22b1 slob dpon 'phags pa lhas mdzad pa rdzogs so// //rgya gar gyi mkhan po sarba dz+nyA de ba dang / zhu chen gyi lo tsA ba ban+de dpal brtsegs kyis bsgyur cing zhus te gtan la phab pa'o// //[# ]@##/ /rgya gar skad du/
22b2 hastA b+ha ba pra ka ra Na kA ri kA/ bod skad du/ rab tu byed pa lag pa'i tshad kyi tshig le'ur byas pa/ bcom ldan 'das ngag gi dbang po la phyag 'tshal lo/ /thag pa la ni sbrul snyam 'dzin/ /thag par mthong na don med do/ /de'i cha mthong na de la yang / /sbrul bzhin shes pa 'khrul pa yin/ /
22b3 brtags pa'i dngos po thams cad la/ /rang gi ngo bo brtags pa na/ /kun rdzob shes pa'i spyod yul ni/ /ji snyed yod pa gzhan las brtags/ /cha med brtag par bya min phyir/ /tha ma yang ni med par mtshungs/ /de phyir mkhas pas 'khrul pa tsam/ /yang dag don du min par
22b4 brtag /'khrul na de yang ma dag phyir/ /ji ltar snang na de ltar med/ /don yod ma yin snang ba ni/ /ji ltar de yi bdag nyid 'gyur/ /gang zhig zhib mo'i blo yis ni/ /thams cad btags pa kho nar shes/ /blo ldan de ni chags la sogs/ /bde bar sbrul gyis skrag bzhin spong / /
22b5 'jig rten pa yi don rtogs pas/ /'jig rten bzhin du bsgrub par bya/ /kun nas nyon mongs spong 'dod pas/ /dam pa'i don gyis btsal bar bya/ /rab tu byed pa lag pa'i tshad kyi tshig le'ur byas pa/ slob dpon 'phags pa lhas mdzad pa rdzogs so// //