7b5 rgya gar gyi mkhan po ta ro shrI mi tra nyid dang / lo tsA ba dge slong chos kyi shes rab kyis zhus shing bsgyur te gtan la phab pa'o//[ ]@##/ /rgya gar skad du/ su ga ta ma to bi b+haM ga kA ri kA/ bod skad du/ bde bar gshegs pa gzhung
7b6 rnam par 'byed pa'i tshig le'ur byas pa/'jam dpal gzhon nur gyur pa la phyag 'tshal lo/ /'dus ma byas gsum rtag pa ste/ /nam mkha' dang ni 'gog pa gnyis/ /'dus byas thams cad skad cig ma/ /bdag med byed pa po yod min/ /rnam par shes pa dbang skyes blos/ /
7b7 mngon sum du ni phra bsags rig /kha che bye brag smra ba yi/ /gzhung 'di yin par mkhas rnams bzhed/ /rang gi rnam par shes pas rig /dbang gis yul du snang ba yin/ /nam mkha' mo gsham bu dang mtshungs/ /'gog pa gnyis kyang nam mkha' bzhin/ /sems dang mi
8a1 ldan 'du byed med//dus gsum du ni rjes 'jug med/ /thogs bcas gzugs min yod ma yin/ /mdo sde pa yin mkhas zhes bya/ /cha shas zhes byar yod min phyir/ /phra rab rdul yang yod ma yin/ /snang ba dmigs su yod min te/ /rmi lam nyams
8a2 su myong ba bzhin//gzung dang 'dzin pa las grol ba'i/ /shes pa dam pa'i don du yod/ /rnal 'byor spyod gzhung rgya mtsho yi/ /pha rol phyin rnams de skad smra/ /rnam shes don dam yin pa ru/ /de yang mkhas rnams mi bzhed de/ /gcig dang du ma'i rang bzhin bral/ /
8a3 dngos med nam mkha'i pad+ma bzhin/ /yod min med min yod med min/ /gnyis kyi bdag nyid du yang med/ /mtha' bzhi dag las nges grol ba/ /dbu ma de nyid mkhas pa 'dod/ /bde bar gshegs pa'i gzhung rnam par 'byed pa'i tshig le'ur byas pa/ b+hang ga lar
'khrungs pa'i mkhas pa chen po dze tA ris mdzad pa rdzogs so/