CLOSE WINDOW

D3838
བོད་ཡིག

/yang dag nyid la yang dag blta/ /yang dag mthong na rnam par grol/ /rten cing 'brel par 'byung ba'i snying po'i rnam par bshad pa slob dpon klu sgrub kyis mdzad pa rdzogs so//[# @#/ /rgya gar skad du/ a bu d+ha bod+ha kanA ma pra ka ra Na /bod skad du/ ma rtogs pa rtogs par byed pa zhes bya ba'i rab tu byed pa/ 'jam dpal gzhon nur gyur pa la phyag 'tshal lo/ /skyon med yon tan rgya mtsho yi / /'jam pa'i dpal la phyag 'tshal te/ /de nyid ma rtogs rtogs byed pa/ /bdag gis brtse bas bri bar bya//de nas gzhan gyis brgal ba dang / dgag pa dang / de'i rtogs pa dang / chos kyi de kho na nyid do/ /gzhan gyis brgal ba ni gang zhe na/ smras pa/ bdag yod do/ /de yang rtag pa dang / khyab pa dang / gcig pu dang / byed pa po dang / za ba po yin no//'dir yang dgag pa ni bdag 'di gang yin/ re zhig phung po ni bdag ma yin te/ skye ba dang 'jig pa'i chos can yin pa'i phyir ro/ /phung po bdag las gzhan yang ma yin te/ 'di ltar bum pa las snam bu bzhin du tha dad pa mi dmigs pa'i phyir ro/ /bum pa la chu 'am chu la snam bu bzhin du rten dang brten pa yang ma yin no//'bras bu dang shun pa bzhin du phung po'i gnas lugs kyang ma yin no/ /phung po la 'du ba yang ma yin te/ phung po rnams ni mang ba nyid kyi phyir ro/ /lha sbyin ba lang dang ldan pa bzhin du phung po dang ldan pa yang ma yin no//de nas pha rol rgol bas/ 'di skad smras te/ bdag med na de'i tshe sbyin pa la sogs pa'i las dang 'bras bu 'brel pa don med par 'gyur te/ ji ltar ba lang shi na rwa dang mjug ma dang / rmig pa la sogs pa 'grub bar 'gyur ba bzhin no zhe na/brjod pa dpe'i khyad par nyon cig /dper na zla ba'i 'od la thag pa la sbrul du shes nas skrag pa de lta bu la gang gi tshe mar me thogs nas blta ba de'i tshe 'di ni thag pa yin la/ 'di ni sbrul ma yin gyi 'on kyang sgro btags pa nyid bsal ba yin no zhes bya ba lta bu'o/gang zag la bdag med pa bsdus pa'o/ /yang smras pa/ re zhig thag pa ni yod do zhe na/ smras pa/ 'di ni thag pa ma yin gyi rkyang pa gnyis yin no/ /rkyang pa yang med de rdul phra rab 'dus pa'i phyir ro/ /rdul phra rab kyang yod pa ma yin te/ phyogs cha'i bye brag gis te/ phyogs kyi dbye bas phye ba na/ rdul phran la yang dbye ba mthong / gang la cha shas kyis brtags nas / de yi rdul phran ji ltar yod/ 'o na med pa yin la rag mod ce na/ dngos po yod pa ma yin no/ /dngos med gang gi yin par 'gyur/gang gis dngos dang dngos med shes/ zhes bya ba ni chos la bdag med pa'o/ /'dir smras pa/ skye ba dang / gnas pa dang / 'jig pa ji ltar blta bar bya zhe na/ brjod pa/ ci zhig yod par srid par smras pa/ skye ba'o/ /gnas pa dang 'jig pa med par skye ba 'dod na de'i tshe ri bong gi rwa la sogs pa dag gi skye ba gang gis zlog par byed/smras pa/ yod du chug mod ce na/ skye ba dang / 'jig pa med na 'o na gang gis gnas pa yin zhe na/ smras pa/ 'jig pa yang yin mod ce na/ de ni mi rigs te/ji ltar gang la skye ba dang 'jig pa med pa de la 'jig par 'gyur ro zhe na/ 'on te cig car 'byung bar 'gyur ro zhe na/ ma yin te phan tshun 'gal ba'i phyir snang ba dang mun pa bzhin no/ /yang rnam par shes pa smra bas 'di skad du smras pa/ rnam par shes pa yod do//brjod pa/ gal te rnam par shes pa yod na de'i tshe de'i rang gi ngo bo ston cig /ci ngo bo gcig pa zhig gam yang na ngo bo du ma zhig yin/ re zhig ngo bo du ma zhig yin te yul du ma'i bye brag gis tha dad pa'i phyir ro/ /gcig gi ngo bo med pa na du ma'i ngo bo med do/ /de gcig gi ngo bor yang ma dmigs la/don 'ga' zhig kyang mi rung ste/ rang ngam gzhan nam gnyi ga'am rgyu med pa las skye ba mi 'thad pa'i phyir ro/ /yang smras pa/ gal te 'di dag thams cad med na ci zhig yod ce na/ mgal me'i 'khor lo sprul pa dang //rmi lam sgyu ma chu zla dang / /rlangs pa phug gi brag ca dang / /smig rgyu sprin dang mtshungs pa yin/ /'di la gsal cha ci yang med/ /bsnan par bya ba cung zad med/ /yang dag nyid la yang dag blta/ /yang dag mthong na rnam par grol/ /'di la thams cad dmigs med de//dmigs pa med par rab tu gsal/ /blo ni dmigs pa med byas nas/ /dmigs pa med pa 'byung bar 'gyur/ /ma rtogs pa rtogs par byed pa zhes bya ba'i rab tu byed pa gnyi ga bdag med par rab tu gsal bar byed pa/ slob dpon 'phags pa klu sgrub kyis mdzad pa rdzogs so/