CLOSE WINDOW

D3891
བོད་ཡིག

@##/ /rgya gar skad du/ kA ya tra ya br-it+ti/ bod skad du/ sku gsum 'grel pa/ bam po dang po/ 'jam dpal gzhon nur gyur pa la phyag 'tshal lo/ /'khor ba ni sdug bsngal du ma'i gnas yin no snyam nas yid 'byung bar gyur cing / de las 'byung ba'i thabs dmigs la/gang gi tshe las dang po pa rigs ma nges par gyur pa/ rkyen gyis bkri ba'i blo dang ldan pas ma nges pa'i byang chub 'thob pa/ dam pa'i chos mnyan pa la sogs pa'i rim gyis sbyor ba de'i tshe de rkyen ji lta ba bzhin du 'thob par 'gyur bas de'i phyir srog chags ma gtogs pa rnams zab cing rgya che la mthu bsam gyis mi khyab pa phul du byung ba ye shes kyi ngo bo nyid kyi sku gsum thob par bya bar gzud pa'i phyir sku gsum bstan to//rigs la gnas pa chos kyi sku thob par 'dod pa byang chub kyi sems bskyed par 'dod la/de'i ngo bo nyid mngon par mi shes na ji ltar bskyed par 'gyur/ gzugs kyi sku las ni de bzhin gshegs pa mthong ba med do/ /mtshan phun sum tshogs pas de bzhin gshegs par mi blta'o zhes bkag pa'i phyir ro/ /yang bka' stsal pa/ gzhon nu byang chub sems dpa' sems dpa' chen pos de bzhin gshegs pa ni gzugs kyi skur shes par mi bya'o//de ci'i phyir zhe na/ sangs rgyas bcom ldan 'das rnams ni chos kyi sku yin zhing / chos kyi skus rab tu phye ba yin gyi gzugs kyi skus rab tu phye ba ni ma yin pa'i phyir ro zhes rgya cher gsungs so//de'i ngo bo nyid ji lta ba bzhin du yongs su shes shing bsam gyis mi khyab la rmad du byung ba phul du phyin pa la sogs pa'i chos kyi ngo bo nyid 'dod pas ni de thob par bya ba'i phyir shin tu bde bar rab tu bsgrim pa'i rigs so/ /de'i phyir de'i stobs kyis sku gzhan gnyis kyang 'thob par 'gyur te/de gnyis ni de rab tu rtogs pas rab tu phye ba'i phyir ro/ /de'i phyir/ sprul dang longs spyod rdzogs pa dang / /de bzhin gzhan ni chos sku ste/ /zhes bya ba'i tshigs su bcad pa smos so/ /sprul pa ni 'phrul pa nyid yin no//longs spyod rdzogs par mdzad par 'os pa ni longs spyod rdzogs pa'o/ /chos nyid kyi ngo bo nyid kyi sku ni chos kyi sku ste nyid kyi sgra mi mngon par byas pa'o/ /sprul pa dang / longs spyod rdzogs pa dang / chos kyi mtshan nyid kyi sku gsum po 'di dag su'i yin zhe na/ de'i phyir/ thub pa'i sku zhes bya ba smos te/ lus dang ngag dang yid kyi nyes par spyod pa 'byung ba med pas thub pa zhes bya'o/ /cang mi gsung ba'i phyir ni ma yin no/ /bcom ldan 'das de bzhin gshegs pa'i sku gsum po de dag ni sems can gyi khams ma lus pa gdon pa'i phyir 'khor ba'i mtha'i bar du bzhugs te de dag ni ye shes kyi ngo bo nyid do//de'i phyir sku de dag gis bcom ldan 'das rab tu phye ste/ thams cad mkhyen pa nyid ni 'di lta ste sku gsum po 'di dag tu zad do/ /de bzhin gshegs pa rnams byang chub kyis rab tu phye ba ma yin nam/ji ltar de dag gis rab tu phye ba yin zhes bya zhe na/ de'i phyir/ de yis de yi byang chub bsdus/ /zhes bya ba smos te/ thub pa de'i byang chub bla na med pa'i ye shes gang yin pa de ni ye shes kyi ngo bo nyid yin pa'i phyir sku gsum po 'dis bsdus so/ /ye shes phul du byung ba nyid 'ga' zhig la chos kyi sku bla na med pa zhes bya ste/sems can gyis smon lam btab pa'i 'du byed kyi shugs yongs su 'dzin pa'i dbang gis me long lta bu'i ye shes la sogs pa'i bdag nyid do/ /sangs rgyas kyi zhing shin tu rnam par dag pa rnams su chos rnams sna tshogs kyi longs spyod rdzogs pa myong bas na longs spyod pa'i sku ste de'i dbang kho nas 'byung ngo //de'i stobs kyis gzhan bya ba sgrub pa'i ye shes kyi ngo bo nyid sprul pa zhes bya ba sems can sna tshogs yongs su smin par mdzad spyod pa/ gzugs dang kha dog dang spyod lam tha dad pa mdzad pa mkhyen pa/dge ba'i rtsa ba smin pa rnams kyi mdun na snang ngo / /gsum po 'di dag thub pa'i sku/ /zhes bya ba de gang yin zhe na/ de'i phyir de'i rang gi ngo bo btags pa'i don du/ sbyor ba'i sa la brten rnams dang / /gzhan dag la yang ci rigs par//zhes bya ba smos te/ sbyor ba'i sa la sbyor bar bya ba'i sa dang / byang chub sems dpa'i spyod pa'i sa zhes bya ba'i tha tshig go/ /ci'i phyir zhe na/ brten rnams zhes brten pa'i phyir ro/ /gzhan dag la yang / zhes bya ba su las gzhan zhe na/ byang chub sems dpa' rnams las gzhan no//ci rigs par/ zhes bya ba ni rigs ji lta ba dang / yongs su smin pa ji lta ba dang / dge ba'i rtsa ba ji lta ba bzhin no zhes bya ba'i don gang yin pa'o/ /de dag la sems can du snang ba'i rnam par rig pa 'byung ba gang yin pa de ni sprul pa'i sku'o/ /de yang ci las 'byung zhe na/de'i phyir/ sangs rgyas dbang gis sems can snang / /rnam rig 'byung ba dang por 'dod/ /ces bya ba smos te/ de ni 'di skad du bsod nams dang ye shes kyi tshogs yang dag par bsgrubs pa dpag bsam gyi shing lta bu rgya che zhing bsam gyis mi khyab la/ zab pa phul du phyin pa dang ldan pa chos kyi sku zhes bya ba ye shes bla na med pa khyad par du 'phags pa las so so'i skye bo'i sa la gnas pa na smon lam chen po btab pa'i 'du byed kyi shugs yongs su 'dzin pa'i stobs kyis nyon mongs pa'i dug gi shing rtsa nas ma bton pa/byang chub sems dpa' dang /rang sangs rgyas dang / nyan thos kyi rigs can dag gi sems kyi rgyud rnams la dge ba'i rtsa ba ji ltar yongs su smin pa'i dbang gis de bzhin gshegs pa dang / rang rgyal ba dang / nyan thos dang / tshangs pa dang / brgya byin dang / 'khor los sgyur ba dang /bram ze la sogs par snang ba'i rnam par rig pa gang dag 'byung ba de dag ni sprul pa'i sku zhes bya ba la brten to zhes bstan par 'gyur ro/ /de ltar sprul pa dpyad nas longs spyod rdzogs pa dpyad pa'i phyir/ yang dag mthong ba'i blo can rnams/ /zhes bya ba smos so//yang dag mthong zhes bya ba ni sar chud pa rnams te/ nyan thos la sogs pa'i rigs can gzhan dag la de nam yang yul gyi dngos por nye bar mi 'gro'o zhes bstan par 'gyur ro/ /de bzhin bsam pa'i bye brag gis/ /zhes bya ba ni sems kyi rgyud ji ltar yongs su sbyang ba byas pa bzhin du zhes bya ba'i tha tshig go//dkar po'i chos kun rab rdzogs pas/ /zhes bya ba ni/ bsod nams dang ye shes kyi tshogs du ma yongs su rdzogs pa ste/ de'i phyir 'dis spangs pa dang / ye shes phun sum tshogs pa ston to/ /de ltar sgrib pa thams cad zad pa'i phyir dang / bsod nams dang ye shes phun sum tshogs pa'i phyir ci zhig gi ngo bo nyid du 'gyur zhe na/ de'i phyir de bzhin nyid tsam yod ces bya ba smos so/ /de'i gnas skabs na shes bya'i tshogs ma lus pa de bzhin nyid tsam du mthong ba las shes bya gzhan ci yang med do zhes ston to/ / bla na med pa rnam par mi rtog pa dmigs par bya ba dang / dmigs par byed pa mtshungs mnyam pa'i mtshan nyid kyi ye shes de lta bu ni chos kyi sku zhes bya ste/ de ni 'di skad du/ byang chub sems dpa'i sa bcu pa chos kyi sprin zhes bya ba la/ pad+ma chen po'i rgyal po'i steng na bzhugs pa/yang dag par rdzogs pa'i sangs rgyas kyi rgyal tshab tu dbang bskur ba brnyes pa/ sa de'i spyod yul gnas ngan len shin tu cha phra ba yang dag par zad pa/ bsod nams dang ye shes kyi tshogs yongs su rdzogs pa/ nyon mongs pa dang shes bya thams cad la gti mug gi mun pa chen po bstsal bas gnas gyur pa bsam gyis mi khyab pa brnyes pa'i phyir 'gro ba mtha' dag gi yul las shin tu 'das pa'i sku chos kyi sku gang yin pa de ni chos kyi sku zhes bya'o zhes bstan par 'gyur ro//de ltar sku gsum mtshan nyid las dpyad nas brda rtogs par bya ba'i phyir/dang po gnyis ni btags pa'i yod/ /gsum pa don dam pa yang yin/ /zhes bya ba smos so/ /yang na sku gsum bstan pa 'di ci thams cad don dam pa pa yin nam/ 'on te ma yin zhe na/ de'i phyir/ sprul pa dang longs spyod rdzogs pa ni kun rdzob kyi spyod yul lo zhes bstan to//gsum pa chos kyi sku ni don dam pa pa zhes bya ste/ don dam pas bsdus zhes bya ba'i tha tshig go/ /ji ltar na de gnyis btags pa'i yod pa yin zhing gang la 'dogs she na/ de dag las kyang gsum pa ni/ /gnyis po gnas su gyur par 'dod//ces bya ba smos te/ chos kyi sku rten du gyur pa la brten nas de gnyis btags pa'i phyir de ni gnas zhes bya ste/ nags la sogs pa dag gi shing la sogs pa bzhin no/ /gsum pa de ni gnas yin pa'i phyir dang / de bzhin nyid yul yin pa'i phyir don dam pa zhes bya ste/de gnyis ni gdul ba'i yul gyi dngos por nye bar 'gro ba'i phyir dang / res 'ga' mi gnas pa'i phyir btags pa'i yod pa yin la/ cig shos ni 'jig rten thams cad kyi yul ma yin pa dang / 'khor ba ji srid par bzhugs pa'i phyir ro/ /chos gzhan dag kyang yod pa snyam na/'o na ci'i phyir chos kyi sku gcig pu don dam pas bsdus pa zhes bya zhe na/ de'i phyir/ dri med de bzhin nyid dang ni/ /mi rtog ye shes ma gtogs par/ /zhes bya ba smos te/ dri ma med ces bya ba ni glo bur gyi dri ma dang bral ba'i phyir ro/ / mi rtog ye shes zhes bya ba ni de bzhin nyid la dmigs pa ste/ dmigs par bya ba dang / dmigs par byed pa mtshungs snyam pa'i ye shes zhes bya ba'i tha tshig go/ /sangs rgyas rnams kyi chos gzhan ni/ /gang yang yod pa ma yin no/ /zhes bya ba ni 'di gnyis la ma gtogs pa gzhan med pa'i phyir te/shes bya thams cad ni 'di gnyis kyi ngo bor gnas pa yin gyi gzhan gyi ngo bor ni ma yin te/ ngo bo gzhan ni spros pa'i yul yin pas brdzun pa'i phyir dang / de bzhin gshegs pa rnams ni spros pa med pa'i phyir ro/ /de bzhin gshegs pa rnams ye shes spangs pa phun sum tshogs pas phye bas ma yin nam/'di gnyis ma gtogs par chos gzhan med ces bya zhe na/ de'i phyir/ de bzhin gshegs rnams ye shes dang / /spangs pa phun sum tshogs pas phye/ /zhes bya ba smos so/ / sangs rgyas bcom ldan 'das rnams ye shes phun sum tshogs pa dang spangs pa phun sum tshogs pas rab tu phye ba yin pa bden mod kyi/ de gnyis ni ji skad smos pa gnyis kyi nang du 'dus pa'i phyir/ rtog med ye shes de bzhin nyid/ /dag pas de gnyis bsdus pa yin/ / zhes bya ba smos so/ /gal te 'di gnyis kyis bsdus par ma gyur na ni/ brgal zhing brtag pa 'di ltar yang 'gyur na/ rtog pa med pa'i ye shes kyis ye shes phun sum tshogs pa bsdus pa ni yod do/ /gang gi tshe spros pa med par gyur na de lta na ye shes de phun sum tshogs pa yin te/ji srid du rnam par rtog pa de srid du yongs su grub pa'i ye shes ma yin no/ /de bzhin nyid dag pas spangs pa phun sum tshogs te/ ji srid du de bzhin nyid gcig pu gnas par 'gyur ba de srid du des rnam par rtog pa spang bar bya'o/ /de ltar de gnyis kyis gnyi ga bsdus pa yod do//rnam pa 'dis ye shes dang spangs pa phun sum tshogs pa bsdus pa yod pa bden mod kyi/ shes bya de kho nar zad dam ci na/ chos gzhan med ces bya ba rang gi don phun sum tshogs pa dang / gzhan gyi don phun sum tshogs pa chos gzhan dag gis kyang bcom ldan 'das rnams sangs rgyas zhes brjod na/brjod pa 'di rtog pa med pa'i ye shes dang de bzhin nyid dag la ji ltar rung zhe na/ bde gshegs rnams ni rang gzhan don/ /phun tshogs pha rol gshegs par 'dod/ /ces bya ba smos so/ /rang dang gzhan gyi don phun sum tshogs pa'i rgya mtsho'i pha rol du bzhud pas/rang gi don phun sum tshogs pa dang / gzhan gyi don phun sum tshogs pa'i pha rol du gshegs pa zhes brjod do/ /rang gi don phun sum tshogs pa ni rtog pa med pa'i ye shes te/ gal te rnam par mi rtog pa'i ye shes bla na med pa dang ldan na de lta na de rang gi don phun sum tshogs pa yin no//gzhan gyi don phun sum tshogs pa ni de bzhin nyid dag pa'i phyir te/ shes bya'i tshogs thams cad de bzhin nyid du yongs su dag par byas pa'i phyir de lta na thams cad gzigs pa yin te/ bsam pa dang bag la nyal la sogs pa la gzigs pa'i rim gyis gzhan dag gi don sgrub pa'i phyir ro//de'i phyir/ de dag gi dngos de 'dra de'ang / /de nyid du ni bsdus pa yin/ /zhes bya ba smos so/ /de dag gi zhes bya ba ni bcom ldan 'das rnams kyi'o/ /dngos de 'dra zhes bya ba ni rang dang gzhan gyi don phun sum tshogs pa'i pha rol du gshegs pa'i dngos po'o//de'ang zhes bya ba ni bstan ma thag pa nyid do/ /de nyid du zhes bya ba ni de bzhin nyid dang / rnam par mi rtog pa'i ye shes gnyis su'o/ /gal te de bzhin nyid dang / rnam par mi rtog pa'i ye shes ma gtogs par chos gzhan med na/'o na stobs dang mi 'jigs pa la sogs pa'i bye brag mtha' yas pa dang thun mong ma yin pa sangs rgyas kyi chos ma 'dres pa rnams dang / gzhan mngon par shes pa la sogs pa'i chos de dag kyang gsung rab las smos par ji ltar 'gyur te/gnyis kho na smos pa'i rigs kyi/ yi ge du ma'i gron tshegs dbyung ci dgos she na/ de'i phyir/ de yi dbang gis gzhan dag tu/ /zhes bya ba smos so/ /de'i dbang gis zhes bya ba ni 'jig rten las 'das pa'i ye shes kyi dbang gis te/ de'i mthus zhes bya ba'i tha tshig go//bya ba sna tshogs snang bas na/ /zhes bya ba ni 'gro ba'i bya ba du ma snang ba'i phyir te/ gdul ba rnams kyi dge ba'i rtsa ba thabs sna tshogs kyis skye ba'i phyir ro/ /sangs rgyas chos rnams du ma dag /rnam par gzhag par 'dod pa yin/ /zhes bya ba ni rgyu 'dis na sangs rgyas chos rnams rnam pa du mar rnam par gzhag ste rnam par gnas so//de lta bas na de gnyis kho na las rang dang gzhan la phan par bya ba'i tshogs mtha' dag 'grub ste/ gdul bya'i bsam pa la ltos nas 'di nyid du chos 'di dag brjod pa yang nyes pa med do/ / rnam par mi rtog pa 'di gnyis la de'i bdag nyid ma yin pa'i chos rnam pa du ma rnam par gzhag par ji ltar rung zhe na/ rnam par rtog la kun nyon mongs/ /chos kun ji ltar gdags pa ltar/ /zhes bya bas dpes ston te/ rnam par rtog pa la kun nas nyon mongs pa'i chos skyes pa dang /bud med dang gzung ba dang 'dzin pa la sogs pa dag par 'jog ste/ ji srid du rnam par rtog pa'i rgyun thog ma med pa'i dus nas zhugs pa 'di med par ma gyur pa de srid du 'khor ba'i rgyun rgyas par 'gyur te/ de ltar kun nas nyon mongs pa'i rgyur gyur pa chos 'di rnams 'dogs so//de bzhin du rnam par mi rtog pa la yang rnam par mi rtog pa'i gags su gyur pa de dang mi mthun pa rnam par byang ba'i chos rnams ci'i phyir gags su mi rung ste/ de'i phyir/ de bzhin rnam par mi rtog la/ /sangs rgyas chos kun rnam par gzhag /ces bya ba smos so//gang phyir zhes bya ba la sogs pa ni dpes bsgrub pa'i don gyi mjug sdud par byed de/ gang gi phyir de ltar yod pa ma yin yang / gang phyir rdzogs pa'i sangs rgyas chos/ /de las gzhan yod ma yin rnams/ /de yi dbang gis bya ba yis/ /rnam par mi rtog pa'i ye shes kyi dbang gis/thub pa che la rab tu gdags te/ sangs rgyas bcom ldan 'das la snang ngo zhes bya ba'i tha tshig go/ /des cir 'gyur zhe na/ de'i phyir kho na zhes bya ba la sogs pa smos so/ /de bzhag pa zhes bya ba ni chos de dag rnam par gzhag pa'o/ / bye brag ni rnam par gzhag pa de nyid kyi'o/ /rnam pa sna tshogs ni bye brag de nyid kyi rnam pa tha dad pa dag ste/ khams dang 'gro ba dang skye gnas tha dad pa la ltos zhes bya ba'i tha tshig go/ /nam mkhar sna tshogs 'jog pa bzhin/ /rab tu ngo mtshar che zhes bya/ /zhes bya ba ni nam mkha' la ri mo sna tshogs 'jog pa dang 'dra zhes bya ba'i tha tshig ste/de ni sems can gzhan dag gis mi nus pa'i phyir te rab tu ngo mtshar che ste/ de gnyis la de lta bu ci yang med kyang 'on kyang chos rnam par gzhag pa rnam pa du ma snang ngo / /de la 'di lta bur 'gyur te rnam par rtog pa la ni kun nas nyon mongs pa'i chos thams cad gdags pa snang ba bstsal bar mi nus na/rnam par mi rtog par gzhag pa rtog pa'i dra ba'i sa bon gyi bdag nyid ma lus par yang dag par chad pa la sangs rgyas kyi chos thams cad rnam par gzhag pa mi snang na ji ltar de yod do zhes nges par gzung bar nus she na/de'i phyir/ tha snyad gdags bya yod na ni/ /zhes bya ba la sogs pa smos te/ de ni 'di skad du snang ba kho na'i phyir grub po zhe'am/ mi snang ba'i phyir ma grub bo zhes byar mi rung ste/ snang ba 'di yang ji lta bu zhes dris na khyod kyis de sgrub pa'i phyir ci zhig cig bstan dgos so//de'ang ji lta bu zhe na/ thug pa med par 'gyur zhes de skad bstan pa yin no/ /gzhan yang dper na tha snyad gdags par bya ba tha snyad kyi rgyur gyur pa yod na/ phan tshun dbang gis mi rnams kyi/ / tha snyad da lta 'jug pa ltar/ /zhes bya ba phan tshun du bsam pa rig pa 'jug pa dag 'byung ngo / /de'i tshe na'ang de bzhin no/ /'jig rten las 'das pa'i ye shes mngon du gyur pa'i dus na sngon smon lam btab pa'i shugs kyi rgyun gyi dbang gis de bzhin gshegs pa'i chos rnam par gzhag pa'i rgyun gdul ba'i skye bo'i sems kyi rgyud la dge ba'i rtsa ba ji ltar yongs su smin pa bzhin du yongs su smin par bya ba'i phyir 'jug ste/de'i phyir da lta ji lta bar de'i tshe'ang de bzhin no zhes bya ba smos so/ /gal te de lta na spros pa dang spros pa med pa'i dngos por gnas pa'i shes pa gnyis bye brag med pa kho nar 'gyur ro zhes/de'i phyir/ dbang gi bya bar de dag gi/ /bye brag 'di nyid 'ba' zhig ste/ /cig shos dag ni rtog bcas 'dod/ /cig shos dag ni rnam rtog med/ /ces bya ba smos so/ /de ni 'di skad du/ so so skye bo'i gnas skabs na phan tshun gyi dbang gi stobs kyis cig shos dag 'jug pa na rnam par rtog pa dang bcas pa rnams 'jug go//rnam par mi rtog pa'i ye shes mngon du gyur pa'i tshul gyis cig shos dag ni rnam par mi rtog pa rnams so zhes bstan par 'gyur ro/ /ye shes rnam par mi rtog pa yin na spros pa'i dngos po'i yul tha snyad 'di dag thams cad mi rung ba ma yin nam/ji ltar de rnam par mi rtog par 'gyur zhing / rnam par rtog pa'i dngos po'i rgyur yang ji ltar 'gyur te/ rnam par rtog par gyur na ni de ltar 'gyur na/ rnam par rtog pa med pa la ji ltar 'thad par 'gyur zhe na/ de'i phyir/ ji ltar mya ngan 'das pa yi/ / sangs rgyas rnams kyi byin rlabs 'dod/ /de ltar rnam rtog med rnams kyi/ /dbang gi bya ba rnams kyang 'dod/ /ces bya ba smos te/ 'o na re zhig ma 'ongs pa'i gdul ba'i skye bo la phan gdags pa'i phyir phung po lhag ma med pa'i mya ngan las 'das pa'i gnas skabs brnyes pa rnams dang /'od srungs chen po la sogs pa nyan thos la sogs pa rnams kyi byin gyi rlabs de dang da dung du yang gnas par dmigs par yang ji ltar 'gyur/ gal te de dag gis sngon de'i rjes la thob pa'i dag pa 'jig rten pa'i shes pa mngon du gyur pas nyan thos rnams la ma 'ongs pa'i byin gyi rlabs dmigs so zhe na/mtshungs te byang chub sems dpa' spyad pa spyod pa'i dus na smon lam gyi sa bon btab pa yongs su smin pa'i shugs kho na de bzhin gshegs pa rnam par mi rtog pa spros pa med pa'i dbyings la bzhugs pa rnams kyi dbang gis mdzad pa rnams kyang snang ngo //de ni 'di skad du/ nyan thos la sogs pa dge ba'i las chung ngu dang ldan pa rnams kyi mthu yang khyad par du 'phags na/ bsod nams dang ye shes kyi tshogs mang po skal ba ni mi nyung bar bsgrubs pa'i sangs rgyas rnams kyi mthu lta smos kyang ci dgos zhes de skad bstan par 'gyur ro//don 'di yang dpe gzhan las brten te bsgrub pa'i phyir/ de ltar rnam rtog med mod kyi/ /sngar sngon 'dus byas dbang gis na/ /ji ltar 'gog las ldang 'gyur ba/ /'di yang de bzhin 'gyur ba yin/ /zhes bya ba smos te/'gog pa la snyoms par 'jug pa po rnams ting nge 'dzin gyi gnas skabs na yid la rnam par rtog pa'i yongs su g.yo ba'i byed pa chung ngu 'ga' yang med mod kyi/ 'on kyang sngar mngon par 'dus byas pa'i dbang gis 'gog pa la snyoms par 'jug par 'dod pa'i gnas skabs na/gaN+DI'i sgra thos ma thag tu/ bdag nyid ting nge 'dzin 'di las ldang ngo snyam du sngar gaN+DI la sogs pa'i sgra mtshan mar byed de/ de ltar blo la mtshan mar bzung nas snyoms par 'jug la/ mnyam par gzhag pa'i gnas skabs na rnam par rtog pa kun du rgyu ba med mod kyi/'on kyang sngar 'dus byas pa'i dbang gis ldang ba de bzhin du/ 'di yang gdul ba'i sems can gyi khams mngon par gdon pa'i phyir/ bcom ldan 'das rnams rtog pa mi mnga' yang rnam par rtog pa'i yul tha snyad thams cad kyi rgyu nyid du 'gyur ro zhes de skad bstan to//yang na sngar mngon par 'dus byas pa'i dbang gis ldang ba skye bo thams cad la mngon sum du ma gyur pa'i 'di ltar re zhig zhog la khyod nyi ma la ltos shig 'di ltar rnam par mi rtog mod kyi 'on kyang gzugs brnyan 'byung la/ chu dang bcas pa'i snod tha dad pa'i nang du so sor snang ste de'i phyir/dper na nyi ma la sogs pa/ /rnam rtog med pa rnam dbang gis/ /chu dang bcas pa'i snod rnams su/ /gzugs brnyan 'byung bar 'jig rten snang / /zhes bya ba smos te/ rnam par rtog pa yod pa'i phyir rnam par gzhag pa ni ma yin gyi rnam par mi rtog bzhin du snang ngo //zhes de skad ston to/ /nyi ma la sogs pa zhes bya ba ni mdo sde las nyi ma dang nor bu la sogs pa'i dpe 'byung ba rnams te/ de'i dbang du byas nas de skad brjod do/ /de ni 'di skad du nyi ma ni 'di snyam du chu dang bcas pa'i snod de lta bur ni bdag gi gzugs brnyan 'byung bar gyur cig /de lta bur 'byung bar ma gyur cig snyam du rnam par mi rtog mod kyi/ de ltar rnam par mi rtog bzhin du rten cing 'brel bar 'byung ba shin tu sna tshogs pas de ltar 'gyur ro/ /de bzhin du ye shes phul du byung ba'i mthus 'di yang ci'i phyir mi 'byung zhes 'di yang de skad bstan par 'gyur te/bstan pa de'i phyir/ de bzhin mi rtog bdag nyid kyi/ /sangs rgyas rnams kyi dbang gis na/ /skal ldan rnams la sku gnyis kyi/ /gzugs brnyan rtag tu 'byung bar 'gyur/ /zhes bya ba smos te/ 'dir rnam par rtog pa'am/ rnam par mi rtog pas ci zhig bya ste/ye shes kyi mthu 'di 'dra ba des skal ba ji lta ba bzhin du sprul pa dang longs spyod rdzogs pa zhes bya ba'i gzugs brnyan gnyis 'byung ste 'di ni mdor bstan pa'o/ /dper na bai DUR+Ya'i gzhi la brgya byin gyi gzugs brnyan 'byung bar snang na/ de mthong bas gdul ba'i rang bzhin can gyi srog chags rnams/bdag cag kyang 'di 'dra bar gyur kyang ci ma rung zhes dge ba'i rtsa ba dag bskyed do/ /de bzhin du dge ba'i rtsa ba ji lta ba bzhin du 'gro ba la bde bar gshegs pa rnams kyi gzugs brnyan 'di gnyis 'byung ste/ de mthong nas sangs rgyas kyi mthus gdul ba'i sems can rnams sam/gzhan sems can gyi rnam pas gdul ba rnams dge ba'i rtsa ba khyad par du 'phags pa dag stsogs par byed do/ /ji ste de ltar 'dod na chos kyi sku tha dad pa ma yin pa gzugs brnyan tha dad pa gnyis kyi rgyur ji ltar 'gyur/rgyu tha dad pa ma yin na rgyu las byung ba tha dad par yang ji ltar 'gyur zhe na/ de bstan pa'i phyir/ dper na chu snod bye brag gis/ /nam mkha' yi ni gzugs brnyan dag /tha dad par ni snang mod kyi/ /nam mkha' la ni tha dad med/ /ces bya ba smos te/ /dper na nam mkha' ni tha dad pa'i ngo bo ma yin yang chu'i bye brag dang /snod kyi bye brag gis ring po dang thung ngu dang ser po la sogs pa'i bye brag tu tha dad pa'i ngo bo lta bur snang ngo / /ji ste sa la chu dang snod kyi bye brag de med na ni ji ltar shin tu bsgrims te dmigs par 'dod kyang dmigs par mi 'gyur la/nam mkha' yang ji ltar yang tha dad par 'gyur ba med do/ /de bzhin du chos kyi sku la yang rang gi ngo bos gzugs brnyan tha dad pa'i ngo bo nyid med pa 'di yang tha dad pa'i ngo bo nyid lta bu snang mod kyi/ 'on kyang de la ni tha dad pa shin tu cha phra ba ci yang med do/ / de'i phyir/ de bzhin gzugs brnyan tha dad pa/ /gdul ba'i bsam pa'i bye brag gis/ /chos kyi sku las snang mod kyi/ /de ni tha dad 'gyur ba med/ /ces bya ba smos so/ /rnam par mi rtog bzhin du sems can mtha' dag ni don mdzad pa sgrub pa 'di yod do zhes nges par khas blang bar bya'o//de ltar ma yin na khams dang 'gro ba dang skye gnas kyi bye brag gis gdul ba'i ris kyi rnam pa mtha' yas pa dang / 'das pa dang / ma 'ongs pa dang / da ltar dang / phra ba dang / rags pa dang / rtag pa dang / mi rtag pa dang / yod pa dang /med pa la sogs rnam par rtog pa sna tshogs kyis tha dad pa'i shes pa'i tshogs dang / shes bya thams cad la ye shes cig car 'jug par ji ltar 'gyur/ shes bya cig car yongs su ma bcad na yang thams cad mkhyen pa zhes ji skad du bya/dus tha dad par gdul ba rnams kyi bsam pa la gzigs par yang ji ltar 'gyur te de bstan pa'i phyir/ gal te mi rtog de ltar min/ /sangs rgyas gzhan don mdzad mi 'gyur/ /zhes bya ba smos te/ de ni 'di skad du/ de ltar khas mi len na/ bcom ldan 'das de bzhin gshegs pa sa gsum gyi bla ma'i thams cad mkhyen pa nyid kyang brtsal bar 'gyur la/gzhan gyi don kyang nyams par brjod par 'gyur/ zhes bstan par 'gyur ro zhes de skad bstan par 'gyur te de'i phyir/ de lta na ni kun mkhyen nyid/ /ma grub pas ni gzhan don nyams//zhes bya ba smos te/ de ltar dam bcas pa brtan por byas nas/ da ni de bsgrub pa'i phyir/ ston pa kun mkhyen nyid du ni/ /cig car ram rim gyis brtag grang na/ /zhes bya ba smos te/ bde bar gshegs pa'i thams cad mkhyen pa nyid gang brjod pa de shes bya yongs su gcod par byed pa'i mkhyen pa brnyes pas te/cig car du shes bya thams cad la khyab pa'i mkhyen pa mngon sum du gyur pa'i phyir ram/ 'on te rim gyis shes bya thams cad la khyab pa'i mkhyen pa mngon sum du gyur pa'i phyir thams cad mkhyen pa zhes bya grang zhes de skad bstan to/ / dngos po la mngon par zhen pa can khyod kyi de gnyi ga yang rigs pas mi rung ste de'i phyir/ don smra rnams la rigs pas ni/ /gnyi ga ltar yang de mi 'grub/ /ces bya ba smos te/ gang gis 'grub pa med pa'i rigs pa de gang zhe na/ de'i phyir/ yod med yul la shes pa ni//zhes bya ba la sogs pa smos te shes bya ni yod pa 'am med pa'i shes bya rnam pa gnyis su zad pas rnam par rtog pa gsum pa med pa'i phyir/ shes bya thams cad ni 'di gnyis las mi 'da'o/ /yod pa la yang yod pa dang / med pa la yang med par shes na shes bya thams cad yongs su gcod pa'i shes pa ni thams cad mkhyen pa'i ye shes zhes bya na/phan tshun mi mthun pa'i phyir de gnyis ji ltar ngas gcig tu yongs su gcad par 'gyur te de'i phyir/ cig car 'jug par mi nus so/ /ji ltar gcig pu'i mtshan nyid de//sna tshogs don la dmigs par 'dod/ /ces bya ba smos te/ yod pa dang med pa'i yul la ye shes cig car 'jug par mi nus so/ /de'i sems kyi mtshan nyid ji snyed pa ni gcig yin la/ shes bya thams cad la cig car khyab pa'i mkhyen pa brnyes pa'i phyir cig car du thams cad mkhyen par yang 'dod de/de'i phyir 'di ltar shes pa'i skad cig gcig ni don sna tshogs la dmigs par mi rung ngo / /ji ste de ltar 'dod na ci'i phyir sems gcig don sna tshogs la dmigs par mi 'gyur zhe na/ smras pa/ mig la sogs pa'i rnam par shes pa ni re zhig rang gi yul nges pa'i phyir yul yongs su bcad pa ste/de'i phyir des don sna tshogs ji ltar 'dzin/ yid kyi rnam par shes pa'i yul yang 'gags ma thag pa'i yul la cig car mi 'jug gi /spyi'i rnam par de 'jug ste/ / spyi'i rnam par yongs su gcod pa'i shes pa ni thams cad mkhyen pa'i ye shes zhes khas blang bar mi nus te/ thams cad kyang de yin par thal bar 'gyur ba'i phyir ro/ /zag pa med pa'i shes pa bden pa bzhis bsdus pa'i chos shes pa la sogs pa yod pa de yang 'dod pa dang /gzugs dang gzugs med pa'i khams kyi yul la dmigs pa nyid yin pas/ yul so sor nges pa nyid yin par khas blang dgos so/ /kun rdzob shes pa ni res 'ga' 'byung ba ste/ de yang zag pa med pa'i rjes la thob pa yin pa'i phyir yul thams cad la dmigs par mi 'dod do//su gang dag thams cad mkhyen pa yin par 'dod pa de'i yang rigs pa ma yin te/ gang zag tu smra ba de dag ni 'di skad du shes pa la brten nas gang zag gis shes so zhes bya'o zhes 'dzer te/ shes pa de yang dpyad na ji skad smos pa'i shes pa'i nang du 'dus pa nyid do//de ltar na re zhig cig car gyis thams cad mkhyen pa nyid med do/ /de lta yin du zin kyang rim gyis yul yongs su gcod de/ shes pa de 'jug pa na shes bya ma lus pa yongs su spyod pa'i phyir thams cad mkhyen pa nyid du 'grub bo zhe na/de'i phyir/ de lta min na dus gcig na/ /gdul ba mang po rnams kyi don/ /nyams par 'gyur la ston pa yi/ /kun mkhyen nyid ni btags yin 'gyur/ /zhes bya ba smos so/ /dus gcig kho nar gdul ba rnams kyi bsam pa dang /bag la nyal la sogs pa brtags nas chos bshad pa la sogs pas don bya dgos na/ de ni de ltar gyur pas ji srid du gcig la rtog pa de srid du gzhan 'da' bar 'gyur te/ de'i phyir gdul ba mang po rnams kyi don nyams par 'gyur ro/ /ji ste rgyun gyis nus pa'i phyir dper na mes thams cad sreg pa bzhin te/cig car thams cad rigs pa ma yin pa'i phyir thams cad mkhyen pa yang de ltar blta bar bya'o zhe na/ de lta na ni dngos su med pa'i phyir sangs rgyas rnams kyi thams cad mkhyen pa nyid ni btags pa yin par khas blangs par 'gyur ro/ /gal te shes bya rnam pa du ma yod pa thams cad dus gcig tu yongs su gcod na ni de lta na thams cad thugs su chud pa zhes bya bas thams cad mkhyen pa'i sgra dngos su 'gyur ro//de yi phyir na ston pa yi/ /kun mkhyen nyid ni btags yin 'gyur/ /zhes bya ba smos so/ /'o na thams cad mkhyen pa ji lta bu yin zhe na/de bsgrub pa'i phyir/ dus gsum shes bya tha dad kun/ /gang phyir gnyis med mtshan nyid du/ /de mkhyen bcom ldan 'das de'i phyir/ /cig car thams cad mkhyen par 'dod/ /ces bya bas rang gi lta ba ston par byed de/ gang gi phyir dus gsum la sogs pa shes bya tha dad pa thams cad gzung ba dang 'dzin pa'i rnam par mi dmigs pa'i tshul du cig car mkhyen te/de'i phyir bcom ldan 'das ni sngar mdzad zin par brjod do zhes bya ba'i tha tshig go/ /de ltar spros pa med pa'i tshul gyis shes bya thams cad la khyab pa'i mkhyen pa brnyes pas sangs rgyas bcom ldan 'das rnams ni rnam par rtog pa mi mnga' zhing rnam par mi rtog pa'i mkhyen pa dang ldan no zhes brjod do//gal te sangs rgyas bcom ldan 'das rnams rnam par mi rtog pa yin na ci'i phyir mdo gzhan las/ byis pa rnams ni rtog med 'dod//de bzhin gshegs rnams rtog dang bcas/ /zhes gzhan du bstan zhe na/ de bstan pa'i phyir/ log pa gnyis su lta ba yi/ /byis pa rnams ni rtog med 'dod/ /gnyis med yang dag yod gzigs pa/ /stobs bcu rnams ni rnam rtog bcas/ /zhes bya ba smos te/log par gnyis su lta ba yongs su gcod pa'i phyir ro/ /gnyis su med pa'i yang dag par yod pa gzung ba dang / 'dzin pa la sogs pa las rnam par grol ba gzigs pas rgyal ba rnams ni rnam par rtog pa dang bcas pa zhes brjod do/ /de ltar zhar las byung ba yongs su rdzogs par byas nas skabs nyid dang sbyar ba'i phyir/yang dag ma yin kun rtog gi /bya ba gang tshe snang gyur na/ /don bzhin yongs su rtog pa yi/ /de ni ci'i phyir 'byung mi 'gyur/ /zhes bya ba smos te/ gzhan gyis sangs rgyas 'jig rten las 'das pa'i ye shes brnyes pas rnam par mi rtog pa rnams kyi gdul ba'i don mdzad pa phun sum tshogs pa sna tshogs par ji ltar 'gyur zhes de skad brgal ba de la nyi ma la sogs pa'i dpe bkod pa la sogs pas lan btab zin to//gzhan 'di yang brjod de yang dag pa ma yin pa kun rtog pa brdzun pa yin pa la yang bya ba phun sum tshogs pa sna tshogs dag snang na yang dag pa ji lta ba bzhin rnam par mi rtog pa 'jig rten las 'das pa de bzhin nyid la gnas pa'i don mdzad pa de lta smos kyang ci dgos te//ci'i phyir mi 'byung / yang dag pa mi yin pa la kun rtog pa la ni thog ma med pa'i dus nas kun gzhi rnam par shes pa la sa bon rnam pa sna tshogs gnas pa'i nus pa yongs su smin pa'i dbang gis tha snyad gdags pa'i bya ba sna tshogs 'grub tu rung na/rnam par mi rtog pa'i ye shes 'di ni sa bon med pa kho na yin na 'di las ji ltar tha snyad kyi rnam pa bla na med pa du ma 'grub par 'gyur zhe na/de'i phyir/ tha snyad gdags pa bya ba'i rgyu/ /rnam par rtog pa 'jug pa yi/ /rten ni rtsa ba'i sems yin te/ /rtsa ba'i yan lag der 'dod ltar/ /du ma'i mthu ldan mi rtog pa'i/ /ye shes 'jug pa'i gnas yin pas//de yi dbang gis de bzhin nyid/ /dag pa rtsa ba'i rgyur 'dod do/ /zhes bya ba smos te/ de ni 'di skad du tha snyad gdags par bya ba'i rgyur gyur pa'i rnam par rtog pa 'jug pa'i rten kun gzhi rnam par shes pa yin par 'dod de/ de la sa bon gnas pa'i phyir de ni rtsa ba'i yan lag yin pa ji lta ba de bzhin du/de bzhin nyid rnam par dag pa yang rnam par mi rtog pa'i ye shes mthu du ma dang ldan pa 'byung ba'i rten gyi dngos por rtsa ba'i yan lag yin par 'dod par bya ste/ phan tshun gyi dbang gis so zhes de skad bstan par 'gyur ro//rnam par mi rtog pa'i ye shes brnyes pa rnams ni 'byor pa du ma dang ldan la/ gzhan so so'i skye bo rnams ni de ltar ma yin pa de ji lta bu zhe na/ rnam pa du mar 'jug pas na/ /rnam rtog kun du song ba'i phyir/ /de rnams 'jig pas ye shes ni/ /de lta bu yi dbang 'byor ldan//zhes bya ba smos so/ /yang na ye shes can rnams kyi dbang 'byor phun sum tshogs pa de ji ltar glo bur du rtsol ba med par cig car du snang / 'di la rgyu ni ci zhig yod ce na/ de'i phyir/ rnam pa du mar 'jug pas na/ /zhes bya ba la sogs pa smos te/ rgyu ji lta ba de bzhin du 'bras bu 'byung bas de ni klan kar mi rung ngo / /de ni 'di skad du rnam pa du mar 'jug pa dang ldan pa'i rnam par rtog pa kun du 'gro ba rnam par bshig pas ji lta ba bzhin du mkhyen pa'i phyir ye shes kyang de'i rnam pa kho nar dbang 'byor phun sum tshogs pas bsdus pa brnyes te/gang la dbang 'byor rnam pa de lta bu mnga' ba de la de skad ces bya'o/ /'di bskal pa phung po lhag ma med pa'i mya ngan las 'das pa dang / phung po lhag ma dang bcas pa'i mya ngan las 'das pa zhes rnam par gzhag pa 'di sku gsum 'di la yod dam/ 'on te phung po dang bcas pa dang phung po med pa zhes brjod pa sku gang la yang ma gtogs pa gang zhig yin nam zhe na/ de'i phyir/ phung por bcas pa'i mya ngan 'das/ /zhes bya ba la sogs pa smos so/ /thub sku gnyis la/ zhes bya ba ni sprul pa'i sku dang / longs spyod rdzogs pa'i sku la'o//de la bzhag pa yin pa ni rnam par bzhag go zhes bya ba'i tha tshig go/ /sangs rgyas la stsogs pa'i skur kun du snang ba'i phyir phung po rnams te phung po dag yin pa'i phyir ro/ /phung po'i lhag ma med pa'i mya ngan las 'das pa'i dbyings ni chos kyi sku la rnam par gzhag ste/de ji lta bu zhe na/ phung po kun dang bral ba'i phyir/ /chos kyi sku la phung po med/ /ces bya ba smos te/ de la spros pa med pa'i dngos po thams cad med pa'i phyir ro/ /de ltar nyan thos dang thun mong ba'i mya ngan las 'das pa brjod pa khas blangs te bstan to/ / da ni bla na med pa'i mya ngan las 'das pa bsdu ba'i phyir/ mi gnas mya ngan 'das pa yi/ /khyad par brnyes pa skyob rnams kyi/ /sku gsum 'di dag nyid kyis ni/ /bsdus pa yin par rig par bya/ /zhes bya ba smos te/ mi gnas mya ngan 'das pa yi/ /khyad par brnyes pa skyob rnams kyi//zhes bya ba ni shes rab dang snying rje gnyis kyis rab kyi mthar gshegs pas go rims bzhin du 'khor ba dang mya ngan las 'das pa la yang mi bzhugs te/ 'di ni nyan thos la sogs pa las khyad par du 'phags pa'o/ /ji ltar bsdus she na/ de'i phyir/sku gnyis kyis ni sangs rgyas rnams/ /mya ngan 'das la bzhugs mi 'dod/ /chos kyi sku yis de dag rnams/ /'khor ba la yang bzhugs mi 'dod/ /ces bya ba smos te/ sprul pa dang longs spyod rdzogs pas mya ngan las 'das pa la zhugs par mi 'dod do/ / de gnyis ni bden pa ma yin pa'i phyir de gnyis ni gdul ba'i don du chos kyi sku'i dbang de las snang ba'i phyir ro/ /chos kyi skus ni 'khor ba la bzhugs par mi 'dod de spros pa thams cad las yang dag par 'das pa'i phyir te/ 'khor ba ni spros pa'i dngos po'i rten yin pa'i phyir ro//de ltar na sangs rgyas rnams ni mi gnas pa'i mya ngan las 'das pa'i khyad par brnyes pa yin no/ /ci sku gsum po 'di dag dngos po med pa'i ngo bo nyid yin nam 'on te dngos po'i bdag nyid yin/ phan tshun tha dad pa ma yin nam tha dad pa'i bdag nyid yin/gnyis ni brdzun pa yin pas dngos po med pa'i ngo bo nyid yin du yang dogs/ chos kyi sku yod pa'i phyir dang / gnyis po dang tha mi dad pa'i phyir yod pa'i bdag nyid yin du'ang dogs pa'i sa bon yod pas de'i phyir/ sku gsum po ni de dag kyang / /yod min med pa'ang ma yin la//de dag phan tshun gcig pa'am/ /tha dad min par 'dod pa yin/ /zhes bya ba smos te/ yod pa dang med pa'i phyir yod pa'am med par brjod par mi nus so/ /sprul pa'i sku ni gdul ba'i dgos pa ji srid pa tsam du bzhugs pas yod pa ma yin no/ /longs spyod rdzogs pa'i sku yang de dang 'dra'o//chos kyi sku ni 'khor ba ji srid par bzhugs pas med pa yang ma yin no/ /de dag ni phan tshun du tha dad pa'am/ gcig par yang mi 'dod de ji ltar gcig pa nyid ma yin zhe na/ sprul pa dang longs spyod rdzogs pa ni gdul ba'i bsam pa ji lta ba bzhin du spros pa'i yul gyi dngos por 'gro ba'i phyir dang chos kyi sku ni spros pa med pa'i phyir ro//tha dad pa yang ma yin pa ni de'i dbang gi stobs kyis de gnyis 'byung ba'i phyir dang gud na med pa'i phyir te/ chos kyi dbyings shin tu rnam par dag pa'i rgyu mthun pa yod pa'i phyir ro/ / gsung rab las/ sangs rgyas bcom ldan 'das rnams ni/ bde ba mchog dang ldan pa yin no zhes 'byung na/ spros pa med par zhugs pa rnams la brjod pa 'di ji ltar rigs she na de'i phyir/ chos sku brnyes par gyur pa yi/ /sangs rgyas rnams ni kun rtog kun/ /rnam pa kun du chad pa'i phyir//mchog tu bde ba yin zhes brjod/ /ces bya ba smos so/ /yang na tha dad pa la sogs par rnam par brtag pa 'dis ci zhig bya ste/ des bde ba mchog ces de tsam zhig brjod par nus so zhes bstan pa'i phyir/ chos sku brnyes par gyur pa yi/ /zhes bya ba la sogs pa smos te/de ni 'di skad du tshor ba thams cad med pa'i phyir de na bde ba'i tshor ba ni med kyi/ rab tu zhi ba'i bde ba 'ba' zhig go zhes de skad bstan par 'gyur ro/ /rnam pa gang gis de bde ba zhes bya zhe na/ gang sdug bsngal thams cad nye bar zhi ba 'di yang dag pa'i bde ba'o//bde ba'i tshor ba ni sdug bsngal dang 'brel ba'i phyir bde ba nyid du yod pa ma yin na/ 'khrul pas bde ba snyam du sems so/ /sku gsum po de dag gi mtshan ma de dag ci de dag don la mi ltos pa dag cig gam/ 'on te don dang mthun pa dag cig ce na/ de'i phyir/ log yin de ltar snang phyir dang / /longs spyod rdzogs pa gnyis mdzad dang / /sangs rgyas chos kyi rten yin phyir/ /de dag mtshan ni go rims bzhin/ /zhes bya ba smos so/ /sprul pa de ni log pa yin yang / yang dag pa ma yin bzhin du sprul pa gzhan ltar de lta bu'i dngos por snang ste/sangs rgyas la sogs pa'i gzugs su snang ba'i phyir mtshan de ni don ji lta ba bzhin no/ /rnam pa gnyis la longs spyod rdzogs par mdzad pa'i phyir longs spyod rdzogs pa'i sku zhes brjod pa yang don ji lta ba kho na bzhin no/ /longs spyod rnam pa gnyis ni sangs rgyas kyi zhing shin tu yongs su dag pa la longs spyod rdzogs pa dang theg pa chen po'i dam pa'i chos zab mo bla na med pa la longs spyod rdzogs pa'o//longs spyod rdzogs par bya ba'i 'byung ba'am yang na de'i dgos pa longs spyod rdzogs pa yin pas longs spyod rdzogs pa'o//chos kyi sku ni sangs rgyas kyi chos thams cad kyi rten gyi dngos por yod pa'i phyir don ji lta ba kho na bzhin no/ /bcom ldan 'das spros pa ma mchis pa'i dbyings la sangs rgyas kyi chos rnams ji lta bu lags zhes zhus pa dang / bcom ldan 'das kyis 'jam dpal dgos pa 'grub pa'i phyir ro zhes gsungs te/de ni 'di skad du chos kyi sku spros pa'i dngos po thams cad las yang dag par 'das pa'i sku yin yang / sngon gyi smon lam gyi shugs yongs su 'dzin pa'i dbang gis gdul ba rnams kyi dge ba'i rtsa ba yongs su bskyed pa'i phyir sangs rgyas kyi chos de dang de dag bdag nyid de dang des dgos pa sgrub par mdzad do zhes de skad bstan par 'gyur ro//'o na sku gsum po de dag ji ltar gdags/ /de dag gang las thob par 'gyur/ /de dag gang gis bsdus she na/ /de'i phyir/ ngo bo nyid ni rnam gsum po/ /yongs su shes dang spangs dag pas/ /sku gsum po dag 'thob 'gyur te/ /zhes bya ba smos te/ kun brtags pa la ni spang ba med pa'i phyir/ yongs su shes pas sprul pa'i sku 'thob bo/ /gzhan gyi dbang rten cing 'brel par 'byung ba'i mtshan nyid spangs pas longs spyod rdzogs pa'i sku 'thob ste/'khrul pas yul la spyod par zhugs pa spangs pas theg pa chen po'i chos bla na med pa la longs spyod rdzogs pa dgyes pa bstar ba'i phyir ro/ /yongs su grub pa la glo bur gyi dri ma yongs su dag pas chos kyi dbyings rtogs pas rab tu phye ba'i chos kyi sku 'thob bo//de nyid kyi phyir de dag ni de dag tu 'dus te de'i phyir/ de'i phyir de dag de yis bsdus/ /zhes bya ba smos te/ go rims bzhin du ngo bo nyid rnams kyis sku gsum bsdus par khong du chud par bya'o/ /sku rnams ni gnas gyur pas rab tu phye ba yin no//zhes bya ba de la gang gyur pas sku gang thob par 'gyur zhe na de'i phyir/ rtsa ba'i sems ni gyur pas na/ /chos sku thob par 'dod pa yin/ /'jug pa'i rnam shes gyur pa las/ /longs spyod rdzogs pa thob par 'gyur/ /zhes bya ba smras te/ rtsa ba'i sems ni kun gzhi rnam par shes pa'o//de gyur pa ni 'jig rten las 'das pa'i ye shes mngon du gyur pa'i tshul gyis thog ma med pa'i dus nas bstsags pa'i sa bon rtsa nas bton pa'i phyir ro/ /longs spyod rdzogs pa'i sku ni 'jug pa'i rnam par shes pa gyur pas 'thob ste/ 'di ltar de dag gzung ba dang 'dzin pa'i rnam par yul la spyod par zhugs pa dag ste/ de log na de thob bo zhes bya bar bsam pa'o/ /de ji ltar shes par nus she na/ de'i phyir/ gang phyir kun nas nyon mongs kun/ /'grub nus rten gyi bdag nyid can/ /rtsa ba'i sems yin de yi phyir//dag pas de yi chos sku 'thob/ /ces bya ba smos te/ gang gi phyir kun gzhi rnam par shes pa kun nas nyon mongs pa'i chos thams cad 'grub par nus pa dag blangs te/ 'jug pa de nyid kyi phyir gzhan du len pa'i rnam par shes pa zhes kyang bstan to/ /de bas na de ltar gyur pa de rnam par dag pas glo bur gyi dri ma rnam par dag pa'i chos kyi sku 'thob po zhes de skad ston te/de ni brda phrad par zad do/ /'jug pa'i rnam par shes pa gyur pas longs spyod rdzogs pa ji ltar 'thob ce na/ de'i phyir/ gang phyir 'jug pa'i rnam par shes/ / tha snyad gdags pa rnam pa kun/ /'jug pa'i rgyu yin de phyir te/ /dag pas longs spyod rdzogs pa 'thob/ /ces bya ba smos te/ gang gi phyir 'jug pa'i rnam par shes pa gzung ba dang 'dzin pa'i rnam pa la sogs pa rnam pa thams cad kyi bdag nyid phan tshun du bsam pa rig pa'i mtshan nyid tha snyad gdags pa thams cad 'jug pa'i 'byung ba'i rgyur gyur pa de'i phyir de dag pas longs spyod rdzogs pa'i sku 'thob bo//ngo bo nyid ni rnam gsum po/ /yongs su shes dang spangs dag pas/ /zhes smos pa ci'i phyir gdags pa ni yongs su shes pa tsam du zad kyi/ zad par ni rnam par mi gzhag ce na/de'i phyir/ ji ltar gzhan dbang zad pa ltar/ /brtags la zad pa yod ma yin/ /zhes bya ba smos te/ ji ltar gzhan gyi dbang zad pa de lta bur med pa'o/ /des cir 'gyur zhe na/ de'i phyir/ de bas rang gi mtshan nyid ni/ /de dang tha dad nyid du bzhag /ces bya ba smos te/gal te gzhan gyi dbang bzhin du 'di zad par gyur na/ gzhan gyi dbang nyid du 'gyur gyi de dang mtshan nyid tha dad par brtags par mi 'gyur te/ gang gi phyir de la zad pa med pa de'i phyir mtshan nyid tha dad do zhes de skad sgrub po/ /de ltar mtshan nyid tha dad par gyur na ci 'grub ce na/de'i phyir/ sprul pa tha dad gzhag pa yin/ /zhes bya ba smos te/ 'di nyid kyi phyir longs spyod rdzogs pa'i sku las sprul pa'i sku tha dad par rnam par gzhag go/ /de gyur na ni longs spyod rdzogs sku thob par 'gyur te/ zhes bya ba ni 'jug pa'i rnam par shes pa gyur na longs spyod rdzogs pa nyid 'thob bo//cig shos min/ zhes bya ba ni sprul pa'i sku'o/ /'o na ci sangs rgyas bcom ldan 'das thams cad rnam pa thams cad kyis mtshungs pa zhig yin nam/ 'on te 'ga' zhig gis tha dad pa yang yin zhe na/de'i phyir/ sangs rgyas kun ni mtshungs nyid de/ /zhes bya ba smos te/ de ni 'di skad du sku gsum po de dag ni sku gsum po 'di dag dang shas 'ga' zhig gis mthun pa'ang yin no zhes bstan par 'gyur te/ de'i phyir/ dang po la ni las kyis 'dod/ /zhes bya ba la sogs pa smos so//dang po sprul pa'i sku la ni phrin las kyis mtshungs par 'dod de/ sems can gyi khams 'dul ba'i phrin las mdzad pa'i phyir te/ thams cad kyi mdzad pa yang 'di yin par thams cad mthun no/ /gnyis pa longs spyod rdzogs pa'i sku la ni dgongs pas phrin las de mtshungs pa nyid de/byang chub sems dpa' thams cad la chos bstan pa dang bdag nyid kyang bde ba myong bar mdzad par dgongs pa'i phyir te/ des na mtshungs so/ /gsum pa chos kyi sku la ni rten gyi phrin las de mtshungs pa nyid yin par khong du chud par bya ste/sku gnyis kyi rten yin pa'i phyir ram/ sangs rgyas kyi chos thams cad kyi rten yin pa'i phyir ro/ /gnyis pa la bsam pas phrin las de mtshungs pa nyid do zhes bstan pa de ji ltar shes par bya zhe na/ de'i phyir/ gang phyir longs spyod rdzogs pa la/ /phan dang bde mdzad mthar phyin pa//zhes bya ba smos so/ /phan pa dang bde ba mdzad pa rab kyi mthar phyin te theg pa chen po'i chos bla na med pa thun mong du spyod pa mdzad pa'i phyir byang chub sems dpa' rnams la phan pa mdzad pa mthar phyin to/ /bdag nyid sdug bsngal thams cad nye bar zhi ba'i mtshan nyid rab tu zhi ba'i bde ba'i ro bro ba'i dgyes pa dang ldan pas bde ba mdzad pa'i mthar phyin to//gang gi phyir de ltar gyur pa de'i phyir de ni lhag pa'i bsam pas rab tu phye ba yin te de'i phyir/ de'i phyir de ni phan pa dang / /bde ba'i dgongs pas rab tu phye/ /zhes bya ba smos so/ /ci sku gsum po 'di dag rnam pa gcig pa dag gcig gam/'on te rnam pa du ma dag gcig ce na/ de'i phyir/ sprul pa du mar shes bya ste/ /zhes bya ba smos te/ rnam pa du ma'o/ /de ci'i phyir zhe na/ rnam pa du ma 'jug phyir ro/ /zhes bya ba smos te/ bsam pa dang bag la nyal ji lta ba bzhin du gdul ba'i skye bo ma lus pa yongs su smin par mdzad par zhugs pa'i phyir ro zhes bya ba'i tha tshig go//rnam pa gcig pur zhugs pa'i phyir/ /longs spyod rdzogs pa gcig pur 'dod/ /ces bya ba ni theg pa chen po'i chos bstan pa'i phyir rnam pa gcig pur zhugs pa nyid do/ /des rnam pa gnyis longs spyod rdzogs par mdzad pa'i phyir zhes ma bstan tam/de ji lta na rnam pa gcig pur 'jug ce na/ de ni de lta ma yin te/ de gnyis ma gtogs par de la rnam pa gzhan med pas de skad brjod kyi rnam pa de gcig pu ni ma yin te/ gzhan rnam par gcad pa'i phyir nyes pa med do//chos kyi sku'i ngo bo nyid ji lta bu yin pa ma bstan to zhe na/ 'og nas/ de'i don rnam gnyis rdzogs mdzad pas/ /zhes bya ba la sogs pa 'byung ba ste des ston to/ /sku gsum po de dag ci thams cad gzhan gyi don phun sum tshogs pa 'grub pa kho nas rnam par phye ba yin nam 'on te gzhan du yang yin zhe na/de'i phyir/ de la sprul sku gzhan gyi don/ /phun sum tshogs pas rab tu phye/ /zhes bya ba smos so/ /gzhan gyi don zhes bya ba ni gcig tu nges par gzhan gyi don mdzad pa'i phyir te shas che ba'i phyir 'di brjod do/ /rang gi don yang med pa ni ma yin mod kyi gtan tshigs ni/de la gzhan don bya ba yi/ /phun sum 'ba' zhig snang phyir ro/ /zhes bya ba smos so/ /sku gzhan cis rab tu phye ba yin zhe na/ de'i phyir/ longs spyod rdzogs sku rang gi don/ /phun sum tshogs pas phye rig bya/ /zhes bya ba smos te/rang gi don phun sum tshogs pas rab tu phye ba yin no/ /de ji lta bu zhe na/ de la rnam kun rang gi don/ /phun sum 'ba' zhig snang phyir ro/ /zhes bya ba smos so/ /'di la'ang gzhan gyi don yod do/ /de ltar theg pa chen po'i chos zab pa bla na med pa bstan pas byang chub sems dpa' rnams kyi don sgrub pa'i phyir ro//'o na ci'i phyir de skad ces bya zhe na/ de bden mod kyi/ rang gi don mthar phyin pa'i dbang du byas nas de skad ces brjod de/ 'di ltar de bskal pa grangs med pa gsum du bsod nams dang ye shes kyi tshogs bstsags pas 'byor ba'i bde ba phun sum tshogs pa mchog dang ldan gyi gzhan gyi don ni de lta ma yin te/gong du gzhan gyi don mdzad par rab kyi mthar phyin par 'dod pa'i phyir 'di nyes pa med do/ /chos kyi sku ji ltar rnam par dbye bar bya zhe na/ de'i phyir/ don de rnam gnyis grub pa yis/zhes bya ba smos te/ gang gi phyir de'i dbang gis sngon gyi tshe rabs na yongs su bzung ba'i smon lam gyi stobs kyis sprul pa'i sku dang longs spyod rdzogs pa'i sku gnyis 'byung ba de'i phyir/ chos kyi sku de don rnam gnyis grub pa des rab tu phye ba yin te de'i phyir//gang phyir de dag snang byed pa'i/ /mthu ni de la yod phyir ro/ /zhes bya ba smos so/ /brtags pa la zad pa med do zhes bstan na/ de ji ltar mi snang zhe na/ de'i phyir/ gzhan dbang zad pas der bstan pa'i/ /brtags pa snang bar mi 'gyur ro/ /gang phyir grub pa rtogs pa'i phyir//gzhan gyi dbang der zad par 'gyur/ /zhes bya ba smos te/ gzhan gyi dbang zad pa nyid kyi phyir/ de la brten pa brtags pa sngon gyi ltar mi snang ngo / /gzhan gyi dbang de zad pa yang grub pa rtogs pas thob ste/ de ni 'di skad du/ gzhan gyi dbang ni rnam pa gnyis te/mtshan ma'i rang bzhin dang / gnas ngan len gyi rang bzhin te/ de la shes rab dang ting nge 'dzin zung du 'brel par 'jug pa'i lam mngon du gyur nas bla na med pa'i ye shes byung na de'i gags su gyur pa'i sgrib pa gnyis spong bar 'gyur te/ de spangs pas sgrib pa'i ngo bo nyid gzhan gyi dbang zad par brjod do zhes de skad bstan par 'gyur ro//don de rnam gnyis grub pa yis/ /chos kyi sku ni rab tu phye/ /zhes bya ba 'dis ni de las sku gnyis 'byung ba nyid du brjod do/ /sku rnam gnyis ni chos sku la/ /brten pa yin yang de yi phyir/ /gnyis kyi don gnyis phun sum tshogs//rnam pa kun du gnas zhes bya/ /zhes bya ba la brten pa yin yang zhes bya ba ni de ltar yin du zin kyang zhes bya ba ste/ chos kyi sku las byung du zin kyang zhes bya ba'i tha tshig go/ /sprul pa'i sku dang longs spyod rdzogs pa'i sku gnyis de lta yin du zin kyang / de gnyis kyi 'byor pa rang dang gzhan gyi don gyi mtshan nyid ni rnam pa thams cad du gnas pa zhes bya'o/ /de ni 'di skad du sprul pa'i sku'i 'byor pa ni longs spyod rdzogs pa'i sku la brten pa ste/ de'i stobs kyis de 'byung ba'i phyir ro/ /longs spyod rdzogs pa'i sku ni chos kyi sku la brten to/ / de las byung ba las byung bas na sprul pa'i sku yang chos kyi sku dang 'brel bar brjod do/ /zhes de skad bstan par 'gyur ro/ /grub pa rtogs pa'i phyir gzhan gyi dbang zad par 'gyur ba dang / de zad pas de la brten pa brtags pa'i ngo bo nyid phyis snang bar mi 'gyur ro/ /zhes bya ba de ji ltar shes par bya zhe na/de'i phyir/ 'jug sems kun nas nyon mongs pa/ /ji ltar kun gzhi sems las ni/ /gnyis su snang ba 'byung 'gyur ba/ /de rnams dag pas sku 'thob po/ /zhes bya ba smos te/ kun nas nyon mongs pa zhes bya ba ni kun nas nyon mongs pa'i bdag nyid yin gyi/don 'di nyon mongs pa dang mtshungs par ldan pa la ni mi bya'o/ /ji ltar kun gzhi rnam par shes pa las 'jug pa'i rnam par shes pa de gzung ba dang 'dzin pa'i rnam par tha snyad gdags par grub par 'byung ba ni 'di ltar gnyis su snang ba zhes pa smos pa ste/ spros pa'i gnas skabs na ji ltar de las 'jug pa'i rnam par shes pa rnams 'byung ba de bzhin du/ kun gzhi rnam par shes pa yongs su dag pas chos kyi sku 'thob la/ de rnam par dag pas kyang gzhan gyi dbang gi ngo bo nyid 'jug pa'i rnam par shes pa rnam par thar pas longs spyod rdzogs pa'i sku 'thob ste de'i phyir/de rnam par dag pas sku 'thob po zhes bya ba smos te/ 'dis ni spros nas bsgrubs pa'i don to/ /gang gi phyir de ltar gyur pa de'i phyir/ /de bzhin longs spyod rdzogs pa yang / /chos kyi sku dang 'brel bar 'dod/ /sprul pa'ang longs spyod rdzogs pa dang //rab tu 'brel par brjod pa yin/ /zhes bya ba smos so/ /sprul pa dang longs spyod rdzogs pa zhes bya ba 'di gnyis gdul ba'i don sgrub pa'i phyir 'jig rten gyi khams thams cad na bzhugs pa yin nam/ 'on te 'ga' zhig la lar snang la 'ga' zhig la ma yin zhe na/de'i phyir/ sprul gnas gyur phyir/ zhes bya ba la sogs pa smos te/ sprul pa'i sku ni de dang 'brel pa'i phyir/ sprul pa'i sku'i gnas gyur pa/ /zhes brjod do/ /de bzhin du/ rnam gcig dngos phyir/ zhes bya ba ni sangs rgyas kyi gzugs su snang bar zad pa'i phyir ro//sprul pa'i sku ni gang gi rten kyang ma yin pa dang rnam pa du ma ste/ ji ltar dge ba'i rtsa ba yongs su smin pa'i dbang gis de bzhin gshegs pa dang / nyan thos dang rang sangs rgyas dang / tshangs pa dang / dbang po la sogs pa'i gzugs su snang ngo / /byang chub sems dpa' rnams dge ba'i rtsa ba rab dang /phul dang ldan yang rtag tu sangs rgyas kyi gzugs dang / sangs rgyas kyi zhing gi tshad la sogs pa tha dad par mthong gi /rnam pa gzhan du ni ma yin no/ /tshogs la stsogs/ /tha dad phyir ni khams kun du/ /longs spyod rdzogs gnas/ /zhes bya ba la tha dad ces bya ba ni byang chub sems dpa'i tshogs tha dad pa'i phyir ro//stsogs pa smos pas ni sangs rgyas kyi zhing bsdus te/ longs spyod rdzogs pa'i sku ni 'jig rten gyi khams thams cad na bzhugs so/ /cig shos min/ zhes bya ba ni sprul pa'i sku zhes bya ba'i tha tshig ste/ la lar res 'ga' de med pa'i phyir ro//byang chub sems dpa' rnams rgyun mi 'chad pa'i phyir dang / rang gi don phun sum tshogs pa'i rnam pa thams cad la yongs su spyod pa'i phyir chos la longs spyod par nye bar gnas pa'i mtshan nyid ni 'jig rten gyi khams thams cad na yod do/ / 'jig rten gyi khams thams cad na bzhugs pa'i phyir dang / sprul pa'i rten yin pa'i phyir dang / rnam pa gcig gi ngo bo nyid yin pa'i phyir dang / tshogs la sogs pa tha dad pa'i phyir/ de nyid phyir ni chos sku dang / /longs spyod rdzogs pa 'brel par 'dod/ /de de la brten zhes bya ba'i tha tshig go//sprul pa'i sku ni de las bzlog pa'i chos dang ldan pa'i phyir chos kyi sku dang 'brel pa ma yin no/ /yang na dbang gi 'bras bu yi/ /rnam pa kun dang ldan phyir ro/ /zhes bya ba ste/ de ni 'di skad du/ sprul pa'i sku la yang de'i dbang gis de ltar snang ba yod pa'i phyir dbang gi 'bras bu dang ldan pa yod mod kyi/'on kyang dbang gi 'bras bu rnam pa thams cad ni de la med do/ /theg pa chen po'i chos bla na med pa la longs spyod pa'i phyir dang sangs rgyas kyi sku rnam pa thams cad kyi mchog dang ldan pa thob pa'i phyir dang / sangs rgyas kyi zhing yongs su dag par skye ba'i phyir longs spyod rdzogs pa'i sku la ni dbang gi 'bras bu'i rnam pa thams cad dang ldan pa yod do//mdo las de bzhin gshegs pa rnams ni rtag pa'i sku/ ther zug gi sku'o/ /zhes gsungs pa de ci/ thams cad rtag pa nyid yin nam/ 'on te 'ga' zhig yin/rtag pa nyid kyi don ni ji lta bu yin zhe na/ de'i phyir/ de lta de ltar de dang der/ /rgyun gyis 'jug pa yin pas na/ /sprul pa de ni rtag pa ste/ zhes bya ba smos te/ de lta de ltar zhes bya ba ni ji ltar yongs su smin pa bzhin du tshangs pa la sogs pa'i gzugs su ston pa'i phyir ro/ / de dag der zhes bya ba ni 'jig rten gyi khams rnams su'o/ /rgyun gyis 'jug pa zhes bya ba ni gdul ba'i skye bo 'dul ba rgyun mi gcod pa'i phyir ro/ /don 'dis na rtag pa zhes brjod par bstan pa'i phyir dpe/ rtag par zas sbyin 'dra bar 'dod/ /ces bya ba smos so/ /don gang gis longs spyod rdzogs pa'i sku rtag pa zhes bya zhe na/de'i phyir/ chos las longs spyod rdzogs 'jug pa/ /'khor ba srid du mi 'chad pas/ /zhes bya ba smos te/ 'khor ba'i rgyun ji srid par de bzhugs zhes bya ba'i tha tshig go/ /byang chub sems dpa' rnams rgyun mi 'chad pa'i phyir chos la longs spyod rdzogs par mdzad pa'i rgyun mi 'chad de/de bas na de rtag pa ste/ de'i phyir/ longs spyod rdzogs pa rtag pa ste/ /zhes bya ba smos so/ /rtag tu bde spyod bzhin du 'dod/ ces bya bas ni/ 'jig rten na yang de lta bur brjod pa yod do zhes ston te/dper na sdug bsngal la sogs pas bar du ma chod cing bde ba rgyun mi 'chad par myong ba'i mi la 'di ni bde ba dang ldan no zhes bya ba lta bu ste/ 'di yang de bzhin no zhes bya ba'i tha tshig go/ /chos kyi sku ni rang bzhin nyid kyis ngo bo nyid kho nas rtag pa ste/de'i phyir/ 'dus ma byas pa yin pa'i phyir/ /zhes bya ba smos te/ 'dus byas ni mi rtag pa'o/ /gal te de las bzlog par gyur na de rtag pa nyid du grub ste/ 'dis ther zug tu gnas pa'i rtag pa nyid bstan to/ /gzhan du 'gyur ba med pa'i phyir/ / zhes bya ba 'dis ni 'gyur ba gzhan du 'gyur ba med do zhes bstan to/ /de ltar chos gnyis dang ldan pa'i chos kyi sku ni nam mkha' ltar rtag pa ste/ de'i phyir/ nam mkha' bzhin du 'dod pa yin/ /zhes bya ba smos so/ /gnas skabs gang na sku gang yod par bstan pa'i phyir/sprul yod longs spyod rdzogs pa med/ /longs spyod rdzogs yod cig shos med/ /longs spyod rdzogs dang cig shos yod/ /longs spyod rdzogs med cig shos med/ /ces bya ba smos te/ tshig le'ur byas pa 'di bshad pa ni tshig le'ur byas pa 'og ma yin te 'di ltar/de la mos pas brtan rnams dang / /mtshan ma med pa'i sa rnams dang / /mtshan ma bcas pas gzhan rnams dang / /sangs rgyas nyid dang go rims bzhin/ /zhes bya ba smos te/ sprul pa'i sku ni mos pas spyod pa'i sa la rnam par gzhag ste/ de kho na mthong ba med pa'i phyir de na longs spyod rdzogs pa'i sku mthong ba med do//mtshan ma med pa brgyad pa la sogs pa rnams la ni byang chub sems dpa' rnams longs spyod rdzogs sku mthong ba kho na yin gyi sprul pa'i sku mthong ba med de de ni dge ba'i rtsa ba yongs su ma smin pa rnams yongs su smin par bya ba'i phyir so so'i skye bo rnams kyi mdun na snang ba ni brdzun pa yin pa'i phyir ro//mtshan ma dang bcas pa rab tu dga' ba la sogs pa rnams na ni longs spyod rdzogs pa'i sku dang sprul pa zhes bya ba yang snang ngo / /sangs rgyas kyi sa la ni chos kyi sku gcig pur zad kyi gnyis po med de/spros pa'i dngos po'i yul yin pa'i phyir dang / chos kyi sku ni spros pa med pa'i phyir ro/ /de'i phyir go rims bzhin zhes bya ba smos so/ /dam pa rnams kyi sems rgyu ba/ /ma grub pa la dbang 'dod kyi/ /ji bzhin don shes sems rgyu ba/ /grub la de yod ga la 'gyur/ /zhes bya ba smos te/de'i dbang gang yin pa de byang chub sems dpa' rnams kyi sems kyi rgyu ba ma grub pa'i gnas skabs na rigs kyi/ shes pa'i rgyu ba yongs su grub pa la dbang gis ci zhig bya zhes ston to/ /phan tshun gyi dbang gis 'bras bu ci yang mi dmigs so zhes bya bar bsams pa'o/ / da ni de'i lan du/ des bshad stobs kyis de dag gi/ /ye shes de ltar 'jug pa'i phyir/ /gnas ngan len spangs de yi tshe/ /longs spyod rdzogs pa rnam par gzhag /ces bya ba smos te/ des bshad pa'i dbang gis sa ji lta ba bzhin du gnas ngan len spong ngo / /gal te grub pa der dbang med par gyur na gnas ngan len spang bar ji ltar 'gyur te/de ni 'di skad du bstan pa thos nas bsgom pa'i lam gyis sa gong mar rigs kyis goms par byas na ye shes rgyun gyis 'jug pa 'thob ste/ 'di ltar gnas ngan len ma lus par shin tu spong ba'i bar du 'gyur/de lta bas na gnas skabs der longs spyod rdzogs pa'i sku rnam par gzhag go zhes de skad bstan par 'gyur ro/ /gal te longs spyod rdzogs pa'i sku la brten pa nyid kyi gnas ngan len spangs na ni sangs rgyas kyi sa la spang bar bya ba gzhan ci yod de/ de nyid sangs rgyas kyi sa zhes brjod kyi/longs spyod pa'i sku'i gnas skabs zhes mi bya ste/ de'i phyir/ sangs rgyas sa la nag po dang / /dkar po'i chos rnams thams cad ni/ /dngos po kun gyis ldog pa dang / /yongs su gyur par 'gyur ba yin/ /zhes bya ba smos te/ gnas ngan len spangs pa yod pa bden mod kyi/thams cad kyi thams cad du ni ma yin no/ /sangs rgyas kyi sa la ni nag po'i chos thams cad gtan nas ldog go/ /dkar po'i rnam pa thams cad du zag pa med pa nyid du 'gyur te/ de'i phyir gnas skabs der bcom ldan 'das la sangs rgyas zhes bya ste/dkar po'i chos thams cad de bzhin nyid kho nar gyur pa'i phyir ro/ /de nyid kyi phyir bcom ldan 'das rnams ni de bzhin nyid rnam par dag pas rab tu phye ba zhes brjod do/ /de ji ltar shes par bya zhe na/ de'i phyir/ dam pa dang ni dam chos min//bsten dang spangs pas gang gi phyir/ /de bzhin nyid dag rab phye ba/ /sangs rgyas dam pa thob par 'gyur/ /zhes bya ba smos te/ 'di ltar dkar po'i chos rnams bsten pa dang / nag po rnams yongs su spangs pas de bzhin nyid dag pas rab tu phye ba'i chos kyi sku 'thob po//'di ltar longs spyod rdzogs pa'i sku rang gi don phun sum tshogs pas rab tu phye ba la dkar po dang nag po'i chos de dag gi 'bras bu'i rnam pa thams cad ma lus par dmigs te/ nag po rnams gtan mi snang ba'i phyir dang / dkar po rnams zag pa med par gyur par snang ba'i phyir ro zhes bstan pa'i phyir dang /thub pa'i longs spyod rdzogs pa'i sku/ /rang don phun sum tshogs phye la/ /de dag gi ni 'bras bu dang / /rnam pa kun du snang mi snang / /zhes bya ba smos so/ /de'i phyir mtshungs par spangs pa yin/ /zhes bya bas ni ji skad bstan pa'i don gyi mjug sdud par byed do//nag po dang dkar po'i chos rnams ni mtshungs par spang bar bya ba yin te/ kha cig ni gtan du rgyun 'chad la/ /kha cig gzhan gyi dbang gi ngo bo nyid rnams ni gyur pa yin no zhes bstan pa'i phyir/ de dag brtags pa'i rang bzhin pas/ /de dag ldog dang gyur pa ni/ / thub la rnam par 'jog par byed/ /ces bya ba smos te/ de'i phyir sangs rgyas kyi sa nyid la ni ldog pa dang gyur pa ste/ nag po dang dkar po thams cad ldog pa dang gyur par rnam par gzhag go// //bam po gnyis pa/ ngo bo nyid gsum po dag yongs su shes pa dang spangs pa dang /dag pas sku gsum po dag 'thob bo zhes bya ba bstan na 'bras bu 'di rnam par mi rtog pa'i ye shes kyi yin par ji skad du brjod ce na/ de'i phyir/ rnam par mi rtog ye shes kyis/ /ngo bo nyid gsum yongs mkhyen dang / /spong dang mngon du mdzad de'i phyir/ /zhes bya ba smos te/rnam par mi rtog pa'i ye shes 'jig rten las 'das pas ngo bo nyid de dag cig car du yongs su mkhyen/ rab tu spong / mngon sum du mdzad de/ de lta bas na sku gsum po dag ni de'i 'bras bu nyid du brjod pas de'i phyir/ de'i 'bras bu sku 'thob po/ /zhes bya ba smos so//ci'i phyir de rnam par mi rtog pa'i ye shes kyi 'bras bur brjod kyi/ gzhan gyi ni ma yin zhe na/ de'i phyir/ rnam par mi rtog ye shes las/ /ye shes dam pa gzhan med do/ /shes bya chos kyi dbyings las kyang / /shes bya dam pa gzhan med do/ /zhes bya ba smos te/ 'di ni 'di skad du shes pa gzhan ni sgro btags pa'i dngos po la gnas pa'i phyir dang / shes bya gzhan ni log pa'i rnam par zhugs pa'i phyir de gnyis la ma gtogs pa'i bden pa gzhan med do zhes bstan par 'gyur ro/ /chos kyi sku ni gnas gyur pas rab tu phye ba'o zhes brjod pa de ji lta bu zhe na/de'i phyir/ gnyis ni gnyis su med gyur la/ /zhes bya ba smos te/ gnyis po yang dag pa ma yin pa kun brtags pa'i ngo bo nyid gzung ba dang 'dzin pa'i mtshan nyid gang yin pa de gnyis su med par 'gyur te/ de rang gi ngo bor mi snang ba'i phyir ro/ /rnam rtog rnam par mi rtog pa//de lta bu ni gnas gyur yin/ /zhes bya ba de la gzhan gyi dbang ni rnam par rtog pa'i ngo bo nyid yin te/ de gang gi tshe gnyis kyi rnam par mi snang ba na gnas gyur pa zhes bsams pa'o/ /gnas gyur pa de yang rnam par dpyad na shes bya dang shes pa'i bye brag las yongs su brtags pa yin te/de'i phyir/ shes bya ye shes bye brag gis/ /zhes bya ba smos so/ /gnyis su med pa ni ji lta bu/ rnam par mi rtog pa yang ji lta bu yin zhe na/ de'i phyir/ dri med ye shes rnam mi rtog /blta bar bya ste rnam rtog bzhin/ /zhes bya ba smos so/ /rnam rtog bzhin zhes bya ba ni dper na rnam par rtog pa brdzun pa yin yang de lta bu'i bdag nyid ston pa bzhin du/de las bzlog na rnam par mi rtog pa'i ye shes su 'gyur ro/ /de bzhin nyid kyi bdag nyid ni/ /gnyis med chos blta gnyis bzhin no/ /zhes bya ba ni gnyis su med pa'i chos kyi dbyings kyang rnam par dag pas rab tu phye ba yin par blta bar bya'o//rnam par mi rtog pa'i ye shes ni de las bzlog pa yin no zhes bya ba de yod par ji ltar shes par nus she na/ de'i phyir/ ji ltar chos dbyings gnyis med pas/ /rab tu phye ba 'dod pa ltar//de bzhin mi rtog ye shes kyang / /gnyis mi gzigs pas rab tu phye/ /zhes bya ba smos te/ ji ltar chos kyi dbyings yang dag pa ma yin pa kun brtags pa med pas rab tu phye ba de bzhin du/ ye shes 'di yang gzung ba dang 'dzin pa med pa gzigs pas rab tu phye ba yin no/ /gal te gnyis mi gzigs pas rab tu phye ba yin na/'o na ci yang ma yin pas med pa bzhi po las gang yang rung ba zhig tu ji ltar mi 'gyur zhe na/ rgol ba ngan pa brtsal ba'i phyir/ /'dus ma byas phyir/ zhes bya ba la sogs pa smos so/ /snga na med pa dang zhig nas med pa ni ma yin te/ 'dus byas la 'byung ba dang 'jig pa snang ngo //zhes gsungs pa'i phyir ro/ /gcig la gcig med pa ni/ de la mngon du 'gyur ba sbyin par spro ba med de/ gzung ba dang 'dzin pa'i mtshan nyid kyi chos med pa'i phyir ro/ /gcig la gcig med pa de'i mtshan nyid ni/ ba lang la rta med do/ /rta la ba lang med do//zhes bya ba yin na de la ni gnyis med pas yongs su brtag pa 'di'i gnas med do/ /gal te de la gnyis med na de lta na ni gtan med pa'i mtshan nyid las mi 'da'o zhe na/ de'i phyir/ gnyis po med pa yod pa'i phyir/ /zhes bya ba smos te/ de ni 'di skad du gal te dngos po med pa nyid du gyur na ni gtan med pa yin par yang 'gyur na gang gi tshe de gnyis med par rab tu phye ba de'i phyir skyon 'dir mi 'gyur ro zhes de skad bstan par 'gyur ro//de'i phyir/ snga na med la sogs pa stong / /zhes bya ba smos so/ /gnyis med pa ni gzhan du 'dod/ /ces bya bas ni de gnyis med pa'i ye shes de khyod kyis yongs su brtags pa'i dngos po las bzlog pa yin no zhes bstan to//shes pa gsal lo/ /shes pa mi gsal lo zhes brjod na de ci shes pa ma lus pa la thogs pa med pa zhig gam/ 'on te rnam par mi rtog pa'i ye shes nyid kyi thun mong ma yin pa'i chos gzhan zhig gam//rnam par rtog pa'i chos 'dis rnam par mi rtog pa de ji ltar brjod ce na/ de'i phyir/ rnam par mi rtog ye shes kyis/ /gsal dang mi gsal gang yin pa/ /de ni gsal ba'am mi gsal ba'i/ /zhes bya ba smos so/ /sems rnams kun la yod ma yin//zhes bya ba 'dis ni thun mong ma yin par ston to/ /rnam par rtog pa'i chos kyis ji ltar ston zhes bya ba de'i lan du/ gnyis po med pa'i don rtogs pa/ /de ni gsal zhes brjod pa yin/ /gnyis kyi don ni rtogs gyur pa/ /gsal ba ma yin shes par bya//zhes bya ba smos so/ /yang na gsal ba dang mi gsal ba gnyis dus gcig na ldan no zhes bya ba ji lta bu zhe na/ de'i phyir/ gnyis po med pa'i don rtogs pa/ /zhes bya ba smos te/ chos 'di gnyis gnas skabs gcig la sgro btags pa ma yin gyi/ tha dad pa la btags pa'o//gnyis kyi don ni rtogs gyur na/ /zhes bya ba ni gang gi tshe 'jig rten las 'das pa'i ye shes kyi rjes la thob pa dag pa 'jig rten pa'i ye shes mngon du gyur pa ste/ tha snyad 'dogs pa'i dus na'o zhes bya ba'i tha tshig ste/ don gnyis po gzung ba dang 'dzin pa zhes brjod pa rtogs pa'i phyir ro//de bzhin rgod dang bying ba dag /nye bar zhi bas gsal mi gsal/ /zhes bya ba ni sa bon ma lus par ston pa'i phyir ro/ /rgod pa dang bying ba nye bar zhi ba de gnyis kyis/ ye shes kyi gsal ba dang mi gsal ba brjod pas de'i phyir/ rgod pa dang bying ba gnyis med na sems mnyam par 'jug pa yin par rig par bya ste/ de'i phyir/ de tshe blo ldan de mkhyen te/ /mnyam du 'jug par shes par bya/ /zhes bya ba smos so/ /rnam par mi rtog pa'i ye shes dang chos kyi dbyings las gzhan med do zhes de skad smras pas/shes pa dang shes bya gnyis so sor brjod pa'i phyir de gnyis tha dad par gsal lo/ /de gal te chos kyi dbyings la dmigs pa yin nam/ chos kyi dbyings dmigs pa yin na ni de nyid spros pa'i dngos por sgro btags par 'gyur te/ ji srid du yongs su rtog pa de srid du spros pa yin pa'i phyir ro//ji ste de la mi dmigs sam dmigs pa yang ma yin na ni shes pa dang shes byar ji ltar rnam par gzhag ce na/ de'i phyir/ dper na gnyis dang rnam par rtog /tha dad dbye bar mi nus ltar/ /de bzhin nyid dang ye shes kyang / / phan tshun tha dad med par gnas/ /zhes bya ba smos so/ /de ni 'di skad du don du gnyer ba rnams la sgro btags pa'i sgo nas bye brag tu dbye ba'i phyir de gnyis de skad du tha snyad kyi rnam par mi rtog pa'i ye shes la ni dngos po btags pa'i rgyu'i tha snyad 'di med do zhes de skad bstan par 'gyur ro/ / gal te yang dag pa'i ye shes kyis grol bar 'gyur bas de'i phyir dgra bcom pa rnams kyang sangs rgyas nyid du thal bar 'gyur to/ de dag kyang rnam par mi rtog pa'i ye shes kyi stobs kyis nyon mongs pa'i tshogs rtsa nas bton pas gtan du yongs su mya ngan las 'da'o zhe na/ de'i phyir/ dgra bcom rnams kyi shes ldog pa/ /gnyis rtog spangs pa min phyir ro/ /zhes bya ba smos te/ rnam par mi rtog pa'i ye shes kyi stobs kyis de dag grol ba bden mod kyi/ shes pa ldog pa ni gnyis su rtog pa ma spangs pa'i phyir shin tu khyad che ste/ 'di ltar de dag ni gang zag la bdag med par rtogs pa'i sgo nas yang dag pa'i shes pa bskyed nas phung po'i lhag ma med pa'i mya ngan las 'das pa'i dbyings su gnas pa yin gyi/chos la bdag med pas ni ma yin te/ sangs rgyas bcom ldan 'das rnams ni gang zag dang chos la bdag med pa'i sgo nas bag chags dang bcas pa'i nyon mongs pa dang /shes bya'i sgrib pa ma lus pa dang bral ba'i phyir mkhyen pa chags pa mi mnga' zhing thogs pa mi mnga' bar shes bya thams cad la 'jug pas de'i phyir/ sangs rgyas rnams kyi de 'jug pa/ /gtan nas bzlog par 'dod pa yin/ /zhes bya ba smos so//gal te rnam par mi rtog pa'i ye shes spros pa las 'das pa yin na/ 'o na des chos ji ltar rnam par gzhag /rnam par mi rtog bzhin du 'jug par byed par yang 'os par ji ltar 'gyur zhe na/ de'i phyir/ dper na mda' ni 'phangs pa yang / /sngar bkang dbang gis 'gro ba ste//zhes bya ba smos so/ /de bzhin mi rtog ye shes kyang / /sngon gyi shugs kyis 'jug pa yin/ /zhes bya ba ni dper na lag pa'i rtsol ba'i dbang gis ji srid du gzas par mda' 'gro ba de bzhin du/ rnam par mi rtog pa'i ye shes kyang sngon gyi smon lam gyi shugs kyi dbang gis 'du mdzad pa ji srid par rjes su 'jug go//rnam par mi rtog pa'i ye shes brjod pa de ci rtag pa zhig yin nam/ 'on te mi rtag pa zhig yin/ gcig la chos gnyi ga ni med pa'i phyir ro zhe na/ de'i phyir/ rtag la dmigs pa 'jug phyir dang / /zhes bya ba smos so/ / gal te de lta na ni shes pa thams cad kyang rtag pa nyid du 'gyur ro zhe na/ de dag ni ma yin te sgro btags pas 'jug pa'i phyir ro/ /de ni de bzhin nyid la dmigs pa'i phyir chos kyi dbyings ma nor bar mthong ba yin no/ /'gyur med pa dang ldan pa'i phyir/ /rnam par mi rtog rtag pa nyid/ / ces bya ba ni gtan tshigs gnyis pa ste/ gang la 'gyur ba yod pa de ni mi rtag pa kho na yin gyi/ rnam par mi rtog pa nyid la 'gyur ba med do/ /de ltar gtan tshigs gnyi ga yul yin pa'i phyir/ rnam par mi rtog pa ni rtag pa yin no/ /ji ltar na mi rtag pa nyid kyang yin zhe na/ de'i phyir/ 'dus byas yin pas mi rtag nyid/ /ces bya ba smos te/ 'dus byas thams cad mi rtag pa nyid du snang ba'i phyir mi rtag pa nyid ces bya'o/ /dge slong dag chos gzings dang 'dra bar shes pa khyed kyis chos rnams nyid kyang spang bar bya na chos ma yin pa rnams lta smos kyang ci dgos zhes gsungs la/rnam par mi rtog pa'i ye shes yod cing de bzhin nyid ces bya ba yang dngos por yod na ji ltar 'gal bar mi 'gyur zhe na/ de'i phyir/ dbang 'byor rnam kun thob bya'i phyir/ /sbyin la sogs pa rnam 'jig pas/ /gzings 'drar brjod pa mdo sde'i don/ /dgongs pa sangs rgyas rnams la brjod//ces bya ba smos te/ rnam pa thams cad kyi mchog dang ldan pa'i dbang 'byor pa thob par bya ba'i phyir/ sangs rgyas bcom ldan 'das rnams kyis sbyin pa la sogs pa rnam par gzhig par mdzad kyi/ rnam par mi rtog pa'i ye shes la ni rnam par gzhig par mdzad de de bzhin gshegs pa rnams de'i bdag nyid yin pa'i phyir ro//de lta bas na gzings lta bu'o zhes bya ba mdo las 'byung ba'i dgongs pa ni sbyin pa la sogs pa kho na'i dbang du mdzad nas gsungs pa yin par bdag gis shes so/ /rnam par mi rtog pa'i ye shes de'i gnas gang yin/ ci sems yin nam/'on te gzhan zhig yin/ gal te sems yin na ni de gang na yod pa der chos gzhan dag kyang yod par 'gyur te de nyid spros par 'gyur ro/ /ji ste gzhan zhig yin na ni de bstan dgos so zhe na/ de'i phyir/ gnas po gzhan du gyur pa ni/ /de yi gnas su 'dod pa yin//zhes bya ba smos te/ gnas gyur pa ni de bzhin nyid la bya ste/ ye shes de'i gnas yin no/ /ci'i phyir sems la mi bya zhe na/ de'i phyir/ nyes pa gnyis su 'gyur bas na/ /sems ni de yi gnas ma yin/ /zhes bya ba smos so/ /gal te sems gnas yin par gyur na ni nyes pa rnam pa gnyis su 'gyur ro//ci'i phyir zhe na/ sems zhes bya ba ni bsags pa dang / sna tshogs kyi rnam par 'jug par 'dod pa'i phyir ro/ /gal te dang po yin na ni de mi rung ste/ 'khor ba pa'i sa bon ma lus par bton pa'i phyir ro/ /gnyis pa yang ma yin te/ 'jug pa'i rnam par shes pa med pa'i phyir ro//yang sems ni spyi'i rnam pa'i dngos po yongs su gcod pa yin la/ 'jig rten las 'das pa'i ye shes ni de las bzlog pa yin te/ de ltar ni ye shes la brten gyi/ rnam par shes pa la mi brten to zhes bka' stsal te/ de ni don ji lta ba bzhin du zhugs pa ma yin pas de la brten par mi bya'o//ye shes ni dngos po ji ltar gnas pa bzhin du yongs su gcod pa yin pas de la brten par bya'o zhes bya ba'i tha tshig go/ /dpe zhig med na 'di ji ltar shes par rung zhe na/ de'i phyir/ 'gro ba'i bgegs byed ma yin pas//skabs ni rab tu 'byed pas na/ /nam mkha' gzugs su snang kun gyi/ /gnas su 'di ni yod pa ltar/ /de bzhin gnas ni gyur pa na/ /de ni rab tu 'jug pa yin/ /skyon dang bcas pa'i gnas la med/ /ces bya ba smos te/ dper na chos gzugs can rnams 'gro ba'i rgyun la bgegs mi byed pa'i phyir nam mkha' skabs rab tu 'byed pas na nam mkha' ni gnas zhes brjod de/de bzhin du gnas gyur na rnam par mi rtog pa'i ye shes 'byung gi /ji srid du gnas skyon dang bcas pa de srid du ji ltar yang mi 'byung bar ston to/ /des na de ni de yi gnas//zhes bya bas mjug bsdus so/ /gal te de lta yin na/ de la brten nas 'byung ba'i phyir de bzhin nyid ni gnas so/ cig shos ni gnas pa'o zhes bya bar 'di dag gsal bar dam bcas pa yin no zhe na/ de'i phyir/ ye shes dang ni gnas gyur pa/ /de gnyis de tshe phan tshun du//gnas kyi dngos por 'dod pa ste/ /zhes bya ba smos te/ de ni 'di skad du/ 'di gnyi ga yang phan tshun gyi stobs kyis 'gyur te/ de'i phyir gcig tu nges par gcig kho na gnas su gyur pa ma yin gyi/ gnyi ga la yang gnas dang brten pa'i dngos po yod do zhes de skad bstan par 'gyur te/gnas gyur pa med pa yang rnam par mi rtog pa'i ye shes mi 'byung la/ ye shes med par yang gnas gyur pa med de/ de lta bas na gnas skabs de na brjod pa gnyi ga la yang cig car 'jug ste/ rtsa ba dang yongs su rtog pa bzhin no/ /ji lta bu zhe na/ de'i phyir/ rtsa ba'i sems las rnam rtog bzhin/ /rtsa ba'i sems las brten nas su/ /rnam par rtog pa 'byung ba ltar/ /de bzhin 'byung tshe de yang ni/ /de bltas byed par 'dod pa yin/ /de bzhin gnas por gyur pa la/ /brten nas dam pa rnam dag gi /rnam par mi rtog ye shes 'byung / /zhes bya ba smos te/dper na kun gzhi rnam par shes pa la sa bon rnam pa sna tshogs gnas pa yongs su smin pa'i dus na phan tshun du rgyu dang 'bras bu'i tshul gyis rnam par rtog pa 'byung ba na kun gzhi rnam par shes pa de nyid la sa bon bskyed nas brtas par byed do/ /de nas yang brtas pa'i 'bras bu rnam par rtog pa 'byung ngo //'di yang de dang 'dra ste gnas gyur pa la brten pa gnyis med pa'i ye shes 'byung ba na gnas gyur pa 'grub par byed pa kho na yin par 'dod do zhes de skad ston te de'i phyir/ de yang de 'grub byed pa yin/ /zhes bya ba smos so/ /spros pa ma lus par yang dag par bcom pa'i phyir yang dag pa'i ye shes dang de bzhin nyid ni don dam par na theg pa chen po yin te/de ji lta zhe na/ de'i phyir/ gzhi dang gnas dang dmigs pa dang / /'bras bu dang ni rten che bas/ /de nyid dam pa'i don du na/ /theg pa chen po zhes brjod do/ /zhes bya ba smos te/gzhi ni bskal pa grangs med pa gsum du bsod nams dang ye shes kyi tshogs yang dag par bsgrubs pa'o/ /gnas ni chos kyi dbyings so/ /dmigs pa ni mdo'i chos mtha' dag go/ /'bras bu ni thams cad mkhyen pa nyid do/ /rten ni byang chub kyi sems te/ de dag ni nyan thos dang rang rgyal ba rnams dang thun mong ma yin pa'i phyir dang /rgya che ba'i phyir chen po ste/ de dang ldan pas byang chub sems dpa' rnams la yang chen po zhes brjod de/ de dag gi theg pa ni chen po yin no/ /yang na theg pa de nyid rnam pa chen po de dag dang ldan pa'i phyir theg pa chen po zhes brjod do//'jig rten las 'das pa'i shes rab rnam par rtog pa thams cad dang bral bas ni 'di ni ting nge 'dzin to/ /'di ni ye shes so/ /ting nge 'dzin la ltos nas ye shes 'di skyes so zhes bya ba 'di rnam par gzhag par ji ltar 'gyur ba ma yin nam zhe na/ de'i phyir/ dmigs bya dmigs byed mtshungs mnyam pa'i/ /dngos can shes rab rgyu ba la/ /zhes bya ba smos so/ /shes rab rgyu ba zhes bya ba'i rang bzhin gang yin zhe na/ dmigs par bya ba dang dmigs par byed pa mtshungs mnyam pa'i dngos po can yin te/ de la dmigs par bya ba yang med/dmigs par byed pa yang med do/ /de nyid kyi phyir mtshungs mnyam zhes brjod do/ /dbyer med pa'i phyir/ ting nge 'dzin dang ye shes dang / /gnas dang brten pa tha dad med/ /de de'i phyir ting nge 'dzin dang ye shes dbyer med do/ /gang gi phyir dbyer med pa de'i phyir gnas dang brten pa'i dngos po yang med do zhes bsams pa'o//dmigs par bya ba dang dmigs par byed pa'i mtshungs mnyam zhes brjod pa de ji lta bu zhig yin zhe na/ de'i phyir/ gzung dang 'dzin pa med nyid du/ /gzung dang 'dzin pa'i dngos yin pas/ /rnam rtog med la dmigs bya dang //dmigs par byed pa mtshungs mnyam 'dod/ /ces bya ba smos te/ gzung ba dang 'dzin pa'i dngos po gang yin pa de ni de las bzlog nas der 'jug ste/ de'i phyir/ rnam par mi rtog pa'i ye shes de ni don dam par na de skad ces brjod do/ /'di ni sems so//'di dag ni sems las byung ba'o zhes rnam par gzhag pa de gnyis su rtog pa'i skabs kyis 'byung ste/ byang chub sems dpa' rnams dang / sangs rgyas bcom ldan 'das rnams man chad la yang tha snyad 'dogs pa'i tshe 'byung na/ yang dag pa'i ye shes gnyis med pa'i mtshan nyid de byung ba na/sems dang sems las byung ba de dag gi rnam par gzhag pa gang nas 'byung ste/ de'i phyir/ de mi 'jug na zhes bya ba smos te/ gnas skabs de na rnam par rtog pa mi 'jug ces bya bar bsams pa'o/ /gnyis su rtog pa'i skabs kyis ni//sems dang sems byung rnam gzhag na/ /mi 'jug de tshe brtan rnams kyi/ /rnam par gzhag ste ga las 'byung / /zhes bya ba smos pa 'di ni dri ba'i tshig le'ur bya ba'o/ /da ni dri ba rnam pa gnyis pa bstan pa'i phyir/ dngos po zhes bya ba la sogs pa smos te/ dngos po'i rang gi ngo bor snang ba'i rnam par rtog pa gang yin pa de ni spyi'i rnam par 'jug pa'i phyir sems zhes bya'o//dngos po de'i bye brag tu snang ba gang yin pa tshor ba la sogs pa ni bye brag tu 'jug pas de la sems las byung bar rnam par 'jog ste/ de'i phyir/ dngos po'i ngo bo nyid snang ba'i//rnam par rtog la sems zhes bya/ /de yi bye brag gang snang ba/ /de la sems las byung zhes rtog /ces bya ba smos so/ /kha cig gis ni sems dang sems las byung ba dag tha dad pa kho na'o zhes brjod pas ngo bo nyid dang bye brag ces bya ba 'di ji ltar shes par nus she na/de'i phyir/ dper na ngo bo nyid brten nas/ /bye brag rnams ni bzhag pa ltar/ /de bzhin sems las brten nas su/ /sems las byung rnams rnam par 'jog /ces bya ba smos te/ dper na gzugs dang / tshor ba dang / 'du shes zhes bya ba ni ngo bo nyid tsam kho na bstan pa'o//de nyid la brten nas gzugs su rung ba'i phyir gzugs so zhes bya ba la sogs pas bye brag rnam par 'jog ste/ thogs pa dang bcas pa dang bstan du yod pa la sogs pa bye brag de dag ni gzugs la sogs pa las gzhan pa ma yin no//sems la brten nas sems las byung ba rnam par 'jog pa 'di yang de ltar rnam par blta bar bya'o/ /yang na bye brag gi chos rnam par gzhag pa lta zhog ste/ spyi'i bar du rnam par dpyad na mi dmigs so zhes bstan pa'i phyir/ gang tshe 'di na dngos po yi/ /ngo bo nyid ni ci yang med//de tshe gang gi bye brag gcig /yod par 'gyur ba ga la yod/ /ces bya ba smos so/ /de ni 'di skad du/ dngos po ni rnam par dpyad na/ btags pa'i yod pa dang / de'i rten dang gnyis su rnam par gnas grang na gnyis kar yang mi rung ste 'dus pa ni de dag gis btags pa'i yod pa nyid du khas blangs so//de'i rten kyang rdul phra rab la sogs pa phyogs cha tha dad pa'i phyir ci yang med do/ /gal te de med na bye brag lta yod par ga la 'gyur/ gal te dngos po rnams ngo bo nyid med pa yin na yongs su snang ba de ga las byung zhe na/ de'i phyir/ 'di dag thams cad 'khrul tsam ste//'di la sems med sems byung med/ /ces bya ba smos te/ phyin ci log tu gyur pa ma gtogs par chos phra rab tsam yang mi dmigs so zhes bcom ldan 'das kyis gsungs pa'i phyir ro/ /de lta bas na sems zhes bya ba'am/ sems las byung ba rnams zhes bya ba 'di ni phyin ci log tu gyur pa tsam du zad do//rnam par rtog pa ni thog ma med pa'i dus nas zhugs pa'i phyir/ rnam rtog rnam pa tha dad pas/ /de dag tha dad brjod pa yin/ /zhes bya ba smos te/ sems dang sems las byung bas na tha dad pa'o/ /de bas rnam rtog mi 'jug na//'khrul pa med pa'i mtshan nyid kyi/ /ye shes 'ba' zhig gzhag pa yin/ /zhes bya ba smos te/ de bas zhes bya ba ni skabs rdzogs par byed cing mjug sdud pa ste/ yang dag pa ma yin pa kun rtog pa gzung ba dang 'dzin pa'i ngo bor mi 'jug na byang chub sems dpa' dam pa rnams kyi ye shes 'khrul pa med pa'i ngo bo nyid rnam par mi rtog pa 'ba' zhig rnam par gzhag go zhes bya ba'i tha tshig go//tha dad don min spyod yul gcig /ces bya ba ni de bzhin nyid ces bya ba don tha dad pa yin pas rnam par mi rtog pa'i ye shes de'i spyod yul gcig yin no//de ltar zhar la byung ba yongs su rdzogs par byas nas/ dkyus ma nyid dang sbyar ba bstan pa'i phyir/ gnyis med pa yi don dmigs pas/ /ye shes gnyis don mi dmigs par/ /shes rab rnam par rtog pa can/ /de nyid ting nge 'dzin zhes brjod/ / ces bya ba smos te/ shes rab ni rab tu rnam par 'byed pa'i bdag nyid de/ de ni gnyis su med pa'i don dmigs pa'o/ /gnyis su med pa'i don mthong bas shes rab ces bya ba de ltar zhugs pa gang yin pa de nyid ye shes yin te/ don gnyis mi mthong ba'i phyir ro/ /mthong na rnam par g.yengs pa'i phyir ting nge 'dzin du ga la 'gyur te/ting nge 'dzin ni rtse gcig pa'o/ /de lta bas na ye shes gang yin pa de nyid shes rab dang ting nge 'dzin zhes brjod do/ /de ltar shes rab dang ting nge 'dzin dpyad nas lam ni shes rab dang zhi gnas zung du 'brel bar 'jug pa yin pas de gnyis med na thams cad mi 'grub pa'i phyir dran pa la sogs pa'i chos gzhan dag kyang rnam par mi rtog pa'i ye shes la gdags kyi gzhan la ni ma yin te/de'i phyir/ de ltar dran sogs chos gzhan yang / /rang gi mi mthun phyogs mi 'jug /de yi tshe na 'dogs byed kyi//mtshan nyid tha dad so sor min/ /zhes bya ba smos te/ dran pa'i mi mthun pa'i phyogs brjed ngas pa dang / brtson 'grus kyi mi mthun pa'i phyogs le lo yin no zhes bya ba la sogs pa gang gi mi mthun pa'i phyogs gang yin pa de mi 'jug pas gdags kyi/ de dag gi mtshan nyid so sor tha dad pa ni med do//gzhan yang gzhan gyi sgro btags pa'i don la dmigs pa'i phyir ting nge 'dzin zhes brjod du mi rung ste/ de ltar na rnam par g.yengs pa nyid yin gyi/ mnyam par gzhag pa ma yin no/ /rnam par mi rtog pa'i ye shes 'di ni yang dag pa'i dngos po la gnas pa'i phyir 'dzin pa gnyis log pas mnyam par gzhag pa nyid du yod par bstan pa'i phyir/mi rtog ye shes gcig pu nyid/ /ting nge 'dzin du mchog rnams bzhed/ /ces bya ba smos te/ de ma yin pa de las gzhan dag ni de kho na la mi gnas pas/ de las bzlog pa yin par grub ste/de dag ni de kho na la gnas pa ma yin no/ /des skyon cir 'gyur zhe na/ de'i phyir/ de min ting 'dzin gang yin rnams/ /yang dag mi gnas rnam par g.yeng / /zhes bya ba smos te/ de ma yin pa de las gzhan gyi ting nge 'dzin gang yin pa de dag ni rnam par g.yeng ba'o/ / ting nge 'dzin gyi sgra sgrub pa'i sgo nas kyang / gang du sems ni mnyam 'jog pa/ /zhes bya ba sems mnyam par 'dzin pas 'jig rten las 'das pa'i ye shes nyid ting nge 'dzin zhes bya bar rigs so zhes ston to/ /sems mnyam par 'jog pa de ji lta bu zhe na/ de'i phyir/ yul der blo gros 'jug byed pa//zhes bya ba smos te/ bden par ting 'dzin gzhan min te/ zhes bya ba ni ye shes de nyid ting nge 'dzin zhes brjod de/ don dam par ting nge 'dzin 'di nyid yin no/ /gzhan dag la ci'i phyir mi bya zhe na/ de'i phyir/ mi mnyam 'jog pa yod phyir ro/ /zhes bya ba smos te/rnam par mi rtog pas sgro btags pa'i dngos po la reg pa'i phyir ro/ /gsung rab las dpa' bar 'gro ba'i ting nge 'dzin dang / nam mkha' mdzod kyi ting nge 'dzin la sogs pa'i ting nge 'dzin mang zhig 'byung ba ma yin nam/ gal te de dag ting nge 'dzin ma yin na ting nge 'dzin zhes brjod pa de ji ltar rung /de dag kyang ting nge 'dzin yin na ni ting nge 'dzin gcig ces kyang ji skad du bya zhe na/ de'i phyir/ mi rtog ye shes mtshan nyid pa/ /ting 'dzin chen po gcig pu pa/ /ting nge 'dzin yod thams cad ni/ /zhes bya ba smos so/ /de dag kyang cha 'ga' zhig gis ting nge 'dzin zhes bya ste/bzlog pa med mod kyi/ yang dag par na rnam par mi rtog pa'i ye shes nyid la ting nge 'dzin zhes brjod pa 'di rigs pas de skad ces brjod ces bstan par 'gyur ro/ /gzhan yang de dag kyang ting nge 'dzin yin na ting nge 'dzin gcig ces ji skad du bya zhes bya ba de yang klan kar mi rung ste/de nyid du 'dus pa'i phyir ro/ /gang gi phyir sems can gyi don byed nus pa'i cha ltar snang ba dag yod pa 'di ni rnam par mi rtog pa'i ye shes de'i mthu yin te/ de'i phyir/ khongs su chud par bstan pa yin/ /zhes bya ba smos so/ /ci'i phyir de'i khongs su chud par bstan gyi/de las gzhan pa dag kyang tha dad pa nyid du ma brjod ce na/ de'i phyir/ yid bzhin nor bu gcig gis kyang / /bsam pa sna tshogs skong byed ltar/ /de bzhin mi rtog ting 'dzin gcig /sems can don ni sna tshogs byed/ /ces bya ba smos so/ /yang na rnam par mi rtog pa'i ye shes khyad par med pa de la khyad par yod pa'i dngos po gnas pa'i tha snyad ji ltar 'grub ce na/de'i phyir/ yid bzhin gyi nor bu gcig gis kyang zhes bya ba la sogs pa smos te/ ji ltar bsod nams kyi las rnams kyi mthu khyad par 'phags pa las yo byad rnam pa tha dad pa rgya chen po bsam gyis mi khyab pa'i char 'bebs mkhas pa'i yid bzhin nor bu bsod nams kyi las kyi 'bras bu la spyod pa mthu che bar grags pa rnams kyi bsam pa ji lta ba bzhin du yongs su rdzogs par byed cing mdun na 'dug pa de bzhin du ye shes 'di yang rnam par mi rtog bzhin du sngon gyi smon lam gyi shugs kyi dbang gis sems can gyi don sna tshogs mdzad do//de lta bas na ye shes gcig la tha snyad sna tshogs mi rung ba med do/ /gal te de ltar gcig kho nas chog pa'i phyir ting nge 'dzin gzhan don med par 'gyur ro zhe na/ de'i phyir/ de dag las mang tha dad pas//de'i phyir ye shes dngos gcig la/ /ting nge 'dzin gyi bye brag ni/ /mang po dag kyang 'dus par byed/ /ces bya ba smos te/ ting nge 'dzin gzhan dag ni bya bas rab tu phye ba yin no/ /de'i phyir ting nge 'dzin de gcig yin yang las des du ma lta bur bstan to/ /ji skad du brjod pa'i ye shes de ni rtag pa dang chad par lta ba rnams kyis thob par mi nus te/'di ltar gal te yod par rnam par rtog na ni de'i phyir rtag pa nyid 'dzin pa'i mthar ltung bar 'gyur/ ji ste med par rnam par rtog na ni de lta na yang chad par lta ba'i mthar ltung bar 'gyur te/ de bas na 'di ni dbu ma'i lam gyis byung ba'i ngang tshul can yin pas ye shes 'di nyid de lta bur lta ba rnams kyis thob par mi nus so//de bas na dbu ma'i lam la brtson par bya'o zhes bstan pa'i phyir/ dbu ma'i lam las byung ba yi/ /ye shes rnam par mi rtog de/ /rtag dang chad par lta rnams kyis//thob par nus pa ma yin no/ /zhes bya ba smos so/ /dbu ma'i lam de yang rnam par dpyad na rnam par rig pa tsam nyid de rnam par rig pa tsam nyid ni/ gtsor na rten cing 'brel par 'byung ba'i dngos po mtshon pa'o/ /gzhan gyi dbang 'khrul pa tsam yin pas gzung ba dang 'dzin pa nyid du snang ba'i phyir gal te ji ltar snang ba de bzhin du yod na ni rtag pa'i mthar 'gyur ro//ji ste ci yang med na ni de lta na chad par brjod par 'gyur te/ de lta bas na gdags pa'i gzhi yod pa nyid du khas blang bar bya dgos te de'i phyir/ dbu ma'i lam zhes bya ba yang / / rnam ris tsam nyid ma gtogs par/ /rigs pas brtags na 'dir gzhan ni/ /rnam pa kun du mi 'thad do/ /zhes bya ba smos so/ /'o na bdas dang rigs mthun pa'i mdo las/ kun dga' bo yod ces byas na ni rtag par 'gyur/ med ces byas na ni chad par 'gyur te/ de lta bas na de bzhin gshegs pa dbu ma'i lam gyis chos ston to zhes gsungs pa de ji lta bu zhe na//de ni nyes pa med de/ gtso bor gang zag dgag pa'i phyir gsungs kyi/ gzhan gtso bor mdzad pa ni ma yin te/ gzhan gtso bor mdzad pa ma yin pa de yang gang zag bstsal ba mdzad pas bcom ldan 'das kyis gsungs so//de ltar rnam par rig pa tsam nyid dbu ma'i lam du bsgrubs nas de la gzung ba'i phyir/ rdzogs pa'i byang chub 'dod rnams kyis/ /mi rtog ye shes bskyed pa'i phyir/ /de bas rnam par rig tsam du/ /bsgom pa rtag tu sbyar bar bya/ /zhes bya ba smos te//de dag bla na med pa yang dag par rdzogs pa'i byang chub mngon par rdzogs par 'tshang rgya bar 'dod pa de dag gis rnam par mi rtog pa'i ye shes yongs su bsgrub pa'i phyir/ 'di thams cad ni rnam par rig pa tsam mo zhes rnam par rig pa tsam nyid du bsgom pa la rtag tu sbyar bar bya'o//de ltar rnam par rig pa snang ba mthong ba skyes te/ thams cad la dngos po'i ngo bo mi mthong na gzung ba med pas 'dzin pa yang med do zhes rnam par rig pa tsam yang dag par rjes su mi mthong ste/ de'i phyir gzung ba dang 'dzin par rnam par rtog pa dang bral bas rnam par mi rtog pa'i ye shes lhun gyis grub pa nyid du 'byung bar 'gyur te/de'i phyir/ sgom la rtag tu sbyar bar bya/ /zhes bya ba smos te/ 'di ni phan yon yin pas de'i phyir bsgrims shig ces ston to/ /de ltar de sgom pa la mngon par brtson pa'i blo gros dang ldan pa ni sa bcu rim gyis rnam par rtog pa rnam par 'jig pas rnam par mi rtog pa'i ngo bo nyid mthong ste/gzung ba dang 'dzin pa'i bdag nyid gnyis pa gang yin pa de yang gnyis med pa'i ngo bo nyid du rtog cing 'di na brtag par bya ba yang med la rtog pa yang med de/ 'di thams cad med pa la sgro btags pa yin pas 'di kun ni rmi lam dang 'dra'o zhes nges par byed de/de'i phyir/ rnam rtog mi rtog bdag nyid yin/ /gnyis dang gnyis med bdag nyid de/ /'di dag thams cad rmi lam bzhin/ /'di la brtag bya med rtog med/ /ces bya ba smos te/ de ni 'di skad du phyin ci log tu gyur pa ma gtogs par chos phra rab tsam yang med de/ de lta bas na phyin ci log spang ba tsam zhig bya bar zad do zhes bstan par 'gyur ro//dngos po gang yang bsnan med cing / /bstsal ba med de de yi phyir/ /zhes bya bas ni de nyid sgrub par byed de/ 'di las bstsal ba ci yang med/ /gzhag par bya ba ci yang med/ /yang dag nyid la yang dag lta/ /yang dag mthong na rnam par grol//zhes bya ba smos te/ de'i phyir/ chos kyi rang gi ngo bo nyid/ /de bzhin nyid tsam mthong bas grol/ /zhes bya ba smos te/ dpe rnying las gal te phyin ci log de dag ting nge 'dzin rnams ma yin na ji ltar gnas par 'gyur zhes bya ba'i tha tshig go/ /skabs kyi don de nyid/gser 'dod pa yis gser yod pa'i/ /sa la legs par sbyong ba yi/ /rnam par rab tu brtson byas na/ /gser ni rnyed par 'gyur ba ltar/ /de bzhin stong pa nyid 'dod pas/ /stong pa'i bdag nyid chos rnams la/ /legs par rnam 'jig rnam par brtson/ /stong pa nyid la reg par 'gyur//zhes bya ba'i dpes sgrub par byed de kun brtags pa dang gzhan gyi dbang dang / yongs su grub pa'i ngo bo nyid rnams dpes yongs su shes par bya ba dang / spang ba dang / mngon sum du bya ba rnams kyis ston to/ /'o na ci'i phyir zhe na/ ji ltar nyan thos rnams sdug bsngal la sogs pa mi rtag pa dang /sdug bsngal ba dang / stong pa dang / bdag med pa la sogs pa'i rnam par gzhig pas gang zag la bdag med par rtogs pa'i sgo nas rnam par mi rtog pa mtshan ma med pa'i dbyings su 'jug pa de bzhin du/ byang chub sems dpa' rnams kyang ci'i phyir mi 'dod/gnyis su rnam par rtog pa rnam par gzhig pa 'dis ci zhig bya zhe na/ de'i phyir/ rnam par 'jig pa de dang des/ /'dod pa rnam par bshig bya na/ /'dod las 'dod chags bral 'thob kyi/ /'dod pa mi bsten pas min ltar/ /de bzhin rnam par mi rtog pa'i//ye shes bskyed phyir gnyis rtog pa/ /rnam par 'jig pa rgyur 'dod do/ /rnam rtog yid mi byed pas min/ /zhes bya ba smos te/ 'dis ni 'di ltar nyan thos rnams ni nyon mongs pa'i sgrib pa spangs pas rab tu phye ba'i mtshan ma med pa tsam thob par byed cing / sdug bsngal la sogs pa'i rnam pa rnams kyis dngos po de rnam par 'jig par byed do/ /de dag gis dgos pa rnam pa thams cad du gang zag la bdag med par 'jug pa yin te/ de tsam gyis der 'jug pa rigs so/ /byang chub sems dpa' rnams ni nyon mongs pa dang shes bya'i sgrib pa dang bral bas rab tu phye ba'i ye shes 'thob pa mngon sum du 'gyur ba'i yul chos la bdag med pa la 'jug ste/'jug pa de ni gnyis su rnam par rtog pa rnam par 'jig pa med par 'jug par mi nus so zhes de skad ston to/ /rnam par rtog pa yid la mi byed pa'i bya bas ji ltar ma yin zhe na/ thabs bstan par 'dod pa'i phyir/rtag tu dmigs pa gang la yang / /sems ni gdags par mi bya'o/ /zhes bya ba smos te/ gang gi tshe ting nge 'dzin gyi gzugs brnyan gyi bar du dmigs pa gang la yang sems mi 'dogs pa'o/ /de ltar mtshan ma yid la byed pa thams cad med pas mtshan ma med pa'i dbyings su 'jug ste/de'i phyir rnal 'byor pa de mi gnas pa'i yid la byed pa can zhes bya'o/ /yid la byed pa med pa de ji ltar 'gyur zhe na/ de'i phyir/ kun la mngon zhen rnam kun du/ /spang bar bya ba 'ba' zhig go/ /kun la mngon par zhen gyur pa/ /rnam pa kun du yongs spangs pas//rang gi ngang gis mi rtog ste/ /gnyis med mtshan nyid de la spyod/ /'phags pa ji lta ji lta bur/ /gnyis shig gnyis po med la spyod/ /de lta de ltar de'i sgrib pa/ /rnam pa thams cad rab tu spong / /ji lta ji ltar de'i sgrib pa/ /rnam pa thams cad rab spangs pa/ / de lta de ltar de bzhin nyid/ /rnam par mi rtog ye shes dag /ces bya ba smos te/ de ltar na mngon par zhen pa yongs su spangs pa'i phyir dang / mtshan ma mngon du 'gyur ba med pa'i phyir/ rnam par rtog pa yid la byed pa mi 'jug go/ /de lta de ltar 'byor pa ni/ /rnam pa thams cad yongs su 'dzin//sgrib pa thams cad spangs pas na/ /rnam pa kun du dbang 'byor brnyes/ /rnam pa thams cad kun dag pa'i/ /de bzhin nyid mkhyen mtshan nyid ni/ /zhes bya ba smos te/ 'byor pa gang gis lhun gyis grub par sku gnyis kun du ston pas 'khor ba ji srid par sems can gyi don ma lus pa sgrub par mdzad do zhes 'og tu sbyor te/de ltar dbang 'byor brnyes pas sgrib pa thams cad spangs pa'i phyir rnam pa thams cad kun du dag pa'i de bzhin nyid kyi mtshan nyid la sangs rgyas zhes brjod de/ de'i phyir/ sangs rgyas yin te sku gnyis kyis/ /dbang 'byor lhun grub de yi phyir//sems can don gyi rnam kun la/ /gtan du rjes su nan tan mdzad/ /ces bya ba smos so/ /de ltar sku gsum bstan pa rgya cher rnam par bshad do/ /sangs rgyas rnams kyi sku gzhag pa/ /gzhan dag gang du gang mdzad pa/ /ji snyed yod pa de dag kun/ / sku gsum dag tu 'dus pa yin/ /zhes bya bas ni mdor bsdu na rnam pa thams cad mkhyen pa nyid rgyu dang 'bras bur bsdus par rig par bya'o/ /de la rgyu'i dbang du byas nas/ ngo bo nyid gsum legs rtogs pa/ /zhes bya ba smos te/ ngo bo nyid gsum yongs su shes pa dang spangs pa dang /thob pa rtogs pa 'di ni mdor na thams cad mkhyen pa nyid kyi rgyu rdzogs pa yin no/ /'bras bu ni sku gsum brnyes pa yin no/ /ngo bo nyid gsum po 'di dag yongs su shes pa dang / spangs pa dang / thog pa dag gis sku gsum brnyes kyi/ rnam pa gzhan gyis ni ma yin te/ de'i phyir/ sku gsum brnyes pa nyid yin te//mdor na thams cad mkhyen nyid ni/ /rgyu dang 'bras bur bsdus pa yin/ /rtogs par bya dang thob bya ba/ /thams cad mthar thug gyur par brjod/ /'di las rtogs bya gzhan med de/ /'di las gong na thob bya med/ /ces bya ba smos so/ /de ltar na thams cad mkhyen pa nyid de ni rgyu dang 'bras bur bsdus pa yin te/sangs rgyas rnams kyi sku gang bstan pa de thams cad ni sku gsum po de dag tu 'dus so zhes bstan pa yin no/ /de ji lta bu zhe na/ sangs rgyas mtshan nyid las brtsams nas/ /'jig rten 'das zhes bya ba yi/ /mdo las sangs rgyas bstan mdzad pa//zhes bya bas cung zad cig bstan pa tsam brjod do/ 'jig rten las 'das pa'i le'u las/ kye rgyal ba'i sras byang chub sems dpa' sa bcu po 'di dag ni de bzhin gshegs pa yin par rig par bya'o/ /bcu gang zhe na/ 'di lta ste/ mngon par rdzogs par byang chub pa'i sangs rgyas dang /smon lam gyi sangs rgyas dang / las kyi rnam par smin pa'i sangs rgyas dang / byin gyi rlabs kyi sangs rgyas dang / sprul pa'i sangs rgyas dang / chos kyi sku'i sangs rgyas dang / sems kyi sangs rgyas dang / ting nge 'dzin gyi sangs rgyas dang / rang bzhin gyi sangs rgyas dang / bsam pa ji lta ba bzhin gyi sangs rgyas so zhes 'byung ba'i bshad pa ni kun rdzob dang don dam par 'dod ces bya ba 'di yin te/de'i phyir/ kun rdzob dang ni don dam 'dod/ /ces bya ba smos so/ /lnga tshan gcig ni kun rdzob tu'o/ /lnga tshan cig shos ni don dam par ro/ /tshig ni lnga dang lnga dag gis/ / go rims bzhin du de rig bya/ /zhes bya ba ni de rim pa bzhin no zhes ston to/ /mngon par rdzogs par byang chub pa'i sangs rgyas zhes bya ba la sogs pa dang po lnga po dag gis ni kun rdzob tu ston to/ /chos kyi sku zhes bya ba la sogs pa gzhan tshig lngas ni don dam par ston to/ /de gnyis kyang sku gsum du khong du chud par bya ste/sku gnyis po ni dang pos bstan/ /zhes bya ba la sogs pas de ston to/ /lnga tshan dang pos ni sprul pa dang / longs spyod rdzogs pa'i sku ston to/ /longs spyod rdzogs pa ni las kyi rnam par smin pa'i sangs rgyas bstan pa gcig ma gtogs so//sprul pa ni thams cad kyis ston to/ /gnyis pa yis ni gsum pa bstan/ /zhes bya bas ni lnga pa gnyis pas chos kyi sku bstan zhes bya ba'i tha tshig go/ /de'i phyir mngon par rdzogs par byang chub pa'i sangs rgyas la sogs pa mtshan 'di dag gis brjod ce na/ mtshan de dag gdags pa'i rgyu bstan pa'i phyir/rdzogs pa'i byang chub bstan pa'i phyir/ /zhes bya ba smos te/ dge ba'i rtsa ba yongs su smin par bya ba'i phyir rdzogs pa'i byang chub ston pas/ rdzogs pa'i byang chub pa'i sangs rgyas zhes bya'o/ /smon lam btab pa'i gnas kun du ston pas smon lam gyi sangs rgyas zhes bya ste/dga' ldan gyi gnas na gnas pa la sogs pa'i rim gyis bdag bzhin du sems can rnams kyang smon lam 'debs su 'jug pa'i phyir ro/ /las kyi rnam par smin pa'i sangs rgyas ni las kyi 'bras bu mngon par rdzogs par rdzogs pa ste/ yid ches pa bskyed pa'i phyir sku lus sna tshogs dang mtshan dang dpe byad bzang po phun sum tshogs pa dang /rigs kyi che ba nyid bram ze'i rigs la sogs par skye bar yongs su 'dzin par ston pa'i phyir ro/ /sangs rgyas mthu ni nyer sgrub phyir/ /byin gyi rlabs kyi sangs rgyas te/ byin gyi rlabs de las mthu sna tshogs 'byung ba'i phyir ro//bdag nyid gcig min brjod pa'i phyir/ /sprul pa'i sangs rgyas te/ nyan thos dang / rang sangs rgyas dang / yang dag par rdzogs pa'i sangs rgyas la sogs pa'i sku lus du ma ston pa'i phyir ro/ /lnga pa 'di la dang po'i gnyis po rnam par gzhag go/ /cig shos ni chos kyi sku don dam pa pa ste/chos kyi sku'i sangs rgyas zhes bya ba la sogs pa'i tshig rnams kyis ston to/ /de yang / rang gi mtshan nyid gnas pa'i phyir/ /zhes bya bas ston te/ /rang gi mtshan nyid kho nar bzhugs pa'i phyir/ chos kyi sku'i sangs rgyas zhes bya'o/ /'byor pa sna tshogs brnyes pa'i phyir/sems kyi sangs rgyas te/ kun tu ston pa dang mthu'i bdag nyid kyi sku gnyis po 'byor pa sna tshogs brnyes pa las gyur pa yin par khong du chud par bya'o/ /ci'i phyir ting nge 'dzin gyi sangs rgyas zhes bya zhe na/ de'i phyir/ rang mtshan nyid dang 'byor pa yis/ /sangs rgyas thams cad mnyam pa'i phyir/ /zhes bya ba smos te/ don dam pa'i sku brnyes pas sangs rgyas thams cad mnyam pa'i bdag nyid 'dzin pa'i phyir ro/ /de'i phyir rang gi mtshan nyid dang dbang 'byor pas zhes bya bas de khong du chud par byed de/rang gi mtshan nyid dang dbang 'byor nyid kyis sangs rgyas thams cad mnyam mo zhes bya ba'i tha tshig go/ /rang bzhin gyi sangs rgyas bstan pa'i phyir/ rang gi rigs la skyes bu'i mthus/ /bskyed pa'i phyir dang de brnyes phyir/ /zhes bya ba smos te/ rang bzhin gyis sangs rgyas pas na rang bzhin gyis sangs rgyas te/rang bzhin ni rigs so/ /de la skyes bu'i mthu bskyed pa'i phyir/ thams cad mkhyen pa nyid thob po/ /gal te rigs nyid med par gyur na sangs rgyas nyid med par 'gyur te/ de lta bas na rigs de lta bu de ni skye mched drug gi bye brag kho na ste/de ni sangs rgyas kyi chos bsam gyis mi khyab cing rmad du byung la rgya che ba sna tshogs kyi gnas yin no/ /bsam pa ji lta ba bzhin gyi sangs rgyas bstan pa'i phyir/ de min rigs la mnyam nyid kyi/ /ye shes bskyed pa nyid phyir ro/ /zhes bya ba smos te/ bsam pa ji lta ba bzhin du sems can rnams la gzigs nas rnam par mi rtog pa'i ye shes bskyed par mdzad pa'i phyir bsam pa ji lta ba bzhin gyi sangs rgyas zhes bya'o/ /sangs rgyas rnam pa bcu bstan pa de nyid yang bstan pa'i phyir/ yang dag rtogs par mdzad pa'i phyir/ / yang dag gdams ngag rab sbyin pas/ /ji ltar sems can rnams kyi sems/ /zhes bya ba smos so/ /rdzogs pa'i byang chub kyi sangs rgyas ni de kho na rtogs par mdzad pa'i phyir te/ gang gi phyir yang dag pa'i gdams ngag dang / rjes su bstan pa sbyin par mdzad pa de'i phyir rdzogs pa'i byang chub kyi sangs rgyas zhes bya'o//de ltar gdams ngag gi rim gyis dge ba'i rtsa ba ji ltar yongs su smin pa'i sems can rnams yongs su grol bar 'gyur te/ de'i phyir/ rab tu smin pa yongs 'grel phyir/ /zhes bya ba smos so/ / smon lam btab pa sgrub pa'i phyir/ /smon lam gyi sangs rgyas te/ smon lam gyi sgo nas dge ba'i rtsa ba'i sa bon yongs su ma smin pa rnams/ yongs su smin par mdzad pa'i phyir ro/ /las kyi 'bras yod rtogs mdzad phyir/ /yang dag sbyor ba grub pa yis/ /ma smin pa rnams smin mdzad phyir//las kyi rnam par smin pa'i sangs rgyas te/ las byas shing bstsags pa 'di'i rnam par smin pa ni mtshan phun sum tshogs pa 'di yin no/ /las 'di'i rnam par smin pa ni dpe byad bzang po thob pa dang ldan pa 'di yin no zhes sems can rnams kyis khong du chud par mdzad pa'i phyir ro//de ltar yang dag pa'i sbyor ba sgrub pa ston pa smon lam dang las kyi rnam par smin pa de gnyis kyis sems can yongs su ma smin pa rnams yongs su smin par mdzad do/ /byin gyi rlabs kyi sangs rgyas kyi dbang du byas nas/ gnyis po de yis phun sum tshogs/ /thams cad kyi ni gzhi dngos yin//zhes bya ba smos te/ sku gnyis po sprul pa dang longs spyod rdzogs pa zhes bya ba de gnyis kyis bdag nyid phun sum tshogs pa thams cad kyi gzhi'i dngos po yin par ston pa'i phyir te/ de'i byin gyi rlabs kyis 'byor pa de lta bu kun du ston pa'i phyir byin gyi rlabs kyi sangs rgyas zhes bya'o//sprul pa'i sangs rgyas ji lta bu zhe na/ de'i phyir/ chos kyi sku yi dbang gis te/ zhes bya ba smos te/ sngon gyi smon lam gyi dbang gis chos kyi sku rnam par mi rtog pa'i ngo bo nyid las 'jig rten la phan pa bskyed pa'i phyir sprul pa'i sku kun du ston pas sprul pa'i sangs rgyas zhes bya'o//de ni bden pa ma yin pas/ /log par snang bar zhugs phyir ro/ /zhes bya ba smos te/ de'i phyir bden pa ma yin no/ /de ltar brda las byung ba'i sku dpyad nas/ don dam pa'i sku bstan pa dpyad pa'i phyir/ rdzogs sangs rgyas kyi chos gnas phyir//zhes bya ba smos te/ chos kyi sku'i sangs rgyas te/ /'di ltar de ni chos kyi sku'i gnas skabs de na chos kyi tshogs mtha' dag gi gnas yin no/ /sems med pa yi rang bzhin phyir/ /sems kyi sangs rgyas te/ sems med pa'i ngo bo nyid kyis mtshon pa ye shes tsam la chos kyi sku zhes grags pa'i phyir ro//ci'i phyir ting nge 'dzin gyi sangs rgyas zhes bya zhe na/ de'i phyir/ ye shes de bzhin nyid dag pas/ /de bzhin ro gcig gyur pa'i phyir/ /zhes bya ba smos te/ rnam par mi rtog pa'i ye shes de dang / de bzhin nyid de dag pa'i phyir ro//gcig pa'i tshul du 'dzin pas ting nge 'dzin gyi sangs rgyas zhes bya'o/ /rang bzhin gyi sangs rgyas bstan pa'i phyir/ /dam pa'i don ni myong gyur pa/ /rnam par mi rtog ye shes kyis/ /zhes bya ba smos te/ rang bzhin gyi sangs rgyas so/ /rang bzhin gyi sangs rgyas de ni kun rdzob tu ni rigs nyid la sangs rgyas zhes brjod de/de'i phyir/ kun rdzob don gyis zhes bya ba smas so/ /bsam pa ji lta ba bzhin gyi sangs rgyas ni/ de'i rjes la/ brnyes pas de ni brnyes phyir ro/ /brnyes pa'i phyir te/ rnam par mi rtog pa'i ye shes 'jig rten las 'das pa'i rjes la brnyes pa'i ye shes kyi bsam pa ji lta ba bzhin du sems can gyi dge ba'i rtsa ba bskyed par 'gyur ro//de ltar 'jig rten las 'das pa'i le'u las gsungs pa'i sangs rgyas bstan pa/ sku gsum du bsdu ba bstan nas/ mdo gzhan las gsungs pa'i sku bstan pa'i dgongs pa bstan pa brjod pa'i phyir/mdor bsdu na ni mtshan nyid ni/ /rnam pa brgyad kyi dbang mdzad nas/ /de bzhin gshegs kyi gsang ba las/ /thub pa'i dbang po'i sku bstan 'dod/ /ces bya ba smos so/ /rab tu dbye ba ni mtha' yas pa'i mdor bsdu na zhes bya ste/de'i phyir mdor bsdu na/ mtshan nyid rnam pa brgyad kyi dbang du mdzad nas de bzhin gshegs pa gsang ba'i mdo las thub pa'i dbang po'i sku bstan par khong du chud par bya'o zhes bya ba'i tha tshig go/ /de bstan pa'i phyir/ rab tu dbye dang tshad dang ni/ / mtha' dang de bzhin phrin las dang / /ngo bo nyid dang 'byung ba dang / /phan 'dogs pa dang 'jug pa'o/ /zhes bya ba smos so/ /mdo de las 'byung ba'i rim pa ni 'di yin te/ zhi ba'i blo gros de bzhin gshegs pa'i sku ni nam mkha'i sku/ 'jig rten gsum po thams cad las bye brag tu 'phags pa'i sku/mi mnyam pa dang mnyam pa'i sku/ sems can thams cad kyi de bzhin nyid dang ldan pa'i sku dpe med pa 'dra ba med pa/ rang bzhin gyis kun nas nyon mongs pa med pa'i sku/ rang bzhin gyis 'od gsal ba'i sku/ rang bzhin gyis ma skyes pa'i sku/rang bzhin gyis ma byung ba'i sku/ sems dang yid dang rnam par shes pa dang ma 'brel ba'i sku/ sgyu ma dang smig rgyu dang / chu zla'i ngo bo nyid kyi sku/ stong pa nyid dang / smon pa med pa dang / rtog pa med pa'i sku/ phyogs bcu ma lus pa'i nam mkha' khyab pa'i sku/ sems can thams cad dang mnyam pa'i sku/mtha' yas mu med pa'i sku/ 'gyur ba med cing rnam par rtog pa med pa'i sku/ mi g.yo zhing rlom sems med pa'i sku/ gnas pa las mi g.yo bar gyur pa'i sku/ /gzugs kyi rang bzhin ma yin pa'i sku/ tshor ba dang / 'du shes dang / 'du byed dang /rnam par shes pa'i rang bzhin ma yin pa'i sku ste/ sa'i khams kyis rab tu phye ba ma yin/ chu'i khams kyis ma yin/ me'i khams kyis ma yin/ rlung gi khams kyis kyang rab tu phye ba ma yin te/ kun du ma byung ba 'byung ba chen po ma yin pa/ 'byung ba chen pos rab tu phye ba ma yin pa 'byung ba ma yin pa/'byung ba ma yin pa'i chos/ 'jig rten thams cad dang mi mthun pa/ mig las ma byung ba/ rna ba la mi gnas pa/ snas rnam par shes par bya ba ma yin pa/ lces rab tu ma phye ba/ lus dang ldan pa ma yin pa/ yid kyis nye bar dpyad pa ma yin pa/sems mi 'jug pa yid kyi rnam par shes pa mi 'jug pa/ 'jug pa ma yin pa/ mi ldog pa/ phyis ldog pa med pa ste/ zhi ba'i blo gros de bzhin gshegs pa'i sku ni de 'dra'o zhes byung ba'o/ /rab tu dbye ba'i dbang du byas nas/ de la rab dbye mtshan nyid ni/ / sangs rgyas sku ni rnam gsum 'dod/ /ces bya ba la sogs pa smos so/ /chos dang rgyu mthun sprul pa ste/ /zhes bya ba la rgyu mthun pa ni longs spyod rdzogs pa yin par blta bar bya ste/ chos kyi dbyings kyi rgyu mthun pas rab tu phye ba'i phyir ro/ /'chad pa'i sku ni bzhi pa'o//de ltar na sku gsum bstan pa de dag ni chos kyi sku dang longs spyod rdzogs pa dang sprul pa dang / bshad pa'i sku'i bye brag gis phung po bzhi'o/ /de dag gi tshad kyi rab tu dbye ba ni/ rnam pa dgu yis chos kyi sku/ /zhes smos pa yin te/ tshad kyi rab tu dbye ba 'dis ni tshad gsum smos pa'i phyir/sangs rgyas kyi sku ni rnam pa gsum du 'dod pa de ston par byed do/ /rnam pa dgus ni chos kyi sku de ston to/ /der zhes bya ba ni mdo der ro/ /dgu po dag ni nam mkha'i sku dang / 'jig rten gsum po thams cad las bye brag tu 'phags pa'i sku dang / mi mnyam pa mnyam pa'i sku dang /sems can thams cad kyi de bzhin nyid dang ldan pa'i sku dang / dpe med pa dang / 'dra ba med pa dang / rang bzhin gyis kun nas nyon mongs pa med pa'i sku dang / rang bzhin gyis 'od gsal ba'i sku dang / rang bzhin gyis ma skyes pa'i sku ste/ mdo'i tshig dgu po 'di dag gis ni chos kyi sku yongs su bstan to//tshig lnga lngas ni rgyu mthun pa dang sprul pa'i sku re re ston te/ de dag gis sprul pa dang / longs spyod rdzogs pa ston to/ /de gnyi ga gcig tu bsdus nas 'chad pa'i sku zhes bya ste/ de'i phyir/ 'chad pa'i sku ni rnam gcig go/ /zhes bya ba smos so/ /de ltar rab tu dbye ba'i mtshan nyid bstan nas mtshan nyid gzhan bstan par bya ba'i phyir/mtshan nyid lhag ma zhes bya ba smos so/ /tshad la sogs pa ni tshig gcig dang / gnyis dang / gsum dang / dgu dang / drug dang / lngas ston te/ go rims bzhin du khong du chud par bya'o zhes bya ba'i tha tshig go/ / tshad ji ltar na gcig gis ston zhe na/ phyogs bcu ma lus pa nam mkha'i khams khyab pa'i sku de bstan par khong du chud par bya ste/ sku bstan pa'i sku thams cad der 'dus pa'i phyir ro/ sems can thams cad mnyam pa'i sku dang / mtha' yas mu med pa'i ste de gnyis kyis ni mtha' bstan par khong du chud par bya ste/sems can gyi khams ji tsam par bzhugs pas sku mtha' yas mu med pa'i phyir ro/ /tshig gsum gyis ni phrin las bstan par rig par bya ste/ 'gyur ba med cing rtag pa med pa'i sku dang / mi g.yo zhing rlom sems med pa'i sku dang / gnas pa las mi g.yo bar gyur pa'i sku ste/tshig de dag gis ston to/ /ngo bo nyid ni gzugs kyi rang bzhin ma yin pa'i sku dang / tshor ba dang / 'du shes dang / 'du byed dang / rnam par shes pa'i rang bzhin ma yin pa'i sku dang / sa'i khams kyis rab tu phye ba ma yin pa dang / chu'i khams kyis phye ba ma yin pa dang /me'i khams kyis phye ba ma yin pa dang / rlung gi khams kyis rab tu phye ba ma yin pa ste/ sku dgu po 'di dag gis bstan par khong du chud par bya'o/ /'byung ba ni tshig drug gis bstan te/ kun nas ma byung ba dang 'byung ba chen po ma yin pa dang / 'byung ba chen pos rab tu phye ba ma yin pa dang /'byung ba ma yin pa dang 'byung ba ma yin pa'i chos dang / 'jig rten thams cad dang mi mthun pa'o zhes bya ba la thug pa dag gis ston to/ /phan 'dogs pa 'dzin pa ni/ mig las ma byung ba dang / rna ba la mi gnas pa dang / snas rnam par shes par bya ba ma yin pa dang / lces rab tu phye ba ma yin pa dang / lus dang ldan pa ma yin pa dang / yid kyis nye bar dpyad pa ma yin pa zhes bya ba drug po 'di dag gis ston to/ /'jug pa ni lngas bstan par shes par bya ste/ sems dang mi 'jug pa dang / yid kyi rnam par shes pa dang mi 'jug pa dang / 'jug pa ma yin pa dang mi ldog pa dang /phyis ldog pa med pa zhes bya ba 'di dag gis ston to/ /de ltar tshig tsam zhig bstan pas mdor bsdu ste/ mtshan nyid rnam pa brgyad kyi skabs kyis de bzhin gshegs pa'i sku bstan pa bsdus par rig par bya'o/ /tshig gi don ni go rims bzhin/ / zhes bya ba la sogs pas ni ji skad smos pa'i tshig rnams kyi don ston to/ /go rims bzhin zhes bya ba ni nam mkha'i sku zhes bya ba nas bzung ste/ phyis ldog pa med pa zhes bya ba'i bar du'o/ /'di la sgrib pa med pa'i rgyu yin pas zhes bya ba la sogs pa nas/ de bzhin mya ngan 'das srid la//gnas pa med pa'i dngos po'i phyir/ /zhes bya ba la sogs pa la thug pa'i bar du go rims bzhin don bstan zhes bya ba'i tha tshig go/ /de la nam mkha'i sku zhes ci'i phyir bya zhe na/ de'i phyir/ sgrib pa med pa'i rgyu yin pas/ /zhes bya ba smos te/ shes bya thams cad la ye shes thogs pa med pa'o//dper na nam mkha' la gzugs can thams cad thogs pa med par 'gro ba dang 'dra ste/ de'i phyir/ de'i sku nam mkha' dang 'dra bas nam mkha'i sku zhes bya'o/ /bla na med phyir zhes bya ba ni de las khyad par du 'phags pa'i lus gzhan med pa'i phyir te/de'i phyir/ 'jig rten gsum po thams cad las bye brag tu 'phags pa'i sku zhes bya'o zhes gsungs so/ /lus can kun dang mi mtshungs phyir/ /mi mnyam pa dang mnyam pa'i sku'o/ /mnyam pa dang ni mtshungs pa ste/ sangs rgyas bcom ldan 'das mnyam pa med pa rnams dang mnyam pa'i sku zhes bya ba'i tha tshig go//yang na mi mnyam pa dang mnyam pa'i sku ni mtshungs pa med pa'i sku zhes bya ba'i tha tshig go/ /sems can thams cad kyi de bzhin nyid dang ldan pa'i sku zhes bya ba'i don bstan pa'i phyir/ sems can kun dang bdag tu ni/ / mnyam nyid ldan pa grub pa'i phyir/ /zhes bya ba smos te/ sems can thams cad dang / bdag mnyam pa nyid dang ldan pa'i phyir ro/ /grub pa'i phyir zhes bya ba ni de bzhin nyid gnas gyur pa'i mtshan nyid kyi sku brnyes zhes bya ba'i tha tshig go/ /ci'i phyir dpe med pa zhes bya zhe na/ de'i phyir/ dpag tu med phyir zhes bya ba smos te/ dpe med pa ni dpe yod pa ma yin no zhes bya ba'i tha tshig go/ /'dra ba med pa ni/ gnyis dngos med phyir zhes bya ba ste/ 'di 'am 'di'o zhes gnyis kyi blo med pa'i phyir ro zhes bya ba'i tha tshig go/ /rang bzhin gyis kun nas nyon mongs pa med pa'i sku dang /rang bzhin gyis 'od gsal ba'i sku zhes bya ba de gnyis kyi don bstan pa'i phyir/ gyur pa'i phyir dang log pa'i phyir/ zhes bya ba smos te/ chos thams cad dkar por gyur pa dang / kun nas nyon mongs pa'i chos ma lus par log pa'i phyir te/ rang bzhin gyis kun nas nyon mongs pa med pa'i sku yin te/de lta bas na gyur pa'i phyir/ /zhes bya ba smos pa'o/ /de'i gzhi nyon mongs mi 'jug phyir/ /zhes bya ba ni rang bzhin gyis 'od gsal ba'i sku'o/ /de'i gzhi ni kun nas nyon mongs pa gang dag yin pa'o/ /de zhes bya ba ni gyur pa dang log pa dang sbyar ro/ / kun nas nyon mongs pa rnams ni de'i gzhir gyur pa ste/ rang bzhin gyis 'od gsal bas gyur pa dang log pa de la ngo bo nyid kho nas ma zhugs te/ rang gi 'od kyis zhes bya ba'i tha tshig go/ /de'i phyir/ rang 'od gsal phyir zhes bya ba smos so/ /rang bzhin gyis ma skyes pa'i sku dang / rang bzhin gyis ma byung ba'i sku zhes bya ba 'di gnyis dpyad pa'i phyir/ skye gnas gsum/ sgo nga las skye sogs pa dang / /zhes bya ba smos te/ sgo nga las skye ba dang / mngal nas skye ba dang / drod gsher las skye ba ni skye ba zhes brjod de/ der skye ba med pa'i phyir rang bzhin gyis ma skyes pa'i sku zhes bya'o//brdzus te skye ba'i skye gnas su/ /gtogs pa ma yin dngos po'i phyir/ de'i phyir rang bzhin gyis ma byung ba'i sku zhes bya'o/ /sems dang yid dang rnam par shes pa dang ma 'brel ba'i sku ji lta bu zhe na/ de'i phyir/ rnam smin de las byung sems sogs/ / rnam pa kun du ma bzung phyir/ /zhes bya ba smos te/ 'di ltar rnam par smin pa'i rnam par shes pa ni kun gzhi zhes bya'o/ /de las byung ba ni 'jug pa'i rnam par shes pa zhes bya'o/ /sogs pa smos pas ni nyon mongs pa can gyi yid bsdu ste/ rnam pa kun du ma bzung bas de'i phyir de skad ces brjod do zhes bya bar bsams pa'o//ci'i phyir/ sgyu ma dang / smig rgyu dang / chu zla'i ngo bo nyid kyi sku zhes bya zhe na/ skal ba mthun phyir de lta bu/ /yod ma yin pas de bzhin min/ /zhes bya bas ston te/ skal ba mthun phyir zhes bya ba ni/ gdul ba'i sems can dang mthun pa'i phyir ro zhes bya ba'i tha tshig go//de bzhin min zhes bya ba ni ji ltar sngon gyi shugs yongs su bzung bas bdag nyid ston pa de bzhin du ma yin zhes bya ba'i tha tshig go/ /stong pa nyid dang / smon pa med pa dang / rtog pa med pa'i sku don gang gis ston zhe na/ de'i phyir/ de bzhin rnam thar sgo gsum la/ /rang gi kun shes 'jog pa'i phyir/ /zhes bya ba smos te/ rnam par thar pa'i sgo gsum po la rang gi kun shes pa dge sbyong gi 'bras bu de la sems can dgod pa'i phyir/ de skad ces bstan to zhes bya ba'i don gang yin pa'o//rab tu dbye ba'i mtshan nyid ni/ /don du de ltar shes par bya'o zhes bya ba ni/ rab tu dbye dang tshad dang ni/ /zhes sngar gang bstan pa de las rab tu dbye ba'i don ni de ltar khong du chud par bya ba'o zhes bya ba'i tha tshig go/ /tshad kyi mtshan nyid kyi dbang du byas nas/ sangs rgyas rnams kyi sku kun ni//'jig rten kun du rnam 'phro phyir/ /zhes bya ba smos te/ de ni 'di skad du/ dper na/ nam mkha' ni 'jig rten gyi khams thams cad khyab par byas nas/ gnas pa bzhin du de bzhin gshegs pa'i sku yang de dang 'dra'o/ /de bstan par 'gyur te/ sangs rgyas bcom ldan 'das rnams kyi sku'i tshad ni de lta bu yin no zhes bstan pa yin no/ /mtha'i mtshan nyid las brtsams te/ /sems can ji srid 'byung 'gyur ba/ /de srid dus su 'jug pa'i phyir/ /zhes bya ba smos te/ sems can thams cad dang mnyam pa'i sku yin par khong du chud par bya'o zhes bya ba'i tha tshig go//sku de'i mtha' ni 'di yin te/ 'khor ba'i rgyun 'jug pa dus de srid du bzhugs pa'i phyir ro/ /yang mtha' de gnyis kyi dbang du byas nas/ byang chub mya ngan 'das ston pa'i/ /rgyun ni rgyun chad mi 'gyur phyir/ /zhes bya ba smos te/ 'dis ni mtha' yas mu med pa'i sku ston to/ /'jig rten gyi khams thams cad du mngon par rdzogs par byang chub pa dang / mya ngan las 'das pa kun du ston pa'i rgyun mi 'chad pas mtha' yas mu med pa'i sku zhes bya'o/ /phrin las kyi mtshan nyid rnam pa gsum las brtsams nas/ spyod pa'i dus dang gnas pa dang / /bstan pa'i dus kyi tshe nyid dang / /zhes bya ba smos te/ spyod pa'i dus dang / gnas pa'i dus dang / chos bstan pa'i dus ni 'gyur ba med pa'i phyir dang / rnam par mi rtog pa'i phyir/ 'gyur ba med cing rnam par rtog pa med pa'i sku zhes bya'o//rtsol dang ro myang med pa'i phyir/ /mi g.yo zhing rlom sems med pa'i sku ste/ rtsol bas ni g.yo bar 'gyur/ ro myang bas ni rlom sems su 'gyur bas de gnyi ga med pa'i phyir/ mi g.yo zhing rlom sems med pa'i sku zhes bya'o/ /mtshungs las rnam par g.yeng med phyir/ / gnas pa las mi g.yo bar gyur pa'i sku'o/ /de ltar gsum gyis phrin las bstan nas/ ngo bo nyid brjod pa'i phyir ngo bo nyid de yang sku'i tshig dgus ston te/ de'i phyir/ chos kyi sku yi rang bzhin phyir/ /phung po'i ngo bo nyid las 'das/ /zhes bya ba smos te/ gzugs kyi rang bzhin ma yin pa'i sku dang /tshor ba dang / 'du shes dang / 'du byed dang / rnam par shes pa'i rang bzhin ma yin pa'i sku dang / sa'i khams kyis rab tu phye ba ma yin pa dang / chu'i khams kyis ma yin pa dang / me'i khams kyis ma yin pa dang / rlung gi khams kyis rab tu phye ba ma yin pa ste/de ltar phung po'i ngo bo nyid las shin tu 'das pa'i phyir chos kyi sku'i ngo bo nyid ces bya'o/ /'byung ba'i mtshan nyid rab tu bstan pa'i phyir/ /mngal du 'jug dang ming dang gzugs/ /zhes bya ba la sogs pa smos so/ /'byung ba ni sku bstan pa'i tshig drug gis bstan par khong du chud par bya ste/de'i phyir kun du ma byung ba dang / 'byung ba chen po ma yin pa dang / 'byung ba chen pos rab tu phye ba ma yin pa dang / 'byung ba ma yin pa dang / 'byung ba ma yin pa'i chos dang / 'jig rten thams cad dang mi mthun pa zhes gsungs so/ /kun du ma byung ba zhes bya ba ni mngal du 'jug pa med pa'i phyir ro//'byung ba chen po ma yin pa ni ming dang gzugs ma yin pa'i phyir ro/ /de 'og gnas skabs ni/ skye mched drug la sogs pa ste/ de med pa'i phyir 'byung ba chen pos rab tu phye ba ma yin no/ /de'i phyir/ de dang mi mthun chos yin phyir/ /zhes bya ba smos so//'byung ba ma yin zhes bya ba'i don ni/ de bzhin sems can med pa'i phyir/ /zhes bya ba smos pa yin te/ sems can ni 'byung po yin pa'i phyir ro/ /ri bong rwa sogs mi mthun phyir/ /'byung ba ma yin pa'i chos 'byung ba ma yin pa sangs rgyas bcom ldan 'das rnams kyi chos gang dag yin pa de dag ni de'i chos te/nam mkha'i me tog la sogs pa dang mi 'dra ba'i phyir ro/ /de lta'i don ni mi dmigs phyir/ /'jig rten thams cad dang mi mthun pa'o/ /sku de lta bu de ni rnam pa thams cad kyi mchog dang ldan pa ste/ de lta bu'i don mi dmigs pa'i phyir/de ltar na 'jig rten thams cad dang mi mthun pa'o/ /phan 'dogs pa'i mtshan nyid bstan pa'i phyir/ dbang po drug don longs spyod las/ /shin tu 'das pa'i bde dngos phyir/ /zhes bya ba smos so/ /phan 'dogs pa yang tshig drug gis ston te/ mig las ma byung ba dang / rna ba la mi gnas pa dang / snas rnam par shes par bya ba ma yin pa dang / lces rab tu ma phye ba dang / lus dang ldan pa ma yin pa dang / yid kyis nye bar dpyad pa ma yin pa ste/ dbang po drug gi don la longs spyod pa las bde ba ji lta bu 'byung ba de las shin tu 'das pa'i bde ba la yongs su spyod pa yod pas mig la sogs pas rab tu phye ba ma yin pa zhes bya ba'i tha tshig go//'jug pa'i dbang du byas nas/ las dang nyon mongs 'phangs pa yi/ /sems la sogs dbang mi 'jug phyir/ /zhes bya ba smos so/ /de yang tshig lngas shes par byed de/sems dang mi 'jug pa dang / yid kyi rnam par shes pa dang mi 'jug pa dang / 'jug pa ma yin pa dang / mi ldog pa dang phyis ldog pa med pa'o/ /sems dang mi 'jug pa zhes bya ba la sogs pa'i tshig rnams kyi don ni/ las dang nyon mongs 'phangs pa yi//sems la sogs dbang mi 'jug phyir/ /zhes bya ba smos te/ de'i dbang gis mi 'jug ces bya ba'i tha tshig go/ /mi ldog pa dang phyis ldog pa med pa zhes bya ba 'di gnyis kyi don ni/ de bzhin mya ngan 'das srid la/ /gnas pa med pa'i dngos po'i phyir/ / zhes bya ba smos te/ mya ngan las 'das pa la mi gnas pas mi ldog go/ /'khor ba la mi gnas pas phyis ldog pa med do/ /thub pa'i dbang po'i sku bstan pa de lta bu ni de bzhin gshegs pa'i gsang ba'i rgyal po'i mdo las rig par bya'o/ /de ltar skabs kyi don rdzogs par byas nas/phan yon bstan pa'i phyir/ rang bde gshegs dang dgra bcom pa/ /grol ba'i bdag nyid can rnams kyi/ /yang dag spyod yul blo rnams kyis/ /zhes bya ba smos te/ grol ba'i bdag nyid can rnams zhes bya ba ni bag la nyal ma lus par spangs pa'i bdag nyid can zhes bya ba'i tha tshig go//yang dag spyod yul zhes bya ba ni mnyam par gzhag pa'i chus sgrib pa'i dri ma mtha' dag bkrus pas zhes bya ba'i tha tshig go/ /gang la gting ni mi rnyed pa/ /zhes bya ba ni rang rgyal ba dang 'phags pa nyan thos dag gi blo rnams kyis ye shes gang la gting ste/gnas mi rnyed ces bya ba'i tha tshig go/ /gal te rang sangs rgyas la sogs pa'i yul ma yin na/ 'o na de su'i yul zhe na/ de'i phyir/ rnam par mi rtog lhun gyis grub/ /chags med ye shes spyan ldan pa/ /sangs rgyas rnams kyi rang rig par/ /'dod pa 'ba' zhig gang yin pa//zhes bya ba smos so/ /rnam par mi rtog pa ni rnam par rtog pa'i gzhi thams cad spangs pa'i phyir ro/ /lhun gyis grub pa ni sngon gyi smon lam gyi dbang gis 'jug pa'i phyir ro/ /chags pa med pa ni shes bya gang la yang thogs pa med pa'i phyir ro/ /ye shes nyid spyan te khyad par du 'phags pa de lta bu su dag la mnga' ba'i sangs rgyas de dag gi rang gis rig par 'dod pa 'ba' zhig ste/gzhan dag la bsnyad par mi nus pa'i phyir ro/ /'dis ni byang chub sems dpa' sa bcu'i mnga' bdag rnams kyi yul yang ma yin par ston te/ gang gi phyir sangs rgyas bcom ldan 'das rnams kho na'i yul yin gyi/ rang rgyal ba dang 'phags pa nyan thos rnams kyi yang yul ma yin pa de'i phyir/ gang du byis pa nyon mongs pa so so'i skye bo kun 'khrul te/ de'i rang gi ngo bo la mos pa med pa'i phyir dang / de la mi reg pa'i phyir ro//'khor ba'i gnod pas nyen pas na/ /phan tshun rnam par 'khyam byed pa/ /zhes bya ba ni/ sems can dmyal ba la sogs pa'i 'gro ba'i 'khor lo ltar 'khor ba'i tshul gyis 'khor ba'i rgyun mi 'chad pa'i phyir ro/ /gang phyir zhes bya ba ni gang thob par bya ba'i phyir ro//lus dang srog la yang / 'dod med snying brtse'i bdag nyid rnams/ /dka' ba brgya phrag du ma dag /ces bya ba ni stag mo'i skyes pa'i rabs la sogs par rang gi sku lus la sogs pa sbyin par mdzad pa'i phyir ro/ /bskal pa du mar zhes bya ba ni dus kyi tshad bstan pa'o//de ni mchog tu gsang ba ste/ /zhes bya ba ni/ gzhan dag la bsnyad par mi nus pa'i phyir gsang ba zhes bya'i mi bstan pa'i phyir ni ma yin no/ /de ni go 'phang mchog yin no/ /zhes bya ba la go 'phang ni gnas la bya'o/ /mchog ni 'di la gnas ni mi g.yo ba'i phyir ro//phyogs 'di dag gi yul thams cad las 'das pa yin zhes bya ba ni brjod pa'i tshogs thams cad las 'das pa'i spyod yul yin pa'i phyir ro/ /de ni 'jigs pa med ces bya ba ni 'jigs pa thams cad dang bral ba'i phyir ro/ /'di la yang dag mos pa yang //zhes bya ba ni mos pa tsam zhig yod pa yang ngan 'gro dog par gnod par mi 'gyur na/ su zhig 'di phyir bsgrims byas na/ /mngon par brtson pa smos ci dgos/ /'di phyir zhes bya ba ni 'bras bu de thob par bya ba'i phyir ro zhes bya ba'i tha tshig go/ /shes rab 'tshal zhes bya ba ni lta ba ngan pa la mngon par zhen pa'i blo dang ldan pa'i phyir ro//bsod nams chung zhes bya ba ni tshe rabs snga ma dag la dge ba'i rtsa ba bskyed pa med pa'i phyir ro/ /de lta bu'i rang bzhin can gyi mi ni dad pa tsam yang 'dir mi skye ste zhes bya ba'i bye brag gzhan lta zhog gi 'di ni bden no zhes yid ches pa yang med pa'i phyir 'dir dad pa tsam yang mi skye'o//'di la sbyor ba su zhe na/ de'i phyir/ gang zhig dge ba bstsags gyur pa/ zhes bya ba smos te/ dge ba'i rtsa ba yongs smin pa'i/ /blo ldan de ni 'di la sbyor/ /de dam pa'i chos mnyan pas bsgom pa'i sems kyi rgyud kyis sbyor te/sbyor bar byed ces bya ba'i tha tshig go/ /de ltar rab tu byed pa rdzogs par byas nas de byed pa'i ngal ba las byung ba'i dge ba'i rtsa ba yongs su bsngo ba'i phyir/ skur 'jug sgo yi bstan bcos 'di/ /bdag gis ci nus byas pa yi/ /dge ba gang yin de yis ni/ / 'gro bas sku gsum thob par shog /ces bya ba smos so/ /blo chen tshul ni ma lus ma nor bar/ /bdag 'dras ngang nyid brjod par mi nus kyang / /bla ma'i lung gis ji ltar rnam phye ba/ /de thos de bzhin bdag gis bshad pa byas/ /bstan bcos rgya mtsho rang gzhung 'dzin khri ma rungs mi bzad ldan zhing mtha' med klong 'khyil las//blo yi gru yis rab tu brgal zhing rim gyis ting nge 'dzin gyi stan la gang 'dug pa/ /shAkya'i dge slong sdom brtson bzang po ye shes zla ba snyan pa rgya chen grags pa des/ /klu yi bshes gnyen gyis byas sku gsum 'di dag 'grel pa brtse ba lta bu'i tshul gyis byas//sku gsum gyi 'grel pa slob dpon ye shes zla bas bgyis pa rdzogs so// //rgya gar gyi mkhan po pradz+nyA warma dang / zhu chen gyi lo tsA ba ban de ye shes sdes bsgyur te gtan la phab pa// //'di la sh+lo ka ni bdun brgya drug cu mchis so/