gang zag ni/ /gal te log par rtogs gyur na/ /gru med rgya mtsho rgal ba bzhin/ /rnal 'byor mngon sum ma gyur pa/ / rlabs chen spyod pa byed gyur pa/ /kha na ma tho ltung 'gyur te/ /g.yang sa chen por 'jug pa bzhin/ /de ltar thos bsam sgom pa la/ /brtson par byas nas tshogs rdzogs 'gyur/ /sgrib pa rnam pa gnyis spangs te/ /byang chub mchog ni thob par 'gyur/ /de ltar brtson dang ldan pa des//dben pa la ni dga' bar 'gyur/ /don med rnam par slu ba yi/ /'jig rten chos la ma chags par/ /nags tshal la sogs dben pa ru/ /sems nyid gdod nas ma skyes pa'i/ /rang 'byung dgon pa yin mod kyi/ /las dang po yi sems can gyis/ /phyi rol dgon pa thog mar bsten//de 'og sems nyid dgon pa btsal/ /der yang dang po byams pa dang / /snying rje'i sems ni goms par bya/ /mi gtsang keng rus rten 'brel la/ /yid ni mnyam par gzhag par bya/ /sgrib pa lnga ni spang bya zhing / /bsgom pa med na byang chub kyi/ /rtsa ba med de sgrib mi spong //sgrib pa ma spangs sangs rgyas pa/ /grub mtha' kun las yongs ma bstan/ /bzlas pa ma byas lha dang ring / /dge ba kun la mi 'jug na/ /mnyen pa med pa'i gru bzhin du/ /rgya mtsho'i gting du bying bar 'gyur/ /rnal 'byor nan tan byed gyur kyang / /dge ba gzhan la mi brtson na//shing gcig yal ga med pa las/ /me ni 'bar ba dka' dang mtshungs/ /thos sogs dge ba la brtson bya/ /rnal 'byor nan tan mi byed na/ /mtho ris thob kyang thar pa ring / /bla med byang chub med pa'i phyir/ /rnal 'byor bsgom la spyod med na/ /grogs dang bral nas lam zhugs bzhin//dgra dang chom rkun byung ba na/ /bzlog par mi nus grogs med bzhin/ /mi lus thob pa 'ang ches dka' na/ /dam chos phrad pa'ang de bas dka'/ /mi lus dal 'byor thob pa la/ /mkhas pa dam chos mi nyan pa/ /rin chen rnyed nas slar dor bzhin/ / dam pa'i chos la ma zhugs par/ /don med yal bar mi 'dug go/ /bla med theg chen rnyed gyur nas/ /de la nan tan mi byed na/ /rin chen rnyed nas byi dor dang / /mi byed dor ba dag dang mtshungs/ /mi lus dal 'byor thob pa dag /yid bzhin nor bu dag dang mtshungs/ /yid bzhin nor bu rin chen ni/ /yon tan kun gyi 'byung khungs te//byi dor byas na de las ni/ /nyis 'gyur gyis kyang mdzes par 'gyur/ /de ltar dal 'byor thob nas ni/ /thar pa'i lam la 'jug par bya/ /nad dang mthun pa'i sman pa bsten/ /de ltar yun ring bsgom gyur na/ /lus sems las su rung ba dang / /mngon shes lnga la sogs pa thob//de ltar zhi gnas goms gyur pa'i/ /yon tan ma lus kun gyi rgyu/ /stong pa nyid la 'jug par bya/ /lus dang tshor ba sems dang chos/ /dran pa nyer gzhag bsgom par bya/ /rang gzhan gnyi ga rgyu med las/ /dngos po gang yang 'byung med pa/ /rang gzhan gnyi ga rgyu med las/ / dngos gang 'dzin par 'gyur ba med/ /yod dang med las skye ba med pas na/ /skye ba med cing gang yang 'gag pa med/ /dngos po rang bzhin ma skyes stong pa nyid/ /rang sems gzod nas ma skyes pa/ /stong pa nyid kyi rang bzhin no/ /stong pa nyid du mi bsgom ste/ /mi stong par yang bsgom mi bya//stong dang mi stong 'dzin pa la/ /tha mal pa yi rnam rtog skye/ /stong pa zhes pa'i rnam rtog ste/ /des na de nyid spang bar bya/ /'ga' yang mthong ba med pa ni/ /mthong ba'i mchog ces yin par gsungs/ /dngos po rnams kyi rang bzhin ni/ /gzugs brnyan dang ni mtshungs pa yin//so so skye bo la gsungs pa/ /gang yin de ni zab pa'i chos/ /'jig rten sgyu ma lta bu nyid/ /sangs rgyas bstan pa bdud rtsi yin/ /ji ltar sgyu ma'i glang po la/ /skye dang 'jig rten snang mod kyi/ /de ltar brtags na yang dag tu/ /skye dang 'jig pa med pa ltar//de ltar sgyu 'dra'i 'jig rten la/ /skye dang 'jig pa nyid snang yang / /dam pa'i don du brtags byas na/ /skye dang 'jig pa yod ma yin/ /dngos po 'di dag thams cad ni/ /rtag tu ma skyes ma 'gags nyid/ /yang dag don la rnal 'byor bya/ /bying rgod dbang du mi 'gro bar/ / zhi gnas lhag mthong cha mnyam mo/ /rang bzhin dag pa'i chos nyid la/ /shes rab mig gis blta bar bya/ /de nyid mthong nas yon tan skye/ /nags sogs dus kyis bsgyur ba med/ /'dus byas mi rtag stong par ston/ /nags sogs rgyu 'bras so so yis/ /kun rdzob slu ba med pa ston//ro dang rus pa chu shing sogs/ /phyi nang chos kun bdag med ston/ /kun la khyab pa'i nam mkha' yis/ /don dam spros bral la sogs ston/ /rang bzhin yongs su shes pa yis/ /de tshe yul ni snang na yang / /sgyu ma bzhin te gos pa med/ /don dam rang bzhin rtogs gyur na//tha snyad dag gis ci zhig bya/ /dge ba'i bshes gnyen bsten par bya/ /grogs mchog rnyed na shin tu legs/ /de ltar min na gcig pur gnas/ /bla ma sangs rgyas dngos 'dra la/ /yo byad kyis ni bsnyen bkur dang / /lus ngag sems kyi bkur sti ni/ /dus gsum kun du bya ba yin//bla ma bsnyen bkur ma byas na/ /sangs rgyas spangs te dam tshig nyams/ /bla ma sangs rgyas kun dang mtshungs/ /slob dpon gyi ni yon tan gzung / /skyon ni rnam yang bsam mi bya/ /yon tan bzung na dngos grub thob/ /skyon rnams bzung na dngos mi thob/ / de bzhin tshe ni thung ba dang / /ngan 'gro dag tu ltung bar 'gyur/ /slob dpon smod par byed pa ni/ /nya pa la sogs rigs su skye/ /nyes pa thams cad byed 'gyur yang / /mkhas pas bla ma smad mi bya/ /chos 'dod pas ni rtag par yang / /slob dpon rab tu mgu bar bya/ /gser ni stong phrag brgya nyid dang //rin chen rnam pa sna tshogs dang / /ras ni zung brgya dbul bar bya/ /de ltar bla ma mnyes byas nas/ /mi dge las las ldog bya zhing / /byang chub sems ni bskyed pa dang / /the tshom med pa nyid dang ni/ /bka' bzhin du ni gus par bsgrub/ /de ltar mi byed gang zag ni//rnal 'byor gyi rgyud rdo rje rtse mo las 'di skad du/ bskal pa brgya phrag dag tu ni/ /ci ste mngon par brtson byas kyang / /gang zag bzhis ni 'jig rten du/ /bsgrubs kyang 'grub pa nyid mi 'gyur/ /byang chub sems ni ma bskyed dang / /the tshom ldan pa nyid dang ni/ / bka' bzhin du ni mi byed dang / /dad pa med kyis 'grub mi 'gyur/ /zhes gsungs so/ /mi lus thob pa shin tu dka'/ /'gro ba'i tshe yang shin tu thung / /blo gros nyam kyang shin tu chung / /bshes gnyen mchog kyang rnyed dka' bas/ /byis pa rnams ni don med 'khyam/ /bdag gis gzhung dang mi 'gal bar//spyod bsdus sgron ma rin chen phreng / /theg chen sgor zhugs bya ba dag /gzhung 'di byas pa'i bsod nams des/ /sems can thams cad ma lus pa/ /thub dbang go 'phang thob par shog /byang chub sems dpa'i spyod pa bsdus pa'i sgron ma rin po che'i phreng ba zhes bya ba/slob dpon mkhas pa chen po chos ldan rab 'byor dbyangs kyis mdzad pa rdzogs so// //rgya gar gyi mkhan po pradz+nyA ka ra warma dang / zhu chen gyi lo tsA ba dge slong rin chen bzang pos bsgyur cing zhus te gtan la phab pa'o// //