CLOSE WINDOW

D3888
བོད་ཡིག

@##/ /rgya gar skad du/ tatwA lo ka na nA ma pra ka ra NaM / bod skad du/ de kho na nyid snang ba zhes bya ba'i rab tu byed pa/ sangs rgyas dang byang chub sems dpa' thams cad la phyag 'tshal lo/ /yang dag bdud rtsi shin tu brnyes nas ci bzhed gsol/ /skye shi mi mnga' go 'phang brnyes te thugs rje yis//'gro ba kun la de dag thob mdzad bzhugs pa gang / /de la btud nas yang dag de nyid rtogs par bya/ /gang phyir 'gro ba 'di dag kun/ /rmongs pa'i ngo bo zhags pas bcings/ /yang dag rtogs pas thar pa zhes/ /mkhas pa rnams ni rab tu gsungs//thar pa 'dod pa rnams kyis ni/ /don med rtsod pa 'dir mi bya/ /'ga' zhig rmongs pa med pa ni/ /dman pa'i dngos dag mi tshol lo/ /skye ba sdug bsngal rtsa ba bas/ /de ni dman pa nyid du bshad/ /thog ma med pa'i mi shes pa/ /de yang rtsa bar mkhas pas bstan//rgyu la rag las skye ba'i phyir/ /gnyen po dag kyang yod pa'i phyir/ /ye shes snang ba byung ba na/ /mun pa bzhin du de spong ngo / /mi shes rang bzhin rmongs pa ni/ /spang dgos de bas gus pa yis/ /yang dag snang ba skyed pa'i phyir/ /thar pa 'dod pas mchog brtson bya//gzugs la sogs pa gsal 'di dag /byis pa kun la grags pa gang / /de nyid ji ste yang dag na/ /lus can thams cad grol bar 'gyur/ /mkhas pa rnams kyi nga rgyal can/ /kun gyis de 'dir mthong na ni/ /yang dag so sor smra ba bas/ /rtsod pa sna tshogs mi 'gyur ro//'chad pa po dag rnams la yang / /phan tshun 'gal ba srid pa'i phyir/ /gzhan gyi man ngag tsam gyis na/ /yang dag gtan la phebs pa'ang med/ /gcig la gcig ni mi thun zhing / /bdag nyid ngo bo phan tshun du/ /'gal zhing du ni yang dag pa/ / du ma nyid du 'gyur mi sred/ /de bas rtogs ldan rnams kyis ni/ /rang gi rigs pas de dpyod la/ /lung dang rigs pa ldan pa yis/ /brtan por gyur nas bsgoms par bya/ /gzugs la sogs pa'i dngos po rnams/ /yang dag nyid du khas len gang / /de dag las ni 'grub pa yi/ / tshad ma yod dang med pa dpyad/ /yod dang med pa'i tha snyad ni/ /tshad ma la brten mkhas pa rnams/ /de med gyur na de dag gis/ /rtogs pa ldan pa spangs pa yin/ /'dod pa tsam las dbyung phyir dang / /de las bzlog pa'i don gyis kyang / /de yang mi 'grub thal 'gyur phyir//tshig tsam gyis kyang de mi 'grub/ /tshad ma rjes su 'gro ba dang / /ldog pa gnyis kyis yang dag par/ /tha snyad dag la khyab na yang / /dngos por smra ba legs par gnas/ /rtag pa la sogs dag gis kyang / /sgra la khyab par thal 'gyur phyir/ /'di ltar ldog pa 'ba' zhig las//khyab pa grub pa ma yin no/ /des na'ang rjes su 'gro med na/ /ldog pa de ni yod min te/ /de dngos rjes su mi 'brang gang / /de ldog can du de mi 'gyur/ /de bas khyab par 'dod pa yin / /nges par rjes su 'gro bar 'dod/ /de grub na yang tshad ma las/ /dngos po gtan du grub pa yin//'di ltar gang na yod ces pa'i/ /tha snyad tshad ma yod pa yi/ /rjes su 'brang de gar bsgrubs na/ /nged kyi dngos po de nyid grub/ /khyab pa de ni grub na yang / /yang dag dngos po nges mi 'grub/ /'di ltar khyab byed yod pa las/ /khyab bya thams cad mngon pa med/ /shing sha pa dang seng ldeng sogs//'di ltar shing nyid kyis khyab kyang / /de tsam gyis na de dag ci/ /de las nges par 'grub 'gyur ram/ /de bzhin tshad ma 'jug na yang / /dngos po yod pa'i tha snyad 'di/ /yang dag don gyi yul can du/ /khyed la nges par 'grub pa med/ /bstan pa 'di ni nor pa ste//shing ni seng ldeng la sogs la/ /thun mong yin pas de las ni/ /bye brag gsal bar rtog mi 'gyur/ /tshad ma dag gi dngos po yis/ /ngo bo 'das nas 'jug pa med/ /gzhan du'ang rab tu 'jug na ni/ /de ni tshad mar mi rung ngo / /'di ltar dngos po tshad mas khyab/ /de yis tha snyad la yang khyab//dngos po khyab pa'i tshad mas byung / /de yang gzhan du mi 'jug go/ /'jig rten kun rdzob bden don gyi/ /yul can dag kyang srid pa'i phyir/ /de phyir yang dag dngos po yis/ /tshad ma khyab par mi 'grub po/ /ji ste yang dag dngos po la/ /tshad ma thams cad yod na ni//kun gyis yang dag nyid mthong phyir/ /'phags pa'i lam ni dgos pa med/ /'bad pa ma byas grol ba'i phyir/ /thar 'dod rnams kyi tshangs spyod dang / /bsnyen gnas la sogs don med de/ /nyon mongs skyes pa kho nar zad/ /rnal 'byor pa yis mngon sum las/ /gzhan gyi dbang po'i shes khyad med//rab tu grub pa'i don dag la/ /yang dag rtogs 'dod rtsod mi 'gyur/ /tshad ma'i mtshan nyid bstan bcos dag /rab tu byed pa don med cing / /phan tshun dag tu 'gal ba yi/ /mtshan nyid dag kyang byed mi 'gyur/ /bdag dang gzhan gyi grub pa'i mtha'//phan tshun tha dad med par 'gyur/ /tshad ma kun gyi tshad ma nyid/ /bdag nyid la ni grub par thal/ /don dam pa yi dngos po yi/ /ngo bo 'das nas mi 'jug ste/ /gzhan du'ang tshad ma 'jug na ni/ /de ni ji ltar tshad ma nyid/ /rmi lam sogs bzhin brdzun pa nyid/ / 'dod pa'i don la mi slu phyir/ /'jig rten dngos la tshad ma yod/ /tha snyad du ni brjod par bya/ /de nyid ji ste don dam yin/ /ming tsam zad pa bzlog med de/ /rang dga' dag gis byung ba la/ /de ni su zhig zlog par byed/ /'on kyang rmi lam byed pa ni/ /brdzun pa'i dngos po rnams la yang //'dod pa'i don byed sgrub nus pa/ /'di ltar dmigs shing snang yin na/ /de yang don dam cir mi 'dod/ /'gal ba pa yi phyir zhe na / /de bzhin gzhan du gnyid sad la/ /de dang mthun na ci phyir 'dod/ /de la mi slu ba dag kyang / /ma sad pa dang gnyi ga mthun/ / sad pa dag gis slu byed pa/ /gnyi ga yang ni mthun pa nyid/ /rdzogs sangs rgyas kyis chos rnams kun/ /rmi lam lta bur rab tu bstan/ /dbang po lnga po de dag gi / /dngos po cung zad mthong ba med/ /ji ste don byed nus pa yi/ /snang ba tsam yang mi 'dod na/ /'khrul pa'i phyir na 'di dag ni//don dam nyid kyi mtshan nyid min/ /rmi lam dag na dngos po'i don/ /shes pa'i ngo bo nyid ma yin/ /shel sgong bzhin du dag pa yi/ /shes pa yin zhes nye bar brjod/ /sngon po la sogs gzugs sna tshogs/ /de la de ni gang nas 'ongs/ /'khrul pas yin na'ang 'khrul 'di ci/ / 'khrul pa med pa nyid ce na'ang / /de las de nyid yin zhes pa/ /mchog tu de ni legs par bshad/ /'on te snga ma'i rnam par shes/ /shes pa phyi ma'i rgyu yin na/ /'khrul pa de ni de dag las/ /rgyu med par ni ji ltar 'byung / /sngon po la sogs de 'byung na/ / 'byung la rag ste 'on kyang ni/ /shes dang tha dad ma yin phyir/ /ji ltar gcig la sna tshogs nyid/ /rnam par shes pa du ma'ang / /'byung bar rtag tu rigs pa min/ /lus med yul na mi gnas phyir/ /yul na bkram ste 'dug pa med/ /de la de ni sna tshogs pa/ /brdzun pa nyid ces 'dod na yang //brdzun dang cig shos 'gal ba dag /gcig po nyid du ji ltar rung / /brdzun pa rnams kyang rgyu dag las/ /'byung bar ji ste 'dod na ni/ /bden pa gnyis kyi mtshan nyid dag /dngos po gzhan la ci zhig yod/ /rang dang dbyer med sna tshogs pa'i/ /sngo sogs brdzun pa'i rang bzhin na//rnam par shes pa'ang brdzun nyid du/ /ci'i phyir gsang ston brjod mi bya/ /shes pa'i rnam pa sna tshogs rnams/ /ji ste de'i bdag ma yin te/ /gzhan yin de la de bzhin du/ /ji ltar so sor snang bar 'gyur/ /gzhan yang gang de sngo la sogs/ / 'di dag brdzun pa nyid brjod na/ /de nyid mtshan nyid 'khrul pa yi/ /yul dang ma gyur ma yin nam/ /rmi lam dag la de las gzhan/ /khyed kyi 'dod pa'i don bsgrub cing / /gang gis mtshan nyid 'khrul par ni/ /mi 'gyur gzung du yod ma yin/ /ji ste don byed rung ba la/ /de dag khong du chud pa de//de tshe yang dag rtogs par 'gyur/ /gang gi ngo bo rtogs pas ni/ /rnal 'byor srid par 'khyams las grol/ /'dir ni de nyid don dam du/ /rtag pa'i yul du bya ba yin/ /'gro ba grol la thob 'gyur zhing / /thams cad thar par thal ba'i phyir/ /dngos tsam rab tu grub pa las//'dod pa'i don byed rung ba min/ /de bas 'dod don mi slu ba/ /tshad ma'i mtshan nyid yin no zhes/ /'jig rten pa la'ang rab grub phyir/ /thun mong yin par gnas pa yin/ /des na yod pa'i tha snyad sogs/ /khyab pa yin yang yang dag don/ /'grub min ji ltar de las ni//dngos por smra ba legs par gnas/ /tshu rol mthong ba thams cad kyi/ /sems ni de la nor ba'i phyir/ /yang dag dngos po cung zad kyang / /mngon sum dag gis grub pa med/ /rtog dang bral la ma 'khrul pa/ /mngon sum zhes ni de brjod la/ /tshu rol mthong ba kun gyis kyang //yang dag mtshan nyid 'khrul pa med/ /yang dag mngon sum rtogs pa de/ /ji ltar tshu rol mthong zhes bya/ /cha shas 'khrul med rang bzhin na/ /dbang po'i rnam par shes pa dag /spyi don yin phyir nyer brjod phyir/ /rang gi mtshan nyid spyod yul min/ / ji ste gzhan las bzlog pa yi/ /spyi de yul zhes mi brjod na/ /gzhan du gcig gi dngos po la/ /ji ltar cha shas rtag tu yod/ /sgra la sogs pa'i chos can la/ /tshad ma gzhan dag mi slu phyir/ /mngon sum rtogs pa'i bdag nyid las/ /yang dag rnam par nges pa med/ / rang gi mtshan nyid rnam pa kun/ /'di dag gzung nyid ma yin nam/ /'on kyang zin dang bral ba'i phyir/ /rnam pa thams cad nges pa med/ /don du gnyer dang goms 'dus las/ /sogs pa'ang de yi rgyu yin phyir/ /'di ltar myong ba zhes bya bas/ /nges par skye bar mi srid do/ /rnam pa thams cad gzung na yang //gang na don du gnyer sogs rgyu/ /med pa de na phyin ci log /'khrul pa'i sa bon dag las skye / /rjes su dpag pa rnams kyis ni/ /sgro 'dogs de tsam nyi tshe zhig /bsam pa bsgrub par bya yin gyi/ /mngon sum spyod yul dngos po min/ /rnam pa thams cad nges pa dag /ji ste de las ma skyes na/ /de ni gzung ba yin no zhes/ /gna' chung rnams kyis rkyal bar bgyis/ /mtshan ma rnams ni gzhan dag las/ /yang dag dngos po grub na ni/ /mngon sum des ni rnam pa kun/ /gzung zhes bya ba'i rigs pa mnyam / / ma grub na yang rnam nges pa/ /der ma skyes par gzung ngo zhes/ /khyod kyi tha mal sems kyis ni/ /brjod par ji ltar rigs pa yin/ /don byed pa rnams snang ba yi/ /shes pas kyang ni 'khrul pa'i phyir/ /gzung ba nyid du nges min te/ /ji ltar sngar ni bshad pa bzhin/ /'ga' zhig tu ni yang dag dngos//ji ste lan 'ga' mthong gyur na/ /don byed pas ni de bsgrub ces/ /rnam par nges pa de dag rigs/ /pha rol ma yin mthong rnams kyis/ /gang tshe lan 'ga' de gcig kyang / /mthong ba med pas de bas na/ /rnam par nges pas ji ltar bya//sprul pa rnams kyang sna tshogs pa'i/ /don rnams bya ba byed par brjod/ /gzugs brnyan la sogs la yang mthong / /de'i phyir nges par gyur pa med/ /phyi rol don thob mtshan nyid kyi/ /mi slu ba ni don grub med/ /'di ltar snang ba ngo bo ni//rmi lam sogs pa la yang yod/ /shes pa lnga la khyad med pa'i/ /gzhan las ji ltar nges pa yin/ /yul ni tha dad yin phyir yang / /de sgrub don la mi slu med/ /sngar myong ba la mi slu ba/ /skad cig pa la shin tu dkon/ /skad cig ma yin rnams la yang / /gang na don byed yod mi srid//ji ste rtogs par byed pa rnams/ /tha dad med par zhen pa yis/ /'dod na gnyis la gcig don te/ /brtags pa 'di yin gang dag min/ /rang gi mtshan nyid ji bzhin du/ /ji ste dbang pos ma bzung na / /de tshe yul de nges pa zhes/ /de ni ji ltar rigs pa yin//yul gyi don la mngon sum dag /ji ste sgro 'dogs srid na yang / /rang gi mtshan nyid dngos po la/ /de ni ji ltar tshad ma yin/ /de bas de yis sems kyis ni/ /yang dag dngos po rtogs med kyis / /smig rgyu bzhin du gang dag gis/ /'di la sgro 'dogs byed par 'gyur/ / sgro 'dogs pa yis thams cad du/ /sems kyi rked pas gtugs pa dag /zla ba gnyis sogs mngon sum gyi/ /shes pa dag dang ci mi mtshungs/ /gang tshe rtag tu yang dag nyid/ /log par sgro 'dogs mun pas g.yogs/ /mngon sum mi slu yin pa las/ /rnam par nges pa de ni med//gzhan yang dngos po'i ngo bo nyid/ /rtag pa'am mi rtag gcig tu 'gyur/ /phan tshun spangs te gnas pa'i phyir/ /phung po gsum pa yod pa min/ /phan tshun yongs su spangs la sogs/ /'gal ba rab tu grub bya'i phyir/ /ji ste tshad mas khas len na/ / nged kyi dngos po 'gal ba grub/ /de ni rigs te tshad ma yis/ /dngos po rnams kyi spyi 'grub phyir/ /khyab par dngos po mi 'grub ces/ /gong du rab tu bsgrubs pa yin/ /dngos po rnams kyi 'gal ba ni/ /tha snyad pa yi tshad ma nyid/ /'di la brten nas brjod pas na/ /de phyir yang dag rtogs pa min//'di ltar mar me la sogs pa/ /skye zhing 'jig pa'i chos can rnams/ /brten pa'i rnam pas rnam gcad pas/ /'gal bar rtogs pa rnams la ltos/ /gang tshe rnam pa rnam gcad pa / /med na med par nges pa yis/ /chos de gang yin de gnyis ni//mtshan nyid kyis ni 'gal bar 'dod/ /skye 'jig dag dang 'brel pa ni/ /sgyu ma la sogs la yang yod/ /de tsam gyis na de dag ci/ /yang dag dngos po nyid yin nam/ /shes pa'i rnam pa nor phyir dang / /phyi rol don yang ma grub phyir/ /mar me la sogs rnams la yang //yang dag dngos po cung zad med/ /de lta bas na 'jig rten gyi/ /don la brten nas 'gal ba dag /don dam nyid la 'jug bya'i phyir/ /rigs pa shes pa rnams kyis gzhag /de bzhin gzhan yang 'gal ba dag /tha snyad yin par shes par byos/ / yang dag dngos po nyid la ni/ /'gal ba nyid ni 'ga' yang med/ /tshad ma'i mtshan nyid 'di dag kyang / /yang dag nyid la 'jug bya'i phyir/ /tha snyad pa ni yin no zhes/ /bstan pa de phyir 'dod par gyis/ /gzhan du byis pa gnag rdzi sogs/ /bud med rnams la grags pa nyid/ / man ngag med par du sogs las/ /ci phyir me sogs phyogs nges 'gyur/ /tha snyad rnams la ma brten na/ /thabs gzhan dag la brten byas kyang / /rang dang gzhan gyis yang dag pa/ /rnam par dbye bar nus pa min/ /rtags dang rtags can 'gal ba dang / /de bzhin khyab bya khyab byed pa//yang dag don la ma brtags kyi/ /don dam pa la 'jug bya'i phyir/ /ji ltar 'jig rten grags pa la/ /brten nas de bzhin bsgrub bya dang / /sgrub byed 'di dag gnas par ni/ /de bas thams cad brjod pa yin/ /de bas khyab dang 'gal la sogs/ /ma grub la sogs gang rgol ba//de dag thams cad 'khyam pa zhes/ /mkhas pa rnams kyis shes par bya/ /gtan du ma grub gang yin pa/ /de la brgal bar rigs pa yin/ /yang dag brten nas rtsod pa ni/ /mi 'dod thal bar 'gyur ba med/ /de la mi rtag dngos po'i bdag /yang dag mngon sum shes pa med/ /rgyu dang 'bras bu rtogs grub na/ /de ni rab tu 'grub pa yin/ /gzhan gyi bdag nyid 'bras bu dang / /rgyur gyur pa la rnam shes kyi/ /gang phyir 'dzin par mi rigs na/ /mngon sum nyid du de ma grub/ /rnam par shes pa 'dra tsam gyis//gzhan dag shes pa ma yin te/ /de lta yin na 'dra ba kun/ /phan yon rigs pa nyid du 'gyur/ /'dra gang shes pa'i ngo bo zhes/ /bye brag rung ba ma yin te/ /rang gi ngo bo gnas pa yi/ /shes bya khyab pa'i bdag por rung / /shes pa'i ngo bo bye brag gis//bdag nyid nye bar gnas na yang / /de lta yin yang mi phan phyir/ /gzhan dag ji ltar 'dzin par 'gyur/ /'dra ba shes pa'i ngo bo'i phyir/ /ji ste rigs par 'gyur na yang / /zla ba la sogs lta ba na/ /phan tshun de shes cis ma gyur/ /de las byung ba yin na zhes//de ltar khyad par gzhan dag kyang / /ji ste rjod par byed na ni/ /'on kyang 'dod pa sgrub mi byed/ /dngos po rnams kyis don byed pa/ /rang gi dngos dang 'brel pas na/ /skyes bu 'dod pa'i rjes 'brangs pa'i/ /bye brag rnams las ji ltar 'gyur/ /rnam shes de las byung na yang //rang gi ngo bor de gnas las/ /ji ltar gzhan las mngon sum du/ /byed ces bya ba 'di yang smros/ /gzhan gyi ngo bo mngon sum du/ /grub na de dang 'dra ba dang / /de las byung ba 'grub par 'gyur/ /des ni bye brag grub pa med/ /mtshungs pa'i don stobs byung ba yi//rnam shes de ma thag pa dang / /de 'dra de las byung ba'i phyir/ /shes pa rigs par thal bar 'gyur/ /sems la kun tu sna tshogs pa'i/ /rnam pa 'di dag snang ba'i phyir/ /cha shas can gyi ngo bo dang / /'dra ba 'brel pa ma yin no/ /sna tshogs pa yang gcig pa min/ / de yi yon tan sna tshogs med/ /rten la 'dzin pa med par ni/ /'di la 'dzin pa mi snang ngo / /sna tshogs rnam pas dben pa yi/ /rten ni so sor snang ba med/ /gzhan yang rab rib ltas ngan dang / /mig ser sogs pas nyams pa'i mig /gang phyir dngos po gcig la yang / / nye ring la sogs bye brag gis/ /mi mthun rnam par myong ba yis/ /shes pa dag kyang snang ba yin/ /de la de dag de snyed kyi/ /dngos po tha dad yod pa min/ /mi mthun chos can gcig yin na/ /thams cad gcig par thal bar 'gyur/ /gcig na lhan cig skye ba dang / / 'jig dang gnas pa can du 'gyur/ /de phyir 'dra ba ma grub ste/ /don med par yang snang ba yin/ /rmi lam sogs na sngo sogs kyi/ /ngo bo snang ba'i myong ba dang / /'khrul par 'gyur ba de yi phyir/ /'di las gzhan rig 'grub pa med/ /chung ba'i ngo bo'ang don min te/ / de shes so sor myong med phyir/ /gcig pu phra ba de snang ba'i/ /rnam pa sems kyis myong ba med/ /re re dag ni tshogs pa yi/ /yul nyid yin par khas blangs su / /rtag tu gong bu'i ngo bo yi/ /snang ba'i shes pa myong ba yin/ /'dus pa can las 'dus pa yin / /mtshan nyid tha dad yod pa min//brtags pa'ang dngos po med pa'i phyir/ /ji ltar de ni so sor snang / /ji ste phra ba'i dngos 'dzin ni/ /bar med gnas pa gang gis 'dzin/ /rags pa 'khrul pa yin na yang / /ji ltar 'di dag tshad ma yin/ /yid la yod na ji ltar 'di'i/ /rnam pa gsal bar snang ba yin//dbang po'i yul na rdul phran rnams/ /rtag tu 'dzin pa med par 'gyur/ /de yi ngo bo snang ba yi/ /shes pa rtag tu ma skyes phyir/ /de bas de 'dzin sngar gyur pa'i/ /'khrul pa 'grub par mi 'gyur ro/ /ji ste tshad ma gzhan dag las/ /rdul phran grub par gyur na ni//de 'dzin snga mar gyur pa yis/ /rags pa'i rnam pa'i sems su 'gyur/ /gang phyir de nyid ma grub ste/ /tshad mas kyang ni rab tu btsal/ /rmi lam sogs na'ang phra med par/ /rags par 'khrul pa snang ba yin/ /ring ba'i don la chung ngu yang / /chen po nyid du nye bar dmigs//de bas de 'dzin las 'di min/ /ri mo brkyang ba mthong ba yi/ /rnam pa ji ste yang dag na/ /rnam par shes pa gcig pa yang / /de dang 'dra bar sna tshogs 'gyur/ /lus med phyir na rnam par shes/ /yul la bkram ste skye mi srid/ /de phyir rnam shes du ma ru/ / rtog pa legs pa ma yin no/ /shes pa gcig dang tha mi dad/ /rnam pa sna tshogs 'gyur ba med/ /tha dad gyur na rnam pa dang / /shes par 'brel pa med par 'gyur / /rnam pa'ang ji ste rnam pa bcas/ /rtog par byed pa nas med do/ /de ltar rnam pa gzhan dang gzhan/ /sus kyang myong ba ma yin no//ji ste rnam pa med na ni/ /shes pa rnam bcas rtog don med/ /tha dad tha dad med ma rtogs / /phung po gzhan yang rigs pa min/ /'on te don gyi rnam snang ba/ /brdzun pa nyid du 'dod na yang / /ji ltar brdzun pa 'di dag gis/ /gzhan gyi dngos po 'grub par 'gyur//ji ste brdzun pa mngon sum du/ /gsal bar rab tu myong na ni/ /mngon sum pa yi dngos po yang / /de tshe yang dag nyid ma yin/ /gzhan yang ji ste 'dra ba'i don/ /bdag nyid thams cad kyis yin na/ /don bzhin shes pa blun pa yi/ /ngo bor 'gyur pa gang gis bzlog /rnal 'byor pa dag grol ba yang / /gzhan gyi phyag sogs mthong ba na/ /de bzhin phyag sogs ldan par 'gyur/ /gnyi ga'ang cha shas med pa'i phyir/ /cha gcig gis ni 'dra ba min/ /cha shas bcas pa ma grub na/ /yang dag dngos po ci zhig 'grub/ / 'on te bzlog pa'i bye brag gis/ /cha shas rtog par byed na yang / /brtags pa yin phyir 'dra ba ni/ /gnas pa med pa nyid du 'gyur/ /thams cad du yang bdag rtogs pa'i/ /de yi rnam pa myong ba'i phyir/ /'dra ba yod kyang phyi rol la/ /shes pa so sor myong ba med/ /mi 'dzin pa yi dus na ni//yul 'di yod pa ma yin no/ /mnyam pa'i dus na rgyu min phyir/ /rgyu ma yin dang yul yang min/ /gnas pa yin du zin na yang / /rnam pa gnyis pa myong ba med/ /myong ba yod par gyur na yang / /de la brgal zhing brtag pa mtshungs/ /'dra ba de myong gang yin pa//de nyid phyi rol myong ba yang / /nye bar brtags pa yin pa'i phyir/ /de ni yang dag nyid ma yin/ /nye bar brtags pa tsam gyis ni/ /don byed 'dod pa'i grub pa med/ /bram ze'i bu la me btags pas/ /'di ltar 'tshed la sbyor ba med/ /don ni yongs su ma mthong phyir/ / de dang 'dra bar 'grub pa med/ /byed rgyu yin na'ang 'bras bu la/ /'dra ba bskyed pa'i ma yin te/ /gzugs snang ba yi rnam shes kyi/ /'on te sgra rig byung ba dang / /sngon po la sogs snang ba na/ /mig la sogs pas ma nges 'gyur/ /rnam par dag las don grub pa/ /de ni rjes su dpag yin na//rmi lam la sogs 'khrul pa'i phyir/ /don gyis de la khyab pa'ang med/ /gzhan du dbang po drug po dag /tshad ma so sor 'gog phyir dang / /shin tu chung ba'i gzugs sogs kyis/ /sngon po la sogs ma grub phyir/ /mig gi rnam shes ldan pa yis/ /sngon po shes kyi sngon po'i ming //shes pa min zhes gsungs pa gang / /da ni tha snyad brten pa yin/ /gzugs la sogs pa'i dngos po rnams/ /yang dag min zhes ngas bshad pas/ /sems can rnams ni drang ba'i phyir/ /tha snyad du ni bstan pa yin/ /snang bas stong pa'i shes pas kyang //gzhan rig pa ni rigs pa min/ /de ni khyad par med pa'i phyir/ /don ni nges pa med par 'gyur/ /gang phyir nye ba tsam dag gis/ /gzhan rig de ru 'gyur na ni/ /de ni kun la 'dra ba'i phyir/ /thams cad rig par cis mi 'gyur/ /thams cad don kun mthong 'gyur te//'di ltar sna tshogs blo ldan gyis/ /yul du gzugs la sogs pa rnams/ /bye brag med phyir cis mi 'gyur/ /'on te yang ni yul 'ga' yis/ /blo dag shin tu bskyed byas nas/ /yod ces khas len byed na ni/ /'dra ba slar yang 'ongs pa yin/ /rtogs pa'i ngo bo tha dad med//'dra ba dag las gzhan ci yod/ /shes pa gang yin rtogs yin na/ /de la'ang nyes pa gong du bstan/ /nges 'byung bye brag yod na yang / /ma yin dbang po'ang de dang 'dra/ /shes pa'i dus na 'di med na/ /rgyu las ji ltar rab tu myong / /tshogs pa gcig la rag las nyid//ji ste bye brag rtogs byed na/ /sems dang sems byung tshogs pa yi/ /mig la sogs pa'ang de dang 'dra/ /tshogs pa gcig la'ang rag las kyang / /dbang po la sogs rtogs med de/ /yul ma yin phyir zhe na yang / / de 'dir spyod phyir mi rung ngo / /yul nyid yin pa grub na ni/ /lan 'di rab tu 'grub par 'gyur/ /mtshan nyid 'khrul pa yin pa'i phyir/ /de nyid ma grub brjod pa yin/ /rtogs bya dang ni yul gnyis la/ /bye brag 'ga' yang yod min te/ /bsgrub bya sgrub byed 'gog de gnyis//de phyir bye brag yod pa min/ /gang phyir yul min de bas ni / /'di ni yul du mi 'gyur zhes/ /dngos po rnam par dag pa yi/ /smra ba shes pa gzhan su yod/ /gzhan du snang ba'i shes pa yis / /'dzin par rigs pa ma yin te/ /de lta yin na yul gyi phyir//shes pa nges par mi 'gyur ro/ /sngo sogs ngo bo snang ba yi/ /yul du sgra la sogs gyur te/ /thams cad kyis ni yul thams cad/ /rnam par shes par thal bar 'gyur/ /dngos su gzhan gyi ngo bo la/ /mngon sum so sor myong med na/ /de dang mtshan nyid mi mthun snang //de shes par ni ji ltar 'gyur/ /yul gyi ched du dus kun du/ /'dir yang phan pa mi byed de/ /mi snang ba dang gzhan du snang / /phyogs gnyis snga ma bzhin du mtshungs/ /cung zad byed pa med na yang / /'dzin par rtog pa rigs pa min/ /gzhan la dngos kyis stong na ni//brjod pa 'thad pa ma yin no/ /des dben de yi rnam pa yi/ /mngon sum gnyis kyis rgyu 'bras kyi/ /dngos po rnam par nges pa 'di/ /de phyir yang dag nyid ma yin/ /'di ni 'di las 'byung ngo zhes/ /gnag rdzi yan chad ji ltar 'gyur/ /grags yin na'ang yin du zad//grags pa de dag gsal ba med/ /de 'dod rnams la skabs 'dir ni/ /yang dag ched du dpyad pa byed/ /ji ste grags pa 'gog byed na/ /rnam par dpyad pa rgyun chad 'gyur/ /gang dag grags pa'i dngos po la/ /'gog par byed pa rab tu glen/ /de dag rnams kyis nges 'gal 'gyur//zla ba ri bong can 'gog bzhin/ /grags pa 'di ci 'dren pa'am/ /bden pa min zhes nges bya'i phyir/ / rab tu grags pa tsam gyis ni/ /yang dag min zhes nye bar bsgrubs/ /brdzun pa'am rmi lam la sogs na/ /'byung ba 'di dag yongs su nges//bden pa nyid ni log na yang / /gang tshe de ni mi ldog pa/ /de tshe yang dag rnam dag pa/ /de yi 'gal bar ji ltar 'gyur/ /rgyu dang 'bras bu mngon sum du/ /ji ste myong ba ma yin na/ /'di las 'di ni 'byung ngo zhes/ /ji ltar dran pa 'byung ba yin/ / rmi lam na yang brdzun pa yi/ /'bras bu la sogs dngos myong phyir/ /dran pa 'di ni de na snang / /de las dngos po rnam nges med/ /'on te dran pa'i rtags dag las/ /rjes su myong ba rnams nges pa/ /spyir ni rab tu sgrub byed na/ /de tshe sgrub pa sgrub pa yin/ /'bras bu la sogs don dam pa'i//yul ni rjes su myong bar yang / /ji ste sgrub par byed 'dod na/ /rjes su 'gro ba med pa'i phyir/ /de nas de ni grub pa med/ /snang bcas la sogs rnams shes kyis/ /don la 'dzin pa des bzlog pa/ /khyed kyis byas pa ma yin nam/ /grogs kyis bstangs pas ngo bo 'phel//rgyu dang 'bras bu'i dngos po ni/ /rtag tu rnam shes bdag nyid nyid/ /bdag nyid rig pa'i ngo bo yi/ /mngon sum dag gis rnam par nges/ /yang dag ji bzhin dus kun du / /de myong med phyir de mi rigs/ /khyed ni ji ltar myong ba der/ /yang dag nyid du'ang 'dod pa med//de ltar gzung dang 'dzin pa yi/ /rnam pa yod pa ma yin 'dod/ /rtag tu dngos po yod pa yi/ /shes pa de bzhin de myong med / /de lta min na 'gro ba kun/ /rtag tu de nyid mthong bar 'gyur/ /yang dag goms bya ched du de/ /thar 'dod rkang smyang 'dug la rag /gcig la rnam pa gnyis 'gal phyir/ /ji ltar myong ba'i gzung ba dang / /'dzin pa'i rnam snang de bzhin du/ /yang dag nyid ni ma yin no/ /gnas ngan len gyi bag chags las/ /ji ste 'khrul pa'i rtags byung na/ /'khrul pa nyid du de snang ba/ /'di ni mngon sum grub pa med//'di ltar ma 'khrul mtshan nyid ni/ /mngon sum nyid du nye bar brjod/ /rtag tu bdag la 'khrul pa med / /ji ltar mngon sum nyid du 'gyur/ /gsal bar gnas kyi ngo bor ni/ /de ni rang snang nyid yin phyir/ /rang gi ma 'khrul gang gyur pa/ /de las 'khrul pa tha dad med//ji ste 'khrul pa tha dad gyur/ /gnyis kyi ngo bo de gsal bar/ /de yang rang gi gnas yin na/ /ji ltar de ni shes par bya/ /ji ste shes pa de ni yid/ /gnyis kyi rnam par rnam rtog pa/ /de la 'khrul pa 'byung na ni/ /gnyis su 'dzin pa gsal mi 'gyur//yid kyi 'khrul pa don gzhan du/ /'dra ba bor nas 'gro ba med/ /gang gis de ni 'khrul 'gyur ba/ /gnyis dang gnyis min mtshungs ci 'gyur/ /gang du 'ga' yis chung zad kyang / /lan 'ga' mthong ba ma yin na/ /gzhan gyi 'dra ba mthong phyir te/ /de la 'khrul par ji ltar 'gyur//'on te 'og ma med pa yi/ /sa bon gnas ngan len smin las/ /'khrul na 'dra ba mthong med par/ /rang las skyes pa 'di nyid yin/ /de lta yin na'ang de yi tshe/ /'khrul pa don gzhan brtag mi rigs/ /shes pa thams cad rang nyid kyis/ / rang gi sa bon dag las 'khrul/ /'khrul pa'i sa bon las byung ba/ /thams cad yin par khyed kyang 'dod/ /de phyir pha rol min mthong ba'i/ /shes kun 'di ltar rang las 'khrul/ /de phyir mngon sum nyid 'di yi/ /gnyis min gang dag grub pa med/ /de ma grub na de yi phyir//rgyu 'bras de nyid grub pa med/ /ji ste gnyis ni 'khrul gyur kyang / /rtag tu rtogs pa'i ngo bo de/ /ma 'khrul pa dag kho nar ni/ /mngon sum las grub ma yin nam/ /rtogs pa'i ngo bo nyid na spyir/ /yul la nye bar rjod byed pa/ /de ltar mngon sum yin gyur kyang / / rang gi mtshan nyid spyod yul min/ /spyi yi mtshan nyid ma gtogs par/ /'di ltar rtogs pa'i ngo bo med/ /gang yang thun mong ma yin pa'i/ /ngo bo de ni gnyis su snang / /rigs mi mthun pa rnams gsal bas/ /khyad par kho na spyi nyid yin/ /de yang brdzun pa'i rang bzhin na//khyed kyi spyi yang ga la yod/ /dngos po rnams kyi yod pa nyid/ /bden yin gzhan ni brdzun zhes pa/ /rig byed mthar ni smra ba yi/ /grub mtha' gsal bar brjod par 'gyur / /gzhan du de dag shes pa can/ /spyi yi mtshan nyid skyes bur rigs/ /rtag pa gcig yin bye brag rnams//de ni thams cad nor bar ni/ /lta ba de dag ngan pa yin/ /thams cad bcings dang grol 'gyur te/ /gcig ni bcings dang grol ba na/ /thams cad du yang cis mi 'gyur/ /'chi dang skye dang gnas pa dang / /gnyid log sad dang glen la sogs thams cad bye brag med pa'i phyir//cig car kho nar rab tu 'gyur/ /gzhan yang rtogs pa'i ngo bo yi/ /mtshan nyid mkhas pas bstan pa ni/ /snang ba gzhan la mi ltos par/ /gang zhig rang nyid rtag tu snang / /de ltar yin na gnyis snang ba/ /rang nyid rab tu gsal ba'i phyir//rtog pa'i ngo bos gzung ba yi/ /bdag nyid rtag tu gnas pa yin/ /de ni rtag tu brdzun nyid kyi/ /rigs kyi khyim du 'jug pa 'di/ /khyad par med pa bdag nyid dag /nges par pang du blangs nas 'jug /ji ste rtogs pa'i ngo bo nyid/ /brdzun pa'i ngo bo nyid yin na/ / rnal 'byor spyod gzhan de bzhin no / /de ni spong byed ma yin nam/ /ma spangs phyin ci log 'gyur zhing / /spangs pas rnal 'byor can du 'gyur/ /rnal 'byor mngon sum rig bya ba/ /yang dag de yin mi rigs na/ /sangs rgyas rnams kyi gnas pa yi/ /mya ngan 'das pa'ang mi 'grub cing //rnam pa thams cad mkhyen pa yi/ /ye shes ring du spangs pa yin/ /de lta yin na thal sgo nas/ /ji sta de la bden zhen spongs/ /sgrub na de bzhin 'dod pa'i phyir/ /'dod pa kho na rab tu bsgrubs/ /'on te dngos po thams cad du/ /med pa'i mtshan nyid de sgrub na/ /mi mthun phyogs las ma log phyir//gtan tshigs ma nges nyid du 'gyur/ /brdzun pa yin zhes thams cad du/ /gtang bar 'os pa ma yin no/ /sgyu ma rnams ni brdzun nyid kyang / /de byed pa rnams nye bar brten/ /bdag dang gzhan gyi don rnams la/ /nam yang mkho bar mi 'gyur gang / / de dag thams cad yongs btang zhing / /spong ba nyid du rigs pa yin/ /bdag gzhan don gyi rnam pa la/ /mkho ba'i yon tan gang yin pa/ /mkhas shing snying rje'i bdag nyid kyis/ /de dag ji ltar spong bar byed/ /de phyir ji srid gzhan don la/ /nye bar mkho bar 'gyur ba rnams//spangs kyang sangs rgyas rnam dag ni/ /de dag thams cad zlog pa med/ /thams cad sgyu ma byas 'dra zhes/ /brdzun pa nyid du de dag shes/ /yang dag ji bzhin rtogs pa'i phyir/ /de de phyin ci log pa med/ /dngos po nyid du blang ba dang / /dngos po med pa dor ba yi//rgyud ni nges pa ma yin te/ /'di la 'khrul pa de ltar snang / /nyan thos pa la sogs pa dag /dngos por lta ba rnams kyis ni/ /sdug bsngal kun kyang gtong bar byed/ /'gog pa dngos po med pa'ang len/ /snying rjes khrid pa'i rnal 'byor rnams//gzhan don bya ba'i ched du ni/ /glang po la sogs brdzun pa yang / /sprul pa rab tu byed pa yin/ /de bzhin gzhan la phan par bzhed/ /thabs dang shes rab brten pa yi/ /sangs rgyas rnams ni phyin ci log /spangs kyang bzhugs par bzhed pa yin/ /de bzhin brdzun pa'i ngo bo yang //rgyu med can 'byung gang na'ang med/ /sgyu ma sogs pa brdzun yin yang / /tshogs pa rnams las 'byung bar snang / /sgyu ma la sogs 'khrul pa'i phyir/ /rjes su 'gro ba'ang ma grub phyir/ /rgyu dang ldan pa yin zhes te/ /dngos po yod par 'gyur ba'ang med//gang zhig thog ma med pa nas/ /kun rdzob tu yang gcig nas gcig /rgyu med gyur pa de dag ni/ /brdzun par yang ni 'byung ba med/ /de bas rang rgyu tshogs pa yi/ /sna tshogs rnam par 'brel pa las/ /sgyu ma ji ltar rab tu 'byung / /rnal 'byor sgyu ma'ang de bzhin no//rnal 'byor ye shes dag gi rgyu/ /rang gi bsod nams ye shes tshogs/ /mi gnas mya ngan 'das pa ni/ /blo ldan snying rje shes rab yin/ /'gro ba ma lus sgyu ma bzhin/ /gnas par shes rab dag gis rig /rmongs byed sgyu ma'i mkhan po 'dra//sngon gyi smon lam rnams kyi mthus/ /chu nang pad+ma 'dam gyis ltar/ /srid pa'i skyon gyis yong mi gos/ /dpag med rmad byung bsam mi khyab/ /ma lus yon tan pha rol phyin/ /ji srid 'khor ba 'di dag na/ /'gro ba ma lus don sgrub phyir/ /thub pa thugs rje chen po yis//gzhan la rag lus bzhugs pa yin/ /de bas stong pa nyid brten pa/ /ma la bya ba bzhin du gsungs/ /de lhung 'gyur ba dgag pa'i phyir/ /thabs la'ang brten par bya ba yin/ /rnam pa ma lus thams cad dang / /'gro ba gsum po dag la yang //don dam kun rdzob ngo bo nyid/ /ji ltar snang bzhin mngon sum ste/ /'jig rten pa dag mngon sum ni/ /ji ltar snang bcas snang med shes/ /de bzhin nus pa bsam yas phyir/ /rig ste de bas thams cad mkhyen/ /yang dag don bsgoms las byung ba'i/ / ye shes de ni rnam mi rtog /chos rnams snang med gang yin pa/ /des na yang dag ye shes brjod/ /des na bdag nyid chen po yi/ /mi gnas mya ngan 'das pa grub/ /rnal 'byor kun shes yang dag shes/ /rnam par gzhag pa 'gal ba med/ /rtogs pa'i ngo bo gang yin bden//gnyis kyi rnam pa gzhan dag min/ /'dod pa de ni sngar bshad pa'i/ /skyon du rab tu 'gyur ba yin/ /rnal 'byor spyod pa pa rnams ni/ /'di ltar gnyis snang tha dad med/ /shes pa'i ngo bo spong bar yang / /de las gzhan bzhin cis mi byed/ /ji ste gnod pa med pa'i phyir//khyed cag de ni mi byed na/ /yang dag don dang dbyer med pas/ /gnyis po'ang bya bar mi 'gyur ro/ /chos la bdag med bsgom pa rnams/ /don med 'gyur te gnyis las gzhan/ /kun brtags chos ni yod pa min/ /'on te gang zhig nyon mongs can/ / gnyis kyi ngo bo lung ma bstan/ /de dang rtogs pa'i ngo bo dag /bcas te rnal 'byor pa rnams spong / /bden par sgro 'dogs spangs pa'i phyir/ /skyob pa rnams kyis yongs btang yang / /rnam par dag na'ang gnyis snang ba/ /'gro la phan dang bde byed de/ /sngon gyi smon lam shugs dag las//thugs rje goms pa rnams kyis 'byung / /gang phyir de ltar kho na yin/ /de bas rnal 'byor la sogs 'grub/ /rtag tu thub pa mi rtog par/ /yid bzhin nor bu bzhin bzhugs te/ /'gro ba ma lus phan mdzad par/ /gang dag smra ba de la yang //gnyis po dag gi rnam pa las/ /rtog pa'i ngo bo dbyer med pa'i/ /rang gi ngo bo des spangs kyang / /bzlog pa med pa kho na yin/ /'on kyang smon lam mthu rnams dang / /tshogs kyi shugs kyis thub pa ni/ /'khrul pa ma lus rnam spangs na/ /dri med bstan pa gnyis su med//ye shes dag pa 'byung ba de/ /rtag tu yid bzhin nor bu bzhin/ /skal ba ji bzhin ma lus don/ /bya ba mdzad pa thams cad mkhyen/ /grub ces brjod pa de bas na/ /thams cad mkhyen sogs rnam par gnas/ /de lta yin na thub pa yi/ / gnyis su gnang ba brdzun yin yang / /ji ste 'dod na byang chub kyang / /dbyer med de bzhin 'dod par gyis/ /brdzun pa dag ni rab spangs kyang / /thub pa'i thabs kyi mthu rnams las/ /'byung na de tshe byang chub kyi/ /bden par mngon zhen gang zhig yin/ /mi rtog ye shes gang yin pa//de yod pa ni sel mi byed/ /'on kyang yang dag dngos po nyid/ /de ni 'grub par nyid mi 'gyur/ /rnam par mi rtog ga las 'grub/ /gnyis su rnam rtog spangs pa yis/ /rnam par mi rtog de 'dod na'ang / /rang gi dngos la rnam rtog 'di/ /gang gis brtsal ba smra bar gyis//de la sun ni ma phyung bar/ /rnam par rtog des spong ba med/ /dngos por 'dzin pa sangs rgyas kyis/ /mtha' nyid du ni rab tu bstan/ /skyob pa'i ma 'dres chos rnams dang / /de bzhin byams pa thugs rje sogs/ /gsungs pa gang yin de dag ni/ / mi rtog 'di yin bsgrub par dka'/ /ji ste 'dul ba de bzhin du/ /so sor snang zhes rnam rtog na/ /sangs rgyas rnams kyi yon tan kun/ /kun brtags nyid du thal bar 'gyur/ /gnas skabs kun tu rtag par yang / /rtog bcas mi rtog pa'ang rung / /yong ye bsam par mi nus phyir//rnam pa kun nas thams cad rig /de ni skal ba ji bzhin du/ /lus can kun gyi 'dod pa'i don/ /sgrub par byed ces 'chad na ni/ /thams cad 'gal ba med pa yin/ /rtogs pa'i ngo bo yang dag pa/ /de bas mngon sum grub pa med/ /rgyu dang 'bras bu de dag kyang //de ma grub na de 'grub med/ /tha dad dus kyi bdag nyid gnyis/ /des ni so sor mi myong phyir/ /rang rig pa yi mngon sum las/ /rgyu dang 'bras bu rtogs pa med/ /bdag nyid gcig gi ngo bo'i phyir/ /gnyis kyi ngo bo nyid mi srid/ /de ni ltos pas tha dad na'ang //kun brtags yin gyis yang dag min/ /ltos par bya ba tha dad phyir/ /rang rig pa yis 'dzin pa med/ /de ma bzung na de mi 'grub/ /ltos pa de yang kun brtags yin/ /rgyu dang 'bras bu 'dzin pa ni/ /so sor rab tu rtogs pa las/ /rnam par rtog de mtshams sbyar nas//de gnyis gsal grub ma yin nam/ /de mi rigs te rnam rtog kyang / /rang rig pa yi mthar thug pas/ /gzhan dngos lan 'ga'ang ma mthong na/ /de na ji ltar mtshams sbyor byed/ /sems can dag ni thams cad kyang / /rang gi ngo bo rtogs phyir dang //dran pa'ang bdag nyid mthar thug phyir/ /de la dran pa'ang mi 'grub bo/ /gzhan du 'dzin pa'i don dag ni/ /gzhan du sbyar bar mi rigs so/ /rgyu rkyen dag la ma gtogs par/ /rgyu ni ma brtags yod pa min/ /gzhan gyis 'bras bu tsam la 'dzin/ /de bzhin rgyu tsam gzhan gyis 'dzin//gnyi ga cig car myong med na/ /long bas gnyis sbyor byed dam ci/ /ci tsam 'bras bu mi snang zhing / /rgyu yang 'ga' yis ma yin pa/ /de srid bdag ni 'bras bu las/ /sogs pa'i ngo bo des myong med/ /chu sogs rnam pa'i rnam par shes/ / 'das ma thag tu me sogs kyis/ /rnam par 'byung ba shes pa dang / /du ba'i shes las me blo mthong / /de phyir me las du ba dang / /sa bon nyid las myu gu zhes/ /bya ba la sogs rgyu 'bras kyi/ /nges pa 'grub pa med par 'gyur/ /gzhan las kyang ni du ba dag /'byung phyir du ba mthong ba las//mer snang ba yin rnam par shes/ /rjes su dpag pa'ang mi 'grub po/ /me dang du ba'i blo gnyis dag /'dra bar 'byung ba nges yod na/ /du ba kho na rtags yin gyi/ /me ma yin de ci yi phyir/ /ji ltar du ba'i blo dag gis/ /bag chags gsal bar sad byas te//me blo rtogs byed de bzhin du/ /me blo'ang de la ji ste min/ /de ltar kun las shes pa kun/ /'byung ba dag ni mthong ba'i phyir/ /kun gyi rtags su kun gyur pas/ /kye ma'o go byed gnas pa yin/ /de bas re zhig mngon sum las/ /rgyu 'bras rtogs pa yang dag pa//yod pa ma yin des na 'di/ /mngon sum gnyis ni nges pa med/ /de gnyis dang ni rtags 'gyur yang / /'brel pa rab tu ma grub phyir/ /rjes su dpag pa dag las kyang / /rgyu 'bras dngos po grub pa med/ /rtags dang 'brel pa nges pa ni/ /mngon sum nyid du grub med de//de gnyis lkog tu 'gyur ba'i phyir/ /sngar ni ji ltar bshad pa bzhin/ /gnas pa med par 'di thal phyir/ /rjes su dpag pas kyang mi rigs/ /'brel pa nges pa med pa yi/ /rtags las de dngos med pa'ang med/ /rtags kyang mngon sum nyid du ni/ /grub pa ma yin de dngos bzhin//rjes su dpag pas mi 'grub ste/ /de bzhin 'dir yang gnas pa med/ /ji ste rgyu 'bras dngos po yi/ /yod pa sgrub par byed na ni/ /de tshe gtan tshigs thams cad dag /nyes pa gsum las ldog pa med/ /'di ltar yod pa bsgrub pa'i phyir/ /dngos po rnams kyi chos kyis sam//dngos po med dang gnyi ga'i 'am/ /gnyis min chos kyi gtan tshigs gang / /dngos ma grub na de la brten/ /dngos po'i chos ni grub pa med/ /de las bzlog pa bsgrub pa'i phyir/ /med pa'i chos ni 'gal bar 'gyur/ /gnyi ga'i chos ni ma nges te//gnyen po la yang yod pa'i phyir/ /gnyis min chos kyi ngo bo dag /yid kyis kyang ni rig pa med/ /'on te yod pa mi sgrub kyi/ /de gnyis 'brel pa can sgrub ni/ /sgrub pa de yang rigs pa yin/ /de lta min na gtan tshigs kun/ /gzhi ma grub par thal bar 'gyur//rang gi ngo bo de nyid kyang / /grub pa med par sngar bstan zin/ /gzhan yang 'bras de grub bya'i phyir/ /rgyu la nus pa yod pa min/ /de grub na ni 'grub 'gyur na/ /grub na rgyu des ci zhig bya/ /de bas gcig la gcig brten nas/ /de gnyis grub par 'gyur ba yin/ / bdag nyid rab tu ma grub par/ /gzhan gyi skyabs su 'gyur ba med/ /du ba las ni me shes te/ /chu skyar las ni chur shes zhes/ /bya ba la sogs 'bras bu gang / /gsungs pa de ni tha snyad brten/ /yang dag du yang dus la sogs/ /mdo sde gzhan las bkag phyir dang / / yang dag nyid kyi dngos de ni/ /rigs pas kyang ni mi 'grub bo/ /de grub bya phyir rang gzhan gyi/ /gtan tshigs kyang ni brtag med de/ /gzhi ni rab tu ma grub pas/ /rang nyid de ni ma grub phyir/ /gzhi yod na yang grub bya'i phyir/ /spyi ru rab tu sgrub byed pa/ /tha snyad du ni 'dod pa'i phyir//'di ltar grub pa sgrub pa yin/ /rgyu dang 'bras bu'i dngos po 'di/ /yang dag nyid du grub bya'i phyir/ /gtan tshigs 'di yi rjes 'gro ba/ /ma grub brgal zhing brtag pa mtshungs/ /skye ba'i chos can gang yin pa/ /de kun 'jig pa'i chos can zhes/ /bya ba la sogs skye 'jig nyid//mdo sde las na gsungs pa gang / /de ni gang zag bdag med tsam/ /yang dag nyid la 'jug bya'i phyir/ /nyan thos pa yi dbang du gsungs/ /zab mo'i gtam la brten pa min/ /chos rnams kun gyi yang dag nyid/ /skye dang 'jig pa'i chos nyid du/ /rjes su mthong ba de dag gi /shes rab gzugs brnyan yin par gsungs/ /de yod na ni yod min zhes/ /de grub bya phyir brjod pa yang / /bsgrub bya sgrub par byed pa gnyis/ /de la bye brag mngon pa med/ /'on te rab tu rmongs rnams kyis/ /tha snyad rung bar bya ba ste/ /bsgrub par bya bde bas na//dam bcas phyogs gcig 'gyur ba med/ /rgyu dang 'bras bu'i chos can la/ /yang dag mngon sum grub na ni/ /tha snyad de ni bsgrub la rag /de yang ma grub sngar bstan zin/ /de yi tha snyad tsam dag ni/ /bsgrubs su zin kyang yang dag pa'i/ /dngos po mi 'grub de yis 'dir//khyab pa gang du'ang ma grub bo/ /gzhan yang de yi dus na ni/ /'gro ba ma lus yod na yang / /'bras bu yod pa yin pa'i phyir/ /de yi 'bras bur bsgrub pa la/ /ma nges pa yi gtan tshigs 'gyur/ /ji ltar de yod na ni mthong / / de med gyur na ma mthong ba/ /de bzhin mtshungs pa'i dus rnams kyi/ /yod dang med pa'ang de dang mtshungs/ /de ni grub par bya ba'i phyir/ /rgyu dang 'bras bu rgyun rnams la/ /brten te rjes 'gro ldog pa nyid/ /nges pa brjod pa ma yin nam/ /skad cig pa ni ma gtogs par/ /gang yang rgyu dang 'bras bu nyid//gang du'ang sman pa kha cig gis/ /nam yang gzung bar nus pa med/ /rgyu dang 'bras bu'i dngos po yi/ /yang dag pa ni spyad pa yi/ /skabs 'di yin te skad cig las/ /gzhan du rgyun ni yang dag med/ /skad cig pa nyid 'bras bu dang / /rgyu yang yang dag yin grang na//de ma grub na rgyu 'bras kyi/ /yang dag nyid ni ji ltar 'grub/ /'on te yang ni rgyun gcig par/ /'byung ba rnams la de sgrub kyi/ /skad cig rgyun ni tha dad par/ /'byung ba rnams la ma yin na/ /tha snyad de yang mthong nas ni/ /de tshe de ni sgrub la rag / rgyu dang 'bras bur rtogs pa yi/ /dngos po zhig na gang du bsgrub/ /ji ste de dang 'dra ba yi/ /gzhan gyi dngos la sgrub byed na/ /shin tu thal bar 'gyur ba ste/ /yang dag dngos de 'grub pa med/ /mi dmigs pa yi gtan tshigs kyis/ /dngos po de ni nges med de/ /gang phyir de yis yod mi sgrub//'gog pa kho na sgrub par byed/ /mngon sum nyid dang mi dmigs pas/ /rgyu dang 'bras bu sgrub byed ces/ /gang smras 'dir ni mngon sum las/ /ma gtogs mi dmigs yod pa min/ /slob dpon rnams kyi sgrub pa de/ /tha snyad du na gsungs pa dag /de ni sgrub byed kho na zhes/ /rgyas par rab tu bstan pa yin/ /mthong ba'i mtshan nyid yin pa dag /ma mthong ba las gang na yod / /gang du snang de rjes 'gro las/ /gang de 'bras bu yin no zhes/ /rgyu dang 'bras bu nyid bsgrub par/ /brjod pa de la the tshom ni/ /ldog pa med de gzhan dag gi//rgyu las yin par dogs pa'i phyir/ /de na de yod pas sam ci/ /'on te rgyang ring gzhan gyis sam/ /mi snang 'dre la sogs pas sam/ /zhes ni the tshom 'byung bar 'gyur/ /zla ba la sogs ring gnas pa/ /rgyur ni khas mi len pa'ang med/ /'dre la sogs pa 'bab la sogs//byed pa dag kyang med dam ci/ /ma mthong tsam las 'di dag gi/ /snga nas yod pa nyid 'gog gi/ /gzhan dag rgyu nyid yin grub pa/ /de la gang gis zlog par byed/ /de na yod na gang yod par/ /'gyur ba nyid ni de dag kyang / /'dod rgyal bar yang srid par ni//dogs pa de bzhin 'byung bar 'gyur/ /'dod rgyal nyid ni mi slu ba/ /gang gis skad cig mang po las/ /'on te rtag par nges pa de/ /cung zad yod pa ma yin no/ /lan cig mthong ba'i don rnams kyang / /gzhan du snang ba ma yin te/ /gzhan du mthong la gzhan dag la//brtags par rigs pa ma yin no/ /gzhan dag yod las gang phyir phyir/ /gang mi 'byung ba de dag ni/ /de ni 'bras bu yin par smras/ /ldog pa'i sgo nas 'bras bu de/ /sgrub pa gang yin de la yang / /gzhan dag med par gyur pas na/ /de ma byung zhes dogs pa'i phyir//the tshom de bzhin gnas pa yin/ /gzhan dag nus pa yod pa yi/ /rgyu zhes bye brag yod pa'i phyir/ /de ni gzhan dag log par ni/ /dogs pa med ces 'dod na yang / /de ni mi rigs rgyu de nyid/ /bye brag yod par ga las grub/ /gzhan gyis yang ni rgyu yi zhes//'di ni rjod par yang byed cing / /de dag log nyid ce na yang / /de tshe de ni gnas pa med/ /des na ma nges pa yi phyir/ /bye brag grub pa ma yin no/ /rgyu 'bras ci zhes the tshom za/ /ma grub ces te grub bya'i phyir/ /de dag nyid la kun brten nas/ /grub par rtog pa ngo mtshar che//de ltar rjes su dpag pas kyang / /rgyu dang 'bras bu grub pa med/ /skye ba rmi lam skye bzhin zhes/ /de yi phyir na mkhas pas brjod/ /rtag pa'i ngo bo bdag nyid kyang / /mngon sum nyid du rtog pa med/ /bdag sogs shes pa gang du yang / /tha snyad du yang myong med phyir//de ni rtag tu ma bral la/ /de yod tsam las shes pa 'byung / /de rtog rnams kyis dus rtag tu/ /de yi bdag nyid bzhin yod 'gyur/ /phan pa dag ni mi byed na/ /yul du brtags par mi rigs te/ /de rtog byed na'ang nyes pa 'dir/ /snga ma bzhin du ldog pa med//de yi rnam shes rjes 'brang na/ /de dang 'brel phyir de bdag bzhin/ /shes pa de yang rtag yod 'gyur/ /yul nyid la ni shes pa de/ /ji ste rtag tu mi 'brang ste/ /de lta min na de shes pa'i/ /shes bya'i ngo bor 'gyur ba med/ /de yod sgrub la snga ma bzhin/ /gtan tshigs kun ni thams cad du//nyes pa gsum gyi skyon chags phyir/ /rjes su dpag pas kyang mi 'grub/ /rim mam cig car 'jug pa yi/ /skyed pa nyid ni mi srid na/ /des na rtag pa'i 'bras bu las/ /'di yod nges pa ma yin no/ /rjes su 'gro dang ldog nyid kyi / /rgyu dang 'bras bu 'grub yin na//de na ma bral yod na yang / /lan 'ga' rtag tu med pa'i phyir/ /bdag la sogs pa gang du yang / /'bras bu bde sogs rjes 'gro med/ /bde ba la sogs log pa yang / /rtag pa rnams la mi srid do/ /mi shes rmongs pas brtags pa yis/ /bde la sogs pas de sgrub tu//de bas 'bras bu ma grub phyir/ /'bras bu dag las de nges med/ /chos can dag ni ma grub na/ /rang bzhin gtan tshigs 'dir mi srid/ /yod pa nyid bsgrub bya yin phyir/ /mi dmigs pa yang rung ba min/ /de ltar yang ni dngos po ni/ /tshad ma dag las grub pa med/ / tshad ma gnyis las ma gtogs pa'i/ /tshad ma gzhan yang yod pa min/ /don ni grub par bya ba'i phyir/ /phyi rol gtan tshigs yod min nam/ /'di ltar tha ma la mig la sogs/ /sngon po la sogs snang ba gang / /de ni rgyu gzhan 'dra ba las/ /skyes so zhes ni rtog par byed/ /shes pa'i rnam pa'i ngo bo'i phyir//shes pa bzhin du slu ba med/ /skye ba yang dag sgrub pa'i phyir/ /'dir ni dpe 'grub med pa yin/ /kun rdzob tu yang ma 'brel phyir/ /ma nges pa yi gtan tshigs 'gyur/ /rgyu yis rang dang 'dra ba dag /'bras bu la bskyed nges med de/ /shing sogs mtshan nyid mi mthun pa'i//me tog la sogs sna tshogs srid/ /rgyu gzhan gyis ni tsam bsgrubs kyang / /phyir rol don ni mi 'grub ste/ /khyad par du ni de dag gi/ /rjes 'gro gang du'ang ma grub bo/ /rtogs pa'i ngo bo las gzhan pa/ /gzung ba'i rnam pa sngo la sogs/ /yang dag med pas bsgrub bya dang //dpe yi chos can tha dad med/ /mi slu bar yang phyi rol don/ /phrad pa ji ste 'dod na ni/ /de tshe nyid bsgrub bya yin phyir/ /de tshe gtan tshigs ma grub nyid/ /don byed pa dag snang tsam gyis/ /ngo bo ji ste 'dod na ni/ /rmi lam dag na don med kyang / / de bzhin mthong phyir ma nges 'gyur/ /ldog pa las kyang phyi rol don/ /'grub par rigs pa ma yin te/ /rjes su 'gro ba med par yang / /ldog pa nam yang 'grub pa med/ /nus pa bral ma thag tu yang / /ldog pa nyid du rab gyur pa / /gang du'ang shes pa don rtogs pa'i/ /rjes su 'gro ba 'grub pa med//gzhan dag nus pa yod na ni/ /shes pa log pa med pa nyid/ /grub dang ma grub the tshom phyir/ /'on kyang don ni grub pa med/ /bdag ni shes 'di ma skyes pa/ /de ma thag dang bral bas sam/ /'on te don dang bral ba zhes/ /the tshom dag kyang 'byung bar 'gyur//rgyu ldan gzhal bya nyid sogs kyis/ /phyi rol don sgrub skyon chags par/ /mu stegs rnams kyis smras pa gang / /de ni tshul 'dis rig par gyis/ /de ltar phyi rol don dag ni/ /rjes su dpag las grub pa med/ /shes pa smra ba'i shes pa yang / /yang dag pa ni yod pa min//shes pa gnyis su med pa de/ /rtag tu dbang po las 'das phyir/ /rtags kyis 'di ni rnam nges pa'i/ /'brel pa yang ni yod pa min/ /gnyis su med pa'i chos can la/ /rang bzhin nyid ni bsgrub bya'i phyir/ /'di ltar rang bzhin zhes bya'i rtags/ /'di sgrub pa la yod pa min//gnyis su med pa'i shes pa la/ /rgyu dang 'bras bu ma grub phyir/ /des na 'bras bu zhes bya ba'i/ /rtags ni gang yang srid pa med/ /gnyis su med la ma gtogs par/ /'bras bur khyed 'dod cung zad med/ /de nyid sgrub par byed pa'i phyir/ /khyed kyi de yang ma grub bo/ /gnyis de grub pa gang yin pa'ang //'bras bu yang dag nyid med de/ /de ni rtag tu ma skyes phyir/ /rta yi rwa la sogs pa bzhin/ /'gog pa'i yul can nyid du ni/ /de ni mkhas pas brjod pa'i phyir/ /de yod sgrub par byed pa la/ /mi dmigs pa yang rigs pa min//dga' dang gdung ba'i rang bzhin sogs/ /de ni gsal bar des bzung phyir/ /rnam shes mtshan nyid chos can ni/ /byis pa yan chad grub min nas/ /de la'ang gnyis kyi ngo bo ni/ /'gal phyir de ni dben par du/ /bsgrub bya grang ba'i ngo bo yi/ /dro ba ji ltar dben pa bzhin//gang yang gang gi ngo bo gsal/ /gzung ba dang ni 'dzin pa yang / /gcig dang du ma bral phyir dang / /de med par de de med phyir/ /de phyir shes pa gnyis med grub/ /khyed cag gnyis po dben pa tsam/ /ji ste sgrub par 'dod na ni/ /de ni grub pa sgrub yin te/ /gang phyir bden pa nyid mi 'dod//yin pas sgo nas shes pa la/ /gnyis kyi rnam pa dben pa nyid/ /sgrub na 'dir yang 'dod pa dang / /mi 'gal phyir na grub pa sgrub/ /don dam nyid du ma skyes pa'i/ /rnam shes bdag nyid chos can la/ /gnyis kyi rnam pa dben pa nyid/ /'dod na yang dag gang zhig yin//ji ste gnyis med ngo bo dang / /dngos po nyid du'ang rtogs byed cing / /shes pa gnyi ga sgrub 'dod na/ /de ltar rjes 'gro 'dir mi 'grub / /dpe ni bsgrub byas stong pa ste/ /kun tu brtags pa brjod pa'i phyir/ /yang dag pa yi dngos po nyid/ /dro ba'i reg pa grub pa med//phyi rol don gyi ngo bo ru/ /dro ba'i reg pa 'dod na yang / /de ni gnyi gar ma grub ces/ /brtag pa ci ga ma byas sam/ /grang dro'i rag gnyis rnam shes kyi/ /rnam pa'i ngo bor 'dod na ni/ /shes pa gcig la'ang snang ba'i phyir/ /yang dag nyid du 'gal ba med/ / sgrub par byed pas stong pa yi/ /dpe 'di yin pa de yis mngon/ /ma brtags pa yi ngo bo la/ /dper byed na'ang 'dod grub med/ /'on te'ang gnyis kyi ngo bo nyid/ /bral bar grub pa'i don gyis na/ /shes pa'i dngos po nyid kyang ni/ /rab tu grub ces sems na ni/ /'brel ba rab tu ma grub pas//de mi rigs te dngos po yis/ /gnyis kyi rnam pa dben pa la/ /khyab pa gang du'ang ma grub bo/ /gang dang gang na gnyis med pa/ /de dang de na dngos yod par/ /'di la 'brel ba bya ba'i phyir/ /mi mthun phyogs sel tshad ma med/ /nam mkha'i me tog la sogs dang //gnyis de nyid kyis ma nges 'gyur/ /gnas pa med par thal ba'i phyir/ /gnyis la gzhan gnyis yod pa min/ /gnyis dang gnyis med ngo bo dag /ji ste 'gal ba yod na ni/ /gcig tu gnas par mi 'gyur te/ /grang dang dro ba de gnyis bzhin/ /'on te ma rig dbang gis na//de la gnyis ni brdzun pa snang / /des na 'gal ba med yin te/ /dngos po nyid la de bzhag phyir/ /ji ste 'gal ba med nyid na/ /ji ste der ni 'dir la gnod/ /'gal ba med pa can dag la/ /dro la grang bzhin gnod mi srid/ /bden dang bden min ngo bo dag /ji ltar 'gal ba nyid mi 'gyur/ /brdzun pa nyid du ji ltar snang / /brdzun pa'i ngo bo snang yin na/ /shes pa yang ni brdzun par 'gyur/ /de lta min na 'gal ba de/ /snang ba'i ngo bor ji ltar 'gyur/ /brdzun pa yin na'ang gang du gnyis/ /gnod par 'gyur ba'i chos can du//spyi yi mtshan nyid grub pa med/ /des na gtan tshigs ma grub nyid/ /gnyis kyi rnam shes kho na ni/ /de nyid rang gsal ba yi phyir/ /gnyis su snang ba ma gtogs par/ /chos can nyid ni yod pa min/ /gcig dang du ma dben pa'i phyir/ /gzung ba ji ltar stong pa nyid/ / shes pa'ang de las dbyer med pa/ /de bzhin stong pa nyid du gnod/ /ngo bo nyid kyis stong pa yang / /ji ltar rnam par snang bar ni/ /'gal ba med pa de bzhin gzhan/ /shes pa la sogs ji bzhin 'gal/ /rnam par shes pa gnyis yod pa/ /cha shas gnyis ni mi rigs phyir/ / mdo sde pa la sogs pa yis/ /yang dag nyid du 'dod pa med/ /gnyis su med pa'i rnam shes la/ /phyi rol don yang mi 'gal phyir/ /des na gnyis med ngo bo nyid/ /sgrub na ci zhig bsgrubs par 'gyur/ /ji ste tshad ma gzhan dag gis/ /phyi rol gnod par brjod na ni/ /rnam par shes pa'ang de bzhin du//rab tu gnod par cis mi 'dod/ /gcig dang du ma bral ba'i phyir/ /don ni sna tshogs ngo bo dag /ji ltar yang dag mi rigs pa/ /de bzhin rnam shes kyang 'dod kyis/ /de bas tshad mas grub pa yis/ /don dam dngos po yod ma yin //des na rtog dang ldan rnams kyis/ /yod pa'i tha snyad 'dir mi rigs/ /gnod par byed pa'ang yod pa'i phyir/ /'di la kun du the tshom yod/ /dngos por med pa smra bar yang / /tshad ma med par mi rigs so/ /'di ltar dngos po kun dben pa/ /mngon sum dag gis rtogs pa med//de yi stobs kyis 'byung ba'i phyir/ /don de dngos po nyid la yin/ /gzhan yang gzhan gyis dben pa yi/ /phyogs la sogs pa 'dzin na ni/ /de las gzhan pas dben pa nyid/ /mngon sum dag gis rtogs pa yin/ /dngos po gang zhig rnam brtags na//dngos po kun gyis dben pa nyid/ /mngon sum nyid du rtogs 'gyur ba/ /dngos po med par smra ba la'ang / /thams cad nang du de 'dus phyir/ /chos rnams kun gyi dngos po yis/ /dben pa ci yang yod pa min/ /de lta ma yin dam bcas nyams/ /thams cad dngos po med yin na//bsgrub bya dpe yi chos can dang / /gtan tshigs la sogs ma grub phyir/ /rjes su dpag pas rig pa med/ /gzhan yang rang bzhin 'bras bu yi/ /gtan tshigs gnyis kyi de mi sgrub/ /de gnyis dngos po nyid sgrub ste/ /dngos po med par 'gal ba nyid//ma skyes ngo bo'i chos yin na/ /de yi gtan tshigs gang 'gyur ba/ /'bras bu dang ni rang bzhin dag /gang yang yod pa ma yin no/ /yul dang dus sogs bye brag gis/ /sngo dang bde sogs ngo bo bzhin/ /dngos po rnams ni dmigs pa'i phyir/ /mi dmigs pa yang grub pa med//gzhan yang gzhan gyis dben pa'i don/ /mngon sum rtogs pa yod na ni/ /de la gzhan don dben pa yi/ /tha snyad bsgrub pa rab tu byed/ /rang bzhin mi dmigs pa dag gis/ /thams cad dben par mi 'gyur te/ /des na bdag nyid mi dmigs pas/ /re zhig de ni sgrub mi byed//khyab bya khyab par byed pa yi/ /dngos po la sogs grub yin na/ /khyab bya la sogs dgag pa la/ /khyab byed mi dmigs la sogs sbyor/ /chos rnams kun gyi rang bzhin ni/ /khyab par bya la sogs grub par/ /'ga' dang lhan cig ci ste nges/ /de tshe dngos por bcas pa yin//chos rnams ma lus dngos med par/ /sgrub na dpe ni yod pa min/ /nyi tshe ba dag rab bsgrub na/ /mi 'dod par ni 'gyur ba med/ /dngos po med pa bsgrub pa la/ /dngos po'i chos kyi gtan tshigs 'gal/ /med pa'i chos kyang 'brel pa med/ /gnyis la brten pa 'khrul par 'gyur//chos rnams thams cad bdag med pa/ /skyes bu kun gyi mngon sum gyis/ /rtogs pa med ces bya ba 'dir/ /khyod la mtshan ma ci zhig yod/ /de ni 'gal bar bya ba la/ /rang gi dmigs pa log pa yang / /ma nges phyir na thams cad kyis / / dmigs pa log par nges pa med/ /rab rib can bzhin gzugs la sogs/ /brdzun pa rnams ni mthong ba'i phyir/ /yang dag pa yi dngos po'i don/ /mngon sum 'ga' yang grub pa med/ /yang dag don bsgoms rab mtha' las/ /byung ba'i ye shes yang dag pa'i/ /don gyi yul can yin 'dod kyi//dmigs pa'i stobs kyis byung ba min/ /de dag kho na don dam pa/ /mthong ba gang yin mthong med yin/ /'gro ba'i chos rnams shes rab kyi/ /thams cad ji bzhin mthong ba min/ /chos kun snang med gang yin te/ /'jig rten 'das pa'i 'das pa yi//ye shes de nyid chos rnams la/ /mthong ba med par nye bar brjod/ /chos rnams ma lus ji bzhin du/ /bsgoms pa'i stobs kyis byung ba'i phyir/ /dngos po med pa ma yin yang / /de ni 'khrul pa gang yang med/ /rnal 'byor de yi rtogs de ni/ /so sor rang rig bsam mi khyab//da ni kun du gsal bya bar/ /nus pa dag la yod pa min/ /'khrul pa gang yin 'khrul nyid du/ /ji lta bzhin du de kun rtogs/ /de yang des na 'di dag la/ /ma 'khrul pa yis brjod pa yin/ /yang dag pa las ldog med do/ /dngos rnams yang dag med yin yang //rang gi tshogs las rnal 'byor pa'i/ /shes pa byung zhes sngar bsgrubs zin/ /dngos po med par smra ba yis/ /sgyu ma dang ni rmi lam mtshungs/ /dngos po rnams la rjod byed kyi / /ri bong rwa dang 'dra bar min/ /las dang nyon mongs dbang gis na//de ltar srid pa'i 'khor lo 'byung / /rang gi tshogs las rnal 'byor pa'i/ /shes pa'i 'khor lo de bzhin 'byung / /de ni ste'u dang tsan dan mnyam/ /shes rab thugs rje dri ma med/ /chos kun phyin ci ma log par/ /mkhas pa rnams ni bzhugs pa yin/ /de dag kho nas yang dag pa//mngon sum rtogs kyis gzhan dag ni/ /lung dang rigs pa'i rjes 'brangs nas/ /rigs pa'i lam la mkhas pa yin/ /kha cig tu ni dngos po 'ga'/ /don gzhan gyis ni dben pa dag /'dzin pa yod na stong pa nyid/ /mngon sum rtogs pa gang yin pa/ / dngos po rnams kyis gcig la gcig /stong pa nyid de yod par 'dod/ /chos rnams de yis stong pa can/ /mtshan nyid stong pa nyid ma yin/ /rang dang spyi yi mtshan nyid du/ /ji ltar gzhag pa de dag ni/ /yang dag yod pa ma yin pas/ /des na chos kun nges med 'dod/ /gcig la gcig gis stong pa nyid//brtags pa yin gyi yang dag min/ /sgyu ma la sogs mtshungs pa la/ /gzhan gyis dben pa yang dag med/ /rmi lam bzhin du dngos po kun/ /phan tshun dben pa bzhin du snang / /de yi dbang gis 'di dag gi/ /gcig la gcig gis stong pa nyid/ /brtags yin de'i phyir rang byung gis//tha chad spangs pa kho nar gsungs / /de bas de la brten nas ni/ /sun 'byin pa ni rigs pa min/ /mtshan nyid stong nyid gang yin pa/ /de ni chos la brtags pa min/ /rnal 'byor pa yis shes pa yis/ /de yang ji ltar bstan bzhin rtogs/ /goms par byas na brdzun pa yang //shin tu gsal bar snang ba yin/ /de bas yang dag bsgom byas na/ /rnam par gsal ba'i ye shes 'byung / /gsal zhing mi slu la sogs pa'i/ /rnal 'byor ye shes gang yin pa/ /de ni mngon sum mtshan nyid grub/ /der gyur de phyir tshad ma yin/ /tshad ma ldan pa'i yul nyid kyis//mi slu la sogs phyi nas 'chad/ /des na blo dang ldan pa yi/ /rnal 'byor shes pa spang mi rigs/ /ji ste yang dag nyid brten nas/ /chos can la sogs ma grub par/ /gleng bar byed na de yi tshe/ /mi 'dod gyur pa med bstan zin/ /de ltar don dam nyid du na/ / khyod kyi sun 'byin pa dag kyang / /gnas thod pa ni der med de/ /mkha' la dbyu gus rdeg pa bzhin/ /de lta yin yang tha snyad du/ /sun 'byin la sogs rab grub phyir/ /khyed kyis sun 'byin smras pa dang / /de bzhin nged kyis tshad ma sogs/ /mkhas pas ji ltar bstan pa bzhin/ /tha snyad kho nar de dag bstan//gzung dang 'dzin pa rig pa dag /med kyang ji ltar snang 'di la/ /dpag par bya dang dpog pa yi/ /'bras bu gnas par byed pa yin/ /de lta min na dngos gcig la/ /sna tshogs ngo bo snang ba yi/ /rnam pa ji ltar bden 'gyur te/ /gcig pa nyid de nyams par 'ong //chos dang chos can rnam gzhag dang / /tha dad tha dad min ci 'dra/ /yang dag nyid don ma brtags kyi/ /'jig rten 'di ltar grags pa la/ /de bzhin de la brten nas ni/ /bsgrub bya sgrub byed rab gnas pa/ /don dam nyid la 'jug bya'i phyir/ /mkhas pas brtags pa yin zhe'o//'on kyang ji ste don dam par/ /tshad ma la sogs med na ni/ /tha snyad du yang de'i 'jug pa/ /'jig pa min zhes khyed sems na/ /blo de ngan te gang dag gis/ /de ldog pa na 'di ldog pa/ /yang dag ngo bo tha snyad la/ /khyab par nges pa ma yin no/ /rmi lam la sogs de bzhin du//brdzun pa yin yang 'di dag snang / /sprul pa nyid kyis 'gog la sogs/ /ji lta ba bzhin 'dod pa yin/ /ji ste chos la sogs pa la/ /don dam grags pa'i yin na ni/ /de tshe 'di la ci phyir rtsod/ /gtan tshigs rnams kyis bsgrub ci dgos/ /ji ste nged la gtan tshigs dang //chos can la sogs ma grub na/ /khyed kyis gang gis sgrub pa smros/ /de 'grub 'dod pa'i rjes 'brang min/ /ji ltar chos can ma grub par/ /'gyur ba nged la khyed byed pa/ /de bzhin nged kyang khyed cag gi/ /dngos po ma grub sgrub par byed/ /tshad mas grub pa yin na ni/ / yod par khas blangs rung bar 'dod/ /dpyod pa 'jug pa'i snga rol du/ /grub pa'i mtha' ni gang yang med/ /de bas dpyod pa'i dus na ni/ /grub mtha' rten ni 'ga' med na/ /de yi sgo nas chos can sogs/ /ma grub rtsod par su zhig byed/ /rang la grub mtha' rnam nges nas//gzhan dag rtogs par bya ba'i phyir/ /'jug pa min nam de bas na/ /grub mtha' khas len snga nas gnas/ /rgol ba rang la rnam nges bzhin/ /gzhan gyi nges pa bskyed 'dod pas/ /de tshe gtan tshigs dpe dag ni/ /rab tu sbyor ba ma yin nam/ /rang la de nges byed pa na//grub mtha' khas len sngar ma yin/ /de bzhin gzhan rtog de byed pa/ /lung la ji ltar rten par 'gyur/ /tha snyad du yang chos can sogs/ /'ga' yang gang la ma grub pa/ /de tshe chos can ma grub sogs/ /rtsod par sbyor ba rigs pa yin/ /mi 'khrug pa yi gtan tshigs kyis//bsgrub par bya ba'i don grub kyang / /grub mtha' khas blang dgos phyir ro/ /mi 'grub ces pa gzhung re che/ /de bas grub mtha' las grub pa'i/ /chos can la brten mkhas mi byed/ /de lta bu yi rnam pa ni/ /kun la phan tshun ma grub phyir/ /gzhi ma grub pa'i gtan tshigs dang //de bzhin bsgrub bya rjes 'gro med/ /rgol ba de dang slar rgol ba/ /gnyi ga la yang 'byung bar 'gyur/ /sgra sogs chos can bde gshegs pas/ /'byung ba las gyur la sogs par/ /ji ltar 'dod pa de bzhin du/ /grangs can gzhan sogs de 'dod med/ /de bas gzhung lugs kyis bskyed pa'i//bye brag chos can rnam gsal nas/ /gnag rdzi yan chad grags pa la/ /brten nas tshad ma la sogs pa/ /yang dag rtogs par 'dod pa yi/ /mkhas pa kun gyis de skad brjod/ /de bzhin bdag gi gzugs sgra dang / /ro la sogs pa grags pa la//ji ltar 'jig rten grags pa yi/ /rtog par byed pa'i gtan tshigs kyis/ /don dam pa la 'jug bya'i phyir/ /yang dag bsam pa rgyas par byed/ /des na grub mtha' las grub pa'i/ /chos can dag la brten nas ni/ /gzhi ma grub pa la sogs pa / /rgol ba gang yin de 'brel med//gzhan yang dngos po ngo bo ni / /yin pa'i sgo nas gang du sgrub / /de la chos can dngos po yi/ /ngo bo yin zhes brtsal ba'i rigs/ /de ma grub na bsgrub bya ba / /rab tu grub pa'i bgegs byed phyir/ /gzhi ma grub pa la sogs pa'i/ /skyon yang der ni rjod par byed//rtag pa la sogs sgro btags pa'i/ /dngos po'i chos ni dgag pa la / /bsgrub par bya dang 'gal ba yi/ /chos can dngos gyur ci ste 'dod/ /bsgrub bya'i chos dang rjes mthun pa/ /rigs pa shes pas chos nyid du/ /rtag tu byed pa de yi phyir/ /mkhas pas rang gi chos can smos//dngos po med pa nyid kyi chos/ /bsgrub bya'i bdag nyid rjes mthun pa'i/ /dngos po med nyid chos can yin/ /de bas 'di ma grub pa min/ /'di ltar nam mkha' la sogs pa'i/ /rtag pa nyid sogs dgag pa la/ /cig car sgra sogs rgyu yin nyid/ / gtan tshigs rigs pa shes pas smras/ /ldog pa tsam gyis ngo bo yi/ /gtan tshigs la sogs der grub pas/ /dngos med ngo bo'i chos can la/ /'dod pa 'grub pa'i bgegs yod min/ /de bzhin sgyu ma la sogs pa'i/ /ngo bo dngos po thams cad la/ /byis pa dngos po nyid la sogs//sgro 'dogs byed pa gang mi mkhas/ /de dag yang dag 'jug bya'i phyir/ /mkhas pa rnams kyis tha snyad du/ /rgyu dang 'bras bu'i dngos sogs la/ /khyab par byed pa bkag phyir dang / /nus pa la sogs bkag pa yis/ /dngos po nyid sogs sgro btags pa/ / de lta min na gzhan dag gis/ /brtags pa'i rtag pa la sogs pa'i/ /dngos po dgag pa ji ltar bya/ /re zhig yod pa tshad ma yis/ /dgag par nus pa ma yin no/ /de bas dgag par mi bya na'ang / /gtam gyi rgyun de chad par 'gyur/ /gcig min du ma yin pas/ / yul gyi rdul phran shin tu chung / /de la sogs pa phyi rol don/ /ji ltar dgag pa brjod par bya/ /skad cig ma yin yod pa yin / /rim dang rim min de 'gal te/ /nus pa bkag pa'i sgo dag nas/ /mu stegs ngan pas brtags pa yi/ /rtag pa'i dngos po dgag pa dang / / yon tan la sogs dgag pa la/ /gzhi ma grub pa nyid kyi skyon/ /thal bar sgrub pa nyid yin pas/ /ji ste de 'dir mi 'byung na/ /tshad ma med na de yi tshe/ /med pa'i tha snyad 'dir mi 'gyur/ /thal ba'ang tshad ma yin na ni/ /'di la de skyon cir mi 'byung / / rang dga'i dbang gis phul rtag tu/ /rigs par ldan pa ma yin no/ /'on te yang ni de la bzhi/ /blo yod pa nyid chos can yin/ /phyi dang gtso bo la sogs pas/ /de la bskyed bya nyid 'gog na/ /de ltar yin na de dgag phyir/ /nus pa stong pa nyid dang ni/ /gcig dang du ma bral la sogs//de lta ji ltar tshad ma 'grub/ /gtan tshigs rang nyid ma grub par/ /de la bsgrub bya sgrub mi byed/ /grub na'ang de bzhin blo nyid kyang / /rang bzhin med par ces mi 'gyur/ /so sor brtags pa'i 'gog la sogs/ /ji ste byed rgyur kun brtags pa/ /de dgag pa la ji ltar blo//chos can nyid du brtags par bya/ /phyi dang gtso bo la sogs pas/ /de la bskyed bya nyid bkag kyang / /phyi rol la sogs stong pa nyid/ /ji ltar gcig tu 'grub par 'gyur/ /'on te thog ma med pa yi/ /rang gi sa bon las byung ba/ /rnam rtog mthar gtugs blo la yod//chos can la brten gtso sogs 'gog /phyi rol bzhin du phyi rol sogs/ /tha dad med bzhin de la rtog /gcig dang du ma dben pa dang / /nus pa med pa bzhin du mthong / /shin tu dngos med de grub na/ /phyi rol la sogs stong nyid 'grub/ /bsgrub par bya dang sgrub byed pa//gzhi gcig pa yang yod pa yin/ /phyi rol la sogs kun brtags pa'i/ /rang bzhin de ni rab tu 'gog /de nyid dgag par bya ba'i phyir/ /sgrub pa la sogs byed pa min/ /rjes su dpag pa la sogs pa'i/ /tha snyad thams cad der brten te/ /don dam nyid la 'jug bya'i phyir//rigs pa smra ba rnams kyis byas/ /ji ste brdzun pa kun brtags pa'i/ /chos can la yang tha snyad 'di/ /'dod na ci phyir nged cag la/ /chos can ma grub la sogs rgol/ /ji ltar khyod kyi blo la yod/ /chos can dngos po med yin yang / /gtso bo la sogs brtags pa rnams//rab tu 'gog par byed pa la/ /gzhi ma grub pa nyid skyon du/ /'gal ba med pas mi 'gyur na/ /de bzhin nged kyang gzugs sgra dang / /ro la sogs pa'i grags pa la/ /sgyu ma rmi lam dang mtshungs par/ /shes par byed par 'dod pa yin / / brtags pa la sogs sgro btags pa'i/ /dngos po'i chos ni 'gog byed la/ /dngos po'i ngo bo rnams bkag kyang / /ji ltar brtags pa'i chos can dag /snang ba'i phyir na ma grub min/ /gzugs la sogs pa'ang de bzhin ltos/ /de la'ang mi dmigs la sogs pa/ /ji ltar khyed ni bsgrub par 'dod//nged kyang de bzhin 'dir yin te/ /ji ltar srid par sgrub par byed/ /yang dag nyid du chos rnams ni/ /skye ba med kyang tha snyad du/ /'bras bu'ang rang bzhin med dam ci/ /gang gis de gnyis med par gyur/ /yang dag kho na'i 'bras bu dang / /rang bzhin gyi ni gtan tshigs kyis//bya ba yin zhes bya ba 'dir/ /'grel pa 'ga' yang grub pa med/ /gzugs brnyan brdzun pa yin yang na / /'bras bu'i gtan tshigs cir mi 'dod/ /kun du brtags pa nyid brdzun gyi/ /rang bzhin ji ste sgrub byed min/ /brtags la mi dmigs pa yi chos//slob dpon gyis ci ma smras sam/ /de bzhin 'dir yang ci 'dod par/ /bkod pa'i dbye bas gtan tshigs gyur/ /rang bzhin kho na'i nang du ni/ /gang phyir gtan tshigs thams cad 'dus/ /sbyong ba dgod pa'i bye brag gis/ /de ni rab tu spros par zad/ /phyogs kyi chos yin de'i cha yis//khyab par gyur pa kho na ni/ /gtan tshigs mtshan nyid mdor yin te/ /de bas mkhas pa rnams kyis bshad/ /chos rnams ma lus bdag med nyid/ /sgrub par byed phyir de rgyas par/ /mi 'khrul pa yi gtan tshigs dag /ji ltar rigs pas phyis 'dir bshad//phyin ci log gi blo rnams kyi/ /dmigs pa yang dag mthong yin nam/ /yang dag don ni grub bya'i phyir/ /tshad ma rjod par byed dam ci/ /dang po re zhig ma nges te/ /'gal ba dag kyang mthong ba yin/ /rab rib can gyis skra la sogs/ /mthong ba bden par gyur pa med//gnyis pa yang ni tshad ma dang / /lung las grub pa ma yin no/ /chos rnams ma mthong gang yin pa/ /yang dag shes par bstan ma thag /mngon sum las ni grub pa yi/ /dngos po med ces nyer bstan zin/ /des na dngos po'i yang dag pa/ /dmigs par grub pa ma yin no//gcig la gcig ni stong pa nyid/ /tha snyad yin gyis yang dag pa/ /ma yin zhes pa de yi phyir/ /dngos po thams cad mkhyen mi 'grub/ /khyab bya khyab byed dngos la sogs/ /tha snyad la ni shin tu 'grub/ /don dam pa la 'jug bya'i phyir/ /mkhas pa de la rten mi byed//rgyu dang 'bras bu'i dngos la sogs/ /ji ltar mthong ba bzhin du 'dod/ /chos rnams kun gyi ngo bo la/ /khyab par byed pa yang dag min/ /yang dag nyid du de log na/ /sgyu ma la sogs ltar brtags par/ /dngos po rnams kyi don dam pa'i/ /ngo bo nyid ni ldog par 'gyur//'brel pa shin tu grub bya'i phyir/ /mngon sum ji ste 'dod na ni/ /de yang mtshan nyid ma 'khrul pa/ /rjes su dpag pa ji ltar gsal/ /de dag nyid las 'brel pa rnyed/ /de nyid ji ste sel na ni/ /rtsa ba med phyir rang de yang / /med pas tshad ma med par 'gyur/ / mthong ba la sogs tha snyad kyi/ /de yi ngo bo mi 'gog phyir/ /mngon sum nyid ni sel ba min/ /brtags pa dag ni 'gog par byed/ /kun rdzob don ni mi slu'i phyir/ /de ni 'khrul pa med par bshad/ /yang dag ma mthong mngon sum ni/ /yang dag yul la ma 'khrul med/ /gang la ma 'khrul de sel min//gang du sel ba der de min/ /ma 'khrul don ni gzhan yin la/ /ji ltar de ni rab tu sel/ /rjes dpag 'brel pa mngon sum las/ /yang dag don du thob pa med/ /kun rdzob sgo nas 'di thob pa/ /de la rjes ni sel ba min/ /tha snyad sgo nas de dag la/ /'brel pa thob nas yang dag par//brtags pa'i dngos po sel byed na/ /rmongs pas ci zhig brtsad du yod/ /gang yang 'brel pa mngon sum las/ /thob nas thob pa'i gnas dag kyang / /de la de yis sel na yang / /sel bar 'dod de ci zhig gnod/ /'di ltar 'gro ba rnams kyi chos/ /rnam par brtags pa thams cad ni//yang dag rnam 'byed ye shes kyi/ /me yi shing du gyur par 'dod/ /shing las byung ba'i me bzhin du/ /log pa'i shing de rab bsregs nas/ /rab 'byor 'bar bar bzhin/ /rnam rtog zhi ba thob par 'gyur/ /de phyir shing gnyis rul pa las/ /byung ba'i me yi dpe dag gis/ / yang dag so sor rtogs pa yi/ /'bras bu chen por thub pas gsungs/ /rtsa ba med pa de yi phyir/ /ji ste yang dag shes pa yi/ /rjes su dpag pa rnam rtog 'di/ /phyis ldog gyur na grub pa sgrub/ /mngon sum rtsa ba tha snyad du'ang / /ji ste med pa yin na ni/ /de tshe rjes su dpag pa yi/ / 'brel pa de las ji ltar rnyed/ /tha snyad du'ang 'di dag rnams/ /med pa nyid du thal 'gyur pa/ /mngon sum sel ba'ang 'di la ni/ /nus pa'i rgyu ni ci zhig yod/ /rgol dang slar rgol gang yin pa'i/ /rtsod pa'i gnas su rab gyur pa/ /de la bsgrub bya grub bya'i phyir/ /chos rnams ma lus bdag med la//ji ste rtsod par gyur na yang / /'on kyang sgyu ma la sogs pa'i/ /dpe nyid sgrub byed de la yod/ /ci ste sgyu ma la sogs pa'ang / /dngos po nyid du yod dogs na/ /nam mkha'i me tog la sogs dang / /mo gsham bu yang ci mi snyed / /gang du shes pa cung zad 'ga'/ / nges par 'khrul pa 'dod bya dgos/ /de lta min na 'ga' yang ni/ /gang du'ang bslus pa med par 'gyur/ /thams cad dngos med bsgrub bya'i phyir/ /de la snang ba'i ngo bo gang / /brdzun pa nyid du 'dod pa dag /de dag kho na dper byed do/ /nyi tshe ba yi rtsod pa la'ang / /de la dngos 'dzin ldog pa'i phyir//ji ltar bstan pa kho na bzhin/ /dper ni thams cad grub pa yin/ /sgrub par byed pa 'khrul pas na/ /pha rol po yi 'dod pa'i don/ /sel bar byed do ji ltar na/ /mi 'dod thal bar 'gyur ba yin/ /rmi lam la sogs dpe 'grub cing / /ji ltar nges la gtan tshigs kyis//bsgrub bya sgrub byed la khyab pa/ /de ltar dngos por smra la min/ /phyogs su gcig pa'i dngos nyid dam/ /thams cad dngos por sgrub na yang / /dngos por smra ba rnams la ni/ /gnyi gar grub pa'i dpe yod min/ /bdag med skad cig la sogs pa/ /sgrub pa la yang med dam ci//rgol te ngan pa nyi tshe yis/ /nged la bya ba ci zhig yod/ /dngos yod dngos med gnyi ga yi/ /chos ni yod pa bsgrub pa la/ /ma grub la sogs skyon sgo nas/ /mkhas pa rnams kyis sun dbyung smras/ /mi 'khrul ba yi sgo dag nas/ /khyab byed la sogs bkag pa yis//dngos po med chos cir bsgrub na/ /de la ma 'brel ci zhig yod/ /yod pa yin na dngos med par/ /re zhig sgrub par nus pa med/ /brdzun de bsgrub par mi bya na'ang / /gang du rab tu bsgrub par bya/ /mi sgrub na yang gzhan dag gis/ /de la bdag sogs brtags pa yis//dngos po dgag pa khyed cag gi/ /tshad ma med pa ji ltar 'grub/ /dngos po'i bdag nyid yang dag gang / /'ga' yang gang du ma grub na / /gang gis de ni rgyur brjod pa'i/ /dngos po'i chos ni ga la yod/ /dngos po grub pa ma yin na/ /dngos po med pa'ang 'ga' mi 'grub//dngos po gzhan du gyur pa nyid/ /dngos med mtshan ma smra gzhan min/ /de yi chos kyang mi 'grub cing / /gnyis la brten pa'ang yod pa min/ /gnyis la grub pa de yi phyir/ /gnyis min gtan tshigs srid pa'ang med/ /dngos dang dngos med rnam bral chos/ /rmi lam la sogs bzhin du snang //de phyir chos kun de dag gis/ /rang dang mthun pa sgrub byed yin/ /ji ltar bdag sogs dngos med nyid/ /nus dang bral ba la sogs pas/ /khyed cag rnams kyis sgrub par byed/ /nged kyis 'ang de bzhin kun du yin/ /yang dag nyid du 'dod pa yis/ /dngos por 'di ltar rnam gnyis te//rtag dang mi rtag gnyi ga la'ang / /gnod par byed pa'i tshad ma yod/ /yang dag nyid du brtags pa yi/ /mi rtag pa la skye bas khyab/ /'di ltar skye med ngo bo la/ /skye dang 'jig pa'i chos nyid med/ /skye ba rnams kyi skye 'jig pa'i/ /chos nyid tshad ma las grub na'ang //mi rtag bdag nyid grub mod kyi/ /dngos po yin zhes mi rtag ste/ /bu la sogs pa brdzun pa yang / /skye sogs rmi lam mthong ba'i phyir/ /'jig dang skye ba'i chos nyid las / /dngos po nyid kyis khyab pa med/ /de bas mi rtag ngo bo la/ /skye bas khyab pa yin mod kyi/ / dngos po rnams kyis yang dag nyid/ /'ga' yang 'grub pa ma yin te/ /khyab par byed pa yod pa las/ /khyab bya ma lus nges 'gyur med/ /ji ltar snang ba 'di dag la/ /khyab pa yin zhes nye bar brjod/ /yang dag nyid du skye med na/ /mi rtag rjes 'brel dngos po la/ /yang dag nyid du kun brtags pa//de ni log pa kho nar 'gyur/ /de log pa na de ldog par/ /ji ste de ltar nges med na/ /de ltar mig na skye ba yi/ /mi rtag khyab par mi 'gyur ro/ /rang gzhan gnyi ga rgyu med las/ /skye ba gsal ba gang yin pa/ /yang dag nyid du de dngos med/ /mo gsham bu la sogs pa bzhin//de bzhin 'dus byas dngos po kun/ /'dir ni yang dag nyid du na/ /sgyu ma rmi lam lta bu ste/ /de bas 'dus byas kun rig bya/ /grangs can la sogs de dag gis/ /rang nyid las kyi dngos po rnams/ /skye bar brtags te rgyu dag las/ /'bras bu tha dad med par 'dod/ / de ni mi rigs bdag nyid kyi/ /dngos po skyed par byed pa 'di/ /ma grub pa yi skyed byed dam/ /grub pas yin zhes rnam par brtag /ma grub rang nyid med yin na/ /de tshe gang zhig ci zhig skyed/ /mo gsham nu ma 'thung ba'i bu/ /rang gi bdag nyid skyed pa med/ /grub pa yin na'ang dbye med phyir//bdag nyid skyed phung byed de med / /'di ltar bdag nyid grub na yang / /de tshe des skyed ci zhig yod/ /phan pa nye bar byed na ni/ /skyed byed bskyed pa nyid du grags/ /rang gi ngo bo grub na 'di'i/ /rgyu mtshan rnam gzhag ci zhig yod/ /dngos med par yang rab smra na/ /sems pa can la'ang cir mi 'dod//bskyed bya skyed byed nyid gang gis/ /rang bzhin 'ba' zhig yin par brjod/ /sems pa can bzhin rang yod phyir/ /nang gi skye mched rnams kyang ni/ /skye ba min zhes pha rol la/ /rab tu thal don de phyir smras/ /des na sems pa can dper blangs/ / thal ba'i don ni smras pa la/ /thal don yongs su ma shes nas/ /ma grub par yang rgol bar byed/ /'gal bar rab tu brjod pa'i phyir/ /gzhan la grub pa rjes bslab ste / /thal bar bsgrub par rigs pa yin/ /rang la grub la thal byed min/ /des na de la ma grub dang / /'gal ba nyid du rgol byed pa//de yi mi shes sdug po yi/ /mthu yis brjod pa kho nar zad/ /'on te grub kyang bdag dngos la/ /phan par byed pa yod na yang / /de las phan pa tha dad na/ /rang las ji ltar skye ba yin/ /'dis na phan pa'ang dus rtag tu/ /rang gi bdag nyid bzhin grub na//ji ltar de yid de byed pa'i/ /rgyu mtshan der ni brjod bya dgos/ /rgyu dang 'bras bu zhes bya ba'i/ /rnam par gzhag 'di ga las 'gyur/ /ji ste 'di ni dbyer med na/ /rnam grangs su ni brjod pa min/ /gsal ba'am yongs su 'gyur ba ni/ /de rnams gzhag pa'i rgyu yin na'ang //de las de gnyis tha dad na/ /rang las skye bar rigs pa min/ /tha mi dad pa nyid yin na'ang / /rgyu dang 'bras bu'ang 'chol bar 'gyur/ /gsal dang mi gsal la sogs chos/ /'gal ba dus gcig ji ltar rung / /cha shas tha dad yod na yang / /gcig la cha shas ga la yod//tha dad tha dad mi 'gal ba/ /dngos po gcig la ji ltar rung / /dngos po gcig ni dgag na yang / /gnyis pa sgrub pa med par byed/ /des na gnyis min phyogs la yang / /dngos po brtag par mi bya'o/ /sngon gyi ngo bo ma bor bar/ /de ni gsal ba yongs 'gyur bar//ji ste 'gyur na gnas skabs rnams/ /thams cad du yang 'dres par 'gyur/ /bum pa la sogs snang ba yang / /mi snang 'gyur zhing byis sogs la/ /rgan pa'ang dmigs 'gyur snga ma bzhin/ /rtag tu gnyi ga yod par 'gyur/ /ji ste 'gal ba'i chos rnams kyang / / gcig tu 'dod na de yi tshe/ /sems can las la gtso bo dang / /mi rnams tha dad ji ltar 'gyur/ /de ltar gcig tu 'dod pa yang / /ji ste bzlog par mi bya na/ /cig car skye dang thar la sogs/ /khyed kyi kun 'gyur min nam ci/ /ji ste phyi nas bor na ni/ /rang las skye ba nyams par 'gyur//sngon por ba las tha dad phyir/ /rtag tu de nyid gsal ba yin/ /yul dang dus la sogs pa yi/ /gnas skabs nges pa 'di snang na/ /rang nyid las ni skye ba yi/ /dngos la gtan tshigs ci zhig yod/ /ltos pa med phyir phom ril du/ /rtag tu gsal ba med par 'gyur/ /rgyu gzhan la ni ltos nas ni//rtag tu dngos po thams cad ni/ /rang gi dngos la gnas pas na/ /rtag par gnas phyir skye don med/ /gsal dang yongs su 'gyur ba med/ /rtag rnams ngo bo gcig pa'i phyir/ /gsal dang yongs su 'gyur ba med/ /dngos po ma brtags pa rnams ni//shin tu gnas pa med pa yin/ /de nyid dang ni gzhan nyid dag /phan tshun spangs te gnas pa'i phyir/ /yongs su 'gyur ba gzhan gyur pa/ /de ni de yin ji ltar 'gyur/ /gsal bar gzhan du 'gyur ba yang / /rtag par gyur pa yin par brjod/ /'gal ba'i chos dang 'dres gyur par //'dir yang 'jig pa bzhin du 'gyur/ /gang zhig phyi nas byung ba'i chos/ /dngos po de ni gzhan min nam/ /gang zhig gzhan gyi dngos po de/ /de yi ming du ji ltar 'gyur/ /ji ste chos de snga na yod/ /ci yi phyir na de mi snang / /ci ste mi snang ngo bo 'di/ /phyi nas ci phyir 'di snang yin//sgrib na'ang snang shar de yi tshe/ /'o ma la zho cis ma mthong / /de ni rnam par 'dres par ltos/ /zho las tha dad ma yin phyir/ /'o ma'ang bsgribs pa nyid du 'gyur/ /phyi nas zho la sgrib pa yang / /snga ma bzhin du thal bar 'gyur/ /de bas gsal dang 'gyur sgo nas//rang la skye bar pha rol pos/ /brtag pa gang de dag gi/ /rmongs pa chen po'i rlom pa yin/ /gzhan las kyang ni dngos po rnams/ /yang dag skye bar rigs min te/ /gzhan las 'gyur na rtag pa'am/ /mi rtag pa las de 'gyur grang / /rim dang cig car 'jug pa yis//rtag pa skyed par byed pa med/ /de bas dngos rnams skye med pa/ /mkha' yi me tog sogs bzhin rigs/ /rtag par rang nyid nus na yang / /de ni gzhan la ci phyir ltos/ /byar med pa ni 'di yin na/ /gzhan la ltos pa gang yang med/ /de bas 'di ni ltos med phyir/ / rim gyis skyed par byed mi rigs/ /rgyu rnams ma tshang med pa'i phyir/ /'bras bu skye ba'am rigs mi dmigs/ /thams cad cig car skyed nas ni/ /ji ste phyi nas mi skyed na/ /phyi ma bzhin du nus med phyir/ /sngar yang skyed pa ma yin 'gyur/ /rang las med pa'i nus pa yi//rang gi ngo bo rjes 'brang na/ /snga ma bzhin du skyed byed pa/ /rtag par 'gyur gyi ldog mi 'gyur/ /tha snyad du yang nus med phyir/ /de bas rtag pa'i dngos don med/ /dngos po de yi mtshan nyid ni/ /nus pa yin zhes mkhas pa smra/ /mi rtag pa yang zhig pa las//med phyir dngos po skye mi rigs/ /yod pa las kyang mi rigs te/ /'das pa rnams yang yod pa min/ /byed pa zhig phyir de yin na'ang / /'das pa rang gi dngos po med/ /gzhan dag zhig par gyur pa'i phyir/ /gzhan dag 'das par ji ltar rigs/ /ji ste byis pa gzhan zhig pas//byed pa'ang 'jig par 'gyur na ni/ /gnas pa med pa yin pa'i phyir/ /byed pa rnams la mtha' med 'gyur/ /'on te byed pa rang kho na/ /zhig pa nyid du rtog na ni/ /dngos po rnams kyang de bzhin du/ /rnam par 'jig par cir mi 'gyur/ /tha dad na ni dngos po dang //byed par 'brel pa mi gnyis 'grub / /gcig pa yin na byed pa bzhin/ /dngos po rang nyid zhig par yod/ /byed pa'ang 'das pa nyid yod par/ /dngos po bzhin du thal bar 'gyur/ /byed pa brjod du med yin na'ang / /brtag par 'gyur gyi yang dag min/ /ma 'ongs ma zhig pa las kyang //'bras bu skye bar mi rigs te/ /de yi rang bzhin ma thob phyir/ /mo gsham bu las ji bzhin no/ /ji ltar dngos po'i zhig pa nyid/ /byed pa'i dbang gis mi rigs pa/ /de bzhin ma 'ongs dngos po yang / /de yi dbang gis rtag tu med/ /de ltar las kyang 'bras min te/ /dus gcig rnam par rtog na ni//rgyu bzhin yongs su grub pa'i phyir/ /de lta min na dus gcig min/ /tha dad dus kyang 'bras bu ni/ /ji ste ma 'ongs pa nas snga/ /de tshe de ltar mi rigs par/ /de ni snga rol nye bar bstan/ /skad cig gzhan gyis bar bcad nas/ /phyi nas 'byung na'ang de yi tshe/ / 'das pa dag las de 'byung bas/ /de yang sngar bsal zin pa yin/ /'on te bar ni ma chod par/ /'bras bu 'byung na de yi tshe/ /rgyu dang 'bras bu gnyi ga yang / /dus gcig kho nar 'gyur ba yin/ /'on te'ang skad cig nyid kyis na/ /'bras bu'i dus na rgyu mi gnas/ /cig car 'gyur bar thal bar ni//de phyir rigs pa ma yin te/ /'jig dang skye ba dus mnyam pa/ /srang mda'i mtho dman bzhin du yin/ /des na rgyu dang 'bras bu gnyis/ /dus gcig nyid du 'gyur ba med/ /ji ltar chu bo drag po'i rgyun/ /gang tshe chu gzhan nus pa na/ /de tshe chu gzhan 'bab pa yin//de bzhin 'jig dang skye bus mnyam/ /gang tshe rang gi snga ma 'dor/ /de tshe cig shos 'ong ba yin/ /ji ltar grib mas nyi ma'i yul/ /sel ba'i dngos po'i gnas skabs dang / /dngos dang bar dag ma chod par/ /'jig par ji ltar 'gyur yang na/ /dus gcig 'gyur ba ma yin pa//de bzhin 'bras bu lta bar gyis/ /rgyu dang 'bras bu nyid kyi tshul/ /ma brtags par ni grub pa yin/ /ji ste 'dod rgyal 'di smra na/ /gzhan dag la ni smra la rag /skabs 'di nyid ni yang dag pa'i/ /don la rnam par dpyad pa yin/ /zhib mor dpyod par mkhas pa la//'dod rgyal smra bar rigs pa min/ /'di ltar bar ni ma chod par/ /'bras bu yin zhes khyed kyis brjod/ /mkhas pa rnams kyis de dag brjod/ /rnam par dpyod na phyogs med bya/ /bar med par ni 'dod na yang / /de tshe rgyu dang 'bras bu dag /dus gcig 'gyur ba ma gtogs par//gzhan du 'gyur bar yod dam ci/ /rnam par chad par byed dus de/ /thung ba'am dbus na med na ni/ /rang gi zhib mo'i mi dag gis/ /de nyid tshul de rtogs te smros/ /'di ltar bdag nyid kun gyis ni/ /de gnyis ji ltar bar ma chad/ /skad cig pa rnams dus gcig phyir//bskal pa'ang skad cig tsam du 'gyur/ /de tshe thams cad kun rdzob tu/ /'gyur ba nye bar bstan zin to/ /bar med 'jug pa'i rgyun dag la/ /dbus na gnas pa'i skad cig gi/ /bdag nyid dang ni snga ma ru/ /bar chad med pa nyid yin la/ /gang gis 'dod pa de nyid kyang //de dang 'og mar yang yin na/ /de tshe ma skyes 'das pa yi/ /skad cig rnams kyis dbus gnas pa'i/ /skad cig dang ni dus gcig la / /bzlog med 'on te bdag nyid la/ /gzhan gyis bar ni ma chod na/ /skad cig gcig nyid nyams par 'gyur/ /'bras bu'i phyir na rgyu med phyir//med dang lhan cig thams cad du/ /bar ma chod pa'i bsam pa nyid/ /mi rigs snyam du sems na yang / /khyed kyis de ni mi rigs te/ /rgyu dang 'bras bu gnyis bar na/ /dus gzhan yod par mi 'dod na/ /de tshe med pa de mi rung //de gnyis bar ni ma chod par/ /khyed cag mngon mi 'dod na'ang / /rgyu dang bar med 'bras bu zhes/ /rmongs te ci zhig rjod par byed/ /reg dang bar ni ma chod dang / /mjug thogs dang ni bar med pa/ /rnam grangs yin te nam du yang / /don gyi dbye ba 'ga' yang med/ / bar med yin par mngon 'dod na'ang / /de ci bdag nyid kun gyis sam/ /de nyid phyogs gcig gis 'dod ces/ /de tshe bsam par mi 'gyur ram/ /gnyi ga'ang skyon 'dir 'gyur ba ni/ /sngar ni nye bar bstan zin to/ /rnam pa gnyis la ma gtogs par/ /bar med tshul ni yod pa min//rgyu dang ma chod par yod pa/ /'bras bu yin zhes nyer brjod la/ /de yang bar chad med par ni/ /ma yin zhes pa dge bar gsungs/ /'bras bu'i tshe na rgyu med na'ang / /de ni gang las 'byung bar 'gyur/ /med na da ltar ma yin phyir/ /zhig pa las ni skye bar 'gyur//yod na bar chad med la sogs/ /de tshe bsam par cir mi 'gyur/ /de lta min na ma zhig las/ /'bras bu khyed ni ji ltar 'dod/ /'bras bu skye ba'i dus na ni/ /rgyu yod 'dod pa ma yin nam/ /de yod dus na de dag ni/ /zhig pa'i phyir na gnas pa med/ /des na ma zhig pa dag las//'bras bu yin na'ang skye ba las/ /yod pa tha dad med pa nyid/ /skye ba bskyed bya yin pa'i phyir/ /de tshe 'bras bu rgyu med 'gyur/ /de gnyis phan pa mi byed phyir/ /'bras bu bskyed ces bya ba yi/ /'brel pa 'di yang 'grub mi 'gyur/ /de bas yod pa kho na la/ /'bras bu skye zhes brjod pa yin//de yi dus na rgyu yod phyir/ /de gnyis dus ni gcig par 'gyur/ /yang dag brtags na srang mda' yi/ /dpe yang grub pa ma yin te/ /cha shas can gyi ngo bo dang / /chung ngu bsags pa 'di mi rigs/ /gcig la 'gal ba'i las rnams ni/ /'thad pa med phyir cha can med//cha shas med pa'i rdul phran yang / /bsags par rung ba ma yin no/ /shes pa snang ba'i ngo bo yi/ /srang mda'i don dam nyid du na/ /lus can min na mthon dman du/ /'gyur ba ma grub rnam pa yang / /brdzun pa'i phyir na de mi srid/ /de bzhin rgyu 'bras dngos po 'di//kun rdzob yin par bsgrubs par gyur/ /yang dag nyid ni de ma yin/ /de bzhin dri ma chung la sogs/ /yang dag par ni grub pa med/ /de dang chos ni mthun pa'i phyir/ /rgyu 'bras yang dag nyid mi 'grub/ /bdag nyid kun dang phyogs gcig gis/ /bar med rnam par dpyod pa na//phyogs gcig nyid dang cha shas kyi/ /skyon 'gyur 'dir yang mtshungs pa yin/ /dngos ma grub na dngos med pa'ang / /gang du 'ga' yang grub pa med/ /des na zhig pa'i dpe dag ni/ /de sgrub pa la mi rigs so/ /'di la yang ni de bzhin du/ /bar chad med pa dpyad na ni//dus gcig nyid dang cha shas bcas/ /thal bar 'gyur ba bzlog tu med/ /skad cig ma las ring du 'di/ /dngos med nyi tshe zad yin gyi/ /'di dang bar ni med pa 'di/ /zhig ces bya ba gang yin med/ /des na bar chad med sogs 'dir/ /de bzhin bsam pa 'jug pa med//bar ma chod par 'bras bu dag /yod na bsam par rigs pa min/ /des na 'di la gzhan dag las/ /skye mi rigs zhes gnod byed pa/ /gzhan phyir zhes pa yod pa bzhin/ /mkhas pa rnams kyis gtan tshigs rigs/ /gang du bsgrub par 'dod pa la/ / mi mthun phyogs la gnod byed med/ /de dag la ni gzhan nyid kyis/ /glen pa la sogs sgrub mi nus/ /skye ba dgag par bsgrub bya la/ /mi mthun phyogs la gnod byed pa/ /ji skad smos bzhin yod pa nyid/ /'dir ldog pa la the tshom med/ /gzhan nyid la sogs sgra rnams ni//gang dag dngos po'i rgyu rkyen 'dod/ /de la sun 'byin smras pa ni/ /dngos po rnams kyi zhes sogs yin/ /sgra de'i don ni brtags yin yang / /dngos po'i mthar thug gang dag 'dod/ /de la rgyu mtshan bdun pa yis/ /skye don nyes pa rig par bya/ /gzhan du gyur pa yod pa yi//rkyen la don dam nyid du na/ /rigs pa min te ji skad du/ /rgyas par de bzhin bstan pa yin/ /gang tshe dngos po thams cad ni/ /yang dag nyid du skye med na/ /de tshe sgra de'i mthar thug pa/ /gzhan nyid 'grub pa ma yin no/ /gtso bo dbang phyug bcas sogs las//dngos rnams skye ba brjod pa'i phyir/ /gnyis las skye bar 'dod par ni/ /gang dag rnam par mi mkhas par / /gang dag res 'ga' rnam gnyis sam/ /gcig gi ngo bor rtog pa ni/ /so sor mos pa'i nyes pa yis/ /de dang gzhan kun sun phyung zin/ /kha cig tsher ma la sogs pa'i//rno sogs dpe ni 'ba' zhig gis/ /skye ba thams cad yang dag par/ /rgyu med kho nar rnam smra ba/ /skye ba yang dag sgrub pa la/ /dpe ni rab tu ma grub po/ /kun rdzob tu yang khas len na/ /'di ltar mngon sum la sogs 'gal/ /rjes su dpag dang ldog par ni//mngon sum dag gis rnam nges pa/ /sa bon sogs las myu gu sogs/ /skye ba'i mngon sum zhes pa gnod/ /gang phyir rang gi sa bon las/ /tsher ma la sogs skye ba nyid/ /rno sogs de nyid las yin pas/ /des na dpe ni grub pa med/ /de dag res 'ga' kha cig tu//'byung ba yongs su nges pa ni/ /ltos dang bcas par skye ba ste/ /ltos bya de dag rgyur 'dod do/ /rgyu ni phan par byed pa ste/ /phan pa med pa ltos bya min/ /phan pa med la brten na ni/ /res 'ga' ba dag rigs pa min/ /rgyu la nges pa yod pa'i phyir/ /'bras bu nges par 'gyur ba yin//rgyu med na ni ci yi phyir/ /tsher med la sogs rno sogs nges/ /dngos po rnams ni rgyu med par/ /nges par skyed par 'dod pa yis/ /khyod ni gtan tshigs sbyor byed pa/ /don med kho nar 'gyur ba yin/ /de bas rgyu med smra ba 'di/ /mngon sum la sogs tshad ma yis//kun rdzob tu yang 'gal ba yin/ /de phyir mkhas pa rnams kyis spang / /dngos po ji ltar grags pa yi/ /rgyu la sogs pa mi 'gog phyir/ /des ni skye ba mi smra la/ /mngon sum la sogs 'gal ba med/ /mthun pa'i phyogs la yod pa'i phyir/ /de phyir gtan tshigs ma grub med//'gal med ma nges 'di yang med/ /gang phyir tshul ni gzhan med la/ /bdag dang gzhan smras dngos po yi/ /brag ni ma lus gzhom pa'i phyir/ /bzhi char phyir ni mi ldog pa'ang / /rdo rje phra mo de 'di yin/ /rang gi dngos po yang dag pa/ /rtag pa'i ngo bo'ang gang na med//de ni nus pas stong pa'i phyir/ /kun tu rta yi rwa bzhin no/ /nus pa thams cad stong pa nyid/ /de ni gong du bstan pa yin/ /nus med dngos po yin na ni/ /mkha' yi me tog kyang der 'gyur/ /nus pa dag dang bral ba las/ /dngos med mtshan nyid gzhan yod min//nam mkha'i me tog la sogs dang / /rtag pa'ang yod pas de dngos min/ /ji ste dngos po kun rdzob tu'ang / /nus dang bral bar gyur na ni/ /gzhan du 'gar ni dngos po dang / /dngos med dbye ba 'dir mi 'gyur/ /de bas dngos po thams cad kyi/ /rang bzhin med pa gang yin pa//yang dag nyid du de rig bya/ /dri za'i grong khyer la sogs bzhin/ /gang phyir yang dag don dgag sgrub/ /mngon sum la sogs gnod pa med/ /mngon sum rjes su dpag pa yis / /dngos po grub med ces bsgrubs zin/ /skye ba sgyu ma skye ba bzhin/ /gang phyir kun rdzob nyid du yong //de phyir 'jig rten lung dang ni/ /'gal ba 'jug pa med pa yin/ /ji ste yang dag skye ba la/ /tshad ma gnod byed yin na ni/ /sbyor ba 'dod pas 'gyur ba med/ /mngon sum gnod pa'i tshul dag gis/ /ji ste de 'dir mi sbyar na/ /'gar ni gnod par byar rung phyir/ /de tshe gtan tshigs 'dir mi rung //snang bcas la sogs rnam shes kyis/ /ji ltar rgyu dang 'bras bu yi/ /yang dag gang yin mi 'grub pa/ /de bzhin kun rdzob kyang mi 'grub/ /gnod byed bya ba de 'dir ni/ /gang zhig brdzun par rtogs pa'o/ /de yis de ni 'dod nyid pas/ /mi 'dod par ni bsgrubs pa med//de bas brdzun nyid yin pa'i phyir/ /'di ni kun rdzob yin par 'dod/ /de ni rigs par ldan yin na/ /don dam nyid du 'gyur ba yin/ /gnod pa grags pa sel ce na/ /de ni mi rigs tshad ma yin / /gnod kyang sgyu ma la sogs pa/ /gsal ba 'jig rten ma grags min//ji ste brdzun na 'jig rten la/ /gang du cung zad snang med pa/ /de tshe yang dag mthong ba'i phyir/ /kun gyis de nyid mthong bar 'gyur/ /tshad ma gang yang brdzun zhes pa'i/ /tha snyad byar yang med par 'gyur/ /gnod par 'jug pa ma yin la/ / gang yang nor ba med pa yin/ /'on te gnod pa 'gal yin na/ /de ni tshad mas ji ltar byed/ /de yis brjod na brjod la rag /'dod yin de las de cir 'gyur/ /'di yis snang bar mi 'gyur na'ang / /sngon chad de ni ji ltar yin/ /sngon chad 'di ni med na yang / /gang la 'gal ba rjod par 'gyur//'gal ba med pas 'gal brjod pas/ /de ni 'jigs sam ci zhig na/ /gang phyir 'gal ba brjod na ni/ /de ni 'di ru ldog pa yin/ /shes par smra bas gnyis po dag /'gal ba nyid du brjod byas kyang / /gnyis su med la snang gyur pa/ /ji ltar sems can gsal bcas yin//zla ba gnyis dang mgal me yi/ /'khor lo la sogs nor pa la/ /rtog ge ba yis 'gal brjod kyang / /snang ba log par 'gyur ba'ang med/ /'on te 'di snyam brdzun pa rnams/ /'gal yang 'gal bar mi gzhag ste/ /'khrul pa de na sems la ni/ / rnam pa rnams ni snang ba yin/ /dngos po mthu yis byung ba yi/ /tshad mas rnam par 'gal bar ni/ /dngos po nyid la rjod byed kyi/ /de mi srid phyir brdzun la min/ /de lta yin na kun rdzob tu/ /skye ba la ni ci yi phyir/ /khyed kyis 'gal brjod par byed/ /'dir yang de bzhin ma byed cig/ / 'jig rten grags pa kho na yin/ /don la tshad ma 'jug pa'i phyir/ /nged kyis kyang ni kha cig tu/ /gzhan du tshad mas sbyar ba med/ /ji ltar grags pa'i dngos po rnams/ /gang dag nyid du khas len gang / /de gzhung so sor dgag pa'i phyir/ /dngos po thams cad rnam par dpyad/ / de dag ji bzhin dpyad na ni/ /yang dag nyid du de mi gnas/ /de tshe brdzun par rab tu 'grub/ /thams cad sgyu ma'i rang bzhin bzhin/ /yang dag nyid kyis dngos po de/ /mngon sum du ni grub pa med/ /de la tshad mas gnod na yang / /ji ltar mngon sum gnod pa yin/ /de phyir ji ltar grags pa yi//skye ba'i dngos po gnas pa yin/ /mthun pa'am mi mthun pa'ang rung / /sgyu ma bzhin du 'gal ba med/ /'dir ni skad cig ma yin sogs/ /thal bar 'gyur zhes brtsad mi rigs/ /brdzun pa 'di ni mi 'jug ces/ /de ni snga logs nye bar bstan/ /sgyu ma rmi lam mtshungs pa yi//dngos la de ni mi srid phyir/ /skad cig skad cig ma yid nyid/ /brtags pa yin gyi yang dag min/ /de phyir rtags sogs dngos po yi/ /gzugs la sogs la lta ba ni/ /shes rab dag la spyod min gyi/ /shes rab gzugs brnyan yin zhes gsungs/ / bag med pa yi byis pa rnams/ /'du byed dag la yid dbyung phyir/ /bdag med nyid la 'jug bya'i phyir/ /skad cig pa nyid bstan pa yin/ /'on te ji ste kun rdzob tu/ /dngos po skye bar 'dod na ni/ /dngos po khas blangs kho na yin/ /ming la dbye ba yod du zad/ /'di ltar ri bong rwa la sogs//brjod du med las rnam log par/ /sa bon la sogs deng 'dod bya/ /de lta min na mthong dang 'gal/ /gang yang nus pa ma lus dang / /bral zhing brjod du med pa las/ /rnam par log ces bya bar bgrang / /de nyid nges kyis dngos por bgrang / /rmi lam la sogs dag na ni//glang po la sogs brdzun par snang / /brjod du med las rnam log pa/ /de ci yin nam ma yin smros/ /rnam ldog ji ste dngos nyid na/ /de dag brdzun pa nyid mi 'gyur/ /ma yin na yang de yi tshe/ /de la grags gnod ji ltar spangs / /shes pa'i ngo bo dang mi mthun/ /lus can rnams la snang ba'i phyir//shes pa'i ngo bor de dag ni/ /dngos po nyid ces byar mi rung / /gzhan du snang ba ji ltar na/ /gzhan gyi ngo bo yin par 'gyur/ /de dang mtshan nyid mi mthun pa'i/ /ngo bo gang de nyid 'dir dpe/ /ji ste yang ni 'di snyam du/ /de dag dngos po'i bag bzhin du//gsal bar snang ba 'on kyang ni/ /tshad mas gnod pa'i ngo bo'i phyir/ /brdzun pa kho nar snang ba'i phyir/ /dngos po'i ngo bor mi gzhag go/ /des na ri bong rwa sogs las/ /rnam ldog la sogs 'dir ni bsam/ /gzhan yang de ni snang ba'i phyir/ /med las tha dad med pa min/ / brdzun pa'i ngo bor snang ba'i phyir/ /tha dad par yang rigs pa min/ /de lta yin na kun rdzob dngos/ /sgyu ma sogs las dbyer med la/ /tshad mas gnod pa yin pa la'ang / /ldog pa la sogs ji ste bsam/ /dngos dang dngos med ngo bo yi/ /rnam ldog thams cad rnam 'khrul pa'i//rnam pa bzhin yin de dag la/ /ldog de la sogs ji ltar bsam/ /dngos po'i rang bzhin nyid grub na/ /de phyir rnam ldog nyid du 'gyur/ /tshad mas gnod pa yin pa'i phyir/ /de ma grub ces sngar bstan zin/ /rgyu dang rkyen ni tshogs pa yi/ /mthu las so sor snang ba'i phyir//rnam mi ldog pa'i ngo bo nyid/ /gcig tu de phyir yod pa min/ /rgyu dang rkyen nyid tshogs pa la/ /sgyu ma la sogs ltos gyur kyang / /de tsam gyis ni dngos nyid du/ /de la yongs su brtag mi rigs/ /ji ltar grags pa'i dngos po rnams/ /de ni ltos dang byas pas bshad//yang dag nyid min ji ltar sngar/ /rgyas par rab tu bsgrubs pa yin/ /rgyu dang 'bras bu'i dngos po dang / /kun rdzob tu ni rab grub phyir/ /de ni ji ltar grub yin zhes/ /rnam par dpyad pa 'dir mi rigs/ /tha snyad byed pa rnams kyis ni/ /ji ltar grags pa'i dngos po'i don/ / de bzhin gzung bar bya ba yin/ /thar 'dod rnams kyis yang dag dpyad/ /don dam nyid du gang med pa/ /tha snyad du ni yod pa min/ /de dag med pa nyid gyur pa/ /rta yi rwa la sogs pa bzhin/ /de bzhin ji ste dngos po rnams/ /yang dag nyid du med gyur pa/ /de dag kun rdzob tu yang med/ / ce na de ni rigs ldan min/ /'di ltar bden pa'i dngos po ni/ /ldog na kun rdzob dngos po yang / /ldog par 'gyur zhes byar ni 'dir/ /'brel pa gang yang yod pa min/ /bden dang brdzun gnyis 'gal ba'i phyir/ /de yi bdag nyid yod pa min / /de yi phyir na bden pa las/ /brdzun pa'i ngo bo skye ba med//sgyu ma la sogs dag la ni/ /bden pa'i ngo bo spangs pa snang / /de lta min na ji ltar de/ /brdzun pa nyid du rnam par gnas/ /don dam pa yi ngo bo nyid/ /spangs pa nyid ni kun rdzob kyi/ /dngos po'i ngo bor 'dod yin na/ /ji ltar de med na de med/ /ji ste don dam par yod kyis/ / ji ste kun rdzob de med na/ /de bzhin kun gyis yang dag mthong / /kun rdzob rnam par 'jig par 'gyur/ /gang yang ri bong rwa la sogs/ /kun rdzob tu yang mi skye ba/ /de ni de 'dra'i sa la sogs/ /tshogs pa med pa kho nas yin/ /rgyu tshogs yod pa ma yin na/ /sgyu ma yang ni 'byung mi 'gyur//de yod na ni 'di 'byung ba'i/ /dngos po nyid ni kun rdzob yin/ /dngos po rnams kyi rang bzhin ni/ /med par mthun na ji ltar 'gar / /res 'ga' kha cig skye bar 'gyur/ /kun du thams cad ji ste min/ /rab rib dag gis 'khrugs pa'i mig /mthun pa dag la brdzun snang na//skra sogs so sor snang ba yang / /nges pa'i rgyu mtshan ci zhig yod/ /de la rab rib rgyu yin na'ang / /de ni brdzun du ji ltar 'gyur/ /dngos po med la khyed cag ni/ /rgyu rnams yod par 'gar mi 'dod/ /sgra la sogs pa brdzun pa la'ang / /ji ste nges pa'i rgyu yod par/ /brjod na kun rdzob dngos po la'ang //ci yi phyir ni brjod mi byed/ /rgyu med can du mi skye bar/ /ji ste 'dod na de yi tshe/ /de lta yin na thal 'gyur ba/ /ci phyir thams cad kun du min/ /rgyu dang rkyen ni tshogs pa can/ /nges pa'i sgra la sogs pa yang / /ji ltar dngos po nyid min pa/ /de bzhin kun rdzob pa la'ang ltos//de ni shes pa'i ngo bo yi/ /dngos po nyid du rigs ldan min/ /de dang mtshan nyid mi mthun phyir/ /zhes bya ba ni sngar bstan zin/ /shes pa dngos po'i rang bzhin du/ /gyur na de dang dbyer med pa'i/ /skra la sogs yang dngos nyid ces/ /brjod pa yang ni mdzes pa yin//de yang mtshan mas ma grub cing / /gnod pa yod par nye bar bsgrubs/ /dngos po med par grags pa yi/ /skra sogs bden par ji ltar 'gyur/ /rang la nges pa yod pa bzhin/ /gzhan la nges pa bskyed 'dod pas/ /skye ba so sor 'gog pa 'di/ /mi rigs she na'ang de mi rigs//nges pa skyed pa tsam dag gis/ /gtan tshigs khas len pa yin gyi/ /bye brag ma yin bye brag tu/ /'di ltar dngos po skye ba la/ /yang dag yongs su brtags pa yi/ /skye ba 'dir ni 'gog byed kyi/ /sgyu ma bzhin du kun rdzob ni/ /nam yang mi 'grub ma yin no/ / des na skye ba bkag gyur kyang / /bsgrub par bya la nges 'byung ba/ /gzugs las gzugs brnyan ji bzhin du/ /kun rdzob tu ni yod min pa/ /ji ste shes sogs dngos yod pa/ /mi 'dod na yang kun rdzob ni/ /rgyu med par ni mi rigs phyir/ /gang du bdag dang chos 'di 'dogs//'on te yang ni rgyu brjod na/ /de nyid dngos po grub pa yin/ /kun nas nyon mongs rnam byang du/ /'gyur ba'i rgyu yang ci zhig yin/ /kun rdzob rnams kyi rgyu tsam zhig /rab tu bsgrub na'ang grub pa sgrub/ /'di yi sa bon kun rdzob tu/ /rang dang rjes su mthun par 'dod/ /ji ste dngos yod de sgrub na//de dang rjes su 'gro ba med/ /shing la sogs la grub pa ni/ /kun rdzob kho nar kun du grub/ /rang gi rgyu la ltos par ni/ /ma brtags shin tu grub pa yin/ /gang phyir kun du kun rdzob ni/ /gnod sbyin rjes mthun gtor ma bzhin/ /brdzun pa'i dngos po de la ni/ / ji ste dngos po yod do zhes/ /ming du brjod na ming la ni/ /brtsad pa nam yang yod pa min/ /ji ltar rmi lam sbrul gdug pas/ /zin de brgyal dang de bral ltar/ /kun nas nyon mongs rnam byang yang / /de bzhin 'dod kyi yang dag min/ /skye ba dang ni 'gag pa dang / /kun nas nyon mongs rnam byang sogs//'phags pa shes rab pha rol tu/ /phyin sogs la brjod tha snyad yin/ /don dam pa yi dngos po dang / /rab tu 'bral ba ma grub na/ /de med pa yi nyon mongs sogs/ /dngos po med par rigs pa min/ /ma brtags rab tu dga' rnams kyis / /shin tu 'jug dang ldog pa las//rmongs la sogs la nyon mongs dang / /rnam par byang la rnam par gnas/ /kun rdzob nyid du thams cad yod/ /dam pa'i don du med min nam/ /dngos dang dngos med la sogs pa'i/ /chos rnams gcig la ji ltar 'thad/ /kun rdzob ci yin brjod bya dgos//tha snyad las byung blo yin na/ /de ltar gyur na blo tsam ste/ /rnam rig tsam nyid grub pa yin/ /sgra ni kun rdzob yin na'ang / /legs bshad nyes bshad dbye med 'gyur/ /sgra las thams cad grub pa'i phyir/ /phongs pa 'ga' yang med par 'gyur/ / ji ste sgra don ci yin na/ /khyab par med par ji ltar rung / /gang yang bstan du med pa'i don/ /myong ba de dag ji ltar 'dod/ /so sor rang gis myong ba'i phyir/ /bde ba la sogs kun rdzob ming / /dngos po bag tsam yod pa'i phyir/ /de dag don dam pa yang min/ /kun rdzob dang ni don dam las//khyod kyi phung po gzhan yang med/ /bde ba la sogs de dag ni/ /rang gi ngo bo ci yin smros/ /de yang sgro btags ngo bo yis/ /brjod phyir ji ste kun rdzob yin/ /yang dag pa yang de bzhin du/ /kun rdzob ngo bo nyid du 'gyur/ /kun rdzob dag ni chang chung yang //dngos por khas ni blang bya dgos/ /des na 'di kun bden yin gyi/ /de ltar min na ji ltar 'dod/ /kun rdzob dngos po yin na yang / /ming la brtsad pa 'ga' yang med/ /dngos po med na de dag ni/ /dngos po yod par ji ltar brjod/ /'on te med don de yin na/ / der 'gal bden nyid ji ltar rung / /'di ni sgyu ma'i don yin na'ang / /sgyu ma ji ste med 'gal ba / /'on te rnam shes 'khrul yin na/ /de nyid rnam par rig tsam nyid/ /ming tsam nyid la dbye ba yod/ /ji ste kun rdzob dag pa'i don/ /blo yis rnam par dpyad pa na/ /rang gi ngo bo gnas med do //ma brtags rab tu grub pa yi/ /dngos po kun rdzob smra ba rnams/ /ji ste ma brtags yin par bsgrub/ /mngon sum nges 'gyur de yang ni/ /rang gi mtshan nyid las la min/ /de ltar gyur na brtsad du med/ /rjes su dpag pas rab grub pa'i/ /don ni spang ba byas par gyur//med pa dgag pa yin na yang / /yod par de la ji ltar 'grub/ /ma brtags 'jig rten smra yin na'ang / /las dang 'bras bu ji ltar yod/ /'di ltar 'jig rten la ma grub/ /de dag bstan bcos las rten grub/ /bstan bcos byed pa'ang 'jig rten na'ang / / de tshe ci zhig yongs su spangs/ /de las phan tshun 'gal ba dag /grub par ji ltar 'dod par bya/ /don dam ci yang ma yin na'ang / /gang gis don gyis de ltar 'dod/ /de bzung bar yang ji ltar bya/ /'di yi don kyang ji ltar bsgrub/ /re zhig don de dam pa min/ /dam pa'i don kyang de ma yin//de yi don kyang dam pa min/ /don dam ji ltar 'dod par bya/ /don dam kun rdzob gcig yin na/ /rnam par dbye ba med par 'gyur/ /tha dad 'gyur na gnyi ga yang / /dngos po yod par thal bar 'gyur/ /'di la thog mar rgol ba de//smra ba kun la 'dra ba ste/ /rab rib can gyis dmigs pa yi/ /sgra la sogs pa'ang 'byung bar 'gyur/ /'di ltar de yang brdzun pa'i phyir/ /don dam par ni yod pa min/ /shes pa so sor de snang phyir/ /de yi lugs kyis yod pa'ang yin/ /de 'dir yod dang med pa nyid/ / ji ltar gcig la mi 'gal ba/ /ltos nas dbye ba de bzhin du/ /kun rdzob la yang rung ba yin/ /ji ltar gnyis su med pa la/ /gzung dang 'dzin pa 'gal med dang / /ji ltar gnyis kyi rnam pa yi/ /yod med la sogs ngo bo nyid/ /de bzhin 'di dag tha snyad du/ /thams cad bden pa nyid brten nas//bstan pa yin gyi yang dag par/ /yod med la sogs chos nyid min/ /rnam par shes pas don bzhag pa'i/ /ngo bo 'khrul pa yin pa'i phyir/ /bden pa gnyis kyi dbye ba yang / /sgyu ma'i skyes bu bzhin du gnas/ /ji ltar sgyu ma'i skyes bu yi/ /ngo bo 'khrul pa shes pas brtags//de bzhin dngos don thams cad kyi/ /dngos po kun rdzob yod par 'dod/ /ji ltar der ni rang gi dngos/ /'khrul dang bral ba'i shes pas bzhag /de bzhin du ni dngos rnams kyi/ /ngo bo yang dag nyid du brjod/ /de bas rtog pa'i bye brag gis/ /chung ma la sogs 'dod pa bzhin//de bzhin bden pa gnyis brten pa/ /tha snyad du ni 'gal ba med/ /dngos po dag la yang dag pa'i/ /ngo bo nyid du tshad mas bsgrubs/ /de grub na ni bzlog pa las/ /kun rdzob ngo bo 'grub pa nyid/ /yang dag pa dang kun rdzob kyi/ /ngo bo des na grub pa'i phyir//ltos nas dbye ba shin tu 'grub/ /de bas tha snyad kyang de bzhin/ /de dag rnams kyi blo gang gis/ /yang dag ngo bo sgrib byed de/ /kun rdzob yin zhing brtags pa kun/ /de la byung phyir kun rdzob pa'o/ /shes pa dngos po med yin yang / /dngos sam bzhin du 'khrul pa'i phyir//de gzhag phyir na kun rdzob pa/ /chu la sogs pa bzhin du 'dod/ /rnam pa brdzun pa de dag kyang / /rang nyid snang ba yin pas na/ /brdzun phyir de bas ma grub ste/ /des na rnam rig nyid du bden/ /lang ka'i mdo dang gzhan dag las/ /dngos po'i ngo bo med pa la//'khrul pa kun rdzob yin par gsungs/ /sgra yang tha snyad pa yin te/ /'gro kun sgra nyid yin pa'i tshig /sangs rgyas pa la gang na'ang med/ /sgra nyid kho na kun rdzob tu/ /de ni khyed kyi rang dga' yin/ /legs bshad nyes bshad dbye ba ni/ /ji ste yang dag 'dod bsams te//rgol ba gnod sbyin stong nyid la/ /'di ltar dbye ba 'dod pa med/ /kun rdzob ce na'ang phyugs rdzi mo'i/ /skye ba kun la legs bshad dang / /nyes bshad dbye ba'ang rab grags phyir/ /de ni so sor ji ltar dgag /lus can rnams la tshig gang zhig//phan dang bde bar nyer brtags pa/ /legs bshad de yin tha snyad du/ /bzlog na nye bar bshad pa yin/ /ming ni brtags pa'i dngos po yis/ /bsdus pa rjod par byed pa'i phyir/ /gang dag rjod pa'i dngos po ni/ /ngo bo nyid du mi 'dod pa/ /de yi legs bshad nyes bshad pa//rab tu dbye 'di ji ltar rung / /de yi lan 'dir gang yin pa/ /de ni bdag gi lan kyang yin/ /ji ltar snang ba de dag ni/ /rgyu dang bcas pas byung ba'i phyir/ /sgra tsam las ni dngos po rnams/ /yod pa nyid du su khas len/ /bstan du med pa'i dngos po yi/ / ngo bo sgyu ma la sogs 'dra/ /dngos po med pa nyid kyis na/ /de dag brtags pa nyid du brjod/ /sgyu ma'i ming ni mang po dag /ji ltar spyi zhes bya ba srid/ /don dam pa yi dngos po yi/ /ngo bo la yang de bzhin ltos/ /ji ste dngos po bye brag nyid/ /sgra don yin gyi gzhan min na//snga ma med pa la sogs pa/ /yong ye brjod du med par 'gyur/ /ma brtags gcig pu dga' ba'i phyir/ /bde ba la sogs ngo bo kun/ /de ltar mdo las brjod pas na/ /kun rdzob kho nar 'dod pa yin/ /bstan du med pa'i ngo bo dag /ji ste dngos po nyid brjod na//zla ba gnyis dang skra shad 'dzings/ /brjod du med pa nyid mi 'gyur/ /spyi yi ngo bor sgro btags te/ /rjod par byed pa yin pa'i phyir/ /don dam spros dang bral ba yang / /kun rdzob pa der gyur pa yin/ /phyin ci log du snang ba'i phyir/ / kun rdzob rnams kyi dngos nyid med/ /de yi rang bzhin kho na ni/ /gzhan du 'gyur bar ji ltar rung / /tshangs la sogs pa'i yongs 'gyur bar/ /mu stegs can gyi brtags pa la/ /zhe snang bya ba ci yod na/ /gang phyir de dag so sor 'gong / /de phyir log par snang ba'i phyir//dngos po'i ngo bor yang mi rigs/ /so sor snang phyir rta'i rwa bzhin/ /dngos po'i ngo bo gtan med min/ /des na yod pa bzhin snang ba/ /sgyu ma'i glang po la sogs bzhin/ /de yis bsam pa'i dbang gis na/ /de dag yod yin yang dag min/ /brdzun pa'i rnam par snang ba'i phyir//mi bden kun rdzob yin par 'dod/ /des gzhag pa yi ngo bo ni/ /de las byung phyir bden par brjod/ /shes dang shes byar brjod la sogs/ /tha snyad gang tshe kun rdzob yin/ /de tshe grags pa'i ngor byas nas/ /de ni med pa nyid du brjod/ /ming tsam sgro btags yin pa'i phyir//ming ni ji ltar 'gal ba yin/ /sgyu ma'i don ni med don kyang / /gtan du dben pa nyid ma yin/ /rnam par rig pa'ang brdzun nyid du/ /sngar ni nye bar bsgrubs pa yin/ /de lta min la de dag las/ /'khrul pa'i ngo bor ji ltar 'gyur/ /yang dag nyid du mi gnas shing //gnas pa'ang yin na 'gal mi 'gyur/ /dngos po rnams kyi rang bzhin ni/ /nam yang gzhan du 'gyur mi rigs/ /ji ste g.yo yod kun rdzob kyang / /dngos rnams rang bzhin med par ni/ /g.yo ba nyid kyis de dag ston/ /des na mi 'dod smras mi 'gyur/ / yang dag dpyod pa'i shes rab ni/ /brtags yin de las phyir bzlog pa'i/ /rnam par shes pa thams cad ni/ /de las gzhan ma brtags pa'o/ /de la grags pa'i sgo nas ni/ /dngos po thams cad kun rdzob brjod/ /rnam par brtags na yang dag pa/ /de ni grub par mthong ba med//ma brtags yin par grub na yang / /de phyir mi rtog nyi tshe ni/ /'dzin pa med cing rjes dpag las/ /rnam nges so sor sel ba min/ /'dir ni med par dgag yin te/ /des na sun 'byin 'dod pa med/ /thom chol sgra tsam yin pa'i phyir/ /byis pa rmongs byed kho nar zad//'jig rten grags pa kho na'i don/ /kun rdzob yin yang 'ga' zhig gis/ /'ga' zhig rtogs phyir mtha' dag ni/ /kun gyi spyod yul ma yin no/ /des na shin tu lkog gyur don/ /rnal 'byor shes pa'i spyod yul yin/ /cig shos kyis ni shes pa med//de yi shes la brtan dgos pas/ /bstan bcos byed la grags pa yi/ /dngos po'ang nged kyi kun rdzob yin/ /de lta min na chos kun la/ /stong pas khyab par mi 'gyur ro/ /gang du grags pa las 'das te/ /dngos po'i ngo bo rtag la sogs/ /de dag rnams kyis brtags pa de//log pa'i kun rdzob nyid du 'dod/ /des na dngos po'i cig shos ni/ /yang dag kun rdzob yin par smra/ /phan tshun du ni 'gal ba nyid/ /gcig la dus gcig 'gyur mi srid/ /rigs par ldan pa'i yang dag nyid/ /dam pa'i yin zhing dam pa yi//shes pa'i don zhes mkhas pa yis/ /don dam par ni mngon par smras/ /de yi yul la shes pa gang / /de yis gzhan gyi don gyis na/ /don dam yin te de bzhin gzhan/ /yang dag rjes mthun shes rab kyang / /yang dag sgom par byed pa yin / /sgrib dang bral ba rtogs par 'gyur//gang phyir des na don chen po/ /de dag sgrub par byed par 'dod/ /chos kun snang ba med pa yi/ /shes pa rtogs pa ma lus pa'i/ /spros dang bral ba nyid kyis ni/ /de dag rtogs zhes brjod pa yin/ /ye shes bdag nyid yang dag pa'ang / / yon tan phun sum tshogs kun gyi/ /gnas de yin par ngo chen por/ /'dod la de yang sgrub par byed/ /don dam ci yang med ce na/ /mya ngan 'das pa don dam par/ /mi 'gyur de la dngos po yi/ /ngo bo ci yang yod pa min/ /der yang khyod kyi rgol ba kun/ /ci yi phyir na 'byung mi 'gyur//de la khyod kyi lan gang yin/ /nga'i yang de 'di yin par 'gyur/ /bdag med rang bzhin med pa yi/ /mtshan nyid yang dag yin par brjod/ /ji ste chos la tha dad 'gyur/ /de tshe chos la yod pa min/ /chos rnams las ni tha dad pa'i/ / yang dag so sor rtogs pa'i phyir/ /rnal 'byor pa rnams chos la ni/ /phyin ci log dang bral mi 'gyur/ /tha dad yin na'ang de yi tshe/ /kun gyis yang dag mthong bar 'gyur/ /thun mong du'ang ma gyur cing / /rtag tu nyon mongs can du 'gyur/ /de bas brjod du med pa zhes/ / rang byung rang nyid kyis bshad pas/ /tha dad tha dad ma yin par/ /rtog pa rigs pa ma yin no/ /dngos po yod de de nyid dang / /gzhan sogs rtog pa rung bar 'gyur/ /dngos po med na ji ltar gang / /gang gis gzhan la sogs par 'gyur/ /dngos dang dngos med la sogs pa'i/