CLOSE WINDOW

D3818
བོད་ཡིག

@##/ /rgya gar skad du/ Ar+ya pradz+nyA pA ra mi tA hr-i da ya TI kA/ bod skad du/ 'phags pa shes rab kyi pha rol tu phyin pa'i snying po'i rgya cher bshad pa/ byang chub sems dpa' sems dpa' chen po thugs rje chen po dang ldan pa 'phags pa spyan ras gzigs dbang phyug la phyag 'tshal lo//dus gsum rgyal ba byang chub sems dpar bcas/ /'gro ba'i gnyen gcig kun la phyag 'tshal nas/ /'bum la sogs pa'i don gyi gtso bo mchog/ /rgyal ba'i yum gyi snying po bshad par bya/ /gleng slong ba dang skabs dang ni/ /bstan par gtogs pa 'dus pa dang / /gleng gzhi dris dang lan btab pa//de ni rnam pa bcu gcig dang / /mthun 'gyur rjes su yi rang dang / /rnam pa brgyad du bsdus pa yin/ /de la 'khor gyis bskul ba dang / yang dag par sdud par byed pas bstan par bya ba'i dngos po mdor bsdus nas/ 'di skad ces 'byung ba la sogs pa dang po'i tshig gsum gyis gleng slong bar byed do//gang bdag gis thos pa de ni 'di skad yin te gzhan du ma yin no/ /'dis ni phri ba dang bskyed pa spang ba'i phyir thos pa yang dag pa nyid du dam 'cha'o/ /des ni lan cig thos nas len cing 'dzin pa yang dag par rab tu ston par byed par brjod do/ /des na yang dag par sdud par byed pa ni sangs rgyas la dge ba'i rtsa ba bskyed pa yongs su smin pa dge ba'i bshes gnyen gyi mgon dang bcas par gyur pa/sangs rgyas la bsnyen bkur byas shing yang dag par zhus pa dang / sbyin pa dang tshul khrims la sogs pa spyad pa yin par shes par bya'o/ /gzhan du na rnam pa 'di lta bu'i shes rab kyi pha rol tu phyin pa'i don gyi gtso bo nyan pa la sogs pa mi srid do//de skad du mgon po byams pas/ sangs rgyas rnams la lhag par byas/ /de la dge ba'i rtsa ba bskyed/ /dge bshes mgon dang bcas rnams ni/ /'di nyan pa yi snod du 'gyur/ /sangs rgyas bsnyen bkur mang dag zhus//sbyin dang tshul khrims sogs spyad pas/ /len dang 'dzin pa la sogs pa'i/ /snod nyid du ni mkhas pas shes/ /zhes gsungs so/ /de dag kyang gdul bya rnams kyi dang ba dang / mi g.yeng ba dang / gus pa la sogs pa bskyed pa'i phyir ro/ /bdag gi zhes 'byung ba rnam par dbye ba gsum pas ni yi ge'i sgra ji lta ba bzhin thos pa nyid ston te/de na thos pa las byung ba'i shes pa yin pas rang gi rtogs pa'i bdag nyid yongs su spong ngo / /de lta ma yin na ni bdag gis thos pa zhes bya ba rnam par dbye ba drug par 'gyur te/ shes pa'i don yin pa'i phyir ro//da ni thos pa'i rang gi ngo bo bstan pa'i phyir/ dus gcig na zhes 'byung ba la sogs pa skabs rtsom par byed de/ dus ni ston la sogs pa'i dus so/ /gcig na zhes 'byung ba 'dis ni dus zhes 'byung ba 'di bye brag tu byed do/ /de yang bzhugs te zhes 'byung ba de nyid dang sbyar ro/ / bdud bzhi bcom par gyur pa'i phyir bcom ldan 'das te/ yon tan dang phrin las mtha' yas shing mchog tu gyur pa 'gro ba'i bla ma mdzad pa dang / yon tan gyi sgo nas mtshan mtha' yas pa zhig mngar zin kyang / 'on kyang 'khor theg pa gsum pa bdag dang gzhan gyi don la zhugs pa rnams kyis cig car skyabs su 'os pa nyid du bstan pa'i phyir/bcom ldan 'das kyi sgra 'jug pa'i rgyu mtshan du 'jigs pa'i rgyu tshar gcod par byed pa nyid du ston to/ /de bas na bshad pa'i skabs thams cad du bcom ldan 'das kyi tshig tu brjod do/ /rgyal po'i khab ces 'byung ba ni yul ma ga d+hA'i grong khyer gyi bye brag go//de'i phyogs gcig na bya rgod phung po zhes bya ba'i ri rtag tu sangs rgyas kyi bzhugs gnas yod de de na bzhugs so/ /bya rgod phung po'i ri ni bcom ldan 'das bzhugs pas mchod rten nyid du gyur pa dang me la sogs pa'i 'jig pa rnams kyis kyang gzhig tu med pa nyid du shes par bya ste/byang chub sems dpa'i sde snod las de skad du gsungs pa'i phyir ro/ /de bzhin du 'phags pa zla ba sgron ma la sogs pa las kyang / rgyal po'i khab kyi shar phyogs 'di nyid du/ /sangs rgyas bye ba stong rnams mthong gyur cing / /rgyal ba kun gyi drung du 'di yis ni/ /ting 'dzin zhi ba mchog 'di zhu ba byas//zhes 'byung ba la sogs pa dang mthun pa yin te/ rtog pa dang dpyod pa la sogs pa'i skyon thams cad las rnam par grol ba'i de bzhin gshegs pa spyod lam bzhi gang yang rung bas bzhugs pa'i phyogs/ de bzhin gshegs pa'i dbang gis byung ba 'jig pa rnams kyis 'jig par ji ltar 'gyur/lha dang 'phags pa dang tshangs pa'i bzhugs pa dam pa bsam gtan bzhi pa dang / stong pa nyid dang / snying rje chen po'i mtshan nyid gtso bo yin pa'i phyir bzhugs pa gsum po de dag gis bzhugs par gyur te/ de'i sgra ni bzhugs zin pa'i don to/ / de na bcom ldan 'das bzhugs pa ni chos yang dag par sdud pa'i dus na 'das pa yin no/ /dus gcig na zhes 'byung ba'i bye brag gis ni thugs rje chen po la gzhol ba 'gro ba'i bla ma dus gzhan na ni yul gzhan na bzhugs par ston to/ /de'i phyir bcom ldan 'das kyi rjes su slob pa gzhan rnams kyis kyang dam pa gsum gyis gnas par bya'i/byed pa gang yang rung ba dag gis ni ma yin no/ /dge slong gi dge 'dun chen po dang zhes 'byung ba la sogs pa ni nyan par gtogs pa 'dus par ston te/ /de la nyon mongs pa bcom pa'i phyir dge slong ngo / /de dag mang po tshogs pas dbyer med pa'i phyir dge 'dun no//chen po zhes 'byung ba ni phal che ba nyid kyis sam/ shes rab dang rdzu 'phrul la sogs pas so/ /de bzhin du byang chub sems dpa' sems dpa' chen po'i dge 'dun chen po dang yang ste/ 'di la yang che ba nyid gsum gyis ston to/ sems can thams cad kyi mchog tu gyur pa sems che ba nyid dang /spong ba che ba nyid dang / rtogs pa che ba nyid kyis so/ /de dag dang thabs cig ste/ lhan cig tu zhes bya ba'i tha tshig go/ /bzhugs pa'i bya ba la lhan cig pa nyid yin pa'i phyir lhan cig gi don gyi mtshan nyid kyis rnam par dbye ba gsum pa yin no//gtogs pa 'dus pa zhes bya ba 'di la gtogs pa su yin zhe na/ rnam pa de lta bu'i chos nyan pa la sogs par snang ba 'grub par 'gyur ba'i dge ba'i rtsa ba sngon bskyed pa yongs su smin pa ni gtogs pa yin te/ chos nyan pa la sogs pa la skal ba yod do zhes bya ba'i tha tshig go//rang mtshan mar grub par bya ba'i phyir yul dang dus dang / /'khor dbang du byed cing dbang dang bcas par smras na/ smra ba po tshad ma yin par khong du chud par 'gyur ro zhes che ba gang dag smra ba de ni bdag gis khong du ma chud de/ 'di ltar yul de dag tu song zhing dpang rnams la 'dri na ni de nus pa med pa rnams kyis mdo'i don gtan la dbab pa thag ring bar 'gyur ro//yang ji ltar mdo sde 'di bzhin du gang du 'khor gyi ming ma bstan pa de ji ltar dbang zhes brjod par bya/ 'og ma yin pa'i phyir dge slong gi 'khor sngar bstan la/ gong ma yin pa'i phyir byang chub sems dpa'i 'khor phyis bstan to//ji ltar gang yang phyogs bcu'i 'gro ba rnams dang / slob pa dang / mi slob pa dang / rang rgyal ba rnams kyi bsod nams la zhes bya ba la sogs pa lta bu ste/ kha cig tu ni 'og ma nas go rims bzhin du bkod do/ /kha cig tu ni gong ma nas go rims bzhin du bkod de/ji ltar sangs rgyas dang byang chub sems dpa' zhes bya ba lta bu'o/ /gzhan dag ni 'khor rtag pa yin pa'i phyir dge slong gi 'khor sngar smos so/ /rtag pa ma yin pa'i phyir byang chub sems dpa'i 'khor phyis smos so zhes pa'o/ /rtag pa ni sngar brjod par bya ba yin la de las gzhan ni phyis yin no zhes bya ba de ni rigs pa yod pa ma yin no//gleng gzhi gang gis bstan pa 'di 'jug pa'i gleng gzhi de bshad pa'i phyir/ de'i tshe zhes bya ba la sogs pa gsungs te/ 'khor rnams kyi dge ba'i rtsa ba yongs su smin par bstan pa de'i tshe/ bcom ldan 'das ting nge 'dzin la snyoms par 'jug par mdzad pa'i dus de yin pa'i phyir de'i tshe zhes bya ste/bcom ldan 'das ni dus mkhyen pa'i phyir ro/ /chos ni phung po la sogs pa yin te rang gi mtshan nyid 'dzin pa nyid du 'dod do/ /yongs su kun du thams cad du 'di la'ang 'dis khong du chud rtogs rig pas na chos kyi rnam grangs zhes bya'o//zab mo ni stong pa nyid la sogs pa ste/ gang du'ang gang gis snang ba go rims bzhin du rang dang gzhan gyi rgyud la ltos pa de ni zab mo snang ba yin no/ /de skad du/ zab mo stong pa nyid la sogs/ /sgro 'dogs pa dang skur 'debs mtha'//bral ba de ni zab mo nyid/ /ces bstan te/ sgro 'dogs pa dang skur pa 'debs pa'i mtha' dang bral ba yang yod pa dang med pa'i mtha' las 'das pa yin no/ /de bas na slob dpon klu sgrub kyi zhal snga nas/ gang blo yod dang med pa las/ /rnam par 'das shing mi gnas pa/ /de dag zab mo dmigs med pa'i//rkyen gyi don las rnam par bsgom/ /zhes bstan to/ /ting nge 'dzin ni sems rtse gcig pa nyid kyi mtshan nyid do/ /yang dag par 'jog pa'i phyir de'i bdag nyid du bzhugs pa ni snyoms par zhugs pa'o/ /'di ltar sangs rgyas dang byang chub sems dpa' rnams kyi mdzad pa thams cad ni gzhan gyi don gtso bo yin no//des na bcom ldan 'das ting nge 'dzin 'di la snyoms par zhugs pa ni 'khor thams cad kyi sems kyi rgyud ting nge 'dzin gyi don bstan pa dang mthun pa ji ltar rang rang gi rgyud yongs su smin par rung ba skyes pa yin te/ de ni de bzhin du rig par bya'o/ /bcom ldan 'das kyi nyon mongs pa med par mkhyen pa yang 'dir khungs su gzhag ste/nyan thos rnams kyi nyon mongs pa med pa ni bdag mthong na mi rnams kyi nyon mongs pa yongs su spong ngo / /rgyal ba rnams kyi nyon mongs pa med pa ni grong la sogs par de dag gi nyon mongs pa rgyun gcod do/ /don 'di nyid 'og nas bstan pa'i phyir/yang de'i tshe zhes bya ba la sogs pa gsungs so/ /de'i tshe zhes bya ba ni bcom ldan 'das ting nge 'dzin la snyoms par zhugs pa de'i tshe'o/ /yang gi sgra ni nges par gzung ba'i don te/ des na de kho na nyid ni zhes bya ba'i don to/ /yang na yang zhes bya ba ni bsdu ba'i phyir te/snyoms par 'jug pa'i bya ba bstan pa dang / 'og nas 'byung ba'i rnam par lta ba'i bya ba sdud par byed do/ /bshad pa 'di la ni 'khor gyi dge ba'i rtsa ba yongs su smin pa'i dus kho na yongs su gzung bar bya ste/ de lta na ni bsdu ba 'thad par 'gyur gyi gzhan du ni ma yin no/ /'di'i sems dpa' ni byang chub kyi ched du 'am/byang chub sems nyid yin pas byang chub sems dpa'o/ /sangs rgyas nyid du zhugs pa yin pa'i phyir dbang bskur ba thobs pa rnams la nges pa'i tshig phyi ma nyid du rigs na/ byang chub 'di yang gang zhe na/ byang chub 'di nam mkha'i mtshan nyid yin te rtog pa thams cad spangs pa'i phyir ro//de skad du/ rnam par snang mdzad mngon par rdzogs par byang chub pa las kyang / byang chub nam mkha'i mtshan nyid pa/ /rtog pa thams cad spangs pa yin/ zhes gsungs so/ /gang zhig de rtogs par 'dod pa de ni byang chub sems dpa' ste/ de la de skad ces bya'o/ / sems can thams cad kyi mchog tu gyur pa sems che ba nyid la sogs pa gsum bstan pa dang / sa chen por zhugs pa'i pha rol tu phyin pa che ba nyid kyis kyang 'di'i sems dpa' che bas na sems dpa' chen po'o/ /de skad du sdud pa tshigs su bcad pa las kyang / gtong ba che dang blo che ba dang mthu che dang //rgyal ba rnams kyi theg chen mchog la zhugs pa dang / /go cha chen po bgos shing bdud kyi sgyu 'dul ba/ /de yi phyir na sems dpa' che zhes rab tu brjod/ ces gsungs so/ /sdig pa mi dge ba'i chos rnams las ring du bsrings te song bas na 'phags pa'o//gang gis spyan ras kyis gzigs na sems can rnams dbang phyug ste/ 'jigs pa dang sdug bsngal gyi rgyu la mi rten par dbang du gyur pa'i dbang phyug de la de skad ces bya'o/ /'di 'phags pa yang yin la spyan ras gzigs dbang phyug kyang yin pas 'phags pa spyan ras gzigs dbang phyug go//rnam pa sna tshogs shes pa'am/ /shes pa'i mchog yin pas shes rab po/ /dam pa'i dngos po ni dam pa nyid de dam pa kho na yin no/ /'jig rten gang la mchog gzhan med pa ni dam pa bshad de/ shes rab kyi dam pa nyid na shes rab kyi pha rol du phyin pa yin no//de bas na 'di skad du/ rang gi ngo bo stong pa la sogs pa'i rnam pas shes pa dam par 'gyur te/ shin du mchog dang ldan pa gang yin pa de ni shes rab kyi pha rol tu phyin pa nyid do/ /de skad du/ 'phags pa shes rab kyi pha rol du phyin pa brgyad stong pa las/ kun dga' bo shes rab gang gis dge ba'i rtsa ba rnams bsngo ba bla na med pa yang dag par rdzogs pa'i byang chub tu yongs su bsngos na de dam pa yin nam/kun dga' bos gsol pa/ bcom ldan 'das dam pa lags so/ /bde bar gshegs pa dam pa lags so/ /bcom ldan 'das kyis bka' stsal pa/de bas na dam pa yin pa'i phyir pha rol tu phyin pa zhes bya ba'i ming 'thob par 'gyur ro zhes gsungs so/ /de las gzhan pa la ni nges pa'i tshig rigs pa ma yin zhing sgra sbyar ba yang dka' ba bcom ldan 'das kyi nges pa'i tshig dang yang 'gal bar 'gyur ro/ /don dam pa'i shes rab kyi pha rol tu phyin pa ni rnam pa thams cad rnam par dag pa'i mtshan nyid chos kyi sku yin no//de las gzhan pa ni sems bskyed pa dang / go cha dang / 'jug pa dang / tshogs dang / nges par 'byung ba'i sgrub pa'i mtshan nyid rgyu'i bdag nyid do/ /zab mo'i don ni sngar bshad zin to//de la gang gi tshe rgyu'i shes rab kyi pha rol tu phyin pa la bya na ni yul gyi bdun pa yin no/ /gang gi tshe 'bras bu la bya na ni de'i tshe rgyu mtshan gyi bdun pa yin no/ /de la spyad pa ni rnam pa mang ste/ so so'i skye bo'i sa sbyor ba'i lam la ni mos pa'i spyad pa'o/ /sa gnyis pa la sogs pa'i drug la ni sgrub pa'i spyad pa'o//sa brgyad pa la ni nges pa'i spyad pa'o/ /de la mos pa'i spyad pa ni rnam pa gsum ste/ rang gi don dang / rang dang gzhan gyi don dang / gzhan gyi don te/ re re la yang so sor chung ngu'i chung ngu la sogs pa'i dbye bas rnam pa dgu dgu'o/ /de ltar mos pa rnam pa nyi shu rtsa bdun no//sgrub pa'i spyad pa ni lhag pa'i tshul khrims la sogs pa bslab pa gsum rnam par dag pa'i ngo bo yin te/ de la lhag pa'i tshul khrims kyi bslab pa rnam par dag pas ni sa gnyis pa'o/ /lhag pa'i sems kyi bslab pa rnam par dag pas ni sa gsum pa'o/ / lhag pa'i shes rab kyi bslab pa rnam par dag pas ni rnam pa brgyad de/ des ni sa lhag ma brgyad bsdus pa yin no/ /de la byang chub kyi phyogs dang / 'phags pa'i bden pa bzhi dang / rten cing 'brel par 'byung ba dang / rtsol ba dang bcas shing mtshan ma med par gnas pa dang rab tu ldan pa'i lhag pa'i shes rab kyi bslab pa rnam par dag pas ni 'od 'phro ba can la sogs pas bzhi ste/de ltar na rnam pa drug ni sgrub pa'i spyad pa yin no/ /nges pa'i spyad pa ni lhun gyis grub cing mtshan ma med pa'i lhag pa'i shes rab kyi bslab pa rnam par dag pas ni sa brgyad pa ste/ ji ltar 'dod par sangs rgyas kyi zhing rnam par dag pa la spyod pa nges pas na nges pa'i spyad pa zhes brjod do/ /'dir ni bye brag ma bzung ba'i phyir spyad pa nyid thams cad bzung ngo / /spyad pa ni spyod pa ste/ rjes su sgrub pa'o/ /yang na mos pa nyid spyad pa yin te/ 'di rtsom pa'i sa yin pa'i phyir ro//'di nyid kyis rab tu dga' ba la sogs pa sa bcu gcig po brtsam pa'i phyir ro/ /thob pa dang / yongs su grub pa dang / rnam par dag pa ni de bas gzhan pa sa lhag ma rnams kyis rnam par gzhag go/ /yul de la'ang de'i ched du spyod pa nyid la rnam par blta ste/bcom ldan 'das mdzad pa'i rjes su mthun pa nyid du zhugs pa yin gyi/ las gzhan byed pa med do zhes bya ba'i don to/ /'khor gzhan yang de bzhin gshegs pa'i mdzad pa'i rjes su zhugs pa yin mod kyi/ 'on kyang 'phags pa spyan ras gzigs dbang phyug 'chad pa po yin pa'i phyir de lta bu zhugs so zhes bstan to//shA ri'i bu yang 'dri ba po yin pa'i phyir ro/ /rnam par blta ste zhes 'byung ba ni rang gi ngo bo stong pa la sogs pa'i rnam pa sna tshogs su lta ba ste/ so sor rtog pa'o/ /yi ge kha cig las 'di ltar zhes 'byung ba de'i tshe ni 'di ltar zhes bya ba 'dis rang gi dngos po stong pa dang /mtshan nyid med pa dang / ma skyes pa la sogs pa 'og nas 'byung ba'i rnam pa rnams kyi lta ba khyad par can du bzhed do/ /de nyid kyi phyir sna tshogs kyi don brjod pa rnam par gyi sgrar sbyor ro/ /rnam par blta bar bya ba ji snyed yod pa'i don bstan pa'i phyir/phung po lnga po zhes bya ba gsungs so/ /phung po'i sgras skye mched dang khams kyang mtshon pa yin te/ mjug sdud pa na de dag kyang brjod pa'i phyir ro/ /yang na kyang gi sgras phung po lnga dang skye mched dang / khams rnams la yang rnam par lta'o/ / de dag kyang ngo bo nyid kyis stong pa zhes 'byung ba 'dis ni ji lta ba bzhin du yod par bstan te/ ngo bo nyid kyis stong pa dang / bral ba dang / bdag med pa zhes bya ba'i don to/ /'di yang mtshan nyid med pa dang / ma skyes pa la sogs pa mtshon pa yin no/ /de nas zhes 'byung ba ni skabs 'dir de ma thag tu'o//sangs rgyas kyi mdzad pa'i mthu ni sangs rgyas kyi mthus te/ bcom ldan 'das kyis mdzad pa'i byin gyi rlabs dang mthus zhes bya ba'i tha tshig ste/ don 'di 'phags pa spyan ras gzigs dbang phyug la dri ba'i spobs pa bcom ldan 'das kyis nye bar bsgrubs pa yin no//de lta ma yin na ni 'di shA ri'i bu'i yul ma yin no zhes bstan pa yin no/ /nyon mongs pa spangs pas bsngags par 'os pa'i sgo nas tshe dang ldan pa'i phyir tshe dang ldan pa'o/ /shA ri'i zhes bya ba ni sha ra dwad kyi rigs su skyes pa'i bud med do/ /de'i bu yin pas shA ri'i bu'o/ / 'di skad ces 'byung ba ni 'og nas smos pa'o/ /smras so zhes 'byung ba ni smras par 'gyur ba'o/ /bsngags par bya ba'i don du rigs kyi bu zhes 'byung ba yin te/ dbang bskur ba thob pa nyid kyis sangs rgyas rnams kyi sras khyad par du gyur pa'i phyir 'di ni bong ba yin no/ /gang la la zhes 'byung ba ni bye brag ma bstan pa'o//spyod par zhes 'byung ba ni spyod par byed pa dang / nan tan gyis yang dag par sgrub pa'o/ /'dod pa ni 'di'i 'dun pa yin te/ de la de skad ces bya'o/ /yi ge kha cig las spyad pa byed par 'dod pa des zhes 'byung ste/ byed pa dang sgrub par zhes bya ba khyad par med pa nyid kyi don to//bsam pa dang / sbyor ba dang / mngon du bya ba dang / sgrub pa dang / rtogs pa'i rnam pa gang gis ji ltar bslab par bya/ goms par bya/ de skad ces 'byung ba ni rnam pa snga ma la bya'o/ /smras pa dang zhes 'byung ba ni brjod pa dang zhes bya'o/ /rigs kyi bu 'am rigs kyi bu mo zhes 'byung ba ni 'di 'phags pa rnams kyis brjod par 'os pa yin no//'am zhes 'byung ba'i sgra ni phan tshun ltos pa ste gnyi ga yang yin par lta bar bya'o/ /des zhes 'byung ba spyad pa spyod par 'dod pas so/ /'di ltar zhes 'byung ba ni 'og nas 'byung ba'i tshul gyis so/ /rnam par blta bar bya ste zhes 'byung ba ni rnam pa sna tshogs su so sor brtag par bya'o//'dis ni rnam par rtog pa dang bcas pa'i gzugs brnyan lhag mthong gis dmigs pa brjod do/ /sems pa'i bar ma chad pa nyid gcig tu rnam par mi rtog pa'i gzugs brnyan zhi gnas kyi dmigs pa yang blta bar bya'o//yang dag par rjes su blta'o zhes 'byung ba ni phyin ci ma log pa'i phyir yang dag par ram/ mtshan nyid med pa nyid kyis dbyer med pa'i phyir mnyam par ram/ chos thams cad kyi phyir kun tu rnam par lta ba dang rjes su mthun par lta ba ni yang dag par rjes su lta ba ste/ dngos po'i mtha'i dmigs pa zhi gnas dang lhag mthong gis mngon sum du byed ces bya ba'i tha tshig go//'dis ni dngos po'i mtha'i dmigs pa mthong ba'i lam gyis bsdus pa'i sa dang po bstan to/ /de nas gong du dngos po'i mtha' dang / sngar bstan pa rnam pa gnyis te/ sa gnyis pa la sogs pa la ni dmigs pa gsum po de dag yin par blta bar bya'o//sa mthar phyin pa bcu pa dang / de bzhin gshegs pa'i sa la ni chos kyi sku thob pa'i phyir dgos pa yongs su grub pa de nyid dmigs pa yin no/ /de skad du 'phags pa dgongs pa nges par 'grel pa las/ de sngar zhi gnas dang lhag mthong thob pa'i phyir rnam par rtog pa dang bcas pa dang /rnam par mi rtog pa'i gzugs brnyan gyi dmigs pa thob pa yin no/ /da ltar ni mthong ba'i lam thob pa'i phyir dngos po'i mtha'i dmigs pa thob pa yin no/ /des gong nas gong du bsgom pa'i lam dang rab tu ldan pa dmigs pa gsum po de dag nyid yid la byed na mtshan ma dang gnas ngan len thams cad bcom pa'i phyir mthar gyis sa gong nas gong du gser lta bur sems rnam par sbyong zhing bla na med pa yang dag par rdzogs pa'i byang chub mngon par rdzogs par 'tshang rgya ba'i bar du dgos pa yongs su grub pa'i dmigs pa yang 'thob po zhes gsungs te/rgyas par ni de nyid las rig par bya'o/ /'dir ni dpe nye bar sbyar ba tsam zhig smos pa yin no/ /ji ltar na rang gi dngos po stong pa la sogs pa'i rnam pa'i sgo nas phung po la sogs pa la rnam par lta ba ni phyin ci ma log pa'i phyir yang dag pa dang / mtshan nyid med pa nyid kyis mtshan nyid gcig pa'i phyir mnyam pa dang /chos thams cad yang dag par rjes su mthong ba yin zhe na/ gzugs stong pa'o zhes bka' stsal te/ skabs yin pa'i phyir rang gi ngo bo nyid kyis zhes 'byung ba dang sbyar ro/ /'di ltar gzugs la sogs par snang ba la dngos po yin pa dang / btags pa yin par smra ba rnams rnam pa de gnyis su rtogs par byed do/ /de la gzugs la sogs pa snang ba dngos po yin par smra ba ni bye brag tu smra ba dang / dpyod pa pa la sogs pa'o/ /don snang ba btags pa yin par smra ba ni mdo sde pa ste/ de dag 'di skad du don ni sngon po la sogs pa phyi rol na yod pa nyid yin la/myong ba ni rnam par shes pa 'di la rnam pa gang bsgom pa yin no/ /sngon po la sogs pa la rang gi ngo bor rnam par rtog pa mang po rdul phra rab dang / des brtsams pa cha shas can dang / rnam par shes pa dang / gtso bo dang / sgra'i tshangs pa la sogs pa yongs su gyur pa tha dad par rtog pa'i dra ba ngan pa de dag thams cad ni rang gi ngo bo bkag pa nyid kyis bcom par 'gyur bas de nyid brjod par bya'o//gang de dag ba lang rdzi dang bud med yan chad la grags pa dngos su gsal bar snang ba'i gzugs de nyid dri za'i grong khyer ltar ngo bo nyid kyis stong pa yin te/gzugs snang ba 'di la rang gi ngo bo 'ga' yang med do/ /de bas na rang gi ngo bo stong pa nyid 'di la gzugs so zhes bya ste/ 'dis ni bye brag tu smra ba dang / dpyod pa pa la sogs pa 'dod pa'i gzugs rang gi ngo bo stong pa nyid du bstan pa yin no/ /mdo sde pa rnams snang ba rnam par shes pa'i ngo bo yin pa'i phyir sngon po la sogs par snang ba ni don gyi rang gi ngo bos stong pa yin no//phyi rol gyi don ni yod pa kho na yin pas stong pa nyid las gzugs gzhan yin no snyam du sems na/ de dag kyang gzugs las stong pa nyid gzhan ma yin no/ /stong pa nyid las kyang gzugs gzhan ma yin no zhes 'byung ba 'dis 'gog par byed do//yang 'di skad du phung po la sogs pa'i rang gi ngo bo med par ga las shes par bya zhe na/ 'dir smras pa/ phung po dang / skye mched dang / khams rnams ni rten cing 'brel par 'byung ba yin pa'i phyir rgyu med pa nyid dang / rtag pa nyid kyi sa phyogs bsal ba yin no//rgyu las byung ba'i phyogs la yang rtag pa gnyis te/ dngos po skye ba na rgyu dang dus mnyam pa nyid du skye 'am/ dus tha dad pa yin/ de la phyogs dang po ltar na ni rgyu dang 'bras bu snga phyi'i phyogs thams cad dus gcig tu dmigs par 'gyur ba'i phyir dang rgyu dang 'bras bu gnyis dbyer med pa dang /bskal pa yang lo gcig tsam du 'gyur ba'i phyir ro/ /phyogs gnyis pa la yang rgyu dang 'bras bu gnyis dus gcig tu tshogs pa med pa'i phyir nus pa med de/ de bas na rgyu med pa nyid du thal bar 'gyur ro/ /rgyu med na ni rtag tu yod pa'am med pa nyid du thal bar 'gyur te/ltos par bya ba gzhan med pa'i phyir ro/ /ltos na ni dngos po res 'ga' ba nyid du 'gyur ro/ /gsum pa'i phyogs ni mi srid de/ dus gcig pa dang dus tha dad pa gnyis phan tshun spangs te gnas pa'i phyir ro/ /de bas na gzugs la sogs pa'i snang ba gang yin pa de dag smig rgyu'i chu la sogs pa bzhin du rang gi ngo bo stong pa yin no//de dag la yang de dang de la brten nas 'byung ba zhes rtog pa gang yin pa de ni kun rdzob yin no/ /de nyid kyi phyir bcom ldan 'das kyis 'phags pa rgya cher rol pa las/ shAkya'i sras po rten cing 'brel pa'i chos/ / rang gi ngo bo med par mthong nas ni/ /nam mkha' lta bu'i sems dang rab ldan pas/ /g.yon can dpung bcas mthong bas g.yo ba med/ ces 'byung ba dang / dkon mchog ta la la las kyang / rkyen las skyes pa rang gi dngos ma skyes/ /chos kyi lus ni rgyal ba rnams kyi sku/ /chos nyid rtag tu gnas pa nam mkha' bzhin//bstan na chos rnams sbyong ba thob par 'gyur/ /zhes gsungs so/ /sangs rgyas thams cad kyi yul la 'jug pa ye shes snang ba'i rgyan las kyang / chos kyi rang bzhin las g.yo ba med do/ /chos kyi rang bzhin las ma g.yos pa ni chos kyi rang bzhin thob par 'gyur ro//chos kyi rang bzhin thob pa ni cung zad kyang spros par mi byed do/ /de ci'i phyir zhe na/ rgyu dang rkyen gyis bskyed pa'i phyir ro/ /gang rgyu dang rkyen gyis bskyed pa de ni shin tu ma skyes pa'o/ /gang shin tu ma skyes pa de ni nges par thob pa yin no/ /gang nges par thob pa de ni chos thams cad yid la byed pa dang lhan cig gnas byed pa ma yin no zhes 'byung ba la sogs pa gsungs pa yin no//de nyid kyi phyir 'phags pa klu sgrub kyi zhal snga nas kyang / rten cing 'brel par gang 'byung ba/ /rang bzhin gyis ni de ma skyes/ /rang bzhin gyis ni gang ma skyes/ /de la skye zhes ji skad bya/ /shin tu phra ba'i dngos la yang //gang gis skye bar rnam brtags pa/ /rnam par mi mkhas de yis ni/ /rkyen las byung ba'i don ma mthong / /zhes gsungs so/ /rnam grangs gzhan yang rnam par brtags pa'i gzugs gzhan gyi dbang gi mtshan nyid ni kun tu brtags pa'i ngo bo gzung ba dang 'dzin pa'i mtshan nyid gnyis kyis rtag pa rtag pa'i dus dang ther zug ther zug gi dus su bral ba stong pa de ni chos nyid kyi gzugs te/yongs su grub pa'i mtshan nyid do/ /gzhan gyi dbang dang yongs su grub pa de gnyis ka yang stong pa nyid gzugs so zhes 'byung ba 'di gcig pa nyid du ston to/ /stong pa nyid yongs su grub pa'i ngo bo dang /gzugs gzhan gyi dbang gi mtshan nyid gcig pa nyid du nges par gzung ba'i phyir/ stong pa nyid gzugs so zhes bya ba nyid smos pa yin no/ /de ltar gcig pa nyid sgrub pa'i sgo nas brjod nas dgag pa'i sgo nas kyang / gzugs las stong pa nyid gzhan ma yin no zhes 'byung ba la sogs pas tha dad pa nyid 'gog par byed do//de yang mi 'gyur ba dang phyin ci ma log par yongs su grub pas yongs su grub pa ste/ rgyu dang rkyen 'dus nas nus par gyur pas ma byas pa'i phyir 'dus ma byas pa yin no/ /de las gzhan pa gnyis ni ma grub pa'o/ /rgyun chad pa ma yin pa'i phyir rtag pa ste/de ni thub pa chen po'i chos kyi sku don dam par yod pa yin no/ /de nyid gcig kho na don dam pa bden pa ste/ 'di lta ste/ ma rmongs pa'i chos can mya ngan las 'das pa zhes bya'o/ /de lta ma yin na rtsom pa thams cad don med par 'gyur ro zhes zer ro zhes grags te/ de la bshad pa ji skad bstan pa'i chos kyi sku'i mtshan nyid 'dod pa la ni rag na don dam par yod ces bya ba de ji lta bu/'di ltar de mu stegs can gyis yongs su brtags pa bdag la sogs pa bzhin du rtag pa yin nam/ skad cig ma yin/ ci ste phyogs dang po yin na ni mu stegs can rig byed kyi mtha' smra ba la sogs pa'i grub pa'i mtha' las 'di bye brag ci yod/zla ba sgron ma'i ting nge 'dzin las kyang / chos kun rtag tu rang gi ngo bos stong / rgyal ba'i sras rnams dngos po rnam par 'jig /srid pa thams cad yong ye stong pa ste/ /nyi tshe'i stong nyid mu stegs can rnams kyi/ /zhes pa yang ji ltar rtogs par bya/mu stegs can rnams la yang ji ltar skyon gdags/ 'on te phyogs gnyis pa ltar na de'i tshe skad cig ma snga ma ni skad cig ma phyi ma'i rgyu yin la/ de la yang dus mnyam pa dang / dus tha dad pa'i skyon sngar bstan zin pas yang mi brjod do/ /gang yang gcig kho na dam pa bden pa'o zhes bya ba la sogs pa smras pa 'di yang mya ngan las 'das pa mngon par 'dod pa de dag gzhug pa la ldem por dgongs pa yin te/'di ltar blo gros mi zad pa las/ ci ste 'dus byas med na/ gang 'gog na mya ngan las 'das pa bden par 'gyur zhes bya bas de dag thams cad bsal ba yin no/ / shes rab kyi pha rol tu phyin pa nyi khri lnga stong pa la sogs pa las kyang / yang dag par rdzogs pa'i sangs rgyas kyang sgyu ma lta bu rmi lam lta bu'o/ /mya ngan las 'das pa yang sgyu ma lta bu rmi lam lta bu'o/ /ci ste mya ngan las 'das pa las ches lhag pa'i chos 'ga' zhig yod na de yang sgyu ma lta bu rmi lam lta bu'o zhes pa smra'o zhes gsungs so//rtsom pa don yod par 'gyur ba ni 'og nas bstan par bya'o/ /ci ste gzung ba dang 'dzin pa dang / rnam par bral ba gnyis su med pa'i ye shes don dam par yod par khas mi len na ji ltar med par mi 'gyur zhe na/ mi 'gyur te/ kun rdzob tu rten cing 'brel par 'byung ba khas len pa'i phyir dang /don dam par yang yod pa dang med pa las 'das pa yang yod pa'i phyir ro/ /yod pa nyid las bzlog ste/ med pa nyid du 'dzin pa ni 'di ltar med par lta ba chad pa'i mtha' yin te/ pha med do/ /ma med do/ /'jig rten 'di med do/ /'jig rten pha rol med do/ /legs par byas pa dang nyes par byas pa'i las rnams kyi 'bras bu rnam par smin pa med do zhes bya ba dang /bden pa dang dkon mchog la sogs pa la skur pa 'debs pa'i mtshan nyid rnam pa de lta bu'i sdig pa can yin na/ shin tu rnam par dag pa dbu ma'i lugs la lta skabs ga la yod/ rin po che'i phreng ba las kyang /smin rgyu las ni chu'o zhes/ /chu yi blo yis der song nas/ /ci ste chu de med do zhes/ /'dzin pa de ni rmongs pa nyid/ /ces gsungs pa dang / gang la med par 'dod pa la/ /byang chub brten phyir sems med cing / /khas len med dang spyod med dang / /de la ji ltar med par shes//zhes bya bas kyang lan btab po/ /ji ste yod pa nyid bkag pa'i phyir med pa nyid du 'gyur ro zhe na/ med pa nyid du bkag pa'i phyir yod pa nyid du yang ci'i phyir mi 'gyur/ gnyis su med pa'i shes pa don dam par yod par khas len pa yang rgyu tha dad par 'jug pa rnams la de dag gi shes pa rnam par 'dzin na ni ji ltar gnyis su med pa nyid yin/'on te don dam par yod pa la mi 'dzin na ni ji ltar thams cad mkhyen pa nyid yin/ khyed la yang skyon 'di mtshungs par 'gyur ro zhe na/ mi 'gyur te/ don dam par yod pa mi mthong ba nyid de kho na mthong ba yin la/ smig rgyu la chur mi mthong ba mi shes pa dang ldan pa ni ma yin no//de skad du gzugs ma mthong ba nyid gzugs mthong ba nyid do zhes bya ba la sogs pa gsungs pa dang / ting nge 'dzin gyi rgyal po las kyang / gang yang ma mthong ba ni chos thams cad mthong ba yin no zhes gsungs so/ /de bzhin du gzugs dang 'dra bar tshor ba la sogs pa na tha ma rnam par shes pa la thug pa phung po dag mdor na rang gi ngo bos stong pa nyid du bstan to//des na 'di ltar rig par bya ste/ tshor ba stong pa'o/ /stong pa nyid tshor ba'o/ /tshor ba las stong pa nyid gzhan ma yin no/ /stong pa nyid las tshor ba gzhan ma yin no/ /de bzhin du 'du shes la sogs pa yang sbyar bar bya'o//phung po rnams rang gi ngo bo stong pa nyid du bstan nas skye mched dang khams rnams la yang bstan pa'i phyir/ shA ri'i bu de ltar na zhes bya ba la sogs pa gsungs so/ /de ltar na zhes 'byung ba ni phung po bzhin du'o/ /chos thams cad ni skye mched dang khams rnams te/ rang gi ngo bo stong pa nyid de zhes 'byung ba dang sbyar ro//rang gi ngo bo stong pa nyid la rnam par lta ba'i rnam pa bstan nas mtshan nyid med pa la rnam par lta ba'i rnam pa bstan pa'i phyir/ mtshan nyid med pa zhes bya ba gsungs so/ /'dis sam de mtshon par bya ba yin pas mtshan nyid de/ 'di lta ste gzugs kyi phung po'i spyi'i mtshan nyid ni gzugs su rung bas gzugs so//tshor ba'i phung po'i spyi'i mtshan nyid ni myong bas na tshor ba'o/ /rang gi ngo bo la bye brag ci yod ce na/ rang dang spyi'i mtshan nyid kyis byas pa'i bye brag yod do/ /rang gi mtshan nyid ni rang gi ngo bo ste/ sngon po la sogs pa gang thun mong ma yin pa'i ngo bo'o//phung po dang khams dang skye mched kyi chos gang dag yin pa thams cad la spyi'i mtshan nyid de dag med pas de mtshan nyid med pas so/ /mtshan nyid med pa nyid la sogs pa de dag kyang rang gi ngo bos dgag pas ngo bos bsgrim mi dgos par grub pa yin no/ /ci ste chos thams cad stong pa dang mtshan nyid med pa yin na de ji ltar rang gi rkyen ji lta ba bzhin las skye zhing rang gi rkyen ji lta ba bzhin 'gags pas 'gag ce na/'di ltar ma rig pa'i rkyen gyis 'du byed/ 'du byed kyi rkyen gyis rnam par shes pa zhes bya ba la sogs pa srid pa'i yan lag rnams skye ba dang /ma rig pa 'gags pas 'du byed 'gag /'du byed 'gags pas rnam par shes pa 'gag ces bya ba la sogs pa srid pa'i yan lag rnams 'gag pa de dag shes rab kyi pha rol tu phyin pa 'di la med do zhes bstan pa'i phyir/ ma skyes pa ma 'gags pa zhes bya ba gsungs so/ /gal te de ltar na ji ltar rgyu dang 'bras bur bcas pa'i kun nas nyon mongs pa dang rnam par byang ba 'phags pa'i bden pa bzhi po 'di ji ltar rung zhe na/dri ma med pa dri ma dang bral ba med pa zhes gsungs te/ nyon mongs pa'i dri ma'i rang gi ngo bo med pa'i phyir chos thams cad dri ma med pa'o/ /dri ma bsal ba'i sgo nas rnam par byang ba med pa'i phyir rang bzhin gyis dri ma dang bral ba zhes gsungs te/chos thams cad rang bzhin gyis 'od gsal ba'i phyir ro/ /gal te de ltar na mi g.yo ba'i sa la mtshan ma'i nyes pa spangs pa'i phyir lhun gyis grub par mtshan ma med par gnas pas skyon bri ba dang / sngar ji ltar rigs par ngan song ba'i nyon mongs pa dang kun tu rmongs pa la sogs pa spangs par ji ltar 'gyur zhe na/bri ba med pa zhes bya ba gsungs te/ 'dir skyon zhes blta bar bya'o/ /de bzhin du sa dgu pa la sogs pa gsum la go rims bzhin du so so yang dag par rig pa dang / mngon par shes pa chen po dang /sgrib pa med pa'i ye shes thob pa'i phyir yon tan rnams kyis rgyas pa nyid med par bstan pa'i don du gang ba med pa'o zhes bya ba gsungs so/ /'dir yang yon tan gyis zhes bya ba khong nas dbyung bar bya ste/ dkon mchog za ma tog gi mdo las kyang / de skad du gsungs pa'i phyir ro/ / ci'i phyir rnam pa brgyad kho na dang go rims kyang 'di ltar gsungs she na/ 'dir bshad pa 'di ni shes rab kyi pha rol tu phyin pa'i snying po yin la snying po yang gzhan yan lag thams cad las dam pa gtso bo yin no/ /shes rab kyi pha rol tu phyin pa'i gtso bo'i don ni stong pa nyid la sogs pa rnam par thar pa'i sgo gsum yin no//de ni rnam pa brgyad po de dag gis bsdus pa yin la/ rnam pa de dag nyid 'dir go rims yin te/ 'di ltar stong pa nyid dang / mtshan ma med pa gnyis kyis ni stong pa nyid kyi ting nge 'dzin to/ /bar ma bzhis ni skye ba dang 'gag pa dang kun nas nyon mongs pa dang rnam par byang ba bzhi bkag pas mtshan ma med pa'i ting nge 'dzin yin no//tha ma gnyis kyis ni smon pa'i ting nge 'dzin te/ 'di ltar skyon spangs pa'i phyir ram/ yon tan thob par bya ba'i ched du smon par byed la de gnyi ga bkag pas smon pa med pa nyid yin no/ /da ni bstan pa'i rnam pas rnam par bltas pa'i 'bras bu bstan pa'i phyir/de lta bas na de'i tshe zhes bya ba la sogs pa gsungs te/ de lta bas na zhes bya ba ni gsungs pa'i rnam pas rnam par lta bas na'o/ /de'i tshe ni de'i dus na'o/ /stong pa nyid yang dag par rjes su mthong ba la gzugs yang dag par rjes su bltar med ces 'byung bar sbyar te/chos thams cad mi mthong ba nyid ni stong pa nyid mthong ba yin no/ /gzugs med ces 'byung ba la sogs pa ni phung po dang skye mched dang khams dgag pa 'di dag ston to/ de la gzugs med ces 'byung ba nas tha ma rnam par shes pa med ces 'byung ba'i bar gyis ni phung po 'gog pa'o//mig med ces 'byung ba nas brtsams te chos med ces 'byung ba 'dis ni skye mched 'gog go/ /mig gi khams med pa nas bar gyi sgras gzugs kyi khams dang / mig gi rnam par shes pa'i khams la sogs pa bco lnga shugs kyis ston to/ /tha ma yin pa'i phyir yid kyi khams dang yid kyi rnam par shes pa'i khams te/'di ltar mtshan nyid med pa dang / ma skyes pa dang ma 'gags pa la sogs pa la yang gzugs med ces bya ba la sogs pa thams cad la sbyar bar bya'o/ /ci ste stong pa nyid dang mtshan ma med pa la sogs pa la phung po dang khams dang skye mched mi srid na/'o na ji ltar ma rig pa'i rkyen gyis 'du byed rnams 'byung ba dang / ma rig pa 'gags pas 'du byed rnams 'gag par 'gyur/ de bzhin du yan lag bcu gnyis rang gi rkyen ji lta ba bzhin las skye ba dang rkyen 'gags pas kyang 'gog go zhes rnam par gzhag ce na/ bden te/ kun rdzob tu yod pa nyid yin gyi/ stong pa nyid dang mtshan nyid med pa la sogs pa la ni ma yin pa'i phyir/ ma rig pa med/ ma rig pa zad pa med ces gsungs so/ /bar du zhes bya ba'i sgras 'du byed la sogs pa shugs kyis bstan to/ /rga shi med do/ /de med pas zad pa med do//ci ste don dam par srid pa'i yan lag dang / de zad pa med na 'o na ji ltar 'phags pa rnams kyis sdug bsngal la sogs pa bden pa nyid du mthong / 'phags pa rnams kyis gang bden pa nyid du mthong ba de ni log pa nyid du 'os pa ma yin no/ /de dag bden pa nyid yin na ni ji ltar srid pa'i yan lag dang de zad pa med pa yin zhe na/de'i phyir rang gi ngo bo stong pa nyid la sogs pa la/ sdug bsngal ba dang zhes bya ba la sogs pa gsungs so/ /gang gi tshe sdug bsngal gyi rang gi ngo bo ma skyes pa'i phyir med pa de'i tshe de'i rgyu kun 'byung ba yang ga la yod de/ de bas na de 'gog pa zhes bya ba dang / de 'gog pa'i thabs su 'gyur ba lam yang ci yang med do//mtshan ma'i bdag nyid kyi skyon spangs pa'i phyir ye shes kyang rang gi ngo bo don dam par grub pa med do zhes bstan pa'i phyir/ ye shes med do zhes gsungs so/ /yi ge kha cig las mi shes pa med do zhes kyang 'byung ste de'i don ni 'di yin te/ gal te stong pa nyid la mtshan ma'i kun nas nyon mongs pa'i skyon dang bral ba'i phyir ye shes med na/'o na mi shes pa rmongs pa'i mtshan nyid yod do snyam na/ mi shes pa med do zhes gsungs te/ rang gi ngo bo stong pa nyid la mi shes pa 'di ga la srid/ de bzhin du so so yang dag par rig pa dang / stobs dang mi 'jigs pa la sogs pa'i yon tan rnams dang /de thob par byed pa'i rang gi ngo bo med na thob pa zhes bya ba 'thad pa ma yin par bstan pa'i phyir/ thob pa med do zhes bya ba gsungs so/ /de ltar thob pa'i rnam par rtog pa bkag nas de las bzlog pa ma thob pa'i rnam par rtog pa dgag pa'i phyir ma thob pa med do zhes gsungs so//'di ni ye shes dang mi shes pa dang / thob pa dang ma thob pa las 'das pa sgro 'dogs pa dang / skur pa 'debs pa'i mtha' dang bral ba'i don zab mo bstan par rig par bya'o/ /de ltar na gong du bstan pa'i rnam pas 'di ltar shes rab kyi pha rol tu phyin pa la chos gang yang thob pa med pa de'i phyir byang chub kyi ched du sems pa dang /lhag par chags pa dang / bsam pa gang yin pa de shes rab kyi pha rol tu phyin pa ji skad bstan pa'i mtshan nyid sgom pa'i lam dang rab tu ldan pa la rten cing shin tu brten nas brtson 'grus khyad par can gyis zhugs shing gnas te'o/ / byang chub la chos gang yang yongs su grub pa med do/ /de skad du zla ba sgron ma'i ting nge 'dzin la sogs pa las/ bcom ldan 'das kyis byang chub kyi rang gi ngo bo bstan pa/ shin tu phra ba'i chos kyang yod ma yin/ /shin tu phra zhes bya ba'ang yod pa min/ /zhes bya ba la sogs pa dang / rnam par snang mdzad mngon par rdzogs par byang chub pa las kyang /gsang ba'i bdag po de na shin tu phra ba'i chos kyang yod pa ma yin zhing dmigs su med de/ de na bla na med pa yang dag par rdzogs pa'i byang chub ces bya'o zhes gsungs so/ /ci ste shes rab kyi pha rol tu phyin pa dang bla na med pa yang dag par rdzogs pa'i byang chub la chos 'ga' yang med na skyon gyi mtshan nyid kyi chos bsal nas ye shes su gyur pa yang gang yang med/yon tan gyi mtshan nyid 'dod pa thob pa yang med ce na ci'i phyir byang chub las brtsams te shes rab kyi pha rol tu phyin pa la brten nas gnas pa 'di snyam du sems te/ ji tsam du kha cig gi re ba sngon du btang ba ni 'ga' zhig la 'jug par byed de/ de thams cad ni mi 'dod pa'i skyon spangs pa'i phyir dang / 'dod pa'i yon tan thob par bya ba'i phyir 'jug go/ /gang du yang rang gi ngo bo stong pa yin pa'i phyir chos thams cad mi dmigs na de la su zhig 'jug/ ci'i phyir 'jug /'jug pa'i 'bras bu ci yin zhe na/ sems kyi sgrib pa med pas zhes bya ba la sogs pa gsungs te/ yang dag pa'i don ji lta ba bzhin du yongs su shes pa la gags byed pa'i phyir sems la sgrib par byed kun nas khebs par byed pa'i phyir sems kyi sgrib pa'o/ / de dag kyang gang zag dang chos la mngon par zhen pa la sogs pa shin tu rmongs pa nyi shu rtsa gnyis dang de'i gnas ngan len mi mthun pa'i phyogs bcu gcig go/ /gang dag spang ba'i phyir 'joms pa'i don gyi gnyen po ni go rims bzhin du rab tu dga' ba la sogs pa sa bcu gcig ste/ sa la 'jug pa las ji skad du//yan lag bcu gcig rdzogs pa yis/ /rab dga' la sogs bcu gcig sa/ /rmongs gnyis gnas ngan len gcig ste/ /mi mthun phyogs ni tha dad do/ /zhes 'byung ba dang / de bzhin du dgongs pa nges par 'grel pa las kyang /de la sa dang po la gang zag dang chos la mngon par zhen pa'i shin tu rmongs pa dang / ngan song ba'i nyon mongs pa'i shin tu rmongs pa dang / de'i gnas ngan len mi mthun pa'i phyogs so/ /gnyis pa la ni ltung ba phra mo'i 'khrul pa'i shin tu rmongs pa dang / las kyi 'gro ba rnam pa sna tshogs la shin tu rmongs pa dang /de'i gnas ngan len mi mthun pa'i phyogs so/ /gsum pa la ni 'dod pa'i 'dod chags kyi shin tu rmongs pa dang / thos pa'i gzungs yongs su ma rdzogs pa'i shin tu rmongs pa dang / de'i gnas ngan len mi mthun pa'i phyogs so/ /bzhi pa la ni snyoms par 'jug pa la sred pa'i shin tu rmongs pa dang /chos la sred pa'i shin tu rmongs pa dang / de'i gnas ngan len mi mthun pa'i phyogs so/ /lnga pa la ni 'khor ba las shin tu phyir phyogs pa dang mngon du phyogs pa yid la byed pa'i shin tu rmongs pa dang / mya ngan las 'das pa las phyir phyogs pa dang /mngon du phyogs pa yid la byed pa'i shin tu rmongs pa dang / de'i gnas ngan len mi mthun pa'i phyogs so/ /drug pa la ni 'du byed 'byung ba mngon sum du gyur pa'i shin tu rmongs pa dang / mtshan ma mang du 'byung ba'i shin tu rmongs pa dang / de'i gnas ngan len mi mthun pa'i phyogs so//bdun pa la ni mtshan ma phra mo 'byung ba'i shin tu rmongs pa dang / rab tu mtshan ma med pa yid la byed pa'i thabs la shin tu rmongs pa dang / de'i gnas ngan len mi mthun pa'i phyogs so/ /brgyad pa la ni mtshan ma med pa la bsgrim pa'i shin tu rmongs pa dang /mtshan ma dag la dbang ba'i shin tu rmongs pa dang / de'i gnas ngan len mi mthun pa'i phyogs so/ /dgu pa la ni chos bstan pa tshad med pa dang / chos kyi tshig dang yi ge tshad med pa dang / gong nas gong du shes rab dang spobs pa la gzungs kyi dbang gi shin tu rmongs pa dang / spobs pa la dbang gi shin tu rmongs pa dang / de'i gnas ngan len mi mthun pa'i phyogs so/ /bcu pa la ni mngon par shes pa chen po'i shin tu rmongs pa dang / gsang ba phra mo la 'jug pa'i shin tu rmongs pa dang / de'i gnas ngan len mi mthun pa'i phyogs so/ /sangs rgyas kyi sa la ni shes bya thams cad la rab tu phra ba'i chags pa'i shin tu rmongs pa dang /thogs pa'i shin tu rmongs pa dang / de'i gnas ngan len mi mthun pa'i phyogs so zhes gsungs te/ de dag med pa'i phyir shes rab kyi pha rol tu phyin pa la gnas pa la 'jigs pa med de mi skrag go/ /shes rab kyi pha rol tu phyin pa las gzhan du gnas pa la ni phyin ci log las 'jigs pa yin no zhes bstan to//'di skad bstan te/ sems phyin ci log pa ni 'jug pa yin no zhes bya'o/ /de skad du tshad ma rnam 'grel las/ log par sgro 'dogs spang ba'i phyir/ /grol ba po ni med kyang brtson/ /zhes bstan to//phyin ci log med pa ni 'jug pa med de/ sa bcu pa las de skad du sa brgyad pa la mi skye ba'i chos la bzod pa thob pa na rmi lam na chus khyer ba rmis pa'i skyes bu sad pa'i tshe chu las thar bar bya ba'i 'bad pa chen po log pa'i dpe dang de nyid de'i mya ngan las 'das pa yin no zhes bya ba la sogs pa bstan te//'dir yang shes rab kyi pha rol tu phyin pa la gnas pa ni phyin ci log rang gi rmongs pa ji lta ba las 'das pa ste/ shin tu song ba ni phyin ci log las 'das pa'o/ /mya ngan las 'das pa ni rnam par rtog pa 'gags pa'o/ /mthar phyin pa ni mthar thug pa las te/ ji skad du sa bcu pa las/bsgom pas spang bar bya ba'i rnam par rtog pa rnam par spangs pa'i phyir rnam par dag pa'i mthar phyin pa yin te de'i gong nas spang bar bya ba'i rnam par rtog pa med pa'i phyir ro zhes gsungs so/ /mthar phyin pas sam sems mthar phyin pa'i bdag nyid mya ngan las 'das pa 'di yin pas de la de skad ces gsungs so//de phyin ci log las 'das pa yang yin mya ngan las 'das pa'i mthar phyin pa yang yin pas phyin ci log las 'das pas mya ngan las 'das pa'i mthar phyin pa yin te/ shes rab kyi pha rol tu phyin pa la brten cing gnas par 'gyur bas de la byang chub sems dpa' rnams 'jug go//spong ba che ba nyid 'dis ni de'i ched du 'jug pa'i rgyu bstan pa yin te/ de'i ched du 'jug pa'i phyir ro/ /dus gsum du zhes 'byung ba la sogs pas sems can thams cad kyi mchog tu gyur pa sems che ba nyid dang rtogs pa che ba nyid gnyis kyi ched du bstan to//dus gsum zhes bya ba ni 'das pa dang ma 'ongs pa dang da ltar byung ba'o/ /de dag na rnam par bzhugs pa'i sangs rgyas thams cad de/ blo khyad par dang ldan pa'i phyir sangs rgyas so/ /de thams cad kyang yin la sangs rgyas kyang yin pas sangs rgyas thams cad do/ /rnam par snang mdzad mngon par rdzogs par byang chub pa las ji skad du/sa bcu dag ni rab bsgrubs nas/ /dbang gi rnam pa thob pa yin/ /stong pa sgyu ma lta bu'i chos/ /gang gis 'dir ni kun mkhyen cing / /sems can kun gyi rnam mkhyen pa/ /sangs rgyas zhes ni brjod pa yin/ /zhes gsungs so/ /shes rab kyi pha rol tu phyin pa la zhes 'byung ba ni de bzhin gshegs pa'i ye shes kun 'byung ba bden pa'i bdag nyid la yin te/rnam pa thams cad mkhyen pa nyid ces brjod pa gang yin pa la bya'o/ /shes rab kyi pha rol tu phyin pa la brten nas zhes 'byung ba ni 'di yang dag par rdzogs pa'i byang chub las dus snga ma'i phyir ro//rnam pa thams cad mkhyen pa nyid 'di ni bar chad med pa'i ting nge 'dzin yin par blta bar bya ste/ shes rab kyi pha rol tu phyin pa nyi khri lnga stong pa dang / de'i man ngag mngon par rtogs pa'i rgyan las ji skad du/ sangs rgyas nyid 'thob bar chad med/ /bar chad med pa'i ting 'dzin te/ / rnam pa thams cad mkhyen pa yin/ /de yi dmigs pa dngos med de/ /dran pa yang ni bdag por 'dod/ /rnam pa 'di ni bzhi pa nyid/ /mtshan nyid med pa mtshan nyid yin/ /zhes gsungs so/ /bla na med pa zhes 'byung ba ni thob pa dang dmigs pa dang sgrub pa rnam pa 'di las gong na med pa'i phyir ro//yang dag par zhes 'byung ba ni phyin ci ma log par ro/ /mnyam par zhes 'byung ba ni mtshan nyid med pa nyid kyis mtshan nyid gcig pa'i phyir ro/ /byang chub ni rtogs pa'o/ /mngon par ni mngon sum mo/ /mnyam par sangs rgyas pa ni rdzogs par sangs rgyas so//de skad du shes rab kyi pha rol tu phyin pa nyi khri lnga stong pa las/ bcom ldan 'das ji ltar na bla na med pa yang dag par rdzogs pa'i byang chub lags/ bcom ldan 'das kyis bka' stsal pa/ rab 'byor chos thams cad kyi de bzhin nyid ji lta bar bla na med pa yang dag par rdzogs pa'i byang chub kyang de bzhin no//rab 'byor gyis gsol pa/ bcom ldan 'das ji ltar na chos thams cad kyi de bzhin nyid bla na med pa yang dag par rdzogs pa'i byang chub lags/ rab 'byor gzugs kyi de bzhin nyid nas mya ngan las 'das pa'i bar gyi de bzhin nyid ji lta bar bla na med pa yang dag par rdzogs pa'i byang chub kyang de bzhin no zhes gsungs so//de la bla na med pa'i tshig gis ni sems can thams cad kyi mchog tu gyur pas sems che ba nyid yin no/ /de'i lhag ma ni rtogs pa che ba nyid yin no/ /sngon byang chub sems dpa'i gnas skabs na thugs la bzhag ste chen po nyid rnam pa de gsum gyi ched du shes rab kyi pha rol tu phyin pa la 'jug pas gsum gyi ched du zhes brjod do//rdzogs pa'i tshe na ni snga mas 'bras bu spangs pa phun sum tshogs pa dang / phyi ma gnyis kyis ni 'bras bu rtogs pa phun sum tshogs pa bstan te/ ji ltar yul ljongs 'ga'i ched du rgyal pos mchod sbyin byed pa dang /tha mar yul ljongs thob pa 'bras bu yin pa de bzhin du/ shes rab kyi pha rol tu phyin pa la brten nas phyin ci log dang bral ba'i phyir dang rtogs pa thob pa'i phyir ro/ /shes rab kyi pha rol tu phyin pa nyid gsang sngags so zhes bstan pa'i phyir/shA ri'i bu de lta bas na zhes bya ba la sogs pa gsungs so/ /shes rab kyi pha rol tu phyin pa'i mtshan nyid ni bstan zin to/ /gsang sngags ni shes pa yin pa'i phyir dang / skyob pa yin pa'i phyir ro/ /don gnyis po de gnyis tshig phyi ma rnams kyis gsal bar byed do/ / chen po ni khyab pa dang ldan pa'i phyir ro/ /khyab pa yang dus la khyab pa dang yul la khyab pa ste/ 'di ltar 'di ni chos thams cad dang dus thams cad las ma log par 'jug pa yin no/ /'dis ni dbang phyug la sogs pas byas pa'i gsang sngags las 'di bye brag tu bstan pa yin no/ /rnam par snang mdzad mngon par rdzogs par byang chub pa las ji skad du/dus gsum dag las shin tu 'das/ /brten nas 'byung ba'i srid pa yin/ /mthong nas ma mthong 'bras bu ste/ /yid dang ngag dang lus la srid/ /'bras bu bskal pa gcig gi grangs/ /'jig rten rnams kyis yin par bshad//gsang sngags 'bras bu bskal pa las/ /'das par rdzogs sangs rgyas kyis bshad/ /sangs rgyas drang srong chen po dang / /rgyal sras rnams kyi ting nge 'dzin/ /mtshan ma rnams spangs dag pa yin/ /'jig rten rnams kyi mtshan mar bcas/ / rnam par smin pa'ang 'dir smin pa/ /las rnams kyis ni 'bras bu 'thob/ /gang gi tshe na grub pa thob/ /de yi tshe na las rnams bzlog/ /sems ni rang dngos med phyir dang / /'bras bu rgyu rnams spangs phyir ro/ /las kyi skye ba rnams las kyang / /skye ba nam mkha' lta bu yin/ /zhes gsungs so//'di ni rig cing shes pa'am 'dod pa grub pa thob pas rig pa'o/ /de rig pa yang yin la chen mo yang yin pas rig pa chen mo'o/ /rig pa chen mo nyid gsang sngags yin pas rig pa chen mo'i gsang sngags so/ /de bas na bla ma shin tu mchog tu gyur pa 'di las gzhan med pa'i phyir bla na med pa'i gsang sngags so//'di dang mnyam pa'am 'dra ba yod pa ma yin pas mi mnyam pa de ni nam mkha'o/ /de dang mnyam pa'i phyir mi mnyam pa dang mnyam pa'o/ /byang chub sems dpa'i sde snod las kyang / mi mnyam pa dang mnyam pa'i tshig bcom ldan 'das nyid kyis gsungs so//de bzhin gshegs pa'i gsang ba bsam gyis mi khyab pa bstan pa las kyang / ci tsam du ni dpe 'ga' zhig /sangs rgyas chos la byed na ni/ /de ni sangs rgyas rjes mthun min/ /de ni rgyal ba smad pa yin/ /sangs rgyas chos dang mnyam pa gang / /dpe ni de la gcig yod pa/ / nam mkha'i khams su bstan pa yin/ /gang gi tshad ni 'ga' yang med/ /ces bya ba la sogs pa gsungs so/ /nam mkha' dang mnyam pa 'dis ni khyab pa dang / thogs pa med pa dang / rgyun ma chad pa la sogs pa blta bar bya'o/ /de dag gis ni shes pa'i don bstan to/ /skyob pa'i don bstan pa'i phyir//sdug bsngal thams cad ces pa la sogs pa gsungs te/ 'du byed dang 'gyur ba dang / sdug bsngal gyi sdug bsngal nyid la sogs pa mtshan nyid kyi sdug bsngal thams cad rab tu zhi bar byed de rgyun gcod par byed pa ni sdug bsngal thams cad rab tu zhi bar byed pa'i gsang sngags so//de ltar gsang sngags kyi nges pa'i tshig gi don bstan nas gsang ste brjod par bya ba nyid kyi nges pa'i tshig gi don bstan pa'i phyir/ bden te ma log pa'i phyir zhes bya ba la sogs pa gsungs so/ /bden pa ni de kho na nyid de yang dag pa ji lta ba bzhin yin pa'i phyir ro/ / yang dag pa ji lta ba bzhin gang yin pa de ni phyin ci ma logs pa nyid do/ /de bas na shes rab kyi pha rol tu phyin pa'i sngags su rigs so/ /'dis ni 'di skad du bstan te/ dbang po rtul po'i gang zag gang rnam pa bstan pas rnam par lta bar mi nus pa la gsang ste bstan pa bzhin de dag gis kyang shes rab kyi pha rol tu phyin pa la gsang sngags ji lta ba bzhin du gzung bar bya ba yin no//gsang sngags ni gsang ste bshad par bya ba yin no zhes bya ba'i nges pa'i tshig ni 'di skad kyi dbyings la ltos par bya ba yin no/ /yang na yid la gnas pa ni skyob par byed pa yin pas na gsang sngags so//'di ni shes rab kyi pha rol tu phyin pa ni gus pas rgyun mi 'chad par yid la bya ba yin no/ /rigs pas 'thad pa'i phyir rigs pa yin pas shes par bya ba ni nges par gzung bar bya'o/ /de ltar zhes 'byung ba ni gsungs pa'i rnam pa'i tshul gyis bslab par bya ba yin no/ / de nas zhes 'byung ba ni skabs 'dir bar ma chad par ro/ /ting nge 'dzin de las 'byung ba ni sngar bstan pa las so/ /bzhengs nas zhes 'byung ba ni sems kyis btang nas so/ /ston pa po la legs so zhes bya ba byin pa dang bshad pa la yang rjes su mthun pa byed de/ legs so zhes bya ba byin pa'i rang gi ngo bo ni rigs kyi bu legs so legs so zhes 'byung ba yin te/de la lan gnyis su bzlas pa ni dga' ba'i don nam dga' ches pa'i phyir ro/ /de de bzhin no zhes 'byung ba la sogs pas ni bshad pa la rjes su mthun par byed do/ /de de bzhin yin gyi gzhan du ma yin no/ / de ci'i phyir zhe na/ shes rab kyi pha rol tu phyin pa la bslab par bya zhes bya ba la sogs pa gsungs so/ /ci 'dra ba zhig ce na/ khyod kyis ji skad bstan pa de bzhin zhes bya ba gsungs te/ khyod kyis bstan pa las mi 'gal bar bslab par bya'o zhes bya ba'i tha tshig go/ /de ltar bcom ldan 'das kyis 'phags pa spyan ras gzigs dbang phyug gis bstan pa la rang gi rjes su mthun pa bstan nas/de bzhin gshegs pa gzhan gyis kyang 'di khyod kyis bstan pa gang yin pa de la mngon par dgyes so zhes bstan pa'i phyir/ de bzhin gshegs pa rnams kyang rjes su yi rang ngo zhes gsungs so//rjes su yi rang ngo zhes bya ba ni gdon mi za bar bya dgos pa'i don la nges par bya ba yin te/ de bzhin gshegs pa rnams ni bshad pa 'di 'dra ba la rjes su dgyes pa gdon mi za bar mdzad pa yin no/ /rjes su mthun pa dang rjes su dgyes pa 'di gnyis kyis de bzhin gshegs pa 'di bshad pa la mngon par dgyes par 'os pa yang bstan to//de nyid kyi phyir/ bcom ldan 'das kyis de skad ces bka' stsal nas zhes gsungs so/ /de skad ces 'byung ba ni shA ri'i bus dris pa nas brtsams te/ de bzhin gshegs pa rnams kyang rjes su yi rang ngo zhes bya ba'i bar du'o//bka' stsal nas zhes 'byung ba ni bcom ldan 'das kyis bka' stsal nas so/ /'phags pa spyan ras gzigs dbang phyug 'dir 'chad par mdzad pa yin mod kyi 'on kyang de bzhin gshegs pa nyid kyi bka' yin te/ 'di ltar de bzhin gshegs pas byin gyis brlabs te/ nyan thos la sogs pas gang 'chad par byed pa de dag thams cad kyang de bzhin gshegs pa'i bka' yin na/sangs rgyas nyid du yang dag par zhugs pa 'phags pa spyan ras gzigs dbang phyug dang / kun tu bzang po dang / 'jam dpal la sogs pas bshad pa lta smos kyang ci dgos/ 'di'i don ni bdag gis sngar bstan zin to//yi rangs te zhes 'byung ba ni stong phrag brgya pa'i brjod par bya ba'i don las gtso bo nyid kyi dam par gyur pa shes rab kyi pha rol tu phyin pa'i snying po'i don bye brag tu ji ltar rigs par thos pa dang / bshad pa gang gis yi rang ba dang dga' ba la de skad ces bya'o//de yang shA ri'i bu dang 'phags pa spyan ras gzigs dbang phyug la sogs pa yin par sbyar ro/ /kha cig gis bcom ldan 'das la yang sbyar te/ de'i tshe ni gdul bya rnams kyi pha rol tu phyin pa don gyi gtso bo ji lta ba bzhin du bzung ba ni dgyes pa'i rgyur blta bar bya'o/ /thams cad bsdu ba'i phyir dang zhes smos so//'dis ni yi rang ba dang mngon par bstod pa yang bsdu bar bya'o/ /byang chub sems dpa' dang / dge slong dang / dge slong ma dang / dge bsnyen dang / dge bsnyen ma thams cad 'di na 'khod pas na thams cad dang ldan pa'i 'khor zhes bya'o/ /lha ni rgyal chen ris bzhi la sogs pa'o//mi ni grags par zad do/ /lha ma yin ni 'o ma'i mtsho bsrubs pa las chang byung ba spangs pa'i phyir ro/ /de yang sbyin byed ma'i bu dang / sbyin ldan ma'i bu rnams yin no/ /dri za ni lha'i glu len pa ste yul 'khor srung la sogs pa'o/ /lha la sogs pa dang lhan cig tu 'khod pa'i phyir lha dang mi dang lha ma yin dang dri zar bcas pa'i 'jig rten no//lha gtso bo yin pa'i phyir thog mar smos so/ /'jig pas na 'jig rten te/ phung po lnga'i bdag nyid yin no/ /bcom ldan 'das kyis gsungs pa ni bshad pa rang gi ngo bo'o/ /mngon par bstod pa ni mngon par dga' ba dang ldan zhing dga' ba dang ldan pas bzung zhes bya ba'i tha tshig go//shes rab pha rol phyin pa yi/ /snying po rnam phye'i bsod nams gang / /bdag gis thob des 'jig rten rnams/ /shes rab pha rol phyin bdag shog /tshangs pa'i 'byung gnas gtsug lag khang gnas pa'i/ /dge slong dge 'dun rnams kyi zhal ngor ni//shes rab pha rol phyin pa'i snying po yi/ /rgya cher bshad pa dri ma med pas byas/ /'phags pa shes rab kyi pha rol tu phyin pa'i snying po'i rgya cher bshad pa rgya gar gyi mkhan po dri ma med pa'i bshes gnyen gyis mdzad pa rdzogs so// //rgya gar gyi mkhan po bi ma la mi tra de nyid dang /