CLOSE WINDOW

D3904
བོད་ཡིག

@##/ /rgya gar skad du/ ta rka bi hA na ta Ti pi ta ka br-it+ti nA ma/ bod skad du/ tshad ma rnam par 'joms pa mdor bshad pa'i 'grel pa zhes bya ba/ 'jam dpal gzhon nur gyur pa la phyag 'tshal lo/ /chu bo lta bu las brgal zhing / /shin tu phra ba'ang rnam par spangs/ /nam mkha' lta bur rab gsal ba//'dren pa rdzogs la phyag 'tshal te/ /mkhas pa dga' ba bskyed pa'i phyir/ /rnam par 'joms pa'i don bshad bya/ /de la slob dpon chen po klu sgrub kyi zhes bya ba la sogs pa'i tshig dang po 'dis ni bdag nyid kyis rang bzo ma yin zhing / dgos pa dang 'brel pa la sogs pa bstan pa yin te/gang zhig dgos pa la sogs pa ma brjod na rtog pa dang ldan pa rnams 'jug par mi 'gyur te/ de'i phyir na gdon mi za bar brjod dgos pa yin no/ /rtog pa dang ldan pa rnams ji ltar mi 'jug ce na/ de la rtog pa sngon du gtong ba rnams ni ma brjod na med pa'i cha la gnas pa'i the tshom skye la/'dir the tshom dang ldan pa ni 'jug par 'gyur ba kho na'o/ /gzhan yang brjod par bya ba ma brjod na/ bstan bcos la bsnyon pa'i tshig lta bur dgos pa'i 'du shes 'byung la/ de bzhin du dgos pa ma brjod na khwa'i so brtag pa'i bstan bcos bzhin du 'jug par mi 'gyur ro//'brel pa med pa ji lta bu zhe na/ klu sbyin byed la rin po che yod pa bzhin te/ 'dir ni 'brel pa brjod dgos pa kho na'o/ /gzhan yang dgos pa'i dgos pa ma brjod na/ phyi rol pa'i bstan bcos las gsang tshig bsgrub pa'i rkyen rang gi ma la me skor byed pa'i rim pa'i man ngag ltar/tha snyad du mi rung zhing blo 'byung ba de'i phyir brjod dgos pa kho na yin no/ /gal te de ltar yin mod kyi slob dpon chen po klu sgrub kyis tshad ma'i mtha' la zhen pa bsal ba'i phyir rigs pa'i tshogs du ma brjod pa ma yin nam zhe na/ de ltar yin mod kyi/ mdor bsdus pas don rdzogs par 'dod pa rnams kyi dbang du byas nas bkol zhing bkod pa yin no//'o na dgos pa la sogs pa ji ltar bstan zhe na/ dngos dang shugs kyis bstan pa yin te/ de la 'dir rab tu byed pa bstan pas dor bar bya ba dang blang bar bya ba shes pa ni dgos pa yin la/ dor ba dang blang ba'i tha snyad la rab tu 'jug cing grub pa ni dgos pa'i yang dgos pa'o//de la shugs kyis bstan pa ni 'brel pa ste/ de yang mdor bsdus shing bkol ba'i rab tu byed pa ni thabs yin la/ dgos pa ni de las byung ba ni/ 'dir yang thabs dang thabs las byung ba dang / rgyu dang 'bras bu'i tshul gyis 'brel pa yin no//'o na rab tu byed pas sbyor bar bya ba gang brjod ce na/ des na bsal ba dang bsgrub pa'i don brjod pas de ni brjod par bya ba'o/ /da ni tshig gi don bstan par bya ba'i phyir slob dpon zhes bya ba la sogs pa smos pa'o/ /de la chen po zhes bya ba ni rig pa dang ldan zhing kun kyang rjes su 'gro ba'i gnas dam pa yin pas na slob dpon chen po'o//klu sgrub ni mi las khyad par du 'phags pa'i mtshan gyi che ba ste/ de yang sngon gang zhig gi don du klu'i yul du byon pa la/ klu rnams kyis so so'i rdzu 'phrul bstan pas zil gyis non par ma nus pas/ klu'i rgyal po nye dbang gi bu mo byin nas klu rnams kyis mchod pa byed cing der mtshan thob nas mi'i yul du dge slong gi dus su yang grags so//zhal snga zhes pa ni bdag cag kun gyis sri zhu'i tshul gyis bod pa'o/ /tshad mas zhes bya ba ni phyin ci log gi rgyu mtshan ston te mi gnod cing grub la mi slu ba ste/ de de'i mtshan nyid ma grub pas na rnam par 'joms pa'o//rab tu byed ces bya ba ni pra ka ra na'i sgra las mchog tu byed pa dang don ston par byed ces pa'o/ /nas zhes pa ni 'byung khungs kyi don du shes par bya'o/ /de la bsdus pa'i don ni 'di yin te/ rnam par 'joms pa chen po la sogs par sel ba dang /bsgrub pa'i rigs pa'i tshogs du ma bstan pa te/ de yang sel ba ni 'dir tshad ma ma grub pa la sogs pas ston la/ gzhan ni yi ge mangs kyis dogs pas ma bris so/ /de la bsgrub pa ni re zhig phyogs tsam zhig brjod par bya ste/ de yang kho bo cag dbu ma chen po pa rnams kyis ni dgag par bya ba thams cad bkag pa la bsgrub pa zhes nye bar 'dogs so//dgag bya yang re zhig sems tsam dbu ma la sogs pa don dam par rdzas dang rdzas tsam du 'dod pa thams cad 'og nas 'byung ba'i rigs pa la sogs pas bsal nas/ de la ltos pa'i kun rdzob dang rdzas su med pa yang bsal zhing dgag par bya ba kho na'o//de la kun rdzob ni saM bri ta'i sgra ste/ sgrib pa'am 'khrul pa la sogs pa'o/ /de'i phyir na de yang dgag par bya ba nyid do/ /sgyu ma rdzas su med pa de yang sa yin te/ sems tsam dbu ma pa lta bu'o/ /de ltar slob dpon gyi dgongs pa ni/ dgag bya dgag pa dang /re zhig bsgrub pa'i tshul dang / mthar rnam par gcod pa 'ba' zhig la nan tan du byas nas yongs su gcod pa ni ci yang mi byed pa yin snyam du dgongs la/ gzhan dag ni gzhan du yang 'chad do/ /de la ci'i phyir yongs su gcod pa mi byed ce na/ klu sgrub zhabs kyis rigs pa'i tshogs du ma bkod pa las/gang yongs su gcod pa ci yang ma grub cing dgag par bya ba yin pa kho na'o/ /'o na dgag bya zhes bya ba ji lta bu zhe na bden mod kyi 'on kyang blo'i rim pa la ltos pa'i phyir ro/ /de ltar skabs las byung ba'i don mdo tsam zhig bstan nas/ da ni phyogs snga ma bsal ba'i tshig gi don la 'jug par bya ste/de la rtog pa rnam pa gnyis kyis nye bar brtags pa ni 'di rnams te/ de'i phyir rtog ges zhes bya ba la sogs pa smos so/ /'di yin te zhes bya ba ni nye bar dgod pa'i tshig ste/ tshig gi don bcu drug go/ /de dag kyang ji lta bu zhe na/ tshad ma dang ni zhes bya ba la sogs pa smos so//de la mtha' la zhes pa rnams ni tshad ma'i don rang nyid grub pa dang / gzhan gyis mi gnod pa zhes zer ro/ /gzhal bya ni des gzhal bar bya ba skyes bu'i don 'grub pa'i rgyu yang dag pa gcig yod ces zer la/ gzhan yang the tshom ni don 'grub pa'i gegs byed pa yang dag pa gcig go zhes zer ro//dgos pa ni gang gi tha snyad du rung bar byas pa zhe'o/ /dpe zhes pa ni gtan tshigs kyi grogs khyab pa dang 'brel pa gtan la dbab pa'i gzhir 'dod la/ grub pa'i mtha' yang tshad mas gzhal bya'i don grub par bya ba yang dag pa gcig go zhes so//gzhan yang cha shas ni bsgrub bya grub par byed pa'i nus pa'i cha so sor 'dod de/ ji lta bu zhe na/ chos can gyi nus pa dang gtan tshigs dang dpe dang bsgrub bya rang nyid kyi chos nyid kyis dang ldan pa dang / rjes su 'gro ba dang / ldog pa nus par 'gyur ba'i nus pa'o/ /de bzhin du rtog ge yang rang rang gi rigs pa dang ldan pas brtags par 'dod pa'o//gtan la phab pa yang grub pa'i mtha' bzhin du tshad mas bsgrub pa'i don zhe'o/ /de bzhin du smra ba'i mtha' grub pa dang / rtsod pa'i mtha' dang / rnam par rtsod pa'i mtha' dang / gzhan yang gtan tshigs ltar snang ba yang ma 'dres la skyon gyi ngo bor grub par 'dod pa nyid do//tshig dor gyi mtshan nyid kyang phyir rgol ba dang rtsod pa'i dus su tshig zlos bu la sogs pa skyon du grub pa kho na'o zhes zer ro/ /lhag cog ni go nas bstan pa bzhin du skyon brjod pa nyid du grub po zhe'o/ /de bzhin du tshar gcod kyang 'og nas bstan pa ltar grub par 'dod pa kho na'o//de ltar tshig gi don dang tshad ma'i mtha' la zhen pa bsal ba'i phyir/ 'di lta ste zhes bya ba la sogs pa smos so/ /de ltar nye bar bkod pa'i rjes ma ming gi dbye ba tshad ma grub pa dang zhes bya ba la sogs pa bstan pa yin no//de ni ji ltar ma grub pa'i gsal ba'i dbye ba shes par bya ba'i phyir/ de la zhes bya ba la sogs pa smos so/ /de ltar grangs kyi dbye ba dang tshad ma ma grub pa zhes bya ba la sogs pa gsal ba'i dbye bas bstan pa las ma grub cing sel ba'i rigs pa ni ji lta bu zhe na/ de ni 'di yin te/ mtha' la zhen pa rnams kyi rigs pa'i gtso bo ni gtan tshigs yin la/de yang rnam pa gsum du 'dod de/ 'bras bu dang / rang bzhin dang / mi dmigs pa'o/ /de la 'bras bu ni grub pa ma yin te/ phyir rgol ba'i blo la 'bras bu grub pa'i dus su bskyed pa'i rgyu 'gags la rgyun gyi tshogs kyang mi 'gag pa'i nges pa med pa'i phyir ro//rang bzhin yang grub pa ma yin te/ dper na byas pas mi rtag pa la nges so zhes pa'i dus su byas pa ni 'khor lo dang rdza mkhan gyi lag gi 'du byed la byas pa'o zhe'am/ skad cig ma snga mas phyi ma bskyed pa la bya zhe na/ de la 'du byed pa ni byas pa ma yin te/'dus byas pa ni sngar 'gags la/ mi rtag pa ni phyis grub pa ste/ mi rtag pa na dus tha dad pa'i phyir/ rang bzhin gcig pa'i 'brel pa ma grub pa kho na'o/ /gzhan yang skad cig ma ni ma yin te/ rgol ba dang phyir rgol ba'i blo grub pa'i phyir ro/ /gal te na sngar byas pa'i chos nyid phyis kyang gtan tshigs kyi chos yin no zhe na/de lta ma yin te gang gi phyir sngar gyi byas pa'i chos phyis kyi dus su yod na/ ma byas pa yang yod pas bum pa rtag par thal bar 'gyur ba kho na'o/ /de la mi dmigs pa yang rang bzhin dang 'bras bu ma grub pa'i phyir mi 'grub par nges so/ / de bas na tshad ma la sogs pa la rtog ge pa rnams ni rigs gtsor gtan tshigs 'dod la/ de ni de ltar ma grub pa nyid do/ /'o na gzhan gyi 'dod pa bsal nas rang gi 'dod pa ji lta bu zhig ce na/ de ni kho bo cag dbu ma chen po pa yongs su gcod pa ci yang mi byed pa gong du smras pa ma yin nam gzhan yang lung gi dgongs pa ni 'dir ma smos te/slob dpon chen pos phyi rol pa'i tshad ma dang thun mong du nye bar dgag pa'i phyir ro/ /'dir rgol te gang gi tshe yongs su gcod pa med pa de'i tshe gnyen po med pa de'i phyir/ spangs pa phun sum tshogs par yang mi 'gyur la/ de bas na don med par 'gyur ba kho na'o//de lta ma yin te/ ji srid blo'i yul du byas pa de srid du kun rdzob yin la/ kho bo cag kun rdzob pa ni re zhig blo'i yul du mi 'gog pa kho na'o/ /gzhan yang spros pa thams cad nye bar zhi ba la ni spangs pa phun sum tshogs par yang mi 'gyur ba la sogs pa de dag 'dod thog kho na yin te/gang gi phyir spros pa mtha' dag dang bral ba'i phyir ro/ /de bas na gzhan dag 'dod pa ltar yongs su gcod cing bsgrub pa'i don de ltar yin gyi phyi rol gyi dbu ma pa ltar gzhan gyi dbang la kun brtags kyis stong pa'i chos yongs su grub pa rtag par 'dod pa de yang dgag par nus pa ma yin pa thal bar 'gyur ro//gal te de nyid 'dod thog kho na'o zhe na/ de lta ma yin te/ de ni slob dpon chen po klu sgrub kyis yang dag sgron ma'i bstan bcos la sogs par khyab par byed pa mi dmigs pa la sogs pa'i rigs pas bkag zin la/ 'dir ni yi ge mangs kyis dogs nas ma bris so//des na slob dpon gyi dgongs pa ni gzhan gyi 'dod pa yongs su gcod pa thams cad nye bar bsal nas/ mthar ltos pa'i rigs pas rang nyid kyi 'dod pa rigs kyi tshogs du ma snang ba dag kyang rnam par bcad nas yongs su gcod pa mi byed pa kho na'o//gang gi tshe yongs su gcod pa ci yang med pa de'i tshe blo dang brjod pa'i yul du mi 'gyur la/ de'i phyir don dam pa zhes nye bar 'dogs so/ /de bas na khyod kyi skyon brjod pa don med par 'gyur ba kho na'o/ /da ni rnam par dgrol ba bstan pa'i phyir/ de la zhes bya ba la sogs pa smos so//de la zhes pa ni dmigs kyis nye bar ston pa'i tha tshig go/ /tshad ma chos can yin la gzhal bya la ltos pa'i phyir zhes pa'i rgyu mtshan gyis grub pa yin te zhes bsgrub pa yin no/ /spyir khyab pa dpes mtshon pa'i phyir gang dang gang zhes pa smos so/ /gal te rang nyid grub pa yin na/