CLOSE WINDOW

D3853
བོད་ཡིག

/ //rgya gar gyi mkhan po shAn+ti b+ha dra dang / lo tsA ba dge slong chos kyi shes rab kyis bsgyur cing zhus te gtan la phab pa'o//[ @##/ /rgya gar skad du/ pradz+nyA pra dI pa mU la ma d+h+yA mi ka prat+ti/ bod skad du/ dbu ma'i rtsa ba'i 'grel pa shes rab sgron ma/bam po dang po/ /dkon mchog gsum la phyag 'tshal lo/ /'jam dpal gzhon nur gyur pa la phyag 'tshal lo/ /slob dpon 'phags pa klu sgrub la phyag 'tshal lo/ /slob dpon btsun pa legs ldan 'byed la phyag 'tshal lo/ /gang gis chos kyi de nyid rnam rtog legs bral ba//spros pa kun zhi blo ngan rab rib kun 'joms can/ /tshig gi yul ma yin yang de nyid sgro btags nas/ /sa kun 'byor phyir bstan pa de la phyag 'tshal lo/ /slob dpon gyi zhal snga nas kyi tshig le'ur byas pa dag kho nas rjes su dpag pa dang / sun dbyung ba'i gsal ba dang /de kho na dag bstan pa dang / lta ba ngan pa'i dra ba zhi bar byed pa dang ldan pa shes rab kyi pha rol tu phyin pa'i tshul bka' stsal mod kyi/ tshangs pa mtshungs par spyod pa rnams las kha cig gis mi rtogs pas/ de'i phyir de dag gis rtogs par bya bar 'dod nas lung ji lta ba bzhin du dbu ma'i bstan bcos bshad par bya'o//de la bstan bcos kyi 'grel pa smras pa/ 'di la bcom ldan 'das thugs rje dam pas spro ba rab tu bskyed pa'i blo gros mnga' ba/ bskal pa bye ba khrag khrig 'bum phrag dpag tu med par/ bsod nams dang ye shes kyi tshogs gzhal du med pa'i khur bzhes par mdzad pa na gzhan la phan pa skye ba dang /rjes su 'brel pa'i thugs rang gi srog dang 'bral ba'i sdug bsngal gyis kyang yongs su mi skyo ba mnga' bas 'jig rten skye ba dang / 'gag pa dang / chad pa dang / rtag pa dang / 'ong ba dang / 'gro ba dang / tha dad pa dang / gcig pa la sogs pa spros pa'i dra ba thibs por 'khyams shing snang ba med pa la gzigs nas/ shes rab kyis shes bya'i rgya mtsho mngon par bsrubs te/ chos thams cad kyi de kho na'i bdud rtsi spros pa'i dra ba mtha' dag dang legs par bral ba/ gzhan gyi dring mi 'jog pa/ rnam par mi rtog pa brnyes nas/theg pa mchog gis 'gro ba rnams la rten cing 'brel par 'byung ba'i rin po che dam pa skye ba dang na tshod dang / rigs dang / yul dang / dus las 'da' ba med pa/ mu stegs byed dang / nyan thos dang / rang sangs rgyas thams cad dang thun mong ma yin pa kun rdzob dang don dam pa'i bden pa la brten nas/skye ba dang skye ba med pa la sogs pa'i brjod pa dag gis bka' stsal to/ /slob dpon gyis kyang de bzhin gshegs pa'i tshul skye ba med pa la sogs pa'i tshig gis rab tu bstan pa ma nor bar de bzhin nyid thugs su chud nas dgyes pa'i shugs drag po yang dag par skyes pas/ji ltar thugs su chud pa'i tshul gyis bcom ldan 'das la mngon par bstod de/ bstan bcos mdzad par bzhed nas/ thugs rje nyid kyi chus brlan pa'i thugs mnga' bas skye bo rjes su dpag pa gtsor 'dzin cing khong du chud par 'dod pas rtogs par bzhed nas/ gang gis rten cing 'brel par 'byung //'gag pa med pa skye med pa/ /chad pa med pa rtag med pa/ /'ong ba med pa 'gro med pa/ /tha dad don min don gcig min/ /spros pa nyer zhi zhi bstan pa/ /rdzogs pa'i sangs rgyas smra rnams kyi/ /dam pa de la phyag 'tshal lo/ /zhes bya ba gsungs so/ / gang gis zhes bya ba ni sgra spyi yin yang 'dis ni thun mong ma yin pa'i khyad par dang ldan pa'i rten cing 'brel par 'byung ba ston par mdzad pa nyid kyis brjod par bzhed pa'i phyir bcom ldan 'das kho na dang sbyar ro/ /rten cing 'brel par 'byung zhes bya ba ni gang gi phyir/ khyad par bstan kyang khyad par gyi gzhi'i ming ma bstan na de mi rtogs pas de bstan pa yin no//rten cing 'brel par 'byung zhes bya ba la/ kha cig na re rten cing zhes bya ba'i tshig gi phrad ni zlos pa'i don yin pa'i phyir dang / 'brel par zhes bya ba ni phrad pa'i don yin pa'i phyir dang / 'byung ba zhes bya ba'i sgra ni skye ba'i don yin pa'i phyir rten cing 'brel par 'byung ba ste/de dang de la rten cing phrad nas 'byung ba'o zhe'o/ /gzhan dag na re so so 'jig pa dang ldan pa rnams kyi 'byung ba ni rten cing 'brel par 'byung ba'o zhe'o/ /gzhan ma yin pa ni de yang mi rung ste/ mig dang gzugs rnams la brten nas mig gi rnam par shes pa 'byung ngo zhes gsungs pa 'di la don gnyi ga med pa'i phyir ro//'o na gang yin zhe na/ 'di yod na 'di 'byung la 'di skyes pa'i phyir 'di skye ba ste zhes bya ba rkyen 'di dang ldan pa nyid kyi don ni/ rten cing 'brel par 'byung ba'i don to zhes zer ro/ /'dir kha cig na re/ gal te 'byung ba'i snga rol du 'bras bu rkyen dang phrad nas phyis 'byung na ni de'i rten cing 'brel par 'byung ba zhes bya bar 'gyur ba zhig na/'byung ba'i snga rol du 'bras bu rkyen dang mi 'phrad de med pa'i phyir ro/ /de lta bas na rten cing 'brel par 'byung ba'i sgra mi 'grub po/ /gal te rten cing 'brel par zhes bya ba dang / 'byung zhes bya ba gnyis dus gcig tu khas len pas nyes pa med do zhe na yang rten cing 'brel par 'byung ba'i sgra la bya ba gnyis dus gcig na med de/par zhes brjod pa'i phyir dper na khru byas te bza' zhes bya ba bzhin no/ /byed pa po med par yang gzhi med pa'i bya ba mi rung ste/ med pa'i phyir mo gsham gyi bu 'gro ba bzhin no/ zhes zer ro/ /de ni bzang po ma yin te/ 'bras bu med pa 'byung ba'i mtshan nyid kyi bya ba khas len na ni/ rang la ma nges pa'i phyir ro/ /yod pa las 'byung ba'i phyogs la yang yod pa'i gtan tshigs kyi don ma grub pa'i phyir ro/ /byed pa po gcig dang ldan pa'i bya ba gnyis dus gcig na yang yod de/ par zhes brjod pa'i phyir dper na kha gdangs te nyal zhes bya ba dang /lam khyab par byas te 'gro'o zhes bya ba bzhin te/ ma nges pa'i phyir ro/ /byed pa po yod pa dang med pa la yang ji skad smos pa'i skyon du 'gyur ba'i phyir ro/ /gzhan la yang grags pa'i gtan tshigs brjod na ni ha cang thal bar 'gyur ba'i phyir ro//de bstan pa ni las yin te/ 'gag pa med pa skye med pa/ /chad pa med pa rtag med pa/ /'ong ba med pa 'gro med pa/ /tha dad don min don gcig min/ /zhes bya ba yin no/ /de la tshig gi don rtogs pa med par ngag dang rab tu byed pa dang bstan bcos kyi don mi rtogs pas de'i phyir dang po kho nar tshig gi don brjod par bya'o//kha cig na re tshig la sogs pa'i don rnams ni ngag la sogs pa'i don la phan pa byed pa nyid yin gyi tshig gi phyogs gcig ni lam du 'gro ba bzhin no zhes so/ /gzhan ma yin pa ni tshig la sogs pa ni 'du byed bskyed pas bstan bcos kyi don yan lag ma lus pa khong du chud pa la phan pa byed pa nyid du rigs kyi sngar brtags pa ni mi rigs so zhes zer ro//'gag pa zhes bya ba ni 'jig pa'o/ /skye zhes bya ba ni 'byung ba'o/ /chad pa zhes bya ba ni rgyun chad pa'o/ /rtag pa zhes bya ba ni dus thams cad du gnas pa'o/ /'ong ba zhes bya ba ni tshur 'ong ba'o//'gro zhes bya ba ni phar 'gro ba'o/ /tha dad ces bya ba ni don tha dad pa'o/ /don gcig ces bya ba ni don tha mi dad pa ste/ gzhan ma yin pa zhes bya ba gang yin pa'o/ /de la 'gag pa med pa zhes bya ba ni 'di la 'gag pa yod pa ma yin pa'o/ /don gcig min zhes bya ba'i bar du yang 'di la yang don gcig pa yod pa ma yin pa'o//de la kha cig na re 'gag pa dang skye ba dang tha dad pa nyid dang / gcig pa nyid bkag pa ni don dam par ro/ /chad pa dang rtag pa bkag pa ni tha snyad du'o/ /'gro ba dang 'ong ba bkag pa ni gnyi gar ro zhe'o/ /gzhan ma yin pa ni 'dir thams cad don dam par bkag ste/nges par gzung ba'i phyir ro/ /gzhan du yang mi 'gal te/ khyad par gyi gzhi'i khyad par ji skad bstan pa la 'gal ba med pa'i phyir dang / mdzad pa pos bstan pa nyid kyis bzhed pa mchog yin pa'i phyir ro zhes zer ro/ /spros pa nyer zhi zhes bya ba ni brjod pa'i bdag nyid mngon par zhen pa zhi ba'i phyir ro//zhi zhes bya ba ni gnod pa thams cad dang bral ba'i phyir ram/ ngo bo nyid kyis stong pa'i phyir ro/ /bstan pa zhes bya ba ni bka' stsal pa'o/ /rdzogs pa'i sangs rgyas zhes bya ba ni bcom ldan 'das te/ chos dang gang zag bdag med pa nyid yang dag pa phyin ci ma log par thugs su chud pa'i phyir ro//smra rnams kyi zhes bya ba ni smra ba nyan thos dang / rang sangs rgyas dang / byang chub sems dpa' rnams kyi ste/ rten cing 'brel par 'byung ba phyin ci ma log par ston par byed pa nyid kyis mtho ris dang byang grol thob par byed pa'i lam nye bar ston par byed pa'i phyir ro/ /dam pa zhes bya ba ni mchog ste/ji skad smos pa'i khyad par phyin ci ma log pa dang ldan pa'i rten cing 'brel par 'byung ba gsungs pa'i phyir ro/ /de'i phyir de la phyag 'tshal lo zhes bya ba ni 'dud par bya ba'o/ /'dir kha cig na re/ gal te rten cing 'brel par 'byung na ni ji ltar skye ba med pa yin/ ji ste skye ba med na ni rten cing 'brel par 'byung zhes byar yang mi rung bas rang gi tshig dang 'gal zhing dam bcas pa'i skyon du 'gyur te/de nyid kyis de'i don la skur pa btab pa'i phyir/ dper na smras pa thams cad brdzun pa zhes bya ba lta bu'o zhes zer ro/ /de la gal te rten cing 'brel par 'byung ba thams cad skye ba med pa zhes dam 'cha' bar byed na ni skyon der yang 'gyur ba zhig na /thams cad ces bya ba'i sgras kun rdzob pa'i rten cing 'brel par 'byung ba khas ma blangs pa bsdus pa'i phyir dang / don dam par rten cing 'brel par 'byung ba yod par khas blangs nas/ de la skur pa gdab pa ma byas pas de'i phyir gtan tshigs kyi don ma grub pa nyid do//dper na sbyin pa la sogs pa don dam par dge ba ma yin yang 'khor ba sdud pa las dge ba rnams zhes brjod pa dang / rnam par shes pa bdag tu khas blangs nas don dam par rnam par shes pa bdag ma yin no zhes dam bcas pa la dam bcas pa'i skyon du mi 'gyur ba lta bu dang /dper na sprul pa'i skyes bu skye ba la skyes bu'i ngo bo nyid du skye ba med pa de bzhin du/ sgyu ma dang smig rgyu lta bu'i nang gi skye mched kyi bdag nyid skye ba yang kun rdzob tu yin gyi don dam par ma yin pas nyes pa med do/ /gzhan dag na re skye ba'i 'og tu 'gag pa dgag par rigs te/ de sngon du 'gro ba can yin pa'i phyir chad pa bzhin no zhes zer ro//'khor ba la thog ma med pa'i phyir 'gag pa sngon du 'gro ba can gyi skye ba yang phyis dgag par khas ma blangs pas gtan tshigs ma nges pa'i skyon yod do/ /'gag pa ni skye ba'i rim pa la mi ltos pa'i phyir dang / don brtag pa yin pa'i phyir dang / tshig gzhan du byas na yang thal ba mtshungs par nye bar gnas pa'i phyir nyes pa med do//rang gi sde pa dag las kha cig bstan bcos brtsam pa dgag par 'dod pa dag na re/ rten cing 'brel par 'byung ba skye ba med pa la sogs pa'i khyad par dang ldan pa ni 'dus ma byas yin pa'i phyir kho bo cag gi phyogs la yang grub pas rten cing 'brel par 'byung ba ni/nyan thos dang thun mong ma yin pa nyid ma yin te/ de'i phyir bstan bcos brtsam pa rigs pa ma yin no zhes zer ro/ /rten cing 'brel par 'byung ba skye ba med pa la sogs pa'i khyad par dang ldan pa ni dgag pa'i tshul gyis ston pa'i phyir dang / rten cing 'brel par 'byung ba 'dus ma byas yod pa nyid du ston pa la ni rjes su dpag pa med pa'i phyir ro//rkyen nges pa las skye ba de 'dus ma byas nyid du rtog na skye ba bkag pa nyid kyi phyir de'i chos nyid mi srid pa'i phyir ro/ /skye ba ni 'dus ma byas min te/ rgyu dang ldan pa'i phyir gnas pa bzhin no/ /rjes su dpag pa las de med pas mi rigs pa ma yin no//rang gi sde pa dag las gzhan dag 'di skad ces skye ba med pa ni de las gzhan skye ba med pa'i phyir te/ dbang phyug ma yin pa bzhin no/ /'gag pa med pa ni mu stegs byed kyis yongs su brtags pa'i 'gag pa med pa'i phyir te / bdag med pa bzhin no/ /chad pa med pa dang / rtag pa med pa ni rgyu la brten te 'bras bu skye zhing /'bras bu skye ba na rgyu 'gag pa'i phyir ro/ /'ong ba med pa dang / 'gro ba med pa ni skyes pa'i yul nyid du 'jig pa'i phyir ro/ /don tha dad pa ma yin pa dang / don gcig pa ma yin pa ni de nyid dang gzhan du brjod par bya ba nyid ma yin pa'i phyir te/ nor bu 'am bud shing ngam nyi ma dang phrad pa las byung ba'i me bzhin no//de lta bu'i rten cing 'brel par 'byung ba ni gsung rab kyi tshul yin pas nyan thos dang thun mong ma yin pa nyid ma yin pa nyid de/ de'i phyir bstan bcos brtsam mi dgos so zhes zer ro/ /skye ba nyid skye ba med pa'i ngo bo nyid kho nar ston pas/ rten cing 'brel par 'byung ba skye ba med pa la sogs pa'i khyad par dang ldan pa khas len pa'i phyir/de ni khyad par shin tu che bas de'i phyir bstan bcos brtsam mi dgos pa ma yin no/ /slob dpon gyis rten cing 'brel par 'byung ba skye ba med pa la sogs pa thun mong ma yin pa'i khyad par dang ldan pa de kho na ston par mdzad pa nyid kyis bcom ldan 'das la mngon par bstod nas/skye ba med pa bstan nas 'gag pa med pa la sogs pa khyad par bstan sla bar dgongs pa na skye ba med pa dang por bstan par bzhed nas/ gzhan gyis yongs su brtags pa'i skye ba rnam par rtog pa mngon sum du mdzad de/ 'di ltar skye bar smra ba dag las kha cig ni dngos po rnams bdag las skye'o zhes zer/gzhan dag ni gzhan las so zhes zer/ kha cig ni gnyis las so zhes zer/ gzhan dag ni rgyu med pa las so zhes zer ba dag rigs pa dang lung dag gis brtags pa na skye ba rnam pa thams cad du 'thad pa mi bzod par rang la nges pa'i dbang gis /bdag las ma yin gzhan las min / /gnyis las ma yin rgyu med min/ /dngos po gang dag gang na yang / /skyes pa nam yang yod ma yin/ /zhes bya ba gsungs te/ 'di ni dam bcas pa'i spyi bkod pa yin no/ /de la re zhig bdag las ma yin zhes bya ba ci zhig ce na/ skyes pa nam yang yod ma yin//zhes bya ba la sogs pa ste/ re re dang sbyar bar bya'o/ /bdag las zhes bya ba ni bdag nyid las zhes bya ba'i tha tshig go/ /dam bcas pa tsam gyis bsams pa'i tshig gi don mi 'grub pas / 'dir phyogs kyi chos ni yod pa nyid yin par gzung ste/ 'di ltar bdag las zhes bya ba ni bdag nyid yod pa la snyad gdags pa'i phyir ro//dpe ni bsgrub par bya ba dang / sgrub pa'i chos kyi dbang gis te bsgrub par bya ba dang / sgrub pa'i chos grags pa dang ldan pa'i chos can gyi dpe yin pa'i phyir ro/ /bdag las ma yin zhes bya ba'i dgag pa 'di ni med par dgag pa'i don du lta bar bya ste/ dgag pa gtso che ba'i phyir dang / 'di ltar rtogs pa ma lus pa'i dra ba dgag pas rnam par mi rtog pa'i ye shes shes bya'i yul ma lus pa dang ldan pa 'grub par dgongs pa'i phyir ro/ /ma yin par dgag pa yongs su bzung na ni de sgrub pa gtso che ba'i phyir chos rnams ma skyes so zhes sgrub pas skye ba med pa ston pa'i phyir mdzad pa'i mtha' dang bral bar 'gyur te/lung las gzugs kyi skye ba med pa la spyod na shes rab kyi pha rol tu phyin pa la spyod pa ma yin no zhes 'byung ba'i phyir ro/ /'dir dngos po rnams bdag las skye ba med pa kho na'o zhes nges par gzung bar bya'o/ /gzhan du nges par gzung na bdag kho na las skye ba med de /'o na ci zhe na/ bdag dang gzhan las skye'o zhes bya bar nges par 'gyur bas de yang mi bzhed de/ mdzad pa'i mtha' dang bral ba'i phyir ro/ /'dir sbyor ba'i tshig tu 'gyur ba ni don dam par nang gi skye mched rnams bdag las skye ba med par nges te/ yod pa'i phyir dper na shes pa yod pa nyid bzhin no//gal te gtan tshigs yod pa nyid ni mi mthun pa'i phyogs las ldog pa ma bstan pas/ gtan tshigs nyid ma yin no zhe na/ med pa kho na'i phyir de la ldog pa med pas 'di dang thams cad la nyes pa med do/ /'dir grangs can dag las kha cig phyir zlog par byed de/dam bcas pa 'di'i don gang yin/ ci bdag las zhes bya ba 'bras bu'i bdag nyid las sam/ 'on te rgyu'i bdag nyid las des cir 'gyur/ gal te 'bras bu'i bdag nyid las na ni grub pa bsgrub bo/ /'on te rgyu'i bdag nyid las na ni don 'gal ba nyid de/ skye ba can thams cad ni rgyu'i bdag nyid du yod pa kho na las skye ba'i phyir ro zhe na/de ni bzang po ma yin te/ bdag las skye ba tsam dgag pa'i phyir ro/ /rgyu'i bdag nyid las na yang bdag dang gzhan du gyur pa las kyang skye ba sel ba'i phyir ro/ /shes pa yod pa nyid ni nus pa'i mtshan nyid dang ldan pa yongs su gzung ba'i phyir yang nyes pa med do/ /'di las gzhan ni dngos po rnams bdag gi bdag nyid las skye ba med de/de dag gi skye ba don med pa nyid du 'gyur ba'i phyir dang / skye ba thug pa med par 'gyur ba'i phyir ro zhes rnam par bshad par byed do/ /de ni rigs pa ma yin te/ gtan tshigs dang dpe ma brjod pa'i phyir dang / gzhan gyis smras pa'i nyes pa ma bsal ba'i phyir dang /glags yod pa'i tshig yin pa'i phyir te/ skabs kyi don las bzlog pas bsgrub par bya ba dang / de'i chos bzlog pa'i don mngon pas dngos po rnams gzhan las skye bar 'gyur ba dang / skye ba 'bras bu dang bcas pa nyid du 'gyur ba dang / skye ba thug pa yod par 'gyur ba'i phyir mdzad pa'i mtha' dang 'gal bar 'gyur ro//gzhan dag na re dngos po rnams bdag las skye ba med pa zhes bya ba de rigs pa ma yin te/ phyogs snga ma rang dgar sbyar ba la sel ba'i phyir / ri bong gi rwa las 'jig rten gsum skye ba sel ba bzhin no zhes zer ro/ /nus pa dang gsal ba ni bdag nyid tha mi dad pa'i phyir bdag gi bdag nyid bzhin te/de las skye ba ni bdag las skye ba zhes bya ba yin pas phyogs snga ma grub bo/ /phyogs rnams rnam par brtags su zin na yang mi rigs pa brjod par bya ba'i phyir de yongs su bzung bas nyes pa med do/ /de ltar na re zhig dngos po rnams bdag las skye ba med do/ /gzhan las min zhes bya ba yang ci zhig ce na/dngos po gang dag gang na yang / /skye ba nam yang yod ma yin/ /zhes bya ba'i skabs yin no/ /gzhan las zhes bya ba ni pha rol las zhes bya ba'i tha tshig go/ /dgag pa'i don rgyas pa dang bcas pa ni snga ma bzhin no/ /'dir yang gzhan gyi bdag nyid chos nyid yin pas phyogs kyi chos mngon no//dpe ni de'i dbang gis so/ /'dir sbyor ba'i tshig ni don dam par nang gi skye mched rnams de dag gi rkyen gzhan dag las skye ba med de/ gzhan yin pa'i phyir/ dper na bum pa bzhin no/ /yang na don dam par gzhan brjod par 'dod pa mig la sogs pa nang gi skye mched 'grub par byed pa dag rkyen ma yin par nges te/gzhan yin pa'i phyir dper na rgyu spun la sogs pa bzhin no/ /ji ste gzhan yin pa'i phyir zhes bya ba de gtan tshigs su mi rung ste/ dam bcas pa'i don gyi phyogs gcig yin pa'i phyir dper na sgra rtag ste/ sgra yin pa'i phyir ro zhes bya ba bzhin no zhe na/ de ni bzang po ma yin te/snyan tshig gi sgra mi rtag ste/ sgra yin pa'i phyir dper na rnga bo che'i sgra bzhin no zhes bya bas dam bcas pa'i don gyi phyogs gcig gtan tshigs nyid du grub pa mthong bas gtan tshigs ma nges pa nyid do/ /bye brag dag las gzhan rdul phra rab kho na las rdul phra mo gnyis la sogs pa'i rim gyis sa dang /chu dang me dang rlung gi rnam grangs cha shas can gyi rdzas skye ba 'grub pa mngon par 'dod pa dag gis phyir zlog par byed de/ gzhan yin pa'i phyir zhes bya ba'i gtan tshigs kyi don yon tan yin par rtog na ni/ don rang la ma grub pa nyid do/ /de las gzhan pa'i don yin par rtog na ni grags pa'i gnod par 'gyur ro zhe'o//de ni bzang po ma yin te/ gzhan gyi blo'i rgyu spyi bo'i chos grub pa kho na ste/ gtan tshigs nyid spyir brjod pa'i phyir dang / de yon tan nyid dam gzhan nyid yin par sems pa yang sems pa gzhan yin pa'i phyir ro/ /grags pa'i gnod par yang mi 'gyur te/dam bcas pa khyad par can yin pa'i phyir ro/ /don dam par sa'i rdul phra rab dag sa zhes bya ba'i rdzas rtsom par byed pa ma yin te/ rdul phra rab yin pa'i phyir dper na me'i rdul phra rab dag bzhin no/ /de bzhin du me'i rdul phra rab dag kyang me'i rdzas rtsom par byed pa ma yin te zhes bya ba la sogs pa yang brjod par bya'o//chos mngon pa la gzhan dag na re/ gzhan nyid ces bya ba gal te 'bras bu'i nus pas stong pa nyid la bya na ni gtan tshigs kyi don ma grub pa nyid do/ /gal te des mi stong pa nyid la bya na ni dpe sgrub pa'i chos dang mi ldan par 'gyur ro zhes zer ro/ /gzhi gzhan la ltos pa gzhan nyid kyi blo bskyed pa spyi'i chos spyir brjod pa'i phyir/ltag chod de ni ma grub pa ltar snang ba dang / sgrub pa dang mi ldan pa ltar snang ba yin no/ /gzhan dag na re/ don dam par phyi dang nang gi skye mched rnams khas ma blangs pa'i phyir chos can ma grub pas gzhi ma grub pa'i phyir khyod kyi don ma grub pa nyid kyi skyon du 'gyur ro zhes zer ro//tha snyad du de'i gzhi bum pa dang mig la sogs pa skye mched rnams dang / gzhan nyid khas blangs pa'i phyir ji skad smras pa'i skyon mi 'thad pas de ni rigs pa ma yin no/ /'di la gzhan ni dngos po rnams gzhan las kyang skye ba med pa ste/ ci'i phyir zhe na/ thams cad las thams cad skye bar thal bar 'gyur ba'i phyir ro zhes rnam par bshad pa byed do//des na de la glags yod pa'i tshig yin pa'i phyir bsgrub par bya ba dang / sgrub pa bzlog pa byas na dngos po rnams bdag gam gnyis sam rgyu med pa las skye bar 'gyur ba dang / 'ga' zhig las 'ga' zhig skye bar 'gyur ba'i phyir phyogs snga ma dang 'gal bar 'gyur ro//gzhan du na yang thams cad las thams cad skye bar thal bar 'gyur ba'i phyir ro zhes bya ba de la sgrub pa dang sun dbyung ba gnyis med pa'i phyir/ de ni don 'brel pa med pa yin te/ dper na/ gla sgang sle tres skyu ru ra dag rims la phan/ /smad 'tshong rnams la snying du sdug pa 'ga' yang med/ /smyig ma'i smyig ma mde'u dag ni lci zhing kha bag yod//zla ba'i 'od zer dag ni tsha ba'i dus na bsil/ /zhes bya ba lta bur 'gyur ro/ /des na de ltar dngos po rnams gzhan las skye ba med do/ /grangs can dag ni byed rgyu rnam par phye ba dang / rnam par ma phye bas sa la sogs pa dang / sa bon gyi mtshan nyid dag las 'bras bu myu gu zhes bya ba skye'o zhes smra zhing gnyis las skye bar sems pas de'i phyir de dag la gnyis las ma yin zhes bya ba 'di bka' stsal te/bdag dang gzhan gnyis las ma yin/ /zhes bya ba'i tha tshig go/ /dgag pa'i don ni snga ma bzhin no/ /ci zhig ce na/ dngos po gang dag gang na yang //skyes pa nam yang yod ma yin/ /zhes bya ba'i skabs yin no/ /ci'i phyir zhe na/ phyogs gnyis kar bstan pa'i sgrub pa dag gis gtad khungs su chud par 'gyur ba'i phyir dang / gnyis las skye bar ston pa'i rjes su dpag pa med pa'i phyir yang ngo zhes bya bar yang dgongs so/ /gcer bur rgyu ba pa'i phyogs dgag pa'i phyir yang /gnyis las ma yin zhes bya ba la sogs pa 'di bka' stsal te/ 'di ltar de dag ni gser gyi sor gdub ni gser dang / me la sogs pa las bdag dang gzhan las skye bar smra ba'i phyir ro/ /de'i phyir de ltar gnyis las ma yin no/ /da ni rgyu med min zhes bya ba brjod par bya ste/rgyu med par zhes bya ba'i tha tshig go/ /ci zhig ce na/ dngos po gang dag gang na yang / /skyes pa nam yang yod ma yin/ /zhes bya ba'i skabs yin no/ /ci'i phyir zhe na/ de ston pa'i rjes su dpag pa med pa'i phyir dang / rjes su dpag pa dang / grags pa'i gnod par 'gyur ba'i skyon yod pa'i phyir yang ngo zhes bya bar dgongs so//de la rjes su dpag pa'i gnod pa ni kun rdzob tu khas blangs pa nang gi skye mched kyi dngos po rnams rgyu med pa las skye ba med de/ spyi dang khyad par nyid dang ldan pa'i phyir/ dper na myu gu bzhin no/ /grags pa'i gnod pa ni 'jig rten 'di na yod pa gang yin pa de ni rgyu las skye bar grags te/dper na rgyu spun dag las snam bu dang / rtsi rkyang dag las sab ma skye ba la sogs pa bzhin no/ /yang na rgyu med ces bya ba ni rgyu ngan pa ste/ chung ma med pa zhes bya ba la sogs pa bzhin no/ /rgyu ngan pa gang zhe na/ ngo bo nyid dang / dbang phyug dang / skyes bu dang / gtso bo dang / dus dang / sred med kyi bu la sogs pa ste/yang dag pa ma yin pa'i phyir ro/ /dngos po rnams rgyu med pa de las skye ba med de/ de las skye bar ston pa'i rjes su dpag pa med pa'i phyir dang / rjes su dpag pa'i gnod par 'gyur ba'i phyir yang ngo zhes bya bar dgongs so/ /de la re zhig ngo bo nyid du smra ba dag na re/ nang gi skye mched rnams ngo bo nyid las skye bar dam bca' ste/ lus sna tshogs 'grub pa'i phyir dper na pad+ma dag gi kha dog dang / dbyibs dang / lo ma dang / chu ba dang / 'dab ma dang / ze ba dang / snying po mdzes pa lta bu dang / rma bya dag gi mgrin pa'i phyogs rin po che mthon ka chen po dang / an da rnyil ltar mthon mthing du 'dug la/mjug sgro'i tshogs dag gi mdongs bkra zhing 'tsher bag yod pa bzhin no zhes zer ro/ /des na de la dam bcas pa'i don de gal te kun rdzob tu nang gi skye mched kun rdzob pa'i shes pa'i spyod yul rnams byed pa po rang dbang can gyi bya ba la mi ltos pa'i phyir dang / sus kyang ma byas pa kho na'i phyir/rkyen nges pa las skye ba yin na ni grub pa la sgrub bo/ /ji ste don dam par na ni dpe med de/ don dam par pad+ma la sogs pa skye bar khas ma blangs pa'i phyir ro/ /rgyu med par smra ba dag kho bo'i phyogs ni thams cad rgyu med pa las 'grub par 'dod la/ bsgrub par bya ba ni gtan tshigs kyis 'grub par 'dod na ni phyogs snga ma dang 'gal lo//ji ste rgyu yod par smra ba la gtan tshigs med par bstan par mi nus pas kla klo la kla klo'i skad bzhin te/ des na gtan tshigs sbyar kyang phyogs snga ma'i gnod pa med do zhe na/ skad gzhan du bsgyur kyang ji ltar rtogs pa'i rtags kho nas rtags can gyi don ston pa'i phyir dper na kla klos phyogs 'di na du ba las me yod do zhes ston par byed pa de la rtags rtogs pa skye ba'i thabs tha dad pa bzhin pas de ni lan du mi rung ngo //'jug stobs can dag na re mer mer po dag dang myu gu la sogs pa ni rkyen med pa las skye la bum pa la sogs pa rkyen dang bcas pa las skye bas/ ngo bo nyid las skye ba ma yin pa'i phyir dngos po thams cad ngo bo nyid las skye ba med do zhes bya ba'i grub pa la sgrub bo zhes zer ro//thams cad las thams cad skye ba bkag pa'i phyir de ni rigs pa ma yin no/ /de ltar re zhig ngo bo nyid las skye ba med do/ /dbang phyug rgyur 'dod pa dag na re/ gang zhig phrar gyur gcig pu skye gnas 'dug /de yis 'di kun skye zhing 'jig par byed//de ni dbang dag mchog sbyin lha mchod bya/ /yon tan byed pa shin tu zhi ba thob/ /skye ba po 'di shes pa yod min te/ /bdag gi bde sdug bdag la rang dbang med/ /dbang phyug gis btang yang na g.yang sa'am/ /mtho ris dag tu 'gro ba kho nar 'gyur/ /zhes zer ro/ /de ni dam bcas pa tsam ste/dbang phyug ni kun rdzob tu yang 'gro ba mtha' dag skye ba'i rgyu yin par mi rung ste/ la la'i dga' ba dang / yongs su gdung ba'i rgyu yin pa'i phyir dper na ba lang rdzi bzhin no/ /yang na 'gro ba ni rgyu byed pa po dbang phyug ces bya ba gcig pu dang ldan pa ma yin par nges te/ gzhal bya yin pa'i phyir dper na dbang phyug bzhin pas kun rdzob tu yang dngos po rnams de las skye ba med do//dbang phyug rgyu yin na yang 'bras bu bdag gi bdag nyid dam/ gzhan du gyur pa'am/ gnyi gar gyur pa zhig 'gyur grang na/ gang yang rung ba gcig tu rtog na yang dgag pa sngar smras pa'i phyir dang / yod pa dang med pa skye ba yang 'gog par 'gyur ba'i phyir don dam par dngos po rnams dbang phyug las skye ba med do//ji ste sems can dang snod du bgrang ba'i 'jig rten sna tshogs kyi rgyu'i las dbang phyug ces bya ste/ gnas pa dang / 'byung ba dang / 'jig pa dang / bde ba dang / sdug bsngal ba dang / yar skye ba dang / mar 'bri ba skyed par byed pa'i phyir ro zhe na yang tha snyad kyi phyogs la ni grub pa la sgrub pa yin no//don dam par ni ma yin te/ don dam par las kyi skye ba yang khas ma blangs pa'i phyir ro/ /skyes bu rgyur 'dod pa dag kyang skyes bu nyid 'gro ba mtha' dag skye ba'i rgyu yin no zhes dam bcas nas/ ba ni ba sgra rnams kyi bzhin//chu shel chu rnams kyi bzhin dang / /blag sha yal ga rnams kyi bzhin/ /de ni lus can kun gyi rgyu/ /de bzhin du skyes bu nyid ni byung ba gang yin pa dang / 'byung ba gang yin pa 'di thams cad kyi'o zhes bya ba la sogs pa dang / de bzhin du de ni g.yo bar byed pa dang / de ni g.yo bar mi byed pa dang /de ni thag ring ba dang / de ni thag nye ba dang / de ni bar ma dang / de ni gnyi ga dang / de ni phyi rol thams cad kyi'o zhes bya ba la sogs pa'o zhe na/ 'dir dgag pa ni dbang phyug rgyur 'dod pa dag gi bzhin du bya'o/ /lhag par yang brjod par bya ste/ lhas byin gyi bdag ni lhas byin gyi lus dang / dbang po'i rgyu ma yin te/bdag yin pa'i phyir dper na mchod sbyin gyi bdag bzhin no/ /yang na mchod sbyin gyi lus dang / dbang po'i tshogs kyi byed pa po ni mchod sbyin gyi bdag ma yin te/ bde ba dang / sdug bsngal dang / shes pa skye ba'i rgyu yin pa'i phyir dper na/ lhas byin gyi lus dang dbang po'i tshogs bzhin no//yang na bcings pa'i bdag ni/ kun gyi rgyu ma yin te/ bdag yin pa'i phyir grol ba'i bdag bzhin pas/ chos kyi rang gi ngo bo bsal bas rang gi dam bcas pa'i skyon du 'gyur ro/ /gal te gtan tshigs kyi don bdag yin pa'i phyir zhes bya ba dam bcas pa'i don gyi phyogs gcig yin pa'i phyir ma grub bo zhe na/lan btab zin pas nyes pa med do/ /gang dag 'di ltar kho bo cag gi bdag ni gcig pu kho na yin te/ de la bum pa la sogs pa'i nam mkha' tha dad par nye bar gdags pa bzhin du/ du ma nyid du nye bar brtags pas des na/ dpe med pa'i phyir rjes su dpag pa'i gnod pa yang med la/dam bcas pa'i skyon du yang mi 'gyur ro zhes zer na/ de ni bzang po ma yin te/ nam mkha' ni ma skyes pas nam mkha'i me tog bzhin du/ dngos po nyid med pa kho na'i phyir gcig pa nyid du grub pa ni tshig tsam du zad pa'i phyir dang / tha snyad du yang spyir khas blangs pa'i bdag gcig pa nyid du ston pa'i rjes su dpag pa med pa'i phyir ro//ci ste bcings pa'i bdag ni grol ba'i bdag las gzhan ma yin te/ bdag yin pa'i phyir grol ba'i bdag bzhin no zhe na/ phung po'i lhag ma med pa'i mya ngan las 'das pa'i dbyings na grol ba'i bdag yod pa nyid dang / gcig pa nyid ma grub pa'i phyir ji skad smras pa'i skyon med par mi 'gyur ro//dpyad pa rgyas pa ni bdag brtag pa'i rab tu byed par mdzad par 'gyur ro/ /rang bzhin rgyur 'dod pa dag ni tshangs pa la sogs pa myu gu'i mthar thug pa can gyi gsal ba rnams skye ba'i rgyu rang bzhin yin par khas blangs nas/ de dag na re/ nang gi bye brag rnams kyi rgyu ni bde ba dang / sdug bsngal dang /gti mug yin par nges te/ de dang ldan pa'i phyir 'di ltar 'jig rten na yang gang zhig gang dang ldan par gyur pa de ni de'i rgyu can yin par shes te/ dper na tsan dan gyi zhogs ma dang / gyo mo dang / snod dang / rgyan la sogs pa bzhin no/ /de bzhin du nang gi bye brag rnams kyang bde ba dang / sdug bsngal dang / gti mug dang ldan pas de'i phyir ji skad smras pa'i gtan tshigs kyis na nang gi bye brag rnams kyi rgyu ni bde ba dang / sdug bsngal dang gti mug yin no/ /gzugs dang / 'du shes dang / 'du byed dang / rnam par shes pa'i mtshan nyid kyi phung po rnams kyang bde ba dang / sdug bsngal dang / gti mug gi ngo bo nyid yin par gzung bar bya ste/ phung po yin pa'i phyir tshor ba'i phung po bzhin pas de'i phyir gtan tshigs kyi don ma grub pa yang ma yin no zhes zer ro/ /de la 'dir tsan dan la sogs pa don dam par ma grub pas dpe med do/ /tha snyad du yang gti mug ni 'du byed kyi phung por gtogs pas dpe ma grub bo//bde ba dang / sdug bsngal dag las gzhan pa shes pa yod pa nyid ma yin pa'i chos rnams ni bde ba dang / sdug bsngal gyi ngo bo nyid ma yin par nges te/ gzhal bya yin pa'i phyir dper na shes pa bzhin pas de'i phyir de ni rjes su dpag pas kyang rigs pa ma yin no/ /shes pa spyir grub pa kho na las dpe nyid blangs pas dpe med pa yang ma yin no//gtso bo ni chen po la sogs pa de kho na'i rgyu ma yin te/ mi gsal ba'i phyir dper na skyes bu bzhin pas rang bzhin rgyur 'dod pa dag gi rang gi rjes su dpag pa la gnod do/ /ji ste mi gsal ba'i phyir zhes bya ba gtan tshigs kyi don gal te gsal ba'i sngon rol gyi gnas skabs la bya na ni dpe sgrub pa'i chos dang mi ldan pa'i skyon du 'gyur la/gal te shes pa yod pa nyid la bya na ni gtan tshigs kyi don mi 'grub bo zhe na/ de ni bzang po ma yin te/ gtan tshigs spyir brjod pa'i phyir ram/ bye brag tu brjod na yang mjug sdud pa'i phyir gcig tu byed pa'i phyir ltag chod de ni ma grub pa ltar snang ba yin no//rang bzhin dang / dus dang / sred med kyi bu rgyur 'dod pa dag spyir dgag pa yang dbang phyug bzhin du blta bar bya'o/ /des na de ltar dngos po rnams rgyu med pa las kyang skye ba med do/ /grangs can dag las kha cig na re/ bdag las ma yin gzhan las min/ /gnyis las ma yin rgyu med min//dngos po gang dag gang na yang / /skyes pa nam yang yod ma yin/ /zhes bya ba la sogs pa smras pa gang yin pa de ma skyes pa ni bden mod kyi/ 'on kyang gsal bar byed do zhes zer ro/ /de dag la 'di skad ces dri bar bya ste/ gang dag cig ji ltar gsal bar byed/ gal te dper na mar mes bum pa la sogs pa bzhin no zhe na/bum pa la sogs pa ma skyes pa dag mar me ma skyes pas ji ltar gsal bar byed/ rta'i rwa ma skyes pa ni nam yang gsal bar byar mi rung ngo / /tha snyad kyi bden pa'i lugs rnam par gzhag pa'i phyir de dag yod par khas blangs na yang smra bar bya ste/mar mes bum pa la ci zhig byed/ gal te gzung bar byed na ni de sngon med pas de nyid byed pa yin no/ /'on te mig gi rnam par shes pa'i gzung ba nyid du byed na ni mun pa dang bcas pa na sngon med pas de nyid byed pa yin no/ /ji ste bum pa bzung ba la bar chad byed pa'i mun pa sel bar byed na yang de nyid byed pa yin no//'on te gzung ba yin na ni de nyid snang ba yin pas yang mar mes ci zhig bya/ kho bo cag gi phyogs la bum pa zhes bya ba yang 'byung ba dang / 'byung ba las gyur pa'i tshogs yin te/ mar me byung ba na snang ba dang lhan cig tu skye bas de'i phyir tha snyad du yang dngos po rang gi rgyu las rgyun gyis 'byung ba'i byed pa'i rgyu nyid yin te/snang ba dang lhan cig tu 'byung ba'i rgyu yin pa'i phyir gsal bar byed pa nyid yin par bsams so/ /don dam par ni skye ba dgag pa bzhin du gsal ba dgag pa yang mtshungs te/ mi gsal ba ni gsal bar mi byed de/ chen po la sogs pa mi gsal ba'i phyir dper na nam mkha'i me tog bzhin no//des na de ltar gsal ba yang bzang po ma yin no/ /'di la gzhan ni dngos po rnams rgyu med pa las kyang skye ba med de/ rtag tu thams cad las thams cad skye bar thal ba la sogs par 'gyur ba'i phyir ro zhes rnam par bshad pa byed do/ /de la yang glags yod pa'i tshig yin pa'i phyir gal te/ bsgrub par bya ba dang /sgrub pa bzlog pa'i tshig gi don mngon par 'dod na des 'di skad bstan par 'gyur te/ dngos po rnams rgyu las skye bar 'gyur ba dang / lan 'ga' kha cig las kha cig skye bar 'gyur ba dang / rtsom pa 'bras bu dang bcas pa nyid du 'gyur ba'i phyir de ni mi rigs te/ sngar smras pa'i skyon du 'gyur ba'i phyir ro//ji ste gzhan du na yang don 'brel pa med pa yin te/ snga ma bzhin no/ /des na de ltar rgyu med pa las kyang ma yin no/ /dngos po gang dag gang na yang / /skyes pa nam yang yod ma yin/ /zhes bya ba ni so sor sbyar bar bya'o / /gang dag ces bya ba ni kun nas nyon mongs pa dang / rnam par byang ba'i dngos po dag go//gang na yang zhes bya ba ni rang gi mdzad pa'i mtha' dang / so so'i rgyud grub pa dag na yang ngo / /nam yang zhes bya ba ni lan 'ga' yang ngo / /de'i phyir rten cing 'brel par 'byung ba skye ba med pa la sogs pa mu stegs byed la sogs pa dang thun mong ma yin pa'i khyad par dang ldan pa 'grub bo/ /da ni rang gi sde pa dag gis smras pa/rkyen rnam bzhi ste rgyu dang ni/ /dmigs pa dang ni de ma thag /bdag po yang ni de bzhin te/ /ston pas mdo sde dang chos mngon pa'i bstan bcos las/ rang dang gzhan gyi gzhung lugs dang / lha yul dang / sa'i steng dag tu bka' stsal to/ /rkyen lnga pa ni yod ma yin//sde pa gzhan gyis yongs su brtags pa'i rkyen mdun du skyes pa dang / yod pa dang / med pa rnams kyang 'di dag nyid du 'dus pa'i phyir ro/ /de la rgyu'i rkyen ni lhan cig 'byung ba dang / skal ba mnyam pa dang mtshungs par ldan pa dang / kun tu 'gro ba dang / rnam par smin pa zhes bya ba ni rgyu lnga po dag go//dmigs pa'i rkyen ni chos thams cad do/ /de ma thag pa'i rkyen ni sems dang sems las byung ba skyes pa rnams las tha ma ma gtogs pa'o/ /bdag po'i rkyen ni byed pa'i rgyu ste/ bzhi po gzhan du gyur pa de dag kho na las skye bar 'dod do/ /de la bstan bcos byed pas dngos po rnams gzhan las skye ba med de zhes dam bcas par gyur pa gang yin pa de ni khas blangs pa la gnod par 'gyur ro//de'i phyir bshad pa/ dngos po rnams kyi rang bzhin ni/ /rkyen la sogs pa yod ma yin/ /zhes bya ba la sogs pa ste/ dngos po rnams kyi zhes bya ba ni mig la sogs pa rnams kyi'o/ / rang bzhin ni zhes bya ba ni rang gi bdag nyid do/ /rkyen la sogs pa zhes bya ba ni khu chu dang khrag la sogs pa la'o/ /sogs pa zhes bya ba'i sgra'i sbyor bas ni tshogs dang dbang phyug la sogs pa gzhan yang bsdu'o/ /yod pa ma yin zhes bya ba na dgag pa'o/ /de med pa'i phyir rkyen de dag su'i gzhan du 'gyur/ de yod du zin na yang de las skye ba med de/rjes su dpag pa'i gnod pa smras zin pa'i phyir de la gnod par mi 'gyur ro/ /gang dag sgrub pa'i don yang dag pa ma yin par tshod dpags su brtags nas kho bo cag ni dngos po rnams gzhan dag las skye ba kho na yin no zhes ni nges par mi 'dzin gyi/ gang dag skye ba de dag ni gzhan kho na las yin gyi/bdag las ma yin par nges par 'dzin pas des na rkyen ma yin pa dag las gzhan nyid yod du zin kyang skye ba med do zhes zer na de las gal te tshig de bdag las skye ba dgag pa lhur len pa yin na ni 'dod pa sgrub pa yin no/ /'on te ma skyes pa rnams gzhan las skye bar ston pa lhur len pa yin na ni/de lta na yang brgal zhing brtag pa mtshungs pa'i skyon du 'gyur ba'i phyir/ de yang mi rung ngo / /ji ste gzhan las skye ba med pa kho na'o zhes bya ba de las gzhan skye ba dgag pa yin na ni dpe sgrub pa yin no/ /de lta na des ni mig la sogs pa khu chu dang khrag la sogs pa rkyen rnams la med pa nyid dang /mig la sogs pa'i rkyen rnams kyang de dag gis stong pa nyid kyi chos smras pa yin no/ /bdag gi dngos po yod min na/ /gzhan gyi dngos po yod ma yin/ /rkyen la sogs pa la bdag gi dngos po yod pa ma yin na'o/ /gzhan gyi dngos po ni gzhan dag las 'byung ngo / /'byung ba ni skye ba ste rkyen rnams la med do//des ni bsgrub par bya ba'i don bstan to/ /de ltar na 'dir yang snga ma bzhin du dpe mngon pas 'bras bu dang / rkyen phyogs su byas pa las sbyor ba'i tshig gnyis su 'gyur te/ don dam par mig la sogs pa skye mched rnams khu chu dang khrag la sogs pa rkyen rnams las skye ba med de/de dag la med pa'i phyir dper na bum pa bzhin no/ /de bzhin du don dam par khu chu dang khrag la sogs pa'i rkyen rnams mig la sogs pa'i skye mched rnams skyed par byed pa ma yin te/ de dag gis stong pa'i phyir dper na thag bzangs la sogs pa bzhin no/ /de bas na bcom ldan 'das kyis don dam par dngos po rnams rgyu la sogs pa rkyen bzhi po dag las skye ba med par bka' stsal ba med par shes par bya'o//rgyu med pa dang / rgyu mi mthun par smra bas blo gros dkrugs pa'i skye bo la rjes su thugs brtse bas tha snyad kyi bden pa ji ltar gnas pa bstan pa'i phyir dang / rgyu dang / dmigs pa dang /de ma thag pa dang / bdag po'i rkyen rnams bka' stsal par shes par bya ste/ de'i phyir khas blangs pa la gnod par mi 'gyur ro/ /yang na gzhan du rnam par brtag ste gang dag dngos po rnams gzhan las skye'o zhes ston par byed pa de dag gi phyir yang 'di dpyad par bya'o/ /'di la/ rkyen rnam bzhi ste rgyu dang ni//dmigs pa de ni de ma thag /bdag po yang ni de bzhin te/ /zhes bya ba de dag dngos po skyed par byed pa yin par 'dod pa dang / sde pa gzhan dag gis yongs su brtags pa dang / bye brag pa la sogs pas yongs su brtags pa/ ming tha dad pa gang dag yin pa de dag kyang mtshan nyid kyis de dag nyid du 'dus pas de'i phyir/rkyen lnga pa ni yod ma yin/ /zhes nges par bya ste brjod do/ /don dam par de dag gzhan nyid yin pa kho nar mi rigs so/ /ji lta zhe na/ de'i phyir/ dngos po rnams kyi rang bzhin ni/ /rkyen la sogs pa yod ma yin/ /zhes bya ba gsungs te/ dngos po rnams kyi zhes bya ba ni/nang gi dang / cha phra ba dang / rags pa rnams kyi'o/ /rang bzhin ni zhes bya ba ni rang gi bdag nyid do/ /rkyen la sogs pa la zhes bya ba ni re zhig rkyen so so dang 'dus pa dag la'o/ /sogs la zhes bya ba'i sgras ni rgyu dang byed rgyu thun mong dang / thun mong ma yin pa tshogs pa dang gzhan dag la yang ngo //yod pa ma yin zhes bya ba ni yod pa ma yin no zhes bya ba'i tha tshig go/ /gang gi tshe ji ltar zhe na/ skye ba'i sngon rol na tha snyad dang don dam par ro/ /bdag gi dngos po yod min na/ /gzhan gyi dngos po yod ma yin/ /zhes bya ba ni bdag gi dngos po skye bar 'dod pa na de nyid yod pa ma yin na/rkyen rnams la gzhan gyi dngos po gzhan nyid yod par ji ltar 'gyur bas gzhan nyid yod pa ma yin pa kho na ste/ gzhan gyi rgyu mtshan med pa'i phyir ro zhes bya bar dgongs so/ /ji ste dngos po skye bar 'dod pa blo la rnam par bzhag nas rkyen de dag gzhan du gyur pa yin te/ ltos pa'i dbang gis so zhe'am/gzhan nyid dang ldan pas so zhes tha snyad 'dogs na de ni tha snyad tsam du zad de/ de dag la gzhan gyi dngos po nyid med pas 'di la mngon par zhen par mi bya'o/ /tha snyad du gzhan nyid yod du zin kyang / don dam par de las skye ba med par sngar bstan zin to/ /grangs can dag phyir zlog par byed de//dngos po'i ngo bo nyid ni rkyen rnams la cha phra ba'i bdag nyid du yod pa kho na yin la/ de yang phyis gsal bar byed par khas blangs pas/ 'bras bu gsal bar ma gyur kyang rkyen rnams gzhan nyid du grub pa'i phyir de ni mi gnod do zhe na/ de ni bzang po ma yin te/ 'jig rten na grags pa bum pa la sogs pa dag gi bdag nyid cha phra ba bstan dka' ba'i phyir dang /gsal ba'i lan yang btab zin pa'i phyir ro/ /grangs can dag las gzhan dag na re gal te 'bras bu'i nus pas stong pa'i rkyen gzhan dag las 'bras bu skye ba med par sgrub pa la sgrub bo/ /'on te skye ba med pa kho na'o zhe na ni ther zug tu gnas par smra bar khas blangs pa'i phyir phyogs snga ma la gnod do zhes zer ro//de ni bzang po ma yin te/ rnam pa thams cad du skye ba 'gog pa'i phyir ro/ /ther zug tu gnas pa yang ma yin te/ dngos po ma skyes pa'i tha snyad du yang yod pa nyid du khas blangs pa'i phyir ro// // dbu ma rtsa ba'i 'grel pa shes rab sgron ma/ bam po gnyis pa/ gzhan dag na re/ rkyen rnams kho nas 'bras bu skyed par byed pa ma yin te/ 'di ltar rnam par shes pa skye ba'i bya ba mig dang / gzugs dang / snang ba dang / nam mkha' dang / yid la byed pa'i rkyen rnams kyis rkyen dang ldan pas de skyed par 'dod do//kho bo cag gis de yang yod par smra bar nus te/ don dam par rnam par shes pa skye ba'i bya ba rang gi 'bras bu skyed par byed pa yin te/ rkyen dang ldan pa'i phyir dper na 'bras chan btso ba'i bya ba phru ba dang / chu dang / 'bras thug po che dang /me dang / bud shing gi rkyen dang ldan pa bzhin no/ /des na rjes su dpag pa sngar smras pa rnams la rtog ge phyi mas gnod par 'gyur ro zhes zer ro/ /'dir bshad pa/ bya ba rkyen dang ldan ma yin/ /gang gi phyir ji skad smras pa'i dpe'i rtog ge phyi mas de la gnod par 'gyur ba 'bras chan btso ba'i bya ba kho bo cag don dam par khas mi len pas pha rol po'i sgrub pa dpe ma tshang ba'i skyon du 'gyur ro//yang na/ bya ba rkyen dang ldan ma yin/ /zhes bya ba ni don dam par rnam par shes pa skyed pa'i bya ba rkyen dang ldan pa ma yin te/ 'bras bu yod pa dang / med pa skye ba phyis 'gog par 'gyur ba'i phyir ro//don dam par de skad brjod na ni bya ba ma skyes pa'i phyir/ gtan tshigs kyi don ma grub pa nyid do/ /spyir de skad brjod na yang don 'gal ba nyid de/ rnam par shes pa'i bdag nyid skye ba'i bya ba rkyen dang ldan pa nyid ni kun rdzob tu shes pa'i yul yin te/ med na mi 'byung ba'i phyir ro/ /'di la gzhan ni gzhan gyi dngos po rnams bdag dang /gzhan la sogs pa las skye'o zhes bya ba 'dis kho bo cag la ci bya ste/ 'di ltar mig la sogs pa ni mig gi rnam par shes pa skye ba'i bya ba'i rkyen yin te/ dper na phru ba la sogs pa btso ba'i bya ba'i rkyen yin pa bzhin no zhes dngos po skye bar bstan pa de dgag pa'i phyir/bya ba rkyen dang ldan ma yin/ /zhes bya ba 'di gsungs te/ rnam par shes pa skyes pa dang ma skyes pa dang / skye bzhin pa la rnam par shes pa skyed pa'i bya ba mi 'thad pa'i phyir ro zhes rnam par bshad par byed do/ /de ni rigs pa ma yin te/ phyogs snga ma dang phyi ma gnyis ka dam bcas pa tsam du zad pa'i phyir ro//'dir sun phyung ba'i don sgro btags nas smras pa/ gal te bya ba ma skyes pa'i phyir bya ba rkyen dang ldan pa med pas dpe med du zin kyang re zhig bya ba ni yod pas de'i phyir ji ltar rjes su 'gro ba yod pa de ltar rjes su dpag pa smra bar bya ste/ rnam par shes pa skyed pa'i bya ba ni rang gi 'bras bu skyed par byed pa yin te/bya ba yin pa'i phyir dper na 'bras chan btso ba'i bya ba bzhin no/ /'dir bshad pa/ rkyen dang mi ldan bya ba med/ /rkyen dang mi ldan pa nyid kyis khyad par can du ma byas pa'i bya ba 'ba' zhig kyang med de/ snga ma bzhin pas smras ma thag pa'i skyon de nyid du 'gyur ro/ /gzhan dag ni tshigs su bcad pa'i don gzhan du smra ste/gang gi phyogs la skye ba'i bya ba rnam par shes pa'i bdag nyid du gyur pa yin pa de'i phyir/ bya ba rkyen dang ldan ma yin/ /zhes bya ba 'di gsungs te/ rnam par shes pa skye ba'i bya ba ni rnam par shes pa bzhin du med pa'i phyir med pa la ldan pa'i don gyi rkyen kyang mi rigs pa'i phyir ro//gang gi phyogs la bdag nyid du gyur pa ma yin pa ngo bo nyid kyis grub pa de'i phyir ni/ rkyen dang mi ldan bya ba med/ /ces bya ba gsungs te/ rkyen dang mi ldan pas rang nyid med pa'i phyir ro zhes zer ro/ /kha cig na re rkyen rnams gcig la gcig phan 'dogs pas/ de ma thag pa'i skad cig la 'bras bu bskyed nus pa'i bya ba bdag nyid thob pa'i skad cig gis dngos po skye bar 'dod pa skyed pa tha snyad du ma btang bas med pa nyid ma yin la/ldan pa'i don gyi rkyen kyang mi rigs pa ma yin pa dang / dam bcas pa tsam gyis gzhan gyi phyogs dam bcas pa tsam sun 'byin par byed pas de ni don ma yin no zhe'o//skye bar smra ba gzhan dag gzhan gyis phyir zlog par byed de/ mig la sogs pa ni mig gi rnam par shes pa skyed par byed pa kho na yin te/ bya ba dang ldan pa'i phyir dper na sa bon dang / sa dang / chu dang / me dang / rlung la sogs pa myu gu skyed par byed pa bzhin no//des na rjes su dpag pa sngar smras pa rnams la rtog ge phyi mas gnod par mi 'gyur ro zhes zer ro/ /'dir bshad pa/ bya ba mi ldan rkyen ma yin/ /'di la don dam par skye ba bkag pa'i phyir bya ba med pas sa bon la sogs pa rkyen rnams de dang ldan pa ma yin la/ bya ba dang mi ldan pa rnams ni rkyen du mi rung bas de dag rkyen nyid du ma grub pa'i phyir dpe ma tshang bas rtog ge phyi mas gnod par mi 'gyur ro//'dir smras pa/ don dam par 'bru la sogs pa la bya ba dang ldan pa nyid yod pa kho na yin te/ kun rdzob tu de ltar khas blangs pa'i phyir gang kun rdzob tu ji ltar khas len pa de ni don dam par yang de bzhin te/dper na ri bong gi rwa med pa bzhin no/ /khyed kyang kun rdzob tu 'bru la sogs pa la bya ba dang ldan pa nyid khas len pas de'i phyir dpe grub pas 'dod pa grub bo/ /'dir bshad pa/ bya ba ldan nam 'on te na/ /ma yin zhes bya ba'i skabs yin no/ /de lta na yang rkyen rnams bya ba dang ldan par mi 'grub ste/tha snyad du yang ri bong gi rwa la bya ba dang ldan pa nyid ma grub pa'i phyir ro/ /don dam par ri bong gi rwa yang med pa nyid du ma grub pa'i phyir/ ji skad smras pa'i skyon med pa ma yin no/ /ci ste yang grangs can dag phyir zlog par byed de/ ri bong gi rwa'i med pa ni dngos po yod pa kho na yin te zhes bstan pa'i phyir dang /khyad par gyi gzhi yin pa'i phyir/ gzugs dang ut+pa la sngon po bzhin no zhe na/ de ni bzang po ma yin te/ don dam par gzugs dang ut+pa la sngon po gnyis kyi yod pa nyid dang / khyad par gyi gzhi nyid ma grub pas dpe ma tshang ba'i phyir ro/ / ci ste kho bo cag gis khyed la gzugs la sogs pa yod par ston mi nus pa de bzhin du/ khyed kyis kyang kho bo cag la gzugs la sogs pa med par ston mi nus par 'dra bas skyon mtshungs so zhe na/ de lta ma yin te/ skye ba bkag pa kho nas skye ba med pa dang ldan pas dngos po nyid bkag pa'i phyir dang / dngos po med par lta ba spangs par 'dod pa yang ston par mi byed pa'i phyir dngos po dang dngos po med par lta ba'i mtha' gnyis su ma lhung ba rnams dngos po dang dngos po med par lta ba'i mtha' gnyis su lhung ba rnams dang mi 'dra bas skyon mtshungs par thal bar ga la 'gyur/dngos po dang dngos po med par ston pa'i rjes su dpag pa med pa kho na'i phyir de bsgrub par mi 'dod pas kho bo cag gi 'dod pa kho na 'grub par 'gyur gyi/rang gi phyogs sgrub pa ni ma yin no/ /yang na skye bar smra ba dag la dri bar bya ste/ 'bras bu skye ba'i sngon rol na rkyen rnams bya ba dang mi ldan pa nyid yin nam bya ba dang ldan pa nyid yin de la gal te brtag pa snga ma ltar 'dod na/'dir bshad pa/ bya ba mi ldan rkyen ma yin/ /'bras bu skyed par byed pa yi/ /zhes bya ba'i tshig gi lhag ma'o/ /bya ba mi ldan zhes bya ba ni brjod par 'dod pa'i 'bras bu bskyed pa'i bya bas stong pa'o/ /gang dag ji skad bstan pa de dag ni de skyed par byed pa ma yin te/des stong pa'i phyir dper na de las gzhan pa bzhin no zhes de bstan zin to/ /'on te bya ba dang ldan pa nyid yin no zhe na/ 'dir bshad pa/ bya ba ldan nam 'on te na/ /ma yin zhes bya ba'i skabs yin no/ /'on te na zhes bya ba'i sgra ni rnam par brtag pa'i don to/ /'di la rkyen rnams bya ba dang ldan pa nyid du ni 'bras bu skyed pas bstan pa yin na/de yang 'bras bu skye ba la mngon du phyogs par ma gyur pa la ni mi 'dod pas de'i phyir gtan tshigs kyi don ma grub pa nyid do/ /mdo sde pa dag na re/ 'bras bu skye ba'i dus kho na rkyen bya ba dang ldan pa rnams gcig la gcig phan 'dogs pas rkyen nyid du khas blangs pa'i phyir/gtan tshigs kyi don ma grub pa yang ma yin la/ rtog ge phyi ma med pa yang ma yin no zhes zer ro/ /'dir bshad pa/ 'di dag la brten skye bas na/ /de phyir 'di dag rkyen zhes grag /'bras bu la sogs pa 'di dag la brten nas 'bras bu skye bas na de'i phyir 'bras bu la sogs pa 'di dag khyed don dam par rkyen yin par 'dod ces grag go//grag ces bya ba'i sgra'i sbyor ba ni 'dir slob dpon mi bzhed par ston pa yin no/ /de'i phyir/ ji srid mi skye de srid du/ /'di dag rkyen min ji ltar min/ /'bras bu ji srid du mi skye ba de srid du 'bras bu la sogs pa 'di dag rkyen ma yin par yang ji ltar mi 'gyur te/'di dag la rkyen nyid med do zhes bya ba'i tshig gi don to/ /dper na ji srid du mi klog pa de srid du mkhas pa ma yin par ji ltar mi 'gyur zhes bya ba bzhin no/ /ji ste 'di skad ces kho bo cag 'bras bu skye ba'i sngon rol na rkyen rnams rkyen nyid du khas mi len pas de'i phyir de mi gnod do zhe na/mi gnod pa ma yin te/ gang gi phyir 'dir rkyen rnams 'bras bu skye ba'i sngon rol du rkyen ma yin pa nyid du bstan pas 'bras bu skye ba'i dus na yang rkyen ma yin pa nyid du bstan bcos mdzad pa ston par bzhed do/ /ji lta zhe na/ don dam par 'bras bu la sogs pa ni myu gu skye ba'i dus na rkyen gyi ngo bo nyid ma yin te/de nyid dang gzhan nyid du brjod par bya ba ma yin pa'i phyir dper na skad cig snga ma la de dag nyid bzhin no/ /'dis ni dngos po rnams bdag dang gzhan dang gnyis las skye ba med do zhes bya ba de la gang dag 'di skad ces de ni grub pa la sgrub pa yin te/'bras bu dang rgyu gnyis kyang de nyid dang gzhan nyid du brjod par bya ba ma yin pa'i phyir te/ brjod par bya ba ma yin du zin kyang de dag 'bras bu skyed par byed pa kho na yin no zhes zer ba de dag kyang de bzhin du dgag par bya'o/ /skye bar smra ba dag yang phyir zlog par byed do//don dam par de dag gi rkyen rnams ni nang gi skye mched rnams skyed par byed pa kho na yin te/ rkyen yin pa'i phyir dper na 'bras bu la sogs pas myu gu skyed par byed pa bzhin no/ /gang skyed par byed pa ma yin pa de la ni rkyen nyid med de/ dper na ri bong gi rwa bzhin no zhes zer ro/ /'dir bshad pa/'di la gal te don dam par rkyen zhig yin par gyur na/ yod pa'am med pa zhig yin grang / de dag gnyi ga'i yin par yang rigs pas mi rung ste/ de'i phyir/ med dam yod pa'i don la yang / /rkyen ni rung ba ma yin te/ /zhes bya ba gsungs te/ 'di ni dam bcas pa gnyis bstan pa yin no//de la med pa'i rkyen du ji ltar mi rung ba de ston pa ni/ med na gang gis rkyen du 'gyur/ /zhes bya ba yin te/ 'di na nam mkha' me tog la sogs pa med pa gang gi rkyen ma lu ta'i lcug ma dag yin par shes par bya ste/ de dag ni nam mkha'i me tog dang ri bong gi rwa gang gi rkyen kyang ma yin no zhes bya ba'i tshig gi don to//de ni chos mthun pa'i dper bstan pa yin no/ /'bras bu med na rkyen gyi chos ni 'bras bu med pa nyid yin la/ 'bras bu'i chos kyang med pa nyid yin no/ /de'i phyir rjes su dpag pa ni don dam par 'bras bu la sogs pa la rkyen gyi ngo bo nyid med de/ de dag gi 'bras bu med pa'i phyir/dper na nam mkha'i me tog med pa'i phyir nam mkha' bzhin no/ /de bzhin du don dam par 'bras bu la sogs pa yang myu gu'i rkyen ma yin te/ med pa'i phyir dper na nam mkha'i me tog bzhin no/ /yang na gang dag 'di skad ces med pa skye bar ni mi 'dod kyi skye ba can ni skye bar 'dod de/ snga na med pa'i phyir ro zhes zer ba de dag gi phyir/med na gang gi rkyen du 'gyur/ /zhes gsungs te/ skye ba'i sngon rol na med pa'i mtshan nyid kyi bum pa dang snam bu dang / sab ma la sogs pa med pa nyid yin na yang med pa gang gi rkyen du 'bras bu la sogs pa 'dod de/ gang gi phyir yang mi 'gyur ro zhes bya ba'i tshig gi don to//de'i phyir yang de khong du chud pa kho nar byed nus te/ don dam par 'bras bu la sogs pa ni myu gu'i rkyen ma yin te/ skye ba'i sngon rol na med pa'i phyir dper na bum pa la sogs pa bzhin no/ /phyogs gnyis pa la yang / yod na rkyen gyis ci zhig bya/ /zhes bya ba yin te/yod na yang myu gu rang gi bdag nyid kyis yod pa la ni tha snyad du yang 'bras bu la sogs pa rkyen yin par mi 'dod de/ skyed pa'i byed pa la mi ltos pa'i phyir dper na skyes pa de nyid dam bum pa la sogs pa gzhan bzhin no zhes bya bar dgongs so/ /de'i phyir gtan tshigs kyi don ma grub pa nyid do//grangs can dag las gang dag yod pa de ni rkyen rnams kyis gsal bar byed pa'i phyir dang / rags pa nyid du byed pa'i phyir/ /yod na rkyen gyis ci zhig bya/ /zhes bya ba de mi rigs so zhes zer na/ de dag gi gsal ba yang bsal zin pa'i phyir dang / rags pa nyid kyang yod pa dang //med pa nyid la ji skad bstan pa'i skyon du 'gyur ba'i phyir de ni gyi na'o/ /mdo sde pa dag na re/ med dam yod pa'i don la yang / /rkyen ni rung ba ma yin te/ /zhes bya ba ni bden na/ 'on kyang 'bras bu skye ba la mngon du phyogs pa'i tshe na/ rkyen rnams gcig la gcig phan 'dogs pa la brten nas 'bras bu bskyed nus pa'i bdag nyid thos pa dag don dam par rkyen nyid du khas len pas de'i tshe na 'bras bu skye bzhin pa'i phyir ni med pa ma yin la/ma skyes pa'i phyir ni yod pa ma yin pas de'i phyir kho bo cag gi phyogs la ji skad smras pa'i bsgrub pa'i gnod pa med do zhes zer ro//'dir bshad pa/ brtag pa de la yang / med dam yod pa'i don la yang / /rkyen ni rung ba ma yin te/ /zhes bya ba yin te/ yod pa dang med pa nyid du brjod par bya ba ma yin pa ni rnam pa gnyis ka ma yin pa'i phyir/ de las gzhan pa bzhin no zhes bya bar dgongs so/ /'di la yod pa dang med pa nyid du brjod par bya ba ma yin par 'dod pa gang yin pa de ni med pa yang ma yin/yod pa yang ma yin pas/ don dam par mig la sogs par de dag mig gi rnam par shes pa dang / myu gu de dag gi rkyen ma yin par shes par bya ste/ de dag gi 'bras bu yod pa dang med pa nyid du brjod par bya ba ma yin pa'i phyir/dper na de las gzhan pa bzhin pas de ni lan ma yin no/ /tha snyad du yod pa la sogs pa'i ngo bo nyid dang bral ba'i dngos po skye ba yang 'grub bo/ /ji ste yang rnam pa gnyis su smra ba dag 'bras bu yod pa dang med pa'i rkyen nyid du khas len pa'i phyir ji skad smras pa'i skyon med do zhes zer na de dag kyang phyogs gnyis kar bstan pa'i sgrub pas rnam pa gnyis su smra ba bstsal ba'i phyir dbugs mi phyin to//de ltar re zhig rkyen rnams spyir dgag pa bstan nas/ de dag khyad par du dgag pa'i rnam pa 'dod pas 'di bshad do/ /re zhig rgyu'i rkyen gyi dbang du byas nas/'di la rkyen rnams spyi yin yang bskyed par bya ba skyed pa'i rkyen gang yin pa de rkyen du 'dod do/ /'o na bskyed par bya ba skye ba ni tshogs pa la rag las pa'i phyir bskyed pa nyid ni gcig pu ma yin no zhe na skye ba dgag pa'i phyir de mi 'thad pa ni 'dod mod kyi/ 'on kyang tha snyad pa'i rgyu rnam par gzhag pa khas blangs nas don dam pa'i rgyu'i rgyu nyid ji ltar mi 'thad pa de ltar bshad par bya'o//'di la rgyu ni 'di yin te/ /yod pa'am med pa'am/ yod med cig sgrub pa yin par 'dod grang na/ de yang / gang tshe chos ni yod pa dang / /med dang yod med mi sgrub pa/ /de yi tshe na don dam par//ji ltar sgrub byed rgyu zhes bya/ /de ni sgrub par byed pa ma yin pa kho na ste/ yod pa'i phyir dang / med pa'i phyir bdag dang / gzhan bzhin du rjes su dpag pa'i gnod par 'gyur ba'i phyir dang / phyogs gnyi ga'i skyon du 'gyur ba'i phyir ro zhes bya bar dgongs so/ /de ltar rgyu'i rgyu nyid mi 'thad pa'i phyir de yang mi 'thad do//rgyu'i rgyu nyid ni bskyed par bya ba mngon par bsgrub pas bstan pa yin na/ yod pa la sogs pa'i mtshan nyid kyi bdag nyid kyis mngon par sgrub par mi byed pa'i phyir rgyu can rgyu las skye ba ni/ tha snyad pa yin la / rgyu yang de dang 'dra ba kho nar 'gyur bas grub bo//yang na rang gi sde pa dag yang phyir zlog par byed de/ nang gi skye mched rnams skyed par byed pa rgyu la sogs pa ni yod pa kho na yin te/ de ltar de bzhin gshegs pas gsungs pa'i phyir dang gang de bzhin gshegs pas ji skad gsungs pa de ni de bzhin te/ dper na mya ngan las 'das pa ni zhi ba'o zhes bya ba bzhin no//de ltar yang bcom ldan 'das kyis rgyu ni sgrub par byed pa'o/ /dmigs pa ni sems dang sems las byung ba rnams kyi dmigs pa'o/ /de ma thag pa ni sems dang sems las byung ba 'gags ma thag pa rnams las tha ma ma gtogs pa'o/ /bdag po ni gang yod na gang 'byung ba de yin no zhes gsungs pas/de ltar rgyu la sogs pa rkyen rnams rkyen gyi ngo bo nyid du yod pa'i phyir/ gtan tshigs grub pas 'dod pa'i don nyams par mi 'gyur ro zhes zer ro/ /'dir bshad pa/ kun rdzob tu de ltar khas blangs pa'i phyir dang / dpe'i skyon brjod pas lan btab zin pa'i phyir de ni rigs pa ma yin no/ /yang brgal zhing brtag par bya ste/'dir khyod kyi gtan tshigs kyi don du 'dod pa gang yin/ de bzhin gshegs pas kun rdzob tu de skad gsungs pa'i phyir ram/ 'on te don dam par gsungs pa'i phyir gal te kun rdzob tu na ni rang la don ma grub pa nyid do/ /'on te don dam par na ni/ /gang tshe chos ni yod pa dang //med dang yod med mi bsgrub pa/ /de'i tshe 'bras bu yod pa dang med pa dang / gnyi ga'i bdag nyid kyi rkyen bstsal ba'i phyir/ ji ltar sgrub byed rgyu zhes bya/ /de lta yin na mi rigs so/ /de ni sgrub par byed pa'i rgyu ma yin pa kho na'o zhes bya ba'i tshig gi don to/ /de'i phyir don dam par bsgrub par bya ba dang /sgrub par byed pa nyid ma grub pa'i phyir gtan tshigs kyi don ma grub pa nyid dang / don 'gal ba nyid do/ /gzhan dag na re/ dbu ma'i bstan bcos la gzhung mi gzugs pa'i rnam pa yongs su bzung bas ngo bo nyid med pa nyid bstan par bya ba yin pas de la dgag par bya ba ni gnyis te/rjod pa la mngon par zhen pa dang / brjod par bya ba la mngon par zhen pa'o/ /de la skye ba bkag pas ni brjod par bya ba la mngon par zhen pa bkag go/ /rjod pa la mngon par zhen pa dgag pa'i rnam pa 'dod pas/ gang tshe chos ni yod pa dang / / med dang yod med mi bsgrub pa/ /ji ltar sgrub byed rgyu zhes bya/ /de lta yin na mi rigs so/ /zhes bya ba 'di gsungs so/ /'di la bsdus pa'i don ni sgrub par byed pa'i phyir rgyur 'dod na/ de yang 'bras bu yod pa dang med pa dang / gnyi ga'i bdag nyid la yang mi srid pas rgyur brjod pa la 'jug pa'i byed rgyu med pa'i phyir/rgyu'i rgyu nyid mi rigs pas dngos po rnams skye ba kho na yin te/ rgyu yod pa'i phyir ro zhes smras pa gang yin pa de ma grub bo zhes zer ro/ /gzhan dag na re don dam par dngos po rnams skye ba kho na yin te/ rgyu yod pa'i phyir ro zhes smras pa ni dngos po yod pa dang / med pa dang / gnyi ga'i bdag nyid mngon par sgrub par mi byed pa'i phyir rgyu'i mtshan nyid mi 'thad pas gtan tshigs kyi don ma grub pa nyid do zhes zer ro/ /de ni bzang po ma yin te/ lan btab zin pa'i phyir ro/ /de ltar re zhig rgyu'i rkyen gyi rkyen nyid mi rigs so/ /de ni dmigs pa'i rkyen gyi rkyen nyid kyang ji ltar ma rigs pa de ltar dpyad par bya ste/yin pa'i chos 'di dmigs pa ni/ /med pa kho nar nye bar bstan/ /zhes bya ba la/ yin pa'i zhes bya ba ni gyur pa'i zhes bya ba'i tha tshig go/ /chos zhes bya ba ni rang gi mtshan nyid 'dzin pa'i phyir ro/ /'di zhes bya ba ni mig gi rnam par shes pa la sogs pa blo la bzhag pa bstan pa'o//dmigs pa zhes bya ba ni de dag dmigs par bya ba yin pa ste / dmigs pa ni gzung ba zhes bya ba'i don gang yin pa'o/ /dmigs pa med pa kho na zhes bya ba ni/ dmigs pa med pa nyid du'o/ /ji ltar dmigs pa med ce na/ don dam par de dag skye ba bkag pa'i phyir ro/ / skye bzhin pa la yang dmigs pa med de/ skye bzhin pa'i phyir gzugs bzhin no/ /de'i phyir de ltar yin pa'i chos 'di dmigs pa med pa kho nar nye bar bstan to/ /dmigs pa dang bcas pa zhes bya ba ni tha snyad kyi bden pa'i lugs rnam par gzhag pa'i phyir te/ dmigs pa gang gis skye ba na/ /der snang ba skye ba'i phyir dmigs pa dang bcas pa zhes bya'i/nor can bzhin du dus gcig kho nar 'brel pa'i phyir ni ma yin no/ /de'i phyir/ de ltar chos ni dmigs med na/ /zhes bya ba ni don dam par dmigs par byed pa med pa'i phyir ro/ /'ga' zhig gis dmigs par byed pa ma yin pa'i dmigs pa nyid yongs su brtags pa yang mi 'thad pa'i phyir/dmigs pa yod par ga la 'gyur/ /'di la dmigs pa med pa kho na yin no zhes bya ba'i tshig gi don te/ dper na mtshams med pa byed pa la mngon par rtogs pa yod par ga la 'gyur zhes bya ba bzhin no/ /de lta na yang gtan tshigs de nyid kyi don ma grub pa nyid dang /don 'gal ba nyid do/ /gzhan dag yang rnam par brtag pa mtshungs par ltag chod sbyor bar byed de/ gzugs ni dmigs pa med pa yin te/ gzugs kyi phung por gtogs pa'i phyir ro zhes bya ba gang yin pa ni bstan bcos las kyang dmigs pa med pa'i chos rnams gang zhe na/gzugs dang mya ngan las 'das pa'o zhes 'byung bar rigs na sems dang sems las byung ba rnams la dmigs pa med pa nyid du khas len pa gang yin pas ni dmigs pa dang bcas pa'i chos rnams gang zhe na/ 'di lta ste/ sems dang sems las byung ba rnams so zhes 'byung ba de khas len pas mi rigs so zhe na/de ni rigs pa ma yin te/ dpe bsgrub pa'i phyir ro/ /'byung ba las gyur pa ma yin pa nyid gtan tshigs su brjod na yang dpe med pa'i phyir ro/ /gal te gzung ba ni dmigs pa'o zhes de dag gi don la rtog na yang sems dang sems las byung ba'i gzung ba nyid 'gog par 'gyur ba'i phyir te/ji skad gsungs pa'i tshul nyid kyis don dam par rnam par shes pa dmigs par byed pa nyid du khas ma blangs pa'i phyir ro/ /bcom ldan 'das kyis kyang rab kyi rtsal gyis rnam par gnon pa gzhan yang byang chub sems dpa' de ltar spyod na gzugs la mi dmigs so/ /byang chub dang ldan pa'i bar la mi dmigs so//de ci'i phyir zhe na/ rab kyi rtsal gyis rnam par gnon pa chos thams cad ni dmigs pa med de/ gang la 'di dag gi dmigs par 'gyur ba'i gzung ba'i chos rnams la cung zad kyang med pa'i phyir ro/ /rab kyi rtsal gyis rnam par gnon pa 'di ltar gzugs ni gzugs kyi spyod yul ma yin la rnam par shes pa'i bar yang rnam par shes pa'i spyod yul ma yin no//rab kyi rtsal gyis rnam par gnon pa spyod yul ma yin pa'i phyir gzugs kyis gzugs mi shes mi mthong ngo / /rnam par shes pa'i bar gyis kyang rnam par shes pa mi shes mi mthong ngo //gzugs dang / tshor ba dang / 'du shes dang / 'du byed dang / rnam par shes pa rnams mi shes mi mthong ba gang yin pa 'di ni shes rab kyi pha rol tu phyin pa'o zhes gsungs so/ /de ltar dmigs pa'i rkyen kyang brtags zin to/ /da ni de ma thag pa'i rkyen gyi skabs su bab pas de brtag par bya'o//'di la don dam par chos thams cad rnam pa thams cad du bkag pa'i phyir chos rnams ma skyes so zhes de bstan zin pas de'i phyir/ chos rnams skyes pa ma yin na/ /'gag pa 'thad par mi 'gyur ro/ /ma skyes pa'i phyir mgo gnyis pa dgag pa bzhin no/ /des cir 'gyur zhe na/ de phyir de ma thag mi rigs//don dam par te/ de nyid don dam par ma grub pa nyid dang don 'gal ba nyid do/ /yang na spyir skye ba khas blangs na yang bshad par bya ste/ 'di la de ma thag pa ni 'di yin te/ sems dang sems las byung ba'i tshogs 'gag pa de de ma thag pa'i rkyen yin par 'dod na de yang tshogs skye bar 'dod pa'i rkyen nyid du mi rigs te/'gag pa'i phyir rnam par shes pa 'gags nas yun ring du lon pa bzhin nam/ gzugs bzhin no/ /de la ni/ 'gags na rkyen yang gang zhig yin/ /de ni rkyen du mi srid pa kho na yin te/ 'gags pas ni dngos po skye bar 'dod pa la phan 'dogs par mi nus pa'i phyir ro zhes bya bar dgongs so//kyang zhes bya ba'i sgra ni de ma thag pa'i rkyen nyid ma yin pa dang / spyi'i rkyen kyang ma yin no zhes dgag pa bsdu ba'i phyir ro/ /ci ste rgyu dang rkyen so sor nges pa'i dbang gis dngos po skye bzhin pa na 'gag bzhin pas go skabs 'byed pas phan 'dogs pa'i phyir dang /gal te de las gzhan pa 'das pa'i skad cig dag gis bar du ma chod pa'i phyir de ma thag pa'i rkyen nyid 'grub pas nyes pa med do zhe na/ gzugs can ma yin pa rnams yul na mi gnas pa'i phyir dang / drug po 'das ma thag pa yi/ /rnam shes gang yin de yid de //zhes bya bas 'gags ma thag pa'i yid rkyen nyid yin pa'i phyir lan du mi rung ngo / /'gag bzhin pa rkyen nyid du rtog na yang kha cig na re/ dus mnyam pa'i phyir de ma thag pa'i rkyen du mi rung ngo zhe'o/ /gzhan dag ni tshigs su bcad pa'i phyed 'og ma/ de phyir de ma thag mi rigs/ / 'gags na rkyen kyang gang zhig yin/ /zhes bya ba ni ma skyes pa la yang bya ste/ kyang zhes bya ba'i sgra ni 'dir ma skyes pa la ltos par blta bar bya'o/ /sa bon dang myu gu zhig pa dang / ma skyes pa gnyis ni med pa'i phyir sa bon dang myu gu 'gags pa dang skye ba gnyis rgyu med par thal bar 'gyur ro zhes rnam par bshad pa byed do//de ni bzang po ma yin te/ gal te don de 'dod na 'gags pa'i 'gag pa la rgyu med pas rnam par mi gnas pa de las skye bar 'dod pa skye bar rtog na 'gag pa dang skye ba gnyis la rgyu med pa nyid du 'gyur la/ bzlog pa las ni ji skad smras pa'i skyon med do/ /de'i tshe glags yod pa'i tshig yin pa'i phyir bsgrub par bya ba dang /sgrub pa bzlog pa'i tshig gi don mngon pas cir 'gyur zhe na/ 'gags pa ni rkyen ma yin te/ rgyu can yin pa'i phyir ro/ /skye ba yang sems dang sems las byung ba'i tshogs ma zhig pa'i rgyu dang ldan pa yin te/ rgyu can yin pa'i phyir ro/ /de yang rigs pa ma yin te/snga ma la ni gtan tshigs mi 'grub pa'i phyir ro/ /phyi ma la ni phyogs snga ma dang 'gal ba'i phyir te/ thams cad las skye ba bkag pa'i phyir ro/ /de ltar na tshigs su bcad pa des kyang de ma thag pa'i rkyen bstsal ba'i phyir gtan tshigs de nyid don ma grub pa nyid kyi skyon nam/ don 'gal ba nyid kyi skyon du 'gyur ro//de ltar de ma thag pa'i rkyen kyang dpyad zin to/ /da ni bdag po'i rkyen gyi skabs su bab pas de dpyad par bya'o/ /khyed ni gang yod na gang 'byung ba de bdag por 'dod do/ /'dir kho bo cag gi phyogs la ni don dam par skye ba med par bstan pas dngos po rnams rang gi bdag nyid ma thob cing / sgyu ma bzhin du ngo bo nyid kyis stong pa de'i phyir 'di ltar/dngos po rang bzhin med rnams kyi/ /yod pa gang phyir yod min na/ /yod pa nyid ma yin na'o/ /don dam pa 'ba' zhig tu yang ma zad kyi/ ji ltar 'jig rten gyi tha snyad du yang ste/ rgyu nyi tshe yod du zin kyang 'bras bu skye bar khas ma blangs pa'i phyir/'di yod pas ni 'di 'byung zhes/ /bya ba de ni 'thad ma yin/ /de'i phyir khyed la gtan tshigs kyi skyon de nyid rjes su 'brang ngo / /gang dag de dag yod par ston pa na kun rdzob tu de ltar khas blangs pa'i phyir dper na mya ngan las 'das pa ni zhi ba'o zhes bya ba lta bu'o zhe na/ de dag gi dpe'i skyon snga ma bzhin no//'dus byas mi rtag pa la sogs pa'i nyes pas skyon chags pa las 'dun pa bzlog nas/ de la nye bar 'dun par bya ba'i phyir mya ngan las 'das pa ni zhi bar bstan pa yang tha snyad kyi bden par gtogs pa yin gyi/ don dam par de yod pa ni ma yin no/ /bcom ldan 'das kyis kyang rnam par rtog pas sgro btags nas/gdul ba'i skye bo chos zab mo la mos pa rnams yang dag par dbugs dbyung ba'i phyir zhi ba la sogs pa'i yon tan dag gis mya ngan las 'das pa yang dag par bsngags pa mdzad pa yang tha snyad kyi bden pa khas blangs pa'i phyir ro/ /don dam par ni mya ngan las 'das pa yang yod pa nyid la sogs pa'i ngo bo nyid kyis stong pa'i phyir dpe med pas gtan tshigs ma grub ste/de med pas 'dod pa'i don mi 'grub bo/ /de ltar rkyen nyid bkag tu zin kyang / yang gzhan dag phyir zlog par byed de/ don dam par mig la sogs pa nang gi skye mched dag sgrub par byed pa'i rkyen rnams yod pa kho na yin te/de rnams kyi 'bras bu skye ba'i phyir dper na myu gu sgrub par byed pa'i rkyen 'bras bu la sogs pa bzhin no/ /gang med pa de la ni rkyen yang med de/ dper na rus sbal gyi spu'i gos bzhin no zhe na/ de dag la 'di skad ces dri bar bya ste/ ci khyed kyi rkyen so so ba dang 'dus pa dag la 'bras bu'i bdag nyid kyis yod dam/'on te med/ de las cir 'gyur/ gal te yod na phyogs de'i lan ni/ yod na rkyen gyis ci zhig bya/ /zhes lan btab zin to/ /ji ste med na de'i lan yang / /med na gang gis rkyen du 'gyur/ /zhes lan btab zin to/ /'on kyang yang bshad par bya ste/gang gi tshe/ rkyen rnams so so 'dus pa la/ /'bras bu de ni med pa nyid/ /de'i tshe/ rkyen rnams la ni gang med pa/ /de ni rkyen las ji ltar skye/ /don dam par 'bras bu skye ba med pa kho na ste/ rkyen rnams la med do zhes bya ba'i tshig gi don to/ /rgyu spun dag las zho ji ltar 'byung ste de dag la zho med pa'i phyir ro//ji ste 'bras bu la sogs pa las myu gu la sogs pa med bzhin du yang skye ba tha snyad kyi yan lag tu gyur pa byis pa'i blo can spyi'i spyod yul du gyur pa mthong nas don dam par yang mig la sogs pa nang gi skye mched rnams skye bar 'dod do zhe na de'i phyir bshad pa/ji ste de ni med par yang / /rkyen de dag las skye 'gyur na/ /'o na lta/ rkyen min las kyang 'bras bu ni/ /ci yi phyir na skye mi 'gyur/ /des na 'di la glags yod pa'i tshig yin pa'i phyir rkyen ma yin pa dag las 'bras bu med pa mi skye ba bzhin du/ rkyen rnams las kyang mi skye bar nges te/ dper na gal te sgra byas pa rtag na bum pa byas pa yang ci'i phyir mi rtag ces bya ba lta bu'o/ /de skad smras na sgra ni mi rtag ste/ /byas pa'i phyir bum pa bzhin no zhes bya ba'i don de rtogs par 'gyur ro/ /des na 'dir sbyor ba'i tshig ni don dam par myu gus stong pa'i 'bras bu la sogs pa las de skye bar mi 'thad de/'bras bu yin pa'i phyir dper na zho bzhin no/ /de'i phyir ji skad smras pa'i skyon med pa ma yin no/ /'dir smras pa/ don dam par nang gi dngos po rnams kyi rkyen rnams yod pa kho nar bzung ste/ de dag las byung ba'i phyir dper na bum pa bzhin no zhes bya ba ni de dag las gyur pa'i phyir zhes bya ba'i tha tshig go//gyur pa la byung ba zhes brjod pa'i phyir dper na bum pa ni 'jim pa las byung ba'o zhes bya ba bzhin no/ /'dir bshad pa/ 'bras bu rkyen las byung yin na/ /rkyen las gyur pa yin na'o/ /rkyen rnams rang las byung ma yin/ /rkyen gyi ngo bo nyid ma yin no zhes bya ba'i tha tshig go/ /ngo bo nyid la byung ba zhes brjod pa'i phyir dper na bram ze'i snying ni mar las byung ba bzhin no zhes bya ba lta bu'o//rkyen rnams ji ltar rkyen gyi ngo bo nyid ma yin pa de ltar ni sngar bstan zin pa de'i phyir/ rang byung min las 'bras bu gang / /de ni ji ltar rkyen las byung / /don dam par 'bras bu rkyen las byung ba ma yin no zhes bya ba'i tshig gi don to//dper na gal te ba rA ta gzhon nu nas tshangs par spyod pa yin na b+ha ba ra ta ji ltar de'i bu yin zhes zer ba lta bu ste/ sgyu ma mkhan gyis sprul pa'i 'jim pa'i gong bu de'i ngo bo nyid kyis stong pa las skyes pa'i bum pa ni mkhas pa rnams kyis tha snyad du yang /de las gyur pa yin no zhes rtogs par mi bzod pas/ de phyir rkyen las byung ma yin/ /de'i phyir 'bras bu rkyen las byung ba ma yin no/ /des na dpe med de/ bsgrub par bya ba dang / sgrub pa'i chos ma tshang ba'i phyir snga ma bzhin du gtan tshigs kyi don ma grub pa nyid dam/ don 'gal ba nyid du 'gyur ro/ /'dir gzhan gyis sun phyung ba'i don sgro btags nas smras pa/ gal te 'bras bu rkyen las byung ba med pas rjes su dpag pa med par bstan du zin kyang / 'bras bu ni 'bras bu'i ngo bo nyid mi 'dor bas de ma bkag pa'i phyir gzhan gyis kyang brjod par nus te/ don dam par nang gi skye mched rnams kyi rkyen rnams yod pa kho na yin te/ 'bras bu yin pa'i phyir dper na myu gu la sogs pa bzhin no/ /'dir bshad pa/ rkyen min las byung 'bras bu ni/ /yod min / rkyen ma yin pa las gyur pa'i 'bras bu ni tha snyad du yang rtogs par mi nus na/ don dam par lta smos kyang ci dgos/'dir smras pa/ gal te don dam par rkyen rnams rkyen gyi ngo bo nyid kyis stong na/ 'o na ni rkyen rnams rkyen ma yin pa'i ngo bo nyid kyis mi stong par khas blangs pa yin pas des na rkyen ma yin pa grub pas 'dod pa 'grub bo/ /de ni bzang po ma yin te/ kho bo cag gis rkyen ma yin te zhes bya ba ni rkyen gyi ngo bo nyid dgag pa tsam bstan pa yin te/med par dgag pa'i don gyi dgag pa yongs su bzung ba'i phyir rkyen ma yin pa'i ngo bo nyid ni mi ston to/ /sbyor ba rnam par dbye ba byas nas rkyen min zhes bya ba dang / rkyen du ga la 'gyur zhes bya ba bshad de/ rkyen ma yin pa rnams rkyen gyi ngo bo nyid du mi 'gyur ro zhes bya ba'i tshig gi don to//yang na ji skad bstan pa'i tshul gyis 'bras bu yod pa dang / med pa skye ba bstsal bas/ de'i phyir 'bras bu med pas na/ /rkyen min rkyen du ga la 'gyur/ /de'i bdag nyid ma yin pa'i rkyen 'thad pa med pa rnams rkyen du ga la 'gyur te/ mi 'gyur ba kho na yin no zhes bya ba'i tshig gi don to//de'i blo dang sgra 'jug pa'i rgyu mtshan can de dag gi 'bras bu med pa kho na'i phyir ro zhes bya bar dgongs so/ /'dir/ rkyen rnam bzhi ste rgyu dang ni/ /dmigs pa dang ni de ma thag /bdag po yang ni de bzhin te/ /zhes bya ba man chad gzhan gyis smras pa'i rkyen rnams kyi ngo bo nyid dang /bye brag bstsal ba'i dbang gis de mjug bsdus te/ 'dir rab tu byed pa'i don ni skye ba med pa bstan pa yin pas/ de'i phyir rten cing 'brel par 'byung ba skye ba med pa'i khung / gang zhig rkyen las skye ba de ma skyes/ /de la ngo bo nyid kyis skye ba med/ /gang zhig rkyen la ltos pa de stong gsungs//gang gis stong nyid shes te bag yod yin/ /zhes bya ba dang / de bzhin du/ gang la cung zad skye med cing / /'gag pa'ang cung zad yod min pa/ /'gro ba dben mthong de la ni/ /yod pa nyid dang med nyid med/ /ces bya ba dang / de bzhin du/ de bzhin gshegs pa rtag tu skye med chos//chos rnams thams cad bde bar gshegs dang 'dra/ /zhes bya ba dang / de bzhin du 'jam dpal de'i phyir/ khyod kyis rnam grangs des kyang 'di ltar rig par bya ste/ skye ba med pa dang 'gag pa med pa zhes bya ba de ni de bzhin gshegs pa'i tshig bla dgas yin no zhes bya ba dang /de bzhin du gang du sred pa thams cad 'gag pa de ni skye ba med pa'o/ /gang skye ba med pa de ni byang chub bo/ /'jig rten ni skye ba la mngon par zhen te/ 'di la sangs rgyas 'byung ba yang med la/ mya ngan las 'das pa yang med do zhes bya ba dang / de bzhin du/ gang gis phung po skye med cing / / 'byung ba med par yongs shes pa/ /de dag 'jig rten spyod 'gyur yang / /'jig rten 'di na gnas pa min/ /zhes bya ba la sogs pa gsungs pa de dag grub pa yin no/ /slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/ rkyen brtag pa zhes bya ba ste rab tu byed pa dang po'o// //da ni rten cing 'brel par 'byung ba 'ong ba med pa dang / 'gro ba med pa'i khyad par dang ldan pa bstan par byed pa'am/ rab tu byed pa dang por dngos po thams cad skye ba med par bstan pa'i mi mthun pa'i phyogs bstsal bar byed pa'i dbang gis rab tu byed pa gnyis pa brtsam mo//gzhan dag ni slob ma skye ba med pa'i rigs pa thob pas dad pa skyes pa 'jig rten la grags pa'i 'gro ba dang 'ong ba dgag pa nyan 'dod pa'i don du rab tu byed pa gnyis pa brtsam mo zhes rjod par byed do/ /gzhan ma yin pa na re de ni rigs pa ma yin te/ tshad ma ltar snang bas sems phyin ci log tu gyur pa ni de skad 'dri bar mi rigs pa'i phyir te/de ni 'gro ba yod par bstan pa'i phyir dang / skye ba yod par bstan pa'i phyir/ rjes su dpag pa smra bar 'gyur ba'i rigs so/ /tshad ma ltar snang bas sems rmongs par gyur pa yang don dam par 'gro ba med pa zhes bya ba de ji ltar rigs te/'dri ba tshul dang mthun pa ma yin pa'i phyir ro/ /mi shes pa'i 'dri ba yin par brtags na ni bstan bcos phal pa'i spyod yul yin par 'gyur ba'i phyir ro zhe'o/ /'jig rten na ni phal cher bya ba mang po'i tha snyad kyi dbang gis bya ba'i dngos po la mngon par zhen pas mngon par zhen pa'i zug rngu de bsal ba'i phyir 'gro ba'i mtshan nyid kyi bya ba gcig bstsal na/bya ba lhag ma dag bstsal pa yang sla bas/ de'i phyir phyogs snga ma nye bar gzhag go/ /'di la skabs kyi don gyi mi mthun pa'i phyogs su gyur pa snang ste/ nang gi dngos po rnams skyes pa kho na yin te/ de dag gi yul dang ldan pa'i tha snyad byed pa'i phyir ro//'di la gang mi skye ba ni de dag gi yul dang ldan pa'i tha snyad mi byed de/ dper na mo gsham gyi bu 'gro bar mi byed pa bzhin no/ /lhas byin dang khyab 'jug bshes gnyen ni de ltar 'gro bar byed pa ma yin pas/ de'i phyir nang gi dngos po rnams skye ba kho na yin no//phyogs snga ma nye bar bzhag pa bstsal ba'i phyir 'di bshad de/ gal te sbyin pa dang / tshul khrims dang / bsam gtan la sogs pa'i sgrub par gyur pa skye ba dang / 'gro ba dang 'ong ba 'jig rten la grags pa dag sgrub na ni grub pa la sgrub pa yin no/ /'on te don dam par rnal 'byor pa mnyam par gzhag pa shes rab kyi mig gis dngos po rnams kyi yang dag pa ji lta ba bzhin nyid mthong ba'i skye ba dang 'gro ba dang /'ong ba dag yod par sgrub na ni de dag gi yul dang ldan pa'i tha snyad byed pa'i phyir ro zhes bya ba'i gtan tshigs kyi don ma grub pa nyid de/ 'gro ba yang skye ba dgag pa kho na bzhin du dgag pas 'gro ba bkag pa'i phyir ro//spyi'i rnam pa gnyis ka'i phyogs la grags pa gtan tshigs su rtogs na yang rjes su 'gro ba med pa'i phyir dang / mi mthun pa'i phyogs 'ba' zhig la de rjes su 'gro ba'i phyir gtan tshigs kyi don 'gal ba nyid do/ /yang bshad pa/ 'di la gal te don dam par 'gro ba yod par gyur na de song ba'am ma song ba'am/bsgom pa la yod par 'gyur grang na/ de la yang / re zhig song la 'gro med de/ /de la 'gro ba'i bya ba 'das zin pa'i phyir ro/ /don de ni gzhan dag la yang grags pas bsgrub par mi bya'o/ /de smos pa ni gzhan 'dod pa'i dpe nyid du bzhed pa'i phyir ro//de'i chos ni lam nyid yin la/ ma song ba'i yang de dang 'dra bas/ de'i phyir/ ma song ba la'ang 'gro ba med / /lam yin pa'i phyir song ba'i lam bzhin no zhes bya bar dgongs so/ /yang na ma song ba zhes bya ba ni 'gro ba'i bya ba ma brtsams pa ste de'i chos ni ma song ba nyid yin no/ /dpe ni bsgrub par bya ba dang /sgrub pa'i chos kyi dbang gis te/ /gnyi ga la grags pa'i chos dang ldan pa'i chos can 'gro bar mi 'dod pa'i lam yin no/ /'dir rjes su dpag pa ni ma song ba la 'gro ba med de ma song ba yin pa'i phyir dper na de las gzhan pa 'gro bar mi 'dod pa'i lam bzhin no/ /'di la 'ug pa pa dag na re/ci ma song ba de la lhas byin 'gro ba'i bya ba ma skyes pas 'gro ba med par ston tam/ 'on te 'gro ba'i bya ba skyes pas 'gro ba med par ston/ des cir 'gyur/ gal te brtag pa snga ma ltar 'dod na ni grub pa la sgrub pa yin no/ /'on te brtag pa phyi ma ltar 'dod na ni gtan tshigs kyi don 'gal ba nyid yin pas des na gtan tshigs snga ma'i don ma grub pa nyid ma yin no//gal te rdzas las gzhan pa'i 'gro ba ma grub pas de rigs pa ma yin no zhe na/ lhas byin 'gro ba dang ldan pa yin no snyam pa'i blo gros kyi yul ni lhas byin gyi bdag nyid las gzhan pa'i tshig gi don dang ldan pa yin te/des pa skye ba'i phyir dper na lhas byin dbyug pa dang ldan pa yin no snyam pa'i blo gros kyi yul bzhin no zhes zer ro/ /de la 'dir gal te lhas byin khyad par gang yang rung ba dang ldan pa la blo gros kyi yul nyid lhas byin gyi bdag nyid las gzhan pa'i tshig gi don dang ldan pa yin par ston na ni/ tha snyad du sgrub pa la bsgrub pa yin te/'di ltar lhas byin zhes bya ba 'du byed kyi tshogs yul gzhan du skye ba'i mtshan nyid kyi khyad par dang ldan pa la 'di 'gro ba dang ldan no snyam pa'i blo gros 'di khas blangs pa'i phyir ro/ /ji ste lhas byin 'gro ba zhes bya ba'i tshig gi don dang ldan pa yin no zhe na ni dpe med par 'gyur ro//ji ste gzhan du na yang tha snyad du yang don 'gal ba nyid yin na don dam par lta smos kyang ci dgos te/ de'i phyir ji skad smras pa'i skyon ldog pa med do/ /rang gi sde pa dag las kha cig na re/ 'dun pa'i rgyu las byung ba'i rtsol bas bskyed pa'i rlung gi khams las 'byung ba dang / 'byung ba las gyur pa'i tshogs lus zhes bya ba yul gzhan du bar chad med par skye ba byung ba las 'gro ba zhes bya'o/ /de'i phyir 'gro ba don gzhan du gyur pa med de/ skye ba'i yul nyid du skye bar byed pa 'jig pa'i phyir me lce la sogs pa bzhin du 'gro ba 'khrul pa yin pas 'gro ba don gzhan du khas mi len to//don dam par yang 'gro ba med pas don dam par yang 'gro ba 'gog pa ni grub pa la sgrub pa yin no zhes zer ro/ /skye ba bkag pas ji skad smras pa'i sgrub pa mi 'grub pa'i phyir dang / me lce la sogs pa bzhin du 'gro ba 'khrul pa yin no zhes bya ba'i shes pa de yang 'khrul pa yin pa'i phyir dang / 'gro ba po dang / 'gro ba gnyis gzhan nyid ma yin pa yang 'gog par 'gyur ba'i phyir de yang skye bo mkhas pa'i yid mgu bar byed pa ma yin no/ /grangs can dag na re/ ma song ba la rdul shas che zhing bya ba byed pa la 'jug pa gsal bar gyur pa na 'gro'o zhes zer ro/ /de dag gi yang gsal ba bkag pa'i phyir 'gro ba mi 'grub pas rtog pa tsam du zad do//ci ste yang 'gro ba smra ba dag ji skad bshad pa'i skyon gyis 'jigs pas bsgom pa la 'gro ba yod par dam bcas na/ ji skad bshad pa'i skyon med do snyam na slob dpon gyis don de nges par mdzad nas song ba dang / ma song ba dag dang gtogs par bgom pa med pa nyid kyis bshad pa/song dang ma song ma gtogs par/ /bgom pa shes par mi 'gyur ro/ /gzung du med do zhes bya ba'i tha tshig go/ /ji ltar de med ce na/ 'di la bgom pa de ni song ba'am/ ma song ba'am gang cung zad song dang ma song ba gnyi ga zhig yin grang na phyogs gnyi gar bstan pa'i rjes su dpag pa'i gnod par 'gyur ba'i phyir ro//'dir smras pa/ bgom pa med pa ma yin te/ /'di ltar/ gang na g.yo ba de na 'gro/ /de yang gang gis bgom pa la/ /g.yo ba song min ma song min/ /de phyir bgom la 'gro ba yod/ /de la phyogs gang na rkang pa 'degs pa dang /'jog pa'i mtshan nyid kyi g.yo ba snang ba de na 'gro ba yod de/ g.yo ba de yang gang gi phyir bgom pa la snang gi /g.yo ba de song ba la yang mi snang / ma song ba la yang mi snang ba de'i phyir bgom pa la 'gro ba yod do/ /des na de ltar bgom pa yod pas 'gro ba 'grub pa'i phyir 'dod pa grub bo//de'i phyir de ltar ji skad smras pa'i tshul gyis na bgom pa shes par mi 'gyur ro zhes bshad pa/ gang yin pa de rigs pa ma yin zhing / phyogs gnyi gar bstan pa'i rjes su dpag pa'i gnod par yang mi 'gyur ro zhe'o/ /gzhan dag ni gang gi zhes bya ba 'gro ba'o zhes zer ro/ /kha cig na re/ de ni rigs pa ma yin te/de'i phyir zhes bya ba'i sgra'i zla med pa'i phyir dang / bya ba'i gzhi 'khrul pa med pa'i phyir dang / song ba dang ma song ba'i 'gro ba po'i 'gro ba dgag pa bstan pa'i phyir ro zhe'o/ /'dir bshad pa/ bgom la 'gro ba yod par ni/ /ji lta bur na 'thad par 'gyur/ /gang gi tshe dmigs kyis bsal ba dang /ma bsal ba'i ngo bo nyid khas blangs su zin kyang de la 'gro ba yod par mi 'thad de/ lam yin pa'i phyir dper na song ba'i lam bzhin no zhes bya bar dgongs so/ /yang na/ bgom la 'gro ba yod par ni/ /ji lta bur na 'thad par 'gyur/ /zhes bya ba ni brgal zhing brtag pa mtshungs pa'i phyir ro zhes bya bar dgongs te/bgom pa la 'gro ba yod par brtag na brgal zhing brtag pa mtshungs pa 'dir 'gyur te/ g.yo ba song ba'am/ ma song ba'am/ de gnyis dang mi 'dra ba'i chos gang la yod ce na/ de la yang skyon bshad zin to/ /yang na/ bgom la 'gro ba yod par ni//ji lta bur na 'thad par 'gyur/ /zhes bya ba ni/ don dam pa'i 'gro ba yod par ston pa'i rjes su dpag pa med pa'i phyir/ gang tshe 'gro ba med pa yi/ /bgom pa 'thad pa med phyir ro/ /rta bcing ba dang mthun pa'i phyir ro zhes bya bar yang dgongs te/ 'di la ji ltar rta bcing ba dang mthun pa nyid yin zhe na/bgom pa gang yin/ g.yo ba gang na ba'o / /g.yo ba gang na/ bgom pa na'o zhes bya bas gang yang rung ba dmigs kyis ma bsal ba'i phyir ro/ /ci ste thog ma med pa nas tha snyad du grags pa'i bgom pa khas blangs nas de la don dam pa pa'i 'gro ba yod par 'dod na/de lta na yang 'di la 'gro ba'i bya ba gcig pu zhig yod pa de ni bgom pa zhes bya ba de la nye bar sbyar ba'i mthu can yin pas bgom pa la 'gro ba yod do zhes bya ba'i 'gro ba gzhan de gang zhig yod/ de la pha rol pos nang gi dngos po rnams skyes pa kho na yin te/ de dag gi yul dang ldan pa'i tha snyad byed pa'i phyir ro zhes smras pa gang yin pa de ma grub ste/gtan tshigs kyi don ma grub pa'i phyir ro/ /dpe yang ma grub ste/ don dam par lhas byin ma grub pa'i phyir ro/ /ci ste 'gro ba'i bya ba ni bgom pa zhes bya ba de la yongs su rdzogs pa nyid ma yin la/ 'di ltar de ni kho bo cag 'gro ba'i sgrar brjod pas des na de yod pa'i phyir/gtan tshigs kyi don ma grub pa nyid ma yin no zhe na/ 'dir bshad pa/ gang gis bgom la 'gro yod pa/ /de yi bgom la 'gro med par/ /thal bar 'gyur te gang gi phyir/ /bgom pa khong du chud phyir ro/ /smras pa gang gi bgom pa la 'gro ba yod pa de'i phyogs la 'gro ba la 'gro ba yod kyang bgom pa la 'gro ba med par thal bar 'gyur te/ci'i phyir zhe na/ gang gi phyir bgom pa zhes bya ba/ de la 'gro ba'i byed pa yongs su ma rdzogs shing / ma zhugs par khong du chud cing shes par 'gyur ba'i phyir ro/ /de ni mi 'dod de bgom pa zhes bya ba de 'gro ba dang bcas par 'dod pas des na 'gro ba'i byed pas de la don byas zin pa'i phyir 'gro ba gzhan mi 'thad pas ji skad bshad pa'i skyon ldog pa med do//ci ste ji skad bshad pa'i skyon gyi nyen yongs su spang bar 'dod pas bgom pa 'gro ba dang ldan par 'dod cing / 'gro ba nyid 'gro ba yin no zhe na/ de lta na yang /bgom la 'gro ba yod na ni/ /'gro ba gnyis su thal 'gyur te/ /gang gis bgom pa de dang ni/ /de la 'gro ba gang yin pa'o/ /don dam pa pa'i 'gro ba dang ldan pa'i bgom pa la 'gro ba yod par rtog na ni 'gro ba gnyis su thal bar 'gyur te/ 'gro ba gang gis bgom pa de bgom pa zhes bya bar 'gyur ba dang /'gro ba gang gis bgom pa de la tha snyad pa'i 'gro ba yod par 'gyur ba gang yin pa'o/ /de ltar na/ 'gro ba gnyis su thal 'gyur na/ /'gro ba po yang gnyis su 'gyur/ /ci'i phyir zhe na/ gang phyir 'gro po med par ni/ /'gro ba 'thad par mi 'gyur phyir/ / zhes bya ba'i tshig gi lhag ma'o/ /de yang mi 'dod pas/ de'i phyir ji skad bshad pa'i skyon gyi dri ma nges par bsal bar 'dod pas tha snyad pa'i 'gro ba gcig kho na khas len cing de la ltos pas 'gro ba po dang bgom pa 'grub tu zin kyang / don dam pa pa'i 'gro ba yang mi 'thad pas de dag gi yul dang ldan pa'i tha snyad byed pa'i phyir ro zhes bya ba gtan tshigs kyi don ma grub pa nyid kyi phyir dang /dpe med pa'i phyir nang gi dngos po rnams skyes pa kho na yin te zhes bya ba mi 'grub cing / rten cing 'brel par 'byung ba 'ong ba med pa dang / 'gro ba med pa'i khyad par dang ldan pa grub bo/ /sgra pa dag na re 'gro ba ni gcig tu zad de/de nyid kho bo cag rang rang gi ngo bo nyid kyis 'gro bar brjod cing / de gzhi gang na yod pa de ni bgom pa yin la/ 'gro ba po gang yin pa de ni byed pa po yin pas de'i phyir 'gro ba po dang 'gro ba gnyis su thal bar mi 'gyur ro zhes zer ro/ /de ni rigs pa ma yin te/ don dam par 'gro ba'i skye ba bkag pa'i phyir dang /bgom pa med pas 'gro ba med pa'i phyir dang / 'du byed kyi tshogs yul gzhan du skyes pa la 'gro ba po nyid du tha snyad 'dogs pa'i phyir dang / bgom pa yang brtags zin pa'i phyir ro// // dbu ma'i rtsa ba'i 'grel pa shes rab sgron ma/ bam po gsum pa/ gzhan dag na re 'gro ba yod pa kho nar shes par bya ste/ de'i gzhi yod pa'i phyir ro/ /'di na gang la gzhi med pa de ni yod pa ma yin te/ dper na mo gsham gyi bu'i 'gyel ba dang / 'gro ba la sogs pa bzhin no/ /'gro ba'i gzhi 'gro ba po de shar ma yod pas de ltar gzhi yod pa'i phyir 'gro ba yod pas gtan tshigs grub pa'i phyir/nang gi skye mched rnams skye ba kho na yin zhing 'gro ba dang 'ong ba la sogs pa yang 'grub bo zhes zer ro/ /'dir bshad pa/ gal te 'gro po med gyur na/ /'gro ba 'thad par mi 'gyur te/ /'gro ba med na 'gro ba po/ /yod pa nyid du ga la 'gyur//gtan tshigs brjod pa med na 'gro ba mi 'grub pas ji skad bshad pa'i skyon med par mi 'gyur ro snyam nas 'gro ba po med na 'gro ba yod pa ma yin pas/ 'gro ba'i gzhi 'gro ba po la brten nas gzhi yod pa'i phyir ro zhes gtan tshigs brjod par gyur na de lta na/ gal te 'gro po med gyur na//'gro ba 'thad par mi 'gyur te/ /zhes bya ba ma yin nam/ 'gro ba de yang mi 'thad do zhes dpyad zin to/ /de'i phyir/ 'gro ba med na 'gro ba po/ /yod pa nyid du ga la 'gyur/ /'gro ba po nyid kyi rgyu med pa'i phyir ro zhes bya bar dgongs so/ /gal zhes bya ba'i sgra ni yid mi ches pa ste/'gro ba po med do zhes bya ba'i tshig gi don to/ /rgyas par ni snga ma bzhin no/ /'gro ba po ma grub pas gzhi yod pa'i phyir ro zhes bya ba'i gtan tshigs kyi don ma grub nyid dam/ don 'gal ba nyid do/ /'dir smras pa/ 'o na 'gro ba grub par bya ba'i rjes su dpag pa gzhan 'di nyon cig /'gro ba yod pa kho nar nges te/ des de dang ldan pa'i tha snyad yod pa'i phyir ro/ /'di na gang med pa la ni des de dang ldan par mi ston te/ dper na ri bong rwa can zhes mi ston pa bzhin no/ /lhas byin 'gro ba po zhes 'gro bas de dang ldan pa'i tha snyad 'di yod pas des na 'gro ba yod pa'i phyir bsams pa'i don 'grub bo//'dir bshad pa/ 'di la lhas byin 'gro ba po zhes bya ba'i tha snyad 'di don dam par 'gro ba po'i yin par 'dod dam/ 'gro ba po ma yin pa'i yin par 'dod/ de la re zhig 'gro ba po mi 'gro ste/ re zhig ces bya ba'i sgra ni rim pa la ltos pa'o/ /'gro ba po mi 'gro ste zhes bya ba ni/dam bca' ba nye bar gzhag pa'o/ /bdag gi tshig tu bstan pa ni 'di ltar gang dag sgra tsam gyi rjes su 'brang ba/ chos rab tu 'byed pa la mi mkhas pa/ lta ba ngan pas blo gros nyams par gyur pa/ tshul khrims dang / bsam gtan dang / shes rab la rgyab kyis phyogs pa / rang yang lam gol bar zhugs shing /gzhan dag kyang / gsang tshig sgra dang yig 'brus nyams gyur na/ /log par sbyar bas de yi don mi ston/ /rdo rje'i tshig des mchod sbyin byed brlag ste/ /dbang po'i dgra bo sgra yis brlag pa bzhin/ /zhes bya ba dang / lha ma yin de dag gis he la yo he la ya zhes smras pa na za'i gyis non par gyur pa dang /mi bsgrub pa tshig zur chag smras nas tshig ldan ma'i sgrub mchod sbyong sel can spyod par byed pa la sogs pa dang / sgra gcig legs par sbyar na yang legs pa byed pa rnams kyi 'jig rten du 'gro bar byed do zhes bya ba dang / 'di skad ces gzhan gyi tshig can dang / bdag gi tshig can dang /gnyi ga'i tshig can gyi skad kyi byings nges par gnas pa'i rang gi ngo bo rnams ni rjes su smra ba kho nar zad pas bdag gi tshig can nyid kyi brdar gdags su mi rung ngo zhes zer bas der 'dzud par byed pa dag de la mngon par zhen pa spang ba'i phyir ro/ /de dag la 'di skad ces brjod par bya ste/ gzhan gyi tshig can gyi skad kyi byings dag ni/gzhan gyi tshig can gyi ngo bo nyid dag ma yin te/ gnyi ga'i tshig can nyid ma yin pa dang / skad kyi byings yin pa'i phyir bdag gi tshig can bzhin no/ /bdag gi tshig can gyi skad kyi byings dag la yang de skad brjod par bya'o/ /de bzhin du gnyi ga'i tshig can gyi skad kyi byings dag kyang gnyi ga'i tshig can gyi ngo bo nyid dag ma yin te/skad kyi byings yin pa'i phyir de las gzhan bzhin no/ /nges par smra ba dag la ni khyad par can gyis sbyar ba'i sgra'i rjes su smra ba'i phyir dang / sbyor ba rnam par dbye ba la sogs pa'i rim gyis 'gro ba dag gis tshig can nyid du 'grub pas kun rdzob tu gnod pa med do zhes brjod par bya'o//'gro ba po mi 'gro ste zhes bya ba 'di la/ 'gro ba po ni bya ba dang ldan pa'i phyir de'i chos ni bya ba dang ldan pa nyid yin no/ /dpe ni bsgrub par bya ba dang / sgrub pa'i chos kyi dbang gis te/ de las gzhan pa yin no/ /'dir sbyor ba'i tshig ni don dam par 'gro ba po mi 'gro ste/ bya ba dang ldan pa'i phyir sdod pa po bzhin te/de ltar re zhig 'gro ba po mi 'gro'o/ /gzhan dag na re/ 'gro ba po ma yin pa 'gro bas kho bo cag la sgrub pa des mi gnod do zhes zer ro/ /'dir bshad pa/ 'gro ba po min 'gro ba min/ /gang gi tshe tha snyad du 'gro ba dang ldan par grags pa'i 'gro ba po yang 'gro bar mi 'thad pa de'i tshe/'gro ba po ma yin pa 'gro bas stong pa ni mi 'gro ba kho na yin te/ 'gro ba dang bral ba'i phyir ro zhes bya bar dgongs so/ /gal te 'gro ba po ma yin na ni ji ltar 'gro/ 'on te 'gro na ni 'gro ba po ma yin pa zhes byar mi rung ngo / /yang na/ 'gro ba po min 'gro ba min/ /zhes bya ba ni/ chos mthun pa'i dpe nye bar gzhag pa yin no//'di la 'gro ba dang mi ldan pa nyid kyis 'gro ba po ma yin pa ni bsgrub par bya ba yin par shes par bya ste/ 'gro ba po min 'gro ba min/ /zhes bya ba'i dbang du byas pa'i phyir ro/ /'gro ba po ma yin pa'i chos ni/ 'gro ba dang bral ba nyid yin pas sgrub pa'i chos mngon no//de'i phyir sbyor ba'i tshig ni don dam par 'gro ba po ma yin pa yang mi 'gro ste/ 'gro ba dang bral ba'i phyir de las gzhan pa bzhin no/ /gzigs zan pa'i phyogs dag dang / rang gi sde pa dag la yang de bzhin du brjod par bya'o/ /grangs can dag grub pa la sgrub pa'i skyon nye bar 'dogs pa dag la brgal zhing brtag par bya ste/'gro ba po ma yin pa de gang yin/ gal te 'gro ba mi gsal ba'o zhe na ni / rjes su dpag pa'i gnod pa ji skad bshad pa nyid brjod par bya'o/ /gal te 'gro ba po'i sngon rol gyi gnas skabs so zhe na ni rang gi rjes su dpag pa la gnod de/ 'gro ba po'i sngon rol gyi gnas skabs na sdod pa po la sogs pa'i gzugs 'chang ba rnams kyang 'gro ba po ma yin pa'i phyir ro//gal te 'gro ba po med pa'o zhe na ni phyogs snga ma la gnod de/ 'gro ba po ma yin pa'i sgras 'gro ba po med par khas ma blangs pa'i phyir ro/ /gzhan dag na re rnam grangs las 'gro ba po dang / 'gro ba po ma yin pa'i 'gro ba khas blangs pa la ji skad bshad pa'i skyon ldog go zhes zer ro//'dir bshad pa slob dpon gyis 'gro ba po dang / 'gro ba po ma yin pa 'chol ba'i rang bzhin gzhan ni 'gro ba'i bya ba dang mi ldan zhing med pa nyid kyis bshad pa/ 'gro po 'gro po min las gzhan/ /gsum pa gang zhig 'gro bar 'gyur/ / de lta bu de ni med pa kho na yin no zhes bya bar dgongs te/ 'gro ba po yin par yang 'gyur la/ 'gro ba po ma yin par yang 'gyur ba de ni bstan par dka' ba'i phyir ro/ /'di la rnam grangs kyi tshul gyi tham lag dag gis dgag pa mi mthun pa'i skyon du 'gyur bas / gdon mi za bar 'ga' zhig la ltos nas 'gro ba por 'gyur la/'ga' zhig la ltos nas 'gro ba po ma yin par 'gyur ro zhes rnam gnyis su smra ba yongs su gzung bar bya ba yin no/ /de'i tshe yang 'gro ba po dang / 'gro ba po ma yin pa'i phyogs su bstan pa'i rjes su dpag pa'i gnod par 'gyur bas 'dod pa'i don mi 'grub bo/ /ci ste bya ba dang ldan pa nyid ces bya ba ni mthun pa'i phyogs la khyab pa ma yin pa'i phyir gtan tshigs kyi don ma grub pa nyid do zhe na/de ni bzang po ma yin te/ bya ba dang ldan pa nyid ni mi 'gro ba kho na'o zhes nges par gzung ba'i phyir te/ dper na brtsal ma thag tu 'byung ba nyid ni mi rtag pa kho na'o zhes nges par bzung bas khyab pa ma yin yang phyogs kyi chos gtan tshigs nyid du 'dod pa'i phyir ro//bya ba dang ldan pa nyid la yang 'gro ba dgag pa'i phyir gtan tshigs kyi don ma grub pa nyid ma yin no/ /'dis 'gro ba dang bral ba nyid gtan tshigs yin par yang lan btab pa yin no/ /ci ste sdod pa po ni 'gro ba po ma yin par yang 'gyur la/ 'gro ba por yang 'gyur bas sdod pa po khas blangs pas dpe med de/bsgrub par bya ba chos kyi phyogs gcig dang mi ldan pa'i phyir ro zhe na/ bsgrub par bya ba'i cha gnyi ga la grags pas sdod pa po dper rung ba'i phyir skyon med do/ /de'i phyir gal te de lta na 'di la 'gro zhes bya ba'i tha snyad 'ga' yang mi 'thad pas des na de dang ldan pa'i tha snyad yod pa'i phyir ro zhes bya ba'i gtan tshigs kyi don ma grub pa nyid do//dpe yang med de bsgrub par bya ba chos dang mi ldan pa'i phyir ro/ /gtan tshigs kyi don 'gal ba nyid kyang yin no/ /'dir smras pa/ 'gro ba po 'gro'o zhes brjod pa mthong ste/ mthong ba las ches lhag pa gzhan med pas gtan tshigs la sogs pa ma grub pa ma yin no//'dir bshad pa/ bden mod kyi de ni tha snyad du gtogs pa'i blo gros kyis mthong ba yin no/ /de nyid don dam par brtag par bya ste/ ci mthong ba de ji ltar mthong ba de bzhin nam/ 'on te gzhan zhig yin/ de la re zhig de bzhin no zhe na ni/ shes par byar mi nus te/ji lta zhe na/ re zhig 'gro po 'gro'o zhes/ /ji ltar 'thad pa nyid du 'gyur/ /mi 'thad pa nyid do zhes bya ba'i tshig gi don te dper na g.yul ngor 'bros pa la gzhol ba ji ltar dpa' bo yin zhes bya ba bzhin no/ /ji ltar mi 'thad ce na/ de ston par byed pa ni/ 'gro ba med na 'gro ba po/ / nam yang 'thad par mi 'gyur ro//'gro ba ji ltar med pa de ltar ni dang po kho nar/ re zhig song la 'gro med de/ /zhes bya ba la sogs pa dang / 'gro ba skye ba dgag pa der bstan zin to/ /yang na/ re zhig 'gro po mi 'gro ste/ /zhes bya ba ni dam bcas pa nye bar bzhag pa yin la/ re zhig 'gro po 'gro'o zhes//ji ltar 'thad pa nyid du 'gyur/ /zhes bya ba la sogs pa ni de ston par byed pa yin te/ ji skad bshad pa bzhin du rnam par bshad par bya'o/ /de'i phyir de ltar don dam par 'gro ba med pa bzhin du 'gro ba po yang dag pa ma yin yang sgro btags nas 'gro ba po 'gro'o zhe na/ gang gi phyogs la 'gro ba po/ /'gro ba de la 'gro med pa'i/ /'gro po yin par thal 'gyur te/ /'gro po 'gro bar 'dod phyir ro/ /smra ba gang gi phyogs la 'gro ba po 'gro bar 'dod pa de la 'gro ba med pa'i 'gro ba po yin par thal bar 'gyur te/ ci'i phyir zhe na/ 'di ltar 'gro ba po 'gro bar 'dod pa'i phyir te/'di ltar 'gro ba med na 'gro ba po la 'gro ba de dang ldan pa'i phyir ro zhes bya bar dgongs so/ /yang na 'gro ba gcig pu zhig yod pa de dag ni 'gro'o zhes bya ba de la yongs su rdzogs par byas pa'i phyir ro/ /ci ste skyon de yongs su spang bar 'dod pas 'gro ba po don dam pa pa'i 'gro ba dang ldan par 'dod na de lta na yang /gal te 'gro po 'gro gyur na/ /'gro ba gnyis su thal 'gyur te/ /gang gis 'gro por mngon pa dang / /'gro por gyur nas gang 'gro ba'o/ /gal te 'gro ba po gang 'gro ba dang ldan par gyur na 'gro ba gnyis su thal bar 'gyur te/ ji lta zhe na/ 'gro ba gang gis 'gro ba po zhes bya bar mngon pa dang 'gro ba por gyur nas 'gro ba'i 'gro ba gang yin pa'o//de lta na/ 'gro ba gnyis su thal 'gyur na/ /'gro ba po yang gnyis su 'gyur/ /gang phyir 'gro po med par ni/ /'gro ba 'thad par mi 'gyur phyir/ /zhes bya ba'i skyon 'di yang yod de/ bya ba ni gzhi la rag las pa'i phyir ro zhes bya bar dgongs so//'gro ba med pa'i 'gro ba po nyid dang / 'gro ba gnyis dang / 'gro ba po gnyis su 'gyur ba de yang mi 'dod de/ ji ltar 'dod ce na/ 'gro ba po la 'gro ba yod pa dang / 'gro ba yang gcig kho na dang 'gro ba po yang gcig kho nar 'dod do/ /de yang kun rdzob tu 'grub kyang don dam par mi 'grub pas dpe med pa'i phyir pha rol pos smras pa'i sgrub pa mi 'grub bo//phyir rgol ba dag 'gro ba ni yod pa kho na yin te/ de'i rtsom pa yod pa'i phyir ro/ /'di na gang med pa de la ni rtsom pa med de/ dper na nam mkha'i me tog gi phreng ba la rtsom pa med pa bzhin no/ /sdod par gyur pa la ni rab tu g.yo ba'i mtshan nyid kyi 'gro ba rtsom pa yod pas/de'i phyir 'gro ba yod pa kho na'o zhe na/ 'dir bya gag tshon sna tshogs dang ldan pa nyid kha dog gzhan du bsgyur te/ nye bar 'jog pa bzhin du/ sngar lan btab zin pa nyid tshig gzhan gyis nye bar bzhag pas 'di lta ste/ slob dpon gyis 'dir 'gro ba'i rtsom pa de nyid ci song ba'am/ma song ba'am/ 'on te bgom pa la yod ces khyod la brgal zhing brtags na snga ma bzhin du rnam pa thams cad mi 'thad par bstan par bzhed pas bshad pa/ song la 'gro ba'i rtsom med de/ /de la 'gro ba'i bya ba 'das zin pa'i phyir ro/ /ma song ba la'ang 'gro rtsom med//ma song ba 'gro bas stong pa la 'gro ba med pa'i phyir ro/ /bgom la rtsom pa yod ma yin/ /song ba dang ma song ba ma gtogs par bgom pa rtag tu med pa'i phyir ro/ /gang du 'gro ba rtsom par byed/ /'o na gang gis ji skad smras pa'i gtan tshigs 'grub pas 'dod pa'i don 'grub par 'gyur ba de da smros shig /des na 'dir song ba dang / ma song ba dang / bgom pa dag la rtsom pa med par bstan to zhes bya ba'i tshig gi don to/ /de ltar na 'dir sbyor ba'i tshig dag tu 'gyur ba ni song ba la 'gro ba'i rtsom pa med de/ lam yin pa'i phyir dper na ma song ba'i lam bzhin no/ /yang na ma song ba la 'gro ba'i rtsom pa med de/ma song ba'i phyir dper na 'gro bar 'dod pa las gzhan pa'i ma song ba bzhin no/ /de bzhin du bgom pa la yang 'gro ba'i rtsom pa mi 'thad de/ lam yin pa'i phyir dper na/ de las gzhan pa bzhin no/ /de'i phyir de ltar rtsom pa med pas/ rtsom pa'i gtan tshigs kyi don ma grub pa nyid dang /thun mong ma yin pa nyid do/ /rgyas par ni snga ma bzhin no/ /'dir smras pa/ 'o na 'gro ba rnam pa gzhan gyis yod par shes par bya ste/ rang gi gnas skabs las gzhan du 'gyur ba dang ldan pa'i dngos po la brjod pa khyad par can 'jug pa'i rgyu yod pa'i phyir ro/ /'di na gang med pa de la ni rang gi gnas skabs las gzhan du gyur pa dang ldan pa'i dngos po la brjod pa khyad par can 'jug pa'i rgyu med de/dper na/ dmus long mig gi rnam par shes pa dang bral ba la dmus long gis mthong ngo / /dmus long lta'o/ /lta bar 'gyur ro zhes brjod pa khyad par can 'jug pa'i rgyu med pa bzhin no//'gro ba rang gi gnas skabs las gzhan du gyur pa dang ldan pa'i dngos po la ni brjod pa khyad par can 'jug pa'i rgyu nyid yod de/ gang du de zhugs zin pa de ni song ba yin la/ gang du de 'jug pa de ni bgom pa yin/ gang du de ma zhugs pa de ni ma song ba yin pas de'i phyir ji skad smras pa'i gtan tshigs kyi mthu nyid kyis 'gro ba yod pa kho na yin pas skabs kyi don 'grub bo//'dir bshad pa/ gang gi phyir 'gro ba'i skye ba yod par gyur na ni gang du de zhugs zin pa de ni song ba yin la/ gang du de 'jug pa de ni bgom pa yin/ gang du de ma zhugs pa de ni ma song ba yin no zhes bya bar yang 'gyur ba zhig na 'gro ba yang med do zhes bstan zin to//'gro ba yod par gyur na yang / /'gro ba rtsom pa'i snga rol na/ /gang du 'gro ba rtsom 'gyur ba/ /bgom pa med cing song ba med/ /ma song 'gro ba ga la yod/ /'gro ba rtsom pa'i snga rol na/ /gang du 'gro ba rtsom par 'gyur ba'i bgom pa med cing 'gro bas stong ngo //song ba yang med de/ 'gro ba dang mi ldan pa la de mi 'thad do zhes bya bar dgongs so/ /de ltar 'gro bas stong na 'gro ba mi 'thad par ston pa'i rjes su dpag pa sngar bstan pa dag yod pas dam bcas pa la rjes su dpag pas gnod pa'i phyir ma song ba la 'gro ba ga la yod de 'gro ba med do zhes bya ba'i tha tshig go//de'i phyir de ltar gang gi tshe don dam par 'gro ba'i rnam par rtog pa ji ltar yang mi srid pa de'i tshe/ 'gro rtsom rnam pa thams cad du/ /snang ba med pa nyid yin na/ /song ba ci zhig bgom pa ci/ /ma song ci zhes rnam par brtag /nyid yin na zhes bya ba'i sgra ni nges par gzung ba'i don te/'dir snang ba med pa nyid yin na zhes bya bar blta bar bya'o/ /gzhan du na 'gro ba nyid kyi yin gyi/ gzhan gyi ma yin par shes par 'gyur ro/ /rab rib can skra dang sbrang bu dang / sbrang bu mchu rings la sogs pa yang dag pa ma yin pa la rnam par rtog pa dang 'dra'o/ /'gro ba med pa'i phyir bum skra 'greng gi mdung thung bzhin du khyod la skyon de nyid rjes su 'brang ngo //gzhan dag na re don dam par 'gro ba yod pa kho na yin te/ mi mthun pa yod pa'i phyir ro/ /'di na gang dang gang la mi mthun pa yod pa de dang de yod par snang ste/ dper na snang ba'i mi mthun pa mun pa yod pa bzhin no/ /'gro ba la yang mi mthun pa sdod pa yod pas de'i phyir 'gro ba yod pa kho na'o zhes zer ro//'dir bshad pa/ de yang khyod la brgal zhing brtag pa yod de khyod sdod pa su'i yin par sems ci 'gro ba po'i yin nam 'on te 'gro ba po ma yin pa'i yin/ de la gal te 'gro ba po'i yin snyam na/ re zhig 'gro ba po mi sdod de/re zhig ces bya ba'i sgra ni rim pa la ltos pa'o/ /'gro ba po mi sdod de zhes bya ba ni dam bca' ba nye bar gzhag pa'o/ /'gro ba po'i chos ni bya ba dang ldan pa nyid yin pas/ phyogs kyi chos mngon no/ /dpe ni de'i dbang gis te/ 'gro ba po 'gro ba ma nyams pa yin no/ /'dir rjes su dpag pa ni don dam par 'gro ba po sdod par mi 'thad de/'gro ba'i bya ba dang ldan pa'i phyir lhas byin 'gro ba ma nyams pa bzhin no/ /ci ste 'gro ba po ma yin pa'i yin no snyam na/ 'gro ba po min sdod pa min/ /'gro ba dang bral ba la ni tha snyad du yang 'gro ba ldog pa mi 'thad pas de mi srid pa'i phyir ro zhes bya bar dgongs so//ci ste legs par ma zin pa'i gdon gyis brlams pa'i dbang gis gzhan zhig sdod par sems na grogs so / /'gro po 'gro po min las gzhan/ /gsum pa gang zhig sdod par 'gyur/ /de da smros shig 'ga' yang sdod par mi 'thad do zhes bya ba'i tshig gi don to/ /yang na/ re zhig 'gro po sdod do zhes/ /ji ltar 'thad pa nyid du 'gyur//'gro ba med na 'gro ba po/ /nam yang 'thad par mi 'gyur ro/ /bya ba gnyis dus gcig tu 'gal bas mi srid pa'i phyir ro zhes bya bar dgongs so/ /de ltar na tshig des ni sdod pa po 'gro ba dang bral ba nyid du bstan pas 'gro ba po sdod do zhes bya ba'i tha snyad mi srid par bstan to/ /gal te rdza mkhan bzhin du dus gsum gyi nus pa'i gnas skabs yod pa'i phyir 'gro ba dang bral ba yang 'gro ba po nyid du 'grub pas skyon med do zhe na/nye bar gdags pa khas blangs pa'i phyir khas blangs pa nyams pas des na snga ma bzhin du gtan tshigs dang dpe'i skyon yod par thal bar 'gyur ro/ /yang na sun dbyung ba'i lam gzhan yang yod de/'di la sdod pa de song ba las sam/ ma song ba las sam/ bgom pa las ldog pa la brtag grang na/ de la/ bgom las sdod par mi 'gyur te/ /song dang ma song las kyang min/ /bgom pa las sdod par mi 'gyur te / rjes su dpag pa sngar bstan pas 'gro ba dang ldan pa la sdod pa mi 'thad pa'i phyir ro//gal te song ba las de 'grub bo zhe na/ song ba las kyang de 'grub pa mi rigs te/ song ba 'gro ba med pa la 'gro ba ldog pa'i sdod pa med pa'i phyir ro/ /'o na ma song ba las sdod pa 'grub par 'gyur ro snyam na/ de yang mi 'thad de/ 'gro ba med pa la ldog pa mi srid pa'i phyir ro//de lta bas na ma song ba las kyang sdod par mi 'gyur ro/ /de lta na gtan tshigs kyi don ma grub pa nyid dang / rjes su 'gro ba yang med de/ don dam par snang ba dang mun pa gnyis mi mthun pa nyid yin par khas ma blangs pa'i phyir ro/ /yang na don 'gal ba nyid kyang yin no/ /gang dag sdod pa ni yod pa kho na yin te/mi mthun pa yod pa'i phyir dang / rtsom pa yod pa'i phyir dang / de las ldog pas dngos po skye ba'i phyir ro zhes zer ba de dag la/ 'gro ba dang ni 'jug pa dang / /ldog pa yang ni 'gro dang mtshungs/ /zhes brjod par bya ste/ ji ltar 'gro ba'i mi mthun pa 'gro ba po dang /'gro ba po ma yin pa dang / de las gzhan pa la mi 'thad pa dang / 'gro ba'i rtsom pa yang song ba dang / ma song ba dang / bgom pa la mi 'thad pa dang 'gro ba'i ldog pa yang song ba dang ma song ba dang bgom pa la mi mthun pa de bzhin du sdod pa'i mi mthun pa yang sdod pa po dang / sdod pa po ma yin pa dang / de las gzhan pa la mi 'thad pa dang / sdod pa'i 'jug pa yang bsdad pa dang / ma bsdad pa dang / sdod pa la mi 'thad pa dang / sdod pa'i ldog pa yang bsdad pa dang / ma bsdad pa dang / sdod pa la mi 'thad pa de ltar rjes su dpag pa rgyas par bya'o/ /tshig mangs kyis dogs pa'i phyir dang / don bshad zin pa'i phyir spros pa'i sgo nas ma bshad de/'on kyang phyogs tsam zhig bshad par bya'o/ /sdod pa po mi 'gro ste/ 'gro ba dang bral ba'i phyir sdod pa ma nyams pa'i sdod pa po gzhan bzhin no/ /bsdad pa la sdod pa'i 'jug pa med de/ bsdad zin pa'i phyir dper na bsdad nas yun ring du lon pa bzhin no/ /bsdad pa las sdod pa mi ldog ste/'gro ba med pa'i phyir/ dper na/ sdod pa ma nyams pa gzhan bzhin no/ /de bzhin du lhag ma rnams la yang rjes su dpag pa'i sbyor ba ci rigs par bya'o/ /de'i phyir de ltar sdod pa ma grub pa'i phyir ji skad bshad pa'i skyon las nges par thar pa med do/ /'dir smras pa/ khyed na re/'gro ba po yang med la 'gro ba yang med do zhes zer bas tsai tra 'gro'o 'gro'o zhes 'jig rten la grags pa sel bar byed pa'i phyir grags pa'i gnod par 'gyur te/ dper na/ 'jig rten la ri bong can zla ba nyid du grags bzhin du zla ba ma yin pa sel bar byed pa bzhin no/ /bshad pa/ 'dir gtan tshigs kyi don gang yin/ci 'jig rten la grags pa sel bar byed pa'i phyir ram/ 'on te bstan bcos la grags pa sel bar byed pa'i phyir/ des cir 'gyur/ 'jig rten la grags pa sel bar byed pa'i phyir ro zhe na ni gtan tshigs kyi don ma grub pa nyid de/ don dam par ro zhes dam bcas pa'i khyad par nye bar blangs pa kho na'i phyir/'jig rten la grags pa'i 'gro ba po dang / 'gro ba'i tha snyad ma spangs pa'i phyir ro/ /gal te rang gi bstan bcos la grags pa sel bar byed pa'i phyir de grags pa'i gnod par 'gyur ro zhe na ni/ khas blangs pa la gnod par 'gyur ro zhes brjod par bya ba'i rigs te/ de yang kho bo cag la gnas mi rnyed de/don dam par 'gro ba po dang / 'gro ba gnyis yod par khas ma blangs pa'i phyir dang / de dag mi 'thad par yang sngar bstan zin pa'i phyir ro/ /yang bshad pa/ don dam par 'gro ba po dang 'gro ba grub par gyur na/ nges par gcig pa nyid dang / gzhan pa nyid du 'gyur grang na de yang mi 'thad do//ji lta zhe na/ de nyid brtag par bya ste/ 'gro ba de dang 'gro ba po/ /de nyid ces kyang byar mi rung / /'gro ba dang ni 'gro ba po/ /gzhan nyid ces kyang byar mi rung / /de ni dam bca' ba gnyis nye bar gzhag pa'o/ /ji ltar mi rung zhe na/ gal te 'gro ba gang yin pa/ /de nyid 'gro po yin gyur na//byed pa po dang las nyid kyang / /gcig pa nyid du thal bar 'gyur/ /de ltar na 'dir glags yod pa'i tshig yin pa'i phyir/ skabs kyi don dgag pa nus shing bzlog pa'i don gsal ba'i tshig gi don to/ /dper na gal te sgra rtag na bum pa yang rtag pa nyid du thal bar 'gyur te bum pa byas pa mi rtag pa ni rtag pa nyid du mi 'dod de/de'i phyir sgra ni mi rtag ste/ byas pa'i phyir dper na bum pa bzhin no zhes bya ba lta bu'o/ /de'i phyir 'dir tshig gi don gyi dbang gis sbyor ba'i tshig ni don dam par 'gro ba po dang 'gro ba gcig pa nyid ma yin te/ byed pa po dang las yin pa'i phyir dper na gcod pa po dang gcad pa bzhin no//'gro ba po dang 'gro ba gcig pa nyid ma yin no zhes bshad kyang de gnyis gzhan pa nyid du bstan pa ma yin no/ /gzhan dag ni dam bcas pa'i don rnam par brtags na gcig la gcig nus pas stong pa nyid kyi mtshan nyid kyi gzhan pa nyid gcod pa po dang / bcad pa la med pa'i phyir dpe med do zhes zer ro//de ni bzang po ma yin te/ gcig pa nyid tsam dgag pa'i phyir dang / de yang gcod pa po dang bcad pa'i gsal ba tha dad pa'i phyir grags pa kho na'o/ /gcig la gcig nus pas stong pa nyid kyi mtshan nyid kyang dam bcas pa'i don khas blangs nas rtogs par bya ba dang / rtogs par byed pa kun rdzob tu gcig la gcig nus pas stong pa'i phyir grub pa dag kho na dpe nyid du 'dod pa'i phyir dpe med pa ma yin no/ /ci ste yang don dam par gcod pa po dang / bcad pa gzhan pa nyid ma yin te/ dpag tu yod pa'i phyir bcad pa'i rang gi bdag nyid bzhin pas de'i phyir 'gal ba 'khrul pa med pa'i gnod par 'gyur ro zhe na/de yang rigs pa ma yin te/ bcad pa'i rang gi bdag nyid gzhan pa nyid ma yin par ma grub pa'i phyir 'gal ba 'khrul pa med pa'i gnod par mi 'gyur ba'i phyir ro/ /'gal ba 'khrul pa med pa'i gnod pa yod du zin na yang gcig pa nyid dang tha dad pa nyid kyi mtha' gnyis la mi 'chol bas don dam par ni sgrub pa ston par 'dod pa'i phyir 'dod pa 'grub bo//tha snyad du gcig pa nyid sgrub na ni grags pa'i gnod par 'gyur ro/ /ci ste yang dam bca' ba'i don sgro btags nas 'gro ba po dang / 'gro ba gcig pa nyid ma yin no zhes bshad pas/ 'gro ba po dang 'gro ba gzhan pa nyid du bstan pa yin pas khas blangs pa la gnod par 'gyur ro zhes rgol na de yang de nyid kyis lan btab zin to//gang dag ji skad bshad pa'i skyon yongs su spang bar 'dod pas gzhan pa nyid kyi phyogs la brten pa de dgag pa'i phyir dam bca' ba nye bar bzhag pa gnyis pa rab tu bsgrub pa bstan par bya ste/ 'du byed kyi tshogs dang rgyu rkyen so sor nges pa yod na 'byung ba ngo bo nyid tha dad du bya ba'i gzhir gyur pa thog ma med pa'i dus nas 'jug pa'i spros pa'i bag chags dang /sa bon dang / rgyu las byung ba yang dag pa ma yin pa kun rtog pa'i dbang gis yul gzhan du bar chad med par skye ba la/ gal te 'gro dang 'gro ba po/ / gzhan pa nyid du rnam brtag na/ /rnam par rtog pa byed na ni/ /'ga' yang bzlog par bya ba ma yin te/ mi 'dod pa thob pa nyid kyis gnod par 'gyur ro/ /ci ltar zhe na 'di la 'gro ba dang 'gro ba po gzhan pa nyid du khas len na/ 'gro po med pa'i 'gro ba dang / /'gro ba med pa'i 'gro bar 'gyur/ / gzhan yin pa'i phyir/ dper na/ bum pa dang / snam bu rten dang brten pa'i dngos pos rten pa med pa lta bur 'gyur bar dgongs so/ /gzhan pa nyid du smra ba yang 'gro ba po med pa'i 'gro ba dang / 'gro ba med pa'i 'gro ba po mi 'dod do/ /glags yod pa'i sgo des phyogs kyi chos ni 'gro ba po dang / 'gro ba ltos pa dang bcas pa nyid yin la bsgrub par bya ba chos ni gzhan pa ma yin pa nyid yin/ dpe ni de'i dbang gis bsgrub par bya ba dang / sgrub pa'i chos grags pa dang ldan pa'i chos can yin par bstan to/ /'dir sbyor ba'i tshig ni don dam par 'gro ba po las 'gro ba gzhan pa nyid ma yin par shes par bya ste/brjod pa khyad par can 'jug pa'i ltos pa dang bcas pa'i phyir dper na/ 'gro ba rang gi bdag nyid bzhin no/ /de bzhin du don dam par 'gro ba las kyang 'gro ba po gzhan pa nyid ma yin par nges par gzung bar bya ste/ brjod pa khyad par can 'jug pa'i ltos pa dang bcas pa'i phyir dper na 'gro ba po'i rang gi bdag nyid bzhin no//mi mthun pa'i phyogs las ldog pa ma bstan pa ni de med pa'i phyir/ de las ldog pa 'grub pa'i phyir ro/ /gal te rten dang brten par bcas pa'i 'brel pa rab tu ma grub pa dag la ltos pa dang bcas pa nyid ma grub pa'i phyir phyogs kyi phyogs gcig la ma khyab pa nyid yin no zhe na/de dag la yang tha na 'di ni gzhan no/ /'di yang gzhan no zhes brjod pa khyad par can 'jug pa gdon mi za bar yod pas ltos pa dang bcas pa nyid yin pa'i phyir/ skyon med do/ /gang dag la gzhan ma yin pa rnam par bcad pas sam gzhan nyid dang ldan pa'i phyir gzhan nyid yin pa de dag la yang / de la ltos nas 'di ni gzhan no//'di yang gzhan no zhes brjod pa khyad par can 'jug pa gdon mi za bar yod pas ltos pa dang bcas pa nyid yin pa'i phyir/ gtan tshigs kyi don ma grub pa nyid med do/ /rjes su dpag pa ji skad bstan pa nyid kyis gzhan nyid ma grub pa'i phyir mi mthun pa'i phyogs med pas ma nges pa nyid kyang ma yin no//grags pa'i gnod pa yang med de/ /de kho na dpyad pa ni shing rta mkhan la sogs pa blo ma sbyangs pa dag gi dbang du ma byas pa'i phyir dang / sngar bstan zin pa'i phyir ro/ /ci ste yang 'gro ba las 'gro ba po gzhan pa nyid yin te/ tha snyad yod pa'i phyir dper na lhas byin gyi rta zhes bya ba bzhin no snyam na/de yang bzang po ma yin te/ 'gro ba po'i rang gi bdag nyid ces bya ba/ 'gro ba po la grub pas phyogs kyi phyogs gcig la ma grub pa'i phyir dang / 'gro ba po'i rang gi bdag nyid kyis rang la yang ma nges pa nyid yin pa'i phyir ro/ /lhas byin dang / rta yang gzhan pa nyid du ma grub pa'i phyir dpe yang med pa'i phyir ro/ /des blo tha dad pa'i phyir zhes bya ba la sogs pa'i gtan tshigs dag gi lan kyang btab pa yin no/ /ci ste yang blo rnon po'i blo la 'gro ba po lhas byin zhes bya ba'i sgra gang yin pa de ni rang gi bdag nyid las/ gzhan pa'i tshig gi don dang 'brel pa'i yul yin te/'jug pa dang ldog pa yod pa'i phyir dper na la ba sngon po zhes bya ba'i sgra bzhin no/ /sgra gang la ji skad smos pa'i rnam pa med pa de la ni 'jug pa dang ldog pa med de/ dper na yod pa nyid kyi sgra ji bzhin no snyam du sems na de las gzhan pa nyid yin par rjes su dpog na rten dang / brten par 'brel pa med pas 'gro ba po dang /'gro ba'i 'brel pa bsal ba'i phyir rjes su dpag pa la gnod do/ /mi mthun pa rang gi bdag nyid las gzhan pa'i tshig gi don dang ma 'brel pa gzhan dag la yang lhas byin lhas byin zhes bya ba'i sgra 'jug pa dang ldog pa yod pas gtan tshigs ma nges pa nyid yin no/ /khyad par du smos na yang gtan tshigs kyi don ma grub pa nyid yin no//la ba sngon po zhes bya ba'i sgra ji skad smos pa'i yul yin pa yang don dam par ma grub pa'i phyir ro/ /des 'gro ba las 'gro ba po gzhan pa nyid yin no snyam pa'i blo'i phyogs la yang gtan tshigs dang dpe'i skyon gyis lan btab pa yin no/ /ci ste gcig pa nyid dgag pa'i phyir rjes su dpag pa bstan pas gzhan pa nyid dgag pa'i rjes su dpag pa bstan pa rnams bsal ba'i phyir gzhan pa nyid dgag pa yang mi 'grub bo snyam na gnyi ga dgag pa'i rjes su dpag pa bstan pa'i mthus gcig pa nyid dang /gzhan pa nyid dgag pas de'i yul can gyi blos skye ba med pa bstan par 'dod pa'i phyir skyon med do//de'i phyir de ltar 'gro ba las 'gro ba po gzhan pa nyid ma yin par bstan pa la/ pha rol pos gzhan ma yin pa nyid yin no zhes dam bcas pa'i don log par brtags nas khas blangs pa la gnod pa nye bar brtags pa'i gnod pa med do/ /ci ste yang gzhan zhig rtog pa zhib mos 'gro ba po'i rang gi bdag nyid rang las gzhan pa nyid ma yin par ma grub pa'i phyir dpe med par ston par byed na de yang bzang po ma yin te/'gro ba po'i rang gi bdag nyid gzhan pa nyid kyi ngo bo nyid kyis stong par rab tu grub pa nyid kyis dpe nyid du brjod pas skyon med do/ /de'i phyir de ltar gzigs zan dag gis rang gi grub pa'i mtha'i skyon sba bar 'dod pas/sgrub pa sbyar ba ni kho bo cag la mi gnod do/ /'dir gzhan dag na re/ 'gro ba med do zhes bya ba'i skabs bor nas 'gro ba po dang 'gro ba gcig pa nyid dang / gzhan pa nyid ma yin no zhes dam 'cha' bar byed pa de ni skabs bor ba dang /ltag chod yin no zhes zer ro/ /'dir bshad pa/ gang dag dngos po gcig pa dang / /dngos po gzhan pa nyid du ni/ /'gro ba po dang 'gro ba gcig pa nyid dang / gzhan pa nyid du grub par gyur na de gnyis yod pa nyid du shes par 'gyur ba zhig na/ gang gi tshe ji skad bshad pa'i rnam pas gcig pa nyid dang /gzhan pa nyid du/ grub par gyur pa yod min pa/ /de gnyis grub pa ji ltar yod/ /de'i phyir de ltar de'i dngos po nyid dgag par 'dod pa'i phyir skabs bor ba yang ma yin la/ gcig pa nyid la sogs par yongs su rtog pa nyid bkag pa'i phyir ltag chod kyang ma yin no/ /gzhan dag na re gcig pa nyid dang /gzhan pa nyid du nges par bzung bar mi nus su zin kyang 'gro ba po dang / 'gro ba 'grub pas ji skad bshad pa'i skyon med do zhes zer ro/ /de la yang lan de nyid yin te/ gang dag dngos po gcig pa dang / /dngos po gzhan pa nyid du ni/ /de gnyis tha snyad du ni yod pa nyid du shes par nus kyi khyed ni don dam par 'dod pas gal te gcig pa nyid dang /gzhan pa nyid du/ grub par gyur pa yod min pa/ /de gnyis grub pa ji ltar yod/ /med pa nyid de gcig pa nyid dang / gzhan pa nyid du med pa la ni yod pa nyid du ston pa'i rjes su dpag pa med pa'i phyir ro zhes bya bar dgongs so/ /mkhas par rlom pa gzhan dag ni don dam par 'gro ba po mi 'gro ste/bya ba dang ldan pa'i phyir sdod pa po bzhin te zhes bya ba dang / de bzhin du don dam par 'gro ba po sdod par mi 'thad de/ 'gro ba'i bya ba dang ldan pa'i phyir lhas byin 'gro ba ma nyams pa bzhin no zhes rjes su dpag pa sngar bstan pa dag la skyon 'dogs par byed de/spyi'i don gang yin/ bya ba dang ldan pas bya ba gzhan mi byed dam/ 'on te bya ba gang dang ldan pa de mi byed pa yin/ de la gal te brtag pa snga ma ltar 'dod na ni dpe med de/ de las gzhan pa'i bya ba byed pa'i phyir ro/ /'on te brtag pa phyi ma ltar 'dod na ni/ de lta na yang don 'gal ba nyid yin te/smra ba po tshig smra bar byed cing / gcod pa po shing gcod par byed pa dang / de dang ldan pa nyid kyis de byed pa'i phyir ro zhe na/ de la 'dir dpe med pa ma yin te/ de las gzhan pa'i bya ba'i byed pa po 'gro ba'i byed pa po nyid du ma grub pa sdod pa po la sogs pa dpe nyid du 'dod pa'i phyir ji skad bshad pa'i skyon ldog pa med do//don 'gal ba nyid kyang ma yin te/ 'di ltar/ 'gro ba gang gis 'gro por mngon/ /'gro ba des ni de 'gro min/ /'gro ba gang gis 'gro ba po/ /zhes bya bar mngon pa'i 'gro ba po de ni 'gro ba po de 'gro bar byed pa ma yin no zhes bya ba'i tha tshig go//don dam par gzhan pa nyid ma yin pa'i phyir/ rang gi bdag nyid bzhin pas rang gi rjes su dpag pa la gnod do/ /gzhan pa nyid ma yin par smra ba rnams la grags pa'i gnod par yang 'gyur te/ gang zhig gang du 'gro bar 'gyur/ /rang gi bdag nyid las tha dad par gyur pa'o zhes 'jig rten la grags pa'i phyir ro//yang na/ 'gro ba gang gis 'gro por mngon/ /'gro ba de ni de 'gro min/ /ji lta zhe na/ gang phyir 'gro ba'i snga rol med/ /'gro ba'i snga rol ni 'gro ba'i sngon rol na ste/ 'gro ba skye ba'i snga rol na/ /zhes bya ba'i tha tshig go/ /'gro ba po gang rang gi bdag nyid kyis gnas pa 'gro ba'i rgyur gyur pa'am 'gro bar byed cing 'gro po zhes bya ba'i tha snyad gdags pa la brten par 'gyur ba 'ga' yang med do//'di ltar tha snyad du ni 'dun pa'i rgyu las byung ba'i rtsol bas bskyed pa'i rlung gi khams kyi dbang gis 'du byed kyi tshogs yul gzhan du dus tha dad pa med par skye ba byung ba ni 'gro ba po yin la/de skad cig snga ma las mtshan nyid mi 'dra ba 'byung ba gang yin pa de ni 'gro ba yin no/ /yang dag par ni rgyu la byed pa po'i tha snyad 'dogs pa las de byed pa po nyid du yang mi 'dod de/ 'di ltar/ gang zhig gang du 'gro bar 'gyur/ /rang gi bdag nyid la ma yin te/ rang gi bdag nyid la byed pa nyid mi 'thad pa'i phyir ro//de ltar re zhig rang gi sde pa dag la/ 'gro ba gang gis 'gro por mngon/ /'gro ba de ni de 'gro min/ /zhes bya ba yin no/ /grangs can gyi phyogs la yang sa la sogs pa lus kyi rnam par gnas pa'i khyad par can dag la rdul shas che bar gyur pa ni 'gro ba yin la/ de dang ldan zhing de'i bdag nyid du gyur pa bya ba byed pa'i gnas kyi tshogs ni 'gro ba po yin no zhe na/de yang / gang phyir 'gro ba'i snga rol med/ /'gro ba'i snga rol na de'i bdag nyid med pa yin te/ sdod pa na yang 'gro'o zhes bya bar thal bar gyur na mi rung ba'i phyir ro/ /gang gi tshe 'gro ba snang bar gyur pa de'i tshe na de'i rgyu yin par yang mi rung ste/gang zhig gang du 'gro bar 'gyur/ /de nyid kyis de mi byed do/ /zhes bya bar dgongs so/ /gang la skye ba'i khyad par skyed par byed pa la myu gu skye'o/ /bdag nyid mkhas par byed do zhes brjod pa de yang rtog pas sgro btags pa ste/ ma skyes pa la bya ba mi srid pa'i phyir ro/ /ji ltar 'gro ba'i bdag nyid du gyur pa 'gro ba mi 'thad pa de bzhin du smra ba po tshig smra bar byed cing /gcod pa po shing gcod par byed pa zhes bya ba de la yang rang gi bdag nyid la bya ba byed par mi 'thad de/ gang gi phyir 'dir yang 'dun pa'i rgyu las byung ba'i rtsol bas bskyed pa'i gnas dang byung ba'i rgyu las ngag gi 'du byed kyi tshogs yi ge dang ngag dang tshig ces bya ba smra ba po las rang bzhin tha mi dad pa skad cig snga ma las mtshan nyid mi 'dra ba khyad par gang gis smra ba po zhes brjod pa 'byung zhing /de'i rgyu ni smra ba po yin pas smra ba po tshig smra bar byed do zhe na/ de yang mi rung ste/ gang phyir smra ba'i snga rol med/ /gang zhig ci zhig smra bar 'gyur//des gcod pa po shing gcod par byed pa zhes bya ba'i lan kyang btab pa yin no/ /de'i phyir de ltar dpe yang dngos bzhin du ma grub pas don 'gal ba nyid kyi skyon gyi gnas med par mi 'gyur bar rigs so/ /gzhan dag ni/ gang phyir 'gro ba'i sngon rol med/ /ces bya ba de la 'gro ba skye ba'i snga rol na 'gro ba po 'gro ba dang bral ba ni 'gro ba po nyid du mi 'thad pa'i phyir 'gro ba po 'gro'o zhes bya ba'i tha snyad mi srid pas 'gro ba po 'gro'o zhes bya bar mi rigs so zhes zer ro//de ni rigs pa ma yin te/ 'gro ba po mi 'gro'o zhes bya ba des don bstan zin pa'i phyir ro/ /bye brag pa dag gis smras pa/'gro ba gang gis 'gro por mngon/ /'gro ba de ni de 'gro min/ /zhes bya ba ni bden mod kyi/ 'on kyang de las de gzhan pa nyid yin pas kho bo cag la ji skad bshad pa'i rnam pa'i gnod pas gnod par mi 'gyur ro/ /kho bo cag ni rdzas kyi blo dang / las kyi blo gzhan pa nyid du grub ste/yul tha dad pa'i phyir dper na ba lang gi blo dang ba men gyi blo gzhan pa nyid bzhin no/ /gang gzhan pa nyid ma yin pa de la ni yul tha dad pa med de/ dper na ba lang gi blo rang las gzhan pa nyid ma yin pa bzhin no/ /'dir bshad pa/ ji ltar/ 'gro ba gang gi 'gro por mngon/ /'gro ba de ni de 'gro min//de mi rigs pa'i phyir ro zhes bya ba de bzhin du/ 'gro ba gang gis 'gro por mngon/ /de las gzhan pa de 'gro min/ /de las gzhan pa nyid bkag pa'i phyir dang / de ston pa'i rjes su dpag pa med pa'i phyir dang / gang yang gang dang lhan cig gzhan pa nyid du mi 'thad par khas blangs pa'i phyir dang /dpe yang ma grub pa'i phyir ro zhes bya bar dgongs so/ /yang na/ 'gro ba gang gis 'gro por mngon/ /de las gzhan pa de 'gro min/ /zhes bya ba ni/ /dam bca' ba nye bar gzhag pa yin no/ /gal te ci'i phyir zhe na/ gang phyir 'gro po gcig pu la/ /'gro ba gnyis su mi 'thad do//des ni 'gro ba po'i chos 'gro ba gnyis dang mi ldan pa nyid bstan to/ /'dir rjes su dpag pa ni don dam par rang las gzhan pa'i 'gro ba ni 'gro ba po 'gro bar byed pa ma yin te/ 'gro ba gnyis dang mi ldan pa'i phyir dper na sdod pa po bzhin no/ /gzhan dag na re/ gang phyir 'gro po gcig pu la//'gro ba gnyis su mi 'thad do/ /gang gi phyir 'gro pa po gcig pu la gang gi 'gro ba po zhes bya bar mngon pa dang / 'gro ba por gyur nas gang 'gro bar 'gyur ba'i 'gro ba gnyis mi 'thad pa de'i phyir de las gzhan pa'i 'gro ba yang 'gro ba po 'gro bar byed pa ma yin no zhes zer ro/ /kha cig na re/ de ni rigs pa ma yin te/'gro ba'i rgyu gcig kho na yod par khas blangs pas de dang ldan pa'i phyir 'gro ba po 'gro'o zhes bya bar 'grub pa'i phyir dang / gzhan pa nyid ma bkag pa'i phyir dang / re zhig 'gro ba po 'gro'o zhes/ /ji ltar 'thad pa nyid du 'gyur/ /zhes bya ba de dang khyad par med pa'i phyir ro zhe'o//gzegs zan pa dag gis smras pa/ 'gro ba ni gcig kho na ste/ de ni 'gro ba po las gzhan pa nyid yin la/ de dang ldan pa'i phyir 'gro ba po la 'gro ba po zhes tha snyad gdags su rung ngo / /'gro ba'i rgyu yin pa'i phyir de byed pa na 'gro'o zhes bya ba ste/ dper na mar me snang ba'i rgyu yin pas snang bar byed do zhes bya ba bzhin pas/gang phyir 'gro po gcig pu la/ /'gro ba gnyis su mi 'thad do/ /zhes bya ba de rigs pa ma yin no/ /de ni bzang po ma yin te/ gtan tshigs ji skad smos pa bsgrub pa'i phyir dang / don dam par 'gro ba bkag pa'i phyir dang / med pa las skye ba bkag pa'i phyir ro//yang na 'gro ba po ni 'gro ba dang ldan pa'i rgyu ma yin par shes te/ blo dang sgras khyad par can 'jug pa'i rgyu yin pa'i phyir dper na las bzhin pas rjes su dpag pa'i gnod pas gnod par 'gyur ba'i phyir ro/ /'gro ba po ni de dang ldan pa don med pa'i phyir ro/ /'gro ba po ma yin pa yang 'gro ba po ma yin pa nyid kyi phyir sdod pa po bzhin du de dang mi ldan pa'i phyir ro//'dir rjes su dpag pa dri ba'am smra bar rigs te/ smra ba thams cad ni rang gi gzhung smra ba la dpa' ba yin pas tshig la ni zad pa med do/ /de'i phyir de ltar rigs pas dpyad na/ 'gro po min par gyur pa ni/ /'gro rnam gsum du 'gro mi byed//de ma yin par gyur pa yang / /'gro rnam gsum du 'gro mi byed/ /yin dang ma yin gyur pa yang / /'gro rnam gsum du 'gro mi byed/ /'gro po yin par gyur pa zhes bya ba ni 'gro ba po gang 'gro ba dang ldan pa ste/ 'gro ba yod pa zhes bya ba'i tha tshig go/ /'gro'o zhes bya ba ni bgrod par bya ba'o //rnam gsum du zhes bya ba ni song ba dang / ma song ba dang / bgom par ro/ /de ma yin par gyur pa yang zhes bya ba ni 'gro ba po gang 'gro ba dang bral ba'o/ /yin pa dang ma yin par gyur pa yang zhes bya ba ni/ 'gro ba po dang / 'gro ba dang ldan pa yang yin la/ 'gro ba dang bral ba yang yin pa'o //de la re zhig 'gro ba po yin par gyur pa ni 'gro ba rnam pa gsum du 'gro bar mi byed de/ bya ba dang ldan pa'i phyir de las gzhan pa bzhin no/ /de ma yin par gyur pa yang 'gro ba rnam pa gsum du 'gro bar mi byed de/ 'gro ba dang bral ba'i phyir sdod pa po bzhin no/ /yin pa dang ma yin par gyur pa yang 'gro ba rnam pa gsum du 'gro bar mi byed de/phyogs gnyi gar bstan pa'i rjes su dpag pa dag gis gnod par 'gyur ba'i phyir ro/ /de bzhin du 'gro ba phyogs su byas pa la yang gtan tshigs dang dpe'i sbyor ba ci rigs par bya'o/ /de'i phyir de ltar rigs pa dang lung dag gis rnam pa thams cad du yongs su brtags na/'gro ba la sogs pa rnam pa gsum po dag ji ltar yang mi srid pa/ de phyir 'gro dang 'gro po dang / /bgrod par bya ba'ang yod ma yin/ /zhes bya ba ni 'bad pa'i 'bras bu ji skad bstan pa'i dbang gis mjug bsdu ba'o/ /slob dpon gyis bya ba dang byed pa po lhag ma dgag pa yang phyogs 'dis bstan to//de la 'dir rab tu byed pa'i don ni 'gro ba ngo bo nyid med pa nyid bstan pas rten cing 'brel par 'byung ba 'ong ba med pa dang / 'gro ba med pa'i khyad par dang ldan pa bstan pa yin no/ /de'i phyir gang la 'gro ba med pa dang / 'ong ba med pa de ni 'phags pa rnams kyi 'gro ba'o zhes bya ba dang /rigs kyi bu de bzhin gshegs pa la ni 'ong ba'am 'gro ba med do zhes bya ba dang / 'di la 'ong dang 'gro ba gang yang med/ /chos rnams thams cad nam mkha' ji bzhin no/ /zhes bya ba dang / de bzhin du gang la 'gro bar bya ba'am/ 'ong bar bya ba rdul phran tsam yang med pa de ni byang chub sems dpa'i shes rab kyi pha rol tu phyin pa ste/de la 'ong ba dang 'gro ba mi snang ngo / /rab kyi rtsal gyis rnam par gnon pa gzugs la 'ong ba dang / 'gro ba mi snang ngo / /tshor ba dang / 'du shes dang / 'du byed rnams dang / rnam par shes pa la 'ong ba dang 'gro ba mi snang ngo / /gang gzugs dang /tshor ba dang / 'du shes dang / 'du byed rnams dang / rnam par shes pa'i 'ong ba dang / 'gro ba mi snang ba de ni shes rab kyi pha rol tu phyin pa'o zhes bya ba la sogs pa gsungs pa de dag grub pa yin no/ /slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/song ba dang / ma song ba dang / bsgom pa brtag pa zhes bya ba ste/ rab tu byed pa gnyis pa'o// //dbu ma'i rtsa ba'i 'grel pa shes rab sgron ma/ bam po bzhi pa/ de la da ni skye ba mi mthun pa'i phyogs kyi khyad par dgag pas skye mched rnams ngo bo nyid med pa nyid du bstan pa'i don gyi dbang gis rab tu byed pa gsum pa brtsam mo//yang na 'gro ba mi mthun pa'i phyogs dgag pas skye mched rnams stong pa nyid du bstan pa'i phyir rab tu byed pa gsum pa brtsam mo/ /gang gi tshe dang po ltar na brtag pa de'i tshe mi mthun pa'i phyogs nye bar bzhag pa ni/ don dam par nang gi skye mched rnams skye ba kho nar gzung bar bya ste/yul so sor nges pa'i phyir ro/ /'di na gang skye ba med pa de la ni yul so sor nges pa med de/ dper na mo gsham gyi bu'i skye mched rnams la yul so sor nges pa med pa bzhin no/ /nang gi skye mched rnams la ni yul so sor nges pa 'di lta bu yod de/ 'di lta ste/ lta ba dang / nyan pa dang / snom pa dang / myong bar byed pa dang / reg par byed pa dang / yid rnams kyi yul gzugs dang / sgra dang / dri dang / ro dang / reg bya dang / chos rnams yin par go rims bzhin no/ /de'i phyir gtan tshigs ji skad smos pas nang gi skye mched rnams skye ba kho nar gzung bar bya'o/ /gang gi tshe gnyis pa ltar brtag pa de'i tshe ni/de phyir 'gro dang 'gro po dang / /bgrod par bya ba'ang yod ma yin/ /zhes bshad pa'i phyir / pha rol po dag na re/ 'gro ba yod pa nyid du shes par bya ste/ bya ba'i 'bras bu yin pa'i phyir/ /gzugs la lta ba la sogs pa bzhin no zhes zer ro/ /phyogs gnyi ga'i lan du bshad pa/lta dang nyan dang snom pa dang / /myong bar byed dang reg byed yid/ /dbang po drug po de dag gi /spyod yul blta bar bya la sogs/ /lta zhes bya ba ni lta bar byed pa'i phyir ro/ /lhag ma rnams la yang de bzhin no/ /dbang po zhes bya ba ni gzugs la sogs pa gzung ba'i phyir tshogs de la dbang po dang /bdag po nyid byed pa'i phyir ro/ /drug po zhes bya ba ni so so'i ming smos pa nyid kyis grangs kyang rab tu grub mod kyi/ de nges par gzung ba ni tha snyad du yang de dag las gzhan pa'i gzugs la sogs pa la dmigs par byed pa'i byed pa po med par shes par bya ba'i phyir ro/ /de dag gi zhes bya ba ni dbang po drug po de dag gi'o //spyod yul zhes bya ba ni yul te de dag la mthu yod pa nyid ces bya ba'i tha tshig go/ /blta bar bya ba la sogs pa zhes bya ba ni blta bar bya ba dang / mnyan par bya ba dang / bsnam par bya ba dang / myang bar bya ba dang / reg par bya ba dang / bsam par bya ba dag go/ / yul can dang / yul so sor nges pa de yang tha snyad pa yin gyi don dam pa ni ma yin pas/ gtan tshigs mi mthun pa'i phyogs 'ba' zhig la yod pas don 'gal ba nyid do/ /don dam par ji ltar mig la sogs pa yul can dang / yul gyi dngos por mi 'thad pa de ltar 'di bshad par bya ste/ re zhig mig gi dbang po gcig pu'i dbang du mdzad nas/lta ba rang gi bdag nyid na/ /de ni de la mi lta nyid/ /lta ba zhes bya ba ni lta bar byed pa'i phyir te/ mig gi dbang po zhes bya'o/ /rang gi bdag nyid na zhes bya ba ni/ rang gi ngo bo nyid yin na'o/ /de ni de la mi lta nyid/ /ces bya ba la/ ci'i phyir lta bar mi byed pa nyid yin zhe na/phyogs de ni tshig gi don 'og nas 'byung bas gsal bar byed do/ /ci'i phyir zhe na/ de ni de la mi lta ba'i phyir te/ de ni grags pa yin no zhes bya bar dgongs so/ /nyid ces bya ba'i sgra ni nges par gzung ba'i don te/ 'dir lta bar mi byed pa nyid ces bya bar blta bar bya'i gzhan du na gzhan la lta bar byed pa zhes bya bar shes par 'gyur ro//ci ste de lta na khyod kyis ci zhig bsgrub par 'gyur te/ gang gi tshe mig rang gi bdag nyid la lta bar mi byed do zhes smras pa'i tshe/ gzhan du gyur pa gzugs la lta bar byed do zhes khas len to zhe na/ khyed 'dod pa gang yin pa de yang / gang tshe bdag la mi lta ba/ / de gzhan dag la ji ltar lta/ /mig gzugs la lta bar byed pa'i mthu nyid med do zhes bya ba'i tshig gi don te / de la 'dir tshig le'ur byas pa'i phyed gong mas ni mig rang gi bdag nyid la lta bar mi byed pa'i chos bstan la/ phyed 'og mas ni bsgrub par bya ba chos gzugs la lta bar mi byed pa bstan to/ /de'i phyir bsgrub par bya ba dang /sgrub pa'i chos nye bar gzhag pas sbyor ba'i tshig tu 'dod pa ni don dam par mig gi dbang po ni gzugs la lta bar mi byed pa nyid de/ rang gi bdag nyid la lta bar mi byed pa'i phyir/ dper na rna ba la sogs pa bzhin no/ /yang na phyed gong mas ni mig gi dbang po gzung ba nyid ma yin par bstan nas/mig gi dbang po rang gi bdag nyid chos mthun pa'i dpe nyid du nye bar bzhag la/ phyed 'og mas ni mig gi dbang po gzugs la lta bar mi byed par bstan pas bsgrub par bya ba chos gzugs mig gi dbang po'i yul ma yin pa nyid bstan to/ /'dir de'i dbang gis sbyor ba'i tshig ni don dam par gzugs mig gi dbang po'i yul ma yin te/bsags pa'i phyir dper na mig gi dbang po'i bdag nyid bzhin no/ /rang gi bdag nyid la lta bar mi byed pa dang / bsags pa ni mtshan nyid kyi sgra'i tshul nye bar gzung ba'i phyir te/ gtan tshigs thogs pa dang bcas pa nyid dang / 'byung ba las gyur pa nyid dang /rgyur byas pa'i gzugs nyid dang / gzugs kyi phung por gtogs pa nyid la sogs pa dag gi phyir ro zhes kyang phyogs gnyi ga la rjes su dpag pa dag brjod par bya'o/ /'dir kha cig na re/ mig rang gi bdag nyid la lta bar mi byed pa ni bstan du med pa yin pa'i phyir rung mod kyi/ gzugs ni bstan du yod pa yin pas de'i phyir de la lta bar byed do zhes zer ro/ /de la rgyu gzhan des kho bo cag gis smras pa'i gtan tshigs dang dpe bsgrub pa'i phyir gnod pa med do/ /chos mngon pa pa dag na re/ gal te khyad par med pa'i mig gzugs la lta bar mi byed pa nyid ces zer na/ de ni grub pa la sgrub pa yin te/phyogs ni de dang mtshungs pa'i mig lta bar mi byed pa yin pa'i phyir ro/ /'on te mig gzugs rnams la lta bar mi byed pa bstan pa mtshungs pa la bya'o zhes zer na ni de lta na khas blangs pa la gnod par 'gyur te/ chos mngon pa las/ rten mtshungs mig ni gzugs rnams lta/ /der rten rnam par shes pa min//zhes gsungs pa'i phyir ro zhes zer ro/ /de la 'dir brten pa mtshungs pa'i mig nyid phyogs su byas pa'i phyir ro / /grub pa la sgrub pa yang ma yin la/ khas blangs pa la gnod par yang mi 'gyur te/ mig ni gzugs la mi lta zhing / /yid ni chos rnams mi shes te/ /gang la 'jig rten mi 'jug pa//de ni dam pa'i bden pa'o/ /zhes gsungs pa'i phyir ro/ /don dam par mig gzugs la lta bar byed par khas ma blangs pa'i phyir dang / rjes su dpag pa rgyas pa ji skad bstan pa'i phyir de grub pas don dam par brten pa mtshungs pa'i mig ni gzugs la lta bar mi byed de/ mig gi dbang po yin pa'i phyir dper na de dang mtshungs pa bzhin no//yang na dbang po gzugs can yin pa'i phyir rna ba bzhin no zhes bkag pa'i phyir ro/ /grags pa'i gnod par yang mi 'gyur te/ dam bcas pa khyad par can nye bar bzung ba nyid kyis de ma spangs pa'i phyir dang /lan btab zin pa'i phyir ro/ /kha che ba dag na re/ mig ni lta bar byed pa nyid de/ lta ba'i byed pa po yin pa'i phyir ro zhe'o/ /kha cig na re/ de ni rigs pa ma yin te/ dam bcas pa'i don gyi phyogs gcig yin pa'i phyir dang / rjes su 'gro ba med pa'i phyir dang / dgag pa smras zin pa'i phyir ro zhe na/gzhan dag na re kha che ba dag gis smras pa ni rigs pa ma yin te/ skad cig mar smra ba rnams la ni skad cig yin pas bya ba mi 'thad pa'i phyir ro/ /skad cig ma ma yin par smra ba rnams la yang de nyid de las gzhan pa nyid du mi 'thad pa'i phyir ro zhe'o/ /mdo sde pa dag na re/ 'du byed rnams la bya ba med pa'i phyir mig kyang lta bar mi byed la/gzhan yang ma yin te/ 'o na ci zhe na/ mdo sde las mig dang gzugs rnams la brten nas mig gi rnam par shes pa skye'o zhes gsungs pas khyed mig lta bar mi byed do zhes zer ba ni grub pa kho na la sgrub pa yin no zhe'o/ /skye ba bkag pa kho nas mig gi rnam par shes pa mi 'thad pa'i phyir grub pa la sgrub pa ma yin no//khas blangs pa la gnod par mi 'gyur te/ tha snyad kyi bden pa dang rjes su mthun pa'i mdo sde'i don khas blangs pa'i phyir dang / don dam par mdo sde'i don la rigs pa med pa'i phyir ro/ /mig dang gzugs kyi skye mched kyi skye ba bkag pa'i phyir dang /mig dang gzugs dag gi lta ba po dang / lta ba nyid bkag pa'i phyir de'i khyad par mi srid pas chog mod kyi/ 'on kyang nyan pa'i skye bo'i blo gros dbye bar 'dod pas phyogs tsam zhig bshad par bya'o/ /lta ba rang gi bdag nyid na/ /de ni de la mi lta nyid/ /ces bya bas snga ma bzhin du rang gi bdag nyid la lta bar mi byed pa nyid phyogs kyi chos su bstan nas/gang tshe bdag la mi lta ba/ /de gzhan dag la ji ltar lta/ /zhes bya ba 'dis bsgrub par bya ba chos nye bar gzhag pa'i phyir gzhan gyis yongs su brtag pa'i rnam par rtog pa gzhan bsal bar 'dod pas sbyor ba'i tshig dag bya'o/ /de la gang dag mig ni ma phrad pa 'dzin pa'o zhes zer ba de dag gi phyir lta bar byed pa ni shes pa'i don yin pa'i phyir dper na rgyal po dag gis rtog chen dag las shes pa bzhin te/rang gi bdag nyid la lta bar mi byed pa'i phyir ro/ /gtan tshigs kyi don ni rang gi bdag nyid mi shes pa yin no/ /don dam par mig ni yul ma phrad pa 'dzin pa ma yin te/rang gi bdag nyid la lta bar mi byed pa'i phyir dper na sna la sogs pa bzhin no/ /de bzhin du don dam par gzugs ni mig gi dbang po yul ma phrad par 'dzin pa'i gzung ba ma yin te/ 'byung ba las gyur pa yin pa'i phyir dper na dri la sogs pa bzhin no/ /rang gi bdag nyid la lta bar mi byed pa dang /'byung ba las gyur pa ni mtshan nyid kyi sgra'i tshul nye bar bzung ba'i phyir te/ gtan tshigs thogs pa dang bcas pa nyid la sogs pa dag gi phyir ro zhes kyang phyogs gnyi ga la rjes su dpag pa dag brjod par bya zhing sbyor ba'i tshig ci rigs pa rgyas par bya'o/ /yang na don dam par mig ni yul ma phrad pa 'dzin pa yin par mi 'dod de/da ltar gyi yul mngon sum pa yin pa'i phyir dper na sna tshogs pa bzhin no/ /ci ste mig ni yul ma phrad pa 'dzin pa yin te/ gzugs bar du chod pa 'dzin pa'i phyir dang / rtsol ba tha dad pa med pa dang / dus tha dad pa med par 'dzin pa'i phyir dang / rang las lhag pa'i yul 'dzin pa'i phyir dang / dper na yid bzhin no zhe na/ de yang bzang po ma yin te/ 'di la ma phrad pa 'dzin pa ni gzugs bar du chod pa 'dzin pa'i don yin la/ gzugs bar du chod pa 'dzin pa'i phyir zhes bya ba'i don kyang de nyid yin pas dam bcas pa'i phyir don gyi phyogs gcig yin pa'i phyir dang /rtsol ba tha dad pa med pa dang / dus tha dad pa med par 'dzin pa'i phyir zhes bya ba yang ma grub pa'i phyir ro/ /gtan tshigs grub tu zin na yang rjes su 'gro ba mi 'grub ste/ don dam par yid kyang ma phrad pa 'dzin pa nyid du ma grub pa'i phyir ro/ /yang na don 'gal ba nyid kyang yin no/ / grangs can dag mig ni yul dang ma phrad pa 'dzin pa ma yin te zhes bya ba de ni grub pa la sgrub pa yin no zhes zer na/ mig yul ma phrad pa 'dzin pa nyid kyi chos stong pa nyid du bstan pas yul phrad pa 'dzin pa yin no zhes bsgrub pa'i tshul gyis ma bstan pa'i phyir gnas ma yin pa la dbugs 'byin to zhes brjod par bya'o//gzhan yang mig ni yul phrad pa 'dzin pa yin par mi 'dod de/ dbang po yin pa'i phyir dper na yid bzhin no/ /sna la sogs pa dag gis ma nges pa nyid kyang ma yin te/ de dag kyang 'og nas de dang 'dra ba kho nar ston pa'i phyir ro/ /phrad pa 'dzin pa zhes bya ba'i don kyang gang yin/gal te gnas nas yul gyi phyogs su song ste 'dzin par byed pa'o zhe na/ don dam par mig gi 'jug pa ni/ mig gi rnam par shes pa'i rnam grangs kyi gnas nas phyi rol du mi 'gro ste/ 'jug pa yin pa'i phyir dper na sna la sogs pa'i dbang po'i 'jug pa bzhin no/ /de bzhin du don dam par gzugs ni mig gi dbang po yul phrad pa 'dzin pa'i gzung ba ma yin te/rgyu can yin pa'i phyir dper na sgra la sogs pa bzhin no/ /ji ste phyogs gnyi gar bstan pa'i rjes su dpag pa rgyas pa dag gi phyogs gcig gi gcig brtsal ba'i phyir gang yang rung ba la ma grub pa yin no zhe na/ gnyi ga med pa'i phyir mi sgrub par 'dod pa grub bo//gang dag la mig gi 'od zer yul gyi phyogs su song ste/ yul 'dzin par byed do snyam pa'i blo gros yod pa de dag la yang 'di skad ces brjod par bya ste/ tha snyad du yang mig gi dbang po ni 'od zer dang bcas pa ma yin par shes par bya ste/ gzugs dmigs pa'i rgyu yin pa'i phyir dper na gzugs bzhin no//gal te mig gi dbang po ni 'od zer dang bcas pa kho na yin te/ mig gi dbang po yin pa'i phyir dper na/ byi ba la sogs pa mtshan mo rgyu ba'i mig bzhin no zhe na/ de ni rigs pa ma yin te/ mig gi dbang po ni bstan du med pa'i phyir dang / de'i gnas 'od zer dang bcas pa nyid yin du zin na yang dpe ma grub pa'i phyir dang /'gal ba 'khrul pa med pa'i gnod pa yod pa'i phyir ro/ /dpyad pa rnam par 'phros pas chog gi skabs nyid kyi dbang du bya'o/ /lta ba rang gi bdag nyid na/ /de ni de la mi lta nyid/ /gang tshe bdag la mi lta ba/ /de gzhan bdag la ji ltar lta//zhes bya ba 'di la kha cig na re/ 'di la dngos po rnams kyi ngo bo nyid ni rang gi bdag nyid la mthong na/ de dang ldan pas gzhan gyi bdag nyid la yang dmigs par 'gyur te/ dper na chu la rlan mthong na de dang ldan pas sa la yang dmigs pa dang / me la tsha ba mthong na de dang ldan pas chu la yang dmigs pa dang /sna ma'i me tog la dri zhim pa nyid mthong na de dang ldan pas/ gos la yang dmigs pa lta bu yin na/ dngos po gang rang gi bdag nyid la mi snang ba de gzhan gyi bdag nyid la ji ltar dmigs par 'gyur te/ 'di ltar sna ma'i me tog la dri nga ba nyid ma mthong na gos la yang dmigs par mi 'gyur ba lta bu'o//de'i phyir gal te lta ba rang gi bdag nyid la lta bar byed na ni/ des na gzugs la lta bar byed pas lta ba'o zhes bya ba de 'thad par 'gyur ba zhig na/ lta ba na rang gi bdag nyid la lta bar mi byed do/ / gang rang gi bdag nyid la lta bar mi byed pa de gzhan dag la ji ltar lta bar byed de/de bas na gzugs la lta bar byed pas lta ba'o zhes bya ba de mi 'thad do/ /slob dpon 'phags pa lhas kyang / dngos po kun gyi rang bzhin ni/ /thog mar bdag la snang gyur na/ /mig nyid la yang mig gis ni/ /ci yi phyir na 'dzin mi 'gyur/ / zhes gsungs so zhes zer ro / /de la 'dir rang gi sde pa dag na re/ lta ba gzugs dmigs pa de gal te ji ltar mig la med pa de bzhin du gzugs la yang med do zhe na ni grub pa la sgrub pa yin te/ de ltar yang / de ni mig dang gzugs la med/ /de gnyis bar na'ang yod ma yin/ /gang du de ni gnas 'gyur ba//de yod ma yin de med min/ /zhes gsungs pa'i phyir ro zhe'o/ /kha cig na re/ ji ste rang gi bdag nyid la lta bar byed pa'i nus pa med do zhe na ni/ sna ma'i me tog dag de'i dper mi rung ste/ sna ma'i me tog dag la tshogs pa'i dbang gis dri zhim pa nyid dag 'byung ba'i phyir me tog dang phrad pas 'bru mar dri zhim pa nyid du 'gyur ba bzhin no//gzugs la lta bar byed pa'i bya ba yang sus kyang khas ma blangs pas de 'gog pa yang mi 'thad pa'i phyir ro/ /ci ste bdag nyid la 'dzin par mi byed pa bzhin du gzhan dag la yang 'dzin par mi byed par sgrub na ni de lta na yang dpes mi nus te/me dang sna ma'i me tog dag rang dang gzhan gyi bdag nyid la 'dzin par mi byed pa'i phyir ro/ /de lta bas na de ni rigs pa min no zhe'o/ /de'i phyir de ltar mig lta bar ma grub pas skye ba yang ma grub/ 'gro ba yang ma grub ste/ dpe med pa'i phyir ro/ /yang na gtan tshigs 'gal ba nyid kyang yin no//'dir smras pa/ khyod bsgrub pa'i don sgro btags nas mig gzugs la lta bar mi byed de/ rang gi bdag nyid lta bar mi byed pa'i phyir ro zhes zer ba ni 'di skad ces gal te de la rang gi bdag nyid la nus pa med na/ de la gzhan gyi bdag nyid la yang de med par bstan pa yin no//de lta na yang ma nges pa nyid yin te/ me la rang gi bdag nyid la sreg par byed pa'i nus pa nyid med du zin kyang gzhan gyi bdag nyid la sreg par byed nus pa nyid yod pa'i phyir ro/ /'dir bshad pa/ lta ba rab tu bsgrub pa'i phyir/ /me yi dpes ni nus ma yin/ /mig ni lta ba'i ngo bo nyid yin no zhes bya ba'i don de rab tu bsgrub pa'i phyir gtan tshigs ma nges pa nyid kyi skyon brjod pa ste/don dam par me ni sreg par byed pa nyid du ma grub pa'i phyir dang / tha snyad du yang lta ba'i ngo bo nyid du ma grub pa'i phyir ro zhes bya bar dgongs so/ /yang na/ lta ba rab tu bsgrub pa'i phyir/ /me yi dpes ni nus ma yin//gtan tshigs kyi skyon brjod pa'i phyir te/ me'i ngo bo nyid rang dang gzhan gyi bdag nyid snang bar byed pa de ni gzhan gyi phyogs la yang med pa'i phyir dang / tha snyad du yang sreg par byed pa'i ngo bo nyid du ma grub pa'i phyir ro zhes bya bar dgongs so/ /sreg pa zhes bya ba yang mes byas pa'i bud shing 'gyur ba yin pas/de'i phyir me'i ngo bo nyid ma yin no/ /gzhan yang / lta ba rab tu bsgrub pa'i phyir/ /me yi dpes ni nus ma yin/ /song dang ma song bsgom pa yis/ /de ni lta bcas lan btab bo/ /lta bcas zhes bya ba ni lta ba dang bcas pa'o/ /gang zhe na/ me'i dpe de'o/ /ci zhig byas she na/ lan btab bo/ /gang gis she na/ song ba dang / ma song ba dang / bsgom pa dag gis te/ ji ltar sngar don dam par song ba dang / ma song ba dang / bsgom pa dag la 'gro ba med de/ song zin pa'i phyir dang / ma song ba'i phyir dang / song ba dang / ma song ba ma gtogs par bsgom pa shes par mi 'gyur ba'i phyir ro zhes bshad pa de bzhin du don dam par mes kyang bud shing bsregs pa dang /ma bsregs pa dang / sreg pa dag sreg par mi byed de/ bsregs pa'i phyir dang / ma bsregs pa'i phyir dang / bsregs pa dang / ma bsregs pa ma gtogs par bsreg pa shes par mi 'gyur ba'i phyir ro zhes bya ba dang /de bzhin du don dam par mig kyang gzugs bltas pa dang / ma bltas pa dang / blta ba dag la lta bar mi byed de/ bltas pa'i phyir dang / ma bltas pa'i phyir dang / bltas pa dang / ma bltas pa ma gtogs par blta ba shes par mi 'gyur ba'i phyir ro zhes go rims bzhin du sbyor ba'i tshig dag brjod par bya'o//'di la gzhan dag ni pha rol pos me bzhin du lta ba la sogs pa 'grub ste/ dper na me ni sreg par byed pa yin yang / gzhan dag sreg par byed pa nyid yin gyi rang gi bdag nyid sreg par byed pa ni ma yin no/ /de bzhin du lta ba yang lta bar byed pa yin yang /gzhan dag la lta bar byed pa nyid yin gyi / rang gi bdag nyid la lta bar byed pa ni ma yin no zhes smras pa'i lan du/ lta ba rab tu bsgrub pa'i phyir/ /me yi dpes ni nus ma yin/ /song dang ma song bsgom pa yis/ /de ni lta bcas lan btab bo/ /de yang gzhan sreg par mi byed pa'i phyir ro zhes zer ro//gzhan dag na re de ni rigs pa ma yin te/ dpe tsam gyis phyogs snga ma shin tu snying po ma yin pas de 'gog pa'i rigs pa ma yin pa'i phyir ro zhe'o / /gzhan dag gis smras pa/ mig la lta ba'i bya ba yod pa kho na yin te/ sgra'i bstan bcos las de ltar bstan pa'i phyir ro//'di na sgra'i bstan bcos las byed pa po la bya ba'i rkyen brjod nas lta ba bya ba byed pas lta ba zhes bya ste/ der gang ci bstan pa de ni de bzhin te/ dper na byed pa po la bya ba'i rkyen brjod nas thugs su chud par mdzad pa'am/ thugs su chud par gyur pas sangs rgyas zhes bya ba bzhin no//'dir bshad pa/ sgrub pa de tha snyad kyi bden pa'i khongs su ni yod mod kyi/ don dam par ni med do/ /ji lta zhe na/ 'di nyid du mig lta ba bkag pa'i phyir dang / de'i skye ba bkag pa'i phyir lta ba dang bral ba yin pas/ gang tshe cung zad mi lta ba/ /lta bar byed pa ma yin no//gang gi tshe gtan pa'am/ khre'u 'am cung zad la yang lta bar mi byed pa de'i tshe lta bar byed pa ma yin no/ /de'i phyir/ lta bas lta bar byed ces byar/ /de ni ji ltar rigs par 'gyur/ /lta bas lta bar byed ces bya ba de ji ltar rigs par 'gyur te/ de ni mi rigs pa kho na'o zhes bya ba'i tshig gi don to//de'i phyir/ lta ba lta nyid ma yin te/ /lta ba min pa mi lta nyid/ /lta ba'i nus pas stong pa'i phyir/ /bong ba la sogs pa bzhin no/ /zhes bya bar dgongs so/ /des na don dam par sgra'i bstan bcos las lta ba'i sgra dang / sangs rgyas kyi sgra bstan pa mi rung ba kho na ste/dpe med pa'i phyir ro/ /mdzad pa'i mtha' dang mi 'gal te/ /don dam par bcom ldan 'das kyang ngo bo nyid med pa'i phyir dang / 'og nas kyang / de bzhin gshegs pa'i dngos nyid gang / /de ni 'gro 'di'i ngo bo nyid/ /de bzhin gshegs pa dngos nyid med/ /'gro 'di ngo bo nyid med do//zhes 'byung ba'i phyir ro/ /yang na gzhan du brtags te/ 'di la de lta ba yin pa la byed pa po bya ba'i rkyen brjod nas lta bar byed pas lta ba zhes bya ba'am/ lta ba ma yin pa la byed pa po la bya ba'i rkyen brjod nas lta bar byed pas lta ba zhes bya/ des cir 'gyur/ gal te de lta ba ma yin pa la bya na ni/gang tshe cung zad mi lta ba/ /lta bar byed pa ma yin no/ /'o na ci zhe na/ lta bar byed pa nyid ni lta bar byed pa yin no/ /des na mig lta ba'i bya ba skyes pas lta bar byed de/ de lta na gtan tshigs dang dpe'i skyon de nyid yod do/ /gal te de lta ba'i bya ba byed pa po yin pa'i phyir lta bar byed pa nyid yin no zhe na/de'i tshe de lta ba yin na lta ba'i bya ba don med pa nyid de/ de'i phyir/ lta bas lta bar byed ces byar/ /de ni ji ltar rigs par 'gyur/ /mi rigs pa kho na yin te/ lta ba'i bya ba dang ldan pa'i phyir ro zhes bya ba'i tshig gi don to/ /ji ste de lta ba ma yin pa la bya na yang / gang tshe cung zad mi lta ba//lta bar byed pa ma yin no/ /de'i tshe de lta ba'i ngo bo nyid ma yin na/ bong ba la sogs pa bzhin du lta ba'i bya ba dang bral ba yin pas lta ba ma yin pa yang lta bar mi byed pa nyid do/ /de'i phyir de ltar gnyi ga yang lta ba'i bya ba dang mi ldan pa'i phyir/ lta ba lta nyid ma yin te/ /lta ba min pa mi lta nyid//ci ste dgag pa gnyis yod na/ skabs kyi don go bas de'i phyir mig lta ba'i bya ba skyes pas lta bar byed do zhe na/ de ni bzang po ma yin te/ yod pa dang ni med pa'i rkyen dgag pa bzhin du yod pa dang / med pa'i rgyu nyid bkag pa'i phyir ro/ /phyis 'byung ba'i tshul gyis lta ba nyid du nye bar brtags nas/de lta ba yin par rtogs na ni tha snyad kyi bden pa rab tu bsgrub pa'i phyir 'dod pa nyams so/ /yang na pha rol po na re mig lta ba'i bya ba skyes pas lta bar byed par smra ste/ bya ba'i tha snyad yod pa'i phyir ro/ /gang la lta ba'i bya ba ma skyes pa de ni lta bar byed do zhes mi brjod de/ dper na rna ba bzhin no//mig la ni lta ba'i bya ba yod pas mig lta bar byed do zhes tha snyad 'dogs so zhes zer ba la / slob dpon gyis bshad pa/ de ltar na/ lta ba lta nyid ma yin te/ /pha rol pos don dam par lta ba po 'ga' zhig la lta ba'i bya ba skyes par ma bstan pa'i phyir dang / lta ba la lta ba'i bya ba skyes pa'i sngon rol na/lta ba nyid du ma grub pa'i phyir ro zhes bya bar dgongs so/ /sngon lta ba ma yin pa las phyis lta ba'i bya ba dang ldan par 'gyur ba ni bstan dka' ba'i phyir/ lta ba min pa mi lta nyid/ /de lta na gtan tshigs kyi don ma grub pa nyid dam/ don 'gal ba nyid yin pas/dam bcas pa nyams so/ /'dir grangs can dang / bye brag pa dag gis smras pa/ 'dis lta bar byed pas lta ba ste/ byed pa la bya ba'i rkyen brjod pa'i phyir ro/ /byed pa de gang gi yin pa de ni lta ba po ste/ de yang des lta bar byed do/ /dper na gcod pa po sta res shing gcad par bya ba shing gcod par byed kyi sta re nyid gcod par mi byed pa bzhin te/des na mig gis lta bar mi byed do zhes bya ba de ni grub pa la sgrub pa yin no/ /byed pa dag la byed pa po yod de/ byed pa yin pa'i phyir dper na sta re la sogs pa dag la gcod pa po yod pa bzhin no/ /'dir bshad pa/ lta ba nyid kyis lta ba po/ /rnam par bshad par shes par bya/ /rnam par bshad par shes par bya ba zhes bya ba lan btab par shes par bya'o / /gang gis she na/ lta ba nyid kyis so/ /gang gi zhe na/ lta ba po'i ste/ lta ba po nyid du rnam par rtog pa dgag pa yang 'dra ba'i phyir ro zhes bya bar dgongs so//ji ltar der mig gi chos rang gi bdag nyid la lta bar mi byed pa yin pa de bzhin du 'dir bdag gi chos kyang rang gi bdag nyid la lta bar mi byed pa yin te/ gang gi phyir bdag ni rang gi bdag nyid la lta bar byed pa mi 'thad de/ rang gi bdag nyid la 'jug pa 'gal ba'i phyir ro/ /'di ltar ral gri'i so de nyid kyis ral gri'i so de nyid gcod par mi byed pa bzhin no//de ltar rjes su dpag pa ni don dam par bdag kyang lta ba po ma yin te/ rang gi bdag nyid la lta bar mi byed pa'i phyir dper na rna ba bzhin no/ /pha rol pos gtan tshigs kyi don ma grub pa nyid du dogs pa'i dug gis bslad du yang mi rung ngo //gang la lar bdag gis bdag la lta bar byed do zhes bshad pa der ni/ yid phan 'dogs pa yin pa'i phyir/ bdag gis zhes bya ba'i sgrar sgro btags nas tha snyad du de skad bshad pa yin no/ /'dir rang gi bdag nyid la lta bar mi byed pa ni mtshan nyid kyi sgra'i tshul nye bar gzung ba'i phyir te/gtan tshigs dngos po nyid dang / shes bya nyid dang / brjod par bya ba nyid la sogs pa dag gi phyir rna ba la sogs pa bzhin no zhe'am/ sgra la sogs pa bzhin no zhe'am/ bdag gi bdag nyid bzhin no zhes gtan tshigs dang / dpe'i rjes su dpag pa dag kyang rgyas par brjod par bya'o//de ltar na don dam par bdag ni gzugs la lta bar mi byed de/ dngos po yin pa'i phyir dper na rna ba la sogs pa bzhin no zhe na / de bzhin du don dam par bdag ni gzugs la lta bar mi byed de/ shes bya yin pa'i phyir dper na sgra la sogs pa bzhin no//de bzhin du don dam par bdag ni gzugs la lta bar mi byed de/ brjod par bya ba yin pa'i phyir dper na bdag gi bdag nyid bzhin no/ /gzugs la yang de bzhin du ci rigs par brjod par bya'o/ /dam bcas pa la sogs pa'i skyon yang med de/ tha snyad kyi bden pa'i dbang du byas pa'i phyir dang /spyir khas blangs pa'i bdag phyogs su byas pa'i phyir dang / de'i chos bstan pa'i phyir dang / dpe nyid du yang de nye bar gzhag pa'i phyir ro/ /de ltar na don dam par sta re la sogs pa ma grub pas dpe yang med pa'i phyir grub pa la sgrub pa ma yin no/ /'dir kha cig na re/ lta ba po lta bar mi byed do zhes bya ba ni de nyid kyis don de la skur pa btab pa'i phyir/dam bcas pa'i skyon du 'gyur ro zhes zer ro/ /'dir rten cing 'brel par 'byung ba skye ba med do zhes bya bas lan btab zin pa'i phyir yang phyir bzlas mi dgos so/ /gzhan yang 'di la lta ba po de lta ba po'i ngo bo nyid yin nam 'on te lta ba po'i ngo bo nyid ma yin/de la gal te lta ba po'i ngo bo nyid yin te/ ji ltar grangs can dag na re skyes bu'i ngo bo nyid ni shes pa yod pa nyid do zhes zer ba lta bu'o zhe na/ de la gal te de'i lta ba po'i ngo bo nyid yin na ngo bo nyid ni ma byas pa'i phyir/ lta ba med par yang lta ba por 'gyur ro/ /ci ste gcod pa po de la sta re med na gcod pa po nyid du mi 'thad pa de bzhin du de yang lta ba ma spangs pa'i phyir /lta ba po nyid du blta bar bya'o zhe na/ de lta na bdag po nyid ni tha snyad pa yin te/ gcod pa po tha snyad pa yin pa'i phyir ro/ /de ltar rtog na/ ma spangs lta po yod min te/ /lta ba ma spangs na de lta ba po nyid du khas blangs pa'i phyir ro zhes bya ba'i tshig gi lhag ma'o//'di na lta ba dang ldan pa'i sngon rol dang lta ba dang bral ba'i 'og na lta ba med pas lta ba med na blta bar bya ba la lta ba yang med pa'i phyir/ lta ba po nyid du mi 'thad pas lta ba po med de/ lta ba po'i ngo bo nyid ma yin no zhes bya ba'i tha tshig go//me bzhin du yang de mi 'grub ste/ bud shing med par me mi 'grub pa'i phyir ro/ /yang na gal te lta ba po yod na lta ba po yin no zhe na yang grangs can dag gis yongs su brtags pa'i lta ba po med do zhes bya ba'i tshig gi lhag ma ste/ 'di la gzugs dmigs shing lta bar byed pas lta ba po'o zhes rjes su dpag pa yin na/gzugs dmigs pa de yang / mig dang / gzugs dang / snang ba dang / nam mkha' dang / yid la byed pa dag yod na yod pa yin pas de'i phyir/ lhas byin zhes bya ba'i tshogs de dag dang ldan pa la lta ba po zhes gdags kyi de las gzhan ni med do/ /de las gzhan pa yongs su brtags pa'i yod pa nyid cig yod du zin na yang /long ba'i rgyud la gzugs dmigs pa med pa'i phyir ro/ /byed pa'i rgyu dag la byed pa por tha snyad gdags te/ mar me bzhin du rigs pa nyid yin no/ /dper na mar me la sems pa med kyang snang ba'i rgyu yin pa'i phyir snang bar byed pa yin no zhes zer ba bzhin te/de'i phyir tha snyad du yang med do/ /ci ste lta ba po'i ngo bo nyid ma yin te/ ji ltar bye brag pa dag na re bzhi'i sbyor ba las gzugs shes pa skyes pa na lta bar byed do zhes zer ba lta bu'o zhe na/ de lta na yang skyon de nyid yod de/ ma grags pa'i yod pa nyid la de brtag pa mi 'thad pa'i phyir ro//thun mong du khas blangs nas de yod do zhe na/ yang bshad pa/ lta ba spangs par gyur kyang ngo / /ci zhig ce na/ lta ba po yod min te/ /zhes bya ba'i skabs yin te/ lta ba'i nus pa spangs par gyur na/ de'i ngo bo nyid ma yin pa'i phyir ro/ /don dam par de gzugs la lta bar byed par mi 'thad de/mig las gzhan yin pa'i phyir dper na bum pa bzhin no/ /de ltar na phyogs gnyis ka la yang / lta ba po nyid ma grub bo/ /yang na lta ba po'i ngo bo nyid du yongs su brtags na yang / ma spangs lta po yod min te/ /lta ba spangs par gyur kyang ngo / / lta ba dang bcas sam/ lta ba med kyang rung ste/ lta ba po'i ngo bo nyid med do zhes bya bar dgongs so/ /gal te re zhig lta ba po de mig yod na lta bar byed do zhes bya ba de ltar 'dod na/ de lta na gzugs dmigs pa 'grub pa ni mig yod na yod pa'i phyir me yod na bsreg pa nyid bzhin pas lta ba po nyid tha snyad pa ste/mig nyid yin par 'dod par bya'o/ /ci ste lta ba med kyang lta ba po yin no zhes byar ni long ba'i rgyud la gzugs dmigs pa med pa'i phyir de lta ba po nyid yin par mi rigs so/ /'dir smras pa/ lta ba'i bya ba yod pa nyid ni lta ba po yin par shes par bya ste/ de la byed pa dang / las yod pa'i phyir ro//'di na gang la bya ba med pa de la ni byed pa dang las med de/ dper na nam mkha'i me tog bzhin no/ /lta ba po de la ni byed pa lta ba dang las blta bar bya ba yod pas de'i phyir lta ba'i bya ba yod pa nyid ni lta ba po yin par shes par bya'o/ /'dir bshad pa/ don dam par lta ba rnam pa thams cad du bkag pa'i phyir dang /lta ba med na lta ba po yang mi 'thad de/ lta po med na khyod kyi ni/ /blta bya lta ba ga la yod/ /gang gis kyang lta bar mi byed pa la blta bar bya ba mi rigs pa'i phyir dang / 'dis lta bar byed pa'i lta ba po med pa kho na'i phyir byed pa yang mi rigs pa'i phyir ro zhes bya bar dgongs so//des na khyod kyi byed pa dang las yod pa'i phyir ro zhes bya ba'i gtan tshigs kyi don ma grub pa nyid dam/ don 'gal ba nyid yin no/ /rang gi sde pa dag las/ kha cig na re/ rgyu dang rkyen gzhan gyi dbang dang g.yo ba med pa'i 'du byed dag la mig lta bar mi byed do zhes bya ba dang / de las gzhan pa'i bdag lta ba po med do zhes bya ba gang yin pa de ni rigs kyi/ blta bar bya ba dang / lta ba dag med do zhes bya ba ni mi 'dod de/ de dag gi 'bras bu rnam par shes pa la sogs pa bzhi yod pa'i phyir ro/ /gang med pa de la ni/ 'bras bu rnam par shes pa dang / reg pa dang / tshor ba dang / sred pa zhes bya ba dag med de/ dper na dmus long gi mig bzhin no/ /blta bar bya ba dang lta ba dag la ni 'bras bu rnam par shes pa la sogs pa bzhi yod pas/ de'i phyir blta bar bya ba dang / lta ba dag yod do zhes zer ro/ /'dir bshad pa/ gal te ji skad bstan pa'i tshul gyis blta bar bya ba dang /lta ba rab tu ma grub par bstan pa de'i tshe/ blta bya lta ba med pa'i phyir/ /rnam par shes la sogs pa bzhi/ /yod min/ rkyen med pa'i phyir ro zhes bya bar dgongs so/ /de'i phyir de dag ma grub pas ma grub na blta bar bya ba dang / lta ba yang 'grub par mi rigs te/dpe yang med pa'i phyir ro/ /gang dag 'di skad ces don dam par rnam par shes pa la sogs pa dag yod pa nyid de de dag gi 'bras bu nye bar len pa la sogs pa dag yod pa'i phyir ro zhes zer ba de dag la bshad par bya ste/ nye bar len pa la sogs pa/ /ji lta bur na yod par 'gyur/ /de dag kyang rnam par shes pa la sogs pa bzhin du ma grub pa'i phyir ro zhes bya bar dgongs so//nye bar len pa zhes bya ba ni/ nye bar blang bar bya ba dag ste/ 'dod pa dang / tshul khrims dang / brtul zhugs mchog tu 'dzin pa dang / bdag tu smra ba dang / lta ba zhes bya ba dag go/ /sogs pa zhes bya ba ni gang dag gi dang por de dag bstan pa ste/de dag kyang srid pa dang skye ba dang rga shi dag go/ /de'i phyir khyod la skyon de nyid yod do/ /da ni pha rol pos rab tu byed pa'i dang por nyan pa la sogs pa dang / sgra la sogs pa dpe nyid du nye bar bzhag pa dag ji skad bstan pa'i tshul gyis 'dra bar bstan par bzhed nas/lta dang nyan dang snom pa dang / /myong bar byed dang reg byed yid / /nyan pa po dang mnyan la sogs/ /rnam par bshad par shes par bya/ /zhes bya ba gsungs so/ /nyan pa dang / snom pa dang / myong bar byed pa dang / reg par byed pa dang / yid dang / nyan pa po dang / mnyan par bya ba la sogs pa dag gi lan kyang btab par shes par bya'o//gang gis she na/ lta ba nyid kyis te/ lta ba dgag pa bzhin du nyan pa la sogs pa dag dgag pa yang ci rigs par rjes su dpag pa rgyas par spros pa dang bcas pa bstan par bya'o/ /des na rab tu byed pa rtsom pa nas rnam par rtog par byed pa'i skye ba yang ma grub la 'gro ba yang ma grub bo//de la 'dir rab tu byed pa'i don ni pha rol pos smras pa'i sgrub pa'i skyon brjod pas skye mched rnams stong pa nyid du bstan pa yin no/ /de'i phyir nang gi sa'i khams gang yin pa dang / phyi rol gyi sa'i khams gang yin pa de ni gnyis su med pa'i don te /de yang de bzhin gshegs pas shes rab dang ye shes kyis gnyis su med pa dang / gnyis su dbyer med pa dang / mtshan nyid gcig pa 'di lta ste/ mtshan nyid med par mngon par rdzogs par sangs rgyas so zhes bya ba dang / de bzhin du bu mo khams dag ji ltar blta bar bya/bu mos smras pa/ 'jam dpal 'di lta ste/ dper na 'jig rten gsum bskal pa'i mes bsregs pa na thal ba yang med pa ltar ro zhes bya ba dang / de bzhin du/ mig ni gzugs la mi lta zhing / /yid ni chos rnams mi shes te/ /gang la 'jig rten mi 'jug pa//de ni dam pa'i bden pa'o/ /zhes bya ba dang / de bzhin du chos thams cad ni shes par mi byed/ lta bar mi byed de/ de ni chos smra ba la yang dmigs par mi byed/ sems par mi byed/ rlom par mi byed do zhes bya ba dang / de bzhin du sring mo mig ni gzugs la lta bar mi byed/ rnam par shes par mi byed de/ byang chub kyang mig dang gzugs dang bral ba nyid do/ /rna ba dang / sna dang / lce dang / lus dang / yid gang chos rnams 'dzin par mi byed rnam par shes par mi byed de/ byang chub kyang yid dang chos dang bral ba nyid do zhes bya ba la sogs pa dang / de bzhin du rab kyi rtsal gyis rnam par gnon pa gzugs ni gzugs kyi spyod yul ma yin no//tshor ba dang / 'du shes dang / 'du byed rnams dang / rnam par shes pa yang rnam par shes pa'i spyod yul ma yin no/ /rab kyi rtsal gyis rnam par gnon pa spyod yul zhes bya ba ni gzugs kyis gzugs mi shes mi mthong ba dang /tshor ba dang / 'du shes dang / 'du byed rnams dang / rnam par shes pas rnam par shes pa mi shes mi mthong ba'o/ /gzugs mi shes mi mthong / tshor ba dang / 'du shes dang / 'du byed rnams dang / rnam par shes pa mi shes mi mthong ba gang yin pa de ni shes rab kyi pha rol tu phyin pa'o zhes bya ba la sogs pa gsungs pa de dag grub pa yin no//slob dpon legs ldan byed kyis nye bar sbyar ba / dbu ma'i rtsa ba'i 'grel pa shes rab sgron ma las/ skye mched brtag pa zhes bya ba ste/ rab tu byed pa gsum pa'o// //da ni skye mched yod pa nyid mi mthun pa'i phyogs kyi khyad par dgag pas phung po rnams ngo bo nyid med pa nyid du bstan pa'i don gyi dbang gis rab tu byed pa bzhi pa brtsam mo//rab tu byed pa bstan ma thag pa'i mjug tu/ lta bas nyan dang snom pa dang / /myong bar byed dang reg byed yid/ /nyan pa po dang mnyan la sogs/ /rnam par bshad par shes par bya//zhes bshad pa'i phyir rang gi sde pa dag na re/ don dam par skye mched rnams yod pa kho na yin te/ phung pos bsdus pa'i phyir ro/ /'di na gang yod pa ma yin pa de ni gzugs la sogs pa'i phung pos ma bsdus te/ dper na nam mkha'i me tog bzhin no/ /nang gi skye mched rnams la ni phung pos bsdus pa yod de/'di lta ste/ gzugs can bcu ni gzugs kyi phung pos bsdus la/ chos kyi skye mched ni phung po gsum dang / gzugs kyi phung po'i phyogs gcig gis bsdus/ yid kyi skye mched ni rnam par shes pa'i phung pos bsdus so/ /de'i phyir gtan tshigs ji skad smos pas don dam par nang gi skye mched rnams yod pa kho na yin no zhes zer ro//'dir bshad pa/ 'di la gzugs ni mdor bsdu na rnam pa gnyis te/ 'byung ba'i gzugs dang / 'byung ba las gyur pa'i gzugs so/ /dus la sogs pa'i dbye bas tha dad pa de dag thams cad gcig tu bsdus nas gzugs kyi phung po zhes bya'o//de la re zhig pha rol po'i gtan tshigs nyid du mig la sogs pa bsdus par 'dod pa'i phyir dang / bstan sla ba'i phyir gzugs las brtsams te bsam par bya'o/ /gzugs kyi rgyu ni ma gtogs par/ /gzugs ni dmigs par mi 'gyur ro/ /gzugs zhes bya ba ni gzugs su rung ba'o//de'i rgyu ni gzugs kyi rgyu ste/ de gang zhe na/ sa la sogs pa 'byung ba chen po bzhi po dag go/ /de dag ma gtogs par zhes bya ba ni/ de dag bstsal na'o/ /gzugs ni dmigs par mi 'gyur ro/ /zhes bya ba ni don dam par ro/ /'o na ci zhe na/ tha snyad gdags pa'i phyir/gzugs kyi rgyu 'byung ba chen po bzhi po dag la brten nas gzugs zhes 'dogs par byed do/ /de ltar na 'dis gzugs kyis bsgrub par bya ba chos sa la sogs par 'dus pa tsam nyid dang / gzugs kyi bsgrub pa'i chos rang gi rgyu ma bzung na de'i blo med pa bstan to/ /dpe ni de'i dbang gis te/dmag dang nags tshal la sogs pa dag yin no/ /'dir rjes su dpag pa ni don dam par gzugs rdzas su yod pa ma yin te/ rang gi rgyu ma bzung na de'i blo med pa'i phyir ro/ /'di na gang rang gi rgyu ma bzung na de'i blo med pa ni rdzas su yod pa ma yin te/ dper na dmag la sogs pa bzhin no//de bzhin du gzugs kyang rang gi rgyu sa la sogs pa dag ma bzung na/ gzugs kyi blo med pas rdzas su yod pa ma yin no/ /yang na sbyor ba'i lam gzhan yang yod de/ don dam par gzugs kyi blo ni dngos po rdzas su yod pa'i yul can ma yin te/ blo yin pa'i phyir dper na nags tshal la sogs pa'i blo bzhin no//yang na sbyor ba'i lam gzhan yang yod de/ don dam par gzugs kyi zhes bya ba'i sgra 'di ni tshig gi don rdzas su yod pa'i yul can ma yin te/ sgra yin pa'i phyir dper na dmag la sogs pa'i sgra bzhin no/ /rnam par shes pa dang / sems las byung ba dag kyang bsgrub par bya ba dang /rigs mthun pa nyid kyis de bzhin du dgag par bya ba yin pa'i phyir/ gtan tshigs ma nges pa nyid ma yin no/ /gal te gzugs ni don dam par yod pa yin te/ de zhig kyang de'i blo mi 'jig pa'i phyir ro/ /'di na gang zhig na de'i blo 'jig pa de ni kun rdzob tu yod pa yin te/ dper na bum pa bzhin no/ /gzugs sngon po la sogs pa dag ni zhig kyang de'i blo de ltar mi 'jig pas de'i phyir gzugs ni rdzas su yod pa yin no zhe na/ de ni bzang po ma yin te/ rjes su 'gro ba med pa'i phyir ro/ /de ltar re zhig rgyur byas pa'i gzugs brtags zin to/ /da ni 'byung ba'i gzugs kyi dbang du byas te bshad par bya'o//rgyur byas pa'i gzugs ni yod pa kho na yin te/ de'i rgyu yod pa'i phyir ro/ /'di na gang med pa de la ni rgyu gzung du med de/ dper na nam mkha'i me tog bzhin no/ /rgyur byas pa'i gzugs la ni rgyu sa la sogs pa de dag yod pas de'i phyir rgyur byas pa'i gzugs ni yod pa kho na yin no zhe na/de'i phyir bshad pa/ gzugs zhes bya ba ma gtogs par/ /gzugs kyi rgyu yang mi snang ngo / /'di la rgyur byas pa'i gzugs kyi mtshan nyid gzugs dang / sgra dang / dri dang / ro dang / reg bya ma gtogs par gzugs kyi rgyu sa la sogs pa dag kyang mi snang zhing gzung du med do//'dir yang 'byung ba'i gzugs kyi bsgrub par bya ba chos gzugs la sogs pa 'dus pa tsam nyid dang / sgrub pa'i chos gzugs la sogs pa mi snang na sa la sogs pa de dag kyang mi snang bar bstan to/ /de'i phyir de'i dbang gis dpe yang mngon no/ /de la 'dir re zhig sa'i dbang du byas te sbyor ba'i tshig bya'o//'dus pa tsam nyid kyang / don dam par mi ston pa'i phyir ro/ /'dir bstan bcos mdzad pas 'dus pa tsam nyid bstan pas/ rdzas su yod pa nyid dgag pa kho na bstan te/ de dgag pa ni don che ba'i phyir ro/ /ji ltar de don che ba nyid yin zhe na/ 'di ltar tha snyad du brten nas 'dogs par byed pa gang yin pa de ni/don dam par rdzas su yod pa ma yin pa'i phyir skye ba med pas ngo bo nyid med pa nyid grub pa'i phyir ro / /'phags pa lang kar gshegs pa'i mdo las/ gang phyir 'dus pa ma gtogs par/ /blo yis dngos po gzung du med/ /de phyir stong dang ma skyes dang //rang bzhin med par nga smra'o/ /'di la rkyen gyis cung zad kyang / /skye ba dang ni 'gag pa med/ /skye ba dang ni 'gag pa yang / /rkyen rnams kho na 'ba' zhig go/ /zhes bya ba la sogs pa ji skad gsungs pa lta bu'o/ /'dir sbyor ba'i tshig ni don dam par sa ni rdzas su yod pa ma yin par shes par bya ste/de'i rgyu mi snang na de mi snang ba'i phyir ro/ /gang rgyu mi snang na de mi snang ba de ni don dam par rdzas su yod pa ma yin te/ dper na dmag la sogs pa bzhin no/ /de bzhin du/ blo dang sgra'i phyogs la yang ci rigs par brjod par bya'o/ /yang na gzugs kyi rgyus la sogs pa de dag ma gtogs par de dag las gzhan pa'i gzugs dmigs su med de/rang gi rgyu ma bzung na de gzung du med pa ni gzugs kyi chos yin no/ /'dir sbyor ba'i tshig ni don dam par gzugs ni rang gi tshogs pa'i yan lag dag las gzhan ma yin te/ de ma bzung na de'i blo med pa'i phyir/ dper na sa la sogs pa'i rang gi bdag nyid bzhin no//'dir bya ba la gnas pa yin par bsams pas ma bzung ba blo'i chos yin pa'i phyir/ gtan tshigs kyi don ma grub pa nyid ma yin no/ /grangs can dag na re/ gzugs la sogs pa dag las sa la sogs pa dag gzhan ma yin pas/ de ni grub pa la sgrub pa yin no zhes zer ro//de ni bzang po ma yin te/ gzhan nyid dgag pas gzhan ma yin pa nyid du ston par mi byed pa'i phyir dang / pha rol po 'dod pa'i gzhan ma yin pa nyid kyang khas ma blangs pa'i phyir ro/ /bye brag pa dag gtan tshigs ma nges pa nyid du rgol bar byed de/ mar me ma bzung yang de las gzhan pa yod na bum pa la de'i blo yod pa'i phyir ro zhe na/de yang bzang po ma yin te/ de'i blo med pa kho na'i phyir ro zhes nges par bzung ba'i phyir dang / mar me med kyang nor bu dang / 'od zer dang / sman dang zla ba dang / nyi ma'i snang ba yod na de'i blo yod pas/ de'i mi mthun pa'i phyogs la bsgrub pa'i chos med pa'i phyir ma nges pa nyid ma yin no//rang gi tshogs pa'i yan lag dag las gzhan ma yin te zhes dam bcas pa khyad par can nye bar bzung ba'i phyir mar me ni bum pa'i rang gi tshogs pa'i yan lag ma yin no/ /'og nas gang yang gang dang lhan cig tu gzhan pa nyid du mi 'thad do zhes ston pas mi mthun pa'i phyogs med pa'i phyir/don dam par mar me las bum pa gzhan nyid du ma grub pa'i phyir yang ma nges pa nyid ma yin no/ /gal te dmag la sogs pa yan lag can gyi rdzas dag la/ rtsom pa yod pa'i phyir sa la sogs pa dag rdzas su yod pa nyid ma yin par rab tu sgrub pa'i rdzas su dpag pa dag gis dpe ma grub bo zhe na/dmag gi yan lag dag ni dmag ces bya ba yan lag can gyi rdzas rtsom par byed pa ma yin te/ yan lag yin pa'i phyir/ dper na/ shing gi yan lag rtsa ba dang / sdong po dang / yal ga dang / yal ga phra mo la sogs pa dag bzhin no//yang na glang po che dag la yongs su rdzogs pa de'i yan lag gang yin pa de ni shing rta dang rta la sogs pa dag rtsom par byed pa ma yin te/ de la med pa'i phyir dper na rgyu spun la sogs pa bzhin pas dpe med pa ma yin no/ /de bzhin du/ gzugs zhes bya ba ma gtogs par//gzugs kyi rgyu yang mi snang ngo / /zhes bya ba 'di la yang snga ma bzhin du bsgrub par bya ba dang / sgrub pa'i chos dag nye bar sbyar nas/ rjes su dpag pa rgyas par brjod par bya'o/ /ji ltar gzugs sa la sogs pa dag las gzhan ma yin pa de bzhin du/ sa la sogs pa dag gzugs las gzhan ma yin pa yang ma yin te/'og nas gzhan ma yin pa nyid kyang 'gog pa'i phyir dang / gzhan ma yin pa nyid kyis 'o ma yang zho nyid du 'gyur ba'am/ zho yang 'o ma nyid du 'gyur na mi rung ba'i phyir ro/ /de'i phyir/ gcig pa nyid dang gzhan nyid du/ /ji ltar byis pas rnam brtags ltar//dngos po gzhan pa ma yin dang / /tshogs las gzhan pa'ang gang na'ang med/ /ces gsungs pa de grub pa yin no/ /de'i phyir de ltar skye mched rnams rab tu bsgrub pa'i phyir gtan tshigs phung pos bsdus pa'i phyir ro zhes smras pa'i don ma grub pa nyid dam/ don 'gal ba nyid yin no//gzugs kyi rgyu ma gtogs par yang gzugs yod do zhes shes par byar mi nus te/ 'on kyang rnam par rtog na/ gzugs kyi rgyu ni ma gtogs par/ /gzugs na gzugs ni rgyu med par/ /thal bar 'gyur te/ gzugs kyi rgyu zhes bya ba ni gzugs kyi yod pa nyid kyi rgyu ste/ bar gyi tshig mi mngon pa'i phyir me'i rgyu bzhin no/ /de ma gtogs par zhes bya ba ni gzugs kyi rgyu ma gtogs par te/ gzugs yod pa nyid du ston pa'i rgyu med par zhes bya bar dgongs so/ /gzugs na zhes bya ba ni dam bcas pa tsam las rnam pa de lta bu de 'dod na'o/ /gzugs ni rgyu med par thal bar 'gyur te zhes bya ba ni 'thad pa med par zhes bya ba'i tha tshig go//de yang mi 'dod pas ji skad smras pa'i skyon ldog pa med do/ /rgyu med par gang dag dngos po thams cad rgyu med pa kho na las skye bar khas blangs pa'i phyir/ gzugs 'grub pa yang de dag dang 'dra'o zhes zer na/ de la bshad pa/ gal te 'ga' zhig ji skad smras pa'i rnam pa lta bur gyur na ni de yang rung ba zhig na/ don gang yang / rgyu med pa ni gang na'ang med/ /de yang dpe med pa'i phyir smra ba de la yang grub pa med do/ /kho bos dang po nyid du yang rgyu med par smra ba dag bsal zin pas de ni bden pa ma yin no//gang dag grangs can dag gi tshul la mkhas su re bas/ 'di skad ces khyod kyis sa la sogs pa dag gzugs la sogs pa dag las gzhan ma yin no zhes smras pas/ de dag gzhan ma yin pa nyid du khas blangs pa yin pas des na don dam par sa la sogs pa dag rdzas su yod par shes par byar nus te/gzugs la sogs pa dag las gzhan nyid ma yin pa'i phyir/ dper na gzugs la sogs pa'i rang gi bdag nyid bzhin no zhes zer na ji skad bstan pa'i tshul gyis gzhan ma yin pa nyid ma grub pa'i phyir gtan tshigs kyi don ma grub pa nyid yin no/ /dpe yang med de/ gzugs la sogs pa'i rang gi bdag nyid bsal ba'i phyir ro//gzhan dag na re/ don dam par sa la sogs pa dag yod pa kho na yin te/ de dag gi 'bras bu yod pa'i phyir ro/ /'di na gang med pa de la ni 'bras bu gzung du med de/ dper na nam mkha'i me tog bzhin no/ /sa la sogs pa dag la ni 'bras bu gzugs la sogs pa dag yod pas de'i phyir sa la sogs pa dag yod pa kho na yin no zhes zer ro//'dir bshad pa/ gal te gzugs ni ma gtogs par/ /gzugs kyi rgyu zhig yod na ni/ /'bras bu med pa'i rgyur 'gyur te/ /'bras bu med pa'i rgyu med do/ /kho bo'i phyogs la gal te gzugs ma gtogs par gzugs kyi rgyu sa la sogs pa zhig yod na ni des na 'bras bu med pa'i rgyur 'gyur te/'bras bu gzugs la sogs pa'i mtshan nyid kyis 'bras bu med pa'i rgyur 'gyur ba'i phyir ro/ /gzhan yin pa'i phyir rtsi skyang la sogs pa bzhin no/ /'bras bu med pa'i rgyu med do zhes bya ba ni/ de yang gzugs la sogs pa 'dus pa'i bdag nyid yin pa'i phyir ro zhes bya bar dgongs so//de'i phyir rgyu bzhin du 'bras bu yang ma grub pa'i phyir de dag gi 'bras bu yod pa'i phyir ro zhes sngar smras pa'i gtan tshigs kyi don ma grub pa nyid kyi skyon yod do/ /spyir grags pa'i gtan tshigs nyid du brjod na ni don 'gal ba nyid yin no//sun dbyung ba'i len gzhan yang yod de/ 'di la gzugs kyi rgyu zhig brtags na gzugs yod pa'am/ med pa la brtag grang na/ gnyi ga la yang mi 'thad par bshad pa/ gzugs yod na yang gzugs kyi ni/ /rgyu yang 'thad par mi 'gyur nyid/ /yod pa'i phyir dper na bum pa dang snam bu yod pa bzhin no//ci ste med na yang / gzugs med na yang gzugs kyi ni/ /rgyu yang 'thad par mi 'gyur nyid/ sa la sogs pa 'dod pa ste/ /skye ba'i sngon rol na med pa'i phyir de las gzhan pa bzhin no zhes bya bar dgongs so/ /'dir skye ba med pa'i rab tu byed par bstan pa'i sun dbyung ba rjes su bzlas pas/sun dbyung ba brjod par rig par bya'o/ /rgyu med par smra ba dag rgyu med pa kho na'o zhes zer ba de dag gi phyir bshad pa/ rgyu med pa yi gzugs dag ni/ /'thad par mi rung rung ma yin/ /kun rdzob tu yang de khas ma blangs pa'i phyir ro zhes bya bar dgongs so//yang na bye brag tu smra ba dag ma 'ongs pa'i gzugs kyang yod do zhes zer bas de dag gi phyir bshad pa/ rgyu med pa yi gzugs dag ni/ /'thad par mi rung rung ma yin/ /ma 'ongs pa skye ba'i rgyu ma blangs pa dag nyid kyi dngos po ma thob pa ni tha snyad du yang yod par mi 'grub pa'i phyir ro zhes bya bar dgongs so//gang gi phyir de ltar 'byung ba dang / 'byung ba las gyur pa'i bdag nyid kyi gzugs rnam pa thams cad du mi 'thad pa/ de phyir gzugs kyi rnam par rtog /'ga' yang rnam par brtag mi bya/ /mkhas pa chos kyi de kho na rnam par rtog pa dang / legs par bral bar rtogs par 'dod pa yang dag pa'i shes pa'i mig yang dag par bye bas gzugs rdzas su yod pa dang /rgyu las gzhan pa dang / rgyu las gzhan pa ma yin pa dang / de dag la sogs pa kha dog dang / dbyibs kyi dbye ba la sogs pa yul gyi rnam par rtog pa mang po bu ma btsas pa'i rmi lam na bu'i gzugs dang spyod pa la sogs pa'i yul dag mthong nas sad pa lta bu dag la rnam par brtag par mi bya'o//de'i phyir de ltar gzugs kyi rgyu mi 'thad pa'i phyir ji skad smras pa'i skyon dang ma bral lo// // dbu ma'i rtsa ba'i 'grel pa shes rab sgron ma/ bam po lnga pa/ yang gzhan yang 'di na rgyu'i yon tan snga na yod pa'i rim gyis 'bras bu la yang yon tan mthong ba'i mtshan nyid kyis gang dag 'bras bu rgyu dang 'dra'o zhes zer ba de dag gi phyir bshad pa/'bras bu rgyu dang 'dra ba zhes/ /bya ba 'thad pa ma yin te/ /'bras bu rgyu dang 'dra bar bstan pa 'thad pa ma yin te/ rgyu de 'bras bu ma yin pa nyid do zhes bya ba'i tha tshig go//'dir ni bsgrub par bya ba chos smra bar 'dod pa'i rgyu/ rgyu ma yin pa nyid dang / sgrub pa'i chos 'dra bar bstan pa nye bar bzhag go/ /dpe ni de'i dbang gis te/ rgyud tha dad pa'i rdzas yin pa bzhin no/ /'dir sbyor ba'i tshig ni don dam par smra bar 'dod pa'i rgyu/rgyu spun sngon po ni la ba sngon po'i rgyu ma yin te/ 'dra ba'i phyir dper na de las gzhan pa'i la ba sngon po bzhin no/ /'dir grangs can dag na re de las gzhan pa'i la ba sngon po la yang smra bar 'dod pa'i la ba sngon po'i rgyu med par ma grub pa'i phyir dpe med do zhes zer ro/ /de ni bzang po ma yin te/da ltar de 'byung ba'i rgyu ni dngos po ma yin par grub pa nyid dpe nyid du 'dod pa'i phyir dang / dgag pa 'di ni sgra gang dang lhan cig sbyor bar byed pa de'i brjod par bya ba don dgag pa kho nas mthu nye bar zad pa yin te/ de na de'i khyad par mi ston pa'i phyir/ bram ze ma yin no zhes bya ba bzhin pas skyon med do//rang gi sde pa dag ni 'bras bu rgyu dang 'dra ba dang mi 'dra bar yang smra bas skad cig ma snga ma mtshan nyid 'dra ba las skad cig ma phyi ma skye ba la ltos nas/ dper na mar me dang chu'i rgyun la sogs pa dag la ni rgyu'i skad cig ma dang 'dra ba'i phyir/ 'dra ba yin no/ /skad cig ma snga ma mtshan nyid mi 'dra ba las skad cig ma phyi ma skyed pa la ltos nas/dper na shing dang 'o ma dang de la sogs pa'i thal ba dang / zho la sogs pa dag la ni rgyu'i skad cig ma dang mi 'dra ba'i phyir mi 'dra ba yin no zhe na/ de la 'bras bu rgyu dang 'dra ba gang yin pa de ni rjes su dpag pa ji skad bstan pa nyid kyis bkag zin to/ /'bras bu rgyu dang mi 'dra ba gang yin pa de'i dbang du byas te bshad pa/'bras bu rgyu dang mi 'dra zhes/ /bya ba'ang 'thad pa ma yin no/ /'dir yang bsgrub par bya ba'i chos myu gu smra bar 'dod pa'i rgyu'i 'bras bu ma yin pa nyid dang / sgrub pa'i chos mi 'dra bar bstan pa nye bar bzhag go/ /des na yan lag lhag ma yang snga ma bzhin du mngon no//'dir rjes su dpag pa ni don dam par myu gu ni smra bar 'dod pa'i rgyu'i 'bras bu ma yin te/ mi 'dra ba'i phyir dper na gyo mo la sogs pa bzhin no/ /ci ste yang 'bru ni myu gu'i rgyu kho na yin te/ de yod na 'byung ba'i phyir ram/ des tha snyad 'dogs pa'i phyir dper na rnga bo che'i sgra 'am nas kyi myu gu bzhin no zhe na/de ni bzang po ma yin te/ skye ba can rnams kyi skye ba rnam pa thams cad du bkag pas dpe ma grub pa'i phyir sgrub pa ma tshang ba'i skyon yod do/ /gang dag 'di skad ces mig la sogs pa'i 'bras bu ni mig gi rnam par shes pa la sogs pa mi 'dra ba yin pa'i phyir mi 'dra ba zhes bya ba'i gtan tshigs ma nges pa nyid do zhes zer na/de yang bzang po ma yin te/ mig gi rnam par shes pa la sogs pa yang bsgrub par bya ba dang / rigs mthun pa nyid kyis de bzhin du dgag par bya ba yin pa'i phyir mi mthun pa'i phyogs med pas ma nges pa nyid kyi skabs med do/ / yang na smra bar 'dod pa sa la sogs pa dag rgyu ma yin pas gzugs ma grub pa'i phyir de dag gi 'bras bu yod pa'i phyir ro zhes bya ba'i gtan tshigs kyi don ma grub pa nyid dam/ don 'gal ba nyid yin no zhes ji skad bstan pa'i tshul dang 'dra'o/ /bye brag tu smra ba dag na re/ 'bras bu ni rgyu dang 'dra ba yang yin la/mi 'dra ba yang yin te/ byed pa'i rgyus 'dus byas kyi byed pa'i rgyu ni thams cad yin par khas blangs pa'i phyir dpe med do zhes zer ro/ /de ni bzang po ma yin te/ rigs mthun pa bskyed pa'i rgyu thun mong ma yin pa la sogs pa'i khyad par can gyi sgrub par byed pa nyid 'gog par 'dod pa'i phyir ro//de ltar na gzhung gi tshogs des 'byung ba'i gzugs dang / rgyur byas pa'i gzugs bkag pas gzugs kyi phung po mi srid par bstan to/ /da ni gzugs bkag pa bzhin du tshor ba la sogs pa dag dgag pa yang rim pa mtshungs par bstan par bya ste/ tshor dang 'du shes 'du byed dang / /sems dang dngos po thams cad kyang //rnam pa dag ni thams cad du/ /gzugs nyid kyis ni rim pa mtshungs/ /gzugs dgag pa bzhin du tshor ba la sogs pa dag dgag pa yang rim pa mtshungs pa'i phyir ro zhes bya bar dgongs so/ /ji ltar don dam par gzugs rdzas su yod pa ma yin te/ rang gi rgyu ma bzung na de'i blo med pa'i phyir/dper na dmag la sogs pa bzhin no zhes bstan pa de bzhin du don dam par/ tshor ba dang / 'du shes dang / 'du byed rnams dang / rnam par shes pa dag kyang rdzas su yod pa ma yin te/ rang gi rgyu ma bzung na de'i blo med pa'i phyir/ dper na dmag la sogs pa bzhin no zhes rgyas par khong du chud par bya'o//tshor ba la sogs pa dag gi rgyu ni/ reg pa dang / mig dang / gzugs dang / snang ba dang / nam mkha' dang / yid la byed pa la sogs pa dag yin par ci rigs par brjod par bya'o/ /ji ltar don dam par gzugs ni rang gi tshogs pa'i yan lag dag las gzhan ma yin te/de ma bzung na de'i blo med pa'i phyir/ dper na sa la sogs pa'i rang gi bdag nyid bzhin no zhes bya bas don dam par gzugs rang gi rgyu dag las gzhan ma yin par bstan pa de bzhin du 'dir yang don dam par tshor ba la sogs pa dag rang gi rgyu dag las gzhan ma yin par brjod par bya'o//'dir sun 'byin pa dang / sun 'byin pa'i lan dag kyang snga ma bzhin no/ /dngos po thams cad kyang zhes bya ba ni phung po las gzhan pa 'dus byas kyi chos med mod kyi/ de dag gi bye brag dag dgag pa brjod par bzhed pas nye bar bzhag ste/ yongs su brtags pa'i bum pa dang /snam bu la sogs pa dag rdzas su yod pa nyid dang / gzhan pa nyid dgag pa'i phyir ro/ /'dir yang snga ma bzhin du sbyor ba'i tshig dag ci rigs par brjod par bya'o/ /de ltar phung po rnams ma grub pa'i phyir phung pos bsdus pa zhes bya ba'i gtan tshigs kyi don ma grub pa nyid dang /dpe med do/ /ji lta zhe na/ 'di lta ste/ gzugs la sogs pa'i phung pos bsdus pa dag don dam par yod do zhes bya ba med pa'i phyir ro/ /yang na gtan tshigs kyi don 'gal ba nyid kyang yin te/ phung pos bsdus pa ni tha snyad kho nar yod pa yin pa'i phyir ro/ /de ltar rigs pa des na/stong pa nyid kyis brtsad byas tshe/ /gang zhig lan 'debs smra byed pa/ /de yi thams cad lan btab min/ /bsgrub par ba dang mtshungs par 'gyur/ /de kho na brtag pa'i mtshan nyid la dngos po 'ga' zhig gi don dam pa pa'i ngo bo nyid brtag pa brtsam pa na stong pa nyid kyis don dam par skye mched rnams skye ba med pa dang /rdzas su yod pa ma yin par tshad ma yongs su bzung ste/ brtsad cing 'gyed pa byas pa'i tshe/ /gang zhig rtog ge phyi ma nye bar bzhag pas lan 'debs shing smra bar byed pa de'i de dag thams cad ni lan btab pa ma yin te/ bsgrub par bya ba dang mtshungs par 'gyur ba'i phyir ro/ / de ston pa'i gtan tshigs dang / dpe de dag bsgrub par bya ba dang mtshungs par ma grub pa'i phyir/ rtog ge phyi ma mi 'grub bo zhes bya bar dgongs so/ /de bzhin du/ stong pa nyid kyis bshad byas tshe/ /gang zhig skyon 'dogs smra byed pa/ /de yi thams cad skyon brtags min/ /bsgrub par bya dang mtshungs par 'gyur//phung po dang / khams dang / skye mched dag ngo bo nyid med pa nyid du bstan pa na stong pa nyid kyis sbyor ba rnam par dbye ba byas te/ rnam par bshad pa'i tshe gang zhig tshad ma log pas blo gros bslad pa nyid kyis phung po la sogs pa dag yod pa kho na yin te/ bden pa la sogs pas bsdus pa'i phyir ro zhes bya ba la sogs pas skyon 'dogs shing smra bar byed pa de'i de dag thams cad kyang skyon brtags shing sun 'byin pa ma yin te/bsgrub par bya ba dang mtshungs par 'gyur ba'i phyir ro zhes bya ba'i tshig gi lhag ma'o/ /ji lta zhe na/ sun dbyung ba dang 'dra ba'i phyir/ /bsgrub par bya ba ma grub pa nyid dang spyir mtshungs te/dngos po gcig la gang lta ba/ /de ni kun la'ang lta bar 'dod/ /gcig gi stong nyid gang yin pa/ /de nyid kun gyi stong pa nyid/ /ces gang gsungs so/ / de la 'dir rab tu byed pa'i don ni skye mched rnams yod par ston pa nye bar bzhag pa'i sgrub pa'i skyon brjod pas/phung po rnams ngo bo nyid med pa nyid du bstan pa yin no/ /de'i phyir rab kyi rtsal gyis rnam par gnon pa phung po lnga po dag gi mngon par 'grub par gtogs pa ston pa gang yin pa de ni/ shes rab kyi pha rol tu phyin pa ma yin no/ /rab kyi rtsal gyis rnam par gnon pa gzugs ngo bo nyid dang bral ba ni gzugs so//de bzhin du tshor ba dang / 'du shes dang / 'du byed rnams dang / rnam par shes pa ngo bo nyid dang bral ba ni rnam par shes pa'o/ /gzugs dang / tshor ba dang / 'du shes dang / 'du byed rnams dang / rnam par shes pa dag gi ngo bo nyid dang bral ba gang yin pa de ni shes rab kyi pha rol tu phyin pa'o//rab kyi rtsal gyis rnam par gnon pa gzugs ngo bo nyid med pa ni gzugs so/ /de bzhin du tshor ba dang / 'du shes dang / 'du byed rnams dang / rnam par shes pa ngo bo nyid med pa ni rnam par shes pa'o/ /gzugs dang / tshor ba dang / 'du shes dang / 'du byed rnams dang / rnam par shes pa dag gi ngo bo nyid med pa gang yin pa de ni shes rab kyi pha rol tu phyin pa'o zhes bya ba dang / de bzhin du/ ngas ni 'jig rten phung po bstan/ /de la 'jig rten gnas par gyur/ /mkhas pa de la mi gnas pa/ /'jig rten chos kyis mi gos so/ /'jig rten nam mkha'i mtshan nyid de//nam mkha' la yang mtshan nyid med/ /de phyir de yi de brtags pas/ /'jig rten chos kyis mi gos so/ /zhes bya ba dang / de bzhin du byang chub sems dpas/ gzugs dang / sgra dang / dri dang / ro dang / reg bya dang / chos la gnas te sbyin pa sbyin par mi bya'o zhes bya ba dang /de bzhin du/ srid pa gsum ni brtags pa tsam/ /ngo bo nyid kyis dngos po med/ /brtags pa dngos po'i rang bzhin du/ /ngan rtog rnams ni rtog par byed/ /blo yis rnam par brtag byas na/ /ngo bo nyid ni gzung du med/ /de phyir de dag brjod med dang / /ngo bo nyid ni med par bstan/ / zhes bya ba la sogs pa gsungs pa de dag grub pa yin no/ /slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las phung po brtag pa zhes bya ba ste/ rab tu byed pa bzhi pa'o// //da ni stong pa nyid kyi mi mthun pa'i phyogs kyi khyad par dgag pas khams rnams ngo bo nyid med pa nyid du bstan pa'i don gyi dbang gis rab tu byed pa lnga pa brtsam mo//rab tu byed pa bstan ma thag tu/ /gzugs zhes bya ba ma gtogs par/ /gzugs kyi rgyu yang mi snang ngo / /zhes bshad pa'i phyir re zhig rang gi sde pa dag na re/ 'di la bcom ldan 'das kyis rgyal po chen po khams drug po 'di dag ni skyes bu'o zhes gsungs pas khams drug po//sa dang / chu dang / me dang / rlung dang / nam mkha' dang / rnam par shes pa zhes bya ba dag gi mtshan nyid sra ba dang / gsher ba dang / tsha ba dang g.yo ba dang / skabs 'byed pa dang / rnam par shes par byed pa dag bstan to//nam mkha'i me tog la sogs pa lta bu med pa dag ni skyes bu'i rgyu nyid du ma bstan pas de'i phyir/ slob dpon gyis sa la sogs pa dag la yang gzugs kyi rgyu med do zhes dam bca' ba byas pa de ni khas blangs pa la gnod par 'gyur ro/ /gal te de bzhin gshegs pas tha snyad du khams drug po dag skyes bu'o zhes bstan par khas blangs pas nyes pa med do zhe na/don dam par bstan par khas blangs pa'i phyir nyes pa med pa ma yin no/ /gal te de ma grub pa'i phyir rigs pa ma yin no zhe na/ ma grub pa ma yin te/ don dam par sa la sogs pa khams rnams yod pa kho na yin te/ de dag gi mtshan nyid yod pa'i phyir ro//'di la bcom ldan 'das kyis gang don dam par med do zhes gsungs pa de la ni mtshan nyid med de/ dper na nam mkha'i me tog bzhin no/ /sa la sogs pa dag la ni sra ba nyid la sogs pa'i mtshan nyid dag yod pas de ltar de dag gi mtshan nyid yod pa'i phyir sa la sogs pa khams rnams yod pa kho na yin no zhes zer ro//de la 'dir nam mkha'i ngo bo nyid stong pa nyid kyis bstan sla ba'i phyir dang / de yod pa ma yin par bstan pas khams lhag ma rnams dgag pa yang sla ba'i phyir/ slob dpon gyis nam mkha'i khams kho na'i dbang du mdzad de bshad pa/ nam mkha'i mtshan nyid snga rol na//nam mkha' cung zad yod ma yin/ /dbyer med pa'i phyir ro zhes bya bar dgongs so/ /'di la bye brag tu smra ba dag nam mkha' ni mi sgrib pa kho nar ston pas mi sgrib pa nyid nam mkha' yin la/ de yang yod pa nyid du sgrub pas mi sgrib pa yod pa nyid kyis bsgrub par bya ba dang / sgrub pa mi 'grub ste/ dper na sgra mi rtag ste/ mi rtag pa'i phyir ro zhes bya ba de bzhin du 'dir yang nam mkha' yod de/ nam mkha' yin pa'i phyir ro zhes bya bar smras par 'gyur ro/ /yang na gang dag dbu ma'i bstan bcos kyi tshul la sdang ba dag 'di skad ces gang dag gi phyir/ rim mam cig car de mi 'thad par 'gyur ba'i mtshan nyid kyi gzhi dang /mtshan nyid dag gzhan nyid yin par khas mi len te/ skyes bu chen po'i mtshan rnams las skyes bu chen po gzhan yin par mi rigs pa bzhin no/ /'di la de mtshon par bya ba yin pas mtshan nyid de/ las la bya ba'i rkyen brjod pa'i phyir ro zhes smra'o zhes zer ro//de dag gi de ltar khas blangs pa nyid la yang / nam mkha'i mtshan nyid snga rol na/ /nam mkha' cung zad yod ma yin/ /nam mkha' nyid mtshan nyid yin na de nyid kyis de bsgrub pa'i phyir nye bar sbyor bar byed pa ni gtan tshigs su mi rung ste/don ma grub pa'i phyir des na gang gis ci zhig sgrub par 'gyur/ ci ste yang tha snyad du yod pa'i nam mkha' ni mi sgrib pa nyid yin par grags so zhe na/ de bstan pa'i phyir gtan tshigs mi 'dod do/ /don dam par ni ma grags pas de ltar bstan pa la rab tu 'bad par bya'o zhe na/ de la yang gtan tshigs kyi skyon dang dpe'i skyon yod de/dam bcas pa tsam la gnas par zad do/ /yang na bye brag tu smra ba dang / bye brag pa dag nam mkha' ni rdzas su yod pa dang / 'dus ma byas so zhes zer bas de dag gi phyir bshad pa/ nam mkha'i mtshan nyid snga rol na/ /nam mkha' cung zad yod ma yin//rdzas su gyur pa'o zhes dam bca' ba nye bar bzhag pa yin no/ /de skye ba med par phyogs gnyi ga la grags pa ni chos yin no/ /dpe ni de'i dbang gis te/ ri bong gi rwa la sogs pa dag yin no/ /'dir rjes su dpag pa ni/ don dam par nam mkha' rdzas su yod pa ma yin te/skye ba med pa'i phyir dper na ri bong gi rwa bzhin no/ /de bzhin du rgyu med pa'i phyir dang / 'bras bu med pa'i phyir dang / yod pa ma yin pa'i phyir ro zhes bya ba la sogs pa'i gtan tshigs dag kyang brjod par bya'o/ /gang dag nam mkha' ni sgra'i mtshan nyid do zhes zer ba de dag la yang /sgra nyid nam mkha' yin pas gtan tshigs kyi skyon snga ma bzhin no/ /'dir kha cig na re gal te don 'di bstan bcos byed pa'i bsam pa yin par gyur na de lta na bstan bcos byed pas nam mkha'i mtshan nyid las gzhan du gyur pa'i nam mkha' cung zad yod pa ma yin zhes smras pa kho nar 'gyur ro zhes zer ro//snga phyi mi srid par bstan pa kho nas gzhan nyid dgag pa 'grub pa'i phyir de ni mi gnod do/ /bye brag pa dag gi mtshan nyid kyi gzhi dang / mtshan nyid dag gzhan nyid du dam bca' bas de dag gi gzhan nyid yin na lan 'ga' snga phyir yang 'gyur te/ gzhan yin pa'i phyir dper na bum pa dang /snam bu dag bzhin pas de'i phyir bshad pa/ gal te mtshan las snga gyur na/ /mtshan nyid med par thal bar 'gyur/ /mtshan nyid med pa ni mtshan nyid yod pa ma yin pa ste/ de smra bar 'dod pa'i mtshan nyid kyi gzhi nyid du ma gyur par zhes bya ba'i tha tshig go/ /gal te mtshan las snga gyur na//zhes bya ba 'dis de'i chos dus tha dad pa nyid bstan to/ /'dir rjes su dpag pa ni nam mkha' ni smra bar 'dod pa'i mtshan nyid kyi gzhi ma yin te/ de bas dus snga na yod pa'i phyir dper na de las gzhan pa bzhin no/ /yang na/ mtshan nyid med par thal bar 'gyur/ /zhes bya ba ni mtshan nyid la med pa ni mtshan nyid med pa ste/de la mtshan nyid kyi gzhi nyid med par zhes bya ba'i tha tshig go/ /gal te mtshan las snga gyur na/ /zhes bya ba ni nam mkha' zhes bya ba'i skabs yin te/ 'dis ni de'i chos mtshan nyid kyi gzhi las mtshan nyid gzhan pa nyid bstan to/ / 'dir rjes su dpag pa ni smra bar byed pa'i mtshan nyid kyis mtshan nyid kyi gzhi nam mkha' mtshon mi nus te/ gzhan yin pa'i phyir dper na de las gzhan pa bzhin no/ /pha rol po'i ni rang gi rjes su dpag pa la gnod do/ / mtshan nyid kyi gzhi dang / mtshan nyid dag la mtshan nyid med pa nyid du mi 'dod pas/gzhan nyid du rnam par rtog pa yang spang bar bya ba yin no/ /ci ste yang dbyug pas ma bzlog pa'i phyir/ kun rdzob pa'i gtan tshigs brjod na/ gtan tshigs kyi don ma grub pa nyid ma yin yang don 'gal ba nyid bzlog dka' bas/ de'i phyir mtshan nyid don gzhan dang / don gzhan ma yin par gyur pa ma grub pa'i phyir/nam mkha' mtshan nyid med pa zhes bya bar gyur to zhe na/ de mtshan nyid med pa'i dngos po nyid yin par yang shes par mi nus te/ 'di ltar/ mtshan nyid med pa'i dngos po ni/ /'ga' yang gang na'ang yod ma yin/ /don dam pa pa'i dngos po gzhan gyi phyogs dang / bdag cag gi phyogs gang na yang 'grub pa med do/ /gang dag mtshan nyid kyi gzhi nam mkha' ni yod pa kho na yin te/ de la mtshan nyid 'jug pa'i phyir ro zhes zer na/ de yang rigs pa ma yin par nges par bzung ste/ mtshan nyid med pa'i dngos med na/ /mtshan nyid gang du 'jug par 'gyur/ /gzhi med pa'i phyir gzhi ji bzhin du gtan tshigs mi 'grub ste yul med pa la gtan tshigs 'jug pa mi 'grub pa'i phyir gtan tshigs kyi don ma grub pa nyid kyi skyon du 'gyur ro//yang na gzhan ma yin pa nyid kyi phyogs la ni/ mtshan nyid kyi gzhi dang / mtshan nyid dag gzhan ma yin pa nyid yin na de nyid kyis de mtshon par byar mi rung ste/de las gzhan pa'i mtshan nyid med pa'i phyir/ nam mkha' la mtshan nyid kyi gzhi med do/ /gzhi gzhan nyid kyi phyogs la yang smra bar 'dod pa'i mtshan nyid ni mtshan nyid kyi gzhi'i mtshan nyid ma yin te/ gzhan yin pa'i phyir de las gzhan bzhin no//mtshan nyid med pa'i phyir/ des kyang nam mkha' la mtshan nyid med de/ mtshan nyid med pa'i dngos po nam mkha' zhes bya ba med na mtshan nyid gang du 'jug par 'gyur te/ de 'jug pa mi grub pa nyid do zhes bya ba'i tha tshig go/ /gzhan yang mtshan nyid kyi gzhi la 'jug pa zhes bya ba'i gtan tshigs de'i don ni 'di la mtshan nyid 'di mtshan nyid kyi gzhi'i chos yod pa nyid la sogs pa med na mi 'byung ba des mtshan nyid kyi gzhi shes par 'gyur ba yin na/gang gi tshe kho bo cag gi phyogs la/ mtshan nyid med la mtshan nyid ni/ /mi 'jug mtshan nyid bcas la min/ / de'i tshe med pa la ni mtshan nyid mi 'grub pa'i phyir dang mtshan nyid dang bcas pa'i dngos po yang mi 'grub pa'i phyir ro zhes bya bar dgongs so/ /ji skad bstan pa'i rnam pa dang / mtshan nyid mi 'dra ba'i mtshan nyid kyi gzhi yang mi 'grub pa'i phyir/ mtshan bcas mtshan nyid med pa las/ /gzhan la'ang 'jug par mi 'gyur ro//de'i phyir de ltar don dam par dngos po 'gal ba la mtshan nyid 'jug par ma grub pa'i phyir dang / dpe med pa'i phyir khyod kyi 'dod pa'i don ma grub bo/ /yang na mtshan nyid med pa nam mkha'i me tog la sogs pa dag la mtshan nyid de med pa'i phyir mi 'jug pa de ni grags pa yin no//da ni mtshan nyid bcas la min/ /zhes bya ba mtshan nyid dang bcas pa la mtshan nyid mi 'jug go zhes bya ba'i skabs de ni dam bca' ba nye bar bzhag pa yin no/ /de'i chos ni mtshan nyid gang gis mtshon na mtshan nyid dang bcas pa zhes bya ba'i mtshan nyid yin no/ /dpe ni de'i dbang gis te/ de las gzhan pa'i mtshan nyid dag yin no//'dir rjes su dpag pa ni don dam par mi sgrib pa ni nam mkha'i mtshan nyid ma yin te/ mtshan nyid yin pa'i phyir dper na sra ba la sogs pa dag bzhin no/ /rnam pa gnyis su smra ba dag rnam grangs las mtshan nyid dang bcas pa dang / mtshan nyid med pa la mtshan nyid 'jug pas nyes pa med do zhe na/de dgag pa'i phyir yang bshad pa/ mtshan bcas mtshan nyid med pa las/ /gzhan la'ang 'jug par mi 'gyur ro/ /gnyi ga'i bdag nyid kyi dngos po mi srid pa'i phyir dang / ltos pa'i nges pa yang me dang bud shing brtag pa'i rab tu byed pa las 'og nas 'gog par 'gyur ba'i phyir dang /phyogs gnyi gar bstan pa'i skyon nyis 'gyur du 'byung ba'i phyir/ de yang rigs pa ma yin no/ /gzhan dag ni/ mtshan nyid med la mtshan nyid ni/ /mi 'jug ces bya ba 'di la/ de ltar gang gi phyir mtshan nyid med pa'i dngos po 'ga' yang yod pa ma yin pa de'i phyir mtshan nyid med pa'i dngos po med na gzhi med pa la mtshan nyid 'jug par mi 'thad do//mtshan nyid bcas la min zhes bya ba 'di la yang mtshan nyid dang bcas pa'i dngos po la yang mtshan nyid 'jug pa mi 'thad de/ dgos pa med pa'i phyir ro zhes zer ro/ /de ni rigs pa ma yin te/mtshan nyid yod na de dang ldan pa la med pa nyid mi 'thad pa'i phyir dang / de bzhin du mtshan nyid kyi gzhi yod pa'i phyir ro/ /mtshan nyid dang bcas pa'i dngos po grub pa la yang pha rol po dran par bya ba'i phyir mtshan nyid kyi gzhi la mtshan nyid du 'jug pa 'gal ba med pa'i phyir des mi nus so/ / de'i phyir de ltar mtshan nyid kyi gzhi la mtshan nyid kyis 'jug pa mi 'thad pas/ mtshan nyid 'jug pa ma yin na/ /mtshan gzhi 'thad par mi 'gyur ro/ /zhes bstan pa'i don gyi dbang gis mjug bsdus so/ /'dir mkhas su re ba'i mngon pa'i nga rgyal can kha cig rang gi phyogs kyi skyon brjod pa brnags par mi bzod pa na 'di skad ces nam mkha' yod pa yin te/mtshan nyid yod pa'i phyir ro zhes smra ba na/ khyed kyi mtshan nyid kyi gzhi dang mtshan nyid dag snga phyir sgro btags nas gtan tshigs kyi don ma grub pa nyid du brjod pa ni dper na sgra ni mi rtag ste/ byas pa'i phyir ro zhes smras pa la/ gal te sgra skyes pa'i snga rol na/byas pa nyid yod na ni sgra la 'khrul pa yod pa'i phyir gtan tshigs su rung ngo / /'on te sgra skyes pa'i sngon rol na byas pa nyid med de/ phyis yod na ni gtan tshigs kyi don ma grub pa nyid do zhes zer ba de'i tshig de rigs pa dang ldan pa ma yin te/ ma grub pa ltar snang ba nyid du brjod pa'i phyir ro zhes bya ba de bzhin du khyed kyis/nam mkha'i mtshan nyid snga rol na/ /nam mkha' cung zad yod ma yin/ /zhes bya ba la sogs pas gtan tshigs ji skad smras pa sun 'byin par 'dod pas mtshan nyid yod pa 'gog par byed pa'i tshig de yang legs par smras pa ma yin no zhes zer ro/ /'dir bshad pa/mtshan nyid kyang de nyid dang / gzhan la sogs pa'i khyad par gyi mtshan nyid kyi gzhi'i khongs su gtogs pa yin la/ mtshan nyid kyi gzhi'i skye mched de dag gi don dam pa pa'i yod pa nyid ni don dam par brtsal pas de'i phyir mtshan nyid kyi gzhi mi 'thad na mtshan nyid kyang mi srid pas de dgag pa'i phyir ni 'bad pa mi rtsom mo//'di skad ces mtshan nyid kyi gzhi dang / mtshan nyid dag snga phyir sgro btags nas zhes bya ba la sogs pa gang smras pa de la yang nyon cig dang / snga phyi mi srid par bstan pa kho nas gzhan nyid dgag pa bstan pa'i phyir ma grub pa ltar snang ba nyid ma yin no/ /ci ste gang la gzhan nyid yin yang med na mi 'byung ba'i mtshan nyid kyis 'brel pa de ni gtan tshigs yin pas des na gzhan yin pa'i phyir gtan tshigs kyi don ma grub pa nyid du brjod pa yang ma grub pa ltar snang ba nyid yin no zhe na/de ni bzang po ma yin te/ don dam par gzhan nyid dang / me med na mi 'byung ba'i mtshan nyid kyi 'brel pa ma grub pas de la mngon par zhen pa yang spang bar 'dod pa'i phyir ro//sgrub pa de tha snyad kyi bden par gtogs pa'i dngos po bstan pa'i phyir/ tha snyad dang rjes su mthun pa ni yin no/ /zhar la bshad pas chog go/ /'dir smras pa/ don dam par nam mkha' yod pa kho na yin te/mtshan nyid yin pa'i phyir ro/ /'di na gang yang med pa de ni mtshan nyid yin par mi 'dod de/ dper na nam mkha'i me tog bzhin no/ /nam mkha' ni mtshan nyid yin te/ rgyal po chen po khams drug po 'di dag ni skyes bu'o zhes gsungs pas de'i phyir de ni yod pa kho na yin no/ / bshad pa/ mtshan nyid kyi gzhi mi 'thad do zhes bstan zin pas de'i phyir/ mtshan gzhi 'thad pa ma yin na/ /mtshan nyid kyang ni yod ma yin/ /mtshan nyid kyang mtshan nyid kyi gzhi'i khongs su gtogs pa'i phyir de bzhin du mi 'grub pa'i phyir dang / dpe yang med pa'i phyir ro zhes bya bar dgongs so//gang gi phyir de ltar shes rab kyis nye bar brtags na mtshan nyid kyi gzhi dang / mtshan nyid dag mi 'thad pa de'i phyir bstan bcos mdzad pas/ de phyir mtshan gzhi yod min te/ /mtshan nyid yod pa nyid ma yin/ /zhes mjug bsdu ba mdzad de/ de ston pa'i rjes su dpag pa med pa'i phyir dang / de med par ston pa'i rjes su dpag pa yod pa'i phyir ro zhes bya bar dgongs so/ /bye brag tu smra ba dag gis smras pa/ nam mkha' ni dngos po yin te/ yul de la 'dun pa'i 'dod chags spong ba'i phyir/ dper na gzugs bzhin no/ /yang na snyoms par 'jug pa'i dmigs pa yin pa'i phyir dper na/rnam par shes pa la sogs pa bzhin no/ /yang na 'dus ma byas yin pa'i phyir dper na mya ngan las 'das pa bzhin no/ /'dir bshad pa/ 'di la don dam par nam mkha' de dngos po nyid du 'dod na/ mtshan nyid kyi gzhi'am/ mtshan nyid yin grang na/ mtshan nyid kyi gzhi dang / mtshan nyid de dag ji ltar mi srid pa de ltar ni sngar bstan zin pas/des na gang gi phyir kho bo cag gi phyogs la/ mtshan gzhi mtshan nyid ma gtogs pa'i/ /dngos po yang ni yod ma yin/ /de'i phyir dpe ma bstan par bsgrub par bya ba 'grub pa med do/ /mya ngan las 'das pa dang / gzhan gang yang rung ba dag kyang dngos po nyid du grub pa med pa'i phyir ro//'dis ni sde pa gzhan dag gi bsgrub pa nam mkha' yod pa kho na yin te/ gzugs yongs su chad pa'i phyir dang / 'dus ma byas yin pa'i phyir ro zhes bya ba dag la yang skyon gyis lan btab pa yin te/ gtan tshigs kyi don ma grub pa nyid kyang brjod par bya'o//mdo sde pa dag gis smras pa/ nam mkha' dngos po nyid ni ma yin te/ 'o na ci zhe na/ kho bo cag la de ni thogs pa dang bcas pa'i rdzas kyi dngos po med pa tsam yin no/ /snyoms par 'jug pa'i dmigs pa yin pa'i phyir zhes bya ba dang / yul de la 'dun pa'i 'dod chags spong ba'i phyir zhes bya ba des dngos po med pa'i ngo bo nyid sel bar byed pa yin mod kyi/'on kyang de dag nam mkha' la rtog par byed pa de dag dgag pa'i phyir/ dgag pa ches gsal ba brjod par bzhed pa de nyid bshad pa/ gzugs kyi rgyu ni ma gtogs par/ /gzugs ni dmigs par mi 'gyur ro//zhes bya bas de bstan zin pas de'i phyir/ dngos po yod pa ma yin na/ /dngos med gang gi yin par 'gyur/ /thogs pa dang bcas pa'i gzugs zhes bya ba'i dngos po yod pa ma yin na khyed kyis nam mkha' zhes bya bar brtags pa gang yin pa'i dngos po med pa de gang gi yin par 'gyur te/de ston pa'i rjes su dpag pa yod pa ma yin pas don de rab tu mi 'grub bo/ /yang na gzhan du brtag ste/ pha rol pos smras pa/ nam mkha' dngos po yin te zhes bya ba'i don de bstan par mi nus te/ khyod kyis / mtshan gzhi mtshan nyid ma gtogs pa'i/ /dngos po yang ni yod ma yin//zhes bya bas dpe med pa dang dpe bsgrubs su zin kyang bsgrub par bya ba dang / sgrub pa mi 'grub pa kho nar 'gyur ro zhes smras pa de'i phyir/ kho bos de nyid bsgrub par bya ste/ gzugs la sogs pa la dngos po yod pa kho na yin te/ ltos pas de dag med pa yod pa'i phyir ro/ / 'di na gang yod pa de la ni ltos pas dngos po med pa yod de/ dper na gzugs la ro nyid med pa bzhin no/ /gang med pa de la ni ltos pas dngos po med pa med de/ dper na rta'i rwa bzhin no/ /gtan tshigs kyi don ma grub pa nyid kyang ma yin te/ 'di ltar khyod kyis lan cig ma yin par phung po dang / khams dang / skye mched dag phung po la sogs pa nyid kyis med pa nyid du brjod pas/ de'i phyir ltos pas de dag med pa yod pa'i phyir dngos po yod pa kho na yin no/ /'dir bshad pa/ kho bos gzugs la sogs pa'i dngos po yod pa nyid dgag pa byas par zad kyi/ de dag med par ma bstan pas/ / de'i phyir gzugs zhes bya ba'i dngos po yod pa ma yin na gang ro nyid med par 'gyur te/ de med pa'i phyir dpe ma grub pas 'dod pa'i don grub pa med do/ /gzhan dag gis smras pa/ dngos po dang dngos po med pa dag ni yod pa kho na yin te/ de dag shes pa yod pa'i phyir ro/ /'di na gang la shes pa yod pa de ni yod de/dper na chos nyid bzhin no/ /'dir bshad pa/ pha rol po'i yid la bsam pas brtags pa'i dngos po dang / dngos po med par shes pa de yang dngos po'am / dngos po med pa zhig yin grang na/ de gnyi ga dgag pa yang bstan zin pas de dag shes pa yod par mi 'grub bo//dngos po dang dngos po med pa dang mi mthun pa'i shes pa gzhan zhig yod par rtog na/ de yang mi rung ste/ de'i phyir bshad pa/ dngos dang dngos med mi mthun chos/ /gang gis dngos dang dngos med shes/ /de ni yod pa ma yin pa nyid do zhes bya ba'i tshig gi don to/ /gal te rnam grangs kyi tshul smra ba dag gis brtags pa'i dngos po dang dngos po med pa dang /mi mthun pa de dag shes pa yod pa'i phyir nyes pa med do zhe na/ de ni rigs pa ma yin te/ gcig la bdag nyid mi mthun pa gnyis mi srid pa'i phyir dang / ltos pa mi 'thad pa'i phyir dang / de ston pa'i rjes su dpag pa med pa'i phyir ro zhes bya bar dgongs so//gang gi phyir de ltar dpyad na/ nam mkha' 'thad pa mi bzod pa/ /de phyir nam mkha' dngos po min/ /dngos med ma yin mtshan gzhi min/ /mtshan nyid ma yin zhes pha rol pos smras pa'i dngos po nyid la sogs pa ston pa'i sgrub pa sun 'byin pa bsal ba'i dbang gis mjug bsdus so//khams lnga po/ /gzhan gang dag kyang nam mkha' mtshungs/ /khams zhes bya ba'i don ni 'byung khungs kyi don te/ gser gyi 'byung khungs bzhin du nam mkha' la sogs pa dag kyang sdug bsngal dang yid mi bde ba la sogs pa dag gi 'byung khungs su gyur pa dag yin no//yang na khams zhes bya ba'i don ni byed pa med par rang gi mtshan nyid 'dzin pa'i don to/ /lnga po zhes bya ba ni sa dang / chu dang / me dang / rlung dang / rnam par shes pa zhes bya ba dag go/ /gzhan zhes bya ba ni nam mkha'i 'og tu dgag par bya ba yin pa'i phyir ro/ /gang dag kyang nam mkha' mtshungs zhes bya ba ni khams lnga po gzhan gang dag yin pa de dag kyang nam mkha' dang mtshungs par dgag par bya ba ste/ji ltar sngar/ nam mkha'i mtshan nyid snga rol na/ /nam mkha' cung zad yod ma yin/ /zhes bya ba nas brtsams te/ de phyir nam mkha' dngos po min/ / dngos med ma yin mtshan gzhi min/ /mtshan nyid ma yin zhes bya ba'i bar gyis nam mkha' dgag pa bstan pa de bzhin du 'dir yang / sa sogs mtshan nyid snga rol na/ /sa sogs cung zad yod ma yin/ /zhes bya ba nas brtsams te/ de phyir sa sogs dngos po min/ /dngos med ma yin mtshan gzhi min//mtshan nyid ma yin zhes bya ba'i bar du rgya cher brjod par bya zhing sa la sogs pa'i khams lnga po gzhan gang dag yin pa de dag kyang nam mkha' dang dgag pa mtshungs pa'i phyir 'dra bar bstan par bya'o/ /bcom ldan 'das kyi gsung rab la khams de dag de ltar yod par bstan pa ni de dag bstan pas/gdul bya'i skye bo'i rjes su thugs brtse bas tha snyad du grags pa'i tha snyad kyi bden par gtogs pa yin gyi/ don dam par ni khams rnams yod pa ma yin no/ / khams rnams yod pa'i phyir khas blangs pa la gnod pa yang med la/ skye mched rnams 'grub par yang mi 'gyur ro//yang na kha cig na re/ khyod kyis don dam par dngos po thams cad la skur pa btab pa'i phyir log pa'i lta ba dngos po thams cad la skur pa 'debs pa'i tshul can rjes su brjod pas/ bcom ldan 'das kyi gsung rab ltar bcos pas 'jig rten rgyang pan pa'i 'dod pa bsgrub par byas pa'i phyir 'di ni bcom ldan 'das kyi bka' ma yin pas spang bar bya ba yin no zhes zer ro//de la 'dir pha rol po dag ni skyon cha ma mnyam pas rab rib skyes pa dag /skra shad dang / sbrang bu dang / sbrang bu mchu rings la sogs pa yang dag pa ma yin pa dag sel bar byed pa dang 'dra ste/ 'di ltar kho bos ni skye mched rnams kyi yod pa nyid dgag pa smras pa na ngo bo nyid yod pa dgag pa byas par zad kyi dngos po med pa nyid du ni ma smras te/ mdo sde las/ ji srid sems kyi spyod yul ba/ /yod med gnyis kyi mthar yang 'gyur/ /spyod yul 'gags par gyur na ni/ /sems kyang yang dag 'gag par 'gyur//zhes bya ba dang / de bzhin du dngos por ma lhung ba ni dngos po med pas/ chos 'ga' yang dngos po med par mi byed do zhes bya ba la sogs pa ji skad gsungs pa lta bu'o/ /de bzhin du slob dpon nyid kyis kyang gzhan dag tu/ 'di ni yod nyid 'gog pa ste/ /med nyid yongs su 'dzin pa min//nag po min zhes smras pa na/ /dkar po yin zhes ma brjod bzhin/ /zhes gsungs so/ /de'i phyir rnam pa de gnyi ga yang lta ba ngan pa kho na yin te/ mkhas pa spros pa ma lus pa nye bar zhi ba'i bde ba 'dod pa'i bgegs yin pa'i phyir ro/ /ji lta zhe na/ 'di la don dam par 'dod pa dang /gzugs dang / gzugs med pa na spyod pa dang / 'jig rten las 'das pa dang / dge ba dang / mi dge ba dang / lung du ma bstan pa dag gal te tshul gang gis tha snyad gdags su rung ba des bdag nyid thob pa'i ngo bo nyid yin par gyur na de'i phyir dge ba dang / mi dge ba'i chos rnams skyed pa dang mi skyed pa'i phyir 'bad pa don med pa nyid du 'gyur te/yod pa'i phyir dper na bum pa dang / snam bu yod pa bzhin pas bde ba dang ldan pa rnams kyang bde ba'i khyad par nyams pa med pa dang / sdug bsngal dang ldan pa rnams kyang sdug bsngal gyi khyad par nyams pa med par 'gyur te/ rtsig pa la bris pa'i ri mo bzhin du srog chags rnams kyi na tshod dang bong tshod dang /spyod lam gyi khyad par dag la skyed dbri med par 'gyur ro/ /ci ste khams gsum pa dang / 'jig rten las 'das pa dang / dge ba dang / mi dge ba dang / lung du ma bstan pa dag ngo bo nyid med pa yin par gyur na/ de lta na yang dge ba dang mi dge ba'i chos rnams skyed pa dang /mi skyed pa'i phyir 'bad pa don med pa nyid du 'gyur te/ med pa'i phyir dper na ri bong gi rwa rnon por bya ba'i phyir 'bad pa bzhin pas/ tha snyad chad par 'gyur ro/ /de'i phyir 'di bshad de/ lta ba ngan pa'i rab rib kyis blo gros kyi mig nyams pa/ blo chung gang dag dngos rnams la//yod pa nyid dang med nyid du/ /lta ba des ni blta bya ba/ /nye bar zhi ba zhi mi mthong / /blo chung ngu gang dag rab rib can dbang po nyams pas zla ba gnyis la sogs pa yang dag pa ma yin pa mthong ba bzhin du dngos po rnams la yod pa nyid dang / med pa nyid du lta ba de dag gis ni don dam pa'i bden pa shin tu cha phra ba 'phags pa'i shes rab kyi spyan gyi spyod yul blta bar bya ba zhi zhing zhi ba mi mthong ngo zhes bya ba'i tha tshig go//blta bar bya ba nye bar zhi ba zhes bya ba ni 'di la blta bar bya ba mtshan ma thams cad mi snang bar gyur pa'i phyir ro/ /zhi zhes bya ba ni gnod pa thams cad dang bral ba'i phyir te/ mdo sde las/gang gis gang la skye rnams kyi / /yod par sgrub pa med nyid 'gyur/ /lta ngan skye bar smra ba yis/ /yod pa dang ni med par bstan/ /zhes ji skad gsungs pa lta bu'o/ /mkhas pa gang stong pa nyid la lta ba dang / sgom pa'i mig sman dang ldan pas/ blo gros kyi mig gi skyon dang bral bar gyur pa blo gros kyi mig yang dag par bye ba des ni dngos po rnams kyi ji lta ba nyid mthong ste/bcom ldan 'das kyis/ gang tshe 'jig rten yod min zhing / /med min yod min mi mthong ba/ /de tshe sems ni rnam ldog cing / /bdag med nyid kyang rtogs par 'gyur/ /zhes ji skad gsungs pa dang /de bzhin du/ 'od srungs yod ces bya ba 'di ni mtha' gcig go/ /med ces bya ba 'di yang mtha' gcig go zhes bya ba la sogs pa ji skad gsungs pa lta bu'o/ /de la 'dir rab tu byed pa'i don ni sa la sogs pa khams rnams yod par ston pa'i gtan tshigs nyid yod pa'i phyir ro zhes bya ba nye bar bzhag pa de'i skyon brjod pas khams rnams ngo bo nyid med pa nyid du bstan pa yin no//de'i phyir nang gi sa'i khams gang yin pa dang / phyi rol gyi sa'i khams gang yin pa de ni gnyis su med pa'i don to/ /de yang de bzhin gshegs pas shes rab dang ye shes kyis gnyis su med pa dang / gnyis su dbyer med pa dang /mtshan nyid gcig pa 'di lta ste/ mtshan nyid med par mngon par rdzogs par sangs rgyas so zhes bya ba dang / de bzhin du bu mo khams dag ji ltar blta bar bya/ bu mos smras pa/ 'jam dpal 'di lta ste/ dper na 'jig rten gsum bskal pas bsregs pa na thal ba yang med pa ltar ro zhes bya ba dang /de bzhin du gzugs med pa dang / bstan du med pa dang / gnas med pa dang / snang ba med pa dang / rnam par rig pa med pa gang yin pa de la mngon par zhen par mi bya'o zhes bya ba dang / de bzhin du/ sha ra dwa ti'i bu chos thams cad ni chags pa med pa'i mtshan nyid de/ gang chos gang gi mtshan nyid yin pa de ni de'i mtshan nyid med pa yin pas/chos 'ga' yang mtshan nyid mngon par sgrub pa'i phyir/ nye bar mi gnas so zhes bya ba dang / de bzhin du/ ngas ni 'jig rten phung po bstan/ /de la 'jig rten gnas par gyur/ /mkhas pa de la mi gnas pa/ /'jig rten chos kyis mi gos so//'jig rten nam mkha'i mtshan nyid de/ /nam mkha' la yang mtshan nyid med/ /de phyir de yis de rtogs pas/ /'jig rten chos kyis mi gos so/ /zhes bya ba dang / de bzhin du sha ra dwa ti'i bu chos thams cad kyi mtshan nyid med pa nyid dang / yongs su grub pa med pa nyid gang yin pa de ni chags pa med pa nyid ces bya'o zhes bya ba la sogs pa gsungs pa de dag grub pa yin no//slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/ khams brtag pa zhes bya ba ste/ rab tu byed pa lnga pa'o// //da ni stong pa nyid kyi mi mthun pa'i phyogs kyi khyad par dgag pas 'dod chags dang /chags pa dang / zhe sdang dang / sdang ba la sogs pa dag ngo bo nyid med pa nyid du bstan par bzhed pa'i dbang gis rab tu byed pa drug pa brtsam mo/ /'dir smras pa/ don dam par phung po dang khams dang skye mched dag yod pa kho na yin te/ bcom ldan 'das kyis de dag la brten nas kun nas nyon mongs pa dang / nyes dmigs bstan pa'i phyir ro/ /'di na gang med pa de la ni bcom ldan 'das kyis de la brten nas/ kun nas nyon mongs pa dang / nyes dmigs ma bstan te/ dper na rus sbal gyi spu dag bzhin no/ /bcom ldan 'das kyis phung po la sogs pa dag la brten nas/chags pas chos rnams mi shes shing / /chags pas chos rnams mi mthong ste/ /mi gang 'dod chags sten byed pa/ /de tshe mun pa mun nag 'gyur/ /sdang bas chos rnams mi shes shing / /sdang bas chos rnams mi mthong ste/ /mi gang zhe sdang sten byed pa//de tshe mun pa mun nag 'gyur/ /rmongs pas chos rnams mi shes shing / /rmongs pas chos rnams mi mthong ste/ /mi gang gti mug sten byed pa/ /de tshe mun pa mun nag 'gyur/ /zhes kun nas nyon mongs pa dang / nyes dmigs bstan pas/ de'i phyir gtan tshigs ji skad smos pa'i 'thad pas phung po dang /khams dang / skye mched dag yod pa kho na yin no/ /'dir bshad pa/ 'du byed kyi tshogs 'dod chags la sogs pa'i 'jug pa shas che ba la brten nas 'dod chags la sogs pa dang / de dag gi nyes dmigs kyi skyon bstan pa/ sgyu ma dang / smig rgyu dang / rmi lam dang /dri za'i grong khyer lta bu de dag ni tha snyad par yod pa yin gyi/ don dam pa par ni ma yin no/ /de'i phyir de dag nyid brtag par bya ste/ 'di la khyod chags pa 'dod chags kyi snga rol na'am/ phyis sam/ 'dod chags dang chags pa dag lhan cig na yod pa'am/ 'dod chags chags pa'i snga rol na'am/ phyis sam/ 'dod chags dang chags pa dag lhan cig na yod par 'dod grang na/ de la re zhig /gal te 'dod chags snga rol na/ /'dod chags med pa'i chags yod na/ /gal te 'dod chags kyi snga rol na chags pa/ 'dod chags med pa zhig yod par gyur na zhes bya ba'i tshig gi lhag ma'o//'dod chags dang chags pa dang / lhag par chags pa zhes bya ba dag ni rnam grangs te/ de med cing ma gtogs pa 'dod chags la mi ltos pa zhig yod par gyur na'o/ /smin pa med par 'bras bu smin pa nyid mi 'thad pa ltar chags pa nyid mi 'thad pa ni ma yin no/ / brtag pa 'di la cir 'gyur zhe na/ de la brten nas 'dod chags yod/ /chags pa de la brten nas 'dod chags yod par 'gyur te/ chags pa 'di'i 'dod chags ni 'di'o zhes bya bar 'gyur ro/ /'o na de lta na 'dod chags med kyang de chags pa nyid yin par 'gyur ro/ /chags yod 'dod chags yod par 'gyur//chags pa yin na de la 'dod chags skye ba don med pa nyid du 'gyur bas de ni mi 'dod do/ /de ltar na 'dir glags yod pa'i tshig yin pa'i phyir/ skabs kyi don las bzlog pas rjes su dpag pa ni chags pa ni 'dod chags med na/ mi 'byung ba'i tshul can yin te/ ltos pa dang bcas pa'i phyir dper na 'dod chags kyi rang gi bdag nyid bzhin no//'dir smras pa/ chos mngon pa'i mtshan nyid las/ kun 'gro zhes bya rang gi sar/ /nyon mongs can gyi sngar kun 'gro/ /zhes 'byung bas chags pa nyid 'dod chags kyi rgyu yin pa'i phyir nyes pa med do/ /bshad pa/ chags pa yod par gyur na yang / /'dod chags yod par ga la 'gyur/ /'di ltar ma chags pa la 'dod chags skye ba na chags pa zhes brjod pa'i rkyen la brten pa yin gyi/ de 'dod chags gang gis chags par gyur pa la chags pa zhes brjod pa de nyid kyis chags par gyur la/ 'dod chags skye ba don med pa nyid kyi phyir dang /de ston pa'i rjes su dpag pa med pa'i phyir ro/ /ga la 'gyur zhes bya ba ni mi srid pa ste/ chags pa yod par gyur na yang / /'dod chags yod par ga la 'gyur/ /zhes bya bar dgongs so/ /yang na lhas byin chags pa ni lhas byin gyi rgyud la 'dod chags gang skye ba de'i mngon sum gyi rgyu ma yin te/chags pa yin pa'i phyir mchod sbyin chags pa bzhin no/ /gal te de ni mi srid de/ /chags pa rgyud tha dad pa dang / /tha dad pa ma yin pa'i 'dod chags kyi rgyu ma yin pa nyid phyogs su byed na grub pa la sgrub pa dang / don 'gal ba nyid yin no zhe na/ de ni bzang po ma yin te/chags pa rgyud tha dad pa ma yin pa'i 'dod chags kyi rgyu ma yin pa nyid phyogs su byas pa'i phyir grub pa la sgrub pa yang ma yin la/ bsgrub par bya ba dang / rigs mthun pa nyid kyis bsgrub par bya ba bzhin du mi mthun pa'i phyogs 'gog pa'i phyir don 'gal ba nyid kyang ma yin no//ci ste mchod sbyin chags pas 'dod chags bsgrub pa nye bar phul bas lhas byin gyi rgyud la 'dod chags skye ba'i rgyu nyid du khas blangs pa'i phyir dang / byed pa'i rgyus gzhan gyi rgyud kyi chags pa yang gzhan gyi rgyud la 'dod chags skye ba'i rgyu yin pa'i phyir dpe med do zhe na/ de yang rigs pa ma yin te/rgyu thun mong ma yin pa nyid kyis 'gog pa'i phyir dang / 'dod chags sgrub pa me tog dang byug pa la sogs pa dag ni 'dod pa'i rnam par rtog pa'i rgyu yin pa'i phyir dang / bsgrub par bya ba khyad par can yin pa'i phyir de ni sun 'byin pa ltar snang ba yin no/ /ci ste chags pa'i sngon rol na 'dod chags yod par 'dod na de lta na yang /chags pa la yang 'dod chags ni/ /yod dam med kyang rim par mtshungs/ /dgag pa'i thabs 'og nas 'byung ngo zhes bya ba'i tha tshig go/ /ji lta zhe na/ de nyid bshad pa/ gal te chags pa'i snga rol na/ /chags med 'dod chags yod na ni/ /gal te chags pa'i snga rol na 'dod chags chags pa med pa zhig yod par gyur na chags pa med par 'gyur ro//gzhan yang / de la brten nas chags pa yod/ /chags pa med pa'i 'dod chags de la brten nas chags pa yod par 'gyur te/ 'dod chags 'dis 'dod chags so zhes bya bar 'gyur ro/ /de lta na skyon 'dir 'gyur te/'di la chags par byed pas 'dod chags so zhes dngos po sgrub pa yin na dngos po ni gzhi la rag las pa'i phyir gzhi'i sngon rol na med de dper na chos pa 'bras can gyi snga rol na med pa bzhin no/ /chags pa la mi ltos par 'dod chags yod par 'dod na ni/'dod chags yod na chags yod 'gyur/ /de ni mi 'dod de/ chos pa nyid la mi ltos par chos pa skye ba mi 'thad pa bzhin no/ /'dir yang glags yod pa'i tshig yin pa'i phyir skabs kyi don las bzlog pas rjes su dpag pa ni 'dod chags ni chags pa med na mi 'byung ba'i tshul can yin te/ ltos pa dang bcas pa'i phyir dper na chags pa'i rang gi bdag nyid bzhin no/ /gal te pha med par yang bu la sogs pa yod pa'i phyir ma nges pa nyid do zhe na/ de nyid kyi phyir de yang bkag zin pas de ni mi gnod do/ /'dir smras pa/ 'dod chags kyi skad cig ma sngar 'byung ba'i tshul can chags pa'i skad cig ma skye bar 'dod pa med pa nyid chags pa'i skad cig ma phyi ma skye bar 'dod pa'i rgyu nyid du khas blangs pa'i phyir nyes pa med do//bshad pa/ 'dod chags yod par gyur na yang / /chags pa yod par ga la 'gyur/ /yod par mi 'gyur ba nyid de/ /'dod chags kyi skad cig ma dus tha dad pa nyid kyis chags pa'i skad cig ma phyi ma 'byung ba chags pa nyid du byed par mi 'grub pa'i phyir dper na tshos pa gzhan gyis gzhan tshos pa nyid du mi 'thad pa bzhin te /'dod chags kyi skad cig ma 'das pas da ltar chags pa nyid du byed par mi 'thad pa'i phyir rjes su dpag pa'i gnod par 'gyur ro zhes bya bar dgongs so//ji ltar des gnod par 'gyur zhe na/ lhas byin gyi 'dod chags ni lhas byin chags pa nyid kyi rgyu ma yin te/ 'dod chags yin pa'i phyir dper na rgyud tha dad pa'i 'dod chags bzhin no/ /'dod chags la yang chags pa ni/ /yod dam med kyang rim par mtshungs/ /'dir snga phyir rnam par brtag / pa la klan ka'i skabs med de/ gtan tshigs ltar snang bar ma bstan pa'i phyir ro// // dbu ma'i rtsa ba'i 'grel pa shes rab sgron ma/ bam po drug pa/ ci ste skyon der na mi rung ngo snyam nas 'dod chags dang chags pa gnyis lhan cig nyid du skye bar 'dod na de la yang nyon cig /'dod chags dang ni chags pa dag /lhan cig nyid du skye mi rigs/ /ci'i phyir zhe na/ brtag pa de la/ 'di ltar 'dod chags chags pa dag /phan tshun ltos pa med par 'gyur/ /chags pa 'di'i 'dod chags ni 'di'o/ /'dod chags 'dis ni 'di chags par 'gyur ro zhes ltos pa med pa'i phyir de ni mi 'dod do//de gnyis ni ltos pa dang bcas pa nyid du 'dod de / 'dir phyogs kyi chos kyi dbang gis rjes su dpag pa ni 'dod chags dang chags pa dag la lhan cig gi dngos po med de/ ltos pa dang bcas pa'i phyir dper na sa bon dang myu gu dag bzhin no/ /'dir bye brag tu smra ba dag gis smras pa/gtan tshigs kyi de gang yin/ ci skye ba la ltos pa dang bcas pa'i phyir ram/ 'on te brjod pa khyad par can brten pa la ltos pa dang bcas pa'i phyir yin/ de dag gal te skye ba la ltos pa dang bcas pa'i phyir ro zhe na ni/ sems dang sems kyi rjes su 'jug pa dag lhan cig 'byung ba rnams kyang lhan cig 'byung ba'i rgyus rgyu yin pa'i phyir dang /mar me dang / 'on kyang lhan cig tu byung ba'i phyir ma nges pa nyid do/ /gal te brjod pa khyad par can bsten pa la/ ltos pa dang bcas pa'i phyir ro zhe na/ yang ba lang gi rwa lhan cig 'byung ba'i gnyis la yang 'di ni g.yon pa'o/ /'di ni g.yas pa'o zhes brjod pa khyad par can bsten pa mthong bas de lta na yang ma nges pa nyid yin no//tshogs pa'i dbang kho na las sems dang sems kyi rjes su 'jug pa dag dang / mar me'i 'od dang bcas pa dag 'byung bas tha snyad du yang lhan cig gi dngos por khas ma blangs pa'i phyir dang / ba lang gi rwa gnyis kyang don dam par ma grub pa'i phyir/ji skad smras pa'i skyon med do/ /yang gzhan yang 'di la 'dod chags dang chags pa dag gcig pa nyid la lhan cig nyid du brtag gam/ tha dad pa nyid la lhan cig nyid du brtag grang na/ de la re zhig gal te gcig pa nyid lhan cig nyid du rtog na/ gcig nyid lhan cig nyid med de//de ni dam bca' ba nye bar bzhag pa'o/ /de nyid de dang lhan cig min/ /lhan cig nyid ni gnyis la yod pa'i phyir ro zhes bya bar dgongs so/ /des na de ni chos mthun pa de'i dpe'i tshig kyang yin no/ /'dir rjes su dpag pa ni 'dod chags ni chags pa dang lhan cig tu mi skye ste/gcig nyid yin pa'i phyir dper na 'dod chags de nyid kyi rang gi bdag nyid bzhin pas rang gi rjes su dpag pa la gnod do/ /gal te slob dpon gyi yan lag rdzogs par ma brjod pa'i phyir/ sgrub pa ma tshang ba nyid kyi skyon yod do zhe na/ de ni bzang po ma yin te/ slob dpon gyi tshig dag ni don gyi tshig dag yin pa'i phyir dang / don gyi tshig dag gis ni don chen po dag skyed par byed de/ tshig nyung ngu nyid yin yang sbyor ba'i tshig du ma dag 'grub pa'i phyir ro/ /sbyor ba'i tshig dag la ni ma tshang ba nyid du yang 'gyur ro/ /yang na mi 'gyur te/ de la yang gang gi tshe rab tu byed pa'am/grub pa'i mtha' las cung zad la la la grags pa yin na'o/ /ci ste tha dad pa nyid la lhan cig nyid du rtog na/ de lta na yang gang gi tshe 'gal ba med pa'i gcig pa nyid la lhan cig nyid med pa'i tshe/ ji ste tha dad nyid yin na/ /lhan cig nyid du ji ltar 'gyur/ /tha dad pa nyid la lhan cig nyid yod pa ma yin pa nyid de/rjes su dpag pa'i gnod par 'gyur ba'i phyir dang / tha dad pa nyid la lhan cig nyid yod par ston pa'i rjes su dpag pa med pa'i phyir ro zhes bya bar dgongs so/ /'dir yang dam bca' ba nye bar bzhag pa'o/ /phyogs kyi chos ni tha dad pa nyid la lhan cig nyid med pas phyogs brtag pa las tha dad pa nyid yin te/dper na byas pa nyid yin na mi rtag pa bzhin no/ /'dir smra bar 'dod pa'i don bstan pa'i dbang gis rjes su dpag pa ni don dam par 'dod chags dang chags pa dag la lhan cig nyid med de/ tha dad pa'i phyir dper na 'dod chags dang 'dod chags dang bral ba dag bzhin pas rjes su dpag pa'i gnod par 'gyur ro//yang gzhan yang / gal te gcig pu lhan cig na/ /grogs med par yang de 'gyur ro/ /'dod chags dang chags pa dag lhan cig nyid du zhes bya ba'i skabs yin no/ /'dod chags dang chags pa dag grogs med par lhan cig nyid du mi 'dod de/'dis ni 'dod chags dang chags pa dag gi lhan cig nyid dgag par bya ba'i chos ltos pa dang bcas pa nyid kyang bstan to/ /de'i phyir rjes su dpag pa ni don dam par 'dod chags dang chags pa dag gcig pa nyid ni lhan cig nyid ma yin te/ ltos pa dang bcas pa'i phyir dper na 'dod chags kyi rang gi bdag nyid bzhin no//'di la gzhan dag ni gal te re zhig 'dod chags dang chags pa dag gcig pa nyid yin yang lhan cig nyid du 'gyur na ni de lta na grogs med par yang lhan cig nyid du 'gyur ro/ /ji lta zhe na/ 'di la gcig ni gcig pu la snyegs te/ de na ba lang gcig dang /rta gcig ces bya ba'i gcig nyid ni/ ba lang la yang snyegs rta la yang snyegs pas gang dang gang na gcig pa nyid yod pa de dang de na lhan cig nyid yod cing / ba lang gcig pu nyid dang rta gcig pu nyid la grogs med par yang lhan cig nyid yod par thal bar 'gyur te/ de ltar na lhan cig nyid du brtag pa don med par 'gyur ro zhes zer ro//kha cig na re de ni rigs pa ma yin te/ glags yod pa sgrub pa dang / sun 'byin pa'i khongs su ma gtogs pa'i phyir dang / de dag smra bar 'dod pas de dag nyid brjod par bya ba yin na de dag ma brjod pa'i phyir ro zhes zer ro/ /de bzhin du/ gal te tha dad lhan cig na//grogs med par yang der 'gyur ro/ /'dod chags dang chags pa dag lhan cig nyid du zhes bya ba'i skabs yin no/ /'dod chags dang chags pa grogs med par lhan cig nyid du mi 'dod de/ 'dis kyang 'dod chags dang chags pa dag gi lhan cig nyid dgag par bya ba'i chos ltos pa dang bcas pa nyid kyang bstan to//de'i phyir rjes su dpag pa ni don dam par 'dod chags dang chags pa dag tha dad pa nyid la lhan cig nyid yod par mi 'dod de/ ltos pa dang bcas pa'i phyir dper na rgyu dang 'bras bu dag bzhin no/ /'di la yang gzhan dag ni ji ste yang tha dad pa nyid yin yang lhan cig nyid du 'gyur na ni/de lta na yang grogs med par yang lhan cig nyid du 'gyur ro/ /ji lta zhe na/ 'di la ba lang las kyang rta tha dad la/ rta las kyang ba lang tha dad pas/ gang dang gang na tha dad pa nyid yod pa de dang de na lhan cig nyid yod cing / ba lang tha dad pa nyid dang rta tha dad pa nyid la grogs med par yang lhan cig nyid yod par thal bar 'gyur te/de lta na yang lhan cig nyid du rtog pa don med par 'gyur ro zhes zer ro/ /kha cig na re/ de yang rigs pa ma yin te/ sngar lan btab pa bzhin no zhes zer ro/ /yang gzhan yang / gal te tha dad lhan cig na/ /'dod chags chags pa ci zhig yin/ /lhan cig nyid kyis so//de ni de dag la lhan cig nyid med de/ tha dad pa'i phyir dper na 'dod chags dang 'dod chags dang bral ba dag bzhin pas rjes su dpag pa'i gnod par 'gyur ro zhes bstan zin to/ /yang bshad pa/ tha dad nyid du 'grub gyur na/ /tha dad nyid du zhes bya ba ni/ phan tshun mi ltos pa nyid du'o//nyid du zhes bya ba ni bdag nyid thob par ro/ /des na des gnyis lhan cig 'gyur/ /khyod kyi blo gros kyis/ gal te 'dod chags chags pa dag /tha dad nyid du 'grub gyur na/ /de gnyis lhan cig nyid du ni/ /ci yi phyir na yongs su rtog /'dod chags dang chags pa de gnyis zhes bya bar snyegs so//ci ste/ chags pa 'di'i 'dod chags ni 'di'o/ /'dod chags 'dis ni 'di chags par gyur to zhes ltos pa'i mtshan nyid kyi dgos pa yod do zhe na/ des ni 'dod chags dang / chags pa dag tha dad pa nyid dgag pa'i gtan tshigs ltos pa dang bcas pa'i phyir zhes bstan pa de la zhe 'gras pa'i blos kyang don ma grub pa nyid du brtag par mi nus so//gzhan yang kho bos/ gal te 'dod chags snga rol na/ /'dod chags med pa'i chags yod na/ /zhes bya ba la sogs pas 'dod chags dang chags pa dag la tha dad pa nyid mi srid par bstan pa dang / khyod kyis 'dod chags dang chags pa dag rab tu sgrub pa'i phyir de gnyis lhan cig la brten to//de la yang kho bos/ 'dod chags dang ni chags pa dag /lhan cig nyid du skye mi rigs/ /zhes bya ba la sogs pas bkag ste/ lhan cig nyid de yang ltos pa dang bcas pa'i phyir mi 'dod pas/ gcig nyid lhan cig nyid med de//de nyid de dang lhan cig min/ /zhes bya bas gcig nyid yin pa'i phyir lhan cig nyid bkag pa dang / yang khyod kyis de rab tu bsgrub pa'i phyir tha dad pa nyid du khas ma blangs pas/ tha dad grub par ma gyur pas/ /de phyir lhan cig 'dod byed dam/ /lhan cig rab tu bsgrub pa'i phyir//tha dad nyid du yang 'dod dam/ /gang gi tshe/ tha dad dngos po ma grub pas/ /lhan cig dngos po 'grub mi 'gyur/ /de'i tshe tshe dang ldan pa/ tha dad dngos po gang zhig la/ /lhan cig dngos po 'dod par byed/ /de ji smros shig /ci rim gyis skye ba'i tha dad pa nyid gang yin pa la'am/ 'on te lhan cig skye ba'i tha dad pa nyid gang yin pa la/lhan cig gi dngos por 'dod par byed/ de la gal te rim gyis skye ba'i tha dad pa nyid la zhes bya bar ni mi 'thad de/ de ni tha dad pa'i phyir dper na/ 'dod chags dang 'dod chags bral ba dag bzhin no zhes sngar bstan zin to/ /'on te lhan cig skye ba'i tha dad pa nyid la'o zhe na/de yang ltos pa dang bcas pa'i phyir/ dper na rgyu dang 'bras bu dag bzhin no zhes sngar bstan zin to/ /gang gi phyir de ltar 'dod chags dang chags pa dag lhan cig nyid dang lhan cig nyid ma yin pa grub pa med pa de'i phyir/ mjug bsdu bar bya ste/ de ltar 'dod chags chags pa dang //lhan cig lhan cig min mi 'grub/ /dpyad pa sngar bstan pa bzhin du sbyar te mjug bsdu ba'o/ /ji ltar bstan pa'i tshul bzhin du chos thams cad kyang lhan cig nyid dang lhan cig nyid ma yin par 'grub pa med par nges par bzung ste/ 'dra bar bstan pa'i phyir/ 'dod chags bzhin du chos rnams kun//lhan cig lhan cig min mi 'gyur/ /'dod chags bzhin du zhe sdang dang gti mug la sogs pa phyi dang nang gi chos thams cad kyang lhan cig nyid dang lhan cig nyid ma yin par 'grub pa med do/ /de'i phyir de ltar don dam par 'dod chags la sogs pa ma grub pas pha rol po dag gis rab tu byed pa'i dang por de dag la brten nas kun nas nyon mongs pa dang nyes dmigs bstan pa'i phyir zhes gang smras pa'i gtan tshigs de'i don ma grub pa nyid do//kun rdzob tu 'dir gtan tshigs nyid brjod na ni don 'gal ba nyid do/ /de la 'dir rab tu byed pa'i don ni pha rol pos smras pa'i gtan tshigs kyi skyon brjod pas 'dod chags dang chags pa la sogs pa dag ngo bo nyid med pa nyid du bstan pa yin no//de'i phyir 'jam dpal 'dod chags med do/ /'dod chags su gdags pa med do/ /zhe sdang med do/ /zhe sdang du gdags pa med do/ /gti mug med do/ /gti mug tu gdags pa med do//'dod chags ni byang chub bo/ /zhe sdang ni byang chub bo/ /gti mug ni byang chub bo/ /ji ltar yang dag par zhugs pa yin zhe na/ gang gi tshe na 'dod chags zad par bya ba'i phyir ma zhugs/ zhe sdang zad par bya ba'i phyir ma zhugs/ gti mug zad par bya ba'i phyir ma zhugs pa de'i tshe na yang dag par zhugs pa yin no//'das pa'i sems ni chags par mi byed/ ma 'ongs pa'i sems kyang chags par mi byed de / 'das zin pa'i phyir dang / ma 'ongs pa'i phyir ro/ /da ltar gyi sems kyang chags par mi byed de/ da ltar ni gnas pa med pa'i phyir ro zhes bya ba la sogs pa dang /de bzhin du rab kyi rtsal gyis rnam par gnon pa gzugs ni 'dod chags kyi chos can nam/ 'dod chags dang bral ba'i chos can ma yin no/ /tshor ba dang / 'du shes dang / 'du byed rnams dang / rnam par shes pa yang 'dod chags kyi chos can nam/ 'dod chags dang bral ba'i chos can ma yin no//gzugs 'dod chags kyi chos nyid ma yin pa dang / 'dod chags dang bral ba'i chos nyid ma yin pa/ gang yin pa de ni shes rab kyi pha rol tu phyin pa'o/ /tshor ba dang / 'du shes dang / 'du byed rnams dang / rnam par shes pa 'dod chags kyi chos nyid ma yin pa dang / 'dod chags dang bral ba'i chos nyid ma yin pa gang yin pa de ni shes rab kyi pha rol tu phyin pa'o//gzugs ni zhe sdang gi chos can nam/ zhe sdang dang bral ba'i chos can ma yin no/ /tshor ba dang / 'du shes dang / 'du byed rnams dang / rnam par shes pa yang zhe sdang gi chos can nam/ zhe sdang dang bral ba'i chos can ma yin no//gzugs zhe sdang gi chos nyid ma yin pa dang / zhe sdang dang bral ba'i chos nyid ma yin pa gang yin pa de ni shes rab kyi pha rol tu phyin pa'o/ /tshor ba dang / 'du shes dang / 'du byed rnams dang / rnam par shes pa yang zhe sdang gi chos nyid ma yin pa dang / zhe sdang dang bral ba'i chos nyid ma yin pa gang yin pa de ni shes rab kyi pha rol tu phyin pa'o//gzugs ni gti mug gi chos can nam/ gti mug dang bral ba'i chos can ma yin no/ /tshor ba dang / 'du shes dang / 'du byed rnams dang / rnam par shes pa yang gti mug gi chos can nam/ gti mug dang bral ba'i chos can ma yin no//gzugs ni gti mug gi chos nyid ma yin pa dang / gti mug dang bral ba'i chos nyid ma yin pa gang yin pa de ni shes rab kyi pha rol tu phyin pa'o/ /tshor ba dang / 'du shes dang / 'du byed rnams dang / rnam par shes pa gti mug gi chos nyid ma yin pa dang / gti mug dang bral ba'i chos nyid ma yin pa gang yin pa de ni shes rab kyi pha rol tu phyin pa'o//rab kyi rtsal gyis rnam par gnon pa/ gzugs ni kun nas nyon mongs par 'gyur ba'am/ rnam par byang bar 'gyur ba ma yin no/ /tshor ba dang / 'du shes dang / 'du byed rnams dang / rnam par shes pa yang kun nas nyon mongs par 'gyur ba'am/rnam par byang bar 'gyur ba ma yin no/ /gzugs kun nas nyon mongs pa dang / rnam par byang bar mi 'gyur ba gang yin pa de ni shes rab kyi pha rol tu phyin pa'o/ /tshor ba dang / 'du shes dang / 'du byed rnams dang / rnam par shes pa kun nas nyon mongs pa dang / rnam par byang bar mi 'gyur ba gang yin pa de ni shes rab kyi pha rol tu phyin pa'o zhes bya ba la sogs pa gsungs pa de dag grub pa yin no//slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/ 'dod chags dang chags pa brtag pa zhes bya ba ste/ rab tu byed pa drug pa'o// // da ni stong pa nyid kyi mi mthun pa'i phyogs kyi khyad par dgag pas phung po la sogs pa dag ngo bo nyid med pa nyid du bstan pa'i don gyi dbang gis rab tu byed pa bdun pa brtsam mo/ /'dir smras pa/ don dam par 'dus byas phung po dang / khams dang skye mched dag la 'dus byas kyi ngo bo nyid dag yod pa kho nar gzung bar bya ste/skye ba la sogs pa 'dus byas kyi mtshan nyid dag dang ldan pa'i phyir ro/ /'di na gang med pa de la ni 'dus byas kyi mtshan nyid dang ldan par mi bzung ste/ dper na ri bong gi rwa bzhin no/ /phung po la sogs pa dag la ni skye ba la sogs pa 'dus byas kyi mtshan nyid dag dang ldan pa yod pas de'i phyir/gtan tshigs kyi mthu ji skad smos pas/ blo gros kyi 'du byed bskyed pa dag ni 'dus byas kyi phung po la sogs pa dag la 'dus byas kyi ngo bo nyid dag yod pa kho nar smra'o/ /'dir bshad pa/ 'di la khyed skye ba la sogs pa 'dus byas kyi mtshan nyid nyid du 'dod pa de dag ci 'dus byas dag yin nam/'on te 'dus ma byas dag yin/ gal te de dag 'dus byas dag yin no zhe na/ de la re zhig skye ba'i dbang du byas te bshad pa/ gal te skye ba 'dus byas na/ /de la mtshan nyid gsum ldan 'gyur/ /mtshan nyid gsum dang ldan par 'gyur ba ni/ mtshan nyid gsum po dag tshogs par 'grub pa ste/chad pa gsum dang ldan pa bzhin no/ /de'i phyir don dam par skye ba la sogs pa la / 'dus byas nyid ni 'dus byas kyi mtshan nyid yin par mi 'dod de/ 'dus byas yin pa'i phyir dper na mtshan nyid kyi gzhi bzhin no/ /gal te mtshan nyid kyi gzhi yang mtshan nyid kyi gzhi gzhan mtshon par byed pa'i mtshan nyid yin pa'i phyir ma nges pa nyid do zhe na/mtshan nyid kyi gzhi ni mtshan nyid kyi gzhi gzhan la/ 'dus byas nyid du mtshon par byed pa nyid ma yin pa'i phyir/ mi mthun pa'i phyogs med pas ma nges pa nyid ma yin no/ /gal te skye ba la sogs pa dag 'dus byas nyid yin du zin na/yang skyed par byed pa dang / gnas par byed pa dang / 'jig par byed pa'i phyir 'dus byas kyi mtshan nyid nyid yin no zhe na/ de ni rjes su 'gro ba med pa'i phyir dam bcas pa tsam du zad do/ /skye ba ni skye ba yin la gnas pa ni gnas pa yin/ 'jig pa ni 'jig pa yin pa las skye ba la sogs pa dag gi bya ba nyid la skur pa btab ste/de dag byed pa po nyid du khas blangs pa'i phyir ro/ /tha snyad du yang byed pa po nyid yin na skye ba ni 'dus byas kyi mtshan nyid ma yin te/ skyed par byed pa yin pa'i phyir/ dper na/ pha bu'i mtshan nyid ma yin pa bzhin no/ /de bzhin du gnas pa yang 'dus byas kyi mtshan nyid ma yin te/gnas par byed pa yin pa'i phyir dper na/ zas lus gnas par byed pa yin pa'i phyir/ lus kyi mtshan nyid ma yin pa bzhin nam/ bran mo bum pa thogs pa bum pa 'jog par byed pa yin pa'i phyir/ bum pa'i mtshan ma yin pa bzhin no/ /de bzhin du 'jig pa yang 'dus byas kyi mtshan nyid ma yin te/'jig par byed pa yin pa'i phyir dper na/ tho ba 'joms par byed pa yin pa'i phyir bum pa'i mtshan nyid ma yin pa bzhin no/ /de'i phyir de ltar skye ba la sogs pa dag 'dus byas kyi mtshan nyid nyid yin par ma grub pa'i phyir/ gtan tshigs kyi don ma grub pa nyid dam don 'gal ba nyid yin no//de lta bas na ji skad smos pa'i skyon yongs su spang bar 'dod pas skye ba 'dus byas yin no zhes bya ba de ltar shes par mi bya'o/ /de ltar re zhig skye ba 'dus byas yin na 'dus ma byas kyi mtshan nyid du mi 'thad pa'i skyon bstan zin to/ /ji skad smos pa'i skyon yongs su spang bar 'dod pas/ci ste skye ba 'dus ma byas zhes bya bar 'dod na/ ji ltar 'dus byas mtshan nyid yin/ /skye ba la 'dus byas kyi mtshan nyid med de/ 'dus ma byas na rang nyid yod pa ma yin pa'i phyir ro zhes bya bar dgongs so/ /yang na 'dus ma byas kyi chos ni 'dus ma byas kyi chos nyid yin pas/ don dam par skye ba 'dus ma byas kyi mtshan nyid du 'gyur bar 'os pa ma yin te/'dus ma byas yin pa'i phyir dper na nam mkha' bzhin pas rang gi rjes su dpag pa la gnod do/ /skye ba ni mtshan nyid kyi sgra'i tshul nye bar bzung ba'i phyir/ gnas pa dang / 'jig pa gnyis kyang nye bar blangs pa yin te/ 'dus byas kyi mtshan nyid du smra bar 'dod pa'i phyir ro/ /de gnyis kyang de bzhin du dgag pa yin pas yang de gnyis dgag pa brjod mi dgos so/ /yang gzhan yang 'di la skye ba la sogs pa 'di dag 'dus byas kyi mtshan nyid du brtag par bya na de dag so so'am/ 'dus pa la brtag grang na/ de la re zhig /skye la sogs gsum so so yis/ /'dus byas mtshan nyid bya bar ni/ /nus min/ skye ba la sogs pa gsum po dag so so ni 'dus byas kyi mtshan nyid bya bar mi nus te/ 'di ltar lkog shal la sogs pa mtshan nyid 'dus pa dag gis mtshan nyid kyi gzhi mtshon par nus pa'i phyir ro zhes bya bar dgongs so//skye ba la sogs pa dag rim gyis 'byung ba nyid du khas len na yang 'di ltar dngos po ma skyes pa la ni/ skye ba dang gnas pa dang 'jig pa dag med pas 'dus byas kyi mtshan nyid bya ba'i mthu med do/ /'gags pa la yang mtshan nyid kyi gzhi med pa'i phyir/ skye ba dang gnas pa dang / 'jig pa dag med pas 'dus byas kyi mtshan nyid bya ba'i mthu med do//skyes pa la ni skye ba med pa'i phyir ro/ /gnas pa la ni 'gag pa mi srid pa'i phyir ro/ /gnas pa ni mi rtag pa nyid dang rjes su 'brel pa'i phyir te/ de ltar yang / gnas med dngos po ga la yod/ /mi rtag pas na ga la gnas/ /gal te dang por gnas gyur na//tha mar rnyings par mi 'gyur ro/ /gal te khor zug mi rtag yod/ /khor zug gnas par mi 'gyur ro/ /yang na rtag par gyur pa las/ /phyis ni mi rtag par yang 'gyur/ /gal te dngos po mi rtag dang / /lhan cig gnas pa yod gyur na/ /mi rtag log par 'gyur ba 'am//yang na gnas pa brdzun par 'gyur/ /zhes gsungs pa yin no/ /ji ste skye ba la sogs pa dag 'dus pa 'dus byas kyi mtshan nyid nyid du 'dod na/ de lta na yang / 'dus pa yin na yang / gcig la dus gcig ji ltar rung / /de dag 'dus pa 'dus byas kyi dngos po gcig la dus gcig na med do zhes bya ba'i tshig gi don to//gal te de ji ltar nges par gzung bar bya zhe na/ 'di ltar/ skyes pa dang gnas pa dang / zhigs pa shin tu mi mthun pa nyid dag dngos po gang yang rung ba cig la dus gcig tu 'byung ba ni sems bde bar gnas pa dag gis brtag par mi rigs pa'i phyir ro//mdo sde pa dag gis smras pa/ rgyu dang rkyen so sor nges pa'i mthu las byung ba'i rgyud la dus gcig kho nar dngos po skye bar 'dod pa ma byung ba las 'byung ba gang yin pa de ni skye ba yin la/ skad cig ma snga ma snga ma'i rgyud kyis nges par gnas pa ni gnas pa yin/ skad cig ma snga ma dang mtshan nyid mi 'dra ba nyid ni rga ba yin/byung nas bral ba ni 'jig pa yin pas de ltar ltos pa nges pas skye ba la sogs pa dag 'dus pa'i mtshan nyid/ skad cig ma gcig la dus gcig na yod pas sgrub pa de kho bo cag la mi gnod do/ /de ltar yongs su rtog na yang rgyud rdzas su med pa'i phyir dang / ltos pas skye ba dang gnas pa la sogs pa rnam par rtog pa'i phyir mtshan nyid gsum po dag tha snyad pa yin gyi/don dam pa pa ma yin no/ /gnas pa'i dus na yang de dang mi mthun pa 'jig pa med pa'i phyir/ de yang skyon sngar bstan pa las/ 'da' bar mi 'gyur ro/ /bye brag tu smra ba dag na re/ dngos po sngon ma byung ba las bdag nyid thob pa ni skye ba yin la/ skyes pa gnas pa ni gnas pa yin/ gnas pa rnyings pa nyid ni rga ba yin/ rgas pa 'gags pa ni 'jig pa yin pas/ skye ba la sogs pa dag rim gyis 'byung ba nyid 'dus byas nyid la 'khrul pa med pa'i phyir/ de dag mtshan nyid nyid du grub pas/skye la sogs gsum so so yis/ /'dus byas mtshan nyid bya bar ni/ /nus min zhes smras pa ni rigs pa ma yin no zhes zer ro/ /de ni rigs pa ma yin te/ 'di ltar mtshan nyid ces bya ba ni mtshan nyid kyi gzhi gang yin pa la nam yang 'khrul par mi 'gyur te/ dper na sra ba nyid sa la 'khrul par mi 'gyur ba dang /skyes bu chen po'i mtshan dag skyes bu chen po la 'khrul par mi 'gyur ba lta bu yin pa'i phyir ro/ /don dam par skye ba la sogs pa dag ni dngos po rnams kyi 'dus byas kyi mtshan nyid yin par mi rung ste/ rim gyis 'byung ba'i phyir/ dper na 'jim pa dang / gong bu dang /smyad pa dang / glegs pa dang / bcum pa'i gnas skabs kyi khyad par dag bum pa'i 'dus byas kyi mtshan nyid ma yin pa bzhin no/ /skye ba la sogs pa dag ni 'khrul pa med de/ 'dus ma byas la de dag med pa'i phyir ro zhe na/ nye bar brtags pa yin gyi/ don dam par yod pa ni ma yin te/ skye ba bkag pa'i phyir dang / ma skyes pa la gnas pa dang / 'jig pa med pa'i phyir ro/ /skye ba'i dus na yang gnas pa med pa dang / 'jig pa med pa'i bdag nyid ni de dag gi bdag nyid ma yin pas/ de dag dang mi ldan pa'i phyir ro/ /phyis 'byung ba'i tshul gyis de dag gi bdag nyid can nyid du rtog na yang tha snyad tsam du zad pas ji skad bstan pa'i skyon ldog pa med do//de'i phyir de ltar skye ba la sogs pa dag so so dang 'dus pa 'dus byas kyi mtshan nyid nyid du ma grub pa'i phyir gtan tshigs kyi skyon de nyid ma log go/ /yang gzhan yang / skye dang gnas dang 'jig rnams la/ /'dus byas mtshan nyid gzhan zhig ni//gal te yod na thug pa med/ /de la yang gzhan zhig yod cing / /de la yang gzhan zhig yod de/ thug pa med par 'gyur bas de ni mi 'dod de/ skye ba la sogs pa dag /skye ba la sogs pa dang ldan par 'dod par mi bya'o/ /ci ste de ltar gyur cig ces zer na de la yang de nyid bzlas par bya ste/med na de dag 'dus byas min/ /ci ste skye ba la sogs pa dag 'dus byas nyid yin par yang 'dod la/ thug pa med pa nyid du yang mi 'gyur te/ skye ba la sogs pa dag gis 'dus byas nyid du mtshon par byed pa ni 'dus byas kyi mtshan nyid de/ dper na bkra shis pa dang / bkra mi shis pa'i mtshan nyid bzhin du 'dus byas kyi mtshan nyid gzhan med pas thug pa dang / gnas pa dang mu thug ste/ med par yang mi 'gyur ro zhe na/ de ni sngar ji ltar don dam par skye ba la sogs pa 'dus byas nyid ni 'dus byas kyi mtshan nyid yin par mi 'dod de/ 'dus byas yin pa'i phyir dper na mtshan nyid kyi gzhi bzhin no zhes bstan pa de bzhin du skye ba la sogs pa dag kyang de dang 'dra bas de'i phyir don dam par skye ba la sogs pa dag 'dus byas yin par 'dod par mi bya'o//skye ba la sogs pa dag 'dus byas yin na yang 'dus byas kyi mtshan nyid nyid du mi rung ste/'di ltar de'i lan kyang 'dir med na de dag 'dus byas min zhes bya bas btab zin to/ /de'i phyir yang ji skad bstan pa'i skyon ldog pa med do/ /'dir gnas ma'i bu'i sde pa dag gis smras pa/ skye ba dang / gnas pa dang / 'jig pa dag 'dus byas kyang yin la/ thug pa med par yang thal bar mi 'gyur te/gal te ji lta zhe na/ gang gi phyir 'di la chos ni bdag nyid dang bco lnga skye ste/ chos de dang de'i skye ba dang / de'i gnas pa dang / de'i 'jig pa dang / de'i ldan pa dang / de'i gnas pa las gzhan du gyur pa nyid dang / 'dir gal te chos de dkar po yin na/ de'i yang dag pa'i rnam par grol ba'am/ci ste nag po yin na log pa'i rnam par grol ba dang / gal te chos de nges par 'byung ba yin na de'i nges par 'byung ba nyid dam/ ci ste nges par 'byung ba ma yin na nges par 'byung ba ma yin pa nyid skye ste/ de dag ni 'khor zhes bya'o/ /de ni skye ba'i skye ba dang / gnas pa'i gnas pa dang / 'jig pa'i 'jig pa dang / ldan pa'i ldan pa dang / gnas pa las gnas gzhan du 'gyur ba nyid kyi gnas pa las gzhan du 'gyur ba nyid dang / yang dag pa'i rnam par grol ba'i yang dag pa'i rnam par grol ba'am/ log pa'i rnam par grol ba'i log pa'i rnam par grol ba dang /nges par 'byung ba nyid kyi nges par 'byung ba nyid dam/ nges par 'byung ba ma yin pa nyid kyi nges par 'byung ba ma yin pa nyid kyang skye ste/ de dag ni 'khor gyi 'khor zhes bya ste/ de ltar chos bdag nyid dang bco lnga skye'o/ /de la rtsa ba'i skye bas ni bdag nyid ma gtogs par chos bcu bzhi skyed par byed do//skye ba'i skye bas ni rtsa ba'i skye ba 'ba' zhig skyed par byed do/ /gnas pa la sogs pa dag kyang de bzhin pas thug pa med par thal bar mi 'gyur ro/ /phyogs snga ma de'i tshig le'ur byas pa ni/ skye ba'i skye bas rtsa ba yi/ /skye ba 'ba' zhig skyed par byed/ /rtsa ba'i skye bas skye ba yi//skye ba skyed par byed pas na / /zhes bya ba ste/ skye ba'i skye bas ni skye ba 'ba' zhig skyed par byed kyi/ gzhan skyed par mi byed do/ /rtsa ba'i skye bas ni skye ba'i skye ba skyed par byed pa yin no/ /'dir bshad pa/ de ni mang po yang yin de ni sna tshogs kyang yin mod kyi/ de de lta ni ma yin te/gal te khyod kyi skye ba'i skyes / /rtsa ba'i skye ba skyed byed pa / /khyod kyi rtsa bas ma bskyed de/ /de ni ji ltar skyed par byed/ /gal te khyod kyi skye ba'i skye bas rtsa ba'i skye ba skyed par byed na/ khyod kyi rtsa ba'i skye bas ma bskyed pa'i skye ba'i skye ba des rtsa ba'i skye ba de ji ltar skyed par byed/ skyed par mi byed pa nyid de/ma skyes pa'i phyir sngon bzhin no zhes bya bar dgongs so/ /gal te rtsa ba'i skye bas bskyed pa kho na'i skye ba'i skye bas rtsa ba'i skye ba skyed par byed do zhe na/ 'dir bshad pa/ gal te khyod kyi rtsa ba yis/ /bskyed pa de yis rtsa skyed na/ /des ma bskyed pa'i rtsa ba des/ /de ni ji ltar skyed par byed/ / gal te khyod kyi rtsa ba'i skye bas bskyed pa'i skye ba'i skye ba des rtsa ba'i skye ba de skyed par byed na/ skye ba'i skye ba des ma bskyed pa'i rtsa ba'i skye ba des skye ba'i skye ba de ji ltar skyed par byed/ skyed par mi byed pa nyid de/ ma skyes pa'i phyir sngon bzhin no zhes bya bar dgongs so/ /gal te rtsa ba'i skye ba dang skye ba'i skye ba dag skyed bzhin pa na rang gi bya ba byed pa'i phyir nyes pa med do zhe na/bshad pa/ khyod kyi de ni skye bzhin pa/ /ma skyes de yis gal te ni/ /de ni skyed par byed nus na/ /de skyed par ni 'dod la rag /khyod kyi rtsa ba'i skye ba'am/ /skye ba'i skye ba de skye bzhin pa rang nyid ma skyes pa des gal te skye ba'i skye ba'am/rtsa ba'i skye ba de skyed par byed nus na ni/ skye ba'i skye ba'am/ rtsa ba'i skye ba de skyed par 'dod la rag na/ rtsa ba'i skye ba'am skye ba'i skye ba skye bzhin pa rang nyid ma skyes pa des skye ba'i skye ba'am/ rtsa ba'i skye ba de skyed par mi nus te/ ma skyes pa'i phyir ram/ skye bzhin pa'i phyir sngon bzhin nam/skye bar 'dod pa'i dngos po bzhin no zhes bya bar dgongs so/ /gal te lhan cig 'byung ba'i rgyus skye bzhin pa yang skyed pa'i mthu yod pa'i phyir/ lhan cig 'byung ba ma skyes pa dag gam/ skye bzhin pa dag gis ma skyes pa'i phyir ram/ skye bzhin pa'i phyir zhes bya ba'i gtan tshigs kyi don ma nges pa nyid do zhe na/lhan cig 'byung ba dag kyang 'dod chags dang chags pa dag lhan cig tu skye ba dgag pa'i skabs su bkag pa'i phyir dang / byed pa'i rgyu yang bkag pa'i phyir/ sgrub pa de ma nges pa nyid du bstan par mi nus pas/ thug pa med par thal bar 'gyur ba bzlog pa med do//gzhan dag gi thug pa med par thal bar 'gyur ba bzlog pa'i phyir smras pa/ ji lta mar mes rang dang gzhan/ /snang bar byed pa de bzhin du/ /skye ba'ang rang dang gzhan gyi dngos/ /gnyi ga skyed par byed pa yin/ /de'i phyir thug pa med par thal bar 'gyur ro/ /'dir don go sla ba dang rnam par bshad zin pa gang yin pa de ni rnam par bshad par mi bya ste/tshig mangs su dogs pa'i phyir dang / don grags pa dang / don rnam par bshad zin pa la 'bad pa don med pa nyid yin pa'i phyir ro/ /'dir rjes su dpag pa ni bshad par bya ste/ skye ba ni rang dang gzhan gyi bdag nyid kyi yul dag la bya ba byed de/de'i ngo bo nyid yin pa'i phyir dper na mar me snang ba'i ngo bo nyid yin pas rang dang / gzhan gyi bdag nyid dag snang bar byed pa bzhin no zhe na/ de la bshad pa don dam par skye ba ni skyed par byed pa'i ngo bo nyid kho na'o zhes bsgrub par bya ba'i gtan tshigs de'i ngo bo nyid yin pa'i phyir zhes bya ba nyid kyis bsgrub par bya ba bzhin du ma grub par brjod pa'i phyir dang /dam bcas pa'i don gyi phyogs gcig pa yin pa'i phyir/ dper na sgra mi rtag ste/ mi rtag pa'i phyir ro zhes bya ba bzhin pas de ni rigs pa ma yin no/ /yang bshad pa/ 'di la don dam par mar me ni rang dang gzhan gyi bdag nyid dag gzung ba la bar du bcod pa'i mun pa sel ba'i phyir snang bar byed pa yin no zhes brjod par bya grang na/'di la ji skad smos pa'i sgrub pa de mi srid do/ /ji lta zhe na/ de'i phyir 'dir bshad pa/ mar me dang ni gang dag na/ /de 'dug pa na mun pa med/ /mar mes ci zhig snang bar byed//ci yang snang bar mi byed do/ /zhes bya ba'i tshig gi don to/ /de ltar na 'dir bsgrub par bya ba'i chos mar me snang bar byed pa nyid ma yin pa dang / sgrub pa'i chos mar me rang dang gzhan gyi bdag nyid la mun pa med pa nyid bstan to/ /de'i phyir 'dir rjes su dpag pa ni don dam par mar me ni mar me rang dang gzhan gyi bdag nyid dag snang bar byed pa ma yin te/mun pa med pa'i phyir dper na nyi ma 'od zer gsal zhing 'jebs pa dang ldan pa'i snang ba bzhin no/ /yang na/ mar me dang ni gang dag na/ /de 'dug pa na mun pa med/ /ces bya ba ni snang bar byed pa'i phyir te/ 'dis ni mar me'i chos ni snang bar byed pa nyid yin par ston to//de'i phyir 'dir rjes su dpag pa ni don dam par mar me ni mar me rang dang gzhan gyi bdag nyid dag snang bar byed pa ma yin par shes par bya ste/ snang bar byed pa yin pa'i phyir dper na nyi ma bzhin no/ /de bzhin du mar me ni snang bar byed pa ma yin te/gtan tshigs 'byung ba nyid dang / phan gdags par bya ba nyid dang / byas pa nyid dang / rkyen gyi dbye bas tha dad pa nyid la sogs pa dag gi phyir sa la sogs pa dag bzhin no zhes kyang brjod par bya'o/ /de'i phyir dpe med pas sgrub pa ma tshang ba'i skyon yod do/ /'dir smras pa/ mun pa sel bas snang byed yin//mar me skye bzhin pas mun pa sel bar byed de/ gang gi phyir des snang bar bya ba'i dngos po la mun pa med pa dang / snang bar byed pas snang ba yin pa de'i phyir mun pa sel bas snang bar byed pa yin no zhes smras par 'gyur ro/ /de'i mun pa med pa'i phyir zhes gang smras pa de ma grub pas des na gtan tshigs kyi don ma grub pa nyid do//dpe med pa yang ma yin te/ mar mes snang bar bya ba'i don dmigs pa'i phyir ro/ /'dir bshad pa/ ji ltar mar me skye bzhin pas/ /mun pa sel bar byed pa yin/ /ji ltar zhes bya ba ni mi srid pa la snyegs te/ ji ltar sel bar byed de/sel bar mi byed pa nyid do zhes bya ba'i tshig gi don to/ /mar me skye bzhin pa'i zhes bya ba 'dis ni skye bzhin pa'i chos skye bzhin pa nyid bstan te/ de ni bsgrub par bya ba dang / sgrub pa'i chos nye bar gzhag pa yin no/ /gang tshe mar me skye bzhin pa/ /mun pa dang ni phrad pa med/ /ces bya ba ni chos mthun pa'i dpe nye bar gzhag pa yin te/dper na sgra byas pa ji ltar rtag ste/ bum pa byas pa mi rtag pa bzhin no zhes bya ba lta bu'o/ /de la 'dir rjes su dpag pa ni don dam par mar me ni mi mthun pa'i phyogs sel bar byed pa ma yin te/ skye bzhin pa yin pa'i phyir dper na mun pas mar me bzhin no//gal te shes pa dang shes pa ma yin pa dag gis ma nges pa nyid do zhe na/ bsgrub par bya ba'i khongs su gtogs pa'i phyir/ de bzhin du bkag pas ma nges pa nyid ma yin no/ /yang na skye bzhin pa ni mngon par ma grub pa ste/ mar me ni snang bar byed pa ma yin te/mngon par ma grub pa'i phyir/ dper na bu ma skyes pas bya ba mi nus pa bzhin no/ /yang na/ ji ltar mar me skye bzhin pas/ /mun pa sel bar byed pa yin/ /zhes bya bas ni dpe la phrad pa med pa brjod pa'i phyir mar me'i chos phrad pa med pa yin par bstan to/ /gang tshe mar me skye bzhin pa//mun pa dang ni phrad pa med/ /ces bya ba ni chos mthun pa'i dpe'i tshig yin no/ /'dir rjes su dpag pa ni don dam par mar me skye bzhin pa ni mun pa sel bar byed pa ma yin te/ phrad pa med pa'i phyir dper na 'jig rten gyi bar gyi mun nag snang ba med pa bzhin no/ /yang na don dam par mar me ni mun pa sel bar byed pa ma yin te/mi mthun pa'i phyogs dang phrad pa med pa'i phyir dper na mun pa bzhin no/ /gal te mngon spyod kyi las bzhin du phrad pa med par yang snang bas mun pa sel ba'i phyir ma nges pa nyid do zhe na/ de la yang las la snang ba med pa'i phyir dang / dgra bo'i phyir las byas pas rig sngags kyi lha dag gis phrad pa kho nas mi 'dod pa byed pa'i phyir ma nges pa nyid ma yin no//ci ste yang / rang gi phyogs la chags pas mig khebs par gyur pa nyid kyis 'di skad ces/ mar mes phrad pa med par snang bar byed pa mthong gi /mun pas phrad pa med par snang bar byed pa ni ma mthong ngo zhes zer na/dpe bsgrub pa'i phyir de ni mi gnod do/ /de nyid brtag par bya ste/ ci mthong ba de ji ltar mthong ba bzhin nam/ 'on te gzhan zhig yin/ mar mes phrad pa med par snang bar byed pa mthong ba ni de ltar ma yin te/ ci ste mar mes phrad pa med par yang mun pa sel bar 'dod na ni 'di yang 'dod par gyis shig /mar me phrad pa med pa yang / /gal te mun pa sel byed na/ /'jig rten kun na gnas pa'i mun/ /'di na 'dug pa nges bsal 'gyur/ /de ni mi 'dod pas de'i phyir mar mes phrad pa med par mun pa sel bar byed do zhes bya ba de yang 'dod par ma byed cig /yang gzhan yang /khyod 'dod pa ltar mun pa sel bar byed pa'i phyir/ mar me rang dang gzhan gyi dngos/ /gal te snang bar byed gyur na/ /mun pa'ang rang dang gzhan gyi dngos/ /sgrib par 'gyur bar the tshom med/ /de ni mi 'dod do/ /rang dang gzhan gyi dngos po dag sgrib par mi byed par 'dod de / de'i phyir de ni chos mthun pa'i dpe'i tshig yin no//'dir rjes su dpag pa ni don dam par mar me ni rang dang gzhan gyi bdag nyid la yod pa'i mi mthun pa'i phyogs sel bar byed pa ma yin te/ mi mthun pa'i phyogs dang bcas pa yin pa'i phyir/ dper na mun pa bzhin no/ /yang na don dam par mar me ni mun pa sel bar byed pa ma yin te/mi mthun pa'i phyogs dang bcas pa yin pa'i phyir/ dper na grib ma bzhin no/ /de'i phyir de ltar mar me rang dang gzhan gyi bdag nyid dag snang bar byed pa gsal bas dpe med do/ /des na pha rol pos mar me bzhin du skye ba yang rang dang gzhan gyi dngos po dag skyed par byed pas thug pa med par thal bar mi 'gyur ro zhes gang smras pa de de bzhin du gnas pa nyid do//yang gzhan yang / skye bas ji ltar rang gi bdag nyid skyed par 'dod/ ji skyes pas sam/ 'on te ma skyes pas skyed par byed/ des cir 'gyur/ gal te ma skyes pas so zhe na/ skye ba 'di ni ma skyes pas/ /rang gi bdag nyid ji ltar skyed/ /skye ba ma skyes pas rang gi bdag nyid skyed par mi byed pa nyid de/ med pa'i phyir sngon bzhin no zhes bya bar dgongs so/ /ji ste skyes pas so zhe na/ ci ste skyes pas skyed byed na/ /skyes na ci zhig skyed du yod/ /skyes pa la skye ba'i bya ba don med pa nyid du 'gyur ba'i phyir ro zhes bya bar dgongs so//de'i phyir de ltar brtags na skye bas rang gi bdag nyid skyed par byed pa nyid mi srid pas thug pa med par thal bar 'gyur ba ldog pa med do/ /skye ba la sogs pa dag 'dus ma byas nyid yin na yang 'dus ma byas yin pa'i phyir/ de dag 'dus byas min zhes bya ba de de bzhin du gnas pa nyid yin pas/skye ba la sogs pa 'dus byas kyi mtshan nyid dag dang ldan pa'i phyir ro zhes bya ba'i gtan tshigs kyi don ma grub pa nyid kyi skyon yod do/ /yang gzhan yang / skye bar smra ba dag la ji skye bas skyes pa'am/ ma skyes pa'am/ skye bzhin pa'am/ ci zhig skyed par byed ces dri bar bya ste/rnam pa thams cad kyang rigs pa ma yin pa nyid du dgongs nas bshad pa/ skyes dang ma skyes skye bzhin pa/ /ji lta bur yang skyed mi byed/ /ji lta zhe na/ song dang ma song bgom pa yis/ /de dag rnam par bshad pa yin/ /ji ltar der rjes su dpag pa rgyas par bstan pa bzhin du 'dir yang brjod par bya ste/don dam par skye bzhin pa skyed par mi byed de/ ngo bo nyid nges par ma zin pa'i phyir/ dper na 'gag bzhin pa bzhin no/ /yang na don dam par skye bzhin pa skyed par mi byed de/ dus gzhan du 'pho ba la mngon par phyogs pa'i phyir dper na 'gag bzhin pa bzhin no//ci ste skye bzhin pa zhes bya ba de cung zad ni skyes cung zad ni ma skyes pa'o zhes bya bar rtog na/ de lta na yang de'i gang cung zad skyes pa de ni skyed par mi byed de/ de'i skye ba don med pa nyid du 'gyur ba'i phyir ro/ /de ni gang cung zad ma skyes pa de yang skyed par mi byed de/skye bas stong pa'i phyir dper na ma 'ongs pa bzhin no/ /gal te skye bzhin pa zhes bya ba ni skye ba la mngon par phyogs pa'o zhe na/ brgal zhing brtag pa ni de gang zhig yin/ skyes pa zhig gam/ 'on te ma skyes pa zhig yin zhes bya ba de nyid yin no/ / lan kyang skyes pa ni skyed par mi byed de/ de'i skye ba don med pa nyid du 'gyur ba'i phyir ro/ /ma skyes pa yang skyed par mi byed de/ skye bas stong pa'i phyir dper na ma 'ongs pa'i bzhin no zhes bya ba de nyid yin no/ /'dir smras pa/ ngo bo nyid nges par ma zin pa'i phyir zhes bya ba'i gtan tshigs de'i don gang yin ci mngon sum gyis ngo bo nyid nges par ma zin pa'i phyir ram/'on te rjes su dpag pas ngo bo nyid nges par ma zin pa'i phyir yin/ de la brtag pa snga ma ltar na ni ma nges pa nyid de/ mngon sum gyis ngo bo nyid nges par ma zin pa'i dngos po la yang skye bzhin pa yod pa'i phyir ro/ /brtag pa phyi ma ltar na ni ma grub pa nyid de skye ba la brten nas skye zhing skye bas skye bzhin pa rjes su dpag pa'i phyir ro//'dir bshad pa/ dngos po thams cad kyi rang bzhin ngo bo nyid med pa nyid du smra ba rnams la mngon sum dang / rjes su dpag pas dmigs pa'i dngos po'i yod pa nyid med pas mi mthun pa'i phyogs med pa'i phyir ma nges pa nyid ma yin no//don ma grub pa nyid kyang ma yin te/ gal te ji lta zhe na/ gang tshe skye ba yod pas ni/ /skye bzhin 'di 'byung med pa'i tshe/ /khyed na re/ skye ba la brten nas skye bzhin pa skye bas skye bzhin pa rjes su dpag par bya'o zhes zer ba de nyid 'dir brtag par bya ste/ci ste yod pa'am/ med pa'am/ yod med cig yin grang na/ de dag dgag pa yang rgyas par bstan zin pas/ ji ltar skye la brten nas ni/ /skye bzhin zhes ni brjod par bya/ /de'i tshe ji ltar skye ba la brten nas skye bzhin pa skyed do zhes brjod par bya/ de lta bas na rjes su dpag pa med pa'i phyir/ngo bo nyid nges par ma zin pa'i phyir zhes bya ba'i gtan tshigs kyi don ma grub pa nyid ma yin no/ /'dir smras pa/ dper na mi mkhas pa la la zhig mtshon thabs mkhas pas mi gsod cing / skyes bu dam pa ma yin pa'i spyad pa kun du spyod par byed pa de bzhin du/ khyod kyang rtog ge la mkhas pas drang srong mchog gis gsungs pa'i rten cing 'brel par 'byung ba'i tshul nyan thos dang rang sangs rgyas kyi skyed ma sun 'byin cing / 'phags pa ma yin pa'i spyad pa rjes su sgrub pas sngar khas blangs pa'i gnod par 'gyur ro/ /'dir bshad pa/ gdul ba rgyu dang 'bras bu la skur pa 'debs pa lta ba ngan pa dge ba'i phyogs rtsa nas 'byin pa dang ldan pa rnams kyi lta ba ngan pa'i dri ma bkru ba'i phyir/'di skad ces 'di lta ste/ 'di yod pas 'di 'byung la/ 'di skyes pa'i phyir 'di skye ba 'di lta ste/ ma rig pa'i rkyen gyis 'du byed rnams zhes bya ba la sogs pa gang gsungs pa de kun rdzob tu gsungs kyi/don dam par ma gsungs par khas len pas khas blangs pa'i gnod par mi 'gyur ro/ /'di yang bstan zin te/ gang du ci bstan zhe na/ dngos po rang bzhin med rnams kyi/ /yod pa gang phyir yod min na/ /'di yod pas ni 'di 'byung zhes/ /bya ba de ni 'thad ma yin//zhes bya ba der de bstan zin to/ /'dir yang bshad pa/ rten cing 'byung ba gang yin pa/ /de ni ngo bo nyid kyis zhi/ /dngos po rten cing 'brel par 'byung ba gang yin pa/ de ni don dam par ngo bo nyid kyis zhi ba ste/ skye ba med do zhes bya ba'i don to/ / bcom ldan 'das kyis/gang zhig rkyen las skye ba de ma skyes/ /de la ngo bo nyid kyis skye ba med/ /gang zhig rkyen la ltos pa de stong gsungs/ /gang gis stong nyid shes de bag yod yin/ /zhes bya ba dang / de bzhin du/ gang dag brten nas skye ba ni/ /de dag dngos nyid gang yang med/ / gang dag ngo bo nyid med pa/ /de dag gar yang 'byung mi 'gyur/ /zhes bya ba dang / de bzhin du blo gros chen po ngo bo nyid kyis skye ba med pa las dgongs nas/ chos thams cad ngo bo nyid med par bstan to zhes bya ba la sogs pa ji skad gsungs pa lta bu'o/ /de'i phyir de ltar pha rol po dag zhe 'gras pa'i blo nyid kyis sun 'byin pa nye bar 'jog pas rjes su sgrub pa ni dper na zla ba'i dkyil 'khor dri ma med pa la dri ma can du bya ba'i phyir thal ba spar gang 'thor ba dang 'dra'o//de'i phyir skye bzhin nyid dang ni/ /skye ba yang ni zhi ba nyid/ /de ltar gang gi phyir yang dag par brtags na/ rten cing 'byung ba la skye ba med de sgyu ma lta bu yin pa de'i phyir skye bzhin pa nyid dang /skye ba yang zhi ba nyid yin no/ /de la pha rol pos skye ba la brten nas/ don dam par skye bzhin pa rjes su dpag par bya'o zhes gang smras pa de yang dag pa ma yin no/ /gzhan dag gis smras pa/ rgyu dang rkyen de dang de dag la brten nas bum pa skye ba dang /snam bu skye ba de dag mthong ste/ mthong ba las lhag pa'i tshad ma gzhan med pas/ skyes dang ma skyes skye bzhin pa/ /ji lta bur yang skyed mi byed/ /ces gang smras pa de ni rigs pa ma yin no/ /'dir bshad pa/ tshul khrims la sogs pa tshogs kyi rjes su mthun pa dag mthong ba la su zhig 'gal bar byed de/de dag ni tha snyad pa yin gyi/ don dam pa pa ni ma yin no/ /de bas na de dag la sogs pa la mngon par zhen pa spang bar 'dod pas bstan bcos brtsams pas nyes pa med do/ /ci ste bum pa skye'o zhes bya ba dang / snam bu skye'o zhes bya ba de dag tha snyad pa yin gyi don dam pa ma yin par ji ltar nges par gzung bar bya zhe na/de nyon cig 'di la skyes na bum pa dang / snam bu yin gyi ma skyes na ni ma yin no/ /skyes pa la ni yang skye ba med pa'i phyir bum pa dang snam bu skye'o zhes bya ba de mi 'thad do/ /ci ste ma skyes kyang bum pa blo la bzhag nas ming sgro btags te bum pa skye'o zhes brjod na ni tha snyad tsam du zad de/blo la bzhag pa'i bum pa la ni skye ba med pa'i phyir ro/ /bye brag tu smra ba rnams gang dag gzugs la sogs pa dang bum pa la sogs dag dus 'pho ba'i phyir yod pa kho na las skye bar rtog na de yang rigs pa ma yin te/gal te dngos po ma skyes pa/ /'ga' zhig gang na yod gyur na/ /gal te bum pa dang / snam bu la sogs pa dngos po ma skyes pa 'ga' zhig rkyen rnams sam/ de dag 'dus pa'i gzhan la yod par gyur na/ de ni ci phyir der skye 'gyur/ /yod pa de ci'i phyir dus der skye bar 'gyur te/yod pa skye ba ni don med pa nyid du 'gyur ba'i phyir ro zhes bya bar dgongs so/ /de'i phyir yod na skye bar mi 'gyur ro zhes bya ba smras te/ de ltar na 'dis ni skye ba'i sngon rol na/ dngos po ma skyes pa yod par smra ba rnams kyi dam bcas pa ni yod pa nyid du rjes su dpog pas skye ba med pa dang ldan pa nyid kyis skye ba bsal ba'i phyir yod par smra ba rnams kyi rjes su dpag pa la gnod pa'i skyon bstan to//dus 'pho bar smra ba rnams la yang yod pa nyid du rjes su dpog pas da ltar gyi dus su 'pho ba med pa nyid kyis da ltar gyi dus su 'pho ba bsal ba'i phyir skyon de nyid yod do/ / 'dis ni dngos po dang mtshan nyid dang gnas skabs dang gzhan pa gzhan du 'gyur ba zhes bya ba dag gi lan btab pa yin no/ /gal te grangs can dag dngos po dag yod pa nyid gsal bar byed pas skyon med do zhe na/ de ni rigs pa ma yin te/ gsal bar bkag zin pa'i phyir ro/ /ma skyes pa yod pa ji ltar shes par byar nus/grangs can dang / bye brag tu smra ba dag na re ma skyes pa ni yod pa kho nar shes par byar nus te/ dus kyis bsdus pa'i phyir da ltar gyi dngos po bzhin no zhe na/ don dam par da ltar gyi dngos po yang ngo bo nyid yod pa nyid du ma grub pas dpe med pa'i phyir/ 'dod pa'i don mi 'grub bo//'dis ni gzugs la sogs pa dag snga na med pa dang zhig nas med pa nyid sgrub pa la yang / skyon gyi lan btab par rig par bya'o/ /tha snyad kyi bden pa la yang gnod par yang mi 'gyur te / da ltar gyi gzugs la sogs pa'i dngos po dag sgyu ma la sogs pa bzhin du yod pa nyid du khas blangs pa'i phyir dang /tha snyad du gzugs la sogs pa dag brtags pa'i dngos po yod pa nyid du khas blangs pa'i phyir ro/ /zhar la bshad pas chog gi /skabs 'dir bsdu bar bya ste/ de ltar re zhig /skyes dang ma skyes skye bzhin pa//ji lta bur yang skye mi byed/ /ces bya ba de bshad zin to/ /yang bshad pa/ gal te skye ba de yis ni/ /skye bzhin pa ni skyed byed na/ /gal te khyod 'dod pa ltar skye ba des skye bzhin pa skyed par byed na/ 'o na des na/ skye ba de ni skyed byed pa/ /yin te skyed par byed pa ni skye ba ma yin te/ skyed par byed pa po yin pa'i phyir/ dper na pha bu'i skye ba ma yin pa bzhin no/ /de ltar na/ skye ba yang ni gang zhig yin/ /skye ba la skye ba'i ngo bo nyid med do zhes bya ba'i tha tshig go/ /de lta na yang rgol ba skye bas skyed par byed do zhes zer ba'i dam bca' ba las chos can gyi ngo bo nyid bzlog pa'i skyon yod do//de gzhan gyis skyed par byed do zhes kyang brjod par mi nus pas de skad brjod na 'di ltar nye bar gnas par 'gyur te/ gal te skye ba gzhan zhig gis/ /de skyed thug pa med par 'gyur/ /yang na thug pa med par thal bar 'gyur ba yongs su spang ba'i phyir skye ba la skyed pa med pa nyid du 'dod par bya'o//gal te de ltar 'gyur ro zhe na/ de'i phyir bshad pa/ ci ste skye ba med skyes na/ /thams cad de bzhin skye bar 'gyur/ /de ni mi 'dod pas de'i phyir skye bar rtog par ma byed cig /yang gzhan yang 'di la skye ba can rnams kyi skye ba ni yod pa'am/ med pa'am/ yod med cig skye bar 'gyur grang na/de la/ re zhig yod dang med pa yang / /skye bar rigs pa ma yin no/ /yod med nyid kyang ma yin te/ /gong du bstan pa nyid yin no/ /skye ba med pa'i rab byed par/ / med dam yod pa'i don la yang / /rkyen ni rung ba ma yin te/ /zhes bya ba dang / gang tshe chos ni yod pa dang //med dang yod med mi sgrub pa/ /zhes bya ba dag bstan pa nyid yin pas de'i phyir yang 'bad par bya mi dgos so/ /yang gzhan yang / dngos po 'gag bzhin nyid la ni/ /skye ba 'thad par mi 'gyur ro/ /'gag bzhin pa nyid yin pa'i phyir dper na 'chi bzhin pa nyid bzhin no/ /gal te 'gag bzhin pa nyid ma yin pa skye bas nyes pa med do zhe na/gang zhig 'gag bzhin ma yin pa/ /de ni dngos por mi 'thad do/ /dngos po'i mtshan nyid dang mi ldan pa'i phyir/ nam mkha'i me tog bzhin no zhes bya bar dgongs so/ /gal te gnas pa nyid kyis ma nges pa nyid do zhe na/ de yang mi rtag pa nyid dang /rjes su 'brel ba'i phyir 'gag bzhin pa ma yin pa nyid du ma grub pas skyon med de/ rgyas par ni snga ma bzhin no/ /'dir smras pa/ skye ba ni yod pa kho na yin te/ de yod na 'byung ba'i chos yod pa'i phyir ro/ /'di na gang med pa de la ni de yod na 'byung ba'i chos med de/ dper na rus sbal gyi spu med pa la de'i gos 'byung ba med pa bzhin no/ /skye ba yod pa la ni gnas pa'i mtshan nyid 'byung ba'i chos yod pas de'i phyir gtan tshigs ji skad smos pa'i 'thad pas skye ba yod pa kho na yin no/ /'dir bshad pa/ skye ba med pa kho nas de rab tu ma grub pa yin mod kyi/'on kyang tha snyad du grags pa'i skye ba khas blangs nas don dam par gnas pa kho nas brtag par bya'o/ /'di la don dam par dngos po de gnas pa'am mi gnas pa'am gnas bzhin pa zhig gnas grang na/ de la/ dngos po gnas pa mi gnas te/ /da ltar dang 'das pa'i dus gnas gcig tu tshogs pa mi srid pa'i phyir dper na shi ba dang /ma skyes pa bzhin no/ /yang na gnas pa don med pa nyid du 'gyur ba'i phyir gnas par mi byed do/ /dngos po mi gnas gnas pa min/ /mi gnas pa'i phyir dper na/ 'gag pa bzhin no/ /gnas bzhin pa yang mi gnas te/ gnas pa dang mi gnas pa ma gtogs par de mi srid pa'i phyir te/rgyas par ni snga ma bzhin no/ /gang gi tshe don dam par dngos po 'ga' yang yod pa ma yin par bstan pa'i tshul gyis dngos po thams cad kyi skye ba brtsal ba de'i tshe/ ma skyes gang zhig gnas par byed/ /skye ba khas blangs sam/ khas ma blangs kyang rung ste/dngos po 'ga' yang gnas par mi byed do zhes bya bar dgongs so/ /des na de yod na 'byung ba'i chos yod pa'i phyir ro zhes bya ba'i gtan tshigs kyi don ma grub pa nyid dam/ don 'gal ba nyid yin no/ /yang gzhan yang / dngos po 'gag bzhin nyid la ni/ /gnas pa 'thad par mi 'gyur ro//mi mthun pa nyid yin pa'i phyir/ gang zhig gang dang mi mthun pa de ni yod na 'byung ba med do/ / dper na snang ba gsal ba dang / mun pa bzhin no zhes bya bar dgongs so/ /gal te 'gag bzhin pa nyid ma yin pa gnas pas nyes pa med do zhe na/ gang zhig 'gag bzhin ma yin pa//de ni dngos por mi 'thad do/ /'dus byas thams cad mi rtag pa nyid dang / rjes su 'brel pa'i phyir ro zhes dgongs so/ /yang na de ni dngos po nyid ma yin te/ 'gag bzhin pa ma yin pa'i phyir nam mkha'i me tog bzhin no zhes bya bar dgongs so/ /ci ste skye ba'i 'og tu gnas pa'i bya ba mthu che ba'i phyir 'gag bzhin pa yang ma yin la dngos po yang ma yin pa dang /rtag pa yang ma yin te/ gnas pa'i 'og tu rga ba dang mi rtag pa nyid 'byung ba'i phyir ro zhe na/ de yang rigs pa ma yin te/ gal te gzugs la sogs pa'i dngos po 'di dag gi gnas pa'i skad cig ma la mi rtag pa nyid med par gyur na phyis kyang de dang ldan par mi 'gyur te/de med par 'byung ba'i phyir dper na me ni chu med kyang 'byung ba'i tshul can yin pas nam yang chu'i dngos por mi 'gyur ba bzhin no/ /gal te mthong ba'i phyir dgag tu mi rung ngo zhe na/ de'i phyir de nyid brtag par bya ste/ ci 'jig pa mthong ba de de dang 'brel pa nyid la 'am 'on te de med pa la mthong / de la brtag pa snga ma la ni gnas pa mi 'grub bo/ /brtag pa gnyis pa la ni dngos po 'gag bzhin pa ma yin pa nyid mi 'grub pas de gnyi ga la yang 'dod pa'i don nyams so/ /gang dag mkhas su re ba nyid kyis dper na snga na sangs rgyas nyid med pa yang phyis sangs rgyas nyid du 'gyur ba de bzhin du snga na 'jig pa med pa yang phyis 'jig pa nyid du 'gyur ro zhe na/sgrub pa de ni tha snyad du yang mi gnod de shes pa'i skad cig ma gang la sangs rgyas nyid med pa de ni phyis kyang sangs rgyas nyid du 'gyur bar khas ma blangs pa'i phyir te/'di ltar nyon mongs pa dang / shes bya'i sgrib pa spangs pa'i shes pa'i skad cig ma la sangs rgyas nyid kyi sgrar brjod par bya zhing de la ni sangs rgyas nyid med na mi 'byung ba med pas de ni gyi na'o/ /de bzhin du rga ba nyid la yang sbyar bar bya'o/ /gang gi phyir de ltar rga shi med pa'i dngos po yod pa nyid mi 'thad pa dang ldan pa de'i phyir slob dpon gyis bshad pa/dngos po thams cad dus kun du/ /rga dang 'chi ba'i chos yin na/ /gang dag rga dang 'chi med par/ /gnas pa'i dngos po gang zhig yin/ /gang la skye ba yod na gnas pa 'byung bar mthong ba'i skye ba ma grub pas de'i phyir/don ma grub pa nyid nyams pa med pa'am don 'gal ba nyid nyams pa med do/ /yang gzhan yang / 'di la khyed gnas pa la yang gnas pa yod par 'dod pa de la yang gnas pa de gnas pa gzhan gyis sam/ de nyid kyis gnas par 'dod grang na/de gnyis gang yang mi rigs pas de'i phyir bshad pa/ gnas pa gnas pa gzhan dang ni/ /de nyid kyis kyang gnas mi rigs/ /ji ltar zhe na/ ji ltar skye ba rang dang ni/ /gzhan gyis skyed pa ma yin bzhin/ /ji ltar skye ba rang nyid kyis/ /skyed par mi rigs she na/ ji skad du/ skye ba 'di ni ma skyes pas/ /rang gi bdag nyid ji ltar skyed/ /ci ste skyes pa skyed byed na/ /skyes na ci zhig bskyed du yod/ /ces smras pa'i phyir ro/ /ji ltar skye ba gzhan gyis skyed par mi rigs she na/ ji skad du/ gal te skyed pa gzhan zhig gis/ /de skyed thug pa med par 'gyur//ci ste skye ba med skyes na/ /thams cad de bzhin skye bar 'gyur/ /zhes smras pa'i phyir ro/ /de bzhin du 'dir yang / gnas pa 'di ni ma gnas pas/ /rang gi bdag nyid ji ltar gnas/ /ci ste gnas pas gnas byed na/ /gnas na ci zhig gnas su yod/ /ces bya ba rnam par bshad pa'i tshig le 'ur byas pas skye ba rang gi bdag nyid kyis skyed par dgag pa'i rjes su 'brang bas gnas pa rang gi bdag nyid kyis/gnas pa dgag pa yang brjod par bya'o/ /gal te gnas pa gzhan zhig gis/ /de gnas thug pa med par 'gyur/ /ci ste gnas pa med gnas na//thams cad de bzhin gnas par 'gyur/ /zhes bya ba rnam par bshad pa'i tshig le'ur byas pas/ 'dir yang skye ba gzhan gyis skyed pa dgag pa'i rjes su 'brang bas gnas pa gzhan gyis gnas pa dgag pa yang brjod par bya'o/ /de'i phyir de ltar gnas pa med pas/skye ba ni yod pa kho na yin te/ de yod na 'byung ba'i chos yod pa'i phyir ro zhes bya ba'i gtan tshigs kyi don ma grub pa nyid kyi lan gdab dka'o// //dbu ma'i rtsa ba'i 'grel pa shes rab sgron ma bam po bdun pa/ 'dir smras pa/ don dam par dngos po rnams kyi skye ba dang /gnas pa dag ni yod pa kho na yin te/ de dag dang lhan cig spyod pa'i chos yod pa'i phyir ro/ /'di na gang med pa de la ni de dang lhan cig spyod pa'i chos med de/ dper na rta'i rwa la 'gag pa med pa bzhin no/ /skye ba dang / gnas pa dag la ni lhan cig spyod pa'i chos 'gag pa yod pas/de'i phyir gtan tshigs ji skad smos pa'i mthus don dam par skye ba dang / gnas pa dag yod pa kho na yin no/ /'dir bshad pa/ dngos po'i 'gag pa yang 'gags pa'am/ ma 'gags pa'am/ 'gag bzhin pa zhig 'gag par 'gyur grang na/de rnam pa thams cad du mi 'thad pas de'i phyir bshad pa/ 'gags pa 'gag par mi byed de/ /shi ba yang 'chi bar 'gyur na mi rung ba'i phyir ro/ /ma 'gags pa yang 'gag mi byed/ /'gags pas stong pa ni 'gag par mi byed de 'gag pa med pa'i phyir gnas pa bzhin no//'gag bzhin pa yang de bzhin min/ /'gag par mi byed de/ 'gags pa dang / ma 'gags pa ma gtogs par 'gag bzhin pa mi srid pa'i phyir dang / skyon gnyi gar 'gyur ba'i phyir ro/ /yang na don dam par 'gag bzhin pa ni 'gag par mi byed de/ dus su 'pho ba la mngon par phyogs pa'i phyir skye bar 'dod pa bzhin nam/da ltar bzhin no/ /yang na dngos po thams cad kyi skye ba bkag pa'i phyir/ ma skyes gang zhig 'gag par 'gyur/ /ma skyes pa la ni 'gag pa mi srid de/ ma skyes pa'i phyir dper na mo gsham gyi bu bzhin no/ / de'i phyir de ltar skye ba khas blangs sam/ khas ma blangs kyang rung ste/ 'gag pa ji ltar yang mi 'grub po/ /yang gzhan yang / 'di la 'gag pa ni gnas pa'am/ mi gnas pa la brtag grang na/ de ni gnyi ga la yang mi rung ste de la/ re zhig dngos po gnas pa la/ /'gag pa 'thad par mi 'gyur ro//gnas pa'i bya ba skyes pa la/ gnas pa dang / mi mthun pa'i 'gag pa mi 'thad de/ gnas pa'i phyir de ni grags pa yin no/ /gal te mi gnas pa la 'gag pa yod pas nyes pa med do zhe na/ dngos po mi gnas pa la yang / /'gag pa 'thad par mi 'gyur ro//mi gnas pa'i phyir dper na 'gags pa bzhin no/ /zhes bya bar dgongs so/ /yang gzhan yang / 'di la gnas skabs 'di gnas skabs de nyid kyis gnas pa 'gag gam/ gnas skabs gzhan gyis gnas pa 'gag /des cir 'gyur/ gnas skabs de yis gnas pa ni//de yis 'gag pa nyid mi 'gyur/ /gnas skabs gang gis sngar nye bar mtshon pa'i gnas skabs des ni 'gag pa nyid du mi 'gyur te/ sngon gyi ngo bo nyid yongs su ma spangs pa'i phyir dper na 'o ma 'o ma'i gnas skabs nyid kyis 'gag pa nyid du mi 'gyur ba bzhin no/ / gnas skabs gzhan gyis gnas pa yang / /gzhan gyis 'gag pa nyid mi 'gyur/ /nyid ces bya ba'i sgra ni nges par bzung ba'i don te/ 'dir gzhan gyis 'gag pa nyid du mi 'gyur ro zhes bya bar blta'i/ gzhan du na gzhan ma yin pas 'gag go zhes bya bar 'gyur ro/ /de ni dam bca' ba nye bar gzhag pa'o//gzhan nyid kyi chos gtan tshigs ni gzhan nyid yin no/ /'dir rjes su dpag pa ni don dam par 'o ma ni zho'i gnas skabs kyis 'gag par mi 'gyur te/ de las gzhan nyid yin pa'i phyir dper na de las gzhan pa'i phrub la sogs pa bzhin no/ /phyir rgol ba pa dag na re/'gag pa ni yod pa kho na yin gyi / dngos po la brten pa'i phyir dper na tshos pa bzhin no zhes zer na/ de la bshad pa/ gang tshe chos rnams thams cad kyi/ /skye ba 'thad par mi 'gyur ba/ /de tshe chos rnams thams cad kyi/ /'gag pa 'thad par mi 'gyur ro/ / gang gi tshe ji skad bstan pa'i tshul gyis chos thams cad kyi skye ba mi 'thad pa de'i tshe/ 'gag pa yang mi 'thad de/ tshos par bya ba dang / tshos pa ma grub pas dpe med pa'i phyir ro zhes bya bar dgongs so/ /yang gzhan yang / 'di la 'gag pa ni dngos po yod pa 'am med pa la brtag grang na/de la/ re zhig dngos po yod pa la/ /'gag pa 'thad par mi 'gyur ro/ /mi mthun pa nyid yin pa'i phyir dper na me dang grang ba nyid bzhin no zhes bya bar dgongs so/ /de'i phyir/ dngos dang dngos po med pa dag /gcig nyid na ni 'thad pa med//ces bya ba smras so/ /ci ste yang / dngos por gyur nas de nyid bral ba na/ dngos po med pa zhes bya'o snyam na/ 'o na ni de nyid kyis don dam par phyi nang gi dngos po rnams la ngo bo nyid med pa nyid yin te/ dngos por gyur nas dngos po med par gyur pas ngo bo nyid med pa nyid ces gsal bar bstan te/sgyu ma la sogs pa bzhin no/ /ci ste dngos po med pa la rtog ste/ 'di ltar kha cig na re/ gzugs kyi blo ni bdag nyid las gzhan med pa'i yul can yin te/ de mthong na de'i blo skye ba'i phyir ro/ /'di na gang mthong na gang gi blo skye ba de ni de'i yul can yin te/dper na rta la sogs pa'i bdag nyid gzhan med pa'i lkog shal la sogs pa mthong na ba lang gi blo skye ba bzhin no/ /de bzhin du ro la sogs pa'i bdag nyid gzhan med pa'i gzugs mthong na/ gzugs kyi blo skye bas de'i phyir gzugs kyi blo ni bdag nyid las gzhan med pa'i yul can yin no zhes zer ba lta bu'o zhe na/de ni rigs pa ma yin te/ de nyid kyi gtan tshigs de ma grub pa'i phyir dang / dpe la bsgrub par bya ba'i chos ma tshang ba'i skyon yod pa'i phyir ro/ /yang bshad pa/ dngos po med par gyur pa la'ang / /'gag pa 'thad par mi 'gyur ro//med pa'i phyir/ mgo gnyis pa la ji ltar ni/ /gcad du med pa de bzhin no/ /'dis ni med pa nyid du rjes su dpog pas 'gag pa med pa nyid kyis dngos po med pa la 'gag pa yod par smra ba rnams kyi dam bcas pa la chos can gyi ngo bo nyid bsal ba'i skyon yod par bstan to//yang gzhan yang / khyed cag 'gag pa'i 'gag pa zhes smra ba de don dam par yod na rang gi bdag nyid kyis sam/ gzhan gyi bdag nyid kyis 'gag par 'gyur grang na/ de la/ 'gag pa 'gag pa gzhan dang ni/ /de nyid kyis kyang 'gag mi rigs/ /ji ltar zhe na/ ji ltar skye ba rang dang ni//gzhan gyis bskyed pa ma yin bzhin/ /ji ltar skye ba rang nyid kyis skyed par mi rigs she na/ ji skad du/ skye ba 'di ni ma skyes pas/ /rang gi bdag nyid ji ltar skyed/ /ci ste skyes pas skyed byed na/ /skyes pa ji zhig bskyed du yod/ /ces smras pa'i phyir ro//ji ltar skye ba gzhan gyis bskyed par mi rigs she na/ ji skad du/ gal te skye ba gzhan zhig gis/ /de skyed thug pa med par 'gyur/ /ci ste skye ba med skyes na/ /thams cad de bzhin skye bar 'gyur/ /zhes smras pa'i phyir ro/ /de bzhin du 'dir yang / 'gag pa 'di ni ma 'gags pas//rang gi bdag nyid ji ltar 'gag /ci ste 'gags pas 'gag byed na/ /'gag na ci zhig 'gag tu yod/ /ces bya ba rnam par bshad pa'i tshig le'ur byas pas/ skye ba rang gi bdag nyid kyis skyed pa dgag pa'i rjes su 'brang bas 'gag pa rang gi bdag nyid kyis 'gag pa dgag pa yang brjod par bya'o//gal te 'gag pa gzhan zhig gis/ /de 'gag thug pa med par 'gyur/ /ci ste 'gag pa med 'gag na/ /thams cad de bzhin 'gag par 'gyur/ /zhes bya ba rnam par bshad pa'i tshig le'ur byas pas 'dir yang skye ba gzhan gyis bskyed pa dgag pa'i rjes su 'brang bas 'gag pa gzhan gyis dgag pa yang brjod par bya'o//gang dag 'jig pa can rnams ni 'jig pa'i rgyus 'jig go zhes zer ba de dag la 'di skad ces brjod par bya ste/ gang zhig gang gi 'jig pa'i rgyu yin no zhes nges par shes pa de ni/de'i 'jig pa'i rgyu ma yin te/ de las gzhan yin pa'i phyir/ dper na de las gzhan dag bzhin no/ /de'i phyir de ltar sgrub pa rgyas par ji skad du bstan pas skye ba dang gnas pa dang / 'gag pa bsal ba'i phyir / rab tu byed pa'i dang por pha rol pos smras pa'i gtan tshigs dang dpe dag don dam par ni don ma grub pa nyid dang med pa nyid yin la/kun rdzob tu gtan tshigs dang / dpe dag brjod na ni don 'gal ba nyid yin no/ /ji skad bstan pa'i tshul gyi 'bras bu'i dbang gis mjug bsdu ba'i phyir/ skye dang gnas dang 'jig pa dag /ma grub phyir na 'dus byas med/ /de la pha rol pos don dam par 'dus byas phung po dang / khams dang / skye mched dag la 'dus byas kyi ngo bo nyid dag yod pa kho nar gzung bar bya ste/ skye ba la sogs pa 'dus byas kyi mtshan nyid dag dang ldan pa'i phyir ro zhes gang smras pa de ma grub po//gang dag don dam par ba lang la sogs pa 'dus byas dag yod pa kho na yin te/ de dag gi mtshan nyid lkog shal la sogs pa dag yod pa'i phyir ro zhes zer ba de dag la yang de bzhin du ji lkog shal la sogs pa mtshan nyid de dag mtshan nyid dang bcas pa yin nam/'on te mtshan nyid med cing dpe med pa yin zhes brgal zhing brtag par bya'o/ /de la gal te de dag mtshan nyid dang bcas pa yin na ni de lta na lkog shal la sogs pa de dag ba lang gi ba lang nyid dam/ 'dus byas nyid mtshon par byed pa ma yin te/ mtshan nyid dang bcas pa'i phyir dper na ba lang gi rjes bzhin no/ /ci ste de dag mtshan nyid med pa yin na ni mtshan nyid med pa'i phyir de dag rang nyid mi 'grub pas/ de dag gi mtshan nyid kyi gzhi mtshon par mi nus so zhes snga ma bzhin du rgyas par sbyar ro/ /de dag la mtshan nyid gzhan dag yod na ni thug pa med par thal bar 'gyur la/mtshan nyid gzhan med na ni mtshan nyid kyi gzhi la yang thal ba nyid du 'gyur ro zhes bya ba la sogs pa yang brjod par bya'o/ /gzhan dag na re/ don dam par 'dus byas ni yod pa kho nar shes par bya ste/ gnyen po dang bcas pa'i phyir ro//'di na gang med par shes pa de ni gnyen po dang bcas pa ma yin te/ dper na mo gsham gyi bu bzhin no/ /'dus byas la ni gnyen po 'dus ma byas yod pas de'i phyir gtan tshigs ji skad smos pa'i mthus/ don dam par 'dus byas yod pa kho nar shes par bya ste/des na rjes su dpag pa sngar smras pa dag la 'gal ba 'khrul pa med pa'i gnod pa yod cing phung po la sogs pa dag kyang 'grub bo zhes zer ro/ 'dir bshad pa/ 'di la 'dus byas rab tu grub na ni de bsal bas 'dus ma byas zhes bya ba rdzas cung zhig yod par brjod du yang rung grang na/'dus byas de brtags na yod pa ma yin pas de'i phyir/ 'dus byas rab tu ma grub pas/ /'dus ma byas ni ji ltar 'grub/ /tha snyad du yang ri bong gi rwa bzhin du ma skyes pas rdzas nyid du ma grags so zhes bya bar dgongs te / de'i phyir gtan tshigs la sogs pa de dag mi srid pa nyid do//'dir smras pa/ gal te don dam par skye ba la sogs pa dag mtshan nyid ma yin par ston na de ltar na de dag 'dus byas kyi mtshan nyid bsal ba rjes su bsgrubs pas phyogs dang / gtan tshigs dang dpe'i gzhi la sogs pa ma grub pa'i skyon du 'gyur ro//'dir bshad pa/ don dam par yod pa ma yin yang tha snyad du/ rmi lam ji bzhin sgyu ma bzhin/ /dri za'i grong khyer ji bzhin du/ /yod pa nyid du khas blangs pa'i phyir skyon med do/ /ji ltar rmi lam rnam par brtags pa nyams su myong ba dran pa dang / chos dang chos ma yin pa dang /lhas byin gyis brlabs pa'i rgyu can yul 'dod pa dang / mi 'dod pa dag dang phrad pa nye bar dmigs pa'i 'bras bu dang ldan pa brtags na ngo bo nyid med kyang / tha snyad du yod pa la sogs pa'i blo'i rgyu nyid kyis yul nyid du 'gyur ba dang ji ltar sgyu ma sgyu ma mkhan dang gsang sngags dang sman gyi mthu khyad par can las glang po che dang /khyu mchog dang / bud med dang / gnas la sogs pa'i ngo bo nyid du 'byung ba dbang po'i spyod yul du gyur pa dag ngo bo nyid med kyang / shes pa 'khrul pa'i rgyu yin pa'i phyir yod do zhes brjod pa dang / ji ltar dri za'i grong khyer 'obs rgya chen po dang /sgo dang sgo khang dang / yang thog dkar po dga' ba 'tsher bag can dang / khyams zla ba can dang / skar khung dang / khang pa brtsegs pa dang ldan pa'i grong khyer gyi blo skye ba'i rgyu yin pa/ de bzhin skye dang de bzhin gnas/ /de bzhin du ni 'jig pa gsungs/ /drang srong de kho na nyid mthong ba'i mig yang dag par bye ba rnams la 'dus byas kyi skye ba la sogs pa'i blo skye ba'i rgyu nyid du gsungs so//mi shes pa blo gros kyi mig zum pa rnams ni rmi lam la sogs pa bzhin du dngos po rnams skye'o/ /gnas so/ /'gag go zhes yang dag pa'i don gyi mngon pa'i nga rgyal skyed par byed do/ /de'i phyir de ltar mkhas pa dang mkhas pa ma yin pa dag gi tha snyad kyi dbang gis skye ba la sogs pa yod pa nyid du khas blangs pa'i phyir phyogs dang gtan tshigs dang dpe'i gzhi la sogs pa ma grub pa'i skyon med do//'di la kha cig na re/ kun nas nyon mongs pa 'jug pa'i rgyu de las gzhan pa rnam par rtog pa gsum po dag bstan pa'i phyir rmi lam la sogs pa dpe gsum bstan to zhes zer ro//gzhan dag na re pha rol pos skye ba la sogs pa dag yod pa kho na yin te/ mngon sum gyi blo'i bzung ba yin pa'i phyir dang / byed pa po yod pa'i phyir dang / rgyud tha mi dad pas 'dzin pa'i phyir dper na/ gzugs bzhin no zhes smras pa de dag ma nges pa nyid du bstan pa'i phyir/ rmi lam la sogs pa'i dpe gsum po dag go rims bzhin du gsungs te/ bcom ldan 'das kyis kyang nyan thos kyi theg pa la bdag dang bdag gi ngo bo nyid med pa yin yang de ltar snang ba'i phyir/nyon mongs pa'i sgrib pa'i gnyen por/ gzugs ni dbu rdos pa 'dra/ /tshor ba chu bur dag dang mtshungs/ /'du shes smig rgyu 'dra ba ste/ /'du byed rnams ni chu shing bzhin/ rnam shes sgyu ma lta bu zhes / /de nyid gzigs pas bka' stsal to//zhes gsungs la/ theg pa chen po la yang 'dus byas rnams ngo bo nyid med pa nyid yin yang de ltar snang zhing de ltar bstan pa'i phyir nyon mongs pa dang shes bya'i sgrib pa'i gnyen por/ /skar ma rab rib mar me dang / /sgyu ma zil pa chu bur dang / /rmi lam glog dang sprin lta bur//'dus byas de ltar blta bar bya/ /zhes gsungs pas de'i phyir 'di la skrag pa'i gnas med de/ blo gros dang ldan pa rnams kyis yongs su brtags nas bzod pa bskyed par bya'o zhes zer ro/ /gzhan dag na re/ bcom ldan 'das kyis 'du byed rnams bdag med pa dper na / sgyu ma dang / brag ca dang / gzugs brnyan dang / smig rgyu dang / rmi lam dang / dbu ba rdos pa dang / chu'i chu bur dang / chu shing gi phung po dag bstan te/ 'di la de bzhin nyid dam/ ma nor ba de bzhin nyid ni 'ga' yang med kyi/ 'di dag ni spros pa yang yin/ 'di dag ni brdzun pa yang yin no zhes kyang gsungs so//chos thams cad bdag med do zhes gsungs pa la bdag med pa zhes bya ba ni ngo bo nyid med pa'i don te/ bdag ces bya ba'i sgra ni ngo bo nyid kyi tshig yin pa'i phyir ro zhes zer ro/ /gzhan ma yin pa na re de la 'dir bdag tu snang ba ni nor ba'i de bzhin nyid yin pa'i phyir dang bdag ces bya ba'i sgra yang bdag gi tshig yin pa'i phyir de dag la bdag gzhan yang med la/rang nyid kyang bdag ma yin te/ dbang phyug ma yin pa bzhin pas khungs des ni nyan thos kyi theg pa la gang zag gi bdag med pa'i sgra'i don bye brag tu rtogs par bya ba yin pa'i phyir chos bdag med pa nyid bstan par mi nus so//nus par gyur na ni theg pa gzhan yongs su bzung ba don med pa nyid du 'gyur ro zhes zer ro/ /de la 'dir rab tu byed pa'i don ni pha rol pos rab tu byed pa'i dang por sgrub pa smras pa'i skyon brjod pas 'dus byas rnams ngo bo nyid med pa nyid du bstan pa yin no//de'i phyir rab 'byor ji tsam du 'dus byas yin pa de tsam du brdzun no zhes bya ba dang / de bzhin du gang 'dus byas la mi spyod pa dang / 'dus ma byas la mi spyod pa de ni shes rab kyi pha rol tu phyin pa la spyod pa nyid yin no zhes bya ba dang /de bzhin du chos thams cad ni de bzhin nyid la gnas pa ste/ de bzhin nyid gang yin pa de la ni 'dus byas kyang med/ 'dus ma byas kyang med do/ /gang la 'dus byas kyang med/ 'dus ma byas kyang med pa de la ni gnyis su 'jug pa med do/ /gang la gnyis su 'jug pa med pa de la ni de bzhin nyid do zhes bya ba dang /de bzhin du tshangs pa 'dus byas dang / 'dus ma byas kyi chos rnams la tha dad du bya ba ci yod/ smras pa/ 'jam dpal 'dus byas dang / 'dus ma byas kyi chos rnams la tha snyad tsam tha dad par bya ba yin te/ byang chub sems dpa' gzungs 'di 'dzin pa ni 'dus byas dang /'dus ma byas kyi chos rnams la rlom sems su mi byed/ dmigs par mi byed do zhes bya ba la sogs pa dang / de bzhin du rab kyi rtsal gyis rnam par gnon pa gzugs dang / tshor ba dang / 'du shes dang / 'du byed rnams dang / rnam par shes pa ni 'dus byas kyang ma yin/'dus ma byas kyang ma yin pa gang yin pa de ni shes rab kyi pha rol tu phyin pa'o/ /gzugs dang / tshor ba dang / 'du shes dang / 'du byed rnams dang / rnam par shes pa ni/ skye ba'i chos can yang ma yin/ 'gag pa'i chos can yang ma yin no//gzugs dang / tshor ba dang / 'du shes dang / 'du byed rnams dang / rnam par shes pa skye ba'i chos can yang ma yin/ 'gag pa'i chos can yang ma yin pa gang yin pa de ni shes rab kyi pha rol tu phyin pa'o/ /rnam par rtog pa ma gtogs par 'dus byas dang / 'dus ma byas med de / byis pa rmongs pa rnams ni mo gsham gyi rmi lam na bu mthong ba bzhin du/ 'dus byas dang / 'dus ma byas zhes 'dzin par byed do zhes bya ba la sogs pa gsungs pa de dag grub pa yin no/ /slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/skye ba dang / gnas pa dang / 'jig pa brtag pa zhes bya ba ste rab tu byed pa bdun pa'o// //da ni stong pa nyid kyi mi mthun pa'i phyogs kyi khyad par dgag pas phung po la sogs pa dag ngo bo nyid med pa nyid du bstan pa'i don gyi dbang gis rab tu byed pa brgyad pa brtsam mo//'dir smras pa/ don dam par phung po dang khams dang / skye mched dag yod pa kho na yin te/ bcom ldan 'das kyis de dag la brten nas byed pa po dang las bstan pa'i phyir ro/ /'di na gang med pa la ni bcom ldan 'das kyis de la brten nas byed pa po dang las ma bstan te/dper na bong bu dang rnga mo'i rwa dag bzhin no/ /phung po la sogs pa dag la ni/ bcom ldan 'das kyis de dag la brten nas byed pa po dang las bstan pa 'di yod de/ legs par spyad pa'i chos spyad bya/ /nyes par spyad pa de mi spyad/ /chos spyod 'jig rten 'di dang ni//pha rol du yang bde bar gnas/ /zhes byed pa po dang las kyang bstan to/ /de la chos mngon pa las/ las ni dge ba dang / mi dge ba dang / lung du ma bstan pa'i bye brag gis rnam pa gsum mo/ /de la dge ba yang ngo bo nyid dang mtshungs par ldan pa dang / kun nas bslang ba dang / don dam pa'i bye brag gis rnam pa bzhi'o/ /mi dge ba yang de bzhin no/ /lung du ma bstan pa yang rnam par smin pa las skyes pa dang / spyod lam las byung ba dang / bzo'i gnas las byung ba dang / sprul pa las byung ba'i bye brag gis rnam pa bzhi'o zhes 'byung bas de'i phyir gtan tshigs ji skad smos pa'i mthus don dam par/phung po dang / khams dang / skye mched dag yod pa kho na yin no/ /de la 'dir gal te don dam par de dag la brten nas/ byed pa po dang las bstan pa'i phyir ro zhes bya ba'i gtan tshigs 'dod na ni don ma grub pa nyid do//'on te dbyug pas ma bzlog pa'i phyir tha snyad du 'dod na ni don 'gal ba nyid dang / grub pa la sgrub pa nyid yin no/ /bcom ldan 'das kyis don dam par de dag la brten nas byed pa po dang las bstan to zhes byar yang dpe med de/ 'di ltar don dam par dngos po med pa'i phyir ro//de'i phyir de ltar de dag mi 'thad pa de ltar brtag par bya ste/ 'di la byed pa po de yang yin par gyur pa'am/ ma yin par gyur pa'am/ yin pa dang / ma yin par gyur pa zhig las byed par 'gyur zhing las kyang yin par gyur pa'am/ ma yin par gyur pa'am/ yin pa dang / ma yin par gyur pa zhig byed pa po'i bya bar 'gyur grang na/de dag rnam pa thams cad du mi 'thad pas de'i phyir bshad pa/ byed po yin par gyur pa de/ /las su gyur pa mi byed do/ /'di ni dam bca' ba nye bar gzhag pa'o/ /de la byed pa po yin par gyur pa ni bya ba dang ldan pa'o//las yin par gyur pa yang bya ba dang ldan pa'o/ /byed po ma yin gyur pa yang / /las su ma gyur mi byed do/ /'di yang dam bca' ba nye bar gzhag pa'o/ /de la yang byed pa po ma yin par gyur pa dang / las ma yin par gyur pa ni de las bzlog go/ /byed pa po zhes bya ba ni bya ba byed pa'o//las zhes bya ba ni bya ba'o/ /mi byed do zhes bya ba ni bya ba mi byed pa'o/ /de la re zhig dam bcas pa'i don nye bar gzhag pa snga ma sgrub pa'i phyir bshad pa/ yin par gyur la bya ba med/ /byed pa po gang bya ba la ma ltos pa zhig byed pa po'i ngo bo nyid du 'dod na de la bya ba dang las med de/bya ba med par yang de grub pa'i phyir ro/ /bya ba dang ldan pa las khyad par yod par yang mi rigs pas byed pa po las byed do zhes bya ba de mi 'thad do zhes bya bar dgongs so/ /yang na/ yin par gyur la bya ba med/ /ces bya ba ni chos mthun pa'i dpe'i tshig yin no//'dir rjes su dpag pa ni don dam par byed pa po yin par gyur pa lhas byin zhes bya ba brten te brtags pa dang / mu stegs byed kyis yongs su brtags pa ni lhas byin gyi rgyud la las dge ba dang mi dge ba mi byed de/ byed pa po yin pa'i phyir dper na mchod sbyin bzhin no//yang na byed pa po yin par gyur pa nye bar btags pa ma yin par ji ltar gzegs zan pa dag gis bdag byed pa po nyid du brtags pa lta bu de dag gi phyir/ rjes su dpag pa ni don dam par bdag lhas byin ni lhas byin gyi rgyud la las mi byed de/ dngos po yin pa'i phyir dper na las bzhin no//don dam par lhas byin gyi rgyud kyi las ni byed pa po bdag lhas byin gyi bya ba ma yin te/ las yin pa'i phyir dper na de las gzhan pa bzhin pas de'i phyir rjes su dpag pas gnod par 'gyur ro/ /ci ste dam bcas pa de'i don gang yin/ ci lhas byin gyi rgyud kyi las la byed pa po gzhan yod pa yin nam/'on te byed pa po med pa yin/ des cir 'gyur/ gal te byed pa po gzhan yod pa yin na ni dam bcas pa nyams so/ /ci ste byed pa po med pa yin na ni dpe med do zhe na/ de ni rigs pa ma yin te/ bdag mchod sbyin zhes bya ba lhas byin gyi rgyud kyi byed pa po nyid du ma grub pa nyid dpe nyid du nye bar bzhag pa'i phyir ro//de'i phyir de ltar byed pa po yin par gyur pa bya ba la mi ltos pa la byed pa po nyid du rtog pa la bya ba dang las mi 'thad do/ /las kyang byed po med par 'gyur/ /byed pa po des de ma byas pa'i phyir ro/ /yang na/ las kyang byed po med par 'gyur/ /zhes bya ba ni las yin par gyur par rtog pa la/ las kyang las kyi ngo bo nyid yin pa'i phyir/ byed pa po la mi ltos pa yin te / ngo bo nyid ni ltos pa med pa'i phyir ro/ /des na byed pa pos ma byas pa nyid kyi las su 'gyur te/ 'dir yang rjes su dpag pa snga ma bzhin no//yin par gyur la bya ba med/ /byed pa po yang las med 'gyur/ /zhes bya ba ni phyed gong ma shos kyi rjes su 'brang bas rnam par bshad zin pa'i phyir bshad mi dgos so/ /de ltar na dam 'cha' bar byed pa'i dam bcas pa la rjes su dpag pas gnod par 'gyur bas byed pa po dang las dag ltos pa med par yod pa de ni mi 'dod de/de'i phyir byed pa po dang las dag ltos pa po dang bcas pa nyid du 'dod pa kho nar bya'o/ /des na don dam par byed pa po lhas byin zhes bya ba ni/ lhas byin gyi rgyud la las byed pa po'i rgyud la gdon mi za bar rnam par smin par 'gyur ba mi byed par shes par byar nus te/ltos pa dang bcas pa'i phyir dper na mchod sbyin bzhin no/ /de bzhin du don dam par lhas byin gyi rgyud kyi las byed pa po la gdon mi za bar rnam par smin par 'gyur ba ni byed pa po lhas byin gyi bya ba ma yin te/byed pa po la ltos pa'i phyir/ dper na mchod sbyin gyi rgyud kyi las bzhin no/ /da ni dam bcas pa'i don nye bar gzhag pa gnyis pa sgrub pa'i phyir bshad pa/ gal te byed por ma gyur pa / /las su ma gyur byed na ni/ /des cir 'gyur/ las la rgyu ni med par 'gyur/ / byed pa po med par yang grub pa'i phyir ro/ /byed pa po yang rgyu med 'gyur/ /byed pa po las mi byed pa dang / las la mi ltos pa yin pa'i phyir ro/ /tshig le'ur byas pa'i phyed pa 'dis kyang byed pa po dang las kyi chos byed pa po dang las dag phan tshun ltos pa dang bcas pa nyid bstan to/ /'dir rjes su dpag pa ni byed pa po dang las kyi phyogs la yang snga ma bzhin te/khyad par ni byed pa po dang las ma yin par gyur pa dag phyogs su bya ba yin no/ /ci ste yang 'ga' zhig kho bo cag la byed pa po dang las dag ni 'di lta ste rang dbang ni byed pa po'o/ /byed pa po'i 'dod pa mchog ni las so zhes bya bas/rang gi mtshan nyid grub pa'i phyir phan tshun ltos pa med pa nyid yin pas/ des na ltos pa dang bcas pa'i phyir zhes bya ba'i gtan tshigs kyi don ma grub pa nyid do zhes zer na/ sun 'byin par byed pa la brkam pa nyid kyis de la gnod pa chen po 'byung bar 'gyur te/ji ltar zhe na/ 'di la rang dbang ni byed pa po'o zhes bya ba gang yin pa de yang las bsgrub pa'i thabs mkhas pa la rang dbang yod pa'i phyir/ las la ltos pa nyid yin la/ byed pa po'i 'dod pa mchog ni las so zhes bya ba gang yin pa de yang byed pa po la ltos pa nyid yin pa'i phyir byed pa po dang /las dag gi byed pa po dang / las zhes tha snyad gdags pa nyid la ni phan tshun rgyu'i dngos por nye bar 'gro ba yod pa yin na/ de yang byed pa po dang las dag ltos pa med par smra ba la mi 'thad pas de'i phyir byed pa po dang las dag la rgyu med par 'gyur te/de ltar/ rgyu med na ni 'bras bu dang / /rgyu yang 'thad par mi 'gyur ro/ /rgyu dang rkyen so sor nges pa'i mthus bya ba nyid kyis 'bras bu zhes bya zhing / lhan cig byed pa'i rgyu tshogs su zin kyang de yod na 'byung ba nyid kyis 'bras bu'i rgyu zhes bya na/ ltos pa med pa la ni rgyu med pa yang rgyur mi rung la/de'i 'bras bu med pa yang 'bras bur mi rung ngo zhes bya bar dgongs so/ /yang gzhan yang / de med na ni bya ba dang / /byed pa po dang byed mi rigs/ /'bras bu de med na bya ba dang byed pa po dang byed pa dag mi rigs te/ 'jig rten pa'i bum pa la sogs pa yul gyi bya ba de yang byed pa po'i 'dod pa mchog ni las so zhes bya bas byed pa po la ltos pa yin na bum pa sgrub nus pa'i rtsol ba la/thabs shes pa ma brjed pa'i mkhas pa la rang dbang ni byed pa po'o zhes bya ba de yang byed pa po gzhan la mi ltos shing las la ltos pa yin/bum pa bsgrub pa'i yan lag du mas bsgrub par bya ba de nyid kyis bsgrub pa'i yan lag las sgrub pa'i mchog ni byed pa'o zhes bya ba de yang byed pa po dang / las dag la ltos pa yin na ltos pa med pa la ni de dag med de/ gcad par bya ba'i shing med na bcad pa dang gcod pa po dang gcod pa dag med pa bzhin no//yang gzhan yang / bya ba la sogs mi rigs na/ /chos dang chos min yod ma yin/ /bya ba dang byed pa po dang bya ba dag mi rigs na chos dang chos ma yin pa dag yod pa ma yin te/ pha rol po'i tshul las chos dang chos ma yin pa dag ni bya ba dang byed pa po dang byed pa dag gis bsgrub par bya ba yin pa'i phyir dang de dag gis gsal bar bya ba yin pa'i phyir ro zhes bya bar dgongs so//ci ste yang rang gi sde pa dag la la 'di skad ces 'du byed rnams la byed pa po dang / tshor ba po med pa'i phyir byed pa po med pa'i skyon gyis mi gnod de/chos dang chos ma yin pa dag lus dang / ngag dang yid kyi bya ba'i khyad par gyi bdag nyid du khas blangs pa'i phyir ro zhe na/ rgyu phan 'dogs pa tshogs pa tsam la tha snyad du byed pa po nyid du khas blangs pas/ de la ltos pa nyid kyi chos dang chos ma yin pa dag las kyi sgrar brjod pa'i phyir/byed pa po med na de la ltos pa'i las mi 'grub pa'i phyir/ chos dang chos yin pa la sogs pa dag med pa'i skyon gyis mi gnod pa ma yin te/ ltos pa'i rigs pa med pa'i phyir ro/ /de ltar ji skad bstan pa'i tshul gyis / chos dang chos min med na ni/ / de las byung ba'i 'bras bu med/ /chos dang chos ma yin pa dag med na de dag las byung ba'i 'bras bu lha dang mi dang sems can dmyal ba dang / dud 'gro dang yi dags kyi 'gro ba dag tu lus dang dbang po dang longs spyod 'dod pa dang / mi 'dod pa'i bdag nyid 'grub pa dag med par 'gyur ro//de ltar/ 'bras bu med na thar pa dang / /mtho ris 'gyur ba'i lam mi 'thad/ /bya ba dag ni thams cad kyang / /don med nyid du thal bar 'gyur/ /'bras bu med na thal bar 'gyur ba'i lam rnal 'byor pa dag mya ngan las 'das pa'i don du yang dag pa'i lta ba sngon du btang ba'i 'phags pa'i lam yan lag brgyad pa sgom pa yang mi 'thad par 'gyur la/mtho ris su 'gyur ba'i lam tshul khrims yang dag par len pa dang / bsam gtan dang / snyoms par 'jug pa la mngon par brtson pa yang mi 'thad par 'gyur zhing / 'jig rten dang 'jig rten las 'das pa'i bya ba thams cad kyang don med pa nyid du thal bar 'gyur ro//de'i phyir de ltar byed pa po ma yin par gyur pa las ma yin par gyur pa byed pa dang / las ma yin par gyur pa byed pa po ma yin par gyur pa'i bya ba yin par rtog pa la gnod pa chen po de dag 'byung bar 'gyur ba bzlog dka' bar rig nas byed pa po dang las dag ltos pa dang bcas pa nyid du 'dod par bya'o//de ltar gtan tshigs kha na ma tho ba med pa ji skad bstan pa de yod pa'i phyir byed pa po ma yin par gyur pa/ las ma yin par gyur pa byed pa dang /las ma yin par gyur pa byed pa po ma yin par gyur pa'i bya ba yin par sgrub pa'i phyogs de mi 'thad par bstan to/ /rnam grangs kyi tshul smra ba dag na re/ rnam grangs las byed pa po yin pa dang ma yin par gyur pa las yin pa dang ma yin par gyur pa byed pa'i phyir skyon med do zhe na/ 'dir bshad pa/ byed pa por gyur ma gyur pa//gyur ma gyur de mi byed do/ /yin dang ma yin gyur pa ni/ /phan tshun 'gal bas ga la gcig /'di ltar yin pa dang ma yin par gyur pa ni phan tshun 'gal bas gcig la gcig dus gcig tu mi 'thad do/ /gal te yin na ni ji ltar ma yin par 'gyur ci ste ma yin na ni ji ltar yin par 'gyur te/'di ltar 'jig rten na me la tsha ba'i ngo bo nyid dang / grang ba'i ngo bo nyid dmigs su med pa bzhin no/ /ci ste rdzas kyi ngo bo nyid du yod pa'i phyir yin par gyur pa yin la/ bya ba dang byed pa'i sngon rol na byed pa po nyid du med pa'i phyir ma yin par gyur pa yang yin pas de ltar ltos pa'i dbang gis gcig la yang dus gcig na gnyi ga'i bdag nyid yod pa'i phyir skyon med do zhe na//de ni bzang po ma yin te/ ltos pa'i nges pa 'gog par 'gyur ba'i phyir dang / phyogs gnyi gar bstan pa'i rjes su dpag pas bkag pa'i phyir skyon med pa ma yin no//gal te mchod sbyin ni byed pa po nyid kyang yin la/ byed pa po ma yin pa nyid kyang yin pas/ dpe med pa'i phyir rjes su dpag pas gnod par mi 'gyur ro zhe na/ lhas byin gyi rgyud la mchod sbyin byed pa po ma yin par gyur pa'i cha dang / mchod sbyin gyi bya ba ma yin par gyur pa'i char bsgrub pa nyid dpe nyid du 'dod pa'i phyir skyon med do//rgyas par snga ma bzhin no/ /de'i phyir de ltar re zhig phyogs mthun pa la brten pa'i byed pa po dang las rnam par bzhag pa dag don dam pa la ma yin pas rab tu byed pa'i dang por smras pa'i gtan tshigs kyi don ma grub pa nyid do//gal te byed pa po yin par gyur pa las ma yin par gyur pa byed cing / byed pa po ma yin par gyur pa yang las yin par gyur par byed pas skyon med do zhe na/ 'dir bshad pa/ byed pa po dang las dag ni/ /gyur pa ma gyur mi byed de/ /ma gyur pa yang gyur mi byed/ / gang gis ci zhig mi byed ce na/ byed pa po yin par gyur pa las ma yin par gyur pa mi byed la/ byed pa po ma yin par gyur pa las yin par gyur pa mi byed do/ /ci'i phyir zhe na/ 'di ltar/ 'dir yang skyon der thal bar 'gyur/ /yin par gyur pa dang / ma yin par gyur pa'i phyogs su bstan pa'i skyon de dag nyid du thal bar 'gyur ba'i phyir ro//don dam par byed pa po yin par gyur pa las ma yin par gyur pa mi byed la/ byed pa po ma yin par gyur pa las yin par gyur pa mi byed do zhes dam bcas pa la khyad par yod par zad kyi/ sbyor ba'i yan lag lhag ma dag ni rgyas par snga ma bzhin no//de bzhin du/ byed pa po dang las dag ni/ /gyur dang bcas pa ma gyur dang / /gyur ma gyur pa mi byed de/ /gtan tshigs gong du bstan phyir ro/ /de bzhin du/ byed pa po dang las dag ni/ /ma gyur pa ni gyur bcas dang / /gyur ma gyur pa mi byed do//gtan tshigs gong du bstan phyir ro/ /de bzhin du/ byed pa por gyur ma gyur ni/ /las su gyur dang ma gyur pa/ /mi byed 'dir yang gtan tshigs ni/ /gong du bstan pas shes par bya/ /'dir yang dam bcas pa la khyad par yod pa 'ba' zhig tu zad kyi/ sbyor ba'i yan lag lhag ma dag ni rgyas par snga ma bzhin no//gang gi phyir de ltar brtags na/ /byed po las la brten byas shing / /las kyang byed po de nyid la/ /brten nas 'byung ba de yi phyir/ /byed pa po dang las nyid la byed pa po dang las kyi rgyu yod pa ni tha snyad par phan tshun ltos pa nyid yin gyi/de ma gtogs par de las gzhan pa 'grub pa'i rgyu ni ma mthong ngo / /de lta bas na rab tu byed pa'i dang por smras pa'i gtan tshigs kyi don ma grub pa nyid kyi lan gdab dka' ba dang / dpe'i skyon yod pa dang / gtan tshigs gzhan du rtog na yang don 'gal ba nyid du 'gyur ro//gang dag don dam par phung po dang / khams dang / skye mched dag yod pa kho na yin te/ bcom ldan 'das kyis nye bar len pa po dang / nye bar blang ba nyid du gsungs pa'i phyir ro zhes zer ba de dag dgag pa'i phyir/ de bzhin nyer len shes par bya//zhes bya ba la sogs pas 'dra bar bstan par bya ste/ de bzhin zhes bya ba ni ji skad bstan pa'i 'bad pas nye bar bstan pa bzhin du'o/ /nyer len ces bya ba ni nye bar len pa ste/ dngos po'i rkyen du blta bar bya'o/ /nye bar len pa po dang / nye bar blang ba dag yongs su gzung ba'i phyir te/ gang la dngos po yod pa de la byed pa po du ma yod pa'i phyir ro/ /ji skad bstan pa'i 'bad pa ni ji ltar byed pa po las la brten cing las kyang byed pa po la brten nas 'byung ba de bzhin du nye bar len pa po yang nye bar blang ba la brten nas nye bar blang ba yang nye bar len pa po la brten nas 'byung bar 'gyur bas nye bar len pa po dang /nye bar blang ba dag gi nye bar len pa po dang nye bar blang ba nyid ni don dam pa pa ma yin no/ /ji ltar zhe na/ las dang byed po bsal phyir ro/ /bsal zhes byas pa ni bkag pa'o/ /phyir ro zhes bya ba ni gtan tshigs kyi don te/ gang gi phyir de ltar byed pa po dang las dag bsal ba bstan pa de nyid kyis nye bar len pa po dang /nye bar blang ba dag kyang bsal bar shes par bya'o/ /de la phyogs tsam zhig bstan par bya ste/ don dam par nye bar len pa po ma yin par gyur pa lhas byin zhes bya ba nye bar blang ba yin par gyur pa de'i sgrar brjod pa dag len par mi byed par gzung bar bya ste/nye bar blang ba la ltos pa'i phyir dper na mchod sbyin bzhin no/ /don dam pa nye bar len pa po ma yin par gyur pa lha sbyin zhes bya ba nye bar blang ba ma yin par gyur pa nye bar len par mi byed pa dang / nye bar len pa po yin pa dang ma yin par gyur pa lhas byin zhes bya ba nye bar blang ba yin pa dang /ma yin par gyur pa nye bar len par mi byed de zhes bya ba dag la yang dam bcas pa la khyad par yod par zad kyi/ sbyor ba'i yan lag lhag ma dag ni rgyas par snga ma bzhin no/ /de bzhin du don dam par nye bar blang ba yin par gyur pa yang nye bar len pa po yin par gyur pa lhas byin zhes bya ba'i nye bar blang ba ma yin te/nye bar len pa po la ltos pa'i phyir dper na mchod sbyin gyi rgyud kyi nye bar blang bar gyur pa bzhin no/ /don dam par nye bar blang ba ma yin par gyur pa nye bar len pa po ma yin par gyur pa lhas byin zhes bya ba'i nye bar blang ba ma yin pa dang /nye bar blang ba yin pa dang / ma yin par gyur pa nye bar len pa po yin pa dang / ma yin par gyur pa lhas byin zhes bya ba'i nye bar blang ba ma yin te zhes bya ba dag la yang dam bcas pa la khyad par yod par zad kyi/ sbyor ba'i yan lag lhag ma dag ni rgyas par snga ma bzhin no//de bzhin du phyogs mi mthun pa dag la yang brjod par bya'o/ /nye bar len pa po dang / nye bar blang ba yin par gyur pa la sogs pa dag don dam par ma grub pa'i phyir ro/ /'dir yang gtan tshigs kyi don ma grub pa nyid dang / dpe bsgrub par bya ba dang / sgrub pa'i chos dang mi ldan pas med pa dang / gtan tshigs gzhan du rtog na yang don 'gal ba nyid du 'gyur ro/ /ji ltar don dam par byed pa po dang las dag gis nye bar len pa po dang / nye bar blang ba dag bsal ba de bzhin du/ byed pa po dang las dag gis/ /dngos po lhag ma shes par bya//rang dang gzhan la grags pa'i rgyu dang 'bras bu dang / yon tan dang / yon tan can dang / mtshan nyid dang / mtshan nyid kyi gzhi dang / yan lag dang / yan lag can la sogs pa/ dngos po lhag ma rnams kyang shes par bya ste/ rgyu yang 'bras bu la brten cing 'bras bu yang rgyu la brten nas 'grub pa la sogs pa tha snyad pa yin gyi/don dam pa pa ni ma yin no/ /gang dag rgyu dang 'bras bu la sogs pa dag gi don dam pa pa'i rgyu dang 'bras bu la sogs pa'i ngo bo nyid la mngon par zhen pa de dag gi mngon par zhen pa'i zug rngu dag bsal bar 'dod pas/slob dpon gyis bka' stsal pa'i lung khas blangs nas/ cung zad dpyad par bya'o/ /don dam par 'o ma yin par gyur pa ni zho yin par gyur pa mi byed de/ 'bras bu la ltos pa'i phyir dper na rgyu spun dag bzhin no/ /gal te mthong ba dang grags pa'i gnod pas gnod par 'gyur ro zhe na/dam bcas pa khyad par can byas pa'i phyir skyon med do/ /yang na don dam par smra bar 'dod pa'i 'o ma ni/ bsams pa'i zho'i rgyu ma yin te/ 'o ma yin pa'i phyir dper na de las gzhan pa'i 'o ma bzhin no/ /de bzhin du don dam par smra bar 'dod pa'i zho ni 'o ma'i rgyu can ma yin te/'o ma la ltos pa'i phyir/ dper na de las gzhan pa'i zho bzhin no/ /yang na don dam par zho ni 'o ma'i rgyu can ma yin par shes par bya ste/ rgyu la ltos pa'i phyir dper na snam bu bzhin no/ /'dir kha cig na re don dam par 'o ma ni zho mi byed de zhes dam bcas pa de'i don/gal te tha snyad du byed pa yin na ni dpe med pa dang / phyogs snga ma la gnod do/ /ci ste rang gi bya ba mi byed pa nyid yin na ni de lta na yang dpe med pa dang / ma nges pa nyid de/ thams cad kyang bya ba so sor nges pa byed pa'i phyir ro zhes zer ro//de ni bzang po ma yin te/ brtag pa snga ma ni khas ma blangs pa'i phyir ro/ /brtag pa phyi ma la yang rgyu spun la sogs pa zho'i rgyu ma yin pa nyid dang / snam bu la sogs pa 'o ma'i 'bras bu ma yin pa nyid grub pa dag dpe nyid du 'dod pa'i phyir dpe med pa ma yin la/dam bcas pa khyad par can yin pa'i phyir ma nges pa nyid kyang ma yin no/ /'dir grangs can dag gis smras pa/ 'bras bu snga na yod pa nyid kyis byed de/ med pa la mi byed pa'i phyir ro/ /'di na gang med pa de la ni byed pa med de/ dper na rus sbal gyi spu las gos byed pa med pa bzhin no//zho la ni byed pa yod pas de'i phyir/ 'bras bu snga na yod pa kho na yin no/ /gal te 'bras bu snga na med par gyur na dper na 'o ma la zho snga na med pa bzhin du rtsi rkyang la sogs pa dag kyang med par 'dra bas zho'i don du de'i rgyu 'o ma len par mi byed pa zhig na len par yang byed pas de ltar rgyu len pa'i phyir/'bras bu snga na yod pa kho na yin no/ /gal te 'bras bu snga na med par gyur na/ dper na 'o ma la zho snga na med pa bzhin du/ 'jig rten gsum po dag kyang med par 'dra bas zho bzhin du 'jig rten gsum po dag kyang 'byung bar 'gyur ba'i rigs na de dag mi 'byung bas/de ltar thams cad 'byung ba med pa'i phyir 'bras bu snga na yod pa kho na yin no/ /gal te 'bras bu snga na med par gyur na/ ci'i phyir rdza mkhan gyi nus pas 'jim pa nus pa can dag kho na las bum pa sgrub par byed cing thams cad las mi byed pa nges pa 'di 'byung bar 'gyur/de ltar nus pas nus pa can byed pa'i phyir 'bras bu snga na yod pa kho na yin par sems so/ /'dis kyang 'bras bu snga na yod pa kho nar mngon te/ gang med pa la ni rgyu'i dngos po yod pa ma yin pas/ gal te 'bras bu snga na med par gyur na de la yang rgyu'i dngos po med par 'gyur ba zhig na de lta ma yin pas/de ltar rgyu yod pa'i phyir yang 'bras bu snga na yod pa kho na yin na/ /'o ma la ni zho snga na yod pa kho na yin te/ de yod na 'byung ba'i phyir ro/ /gang la gang snga na med pa de ni de yod kyang 'byung bar mi 'gyur ro/ /de la 'dir med pa la mi byed pa'i phyir zhes bya ba de ni phyogs kyi chos ma yin pa'i phyir gtan tshigs kyi don ma grub pa nyid do//chos mi mthun pa'i dper rtag tu yang byed pa'i phyir zhes nye bar sbyor bas/ gtan tshigs mngon pa'i phyir tha snyad kyi phyogs la ni don ma grub pa nyid dang / don 'gal ba nyid de/yod pa la byed pa mi srid pa'i phyir dang / med pa la de srid pa'i phyir ro/ /don dam par ni gtan tshigs dang dpe med do/ /gang la gang snga na yod pa de ni de las mi 'byung ste/ dper na rgyu'i rang gi bdag nyid bzhin pas dam bcas pa la chos can gyi khyad par bsal ba'i skyon yod do//ci ste yang 'di skad ces 'bras bu snga na med par smra ba rnams kyi dam bcas pa la chos can gyi khyad par bsal ba'i skyon gdags par 'dod pas med pa la mi byed pa'i phyir zhes bya ba la sogs pa dag nye bar bzhag ste/ gang la gang snga na med pa de la ni byed pa la sogs pa med de/ dper na ri bong gi rwa bzhin pas de'i phyir 'bras bu snga na med par smra ba rnams kyi 'bras bu snga na med pa nyid du dam bcas pa la yang byed pa la sogs pa bsal ba'i skyon yod do zhes zer na/ de ni mi gnod de/ legs par zin pa ma yin pa de gnyi ga yang bsal bar 'dod pa'i phyir ro/ /sgyu ma'i skyes bu bzhin du yod pa dang med pa nyid du brjod par bya ma yin pa'i phyir bya ba byed pa la sogs pa dag tha snyad par khas blangs pa'i phyir dang /don dam par rgyus 'bras bu yod pa dang med pa byed pa bsal ba'i phyir skyon med do/ /thams cad 'byung ba med pa'i phyir zhes bya ba de yang 'dir glags yod pa'i tshig yin pa'i phyir rgyu la 'bras bu snga na yod pa kho na yin te/'ga' zhig 'byung ba'i phyir ro zhes nye bar sbyor bas gtan tshigs mngon pa'i phyir tha snyad du yang dpe med do/ /dam bcas pa la skyon yod pa yang ma yin te/rjes su 'gro ba med pa'i phyir ro/ /'dis rgyu len pa'i phyir zhes bya ba la sogs pa'i gtan tshigs dag gi lan kyang btab pa yin no/ /mar me bum pa dmigs par bya ba'i phyir len pa de la yang de'i 'gal ba dmigs su med pas rang gi gtan tshigs rgyu len pa'i phyir zhes bya ba ma nges pa nyid do//grangs can dag las gang dag rgyu la 'bras bu snga na yod pa yin mod kyi cha phra ba'i phyir ram/ zil gyis non pa'i phyir mi dmigs so zhes zer ba de dag la yang rags pa nyid dang / zil gyis ma non pa nyid snga na med pa las phyis yod pa'i phyir/'bras bu snga na yod pa ma yin pas phyogs snga ma la gnod do/ /cha phra ba yod pas bsams pa gang yin pa de rags par mthong ngo zhes zer ba dag gi dam bcas pa la yang rags pa nyid du yod pa rjes su dpog pas cha phra ba nyid bsal ba'i phyir chos kyi ngo bo nyid las log pa'i skyon yod do//bye brag tu smra ba dag gi dam bcas pa'i phyogs la yang yod pa gang yin pa de ni da ltar yin pas/ da ltar nyid yod par rjes su dpog pas 'bras bu 'das pa dang / ma 'ongs pa nyid kyi khyad par bsal ba'i phyir chos can gyi khyad par bsal ba'i skyon yod do/ /gang dag rgyu ni 'bras bu byed pa nyid ma yin gyi/'di ltar gsal bar byed do zhes zer ba de dag la yang 'di skad ces gang gis ji zhig bzhin du gsal bar byed ces brgal zhing brtag par bya'o/ /gal te mar mes bum pa yod par gyur pa gsal bar byed pa bzhin du'o zhe na/ phyogs de'i lan ni skye ba med pa'i rab tu byed par don dam par mar me ni bum pa gsal bar byed pa ma yin te/mig gi yul yin pa'i phyir dang / thogs pa dang bcas pa'i phyir dang / gzugs can yin pa'i phyir dang / reg pa yin pa'i phyir dang / brjod par bya ba yin pa'i phyir zhes bya ba la sogs pa'i gtan tshigs dag gi phyir dper na bong ba bzhin no zhes rjes su dpag pa dag gis lan btab zin to//grangs can dag las gang dag mkhas par rlom pa dag gis 'di skad ces zer te/ 'bras bu ma skyes pa dang / zhig pa dag kyang nus pa'i bdag nyid du yod pas de'i phyir/'bras bu snga na yod pa zhes bya'i/ gsal ba'i bdag nyid du yod pa ni ma yin no/ /rgyus 'bras bu byed do zhes bya ba yang byed do zhes bya ba la don du ma yod pa'i phyir sgra de'i don ni rgyu 'bras bu'i ngo bo nyid du 'gyur ba yin par rnam par bshad do/ /ci ste 'bras bu ma skyes pa dang zhig pa dag yod par ji ltar shes par bya zhe na/'bras bu snga na med pa dang / zhig nas med pa dag ni yod pa kho nar shes par bya ste/ dus kyis bsdus pa'i phyir dang / 'i zhes bstan pa'i phyir dper na da ltar gyi 'bras bu bzhin no/ /gal te 'bras bu skye ba'i dus na rgyu ji ltar ma zhig ce na/rgyu ni 'bras bu skye ba'i dus nam zhig pa kho na yin te/ nges par skye ba'i phyir 'bras bu'i bdag nyid bzhin no/ /de bzhin du shes pa log pa dang / ma log pa dang / the tshom can gyi rgyu yin pa'i phyir dang / gzhan gyi don nyid yin pa'i phyir dang / shes pa yod pa nyid ma yin pa'i phyir zhes bya ba la sogs pa'i gtan tshigs dag gis rnam par shes par bya'o//yang na rgyu 'o ma zhes bya ba'i skad cig ma las 'bras bu zho zhes bya ba'i skad cig ma gzhan pa nyid ma yin te/ ba las byung ba'i phyir dper na zho'i bdag nyid bzhin no/ /yang na 'das pa'i mig gi rnam par shes pa'i skad cig ma las/da ltar gyi mig gi rnam par shes pa'i skad cig ma gzhan pa nyid ma yin te/ mig gi rnam par shes pa yin pa'i phyir da ltar gyi mig gi rnam par shes pa'i skad cig ma bzhin no/ /gal te rgyud tha dad pa'i mig gi rnam par shes pa la sogs pa dag gis ma nges pa nyid do zhe na/de dag kyang phyogs kyi khongs su gtogs pa nyid yin pa'i phyir skyon med do/ /'dir yang 'das pa'i rgyu phyogs su byed na ni gzhi ma grub pa la sogs pa'i skyon yod do/ /da ltar gyi phyogs su byed na ni dpe med de/ de'i 'bras bu ma grub pa'i phyir ro//'bras bu gzhan ma yin pa gang yin pa de yang de'i rgyu ma yin te/ gzhan ma yin pa'i phyir/ rang gi bdag nyid bzhin pas gzhan ma yin pa nyid du rjes su dpog pa'i dam bcas pa la rgyu rgyu ma yin pa nyid kyis/ de'i rgyu nyid btsal ba'i phyir chos can gyi ngo bo nyid bsal ba'i skyon yod do//ma zhig pa zhes bya ba'i don kyang gang yin/ gal te rang bzhin gyis bag la zha ba'o zhe na ni dpe med do/ /gal te mi gsal ba'o zhe na yang skyon de nyid do/ /zhig pa dag dang snga na med pa dag yod par rtog pa la ni dpe med pa dang khas blangs pa la gnod par 'gyur ro//gal te da ltar yin no zhe na/ da ltar nyid du rjes su dpog pa'i dam bcas pa la rgyu ma yin pa nyid kyis rgyu nyid bsal ba'i phyir chos can gyi ngo bo nyid bsal ba'i skyon yod do/ /da ltar gyi 'bras bu yang rdzas su yod pa nyid du mi 'grub ste ma skyes pa'i phyir ro/ /de yod pa nyid du ma grub pa'i phyir dpe med do//'dis dus kyis bsdus pa'i phyir zhes bya ba la sogs pa gtan tshigs gnyis la yang skyon gyis lan btab pa yin no/ /de bzhin du gzhan nyid kyi phyogs la yang ci rigs par brjod par bya'o/ /de ltar re zhig rgyu yin par gyur pas 'bras bu yin par gyur pa mi byed par bstan to//da ni tha snyad du yang rgyu ma yin par gyur pas 'bras bu ma yin par gyur pa mi byed de / med pa'i phyir dper na rus sbal gyi spu dag de'i gos mi byed pa bzhin no/ /de bzhin du 'bras bu la yang rgyu ma yin par gyur pa'i bya ba ma yin no zhes dam bcas pa la khyad par yod par zad kyi/sbyor ba'i yan lag lhag ma dag ni snga ma bzhin no/ /rnam pa gnyis su smra ba dag gi phyogs la yang gnyi ga'i skyon du 'gyur ro/ /rang gi sde pa bye brag tu smra ba dag na re/ rgyu yin par gyur pa 'bras bu ma yin par gyur pa byed do/ / 'bras bu ma skyes pa ni ma yin par gyur pa ste/gzung du med pa'i phyir nam mkha'i me tog bzhin no/ /skyes pa la ni rgyu'i nus pa nyid med kyi/ ma skyes pa la de yod pas 'bras bu ma yin par gyur pa nyid do/ /ci ste med par 'dra ba las ri bong gi rwa ni mi skye la/ 'bras bu ni skye bar 'gyur ba la khyad par ci yod ce na/ri bong gi rwa ni rgyu med pa'i phyir mi skye la/ 'bras bu ni da lta ma yin pas de ltar rgyu yod pa'i phyir 'bras bu med pa skye'o/ /yang na 'bras bu med pa nyid ni skye'i/ 'bras bu ma yin pa ni mi skye bas gang skye ba de ni med pa nyid do zhes nges par gzung bar bya'o//de'i phyir gang dag na re med pa ni/ mi skye ste med pa'i phyir dper na ri bong gi rwa bzhin no zhes zer ba de ni grub pa la sgrub pa yin no/ /dpe yang med de 'bras bu nyid med pa'i phyir ro zhes bya ba'i gtan tshigs nam mkha'i me tog la rjes su 'gro ba med pa'i phyir ro//yang na skye ba'i snga rol na med pa'i phyir ro zhes bya ba'i gtan tshigs yongs su 'dzin na ni dpe med de / ri bong gi rwa la de med pa'i phyir ro/ /gtan pa med pa gtan tshigs su brjod na ni gtan tshigs kyi don ma grub pa nyid do/ /snam bu snga na med pa nyid skye bar mthong ste/ mthong ba las lhag pa'i tshad ma gzhan med pas des na 'bras bu snga na med pa yin no zhes zer ro// //dbu ma'i rtsa ba'i 'grel pa shes rab sgron ma bam po brgyad pa/ 'dir bshad pa/ khyed cag gtan tshigs nyid du 'dod pa gzung du med pa'i phyir zhes bya ba de'i don gang yin/ mngon sum dang / rjes su dpag pa dang / tshad ma thams cad kyis gzung du med pa'i phyir zhes bya bar rtog na ni/ rnam pa thams cad du gtan tshigs kyi don ma grub pa nyid dang / gtan tshigs kyi don ma nges pa nyid kyi skyon yod pas rjes su dpag pa des 'bras bu ma skyes pa ni ma yin par gyur pa ste zhes bstan par mi nus so//'bras bu med pa nyid ni skye'i/ 'bras bu ma yin pa ni mi skye bas/ gang skye ba de ni med pa nyid do zhes nges par gzung bar bya'o zhes gang smras pa/ de la yang 'bras bu med pa mi skye bar bstan zin pa'i phyir dang / med pa'i phyir zhes bya ba'i gtan tshigs spyir sbyar ba'i phyir dang /de'i dpe yang de bzhin du grub pa'i phyir grub pa la sgrub pa yang ma yin la/ dpe med pa dang gtan tshigs med pa yang ma yin no/ /gzhan yang don dam par 'bras bu zho zhes bya ba ni 'o ma las mi 'byung bar shes par bya ste/rgyu la ltos pa'i phyir dper na bum pa skye ba mi rigs pa bzhin no/ /de skye ba ni don med pa nyid du 'gyur ba'i phyir ro/ /yang na don dam par smra bar 'dod pa'i zho ni smra bar 'dod pa'i 'o ma'i rgyun can ma yin par shes par bya ste/ zho yin pa'i phyir dper na de las gzhan pa bzhin no//de bzhin du byas pa nyid dang / chud za ba nyid dang / rkyen gyi dbye bas tha dad pa nyid dang / rgyu dang ldan pa nyid ces bya ba la sogs pa'i gtan tshigs dag kyang rgyas par brjod par bya'o/ /med par 'dra ba las 'bras bu ni rgyu yod pa'i phyir skye la/ ri bong gi rwa ni rgyu med pa'i phyir mi skye'o zhes gang smras pa de yang bzang po ma yin te/don dam par gang gi rgyur gang 'dod de ni de'i rgyu ma yin par shes par byar nus te/ skye ba'i snga rol na med pa'i phyir/ dper na ri bong gi rwa'am/ de las gzhan pa bzhin no/ /gzhan yang gang gi tshe 'di skad ces skye ba'i snga rol na med pa gang yin pa de ni skye bar 'gyur ro zhes dam bcas pa khyad par can byas pa'i phyir 'bras bu ni/ri bong gi rwa la sogs pa bzhin du skye bar mi 'thad pa dang ldan pa ma yin no zhes dam 'cha' bar byed pa de'i tshe na yang / rjes su dpag pa ji skad bstan pa nyid kyis de bsal ba'i phyir de ni gyi na zer ba yin no//don dam par zho ni 'o ma las mi 'byung bar shes par bya ste/ skye ba'i snga rol na med pa'i phyir dper na de las gzhan pa bzhin pas/ de'i phyir de ni bdag nyid dbugs 'byin par byed pa tsam du zad do/ /'di skad ces snga na med pa nyid skye bar mthong ste zhes gang smras pa de nyid kyang ci yang dag par yod pa'am/med pa'am/ yod med cig skye bar 'gyur zhes brtags na de dag rnam pa thams cad du mi 'thad do/ /de lta bas na mkhas pa rnams kyis ni bum pa la sogs pa dag gi skye ba ni sgyu ma'i skyes bu'i skye ba bzhin du tha snyad pa yin gyi/don dam pa pa ma yin par nges par shes te/ mtha' gnyis la mi gnas pa'i blo gros dang ldan pa'i phyir ro/ /zhar la bshad pas chog gi skabs nyid dpyad par bya'o/ /de bzhin du de las gzhan pa phyogs mi mthun pa dag la yang ci rigs par brjod par bya'o/ / de bzhin du don dam par smra bar 'dod pa'i yon tan yin par gyur pa dag kyang bum pa zhes bya ba de'i yon tan can yin par gyur pa rtsom par mi byed de / yon tan can la ltos pa'i phyir dang / tha snyad gdags pa'i phyir/ dper na de las gzhan pa bzhin no/ /de bzhin du don dam par smra bar 'dod pa'i yon tan can yin par gyur pa snam bu zhes bya ba'i gzugs gzhan yang /yon tan yin par gyur pa rgyu spun gyi gzugs la sogs pas brtsams pa ma yin te/ yon tan la ltos pa'i phyir dang / tha snyad gdags pa'i phyir/ dper na de las gzhan pa bzhin no//de bzhin du smra bar 'dod pa'i bum pa yang gzugs la sogs pas 'du ba'i rgyu can ma yin par nges te/ rgyu la ltos pa'i phyir dper na snam bu la sogs pa bzhin no/ /yang na smra bar 'dod pa'i gzugs la sogs pa ni/ bsams pa'i bum par 'du ba ma yin te/ yon tan can la ltos pa'i phyir dper na de las gzhan pa bzhin no/ /de bzhin du rdzas nyid dang / rgyu can nyid dang / 'bras bu nyid dang / brjod par bya ba nyid dang / shes bya nyid la sogs pa'i gtan tshigs dag gi phyir ro zhes kyang brjod par bya'o/ /yon tan dang / yon tan can ma yin par gyur pa la sogs pa dag gi phyogs la yang /dam bcas pa la khyad par yod par zad kyi sbyor ba'i yan lag lhag ma dag ni snga ma bzhin no/ de bzhin du don dam par lkog shal la sogs pa mtshan nyid yin par gyur pa yang ba lang zhes bya ba/ mtshan nyid kyi gzhi yin par gyur pa yang ba lang zhes mtshon par mi byed par shes par bya ste/mtshan nyid kyi gzhi la ltos pa'i phyir dper na/ rta'i mtshan nyid bzhin no/ de bzhin du don dam par ba lang gi rdzas kyang lkog shal la sogs pa mtshan nyid kyi gzhi ma yin te mtshan nyid la ltos pa'i phyir dper na de las gzhan pa bzhin no//de bzhin du lkog shal la sogs pa dag ba lang gi rdzas rtsom par byed pa ma yin pa dang / ba lang gi rdzas kyang lkog shal la sogs pa dag gis brtsams pa ma yin par yang brjod par bya'o/ /de bzhin du phyogs mthun pa dang / mi mthun pa thams cad la yang sbyar bar bya'o/ /de bzhin du don dam par lag pa la sogs pa yan lag yin par gyur pa dag kyang lhas byin zhes bya ba yan lag can yin par gyur pa rtsom par byed pa ma yin te/ yan lag can la ltos pa'i phyir dper na rtsa ba dang sdong po la sogs pa dag bzhin no//de bzhin du don dam par lhas byin zhes bya ba yan lag can yin par gyur pa yang / lag pa la sogs pa yan lag yin par gyur pa dag gis brtsams pa ma yin te/ yan lag la ltos pa'i phyir dper na shing ljon pa bzhin no/ /yang na smra bar 'dod pa'i so ma shar ma zhes bya ba ni lag pa la sogs pa yan lag dag gis brtsams pa ma yin par gzung bar bya ste yan lag la ltos pa'i phyir dang /yan lag can yin pa'i phyir dper na b+ha ba shar ma bzhin no/ /yang na don dam par smra bar 'dod pa'i lag pa la sogs pa yan lag dag ni so ma shar ma zhes bya ba yan lag can rtsom par byed pa ma yin par shes par bya ste/yan lag can la ltos pa'i phyir/ dper na de las gzhan pa bzhin no/ /'dir yang dam bcas pa'i don la sogs pa rnam par brtag pa rgyas pa ni snga ma bzhin no/ /yang gzhan yang / 'di la yan lag can de yan lag dag la cha shas kyis 'jug par 'dod dam/bdag nyid thams cad kyis 'jug par 'dod/ de la gal te brtag pa snga ma ltar 'dod pa ni lhas byin zhes bya ba/ yan lag can gyi rkang pa la sogs pa dag de'i cha shas lag pa'i phyogs na 'dug pa gang yin pa de rtsom par byed pa ma yin te/de dag tu ma zhugs pa'i phyir dper na rgyu spun la sogs pa bzhin no/ /ci ste brtag pa phyi ma ltar 'dod na ni lhas byin zhes bya ba/ yan lag can gyi bdag nyid lag pa'i phyogs na 'dug pa gang yin pa de/ de'i rkang pa la sogs pas brtsams pa ma yin te/ de dag tu ma zhugs pa'i phyir dper na ba lang la sogs pa bzhin no//de la brtag pa snga ma la ni yan lag can cha shas dang bcas pa nyid du 'gyur la/ brtag pa phyi ma la ni yan lag can mang po nyid du 'gyur bas de'i phyir de la mngon par zhen par mi bya'o/ /de la 'dir rab tu byed pa'i don ni pha rol pos phung po la sogs pa dag yod pa nyid du sgrub pa'i phyir/rab tu byed pa'i dang por gtan tshigs smras pa'i don ma grub pa nyid du brjod pas/ byed pa po dang las dag ngo bo nyid med pa nyid du bstan pa yin no/ /de'i phyir lus dang / ngag dang / yid dag gis mngon par 'du byed pa med pa ni yang dag pa'i las kyi mtha'o zhes bya ba la sogs pa dang /de bzhin du rab kyi rtsal gyis rnam par gnon pa gzugs la byed pa po'am/ byang du 'jug pa po med do/ /tshor ba dang / 'du shes dang / 'du byed rnams dang / rnam par shes pa la byed pa po'am/ byed du 'jug pa po med do//gzugs la byed pa po'am/ byed du 'jug pa po med pa dang / tshor ba dang / 'du shes dang / 'du byed rnams dang / rnam par shes pa la byed pa po'am/ byed du 'jug pa po med pa gang yin pa de ni shes rab kyi pha rol tu phyin pa'o zhes bya ba dang / de bzhin du bcom ldan 'das shes rab kyi pha rol tu phyin pa ni ma bgyis pa'o//bka' stsal pa/ sha ra dwa ta'i bu byed pa po dmigs su med pa'i phyir ro zhes bya ba dang / de bzhin du rab kyi rtsal gyis rnam par gnon pa/ gzugs ni dge ba'am/ mi dge ba ma yin no/ /tshor ba dang / 'du shes dang /'du byed rnams dang / rnam par shes pa yang dge ba'am/ mi dge ba ma yin no/ /gzugs dge ba'am/ mi dge ba ma yin pa dang / tshor ba dang / 'du shes dang / 'du byed rnams dang / rnam par shes pa dge ba'am/ mi dge ba ma yin pa gang yin pa de ni shes rab kyi pha rol tu phyin pa'o zhes bya ba la sogs pa gsungs pa de dag grub pa yin no//slob dpon legs ldan byed kyis nye bar sbyar ba'i dbu ma'i rtsa ba'i 'grel pa shes rab sgron ma las/ byed pa po dang las brtag pa zhes bya ba ste/ rab tu byed pa brgyad pa'o// //de ni stong pa nyid kyi mi mthun pa'i phyogs kyi khyad par dgag pas/nye bar len pa po dang / nye bar blang ba dag ngo bo nyid med pa nyid du bstan pa'i don gyi dbang gis rab tu byed pa dgu pa brtsam mo/ /rab tu byed pa 'das ma thag par/ de bzhin nyer len shes par bya/ /zhes smos pa der nye bar len pa po yin par gyur pa dang /ma yin par gyur pa dang / yin pa dang / ma yin par gyur pa nye bar blang ba yin par gyur pa dang / ma yin par gyur pa dang / yin pa dang / ma yin par gyur pa nye bar len par mi byed do zhes bshad pa'i phyir 'dir smras pa/ lta dang nyan la sogs pa dang //tshor sogs dang yang dbang byas pa/ /gang gi yin pa de dag gis/ /snga rol de yod kha cig smra/ /de la lta zhes bya ba ni/ 'dis lta bar byed pa'i phyir ro/ /nyan zhes bya ba la sogs pa dag la yang de bzhin no/ /sogs pa zhes bya ba ni gang dag gi dang por lta ba dang /nyan pa bstan pa dag go zhes tshig rnam par sbyar ro/ /tshor zhes bya ba ni tshor ba'o/ /sogs zhes bya ba ni rnam par shes pa dang / reg pa dang / yid la byed pa dang / sems pa la sogs pa gang dag gi dang por tshor ba bstan pa dag go/ /dang zhes bya ba'i sgra ni kun bsdu ba'i don to//yang zhes bya ba'i sgra ni yid ces pa'i don to/ /dbang byas pa zhes bya ba'i sgra ni dbang du byas pa la 'jug pa'i don to/ / de'i phyir lta ba la sogs pa de dag nye bar len pa po gang gi yin pa'i lta ba la sogs pa dang / tshor ba la sogs pa de dag gi snga rol na nye bar len pa po de yod do zhes kha cig smra ste/kha cig ces bya ba ni rang gi sde pa thams cad kyis de ltar khas ma blangs pa'i phyir gnas ma'i bu'i sde pa dag ste/ de dag de skad ces zer ro zhes bya bar ston to/ /de ni pha rol pos dam bcas pa nye bar bzhag pa yin no/ /de dag 'di skad ces kyang zer te/ 'di ltar nye bar len pa po gnas na nye bar blang ba de dag shes par byar rung ste/de la ltos nas de dag 'byung ba'i phyir ro/ /gzhan du dam bcas na/ dngos po yod pa ma yin na/ /lta ba la sogs ji ltar 'gyur/ /des na/ de phyir de dag snga rol na/ /dngos po gnas pa de yod do/ /zhes bya ba ni mjug bsdu ba'i tshig yin no//de lta bas na snga ma bzhin du gtan tshigs dang dpe mngon par rjes su dpag pa ni nye bar len pa po de lta ba po la sogs pa'i snga rol na gnas pa yod de/ nye bar len pa po yin pa'i phyir ro/ /'di na gang nye bar len pa po yin pa de ni nye bar blang ba dag gi snga rol na gnas pa kho na yin te/dper na sab ma mkhan rtsi rkyang la sogs pa dag gi snga rol na gnas pa yod pa bzhin no/ /yang na lta ba dang nyan pa la sogs pa nye bar blang ba dag ni nye bar len pa po snga na gnas pa dang ldan par shes par bya ste/ nye bar blang ba yin pa'i phyir dper na rtsi rkyang la sogs pa bzhin no//de'i phyir nye bar blang ba nye bar len par byed pa nyid kyis nye bar len pa po zhes grags par 'gyur zhing / nye bar len pa pos nye bar blang ba nyid kyis kyang / nye bar blang ba zhes grags par 'gyur bas gnyi ga grub bo/ /des na/ kho bo cag gis don dam par phung po la sogs pa dag yod pa kho na yin te/bcom ldan 'das kyis de dag la brten nas nye bar len pa po dang / nye bar blang ba bstan pa'i phyir ro zhes gang smras pa de nyams pa med do/ /'dir bshad pa/ lta dang nyan la sogs pa dang / /tshor ba la sogs nyid kyi ni//snga rol dngos po gang gnas pa/ /de ni gang gis gdags par bya/ /lta ba la sogs pa dang / tshor ba la sogs pa dag med na/ gang dag la brten nas 'di nye bar len pa po zhes nye bar 'dogs par byed pa'i nye bar blang ba gzhan 'ga' yang med do/ /tha snyad kyi dus su lta ba la sogs pa dag nyid kyis de gdags par bya ba yin na/lta ba la sogs pa de dag kyang skye ba'i snga rol na med de/ de dag med na de gang gis gdags par bya/ de'i tshe nye bar blang ba dag med na de yang med de/ shing da ba la sogs pa dag med na nags tshal yang med pa bzhin no zhes bya bar dgongs so//yang na/ lta dang nyan la sogs pa dang / /tshor ba la sogs nyid kyis ni/ /snga rol dngos po gang gnas pa/ /de ni gang gis gdags par bya/ /nye bar blang ba la brten nas nye bar len pa po gdags par bya ba nyid do zhes bya bar dgongs so/ /de ltar na 'dis ni nye bar len pa po'i chos brten nas gdags par bya ba nyid bstan to//de'i phyir snga ma bzhin du yan lag lhag ma mngon pas 'dir rjes su dpag pas ni nye bar len pa po da lta ba la sogs pa nye bar blang ba dag gi snga rol na med de/ gdags par bya ba yin pa'i phyir dper na snam bu rgyu spun dag gi snga rol na med pa bzhin no//des na nye bar len pa po dang / nye bar len pa po ma grub pa'i phyir gtan tshigs de nyid kyi don ma grub pa nyid kyi skyon nam/ don 'gal ba nyid kyi skyon yod do/ /don dam par sab ma mkhan dang rtsi rkyang la sogs pa dag kyang nye bar len pa po dang /nye bar blang ba nyid du ma grub pa'i phyir dpe yang med do/ /yang na gnas ma'i bu'i sde pa dag las kha cig phyir zlog par byed de/ lung las nye bar len pa po ltar gyur pa snga na gnas pa yod pa ltar 'gyur ba'i las yongs su zad pas/ mi la sogs pa'i phung po nye bar blang ba'i nye bar len pa po nyid du 'gyur bar grags pas rjes su dpag pas nye bar len pa po med pa nyid du bstan pa kho bo cag mi 'dod de/long ba rkang pa tshod dpags kyis / /nyam nga'i lam du rgyug pa ltar/ /rjes su dpag pa gtsor 'dzin pa/ /rnam par ltung ba mi dka'o//zhes bya ba lta bur 'gyur ro zhe na/ de ni rigs pa ma yin te/ lha yang lha'i nye bar blang ba dag nyid la brten nas lha nyid du gdags par bya ba yin pa'i phyir dang / rkang pa'i tshod dpags pa ni mi mthun pa'i phyogs la yang yod pa rjes su dpag pa nyid du ma grub pa'i phyir dang / rjes su dpag pa ltar snang ba gtsor 'dzin pa ni ltung bar 'gyur ba'i phyir ro//lung spyi yin pas the tshom skye ba'i phyir yang de nyid las nges par gzung bas mi rigs te/ lung ni rjes su dpag pa las don tha dad pa ma yin par gzung bar bya ste/ mngon sum ma yin pa'i don rtogs pa'i rgyu yin pa'i phyir/ dper na/ rjes su dpag pa'i rang gi bdag nyid bzhin no/ /kha cig na re/ lung ni rjes su dpag pa las don tha dad pa kho na yin te/ de las yul tha dad pa'i phyir dper na mngon sum bzhin no/ /de ltar yang rjes su dpag pa ni dbang pos gzung ba'i don gyi yul can yin la/ sgra'i mtshan nyid kyi tshad ma ni dbang po las 'das pa mtho ris dang byang grol gyi yul can yin pas/de'i phyir lung ni rjes su dpag pa las don tha dad pa kho na yin no zhe na/ lung ni rjes su dpag pa las yul tha dad pa nyid ma yin te/ rgyu'i khyad par las 'bras bu'i khyad par mtho ris su rjes su dpag par bya ba'i phyir dang /rgyu bcad pa las skye ba med pa'i mtshan nyid byang grol rjes su dpag par bya ba'i phyir/ gtan tshigs kyi don ma grub pa nyid do/ /yang na mtho ris dang thar pa yod do zhes bya ba/ de bzhin gshegs pa'i lung gang yin pa de ni ji lta ba bzhin te/ /de brjod pa'i phyir de'i tshig bzhin pas/rjes su dpag pa kho nas mtho ris la sogs pa rtogs pa'i phyir gtan tshigs kyi don ma grub pa nyid kyi skyon de nyid du 'gyur bas/ de'i phyir de ni rjes su dpag pa la sdang bar ston pa yin no/ /yang gzhan yang / khyod 'dod pa ltar/ lta la sogs pa med par yang //gal te de ni gnas gyur na/ /de med par yang de dag ni/ /yod par gyur pa the tshom med/ /lta ba la sogs pa dag ste/ lta ba la sogs pa dag nye bar len pa po la mi ltos par nye bar blang ba nyid du grub pa'i phyir ro zhes bya bar dgongs so/ /de dag gcig med par gcig byung na ni/'di lta ste/ lta ba la sogs pa nye bar blang ba'i chos 'di dag ni nye bar len pa po lhas byin zhes bya ba 'di'i 'o / /nye bar len pa po lhas byin zhes bya ba 'di yang nye bar blang ba 'di dag gi'o zhes bya ba'i rim pa de mi srid par 'gyur ba zhig na/ rim pa de ni gdon mi za ba kho nar 'dod par bya dgos so//ci'i phyir zhe na/ 'di ltar/ ci yis gang zhig gsal bar byed/ gang gis ci zhig gsal bar byed/ /ces bya ba la sogs pa'i phyir te/ ci yis zhes bya ba ni lta ba la sogs pa dag las gang yang rung bas so/ /gang zhig ces bya ba ni lta ba po dang nyan pa po la sogs pa'o//gsal bar byed ces bya ba ni mngon par byed pa'o/ /gang gis zhes bya ba ni lta ba po dang / nyan pa po la sogs pas so/ /ci zhig ces bya ba ni lta ba la sogs pa dag las gang yang rung ba'o/ /gsal bar byed ces bya ba ni/ lta ba po dang nyan pa po la sogs pa 'di'i lta ba dang /nyan pa po la sogs pa ni 'di'o zhes mngon par byed pa'o/ /de ltar gcig la gcig ltos pas nye bar blang ba dang / nye bar len pa po dag tha snyad par grub pa yin gyi/ don dam pa pa ni ma yin no/ /gal te ltos pa can yin yang ltos pa nges pas don dam pa pa yin no zhe na/gang la ltos nas nye bar blang ba 'grub par 'gyur ba'i dngos po nye bar blang ba la mi ltos par snga nas nye bar len pa po nyid du grub pa cung zad kyang med la/ gang la ltos nas nye bar len pa po 'grub par 'gyur ba'i nye bar blang ba yang / nye bar len pa po la mi ltos par snga nas nye bar blang ba'i bdag nyid du grub pa med de/de med na gang la ltos nas nye bar blang bar 'gyur ba'i nye bar blang ba ni nam yang de la ltos nas nye bar blang bar mi 'gyur zhing nye bar blang ba ma yin la/ gang la ltos nas nye bar len pa por 'gyur ba'i nye bar len pa po yang / nam yang / de la ltos nas nye bar len pa por mi 'gyur zhing / nye bar len pa po ma yin pas ltos pa nges pa yang srid par dka'o/ /ci med gang zhig ga la yod/ /gang med ci zhig ga la yod/ /nye bar blang ba ci zhig po med na/ nye bar len pa po gang zhig po ga la yod/ nye bar len pa po gang zhig po med na/nye bar blang ba ci zhig po yang ga la yod de/ de ltar de med pa'i phyir gtan tshigs kyi skyon de nyid ma nyams so/ /yang gnas ma'i bu'i sde pa dag phyir log par byed de/ khyod lta ba la sogs pa thams cad kyi snga rol na gang zhig gnas pa yod do zhes rnam par brtags nas/rang gi rnam par rtog pa'i rang bzos nye bar sbyar ba'i tshig gi don la skyon 'dogs pa des ci bya/ kho bo cag ni/ lta la sogs pa thams cad kyi/ /snga rol gang zhig yod pa min/ /zhes smra'o/ /'o na ji lta bu zhe na/ lta ba la sogs pa re re'i snga rol na yod de/ lta la sogs pa gzhan dag gis//gzhan gyi tshe na gsal bar byed/ /lta ba dang nyan pa dang / snom pa dang / myong bar byed pa dang / lus dang tshor ba la sogs pa dag las lta ba'am/ nyan pa'am/ snom pa la sogs pa gzhan dag gis gzhan gyi tshe na 'di ni lta ba po'o/ /'di ni nyan pa po'o/ / 'di ni snom pa po'o zhes bya ba la sogs par gsal bar byed do/ /de'i phyir de ltar lta ba'am/ nyan pa la sogs pa dag gi snga rol na gnas pa de de las gzhan pa'i nye bar blang ba la ltos pas/ nye bar len pa po nyid du 'grub pa'i phyir gtan tshigs kyi don ma grub pa nyid med do/ / 'dir bshad pa/ lta la sogs pa thams cad kyi/ /snga rol gal te yod min na/ /lta la sogs pa re re yi/ /snga rol de ni ji ltar yod/ /gang gi phyir de lta ba'am/ nyan pa la sogs pa dag gi snga rol na yod par 'dod na/ de la mi ltos pa'i nye bar blang ba de nyid du mi 'grub la/ de la mi ltos pa'i nye bar len pa po de yang nye bar len pa po nyid du mi 'grub bo zhes bya bar dgongs so//de lta bas na rjes su dpag pa las nye bar blang ba re re'i snga rol na yang / nye bar len pa po yod par snga ma bzhin du rab tu mi 'grub bo/ /yang gzhan yang / 'di la nye bar len pa po yod par smra ba rnams lta ba po gang kho na yin pa de nyid nyan pa po dang /tshor ba po yang yin no zhe'am/ gzhan yin no zhes khas len par 'gyur grang na/ de la/ gal te re re'i snga rol na/ /lta po de nyid nyan po de/ /tshor ba po yang de nyid 'gyur/ /ji ltar mu stegs can dag na re/ de'i lta ba po de'i lus dang dbang po'i gnas rtsa ba dang /'jim pa lta bu dag ni 'phel ba dang / 'grib pa'i chos can yin no zhes zer ba ltar 'dod na de yang rnam pa de lta bur ma grags pas/ de ni de ltar mi rigs so/ /yang na/ gal te re re'i snga rol na/ /lta po de nyid nyan po de/ /tshor ba po yang de nyid 'gyur/ /gcig pu rdzas su yod du zin kyang skad cig las lhag par mi gnas pa'i phyir/tha snyad du yang lta ba po dang / nyan pa po dang / tshor ba po nyid yin par mi srid de/ gcig pu 'thad pa med pa re re'i snga rol na yod par ga la rigs/ de'i phyir de ni de ltar mi rigs so zhes gsungs so/ /ci zhig ce na/ de gcig nyid du ste/ dam bcas pa'i skyon gyis skyon chags pa'i phyir ro zhes bya bar dgongs so/ /don dam par nyan pa po ni lta ba po las gzhan ma yin pa ma yin te/ nyan pa po yin pa'i phyir dper na/ rgyud tha dad pa'i nyan pa po bzhin no/ /nyan pa po nyid la sogs pa gzhan nyid du rjes su dpog pas gzhan ma yin pa nyid gsal ba'i phyir dam bcas pa la chos can gyi rang gi ngo bo bsal ba'i skyon yod do//lta ba po yang gzugs dmigs par bya ba'i phyir/ mig la ltos par mi byed de/ nyan pa po las gzhan ma yin pa'i phyir dper na nyan pa po bzhin no//lta ba po nyan pa po las gzhan ma yin pa nyid du rjes su dpog pas gzugs dmigs par bya ba'i phyir/ mig la ltos par mi byed pa nyid kyis de bsal ba'i phyir dam bcas pa la chos can gyi khyad par bsal ba'i skyon yod do/ /de ni de ltar mi rigs so zhes bya ba 'di la gzhan dag ni 'di skad ces/gal te de lta ba la sogs pa re re'i snga rol na yod par gyur na de lta na lta ba po yang de nyid yin la/ nyan pa po yang de nyid yin tshor ba po yang de nyid yin par 'gyur te/ de de ltar mi rigs so/ /ci'i phyir zhe na/ skyes bu skar khung tha dad par 'gro ba bzhin du bdag dbang po gzhan du 'gro bar thal bar 'gyur ba'i phyir te/bdag ni dbang po gzhan gang du yang 'gro bar mi 'dod do zhes zer ro/ /kha cig na re/ de ni thal ba'i skyon du 'gyur bar mi rigs te/ mig la sogs pa byed pa de dang de nas skyes pa gzugs la sogs pa dmigs pa'i blo dag bdag thams cad du song ba'i phyogs su 'du bas/lta ba po la sogs pa dbang po gzhan du 'gro ba med par yang 'grub pa'i phyir dang / rna ba la sogs pa'i 'jug pa sgra la sogs par snang ba dag yod na/ rna ba la sogs par snang ba'i nang gi byed pa po yod cing shes pa yod par snang ba'i gzugs brnyan 'char bas phan 'dogs par byed pa'i phyir dang /'gyur bas lta ba po dang nyan pa po nyid la sogs pa dag grub pas/ bdag thams cad du song ba la dbang po gzhan gyi phyogs su 'gro ba med pa'i phyir ro zhes zer ro/ /de'i phyir de ltar re re'i snga rol na yod pa nyid mi 'thad pas/gtan tshigs kyi skyon de nyid ma nyams so/ /skyes bu smra ba gang dag phung po dang / khams dang / skye mched dag las gzhan pa'i skyes bu de nyid lta ba po dang / nyan pa po dang / sems pa po yin par smra ba dag kyang de bzhin du dgag par bya'o/ /yang na lta ba po nyid la sogs pa dag mi 'thad par ni skye mched brtag par bstan zin pas yang bstan mi dgos so//gal te bdag khas ma blangs pa'i phyir/ de'i khyad par bsal ba'i phyir de phyogs su byed pa mi rigs so zhe na/ spyi dang dmigs kyis ma bstsal ba mdzad pa'i mtha' gzhan las yongs su bzung ba tha snyad du khas blangs pa phyogs su byas te/de'i khyad par ma grags pa sel bas skyon med do/ /ci ste nye bar len pa po yod par smra ba dag ji skad bstan pa'i skyon yongs su spang bar 'dod pas/ lta ba po yang gzhan/ nyan pa po yang gzhan/ tshor ba po yang gzhan yin par rtog na de lta yang /gal te lta po gzhan nyid la/ /nyan pa po gzhan tshor gzhan na/ /zhes bya bas yongs su rtog pas cir 'gyur zhe na/ lta po'i tshe na nyan po yod/ /lan 'ga' ste/ gzhan yin pa'i phyir ro zhes bya ba tshig gi lhag ma'o/ /'di na gang zhig gang las gzhan yin par shes pa de ni lan 'ga' de yod na yod par 'gyur te/dper na bum pa yod na kham phor yod pa bzhin no/ /de bzhin du nyan pa po yang lta ba po las gzhan yin no/ lta ba po yod pa'i tshe na nyan pa po yang yod par 'gyur zhing nyan pa po ji lta ba bzhin du snom pa po dang /myang ba po dang / reg pa po dang / sems pa po dag kyang de bzhin no/ /des na/ bdag kyang mang po nyid du 'gyur/ /rgyud so so la'o/ /de ltar ni mi 'dod pas de'i phyir don dam par rgyud tha dad pa dag gi lta ba po dang / nyan pa po dang / snom pa po la sogs pa dag gzhan nyid yin par mi 'thad do//'dir yang skabs kyi don la phan pa nyid kyis rjes su dpag pa mtshon par bya ste/ nye bar len pa po lhas byin gyi nyan pa po ni/ lta ba po las gzhan ma yin te/ rgyu dang 'bras bur 'brel pa'i nye bar len pa po yin pa'i phyir/ dper na/ lta ba po'i rang gi bdag nyid bzhin pas gzhan nyid du smra ba rnams la rjes su dpag pas gnod do//yang na/ lta po'i tshe na nyan po yod/ /ces bya ba ni lta ba po la brten nas/ nyan pa po 'byung bar 'gyur ro zhes bya ba'i don to/ /de lta na/ bdag kyang mang po nyid du 'gyur/ /'das pa la sogs pa'i dus tha dad pa'i phyir ro/ / de ltar gyur na 'dir yang phyir smra bar nus te/ don dam par nye bar len pa po ni nye bar len pa po'i ngo bo nyid ma yin te/ brten nas 'byung ba'i phyir dper na/ nye bar blang ba'i bdag nyid bzhin no/ /don dam par lhas byin gyi lta ba la sogs pa ni nye bar len pa po lhas byin zhes bya ba'i nye bar blang ba ma yin te/lta ba la sogs pa yin pa'i phyir dper na/ mchod sbyin gyi lta ba la sogs pa'i bdag nyid bzhin no/ /de ltar nye bar len pa po nyid dang / nye bar blang ba nyid ma grub pa'i phyir yang ji skad smras pa'i skyon dang ma bral lo/ /gal te nye bar len pa po ni de nyid dang /gzhan nyid du brjod par bya ba ma yin pa'i phyir skyon med do zhe na/ bdag gi yin par brjod pa'i phyir skyon med pa ma yin no/ /yang na gang dag bdag lta ba po la sogs pa brjod pa dag phung po las gzhan pa nyid du ston pa de dag gi phyogs la/ lta po'i tshe na nyan po yod/ / ces bya ba'i tshig gi lhag ma ste/ 'di la lta bar byed pas lta ba po ste/ gzugs dmigs pa dang ldan pa yin la/ de ni sgra dmigs pa dang mi ldan te/ gcig la ngo bo nyid gnyis mi srid pa'i phyir ro/ /lta po'i tshe na nyan po yod/ /ces bya ba de bzhin du/ snom pa po dang / myong ba po dang /reg pa po dang / sems pa po dag kyang yod par gyur na cir 'gyur zhe na/ bdag kyang mang po nyid du 'gyur/ lus dang dbang po'i tshogs gcig la'am/ rgyu dang 'bras bu'i tshogs gcig la za ba po zhes bya ba'i bdag mang po nyid du 'gyur te/ de yang mi 'dod pas de'i phyir bdag ni gcig pa nyid du mi 'grub ste/dmigs pa tha dad pa'i phyir/ rgyud du ma'i lta ba po bzhin no/ /nye bar len pa po yod par smra ba gzhan dag 'di skad ces zer te/ 'di la bcom ldan 'das kyis ming dang / gzugs kyi rkyen gyis skye mched drug ces gsungs pa de la/ gzugs ni 'byung ba chen po bzhi po dag yin pas/ de'i phyir 'byung ba chen po'i rkyen gyis skye mched drug 'byung la/ 'byung ba de dag kyang nye bar len pa po'i nye bar blang ba yin pas/ de'i phyir nye bar len pa po yin par gyur pa lta ba la sogs pa skye mched drug dang ldan pa snga na gnas pa'i rim gyis tshor ba la sogs pa dag 'byung ba ni/de bzhin gshegs pa'i tshul yin na khyed kyis nye bar len pa po de lta ba la sogs pa nye bar blang ba dag gi snga rol na med de/ gdags par bya ba yin pa'i phyir dper na/ snam bu rgyu spun dag gi snga rol na med pa bzhin no zhes brjod pas/ tshul de dang 'gal bar byed pas/ de'i phyir phyogs snga ma la gnod pas gnod par 'gyur ba'i phyir de ni legs pa ma yin no/ /'dir bshad pa/ lta dang nyan la sogs pa dang / /tshor ba dag la sogs pa yang / /gang las 'gyur ba'i 'byung de la'ang / /de ni yod pa ma yin no/ / rdzas su yod pa nye bar len pa po nyid du ma grub pa'i phyir ro/ /'o na ji lta bu zhe na/ tha snyad du ming dang / gzugs dang / de la brten nas nye bar len pa po nyid du gdags par zad kyi/ don dam par nye bar len pa po rdzas su yod pa'i ming dang gzugs kyi gnas skabs khas ma blangs pa'i phyir phyogs snga ma la gnod pa med do//yang na/ lta dang nyan la sogs pa dang / /tshor ba dag la sogs pa yang / /gang las 'gyur ba'i 'byung de la'ang / /de ni yod pa ma yin no/ /zhes bya ba ni de dag gi nye bar len pa po nyid du grub pa zhes bya ba'i tshig gi lhag ma'o/ /gal te 'byung ba nye bar blang ba'i nye bar len pa po de ji ltar lta ba la sogs pa'i nye bar len pa po nyid du mi 'grub ce na/'byung ba nye bar blang ba nye bar len pa'i nye bar len pa po ni lta ba la sogs pa nye bar blang ba dag nye bar len par byed par mi rigs te/ de dag las gzhan nye bar len pa yin pa'i phyir rgyud tha dad pa'i 'byung ba nye bar blang ba'i nye bar len pa po bzhin no zhes rjes su dpag pa'i phyir dang /'byung ba nye bar blang ba'i dus na lta ba la sogs pa dag nye bar blang ba ma yin pa'i phyir dang / lta ba la sogs pa dag nye bar blang ba'i dus na yang 'byung ba nye bar blang ba dag / nye bar blang ba ma yin pa'i yang phyir ro/ /gal te gang gi tshe/ lta dang nyan la sogs pa dang / /tshor ba dag la sogs pa yang / /nye bar blang ba dag yin pa de'i tshe na nye bar len pa po zhes smra'o zhe na/ de ni bzang po ma yin te/ lta ba la sogs pa dag nye bar blang ba yin pa de'i tshe na yang lta ba la sogs pa dag 'dus pa tsam du zad pa'i phyir rdzas su yod pa ma yin no//gal te ji ltar 'dod pa de bzhin no zhe na/ de'i phyir/ gang gi yin pa gal te med/ /de dag kyang ni yod pa min/ /zhes gsungs te/ lta ba la sogs pa dag nye bar len pa nyid dang /rdzas nyid du yod pa ma yin na nye bar len pa po nyid kyi gtan tshigs kyi don ma grub pa la sogs pa'i skyon de nyid kyi lan gdab par dka'o/ /de'i phyir de ltar ji skad bstan pa'i sgrub pas brtags na/ gang zhig lta la sogs pa yi/ /snga rol da ltar phyi na med/ /de la yod do med do zhes//rtog pa dag ni ldog par 'gyur/ /nye bar len pa po gang zhig lta ba la sogs pa dag gi snga rol dang / da ltar dang / phyi na rdzas su yod pa nyid du ma grub cing 'byung ba'i rdzas bzhin du med pa de lta bu de la don dam par gcig pa nyid dang / gzhan pa nyid du yod do med do zhes bya bar rtog pa dag ldog par 'gyur ro//de la re zhig yod do zhes bya bar rtog pa ldog pa ni rdzas su med pa'i phyir ro/ /med do zhes bya bar med par rnam par rtog pa 'byung ba de med pas rtog pa ldog pa na brten nas gdags par bya ba yin pa'i phyir ro/ /yang na yod do zhes bya bar rtog pa ldog pa ni don don dam par yod pa nyid du ston pa'i rjes su dpag pa med pa'i phyir ro//med do zhes bya bar rtog pa ldog pa ni yod pa bsal bas med par rnam par rtog pa yang med pa'i phyir te/ bcom ldan 'das kyis/ blo yis rnam par gzhigs nas ni/ /ngo bo nyid ni gzung du med/ /de phyir de dag brjod med dang //ngo bo nyid ni med par bstan/ /zhes ji skad gsungs pa lta bu'o/ /de la nye bar len pa po yod par smra ba dag gis rjes su dpag pa las nye bar len pa po yod de/ de yang nye bar len par byed pas nye bar len pa po zhes bya zhing / des nye bar blang ba yin pas nye bar blang ba zhes bya ste/ de gnyi ga grub pa'i phyir gtan tshigs sngar smras pa grub bo zhes gang smras pa de rigs pa ma yin no/ /de la 'dir rab tu byed pa'i don ni nye bar len pa po yod pa'i gtan tshigs sun dbyung ba brjod pa dang / rang dbang gis rjes su dpag pa brjod pas/ nye bar len pa po ngo bo nyid med pa nyid du bstan pa yin no//de'i phyir rab kyi rtsal gyis rnam par gnon pa gzugs la shes pa po 'am/ shes par byed pa po med do/ /tshor ba dang / 'du shes dang / 'du byed rnams dang / rnam par shes pa la shes pa po'am/ shes par byed pa po med do/ /gzugs dang / tshor ba dang /'du shes dang / 'du byed rnams dang / rnam par shes pa la shes pa po 'am/ shes par byed pa po med pa gang yin pa de ni shes rab kyi pha rol tu phyin pa'o/ gzugs la shes pa po'am mthong ba po med do/ /tshor ba dang / 'du shes dang / 'du byed rnams dang / rnam par shes pa la shes pa po 'am/mthong ba po med do/ /gzugs dang / tshor ba dang / 'du shes dang / 'du byed rnams dang / rnam par shes pa la shes pa po'am/ mthong ba po med pa gang yin pa de ni shes rab kyi pha rol tu phyin pa'o zhes bya ba la sogs pa gsungs pa de dag grub pa yin no//slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/ nye bar len pa po dang / nye bar blang ba brtag pa zhes bya ba ste / rab tu byed pa dgu pa'o// //da ni nye bar len pa po dang / nye bar blang ba dag ngo bo nyid med pa'i mi mthun pa'i phyogs kyi khyad par dgag pas rten cing 'brel par 'byung ba don gcig pa ma yin pa dang /don tha dad pa ma yin pa'i khyad par dang ldan pa/ bstan pa'i don gyi dbang gis rab tu byed pa bcu pa brtsam mo/ /'dir smras pa/ 'di la khyed kyis nye bar len pa po dang / nye bar blang ba dag phan tshun ltos nas rab tu 'grub par smras pas/de'i phyir gtan tshigs rab tu grub pa'i dbang gis nye bar len pa po dang / nye bar blang ba nyid dag bsgrub pa'i phyir sgrub pa smra bar bya ste/ don dam par nye bar len pa po dang nye bar blang ba dag yod pa kho na yin te/ phan tshun ltos pa'i phyir dper na me dang bud shing bzhin no//de'i phyir de grub pas don dam par phung po la sogs pa dag yod pa kho na yin te/ bcom ldan 'das kyis de dag la brten nas/ nye bar len pa po dang / nye bar blang ba dag bstan pa'i phyir ro/ /de ltar gtan tshigs grub pas 'dod pa grub po/ / 'dir bshad pa/ skye ba spyir bkag pa nyid dang / gzugs kyi rgyu ni ma gtogs par/ /gzugs ni dmigs par mi 'gyur ro/ /zhes bya ba der rdzas su yod pa nyid bkag pas/ me dang bud shing dag gi yod pa nyid dgag pa yang grub mod kyi/ yang de med pa nyid du bstan pa'i phyir/sgrub pa gzhan sems gtod la nyon cig /'di la me dang bud shing dag yod pa nyid du 'dod na gcig pa nyid dam/ gzhan nyid du khas blang bar bya grang na des cir 'gyur zhe na/ gal te shing de me yin na/ /byed pa po dang las gcig 'gyur/ /de la bud shing ni sa la sogs pa 'byung ba gsum po dag yin la/me ni me'i khams so/ /kha cig na re/ me ni 'byung ba bzhi po dag las me shas che bar gyur pa'o zhe'o/ /de la 'dir glags yod pa'i tshig yin pa'i phyir pha rol pos smras pa'i sgrub pa las bzlog pas rjes su dpag pa mngon te/dper na gal te sgra rtag na bum pa yang rtag par thal bar 'gyur bas de ni mi 'dod de/ byas pa nyid la mi rtag pa nyid med na mi 'byung ba yin pas/ de la yang yod pa'i phyir ro/ /sgra de yang byas pa yin pas de'i phyir sgra ni mi rtag ste/ byas pa'i phyir dper na bum pa bzhin no zhes bya ba lta bu'o//'dir sbyor ba'i tshig ni don dam par me dang bud shing dag gcig pa nyid ma yin te/ byed pa po dang las yin pa'i phyir dper na gcod pa po dang / bcad pa dag bzhin no/ /me yang bud shing sreg pa'i byed pa po yin la/ bud shing yang sreg pa na las yin pas/ me dang bud shing dag la yang byed pa po dang las nyid yod pas de'i phyir de nyid gcig pa nyid ma yin no//yang na/ gal te shing de me yin na/ /byed pa po dang las gcig 'gyur/ /de'i phyir bud shing las me gzhan ma yin par dam 'cha' ba'i dam bcas pa la gcig pa nyid du rjes su dpog pas mi tsha ba dang /mi sreg pa nyid kyis me'i lce dag bstsal ba'i phyir chos can gyi khyad par bstsal ba'i skyon yod de / /gal te mthong bas gnod pa'i phyir skyon med do zhe na / gcig pa nyid la yang mthong bas gnod par 'gyur ro/ /de yongs su spangs pa'i phyir grub pa'i mtha' dang 'gal lo/ /de ltar khas ma blangs pa'i phyir khas blangs pa la gnod pa med do//de ltar re zhig me dang bud shing dag gcig pa nyid du mi 'thad do/ /ci ste gzhan nyid du 'dod na de'i phyir bshad pa/ gal te shing las me gzhan na/ /shing med par ni 'byung bar 'gyur/ /gzhan yin pa'i phyir de las gzhan bzhin no zhes bya bar dgongs so//'di lta ste/ bud shing la mi ltos par me yod do zhes bya ba de ni mngon par zhen pa'i blo can dag kyang mi 'dod de/ 'dis ni me dang bud shing dag gi chos ltos pa dang bcas pa nyid bstan to/ /de'i phyir 'dir bstan par bya ba'i don gyi dbang gis rjes su dpag par 'dod pa ni/don dam par me ni bud shing las gzhan ma yin te/ ltos pa dang bcas pa'i phyir dper na bud shing gi rang gi bdag nyid bzhin no/ /de bzhin du don dam par bud shing yang me las gzhan ma yin te/ ltos pa dang bcas pa'i phyir dper na me'i rang gi bdag nyid bzhin no/ / gal te me dang bud shing dag tha dad pa nyid kyis thams cad ltos pa dang bcas pa dag gis ma nges pa nyid do zhe na/ de dag kyang bsgrub par bya ba dang rigs mthun pa nyid kyis mtshungs par bkag pa'i phyir skyon med do/ /me dang bud shing dag gzhan nyid du khas len pa la skyon gzhan 'di yang yod de/'di lta ste/ rtag tu 'bar ba nyid du 'gyur/ /'bar byed med pa'i rgyu las byung / /gal te bud shing las me gzhan nyid yin par gyur na bud shing la mi ltos par rtag tu 'bar bar 'gyur te/ de la bud shing de med kyang 'chi bar mi 'thad cing rtag par 'gyur ro/ /ci'i phyir zhe na/ 'bar byed med pa'i rgyu las byung ba'i phyir te/'bar byed ces bya ba ni bud shing ngo / /gang la rgyu de yod pa de ni 'bar byed kyi rgyu las byung ba'o/ /'bar byed med pa'i rgyu las byung ba ni 'bar bar byed pa'i rgyu med pa las byung ba'o/ /gzhan yang 'chi ba yongs su spang ba'i phyir bud shing skam po gzhug pa dang /sbar ba'i mtshan nyid kyi rtsom pa dag kyang mi 'thad pas/ rtsom pa don med nyid du 'gyur/ /don med pa ni don dang bral ba'o/ /de'i dngos po ni don med pa nyid de 'bras bu med pa nyid ces bya ba'i tha tshig go/ /de lta yin na las kyang med/ /las med pa ni las yod pa ma yin pa ste/bud shing la mi ltos par 'byung zhing gnas pas bsreg par bya ba sreg pa'i mtshan nyid kyi las med pa'i phyir de ni mi 'dod do/ /grong mi'i bud med yan chad la yang me ni rgyu dang ldan pa nyid dang / rtsom pa dang bcas pa nyid dang / las dang bcas pa nyid du grags par 'dod pas de'i phyir rjes su dpag pa smra bar nus te/don dam par me ni bud shing las gzhan ma yin te/ rgyu dang ldan pa'i phyir dang / rtsom pa dang bcas pa'i phyir dang / las dang bcas pa'i phyir dper na bud shing gi rang gi bdag nyid bzhin te/ rgyas par ni snga ma bzhin no/ /de bzhin du bud shing gi phyogs la yang brjod par bya ste/bud shing la yang gzugs par bya ba la sogs pa'i las yod pa'i phyir las dang bcas pa nyid du grub pas bud shing gi gtan tshigs dang dpe nyid ma grub pa nyid ma yin no/ /de la 'di snyam du ci'i phyir 'bar byed med pa'i rgyu las byung ba dang /rtsom pa don med pa nyid du thal bar 'gyur snyam du sems na/ de la bshad par bya ste/ gzhan la ltos pa med pa'i phyir/ / 'bar byed med pa'i rgyu las byung / /rtag tu 'bar ba nyid yin na/ /rtsom pa don med nyid du 'gyur/ /gzhan la ltos pa med pa'i phyir/ /'bar byed med pa'i rgyu las byung bar 'gyur la/rtag tu 'bar ba nyid yin na rtsom pa don med pa nyid du thal bar 'gyur ro/ /ji ste pha rol po dag slob dpon gyis me dang bud shing dag gzhan nyid yin pa'i skyon brjod pas/ rtag tu 'bar ba nyid du 'gyur/ /zhes bya ba la sogs pa gang dag gsungs pa ji skad bstan par thal bar 'gyur ba dag yongs su spang bar 'dod pas/de la gal te 'di snyam du/ /sreg bzhin bud shing yin sems na/ /mes khyab cing sreg bzhin pa nyid na de bud shing zhes bya zhing / me la ltos pa dang bcas pa'i bud shing nyid du 'grub pa'i phyir/ thal bar 'gyur ba'i skyon med do snyam du sems na/de ni bzang po ma yin te/ glags yod pa'i tshig nye bar bzhag pa brjod pas rjes su dpag pa rnam pa bzhi bstan pas glags yod pa'i skyon gyi gzhi'o/ /gzhan nyid mi 'dod na/ dam bcas pa nyams pa'i phyir ro/ /gzhan yang nyon cig /gang tshe de tsam de yin na/ / gang gis bud shing de sreg byed/ /gang gi tshe me'i rkyen gyis 'bar ba dang bcas pa de tsam du bud shing de yin par brjod na/ gang gis bud shing de sreg par byed/ tha snyad du yang 'ba' zhig byung ba la ni bud shing zhes brjod cing 'bar ba dang bcas pa la ni me zhes bya'o/ /don dam par ni skye ba bkag pa'i phyir ro//skyes su zin na yang de tsam yin pa'i phyir gang gis gang la khyab par byed par 'thad de/ de'i phyir tshig de ni rang gi blo gros yang bar ston pa tsam du zad do/ /yang na 'di ni rnam par bshad pa'i brnag pa gzhan yin te/ 'di la byed pa po me'i mtshan nyid 'ga' zhig gis sreg bzhin pa na bud shing zhes bya grang na de yang sgrub pa sngar bstan pas rdzas su yod pa nyid brtsal ba'i phyir med pas/gang tshe de tsam de yin na/ /gang gis bud shing de sreg byed/ /gang gi tshe gzugs la sogs pa 'dus pa tsam dro ba'i mtshan nyid kyi reg pa'i khyad par dang ldan pa de tsam sreg pa dang /tshos pa dang / snang ba la sogs pa'i 'bras bu'i rgyu yin pa'i phyir de ma yin pa'i tshe na'o/ / yang na bud shing ni 'byung ba chen po bzhi po dag las me shas che bar ma gyur pa'am/ gsum po dag yin par brjod la/ 'byung ba chen po bzhi 'am gsum po de dag kyang bsreg par bya ba yin gyi/sreg par byed pa dag ma yin la/ me yang 'byung ba'am/ 'byung ba 'dus pa yin par pha rol po dag gis kyang shes pas de'i phyir yang nges par bya nus te/ don dam par me ni bud shing sreg par byed pa ma yin te/ 'byung ba yin pa'i phyir dper na chu la sogs pa bzhin no/ / de bzhin du gzugs la sogs pa dang ldan pa nyid dang rags pa nyid dang / gzugs kyi phung pos bsdus pa nyid dang / phyi rol pa nyid dang / skye ba can nyid dang / rgyu can nyid yin pa'i phyir ro zhes bya ba la sogs pa'i gtan tshigs dag kyang brjod par bya'o/ /de'i phyir de ltar don dam par me ni sreg par byed pa nyid yin par mi 'thad pas/gang tshe de tsam de yin na/ /gang gis bud shing de sreg byed/ /gang gi tshe skye ba'i khyad par la ltos nas/ tha snyad du me'am bud shing zhes brjod pa'i tshe 'byung ba 'dus pa de tsam me'am bud shing de yin na gang gis bud shing de sreg par byed/ de lta bas na sreg bzhin pa na bud shing yin par 'gyur ro zhes bya ba la sogs pa de rigs pa ma yin no/ /gal te sa la sogs pa dag dbyer med par gnas pa la/ sreg par byed pa me'i khams yod pa'i phyir/ dpe bsgrub par bya ba dang mi ldan no zhe na/ de yang bsgrub par bya ba dang rigs mthun pa nyid kyis bsgrub par bya ba'i khongs su gtogs pa'i phyir ram/sa la sogs pa dag rang gi mtshan nyid kyis dpe nyid du grub pa'i phyir skyon med do/ /grags pa'i gnod pa la sogs pa dag gi skyon yang med de/ sngar lan btab zin pa'i phyir ro/ / bye brag pa dag na re/ rdul phran de bdag gi phyogs dang phrad pa la bdag dang ldan pa ma mthong bas bskyed pa'i las kyi rdul phran de bdag gi phyogs dang phral nas rdul phran gzhan dang phrad par bya ste/ phrad pa rdul phran gnyis kyis gnas su byed do/ /rdul phran phrad pa dang bcas pa de gnyis kyis rdul phran gnyis pa zhes bya ba'i rdzas rtsom par byed do//rdul phran gnyis pas kyang ji skad bstan pa'i rnam pas rdul phran dang phrad pas rdul phran gnyis pa'i rdul phran zhes bya ba'i rdzas rtsom par byed pa la sogs pa'i rim gyis snang byed kyi rdzas brtsams pa me nyid dang 'brel ba'i phyir me yin la/de bzhin du bsreg bya yang bud shing nyid dang 'brel ba'i phyir bud shing yin te/ de gnyis ni rgyu dang rgyu can yin pa'i phyir phan tshun ltos pa yin no zhes zer ro/ /de dag kyang / gal te shing las me gzhan na/ /shing med par yang 'byung bar 'gyur/ /zhes pa la sogs pa rgyas par ji skad bstan pa dag gis dgag pa brjod par bya'o//don dam par snang byed ni me ma yin par gzung bar bya ste/ 'byung ba yin pa'i phyir dper na/ de las gzhan pa'i 'byung ba dag bzhin no/ /rtsom pa dgag pa yang don dam par me'i rdul phra rab dag ni me zhes bya ba'i rdzas rtsom par byed pa ma yin te/rdul phra rab yin pa'i phyir dper na de las gzhan pa'i rdul phra rab dag bzhin no/ /ci ste dam bcas pa de'i don gang yin/ ci gzhan dag rtsom par byed pa yin nam/ rtsom par mi byed pa yin/ des cir 'gyur/ gal te brtag pa snga ma ltar na ni dam bcas pa nyams so//ci ste brtag pa phyi ma ltar na ni dpe med do zhe na/ de ni bzang po ma yin te/ brtag pa snga ma ltar khas ma blangs pa'i phyir dang / brtag pa phyi ma la yang sa la sogs pa me rtsom par byed pa ma yin par grub pa dag las gang yang rung ba dpe nyid yin pa'i phyir ro/ / yang na don dam par me ni me'i rdul phra rab dag gis brtsams pa ma yin par gzung bar bya ste/ 'bras bu yin pa'i phyir dper na chu bzhin no/ /de bzhin du byas pa nyid dang / chud za ba nyid dang skye ba can nyid yin pa'i phyir ro zhes bya ba la sogs pa'i gtan tshigs dag kyang brjod par bya'o//grangs can dag ni snying stobs dang rdul shas che ba'i sgra dang / rig pa dang / gzugs dag ni me yin la/ mun pa shas che ba ni bud shing yin par smra zhing des de la khyab par 'dod pas/ bud shing gi rgyus me 'byung bas bud shing rgyu yin pa'i phyir me ni bud shing la ltos pa nyid yin pas/thal bar 'gyur ba'i skyon yongs su spangs so zhes zer na/ de dag kyang don dam par me ni bud shing sreg par byed pa ma yin te/ 'byung ba yin pa'i phyir dper na chu la sogs pa bzhin no zhes snga ma bzhin du dgag par bya'o/ /ci ste dam bcas pa'i don rnam par brtags nas de las gzhan pa'i ngo bo nyid dam ngo bo nyid med par rtog na/phyogs snga ma la gnod pa'am dpe med do zhes rgol bar byed na/ de la 'dir dgag pa de ni sreg pa nyid dgag pa kho nas mthu zad pa yin pa'i phyir dang / sreg pa ma yin pa'i ngo bo nyid yin pa'i phyir sgra'i don ni sgra gzhan gyis bstan par bya ba yin pa'i phyir phyogs snga ma la gnod pa yang med la/sa la sogs pa sreg pa'i ngo bo nyid ma yin par grub pa dag nyid dpe yin pa'i phyir dpe med pa yang ma yin no/ /dpyad pa rgyas pas chog go/ /yang gzhan yang / gzhan na mi phrad phrad med na/ / sreg par mi 'gyur mi sreg na/ /'chi bar mi 'gyur mi 'chi na/ /rang gi rtags dang ldan par gnas/ /me gzhan yin na bud shing dang mi phrad de/ gzhan yin pa'i phyir dper na de nyid bud shing dang ma phrad pa bzhin no/ /phrad pa med na sreg par mi 'gyur te/ 'dir me dang bud shing dag kyang byed pa po dang las kyi mtshan nyid kyis 'brel zhing phrad par 'dod pa'i phyir ro//mi sreg na 'chi bar mi 'gyur te/ bud shing med par yang grub pa'i phyir ro/ /mi 'chi na rang gi rtags dang ldan par gnas par 'gyur te/ 'di rang gi rgyu med par ther zug tu gnas par 'gyur ro//ji ltar me de bud shing las gzhan nam 'on te gzhan ma yin/ de de las gzhan yin par dam 'cha' ba la ni ji skad bstan pa'i skyon du 'gyur bar dgongs so/ /de la 'dir glags yod pa'i tshig yin pa'i phyir mi phrad pa la sogs pa'i chos rnams kyi skabs kyi don bsgrub par nus pas de'i dbang gis rjes su dpag pa brjod par mi bya ste/gzhan nyid rang la ma grub pa'i phyir dang mi phrad par bstan par mi bya ba'i phyir ro/ /sgra ji bzhin yang ma yin te/ /'di ltar gzhan nyid dang dgag pa bstan pa'i tshig gi don yin no/ / gzhan nyid dgag pa de yang bsdigs pas bstan par bya ba ma yin gyi/ 'di ltar byed pa po dang las dag gi gzhan nyid dgag pa bzhin du grags pa yin no/ /yang na/ gang dang gang du lhan cig tu/ /gzhan pa nyid du mi 'thad do/ /zhes 'og nas ston par 'gyur bas 'dir bstan par mi bya'o// // dbu ma'i rtsa ba'i 'grel pa shes rab sgron ma bam po dgu pa/ 'dir smras pa/ gal te khyed skyes pa dang / bud med dag gzhan nyid yin yang phrad pa khas mi len na ni/ des ni me dang bud shing dag kyang phrad pa med pas 'di lta ste/ gzhan na mi phrad phrad med na//sreg par mi 'gyur mi sreg na/ /'chi bar mi 'gyur mi 'chi na/ /rang gi rtags dang ldan par gnas/ /zhes bya ba la sogs pa'i skyon de dag tu yang 'gyur grang na/ 'jig rten thams cad la skyes pa dang / bud med dag gzhan nyid yin yang phrad par grags pa snyon par mi nus pas de'i phyir/ji ltar bud med skyes pa dang / /skyes pa'ang bud med phrad pa bzhin/ /gal te shing las me gzhan yang / /shing dang phrad du rung bar 'gyur/ /zhes smra bar nus so/ /bzhin zhes bya ba'i sgra ma gsungs kyang / ji ltar zhes bya ba'i sgra'i rjes su dpags na zla yin pa'i phyir yod par blta bar bya'o//phyed gong ma shos bsnor nas rnam par bshad par bya ste/ smra bar 'dod pa'i don bstan sla ba'i phyir ro/ /de la 'dir tshig gi don ni mi mthun pa'i phyogs la yang sgrub pa'i chos bstan pa'i phyir ma nges pa nyid du bstan pa yin te/ dper na 'ga' zhig gi sgra rtag ste/ gzugs can yin pa'i phyir ro zhes smras pa la/ la la na re/ ji ltar las gzugs can mi rtag pa ltar sgra yang de bzhin no zhes zer bas/ des de skad smras pa ma nges pa nyid du bstan par shes pa bzhin no/ /'dir bshad pa/ gal te me dang shing dag ni//gcig gis gcig ni bsal gyur na/ /shing las me gzhan nyid yin yang / shing dang phrad par 'dod la rag /gal te me dang shing dag gcig gis gcig bsal bar gyur na zhes bya ba ni byed pa po dang las su 'brel ba'i mtshan nyid med par gyur na zhes bya ba'i tha tshig go//shing las me gzhan nyid yin yang / /shing dang phrad par 'dod la rag /ces bya ba ni/ khyod 'dod pa ltar/ bud med dang skyes pa dag bzhin du phrad par 'dod la rag na zhes glags yod pa'i sgo nas khas blangs nas lan 'debs par 'dod pa yin no/ /'di ltar kho bos gal te phan tshun ltos pa med pa dag gzhan yin pa'i phyir yul tha mi dad par 'byung ba'i mtshan nyid kyi phrad pa bsal bar gyur na ni/gtan tshigs ma nges pa nyid du 'gyur zhing / dam bcas pa'i don de yang 'thad par 'gyur ba zhig na me dang bud shing dag ni rnam pa de ltar mi 'dod de/de dag la byed pa po dang las su 'brel pa'i mtshan nyid kyi phrad pa gzhan med na mi 'byung ba med pas gzhan nyid du smra ba rnams kyi dam bcas pa la glags yod pa'i sgo nas yang dag par chos kyi khyad par bsal ba'i skyon yod par bstan pa yin gyi/ rang dbang du rjes su dpag pa bstan pa ni ma yin no//des na bud med dang / skyes pa dag phrad nas ji skad smras pa dag mi srid pas/ mi mthun pa'i phyogs med pa'i phyir ma nges pa nyid ma yin pas/ pha rol po'i tshig de ni 'khrul pa tsam ste/ rang gi blo gros yang bar ston pa yin no/ /de'i phyir de ltar me dang bud shing dag gcig pa nyid dang gzhan pa nyid du ma grub pa'i phyir/rab tu byed pa'i dang por smras pa'i sgrub pa'i dpe ma tshang ba nyid do/ / 'dir smras pa/ don dam par me dang bud shing dag ni yod pa kho na yin te/ phan tshun ltos pa'i phyir ro/ /'di na gang dag med pa de dag la ni phan tshun ltos pa nyid med de/dper na ri bong gi rwa dag bzhin no/ /me dang bud shing dag la ni me 'di'i bud shing ni 'di'o/ /bud shing 'di'i sreg pa ni 'di'o zhes phan tshun ltos pa nyid yod pas de'i phyir me dang bud shing dag ni yod pa kho na yin te/ de dag yod pa'i phyir dngos kyi don grub bo//'dir bshad pa/ gal te shing ltos me yin la/ /gal te me ltos shing yin na/ /gang la ltos pa'i me dang shing / /dang por grub pa gang zhig yin/ /ci bud shing gang la ltos nas me 'grub pa 'am/ 'on te me gang la ltos nas bud shing 'grub pa'i me dang bud shing dag las dang por grub pa gang zhig yin te/de dag la gang la ltos nas gang yang rung ba 'grub par 'gyur ba'i dang por grub pa gcig kyang med do zhes bya bar dgongs so/ /de ltar don dam par ltos pa mi 'thad pa'i phyir gtan tshigs kyi don ma grub pa nyid dang / dpe'i skyon de nyid yod do//kun rdzob pa'i gtan tshigs yin par rtog na ni don 'gal ba nyid dang / sgrub pa'i dpe ma tshang ba nyid kyi skyon de nyid yod do/ /ci ste yang bud shing dang por grub pa'i phyir skyon med do snyam na de'i phyir bshad pa/ gal te shing ltos me yin na/ /me grub pa la sgrub par 'gyur//me grub pa la brjod pa khyad par can bsnyad pa nyid kyi phyir bud shing la ltos pa'i phyir ro zhes bya bar dgongs so/ /de ltar rtog pa la/ bud par bya ba'i shing la yang / /me med par ni 'gyur ba yin/ /bud shing de sngar me la ma ltos par yang bud shing nyid du grub pa'i phyir ro zhes bya bar dgongs so//de ni mi 'dod pas 'dir glags yod pa'i tshig yin pa'i phyir rjes su dpag pa mngon te/ don dam par bud shing ni me'i snga rol na grub pa med de/ ltos pa dang bcas pa'i phyir dper na me'i rang gi bdag nyid bzhin te/ rgyas par ni snga ma bzhin no/ / 'dir smras pa/ de dag las gang yang rung ba dang por grub pa ma yin mod kyi/ 'on kyang me dang bud shing dag ni dus mnyam du 'grub par 'gyur te/ ltos pa can yin pa'i phyir dper na ba lang gi rwa dus gcig tu skyes pa dag la g.yas pa dang / g.yon pa nyid 'grub pa bzhin no//'dir bshad pa/ gal te dngos po gang ltos 'grub/ /de nyid la yang ltos nas ni/ /ltos bya gang yin de grub na/ /gang la ltos nas gang zhig 'grub/ /dang po zhes bya ba'i tshig gi lhag ma'o/ /gal te khyod 'dod pa ltar me'i mtshan nyid kyi dngos po gang yin pa ni bud shing la ltos nas 'grub cing me de nyid la yang ltos nas me 'grub par bya ba'i phyir ltos par bya ba bud shing gi mtshan nyid kyi dngos po gang yin pa de 'grub na gang la ltos nas gang zhig 'grub par 'gyur te/gang yang rung ba me nyid dam bud shing nyid du mi 'grub ste/ rang gi rgyu las skye ba ni phan tshun ltos pa mi 'grub pa'i phyir ro zhes bya ba'i tshig gi don to//des na ba lang gi rwa'i dpe nyid la yang gtam de nyid du 'gyur te/ de gnyis la yang gang la ltos nas gzhan gang yang rung ba 'grub par 'gyur ba'i g.yas pa'am/ g.yon par grags pa gang yin / yang gzhan yang / dngos po ltos grub gang yin pa/ /de ma grub na ji ltar ltos/ /ma grub pa ni ltos par mi byed pa nyid do zhes bya ba'i tshig gi don te / de ni dam bca' ba nye bar gzhag pa'o/ /'dir rjes su dpag pa ni don dam par me ma grub pa ni bud shing la ltos par mi byed de/me nyid du ma grub pa'i phyir dper na de las gzhan bzhin no/ /pha rol po dag rang gi tshul la gnod pa bcab pa'i phyir/ ji ste grub pa ltos she na/ de skad zer na de lta na yang de ni ltos par mi rigs so/ /ltos pa dang bcas pa nyid du rjes su dpog pas yod pa nyid kyis med pa nyid bstsal ba'i phyir des na med par smra ba rnams kyi dam bcas pa la chos can gyi rang gi ngo bo bstsal ba'i skyon yod do zhes bya bar dgongs so//yang na/ de ni ltos par mi rigs so/ /med pa'i phyir nam mkha'i me tog bzhin no/ /yang na de ni ltos par mi rigs so/ /bud shing de ni me la ltos par mi rigs te de bzhin du med pa'i phyir dper na de las gzhan bzhin no//de bzhin du me'i phyogs la yang brjod par bya'o/ /de'i phyir de ltar brtags na/ shing la ltos pa'i me med de/ /sngar bstan pa'i tshul gyis bud shing me la mi ltos par bud shing nyid du ma grub pa'i phyir ro//shing la ma ltos me yang med/ /rgyu tha dad pa dag gzhan nyid du ma grub pa'i phyir dang / gzhan nyid bkag pa'i phyir ro/ /de bzhin du/ me la ltos pa'i shing med de/ /me la ma ltos shing yang med/ /ltos pa bkag pa'i phyir dang / gzhan nyid bkag pa'i phyir ro/ /yang gzhan yang / me ni gzhan las mi 'ong ste/ /gzhan nyid bkag pa'i phyir dang / 'gro ba bkag pa'i phyir dang / rdzas su yod pa nyid bkag pa'i phyir ro/ /bud shing dang bcas par ram bud shing med par 'ong bar brtag na/ gnyi ga la yang 'ong ba mi 'grub ste/ltos pa dang bcas pa ma grub pa'i phyir dang / ltos pa med na bud shing med pas gzhi med pa'i phyir ro/ /shing la'ang me ni yod ma yin/ /gzhan nyid bkag pa'i phyir ro/ /yang na bud shing me med pa nyid phyogs su byas te bshad pa/ shing la'ang me ni yod ma yin//skye ba can yin pa'i phyir dper na rnam par shes pa bzhin no zhes bya bar dgongs so/ /gang dag me ni snying stobs dang rdul dang mun pa'i mtshan nyid yin pa'i phyir dpe la yang de yod par smra ba de dag la yang / de la gsal ba'i khyad par can gyi dngos po med pa'i phyir dpe med pa ma yin no//gal te de'i nus pa yod pa'i phyir skyon med do zhe na/ lan de ni rtog ge pa sgra'i mtshan nyid mngon par mi shes pa la de mngon par mi shes pa nyid du bstan pa na/ rtog ge'i bstan bcos shes pa nyid kyis sgra'i mtshan nyid la mkhas so zhes phyir zlog par byed pa bzhin no//gzhan dag ni/ shing la'ang me ni yod ma yin/ /zhes bya ba 'di la mi dmigs pa'i phyir dang / rtsom pa don med pa nyid du 'gyur ba'i phyir ro zhes rnam par bshad par byed do/ /gzhan ma yin pa na re/ de ni rigs pa ma yin te/ mi dmigs pa gtan tshigs nyid du mi 'grub pa'i phyir dang /rtsom pa don yod pa'i gtan tshigs kyis yod pa nyid du ston pa mdzad pa'i mtha' dang 'gal bar 'gyur ba'i phyir ro/ /me dang bud shing dag ji skad bstan pa'i dgag pa dag 'ba' zhig gis dgag par bya ba yin par ma bsams kyi/ 'di ltar dgag pa gzhan dag gis kyang dgag par bya ba yin pas de'i phyir dgag pa lhag ma dag kyang 'dra bar bstan par bya ste/song dang ma song bgom pa yis/ /de bzhin shing la lhag ma bstan/ /ji ltar rjes su dpag pa las song ba dang ma song ba dang / bgom pa la 'gro ba med pa de bzhin du bsregs pa dang /ma bsregs pa dang / sreg bzhin pa la yang sreg pa med de/ bsreg par bya ba yin pa'i phyir bsregs pa bzhin no zhes bya ba la sogs par brjod par bya'o / /ji ltar rjes su dpag pa las/ 'gro ba po dang / 'gro ba po ma yin pa de dag las gzhan pa 'gro bar mi byed par bstan pa de bzhin du don dam par sreg pa po dang /sreg pa po ma yin pa dang / de dag las gzhan pa yang sreg par mi byed pa bstan par bya ste/ bya ba gnyis dang mi ldan pa'i phyir dang / /sreg pa po ma yin pa'i phyir dang gnyi ga'i skyon du 'gyur ba'i phyir bong ba bzhin no zhes brjod par bya'o//shing nyid me ni ma yin te/ /gcig pa nyid dgag pa sngar bstan pa'i phyir ro/ /shing las gzhan la me yang med/ /gzhan nyid dgag pa sngar bstan pa'i phyir ro/ /me ni shing dang ldan ma yin/ /ji ltar rtswa'i dra ba ba lang dang ldan pa ltar ro/ /me la shing med/ ji ltar rdza bo na rgya shug dag ltar ro//der de med/ ji ltar chu nang pad+ma dag ltar te/ gzhan nyid dgag pa sngar bstan pa kho na'i phyir ro/ /de'i phyir de ltar me dang bud shing dag ma grub pas dpe med pa'i phyir/ rab tu byed pa'i dang por don dam par nye bar len pa po dang nye bar blang ba dag yod pa kho na yin te/phan tshun ltos pa'i phyir dper na me dang bud shing bzhin no zhes gang smras pa de'i dpe ma tshang ba nyid kyi lan gdab par dka'o/ /des na don dam par phung po la sogs pa dag yod pa kho na yin te/ bcom ldan 'das kyis de dag la brten nas nye bar len pa po dang /nye bar blang ba bstan pa'i phyir ro zhes bya ba bsgrub pa'i rtsa ba ma grub bo/ /ji ltar me dang bud shing dag gi de nyid dang gzhan nyid bkag pa de bzhin du/ me dang shing gis bdag dang ni/ /nye bar blang ba'i rim pa kun/ /bum snam la sogs lhan cig tu/ma lus par ni rnam par bshad/ /rim pa zhes bya ba ni dgag pa'i rnam pa zhes bya ba'i tha tshig ste/ thams cad ma lus par rnam par bshad do/ /don dam par bdag ni nye bar blang ba dang gcig pa nyid ma yin te/ byed pa po dang las yin pa'i phyir/ dper na/ gcod pa po dang / bcad pa dag bzhin no/ /don dam par bdag ni nye bar blang ba las gzhan nyid ma yin te/ ltos pa dang bcas pa'i phyir dang / dngos po yin pa'i phyir dper na nye bar blang ba'i rang gi bdag nyid bzhin no/ /de bzhin du don dam par nye bar blang ba ni bdag dang gcig pa nyid ma yin te/las dang byed pa po yin pa'i phyir/ /dper na bcad pa dang gcod pa po dag bzhin no/ /don dam par nye bar blang ba ni bdag las gzhan nyid ma yin te/ ltos pa dang bcas pa'i phyir dang / dngos po yin pa'i phyir dper na bdag gi rang gi bdag nyid bzhin no//de bzhin du don dam par lhas byin gyi bdag ni lhas byin gyi nye bar blang ba nye bar len par mi byed de/ ltos pa dang bcas pa'i phyir/ dper na de las gzhan bzhin no/ /don dam par lhas byin gyi nye bar blang ba ni lhas byin gyi bdag gi nye bar blang ba ma yin te/ nye bar blang ba yin pa'i phyir dper na mchod sbyin gyi nye bar blang ba bzhin no//de bzhin du don dam par lhas byin gyi bdag grub pa dang ma grub pa ni lhas byin gyi nye bar blang ba la ltos par mi byed de/ bdag yin pa'i phyir dper na mchod sbyin gyi bdag bzhin no/ /don dam par lhas byin gyi nye bar blang ba ni lhas byin gyi bdag grub pa dang ma grub pa'i ltos par bya ba ma yin te/nye bar blang ba yin pa'i phyir/ dper na mchod sbyin gyi nye bar blang ba bzhin no/ /'dir kha cig gis smras pa/ lhas byin gyi bdag lhas byin gyi nye bar blang ba nye bar len par mi byed de zhes bya ba de'i don gang yin/ci gzhan nye bar len par byed pa yin nam/ 'on te ci yang nye bar len par mi byed pa yin/ des cir 'gyur/ gal te gzhan nye bar len par byed pa yin na ni phyogs snga ma la gnod do/ /ci ste ci yang nye bar len par mi byed pa yin na ni dpe med de/ mchod sbyin gyi bdag ni rang gi nye bar blang ba nye bar len par byed pa'i phyir ro//de ni rigs pa ma yin te/ lan btab zin pa'i phyir ro/ /me dang bud shing de dag gis bdag dang nye bar blang ba dag gi rim pa gang dag rnam par bshad pa de dag bum pa dang / snam bu la sogs pa dag dang yang lhan cig tu rnam par bshad de/de la bum pa dang / snam bu la sogs pa dag ni rgyu dang 'bras bur gyur pa dang / yan lag dang yan lag can du gyur pa dang / yon tan dang / yon tan can du gyur pa dang / mtshan nyid dang / mtshan nyid kyi gzhir gyur pa rnam pa de lta bu dag tu shes par bya'o//de la re zhig don dam par bum pa ni 'jim pa dang gcig pa nyid ma yin te/ las dang byed pa po yin pa'i phyir dper na bcad pa dang / gcod pa po dag bzhin no/ /don dam par bum pa ni 'jim pa las gzhan nyid ma yin te/ ltos pa dang bcas pa'i phyir dang /'bras bu la sogs pa yin pa'i gtan tshigs dag gi phyir/ dper na 'jim pa'i rang gi bdag nyid bzhin no/ /de bzhin du 'jim pa'i phyogs la sogs pa la yang brjod par bya'o/ /grangs can dag ni bsgrub pa'i tshul gyis bum pa ni 'jim pa las gzhan nyid ma yin te/'jim pa'i bdag nyid dang / yod pa nyid dang rgyu dang 'bras bu nyid dang / spyi dang khyad par dang ldan pa nyid dang / yul la sogs pa gcig pa nyid kyi phyir/ dper na 'jim pa'i rang gi bdag nyid bzhin no zhes zer ro/ /de dag gi 'jim pa'i bdag nyid dang /bum pa'i bdag nyid dag rang gi bdag nyid dang gcig pa nyid du dbu ma smra ba rnams la ma grub pa'i phyir dpe med do/ /dam bcas pa'i don yang rnam par brtag par bya ste/ gal te rgyu dang 'bras bu dag gcig pa nyid ces bya ba dus gcig na'o zhe na ni phyogs snga ma la gnod do//ci ste rgyu'i gsal ba 'bras bu la yod do zhe na ni grags pa'i gnod par 'gyur te/ zho la 'o ma med pa'i phyir ro/ /gal te de'i gnas skabs na yang drug ldan la sogs pa'i khyad par dang bral ba'i sgra la sogs pa yod pa'i phyir grags pa'i gnod par yang mi 'gyur la/khas blangs pa la gnod pa yang med do zhe na/ de dag la 'o ma nyid mi 'thad pa'i phyir de ni lam ma yin no/ /gzhan ma yin pa nyid du rjes su dpag pas rgyu ma yin pa nyid la sogs pas de dag rgyu yin pa nyid la sogs pa bsal ba'i phyir dam bcas pa la chos can gyi ngo bo nyid dang /khyad par bsal ba'i skyon yod do/ /da ltar dang 'das pa'i rgyu phyogs su byed na yang skyon snga ma bzhin no/ /rigs mthun pa dang / rigs mi mthun pa ma skyes pa dang / zhig pa dag gis ma nges pa nyid dang / grags pa'i gnod par 'gyur te/skyes bu ni sgra la sogs pa dmigs par byed pa na phan gdags par bya ba yin pa'i phyir dang / rang bzhin ni shes pa yod pa nyid nang gi byed par snang ba'i rgyu yin pas phan 'dogs par byed pa yin pa'i phyir ro/ /skyes bu dag spyi dang khyad par dang ldan pa nyid yin pa'i phyir de dag gi ma nges pa nyid de/skyes bu skyes bu zhes bya ba ni spyi yin la/ lhas byin gyi bdag dang mchod sbyin gyi bdag ces bya ba dag ni khyad par yin pa'i phyir ro/ /'jim pa'i bdag nyid ces bya ba'i gtan tshigs kyi don kyang 'jim pa las gyur pa yin par rtog na ni dpe sgrub pa'i chos dang mi ldan no//'jim pa'i ngo bo nyid yin par rtog na ni gtan tshigs kyi don ma grub pa nyid do/ /'bras bu rgyu las gzhan nyid ma yin te zhes bya ba de'i don gang yin/ ci rang gi rgyu las sam/ 'on te gzhan gyi rgyu las/ des cir 'gyur/ gal te rang gi rgyu las na ni dpe med do//ci ste gzhan gyi rgyu las na ni phyogs snga ma la gnod pa dang / grags pa'i gnod par 'gyur ro/ /gal te gzhan nyid ma yin na ni de'i nus pas mi stong pa'o zhe na yang dpe med do/ /rgyu phyogs su bya ba'i dus la yang de bzhin no/ /de dag ni phyogs tsam zhig bstan pa yin te/phyogs 'dis gzugs can dang gzugs can ma yin pa'i chos rnams kyi skad cig ma nyid la gnod par bya ba'i phyir grangs can dag gis rjes su dpag pa la smras pa rnams sun dbyung ba brjod par bya'o/ /de bzhin du don dam par yan lag can seng ldeng ni yan lag seng ldeng gi rtsa ba dang /sdong po dang / yal ga dang / lo ma dang / de la sogs pa dag dang / gcig pa nyid ma yin te/ de dag gi phyogs gcig chad kyang de mi 'chad pa'i phyir dper na rgya shug bzhin no/ /don dam par yan lag can seng ldeng ni yan lag seng ldeng gi rtsa ba dang /sdong po dang / yal ga dang / lo ma la sogs pa dag las gzhan nyid ma yin te/ ltos pa dang bcas pa'i phyir dper na seng ldeng gi yan lag dag gi rang gi bdag nyid bzhin no/ /de bzhin du don dam par seng ldeng gi yan lag dag ni/ yan lag can dang / gcig pa nyid ma yin te/ de'i phyogs gcig chad kyang de dag mi 'chad pa'i phyir dper na rgya shug gi yan lag dag bzhin no/ /don dam par seng ldeng gi yan lag dag ni yan lag can las gzhan nyid ma yin te/ ltos pa dang bcas pa'i phyir dper na yan lag can seng ldeng gi rang gi bdag nyid bzhin no//lhag ma ni snga ma bzhin no/ /de bzhin du don dam par snam bu ni rgyu spun gyi bdag nyid kyi gzugs dag dang gcig pa nyid ma yin te/ ltos pa dang bcas pa'i phyir dang / rdzas yin pa'i phyir dper na sab ma bzhin no//don dam par snam bu ni rgyu spun gyi bdag nyid kyi gzugs dag las gzhan nyid ma yin te/ ltos pa dang bcas pa'i phyir dang / de zhig na de dag kyang 'jig pa'i phyir dper na rgyu spun dag gi rang gi bdag nyid bzhin no/ /de bzhin du don dam par rgyu spun gyi bdag nyid kyi gzugs dag ni snam bu dang gcig pa nyid ma yin te/ltos pa dang bcas pa'i phyir dang / rdzas yin pa'i phyir dper na rtsi rkyang bzhin no/ /don dam par rgyu spun gyi bdag nyid kyi gzugs dag ni snam bu las gzhan nyid ma yin te/ ltos pa dang bcas pa'i phyir dang / de zhig na de dag kyang 'jig pa'i phyir dper na snam bu'i rang gi bdag nyid bzhin no//lhag ma ni snga ma bzhin no/ /mtshan nyid dang mtshan nyid kyi gzhi dag la yang de bzhin du brjod par bya'o/ /gal te gcig pa nyid dgag pa'i rjes su dpag pas ni gzhan nyid dgag pa'i rjes su dpag pa la gnod la/gzhan nyid dgag pa'i rjes su dpag pas kyang gcig pa nyid dgag pa'i rjes su dpag pa bsal ba'i phyir gang yang rung ba mi 'grub bo zhe na/ gnyi ga bkag pas 'dod pa 'grub pa'i phyir skyon med do/ /de'i phyir de ltar dpyad na don dam par gcig pa nyid dang gzhan nyid mi 'thad de/mi 'thad du zin kyang bcom ldan 'das kyi tha snyad kyi dbang gis gdul ba'i sems can rnams kyi tshul khrims dang / ting nge 'dzin dang / shes rab la sogs pa yon tan gyi tshogs yang dag par bsgrub pa'i phyir de dag 'jig rten las grags pa dag gis bka' stsal pa la/kha cig gis de dag ni don dam pa'o snyam du rig nas chos rnams de ltar spros pa med kyang / spros par byed pa de rigs pa ma yin par slob dpon gyis dgongs pa na/ gang dag bdag dang dngos po rnams/ /de bcas nyid dang tha dad par/ /ston pa de dag bstan don la//mkhas so snyam du mi sems so/ /zhes bya ba gsungs te/ tshad ma dang 'gal ba'i chos gzhan dag khas len pa'i phyir ro zhes bya bar dgongs so/ /de la 'dir rab tu byed pa'i don ni pha rol pos rab tu byed pa'i dang por smras pa'i sgrub pa dang / dpe med par bstan pas/ rten cing 'brel par 'byung ba don gcig pa ma yin pa dang /don tha dad pa ma yin pa'i khyad par dang ldan pa bstan pa yin no/ /de'i phyir lus las gzhan pa'i chos mi mthong la/ chos las gzhan pa'i lus mi mthong ste/ ji ltar gnyis ma yin pa dang / gnyis ma yin pa ma yin pa de ltar mthong ngo / / de ltar mthong bas mngon sum nyid du mthong ba yang mi mthong ngo zhes bya ba la sogs pa gsungs pa de dag grub pa yin no/ /slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/ me dang bud shing brtag pa zhes bya ba ste/ rab tu byed pa bcu pa'o// //da ni dngos po ngo bo nyid med pa'i mi mthun pa'i phyogs kyi khyad par dgag pas 'khor ba ngo bo nyid med pa nyid du bstan pa'i don gyi dbang gis rab tu byed pa bcu gcig pa brtsam mo/ /'dir smras pa/ don dam par phung po la sogs pa dag yod pa kho na yin te/bcom ldan 'das kyis ming dang khyad par bstan nas/ de zad par bya ba'i phyir man ngag bstan pa'i phyir ro/ /'di la gang med pa de la ni ming dang khyad par bstan pa dang / de zad par bya ba'i phyir man ngag bstan par yang mi rigs te/ dper na mgo gnyis pa'i mig gi nad med par bya ba bzhin no//de dag la ni ming dang khyad par bstan nas de zad par bya ba'i phyir man ngag bstan pa 'di lta ste/ dge slong dag 'khor ba thog ma dang tha ma med de/ dam chos rnam par mi shes pa'i/ /byis pa la ni 'khor ba ring / /zhes bya ba dang /de bzhin du dge slong dag /de lta bas na khyed kyis 'khor ba zad par bya ba'i phyir nan tan bya'o zhes de ltar bslab par bya'o zhes gsungs pa de dag yod pas/ de'i phyir gtan tshigs ji skad smos pa'i mthus phung po la sogs pa dag yod pa kho na yin no/ /'dir bshad pa/'jig rten gyi mgon pos skye ba'i rgyun las dang nyon mongs pas bskyed pa sgyu ma dang smig rgyu lta bu skye ba'i gnyen por ma skyes pa rgyun ma chad pa la gzigs nas/ byis pa rnams kyi 'khor ba ring ngo zhes gsungs shing / skye ba ni sdug bsngal rnam pa du ma'i gleng gzhir gyur pa yin pas/'khor ba zad par bya ba'i phyir gus par bya ba nyid la sbyar bar bzhed pa na de skad gsungs par zad kyi/ rtog pa'i rang bzhin can rnams kyis yongs su brtags na don dam par 'khor ba dang mya ngan las 'das pa dag gi khyad par 'ga' yang dmigs su med pas/ bcom ldan 'das kyis don dam par gsungs pa ma yin no//de'i phyir gal te ming dang khyad par bstan nas de zad par bya ba'i phyir/ man ngag bstan pa'i don dam pa pa yin par 'dod na ni/ gtan tshigs kyi don ma grub pa nyid do/ /kun rdzob pa'i gtan tshigs yin par rtog na ni don 'gal ba nyid dang dpe med do//'khor ba thog ma dang tha ma med do zhes gang gsungs pa ni 'di na rgyu med par smra ba bsal ba'i phyir dngos po rgyu las skye'o zhes bcom ldan 'das kyis gsung rab skye ba bstan pa'i phyogs su bka' stsal pa/ de sun dbyung bar 'dod pa'i mu stegs can dag gis/bcom ldan 'das la ji ltar 'khor ba'i/ sngon mtha' mngon nam zhes zhus tshe/ /thub pa chen pos min zhes gsungs/ /'khor ba thog ma tha med de/ /de la sngon med phyi ma med/ /de la 'khor ba ni kun du 'gro ba ste/ skye ba dang rga shi'i dpyang thag gi rgyun ma chad pa'o//thog ma dang tha ma ni thog ma dang tha ma dag ste/ de la thog ma dang tha ma dag med pa'i phyir sngon dang phyi ma med par gsungs te/ rgyu gcig nas gcig tu brgyud pa dag las brtsom pa'i dus nges pa med pa'i phyir dang / gnyen po ma shar ba dag la tha ma ma grub pa'i phyir dang /tha snyad du yin gyi don dam par ni ma yin te/ de'i phyir de ni lan gdab pa'i tshig yin no/ /de lta bas na bcom ldan 'das la log pa mi gsung ba nyid du yid ches pa yang dag par skyes pa rnams ni de la yid ches par 'gyur gyi tshad ma ltar snang bas sems phyin ci log tu gyur pa gzhan dag ni yid ches par mi 'gyur la/thub pa'i dbang po'i gsung rab 'di yang slob dpon gyi dpe mkhyud dang bral ba yin pas de'i phyir don 'di gzhan la bstan par nus pa'i rjes su dpag pa brjod par bya ste/ bskal pa dang po'i lus can rnams kyi lus dang dbang po dang blo'i tshogs gang yin pa de ni tshe rabs gzhan dag tu nye bar bsags pa'i las dge ba dang /mi dge ba'i rgyu can yin par shes par bya ste/ bde ba dang sdug bsngal dang chos dang chos ma yin pa la sogs pa skye ba'i rgyu yin pa'i phyir/ dper na deng sang gi lus dang dbang po dang po'i blo'i tshogs bzhin no//de bzhin du thun mong ma yin par dmigs pa'i rgyu nyid dang / phan gdags par bya ba nyid dang / phan 'dogs par byed pa nyid dang / dga' ba dang / yongs su gdung ba'i rgyu nyid dang / rnam par 'jig pa'i chos can nyid la sogs pa'i gtan tshigs dag dang /dam bcas pa dang / dpe ji skad bstan pa dag gis rjes su dpag pa rgyas par brjod par bya'o/ /lhag ma ni snga ma bzhin no/ /'dir mu stegs can dag gis smras pa/ 'khor ba ni thog ma yod par gzung bar bya ste/ tha ma yod pa'i phyir ro/ /gang la tha ma yod pa de la ni thog ma yang yod par mthong ste/dper na bum pa bzhin no/ /de bzhin du yang dag pa'i shes pa skyes pa'i 'khor ba la yang tha ma yod pas de'i phyir gtan tshigs ji skad smos pa'i mthus 'khor ba ni thog ma yod par gzung bar bya'o/ /de la 'dir 'khor ba 'ba' zhig sngon gyi mtha' yod pa ma yin gyi/dngos rnams thams cad nyid la yang / /sngon gyi mtha' ni yod ma yin/ /zhes 'og nas ston par 'gyur ba'i phyir bum pa la sogs pa thog ma med pa'i rgyu gcig nas gcig tu brgyud pa las byung ba dag la yang thog ma yod pa nyid du ma grub pa'i phyir sgrub pa dpe ma tshang ba'i skyon yod do//tha ma yod pa'i phyir ro zhes bya ba'i gtan tshigs kyi don kyang ma grub pa nyid de/ 'khor ba ni mtha' dang ldan pa nyid la sogs pa'i dbye bas lung du ma bstan pa yin pa'i phyir ro/ /gzhan dag na re gal te 'khor ba thog med par 'dod na/'o na de ltar de la zad pa med par yang shes par bya ste/ thog ma med pa dang ldan pa'i phyir dper na skyes bu'am nam mkha' bzhin no zhes zer ro/ /skyes bu'am gzhan yang rung ste/ ma skyes pa ni tha snyad du yang khas ma blangs pa'i phyir dpe'i chos can ma grub pa'i skyon yod do//kun rdzob kyi phyogs la yang 'bru la sogs pa thog ma med pa dag la gnyen po byung bas mtha' mthong ba'i phyir don 'gal ba nyid do/ /mkhas pa'i nga rgyal can nye bar 'khrul pa gzhan dag na re/ bcom ldan 'das ni thams cad mkhyen pa nyid ma yin te/ 'khor ba'i sngon gyi mtha' mi mngon no zhes zer bas/rang nyid mi shes par khas blangs pa'i phyir dper na mi phal pa srog chags shi ba gar song mi shes so zhes zer ba bzhin no zhes zer ro/ /de ni rigs pa ma yin te/ gzhan gyis 'khor ba thog ma yod pa nyid du yongs su brtags pa bstsal ba'i phyir/sngon gyi mtha' mi mngon no zhes gsungs pa de ni 'khor ba thog ma med pa nyid du bstan pa'i tshig gi don yin pa'i phyir 'khor ba la thog ma med pa nyid yin pas mi mngon pa nyid du mkhyen pa'i phyir dang / 'khor ba thog ma med pa nyid du bstan pas/bcom ldan 'das ni de la thogs pa mi mnga' ba'i phyir de ni ma brtags par smra ba gzhan gyi 'byor pa chen po la phrag dog byed pa rnams kyi rgyu mthun pa yin no/ /dam bcas pa'i don rgyas par ni de bzhin gshegs pa brtag pa'i rab tu byed pa las rtogs par 'gyur ro//dpyad pa spros pas chog gi skabs nyid brjod par bya'o/ /'dir tshigs su bcad pa 'dis 'khor ba'i chos ni thog ma dang tha ma med pa nyid yin par bstan te/ de'i phyir rjes su dpag pa ni don dam par phung po rnams ji ltar snang ba de ltar yod pa ma yin te/ thog ma dang tha ma med pa'i phyir/dper na sgyu ma mkhan gyis sprul pa'i skyes bu bzhin no/ /'dir mkhas su re ba'i blo can kha cig na re/ sgyu ma mkhan gyis sprul pa'i skyes bu la yang shes pa rnam par rtog pa med pa'i yul gzugs la sogs pa gang dag yod pa de dag dus phyi mar yang de bzhin du yod pa'i phyir dpe bsgrub par bya ba chos dang mi ldan pas med do zhes zer ro//de ni rigs pa ma yin te/ sgyu ma mkhan gyis sprul pa'i skyes bu log par snang ba nyid dpe nyid du 'dod pa'i phyir dang / shes pa rnam par rtog pa med pa'i spyod yul gyi gzugs la sogs pa dag la yang skyes bu'i ngo bo nyid kyis stong pa'i phyir dpe ma grub pas skyon med do//de lta bas na 'khor ba yod pa nyid du ma grub pa'i phyir ming dang khyad par bstan nas de zad par bya ba'i phyir man ngag bstan pa'i phyir ro zhes bya ba'i gtan tshigs kyi don ma grub pa nyid do/ /'dir smras pa/ don dam par phung po'i rgyud ces bya ba'i 'khor ba yod pa kho na yin te/de'i dbus yod pa'i phyir ro/ /'di na gang med pa de la ni dbus dmigs su med de / dper na ri bong gi rwa bzhin no/ /'khor ba la ni gang na kun nas nyon mongs pa dang / rnam par byang ba dag yod pa'i dbus yod pas de'i phyir 'khor ba yod pa kho na yin no/ / des na gtan tshigs kyi don ma grub pa nyid dang / 'gal ba nyid med pas 'dod pa'i don 'grub po/ /'dir bshad pa/ gang la thog med tha med pa/ /de la dbus ni ga la yod/ /de la dbus yod pa nyid ma yin no zhes bya ba'i tshig gi don te/ sgyu ma byas pa'i skyes bu'i rgyud la dbus med pa bzhin no zhes bya bar dgongs so//de ltar thog ma dang tha ma ma grub pa'i phyir dang / dpe med pa'i phyir ji skad bstan pa'i skyon ldog par mi 'thad do/ /de'i phyir de ltar brtags na 'khor ba ngo bo nyid med pa/ de phyir de la snga phyi dang / /lhan cig rim pa mi 'thad do/ /skye ba dang rga shi dag gi'o//de la smra ba gang dag na re/ 'khor ba ni ngo bo nyid yod de/ skye ba dang rga shi dang ldan pa'i phyir ro/ /mo gsham gyi bu med pa ni/ skye ba dang / rga shi dang ldan par mi rigs so zhes zer ba de dag la yang / skye ba dang / rga shi dag gi snga phyi dang lhan cig gi rim pa dag ma grub pa'i phyir/gtan tshigs kyi don ma grub pa nyid dang / don dam par skye ba la sogs pa dang ldan pa gang yang ngo bo nyid yod pa nyid du ma grub pa'i phyir dpe med pa dang don 'gal ba nyid du yang 'gyur ro/ /ji ltar skye ba la sogs pa dag gi snga phyi dang lhan cig gi rim pa dag mi 'grub pa de ltar 'di brtag par bya ste/gal te skye ba snga gyur la/ /rga shi 'phyi ba yin na ni/ /gal te pha rol po dag 'dod pa ltar ro/ /de ltar na/ skye ba rga shi med pa dang / /ma shi bar yang skye bar 'gyur/ /de ltar na/ skye ba la rga shi'i ngo bo nyid med par yang 'gyur te/ rga shi med par yang skyes pa'i phyir ro//gang zhig gang med par yang skyes pa de la de'i ngo bo nyid med de/ dper na ba lang rta med par skyes pa de la de'i ngo bo nyid med pa bzhin no zhes bya bar dgongs so/ /yang gzhan yang / ma shi bar skye bar yang 'gyur te/ sngar gzhan du ma shi ba kho nar skyes pa'i phyir ro/ /de dag ni mi 'dod do//de la skye ba ni mi skyed pa ste/ ma byung ba las byung ba'o/ /rga ba ni lus yongs su 'gyur ba'o/ /'chi ba ni srog gi dbang po 'gag pa'o/ /de la 'dir glags yod pa'i tshig yin pa'i phyir glags yod pa las bzlog pas rjes su dpag pa mngon te/ skye ba ni rga shi bas snga ba ma yin te/de'i bdag nyid yin pa'i phyir dper na me tsha ba bas snga ba ma yin pa bzhin no/ /ci ste skyon der 'gyur na mi rung ngo snyam pas rga shi snga bar 'dod na de lta na yang / gal te skye ba 'phyi gyur la/ /rga shi snga ba yin na ni/ /de lta na/ skye ba med pa'i rga shi ni/ rgyu med par ni ji ltar 'gyur//smra ba gzhan dag kyang skye ba'i rkyen gyis rga shi zhes bya bar 'dod pas/ de med na skye ba med pa'i rga shi rkyen med pa ji ltar 'byung bar 'gyur te/ skye ba med pa'i rga shi ni yod pa ma yin pa kho na ste/ ma skyes pas gzhi med pa'i phyir ro zhes bya bar dgongs so/ /'dir rjes su dpag pa ni rga shi ni skye ba bas snga bar mi rigs te/de yod na 'byung ba'i phyir dper na gnas pa bzhin no/ /gal te skye ba ni rga shi dang rjes su 'brel bzhin pa kho nar yod pa'i phyir skyon med do zhe na / skye ba dang ni rga shi dag /lhan cig rung ba ma yin no/ /ci'i phyir zhe na/ gang gi phyir de ltar rtog na//skye bzhin pa na 'chi 'gyur na / /gnyi ga rgyu med can du 'gyur/ /de gnyis ni dgag pa mi mthun pa yin pas skye ba zhes bya ba nyid du yang mi 'gyur te/ skye bzhin pa nyid na 'chi ba'i phyir ro/ /de ltar skye ba med na snga ma bzhin du skye ba dang rga shi gnyi ga rgyu med pa can du 'gyur te/lhan cig tu 'byung ba'i phyir/ /dper na skye ba'i rgyu rga shi ma yin pa de bzhin du de gnyis kyi rgyu yang ma yin no zhes bya bar dgongs so/ /gal te lhan cig skyes pa rnams kyang rgyu nyid yin te/ mtshan dang / dpe byad dang skyes bu chen po bzhin no zhe na/ de ni lan ma yin te/ dgag pa sngar bstan zin pa'i phyir ro//de'i phyir yang skye ba dang / rga shi dag la lhan cig nyid mi srid do/ /de'i phyir de ltar brtags na/ gang la snga phyi lhan cig gi /rim pa de dag mi srid pa'i/ /skye ba de dang rga shi de/ /ci yi phyir na spros par byed/ /don dam par de dag spros par bya bar mi rigs pa kho na ste/de dag ma skyes pa'i phyir ro zhes bya bar dgongs so/ /de ltar 'khor ba sgrub pa'i gtan tshigs skye ba dang / rga shi dang / ldan pa nyid ma grub pa'i phyir pha rol pos rab tu byed pa'i dang por smras pa'i gtan tshigs kyi don ma grub pa nyid kyi skyon gyi lan gdab par byas so / / da ni slob dpon gyis skye ba la sogs pa dag gi snga phyi dang lhan cig gi rim pa dag yod par mi 'thad pa bzhin du dngos po lhag ma rnams la yang 'dra bar bstan par bzhed nas bshad pa/ rgyu dang 'bras bu nyid dang ni/ /mtshan nyid dang ni mtshan nyid gzhi / /tshor dang tshor po nyid dang ni/ don yod gang dag ci yang rung //tshad ma dang gzhal bya dang / shes pa dang shes bya dang / grol ba dang thar pa'i mtshan nyid dag go/ /'khor ba 'ba' zhig sngon gyi mtha'/ /yod ma yin pa ma yin gyi/ /dngos rnams thams cad nyid la yang / sngon gyi mtha' ni yod ma yin/ /de la re zhig 'dir rgyu dang 'bras bu dang mtshan nyid dang mtshan nyid kyi gzhi'i dbang du byas nas phyogs tsam zhig bshad par bya ste/don dam par 'bru ni myu gu'i snga na yod pa ma yin par shes par bya ste/ 'bras bu yin pa'i phyir dper na myu gu'i rang gi bdag nyid bzhin no/ /gal te rgyud tha dad pa'i 'bras bu sngar 'byung ba dag gis ma nges pa nyid do zhe na//de dag kyang don dam par de bzhin du bkag pa'i phyir mi mthun pa'i phyogs med pas ma nges pa nyid ma yin no/ /ci ste 'bras bu rgyu bas snga bar 'dod na yang don dam par 'bras bu rgyu bas snga bar 'dod par mi bya ste/rgyu med pa'i skyon du 'gyur ba'i phyir ro/ /gang dag rgyu las 'bras bu snga na yod pa nyid bsal bar byed do zhes zer ba de dag la yang / 'bras bu rkyen rnams kyis bsal bar byed pa mi 'thad de/ de dag zhig pas de 'jig par 'gyur ba'i phyir dper na 'jim pa la sogs pa zhig pas bum pa bzhin no//gang zhig gang gis bsal bar byed pa de ni de zhig pas 'jig par mi 'gyur te/ dper na nyi ma dang nor bu dang / mar me dang / sman gyi 'od zhig pas gsal bar bya ba khri'u dang / gtan pa dag zhig par mi 'gyur ba bzhin no zhes brjod par bya'o/ / gsal ba yang sngon ma byung ba las 'byung ba'i phyir 'bras bu snga na med par smra ba yin no/ /rgyu dang 'bras bu dag dus mnyam pa nyid do zhe na/ de yang rigs pa ma yin no/ /ci ste lhan cig tu'o zhe na/ de lta na yang don dam par 'bru dang myu gu lhan cig 'byung ba dag rgyu dang 'bras bu'i dngos por mi rung ste/lhan cig tu 'byung ba'i phyir dper na ba lang gi rwa dag bzhin no/ /de bzhin du lkog shal la sogs pa'i mtshan nyid kyang mtshan nyid kyi gzhi bas snga bar mi 'dod de/ gzhi med pa'i phyir dper na ri mo rtsig pa bas snga ba ma yin pa bzhin no//de bzhin du mtshan nyid kyi gzhi yang mtshan nyid pas snga bar mi rigs te/ lkog shal la sogs pa mtshan nyid kyi gzhi yin pa'i phyir dper na skyes bu chen po nyid skyes bu chen po'i mtshan rnams pas snga bar mi rigs pa dang / sa nyid sra ba bas snga bar mi rigs pa bzhin no/ /mtshan nyid dang mtshan nyid kyi gzhi lhan cig tu 'byung ba dag kyang /mtshan nyid dang mtshan nyid kyi gzhi nyid du mi 'dod de/ lhan cig tu 'byung ba'i phyir dper na dri dang ro lhan cig tu 'byung ba dag bzhin no/ /rgyas par ni snga ma bzhin no/ /de la 'dir rab tu byed pa'i don ni pha rol pos rab tu byed pa'i dang por smras pa'i sgrub pa'i skyon brjod pas/'khor ba ngo bo nyid med pa nyid du bstan pa yin no/ /de'i phyir de bzhin du 'di la 'ga' yang 'khor bar mi 'gyur mya ngan las 'das par mi 'gyur kun nas nyon mongs par mi 'gyur/ rnam par byang bar mi 'gyur ro zhes bya ba la sogs pa dang / de bzhin du tshangs pa ngas 'khor ba yang mi dmigs/mya ngan las 'das pa yang mi dmigs so/ /de ci'i phyir zhe na/ de bzhin gshegs pas 'khor ba 'dogs par mdzad kyang / der 'ga' yang 'khor bar mi 'gyur zhing de bzhin gshegs pas mya ngan las 'das pa 'dogs par mdzad kyang / der 'ga' yang mya ngan las 'da' bar mi 'gyur ba'i phyir ro zhes bya ba la sogs pa dang / de bzhin du rab kyi rtsal gyis rnam par gnon pa gzugs skye ba'am 'chi bar mi 'gyur ro/ /tshor ba dang / 'du shes dang / 'du byed rnams dang / rnam par shes pa skye ba'am 'chi bar mi 'gyur ro/ / rab kyi rtsal gyis rnam par gnon pa/ gzugs dang / tshor ba dang / 'du shes dang / 'du byed rnams dang / rnam par shes pa skye ba'am 'chi bar mi 'gyur ba gang yin pa de ni shes rab kyi pha rol tu phyin pa'o zhes bya ba la sogs pa dang / de bzhin du rab kyi rtsal gyis rnam par gnon pa/ sngon dang phyi ma dang / dbus kyi mtha' med pa ni mya ngan las 'das pa'i mtha'o/ /ji ltar brjod pa de lta ma yin te/ chos thams cad mtha' med pa ni mya ngan las 'das pa'i mtha'o zhes bya ba la sogs pa gsungs pa de dag grub pa yin no/ /slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/ 'khor ba brtag pa zhes bya ba ste/ rab tu byed pa bcu gcig pa'o// //da ni stong pa nyid kyi mi mthun pa'i phyogs kyi khyad par dgag pas sdug bsngal ngo bo nyid med pa nyid du bstan pa'i don gyi dbang gis rab tu byed pa bcu gnyis pa brtsam mo//'dir smras pa/ don dam par phung po rnams yod pa kho na yin te/ sdug bsngal yin pa'i phyir 'di na gang med pa de ni sdug bsngal ma yin te/ dper na mgo gnyis pa bzhin no/ /phung po rnams ni sdug bsngal yin te/ mdo sde las/ mdor na nye bar len pa'i phung po lnga sdug bsngal lo zhes gsungs pa'i phyir dang /chos mngon pa las kyang / sdug bsngal kun 'byung 'jig rten dang / /lta ba'i gnas dang srid pa yin/ /zhes 'byung bas de'i phyir gtan tshigs ji skad smos pa'i mthus don dam par phung po rnams yod pa kho na yin no/ /'dir bshad pa/ sdug bsngal du rnam par rtog pa nye bar bzhag nas/kha cig sdug bsngal bdag gis byas/ /gzhan gyis byas dang gnyi gas byas/ /rgyu med pa las byung bar 'dod/ /de ni bya bar mi rung ngo / /smra ba kha cig sdug bsngal bdag gis byas pa dang / gzhan gyis byas pa dang / gnyi ga ma byas pa dang /rgyu med pa las byung bar 'dod de/ rnam pa du mar rnam par brtags pa de ni bya ba'i 'bras bur mi rung ngo / /ji ltar zhe na/ de la re zhig ji ltar don dam par sdug bsngal bdag gis byas par mi rung ba de ltar 'dir bstan par bya ste/ gal te bdag gis byas gyur pa/ /de phyir brten nas 'byung mi 'gyur//gang gi phyir bdag gis byas pa ni rgyu dang rkyen gyis byas pa ma yin pa de'i phyir/ de la brten nas 'byung ba nyid kyi chos med do zhes bya ba'i tha tshig ste/ de ni mi 'dod do/ /brten nas byung ba nyid du 'dod de 'dis ni sdug bsngal gyi chos brten nas 'byung ba nyid yin par bstan to//gang phyir phung po 'di dag la/ /brten nas phung po de dag 'byung / /gang gi phyir da ltar gyi phung po 'di dag la brten nas 'byung bar 'dod pa'i phung po 'di dag 'byung ste/ gang gi phyir zhes bya ba'i sgra ni 'di ltar zhes bya ba'i don du blta bar bya'o/ /de ltar na de ni chos mthun pa'i dpe'i tshig yin te/'dir rjes su dpag pa ni don dam par lhas byin zhes bya ba'i phung po lnga ni byed pa po lhas byin dang ldan pa ma yin te/ brten nas byung ba'i phyir dper na srid pa gcig tu gtogs pa'i phung po lnga po phyi ma dag phung po lnga po snga ma'i rgyu las byung bzhin no/ /yang na bye brag pa dag na re/lus dang / dbang po dang / blo'i tshogs zhig kyang bdag ni mi 'jig la/ de yang kho bo cag gi phyogs la byed pa po de dang bcas pa nyid du gnas pa gcig pu yin pas de'i phyir des byas pa'i sdug bsngal ni bdag gis byas pa zhes byar rung gi /gang la 'du byed rnams skad cig ma re re la 'jig pa'i ngang can yin pa de la ni sems kyi skad cig ma gang la sdug bsngal skye ba de byed pa po de dang ldan pa yin pas bdag gis byas pa ma yin la/gzhan gyis byas pa'i las kyi 'bras bu la longs spyod pa mi srid pas gzhan gyis byas pa yang ma yin te/ mdzad pa'i mtha' dang 'gal lo zhes zer bas de dag la yang / de ni bya bar mi rung ngo / /sdug bsngal de ni bya bar mi rung ste/ bdag de dang bcas pa nyid du gnas pa la rjes su dpag pas gnod pa'i phyir ro/ /de la 'dir rjes su dpag pa ni skyes bu ni byed pa po ma yin te/ rtag pa'i phyir dper na nam mkha' bzhin no//rtag pa nyid du rjes su dpog pas byed pa po ma yin pa nyid kyis byed pa po nyid brtsal ba'i phyir dam bcas pa la chos can gyi ngo bo nyid brtsal ba'i skyon yod do/ /gzhan yang / gal te bdag gis byas gyur na/ /de phyir brten nas 'byung mi 'gyur/ /bdag gi rkyen las 'byung bar mi 'gyur te/byed pa po ma skyes pa la bya ba mi 'thad pa'i phyir ro zhes bya bar dgongs so/ /yang na gal te sdug bsngal byed pa po bdag dang ldan par 'dod na de lta na yang / de phyir brten nas 'byung mi 'gyur/ /kho bo cag gi phyogs la sdug bsngal nyid bdag gi sgrar brjod pa'i phyir ro zhes bya bar dgongs so//yang na gal te skyes bu rang gis las de byas par gyur na/ de phyir brten nas 'byung mi 'gyur/ /lhan cig byed pa'i rgyu gzhan dag la zhes bya ba'i tshig gi lhag ma'o/ /sdug bsngal ni byed pa po bdag dang ldan par 'dod par mi bya ste/ rgyu du ma dag gis bsgrub par bya ba yin pa'i phyir/dper na rlung shugs drag po dag gis shing skam po'i yal ga dag bskyod de drud pa las byung ba'i nags kyi mes nags tshal bsreg pa'i las bzhin no zhes bya bar dgongs so/ /'dir rjes su dpag pa ni don dam par lhas byin gyi sdug bsngal ni byed pa pos lhas byin gyi bdag dang ldan pa ma yin te/sdug bsngal yin pa'i phyir dper na mchod sbyin gyi sdug bsngal bzhin no/ /gal te mchod sbyin gyi sdug bsngal skye ba la yang lan 'ga' lhas byin byed pa po yin pa'i phyir ma nges pa nyid do zhe na/ rang gis byas pa'i las kyi 'bras bu myong ba yin pa'i phyir ma nges pa nyid ma yin no//de'i rnam par 'gyur ba yin na yang byed pa po'i ngo bo nyid ma yin pa bong ba la sogs pa dag kyang tha snyad du lhan cig byed pa'i rgyu'i dngos pos de'i yan lag nyid du 'gyur ba'i phyir skyon med do/ /gang la 'du byed rnams skad cig ma re re la 'jig pa'i ngad can yin pa de la ni sems kyi skad cig ma gang la sdug bsngal skye ba de/byed pa po de dang ldan pa ma yin pas/ bdag gis byas pa ma yin la zhes bya ba la sogs pa gang smras pa de la yang nyon cig /don dam par ni sdug bsngal bdag gis byas pa dang / gzhan gyis byas par brjod par bya ba ma yin pa'i phyir/de dag mi srid par bstan pa mi gnod do/ /tha snyad du ni 'jig rten na de dang rigs mthun pa nyid kyis rgyu dang 'bras bu'i rgyud tha mi dad pa la/ tha snyad de dag mthong ste/ dper na bdag gis btsugs pa'i mar me de nyid 'di yin no/ /bdag gis bskyed pa'i shing a mra de nyid 'di yin no zhes brjod pa de bzhin du 'di la yang sems can gyi skad cig ma snga ma sems can gyi skad cig ma phyi ma dang /rgyu dang 'bras bu 'brel pa tha mi dad pas byas pa la bdag gis byas pa zhes bya'o/ /gzhan nyid yin du zin kyang rgyu dang 'bras bur 'brel ba'i phyir/sems can gyi skad cig ma snga mas dge ba dang / mi dge ba nye bar bsags pa dag gi rnam par smin pa mi myong ba ma yin te/ dper na dug gi mthu 'o ma'i skad cig mar blugs pa de'i rnam par 'gyur ba zho'i skad cig mar myong ba bzhin pas ma byas pa dang phrad pa dang /byas pa chud za bar yang mi 'gyur ro/ /ci ste skad cig ma snga mas las nye bar bsags pa'i 'bras bu ni 'du byed kyi skad cig ma phyi ma la myong bar mi 'gyur te/ gzhan yin pa'i phyir dper na rgyud tha dad pa bzhin no zhe na/ de yang bzang po ma yin te/ mdzad pa'i mtha' las/gang la brten nas gang 'byung ba/ /de ni re zhig de nyid min/ /de las gzhan pa'ang ma yin phyir/ /de phyir chad min rtag ma yin/ /zhes 'byung ba'i phyir gzhan nyid kyi gtan tshigs kyi don ma grub pa nyid do/ /sems kyi skad cig ma snga ma la sogs pa'i mthu'i khyad par ni skye ba'i gnyen po ma skyes pa'i rgyud la 'bras bur 'gyur bar gzung bar bya ste/mthu'i khyad par yin pa'i phyir dper na ma du lung ga'i me tog gi ze ba dmar ba bzhin pas tha snyad kyi bden pa la gnod pa med do/ /gal te phyogs gzhan gyis las byas pa'i 'bras bu phyogs gzhan gyis myong bar 'gyur bas phyogs la ma byas pa dang phrad pa dang /byas pa chud za ba'i skyon du 'gyur te/ de nyid kyis lan 'ga' yang 'bras bu myong bar mi 'gyur ba'i phyir ro/ /phyogs 'brel par brtags na yang dam bcas pa nyams par 'gyur te/ phrad pa dang / 'du ba dag la yang 'brel pa yod pa'i phyir dran pa dang shes pa la sogs pa skyes pa dag dngos ma yin pas mdzad pa'i mtha' dang 'gal lo//bdag gcig pa nyid kyi phyir skyon med do zhe na/ de ji ltar gcig pa nyid yin/ gcig nyid kyi grangs dang ldan pa'i phyir ro zhe na ni/ bdag ni gcig nyid kyi grangs dngos dang ldan pa ma yin te/yod pa'i phyir gcig nyid kyi grangs dngos bzhin no/ /gcig dang gcig ma yin pa la gcig pa nyid du brtags na yang 'brel pa don med pa nyid du 'gyur ba'i phyir dang / mi srid pa'i phyir bzang po ma yin pa nyid do/ /zhar la bshad pas cho ga ste/ de'i phyir de ltar sdug bsngal bdag gis byas pa ma yin par 'dod do//gzhan gyis byas pa yang ma yin te/ ji lta zhe na/ gal te de las 'di gzhan zhing / /gal te 'di las de gzhan na/ /gzhan de dag gis 'di byas pas/ /sdug bsngal gzhan gyis byas par 'gyur/ /gal te sngon gyi phung po de dag las nying mtshams sbyor ba'i phung po phyi ma 'di dag gzhan yin par gyur cing /gal te 'di dag las kyang sngon gyi phung po de dag gzhan yin par gyur na ni de ltar brtag na gzhan de dag gis 'di dag byas pas/ sdug bsngal gzhan gyis byas par yang 'gyur ba zhig na/ de ltar ni mi 'dod de gzhan nyid du rjes su dpog pas de byed pa po nyid ma yin pas/de byed pa po yin pa bstsal bas/ gang gi phyir sdug bsngal gzhan gyis byas par dam bcas pa'i dam bca' ba la chos kyi ngo bo nyid bstsal ba'i skyon yod do zhes bya bar dgongs so/ /yang na/ gzhan de dag gis 'di byas pas/ /sdug bsngal gzhan gyis byas par 'gyur//zhes bya ba ni 'thad pas de dag la/ gzhan nyid de yang mi srid pa kho na'i phyir ro/ /gzhan nyid yin du zin kyang skye ba med pa'i rab tu byed par gzhan las skye ba med par bstan pa bzhin du/ de las skye ba med do zhes bya bar dgongs so/ /ji ltar gzhan nyid mi srid par dgongs she na/don dam par lhas byin gyi sngon gyi phung po rnams ni phung po phyi ma rnams las gzhan ma yin te/ lhas byin gyi phung po yin pa'i phyir dper na phung po phyi ma'i rang gi bdag nyid bzhin no/ /yang na gtan tshigs ni rgyud tha mi dad pa'i sdug bsngal yin pa'i phyir te/ sbyor ba'i yan lag lhag ma rnams ni snga ma bzhin no//gzhan dag gis smras pa/ gzhan gyis byas pa'i las kyi 'bras bu mi myong ba'i phyir dang / gang zag gnas skabs gzhan tha dad pas byas pa'i phyir sdug bsngal bdag gis byas pa yang yin la/ gzhan gyis byas pa yang yin pas/ phyogs gnyi gar bstan pa'i skyon med do//'dir bshad pa/ gal te gang zag bdag gis ni/ /sdug bsngal byas nas gang dag gis/ /sdug bsngal byas pa'i gang zag ni/ /sdug bsngal med pa de gang yin/ /rang gi grub pa'i mtha' la gnod pa bcas pa'i phyir/ gal te gang zag bdag gis phung po lnga'i mtshan nyid kyi sdug bsngal byas par rtog na/gang gis bdag gis sdug bsngal byas pa'i gang zag sdug bsngal med pa de gang zhig yin te/ bdag gi dngos po gang gis sdug bsngal de byas pa'i gang zag ces brjod pa/ sdug bsngal med pa ni/ /'ga' yang yod pa ma yin no zhes bya bar dgongs so//ci ste yang rang gi lta ba bskyang bar 'dod pas gang zag ni phung po rnams las de nyid dang / gzhan nyid du brjod par bya ba ma yin pa nyid du brjod na yang de lta na yang gang zag ni lhas byin zhes bya ba'i phung po lnga po 'di dag la med par shes par bya ste/ brten nas 'byung ba'i phyir dper na bum pa bzhin no//gal te yod pa nyid 'gog par byed pa'i phyir de ni yod do zhe na/ de ni bzang po ma yin te/ mu stegs byed kyis yongs su brtags pa'i gtso bo dang skyes bu dang / dbang phyug la sogs pa dag gis ma nges pa nyid yin pa'i phyir dang / don dam par dpe med pa'i phyir dang /yod pa nyid 'ga' yang mi 'thad pa'i phyir ro/ /'dir yang sngar slob dpon nyid kyis/ gal te bdag gis byas gyur na/ /de phyir brten nas 'byung mi 'gyur/ /zhes bya bas sdug bsngal gyi chos brten nas byung ba nyid yin par bstan pa/ de'i dbang kho nas rjes su dpag pa bstan to/ / de'i phyir de ltar don dam par gang zag ma grub pa'i phyir sdug bsngal gang zag gang gis kyang bdag gis ma byas par grub bo/ /da ni ji ltar gang zag gzhan du 'gyur bas sdug bsngal byas par mi 'thad pa de ltar bshad pa/ gal te gang zag gzhan gyis ni/ /sdug bsngal byas na gzhan zhig gis / /sdug bsngal de byas gang sbyin de//sdug bsngal med par ji ltar rung / /gal te gang zag gzhan gyis sdug bsngal byas nas gnas skabs gzhan tha dad pa'i gzhan zhig gis sdug bsngal de byas nas gang las sbyin par bya ba de sdug bsngal med par ji ltar rung ste/ de ni yod pa ma yin pa kho na ste/ gang zag sdug bsngal med pa bkag pa'i phyir dang /de yod pa nyid du ston pa'i rjes su dpag pa med pa'i phyir ro zhes bya bar dgongs so/ /da ltar gyi gang zag med pa'i phyir gnas skabs gzhan tha dad pa'i gzhan nyid yod pa ma yin na gang gi phyir des byas pa gzhan gyis byas pa zhes bya bar 'gyur/ yang gzhan yang / sngar rjes su dpag pa las sdug bsngal bdag gis ma byas so zhes bya ba de bstan zin pas de'i phyir/ bdag gis byas par ma grub pas/ /sdug bsngal gzhan gyis ga la byas/ /ma byas pa la gzhan gyi tha snyad mi srid pa'i phyir ro zhes bya bar dgongs so/ /yang na rgyud so sor nges pa la las rnam par smin pa can gzhan gyis byed pa mi srid pa'i phyir/sdug bsngal gzhan gyis ga la byas zhes gsungs te/ de'i phyir de ltar sdug bsngal bdag dang gzhan gyis byas pa nyid du mi 'thad do/ /yang gzhan yang / gzhan gyis sdug bsngal gang byed pa/ /de ni de yi bdag byas 'gyur/ /gnas skabs gzhan tha dad du zin kyang gang zag tha dad pa med pa'i phyir ro//de lta bas na bdag gis byas pa dang / gzhan gyis byas pa zhes bya ba de dag ni gyi na'o/ /gzhan dag gis smras pa/ gang zag gi bdag gis byas pa'i phyir/ sdug bsngal bdag gis byas pa yang yin la/ sdug bsngal gang yin pa de nyid gang zag ma yin pa'i phyir/sdug bsngal gzhan gyis byas pa yang yin te/ de ltar rnam grangs las bdag dang gzhan gyis byas par grub pa'i phyir skyon med do/ /'dir bshad pa/ re zhig sdug bsngal bdag byas min/ /gang zag gi bdag gis ma byas so zhes bya ba'i tha tshig ste/sdug bsngal gyi ngo bo nyid ma yin pa'i gang zag med pa'i phyir ro zhes bya bar dgongs so/ /sdug bsngal gyi ngo bo yin na yang / de nyid kyis ni de ma byas/ /gal te bdag gis byas gyur na/ /de phyir brten nas 'byung mi 'gyur/ /zhes bya ba de bkag zin pa'i phyir ro zhes bya bas dgongs so/ / yang na/ de nyid kyis ni de ma byas/ /zhes bya ba ni rang la bya ba byed pa ma mthong ba'i phyir dang / bdag las skye ba mi 'thad pa bzhin du des byed pa mi 'thad pa'i phyir ro zhes bya bar dgongs so/ /sdug bsngal gang yin pa de nyid gang zag ma yin pa'i phyir des byas pa ni gzhan gyis byas pa yang yin te zhes gang smras pa de yang bzang po ma yin te/gal te gzhan dag ma byas na/ /sdug bsngal gzhan byas ga la 'gyur/ /pha rol po dag gis gzhan nyid du bsams pa gang yin pa de gal te bdag gis ma byas shing bdag nyid ma skyes kyang yod par gyur na ni des ni de gzhan nyid du grub pa'i phyir/ des byas pa yang gzhan gyis byas par 'gyur grang na/ mkhas pa rnams ni ma skyes pa yod pa nyid du mi ston pas de'i phyir sdug bsngal gzhan gyis byas par ga la 'gyur te/ de ni yod pa ma yin pa nyid do zhes bya ba'i tshig gi don to/ /de ltar sdug bsngal bdag gis byas pa dang /gzhan gyis byas par mi rigs so/ /grangs can dag ni rdul shas che bas bya ba byed pa'i 'jug pa de dag dmigs pa ni sdug bsngal yin la/ de yang gang gi phyir bdag nyid kyi nang gi byed pa dag byed pa po yin pa de'i phyir byed pa po bdag nyid dang ldan pa yin la/ gang gi phyir skyes bu'i ngo bo nyid las tha dad pas nang gi byed pa gzhan du gyur pa dag byed pa po nyid yin pa de'i phyir byed pa po gzhan dang ldan pa yin pas des byas pa'i sdug bsngal ni bdag dang gzhan gyis byas pa yin no zhes zer zhing //de dag 'di skad ces/ phung po skad cig smra ba yis / /shAkya pa dag bdag med na//mtho ris thar pa dgos pa yi/ /'bad pa don med nyid du 'gyur/ /phung po snga mar gtogs pa yi/ /dge ba de 'bras skyed pa las/ /phung po phyi ma khyad par can/ /kun du 'byung bar 'dod mod kyi/ /'on kyang de dag gzhan don du/ /'bad pa 'thad par mi 'gyur te/ /gzhan la phan par bya bar ni//'ga' yang 'jug par mi byed do/ /zhes bya ba la sogs pa yang brjod do/ /'dir bshad pa/ re zhig sdug bsngal bdag byas min/ /skyes bus so/ /gal te nang gi byed pas byas so zhe na/ nang gi byed pa rdul shas che ba de ni sdug bsngal yin pas sdug bsngal de nyid kyis de nyid byed par mi 'thad de/dper na bum pa de nyid kyis bum pa de nyid byed par mi 'thad pa bzhin no zhes bya bar slob dpon gyis dgongs nas/ de nyid kyis ni de ma byas zhes gsungs te/ de'i phyir sdug bsngal bdag gis ma byas so/ /da ni/ gal te gzhan dag ma byas na/ /sdug bsngal gzhan byas ga la 'gyur//pha rol po dag gis nang gi byed pa las/ gzhan yin par bsams pa gang yin pa'i gzhan de ni bdag gis ma byas te/ bdag nyid ma grub bo zhes bya ba'i tha tshig go/ /byas zhes bya ba'i sgra ni don du ma la 'jug pa'i phyir/ dper na zan byas so zhes bya ba bzhin no/ /de'i phyir de ltar gzhan zhes bya ba bdag nyid ma grub pas/sdug bsngal gzhan gyis byas par ga la 'gyur/ yang na gzhan nyid ma grub pa'i phyir te/ skyes bu ni nang gi byed pa las gzhan ma yin te/ dngos po yin pa'i phyir dper na nang gi byed pa'i rang gi bdag nyid bzhin pas rang gi rjes su dpag pa la gnod do//gzhan nyid du rjes su dpog pas/ sdug bsngal dmigs pa'i byed pa po ma yin pa nyid kyis de bstsal ba'i phyir dam bcas pa la/ /chos kyi ngo bo nyid bzlog pa'i skyon yang yod do zhe na/ de lta na yang sdug bsngal bdag gis byas pa dang / gzhan gyis byas par mi rigs so/ /rnam gnyis su smra ba dag na re/'o na rnam grangs las/ sdug bsngal ni gnyi gas byas pa'i phyir skyon med do zhe na/ de'i phyir de dgag pa'i phyir bshad pa / gal te re res byas gyur na/ /sdug bsngal gnyi gas byas par 'gyur/ /gang gi tshe ji skad bstan pa'i sgrub pas bdag gis byas pa dang /gzhan gyis byas pa mi rigs pa de'i tshe gnyi gas byas so zhes bya ba'i skabs med do zhes bya bar dgongs so/ /rgyu med pa las byung ba yang ma yin te/ skye ba med pa'i phyir rab tu byed par rgyu med par smra ba bstsal bas/ de'i phyir bshad pa/ gzhan gyis ma byas bdag ma byas/ /sdug bsngal rgyu med ga la 'gyur//gzhan gyis byas pa ni gzhan gyis de byas pa ste/ gzhan gyis byed ces bya ba'i tha tshig go/ /gzhan gyis ma byas pa ni gzhan gyis mi byed pa'o/ /bdag gis byas pa yang bdag gis de byas pa ste/ bdag gis byed ces bya ba'i tha tshig go/ /bdag gis ma byas pa ni bdag gis mi byed pa'o//gzhan gyis ma byas pa dang / bdag gis ma byas pa ni/ gzhan gyis mi byed pa dang / bdag gis mi byed pa'o/ / gang gi tshe ji skad smos pa'i tshad mas gnod pa'i phyir don dam par sdug bsngal dmigs su med pa de'i tshe sdug bsngal rgyu med pa las byung bar ga la 'gyur te/de yod pa ma yin pa nyid do zhes bya ba'i tshig gi don to/ /de'i phyir de ltar rnam pa thams cad du sdug bsngal mi srid pas pha rol pos rab tu byed pa'i dang por don dam par phung po rnams yod pa kho na yin te/ sdug bsngal yin pa'i phyir ro zhes smras pa'i gtan tshigs kyi don ma grub pa nyid do//sdug bsngal 'ba' zhig rnam pa bzhi/ /yod ma yin pa ma yin gyi/ /phyi rol dngos po rnams la yang / /rnam pa bzhi po yod ma yin/ /ji skad bstan pa'i tshul gyis gzugs la sogs pa phyi rol gyi dngos po rnams la yang rnam pa bzhi po dag yod pa ma yin no//de la re zhig gzugs kyi dbang du byas nas bshad par bya ste/ gzugs ni bdag nyid kyis ma byas te/ yod pa dang med pa la byed pa mi 'thad pa'i phyir tshul sngar bstan pa bzhin no/ /yang na brten nas byung ba'i phyir dper na myu gu bzhin no/ /'byung ba gzhan du gyur pa dag gis kyang ma byas pa ste /de dag gzhan nyid du mi 'thad pa'i phyir ro/ /de ji ltar mi 'thad ce na/ 'byung ba chen po dag ni gzugs las gzhan du gyur pa ma yin te/ phyi rol pa yin pa'i phyir dper na gzugs kyi rang gi bdag nyid bzhin no/ /yang na rdzas su yod pa nyid bkag pa'i phyir te/ med pa la gzhan nyid mi 'thad pa'i phyir ro//gnyi gas kyang ma byas te/ re res byed pa mi 'thad pa'i phyir ro/ /rgyu med pa las kyang byung ba yang ma yin te/ rgyu med par smra ba bkag pa'i phyir ro/ /de bzhin du sgra la sogs pa dag la yang brjod par bya'o/ /de la 'dir rab tu byed pa'i don ni pha rol pos rab tu byed pa'i dang por smras pa'i gtan tshigs kyi don ma grub pa nyid du brjod pas sdug bsngal ngo bo nyid med pa nyid du bstan pa yin no//de'i phyir rab kyi rtsal gyis rnam par gnon pa/ gzugs ni bde ba'am/ sdug bsngal ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang bde ba'am/sdug bsngal ma yin no/ /gzugs dang / tshor ba dang / 'du shes dang / 'du byed rnams dang / rnam par shes pa bde ba'am/ sdug bsngal ma yin pa gang yin pa de ni shes rab kyi pha rol tu phyin pa'o zhes bya ba dang / de bzhin du tshangs pa rnam grangs des kyang khyod kyis 'di ltar shes par bya ste/sdug bsngal ba dang / kun 'byung ba dang / 'gog pa dang / lam ni 'phags pa rnams kyi bden pa ma yin gyi/ 'di ltar sdug bsngal ba dang / kun 'byung ba dang / 'gog pa dang / lam ma skyes pa ni 'phags pa rnams kyi lam mo zhes bya ba dang / nyan thos kyi theg par yang bcom ldan 'das kyis bka' stsal te/kye gau ta ma sdug bsngal bdag gis byas sam/ tshe dang ldan pa ma yin no/ /gzhan gyis byas sam/ tshe dang ldan pa ma yin no/ /gnyi gas byas sam/ tshe dang ldan pa ma yin no/ /bdag gis kyang ma byas/ gzhan gyis kyang ma byas pas byas sam/tshe dang ldan pa ma yin no zhes bya ba la sogs pa rgya cher gsungs pa de dag grub pa yin no/ /slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las sdug bsngal brtag pa zhes bya ba ste rab tu byed pa bcu gnyis pa'o// // dbu ma'i rtsa ba'i 'grel pa shes rab sgron ma bam po bcu pa/da ni sun 'byin pa'i lan btab pa dang / rang dbang du rjes su dpag pa'i mthus 'du byed rnams rnam pa las ngo bo nyid med pa nyid du bstan pa'i don gyi dbang gis rab tu byed pa bcu gsum pa brtsam mo/ /chos gang slu ba de brdzun zhes/ / zhes bya ba la sogs pa de la brdzun pa zhes bya ba ni log pa'i shes pas dmigs par bya ba yin pa'i phyir dang / byis pa'i skye bo bdag la sogs pa'i tshul gyis 'drid pa'i phyir ro/ /slu ba zhes bya ba ni dran pa la sogs pa don dam pa'i yul can dag rab tu slu ba'i rgyu yin pa'i phyir ro/ /de la brdzun pa zhes bya ba ni bstan pa'i tshig gi yin la/slu ba zhes bya ba ni bshad pa'i tshig gi yin no/ /bcom ldan 'das kyis de skad gsungs zhes bya ba ni mdo sde las so / /de skad ces bya ba'i sgra ni nye bar bstan pa'i don to/ /bcom ldan 'das kyis mdo sde las ji skad gsungs she na/ nyan thos kyi theg pa las kyang 'di lta ste/'dus byas gang yin pa de ni brdzun pa slu ba'i chos so/ /dge slong dag 'di lta ste/ mi bslu ba'i chos mya ngan las 'das pa de ni bden pa'i mchog go/ /'dus byas de ni slu ba'i chos kyang yin/ de ni rab tu 'jig pa'i chos kyang yin no zhes kyang gsungs la/ theg pa chen po las kyang rab 'byor ci tsam du 'dus byas pa de tsam du brdzun la/ji tsam du 'dus ma byas pa de tsam du mi brdzun no zhes gsungs so/ /de'i phyir de ltar phyogs gnyi ga la grags pa'i lung dag yod pa'i phyir/ 'dus byas thams cad slu ba'i chos/ /'dis ni 'du byed kyi chos ni slu ba'i chos nyid yin par bstan to/ /des na de dag brdzun pa yin//zhes bya ba ni ngo bo nyid med pa'i phyir te/ de ni mjug bsdu ba'i tshig yin na / /'dir sbyor ba'i tshig ni don dam par nang gi dngos po rnams ni ngo bo nyid stong pa nyid yin te/ slu ba'i chos yin pa'i phyir/ dper na/ sgyu ma mkhan gyis sprul pa'i bud med kyi lus bzhin no//'dir kha cig gis smras pa/ 'di ltar sangs rgyas pa dag ni yan lag gsum smra ba yin pas de'i phyir nye bar sbyar ba dang / mjug bsdu ba'i tshig dag mi rigs so/ /de ni bzang po ma yin te/ 'di ltar nye bar sbyar ba dang / mjug bsdu ba dag yan lag gzhan nyid du mi 'dod mod kyi de dag sbyar bar mi bya ba ni ma yin no//gzhan du na gang la chos mthun pa'i dpe nyi tshe yod pa la sgra ni mi rtag ste/ byas pa'i phyir ro/ /byas pa ni mi rtag par mthong ste/ dper na bum pa bzhin no/ /sgra yang de bzhin pas de ltar byas pa'i phyir mi rtag go zhes bya ba dang / de bzhin du gang la chos mi mthun pa'i dpe nyi tshe ba yod pa sgra ni mi rtag ste byas pa'i phyir ro//ma byas pa ni rtag par mthong ste/ dper na nam mkha' bzhin no/ /sgra ni de ltar ma byas pa ma yin te byas pa yin pas/ de ltar byas pa'i phyir mi rtag go zhes bya ba dang / de lta bu dang mthun pa don gyi tshig dag la dam bcas pa'i gtan tshigs kyi don ji ltar gsal bar 'gyur/sbyor ba'i tshig dag la ni de dag mi dgos te don med pa'i phyir ro/ /yan lag lngar smra ba dag na re/ yan lag gsum nyid du mi rigs te bsgrub par bya ba chos 'ba' zhig la gtan tshigs brjod na ni dpe la de med pa'i phyir thun mong ma yin pa nyid do//dpe'i chos 'ba' zhig la gtan tshigs brjod na ni gtan tshigs kyi don ma grub pa nyid do/ /spyi'i chos la gtan tshigs brjod na ni rjes su 'gro ba bstan pa don med de/ dpe'i chos la yang spyir bstan pa'i phyir ro/ /dpe la gtan tshigs kyi rjes su 'gro ba yod pa nyid du ston na ni bsgrub par bya ba la yang de dang 'brel pa bstan pa'i tshig gzhan brjod dgos so//gal te dam bcas pa'i mjug thogs su smos pas bsgrub par bya ba dang 'brel par 'grub bo zhe na/ de lta na sgra ni mi rtag ste/ mig gis gzung ba yin pa'i phyir ro zhes bya ba yang 'grub par 'gyur ro//grags pa de dang de 'brel par 'grub pa nyid du rtog na ni khyed kyi dpe la yang de bzhin du 'gyur te/ de ltar bum pa la sogs pa byas pa nyid du rtogs par 'gyur gyi sgra ni byas pa nyid du mi rtogs so / /nye bar sbyar ba dang / mjug bsdu ba dag yan lag gzhan ma yin te/ don la khyad par med pa'i phyir dper na gtan tshigs nyid bzhin no zhe na/de la gtan tshigs kyi don ma grub pa nyid de/ nye bar sbyar bas bsgrub par bya ba dang / sgrub pa gtan tshigs ma brjod kyang gcig tu byed pa'i phyir dang / gtan tshigs grub na yang smos pas mjug bsdu ba brjod pa'i phyir ro zhes zer ro/ /de la 'dir gtan tshigs spyir grags pa nyid brjod pas gtan tshigs nyid phyogs dang mthun pa'i phyogs gnyi ga dang 'brel par 'grub bo//dpe bstan pa ni/ mthun pa'i phyogs bye brag tu rtogs par bya ba'i phyir te/ phyogs bye brag tu rtogs par bya ba'i phyir dam bcas pa bstan pa bzhin pas/ de'i phyir gtan tshigs kyi don nyid nye bar sbyar bas brjod do//gtan tshigs smos na yang dam bcas pa'i yan lag gi don tha ma dad pa'i phyir don de nyid mjug sdud pas byed pa'i phyir gtan tshigs kyi don ma grub pa nyid ma yin no/ /yan lag gsum gyis bsgrub par bya ba grub na yan lag bzhi'am lnga sbyor ba don med pas de ni lan ma yin no//grangs la sogs pa'i yan lag gi mtshan nyid ni dpyad par mi bya ste/ ha cang thal bar 'gyur ba'i phyir ro/ /'di na bstan bcos byed pa'i tshig dag ni phal cher chos mthun pa'i mtshan nyid dang / chos mi mthun pa'i mtshan nyid dang / gtan tshigs kyi mtshan nyid gsum gyis tha snyad byed de phyogs kyi chos nyid dang mthun pa'i phyogs la rjes su 'gro ba dang /mi mthun pa'i phyogs la med pas te/ de'i phyir phyogs tsam zhig bstan to/ /zhar la bshad pa'i gtam gyis chos gi skabs nyid dpyad par bya'o/ /de ltar ngo bo nyid med pa nyid ston pa'i rjes su dpag pa bstan pa la kha cig na re ngo bo nyid stong pa nyid ni med pa'i don yin la/slu ba'i chos yin pa'i zhes bya ba yang med pa'i phyir don de nyid yin pas/ dam bcas pa'i don gyi phyogs gcig yin pa'i phyir sgrub pa gtan tshigs ma tshang ba nyid kyi skyon yod pas 'dod pa'i don mi 'grub bo zhes zer ro/ /'dir bshad pa/ gal te slu chos gang yin pa/ /de brdzun 'di la ci zhig slu / /gal te dam bcas pa'i gtan tshigs de'i don med pa nyid yin na de la ci zhig slu bar 'gyur/ /cung zad kyang slu bar mi 'gyur te/ med pa'i phyir dper na ri bong gi rwa bzhin pas 'dus byas brdzun pa zhes gsungs pa'i tshig nyid kyang med do zhes bya bar dgongs so//de lta bas na brdzun pa dang / slu ba'i chos zhes gsungs pa'i don ni med pa nyid ma yin te/ 'o na ci zhe na/ de gnyis kyi don ni rnam par brtags pa'i ngo bo nyid stong pa nyid dang log par snang ba yin pas/ dam bcas pa'i don gyi phyogs gcig nyid ma yin no//log par snang ba la yang phyogs gnyi ga la grags pa'i phyir des na gtan tshigs ma tshang ba nyid med pa'i phyir 'dod pa'i don grub bo/ /gzhan yang bcom ldan 'das kyis de gsungs pa/ stong nyid yongs su ston pa yin/ /bcom ldan 'das nyon mongs pa dang / shes bya'i sgrib pa rtsa ba dang bcas pa ma lus pa drungs phyung bas slu ba'i chos zhes bya ba de gsungs pa ni stong pa nyid yongs su ston par byed pa yin te/slu ba'i chos zhes gsungs pa ni de med na mi 'byung ba'i phyir dper na smra ba pos phyogs 'di du ba dang bcas pa yin no zhes smras pas de me dang bcas pa nyid yin par ston pa bzhin no//'dir smras pa/ brdzun pa zhes gsungs pa/ de ni yod mod kyi/ 'on kyang med pa'i phyir don kyang ma yin la/ chos bdag med pa yongs su ston par byed pa yang ma yin te/ 'di ltar bcom ldan 'das kyis brdzun pa zhes gsungs pas ni/ dngos rnams ngo bo nyid med de//gzhan du 'gyur ba snang phyir ro/ /zhes bstan te/ gzhan du 'gyur ba nyid snang ba'i phyir ro zhes bya ba'i tha tshig go/ /bcom ldan 'das kyis brdzun pa zhes gsungs pas dngos po rnams ngo bo nyid med pa nyid nges par mi gnas pa'i ngo bo nyid yin par bstan to/ /'di ltar brtags par rigs te/ngo bo nyid med dngos med de/ /'o na ji lta bu zhe na/ ngo bo nyid dang bcas pa nyid do/ /khyod kyi lugs ltar na dngos po rnams ngo bo nyid med pa nyid du 'gyur bas de ni mi rigs te/ gang phyir dngos rnams stong pa nyid/ /gang gi phyir dngos po rnams bdag dang bdag gi ba nyid dang bral ba de'i phyir stong pa nyid ces bya ba'i dngos po med pa ni ma yin pas de'i phyir/dngos po yod par shes par bya'o/ /ci ste de ltar mi 'dod na/ /gal te ngo bo nyid med na/ /gzhan du 'gyur ba gang gi yin/ /de yang mthong bas de'i phyir dngos po rnams la gzhan du 'gyur ba yod pa ni/ bsgrub pa'i chos yin pas rjes su dpag par nus te/ don dam par dngos po rnams ngo bo nyid yod de gzhan du 'gyur ba'i phyir ro/ /'di na gang med pa de la ni gzhan du 'gyur ba med de/ dper na mo gsham gyi bu bzhin no/ /nang gi dngos po rnams la ni gzhan du 'gyur ba yod pas de'i phyir don dam par dngos po rnams ngo bo nyid yod do//'dir bshad pa/ gal te ngo bo nyid yin na/ /ji lta bur na gzhan du 'gyur/ /ngo bo nyid yin pa gzhan du 'gyur ba nyid mi rigs te/ ngo bo nyid ni nyams par mi 'gyur ba'i phyir ro/ /gzhan du 'gyur ba ni mthong ste de yang ngo bo nyid med pa nyid na mi 'byung bas gtan tshigs kyi don 'gal ba nyid do//gzhan dag gis smras pa/ slu ba'i chos zhes bya ba'i don ni log par snang ba'i don yin mod kyi dngos po med pa'i don ma yin no/ /brdzun pa zhes gsungs pa des ni dngos po rnams ngo bo nyid med pa nyid ces bya ba bdag med pa nyid bstan te/ngo bo nyid ces bya ba'i sgra ni bdag gi tshig yin pa'i phyir ro/ /ci'i phyir zhe na/ gzhan du 'gyur ba snang phyir ro/ / gzhan du 'gyur ba nyid snang ba'i phyir ro zhes bya ba'i tha tshig go/ /de lta bas na brdzun pa zhes gsungs pa ni bdag med pa nyid med na mi 'byung ba'i phyir bdag med pa nyid ston pa yin gyi/stong pa nyid ston pa ni ma yin no/ /'di ltar 'phags pa'i lam ma skyes shing 'jig tshogs la lta ba'i ri drungs ma phyung ba dag la ni nang dang phyi rol gyi dngos po rnams bdag dang bdag gi rnam par snang la/ 'phags pa'i lam yang dag par skyes pa rnams la ni de ltar yul gyi dngos por mi 'gyur bas/de ltar bdag dang bdag gir log par snang ba'i phyir/ bcom ldan 'das kyis brdzun pa zhes gsungs so/ /de la gal te ngo bo nyid med pa dag mu stegs byed kyis yongs su brtags pa'i bdag dang bdag gi med do zhes bya bar sgrub na ni grub pa la sgrub pa yin no/ /ci ste ngo bo nyid stong pa nyid ces par sgrub na ni/sgyu ma mkhan gyis sprul pa'i bud med kyi lus bzhin no zhes bya ba la ngo bo nyid stong pa nyid ces bya ba dngos po med pa'i mtshan nyid med pas des na gtan tshigs mi mthun pa'i phyogs 'ba' zhig la yod pa'i phyir don 'gal ba nyid do/ /'dir bshad pa/khyed ngo bo nyid med pa dag ri bong gi rwa bzhin du/ ngo bo nyid med pa nyid du sgro btags nas kun du skrag par gyur pa ni dper na byis pa dag mtshan mo rang gi grib ma la/ 'dre nyid du sgro btags nas skrag pa'i skad 'byin pa dang 'dra'o/ /de la gal te ngo bo nyid med pa dag mu stegs byed kyis yongs su brtags pa'i bdag gis bdag med do zhes bya bar sgrub na ni/grub pa la sgrub pa yin no zhes bya ba la sogs pa dag brjod mod kyi/ 'on kyang nyon cig /gal te mu stegs byed kyis yongs su brtags pa'i bdag gi de dag las gzhan na yang med la rang nyid kyang ma yin pas de dag la bdag med pa'i dngos po bdag med pa nyid ces bya ba de brdzun pa zhes gsungs pa nyid kyis bstan par bya ba yin no zhes zer na de ltar gyur kyang sla ste/gal te dngos po rnams ngo bo nyid stong pa nyid du bstan pa'i phyir gtan tshigs sbyar bas/ gang zag bdag med pa nyid kyang de med na mi 'byung ba'i phyir ston par byed na yang dper na mi rtag pa nyid bstan pa'i phyir byas pa nyid ces bya ba'i gtan tshigs sbyar bas sdug bsngal la sogs pa dag kyang de med na mi 'byung ba'i phyir ston par byed pa dang 'dra la ngo bo nyid stong pa nyid kyang ston par byed pa nyid yin pas kho bo cag la ci gnod/slu ba'i chos nyid kyang de med na mi 'byung ba'i phyir/sgyu ma mkhan gyis sprul pa'i bud med kyi lus bzhin no zhes bya ba de yang 'gal ba ltar snang ba yin no/ /'du byed rnams la gzhan du 'gyur ba nyid med de/ lta ba po'i yang dag pa dang / log pa'i shes pa skye ba'i dus na shes bya'i ngo bo nyid yongs su ma spangs pa'i phyir dper na thag pa la lta ba pos thag pa'am/sbrul du mthong ba na thag pa'i ngo bo nyid yongs su ma spangs pa bzhin pas bdag dang bdag gir snang ba'i 'du byed rnams la gzhan du 'gyur ba nyid do/ /'on kyang rab rib can rnams la dbang po nyams pas 'khrul pa'i blo skye ba bzhin du yang dag pa ma yin pa'i bdag dang bdag gi blo skye ba'i phyir 'khrul pa zhes bya ba nye bar gdags par ni yod de /'dus byas ni brdzun pa nyid yin te/ shes pa brdzun pa'i yul yin pa'i phyir/ dper na mngon sum gyi shes pa'i yul gyi don la mngon sum zhes bya ba bzhin no/ /gang dag gis brdzun pa zhes bya ba ni dngos po rnams nges par mi gnas pa'i ngo bo nyid stong pa nyid yin no zhes smras pa de dag gi phyir 'di bshad de/de nyid las ni gzhan 'gyur med/ /gzhan nyid la yang yod ma yin/ /dngos po gang rang bzhin gang gis gzung ba'i yul du 'gyur ba de nyid la ni rga shi'i mtshan nyid du gzhan du 'gyur ba med la gzhan nyid la yang yod pa ma yin te/de dag ni dam bca' ba gnyis nye bar gzhag pa yin no/ /gang phyir gzhon nu mi rga ste/ /gang phyir rgas pa'ang mi rga'o/ /zhes bya ba dag ni go rims bzhin du chos mthun pa'i dpe'i tshig gnyis yin no/ /'dir sbyor ba'i tshig dag ni re zhig bdag nyid de nyid kyis gnas pa la ni gzhan du 'gyur ba mi 'thad pa nyid de sngon gyi rang bzhin yongs su ma spangs pa'i phyir dper na gzhon nu rgan po nyid du mi 'gyur ba bzhin no//sngon gyi mtshan nyid las mtshan nyid mi 'dra ba rgan po'i bdag nyid du gnas pa la yang gzhan du 'gyur ba med de/mtshan nyid mi 'dra ba'i gnas skabs thob pa'i phyir dper na rgas pa bzhin pas rgol ba rang gi rjes su dpag pa la gnod do/ /'dir kha cig gis smras pa/ 'o ma la sogs pa ngo bo nyid yongs su ma spangs pa dag kyang zho la sogs pa'i dngos por 'gyur ba'i phyir gtan tshigs ma nges pa nyid do//'dir bshad pa/ gang gi dngos po zho yin / gal te 'o ma'i zho zhe na/ de lta na yang 'o mas 'o ma'i ngo bo nyid yongs su ma spangs pas sgra tsam gyis kyang zho'i dngos por brtag par mi nus te/ gang gi phyir de ltar rnam par rtog pa la yang / gal te de nyid gzhan gyur na/ /'o ma nyid ni zhor 'gyur ro//'o ma ro dang mthun dang smin pa dang / mthu stobs yongs su spangs pa zho'i dngos por mi 'gyur ro/ / grags pa'i gnod par 'gyur ba'i phyir ro/ /gal te de bzhin te 'o ma zho'i dngos por mi 'gyur ro zhe na/ 'o ma las gzhan gang gis ni/ /dngos po zho ni yin par 'gyur/ / mi 'gyur ba nyid de zho 'am de las gzhan pa dag der mi 'gyur ro zhes bya bar dgongs so/ /de'i phyir de ltar 'o ma dang de las gzhan pa dag dngos po gzhan du mi 'thad pa'i phyir gtan tshigs ma nges pa nyid ma yin no/ /gzhan dag gis smras pa/ 'o ma zho'i mtshan nyid kyi chos gzhan du 'gyur bas 'o ma'i dngos po zho yin no zhes ni mi smra'i/'on kyang tshogs pa'i dbang gis 'o ma zho'i dngos por 'gyur ro/ /'dir yang 'o mas 'o ma'i dngos po spangs nas zho'i dngos por 'gyur ram ma spangs par 'gyur grang / des cir 'gyur/ gal te brtag pa snga ma ltar 'dod na ni zho'i dngos por 'gyur ba ma yin no//ci ste brtag pa phyi ma ltar 'dod na ni dgag pa mi mthun pa'i skyon du 'gyur te/ gal te 'o ma yin na ni ji ltar zho yin ci ste zho yin na ni ji ltar 'o ma yin/ 'o ma zho yin no zhes smra na ni grags pa'i gnod par yang 'gyur ro/ / 'dis gang dag 'o ma'i dngos po zho yin par mi 'dod kyi/ 'o ma zho'i dngos por 'gyur bar 'dod do zhes zer ba de dag gi lan kyang btab pa yin no/ /de'i phyir de ltar dpyad na don dam par dngos po rnams gzhan du 'gyur ba nyid ma grub pas pha rol pos dngos po rnams ngo bo nyid yod pa nyid du bstan pa'i phyir gtan tshigs smras pa'i don ma grub pa nyid dam/don 'gal ba nyid do/ /slu ba'i chos zhes gsungs pa yang dngos po rnams nges par mi gnas pa'i ngo bo nyid ston pa nyid ma yin te/ don dam par 'ga' yang gzhan du 'gyur ba nyid mi srid pa'i phyir ro/ /'dir smras pa/ don dam par dngos po rnams stong pa nyid ma yin te/de'i gnyen po yod pa'i phyir dper na log pa'i shes pa'i gnyen po yang dag par shes pa yod pa bzhin no/ /'di na gang med pa de la ni gnyen po med de/ dper na nam mkha'i me tog bzhin no/ /stong pa nyid ma yin pa la ni gnyen po stong pa nyid yod pas de'i phyir gtan tshigs ji skad smos pa'i mthus stong pa nyid ma yin pa yod pa nyid do//'dir bshad pa/ gal te stong min cung zad yod/ /stong pa 'ang cung zad yod par 'gyur/ /'di la gal te don dam par phung po dang / khams dang / skye mched la sogs pa dngos po'i rang bzhin gyis mi stong pa cung zad cig yod par gyur na ni de la ltos pa'am/mi stong pa de bstsal bas stong pa zhes brjod pas 'byung ba'i phyir stong pa'ang cung zad yod par 'gyur ba zhig na mi stong pa de yang mi 'thad par bstan cing ston par 'gyur bas de'i phyir de ltar don dam par/ mi stong cung zad yod min na//stong pa'ang yod par ga la 'gyur/ /stong pa nyid du 'thad pa med pa'i phyir ro zhes bya bar dgongs so/ /'ang zhes bya ba'i sgra ni mi stong pa dang / stong pa cung zad kyang med do zhes gnyi ga bsdu ba'i phyir ro/ /yang na stong pa dang / mi stong pa zhes bya bar rnam par rtog pa de dag ni gzhi la brten pas tha snyad pa yin te/dper na gtsug lag khang sku gzugs kyis mi stong la/ dge slong dag gis stong pa yod pa nyid do zhes bya ba bzhin no/ /don dam par ni/ mi stong cung zad yod min na/ /gnyen por brtags pa gang yin pa'i/ /stong pa'ang yod par ga la 'gyur/ / gang gi phyir 'dzin pa tsam spangs pa nyid stong pa nyid do zhes bya bar dgongs so/ /de'i phyir gnyen po yod pa'i phyir zhes bya ba'i gtan tshigs kyi don ma grub pa nyid do/ /yang na rnal 'byor pa dngos po thams cad kyi ngo bo nyid dgag pa lhur len pa'i thos pa dang bsams pa dang / bsgoms pa las byung ba'i shes pa goms par byed pa la la 'di snyam du sems te/gal te kun brtags pa nyid kyi bdag nyid stong pa'i phyir dngos po de dag la kun brtags pa'i bdag nyid med du zin kyang de dag gi stong pa nyid ni ma byas pa'i phyir dang / ltos pa med pa'i phyir de kho na yin no snyam na de yang legs par zin pa ma yin te/ci'i phyir zhe na/ gang gi phyir dngos po thams cad kyi ngo bo nyid med pa ni stong pa nyid yin pa / de ni rdzas su yod pa ma yin pas de la ngo bo nyid du mngon par zhen pa mi rigs pas de dgag pa'i phyir/ gal te stong min cung zad yod/ /stong pa'ang cung zad yod par 'gyur//zhes bya ba smras te/ stong pa ma yin pa'i shes pa rtog pa can nam rtog pa can ma yin pa'i spyod yul gyi dngos po cung zad cig yod par gyur na de la ltos pas sam/ blo'i bye brag gis stong pa nyid kyis shes pa'i spyod yul dngos po'i de kho na stong pa'am cung zad cig yod par 'gyur grang na/mi stong cung zad yod min na/ /stong pa'ang yod par ga la 'gyur/ /'o na ci zhe na/ gang yod pa de ni stong pa nyid yin pas de'i phyir dpe 'di las rjes su dpag par bya ste/ stong pa nyid kyi shes pa rnam par rtog pa dang bcas pa'am/ rnam par rtog pa med pa'i spyod yul dngos po'i bdag nyid gang yin pa de ni yang dag pa ma yin te/shes pa'i spyod yul yin pa'i phyir dper na stong pa ma yin pa'i shes pa'i spyod yul bzhin pas dngos po'i de kho na stong pa'ang yod par ga la 'gyur te/ rjes su dpag pas gnod pa'i phyir dang / ma byas pa dang / ltos pa med pa'i ngo bo nyid med pa'i phyir/ dpe ma grub bo zhes bya bar dgongs so/ /yang na/ mi stong cung zad yod min na/ /stong pa'ang yod par ga la 'gyur/ /ji ltar stong pa nyid ma yin par rnam par rtog pa'i dra ba stong pa nyid mthong ba'i mes bsregs pa'i phyir mi stong pa cung zad kyang yod pa ma yin pa de bzhin du/stong pa nyid du rnam par rtog pa'i dra ba yang de nyid kyis bsregs pa'i phyir stong pa nyid du rnam par rtog pa yang ji lta ba bzhin ma yin te/ /rnam par rtog pa yin pa'i phyir dngos por rnam par rtog pa bzhin bas stong pa'ang yod par ga la 'gyur te/ rnam par rtog pa'i dbang gis de ltar 'khrul to zhes bya bar dgongs so//yang na/ mi stong cung zad yod min na/ /stong pa'ang yod par ga la 'gyur/ /gnyis su spyod pa la ni dngos po'i ngo bo nyid kyi yul can gyi blo'i bye brag las sgyu mar byas pa 'di ni rta la sogs pa'i bdag nyid kyis stong ngo / /yang dag pa 'di ni rta la sogs pa'i bdag nyid kyis mi stong ngo zhes bya bar rnam par rtog pa 'byung bar 'gyur ro//gang gi tshe rnal 'byor pa de rnam par mi rtog pa'i shes rab kyi spyod pa la gnas shing gnyis su med pa la spyod pa de'i tshe na de la don dam par shes bya'i de kho na thams cad 'di lta ste/ nam mkha' bzhin du mtshan nyid gcig pa dang /mtshan nyid med par snang ba med pa'i tshul gyis snang bar 'gyur bas mi stong pa cung zad kyang yod pa ma yin / stong pa'ang yod par ga la 'gyur te/ blo'i bye brag med pas phan tshun ltos par rtogs pa'i mngon par zhen pa med pa'i phyir ro zhes bya bar dgongs so//de'i phyir rnam par bshad pa'i brnag pa snga ma tha dad pa dag gis gtan tshigs kyi don ma grub pa nyid do/ /'dir smras pa/ gtan tshigs kyi don ma grub pa nyid dang / don 'gal ba nyid du gyur kyang sla ste/ yang kho bo cag gi snying ni stong pa nyid dgag pa'i phyir sgrub pa smra bar 'dod pas khyab pa yin la/de yang khyed nyid kyis bkag pas 'dod pa'i don grub bo/ /'dir bshad pa/ stong pa nyid shes pas dngos po rnams stong pa nyid du byed pa ma yin gyi/ 'di ltar dngos po rnams kyi de'i ngo bo nyid ma yin pa nyid/ de'i ngo bo nyid ma yin pa nyid du gsal bar byed de/ dper na mar me'i snang bas khang khyim na bum pa med pa nyid du gsal bar byed kyi/med par byed pa ma yin pa bzhin pas de med na de yod par 'gyur ba ma yin pa'i phyir de ni ma brtags par smra ba yin no/ /gzhan dag gis smras pa/ stong pa nyid du smra ba dag ni/ pha rol po'i tshig sun dbyung bar 'dod pas stong pa nyid du smra ba la brten cing de yang gzhung mi gzugs par sems pa na stong pa nyid kyang yod pa ma yin no zhes log par sgrub par byed pas de'i phyir de dag gis khas blangs pa la gnod par 'gyur te/lung las/ gang dag stong nyid rab shes pa/ /de dag chos nyid rnam par mthong / /zhes bya ba la sogs pa dang /'du ba dag ni ma rtogs pa'i/ /dngos po yod pa ma yin te/ /de phyir stong dang ma skyes dang / /dngos nyid med par ngas smras so/ /zhes bya ba la sogs pa gsungs pa'i phyir ro/ /de ni rigs pa ma yin te lung las/ chos kyi rnam grangs gzings lta bur shes pa rnams kyis chos rnams kyang spang bar bya na/chos ma yin pa rnams lta ci smos zhes bya ba dang / de bzhin du gzugs stong zhes bya bar mi brtag mi stong zhes bya bar yang mi brtag go zhes gsungs pas/ stong pa nyid du lta ba 'dzin pa gzhan bstsal ba la dgos pas yongs su bzung ba yang don dpyad zin na/ yongs su spang bar bya ba yin pa'i phyir dang /stong pa ma yin par rnam par rtog pa bzhin du rnam par rtog pa de yang rnam par mi rtog pa'i shes pa'i gegs yin pas spang bar 'dod pa'i phyir dang / de la mngon par zhen pa yang skyon chen por 'gyur ba'i phyir de yongs su spang ba la skyon med do/ /'di ltar lha dang mi'i bla ma rnams kyis srog chags lta ba sna tshogs kyi skyon gyi dug gis sems khyab par gyur pa sdug bsngal mi bzad pa'i nad rgyun mi 'chad pa rnams la thugs rje ba na/rgyal ba rnams kyi stong nyid ni/ /lta kun nges par 'byin par gsungs/ /sdug bsngal sna tshogs kyi sa bon gyi lta ba thams cad do// lta ba ni mngon par zhen pa dang 'dzin pa ste/ de dag gi rab tu dbye ba ni 'jig tshogs la lta ba la sogs pa'o/ /de dag gi gnyen po ni nang stong pa nyid la sogs pa'o/ /dge ba'i rtsa ba rgya chen po nye bar ma bsags pa/ bsam pa yongs su ma smin pa/ chos zab mo la bzod pa ma skyes pa/lam la mi mkhas pa/ gang dag stong pa nyid lta ba/ /de dag bsgrub tu med par gsungs/ /'di nyid yod do zhes stong pa nyid du 'dzin pa gang dag bkru sman btang ba khong du 'khyil ba'i nad pa bzhin du lta ba sna tshogs kyi skyon gyis sems ma rungs par gyur pa rnams la de zhi bar nus pa stong pa nyid kyi sman byin pa las skyon chen pos 'khrugs par gyur pa nad pa lta bu de dag ni/de bzhin gshegs pa sman pa mchog lta bus bsgrub tu med par gsungs pas de'i phyir de spangs pa la yang skyon med do/ /'gron po phal pa shing rta bying ba 'byin pa'i rngan pa ci yang med do zhes bya ba gang yin pa de byin cig ces zer ba sgra'i don mngon par mi shes pa lta bur mkhas pa rnams kyis smad par gyur na mi rung bas kho bo stong pa nyid la dngos por mngon par zhen par mi byed do//de'i phyir yang gtan tshigs kyi don ma grub pa nyid kyi lan med do/ /de la 'dir rab tu byed pa'i don ni pha rol pos smras pa'i sun 'byin pa'i lan btab pa dang /rang dbang du rjes su dpag pa kha na ma tho ba med pa bstan pa'i mthus 'du byed rnams/ rnam pa las ngo bo nyid med pa nyid du bstan pa yin no/ /de'i phyir rab kyi rtsal gyis rnam par gnon pa chos thams cad ni phyin ci log gi kun nas bslang ba yang dag pa ma yin pa yod pa ma yin pa log pa brdzun pa ste/rab kyi stsal gyis rnam par gnon pa de'i phyir gang chos 'ga' zhig la spyod pa de ni phyin ci log la spyod pa dang / yang dag pa ma yin pa la spyod pa'o zhes bya ba dang / de bzhin du 'jig rten ni bden pa la mngon par zhen pa yin gyi/ chos 'di ni bden pa yang ma yin brdzun pa yang ma yin no zhes bya ba la sogs pa gsungs pa de dag grub pa yin no//slob dpon legs ldan byed kyis nye bar sbyar ba/ dbu ma rtsa ba'i 'grel pa shes rab sgron ma las/ de kho na brtag pa zhes bya ba ste/ rab tu byed pa bcu gsum pa'o// //da ni de bzhin du stong pa nyid kyi mi mthun pa'i phyogs kyi khyad par bstsal bas phrad pa ngo bo nyid med du bstan pa'i don gyi dbang gis rab tu byed pa bcu bzhi pa brtsam mo//'dir smras pa/ khyed phung po la sogs pa dag ngo bo nyid med pa nyid du smra ba ni bcom ldan 'das kyi gsung gi tshul dang 'gal te/ gzugs dang / rnam par shes pa dang mig gsum phrad pa ni reg pa'o zhes 'byung bas de'i phyir khyed kyis khas blangs pa la gnod par 'gyur ro/ /don dam par dngos po rnams ngo bo nyid yod par shes par bya ste/ de dag la brten nas phrad pa bstan pa'i phyir ro/ /de dag la brten nas 'di na gang med pa de la ni ston pas de la brten nas phrad pa nyid ma bstan te/dper na rus sbal gyi spu dag bzhin no/ /bcom ldan 'das kyi gsung rab la 'dod chags dang / khong khro ba dang / ma rig pa'i kun du sbyor ba dag gis kun du sbyar ro zhes bya ba de yod pas/ de'i phyir gtan tshigs ji skad smos pa'i mthus dngos po rnams ngo bo nyid yod pa kho na yin no//'dir bshad pa/ blta bya lta ba lta ba po/ /gsum po de dag gnyis gnyis dang / /thams cad kyang ni phan tshun du/ /phrad par 'gyur ba yod ma yin/ blta bar bya ba dang lta ba dang lta ba po de dag gnyis gnyis dang thams cad kyang phan tshun du phrad par 'gyur ba med do zhes bya ba'i tha tshig go//de bzhin 'dod chags chags pa dang / /chags par 'gyur dang nyon mongs pa/ /lhag ma rnams dang skye mched kyi/ /lhag ma'ang rnam pa gsum gyis blta/ /de bzhin du 'dod chags dang chags pa dang / chags par 'gyur ba dang / 'dod chags bstan pa las gzhan pa nyon mongs pa lhag ma zhe sdang la sogs pa de dag kyang /zhe sdang dang / zhe sdang can dang / zhe sdang bar bya ba la sogs pa rnam par bzhag nas/ gnyis gnyis dang / thams cad kyi rnam pa gsum gyis phan tshun du phrad par 'gyur ba med par dgag par brjod par bya'o/ /de la 'dod chags ni lhag par chags pa'i mtshan nyid do//nyon mongs pa ni sems can rnams kyi rgyud nyon mongs par byed pa'o/ /skye mched bstan pa la ltos nas ma bstan pa lhag ma nyan pa dang / snom pa dang / lce dang / lus dang / yid ces bya ba de dag la yang mnyan par bya ba dang / nyan pa dang /nyan pa po dang / de bzhin du bsnam par bya ba dang / snom pa dang / snom pa po la sogs pa dag kyang gnyis gnyis dang / thams cad kyi rnam pa gsum gyis phan tshun du phrad par 'gyur ba med par dgag pa yang brjod par bya'o/ /de la skye mched kyi don ni sems dang sems las byung ba rnams skye ba'i sgo'i don to//blta bar bya ba la sogs pa dang 'dod chags la sogs pa dag gnyis gnyis dang / thams cad kyang phan tshun du phrad pa med pa de ni dam bca' ba nye bar gzhag pa yin no/ /da ni phrad pa med pa bstan pa'i phyir 'thad pa bshad par bya ste/ gzhan ni gzhan dang phrad gyur na//gang phyir blta bya la sogs la/ /gzhan de yod pa ma yin pa/ /de phyir phrad par mi 'gyur ro/ /phrad pa ni sbyor ba'i rnam grangs te de yang gzhan yod na gzhan dang phrad par 'gyur ba yin na/ gang gi phyir blta bar bya ba dang / lta ba dang / lta ba po dang / 'dod chags dang / chags pa dang / chags par 'gyur ba la sogs pa dag la gzhan de yang yod pa ma yin pa de'i phyir phrad par mi 'gyur ro zhes mjug bsdu ba'i tshig yin no/ /'dis ni mi mthun pa'i phyogs las ldog pas phyogs kyi chos ston te/ dper na rtag pa dang / ma byas pa nyid du 'brel pa de yang sgra la med la byas pa nyid ni yod pa lta bu'o/ 'dir sbyor ba'i tshig ni don dam par lta ba po ni blta bar bya ba'am/ lta ba dang mi phrad de/ de las gzhan ma yin pa'i phyir ro/ /gang zhig gang las gzhan ma yin pa de ni de dang de mi phrad de/ dper na rang gi bdag nyid bzhin no/ /gzhan ni gzhan dang /phrad 'gyur na/ /zhes bya ba 'di la/ gzhan dag na re/ 'dod chags la sogs pa la phrad pa med de/yul dang rgyud tha dad pa'i rjes su 'jug pa'i phyir ro/ /phrad pa ni yul tha dad pa ma yin pa dang / rgyu tha dad pa ma yin pa dag bar du ma chod par 'jug pa nyid yin no zhes zer ro/ /de la 'dir kha cig na re blta bar bya ba la sogs pa dag yul tha dad pa ma yin pa'i phyir dang / 'dod chags la sogs pa dag kyang yul na mi gnas pa'i phyir yul dang rgyud tha dad pa'i rjes su 'jug pa'i phyir ro//zhes bya ba'i gtan tshigs kyi don ma grub pa nyid dang / rjes su 'gro ba med pa'i phyir de ni legs pa ma yin pa 'dra'o zhes zer ro/ /'og nas 'byung ba'i tshul gyis/ blta bya la sogs 'ba' zhig la//gzhan nyid med par ma zad kyi/ /gang yang gang dang lhan cig tu/ /gzhan pa nyid du mi 'thad do/ /mnyan par bya ba dang / nyan pa dang / nyan pa po la sogs dang / zhe sdang dang / zhe sdang can dang / zhe sdang bar bya ba la sogs pa zhes bya ba'i tha tshig ste/ de'i phyir de dag la phrad pa med do//'dir smras pa/ blta bar bya ba dang / lta ba dang / lta ba po la sogs pa dag gzhan ma yin pa nyid du ma grub pa'i phyir gtan tshigs kyi don ma grub pa nyid kyi skyon du 'gyur ba ma yin nam/ bshad pa ma yin te/ ji ltar zhe na/ gzhan ni gzhan las brten te gzhan//gzhan med gzhan las gzhan mi 'gyur/ /gzhan ni gzhan la ltos nas gzhan/ /zhes bya na/ gzhan med pas de'i phyir gzhan la brten te gzhan zhes bya ba yang mi 'thad do/ /'o na ci zhe na/ gzhan ni gzhan las brten te gzhan zhes tha snyad gdags pa yin no zhes bya ba'i tha tshig go//'dis ni bsgrub par bya ba'i chos brjod pa khyad par can brten pa nyid la ltos pa dang bcas pa nyid yin par bstan to/ /gang la brten te gang yin pa/ /de ni de las gzhan mi 'thad/ /ces bya ba ni dam bca' ba nye bar gzhag pa yin no/ /'dir rjes su dpag pa ni don dam par blta ba ni blta bar bya ba las gzhan ma yin te/brjod pa khyad par can brten pa nyid la ltos pa dang bcas pa nyid yin pa'i phyir blta bar bya ba'i rang gi bdag nyid bzhin pas de'i phyir bsgrub pas sgrub pa'i gtan tshigs kyang gtan tshigs yin pa'i phyir don ma grub pa nyid ma yin la/ brjod par bya ba khyad par can brten pa nyid la ltos pa dang bcas pa nyid kyi gtan tshigs kyi don kyang ma grub pa nyid ma yin te/ltos pa med pa nyid ma grub pa'i phyir ro/ /ji ltar zhe na/ gal te gzhan ni gzhan las gzhan/ /gzhan med par yang rung bar 'gyur/ /gal te gzhan zhes bya ba ngo bo nyid kyis gzhan las gzhan yin par gyur na de lta na gzhan med par yang gzhan du rung bar 'gyur te/de'i ngo bo nyid yin pa'i phyir dper na tha snyad kyi bden par grags pa'i me'i dngos po gzhan la mi ltos par yang tsha ba'i ngo bo nyid du 'gyur ba bzhin no/ /gzhan las gzhan pa'i gzhan pa de/ /med na med pas de phyir med/ / gzhan nyid ces bya ba de'o/ /de ni mi 'dod de/ lta ba po dang / nyan pa po la sogs pa dag blta bar bya ba dang / mnyan par bya ba la sogs pa la mi ltos par gzhan nyid du 'gyur ba med la/ chags pa la sogs pa dag kyang 'dod chags la sogs pa la mi ltos par gzhan nyid du 'gyur ba med de/ dper na tha snyad du yang me grang ba la mi ltos par rang gi ngo bo nyid kyis tsha ba nyid med pa bzhin no//ci ste lta ba po ni lta ba la sogs pa la ltos pa med par yang gzhan nyid yin te/ mtshan nyid tha dad pa'i phyir ba lang dang rta bzhin no/ /mtshan nyid tha dad 'di lta bu yang yod de/ lta ba po ni yul du snang ba'i rnam par shes pa'i mtshan nyid dam de dang ldan pa'i 'du byed kyi tshogs bzhin no//lta ba ni yul kha dog gzugs dang ba mig gi rnam par shes pa'i gnas yin no/ /gzugs ni gzugs su rung ba'i mtshan nyid kha dog dang / dbyibs kyi bdag nyid yin no/ /de'i phyir gtan tshigs ji skad smos pa'i mthus lta ba po ni lta ba la sogs pa dag las gzhan nyid yin pas rtog ge phyi ma dang rang dbang du/rjes su dpag pas gnod do zhe na/ de ni rigs pa ma yin te/ de nyid kyi phyir ba lang dang / rta dag gzhan nyid du ma grub pa'i phyir ro/ /'dis ming tha dad pa'i phyir dang rgyu dang 'bras bu tha dad pa'i phyir zhes bya ba la sogs pa'i gtan tshigs dag gi lan kyang btab pa yin no//gzegs zan pa dag gis smras pa/ blta bar bya ba la gzhan nyid nges par gnas pa kho na yin pas de'i phyir gzhan nyid grub pas brjod pa khyad par can brten pa nyid la ltos pa dang bcas pa nyid yin pa'i phyir zhes bya ba'i gtan tshigs kyi don ma grub pa nyid do//de lta na yang gzhan nyid ces bya ba brjod pa'i chos can gzhan nyid la ltos pa dang bcas pa'i phyir dang / phyogs kyi chos spyir brjod pa'i phyir gtan tshigs kyi don ma grub pa nyid ma yin no/ /gzhan yang gzhan nyid dang ldan pas gzhan nyid du 'dod na gnyis pa med par yang rang las gzhan nyid du 'gyur te/de'i bdag nyid yin pa'i phyir dper na me grang ba la sogs pa la ma ltos par yang rang gi bdag nyid kyis tsha ba nyid du 'gyur ba bzhin no/ /gnyis med pa dngos po gzhan la mi ltos pa'i chos can la gzhan nyid du rtog na yang rtog pa tsam du zad de/ dngos po gzhan la ltos pa nyid gzhan nyid kyi blo'i rgyu ma yin la/gzhan nyid ni blo de'i rgyu yin pa'i phyir ro/ /gzhan dang gzhan ma yin pa nyid gzhan nyid dang ldan par rtog na yang don med pa nyid dang / dgag pa mi mthun pa nyid du 'gyur ro/ /dngos po brjod par bya ba ma yin pa dus phyis gzhan nyid dang ldan par rtog na yang dngos po ni gzhan nyid dang ldan pa ma yin te/dngos po yin pa'i phyir/ dper na brjod par bya ba ma yin pa de nyid kyi skad cig ma bzhin pas rang gi rjes su dpag pa la gnod do/ /bye brag pa gzhan dag gis smras pa/ don dam par lta ba ni blta bar bya ba las gzhan ma yin te zhes dam bcas pa de'i don gang yin/gal te gzhan nyid de la mi 'jug go zhe na ni gtan tshigs ma nges pa nyid de/ mi mthun pa'i phyogs la yang / ltos pa dang bcas pa nyid du 'jug pa'i phyir ro/ /ci ste gzhan nyid rdzas kyi ngo bo nyid ma yin no zhe na ni grub pa la sgrub pa yin te/ gzhan nyid ni de'i ngo bo nyid yin pa'i phyir ro//de la 'dir brtag pa snga ma la yang ji skad bstan pa'i tshul gyis gzhan nyid bkag pa'i phyir/ mi mthun pa'i phyogs med pas ma nges pa nyid ma yin no/ /brtag pa gnyis pa la yang don dam par lta ba ni blta bar bya ba las gzhan ma yin no zhes bya ba la/ kho bo cag gis de la gzhan nyid kyi blo dang sgra'i spyod yul nyid kyi chos med do zhes bstan pa'i phyir pha rol po la sgrub pa de lta bu med pas grub pa la sgrub pa yang ma yin no//don dam par gzhan nyid la gzhan nyid kyi ngo bo nyid med de/ spyi dang khyad par dang ldan pa'i phyir dper na gzugs nyid bzhin no/ /yang na don dam par gzhan nyid ni gzhan nyid kyi blo dang sgra skye ba'i rgyu nyid ma yin te/blo dang sgra khyad par can gyi rgyu yin pa'i phyir dper na gzugs nyid bzhin no/ /yang na don dam par gzhan nyid kyi blo ni gzhan nyid dang ldan pa'i blta bar bya ba la sogs pa'i yul dngos dang ldan pa ma yin te/ gzhan nyid kyi blo yin pa'i phyir dper na gzhan nyid kyi yul can ma yin pa bzhin no//rgyas par ni snga ma bzhin no/ /yang gzhan yang / 'di la gzhan nyid ces bya ba de gzhan la yod dam gzhan ma yin pa la yod grang na/ des cir 'gyur/ gal te gzhan la yod do zhe na/ /gzhan nyid gzhan la'ang yod ma yin//de 'jug pa don med pa nyid du 'gyur ba'i phyir dang / gzhan ni gzhan nyid dang bral bar pha rol po'i phyogs la yang grub pa'i phyir ro/ /ci ste gzhan ma yin pa la yod do zhe na/ de lta na yang / gzhan ma yin la'ang yod pa min/ /rang las gzhan nyid yin par gyur na mi rung ba'i phyir ro/ /yang gzhan yang /gzhan nyid dang ldan pa ni de dang ldan du zin kyang de'i ngo bo nyid du 'gyur bar mi 'thad de/ ba lang dang ldan pa ba lang dang ldan du zin kyang ba lang nyid du 'gyur bar mi 'thad pa bzhin no/ /gzhan dag gis smras pa/ de dang ldan pas de'i bdag nyid du 'gyur ba ma yin mod kyi/ 'on kyang de'i blo dang sgra'i rgyu nyid yin no//de ni dgag pa smras zin pa'i phyir lan du mi rung ngo / /gal te gzhan nyid kyis gzhan 'di ni gzhan yin no zhes gsal bar byed pa'i phyir de'i ngo bo nyid kyang ma yin la/ de dang ldan pa don med pa nyid du yang mi 'gyur ro zhe na/ de ni rigs pa ma yin te/ gsal bar byed pas gsal bar bya ba'i don gsal ba'i ngo bo nyid du gsal bar byed pa'i phyir gzhan nyid kyis gzhan 'di ni gzhan yin no zhes gsal bar byed pas gzhan nyid kyis de gsal bar byed pa don med pa nyid du 'gyur ba'i phyir dang /gzhan nyid ma yin pas ni 'di gzhan yin no zhes gsal bar byar mi rung ba'i phyir ro//'di ni phyogs tsam pa zhig bstan pa yin te/ 'dis spyi dang khyad par dang yod pa nyid dang / tshad la sogs pa dag kyang dgag par bya'o/ /de'i phyir de ltar gzhan nyid mi 'thad pas gtan tshigs ji skad smos pas ma grub pa med do/ /gzhan dag gis smras pa gzhan nyid kyi mtha' dang /gzhan ma yin pa nyid kyi mtha' de dag ni mtha' gnyis te/ de la gal te khyed kyis gzhan nyid kyi mtha' med do zhes de dgag pa brjod pas gzhan ma yin pa nyid kyis mtha' yongs su bzung ba byas pas des na mdzad pa'i mtha' la gnod par 'gyur ro/ /'dir bshad pa/ ji skad bstan pa'i tshul gyis re zhig gzhan nyid med do zhes bya ba de bstan zin pas/gzhan nyid yod pa ma yin na/ /gzhan nam de nyid yod ma yin/ /gzhan la ltos pas sam/ de bkag pas gzhan ma yin pa nyid grub pas/ tha snyad pa yin pa'i phyir dang / gzhan nyid ma grub pas gzhan ma yin pa nyid kyang med pa'i phyir ro zhes bya bar dgongs so//ji ltar de dgag ce na/ don dam par lta ba po ni blta bar bya ba dang gzhan ma yin pa nyid ma yin te/ brjod pa khyad par can brten pa nyid la ltos pa dang bcas pa nyid yin pa'i phyir/ dper na blta bar bya ba'i rang gi bdag nyid bzhin no/ /de bzhin du yod pa nyid dang /rgyu nyid dang / 'bras bu nyid dang / lan 'ga' shes pa log pa'am the tshom can gyi yul nyid dang / rkyen gyi dbye bas tha dad pa nyid kyi phyir ro zhes bya ba la sogs pa'i gtan tshigs dag gis kyang rjes su dpag pa rgyas par bstan par bya'o/ /de'i phyir de ltar gzhan ma yin pa nyid kyang bkag pa'i phyir mdzad pa'i mtha' la gnod par mi 'gyur ro//gang gi phyir de ltar gcig pa nyid la sogs pa dag ma grub pa'i phyir/ de ni de dang phrad pa med/ /gzhan yang gzhan dang phrad mi 'gyur/ /zhes rab tu byed pa bstan pa'i nang nas 'byung ba'i dbang gis mjug bsdu ba'o / /gang la la 'di skad ces 'dod chags dang chags pa dag phrad pa yod pa nyid de/phrad bzhin pa yod pa'i phyir dper na/ 'o ma dang chu dag bzhin no/ /yang na phrad pa de dang ldan pa'i phrad pa yod pa nyid de/ mthar thug pa'i sgrar brjod pa'i phyir dper na lcags sgrog la sogs pas bcings pa bzhin pas phrad pa phrad pa dang ldan pa'i mthar thug pa'i sgrar brjod pa de yang yod do//de bzhin du don dam par phrad pa po de dang ldan pa'i phrad pa yod pa nyid de/ brjod pa khyad par can gyis brjod par bya ba yin pa'i phyir dang / dper na zas dang 'brel pas brjod pa khyad par can gyi cha la brten pa'i za ba po bzhin pas phrad pa po brjod pa khyad par can gyis brjod par bya ba'i phrad pa po de yang yod pas/de'i phyir phrad pa yod pa nyid do zhes zer ro/ /de'i phyir bshad pa/ phrad bzhin pa dang phrad pa dang / /phrad pa po yang yod ma yin/ /sgrub pa ji skad bstan pas gzhan nyid mi srid pa'i phyir ro zhes bya bar dgongs so/ /de la 'dir rab tu byed pa'i don ni pha rol pos rab tu byed pa'i dang por sgrub pa smras pa'i skyon brjod pas phrad pa ngo bo nyid med pa nyid du bstan pa yin no//de'i phyir rab kyi rtsal gyis rnam par gnon pa gzugs la phrad pa'am/ bral ba med do/ /de bzhin du tshor ba dang / 'du shes dang / 'du byed rnams dang / rnam par shes pa la yang phrad pa'am/ bral ba med do/ /gzugs dang / tshor ba dang / 'du shes dang / 'du byed rnams dang / rnam par shes pa la phrad pa'am bral ba med pa gang yin pa de ni shes rab kyi pha rol tu phyin pa'o zhes bya ba la sogs pa gsungs pa de dag grub pa yin no/ /slob dpon legs ldan byed kyis nye bar sbyar ba/ dbu ma rtsa ba'i 'grel pa shes rab sgron ma las/phrad pa brtag pa zhes bya ba ste/ rab tu byed pa bcu bzhi pa'o// //da ni de bzhin du stong pa nyid kyi mi mthun pa'i phyogs kyi khyad par dgag pas/ rten cing 'brel bar 'byung ba chad pa med pa dang / rtag pa med pa bstan pa'i don gyi dbang gis rab tu byed pa bco lnga pa brtsam mo//'dir smras pa/ khyed dngos po rnams ngo bo nyid med do zhes smra ba'i dam bcas pa la rang gi tshig dang 'gal ba'i skyon yod de/ de nyid kyi don de la skur pa btab pa'i phyir dper na smras pa/ thams cad brdzun no zhes bya ba bzhin no/ /'dir yang gal te/ ngo bo nyid med pa yin na ni ji ltar dngos po yin/ci ste dngos po yin na ni/ /ngo bo nyid med pa ma yin pas dam bcas pa la de nyid kyis don de la skur pa btab pa'i skyon yod do/ /'dir bshad pa/ don dam par dngos po rnams ngo bo nyid yod pa yin te/ dper na che ge mo zhig bzhin no zhes bya ba'i rjes su 'gro ba med pa'i phyir dang /don dam par dngos po rnams ngo bo nyid yod pa nyid du khas blangs nas ngo bo nyid med pa nyid du dam ma bcas pa'i phyir des na dam bcas pa'i don la skur pa ma btab pas gtan tshigs kyi don ma grub pa nyid ma yin la/ tha snyad du yang dngos po rnams kyi ngo bo nyid sgyu ma'i ngo bo nyid bzhin du dam bcas pa la de bzhin du skur pa ma btab pa'i phyir dang /rten cing 'brel par 'byung ba ni skye ba med do zhes bya bas lan btab zin pa'i phyir 'di la skyon med do/ /mkhas par rlom pa gzhan dag gzhan du phyir zlog par byed de/ de dag ngo bo nyid gang gis ngo bo nyid med pa nyid du 'dod/ gal te rang gi rnam par rtog pa'i bzos sbyar ba'i ngo bo nyid sgro btags nas ma grub bo zhe na ni grub pa la sgrub pa yin no//ci ste de dag rgyu dang rkyen las byung ba'i ngo bo nyid gang yin pa des ngo bo nyid med pa nyid do zhe na ni de ni rigs pa ma yin te/ mngon sum dang grags pa'i gnod pas gnod par 'gyur ba'i phyir ro/ /'dir bshad pa/ don dam par rnam par shes pa rnam par brtags pa'i dngos po'i gzugs la dmigs pa'i skye ba khas ma blangs pa'i phyir dang /dngos po yod pa nyid bkag pa'i phyir dang / 'jig rten gyi tha snyad ma spangs pa'i phyir mngon sum dang grags pa'i gnod pa med pas kho bo cag gi phyogs la gang gis gang la gnod pa yang med do//mngon sum gyis gnod pa yod par ston par 'dod na de yang rigs pa ma yin te/ mngon sum du dmigs pa'i dngos po mngon sum du yod pa nyid du bstan par bya dgos na de yang ma grub pa'i phyir ro/ /gal te don dam par dngos po 'ba' zhig rnam pa 'ga' zhig gis yod par gyur na rang gi bdag nyid kyis yod pa de'i skye ba don med par 'gyur te/ngo bo nyid ni rgyu rkyen las/ /'byung ba rigs pa ma yin no/ /ngo bo nyid yod par smra ba'i phyogs la zhes bya ba'i tshig gi lhag ma'o/ /ngo bo nyid ni rang gi ngo bo ste/ rang gi bdag nyid ces bya ba'i tha tshig go/ /'byung ba ni skye ba'o/ /ci ste 'byung bar mthong bas bsnyon par mi nus so zhe na/de yang rgyu dang rkyen gzhan la rag las pa yin pas/ rgyu dang rkyen las byung ba yi/ /ngo bo nyid ni byas par 'gyur/ /de la rgyu ni thun mong ma yin pa dang / rang gi don dang de ma thag pa dang / cha mthun pa dang bskyed pa gcig pu gang yin pa'o/ /rkyen ni de las bzlog pa ste//lhan cig byed pa dag go/ /byas pa ni bcos ma zhes bya ba'i tha tshig go/ /de la 'dir rab ni mi mthun pa'i phyogs las bzlog pas phyogs kyi chos mngon no zhes bya ba'i tshig gi don te/ dper na sgra mi rtag pa dang ldan pa ma yin te/ rtag pa ni byas pa yin pa'i phyir ro/ /rtag pa la ni byas pa nyid med la sgra la ni byas pa nyid yod pas de'i phyir sgra ni mi rtag ste/byas pa'i phyir ro zhes bya ba de bzhin du 'dir yang ngo bo nyid ni rgyu dang rkyen rnams las byung bar mi rigs te/ rgyu dang rkyen rnams las byung ba'i ngo bo nyid ni byas pa yin par 'gyur la/ ngo bo nyid la ni byas pa nyid yod pa ma yin te//ngo bo nyid ni ma byas pa'i phyir ro/ /'di la ni byas pa nyid yod pas 'dir rjes su dpag pa ni don dam par nang gi skye mched rnams ni ngo bo nyid yod pa ma yin te/ rgyu dang rkyen las byung ba'i phyir dper na sgyu mar byas pa'i mi dang / phyugs dang / ri dgas dang / bya la sogs pa'i rdzas dag bzhin no//gang la ngo bo nyid yod pa de ni 'byung bar mi 'gyur bas mi mthun pa'i phyogs las ldog go/ /'dir tshig gi don ma rtogs pa sun 'byin par 'dod pa kha cig gis smras pa/ sgyu ma ni gsang sngags dang sman yongs su gzung ba'i dbang gis 'jim pa dang / sa dang / rtswa dang /'bras bu dang / lo ma la sogs pa dag yod pa nyid las glang po che la sogs pa'i gzugs su snang ba'i phyir/ dpe bsgrub par bya ba'i chos dang mi ldan pa'i skyon yod do/ /de ni rigs pa ma yin te/ glang po cher snang ba glang po che'i ngo bo nyid med pa dpe nyid du 'dod kyi rtsa la sogs pa dag mi 'dod pa'i phyir dang /de dag gi ngo bo nyid kyang yod pa ma yin te/ de dag gi skye ba bkag pa'i phyir dang / sa la sogs pa dag rdzas su yod pa nyid bkag pa'i phyir ro/ /gzhan dag gis smras pa/ ji tsam du gang dag rgyu dang rkyen las byung ba de dag thams cad dngos po'i ngo bo nyid yin pas gtan tshigs kyi don 'gal ba nyid yin no//ma nges pa nyid kyang yin te/ sgyu ma la sogs pa kha cig mthun pa'i phyogs dang mi mthun pa'i phyogs la yang yod pa'i phyir ro/ /mthun pa'i phyogs thams cad la ma khyab pas gtan tshigs kyi don ma grub pa nyid kyang yin te/ nam mkha' la sogs pa 'dus ma byas dag rgyu dang rkyen las ma byung ba'i phyir ro//de yang bzang po ma yin te/ dngos po'i ngo bo nyid sgyu ma dang / rmi lam dang / smig rgyu lta bu dag rgyu dang rkyen gyis byas su zin kyang gzhan la med pa'i phyir ngo bo nyid ces brjod de/ dper na me'i tsha ba nyid bzhin pas de'i phyir ngo bo nyid ces bya ba de ni tha snyad pa yin gyi don dam pa pa ma yin no//don dam par ni/ ngo bo nyid ni byas pa zhes/ /ji lta bur ni rung bar 'gyur/ /byas pa nyid ni ngo bo nyid med pa nyid med na mi 'byung ba'i phyir ro zhes bya bar dgongs so/ /de lta bas na mi mthun pa'i phyogs med pa'i phyir gtan tshigs kyi don 'gal ba nyid dang ma nges pa nyid ma yin no//mthun pa'i phyogs thams cad la ma khyab pa yang ma yin te/ tha snyad du yang nam mkha' la sogs pa ma skyes pa dag ni ri bong gi rwa bzhin du yod pa nyid du khas ma blangs pa'i phyir ro/ /mthun pa'i phyogs thams cad la ma khyab tu zin kyang bsgrub par bya ba la 'khrul pa med pas brtsal ma thag tu 'byung ba bzhin du de yang gtan tshigs yin pa'i phyir dang /dus gcig tu phyogs su ma byas pa'i phyir dang / 'dus ma byas kyi dngos po phyogs su ma byas pa'i phyir skyon med do/ /da ni mi mthun pa'i phyogs brtags na yang de las bzlog pas phyogs kyi chos kyi dbang gis rjes su dpag pa smra bar 'dod nas bshad pa/ngo bo nyid ni bcos min dang / /gzhan la ltos pa med pa yin/ /bcos ma ma yin pa ni rgyu dang rkyen rnams kyis ma byas pa'i phyir ro/ /gzhan la ltos pa med pa ni brjod pa khyad par can brten pa gzhan la ltos pa med pa'i phyir ro/ /nang gi dngos po rnams ni de ltar bcos ma ma yin pa dang /gzhan la ltos pa med pa ma yin te/ 'o na ci zhe na/ byas pa nyid dang / ltos pa dang bcas pa nyid yin no/ /'dis ni dngos po'i chos bya ba nyid dang / ltos pa dang bcas pa nyid yin par bstan to/ /de'i phyir rjes su dpag pa ni don dam par nang gi dngos po rnams ngo bo nyid med pa nyid de/byas pa'i phyir dang / brjod pa khyad par can bstan pa nyid la ltos pa dang bcas pa'i phyir dper na sgyu ma mkhan gyis sprul pa'i mi la sogs pa bzhin no/ /gang ngo bo nyid yod pa de ni de las bzlog par 'gyur ro/ /rgyas par ni snga ma bzhin no// // dbu ma rtsa ba'i 'grel pa shes rab sgron ma bam po bcu gcig pa/ /'dir smras pa/ don dam par nang gi skye mched kyi dngos po rnams ngo bo nyid yod pa nyid yin te/ rang las gzhan pa'i brjod pa dang / brjod par bya ba khyad par can nyid kyi rgyu yin pa'i phyir dper na ring po thung ngu'i brjod pa dang /brjod par bya ba khyad par can nyid kyi rgyu yin pa bzhin no/ /de bzhin du rang las gzhan pa la'ang / 'di ni gzhan no zhes brjod pa dang / brjod pa khyad par can nyid kyi rgyu yod do/ /'dir bshad pa/ 'di la ngo bo nyid med pa nyid ston pa'i rjes su dpag pa du ma brjod pas/ dngos po'i ngo bo nyid med do zhes bstan zin pas/ngo bo nyid ni yod min na/ /gzhan gyi dngos po ga la yod pa de smros shig /ngo bo nyid ni de las gzhan pa'i dngos po la ltos nas gzhan gyi dngos po zhes brjod pa'i phyir ro zhes bya bar dgongs so/ /de'i phyir/ gzhan gyi dngos po'i ngo bo nyid//gzhan gyi dngos po yin zhes brjod/ /ces bya ba smras te/ gzhan gyi dngos po'i rang gi bdag nyid kyi ngo bo nyid ni dngos po gzhan la ltos nas gzhan gyi dngos por brjod pa yin no/ /ngo bo nyid med pa'i phyir gzhan gyi dngos po yang ma grub pas de'i phyir rang las gzhan pa'i brjod pa dang /brjod par bya ba khyad par can nyid kyi rgyu yin pa'i phyir zhes bya ba'i gtan tshigs de'i don ma grub pa nyid dam/ don 'gal ba nyid kyang yin la/ dpe yang med de/ ring po dang thung ngu dag ma grub pa'i phyir ro/ /gzhan dag gis smras pa/ mig la sogs pa'i dngos po dag gis don dam pa'i ngo bo nyid yod pa nyid de/dngos po yin pa'i phyir dper na me'i tsha ba nyid bzhin no/ /'dir bshad pa/ me dang bud shing brtag pa'i skabs su don dam par me'i tsha ba nyid bsal ba'i phyir dang / don dam par yod pa nyid bkag pa'i phyir dang / skye ba bkag pa'i phyir me ma grub pas dpe'i chos can ma grub pa'i skyon dang /dpe bsgrub par bya ba'i chos dang mi ldan pa'i skyon yod do/ /yang gzhan yang / ngo bo nyid dang gzhan dngos dag /ma gtogs dngos po ga la yod/ /dngos po yod pa ma yin pa nyid do zhes bya ba'i tshig gi don to/ /de ci'i phyir zhe na/ rgyu dang rkyen rnams la brten te byung ba'i dngos po'i bdag nyid ni ngo bo nyid ces bya la/ngo bo nyid las gzhan pa'i dngos po rgyu la sogs pa dag ni gzhan gyi dngos po zhes bya ste/ de la/ ngo bo nyid dang gzhan dngos dag /yod na dngos po 'grub par 'gyur/ /de dag kyang ji ltar med pa de ltar sngar spyi dang khyad par bstsal bas/ de bstsal zin pas/de'i phyir dngos po yin pa'i phyir zhes bya ba'i gtan tshigs kyi don ma grub pa nyid do/ /'dir smras pa/ gang dag dngos nyid gzhan dngos dang / /dngos dang dngos med nyid lta ba/ /de dag sangs rgyas bstan pa la/ /de nyid mthong ba ma yin no/ /zhes khyod kyis 'og nas smras pa de la da ltar khyod/ngo bo nyid dang gzhan dngos dag /ma gtogs dngos po ga la yod/ /ces smra ba 'dis gnod par 'gyur ro/ /yang na dngos po yod pa nyid de/ mi mthun pa'i phyogs yod pa'i phyir dper na/ bya rog yod pas 'ug pa yod pa bzhin no/ /'dir bshad pa/ don dam par skye ba bkag pas/gal te dngos po ma grub na/ /dngos med 'grub par mi 'gyur ro/ /dngos po bkag pas dngos po med pa zhes brjod pa'i phyir ro/ /dngos po med par yang mi brjod pas khas blangs pa la gnod pa yang med la/ gtan tshigs kyi don ma grub pa yang ma yin no/ /yang na/ dngos po gzhan du 'gyur ba ni//dngos med yin par skye bo smra/ /dngos po med pa'i phyir de yang med pas gtan tshigs thun mong ma yin pa nyid dam/ don 'gal ba nyid do/ /dpe yang med de/ dam dam par bya rog dang 'ug pa dag yod pa nyid du ma grags pa'i phyir ro/ /gang gi phyir de ltar nye bar brtags na/ ngo bo nyid dang gzhan gyi dngos po dang dngos po med pa ma grub pa de'i phyir bde bar gshegs pa'i sras gang dag chags pa med pa'i blo yod pa shes bya'i rgya mtsho chen po mtha' dag la blo gros kyi 'od zer thogs pa med pa dang ldan pas thams cad la phan gdags pa'i phyir/ de bzhin gshegs pa'i tshul spyad dka' ba spyod par byed pa rnam par mi rtog pa'i ye shes kyi shing rta la spyod pa de dag ni ngo bo nyid dang /gzhan gyi dngos po dang / dngos po dang / dngos po med par mi blta'o / /de dag las gzhan pa'i sems can chung ngu tshe rabs gzhan du yang chos zab cing rgya che ba la bzod pa ma skyes pa ngo bo nyid dang / gzhan gyi dngos po dang dngos po dang dngos po med par smra ba la mngon par zhen pa'i bag chags kyis blo nyams par gyur pa/ gang dag dngos nyid gzhan dngos dang / /dngos dang dngos med nyid lta ba/ /de dag sangs rgyas bstan pa la/ /de nyid mthong ba ma yin no/ /ngo bo nyid la sogs par lta ba ni/ rigs pa dang lung dang 'gal ba'i phyir ro zhes bya bar dgongs so/ /de la ji ltar rigs pa dang 'gal ba nyid yin pa de ltar ni bstan zin to/ /ji ltar lung dang 'gal ba nyid yin pa de ltar 'dir bshad de/ bcom ldan dngos dang dngos med pa/ /ston pas kA t+yA ya na yi/ /gdams ngag las ni yod pa dang / / med pa gnyi ga'ang dgag pa mdzad/ /kA t+yA ya na 'jig rten 'di ni gnyis la gnas te/ phal cher yod pa nyid dang / med pa nyid la'o zhes bya ba la sogs pa dang / de bzhin du kun dga' bo yod ces bya ba ni rtag par 'gyur la/ med ces bya ba ni chad par 'gyur ro zhes kyang gsungs so//yang na kha cig la blo 'di lta bu 'byung ste/ gal te don dam par dngos po rnams med pa yin na/ 'o na gang dag gi /de kho na mthong ba la de kho na mthong zhes bya snyam na thub pa chen po'i sras rten cing 'brel par 'byung ba shes pa'i nyi ma'i 'od zer gyis mi shes pa'i mun pa bsal ba gang dag /dngos po rgyu dang rkyen las byung ba tha snyad kyi yan lag tu gyur pa dag la/ shes rab kyis yongs su rtog na/ ngo bo nyid kyang med/ gzhan gyi dngos po yang med/ dngos po yang med/ dngos po med pa yang med do zhes dgag pa'i tshul gyis mthong ba de dag ni de kho na mthong ba yin te/de kho na mthong ba'i rgyu yin pa'i phyir ro/ /gzhan stong pa nyid du lta bas 'jigs shing skrag par gyur pa/ nam mkha' 'jigs shing skrag pa thogs pa dang bcas pa'i rdzas kyi gnas su gyur pa'i nam mkha' sel bar 'dod pa lta bu ngo bo nyid la sogs par lta ba la gnas pa/ gang dag dngos nyid gzhan dngos dang //dngos dang dngos med nyid lta ba/ /de dag sangs rgyas bstan pa la/ /de nyid mthong ba ma yin no/ /de dag mthong ba ni log pa'i shes pas mthong ba yin pa'i phyir ro zhes bya bar dgongs so/ /de nyid kyi phyir/ bcom ldan dngos dang dngos med pa/ /ston pas kA t+yA ya na yi//gdams ngag las ni yod pa dang / /med pa gnyis ka dgag par mdzad/ /ngo bo nyid la sogs par mi lta ba ni de kho na mthong ba yin no zhes bya ba de ltar khong du chud par bya ba nyid du rigs so/ /ci'i phyir zhe na/ gal te rang bzhin yod nyid na/ /de ni med nyid mi 'gyur ro//dngos po rnams la ni snga na med pa dang / zhig nas med pa nyid dag kyang yod do/ /'dis ni dngos po'i chos gzhan du 'gyur ba nyid bstan to/ /ci'i phyir dngos po'i bdag nyid rang bzhin gyis yod pa nyid yin na/ gzhan du 'gyur ba nyid du mi 'dod ce na/ de'i phyir dngos po'i mtshan nyid kyi/rang bzhin gzhan du 'gyur ba ni/ /nam yang 'thad par mi 'gyur ro/ /zhes smras te/ me'i tsha ba'i mtshan nyid kyi rang bzhin grang ba nyid du mi 'gyur ba bzhin no zhes bya bar dgongs so/ /de'i phyir de ni chos mi mthun pa'i dpe'i tshig yin te / dper na brtag pa la byas pa nyid yod par mi rigs pa bzhin no//'dir rjes su dpag pa ni don dam par nang gi dngos po rnams la ji ltar rtog pa'i ngo bo nyid yod pa ma yin te/ gzhan du 'gyur ba'i phyir dper na chu'i reg pa me dang phrad pas/ tsha ba'i dngos por gyur pa la don dam pa pa'i tsha ba'i ngo bo nyid med pa bzhin no/ /ci ste yang la la 'di snyam du sems te/lung las/ shing sdong po 'di la khams sna tshogs yod do zhes gsungs pas chu la yang tsha ba nyid yod pa'i phyir dpe med do snyam na/ de la rdzu 'phrul dang ldan pa'am/ sems la dbang thob pas rtswa'am/ phub ma dang / lci ba la sogs pa gang dang gang la nor bu dang /gser dang / dngul la sogs par gyur cig ces byin gyis rlob par byed pa de dang de bzhin du 'gyur ba shing la zhal gyis bzhes nas/ shing sdong po 'di la khams sna tshogs yod do zhes gsungs pa yin no/ /gal te khams sna tshogs zhes bya ba ni nus pa sna tshogs zhes bya ba'i don yin no zhe na/gang zhig gang gi nus pa dang ldan pa de ni de'i ngo bo nyid yin par mi rigs te/ sa'i sra ba nyid kyang gsher ba nyid dang / tsha ba nyid dang g.yo ba nyid kyi ngo bo nyid du gyur na mi rung ba'i phyir ro/ /bye brag tu smra ba dag gis smras pa/ dngos po gnas skabs dang dus gzhan du gyur pa dag kyang yod pa nyid du shes par bya ste/rnam par shes pa'i yul yin pa'i phyir dper na da ltar bzhin pas des na gzhan du gyur pa'i phyir zhes bya ba'i gtan tshigs de'i don gal te byung nas 'jig pa yin na ni/ gzhan la gtan tshigs kyi don ma grub pa nyid yin la/ ci ste gzhan du 'gyur ba yin na ni rang la gtan tshigs kyi don ma grub pa nyid do//de ni rigs pa ma yin te/ don dam par da ltar byung ba'i dngos po yang yod pa nyid du ma grub pas dpe ma tshang ba nyid kyi phyir dang / gnas skabs dang dus gzhan du gyur pa yang med de/ skye ba bkag pa bzhin du de dag kyang bkag pa'i phyir ro/ /'das pa dang ma 'ongs pa'i dngos po rnams kyang yod pa nyid ma yin te/da ltar ma yin pa'i phyir dper na nam mkha'i me tog bzhin no/ /tha snyad du yang 'das pa dang ma 'ongs pa'i dngos po rnams yod pa nyid du mi 'grub ste/ 'gal ba 'khrul pa med pa'i gnod pa yod pa'i phyir dang / dngos po dang dngos po med pa dag mi sgrub pa'i phyir 'dod pa'i don grub pas/de ni bzang po ma yin no/ /grangs can dag las gang dag yod pa nyid zil gyis non pa'i phyir ram/ bag la zha ba'i phyir gtan tshigs kyi don ma grub pa nyid do zhes zer ba de dag la yang sgrub pa brgal zhing brtag par bya ste/ gal te de dag na re dngos po 'gags pa dang /ma skyes pa ni yod pa nyid de/ zil gyis non pa'i phyir nyi ma'i 'od zer dag gis skar ma'i 'od zil gyis non pa bzhin nam/ rnam par shes pa'i yul yin pa'i phyir ram/ dus su brjod pa'i phyir ram/ 'di zhes bstan pa'i phyir da ltar gyi dngos po bzhin no zhes zer na/de la yang dgag pa ji skad bstan pa nyid brjod par bya'o/ /zil gyis non pa'i gtan tshigs kyi don kyang ma grub pa nyid du brjod par bya'o/ /mi gsal ba ni gsal bar byar mi rung ste/ mi gsal ba'i phyir dper na nam mkha'i me tog bzhin no/ /de bzhin du bag la ma zha ba yang bag la zha bar mi 'gyur te/bag la ma zha ba'i phyir dper na shes pa yod pa nyid bzhin nam/ gtso bo bzhin pas grub pa'i mtha' la gnod do/ /dngos po yod pa nyid du 'dzin pa la skyon gzhan 'di yang yod de/ gal te rang bzhin yod nyid na/ de ni med nyid mi 'gyur ro/ /rang bzhin gzhan du 'gyur ba ni/ / nam yang 'thad par mi 'gyur ro/ /rang bzhin ni mi 'gyur ba'i phyir dang / dpe yang med pa'i phyir ro zhes bya bar dgongs so/ /rang bzhin med pa yang gzhan du 'gyur ba nyid du bstan par mi nus te / mo gsham gyi bu'i na tshod bzhin du 'gyur ba med pa bzhin pas/ rang bzhin yod pa ma yin na/ /gzhan du 'gyur ba gang gi yin//de lta bas na mtha' de gnyi ga yang skyon che bas dam pa rnams de dag yongs su 'dzin par mi byed do/ /'dir smras pa/ khyod kyis rang bzhin yod pa ma yin pa la gzhan du 'gyur ba med do zhes smras pa'i phyir dgag pa nyid brjod pas de'i skabs ston pa'i phyir sgra'i don gyi mthus/rang bzhin yod na gzhan du 'gyur ba nyid du khas blangs pa yin te/ des na khyod kyis phyogs snga ma la gnod pa dang / gtan tshigs kyi don ma grub pa nyid do/ /rang bzhin yod na gzhan du 'gyur ba mi srid pa'i phyir ro/ /'dir bshad pa/ kho bo ni med pa'i ngo bo nyid med pa stong pa nyid du smra'i/ngo bo nyid yod par mi smra ste/ gang gi phyir chos gang la yang rang bzhin yod par mi 'thad pa'i phyir ro/ /ci ste yang mi 'thad bzhin du yang rtog pa la goms pa'i dbang gis rab tu rtog par byed na/ rang bzhin yod pa yin na yang / /gzhan du 'gyur bar ji ltar rung / /lan btab zin pa'i phyir dang /gzhan du 'gyur ba ni rang bzhin stong pa nyid med na mi 'byung ba'i phyir ro zhes bya bar dgongs so/ /dgag pa nyid kyang tha snyad pa yin te/ tha snyad pa kho nar yod pa nyid du sgrub pa yin gyi/ don dam pa pa ma yin pas phyogs snga ma la gnod par yang mi 'gyur la tha snyad du gzhan du 'gyur ba nyid kyang 'grub pas gtan tshigs kyi don ma grub pa nyid ma yin no//'dir bye brag tu smra ba dag gis smras pa/ don dam par mig la sogs pa skye mched drug po dag ngo bo nyid yod pa kho na yin te/ yod pa'i blo'i rgyu yin pa'i phyir dper na mya ngan las 'das pa bzhin no/ /de la 'dir smig rgyu'i chu la sogs pa dag kyang yod pa'i blo'i rgyu yin pa'i phyir gtan tshigs kyi don ma nges pa nyid do//yod pa'i blo nyid kyi rgyu yin pa'i phyir zhes nges par bzung nas gtan tshigs sbyor bar byed na yang gtan tshigs kyi don ma grub pa nyid dam/ don 'gal ba nyid do/ /skyon gzhan 'di yang yod de/ yod ces bya ba rtag par 'dzin//med ces bya ba chad par lta/ /de gnyi ga yang lta ba ngan pa yin te/ mtho ris dang byang grol gyi gegs su gyur pa'i phyir ro/ /'di ltar rtag pa nyid yin na gang bde bar gyur pa de yang bde bar gyur pa nyid yin la/ gang sdug bsngal bar gyur pa de yang sdug bsngal bar gyur pa nyid yin pas/bde ba bskyed pa'i phyir dang / sdug bsngal nye bar zhi bar bya ba'i phyir sdug bsngal 'gog par 'gro ba'i lam kun du sten par mi byed de/ yod pa la bya ba mi 'thad pa'i phyir ro/ /chad pa nyid yin na yang med pa la kun nas nyon mongs pa dang / rnam par byang ba'i sdug bsngal dang / bde ba mi 'thad pa su zhig tshul khrims yang dag par blangs te 'jug cing ci'i phyir 'jug par 'gyur te/med pa la 'jug pa mi 'thad pa'i phyir ro/ /de'i phyir yod dang med pa la/ /mkhas pas gnas par mi bya'o/ /de ltar gang gi phyir yod pa dang med par lta ba de dag lta ba skyon chags pa yin pa de'i phyir/mkhas pa 'khor ba'i dgon pa las brgal bar 'dod pas mtho ris kyi gnas dang / skyed mos tshal dag tu lha'i grong khyer na lha mo'i longs spyod rnyed sla ba'i bde ba dang / tshor ba thams cad rgyun chad pa'i bde ba/ spros pa thams cad ma lus par nye bar zhi ba'i bde ba myong bar 'dod pa/bdag nyid dang ldan pas/ dngos po rnams kyi yod pa nyid dang / med pa nyid la gnas par mi bya ste/ de dag la gnas pa ni rtag pa dang / chad pa'i skyon du thal bar 'gyur ba'i phyir ro zhes bya bar dgongs so/ /ji ltar na yod pa dang / med par lta ba dag rtag pa dang / chad par lta ba thal bar 'gyur zhe na/gang zhig ngo bo nyid yod pa/ /de ni med pa min pas rtag /sngon byung da ltar med ces pa/ /des na chad par thal bar 'gyur/ /dbu mar smra ba thams cad tha snyad tsam du 'dod pas/ gzugs la sogs pa skyes pa 'di dag ni yod pa'i blo'i rgyu yin pa'i phyir yod pa yin la/ma skyes pa dang / ma 'gags pa dag ni med do zhes smra ba rnams la ni de ltar thal bar mi 'gyur ro/ /don dam par yang rtogs par bya ba'i ngo bo nyid stong pa'i phyir dang / ma skyes pa'i phyir yod pa nyid du lta ba med la/ don dam par dngos po'i ngo bo nyid med pa nyid ma yin te/ rgyu dang ldan pa'i phyir dper na sgyu ma byas pa bzhin pas med pa nyid du lta ba yang med pa'am/yod pa dang med pa'i blo la mngon par zhen pa med pa'i phyir yod pa dang med pa'i mtha' gnyis su ltung ba yang med do/ /de la 'dir rab tu byed pa'i don ni stong pa nyid kyi mi mthun pa'i phyogs kyi khyad par dgag pas rten cing 'brel bar 'byung ba chad pa med pa dang /rtag pa med pa bstan pa yin no/ /de'i phyir rab kyi rtsal gyis rnam par gnon pa gzugs la chad pa'i dngos po'am rtag pa'i dngos po med do/ /de bzhin du tshor ba dang / 'du shes dang / 'du byed rnams dang / rnam par shes pa la chad pa'i dngos po'am/ rtag pa'i dngos po med do//gzugs dang / tshor ba dang / 'du shes dang / 'du byed rnams dang / rnam par shes pa la chad pa'i dngos po'am/ rtag pa'i dngos po med pa gang yin pa de ni shes rab kyi pha rol tu phyin pa'o zhes bya ba dang / de bzhin du/ yod dang med pa gnyi ga mtha'/ /dag dang ma dag gnyi ga mtha'//de phyir mtha' gnyis rnam spangs te/ /mkhas pa dbus na'ang gnas mi byed/ /ces bya ba la sogs pa dang / de bzhin du/ ji ltar byis pas rnam brtags ltar/ /dngos rnams thams cad yod pa nyid/ /gal te ji ltar de mthong yod/ /thams cad de nyid mthong bar 'gyur/ /chos rnams thams cad yod min pas//nyon mongs med cing rnam dag med/ /de dag ji ltar mthong ltar med/ /de dag med pa nyid kyang min/ /zhes bya ba la sogs pa gsungs pa de dag grub pa yin no/ /slob dpon legs ldan byed kyis nye bar sbyar ba/ dbu ma rtsa ba'i 'grel pa shes rab sgron ma las/dngos po dang dngos po med pa brtag pa zhes bya ba ste/ rab tu byed pa bco lnga pa'o// //da ni de bzhin du stong pa nyid kyi mi mthun pa'i phyogs kyi khyad par dgag pas/ 'khor ba dang mya ngan las 'das pa ngo bo nyid med pa nyid du bstan pa'i don gyi dbang gis rab tu byed pa bcu drug pa brtsam mo//'dir smras pa/ don dam par nang gi dngos po rnams la ngo bo nyid yod pa kho na yin te/ de dag la bcings pa dang / thar pa yod pa'i phyir ro/ /'di na gang yod pa ma yin par nges par gzung ba de la ni bcings pa dang thar pa mi 'thad de/ dper na mo gsham gyi bu bzhin no/ / nang gi dngos po rnams la ni de ltar bcings pa dang / thar pa med pa ma yin pas de'i phyir de dag yod pas/ don dam par nang gi dngos po rnams la ngo bo nyid yod pa kho na yin no/ /'dir bshad pa/ 'di la 'du byed kyi rgyun thog ma med pa'i dus nas rab tu bsags pa'i mi shes pa'i mun pas mdongs par gyur pa/bdag dang bdag gir 'dzin pa'i chu srin 'dzin khris zin pa/ sgyu ma dang / rmi lam dang / smig rgyu lta bu 'khor ba'i btson ra nas yang dag par 'da' ba'i 'gro ba nyams pa/ 'dod chags la sogs pa nyon mongs pa'i lcags sgrog gis gzhungs pa ni bcings pa'o/ /yang dag pa'i shes pa skyes pas/'dod chags la sogs pa nyon mongs pa'i lcags sgrog gis gzhungs pa dang bral zhing de las nges par grol ba ni thar pa'o zhes tha snyad bden par rtogs pa'i shes rab kyis gdags par zad kyi/ don dam pa'i bden par rtogs pas ni ma yin te/ don dam par bcings pa dang thar pa dag mi 'thad pa'i phyir ro//de ltar bcom ldan 'das kyis kyang / de bzhin gshegs pas 'khor ba 'dogs par mdzad kyang der 'ga' yang 'khor ba med la/ de bzhin gshegs pas mya ngan las 'das pa 'dogs par mdzad kyang / der 'ga' yang mya ngan las 'da' ba med do zhes ji skad gsungs pa lta bu'o//slob dpon gyis kyang don de nyid kyi dbang du mdzad nas bcings par rnam par rtogs pa dag rnam par brtags te/ 'di ltar bcings pa zhig yod par gyur na 'du byed rnams sam/ sems can yin grang / 'du byed rnams kyang rtag pa dag gam/ mi rtag pa dag cig yin grang na/de la gal te brtag pa snga ma ltar 'dod na bshad pa/ gal te 'du byed 'khor zhe na/ /de dag rtag na mi 'khor te/ /'du byed rtag pa yod pa nyid du ston pa'i rjes su dpag pa med pa'i phyir dang / rtag pa nyid du rjes su dpog pas bcings pa dang / thar pa med pas de dag bstsal ba'i phyir dam bcas pa la chos kyi ngo bo nyid las bzlog pa'i skyon du 'gyur ro zhes bya bar dgongs so//yang na/ de dag rtag na mi 'khor te/ /zhes bya ba 'di la 'khor ba ni rgyun chags par rgyu zhing 'byung ba dang / 'gro ba lngar 'khor ba yin pa de yang 'du byed rtag pa snga phyi khyad par ma skyes pa rnams la mi 'thad do/ / 'dir grangs can dag gis smras pa/ gal te ther zug tu smra ba rnams kyang de skad smra ba dgag pa'i phyir rtag pa rnams mi 'khor ro zhes zer na ni rigs so/ /'on te 'du byed gnas skabs snga ma snga ma gzhan bor nas/ gnas skabs phyi ma phyi ma gnas 'thob myong bar 'gyur ba mi 'jig pa kho na dag mi 'khor ro zhes zer na ni de mi rigs te/'di ltar kho bo cag gi phyogs la 'bras bu'i skad cig ma skye ba'i dus na rgyu ma zhig par shes par bya ste/ yul dang / tshad dang / gzugs la sogs pa'i nye ba'i phyir dper na 'bras bu'i bdag nyid bzhin no/ /yang na 'jig pa bkag pa'i phyir/ lus dang / dbang po dang /blo'i mtshan nyid kyi 'du byed rnams nges par gnas pa kho na ste/ skyes bu'i don bya ba'i phyir skyes bu'i dmigs pa bsgrub nus pa'i tshul gyis snang ba dang / mi snang ba'i chos gzhan gyi mtshan nyid du yongs su 'gyur bas yongs su 'gyur ba ni 'khor ba zhes bya'o/ /yongs su 'gyur ba yang nges par gnas pa rnams kyi yin gyi/de'i dus su 'jig pa rnams kyi yin par ni mi 'dod do/ /'dir de ni rigs pa ma yin te/ snang ba dang / mi snang ba'i chos can yang de dang ldan par bstan pa'i phyir dang / yul la sogs pa nye ba'i gtan tshigs dag gi skyon yang sngar bstan zin pa'i phyir dang /skye ba bkag pa'i phyir dang / dngos po'i ngo bo nyid bkag pa'i phyir dang / pha rol pos smras pa'i sgrub pa ma grub pas 'du byed mi 'jig pa rnams 'khor ro zhes bya ba de mi rigs so/ /gzegs zan pa dag dang / rang gi sde pa dag gis smras pa/ 'du byed mi rtag pa rnams 'khor ba nyid yin gyi/rtag pa snga phyi'i khyad par ma skyes pa rnams la 'khor ba med pa ni bden no/ /de dag gi phyir bshad pa/ mi rtag na yang 'khor mi 'gyur/ /'di ltar mi rtag par rab tu zhigs pa rnams la phyir skye ba med pas/ de'i phyir de dag la yang rgyun chags par rgyu zhing 'byung ba dang / 'gro ba lngar 'khor ba mi 'thad do//yang na mi rtag pa rnams la mi rtag pa'i chos su rjes su dpog pas 'khor ba med pas 'khor ba bstsal ba'i phyir/ dam bcas pa la chos kyi ngo bo nyid bstsal ba'i skyon yod de de'i phyir/ mi rtag na yang 'khor mi 'gyur/ /zhes bshad de/ 'du byed rnams zhes bya ba'i skabs yin no//yang na/ mi rtag na yang 'khor mi 'gyur/ /zhes bya ba ni phyi rol gyi 'du byed rnams bzhin no zhes bya ba'i tshig gi lhag ma ste/ de ltar na de ni chos mthun pa'i dpe mi 'khor ba dang / mi rtag pa nyid kyi chos kyi khyad par can du byas pa'i tshig yin te/ byas pa ni mi rtag pa zhes bya ba bzhin no//'dir sbyor ba'i tshig ni don dam par nang gi 'du byed rnams 'khor bar mi 'thad de/ mi rtag pa'i phyir dper na phyi rol gyi bum pa la sogs pa bzhin no/ /ci ste 'du byed rnams rtag pa gnyi ga ltar yang 'khor bar mi 'thad pa'i phyir sems can 'khor ro zhes rnam par rtog na de la yang brgal zhing brtag pa de nyid de/ci sems can rtag pa zhig gam/ 'on te mi rtag pa zhig /'khor gnyi ga ltar yang dam 'cha' na lan kyang de nyid de rtag pa ni mi 'gyur bas gnas skabs snga phyi'i khyad par ma skyes pa'i phyir dang / mi rtag pa yang zhig nas mi skye ba'i phyir mi 'khor bas/ sems can la yang rim 'di mtshungs/ /dgag pa'i tshul gyis zhes bya ba'i tha tshig go/ /de bas na sems can rtag pa dang mi rtag pa 'khor ba'i phyogs la yang dam bcas pa'i skyon dang / rjes su dpag pa'i gnod pa snga ma bzhin no/ ci de yang 'du byed rnams dang sems can mi rtag par smra ba dag phyir zlog par byed de/'du byed rnams dang / sems can zhig pa'i rgyu can gyi 'du byed rnams dang / sems can gyi rgyud phyi ma de dag gi rgyu las byung ba dag gnyen po ma skyes pa'i phyir/ rgyun chags su 'khor bas 'khor ba 'grub pa'i phyir skyon med do zhe na/ de ni bzang po ma yin te/ de ma thag pa'i rkyen bzhin du 'du byed rnams dang /sems can zhig pa dag skad cig ma phyi ma'i rkyen nyid yin pa bstsal ba'i phyir dang / dam bcas pa'i skyon ma spangs pa'i phyir dang / de skad smra ba la rjes su dpag pas gnod pa'i phyir/ skyon med pa ma yin no/ /'dir 'jig rten rgyang phan pa dag gis smras pa/ 'du byed rnams dang /sems can rtag pa dang / mi rtag pa mi 'khor ro zhes zer ba ni grub pa la sgrub pa yin te/ ji tsam dbang po'i spyod yul ba / /skyes bu de tsam nyid du zad/ /sngo bsangs mang thos gang smra ba/ /de dag spyang ki'i rjes dang 'dra/ /mdzes ma legs par spyod cing zo/ /lus mchog khyod 'das gang de med//'jigs rung song ba phyir mi ldog /lus 'di 'dus pa tsam du zad/ /'jig rten 'di nas 'jig rten gzhan du chos 'ga' yang mi 'gro zhing / mngal na gnas pa'i sngon rol gyi 'jig rten gang yin pa de nas kyang 'dir 'ga' yang ma 'ongs te/ gang dag mngal na gnas pa'i sngon rol na 'jig rten yod do zhes bya ba'i don de bsgrub pa'i phyir mngal na gnas pa'i sngon rol gyi blo gang yin pa de ni de ma thag tu 'gags pa'i blo can du 'gro ba yin te/blo yin pa'i phyir dper na de'i 'og rol gyi blo bzhin no zhes sgrub pa smra ba de dag la ni dpe med de/ 'di ltar ma shi ba'i bar du gnas pa rnams la blo gcig kho nar zad pa'i phyir te/de ltar re zhig 'jig rten snga ma med do/ ji ltar 'jig rten phyi ma med pa de ltar 'di bshad de/ lhas byin gyi 'chi ka'i sems ni sems gzhan dang nying mtshams sbyor ba med de/ 'chi ka'i sems yin pa'i phyir dper na dgra bcom pa'i 'chi ka'i sems bzhin no//de la 'dir 'du byed mi rtag pa 'khor ba tha snyad du ma bkag pa'i phyir dang / 'du byed rtag pa 'khor ba ni/ /gnyi gar yang bkag pa'i phyir grub pa la sgrub pa ma yin no/ /lhas byin gyi rgyud kyi gzugs kyi blo ni sgra'i blo las gzhan pa ma yin te/ /yul tha dad pa'i phyir dper na rgyud gzhan gyi blo bzhin pas rjes su dpag pa la dpe yod pa'i phyir/tha snyad du 'jig rten pha rol snga ma ma grub pa ma yin no/ /'jig rten pha rol phyi ma yang med pa ma yin te/ zag pa dang bcas pa'i 'chi ka'i sems ni sems gzhan dang nying mtshams sbyor te/ zag pa dang bcas pa'i phyir dper na 'chi ba'i rgyu'i sems bzhin pas tha snyad kyi bden pa dang 'gal ba med do//gal te don dam par lhas byin gyi blo yang rgyud gzhan gyi blo thams cad las gzhan nyid ma yin te/ blo yin pa'i phyir dper na lhas byin gyi blo bzhin no zhe na/ de ni bzang po ma yin te/ don dam par lhas byin gyi blo'i skye ba bkag pa'i phyir dang / de las gzhan pa nyid ma yin pa ma grub pa'i phyir dang / tha snyad du gzhan nyid ma yin par dam 'cha' na grags pa'i gnod par 'gyur ba'i phyir dang / dgra bcom pa'i sems kyang nying mtshams sbyor ba dang / nying mtshams sbyor ba med par ma grub pa'i phyir dang / don dam par sgrub pa dpe ma tshang ba'i skyon yod pa'i phyir ro//tha snyad du zag pa med pa'i sems phyogs su byed na ni grub pa la sgrub pa yin no/ /srid pa snga ma'i 'chi ka'i sems sems gzhan dang nying mtshams sbyor bas ma nges pa nyid kyang yin no/ /gal te de yang phyogs su byas pa'i phyir skyon med do zhe na/ 'jig rten pha rol la skur pa 'debs pa'i phyogs la srid pa snga ma'i 'chi ka'i sems ma grub pas de phyogs su bya ba mi 'thad do//brtag pa spros pas chog go/ /gnas ma bu'i sde pa dag gis smras pa/ gang zag ni phung po dang khams dang / skye mched rnams las de nyid dang gzhan nyid du brjod par bya ba nyid ma yin pa de bzhin du rtag pa dang / mi rtag pa nyid du yang brjod par bya ba nyid ma yin pa'i phyir phyogs gnyi gar bstan pa'i skyon de dag kho bo cag la mi gnod de/gang zag de lta bu de 'khor ro/ /'dir bshad pa/ gal te gang zag 'khor zhe na/ /phung po skye mched khams rnams la/ /de ni rnam pa lngas btsal na/ /med na gang zhig 'khor bar 'gyur//'khor bar mi 'gyur ba kho na ste/ med pa'i phyir ro zhes bya bar dgongs so/ /de ltar na de ni bsgrub par bya ba dang / sgrub pa'i chos nye bar bzhag pa'i tshig yin no/ /'dir sbyor ba'i tshig ni don dam par gang zag yod pa ma yin te/ gzugs su rung ba dang / myong ba dang /mtshan mar 'dzin pa dang / mngon par 'du byed pa dang / rnam par shes par byed pa las ma gtogs pa'i mtshan nyid dmigs su med pa'i phyir dper na bong bu'i rwa bzhin no/ /ci ste med bzhin du yang de la mngon par zhen pa'i bag chags kyis blo gros nyams pas rab rib can gyis skra shad dang sbrang bu la sogs pa yod par mthong ba bzhin du de yod par rnam par rtog na de lta na yang /nye bar len nas nyer len par/ /'khor na srid pa med par 'gyur/ /nye bar len pa nas nye bar len par 'khor na nye bar len pa'i bar du nye bar len pa med cing nye bar len pa dang bral bar 'gyur ro/ / nye bar len pa ni srid pa zhes gdags pas nye bar len pa med na srid pa de yang med pa'i phyir/ /srid med nye bar len med na/ /de gang ci zhig 'khor bar 'gyur/ /srid pa med pa dang / nye bar len pa med pa ni gsal bar byed pa med pa'i phyir ro/ /gal te bar ma do'i srid pa'i phung po nye bar len pas nye bar len pa dang bcas pa nyid du grub pa'i phyir skyon med do zhe na/kha cig na re/ de yongs su gtong ba na ji skad smos pa'i skyon rjes su 'brang ba'i phyir de ni len du mi rung ngo zhes so / /de ni rigs pa ma yin no/ /skad cig ma gcig kho na la srid pa snga ma dang phyi ma gtong zhing len pa'i phyir ro/ /'di ltar rnam pa lngas btsal na med pa'i phyir ro zhes bya ba de ltar rigs so//pha rol pos smras pa/ gang zag ni yod pa kho na yin te/ nye bar len pa gzhan du 'pho bas gnas pa'i phyir ro/ /'di na gang med pa de ni nye bar len pa gzhan du 'pho bas mi gnas te/ dper na mo gsham gyi bu bzhin no/ / gang zag la ni nye bar len pa gzhan du 'pho bas gnas pa 'di lta bu yod de/ bcom ldan 'das kyis de'i tshe de'i dus na nga nyid nga las nur gyur to/ /nga nyid legs mthong du gyur to zhes ji skad gsungs pa lta bu'o/ /de'i phyir gtan tshigs ji skad smos pa'i mthus gang zag ni yod pa kho na yin no/ / 'dir slob dpon gyis bshad pa/ nye bar len pas na nye bar len par 'khor na de srid pa snga phyir gdags pa'i gnas nye bar len pa dang ldan pa ma yin par 'gyur te/ lhas byin khyim nas khyim gzhan du rgyu ba bzhin pas srid pa'i ngo bo nyid dang bral zhing srid pa med par 'gyur ro/ /de'i ngo bo nyid ma yin pa'i phyir de de'i nye bar len pa ma yin pas/nye bar len pa med par yang 'gyur ro/ /khyed nye bar len pa gang dag nye bar len par 'dod pa de dag kyang des nye bar len par mi byed de/ nye bar len pa yin pa'i phyir dper na de las gzhan pa'i nye bar len pa bzhin pas rjes su dpag pa las de ltar/ srid med nye bar len pa na//de gang ci zhig 'khor bar 'gyur/ /de ltar re zhig don dam par 'du byed rnams dang / sems can dang gang zag 'khor bar mi 'thad do/ /da ni mya ngan las 'das pa zhig yod par gyur pa na yang de dag las gang yang rung ba zhig mya ngan las 'das par 'gyur grang na/ de la gal te don dam par 'du byed rnams mya ngan las 'da' bar 'dod na/'du byed mya ngan 'da' bar ni/ /ji lta bur yang mi 'thad do/ /don dam par ma skyes pa'i phyir dang / tha snyad du yang rtag pa dag ma grub pa'i phyir dang / don dam par mi rtag pa rnams ni mya ngan las 'da' bar mi 'thad de/ mi rtag pa'i phyir/dper na phyi rol gyi sa la sogs pa bzhin no/ /ji ste sems can mya ngan las 'da'o zhe na yang / sems can mya ngan 'da' bar yang / /ji lta bur yang 'thad mi 'gyur/ /rtag pa'am mi rtag par yongs su brtag pa'o/ /de la re zhig rtag pa ni/ /mya ngan las mi 'da' ste/ rgyu med pa'i phyir dper na nam mkha' bzhin no/ /rgyu med pa ni yod pa nyid du ma grags pa'i phyir/ dper na mo gsham gyi bu bzhin pas rtag pa nyid dang / rgyu med pa nyid du rjes su dpog pas/ thar pa mi thob pas de bsal ba'i phyir rtag pa nyid du smra ba'i dam bcas pa las/ chos can gyi khyad par bstsal ba'i skyon yod do//mi rtag pa yang mya ngan las mi 'da' ste/ don dam par gang mi rtag pa de ni mya ngan las mi 'da' ste/ mi rtag pa'i phyir dper na phyi rol gyi sa la sogs pa bzhin no/ /'dir yang mi rtag pa nyid du rjes su dpog pas thar pa mi 'thob pas de bsal ba'i phyir sems can mi rtag pa nyid du smra ba'i dam bcas pa la/chos can gyi khyad par bstsal ba'i skyon yod do/ /gnas ma bu'i sde pa dag /gang zag ni rtag pa dang mi rtag pa nyid du brjod par bya ba ma yin pas ji skad smos pa'i skyon med pa'i phyir mya ngan las 'das pa grub bo zhes zer na/ de ni bzang po ma yin te/ gang zag rtag pa dang /mi rtag pa nyid du brjod par bya ba ma yin pa zhig rdzas su yod pa nyid du grub tu zin na yang don dam par thar pa mi 'thad de/ brten te gdags pa'i phyir dper na bum pa bzhin pas rjes su dpag pas gnod par 'gyur ro/ /gang rdzas yin pa de ni mi rtag ste/ dper na gzugs la sogs pa bzhin pas rdzas nyid du rjes su dpog pas/mi rtag pa nyid dang / brjod par bya ba nyid kyis de dag tu brjod par bya ba nyid ma yin pa bsal ba'i phyir/ rdzas su yod pa nyid du smra ba'i dam bcas pa la chos can gyi khyad par bsal ba'i skyon yod do/ /gzhan yang phung po'i lhag ma med pa'i mya ngan las 'das pa'i dbyings kyi skad cig ma la gal te gang zag yod na ni rtag pa nyid kyi skyon du 'gyur la/gal te med na ni chad pa nyid kyi skyon du 'gyur ro/ /yod pa dang med pa nyid du brjod par bya ba nyid ma yin na ni dbu ma pa smra ba dang mthun par smra ba yin no/ /gal te rnam par shes pa rnam par rtog pa med pa'i spyod yul gyi gzugs la sogs pa dag yod pa dang med pa nyid du tha snyad gdags par bya ba ma yin yang /dngos po yod pa nyid yin pa bzhin te/ de ltar yang / /thar la gal te bdag yod rtag /gal te med na mi rtag 'gyur/ /skyes bu brjod par bya min yang / /mkhas pas shes par bya min min//zhes smras pa lta bu'o zhe na/ de ni rigs pa ma yin te/ dngos po yod pa nyid yin na de nyid dang / gzhan nyid du brjod par bya ba nyid du thal bar 'gyur bas grub pa'i mtha' dang 'gal ba'i phyir ro/ /don dam par gang zag gi blo 'di ni dngos po yod pa'i yul can ma yin te/ blo yin pa'i phyir zhe na/dper na bum pa la sogs pa'i blo bzhin pas gang zag dngos po nyid du ma grub pa'i phyir/ don dam par de la thar pa med do/ /gal te gang zag ni rdzas su yod pa yin te/ rnam par shes par bya ba yin pa'i phyir/ dper na gzugs bzhin no zhe na/ de ni ri bong gi rwa la sogs pa dag gis ma nges pa nyid yin no//rnam par shes par bya ba nyid kyang mi rtag pa nyid la sogs pa dag med na mi 'byung ba'i phyir rtag pa de dang mi mthun pa'i chos sgrub pas/ don 'gal ba nyid kyang yin no/ /rang gi sde pa dag las kha cig gis smras pa/ 'du byed rgyu dang rkyen gcig nas gcig tu rgyun chags su 'jug pa 'dod chags la sogs pa dang lhan cig skyes pa rnams dang /thar pa dang / bde 'gror 'gro ba la gegs byed pa'i 'dod chags la sogs pas bcings pa'i phyir bcings pa yang 'grub la/ bcings pa rnams dam pa'i chos mnyan pa dang / tshul bzhin yid la byed pa la sogs pa las byung ba yang dag pa'i ye shes kyi snang ba shar bas mi shes pa'i mun pa bsal ba na/'dod chags la sogs pa'i 'ching ba las nges par 'grol ba'i phyir thar pa yang 'grub bo/ /de dag kyang 'bras bu'i skad cig ma skye ba'i dus na rgyu'i skad cig ma 'jig pa'i phyir rtag pa yang ma yin la/ rgyu rtag pa'i phyir mi rtag pa yang ma yin pas phyogs gnyi gar bstan pa'i skyon med do//'dir bshad pa/ skye 'jig chos can 'du byed rnams/ /mi 'ching grol bar mi 'gyur te/ / snga ma bzhin du zhes bya ba ni snga ma dang mtshungs par te/ 'du byed mi rtag pa rnams la 'khor ba dang mya ngan las 'das pa mi 'thad par sngar bstan pa bzhin du zhes bya ba'i tha tshig go//ji ltar der don dam par nang gi 'du byed rnams 'khor bar mi 'thad de/ mi rtag pa'i phyir dper na phyi rol gyi bum pa la sogs pa bzhin no zhes bya ba dang / don dam par mi rtag pa rnams ni mya ngan las 'da' bar mi 'thad de/ mi rtag pa'i phyir dper na phyi rol gyi sa la sogs pa bzhin no zhes bstan pa de bzhin du 'dir yang 'du byed skye ba dang 'jig pa'i chos can rnams la bcings pa dang thar par mi 'thad do//de'i phyir sde pa gzhan dag gis yongs su brtags pa'i 'du byed rnams la yang don dam par 'khor ba dang / mya ngan las 'das pa rnam pa thams cad du mi 'thad de/'du byed skad cig ma re re la 'jig pa'am dus gzhan du gnas pa'am/ rtag pa dang mi rtag pa nyid du brjod par bya ba ma yin par brtags pa rnams ni skye ba dang 'jig pa'i chos can yin pa'i phyir ro/ /yang na/ skye 'jig chos can 'du byed rnams/ /mi 'ching grol bar mi 'gyur te//zhes bya ba ni 'du byed nges par mi gnas pa rnams la bcings pa dang / thar pa'i mtshan nyid dus tha dad par myong bar 'gyur ba'i gnas skabs gzhan mi srid pa'i phyir ro zhes bya bar dgongs so/ /yang na/ skye 'jig chos can 'du byed rnams/ mi 'ching grol bar mi 'gyur te/ /zhes bya ba ni 'du byed 'dod chags la sogs pa dang /lhan cig skyes pa rnams ni zhig pa'i phyir dang / ma bcings pa rnams la ni thar pa skad cig ma phyi ma la 'byung bar 'gyur ba mi 'thad pa'i phyir ram/ 'gal ba'i phyir ro/ /smras pa/ mtshan nyid las/ mi slob sems ni skye bzhin pa/ /sgrib pa las ni rnam par grol//zhes 'byung ngo / / skye bzhin pa yang nyon mongs pa can dang / nyon mongs pa can ma yin pa nyid la skyon de nyid du 'gyur ro/ /brjod par bya ba nyid ma yin pa la yang nyon mongs par 'gyur ba bzhin pas nyon mongs pa can dang / nyon mongs pa can ma yin pa nyid du brjod par bya ba nyid ma yin pa de bzhin du skye bzhin pa la yang brjod par bya ba nyid ma yin pa'i phyir thar pa med do//gal te rgyun la bcings pa dang thar pa yod pas skyon med do zhe na/ de ni rigs pa ma yin te/ rgyun rdzas su med pa'i phyir dang / rgyun nyon mongs pa can dang / nyon mongs pa can ma yin pa dang / brjod par bya ba nyid ma yin pa dag la snga ma bzhin du thar bar mi 'grub pa'i phyir dang /bcings pa dang / thar pa dag tha snyad par 'dod pa ni dam bcas pa nyams pa'i phyir ro/ /sems can bcings pa dang / thar pa smra ba la yang bshad par bya ste/ snga ma bzhin du sems can yang / /mi 'ching grol bar mi mi 'gyur ro//snga ma bzhin du sems can yang mi 'ching ste/ rtag pa dang / mi rtag pa'i phyogs la skyon smos pa'i phyir ro/ /grol bar yang mi 'gyur te/ 'du byed rtag pa dang / mi rtag pa rnams la thar pa mi 'thad par bstan pa bzhin no zhes bya bar dgongs so/ /sems can bcings pa dgag pa sngar bstan pa dang /khyad par med du zin kyang rgol ba tha dad de sngar ni sems can bcings pa 'ba' zhig tu dam bcas pa bsal bar 'dod pa'i phyir ro/ /'dir ni sems can bcings pa dang / thar pa gnyi gar dam bcas pa de dag dgag pa 'dra bar bstan pa'i phyir ro/ /gzhan dag gis smras pa/sems can gyi nye bar len pa ni 'ching ba yin pa'i phyir nye bar len pa ni 'ching ba yin la/ de gtan du nye bar zhi ba ni thar pa yin zhing rtag pa dang / mi rtag pa nyid du yang brjod par bya ba nyid ma yin pa'i phyir/ 'du byed rnams dang sems can rtag pa dang / mi rtag pa'i phyogs su bstan pa'i skyon mi 'thad pas ji skad smos pa'i skyon med do//'dir bshad pa/ gal te nye bar len 'ching na/ /nye bar len bcas 'ching mi 'gyur/ /gal te don dam par nye bar len pa 'ching ba yin na nye bar len pa dang bcas pa'i nye bar len pa po lhas byin nye bar len pa gang gis nye bar len pa dang bcas par brjod pa de ni 'ching bar mi 'gyur ro//yang na/ gal te nye bar len 'ching na/ /nye bar len bcas grol mi 'gyur/ /zhes bya bar yang sbyar te/ de dang ldan pa de grol bar mi 'dod de dgag pa mi mthun pa'i phyir ro/ /yang na don dam par lhas byin gyi nye bar len pa de nye bar mi len te/ nye bar len pa yin pa'i phyir ro//dper na mchod sbyin gyi nye bar len pa bzhin no/ /ci ste dam bcas pa de'i don gang yin/ gal te nye bar len par byed pa'i nye bar len pa gang yin pa de de'i 'ching ba ma yin no zhe na ni dpe med de/ mchod sbyin gyi nye bar len pa 'ching ba yin pa'i phyir ro/ /ci ste 'ching ba gzhan zhig yod do zhe na ni phyogs snga ma la gnod do zhe na/de yang rigs pa ma yin te/ mchod sbyin gyi nye bar len pa lhas byin gyi 'ching ba nyid du ma grub pa nyid dpe nyid du 'dod pa'i phyir dpe med pa yang ma yin la/ de las gzhan pa'i 'ching ba khas ma blangs pa'i phyir phyogs snga ma la gnod pa yang med do//don dam par lhas byin gyi rang gi nye bar len pa 'di ni nye bar len pa ma yin te/ brjod pa khyad par can bsten pa la ltos pa dang bcas pa nyid yin pa'i phyir dper na mchod sbyin gyi nye bar len pa bzhin no/ /'di ltar nye bar len pa med pa yang yod pa nyid du ma grub pas nye bar len med mi 'ching ste/ nye bar len pa med pa yang 'ching bar mi 'gyur ro//nye bar len pa dang bcas pa dang / nye bar len pa med pa'i mtshan nyid kyi gnas skabs ma gtogs par gnas skabs gzhan med pas de'i phyir/ gnas skabs gang zhig 'ching bar 'gyur/ /zhes bya ba smras te/ 'ching ba med pa nyid do zhes bya ba'i tshig gi don to//gzhan dag gis smras pa/ sems can bcings pa ni yod pa kho na yin te/ de'i 'ching ba yod pa'i phyir dper na lcags sgrog la sogs pa 'ching ba yod na des bcing bar bya ba yang yod pa bzhin pas 'ching ba nye bar len pa 'di yod pas/ de'i phyir sems can bcings pa yod pa kho na yin no//'dir bshad pa/ khyod 'dod pa ltar/ gal te bcings pa'i snga rol na/ /'ching ba yod na 'ching la rag /de yang med de bcings pa'i snga rol na 'ching ba de yang med de / 'dis ni nye bar len pa'i chos dus tha dad pa ma yin pa nyid bstan to/ /de'i phyir rjes su dpag pa ni don dam par lhas byin gyi nye bar len pa ni lhas byin gyi 'ching ba ma yin te/dus mnyam pa'i phyir dper na lhas byin gyi rang gi bdag nyid bzhin no/ /yang na/ gal te bcings pa'i snga rol na/ /'ching ba yod na 'ching la rag /de yang med de bcings pa'i snga rol na 'ching ba de yang med de/ 'dis ni nye bar len pa'i chos snga na med pa nyid bstan to/ /de'i phyir rjes su dpag pa ni don dam par lhas byin gyi nye bar len pa ni/ lhas byin gyi 'ching ba ma yin te/ snga na med pa'i phyir dper na mchod sbyin gyi nye bar len pa bzhin no/ /lhag ma ni/ song dang ma song bgom pas bstan/ /ci zhig bstan ce na/bcings pa mi 'thad par sgrub pa lhag ma dag ste/ ji ltar der song ba dang / ma song ba dang / bgom pa dag la 'gro ba mi 'thad par bstan pa de bzhin du 'dir yang bcings pa ni mi 'ching ste/ bcings zin pa'i phyir dper na bcings pa la yang 'ching ba don med pa'am/ bcings zin par the tshom med pa bzhin no//ma bcings pa yang mi 'ching ste/ bcings pa bsal ba'i phyir dper na thar pa bzhin no/ /'ching bzhin pa dang / brjod par bya ba ma yin pa yang mi 'ching ste/ skyon gnyi gar 'gyur ba'i phyir dang / brjod par bya ba ma yin pa'i phyir dper na thar pa bzhin pa la 'ching ba mi 'thad pa bzhin no//ji ltar der song ba dang / ma song ba dang / bgom pa dag la 'gro ba'i rtsom pa med par bstan pa de bzhin du 'dir yang bcings pa dang / ma bcings pa dang / 'ching bzhin pa dag la 'ching ba'i rtsom pa med do/ /bcings pa la ni 'ching ba'i rtsom pa med de/ bcings zin pa'i phyir dper na bcings nas yun ring du lon pa bzhin no//ma bcings pa la yang 'ching ba'i rtsom pa med de/ ma bcings pa'i phyir dper na thar pa bzhin no/ /'ching bzhin pa dang / brjod par bya ba ma yin pa la 'ching ba'i rtsom pa med de/ skyon gnyi gar 'gyur ba'i phyir dang / brjod par bya ba ma yin pa'i phyir dper na thar pa bzhin pa la 'ching ba'i rtsom pa med pa bzhin no//'dir smras pa/ bcings pa ni yod pa kho na yin te/ de'i gnyen po yod pa'i phyir ro/ /shes pa'i gnyen po mi shes pa bzhin du bcings pa'i gnyen po thar pa yod pas de'i phyir bcings pa ni yod pa kho na yin no/ /'dir bshad pa/don dam par thar pa yang yod par gyur na bcings pa'am/ ma bcings pa'am/ grol bzhin pa zhig thar par 'gyur grang na/ de la re zhig bcings pa mi 'grol te/ 'di ltar bcings pa zhes bya ba ni/ 'ching ba'i gnyen po ma skyes pa ste/ de yang 'ching ba'i gnyen po ma skyes pa'i phyir mi 'grol te/dper na nyon mongs pa'i 'ching ba mtha' dag dang ldan pa bzhin no/ /ma bcings pa yang grol mi 'gyur/ /bcings pa dang bral ba'i grol ba nyid la ni tha snyad du yang de med pa'i phyir ro/ /ci ste mtshan nyid las/ mi slob sems ni skye bzhin pa/ /sgrib pa las ni rnam par grol/ /zhes 'byung bas/'grol bzhin pa thar bar 'gyur snyam na/ grol bzhin pa zhes bya ba de gang yin zhes brjod par bya'o/ /gal te bcings pa yin no zhe na/ bcings pa grol bzhin yin gyur na/ /bcings dang grol ba dus gcig 'gyur/ /'ching ba gang gis bcings pa zhes bya ba dang / thar pa gang gis grol ba zhes bya ba de gnyis dus gcig tu 'gyur bas de ni mi 'dod de/de'i phyir de ni bcings pa nyid dam thar pa nyid gcig yin par gdon mi za bar bsgrub par bya dgos so/ /de lta yin na rjes su dpag pa ji skad bstan pa dag gis gnod par 'gyur ba'i phyir lan cung zad ma thebs so/ /skye bzhin pa yang skyes pa dang ma skyes pa'am/bcings pa dang ma bcings pa nyid yin pas/ ji skad smos pa'i skyon med pa ma yin no/ /gal te skye bzhin pa ni skye ba la mngon par phyogs pa yin no zhe na yang / rta bcing ba lta bu yin pa'i phyir dang / brgal zhing brtag pa mtshungs pa'i phyir ji skad smos pa'i skyon ldog pa med do//gal te sems kyi skad cig ma snga ma la ltos nas/ mi slob pa'i sems rnam par grol bar rtog na de yang rigs pa ma yin te/ bcings pa dang / thar pa dag tha snyad pa nyid du grub pas/ 'dod pa'i don nyams pa'i phyir ro/ /de'i phyir de ltar don dam par thar pa mi 'thad pa'i phyir gnyen po yod pa'i phyir ro zhes bya ba'i gtan tshigs kyi don ma grub pa nyid dang /thar pa bzhin du shes pa'i gnyen po mi shes pa ma grub pas dpe med pa'i phyir sgrub pa dpe ma tshang ba'i skyon yang yod do/ /'dir smras pa/ don dam par thar pa ni yod pa kho na yin te/ de 'dod pa rnams la smon pa yod pa'i phyir ro//'di na gang don dam par med pa de la ni de 'dod pa rnams la smon pa med de/ dper na chu sbrul gyi mgo'i nor bu bzhin no/ /thar pa 'dod pa rnams la ni bdag bud shing zad pa'i me bzhin du nye bar len pa med par mya ngan las 'da' bar gyur na ci ma rung / mya ngan las 'das pa bdag gir gyur na ci ma rung snyam du smon pa yod pas/de'i phyir don dam par thar pa ni yod pa kho na yin no/ /'dir bshad pa/ bdag ni len med mya ngan 'da'/ /myang 'das bdag gir gyur cig ces/ /gang dag 'dzin pa de dag gi /nyer len legs par zin ma yin/ /thar pa 'dod pa gang dag bdag dang bdag gir dmigs pa legs par zin pa ma yin pa la 'jug pa de dag gi nye bar len pa ni legs par zin pa ma yin te/bdag dang bdag gir 'dzin pa'i tshul gyis mchog tu bzung zhing / gnas pa ni thar pa'i bgegs yin pa'i phyir ro zhes bya bar dgongs so/ /yang na nye bar len pa med pa'i ngo bo nyid la nye bar len pa'o snyam du 'dzin pa ni yul da la log pa'i shes pa skye ba'i phyir nye bar len pa ni legs par zin pa ma yin no//yang na nye bar zhi ba nyid thar pa yin pas de gang gi yang ma yin pa la gang nye bar len pa med par gyur na ci ma rung snyam pa de'i nye bar len pa ni/ legs par zin pa ma yin pas/de'i phyir de 'dod pa rnams la smon pa yod pa'i phyir ro zhes bya ba'i gtan tshigs de'i don ma grub pa nyid dam/ don 'gal ba nyid yin no/ /de'i phyir de ltar brtags na don dam par 'du byed rnams dang / sems can dang gang zag la bcings pa dang / thar pa mi 'thad par bsgrub pa bstan pa'i dbang gis mjug bsdu bar bya ste/gang la mya ngan 'das bskyed med/ /'khor ba bstsal ba'ang yod min pas / /de la 'khor ba ci zhig yin/ /mya ngan 'das pa'ang ci zhes brtag /'di la don dam par 'khor ba dang / mya ngan las pa'i chos nyid nam mkha' bzhin du mtshan nyid gcig pa nyid kyis khyad par med pa dag ni rnam par mi rtog pa'i ye shes kyi spyod yul yin pa'i phyir dang /bskyed pa med pa dang / dbri ba med pa'i chos nyid yin pa'i phyir/ mya ngan las 'das pa phan 'dogs par byed pa nyid yin yang rdzas nyid dang / rtag pa nyid la sogs pa'i rnam pas mya ngan las 'das pa sgro gdags su yang med la/'khor ba gnod pa byed pa nyid yin yang bsal bar byar med pas/ de'i phyir 'khor ba dang mya ngan las 'das par rnam par rtog pa ni rigs pa ma yin no zhes bya ba'i tha tshig ste sgro 'dogs pa dang / skur pa 'debs pa ni shes pa rnam par rtog pa'i dbang gis dmigs par bya ba'i yul gyi dngos po yin pa'i phyir dang /dmigs par bya ba'i yul gyi dngos po ni bskyed pa dang / dbri ba'i chos can yin pa'i phyir ro zhes bya bar dgongs so/ /yang na kun rdzob kyi phyogs la gdul ba'i skye bo rnams mya ngan las 'das pa la nye bar 'dun par bya ba'i phyir/ mya ngan las 'das pa nyon mongs pa nye bar zhi ba'i mtshan nyid zhi ba yod do zhes ma 'ongs pa'i 'du byed skye ba med pa tsam la rtog pas sgro 'dogs par byed cing /'khor ba la skyo ba bskyed pa'i phyir 'khor ba sdug bsngal mang po ldan pa/ rmi lam dang / mig 'phrul dang / chu zla dang / smig rgyu lta bu'i ngo bo nyid thog ma med pa nas rkyen brgyud pas bskyed pa'i bdag nyid kyi dngos po 'du byed kyi sgrar brjod pa rnams spang bar bya'o zhes bsal ba bstan par zad kyi/don dam par ni 'du byed ma grub pa'i phyir gang gi skye ba med pa mya ngan las 'das pa yin no zhes bya ba de nyid med pas mya ngan las 'das pa bskyed du yang med la/ 'du byed ngo bo nyid kyis ma skyes pa rnams mya ngan las 'das pa bzhin du zhi ba nyid yin pa la bsal ba mi 'thad pas 'khor ba bsal ba yang yod pa ma yin no//de ltar don dam par chos thams cad skye ba med pa'i mtshan nyid gnyis su med pa rab tu dben pa ro gcig pa/ gang la mya ngan 'das bskyed med//'khor ba bsal ba'ang yod min pa/ /de la 'khor ba ci zhig yin/ /mya ngan 'das pa'ang ji zhes brtag ste/ rtogs par bya ba la tha dad pa med pas blo tha dad pa med pa'i phyir yul de la tha dad par rtog pa mi 'thad pa'i phyir ro zhes bya bar dgongs so/ /de'i phyir pha rol pos rab tu byed pa'i dang por don dam par nang gi dngos po rnams la ngo bo nyid yod pa kho na yin te/de dag la bcings pa dang / thar pa yod pa'i phyir ro zhes gang smras pa de'i gtan tshigs kyi don ma grub pa nyid do/ /de la 'dir rab tu byed pa'i don ni pha rol pos bsgrub pa smras pa'i skyon brjod pas 'khor ba dang /mya ngan las 'das pa ngo bo nyid med pa nyid du bstan pa yin no/ /de'i phyir rigs kyi bu de lta bas na bcom ldan 'das ni 'khor ba spong bar yang mi mdzad la mya ngan las 'das pa thob par yang mi mdzad mod kyi/ 'on kyang 'khor ba las yang dag par bzla ba gsungs te/ 'di la 'ga' yang 'khor ba las yang dag par 'da' ba yang med la/mya ngan las 'das pa rjes su 'thob pa yang med do/ /de ci'i phyir zhe na/ 'di ltar mnyam pa nyid la 'khor ba yang med/ mya ngan las 'das pa yang med/ kun nas nyon mongs pa yang med/ rnam par byang ba yang med pa'i phyir ro zhes bya ba la sogs pa dang /de bzhin du rab kyi rtsal gyis rnam par gnon pa gzugs la 'khor ba'am 'khor ba'i chos can med do/ /de bzhin du tshor ba dang / 'du shes dang / 'du byed rnams dang / rnam par shes pa la 'khor ba'am 'khor ba'i chos can med do/ /gzugs dang / tshor ba dang / 'du shes dang /'du byed rnams dang / rnam par shes pa la 'khor ba'am/ 'khor ba'i chos can dag med pa gang yin pa de ni shes rab kyi pha rol tu phyin pa'o zhes bya ba la sogs pa gsungs pa dang / de bzhin du tshangs pa ngas 'khor ba yang ma dmigs/ mya ngan las 'das pa yang ma dmigs so/ / de ci'i phyir zhe na/ de bzhin gshegs pas 'khor ba 'dogs par mdzad kyang der 'ga' yang 'khor bar mi 'gyur la/ de bzhin gshegs pas mya ngan las 'das pa 'dogs par mdzad kyang der 'ga' yang mya ngan las 'da' bar mi 'gyur pa'i phyir ro zhes bya ba la sogs pa gsungs pa de dag grub pa yin no//slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/ bcings pa dang thar pa brtag pa zhes bya ba ste/ rab tu byed pa bcu drug pa'o// //dbu ma rtsa ba'i 'grel pa shes rab sgron ma/ bam po bcu gnyis pa/ da ni de bzhin du stong pa nyid kyi mi mthun pa'i phyogs kyi khyad par dgag pa las dang 'bras bu ngo bo nyid med pa nyid du bstan pa'i don gyi dbang gis rab tu byed pa bcu bdun pa brtsam mo//rab tu byed pa 'das ma thag par 'du byed rnams dang / sems can dang / gang zag 'khor bar mi 'thad do/ /zhes bstan pa'i phyir 'dir pha rol po dag gis bstan bcos mdzad pas dam bcas pa'i don sgro btags nas smras pa/khyod kyis 'du byed rtag pa dang / mi rtag pa rnams la 'khor ba mi 'thad de/ rtag pa dang chad pa'i skyon du 'gyur ba'i phyir ro zhes smras pas ni/ 'du byed mya ngan 'da' bar ni/ /ji lta bur yang mi 'thad do//zhes bstan pa yin pas/ de'i phyir 'dir ji ltar rtag pa dang / chad pa'i skyon du yang mi 'gyur la/ 'du byed rnams la 'khor ba yang yod pa de ltar bsgrub par bya ste/ don dam par nang gi 'du byed rnams la 'khor ba yod pa kho na yin te/ las dang 'bras bu 'brel pa'i phyir ro/ /'di na gang med pa de la ni las dang 'bras bur 'brel pa ma mthong ste/dper na mo gsham gyi bu zhes bya ba'i 'du byed rnams bzhin no/ /nang gi 'du byed rnams la ni las dang 'bras bur 'brel pa yod pas de'i phyir gtan tshigs ji skad smos pa'i mthus don dam par nang gi 'du byed rnams la 'khor ba yod pa kho na yin no/ /de la re zhig las ni/bdag nyid legs par sdom pa dang / /gzhan la phan 'dogs byams sems gang / /de chos de ni 'di gzhan du/ /'bras bu dag gi sa bon yin/ /bdag nyid legs par sdom pa zhes bya ba ni bdag nyid yang dag par sdom par byed cing mi dge ba las ldog par byed pa ste/ mi dge ba spong ba'i sems pa dang mtshungs par ldan pa'i sems zhes bya ba'i tha tshig go//gzhan la phan 'dogs par zhes bya ba ni sbyin pa dang snyan par smra ba dang / 'jigs pa las yongs su skyob pa la sogs pa gzhan dag la phan 'dogs par byed pa'o/ /byams pa zhes bya ba ni mdza' bshes las 'byung bas byams pa'o//yang na byams pa nyid byams pa ste/ bdag gi don la de dang mthun pa'i rkyen brjod pa'i phyir ro/ /de lta bu'i sems pa gang yin pa de chos yin no/ /de ni sa bon yin te/ rgyu dang rkyen ces bya ba'i tha tshig go/ /gang dag gi zhe na/ 'bras bu dag gi'o/ /gang du zhe na/ 'di dang gzhan du ste/tshe 'di dang gzhan dag tu myong bar 'gyur ba'i rkyen dbang gis so/ /sems pa ni sa bon nyid du gsungs te/ lus dang ngag gi las dag kun nas slong ba yin pa'i phyir ro/ /chos las bzlog pas chos ma yin te / chos ma yin pa dang / sdig pa dang / mi dge ba zhes bya ba dag ni rnam grangs so//chos ma yin pa las bzlog pas chos kyi rnam grangs dag go/ /lung du ma bstan pa ni rnam par smin pa las skyes pa dang / spyod lam las byung ba dang / bzo'i gnas las byung ba dang / sprul pa byed pa las byung ba'i bye brag gis rnam pa bzhi ste/ rnam par smin pa 'dod pa dang / mi 'dod pa mi skye ba'i phyir dang /dge ba dang / mi dge ba nyid du brda mi sprod pa'i phyir lung du ma bstan to/ /de ltar chos la sogs pa'i dbye bas tha dad pa de dag kyang rnam pa gnyis te/ drang srong mchog gis las rnams ni/ /sems pa dang ni bsam par gsungs/ /drang srong mchog ni bcom ldan 'das te/ de ni drang srong yang yin la mchog kyang yin te/bgrod par bya ba ma lus par bgrod zin pa'i phyir dang / nyan thos dang / rang sangs rgyas dang / byang chub sems dpa' zhes bya ba'i drang srong rnams las mchog tu gyur pa'i phyir ro/ /de las chos dang / chos ma yin pa dang / lung du ma bstan pa'i dbye bas tha dad pa rnams ni rnam pa gnyis te/sems pa dang / bsam pa'o zhes gsungs so/ /las de dag gi bye brag ni/ /rnam pa du mar yongs su bsgrags/ /zhes bya ba ni mdor bstan pa'o/ /de rgyas par bshad pa ni/ de la las gang sems pa zhes/ /gsungs pa de ni yid kyir 'dod/ /de la zhes bya ba'i sgra ni dmigs kyis bsal ba'i don to//las gang sems pa zhes gsungs pa de ni yid kyir 'dod de/ yid kyi zhes bya ba ni yid las byung ba ste/ yid kyi sgo kho na nas de mthar thug par 'gyur ba'i phyir ro/ /lus kyi dang ngag gi dag ni sems pa zhes mi brjod de/ de dag sems pas kun nas bslang ba yin yang lus dang /ngag gi sgo nas yongs su rdzogs pa'i phyir ro/ /bsam pa zhes ni gang gsungs pa/ /de ni lus dang ngag gi yin/ /bsam pa zhes bya ba ni blos bsams nas byed pa gang yin pa ste/ de ltar las gang bsam pa zhes bya ba gsungs pa ni lus dang ngag gi yin te / lus dang ngag las byung ba'i phyir dang /de dag gi sgo nyid nas mthar thug par 'gyur ba'i phyir ro/ /de ltar re zhig las rnam pa gnyis bstan to/ /ji ltar rnam pa du ma zhe na/ ngag dang bskyod dang mi spong ba'i/ /rnam rig byed min zhes bya gang / /spong ba'i rnam rig byed min pa/ /gzhan dag kyang ni de bzhin 'dod/ /longs spyod las byung bsod nams dang //bsod nams ma yin tshul de bzhin/ /sems pa dang ni chos de bdun/ /las su mngon par 'dod pa yin/ /de la ngag ni yi ge gsal bar brjod pa'o/ /bskyod pa ni lus g.yo ba'o/ /mi spong ba'i rnam par rig byed ma yin pa zhes bya ba ni/ bdag gi lus sam ngag gam yid kyis mi dge ba 'di lta bu zhig bya'o snyam du yi dam bcas pa'i skad cig ma tshun chad nas byed pa pos las de mi byed du zin kyang /mi dge ba yang dag par blangs pa'i rgyu las byung ba mi spong ba'i mtshan nyid kyi rnam par rig byed ma yin pa gang dag yin pa'o/ /spong pa'i rnam par rig byed ma yin pa gzhan dag kyang de bzhin du 'dod de/bdag gis lus sam ngag gam yid kyi dge ba'i las 'di lta bu zhig bya'o snyam du yi dam du bcas pa'i sems pa tshun chad nas byed pa pos las de mi byed du zin kyang dge ba'i bya ba yang dag par blangs pa'i sems pas bskyed pa spong ba'i mtshan nyid kyi rnam par rig byed ma yin pa gang dag yin pa'o//rnam par rig byed ma yin pa zhes bya ba ni/ gzugs dang bya ba'i ngo bo nyid yin du zin kyang rnam par rig byed bzhin du gzhan la rnam par rig par mi byed pa'i phyir ro/ /longs spyad pa las byung ba'i bsod nams zhes bya ba ni yongs su longs spyad pa'i rgyu las bsod nams de byung ngo zhes bya bar tshig rnam par sbyar te/yongs su longs spyod pa zhes bya ba 'di dkon mchog gsum gyi yul la dngos po yongs su btang ba nye bar spyad pa'o/ /de'i rgyu las byung ba zhes bya ba ni de'i rjes las byung ba ste/ 'brel pa dang 'phel ba zhes pa dag gi rnam grangs so//bsod nams zhes bya ba ni dag par byed pas bsod nams te/ dge ba zhes bya ba dag gi rnam grangs so/ /longs spyad pa las byung ba'i bsod nams ma yin pa yang tshul de bzhin te/ yongs su longs spyad pa'i rgyu las byung zhes bya ba'i tha tshig go/ /bsod nams ma yin pa ni bsod nams las bzlog pa las khong du chud par bya'o//sems pa zhes bya bas ni yid kyi las bstan te/ 'o na sems pa zhes bya ba de gang yin zhe na/ yon tan dang skyon las sems mngon par 'du byed pa ste yid kyi las so/ /de ltar ngag la sogs pa bdun po de dag ni chos te/ rang gi mtshan nyid 'dzin pa'i don gyis chos yin no//las su mngon par 'dod pa yin zhes bya ba ni las kyi mtshan nyid dag tu 'dod pa yin no/ /bsam gtan dang / klog pa la sogs pa'i las dag kyang yod mod kyi 'di dag nyid kyi khongs su 'dus pa'i phyir bdun kho nar nges par gzung ngo / /las de dang 'bras bur 'brel pa mthong ba ni/'gro ba lngar phung po lnga skye ba'i mtshan nyid yin no/ /de ltar las dang 'bras bur 'brel ba'i mtshan nyid kyi gtan tshigs kyis don dam par nang gi 'du byed rnams la 'khor ba yod pa kho na yin te/ des na bcings pa dang thar pa yod pa'i phyir don dam par nang gi dngos po rnams la ngo bo nyid yod pa kho na yin no//'dir bshad pa/ 'di la las de skyes nas smin pa'i dus kyi bar du gnas pa'am/ skyes nas 'jig par 'gyur ba zhig yin grang na/ de la re zhig /gal te smin pa'i dus bar du/ /gnas na las te rtag par 'gyur/ /skyes ma thag tu mi 'jig pa de'i bdag nyid ma yin pa ni phyis kyang 'jig par mi rigs pa'i phyir rtag pa nyid du thal bar 'gyur ro zhes bya ba'i tha tshig go//gal te chu shing dang 'dam bu dang / smyig ma bzhin du 'bras bu smin pa'i 'og tu de 'jig pas skyon med do zhe na/ skyon med pa ma yin te/ chu shing la sogs pa dag skad cig ma re re la 'jig pa nyid dang / de dang rigs mthun pa'i rgyun chad pas 'jig pa nyid tha dad par khas blangs pa'i phyir dang / don dam par ni las bzhin du smyig ma la sogs pa dag kyang 'bras bu dang 'brel par mi 'thad pa'i phyir dang / sngar ma zhig pa phyis de'i bdag nyid du 'gyur ba yang bstan dka' ba'i phyir ro/ /gal te 'jig pa'i rgyu'i snga rol na/'jig pa med du zin kyang phyis yod par 'gyur bas sngon ma zhig pa yang phyis 'jig pa nyid du 'gyur ro zhe na/ de yang rigs pa ma yin te/ 'di ltar gang zhig gang gi 'jig pa'i rgyur brjod pa de ni de'i 'jig pa'i rgyu ma yin te/ de las gzhan pa'i phyir dang / rgyu can yin pa'i phyir dper na de las gzhan pa bzhin pas rjes su dpag pas gnod pa'i phyir dang /lung las/ lus dang dbang po blo rnams ni/ /skad cig las ni ring mi gnas/ /zhes gsungs pas/ khas blangs pa la gnod par 'gyur ba'i phyir ro/ /ci ste skyon der gyur na mi rung ngo snyam nas skyes ma thag tu 'jig par dam bca' na/de lta na yang / gal te 'gags na 'gags gyur pa/ /ji ltar 'bras bu bskyed par 'gyur/ /'gag pa ni rang gi bdag nyid med pa kho na'i phyir ro zhes bya bar dgongs so/ /'gag bzhin pa yang 'bras bu bskyed pa nyid du rtog na yang 'gag bzhin pa 'gags pa 'am/ ma 'gags pa nyid la de mi 'thad pa'i phyir dang /brgal zhing brtag pa dang / lan mtshungs pa'i phyir ro/ /'gag bzhin pa ni 'gag pa la mngon par phyogs pa'o zhes rtog na yang skyon ji skad bstan pa nyid du 'gyur ba'i phyir ro/ /brjod par bya ba ma yin pa nyid du rtog na yang don dam par brjod par bya ba ma yin pa ni 'bras bu bskyed pa nyid du mi 'thad de/brjod par bya ba ma yin pa'i phyir dper na skye bzhin pas rjes su dpag pas gnod pa'i phyir de yang snying po ma yin no/ /de'i phyir gtan tshigs kyi don ma grub pa nyid kyi skyon dang / don 'gal ba nyid kyi skyon de nyid yod do/ /'dir smras pa/ las dang 'bras bur 'brel pa ni 'thad pa kho na yin te/ci'i phyir zhe na/ rgyud kyi rgyun las 'bras bu 'grub pa'i phyir te/ 'di lta ste dper na/ myu gu la sogs rgyun gang ni/ /sa bon las ni mngon par 'byung / /de las 'bras bu sa bon ni/ /med na de yang 'byung mi 'gyur/ /gang phyir sa bon las rgyun dang / /rgyun las 'bras bu 'byung 'gyur zhing //sa bon 'bras bu'i sngon 'gro ba/ /de phyir chad min rtag ma yin/ /myu gu dang / 'dab ma dang / sdong bu dang / sbu gu dang / snye ma dang / spun pa dang / gra ma dang / srugs dang / 'bras thug po che la sogs pa'i mtshan nyid kyi rgyun gang yin pa de ni sa bon 'gags pa las mngon par 'byung zhing rgyun de las 'bras bu mngon par 'byung ngo //sa bon med na myu gu sngon du btang ba'i rgyun de las mngon par 'byung bar mi 'gyur ro/ /gang gi phyir sa bon las rgyun mngon par 'byung la/ rgyun las 'bras bu mngon par 'byung bar 'gyur zhing / sa bon 'bras bu'i sngon du 'gro ba de'i phyir chad pa ma yin te/sa bon gyi rgyun gyis nges par gnas pa'i phyir ro/ /rtag pa yang ma yin te/ myu gu byung ba na sa bon de 'gags pa'i phyir ro/ /de ltar na de ni chos mthun pa'i dpe'i tshig yin no/ /de bzhin du/ sems kyi rgyun ni gang yin pa/ /sems pa las ni mngon par 'byung //de las 'bras bu sems pa ni/ /med na de yang 'byung mi 'byung / /gang phyir sems pa las rgyun dang / /rgyun las 'bras bu 'byung 'gyur zhing / /las ni 'bras bu'i sngon 'gro ba/ /de phyir chad min rtag ma yin/ /sems ni rgyun 'brel par 'jug pa'i mtshan nyid gang yin pa de ni byams pa dang /byams pa ma yin pa'i sems pa las su brjod pa gang yin pa'i sems 'gag pa de las mngon par 'byung zhing rgyun de las 'bras bu 'dod pa dang mi 'dod pa nyams su myong ba'i mtshan nyid mngon par 'byung ngo / /sems pa med na sems kyi rgyun de yang mngon par 'byung bar mi 'gyur te/ de ltar des ni las kyi chos rgyun rjes su 'jug pa nyid bstan to/ /gang gi phyir sems pa las rgyun ces bya ba rgyu dang 'bras bu'i dngos por 'brel cing rgyas par 'gyur ba'i rgyun 'brel pa zhes bya ba'i don mngon par 'byung la/ rgyun las 'bras bu mngon par 'byung bar 'gyur zhing / las 'bras bu'i sngon du 'gro ba de'i phyir chad pa yang ma yin la/rtag pa yang ma yin te/ bsgrub pa ji skad bstan pas 'du byed rnams kyi rgyun gyis 'bras bu skyed pa'i phyir dang / skad cig ma gnyis par nges par mi gnas pa'i phyir ro zhes bya bar dgongs te/ de ltar na de ni mjug bsdu ba'i tshig yin no/ /de'i phyir 'dir rjes su dpag pa ni don dam par sems can gyi sgrar brjod pa'i 'du byed rnams la las dang 'bras bur 'brel pa yod pa kho na yin te/bcom ldan 'das kyis 'bras bu khyad par can thob par 'dod pa rnams la de dang 'brel pa thob par bya ba'i phyir thabs bstan pa yod pa'i phyir/ dper na sa bon dang 'bras bur 'brel pa bzhin no//'di na gang yod pa ma yin pa de la ni bcom ldan 'das kyis de dang 'brel pa thob par bya ba'i phyir thabs ma bstan te/ dper na nam mkha'i me tog gi phreng ba bzhin no/ /'di la ni/ chos sgrub pa yi thabs rnams ni/ dkar po las ni lam bcu ste/ /chos kyi 'bras bu 'di gzhan du//'dod pa'i yon tan rnam lnga'o/ /rnam par smin pa dang / rgyu mthun pa'i 'bras bu'i bye brag las so zhes bcom ldan 'das kyis 'bras bu khyad par can 'dod pa rnams la de dang 'brel pa thob par bya ba'i phyir thabs bstan pa yod pas/ de'i phyir gtan tshigs ji skad smos pa'i mthus ji skad smras pa'i don grub po//gzhan dag gis smras pa/ gal te brtag pa der gyur na/ /nyes pa chen po mang por 'gyur/ /de lta bas na brtag pa de/ /'dir ni 'thad pa ma yin no/ /gal te khyod kyi sa bon gyi rgyun dang / chos mthun pa'i mtshan nyid kyi brtag pa de ltar gyur na/ nyes pa'i skyon chen po mang du 'byung bar 'gyur te/ mi'i rgyud las lha la sogs pa'i rgyud du skye bar mi 'gyur te/ rigs tha dad pa'i phyir dper na shing nim pa'i sa bon las a mra la sogs pa'i 'bras bu skye bar mi 'gyur ba bzhin pas/ rjes su dpag pas gnod pa'i phyir ro/ /de bzhin du dge ba'i sems las mi dge ba dang /lung du ma bstan pa'i sems dang / mi dge ba'i sems las dge ba dang / lung du ma bstan pa'i sems dang / lung du ma bstan pa'i sems las dge ba dang / mi dge ba'i sems dang / 'dod pa na spyod pa'i sems las gzugs dang / gzugs med pa na spyod pa dang / 'jig rten las 'das pa'i sems dang /gzugs na spyod pa'i sems las 'dod pa dang / gzugs med pa na spyod pa dang / 'jig rten las 'das pa'i sems dang / gzugs med pa na spyod pa'i sems las 'dod pa dang / gzugs na spyod pa dang / 'jig rten las 'das pa'i sems skye bar mi 'gyur te/ rjes su dpag pa ji skad bstan pas gnod par 'gyur ba'i phyir te/de ltar na dge ba dang / mi dge ba dag bya ba dang / spang bar mi 'thad pas/ de'i phyir brtag pa de ni 'dir 'thad pa ma yin no/ /'o na ji lta bu 'thad ce na/ ji skad smos pa'i skyon gyi dri mas ma gos pa/ sangs rgyas rnams dang rang rgyal dang / /nyan thos rnams kyis gsungs pa yi//brtag pa gang zhig 'dir 'thad pa/ /de ni rab tu brjod par bya/ /de yang gang zhe na/ ji ltar bu lon dpang rgya ltar/ /de ltar las dang chud mi za/ /bu lon gyi dpang rgya ji lta ba de ltar las kyi chud mi za ba'i mtshan nyid kyi chos nges par gnas te/ dper na bu lon gyi nor de spyad kyang dpang rgya yod pas nor bdag gi nor chud mi za zhing nor gyi phung po skyed dang bcas pa 'ong bar 'gyur ba bzhin du las skad cig ma 'gags su zin kyang /de'i rgyu las byung ba chud mi za ba zhes bya ba'i chos yod pas/ byed pa po'i las kyi 'bras bu chud mi za zhing 'bras bu khyad par dang bcas pa 'ong bar 'gyur ro//ji ltar nor bdag gis nor phyir khugs na bu lon gyi dpang rgya ror 'gyur ba de ltar byed pa pos 'bras bu myong na chud mi za ba yang de bzhin du 'gyur ro/ /de ni khams las rnam pa bzhi chud mi za ba de ni 'dod pa dang / gzugs dang / gzugs med par gtogs pa dang / zag pa med pa'i khams kyi bye brag las rnam pa bzhir 'gyur ro//de yang rang bzhin lung ma bstan/ /dge ba dang mi dge ba nyid du brda mi sprod pa'i phyir ro/ /spong bas spang ba ma yin te/ sdug bsngal ba dang / kun 'byung ba dang / 'gog pa dang / lam mthong bas spang bar bya ba spong bas/ spang ba ma yin pa'i phyir ro//bsgom pas spang ba nyid kyang yin/ /'bras bu 'pho ba na bsgom pa'i lam gyis spang ba yin pa'i phyir ro/ /kyang zhes bya ba'i sgra ni 'bras bu bskyed pas kyang spang ba nyid yin no zhes rnam par brtag pa'i don to/ /de phyir chud mi za ba yi/ /las kyi 'bras bu skye bar 'gyur/ /gang gi phyir de sdug bsngal la sogs pa mthong bas spang bar bya ba spong bas/spang ba ma yin pa de'i phyir sdug bsngal la sogs pa mthong bas spang bar bya ba'i las mi dge ba bzhin du las spangs su zin kyang chud mi za bas las rnams kyi 'bras bu skyed par 'gyur ro/ /de la chud mi za ba de/ /gal te mthong bas spang ba dang / / las 'pho ba dang mthun gyur na/ /de la las 'jig la sogs pa'i/ /skyon rnams su ni thal bar 'gyur/ /de la gal te chud mi za ba de sdug bsngal la sogs pa mthong bas spang bar bya ba nyon mongs pa'i phra rgyas sdug bsngal la sogs pa mthong bas spang bar bya ba dang / las 'pho ba dang / rigs mthun pa yin par gyur na de la las kyi 'bras bu med pas/las 'jig pa la sogs pa'i skyon rnams su thal bar 'gyur ro/ /las mi dge ba ni mthong ba'i lam gyis spang ba yin par blta bar bya ste/ 'phags pa yang so so'i skye bo'i las dang ldan par gyur na mi rung ba'i phyir ro/ /de lta bas na mthong bas spang bar bya ba dang /las bzhin du spang bar bya ba ma yin te/ 'bras bu 'phos na ni spang bar 'gyur ro/ /'dod par gtogs pa ni 'dod pa'i khams las yang dag par 'das pas spong la/ gzugs dang gzugs med par gtogs pa dag kyang / gzugs dang / gzugs med pa'i khams dag las yang dag par 'das pas spong ngo //khams mtshungs las ni cha mtshungs dang / /cha mi mtshungs pa thams cad kyi/ /de ni nying mtshams sbyor ba'i tshe/ /gcig pu kho nar skye bar 'gyur/ /khams mtshungs pa'i zhes bya ba ni khams 'dra ba'i'o/ /las cha mtshungs pa ni rigs mthun pa'o/ /cha mi mtshungs pa ni rigs mi mthun pa'o//de dag thams cad kyi chud mi za ba de'i tshe 'di la re re las bskyed pa dag ni nying mtshams sbyor ba'i dus kyi tshe de dag thams cad 'gag pa na yang gcig pu kho nar skye bar 'gyur ro/ /tshe 'di la ni las dang las/ /rnam pa gnyis po thams cad kyi/ /de ni tha dad skye 'gyur zhing //rnam par smin kyang gnas pa yin/ /tshe 'di la ni las dang las so so ba sems pa dang / bsams pa'i bye brag gam/ dge ba dang / mi dge ba'i bye brag gis rnam pa gnyis po thams cad kyis chud mi za ba gang yin pa de ni tha dad par skye bar 'gyur ro/ /rnam par smin pa yang gnas pa yin te/de ni las rnam par smin pa'i rgyus 'gag pa ltar nges pa nyid ma yin no/ /de gnas su zin kyang 'bras bu bskyed par mi nus te/ 'bras bu bskyed zin pa'i phyir nges par spyad zin pa'i dpang rgya bzhin no/ /de ni 'bras bu 'phos pa dang / /shi bar gyur na 'gag par 'gyur/ /de yi rnam dbye zag med dang //zag dang bcas par shes par bya/ /las de'i chud mi za ba de'i 'gag pa ni rnam pa gnyis su nges pa yin te/ 'bras bu 'phos par gyur pa dang / shi bar gyur pa'o/ /de la 'bras bu 'phos par gyur pa ni sgom pas spang bar bya ba nyid kyang yin zhes bstan pa yin no//shi bar gyur pa ni/ khams mtshungs las ni cha mtshungs dang / /cha mi mtshungs pa thams cad kyi/ /de ni nying mtshams sbyor ba'i tshe/ /gcig pu kho nar skye bar 'gyur/ /zhes bstan pa yin no/ /de'i de yang rnam par dbye na rnam pa gnyis su shes par bya ste/ zag pa med pa dang /zag pa dang bcas pa'i las kyi bye brag gis so/ /de'i phyir de ltar chud mi za ba yod na/ srog chags las sna tshogs las skyes pa 'gro ba dang / rigs dang / rus dang / yul dang / dus tha dad pa rnams kyi lus dang / dbang po dang / kha dog dang / dbyibs dang / stobs dang / blo dang / mos pa dang /ngang tshul dang / longs spyod la sogs pa tha dad pa dag mngon par 'grub par 'gyur ro/ /de'i phyir/ stong pa nyid dang chad min dang / /'khor ba dang ni rtag pa min/ /las rnams chud mi za ba'i chos/ /sangs rgyas kyis ni bstan pa yin/ /de ltar gang gi phyir las dang 'bras bur 'brel pa de'i phyir stong pa nyid kyang 'thad pa yin te/'du byed rnams mu stegs byed kyis yongs su brtags pa'i bdag gis stong pa'i phyir ro/ /chad pa yang ma yin te/ chud mi za ba nges par gnas pa'i phyir ro/ /'khor ba yang 'thad de/ 'gro ba tha dad par 'du byed rnams mngon par grub pa'i mtshan nyid yod pa'i phyir ro//rtag pa yang ma yin te/ las rnam par 'jig pa'i phyir ro/ /las rnams kyang chud mi za ba zhes bya ba'i chos sangs rgyas kyis bstan pa de yang grub pa'i phyir ro/ /de lta bas na brtag pa de nyid 'dir 'thad pa yin no/ /de'i phyir sngar smras pa'i gtan tshigs las dang 'bras bur 'brel ba'i phyir ro zhes bya ba de'i don ma grub pa nyid kyang ma yin la/rtag pa dang / chad pa'i skyon du yang thal bar mi 'gyur ro/ /'dir bshad pa/ kho bo cag gi phyogs la/ gang phyir las ni skye med pa/ /de'i phyir las kho na bzhin du don dam par sa bon gyi rgyun kyang skye ba med pas dpe med pa'i phyir sgrub pa ma tshang ba'i skyon yod do//gal te las de ci'i phyir skye ba med ce na/ gang phyir dngos nyid med de'i phyir/ /gang gi phyir las ngo bo nyid med pa de'i phyir skye ba med do/ /de ltar re zhig phyogs dang po shos kyi phyir skyon bshad do/ /phyogs gnyis pa shos kyis gang smras pa de la yang gal te sgrub pa'i sbyor ba 'di yin te/las dang 'bras bur 'brel pa yang yod la/ rtag pa dang / chad pa'i skyon du yang mi 'gyur te/ chud mi za ba yod pa'i phyir ro zhe na/ de lta na yang kho bo cag gi phyogs la/ gang phyir las ni skye med pa/ /de'i phyir don dam par chud mi za ba yang ma grub ste/'di ltar skyes na ni de'i chud mi za ba yang chud mi za bar 'gyur ba zhig na/ de yang ma skyes pas/ de med pa'i phyir de yang med pas gtan tshigs kyi don ma grub pa nyid do/ /kun rdzob tu las dang / 'bras bur 'brel pa ston pa na ni don 'gal ba nyid do/ /phyogs dang po pa'i phyir phyogs gnyis pa las gal te/khyod kyi sa bon gyi rgyun dang chos mthun pa'i mtshan nyid kyi brtag pa de ltar gyur na nyes pa'i skyon chen po mang du 'byung bar 'gyur te zhes gang smras pa/ de yang rigs pa ma yin te/ rgyu dang 'bras bu'i rgyun rjes su 'jug pa nyid kyis 'brel pa med na mi 'byung ba nyid dang / rtag pa ma yin pa dang / chad pa ma yin pa nyid med na mi 'byung ba nyid kyis sa bon gyi rgyun dpe nyid du 'dod pa'i phyir ro/ /de'i khyad par dag bsgrub par bya ba la rnam par rtog par byed pa yang / rnam par rtog pa'i dra ba'i ltag chod du 'gyur te/ sems dang sems las byung ba'i rgyun las/ de dag gi rgyun 'byung bas rigs tha dad pa'i phyir zhes bya ba'i gtan tshigs kyi don ma grub pa nyid do//gtan tshigs kyi don ma nges pa nyid kyi skyon yang yod de/ de dag gi phyogs la ba lang gi spu dang / lug gi bal dag las rtswa dUr ba'i rgyun 'byung ba'i phyir dang / rwa las smyig ma skye ba'i phyir ro/ /'dir smras pa/ lung las byung ba yang rtags yin pas chud mi za ba yang bcom ldan 'das kyis gsungs la/de'i rtags rtag pa ma yin pa dang chad pa ma yin pa nyid kyang grub pa'i phyir las bzhin du/ don dam par chud mi za ba yang ma grub pas gtan tshigs kyi don ma grub pa nyid do zhes gang smras pa de rigs pa ma yin no/ /'dir bshad pa/bcom ldan 'das kyis/ gang phyir de ni ma skyes pa/ /de phyir chud zar mi 'gyur ro/ /zhes gsungs pas/ de'i phyir ma skyes pa la chud za bar mi 'gyur ro zhes gang gsungs pa de 'dod la de yang pha rol po'i phyogs la ma grub pas rang la don ma grub pa nyid do/ /ngo bo nyid yod par smra bas kyang las la ngo bo nyid med do zhes de khong du chud par bya dgos so//gzhan du dam bcas na/ /gal te las la dngos nyid yod/ /rtag par 'gyur bar the tshom med/ /rang bzhin ni mi 'gyur ba'i phyir ro zhes bya bar dgongs so/ /de'i phyir/ las ni byas pa ma yin 'gyur/ /rtag la bya ba med phyir ro//las ma byas pa la 'bras bu myong ba yod par rtog na/ ci ste las ni ma byas na/ /ma byas pa dang phrad 'jig 'gyur/ /gzhan yang tshangs spyod gnas pa ma yin pa'ang / de la skyon du thal bar 'gyur/ /tshangs pa ni mya ngan las 'das pa'o/ /tshangs par spyod pa ni de la spyod pa'o//tshangs par spyod pa la gnas pa ni de'i don du gnas pa'o/ / tshangs par spyod pa la gnas pa ma yin pa ni/ tshangs par spyod pa la mi gnas pa'o/ /de la tshangs par spyod pa la gnas pa ma yin pa yang tshangs par spyod pa la gnas pa'i skyon du thal bar 'gyur te/ mya ngan las 'das pa thob par byed pa'i las ma byas pa nyid la yang de yod par 'gyur ba'i phyir ro zhes bya bar dgongs so//de bzhin du bum pa dang / snam bu dag gis shig ces bya ba la sogs pa'i/ tha snyad thams cad nyid dang yang / /'gal bar 'gyur ba the tshom med/ /gzhan yang / bsod nams dang ni sdig byed pa'i//rnam par dbye ba 'thad mi 'gyur/ /'di ni bsod nams byed pa'o/ /'di ni sdig pa byed pa'o zhes bya ba'i rnam par dbye ba dag kyang 'thad pa nyid du mi 'gyur ro/ /de yi rnam par smin gyur pa/ /yang dang yang du rnam smin 'gyur/ /de yi rnam smin smin gyur pa/ /zhes bya ba ni de'i rnam par smin pa smin zin par gyur pa ste/las kyi 'bras bu bskyed zin pa zhes bya ba'i tha tshig go/ /gal te ci'i phyir las kyi rnam par smin pa smin zin kyang / yang dang yang du rnam par smin par 'gyur bar bshad ce na/ gal te gang phyir las gnas pa/ /de phyir ngo bo nyid yod phyir/ /gal te gang gi phyir las ngo bo nyid kyis nges par gnas pa de'i phyir ngo bo nyid yod pa'i phyir ro//gal te de gnas su zin kyang yang 'bras bu bskyed par mi nus te 'bras bu bskyed zin pa'i phyir/ nges par spyad zin pa'i dpang rgya bzhin no zhe na/ nges par spyad zin pa'i dpang rgya yang don dam par ma grub pa'i phyir de ni lam ma yin no//phyir rgol ba dag na re/ don dam par las ni yod pa kho na yin te/ de'i rgyu yod pa'i phyir ro/ /'di na gang med pa de la ni rgyu mi 'thad de/ dper na rus sbal gyi spu'i gos bzhin no/ /las la ni rgyu nyon mongs pa dag yod pas de'i phyir gtan tshigs ji skad smos pa'i mthus don dam par las ni yod pa kho na yin no zhe na/de ni bzang po ma yin te/ las ni nyon mongs bdag nyid na/ /nyon mongs de dag yang dag min/ /gal te nyon mongs yang dag min/ / las ni de yis ji ltar byas/ /las ni nyon mongs bdag nyid na/ /zhes bya ba ni las 'di nyon mongs pa'i rgyu las byung ba yin na zhes bya ba'i tha tshig ste /dper na bum pa 'jim pa'i bdag nyid yin na zhes bya ba lta bu'o/ /nyon mongs sems dag yang dag min/ /zhes bya ba ni nyon mongs pa'i ngo bo nyid med do zhes bya ba'i tha tshig ste/ skye ba bkag pa'i phyir dang / 'dod chags dang / chags pa brtag par de'i ngo bo nyid bkag pa'i phyir ram/yang na 'og nas/ gang dag sdug dang mi sdug pa'i/ /phyin ci log la brten 'byung ba/ /de dag ngo bo nyid med pas/ /de phyir nyon mongs yang dag min/ /zhes 'gog par 'gyur ba'i phyir ro/ /de'i phyir de ltar gal te nyon mongs pa de dag yang dag par ngo bo nyid med pa yin na las de/de dag gis byas par ji ltar 'gyur te/ las kyi rgyu nyon mongs pa ma yin no zhes bya ba'i tha tshig go/ /de'i phyir gtan tshigs kyi don ma grub pa nyid dam/ don 'gal ba nyid do/ /'dir smras pa/ don dam par nyon mongs pa rnams ni yod pa kho na yin te/ de dag gi 'bras bu yod pa'i phyir ro/ / 'di na gang med pa de la ni 'bras bu gzung du med de/ dper na 'on pa'i rna ba'i dbang po la 'bras bu rna ba'i rnam par shes pa bzhin no/ /nyon mongs pa rnams la ni 'bras bu las dang lus kyi mtshan nyid yod pas de'i phyir don dam par/ nyon mongs pa rnams ni yod pa kho na yin pas gtan tshigs kyi don ma grub pa nyid do //don 'gal ba nyid ma yin pa'i phyir 'dod pa'i don grub bo/ /yang na don dam par las ni yod pa kho na yin te/ de'i 'bras bu yod pa'i phyir ro/ /'di na gang med pa de la ni 'bras bu med de/ dper na nam mkha'i me tog gi 'bras bu bzhin no/ /las la ni 'bras bu lus kyi mtshan nyid yod pas de'i phyir don dam par las ni yod pa kho na yin pas lus yod pa ma yin par sgrub pa'i rjes su dpag pa dag la rtog ge phyi mas gnod par 'gyur ro//'dir bshad pa/ las dang nyon mongs pa dag ni/ /lus rnams kyi ni rkyen du bstan/ /bstan bcos las de ltar bstan pa ni tha snyad pa dag yin gyi don dam pa pa ni ma yin no//don dam par ni kho bo cag gi phyogs la sgrub pa sngar bstan pa dag gis/ gal te las dang nyon mongs pa/ /de stong lus la ji ltar brjod/ /las dang nyon mongs pa dag la ngo bo nyid med pa'i phyir las dang nyon mongs pa dag kho na bzhin du lus kyang ma grub pa'i phyir ro zhes bya bar dgongs so//de'i phyir de dag gi 'bras bu yod pa'i phyir ro zhes bya ba'i gtan tshigs kyi don ma grub pas ji skad bstan pa'i skyon yang ma nyams la dpe ma grub pas/ rtog ge phyi mas gnod pa yang med do/ /smras pa/ don dam par las ni yod pa kho na yin te/de'i 'bras bu la longs spyod pa'i za ba po yod pa'i phyir ro/ /'di na gang med pa de la ni de'i 'bras bu la longs spyod pa'i za ba po med de/ dper na nam mkha'i me tog gi phreng ba bzhin no/ /las la ni 'bras bu la longs spyod pa'i za ba po/ /ma rig bsgribs pa'i skye bo gang / /sred ldan de ni za ba po//de yang byed las gzhan min zhing / /de nyid de yang ma yin no/ /zhes bya ba yod de/ de la ma rig pa ni rig pa'i mi mthun pa'i phyogs su gyur pa'i chos so/ /des bsgribs pa ni g.yogs pa'o/ /skye bo gang zhes bya ba ni skye ba po gang yin pa ste srog chags so/ /sred ldan zhes bya ba la sred pa na 'dod pa'o//de la kun du sbyor ba de nyid yod pas sred ldan te/ sred pa'i kun du sbyor ba dang ldan pa zhes bya ba'i tha tshig go/ /de ni las kyi 'bras bu za ba po ste/ ji skad du/ mdo sde las/ ma rig pa sgribs pa'i sems can dag /sred pa'i kun du sbyor dang ldan/ /zhes bya ba dang / de bzhin du ji ste khyod rang nyid kyis sdig pa'i las 'di byas na khyod rang nyid kyis de'i rnam par smin pa nyams su myong bar bya dgos so zhes gsungs pa'i phyir ro//de yang byed pa po las gzhan ma yin zhing / de nyid de yang ma yin te/ de nyid dang gzhan nyid du brjod par bya ba ma yin pa'i phyir ro/ /de'i phyir gtan tshigs ji skad smos pa'i mthus las kyi 'bras bu la longs spyod pa'i za ba po yod pas/don dam par las ni yod pa kho na yin no/ /'dir bshad pa/ de ni bstan bcos kyi dang po kho nar dngos po spyir/ de phyir rkyen las byung ma yin/ /rkyen min las byung 'bras bu ni/ /yod min 'bras bu med pas na//rkyen min rkyen du ga la 'gyur/ /zhes bshad zin pas/ gang gi phyir na las 'di ni/ /rkyen las byung ba ma yin zhing / /rkyen min las byung yod min pa/ /de phyir byed pa po yang med/ /de yang de bzhin du ma skyes pa'i phyir dang / byed pa po bkag pa'i phyir dang / rdzas su yod pa ma yin pa'i phyir ro zhes bya bar dgongs so//de'i phyir de ltar sgrub pa ji skad bstan pas/ gal te las dang byed med na/ /las skyes 'bras bu ga la yod/ /des na/ ji ste 'bras bu yod min na/ /za ba po lta ga la yod/ /za ba po'i sgrar brjod pa nyid kyi rgyu med pa'i phyir ro zhes bya bar dgongs so/ / de'i phyir de'i 'bras bu la longs spyod pa'i za ba po yod pa'i phyir ro zhes bya ba'i gtan tshigs de'i don ma grub pa nyid do/ /log par ston pa ni don 'gal ba nyid do/ /'dir kha cig gis smras pa/ las dang 'bras bu la skur pa 'debs pa'i lta ba ni log par lta ba yin pas/ dbu ma smra ba lta ba'i skyon gyi ling tog gis blo gros kyi mig bsgribs pa rnams la de kho na mthong ba mi 'thad do//'dir bshad pa/ ji ltar sprul pa ston byed pa/ /rdzu 'phrul phun sum tshogs pa yis / /sprul zhing sprul pas gzhan sprul byed/ /sprul pa des kyang gzhan dag ltar/ /sprul par byed pa zhes bya bar sbyar ro//de bzhin byed pos las gang byas/ /de yang sprul pa'i rnam pa bzhin/ /de bzhin du byed pa pos las gang byas pa'i byed pa po de yang sprul pa'i rnam pa bzhin te/ thog ma med pa nas rkyen brgyud pa las byung ba'i bdag nyid bzhin yin pa'i phyir ro/ /las de yang sprul pa'i rnam pa bzhin te/ngo bo nyid med pa'i phyir ro/ /dper na sprul pas sprul gzhan zhig /sprul pa mdzad pa de bzhin no/ /dper na de bzhin gshegs pa'i sprul pas sprul pa gzhan zhig sprul pa mdzad pa de la yang ngo bo nyid med pa bzhin no/ /nyon mongs las dang lus rnams dang / / byed pa po dang 'bras bu dag /dri za'i grong khyer lta bu dang / /smig rgyu rmi lam 'dra ba yin/ /rgyu dang rkyen tshogs pas bskyed pas tha snyad du grags pa mtho ris dang byang grol 'thob pa'i tshogs su gyur pa dag tha snyad du khas len pas/ de'i phyir las dang 'bras bu la skur pa mi 'debs pas ji skad smras pa'i skyon med do//gal te don dam par de dag la skur pa btab pas de ni lan ma yin no zhe na/ de ni sngar/ gal te dngos por ma grub na/ /dngos med grub par mi 'gyur ro/ /yod ces bya ba rtag par 'dzin/ /med ces bya ba chad par lta/ /de phyir yod dang med pa la/ /mkhas pas gnas par mi bya'o/ / zhes bya ba bstan pa der bsgrub pa smras pas/ las dang 'bras bu med par smra ba khas blangs pa'i phyir lan ma yin pa ma yin no/ /yang na rnam par rmongs pa'i sems dang ldan pa dag don dam par dngos po rnams ngo bo nyid med pa nyid yin na las dang 'bras bu dang de dag 'brel ba dang / byed pa po dang za ba po dag med pas tshangs par spyod pa la gnas pa don med par 'gyur ro snyam du sems pa rnams kyi rnam par rmongs pa'i yol ba bshu ba'i phyir las la sogs pa kun rdzob tu sprul pa la sogs pa'i rnam pa bzhin du yod par bstan pa'i phyir ro //ji ltar sprul pa ston byed pa/ /rdzu 'phrul phun sum tshogs pa yis / /sprul zhing sprul pa gzhan sprul byed//sprul pa des kyang gzhan dag ltar/ /zhes bya ba la sogs pa rgya cher gsungs so/ /de la 'dir rab tu byed pa'i don ni/ pha rol pos rab tu byed pa'i dang por smras pa'i gtan tshigs kyi skyon brjod pas/ las dang 'bras bu ngo bo nyid med pa nyid du bstan pa yin no/ /de'i phyir gang la las kyang med las kyi 'bras bu yang med pa de ni byang chub bo//byang chub ji lta ba bzhin du 'thob pa yang de bzhin no/ /'thob pa ji lta ba bzhin du lung bstan pa yang de bzhin no/ /de bzhin du 'phags pa rnams kyi rigs gang yin pa de la ni las kyang med las kyi rnam par smin pa yang med do/ /rigs de la ni lus kyis kyang las mi byed/ngag gis kyang mi byed/ yid kyis kyang mi byed do zhes bya ba la sogs pa gsungs pa de dag grub pa yin no/ /slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/ las dang 'bras bu brtag pa zhes bya ba ste/ rab tu byed pa bcu bdun pa'o// //da ni gzhan gyis smras pa'i sgrub pa bsal ba dang bdag nyid kyi sgrub pa kha na ma tho ba med pa bstan pas 'du byed rnams bdag dang bdag gis stong pa nyid du bstan pa'i don gyi dbang gis rab tu byed pa bco brgyad pa brtsam mo/ /de la bdag tu lta ba rnam pa du ma dag gi yul yang phung po yin pa'i phyir phung po rnams kho na las brtsams nas dpyad par bya ste/'di ltar bcom ldan 'das kyis kyang / dge slong ngam bram ze gang dag bdag tu yang dag par rjes su lta ba de dag thams cad ni nye bar len pa'i phung po lnga po 'di dag nyid la yang dag par rjes su lta'o zhes gsungs so/ /de la re zhig gang dag 'byung ba chen po lus kyi rnam par 'jug pa dag gam/'byung ba 'dus pa'am/ dbang po rnams sam/ dbang po 'dus pa'am/ rnam par shes pa bdag yin no zhes smra ba de dag la 'di skad ces brjod par bya ste/ 'byung ba dang / dbang po dang / rnam par shes pa so so 'am/ 'dus pa dag phung po'i mtshan nyid yin pa'i phyir de dag bdag yin par rtog na/ gal te phung po bdag yin na ji ltar kho bo cag gis tha snyad kyi don du phung po'i yul la bdag ces ston par byed pa lta bu yin nam/ 'on te gzhan zhig yin/ gal te ji ltar yang rung ste/ bdag grub pa'i phyir 'dod pa'i don grub bo zhe na/de'i phyir da de dpyad par bya ste/ khyed 'dod pa ltar/ gal te phung po bdag yin na/ /skye dang 'jig pa can du 'gyur/ phung po rnams skye ba dang 'jig pa'i chos can yin pa'i phyir ro/ /de ltar na 'dis ni phung po'i chos ni skye ba dang / 'jig pa'i chos can nyid yin par bstan to/ /'dir skye ba dang /'jig pa'i chos can nyid kyang mtshan nyid kyi sgra'i tshul gyis gzung bar zad kyi/ ji ltar phung po'i chos skye ba dang / 'jig pa'i chos can nyid yin pa de bzhin du/ phung po'i chos 'bras bu nyid dang / rgyu nyid dang / rtogs par bya ba nyid dang / rnam par smin pa nyid la sogs pa gzhan dag kyang yin par shes par bya'o//'dir sbyor ba'i tshig ni don dam par 'byung ba dang / 'byung ba 'dus pa dang / dbang po dang dbang po 'dus pa dang / rnam par shes pa dang / dbang po dang bcas pa'i lus dang / rnam par shes pa dang bcas pa'i lus ni bdag ma yin te/ skye ba dang 'jig pa'i chos can nyid yin pa'i phyir/ dper na phyi rol gyi 'byung ba dag bzhin no/ /de bzhin du 'bras bu nyid yin pa'i phyir zhes bya ba la sogs pa'i gtan tshigs re res kyang rjes su dpag pa rgyas par brjod par bya'o/ /gsal bar smra ba dag la yang gsal ba'i phyir bum pa la sogs pa dag la bdag med pa nyid med na mi 'byung ba'i phyir lus bdag dang bcas pa smra ba rnams la rang gi rjes su dpag pas gnod do//yang na/ gal te phung po bdag yin na/ /zhes bya ba ni lus la bdag mang po nyid du 'gyur te/ phung po mang ba nyid yin pa'i phyir ro zhes bya ba'i tshig gi lhag ma'o/ /yang na/ gal te phung po bdag yin na//skye dang 'jig pa can du 'gyur/ /zhes bya ba ni des na phung por rjes su dpag pas skye ba dang / 'jig pa'i chos can nyid kyis bdag gi chos can gyi khyad par skye ba dang / 'jig pa'i chos can nyid ma yin pa bstsal ba'i phyir ro/ /dam bcas pa la chos can gyi khyad par bstsal ba'i skyon yod do//yang na/ gal te phung po bdag yin na/ /skye dang 'jig pa can du 'gyur/ /zhes bya ba ni/ des na skye ba dang 'jig pa'i chos can nyid du rjes su dpog pas bdag ma yin pa nyid kyis bdag gi de'i bdag nyid bstsal ba'i phyir ram / dam bcas pa la chos can gyi ngo bo nyid bstsal ba'i skyon yod do//yang na/ gal te phung po bdag yin na/ /skye dang 'jig pa can du 'gyur/ /zhes bya ba ni bdag ni skye ba dang / 'jig pa can du mi 'dod pas de'i mtshan nyid ma yin pa yod pa nyid du bstan dka' ba dang / don dam par bdag med par smra bar nus te/ skye ba dang 'jig pa'i chos can nyid ma yin pa'i phyir dper na ri bong gi rwa bzhin no//yang na/ gal te phung po bdag yin na/ /skye dang 'jig pa can du 'gyur/ /zhes bya ba ni phung po rnams skye ba dang 'jig pa'i chos can nyid yin pa'i phyir/ des na don dam par gzugs su rung ba dang / myong ba dang mtshan mar 'dzin pa dang / mngon par 'du byed pa dang / rnam par shes par byed pa'i mtshan nyid kyi phung po lnga po dag ni bdag ma yin par shes par byar nus te/ skye ba dang 'jig pa'i chos can nyid yin pa'i phyir/ dper na bum pa bzhin no/ /de bzhin du 'bras bu nyid dang / rgyu nyid dang / lan 'ga' dga' ba dang / yongs su gdung ba'i rgyu nyid dang / the tshom can gyi shes pa dang /log pa'i shes pa'i rgyu nyid yin pa la sogs pa'i gtan tshigs dag gis kyang rjes su dpag pa rgyas par bya'o/ /bye brag pa dag ni bdag lus dang / dbang po dang / blo las gzhan pa bde ba la sogs pa'i gzhir gyur pa dang / byed pa po dang / sems pa med pa dang / rtag pa dang / thams cad du song ba yin par brjod la/ grangs can dag ni bdag 'bras bu dang rgyu las gzhan pa byed pa po ma yin pa dang / za ba po dang / dag pa dang / thams cad du song ba dang / mi 'gyur ba dang / sems pa yod pa yin par brjod cing skyes bu rgyur 'dod pa dag kyang de bzhin pas de dag la sgrub pa 'di mi gnod do zhe na/de'i phyir slob dpon gyis phung po las gzhan pa'i bdag bstan dka' ba nges par mdzad nas de dag gi phyir bshad pa/ gal te phung po rnams las gzhan/ /phung po'i mtshan nyid med par 'gyur/ /phung po'i mtshan nyid med pa ni phung po'i mtshan nyid ma yin te/ de gzugs su rung ba dang /myong ba dang / mtshan mar 'dzin pa dang / mngon par 'du byed pa dang / rnam par shes par byed pa'i mtshan nyid ma yin par 'gyur ro zhes bya ba'i tha tshig go/ /de ltar na 'dis ni brtags pa'i bdag gi chos ni phung po'i mtshan nyid ma yin pa nyid yin par bstan to/ /dpe ni de'i dbang gis bsgrub par bya ba dang /sgrub pa'i chos gnyi ga la grags pa'i chos can mo gsham gyi bu la sogs pa dag yin no/ /'dir rjes su dpag pa ni don dam par bdag gzugs la sogs pa'i phung po las gzhan pa med de/ phung po'i mtshan nyid ma yin pa'i phyir dper na mo gsham gyi bu bzhin no/ / gal te mya ngan las 'das pa phung po'i mtshan nyid ma yin pas ma nges pa nyid do zhe na/ de ni/ mtshan nyid med pa'i dngos po ni/ /'ga' yang gang na yod ma yin/ /zhes bya ba der mya ngan las 'das pa la sogs pa 'dus ma byas kyi dngos po bsal ba'i phyir mi mthun pa'i phyogs med pas ma nges pa nyid ma yin no//gal te bstan bcos mdzad pas/ dam bcas pa la sogs pa'i yan lag ma brjod pa'i phyir sgrub pa ma tshang ba'i skyon yod do zhe na/ don gyi tshig yin pa'i phyir skyon med de/ 'di ltar slob dpon gyi tshig dag ni don gyi tshig dag yin te/ yi ge mdor bsdus pa dang / don rgya che ba dag yin pas don gyi dbang gis sbyor ba'i tshig du ma dag gi gzhi yin par bzhed pa'i phyir ro//sbyor ba'i tshig la ni de skyon du yang 'gyur ro/ /yang na de la yang mi 'gyur te / rab tu byed pa'am/ lung las la la la yan lag 'ga' zhig grags pa yin na'o / /kha cig na re phyogs la sogs pa dag gis gtan tshigs snga ma ma nges pa nyid do zhe'o//de ni bzang po ma yin te/ mtshan nyid med pa'i dngos po ni/ /'ga' yang gang na yod ma yin/ /zhes bya bas lan btab zin pa'i phyir ro/ /rtag pa dang / thams cad du song ba'i tshig gi don ni bde ba dang / sdug bsngal la sogs pa'i gzhi ma yin te/skye ba can yin pa la sogs pa'i gtan tshigs dag gi phyir dper na gzugs la sogs pa bzhin no/ /rgyas par ni snga ma bzhin no/ /bdag ni khyab bdag ma yin te/ /rdzas yin pa'i phyir dper na bum pa bzhin no/ /gal te nam mkhas ma nges pa nyid do zhe na/ nam mkha' rdzas su yod pa nyid bkag pa'i phyir dang /de'i khyab bdag nyid kyang bdag gi khyab bdag nyid bzhin du bkag pa'i phyir ma nges pa nyid ma yin no/ /de bzhin du bdag ni byed pa po ma yin te/ lus can ma yin pa'i phyir dper na las bzhin no/ bdag ni rtag pa yang ma yin te/ rdzas yin pa'i phyir dper na bum pa bzhin no//de bzhin du shes bya nyid dang / brjod par bya ba nyid dang / dngos po nyid la sogs pa'i gtan tshigs dag gi phyir ro zhes kyang brjod par bya'o/ /bdag ni rgyu med pa yang ma yin te/ dngos po yin pa'i phyir dper na bum pa bzhin no/ /de bzhin du tshig gi don nyid yin pa la sogs pa'i gtan tshigs dag gi phyir ro zhes kyang brjod par bya'o//de bzhin du don dam par bdag ni sems pa yod pa yang ma yin/ rtag pa yang ma yin thams cad du song ba yang ma yin/ rgyu med pa yang ma yin te/ dngos po yin pa'i phyir dang / lan 'ga' yang dag pa'i shes pa dang /log pa'i shes pa dang / the tshom can gyi shes pa'i rgyu nyid yin pa'i phyir dang / lan 'ga' dga' ba dang / yongs su gdung ba'i rgyu nyid yin pa la sogs pa'i gtan tshigs dag gi phyir dper na ka ba bzhin no zhes brjod par bya'o/ /yang grangs can gyi phyogs la brjod par bya ste/don dam par bdag ni za ba po ma yin te/ the tshom can gyi shes pa la sogs pa'i rgyu yin pa'i phyir/ dper na sdong dum dang / bum pa bzhin no zhes brjod par bya'o/ /ci ste yang la la 'di snyam du dbu ma pas bdag tshig gi don nyid du khas ma blangs pa'i phyir de'i khyad par bstan pa mi rigs te/dper na mo gsham gyi bu'i sngo bsangs dang / dkar sham nyid la sogs pa bzhin no snyam du sems na/ de ni bzang po ma yin te/ yang 'byung ba'i srid pa len pa'i phyir bdag ces bya ste/ rnam par shes pa'i yul la bdag tu tha snyad gdags pa'i phyir rnam par shes pa la bdag tu brjod de/de ltar yang bcom ldan 'das kyis / sems dul ba ni dge ba ste/ /dul ba'i sems kyis bde ba 'thob/ /ces gsungs nas mdo sde gzhan las/ bdag gi mgon ni bdag nyid yin/ /gzhan ni mgon du su zhig 'gyur/ /mkhas pa bdag nyid legs dul bas/mtho ris dag kyang 'thob par 'gyur/ /zhes gsungs pas/ de'i phyir tha snyad du bdag spyir khas blangs pa'i khyad par ma grags pa sel ba'i phyir skyon med do/ /yang na sbyor ba'i lam gzhan bya ste/ dbang po dang bcas pa'i lus ni rtag pa dang / thams cad du song ba'i tshig gi don gyi dmigs pa'i rgyu thun mong ma yin pa nyid kyang ma yin te/dmigs par bya ba ma yin pa'i phyir dper na ka ba bzhin no/ /de bzhin du gzhal bya yin pa'i phyir ro zhes bya ba la sogs pa'i gtan tshigs dag kyang brjod par bya'o/ /'dir bdag tu smra ba dag phyir zlog par byed de/ phung po lnga dang lus la bdag med do zhes bya ba de'i don gang yin/gal te de dag la bdag med do zhe na ni dpe med de/ bum pa la sogs pa dag la yang de yod pa'i phyir ro/ /gal te de la dmigs par mi byed do zhe na ni de lta na yang dpe med de/ bum pa la sogs pa ni yul dmigs pa'i rgyu yin pa'i phyir ro//gal te dmigs pa'i rgyu thun mong ma yin pa nyid kyang ma yin no zhe na/ de lta na yang dpe med de/ bum pa la sogs pa dag ni dmigs pa'i rgyu thun mong ma yin pa nyid kyang yin pa'i phyir ro/ /de la 'dir phung po lnga dang / lus ni bdag gi dmigs pa'i rgyu thun mong ma yin pa nyid kyang ma yin no zhes dam bcas pa'i phyir/ji skad smras pa'i sgrub pa sun dbyung bar nus pa'i lan ma yin no// // dbu ma rtsa ba'i 'grel pa shes rab sgron ma bam po bcu gsum pa/ yang na rnal 'byor pas rang nyid kyis 'di brtag par bya ste/ 'di la bdag ces bya ba gang yin pa de ci phung po rnams kyi mtshan nyid dam/'on te phung po rnams las gzhan zhig yin/ de la re zhig /gal te phung po bdag yin na/ /skye dang 'jig pa can du 'gyur/ /des na de dag bdag ma yin te/ skye ba dang 'jig pa can yin pa'i phyir dper na ka ba bzhin no/ /gal te phung po rnams las gzhan/ /phung po'i mtshan nyid med par 'gyur//des na de ni med pa kho na yin te/ phung po'i mtshan nyid ma yin pa'i phyir dper na nam mkha'i me tog bzhin no/ /de bzhin du ma skyes pa nyid dang / rgyu med pa nyid la sogs pa'i gtan tshigs dag gis kyang bdag med par khong du chud par bya'o/ /bdag tu smra ba dag na re bdag ni yod pa kho na yin te/don mthong ba'i phyir ro/ /'di ltar lus la bdag med na dbang po sems med pa skar khung dang 'dra bas don mthong bar mi 'thad kyi/ bdag des ni de dang mtshan nyid mi 'dra ba gzhan mthong bar rigs pas/ gang gis mthong ba de ni bdag yin te/ de'i phyir bdag ni yod pa kho na yin no zhes zer ro//de ni bzang po ma yin te/ don mthong ba ni bdag gi chos nyid yin par ma grub pa'i phyir dang / rjes su 'gro ba med pa'i phyir ro/ /lus 'di bdag dang bcas pa'o/ /zhes phyogs su byed na yang / gtan tshigs thun mong ma yin pa nyid du 'gyur ro/ /'dis ni g.yas pas mthong ba/ g.yon pas ngo shes pa'i phyir dang / nyams su myong ba dran pa'i phyir dang / las dmigs pa'i phyir ro zhes bya ba la sogs pa'i gtan tshigs dag gi lan kyang btab pa yin no/ /mkhas par rlom pa gzhan dag gis smras pa/ lus la bdag go zhes bya ba'i sgra gang yin pa de ni yul gzhan la dngos su yod de/'ga' zhig la nye bar btags pa'i phyir dper na bram ze'i khye'u la seng ge'i sgra nye bar btags pa gang yin pa de ni de las gzhan pa'i seng ge ral pa dang / ze ba spungs pa can la don ji lta ba bzhin du mthong ba bzhin no/ /de bzhin du bdag ces bya ba'i sgra lus dang dbang po dang / blo tsam dag la nye bar btags pa de yang 'ga' zhig la nye bar btags pa ma yin pa'i phyir/de ni de las gzhan pa de la dngos su yod pas de ni bdag yin te/ de'i phyir bdag ni yod pa kho na yin no/ /yang na bdag ces bya bar shes pa'i blo gang yin pa de ni don ji lta ba bzhin pa'i yul can yin par nges par shes te/ yul gzhan la log par shes pa'i phyir dper na sdong dum la mir shes pa bzhin no/ /de bzhin du rgyu dang / 'bras bu'i yul la bdag tu shes pa de yang log par shes pa yin pas de ltar yul gzhan la log par shes pa'i phyir de las gzhan pa'i yul gang la don ji lta ba bzhin yin pa de ni bdag yin te/ de'i phyir bdag ni yod pa kho na yin no/ /'dir bshad pa/ gal te rang gi grub pa'i mtha'i tshul las bdag gi ngo bo nyid nges par ma bzung bar tha snyad du bdag spyir dam 'cha' na ni grub pa la sgrub pa yin te/ 'di ltar kho bo cag gi lung las kyang / bdag gi sgra rnam par shes pa la ni don ji lta ba bzhin yin la/skye ba la sogs pa dag la ni nye bar btags pa yin te/ dper na shing rta'i yan lag la brten nas shing rtar gdags par 'dod pa de bzhin du/ phung po la brten nas sems can du gdags par 'dod la/ rnam par shes pa ni yang 'byung ba'i srid pa len pa'i phyir bdag ces brjod pa'i phyir ro/ / ci ste sems pa ni bdag gi sgra'i spyod yul dngos dang / bdag ces bya bar shes pa'i blo'i spyod yul la dngos ma yin par shes par bya ste/ byas pa'i phyir dper na lus bzhin no zhe na/ de la 'dir gal te pha rol po dag don dam par sems pa ni bdag gi sgra'i spyod yul dngos dang bdag ces bya bar shes pa'i blo'i don ji lta ba bzhin ma yin pa nyid du ston par byed na ni grub pa la sgrub pa yin te/bdag tu lta ba rnam pa thams cad kyang thams cad du spang bar 'dod pa'i phyir ro/ /'on te tha snyad du na ni/ de rigs pa ma yin te/ sgra dang blo'i btags pa dang / dngos kyi nges pa rang gi grub pa'i mthar yang sgrub pa tha snyad du 'dod pas 'dod pa'i phyir ro//don dam par ni bdag ni sgra yang bdag la dngos su yod par mi 'grub ste/ seng ge'i sgra brjod pa'i don kyang btags par yod pa'i phyir yul de la seng ge'i sgra yang don ji lta ba bzhin nyid ma yin pa'i phyir ro/ /yang na sgra 'ga' zhig la nye bar btags pa de ni 'dus pa la yod par mthong ste/spyi la nye bar btags pa'i phyir seng ge la sogs pa'i sgra bzhin pas/ des bdag gi sgra 'dus pa ma yin pa la dngos su yod pa nyid sel bar byed pas des na dam bcas pa la/ chos kyi khyad par bstsal ba'i skyon yod do/ /des blo'i phyogs la yang skyon gyi lan btab po/ / grangs can dag las kha cig gis smras pa/ shes pa yod pa nyid ni skyes bu'i ngo bo nyid yin te/ de yang smra ba thams cad kyis khas blang bar bya ba yin pas/ kho bo cag gis de yod pa nyid du bstan pa'i phyir rjes su dpag pa smra bar mi bya ste/ 'di ltar de'i khyad par za ba po nyid la sogs pa dag bstan par bya'o//gal te gzhan dag 'di skad ces shes pa yod pa nyid ni shes pa dang / don gcig la shes pa ni blo yin pas/ de'i phyir shes pa yod pa nyid ni skyes bu'i ngo bo nyid ma yin no zhes zer na de yang rigs pa ma yin te/ blo ni shes pa yod pa nyid ma yin te/ skye ba'i phyir dper na bum pa bzhin no//de bzhin nyid du dag par bya ba nyid dang / sbag par bya ba nyid dang / phan gdags par bya ba nyid la sogs pa dag yin pa'i phyir/ dper na hwags la sogs pa bzhin pas de'i phyir blo ni shes pa yod pa nyid ma yin no/ /de'i phyir shes pa yod pa nyid de ni longs spyad par bya ba'i khongs su ma gtogs pas de ni za ba po nyid yin par grub ste/bdag dang zhing shes pa zhes bya ba dag gi rnam grangs so/ /de'i khyad par ni rtag pa dang / thams cad du song ba nyid dang / yal bar 'dor ba nyid la sogs pa dag yin no/ /de la 'dir bdag gi shes pa yod pa nyid dang / thams cad du song ba nyid dang /za ba po nyid la sogs pa dag dgag pa smras zin pas de dag ni bzang po ma yin no/ /blo ni shes pa yod pa nyid ma yin te zhes dam bcas pa'i don gang yin/ sems med pa'am shes pa yod pa nyid kyi nus pa yin no zhe na ni phyogs snga ma la gnod do/ /gal te sems pa las gzhan zhig yin no zhe na/yang gang las gzhan nyid du 'gyur ba de gang yin te de yang med do/ /de ltar de ma grub pa'i phyir dam bcas pa la brten pa ma grub pa'i skyon yod do/ /skye ba'i phyir zhes bya ba'i gtan tshigs de'i don kyang gang yin/ gal te ma byung ba las 'byung ba'i phyir ro zhe na ni rang la gtan tshigs ma grub bo//gal te rang la gtan tshigs ma grub pas kyang 'dod pa'i don ston par byed de/ gzhan gyi phyogs la grub pa'i phyir phyogs gnyi ga la grags pa'i chos bzhin no zhe na/ gzhan gyi phyogs 'ba' zhig la grags pa'i phyogs kyi chos kyis ni bsgrub par bya ba'i don bsgrub mi nus par nges par gzung ste/gang yang rung ba la ma grub pa'i phyir gzhan gyi phyogs la ma grub pa bzhin pas blo shes pa yod pa nyid ma yin par ston pa'i rjes su dpag pa 'gal bas bzlog pa'i phyir gtan tshigs kyi don ma grub pa nyid nyams pa med do/ /skye ba'i phyir zhes bya ba'i gtan tshigs kyi don gsal ba nyid yin par rtog na yang gtan tshigs kyi don ma grub pa nyid dang /dpe la bsgrub pa'i chos med pa nyid kyi skyon du 'gyur te/ gsal ba dgag pa smras zin pa'i phyir ro/ /rigs pa la mi mkhas pa kha cig gis smras pa/ phung po lnga dang / dbang po dang bcas pa'i lus 'di bdag gi dmigs pa'i rgyu thun mong ma yin pa nyid kyang ma yin no zhes bya ba ni bdag khas ma blangs par de'i khyad par dgag pa'i sgrub pa smra bar mi rigs pas/bdag la sdang ba khyed kyis khas blangs pa la gnod par 'gyur ro/ /de la 'dir tha snyad kyi dbang gis bdag spyir khas blangs nas/ gzhan gyis yongs su brtags pa'i bdag gi chos rtag pa dang /thams cad du song ba dang / byed pa po dang za ba po nyid la sogs pa dag bsal bas tha snyad du gzhan gyis brtags pa'i bdag stong pa nyid du ston pa'i phyir dang / don dam par ni thams cad kyang stong pa nyid du ston pas tha snyad du de'i khyad par tsam bsal du med pa ma yin pa'i phyir/khas blangs pa la gnod par mi 'gyur bas/ de'i phyir de ni nam mkha' ldang du zad do/ /phyir rgol ba dag na re/ bdag ni yod pa kho na yin te/ kha cig tu de bkag pa'i phyir 'di ni khron pa na chu med do zhes khron par bkag pa'i phyir gzhan du na chu yod pa nyid shes pa bzhin no/ /de bzhin du lus dang / dbang po dang / blo dag la bdag bkag pa'i phyir/ dbang po dang bcas pa'i lus la bdag med do zhes lus dang dbang po dang blo dag la bdag bkag pa yod pas/ gzhan la bdag yod pa nyid du 'gyur bas/ de'i phyir bdag ni yod pa kho na yin no zhes zer ro/ /nang gi skye mched rnams la byed pa po dbang phyug dang /byed pa po gtso bo dang / byed pa po dus dang / byed pa po sred med kyi bu dag med do zhes bkag kyang / gzhan gang la yang byed pa po de dag gi 'bras bu med pa'i phyir ma nges pa nyid do/ /don dam par ni chu la sogs pa dag kyang ma grub pa'i phyir/ dpe med pas/ de ni rigs pa ma yin no//grangs can dag las kha cig yang bdag dgag pa'i rjes su dpag pa sngar bstan pa dag la skyon 'dogs par byed de/ rnam par 'jig pa'i chos can bum pa la sogs pa lta bu dag kyang dmigs pa'i rgyu thun mong ma yin pa nyid yin pas dpe med pa dang / bum pa la sogs pa dbang po'i dngos por gyur pa dag kyang dmigs pa'i rgyu thun mong ma yin pa nyid yin pa'i phyir yang dpe med do zhe na/de ni bzang po ma yin te/ bum pa la sogs pa dag ni de kho na rtogs pa dang ldan pa rnams kyi dmigs pa'i rgyu thun mong ma yin pa nyid kyang yin par mi rigs te/ rna ba la sogs pa'i blo dag gi yul yin pa'i phyir dper na de las gzhan pa'i rna ba la sogs pa dag gi blo'i yul bzhin no zhes rjes su dpag pa'i phyir dang /bum pa la sogs pa dbang po'i ngo bo nyid du ma gyur pa dag dpe nyid du 'dod pa'i phyir ji skad smras pa'i skyon du mi 'gyur ro/ /nus pa yod par ston pa'i rjes su dpag pa med pa'i phyir de yod pas bum pa la sogs pa'i dpe med par yang mi 'gyur bas de ni snying po ma yin no//bdag tu smra ba dag na re bdag ni yod pa kho na yin te/ bdag gi yod pa'i phyir dper na nor yod pa'i phyir nor bdag yod pa bzhin no/ /'di la bdag gi khang khyim dang gnas mal dang / gos zas dang / lta ba dang /nyan pa la sogs pa de dag yod pas/ de'i phyir bdag ni yod pa kho na yin no zhes zer ro/ /'dir bshad pa/ 'di ltar bdag yod na ni de'i 'di yin no zhes bdag gi yang 'grub par 'gyur ba zhig na/ bdag de ni med par bstan zin pas de'i phyir/ /bdag nyid yod pa ma yin na/ /bdag gi yod par ga la 'gyur//des na gtan tshigs kyi don ma grub pa nyid do/ /dpe yang med de/ don dam par nor dang nor bdag yod pa nyid du ma grub pa'i phyir ro/ /don 'gal ba nyid kyang yin te/ bdag tha snyad pa yin par ston pa'i phyir ro/ /'dis ni de'i 'bras bu yod pa'i phyir dang / de'i yon tan yod pa'i phyir ro zhes bya ba la sogs pa'i gtan tshigs dag la yang skyon gyis lan btab pa yin no//de'i phyir de ltar rnal 'byor pa yang dag pa nyid so sor rtog pa la brtson pa la/ bdag dang bdag gi zhi ba'i phyir/ /ngar 'dzin nga yir 'dzin med 'gyur/ /zhes bya bas ni ji skad bstan pa'i tshul bsgoms pa'i 'bras bu bstan to//bdag tu smra ba dag kyang phyir zlog par byed de/ bdag ni yod pa kho na yin te/ lus dang dbang po dang / blo la sogs pa bdag dang bdag gi med pa rnams la de kho na shes pa yang dag par skyes pa la/ ngar 'dzin pa med pa dang / nga yir 'dzin pa med do snyam pa'i yang dag pa'i lta ba yod pa'i phyir ro//mo gsham gyi bu lta bu med pa la ni de lta bu med do/ /thar pa'i gnas skabs gang la'ang ngar 'dzin pa med pa dang / nga yir 'dzin pa med pa de la ni de ltar shes pa de yod pas de'i phyir bdag ni yod pa kho na yin no/ /'dir bshad pa/ 'phags pa nyan thos 'du byed kyi tshogs gzhan dang gzhan du skyes pa skad cig ma re re la 'jig pa'i ngang can bdag dang /bdag gi med pa la nges par lta ba la yang bdag ces bya ba'i dngos po med pa'i phyir skye ba dang / 'chi ba 'di dag ni chos tsam du zad do zhes bya bar lta ba skye ste/ 'di ltar bdag ni ngar 'dzin pa'i yul yin pas med na de yang mi 'byung la/de med pa kho na'i phyir nang dang phyi rol gyi dngos po gang la yang nga yir 'dzin pa mi 'thad pa'i phyir ngar 'dzin pa med cing nga yir 'dzin pa med pa tha snyad kyi brdar bya ba ma rtogs par nga zhes bya ba rang gi ngo bo nyid nges par skye bar mi 'gyur na/ byang chub sems dpa' chen po 'du byed skye ba med par lta ba rnam par mi rtog pa'i shes rab kyi spyad pa la gnas pa rnams la lta smos kyang ci dgos pas de'i phyir/ngar 'dzin nga yir 'dzin med gang / /de yang yod pa ma yin te/ zhes bya ba gsungs te/ bdag la sogs pa dag btags par yod pa'i phyir dang / gang zag gi nye bar len pa skye ba med pa'i phyir ro zhes bya bar dgongs so//de nyid yod pa ma yin pas rab rib can dbang po nyams pas skra shad dang / sbrang bu la sogs pa yang dag pa ma yin pa mthong ba ltar/ ngar 'dzin nga yir 'dzin med par/ /gang gis mthong bas mi mthong ngo / /yod pa dang med par mthong ba ni log par lta ba mchog tu 'dzin pa yin pa'i phyir ro zhes bya bar dgongs so//des na gtan tshigs kyi don ma grub pa nyid de/ ngar 'dzin pa dang nga yir 'dzin pa'i rgyur gyur pa'i bdag yod pa'i phyir ro/ /don rang la ma grub pa nyid kyang yin te/ ngar 'dzin pa dang / nga yir 'dzin pa med do zhes bya ba rang gi ngo bo nyid du nges pa ma grub pa'i phyir ro//gal te nang gi byed pa bdag med par lta bas ngar 'dzin pa ldog pa'i phyir dang / yid bdag ma yin pa yang gzhan gyi don lus dang dbang po'i yul dag la nga yir 'dzin pa mi 'jug pa'i phyir skyon med do zhe na/ bdag la bdag tu lta ba la ngar 'dzin pa don ji lta ba bzhin du yod pa'i phyir dang /de'i don byed pa dang / rten sgra la sogs pa dag la nga yir 'dzin pa 'jug pa mi ldog pa'i phyir ngar 'dzin pa med pa dang / nga yir 'dzin pa med pa nyid du ma grub pas de ni lan ma yin te/ de ltar yang / gal te bdag ces bya ba yod/ / bdag med ces bya de mi rigs/ /yang na de nyid rtogs pa'am/ /mya ngan 'das pa nges brdzun 'gyur/ /zhes gsungs so/ /'dir grangs can dag las kha cig ni rang bzhin thar par smra la/ kha cig ni skyes bu thar par smra ste/ de la re zhig gang dag /rang bzhin sna tshogs rten can ni/ /'khor dang 'ching dang thar par 'gyur//zhes zer ba de dag gi bdag kyang gzhan la rang bzhin yang gzhan no snyom pa'i blo ni log par lta ba yin te/ de las gzhan ma yin pa'i phyir ro/ /thar par gyur pa yang skyes bu du ma dag gi thun mong yin pa'i phyir/ don dam par ma byas pa'i skyes bu dag gi phyir 'jug pas thar pa med do//gang dag skyes bu'i dbang du byas pa'i 'ching bas/ sngar bcings pa thar bar 'gyur bar smra ba/ de dag gi bdag kyang gzhan la rang bzhin yang gzhan no snyam du blos nges par byas pa yang skyes bu snga phyi'i khyad par ma skyes pa la gang gis bcings pa dang thar pa zhes bya bar brjod pa'i khyad par med do//gal te yongs su 'gyur na yang / /yongs su 'gyur ba'i phyir shes pa yod pa nyid ma yin pa'i skyon du 'gyur ro/ /ji ste yod pa tsam gyis phan 'dogs pa nyid kyis nang gi byed pa snying stobs shas che bar gyur pa na/ gzugs brnyan 'byung ba'i rgyu nyid kyis bdag kyang gzhan la/ rang bzhin yang gzhan no snyam du nges par 'gyur na yang de lta na yang nang gi byed pa la bye brag yod par zad kyi/skyes bu la bye brag med pas thar pa med do/ /bye brag yod na yang skyon snga ma bzhin du 'gyur ro/ /yang gzhan yang / bdag kyang gzhan la rang bzhin yang gzhan no snyam du shes pa zlog pa yod kyang skyes bu la shes pa zlog pa mi skye ba'i phyir ro//khyed rgya'i gzugs brnyan 'byung ba'i tshul gyis thar par 'dod pa de la yang skyes bu la 'gyur ba med pa'i phyir snga nas ma bzlog pa yin pa la phyis kyang shes pa ma nor ba skye mi srid de/ ma bzlog pa'i phyir dper na phyi ma bzhin pas thar pa med do/ / shes pa skyes na yang 'byung ba'i phyir shes pa yod pa nyid ma yin pa la sogs pa'i skyon du thal bar 'gyur ro/ /byed pa'i chos 'dzin pa la sogs pa dag ni rje dpon rgyal ba bzhin du skyes bu la nye bar btags pa'i phyir thar pa nye bar btags pa yin no/ /zhar la bshad pas chog gi skabs nyid dpyad par bya'o//de ltar nang dang phyi rol gyi skye mched rnams kyi de kho na nyid rtog par byed pa la brtson pa'i rnal 'byor pa des de dag stong pa nyid du rtogs pa'i phyir/ nang dang phyi rol nyid dag la/ /bdag dang bdag gir zad gyur na/ /nye bar len pa 'gag 'gyur zhing / /de zad pas na skye ba zad/ /de ltar nang dang phyi rol nyid dag la de'i bdag ces bya ba dang /bdag gi zhes bya bar de dag log par 'dzin pa zad par 'gyur na/ 'dod pa dang / lta ba dang / tshul khrims dang / brtul zhugs dang / bdag tu smra ba zhes bya ba nye bar len pa rnam pa bzhi 'gag par 'gyur te/ de la re zhig bdag med pa nyid du mthong bas ni bdag tu smra ba'i nye bar len pa spong bar 'gyur la/de spangs pas nye bar len pa lhag ma rnams kyang spong bar 'gyur te/ de dag ni bdag tu smra ba nye bar len pa'i skye gnas yin pa'i phyir ro/ /nye bar len pa 'gags pa'i phyir de'i skye gnas las byung ba'i srid pa zad par 'gyur bas/ de zad pa na skye ba zad de de ni thar pa zhes pa'o/ / thar pa de yang gang zag bdag med pas mthong ba'i phyir/ 'phags pa nyan thos dang / rang sangs rgyas kyi yin no/ /sangs rgyas kyi theg pas 'gro ba rnams kyi ni nyon mongs pa'i sgrib pa spangs pa dang / shes bya'i sgrib pa spangs pas 'thob ste/nyon mongs pa'i sgrib pa spong ba'i thabs ni ji skad bstan pa de dag yin no/ /shes bya'i sgrib pa spang ba'i phyir ni 'di bshad de/ las dang nyon mongs zad pas thar/ /las dang nyon mongs pa dag ni skye ba'i rgyu yin pa'i phyir/ de dag zad pas sdug bsngal las rnam par grol ba ba ni thar pa'o//skye ba'i rgyu las dang nyon mongs pa/ de dag ni yul rnams las mi 'byung ste/ 'dod chags dang bral ba la yul rnams yod kyang de dag med pa'i phyir ro/ /'o na ci las 'byung zhe na/ las dang nyon mongs rnam rtog las/ /zhes bya ba gsungs te/ las dang nyon mongs pa dag ni sdug pa dang /mi sdug par kun du rtog pa'i mtshan nyid kyi rnam par rtog pa dag las 'byung ste/ de dag yod na 'byung ba'i phyir ro/ /'di na gang yod na gang 'byung ba de ni de'i rgyu can yin par shes par bya ste/ dper na sa bon yod na myu gu 'byung ba de bzhin du 'phags pa ma yin pa'i tshul bzhin ma yin pa yid la byed pa zhes bya ba'i rnam par rtog pa yod na las dang nyon mongs pa dag kyang 'byung bar 'gyur ro//gang la rnam par rtog pa med pa de la de dag kyang mi 'byung ste/ dper na 'phags pa'i rgyud bzhin no/ /de la las ni nyon mongs pa can gyi sems dang ldan pa'i yid kyi mngon par 'du byed pa dang /des kun nas bslang ba lus dang ngag gi 'jug pa'o/ /nyon mongs par byed pa ni sems can gyi rgyud nyon mongs par byed pa dag ste/ 'dod chags la sogs pa dag go/ /las dang nyon mongs pa'i rgyu rnam par rtog pa gang yin pa de dag ni spros pa las byung bas de dag spros las zhes bya ba gsungs te/tha snyad kyi bden pa la mngon par zhen pa'i mtshan nyid kyi spros pa las 'byung ngo / /spros pa de yang gang gis 'gag par 'gyur zhe na/ spros pa ni/ stong pa nyid kyis 'gag par 'gyur/ /zhes bya ba gsungs te/ rtogs pas zhes bya ba'i tshig gi lhag ma'o/ /chos bdag med pa nyid kyi mtshan nyid rtogs pas 'gag par 'gyur ro//yang na stong pa nyid kyis 'gag par 'gyur/ /zhes bya ba la/ stong pa nyid ni stong pa nyid ces pa ste/ stong pa nyid shes pa skyes na 'gag par 'gyur ro zhes bya ba'i tha tshig go/ /gal te gang zag bdag med pa nyid mthong ba kho nas sdug pa dang / mi sdug par rnam par rtog pa las byung ba'i las dang / nyon mongs pa dag nye bar zhi ba 'grub pa'i phyir/ chos bdag med pa nyid mthong ba don med par 'gyur ro zhe na de ni rigs pa ma yin te/ nyon mongs pa'i dra ba bag chags dang bcas pa ma lus pa drungs dbyung bar 'dod pa'i phyir te/ de'i chos bdag med pa nyid mthong ba med pa mi srid pa'i phyir dang /nyon mongs pa can ma yin pa'i mi shes pa gnyen po rang byung gi ye shes chos thams cad kyi yul phyin ci ma log par thugs su chud pa can yang des spang bar bya ba yin pa'i phyir / chos bdag med pa nyid mthong ba don med par mi 'gyur ro/ /de'i phyir de ltar spros pa ma lus pa nye bar zhi ba'i mtshan nyid stong pa nyid ni thar pa yin te/de ltar yang / mdor na chos ni mi 'tshe ste/ /mya ngan 'das pa stong pa nyid/ /'di la de gnyis 'ba' zhig ces/ /de bzhin gshegs pa rnams kyis gsungs/ /zhes gsungs so/ /mu stegs can kha cig gis smras pa/ 'di la khyed kyi ston pas mdo sde las//bdag gi mgon ni bdag nyid yin/ /gzhan ni mgon du su zhig 'gyur/ /mkhas pa bdag nyid legs dul bas/ /mtho ris dag kyang 'thob par 'gyur/ /zhes gsungs shing de bzhin du/ sems can 'khor bar zhugs pa ni/ /sdug bsngal las ni rnam mi 'grol/ zhes kyang gsungs pas khyed bdag med do zhes smra ba la khas blangs pa snga mas gnod par 'gyur bas/ /de'i phyir bdag dgag pa'i rjes su dpag pa ma grub bo/ /'dir bshad pa/ sems can gang dag rgyu dang 'bras bu la skur pa 'debs pa'i lta bas blo gros nyams pa 'jig rten 'di med do/ /'jig rten pha rol med do//legs pa byas pa dang / nyes pa byas pa'i las rnams kyi 'bras bu dang / rnam par smin pa med do/ /sems can rdzus te skye ba med do zhes bya ba la mngon par zhen pa rtag tu mi dge ba mngon par 'du bya ba la gzhol ba'i yid dang ldan pa ngan song gi g.yang sa chen po'i 'gram na gnas pa dag yod pas de'i phyir sangs rgyas bcom ldan 'das de dag la/phan gdags par bzhed pa gzhan la phan pa skyed pa'i thugs dam mnga' ba/ sems dang sems las byung ba'i rgyun la brten nas/ phyi ma la de dag gi rgyun mi 'chad par gzigs pa rnams kyis tha snyad kyi bden pa'i dbang gis bdag yod do zhes kyang gdags par mdzad pas de'i phyir/bdag go zhes kyang brtags gyur cing / /zhes bya ba gsungs so/ /sems can gang dag bdag rtag pa dang / thams cad du song ba dang / dge ba dang / mi dge ba'i bya ba la rang dbang can dang / za ba po yin no snyam du mngon par zhen pa dag yod de/de dag bdag tu log par lta ba'i thag pas sems bcings shing / lus dang dbang po dang / blo'i yul la bdag med pa'i lta ba ma skyes pas/ bsam gtan dang ting nge 'dzin dang snyoms par 'jug pa'i stobs kyis shin tu ring du song yang bya rkang pa bshal thag gis bcings pa/ thag ring por song yang phyir ltung ba bzhin du/skye ba la sogs pa'i sdug bsngal dag las rnam par mi 'grol bar thugs su chud nas/ de ltar bdag tu lta ba'i thag pa bcad pas sdug bsngal nye bar zhi bar mdzad pa'i phyir phung po lnga la bdag med do zhes kyang bstan par mdzad pas de'i phyir/ bdag med ces kyang bsnyen par 'gyur //zhes bya ba gsungs so/ /gang dag dge ba'i rtsa ba rgya chen po shin tu nye bar bsags pa/ dbang po yongs su smin pa/ zab cing rgya che ba la mos pa/ thams cad mkhyen pa nyid rtogs pa'i bshad pa bdud rtsi'i snod du gyur pa de dag la ni 'dus byas ngo bo nyid stong pa nyid rmi lam dang /mig 'phrul dang / chu zla lta bur thugs su chud nas don dam par bdag dang bdag med pa 'ga' yang med par bstan pa mdzad pas de'i phyir/ sangs rgyas rnams kyis bdag dang ni/ /bdag med 'ga' yang med par bstan/ /ces bya ba gsungs te/ bdag dang bdag med par rnam par brtag pa'i gzhi'i dngos po yod pa ma yin pa'i phyir ro zhes bya bar dgongs so//de'i phyir de ltar tha snyad du bdag khas blangs pa'i phyir khas blangs pa la mi gnod do/ /gal te de ni don dam par bstan pa'i phyir lan ma yin no zhe na/ lan ma yin pa ma yin te/ lung las/ 'di la bdag dang sems can med/ /chos 'di dag ni rgyu dang bcas//zhes gsungs pa'i phyir dang / de yod pa nyid du ston pa'i rjes su dpag pa ma smras pa'i phyir dang / bdag dgag par nus pa'i bsgrub pa bstan pa'i phyir ro/ /yang gzhan du brtag ste/ mu stegs byed kha cig 'du byed bdag med pa/ skad cig ma re re la rnam par 'jig pa'i ngang tshul can nam dus gzhan du nges par gnas pa rnams la bdag med na/las dang 'bras bu med par brtags nas/ 'jig par 'gyur ba dag gis bdag yod do zhes kyang brtags pas de'i phyir/ bdag go zhes kyang brtags gyur cing / /zhes bya ba gsungs so/ /gzhan gang dag 'di ni/ lus dang /dbang po dang / blo'i tshogs tsam du zad de/ 'di la rgyu dang 'bras bu las gang ma gtogs par 'gyur ba'i bdag ni ngo bo nyid kyis zad de/ sems can du bgrang ba'i 'du byed bdag med pa/ nges par mi gnas pa gnas su ma byas pa 'di dag la yang 'khor ba mi 'thad do zhes bya bar rigs nas/rgyu dang 'brel pa la rmongs pa/ /ji tsam dbang po'i spyod yul ba/ /skyes bu de tsam nyid du zad/ /sngo bsangs mang thos gang smra ba/ /de dag spyang ki'i rjes dang 'dra/ /mdzes ma legs par spyod cing zo/ /lus mchog khyod 'das gang de med/ /'jigs rung song ba phyir mi ldog /lus 'di 'dus pa tsam du zad//ces zer ba dag gis lus dang / dbang po la bdag med do zhes gang bstan pas de'i phyir/ bdag med ces kyang bstan par gyur zhes bya ba gsungs so/ /sangs rgyas bcom ldan 'das chos thams cad la mkhyen pa/ lkog tu ma gyur pa 'jug pa rnams kyis ni bdag dang / bdag med pa 'ga' yang med par bstan pa mdzad pas de'i phyir//sangs rgyas rnams kyis bdag dang ni/ /bdag med 'ga' yang med par bstan/ zhes bya ba gsungs te/ chos thams cad kyi de kho na spros pa med pa nyid legs par thugs su chud pa'i phyir dang / bdag dang bdag med par 'dzin pa nyid spangs pa'i phyir dang /bdag dang bdag med par rnam par rtog pa 'jug pa'i rgyu med par mkhyen pa'i phyir ro zhes bya bar dgongs te/ bdag dang bdag med pa'i rnam par sgro 'dogs pas/ gzugs la sogs pa dag la kun du mi rtog pa'i phyir ro/ /de ltar yang ji skad du rab kyi rtsal gyis rnam par gnon pa/gzugs ni bdag gam bdag med pa ma yin no/ /de bzhin du tshor ba dang / 'du shes dang / 'du byed rnams dang / rnam par shes pa la yang bdag gam bdag med pa ma yin no/ /gzugs dang / tshor ba dang / 'du shes dang / 'du byed rnams dang /rnam par shes pa bdag gam bdag med pa nyid ma yin pa gang yin pa de ni shes rab kyi pha rol tu phyin pa'o zhes gsungs so/ /spros pa ni stong pa nyid kyis 'gag par 'gyur zhes sngar gang smras pa de ji ltar stong pa nyid kyis 'gag par 'gyur ba de ltar 'dir bshad par bya ste/ 'di la brjod par bya ba la rtogs pas sgro btags pa las ni brjod pa'i bdag nyid kyi spros pa dpag tu med pa 'byung la/dngos po thams cad kyi ngo bo nyid rab tu dben pa'i mtshan nyid kyi stong pa nyid nam mkha' lta bu mngon sum du byar med pa'i tshul gyis mngon sum du byas shing / dngos po thams cad brjod du med par mthong ba'i/brjod par bya ba ldog pas te/ /brjod pa 'jug pa'i rgyu med pa'o zhes bya ba'i tha tshig go/ /brjod par bya ba de yang ji ltar ldog par 'gyur zhe na/ sems kyi spyod yul ldog pa'o / /gang gi phyir zhes bya ba'i tshig gi lhag ma'o/ /sems kyi spyod yul ni sems kyi yul te/ gzugs la sogs zhes bya ba'i tha tshig go//de yang don dam par yongs su ma grub pa'i phyir ro/ /sems kyi spyod yul ni dngos por brjod de/ rang gi ngo bo dang / spyi'i ngo bo ston pa'i phyir ro/ /ldog pa ni ldog pa lta bu ste/ lta ba po'i de kho na shes pa skyes pa dang / ma skyes pa na yang dngos po'i de kho na rnam par mi rtog pa'i ye shes kyi spyod yul gyi rang gi ngo bo yongs su mi gtong ba'i phyir ro//de'i phyir de ldog pa'i brjod pa'i bdag nyid kyi spros pa ldog go/ /sems kyi spyod yul ldog pa de yang gang gis kyang mi byed do / 'o na ji lta bu zhe na/ sems kyi spyod yul gzugs la sogs pa dag /ma skyes pa dang ma 'gags pa//chos nyid mya ngan 'das dang mtshungs/ /chos nyid dang chos kyi ngo bo nyid dang / chos kyi rang bzhin zhes bya ba dag gi rnam grangs so/ /yang na gzhan gyis spros pa ni stong pa nyid kyis 'gag par 'gyur ro zhes bya ba de la rigs pa gang yin zhes smras pa na/ slob dpon gyis rnal 'byor pa stong pa nyid la gnas shing /mtshan ma med pa la gnas pa'i brjod par bya ba ldog pas/ de'i phyir/ brjod par bya ba ldog pas te/ /zhes bshad de/ brjod par 'jug pa ldog pas zhes bya ba'i tha tshig go/ /des na/ sems kyi spyod yul ldog pas so/ /sems kyi spyod yul ni sems kyi rgyu ba zhes bya ba'i tha tshig go//yul gyi ngo bo nyid ni sems kyis rnam par brtags pa yin par brjod de / de yang dmigs su med pa la gnas pas ldog pa'i phyir sems kyi spyod yul ldog pas so/ /ji ltar sems kyi spyod yul ldog par 'gyur zhe na/ ma skyes pa dang ma 'gags pa/ / chos nyid mya ngan 'das dang mtshungs/ /gang gi phyir sems kyi de kho na zhes bya ba'i tshig gi lhag ma'o/ /yang na/ dngos po dang dngos po med pa dag ma mthong ba de kho na mthong ba zhes bya ste/ de yang ji lta bu zhig yin snyam du kha cig de ltar sems pas de'i phyir/ brjod par bya ba ldog pas te/ /zhes bshad do /dngos po dang dngos po med pa dag ma mthong ba'o/ /de yang ji ltar zhe na/ gang gi phyir/ sems kyi spyod yul ldog pas so/ /sems la sogs pa'i spyod pa ste/ dngos po la sogs par mi dmigs pa'i phyir ro zhes bya bar dgongs so/ /'dir yang sogs pa'i sgra khong nas dbyung bar blta bar bya ste/sems la sogs pa'i spyod pa ni sems kyi spyod yul lo/ de kho na mthong ba med pa yang ma yin te/ gang gi phyir gzugs la sogs pa yul rnams ma mthong ba gang kho na yin pa de nyid de kho na mthong ba'i sgrar brjod de/ dngos po'i ngo bo nyid phyin ci ma log par rtogs pa'i phyir ro/ /ji skad du mthong ba med pa ni/de kho na mthong ba'o zhes gsungs so/ /de'i phyir brjod par bya ba ldog pa ste/ ji skad du/ 'phags pa blo gros mi zad pas bstan pa'i mdo las/ don dam pa'i bden pa gang zhe na/ gang la sems kyang mi rgyu na yi ge rnams lta smos kyang ci dgos pa'o zhes gsungs pa dang / de bzhin du gzhan nas kyang /sems dang / yid dang / rnam par shes pa dang bral ba'o zhes bya ba la sogs pa gsungs pa lta bu'o/ /de'i phyir re zhig de kho na la ni/ ma skyes pa dang ma 'gags pa/ /chos nyid mya ngan 'das dang mtshungs/ /zhes bya ba de tsam dag smra bar nus te/ chos thams cad dben pa'i mtshan nyid yin pa'i phyir ro//yang na stong pa nyid shes pa'i nyi ma'i 'od zer gyis snang bar byas pa'i dngos po thams cad kyi ngo bo nyid la kun du lta zhing / dmigs su med pa la rab tu gnas pa'i ngag dang yid kyi brjod pa ldog pa'i phyir dang / brjod par bya ba ldog pas te/de nyid kyang / sems kyi spyod yul ldog pas so/ /spyod yul ni mthu nyid do/ /ji ltar sems kyi mthu nyid ldog par 'gyur zhe na/ 'di la yul gyi stobs kyis rnam par shes pa skyes shing dngos po'i ngo bo nyid dang / khyad par gyi yul tha dad pa la rtogs pa'i brgyun thag gis rnam pa tha dad pa du mar rtog pa na dar gyi srin bu bzhin du bdag nyid kyi mthu nyid kun nas dkris par 'gyur ro//chos thams cad bdag med par mthong bas ni/ de mi 'jug pa'i phyir sems kyi spyod yul ldog go/ /sems kyi spyod yul ldog pa yang de kho na shes pa'i byed pa po dang ldan pa ma yin te/ 'o na ji lta bu zhe na/ ma skyes pa dang ma 'gags pa//chos nyid mya ngan 'das dang mtshungs/ /gang gi phyir sems dang sems las gzhan pa'i chos rnams kyi de ni gang gis kyang bya ba ma yin pa'i phyir te/ da ltar yang 'phags pa dkon mchog brtsegs pa'i mdo las/ stong pa nyid kyis chos rnams stong par mi byed kyi / 'di ltar chos rnams stong pa'o/ /zhes bya ba la sogs pa gsungs so/ /'on kyang de dag gi rang bzhin ni mya ngan las 'das pa dang mtshungs so zhes bya bar khong du chud par bya ste/ ji skad du 'di ltar de bzhin gshegs pa byang chub kyi snying po la bzhugs nas yang dag pa ma yin pa'i kun tu rtog pas kun nas bslang ba'i nyon mongs pa yod pa ma yin pa'i rang bzhin shin tu skye ba med pa'i ngo bo nyid kun du mkhyen par gyur to zhes bya ba la sogs pa gsungs so//de'i phyir/ srid pa'i sa bon rnam shes te/ /yul rnams de yi spyod yul bo / /yul la bdag med mthong na ni/ /srid pa'i sa bon 'gag par 'gyur//zhes bya ba de yang 'thad pa yin no/ /de'i phyir de ltar chos thams cad mnyam pa nyid mya ngan las 'das pa dang mtshungs pa skye ba med par mthong bas ni sems kyi spyod yul ldog par 'gyur la / sems kyi spyod yul ldog pas ni brjod par bya ba ldog cing / de log pas ni tha snyad kyi bden pa la mngon par zhen pa'i mtshan nyid kyi spros pa nye bar zhi bar 'gyur ro//rang gi sde pa dang / gzhan gyi sde pa kha cig na re/ dbu ma smra ba ni dngos po thams cad la skur pa 'debs pa'i phyir med pa bdag dang khyad pa ni med do zhes zer ba de dag la kha cig gis/ dngos po sel ba nyid du mtshungs su zin kyang /so so'i skye bo dang / dgra bcom pa so sor ma brtags pa dang / so sor brtags pa'i btang snyoms pa dag bzhin nam/ dmus long dang mig can gyi phyogs mi bde'o snyam du nges par sems pa dag mtshungs su zin kyang khyad par yod pa bzhin du med pa dang / dbu ma pa dag la yang khyad par yod do zhes lan 'debs par byed pas ni/pha rol pos dngos po'i de kho na nyid rtogs pa la khyad par med do zhes bstan pa la khyad par yod par ma brjod pas lan ma yin no/ /'di skad brjod na mi rigs te/ med pa pa dag dang / dbu ma smra ba dag gang gi tshe mtshungs par rtog /tha snyad kyi dus su 'am/'on te de kho na la lta ba'i dus su de la re zhig tha snyad kyi dus su ni de dag rgyu dang 'bras bu la skur pa 'debs pa la mngon par zhen pas dge ba'i phyogs drungs phyung zhing mi dge ba'i las thams cad la zhugs pa dang / tha snyad kyi bden pa nyid la gnod pa byed pa de ltar/ dbu ma smra ba dag rgyu dang 'bras bu'i 'brel pa sgyu ma dang /smig rgyu lta bu dag la skur pa mi 'debs shing mi dge ba'i las kyi lam la ma zhugs pa dang / zag pa dang bcas pa'i phung po'i rgyun las yang 'byung ba'i srid pa'i phung po 'byung zhing / phung po'i rgyun 'gag pa sngon du 'gro ba las da ltar dang / ma 'ongs pa rmi lam lta bu dag 'byung bar ston pas tha snyad kyi bden pa nyid la gnod par mi byed pa'i phyir/tha snyad kyi dus su yang med pa pa dang / dbu ma smra ba dag mtshungs pa ma yin la/ de kho na la lta ba'i dus su yang mtshungs pa ma yin te/ 'di ltar med pa pa dag la ni rnam par shes pa med do zhes med pa'i yul can dngos po thams cad la skur pa 'debs pa 'byung zhing de yang log par shes pa yin pas/'chal pa'i tshul khrims kyi dri mas nye bar sbags pa nyid kyis sdug bsngal nye bar zhi bar mi 'gyur gyi/ dbu ma smra ba dag la ni de kho na la lta ba'i dus su yang gzugs la sogs pa'i yul gyi dngos po dag la yod pa'i blo sngar byung bar gyur pa gang yin pa de yang gzugs la sogs pa'i dngos po stong pa nyid du rtogs pas/gzugs la sogs pa'i dngos po 'di dag ni yod pa ma yin no snyam pas rnam par rtog pa ldog par 'gyur ro/ /don gyi go bas med pa'i blo skyes so snyam pa yang skye bar mi 'gyur te/don dam par gzugs la sogs pa'i yul med do snyam pa'i blo gang yin pa de yang don ji lta ba bzhin ma yin te/ blo yin pa'i phyir dper na yod pa'i blo bzhin pas/ blo de sun dbyung ba'i phyir ro/ /yang na gang la dngos por snang ba'i blo skye ba de la ni/ de bsal bas med pa'i blo skye ba'i skabs yod kyi/sel ba med pa la ni med par rtog pa'i sgo nas med pa'i blo yang ldog par 'gyur te/ spyod pa med par spyod pa'i shes rab kyi spyod pa la gnas pa rab tu dben par gyur pa rnams la med do snyam pa'i blo mi skye ba'i phyir med pa pa dag dang / dbu ma smra ba dag la sgra mtshungs pa tsam yang med do//ston pa'i dus na yang yod pa nyid dgag pa tsam byed pa'i phyir med pa nyid du ston par mi byed pas/ yungs 'bru dang / ri rab bzhin du khyad par shin tu che'o/ /chos thams cad mya ngan las 'das pa dang mtshungs su zin kyang don dam par rtogs par 'gyur ba'i phyir tshogs mang po nye bar blang ba dang /rjes su mthun pa'i phyir dang / 'jig rten gyi tha snyad du yang de ltar bden pa'i phyir ji ltar nang dang phyi rol gyi dngos po 'jig rten la yang dag pa nyid du grags pa dang / yang dag pa nyid du ma yin par grags pa gang yin pa de dag tha snyad du/ thams cad yang dag yang dag min/ /'di ltar bcom ldan 'das kyis kyang /gang 'jig rten la yod par grags pa de nga yang yod par smra'o/ /gang 'jig rten la med par grags pa de nga yang med par smra'o zhes ji skad gsungs pa lta bu'o/ /yang na mig la sogs pa skye mched rnams dang / gzugs la sogs pa yul rnams tha snyad kyi bden pa dang mi 'gal bar yod pas/thams cad la yang dag ces gsungs so/ /don dam par ni brten nas 'byung ba sgyu ma bzhin du ngo bo nyid yongs su ma grub pa'i phyir/ ji ltar snang ba de ltar yod pa ma yin pas yang dag min zhes gsungs so/ /bden pa gnyi ga'i rnam pa la ltos nas/ yang dag yang dag ma yin nyid//ces gsungs so/ /mngon par rtogs pa'i dus na rnal 'byor pa rnam pa thams cad du chos thams cad kyi de kho na la rnam par mi rtog pa'i phyir/ yang dag min min yang dag min/ /de ni sangs rgyas bstan pa'o/ /yang na bcom ldan 'das kyis nyon mongs pa'i sgrib pa spang ba'i phyir nang dang phyi rol gyi skye mched bdag dang /bdag gi dang bral ba'i mtshan nyid g.yo ba med pa shes byar bstan pa gang dag yin pa de dag thams cad yang dag ces gsungs so/ /rnam par shes pa'i mtshan nyid kyi bdag gis bdag dang bcas pa'i phyir dang / bdag gi yin pa'i phyir byed pa por brjod pas nyan pa dang /sems pa dang sgom par byed pa dag yang dag min zhes gsungs so/ /'jig rten dang bstan bcos kyi tha snyad la ltos pa'i dbang gis/ yang dag yang dag ma yin nyid/ /ces gsungs so/ /theg pa chen po'i tshul gyis chos thams cad skye ba med pa'i phyir shes pa rnam par rtog pa dang bcas pa dang /rnam par rtog pa med pa'i spyod yul nyid du 'gyur ba'i dngos po'i tshul gyis yang dag pa nyid la sogs par rnam par brtags pa gang yin pa de lta bu med pas/ yang dag min min yang dag min/ /de ni sangs rgyas bstan pa'o/ /de la sangs rgyas zhes bya ba ni chos kyi de kho na phyin ci ma log pa ma lus par thugs su chud pa'i phyir sangs rgyas te/drang srong mchog rnams so/ /bstan pa zhes bya ba ni lha dang / mi'i mtho ris dang / byang grol gyi bde ba 'dod pa rnams la/ dbang po dang / bsam pa dang / bag la nyal dang / dus kyi dbang gis mtho ris dang / byang grol gyi lam phyin ci ma log par rjes su bstan pa'o//yang na rang dang gzhan gyi rgyud la yod pa'i nyon mongs pa'i bag chags dang bcas pa'i sgra thams cad tshar gcod pa bstan pa'o/ /sangs rgyas kyis bstan pa zhes bya ba ni sangs rgyas rnams kyis bstan pa ste/ tha snyad dang don dam pa'i bden pa'i tshul mchog tu rmad du byung ba thogs pa med par smra ba gzhan dag dang thun mong ma yin pa ste/mngon par zhen pa'i zug rngu thams cad dbyung ba'i phyir de la nan tan bya'o/ /rang gi sde pa dang / gzhan gyi sde pa dag las phal cher skyon 'dogs par byed de/ gal te khyed dngos po'i ngo bo nyid gzhan gyis yongs su brtags pa ma lus par bsal bas de kho na rtogs par 'dod na 'o na des na de'i mtshan nyid bstan par bya dgos so//ci ste mi ston na ni rang gi phyogs nges par mi 'jog la/ gzhan gyi phyogs sun 'byin par byed pa'i phyir/ /khyed co 'dri ba nyid yin no/ /'dir bshad pa/ gal te de kho na'i mtshan nyid brjod par bya ba zhig yin na ni/bstan par bya dgos pa yang bden pa zhig na/ de ni brjod par bya ba ma yin no/ /'on kyang skye bo las dang po pa dag yang dag par dbugs dbyung ba'i phyir/ so sor rtog pa'i shes pa rnam par rtog pa dang bcas pas de ltar rnam par nges pas 'dir bshad par bya ste/ gzhan las shes min zhi ba dang //spros pa rnams kyis ma spros pa/ /rnam rtog med don tha dad min/ /de ni de nyid mtshan nyid do/ /de la gzhan las shes min zhes bya ba ni 'di la gzhan las shes pa med pa ste/ lung med par bdag gi mngon sum du 'gyur zhing bdag nyid kyis rang rig par bya ba zhes bya ba'i tha tshig go/ / zhi ba zhes bya ba ni ngo bo nyid dang bral ba'i phyir te/ dngos po'i ngo bo nyid dang / khyad par gyi yul la rnam par rtog pa'i spyod yul ma yin pa'i phyir ro/ /spros pa rnams kyis ma spros pa/ /zhes bya ba ni mngon par brjod pa'i mtshan nyid kyi spros pa nye bar zhi ba'i phyir ro/ /rnam par rtog pa med pa zhes bya ba ni snang ba med pa nyid kyis 'di dang /'di'o zhes rnam par ma brtags pa'i phyir ro/ /don tha dad pa ma yin pa zhes bya ba ni chos nyid ro gcig pa'i phyir don dbyer med pa ste/ de ni de kho na'i mtshan nyid yin no/ /de la gang gi phyir rnam par rtog pa med pa de'i phyir spros pa rnams kyis ma spros pa'o/ /gang gi phyir spros pa rnams kyis ma spros pa de'i phyir zhi ba'o//gang gi phyir zhi ba de'i phyir rnam par mi rtog pa'i ye shes kyi spyod yul lo/ /gang gi phyir rnam par mi rtog pa'i ye shes kyi spyod yul yin pa de'i phyir/ gzhan la shes pa ma yin no/ /gang gzhan las shes pa ma yin pa de la tshig mi 'jug pas/ de'i phyir de kho na'i ngo bo nyid ni tshig gis sgro btags pa las yang dag par 'das pa yin no//de ni brjod par mi nus mod kyi/ dngos po thams cad kyi ngo bo nyid dang / khyad par dgag pa ston pa'i phyir bshad pa/ de kho na'i ngo bo nyid rtogs par nus pa/ rnam par mi rtog pa'i shes pa skye ba med pa'i tshul gyis skye ba dang rjes su mthun par yi ger sgro btags pa las 'byung bar 'gyur te/de ltar de kho na rang rig par bya ba thabs kyi sgo nas bstan pas/ mtshan nyid ma bstan pa ma yin pa'i phyir/ co 'dri ba nyid ma yin pas skyon gdags su med do/ /de ltar re zhig don dam pa'i de kho na bstan pa'o/ / da ni kun rdzob bshad par bya ste/ gang la brten te gang byung ba/ /de ni re zhig de nyid min/ /rgyu gang la brten te 'bras bu gang byung ba de ni re zhig de nyid ma yin te/ rgyu las 'bras bu gzhan ma yin pa nyid ma yin no zhes bya ba'i tha tshig go/ /rgyu las 'bras bu gzhan ma yin pa nyid ma yin no zhes shes par byar nus te/blo tha dad pas shes par bya ba yin pa'i phyir/ dper na rtogs pa dang / rtogs par bya ba bzhin no/ /yang na rgyu gang la brten te 'bras bu gang byung ba de ni re zhig de nyid ma yin te/ rgyu'i bdag nyid las mi skye bar thal bar 'gyur ba'i phyir ro/ /de las gzhan pa'ang ma yin phyir/ /gang la brten te gang 'byung ba//de ni de las gzhan pa'ang ma yin te/ zhes shes par byar nus te/ rgyu ma yin pa las mi skye ba bzhin du rgyu las kyang 'bras bu mi skye bar thal bar 'gyur ba'i phyir ro/ /yang na rgyu las 'bras bu gzhan pa'ang ma yin te/ zhes bya bar shes par bya ste/ rgyu dang 'bras bur 'brel na brten te byung ba'i phyir/rgyu'i rang gi bdag nyid bzhin no zhes rjes su dpag pa'i phyir ro/ /gtan tshigs kyi sbyor ba khyad par dang bcas pa yin pa'i phyir/ de las gzhan pa la brten te byung ba'i 'bras bu dag gis ma nges pa nyid kyang ma yin no/ /phyir zhes bya ba'i sgra ni gtan tshigs kyi don te/ gang gi phyir de ltar rgyu las 'bras bu de nyid kyang ma yin la/gzhan pa yang ma yin pa'i phyir/ de phyir chad min rtag ma yin/ /'di la gang gi phyir rgyu zhig kyang 'bras bu skye bas rgyun gyis nges par gnas shing rgyu zhig kyang 'bras bu de mi 'jig pa de'i phyir gzhan nyid ma yin pas chad pa ma yin la/ gang gi phyir 'bras bu'i dus na rgyu 'jig cing rgyu de zhig kyang 'bras bu nam yang mi 'jig pa de'i phyir de nyid ma yin pas rtag pa yang ma yin te/ji skad du/ gang phyir dngos po 'jig 'gyur ba/ /des na chad par mi 'gyur ro/ /gang phyir dngos po ldog 'gyur ba/ /des na rtag par mi 'gyur ro/ /zhes bshad pa lta bu'o/ /yang na kha cig na re chos nyid rjes su 'jug pa'i phyir chad pa ma yin la/chos rnam par ldog pa'i phyir rtag pa ma yin no zhes zer ro/ /de'i phyir de ltar/ don gcig min don tha dad min/ /chad pa ma yin rtag min pa/ /de ni sangs rgyas 'jig rten gyi/ /mgon po'i bstan pa bdud rtsi yin//bdud rtsi zhes bya ba ni bdud rtsi'i go 'phang 'thob pa'i rgyu yin pa'i phyir te/ byang chub sems dpa' bsod nams dang / ye shes kyi tshogs dpag tu med pa dang ldan pa rnams kyis de rtogs nas/ 'gro ba mtha' dag la phan pa bskyed pa'i phyir rab tu brtson par byed pa na yang dag par rdzogs pa'i sangs rgyas nyi ma dag tu gyur nas gsung gi 'od zer dag gis sems can skal ba dang ldan pa rnams kyi blo gros kyi pad ma dag kha 'byed par mdzad pa dang /nyan thos rnams kyis kyang thos pa dang / bsams pa dang / bsgoms pa las byung ba'i shes pa yongs su 'dris par byas pas/ tshe 'di nyid la mya ngan las 'das pa mngon sum du byed pa'i phyir/sdug bsngal thams cad nye bar zhi ba ni bdud rtsi nyid yin no/ /gang gi tshe 'ga' zhig brgya la tshe 'di la tshogs ma bsags pa nyid kyis thar pa thob par ma gyur na/ de lta na yang tshe rabs gzhan dag la de la nges par 'grub ste/ ji skad du/ de nyid shes pas 'di la ni//'dod chags bral ba ma thob pa/ /tshe rabs gzhan la 'bad med par/ /nges par 'thob ste las bzhin no/ /zhes bshad pa lta bu'o/ /ci ste yang brgya la/ rdzogs sangs rgyas rnams ma byung zhing / /nyan thos rnams ni zad gyur kyang / /de kho na shes pa skye ba'i rkyen dang mi ldan du zin kyang de lta mod kyi/tshe rabs gzhan la rab tu dben pa'i shes pa goms par byas pa'i bag chags bsags pas blo gros sbyangs pa rnams la gzhan gyi rkyen med par/ rang sangs rgyas kyi ye shes ni/ /bsten pa med las rab tu skye/ /bsten pa med pa ni lus dang sems rab tu dben pa ste/de'i phyir bsten pa med pa'i rgyu de las rab tu skye ste/ 'du 'dzi med pa'i rgyu las 'byung ngo zhes bya ba'i tha tshig go/ /de'i phyir bstan pa bdud rtsi de ni sgrub pa rnams la tshe 'di dang / tshe phyi ma dag la bdud rtsi'i go 'phang 'thob par byed pa yin pas/ bdag la legs par 'dod pa rnams kyis bsam pa thag pas de bsgrub par bya'o//de la 'dir rab tu byed pa'i don ni gzhan gyis smras pa'i sgrub pa bsal ba dang / bdag nyid kyi sgrub pa kha na ma tho ba med par bstan pas/ 'du byed rnams bdag dang / bdag gis stong pa nyid du bstan pa yin no/ /de'i phyir rab kyi rtsal gyis rnam par gnon pa/gzugs ni bdag gam bdag med pa ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang bdag gam bdag med pa ma yin no/ /gzugs dang / tshor ba dang / 'du shes dang / 'du byed rnams dang / rnam par shes pa bdag gam bdag med pa ma yin pa gang yin pa de ni shes rab kyi pha rol tu phyin pa'o zhes bya ba la sogs pa dang /de bzhin du/ 'di la bdag med sems can med/ /srog kyang yod min gang zag med/ /lus 'di khams rnams 'dus tsam du/ /bdag la de ltar rab tu snang / /zhes bya ba la sogs pa dang / de bzhin du/'di la bdag dang sems can med/ /chos 'di dag ni rgyu dang bcas/ /zhes bya ba la sogs pa dang / de bzhin du sring mo gzhan yang / khyod kyi lus 'di la bdag med/ sems can med/ srog med/ skyes bu med/ gang zag med/ shed bu med/ tshor ba po med/ byed pa po med do zhes bya ba la sogs pa gsungs pa de dag grub pa yin no//slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/ bdag dang chos brtag pa zhes bya ba ste/ rab tu byed pa bco brgyad pa'o// // dbu ma rtsa ba'i 'grel pa shes rab sgron ma/bam po bcu bzhi pa/ da ni stong pa nyid kyi mi mthun phyogs kyi khyad par dgag pas dus ngo bo nyid med pa nyid du bstan pa'i don gyi dbang gis rab tu byed pa bcu dgu pa brtsam mo/ /'dir smras pa/ don dam par dngos po rnams kyi ngo bo nyid yod pa kho na yin te/ gsal ba'i rgyu yin pa'i phyir/ dper na mar me bzhin no//gang yod pa ma yin pa de ni gsal ba'i rgyu ma yin te/ dper na rus sbal gyi spu'i gos bzhin no/ /dngos po rnams kyi ngo bo nyid ni dus gsum gsal bar byed pa'i rgyu yin pas de'i phyir de ni yod pa kho na yin no/ /'dir bshad pa/ tha snyad kyi khongs su gtogs pa'i 'du byed de dag gi skye ba gang yin pa de bya ba zhes bya ste/de yang dngos po'i bdag nyid skye ba yin pas/ dngos po de dag nyid rgyu dang 'bras bu spyad pa dang / ma spyad pa las 'das pa dang / ma 'ongs pa dang / da ltar gyi dus zhes brjod de/ de'i phyir tha snyad du bya ba gzhan yongs su dpyod pa'i bya ba nyid la dus zhes khas lan te/dper na ba 'jos tsam gyis 'ongs nas gzod be'u blags so zhes bya ba bzhin no/ /don dam par ni ji ltar de mi 'thad pa de ltar dpyad par bya ste/ 'di la dus yod par smra ba dag 'dus byas kyi dngos po rnams las dus gzhan pa dang / rtag par smra ste/ de la don dam par dus ni 'dus byas kyi dngos po rnams las don gzhan du gyur pa ma yin par gzung bar bya ste/dngos po yin pa'i phyir 'dus byas kyi dngos po'i bdag nyid bzhin no/ /de bzhin du don dam par dus ni rtag pa ma yin te/ mtshan nyid kyi gzhi yin pa'i phyir dper na bum pa bzhin no/ /gal te nam mkha' la sogs pa dag gis ma nges pa nyid yin no zhe na/de dag kyang de bzhin du bkag pa'i phyir mi mthun pa'i phyogs med pas ma nges pa nyid ma yin no/ /da ltar gyi gzugs so snyam pa'i blo ni rang gi bdag nyid las gzhan pa'i dngos po dang 'brel pa'i tshig gi don gyi yul can yin te/ yid ches pa skye ba'i phyir dper na dbyug pa can mang po dang nyung ngu dag la dbyug pa can dbyug pa can snyam du yid ches pa skye ba'i blo de la lhas byin la sogs pa'i rang gi bdag nyid las gzhan pa'i dngos po dbyug pa dang 'brel pa'i tshig gi don gyi yul yod par mthong ba bzhin no//de bzhin du 'dir yang gzugs la da ltar da ltar ro snyam du yid ches pa skye ba yod pas/de'i phyir da ltar gyi gzugs so snyam pa'i blo 'di la yang rang gi bdag nyid las gzhan pa'i dngos po dang 'brel pa'i tshig gi don gyi yul yod de/ gzugs las gzhan pa'i tshig gi don gang yin pa de ni dus yin pas de'i phyir de ni gzhan yin no//de la 'dir yid ches pa skye ba'i phyir zhes bya ba'i gtan tshigs kyis rang gi bdag nyid las gzhan pa'i dngos po dang 'brel pa'i tshig gi don la dus ma yin pa dang / mi rtag pa'i mtshan nyid kyi tshig gi don mthong ba'i phyir yid ches pa skye bar rjes su dpogs pas dus ma yin pa nyid dang /rtag pa ma yin pa nyid kyis de dag bsal ba'i phyir dam bcas pa la chos can gyi ngo bo nyid dang / khyad par bsal ba'i skyon yod do/ /dpe yang med do/ don dam par dbyug pa dang / dbyug pa can de 'brel pa ma grub pa'i phyir/ de ni rigs pa ma yin no/ /yang na gal te da ltar gyi gzugs so snyam pa'i blo de khyad par gzhan gang yang rung /'ga' zhig dang 'brel pa'i tshig gi don gyi yul can yin par sgrub na ni grub pa la sgrub pa dang / rang gi grub pa'i mtha' dang 'gal bar 'gyur ro/ /ci ste blo de gzugs dus kyi mtshan nyid kyi tshig gi don dang 'brel pa'i yul can yin par bsgrubs na ni dpe med de/blo de gzugs dus kyi mtshan nyid kyi tshig gi don dang 'brel pa'i yul can yin par bstan par mi nus pa'i phyir ro/ /dpyad pa rgyas pa ni yod pa nyid bzhin no/ /dus kyi dbye ba 'grub na yang ltos pa can nam/ 'on te ma ltos pa bzhin du 'gyur grang na/ de la gal te ltos pa can du dam 'cha' na/da ltar byung dang ma 'ongs pa/ /gal te 'das la ltos gyur na/ /da ltar byung dang ma 'ongs pa/ /'das pa'i dus na yod par 'gyur/ /dus nyid yin na ltos pa dang bcas pa'i phyir 'das pa'i dus bzhin no zhes bya bar dgongs so/ /yang na/ da ltar byung dang ma 'ongs pa/ /gal te 'das la ltos gyur na/da ltar byung dang ma 'ongs pa/ /'das pa'i dus na yod par 'gyur/ /zhes bya ba ni lan 'ga' zhes bya ba'i tshig gi lhag ma'o/ /'di la gang dag ltos pa dang bcas pa de dag ni dus gcig nyid du yang 'gyur te/ lan 'ga' mi mthun pa nyid med na ltos pa dang bcas pa'i phyir dper na/ pha dang bu dag bzhin no//ci ste ltos pa dang bcas pa nyid kyi gtan tshigs bstan kyang / da ltar byung ba dang / ma 'ongs pa dag 'das pa'i dus na yod par mi 'dod na/ de lta na skyon gzhan 'dir yang 'gyur te/ da ltar byung dang ma 'ongs pa/ /gal te de ni med gyur na/ /da ltar byung dang ma 'ongs pa/ /ji ltar de la ltos par 'gyur//ltos pa dang bcas pa nyid yin na/ da ltar byung ba dang / ma 'ongs pa dag 'das pa'i dus la ltos nas da ltar byung ba dang / ma 'ongs pa nyid du 'grub par 'gyur ro/ /kha cig na re/ de lta na don dam par da ltar dang / ma 'ongs pa'i dus dag la da ltar dang / ma 'ongs pa'i ngo bo nyid dag med de/dus nyid yin na ltos pa dang bcas pa'i phyir dper na 'das pa'i dus bzhin no zhe'o/ /gzhan dag na re/ da ltar byung dang ma 'ongs pa/ /'das pa'i dus na yod par 'gyur/ /zhes bya ba ni/ dus mnyam pa rnams la ltos pa srid pa'i phyir ro zhes zer ro/ /gzhan dag na re/de ni rigs pa ma yin te/ dus tha dad pa yin yang spun dag la ltos pa yod pas ma nges pa nyid yin pa'i phyir ro zhe'o/ /gzhan dag na re/ 'das pa dang ma 'ongs pa dag ni med pa'i phyir ltos pa med la/ 'das pa dang / ma 'ongs pa dag yod pa nyid yin na ni gsum char yang da ltar nyid du 'gyur ro zhe'o//kha cig na re/ de yang rigs pa ma yin te/ da ltar gyi tsha bo la ltos nas mes po med pa la yang / sgra brjod pa khyad par can 'jug pa'i phyir dang / dus dgag pa smra ba dag gis/ 'das pa dang / ma 'ongs pa dag da lta nyid du bstan pas/ phyogs snga ma la gnod pa'i phyir ro zhe'o//gzhan dag gis smras pa/ da ltar byung dang ma 'ongs pa/ /'das pa'i dus na yod par 'gyur/ /de dang 'brel pa'i phyir 'das pa'i dus bzhin te/ da ltar byung dang ma 'ongs pa/ /gal te 'das la ltos gyur na/ /zhes gsungs pas 'brel pa'i gtan tshigs bstan pa'i phyir ro zhe'o//gzhan ma yin pa na re/ 'brel pa'i gtan tshigs kyang rigs pa ma yin te/ ltos pa dang / 'brel pa nyid yin yang dbyug pa can dbyug pa nyid du mi 'gyur bas/ ma nges pa nyid yin pa'i phyir dang / dus tha dad pa dag la yang 'brel pa yod pa'i phyir ro zhes zer ro/ /de ltar re zhig ltos pa can gyi dus ma grub bo//'on te ma ltos par dam 'cha' na de'i phyir/ 'das pa la ni ma ltos par/ /de gnyis grub pa yod ma yin/ /da ltar dang ma 'ongs pa nyid kyi rgyu 'das pa la ma ltos par/ da ltar dang ma 'ongs pa de gnyis rgyu med par 'grub pa yod pa ma yin no/ /gang gi phyir de ltar ltos pa med par da ltar byung ba dang /ma 'ongs pa dag ma grub pa/ /de phyir da ltar byung ba dang / /ma 'ongs dus kyang yod ma yin/ /'das pa dang ma 'ongs pa dang / da ltar gyi sgrar brjod pa'i dus dag mi srid pa'i phyir ro zhes bya bar dgongs so/ /rim pa'i tshul ni 'di nyid kyi/ /lhag ma gnyis po bsnor ba dang //zhes bya ba ni sgrub pa'i rim pa'i tshul 'di nyid kyis / 'das pa dang ma 'ongs pa dang / da ltar byung ba dang / 'das pa'i dus lhag ma gnyis po bsnor ba dag kyang de bzhin du shes par bya ste/ 'das pa dang ni ma 'ongs pa/ /gal te da ltar ltos gyur na/ /'das pa dang ni ma 'ongs pa//da lta'i dus na yod par 'gyur/ /'das pa dang ni ma 'ongs pa/ /gal te de na med gyur na/ /'das pa dang ni ma 'ongs pa/ /ji ltar de la ltos par 'gyur/ /da ltar la ni ma ltos par/ /de nyid grub pa yod ma yin/ /de phyir 'das par gyur pa dang / /ma 'ongs dus kyang yod ma yin//zhes bya ba dang de bzhin du/ da ltar byung dang 'das pa dag /gal te ma 'ongs ltos gyur na/ /da ltar byung dang 'das pa dag /ma 'ongs dus na yod par 'gyur/ /da ltar byung dang 'das pa dag /gal te de na med gyur na/ /da ltar byung dang 'das pa dag /ji ltar de la ltos par 'gyur/ / ma 'ongs pa la ma ltos par/ /de gnyis grub pa yod ma yin/ /de'i phyir da ltar byung ba dang / /'das pa'i dus kyang yod ma yin/ /zhes bya ba de ltar bsnor bar bya ste/ de dag ni rnam par bshad pa'i tshig le'ur byas pa dag yin no/ /de dag gis snga ma bzhin du bsgrub pa dang / sun dbyung ba dag kyang bstan par bya'o//mchog dang tha ma 'bring la sogs/ /gcig la sogs pa'ang shes par bya/ /rim pa'i tshul 'di nyid kyis shes par sbyar ro/ /de la mchog dang / tha ma dang / 'bring la sogs pa ni rang gi rigs las ma 'das par yon tan 'phel ba dang / 'grib pa dang ldan pa'i phyir ro//de dag kyang ltos pa can nam/ 'on te ma ltos par 'grub pa zhig tu 'gyur grang na/ de la don dam par/ mchog dang / 'bring gi ngang tshul can dag la de dag gi ngo bo nyid med de ngang tshul can nyid yin na ltos pa dang bcas pa'i phyir/ dper na tha ma'i ngang tshul can bzhin no/ /de bzhin du ngang tshul can gzhan gnyis la yang brjod par bya'o//ci ste ltos pa dang bcas pa nyid kyi gtan tshigs bstan kyang / mchog dang / 'bring dag tha ma la yod par mi 'dod na/ de ltar na mchog dang / 'bring dag tha ma la ji ltar ltos par 'gyur/ ltos pa dang bcas pa nyid yin na/mchog dang 'bring dang / tha ma la ltos nas mchog dang 'bring nyid du 'grub par 'gyur ro/ /de bzhin du ngang tshul can gzhan gnyis bsnor ba la yar brjod par bya'o/ /de bzhin du gcig la sogs pa dag kyang shes par bya ste/ gcig nyid dang / gnyis nyid dang /mang po nyid la sogs pa dag go/ /'dir yang snga ma bzhin du bstan par bya ste/ don dam par grangs gcig nyid la gcig nyid kyi ngo bo nyid med de/ grangs nyid yin na ltos pa dang bcas pa'i phyir/ gnyis nyid bzhin no zhes bya ba la sogs par brjod par bya'o/ /gang dag grangs dngos po las gzhan par mi 'dod pa de dag gnyis pa med pa ni gcig yin la/de dang gzhan ni gnyis yin te / gnyis dang gzhan ni gsum yin/ de phan chad ni mang po yin par 'dod do/ /de dag la yang snga ma bzhin du bstan par bya ste/ don dam par gcig la gcig gi ngo bo nyid med de/bgrang bar bya ba yin pa'i phyir/ dper na de las gzhan pa bzhin no/ /de bzhin du gnyis la gnyis kyi ngo bo nyid med de zhes bya ba la sogs pa dag kyang brjod par bya ste/ dam bcas pa'i don rnam par brtags nas rgyas par snga ma bzhin du sbyar ro/ /sogs pa'i sgra ni chung ngu dang / chen po dang / ring po dang / thung ngu dang / thag nye ba dang / thag ring ba dang / sngon dang / phyi ma dang / rgyu dang / 'bras bu dang / 'dus byas dang / 'dus ma byas la sogs pa dag la yang de bzhin du brjod par bya'o/ /dus yod par smra ba dag na re/ don dam par dus ni yod pa kho na yin te/tshad dang ldan pa'i phyir ro/ /'di na gang yod pa ma yin pa de la ni tshad med de/ dper na rta'i rwa bzhin no/ /dus la ni tshad skad cig dang / thang cig dang / yud tsam dang / mtshan mo dang / nyin mo dang / zla ba phyed pa dang / zla ba dang / dus tshigs dang / nur ba dang / lo la sogs pa dag yod do/ /gang tshad dang ldan pa de ni yod de/ dper na 'bru la sogs pa bzhin pas de'i phyir dus ni yod pa kho na yin no zhes zer ro/ /'dir bshad pa/ mi gnas dus su 'dzin mi byed/ /'du byed kyi tshogs ni skye ba dang / 'jig pa'i chos can yin pas mi gnas pa ste/de la ni khyed kyang tha snyad du yang dus dus zhes 'dzin par mi byed do/ /gang zhig gzung bar bya ba'i dus/ /gnas pa yod pa ma yin pas/ /dngos po las gzhan pa gang zhig gang gis de'i ngo bo nyid du gzung bar bya ba nges par gnas pa yang yod pa ma yin pas so/ /ma bzung dus su ji ltar gdags//gzung du yod na gdags par bya ba nyid yin pa'i phyir ro zhes bya bar dgongs so/ /de ltar na 'dis ni yud tsam la sogs pa'i tshad ni 'du byed nyi ma'i 'gros la sogs pa'i bya ba gzhan yongs su gcod pa nyid dag gi chos yin gyi/ dus kyi ma yin par bstan pas/ gtan tshigs kyi gzhi ma grub pa nyid dang dpe yang med do//mi gnas dus su 'dzin mi byed/ /ces bya ba 'di la gzhan dag na re/ 'di la dngos po nges par gnas pa rnams ni tshad las gzung du rung ste/ dper na shing 'di ni mtho'o/ /ba 'di ni chu ring ngo / /mi 'di thung ngo / /glang po che 'di ni che'o zhes bya ba lta bu yin na/dus ni de ltar nges par gnas pa ma yin pas de la tshad mi 'grub bo zhes zer ro/ /gzhan ma yin pa na re/ de ni bzang po ma yin te/ gzugs can ma yin pa nges par mi gnas pa la yang tshad gzung du rung ba'i phyir ro zhe'o/ /'dir smras pa/ dus ni rtag pa yin te/ de la skad cig dang / thang cig dang / yud tsam la sogs pa dang / 'das pa dang / ma 'ongs pa dang / da ltar byung ba la sogs pa dag yod pa ni nye bar gnas pa sna tshogs pa nyid kyi khyad par las nor bu bzhin nam/ smin pa'i khyad par las smin par bya ba bzhin no/ /'dir bshad pa/ kho bo cag gi phyogs la dngos po dngos po gzhan pa brten cing ltos pa'i dngos po la skad cig la sogs pa'i sgrar brjod de/de la/ gal te dus ni dngos brten na/ /tha snyad du de dngos por brjod na ni de 'dod pa nyid do/ /ji ste don dam par na ni don dam dngos po nyid kyang ma grags pas/ dngos med dus ni ga la yod//de yod pa ma yin pa nyid do zhes bya ba'i tshig gi don to/ /de'i phyir ji skad smras pa'i skyon nyams pa med do/ /'dir smras pa/ don dam par dus ni rdzas kyi ngo bo nyid du yod pa kho na yin te/ rtags yod pa'i phyir ro/ /'di na gang yod pa ma yin pa de la ni rtags med de/ dper na ri bong gi rwa bzhin no//dus la ni rtags snga ma dang phyi ma dang / cig car dang / cig car ma yin pa dang / yun thun ring po dang / myur ba zhes bya ba dag yod pas de'i phyir dus ni rdzas kyi ngo bo nyid du yod pa kho na yin no/ /'dir bshad pa/ dngos po 'ga' yang yod min na/ /yang zhes bya ba'i sgra ni nges par gzung ba'i don to //kho bo cag gi phyogs la don dam par dngos po 'ga' yang yod pa ma yin pa nyid do/ /tha snyad du ni 'du byed kyi rgyun tha dad pa la ltos nas snga ma dang / phyi ma zhes bya bar shes pa de skye zhing / 'du byed kyi skad cig tha mi dad pa nye bar gyur pa las cig car zhes bya ba dang /de las bzlog pas las cig car ma yin pa zhes bya ba dang / 'du byed kyi rgyun mang po 'jug pa las yun ring po zhes bya ba dang / 'du byed kyi rgyun nyung ngu 'jug pa las myur ba zhes bya bar shes pa skye ste/ de'i phyir snga ma la sogs par shes pa ni 'du byed kyi chos yin pa'i phyir gtan tshigs med pas/dus lta yod par ga la 'gyur/ de sgrub pa'i gtan tshigs bstan pa ma grub pa'i phyir ro zhes bya bar dgongs so/ /ci ste snga ma la sogs par shes pa 'du byed kyi chos yin gyi/ dus kyi chos ma yin pa zhes bya ba de ga las shes she na/ dus rtag pa dang / gcig pur ston pa'i rjes su dpag pa med pa las te/tha snyad du yang snga ma la sogs par yang shes pa ni dus rtag pa dang / gcig pu'i rgyu ma yin te/ shes pa yin pa'i phyir dper na gzugs la sogs par shes pa bzhin no/ /gal te dus ni rdzas su yod pa yin te/ btags par yod pa'i phyir ro zhe na/ ji lta bu zhes brjod par bya'o//gal te gzugs la sogs pa bzhin no zhe na/ don dam par ji skad bstan pa'i tshul gyis gzugs la sogs pa'i dngos po grub pa med pas/ dngos med dus ni ga la yod/ /gzugs kyi mtshan nyid kyi dngos po med pa'i phyir dpe nyid du bzhag pa dag gi dngos po med na/ dus ga la yod de/dpe ma bstan pas dus mi 'grub bo zhes bya ba'i tha tshig go/ /shing rta dang dmag dang nags tshal la sogs pa rdzas su yod pa ma yin pa dag la yang med kyang yod do zhes btags par yod pa'i phyir gtan tshigs ma nges pa nyid kyang yin no/ /gal te shing rta la sogs pa yan lag can dag rdzas nyid du bstan pa'i phyir skyon med do zhe na/yan lag can dag rdzas nyid du bstan pa'i dgag pa sngar bshad zin pas skyon med pa ma yin no/ /gang dag dus ni dngos po la brten nas gdags pa kho na yin te/ yud tsam zhig 'dug par gyur to/ /nyin gcig 'dug go/ /zla ba gcig 'dug par 'gyur ro zhes bya ba lta bu'o zhes zer ba de dag la yang /dngos po 'ga' yang yod min na/ /dus lta yod par ga la 'gyur/ /zhes brjod par bya ste/ de las gzhan pa'i dus med pa'i phyir ro zhes bya bar dgongs so/ /dus yod par smra ba dag na re/ dus ni yod pa kho na yin te/ brjod pa khyad par can 'jug pa'i rgyu yin pa'i phyir ro//'di na gang med pa de ni brjod pa khyad par can 'jug pa'i rgyu nyid yin par ma mthong ste/ dper na ri bong gi rwa bzhin no/ /dus ni sab ma byas so byed do byed par 'gyur ro zhes brjod pa khyad par can 'jug pa'i rgyu nyid yin par mthong bas de'i phyir dus ni yod pa kho na yin no zhes zer ro//de ni bzang po ma yin te/ byas pa la sogs pa'i brjod pa khyad par can 'jug pa ni/ 'du byed kyi chos yin pa'i phyir/ gtan tshigs kyi don ma grub pa nyid do/ /don 'gal ba nyid kyang yin te/ brjod pa khyad par can 'jug pa'i rgyu nyid ni kun rdzob pa nyid yin pa'i phyir ro//de'i phyir de ltar rnam pa thams cad du dus ma grub pa'i phyir de gsal ba'i rgyu yin pa'i phyir zhes bya ba'i gtan tshigs kyi don ma grub pa nyid do/ /de la 'dir rab tu byed pa'i don ni pha rol pos rab tu byed pa'i dang por sgrub pa smras pa'i skyon brjod pa dang / rang gi sgrub pa kha na ma tho ba med pa bstan pa dag gis stong pa nyid kyis mi mthun pa'i phyogs kyi khyad par dgag pas dus ngo bo nyid med pa nyid du bstan pa yin no//de'i phyir bcom ldan 'das kyis/ 'phags pa lag bzangs kyis zhus pa'i mdo las/ de dus gsum po 'das pa dang / ma 'ongs pa dang / da ltar byung ba dag rab tu shes te/de la 'du byed gang dag 'das shing 'gags pa de ni 'das pa'i dus zhes bya'o/ /gang dag ma 'ongs shing ma byung ba de ni ma 'ongs pa'i dus zhes bya'o/ /gang dag da ltar byung zhing 'jug pa de ni da ltar byung ba'i dus zhes bya'o/ /de la da ltar gyi dus kyi phung po dang / khams dang / skye mched gang yin pa de ni mi gnas pa dang nges par mi gnas par rab tu shes te/ de ci'i phyir zhe na/ 'di ltar 'jig rten ni skad cig las lhag par mi gnas pa'i phyir ro/ /skad cig ma gang yin pa de la yang skye ba'i dus kyang gzhan la gnas pa'i dus kyang gzhan 'gag pa'i dus kyang gzhan no//skad cig ma de yang mi gnas pa dang / nges par mi gnas par rab tu shes so zhes bya ba la sogs pa dang / de bzhin du chos nyid kyi yang chos nyid gang yin pa de ni 'das pa ma yin/ ma 'ongs pa yang ma yin/ da ltar byung ba ma yin no zhes bya ba la sogs pa dang /de bzhin du de bzhin gshegs pa ni/ 'das pa ma yin/ ma 'ongs pa yang ma yin/ da ltar ba ma yin no zhes bya ba la sogs pa gsungs pa de dag grub pa yin no/ /slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/ dus brtag pa zhes bya ba ste rab tu byed pa bcu dgu pa'o// //da ni dus ngo bo nyid med pa nyid du bstan pa'i mi mthun pa'i phyogs kyi khyad par dgag pas/ rgyu dang 'bras bu ngo bo nyid med pa nyid du bstan pa'i don gyi dbang gis rab tu byed pa nyi shu pa brtsam mo/ /rab tu byed pa 'das ma thag par dus ma grub pas gtan tshigs kyi skyon bstan pa'i phyir dus grub na skyon med pas/'dod pa'i don 'grub par bstan pa'i phyir 'dir smras pa/ don dam par dus ni yod pa kho nar shes par bya ste/ 'bras bu 'grub pa'i rgyu yin pa'i phyir ro/ /'di na sa bon la sogs pa tshogs pa nyid yod kyang / dus tshigs med na myu gu 'byung bar mi 'gyur gyi yod na 'gyur la/ gang yod pa ma yin pa de ni 'bras bu 'grub pa'i rgyu nyid yin par ma mthong bas/ de'i phyir gtan tshigs ji skad smos pa'i mthus don dam par dus ni yod pa kho na yin no/ /de la re zhig gang dag gi grub pa'i mtha' la rgyu dang / rkyen rnams kyi tshogs pa nyid la 'bras bu yod par 'dod pa de dag gi phyir 'di bshad de/gal te rgyu dang rkyen rnams kyi/ /tshogs pa nyid las skye 'gyur na/ /pha rol po'i tshul gyi 'bras bu'o/ /de yang de la yod na 'o na de ltar na/ tshogs pa nyid la 'bras bu yod na ni/ ji ltar tshogs pa nyid las skye/ skye bar mi 'gyur ba nyid de/ dgag pa mi mthun pa'i skyon du 'gyur ba'i phyir ro/ /gal te yod na ni ci'i phyir skye/ 'on te skye na ni yod pa zhes bya ba ma yin te/ yod pa zhes bya ba dang / skye'o zhes bya ba de dag mi mthun pas bkag pa'i phyir ro zhes bya bar dgongs so/ /yang na gal te yod na de skye bar mi 'gyur te/yod pa nyid du rjes su dpog pa nyid kyis skye ba med pas de'i skye ba bsal ba'i phyir dam bcas pa la chos kyi ngo bo nyid bsal ba'i skyon yod pas/ tshogs la 'bras bu yod na ni/ /ji ltar tshogs pa nyid las skye/ /skye bar mi 'gyur ba nyid de/ ji skad bstan pa'i skyon du 'gyur ba'i phyir ro zhes bya ba'i tha tshig go//gang dag gis grub pa'i mtha' las rgyu dang rkyen rnams kyi tshogs pa nyid la 'bras bu med par 'dod pa de dag gi phyir 'di bshad de/ gal te rgyu dang rkyen rnams kyi/ /tshogs pa nyid las skye 'gyur na/ /pha rol po'i tshul gyi 'bras bu'o/ /de yang khyed don dam par med par ston pas/'o na de ltar na/ tshogs la 'bras bu med na ni/ /ji ltar tshogs pa nyid las skye/ /skye bar mi 'gyur ba nyid de/ med pa nyid du rjes su dpog pa nyid kyis skye ba med pas/ de'i skye ba bsal ba'i phyir dam bcas pa la chos kyi ngo bo nyid las zlog pa'i skyon yod pa'i phyir ro zhes bya bar dgongs so//gang dag gis rgyu dang rkyen rnams kyi tshogs pa nyid la 'bras bu yod par dam bcas pa de dag gi phyir yang bshad pa/ gal te rgyu dang rkyen rnams kyi/ /tshogs la 'bras bu yod na ni/ /tshogs la gzung du yod rigs na/ /yod pa'i phyir skyes pa bzhin du'o//tshogs pa 'di la gzung du med/ /yid btud pas kyang ngo / /de ltar na 'dis ni tshogs pa nyid la 'bras bu'i chos gzung du med pa nyid yin pa bstan to/ /de'i phyir rjes su dpag pa ni sa bon la sogs pa tshogs pa nyid la 'bras bu myu gu zhes bya ba la sogs pa yod pa ma yin par gzung bar bya ste/de la gzung du med pa'i phyir ro/ /gang la gang gzung du med pa de la de yod pa ma yin te/ dper na bum pa las snam bu bzhin no/ /tshogs pa nyid la myu gu yang de bzhin pas de'i phyir sa bon la sogs pa tshogs pa nyid la 'bras bu myu gu zhes bya ba la sogs pa yod pa na yin par gzung bar bya'o//'dir grangs can dag las kha cig phyir zlog par byed de/ ha cang ring ba dang / ha cang nye ba dang / dbang po nyams pa dang / yid nges par mi gnas pa dang / cha phra ba dang / bsgribs pa dang / zil gyis non pa dang / 'dra ba 'dres pa zhes bya ba gzung ba'i gags su gyur pa dag yod na/dngos po yod pa rnams kyang gzung du med pa'i phyir gtan tshigs ma nges pa nyid kyi skyon yod do/ /grangs can dag las gzhan dag skyon gzhan 'di skad ces smra ste/ gzung du med pa'i phyir ro zhes bya ba'i gtan tshigs de'i don gang yin/ gal te mngon sum gyis gzung du med pa'i phyir ro zhe na ni ma nges pa nyid de/dbang po'i de kho na dag mngon sum gyis gzung du med kyang yod pa'i phyir ro/ /gal te rjes su dpag pas gzung du med pa'i phyir ro zhe na ni don ma grub pa nyid de/ 'di ltar rjes su dpag pa las rgyu ni 'bras bus mi stong par gzung bar bya ste/ tshad yod pa'i phyir ro//gang tshad yod pa de ni des mi stong ste/ dper na 'bras bu'i bdag nyid bzhin no/ /de bzhin du rgyu yang bde ba dang / sdug bsngal dang / gti mug gsum dang / sgra la sogs pa lnga dang / gcig la sogs pa'i rgyu'i tshad kyi tshad yod pas de'i phyir rgyu ni tshad yod pa'i phyir 'bras bus mi stong pa'i phyir ro//mngon sum gyi gzung ba nyid ma yin pas mngon sum kho nas gzung du med pa'i phyir ro zhes gtan tshigs khyad par dang bcas pa brjod na yang gtan tshigs kyi don ma nges pa nyid de/ mngon sum gyis gzung ba ma yin pa'i dngos po yang rjes su dpag pas gzung ba nyid yin pa'i phyir ro/ / rnam pa thams cad du gzung du med pa'i phyir ro zhes bya bar gtan tshigs kyi don rtogs na yang / de nyid don ma grub pa nyid kyi skyon yod do/ /'dir gzung du med pa kho na'i phyir ro zhes nges par gzung ba'i phyir/ tha snyad du yang ha cang thag ring po na gnas pa la sogs pa dag gis ma nges pa nyid ma yin no//don dam par ni ha cang thag ring po na gnas pa la sogs pa'i dngos po dag ma grub pa'i phyir ro/ /bde ba dang / sdug bsngal dang / gti mug gi mtshan nyid la sogs pa rang bzhin pa'i tshad dag kyang ma grub pa'i phyir / gtan tshigs kyi don ma grub pa nyid do/ /tshad kyi gtan tshigs spyir brjod na ni rjes su 'gro ba med de/'bras bu yang 'bras bu'i bdag nyid kyis stong pa'i phyir ro/ /tha snyad du yang gang zhig gang gis mi stong pa de las de 'byung bar mi 'gyur te/ des mi stong pa'i phyir dper na dbyu gu gsum las dbyu gu gsum gyi bdag nyid bzhin pas tha snyad du yang rgyu las 'bras bu snga na yod pa skye bar dam 'cha' na rjes su dpag pas gnod par 'gyur ro//mngon sum gyi gzung ba nyid ma yin pas mngon sum kho nas gzung du med pa'i phyir ro zhes gtan tshigs kyi khyad par dang bcas pa brjod na yang gtan tshigs kyi don ma nges pa nyid de zhes gong du gtan tshigs kyi sbyor ba byas pa der yang /ma nges pa nyid ma yin te/ ji skad bstan pa'i tshul gyis rjes su dpag pa las de yod pa nyid du bstan par mi nus pa'i phyir dang / 'bras bu snga na yod pa'i skye ba dgag pa bstan pa'i tshul gyis so/ /rnam pa thams cad du gzung du med pa'i phyir ro zhes bya ba'i gtan tshigs kyi don khas blangs pa'i phyir don ma grub pa nyid ma yin no//zil gyis ma non pa dang / rags pa nyid ni med pa ma byung ba las gdod 'byung ba'i phyir/ 'bras bu snga na med par smra ba yin par thal bar 'gyur ro/ /rgyu las 'bras bu yod pa nyid yin yang zil gyis non pa'i phyir dang / cha phra ba'i phyir gzung du med do zhes smra ba dag gi tshig kyang rgyu la 'bras bu yod pa zil gyis non pa dang /cha phra ba nyid yin par bstan dka' ba'i phyir/ de yang rigs pa ma yin no/ /grangs can dag las gang dag 'bras bu snga na yod pa zhes bya ba de'i don ni skye ba'i sngon rol na med pa ma yin la/ 'bras bu'i bdag nyid gsal bar yod pa nyid ma yin pa nyid skye'o zhes zer ba de dag dgag pa yang snga ma bzhin du rgyas par bya'o//de bzhin du 'bras bu snga na med par smra ba dag gi phyir yang bshad pa/ gal te rgyu dang rkyen rnams kyi/ /tshogs la 'bras bu med na ni/ /rgyu rnams dang ni rkyen dag kyang / /rgyu can ma yin mtshungs par 'gyur//'bras bus stong pa'i phyir ro/ /ji ste rgyu dang rkyen rnams la khyad par ci yod ce na/ rgyu'i mtshan nyid ni thun mong ma yin pa dang / gcig pu dang rang gi don byed pa dang / de ma thag pa dang / cha mnyam pa bskyed pa la sogs pa dag yin par rig par bya'o/ /rkyen rnams kyi mtshan nyid ni de las bzlog pa ste/thun mong dang / du ma dang / gzhan gyi rgyud gso ba'i phyir gzhan gyi don byed pa dang / thag ring ba dang / cha mi mnyam pa skyed pa la sogs pa dag yin par rig par bya'o/ /rgyu rkyen ma yin mtshungs par 'gyur/ /zhes bya ba 'dis ni rgyu dang rkyen rnams kyi chos 'bras bu skyed pa ma yin pa nyid dang /'bras bus stong pa nyid yin par bstan pas 'dir 'bras bu snga na med par smra ba dag gi phyogs la skabs kyi don la phan pa'i rjes su dpag pa bsal ba 'di lta bu mngon te/ don dam par sa bon la sogs pa rgyu dang rkyen rnams ni 'bras bu bskyed pa ma yin pa nyid yin par shes par bya ste/'bras bus stong pa nyid yin pa'i phyir dper na/ rgyu dang rkyen ma yin pa dag bzhin no/ /gal te 'bras bu ni rgyu dang rkyen rnams kyis bskyed par bya ba nyid yin te/ rgyu dang rkyen nges pa nyid las 'bras bu skye ba'i phyir ro zhe na/ des kyang mi nus te/ rjes su 'gro ba med pa'i phyir dang / brgal zhing brtag pa mtshungs par nye bar gnas pa'i phyir ro/ /gal te nas kyi sa bon las nas kyi myu gu skye bar mthong bas/ mthong ba la gtan tshigs kyi tshig don med do zhe na/ tha snyad kyi khongs su gtogs pa'i blos myu gu skye ba dang / de bzhin du rgyu dang rkyen nges pa dang 'bras bu skye ba mthong ba ni bden no//don dam par ni ma mthong ste/ /don dam par de'i skye ba ma grub pa'i phyir ro/ /de'i phyir de ltar yongs su brtags na 'bras bu 'grub pa mi 'thad pas 'bras bu 'grub pa'i rgyu yin pa'i phyir ro zhes bya ba'i gtan tshigs kyi don ma grub pa nyid dang /rjes su 'gro ba yang med do/ /yang gzhan yang / 'bras bu snga na med par smra ba rnams kyi rgyus 'bras bu la rgyu byin nas 'gag par 'gyur ram/ 'on te ma byin par 'gag par 'gyur/ des cir 'gyur/ gal te rgyus ni 'bras bu la/ /rgyu byin nas ni 'gag 'gyur na/ /gang byin pa dang gang 'gag pa//rgyu yi bdag nyid gnyis su 'gyur/ /gal te rgyus 'bras bu la rgyu'i nus pa phul nas 'gag par 'gyur na/ gang byin pa dang / gang 'gag pa'i rgyu'i bdag nyid gnyis su 'gyur te/ byin pa dang / 'gag pa'i rgyu'i bdag nyid tha dad pa'i phyir ro/ / de ni tha snyad du yang mi 'dod do/ /'di ltar rten cing 'brel par 'byung ba'i rgyu ni 'bru la sogs pa grogs byed pas phan btags na 'bras bu skyed par nus pa yin pas/ de'i rkyen gyis 'bras bu skye bar 'gyur ba yin na 'bras bu med pa gzhag pa'i khyad par gyi gzhi med pa la nus pa dbul du mi rung ngo //de'i phyir 'du byed rnams la 'pho ba med de/ 'dra ba las/ de ltar 'khrul to/ /'on te ma byin par 'gag par 'gyur na/ de lta na/ gal te rgyus ni 'bras bu la/ /rgyu ma byin par 'gag 'gyur na/ /rgyu 'gags pa na skyes pa yi/ /'bras bu de ni rgyu med 'gyur/ /'bras bu rgyu med pa las 'byung bar mi 'dod pas/de'i phyir yang rgyu 'gags pa ni 'bras bu skyed par mi byed de/ 'gags pa'i phyir 'gags nas yun ring du lon pa bzhin no/ /'di la 'gal ba bsgrub pa med pas don 'di gzhan la bstan par bya mi dgos so/ /gal te tshogs pa nyid dang lhan cig skye bzhin pas 'bras bu skyed par byed de/dper na mar me dang 'od bzhin no zhe na/ de'i phyir bshad pa/ gal te tshogs dang lhan cig tu/ /'bras bu yang ni skye 'gyur na/ /skyed pa dang ni gang bskyed pa/ /dus gcig par ni thal bar 'gyur/ /skyed pa dang bskyed pa pha dang bu lta bu dag dus gcig tu 'byung ba nyid de ni mi 'dod do//'o na ji ltar 'dod ce na/ dus tha dad pa nyid du'o/ /skyed pa dang bskyed pa nyid dag la rgyu dang 'bras bu dag yod pas de'i phyir rjes su dpag par nus te/ 'bras bu tshogs pa nyid ni lhan cig mi skye ste/ skyed pa dang bskyed pa yin pa'i phyir dper na bu dang pha bzhin no//tshogs pa snga ma'i dbang gis mar me 'od dang bcas pa tha snyad par 'byung ba'i phyir mar me dang 'od dag rgyu dang 'bras bu'i dngos po yod pa ma yin te/ dgag pa rgyas par sngar bstan pa'i phyir/ de ni bzang po ma yin no/ /gang dag 'bras bu sngar skyes pa nyid tshogs pa nyid kyis gsal bar byed do zhes zer ba de dag gi phyir 'di bshad de/gal te tshogs pa'i snga rol du/ /'bras bu skye bar gyur na ni/ /gal te rgyu dang rkyen rnams kyi tshogs pa nyid kyi snga rol du de dag med par de yod par gyur na ni de ltar na/ rgyu dang rkyen rnams med pa yis / /'bras bu rgyu med 'byung bar 'gyur/ /de yang mi 'dod de/de'i phyir kho bo cag la 'bras bu yod pa nyid du bsgrub par bya ba'i gsal ba yod pa nyid du ni rjes su dpag par mi bya ste/ gsal ba'i lan btab zin pa'i phyir ro/ /grangs can dag las/ gzhan dag gis smras pa/ rgyu nyid 'gag pa 'bras bu'i bdag nyid du gnas so//de dag gi yang gal te rgyus rgyu'i ngo bo nyid yongs su ma spangs pa/ 'gags pa 'bras bu'i bdag nyid du gnas so zhe na ni/ gal te rgyu 'gags 'bras bu na/ /rgyu'i bdag nyid yin par 'dod na'o/ /de lta na/ rgyu ni kun du 'pho bar 'gyur/ /ngo bo nyid yongs su ma spangs pa'i phyir/lhas byin khyim nas khyim du kun du 'pho ba bzhin no/ /gzhan yang / sngon skyes pa yi rgyu yang ni/ /yang skye bar ni thal bar 'gyur/ /rgyu'i bdag nyid du yod pa ni/ rgyu'i bdag nyid kho nar mi skye ste/ ci yang ma dgos pa'i phyir ro/ /gal te rgyu 'bras bu'i bdag nyid du skye bar khas blangs pa'i phyir skyon med do zhe na rgyu'i ngo bo nyid yongs su ma spangs pa'i rgyu'i bdag nyid la 'bras bu zhes brjod na ni ming tsam tha dad par zad pa'i phyir ji skad smras pa'i skyon ldog pa med do//rgyu'i ngo bo nyid yongs su spangs pa 'bras bu'i bdag nyid du nges par gnas par rtog na yang rgyu'i ngo bo nyid yongs su spangs pa ni rgyu ma yin pa'i phyir rgyu 'bras bu'i bdag nyid du gnas so zhes bya ba de legs par ma brtags par smras pa yin no//gzhan yang 'bras bu snga na yod par smra ba dag rgyu 'gags pas 'bras bu skyes pa nyid skyed par byed dam/ gnas pas skyed par byed par rtog grang na/ gnyi ga ltar yang rigs pa ma yin te/ji lta zhe na/ 'gags pa nub par gyur pa yis / /'bras bu skyes pa ji ltar skye / /'gags pa ni rgyu nyid du mi rigs pa'i phyir dang / skyes pa yang bskyed mi dgos pa'i phyir/ rgyu 'gags pas 'bras bu skyes pa skyed par mi byed do zhes bya ba'i tshig gi don to/ / grangs can dag las kha cig gis smras pa/ rdzas nges par gnas pa'i chos gzhan ldog pa na/ chos gzhan skye ba ni yongs su 'gyur ba yin pas de'i phyir/ rgyu 'gags nas 'bras bu skye bar 'gyur ba yang ma yin la/ nus pa'i tshul du yod pa'i phyir/ gsal ba khyad par can ma skyes pa bskyed par bya mi dgos pa yang ma yin no//'dir bshad pa/ de lta na yang rdzas nges par gnas pa yang chos gzhan ldog pa'i dus na ldog par 'gyur te/ de las gzhan ma yin pa'i phyir dper na chos gzhan ldog pa bzhin no/ /de bzhin du chos can yang chos gzhan skye ba'i dus na skye bar 'dod par bya dgos te/de las gzhan ma yin pa'i phyir/ dper na chos gzhan skyes pa bzhin pas tha snyad du yang bsgrub par ni 'gal bar snang ngo / /don dam par ni ji ltar rdzas nges par gnas pa de'i chos gzhan snang ba dang / mi snang ba'i mtshan nyid ni yongs su 'gyur ba ma yin te/ dper na che ge mo bzhin no zhes bya ba'i dpe rnam pa thams cad du med pa'i phyir de yang rigs pa ma yin no//yang gzhan yang / chos gzhan ldog pa gang yin pa de/ rgyu'i bdag nyid yin nam/ 'on te rgyu'i bdag nyid ma yin/ de la gal te de rgyu'i bdag nyid yin na ni/ de 'gags pa'i phyir rgyu 'gags pa yin pas/'gag pa nub par gyur pa yis / /'bras bu skyes pa ji ltar skyed/ /rgyu 'gags pa la 'bras bu skyes pa skyed par byed pa'i mthu nyid med pa kho na'o zhes bya ba'i tshig gi don to/ /'on te rgyu'i bdag nyid ma yin na ni de lta na rgyu nges par gnas pa'i phyir 'bras bu snang bar 'gyur ba'i rigs so//gal te de ltar mi 'dod pa'i phyir/ de mi gnod do zhe na/ de'i phyir bshad pa/ 'bras bu dang ni 'brel pa'i rgyu/ /gnas pas kyang ni ji ltar skyed/ /rang gi bdag nyid las gzhan ma yin pa'i phyir/ dper na rgyu'i rang gi bdag nyid bzhin no/ / de lta bas na rgyu nges par gnas pas de nyid kyi 'bras bu skyed par byed do zhes smra ba dag gi tshig gis dus mnyam pa nyid rjes su dpog pas skyed par byed pa ma yin pa nyid kyis/ de bskyed pa nyid yin pa gsal ba'i phyir/ de rgyu nyid yin pa gsal bas/ dam bcas pa la chos can gyi ngo bo nyid las bzlog pa'i skyon yod do//'brel pa zhes bya ba ni tshogs pa zhes bya ba'i tha tshig go/ /gang dag /ci ste de 'bras ma 'brel na/ /rgyu de 'bras bu dang ma 'brel bar smra ba de dag gi yang / 'bras bu gang zhig skyed par byed/ /'bras bu skyed par mi byed pa nyid de/ 'bras bus stong pa'i phyir dper na/de las gzhan zhig bzhin no zhes bya bar dgongs so/ /de ltar re zhig 'bras bu spyir dgag pa byas so/ /da ni mig gi rnam par shes pa la sogs pa 'bras bu'i khyad par dag bsal ba'i phyir 'di bstan par bya ste/ 'di la mig gi dbang po ni mig gi rnam par shes pa'i rgyu yin na des gzugs mthong nas/mig gi rnam par shes pa skyed par byed dam/ ma mthong bar skyed par byed grang na/ gnyi ga ltar yang mi srid de/ kha cig na re mthong na ni skye ba don med pa nyid du 'gyur ba'i phyir dang / ma mthong na yang rkyen med pa'i phyir/ rgyus ni mthong dang ma mthong bar//'bras bu skyed par mi byed do/ /zhes zer ro/ /gzhan dag na re mthong nas zhes bya ba ni phrad nas zhes bya ba'i tha tshig ste/ 'di ltar yod na phrad par 'gyur bas yod pa la skye bas ci bya/ med pa la yang phrad pa mi srid pas med pa la ci zhig skye bar 'gyur zhes zer ro//gzhan ma yin pa na re de ni rigs pa ma yin te/ 'bras bu dang ni 'brel pa'i rgyu/ /gnas pas kyang ni ji ltar skyed/ /ci ste de 'bras ma 'brel na/ /'bras bu gang zhig skyed par byed/ /ces bstan pa dang khyad par med pa'i phyir dang / gal te rgyu dang rkyen rnams kyi/ /tshogs pa nyid las skye 'gyur na//tshogs la 'bras bu yod na ni/ /ji ltar tshogs pa nyid las skye/ /gal te rgyu dang rkyen rnams kyi/ /tshogs pa nyid las skye 'gyur na/ /tshogs la 'bras bu med na ni/ /ji ltar tshogs pa nyid las skye/ /zhes bstan pa dag dang yang khyad par med pa'i phyir ro zhe'o/ / de bzhin du rna ba la sogs pa rgyu dag gis rna ba'i rnam par shes pa la sogs pa 'bras bu dag skyed par mi byed pa nyid du yang brjod par bya'o/ /gzhan dag gis smras pa/ don dam par rgyus ni 'bras bu skyed par byed pa nyid de/ 'bras bu'i rgyu yin pa'i phyir ro/ /'di na gang gis gang skyed par mi byed pa de ni de'i rgyu ma yin te/dper na/ bum pa dang snam bu bzhin pas de lta na gtan tshigs grub pa'i phyir 'dod pa'i don grub bo/ /'dir bshad pa/ 'bras bu 'das pa rgyu 'das dang / /ma skyes pa dang skyes pa dang / /lhan cig phrad par 'gyur ba ni/ /nam yang yod pa ma yin no/ /'bras bu 'das pa ni rgyu 'das pa dang ma skyes pa dang /lhan cig phrad par gyur pa nam yang yod pa ma yin te/ 'bras bu dang / rgyu gnyi ga med pa'i phyir ro zhes bya bar dgongs so/ /'bras bu 'das pa dang / rgyu skyes pa yang lhan cig phrad par 'gyur ba nam yang yod pa ma yin te/ 'bras bu med pa'i phyir ro//'bras bu ma skyes rgyu ma skyes/ /'das pa dang ni skyes pa dang / /lhan cig phrad par 'gyur ba ni/ /nam yang yod pa ma yin no/ /'bras bu ma skyes pa ni rgyu ma skyes pa dang / 'das pa dang lhan cig phrad par 'gyur ba nam yang yod pa ma yin te/ 'bras bu dang / rgyu gnyi ga med pa'i phyir ro/ / 'bras bu ma skyes pa dang / rgyu ma skyes pa yang lhan cig phrad par 'gyur ba nam yang yod pa ma yin te/ 'bras bu med pa'i phyir ro/ /'bras bu skyes pa rgyu skyes dang / /ma skyes pa dang 'das pa dang / /lhan cig phrad par 'gyur ba ni/ /nam yang yod pa ma yin no/ /'bras bu skyes pa ni rgyu skyes pa dang / lhan cig phrad par 'gyur ba nam yang yod pa ma yin te/rgyu dang 'bras bu gnyis dus gcig tu 'byung ba bkag pa'i phyir ro/ /'bras bu skyes pa dang / rgyu ma skyes pa dang / 'das pa dang / yang lhan cig phrad par 'gyur ba nam yang yod pa ma yin te/ rgyu gnyis ka med pa'i phyir ro/ /de'i phyir de ltar dpyad na rgyu dang 'bras bu ji ltar yang phrad pa yod pa ma yin pa de'i phyir/phrad pa yod pa ma yin na/ /rgyus ni 'bras bu ji ltar skyed/ /ces bya ba gsungs te/ skyed par mi byed de/ phrad pa yod pa ma yin pa'i phyir ro zhes bya bas bsgrub par bya ba dang / sgrub pa'i tshig gi don mngon no/ /'dir rjes su dpag pa ni don dam par rgyus ni 'bras bu skyed par mi byed de/phrad pa yod pa ma yin pa'i phyir dper na sa'i steng na 'dug pa'i sa bon dang / ri'i sgang na 'dug pa'i sa bon bzhin no/ /gang dag rgyu dang 'bras bu mi mthun pa med pa'i phyir/ rgyu dang 'bras bu phrad par smra ba de dag la yang rgyus 'bras bu skyed par byed na rgyu yin gyi/'bras bu skyed par mi byed pa ni rgyu ma yin pas/ rgyu ma yin pa ji ltar rgyur 'gyur/ rgyus 'bras bu bskyed zin pa la ni yang bskyed par bya ba ci yang med pa'i phyir rgyu nyid mi srid do/ /byed do/ /byas so/ /byed par 'gyur ro zhes bya bas/ rgyu bye brag tu bshad pa byed na yang tha snyad kyi bden pa bsgrub par zad kyi/don dam par de dang mthun pa cung zad kyang ston par mi nus so/ /ci ste/ mi 'thad bzhin du rtog na yang / /phrad pa yod pa yin na yang / /rgyus ni 'bras bu ji ltar bskyed / /'bras bu yod na yang snga ma bzhin du skye ba don med pa nyid du 'gyur ba'i phyir ro zhes bya bar dgongs so//yang na 'di ni sun dbyung ba'i lam gzhan yin te/ gang dag gi grub pa'i mtha' las rgyu 'bras bus stong pa de dag la gal te 'bras bus stong pa'i rgyu/ ji ltar 'bras bu skyed par byed/ /ces brjod par bya ste/ des stong pa'i phyir dper na de las gzhan bzhin no zhes bstan to //gang dag gi grub pa'i mtha' las rgyu 'bras bus mi stong pa de dag la yang / gal te 'bras bus mi stong rgyu/ /ji ltar 'bras bu skyed par byed/ /ces brjod par bya ste/ des mi stong pa'i phyir dper na/ 'bras bu'i bdag nyid bzhin no zhes bya bar dgongs so// //dbu ma'i rtsa ba'i 'grel pa shes rab sgron ma/ bam po bco lnga pa/ bye brag tu smra ba dag ni 'bras bu skye ba'i snga rol na yang 'bras bu'i bdag nyid kyis mi stong par smra bas de dgag pa'i phyir sbyor ba'i lam gzhan bstan par bya ste/ 'bras bu mi stong skye mi 'gyur/ /mi stong 'gag par mi 'gyur ro//'bras bu rten cing 'brel par 'byung ba ma yin pa nyid 'bras bu'i bdag nyid kyis yod pa la ni skye ba don med pa nyid yin pas/ de'i phyir skye bar mi 'gyur ro/ /ma skyes pa la ni ngo bo nyid 'gyur ba med pa nyid yin pas de'i phyir 'gag par mi 'gyur ro/ /de lta na/ mi stong de ni ma 'gags dang //ma skyes par yang 'gyur ba yin/ /de ltar ni mi 'dod de/ 'bras bu ni skye ba dang / 'gag pa'i chos can nyid du 'dod do/ /des na gang dang gang yod pa de dang de ni skye ba med pa'i chos can dang / 'gag pa med pa'i chos can yin par mthong ste/ yod pa'i phyir dper na/ da ltar gyi skad cig ma bzhin no//de ltar yod pa nyid du rjes su dpog pas skye ba med pa dang / 'gag pa med pa nyid kyis de dag bsal ba'i phyir/ dam bcas pa la chos can gyi ngo bo nyid bsal ba'i skyon yod do/ /'jig rten rgyang pan pa dag ni 'bras bu skye ba'i snga rol na ni med pa'i ngo bo nyid yin pas/ 'bras bu stong pa'i ngo bo nyid yin la/skyes na yang dngos po gzhan gyi ngo bo nyid med pa nyid yin no zhes zer bas de dag la yang / stong pa ji ltar skye 'gyur zhing / /stong pa ji ltar 'gag par 'gyur/ /zhes brjod par bya ste/ don dam par stong pa ni skye bar mi rigs te/ med pa'i phyir/ dper na nam mkha'i me tog bzhin no//don dam par 'bru'i ngo bo nyid de la 'bru ma yin pa'i dngos po med pa ni 'gag par mi rigs te/ 'bru ma yin pa'i dngos po med pa'i phyir dper na 'bru ma yin pa zhig nas med pa bzhin no/ /yang na kho bo cag ni don dam pa'i bden pa la rnam par ltos pas/ rten cing 'brel par 'byung ba yod pa'i ngo bo nyid stong pa nyid kyis stong par brjod pas mi stong pa cung zad cig yod par gyur na de ni de las zlog par 'gyur bas/de lta bu de ni tha snyad du yang nam mkha'i me tog bzhin du ma grags pa'i phyir/ 'bras bu mi stong skye mi 'gyur/ /mi stong 'gag par mi 'gyur ro//de lta na/ mi stong de ni ma 'gags dang / /ma skyes par yang 'gyur ba yin/ /'dis ni mi stong pa nyid kyis skye ba med pa dang / 'gag pa med par thal bar 'gyur bar bstan pas/ stong pa nyid yin na 'bras bu skye ba dang / 'gag pa'i chos dang ldan pa'i phyir bsgrub par bya ba dang sgrub pa'i chos mngon pas/don dam par 'bras bu ni stong pa nyid yin te/ skye ba dang 'gag pa'i phyir dper na/ sgyu ma bzhin no zhes brjod par bya'o/ /de bzhin du gal te 'bras bu med pa'i ngo bo nyid yin par gyur na/ tha snyad du yang skye ba med pa dang / 'gag pa med par 'gyur te/ med pa'i phyir dper na nam mkha'i me tog bzhin pas/stong pa ji ltar skye 'gyur zhing / /stong pa ji ltar 'gag par 'gyur/ /skye ba dang 'gag pa med pa'i phyir/ stong pa de yang ma 'gags dang / /ma skyes pa yang thal bar 'gyur/ /de yang mi 'dod pas 'dis kyang gong du bstan pa bzhin du dam bcas pa dang / gtan tshigs kyi don mngon pas/ 'dir rjes su dpag pa ni don dam par nang gi 'bras bu ni med pa'i ngo bo nyid ma yin te zhes dam bcas pa la khyad par yod par zad kyi lhag ma ni snga ma bzhin no/ /yang na med pa'i ngo bo nyid du rjes su dpog pas skye ba med pa dang / 'gag pa med pa nyid kyis 'bras bu skye ba dang /'gag pa bsal ba'i phyir dam bcas pa la chos can gyi khyad par bsal ba'i skyon yod par bstan pa ni 'dir tshig gi don yin no/ /gzhan yang skye ba nyid kyi rgyu dang 'bras bur gcig pa nyid dam gzhan nyid du 'gyur grang na/ de la/ rgyu dang 'bras bu gcig nyid du//nam yang 'thad par mi 'gyur ro/ /de bzhin du/ rgyu dang 'bras bu gzhan nyid du/ /nam yang 'thad par mi 'gyur ro/ /ci'i phyir zhe na go rims bzhin du skyon brjod par bya ste/ rgyu dang 'bras bu gcig nyid na/ /skyed dang skyed pa gcig tu 'gyur/ /skyed pa dang bskyed pa pha dang bu lta bu gang dag yin pa dag gcig pa nyid du 'gyur ba de ltar mi 'dod pas/'dir glags yod pa'i sgyu thabs kyis chos mthun pa'i dpe nye bar gzhag ste/ gal te shing de me yin na/ /byed pa po dang las gcig 'gyur/ /zhes bya ba der bstan pa'i tshul bzhin no/ /de'i phyir 'jig rten la grags pa'i dpe de las shes par byar nus te/rgyu dang 'bras bu dag gcig pa nyid ma yin te/ skyed pa dang bskyed pa yin pa'i phyir dper na pha dang bu dag bzhin te/ de ltar re zhig gcig pa nyid kyi phyogs la'o/ /gzhan gyi phyogs la yang / rgyu dang 'bras bu gzhan nyid na/ /rgyu dang rgyu min mtshungs par 'gyur//'bras bu las gzhan nyid yin pa'i phyir dper na de las gzhan pa bzhin pas de yang mi 'dod do/ /rgyu dang 'bras bu dag gi chos ni rgyu tha mi dad pa nyid yin par 'dod pas 'dir yang shes par byar nus te/ rgyu dang 'bras bu dag gzhan nyid ma yin te/ rgyu tha mi dad pa nyid yin pa'i phyir/dper na rgyu'i rang gi bdag nyid bzhin no/ /yang gzhan yang / rgyus 'bras bu skyed par byed na ther zug pa dag gis 'bras bu snga na yod par smra ba'i tshul gyis yod par gyur pa zhig skyed par byed dam/ 'jig rten rgyang pan pa dag gis 'bras bu snga na med par smra ba'i tshul gyis med par gyur pa zhig skyed par byed grang na/de la/ 'bras bu'i ngo bo nyid yod na/ /rgyus ni ci zhig skyed par 'gyur/ /'di ltar 'bras bu'i ngo bo nyid yod par gyur pa ni tha snyad du yang bstan dka' ba'i phyir dang / dam bcas pa la sogs pa'i skyon ji skad bstan pa dag tu 'gyur ba'i phyir ro zhes bya bar dgongs so//de ltar re zhig brtag pa dang po la'o/ /brtag pa gnyis pa la yang / 'bras bu ngo bo nyid med na/ /rgyus ni ci zhig skyed par 'gyur/ /'bras bu ngo bo nyid med par gyur pa nam mkha'i me tog lta bu skye ba ni/ tha snyad du yang bstan dka' ba'i phyir dang / snga ma bzhin du dam bcas pa la sogs pa'i skyon ji skad bstan pa dag tu 'gyur ba'i phyir ro zhes bya bar dgongs so//sngar/ 'bras bu mi stong skye mi 'gyur/ /mi stong 'gag par mi 'gyur ro/ /mi stong de ni ma 'gags dang / /ma skyes par yang 'gyur ba yin/ /stong pa ji ltar skye 'gyur zhing / /stong pa ji ltar 'gag par 'gyur//stong pa de yang ma 'gags dang / /ma skyes par yang thal bar 'gyur/ /zhes bya ba de dag gis ni 'bras bu'i sgo nas rgyu ngo bo nyid med pa nyid du bstan to/ /da ltar ni rgyu dngos las ngo bo nyid med pa nyid du bstan te/ khyad par ni de yin no/ /de'i phyir de ltar yongs su brtags na don dam par rgyus 'bras bu bskyed pa nyid mi 'thad pa de'i phyir/skye ba yod pa ma yin na/ /rgyu nyid 'thad par mi 'gyur ro/ /zhes gsungs te/ de ltar ji skad bstan pa'i tshul gyis so/ /de la don dam par rgyus ni 'bras bu skyed par byed pa nyid de/ 'bras bu'i rgyu yin pa'i phyir ro zhes gang smras pa'i gtan tshigs de don dam par ni don ma grub pa nyid do//tha snyad pa'i gtan tshigs yin par brjod na ni don 'gal ba nyid de/ mi mthun pa'i phyogs 'ba' zhig la yod pa'i phyir ro/ /'dir smras pa/ don dam par rgyus ni 'bras bu skyed par byed pa nyid de/ 'di'i 'di'o zhes brjod pa'i phyir ro/ /gang gis gang skyed par mi byed pa de la ni rgyu'i 'bras bu 'di'o zhes mi brjod de/ dper na rnga mo'i rwa 'di'i ru bzhi 'di'o zhes mi brjod pa bzhin no/ /'di la ni mig 'di'i 'bras bu mig gi rnam par shes pa 'di'o zhe'am/ sa bon 'di'i 'bras bu myu gu 'di'o zhes brjod pas/de'i phyir gtan tshigs grub pas 'dod pa'i don grub bo/ /'dir bshad pa/ gal te don dam par 'bras bu skye ba 'gag zhig yod par gyur na ni/ des na 'bras bu skye ba las/ rgyu yang rgyu nyid du 'thad pas rgyu 'di'i 'bras bu 'di'o zhes brjod du yang rung ba zhig na/ de yang med pas/ rgyu nyid 'thad pa yod min na/ /'bras bu gang gis yin par 'gyur/ /de ltar de ma grub pa'i phyir gtan tshigs kyi don ma grub pa nyid dam/ don 'gal ba nyid do/ /gzhan dag gis smras pa/ tshogs pa nyid na 'bras bu skye bar 'gyur la/ dus kyang tshogs pa'i yan lag yin pas/des na 'bras bu grub pa'i rgyu yin pa'i phyir/ gtan tshigs sngar smras pa'i don ma grub pa nyid ma yin no/ /kho bo cag rgyu 'ba' zhig las 'bras bu 'grub par yang mi 'dod pas/ de'i phyir rgyus 'bras bu skyed par mi byed la/ 'bras bu yang rgyus bskyed par bya ba ma yin no zhes gang smras pa de yang grub pa la sgrub pa yin no//'dir bshad pa/ 'di la rgyu dang rkyen rnams kyi tshogs pa de ni rdzas su yod pa ma yin pa'i phyir rang gi bdag nyid kyis yod pa ma yin te/ gal te des bdag nyid skyed par byed cing / skyes na yang 'bras bu skyed par 'gyur grang na/phyogs de yang 'khrul pa skyed pa yin te/ rgyu rnams dang ni rkyen dag gi /tshogs pa gang yin de yis ni/ /bdag gis bdag nyid mi skyed na/ /'bras bu ji ltar skyed par byed/ /des 'bras bu skyed par mi byed pa nyid de/ rdzas su yod pa ma yin pa'i phyir ro zhes bya bar dgongs so//tshogs pa dgag pa 'di la kha cig na re tshogs pa gcig pu ma yin te/ de bzhin dngos po 'ga' yang med/ /gal te de yang de las gzhan/ /de yang gcig pu 'ga' zhig yod/ /ces ji skad bshad pa lta bu'o zhes zer ro/ /kha cig na re de ni khungs su mi rung ste/ tshig le'ur byas pa'i don dang mi mthun pa'i phyir ro zhe'o//yang na tshogs pa nyid kyi 'bras bu skyed pa nyid du rnam par rtog pa yang snga ma bzhin du nye bar sbyar nas/ rgyu bzhin du dgag par bya'o/ /yang na tshogs pa ni 'bras bur gyur pa rnams kyi rgyu dang rkyen dag gi tshogs pa nyid yin na/ 'bras bu de yang don dam par dngos su 'am brgyud pas 'bras bu'i ngo bo nyid du med par bstan zin pas/de'i phyir gang dag gi tshogs pa gang zhig yin/ de dag gi de med pa nyid du nges par bzung nas/ rgyu rnams dang ni rkyen dag gi /tshogs pa gang yin de yis ni/ /bdag gis bdag nyid mi skye na/ /'bras bu ji ltar skyed par byed//ces gsungs te/ 'dir don ni snga ma bzhin no/ /gang gi tshe de ltar tshogs pas 'bras bu bskyed par mi 'thad cing / tshogs pa ma yin pa rgyu dang / rkyen tshogs pa'i mtshan nyid ma yin pa'i rgyu des kyang 'bras bu skyed par mi byed la/ 'bras bu yang rgyus bskyed par bya ba ma yin par dgag pa sngar bstan zin pas/de phyir tshogs pas byas pa dang / /tshogs min byas pa'i 'bras bu med/ /ces rab tu byed pa 'das ma thag pa'i nang du bstan pa'i dbang gis mjug bsdu bar bya'o/ /de'i phyir dus ni yod pa kho na yin te/ 'bras bu grub pa'i rgyu yin pa'i phyir ro zhes bya ba'i gtan tshigs de'i don ma grub pa nyid du nyams pa med do//grangs can dag gis smras pa/ tshogs pa ni rdzas su yod pa nyid de/ rang gi yan lag dag las gzhan ma yin pa'i phyir dper na/ tshogs pa'i yan lag dag gi bdag nyid bzhin pas/ tshogs pas 'bras bu skyed par mi byed pa nyid de/ rdzas su yod pa ma yin pa'i phyir ro zhes gang smras pa de rigs pa ma yin no/ /'dir bshad pa/ 'bras bu skye ba'i tshogs pa yin grang na/ 'bras bu skye ba med pa dang / rdzas su yod pa nyid ma yin pa yang sngar bstan zin pas de'i phyir/ 'bras bu yod pa ma yin na/ /rkyen gyi tshogs pa ga la yod//dpe ma grub pa'i phyir dang / btags par yod pa yang de nyid dang / gzhan nyid du brjod par bya ba ma yin pas gtan tshigs kyi don ma grub pa'i phyir ro zhes bya bar dgongs so/ /de ltar yang / gang phyir 'jig rten ji snyed ming / /tshogs pa nyid la snang gyur pa/ /de phyir dngos po yod min te//dngos po tshogs pa'ang yod ma yin/ /zhes bshad pa lta bu'o/ /de la 'dir rab tu byed pa'i don ni dus ngo bo nyid med pa nyid du bstan pa'i mi mthun pa'i phyogs kyi khyad par dgag pas/ rgyu dang 'bras bu'i ngo bo nyid med pa nyid du bstan pa yin no/ /de'i phyir bcom ldan 'das kyis 'phags pa srid pa 'pho ba'i mdo las/'dren pas gang du tshogs nyid kyi/ /lta ba rab tu bstan pa de/ /blo can rnams kyi don dam gyi/ /nye bar gdags pa'i sar ston to/ /zhes bya ba la sogs pa gang dag gsungs pa de dag grub pa yin no/ /slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/rgyu dang 'bras bu brtag pa zhes bya ba ste/ rab tu byed pa nyi shu pa'o// //da ni de bzhin du stong pa nyid kyi mi mthun pa'i phyogs kyi khyad par dgag pas/ 'byung ba dang 'jig pa ngo bo nyid med pa nyid du bstan pa'i don gyi dbang gis rab tu byed pa nyi shu gcig pa brtsam mo//'dir smras pa/ don dam par dus ni yod pa kho na yin te/ 'byung ba dang 'jig pa'i rgyu yin pa'i phyir ro/ /'di na gang yod pa ma yin pa de ni 'byung ba dang 'jig pa'i rgyu ma yin te/ dper na sbrul gyi rkang pa bzhin no / /dus ni 'byung ba dang / 'jig pa dus kyi rjes su 'brang ba dag gi rgyu yin pas/de'i phyir don dam par dus ni yod pa kho na yin pas des na de gsal bar yod pa'i phyir gtan tshigs grub pas 'dod pa'i don grub po/ /'dir bshad pa/ 'byung ba dang / 'jig pa dag gang yang rung ba med par ram/ lhan cig tu 'grub par 'gyur grang na/ de la re zhig /'jig pa 'byung ba med par ram/ /lhan cig yod pa nyid ma yin/ /'jig pa ni 'gag pa'i rnam grangs so/ /'byung ba ni skye ba'i rnam grangs so/ /nyid ces bya ba'i tshig gi phrad ni rtsa ba bskang ba'i phyir ro/ /de bzhin du/ 'byung ba 'jig pa med par ram/ /lhan cig yod pa nyid ma yin//kho bo cag gi phyogs la'o/ /de'i phyir de dag gi rgyu dus nyid yod pa ma yin pas gtan tshigs kyi don gzhan la ma grub pa nyid do/ /ci ste rang gi grub pa'i mtha'i tshul rab tu ma grub par gzhan gyi phyogs sun dbyung bar mi nus so snyam na/ de bstan pa'i phyir re zhig rnam par brtags pa snga ma'i dbang du byas te bshad pa/'jig pa 'byung ba med par ni/ /ji lta bur na yod par 'gyur/ /yod pa nyid ni ma yin no/ /zhes bya ba ni tshig gi don te/ de ni dam bca' ba nye bar gzhag pa'o/ /ji ltar/ 'chi ba skye ba med pa ltar/ /de ltar/ 'jig pa 'byung ba med par med//de'i rkyen yin pa'i phyir ro zhes bya bar dgongs so/ /'dir tshig gi don gsal bar bya ba'i tshig gzhan 'dod pa'i phyir ji ltar dang / de ltar zhes bya ba'i tshig gnyis khong nas drangs te/ bstan par blta bar bya'o/ /don 'di yang rab tu grags pa yin pas/ 'dir rjes su dpag pa ni brjod par mi bya'o//rab tu grags pa yin yang dpes dran par bya ste/ de ltar re zhig 'jig pa 'byung ba med par yod pa nyid ma yin no/ /'jig pa ni 'byung ba dang lhan cig tu yang yod pa nyid ma yin te/ de'i phyir bshad pa/ 'jig pa 'byung dang lhan cig tu/ /ji ltar yod pa nyid du 'gyur/ / 'chi ba skye dang dus gcig tu/ /yod pa nyid ni ma yin bzhin/ /de la 'dir glags yod pa'i tshig yin pa'i phyir bzlog na don gsal ba'i tshig gi don te/ dper na sgra ji ltar rtag par 'gyur te/ 'di ltar bum pa rtag par mi rigs so zhes bya ba bzhin no/ /'dir tshig gi don gsal ba'i dbang gis rjes su dpag pa ni 'jig pa 'byung ba dang /lhan cig yod pa nyid ma yin te/ de'i rkyen can yin pa'i phyir dper na 'chi ba dang skye ba bzhin no/ /ci ste rnam par brtag pa phyi ma ltar na 'dir bshad pa/ 'byung ba 'jig pa med par ni/ /ji ltar yod pa nyid du 'gyur/ /yod pa nyid ma yin no zhes bya ba'i tshig gi don te/de yang dam bca' ba nye bar gzhag pa'o/ /de ci'i phyir zhe na/ dngos po rnams la mi rtag nyid/ /nam yang med pa ma yin no/ /de'i bdag nyid yin pa'i phyir dper na dngos po'i rang gi bdag nyid bzhin no/ /sde pa gzhan las gang 'jig pa'i rgyu dang phrad nas mi rtag pa nyid kyis 'jig par byed pas des na dus thams cad du mi rtag pa nyid yod pa ma yin no zhes zer ba de yang /gal te de ltar na a ru ra dang phrad nas lhas 'khru bar byed pa lta bur 'gyur te/ gal te 'jig pa'i rgyu yod na mi rtag pa nyid kyis 'jig par byed na/ de lta na 'jig pa'i rgyu nyid kyis 'jig par byed kyi/mi rtag pa nyid kyis 'jig par mi byed de/ de yod kyang 'jig par mi byed pa'i phyir ro/ /de la 'di skad ces kyang dri bar bya ste/ ci 'jig pa'i bdag nyid can zhig 'jig pa'i rgyu la ltos nas 'jig par 'gyur ram/ 'on te 'jig pa'i bdag nyid can ma yin pa zhig 'jig pa'i rgyu la ltos nas 'jig par 'gyur/de la gal te 'jig pa'i bdag nyid can zhig yin na ni de'i 'jig pa de skyes ma thag tu 'byung bar 'gyur te/ de'i bdag nyid yin pa'i phyir dper na rang gi bdag nyid bzhin pas de ni rigs pa ma yin no/ /'jig pa'i bdag nyid can ma yin na yang 'jig par mi 'gyur te/de'i bdag nyid ma yin pa'i phyir dper na mya ngan las 'das pa bzhin pas de yang rigs pa ma yin no/ /gang zhig gang gis 'jig pa'i rgyur 'dod pa de yang de'i rgyu ma yin te/ de la khyad par yod kyang de khyad par med pa'i phyir dper na de las gzhan bzhin no//yang na 'jig pa ni rgyu dang bcas pa ma yin te/ 'jig pa dang ldan pa ma yin pa'i phyir dper na 'dus ma byas bzhin no/ /de ltar 'jig pa dang ldan pa ma yin pa nyid du rjes su dpog pas rgyu dang ldan pa ma yin pa nyid kyis rgyu dang ldan pa nyid bsal ba'i phyir dam bcas pa la chos kyi ngo bo nyid bsal ba'i skyon yod do//gal te 'jig pa ni rgyu dang bcas pa ma yin te/ 'dus byas kyi mtshan nyid yin pa'i phyir/ dper na skye ba bzhin no zhe na/ sems dang sems las byung ba dang / blo dang sgra'i skad cig ma tha ma dag gis ma nges pa nyid do/ /dpe yang med de/ dngos po ma byung ba las 'byung bas dngos po'i bdag nyid thob pa nyid skye ba zhes bya ste/tha snyad du yang / dngos po nyid ma byung ba las 'byung bas skye ba rdzas su ma grub pa'i phyir ro/ /gzegs zan pa gang dag blo dang sgra'i skad cig ma tha ma 'jig pa ni ma mthong ba'i byed pa po dang ldan pa yin no zhes zer na/ de ni rigs pa ma yin te/ zhig nas med pa la ni rgyu yod pa ma yin te/ med pa'i phyir dper na gtan med pa bzhin no zhes rjes su dpag pa'i phyir ro/ /blo dang sgra'i skad cig ma tha ma 'jig pa ni ma mthong ba'i byed pa po dang ldan pa ma yin te/ 'jig pa'i phyir dper na blo dang sgra dang / me lce dag gi dang po bzhin no zhes rjes su dpag pa'i phyir ro//kha ba dang / tshwa dang / me dang / tho ba dag gis phog pa yang tha snyad kyi bden par gtogs pa'i rgyu mtshan mi 'dra bar byed pa yin gyi 'jig par byed pa ni ma yin no/ /ci ste tho bas phog pa la sogs pa dag ni 'jig pa'i rgyu nyid yin te/ de dag yod na gzhig par bya ba gzung du med pa'i phyir ro zhe na/de ni rigs pa ma yin te/ gtan tshigs kyi gzhi mi mthun pa'i phyir dang / rjes su 'gro ba med pa'i phyir ro/ /ci ste yang bum pa med par 'gyur ba'i rgyu ni tho bas phog pa yin te/ de yod na 'byung ba'i phyir dper na mig yod na gzugs dmigs pa 'byung bas gzugs dmigs pa'i rgyu ni mig yin pa bzhin no zhe na/de yang rigs pa ma yin te/ kho bo cag gi grub pa'i mtha' las bum pa la tho bas phog pa yod pa na bum pa'i rgyu mtshan nyid mi 'dra ba 'byung ba yin gyi/ 'jig pa ma yin pas gtan tshigs gang yang rung ba la ma grub pa'i phyir dang / dpe yang med pa'i phyir ro/ /gzhan gyi phyogs la yang gyo mo la sogs pa tho bas phog pa la sogs pa'i rgyu can dag ni/byed pa po phog pa dang ldan pa yin par 'dod pa'i phyir ro/ /tho bas phog pa gang yin pa de nyid kyis bum pa yang 'jig par byed la/ gyo mo yang skyed par byed do zhes bya ba ni gcig gis dus gcig tu bya ba ni mi mthun pa gnyis byed par mi rigs so//'o na me gcig gis dus gcig tu mun pa yang sel bar byed la/ btso ba'i rnam pa 'gyur ba skyed par byed pa ma mthong ngam zhe na/ btso ba'i rnam pa 'gyur ba skyed pa ni mthong gi /mun pa sel ba ni ma mthong ste/ mun pa ni snang ba med pa tsam yin pa'i phyir ro//mdzad pa'i mtha' dang yang 'gal te/ kho bo cag gi phyogs la mun pa zhes brjod pa'i gzugs kyi gnyen por snang ba shar na skad cig ma phyi ma ni rkyen med pas mi skye la/ skad cig ma snga mas ni rang gi ngang gis 'gag pa nyid kyis 'gags pas/ de 'gag pa'i byed pa po ni me ma yin pa'i phyir ro//gzhan yang de dag yod na gzhig par bya ba gzung du med pa'i phyir ro zhes gang smras pa de yang gzung du med pa ni mtshan nyid mi 'dra ba'i rgyun skye ba la grub kyi/ kha ba dang / tshwa dang / me dang / tho ba la sogs pa dag yod na/ me tog dang 'bras bu dang / shing dang / bum pa la sogs pa'i gzugs gzung du med pa ni/de dag gi 'jig pa'i rgyu nyid yin par mi 'grub po/ /gang zhig gang gi 'jig pa'i rgyur 'dod pa de ni de'i 'jig pa'i rgyu ma yin te/ rgyu can yin pa'i phyir dper na me'i rang gi bdag nyid bzhin no/ /yi ge mang por 'gyur ba yongs su spang bar 'dod pas 'phro bar mi bya bar skabs nyid dpyad par bya'o//de ltar re zhig 'byung ba 'jig pa med par yod pa nyid ma yin no/ /'byung ba ni 'jig pa dang lhan cig tu yang yod pa nyid ma yin te/ de'i phyir bshad pa/ 'byung ba 'jig dang lhan cig tu/ /ji ltar yod pa nyid du 'gyur/ /skye ba 'chi dang dus gcig tu/ / yod pa nyid du mi rigs bzhin/ /'dir don ni snga ma bzhin no/ /de'i phyir de ltar yongs su brtags na/ gang dag phan tshun lhan cig gam/ / phan tshun lhan cig ma yin par/ /'grub pa yod pa ma yin pa/ /'byung ba dang 'jig pa dag go/ /de dag grub pa rnam pa gzhan yang yod pa ma yin pas/de dag 'grub pa'i rnam pa mi srid par bstan pa'i phyir/ de dag 'grub pa ji ltar yod ces gsungs te/ de dag 'grub pa yod pa nyid ma yin no zhes bya ba'i tshig gi don to/ /de'i phyir 'byung ba dang 'jig pa'i rgyu yin pa'i phyir ro zhes bya ba'i gtan tshigs kyi don ma grub pa nyid do//'dir smras pa/ dngos po ni 'jig pa'i bdag nyid can nyid yin yang / skyes ma thag tu 'jig par mi 'gyur te/ 'di ltar skyes ma thag tu gnas pa 'byung bar 'gyur zhing / de'i 'og tu 'jig par 'gyur ro/ /'dir bshad pa/ zad la 'byung ba yod ma yin/ / chos mi mthun pa gnyis dus gcig tu mi 'byung ba'i phyir dper na skye ba dang 'chi ba dag bzhin no/ /ci ste skyes ma thag tu zad par mi 'gyur na ni 'o na de ltar na zad pa'i ngo bo nyid ma yin pas/ des na kun rdzob tu yang ji skad smras pa'i rnam pa ma grub pa'i phyir / ma zad pa la'ang 'byung ba med/ /ces gsungs so//de bzhin du/ zad la 'jig pa yod ma yin/ /zad par gyur pa'i ngang tshul can/ /'jig pa dang ldan pa la 'jig pa yod pa ma yin te/ der rtag pa don med pa nyid du 'gyur ba'i phyir/ 'chi ba'i ngang tshul can bzhin no/ /ma zad pa la'ang 'jig pa med/ /de'i ngo bo nyid ma yin pa'i phyir/dper na thar pa bzhin pas de ni gyi na'o/ /'dir smras pa 'byung ba dang 'jig pa dag ni yod pa kho na yin te/ dngos po'i chos yin pa'i phyir ro/ /'di na gang yod pa ma yin pa de ni dngos po'i chos ma yin te/ dper na sbal pa'i ze ba bzhin no/ /'byung ba dang 'jig pa dag ni dngos po'i chos yin pas/de'i phyir de dag ni yod pa kho na yin no/ /'dir bshad pa/ gal te don dam par 'ga' zhig la 'byung ba dang / 'jig pa dag yod par gyur na ni de dngos po zhes brjod par yang rigs par 'gyur grang na/ de dag med pas de'i phyir/ /'byung dang 'jig pa med par ni/ /dngos po yod pa ma yin no//dngos po dang ni 'byung ba dang / /'jig pa'i bdag nyid can yin pa'i phyir ro zhes bya bar dgongs so/ /de yod pa ma yin pas/ gtan tshigs kyi don ma grub pa nyid do/ /de bzhin du/ dngos po yod pa ma yin par/ /'byung ba 'jig pa yod ma yin/ /rten med pa kho na'i phyir brten pa mi 'grub pa'i phyir ro zhes bya bar dgongs so//yang na dngos po'i chos yin pa'i phyir ro zhes bya ba'i gtan tshigs de sun dbyung ba'i lam gzhan 'di yang yod de/ de la re zhig smra ba gang dag dngos po yod par gyur pa ma yin pa ngo bo nyid stong pa la 'byung ba dang / 'jig pa dag yod par ston pa de dag gi phyir 'di bshad de/stong la 'byung dang 'jig pa dag /'thad pa nyid ni ma yin no/ /rjes su dpag pas gnod par 'gyur ba'i phyir ro/ /smra ba gang dag dngos po yod par gyur pa ngo bo nyid mi stong pa la 'byung ba dang / 'jig pa dag yod par ston pa de dag gi phyir 'di bshad de/ mi stong la yang 'byung 'jig dag /'thad pa nyid ni ma yin no/ /rang gi bdag nyid kyis yod par 'gyur ba med pa ni de dag dang mi ldan pa'i phyir dang / rjes su dpag pas gnod par 'gyur ba'i phyir ro/ /de'i phyir gtan tshigs kyi don ma grub pa nyid kyi skyon dang / don 'gal ba nyid kyi skyon de dag nyid du 'gyur ro//yang na sun dbyung ba'i lam gzhan yang yod de/ 'byung ba dang 'jig pa dag gcig pa nyid dam/ gzhan nyid du 'gyur grang na/ de la gnyi ga ltar yang mi 'thad de/ ji lta zhe na/ 'byung ba dang ni 'jig pa dag /gcig pa nyid du mi 'thad do / /mi mthun pa'i phyir dper na shes pa dang mi shes pa dag bzhin no//'byung ba dang ni 'jig pa dag /gzhan nyid du yang mi 'thad do/ /dngos po gcig la brten pa'i phyir gang yang rung ba'i rang gi bdag nyid bzhin no/ /des kyang gtan tshigs kyi don ma grub pa nyid dang / don 'gal ba nyid kyi skyon de dag nyid du 'gyur ro/ /ci ste brgya la/'byung ba dang ni 'jig pa dag /mthong ngo snyam du khyod sems na/ /byis pa phal pa'i blos mthong ba ni bden gyi/ don dam par ni ma yin te/ don dam par 'byung ba bkag pa'i phyir dang / 'byung ba la 'jig pa mi srid pa'i phyir ro/ /de'i phyir/ 'byung ba dang ni 'jig pa dag / gti mug nyid kyis mthong ba yin/ /ci ste de dag gti mug gis mthong ba yin gyi/ don dam par ni ma yin no zhes bya ba de ji ltar nges par shes she na/ bshad pa/ de yi lan btab zin mod kyi/ /gal te de tsam gyis kyang yongs su mi mgu na yang bshad par bya ste/ 'di ltar don dam par 'byung ba dang 'jig pa dngos po la brten pa zhig yod na mthong bar yang 'gyur grang ste/de la dngos po dngos po las skye ba'am/ dngos po med pa dngos po las skye ba'am/ dngos po dngos po med pa las skye ba'am/ dngos po med pa dngos po med pa las skye bar 'gyur grang na/ de la re zhig don dam par/dngos po dngos po las mi skye/ /dngos po yin pa'i phyir dper na skyes pa bzhin no/ /ci ste skye ba'i snga rol na ni yod pa ma yin pa nyid yin te/ phyis 'byung ba'i ming gis dngos po zhes bya'o zhe na/ de lta na yang / dngos med dngos las mi skye'o/ /myu gu zhes bya ba'i dngos po med pa 'bru'i mtshan nyid kyi dngos po las mi skye ste/skye ba'i snga rol na med pa'i phyir ram/ brjod par bya ba ma yin pa'i phyir dper na de las gzhan bzhin no/ /yang na/ dngos med dngos las mi skye'o/ /zhes bya ba ni/ med pa'i phyir/ dper na ri bong gi rwa bzhin no/ /ci ste bum pa med bzhin du/ /tho bas snun pa las byung bar 'gyur ba des ma nges pa nyid do zhe na/ma nges pa nyid ma yin te/ bum pa la skye ba dang 'gag pa bkag pa'i phyir dang / de nyid kyang phyogs su byas pas/ mi mthun pa'i phyogs med pa'i phyir ro/ /de bzhin du/ dngos po dngos med mi skye ste/ /skyon bstan zin pa'i phyir ro/ /yang na dngos po med pa ni dngos po'i rgyu ma yin te/ma nges pa'i phyir dper na ri bong gi rwa bzhin no zhes rjes su dpag pa'i phyir ro/ /de bzhin du/ dngos med dngos med mi skye'o/ /rjes su dpag pa dang / grags pa'i gnod pas gnod par 'gyur ba'i phyir ro/ /gzhan yang / bdag las sam gzhan las sam/gnyi ga las skye bar 'gyur grang na/ de la yang / dngos po bdag las mi skye ste/ /gzhan las skye ba nyid ma yin/ /bdag dang gzhan las skye ba ni/ /yod min ji ltar zhe na/ de ltar dang po nyid du rgyas par bstan zin to/ /'o na de ji ltar skye bar 'gyur ba de smros shig /skye bar mi 'gyur ba nyid do zhes bya ba'i tshig gi don to//de'i phyir de ltar 'byung ba dang / 'jig pa dag yod pa ma yin pa'i phyir/ gtan tshigs kyi rtsa ba'i don ma grub pa nyid do/ /don dam par ni/ dngos po yod par khas blangs na/ /rtag dang chad par lta ba ni/ /thal bar 'gyur te/ ci'i phyir zhe na/ 'di ltar dngos de ni/rtag dang mi rtag 'gyur phyir ro/ /de la rtag pa ni mi 'jig pa'i phyir rtag par lta bar thal bar 'gyur la/ mi rtag pa ni 'jig pa'i phyir chad par lta bar thal bar 'gyur ro/ /'dir smras pa/ dngos po yod par khas blangs kyang / /chad par mi 'gyur rtag mi 'gyur/ /ci'i phyir zhe na 'di ltar/'bras bu rgyu yi 'byung 'jig gi /rgyun de srid pa yin phyir ro/ /de la rgyu 'gag bzhin pa las 'bras bu skye ba'i phyir chad par mi 'gyur la/ 'bras bu skyes pa na rgyu 'gags pa'i phyir rtag par mi 'gyur ro/ /'dir bshad pa / gal te 'bras rgyu'i 'byung 'jig gi/ /rgyun de srid pa yin gyur na//'jig la'ang skye ba med pa'i phyir/ /rgyu ni chad par thal bar 'gyur/ /zad pa las skye ba med pa'i phyir sa bon tshig pa bzhin no zhes bya bar dgongs so/ /ji ste sngar/ gang la brten te gang 'byung ba/ /de ni re zhig de nyid min/ /de las gzhan pa'ang ma yin phyir/ /de phyir chad min rtag ma yin//zhes khas blangs la/ da ni rtag pa dang chad par thal bar skyon 'dogs pa de rigs pa ma yin no zhe na/ de ni bzang po ma yin te/ der ni tha snyad pa'i de kho na'i mtshan nyid ni chad pa yang ma yin pa dang / rtag pa ma yin par bstan la/ don dam pa'i bden pa ni skye ba med pa kho na'i phyir rtag pa dang /chad pa'i skyon du mi 'gyur bas/ de ni snying po ma yin no/ /grangs can dag na re rgyu nyid 'bras bu'i bdag nyid du yongs su 'gyur bas/ dngos po yod par khas blangs kyang / rtag pa dang chad pa'i skyon du mi 'gyur ro zhes zer ro/ /de yang bzang po ma yin te/ yongs su 'gyur ba yod par ston pa'i rjes su dpag pa med pa'i phyir dang /de dgag pa rgyas par bstan zin pa'i phyir ro/ /yongs su ma gyur pa yongs su gyur par rtog na yang / yongs su ma gyur pa ni yongs su mi 'gyur te/ yongs su ma gyur pa'i phyir dper na ri bong gi rwa bzhin no zhes rjes su dpag pas gnod pa'i phyir ro//bag la zha ba'i mtshan nyid kyi chos gzhan ldog pa ni bstan par mi nus pa'i phyir dang / yongs su 'gyur ba dgag pa sngar bstan zin pa'i phyir ro/ /yang gzhan yang / gal te dngos po'i ngo bo nyid yod par gyur na/ de la/ dngos po ngo bo nyid yod na/ /dngos med 'gyur bar mi rigs so//skyes pa ni dngos po yod pa yin la/ zhig pa ni dngos po med pa yin pa de yang mthong bas/ de'i phyir dngos po ngo bo nyid med par grub ste/ de skye ba dang 'gag pa'i chos can yin pa'i phyir ro zhes bstan to/ /gzhan yang / mya ngan 'das pa'i dus na chad/ /srid rgyun rab tu zhi phyir ro//dgra bcom pa'i sems dang sems las byung ba tha ma rkyen phyi ma med pas mi skye ba bzhin no zhes bya ba'i lan gdab dka'o/ /ci ste 'di snyam du gal te mya ngan las 'das pa'i dus na chad par gyur na gyur kyang bla ste/ srid pa'i rgyun gyi dus na chad pa de med pas skyon med par sems na/ de ni bzang po ma yin te/sngar srid pa'i rgyun nyid la chad pa'i skyon bstan zin pas chad par lta ba'i phyir dang / phyis chad pa yang thar pa'i gags yin pas/ skyon med pa ma yin no/ /ci ste de tsam gyis kyang yongs su mi mgu na gzhan yang nyon cig /'di la da ltar gyi srid pa'i mjug gi srid pa ni srid pa tha ma zhes bya la/ma 'ongs pa'i srid pa'i sems pa skye ba'i dang po ni srid pa dang po yin pas/ de la/ tha ma 'gags par gyur pa ni/ /srid pa dang por sbyor mi 'gyur/ /zhes bya ba ni dam bca' ba nye bar gzhag pa'o/ /'gags pa'i chos ni 'gags pa nyid yin no/ /de'i phyir rjes su dpag pa ni don dam par srid pa tha ma 'gags pa ni ma 'ongs pa'i srid pa dang po dang /nying mtshams sbyor ba med de/ 'gags pa nyid yin pa'i phyir ram/ srid pa tha ma yin pa'i phyir dper na/ dgra bcom pa'i srid pa tha ma 'gags pa bzhin no/ /gal te srid pa tha ma 'gags pa ma 'ongs pa'i srid pa dang po dang nying mtshams sbyor bar dam bcas pa'i phyir skyon med do zhe na/ma 'gags pa yang rgyu srid pa tha ma ma nyams pa'i phyir/ skyon 'og nas 'byung ba lta bur 'gyur bas skyon med pa ma yin te/ 'di ltar/ tha ma 'gags par ma gyur pa/ /srid pa dang por sbyor mi 'gyur/ /'dir yang de ni dam bca' ba nye bar gzhag pa'o//ma 'gags pa'i chos ni ma 'gags pa nyid yin no/ /de'i phyir 'dir yang rjes su dpag pa ni don dam par srid pa tha ma ma 'gags pa ni ma 'ongs pa'i srid pa dang po dang / nying mtshams sbyor ba med de/ ma 'gags pa nyid ma yin pa'i phyir dper na da ltar gyi srid pa bzhin no/ / gal te srid pa tha ma 'gag bzhin pa ma 'ongs pa'i srid pa dang po dang / nying mtshams sbyor bar byed do zhe na/ de yang bzang po ma yin te/ gal te tha ma 'gag bzhin pa/ /dang po skye bar gyur na ni/ /'gag bzhin pa ni gcig 'gyur zhing / /skye bzhin pa yang gzhan du 'gyur/ /'gag bzhin pa dang /skye bzhin pa dag ni tha dad pa nyid yin pa'i phyir/ rgyud tha dad pa'i srid pa bzhin no/ /gal te de ltar 'dod pa'i phyir skyon med do zhe na/ de ni mi rigs te/ lhas byin gyi srid pa tha ma ni lhas byin gyi srid pa dang po dang / nying mtshams sbyor ba med de/ de las gzhan pa nyid yin pa'i phyir dper na mchod sbyin gyi srid pa tha ma bzhin no//gzhan yang 'gags pa dang / ma 'gags pa dag ni 'gag bzhin pa nyid yin par mi rigs pa'i phyir ro/ /gal te 'gag bzhin pa ni 'gag pa la mngon par phyogs pa'o zhe na/ mi rung ste/ de'i lan btab zin pa'i phyir ro/ / de bzhin du skye bzhin pa yang skye bzhin pa nyid yin par mi rigs pas/ de'i phyir/ gal te 'gag bzhin skye bzhin pa/ /lhan cig sbyor ba'ang yod min na/ /'o na ji ltar 'gyur zhe na/ phung po gang la'ang 'chi 'gyur ba/ /der ni skye ba'ang 'byung bar 'gyur/ /de ni mi 'dod de/ gcig la dus gcig tu mi mthun pa'i bdag nyid gnyis mi srid pa'i phyir ro//yang na gang dag 'di skad ces srid pa tha ma srid pa dang po dang / 'di ltar nying mtshams sbyor ro zhes brjod par mi nus mod kyi/ 'on kyang re zhig srid pa dang po'i skye ba mthong bas/ de yang gang las rigs par 'gyur ba de las 'byung bar 'gyur ro zhes zer ba de dag gi phyir 'di bshad de/srid pa tha ma 'gags pa dang / /ma 'gags pa dag srid pa dang po dang nying mtshams sbyor bar mi 'thad do zhes ni bstan zin to/ /gal te srid pa tha ma 'gag bzhin pa srid pa dang po dang nying mtshams sbyor bar 'gyur ro zhe na/ de la yang rjes su dpag pa bstan zin to//yang na srid pa tha ma 'gag bzhin pa ni srid pa dang po dang / nying mtshams sbyor ba med de/ 'gag bzhin pa ma yin pa'i phyir dper na dgra bcom pa'i sems tha ma bzhin no/ /de'i phyir de ltar ji skad bstan pa'i tshul gyis/ gal te 'gag bzhin skye bzhin dag /lhan cig sbyor ba'ang yod min na/ /'o na da cir 'gyur zhe na/ /phung po gang la 'chi 'gyur ba/ /der ni skye ba'ang 'byung bar 'gyur/ /de ni mi 'dod de/ srid pa dang po dang nying mtshams sbyor ba las skye bar 'dod na de dang / nying mtshams sbyor bar mi 'thad par yang bstan zin to//de'i phyir sgrub pa ji skad bstan pa'i dbang gis/ de ltar dus gsum dag tu yang / /srid pa'i rgyun ni mi rigs na/ /dus gsum dag tu gang med pa/ /de ni ji ltar srid pa'i rgyun/ /zhes mjug bsdu bar bya ste/ de ltar srid pa tha ma srid pa dang po dang / nying mtshams sbyor ba mi 'thad pa'i phyir /rgyun la chad pa med pa dang / rtag pa med do zhes bya ba'i tshig ni don dam pa pa ma yin la/ khas blangs pa la gnod par yang mi 'gyur ro/ /de la 'dir rab tu byed pa'i don ni pha rol pos rab tu byed pa'i dang por don dam par dus ni yod pa kho na yin te/ 'byung ba dang /'jig pa'i rgyu yin pa'i phyir ro zhes smras pa'i gtan tshigs kyi skyon brjod pas dus ma grub pa'i phyir/ 'byung ba dang / 'jig pa ngo bo nyid med pa nyid du bstan pa yin no/ /de'i phyir rab kyi rtsal gyis rnam par gnon pa/ gzugs la 'chi ba'am skye ba med do/ /de bzhin du tshor ba dang / 'du shes dang / 'du byed rnams dang / rnam par shes pa la 'chi ba 'am skye ba med do/ /gzugs dang / tshor ba dang / 'du shes dang / 'du byed rnams dang / rnam par shes pa la 'chi ba'am/ skye ba med pa gang yin pa de ni shes rab kyi pha rol tu phyin pa'o zhes bya ba la sogs pa gsungs pa de dag grub pa yin no//slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/ 'byung ba dang 'jig pa brtag pa zhes bya ba ste/ rab tu byed pa nyi shu gcig pa'o// //da ni stong pa nyid kyi mi mthun pa'i phyogs kyi khyad par dgag pas don dam par de bzhin gshegs pa'i sku bsal ba'i don gyi dbang gis rab tu byed pa nyi shu gnyis pa brtsam mo//mdo sde pa dang / bye brag tu smra ba dag gis 'dir smras pa/ don dam par gzugs la sogs pa dngos po rnams ngo bo nyid yod pa kho na yin te/ dngos po yin pa'i phyir dper na de bzhin gshegs pa'i sku bzhin no//de bzhin gshegs pa'i chos kyi sku don dam pa pa ni rdo rje lta bu'i ting nge 'dzin gyi sems kyi skad cig ma'i mjug thogs su skyes pa rnam par grol ba'i lam zhes bya ba'i ye shes kyi skad cig ma'o/ /gzugs kyi sku kun rdzob pa yang de'i gzhi yin pa'i phyir / de bzhin gshegs pa'i sku zhes bya'o//de'i phyir gtan tshigs ji skad smos pa'i mthus don dam par gzugs la sogs pa dngos po rnams ngo bo nyid yod pa kho na yin no/ /'dir bshad pa/ gal te tha snyad du gtogs pa'i blo gros kyis dngos po rnams dang / de bzhin gshegs pa ngo bo nyid yod pa kho nar 'dod na ni grub pa la sgrub pa nyid yin no//'on te don dam par na ni re zhig de bzhin gshegs pa nyid je dpyad par bya ste/ 'di la ye shes kyang phung po'i khongs su gtogs pa'i phyir phung po'i bdag nyid kyi de bzhin gshegs pa bkag pas de yang bkag par 'gyur bas de'i phyir/ sku min zhes bya ba la sogs pa ste/ de la sku'i don ni phung po'i don to//phung po rnams ci zhig ma yin zhe na/ de bzhin gshegs pa'o/ /de bzhin gshegs pa zhes bya ba'i sgra ni so sor brjod par bya ste/ tshig gi don gsal bar 'dod pa dang bcas pa'i phyir ro / /phung po rnams de bzhin gshegs pa ma yin zhes bya ba ni/ de bzhin gshegs pa'i ngo bo nyid ma yin no zhes bya ba'i tha tshig ste/de ni dam bca' ba nye bar gzhag pa'o/ /phung po rnams kyi chos ni phung po nyid dang / 'byung ba dang / 'jig pa'i chos can nyid dang / byas pa nyid la sogs pa ste/ de ni gtan tshigs so/ /dpe ni de'i dbang gis so so'i skye bo'i phung po la sogs pa dag go//'dir rjes su dpag pa ni don dam par phung po rnams ni de bzhin gshegs pa ma yin te/ phung po nyid yin pa'i phyir dang / 'byung ba dang 'jig pa'i chos can nyid yin pa'i phyir dper na/ so so'i skye bo'i phung po rnams bzhin nam / phyi rol gyi sa la sogs pa dag bzhin no/ /de bzhin du byas pa nyid la sogs pa'i gtan tshigs dag gi phyir ro zhes kyang brjod par bya'o//yang na don dam par phung po rnams ni de bzhin gshegs pa ma yin te/ de dag gi skye ba bkag pa'i phyir dang / gzugs la sogs pa dag gi rdzas su yod pa nyid bkag pa'i phyir ro/ /yang na ye shes 'ba' zhig phyogs su byas nas brjod par bya ste/don dam par ye shes ni de bzhin gshegs pa ma yin te/ 'byung ba dang 'jig pa'i chos can nyid yin pa'i phyir dang / shes pa nyid yin pa'i phyir dper na so so'i skye bo'i shes pa bzhin no/ /mu stegs can dag ni phung po rnams las de bzhin gshegs pa gzhan yin par bsams nas/bdag tu sgrub par 'dod pas de dag gi phyir 'di bshad de/ sku las gzhan ma yin/ de bzhin gshegs pa ste/ de dag las gzhan pa'i de bzhin gshegs pa yod par ston pa'i rjes su dpag pa med pa'i phyir dang / phung po rnams las gzhan pa'i bdag dgag pa bzhin du de yang bkag pa'i phyir ro//phung po rnams las de bzhin gshegs pa gzhan yin par ma grub pa kho na'i phyir/ de la sku med ces gsungs te/ ji ltar gangs la sman dag yod pa de ltar ro/ /der de med/ ji ltar shing ljon pa'i nags tshal dag la seng ge yod pa de ltar ro/ /de bzhin gshegs pa sku ldan min//ji ltar nor can nor dang ldan pa de ltar ro/ /de'i phyir de ltar rnam pa lngas yongs su brtags na gang mi srid pa'i/ de bzhin gshegs pa gang zhig yin/ /sgrub pa ji skad bstan pa dag gis yongs su brtags na/ de bzhin gshegs pa zhes bya ba yod pa ma yin pa nyid do zhes bya ba'i tshig gi don to/dper na chom rkun pa nyid la mngon par brtson pa dag la yongs su brtags pa na gang yang de yin par mi 'thad pa'i phyir chom rkun pa gang zhig yin zhes bya ba bzhin no/ /yang dper na phung po rnams ma gcogs par skyes bu'am/ dbang phyug cis bya ba gang zhig yin zhes bya ba bzhin no/ / de'i phyir de ltar de bzhin gshegs pa ma grub pas sgrub pa dpe ma tshang ba nyid kyi skyon yod do/ /gzhan dag gis smras pa/ de bzhin gshegs pa ni phung po rnams la brten nas grub pa'i phyir/ kho bo cag la sgrub pa des mi gnod do/ /'dir bshad pa/ gal te sangs rgyas phung po la/ /brten nas gdags par 'dod na/'o na de lta na/ ngo bo nyid las med/ de bzhin gshegs pa ngo bo nyid med pa dang / rdzas su yod pa ma yin no zhes bya ba'i tha tshig ste/ de ni dam bca' ba nye bar gzhag pa'o/ /phyogs kyi chos ni khong na yod do/ /dpe ni de'i dbang gis mgal me'i 'khor lo dang bum pa dag bzhin no//'dir rjes su dpag pa ni/ don dam par de bzhin gshegs pa ni ngo bo nyid med pa dang / rdzas su yod pa ma yin te/ gdags par bya ba'i phyir dper na mgal me'i 'khor lo bzhin nam/ rdzas su yod pa ma yin pa'i phyir dper na bum pa bzhin no/ /mi mkhas pa kha cig 'dir smras pa/ gal te re zhig mtshan nyid las//gang zhig blo gzhan sel ba la/ /de yi blo med bum chu bzhin/ /de ni kun rdzob yod pa yin/ /don dam yod pa don gzhan no/ /zhes 'byung ba des rdzas su yod pa nyid 'gog par byed na ni de kho bo cag la mi gnod de/ 'di ltar bum pa zhig pa dang / blo gzhan sel ba na/ de dag las gzhan pa'i gzugs dag la de dag gi blo yod pas/ de dag rdzas su yod pa yin pa'i phyir ro/ /de ni bzang po ma yin te/ rdzas su yod pa la mtshan nyid kyis gnod pa'i phyir ro/ /gang zhig pa de rdzas su yod pa la gnod pa nyid do/ /de'i blo med pa zhes nges par gzung ba'i phyir gang ma zhig pa de la yang de'i blo med do//nye bar len pa dang bcas pa gzhan dag sel ba la gzhan sel ba zhes bya bar 'dod pa'i phyir ro/ /gzhan dag gis smras pa/ don dam par bum pa ni rdzas su yod pa yin te/ shes bya yin pa'i phyir dper na gzugs bzhin te/ shes par bya ba yin pas rdzas de shes par bya ba ni rtogs par bya ba zhes bya ba'i tha tshig go//mtshan nyid las shes par bya ba'i skad kyi byings dag ni rtogs par bya ba'i don yin par 'byung ba'i phyir ro/ /bum pa la sogs pa dag kyang rdzas su yod pa nyid du grub pas/ bum pa dang / chu bzhin du kun rdzob tu yod pa yin no zhes bya ba'i khungs kyang med do/ / de ni bzang po ma yin te/ don dam par gzugs rdzas su yod pa nyid du ma grub pa'i phyir dpe med do/ /tha snyad du ni mtshan nyid ji skad smras pa nyid kyis dngos po thams cad btags par yod pa nyid yin yang / gang zhig kyang de'i blo mi 'jig pa de ni rdzas su yod pa yin la/ gang zhig pa na de'i blo med pa de ni btags par yod pa yin par rnam par gzhag go//dngos po med pa yang dngos po med pa'i tshul gyis shes bya yin yang / rdzas su yod pa nyid ma yin pas ma nges pa nyid kyang yin no/ /de rdzas su yod pa nyid du rtog na ni grags pa dang / lung gis gnod par 'gyur bas de yang rigs pa ma yin no// // dbu ma'i rtsa ba'i 'grel pa shes rab sgron ma bam po bcu drug pa/ gzhan dag gis smras pa/ phung po lnga ni gdags par bya ba yin yang ngo bo nyid yod pa yin la/ de yang de bzhin gshegs par gdags pa'i brjod par bya ba yin pas/ de bzhin gshegs pa de'i ngo bo nyid bcos ma ma yin pa gang yin pa blo la nges par bzhag nas/de bzhin gshegs pa ngo bo nyid med do zhes sgrub na ni grub pa la sgrub pa yin te/ phung po rnams byas pa yin pa'i phyir ro/ /'on te gzhan las byung ba'i dngos po rgyu dang / rkyen gzhan dag las byung zhing / skyes pa bdag nyid thob pa gang yin pa 'gog par byed na ni/'o na des na dpe med de dngos po thams cad ni gzhan las byung ba'i mtshan nyid kyi ngo bo nyid dang bcas pa yin pas 'di ltar kho bo cag ni mgal me'i 'khor lo'i gzugs la sogs pa/ mig gi rnam par shes pa rnam par rtog pa med pa'i spyod yul gang dag yin pa de dag ngo bo nyid dang bcas pa kho na yin par 'dod pa'i phyir ro//de ni bzang po ma yin te/ 'dir mgal me'i 'khor lo nyid ni 'khrul pa ste/ ngos dang steng dang / 'og ni nam mkha'i cha dang / mgal me la 'khor lo'i ngo bo nyid kyis stong pa dpe nyid du 'dod pa'i phyir dang / mgal me'i gzugs la sogs pa dag gi skye ba bkag pa'i phyir dang /rdzas su yod pa nyid bkag pa'i phyir dang / de de bzhin du mig gi rnam par shes pa la sogs pa'i spyod yul gzugs la sogs pa dag kyang / mig gi lta ba dgag pa bzhin du bkag pa'i phyir ro/ /ngo bo nyid las gang med pa/ /de gzhan dngos las ga la yod/ /bdag gi dngos po'i dngos po gzhan la ltos nas gzhan nyid 'grub pa'i phyir ro zhes bya bar dgongs so//yang gzhan yang / gang zhig gzhan gyi dngos brten nas/ /gdags pa'o/ /de bdag nyid du mi 'thad do/ /gzhan gyi dngos po la brten nas gdags par bya ba yin pa'i phyir dper na/ sgyu ma'i skyes bu bzhin te/ de ni bdag nyid med de ngo bo nyid med do zhes bya ba'i tha tshig go/ /de ltar/ gang zhig bdag nyid med pa de/ /ji ltar de bzhin gshegs par 'gyur/ /dngos po rnams ngo bo nyid yod par sgrub pa'i dpe zhes bya bar dgongs so/ /de'i phyir sgrub pa dpe ma tshang ba'i skyon de nyid yod do/ /yang na pha rol po dag 'di skad ces ngo bo nyid las ma grub tu zin kyang /gzhan gyi dngos po las grub pas dpe nyid grub pa'i phyir dngos po rnams ngo bo nyid yod pa kho nar grub bo zhes zer ba la/ 'dir bshad pa/ gal te ngo bo nyid med na/ /gzhan dngos yod par ji ltar 'gyur/ /ngo bo nyid ma grub pa kho na'i phyir gzhan du 'dod pa rgyu dang rkyen rnams med pa'i phyir/de dag las byung ba'i gzhan gyi dngos po can de yod pa nyid ma yin no zhes bya bar dgongs so/ /de'i phyir dpe'i skyon de nyid yod do/ /'dir smras pa/ de bzhin gshegs pa'i ngo bo nyid nges par ma zin kyang / yod yod pa'i phyir dpe grub pas skyon med do/ /'dir bshad pa/ngo bo nyid dang gzhan dngos dag /ma gtogs de bzhin gshegs te gang / /de ni yod pa ma yin pa nyid de/ ngo bo nyid dang gzhan gyi dngos po dag ma gtogs pa'i dngos po ni don dam par yod pa nyid du mi 'grub pa'i phyir skyon med pa ma yin no/ /gnas ma'i bu'i sde pa dag gis smras pa/ de bzhin gshegs pa ni phung po rnams la brten nas gdags par bya ba nyid yin te/ de ni de nyid dang gzhan nyid du brjod par bya ba ma yin pas phung po rnams kyi ngo bo nyid kyang ma yin la/ gzhan gyi ngo bo nyid kyang ma yin te/ de'i phyir de bzhin gshegs pa grub pas rjes su dpag pa ji skad bstan pas dngos po rnams ngo bo nyid med par ma grub bo//'dir bshad pa/ don dam par de bzhin gshegs pa'am/ de bzhin gshegs pa ma yin pa zhig de bzhin gshegs pa'i phung po rnams la brten nas gdags par bya ba nyid yin grang na/ de la gal te de bzhin gshegs pa yin na ni de de la brten pa don med pa nyid do//'on te de bzhin gshegs pa ma yin na ni de lta na yang / gal te phung po ma brten par/ /de bzhin gshegs pa 'ga' yod na/ /snga rol na bdag nyid gzhan gyis so/ /de ni da gdod brten 'gyur zhing / /brten nas de las 'gyur la rag /gal te de ltar 'gyur zhe na//phung po rnams la ma brten par/ /de bzhin gshegs pa 'ga' yang med/ /nye bar len pa ma gtogs par de bzhin gshegs par mi 'grub pa'i phyir ro/ /gang zhig ma brten yod min pa/ /de bzhin gshegs pa'i ngo bo nyid do/ /des ni ji ltar nyer len 'gyur/ / des de bzhin gshegs pa'i phung po rnams nye bar len par mi byed pa nyid de / de bzhin gshegs pa ma yin pa'i phyir dper na de las gzhan bzhin no/ /ci ste de bzhin gshegs pa ma yin pas/ de bzhin gshegs pa'i phung po rnams nye bar blangs nas/ de bzhin gshegs par 'gyur ro snyam du sems shing /'di skad ces/ gal te phung po ma brten par/ /de bzhin gshegs pa 'ga' yang med/ /de ni da gdod brten 'gyur zhing / /brten nas de la 'gyur ba yin/ /zhes kyang zer na/ de la 'di skad ces brjod par bya ste/ ci ste de phung po'i ngo bo nyid yin nam/ 'on te gzhan gyi ngo bo nyid yin/ de la gal te phung po'i ngo bo nyid yin na ni phyogs de'i lan btab zin to/ /'on te gzhan gyi ngo bo nyid yin na ni de yod pa ma yin te/ phung po'i ngo bo nyid ma yin pa'i phyir dper na/ ri bong gi rwa bzhin no zhes sngar bstan pa bzhin no/ /yang bshad pa/ gang zhig ma brten yod min pa/ /phung po'i mtshan nyid ma yin pa'o//des ni ji ltar nyer len 'gyur/ /des nye bar len par mi byed pa nyid de/ med pa'i phyir dper na nam mkha'i me tog bzhin no zhes bya bar dgongs so/ /don dam par de bzhin gshegs pa skye ba'i snga rol na med pa ni de bzhin gshegs pa'i nye bar len pa dag nye bar len par mi byed de/ skye ba'i snga rol na med pa'i phyir dper na/ de bzhin gshegs pa ma yin pa bzhin no/ /gal te 'khor ba la thog ma dang tha ma med pa'i phyir dang / de bzhin gshegs pa yang de nyid dang gzhan du brjod par bya ba ma yin pa'i phyir snga phyi mi 'thad pas/ skye ba'i snga rol na med pa'i phyir zhes bya ba'i gtan tshigs de'i don ma grub pa nyid do zhe na/de ni bzang po ma yin te tha snyad du gtogs pa'i blo'i spyod yul gyi de bzhin gshegs pa ni skye ba'i snga rol na med pa nyid do zhes bya bar shes par bya ste 'dus byas yin pa'i phyir dper na bum pa bzhin no/ /de ltar tha snyad du med par grub pa'i gtan tshigs nyid du brjod pa'i phyir dang /de bzhin gshegs pa yang de bzhin gshegs pa'i phung po rnams kyi snga rol na yod pa nyid du bstan dka' ba'i phyir de ni ma grub pa ltar snang ba nyid yin no/ /yang gzhan yang / nye bar blangs pa ma yin pa/ /nye bar len pa ci ltar 'gyur/ /'o na ji lta bu zhe na/ nye bar len pa pos nye bar blangs pa nyid nye bar len pa yin par 'gyur ro//nye bar len pa med pa yi/ /nye bar len pa med pa'i ngo bo nyid de/ nye bar len pa po ma yin pa'i zhes bya ba'i tha tshig go/ /de bzhin gshegs pa ci yang med/ /yang zhes bya ba'i sgra ni nye bar len pa po dang / nye bar len pa yang bsdu ba'i don te / de bzhin gshegs pa la de bzhin gshegs pa'i ngo bo nyid med do zhes bya ba'i tshig gi don to//de la 'dir tshig gi don gsal ba'i dbang gis rjes su dpag pa ni phung po lnga la gang zag med de/ byas pa'i phyir dper na bum pa bzhin no/ /de bzhin du rten cing 'brel par 'byung ba nyid dang / mi rtag pa nyid dang /yang dag pa dang / log pa pa dang / the tshom can gyi shes pa'i yul nyid dang / dga' ba dang / yongs su gdung ba'i rgyu nyid dang / bden par gtogs pa nyid la sogs pa'i gtan tshigs dag gi phyir ro zhes kyang brjod par bya'o/ /gnas ma'i bu'i sde pa dag yang phyir zlog par byed de/ don dam par de bzhin gshegs pa yod pa kho na yin te/ de bzhin gshegs pas med do zhes lung ma bstan pa'i phyir ro/ /'di na gang yod pa ma yin na de ni de bzhin gshegs pas med par gsungs te/ dper na mu stegs byed kyis yongs su brtags pa'i bdag bzhin no/ /de bzhin gshegs pa med par ma gsungs te/gzhan gyis de bzhin gshegs pa mya ngan las 'das phan chad med dam zhes zhus pa na de ni lung ma bstan to zhes gsungs pa'i tshig des de dgag pa yang gsungs pas/ de'i phyir don dam par de bzhin gshegs pa yod pa kho na yin te/ de'i phyir de ni rang dbang du rjes su dpag pa yin pas/gtan tshigs 'gal ba 'khrul pa med pa'i gnod pa yang yod do/ /bshad pa/ de bzhin gshegs pas khang pa brtsegs ma'i nang nas skyes pa'i shing a mra'i 'bras bu'i ro'i bye brag tu lung du ma bstan pa la sogs pa dag gis gtan tshigs kyi don 'gal ba nyid yin pa'i phyir/de ni rigs pa ma yin pas rtog ge phyi mas gnod pa yang med la/ rang dbang du rjes su dpag pa yang ma yin no/ /gos dmar sde dag gis smras pa/ don dam par de bzhin gshegs pa yod pa kho na yin te/ nye bar len pas gdags par bya ba yin pa'i phyir ro/ / 'di na gang yod pa ma yin pa de ni nye bar len pas gdags par bya ba ma yin te/ dper na sbrul gyi rkang pa bzhin no/ /de bzhin gshegs pa ni nye bar len pas rnam par grol ba/ bla na med pas rab tu phye ba'i phung po'i rgyud la brten nas gdags par bya ba yin te/ de ltar yang mdo sde las sangs rgyas zhes bya ba'i mtshan 'di ni/yum gyis ma btags yab kyis ma btags lha rnams kyi bar gyis ma btags te/ 'o na ji lta bu zhe na/ sangs rgyas bcom ldan 'das rnams kyi mtshan de ni rnam par grol ba'i mtha' las byung ba yin no zhes bya ba la sogs pa gsungs pas/ de'i phyir don dam par de bzhin gshegs pa yod pa kho na yin no//'dir bshad pa/ ji ltar don dam par de bzhin gshegs pa yod pa kho na yin no zhes mi 'thad pa de ltar sngar/ sku min sku las gzhan ma yin/ /de la sku med de der med/ /de bzhin gshegs pa sku ldan min/ /de bzhin gshegs pa gang zhig yin/ /zhes bya ba des dpyad zin pas/de'i phyir de ltar/ rnam pa lngas ni btsal byas na/ /gang zhig de nyid gzhan nyid du/ /med pa'i de bzhin gshegs pa de/ /nye bar len pas ji ltar gdags/ /don dam par de bzhin gshegs pa'i ngo bo nyid du'o/ /gdags par bya ba nyid yod na ni/ bum pa la sogs pa'i yod pa nyid bzhin du/de bzhin gshegs pa yang yod pa nyid du 'gyur te/ de lta na ni 'dod pa nyams so/ /gdags par bya ba yin pa'i phyir ro zhes bya ba'i gtan tshigs de'i don kyang don dam par ma grub pa nyid do/ /don 'gal ba nyid kyang yin te/ bum pa la sogs pa nye bar len pas gdags par bya ba dag ni/tha snyad du yod pa nyid yin pa'i phyir ro/ /gzhan dag gis smras pa/ nye bar len pa med pa yi/ /de bzhin gshegs pa ci yang med/ /ces gang smras pa de mi rigs te kho bo smra'o/ /de bzhin gshegs pa'i nye bar len pa ni nye bar len pa po dang bcas pa nyid yin te/ nye bar len pa yin pa'i phyir ro//'di na gang nye bar len pa po dang bcas pa nyid ma yin pa de ni nye bar len pa ma yin te/ dper na rus sbal gyi spu la sogs pa bzhin no/ /de bzhin gshegs pa'i nye bar len pa phung po lnga ni sangs rgyas kyi chos ma 'dres pa la sogs pa zag pa med pa dag gi gzhi yin pas/ de'i phyir gtan tshigs ji skad smos pa'i mthus/de bzhin gshegs pa'i nye bar len pa ni/ nye bar len pa po dang bcas pa nyid yin te/ nye bar len pa po gang yin pa de ni de bzhin gshegs pa'o/ /de yod pas dpe grub pa'i phyir 'dod pa'i don grub bo/ /'dir bshad pa/ gang zhig nye bar blang ba de nye bar blang bar bya ba'o//de ni ngo bo nyid las med/ /nye bar blang ba'i ngo bo nyid du yod pa ma yin no zhes bya ba'i tha tshig go/ /de ltar yang sngar/ nye bar len pa la nye bar len pa'i ngo bo nyid med de/ ltos pa dang bcas pa'i phyir dper na nye bar len pa po bzhin no zhes rgya cher bstan zin to/ / de'i phyir nye bar len pa yin pa'i phyir ro zhes bya ba'i gtan tshigs de'i don ma grub pa nyid dang / don 'gal ba nyid do/ /gal te nye bar len pa ni gzhan gyi dngos po las 'grub pas ji skad smras pa'i skyon med do zhe na/ de yang bzang po ma yin te/ bdag gi dngos la gang med pa/ /de gzhan dngos la yod re skan//nye bar len pa ni gzhan las yod par mi 'gyur ba nyid do zhes bya ba'i tshig gi don to/ /gzhan las skye ba med par ni sngar bstan zin pas yang bstan mi dgos so/ /de'i phyir de ltar yongs su brtags na/ de ltar nyer blang nyer len pa/ /rnam pa kun gyis stong pa yin/ / rnam pa kun gyis zhes bya ba ni ngo bo nyid dang gzhan gyi dngos po dang de nyid dang gzhan nyid la sogs pa dag gis so/ /de'i phyir don dam pa'i de kho na mthong ba dag nye bar blang ba dang / nye bar len pa po rtogs pa de lta bu des/ stong pas de bzhin gshegs stong pa/ /ji lta bur na 'dogs par 'gyur/ /dbu ma smra ba dag phung po lnga la brten nas/tha snyad dang rjes su mthun par bcom ldan 'das thams cad mkhyen pa stobs bcu dang / ma 'dres pa dang / mi 'jigs pa la sogs pa'i yon tan gyi tshogs bsam gyis mi khyab cing / rmad du byung ba'i 'od zer dag gis gsal bar gyur pa/ bka' 'gro ba mtha' dag gis bkur ba zhes 'dogs par byed de/des na gang zag gcig kho na 'byung ba na skye bo mang po la phan pa dang / skye bo mang po la bde ba'i phyir 'byung ngo zhes bya ba la sogs pa dang / de bzhin du dge ba'i bshes gnyen de la brten nas sems can skye ba'i chos can rnams skye ba'i sdug bsngal las rnam par grol lo zhes bya ba la sogs pa dang /de bzhin du/ yongs su shes bya yongs shes shing / /spang bar bya ba spangs par gyur/ /bsgom par bya ba bsgoms zin pas/ /bzod ldan de phyir nga sangs rgyas/ /zhes bya ba la sogs pa'i lung khas blangs pa la yang gnod pa med do//gal te don dam par khas ma blangs pa'i phyir ji skad smras pa'i skyon ldog pa med do zhe na/ don dam par de yod pa nyid du ston pa'i rjes su dpag pa med pa'i phyir dang / de ltar khas ma blangs pa kho nar 'gog par byed pa'i phyir skyon med do/ /mu stegs can ngan pa mig na bas nyi ma'i dkyil 'khor gyi 'od zer mi bzod pa bzhin du/stobs bcu dri ma med pa'i dkyil 'khor pa thams cad snang bar byed pa'i gsung ma nor ba'i 'od zer mi bzod pa dag gis smras pa/ de bzhin gshegs pa ni thams cad mkhyen pa ma yin te/ ma yin pa'i phyir dper na de las gzhan bzhin no/ /yang na de bzhin gshegs pa'i ye shes ni thams cad mkhyen pa'i ye shes ma yin te/shes pa yin pa'i phyir dper na so so'i skye bo'i shes pa bzhin no/ /yang na de bzhin gshegs pa'i sku ni thams cad mkhyen pa'i ye shes kyi gzhi ma yin te/ lus yin pa'i phyir dper na so so'i skye bo'i lus bzhin no//de la 'dir don dam pa pa'i de bzhin gshegs pa thams cad mkhyen pa ma yin no zhes ston pa ni mi yin pa'i phyir zhes bya ba'i gtan tshigs kyi don ma grub pa nyid de/ chos kyi sku ni mi la sogs pa'i spros pa dang bral ba'i phyir dang / 'jig rten las 'das pa zag pa med pa'i chos kyi tshogs kyang khams gsum par ma gtogs pa'i phyir ro//'dis byas pa nyid la sogs pa'i gtan tshigs kyi skyon dag kyang shes par bya zhing mi phal pa la sogs pa'i dpe'i skyon dag kyang brjod par bya'o/ /ye shes kyi phyogs la yang rnam pa de nyid kyis gtan tshigs dang / dpe'i skyon dag dang /de'i gtan tshigs 'dzin pa nyid dang / dmigs pa dang bcas pa nyid la sogs pa'i skyon dag kyang brjod par bya'o/ /sku'i phyogs la yang gtan tshigs dang / dpe'i skyon dag de bzhin no/ /thams cad mkhyen pa ma yin no/ /zhes dam bcas pa de'i don kyang re zhig gang yin/ ci thams cad ni mi mkhyen la/cung zad mkhyen pa yin nam/ 'on te cung zad kyang mi mkhyen pa yin/ de la gal te brtag pa snga ma ltar 'dod na ni des ci zhig mi mkhyen par 'dod/ gal te dbang po las 'das pa'o zhe na des de mkhyen te/ shes bya yin pa'i phyir nyid kyi phyag mthil du nor bu dri ma med pa la sogs pa bzhag pa bzhin no//'on te brtag pa phyi ma ltar 'dod na ni phyogs snga ma la gnod pa dang / grags pas gnod de/ de ni mi yin pa'i phyir zhes khas blangs pa'i phyir dang / so so'i skye bo la sogs pa'i dpe dag 'jig rten la grags pas mi rung ste/ de dag gis kyang yul 'ga' zhig shes pa'i phyir ro/ / ci ste gzhan dag gis 'das pa dang / ma 'ongs pa dang / da ltar du gtogs pa dang / ma gtogs pa dag ji ltar shes pa de ltar bcom ldan 'das kyis mi mkhyen to zhe na ni grub pa la sgrub pa yin te/ de dag gi log pa'i shes pas shes bya dag log par shes pa'i phyir ro/ /ci ste mkhyen pa ma yin no zhes bya ba/ngan pa mkhyen pa'o zhe na ni kho bo cag gi ston pa thams cad shes pa'o zhes sgrub pa rnams kyi rang gi ston pa dag gis gtan tshigs thams cad ma nges pa nyid do/ /dpyod pa can dag gi ni rgyal dpog pa la sogs pa dag gis ma nges pa nyid de/ re zhig rab rib kyis zil gyis non pa de dag la 'di skad ces dri bar bya ste/gang gis shes bya gang gi ngo bo nyid shes pa de yang dag pa'i shes pa dang ldan par brjod par bya ste/ de dag gal te 'di skad ces 'di'i ngo bo nyid ni 'di'o zhes de dag grub pa'i mtha' yongs su bzung ste/ smra na dgag pa skabs ji ltar gsungs pa dag rgya cher brjod par bya'o/ /gang dag mkhas par rlom pas 'khrul pa dag gis smras pa/de bzhin gshegs pa ni thams cad mkhyen pa ma yin te/ lung du ma bstan pa'i dngos po lung du ma bstan pa'i phyir dang / mdzes ldan ma gsod pa ma sbran pa'i phyir dang / bram ze'i bu mo dregs mas skur pa btab pa'i phyir dang / grong khyer dmar can gyi bu 'jig pa ma nges pa'i phyir dang /'khor ba'i sngon gyi mtha' mi mngon no zhes rang nyid mi shes par khas blangs pa'i phyir dang / lhas byin rab tu phyung ba la sogs pa dag gi phyir dper na mi phal pa bzhin no/ /de dag gi yang dam bcas pa'i don rnam par brtags nas skyon ji skad bstan pa dag nyid brjod par bya zhing /gtan tshigs dang / dpe'i skyon dag kyang ci rigs par brjod par bya'o/ /ci ste thams cad du lung ma bstan pa'i phyir zhes gtan tshigs brjod na/ de lta na yang rang gi ston pa dag gis ma nges pa nyid yin pas/ de bzhin gshegs pa ni phyin ci ma log par mkhyen pa yin no zhes ba ga rkyong ste smra bar bya'o//thams cad ces bya ba yang gang yin/ gal te srog la sogs pa dag gam/ tshig gi don drug gi rdzas dag gam/ gtso bo dang / skyes bu'o zhe na ni/ de dag de ltar ngo bo nyid yod pa ma yin pas/ de dag thams cad nyid ma yin no/ /ci ste spyi'o zhe na ni des de dag ngo bo nyid med pa nyid du yang dag pa ji lta ba bzhin du mkhyen te/de ltar ni bstan kyang zin la ston par yang 'gyur ro/ /dpyod pa can dag las kha cig gis smras pa/ de bzhin gshegs pa'i gsung rab ni thams cad mkhyen pa ma yin pas smras pa yin te/ byed pa po dang bcas pa'i phyir dper na/bye brag pa la sogs pa'i bstan bcos bzhin no/ /de dag gi dam bcas pa'i don kyang rnam par brtags nas snga ma bzhin du skyon brjod par bya'o/ /rig byed ni byed pa po dang bcas pa yin te/ klag par bya ba yin pa'i phyir dper na bye brag la sogs pa'i bstan bcos bzhin pas rig byed kyang byed pa po dang bcas pa'i phyir zhes bya ba'i gtan tshigs ma nges pa nyid do//ci ste rig byed kyi tshig dag ni byas pa ma yin te/ byed pa po mi dran pa'i phyir ro zhe na/ de ni bzang po ma yin te/ gtan tshigs kyi rjes su 'gro ba bstan dka' ba'i phyir ro/ /lung las/ nges brjod ni ri bo nges pa zhes bya bar byas la/snyan tshig dag ni ri bo snyan pa zhes bya bar byas / srid srung nyi ma'i rgyud ni ri bo skal ldan phug ron can du byas so zhes 'byung bas/ gtan tshigs kyi don rang la ma grub pa nyid do/ /gal te gsal ba dag gis skyon med do zhe na/ phyogs des kyang mi nus te/ gsal ba snga ma bzhin du dgag pa'i phyir ro//rig byed kyi tshig dag ni byas pa yin te/ rtogs par 'dod pa'i don go sla ba nyid du tshig gi rim pa bstan pa'i phyir/ dper na grangs can gyi bstan bcos kyi tshig dag bzhin no/ /de bzhin du ji skad bstan pa'i yan lag lhag ma dag 'dod pa dang bcas pa nyid dang / gzung ba nyid dang /brjod par bya ba nyid dang / don dang ldan pa nyid dang / chos sgrub pa nyid la sogs pa'i gtan tshigs dag gi phyir ro zhes kyang rjes su dpag pa rgyas par brjod par bya'o/ /dpyod pa can dag gis rab tu brtag pa'i sgra la ni sgra'i ngo bo nyid med de / dbang po'i gzung ba yin pa'i phyir dper na gzugs bzhin no//sgra ni gsal bar bya ba ma yin te/ rtogs pa'i rgyu yin pa'i phyir dper na/ yan lag gi rgyu las bzhin no/ /de bzhin du yod pa nyid dang / brjod par bya ba nyid dang / shes bya nyid dang / chos sgrub pa nyid dang / dga' ba dang / yongs su gdung ba'i rgyud la sogs pa'i gtan tshigs dag gi phyir ro zhes kyang rjes su dpag pa rgyas par brjod par bya'o//'dis sngon ma byung ba'i lha nyid kyis gsal bar bya ba nyid yin no zhes zer ba dgag pa yang khong du chud par bya'o/ /rig byed ni byed pa po tshul khrims 'chal pas byas par shes par bya ste/ 'tshe ba dang / bgrod par bya ba ma yin par 'gro ba dang /chang 'thung ba chos su ston pa'i phyir/ dper na par sig la sogs pa'i bstan bcos bzhin no/ /gal te bstan bcos las 'byung ba'i 'tshe ba ni chos ma yin pa ma yin te/ gsang sngags kyis yongs su gzung ba'i phyir/ dper na dug za ba bzhin no zhe na/ de ni bzang po ma yin te/ma byin par len pa dang / 'dod pas log par g.yem pa la sogs pa dag gis ma nges pa nyid yin no/ /'tshe ba ni ngan 'gro'i rgyu'i yin te/ bsams bzhin du ma nor ba gsod pa'i phyir/ dper na tha mal par phyugs gsod pa bzhin no/ /yang na mchod sbyin gyi gnas su 'tshe ba'i mtshan nyid kyi bya ba ni ngan 'gror 'gro ba'i rgyu yin te/gzhan gsod par rjes su gnang ba sngon du btang ba nyid yin na bya ba'i khyad par yin pa'i phyir dper na/ mchod sbyin gyi gnas ma yin par 'tshe ba'i mtshan nyid kyi bya ba bzhin no/ /gang dag 'jig rten rgyang pan pa dag pas kyang sdig che ba rig byed smra ba'i tham lag gi rjes su zhugs nas/mchod sbyin gyi gnas su 'tshe ba'i mtshan nyid kyi bya ba ni mchod sbyin gyi gnas ma yin par 'tsho ba'i mtshan nyid kyi bya ba ltar chos ma yin pa ma yin te/ bstan bcos las chos ma yin pa mi ston pa'i phyir dpe ma grub bo zhes zer na/ de dag ni 'jig rten rgyang pan pa blo gros sbyang ba ma byas pa mi dge ba'i bya ba la mngon par dga' ba'i sems dang ldan pa rnams kyi 'jug pa gang yin pa de gtso cher sgrub par byed pa yin pas/gtam 'dre bar bya ba yang ma yin mod kyi/ 'on kyang de dag gi lugs dgag pa brjod par bya ste/ mchod sbyin gyi gnas su 'tshe ba'i mtshan nyid kyi bya ba gang yin pa de ni tshe 'di la de'i gnas la 'bras bu ji lta bur mngon par sgrub par byed pa de lta bu kho na'i 'bras bu tshe phyi ma la byed pa po la mngon par sgrub par byed pa yin te/bya ba'i khyad par yin pa'i phyir dper na sbyin pa bzhin no/ /gang dag 'di skad ces phyugs mchod sbyin du spyad pa ni chos ma yin pa ma yin te/de'i ched yin pa'i phyir gang zhig gang gi ched du sbyar ba de de'i ched du spyad pa chos ma yin pa'i rgyur mi 'gyur te/ dper na sbyin bdag gis bram ze'i ched du 'bras chan sbyar ba bzhin no zhes zer ba de ni bzang po ma yin te/ 'ga' zhig gis phyugs mchod sbyin gyi ched du sprul to zhes bya ba de mi 'grub ste/sprul pa po 'ga' zhig gis blo sngon du btang ste/ byas par khas ma blangs pa'i phyir ro/ /dud 'gro phyugs ngan 'gro log par ltung bar skyes pa bde ba shin tu dkon pa/ sha khon med pa 'chi bas 'jigs skrag pa mya ngan bya bar 'os pa dag gsad pas/ lha lha'i phreng ba dang / byug pa dang / rgyan dang / gos 'chang ba'i gzugs can bdud rtsi mchog tu yid du 'ong ba/ ro zhim po'i zas za ba 'byor pa chen po dang ldan pa rnams dga' bar 'gyur ro zhes bya ba de la su zhig yid ches pa skye bar 'gyur/ phyugs dag ni mchod sbyin gyi ched ma yin te/ longs spyad par bya ba yin pa'i phyir/dper na mchod sbyin bya ba'i 'bras bu bzhin no/ /de bzhin du yod pa nyid la sogs pa'i gtan tshigs dag gi phyir ro zhes kyang rjes su dpag pa rgyas par bshad par bya'o/ /de ni phyogs tsam zhig nye bar bstan pa yin te/ zhar la bshad pas chog go/ /de'i phyir de ltar thams cad mkhyen pa ni chos thams cad ngo bo nyid med pa nyid phyin ci ma log par ston pa bka' lha dang mi'i bla ma rnams kyis bkur ba de /de nyid bcom ldan 'das stobs bcu mnga' ba yin no/ /gtam ha cang 'phros pas chog gis/ skabs nyid la 'jug par bya'o/ /'dir smras pa/ khyed kyis chos thams cad spros pa med do zhes khas blangs la/chos thams cad stong pa'o zhes spros pa yang byed pas de'i phyir khas blangs pa la gnod par 'gyur ro/ /'dir bshad pa/ de ni bden mod kyi/ gal te chos thams cad stong ngo / /zhes ma bstan par yang sgrub par byed pas/ thos pa las byung ba'i shes pa med par chos thams cad stong ngo zhes bya bar rtogs par 'gyur na ni/don dam par/ stong ngo zhes kyang mi brjod de/ /mi stong zhes kyang mi bya zhing / /gnyis dang gnyis min mi bya ste/ /de lta ma yin pas/ de'i phyir bsod nams dang / ye shes kyi tshogs dang rjes su mthun par sgrub par byed pa rnams kyis de ltar rtogs par bya ba'i phyir stong pa nyid la sogs pa'i brjod pa dag gis/gdags pa'i don du brjod par bya/ /yang dag pa ma yin par rtogs pa'i dri ma bkru ba'i phyir ro/ /de ltar re zhig lta ba'i ling tog gzhig pa'i phyir shes bya stong ngo zhes brjod par bya'o/ /med par lta ba spang ba'i phyir sgyu ma dang /smig rgyu lta bu'i bdag nyid kyis mi stong ngo zhes kyang brjod par bya'o/ /don dam par rang las skye ba med pa'i phyir dang / sgyu ma la sogs pa'i ngo bo nyid kyi bdag nyid du skyes pa'i phyir gnyi ga zhes kyang brjod par bya'o/ /gang yang rung ba'i mthar ltung ba yongs su spang ba'i phyir dang / bden pa gnyis la rnam par ltos pas gnyi gar lta ba'i skyon gyi dug bsal ba'i phyir dang / don dam pa'i bden pa rtogs par bya ba'i phyir gnyi ga ma yin no zhes kyang brjod par bya'o/ /de'i phyir de ltar yang dag pa ma yin par rtogs pa'i dri ma bkru ba'i phyir ro / /stong pa nyid la sogs pa brjod de/ ji skad du stong pa nyid ni lta bar gyur pa thams cad las nges par 'byin pa'o zhes gsungs pa lta bu'o//gzhan yang / gal te dngos po rang bzhin yod/ /stong mthong yon tan ci zhig yod/ /rtog pas bcings pa mthong bas na/ /'dir ni de nyid dgag par bya/ /zhes bshad pa lta bu'o/ /gal te gnyi ga ma yin no zhes spros par byed pas spros pa ma spangs so zhe na/de las gzhan pa'i spros pa dag dgag par 'dod pas de skad smras kyang skyon med de/ dper na rang nyid sgra mi 'dod pas gzhan dag gi sgra dgag par 'dod pa'i phyir/ sgra ma 'byin sgra ma 'byin zhes brjod pa la skyon med pa bzhin no//yang na don dam pa ston par byed pa'i rgyu'i shes pa tha snyad pa'i shes pa'i khyad par la don dam par nye bar gdags par byas nas/ don dam par dngos po rnams stong ngo zhes dam bcas pa'i phyir skyon med de / 'og nas kyang / tha snyad la ni ma brten par/ /dam pa'i don ni bstan mi nus//zhes 'byung ngo / /gzhan yang mi stong pa dgag pa kho na'i phyir stong pa nyid ces brjod par zad kyi stong pa nyid du sgrub pa gtso cher ma bstan pas skyon med do/ /de'i phyir de ltar de bzhin gshegs pa'i ngo bo nyid stong yang / gang dag 'di skad ces 'di la de bzhin gshegs pa de rtag pa'am/ mi rtag pa'am/rtag kyang rtag la/ mi rtag kyang mi rtag pa'am/ rtag pa yang ma yin mi rtag pa yang ma yin pa'am/ de bzhin du 'jig rten mtha' yod pa'am/ 'jig rten mtha' med pa'am/ mtha' yod kyang yod la med kyang med pa'am/ mtha' yod pa yang ma yin/ mtha' med pa yang ma yin pa zhig tu 'gyur ba'i phyir/de dag ji ltar grub pa de bzhin du bdag kyang 'grub la/ dngos po rnams kyang 'grub bo zhes zer ba de dag gi phyir/ 'dir bshad pa / rtag dang mi rtag la sogs bzhi/ /zhi ba 'di la ga la yod/ /mtha' dang mtha' med la sogs bzhi/ /zhi ba 'di la ga la yod/ /de bzhin gshegs pa ngo bo nyid kyis ma skyes pa zhi ba 'di la ste/gang gi phyir gtan tshigs grub na dpe yang 'grub pa zhig na zhes bya ba'i tshig gi lhag ma'o/ /de'i phyir gtan tshigs thun mong ma yin pa nyid dang 'gal ba nyid do/ /yang na bsgrub pa ji skad bstan pas/ bcom ldan 'das brten nas gdags pa ngo bo nyid stong pa la/rtag dang mi rtag la sogs bzhi/ /zhi ba 'di la ga la yod/ /mtha' dang mtha' med la sogs bzhi/ /zhi ba 'di la ga la yod/ /ngo bo nyid med pa nyid dang / rdzas su yod pa ma yin pa'i zhi ba 'di la ste/ rtag pa dang mi rtag pa la sogs pa bzhi po de dag 'di la yod pa ma yin pa nyid do zhes bya ba'i tha tshig gi don to//de lta bas na de bzhin gshegs pa rtag pa'am/ mi rtag pa'am/ rtag kyang rtag la/ mi rtag kyang mi rtag pa'am/ rtag pa yang ma yin/ mi rtag pa yang ma yin pa'am/ 'jig rten mtha' yod pa'am/ mtha' med pa'am/ mtha' yod kyang yod la mtha' med kyang med pa'am/mtha' yod pa yang ma yin/ /mtha' med pa yang ma yin pa zhes bya ba de dag ma yin te/ don dam par de bzhin gshegs pa skye ba med pa'i phyir ro/ /de ltar yang mdo sde las/ 'jam dpal skye ba med pa dang / 'gag pa med pa zhes bya ba ni/ de bzhin gshegs pa'i tshig bla dgas so zhes ji skad gsungs pa lta bu'o//gang dag 'di skad ces don dam par de bzhin gshegs pa yod pa kho na yin te/ mya ngan las 'das nas med do zhes lung ma bstan pa'i phyir ro/ /'di na mo gsham gyi bu lta bu gang yod pa ma yin pa de la ni sgrub pa de lta bu med pas/ de'i phyir ro / / don dam par de bzhin gshegs pa ni yod pa kho na yin no zhes zer ba de dag gi phyir 'di bshad de/ rnam par rtog pa sna tshogs la goms pa'i bag chags kyis bsgos pa'i blo gros can/ gang gis 'dzin sdug gzung gyur pa/ /de ni mya ngan 'das pa la/ /de bzhin gshegs pa yod ce 'am/ /med ces rnam rtog rtog par byed//de bzhin gshegs pa mya ngan las 'das nas yod ce 'am/ de bzhin gshegs pa mya ngan las 'das nas med ce 'am/ de bzhin gshegs pa mya ngan las 'das nas yod kyang yod la/ med kyang med ce 'am/ de bzhin gshegs pa mya ngan las 'das nas yod pa yang ma yin/ med pa yang ma yin zhes bya bar rnam par rtog pa la rnam par rtog par byed do//yang dag pa'i ye shes kyi mig bye ba dag la ni/ ngo bo nyid kyis stong de la/ /sangs rgyas mya ngan 'das nas ni/ /yod do zhe 'am med do zhes/ /bsam pa 'thad pa nyid mi 'gyur/ /rnam par rtog pa'i blo yul med pa la skye bar mi 'gyur ba'i phyir ro zhes bya bar dgongs so//de lta bas na/ 'dir yang gtan tshigs kyi skyon dang / dpe'i skyon de dag nyid yod do/ /de'i phyir de ltar yod pa dang / med pa dang / rtag pa dang / mi rtag pa dang / gzugs kyi sku dang / chos kyi sku dang / gsung rab kyi sku dang / mtshan nyid dang / mtshan nyid kyi gzhi dang / rgyu dang / 'bras bu dang / blo dang / rtogs par bya ba dang / stong pa dang / mi stong pa la sogs pa'i spros pa dag gis/ gang dag sangs rgyas spros 'das shing / /zad pa med la spros byed pa/ /spros pas nyams pa de kun gyis/ /de bzhin gshegs pa mthong mi 'gyur//spros pas blo gros kyi mig nyams pa de dag thams cad kyis dmus long gi nyi ma bzhin du/ de bzhin gshegs pa mthong bar mi 'gyur te/ de bzhin gshegs pa ni chos nyid las blta bar bya ba yin pa'i phyir ro zhes bya bar dgongs so/ /de ltar yang gang gis rten cing 'brel par 'byung ba mthong ba des chos mthong ngo //gang gis chos mthong ba des sangs rgyas mthong ngo zhes gsungs pa'i phyir ro/ /yang na de bzhin gshegs pa ni gzugs kyi sku'o/ /de bzhin gshegs pa ni bstan pa'i chos kyi sku'o zhes/ gang dag sangs rgyas spros 'das shing / /zad pa med la spros byed pa/ /spros pas nyams pa de kun gyis //de bzhin gshegs pa mthong mi 'gyur/ /ji skad du/ gang rnams gzugs su nga mthong zhing / /gang dag nga la sgrar shes pa/ /log par spong bar zhugs pa ste/ /skye bo des ni nga mi mthong / /zhes gsungs pa lta bu'o/ /de'i phyir de ltar yongs su brtags na dngos po rnams ngo bo nyid yod pa nyid du bsgrub pa'i dpe nyid du/de bzhin gshegs pa smras pa gang yin pa'i/ de bzhin gshegs pa'i dngos nyid gang / /de ni 'gro 'di'i ngo bo nyid/ /de bzhin gshegs pa dngos nyid med/ /'gro 'di'i ngo bo nyid med do/ /de yang yongs su brtags na/ sku min sku las gzhan ma yin/ / zhes bya ba la sogs pas/ ngo bo nyid med do/ /kun brtags par ma lus par ngo bo nyid med pa'i phyir ngo bo nyid med do/ /de la kun brtags pa'i ngo bo nyid ni phung po dang / khams dang / skye mched dang / mtshan nyid dang / mtshan nyid kyi gzhi dang / rgyu dang / 'bras bu dang / dngos po dang / dngos po med pa dang /gcig pa nyid dang / gzhan pa nyid la sogs pa'i bdag nyid do/ /de la/ gzugs kyi rgyu ni ma gtogs par/ /gzugs ni dmigs par mi 'gyur ro/ /zhes der bstan pa'i tshul gyis phung po rnams/ ngo bo nyid med pa nyid yin pa'i phyir/ de'i bdag nyid kyi de bzhin gshegs pa ngo bo med pa nyid do//nam mkha'i mtshan nyid snga rol na/ /nam mkha' cung zad yod ma yin/ /zhes bya ba la sogs pa der ji ltar nam mkha' la sogs pa khams drug po dag yongs su brtags pa na dngos po yang ma yin/ dngos po med pa yang ma yin/ mtshan nyid kyi gzhi yang ma yin/ mtshan nyid kyang ma yin pas/ dngos po la sogs pa'i ngo bo nyid med pa'i phyir ngo bo nyid med pa nyid du bstan pa dang / de bzhin du de bzhin gshegs pa rnam par shes pa'i khams la sogs pa'i bdag nyid du brtags pa yang yongs su brtags na dngos po yang ma yin/ dngos po med pa yang ma yin pa'i mtshan nyid kyi gzhi yang ma yin/ mtshan nyid kyang ma yin pas dngos po dang / dngos po med pa dang / mtshan nyid kyi gzhi dang / mtshan nyid kyi ngo bo nyid med pa'i phyir ngo bo nyid med pa nyid do/ /ji ltar skye mched brtag par skye mched rnams ngo bo nyid med pa nyid du bstan pa de las ma gtogs pa'i lta ba po la sogs pa yod pa ma yin pa de bzhin du/skye mched kyi bdag nyid de bzhin gshegs pa yang ngo bo nyid med pa nyid yin pas/ de bzhin gshegs pa'i ngo bo nyid med pa nyid do/ /ji ltar me dang / bud shing brtag par gcig pa nyid dang / gzhan pa nyid dang / brjod par bya ba ma yin pa nyid bkag pa de dag ngo bo nyid med pa nyid yin pas de bzhin du shes pa'i mtshan nyid dang /shes bya dang / 'dus pa'i mtshan nyid dang / 'dus pa can dang / chos kyi dbyings dag kyang gcig pa nyid dang / gzhan pa nyid dang / brjod par bya ba ma yin pa'i ngo bo nyid med pas/ de bzhin gshegs pa'i ngo bo nyid med pa nyid do/ /skye ba med pa'i rab tu byed pa skye ba la sogs pa bkag pa'i phyir dang /song ba dang / ma song ba brtag pa'i rab tu byed par song ba la sogs pa bkag pa'i phyir/ skye ba la sogs pa ngo bo nyid med pa nyid yin pas/ de bzhin gshegs pa ngo bo nyid med pa nyid do/ /de bzhin gshegs pa ji lta bar 'gro ba 'di yang ngo bo nyid med do//de lta bas na mthun pa'i phyogs med pa'i phyir/ gtan tshigs kyi don ma grub pa nyid dang 'gal ba nyid do/ /de la 'dir rab tu byed pa'i don ni pha rol pos rab tu byed pa'i dang por smras pa'i sgrub pa'i skyon brjod pas/ de bzhin gshegs pa'i chos kyi sku bstan pa yin no/ / de'i phyir blo gros chen po rtag pa ma yin pa dang / mi rtag pa ma yin pa dang / 'bras bu ma yin pa dang / rgyu ma yin pa dang / 'dus byas ma yin pa dang / 'dus ma byas ma yin pa dang / blo ma yin pa dang / rtogs par bya ba ma yin pa dang / mtshan nyid kyi gzhi ma yin pa dang /mtshan nyid ma yin pa dang / phung po rnams ma yin pa dang / phung po rnams las gzhan ma yin pa dang / rjod pa ma yin pa dang / brjod par bya ba ma yin pa dang / gcig pa nyid dang / gzhan nyid dang / gnyi ga dang 'brel pa ma yin pa dang gang dmigs su med pa de ni spros pa thams cad las 'das pa'o//gang spros pa thams cad las 'das pa de ni de bzhin gshegs pa'o zhes bya ba'i bar du gsungs pa dang / de bzhin du zhi ba'i blo gros de bzhin gshegs pa'i sku dang / nam mkha'i sku dang / mi mnyam pa dang mnyam pa'i sku dang / 'jig rten thams cad las khyad par du 'phags pa'i sku dang /sems can thams cad de bzhin nyid kyi rjes su zhugs pa'i sku dang / dpe med pa'i sku dang / 'dra ba med pa'i sku dang / rnam par dag pa'i sku dang / dri ma med pa'i sku dang / kun nas nyon mongs pa can ma yin pa'i sku dang / rang bzhin gyis 'od gsal ba'i sku dang /rang bzhin gyis ma skyes pa'i sku dang / rang bzhin gyis ma byung ba'i sku dang / sems dang / yid dang / rnam par shes pa dang ma 'brel ba'i sku dang / sgyu ma dang / smig rgyu dang / chu zla'i ngo bo nyid kyi sku dang / stong ba nyid dang / mtshan ma med pa dang / smon pa med pa nges par 'byung ba'i sku dang /phyogs bcu'i nam mkha' khyab pa'i sku dang / sems can thams cad la snyoms pa'i sku dang / mtha' yas mu med pa'i sku dang / g.yo ba med pa dang / rlom sems med pa'i sku dang / mi gnas pas gnas pa las mi g.yo ba thob pa'i sku dang / gzugs dang / tshor ba dang / 'du shes dang /'du byed rnams dang / rnam par shes pa ngo bo nyid ma yin pa'i sku dang / sa dang / chu dang / me dang / rlung gis rab tu phye ba ma yin pa'i sku dang / 'byung ba ma yin pa dang / 'byung ba ma yin pa ma yin pa dang / 'byung ba chen pos rab tu phye ba ma yin pa'i sku dang / yang dag pa ma yin pa dang /yang dag pa ma yin pa'i chos 'jig rten thams cad dang mi mthun pa'i sku dang / mig las ma byung ba dang / rna ba la mi brten pa dang / snas rnam par shes par bya ba ma yin pa dang / lces rab tu phye ba ma yin pa dang / lus dang ldan pa ma yin pa'i sku'o zhes bya ba la sogs pa dang / de bzhin du sangs rgyas rjes su dran pa 'ba' zhig sgom par byed de/de bzhin gshegs pa gzugs las mi mthong ba dang / gzugs ma yin pa dang / mtshan dang / dpe byad dang / tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dang /rus dang rigs dang skye ba dang / 'khor dang / bdag nyid kyi rnam pa dang / gzhan gyi rnam pa las mi mthong ba de ni sangs rgyas rjes su dran pa'o zhes bya ba la sogs pa dang / de bzhin du/ de bzhin gshegs pa rtag tu skye med chos/ /chos rnams thams cad bde bar gshegs dang 'dra/ /mtshan mar 'dzin pa byis pa'i blo can rnams//'jig rten dag na med pa'i chos la spyod/ /de bzhin gshegs pa zag med dge ba yi/ /chos kyi gzugs brnyan lta bur gyur pa de / /'di la de nyid de bzhin gshegs med kyang / /'jig rten kun du gzugs brnyan kun nas snang / /zhes bya ba la sogs pa dang /de bzhin du/ phung po brten pa'i rdzogs sangs rgyas/ /gang gis gang du mthong ba med/ /gang gis gang du gang ma mthong / /de ni ji ltar bstan par bya/ /zhes bya ba la sogs pa gsungs pa de dag grub pa yin no/ /slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/de bzhin gshegs pa brtag pa zhes bya ba ste/ rab tu byed pa nyi shu gnyis pa'o// //da ni de bzhin du stong pa nyid kyi mi mthun pa'i phyogs kyi khyad par dgag pas/ phyin ci log ngo bo nyid med pa nyid du bstan pa'i don gyi dbang gis rab tu byed pa nyi shu gsum pa brtsam mo/ /'dir smras pa/'dod chags zhe sdang gti mug rnams/ /kun du rtog las byung bar gsungs/ /bstan bcos las so/ /'dod chags dang / zhe sdang dang / gti mug de dag kyang / go rims bzhin du/ sdug dang mi sdug phyin ci log /brten pa nyid las kun du 'byung / /nyid las zhes bya ba'i sgra ni nges par gzung ba'i don te/sdug pa dang / mi sdug pa'i phyin ci log la brten pa nyid las kun du 'byung gi /ma brten par mi 'byung ngo zhes nges par gzung gi /sdug pa dang / mi sdug pa'i phyin ci log nyid la brten nas zhes bya bar ni nges par mi gzung ste/ de dag skye ba'i rkyen tshul bzhin ma yin pa yid la byed pa la sogs pa dag kyang yod pa'i phyir ro//de ltar na de'i chos mthun pa'i dpe'i tshig yin te/ bsgrub par bya ba dang / sgrub pa'i chos kyi dbang gis dpe bstan pas yan lag lhag ma dag mngon no/ /de'i phyir rjes su dpag pa ni don dam par phung po la sogs pa dag ngo bo nyid yod pa kho na yin te/rgyu la brten nas 'byung ba'i phyir dper na/ 'dod chags la sogs pa bzhin no/ /gang ngo bo nyid med pa de ni rgyu la brten nas mi 'byung ste/ dper na nam mkha'i me tog bzhin no/ /phung po la sogs pa dag ni rang rang gi rgyu la brten nas 'byung bas/ de'i phyir gtan tshigs ji skad smos pa'i mthus don dam par phung po la sogs pa dag ngo bo nyid yod pa kho na yin no//'dir bshad pa/ gang dag sdug dang mi sdug pa'i/ /phyin ci log la brten 'byung ba/ /'dod chags la sogs pa nyon mongs pa khyod kyis dpe nyid du bstan pa dag go/ /de dag ngo bo nyid las med//gang gi phyir sngar bstan pa'i tshul gyis so/ /de phyir nyon mongs yang dag med/ /yang dag par zhes bya ba ni don dam par zhes bya ba'i tha tshig go/ /de'i phyir bsgrub pa dpe ma tshang ba'i skyon yod do/ /tha snyad pa'i dpes rtog na ni bsgrub par bya ba chos ma tshang ba nyid kyi lan gdab dka' ste/ don dam par nyon mongs pa rnams ngo bo nyid med pa'i phyir ro//tha snyad pa'i ngo bo nyid yod pa nyid du sgrub na ni grub pa la sgrub pa yin no/ /yang gzhan yang / bdag gi yod nyid med nyid ni/ /don dam pa dang kun rdzob kyi tshul la ltos nas / ji lta bur yang 'grub pa med/ /yang zhes bya ba'i sgra ni nges par gzung ba'i don te/'grub pa med pa nyid do zhes bya ba'o/ /de ltar bdag /de med nyon mongs rnams kyis ni/ /yod nyid med nyid ji ltar 'grub/ /mi 'grub pa nyid do zhes bya ba'i tshig gi don te/ brtan pa ni rten yod na yod par 'gyur ba'i phyir ro zhes bya bar dgongs so/ /don de nyid gsal bar bya ba'i phyir 'di bshad de/nyon mongs de dag 'ga' las 'byung / /de'i yon tan yin pa'i phyir dang / de'i longs spyad par bya ba yin pa'i phyir ro/ /de yang 'grub pa yod ma yin/ /ji lta zhe na/ de ltar bdag brtag pa'i rab tu byed pa nyid du brtags zin to/ /de ltar na 'dis ni nyon mongs pa rnams kyi chos ni rten med pa yin par bstan to//de'i phyir rjes su dpag pa ni/ don dam par 'dod chags la sogs pa dag yod pa ma yin te/ de dag gi rten med pa'i phyir dper na/ mo gsham gyi bu'i sngo bsangs nyid bzhin no/ /rang gi sde pa dag na re/ bdag med du zin kyang sems kyi nyon mongs pa rnams so zhes 'brel pa 'grub ste/nyon mongs pa rnams ni sems de'i chos yin pa'i phyir/ bdag med par smra ba rnams la gtan tshigs kyi don ma grub pa nyid do zhes zer ro/ /gtan tshigs kyi don ma grub pa nyid ma yin te/ sems kyi skye ba bkag pa'i phyir dang rnam par shes pa'i ngo bo nyid bsal ba'i phyir dang / de rdzas su yod pa nyid bkag pas sems ma grub pa'i phyir ro//gang dag yod par smra ba dag na re 'di ltar kho bo cag ni gcig la gcig med pas/ dngos po'i mtshan nyid med par smra ba yin pas/ nyon mongs pa rnams yod pa ma yin no zhes bya ba de grub pas/ sems las byung ba rnams la/ dngos po rnams kyi ngo bo nyid med pa dang 'brel par yang grub par 'gyur ro zhes zer ro//de dag gi phyir 'di bshad de/ khyed bum pa dang / snam bu dag la de las gzhan pa'i dngos po'i mtshan nyid med par 'dod pa gang yin pa de ni dngos po dang / dngos po med par snang ba'i blo skye ba'i rgyu yin pa'i phyir dngos po 'am/ dngos po med pa zhig yin grang na/ de la gal te dngos po yin na ni dam bcas pa nyams so/ /ci ste dngos po med pa yin na ni 'o na/ des na bum pa 'di'i sngo ba nyid dang / dmar ba nyid 'di'o zhes bya ba'i 'brel pa med pa'i phyir tha snyad med par 'gyur bas de'i phyir bshad pa/ gal te gang med ci zhig yod//rten bum pa'am/ snam bu gang zhig med par brten pa sngo ba nyid dam dmar ba nyid gcig yin par 'dod/ nyon mongs 'ga' yang yod ma yin/ /mo gsham gyi bu la sogs pa'i mtshan nyid dngos po med pa la zhes bya bar dgongs so/ /de ltar ni mi 'dod pas de'i phyir yod pa ma yin pa dpe nyid du mi rung bas 'dod pa'i don grub pa med do//rang gi sde pa rnams kyi phyir yang 'di bshad par bya ste/ rang lus lta bzhin nyon mongs rnams/ /rang zhes bya ba ni bdag dang bdag gi'o/ /lus zhes bya ba ni ming dang / gzugs nye bar bsags pa'i rnams grangs so//rang gi lus la lta ba zhes bya ba ni/ rang gi lus la dmigs pa'i nyon mongs pa can gyi lta ba'o/ /rang gi lus la lta ba bzhin/ /zhes bya ba ni rang gi lus la lta ba 'dra ste/ /ji ltar sku min sku las gzhan ma yin/ /de la sku med der de med/ /de bzhin gshegs pa sku ldan min/ /de bzhin gshegs pa gang zhig yin//zhes bya ba bzhin du nyon mongs pa rnams kyang de dang 'dra'o/ /nyon mongs pa rnams zhes bya ba ni gnod pa'i don gyis nyon mongs par byed pa dag go/ /nyon mongs can la rnam lngar med/ /nyon mongs can gyi sems la ste/ /nyon mongs pa rnams ni nyon mongs pa can ma yin te/de las gzhan ma yin pa nyid bkag pa'i phyir dang / sreg pa dang / bsregs pa dag gcig pa nyid du thal bar 'gyur ba'i phyir ro/ /nyon mongs pa rnams ni nyon mongs pa can las gzhan pa yang ma yin te/ snga ma bzhin du de las gzhan nyid bkag pa'i phyir dang / nyon mongs pa rnams med par yang nyon mongs pa can nyid du thal bar 'gyur ba'i phyir ro//nyon mongs pa rnams nyon mongs pa can la med cing / nyon mongs pa can yang nyon mongs pa rnams la med la/ nyon mongs pa rnams nyon mongs pa can dang ldan pa yang ma yin te/ gzhan nyid med pa kho na'i phyir ro/ /de ltar nyon mongs pa rnams nyon mongs pa can la rnam pa lngar med do//rang lus lta bzhin nyon mongs can/ /nyon mongs pa la rnam lngar med/ /nyon mongs pa can nyon mongs pa rnams la rnam pa lnga'i med pa yang de bzhin du sbyar bar bya'o/ /de la nyon mongs pa rnams med pa'i phyir/ dpe la bsgrub par bya ba chos ma tshang ba nyid kyi skyon yod do//yang gzhan yang / gang gi tshe kho bo cag gi phyogs la/ sdug dang mi sdug phyin ci log /ngo bo nyid las yod min pa/ /de'i tshe/ sdug dang mi sdug phyin ci log /brten nas nyon mongs gang dag yin/ /'byung ba zhes bya ba'i tshig gi lhag ma'o/ /de'i phyir don dam par nyon mongs pa rnams kyi chos ni brten nas 'byung ba ma yin pas/dpe la bsgrub pa'i chos ma tshang ba nyid kyi skyon yod do/ /rang gi sde pa dag yang phyir zlog par byed de/ gzugs sgra ro dang reg pa dang / /dri dang chos dag rnam drug ni/ /rnam pa drug go/ /de dag ci zhig yin zhe na/ gzhi ste 'di la gnas pas gzhi ste/de dag las 'byung ngo zhes bya ba'i tha tshig go/ /gzugs zhes bya ba ni gzugs su rung ba'o/ /sgra zhes bya ba ni bsgrag tu rung ba'o/ /dri zhes bya ba ni bsnam du rung ba'o/ /ro zhes bya ba ni myang du rung ba'o/ /reg pa zhes bya ba ni reg byar rung ba'o/ /chos dag ces bya ba ni rang gi mtshan nyid 'dzin pa'i phyir ro/ /rnam pa drug po de dag gang gi gzhi yin zhe na/'dod chags zhe sdang dang / gti mug gir ni rnam par brtag /'dod chags ni chags par byed pa ste/ lhag par chags pa'o/ /zhe sdang ni sdang bar byed pa ste/ sems can rnams la kun nas mnar sems bskyed pa'o/ /gti mug ni rmongs par byed pa ste/ mi shes pa'o//'dis ni phyin ci log gi chos ni gzhi yod pa yin par bstan to/ /de'i phyir rjes su dpag pa ni don dam par sdug pa dang / mi sdug pa'i phyin ci log gang dag la brten nas 'byung ba'i 'dod chags la sogs pa dag ni yod pa kho na yin te/ de dag gi gzhi yod pa'i phyir ro/ /'di na gang don dam par yod pa ma yin pa de la ni gzhi med de/dper na long ba'i mig gi rnam par shes pa bzhin no/ /'dod chags la sogs pa dag la ni gzhi phyin ci log dag tu rnam par brtag pa gang dag yin pa dag yod pas/ de'i phyir gtan tshigs ji skad smos pa'i mthus phyin ci log dag yod pas de dag la brten nas/nyon mongs pa rnams 'byung ba 'grub pas dpe'i skyon med do/ /'dir bshad pa/ gzugs sgra ro dang reg pa dang / /dri dang chos dag 'ba' zhig pa/ /'ba' zhig ces bya ba ni ngo bo nyid med pa ste/ ngo bo nyid kyi dri tsam gyis kyang ma bsgos pa dag yin no/ /tha snyad kyi bden pa la skur pa 'debs pa yang ma yin te/'di ltar de dag ni dri za'i grong khyer lta bu dang / smig rgyu rmi lam 'dra ba yin/ /dri za'i grong khyer lta bu zhes bya ba ni yul dang dus nges pa dang / rgyud nges pa med par dmigs par bya ba nyid dang chos mthun pa'i phyir ro/ /smig rgyu 'dra ba zhes bya ba ni ngo bo nyid stong pa nyid yin yang de la mngon par zhen pas yongs su tshol ba'i phyir rkyen gyi dngos por nye bar 'gro ba dang /chos mthun pa'i phyir ro/ /rmi lam 'dra ba zhes bya ba ni ngo bo nyid med pa nyid yin yang re zhig par 'dod pas rgyu dang / 'bras bu sgrub pa'i dngos por nye bar 'gro ba dang chos mthun pa'i phyir ro/ /gang gi phyir rnam pa de lta bu'i gzugs la sogs pa sgyu ma'i skyes bu lta bu dang /log par snang ba dang / chos mthun pa'i phyir ro/ /gzugs brnyan 'dra ba de dag la/ byed pa po'i bya ba la mi ltos par skye ba nyid dang / chos mthun pa'i phyir ro/ /de'i phyir/ sdug pa dang ni mi sdug pa/ /'byung bar yang ni ga la 'gyur/ / zhes bya ba smras te/ 'byung bar mi 'gyur ba nyid de/ don dam pa pa'i ngo bo nyid stong pa'i phyir ro zhes bya bar dgongs so/ /de'i phyir don dam par gzhi mi grub pa'i phyir gtan tshigs kyi don ma grub pa de nyid dang / don 'gal ba nyid yod do/ /gzhan yang / gang la brten nas mi sdug pa/ /mi sdug pa zhes bya bar 'gyur ba'o// mi sdug pa ni gdags bya ba/ /mi sdug pa gang 'di ni mi sdug pa'o zhes mi sdug pa'i ngo bo nyid du'o bu cag gis gdags par bya'o/ /sdug pa ma ltos yod min pas/ /sdug pa de mi sdug pa la ma ltos par sdug pa'i bdag nyid du yod pa ma yin pas zhes bya ba'i tha tshig go/ / de'i phyir sdug pa 'thad ma yin/ /mi sdug pa med pa'i phyir sdug pa yang de la ma ltos par sdug pa nyid du mi 'gyur ba nyid kyi phyir ro zhes bya bar dgongs so/ /de bzhin du/ gang la brten nas sdug pa ni/ /sdug pa zhes bya bar rab tu 'grub pa'o/ /sdug pa zhes ni gdags bya ba/ /sdug pa gang 'di ni sdug pa'o zhes sdug pa'i ngo bo nyid du 'o bu cag gis gdags par bya'o//mi sdug ma ltos yod min pas/ /mi sdug pa de sdug pa la ma ltos par mi sdug pa'i bdag nyid du grub pa med pas so/ /de phyir mi sdug 'thad ma yin/ /gang gi phyir de ltar sdug pa yod pa ma yin pa de'i phyir mi sdug pa yang sdug pa de la ma ltos par mi sdug pa nyid du mi 'gyur ba nyid kyi phyir ro zhes bya bar dgongs so//de'i phyir de ltar/ sdug pa yod pa ma yin na/ /'dod chags 'byung bar ga la 'gyur/ /mi sdug yod pa ma yin na/ /zhe sdang 'byung bar ga la 'gyur/ /de dag med pa'i phyir gti mug kyang med de/ de dag med pa kho nas de yang yod pa ma yin par grub bo//de dag brjod na skyon yod pa ma yin par grub na / de dag brjod na skyon med pa ma yin pas de'i phyir gtan tshigs ji skad bstan pa ldog pa med do// //dbu ma'i rtsa ba'i 'grel pa shes rab sgron ma bam po bcu bdun pa/ 'dir smras pa/ don dam par sdug pa dang / mi sdug pa'i phyin ci log dag ni yod pa kho na yin te/ bcom ldan 'das kyis mdo sde las gsungs pa'i phyir ro/ /bcom ldan 'das kyis gang mdo sde las gsungs pa de ni yod de dper na bdag med pa nyid bzhin no/ /mdo sde las/ mi rtag pa la rtag pa dang /bdag med pa la bdag dang / sdug bsngal ba la bde ba dang / mi sdug pa la sdug par 'dzin pa ni phyin ci log go zhes gsungs pa de dag yod pas/ de'i phyir don dam par sdug pa dang / mi sdug pa'i phyin ci log dag yod pa kho na yin no/ /'dir bshad pa/ gal te 'ga' zhig log par sgrub pa yod na tha snyad pa'i sdug pa dang /mi sdug pa'i phyin ci log dag bsgrub pa la ni grub pa 'di rung ngo / /don dam par ni mi rung ngo / /sangs rgyas rnams kyis bdag dang ni/ /bdag med gang yang med par gsungs/ /zhes bya ba der lan btab zin pas/ bdag med pa nyid ma grub pa'i phyir dpe med do//gtan tshigs kyang med de/ don dam par mdo sde las/ phyin ci log dag yod par gsungs par khas ma blangs pa'i phyir ro/ /'dir phyin ci log ni rnam pa gnyis te/ 'khor ba dang / mya ngan las 'das pa dang / rjes su mthun pa'o/ /de la 'khor ba dang /rjes su mthun pa ni 'di lta ste/ mi rtag pa la rtag pa zhes bya ba la sogs pa'o/ /mya ngan las 'das pa dang / rjes su mthun pa ni 'di lta ste/ mi rtag pa la mi rtag pa zhes bya ba la sogs pa'o/ /de gnyi ga yang phyin ci log ste/ rnam par mi rtog pa'i ye shes thob pas spang bar bya ba yin te/de'i mi mthun pa'i phyogs yin pa'i phyir ro/ /gal te mi rtag pa la sogs pa la/ mi rtag pa la sogs par lta ba ni phyin ci ma log pa'i phyir phyin ci log nyid yin par mi rigs so zhe na phyin ci log ces bya ba de'i don gang yin/ gal te mi rtag pa la rtag go zhes log par lta ba'i don to zhe na/ de'i phyir bshad pa/gal te mi rtag rtag pa zhes/ /mi rtag pa rtag pa nyid kyis stong pa la rtag pa zhes so/ /de ltar 'dzin pa log yin na/ /de ltar shes pa phyin ci log gi don la dmigs pa'i phyir phyin ci log yin na'o/ /de lta na/ stod la rtag pa yod min pas/ /'dzin pa ji ltar log ma yin//stong pa la rtag pa nyid kyang ngo bo nyid kyis stong pa'i phyir ro/ /stong pa la rtag par 'dzin pa ji ltar phyin ci log ma yin te/ de ni phyin ci log ma yin no zhes bya ba'i tshig gi don te/ dper na gal te khams gsum pa las/ 'dod chags dang bral na/ ji ltar grol ba ma yin te grol ba nyid yin no zhes bya ba bzhin no//ji ltar don dam par stong pa la rtag pa nyid kyang / ngo bo nyid kyis stong par 'dod ce na/ sngar bstan pa'i tshul gyis ma skyes pa'i phyir dper na/ mya ngan las 'das pa bzhin no/ /yang na/ gal te mi rtag mi rtag ces/ /mi rtag pa mi rtag pa nyid kyis stong pa la mi rtag pa zhes so//de ltar 'dzin pa log min na/ /de ltar shes pa phyin ci log gi don la dmigs pa ma yin pa'i phyir phyin ci log ma yin na'o/ /de lta na/ stong pa mi rtag yod min pas/ /'dzin pa ji ltar log ma yin/ /stong pa la mi rtag pa nyid kyang ngo bo nyid kyis stong pa'i phyir stong pa la mi rtag par 'dzin pa yang ji ltar phyin ci log ma yin te/de yang phyin ci log nyid yin no zhes bya ba'i tshig gi don te/ de'i chos ni rnam par rtog pa nyid yin pa'i phyir dper na/ rtag par 'dzin pa bzhin no zhes bya ba'i tha tshig go/ /de ltar na 'dir glags yod pa'i tshig yin pa'i phyir pha rol po'i dam bcas pa'i don las bzlog pa'i tshig gi don mngon te/dper na/ gal te bum pa byas pa mi rtag na/ sgra byas pa yang ci'i phyir mi rtag par mi 'gyur zhes bya ba bzhin no/ /'dir sbyor ba'i tshig ni don dam par gzugs mi rtag go zhes bya bar shes pa de ni phyin ci log yin te/ rnam par rtog pa nyid yin pa'i phyir /dper na/ gzugs rtag go zhes bya bar shes pa bzhin no/ /gal te 'du byed rnams stong ngo zhes bya bar shes pa rnam par rtog pa dang bcas pa dag gis ma nges pa nyid do zhe na/ de yang phyin ci log yin pa'i phyir skyon med do/ /gal te de lta na stong pa nyid kyi ye shes kyang thar pa thob par byed pa ma yin te/phyin ci log yin pa'i phyir dper na/ nang gi skye mched rnams kyi yul la bde ba la sogs par shes pa bzhin no zhe na/ 'dir dam bcas pa de'i don gang yin/ gal te mig stong par shes pa thar pa thob par byed pa ma yin no zhe na ni grub pa la sgrub pa yin te/ thar pa ni rnam par mi rtog pa'i ye shes kyis 'thob pa yin pa'i phyir ro/ /ci ste rnam par mi rtog pa'o zhe na ni/ de phyin ci log gi shes pa nyid yin par ma grub pa'i phyir gtan tshigs kyi don ma grub pa nyid do/ /gal te stong pa nyid kyi ye shes rnam par mi rtog pa yang thar pa thob par byed pa ma yin te/ rnam par mi rtog pa'i phyir dper na byis pa'i mig gi rnam par shes pa bzhin no zhe na/rang la gtan tshigs kyi don ma nges pa nyid de/ 'gog pa shes pa bsgom pa las byung ba dag gis ma nges pa nyid yin pa'i phyir ro/ /rang la gtan tshigs kyi don ma grub pa nyid kyang yin te/ stong pa nyid kyi ye shes kyang ngo bo nyid rnam par rtog pas rnam par rtog pa yin pa'i phyir ro//rjes su dpag pas kyang mi gnod de/ rang la dpe med pa nyid kyi phyir ro/ /gzhan yang thar pa thob par byed pa ma yin te zhes bya ba de'i don gang yin/ gal te thar pa mi byed pa'o zhe na ni grub pa la sgrub pa yin no / /thar pa ni byas pa ma yin pa'i phyir ro//gal te don ji lta ba bzhin du shes pa ma yin no zhe na ni/ rang la ma nges pa nyid de/ mngon sum gyi blo dag gis ma nges pa'i phyir ro/ /'dis ni rnam par mi rtog pa'i ye shes kyang phyin ci log gi shes pa yin te/ rnam par mi rtog pa'i phyir mig gi rnam par shes pa bzhin no zhes zer ba dag la yang lan btab par rig par bya'o//ji ste mngon sum gyi shes pa rnam par rtog pa dang bcas par smra ba dag 'di skad ces mngon sum gyi shes pa ni rnam par rtog pa dang bcas pa yin te/ shes pa yin pa'i phyir dang / tshad ma yin pa'i phyir dper na rjes su dpag pa'i shes pa bzhin no zhe na/ de dag la yang /'di skad ces lhas byin gyi mngon sum gyi blo ni rnam par rtog pa med pa yin te/ mngon sum gyi gzugs kyi yul can yin pa'i phyir dang / mig la brten pa'i phyir dper na byis pa'i mig gi rnam par shes pa bzhin no zhes brjod par bya'o/ /de'i phyir tha snyad du ni shes pa de dag gis ma nges pa nyid yin la/don dam par ni dpe med de/ rjes su dpag pa la sogs pa'i shes pa dag kyang rab tu dben pa dang / ro gcig pas mtshan nyid gcig pa'i phyir ro/ /zhar la bshad pas chog pa dag gis skabs nyid kyi dbang du bya'o/ /ji ltar mi rtag pa dang / rtag par 'dzin pa phyin ci log yin pa de bzhin du/bdag dang bde ba dang / sdug pa dang / bdag med pa dang / sdug bsngal ba dang / mi sdug par 'dzin pa dag kyang phyin ci log yin par brjod par bya'o/ /gzhan dag gis dam bcas pa'i don sgro btags nas smras pa/ 'dzin pa ni yod pa kho na yin te/ de 'dzin par byed pa dang / 'dzin pa po dang gzung ba dag yod pa'i phyir ro/ /'di na gang yod pa min pa de la ni gsum po de dag med de/ dper na ri bong gi rwa bzhin no/ /phyin ci log tu 'dzin pa la ni shes pa gang gis 'dzin par byed pa dang / 'dzin pa po phung po'i bdag nyid dang / gzung ba la sogs pa dag yod pas de'i phyir gtan tshigs ji skad smos pa'i mthus/phyin ci log tu 'dzin pa ni yod pa kho na yin no/ /'dir bshad pa/ gang gis 'dzin dang 'dzin gang dang / /'dzin pa po dang gang gzung ba/ /thams cad nye bar zhi ba ste/ /de phyir 'dzin pa yod ma yin/ /gang gis 'dzin par byed pa ni dngos po'i rang dang spyi'i mtshan nyid la dmigs pa'i shes pas so//'dzin pa gang yin pa ni sgro 'dogs pa dang / skur pa 'debs pa'i bdag nyid do/ /'dzin pa po ni ming dang gzugs kyi bdag nyid dam/ de las gzhan pa'o/ /gang gzung ba ni gzugs la sogs pa'o/ /de dag ni skabs ji lta ba bzhin du ngo bo nyid stong par bstan zin pas/des na 'dzin par byed pa la sogs pa thams cad nye bar zhi ba ste/ de phyir 'dzin pa yod ma yin/ /'dzin pa bzhin du de dag yod pa nyid du ston pa'i gtan tshigs dang / /dpe ma grub pa'i phyir ro zhes bya bar dgongs so/ /de'i phyir de ltar/ log pa'am yang dag nyid du ni/ /'dzin pa yod pa ma yin na//rtag pa dang mi rtag pa la sogs par ro/ /'o na don dam par / gang la phyin ci log yod cing / /gang la phyin ci ma log yod/ /rnam par mi rtog pa'i shes rab kyi spyod pa la gnas pa la/ rtag pa dang / mi rtag pa la sogs par shes pa kun du mi 'byung ba'i phyir ro zhes bya bar dgongs so//yang na gang dag 'di skad ces phyin ci log rnams ni yod pa kho na yin te/ de dang ldan pa yod pa'i phyir ro/ /dper na gdugs dang ldan pa yod na/ gdugs yod pa de bzhin du phyin ci log dang ldan pa'i byis pa 'di dag yod pas/ de'i phyir phyin ci log rnams ni yod pa kho na yin no zhes zer na/de dag gi phyir 'di bshad de/ log pa'am yang dag nyid du ni/ /'dzin pa yod pa ma yin na/ /rnam pa gnyi ga yang sngar bstan pa'i sgrub pas skye ba la sogs par ma grub pa'i phyir ro/ /de bzhin du/ gang na phyin ci log dang ni/ /gang la phyin ci ma log yod/ /phyin ci log gang la ltos nas 'di ni phyin ci log dang ldan pa'o//'di ni phyin ci ma log pa dang ldan pa'o zhes bya ba de dag kyang phyin ci log bzhin du yod pa ma yin te/ gang la phyin ci log yod pa dang / gang la phyin ci ma log pa yod pa ma yin pa nyid do zhes bya ba'i tshig gi don to/ /de'i phyir don dam par gtan tshigs kyi don ma grub pa nyid dang /dpe yang med la/ kun rdzob tu don 'gal ba nyid kyang yin no/ /yang gzhan yang / 'di la phyin ci log dang ldan pa 'di ni phyin ci log dang bcas par 'dod na/ de yang phyin ci log tu gyur pa 'am/ phyin ci log tu ma gyur pa'am/ phyin ci log tu 'gyur ba bzhin pa zhig yin grang na/de la/ phyin ci log tu gyur pa la/ /phyin ci log dag mi srid do/ /de dag dang ldan pa la de dag dang ldan par 'gyur ba don med pa nyid du 'gyur ba'i phyir ro/ /phyin ci log tu ma gyur la/ phyin ci log dag mi srid do/ /de dag dang bral ba'i phyir dper na 'phags pa bzhin no/ / phyin ci log tu 'gyur bzhin la/ /phyin ci log dag mi srid do/ /skyon gnyi gar 'gyur ba'i phyir ro/ /phyin ci log tu gyur pa dang / phyin ci log tu ma gyur pa dang / phyin ci log tu 'gyur ba bzhin pa ma gtogs pa'i phyin ci log dang ldan pa mi 'thad pas/ de'i phyir bshad pa/ khyod nyid phyogs su lhung ba'i blo med par gyis la/gang la phyin ci log srid pa/ /bdag nyid kyis ni rnam par dpyod/ /phyin ci log dang ldan pa yod pa ma yin pa nyid do zhes bya ba'i tshig gi don to/ /de'i phyir gtan tshigs dang / dpe'i skyon snga ma bzhin no/ /gzhan yang / gang gi tshe don dam par ji skad bstan pa'i tshul gyi dbang gis dngos po thams cad skye ba med par bstan pa'i tshe/phyin ci log rnams ma skyes na/ /ji lta bur na yod par 'gyur/ /yod par mi 'grub pa nyid de/ ma skyes pa'i phyir ro zhes bya ba'i tshig gi don to/ phyin ci log rnams skye med na/ /phyin ci log can ga la yod//phyin ci log can zhes bya ba ni phyin ci log dang ldan pa zhes bya ba'i tha tshig go/ /de'i phyir gtan tshigs la sogs pa'i skyon de nyid yod do/ /yang gzhan yang / don dam par/ gal te bdag dang sdug pa dang / /rtag dang bde ba yod na ni/ /bdag shes sdug shes rtag shes dang / / de shes phyin ci log ma yin/ /shes bya phyin ci log ma yin pa'i phyir ro zhes bya bar dgongs so/ /'dir bdag shes bya ba la sogs pa'i sgra ni/ /bdag la sogs pa de dag la gnas pa nyid kyi phyir/ bdag la sogs pa shes pa yin par bstan to/ /de bzhin du don dam par/ gal te bdag dang sdug pa dang //rtag dang bde ba med na ni/ /bdag med mi sdug mi rtag dang / /sdug bsngal yod pa ma yin no/ /bdag med pa la sogs pa'i ngo bo nyid ni bdag la sogs pa brtsal bas sam/ de dag la ltos pas bdag med pa nyid la sogs par 'grub pa'i phyir ro zhes bya bar dgongs so//bdag med pa la sogs pa ma grub pa'i phyir/ gang dag la bdag la sogs par lta ba phyin ci log tu gyur te/ 'di ltar mi med na sdong dum la mir mthong ba'i phyin ci log kyang med do/ phyin ci log nyid ma grub pa'i phyir gtan tshigs la sogs pa med pa'i skyon de nyid bzlog dka'o//'o na rnal 'byor pa de la de ltar rtag pa dang / mi rtag pa la sogs pa'i phyin ci log dang / phyin ci log ma yin pa dag grub pa'i phyir de dag tu rnam par rtog pa log par gyur pa na/ yon tan ci zhig 'byung bar 'gyur zhe na/ ji skad bstan pa'i tshul gyis 'bras bu bstan par bzhed pas/de ltar/ phyin ci log 'gags pas/ ma rig pa ni 'gag par 'gyur/ /phyin ci log dag gi rgyu yang ma rig pa yin pa'i phyir phyin ci log 'gags pas/ bdag la sogs par lta ba'i rgyu ma rig pa 'gag par 'gyur ro/ /ma rig 'gags par gyur na ni/ /'du byed la sogs 'gag par 'gyur//'du byed la sogs pa zhes bya bar tshig sbyar te/ 'du byed dang / rnam par shes pa dang / ming dang / gzugs dang / skye mched drug dang / reg pa dang / tshor ba dang / sred pa dang / len pa dang / srid pa dang / skye ba dang / rga shi la sogs pa dag go//de'i phyir de ltar ngo bo nyid med pa nyid rtogs pa las nyon mongs pa nye bar zhi ba 'grub bo/ /ngo bo nyid yod par smra ba'i phyogs 'di la nyon mongs pa de dag yod par gyur pa'am / med par gyur pa zhig yin grang na/ des cir 'gyur zhe na/ gal te la la'i nyon mongs pa/ /gang dag ngo bo nyid yod na//yod par gyur pa'i zhes ma smos kyang / skabs las shes par bya'o/ /ji lta bur na spong bar 'gyur/ /ji ltar spong bar mi 'gyur zhe na/ yod pa su zhig spong bar byed/ /yod par gyur pa ngo bo nyid mi 'gyur ba'i phyir ro zhes bya bar dgongs so/ /ji ste med par gyur pa ni ri bong gi rwa lta bu'am/gcig la gcig med pa'i mtshan nyid lta bu yin na de lta na yang / gal te la la'i nyon mongs pa/ /gang dag ngo bo nyid med na/ /'dir yang med par gyur pa zhes ma smos kyang / skabs las shes par bya'o/ /ji lta bur na spong bar 'gyur/ /ji ltar spong bar mi 'gyur zhe na/ med pa su zhig spong bar byed/ /med par gyur pa'i med pa nyid ni spang du med pa'i phyir te/ 'di ltar nam mkha'i me tog med pa'i ngo bo nyid spong bar mi byed la/ rta ngo bo nyid med pas kyang / rta med pa'i ngo bo nyid spong bar mi byed do/ /ji ste yang 'di snyam du nyon mongs pa yod par gyur pa rnams nyid gnyen po skyes pas/spong bar 'grub pa'i phyir skyon med do snyam na/ yod par gyur pas gang gi gnyen po skyes pas/ ji ltar spong ba'i don de bstan dka'o/ /de la 'dir nyon mongs pa rnams yod par gyur pa dang / med par gyur par rtog pa la de dag spong ba mi 'thad pas/ glags yod pas nyon mongs pa rnams kyi chos ni spang ba yin par bstan to//de'i phyir rjes su dpag pa ni don dam par nyon mongs pa rnams ngo bo nyid med de/ spang ba yin pa'i phyir dper na/ sgyu ma mkhan gyis sprul pa'i bud med dang / skyes pa dang / gzugs su byas pa'i na chung bzhin te/ skyon rtog pa la de dag spong ba yod do//de la 'dir rab tu byed pa'i don ni/ pha rol pos smras pa'i bsgrub pa'i skyon brjod pa dang / rang gi sgrub pa kha na ma tho ba med pa bstan pas/ phyin ci log ngo bo nyid med pa nyid du bstan pa yin no/ /de'i phyir/ ji ltar ngag 'di gzugs can yin / /kun nas dmigs su med pa ltar//de ltar nyon mongs gzugs can min/ /gtan du dmigs su yod ma yin/ /ji ltar ngag 'di yod pa min/ /nang dang phyi na mi gnas ltar/ /de ltar nyon mongs yod min pa/ /nang dang phyi na gnas pa min/ /zhes bya ba la sogs pa dang / de bzhin du sha ra dwa ti'i bu kun nas nyon mongs pa'i yongs su shes pa gang yin pa de ni yang dag pa ji lta ba bzhin no//de la ni kun nas nyon mongs pa 'ga' yang med de/ sems can phyin ci log tu gyur pa rnams ni kun nas nyon mongs par 'gyur ro/ /phyin ci log gang yin pa de ni yod pa ma yin te/ gang yod pa ma yin pa de la yod pa'i yongs su 'grub pa'am/mtshan nyid med de/ sha ra dwa ti'i bu de ltar yongs su shes pa gang yin pa de ni/ rnam par byang ba zhes bya'o zhes bya ba la sogs pa dang / de bzhin du de bzhin gshegs pas nyon mongs pa rnams yod pa ma yin par mngon par rdzogs par sangs rgyas shing bstan te/gzugs su mi snang yang kun du mkhyen la/ gnyis su ma mdzad kyang / mngon sum du mdzad cing thob pa yang med do zhes bya ba la sogs pa gsungs pa de dag grub pa yin no/ /slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/phyin ci log brtag pa zhes bya ba ste/ rab tu byed pa nyi shu gsum pa'o// //da ni de bzhin du stong pa nyid kyi mi mthun pa'i phyogs kyi khyad par dgag pas/ 'phags pa'i bden pa rnams ngo bo nyid med pa nyid du bstan pa'i don gyi dbang gis/ rab tu byed pa nyi shu bzhi pa brtsam mo//'dir smras pa/ khyod kyis bstan pa'i tshul gyis / gal te 'di dag kun stong na/ /'byung ba med cing 'jig pa med/ /stong pa'i phyir dper na nam mkha'i me tog bzhin no zhes bya bar bsams so/ /de'i phyir skyon 'di lta bur 'gyur te/ 'byung ba dang / 'jig pa med pa'i phyir ma skyes pa ni sdug bsngal ma yin pas/sdug bsngal gyi bden pa med pa dang / de med pa'i phyir/ gang las de kun 'byung ba yin pa de yang med pas/ kun 'byung gi bden pa med pa dang / kun 'byung med na de 'gog pa med pa'i phyir/ 'gog pa'i bden pa med pa dang / 'gog pa'i bden pa med na 'gog par 'gro ba'i lam yang dag pa'i lta ba sngon du btang ba yang med pa'i phyir/lam gyi bden pa yang med pas/ 'phags pa'i bden pa bzhi po rnams/ khyod la med par thal bar 'gyur/ /des na rnal 'byor pa med pa dang / 'chi bas 'jigs pa rnams kyis 'phags pa'i bden pa bzhi po yongs su shes pa dang /spang ba dang mngon sum du bya ba dang / bsgom pa'i yul la sdug bsngal yongs su shes par bya ba dang / kun 'byung spang bar bya ba dang / 'gog pa mngon sum du bya ba dang / lam bsgom par bya ba'i mngon par brtson pa gang yin pa de mi 'thob pas/ de'i phyir smras pa/ 'phags pa'i bden pa bzhi med pas/ yongs su shes dang spang ba dang / /bsgom dang mngon du bya ba dag /'thad par 'gyur ba ma yin no/ /'phags pa'i bden pa zhes bya ba ni/ 'phags pa rnams kyi bden pa'am/ 'phags par byed pa'i bden pa'am/ 'phags pa yang yin la/ bden pa yang yin pas 'phags pa'i bden pa'o/ /bden pa zhes bya ba ni/ yang dag pa dang / ma nor ba zhes bya ba dag gi rnam grangs so/ /'dir bsgom pa dang / mngon sum du bya ba gnyis bsnor ba ni/ tshigs su bcad pa sdeb pa'i dbang gis so/ /yang gzhan yang khyod la/de dag yod pa ma yin pas/ /'phags pa'i bden pa bzhi po de dag yod pa ma yin pas so/ /'bras bu bzhi yang yod ma yin/ /rgyun du zhugs pa dang / lan cig phyir 'ong ba dang / phyir mi 'ong ba dang / dgra bcom pa zhes bya ba dag ste/ 'jig tshogs la lta ba dang /the tshom dang / tshul khrims dang / brtul zhugs mchog tu 'dzin pa la sogs pa'i skyon gyi bud shing dag /'phags pa'i bden pa mthong ba'i mes sreg par byed pa yin pa'i phyir ro zhes bya bar bsams so/ /de ltar/ 'bras bu med na 'bras gnas med/ /rgyun du zhugs pa dang /lan cig phyir 'ong ba dang / phyir mi 'ong ba dang / dgra bcom pa'i 'bras bu la gnas pa de dag go/ /zhugs pa dag kyang yod ma yin/ /zhugs pa dag ni rgyun du zhugs pa la sogs pa'i lam la gnas pa dag go/ /de ltar na/ bcom ldan 'das kyi nyan thos kyi tshogs 'gro ba'i bsod nams kyi zhing bdud la sogs pas mi phyed cing /gzhan gyi dring mi 'jogs pas/ bsdus pa'i phyir ram/ tshul khrims dang / ting nge 'dzin dang / shes rab dang / rnam par grol ba dang / rnam par grol ba'i ye shes mthong ba dag gis bsdus pa'i phyir/ 'jig rten na mtshan dge 'dun zhes bya bar rnam par grags pa yang med par 'gyur bas/gal te skyes bu gang zag brgyad/ /de dag med na dge 'dun med/ /gang dag lam dang 'bras bu'i dbye bas rnam par bshad pa dag go/ /gzhan yang / 'phags pa'i bden rnams med pa'i phyir/ /dam pa'i chos kyang yod ma yin//thabs las byung ba med na thabs kyang mi srid pa'i phyir ro zhes bya bar bsams so/ /chos dang dge 'dun yod min na/ /nyon mongs pa'i bud shing bsregs pa la 'jebs pa dang / de rtogs par byed pa'o/ /sangs rgyas ji ltar yod par 'gyur/ /yod par mi 'gyur ba nyid do zhes bya ba'i tshig gi don to//'di la sangs rgyas zhes bya ba ni/ bden pa rnams rtogs par gyur pa'am/ rtogs par mdzad pa de / mdo sde las ji skad du/ yongs su shes bya yongs shes shing / /spang bar bya ba spangs par gyur/ /bsgom par bya ba bsgoms zin pas/ /bzod ldan de phyir nga sangs rgyas//zhes gsungs pa lta bu'o/ /yang na/ chos thams cad dngos po med pa mnyam pa nyid du thugs su chud pas sangs rgyas te/ ji skad du/ gang gis chos rnams yod min pa/ /yod min ma lus rtogs gyur cing / /yod min chos rnams sangs rgyas pa/ /de ni sangs rgyas zhes bya'o//zhes gsungs pa lta bu'o/ /yang na sangs rgyas par gyur cing / gdul ba rnams sangs rgyas par mdzad pas sangs rgyas so/ /sangs rgyas de yang rtogs pa dang / rtogs par bya ba dang / rtogs par byed du gzhug pa rnams med pa'i phyir mi rigs pas sangs rgyas kyang med par 'gyur ro/ /de ltar/ de skad smra na dkon pa'i mchog /gsum la gnod pa byed pa yin/ /de skad smra na zhes bya ba ci zhig ce na/ stong pa nyid do/ /dkon mchog ces bya ba ni/ dkon pa dang / rin che ba dang / dga' bar byed pa dang / phan 'dogs pa dang / mi ma yin pa la sogs pa gnod pa byed pa'i gnyen po'i don gyis so//gzhan yang 'bras bu yod pa dang / chos ma yin pa dang / chos nyid dang / 'jig rten pa'i tha snyad ni/ kun la 'ang gnod pa byed pa yin/ /de ltar ni mi 'dod de/ ji skad smras pa'i skyon du thal bar 'gyur ba rnam par zlog pa ni stong pa nyid ma yin zhing / 'byung ba dang / 'jig pa dag kyang yod pa yin na/ngo bo nyid yod pa nyid dang / 'byung ba dang 'jig pa'i chos can nyid yin pas/ bsgrub par bya ba dang / sgrub pa'i chos mngon no zhes bya ba'i tshig gi don te/ glags yod pa'i tshig yin pa'i phyir ro/ /dper na gal te sgra rtag pa yin na ma byas par 'gyur te/ ma byas pa ni rtag par dmigs par 'gyur la/dmigs na byas par mi 'gyur ro zhes bya bas/ ji skad smras pa'i skyon du thal bar 'gyur ba rnam par bzlog pa ni/ mi rtag pa la byas pa yod pas sgra ni mi rtag ste byas pa'i phyir ro zhes bya bas bsgrub par bya ba dang / sgrub pa'i chos mngon no zhes bya ba'i tshig gi don yin pa bzhin no//'dir sbyor ba'i tshig ni don dam par dngos po rnams ngo bo nyid yod pa kho na yin te/ 'byung ba dang / 'jig pa'i chos can nyid yin pa'i phyir ro/ /gang dag ngo bo nyid med pa de dag la ni 'byung ba dang 'jig pa ma mthong ste/ dper na nam mkha'i me tog dag bzhin no//dngos po rnams ni ma byung ba las 'byung ba dang / byung nas 'jig pa yod pas/ de'i phyir gtan tshigs ji skad smos pa'i mthus don dam par dngos po rnams ngo bo nyid yod pa kho na yin no/ /de la bshad pa khyod kyis ni/ /stong nyid dgos dang stong nyid dang / /stong nyid don ni ma rtogs pas//de phyir de ltar gnod pa byed/ /'dir stong pa nyid kyi dgos pa ni spros pa thams cad nye bar zhi ba'i mtshan nyid do/ /stong pa nyid ni 'dzin pa thams cad dang bral ba'i mtshan nyid stong pa nyid la dmigs pa'i ye shes so/ /stong pa nyid kyi don ni de bzhin nyid kyi mtshan nyid do/ /khyod kyis de dag ma rtogs pas/de'i phyir 'di lta ste/ gal te 'di dag kun stong na/ /'byung ba med cing 'jig pa med/ /ces bya ba la sogs pa smra zhing / dper na nam mkha' la khu tshur gzas te/ rnam pa du mas 'tshogs par byed pa de ltar gnod pa byed do/ /theg pa chen po 'di la ni//sangs rgyas rnams kyis chos bstan pa/ /bden pa gnyis la yang dag bsten/ /de dag kyang gang dang gang zhe na/ 'jig rten kun rdzob bden pa dang / /dam pa'i don gyi bden pa'o/ /de la 'jig rten pa'i kun rdzob ni 'jig rten gyi tha snyad de/ 'di lta ste/ gzugs la sogs pa dngos po rnams skye'o//gnas so/ /'gag go zhes bya ba dang / lhas byin 'gro'o/ /khyab 'jug bshes gnyen za'o/ /zla bas byin bsgom mo/ /tshangs pas grol lo zhes bya ba dag 'jig rten gyi tha snyad kyi phyir phyin ci ma log pas/ de ni 'jig rten pa'i kun rdzob kyi bden pa yin no/ /don dam par ni de don kyang yin la/dam pa yang yin pas don dam pa'am/ rnam par mi rtog pa'i ye shes dam pa'i don yin pas/ don dam pa ste/ de kho na gzhan las shes pa ma yin pa la sogs pa'i mtshan nyid do/ /don dam pa nyid bden pa yin pas/ don dam pa'i bden pa ste/ de dus thams cad dang rnam pa thams cad du de bzhin du gnas pa'i phyir ro//rnam par mi rtog pa'i ye shes de'i yul can yang yul med pa'i tshul gyis don dam pa ste/ de la don dam pa yod pa'i phyir ro/ /de 'gog pa dang rjes su mthun pa skye ba med pa la sogs pa bstan pa dang / thos pa dang /bsams pa dang / bsgoms pa las byung ba'i shes rab kyang don dam pa ste/ don dam pa rtogs pa'i thabs kyi phyir phyin ci ma log pa'i phyir ro/ /gang dag bden pa de gnyis kyi/ /rnam dbye rnam par mi shes pa/ /de dag sangs rgyas bstan pa ni/ /zab mo de nyid rnams mi shes/ /gang dag tshul bzhin ma yin pa yid la byed pa'i ling tog chen pos/blo gros kyi mig g.yogs pa tha snyad dang don dam pa'i bden pa gnyis kyi rnam par dbye ba/ yul gyi sbyor ba'i mtshan nyid ma 'dres pa/ rnam par mi shes pa de dag gis ni sangs rgyas kyi bstan pa zab mo'i de nyid rnam par mi shes so//sangs rgyas kyi sgra'i don ni snga ma bzhin no/ /bstan pa zhes bya ba ni lha dang mi bdud rtsi'i go 'phang thob par 'dod pa rnams yongs su shes par bya ba dang / spang bar bya ba dang / mngon sum du bya ba dang / bsgom par bya ba dag la phyin ci ma log par sten pa ste/ bcom ldan 'das kyi gsung rab ces bya ba yin no//zab mo zhes bya ba ni/ dngos po dang dngos po med pa la sogs par mngon par zhen pa'i blo gros can rnams kyis gting rtogs par dka' ba'i don gyis so/ /gang dag bde bar gshegs pa'i tshul mchog tu zab pa de / legs par ma rtogs pa na/dngos po rnams ma skyes pa dang ma 'gags pa / rnal 'byor pa rnam par mi rtog pa'i shes rab kyi spyod pa dang / chos kyi de kho na phyin ci ma log pa'i yul la 'jug pa'i yul nyid du/ yul med pa'i tshul gyis nye bar 'gyur bar bstan pa na/ tha snyad pa'i skye ba la sogs pa dang ldan pa yang med do zhes skur pa btab nas/gal te 'di dag kun stong na/ /'byung ba med cing 'jig pa med/ /ces bya ba la sogs par rnam par rtog pa dang / kun rdzob tu tshul khrims yang dag par blang ba dang / ting nge 'dzin bsgom pa dang / rjes su mthun par dngos po rnams skye'o/ /gnas so//'gag go zhes bstan pa na/ don dam par yang rnam pa de lta bu yin no zhes bya bar rnam par rtog pa de dag ni/ srid pa'i dgon pa las shin tu mi 'da'o/ /gal te don dam pa'i bden pa bstan pa nyid kyis thar pa 'grub pa'i phyir/ bden pa gnyis bstan pa ci dgos she na/ 'di ltar tha snyad la ni ma bsten par//dam pa'i don ni bstan mi nus/ /de ni ngag gi lam thams cad las yang dag par 'das pa'i phyir ro/ /gzhan gyis yongs su brtags pa'i rnam par rtog pa ma lus par/ bsal ba med par yang don dam par rnam par rtog pa dang / legs par bral ba gzhan las shes pa ma yin par rtogs par mi 'gyur bas/de'i phyir don dam par yang bstan te/ dam pa'i don la ma brtan par/ /mya ngan 'das pa 'thob mi 'gyur/ /las dang nyon mongs pa dang / skye ba nye bar zhi ba'i mtshan nyid do/ /mkhas par rlom pa gang phung po rnams stong pa nyid las dngos po med par lta ba dang /phung po rnams mi stong pa nyid las dngos por lta ba dang / bdag gis mthong bar gyur to/ /mthong ngo / /mthong bar 'gyur ro/ /phung po rnams stong pa nyid do/ /phung po rnams las stong pa nyid gzhan no/ /stong pa nyid la phung po rnams yod do//phung po rnams la stong pa nyid yod do/ /stong pa nyid phung po rnams dang ldan no snyam du sems pa de ltar tshul bzhin ma yin par lta ba mngon pa'i nga rgyal can de ni/ stong pa nyid la lta nyes na/ /shes rab chung ldan phung bar byed/ /rnam par mi rtog pa'i shes rab kyi srog gi bar chad byed pa'i phyir phung bar byed do//lta nyes zhes bya ba ni log par mthong ba ste/ dngos po dang / dngos po med pa la sogs pa'i tshul du mthong ba'o/ /ji ltar phung bar byed ce na/ ji ltar sbrul la bzung nyes dang / /rig sngags nyes par bsgrubs pa bzhin/ /sbrul rgod de khro gtum che ba dug drag po bzung nyes na /'dzin par byed pa nyid phung bar byed pa dang / nam mkha' an da rnyil ltar sngo ba la 'phags te/ rang gi rgyan gyi nor bu'i 'od zer dag gis bar snang brgyan par bya'o snyam du yid la bsam pa byas pa / rig sngags nyes par bsgrubs na/ sgrub pa po nyid cho ga nyams pas phung bar byed pa ltar ro/ /gang gi phyir de ltar stong pa nyid shes par dka' zhing gnod pa byed pa/ de phyir zhan pas chos 'di yi/ /gting rtogs dka' bar mkhyen gyur nas/ /thub pa'i thugs ni chos bstan las/ /rab tu log par gyur pa yin/ /shes rab zhan pa rnams kyis chos 'di'i gting rtogs par dka' bar mkhyen par gyur nas/thub pa byang chub mngon par rdzogs par sangs rgyas pa'i thugs/ chos bstan par mdzad pa las slar log par gyur to/ /khyod ni nga la stong pa nyid/ /skyon du thal bar 'gyur ba yis/ /spong bar byed pa gang yin pa//de ni stong la mi 'thad do/ /khyod kho bo cag la stong pa nyid/ /gal te 'di dag kun stong na/ /'byung ba med cing 'jig pa med/ /ces bya ba nas/ de skad smras na dkon pa'i mchog /gsum la gnod pa byed pa yin/ /zhes bya ba'i bar gyi skyon du thal bar 'gyur ba dag gis spong bar byed pa gang yin pa de ni stong pa la mi 'thad de/don dam par ni dngos po med pa'i ngo bo nyid kyis kyang stong pa'i phyir/ kho bo dngos po med par yang stong par mi byed pa'i phyir ro zhes bya bar dgongs so/ /gzhan gyis yongs su brtags pa'i mi stong pa nyid dgag pas/ dngos po rnams stong ngo zhes smras te/dngos po yod pa la sogs pa ngo bo nyid stong pa'i phyir ro/ /stong pa nyid du sgrub pa yang ma yin te/ stong pa nyid du rnam par rtog pa yang spong bar 'dod pa'i phyir ro/ /mdo sde las ji skad du/ 'od srungs bdag tu lta ba ri rab tsam ni sla'i / mngon pa'i nga rgyal can gyi stong pa nyid du lta ba ni mi rung ngo zhes bya ba dang /de bzhin du gzugs stong zhes bya bar mi mthong / mi stong zhes bya bar mi mthong ngo zhes bya ba la sogs pa gsungs pa lta bu'o/ /gzhan yang / gang la stong pa nyid rung ba/ /de la thams cad rung bar 'gyur/ /thams cad ces bya ba ni skye ba la sogs pa'o//ji ltar rung bar 'gyur zhe na/ mig la sogs pa sgyu ma'i skyes bu la/ skyes bu'i ngo bo nyid stong pa bzhin du yod pa dang / med pa la sogs pa'i ngo bo nyid stong yang rkyen gyi tshogs pa mtha' dag yod na/ 'byung bar 'gyur ba ni skye ba ste/ de ni sdug bsngal lo/ / de sdug bsngal ba la sogs pa'i rnam pa dag gis mthong ba gang yin pa de ni sdug bsngal gyi bden pa'o/ /sdug bsngal gyi rgyu ni sdug bsngal kun 'byung ba ste/ de las kun 'byung ba'i phyir ro/ /da kun 'byung ba la sogs pa'i rnam pa dag gis mthong ba gang yin pa de ni kun 'byung gi bden pa'o//sdug bsngal gyi rgyu 'gog pa ni 'gog pa ste/ de 'gog pa la sogs pa'i rnam pa dag gis mthong ba gang yin pa de ni 'gog pa'i bden pa'o/ /sdug bsngal gyi rgyu 'gog pa 'thob pa'i thabs ni lam ste/ de lam la sogs pa'i rnam pa dag gis mthong ba gang yin pa de ni lam gyi bden pa'o//de'i phyir/ de ltar 'phags pa'i bden pa bzhi yod na chos kyang 'grub la/ rang byung gi ye shes kyis/ de rnam pa thams cad las thugs su chud pa'i phyir/ nyan thos la bstan pa dang rjes su mthun pas sangs rgyas kyang 'grub ste/ ji skad du/ dge slong dag ngas sngon 'di ni sdug bsngal lo zhes su mthong ba dag ni mig dang shes pa dang /shes rab dang blo skyes so zhes gsungs pa lta bu'o/ /de bzhin du don dam par dngos po sgyu ma lta bu'i ngo bo nyid dag /skye ba med pa la sogs par mthong ba ni 'phags pa'i bden pa mthong ba yin te/ji skad du/ 'jam dpal gang gis chos thams cad skye ba med par mthong ba des sdug bsngal yongs su shes so/ /gang gis chos thams cad mi gnas par mthong ba des kun 'byung spangs so/ /gang gis chos thams cad gtan du mya ngan las 'das par mthong ba des 'gog pa mngon sum du byas so//'jam dpal gang gis chos thams cad bsgom du med par mthong ba des lam bsgoms so zhes gsungs pa lta bu ste/ theg pa chen po'i tshul gyis kyang / 'phags pa'i bden pa grub na/ chos dang sangs rgyas kyang 'grub pas thams cad kyang rung bar 'gyur ro//stong pa nyid ma yin par smra ba/ gang la stong nyid mi rung ba/ /de la thams cad mi rung 'gyur/ /gang stong pa nyid ma yin par smra ba la ji skad bstan pa thams cad mi rung bar 'gyur ro/ /khyod nyid rang gi skyon rnams ni/ /nga la yongs su sgyur byed pa/ /rta la mngon par zhon bzhin du//rta nyid brjed par gyur pa bzhin/ /khyod nyid rang gi skyon gang dag yin pa de dag kho bo la yongs su sgyur bar byed pa ni/ dper na rta la mngon par zhon bzhin du rta de nyid brjed par gyur pa bzhin no/ /ji ltar stong pa nyid mi 'dod pa la thams cad mi 'thad pa de ltar 'dir bshad par bya ste/gal te dngos rnams dngos nyid las/ /yod par rjes su lta byed na/ /de lta yin na dngos po rnams/ /rgyu rkyen med par khyod lta'o/ /ngo bo nyid las yod pa ni rgyu dang rkyen la mi ltos pa'i phyir ro zhes bya bar dgongs so/ /'bras bu dang ni rgyu nyid dang / /byed pa po dang byed dang bya/ /skye ba dang ni 'gag pa dang //'bras bu la yang gnod pa byed/ /rgyu dang rkyen la ma ltos par 'bras bu la sogs par mi 'grub pa'i phyir ro/ /khyod re zhig stong pa nyid kyi don yongs su brtags nas/ byis pa gnod sbyin gyi gzugs 'jigs su rung ba mngon par bris nas skrag ste/ 'jigs pa'i sgra 'byin par byed pa lta bu de gang yin/gal te de'i don gzugs dngos po med cing stong pa sgyu ma'i ngo bo nyid lta bu yin na ni skrag pa thong shig /'di ltar/ rten cing 'brel 'byung gang yin pa/ /de ni stong pa nyid du bshad/ /dngos po rkyen rnams la rang gi dngos po yod pa dang /med pa dang / yod med dang / gzhan dang / gzhan ma yin pa dang / gnyis kar yod pa ma yin pa ni/ don dam par rkyen rnams las rten cing 'brel par ngo bo nyid kyis 'byung ba med de/ mig la sogs pa'i skye ba ni tha snyad kyi bden pa la brten pa yin no/ /de stong pa nyid du bshad pa ni/ngo bo nyid dang bral ba'i phyir te/ ji skad du/ gang zhig rkyen las skyes pa de ma skyes/ /de la ngo bo nyid kyis skye ba med/ /gang zhig rkyen la ltos pa de stong gsungs/ /gang gis stong nyid shes de bag yod yin/ /zhes gsungs pa dang / de bzhin du blo gros chen po ngo bo nyid kyis skye ba med pa la dgongs nas/chos thams cad stong par bshad do zhes gsungs pa lta bu'o/ /de ni brten nas gdags pa ste/ /de nyid dbu ma'i lam yin no/ /rten cing 'brel par 'byung ba zhes bya ba/ stong pa nyid gang yin pa de ni brten nas gdags pa ste/ 'jig rten pa dang 'jig rten las 'das pa'i tha snyad 'dod pas nye bar len pa dag la brten nas gdags pa yin no//de nyid dbu ma'i lam yin te/ dbu ma ni skye ba dang / skye ba med pa dang / yod pa dang / med pa'i mtha' gnyis spangs pa'i phyir/ 'di lta ste/ skyes pa yang ma yin/ ma skyes pa yang ma yin/ yod pa yang ma yin/ med pa yang ma yin/ rtag pa yang ma yin/ mi rtag pa yang ma yin/ stong pa yang ma yin/ mi stong pa yang ma yin pas/ de'i phyir shes rab kyi pha rol tu phyin pa las/ ji skad du/ dbu ma'i lam bsgom pa ni mig dngos po yod ces bya bar yongs su mi rtog / med ces bya bar yongs su mi rtog go zhes bya ba la sogs pa gsungs pa dang / 'phags pa dkon mchog brtsegs pa'i mdo las/ 'od srungs yod ces bya ba 'di ni mtha' gcig go/ /med ces bya ba 'di ni mtha' gnyis so/ /mtha' de gnyis kyi bar gang yin pa de ni gzugs can ma yin pa bstan du med pa/thogs pa med pa/ mi gnas pa/ snang ba ma yin pa/ rnam par rig pa ma yin pa/ gnas med pa'o zhes gsungs pa de dag grub po/ /lam ni thob pa'i thabs zhes bya ba'i tha tshig go/ /ci ste 'di snyam du kho bo yang smra ste/ rgyu dang rkyen so sor nges pa'i dbang gis/rten cing 'brel 'byung gang yin pa/ /de ni stong pa nyid du bshad/ /de ni brten nas gdags pa ste/ /de nyid dbu ma'i lam yin no/ /zhes bya ba ni/ dngos po bdag nyid gang gis sngon ma byung ba las 'byung ba de ni/ dngos po'i ngo bo nyid yin la/ de ri bong gi rwa bzhin du yod pa yang ma yin/med pa yang ma yin / rang gi bdag nyid kyis skye ba gang yin pa de ni/ mtha' gnyis spangs pa'i dbu ma'i lam yin no snyam na/ de la 'dir stong pa nyid 'grub par mi 'gyur te/ tshigs su bcad pa 'di ni rnam par rtog pa'i dri ma 'khru bar byed pa yin na/ gal te khyod rnam par rtog pa'i dri ma'i 'dam rdzab kyis sbags pa'i phyir/sbyor bar byed na sbyor la rag ste/ 'di ltar gtsug gi nor bu rkang pa'i rgyan du 'dogs par byed na ni 'khang mod kyi/ 'on kyang 'dogs par byed na de/ gnas ma yin par 'dogs par byed do zhes mkhas pa rnams kyis khrel bar 'gyur ba de bzhin du/khyod de skad smra bas kyang tshigs su bcad pa 'di la ni gnod pa med mod kyi / 'on kyang khyod kyi 'dod pa'i don 'grub par mi 'gyur te/ rten cing 'brel par 'byung ba ni/ ngo bo yod pa nyid med na mi 'byung ba yin par mi 'grub pa'i phyir ro/ /de'i phyir bshad pa/ gang phyir rten 'byung ma yin pa'i/ /chos 'ga' yod pa ma yin la / /de phyir stong pa ma yin pa'i/ /chos 'ga' yod pa ma yin no/ /rten cing 'brel par 'byung ba ni sgyu ma'i skyes bu bzhin du ngo bo nyid med pa'i phyir ro zhes bya bar dgongs so/ /gal te nam mkha' la sogs pa/ /rten cing 'brel par 'byung ba ma yin pa dag la rten cing 'brel par 'byung ba med pa'i phyir/gtan tshigs mthun pa'i phyogs kyi phyogs gcig la ma grub pa nyid kyi skyon yod do zhe na/ de ni lan btab zin pa'i phyir klan kar mi rung ngo / /de'i phyir don dam par dngos po rnams ngo bo nyid yod pa kho na yin te/'byung ba dang / 'jig pa'i chos can yin pa'i phyir ro zhes gang smras pa'i gtan tshigs de'i rjes su 'gro ba yang med la/ mi mthun pa'i phyogs 'ba' zhig la mngon pa'i phyir don 'gal ba nyid kyang yin no// //dbu ma'i rtsa ba'i 'grel pa shes rab sgron ma/ bam po bco brgyad pa/ci ste rjes su dpag pas bstan du zin kyang / rjes su dpag pa'i mthus dngos po rnams ngo bo nyid med pa nyid du mi bzod na/ de lta na khyod la gsor mi rung ba'i gnod pa chen po 'di lta bu dag 'byung bar 'gyur te/ ji lta zhe na/ gal te 'di kun mi stong na/ /'byung ba med cing 'jig pa med/ / 'phags pa'i bden pa bzhi po rnams/ /khyod la med par thal bar 'gyur/ /ji lta zhe na/ gal te sdug bsngal mi stong par gyur na/ ngo bo nyid ni byas pa ma yin pa'i phyir de rten cing 'brel par 'byung ba ma yin par 'gyur te/ gang de lta bur gyur pa de ni tha snyad du yang yod par shes par mi nus na/don dam par lta smos kyang ci dgos/ de'i phyir bshad pa/ rten cing 'brel 'byung ma yin na/ /sdug bsngal yod par ga la 'gyur/ /rten cing 'brel par 'byung ba ma yin pa la mi rtag pa nyid med pas/ sdug bsngal nyid du mi 'thad pa'i phyir ro zhes bya bar dgongs so//de nyid kyi phyir bshad pa/ mi rtag sdug bsngal gsungs pa de/ /ngo bo nyid la yod ma yin/ mdo sde las gang mi rtag pa de sdug bsngal lo zhes gsungs pa de ngo bo nyid yod pa la med par 'gyur ro/ /gang gi tshe de ltar sdug bsngal ngo bo nyid la yod pa yin pa de'i tshe/ ngo bo nyid las yod min na//ci zhig kun tu 'byung bar 'gyur/ /kun du 'byung bar mi 'byung ba nyid do zhes bya ba'i tshig gi don te/ dper na ci 'phags pa brdzun gsung bar 'gyur ram zhes bya ba bzhin no/ /de phyir stong nyid gnod byed la/ /kun 'byung yod pa ma yin no/ /ngo bo nyid yod pa ni rgyu la mi ltos pa'i phyir ro//gzhan yang / sdug bsngal ngo bo nyid yod la/ /'gog pa yod pa ma yin no/ /ngo bo nyid ni yongs gnas phyir/ /'gog la gnod pa byed pa yin/ /ngo bo nyid kyis byas pa ma yin par gnas pa la 'gog pa mi 'thad pa'i phyir ro zhes bya bar dgongs so/de bzhin du/ lam ni ngo bo nyid yod na bsgom pa 'thad par mi 'gyur ro/ /bsgom pa ni yang dag pa'i lta ba la sogs pa yang dang yang du bskyed par bya ba yin na/ lam ngo bo nyid kyis yongs su grub pa la skye ba mi 'thad pas bsgom pa 'thad par mi 'gyur ro/ /ji skad bstan pa'i skyon yongs su spang bar 'dod pas/ci ste lam de bsgom bya na/ /khyod kyis dngos nyid yod ma yin/ /skye ba yod na bsgom pa rab tu 'grub pa'i phyir te/ skye ba ni ngo bo nyid med pa nyid med na mi 'byung ba'i phyir ro/ /de ltar ji skad bstan pa'i tshul gyis/ gang tshe sdug bsngal kun 'byung dang //'gog pa yod pa ma yin na/ /lam gyi sdug bsngal 'gog pa ni/ /gang zhig 'thob par 'gyur bar 'dod/ /sdug bsngal ma skyes pa la 'gog pa med pa'i phyir ro zhes bya ba'i tha tshig go/ /yang gzhan yang khyod kyi tshul gyis sdug bsngal / gal te ngo bo nyid kyis ni//yongs su shes pa ma yin na/ /de ni ji ltar yongs shes 'gyur/ /dngos nyid gnas shes ma yin na/ /gal te sdug bsngal ngo bo nyid kyis yongs su shes pa ma yin na ji ltar yongs su shes par 'gyur te/ khyed kyi gzhung las ngo bo nyid ni mi 'gyur bar gnas pa yin par 'dod pa'i phyir ro//de ltar sdug bsngal ngo bo nyid kyis yongs su shes pa ma yin na/ skyon yongs su ma shes pa de'i rgyu sred pa ngo bo nyid kyis ma spangs pa la spang ba mi 'thad pa dang / sred pa ngo bo nyid kyis ma spangs pa la de 'gog pa med pa'i phyir/ 'gog pa mngon sum du bya ba mi 'thad pa dang /'gog pa med na 'gog par 'gro ba'i lam ngo bo nyid kyis ma bsgoms pa la lam bsgom pa mi 'thad pa dang / de ltar 'phags pa'i bden pa bzhi med na dge sbyong gi 'bras bu bzhi dag kyang yongs su shes pa bzhin du mi 'thad pas de'i phyir bshad pa/ de bzhin du ni khyod nyid kyis /spang dang mngon sum bya ba dang / bsgom dang 'bras bu bzhi dag kyang / /yongs su shes bzhin mi rung ngo / /ngo bo nyid kyis spang ba dang / mngon sum du bya ba dang / bsgom pa ma yin pa la de dag mi 'thad pa dang / ngo bo nyid kyi 'bras bu mngon sum du ma byas pa las mngon sum du bya ba mi 'thad pas rgyun du zhugs pa dang /lan cig phyir 'ong ba dang / phyir mi 'ong ba dang / dgra bcom pa zhes bya ba 'bras bu bzhi po dag mngon sum du bya ba yang yongs su shes pa bzhin du mi rung ngo zhes bya ba'i tha tshig go/ /ci ste 'bras bu thob par 'dod la/ ngo bo nyid yod par smra ba yang mi btang na/de la brgal zhing brtag par bya ste/ ngo bo nyid ni yongs 'dzin pas/ /'bras bu ngo bo nyid kyis ni/ /'thob pa min pa gang yin te/ /ji ltar thob par nus par 'gyur/ /ngo bo nyid yongs su 'dzin pas 'bras bu ngo bo nyid kyis ma thob pa gang yin pa de thob par mi nus so//ci ste dngos po ma thob pa yang rten cing 'brel par 'byung ba'i dbang gis 'thob par rung ngo zhe na/ de lta na ni ma thob pa la ma thob pa'i ngo bo nyid yod pa ma yin pas/ ngo bo nyid du smra ba gtang bar bya'o/ /de'i phyir de ltar/ 'bras bu med na 'bras gnas med//zhugs pa dag kyang yod ma yin/ /des skyon 'dir yang 'gyur te/ gal te skyes bu gang zag brgyad/ /de dag med na dge 'dun med/ /rgyun du zhugs pa la sogs pa'i lam dang / 'bras bu'i dbye bas tha dad pa'i skyes bu gtso bo de dag med na dge 'dun dkon mchog kyang med do zhes bya ba'i tha tshig go//'phags pa'i bden pa rnams med na dge 'dun med pa 'ba' zhig tu yang ma zad de/ 'o na ci zhe na/ 'phags pa'i bden rnams med pa'i phyir/ /dam pa'i chos kyang yod ma yin/ /'phags pa'i bden pa rnams med na/lung dang rtogs pa'i bdag nyid kyi chos kyang yod pa ma yin par 'gyur ro/ /de ltar/ chos dang dge 'dun yod min na/ /sangs rgyas ji ltar yod par 'gyur/ /sangs rgyas nyid ni chos thugs su chud pa dang / slob ma rnams rtogs par mdzad pas 'grub pa yin na/ de dag yod pa ma yin na sangs rgyas kyang med do zhes bya ba'i tha tshig go//gzhan yang ngo bo nyid yod par smra ba'i phyogs la sangs rgyas bcom ldan 'das la sangs rgyas kyi ngo bo nyid med pa yin nam/ sangs rgyas kyi ngo bo nyid yod pa yin/ des cir 'gyur zhe na/ gal te sangs rgyas kyi ngo bo nyid med par 'dod na ni grub pa la sgrub pa yin no//gal te sangs rgyas kyi ngo bo nyid yod par 'dod na ni de lta na sangs rgyas byang chub la brten nas sangs rgyas pa ma yin pas/ khyed kyi sangs rgyas byang chub la/ /ma brten par yang thal bar 'gyur/ /khyod kyi byang chub sangs rgyas la/ / ma brten par yang thal bar 'gyur/ /ngo bo nyid ni byas pa ma yin pa'i phyir ro zhes bya bar dgongs so/ /de byas pa ma yin pa'i rgyu bstan par bzhed pa nyid kyis bshad pa/ khyod kyis ngo bo nyid kyis ni/ /sangs rgyas min pa gang yin des/ /byang chub byang chub spyod pa la/ /brtsal kyang byang chub thob mi 'gyur//'ga' yang chos dang chos min pa/ /nam yang byed par mi 'gyur te/ /mi stong pa la ci zhig bya/ /ngo bo nyid la bya ba med/ /ngo bo nyid las yod pa ma byas pa la byed pa mi 'thad pa'i phyir ro/ /rags pa nyid dang bsal ba nyid du yang mi byed de/ gnyi ga'i lan yang btab zin pa'i phyir ro//gang yang 'di skad ces khyed cag gang ngo bo nyid las yod pa'i skye ba la sogs pa dgag pa smra zhing ngo bo nyid med pa nyid sgrogs par byed na/ ma byas pa la ngo bo nyid yod pa de'i dpe ji lta bu yin pa brjod par bya dgos so zhes zer na de ni rigs pa ma yin te/kho bos mi mthun pa'i phyogs yongs su brtags na ni gtan tshigs bzlog pa yang brjod par bya dgos na/ kho bo ni ngo bo nyid med pa nyid ston pa'i gtan tshigs bstan pa'i phyir/ 'di la gang dang gang byas pa de dang de ngo bo nyid med par mthong ste/ dper na sgyu ma bzhin no//de bzhin du nang gi dngos po rnams kyang byas pa ma yin pas de'i phyir/ de dag kyang ngo bo nyid med pa yin no zhes smra'o/ /gal te 'ga' zhig ngo bo nyid yod par gyur na de ni de las bzlog pa'i phyir ma byas pa'i ngo bo nyid yin pas ngo bo nyid yod par smra bas ni 'bad pa chen po ma byas pa la ngo bo nyid yod de/dper na 'di 'dra'o zhes brjod par bya dgos pas de'i phyir de ni gyi na'o/ /gzhan yang / chos dang chos min rgyus byung ba'i/ /'bras bu khyod la yod pa min / /ngo bo nyid las yod pa ni rgyu la mi ltos pa'i phyir ro/ /de'i phyir/ chos dang chos min med par yang / /'bras bu khyod la yod par 'gyur//de ltar na 'jig rten dang bstan bcos dang 'gal bar 'gyur ro/ /ci ste de dag dang 'gal bar 'gyur na mi rung ngo snyam pas/ chos dang chos min rgyus byung ba'i/ /'bras bu gal te khyod la yod/ /chos dang chos min las byung ba'i/ /'bras bu ci phyir stong ma yin/ / skyes pa ni stong pa yin pa'i phyir dper na/ sgyu ma byas pa'i glang po che bzhin no zhes bya bar dgongs so/ /de ltar rang gi grub pa'i mtha' la gnod pa byed pa 'ba' zhig tu yang ma zad de/ 'jig rten pa yi tha snyad ni/ /kun la'ang gnod pa byed pa yin/ /bum pa gyis shig /khang pa rtsigs shig / lhas byin pa dkar mo khrid de shog shig /mchod sbyin glegs bam chings shig /khyab 'jug byin sA lu'i 'bras chan khar tshang bzhos pa'i ba mar dang zo zhig ces bya ba la sogs pa 'jig rten pa'i tha snyad thams cad la yang gnod pa byed pa yin te/ bum pa la sogs pa ngo bo nyid las yod pa la bya ba don med pa nyid du 'gyur ba'i phyir ro//rten cing 'brel par 'byung ba yang mi 'grub pas/ de'i phyir bshad pa/ rten cing 'brel 'byung gang yin pa'i/ /stong pa nyid la'ang gnod par byed/ de la gnod pa byed pas/ bya ba ci yang med 'gyur zhing / /bya ba rtsom pa'ang med par 'gyur//bya ba dang byed pa med na/ stong pa nyid la gnod byed na/ /mi byed pa yang byed par 'gyur/ /gzhan yang / dngos nyid yod na 'gro ba rnams/ /gnas skabs sna tshogs bral 'gyur zhing / /ma skyes pa dang ma 'gags dang / /ther zug tu yang gnas par 'gyur/ / kha dog dang dbyibs dang / rigs dang / bong tshod la sogs pa'i skabs sna tshogs dang bral zhing / rtsig pa la bris pa'i ri mo bzhin du 'gyur te/ byas pa ma yin pa la 'jig pa med pa'i phyir ro/ gal te stong pa yod min na/ /ma thob thob par bya ba dang / /sdug bsngal mthar byed las dang ni//nyon mongs thams cad spong bar byed / /'jig rten pa dang 'jig rten las 'das pa'i thob par bya ba'i khyad par dang / sdug bsngal mthar 'byin par byed pa'i las dang / de'i gnyen po dag byar med pa'i phyir ro/ /de ltar ni mi 'dod pas de'i phyir ma dad bzhin du yang rten cing 'brel par 'byung ba ngo bo nyid las skye ba med pa sgyu ma dang /smig rgyu lta bu'i bdag nyid du skye ba khas blang bar bya'o/ /de'i phyir de ltar dngos po dang dngos po med par lta ba la sogs pa'i skyon gyi rab rib dang bral ba'i blo gros kyi mig can/ gang gis rten cing 'brel par 'byung //mthong ba des ni sdug bsngal dang / /kun 'byung dang ni 'gog pa dang / /lam nyid de dag mthong ba yin/ /tha snyad dang don dam pa'i bden pa'i tshul la ltos pas mthong ba dang / mthong ba med pa'i tshul gyis rten cing 'brel par 'byung ba ji skad bstan pa'i mtshan nyid mthong ba des bden pa bzhi po de dag nyid skye ba dang /skye ba med pa la sogs pa'i rnam pa lngar ji skad bstan pa dag gis mthong ba yin no/ /gal te sdug bsngal ba la sogs pa'i rnam pa dag ma gtogs par/ gzhan du mthong ba ni bden pa mthong ba ma yin no zhe na/ bden pa mthong ba zhes bya ba'i sgra de'i don gang yin/gal te nang gi skye mched rnams phyin ci ma log pa de kho na dang bcas pa nyid mthong ba'o zhe na ji skad bstan pa'i tshul gyis skye ba bkag pa'i phyir sdug bsngal skye ba med pa la sogs par mthong ba ni 'phags pa'i bden pa yin par grub pa'i phyir/ 'dod pa'i don nyams so//'di na sdug bsngal la sogs pa ji ltar mthong na bden pa mthong ba yin zhes dpyad par bya ba yin gyi / ma'i lA tu'i tshul gyis byung rgyal du brjod do cog gzung bar bya ba ma yin no/ /de la 'dir rab tu byed pa'i don ni pha rol pos stong pa nyid smra ba la skyon gdags pa/ smras pa dag phyir bzlog pa'i sgo nas rab tu byed pa'i dang por smras pa'i gtan tshigs mi mthun pa'i phyogs 'ba' zhig la yod par bstan pas 'phags pa'i bden pa rnams ngo bo nyid med pa nyid du bstan pa yin no//de'i phyir tshangs pa rnam grangs des kyang khyod kyis 'di ltar rig par bya ste/ji ltar sdug bsngal dang kun 'byung dang / 'gog pa dang / lam ni 'phags pa rnams kyi bden pa ma yin gyi/ tshangs pa 'di ltar sdug bsngal gyi skye ba med pa gang yin pa de 'phags pa rnams kyi bden pa yin pa dang / kun 'byung gi kun 'byung ba med pa gang yin pa de 'phags pa rnams kyi bden pa yin pa dang /chos thams cad gtan du bkag pa dag la gtan 'gog pa gang yin pa de 'phags pa rnams kyi bden pa yin pa dang / chos thams cad mnyam pa nyid dag la gnyis su med pa nyid du lam sgom pa gang yin pa de 'phags pa rnams kyi bden pa yin par shes par bya'o zhes bya ba la sogs pa gsungs pa de dag grub pa yin no//slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/ 'phags pa'i bden pa brtag pa zhes bya ba ste/ rab tu byed pa nyi shu bzhi pa'o// //da ni de bzhin du stong pa nyid kyi mi mthun pa'i phyogs kyi khyad par dgag pas mya ngan las 'das pa ngo bo nyid med pa nyid du bstan pa'i don gyi dbang gis rab tu byed pa nyi shu lnga pa brtsam mo//'dir smras pa/ khyod 'dod pa ltar/ gal te 'di dag kun stong na/ /'byung ba med cing 'jig pa med//ngo bo nyid med pa'i phyir dper na mo gsham gyi bu bzhin no zhes bya bar bsams so/ /de dag med pa'i phyir nyon mongs pa rnams la yang 'byung ba dang 'jig pa med la/ de dag dang ldan pa'i ming dang / gzugs la yang 'byung ba dang 'jig pa med pas/ gang zhig spangs dang 'gags pa las//mya ngan 'da' bar 'gyur bar 'dod/ /phung po lhag ma dang bcas pa dang / phung po'i lhag ma med pa'i mya ngan las 'das pa'i dbyings kyi dbang gis so/ /gang zhig spang bas sam/ 'gag pas mya ngan las 'da' bar yang 'dod de/ ji skad du/ dga' ba'i 'dod chags dang ldan pa'i sred pa de zad cing / bral ba gang yin pa de ni mya ngan las 'das pa'o zhes kyang gsungs la/ de bzhin du/ ma zhum pa yi lus kyis ni/ /tshor ba dang du len pa na/ /de yi sems ni rnam par grol/ /mar me shi bar gyur pa bzhin/ /zhes kyang gsungs so// mya ngan las 'das pa thob pa de yang ngo bo nyid yod pa 'di ma gtogs par gzhan gyis mi 'thob pas de'i phyir dngos po rnams ngo bo nyid yod pa nyid du 'dod par bya'o/ /ngo bo nyid med pa nyid du smra ba rnams la ni gang ngo bo nyid med pa de la mya ngan las 'das pa 'thob pa med de/ 'byung ba dang 'jig pa med pa'i phyir dper na mo gsham gyi bu bzhin/ ngo bo nyid med pa nyid du rjes su dpog pas mya ngan las 'das pa 'thob pa med pas mya ngan las 'das pa 'thob pa bsal ba'i phyir dam bcas pa la chos can gyi khyad par bsal ba'i skyon yod do/ /de ni bzang po ma yin te/ ji ltar sgyu ma'i mar me ngo bo nyid dang bral ba 'chi ba tha snyad du gtogs pa'i blo'i spyod yul du yod par mi 'gal ba de bzhin du 'du byed rnams ngo bo nyid med pa yin yang thog ma med pa'i rkyen brgyud pa las skyes pa sgyu ma dang /smig rgyu lta bu dag gi skye ba med pa ni mya ngan las 'das pa yin no/ / de'i 'thob pa yang 'grub pa'i phyir ngo bo nyid yod pa nyid rigs pa dang ni ldan par shes par bya'o/ /dngos po rnams med pa'i ngo bo nyid du khas ma blangs pa'i phyir dam bcas pa la skyon med do/ /glags yod pa'i skyon yang med de/ mo gsham gyi bu la sogs pa dag don dam par dpe nyid du ma grub pa'i phyir ro//gzhan yang ji ltar dngos po rnams ngo bo nyid med pa nyid du rtogs pa la/ gal te 'di dag kun stong na/ /'byung ba med cing 'jig pa med/ /gang zhig spang dang 'gag pa las/ /mya ngan 'da' bar 'gyur bar 'dod/ /ces bya ba de bzhin du dngos po rnams ngo bo nyid du rtogs pa la yang /gal te 'di kun mi stong na/ /'byung ba med cing 'jig pa med/ /gang zhig spang dang 'gag pa las/ /mya ngan 'da' bar 'gyur bar 'dod/ /ngo bo nyid la 'gyur ba med pas spang ba dang / 'gag pa mi 'thad pa'i phyir de kho na rab tu ma mthong ba nyid kyi ngo bo nyid la de kho na mthong ba mi 'thad pa'i phyir ro zhes bya bar dgongs so//de'i phyir ngo bo nyid yod par smra ba dag nyid la mya ngan las 'das pa'i thob pa yod pa bstan dka'o/ /ngo bo nyid med pa nyid la ni sgyu ma'i mar me 'chi ba bzhin du mya ngan las 'das pa thob pa yod par rung ngo / /mya ngan las 'das pa 'thob par rjes su dpog pas ngo bo nyid med pa nyid kyis ngo bo nyid yod pa nyid bsal ba'i phyir dam bcas pa la chos kyi ngo bo nyid bsal ba'i skyon yod do//yang na pha rol dag na re/ gal te 'di dag kun stong na/ /'byung ba med cing 'jig pa med/ /de'i phyir/ gang zhig spong dang 'gag pa las//mya ngan 'da' bar 'gyur bar 'dod/ /gal te 'du byed 'di dag mya ngan las 'da' bar 'dod na ni/ 'du byed de dag don dam par ngo bo nyid yod pa kho nar shes par bya ste/ nyon mongs pa spang ba dang / ming dang gzugs 'gags pas mya ngan las 'das pa thob pa'i phyir ro/ /rnga mo la sogs pa'i rwa yod pa ma yin pa dag la ni de dag med do zhes zer ro//slob dpon gyis bshad pa/ gal te 'di kun mi stong na/ /'byung ba med cing 'jig pa med/ /ngo bo nyid yod pas nges par gnas pa ngo bo nyid mi 'gyur ba la de dag mi 'thad pa'i phyir ro/ /de'i phyir/ gang zhig spang dang 'gag pa las//mya ngan 'da' bar 'gyur bar 'dod/ /'di ltar khyod kyis smras pa'i gtan tshigs la rjes su 'gro ba yod par gyur na ni bsgrub par bya ba sgrub nus par yang 'gyur grang na/ de yang med pas kho bo cag gi phyogs la ngo bo nyid yod par smra ba'i gtan tshigs thun mong ma yin pa nyid dang don 'gal ba nyid kyang yin no//gtan tshigs kyi don dri bar yang bya ste/ ji tha snyad du mya ngan las 'das pa thob pa'i phyir ram/ 'on te don dam par 'thob pa'i phyir de la gal te tha snyad du ni grub pa la sgrub pa yin no/ /'on te/ don dam par ni kho bo cag /spangs pa med la thob med pa/ /chad pa med la rtag med pa//'gag pa med pa skye med pa/ /de ni mya ngan 'das par 'dod/ /de'i phyir nyon mongs pa spang ba dang / ming dang / gzugs 'gags pas mya ngan las 'das pa thob pa'i phyir ro zhes gang smras pa'i gtan tshigs de'i don ma grub pa nyid do/ /yang gzhan yang / 'di la mya ngan las 'das pa smra ba dag las kha cig ni/ mya ngan las 'das pa rdzas su yod par smra/ gzhan dag ni rdzas su yod pa ma yin par smra ste/ de gnyi ga yang ji ltar mi 'thad pa de ltar brtag par bya'o/ /de'i phyir/ mya ngan 'das pa dngos po min/ /rga shi'i mtshan nyid thal bar 'gyur//mya ngan 'das pa dngos po yin par ston pa'i rjes su dpag pa med pa'i phyir dang / dngos po nyid rjes su dpog pas rga shi'i mtshan nyid kyis mya ngan las 'das pa rga shi'i mtshan nyid can du thal bar 'gyur ba'i phyir ro/ /rga dang 'chi ba med pa yi/ /dngos po yod pa ma yin no//dngos po ni rga shi med na mi 'byung ba nyid yin pa'i phyir ro zhes bya bar dgongs so/ /de ni mi 'dod de/ mya ngan las 'das pa ni rga shi med par 'dod pas de'i phyir smra bar nus te/ don dam par mya ngan las 'das pa ni dngos po ma yin te/ rga shi med pa'i phyir dper na mo gsham gyi bu bzhin pas de'i phyir khyod kyi phyogs la yang gtan tshigs kyi don ma grub pa de nyid yod do//yang na sun dbyung ba'i lam gzhan yod de/ mya ngan las 'das pa dngos po yin par smra ba dag gi phyir bshad pa/ gal te mya ngan 'das dngos na/ /mya ngan 'das pa 'dus byas 'gyur//'dus byas yin par ni mi 'dod de/ 'dis ni mya ngan las 'das pa'i chos ni 'dus byas nyid ma yin par bstan to/ /dngos po 'dus byas ma yin pa/ /'ga' yang ji ltar yod ma yin/ /'dis ni chos mthun pa'i phyogs kyi dpe bstan to/ /de'i phyir rjes su dpag pa ni mya ngan las 'das pa ni dngos po ma yin te/'dus byas ma yin pa'i phyir dper na nam mkha'i me tog bzhin no/ /yang na sbyor ba'i lam gzhan yang yod de/ gal te mya ngan 'das dngos na/ /ji ltar myang 'das de brten min/ /dngos po ni brten nas gdags par bya ba nyid med na mi 'byung ba'i phyir ro zhes bya bar dgongs so//'dis ni mya ngan las 'das pa'i chos ni brten nas gdags par bya ba nyid ma yin par bstan to/ /de nyid kyi phyir bshad pa/ dngos po brten par ma yin pa/ /'ga' yang yod pa ma yin no/ /gang ma brten par yod pa'i dngos po ni 'ga' yang med do//'dis ni chos mthun pa'i phyogs kyi dpe bstan to/ /de'i phyir rjes su dpag pa ni mya ngan las 'das pa ni dngos po ma yin te/ brten nas gdags par bya ba nyid ma yin pa'i phyir dper na ri bong gi rwa bzhin no/ /gos dmar sde gang dag mya ngan las 'das pa mar me shi ba bzhin no zhes smra ba dang /mdo sde pa dag skye ba med pa tsam la mya ngan las 'das par tha snyad 'dogs pa de dag gi phyir bshad pa/ gal te mya ngan 'das dngos min/ /dngos med ji ltar rung bar 'gyur/ /gal te mya ngan las 'das pa dngos po med pa yin na dngos po med pa rdzas su med pa'i rnam grangs bye brag tu smra ba la sogs pas brtags pa/don dam pa'i dge ba dang nyon mongs pa nye bar zhi ba'i mtshan nyid dag ji ltar rung bar 'gyur te/ dngos po med pa la nam mkha'i me tog bzhin du dge ba nyid la sogs pa dag mi 'thad pa'i phyir dang / mya ngan las 'das pa rdzas su med pa'i ngo bo nyid yin par ston pa'i rjes su dpag pa med pa'i phyir mya ngan las 'das pa dngos po med pa ma yin no zhes bya bar dgongs so//yang gzhan yang / ji skad bstan pa'i sgrub pas/ gang la mya ngan 'das dngos yin/ /de la dngos med yod ma yin/ / mar me'i dpes mar me ni dngos po nyid yin par 'jig rten la grags te/ phyis med pa'i phyir ro/ /yang gzhan yang / gal te mya ngan 'das dngos min/ /ji ltar myong 'das de brten min/ /mar me dngos po med pa brten nas gdags pa ni brten nas gdags par bya ba nyid yin pa'i phyir ro zhes bya bar dgongs so//de nyid kyi phyir bshad pa/ gang zhig brten pa ma yin pa'i/ /dngos med yod pa ma yin no/ /gang ma brten par yod pa'i dngos po med pa ni 'ga' yang med do/ /gang gi phyir de ltar ji skad bstan pa'i tshul gyis don dam par mya ngan las 'das pa dngos po dang dngos po med pa ma yin pa de'i phyir/'ong ba dang ni 'gro ba'i dngos/ /brten te ma rgyur byas gang yin pa/ /de ni brten min rgyur byas min/ /mya ngan 'das pa yin par bstan/ /'ong ba dang 'gro ba'i dngos po brten nas 'byung ba dang / rgyur byas nas gdags pa gang yin pa de dag brten nas 'byung ba med pa dang /rgyur byas nas gdags pa med pa ni tha snyad du mya ngan las 'das pa yin par bstan pas don dam par mya ngan las 'das pa dngos po dang / dngos po ma yin pa nyid du bkag kyang khas blangs pa la gnod pa'i skabs med do/ /yang gzhan yang / 'byung ba dang ni 'jig pa dag /spong bar ston pas bka' stsal to/ /mdo sde las ji skad du/ gang dag 'byung ba'am 'jig pas srid pa las nges par 'byung ba yongs su tshol bar byed pa de dag gi de ni yongs su mi shes pa yin no zhes gsungs pa lta bu'o/ /de phyir mya ngan 'das pa ni/ / dngos min dngos med min par rigs/ /gal te 'byung ba ni spang bar bya ba nyid kyis sun dbyung bar bya ba yin pa'i phyir/ dngos po nyid 'gag par mi rigs so zhe na/ 'byung ba yang 'khor ba'i dngos po'i bdag nyid yin pa'i phyir skyon med do/ /gzhan dag gis smras pa/ thar pa'i don ni dngos po yang yin la//dngos po med pa yang yin pa'i phyir/ gnyi ga'i bdag nyid yin pa'i phyir skyon med do/ /gzhan dag gis smras pa/ de'i phyir 'di bshad de/ gal te mya ngan 'das pa ni/ /dngos dang dngos med gnyis yin la / /dngos dang dngos po med pa dag /thar par 'gyur bar de mi rigs/ /dgag pa mi mthun pa'i phyir te/gal te dngos po yin na ji ltar dngos po med pa yin/ ci ste dngos po med pa yin na ni dngos po zhes bya ba ma yin no/ /ci ste yang ltos pa'i dbang gis dngos po dang dngos po med pa'i mtshan nyid yin te/ lus dang / dbang po dang / blo med pa'i phyir dngos po med pa yin la/ bde ba la zlar med pa gtan du ba dang ldan pa'i phyir dngos po yin no zhe na/de ni bzang po ma yin te/ lus la sogs pa'i skye ba bkag pa kho nas/ de dag med pa bkag pa'i phyir dang / bde ba la zlar med pa gtan du ba yang 'dus byas kyi skye ba bkag pa kho nas bkag pa'i phyir dang / bde ba 'dus ma byas pa yod pa nyid du ston pa'i rjes su dpog pa med pa'i phyir de ni rigs pa ma yin no//lhag ma ni snga ma bzhin no/ /yang gzhan yang / gal te mya ngan 'das pa ni/ /dngos dang dngos med gnyis yin na/ /mya ngan 'das pa ma brten min/ /'o na ji lta zhe na/ brten pa yin par 'gyur te/ 'di ltar/ de ni gnyis la brten phyir ro/ /dngos po dang dngos po med pa'i mtshan nyid gnyis la brten pa'i phyir ro/ /mya ngan las 'das pa nyid la brten par mi 'dod de/ rnam pa de lta bu yod par bstan dka' ba'i phyir ro zhes bya bar dgongs so/ /yang gzhan yang / gal te mya ngan 'das pa ni//dngos dang dngos med gnyis yin na/ /mya ngan 'das pa 'dus ma byas/ /dngos dang dngos med 'dus byas yin/ /de ltar na 'dis ni mya ngan las 'das pa'i chos ni dngos po dang dngos po med pa'i mtshan nyid las gzhan yin par ston te/ gang zhig gang las 'dzin pa'i mtshan nyid gzhan yin pa de ni de'i bdag nyid yin par mi rigs te/me chu'i mtshan nyid las gzhan yin pa de chu'i bdag nyid ma yin pa bzhin no zhes bya bar dgongs so/ /gzhan dag gis smras pa/ gang la dngos po dang dngos po med pa dag yod pa de mya ngan las 'das pa yin gyi/dngos po dang dngos po med pa'i bdag nyid ni ma yin te/ gcig la mi mthun pa'i bdag nyid gnyis med pa'i phyir ro/ /de dgag pa'i phyir bshad pa/ gal te mya ngan 'das pa la/ /dngos dang dngos med gnyis yod na/ /khyod kyi tshul gyis so/ /de gnyis ni mi mthun pa yin pas mi mthun pa gnyis gcig la yod par mi rigs pas/de'i phyir bshad pa/ de gnyis gcig la yod min te/ /snang ba dang ni mun pa bzhin / /de'i phyir de yang rigs pa ma yin no/ /brgal zhing brtag pa mtshungs pa'i yang phyir te/ gang la dngos po dang dngos po med pa dag yod/ci dngos po'am 'on te dngos po med pa la/ de gnyi ga yang sngar bstan pa'i tshul gyis rigs pa ma yin pas de yang snying po ma yin no/ /gang dag mya ngan las 'das pa ni dngos po yang ma yin la/ dngos po med pa yang ma yin no zhes zer ba de dag gi phyir bshad pa/dngos med dngos po med min pa/ /mya ngan 'das par gang ston pa/ /rab tu ston pa'o/ /dngos po med dang dngos po dag /grub pa de nyid 'grub par 'gyur/ /gnyi ga bkag pas dngos po yang ma yin dngos po med pa yang ma yin pa zhes brjod pa'i phyir dang /dngos po dang dngos po med par yod par ston pa'i rjes su dpog pa med pa'i phyir ro/ /yang gzhan yang / gal te mya ngan 'das pa ni/ /dngos min dngos po med min na/ /khyod 'dod pa ltar ro/ /dngos min dngos po med min zhes/ /gang zhig gis ni de mngon byed//de mngon par byed pa'i shes pa'am/ brjod pa dgag pa sngar bstan zin pa'i phyir ro zhes bya bar dgongs so/ /yang gzhan yang / bcom ldan mya ngan 'das gyur nas / /yod par mi mngon de bzhin du/ /med do zhe'am gnyi ga dang / /gnyis min zhes kyang mi mngon no//de bzhin gshegs pa mya ngan las 'das nas yod pa dang / med pa dang / yod kyang yod la med kyang med pa dang / yod pa yang ma yin/ med pa yang ma yin no zhes bya bar mi mngon no/ /bcom ldan bzhugs par gyur na yang //yod par mi mngon de bzhin du/ /med do zhe'am gnyi ga dang / /gnyis min zhes kyang mi mngon no/ /de bzhin gshegs pa bzhugs na yang yod pa dang / med pa dang / yod kyang yod la med kyang med pa dang / yod pa yang ma yin/ med pa yang ma yin no zhes bya bar mi mngon no//de ltar srog gang yin pa de lus yin pa dang / srog kyang gzhan la lus kyang gzhan no zhes bya bar mi mngon no zhes bya ba'i bar gyi lung du ma bstan pa'i dngos po dag de dag ma bkag pa kho na'i phyir/ mya ngan las 'das pa ma grub pas/ gtan tshigs kyi don ma grub pa nyid nyams pa med do//'dir smras pa/ don dam par mya ngan las 'das pa ni yod pa kho na yin te/ skye ba dang rga shis 'jigs pa rnams de thob par bya ba'i phyir 'jug pa yod pa'i phyir ro/ /med pa la khyad par can rnams de thob par bya ba'i phyir 'jug pa ma mthong ste/ dper na rus sbal gyi spu bzhin no//mya ngan las 'das pa la ni de thob par bya ba'i phyir de khyad par can rnams lam sgom pa la 'jug pa yod pas de'i phyir/ don dam par mya ngan las 'das pa ni yod pa kho na yin no/ /'dir bshad pa/ khyad par yod na ni gzhan gyis gzhan 'thob pa mthong ste/ dper na/lag pa rkang par slebs pa lta bu yin na/ kho bo cag gi phyogs la don dam par 'khor ba dang mya ngan las 'das pa dag la rnam pa de lta bu med pas mya ngan las 'das pa thob par bya ba'i phyir 'jug pa med do/ /ci'i phyir zhe na/ 'di ltar/ 'khor ba mya ngan 'das pa las/ /khyad par cung zad yod ma yin//mya ngan 'das pa 'khor ba las/ /khyad par cung zad yod ma yin/ /dmigs su med par mnyam pa nyid kyis gnyi ga yang dmigs su med pa'i phyir ro zhes bya bar dgongs so/ /ji ltar de dag brtags pa'i bdag nyid du dmigs su med pa de ltar ni bstan zin pas de'i phyir de thob par bya ba'i phyir ro zhes bya ba'i gtan tshigs de'i don ma grub pa nyid dang don 'gal ba nyid do//mya ngan las 'das pa dang / 'khor ba dag khyad par med pa'i phyir bshad pa/ mya ngan 'das mtha' gang yin pa/ /de ni 'khor ba'i mtha' yin te//mtha' ni de bzhin nyid dang / chos nyid dang / stong pa nyid ces bya ba dag gi rnam grangs so/ /de gnyis khyad par cung zad ni/ /shin tu phra ba'ang yod ma yin/ /chos nyid dbyer med pa'i phyir te/ nam mkha' la phyogs kyi khyad par yod kyang mtshan nyid dbyer med pa bzhin no zhes bya bar dgongs so//'dir smras pa/ stong pa nyid ni lta bar gyur pa thams cad las nges par 'byin pa yin par gsungs na khyed kyis mya ngan las 'das pa ngo bo nyid med pa nyid du bshad pas med pa ni lta ba'i gnyen po nyid yin par mi rung ngo //de'i phyir mya ngan las 'das pa ni yod pa kho na yin te/ gnyen po yin pa'i phyir dper na snang ba bzhin no/ /de ni bzang po ma yin te/ don dam par mar me snang ba nyid dang / dngos po nyid du ma grub pa'i phyir/ dpe med pas sgrub pa ma tshang ba nyid yin no//chos thams cad mi dmigs pa ni stong pa nyid yin la/ de yang dmigs pa'i gnyen po yin par brjod na/ dmigs par bya ba'i don dmigs su med na yul de la dmigs pa yang med do/ /yod pa yang ma yin te/ ma skyes pa'i phyir dper na nam mkha'i me tog bzhin no//med pa yang ma yin te/ dgag pa sngar bstan zin pa'i phyir ro/ /de lta bas na stong pa nyid la mngon par zhen pa ni rigs pa ma yin no/ /stong pa nyid du lta ba yang chos thams cad rnam pa thams cad du dmigs su med pa'i bgegs yin pa'i phyir mkhas pa rnams spong bar byed do//mi mkhas pa rnams ni de nyid dngos po dang dngos po med pa las 'dzin par byed cing / don med pa nyid sgrub par byed de/ ji skad du/ 'od srungs gang stong pa nyid du lta ba de ni gsor mi rung bar nga smra'o zhes gsungs pa lta bu'o//de'i phyir de ltar stong pa nyid ma grub pas gnyen po yin pa'i phyir zhes bya ba'i gtan tshigs kyi don ma grub pa nyid do/ /yang na don dam par lta ba dag yod na ni de dag gi gnyen po yang rigs par 'gyur grang na/ lta ba de dag yod pa ma yin pas de brtag pa'i phyir 'di bshad de/'gags par gyur dang mtha' sogs dang / /rtag la sogs par lta ba dag /mya ngan 'das dang phyi mtha' dang / /sngon gyi mtha' la brten pa yin/ /'gags par gyur pa ni de bzhin gshegs pa mya ngan las 'das nas yod pa dang med pa dang / yod kyang yod la med kyang med pa dang /yod pa yang ma yin med pa yang ma yin par lta ba'o/ /mtha' la sogs pa ni 'jig rten mtha' yod pa dang / mtha' med pa dang / mtha' yod kyang yod la mtha' med kyang med pa dang / mtha' yod pa yang ma yin mtha' med pa yang ma yin par lta ba'o/ /rtag pa la sogs pa ni 'jig rten rtag pa dang /mi rtag pa dang / rtag kyang rtag la mi rtag kyang mi rtag pa dang / rtag pa yang ma yin mi rtag pa yang ma yin par lta ba'o/ /lta ba de dag ni go rims bzhin du mya ngan las 'das pa dang / phyi ma'i mtha' dang / sngon gyi mtha' la brten pa yin pas/ ngo bo nyid las yod pa ma yin no//log par rnam par rtog pa la sogs pa'i bag chags kyi skyon gyis rnam par rtog pa dang / rnam par brtags pa'i dngos po ngo bo nyid med pa nyid du bstan zin pas de'i phyir/ dngos po thams cad stong pa la/ /mtha' yod ci zhig mtha' med ci/ /mtha' dang mtha' med ci zhig yin/ /mtha' min mtha' med min pa ci//de nyid ci zhig gzhan ci yin/ /rtag pa ci zhig mi rtag ci/ /rtag pa mi rtag gnyis ka ci/ /gnyi ga min pa'ang ci zhig yin/ /rnam par brtag par bya ba'i dngos po med pa na gzhi med pa la de dag tu rnam par rtog pa med pa'i phyir ro zhes bya bar dgongs so/ /de'i phyir mdo sde las kyang /gang la rnam brtag yod min pa/ /de la rnam rtog ga la yod/ /rnam brtag rnam rtog zad gyur pas/ /bstan pa rnam par grol bar 'gyur/ /zhes gsungs so/ /tha snyad pa'i gtan tshigs su rtog na ni/ skyon snga ma bzhin no/ /gzhan dag gis smras pa/ don dam par mya ngan las 'das pa ni yod pa kho na yin te/de thob par bya ba'i phyir bcom ldan 'das kyis dbang po dang / bsam pa dang / mos pa dang / dus dang / yul la ltos pas chos bstan pa'i phyir ro/ /de med na sgrub pa de mi 'thad de/ dper na ri bong gi rwa bzhin no/ /bcom ldan 'das kyis chos kyi phung po brgyad khri bzhi stong mya ngan las 'das pa thob par bya ba'i phyir spyad pa'i gnyen por bka' stsal pas/de'i phyir de yod pas don dam par mya ngan las 'das pa yod pa kho na yin no/ /de la 'dir gal te don dam par chos bstan pa'i phyir ro zhes bya bar gtan tshigs kyi don rtogs par 'dod na ni de mi rung ste/ kho bo cag gi phyogs la/ dmigs pa thams cad nyer zhi zhing //spros pa nyer zhi zhi ba ste/ /sangs rgyas kyis ni gang du yang / /su la'ang chos 'ga' ma bstan to/ /dmigs pa thams cad nye bar zhi ba ni dmigs par bya ba'i don med na yul med pa la dmigs pa med pa'i phyir dang / 'dus byas yin pa'i phyir dmigs par bya ba bzhin du dmigs pa log pa'i phyir ro//spros pa nye bar zhi ba ni dmigs par bya ba'i don med pa kho na'i phyir yul de la brjod pa'i mtshan nyid kyi spros pa mi 'jug pa'i phyir ro/ /zhi ba ni gnod pa thams cad dang bral ba'i phyir ro/ /sangs rgyas kyis ni gang du yang / /su la'ang chos 'ga' ma bstan to/ /zhes bya ba ni don dam par chos thams cad kun brtags pa'i bdag nyid du yongs su ma grub pa'i phyir dang /brjod du med pa'i phyir ro/ /yang na/ sangs rgyas kyis ni gang du yang / /su la'ang chos 'ga' ma bstan to/ /zhes bya ba ni chos kyi de kho na ni rang rig par bya ba yin la/ brjod pa ni kun brtags pa spyi'i yul can yin pas de'i phyir chos kyi de kho na de ni bstan par bya ba ma yin pa'i phyir ro//'on kyang tha snyad kyi bden pa rnam par gzhag pa'i tshul du ni ston pas thams cad la phan gdags pa'i phyir/ bskal pa stong phrag dpag tu med par bsod nams dang / ye shes kyi tshogs rab tu bsags pa las/ nges par 'khrungs pa yid bzhin gyi nor bu gzugs sna tshogs dang ldan pa lta bu rnam par mi rtog pa las rtsol ba mi mnga' bar sems can rnams kyi bsam pa'i dbang gis theg pa gsum dang ldan pa'i gsung 'byung zhing /de'i dbang gis nyan pa'i skye bo rnams ston pa bdag cag la chos ston to snyam du de la rnam par rmongs par yang 'gyur ro//yang na/ sangs rgyas kyis ni gang du yang / /su la 'ang chos 'ga' ma bstan to/ /zhes bya ba ni/ sku min sku las gzhan ma yin/ /de la sku med der de med/ /de bzhin gshegs pa sku ldan min/ /de bzhin gshegs pa gang zhig yin//zhes bstan pa'i tshul gyis don dam par ston pa de bzhin gshegs pa zhes bya ba'i ngo bo nyid 'ga' yang med la/ gang du bstan par bya ba dang / gang la bstan par bya ba dang / gang bstan par bya ba yang med pas de dag rdzas su yod pa ma yin pa'i phyir ro/ /yang na/ sangs rgyas kyis ni gang du yang //su la'ang chos 'ga' ma bstan to/ /zhes bya ba ni 'du byed rnams ni byed pa med pa yin la/ 'du byed kyi tshogs zag pa med pa sgrib pa gnyis spangs pa/ sangs rgyas kyi chos ma 'dres pa la sogs pa'i gzhir gyur pa ni sangs rgyas yin te/ de la ni bya ba med pas ston pa mi 'thad pa'i phyir dang /gang la bstan par bya ba de yang 'du byed kyi tshogs g.yo ba med pa zag pa dang bcas pa dang / zag pa med pa yin pas/ nyan pa dang 'dzin pa la sogs pa'i tha snyad med pas don dam par nyan pa dang / 'dzin par byed pa med pa'i phyir dang / gang du gang bstan par bya ba yang don dam par bong ba dang /sprul pa lta bu yin pa'i phyir ro/ /yang na/ sangs rgyas kyis ni gang du yang / /su la'ang chos 'ga' ma bstan to/ /zhes bya ba ni sngon gyi smon lam gyi shugs kyi dbang dang / byang chub sems dpa'i spyad pa spyod pa na bsdu ba'i dngos po bzhis bsdus pa'i sems can dge ba'i rtsa ba bskyed pa dang /nye bar bsags pa dang / yongs su smin par gyur pa rnams kyi rgyu'i mthu nyid las mos pa dang / dbang po dang / bsam pa'i dbang gis chos ston pa zhes bya ba'i gsung sbyin pa la sogs pa'i gzhir gyur pa yan lag drug cu dang ldan pa/ sems can thams cad yang dag par mgu bar mdzad pa/de bzhin gshegs par phrin las lta bur 'byung gi /de bzhin gshegs pa rtag tu mnyam par mdzad pa lhun gyis grub pa rtog pa dang dpyod pa mi mnga' ba rnams la 'jug pa mi 'thad pa'i phyir ro/ /yang na/ sangs rgyas kyis ni gang du yang / /su la'ang chos 'ga' ma bstan to//zhes bya ba ni bcom ldan 'das kyis sngon gyi drang srong rnams kyis gsungs pa nyid kyi chos rang gi mngon par shes pas mngon sum du mdzad nas yi ge lhag chad med par rjes su ston par mdzad de/ chos thams cad ni sngon gyi drang srong rnams kyis gsungs pas/ sangs rgyas snga ma rnams kyis gsungs pa nyid rjes su ston pa'i phyir ro zhes bya bar dgongs so// sangs rgyas kyis ni gang du yang / /su la'ang chos 'ga' ma bstan to/ /zhes bya ba ni don dam par chos rnams bdag nyid de dang / de dag gis gtan du stong pa'i phyir chos gang zhig shes pa rang gi mtshan nyid kyi yul can nam spyi'i mtshan nyid kyi yul can gyi ngo bo nyid gang gis bdag nyid kyis gzung bar bya ba'i chos de yod pa ma yin pa'i phyir te/ji skad du/ bcom ldan 'das de bzhin gshegs pas de bzhin gshegs pa mar me mdzad las blangs pa'i chos de ni 'ga' yang ma mchis te/ de ci'i slad du zhe na/chos thams cad ni gzung du ma mchis shing brjod du ma mchis pa'i slad du'o zhes gsungs pa lta bu'o/ /'dir mu stegs can ngan pa spobs pa rlom pa dngos po rnams kyi ngo bo nyid stong pa nyid rnam pa thams cad du gsal bar byed pa theg pa mchog gi tshul gyis dpa' bkong ba/ ngan g.yo'i rjes su 'jug pa dag gis rang gi grub pa'i mtha'i skyon bcab pa'i phyir smras pa/sangs rgyas rnam rtog med pa yi/ /theg pa chen po mi rung ste/ /gang phyir don dam sangs rgyas kyis/ /chos ni bstan pa ma byas phyir/ /sprul sangs rgyas kyi'ang mi rung ste/ /de la sems can sogs med phyir//de phyir sprul pa sangs rgyas min/ /des ni chos kyang bstan ma byas/ /don dam du ni mi rtog pa'i/ /stong la snying rje mi 'dod de / /gang la snying rje byed pa yi/ /sems can med phyir sangs rgyas med/ /gal te kun rdzob snying rje yod/ /smad 'tshong du bar byed dang 'dra/ /smad 'tshong rnams kyi dud mo gang //de ni kun rdzob snying rje min/ /zhes bya ba la sogs pa'o/ /de la 'dir don dam pa'i mtshan nyid med pas mtshan nyid gcig pa nyid kyis sangs rgyas kyang yod pa ma yin/ theg pa chen po yang ma yin te/ don dam pa ni gnyis su med pa'i ye shes kyi spyod yul yin pa'i phyir/ kho bo cag gi tshul nyid smras par gyur to//de bzhin gshegs pa'i sku rnam par mi rtog pa las kyang / sprul pa'i skus thams cad la phan 'dogs par bzod pa gzhan la phan pa dang / bde ba bsgrub pa'i thugs dam gyis yongs su bsgos pa nyid dang / sngon gyi smon lam gyi shugs kyi dbang gis rnam pa thams cad du 'byung ste/de la brten nas yi ge dang ngag dang tshig rjes su mthun pa'i mtshan nyid kyi gsung chos dang / gang zag bdag med par mu stegs byed dang / nyan thos dang rang sangs rgyas yin nam sangs rgyas thams cad dang / thun mong ma yin pa rnams gsal bar mdzad pa/pha rol tu phyin pa rnams yang dag par 'grub pa'i phyir theg pa mchog gis 'gro ba rnams la nye bar 'byung ste/ de ni theg pa chen po zhes bya'o/ /don dam pa pa'i sangs rgyas yod na bstan pa brjod pa'i gsung 'byung ba'i phyir ston pa yang bstan pa dag gi mdzad pa po nyid du 'dod pa kho na yin pas grags pa'i gnod pa yang med do//ci ste yang la la 'di snyam du de bzhin gshegs pa'i bstan pa ni byed pa po de bzhin gshegs pa rnam par rtog pa can dang ldan pa yin te/ sgra'i mtshan nyid yin na gzhan gyi bsam pa'i dbang gis de 'byung ba'i phyir dper na nyan thos la sogs pa'i bstan pa bzhin no snyam du sems na/de ni rigs pa ma yin te/ sprul pa bstan pa dag gis ma nges pa nyid yin pa'i phyir ro/ /'dis ni rnam par mi rtog pa la bstan pa mi rung ste/ rnam par mi rtog pa'i phyir dper na bong ba bzhin no zhes rjes su dpog pa la yang skyon gyis lan btab pa yin no//gtan tshigs kyi don rang la ma grub pa nyid kyang ma yin no/ /gzhan gyi phyogs la grub pa gtan tshigs nyid yin pa'i phyir gtan tshigs kyi don ma grub pa nyid ma yin no zhes phyir zlog par byed na yang lan snga ma bzhin no/ /sprul pa'i sangs rgyas ni don dam pa'i sangs rgyas las gzhan nyid du brjod par bya ba ma yin pa'i phyir tha snyad pa'i sangs rgyas nyid zlog par mi byed do//des bstan pa yang zlog par mi byed do / /don dam pa pa'i sangs rgyas ni gsung gi rgyu yin pa'i phyir dang / tha snyad du mdzad pa po nyid du grub pa'i phyir ro/ /don dam par ni de bzhin gshegs pa la spros pa mi mnga' ba'i phyir/de bzhin gshegs pa thugs rje mi mnga' ba'am/ thugs rje dang ldan pa'o zhes bya ba'i rnam par rtog pa'i spros pa mi mnga' ba'i phyir/ thugs rje dang thugs rje'i gnas sems can med pa'i phyir thugs rje yang yod pa ma yin la/ de dang ldan pa yang yod pa ma yin pas 'di yang kho bo cag gi tshul nyid gsal bar byed pa yin no/ /kun rdzob tu ni kho bo cag la sems can dang / thugs rje yang yod pas gzhi de las bcom ldan 'das kyang yod de/ de'i dbang gis sems can la phan pa dang / bde ba rnam pa sna tshogs sgrub pa'i thugs dam bzhes pa yin par grub 'dod do//de la thugs rje ni gzhan sdug bsngal bas thugs thag pa nas sdug bsngal bar 'gyur ba'i mtshan nyid de/ dper na ma bu la byams pa/ bu gcig pa la ji lta ba bzhin du sangs rgyas dang byang chub sems dpa' rnams kyang sems can thams cad la de bzhin no//gal te smad 'tshong ma la yod par gyur na yang de la mi dgar ci yod/ de lta mod kyi ba spu'i khung bu dang / nam mkha'i khams dag mtshan nyid 'drar zin kyang / khyad par shin tu che ba de bzhin du che / bcom ldan 'das kyi thugs rje yang smad 'tshong ma'i ngud mo lta bu ma yin te/bskal pa stong phrag dpag tu med pa nas yongs su bsgom pa nyid kyis rab tu mthar phyin par gyur pa'i phyir dang / sems can gyi khams ma lus pa la khyab pa'i phyir ro/ /ci ste bcom ldan 'das kyi thugs rje'i mtshan nyid ji skad bstan pa de smad 'tshong ma la med na ni/'o na bcom ldan 'das kyi thugs rje ni smad 'tshong ma'i ngud mo dang 'dra ste/ gal te kun rdzob snying rje yod/ /smad 'tshong ngu bar byed dang 'dra/ /zhes smras pa de rigs pa ma yin no/ /gal te sangs rgyas kyi thugs rje ni thugs thag pa nas ma yin te/ kun rdzob pa yin pa'i phyir dper na smad 'tshong ma'i ngud mo bzhin no zhe na/de ni bzang po ma yin te/ bu la byams pa la sogs pa'i snying rje dag gis ma nges pa nyid yin pa'i phyir ro/ /de'i phyir mu stegs can dag ni rab tu zhe sdang ba'i sgregs pa dri nga ba'i tshig kun du brjod pa na rang gi bsam pa'i bdag nyid ngan pa nyid du ston par byed pa yin no// //dbu ma'i rtsa ba'i 'grel pa shes rab sgron ma/ bam po bcu dgu pa/ rnal 'byor spyod pa po dag gis smras pa/ dmigs pa thams cad nyer zhi zhing / /spros pa nyer zhi zhi ba ste/ /sangs rgyas kyis ni gang du yang / /su la 'ang chos 'ga' ma bstan to//zhes bya ba ni bden na de rtogs par bya ba'i thabs gzhan gyi dbang la skur pa 'debs pa de ni mi rung ste/ 'o na ji lta bu zhe na/ ngo bo nyid gsum shes par bya/ /dang po kun du brtags pa yin/ /gnyis pa gzhan gyi dbang yin te/ /tha ma yongs su grub pa yin/ /mtshan nyid de bzhin skye ba dang //don dam ngo bo nyid med pas/ /ngo bo nyid ni gsum po dag /ngo bo nyid med nyid du 'dod/ /de la gang gi tshe kun brtags pa'i ngo bo nyid med pa'i phyir mi dmigs shing / gzhan gyi dbang gi ngo bo nyid kyang rgyu mtshan du mi 'dzin pas yang dag par rjes su mi mthong ba de'i tshe na/dmigs pa thams cad nye bar zhi ba yin no/ /de dag lhan cig tu 'di dpyad par bya ste/ de la kun brtags pa'i ngo bo nyid ces bya ba de gang yin/ de mtshan nyid ngo bo nyid med pa nyid kyis ngo bo nyid med pa ni ji lta bu yin/ gal te kun brtags pa'i ngo bo nyid ni chos rnams kyi ngo bo nyid dang /khyad par la sogs par tha snyad pa'i rnam par rtog pa gang yin pa ste/ 'di lta ste/ ngo bo nyid du rnam par rtog pa'i gzugs dang / tshor ba zhes bya ba la sogs pa rnam par rtog pa'o/ /khyad par du rnam par rtog pa ni bstan du yod pa dang / bstan du med pa zhes bya ba la sogs par rnam par rtog pa'o//de mtshan nyid ngo bo nyid med pa nyid kyis ngo bo nyid med pa ni rgyu mtshan la sogs pa lnga po dag gi khongs su ma gtogs pa'i phyir ro/ /de de ltar yod pa ma yin yang ming don la 'jug pa las kun nas nyon mongs par 'gyur te/ ji ltar ming don la 'jug pa de ltar byis pa rnams de'i ngo bo nyid la mngon par zhen par byed do zhe na/de la 'dir gal te gzugs zhes bya bar yid la brjod pa dang / tshig tu brjod pa'i kun brtags pa ngo bo nyid gang yin pa de med do zhe na ni dngos po la skur pa 'debs pa yin te/ yid la brjod pa dang / tshig tu brjod pa la skur pa 'debs pa'i phyir ro//ci ste gang yang rung bas de gnyis kyi don kun brtags pa gang yin pa de med de/ dper na thag pa la sbrul bzhin no zhe na ni/ kun brtags pa med pa ma yin te/ de la rnam pa 'dra bas blo gros 'khrul pas kun brtags pa'i don med kyang tha snyad du sbrul 'khyil pa la sbrul med do zhe na ni/grags pa'i gnod par 'gyur ro/ /ci ste don dam par dngos po sel bar byed na ni/ dbu ma pa'i tshul gyis rjes su smra ba yin te/ don dam par sbrul rdzas su yod pa ma yin pa'i phyir dang / ngo bo nyid las skye ba med pa'i phyir ro/ /thag pa dang sbrul 'khyil ba la mi dmigs pa kho nar thag pa dang sbrul gyi blo skye na ni/pha rol po rang la shes par byed pa rab tu ma grub bo/ /gang yang rung ba la ma grub pa ni gtan tshigs ma yin no zhes bya ba der tha snyad kyi dus su ni phyogs gnyi ga la grags pa'i sgrub par byed pa 'dod par bya'o zhes sngar bstan zin to/ /kun brtags pa'i don yod pa ma yin par ston par 'dod pas ni slob dpon gyis dbu ma pa'i tshul 'thad pa dang bcas pa bka' stsal pa nyid 'dod par bya ste/brjod par bya ba'i ngo bo nyid bkag pa kho nas yul de la yid dang tshig gi brjod pa 'jug pa ldog pa'i phyir ro/ /kun brtags pa'i mtshan nyid med do zhe na ni gtan tshigs kyi don ma grub pa nyid de/ming ni gzugs dang 'du byed du gtogs pa'i phyir dang / ngo bo nyid dang / rtog pa dang / rjes su dran pa rnam par rtog pa dag kyang rnam par shes pa dang / 'du byed kyi phung por gtogs pa'i phyir ro/ /gzhan yang tha snyad pa'i brjod pa 'jug pa ni brjod par bya ba'i don gyi ngo bo nyid dang /khyad par gyi yul can yin la/ don dam par brjod par bya ba'i don gyi ngo bo nyid dang / khyad par bkag pa'i phyir mngon par zhen pa'i nyon mongs pa mi 'thad de/ skyes bu 'phyon ma pas gzugs su byas pa'i na chung la bdag med pa nyid du rtog pa bzhin pas ming gi dbang gis don la mngon par zhen par mi rigs te/tshul bzhin ma yin pa yid la byed pa las rigs so/ /de bzhin du gzhan gyi dbang gi ngo bo nyid ces bya ba de yang gang yin/ chos rnams kyi rten cing 'brel par 'byung ba'i ngo bo nyid kun nas nyon mongs pa dang / rnam par byang ba'i gzhi gang yin pa ste/brtags pa'i rgyu mtshan bcas phyir dang / /gzhan du gnyis po med phyir dang / /kun nas nyon mongs dmigs pa'i phyir/ /gzhan dbang yod pa nyid du 'dod/ /'di la yang gal te gzhan gyi ngo bo nyid tha snyad kyi bden par gtogs par 'dod na ni de 'dod la rag ste de ston pa don med do//ci ste don dam par na ni rten cing 'brel par 'byung ba ma yin te/ skye ba med pa'i rab tu byed par bstan pa'i tshul gyis skye ba bkag pa'i phyir ro/ /brtags pa rgyu mtshan bcas phyir dang / /zhes bya ba de yang phyogs kyi chos ma yin pa'i phyir/gtan tshigs kyi don ma grub pa nyid do/ /ci ste yang / brtags pa rgyu mtshan bcas phyir dang / /zhes bya ba 'dir chos mthun pa'i dpe'i tshig yin pas de'i phyir rjes su dpag pa ni don dam par gzugs zhes brtags pa gang yin pa de ni rgyu mtshan dang bcas pa nyid yin te/brtags pa'i phyir ro zhes rjod par byed na yang dper na 'di lta bu'o zhes bya ba'i rjes su 'gro ba med pas gtan tshigs kyi don ma grub pa nyid do/ /gtan tshigs kyi don 'gal ba nyid kyang yin te/ gtan tshigs spyir brjod pa'i phyir ro/ /gang dag don dam par ming dang gzugs skye ba med do zhes dam bcas pa de la dam bcas pa'i skyon 'dogs par byed pa de dag /gal te rjes su dpag pas gnod pa smra na de nyid kyi phyir de la rjes su dpag pas gnod pa med do/ /ci ste grags pas gnod do zhe na/ de ni dang po nyid du lan btab zin to/ /ci ste mngon sum gyis gnod do zhe na/de yang 'dir skabs med do/ /don dam pa ni gnyis su med pa'i phyir/ ci zhig gang gis kun nas nyon mongs pa dang / rnam par byang bar 'gyur/ don dam par skye ba med par smra ba ni kun nas nyon mongs pa dang / rnam par byang ba la skur pa 'debs pa ma yin no/ /skur pa 'debs pa ma yin pa ma yin te/'di ltar mdo sde las/ thog ma med pa'i dus ldan khams/ /sa bon kun gyi gnas yin te/ /de yod pas ni 'gro kun dang / /mya ngan 'das pa thob par 'gyur/ /zhes gsungs pas/ de ni gzhan gyi dbang yin par 'dod de/ de yang dag na ni chos kyi dbyings zhes bya ba la/ma dag na ni nyon mongs pa can zhes bya'o zhe na/ mdo sde las de skad gsungs pa ni tha snyad kyi bden pa'i lugs gsal bar bya ba'i phyir te/ thog ma med pa'i dus ldan khams/ /zhes bya ba ni rnam par shes pa thog ma med pa'i dus nas zhugs pa'i phyir ro/ /khams zhes bya ba 'phags pa'i chos kyi rgyu yin pa'i phyir te/gser dang dngul gyi khams bzhin no/ /sa bon kun gyi gnas yin te/ /zhes bya ba ni khams gsum par gtogs pa dang / ma gtogs pa dang / dge ba dang mi dge ba'i bag chags kyi sa bon gyi gnas yin pa'i phyir ro/ /de yod pas na 'gro kun dang //zhes bya ba ni de'i dbang gis 'gro ba 'thob par byed pa'i chos mngon par 'du byed na'o/ /mya ngan 'das pa 'thob par 'gyur/ /zhes bya na ni thos pa dang / bsams pa dang bsgoms pa las byung ba skye ba med pa shes pa nyid kyis mi skye ba'i chos can mya ngan las 'das pa 'thob pa'i phyir zhes bya bar tshigs su bcad pa'i don khas blangs pa'i phyir ro//tshigs su bcad pa'i don gzhan yin par ni tshad ma dag gis bstan dka' ba'i phyir des ni lan mi thebs so/ /ci ste yang mdo sde las/ brtags pa'i dngos po med pa nyid/ /gzhan gyi dbang ni yod pa yin//sgro 'dogs pa dang skur pa'i mthar/ /rtog par byed pa nyams par 'gyur/ /zhes gsungs pas/ gzhan gyi dbang yod pa nyid do zhe na/ mdo sde'i don ni gzhan gyi dbang la ming yod pa ma yin pa'i phyir dang / gzhan gyi dbang yang tha snyad du/ /sgyu ma dang / rmi lam lta bu'i bdag nyid du yod pa nyid gsal bar byed pa yin te/gzhan las kyang / ji skad du/ ming ni gang dang gang dag gis/ /chos rnams gang dang gang brjod pa/ /de la de ni yod min pa/ /de ni chos rnams chos nyid do/ /zhes bya ba dang / de bzhin du/ bskyed bya med cing skyes pa med/ / rkyen rnams dag ni gang dag kyang / /'ga' yang gang na'ang yod pa min/ /tha snyad du ni brjod par bya/ /zhes bya ba dang / de bzhin du/ gang la cung zad skye med cing / /'gag pa'ang cung zad yod min pa / /'gro ba dben mthong de la ni/ /yod pa nyid dang med nyid med/ /ces bya ba la sogs pa gsungs pa lta bu'o//khyed cag chos kyi khams ji ltar kun nas nyon mongs pa dang / rnam par byang bar 'gyur bar ston/ chos kyi khams nyon mongs pa can dang / nyon mongs pa can ma yin pa nyid du brjod par bya ba ma yin pa la/ nyon mongs pa'i dri ma glo bur ba yod pa'i phyir/chu khams gser dang nam mkha' dag /dag pa bzhin du dag par 'dod/ /de ji ltar nyon mongs pa can dang / nyon mongs pa can ma yin pa nyid du brjod par bya ba ma yin zhe na/ gal te nyon mongs de ma gyur/ /lus can thams cad grol bar 'gyur/ /gal te rnam dag de ma gyur//'bad pa 'bras bu med par 'gyur/ /yang na/ nyon mongs ma yin mi mongs min/ /de ni dag min ma dag min/ /sems ni rang bzhin 'od gsal phyir/ /nyon mongs glo bur yin phyir ra /de ni rigs pas ma yin te/ /bdag tu smra ba dag gis kyang / /gal te nyon mongs bdag ma gyur//lus can thams cad grol bar gyur/ /gal te rnam dag bdag ma gyur/ /'bad pa 'bras bu med par 'gyur/ /de'i phyir re zhig bdag rtag pa dag pa byed pa med pa yod de/ 'on kyang 'khor ba dang thar pa dag kyang yod do zhes de ltar phyir zlog par byed nus pa'i phyir ro/ /de'i phyir rang gi grub pa'i mtha'i skyon sba ba'i thabs 'thad pa med pa mi 'grub po//gzhan yang chu la sogs pa rgyu dang rkyen gyi dbang gis skye ba'i khyad par bsten pa dag bzhin du tha snyad pa'i rnam par shes pa nyon mongs pa can dang / nyon mongs pa can ma yin pa'i dngos por skye ba la ltos pas nyon mongs pa rnams dang lhan cig skye ba dang /nyon mongs pa rnams med par phyin ci ma log pa'i shes pa dang lhan cig skye ba dang / kun nas nyon mongs pa dang rnam par byang ba dag tu 'byung bar 'gyur bar rung ba de ltar chos kyi khams ni/ nyon mongs pa rnams dang / shes pa dang lhan cig skye ba ma yin pas chu la sogs pa bzhin du/de bzhin nyid kun nas nyon mongs pa dang / rnam par byang ba dag tu 'gyur bar mi rigs so/ /gal te du ba dang / khug rna la sogs pa yod pa dang / med pa nam mkha'i dri ma dang bcas pa dang / dri ma med par brjod par bya ba ma yin nam zhe na/ ma yin te/ nam mkha' rdzas su yod pa nyid bkag pa'i phyir ro//rdzas su yod pa nyid yin na yang dri ma dang bcas pa dang / dri ma med pa dag mi 'grub ste/ skye ba dang / 'gag pa med pa'i phyir dper na chos kyi khams bzhin no/ /yang na nam mkha' dri ma dang bcas pa dri ma med par 'gyur ba bzhin du chos kyi khams la yang kun nas nyon mongs pa dang /rnam par byang ba dag nye bar brtags pa'i phyir 'dod pa'i don nyams so/ /kun nas nyon mongs pa dmigs pa'i phyir zhes bya ba de la yang dam bcas pa'i gtan tshigs kyi skyon snga ma bzhin no/ /de skye ba ngo bo nyid med pa yang ji lta bu yin/ gal te rkyen gyi stobs kyis skye zhing /rang mi skye ba gang yin pa'o zhe na/ de don dam par ji ltar rkyen gyi stobs kyis skye/ ngo bo nyid kyis sam/ gzhan gyi dngos pos sam/ gnyi gas sam/ ci yod pa las sam/ ci med pa las sam/ ci yod pa dang med pa las skye'o zhes brjod par bya grang na/ rnam pa thams cad las kyang sngar bstan pa'i tshul gyis de skye ba med pa'i phyir/rkyen gyi stobs kyis skye ba bstan dka'o/ /ci ste sgyu ma la sogs pa'i skye ba bzhin du brjod par bya ba ma yin pa'i skye ba spyir brjod na ni tha snyad kyi bden pa sgrub pa yin no/ /rkyen gyi stobs kyis skyes pa sgyu ma la sogs pa bzhin du ngo bo nyid las skye ba med par ston pas dbu ma pa'i smra ba'i rjes su smra ba yang yin te/dbu ma pa'i bstan bcos kyi tshul ni/ rten cing 'brel par gang 'byung ba/ /de ni stong pa nyid du bshad/ /ces bya bas dngos po rnams rang las skye ba med pa yin pa'i phyir ro/ /ci ste ngo bo nyid las skye ba med pa ni ngo bo nyid med pa nyid yin te/mdo sde las/ gang zhig rkyen las skyes pa de ma skyes/ /zhes gsungs pa'i tshig dang rjes su mthun pa'i phyir ro zhe na/ de lta na yang dbu ma pa'i smra ba'i rjes su smra ba yin te/ ngo bo nyid las de skye ba 'gog pa'i phyir ro/ /ji ltar rnal 'byor pas gzhan gyi dbang gi ngo bo nyid rgyu mtshan du mi 'dzin pas/yang dag pa rjes su mi mthong ba yin/ gal te ji ltar snang ba de ltar med pa yin no zhe na/ ci'i phyir de de ltar med pa yin te / gal te don dam par de ltar ma skyes pa'i phyir ro zhe na ni dbu ma pa'i smra ba'i rjes su smra ba yin no/ / ci ste ji ltar skyes pa de de ltar med de/ brten nas skyes pa'i phyir sgyu ma la sogs pa bzhin no zhe na ni 'o na de lta na gzhan gyi dbang yod pa nyid kyang ma yin la/ dbu ma pa'i smra ba'i rjes su smra ba yin te/ dbu ma pa'i smra ba'i tshul ni/ rmi lam ji bzhin sgyu ma 'dra/ /dri za'i grong khyer ji bzhin du//de ltar skye dang de bzhin gnas/ /de bzhin du ni 'jig pa gsungs/ /zhes bya ba yin pa'i phyir ro/ /gal te gnyis po dag yongs su ma grub pa'i phyir / ji ltar snang ba de ltar med do zhe na ni de la ci'i phyir gnyis po dag yongs su ma grub ces brgal zhing brtag pa de dang lan nyid de bzhin du nye bar gnas so//ci ste yang 'di snyam du/ don dang sems can bdag rnam rig /snang ba'i rnam par shes pa yis/ /rab tu skye bo de'i don med/ /de med pas na de yang med/ /ces bya bas don med pa'i phyir/ rgyu mtshan du 'dzin par mi 'grub bo snyam nas yang don de bstan par dka'o//gal te bstan par mi dka' ste/ mdo sde las/ kye rgyal ba'i sras 'di lta ste/ khams gsum pa 'di ni sems tsam mo zhes gsungs pa'i phyir ro zhe na de ni lan ma yin te/ mdo sde'i tshig gzhan du rnam par bshad pa'i phyir dang / bsgrub par bya ba'i don mngon sum ma yin pa ni lung dang rjes su dpag pa dag gis 'grub pa'i phyir ro//gal te rnam par shes pa ni tsai tra la sogs pa'i don gyis stong pa yin te/ 'jug pa dang ldan pa'i phyir dang / 'bras bu yin pa'i phyir dang / mi rtag pa'i phyir dang / g.yo ba med pa'i phyir dang / dus 'jug pa'i phyir dper na rang gi bag chags thob pas 'jug pa'i rmi lam gyi sems bzhin no zhes rjes su dpag pa'i phyir dang /lung las/ phyi rol snang ba yod min te/ /lus dang longs spyod gnas 'dra bar/ /sems ni sna tshogs snang bas na/ /sems tsam du ni nga smra'o/ /zhes gsungs pa'i phyir skyon med do zhe na/ rnam par shes pa don gyis stong pa yin te zhes dam bcas pa'i don gang yin/gal te de'i don phyi rol gyi rkyen la mi ltos par bag chags kyi sa bon gyi rgyu las rnam par shes pa skye ba yin na ni de la gal te don dam par phyi rol gyi rkyen la mi ltos par rnam par shes pa skye bar ston na dpe med do/ /ci ste tha snyad du na ni grags pas gnod do//sangs rgyas kyi dbang gis sam/ lha'i dbang gis sam/ dang po lung 'bogs pa rnam par rig pa las skyes pa'i rnam par shes pa dag gis gtan tshigs kyi don ma nges pa nyid dang / sangs rgyas 'byung ba don med pa nyid dang / tha snyad kyi bden par gtogs pa'i don snang ba med pa nyid du yang 'gyur ro//de ngo bo nyid la yod pa ma yin pa'i phyir phyi rol gyi don ngo bo nyid yod pa ma yin yang phyi rol gyi don gyi yul gyi ngo bo nyid log par snang ba ma gtogs pa las sgyu ma mngon par mi shes pa bzhin du/ lus dang longs spyod dang / gnas 'dra ba'i sems sna tshogs skye bas sems sna tshogs su snang zhing /lus dang longs spyod dang / gnas kyi grib ma lta bus nye bar kha bsgyur ba'i phyir lus dang longs spyod dang gnas lta bur yang snang ngo / /de med du zin na de ltar snang ba nyid du mi 'gyur te/ dper na ri bong gi rwa snang ba nyid du mi 'gyur ba bzhin no//bcom ldan gyis sems tsam zhes gsungs pa'i mdo sde'i don kyang sems las gzhan pa'i byed pa po dang / za ba po med pa'i phyir sems tsam mo zhes gsungs par khas blangs pa'i phyir/ de ltar nges par byar mi nus te/ byang chub sems dpa'i sa drug pa las/ byang chub sems dpa'i srid pa'i yan lag bcu gnyis kyi skye ba dang /'gag pa la so sor rtog pa na 'di snyam du sdug bsngal gyi phung po 'ba' zhig pa 'dis sdug bsngal gyi shing ljon pa mngon par 'grub par byed kyi/ byed pa po 'am tshor ba po ni med do snyam nas de 'di snyam du sems te/ byed pa po la mngon par zhen pa las bya ba mngon par 'gyur gyi/gang la byed pa po med pa de la don dam par bya ba yang dmigs su med do snyam nas de 'di snyam du sems te/ 'di lta ste/ khams gsum pa 'di ni sems tsam ste/ sems tsam gyis rab tu phye ba dang / sems kyis mngon par 'du byas pa yin gyi/ dbang phyug la sogs pa byed pa po ni med do snyam du rnam par nges par mdzad nas/kye rgyal ba'i sras 'di lta ste/ khams gsum pa 'di ni sems tsam mo zhes gsungs te/ tsam zhes gsungs pa de ni byed pa po med de dgag pa yin par shes par bya'i don dgag pa ni ma yin par shes par bya'o/ /gang dag 'di skad ces dngos po gzugs can rnams ni sems kyi ngo bo nyid yin te/rnam par shes pa'i yul yin pa'i phyir dper na de ma thag pa'i rkyen bzhin no zhes zer na sems las byung ba dag gis ma nges pa nyid yin no/ /gzugs la sogs pa ni sems dang sems las byung ba'i ngo bo nyid yin par ston na yang sems dang sems las byung ba dag gis so sor ma nges pa nyid yin no//grub pa'i mtha' dang 'gal ba yang yin te/ tshul ni/ de la don mthong rnam par shes/ /de yi bye brag sems las byung / /zhes bya ba yin pa'i phyir ro/ /snga ma bzhin du dam bcas pa'i skyon yang yod do//gang dag 'di skad ces 'di la gzugs kyi blo 'di'i yul rdul phra rab kyi gzugs gcig yin nam/ 'dus pa yin/ de la rdul phra rab kyi gzugs gcig ni gzugs kyi blo'i spyod yul ma yin te/ de mi snang ba'i phyir dper na mig bzhin no/ /ci ste 'dus pa yin na ni/ de gzugs kyi blo'i yul ma yin te/rdzas su yod pa ma yin pa'i phyir/ dper na zla ba gnyis su snang ba bzhin no zhes zer na de la gal te don dam par mig gi rnam par shes pa gzugs la dmigs pa nyid dang / gzugs kyang mig gi rnam par shes pa'i dmigs par bya ba nyid ma yin par 'gog par byed na ni grub pa la sgrub pa yin no//ci ste tha snyad du grags pas gnod do/ /rdul phra rab dbang po'i rnam par rig pa dag gi yul ma yin no zhes dam bcas pa de'i don kyang gang yin gal te yul gzhan yod pa yin na ni yul gzhan phyogs snga ma la gnod do/ /gal te de la yul med na ni dpe med de/ gzugs kyi blo phyogs su byas pa yul med par ma grub pa'i phyir ro/ /gzhan yang blo gzhan rdul phra rab kyi gzugs bstsags pa dang / bstsags pa ma yin pa gcig pu la dmigs pa dag phyogs su byas pas gcig gi dus la ni gtan tshigs kyi don ma grub pa nyid de/ bstsags pa'i gzugs rdul phra rab kyi gzugs gzhan gyis phan btags pa gcig pu yang rang gi bdag nyid snang ba'i blo skyes pa yin pa'i phyir/de'i blo yod pas de mi snang ba nyid ma grub pa'i phyir ro/ /gzhan gyi dus la ni grub pa la sgrub pa yin te/ bsags pa ma yin pa'i gzugs mig gi rnam par shes pa'i yul nyid du khas ma blangs pa'i phyir ro//chos mngon pa las kyang / gzugs can bcu ni bsags pa'o/ /zhes 'byung bas de'i phyir bsags pa ma yin pa ni yul gyi dngos por mi 'grub bo/ /gzugs la dmigs pa med par gzugs kyi blo skye bar dam 'cha' na ni gzugs la dmigs par mi byed pa'i blo ni mig gi dbang po'i blo nyid yin par mi 'grub pas de mi snang ba'i phyir zhes bya ba'i gtan tshigs kyi gzhi ma grub pa nyid do//gzugs kyi blo'i yul 'dus pa nyid la yang rdzas su yod pa ma yin pa'i phyir zhes gang smras pa de la snga ma bzhin du dam bcas pa'i skyon yod do/ /zla ba gnyis su snang ba yang gal te don yin no zhe na ni de rang dang gzhan la mi 'grub ste/rnam pa de lta bu'i don mi srid pa'i phyir ro/ /'on te zla ba gnyis su snang ba blo yin no zhe na/ de ni rdzas su yod pa ma yin par ma grub pa'i phyir dper na sgrub pa'i chos ma tshang ba nyid kyi skyon yod do/ /gzugs kyi rnam par shes pa gzugs zhes bya ba'i don gyis stong par ston na dpe la bsgrub par bya ba chos ma tshang ba nyid kyi skyon yod do//zla ba gnyis mthong ba'i blo phyi rol gyi dmigs pa la ma ltos par skye bar mi 'grub pa'i phyir ro/ /gzhan yang smra bar 'dod pa'i rnam par shes pa ni dmigs pa'i rkyen gzugs kyi rnam par shes pa'i gzugs su snang ba nyid gang yin pa de dang ldan pa ma yin te/mig gi rgyu dang ldan pa'i phyir dper na de nyid kyi rang gi bdag nyid du snang ba bzhin pas tha snyad du yang dmigs pa'i rkyen la skur pa 'debs pa'i phyir mdzad pa'i mtha' dang 'gal ba'o/ /rnam par shes pa ni rang gi bdag nyid kyis nges par gnas pa'i phyir rgyu yod na lta ba med par mi 'thad pas dmigs pa med par mi 'grub po//ci ste 'di snyam du/ dmigs pa la ni brten byas nas/ /mi dmigs pa ni rab tu skye/ /mi dmigs pa la brten byas nas/ /mi dmigs pa ni rab tu skye/ /zhes 'byung bas skyon med do snyam na phyogs de'i lan ni btab zin te/rnam par rig pa tsam nyid kyi skye ba rab tu grub par gyur na ni de yang grub par gyur pa zhig na de ni rab tu ma grub pa'i phyir ro/ /de yod par gyur na yang ji ltar rnam par shes pa med par 'gyur zhes bya ba de nyid de bzhin du nye bar gnas so/ /gal te skye ba med pas don med pa'i phyir ro zhe na ni de nyid dbu ma pa'i smra ba'i rjes su smra ba yin no//gzhan yang rnam par rig pa nye bar blang ba yang byas nas gal te/ de yongs su gtong bar yang 'dod na ni 'di ltar 'dam rdzab 'khru bas mi reg par thag bsring ba bzang ngo / /don ngo bo nyid med pa nyid du brtags pa bzhin du rnam par shes pa yang bdag med pa nyid dang skye ba med pa nyid du rtogs par byar rung ngo //dang por phyi rol gyi don gyi yul sgom par byed cing / rim gyis rnam par shes pa dang / ye shes kyi yul sgom par byed na ni rim kho nas bdag med pa nyid rtogs par 'grub pa'i phyir snga nas cig car du bsgom pa la ser sna bya mi dgos so//de'i phyir de ltar kun brtags pa dang gzhan gyi dbang mi mthong bar mi 'thad pa'i phyir dmigs pa thams cad nye bar zhi ba mi 'grub po/ /de bzhin du/ yongs su grub pa'i ngo bo nyid/ /ces bya ba de yang gang yin/ chos rnams kyi de bzhin nyid gang yin pa'o zhe na 'o na don dam par chos de rnams nyid ma grub pas de rnams kyi chos nyid kyang mi 'thad pa ma yin nam/ci ste tha snyad du rmi lam lta bu'i bdag nyid du skyes pa yod pa rnams don dam par de ltar yod pa ma yin pa nyid ni chos rnams kyi de bzhin nyid yin no zhe na ni de ngo bo nyid kyis skye ba med pa kho nar grub pa'i phyir dbu ma pa'i smra ba'i rjes su smra ba nyid yin no//ci ste 'di snyam du yongs su grub pa'i ngo bo nyid ni med pa ma yin te/ 'di ltar de ni gnyis med pa'i dngos po'i mtshan nyid de/ ji skad du/ gnyis po dngos po med pa yin/ /dngos po stong pa'i mtshan nyid do/ /zhes bshad pa lta bu'o zhe na/de la 'dir yang 'thad pa gang gis gnyis med pa yin/ gal te/ dmigs pa la ni brten byas nas/ /mi dmigs pa ni rab tu skye/ /mi dmigs pa la brten byas nas/ /mi dmigs pa ni rab tu skye/ /zhes bya bas so zhe na/ phyogs de'i lan btab zin to/ /gnyis med pa zhes bya ba'i dgag pa 'di yang gal te med par dgag pa'i don yin na ni de gnyis med par dgag pa kho na mthu zad pa yin te/med pa'i skyon du ma gyur pa ni dgag pa gtso che ba'i phyir don dam par med pa ma yin pas 'di ltar gnyis med pa'i dngos po yin no zhes skur pa 'debs pa mi rigs so/ /'on te ma yin par dgag pa'i don yin na ni de sgrub pa gtso che ba'i phyir dngos po med pa ston par byed pas de ni mi 'dod de/skur pa 'debs pa'i mtha' yin pa'i phyir ro/ /ri bong gi rwa med pa yang dngos po med pa ma yin te/ 'di ltar med pa'i dngos po de dang / don dam par 'dra bar gyur na chad par lta ba 'grub par 'gyur ro//de'i dmigs pa rnam par dag pa nyid kyang ji lta bu yin/ gal te rnam par mi rtog pa'i ngo bo nyid kyis so zhe na/ dmigs pa can gyi ye shes de ni rnam par mi rtog pa zhes bya ba ma yin te/ 'di ni 'di'o zhes rnam par mi rtog kyang yul snang ba'i phyir dper na mig gi rnam par shes pa bzhin pas mdo sde las don dam pa'i bden pa gang zhe na/gang la ye shes kyang mi 'jug na yi ge rnams lta smos kyang ci dgos zhes bya ba dang / mthong ba med pa ni de kho na mthong ba'o zhes bya ba dang / tshangs pa de bzhin gshegs pa rnams kyi byang chub ni dmigs su med pa'o zhes bya ba la sogs pa gsungs pa dang yang 'gal lo//rtogs par bya ba skye ba med pa bzhin du shes pa yang skye ba med pa'i phyir/ de 'jug pa med par grub ste/ bcom ldan 'das kyis shes bya dang tha mi dad pa'i ye shes kyis chos thams cad thugs su chud do zhes gsungs pa de yang grub pa yin pas de'i phyir dbu ma pa'i smra ba'i tshul la yang dag par brten pa nyid legs so//ci ste 'di snyam du dper na thag pa bsdogs pa la sbrul du 'du shes pas thag pa'i ngo bo nyid rtogs na sbrul gyi 'jigs pa nye bar zhi ba bzhin du de bzhin nyid mthong bas nyon mongs pa zhi bar 'gyur ba'i phyir chos kyi dbyings la dmigs par bya ba kho na yin no snyam na/ji ltar thag pa bsdogs pa la sbrul gyi blo skyes na/ log par shes pa'i phyir 'jigs pa skye'i/ de'i blo ma skyes na yang dag par shes pa'i phyir 'jigs pa med pa dang / skyon cha mi mnyam pa skyes na nad du 'gyur gyi/ de ma skyes na sdug bsngal med par 'gyur ba bzhin pas/de bzhin nyid la dmigs pa'i ye shes skye bar 'dod par mi bya'o/ /dngos po rnams rnam pa thams cad du yongs su ma grub pa ni dngos po'i de kho na yin la/ de ni rnam pa thams cad du yang yul gyi dngos por nye bar mi 'gyur ba'i phyir/ dmigs pa nyid du mi rigs so//de nyid kyi phyir bcom ldan 'das la 'jam dpal gzhon nur gyur pas/ sangs rgyas nam mkha'i mtshan nyid med/ /mtshan nyid mtshan nyid nges grol ba/ /dmigs med khyod la phyag 'tshal lo/ /zhes bya ba la sogs pa bstod pa mdzad do/ /ci ste 'di snyam du gal te de bzhin gshegs pas chos kyi dbyings ma dmigs na/ji ltar de thugs su chud pas sangs rgyas par gyur snyam na/ chos thams cad rnam pa thams cad du yongs su ma grub pa'i phyir rnam pa thams cad mkhyen pa'i spyod yul ni de kho na zhes bya ste/ shes bya dang / de kho na dang / spyod yul dang / ye shes skye ba med pa nyid kyi chos kyi dbyings thugs su chud pas sangs rgyas par gyur te/ ji skad du/ de bzhin gshegs pa rnams kyi byang chub ni mngon par rtogs pa med pas rab tu phye ba'o zhes gsungs pa lta bu'o/ /de bzhin nyid la dmigs pa'i ye shes ni don dam pa'i spyod yul can yin par mi rigs te/'dus byas yin pa'i phyir dper na mig gi rnam par shes pa bzhin no/ /de bzhin du de'i dmigs par bya ba de bzhin nyid kyang slu ba'i chos can yin zhing de kho na ma yin te/ dmigs par bya ba yin pa'i phyir dper na gzugs bzhin no/ /ci ste mdo sde las don dam par ni brtag mi nus pa dang /rtog ge'i spyod pa ma yin par bstan pa'i phyir rjes su dpag pas bstan par bya ba de bzhin ma yin no zhe na/ lung dang mthun pa'i rjes su dpag pa'i stobs nyid kyis rnam par rtog pa thams cad bkag pa'i rnam par mi rtog pa'i ye shes 'grub pa'i phyir don dam pa ni rjes su dpag pa'i yul ma yin yang de gtso bo ma yin te/yang dag pa dang yang dag pa ma yin pa brtags pa'i sgrub pa gzhan med pa'i phyir de ni rigs pa ma yin no/ /dpyad pa rgyas par ni dbu ma'i snying po'i de kho na la 'jug pa'i skabs nas rnal 'byor spyod pa pa dag dang lhan cig byed par 'gyur ro//zhar la bshad pas chog ste/ 'di ni mngon par brtson pa rnams rang gi sde pa dag dang lhan cig rigs pa dang rigs pa ma yin pa rtog pa'i phyogs tsam zhig bstan pa yin no/ /de la 'dir rab tu byed pa'i don ni pha rol po dag gis rab tu byed pa'i dang por sgrub pa smras pa'i skyon brjod pas mya ngan las 'das pa ngo bo nyid med pa nyid du bstan pa yin no//de'i phyir/ mya ngan 'das med mya ngan 'das/ /'jig rten mgon pos bstan pa mdzad/ /nam mkha' mdud pa bor byas pa/ /nam mkha' nyid kyis bkrol ba bzhin/ /zhes bya ba dang / de bzhin du bcom ldan 'das gang dag chos 'ga' zhig skye ba'am/'gag par 'tshal ba de dag la sangs rgyas 'byung ba ma mchis so/ /bcom ldan 'das gang dag mya ngan las 'das pa dngos po las yongs su tshol bar bgyid pa de dag la 'khor ba las yang dag par 'das pa ma mchis so/ /de ci'i slad du zhe na/ bcom ldan 'das mtshan ma thams cad rab tu zhi ba dang /g.yo ba thams cad nye bar zhi ba gang lags pa de mya ngan las 'das pa lags pa'i slad du'o/ /bcom ldan 'das mi gti mug can gang dag mya ngan las 'das pa dngos po las yongs su tshol bar bgyid pa de dag ni/ legs par gsungs pa'i chos 'dul ba 'di la rab tu byung nas mu stegs can gyi lta bar lhung ba lags te/bcom ldan 'das gang dag chos thams cad gtan yongs su mya ngan las 'das pa dag 'di lta ste dper bgyi na til dag las til mar dang / 'o ma dag las mar bzhin du mya ngan las 'das pa yongs su 'tshol bar bgyid pa de dag ni mu stegs can lhag pa'i nga rgyal can lags par bdag smra'o//bcom ldan 'das rnal 'byor spyod pa yang dag par zhugs pa ni chos 'ga' yang skye ba'am/ 'gag par mi bgyid cing chos 'ga' yang thob par mi 'tshal/ mngon par rtogs par mi 'tshal lo zhes bya ba la sogs pa dang /de bzhin du/ rab 'byor mya ngan las 'das pa yang sgyu ma lta bu dang / rmi lam lta bu'o zhes rgya cher gsungs pa dang / de bzhin du sha ra dwa ti'i bu gang dag mya ngan las 'das pa dngos po las yongs su tshol bar byed pa de dag ni 'khrug long ba yin te/ nga yang de dag gi ston pa ma yin la/de dag kyang nga'i nyan thos ma yin no zhes bya ba la sogs pa dang / de bzhin du/ blo yis rnam par gzhigs na ni/ /brtag pa med cing gzhan dbang med/ /grub pa'i dngos po yod min na/ /ji ltar blo yis rnam par brtags/ /dngos nyid med cing rnam rig med/ /kun gzhi yod pa ma yin te//byis pa ngan rtog ro 'dra bas / /de dag rnam par brtags par gyur / /zhes bya ba la sogs pa gsungs pa de dag grub pa yin no/ /slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/ mya ngan las 'das pa brtag pa zhes bya ba ste/rab tu byed pa nyi shu lnga pa'o// //dbu ma'i rtsa ba'i 'grel pa shes rab sgron ma/ bam po nyi shu pa ste tha ma'o/ /de ni de bzhin du stong pa nyid kyi mi mthun pa'i phyogs kyi khyad par dgag pas tha snyad pa'i rten cing 'brel par 'byung ba bstan pa'i don gyi dbang gis rab tu byed pa nyi shu drug pa brtsam mo//'dir smras pa/ khyod kyis rab tu byed pa 'das ma thag par/ sangs rgyas kyis ni gang du yang / /su la'ang chos 'ga' ma bstan to/ /zhes smras pa ni/ bcom ldan 'das kyis rten cing 'brel par 'byung ba mu stegs byed kyi ri dgas kyi tshogs thams cad 'byer bar byed pa/lta ba ngan pa'i skyon nye bar zhi bar byed pa/ bka' stsal pa de thugs su chud pas bcom ldan 'das 'jig rten na sangs rgyas zhes bya bar snyan par grags pa de'i phyir khyod kyis de sun dbyung bar 'dod pas/ sangs rgyas kyis ni gang du yang / /su la'ang chos 'ga' ma bstan to/ /zhes smras pa yin pas de la khas blangs pas gnod par 'gyur ro//de'i phyir bshad pa/ ma rig bsgribs pas yang srid phyir/ /'du byed rnam pa gsum po dag /mngon par 'du byed gang yin pa'i/ /las de dag gis 'gro bar 'gro/ /zhes bya ba la sogs pa ste/ de la ma rig pa zhes bya ba ni/ rig pa'i mi mthun pa'i phyogs su gyur pa'i chos sam rten cing 'brel par 'byung ba'i yan lag bcu gnyis po bdag med pa/g.yo ba med pa skad cig ma dag mi shes pa'i phyir ma rig pa'o/ /des bsgribs pas zhes bya ba ni khebs pas so/ /'dir ma rig pas bsgribs pa mi byed ces nges par gzung ba kho nas 'du byed rnams mngon par 'du byed kyi ma bsgribs pas ni mi byed do zhes nges par gzung bar bya'i/ma rig pas bsgribs pas 'du byed rnams kho na zhes ni nges par gzung bar mi bya ste/ rnam par shes pa la sogs pa yan lag lhag ma rnams la yang rgyu de yod pa'i phyir ro/ /ma rig pa kho nas bsgribs pas shes kyang nges par gzung bar mi bya ste/de las gzhan pa'i nyon mongs pa rnams kyang yod pa'i phyir ro/ /'du byed rnams kyi rgyu nyid ni 'dod chags la sogs pa nyon mongs pa rnams kyang yin na ma rig pa gzung ba ni gtso bo nyid yin pa'i phyir te/ dper na rgyal po rgyal ba dang dung gi ma 'gro ba bzhin no//ci ste yang la la 'di snyam du mi dge ba'i 'du byed rnams ma rig pa'i rgyu las byung ngo zhes bya ba de ni gti mug mi dge ba yin pa'i phyir rigs na dge ba'i 'du byed rnams ji ltar snyam na/ ma rig pa dang bcas pa lha'i pho brang na lha mo dang rtsen pa'i bde ba nyams su myong bar 'dod pas dge ba sbyong ba bzhin du ma rig pa yang rgyud las rgyu nyid yin pa'i phyir dang /'khor ba ni don dam pa'i mi dge ba yin pas der brtags pa'i dge ba yang mi dge ba yin pa'i phyir ma rig pa ni de mngon par 'du byed pa'i rgyu yin pa'i phyir skyon med do/ /yang srid ces bya ba ni yod pa rgyu dang 'bras bu'i rgyun 'brel pas yang srid par 'gyur ba ste/yang skye ba zhes bya ba'i tha tshig go/ /yang srid pa'i phyir zhes bya ba ni yang srid pa'i don du'o/ /'du byed ces bya ba ni 'du byed rnams mngon par 'du byed pa'o/ /rnam pa gsum po dag ces bya ba ni bsod nams dang / bsod nams ma yin pa dang / mi g.yo ba'i bye brag gis sam/lus dang ngag dang yid kyi 'du byed kyi bye brag gis so/ /mngon par 'du byed pa gang yin pa zhes bya ba ni bsod nams la sogs pa chung ngu dang / 'bring dang chen po'i bye brag dag go/ /las de dag gis 'gro bar 'gro/ /zhes bya ba ni bsod nams su nye bar 'gro ba dang / bsod nams ma yin par nye bar 'gro ba dang /mi g.yo ba'i nye bar 'gro ba'i 'gro bar ro/ /'du byed rkyen can rnam par shes/ /'gro ba rnams su 'jug par 'gyur/ /zhes bya ba la/ 'du byed rkyen can zhes bya ba ni gang la 'du byed kyi rkyen yod pa de ni 'du byed kyi rkyen can te rnam par shes pa'o/ /rnam par shes pa zhes bya ba ni dngos po so sor rnam par rig pa'o//'gro ba rnams su zhes bya ba ni lha la sogs pa'i rigs su 'gro ba'i 'gro ba rnams su'o/ /'jug par 'gyur zhes bya ba ni skye bar 'gyur ba'o/ /'dir ni 'du byed kyi rkyen can gyi rnam par shes pa kho na 'jug par 'gyur ro zhes kyang nges par gzung bar mi bya la/'du byed kyi rkyen can kho na'i rnam par shes pa 'jug par 'gyur ro zhes kyang nges par gzung bar mi bya/ 'du byed kho na'i rkyen can gyi rnam par shes pa 'jug par 'gyur ro zhes kyang nges par gzung bar mi bya ste/ sems las byung ba rnams kyang 'jug par 'gyur ba'i phyir dang dgra bcom pa 'du byed yod kyang yang srid par nying mtshams mi sbyor ba'i phyir dang /sred pa la sogs pa dag gi rkyen yang yod pa'i phyir ro zhes nges par mi gzung ba'i dgos pa go rims bzhin du brjod par bya'o/ /'dir slob dpon rnams kyi blo gros dag tha dad par gyur te/ kha cig na re bar ma do'i srid pa zhes pa'i ming dang /gzugs kyi rgyun gyis 'gro ba'i yul 'thob po zhes zer ro/ /gzhan dag na re rnam par shes pa 'du byed kyi rkyen can nye bar 'gro bar skye ba nyid kyis 'gro ba 'thob po zhes zer ro/ /de la snga ma pa dag na re sems can gzugs can gang du 'gags pa rnams kyis gzugs kyi rgyun skye ba ni rgyun chags su yul gzhan du skye bas yul gzhan thob par 'dod de/gzugs can yin na 'gro ba'i rgyun rjes su 'jug pa'i phyir dper na mar me bzhin no/ /yang na gzugs la brten pa'i ming dang gzugs kyi rgyun gyis 'chi ba'i yul nas 'gro ba'i yul gzhan du skye ba'i phyir dper na gson po'i gnas skabs bzhin no zhes zer ro//phyi ma pa dag na re gzugs can gyi khams su 'chi ba dang / skye ba'i srid pa dag ni srid pa gzhan gyis bar du ma chod de / zag pa dang bcas pa'i phyir dper na gzugs med par 'chi ba dang / skye ba'i srid pa dag bzhin no/ /yang na lus can rnams kyi 'chi ba'i srid pa'i mjug thogs su lus ngag skye ba de ni bar ma do'i srid pa'i lus ma yin pa'i phyir te/rnam par smin pa yin pa'i phyir dang / sdug bsngal gyi bden par gtogs pa'i phyir dper na nye bar spyod pa'i lus bzhin no/ /gzhan yang yid las byung ba'i yul gzhan 'thob pas 'gro ba'i rgyun rjes su 'jug pa'i phyir des gtan tshigs ma nges pa'i phyir bar ma do'i srid pa mi 'grub ste/bar ma do'i srid pa med par yang kha don dang mar me dang / rgya dang / me long dang / skad dang / me shel dang / sa bon dang / skyur dag gis phung po'i nying mtshams sbyor ba mi 'pho bar mkhas pa rnams kyis rtogs par bya'o zhes zer ro//gzhan ma yin pa na re gzugs can yin na 'gro ba'i rgyun rjes su 'jug pa'i phyir zhes gtan tshigs khyad par can yin pa'i phyir snga ma dag la skyon de med do zhes zer ro/ /rnam par shes pa zhugs gyur na/ /ming dang gzugs ni chags par 'gyur/ zhes bya ba la/ ming zhes bya ba ni 'gro ba rnams su gzhol ba 'am/nyon mongs pa rnams kyis gzhol bar bya ba ste/ phung po gzugs can ma yin pa bzhi po dag go/ /gzugs zhes bya ba ni gzugs su rung ba ste/ 'byung ba chen po bzhi dang rgyur byas pa'i gzugs rnams so/ /yang 'dir rnam par shes pa kho na'i rkyen can gyi ming dang gzugs zhes kyang nges par gzung bar mi bya ste/ma rig pa la sogs pa dag kyang de'i rkyen yin pa'i phyir ro/ /rnam par shes pa'i rkyen can gyi ming dang / gzugs kho na zhes kyang nges par gzung bar mi bya ste/ rdzus te skye ba rnams kyi skye mched drug gi rkyen rnams kyang rnam par shes pa yin pa'i phyir dang /gzugs med pa'i ming gi rkyen kyang rnam par shes pa yin pa'i phyir ro/ /rnam par shes pa'i rkyen can kho na'i ming dang gzugs zhes kyang nges par gzung bar mi bya ste/ dgra bcom pa'i tha ma'i sems rkyen ma yin pa'i phyir ro/ /ming dang gzugs ni chags gyur na/ /skye mched drug ni 'byung bar 'gyur//zhes bya ba la skye mched ces bya ba la ni rnam par shes pa skye ba'i sgo 'byed par byed pa'o/ /drug ces bya ba nang gi skye mched kyi dbang du byas pa'i phyir te/ de dag ni mig dang rna ba dang / sna dang / lce dang / lus dang / yid ces bya ba dag yin par 'dod do/ /mig gi skye mched ni yul kha dog dang /gzugs dang ba dang / mig gi rnam par shes pa'i gnas dang ldan pa'o/ /rna ba la sogs pa lus kyi bar gyi skye mched dag kyang yul sgra la sogs pa dang / gzugs dang ba dang / rna ba la sogs pa'i rnam par shes pa dag gi gnas dang ldan pa'o/ /yid kyi skye mched ni rnam par shes pa'i tshogs drug po dag 'gags ma thag pa'o//'dir yang ming dang gzugs kho na'i rkyen can gyi skye mched drug ces kyang nges par gzung bar mi bya ste/ 'du byed la sogs pa dag kyang de'i rkyen yin pa'i phyir dang / rdzus te skye ba rnams kyi skye mched drug gi rkyen ming 'ba' zhig kyang yin pa'i phyir ro/ / ming dang gzugs kyi rkyen can gyi skye mched drug kho na zhes kyang nges par gzung bar mi bya ste/ reg pa la sogs pa dag gi rkyen kyang ming dang gzugs yin pa'i phyir ro/ /ming dang gzugs kyi rkyen can kho na'i skye mched drug ces kyang nges par gzung bar mi bya ste/ dgra bcom pa'i tha ma'i ming dang gzugs dang rkyen ma yin pa'i phyir ro//skye mched drug la brten nas ni/ /de las reg pa 'byung bar 'gyur/ /zhes bya ba la brten nas zhes bya ba ni gnas thob nas so/ /de las zhes bya ba ni skye mched drug las so/ /reg pa zhes bya ba ni phrad pa ste bde ba dang / sdug bsngal dang / sdug bsngal ba yang ma yin bde ba yang ma yin pa myong bar 'gyur ba ste/ mtshan nyid 'og nas ston to/ /ming dang gzugs dang dran byed la/ /brten nas skye ba kho na yin/ /zhes bya ba la/ dran byed ces bya ba ni yid la byed pa'o/ /de ltar ming dang gzugs la brten nas/ rnam par shes pa skye bar 'gyur/ /'jug pa'i dus na ste/ji ltar mig dang gzugs la brten nas gzugs la dmigs pa'i rnam par shes pa skye ba de bzhin du rna ba dang / sgra la brten pa dang / yid dang chos rnams kyi bar la brten nas yid kyi rnam par shes pa skye bar brjod par bya ste/ skye mched drug gi 'bras bu skye ba brjod par 'dod pa'i phyir ro/ / 'o na reg pa de gang zhe na/ mig dang gzugs dang rnam par shes/ /gsum po 'dus pa gang yin pa/ /de ni reg pa zhes bya ba yin te/ gsum po zhes bya ba ni dbang po dang yul dang / rnam par shes pa rnams so/ /'dus pa zhes bya ba ni gcig tu tshogs pa ste/ de ni reg pa yin no/ /mig la sogs pa smos pa ni khyad par bstan pa'i phyir te/de dag gi dbang gis reg pa brtag sla ba'i phyir ro/ /reg pa de las/ tshor ba kun du 'byung bar 'gyur/ /zhes bya ba la/ tshor ba zhes bya ba ni so sor rig pa'i don gyis te/ rnam pa gsum myong ba'o/ /kun du 'byung bar 'gyur zhes bya ba ni mngon par 'byung bar 'gyur ba ste/ reg pa'i rkyen can gyi tshor ba kun 'byung ngo zhes bya ba'i tha tshig go/ /tshor ba'i rkyen gyis sred pa ste/ /tshor ba'i don la sred par 'gyur/ /zhes bya ba la/ sred pa zhes bya ba ni 'dod pa'i mtshan nyid do/ /tshor ba'i don la sred par 'gyur/ /zhes bya ba ni/ byis pa thos pa dang mi ldan pa ral gri'i so la sbrang rtsi'i thigs pas bskus pa dang mngar ba'i ro yun thung ba lta bur gyur pa ni sdug bsngal mnog chung la nyes dmigs che ba ma rtogs pa rnams de la sred par 'gyur ro//ci ste 'di snyam du bde ba'i tshor ba ni phan 'dogs pa yin pas nyams su myong ba na yang dang yang du de 'dod pas/ de la sred par 'gyur bar rigs na sdug bsngal gyi tshor ba ni nyams su myong ba na gnod par 'gyur ba yin pas des 'dod par mi 'gyur ba yin na ji ltar de'i rkyen gyis sred par 'gyur zhe na/sdug bsngal gyi tshor ba nyams su myong bas na de dang 'bral bar 'dod pa'i sred pa skye bas skyon med do/ /sred par gyur pa nye bar len/ / rnam pa bzhi po nyer len 'gyur/ /zhes bya ba la/ nye bar len pa zhes bya ba ni nye bar blang ba yin pas nye bar len pa'o/ /kha cig na re/ sred pa 'phel ba nyid nye bar len pa'o zhes zer ro/ /gzhan dag na re/ longs spyod rnams thob par bya ba'i phyir 'bad pa'o zhe'o/ /rnam pa bzhi po zhes bya ba ni 'dod pa dang /lta ba dang / tshul khrims dang brtul zhugs mchog tu 'dzin pa dang / bdag tu smra ba nye bar len pa'i mtshan nyid dag go/ /nyer len yod pa len pa po'i/ /srid pa rab tu 'byung bar 'gyur/ /zhes bya ba la/ srid pa zhes bya ba ni las kyi srid pa zhes bya ba ste/ srid par byed pas srid pa'o//yang na srid pa ni 'byung ba ste/ 'byung ba dang / skye ba zhes bya ba dag ni rnam grangs so/ /srid pa'i rgyu'i las gang yin pa de srid pa ste/ 'bras bu la rgyu nye bar btags pa'i phyir dper na sangs rgyas rnams 'byung ba bde'o zhes bya ba bzhin no/ /'dir yang reg pa la sogs pa dag ni gnyi ga ltar yang nges par gzung bar mi bya ste/rkyen nyid kyis de dag rkyen can yin pa'i phyir dang / de dag gzhan dag gi rkyen kyang yin pa'i phyir ro/ /rnam par shes pa la sogs pa da ltar gyi dus su gtogs pa dag ni ma rig pa dang 'du byed ces bya ba dag gi rgyu las byung ba bzhin no/ /de la gal te dge ba'i bshes gnyen la brten pa dang /dam pa'i chos nyan pa dang / tshul bzhin yid la byed pas 'du byed rnams sdug bsngal ba la sogs pa'i rnam pa dag gis 'du byed kyi sdug bsngal nyid dam/ ngo bo nyid stong pas ma skyes par mthong ba de'i tshe na de kho na shes pa skyes pas sred par mi 'gyur zhing / sred pa med na nye bar len par mi byed pas/gal te nye bar len med na/ /grol bar 'gyur te srid mi 'gyur/ /rten cing 'brel par 'byung ba phung po gsum pa la yang da ltar yod pa 'jig na 'bras bu nye bar ston pa yin la yod pa 'jig pa'i sbyor ba yang da ltar gyi dus kho na'i sbyor ba yin pa'i phyir ro//nye bar len pa yod na srid pa zhes gsungs pa de'i mtshan nyid kyang gang zhe na/ srid pa de yang phung po lnga/ /'dir yang phung po lnga'i rgyun la phung po lnga zhes tha snyad btags te/ phung po lnga ni srid pa kho na'o zhes nges par gzung bar bya'i/ phung po lnga kho na srid pa'o zhes ni nges par gzung bar mi bya ste/ gzugs med pa'i khams kyi srid pa ni phung po bzhi po yin pa'i phyir ro/ /srid pa las ni skye ba 'byung / /zhes bya ba la/ skye ba zhes bya ba ni skye bas na skye ba ste/ phung po rnams ma byung ba las 'byung ba'o/ /rga shi dang ni mya ngan dang / /zhes bya ba la/ rga shi zhes pa ni yongs su 'gyur ba dang / 'jig pa'i rgyu dag go//mya ngan zhes bya ba ni sdug pa dang bral bas skyed pa ste/ nang gi yongs su gdung ba'i mtshan nyid do/ /smre sngags 'don bcas sdug bsngal dang / /zhes bya ba la/ smre sngags 'don pa zhes bya ba ni skye bo snying du sdug pa chud zos pa'i yon tan kun du brjod pa la brten pa'i tshig brjod pa ste/yongs su smra zhing smre sngags 'don pa'o/ /sdug bsngal zhes bya ba ni lus kyi mi bde ba tshor ba'o/ /yid mi bde dang 'khrug pa rnams/ /zhes bya ba la/ yid mi bde dang zhes bya ba ni sems kyi mi bde ba tshor ba'o/ /'khrug pa rnams zhes bya ba ni lus dang sems 'khrug pas 'khrug pa rnams so/ / de dag skye las rab tu byung / /zhes bya ba ni de ltar rga shi la sogs pa ji skad bstan pa de dag skye ba las rab tu 'byung bar 'gyur ro / /de ltar sdug bsngal phung po ni/ /'ba' zhig pa ni 'byung bar 'gyur/ /zhes bya ba la/ sdug bsngal phung po zhes bya ba ni sdug bsngal gyi tshogs zhes bya ba'i tha tshig go/ /'ba' zhig pa zhes bya ba ni bde ba dang ma 'dres pa zhes bya ba'i tha tshig go//'di 'byung bar 'gyur zhes bya ba ni skye bar 'gyur ba'o/ /tha snyad kyi bden par gtogs pa'i phung po de 'byung ba de ni/ tha snyad pa'i rten cing 'brel par 'byung ba yin no/ /don dam par ni skye ba med pa'i rab tu byed par ji skad bstan pa'i tshul gyis yod pa ma yin pas khas blangs pa la gnod pa med do//de ltar skye ba'i rgyun 'jug pa de ji ltar ldog par 'gyur zhe na/ de'i phyir bshad pa/ gang gi phyir mi mkhas pa rnams kyis mngon par 'du byas pa/ de phyir mkhas rnams 'khor ba ni/ /rtsa ba'i 'du byed 'du mi byed/ /'du byed kyi skyon mthong ba rnams yang dag pa ji lta ba bzhin du mthong ba nyid kyis de mngon par 'du mi byed pa'i phyir ro//mi mkhas pa rnams ni 'du byed sgyu ma dang / smig rgyu lta bu thog ma med pa'i rkyen brgyud pa las byung ba dag la de dag gi skyon ma mthong ba'i phyir yang dang yang du bde ba nyams su myong bar 'dod pas mngon par 'du byed pas/de phyir mi mkhas byed pa yin/ /mkhas min de nyid mthong phyir ro/ /gnyen po skyes pa'i phyir dang / nyon mongs pa dang / shes bya'i sgrib pa'i ngo bo nyid kyi ma rig pa spangs pa'i phyir ro/ /ma rig 'gags par gyur na ni/ /'du byed rnams kyang 'byung mi 'gyur/ /rkyen med pa'i phyir sa bon med pa'i myu gu bzhin no//ma rig pa 'gags pa de yang / ma rig 'gags par gyur na ni/ /shes pa de nyid bsgoms pas so/ /chos bdag med pa nyid kyi yul can stong pa nyid shes pa rten cing 'brel par 'byung ba la dmigs pa de nyid ji skad bstan pa'i tshul gyis dngos po'i ngo bo nyid ma lus par dgag pas bsgom zhing goms par bya bas so//de dang de ni 'gags 'gyur bas/ /de dang de ni mngon mi 'byung / /'du byed la sogs pa srid pa'i yan lag snga ma de dang de gnyen po skyes pas 'gags par gyur pas rnam par shes pa la sogs pa srid pa'i yan lag phyi ma de dang de mngon par 'byung bar mi 'gyur te/'du byed 'gags pas rnam par shes pa 'gag ces bya ba nas/ skye ba 'gags pas rga shi 'gag ces bya ba'i bar du mngon par 'byung bar mi 'gyur ro/ /sdug bsngal phung po 'ba' zhig pa/ /de ni de ltar yang dag 'gag /tha snyad kyi bden pa yongs su gzung ba las so/ /don dam par ni ma rig pa la sogs pa rten cing 'brel par 'byung ba'i yan lag ma skyes pa rnams la skye ba med pa'i phyir 'gag pa yang med do//bcom ldan 'das kyis don dam par rnam par byang ba'i rten cing 'brel par 'byung ba bka' stsal par khas ma blangs pa'i phyir khas blangs pa la gnod pa'i skabs med de/ de la 'dir rab tu byed pa'i don ni pha rol pos rab tu byed pa'i dang por dam bcas pa'i skyon bstan pa'i lan btab pas tha snyad pa'i rten cing 'brel par 'byung ba bstan pa yin no//de'i phyir bcom ldan 'das kyis rten cing 'brel par 'byung ba ni skye ba med pas de'i phyir rten cing 'brel par 'byung ba zhes bya ste/gang la skye ba med pa de la 'gag pa ga la yod de/ 'gag pa med par rtogs pas/ rten cing 'brel par 'byung ba rtogs so zhes bya ba la sogs pa ji skad gsungs pa de dag grub pa yin no/ /slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las/srid pa'i yan lag bcu gnyis brtag pa zhes bya ba ste/ rab tu byed pa nyi shu drug pa'o// //da ni de bzhin du stong pa nyid kyi mi mthun pa'i phyogs kyi khyad par yang dgag pas lta ba stong pa nyid du bstan pa'i don gyi dbang gis rab tu byed pa nyi shu rtsa bdun pa brtsam mo//'dir smras pa/ don dam par nye bar len pa'i phung po lnga ni ngo bo nyid yod pa kho na yin te/ lta ba'i gnas yin pa'i phyir ro/ /'di na gang yod pa ma yin pa de ni lta ba'i gnas ma yin te/ dper na ri bong gi rwa bzhin no/ /nye bar len pa'i phung po lnga ni lta ba'i gnas yin te/ chos mngon pa las/ de ni sdug bsngal kun 'byung dang / /'jig rten lta gnas srid pa yin/ /zhes 'byung bas de'i phyir gtan tshigs ji skad smos pa'i mthus don dam par nye bar len pa'i phung po lnga ni ngo bo nyid yod pa kho na yin no/ /'dir bshad pa/ 'das pa'i dus na byung zhes dang / /ma byung 'jig rten rtag sogs par//lta ba gang yin de dag ni/ /sngon gyi mtha' la brten pa yin/ /bdag 'das pa'i dus na byung bar gyur/ zhes bya ba dang / byung bar ma gyur zhes bya ba dang / byung bar gyur kyang gyur la/ byung bar ma gyur kyang ma gyur zhes bya ba dang / byung bar gyur pa yang ma yin byung bar ma gyur pa yang ma yin zhes bya ba dang /'jig rten rtag pa dang / 'jig rten mi rtag pa dang / rtag kyang rtag la mi rtag kyang mi rtag pa dang / rtag pa yang ma yin mi rtag pa yang ma yin zhes bya bar lta ba gang dag yin pa de dag ni sngon gyi mtha' la brten pa yin no/ /lta ba zhes bya ba ni mngon par zhen pa zhes bya ba dag dang don tha dad pa ma yin no//sngon gyi mtha' zhes bya ba ni tshe snga ma ste/ da ltar gyi phung po rnams la ltos nas sngon 'das pa'i dus na byung bar gyur pa'i phung po rnams ni sngon gyi mtha' yin no/ /de la brten pa zhes bya ba ni de la dmigs pa yin no/ /ma 'ongs dus gzhan 'byung bar 'gyur//mi 'byung 'jig rten mtha' sogs par/ /lta ba gang yin de dag ni/ /phyi ma'i mtha' la brten pa yin/ /bdag ma 'ongs pa'i dus gzhan du 'byung bar 'gyur zhes bya ba dang / 'byung bar mi 'gyur zhes bya ba dang / 'byung bar 'gyur yang 'gyur la 'byung bar mi 'gyur yang mi 'gyur zhes bya ba dang /'byung bar 'gyur ba yang ma yin 'byung bar mi 'gyur ba yang ma yin zhes bya ba dang / 'jig rten mtha' yod pa dang / 'jig rten mtha' med pa dang / mtha' yod kyang yod la med kyang med pa dang / mtha' yod pa yang ma yin mtha' med pa yang ma yin no zhes bya bar lta ba gang dag yin pa de dag ni phyi ma'i mtha' la brten pa yin no//lta ba zhes bya ba ni mngon par zhen pa zhes bya ba dag dang don tha dad pa ma yin no/ /phyi ma'i mtha' zhes bya ba ni tshe phyi ma ste da ltar gyi phung po rnams la ltos nas phyis ma 'ongs pa'i dus su 'byung bar 'gyur ba'i phung po rnams ni tshe phyi ma'i mtha' yin no//de la brten pa zhes bya ba ni de la dmigs pa yin no/ /de la re zhig sngon gyi mtha' la brten pa'i lta ba rnams las brtsams te dpyad par bya'o/ /'das pa'i dus na byung gyur zhes/ /bya ba de ni mi 'thad do/ /rigs pa gang gis she na/ de'i phyir bshad pa/ sngon tshe rnams su gang byung ba/ / de nyid 'di ni ma yin no/ /dus tha dad pa'i phyir dang / las tha dad pas bskyed pa'i phyir dper na de las gzhan bzhin no zhes bya bar dgongs so/ /la la 'di snyam du lus dang dbang po tha dad kyang bdag gcig yin pa'i phyir/ de nyid bdag tu 'gyur snyam na/ de ltar na yang ngo / /gal te bdag spyir khas blangs nas smra na ni/nye bar len pa tha dad 'gyur/ /dus dang las tha dad pa'i phyir ro zhes bya bar dgongs so/ /de'i phyir rjes su dpag par nus te/ lhas byin gyi sngon gyi bdag gang yin pa de nyid da ltar gyi ma yin te/ nye bar len pa tha dad pa'i phyir dper na mchod sbyin gyi bdag bzhin pas de'i phyir tshe snga ma'i bdag gang yin pa de nyid da ltar gyi yin no zhes bya bar mi 'thad do//ji ste nye bar len pa'i mtshan nyid ma yin pa'i bdag khas blangs nas smra na ni/ nye bar len pa ma gtogs par/ /khyod kyi bdag ni gang zhig yin/ /phung po las ma gtogs pa'i bdag de ni yod pa ma yin pa nyid de/bkag zin pa'i phyir ro zhes bya bar dgongs so/ /nye bar len pa ma gtogs pa'i/ /bdag yod ma yin byas pa'i tshe/ /rigs pas bstan pa byas pa'i tshe/ /ci ste bdag tu smra ba bdag med par 'gyur na mi rung ngo snyam nas nye bar len pa nyid bdag yin par rtog par byed na/bdag med par smra bas kyang nye bar len pa tsam khas len par zad kyi/ bdag ni khas mi len pas 'dir bshad pa/ nye bar len nyid bdag yin na/ /khyod kyi bdag ni med pa yin/ /nye bar len pa nyid bdag yin no zhe na/ de ni rigs pa ma yin te/ /nye bar len nyid bdag ma yin//don dam par mi 'dod do/ /'di ltar/ de ni 'byung dang 'jig pa yin/ /de'i phyir 'byung ba dang 'jig pa'i chos can yin pa'i phyir nye bar len pa yang snga ma bzhin du bdag nyid ma yin no/ /gzhan yang / nye bar blang ba ji lta bur/ /nye bar len pa yin par 'gyur/ /nye bar blang ba dang nye bar len pa dag gcig pa nyid ma yin te/sngar bstan pa'i tshul gyis las dang byed pa po yin pa'i phyir dper na bud shing dang me bzhin no zhes bya bar dgongs so/ /bdag med pa yin par yang mi rigs te/ bdag la ltos nas bdag med pa grub pa med pa'i phyir ro/ /don dam par nye bar len pa nyid bdag yin par mi 'dod de/'di ltar/ de ni 'byung dang 'jig pa yin/ /zhes bya bas bdag yin pa nyid bkag pa'i phyir ro/ /gzhan gang yin pa de yang bdag ma yin te/ rnam pa de lta bu tha snyad du yang bstan dka' ba'i phyir ro/ /bdag nye bar len pa las gzhan yin pa'i smra ba dag gi phyir bshad pa/bdag ni nye bar len pa las/ /gzhan du 'thad pa nyid ma yin/ /'di la bdag nye bar len pa las/ gzhan nyid yin na nye bar len pa med par yang bdag yod par bya dgos te/ gzhan yin pa'i phyir dper na de las gzhan pa bzhin no/ /de lta yin na/ gal te gzhan na len med par//gzung yod rigs na gzung du med/ /de ltar na 'dir ni bdag gi chos ni gzung du yod par rigs na gzung du med pa yin par bstan to/ /de'i phyir rjes su dpag pa ni bdag ni nye bar len pa las gzhan ma yin te/ gzung du yod pa'i rigs na gzung du med pa'i phyir dper na nye bar len pa'i bdag nyid bzhin no//de'i phyir de ltar ji skad bstan pa'i tshul gyis/ de ltar len pas gzhan ma yin/ /de ni nyer len nyid kyang min/ /bdag ni nye bar len med min/ /med pa nyid du'ang de ma nges/ /zhes bsgrub pa sngar bstan pa'i dbang gis mjug bsdu bar bya ste/ de ltar re zhig bdag 'das pa'i dus na byung bar gyur zhes bya ba de mi 'thad par bstan to/ /da ni/ 'das pa'i dus na ma byung zhes/ /bya ba de yang mi 'thad do/ /rigs pa gang gis she na/ de'i phyir bshad pa/ sngon tshe rnams su gang byung ba/ /de las 'di gzhan ma yin no/ / ci'i phyir zhe na/ gal te 'di na gzhan gyur na/ /de med par yang 'byung bar 'gyur/ /de ni mi 'dod de/ de'i phung po lnga po byung bar gyur pa gang yin pa de 'di'i rkyen nyid yin par 'dod do/ /de'i phyir rjes su dpag pa ni lhas byin gyi phung po lnga ni sngon gyi phung po rnams las gzhan ma yin te/ rgyud tha dad pa ma yin na 'das pa'i phung po'i rgyu las byung ba yin pa'i phyir dper na lhas byin gyi 'das pa'i phung po lnga bzhin no//de med par yang 'byung bar 'gyur/ /zhes bya ba'i skyon de 'ba' zhig tu yang ma zad de/ de bzhin du ni gnas 'gyur zhing / rkyen des phung po phyi ma mtshan nyid mi 'dra ba ma bskyed pa'i phyir sngon bzhin du gnas par 'gyur ro zhes bya bar dgongs so//de lta yin na/ der ma shi bar skye bar 'gyur/ /tshe rabs gzhan der ma shi ba kho nar gzhan bdag nyid thob pas rnam par gnas pa zhig 'dir skyes pa'i phyir ro zhes bya bar dgongs so/ /de ltar gzhan nyid du khas len na skyon 'di dag tu yang 'gyur te/chad dang las rnams chud za bar/ /gzhan gyis byas pa'i las rnams ni/ /gzhan gyis so sor myong ba dang / /de la sogs par thal bar 'gyur/ /de lta na chad pa dang byas pa chud za ba dang / ma byas pa dang phrad pa la sogs par thal bar 'gyur ro/ /ma byung ba las 'byung min te/ / 'di la skyon du thal bar 'gyur/ /ji lta zhe na/ bdag ni byas par gyur pa dang / /ma byung ba las 'byung ba'i phyir/ /dper na bum pa bzhin no/ /byung ba rgyu med can du 'gyur/ /skyed par byed pa'i rgyu sngon las dang nyon mongs pas nye bar bsags pa zhes bya ba'i phung po gzhan med pa'i phyir ro//gnyi ga ni gnyi ga ma yin pa yang ma yin te/ bdag gnyi ga dang gnyi ga ma yin pa'i skyon bstan zin pa'i phyir ro/ /bsgrub pa ji skad bstan pas/ de ltar bdag byung bdag ma byung / /gnyi ga gnyi ga ma yin par/ /'das la lta ba gang yin par / /de dag 'thad pa ma yin no/ /zhes bsgrub pa sngar bstan pa'i dbang gis mjug bsdu bar bya'o//da ni/ ma 'ongs dus gzhan 'byung 'gyur dang / /'byung bar mi 'gyur zhes bya bar/ /lta ba gang yin de dag ni/ /'das pa'i dus dang mtshungs pa yin/ /de kho na bzhin du gcig pa nyid dang / gzhan nyid dang / gnyi ga nyid dang / gnyi ga ma yin pa nyid dgag pa'i phyir ro//yang gzhan yang / gcig pa nyid yin na/ gal te lha de mi de na/ /de lta na ni rtag par 'gyur/ /gal te de ltar 'gyur na ci nyes she na/ lha ni ma skyes nyid 'gyur te/ /rtag la skye ba med phyir ro/ /rtag pa ni skye ba med pa can yin pa'i phyir ro/ /phyir rgol ba dag na re bdag skyes pa kho nas lha la sogs pa'i bya ba byed pa la sbyor ba'i phyir lha la sogs pa dag gis bdag gcig kho na yin par bstan par bya ba yin no zhes zer ro//de ni bzang po ma yin te/ bdag rgyu sngon du 'gro ba nyid dang ldan pa ni mi rtag pa nyid du bstan pa'i phyir dang / yod pa nyid du ma grags pa lha la sogs pa'i bya ba byed pa la sbyor ba mi srid pa'i phyir ro//ci ste yang gcig pa nyid du yin na ji skad bstan pa'i skyon du gyur na mi rung bas gzhan yin par shes par bya'o zhe na/ de la yang skyon 'di yod de/ gal te lha las mi gzhan na/ /de lta na yang mi rtag 'gyur / /mi'i bdag skyes pa na lha'i bdag zhig pa'i phyir ro//ci ste de ltar gyur na ci nyes she na/ gal te lha min gzhan yin na/ /rgyud ni 'thad par mi 'gyur ro/ /gzhan yin pa'i phyir dper na lhas byin dang / mchod sbyin gyi bdag gi rgyud dag bzhin no/ /gal te rgyud tha dad pa dang rgyud tha dad pa ma yin pa dag gi gzhan nyid gtan tshigs su rtog na gtan tshigs ma grub pa dang /dpe ma grub pa nyid yin no zhe na/ gtan tshigs spyir brjod pa'i phyir skyon med do/ /gang dag lha yang yin la mi yang yin no zhes zer ba de dag gi phyir bshad pa/ gal te phyogs gcig lha yin la/ /phyogs gcig mi ni yin gyur na/ /de lta na lha nyid kyang yin la mi nyid kyang yin par 'thad do//de lta na yang skyon 'dir 'gyur te/ rtag dang mi rtag 'gyur ba'i phyir/ /de yang rigs pa ma yin no/ /phyed shi phyed gson mi 'thad pa bzhin no/ /gang dag rtag pa yang ma yin mi rtag pa yang ma yin no zhes zer ba de dag gi phyir bshad pa/ gal te rtag dang mi rtag pa//gnyi ga grub par gyur na ni/ /rtag pa ma yin mi rtag min/ /grub par 'gyur bar 'dod la rag /de dag bkag pas de ltar 'grub pa'i phyir dang / de dag bzhin du de yang bstan dka' ba'i phyir ro zhes bya bar dgongs so/ /gzhan yang don dam par/ gal te gang zhig gang nas 'ongs/ /ci zhig gang du 'gro 'gyur na//de phyir de la thog med pas/ /rtag par gyur na de yang med/ /gal te lha 'am mi gang zhig lha'i 'gro ba'am/ mi'i 'gro ba'am/ gang nas 'ongs shing 'gro ba gzhan ci zhig cig tu lha'am/ mi la sogs pa'i 'gro ba gang du gnas par 'gro bar gyur na ni de'i phyir de la thog ma med pas rtag par yang 'gyur ba zhig na/de yang med de/ sems can nam/ gang zag gcig la 'ong ba dang / 'gro ba mi 'grub pas dgag pa sngar bstan pa'i phyir ro/ /de'i phyir de ltar rtag pa med do/ /gal te mi rtag par 'gyur ro zhe na/ de yang rigs pa ma yin te/ gal te rtag pa 'ga' med na//mi rtag gang zhig yin par 'gyur/ /de yang rtag pa la ltos pas sam/ de gsal bas mi rtag pa nyid du mi 'grub pa'i phyir ro/ /gnyi ga dang gnyi ga ma yin pa nyid dang mi 'thad pas de'i phyir bshad pa/ rtag pa dang ni mi rtag dang / /de gnyis gsal bar gyur pa'o/ /gang zhig yin par 'gyur zhes bya bar sbyar ro//de ltar re zhig sngon gyi mtha' las brtsams te / rtag pa la sogs pa bzhi po de dag med do/ /da ni mtha' yod pa la sogs pa bzhi po dag dpyad par bya ste/ gal te 'jig rten mtha' yod na/ /'jig rten pha rol ji ltar 'gyur/ /mtha' zhes bya ba ni mu dang mjug ces bya ba dag gi rnam grangs so//mtha' yod pa zhes bya ba ni de la de yod pa ste/ sa bon tshig pa bzhin du nying mtshams spyod pa med pa zhes bya ba'i tha tshig go/ /de ltar 'jig rten pha rol yod par yang mi rung ste/ mtha' yod pa'i phyir dgra bcom pa'i phung po tha ma sngon du btang ba las phung po phyi ma 'byung bar mi 'gyur ba bzhin no//'jig rten pha rol de yang yod pas 'di ni phung po snga ma rnams kyi 'bras bu phung po phyi ma rnams yin pas de'i phyogs kyi chos ni de'i 'bras bu yod pa yin par bstan to/ /de bzhin du/ gal te 'jig rten mtha' med na/ /'jig rten pha rol ji ltar 'gyur//rgyu de kho na bzhin du gnas pa'i 'bras bu mi 'byung ba'i phyir ro/ /de yang yod pa 'dis kyang / gang phyir phung po rnams kyi rgyun/ /'dir ni mar me'i 'od dang mtshungs/ /zhes bya ba chos mthun pa'i dpe'i tshig yin par bstan to/ /de'i phyir 'dir sbyor ba'i tshig ni sngon gyi phung po'i rgyu ma rig pa dang bcas pa'i rgyun mi 'chad de/de'i 'bras bu yod pa'i phyir dper na mar me'i rgyun bzhin no/ /de bzhin du de dang rigs mthun pa'i 'bras bu'i rgyun skyes pa yang mi 'jig pa ma yin te/ de'i 'bras bu yod pa'i phyir dper na mar me'i rgyun snga ma bzhin no/ /de phyir mtha' yod nyid dang ni//mtha' med nyid kyang mi rigs so/ /gang phyir rjes su dpag pa ji skad bstan pa de dag med par gyur cing / gal te snga ma 'jig 'gyur zhing / /phung po 'di la brten byas nas/ /phung po de ni mi 'byung na/ /des na 'jig rten mtha' yod 'gyur/ /phung po phyi ma rnams dus thams cad du mi 'byung ba'i phyir ro//de bzhin du/ gal te snga ma mi 'jig cing / /phung po 'di la brten byas nas/ /phung po de ni mi 'byung na/ /des na 'jig rten mtha' med 'gyur/ /phung po snga ma rnams dus thams cad du nges par gnas pa'i phyir ro/ /da ni/ gal te phyogs gcig mtha' yod la/ /phyogs gcig mtha' ni med gyur na//'jig rten mtha' yod mtha' med 'gyur/ /de yang rigs pa ma yin no/ /ci'i phyir zhe na/ ji lta bur na nyer len pa/ /phyogs gcig rnam par 'jig 'gyur la/ /phyogs gcig rnam par 'jig mi 'gyur/ /de ltar de ni mi rigs so/ /'dir yang phyogs gnyi gar bstan pa'i rjes su dpag pa dag gis gnod pa'i phyir ro//ji lta bur na nyer blang ba/ /phyogs gcig rnam par 'jig 'gyur la/ /phyogs gcig rnam par 'jig mi 'gyur/ /de ltar de yang mi rigs so/ /'dir yang phyogs gnyis kar bstan pa'i rjes su dpag pa dag gis gnod pa'i phyir ro//de bzhin du/ gal te mtha' yod mtha' med pa/ /gnyi ga grub par gyur na ni/ /mtha' yod ma yin mtha' med min/ /'grub par 'gyur bar 'dod la rag /de dag bkag pas de lta bu grub pa'i phyir dang / de dag bzhin du de yang bstan dka' ba'i phyir ro zhes bya bar dgongs so/ / da ni don dam par lta ba thams cad spyir mi 'thad pa bstan pa'i phyir 'di bshad de/ yang na dngos po thams cad dag /stong phyir rtag la sogs lta ba/ /gang du gang la gang dag ni/ /ci phyir kun du 'byung bar 'gyur/ /yang na don dam par dngos po thams cad stong pa'i phyir rtag pa la sogs par lta ba gang dag tu gang la gang dag ci'i phyir kun du 'byung bar 'gyur te/yul dang / byed pa po dang / lta ba dang / rgyu dag ma skyes pa'i phyir ro zhes bya bar dgongs so/ /de'i phyir don dam par nye bar len pa'i phung po lnga ni ngo bo nyid yod pa kho na yin te/ lta ba'i gnas yin pa'i phyir ro zhes gang smras pa'i gtan tshigs kyi don ma grub pa nyid do //don dam par lta ba mi 'thad par bstan pa'i phyir ro/ /kun rdzob pa'i gtan tshigs yin par rtog na ni don 'gal ba nyid do/ /de'i phyir de ltar yang dag pa ma yin pa'i kun du rtog pa las byung ba'i lta ba dag ni sdug bsngal sna tshogs kyi sa bon yin par thugs su chud nas 'gro ba mtha' dag gi rtsa lag sangs rgyas bcom ldan 'das/gang gis thugs brtse nyer bzung nas/ /lta ba thams cad spang ba'i phyir/ /dam pa'i chos ni bstan mdzad pa/ /gau tam de la phyag 'tshal lo/ /gang gis zhes bya ba ni 'gro ba mtha' dag gi rtsa lag sangs rgyas bcom ldan 'das kyis so/ /thugs brtse nyer bzung nas zhes bya ba ni/rnyed pa dang bkur sti la sogs pa'i rgyu'i phyir ma yin pa ste/ sangs rgyas bcom ldan 'das ni dam pa'i chos dkon mchog shin tu rmad du byung ba bla na med pa rab tu ston par mdzad pa yin pa'i phyir ro/ /lta ba thams cad spang ba'i phyir/ /zhes bya ba ni lta ba thams cad stong pa nyid du bstan pa'i phyir ro//dam pa'i chos zhes bya ba ni de dam pa yang yin la chos kyang yin pas dam pa'i chos so/ /dam pa zhes bya ba ni/ nyon mongs pa bag chags dang bcas pa'i me zhi bar gyur pa'i phyir dang / yon tan rab kyi mthar phyin pa thams cad kyi pha rol tu phyin pa'i rgyu yin pa'i phyir dam pa ste bzang po'o//chos zhes bya ba ni gzhan dag legs par 'dzin par byed pa'am/ 'khor ba'i 'khor lor 'khyams pa las 'dzin par byed pa'am/ rtog par byed pa'i rang dang gzhan gyi don phun sum tshogs pa rab kyi mthar phyin pa bla na med pa'i mthu 'dzin pa'i phyir chos so/ /dam pa'i chos ni bzang po'i chos te/theg pa chen po yin no/ /de ltar yang 'phags pa lha mo dpal phreng gi seng ge'i sgra zhes bya ba'i mdo las/ bcom ldan 'das dam pa'i chos yongs su gzung ba zhes bya ba ni theg pa chen po'i tshig bla dgas lags te/ de ci'i slad du zhe na/ bcom ldan 'das nyan thos dang rang sangs rgyas kyi theg pa thams cad dang /'jig rten pa dang / 'jig rten las 'das pa'i dge ba'i chos thams cad ni theg pa chen pos rab tu phye ba lags pa'i slad du ste/ bcom ldan 'das 'di lta ste/ dper bgyi na/ chu chen po bzhi ni/ mtsho ma dros pas rab tu phye ba lags pa de bzhin du bcom ldan 'das nyan thos dang /rang sangs rgyas kyi theg pa thams cad dang / 'jig rten dang 'jig rten las 'das pa'i dge ba'i chos thams cad kyang theg pa chen pos rab tu phye ba lags so zhes ji skad gsungs pa lta bu'o/ /bstan mdzad pa zhes bya ba ni bstan par gyur pa'o/ /gau ta ma zhes bya ba ni/ gdung gau ta ma'i rgyud yin pa'i phyir te/de la sgrub pa'i mchod pa mngon du btang ba ste phyag 'tshal lo/ /de ltar dngos po thams cad kyi ngo bo nyid med pa nyid du bstan kyang / smra ba ngan pa dngos po ngo bo nyid yod pa nyid la mngon par zhen pa'i bag chags kyis blo gros nyams pa rab rib can gyis yang dag pa ma yin pa mthong ba lta bu dag rang gi phyogs bsgrub pa'i phyir phyir zlog pa byed de/'di la khyed kyis bsgrub pa dang sun 'byin pa'i tshad ma dag gis nye bar brtags nas rang gi phyogs grub par bstan pa de la/ gal te sgrub pa dang sun 'byin pa'i tshad ma dag ngo bo nyid med pa yin na ni de dag la rtag par 'dod pa'i dngos po'i de kho na rtogs pa'i mthu nyid med de/ngo bo nyid med pa'i phyir/ dper na mo gsham gyi bu'i lta ba la sogs pa bzhin no/ /'on te de dag ngo bo nyid yod pa yin na ni de dag bzhin du dngos po thams cad 'grub pas bstan bcos mtha' dag tu bstan pa'i rjes su dpag pa dag ma nges pa nyid kyang yin no zhe'o//de la 'dir gal te gtan tshigs kyi don ngo bo nyid med pa'i phyir yod pa ma yin no zhes bya ba yin par 'dod na ni rang la gtan tshigs kyi don ma grub pa nyid do/ /ci ste gzhan yin na ni gzhan la'o/ /don dam par tshad ma la sogs pa ngo bo nyid med pas mthu nyid sel bar byed na ni grub pa la sgrub pa yin no//tha snyad du ni khas blangs pas gnod do/ /don dam par tshad ma rnams la yang rtogs par bya ba rtogs pa dang / yid ches par bya ba ston pa'i mthu nyid med de/ 'dus byas yin pa'i phyir dper na bong ba bzhin no/ /de bzhin du skye ba can nyid dang / rkyen gyi dbye bas tha dad pa nyid dang / 'jig pa nyid dang / rtogs par bya ba nyid dang brjod par bya ba nyid la sogs pa'i gtan tshigs dag gi phyir ro zhes kyang rjes su dpag pa rgyas par brjod par bya ste/ sngar bstan pa'i tshul gyis spyir skye ba bkag pa'i phyir dang / bya ba bkag pa'i phyir ro/ /khyad par las dgag par bya ba ni don dam par mngon sum la mngon sum gyi ngo bo nyid med de/dbang po la brten pa'i phyir dper na 'khrul pa'i shes pa bzhin no/ /de bzhin du don dam par rjes su dpag pa la yang rjes su dpag pa'i ngo bo nyid med de/ tshad ma yin pa'i phyir dper na mngon sum bzhin no/ /yang na don dam par rjes su dpag pa ni tshad ma ma yin te/rnam par rtog pa yin pa'i phyir dper na sdong dum la mir shes pa bzhin no/ /de bzhin du dam bcas pa la sogs pa sgrub pa'i yan lag rnams la yang / de dag gi bsgrub par bya ba bstan pa ni bsgrub par bya ba nges par gzung ba ste/ sgrub par 'dod pas bsgrub par bya ba nyid du 'dod pa'i phyogs don 'gal ba la sogs pas ma brtsams pa gang yin pa ni dam bcas pa'i mtshan nyid yin no//de la gang dag sgrub pa dang sun 'byin pa dag don dam pa pa yin par smra ba de dag la 'di skad ces dri bar bya ste/ bsgrub par bya ba gang yin/ grub pa'am 'on te ma grub pa yin/ de la gal te grub pa yin na ni de sgrub pa don med pa nyid do//'on te ma grub pa yin na ni don dam par de bsgrub par bya ba ma yin te/ ma grub pa yin pa'i phyir dper na ri bong gi rwa'i yon po nyid bzhin no/ /ci ste yang 'di snyam du rang dang gnyi ga la ma grub pa bsgrub par bya ba ma yin no zhe na ni grub pa la sgrub pa yin no//'on te gzhan la ma grub pa bsgrub par bya ba ma yin no zhe na ni dpe med de/ ri bong gi rwa med pas sgrub pa'i chos med pa'i phyir dang / gtan tshigs kyi don kyang ma grub pa nyid yin no snyam du sems na/ gtan tshigs spyir brjod pa'i phyir dang / dpe la yang spyir rjes su 'gro ba bstan pa'i phyir dang /gzhan la ma grub pa nyid kyang bkag pa'i phyir grub pa la sgrub pa ma yin la/ dpe dang gtan tshigs med pa yang ma yin no/ /gal te bya ba dang gdul ba bzhin du bsgrub par bya ba 'grub bo zhe na/ de ni lan ma yin te/ brgal zhing brtag pa mtshungs pa dang / lan btab zin pa'i phyir ro/ /gal te lan ma yin pa ma yin te/ nus pa'i don ma yin pa'i phyir ro zhe na/ de yang lan ma yin te/ brgal zhing brtag pa mtshungs pa dang / lan btab zin pa'i phyir ro zhes bya ba de nyid kyis lan btab zin pa'i phyir ro/ /don dam par dam bcas pa ni sgrub par byed pa ma yin te/bstan par bya ba'i don dam bcas pa yin pa'i phyir/ dam bcas pa tsam smra bas bstan pa'i dam bcas pa bzhin no/ /don dam par gtan tshigs kyang bsgrub par bya ba'i don sgrub pa'i byed pa ma yin te/ dpe dang chos mthun pa'i phyir dang / mi mthun pa'i phyogs kyi khyad par can yin pa'i phyir dang /phyogs kyi chos yin pa'i phyir dper na ma nges pa bzhin no/ /don dam par mtshan nyid gsum pa'i gtan tshigs kyang bsgrub par bya ba'i don go bar byed pa ma yin te/ mtshan nyid gsum pa yin pa'i phyir dper na 'gal bas bzlog pa bzhin no/ /don dam par mtshan nyid gsum pa'i gtan tshigs khyad par can 'gal bas ma bzlog pa yang bsgrub par bya ba'i don sgrub par byed pa ma yin te/phyogs kyi chos yin pa'i phyir dper na 'gal ba bzhin no/ /de bzhin du don dam par dpe ni bsgrub par bya ba'i don go bar byed pa ma yin te/ bsgrub par bya ba dang / sgrub pa'i chos dang ldan pa'i phyir dper na nam mkha' rtag pa yin la lus can ma yin pas sgra rtag pa bzhin no//gal te yan lag tshang ba'i tshig ni sgrub pa nyid yin par dam bcas pa'i phyir skyon med do zhe na/ yan lag tshang ba'i tshig gang gi sgrub pa yin zhes brjod par bya'o/ /gal te bsgrub par bya ba'i phyir zhe na/ de ni lan ma yin te/de nyid bstan kyang dka' ba'i phyir ro/ /don dam par yan lag tshang ba'i tshig kyang bsgrub par bya ba'i don sgrub par byed pa ma yin te/ yan lag tshang ba yin pa'i phyir dper na/ rtog ge phyi mas gnod par 'gyur ba bzhin no/ /gal te rtog ge phyi mas gnod par gyur pa nyid ma yin te/yan lag tshang ba'i tshig ni sgrub pa yin no zhe na/ des ni mi nus te/ dper na 'di lta bu'o zhes bya ba'i rjes su 'gro ba med pa'i phyir ro/ /yan lag tshang ba'i tshig khyad par can sgrub pa ma yin pa nyid phyogs su byas pa la yang gzhan yan lag tshang ba yin pa'i phyir dper na rtog ge phyi mas gnod par gyur pa bzhin no zhes bkag pa kho na'i phyir de yang rigs pa ma yin no//de bzhin du don dam par sun 'byin pa'i ngo bo nyid med de/ tshig gi ngo bo nyid yin pa'i phyir dper na sun 'byin pa ltar snang ba'i sgrub pa la sogs pa bzhin no zhes brjod par bya'o/ /de'i phyir de ltar tshad ma la sogs pa ma grub pa'i phyir de bzhin du gzhal bya yang ma grub pas gtan tshigs snga ma dag ma nges pa nyid kyang ma yin te/zhar la bshad pas chog go/ /de la 'dir rab tu byed pa'i don ni pha rol po dag gis sgrub pa smras pa'i sun dbyung ba brjod pas lta ba stong pa nyid du bstan pa yin no/ /de'i phyir rab kyi rtsal gyis rnam par gnon pa/gzugs ni lta ba'i rnam pa yang ma yin la lta ba'i rnam pa spangs pa yang ma yin no/ /de bzhin du tshor ba dang / 'du shes dang / 'du byed rnams dang / rnam par shes pa yang lta ba'i rnam pa yang ma yin la lta ba'i rnam pa spangs pa yang ma yin no/ /gzugs dang /tshor ba dang / 'du shes dang / 'du byed rnams dang / rnam par shes pa lta ba'i rnam pa spangs pa yang ma yin pa nyid do / /gang yin pa de ni shes rab kyi pha rol tu phyin pa'o zhes bya ba la sogs pa gsungs pa'o / /de bzhin du rten cing 'brel par 'byung ba skye ba med pa la sogs pa'i khyad par dang ldan pa bstan pas bstan bcos kyi don rnam par mi rtog pa'i ye shes bdud rtsi'i de kho na nyid rnam par mi rtog pa'i don dam pa ston ka'i nam mkha' dri ma med pa lta bu'i yul can spros pa ma lus pa legs par nye bar zhi ba tha dad pa nyid dang gcig pa nyid dang bral ba zhi ba so so rang rig par bya ba bstan pa grub pa yin no//bcom ldan 'das kyi tshul ni de kho na nyid yin yang ngan rtog rnams dad par mi byed pa'i phyir rjes su dpag pa gtso che bas de'i phyir de yongs su gzung ngo / / 'jig rten snang mdzad gzhan don khams rnams sangs rgyas nyid 'thob mdzad slad du/ /shes rab pha rol phyin sogs mdo sde gsungs tshul gsal bar ston pa na//thub dbang sras po klu sgrub gsungs pa dbu ma'i bstan bcos gang yin pa/ /de yi rnam bshad lta ngan zhi byed shes rab sgron ma bdag gis byas/ /shes rab sgron ma zhes bya 'di byas dge ba rab dkon gang thob pa/ /des ni sangs rgyas go 'phang shes rab sgron mas rtogs bya rtog med tshul//tshig blo kun 'das mkha' ltar dri med mi rtog 'jig med de thob nas/ /'jig rten dag la'ang shes rab sgron snang mun sel myur du byed par shog /slob dpon legs ldan byed kyis nye bar sbyar ba/ dbu ma'i rtsa ba'i 'grel pa shes rab sgron ma las lta ba brtag pa zhes bya ba ste/rab tu byed pa nyi shu bdun pa ste tha ma'o// //dbu ma'i rtsa ba'i tshig le 'ur byas pa shes rab ces bya ba theg pa chen po'i chos mngon pa rnam par gzhag pa/ don dam pa'i de kho na yang dag par ston pa/ shes rab kyi pha rol tu phyin pa'i tshul gsal bar byed pa/ slob dpon bdag nyid chen po 'phags pa klu sgrub mi 'phrogs pa'i mkhyen rab dang thugs rjer ldan pa/de bzhin gshegs pa'i theg pa bla na med pa'i tshul rab tu byed pa/ rab tu dga' ba'i sa bsgrubs nas bde ba can gyi zhing du gshegs pa 'jig rten gyi khams dang ba'i 'od ces bya bar de bzhin gshegs pa ye shes 'byung gnas 'od ces bya bar 'gyur bas mdzad pa/de'i 'grel pa shes rab sgron ma theg pa mchog gi tshul sgrub par byed pa/ lta ba ngan pa'i dri ma sel bar byed pa/ rjes su dpag pa dang / sun dbyung ba'i gsal ba dang / de kho na ston pa/ slob dpon legs ldan byed 'phags pa spyan ras gzigs dbang phyug gi dam pa mchog brnyes pa/bdag dang gzhan gyi grub pa'i mtha' rgya mtsho'i pha rol tu byed pa byon pa/ rig sngags 'chang grub pa'i gnas khyad par can du gshegs pa/ sku tshe 'di nyid kyis rdo rje'i gdan bgrod pa'i thugs dam can gyis nye bar sbyar ba rdzogs so// // dbang phyug dam pa'i mnga' bdag /rgyal po chen po dpal lha btsan po'i bka' lung gis/ rgya gar gyi mkhan po theg pa chen po dbu ma pa dz+nyA na gar+b+ha dang bod kyi zhu chen gyi lo tsA ba dge slong cog ro klu'i rgyal mtshan gyis bsgyur cing zhu chen bgyis te gtan la phab pa// //'di la rab tu byed pa nyi shu bdun pa/ sh+lo ka drug stong yod pa /