| བོད་ཡིག |
348b1 @##/ /rgya gar skad du/ ma d+h+ya mi ka a ba tA ra pradz+nyA nA ma/ bod skad du/ dbu ma shes rab la 'jug pa zhes bya ba/ 'jam dpal gzhon nur gyur pa la phyag 'tshal lo/ /dbu ma shes rab la 'jug pa'i don ni bdag
348b2 gis bshad par bya ste/dgag bsgrub gnyis ka dgag 'ba' zhig /dngos la dgag sgrub gang yang med/ /de lta bu ni goms byas na/ /phun sum tshogs pa thob par 'gyur/ /mi dge bcu ni spangs nas ni/ /dge ba bcu ni dang du
348b3 blang //dngos por zhen pa bkag nas ni/ /rang la bsgrub tu cung zad med/ /slong ba'i dngos po 'di yang ni/ /yang dag pa yi rang bzhin med/ /du ma dang ni gcig bral phyir/ /sgyu ma'i glang po ji bzhin no/ /cha shas sna tshogs
348b4 gnas pa na//rdul phran gcig pu nyid ma yin/ /de nyid med pas du ma gang / /phan tshun spangs te gnas pas na/ /gzhan gyi dngos po ga la yod/ /de nyid med pas de bsags pa'i/ /rags pa'i gzugs dang rdzas sogs gang / /
348b5 rnam pa sna tshogs snang ba dang / /shes pa tha ni mi dad pas/ /shes pa du ma nyid du 'gyur/ /rnam pa brdzun pa nyid kyis na/ /shes pa de yang brdzun par 'gyur/ /de lta min na bden nyid 'gyur/ /de nyid phyir na sems byung gang / /gcig dang du
348b6 ma spangs pa yi//dngos po gang yang mi gnas te/ /phan tshun spangs te gnas phyir ro/ /mngon sum la sogs 'gal zhe na/ /ma yin ma brtags nyams dga' ba/ /de ni bdag gis bkag pa med/ /tha snyad tsam zhig bsgrub pa'i phyir/ /
348b7 dam bca' gtan tshigs nyid ma yin/ /ye nas skye med rang nyid la/ /dgag bya med la bsgrub bya med/ /mya ngan 'das dang ma 'das pa/ /skye med ngang du khyad par med/ /skye med nyid kyang ma yin te/ /skye ba'i dngos po med phyir ro/ /kun rdzob med la
349a1 don dam med//sangs rgyas med la sems can med/ /lta ba med cing sgom pa med/ /'bras bu med cing spyod pa med/ /de yi don ni bsgom bya ste/ /rtog med blo ni rang zhir gzhag /ngos gzung med cing yengs pa
349a2 med//mtshan ma med cing gsal bar bsgom / /langs la dngos por snang ba kun/ /sgyu ma tsam du shes byas nas/ /sdom pa rnam gsum 'bad pas bsrung / /yan lag bdun pa la sogs bya/ /snying rje phan sems che bar bya/ /yul la
349a3 chags pa spang bya zhing //'gron po'i tshul gyis gnas par bya/ /sems can ma dad spangs nas ni/ /bdag nyid dgon par gnas par bya/ /de yi 'bras bu sangs rgyas kyi / /'bras bu chen po thob pa ste/ /chos kyi sku dang longs spyod rdzogs/ /
349a4 sprul pa'i sku ru gnas pa yis/ /sems can thams cad sgrol bar byed/ /de phyir 'bad pa thams cad kyis/ /dngos po lta ba thag bcad de/ /bar du sgom pas nyams su blang / /tha mar 'bras bu thob par 'gyur/ /de bas 'bad de brtson par
349a5 bya//de ltar bdag gis bshad 'di la/ /phyogs 'dzin pa yi sems bor la/ /rigs pa yis ni dpyad par bya/ /chos la skur pa gdab mi bya/ /g.yeng ba thams cad spangs nas ni/ /bsgrub pa la ni brtson par bya/ /bdag gis 'di byas bsod
349a6 nams kyis//sems can thams cad grol gyur cig /dbu ma shes rab la 'jug pa zhes bya ba/ slob dpon chen po zla ba grags pas mdzad pa rdzogs so// // paN+Di ta de nyid dang lo ts+tsha ba 'gos khug pa lha btsas kyis bsgyur pa'o// //