CLOSE WINDOW

D3930
བོད་ཡིག

@##/ /rgya gar skad du/ rat+na ka raN+Da ung+g+ha Te ma d+h+ya ma nA ma u pa de sha/ /bod skad du/ dbu ma'i man ngag rin po che'i za ma tog kha phye ba zhes bya ba/ rje btsun 'jam pa'i rdo rje la phyag 'tshal lo/ /dkon mchog gsum la phyag 'tshal lo/ /slob dpon klu sgrub kyi brgyud pa'i gdams ngag bri bar bya'o//'di ni skyes bu gang zhig bdag dang 'gro ba ma lus pa'i 'khor ba thog ma med pa can gyi sdug bsngal rjes su dran pas til 'bru tsam gyi dngos po yang mi 'dzin pa/ 'jig rten gyi dngos po dang / bya ba ma lus pa mchil ma'i thal ba ltar bor ba/ dang po khas blangs pa'i tshul khrims kyi sdom pa gsum ma nyams shing gtsang ba/thos pa dang bsam pa'i shes rab dang ldan pa rang bzhin gyis snying rje yod pa/ dam pa'i chos kyi phyir lus dang srog la yang mi lta ba des/ slob dpon 'phags pa klu sgrub kyi brgyud pa'i gdams ngag yod pa'i skyes bu dam pa btsal la/de dus yun ring por mnyes par byas nas las dang po pa yin pas sa tra chen po'am/ grong khyer chen po'am/ dgon pa'am/ bas mtha' la sogs pa 'tsho ba bsgrub sla bar gnas la/ dkon mchog gsum gyi gzugs brnyan gyi spyan sngar stan 'jam zhing 'bol ba la 'dug la/'di ltar sems can gyi rigs ni sgo nga las skyes pa dang / drod gsher las skyes pa dang / rdzus te skyes pa dang / gzugs can dang / gzugs can ma yin pa dang / 'du shes can dang / 'du shes can ma yin pa'i 'gro ba lnga'i sems can la legs par bltas la/ thams cad ni bdag gi ma yin te/ ma 'di dag gis bdag gi ched du sdig pa byas shing bsags pas de'i rnam smin gyis da lta sdug bsngal mang po nyams su myong ngo / /'phags pa klu sgrub kyi zhal nas/ rnam rtog bag chags nyes pa yis/ /'gro ba gsum po rnam rmongs la/ / blo dang ldan pas legs bltas nas//'khor ba'i gnas nas gdon par bya/ /zhes gsungs pa dang / yang 'phags pa klu sgrub kyi zhal snga nas/ srid pa'i btson ra'i nang gnas pa/ /nyon mongs me yis gdungs pa yi/ /sems can gang yin thams cad sngon/ /pha ma mdza' bshes rtsa lag tu//gyur cing phan cher btags pas na/ /'di dag bdag gis sdug bsngal byas/ /da ni bde bar bya bar rigs/ /zhes gsungs pas drin shes pas bdag gis 'di dag bsgral ba dang / dgrol ba dang / dbugs dbyung ba dang / mya ngan las bzla'o zhes tshad med pa bzhis byang chub tu sems bskyed la/de'i ched du tshogs gnyis bsag par bya'o/ /rmi lam gyi sems dang ma bral bas nam mkha'i dbyings 'di dkon mchog gsum gyis til gyi ga'u bzhin du khyab pa la/ dam pa bdun dang / 'du shes bdun dran par byas pa dang /rjes su dran pa'i tshigs su bcad pa yang brjod de/ gnyen po drug gi sgo nas lus kyi bkod pa yang byas nas phyag bya ba dang / mchod pa dang sdig pa bshags pa dang / rjes su yi rang ba dang / bskul ba dang / gsol ba gdab pa dang / skyabs su 'gro ba dang / byang chub tu sems bskyed pa dang /lus dbul ba dang / sdom pa blang ba dang / theg pa chen po'i lam la gnas par dam bcas la/ de dag byang chub chen por yongs su bsngo bar bya'o/ /de dag thams cad chos kyi dbyings su gyur te/ mchod pa'i gnas dang / mchod pa'i tshogs de dag thams cad dang po gang nas byon/da lta gang du bzhud snyam du brtags na gang nas kyang ma byon/ gang du yang ma bzhud/ phyi nang gi chos 'di dag kyang de kho na bzhin yin pas/ thams cad rang sems sgyu ma'i rnam par 'phrul pa brdzun bzhin du snang / snang bzhin du brdzun pas de dag lus la bsdu/de yang sems la bsdu/ sems ni kha dog med pa/ dbyibs med pa/ rang bzhin gyis 'od gsal ba/ gdod nas ma skyes pa'o/ /so sor rtog pa'i shes rab de nyid kyang 'od gsal bar gyur to/ /bar der shes pa ci yang ma yin la/ cir yang mi gnas pa/ cir yang ma grub pa/ci'i rnam par yang ma skyes pa/ spros pa ma lus pa nye bar zhi ba/ ston ka'i nyi ma phyed kyi nam mkha'i gung lta bu'i mtshan ma'i rdul thams cad dengs pa'i nam mkha' rdo rje'i ting nge 'dzin snang ba med pa la ji tsam nus par gnas so/ /ma goms pa'i dbang gis sems yengs par gyur na yang de nyid du bkug la gnas so//thun gzhan yang de bzhin du bya'o/ /thun grangs mang la yun thung bar bya'o/ /gang gi tshe goms par gyur cing cung zad brtan pa na je ring je ring bya'o/ /sgrib pa lnga po so so'i gnyen pos zhi bar bya'o/ /de nas mig phye la e ma'o ngo mtshar ro/ / chos kyi dbyings ci yang med pa la cir yang snang ba 'di ngo mtshar che'o/ /'di dag ni rang gi sems nyid brdzun pa'i rnam 'phrul brdzun bzhin du snang / snang bzhin du brdzun pa ste/ sgyu ma'i dpe brgyad kyis mtshon pa snang la rang bzhin med pa'o zhes bltas la smon lam btab nas skyil mo krung dal gyis bshig la langs te tsha tsha la sogs pa dge ba'i las ci nus pa bya'o//de dag thun drug tu tshogs gnyis bsags pa la 'bad do/ /nyal ba'i dus su stong pa nyid du bsgoms la de'i ngang du gnyid log par bya'o/ /de nas thun tha ma la byams pa dang snying rje las byung ba'i byang chub kyi sems kyis bslang bar bsam mo//des ni don dam pa byang chub kyi sems bskyed pa yin no/ /zas la cha bzhir bgo bar bya'o/ /slob dpon klu sgrub kyi zhal snga nas kyang / don dam pa byang chub kyi sems ni gsang sngags kyi sgo'i spyad pa spyod pa'i byang chub sems dpa' bsgom pa'i stobs kyis bskyed par bya ba yin no zhes gsungs so//de ltar gus pa dang / yun ring ba dang / rgyun mi 'chad par 'bad par byas na sems can la snying rje yang shugs kyis skye ste/ slob dpon klu sgrub kyi zhal snga nas/ de ltar rnal 'byor pa rnams kyis/ /stong pa nyid 'di bsgoms byas na//blo ni gzhan don la dga' bar/ /'gyur ba 'di la the tshom med/ /yang / gdod nas skye med don de ni/ /blo yis gting nas rtogs gyur nas/ /'khor ba'i 'dam du bying ba la/ /snying rje ngang gis skye bar 'gyur/ /zhes gsungs so/ /de ltar rnal 'byor pa des nang du mnyam par gzhag pa na/don dam byang chub kyi sems bsgoms la/ de las langs pa na kun rdzob byang chub kyi sems bsgoms pas stong pa snying rje chen po'i snying po can gyi byang chub kyi sems gnyis po brtan par bya'o/ /rnam par snang mdzad mngon par byang chub pa las/ byang chub nam mkha'i mtshan nyid de//rtog pa thams cad spangs pa'o/ /zhes dang / shes rab sdud pa las/ thob par bya ba'i chos ni rdul tsam yod ma yin/ /byang chub dngos por bzung nas mchog 'dzin ma byed cig /dang po'i las can de la de skad bstan par bya//zhes pa dang / yum chen mo 'bum pa las/ ngas ni ci yang thob pa med pa kho nar byang chub kyi snying por mngon par rdzogs par sangs rgyas so zhes gsungs so/ /'phags pa chos yang dag par sdud pa las kyang / de la byang chub sems dpa' 'dod pa chung ba gang zhe na/gang byang chub kyang mi 'dod pa'o/ /chog shes pa gang zhe na/ gang byang chub kyi sems la lhag par ma zhen pa'o zhes gsungs so/ /gzhan mdo sde rin po che du ma dang / gsang sngags kyi rgyud du ma nas don 'di nyid gsungs so/ /dpal gsang ba 'dus pa las/ dngos po thams cad dang bral zhing //phung po khams dang skye mched dang / /gzung dang 'dzin pa rnam par spangs/ /chos bdag med par mnyam nyid pas/ /rang sems gdod nas ma skyes pa/ /stong pa nyid kyi ngo bo nyid/ /ces dang / 'phags pa brgyad stong pa las kyang / shA ri'i bu gang sems ma yin pa de ni sems med pa'o//gang sems med pa de ni sems rang bzhin gyis 'od gsal ba'o zhes gsungs so/ /'phags pa klu sgrub kyi zhal snga nas kyang / sems ni sangs rgyas thams cad kyis/ /ma gzigs gzigs pa ma yin te/ /rang bzhin med pa'i rang bzhin la/ / ji lta bu zhig gzigs par 'gyur/ /zhes gsungs so/ /rje btsun 'phags pa lha'i zhal snga nas kyang / sems kyis sems med rtogs bya'i phyir/ /gang tshe goms par bya ba yin/ /de tshe sems ni mthong mi 'gyur/ /zhes gsungs so/ /'phags pa chos yang dag par sdud pa las kyang //lha'i bu dag gzhan yang byang chub kyi sems la mngon par zhen pa de yang bdud kyi las so/ /sems sgyu mar ma 'tshal nas sems la dngos por bzung ste/ bla na med pa'i byang chub tu sems bskyed pa gang lags pa de mthol lo bshags so zhes gsungs so/ / skye ba snga ma grangs med par theg pa chen po la goms pa/ rgyud legs par sbyangs pa/ dbang po rnon pos ni kun rdzob byang chub kyi sems de nyid don dam byang chub kyi sems bskyed du shas te/ stong pa nyid dang snying rje chen po can yin pas rnam pa thams cad kyi mchog dang ldan pa'i stong pa nyid du gnas so//don 'di la dgongs nas slob dpon klu sgrub kyi zhal snga nas/ bdag dang phung po la sogs dang / /rnam shes rtog pas ma bsgribs pa/ /sangs rgyas rnams kyis byang chub sems/ /stong pa'i mtshan nyid dag tu bzhed/ /ces gsungs so/ /'o na ji ltar zhe na/kun rdzob tu sgyu ma'i skyes bu dang / sprul pa'i skyes bus byang chub tu sems bskyed pa de lta bur bskyed par bya'o/ /ji skad du/ 'phags pa klu'i rgyal po rgya mtshos zhus pa las/ klu'i rgyal po chos gcig gis byang chub sems dpa' rnams myur du bla na med pa yang dag par rdzogs pa'i byang chub tu mngon par rdzogs par 'tshang rgya ste/chos gcig po gang zhe na/ sems can thams cad mi gtong ba'i byang chub kyi sems so zhes gsungs pas de bskyed dgos so/ /sems de skye ba'i rgyu dang / rkyen dang / ngo bo dang / rnam pa dang /sbyang ba dang / gzung ba dang / bsrung ba dang / spel ba dang / de'i phan yon dang / gtong ba'i rgyu dang / btang ba'i nyes dmigs dang / gzhan bskyed du bcug pa'i phan yon dang / gzhan bskyed pa la rjes su yi rang ba'i phan yon dang / gzhan bskyed pa'i bar chad byas pa'i nyes dmigs la mkhas par bya'o//de la rgyu ni rigs phun sum tshogs pa'i rtags dang ldan pa ste/ ji skad du 'phags pa bden par smra ba lung bstan pa'i mdo las/ de rgya che ba la mos pas dman pa la mos pa med pa yin/ de rang bzhin gyis snying rje chen po dang ldan pas dkar po'i yon tan dang ldan pa yin/de sdig pa'i grogs po spangs pas dge ba'i bshes gnyen gyis yongs su bzung ba yin/ ji skad smras pa bzhin byed pas mi slu ba yin/ sangs rgyas 'jig rten du rgyu ba mnyes par byas pas dga' ba dang ldan pa yin/ lus dang ngag dang yid kyi las kha na ma tho ba med pas sdig pa spangs pa yin/lhag pa'i bsam pa skyon med pas yi dam la brtan pa yin/ ro bro ba la ma chags pas thams cad 'gyed pa'i ngang tshul can yin/ bdud kyi byin gyis brlabs pa dang bral ba yin/ dge ba'i rtsa ba bsags pas spyod pa legs par spyod pa yin/ snying rje chen po'i spyod yul yin pas sems can la snying brtse ba yin/ yo byad lhug par gtong bas thams cad la chags zhen chung ba yin zhes gsungs so/ /slob dpon 'phags pa thogs med kyi zhal snga nas kyang /rgyu bzhi ste/ rigs dang / dge ba'i bshes gnyen dang / snying rje dang / 'khor ba'i sdug bsngal bzod pa'o zhes gsungs so/ /rkyen ni gnyis te/ sbyor ba'i rkyen dang / bsam pa'i rkyen no/ /de la sbyor ba'i rkyen gyi tshogs bsags pa dang / rgyud sbyang ba dang / skyabs su 'gro ba khyad par can bya ba'o/ /tshogs bsags pa yang nyin lan gsum mtshan lan gsum du yan lag bdun pa bya ba dang / shes rab kyi pha rol tu phyin pa'i mdo zab mo gdon pa dang / bklags pa dang / gzungs gdon pa dang / dkon mchog la mchod pa rgyas par bya ba dang /dge 'dun gyi mchod ston yon dang bcas pa bya ba dang / byis pa'i ston mo dang / mgon med pa rnams la sbyin pa rgya chen po btang ba dang / mtshan mo rgyu ba rnams la gtor ma rgya chen po btang ba la sogs pa bya'o/ /rgyud sbyang ba yang snga ma bzhin du mdo sde zab mo gdon pa dang / bklags pa dang / gzungs bzlas pa dang / yan lag bdun pa bya ba dang / phung po gsum pa gdon pa dang / las kyi sgrib pa rgyun gcod pa dang / gser 'od dam pa rnga sgra'i tshigs su bcad pa la sogs pa'i gzhung gis sdig pa bshags par bya'o/ /skyabs su 'gro ba khyad par can ni/khyad par rnam pa bdun gyis khyad par du 'phags te/ rten gyi gang zag gi khyad par dang / skyabs gnas dkon mchog gsum gyi khyad par dang / dus kyi khyad par dang / bsam pa'i khyad par dang / sbyor ba'i khyad par dang / bslab bya'i khyad par dang / phan yon gyi khyad par ro/ /de la skyabs gnas dkon mchog gsum gyi khyad par ni/theg pa chung ba'i skyabs ni/ ji skad du mdzod las / gang zhig gsum la skyabs 'gro ba/ /sangs rgyas dge 'dun byed pa yi/ /chos la'ang de bzhin skyabs 'gro zhing / /mya ngan 'das la'ang skyabs su 'gro/ /zhes bshad do//'dir khyad par ni/ dkon mchog gsum ni rnam pa gsum ste/ de kho na nyid kyi dkon mchog gsum dang / mdun du gzhag pa'i dkon mchog gsum dang / mngon par rtogs pa'i dkon mchog gsum ste/ 'di'i don rgyas pas bla ma la zhu bar bya'o/ /yang bslab bya'i khyad par 'ba' zhig brjod de/dkon mchog gsum gyi khyad par dang / yon tan rjes su dran pa'i sgo nas dkon mchog gsum lus dang srog gi phyir mi gtong zhing yang dang yang du skyabs su 'gro ba dang / bka' drin chen po rjes su dran pa'i sgo nas dus rtag tu 'am/ yang na dus res 'ga' mchod par bya ba dang /tha na chu gtsang phor pa gang tsam yang dbul bar bya ba dang / zas la sogs pa'i phud dbul bar bya'o/ /bya ba ci byed pa dang / de gos pa ci yod pa ni dkon mchog gsum la gsol ba btab nas byed kyi/ 'jig rten pa'i thabs gzhan spang ba dang /'gro ba gzhan la yang tshul 'di bzhin du sbyar bar bya'o/ / theg pa thun mong gi bslab bya ni/ sangs rgyas la skyabs su song bas 'jig rten pa'i lha la phyag mi bya ba la sogs pa ste/ dkon mchog gsum po so so'i bslab bya'o/ /bsam pa'i rkyen ni ji skad du 'phags pa ye shes phyag rgya'i mdo dang /snying rje pad+ma dkar po'i mdo las/ sangs rgyas kyi byang chub tu sems bskyed pa dang / dam pa'i chos 'jig pa'i dus su sems bskyed pa dang / sems can sdug bsngal ba mthong nas sems bskyed pa dang / byang chub sems dpa' sems bskyed pa dang /mchod pa dang dbul ba bzang po byas nas sems bskyed pa dang / gzhan gyi lha bltas nas sems bskyed pa dang / de bzhin gshegs pa'i sku mthong nas sems bskyed pa ste/ dang po gsum ni byang chub kyi sems dngos yin no zhes gsungs pa dang / 'phags pa chos bcu pa'i mdo las kyang gsungs te/sangs rgyas dang byang chub sems dpa' la sogs pas bskul nas sems bskyed pa dang / byang chub kyi sems kyi phan yon mthong nas sems bskyed pa dang / sems can sdug bsngal ba mthong nas sems bskyed pa dang /sangs rgyas dang byang chub sems dpa' phun sum tshogs pa mthong nas sems bskyed pa'o zhes gsungs so/ /mdo sde rgyan las ni rkyen lnga gsungs te/ grogs stobs rgyu stobs rtsa ba'i stobs/ /thos stobs dge ba goms pa'i stobs/ /mi brtan pa dang brtan 'byung ba//zhes gsungs so/ /'phags pa thogs med kyi zhal snga nas rkyen bzhi dang / stobs bzhi gsungs so/ /rkyen bzhi ni de bzhin gshegs pa'i phun sum tshogs pa mthong nas sems bskyed pa dang / phan yon mthong nas sems bskyed pa dang / dam pa'i chos 'jig pa'i dus su sems bskyed pa dang /sems can sdug pa mthong nas sems bskyed pa'o/ /stobs bzhin rgyu'i stobs dang / sbyor ba'i stobs dang / rang gi stobs dang / gzhan gyi stobs so/ /de ltar rgyu dang rkyen nye bar tshogs pa na byang chub kyi sems nye bar skye bar 'gyur ro//skyes pa'i ngo bo ni/ 'dun pa dang / 'dod pa dang / smon pa ni rnam grangs so/ /ji skad du 'phags pa byams pa'i zhal snga nas/ sems bskyed pa ni gzhan don phyir/ /yang dag rdzogs pa'i byang chub 'dod/ /ces gsungs so/ /'dun pa dang snying rje dang mtshungs par ldan pa'i yid kyi rnam par shes pa yul khyad par can la dmigs pa ni ngo bo ste/dkar po'i chos kyi lo tog ma lus pa bskyed pa'i sa gzhi bzang po lta bu ste/ 'dun pa sa lta bu'i byang chub kyi sems so/ /rnam pa de nyid kyi khyad par ram bye brag ste/ g.yo sgyu la sogs pa'i skyon gang gis kyang ma gos shing dri ma med pa ste/dper na gser bzang po g.ya' dang rdo dang sa la sogs pa'i skyon med pa lta bu ste/ sems de nyid bsam pa bzang po gser lta bu'o/ /de'i don rgyas par 'phags pa blo gros mi zad pas bstan pa'i mdo las/ btsun pa shar dwa ti'i bu byang chub kyi sems de ni ji lta bu'i rnam par sems skyes pa yin/smras pa rigs kyi bu sems de ni thig pa dman pa dang ma 'dres pas gtsang ba'i rnam par skyes so zhes bya ba la sogs pa rgyas par gsungs so/ /de sbyang ba ni sems de dang po gang nas kyang ma 'ongs shing /tha ma gar yang mi 'gro ba/ gang na yang mi gnas pa ste/ kha dog med pa/ dbyibs med pa/ gzod ma nas ma skyes pa/ tha mar mi 'gag pa/ rang bzhin gyis stong pa/ 'od gsal ba'i ngo bo yang nas yang du dran par bya'o/ /yang na byams pa dang / snying rje byang chub kyi sems de goms pas brtan par bya ba dang /shin tu byang bar bya ste/ sems kyi skad cig re re la dran pa rgyun chags su bya ba dang / dran pa dang / shes bzhin dang / tshul bzhin du sems pa dang / bag yod pas gnas par bya'o/ /byang chub kyi sems gzung ba ni sems can mi gtong ba bzhi dang /skyes bu dam pa'i rnam par rtog pa brgyad dang / nang gi thabs la mkhas pa bcu dang / phyi'i thabs la mkhas pa drug dang / bdag dang gzhan brje ba dang / bdag dang gzhan mnyam par bya ba dang / 'phags pa bzang spyod dang / rdo rje rgyal mtshan gyi bsngo ba chen po bcu la sogs pa gdab bo//de la sems can mi gtong ba ni bdag la phan 'dogs pa'i sems can mi gtong ba dang / bdag la gnod pa byed pa mi gtong ba dang / dngos su sdug bsngal ba dang / sdug bsngal gyi rgyu sogs pa mi gtong ba dang / spyir sems can mi gtong ba'o//de la bdag la phan 'dogs pa mi gtong ba ni/ drin shes shing drin gzo ba'i sems kyis mi gtong ba ste/ slob dpon klu sgrub kyi zhal snga nas/ 'khor ba thog ma med pa nas/ /nyon mongs me yis gdungs pa yis/ /srid pa'i btson ra'i nang gnas pa/ /sems can gang yin de dag sngon//pha ma mdza' bshes rtsa lag tu/ /gyur cing phan chen btags pas na/ /byas pa gzo ba nyid du bya/ /'di dag bdag gis sdug bsngal byas/ /da ni bde bar bya ba'i rigs/ /zhes gsungs so/ /'di'i don rgyas par mdo sder blta bar bya'o/ /skye ba 'di'i pha ma dang gnyen 'dun dang /grogs la sogs pa bdag la phan 'dogs pa la drin shes shing drin gzo ba bya dgos te/ de ltar ma gyur na/ byas la lan du phan mi 'dogs/ /zhes pa'i nyes byas kyang 'byung bar 'gyur ro/ /bdag la gnod pa byed pa'i sems can mi gtong ba ni/las bdag gir byas pa'i sems kyis mi gtong ste/ ji skad du/ 'dzam bu'i gling gi skyes mchog ni/ /legs kyi lan ni legs kyis ldon/ /nyes kyi lan yang legs kyis ldon/ /zhes dang / yum brgyad stong pa las kyang / byang chub sems dpa' pha rol pos nyes pa chen po byas kyang /de dang rtsod pa mi byed par de la gnod pa dang sems 'khrug par mi bya'o/ /gal te gsod na yang de la zhe sdang bar mi bya'o/ /sems can su la yang zhe sdang bar mi bya'o/ /byang chub sems dpa' rnams la ni brtan par 'du shes bskyed par bya'o zhes gsungs pa dang /yang ji skad du byang chub sems dpa' sems can thams cad la pha dang ma dang bu dang bu mo'i 'du shes so / /rang nyid bde bar 'dod pa ltar sems can gzhan yang bde ba la sbyar bar bya'o/ /sems can ma lus pa sdug bsngal ba las thar bar bya'o/ /sems can gang yang mi gtong ngo //de dag gi bdag gis lus dum bu brgyar btubs kyang de dag la gnod pa'i sems mi bya bar byams pa dang snying rje bskyed do zhes gsungs pa dang / rje btsun Ar+ya de ba'i zhal snga nas kyang / gnod pa drag po byung ba na/ /sngon gyi las su shes par bya/ / zhes gsungs so/ /gal te de ltar ma gyur na/ /gzhan gyis bshags kyang mi nyan par/ /khros nas gzhan la 'tshog pa dang / /pha rol shad kyis 'chags pa spong / /khros pa rnams ni yal bar 'jog /gshe la lan du gshe la sogs/ /zhes pa'i pham pa dang nyes byas 'byung bar 'gyur ro//dngos su sdug bsngal ba'i sems can mi gtong ba ni/ tsha ba dang grang ba dang bkres pa dang skom pa la sogs pa dang / mtshams med pa la sogs pa dang / bslab pa nyams pa dang / sdug bsngal sna tshogs kyis gdungs pa mthong na snying rje'i sems kyis mi gtong ste/rje btsun Ar+ya de ba'i zhal nas/ 'khor lo dpag tshad bcu gnyis pa/ /lcags byas mgo la 'khor ba dang / /byang chub sems ni bskyed ma thag /med par 'gyur zhes thos pa yin/ /zhes gsungs pa dang / slob dpon dpa' bo'i zhal nas kyang / na ba'i bu la khyad par du//ma ni gdung ba skye ba ltar/ /de bzhin byang chub sems dpa' rnams/ /dam pa min la khyad par brtse/ /zhes gsungs pa dang / slob dpon b+ha bya'i zhal nas kyang / sdug bsngal drag pos gdungs pa yi/ /sdug bsngal can dag mthong ba'i tshe/ /snying rje rus pa'i gting nas ni//skye zhing de la phan par byed/ /ces gsungs te/ rgyas par mdo sder blta bar bya'o/ /sdug bsngal gyi rgyu la sogs pa'i sems can ni/ snying brtse ba'i sems kyis mi gtong ste/ bslab pa nyams pa dang / mtshams med pa byed pa dang / srog gcod pa dang /sdig pa'i las sna tshogs byed pa de dag las bzlog par bya ste/ ji skad du/ 'phags pa dran pa nyer gzhag las/ gang zhig brtul zhugs bzang mnos nas/ /legs par srung bar mi byed pa/ /de ni nges par sha dang rus/ /'jig pa'i me ma mur du sreg /ces gsungs pa dang /'phags pa rnyed dang 'dod gnas pa/ /tshul khrims 'chal pa mthong nas ni/ /'di yi 'gro ba cir 'gyur zhes / /mchi ma'ang rab tu 'byung bar bya/ /zhes gsungs pa dang / slob dpon klu sgrub kyi zhal snga nas kyang / 'jig rten na ni sems can gang / /rtag tu sdig pa byed 'dod pa//rtag tu de dag thams cad ni/ /gnod pa med par bzlog gyur cig /ces gsungs so/ /spyir sems can mi gtong ba ni byams pa'i sems kyis mi gtong ba dang / 'phags pa spobs pa'i blo gros kyi mdo las/ byang chub sems dpa' sems can thams cad la bu bzhin du blta bar bya ba dang /rang gi lus bzhin du blta bar bya'o zhes gsungs pa dang / mdo sde rgyan las kyang / ji ltar phug ron rang gi bu mchog byams/ /rang gi bu de nye bar 'khyud nas 'dug /de bzhin sdug bsngal ba yi sems can la/ /brtse bcas byang chub sems dpa' de dang 'dra//zhes gsungs pa dang / 'phags pa rig pa mchog gi rgyud chen po las kyang / byang chub sems dpa' rang gi bde ma chags/ /rang gi sdug bsngal dag gis mi mjed kyang / /gzhan gyi sdug bsngal dag gis sdug bsngal 'gyur/ /gzhan bden ni byang chub sems dpa' dga'//zhes gsungs pa dang / dpal rdo rje mkha' 'gro'i rgyud dang / dpal mchog dang po las kyang / ji srid 'khor ba'i gnas su ni/ /mkhas mchog gnas par gyur pa na/ /de srid mtshungs med sems can don/ /mya ngan mi 'da' byed par nus//zhes gsungs te/ rgyas par mdo sder blta bar bya'o/ /skyes bu dam pa'i rnam par rtog pa brgyad ni kyi hud nam zhig na bdag gi sems can gyi skye ba'i sdug bsngal med par byed nus par 'gyur zhig tu / de bzhin du rgas pa'i sdug bsngal dang / na ba'i sdug bsngal dang / 'chi ba'i sdug bsngal med par byed par 'gyur zhig gu/ sems can ma bsgral ba rnams sgrol bar byed nus par 'gyur/ ma grol ba rnams dang / dbugs ma phyin pa rnams dang / yongs su mya ngan las ma 'das pa rnams nam zhig mya ngan las zlo nus par 'gyur zhig gu snyam pa'i sems skad cig re re la dran pa rgyun chags su bya'o//nang gi thabs la mkhas pa ni gzhan gyi sdug bsngal bdag gir byed pa dang / bdag gi sdug bsngal gyis gzhan gyi sdug bsngal bsal ba dang / bdag gi bde ba dang gzhan gyi sdug bsngal brje ba dang / gzhan gyi sdug bsngal gyis bdag dus rtag tu sdug bsngal gyis gdungs pa ste/ji skad du rig pa mchog gi rgyud chen po las/ byang chub sems dpa' rang gi bde ma chags/ /rang gi sdug bsngal dag gis mi mjed kyang / /gzhan gyi sdug bsngal dag gis sems sdug bsngal/ /gzhan bden ni byang chub sems dpa' dga'//zhes gsungs so/ /gzhan gyi sdig pa bdag gi sdig par byas nas bshags pa dang / gzhan gyi dge ba bdag gi dge bar byas nas yi rang ba dang / bdag gi dge ba gzhan gyi dge bar bsngos nas yi rang ba dang / gzhan gyi dge ba bdag gi dge bar byas nas yongs su bsngo ba'o//phyi'i thabs la mkhas pa ni bsdu ba'i dngos po bzhi dang / rig pa'i gnas lnga dang / mkhas pa bcu dang / pha rol tu phyin pa drug dang / tshad med pa bzhi la sogs pas sems can ma lus pa smin par byed de/ rjes su gzung ba dang / tshar bcad pa dang /brid pa dang / bsdigs pa dang / rtsigs la dbab pa dang / rngan pas brngan pa'o/ /'phags pa rdo rje rgyal mtshan gyi bsngo ba bcu pa dang / bzang po spyod pa dang / slob dpon klu sgrub kyis mdzad pa'i smon lam nyi shu pa dang / ba tshwa chu klung nas byung ba'i tshigs su bcad pa bcu gcig pa la sogs pas sems can mi gtong bar bya'o//'phags pa 'od srungs kyis zhus pa las/ srog gi phyir yang brdzun mi smra ba dang / sems can la g.yo sgyu med pa'i lhag pa'i bsam pas gnas par bya ba dang / sems bskyed pa'i gang zag la ston pa'i 'du shes bskyed pa dang /sems can gang dag smin par byed pa de dag thams cad bla na med pa'i byang chub chen por smin par byed kyi nyan thos dang rang sangs rgyas kyi sa ma yin pa'o/ /de bzhin du 'phags pa spyan ras gzigs dbang phyug gis zhus pa las kyang / rigs kyi bu sems bskyed ma thag pa'i byang chub sems dpa' chos bdun la bslab par bya ste/rnam par rtog pas kyang 'dod pa la spyad par mi byan dbang po gnyis kyis gnyis sbyor ba lta smos kyang ci dgos/ tha na rmi lam du yang mi dge ba'i bshes gnyen bsten par mi bya ba dang / bya dang 'dra bar sems kyis yongs su 'dzin pa med par bya ba dang / thabs dang shes rab la mkhas pas nga rgyal dang nga yir 'dzin pa med par bya ba dang / dngos po dang dngos po med par spangs nas stong pa nyid kyi ting nge 'dzin brtan por bsgom pa dang / yang dag pa ma yin pa'i kun tu rtog pa zhi bas 'khor ba la dga' bar mi byed pa ste/ mdor na dran pa dang shes bzhin dang tshul bzhin du sems pa dang /bag yod pa dang mi 'bral ba ste/ shes bzhin med pa'i skyon chags pas/ /ltung ba'i rnyog dang bcas par 'gyur/ /glo rdol bum pa'i chu bzhin du/ /dran pa la ni de mi gnas/ /yang / dran pa dang ni shes bzhin dang / /tshul bzhin du ni sems pa dang //bag yod pa dang ma bral zhing / /zhes slob dpon shAn+ta de bas gsungs so/ /sems kyi skad cig re re la mi brjed par bya zhing / dran pa rgyun chags su byas pas byang chub kyi sems yongs su gzung bar bya'o/ /gal te de ltar ma byas na//sdug bsngal mgon med gyur pa la/ /ser snas chos nor mi ster dang / /chos 'dod pa la sbyin mi byed/ /nad pa'i rim gro bya ba spong / /dgos pa'i don du 'gro mi byed/ /sems can don la bya ba chung / /zhes pa'i pham pa dang nyes byas 'byung ngo / /byang chub kyi sems yongs su bsrung ba ni sems brjed par byed pa dang /nyams par byed pa dang / gtong bar byed pa las bsrung ste/ 'phags pa 'od srungs kyis zhus pa las/ gzhan 'gyod pa med pa la 'gyod pa bskyed pa dang / mkhan po dang slob dpon dang sbyin gnas slu ba dang / sems can la g.yo dang sgyu dang longs spyod kyi lhag pa'i bsam pas ma yin pa dang /sems bskyed pa'i gang zag la tshigs su bcad pa ma yin pas brjod pa'o zhes gsungs so/ /'phags pa bsod nams thams cad sdud pa'i ting nge 'dzin las 'di skad du/ sred med kyi bu chos bzhis byang chub kyi sems brjed par 'gyur te/lhag pa'i nga rgyal dang / chos la ma gus pa dang / dge ba'i bshes gnyen la khyad du gsod pa dang / log pa'i tshig smra ba'o/ /yang bzhi ste/ nyan thos dang rang sangs rgyas dang 'dris par byed pa dang / theg pa dman pa la mos pa dang / byang chub sems dpa' la sdang zhing skur ba 'debs pa dang /chos la dpe mkhyud byed pa'o / /yang bzhi ste/ sgyu byed pa dang / g.yo byed pa dang / bla ma la lce gnyis byed pa dang / rnyed pa dang bkur sti la lhag par zhen pa'o/ /yang bzhi ste/ bdud kyi las ma rtogs pa dang / las kyi sgrib pas bsgribs pa dang /lhag pa'i bsam pa stobs chung ba dang / thabs dang shes rab med pa ste/ de dag gis byang chub kyi sems brjed par 'gyur ro zhes gsungs so/ /klu'i rgyal po rgya mtshos zhus pa las/ klu'i rgyal po thams cad mkhyen pa'i ye shes de ni lam log pa dang lam ngan pa nyi shu rtsa gnyis dang bral ba yin te/nyan thos kyi sems dang ma bral ba dang / rang sangs rgyas kyi sems dang ma bral ba dang / nga rgyal dang lhag pa'i nga rgyal dang / g.yo sgyu dang / rgyang pan pa'i gsang tshig dang / log par zhugs pa dang / skye bas skrag pa dang /khengs pa dang / rtsod pa dang / 'dod chags dang / zhe sdang dang / gti mug dang / las kyi sgrib pa dang / chos kyi sgrib pa dang / bdag la bstod cing gzhan la smod pa dang / chos la dpe mkhyud byed pa dang / brjed ngas pa dang / sdig pa'i grogs po dang / bla ma la 'khu ba dang /pha rol tu phyin pa drug dang mi mthun pa dang / chad pa dang / rtag pa dang / thabs mi mkhas pas bsdu ba bzhi dang / sdig pa thams cad dang ma bral ba ste/ de dag gis byang chub kyi sems brjed par 'gyur ro zhes gsungs so/ /sdong po bkod pa las kyang / kye rgyal ba'i sras dag byang chub sems dpa' nang phan tshun ngan sems bskyed pa'i kha na ma tho ba'i las las che ba ni ma mthong ngo zhes gsungs so//de bzhin du dad pa'i stobs bskyed pa la sogs pa'i mdo las rgyas par gsungs pas mdo sder blta bar bya'o / /ltung ba 'byung ba'i rgyu ni rigs med pa dang /snying rje chung ba dang / 'khor ba'i sdug bsngal gyis mi 'jigs pa dang / sdig pa'i grogs pos zin pa dang / byang chub chen po thag ring bar sems pa dang / bdud kyis byin gyis brlabs pa dang / theg pa dman pa'i gang zag bsten pa dang / theg pa chung ngu'i gzhung la brtson pa dang /sems can blos btang ba dang / byang chub sems dpa' la tshig ngan brjod cing ngan sems bskyed pa dang / byang chub kyi sems dang mi mthun pa'i phyogs mi spong ba dang / gzhan yang mi shes pa dang / bag med pa dang / ma gus pa dang / nyon mongs pa mang ba'o//btang ba'i nyes dmigs ni stong gsum gyi stong chen po'i sems can dgra bcom par gyur la/ de dag thams cad la gsad pa dang / mtshams med pa lnga byas pas 'di sdig pa shin tu che ba yin no/ /gzhan yang nam mkha' mtha' khyab kyi rdul phra rab kyi grangs ni sangs rgyas kyis mkhyen gyi/'di'i sdig pa'i tshad ni 'di tsam zhes sangs rgyas kyis mkhyen par mi spyod do/ /'di'i don rgyas par mdo sde dang / spyod pa la 'jug pa la sogs par blta bar bya'o/ /gzhan sems bskyed pa la rjes su yi rang ba'i phan yon ni/ yum brgyad stong pa las/ 'jig rten gyi khams thams cad srang la gzhal ba'i grangs ni shes par rung gi /gzhan bskyed du bcug pa'i phan yon ni theg pa chen po'i mdo sde dang / spyod pa la 'jug pa la sogs par blta bar bya'o/ /phyogs bcu'i sangs rgyas dang byang chub sems dpa' rnams kyis mkhyen par mi spyod do//gzhan byang chub kyi sems bskyed pa la rjes su yi rang ba byas pa'i bsod nams kyi phung po tshad ni shes par mi nus so zhes gsungs te rgyas par mdo sder blta bar bya'o/ /gzhan sems bskyed pa'i bar chad byas pa'i nyes dmigs ni 'phags pa dge ba'i rtsa ba yongs su 'dzin pa'i mdo las/sha ra dwa ti'i bu gang sems bskyed pa la bar chad bya bar 'dod dam/ bar chad byed pa de ni shar dwa ti'i bu mya ngan las 'das par 'gyur ba'i skal ba med do zhes gsungs pa dang / yang stong gsum gang gA'i klung gi bye ma snyed kyi dgra bcom pa bsad pa dang /mtshams med pa lnga byed pa bas sdig pa che zhes 'phags pa brgyad stong pa las gsungs so/ /spyod pa las 'jug pa las kyang / gang zhig byang chub sems bskyed pa'i/ /bsod nams bar chad gegs byed pa/ /sems can don la dman gyur pas/ /de yi ngan 'gro mu mtha' med//ces gsungs te/ rgyas par mdo sder blta'o/ /byang chub kyi sems spel ba de ni sems de nyid byang chub kyi sems rnam pa gsum du spel te/ byang chub kyi sems sdom pa'i tshul khrims dang / byang chub kyi sems dge ba chos sdud pa'i tshul khrims dang / byang chub kyi sems sems can gyi don byed pa'i tshul khrims te/dper na yar ngo'i zla ba rim gyis 'phel ba bzhin du sems 'di yang 'phel bar 'gyur te/ de yang / yangs shing rgya che dag pa dang / /phan pa rgya chen byed pa dang / /dge ba nyid kyis lhag pas na/ /bsam pa dag pa lhag bsam yin/ /zhes mdo sde'i rgyan du gsungs so//lhag pa'i bsam pa zla ba tshes pa lta bu ste/ 'jug pa byang chub kyi sems zhes kyang bya'o/ /byang chub sems dpa'i tshul khrims kyi le'u las/ tshul khrims rnam pa gsum ste/ rang bzhin gyi tshul khrims dang / goms pa'i tshul khrims dang / yang dag par blang ba'i tshul khrims so//de la rang bzhin gyi tshul khrims ni/ sems can thams cad rigs gcig yin pa dang / de bzhin gshegs pa'i snying po can yin pa dang / theg pa chen po'i rigs can yin pa ste/ bsgrubs na 'grub pa'i skal ba can yin yang nyes pa rnam pa bzhis bkab nas 'dug pa yin te/mdo sde'i rgyan las/ nyon mongs goms dang grogs ngan dang / /phongs dang gzhan gyis dbang byas dang / /mdor na rigs kyi nyes pa ni/ /rnam pa bzhir ni yang dag brjod/ /ces gsungs pas rigs can gyi gang zag de ni rang bzhin gyis snying rje che ba dang /rang bzhin gyis pha rol tu phyin pa'i yon tan rgyud la tshang bar ldan pas rang bzhin gyi tshul khrims can zhes bya'o/ /goms pa'i tshul khrims ni rnam pa gsum ste/ skye ba snga ma phan chad la theg pa chen po la goms pa cher byas pa dang / goms pa 'bring du byas pa dang / skye ba dpag tu med pa nas goms par byas pa ste/ de bas na byams pa'i zhal nas/ sangs rgyas rnams la bkur sti byas/ /de la dge ba'i rtsa ba bskyed/ /dge ba'i bshes kyis mgon byas pa/ /'di mnyan pa yi snod yin no/ /sangs rgyas bsnyen bkur yang dag zhugs/ /sbyin dang tshul khrims sogs spyad pas//snod du dam pa rnams kyis shes/ /zhes gsungs so/ /de la yang dag par blangs pa'i tshul khrims ni/ slob dpon gyis brtag pa gsum gyis legs par brtags nas snod kyi rim pa bzhin du tshul khrims sbyin par bya ste/ sngar brjod pa'i gang zag dang /de'i so sor thar pa'i pham pa bzhi 'khor dang bcas pa dang / theg pa chen po'i pham pa dang 'dra ba bzhi dang / nyes byas bzhi bcu rtsa drug sbyin par bya'o/ /gang zag 'bring po de la ni gang zag 'bring po de'i sdom pa sbyin par bya ste/ de'i steng du 'phags pa nam mkha'i snying po la sogs pa'i rtsa ba'i ltung ba bco brgyad dang /slob dpon shAn+ta de bas gsungs pa'i gnod pa bcu bzhi po sbyin par bya'o/ /gang zag gsum pa de la ni de dag gi steng du 'phags pa mdo sde bdun brgya pa las gsungs pa'i tshul khrims bzhi brgya pa dang theg pa chen po'i mdo sde las gsungs pa'i tshogs kyi lam pa'i byang chub sems dpa'i bslab pa mtha' dag bsrung bar bya ste/tshogs kyi lam pa la ni sdom pa'i tshul khrims gtso bo yin no/ /sbyor ba'i lam pa la ni dge ba chos sdud pa'i tshul khrims gtso bo yin no/ /'jig rten las 'das pa'i lam pa la ni sems can don byed pa'i tshul khrims gtso bo yin no//gang zag gcig gi rgyud la rtsis na tshogs lam chung ngu'i dus su gang zag dang po'i bslab pa la brtson par bya'o/ /tshogs lam 'bring gi dus su gang zag 'bring po'i bslab pa la brtson par bya'o/ / gang zag gsum pas ni gsum pa'i bslab pa la brtson par bya'o/ /sngar bshad pa'i goms pa'i tshul khrims la dgongs nas 'phags pa dang bsgom pa'i mdo las/ theg pa chen po la dad pa'i bag chags byang chub sems dpa'i rjes su 'brang ba de ni 'di ltar rjes su 'brang ste/de 'gro'am/ 'dug gam/ nyal lam/ gnyid log gam/ ra ro'am/ myos kyang rung ste/ rtag tu theg pa chen po la dad par 'gyur ro/ /byang chub sems dpa' de tshe brjes su zin kyang tshe rabs gzhan du theg pa chen po la dad pas byang chub kyi sems brjed du zin yang skye ba de dag tu dman pa dang /skal pa dman pa'i sems su mi 'gyur zhing / sdig pa'i grogs po dang / nyan thos dang rang sangs rgyas dang 'dre bas kyang 'phrogs par mi 'gyur na/ gzhan mu stegs can gyis 'phrogs par ga la 'gyur/ theg pa chen po'i phyir theg pa chen po la dad pa'i rkyen chung ngu zhig rnyed pas kyang myur bar shas che ba dang /rgyun gyis theg pa chen po'i phyir theg pa chen po la dad par byed do/ /de'i phyir theg pa chen po la dad pa'i bag chags rjes su 'dren pa de yang tshe rabs su rnam par 'phel te/ bla na med pa yang dag par rdzogs pa'i byang chub kyi bar du 'gyur ro zhes gsungs so//de la byang chub kyi sems kyi phan yon ni rnam pa gnyis te/ smon pa'i phan yon dang / 'jug pa'i phan yon no/ /smon pa'i phan yon ni dpag tu med de/ mdor bsdus na 'jig rten du dkon mchog gsum gyi gdung rgyun mi 'chad par byed pa dang /dkar po'i chos thams cad kyi rgyu'am sa bon yin pa dang / sdig pa 'joms pa dang / ltung ba las ldang ba dang / mi ma yin pa dang / rims dang / bar du gcod pa thams cad med par byed pa la sogs pa'o/ /'phags pa dge ba'i rtsa ba yongs su 'dzin pa'i mdo las/sha ra dwa ti'i bu dang po sems bskyed pa'i bsod nams kyi phung po ni ngan ngon tsam dang cung zad tsam ma yin te/ 'di ltar bskal pa brgya'am/ bskal pa stong ngam/ bskal pa 'bum gyis kyang brjod par mi nus na/ byang chub sems dpa' rnams kyis sems bskyed pa'i bsod nams kyi tshad shes par lta ga la 'gyur zhes gsungs so//yum brgyad stong pa las kyang / dmigs pa can gang zhig gis bskal pa gang gA'i klung gi bye ma snyed du dge ba'i rtsa ba byas pa bas gzhan 'ga' zhig gis nyi ma gcig gam/ nyi ma phyed dam/ se gol gtogs pa gcig tu byang chub tu sems bskyed na bsod nams che'o zhes gsungs so//spyod 'jug las kyang / byang chub sems bskyed gyur na skad cig gis/ /'khor ba'i btson rar bsdams pa'i nyam thag rnams/ /bde gshegs rnams kyi sras zhes brjod bya zhing / /'jig rten lha mir bcas pa'i phyag byar 'gyur//gser 'gyur rtsi yi rnam pa mchog lta bur/ /mi gtsang lus 'di blangs nas rgyal ba'i sku/ /rin chen rin thang med par bsgyur bas na/ /rin chen byang chub sems legs brtan par zung / /zhes bya ba la sogs pa gsungs so/ /'jug pa'i phan yon yang spyod 'jug las/byang chub smon pa'i sems las ni/ /'khor tshe 'bras bu che 'byung yang / /ji ltar 'jug pa'i sems bzhin du/ /bsod nams rgyun chags 'byung ba min/ /zhes pa dang / yang / deng nas bzung ste gnyid log gam/ /bag med gyur kyang bsod nams shugs//rgyun mi 'chad par du ma zhig /nam mkha' mnyam pa rab tu 'byung / /zhes gsungs te/ byang chub sems dpa'i sa la sogs pa dang / rgyas par mdo sder blta bar bya'o/ /sangs rgyas dang byang chub sems dpa' rnams la ni sems can 'khor ba las gdon pa ma yin pa phrin las gzhan ci yang mi mnga' ste/'phags pa klu sgrub kyi zhal nas/ gzhan don phun sum tshogs pa ni/ /'bras bu'i gtso bo yin par 'dod/ /sangs rgyas mnyes sogs de las gzhan/ /de dag don gyi 'bras bur bzhed//ces gsungs pa yin no/ /de bas na sangs rgyas kyi sku dang / ye shes dang / yon tan dang / phrin las rnams ni gzhan don 'ba' zhig mdzad pa nyid las grub pa yin no/ /'di ltar bcom ldan 'das shAkya'i mgon pos kyang sngon bskal pa brjod du med pa'i pha rol tu de bzhin gshegs pa dgra bcom pa yang dag par rdzogs pa'i sangs rgyas dbang po'i tog ces bya bar sangs rgyas nas/da ltar yang sangs rgyas pa dang / 'phags pa spyan ras gzigs dbang phyug kyang bskal pa grangs med pa'i pha rol tu de bzhin gshegs pa dgra bcom pa yang dag par rdzogs pa'i sangs rgyas chos kyi rgyal mtshan zhes bya bar mngon par rdzogs par sangs rgyas nas da yang bde ba can du bcom ldan 'das snang ba mtha' yas srod la mya ngan las 'das pa'i tho rangs spyan ras gzigs 'tshang rgya bar 'gyur zhes dang /rje btsun phyag na rdo rje yang sngon bskal pa gang gA'i klung gi bye ma snyed dgu bcu rtsa gnyis kyi pha rol tu de bzhin gshegs pa ye shes sgron ma zhes bya bar sangs rgyas nas/da yang bskal pa bzang po 'di nyid kyi rjes la de bzhin gshegs pa rdo rje rtsal gyis 'gro bar 'tshang rgya bar 'gyur ro zhes gsungs so//'di ltar 'khor ba la thog ma dang tha ma med pas 'phags pa 'jam dpal la yang thog ma med de/ dang po'i sangs rgyas yin no/ /dus gsum gyi sangs rgyas ma lus pa'i thugs ye shes yin no/ /sangs rgyas thams cad rigs drug tu 'dus la/ rigs drug gi thugs ka na rdo rje rnon po la sogs pa ye shes sems dpa' bzhugs pa dang / dpal gsang ba 'dus pa'i rgyud kyi lha rnams kyi gtso bo 'jam pa'i rdo rje kun du bzang po dang / 'jam dpal gshin rje gshed kyi 'khor lo'i gtso bo mdzad pa dang / dpal rdo rje 'jigs byed he ru kar snang ba dang /dpal bde mchog gi bshad rgyud a b+hi d+ha na'i lha'i 'khor lo'i gtso bo mdzad pa dang / seng ge sgra dang / ku mu ta dang / khye'u bzang dang / 'jam dpal tshig sbyin gzhon nu la sogs pa gdul bya ji ltar mos par snang ba yin no/ /da yang shar phyogs su 'tshang rgya bar 'gyur bar 'jam dpal gyi zhing gi bkod pa'i mdo las gsungs so//sangs rgyas dang byang chub sems dpa' rnams kyis sems can ma btang bas 'khor ba ma stongs kyi bar du sku dang gsung dang thugs kyi phrin las dang / phrin las nyi shu rtsa bdun dang / phrin las sum cu rtsa lnga dang /cho 'phrul chen po gsum la sogs pa rgyun mi 'chad pa 'khor ba nas 'dren par mdzad kyang 'khor ba'i sems can zad par mi 'gyur te/ 'khor ba la thog mtha' med pa'i phyir ro/ /don 'di gsal bar mdzad pa'i phyir 'phags pa spyan ras gzigs dbang phyug gis sems can rnams 'khor ba nas 'dren par thugs dam bcas pa las/sems can gyi khams la gzigs pas dbugs pa'i dus su bcom ldan 'das snang ba mtha' yas dbu la bzhugs pa yin no/ /sangs rgyas dang byang chub sems dpa' thams cad kyis sems can thams cad kyi ched du dka' ba dpag tu med pa sku nyams su bzhes pa yin te/'di ltar bcom ldan 'das shAkya thub pas kyang bskal pa grangs med pa gsum du skyes pa'i rabs de dang de dag tu gtong ba dang / gtong ba chen po dang / shin tu gtong ba'i sbyin pa dang / tshul khrims dang /bzod pa dang / brtson 'grus dang / bsam gtan rnams sems can gyi ched du bya dka' ba dpag tu med pa sku nyams su bzhes pa'i phyir ro/ /ba tshwa chu klung gi mdo las ji skad du/ chung ma rnams dang bu tsha rgyal srid dbang phyug chen po dang / /sha rnams dang ni khrag dang tshil dang lus dang mig /pha rol dga' ba'i dbang du byas nas ngas ni gtang ba yin/ /gang gi sems can rnams la phan na nga la mchod mchog yin/ /sems can rnams la gnod pa byas na nga la gnod pa byas/ /zhes bya ba la sogs pa sh+lo ka bcu gcig gsungs so//dus deng sang yang 'dzam bu'i gling 'dir slob dpon klu sgrub kyis dbu btang ba dang / slob dpon Ar+ya de bas spyan btang ba dang / slob dpon ma ti tsi tra rta dbyangs kyis stag mo la sku btang ba dang / bdag gi bla ma bram ze chen po dze tA ri dgra las rgyal bas stag mo la rkang pa bcag nas byin pas dus de nyid du 'das so//skyes bu de dag ni byams pa dang snying rjes rgyud brlan pa'i byang chub kyi sems sbyong bar mdzad pa yin no/ /byang chub sems dpa' rab ni sbyor ba'i lam la byang chub kyi sems gsha' ma skye ste/ ji skad du/ byang chub sems dpa'i sa las/mos pa spyod pa'i sa la dge ba'i rtsa ba bstan pa gcig la byang chub kyi sems skye'o zhes gsungs so/ /de bas na byang chub sems dpa' gzhan gces par bya dgongs pa yin pas na bdag dang gzhan brje bas byang chub kyi sems sbyang bar bya'o/ /bdag sngon so ma pu ri'i nags gseb na 'dug pa na/'jig rten dbang phyug gis zhal mngon sum du bstan nas rigs kyi bu myur du 'tshang rgya bar 'gyur ba dang / gzhan gyi don 'dod na byang chub kyi sems sbyang ba dang / spel ba la brtson 'grus kyis shig ces gsungs nas mi snang bar gyur to//yang rdo rje'i gdan la bskor ba byed tsa na/ rje btsun ma sgrol ma dang / rje btsun ma khro gnyer can gyi zhal nas myur du 'tshang rgya bar 'dod pas byang chub kyi sems la 'bad par bya'o zhes gsungs so/ /yang rdo rje gdan na 'dug pa'i dus skar khung nas b+ha dan ta khyod byang chub kyi sems sbyang bar 'dod na byams pa dang snying rje goms par gyis shig ces gsung /yang rje btsun gser gling pa'i zhal nas/ tshe dang ldan pa byams pa dang snying rje las byung ba'i byang chub kyi sems sbyongs shig /de ma sbyangs na b+haM ga la'i rnal 'byor pa ltar mi 'grub bo/ /byang chub kyi sems ni theg pa chen po'i chos ma lus pa'i rtsa bar gyur pa/rgyur gyur pa/ sa bon du gyur pa yin te/ dpal rnam par snang mdzad mngon par byang chub pa las/ thams cad mkhyen pa'i rgyu ni byang chub kyi sems so/ /rtsa ba ni snying rje chen po'o zhes gsungs pas sems kyi skad cig re re la dran pa dang /shes bzhin gyis byams pa dang snying rje byang chub kyi sems rgyun mi 'chad par bskyed par bya'o/ /rgyud de las 'di skad du gsungs te/ nyams na gsor mi rung ba'i chos bzhi ste/ byang chub kyi sems gtong ba dang / sems can la gnod pa byed pa dang / de'i chos spong ba dang / ser sna byed pa'o//de la byang chub kyi sems ma nyams na gsum po gsor rung la/ de nyams na gsum po ma nyams kyang sor mi chud do / /de bas na skye ba'i rgyu la mkhas par bya/ gzung ba dang / bsgrub pa dang / sbyang ba dang / spel ba la shin tu brtan par bya'o/ /'di'i don rgyas par 'phags pa byams pa 'jug pa'i mdo dang /klu'i rgyal po rgya mtshos zhus pa dang / bsod nams thams cad sdud pa'i mdo dang / nam mkha' mdzod kyis zhus pa la sogs pa'i mdo las blta bar bya'o/ /dang po khas blangs pa'i tshul khrims gsum po mig gi 'bras bu bzhin du srungs shig /tshul khrims g.yag gi rnga ma bzhin srungs shig /rgyu dang 'bras bu shes nas de chud gsan par mi bya/ nges par myur du 'chi bar 'gyur te/ 'dzam bu'i gling pa'i tshe la nges pa med pa dang / da lta tshe'i snyigs ma yin pas yun ring du gnas pa'i mthu med de 'chi ba rjes su dran par bya/phyi nang thams cad mi rtag pa gsum gyis zin pas nges par myur du med par 'gyur ro snyam pa dang / sdig pa dang ltung ba thams cad stobs bzhis sbyang bar bya / gzhan yang byang chub kyi sems bskyed na 'dag ste/ nyan thos rnams kyang gnod las log /theg pa che la zhugs pa yis//sems can rnams la bu bzhin byams/ /byams dang snying rje bskyed pa yis/ /sngar byas nyes pa de yis 'dag /ces slob dpon klu sgrub kyis gsungs so/ /gzungs khyad par can bzlas pa dang / ltung bshags dang / las kyi sgrib pa rgyun gcod pa dang /phung po gsum pa'i mdo la sogs pas 'dag go/ /yang ltung ba dang sdig pa nyid ma skyes par shes na 'dag par mdo las gsungs/ chos thams cad mnyam pa nyid du shes na 'dag pas mnyam par lta dgos te/ sems can la brten nas sangs rgyas 'byung bas sems can gtso bor bya'o//dbu ma rtog ge 'bar ba las 'di skad du/ 'bras bu la re ba'i zhags pas bcings pa rnams ni sbyin pa'i zhing 'dam par byed cing tshol te/ gzhan dag bkres pa dang skom pa la sogs sdug bsngal zhi bar bya ba'i phyir snod ma brtsis par byin na chos mnyam pa nyid rtogs par 'gyur te/ji skad du/ mdo las gzhan du chos gcig gis byang chub sems dpa' myur du mngon par rdzogs par 'tshang rgya ste/ sems can thams cad la sems mnyam zhing snyoms la bye brag mi phyed pa'o/ /dkon mchog gsum ni bdag gi yon tan gyi zhing yin gyi/dud 'gro la sogs pa ni ma yin no snyam na byang chub sems dpa' des chos nyid mnyam pa nyid du rtogs par mi 'gyur ro/ /de bas na dkon mchog gsum dang / bla ma ni sbyin gnas kyi zhing bzang po yin la/ dud 'gro la sogs pa ni ma yin te/ zhing tshwa sgo can la sa bon btab pa dang 'dra'o zhes sems na byang chub sems dpa'i chos su mi 'gyur ro zhes gsungs pas byang chub sems dpa' lhag pa'i bsam pa brtan pa/snying rjes rgyun brlan pa rnams kyis sbyin pa'i zhing bdam par mi bya zhes rtog ge 'bar bar gsungs so/ /slob dpon 'phags pa klu sgrub kyis ba tshwa chu klung nas phyung ba'i sems can mgu bar bya ba'i tshigs su bcad par yang gsungs so//theg pa chen po'i mdo sde gzhan las kyang gsungs so/ /rgyal po in+d+ra b+hU ti'i zhal nas/ lus can kun la mnyam nyid kyi / /yang dag sems ni bskyed par bya//gang yang mi mnyam nyid gnas na/ /thog ma dbus mtha' las grol ba'i/ /ye shes de ni skye mi 'gyur/ /zhes gsungs so/ /dbang po rtul po las dang po pa gsar bu blo ma sbyangs pa snying rje ma goms pa snying rje chung ba rnams kyis ni zhing bdam par bya ste/ mdo sde dang /rgyud sde dang / chos bshad pa rgyas pa la sogs pa las 'gyur gsungs so/ /las dang po pa des mnyam par ma bzhag pa na spyod lam thams cad dran pa dang shes bzhin gyis zin par bya/ tha mal ba'i skye bo dang se gol gtogs pa tsam yang lhan cig tu gnas par mi bya/bre mo'i gtam yang spang / yi dags la rgyun du gtor ma gtang / shes rab kyi pha rol tu phyin pa bklags pa dang kha ton bya/ mngon par shes pa ma thob kyi bar du chos bshad pa mi bya/ stong par gnas dang sems can yongs su mi gtong dang / /ji skad smras bzhin byed dang bde gshegs byin rlabs can//zhes pa'i yon tan de lta bu dang ldan par bya/ rmi lam gyi sems kyi gnas skabs na yang snying rjes ma bral bar bya/ 'phral gyi spyod lam thams cad 'phags pa dkon mchog sprin las gsungs pa bzhin bya/ ci nas kyang pha rol mgu bar bya/'dod pa chung ba dang / chog shes pa dang / zhi ba dang / dul bar bya/ 'jig rten gyi chos brgyad mgo mnan par bya/ dge ba bcu stobs dang ldan par bya/ dngos po thams cad la ma chags pa dang / zhen pa chung bar bya/ chos thams cad mnyam pa nyid dang / nyon mongs pa dang nye ba'i nyon mongs pa'i gnyen por 'gyur bar bya/ pha rol sdug bsngal ba mthong na de rab tu byung ba yin na 'tsho ba'i yo byad ma yin pa gtang bar bya/ khyim pa yin na yo byad la chags pa med par gtang bar bya/ bdag gi lus dang longs spyod dang / /dus gsum dge ba skyes pa rnams//sems can kun gyi longs spyod phyir/ phongs pa med par gtang bar bya/ /bla ma rje btsun a wa d+hU tI pa'i zhal nas/ rang skyon rtog la mig rnon bzhin/ /gzhan skyon rtog la long ba bzhin/ /drang dang nga rgyal med pa dang / /rtag tu stong nyid bsgom par bya/ / snying rje dngos dang brgyud pa yi / /bdag dang gzhan rnams brje bar bya/ /gang phyir rang bas sems can gces/ /zhes bla ma na ro pa'i zhal nas gsungs skad/ byang chub sems dpa' rang bas gzhan gces par bya dgos pas bdag dang gzhan brje bar bya'o/ /byams pa dang snying rje byang chub kyi sems ni gsang sngags kyi yang gnad yin te/rtsa ba'i ltung ba bcu bzhi pa las/ /sems can rnams la byams pa spong / /bzhi pa yin par rgyal bas gsungs/ /chos kyi rtsa ba byang chub sems/ /de spong ba ni lnga pa yin/ /zhes gsungs so//gzhan mi smod pa dang / gzhan gyi sdig rkyen mi bya bar dpag tshad brgyar 'gro bar bya'o/ /rab tu byung ba'i byang chub sems dpa' yis/ /gang na rtsod pa yod pa'i sa phyogs nas/ /dpag tshad brgya yi pha rol 'gro bar bya/ /gal te ma byon byang chub sems dpa' nyams//zhes gsungs so/ /pha rol tu phyin pa drug ci nus kyis spyad/ tshogs lam gyi chos bcu gsum dang / 'phags pa'i nor bdun dang / rjes su dran pa drug dang / bsdu ba'i dngos po bzhi dang / skyes bu dam pa'i rnam par rtog pa bcu drug dran par bya'o/ /khyad par du byang chub sems dpa'i rnam par rtog pa brgyad dran par bya'o//'phags pa klu sgrub kyi zhal nas 'khor ba'i nyes dmigs bdun gsungs pa dang / 'phags pa thogs med kyis 'khor ba'i nyes dmigs mi rtag pa bdun gsungs pa yang dran par bya'o/ /'dod yon lnga'i nyes dmigs shes par bya zhing gnyen po bsten/chos ma yin pa ci yang mi bya/ byams pa dang snying rje rjes su dran pa dngos dang brgyud pas sems can gyi don bya/ e ma ho nam zhig na 'di rnams 'khor ba nas thon par bya/ kyi hud 'di rnams ji ltar byas na snyam pa yang dang yang du dran par bya'o//sangs rgyas theg pa 'di la nges par 'byung 'dod gang / /sems can kun la sems snyoms pha ma'i 'du shes dang / /phan pa'i sems dang byams pa'i yid kyis gnas par bya/ /tha ba med cing drang la tshig 'jam smra bar bya/ /zhes gsungs pa ltar bya/ dge ba phra mo yang myur du ma bsngos na sog ma med dang 'brog gnas kyi gtam rgyud dang 'dra'o//de ltar gus pa dang yun ring ba dang rgyun mi 'chad par byang chub sems dpa' des mnyam par ma bzhag pa'i dus su yang ji skad bshad pa'i chos de rnams nyams su blangs nas/ mnyam par gzhag pa'i dus su sngar bshad pa'i nam mkha' rdo rje'i ting nge 'dzin bsgom zhing /don dam pa byang chub kyi sems cung zhig gsal ba na rang gi lus yod par mi tshor ba dang / nyon mongs pa rnams kyang cung zad zhi ba dang / 'jig rten pa'i bya ba dang / tha snyad rnams 'ol phyir brjod pa dang / phyi nang gi dngos po kun yang ban bun dang /lang long du mthong ba dang / gzugs phra ba dang / rig pa yang ba dang / khyab pa dang / 'jam pa dang / yang ba dang / dga' ba dang / nyams bde ba 'byung ngo / /gzhan yang 'phags pa sdud pa las gsungs pa'i rtags kyang skye ste/ tha dad 'du shes bral zhing rigs pa ldan tshig smra/ /zhes pa la sogs pa'i tshig rkang pa nyi shu rtsa bzhi gsungs so/ /dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dad pa dang / brtson 'grus dang / dran pa dang / ting nge 'dzin dang /shes rab rnams bsgoms pas tshogs kyi lam la gnas pa dang / las dang po pa'i sa dang / dad pa'i sa la gnas pa dang / thar pa'i cha dang mthun pa'i dge ba'i rtsa ba rnams bskyed pa yin no/ /de nas nges par 'byed pa'i cha dang mthun pa'i dge ba rnams bskyed par bya ba'i phyir ji skad bshad pa bzhin du gus pa dang /yun ring ba dang / rgyun mi 'chad par 'bad pa dang / rim gyis dbang po lnga dang / stobs lnga dang / snang ba thob pa dang / snang ba mched pa dang / de kho na'i don la phyogs gcig tu zhugs pa dang / bar chad med pa'i ting nge 'dzin thob pa dang /don dam pa'i bden pa rtogs par gyur pa nas sa dang po rab tu dga' ba thob pa yin no/ /dus der bzod pa bzhi dang / mnyam pa nyid bzhi yang skye'o/ /de nas pha rol tu phyin pa bcu rdzogs pa dang / dbang bcu dang / snang ba brgyad dang / rgyan bzhi dang / snying rje bcu drug la sogs pa thob pa yin te/sa'i rnam par gzhag pa ni mdo sde sa bcu par gsungs so/ /ji srid sa bcu'i bar du nang du mnyam par gzhag pa dang / de'i rjes la thob pa yin te ji skad du/ 'phags pa rnam par mi rtog pa la 'jug pa'i gzungs las byang chub sems dpa' de nang du mnyam par gzhag pa na chos thams cad nam mkha'i dkyil ltar mthong la/de'i rjes las thob pa na sgyu mi'i dpe brgyad kyi tshul bzhin du mthong ngo zhes gsal por gsungs so/ /gang gi tshe rnam par rtog pa mthar thug pa rdo rje lta bu'i ting nge 'dzin brnyes pa na rjes las thob pa yang mi mnga' ste/chos kyi dbyings su gyur nas chos kyi sku mngon sum du brnyes so/ /dus de nas bzung nas ji srid nam mkha' gnas kyi bar du chos kyi sku bzhugs pas rjes las thob pa yang mi mnga'o/ /gang gis nga la gzugs su mthong / /gang gis nga la sgrar shes pa//log pa'i lam du zhugs pas na/ /skye bo de yis nga mi mthong / /sangs rgyas rnams ni chos kyi sku/ /'dren pa rnams ni chos kyis gzigs/ /zhes gsungs pa dang / dpal rdo rje phreng ba'i rgyud las/ thams cad rnam shes phung por zhugs/ /rnam shes de yang 'od gsal ba'o//mya ngan 'das dang kun stong dang / /chos kyi sku yang gsungs pa yin/ /zhes gsungs pa dang / 'phags pa chos yang dag par sdud pa las kyang / sangs rgyas dngos ni skye ba med pa'o zhes dang / 'phags pa 'jig rten las 'das pa'i le'u las kyang / sangs rgyas rnams ni chos kyi sku//rnam dag nam mkha' lta bu yin/ /zhes dang / phyogs kyi glang po'i zhal snga nas kyang / shes rab pha rol phyin gnyis med/ /ye shes de ni de bzhin gshegs/ /zhes dang / slob dpon nyid kyi zhal snga nas kyang / nam mkha' bzhin du gos pa med//spros pa med cing mi 'gyur ba'i/ /ngo bo gang yin mthong ba ni/ /de yis de bzhin gshegs pa mthong / /'phags pa yon tan rdzogs khyod dang / /'gro ba'i bla ma sangs rgyas la/ /zla ba dang ni 'od zer bzhin/ /mkhas pa rnams kyis dbye ma mthong / /zhes pa dang / yang slob dpon nyid kyi zhal snga nas/ dge chos kun la mi gnas par/ /chos kyi dbyings kyi dngos gyur cing / /mchog tu zab pa'i brnyes pa yi/ /zab mo khyod la phyag 'tshal lo/ /zhes pa dang / yang / chos kyi dbyings dang sangs rgyas rnams/ /des na don du tha mi dad/ / ces dang / yang / skye ba med pa'i ngo bo yis/ /khyod la skye ba yod mi mnga'/ /mgon po gshegs dang bzhugs mi mnga'/ /dngos mi mnga' la phyag 'tshal lo/ /zhes pa dang / yang / sangs rgyas rnams ni dus rtag tu/ /chos nyid 'di lta bu la bzhugs/ / zhes pa la sogs pa mang du gsungs te/ re zhig bzhag go/ /rje btsun Ar+ya de ba'i zhal snga nas/ re zhig dngos 'di nam mkha'i nags tshal las/ /skyes pa'i pad+ma bzhin du dngos med de/ /gnyis ka dag las gzhan pa'ang ri bong rwa bzhin no/ /thar pa'i rnam pa ci 'dra ba zhig yod//ces pa dang / dpal ye shes rdo rje kun las btus pa'i rgyud las kyang / sangs rgyas rnams kyang gang gi tshe gzhan gyi don mi mdzad pa de'i tshe yang dag pa'i mtha' la gnas nas spros pa thams cad nye bar zhi nas bzhugs so zhes gsungs pa dang / slob dpon 'phags pa thogs med kyi zhal snga nas kyang /'di ltar sems can thams cad mngon par rdzogs par sangs rgyas nas chos kyi skur gyur pa de'i tshe sangs rgyas ma lus pa thams cad chos kyi dbyings rnam par dag pa nyid du gyur nas de'i ngang du bzhugs so zhes bsdu ba gtan la dbab par gsungs pas/slob dpon 'di yang dag par na gnyis su med pa'i ye shes kyang mi bzhed la/ rnam par mi rtog pa'i ye shes kyi rjes la thob pa yang mi bzhed de/ sa gsum pa'i dbang phyug brnyes pas chos thams cad skye ba med par thugs su chud pa'i phyir ro/ / don 'di las dgongs nas rdo rje phreng ba'i rgyud las/ 'di ni don dam bden pa ste/ /snang ba med cing mtshan ma med/ /don dam bden pa zhes kyang bya/ /sangs rgyas kun gyi bzhugs gnas yin/ /zhes gsungs so/ /slob dpon zla grags kyi zhal snga nas kyang / chos nyid skye ba med pa ni//thub gnas sangs rgyas yin par gsungs/ /zhes gsungs so/ /thog ma med pa nas dngos po la mngon par zhen pas bden pa gnyis kyi tshul mi shes pa dag na re khyed dbu ma pa ltar gyur na sangs rgyas rnams kyis bskal pa grangs med pa mang por byang chub sems dpar gyur pa na bya dka' ba dpag tu med pa mdzad pa dang /bsod nams kyi tshogs grangs med pa bsags pa la don med cing chos dang dge 'dun yang med par 'gyur ro/ /sems can rnams 'khor ba nas 'don par byed pa med pas sdig pa can gyi lta ba de thag bsrings la bzhag go /'di ni dkar po'i chos kyi lo tog gi ser ba/ phyi rol pa chad par smra ba pas 'di lhags pas 'di lta bu 'di sba zhing gsang bar rigs so/ /dbu ma pas smras pa/ khyod ni blo gros ma sbyangs shing blun pa ste/ mdo sde sprin chen po dang / lang kar gshegs pa dang /rnga bo che'i le'u dang / 'jam dpal rtsa ba'i rgyud chen po rnams su yang dang yang du lung bstan pa'i 'phags pa klu sgrub kyi gzhung la skur pa 'debs pa de dag ni rang phung bar byed do/ /de'i bzhed pa'i gzhung gis sangs rgyas rnams chos skur gyur cing / de'i ye shes kyang rtog pa thams cad spangs nas chos kyi dbyings su gyur pas des na dbyings dang ye shes dang /yul dang yul can med pas rnam par mi rtog pa'i ye shes bya ba de ji lta bu zhig yod/ slob dpon gyi zhal nas kyang / gang phyir 'das pa med pas na/ /de phyir ma 'ongs pa yang med/ / gnas ni yongs su gyur pa'i phyir/ /da ltar byung ba gang na gnas/ /zhes dang / mnyam par gzhag dang ma bzhag pa/ /gang la 'di dag thams cad med/ /dngos dang dngos med rnam sbangs pa/ /zung 'jug yin par ston ngas gsungs/ /zhes gsungs pas rnam par mi rtog pa'i ye shes mi bzhed do//dus de'i tshe rnam par mi rtog pa'i ye shes med pas spros pa ma lus pa zhi ba yin pas rjes las thob pa'i ye shes bya ba ji lta bu zhig yod par 'gyur te med do/ /'phags pa lang kar gshegs pa las/ 'khrul pa thams cad spangs nas kyang / /gal te 'khrul pa snang gyur na//de ni 'khrul pa yang dag ste/ /rab rib yongs su ma dag bzhin/ /zhes gsungs te/ de la rab rib ni gsum ste/ mi mkhas pa rab rib can dang / mkhas pa rab rib can dang / mkhas pa rab rib dngas pa'o/ /sangs rgyas rnams ni rab rib dngas pa yin pas slang yang rab rib snang bar mi 'gyur ro//'o na sangs rgyas la sku dang ye shes dang yon tan dang phrin las kyang mi mnga' 'am zhe na/ smras pa/ rgyu gsum dang rkyen gcig gis gdul bya'i ngo gang la snang ba ste/ gdul bya'i dbye bas sku yang sna tshogs su snang ngo / /ye shes kyang rang 'byung gi ye shes chen po yin te/bla ma a wa d+hU tI pa dang / bla ma tA mra dwI pa'i zhal nas/ ye shes chos kyi dbyings dang tha mi dad/ /chos kyi dbyings la rang 'byung ye shes btags/ /bsam du med cing tshig gi spros dang bral/ /gdul bya'i ngo gang de nyid rnam lngar gsungs/ /zhes slob dpon klu sgrub kyis gsungs zhes gsungs so//de bzhin du stobs bcu la sogs pa dang / cho 'phrul gsum dang / phrin las nyi shu rtsa lnga dang / phrin las sum cu rtsa gnyis rnams gdul bya'i ngo gang la snang ngo / /de bas na slob dpon gyi zhal snga nas/ mgon po sems pa mi mnga' zhing / /rnam rtog g.yo ba mi mnga' yang //khyod nyid dang gis sems can la/ /sangs rgyas phrin las mdzad par 'gyur/ /yang / rnam rtog rlung dmar thams cad kyis/ /dpag bsam shing ltar mi bskyod kyang / /de yang sems can thams cad kyi / /bsam pa yongs su rdzogs par mdzad/ /yang / mgon khyod sems can 'du shes kyi/ /'jug pa kun du mi mnga' yang / /sdug bsngal can gyi sems can la/ /snying rje phan gtong mdzad pa khyod/ /yang / gzhan don phun sum tshogs pa ni/ /'bras bu'i gtso bo yin par bzhed/ /sangs rgyas nyid sogs de las gzhan/ / de dag zhar la 'byung bar bzhed/ /ces gsungs so/ /yang slob dpon Ar+ya de ba'i zhal nas/ bskal pa grangs med mang po ru/ /rtag tu gzhan don 'ba' zhig mdzad/ /mthar thug chos sku brnyes pa na/ /ji srid 'gro ba gnas don du/ /mya ngan mi 'da' gzhan don mdzad/ / de phyir byang chub sems dpa' yis/ /gzhan don ma yin spyad mi bya/ /rang don tsam la 'bad pa ni/ /'gro ba lnga po thams cad spyod/ /rtag tu snying rje gzhan gyi don/ /nyams su len pa'i skyes mchog ni/ /'gro ba'i pha ma dga' dga' na/ /zhes gsungs so/ /sku gsum rnam par gzhag pa ni/slob dpon gyi zhal snga nas gzhan du gsungs pas 'dir bzhag go/ /de ltar chos kyi sku'i byin rlabs las rgyu gsum dang rkyen gcig gis gzugs kyi sku dang zab pa dang rgya che ba'i chos ston te/ sku'i phrin las 'khor ba ma stongs kyi bar du 'byung ngo //don 'di la dgongs nas rgyud las/ bsam pa tha dad mos pa du ma yi/ /sems can dbang gis khyad par mang po 'khrungs/ /gcig na chu yi snod ni du ma ru/ /zla ba'i gzugs brnyan shar ba dag dang mtshungs/ / zhes gsungs pa dang / rje btsun Ar+ya de wa'i zhal snga nas kyang / nor bu shang ka shi la byu ru dang / /bai DUr+ya dang zangs kyi snod rnams bkod pa las/ /de la zla ba gcig ni nam mkha'i dkyil nas ni/ /yongs su gyur nas gzugs ni so sor tha dad snang ba ltar/ /de bzhin mgon po de nyid thugs rdo rje//'gro ba'i tshogs su sna tshogs nyid du khyab nas bzhugs/ /zhes gsungs so/ /bsod nams chung ba dbang po dman pa rnams la sku ye mi snang ngo / /mdo sde'i rgyan las ji skad du/ ji ltar snod chag gyur pa las/ /zla ba'i gzugs brnyan mi snang zhing //de bzhin sems can ngan pa la/ /sangs rgyas gzugs kyang mi snang ngo / /zhes gsungs so/ /de bzhin du gsung de yang gdul bya'i snod dang sbyar nas 'byung ste/ sangs rgyas rnams kyi gdul bya la/ /ji ltar mos pa'i chos gsungs te//kha cig la ni sdig pa las/ /rnam par bzlog pa'i chos gsungs so/ /kha cig na ni rgyu 'bras gnyis/ /chud mi gsan zhes chos gsungs te / /kha cig la ni bden pa gnyis/ /rnam par dbye ba'i chos gsungs so/ /zab mo khu 'phrig can rnams la/ /stong nyid snying rje'i snying po can/ /ji ltar mos pa'i chos gsungs so//zhes slob dpon klu sgrub kyis gsungs pa dang / yang / snod ma dag la mi snang ste/ /tshangs pas gsol ba btab pa na/ /zab mo chags bral bdud rtsi 'dus ma byas/ /bdud rtsi lta bu'i chos gcig bdag gis rnyed/ /su la bstan kyang go bar mi 'gyur te/ /bdag nyid gcig pu nags su bsgom par bya//zhes gsungs so/ /slob dpon gyi zhal snga nas kyang / gang phyir de ltar zab mo'i chos/ /snod min 'gro la mi snang bas/ /de yi phyir na mkhas rnams kyis/ /sangs rgyas thams cad mkhyen par shes/ /zhes gsungs so/ /de'i phyir don 'di 'phags pa gsang ba bsam gyis mi khyab par gsungs so//de'i phyir 'phags pa klu sgrub kyi rjes su 'brang ba'i dbu ma la skyon ci yang med do/ /gang dag gzhung 'di la skur pa 'debs pa de dag ni zab cing rgya che ba'i chos spangs pa'i sems can dmyal ba'i sdug bsngal yun ring por myong bar 'gyur ro//sngon gyi slob dpon rnams kyis phyogs re re mdzad de/ slob dpon phyogs kyi glang po dang / d+harma kIrti la sogs pas tshad ma'i gzhung rgyas par mdzad do/ /slob dpon chos skyob dang / slob dpon sangs rgyas lha dang / dbyig bshes dang / dbyangs sgrogs dang /yid 'ong la sogs pas nyan thos bye brag tu smra ba'i lung rgyas par mdzad do/ /slob dpon dge srungs dang / chos mchog dang / dbyig gnyen snga ma la sogs pas nyan thos mdo sde pa'i gzhung rgyas par mdzad do/ /slob dpon thogs med dang / dbyig gnyen dang /blo brtan dang / shes rab 'byung gnas sbas pa dang / ka ling ka dang / lha dbang blo dang / dge bsnyen btsun pa ngo bo nyid med pa la sogs pas ni rnam bcas rnam med kyi gzhung rgyas par mdzad do/ /slob dpon b+ha bya dang / bud+d+ha pA li ta dang / de ba sharma dang / spyan ras gzigs brtul zhugs dang /shAn+ta rak+Shita dang / ka ma la shI la la sogs pas ni dbu ma'i gzhung rgyas par mdzad do/ /slob dpon tsan+d+ra go mi dang / slob dpon dpa' bo dang / slob dpon rgya mtsho sprin dang / slob dpon shAn+ta de ba dang / slob dpon lun ta ka la sogs pas sems bskyed ma thag pa las dang po pa'i phyir tshad med pa bzhi dang /bsdu ba'i dngos po bzhi dang / pha rol tu phyin pa la sogs pa ji ltar nyams su blang ba'i spyod pa rgya chen po'i gzhung rgyas par mdzad do/ /slob dpon 'phags pa klu sgrub dang / slob dpon Ar+ya de ba dang / slob dpon ma ti tsi tra dang / slob dpon kaM pa la dang / slob dpon zla ba grags pa dang / slob dpon lnga po mdzad pa'i dbu ma'i gzhung de dag ni dbu ma'i gzhung thams cad kyi phyi mo yin no/ /dbu ma'i gzhung thams cad kyi rtsa ba yin pas 'gran zla med pa yin no/ /'di ltar bka' gsang sngags kyi gzhung yang slob dpon sangs rgyas gsang ba dang /slob dpon shAkya bshes gnyen dang / slob dpon shes rab grub pa dang / slob dpon kun dga' snying po la sogs pas ni rnal 'byor gyi rgyud dang / bya ba'i rgyud kyi don gsal bar mdzad do/ / slob dpon in+d+ra b+hU ti dang / slob dpon sangs rgyas ye shes zhabs la sogs pas dpal gsang ba 'dus pa'i rgyud kyi don 'ba' zhig gsal bar byas so/ /slob dpon tsAr+ya pa dang / slob dpon rdo rje dril bu dang / slob dpon lU yi pa la sogs pas dpal bde mchog gi rgyud kyi don gsal bar mdzad do//slob dpon DoM bi he ru ka dang / sa ra rU pa la sogs pas dpal he badzra'i rgyud kyi don tsam gsal bar mdzad do/ /slob dpon ku ku ri pa dang / chos kyi zhabs la sogs pas ni dpal ma hA mA yA'i don gsal bar mdzad do/ /slob dpon gyi zhal snga nas skye bo ma lus pa la 'di bka' drin che ba yin te/tha ma la pa la shin tu phan gdags pa'i phyir rten 'brel gyi rtsis dang mo'i rnam pa mdzad do/ /blon po rnams la phan gdags pa'i phyir shes rab brgya pa dang / brtag pa bcu gnyis pa la sogs pa mdzad do/ /rgyal po rnams kyi phyir bshes pa'i spring yig dang /rin po che'i phreng ba mdzad do/ /'khor rnam bzhir gtogs pa bsod nams chung ba rnams kyi phyir sbos sbyor che chung la sogs pa mdzad do/ /sman pa rnams kyi phyir sbyor ba brgya ba dang / sbyor ba sum cu rtsa gnyis pa dang / nyi shu pa dang / bdud rtsi'i snying thigs dang /'tsho ba'i mdo la sogs pa mdzad do/ /theg pa chen po la zhugs pa rnams kyi ched du sems bskyed pa'i chog dang / byang chub sems dpa'i spyod pa gsal ba dang / mdo kun las btus pa la sogs pa mdzad do/ /yang de dag gi thog tu dbu ma rtsa ba'i shes rab dang /de las 'phros pa rtsod pa bzlog pa dang / stong pa nyid bdun cu pa mdzad do/ /de'i yan lag tu rigs pa drug cu pa dang / theg pa chen po nyi shu pa dang / srid pa 'pho ba dang / bsgom pa'i rim pa dang / rnam par 'thag pa dang / tshig brgya pa dang / byang chub kyi sems kyi rnam par bshad pa dang /chos kyi dbyings su bstod pa dang / don dam par bstod pa dang / rnam par mi rtog par bstod pa dang / bsam gyis mi khyab par bstod pa dang / 'jig rten las 'das par bstod pa dang / sems kyi rdo rje'i bstod pa dang / sA lu ljang pa'i 'grel pa dang /rten cing 'brel par 'byung ba rtsa 'grel dang bcas pa dang / de bzhin du dbang po rnon po'i yang rnon po theg pa chen po gsang sngags kyi snod du gyur pa rnams la dpal gsang ba 'dus pa'i rgyud kyi don dpal gsang ba 'dus pa'i dkyil 'khor du dbang bskur ba'i cho ga dang / cho ga nyi shu pa dang /paN+Di kr-i ta dang / mdo dang bsres pa dang / dpal rim pa lnga pa mdzad do/ /dpal rdo rje gdan bzhi'i rgyud chen po'i TI ka mdzad do/ /mtshan yang dag par brjod pa'i 'grel pa dang / rje btsun khaR+sa pA Ni'i sgrub thabs dang / yi ge drug pa dang / a ra pa tsa na dang /ngag gi dbang phyug dang / tshig sbyin gzhon nu la sogs pa'i sgrub thabs mang du mdzad do/ /dam tshig gsum bkod pa'i cho ga dang / dpa' bo gcig sgrub dang / de'i man ngag 'dod 'jo'i ba mo dang / gtor ma sum cu pa dang / sangs rgyas mnyam sbyor gyi rdzogs pa'i rim pa'i man ngag chen po la sogs pa mang du mdzad do//skyes bu dam pa de sangs rgyas dngos yin pas des mdzad pa'i gzhung dag la yid rton par bya'o/ /de ci'i phyir zhe na/ mdo sde sprin chen po las/ lha'i bu dag li ts+tsha bI gzhon nu sems can thams cad kyis mthong na dga' ba 'di sngon bskal pa dpag tu med pa'i pha rol tu de bzhin gshegs pa klu rigs sgron ma 'jig rten du byung ba'i tshe 'khor los sgyur ba'i rgyal po brtson 'grus chen po'i klu bstan pa 'dzin pa/blon po dam pa'i chos kyi mdzod 'dzin pa rgyal po dang blon po gnyis ring bsrel yod pa dang med pa'i rtsod pa byas pa dang /rgyal po'i legs par bshad pas dus de'i 'khor ngo mtshar skyes nas/ bcom ldan 'das de la zhus pas rgyal po de zab mo la mkhas pa lags so zhes zhus pas/ bcom ldan 'das des rgyal po'i yon tan rgyas par bshad de mdo sder blta'o//de nas rgyal po 'khor dang bcas pas sangs rgyas la rin po che spar gang gtor nas smon lam btab pa ma 'ongs pa'i dus na sangs rgyas shAkya thub pa'i bstan pa nub tu cha ba'i tshe/ der bdag rab tu byung nas chos kyi mjug la bab pa na sgra chen po lan gsum bsgrags la/chos gos gyon pa tsam dang skra bregs pa tsam yul nas bskrad la/ dam pa'i chos phyung ste dam pa'i chos kyi phyir bdag gi srog gtong bar gyur cig ces smon lam btab po/ /de'i rjes la blon po dang btsun mos kyang smon lam btab po/ /lha'i bu dag nga 'das nas lo brgya phrag mang po 'das nas lho phyogs kyi rgyud du mkhar gyi rgyal po bde spyod bzang po zhes bya ba 'byung ste/de'i tshe lo brgya na dam pa'i chos nub par 'gyur ba'i lhag ma tsam lus pa na nga'i nyan thos 'byung bar 'gyur/ dam pa'i chos 'byin par 'gyur/ dam pa'i chos kyi 'khor lo bskor bar 'gyur/ theg pa chen po gzhan la rgyas par ston par 'gyur ro zhes gsungs pa dang / yang dge slong de lung ston pa nyon cig /de ni nga la dben pa dang / nga'i bstan pa rgyas par byed pa dang / khur chen po khyer ba dang / nga'i shAkya'i gzhon nu yin te/ nga 'das pa'i 'og tu lho phyogs kyi rgyud du drang srong byi'o zhes bya ba'i yul 'khor du bsod nams ldan gyi grong khyer chen po'i byang phyogs su skye bar 'gyur ro//rigs chen po rnam par dag pa b+h+ra go can de ni shAkya'i rigs yin no/ /li ts+tsha bI gzhon nu sems can thams cad kyis mthong na dga' ba 'di nga'i chos rgyas par bya ba'i phyir byang chub sems dpa' mi'i mchog 'di rigs chen po rgyal rigs su skye bar 'gyur te/de'i nye du 'bral ba thams cad de'i ming las 'dogs so/ /de rab tu byung nas de'i 'khor rnams kyang dam pa'i chos kyi phyir srog btang nas chos gsung ngo / /yang de'i rjes la 'di skad du de'i gzhung la mos pa ni nyung ste phal cher mi mos so//chos bzhi dang ldan na de la mos shing yid ches par 'gyur ro/ /sangs rgyas snga ma dag la de'i gzhung thos shing mos pa dang / dge ba'i bshes gnyen gyis zin pa dang / lhag pa'i bsam pa la zhugs shing dge ba'i rtsa ba brtan pa dang / rgya chen po la mos pa'o//de la mi mos shing yid mi ches pa thams cad ni bdud kyi byin gyis brlabs pa'i gti mug can yin no/ /de la mos shing yid ches pa dag ni sangs rgyas kyi thugs la dgongs so/ /de la bsnyen bkur byas na dus gsum gyi sangs rgyas thams cad la bsnyen bkur byas pa yin no//de'i bka' mnyan na dus gsum gyi sangs rgyas thams cad kyi bka' mnyan pa yin no/ /yang de'i rjes la de 'chi ba'i dus byas pa na nga'i dam pa'i chos nub pa yin no/ /de dang 'dra ba'i gang zag med de ye mi srid do/ /yang gtam mang po'i rjes la de'i phyogs byed pa dang /de'i gzhung rgyas par byed pa dang / de'i 'khor dang / de'i gzhung 'dzin pa de dag ni sangs rgyas pa na de'i 'khor gyi gtso bor 'gyur ro/ /bskal pa bzang po 'di'i rjes la bskal pa drug cu rtsa gnyis su sangs rgyas mi 'byung ngo / /de'i rjes la sangs rgyas bdun 'byung ngo //de'i rjes la 'jig rten gyi khams mngon par dang ba'i 'od ces bya bar de bzhin gshegs pa dgra bcom pa yang dag par rdzogs pa'i sangs rgyas ye shes 'byung gnas 'od ces bya bar mngon par rdzogs par 'tshang rgya bar 'gyur ro zhes bya ba la sogs pa gzhung mang du gsungs so//'dir che long tsam bris so/ /gzhan yang 'phags pa 'jam dpal rtsa ba'i rgyud las/ dge slong klu sgrub ces pa 'byung / /rang bzhin med don de nyid rigs / /rma bya zhes bya'i gzungs bsgrubs nas/ /lo ni drug brgya dag tu 'tsho//zhes pa la sogs pa gsungs so/ /'phags pa lang kar gshegs pa las kyang / blo gros chen po khyod shes byos/ /lho phyogs bai ta'i yul du ni/ /dge slong dpal ldan cher grags pa/ /de ming klu zhes bod pa ste/ /zhes pa nas/ rab tu dga' ba'i sa bsgrubs nas/bde ba can du de 'gro'o/ /zhes gsungs pa dang / 'phags pa rnga bo che'i le'ur yang lung bstan pa yin no/ /'phags pa gser 'od dam pa'i mdor yang lung bstan pa'i tshig ni med kyi/ sangs rgyas kyi ring bsrel la bram ze kauN+Di n+ya ya dang /li ts+tsha bI 'jig rten thams cad kyis mthong na dga' ba 'di brtsad pa mdzad pa yin no/ /gzhan yang slob dpon zla ba grags pa'i zhal snga nas kyang / de ltar slob dpon chen po 'phags pa klu sgrub kyi zhal snga nas kyis nyid kyi don rjes su brnyes nas so so rang rig pa rdo rje 'dzin chen po'i ting nge 'dzin 'jig rten pa rnams la brten nas/lha dang mi'i bde ba las 'das shing mu stegs pa dang / nyan thos dang / rang sangs rgyas rnams kyi bsam gtan dang snyoms par 'jug pa'i bde ba las kyang 'das nas/ skye ba dang 'gag pa dang bral ba'i de bzhin gshegs pa'i sku rnam pa thams cad kyi mchog dang ldan pa/sku blta bas chog mi shes pa/ stobs bcu dang mi 'jigs pa bzhi la sogs pa sangs rgyas kyi yon tan thams cad kyis brgyan pa/ brnyes nas bde ba can du gshegs te/ yon tan gyi dbang phyug brgyad dang ldan par bzhugs so zhes sgron ma gsal bar byed pa las gsungs so//de'i phyir de lta bu'i slob dpon klu sgrub kyi gzhung shes shing 'dzin pa dang / de'i brgyud pa'i man ngag zab mo yod pa dang / nyams su len pa'i gang zag des ni skye ba dpag tu med par theg pa chen po la spyad par byas pa yin na//ji srid sangs rgyas kyi bstan pa yod pa de srid du de'i man ngag mi 'chad de/ rje btsun Ar+ya de ba'i zhal snga nas bcom ldan 'das shAkya thub pas mtshan phyed kyi dus na mngon par byang chub pa'i ting nge 'dzin mngon sum du mdzad pa nas gzung ste/ ji srid sangs rgyas kyi bstan pa gnas pa de srid du slob dpon 'phags pa klu sgrub nas bzung ste/bla ma'i zhal nas bla ma'i zhal du 'phos pa yin te/ slob dpon gyi zhal snga'i man ngag 'di ni sangs rgyas dang byang chub sems dpa' thams cad dang / rdo rje mkha' 'gro ma thams cad kyi byin gyis rlob pa yin no zhes gsungs so//slob dpon zla ba grags kyi zhal snga nas/ rnal 'byor pa tshe 'di nyid la 'tshang rgya bar 'dod pa dag gis kyang slob dpon gyi zhal snga nas nye bar gnang ba'i de kho na nyid shin tu zab mo'i man ngag rnyed par dka' ba 'di gter dang 'dra ba'i slob dpon rnams ni rin po che'i bum par bdud rtsi'i chu byo ba ltar zhal nas zhal snyan nas snyan du 'pho zhing bzhes pa 'di ji srid sangs rgyas shAkya thub pa'i chos gnas pa de srid du 'di yang nub par mi 'gyur ro zhes gsungs so//slob dpon 'phags pa klu sgrub kyi rnam par smin pa'i sku lus de nyid da lta dpal gyi ril bzhugs te/dus gcig na rgyal po bde spyod bzang po'i bu dpal gyi ri la song nas slob dpon gyi dbu bslangs pas/ slob dpon gyi zhal snga nas rgyal bu chod la khyer cig gsungs nas ral gri lan lngar btab pas mchod nas/ slob dpon gyi zhal nas rtswa ku sha cig long gsungs nas rgyal bus de blangs te phul bas/slob dpon nyid kyis ske la rtswas bskor bas dbus la lhung nas rgyal bu'i lag tu byin no/ /rgyal bus ma theg nas de nyid du bzhag nas song ngo / /da ltar yang dbu dang lus kyi khog pa rin po che'i 'od 'phro ba'i khang pa brtsegs pa na rin po che'i khri la bzhag ste/lha dang gnod sbyin dang dri za la sogs pas nyin dang mtshan du rtag tu mchod pa byed do/ /'di la gtam rgyud ring po yod de 'dir gzhag go/ /smon lam gyi sku ni bde ba can na bzhugs te/ bcom ldan 'das 'od dpag med kyis byang chub sems dpa' blo gros rin po che zhes mtshan btags nas sku mdog dkar po phyag gnyis pa g.yas mchog sbyin pa/g.yon pad+ma dkar po bsnams pa'o/ /bla ma rje btsun a ba d+hU tI pa'i zhal nas/ nga'i bla ma rje btsun chen po rnal 'byor gyi dbang phyug a ba d+hU tI pa mngon par shes pas sngon ji ltar mnga' ba bzhin zhal gzigs shing chos gsan/res dpal gyi ril gzigs shing bzhugs te/ 'phags pa'i slob ma rje btsun klu'i byang chub dus da lta dpal sha ba ri par grags pa yang dus rtag tu chos gsan pa yin no zhes bla ma a ba d+hU tIs gsungs so //rang gi sdug bsngal yal bar bor nas gzhan gyi sdug bsngal gyi mes gdungs pa dbang po rnon po'i yang rnon po chos zab mo la mi skrag par mos pa dang / bdag bsgrub pa dang mi 'bral bar tshe 'di nyid la 'tshang rgya bar 'dod pa dang /gzhan gyi don dka' ba med par myur du bya ba dang / mngon par shes pa myur du skye bar 'dod pas thabs khyad par can gyi theg pa la 'jug par bya'o/ /bla ma bzang po la rdo rje slob dpon gyi dbang zhus nas sgrub pa gtso bor bya'o/ /gsang ba dang shes rab ye shes kyi dbang ni tshangs par spyod pa grol ba'i lam pas mi bskur zhing /slob mas kyang mi blang ngo / /de ni tshangs par spyod pa zad par byed pa dang / sangs rgyas kyi bstan pa nub par byed pas sems can dmyal bar slob dpon dang slob ma gnyis the tshom med par 'gro bar 'gyur ro/ /gal te gsang sngags spyod na dbang mnos la bum pa'i dbang thob pa des rgyud gang yang rung ba'i sgor zhugs la rang 'dod pa'i lha'i ting nge 'dzin dang /bzlas pa'i sngags bla ma la zhus la sgrub pa gtsor byed cing dam tshig dang sdom pa nyi shu shin tu gtsang bar bsrung ste bsgrub par bya'o/ / gang gi tshe nus pa skyes pa na phrin las bzhi dang / 'jig rten gyi dngos grub brgyad kyi sa gzhan gyi don bya dka' ba med par 'gyur ro/ /de bas na rgyud las/ gsang sngags rgya mtsho chen po ni/ /dngos grub rlabs ni 'khrigs pa can/ /dpe'am lung ma bstan tshig gam / / rjes su dpag pa'i shes rab kyis/ /rtogs par nus pa ma yin no/ /zhes gsungs so/ /bdag gi bla ma ya ba dwI pa bsod snyoms pa a wa d+hU tI'i zhal nas/ theg pa gnyis pos spangs pa yang / /'dir zhugs phyag rgya chen po 'thob/ /de'i phyir gsang sngags theg pa 'dir//mkhas pa su zhig spyod mi byed/ /ces gsungs so/ /don gcig nyid na'ang ma rmongs dang / /thabs mang dka' ba med pa dang / /dbang po rnon po'i dbang byas nas/ /gsang sngags theg pa khyad par 'phags/ /zhes gsungs so/ /'dir ni dbang bskur thob par ma byas par 'dir 'jug par mi bya bas lha bsgom pa dang sngags bzlas pa mi bya ste/rjes su gnang ba ma thob pas gsang sngags dang pha rol tu phyin pa gnyis rnam par thar pa 'dres par 'gyur ba'i phyir ro/ /rdo rje byang chub kyi sems kun nas spros pa dang bral ba'i rdzogs pa'i rim pa'i man ngag ni snod ma yin pa la bstan par mi bya'o//yongs su rdzogs pa'i dge bsnyen chags lam pas dbang gnyis po blangs pa la nyes pa med do/ /rang gi chung mas chog shes shing / /gzhan gyi bud med la mi 'gro/ /log par g.yem pa rnam par spangs//dge bsnyen de ni mtho ris 'gro/ /zhes mdo las gsungs so/ /sgrib gnyis myur du sbyangs pa dang / /tshogs gnyis myur du bsags pa'i phyir/ /gsang sngags theg pa sbyang bya zhes/ /mar me mdzad dpal ye shes smra/ / shAkya'i dge slong blo rnon po/ /shes rab snying rje khrims dang ldan/ /tshul khrims rgyal ba zhes bya ba'i/ /slob ma bzang pos bskul nas bris/ /de ba pA la'i thugs dam bi kra ma/ /shI la zhes bya'i gtsug lag khang chen du/ /bla ma dam pa rnams kyis gsungs pa bzhin//mar me mdzad dpal ye shes de yis bris/ /zas nor phran tshegs tsam la mi lta zhing / /legs par ma brtags pa la 'di mi sbyin/ /'phags pa klu sgrub gzhung la ma mos na/ /zab mo spangs pas sems can dmyal bar 'gro/ /theg pa chen po dbu ma'i man ngag rin po che'i za ma tog kha phye ba zhes bya ba/ma hA paN+Di ta dpal mar me mdzad ye shes kyi zhal snga nas mdzad pa rdzogs so// //rgya gar gyi mkhan po dI paM ka ra shrI dz+nyA na de nyid dang / lo tsA ba dge bsnyen chen po rgya brtson 'grus seng ge dang /