CLOSE WINDOW

D3816
བོད་ཡིག

li'i mkhan po su ren+d+ra ka ra pra b+hA dang / zhu chen gyi lo tsA ba dge slong nam mkha' skyong gis bsgyur cing zhus te gtan la phab pa'o/ /[ @#/ /rgya gar skad du/ Ar+ya b+ha ga ba tI pradz+nyA pA ra mi tA badzra ts+tshe di kA yAHsap+ta drAR+tha TI kA/ bod skad du/ 'phags pa bcom ldan 'das ma shes rab kyi pha rol tu phyin pa rdo rje gcod pa'i don bdun gyi rgya cher 'grel pa/ 'phags pa shes rab kyi pha rol tu phyin pa la phyag 'tshal lo/ /mtshungs med sangs rgyas chos rnams skyed mdzad la/ gang zhig chos dbyings gso ba'i ma ma ste/ /dbye dka'i rdo rje gzhan don grub gang yin//gang zhig bzung bas 'phags kun skyed pa'am yin/ /gang yang mtshan tsam btags pa'i mthu mnga' ba/ /rdo rjer bod pa phar phyin thu bo ste/ /gang gis de bstan gsung las de'i don gang / /thos nas bdag kyang de 'dzin la brtson gyur/ /de yi de dag rnams kyang rig pa'i phyir//de la dngos po kun gyi spyi bos 'dud/ /gzhan gyi bshad sbyar don de gzung bya'i phyir/ /rnam par bshad la bdag kyang 'bad pa yin/ /don gyi gnas bdun du rnam par gzhag pas shes rab kyi pha rol tu phyin pa 'di rnam par gzhag pa yin no/ /don gyi gnas bdun po rnams ni 'di lta ste/sangs rgyas kyi gdung rgyun mi 'chad pa dang / rab tu sbyor ba'i mtshan nyid dang / de'i rten dang / gnyen po dang / mi nyams pa dang / sa dang / mtshan gyi rgyu mtshan no/ /don gyi gnas bdun po 'di rnams ni shes rab kyi pha rol tu phyin pa'i rten yin pa'i don gyis na don gyi gnas zhes brjod par bya'o//don gyi gnas drug po rnams kyis byang chub sems dpa'i bya ba yongs su rdzogs la/ bdun pas ni chos kyi rnam grangs 'di'i dgos pa yongs su bstan par rig par bya'o/ /shes rab kyi pha rol tu phyin pa 'di yang sangs rgyas kyi gdung rgyun mi 'chang pa las brtsams pa yin te/sangs rgyas kyi gdung ji ltar rgyun mi 'chad par 'gyur ba'o/ /de nyid gnas brtan rab 'byor gyis dang po nyid du bcom ldan 'das de bzhin gshegs pas byang chub sems dpa' chen po rnams la phan btags pa ji snyed pas phan btags pa ni ngo mtshar to zhes rgyas par te/ de la phan btags pa ni mngon par rdzogs par byang chub ste chos kyi 'khor lo bskor ba'i dus su byang chub sems dpa' rnams yongs su smin pa ste/don gyi gnas lnga po rnams su byang chub sems dpa' chos nyid la rab tu gzhag pa'i phyir ro/ /yongs su gtad pa ni yongs su ma smin pa de rnams la phan btags pa ste/yongs su mya ngan las 'das pa'i dus de dag nyid rab tu gnas par bya ba'i ched du'o zhes phan btags pa dang yongs su gtad pa dag gis gdung rgyun mi 'chad pa yongs su bstan to/ /rab tu sbyor ba'i mtshan nyid ni ci ltar byang chub sems dpas gnas par bya zhes bya ba de lta bu la sogs pa ste/de la gnas par bya ba ni 'dun pa dang smon lam gyis so/ /bsgrub par bya ba ni rnal 'byor la snyoms par 'jug pa las so/ /sems rab tu gzung bar bya ba ni rnam par g.yeng ba tshar gcod pa las so/ /de la 'dun pa ni mngon par 'dod pa yin la/ smon lam ni mngon par 'dod pa'i don la sems pas sems mngon par 'du byed pa gang yin pa'o//rnal 'byor la snyoms par 'jug pa ni rnam par mi rtog pa'i ting nge 'dzin gang yin pa'o/ /rnam par g.yeng ba tshar gcod pa ni snyoms par 'jug pa ma yin pa la bstod pa las bzlog nas de nyid du 'jog par byed pa ste/dang pos ni lam yongs su 'dzin la/ gnyis pas lam rdzogs par byed cing / /gsum pas ni lam mi nyams par yongs su bstan to/ /de'i rten ni rab tu sbyor ba'i mtshan nyid de nyid kyi ste rten gang yin pa de yang rnam pa bco brgyad du rig par bya'o//'di lta ste/ sems bskyed pa dang / pha rol tu phyin pa'i sbyor ba dang / gzugs kyi sku thob par 'dun pa dang / chos kyi sku thob par 'dun pa dang / bsgom pa'i khyad par rtogs pa la mngon pa'i nga rgyal med pa nyid dang / sangs rgyas 'byung ba mnyes par byed pa nyid dang / zhing yongs su dag pa'i smon lam dang / sems can yongs su smin par byed pa dang / phyi rol pa'i bstan bcos snying po med pa la rjes su chags pas dben pa dang / gzugs kyi sems can gyi lus la ril por 'dzin pa dang bral ba'i sbyor ba dang / de bzhin gshegs pa mchod cing bsnyen bkur ba dang /dub pa'i yongs su gdung ba la brtson pa bzlog nas ma brtsams pa'i rnyed pa dang bkur stis dben pa dang / sdug bsngal bzod pa nyid dang / ting nge 'dzin gyi ro myang bas dben pa dang / mngon par rtogs pa'i dus su bdag go snyam du 'dzin pas dben pa dang / gdams ngag yongs su tshol ba dang / mngon par rtogs pa dang / de las gong du sangs rgyas kyis yongs su tshol ba'o/ /rnam pa bco brgyad po 'di rnams ni rten te/ gang la byang chub sems dpa' gnas par bya ba dang / bsgrub par bya ba dang / sems rab tu gzung bar bya ba yin no//sems can thams cad yongs su mya ngan las bzla ba'i phyir sems bskyed nas pha rol tu phyin pa rnams la rab tu sbyor zhing de bzhin bshags pa'i gzugs kyi sku 'am chos kyi sku rtogs par 'dun pa skyed par byed la/ mngon par rtogs pa'i gegs kyis sems rnam par dben par byed cing mngon pa'i nga rgyal bsal nas mthar thug par bya ba'i phyir sems rnam par dben pa mngon par rtogs pa'i gdams ngag yongs su tshol la/de las ni mngon par rtogs par byed de de las gong du sangs rgyas kyis yongs su tshol bar byed de de ltar 'di dang 'di rnams kyi rim pa shes par bya'o//de la sems bskyed pa'i dbang du byas nas byang chub sems dpa' 'di ltar sems bskyed par bya'o zhes bya ba de lta bu la sogs pa gang gsungs pa yin no/ /pha rol tu phyin pa sbyor ba'i dbang du byas nas/ byang chub sems dpas dngos po la mi gnas par sbyin pa sbyin par bya'o zhes bya ba gsungs pa yin no//gzugs kyi sku thob par 'dun pa'i dbang du byas nas/ rab 'byor de ji snyam du sems/ mtshan phun sum tshogs pas de bzhin gshegs par blta'am zhes bya ba de lta bu la sogs pa gsungs pa yin no/ /chos kyi sku yang rnam pa gnyis te/ bstan pa'i chos kyi sku dang /rtogs pa'i chos kyi sku'o/ /de la rtogs pa'i chos kyi sku yang rnam pa gnyis te/ ye shes kyi rang bzhin dang / bsod nams kyi rang bzhin no/ /de la bstan pa'i chos kyi sku thob par 'dun pa'i dbang du byas nas/ bcom ldan 'das ma 'ongs pa'i dus na sems can gang la la 'byung bar 'gyur ba mchis sam zhes bya ba de lta bu la sogs pa gsungs pa yin no/phyin ci ma log pa'i don gyi 'du shes kyang 'dir yang dag pa'i 'du shes su rig par bya ste/ sgra ji bzhin ma yin pa'i don du mngon par zhen pas 'di dag yang dag pa'o snyam pa'i 'du shes so//ye shes kyi rang bzhin gyi chos kyi sku thob par 'dun pa'i dbang du byas nas/ de bzhin gshegs pas bla na med pa yang dag par rdzogs pa'i byang chub mngon par rdzogs par sangs rgyas pa'i chos 'ga' zhig yod dam zhes bya ba de lta bu la sogs pa gsungs so/ /bsod nams kyi rang bzhin gyi chos kyi sku thob par 'dun pa'i dbang du byas nas/gang la la zhig gis stong gsum gyi stong chen po'i 'jig rten gyi khams 'di zhes bya ba la sogs pa gsungs so/ /bsgoms pas khyad par rtogs pa la mngon pa'i nga rgyal med pa'i dbang du byas nas rgyun du zhugs pa 'di snyam du zhes bya ba de lta bu la sogs pa gsungs so//sangs rgyas 'byung ba mnyes par byed pa nyid kyi dbang du byas nas/ de bzhin gshegs pas de bzhin gshegs pa dgra bcom pa yang dag par rdzogs pa'i sangs rgyas mar me mdzad las gang blangs pa'i chos de gang yang yod dam zhes bya ba de lta bu la sogs pa gsungs so//zhing yongs su dag pa'i smon lam gyi dbang du byas nas/ rab 'byor byang chub sems dpa' gang la la zhig 'di skad du bdag gis zhing bkod pa rnams bsgrub po zhes bya ba de lta bu la sogs pa gsungs so/ /sems can yongs su smin par byed pa'i dbang du byas nas/rab 'byor 'di lta ste dper na mi zhig gis zhes bya ba de lta bu la sogs pa gsungs so/ /phyi rol pa'i bstan bcos snying po med pa la rjes su chags pas dben pa'i dbang du mdzad nas/ rab 'byor 'di ji snyam du sems gang+gA'i klung gi bye ma ji snyed pa de snyed kyi gang+gA'i klung du gyur la zhes bya ba de lta bu la sogs pa gsungs so//gzugs kyi sems can gyi lus la ril por 'dzin pa dang bral ba'i sbyor ba'i dbang du byas nas/ yang rab 'byor rigs kyi bu'am rigs kyi bu mo gang gis stong gsum gyi stong chen po'i 'jig rten gyi khams na sa'i rdul rnams ji snyed yod pa zhes bya ba de lta bu la sogs pa gsungs so//de bzhin gshegs pa mchod cing bsnyen bkur ba'i dbang du byas nas/ rab 'byor 'di ji snyam du sems/ skyes bu chen po'i mtshan sum cu rtsa gnyis kyis de bzhin gshegs pa dgra bcom pa yang dag par rdzogs pa'i sangs rgyas su blta 'am zhes bya ba de lta bu la sogs pa gsungs so//dub pa dang yongs su gdung ba la brtson pa bzlog nas ma brtsams pa'i rnyed pa dang bkur stis dben pa'i dbang du byas nas/ yang rab 'byor skyes pa 'am bud med gang gis lus gang+gA'i klung gi bye ma snyed yongs su btang zhes bya ba la sogs pa gsungs so//de la dub pa ni lus kyi yin la yongs su gdung ba ni sems kyi ste/ de dag la brtson pa bzlog nas ma brtsams pa'i sdug bsngal la bzod pa'i dbang du byas nas/ yang rab 'byor de bzhin gshegs pa'i pha rol tu phyin pa gang yin pa zhes bya ba de lta bu la sogs pa gsungs so//ting nge 'dzin gyi ro myong bas dben pa'i dbang du byas nas/ yang rab 'byor skyes pa'am bud med gang zhig lus gang gA'i klung gi bye ma snyed ces bya ba de lta bu la sogs pa gsungs so/ /mngon par rtogs pa'i dus su bdag go snyam du 'dzin pas dben pa'i dbang du byas nas bcom ldan 'das byang chub sems dpas ji ltar gnas par bgyi zhes bya ba de lta bu la sogs pa gsungs so//gdams ngag yongs su tshol ba'i dbang du byas nas/ de bzhin gshegs pas de bzhin gshegs pa mar me mdzad las gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang yod dam zhes bya ba de lta bu la sogs pa gsungs so//mngon par rtogs pa'i dbang du byas nas/ rab 'byor 'di lta ste dper na mi zhig lus dang ldan zhing lus chen po zhes bya ba de lta bu la sogs pa gsungs so//de la lus dang ldan pa ni lus thob pa ste lus rdzogs pa shin tu mthar thug pa'i gnas gyur pa thob pa'i phyir ro/ /lus che ba ni sems can thams cad kyi lus nye bar len pa'i phyir ro/ /de las gong du sangs rgyas kyi sa yongs su tshol bar rig par bya ste/ sangs rgyas kyi sa de yang /phun sum tshogs pa drug gis yongs su bsdus pa gnas gyur pa'o/ /phun sum tshogs pa drug ni 'di lta ste/ zhing yongs su dag pa phun sum tshogs pa dang / bla na med pa'i mthong ba dang ye shes yongs su dag pa phun sum tshogs pa dang / bsod nams kyi phung po la dbang phun sum tshogs pa dang /sku phun sum tshogs pa dang / gsung phun sum tshogs pa dang / thugs phun sum tshogs pa'o/ /thugs phun sum tshogs pa de yang dran pa nye bar gzhag pa dang / mngon par rdzogs par byang chub pa dang / don chen po'i chos su gdags pa dang / don chen po'i gdams ngag tu gdags pa dang /chos kyi sku yongs su bsdus pa dang / mya ngan las 'das pa dang 'khor ba la rab tu mi gnas pa dang / rgyu ba dang gnas yongs su dag par rig par bya ste/ rgyu ba dang gnas pa yongs su dag pa yang rgyu ba dang gnas pa'i spyod lam dang / gzugs dang ming la rnam par bsgom pa'i dbang 'byor ba nyid kyi rgyu ba dang gnas pa dang /kun nas nyon mongs pa med pa'i rgyu ba dang gnas pa rnams su rig par bya'o/ /kun nas nyon mongs pa med pa yang ston pa la kun nas nyon mongs pa med pa dang / 'khor ba'i kun nas nyon mongs pa med pa dag tu rig par bya'o//de la zhing yongs su dag pa phun sum tshogs pa'i dbang du byas nas/ rab 'byor byang chub sems dpa' gang zhig 'di skad du bdag gis zhing bkod pa rnams bsgrub po zhes zer na zhes bya ba de lta bu la sogs pa gsungs so/ /bla na med pa'i mthong ba yongs su dag pa phun sum tshogs pa'i dbang du mdzad nas/rab 'byor 'di ji snyam du sems/ de bzhin gshegs pa la sha'i spyan mnga' snyam mam zhes bya ba de lta bu la sogs pa gsungs so/ /bla na med pa'i ye shes yongs su dag pa phun sum tshogs pa'i dbang du byas nas/rab 'byor 'di ji snyam du sems/ gang gA'i klung gi bye ma ji snyed pa zhes bya ba de lta bu la sogs pa gsungs so/ /bsod nams kyi phung po la dbang ba'i dbang du byas nas/ rab 'byor 'di ji snyam du sems/ stong gsum gyi stong chen po'i 'jig rten gyi khams zhes bya ba de lta bu la sogs pa gsungs so//dpe byad kyi sku phun sum tshogs pa'i dbang du byas nas/ rab 'byor de ji snyam du sems/ gzugs kyi sku yongs su grub pas de bzhin gshegs par blta'am zhes bya ba de lta bu la sogs pa gsungs so/ /mtshan gyi sku phun sum tshogs pa'i dbang du mdzad nas/rab 'byor de ji snyam du sems/ mtshan phun sum tshogs pas de bzhin gshegs par blta'am zhes bya ba de lta bu la sogs pa gsungs so/ /gsung phun sum tshogs pa'i dbang du byas nas/ rab 'byor 'di ji snyam du sems/de bzhin gshegs pa 'di snyam du ngas chos bstan to zhes bya ba de lta bu la sogs pa gsungs so/ /thugs phun sum tshogs pa dran pa nye bar gzhag pa'i dbang du byas nas/ rab 'byor de dag ni sems can yang ma yin/ sems can med pa yang ma yin zhes bya ba de lta bu la sogs pa gsungs so//mngon par rdzogs par byang chub pa'i dbang du byas nas/ rab 'byor 'di ji snyam du sems/ de bzhin gshegs pas gang bla na med pa yang dag par rdzogs pa'i byang chub mngon par rdzogs par sangs rgyas pa'i chos de gang yang yod dam zhes bya ba de lta bu la sogs pa gsungs so//don chen po'i chos su gdags pa'i dbang du byas nas/ yang rab 'byor stong gsum gyi stong chen po'i 'jig rten gyi khams na ri'i rgyal po ri rab ji snyed yod pa zhes bya ba la sogs pa de lta bu gsungs so/ /don chen po'i gdams ngag tu gdags pa'i dbang du byas nas/rab 'byor de ji snyam du sems/ de bzhin gshegs pa 'di snyam du ngas sems can rnams bkrol lo zhes bya ba de lta bu la sogs pa gsungs so/ /chos kyi sku yongs su bsdus pa'i dbang du byas nas/ rab 'byor 'di ji snyam du sems/mtshan phun sum tshogs pas de bzhin gshegs par blta'am zhes bya ba de lta bu la sogs pa gsungs so/ /rab 'byor 'di ji snyam du sems/ mtshan phun sum tshogs pas de bzhin gshegs pa bla na med pa yang dag par rdzogs pa'i byang chub mngon par rdzogs par sangs rgyas so snyam du zhes bya ste/yang don ci zhig yin zhe na/ mtshan phun sum tshogs pa'i bdag nyid can gyi byang chub kyang mtshan phun sum tshogs pa'i rgyu can no zhes bya ba yongs su gsal bar byed pa'i don to/ /mya ngan las 'das pa la rab tu mi gnas pa'i dbang du byas nas/yang rab 'byor khyod 'di snyam du byang chub sems dpa'i theg pa la yang dag par zhugs pa rnams kyis chos la la zhig rnam par bshig gam zhes bya ba de lta bu la sogs pa gsungs so/ /'khor ba la rab tu mi gnas pa'i dbang du byas nas/ rab 'byor byang chub sems dpas bsod nams kyi phung po yongs su gzung bar mi bya'am zhes bya ba de lta bu la sogs pa gsungs so//yongs su gzung bar bya ba ni rab 'byor gzung bar bya ba ma yin zhes pa ni lam gyis gzung bar bya ba ma yin te/ bsod nams kyi phung po ji lta ba bzhin du 'di dag kyang yang dag par skye bar mi 'gyur ro//rgyu ba dang gnas pa yongs su dag pa spyod lam gyi rgyu ba dang gnas pa yin pa'i dbang du byas nas/ gang la la zhig de bzhin gshegs pa bzhud dam zhes bya ba de lta bu la sogs pa gsungs so/ /gzugs dang ming rnam par bsgom pa la dbang bas rgyu ba dang gnas pa'i dbang du byas nas/yang rab 'byor rigs kyi bu'am rigs kyi bu mo gang gis stong gsum gyi stong chen po'i 'jig rten gyi khams na sa'i rdul rnams ji snyed yod pa zhes bya ba de lta bu la sogs pa gsungs so/ /'khor ba'i kun nas nyon mongs pa med pa'i rgyu ba dang gnas pa rnams las ston pa la kun nas nyon mongs pa med pa'i dbang du byas nas/yang rab 'byor byang chub sems dpa' gang dpag tu med pa dang grangs med pa'i 'jig rten gyi khams zhes bya ba de lta bu la sogs pa gsungs so/ /'khor ba'i kun nas nyon mongs pa med pa'i dbang du byas nas/skar ma rab rib mar me dang / /sgyu ma zil pa chu bur dang / /rmi lam glog dang sprin lta bur/ /'dus byas de ltar blta bar bya/ /zhes bya ba'i tshigs su bcad pa 'dis 'dus byas kyi mtshan nyid rnam pa bzhi bstan te/ ngo bo nyid kyi mtshan nyid dang /chags pa'i gnas ma yin pa'i ro myang ba'i mtshan nyid dang / nyes dmigs kyi rjes su 'gro ba'i mtshan nyid dang / nges par 'byung ba'i rjes su 'gro ba'i mtshan nyid do/ /de la ngo bo nyid kyi mtshan nyid ni mtshan ma dang bcas pa'i lta ba ni rnam par shes pa'o//de la mtshan ma ni skar ma lta bur blta bar bya ste/ don gang gis she na/ mi shes pa'i mun pa la de snang bar 'gyur ba'i phyir dang / ye shes kyi snang ba la yod kyang mi snang bar 'gro ba'i phyir ro/ /gang zag dang chos su lta ba ni rab rib can bzhin du blta bar bya ste/ don gang gis she na/yod par ma gyur pa'i don 'dzin par byed pa'i phyir ro/ /rnam par shes pa ni mar me dang 'dra bar blta bar bya ste/ don gang gis she na/ sred pa'i snum gyi nye bar len pa la brten nas 'bar ba'i phyir ro/ /de la chags pa'i gnas ma yin pa'i ro myang ba'i mtshan nyid ni phyin ci log tu gzhag par bya ba'i yul myang ba ste/de sgyu ma bzhin du blta bar bya ste/ don gang gis she na/ phyin ci log gi snang ba yin pa'i phyir ro/ /de la nyes dmigs kyi rjes su 'gro ba'i mtshan nyid ni mi rtag pa'i rjes su 'gro ba'i phyir dang / sdug bsngal gyi rjes su 'gro ba'i yang phyir ro//de la zil pa lta bu nyid kyis na lus skad cig gis mi rtag pa dang rjes su 'brel ba'i de kho na nyid yongs su gsal bar byas so/ /chu bur lta bu yin pa nyid kyis tshor ba sdug bsngal dang rjes su 'brel ba nyid ni chu bur lta bu'o/ /gang cung zad tshor ba 'di ni 'dir sdug bsngal lo zhes byas nas sdug bsngal rnam pa gsum gyis ci rigs par tshor ba sdug bsngal te/de la skye ba las byung ba ni sdug bsngal gyi sdug bsngal nyid do/ /'bral ba las byung ba ni 'gyur ba'i sdug bsngal nyid do/ /yang dag par sbyor ba dang ma bral ba las byung ba ni 'du byed kyi sdug bsngal nyid do//de yang bsam gtan bzhi dang gzugs med pa la yang sdug bsngal yang ma yin bde ba yang ma yin pa'i tshor ba gtso bo nyid kyis rnam par bzhag go/ /de la nges par 'byung ba'i rjes su 'gro ba'i mtshan nyid ni/ gang zag dang chos kyi bdag med pa dang rjes su 'brel ba la dmigs pas nges par 'byung ba'i phyir bdag med pa ni nges par 'byung ba'i mtshan nyid du bshad do//de la rjes su 'gro ba yang 'das pa la sogs pa'i 'du byed rnams rmi lam la sogs pa lta bu nyid du yongs su gsal bar byas so//de la 'das pa'i 'du byed rnams ni dran pa la gnas pa nyid kyis rmi lam lta bu'o/ /da ltar byung ba ni dus yun ring du mi gnas pa nyid kyis glog lta bu'o/ /ma 'ongs pa ni de'i sa bon gnas ngan len gyis nam mkha' lta bu'i sems la g.yogs par byed pa nyid kyis sprin lta bu'o//de ltar na dus gsum gyi 'dus byas thams cad kyi 'jug pa yongs su shes pa'i phyir 'di rnams bdag med par rtogs par bya'o zhes nges par 'byung ba'i rjes su 'gro ba'i mtshan nyid yongs su gsal bar bstan pa yin no/ /de dang de rnams kyi rten rnams ni mngon par 'dra ba gsal bar byed pa'i rten yin te/yongs su 'dzin pa'i rten dang / pha rol tu phyin pa rnam par dag pa'i rten dang / 'dun pa'i rten dang / gegs kyis dben pa'i rten dang / bsam pa rnam par dag pa'i rten dang / mthar thug pa'i rten dang /rgya che ba'i rten dang zab pa'i rten rnams so/ /yongs su 'dzin pa'i rten ni sems bskyed pa'o/ /pha rol tu phyin pa rnam par dag pa'i rten ni pha rol tu phyin pa'i sbyor ro/ /'dun pa'i rten ni gzugs dang chos sku thob par byed pa'o/ /gegs kyis dben pa'i rten ni lhag ma bcu gnyis so//bsam pa rnam par dag pa'i rten ni mngon par rtogs pa'o/ /mthar thug pa'i rten ni de las gong du sangs rgyas kyi sa yongs su tshol ba'o/ /rgya che ba dang zab pa'i rten ni thams cad rnams so/ /dang por re zhig rten la byang chub sems dpas sems bskyed par bya ste/sems can su yang rung ba zhes bya ba de lta bu la sogs pa'o/ /'di ni rgya chen po ste/ gang slar gal te byang chub sems dpa' sems can du 'du shes 'jug na zhes bya ba de lta bu la sogs pa'o/ /'di ni zab mo ste rten gnyis pa yang yin no/ / gang byang chub sems dpas dngos po la mi gnas par sbyin pa sbyin par bya'o zhes bya ba de lta bu la sogs pa gsungs te/ 'di ni zab mo'o/ /gang slar yang de'i bsod nams kyi phung po ni tshad gzung bar sla ba ma yin no zhes bya ba la sogs pa gsungs te 'di ni rgya che ba'o/ /de ltar rten gzhan rnams la yang zab pa dang rgya che bar ji ltar rigs par rig par bya ste rten bshad zin to//gnyen po gang zhe na/ de nyid sbyor ba'i mtshan nyid dang / de'i rten 'jug pa gnyis kyi gnyen por rig par bya'o/ /rnam pa gnyis kyis log par sgrub ste 'jig tshogs la lta ba rnams kyang ngo //yang dag par sgrub pa na lta ba ni 'dir rnam par rtog pa la 'dod do/ /dang por re zhig rten ni byang chub sems dpas 'di ltar sems bskyed par bya ste/ sems can gang su yang rung ba rnams zhes bya ba 'di ni log par sgrub pa'i gnyen po'o/ /de ltar sems ma bskyed pa ni log pa'i sgrub par 'gyur ro//gang slar gal te byang chub sems dpa' sems can du 'du shes 'jug na zhes gang gsungs pa 'di ni yang dag pa'i lta ba ste yang dag par sgrub pa dang gnyen po'o/ /'di dag kyang rnam par rtog pas mngon par zhen pa ste byang chub sems dpas spang bar bya'o//sems can rnams yongs su mya ngan las bzla bar bya'o zhes bya ba ni gnyis pa ste/ gang sbyin pa sbyin par bya'o zhes gsungs pa 'di ni log par sgrub pa'i gnyen po ste/ ma byin na ni byang chub sems dpa'i log par zhugs par 'gyur ro/ /gang slar dngos po la mi gnas par sbyin pa sbyin par bya'o zhes gang gsungs pa 'di ni yang dag pa'i lta ba ste/yang dag pa'i sgrub pa dang gnyen po yin no/ /'di dag kyang rnam par rtog pas mngon par zhen pa ste/ byang chub sems dpas spang bar bya zhing sbyin pa sbyin par bya'o/ / mi nyams pa gang zhe na/ mtha' gnyis rnam par spangs pa'o/ /'di'i mtha' zhe na/ sgro 'dogs pa'i mtha' dang / skur pa 'debs pa'i mtha' ste/ gang zhig sgra ji bzhin pa'i chos rnams la kun brtags pa ma yin pa'i ngo bo nyid du mngon par zhen pa 'di ni sgro 'dogs pa'i mtha'a'o//gang zhig chos bdag med pa'i gzhi la yang dngos po med par zhen pa 'di ni skur ba 'debs pa'i mtha'o/ /de la bcom ldan 'das bsod nams kyi phung po de nyid phung po ma mchis zhes bya ba 'dis ni sgro 'dogs pa'i mtha' dgag par mdzad par gang gsungs pa yin no//bsod nams kyi phung po de med pa des na sgra ji bzhin par yod pa gang yin pa 'di ni kun brtags pa'i ngo bo nyid kyis yod pa ste/ slar yang des na de bzhin gshegs pas bsod nams kyi phung po zhes bya ba 'dis skur pa 'debs pa'i mtha' dgag par mdzad pas gang gsungs pa yin no//sgra ji bzhin pa ma yin pa'i ngo bo nyid de ni cung zad cig yod de/ brjod du med pa'i dngos po gang yin pa ste de bzhin gshegs pas bsod nams kyi phung po zhes gsungs pa yongs su gsal bar byed do/ /de bzhin du rab 'byor sangs rgyas kyi chos rnams sangs rgyas rnams zhes bya ba ni sangs rgyas kyi chos de dag med par de bzhin gshegs pas gsungs zhes bya bas ni sgro 'dogs pa'i mtha' dgag par mdzad la/des na sangs rgyas kyi chos rnams zhes bya bas ni skur pa 'debs pa'i nyams pa dgag par mdzad do//de la sangs rgyas kyi chos de dag med par de bzhin gshegs pas gsungs zhes bya ba 'dis ni thun mong ma yin pa'i don nyid yongs su gsal bar mdzad de/ des na sangs rgyas kyi chos rnams zhes brjod pa ni don dang 'byor pa nyid do/ /gal te sangs rgyas kyi chos rnams ji ltar gsungs pa'i ngo bo nyid kyis med na de bzhin gshegs pas med pa gsung par bya ba yin na sangs rgyas kyi chos rnams zhes ma gsungs kyang de rnams de bzhin du rtogs par 'gyur ro//gang gi phyir de rnams kyi ngo bo nyid de yod pa ma yin pa de'i phyir de bzhin gshegs pas tha snyad kyi don du sangs rgyas kyi chos rnams zhes gsungs pa yin no//de bzhin du gzhan thams cad la yang thun mong ma yin pa'i don nyid 'di don dang 'byor par rig par bya'o/ /sangs rgyas kyi chos rnams kyang 'dir pha rol du phyin pa dang bsdu ba'i dngos po dang dran pa nye bar gzhag pa la sogs pa byang chub kyi phyogs rnams su rig par bya'o//'dis ni mtha' gnyis rnam par spangs pa'i tshul gyis byang chub sems dpa' de rnams la gnyen pos nyams pa'i nyams pa med do zhes brjod par bya'o/ /sa gang zhe na/ sa ni 'dir rnam pa gsum du mngon par 'dod de/mos pas spyod pa'i sa dang / lhag pa'i bsam pa dag pa'i sa dang / de bzhin gshegs pa dang ldan pa'i sa'o/ /de la rten bcu drug rnams kyis mos pas spyod pa'i sa bstan la/ mngon par rtogs pas ni lhag pa'i bsam pa dag pa'i sa'o/ / sangs rgyas kyi chos yongs su tshol bas ni de bzhin gshegs pa dang ldan pa'i sa'o/ /mtshan gyi rgyu mtshan gang zhe na/ rdo rje gcod pa zhes bya ba'i mtshan gang yin pa de yang don rnam pa gnyis dang 'brel bar rig par bya ste/ gang 'di'i yang dag pa'i sgrub pas lta ba dang nyon mongs pa 'joms pa gsungs so//de phra mo dang snying po nyid kyis rdo rjer gyur la/ de yang shes dka' ba nyid kyis na phra mo yin zhing / spang dka' ba nyid kyis na snying po'o/ /de la 'di ni shes rab kyi pha rol tu phyin pa thos pa dang / bsam pa dang / bsgom pas gcod par byed do//rdo rje yang 'di yin la/ gcod pa yang 'di yin zhing / yongs su gcod pa'i dbyibs te rdo rje gcod pa'o/ /rdo rje ni mtha' gnyis rgya che la dbu ma bsdus te bri bar bya ste/ de lta bu'i shes rab kyi pha rol tu phyin pa ni dbu mar bsdus pa'i phyir lhag pa'i bsam pa dag pa'i sa yongs su bstan to//thog ma dang tha ma dag rgya chen pos ni mos pa spyod pa'i sa dang / de bzhin gshegs pa dang ldan pa'i sa yongs su bstan to/ /de la don gyi gnas lnga po rnams ni phyi ma la yang dag par brten nas rig par bya ste/ sa de rnams kyang yang dag pa'i rten yin te/mdo'i lus kyi 'brel pa bshad zin to// //da ni tshig gi don brjod par bya ste/ ci'i don du bcom ldan 'das kyis chos ston pa'i tshe spong ba pa'i spyod lam gyis bzhugs she na/ spong ba pa kho nas chos 'di rtogs par nus so zhes bstan par bya ba'i phyir ro snyam du yongs su bstan pa'i don du'o//phan gdags pa'i dam pas phan btags pa zhes pa la byang chub sems dpa' rnams la phan gdags pa ni ci zhig /ji ltar na dam pa yin zhe na/ phan pa dang bde ba'i sbyor ba ni phan btags pa yin la/ rgyu drug rnams kyis dam par rig par bya ste/dus dang khyad par dang rgya chen po dang brtan pa dang khyab pa dang rigs pa ste/ dus kyis ji lta bu zhe na/ chos mthong ba de ni dam pa nyid yin pa'i phyir ro/ /de yang byang chub sems dpa' rnams la phan btags pa yin la/ bde ba nyid kyi phyir mthong ba'i chos can no//phan pa nyid kyi phyir yang dag pa'i pha rol can no/ /khyad par gyis ji lta bu zhe na/ de ni phyi rol pa rnams kyi 'jig rten pa'i snyoms par 'jug pa yin la/ 'dir ni 'jig rten las 'das pa'i snyoms par 'jug pas 'phags pa nyan thos dang rang sangs rgyas rnams la phan btags pa las khyad par du 'phags pa'o//rgya che bas ji lta bu zhe na/ phan btags pa ni bla na med pa nyid yin pa'i phyir ro/ /brtan pas ji lta bu zhe na/ shin tu ba nyid yin pa'i phyir ro/ /ji ltar khyab pa yin zhe na/ rang dang gzhan gyi rgyud la phan 'dogs par byed pa nyid kyi phyir ro//rigs kyi sa ji lta bu zhe na/ ma dag pa'i byang chub sems dpa' rnams la phan 'dogs pa ches gtso ba nyid kyi phyir ro/ /dam pas ni yongs su gtod par byed do/ /ji ltar dam pas she na/ rgyu drug rnams kyis te/ rgyas pa dang / chos nyid la so sor dmigs pa dang / kun shes pa la 'jug pa dang / mi nyams pa dang / snying rje dang / gus par bya ba las so/ /ji ltar rgyas pa las she na/ dge ba'i bshes gnyen rnams la yongs su gtod pa'i phyir ro/ /ji ltar chos nyid la so sor dmigs pa las she na/phan btags pa'i byang chub sems dpa' rnams kyis gzhan la phan 'dogs par byed pa'i chos nyid skyed par byed pa'i phyir ro/ /ji ltar kun shes pa la 'jug pas she na/ byang chub sems dpa' gzhan khyed rnams kyis phan btags pa ni 'di dag go zhes kun shes par byed pa'i phyir ro//gsum po 'di rnams nyid kyis mi nyams pa las dang / snying rje dang ldan pa las dang / gus par bya ba dag las zhes bya ba rnams rig par bya'o/ /ci'i don du gnas brtan rab 'byor gyis dris par gyur zhe na/ rgyu drug rnams kyis te/ the tshom gcod par byed pa'i don dang /lhag par mos pa la gzhug pa'i don dang / zab pa'i don la rjes su gzhug pa'i don dang / ma log pa'i don dang / rab tu dga' ba skyed par byed pa'i don dang / dam pa'i chos su ring du gnas pa nyid kyi don te/ gdung rgyun mi 'chad pa'i don du shes rab kyi pha rol tu phyin pa'o//de la ji ltar na 'di dag gis sangs rgyas kyi gdung mi 'chad ce na/ the tshom can rnams kyi the tshom gcod par byed pa'i don dang / bsod nams 'dod pa rgyud yongs su ma smin pa'i byang chub sems dpa' rnams ni bsod nams mang po nyid thob pa las shes rab kyi pha rol tu phyin pa la lhag par mos su gzhug pa'i don dang /rgyud yongs su smin pa rnams zab mo'i don la gzhug pa'i don dang / yongs su gyur pa rnams de dag rjes su 'dzin pa la bsod nams mang po nyid thob pas ma log pa'i don dang / phan btags pa'i lhag pa'i bsam pa dag pa rnams kyi bdag nyid chos de rtogs pa'i bsod nams nyid la dga' ba yang dag par skyed pa'i don dang /ma 'ongs pa'i dus su theg pa chen po'i bstan pa yun ring du gnas pa'i ched du'o/ /mdor bsdu na the tshom can rnams la yang dag par bstan pa'i don dang bsod nams 'dod pa yongs su smin pa'i byang chub sems dpa' rnams yang dag par len du gzhug pa'i don dang /yongs su gyur pa rnams gzengs bstod pa'i don dang / lhag pa'i bsam pa dag pa rnams yang dag par rab tu dga' bar byed pa'i don du'o/ /byang chub sems dpa' rnams ni chen po nyid rnam pa bdun gyis che ba'i phyir sems dpa' zhes dang sems dpa' chen po ste/chen po nyid bdun po gang dag ce na/ chos dang / sems dang / mos pa dang / bsam pa dang / tshogs dang / dus dang / kun du 'gro ba chen po nyid de/ byang chub sems dpa'i sa rnams la ci rigs par ro//ci'i phyir zhe na/ byang chub sems dpa'i theg pa la yang dag par zhugs pas zhes gsungs te/ byang chub rnam pa gsum nyid las khyad par du 'phags par gyur pa gnas brtan rab 'byor gyis tshul bzhin du dris par gyur pa yin no/ /legs so byin nas bdag gis sems can ji tsam sems can du bsdu bar bsdus pa zhes pas ni spyi'i mtshan nyid bstan pa'o//sgo nga las skyes pa'am zhes bya ba de lta bu la sogs pas ni khyad par gyi mtshan nyid bstan pa ste/ de yang skye ba dang gnas kyi khyad par smos pa'i dbye ba las rig par bya ste/ sgo nga / mngal/ drod gsher/ brdzus pa rnams zhes bya ba ni skye ba'i dbye ba'o/ /gzugs can nam gzugs med pa zhes bya ba ni gnas kyi dbye ba'o/ /'du shes can nam 'du shes med pa'am/ 'du shes med 'du shes med min zhes bya ba ni yul 'dzin pa'i dbye ba'o/ /ji tsam sems can gyi khams su gdags pas btags pa zhes pa ni mtshan nyid rnam pa gnyis po de nyid kyi gnas skabs kyi sems can gyi khams sangs rgyas su btags pa nyid nges par bstan to//thams cad yongs su mya ngan las bzla'o zhes bya ba ni ci nas nus pa med pa'i don du gnyer ba yin no//rigs las ni ji skad bshad pa'i sgo nga las skyes pa la sogs pa'i rigs thams cad kyi dbang du byas nas so zhes dgongs kyi/ grangs las ni ma yin no/ /de bzhin du yang sgo nga las skyes pa'am drod gsher las skyes pa rnams dang / 'du shes can dang / 'du shes med pa dang /'du shes med 'du shes med min rnams dbang du byas pa'i phyir ci nas sems can thams cad yongs su mya ngan las 'das pa la rgyu gsum gyis sbyar bar bya ste/ mi khom par skyes pa rnams dal ba'i dus su 'gro ba'i phyir dang / dal bar skyes pa yongs su ma smin pa rnams yongs su smin par byed pa'i phyir dang /yongs su smin pa rnams grol bar byed pa'i phyir ro/ /ci las she na/ lhag ma med pa'i mya ngan las 'das pa'i dbyings su'o zhes gsungs pa yin no/ /mya ngan las bzla ba med do zhes bya ba nyid do/ bcom ldan 'das kyis rnam grangs kyis kyang mya ngan las 'das par gsungs te/bsam gtan dang po la sogs pa de'i yongs su spong ba'i don du'o/ /de ni gzugs brnyan gyi mi'i rnam pas sangs rgyas rnams kyis gdul byas kyang ste/ shin tu ba yang thob par bya'o/ /ci las na lhag ma dang bcas pa'i mya ngan las 'das pa'i dbyings su zhes ni ma gsungs so//de ni thun mong gi 'bras bu ste/ rang gi sngon gyi las dang sangs rgyas kyi man ngag gi 'bras bu yin pa'i phyir ro/ /gcig tu mthar thug pa ma yin kyang lus can sdug bsngal ba'i khyab par nyid las so zhes mya ngan las 'das pa lhag ma dang bcas pa ni skyes bu byed pa'i 'bras bu yin pa nyid kyi phyir dang /thun mong gi 'bras bu yin pa nyid kyi phyir dang / shin tu ba yin pa nyid kyi phyir ro/ /shin tu mthar thug pa ma yin pa'i 'bras bu nyid las kyang lhag ma med pa zhes bya ba nyid du bshad do/ /de ltar sems can tshad med pa yongs su mya ngan las bzlas kyang zhes bya ba ni sgo nga las skyes pa la sogs pa'i rigs so sor tshad med pa nyid du yongs su ston te/sems can 'ga' yang mya ngan las 'da' bar 'gyur ba ni ma yin no zhes dgongs so/ /byang chub sems dpa' bdag nyid kyis yongs su mya ngan las 'das par gyur zhes bya na 'ga' yang med do zhes bya ba de la gtan tshigs ci zhe na/gal te byang chub sems dpa' sems can du 'du shes 'jug na de byang chub sems dpa' zhes smra bar mi bya'o/ /dgongs pa ci yin zhe na/ gal te byang chub sems dpa' sems can rnams la gzhan du 'du shes 'jug na bdag tu 'du shes pas de byang chub sems dpa' zhes smra bar mi bya la/gang sems can du 'du shes 'jug pa'am srog tu 'du shes sam gang zag tu 'du shes zhes bya ba'i dgongs pa ci yin zhe na/ gang gi nyon mongs pa can gyi sems can dang /srog dang / gang zag tu 'dzin pa'i 'du shes 'jug pa de'i bdag la yang bdag tu 'du shes shing / sems can la yang sems can du 'du shes 'jug ste/ byang chub sems dpa' la ni bdag tu lta ba spangs pa nyid kyi phyir de rnams mi 'jug go/ / de'i phyir 'du byed kyi mtshan nyid du mtshungs pa nyid kyis na bdag dang gzhan mnyam pa nyid du mos pa gang yin pa'i byang chub sems dpa' de ni sems can dang / srog dang / gang zag tu 'dzin pa'i lta ba can ma yin no zhes bya ba 'di ni 'di'i dgongs pa yin no/ /de ltar sems bskyed par mi bya'o zhes bya ba 'dis ni ji ltar byang chub sems dpas 'dun pa dang smon lam gyis gnas par bya ba de yongs su bstan pa yin no//gal te byang chub sems dpa' sems can du 'du shes 'jug na de byang chub sems dpa' zhes mi bya ba 'dis ni rnal 'byor la mnyam par gzhag pa'i dus su ji ltar bsgrub par bya zhes bya ba de yongs su bstan to//gang sems can du 'du shes 'jug gam/ srog tu 'du shes 'jug gam/ gang zag tu 'du shes 'jug na de byang chub sems dpa' zhes mi bya'o zhes bya ba 'dis ni rnam par g.yeng ba tshar gcod pa'i dus su ji ltar sems rab tu gzung bar bya ba de yongs su bstan pa yin no//ji ltar byang chub sems dpa' rnal 'byor la snyoms par 'jug pa'i dus sam rnam par g.yeng ba tshar gcod pa'i dus su sems can du 'du shes pa mi 'jug na de lta bu'i mtshan nyid des shes par bya ba'i gnas skabs so//de'i phyir sems can 'ga' yang yongs su mya ngan las 'das par 'gyur ba med do snyam du 'di dag yid la mi bya ba gnyis su 'gyur ro/ /bshad zin pa'i 'dun pa dang smon lam la sogs pa ni yongs su 'dzin pa'i rten la rab tu sbyor ba'i mtshan nyid do//rten gzhan rnams su de nyid 'dun pa dang smon lam la brten nas nges par 'byung bar 'gyur ro zhes 'dun pa dang smon lam la sogs pa slar yang rgyas par bstan pa yin no/ /'di dag las gong gi rten de rnams su rnam pa lnga rnams kyis ji ltar sbyor ba rnam par bshad par rig par bya ste/don nyams pa dang / mtshan ma tsam yongs su grags pa dang / gsal bar byed pa dang / rnam par 'jog par byed pa dang / yang dag par mthong bar byed pa las so/ /don nyams pa ni rten gyi mi mthun pa'i phyogs so/ /rten de nyid kyi mtshan ma tsam ni yongs su grags pa las so//'dun pa dang smon lam gyis ni gsal bar byed pa las so/ /don dam pa'i ni rnam par 'jog par byed pa las so/ /rnal 'byor la snyoms par 'jug pa dang / rnam par g.yeng ba tshar gcod pa dag ni yang dag par ston par byed pa las so/ /de la pha rol tu phyin pa rnam par dag pa'i rten la re zhig byang chub sems dpas dngos po la mi gnas par sbyin pa byin no zhes gang gsungs pa yin te/de'i don nyams pa ni gnas pa nyid mi mthun pa'i phyogs so zhes gsungs pa yin no/ /sbyin pa byin no zhes gang gsungs pa de ni mtshan ma tsam yongs su grags pa las so//'dir sbyin pa'i rang bzhin gyis pha rol tu phyin pa drug po thams cad sbyin pa rnam pa gsum gyi dbang du byas nas bsdus pa yin te/ zang zing gi sbyin pas ni pha rol tu phyin pa'o/ /mi 'jigs pa'i sbyin pas ni tshul khrims kyi pha rol tu phyin pa dang / bzod pa'i pha rol tu phyin pa'o//chos kyi sbyin pas ni brtson 'grus dang / bsam gtan dang / shes rab kyi pha rol tu phyin pa ste/ brtson 'grus med na chos 'dzin pa dang ston pa la skyo bzhin pas chos ston par mi byed do/ /bsam gtan med na dad pas dbang du bya bar 'dod pa nyid kyis grang ba dang tsha ba mi bzod de/kun nas nyon mongs par ston to/ /shes rab med na phyin ci log tu ston te gang las nyams par 'gyur zhes bya ste/ gsum po med pa ma yin na chos kyi sbyin pa phun sum tshogs pa yin no/ /pha rol tu phyin pa de rnams kyang pha rol pa dang mthong ba'i chos kyi 'bras bu rnam pa gnyis te/sbyin pa'i pha rol tu phyin pas pha rol gyi 'bras bu longs spyod chen po'o/ /tshul khrims kyi pha rol tu phyin pas brgya byin nyid dang tshangs pa nyid la sogs pa'i lus phun sum tshogs pa'o/ /bzod pa'i pha rol tu phyin pas phyogs che ba dang 'khor che ba'o//brtson 'grus kyi pha rol tu phyin pas ni longs spyod la sogs pa rgyun mi 'chad pa'o/ /bsam gtan gyi pha rol tu phyin pas ni gnod pa med pa sgrub po/ /shes rab kyi pha rol tu phyin pas ni dbang po thams cad rno zhing bde ba dang / yid bde ba mang ba dang /skye bo'i tshogs chen po la dbang sgyur ba nyid do/ /mthong ba'i chos kyi ni thams cad lhag par dad pa dang / mthong ba'i chos la mya ngan las 'das pa'o/ /de la gal te byang chub sems dpa' pha rol gyi sbyin pa'i 'bras bu don du gnyer bzhin pas sbyin pa ni dngos po la gnas pas sbyin pa yin te/sbyin bya'i dngos po dang / de lta bu'i 'bras bu'i dngos po la gnas pa nyid kyi phyir ro/ /de bas na dngos po la mi gnas par sbyin pa sbyin no zhes gsungs pa yin no/ /yang na pha rol gyi tshul khrims la sogs pa'i 'bras bu don du gnyer bzhin pas sbyin pa byin na 'ga' zhig la gnas pas sbyin pa yin te/de bas na ci la yang mi gnas par sbyin pa sbyin no zhes pa yin no/ /tshul khrims la sogs pa'i 'bras bu mang ba nyid du bye brag med pas ci la yang gi sgra brjod do/ /yang na mthong ba'i chos kyi 'bras bu dad pas dbang du byed pa don du gnyer bzhin pas sbyin na ni gzugs dang /sgra dang / dri dang / ro dang / reg bya la gnas pas sbyin pa yin te/ de bas na gzugs la yang mi gnas par zhes bya ba de lta bu la sogs pa gsungs so/ /yang na mthong ba'i chos la mya ngan las 'das pa don du gnyer bzhin pas sbyin na ni chos la gnas pas sbyin pa yin te/de bas na chos la yang mi gnas par sbyin pa sbyin no zhes gsungs pa yin no/ /sbyin pa sbyin par bya'o zhes mtshon par byed pa gang gsungs pa 'dis ni sbyin pa la 'dun pa dang smon lam dag gsungs pa yin no//mi gnas par sbyin pa sbyin no zhes gang gsungs pa'i mi gnas pa nyid ni don dam pa rnam par gzhag pa yin no/ /de la mi gnas pa nyid kyis ni ji lta ba bzhin du bsgom par bya ba'i don dam pa yongs su gsal bar byed la/ dngos po la sogs pa la mi gnas pa nyid kyis ni ji snyed bsgom pa nyid de/ci nas byang chub sems dpas mtshan mar 'du shes pa la yang mi gnas par sbyin pa sbyin no zhes gang gsungs pa yin no/ /mi gnas pa zhes bya ba ni rnal 'byor la snyoms par zhugs pa'i rnam par g.yeng ba tshar gcod pa bstan pa yin te/dus der mtshan mar 'du shes pa la mi gnas pa yin no/ /de ltar mi gnas pa la sbyor bzhin pa'i byang chub sems dpa' la la bsod nams la ltos pa dang bcas pa nyid kyis spro ba med pa'am/ spro bas don du gnyer ba'i cha yang rung ste/mi gnas par sbyin pa sbyin pa'i bsod nams kyi phung po che ba nyid yongs su ston te/ rnam pa gsum gyis nam mkha' dang mtshungs so/ /thams cad du 'gro ba nyid kyis gnas pa'am mi gnas pa yang rung ste bsod nams 'byung bar mthun pa las so/ /yangs pa nyid kyis ni mchog gi khyad par las so//mi zad pas ni mtha' yas pa'i sbyin pa las so/ /gzugs kyi sku thob par 'dun pa'i rten slar yang / rab 'byor 'di ji snyam du sems/ mtshan phun sum tshogs pas de bzhin gshegs par blta'am zhes bya ba la/ don nyams pa las ni gzugs kyi sku la de bzhin gshegs par mngon par nga rgyal ba mi mthun pa'i phyogs yin par ston te/dge ba'i bshes gnyen ci 'dra ba zhig gis yongs su zin na ste ci 'dra bas she na/ gnas brtan rab 'byor gyis ma lags so zhes smras pa yin te/ bcom ldan 'das kyis yongs su rgyas par mdzad pa ni/rab 'byor ji tsam du mtshan phun sum tshogs pa de tsam du brdzun no zhes bya ba 'dis ni 'dun pa dang smon lam mo/ /'di la don ni don dam pa rnam par gzhag par ston pa yin te/ don dam par mtshan phun sum tshogs pa ni brdzun te/mtshan phun sum tshogs pa med pa ni mi brdzun no zhes bya bas so/ /de ltar de bzhin gshegs pa la mtshan dang mtshan med par blta'o zhes bya bas ni rnal 'byor la snyoms par zhugs pa'i rnam par g.yeng ba tshar gcod pa yang dag par ston pa yin te/ de'i tshe mtshan rnams ni mtshan ma yin pa nyid du blta bar bya'o//bstan pa'i chos kyi sku thob par 'dun pa'i rten la sems can gang la la dag 'di lta bu'i 'du shes skyed par 'gyur ba mchis sam ni gang de lta bu'i tshul gyi mdo sde'i mtha'i tshig rnams la zhes pa'o/ /de la mdo sde'i tshig rnams ni 'chad par 'gyur ba rnams la zhes bya ba'i don du rigs par bya'o//tshig ji lta bu rnams su zhe na/ gang don bdun gyi tshig ces gsungs pa rnams so/ /gnas brtan rab 'byor gyis ma 'ongs pa'i dus su 'byung ba'i 'du shes skyed par byed pa'i byang chub sems dpa' rnams kyi 'byung ba nyid do//'byung bar 'gyur ba ma yin pa de dgag pa mdzad nas 'byung bar 'gyur ro zhes bcom ldan 'das kyis gsungs te/ chos rnam par 'jig pa yang sgrub pa yongs su nyams par rig par bya ste/ de rnams su ji lta bu bsgrub pas she na/rgyu ji lta bu kun du 'byung bas mtshan phun sum tshogs pa'i rgyu tsam yongs su bsgrags pa las de bzhin gshegs pa'i gzugs kyi sku yongs su bstan pa yin te/ bsod nams yongs su bzung bas zhes 'brel to/ /ji lta bu'i yang dag pa'i 'du shes kyis 'du shes can 'byung bar 'gyur ba yin pa ste/bcom ldan 'das kyis yongs su bstan to/ /tshul khrims dang ldan pa/ yon tan dang ldan pa/ shes rab dang ldan pa zhes bya bas lhag pa'i tshul khrims la sogs pa'i bslab pa gsum gyi sgrub pa yongs su bstan te/yon tan smos pa ni 'dod pa chung ba la sogs pa'i yon tan sngon du 'gro ba'i ting nge 'dzin smos pa yin no/ /sangs rgyas brgya stong mang po la de rnams kyis bsnyen bkur ba 'byung bar 'gyur ro zhes bya ba rgya chen pos rgyu kun du 'byung ba yongs su bsgrags pa yin no//sems gcig tu rab tu dang ba yang re zhig gang zhig bshad pa de rnams las dang po nyid du gang dag 'byung ba'i 'du shes skyed par 'gyur ba zhes bya'o/ /de bzhin gshegs pas de dag mkhyen to zhes bya ba ni de rnams kyi ming dang / lus dang /shes pa dang / lta ba rnams de bzhin gshegs pas so/ /gzugs kyi sku mthong ba las gnas pa dang rgyu ba thams cad do snyam pa'i bsam pa mkhyen pa la brten nas lta ba rnams te/ 'di dag gis ni dge ba'i bshes gnyen gyis yongs su bzung bar bstan la/ de dag thams cad ni bsod nams kyi phung po dpag tu med pa zhes bya ba 'dis bsod nams kyis yongs su bzung bar bstan to//de la rab tu bsgrub cing bsod nams bskyed pa'i dus su yongs su bzung bar 'dod de/ de 'gags pa'i dus su sa bon yongs su 'dzin pa'i phyir ro/ /byang chub sems dpa' de rnams ni sems can du 'du shes pa 'jug par mi 'gyur ba nas ji srid gal te chos med pa'i 'du shes 'jug na de nyid de dag gi bdag tu 'dzin par 'gyur zhes bya bas ni de rnams kyi yang dag pa'i 'du shes bstan to//log par 'dzin pa lnga'i gnyen por te/ log par 'dzin pa lnga po ji lta bu zhe na/gzhan mu stegs byed dag chos 'di la dang / so so'i skye bo dang / nyan thos dang / byang chub sems dpa' mngon pa'i nga rgyal can dang / 'jig rten pa thun mong pa'i 'du shes su ltung ba rnams sam/ 'du shes med par ltung ba rnams kyang ste/ dang po ni bdag tu 'du shes 'jug la/gnyis pa ni chos su 'du shes shing / gsum pa ni chos yin par 'du shes pa ste/ chos la dngos por 'du shes pas chos kyi dngos po med pa ni 'dir chos ma yin par 'dod do/ /bzhi pa'i 'du shes 'jug pa dang / lnga pa'i 'du shes med pa ste/ byang chub sems dpa' de rnams ni 'di dag thams cad la 'du shes 'jug par mi 'gyur ro/ /de'i phyir tshul khrims dang ldan pa 'byung bar 'gyur ba nas ji srid bsod nams kyi phung po dpag tu med pa 'byung bar 'gyur ro zhes nye bar ston to/ /de ci'i phyir zhe na zhes gsungs pa'i phyir gang dang gang log par 'dzin pa ni chos dang chos med pa'i 'du shes 'jug par 'gyur ba yin no//bdag med pa la sogs pa'i 'du shes nyid mi 'jug pa gang yin pa de yang bdag la sogs pa'i 'du shes te/ de dag gis bag la nyal ma spangs pa'i phyir 'di nyid bdag tu 'dzin pa yin te/ des na gal te byang chub sems dpa' de dag chos su 'du shes 'jug na de nyid de dag gi bdag tu 'dzin par 'gyur/ gal te chos ma yin par 'du shes zhes rgyas par lhag ma rnams kyang bdag la sogs pa'i 'du shes 'jug par gsungs pa yin no/ /nyid ces ma brjod na yang de nyid de dag gis bdag tu 'dzin par 'gyur ro zhes pa'o//de la rang gi rgyud du yongs su gcod pa'i 'dzin pa ni bdag tu 'du shes par rig par bya la/ bdag gi ba yod pa nyid du 'dzin pa ni sems can 'du shes pa'o/ /bdag tshe ji srid par gnas par 'dzin pa ni srog tu 'du shes pa'o//yang nas yang du 'gro ba rnams su 'gro bar 'dzin pa ni gang zag tu 'du shes pa'o/ /de dag la yang dag pa'i 'du shes bskyed par 'gyur ba zhes bya'o/ /don nyams pa las ni 'chad par 'gyur ba'i mdo sde'i tshig rnams la yang dag pa ma yin pa'i 'du shes ni mi mthun phyogs yin par ston te/rgyu tsam yongs su brjod pa las ni bstan pa'i chos kyi sku yongs su ston to/ /yang dag pa'i 'du shes bskyed ces bya ba 'di nyid kyis de bskyed pa'i 'dun pa dang smon lam ston pa yin no/ /de dag gi bdag tu 'du shes pa 'jug par mi 'gyur zhes bya bas ni don dam pa rgyas par rnam par 'jog par byed do//yang rab 'byor chos su bzung par mi bya zhing chos ma yin par yang zhes bya ba ni rnal 'byor la snyoms par zhugs pa'i rnam par g.yeng ba tshar gcod pa ston par byed de/ de'i tshe chos ma yin par 'dzin pa dang chos ma yin pa ma yin par 'dzin pa gnyi ga chos bdag med pa la rnam par rtog pa yin pa'i phyir ro zhes bya ba'i don te/de ni bstan pa'i chos kyi sku'o/ /de bas na 'di sems can gyi ched du de bzhin gshegs pas gsungs so/ /chos kyi rnam grangs gzings lta bur shes pa rnams kyis chos kyang spang bar bya na ste/yang dag pa'i 'du shes bskyed pa'i snga rol nyid du chos ma yin pa ste 'di dag bstan to zhes bya ba mdor bsdu na yang dag pa'i 'du shes kyis bstan pa'i chos kyi sku la byang chub sems dpas thob par 'dun par bya'o zhes yongs su bstan to/ /ye shes kyi rang bzhin gyi rtogs pa'i chos kyi sku thob par 'dun pa'i rten ni rab 'byor de ji snyam sems/de bzhin gshegs pas gang bla na med pa yang dag par rdzogs pa'i zhes gsungs pa yin te/ 'dis don nyams pa las ni rtogs par bya ba'i byang chub tu lhag par 'dzin pa ni mi mthun pa'i phyogs su ston te/chos bstan pas de rdzogs pa'i byang chub tu 'dzin zhes bya'o/ /de'i phyir chos gang yang bstan tam zhes gsungs pa yin te/ bla na med pa yang dag par rdzogs pa'i byang chub ces bya ba'i'o/ /rgyu tsam yongs su brjod pa las ni rtogs pa'i chos kyi sku'o zhes bstan to/ / ma lags so zhes pas ni gnas brtan rab 'byor gyis sangs rgyas kyi dgongs pa smras pa yin te/ kun rdzob tu byang chub tu 'dzin pa dang bral ba'i 'dun pa dang smon lam ston te/ rnam grangs kyis na 'di dag gnyi ga yang yod do zhes dgongs so/ /bcom ldan 'das kyis gsungs pa des na 'di dag gnyi ga yang yod pa ma yin no zhes bstan to//bcom ldan 'das kyis gsungs pa'i don bdag gis ji ltar 'tshal ba ltar na zhes gsungs pa ste/ de ci'i slad du zhe na/ de bzhin gshegs pas chos gang bstan pa zhes gang gsungs pa yin no/ /bzung du ma mchis pa dang /brjod du ma mchis pa/ de ni chos kyang ma lags/ chos ma mchis pa yang ma lags zhes bya ba 'dis ni don dam pa rnam par 'jog ste/ chos bstan pa rtogs pa'i phyir byang chub kyi'o/ /chos nyid kyi dbang du byas nas don dam pa rnam par 'jog ste/ de la bzung du med pa ni mnyan du med pa'o//brjod du med pa ni bstan pa nyid kyi chos med pa ste/ kun brtags pa'i rang bzhin gyis chos ma yin pa yang med pa ni chos bdag med pas so/ /de ci'i slad du zhe na/ 'phags pa'i gang zag rnams ni 'dus ma bgyis kyis rab tu phye ba'i slad du'o zhes bya ba ni 'du byed med par rnam par mi rtog ces bya ba'i don te/des slob pa'i byang chub sems dpa' rab tu phye ba'o/ /skye ba med pa ni yod kyang 'dus ma byas pa ste/ de bzhin gshegs pa'i gnas yongs su gyur pa gang yin pa ni de bzhin nyid rnam par dag pas rab tu phye ba'i phyir ro/ /des mi slob pa'i de bzhin gshegs pa rab tu phye ba yin no//de la 'dus ma byas pa'i don dang pos ni rnal 'byor la snyoms par 'jug pa ston te/ de la rnam par g.yeng ba tshar gcod pa yang ston to/ /gnyis pas ni de la pha rol tu phyin pa'i don can bla na med pa yang dag par rdzogs pa'i byang chub bo//'di las rten gong ma thams cad 'dus ma byas pas rab tu phye ba ni 'phags pa'i gang zag go zhes bya ba'i dbang du byas par rig par bya'o/ /'dus ma byas pas rab tu phye ba sngar ma gsungs par 'dir bla na med pa yang dag par rdzogs pa'i byang chub bstan pa las 'dus ma byas pa don gyis 'thob pa'i phyir ro//bsod nams kyi rang bzhin rtogs pa'i chos kyi sku'i rten la ci zhig yongs su bstan par 'gyur zhe na/ gang gi phyir re zhig bstan pa'i chos kyi sku las bsod nams dang bcas pa'i rang bzhin de bzhin gshegs pa rnams las rtogs pa'i chos kyi sku skye ba'i phyir ro//de yang re zhig tshig bzhi pa'i tshigs su bcad pa bstan pa yang de lta bu'o/ /bsod nams chen po'i skye mched ni thog ma nyid du gang 'di bsod nams kyi rang bzhin de bzhin gshegs pa rnams kyi rtogs pa'i chos kyi sku'o/ /yang rgyu ci zhig ce na/ bstan pa'i chos kyi sku las tshig bzhi pa'i tshigs su bcad pa gcig bstan na yang de lta bu'i bsod nams rgyas par 'gyur ba yin no//de ci'i phyir zhe na/ de bzhin gshegs pa rnams kyi bla na med pa yang dag par rdzogs pa'i byang chub ni 'di las 'byung ste zhes sgrub par byed pa gsungs te/spyod pa bcu lung nyung zad la brten nas kun du rtogs pa'i phyir ro/ /sangs rgyas bcom ldan 'das rnams 'di las skyes zhes bya ba ni kun rdzob kyi sangs rgyas te/ de las byang chub 'byung ba nyid kyi phyir ro/ /gnyi ga la yang sangs rgyas kyi chos ni mchod rten no//gang byang chub de nyid sangs rgyas so/ /des na rab 'byor sangs rgyas kyi chos rnams sangs rgyas kyi chos rnams zhes bya ba ni sangs rgyas kyi chos de dag med par zhes gsungs pa yin te/ de la 'di nyid ni re zhig 'di bsod nams mang po 'byung ba'i rgyur rig par bya la/ don nyams pa las ni mi mthun pa'i phyogs bsod nams rab tu 'byung bar yongs su bstan te/bsod nams zhes bya ba'i rgyu tsam yongs su brjod pa las ni bsod nams kyi rang bzhin gyi chos kyi sku yongs su bstan to/ /bsod nams mchog tu bstan pa nyid kyis kyang de la smon lam ston par byed de/bcom ldan 'das bsod nams kyi phung po de nyid phung po ma mchis pa'i slad du ste/ des na de bzhin gshegs pas bsod nams kyi phung po zhes bya ba gang gsungs pa yin no/ /gang yang rab 'byor sangs rgyas kyi chos rnams sangs rgyas kyi chos rnams zhes bya ba ni sangs rgyas kyi chos de dag med pas des na sangs rgyas kyi chos rnams zhes bya'o zhes bya ba 'dis ni bsod nams kyi phung po de yang gang gsungs pa yin te/su zhig sangs rgyas kyi chos rnams yongs su 'dzin pa de bsod nams kyi rang bzhin gyi chos kyi sku ni de bzhin gshegs pa de rnams kyi yin pa'i dbang du byas nas don dam pa rnam par 'jog go//'phags pa'i gang zag rnams ni 'dus ma byas kyis rab tu phye ba yin no zhes bya ba'i rjes su zhugs pa las rnal 'byor la snyoms par zhugs pa'i rnam par g.yeng ba tshar gcod pa slar yang bstan pa yin te/ bcom ldan 'das mang lags so//bde bar gshegs pa mang lags so zhes tshig gnyis smos pa ni sems nyid du bzung ba des na bdag tu bzung ba'i sems nyid ston par byed de/ lhag par bzung ba lhur len par bstan pa yin te/ tshig dang yig ges bstan par bya'o zhes bya ba'i don to/ /dpag tu med pa ni dpe'i yul ma yin pa'i phyir dang grangs med pa ni mang ba nyid kyi phyir ro//des ni 'dun pa'i rten no/ /gegs kyis dben pa'i rten ni gegs bcu gnyis kyi gnyen por rig par bya ste/ gegs bcu gnyis po gang dag ce na/ mngon pa'i nga rgyal can nyid dang / mngon pa'i nga rgyal med par gyur kyang thos pa nyung ba nyid dang /thos pa mang yang dmigs pa yid la byed pa chung ngu bsgom pa dang / dmigs pa yid la byed pa chung ngu ma yin yang sems can yal bar 'dor ba nyid dang / yal bar 'dor ba ma yin yang phyi rol gyi bstan bcos la rjes su chags pa dang / de la 'jug par byed pa ma yin yang gzugs brnyan gyi mtshan ma zil gyis gnon pa la mi mkhas pa dang / de la mkhas kyang bsod nams kyi tshogs mi sogs pa nyid dang / bsod nams kyi tshogs sogs kyang le los rnyed pa dang bkur sti'i bde ba'i ro myang ba nyid dang / de ro myong ba ma yin kyang sdug bsngal mi bzod pa nyid dang /sdug bsngal bzod pa nyid yin yang ye shes kyi tshogs mi sogs pa nyid dang / ye shes kyi tshogs sogs kyang bdag tu yang dag par 'dzin pa dang / bdag tu mi 'dzin yang gdams ngag dang bral ba nyid do/ /de la mngon pa'i nga rgyal gyis dben pa'i dbang du byas nas/yang rgyun du zhugs pa 'di snyam du zhes rgyas par gsungs pa yin no/ /de la don nyams pa ni bdag gis thob po zhes mngon pa'i nga rgyal can nyid de mi mthun pa'i phyogs su bstan to/ /rgyun du zhugs pa 'di snyam du zhes bya bas ni rgyu tsam brjod pa nyid kyis mngon pa'i nga rgyal med pa nyid du yongs su ston te/de la yang 'dun pa dang smon lam ston pa yin la/ bcom ldan 'das ci la yang zhugs pa ma mchis so zhes bya bas ni don dam par 'jog go/ /gal te rgyun du zhugs pa de 'di snyam du bdag gis rgyun du zhugs pa'i 'bras bu thob bo snyam du sems par gyur na de nyid de'i bdag tu 'dzin par 'gyur ro//de bas na de de'i mngon pa'i nga rgyal du 'gyur bar shes par bya'o/ /de ltar dgra bcom pa'i bar du ste/ gnas brtan rab 'byor gyi khyad par gyis gnas pa dang rgyu ba thun mong gi dgra bcom pa'i yon tan gyis bdag nyid khong du chud cing mngon sum du gyur pa nyid kyis tshig gzung bar bya ba'i don to//ji ltar dgra bcom pa 'ga' la yang zhugs pa med pa de bzhin du 'ga' la yang gnas pa med par brjod de/ gnas pa dang rgyu ba'i don dam pa 'dir yang rnam par 'jog go//thos pa nyung bas dben pa'i dbang du byas nas de bzhin gshegs pas de bzhin gshegs pa dgra bcom pa yang dag par rdzogs pa'i sangs rgyas mar me mdzad las gang blangs pa'i chos de gang yang yod dam zhes gsungs te/ 'dis ni sangs rgyas 'byung ba la 'di chags pa ste/ de bas na chos gang blangs pa zhes byas pas rnam par rtog pa dor ro/ /don nyams pa las ni mi mthun pa'i phyogs la sogs pa la sbyor ba'i sbyor bas so/ /dmigs pa yid la byed pa chung ngu bsgom pas dben pa'i dbang du byas nas/ rab 'byor byang chub sems dpa' gang la la zhig 'di skad du bdag gis zhing bkod pa rnams bsgrub bo zhes zer na zhes rgyas par gsungs pa yin te/zhing bkod pa yid la byed pa na gzugs la sogs pa'i rnam par kun brtags pa las de'i ro myang bar gyur pa'o/ /de yongs su spang ba'i don du rab 'byor de lta bas na byang chub sems dpas 'di ltar mi gnas par sems bskyed par bya'o//ci la yang mi gnas par zhes bya ba 'di rgyas par gsungs pa yin no/ /sems can yal bar 'dor bas dben pa'i dbang du byas nas/ rab 'byor 'di lta ste dper na mi zhig gi lus 'di lta bur gyur te zhes rgyas bar gsungs pa yin no//'dis ci bstan zhe na/ 'dod pa'i khams na sems can yongs su smin pa la dga' ba rnams te/ de la lha min gyi dbang po sgra gcan gyi lus che ba'i tshad ri rab tsam ste de yang re zhig lus med par blta bar bya ba gzhan lta smos kyang ci dgos zhes bya'o/ /de la de bzhin gshegs pas dngos po ma mchis par gsungs zhes bya bas de bzhin nyid chos bdag med par ston te/de dngos po med ces bya ba ni ma byung ba nyid dang 'dus ma byas pa de bzhin nyid du yongs su ston to zhes bya ba ni ngo bo nyid dang khyad par gyi mtshan nyid dag gi chos bdag med pa yongs su bstan pa yin no//phyi rol gyi bstan bcos snying po med pa la rjes su chags pas dben pa'i dbang du byas nas/ rab 'byor 'di ji snyam du sems/ gang gA'i klung gi bye ma ji snyed pa zhes rgyas par gsungs pa yin te/ 'dir rgyu bzhis chos 'di'i khyad par yongs su ston te/ bsod nams yongs su sdud pa dang /lha la sogs pa mang pos bkur ba dang / dka' ba byed pa'i rgyu dang / de bzhin gshegs pa la sogs pas dgongs shing lhan cig tu 'grogs pa'o/ /'di nyid 'di las bsod nams mang du 'byung ba'i rgyu'o zhes bya ba ni bsod nams yongs su sdud pa'o//sa'i phyogs de mchod rten du gyur zhes bya bas ni lha la sogs pa mang pos bkur pa'o/ /ngo mtshar rab dang ldan par 'gyur zhes bya bas ni dka' ba byed pa'i rgyu'o/ /sa phyogs de na ston pa yang bzhugs te bla ma'i gnas gzhan dag kyang gnas so zhes bya bas ni de bzhin gshegs pa la sogs pas dgongs shing lhan cig tu 'grogs pa'o//de la gsungs pa dang gsung bar 'gyur ba'i tshul gyis bstan par bya ba dang ston pa'i tshul gyis zhes bya ste/ phyi rol pa'i bstan bcos snying po med pa la rjes su chags pa'i gnyen por chos 'di'i khyad par yongs su bstan pas chos 'di nyid la sgra ji bzhin par mngon par zhen par mi bya ste/de rnams kyi ma 'ongs pa'i skyon gyi gnyen po ston par byed do/ /de bzhin gshegs pas shes rab kyi pha rol tu phyin pa gang gsungs pa de nyid pha rol tu phyin pa med ces bya ba ni ji ltar shes rab kyi pha rol tu phyin pa ni pha rol tu phyin pa med de/de ltar gzhan dag tu yang de bzhin gshegs pas chos 'ga' yang ma bstan to zhes bya ba'i don yongs su bstan te/ de bzhin gshegs pas chos gang gsungs pa zhes gsungs pa yin te/ chos kyi rnam grangs 'di rang dang spyi'i mtshan nyid kyis don dam pa yongs su bstan to//gzugs brnyan gyi mtshan ma zil gyis gnon pa la mi mkhas pas dben pa'i dbang du mdzad nas/ rab 'byor stong gsum gyi stong chen po'i 'jig rten gyi khams na sa'i rdul ji snyed yod pa zhes rgyas par gsungs pa yin te/dmigs pa chen po yid la byed pa'i byang chub sems dpa' rnams 'jig rten gyi khams la dmigs pa'i yid la byed pa mang du bsgom par 'gyur te/ de'i phyir stong gsum gyi stong chen po'i 'jig rten gyi khams smos pa yin no/ /de la gzugs kyi sku'i gzugs brnyan gyi mtshan ma zil gyis gnon pa'i don du thabs rnam pa gnyis bstan te/phra mor byed pa'i thabs ni/ stong gsum gyi stong chen po'i 'jig rten gyi khams na sa'i rdul ji snyed yod pa de mang ba yin nam zhes gang gsungs pa yin no/ /snang ba med par byed pa'i thabs kyang sa'i rdul gang lags pa de rdul ma mchis par de bzhin gshegs pas gsungs pa'i slad du ste/des na sa'i rdul zhes bgyi'o zhes gang gsungs pa yin no/ /sems can gyis lus kyi gzugs brnyan gyi mtshan ma zil gyis gnon pa'i don du 'jig rten gyi khams gang lags pa de khams ma mchis par de bzhin gshegs pas gsungs te/des na 'jig rten gyi khams zhes bgyi'o zhes gsungs pa yin te/ 'dir 'jig rten gyi khams ni sems can gyi 'jig rten du dgongs te/ ming dang gzugs kyis rab tu phye ba ni sems can gyi 'jig rten no zhes bya ba ni snang ba med par byed pa'i thabs la mkhas pa nyid do//de la gzugs brnyan gyi mtshan ma zil gyis gnon pa'i don yongs su bstan gyi phra mor byed pa'i thabs ni ma yin no/ /bsod nams kyi tshogs ma bsags pas dben pa'i dbang du byas nas/ rab 'byor 'di ji snyam du sems/ skyes bu chen po'i mtshan sum cu rtsa gnyis po dag gis de bzhin gshegs pa dgra bcom pa yang dag par rdzogs pa'i sangs rgyas su blta'am zhes bya ba gsungs pa yin no//'dis ci bstan zhe na/ bsod nams kyi tshogs kyi don du de bzhin gshegs pa mchod cing bsnyen bkur bar bya ste/mtshan phun sum tshogs pas de bzhin gshegs par blta bar mi bya mod kyi/ 'on kyang don dam pa'i chos nyid kyis blta bar bya'o zhes pa'o/ /le lo dang rnyed pa dang bkur sti'i bde ba la gcig tu ro myang bas dben pa'i dbang du byas nas/ gang slar yang rab 'byor skyes pa'am bud med gang gis lus gang+gA'i klung gi bye ma snyed yongs su btang bas zhes rgyas par gsungs pa yin no//'dis ci bstan zhe na/ re zhig lus yongs su btang bas bsod nams de tsam du 'gyur mod kyi/ gang gi srid par lus gcig la ltos pa'i le los bar ma chad par bya'o zhes bya ba yin no//gnas brtan rab 'byor ci'i phyir 'di mchi ma 'byin par byed ce na/ bdag gis ye shes skyes tshun chad chos kyi rnam grangs 'di ma thos so zhes gsungs te/ lus shin tu mang po btang bas bsod nams mang po mchog tu 'gyur bar bdag gis thos na 'dir bsod nams mchog tu bstan pa 'di ni ma yin te/de ltar bsod nams mchog tu 'gyur bar thos pas brtson 'grus brtsams nas chos gang la sgra ji bzhin du 'du shes par 'gyur ro/ /de rnams kyi skyon yongs su spang ba'i don du gang dag mdo sde 'di bshad pa la yang dag par 'du shes skyed par 'gyur ba de dag ni ngo mtshar rab dang ldan par 'gyur ro zhes bya ba 'di gsungs pa yin no//'di la yang yang dag pa'i 'du shes ni yang dag par 'du shes pa'i rnam par rtog pa yin pa yongs su spang ba'i don du yang dag par 'du shes pa gang lags pa de nyid 'du shes ma mchis zhes rgyas par gsungs pa yin no//bcom ldan 'das bdag ngo mtshar ma lags kyi zhes kyang rgyas par te/ don ci yin zhe na/ ma 'ongs pa na byang chub sems pa rnyed pa dang bkur sti'i ro myang ba'i skyon gyis le lor gyur pa de rnams ngo tsha ba la yang dag par bsdu ba'i don du ste/dam pa'i chos rnam par 'jig pa'i dus na 'byung bar 'gyur ba'i byang chub sems pa'i ched du chos kyi rnam grangs 'di len par 'gyur te/ de rnams gang zag tu 'dzin par mi 'gyur zhing chos su yang ma yin no/ /khyed cag dam pa'i chos kyi dga' ston byed pa'i tshe na yang bsgrub pa yod pa ma yin pas ngo tsha ba'i gnas la nye bar bsdu bar byed de/de dag bdag tu 'du shes 'jug par mi 'gyur zhes dang / gang zag tu 'dzin par mi 'gyur bar ston to/ /bdag tu 'du shes pa gang lags pa de nyid 'du shes ma mchis pa zhes bya bas ni chos su 'dzin pa med par ston to//de ci'i slad du zhe na/ sangs rgyas bcom ldan 'das rnams ni 'du shes thams cad dang bral ba'i slad du'o zhes pas ni rjes su slob par byed pa'i byang chub sems dpa' de rnams yongs su ston te/ sangs rgyas bcom ldan 'das ni 'du shes thams cad dang bral na de las bdag cag rnams kyis kyang de ltar bslab par bya'o zhes pa ste/'di la ji srid brtson 'grus ldog pas dben pa'i dbang du byas nas/ rtog pa med pa'i rgyud can ni rnam par grol bar 'gyur zhes bya ba ni rnam par bshad pa'i dgongs pa'o//len par 'gyur ba ni yi ge las so/ /kun chub par 'gyur ba ni don las so/ /mi rtsom pas dben pa'i dbang du byas nas/ gang 'dir mdo'i tshig bshad pa la mi skrag par 'gyur ro zhes rgyas par gsungs pa yin no/ /skrag pa ni brtson 'grus mi rtsom pa ste/ nyan thos kyi theg pa la bcom ldan 'das kyis chos tsam gyi stong pa nyid ni yod do zhes bstan la/theg pa chen po la ni gnyi ga yang kun du brtags pa'i ngo bo nyid kyis yod pa ma yin no zhes bstan te/ de la mnyan pa'i dus na chos med par thos nas skrag par 'gyur la/ stong pa nyid dngos po med par thos nas dngang bar 'gyur zhing sems pa'i dus na gnyi ga yang dngos po med pas sbyar bar bya ba dang sbyor bar byed par mi nus pa'i phyir kun du dngang bar 'gyur ro/gzhan yang ngo bo nyid med pa gsum gyi dbang du byas nas rnam grangs su rig par bya'o/ /mtshan nyid dang don dam pa ngo bo nyid med pa'o//de ci'i phyir zhe na/ rab 'byor pha rol tu phyin pa dam pa 'di ni de bzhin gshegs pas gsungs zhes bya ba la/ yang don ci yin zhe na/ ngo tsha'i gnas gnyis pa la nye bar 'god de/ de ltar chos 'di gtso bor gyur pa yin pas bag yod par bya'o zhes pa'o/ /de la pha rol tu phyin pa gzhan rnams ni gtso bo nyid las pha rol tu phyin pa'o//de bzhin gshegs pas pha rol tu phyin pa dam pa gang gsungs pa de dpag tu med pa'i sangs rgyas zhes bya ba 'dis ni sangs rgyas thams cad kyis kyang pha rol tu phyin pa 'di gsungs te de bas na dam pa zhes brjod par bya'o zhes bya bar bstan to//sdug bsngal mi bzod pa nyid kyis dben pa'i dbang du byas nas/ yang rab 'byor de bzhin gshegs pa'i bzod pa'i pha rol tu phyin pa zhes rgyas par gsungs pa yin te/ 'di la yang ji skad du smras pa'i bzod pa de rtags gang gis shes par bya/ bzod pa'i rnam pa ji lta bu/ bzod pa'i rgyu gnyen po gang yin zhe na/ de brjod par bya ste/ ji ltar bzod pa ni chos la bdag med pa so sor rtogs pas de ltar du yin no zhes yongs su bstan pa ni de bzhin gshegs pa'i bzod pa'i pha rol tu phyin pa gang yin pa de nyid pha rol tu phyin pa med do zhes gang gsungs pa yin te/rtags ci zhig gis bzod par rig par bya na gal te gnod pa byed bzhin pa na bdag la sogs pa'i 'du shes kyi gzhi las gnod sems kyi 'du shes pa yin no/ /'di bzod pa'i pha rol tu phyin pa nyid du yang 'du shes pa med de/ pha rol tu phyin pa med par yang 'du shes pa ma yin pas de'i rnam pa bstan pa yin no//gang gi tshe ka ling ka'i rgyal pos nga'i yan lag dang nying lag rnams bcad par gyur pa de'i tshe na nga la bdag tu 'du shes med do zhes rgyas par gsungs pa yin te/ de rnam pa ci lta bus bzod ce na/ sdug bsngal drag po bzod cing sdug bsngal rgyun chags pa yang bzod pa ste de ji lta bu yin pa yongs su bstan pa'i phyir gang gi tshe ka ling ka'i rgyal pos nga'i yan lag dang nying lag rnams bcad par gyur pa zhes gang gsungs pa yin no//gang yang ngas mngon par shes te 'das pa'i dus nang tshe rabs lnga brgyar bzod pa smra ba zhes bya ba'i drang srong du gyur zhes pa ni bzod pa'i rgyu yang sdug bsngal rnam pa gsum ste/'khor ba'i sdug bsngal dang / sems can log par sgrub pa'i sdug bsngal dang / longs spyod dang bral ba'i sdug bsngal lo/ /de la rab 'byor de lta bas byang chub sems dpa' sems dpa' chen pos 'du shes thams cad rnam par spangs te bla na med pa yang dag par rdzogs pa'i byang chub tu sems bskyed par bya'o zhes gang gsungs pa yin te/'dis 'khor ba'i sdug bsngal mi bzod pa'i rgyu'i gnyen po bstan pa yin no//byang chub tu sems bskyed pa yang rnam pa gsum ste/ sdug bsngal du 'du shes pa nyid kyis gang skyed par byed par mi 'dod pa ste/ de'i phyir 'du shes thams cad rnam par spangs te zhes rgyas par gsungs pa yin no/ /'di ni 'dir rnam pa gsum ste/ sdug bsngal du 'du shes pa dang / gzugs la sogs pa la gnas par mngon par 'dod pa'i 'du shes thams cad dang / 'khor ba'i sdug bsngal 'di dag gis yongs su dub pas yid byang chub tu sems bskyed par mi byed pa'o/ /gzugs la mi gnas par sems bskyed par bya'o zhes bya ba ni snga ma bzhin no//de bzhin du chos la mi gnas pa dang / chos med pa la yang mi gnas par zhes gsungs pa yin te/ chos la yang ni chos bdag med pa la yang mi gnas pa ste/ de la yang mi gnas pa nyid ni 'di la sgra ji bzhin pa'i ngo bo nyid du kun du rtog pa dgag pa'i phyir gnas pa gang yin pa de nyid mi gnas pa'i phyir te zhes rgyas par gsungs pa yin no//yang byang chub sems dpas sems can thams cad la phan gdags pa'i phyir sbyin pa yongs su btang bar bya'o zhes gang gsungs pa dang / gang du sems can du 'du shes gang yin pa de nyid kyang 'du shes med pa ste zhes rgyas par gsungs te/'dis ni sems can gyi log par sgrub pa'i sdug bsngal mi bzod pa'i rgyu'i gnyen po yongs su ston te/ sems can thams cad kyi don nyid kyi phyir yongs su gtong bar byed par brjod do/ /de nyid la byed pa dang byed pa po nga'o snyam du zhen pa'i sems can de nyid kyang yod pa ma yin na rgyu gang las sems can du 'du shes te sems can log par sgrub pa la skyo ba skyed par byed ces gang zag la bdag med pa dang chos la bdag med pa yang yongs su ston to//rab 'byor de bzhin gshegs pa ni yang dag par gsung pa zhes rgyas pas ci zhig ston zhe na/ de bzhin gshegs pa la yang dag par yid ches pas kyang bzod par bya'o zhes bya ba yin no//de la kun rdzob kyi bden pa'i mtshan nyid kyi dbang du byas nas yang dag par gsung pa'o/ /de sgrub pa kun nas nyon mongs pa dang rnam par byang ba'i mtshan nyid kyi dbang du byas nas bden pa gsung pa'o/ /'di ni kun nas nyon mongs par bya ba dang rnam par byang bar bya'o zhes bya ba ni bden pa'i sgrub pa'o//don dam pa'i bden pa'i mtshan nyid kyi dbang du byas nas de bzhin nyid gsungs pa ste/ de sgrub pa kun nas nyon mongs pa dang rnam par byang ba'i mtshan nyid kyi dbang du byas nas de bzhin nyid gsung ba dang yang dag par gsung ba zhes gsungs pa yin te/'dir yang yang dag pa ni sgra ji bzhin pa'i ngo bo nyid du mngon par zhen pa yongs su spang ba'i don du de bzhin gshegs pas chos gang mngon par sangs rgyas pa'am bstan pa de la bden pa yang med brdzun pa yang med do zhes bya ba gsungs te/ bden pa med pa ni sgra ji bzhin pa'i ngo bo nyid kyis med pa'i phyir ro//brdzun pa med pa ni sgra ji bzhin pa ma yin pa'i ngo bo nyid kyis yod pa'i phyir ro/ /rab 'byor 'di lta ste dper na/ mi zhig mun par zhugs zhes bya ba rgyas pas longs spyod ma tshang ba'i sdug bsngal la mi bzod pa'i rgyu'i gnyen po yongs su ston te/su zhig longs spyod kyi don du sbyin pa gtong ba de ni dngos por ltung bas sbyin pa gtong ba yin te/ de ltung ba ni bde ba 'dod cing sdug bsngal med pa'i ched du'o/ /tshor bas nges par 'byung ba skyed par mi byed de/ ji ltar mun par zhugs pa ci nas bdag gis 'gro bar bya'o snyam pa de'i phyir 'dod pa'i bde ba nyid la mngon par dga' zhing gang dngos por ma lhung bas sbyin pa byin pa de ni ji ltar mig dang ldan pa'i mi nam langs te nyi ma shar nas gzugs sna tshogs pa mthong ba gang las bdag gis 'gro bar bya'o zhes de ltar blta'o//de ni ma rig pa'i mtshan mo 'das shing ye shes kyi nyi ma shar ba na rnam pa sna tshogs pa'i shes bya yang dag pa ji lta bzhin du mthong ba skyed par byed do//gzhan du 'dod pa'i bde ba dang sdug bsngal gyis tshor ba las nges par 'byung ba de'i phyir 'dod pa'i bde ba la mngon par dga' ba ma yin no/ /ye shes kyi tshogs ma tshang bas dben pa'i dbang du byas nas yang rab 'byor rigs kyi bu'am rigs kyi bu mo gang dag chos kyi rnam grangs 'di len pa zhes rgyas par gsungs pa yin te/'dir ting nge 'dzin gyi ro myang bas dben pa'i don du chos kyi rnal 'byor bya ba'i yon tan gyi khyad par rnam pa lnga ston par byed de/ de bzhin gshegs pas dgongs shing lhan cig tu 'grogs pa dang /bsod nams yongs su 'dzin pa dang chos sgrub pa la bstod pa dang / lha la sogs pas bkur ba dang / sdig pa zad par byed pa rnams so/ /de bzhin gshegs pas dgongs shing lhan cig tu 'grogs pa ci lta bu zhe na/ de dag ni de bzhin gshegs pas mkhyen/de dag ni de bzhin gshegs pas gzigs zhes gang gsungs pa yin no/ /de la len pa dang / klog pa dang / 'dzin pa dang / mi brjed par byed pa dang / smra bar byed pa dang / kun chub par byed pa zhes gang gsungs pa yin no/ /'dzin pa'i gzungs kyi rgyu len par 'dod pa dang / klog pa dang 'dzin par 'dod pa dang kun chub par byed pa'o//yang smra bar byed pa dang / klog par byed pa dang / kun chub par byed pa zhes don 'dzin par byed pa'o/ /ji ltar bsod nams yongs su 'dzin zhe na/ sems can de dag thams cad ni dpag tu med pa'i bsod nams kyi phung po bskyed do zhes gang gsungs pa yin no//mi brjed par 'gyur zhes kyang rgyas par ro/ /ji ltar chos de sgrub pa la bstod pa las yin zhe na/ rab 'byor chos kyi rnam grangs 'di ni bsam gyis mi khyab cing mtshungs pa med de zhes rgyas par gang gsungs pa yin no/ /chos kyi bstod pa ni 'di yin te/ de la bsam gyis mi khyab pa ni so so rang gis rig par bya ba nyid kyis so//mtshungs med pa ni mnyam pa'i khyad par med pa'i phyir ro/ /de bzhin gshegs pas gsungs pa'i chos kyi rnam grangs 'di yang theg pa mchog la yang dag par zhugs pa'i sems can rnams kyi don zhes bya ba ni mtshungs pa med pa nyid sgrub par byed do/de la theg pa gzhan la ltos na nyon mongs pa dang shes bya'i sgrib pa rnam par dag pa'i phyir mchog tu rig par bya la/ gtso bor rig par bya ste/ chos kyi rnam grangs 'di len pa nas kun chub pa'i bar de dag de bzhin gshegs pas gzigs zhes gang gsungs pa yin te/ 'di dang de dag ni sgrub pa la bstod pa yin te/sems can de dag thams cad ni dpag tu med pa dang bsam gyis mi khyab pa dang / mtshungs pa med pa dang / gzhal du med pa dang / tshad med pa dang ldan par 'gyur te zhes rgyas par bshad pa'o/ /de dag thams cad ni nga'i byang chub phrag pa la thogs par 'gyur/ byang chub kyi khur 'phel bar byed par 'gyur te/ rab 'byor chos kyi rnam grangs 'di dman pa la mos pa rnams kyis mnyan par mi nus te/ nyan thos dang rang sangs rgyas kyi theg pa pa rnams kyis so/ /bdag tu lta ba rnams kyi ma yin zhes pa ni gang zag tu lta ba'i byang chub sems dpa' rnams bshad pa yin no//lha la sogs pas bkur ba ji lta bu zhe na/ yang rab 'byor sa'i phyogs gang na mdo sde 'di ston pa de mchod par bya ba dang / sa'i phyogs de zhes bya ba rgyas par gang gsungs pa yin no/ /de la me tog dang / bdug spos dang / gdugs dang / rgyal mtshan dang / ba dan la sogs pa rnams kyis mchod pa dang /'dud cing phyag bya ba dang / bskor ba byed pa dang / yon dbul zhing gang du mchod rten du 'gyur ba'o/ /sdig pa zad par byed pa ji lta bu zhe na/ 'di dag yongs su mnar bar 'gyur ro/ /de yongs su mnar ba'i sgo du ma nyid yongs su bstan pa'i phyir shin du mnar bar 'gyur zhes dang /sangs rgyas kyi byang chub kyang thob par 'gyur zhes dang / sgrib pa dang sdig pa yongs su zad par 'gyur zhes bstan pas gsungs pa yin no/ /de'i phyir gzhan yang ltung ba las 'byung ba dang / bsod nams ches mang zhing gzhal du med pa grangs med pa 'byung bar 'gyur ro zhes kyang gsungs so//de ni gzhal du med pa dang grangs med pa'i rnam par bshad pa yin par rig par bya ste/ shin du gdung ba 'byung bar 'gyur ba nyid dang / mang po nyid 'byung bar 'gyur bas kyang ngo / /de la rab 'byor ngas mngon par shes te bskal pa grangs med pa'i ches grangs med pa zhes rgyas par gang gsungs pa yin te/'di dag gis ni rab tu gyur par ston par byed la/ 'di ni 'di'i bsod nams kyi phung po 'byung ba gang re zhig bsod nams kyi phung po de mchog tu zil gyis gnon pa yin no/ /de la ji srid de bzhin gshegs pa mar me mdzad nas bskal pa grangs med par rig par bya ste/de las ches grangs med pa gzhan gyis mnyes par byas pa'o zhes bya ba ni mdor bsdus pa'o/ /thugs byung bar ma byas pa ni nga rgyal med pa'o/ /slar yang rab 'byor gal te rigs kyi bu'am rigs kyi bu mo de rnams kyi bsod nams kyi phung po ngas brjod na zhes rgyas par gang gsungs pa yin no//'dis mang po nyid du ston par byed de/ de la myo myo po ni rgyu yin la sems 'khrugs pa ni 'bras bur rig par bya'o/ /da ni bsod nams 'byung ba ji lta zhe na/ yang rab 'byor chos kyi rnam grangs 'di ni bsam gyis mi khyab pa nyid de/'di'i rnam par smin pa yang bsam gyis mi khyab ces gang gsungs pa yin te/ 'dis ni bsod nams kyi 'bras bu de rtog ge la mi brten par yongs su ston par byed do/ /bdag tu 'dzin pas dben pa'i dbang du byas nas byang chub sems dpa'i theg pa la yang dag par zhugs pas ji ltar zhes rgyas par gsungs pa yin no//de ci yin zhe na/ dang por dris pa nyid ston par byed de/ mngon par rtogs pa'i mtha' las gnas bzhin pa'i byang chub sems dpa' bdag nyid kyi khyad par rtogs par blta bar bya ste/nga ni de la gnas pa'o zhes so/ /de ltar sgrub pa dang nga ni de ltar sems rab tu bzung bar bya'o/ /da ni sems can yongs su mya ngan las 'da' bar bya'o zhes rgyas pa'o/ /de'i gnyen por de la gnas pa dang / yang ji ltar gnas par bya ba dang / bsgrub par bya ba dang sems rab tu gzung bar bya ba'o//de zhus par gyur pa dang bcom ldan 'das kyis lung bstan te/ ji ltar sems bskyed par bgyi zhes rgyas par te/ sems can yongs su mya ngan las 'da' bar bya'o zhes bya ba la sems can 'ga' yang yongs su mya ngan las 'da' bar gyur pa med do zhes bya bas ni bdag tu 'dzin pa'i gnyen por gsungs pa yin no//rab 'byor gal te byang chub sems dpa' sems can du 'du shes 'jug na zhes bya ba ni yang dag par 'dzin pa las sam bag la nyal las so zhes dgongs so/ /yang dag par rdzogs pa'i byang chub sems dpa'i theg pa la gnas pa zhes pa ni bdag tu 'dzin pa'i gnyen por gsungs pa yin no//rab 'byor byang chub sems dpa'i theg pa la yang dag par zhugs pa zhes bya ba'i chos de gang yang med pa'i phyir ro zhes bya bas kyang ngo / /gdams ngag dang mi ldan pas dben pa'i dbang du mdzad nas rab 'byor 'di ji snyam du sems/de bzhin gshegs pas de bzhin gshegs pa mar me mdzad las chos de gang yang yod dam zhes rgyas par te/ rab 'byor gal te de bzhin gshegs pas de bzhin gshegs pa mar me mdzad las gang bla na med pa yang dag par rdzogs pa'i chos de gang yang yod dam zhes bya ba dang /lung ston par mi 'gyur ba zhig na zhes gsungs pa yin no/ /'di'i dgongs pa ci yin zhe na/ gal te rtogs par bya ba'i chos thob par 'gyur ba de ni/ ji ltar de bzhin gshegs pa mar me mdzad kyis brnyes pa de bzhin du/ nga nyid kyang mngon par rdzogs par sangs rgyas par gyur to zhes bya'o/ /yang de bzhin gshegs pa mar me mdzad kyis lung ston par mi 'gyur ba zhig na zhes rgya cher gsungs te/ de'i phyir chos de mngon par thob pa med pa nyid kyi phyir de'i mtha' las mngon par rdzogs par sangs rgyas te/de bas na nga lung bstan to zhes pa ni 'dir 'di'i dgongs pa yin par rig par bya'o/ /ci'i phyir chos de mngon par thob pa med ce na/ rab 'byor de bzhin gshegs pa zhes bya ba ni yang dag pa'i de bzhin nyid ces gsungs te/ de la de bzhin nyid kyi tshig bla dwags ni/ rnam par dag pas rab tu phye ba'i de bzhin gshegs pa ste/de bzhin nyid kyang thob pa med pa'o zhes dgongs pa'o/ /rnam par dag pa'i de bzhin nyid dang yang dag pa'i de bzhin nyid ces brjod pa de la/ yang dag pa ni gser lta bu'o/ /gal te de bzhin gshegs pa mar me mdzad las chos de mngon par rdzogs par sangs ma rgyas la/bcom ldan 'das nyid kyis phyis mngon par rdzogs par sangs rgyas so zhes 'dzin pa spang ba'i phyir/ rab 'byor gang la la zhig 'di skad du de bzhin gshegs pas bla na med pa yang dag par rdzogs pa'i byang chub mngon par rdzogs par sangs rgyas so zhes zer na zhes rgya cher gsungs so//rab 'byor de bzhin gshegs pas chos gang mngon par rdzogs par sangs rgyas pa'i chos de ni bden pa yang med brdzun pa yang med ces pas ni de bzhin nyid gnyis su med pa gsal bar ston te/ ci ltar bden pa ma yin na/ thob par bya ba ci lta ba'o/ /ci ltar brdzun pa ma yin na/ mngon par rdzogs par 'tshang rgya ba ji lta ba ste/ de la ni gang du yang mngon par thob pa'i 'jug pa yod pa ma yin pa nyid kyis so/ /de bas na de bzhin gshegs pas chos thams cad sangs rgyas kyi chos zhes gsungs pa'i dgongs pa ci zhe na/gang gi phyir sangs rgyas kyi chos rnams de bzhin nyid rnam par dag pas rab tu phye ba ste/ chos thams cad de bzhin nyid kyi rjes su song ba'o zhes pa 'di'i dgongs pa'o/ /chos thams cad kyang chos sum grub po zhes don dam pa'i rnam par bzhag pas/ rab 'byor chos thams cad ces bya ba ni de dag thams cad chos med pa yin te des na chos thams cad sangs rgyas kyi chos zhes bya'o zhes gsungs so//mngon par rtogs pa'i dbang du byas nas/ rab 'byor 'di lta ste dper na skyes bu zhig mi'i lus dang ldan zhing lus chen por gyur zhes rgya cher gsungs pa yin te/'dis ni mngon par rtog pa'i ye shes thob pa dang / mngon pa'i nga rgyal med pa gsal bar bstan to/ /ci ltar ye shes thob pas she na/ ye shes rnam pa gnyis nye bar bzung nas te/ rigs yongs su 'dzin pa'i ye shes dang / mnyam pa nyid kyi ye shes so/ /ye shes gang zhig thob pas de bzhin gshegs pa'i rigs su skyes pa ni sangs rgyas su rigs nges par gyur pa ste/de ni rigs yongs su 'dzin pa'i ye shes yin la/ de thob pas ni lus dang ldan par 'gyur ro/ /'dis ni gang du tshe rabs mang por mngon par dga' bar byed pa ste/ rigs su skyes par gyur pa de ni lus dang ldan par 'gyur te/de'i phyir lus dang ldan pa zhes brjod par bya'o/ /mnyam pa nyid kyi ye shes kyang mnyam pa nyid rnam pa lnga nye bar bzung nas te/ gnas ngan len mnyam pa nyid dang / bdag med pa mnyam pa nyid dang / spong ba la brtson pa mnyam pa nyid dang / zang zing med pa'i sems la brtson pa mnyam pa nyid dang / byang chub sems dpa' thams cad kyi mngon par rtogs pa mnyam pa nyid do/ /de dag thos pas lus chen por gyur pa ste/ sems can thams cad kyi lus nye bar len pa'i phyir ro/ /de'i lus de ni rang gi ma yin zhing gzhan gyi ma yin la gnas par nus pa'o//des na de bzhin gshegs pas skyes bu mi'i lus dang ldan zhing lus chen po zhes gang gsungs pa de de bzhin gshegs pas lus ma mchis par gsungs te des na zhes rgya cher gsungs so/ /de la lus dang ldan pa dang lus chen pos ni 'dir don dam pa'i tshul rnam par 'jog par byed de/de ltar re zhig ye shes thob pa las so/ /ci ltar mngon pa'i nga rgyal med pa las she na/ byang chub sems dpa' gang zhig 'di skad du zhes rgya cher gang gsungs pa ste/ 'dis ci shes par byed ce na/ gang zhig 'di snyam du bdag gis sems can rnams yongs su mya ngan las 'da' bar bya'o snyam na byang chub sems dpa' de bdag nyid mngon pa'i nga rgyal can du rig par bya ba ste/yang dag pa'i don du na byang chub sems dpa' zhes mi bya ba'o/ /de bas na de bzhin gshegs pas chos thams cad ni sems can med pa zhes gsungs pas ci zhig gsal bar byas she na/gal te sems can yod par gyur na/ byang chub sems dpa' de ltar lus dang ldan pa dang lus chen por gyur pa gang las yin zhes pa'o/ /de las gong du sangs rgyas kyi sa yongs su tshol ba dang zhing rnam par dag pa phun sum tshogs pa'i dbang du byas nas/ rab 'byor byang chub sems dpa' gang zhig 'di skad du bdag gis zhing bkod pa rnams bsgrub po zhes zer na/ de yang de bzhin du brjod par bya'o zhes gsungs te/ de byang chub sems dpa' zhes mi bya'o zhes pa'i don to/ /der lta ba dang bcas pa ni yang dag pa'i sgrub pa la 'jug par byed de/des na de spang bar bya ba'i phyir don dam pa rnam par 'jog par byed de/ de dag bkod pa med par de bzhin gshegs pas gsungs pa'i phyir te/ des na zhing bkod pa rnams zhes bya'o zhes so/ /rab 'byor byang chub sems dpa' gang zhig 'di skad du/ chos rnams ni bdag med pa chos rnams ni bdag med pa'o zhes mos pa zhes pa ni bdag med pa rnam pa gnyis kyi dbang du byas nas gsungs pa ste/gang zag gi bdag med pa dang chos kyi bdag med pa'o/ /de de bzhin gshegs pas byang chub sems dpa' byang chub sems dpa' zhes brjod do zhes pa ni bdag med pa rnam pa gnyis po de nyid rdzogs par byang chub pa rnam pa gnyis kyi dbang du byas nas gsungs pa ste/'dis ci zhig gsal bar byas she na/ gang zhig bdag gis bsgrub po zhes gang zag tu 'dzin pa dang / zhing bkod pa rnams zhes chos su 'dzin pa ste/ de dag byang chub sems dpa' rnams la med ces pa'o/ /bla na med pa'i mthong ba dang ye shes phun sum tshogs pa'i dbang du byas nas/ rab 'byor 'di ji snyam du sems/ de bzhin gshegs pa la sha'i spyan mnga' snyam mam zhes rgya cher gsungs so/ /de bzhin gshegs pa ni gzigs pa rnam par dag pa phul du byung ba mnga' ba nyid du shes par bya ba'i phyir/shes rab kyi spyan kho na mnga' ba ma yin te/ spyan rnam pa lnga mnga' ba nyid gsal bar ston to/ /gzhan du na shes rab kyi spyan kho nas gzigs pa rnam par dag pa tshol bar 'gyur ro/ /de la bsdus na spyan rnam pa bzhi ste/gzugs 'dzin par byed pa dang / don dam pa'i bden pa 'dzin par byed pa dang / /kun rdzob kyi bden pa 'dzin par byed pa dang / rnam pa thams cad du shes bya thams cad 'dzin par byed pa'o/ /gzugs 'dzin par byed pa yang rnam pa gnyis te/ las kyi 'bras bu dang / bsgoms pa'i 'bras bu'o/ /des na rnam pa lngar 'gyur ro/ /rgya che ba'i yul can nyid kyi phyir gzugs 'dzin pa ni dang po'o/ /don dam pa mkhyen pa'i dbang gis kun rdzob la mkhyen pa phyin ci ma log par 'jug ste/ de'i phyir don dam pa'i bden pa 'dzin pa snga ma'o//de la chos dang gang zag tu mngon par brjod pa ni chos dang gang zag tu btags pa'o/ /de dag mkhyen pa ni chos kyi spyan zhes brjod par bya ste/ 'di ni ji snyed pa gzigs pa rnam par dag pa'o/ /dper mdzad pa de dag gi bsam pa tha dad pa'i sems kyi rgyun ngas rab tu shes so zhes gang gsungs pa 'di ni ye shes rnam par dag pa ste/de la sems kyi rgyun ni dus gsum pa'i sems rnams so/ /de la bsam pa tha dad pa ni rnam pa gnyis su rig par bya ste/ kun nas nyon mongs pa dang rnam par byang ba'am 'dod chags dang bcas pa dang 'dod chags dang bral ba zhes bya ba de lta bu la sogs pa'o//yang na 'das pa la sogs pa'i dbye bas so/ /de ltar gnyis ka yang don dam par rnam par 'jog par byed de/ sems kyi rgyun zhes bya ba ni rgyun med ces pa dang / 'das pa'i sems kyang dmigs su med ces bya ba rgya cher gsungs so//de la 'das pa'i sems dmigs su med pa ni nye bar zhi bas so/ /ma 'ongs pa ni ma byung bas so/ /da ltar byung ba ni don dam par te/ mngon sum gyi shes bya'i dngos po'i dbang du byas nas mthong ba rnam par gzhag pa'o/ /de nas sems can rnams kyi bsam pa ji lta bar 'doms pa'i dbang du byas pa'i ye shes te/'dir sems kyi rgyun ni rgyun med pa'o zhes ji skad gsungs pa'o/ /de bzhin du gzigs pa rnam par dag pa la spyan ni spyan med pa'o zhes ci'i phyir ma gsungs she na/ ye shes gzigs pa rnam par dag pa ni rten gcig nyid kyi phyir dang /mthar thug don dam pa rnam par gzhag pa las ni dang po nyid nas grub par 'gyur zhes pa'o/ /bsod nams kyi phung po dbang du gyur pa phun sum tshogs pa'i dbang du mdzad nas/ gang gis stong gsum gyi stong chen po'i 'jig rten gyi khams 'di zhes rgya cher gsungs pa yin no//'dir yang don dam pa rnam par 'jog par byed de/ yang rab 'byor gal te bsod nams kyi phung por gyur na zhes rgya cher gsungs so/ /sku phun sum tshogs pa dang dpe byad kyi sku phun sum tshogs pa'i dbang du byas nas/ rab 'byor 'di ji snyam du sems/gzugs kyi sku yongs su grub pas de bzhin gshegs par blta bar bya snyam mam zhes rgya cher gsungs so/ /mtshan gyi sku phun sum tshogs pa'i dbang du byas nas/ rab 'byor 'di ji snyam du sems/ mtshan phun sum tshogs pas de bzhin gshegs par blta bar bya snyam mam zhes rgya cher gsungs so//gsung phun sum tshogs pa'i dbang du byas nas/ rab 'byor 'di ji snyam du sems/ de bzhin gshegs pa 'di snyam du ngas chos bstan to zhes rgya cher gsungs so/ /thugs phun sum tshogs pa dran pa nye bar gzhag pa'i dbang du byas nas/bcom ldan 'das ma 'ongs pa'i dus na sems can gang dag 'di lta bu'o chos bshad pa 'di thos nas zhes rgya cher gsungs pa yin no/ /'dis ni gang gi phyir bcom ldan 'das kyis sems can gang dag la dgongs pa nye bar bzhag pa de yongs su gsal bar bstan te/de dag sems can ma yin pa ni don dam pa las so/ /sems can med pa ma yin pa ni kun rdzob las so/ /'di las gzhan pa ni don dam pa bstan pa las so/ /thun mong ma yin pa'i don rnams kyi 'thad pa'i don gsal bar ston pa ni de rnams nyid snga ma bzhin no//thugs phun sum tshogs pa mngon par rdzogs par byang chub pa'i dbang du mdzad nas/ de bzhin gshegs pas gang bla na med pa yang dag par rdzogs pa'i byang chub tu mngon par rdzogs par sangs rgyas pa'i chos de gang yang yod snyam mam zhes rgya cher gsungs pa yin no//de la chos de gang yang med do zhes lta ba'i skyon yongs su spangs nas byang chub dang byang chub kyi lam yongs su tshol bar byed de/ de yang byang chub gnyis dang nges pa'i tshig gnyis kyis ston par byed do/ /de ni bla na med pa'i sgra dang yang dag pa'i sgra nye bar bzung nas te/ a nu ra bi ta tra d+harmon bid+ya te/zhes pa ni a nut+ta ra'i sgra nye bar bzung ba ste byang chub kyi rang gi mtshan nyid ston par byed do/ /rnam par grol ba'i mtshan nyid kyi byang chub de la skye ba'i chos rdul tsam yang yod pa ma yin pa ste/ de nyid kyi phyir dmigs su med pa'o/ /de nyid kyis rjes su yong / de la chos/ yod pa/ na yod pa ma yin par shes par bya'o/ /yang rab 'byor/ sa maHsa d+harmaH chos de ni mnyam pa/ zhes pas ni yang dag par rdzogs pa'i sgra nye bar bzung nas byang chub las gang zag spyi'i mtshan nyid ston par byed de/ de la chos de ni mnyam pa ste zhes pa ni chos gang gis byang chub dang sangs rgyas su gdags pa'o//de la mi mnyam pa gang yang med pas shes pas ni/ sangs rgyas thams cad don dam par sku tshe la sogs pa yang mi mnyam pa med par ston par byed do/ /bla na med pa yang dag par rdzogs pa'i byang chub de ni srog med pa nyid kyis mnyam pa'o zhes so/ /'khor ba pa'i chos kyi spyi'i mtshan nyid las byang chub ston par byed pa ni/dge ba'i chos thams cad kyis mngon par sangs rgyas so zhes gsungs so/ /byang chub kyi lam yongs su ston pa ni/ de rnams de ltar yang ste/ de rnams kyang don dam pa'i mtshan nyid kyis rnam par 'jog par byed do/ /thugs phun sum tshogs pa don chen po rnam par gzhag pa'i dbang du byas nas/stong gsum gyi stong chen po'i 'jig rten gyi khams na ri rab ji snyed yod pa zhes rgya cher gsungs so/ /don chen po gdams ngag rnam par bzhag pa'i dbang du byas nas/ de bzhin gshegs pas 'di snyam du ngas sems can rnams bkrol lo zhes dgongs so snyam na zhes rgya cher gsungs so//de nyid de bzhin gshegs pas bdag tu 'dzin par 'gyur zhes pa'i dgongs pa ci zhe na/ gang gi phyir de bzhin gshegs pas shes bya ji lta ba mkhyen pas de'i phyir sems can du dgongs par gyur na/ de nyid de bzhin gshegs pas bdag tu 'dzin par 'gyur zhes blta bar bya'o//gal te bdag med kyang re zhig bdag tu 'dzin pa yod do snyam du mngon par zhen pa spang ba'i phyir/ rab 'byor bdag tu 'dzin zhes bya ba ni de 'dzin pa med par zhes rgya cher gsungs so/ /byis pa so so'i skye bo rnams kyis de yod par bzung yang bzung du med do zhes pa ni/rab 'byor byis pa so so'i skye bo rnams zhes bya ba ni/ de dag skye bo med par zhes rgya cher gsungs te de rnams de bzhin no/ /thugs phun sum tshogs pa chos kyi sku yongs su 'dzin pa'i dbang du byas nas/ rab 'byor 'di ji snyam du sems/ mtshan phun sum tshogs pas de bzhin gshegs par blta bar bya snyam mam zhes rgya cher gsungs so//de la tshigs su bcad pa dang pos ni ji ltar mi mthong ba dang gang gis mi mthong ba gsal bar bstan te/ ci ltar mi mthong zhe na lta ba la sogs pa'i tha snyad rnams kyis so/ /spong bar brjod pa ni bsam gtan te gang gi bsam gtan pa de ltar spong ba pa zhes brjod pa ste/de yang bsam pa dang sgom pa'o/ /de la bsam pas ni de ma yin par bzung la/ bsgoms pas ni log par shes pa ste/ spong bas zhugs pas ni log par shes pa'i tha snyad bzung bar rig par bya'o//gang gis mi mthong zhe na tha snyad la zhugs pa'i skye bo rnams kyis so/ /tshigs su bcad pa gnyis pa'i phyed snga mas ni gang mi mthong ba dang phyed phyi mas ni rgyu gang gis mi mthong ba gsal bar bstan te/ de la/ sangs rgyas rnams ni chos nyid blta/ /zhes pa ni chos 'di la de bzhin gshegs pa'i don du dgongs pa'o//rgyu gang gi shes na/ 'dren pa rnams ni chos kyi sku/ /zhes gsungs te/ gang gi phyir de bzhin nyid la dmigs pa kun tu 'gro ba'i sangs rgyas rnams ni rnam par dag pa'i sku ste/ de'i phyir de rnams chos nyid du blta bar bya ste 'di ni der blta'o//ci slar yang rgyu gang gis blta bya ma yin zhe na/ gang gi phyir de bzhin nyid kyi mtshan nyid chos nyid ni sgra ji bzhin pas rnam par shes par bya ba ma yin la/ so so rang gis rig par bya ba nyid kyi phyir sgra ji bzhin ma yin pas kyang mi mthong bas ni rnam par shes pa mi nus zhes te/ don 'di gsal bar ston pa ni/chos nyid shes par bya min pas/ /des ni rnam par shes mi nus/ /zhes gsungs so/ /de bzhin du 'dir chos kyi sku'i rten ni de bzhin gshegs par blta bar bya ba ma yin pa ni/ mtshan phun sum tshogs pas ma yin zhes pas ston par 'gyur te/ mtshan phun sum tshogs pa de bzhin gshegs par blta bar bya ba ma yin pa'o//mtshan phun sum tshogs pa'i rgyu las bla na med pa yang dag par rdzogs pa'i byang chub brnyes so snyam du mngon par zhen pa spang ba'i phyir du 'di ltar/ rab 'byor 'di ji snyam du sems/ mtshan phun sum tshogs pa bla na med pa yang dag par rdzogs pa'i byang chub tu mngon par rdzogs par sangs rgyas so snyam du 'dzin na zhes rgya cher gsungs pa yin te/de rnam la ni de lta bu'o/ /thugs phun sum tshogs pa 'khor ba dang mya ngan las 'das pa la mi gnas pa'i dbang du byas nas/ rab 'byor yang khyod snyam du byang chub sems dpa'i theg pa la yang dag par zhugs pa rnams kyis zhes rgya cher gsungs te/de la chos gang la la zhig bshig par btags pa med pa ni/ ji ltar gnas pa'i chos nyid do/ /chad pa med pa ni so sor rtogs pas te 'khor ba pa'i chos rnams gzugs brnyan dang sprul pa lta bur dbang du gyur pas slar yang sems can gyi don la rab tu 'jug par byed do//'dis ni re zhig zhi ba bgrod pa gcig pu pa'i de kho na nyid bkag pas mya ngan las 'das pa la rab tu mi gnas pa nyid gsal bar bstan to/ /de nas mya ngan las 'das pa la rab tu mi gnas shing 'khor bar yongs su nyon mongs pa dang 'grogs pa yongs su spang ba'i phyir du 'di ltar/yang rab 'byor rigs kyi bu'am zhes rgya cher gsungs te/ de la bdag med cing skye ba med pa'i chos rnams la zhes pa'i don ci zhe na chos gang zhig gi rab tu 'jug pa sprul pa lta bu'i bdag nyid la de bzhin gshegs pas dbang brnyes pa de ni 'khor ba pa'i chos kyi bdag nyid ma yin zhing de bzhin du las dang nyon mongs pa las byung ba ma yin zhing dbang du gyur pa de ni/bdag med cing skye ba med pa zhes bya ste/ 'di'i shes par byed pa ci zhe na/ gzhan du yang ji skad bshad pa'i bsod nams yongs su bzung bas 'khor bar yongs su nyon mongs par mi 'gyur na/byang chub sems dpa' bdag med cing skye ba med pa la bzod pa rnams ni lta ci smos te/ skye ba med pa la bzod pa thob pas ni bsod nams ches mang po skye bar 'gyur bas so/ /yang rab 'byor byang chub sems dpa' bsod nams kyi phung po yongs su gzung bar mi bya'o zhes pa des ni 'khor bar rab tu mi gnas pa nyid gsal bar ston par byed de/'khor bar rab tu mi gnas pas bsod nams kyi phung po yongs su 'dzin par byed do/ /tshe dang ldan pa rab 'byor gyis gsol pa/ bsod nams kyi phung po yongs su gzung bar mi bya'o zhes pa'i dgongs pa ci zhe na/ bcom ldan 'das kyis gzhan du bsod nams kyi phung po yongs su gzung bar bya'o zhes gsungs so/ /bcom ldan 'das kyis bka' stsal pa/ yongs su bzung mod kyi log par mi bzung ste/ de nas yongs su gzung bar bya'o zhes rnam grangs kyis yongs su gzung bar bya ba ston to//ji ltar log par mi bzung ba ni sngar bshad pa de bzhin te de rnams nyid do/ /thugs phun sum tshogs pa rgyu ba dang gnas pa'i spyod lam gyi dbang du byas nas/ yang rab 'byor gang la la zhig 'di skad du de bzhin gshegs pa bzhud dam byon tam zhes rgya cher gsungs te/de la rgyu ba ni 'chag pa dang gnas pa'o/ /lhag ma ni spyod lam mo/ /gzugs dang ming gi lus rnam par sgom pa la dbang 'byor pa'i rgyu ba dang gnas pa'i dbang du byas nas/ yang rab 'byor rigs kyi bu'am rigs kyi bu mo gang la la zhig gis stong gsum gyi stong chen po'i 'jig rten gyi khams na sa'i rdul ji snyed yod pa de dag ces rgya cher gsungs pa yin te/'di la yang phra mor byed pa'i thabs dang snang ba med par byed pa'i thabs te/ de sgom pa ni snga ma bzhin du rig par bya'o/ / rdul phra rab kyi tshogs de mang ba yin snyam mam zhes pas ni 'dir ji snyed pa ste/ phra mor byed pa'i thabs so/ /bcom ldan 'das gal te tshogs shig mchis par gyur na/ bcom ldan 'das kyis rdul phra rab kyi tshogs zhes bka' mi stsal ba'i slad du'o zhes pa de lta bu la sogs pa ni snang ba med par byed pa'i thabs so//de ltar bshad par gyur pa ci zhe na/ gal te rdul phra rab kyi tshogs don dam par yod par gyur na/ bcom ldan 'das kyis de tshogs med pa'o zhes mi gsung ba'i phyir ro/ /bcom ldan 'das kyis rdul phra rab kyi tshogs de tshogs ma mchis par gsungs pas na de ltar bshad pa'o//rdul phra rab kyi tshogs zhes bya ba gang yin pa de nyid tshogs pa'i bdag nyid du ma grub pa cig shos ma bshad pa la yang tshogs kyi blor 'gyur ba ni ci'i don du slar brjod ce na/ de khams ma mchis par de bzhin gshegs pas gsungs shes pa snang ba med par byed pa'i thabs nyid de ming gi lus bsgom pa ni snga ma bzhin du rig par bya'o//'dir khams gsum gyi 'jig rten ni sems can gyi 'jig rten la dgongs pa ste/ de yang ming gi tshogs kyis rab tu phye ba'o/ /bcom ldan 'das gal te 'jig rten gyi khams shig mchis par gyur na de nyid ril por 'dzin par 'gyur zhes pa ni 'jig rten gyi khams gang yin pa dang rdul phra rab gang yin pa gnyi ga'i dbang du mdzad nas gsungs pa'o//ril por 'dzin pa ni rnam pa gnyis te/ gcig tu ril por 'dzin pa dang / rnam par phye ste ril por 'dzin pa'o/ /de la 'jig rten gyi khams la yod pa ni phung po rnams la sems can no zhes gcig tu ril por 'dzin par 'gyur la/rdul phra rab la yod pa ni rnam par phye ste ril por 'dzin par 'gyur te/ rdul phra rab kyi tshogs bzung bas ril por 'dzin pa'o/ /'dir 'dzin pa zhes bya ba yang 'phags pa rab 'byor gyis don dam par rnam par 'jog par byed de/bcom ldan 'das kyis don de nyid sgrub par mdzad pa/ ril por 'dzin pa nyid ni tha snyad de zhes rgya cher te/ cis shes par byed na tha snyad las so/ /ril por 'dzin pa de yang don dam par ni brjod du med pa nyid kyis so/ /de yang byis pa so so'i skye bo rnams kyis bzung ba ni tha snyad ji lta bar te don dam par ni ma yin no zhes bya'o//snang ba med par byed pa'i thabs bsgom pa bshad nas snang ba med par byed pa'i rnal 'byor dang snyoms par 'jug pa de yang sgrub par byed de/ de yang rnam par mi rtog ces bya ba ni ji lta bar rnam par mi rtog pa'o//gang dang gang zhig gang gis gang du rnam par mi rtog pa de de las gong du ston par byed pa ni/ rab 'byor gang la la zhig 'di skad du de bzhin gshegs pas bdag tu lta bar gsungs so zhes zer na zhes rgya cher gsungs te/ 'dis ni ji ltar rnam par mi rtog pa de gsal bar bstan pa yin no//ci ltar zhe na gzhan mu stegs can gyis bdag tu brjod pa dang de bzhin gshegs pas bdag tu gsungs pa de gang zag gi bdag med par rnam par 'jog go/ /bdag tu lta ba de yang lta ba ma mchis par gsungs pa ni chos kyi bdag med par 'jog ste/gal te bdag tu lta ba de la lta bar 'dzin pa med pa de ltar sbyor bar byed na rnal 'byor la snyoms par 'jug par 'gyur te/ de ltar rnam par mi rtog pa de ni der 'jug pa'i thabs yin no/ /rab 'byor 'di ltar byang chub sems dpa'i theg pa la yang dag par zhags zhes bya ba 'di ni su rnam par mi rtog par byed pa de yongs su bstan to//chos thams cad ces bya ba 'dis ni gang la rnam par mi rtog par bya ba de bstan to/ /shes par bya ba lta bar bya mos par bya zhes bya ba 'dis ni lhag pa'i sems dang lhag pa'i shes rab las brtsams te/shes pa dang mthong ba dang mos pa rnams kyis te/ gang gis rnam par mi rtog par bya ba de bstan to/ /de la zhi gnas la brten pa ni shes rab bo/ /lhag mthong la brten pa ni ye shes so/ /mthong ba gnyi ga yang 'dir mos pa'i ting nge 'dzin te/ ting nge 'dzin gyi dbang gis gzugs brnyan gyi dmigs pa la lhag par mos par byed do//ci nas chos su 'du shes pa la yang mi gnas pa de ltar mos par bya'o zhes bya bas ni/ rnam par rtog pa gang yin pa de yongs su bstan te de rnams ni nyid do/ /chos su 'du shes pas ni thun mong ma yin pa'i don gyi rigs pa'i don ston par byed de/'di ni rnal 'byor la snyoms par 'jug pa'i thabs te rten thams cad du rig par bya'o/ /'dun pa dang smon lam dang rnam par g.yeng ba tshar gcod pa ste de tsam nyid du bya'o/ /de'i phyir de dag gis thabs bshad zin te/ de lta bu nyid do//sems phun sum tshogs pa ston pa la kun nas nyon mongs pa med pa'i dbang du byas nas/ yang rab 'byor byang chub sems dpa' sems dpa' chen po gang gis zhes rgya cher gsungs so/ /'dis ci zhig bstan zhe na/ chos 'di don chen po dang ldan pa'i phyir gdon mi za bar yang dag par rab tu gsal bar bya ba'o//de lta mod kyi ci nas kyang kun nas nyon mongs par mi 'gyur ba de ltar rab tu gsal bar bya ba'o/ /ci ltar yang dag par rab tu ston zhe na/ ci nas kyang rab tu mi ston pa bzhin du ste/ das na yang dag par rab tu ston pa zhes bya'o zhes pa'i dgongs pa ci zhe na/brjod du med par bstan pa'i bdag nyid kyi chos ni bstan par byar med pa ste/ gzhan du kun nas nyon mongs pas bstan par 'gyur te/ don phyin ci log pa'i phyir ro zhes de ltar bstan pa la lhag par dang ba dang don du gnyer ba med do//de'i phyir kun nas nyon mongs pa med par chos bstan par 'gyur te de ni de bzhin no/ /sems phun sum tshogs pa 'khor bar kun nas nyon mongs pa med pa'i dbang du byas nas/ skar ma rab rib mar me dang / zhes pa'i tshigs su bcad pa ste/ don ni sngar ji lta ba bzhin te bshad zin to//e tA da shI mar+tha ga tiM ni shA mya/ ye ShAM ma hA yA na ma bad+d+hau me ba/ tA nasmano bed+mi na bAsma no pi/ gu Nai ra b+hA byA n+la su nA na bai mi/ hI no hi gAm+b+hIR+Ya mu dA ra tAm+bA/ bod+d+hun+na shak+nA ti na tsA d+hi/ mok+tuM/ prA ye Na tsoM baM bi d+ha e Sha lo kaH te nA tra d+harme khi la tAm+p+ra yA taH 'phags pa bcom ldan 'das ma shes rab kyi pha rol tu phyin pa rdo rje gcod pa'i gnas bdun gyi rgya cher 'grel pa/slob dpon dbyig gnyen gyis mdzad pa rdzogs so// //zhes pa 'di ni thams cad mkhyen pa gzhon nu dpal ba'i zhal snga nas gsar 'gyur mdzad pa'i 'phro cung zad lus pa/ rje dam pa de'i dgongs pa yongs su rdzogs pa'i slad du 'gyur bar gyis shig ces/zhwa dmar cod pan 'dzin pa bzhi pa/ dpal chos kyi grags pa ye shes dpal bzang po'i zhal snga nas bka' stsal ba spyi bos mnos te/ zha lu lo tsA ba 'gos chos skyong bzang pos/ lugs gnyis kyi mdun sa chen po pho brang sne'u gdong rtser/chos kyi rje chos kyi rgyal po chen po dpal ngag gi dbang phyug grags pa phyogs thams cad las rnam par rgyal ba'i dpal gyi mnga' thang chen po la brten nas legs par bsgyur ba'o/ / dus gsum rgyal ba skyed ma rdo rje'i mtshan can zab mo'i dgongs 'grel rab gsal ba//kun mkhyen gnyis pa dbyig gnyen zhes grags dpal ldan shing rta chen pos rnam par bkod/ /gang de kha ba can pa'i dpal du gzhon nu'i mtshan can mkhas grub mchog gis bsgyur/ /de nyid rdzogs par bsgyur ba'i dge bas 'dren pa mchog de'i dgongs pa rdzogs gyur cig /slar yang rgya dpe la gtugs shing slob dpon ka ma la shI las mdzad pa'i 'grel par brjod bya ris mthun pa rnams dang sbyar te tshig phrad dang 'khrugs sdeb pa sogs cung zad legs char 'gyur ba rnams 'bad cing dag par bgyis so// //