CLOSE WINDOW

D3929
བོད་ཡིག

/theg chen mdo sde lta bar gyis/ /cig car 'jug pa'i man ngag paN+Di ta dI paM ka ra shrI dz+nyA nas mdzad pa rdzogs so// //paN+Di ta de nyid dang lo tsA ba tshul khrims rgyal bas bsgyur ba'o//[ @##/ /rgya gar skad du/ ma ng+h+ya ma u pa de sha nA ma/ bod skad du/ dbu ma'i man ngag ces bya ba/ 'jig rten mgon po la phyag 'tshal lo/ /gang gi gsung gi 'od zer gyis/ /bdag sogs rmongs pa ma lus pa'i/ /snying gi pad+ma kha 'byed pa'i/ /dam pa'i skyes mchog de la 'dud/ /theg pa chen po dbu ma'i man ngag ni 'di yin te/ kun rdzob tu chos thams cad tshu rol mthong ba'i ngor byas nas/rgyu 'bras la sogs pa rnam par gzhag pa thams cad ji ltar snang ba bzhin du bden pa yin la/ don dam par ram yang dag par na kun rdzob ji ltar snang ba de kho na gtan tshigs chen po rnams kyis gzhigs shing bsal na/ skra'i rtse mo brgyar gshags pa'i tshad kyang bzung du med do zhes nges par khong du chud par bya'o//stan bde ba la skyil mo krung bcas te 'dug la/ 'di ltar re zhig dngos po gnyis te/ gzugs can dang / gzugs can ma yin pa'o/ /de la gzugs can rnams ni rdul phra rab 'dus pa yin la/ de yang phyogs cha'i dbye bas phye zhing gzhigs na/shin tu phra ba yang lus pa med cing shin tu snang ba yang med do/ /gzugs can ma yin pa ni sems yin la/ de yang 'di ltar 'das pa'i sems ni 'gags shing zhig /ma 'ongs pa'i sems ni ma skyes shing ma byung / da ltar gyi sems ni 'di ltar yang shin tu brtag dka' ste/kha dog med cing dbyibs dang bral ba/ nam mkha' dang 'dra bas ma grub pa'am/ yang na gcig dang du ma dang bral bas sam/ yang na ma skyes pas sam/ yang na de rang bzhin gyis 'od gsal ba la sogs pa / rigs pa'i mtshon gyis dpyad cing gzhigs na ma grub par rtogs so//de ltar gnyis po ci'i ngo bor yang ma grub cing med tsam na/ so sor rtogs pa'i shes rab de nyid kyang ma grub ste/ dper na shing gnyis phan tshun drud pas me byung ba'i rkyen gyis shing gnyis po tshig cing med pa'i rjes la/ gang gis sreg par byed pa'i me de nyid kyang rang zhi ba de bzhin du rang dang spyi'i mtshan nyid kyis chos thams cad med par grub tsam na shes rab nyid snang ba med cing 'od gsal ba ci'i ngo bo yang ma grub pas/bying ba dang rgod pa la sogs pa'i skyon du gyur pa thams cad bsal te/ bar skabs de shes pa cir yang mi rtog /cir yang mi 'dzin/ dran pa dang yid la byed pa thams cad spangs te/ ji srid du mtshan ma'am/ rnam par rtog pa'i dgra'am/ chom rkun ma langs kyi bar du de lta bu la shes pa gnas par bya'o/ /gang gi tshe ldang bar 'dod na dal bus skyil mo krung bshig la langs te/sgyu ma lta bu'i yid kyis lus dang ngag dang yid kyis dge ba ci nus kyis bya'o/ /de ltar gus pa dang / yun ring ba dang / rgyun ma chad par bsgrubs na skal ba dang ldan pa rnams kyis tshe 'di nyid la bde ba mthong bar 'gyur te/ chos thams cad nam mkha'i dkyil lta bur 'bad pa dang rtsol ba med cing rang gi ngang gis lhun gyis grub par mngon sum du byed do//de'i rjes las thob pas ni chos thams cad sgyu ma la sogs par shes so/ /gang gi tshe rdo rje lta bu'i ting nge 'dzin mngon du byas phan chad ni rjes las thob pa yang mi mnga' ste/ dus thams cad du mnyam par gzhag pa'o/ / de lta ma yin na byang chub sems dpa' dang khyad par ci yod ces bya ba la sogs pa'i rigs pa dang lung 'dir mi brjod do/ /gzhan gyi don bskal pa grangs med par tshogs bsags pa dang / smon lam btab pa'i mthus gdul bya rnams ji ltar 'dod pa bzhin du 'gyur ro/ /lung dang rigs pa shin tu mang mod kyi/'dir ma spros so/ /dbu ma'i man ngag ces bya ba paN+Di ta dI paM ka ras mdzad pa rdzogs so// / lo tsA ba dge slong tshul khrims rgyal bas lha sa 'phrul snang du bsgyur cing zhus te gtan la phab pa'o// //ra sa 'phrul snang gtsug lag khang chen du/ /mar me mdzad dpal zhes bya'i mkhas pa la//bod kyi rngog btsun legs pa'i shes rab kyis/ /gsol ba btab nas bdag gis bsgyur ba yin/ /gnas brtan mar me mdzad dpal gyis/ /gzhung lugs skyes bu gsum 'dzin pa/ /gol ba'i lam du mi 'gro zhes/ /nag tsho tshul khrims rgyal bas smras// //