CLOSE WINDOW

D3805
བོད་ཡིག

@##/ /rgya gar skad du/ Ar+ya aSh+Ta sa ha sri ka pradz+nyA pA ra mi tA marma kau mi ta nA ma/ bod skad du/ 'phags pa shes rab kyi pha rol tu phyin pa brgyad stong pa'i 'grel pa gnad kyi zla ba'i 'od ces bya ba/bcom ldan 'das mi pham mgon po la phyag 'tshal lo/ /gang zhig 'od zer snying gi mun las rgyal nas spros med lnga po phung por gyur pa ste/ /gang la shar na sems kyi rtog pa'i rnyog pa bsal bar gyur nas sa la longs spyod pa//de yis rdzogs pa'i byang chub bde ba 'gro la bskyed phyir bsam mi khyab pa'i sku sprul pa'i/ /shes rab pha rol phyin pa srid par 'khyams pa 'jig byed de la gus par phyag 'tshal nas//yid kyi dri ma bshig cing lta ba ngan pa 'joms byed la/ /skye ba'i rnyog pa'i yal ga ma lus nges par drung 'byin la/ /che mchog rtog med rdzogs sangs sa na gnyis med lam gnyen gyi//'od zer brtse bas brlan char ji lta bur na ston pa yi/ /gang yang 'phags pa mi pham bstan bcos de nyid bral ba'i gzhung gis kun tu tshim min pas/ / yum gyi gnad las phyir phyogs log pa'i lam gyis skye bo phal che yun rings 'khyams gyur pas/ /de phyir nang gi mun pas khyab pa'i rgyun gyis 'phrog byed bstan bcos snying po la reg pa'i/ /legs gsungs sbyangs pa'i bdud rtsi'i gter ldan bdag gis de gnad yang dag gsal byed zla 'od spro//'dir nges par bcom ldan 'das kyis bskal pa rab 'byam mang po dpag tu med cing rnam pa sna tshogs pa'i byang chub sems dpa'i spyod pa phan tshun du spyod pa rnams dang /shes rab kyi pha rol tu phyin pa bsgoms pa dag gis kun tu rtog pa'i dra ba mtha' dag skye ba'i rgyun drungs phyung nas mu med pa'i phyogs thams cad kyi khams gsum pa rnams kyi srog chags dpag tu med pa rnams kyi so so'i sems skad cig la gzigs nas mchog tu brtse ba chen po'i gzhan gyi dbang gi ji lta ba bzhin rtogs pa de nyid bcom ldan 'das kyis sems can gyis rtogs par bzhed nas bstan pa ji lta ba de lta bur sdud pa pos bsdus pa ni/'di skad bdag gis thos zhes bya ba la sogs pa dang /mngon par bstod do zhes bya ba'i bar gyis te 'di nyid du zhes pa la sogs pa dang / de la bcom ldan 'das kyis bka' stsal pa zhes pa la sogs pa ni sdud pa po'i rang bzo ma yin pas bcom ldan 'das kyi bka' nyid du bshed de/chos yang dag par sdud pa'i mdo las gsungs pa/ 'di skad bdag gis thos zhes byas nas chos bsdu bar bya'o/ /de bzhin du 'bral ba dang go rims kyis bshad do zhes pa la sogs pa ste/ /'di sdud pa po ni lcang lo can na bzhugs pa'i byang chub sems dpa' chen po sa bcu'i dbang phyug phyag na rdo rje ste/de yang bskal pa bzang po'i de bzhin gshegs pa rnams kyi gzugs kyi sku dang chos kyi sku srung bar dbang bskur nas rting la rjes su gshegs zhes de bzhin gshegs pa'i gsang ba bstan pa'i mdo las bshad pa dang / phyag na rdo rje dbang bskur ba'i mdo las bstan pa so sor gtad pas so//gang yang 'phags pa kun dga' bo la yongs su gtad pa de ni nyan thos rnams kyis kyang 'jig rten pa la spyod par byed pa'i don du yin gyi/ /chos sdud pa'i don du ni ma yin no/ /'dir bcom ldan 'das kyis yongs su mya ngan las 'das pa bstan pa dang / 'phags pa phyag na rdo rjes 'jig rten thams cad rjes su gzung ba'i phyir shes rab kyi pha rol tu phyin pa bsdu bar 'dod nas/ 'phags pa byams pa la sogs pa'i byang chub sems dpa' sems dpa' chen po'i tshogs rnams la 'di skad ces pa la sogs pa gsungs te/ ji lta ba bzhin du ston pa po las thos pa cig kyang rjes su brjod cing de bzhin du yang las gzhan yang nyan par byed do zhes pa ni sdud pa por brjod do//bsdus pa'i rjes la dus der gnas pa nyid na/ mchog tu zab cing rjes su rtogs par dka' la rtogs par mi nus zhes pas thugs rjes de rtogs pa'i don du 'phags pa byams pas mngon par rtogs pa'i rgyan gyi tshig le'ur byas pa'i bstan bcos kyis gsal bar mdzad kyi/'phags pa thogs med kyis byas nas dus phyis byas zhes pa ni seng ge bzang po la sogs pa rnams kyi 'khrul pa ste/ sngon du byas pa la ma bshad ces pa ni gzhan dag gi'o//de la shes rab kyi pha rol tu phyin pa bcom ldan 'das kyis rnam par 'byed par 'dod nas/ mchog tu bla ma rnams kyi yang bla na med pa ni bla ma yin pa'i phyir dang / rab tu dang bas phyag 'tshal ba shin tu don che ba'i phyir dang / rnam par bshad par bya ba'i mdo sde rin po che brjod par bya ba'i phyir na de nyid la dang po phyag 'tshal ba ni/nyan thos zhi ba tshol rnams kun shes nyid kyis nyer zhir khrid mdzad gang yin dang / /'gro la phan par byed rnams lam shes nyid kyis 'jig rten don sgrub mdzad pa gang / /gang dang yang dag ldan pas thub rnams sna tshogs rnam pa 'di dag kun gsung ba'i//nyan thos byang chub sems dpa'i tshogs bcas sangs rgyas kyi yum de la phyag 'tshal lo/ /ci ste nye bar zhi ba ni mya ngan las 'das pa ste/ thar bar 'tshal ba'i nyan thos rnams dang rang sangs rgyas rnams kyang bsdu ste/ de dag gi theg pa las khyad par chung ba'i phyir na rim pa gcig tu bstan pa'i phyir ro//'gro la phan par byed pa nyid ni byang chub sems dpa' rnams kyi'o/ /rnam pa 'di dag sna tshogs zhes pa ni thub pa'i rnam pa thams cad kyi chos so/ /gang dang ldan pas rnam pa 'di dag kun gsung zhes pa 'dis ni rnam pa thams cad mkhyen pa nyid kyi ngo bo shes rab kyi pha rol tu phyin par gsal bar byas la/shes rab kyi pha rol tu phyin pa nyid ni rnam pa gsum ste/ gang phung po lnga rnams mi rtag par rnam par shes pa'i slob ma dang bse ru dag dang / gang yang slob ma dang bse ru de rnams kyi dang /byang chub sems dpa'i lam gyi rnam pa rnams shes pa'i byang chub sems dpa' rnams dang / gang yang de rnams kyis rtogs pa'i rnam pa de rnams mkhyen pa'i rnam pa thams cad mkhyen pa nyid ni sangs rgyas rnams te/ de'i shes rab kyi pha rol tu phyin pa la'o/ / sangs rgyas kyi zhes pa ni bskyed pa nyid la gcig pa'i tshig go/ /nyan thos dang byang chub sems dpa'i tshogs dang bcas pa'i sangs rgyas rnams kyi yum ste/ ji skad du bshad pa'i don chen po thob par byed pas so/ /de thob nas kyang zag pa med pa'i phung po lnga'i bdag nyid can du bdag gis dngos po bskyed pa dang rgyas par byed do//de bas na yul 'dzin pa por rtogs par bya'o/ /de ltar kun mkhyen pa gsum gyis mngon par rtogs pa gzhan lnga po rnams bsdus pa'i brgyad car gyi shes rab kyi pha rol tu phyin pa lnga yang zhes bya ste/ de nyid chung ngu dang 'bring dang chen po'i rtogs pa pa'i dbye ba la dgongs nas/kun mkhyen pa gsum gyi sgo nas phyag 'tshal nas/ gzhan gdul bya 'jug pa'i yan lag brjod par bya ba la sogs pa brjod par 'dod pas gsungs pa ni/ rnam pa thams cad mkhyen nyid lam/ /ston pas 'dir ni bshad pa gang / /blo dang ldan pas mthong 'gyur gyi//gzhan gyis myong ba ma yin zhes/ /chos spyod bcu yi bdag nyid can/ /mdo don dran pa la bzhag nas/ /bde blag tu ni rtogs 'gyur ba/ /zhes bya rtsom pa'i dgos pa'o/ /zhes te/ bgrod par bya bas lam zhes pa ste/ gtso bo ni rnam pa thams cad mkhyen pa nyid 'bras bu sangs rgyas rnams kyi chos kyi sku ste/ji skad du mdo sde rgyan las/ sgrib pa thams cad spangs pa yi/ /rnam pa thams cad mkhyen thob pa'i/ /rin chen sgrom phye lta bu la/ /sangs rgyas nyid du yang dag brjod/ /ces so/ /'dis bgrod par byed ces pas na lam rnams sangs rgyas nyid kyi rgyu phal pa'i rnam pa thams cad mkhyen pa nyid de khongs su ji ltar rigs par mngon par rtogs pa drug 'dus pa'o//de ltar rgyu dang 'bras bu'i bdag nyid can gyi mngon par rtogs pa brgyad kyi ngo bo'i lam shes rab kyi pha rol tu phyin pa'i mdo sde rin po che rjod par byed pa'i brjod par bya ba de byang chub sems dpa' ma yin pa rnams kyis khong du mi chud pas na blo dang ldan pa ni byang chub sems dpa' rnams so//mngon sum du byed par 'gyur zhes pa ni dgos pa'i yang dgos pa'o/ /de yang mdo'i don ji skad du bshad pa'i brjod par bya ba thos pa nyid bsam pas dran pa la bzhag cing /chos ni sems bskyed pa dang gdams ngag la sogs pa rnam pa bcu'i khongs su gtogs pa'i mngon par rtogs pa brgyad rab tu phye ba de'i spyod pa spyad pa rnams kyis bde blag tu rjes su gnas par 'gyur zhes brjod par bya ba thob pa byed pa'i thabs la rjes su gnas pa ni mdo brtsam pa'i dgos pa'o//'brel pa ni brjod par bya ba dang rjod par byed pa'i dngos po'i mtshan nyid dang / bsgrub par bya ba dang sgrub par byed pa'i dngos po'i mtshan nyid de go sla ba kho na'o/ /'di skad ces bya ba ni ji lta ba bzhin du bsdu bar bya zhes pa ste/ gleng gzhi'i go skabs yin gyi nye bar bsdu ba ni ma yin te/mdo sde'i lus nyid 'di skad du'o/ /bdag gis ni mngon sum du thos pa ste/ bla ma las phan tshun brgyud pas ma yin pa'o/ /de ltar 'dir gleng bslang ba bstan pa'i rjes su gleng gzhi dang dus gang dang yul dang ston pa po dang 'khor gyis 'dus pa ste/de la dus gcig na zhes pa nas brtsams te ji srid du kun dga' bo zhes pa'i bar ni go skabs la/ de nas yang zhes pa la sogs pas nye bar bsdu ba bcom ldan 'das kyis de skad ces bka' stsal nas zhes pa la sogs pa'i lhag ma ma lus pa ni mdo sde'i lus so//ci'i phyir bcom ldan 'das kyis 'di nyid gsungs zhes ma bstan pa ni bcom ldan 'das la rnam par rtog pa med pas don dam par ni bstan pa mi srid ces pa la dgongs la/ bstan pa'i snang ba ni gdul bya rnams kyi bsod nams dang bcom ldan 'das kyi sngon gyi smon lam gyi bdag po yis so//gang du byas pa dang thos pa'i khyad par bshad par bya ste/ dus gcig ni dus gcig la ste 'dis ni gdul bya rnams chos 'di la gus pa bskyed pa'i don dang / bcom ldan 'das kyis lan cig gsungs pa la bdag nyid thos pa 'dzin pa nyid du gsal bar byas pa'o//bdud bzhi bcom pa dang ldan pas na bcom ldan 'das te/ nges par brjod pa lan phyi ma'o/ /yang na bdud bzhi po rnams shes rab kyis bcom pas na bcom pa ste/ byed pa'i nges pa'i tshig lan phyi ma'o/ /'byed par byed ces pas bcom pa ste/shes rab kyi pha rol tu phyin pa de dang ldan pas na bcom ldan 'das sam/ mngon par bstan zhes pas bcom ldan 'das sam/ bstan par byed pa la ni rgyu rnams kho na byed pa nyid rnam par 'dod pa'i phyir ro/ /de yang tshogs pa dbang phyug dang gzugs bzang dang grags pa dang dpal dang ye shes dang brtson 'grus dang drug go//de la dbang phyug ni gzhan dbang ma yin pa ste/ bcom ldan 'das de'i tshogs pas bag chags dang bcas pa'i sgrib pa thams cad spangs pa'i phyir ro/ /gzugs kyi tshogs pa ni bla na med pa'i mtshan dang dpe byad kyis lham me ba'i sku'i phyir ro//grags pa'i tshogs pa ni phyogs su sgra chen po'i phyir ro/ /gang yang phun sum tshogs pa mang po gang gi rten du gyur pa de ni dpal gyi tshogs pa ste/ 'jig rten pa thams cad la 'jig rten las 'das pa'i phun sum tshogs pa'i 'dod pa rnams kyi dpal du byed pa'i phyir ro//ye shes kyi tshogs pa ni thams cad nas rnam pa thams cad kyi zhes bya ba la dag cing ma chags shing ma thogs pa'i ye shes kyi phyir ro/ /brtson 'grus kyi tshogs pa ni rnam pa thams cad du gzhan gyi don la rtag par mi dga' ba dang bral ba'i phyir ro/ /bzhugs so zhes pa ni 'dir so sor sdud par byed cing sems can 'dis 'dren par byed ces pas cho 'phrul la/cho 'phrul de nyid ni rnam pa gsum ste/ rdzu 'phrul dang / gzhan gyi sems shes pa dang / zag pa zad pa shes pa'o/ /de la rnam pa sna tshogs pa'i rdzu 'phrul gyi cho 'phrul gyis 'jig rten las 'das shing rmad du byung ba'i chos ston pa'i phyir dang /kun brjod pa'i cho 'phrul gyis ni sems kyi bag la nyal yongs su mkhyen nas dge ba'i rtsa ba rgyas pa'i tshul gyis yongs su smin par byed pa'i phyir dang / rjes su bstan pa'i cho 'phrul gyis ni theg pa gsum gyi gdul bya'i sems can rnams khyad par du dran pa la sogs pa byas nas mngon par 'dod pa'i don byed pa'i spyod lam rnam pa bzhis gnas shing bzhugs pa'o//de la sangs rgyas rnams kyi thams cad du sku'i phrin las ni spyod lam gyis bzhugs pa'o/ /thams cad ni gsung gi phrin las ni chos ston pas bzhugs pa'o/ /gang rang bzhin gyis mnyam par bzhag pa dang /gang yang ting nge 'dzin mngon du byed pa'i de gnyis char thugs kyi phrin las te/ de gnyis char snyoms par zhugs pas bzhugs pa'o/ /gang sangs rgyas kyi spyan gyis sems can rnams la kun tu gzigs pa nyid dang der nye bar 'gro ba'i sems can la dmigs pa'i thugs kyi phrin las de gnyis char nang du yang dag par 'jog pa la gnas par rnam par gzhag par bya ste/'jig rten la dmigs pa'i phyir ro/ /rgyal po'i khab ces bya ba ni rgyal po chen po mang pos bkur ba'i rgyal po'i pho brang gi 'khor gyi grong khyer chen po ste/ de'i sa phyogs su bya rgod phung po ste/rin po che rnam pa sna tshogs pa'i rang bzhin la/ ri ni lha la sogs pa rnams kyis dus tshigs ltad mo gsal bar byed pa'i phyir te/ mchod rten du gyur pas sems can rnams kyi bsod nams kyi tshogs nye bar sogs pa'i don du gnas bstan pa'o//ci'i phyir rgyal po'i khab tu bstan ce na/ mang pos bkur ba chen po'i grong khyer chen po'i gnas nyid bzhin du/ mdo sde 'di chos kyi rgyal po chen por sems can la gsal ba'i don du/ 'dir yang mdo sde bstan pa gang bcom ldan 'das ma la rab tu bzhugs pa'o//ci'i phyir bya rgod phung po zhe na/ nyan pa po rnams kyi bstan pa la ring nas mngon par 'phags pa nyid kyi gsal ba'i don du'o/ /chen po zhes bya ba ni yon tan dang grangs kyis che ba'i dag gis so/ /nyon mongs pa bcom pa nyid kyis dge slong ni dgra bcom pa ste/ de 'dir ma bzung bas rgyun du zhugs pa'i 'phags pa kun dga' bo ma bzung bas na thal bar 'gyur bas/cung zhig gang bsnyen par rdzogs pa de 'dir gzung bar bya'o/ /dge slong rnams kyi dge 'dun gyi tshogs te/ de ci ltar dge 'dun zhe na/ dkon mchog gsum la bdud la sogs pa rnams kyis mi phyed pa nyid kyi ste/kun tu bcom pa'i phyir ro/ /de la grangs kyi che ba nyid ni phyed ces te/ brgya phrag phyed ma tshang ba'i brgya phrag bcu gsum mo/ /'dir thams cad ces pa la sogs pa'i tshig bco lngas ni yon tan gyi che ba nyid brjod do/ /dgra ni nyon mongs pa ste de bcom pas dgra bcom pa'am/bsgrub pa'i mchod pa yang dag pas de bzhin gshegs pa rnams la bsnyen bkur byed cing mchod par byed pas mchod byed dam/ yang na lha dang mi rnams kyis mchod pa dang yon tan gyi 'os su gyur pas na mchod 'os so/ /de bzhin du dgra bcom pa nyid kyi yon tan thabs cig pa nyid brjod pa ni srid pa'i rtse mo dang mnar med pa'i bar du kun tu zag pa byed cing skyed par byed pa'i ji srid du sems can rnams kyis dge ba g.yo ba'i zag pa gsum ste/de la ma rig pa ma rtogs pa 'dod pa na kun tu spyod pa'i nyon mongs pa rnams ni 'dod pa'i zag pa'o//gzugs dang gzugs med na kun tu spyod pa ni srid pa'i zag pa'o/ /khams gsum pa can gyi lhan cig skyes pa dang kun tu brtags pa'i ma rig pa dang lta ba drug cu rtsa gnyis gang yin pa de ni ma rig pa'i zag pa'o/ /'di rnams zad pas na zag pa zad pa'o/ /zag pa zad pa nyid kyi rnam par dag pa'i yon tan gsungs pa ni/nyon mongs pa med ces pa ste kun nas nyon mongs pa rnams kyi nyon mongs pa dang / las dang skye ba'i kun nas nyon mongs pa ste go rims ji lta ba bzhin du gang gis nyon mongs par gyur pa dang / gang nyon mongs par byed cing sdug bsngal bar gyur pa dang /gang du nyon mongs pa de rnams med pa'i phyir ro/ /kun nas nyon mongs pa'i sdug bsngal rnams nyon mongs pa med pa nyid la sdug bsngal med pas de'i yon tan gsungs pa ni dbang du gyur pa zhes pa ste/ ji ltar rdzu 'phrul la dbang bas sems can dang snod dag la dbang sgyur ba'i phyir ro//dbang po la dbang bas spyod lam nye bar zhi nas de rnams kyis 'jig rten la dbang ba'i phyir ro/ /ting nge 'dzin la dbang bas ni sems de rnams dbang du byed pa la 'jog pa'i phyir ro/ /shes rab la dbang bas ni nyon mongs pa dang las dang rnam par smin pa thams cad kun tu bcad nas 'ching ba las rnam par grol ba rnams bzhin du rang nyid la dbang byed pa'i phyir ro//sems shin tu rnam par grol bas na sems shin tu rnam par grol ba ste/ srid pa'i phyogs kyi nyon mongs pa dang nye ba'i nyon mongs pa spong zhing thob par bya ba'i ting nge 'dzin rnams la snyoms par 'jug pa ni sems rnam par grol ba'o//shes rab shin tu rnam par grol ba ni shes rab rnam par grol bas ma rig pa'i phyogs kyi nyon mongs pa dang nye ba'i nyon mongs pa thams cad spong bar 'gyur zhing dgra bcom pa'i lam gyi ye shes thob pa ni shes rab rnam par grol ba'o/ /cang shes pa ni 'jigs pa rnams med pa ste/'jigs pa'i dogs pa rnam pa bzhi med pas go rims ji lta ba bzhin du bde ba rnyed pa 'jigs pa med pa rnyed pa bag tsha ba med pa rnyed pa dbugs 'byin pa thob pa zhes brjod de/ de la mya ngan dang smre sngags 'don pa dang sdug bsngal ba dang yid mi bde ba rnams med pa ni sdug bsngal gyi dogs pa med pa'o//bdag nyid kyis gnod pa dang gzhan gyis skur pa 'debs pa dang ngan 'gro dang 'tsho ba chad pa dang mya ngan dang 'chi ba'i 'jigs pa rnams med pas 'jigs pa'i dogs pa med pa'o/ /rnyed pa dang ma rnyed pa dang grags pa dang ma grags pa dang bstod pa dang smad pa dang bde ba dang sdug bsngal ba rnams kyis rjes su ma gos pas na 'jig rten pa'i chos kyis dogs pa med pa'o//ye shes kyi yongs su sbyangs pa rnams la mi shes pa dang the tshom dang log pa'i shes pa rnams med pas na mi shes pa'i dogs pa med pa'o/ /de ltar dogs pa dang bral ba'i phyir na cang shes pa'o//glang po chen po ni gtso bo chen po ste/ rig pa gsum la sogs pa nyid kyis khyad par du gyur pa'i rtogs pa'i chos thos pas so/ /rdzu 'phrul dang gzhan gyi sems shes pa dang zag pa zad pa'i mngon par shes pa rnam pa gsum rig pa la ni gzhan dag tu de la rig pa gsum zhes brjod do//bya ba byas pa ni tshul khrims dang ting nge 'dzin dang shes rab rnams yongs su rdzogs pas sdug bsngal thams cad las rnam par grol ba'i bya ba nges par byas pas so/ /bya ba byed pa ni 'dod pa chung ba dang zhugs pa dang chog shes pa la 'jug pa dang sbyangs par grags pa la 'jug pa dang /kun tu mnyes par byed pa la 'jug pa zhes pa la sogs pa byed pa la rang gi mos pas 'jug pa'i phyir ro/ /khur bor ba ni khur rnam pa bzhi ste de rnams bor ba ste/ de la phung po'i khur btang ste sdug bsngal yongs su shes pas phung po'i lhag ma med pa'i bde ba thob pa la sbyor nus pa nyid do//nyon mongs pa'i khur spangs pas ni kun 'byung spangs pas rnam par grol ba'i bde ba thob pa'o/ /dam bcas pa'i khur bor bas ni 'gog pa mngon sum du byas pas rdzogs pa'i byang chub bde ba thob pa'o/ /sbyor ba rtsom pa'i khur gyis yongs su rdzogs pa ni lam bsgoms pas nye bar zhi ba'i bde ba thob pa'o//khur bor ba nyid kyis khur bor nas bde ba thob pa'i yon tan gsungs pa ni/ rang gi don rjes su thob pa zhes pa la/ rang gi don rjes su thob pa ni rnam pa gnyis te/ de la don min pa spong ba ni rang gi nyon mongs pa'i ma rig pa spangs pas nyon mongs pa'i sgrib pa thams cad spangs pa dang don rtogs pas gang zhig gi rig pa bskyed nas mya ngan las 'das pa rtogs pa'o//yongs su zad pa shes pa'i srid par kun tu sbyor ba ni dgu ste/ skyes bu srid par kun tu sbyor ba'i phyir ste/ 'dod chags dang khong khro ba dang nga rgyal dang ma rig pa dang the tshom dang lta ba mchog tu 'dzin pa dang /phrag dog dang ser sna de rnams gzhan du spangs pas so/ /de la zag pa med pa'i yang dag pa'i lta ba ni lta ba mchog tu 'dzin pa dang the tshom rnams spong ngo / /'dir 'jig tshogs la lta ba dang mthar 'dzin par lta ba dang / log par lta ba ste lta ba rnam pa gsum mo//lta ba mchog tu 'dzin pa dang tshul khrims dang brtul zhugs mchog tu 'dzin pa zhes pa'i mchog tu 'dzin pa rnam pa gnyis so/ /zag pa med pa'i ting nge 'dzin thob pas phrag dog dang ser sna dang khong khro ba rnams dang 'dod pa'i khams kyi 'dod chags rnams spangs shing /nga rgyal dang ma rig pa dang srid pa'i 'dod chags rnams dgra bcom pa'i lam gyi ye shes kyi zad pas so/ /yang dag par zhes pa ni yang dag par kun tu shes shing yang dag par kun tu rtogs pas dkon mchog gsum dang yon tan rnams dang theg pa gsum po rnams ston cing / 'phags pa'i bden pa bzhi po rnams dang byang chub kyi phyogs kyi chos rnams la yang dag par mos pa de'i mi mthun pa'i phyogs dang bral bas sems shin tu rnam par grol ba'o/ /sems kyi dbang thams cad ces pa ni sems gang gis ting nge 'dzin dbang du byas nas dbang sgyur bar 'gyur te/ de'i sems la dbang ba de thams cad la yang ngo //de rnams la dam pa'i pha rol ni pha rol ste/ mthar thug pa 'dir 'gro ba dang 'dir phyin pa'i don gyis so/ /pha rol ni mthar thug par 'gro ba la dam par pha rol tu son pa ni des thob pa'o/ /dbang ni gang du ji ltar 'dod par lugs las 'byung ba dang lugs las bzlog pa nyid la dang po'i rim pa nas snyoms par 'jug pa rnam pa dgu po rnams kun tu bsgrub pa la snyoms par zhugs pa dang /gnas pa dang lta ba rnams la so sor rtogs pa la dbang thob pa'i phyir ro/ /thams cad ces smos pa nas de ci 'phags pa kun dga' bo yang yon tan de rnams dang ldan no zhe na min par gsungs pa ni gcig ces pa la sogs pa ste/gang zag gi tshig ni don mthun pa'i 'phags pa'i gang zag brgyad po rnams las gzhan yin pa'i phyir ro/ /ma rtogs pa ni yongs su spangs pa'o/ /'di lta ste zhes pa ni gzhan la nye bar ston pa'o//tshe dang ldan pa zhes pa ni khyad par du mnyes par byed pa'i don te/ 'jig rten du tshe 'dod pas des de bzhin du de mnyes pa'o/ /'dir nyan thos kyi dge 'dun bshad pa ni/ rjes la theg pa chen po la 'jug pa la dgongs pa dang / rab tu grags pa'i 'khor gyi phyir dang /nges pa'i 'khor gyi phyir te/ de yang rab tu grags pa ni rab tu byung ba'i 'khor nyid la nges pa ni rang gi rdzogs sangs rgyas kyi drung du rtag par kun tu gnas pa'i phyir ro/ /byang chub sems dpa' ni de lta ma yin te/ phal cher khyim pa yin pa'i phyir dang 'di nas kyang phyogs bcu'i 'jig rten gyi khams rnams su 'gro ba'i phyir dang /de rnams nas kyang 'di ru 'ong bas na de'i phyir byang chub sems dpa'i dge 'dun ni 'dir ma bshad de/ de'i theg pa gsungs pa de nyid pas na byang chub sems dpa'i 'khor ni dpag tu med pa yin par gsal ba'i phyir dang yum 'dir bsdus pa'i skabs yin pa'i phyir ro//de la sgrub pa po rnam pa gsum ste gcig ni gsungs nas go bas tshig lhur len pa ste de ni rgyas pa la dga' ba'o/ /gnyis pa ni mang du bshad pas lhag ma yang go bas rnam par spros nas go ba ste/ 'di ni 'bring la dga' ba'o/ /gsum pa ni nyung ngu bshad pas mang du rtogs pa'i mgo smos pas go la/de ni bsdus pa la dga' ba ste/ de rnams la rim pa ji lta ba bzhin du bcom ldan 'das ma stong phrag brgyad pa dang / stong phrag nyi shu lnga pa dang / brgyad stong pa gsungs te/ de la gzhung ni bsdus par 'dod pas na gzhung 'di'i gleng gzhi yang bsdus pa ste/dge slong dang dge slong ma dang / lha dang mi dang lha ma yin dang dri za la sogs pa'i 'khor yang 'dir shes par bya'o/ /de rnams bshad pas ni gang du bcom ldan 'das bya rgod phung po la ji skad bshad pa'i 'khor dang bzhugs par 'gyur ba der bdag gis bcom ldan 'das las thos so zhes bya ste gleng gzhi'o//bstan pa go ba'i skabs gsungs pa ni de nas zhes pa la sogs pa ste/ yang zhes bya ba tshig gi rgyan la der bzhugs par gyur pas sam der gnas pa'i dge 'dun gyi nang na 'byor pas rab 'byor la/ gnas brtan zhes smos pas ni mchod pa'i don te/dgra bcom par 'gyur ba'i nyon mongs pa med pa la gnas pa rnams kyang mchog gi phyir ro/ /bka' stsal pa ni rab tu 'byor pa zhes pa ste/ gsung gis byin gyis brlabs pa'o/ /bcom ldan 'das kyis chos bstan pa'i don du rnam pa gsum gyis byin gyis rlob ste/ kha cig tu phyag gis/ kha cig tu gsung gis/ kha cig tu thugs kyis so/ /ci'i phyir zhe na de'i rigs can rnams kyi spro ba bskyed pa'i don du'o/ /spobs par gyis shig ces pa ni/ khyod kyis rdzogs sangs rgyas kyi mngon sum du gyis zhes pa'o/ /gang du rab 'byor la bos nas bstan pa'i skad cig la gzhan gdul bar bya ba mang po rnams kyis so sor bcom ldan 'das ni zhal 'dzum pas bdag la gzigs nas chos ston to snyam du sems par gyur te/de ltar na yang rab 'byor nas bka' stsal pas na de gnyis bsdus pa'o/ /'o na byang chub sems dpa' rnams kyi theg pa rnams ston pa la de rnams kyang lan cig ci'i phyir ma bos she na/byang chub sems dpa' rnams bos nas bstan pa nas mdo 'di ni zab pas bdag cag rnams sbyor bar mi nus zhes kha cig lung la 'dzin par mi 'gyur la/ rab 'byor la brtsams nas bstan na ni skye bo thams cad kyi thun mong ba ste/ shin tu zab pa ma yin no snyam du sems nas rab tu 'jug par 'gyur la/thun mong par yang ste kun mkhyen pa gsum gyi skabs kyi phyir ni des bshad pas kyang dge slong rnams dang 'khor gzhan gyi chos mngon par rtogs pa thob pas so/ /gang yang bla mas gsol ba btab pa'i slob ma med kyang de lta na yang 'di gsol ba btab pa ni chos la gus pa nyid kyis so//de lta na yang bshad pa/ gnas brtan rab 'byor shes rab kyi pha rol tu phyin pa la chung ngu na lhag par mos zhes pas so/ /gang gi dbang du byas she na gsungs pa ni/ shes rab ces pa la sogs pa ste/ shes rab kyi pha rol tu phyin pa'i gtso bo chos kyi sku rtogs pa ste/dgos pa'i dgos pa'o/ /don de la sbyor bas gzhung dang lam dag la yang de'i sgras so/ /de las brtsams nas zhes pa ni skyes bu dam pas don du gnyer bar bya ba'i phyir dang / thabs las byung ba nyid kyi ched du'o zhes bya ba'i don to/ /ci nas zhes pa ni ji srid du thos pa dang bsam pa dang bsgom pa'i bye brag gis so//shes rab kyi pha rol tu phyin pa la zhes pa ni kun mkhyen pa rnam pa gsum la ste/ de lam la brten nas bgrod pas nges par 'byung bar 'gyur ba ste ma lus par 'gro ba'o/ /ji ltar de yis bgrod ce na/ sbyor dang sbyor ba'i rab tu phyin pa dang /sbyor ba'i go rims dang / sbyor ba'i mthar thug pa ste/ dgos pa'i tshul des ma lus par gyis zhes pa'i don to/ /de la ngag gnyis po 'dis ni 'phags pa rab 'byor la yang brjod par bya ba'i mngon par rtogs pa brgyad kyis so sor ston pa ste/ de ltar yang bstan bcos las/shes rab pha rol phyin pa ni/ /dngos po brgyad kyis yang dag bshad/ /ces pa ste stong pa nyid la dmigs pa'i phyir dang / don dam pa stong pa nyid kyi ngo bo'i phyir na rab kyi shes pa ni shes rab la shes rab 'di'i pha rol pas na pha rol tu phyin pa ste/ 'dis kyi a phyis pa'o//gang gi pha rol zhe na rnam par rtog pa'i ste/ ci rigs par 'phags pa dang byang chub sems dpa' rnams dang dag pa'i de bzhin gshegs pa rnams pha rol tu phyin zhing so sor rtogs pas pha rol tu phyin pa'o/ /sbyor ba'i lam la ji ltar pha rol tu phyin pa yin te/ de ni don gyi bya ba ste/ji ltar shes rab kyi pha rol tu phyin pa yin zhe na/ de'i 'bras bu yin pa'i phyir ro/ /yang dag bshad ces pa ni mngon par rtogs pa brgyad kyis bsdus nas bstan pa'o/ /brgyad gang zhe na/ rnam kun mkhyen nyid lam shes nyid/ /de nas thams cad shes pa nyid/ /rnam kun mngon rdzogs rtogs pa dang //rtse mor phyin dang mthar gyis pa/ /skad cig gcig mngon rdzogs byang chub/ /chos nyid sku dang de rnams brgyad/ rnam pa kun mngon par rdzogs par rtogs pa'i rnam pa rnams thams cad kyis rtogs par bya ba la mngon du phyogs shing yang dag par rtogs pa nyid kyis na mngon par rtogs pa ste/don rtogs pa'i phyir ro/ /rtse mo ni rab thob pa'o/ /mthar gyis pa ni rim gyis na mthar gyis pa ste mthar gyis pa der sbyor bar mngon par byang chub ces par 'jug pa ste/ rtse mo'i mngon par rtogs pa dang mthar gyis pa'i mngon par rtogs pa dag gis zhes pa'i don to//'dir mngon par rtogs par bya ba'i mngon par rtogs pa dang rnam pa brgyad la mngon par nye bar thob par byed pa'i mngon par rtogs pa ni rnam pa bdun te/ bdun po de rnams kyis mngon par rtogs par byed cing thob par byed ces pa'i mngon par rtogs pa'i chos kyi sku dang rnam pa brgyad de/'di rnams ni dngos po brgyad rnams so/ /gang du 'dir rnam pa thams cad mkhyen pa nyid la sogs pa rnams kyi go rims ji lta bu bcom ldan 'das ma nyid las bstan te ji ltar na mngon par rtogs pa brgyad po rnams te/ gang zag gi dbye bas ji lta bu'i rigs tha dad nas nyan thos la sogs pa'i theg pa rnam gsum ni de yang rjes su 'gro ba'i sgo nas rigs la gnas pa ma yin la/byang chub sems dpa'i gang zag gcig pu kho na'i dbang du byas nas bcom ldan 'das ma bstan na/ de ltar na rnam pa thams cad mkhyen pa nyid kho na rgyu dang 'bras bu'i gnas skabs su bsgrub pas ji lta na gzhan rnams dgos/gang yang nyan pa po'i 'dod pa'i ngor rnam pa gnyis su bstan te/ gcig ni rgyu dang 'bras bur rtogs pa'i go rims kyis te/ dper na dran pa nye bar gzhag pa dang / yang dag par spong ba rnams bzhin no/ /gnyis pa ni 'bras bu dang rgyus bsgrubs pa'i go rims te dper na sdug bsngal dang /kun 'byung gi bden pa dag dang / 'gog pa dang / lam gyi bden pa dag bzhin no/ /mngon par rtogs pa 'di rnams kyi dang po ni 'bras bu rnam pa thams cad mkhyen pa nyid dang / de nas lam shes pa dang / de nas thams cad shes pa dang / de nas rnam pa kun mngon par rdzogs par rtogs par 'dod ces pa ni rigs pas mi 'thad de/dang po mngon par rtogs pa'i tha ma'i gnas skabs kyi mthar thug pa can gyi 'bras bu la yang gnyis pa med la/ sems bskyed pa nas kyi sngon gyi gnas skabs su lam shes pa la sogs pa'i srid pa med pas gang brgyad po 'di rnams rgyu dang 'bras bu'i rim pa bsgrub par 'gyur ba ni min pa nyid do//ji lta zhe na/ brjod pa rnam pa thams cad mkhyen pa nyid ni rnam pa gnyis te/ gtso bo ni 'bras bu'i gnas skabs kyi sangs rgyas kyi rtogs pa kho na'o/ /gtso bo ma yin pa ni rgyu'i gnas skabs su de nyid lam shes pas gang zag dang chos bdag med par so sor rtogs pa ste byang chub sems dpa' de rnams kyis kyang sngon gyi gnas skabs su thams cad shes pa nyid kyi gang zag gi stong pa nyid tsam du yongs su shes pa'i phyir thams cad shes pa dang lam shes pa gnyis pa med la/de ldog pa'i sgo nas ni nyan thos rnams kyi ste/de ltar gsum po rnams 'bras bu dang rgyu'i go rims bsgrub par bya zhes pa'o/ /'di rnams kyi yang dang po'i mngon par rtogs pa gsum ni shes rab kyi pha rol tu phyin pa'i rang bzhin la mtshon par shes zhes pas mtshan nyid dang / yul zhes pas yul can gyi mngon par rtogs pa'i rgyu tha ma'i sbyor ba dang bcas pa bzhi ste/de la dang po'i kun mkhyen pa gsum po rnams la thos pa dang bsam pa'i rang bzhin gyi shes pa dag gis shes rab kyi pha rol tu phyin pa'i ngo bo nyid kyis spros pa thams cad rnam par log pa des cig car du mngon par mi mtshon la/ so sor rang gi rnam pa rnams spros pa'i bsam pa'i rang bzhin gyi 'dun pa'i sems bskyed pa la sogs pa'i bsgom pa'i rang bzhin gyis sbyor ba brtsams te/gang du 'phags pa rnam par grol ba'i sdes kun mkhyen pa rnam pa gsum gyi yul gyi rnam pa so sor nges pa rnams sam/ ma lus pa'i rnam pa'i yul can ni rnam pa kun mngon par rdzogs par rtogs pa ste/mtshan nyid can gyi kun mkhyen rnam pa gsum du rnam par gzhag pa'o/ /sbyor ba la ni rnam pa kun mngon par rdzogs pa rtogs pa zhes gsungs so/ /de nyid kyis na sdud 'grel du rnam pa thams cad du kun mkhyen gsum thob pa la dbang du byed pa'i don kun mkhyen pa rnam pa gsum gyi rnam pa rnams ni khyad par gyi lam la bsgom pas rnam pa kun mngon par rdzogs par rtogs par 'gro bar 'gyur zhes pa'i seng ge bzang pos bshad pa ni rig pa ma yin par 'thad pas bshad cing 'chad par yang 'gyur/de'i rab tu son pa'i mthar gyis pa rnams mthar phyin pa'i tha ma la 'bras bu 'byung ngo zhes pa 'di nyid ni rgyu dang 'bras bu'i mthar gyis pa ste/de ltar yang bstan bcos kyi mthar/ mtshan nyid de yi sbyor ba dang / /de rab de yi go rims dang / /de mtha' de yi rnam smin ni/ /gzhan du don bsdus rnam pa drug /yul gyi rgyu ni rnam pa gsum/ /sbyor ba bzhi yi bdag nyid dang / /chos sku phrin las 'bras bu ni/ /gzhan du don bsdus rnam pa gsum/ /zhes so/ /de'i mtshan nyid la rab tu sbyor bas de'i sbyor ba ste/ 'dir phal pa'i rnam pa thams cad mkhyen pa nyid kyi rgyu la phal pa'i rnam pa kun mngon par rdzogs par rtogs pa'i sbyor ba'o//gtso bo ni 'bras bu'i bdag nyid can pas gtso bo ste/ de la rnam pa kun mngon par rdzogs par rtogs pa'i sbyor ba zhes ji ltar brjod ce na/ sbyor ba'i 'bras bu yin pa'i phyir na nye bar btags pa ste/ 'bras bu ni sngon du sbyor ba med na mi skye ba zhes pa so sor bsgrub par 'dod nas 'chad par 'gyur ba'i sems bskyed pa nyi shu rtsa gnyis rnams su yang rnam pa thams cad mkhyen pa nyid dang rnam pa kun mngon par rdzogs par rtogs pa de rnams kyi tha ma'i dngos gzhi'i rjes gnyis kyi ngo bo ni 'bras bu la thabs ni ji srid du nyi shu po'i shes pa ni phal pa'i rnam pa thams cad mkhyen pa nyid dang /phal pa'i rnam pa kun mngon par rdzogs par rtogs pa ste/ de la dang po lnga po ni thams cad shes pa nyid do/ /bco lnga pa dang bcu drug pa dang bcu bdun pa'i dbye ba'i dang po gnyis ni rtse mo'i mngon par rtogs pa'o/ /de'i dbye ba gnyis spangs pa'i bcu bdun pa dang bco brgyad pa dang bcu dgu pa ni mthar gyis pa'i gnas pa'i mngon par rtogs pa'o//nyi shu pa ni skad cig ma gcig gi mngon par rtogs pa'o zhes rnam par bzhag nas 'di rnams kyi rigs pa bshad pa rgya chen po la dgos pa med do/ /gang nges par 'byung zhes pa gsungs pa ni/ byang chub sems dpa' sems dpa' chen po zhes pa ste/byang chub tu sems bskyed pa zhes bya ba'i don te/ de ltar yang bstan bcos su/ sems bskyed pa dang gdams ngag dang / /nges 'byed yan lag rnam bzhi dang / /sgrub pa yi ni rten gyur pa/ /chos kyi dbyings kyi rang bzhin dang / /dmigs pa dag dang ched dang ni//go cha 'jug pa'i bya ba dang / /tshogs dang nges par 'byung bcas rnams/ /thub pa'i rnam kun mkhyen pa nyid/ /ces pa ni thub pa de bzhin gshegs pa de nyid kyis de rnams mtha' dag mngon sum du byas pa'i phyir la/ de nyid le'u 'dis rjod par byed pa ste/de yang sems bskyed pa la sogs pa'i chos spyod bcu ste sgrub pa'i spyod pa zhes pa'i rnam grangs so/ /'dir chos kyi dbyings stong pa nyid la rab tu gnas nas 'dun pa la sogs pa can bskyed nas/ dgu po 'byung ba'i phyir dmigs pa dang ched du bya ba dang go cha bgo ba'o/ /de'i rjes la nges par 'byed pa'i cha dang mthun pa la sogs pa can bskyed nas rab tu gnas pas de yang dag par 'byed cing nges par 'byung zhes pa la sogs pa ni 'dir yang sems bskyed pa la sogs pa gsum ni rtogs pa'i go rims te/de'i rgyu chos kyi dbyings la dmigs pa dang ched du bya ba yid la byed pa ni sems bskyed pa'i yul zhes pa ni 'bras bu dang rgyu'i sgrub pa'i go rims su bsgrubs pa'o//gnyis don gyi go rims so/ /tshig le'ur byas pa ni bcom ldan 'das ma'i brjod pa'i rim pas so/ /yang nyan pa po'i 'dod pa'i khyad par gyis so/ /de bzhin du phyi ma la yang ji ltar rigs par bsgrub par bya'o//'di rnams kyi rting la brjod pa'i mog mog por byed ces pa la sogs pa'i tshig le'ur byas pa bcu gcig ni ji ltar mngon par rtogs pa rnam par bshad par 'gyur te/ 'dir bcom ldan 'das ma'i dang po'i tshig gnyis pa'i tshig 'di gnyis kyis ni sems bskyed par bshad do/ / byang chub ni yang dag par rdzogs pa'i byang chub rab kyi mthar son pa la de la sems pa ni mngon par sems shing 'dod pa rnams te byang chub sems dpa'o zhes bya ba la sems can thams cad kyi mchog nyid du byed pa 'dod pa la gang mngon par sems pa de ni chen pos na des na 'di rnams chen po nyid do zhes pa ni sems dpa' chen po ste/de ltar yang bshad pa/ sems bskyed pa ni gzhan don phyir/ /yang dag rdzogs pa'i byang chub 'dod/ /de dang de ni mdo bzhin du/ /bsdus dang rgyas pa'i sgo nas brjod/ /ces pa ste/ sems bskyed pa ni mtshon cha la lhag ma ni mtshan nyid de/ sems ni 'dir yid kyi rnam par shes pa ste/des dkar po'i chos thams cad la dmigs pa 'byung ba ste/ 'dir sems dang yid la 'dod pa dang 'dun pa dang mos pa dang don du gnyer ba zhes pa rnams ni rnam grangs so/ /de ltar yang 'gro bar 'dod nas brjod pa bdag gi sems 'gro bar 'dod/ bdag gi yid 'gro bar 'dod ces pa ste/de bskyed pa ni sems bskyed pa ste/ gzhan sems can de dag thams cad kyi don dang phan pa nas ji srid du shin tu mthar thug pa'i mya ngan las 'das pa'i bla na med pa'i byang chub ces pa'i bar du ste/ des de'i don du ched du gnyer ba ni yang dag par rdzogs pa'i byang chub 'dod cing mos pa gang gis de ltar de'i ngo bo nyid de rnams 'dod ces pa'i don to//sems bskyed pa ni ma 'khrul pa ste/ bskyed ces smos pa ni ma skyes pa shes par byed pa ste/ sems kyis rtogs pa'i chos kyi so sor dang po'i mtshams su gyur pa shes pa'i don dang khyad par yongs su 'dzin pa'i don te/gzhan gyi don gyi ched du bya ba dang yang dag par rdzogs pa'i byang chub la dmigs pa'i sems bskyed pa'i sems kyi khyad par stong pa dang snying rje dbyer med pa byang chub kyi sems te 'dir 'di ni mtshan nyid do/ /'o na don du gnyer ba'i rnam par rtog pa dang lhan cig rgyu ba'i sems ni bcom ldan 'das la ji ltar 'gyur zhe na/bden te don du gnyer bar bya ba dang / don du gnyer bar byed pa can nyid ni byed pa po'i chos gang sngon du so sor sems kyis ji ltar rig par don du gnyer ba nyid dang 'dod pa nyid kyi las dang chos ni mchog gi sras la 'dir bcom ldan 'das la ni don du gnyer ba'i sems kyi rnam par rtog pa med pa nyid de/de yang ji ltar sdug bsngal dang bral bar 'dod pa'i thugs rje chen po ni rnam par mi rtog pa'i bdag nyid can te/ snga nas de bzhin gshegs pa la rnam par rtog pa med pas de ltar yang dag par rdzogs pa'i byang chub 'dod ces pa ni kha na ma tho ba med pa'o/ / yang dag par rdzogs pa'i byang chub dang gzhan gyi don de ni shes rab kyi pha rol tu phyin pa'i mdo 'di la yang sems bskyed pa'i mtshan nyid 'ba' zhig las ma gsungs pa ma yin te/ ji ltar na rang dang gzhan gyi don dag gis thabs kyang ngo / /de la rang gi don ni yang dag par rdzogs pa'i byang chub la gzhan gyi don ni sems can gyi don te/de dag gi thabs ni shes rab kyi pha rol tu phyin pa'i rnal 'byor te/ de med na de dag mi 'grub la de'i de nyid bsdus pa dang rgyas pa yang dag par rdzogs pa'i byang chub de ltar bshad la/ gzhan gyi don ni bsdus pa dang rgyas pas so/ /de la sems bskyed pa 'di'i ngo bo bcom ldan 'das ma las gsungs pa de srid kyi gnas skabs thob pas na rab tu dbye ba ni ma gsungs te/gnas skabs tha dad pa ni thob par bya ba'i phyir ro/ /de yang stong phrag nyi shu lnga pa dang stong phrag brgyad pa'i bcom ldan 'das ma yum chen mo las ni gsungs so/ /de yang bstan bcos las/de yang sa gser zla ba me/ /gter dang rin chen 'byung gnas mtsho/ /rdo rje ri sman bshes gnyen dang / /yid bzhin nor bu nyi ma glu/ /rgyal po mdzod dang lam po che/ /bzhon pa bkod ma'i chu dang ni/ /sgra brnyan chu bo sprin rnams kyis/ /rnam pa nyi shu rtsa gnyis so/ / zhes te chu bo zhes bya ba ni chu klung gi rgyun te/ de la sems bskyed pa gsum pa'i mtha' la mnyam zhes pas nang du bsdu bar bya'o/ /dang po'i 'dun pa dang lhan cig pa'i ched du bya ba'i byang chub don du gnyer ba'i mtshan nyid ni sa dang 'dra ste/ sangs rgyas kyi chos thams cad kyi tshogs skyed pa'i rten du gyur pa'i phyir ro//bsam pa dang lhan cig par gyur pa ni gser bzang po lta bu ste/ de phyis gang du yang 'gyur ba med pa'i phyir ro/ /bsam pa las khyad par rtogs pa'i lhag pa'i bsam pa de dang lhan cig par gyur pa dang / sbyor ba dang lhan cig tu son pa ni dkar po'i phyogs kyi zla ba tshes pa lta bu ste/des dge ba rnams bskyed cing 'phel ba thob pa'i phyir ro/ /sbyor ba dang lhan cig par gyur pa'i lhag pa'i bsam pa dang / lhan cig par gyur pa ni me dang 'dra ste/ des de'i khyad par du 'gro ba ste/ bud shing gi khyad par las me bzhin no/ /sbyin pa'i pha rol tu phyin pa dang lhan cig par gyur pa ni gter chen po lta bu ste/chos dang zang zing gi longs spyod rnams kyis tshad med pa'i sems can rnams tshim pas mi zad pa'i phyir ro/ /tshul khrims kyi pha rol tu phyin pa dang / lhan cig tu gyur pa ni rin po che'i 'byung gnas lta bu ste/ yon tan rin po che rnams thams cad des 'phel bar byed cing rin po che'i 'byung gnas su skyes pa'i phyir ro//bzod pa'i pha rol tu phyin pa dang lhan cig par gyur pa ni rgya mtsho dang 'dra ste/ mi 'dod pa thams cad thog tu bab kyang mi 'khrug pa'i phyir ro/ /brtson 'grus kyi pha rol tu phyin pa dang lhan cig par gyur pa ni rdo rje lta bu ste/ bstan pa'i phyir dang 'jigs pa med pa'i phyir ro//bsam gtan gyi pha rol tu phyin pa dang lhan cig par gyur pa ni ri lta bu ste/ mi bskyod pa dang mi g.yeng ba'i phyir ro/ /shes rab kyi pha rol tu phyin pa dang lhan cig par gyur pa ni sman gyi rgyal po lta bu ste/ sgrib pa'i nad thams cad zhi bar byed pa'i phyir ro//thabs kyi pha rol tu phyin pa dang lhan cig tu gyur pa dang tshad med pa dang lhan cig tu gyur pa ni bshes gnyen chen po lta bu ste/ gnas skabs thams cad du sems can gyi don mi gtong ba'i phyir ro/ /smon lam gyi pha rol tu phyin pa dang lhan cig pa dang mngon par shes pa dang lhan cig pa ni yid bzhin gyi nor bu dang 'dra ste/mos pa ji lta ba de'i 'bras bu spel ba'i phyir ro/ /stobs kyi pha rol tu phyin pa dang lhan cig par gyur pa dang sbyin pa dang / ngag snyan pa dang / don spyod pa dang / don mthun pa'i mtshan nyid kyis bsdu ba'i dngos po dang lhan cig par gyur pa ni nyi ma dang 'dra ste/gdul bar bya ba'i lo tog smin par byed pa'i phyir ro/ /de la sbyin pa ni nang phyi rol gyi yo byad sbyin pa'o/ /snyan par smra ba ni 'jig rten dang 'jig rten las 'das pa'i chos kyi sbyin pa'o/ /don spyod pa ni chos las yang dag par len du 'jug par byed pa'o/ /don mthun pa ni gang gzhan la yang dag par len du bcug pa de la bdag nyid rjes su 'jug par byed ces pa ni sems can gyi bsdu ba'i dngos po'i thabs rnams so//ye shes kyi pha rol tu phyin pa dang lhan cig pa ni dri za'i dbyangs 'jam zhing snyan pa dang 'dra ste/ gdul bya 'dun pa'i chos ston pa'i phyir ro/ / mngon par shes pa dang lhan cig par gyur pa ni rgyal po lta bu ste/ bar ma chad par mthus gzhan gyi don la rjes su gnas pa la rnam par 'jug pa'i rgyu'i phyir ro/ /rgyal po'i lcags kyus ni skye dgu lam log pa nas mi ltung ngo / /de bzhin du byang chub sems dpa'i so sor rton pa'i lcags kyu'i ste/de la don la rton gyi yi ge la ma yin te/ legs par sbyar ba la sogs pa can lam yin no/ /chos kyi rigs pa las sor rton gyi gang gis gang de ltar brjod pa'i chos thams cad stong pa ma yin zhes pa lam yin/ bsgoms pa las byung ba'i shes rab kyi ye shes la rton gyi rnam par shes pas thos pa dang bsams pa'i shes rab lam yin pa dang /nges pa'i don gyi mdo sde la rton gyi/ drang ba'i don gyi mdo sde lam yin zhes pa ni rton pa rnam pa bzhi'o/ /nges pa'i don ni gang du bcom ldan 'das rnams kyis gtan la phab pa'i chos thams cad stong pa nyid kyi mtshan nyid don gang de nyid de ltar ro//bsod nams dang ye shes kyi tshogs dang lhan cig pa ni bang mdzod lta bu ste/ bsod nams dang ye shes kyi tshogs mang po'i gnas kyi mdzod yin pa'i phyir ro/ /byang chub kyi phyogs kyi chos sum cu rtsa bdun dang / lhan cig pa ni rgyal po'i lam po che lta bu ste/'phags pa'i gang zag thams cad gshegs shing rjes su gshegs pa'i phyir ro/ /zhi gnas su gyur pa dang snying rje dang lhag mthong dang lhan cig pa ni bzhon pa dang 'dra ste/ 'khor ba dang mya ngan las 'das pa gzhan du mi ltung bas bde bar 'gro ba'i phyir ro/ /gzungs dang spobs pa dang lhan cig par gyur pa ni bkod ma lta bu ste/chu 'dzin pa dang mi zad pa dang 'byung ba dang chos mthun pa ste/ thos pa dang ma thos pa'i chos kyi don 'dzin pa dang mi zad pa bstan pa 'byung ba'i phyir ro/ /'dus byas thams cad mi rtag pa dang / zag pa dang bcas pa thams cad sdug bsngal ba dang /chos thams cad bdag med pa dang / mya ngan las 'das pa zhi ba zhes bya ba'i chos ched du byed pa de dang / lhan cig pa ni sgra snyan pa lta bu ste/ thar pa 'dod pa rnams kyis snyan pa thos pa'i phyir ro/ /chos la skye ba med pa can gyi bzod pa thob pa can gyi bde bas byang chub sems dpa' rnams kyi 'bras bu'i bya ba tha mi dad pa'i phyir bgrod pa gcig pa'i lam de dang lhan cig gyur pa ni/chu klung gi rgyun lta bu ste/ ngang gis 'bab pa'i phyir ro/ /dga' ldan gyi gnas la sogs pa ni gnas pa kun tu bstan pa'i thabs la mkhas pa de dang lhan cig tu gyur pa'i chos kyi sku dang lhan cig tu gyur pa ni sprin lta bu ste/sems can thams cad kyi don gyi bya ba rnams la des 'jug ste sprin bzhin du snod kyi 'jig rten gyi phun sum tshogs pa'o/ /sems bskyed pa nyi shu rtsa gnyis po 'di ni blo gros mi zad pa'i mdor te/ tshad med pa dang dngos po dang yang dag par rig pa dang mi rton pa dang ched du brjod pa lnga la bzhi bzhi ste gnyis pa tshogs dang zhi gnas dang gzungs kyis zil gyis gnon pa gsum la gnyis gnyis dang mngon par shes pa lnga rnams dang /byang chub kyi phyogs dang / dang po'i sems bskyed pa bcu dang bgrod pa gcig pa'i lam dang lhan cig tu gyur pa'i thabs la mkhas pa las byung ba zhes pa'i brgyad cu mi zad par bshad do//'dir sbyor ba dang lhan cig pa'i bsam pa dag bzlog nas bstan pa ni gnyi ga la gnyis char du srid pa'i phyir ro/ /de nyid kyis 'phags pa thogs med kyis smon pa phan tshun gyi brgyud pa la sbyor ba bshad pas sems bskyed pa bco lnga pa la 'bring gi bcom ldan 'das mar mngon par shes par bsgrub pa ni gang du yang 'gal ba med do//de la dang po'i sems bskyed pa gsum ni thos pa dang bsam pa'i rang bzhin gyi shes rab dag mthar phyin pa'i gnas skabs kyi thar pa'i cha dang mthun pa'i dge ba'i rtsa ba ste/ las dang po pa'i sa'i tshogs kyi lam gyi tshogs kyis te/chos kyi rgyun las sangs rgyas las gdams ngag thob par 'gyur zhes pas go rims ji lta ba bzhin chung ngu dang 'bring dang chen po dang / chen po la chen po dang 'bring dang chung ngu'i gang zag gi yul rnams te dran pa nye bar gzhag pa dang yang dag par spang ba dang /rdzu 'phrul gyi rkang pa dang lhan cig pa'i go cha'i bsgrub pa ni smon pa'i sems la de'i gong gi bcu dgu ni 'jug pa'i sems so/ /sems bskyed pa bzhi pa ni mos pas spyod pa'i sa ste rab tu dga' ba'i sa la sbyor ba'i lam 'jig rten pa'i bsgom pa'i rang bzhin zag pa dang bcas pa'i bsgom pa'i lam nges par 'byed pa'i cha dang mthun pa'i dge ba'i rtsa ba'i dbang po dang stobs dang lhan cig pa ni/'jug pa'i bsgrub pa'o/ /mdo dkon mchog sprin du sa 'di rnams su byang chub sems dpa' so so'i skye bo yin yang byis pa'i phun sum tshogs pa dang bral ba thams cad las 'das shing / grangs med pa'i ting nge 'dzin dang gzungs dang rnam par thar pa dang mngon par shes pa dang ldan zhes gsungs so//lnga pa ni 'jig rten las 'das pa'i sems bskyed pa dang po ste/ de la lnga pa rab tu dga' ba'i sa mthong ba'i lam gyi byang chub kyi lam gyi yan lag dang lhan cig pa'o//drug pa ni 'jig rten las 'das pa'i bsgom pa'i lam gyi sems bskyed pa bco lnga pa'i dang po ste 'phags pa'i lam gyi yan lag dang lhan cig pa'o/ /'di'i dang po'i dgu ni dri ma med pa la sogs pa'i sa dgu pa'o/ /gzhan drug ni chos kyi sprin gyi sa'i gnas skabs kyi khyad par gyi lam la'o//'di'i tha ma bar chad med lam sangs rgyas kyi sa la gcig go/ /rgyu 'dis na sangs rgyas kyi sas bsdus zhes pa'i seng ge bzang po'i 'dod pas nye bar brtags pa dgos pa med pas mi rigs so/ /sems bskyed pa nyi shu rtsa gcig pa dang rtsa gnyis pa ni dngos gzhi dang rjes kyis sangs rgyas kyi sa zhes pa ste de ni sems bskyed pa rab tu dbye ba'o//shA ri'i bu ni ma'i ming la shA ri ni rigs yin pas sha ra dwa ti ste/ de'i bu ni shA ri'i bu ste/ sha ra dwa ti'i bu zhes pa ni ming ngo / /'dis 'chad par 'gyur ba 'di rnams la rnam par rtog pa'o/ /bdag nyid ces pa ni rang gi rgyud du gyur pa'o//rang gi zhes pa ni rang dbang gis so/ /shes rab dang spobs pa de dag gi stobs skyed pa po ni nus pa'i bag chags so/ /de'i bskyed pa ni mngon du skyes pas so/ /de'i byin gyis brlabs pa ni phyis sad pas so/ /sangs rgyas kyi byin gyis brlabs pa ni mthu dang nus pas so//'on te sangs rgyas kyi mthu zhes pa ni nyan thos rnams ni mnyam par ma bzhag na gzhan gyi sems shes pa la mi 'jug pas so/ /sems pa dang sems ni rnam grangs te mngon par shes pa'i tshig go/ /sems kyi yongs su rtog pa ni de nyid na gnas pas na mi gsal ba ste/ yongs su tshol ba po'i yid kyi brjod pa'o/ /bcom ldan 'das kyis gsungs pa ni 'khor la mdo sde la sogs pa rnams so/ /ston pa ni de nyid gzhan la'o/ /'chad pa ni dri ba la sogs pa la'o/ /nye bar bstan pa ni phyogs nas nye bar song zhing gdul bya rnams la gsungs pa'o/ /de bzhin du gang bcom ldan 'das kyis de lta bu'i dngos po ston pa dang bshad pa dang 'khor la rab tu ston par byed pa de nyid gzhan rnams kyis yang dag par rab tu ston par byed pa ste/khor yug tu son nas rang gis rab tu ston par byed pa'i gsungs pa la sogs pa de thams cad skyes bu'i byed pa ste/ de'i byin gyi rlabs kyis rab tu phye ba'i phyir na nyan thos la sogs pa rnams kyi rang dbang gis ni ma yin no/ /'dir rgyu des na zhes pa kun tu bshad par 'dod nas rang gis dris pa ni de ci'i phyir zhes pa ste/ gang gi phyir de'i rgyu gsungs pa ni chos gang zhes te/ nyan thos kyi theg pa dang theg pa chen po la slob par byed pas thos pa dang bsam pa dang bsgom pa rnams kyis te de la ji ltar thos pa rnams mngon sum du byed pa ni nyan thos kyi theg pa can rnams so//'dzin par byed pa ni theg pa chen po pa ste/ chos des ji ltar thos pa'i thos pa dang bsam pa dag gis brtan par gyur pas dran pa'i sa bon 'jog pa'i phyir ro//rgyu mthun pa ni 'dra ba ste mthun pa'o/ /'dis ni de bzhin gshegs pa nyid kyi skyes bu'i byed pa gsungs pa'o/ /de ltar thos pa nyid kyi chos des rang gi ston pa des na'o/ /'gal bar mi byed ces pa ni nyan thos rnams bdag nyid chen por gsungs so/ /'di ltar shA ri'i bus rnam par rtog pa nyid ni rab 'byor gyis 'dir bstan pas ston pa ma yin zhes kha cig dag gi dogs pa de bzlog pa ste/'dir gang bcom ldan 'das ni thams cad nas thams cad du chos thams cad don dam par mthong ba'i mchog tu tshad mar gyur pas rang gis sam nyan thos la sogs pa'i zhal nas ston pa thams cad de nyid las gzhan du med ces gsungs so//gdams ngag bstan pa 'dod nas nye bar 'jug pa ni de nas zhes pa la sogs pa ste/ /de la de ni phyogs bstan pa'o/ /tshig bla dgas ni ming ste/ chos kyi dngos po ni gang du ji ltar med la/ bdag gi dngos po ni kun rdzob tu yang med ces bya bar dgongs so//chos ni phung po lnga la sogs pa can la/ yang dag par rjes su ma mthong ba ni don dam par ngo bo nyid med pa'i phyir ro/ /byang chub sems dpa' ma dmigs pa ni gang zag la bdag med pa'i shes pa la phung po la sogs pa mi dmigs pa ni chos la bdag med pa'i shes pa ste/de gnyi ga shes rab kyi pha rol tu phyin pa la de yang don dam par ngo bo nyid kyis stong zhes pa ni mi dmigs pa'o/ /'di lta bu'i shes rab kyi pha rol tu phyin pa kha cig tu gcig pu zhig tu dben par song nas lung gi don la nges par rtogs pa las skye bar 'gyur ba de ni thos pa las byung ba'o//de ltar yang the tshom gang du yang med pas rjes su dpag pa la sogs pa stobs kyis skye bar 'gyur ba'i rigs pa de ni bsams pa las byung ba'o/ /de dag gis the tshom drungs phyung nas dang du len par byed pa'i ting nge 'dzin thob nas sgom pa ni bsgoms pa las byung ba'o//de la dang po gnyis bstan par 'dod nas gsungs pa ni bdag gi zhes pa la sogs pa ste/ byang chub sems dpa'i chos ni nang gi bdag nyid can gyi phung po lnga la sogs pa'o/ /ma 'tshal ba ni thob pa med pa ste tshad mas gnod pa'i phyir ro/ /de nyid la gnod pa bstan par 'dod nas gsungs pa ni ma dmigs zhes pa ste/lung las skyes pa'i mi dmigs pas gnod par byed pa yang dag par rjes su ma mthong ba'o/ /rjes su dpag pa la sogs pas gnod par byed pa 'dis rjes su ma dmigs zhes pa ni thos pa las byung ba'i shes rab gsungs pa'o/ / yang dag par rjes su ma mthong zhes pa'i rigs pa ni bsam pa'i rang bzhin can no/ /rigs pa brjod de gang zhig ni ci yang med pa'o/ /gang 'dir zhes pa ni don dam par gang du yang med pa'o/ /kun rdzob tu ni rtog par byed pa la 'doms pas gdams ngag la rjes su 'jug par bstan pa ni rjes su bstan pa'o zhes bya bar dgongs pa'o//rdzogs pa'i zhi gnas la rab tu 'jug par byed pa gang de dang lhan cig tu dpyod pa can gyi shes rab de ni lta ba dang rig pa dang blo dang snang ba dang lhag mthong la/ de gnyi ga zung du 'brel ba can ni bsgom pa'i rang bzhin can gyi shes rab ste/ de bstan par 'dod nas gsungs pa ni 'on kyang zhes pa dang gal te zhes pa ni don dam par 'jug pa na gal te'o//'di ltar zhes pa dang / de bdag gis zhes pa la sogs pas te smra bar byed pa la zhes pa la sogs pa ni da lta ba la nye ba'i phyir ni gsung bar byed pa don gsungs zhes pa la sogs par shes par bya'o//'di'i rgyas par bshad pa ni bstan par byed pa ni thos pa'i rang bzhin gyi shes rab kyi mtshan nyid kyis so/ /nye bar bstan par byed ces pa ni bsam pa'i rang bzhin gyi shes rab kyi mtshan nyid kyis mngon sum du dpyod par 'gyur ro zhes pa lhag ma'o/ /'dir thar pa 'dod pa rnams ting nge 'dzin gyi yon tan rnams la mngon par yid ches pa'i mtshan nyid la dad pa de las 'dod pa skye bar 'gyur la/de'i stobs las brtson 'grus de'i stobs las lus dang sems sbyangs pa nyid do/ /des le lo rnam par mi 'jug nas dran pas yang dag par dmigs pa la nye bar gnas par 'gyur ro//des shes bzhin la des dga' ba'i dngos po sangs rgyas la sogs pa'i yon tan yid la byas nas des de nyid ji ltar thos pa dang bsam pa'i don de nyid la ting nge 'dzin la dmigs pa'i sems la brnyas pa med nas zhugs par mi 'gyur te/ de nyid kyis nges par bcings pa'i phyir ro//kun tu mi zhum pa mi 'gyur ba ni rgyun tu 'jug pas kyang zhum par 'ong bar mi 'gyur te/ gzhan du 'gro ba bkag pa'i phyir ro/ /rang bzhin gyis g.yo ba'i phyir rgod nas gzhan du 'gro ba yang myur du shes par byas la yang bsdus na yang mi rgod pa'o/ /kun tu mi zhum pa ni bstan par 'gyur ba'i sems kyi rang bzhin rigs pa'i phyir na/gzhan du rnam par 'phro ba'i gong nas gong du zhib mor byed pa la dub pa med pa'i phyir ro/ /phyir phyogs par mi 'gyur te/ ting nge 'dzin byed pa la yang btang snyoms su gnas pa'i phyir ro/ /ji ltar na de nyid la sems dga' bar byed ce na/ting nge 'dzin rnams kyi yon tan mthong ba'i phyir ro/ /bcom zhing phyir phyogs par mi 'gyur ba ni de la dga' ba dang bde bas rnam par g.yeng bar byed pa can du mi byed pa ste/ rnam par g.yeng ba'i skyon mthong ba'i phyir te/ skyon ni 'khor ba'i sdug bsngal rnams so/ / mi dngang ba ni brnab sems dang yid mi bde ba la sogs pa ldang bas mi skrag ste/ ji lta zhe na/ de nyid bcom ste/ rnam par g.yeng ba'i skyon mthong ba'i phyir ro/ /kun tu mi skrag ste/ sems rang bzhin gyis skyon med par rang gi ngang gis 'jug pa'i don du 'du byed la 'bad pa des skrag par mi byed ces pa'i don to//kun tu skrag par mi 'gyur ba ni lhun gyis grub par ngang gis 'jug pa nyid kyis sems la skrag pa kun tu 'byung bar mi 'gyur te/ lhun gyis grub pa de nyid ngang gis 'jug pa 'dzin par 'gyur zhes pa'i don to/ /gzhan yang lhun gyis ma grub pa ni sems rnam par g.yeng bar 'gyur ba'i phyir ro//de ltar yang mdo sde rgyan las/ dmigs pas sems ni nges bcings la/ /de rgyun rnam par g.yeng mi bya/ /rnam g.yengs myur du rtogs byas la/ /de yis so sor yang bsdu bya/ /so sor dag la kun bsdus sems//gong nas gong du blo ldan gyis/ /ting 'dzin yon tan mthong gyur pa/ /de yis sems ni dga' byas la/ /rnam g.yengs skyon ni mthong 'gyur ba/ /de yis dga' yin zhi bar bya/ /brnab sems yid mi bde la sogs/ /langs pa de bzhin zhi bar bya/ /de yis mngon par 'du byas pa'i//sems kyi ngang du gyur pa nyid/ /de la goms pa'i rnal 'byor pas/ /des ni mngon 'dus ma byas thob/ /ces te/ de bzhin du zhi gnas rdzogs par gyur pa'o/ /'di nyid zhes pa ni ji skad du bshad pa'i ting nge 'dzin mthar thug pa'i kun rdzob dang don dam pa'i rnam par dbye ba shes pa'o//'di nyid ces pa ni de'i ting nge 'dzin dang yang dag par rab tu ldan pa'i shes rab bo/ /'di nyid gdams pa ste/ gang dag zhi gnas dang shes rab dag phan tshun yang dag par sbyor ba'i yon tan gyis so/ /sems ni chos thams cad ngo bo nyid med pa'i de kho na nyid la de las phyir phyogs pa thams cad ni rnam par g.yengs pa'i zhes brjod la/de kho na nyid gcig tu mthar thug pa ni kun rdzob tu skad cig gis 'jig pa can yin yang mnyam par gzhag pa'o/ /de nyid kyis na zhi gnas dang lhag mthong dag ni 'gal ba med do/ /de kho na nyid ma yin pa la dmigs pa las ldog pa'i bdag nyid can gyis sems rtse gcig pa nyid dang yang dag pa'i shes pa dag phan tshun rjes su sbyar nas bskyed pas rab kyi mthar thug pa na ro gcig par 'gyur ro//de ltar 'dir zhi gnas dang shes rab kyi rang bzhin gyi kun rdzob dang don dam pa ro gcig pa'i ting nge 'dzin la gnas pa ni 'dir mnyam par mi 'gyur te/'di nyid 'di'i gdams pa dang rjes su bstan pa'o/ /gdams pa'i rgyun ni rjes su bstan pa'o/ /de ltar dang po'i byang chub kyi sems dang des bsdus pa'i chos kyi ngo bo shes rab kyi pha rol tu phyin pa la kun rdzob dang don dam pa'i bden pa las mi 'da' zhing dmigs pa med pa'i spyod pas so sor sgrub pa'i gdams ngag ni sgrub pa la gdams pa ste/'dir ni bsdus pa'i don no/ /sgrub pa la snying por byed pa la ni bla na med pa yang dag par rdzogs pa'i byang chub rnyed par mi dka' la/ sgrub pa de yang mdor bsdu na byang chub kyi sems bsgom pa dang sbyin pa la sogs pa'i thabs la rjes su gnas pa'o//de la byang chub kyi sems ni stong pa nyid dang snying rje'i rang bzhin te/ de la phung po lnga po rnams la ji srid du dngos po dang dngos po med pa'i rnam par rtog pa de thams cad ni phyin ci log gi spros pa la/ spros pa med pa ni chos kyi dbyings stong pa nyid do//stong pa nyid du brjod pa ni sgro btags pa thams cad las ldog pa rab tu bsgrubs pas gdul bya'i rgyud la de kho na nyid kyi ngo bo mngon par gsal bar byed par 'gyur zhes pas na 'dir brjod par bya ba la nye bar btags nas stong pa nyid la sogs pa'i sgra brjod de/sgro btags pa ma lus pa dang bral ba'i ngo bo de kho na nyid la dmigs pa'i phyir ro/ /ji skad du bcom ldan 'das ma bdun brgya pa las gsungs pa/ bcom ldan 'das gang du yang rab tu mi gnas pa nyid shes rab kyi pha rol tu phyin pa bsgom pa ste/ chos gang la yang gnas pa nye bar dmigs pa dang mi gnas pa yang ma yin no//chos gang la yang mi sems zhing mi shes gang kho nar sems pa med pa de nyid mya ngan las 'das pa ma skyes pa shes rab kyi pha rol tu phyin pa chos kyi dbyings kun tu spyod pa med pa'i dbyings zhes pa dang gnyis su byar med pa gang kho na'i ye shes des sangs rgyas kyi ye shes te/dmigs pa med pa'i rnal 'byor gyis so zhes pa dang yang de nyid las bcom ldan 'das shes rab kyi pha rol tu phyin pa bsgoms pa ni/ chos gang yang nye bar dmigs pas so sor gnas pa med do/ /chos gang 'jig pa'am skye ba med do/ /bcom ldan 'das ma skyes pa la nyams pa'am 'phel ba med ces gsungs la/chos thams cad rjes su mi dmigs pa'i mdo las kyang / gang las so sor rtogs nas chos gang yang gcig pa nyid dang du ma nyid du byed pa med de rnam par 'gyur ba med cing bcom ldan 'das rnam par rtog pa med pa'i yang dag pa so sor rig ces pa dang /'phags pa klu sgrub kyis kyang / chos kun gnas med zhi ba yi/ /don 'di rtag tu bsgom par bya/ /gnas med pa dang sgyu 'dra ste/ /stong nyid srid pa 'jig byed pa/ /skye med ces dang stong pa zhes/ /dmigs med ces dang stong nyid la//bdag nyid dman pas gang bsgoms pa/ /des ni 'di la bsgom pa min/ /dge dang mi dge rnam rtog rnams/ /rgyun chad pa yi mtshan nyid can/ /sangs rgyas rnams kyis stong nyid gsungs/ /gzhan du stong nyid 'dod pa min/ /dmigs pa med par 'gyur ba'i sems//nam mkha'i mtshan nyid can du gnas/ /gang dag stong pa nyid bsgom pa/ /de ni nam mkha' bsgom par 'dod/ /ces gsungs pa ste/ snying rje chen po dang chos thams cad ngo bo nyid med pa'i dmigs pa med pas skyed par byed pa'i phyir dmigs pa med pa'i zhes pa'i stong pa nyid snying rje dag de'i bdag nyid kho nas bsgom pa'o//stong pa nyid dang snying rje'i tha snyad kyi dbye ba ni ldog pas byas pa ste/ de la rim pa ni 'di'o/ /phung po lnga po rnams la dngos po dang dngos po med pa la sogs pa'i yid la byed pa mtha' dag bzlog nas thams cad la yid bsdus nas cung zad kyang /sems par mi bya ste/ de nyid kyis gang zhig rnam par mi rtog pa'i bcom ldan 'das ma shes rab kyi pha rol tu phyin pa bskyed par gyur nas/ de'i mthong ba med pa'i sbyor bas mngon sum du so sor rtogs nas de'i sems can gyis kyang rtogs par bya zhes rnam par sems shing de'i bdag nyid can du de ltar 'gro ba mtha' dag dmigs par byas nas dmigs pa med pa'i ngo bo'i snying rje chen po skye bar gyur nas des shes rab dang snying rje dag dbyer med pa'i ngo bo gnyis su med cing gcig tu 'dres par gyur par mthong ngo //de'i gnas dang shes rab dag gis bdag nyid kyis chos thams cad ngo bo nyid med pa nyid du rtogs pa'i mtshan nyid kyis shes rab kyi pha rol tu phyin pa dang snying rje chen po dbyer med pa'i phyir kun rdzob dang don dam pa gnyis gcig pa nyid kyis zung du 'brel pa'i lam gyi byang chub kyi sems bskyed pa'i ngo bo mchog tu rnam par mi rtog pa'i rnal 'byor bsod nams dang ye shes thams cad kyi rang bzhin gyi mngon par rtogs pa brgyad po rnams kyis ji ltar rigs par mi mthun pa'i phyogs ldog pa ni 'chad par 'gyur ba'i rnam pa kun ji ltar rigs par mnyam par gzhag pa'i gnas skabs su ro gcig pa nyid ni sems bskyed pa nyi shu rtsa gnyis kyi skabs su mgon pos rnam par gzhag par byas so//de las langs nas mnyam par ma bzhag pa'i gnas skabs su sbyin pa la sogs pa'i thabs bsten pa'i dus su yang mos pa de nyid bsgom par bya zhes pa nyid ni zung du 'brel pas bgrod pa'i lam la 'di nyid sgrub pa la gdams pas te/bcom ldan 'das ma 'dir tshogs shing bsdus nas gsungs la 'di las gzhan pa'i gdams ngag rnams ni zhad tsam du gsungs pa yin la/ yum chen mo la ni bcu char yang rgyas par gsungs te/ 'dir bstan bcos las/ sgrub dang bden pa rnams dang ni/ / sangs rgyas la sogs dkon mchog gsum/ /ma zhen yongs su mi ngal dang / /lam ni yongs su 'dzin pa dang / /spyan lnga dang ni mngon shes kyi/ /yon tan drug dang mthong lam dang / /sgom zhes bya la gdams ngag ni/ /bcu yi bdag nyid shes par bya/ /zhes so/ /de la gzugs la sogs pa rnams dang de stong pa nyid ni gang du cung zad ldan pa'am mi ldan par yang dag par rjes su mi mthong ste/de rnams kyang de'i ngo bo nyid kyis na tha dad pa dang tha mi dad pa dag tu mi sbyor bas shes rab kyi pha rol tu phyin pa la sbyor bar rig par bya zhes pa ni sdug bsngal gyi bden pa la gdams pa'o/ / gzugs la sogs pa can la skye ba dang 'gag pa dang kun nas nyon mongs pa dang rnam par byang ba'i chos can du yang dag par rjes su mi mthong la gzugs nas ji srid du rnam par shes pa'i bar nyid stong pa la stong pa nyid kyang rnam par shes pa'o zhes dbyer med pa'i sgro 'dogs dang skur pa'i mtha' yongs su spangs pa ni kun 'byung gi bden pa'o//stong pa nyid ni skye bar mi 'gyur 'gag par mi 'gyur zhes pa nas ji srid du 'phel bar mi 'gyur la de la gzugs la sogs pa med cing kun 'byung ba dang 'gog pa dang lam med pa nas ji srid du sangs rgyas med byang chub med ces pa ni 'gog pa'i bden pa la'o//de shes rab kyi pha rol tu phyin pa la spyod pas pha rol tu phyin pa drug la sogs pa dang bdag nyid ldan pa'am mi ldan par yang dag par rjes su mi mthong zhes pa nas rnam pa thams cad mkhyen pa nyid 'das pa la sogs pa rnams su sbyor bar mi byed de/dus gsum stong pa nyid nye bar gzung ba'i phyir zhes pa ni lam gyi bden pa'i'o/ /pha rol tu phyin pa drug po lam du bshad pa rnams la sangs rgyas nyid ni rnam pa thams cad mkhyen pa nyid do/ /de la phung po dang rnam pa thams cad mkhyen pa nyid du sbyor bar byed pa gang de yang dag par rjes su mi mthong zhes pa nas ji srid du sangs rgyas dang sbyor bar byed pa gang de yang dag par rjes su mi mthong ba ste/de la des gang du de mthong ba med la de bzhin du byang chub med cing des de'i byang chub par bya ba med do/ /de ltar na 'dis sangs rgyas nyid ni rnam pa thams cad mkhyen pa nyid la/ de nyid sangs rgyas dang byang chub nyid de/de nyid byang chub nyid ces pas dmigs par bya ba dang / dmigs pa po mnyam pa nyid du shes pa ni sangs rgyas so zhes pa ni sangs rgyas dkon mchog la gdams pa'o/ /chos kyi ni lam gyi 'bras bu ste/ byang chub dang sangs rgyas dkon mchog ces bshad la/ 'dir chos ni lam gyi bden pa'i stong pa nyid kyi rnal 'byor gyi shes rab kyi pha rol tu phyin pa nyid chos dkon mchog ste/chos thams cad ngo bo nyid med pa'i phyir de la cung zad kyang ji ltar yang spyod pa med pa la gang du yang cung zad shes rab kyi pha rol tu phyin pa la spyod pa yang med ces pas rgyas par ste/de lta bu ni byang chub sems dpa' rnams kyi rnal 'byor dam pa ste/ 'di lta ste/ stong pa nyid kyi rnal 'byor zhes gzhan min par thams cad sbyor zhing zil gyis mnan nas kun tu gnas so zhes pa ni chos dkon mchog la gdams pa'o/ /de la dge 'dun dkon mchog ni phyir mi ldog pa'i byang chub sems dpa'i tshogs so zhes 'phags pa rnam par grol sdes bshad la de ni gang zag nyi shu ste/de dag rnams nyan thos kyi gang zag rnams dang mi 'dra ba ni dge 'dun nyid du yid ches pa'i don du'o/ /'gro ba dang 'ong ba'i dbye ba ni de rnams las byang chub sems dpa' rnams kyi khyad par brjod pa'i don te/de ni bar ma ji lta bzhin no/ /'dir bstan bcos kyis rgyun tu zhugs pa dang lan cig phyir 'ong ba dang dgra bcom pa'i 'bras bu la zhugs pa ni go sla ba nyid las ma bsdus so/ /dbang po rtul dang rnon po dag /dad dang mthong thob rigs nas rigs//bar chad gcig par skyes nas dang / /byed dang byed min 'og min 'gro /'phar gsum srid rtse mthar thug 'gro /gzugs kyi 'dod chags bcom pa dang / /mthong chos zhi lus mngon sum byed/ /bse ru dang ni nyi shu'o/ /zhes te 'chad par 'gyur ba mthong ba'i lam gyi skad cig ma bco lnga la rgyun tu zhugs pa'i 'bras bu la zhugs pa po brgyad pa la rnam pa gnyis la dad pa'i rjes su 'brang ba ni dbang po rtul po nyid de dad pas de'i lam gyi rjes su 'brang ba'i phyir ro//chos kyi rjes su 'brang ba ni chos mthong ba'i shes rab des de lam gyi rjes su 'brang bas dbang po rnon po de nyid de phyir mi ldog pa'i phyir ro//de ltar yang yum bar mar/ dad pa'i rjes su 'brang ba ni gang zhig mi dag las shi 'phos nas mi rnams su skyes nas de phyir mi ldog pa'i byang chub sems dpar gnas par 'gyur ba nyid ni dbang po som nyi can du 'gyur zhes pa la sogs pa dang / chos kyi rjes su 'brang ba ni dga' ldan gyi lha rnams nas shi 'phos nas 'dir skyes nas de'i dbang po rnams kyang rnon por 'gyur ro zhes pa la sogs pa'o//skad cig ma bcu drug pa ni rgyun tu zhugs pa ste/ de nyid kyis bsgom pa'i lam gyis 'dod pa na spyod pa'i nyon mongs pa bye brag rnam pa bzhi po spangs shing rtogs pa'i bye brag rnam pa bzhi dang ldan pa'i sbyang dka' ba'i sa la rnam pa gnyis te/mi'i rigs nas rigs dang lha'i rigs nas rigs so/ /'dod pa na spyod pa'i nyon mongs pa'i bye brag rnam pa lnga pa spangs nas rnam pa lngas mngon du gyur pa'i sa pa ste/ lan cig phyir 'ong ba'i 'bras bu la zhugs pa can gyi dbang po rtul po dad pa dang mthong bas thob pa nyid ni gcig go//'dod pa na kun du spyod pa'i nyon mongs pa rnam pa drug spangs shing rnam pa drug gis ring du song ba la lan cig phyir 'ong ba ste/ 'jig rten 'dir lan cig phyir 'ongs nas gzhan du mya ngan las 'das pa'i phyir ro//de nyid la skye ba gcig gis lhag ma dang bcas pa'i phyir 'dir skye ba gcig gis bar chod ces pas na bar chad gcig pa can te/ bar chod pa'i mthar sangs rgyas nyid du'o/ /'dod pa na kun tu spyod pa'i nyon mongs pa rnam pa bdun pa nas bye brag bdun gyi la/ 'dod pa na spyod pa'i nyon mongs pa'i bye brag med pa spangs pa ni mi g.yo ba dang legs pa'i blo gros su ni phyir mi 'ong ba'i 'bras bu la zhugs pa can te/snga ma bzhin du dad pa dang mthong bas thob pa'o/ /'dod pa na spyod pa'i bye brag dgu pa spangs pas de chos kyi sprin la phyir mi 'ong ba ste/ de ltar yang theg pa chen po'i chos mngon pa kun las btus pa las bshad pa/bsgom pa'i lam la 'dod pa na kun tu spyod pa'i nyon mongs pa rnam pa dgu pa rnam par spangs pas phyir mi 'ong bar 'gyur ro zhes pa dang / 'phags pa rnam par grol sdes kyang / sems can gyi don gyi nges par 'byung ba'i 'grel par sa bcu pa la ni rnam par rtog pa chung ngu'i chung ngu'i gnyen por lam chen po'i chen pos rnam par bral ba tsam du bshad ces pa'i phyir ro//ji ltar phyir mi 'ong ba zhe na/ ji ltar gang dang gang du skyes pa de dang der skyes pa gnyis par mi 'jug pa'o/ /de yang rnam pa lnga ste/ bar ma dor mya ngan las 'da' ba ni tshangs ris nas 'og min gyi bar du mngon par rdzogs par sangs rgyas nas 'dir mngon par rdzogs par sangs rgyas pa la sogs pa ston par byed pa'o/ /skyes nas mya ngan las 'da' ba na 'og min nas dga' ldan dang de nas 'dzam bu'i gling du 'ongs nas khyim na gnas pa las nges par byung nas de ma thag du byang chub kyi shing drung du skyil mo krung bcas nas gang dang po'i sems bskyed pa des bskyed pa nyid kyis 'chad par 'gyur ba'i mtshan nyid can gyi phung po lhag ma dang bcas pa'i mya ngan las 'da' ba'o//mngon par 'dus byas nas mya ngan las 'da' ba ni 'dir sems can gyi don rnams bcom pa nyid du mngon par 'du byed pa'o//mngon par 'du byed pa med par mya ngan las 'da' ba ni 'di ni rigs kyi khyad par gyis myur bar 'gyur te 'bad pa chung ngu nyid kyis mngon par byang chub pa'o/ /lnga pa gang du 'pho ba ni de nas 'og min dang srid pa'i rtse mo'i mthar thug pa ste/dang po ni tshangs ris nas 'phar ba dang phyed du 'phar ba dang gnas thams cad las 'pho bas 'og min du 'jug pa ste rnam pa gsum mo/ /srid pa'i rtse mo'i mthar thug pa ni rnam pa gnyis te/ gzugs kyi 'dod chags dang bral ba dang mthong ba'i chos la zhi ba mya ngan las 'da' ba ste/skye ba rnam pa thams cad du rgyun mi 'chad par mthong ba la sbyin pa dang tshul khrims la sogs pa'i chos kyis 'di nyid du bla na med pa yang dag par rdzogs pa'i byang chub tu mngon par rdzogs par sangs rgyas par 'gyur ba dang / lus kyis mngon sum byed pa ni mya ngan las 'da' ba dang 'dra ba'i chos la lus kyis mngon sum du byed pa'i phyir na ji ltar 'gog pa'i snyoms par 'jug pas lus kyis mngon sum du byed na sems de med de lus la brten nas de skye ba ste/gang yang yum bar ma las/ de bas bsam gtan dang po la snyoms par zhugs shing de las langs nas 'gog pa la snyoms par 'jug pa'o//de las langs nas bsam gtan gnyis pa la snyoms par 'jug la zhes pa nas ji srid du thabs mkhas pa'i thod rgal gyi snyoms par 'jug pas sangs rgyas kyi zhing sna tshogs pa rnams su bla na med pa yang dag par rdzogs pa'i byang chub tu mngon par rdzogs par sangs rgyas par 'gyur ro zhes gsungs so//gang zhig phyir mi 'ong ba lnga po rnams kyis khyad par gyi lam du nyon mongs pa'i bye brag bdun cu rtsa gnyis po rnams spangs nas gnyen po'i bye brag bdun cu rtsa gcig po rtogs pa rnams ni dgra bcom pa'i 'bras bu la zhugs pa can te/ dad pa dang mthong bas thob pa sbal pa mchong ba'i tshul gyis dad pa dang mthong ba thob pa'i sgra'i rjes su 'jug pa'i zhugs pa po gsum ni tshig le'ur byas pas so sor bsgrub la/de nyid kho na 'phags pa rnam par grol sde'i snga ma dang phyi ma'i ngag rnams kyis gsungs so/ /gang de ni da ltar 'dod pa na spyod pa'i nyon mongs pa'i bye brag dgu pa spangs pa'i phyir phyir mi ldog pa rnam pa lnga'o//de nas 'dir srid pa'i rtse mo'i nyon mongs pa'i bye brag brgyad pa spangs pas dgra bcom pa'i 'bras bu la zhugs pa'o zhes pa ste/ dgra bcom pa ni mi slob pa yang dag par rdzogs pa'i sangs rgyas pas na dge 'dun gyi nang du mi 'du'o//so so'i skye bo ni slob pa dang mi slob kyang rung ste/ slob pa yang ma yin mi slob pa yang ma yin te/ smon lam btab pa'i phyir ro/ /rang sangs rgyas dang nyi shu ste/ gang du gsungs pa shA ri'i bu byang chub sems dpa' gang sangs rgyas mi bzhugs pa'i 'jig rten rnams su song zhing nyan thos rnams sam rang sangs rgyas rnams kyi byang chub tu mngon par sangs rgyas par gyur nas de'i thabs la mkhas pas/srog chags brgya stong mang po dang srog chags bye ba khrag khrig brgya stong mang po yongs su smin par byas nas bla na med pa yang dag par rdzogs pa'i byang chub tu mngon par rdzogs par sangs rgyas par 'gyur ba yang yod ces pa'o//de ni rnam pa gnyis kyis rang sangs rgyas dang chos mthun te/ gcig pa'i rang nyid kyis dang gzhan rnams la thos pa med par sangs rgyas kyi chos kun du gsal bar byed pa'i phyir dang gzhan du rang sangs rgyas kyi cha byad kyis kyang byed pa'i phyir ro//gang zag nyi shu po 'di rnams kyang shes rab kyi pha rol tu phyin pa las byung ba'i phyir bsgrub pa la gdams pa las zhad tsam du bshad de/ de ltar phyir mi ldog pa'i phyir byang chub sems dpa'i dge 'dun nyi shu po la slob pa rnams kyis skye ba med par rab tu 'jug ces pa ni dkon mchog gsum la gdams pa'o//byang chub sems dpa' lus dang ngag dang sems rnams kyi pha rol tu phyin pa drug po rnams la spyod pa na de nye bar dmigs par yang mi 'gyur te/ pha rol tu phyin pa yang med la lus la sogs pas bde ba myong ba yang med de/lus la sogs pa rnams ni don dam par na ngo bo nyid kyis med ces pa ni ma zhan pa la gdams pa'o/ /dus yun ring por sbyangs pas kyang mnyam par bzhag pa'i don ma grub na yongs su ngal ba med de gzugs la sogs pa nas ji srid du bla na med pa'i yang dag par rdzogs pa'i byang chub kyi bar la rlom pa med ces pa ni mi ngal ba la gdams pa'o//des phyogs re re zhing gang gA'i klung gi bye ma snyed kyi de bzhin gshegs pa la blta ba dang de rnams kyis chos bstan pa rnams nyan pa dang dge 'dun la bsnyen bkur byed pa dang sangs rgyas kyi zhing yongs su dag pa la blta ba dang /des bdag nyid dang gzhan thams cad kyis mi shes pas pha rol tu phyin pa rnams la spyod pa dang zhes pa nas ji srid du sangs rgyas kyi chos thams cad yongs su rdzogs par byed la/ de yang thams cad ngo bo nyid med pa'i phyir rlom pa med pa'i spyod pa rnams kyis kun nas yang dag par yongs su zin pas so zhes pa ni yongs su 'dzin pa la gdams pa'o//des spyan lnga dang mngon par shes pa drug so sor thob kyang de dang de thams cad kyang kun tu shes pa med cing nye bar dmigs par mi 'gyur ro/ /de la sha'i spyan gang gis ni dpag tshad brgya nas ji srid du stong gsum gyi stong chen po'i 'jig rten gyi khams kyi gzugs mthong ngo //lha'i spyan ni gzugs dang / sems can thams cad kyi 'chi 'pho dang skye ba'o/ /shes rab kyi spyan gyis don dam par chos thams cad rjes su mi dmigs pa dang / kun rdzob tu ni thams cad rjes su dmigs pa'o/ /chos kyi spyan gyis ni 'phags pa'i gang zag gis gang rtogs pa yang dag par rjes su mthong ba'o/ /sangs rgyas kyi spyan gyis chos thams cad rnam pa thams cad du zhes pa ni spyan lnga la gdams pa'o/ /rdzu 'phrul gyi rnam pa dang lha'i mig dang lha'i rna ba dang sems can gyi sems kyi spyod pa shes pa dang /sngon gyi gnas rjes su dran pa dang zag pa zad par shes pa zhes pa ni mngon par shes pa drug ste/ lha'i mig gis mngon par shes pas ni sems can rnams kyi 'chi 'pho dang skye ba shes pa ste/ 'di ni mngon par 'du byas pa'i sngon gyi lha'i mig gi rnam par smin pa las byung ba can la sangs rgyas kyi spyan dang zag pa zad pa'i ye shes ni sa brgyad pa nas brtsams te skye bar 'gyur zhing /bcom ldan 'das kyis ni/ yid kyi blo bzhin du dbang pos rtogs par bya ba la sogs pa rnams kyi yul yongs su gcod pas rnam par shes pa thams cad kyi yul du thams cad 'dod do//ji skad du dad pa'i stobs bskyed pa'i mdo las/ de bzhin du 'jam dpal de bzhin gshegs pa'i gtsug tor gyis kyang gzigs so/ /de bzhin du mdzod spu dang mtshan re res kyang gzigs so//de bzhin du dus gcig la phyogs bcu'i 'jig rten gyi khams rab 'byam rnam pa thams cad mthong zhes gsungs pa de ltar na yang dbang po'i blo ni sngon gyi rjes su 'brang nas rnam par gzhag par bya zhes pa ni mngon par shes pa drug la gdams pa'o/ /de nyid kyis sgrub pa'i ting nge 'dzin gyi chos thams cad ngo bo nyid med par yongs su brtags pa'i lhag mthong dag mngon du byas nas/de yongs su smin nas lhun gyis grub pa'i spros pa med pa'i dbyings su sems pa yang dag par 'jog nas 'jig rten las 'das pa'i ye shes kyis de ltar gang yang ma mthong ba'i don des mthong ngo zhes pa ni mthong ba'i lam la gdams pa'o//gang du mthong ba'i kho na'i rgyun gyi ye shes des bsgom par bya ba zhes pa ni bsgom pa'i lam la gdams pa ste/ de nyid mi dmigs pa'i rnam pas shes rab kyi pha rol tu phyin pa la spyod cing sgrub pa la dmigs pa dang / bden pa shes pa dang /rten skyabs rigs pa dang / zhen pa med pa dang / yongs su mi ngal ba dang / phyogs bcur lta dgongs kyang des 'dir theg pa gzhan du mi 'gro ba'i rgyur lam yongs su 'dzin pa'i phyir dang / spyan lnga dang / gzhan mngon par shes pa drug dang / mthong ba dang / bsgom pa'i lam gyi 'phags pa'i sa rnams la kun tu spyod do/ /zhes pa ni 'dir gdams ngag rim pa'o/ /'dir tshogs kyi sa la gnas pa'i byang chub sems dpas chos kyi rgyun gyi ting nge 'dzin thob nas stan gcig la 'dug bzhin du sangs rgyas dang byang chub sems dpa' rnams la chos nyan cing gzhung dang don dag 'dzin pa rnams la bsam gtan dang /mngon par shes pa mngon par bsgrubs nas 'jig rten gyi khams rnams su de 'gro bar 'gyur te/ sangs rgyas dpag tu med pa rnams/ /mchod pa'i don dang gzhan don du/ /zhes gsungs pa dang / de'i rjes la/gdams ngag gis bstan mngon shes kyis/ /spyod pa'i sa la rab tu 'jug /ces pa ste/ sems bskyed pa bzhi pa'i nges par 'byed pa'i cha dang mthun pa'i dge bas rnam par mi rtog pa'i mthong ba'i lam 'byed cing so sor phye nas mngon sum du byed pa'i nges par 'byed pa'i cha shas des rten cing thob pa des na nges par 'byed pa'i yan lag ste/nges par 'byed pa'i yan lag ni rgyu'o/ /yang na nges par 'byed pa ni nges pa la de'i yan lag ni cha shas [(]ste[,]te[)]/ chung ngu dang 'bring dang chen po dang chen po'i chen po nyid kyis rnam pa bzhi'o/ /de la drod ni shing gtsubs pa'i me bzhin du 'jig rten las 'das pa'i ye shes kyi me'i snga rtags so//rtse mo ni dge ba'i rtsa ba mi g.yo ba'i phyir rtse mo'o/ /bzod pa ni mi skye ba'i chos la mos pa brtan pos bzod pa'i phyir ro/ /chos kyi mchog ni 'jig rten pa'i chos kyi mchog yin pa'i phyir ro/ /yang drod la sogs pa ni so sor chung ngu dang 'bring dang chen po nyid kyis na rab tu dbye ba bcu gnyis te/gang du skad cig ma gcig pa nyid du chos mchog ces bshad pa ni de rang don gyi skabs pas nyan thos rnams kyi la byang chub sems dpa' rnams kyi ni min te/ de dag gi ni gzhan gyi don ni de srid du de gnas par byed pa srid ces pa ni des na de dang 'di la 'gal ba med do//de yang drod la sogs pa ni nyan thos dang rang sangs rgyas rnams kyi yang yod do/ /bden pa bzhi la dmigs pa'i mi rtag pa la sogs pa'i rnam pa bcu drug ni bdag tu lta ba'i gnyen po'i phyir la/byang chub sems dpa' rnams kyis ni de rnams la khyad par du 'phags pa ste/ /chos su lta ba'i gnyen po'i phyir ro/ /de ltar bstan bcos las/ dmigs pa dang ni rnam pa dang / /rgyu phyir yongs su 'dzin pa yi/ /rnam rtog bzhi po dang ldan pas/ /ji ltar rang gi rten bzhin du//nyan thos bse ru bcas pa las/ /byang chub sems dpa' skyob pa yi/ /chung ngu 'bring dang mchog rnams kyi/ /drod sogs rnams ni khyad par 'phags/ /zhes so/ /sems can thams cad yongs su skyob pa'i bsam pa can gyi phyir skyob pa ni byang chub sems dpa' ste/de rnams kyi drod la sogs pa rnams ni nyan thos la sogs pa rnams las khyad par du 'phags pa nyid de/ dmigs pa dang / rnam pa dang / rgyu'i phyir dang / yongs su 'dzin pa dang / rnam par rtog pa bzhi po dang ldan pas ji ltar rang gi zhes pa'i khyad par rnam pa lnga rnams kyis so//rnam par rtog pa bzhi yod kyang nyan thos la sogs pa la ni rang gi byang chub kyi lam dang mi mthun pa med pas rnam par gzhag pa ma byas so/ /de la drod chung ngu ni/ dmigs pa mi rtag la sogs pa/ /bden pa'i rten can de byed pa'i/ /rnam pa mngon zhen la sogs 'gog /ces bstan bcos las te/ bden pa bzhi'i yul gyi mi rtag pa la sogs pa'i rnam pa bcu drug la dmigs pa des dmigs pa rnam pa so sor mngon par zhen pa med pas mi gnas pa dang 'du shes pa med pa'o/ /'dir chen po ni dngos por 'dzin pa nyid la/'bring ni mngon par zhen pas gnas pa chung ngu ni 'du shes pa'o/ /shes rab kyi pha rol tu phyin pa la zhen pa ni bden pa dang 'brel pa can gyi mi rtag pa nyid la sogs pa la dmigs pa'i rnam par zhen pa med pa la sogs pa nye bar dmigs pa byas la mnyam par ma bzhag pa'i ye shes spyod pas so//mnyam par bzhag pas ni sgom zhes te/ des nye bar dmigs pa med pa la de ltar dmigs pa'i rnam pa ni rlom pa med pa'o/ /de ltar zhes pa ni 'chad par 'gyur ba'i rim pas so/ /des kyang zhes pa ni ngo bo nyid med pa 'ba' zhig gis min te des nye bar dmigs nas rlom sems med pa ste/nyan thos la sogs pa rnams dang thun mong ma yin pas rgyun chad pa med pas sems can gyi don gyi bya ba mngon par zhen pa med pa'i bdag nyid can gyi chos su 'dzin pa'i gnyen po'i shes pas kyang rlom sems med pa ste/ mngon par zhen par mi byed pa'i phyir ro//yang dag pa ma yin pa'i rtog pas kun nas bslang ba'i yod pa dang med par 'dzin pa'i mi mthun pa'i phyogs dag de nyid du med ces pa'i shes pa ni gnyen po'o/ /de zhes pa ni rlom pa med pa'o/ /de ci zhes pa ni ci'i phyir te/ gtan tshigs de tshad ma'i phyir ro//'di ltar zhes pa ni sgrub par byed pa'i tshad ma med pa'i phyir dang / gnod par byed pa srid pa'i phyir ro/ /sems de ni sems ma mchis zhes pa ni sems de don dam par yod pa min zhes pa'i don to/ /'o na sngon po la sogs pa'i rnam pa'i ngo bo nyid kho na sems te/ de yang sngon po la sogs pa la gsal bar byed pas don dam par so sor rang rig pas mngon sum gyis grub ces pa ni ji lta ba'i de kho na nyid min pa'i rang rig pa'i mngon sum gyis rig pa la ji lta ba bzhin rig par 'dod pa'i phyir ro//de'i phyir khyod kyis gzung ba dang 'dzin pa'i rnam pa med pa'i gnyis su med par 'dod pa de ni min te/gnyis su rig pa'i phyir te/ rnam par chad pa'i sngon po la sogs pa phyi rol du des nges par byed pa'i rnam par rtog pa med pa ni sems pa ma sbyangs pa'i tha snyad rnams kyi byis pa rnams kyis kyang gsal bar gnyis su med pa na gnyis su med pa'i 'khrul pa 'di ni gnyis su med pas bskyed pa ste rig par 'gyur la/rnam par shes pa gcig gnyis kyi ngo bo yang min te/ gnyis dang gnyis med pa dag phan tshun 'gal ba'i phyir ro/ /de nas gzung ba dang 'dzin pa mi 'thad cing gnyis su med pa ni gnyis su med pa'i 'khrul pa 'di ni gnyis su med pas bskyed pa ste/de bskyed pas gnyis su med pa yang 'khrul la/ de nyid kyis na yang dag pa ma yin pa'i kun tu rtog pa'i sems dang sems las byung ba ni khams gsum pa can gyi'o zhes gsungs so/ /phyi rol gyi sngon po'o zhes pa'i rnam par rtog pa'i rang rig pa'i bya ba yid la thog ma med pa nas 'jug pa dbang po'i shes pa'i bya ba'i rjes su 'jug cing gcig tu ngang gis 'byung ba'i phyir zhes bya zhe na min te/'khrul pa yang rang rig pa'i mthar thug pa ste/ gnyis su med pas phyi rol du dmigs par 'gyur bas de'i 'dod pa'i rnam par rtog pas gsal ba'i cha ni rang gi snang ba'i cha la dmigs pa ma yin te/ngo bo nyid kyis gsal ba thams cad ni rnam par rtog pa'i phyir na gzhan gyi phyi rol des nges pa ma yin te/ phyi rol gyi gsal ba'i mngon sum med de de ltar rtogs par mi 'gyur zhing sgra don ni gsal bar mngon sum du dmigs pa yang ma yin no//bdag med pas gsal bar sbyor ba med pa'i phyir te/ bdag nyid gsal ba nyid na bdag med pa gsal ba yang yin te/ smig rgyur gsal ba nyid la chur gsal ba med do/ /de nyid kyis na mdo sde pa'i 'dod pas 'jig rten pa'i phyi rol gyi don med de/sngon po la sogs pa rig pa nyid kyis rig par mi 'thad do/ /des na 'jig rten pa'i sngon po la sogs pa las rtog par lkog tu gyur pa la ni rjes su 'gro ba'am ldog pa yang med la med pas na rmi lam la sogs pa rnams la/ de'i rigs mthun pa'i gtan tshigs srid pa'i phyir na/rang gis rig pa ni don rig pa'i 'bras bus blta bar bya zhes pa ni shin tu yang mi 'thad de/ sngon po la sogs pa'i rnam pa'i 'khor lo la rang rig pa'i mngon sum gyi ngo bo nyid mi 'grub la/ 'bras bu mi dmigs pas dmigs pa nyid skyed par zhes pa'i dam pa ma yin pa 'di ni mdo sde pa'i 'dod pa'o//de nas sna tshogs pa ni rnam par rig pa tsam nyid la ma rig pa'i bdag nyid can gyis rnam par brtags pas phyi rol ma yin pa la phyi rol du song nas skye bar 'gyur zhe na/ min te/ rang rig pa tsam la ni rnam par rtog pa gzhan la brten pa'i ma rig pa nyid kyang med do//de nas mi 'dzin kyang gzhan du 'jug pa'i skyed pa por dmigs na/ de lta na yang rnam par rtog pa rnam pa gang gis nye bar skyed par byed pa med pa nyid kyis phyi rol 'di nyid zhes pa la sogs pa dmigs pa'i ngo bo'i don gyi bya bas dran pa dang 'dod pa la sogs pa'i rgyun gyis byed la/de las don gyi bya ba don du gnyer bas phyi rol gyi don dang rjes su mthun pa la zhugs pas mngon par 'dod pa'i don gyi bya ba thob pa ni gzhan du na dpyad mi dgos te/ 'di ltar yang gzhan gyi phyi rol gyi rig pa med pa la des khyad par can du rab tu 'jug pa'i nges pa skyed pa po nyid kyi rang rig pa'i mthar thug pa'i rnam par rtog pa ni mi srid do//dmigs pa la sogs pa la yang rang rig mthar thug pa 'di'o zhes 'jug pa'i ngo bo med la dmigs pa med pas phyi rol gyi 'khrul pa'i rnam par rtog pa'i sgro btags kyi mngon par rlom pas 'dzin pa la 'dzin pa nye bar btags pa'i the tshom dang nges pa dag tu mngon par zhen pa ni rnam par btags na kha phyir phyogs pa nyid de/gzhan gyi ngo bo rang gi ngo bo la rab tu bsgribs nas phyi rol dang gcig tu byed pa la sogs pa'i sgra la 'jug pa'i rgyu mtshan gyi dbye ba ni dmigs pa'i rab tu dbye ba la rang rig pa tsam du chud pa nyid ce na ni/gzung ba dang 'dzin pa'i 'khrul pa'i ma rig pa'i 'khor ba'i gang de med pas gnyis su med pas gnyis su med pa'i de kho na nyid la 'bad mi dgos par mngon sum du byas zhes pas sems can rnams thams cad rtag tu de ltar grol ba'i sangs rgyas su 'gyur ro/ /gang yang gzhan la ltos te blo mi gsal ba'i 'khrul pa'i rnam par rtog pa du ma ni rang gi ngo bor ni thams cad mi 'khrul par gzhan gyi ngo bor ni phyin ci log tu 'gyur ces khyod kyis 'dod na/gzhan gyi dang so sor snang ba la dmigs pa dag ni mi sbyor te/ mi gsal bar nges pa'i phyin ci log gi the tshom nges pa phyi rol du mngon par 'dod pa'i mi mthun pa'i phyogs la zhugs pas sgra don gyi rnam pa yod pa bkag pa la rab tu 'jug pa dang ldog pa la sogs pa'i tha snyad rgyun chad par 'gyur ro//'on te 'khrul pa dang ni ma 'khrul pa/ /brtags dang ma brtags pa dag ni/ / dkar po nag po la sogs pa'i/ /dbang po las skyes mtha' dag ni/ /shes pa las gzhan tha dad de/ /lhan cig dmigs kyi snga ma dang / /phyi ma nyid ni rig pa med/ /ces pa sna tshogs gnyis su med pa'i rnam par shes pa'i phyogs la 'di shin tu yang thal bar 'gyur ro/ / des na 'di mi 'dod pa med na 'di ji ltar rigs pas skyed pa nyid de ltar mi 'gyur zhe na/ ji ltar ni mi 'dod pa ma yin te/ de nyid kyis na gnyis su med pa'i ri'i rtse mo la zhon pa la 'jug pa dang ldog pa med de des 'di ltar 'khor ba zhes pa dang de'i rgyu ji ltar du 'dod ces brjod de/sems kyi 'jug pas 'phangs pa'i kun tu brtags pa las byung ba'i stobs kyis bdag nyid can gyi bag chags kyang 'byung bar mi 'gyur bas dge ba'i las pha rol tu phyin pa dag gi lam la goms par byed pa yang don med par 'gyur bas gang yang goms par mi byed la/ mi dge ba'i las srog chags gsod pa la sogs pa la ldog pa yang mi srid pa nyid do/ /rang rig pa nyid ni gcig pu gnyis su med pa las gzhan med pa'i phyir na gang ji ltar snang ba de shes pa'i ngo bo la de'i de nyid gal te yang 'khor bar 'jug na ni de ltar na ni thar par nam yang mi 'gyur la/grol ba'i gnas skabs su gyur kyang gnyis med la gnyis med gzhan skye bar 'gyur bas de nyid du 'jug pa ste/ khyod kyi 'dod pas ni 'khor bar 'dod pa'i gnas skabs kyis 'di 'dra'o zhes pa'i kun nas nyon mongs pa'i bdag nyid kyi 'khor bar thams cad du 'gyur gyi rnam par byang bar gang du yang min no//'dir ma brtags na nyams dga' ba'i byis pa la kun tu ma grags pa'i tha snyad du nye bar gzung ba'i sgro btags pa'i tha snyad kyi bdag nyid mi 'khrul pa'i kun rdzob la thams cad du gzhan du sgro 'dogs pa nyid ni 'khrul pa la gnas so zhe na/ rnam par brtags pa ni rjes su dpag pas sam ma yin pa dgag pa'i mngon sum gyi shes pa gzhan gyis te/de la rang rig pa'i mngon sum gyis nges pa ni rtogs pa med la yul la ltos na ni rtog pa ni shes na gzhan ni rtog pa nyid de/ de la rnam par rtog pas rnam par rtog pa rang dgar te bdag nyid kyi bdag nyid nges par rtogs pa yin zhes brjod pa ste/rnam par rtog pa gzhan gyis rtogs pa la sbyor ba ma yin pa'i phyir la de yang rang rig pa'i mngon sum nyid ni rnam par rtog par mi rigs so/ /de'i phyir gzung ba dang 'dzin pa'i rnam pa med pa'i stong pa tshu rol mthong ba rnams kyis rig par 'gyur ba'i shes pa'i de kho na nyid kyi 'dir don dam par rang rig par yod pa ma yin par ni mngon sum gyis ma grub la/rjes su dpags pas kyang mi 'grub ste/ rang bzhin las skyes pa'i rtags med de/ rang bzhin de nyid bsgrub par bya ba yin pa'i phyir ro/ /'bras bu'i rtags las skyes pa yang min te/gnyis su med pa de dang lhan cig gang du yang rgyu dang 'bras bu'i dngos por ma grub ste/ de dbang po las shin tu 'das pa'i phyir dang de las gzhan pa'i 'bras bu yang yod pa ma yin zhing / gnyis su med pas ni rgyu dang 'bras bu'i dngos por 'dzin pa yang min no//mi dmigs pa ni med pas bsgrub pa'i go skabs med do/ /de nas gang gsal bar byed pa de shes pa ste/ dper na rmi lam du mthong ba'i gsal ba bzhin te/ sngon po la sogs pa yang ngo zhes sngon po la sogs par gsal bar byed pa nyid kyang rang bzhin gyi gtan tshigs kyis rnam par shes pa'i tha snyad tsam sgrub par byed pa ni ma yin te/sngon po la sogs pa ni phyi rol du rnam par chad pa'i yul du gsal bar bya ba nyid du nges par 'byed pas gsal bar byed pa zhes ma grub pa la gsal bar byed pa'i sngon po la sogs pa zhes pa'i tshig ni gsal bar byed pa'i byed pa po'i chos kyi gtan tshigs te/rang rig pa'i mngon sum ma grub pas de'i 'thad pa ma grub pa'i phyir ji ltar na gsal bar byed pa'i gtan tshigs la bden par rang gsal bar yod pa tha snyad kyi bya ba ma grub pa'i gsal bas gsal ba grub ces pa ni med de/ phan tshun rten pa'i skyon gyis na gcig kyang ma grub pa min no//tha snyad du yang so so skye bos rnam par ma brtags pas gzung ba dang 'dzin pa la the tshom med par tha snyad byed kyi gang du rang rig pa'i mngon sum grub pa'i thos zlos tsam yang med pa gang de ni bsgrub par bya ba ma yin par brjod do/ / rmi lam dang sgyu ma dang rmi lam la sogs pa'i dpe la yang bsgrub par bya ba dang sgrub byed dag tu khyab pa nges pa med pas gtan tshigs ma nges pa nyid do/ /de nas gzhan gyi dbyibs kyi gsal ba'i las dang chos tha dad pa'i dbyibs ni byed pa po'i chos dang ste gnyi ga khas ma blangs na sngon po la sogs pa'i gsal ba tsam po'i bsgrub par bya ba can gyi dbang po'i mngon sum na ni grub pa la sgrub pa ste/'di ni gdod nas gnyis med rigs par bshad pa ni gsal ba'i bdag nyid mi [(]zlogs [,]bzlog [)]ste/ 'di nyid gang gis bzlog kyang ni/ /mi zlogs mngon sum nyid mthong ngo / /zhes te/de ltar na ni dbang po'i mngon sum gyis rtogs bzhin pa'i sngon po la sogs pa'i gsal ba'i las la chos su bshad par 'gyur la/ 'on te gnyi ga ma yin pa'i chos nyid kyis gsal ba tsam grub kyang / rang rig pa'i bsgrub par bya ba'i dpe sngon du bshad pa'i rigs pas khyab pa ma nges pas ma nges pa kho na bas 'dir rjes su dpag pas kyang bdag nyid kyis rig pa ma grub pa'o//'di nyid kyis na sgra don rnam par rig par smra ba'i slob dpon zhi ba'i 'tsho dang de'i 'dod pa'i rjes su 'brang ba'i seng ge bzang po la sogs pas kun rdzob tu yang phyi rol med pas gnyis su med de/kun rdzob tu sngon po la sogs pa ni rang rig pa'i mngon sum gyi bdag nyid can gyi sgra don la don dam par ni ngo bo nyid med ces pa'i 'dod pa ni mi 'thad de/ sngon po la sogs pa ni gnyis su med pa'i ngo bo nyid du ma grub pas 'dir sngon po la sogs pa'i rnam pa'i 'khor lo rig pa'i ngo bo nyid ces par 'dod pa ni mi rigs pa nyid de/rnam pa med pa'i rnam par shes pa ni rang nyid gsal bar byed pas sngon po la sogs pa'i sgra don gsal bar byed pa de nyid kyang ma yin te/ sngon po las gzhan pa'i rnam pa med pa mngon sum gyis gsal ba yang ma yin te/rmi lam du yang nyams su myong ba de ji srid pa'i gnas skabs su yang ste/ de nyid kyis na rtag par lkog tu gyur pa'i gsal ba la rjes su 'gro ba dang ldog pas rjes su rtogs pa'i rtags cung zad kyang yod pa min zhes pas na rjes su dpag pa de nges pa yang ma yin la/ gang yang rang gi rgyud kyi gsal ba'i bdag nyid rjes su dpag pas nges zhes pa 'di ni gsal bar bram ze'i lta ba ste/de la 'dir gang snang du rung ba'i bdag nyid mi dmigs par byed pa ni med pa'i tha snyad du bya ste/ 'dir sngon po rtogs par byed pas rtogs pa grub na de yang rnam pa med pas sngon po la sogs pa la gnod pa'i phyir ro//de la ba lang khra bo gang zhig mthong bar byed pa dang khra bo'i phru gu dag la ba lang dag nyid du so sor rtogs pa yod pa la ba lang nyid du yang mngon sum gyis grub bo zhes pa na ni/ ji ltar gong bu tsam du rtogs pa tha dad pas ni tha dad pa'i lam du min te/ de ltar dkar po tsam du rtogs par byed pa dang tha dad du gsal ba ma yin kyang ma rig pa'i dbang gis gsal ba dang / sngon po dag tha mi dad par gsal zhe na/ spyi dang rdzas dag la yang de bzhin du 'gyur la ci ma rig pa'i dbang gis so sor myong ba'i don med pa nyid du nus zhes pa ni gnyi ga la yang the tshom mo//gal te sngon por mthong ba kho na gsal ba'i snang ba na/ de lta na ni gong bu mthong ba kho na spyi la sogs pa yang mthong zhes pa ni nus pa'o/ /gnod byed skye bo la sogs pas mi gnod de/ rtogs pa'i tha dad pa yin zhe na/ gnod pa med par ma grub ste/ sngon po tha dad du gsal ba med pa'i phyir gzhan gyi bdag nyid kyis gsal ba gang des sngon po cung zad gsal ba med do/ /mar mes bum pa gsal bas gsal ba bzhin no zhe na/ de la yang gal te tha dad na de bzhin kho nar 'gyur la des gzhan bden pa ma yin pa la bden pa yang gsal ba med do//sngon po ni gzhan nyid du med pa'i phyir sgra don no zhe na/ gzhan nyid du med na gsal ba'i rang bzhin yang yod par mi 'gyur zhes pa nyid des na 'di'i rigs pa med par 'gyur ro/ /ma rig pa'i dbang gis rjes su med kyang sngon po'i sgra don du gsal bar byed la sngon po dang gsal ba bdag tu btags pa yang de'i bdag nyid la sogs pa'o zhes pa'i 'dod pa ni ci yang min te/shes pa rnam pa thams cad rang rig pa tsam po nyid du brtags pa'i dmigs pa la sogs pa bkag pa'i phyir ro ma rig pa'i dbang gis de ltar grags zhes pa'i ma rig pas sngon po la gsal bar byed pa nyid na ma rig pa'i skyed pa por gyur pas gsal bar mi 'gyur zhes pa ni sngon po sgra don du rtogs par yang mi 'gyur ro//sgra don gyi sngon po la sogs pa ni 'bras bu nyid du med ce na min te/ rang nyid grub pa la gzhan gyi bya ba la ltos pa dang bcas pa la ni 'bras bur brjod la/sngon po ni yul dus nges pas skyes pas 'bras bu gzhan bzhin du ji ltar gzhan las 'byung bar mi 'dod/ sngon po ni gzhan las sngon po skye ba mthong ba de'i phyir med pas shes pa ni snang ba med pa'i zhes pa la sogs pa ni 'dod pas rtogs par byas te/ ma mthong ba la rjes su 'gro ba dang ldog pa mi rtog pas mi 'grub bo/'dir bde ba la sogs pa can gyi rjes su gzung ba la sogs pa'i bdag nyid can ni rang gi nang du gsal bar byed la/ bde ba la sogs pa'i rnam pa nyid la yang sngon po la sogs pa'i rnam pa gnas par rnam par med pa'i shes pas rlom par byed pa'i gnas pa ni don de la ma rig pa'i dbang gis rnam par chad pa'i yul du sngon po la sogs pa'i sgra don gyis gsal ba can du nyams su myong bar 'gyur la/sgra don don dam par med pa'i phyir na de la ltos pas 'dir 'dzin pa yang ma yin zhes pas na gnyis su med ces bya zhe na/rang rig pa tsam la ni bde ba la sogs pa med la/ gzhan rig pa na ma rig pa mi srid pa'am 'dzin pa med pa'i phyir ji ltar gzhan rig ste/ de yang thams cad du khyad par med pas de srid du dus gcig yin pa'i phyir gzhan gyi rgyud la yod pa'i sngon po la sogs pa'i rig pa tha dad pa'i bdag nyid can gyi dus can rnams 'dir rig par thal bar 'gyur te/tshogs pa gcig la yang rag mi las pa'i phyir ro/ /khyod kyi 'dod pas ni sgra don gyi sngon po la sogs par 'bras bur mi 'gyur te/ rag mi las pa nyid ces pa ste/rgyu gcig las byung ba rnams kyang lhan cig tu yod par des rig pa yang min te/ dus gcig par rang rang gi ngo bo nges pa nyid kyis rang dang gzhan gyi ngo bo yongs su spangs pa'i phyir ro/ /gang yang nye bar len pa med pa rnams ni kun rdzob tu yang med pas tshu rol mthong ba'i spyod yul min pa'i rnam pa med pa'i shes par gcig tu bden par 'dod de ji ltar dmigs pa dang rnam pa yongs su ma chad pa'i kun gzhi'i rnam par shes pa zhes 'dod la/de la bden pa'i rang rig pa'i rang gi rgyud la lkog tu gyur pa rjes su dpag pas sgrub ces pa'i rtags ni sgra don gyis sngon po la sogs pa can no zhes pa nye bar dgos pa ni mi rigs so//nye bar len pa'i kun rdzob de kun rdzob tu gang zhig de'i rjes su 'gro ba dang ldog pas rjes su brtags na ma dmigs pa las sa bon dang myu gu lta bu ni mi mkhas pa la mkhas par mngon par rlom pa'i shes pa la/ dngos po med pa'i ngo bo'i kun rdzob kyis rang gi ngo bos dngos po med par gyur pa nyid la sa bon du rigs pa'i dngos por med de/de'i de 'gal ba'i phyir ro/ /don dam pa'i sa bon ni gang du yang med pas rjes su 'gro ba la sogs pa ma grub pa sgra don gyi sngon por snang ba nyid ces pa la ni gang du 'jug ste/ shes pa la sogs pa la mnyam par brten pas bdag smra ba dang 'dra ba nyid do//khyad par gyi gzhal bya bdag nyid kyis mi gsal yang de gnas pa mi 'gal zhes pa'i gsal ba bdag nyid kyis brjod par mi nus pa la ni sun 'byin pa gzhal bya la ltos pa med do/ /'di rnams kyis ni gang zhig rtogs pa tsam gyi rjes su 'jug pa'i ngo bo kun gzhi'i rnam par shes pa ni dngos po sngon po zhes pa la sogs pa'i ngo bos rjes su 'jug ste/de'i phyir bag chags la brten pas sngon po la sogs pa'i shes pa skye bar 'gyur la rang gi skad cig la ni de rnams kyang yang kun gzhi'i rnam par shes pa las sngon po la sogs pa'i shes pa de rnams ni med de/bag chags la gnod pa byed na ni sngon po la sogs pa'i dngos po med pa bsgoms par 'gyur bas/ des stong pa'i rnam par shes pa tsam skyes nas gnyis su med pa'i rnam par shes pa mngon sum du byed ces bshad de de la rnam pa med pa'i kun gzhi'i rnam par shes pa dang sngon po la sogs pa'i shes pa'i rnam pa dang bcas pa de nyid dpyad de rnam par shes pa gcig la ni rnam pa dang bcas pa dang /rnam pa med pa zhes pa ni phan tshun 'gal ba de ji ltar 'jug pa yid kyi rnam par shes pa rnams kyi rnam pa dang bcas pa nyid la rnam pa med pa'i kun gzhi'i rnam par shes pa yang de'i ngo bos rjes su 'jug pa yang dpyad par bya ste/gcig la gnyis kyi bdag nyid ces pa 'di ni skyes bu nga rgyal can gyi 'khrugs pa'i bshad pa ste/ de brtag pa la dgos pa med do/ /gang 'di'i 'dod pas dben pa'i sngon po la sogs pa'i rnam pa'i shes pa nam mkha' bzhin du bsgom par byas na bsgom pa'i stobs rdzogs pa na/de ltar rnam pa med de gang yang gzhan du de nyid nam mkha' bzhin du kun son pa nyid kyis khyab bo zhes 'dod pa ni de gnyi ga yang shin tu 'khrul te/sngon po'i rnam pa shes pa mi 'grub la/ grub na de'i 'dod pas de nyid don dam pa'i ngo bo nyid la de'i rnam pa bzlog nas bsgoms pas yang dag pa ma yin par 'gyur bas des bskyed pa'i shes pa yang kho na nyid min te/ zad par sa dang / rnam shes mtha' yas kyi skye mched la sogs pa bzhin no//gang du so so'i skye bo'i gnas skabs rnams la tshad mas 'thad pa'i rnam pa med pa'i rnam par shes pa sgra don gyi rnam pa nye bar bsdus nas bsgoms pas gsal bar 'gyur ba na rnam par rtog pa med pa ste/ thog ma med pa'i 'khrul pa log pas rnam pa'i 'khor lo mi snang nas rnam pa med pa'i shes pa 'ba' zhig gsal ba bcom ldan 'das kyis gzugs kyi sku de'i nang na rjes kyis snang ba'o zhes 'dod pa de yang bcom nas snang ba med pa la myong ba ni gang du yang ma grub la/de'i rjes kyi sems dag pa 'jig rten pa'i rnam par rtog pa'i bdag nyid can ni bdag nyid med pas myong ba po med ces pa ste/sngar brtsad zin to/ /'on te yang dag pa'i bden pa'i gzung ba dang 'dzin pa la mngon par zhen nas 'jig rten pa bzhin du rnam par rtog pa'i sgra don sngon po la sogs pa la dmigs pa'i phyir dmigs pa de yang rnam par dpyad zin to//de nas rgyud lam na gzugs kyi sku bcom ldan 'das la so sor snang na/ so so'i rnam pa nyid kyi sgra don gyi gzugs kyi sku gnyis su sgra don gyi brtags pa'i ngo bo'i skyed pa so sor rtsa ba'i shes pa'i yongs su sgrub pa'i ngo bo yang 'khrul par 'gyur la/des de bzhin gshegs pa yang 'khrul par 'gyur ro/ /de nas bcom ldan 'das la de mi snang na ni bcom ldan 'das kyi smon lam dang gdul bya'i bsod nams kyis gdul bya rnams la longs spyod rdzogs pa dang sprul pa'i sku'i so sor snang bas rnam pa med pa'i rtogs pa ji ltar grub ste/gang gi ni smon pa gang ni bcom ldan 'das gang ni gdul bya gang gi gang ni sras rung ba'i bsod nams la ji ltar gzugs kyi sku dag so sor snang bas de ltar thams cad du yang gzugs kyi sku gnyis su snang ba'i mtshan nyid can la sogs pa gsungs pa'i don med par 'gyur zhes pa'i lung gis 'gal ba yang spang ba dka' la gang yang snang ba med pa'i gsal bar smra ba'i sngon gyi slob dpon rnams kyi 'dod pa dang phyis kyi rnams kyi 'khrul pa brjod par byas/de ni rab tu 'jug par bya ste/ de nyid ni don dam par yod pa ma yin te/ rang rig pa'i mngon sum sngon po la sogs pa'i 'dzin pa dag tha dad kyang min la med pa yang yin zhes pa'i 'dod pa ni gnyis kyi bdag nyid can yang med pa nyid de/de nyid mi rtsod pa dang / sun byung ba yang ni grangs can gyi grub mthar 'gyur ro/ /gcer bu pas kyang rnam par shes pa de rnam par byung ba dang / rnam par med par 'gyur ba'o zhes phyi rol dang rnam par shes pa dag gang du yang tha dad pa dang tha mi dad pa med pas dngos po rnams mtha' gcig pa nyid kyi phyi rol dang nang nyid med par 'dod do//tha dad pa'i gsal ba dag las tha mi dad pa'i spyi zhes ni bya ba ste/ tha dad pa dang tha mi dad pa'i dngos po kho nas 'gro ba zhes brjod do//de la gal te dkar po dang nag po dag gis gnyis kyi bdag nyid can nyid na/ de la khra bo dang skya bo dag mthong bar byed pa dag la yang ba lang nyid du nges pa yod pa mngon sum gyis grub pa de yang zhog /ji ltar yang gong bu tsam du nges kyi tha dad pa min te/gsal ba nyid dang / sngon po tsam dang / bde ba tsam du gsal ba ni tha dad pa min pas de dag gcig tu gsal ba'o/ /gal te rang rig pa'i mngon sum gyis dkar po dang nag po dag tha mi dad par rtogs kyang ma rig pa'i dbang gis tha dad par dmigs pa des na gnyis su med par yid mi ches na/de ltar na ni khra bo dang / mang po dag gi ba lang nyid la yang de bzhin du 'gyur ro/ /ci ma rig pa'i dbang gis gnyis su med par des ma myong ste/ 'dir med pa nyid kyis zhes pa ni gnyi ga la yang the tshom du 'gyur la/ gal te sngon po dang bde ba mthong ba kho na gnyis su med par des mthong ba na/de lta na ni gong bur gang zhig mthong ba nyid spyi la sogs par mthong ba'o zhes nus pa'o/ /gal te yang gsal ba de nyid bde ba'i ngo bo dang / sngon po'i ngo bo ni de'i sngon po 'di nyid bde bar 'gyur ba'am/ bde ba sngon po nyid du 'gyur na/de ltar yang min te/ bde ba dang sngon po dag ni rnam par chad pa'i yul nyid pas sbyor ba med par nyams su myong bas grub pa'i phyir ro/ /'on te sngon po dang bde ba dag kyang tha mi dad pa yang ma yin pas rang rig pa'o zhes te/ gang sngon po de nyid bde ba zhes pa dang /bde ba yang gzhan la sngon po yang gzhan zhes pa ni phan tshun 'gal te/ des gang las tha dad pa'i go skabs nyid kyi mtshams su rtogs par byed pa med pa'i phyir ro/ /rnam par rig pa tsam gyi tshul gang zhig ni gsal ba gcig pu'i ngo bo yod de/mi gsal ba med pa'i phyir 'di nyid tha mi dad par gnas la/ phyi rol dag pa ni de kho na nyid du mi gsal ba nyid kyis de ni mi dmigs pa las gzhan pa'i med pa ni med pas/ de'i phyir gzhan du mngon par 'dod pa'i zhad tsam yang rtogs pa med pa nyid la gang las tha dad de/'das pa la sogs pa la ni rig pa med de med pa'i phyir dang / de ltar snga ma dang phyi ma nyid la gsal ba med la/ gsal bar bya ba yang snga ma dang phyi ma nyid du mi sbyor ba'i phyir te/ de brjod pa ni/ 'khrul dang ma 'khrul brtags dang ma brtags pa/ /dkar po nag po la sogs dpang skyes ma lus rnams//shes las gzhan du tha mi dad par lhan cig dmigs/ /sngon dang phyi ma nyid la rig pa med pa nyid ces bya/ /zhe na/ ci grub pa'i mtha' g.yang sa ni ltung bar byed pa rtsom pa 'dis ni gzhan gyi rgyud med par byed par 'gyur ba ste/ rgyud gzhan srid pa na ni nges par rang gi sems de las tha dad pa can la tha mi dad pa ni rang gi rgyud las gzhan gyi rgyud du 'dir mi 'gyur ro//de ltar 'dod pa'i phyir mi 'gyur te/ gang du brjod pa/ mngon sum rang rig pa tsam dang / /gang du kun tu gnas gyur pas/ /'dod pas dag yod ces brjod pa//'di la kho bos mtshar du brtsis/ /zhes bya ba na/ tshul chen po'i de kho na nyid las phyin ci log pa'i sangs rgyas pas rig byed kyi grub mtha' khas blangs pa ste/ sna tshogs tshangs par smra ba rnams kyi ni gzung ba dang 'dzin pa'i skyon gyis ma gos pa'i bdag gi ngo bor yongs su gsal ba'i chu dang /me la sogs pa'i rnam pa'i rgyun chad pa med pa'i rtag pa'i rang rig pa tsam gyi gnyis su med pa ni tshangs pa shes pa ste/ don dam pa'o zhes pa'i grub pa'i mtha' ste/ gang du sems kyi 'khor lo med pa'i gcig med pa'o/ /bdag nyid 'dis ni nam mkha' khyab bdag de lta na'ang //de bzhin gshegs pa'i de ltar thugs kyis gsal ba yi/ /bsgrub par byas pa de ni shin tu de nyid min/ /zhe na/ de nyid ni cung zad min cing de yang nges par dam pa ma yin te/ ma rig pa dang bcas pa'i shes pa la nam mkha' bzhin gyi yul dang dus la khyab pa po nyid kyi de kho na nyid so sor snang ba khyod kyi ltar na/ma rig pa med pa'i de bzhin gshegs pa'i thugs kyi gsal ba de yang de kho na nyid min pa min/ sna tshogs gsal ba tsam gyis gnyis su med pa zhes pa'i de kho na nyid kyi mtshan nyid la/ cung zhig de kho na nyid min zhes 'dir bcom ldan 'das 'khrul pa nyid ces smad pa brjod pa'i phyin ci log gi lam 'dzin pa ste/ de'i phyir na 'dir khyad par med pa'i sna tshogs pa dang 'dir ni gnyis med dang gsal ba'i sgra don gyi rnam pa dang bcas pas gnyis su gsal zhes pa'i gsum go khyad par med do//tha ma'i 'dod pa yang ni snga ma bzhin du mi dmigs pas rgyud gzhan med par 'gyur te/ rnam pa med pa'i shes pa ni rang gsal ba tsam mo/ /gnyis su med pa'i snga ma dang phyi ma myong ba med pa'i ngo bo'i rnam pa med par smra ba'i sangs rgyas pas gzhan gyi rgyud med ces pa khas mi len cing bdag nyid med pa'i sgra don gyi sngon po la sogs pa bzhin du/gzhan gyi rgyud kyi gsal ba med pas med ces nyid ni snang ba med pa'i tshangs pa dang khyad par med par thal bar 'gyur te/ rnam par 'phro ba'i yul gyi rnam par ni rtog pa'i bdag nyid la gsal ba tsam po'i tshangs pa gnyis su med pa ni don dam pa ste/tshu rol gyi gnas skabs su ni ma rig pas kun du bsgribs pa ste/ de la rtag pa dang khyab bdag nyid la sogs pa'i khyad par la goms pas ma lus pa'i ma rig pa zad nas de'i khyad par las byung ba 'dir gsal bar 'gyur zhes pa ni rig byed kyi grub pa'i mtha' ste/gzhan gyi rgyud mi srid na thugs rje chen po sbyin pa la sogs pa'i dge ba'i tshogs la sogs pa med pas gang du bsod nams dang ye shes kyi tshogs bsgrub par bya bas skyes bu'i don mchog tu 'gyur/ ji ltar na de bzhin gshegs pa rnams kyis dpag tu med pa'i gzhan gyi sems shes pa la sogs pa can la yang smod par 'gyur bas de'i phyir tha dad par 'dzin pa bzhin tha mi dad par 'dzin pa yang thong shig /de 'di ltar/ gang las tha dad mthong ba dang / /ma 'dres tha mi dad par shes//tha dad tha mi dad dag las/ /gzhan pa'i dngos dang dngos 'dzin med/ /ces te/ gang du yang med do/ /don dam par ni dngos po gzung ba dang 'dzin pa tha dad pa'am tha mi dad rnams med de ngo bo nyid med pa'i phyir na chos rnams thams cad kyi gnyi ga med pa'o//de nyid spros pa des rig pa'i phyir ro/ /bden pa nyid la ni gzung ba la sogs pa dang gzhan pa'i bye brag gi bden pa dang mi bden pa la sogs pa'i spros pa dang bral zhing med pas de la mi srid do/ /de nyid kyis na rang dang gzhan gsal ba'i ldog pa'i ma brtags na nyams dga' bas myong ba'i bdag nyid kyi bye brag gzhan gsal ba ni rigs pa kho na'o//bems po las ldog pa tsam gyis kun rdzob tu rang gi rig pa'i ngo bor yang tha snyad byed de kun rdzob tu yang rnam par chad pa'i sngon po la sogs pa can gyi phyi rol nyid kyi dngos por ma brtags na nyams dga' ba de ni rnam par rtog pa med pa'i shes pa des nges par 'gyur la/rnam par rtog pas ni bden pa la sogs pa nyid du sgro 'dogs/ sgro btags nas yang tha snyad rab tu 'jug pa po'i byed pa ste/ rjod byed dang ldan pa'i rjod byed sbyor ba'i sbyor bya'i don gsal bar ma nges pa ni rnam par rtog pa'i rnam par 'jog la/rnam par rtog pa nyid la dmigs pa dang mngon par rlom pa la sogs pa ni rnam grangs te/ de nyid kyis kho na nyid min par sgro btags nas phyin ci log pas de kho na nyid dang de kho na nyid min pa gtan la ma phebs nas/ the tshom dang de kho na nyid mtha' gcig pa'i yul gyi phyir nges pa zhes pa la sogs pa rnam par gzhag par rig par bya'o//de nyid la kun rdzob tu phyi rol gyi dngos pos gnas pa 'di thams cad dang gzhan gyi sems yod pa nyid ni kha na ma tho ba med pa'o/ /thog ma med pa'i srid pa nas goms pa'i tha snyad kyi bag chags kyi dbang gis na byis pa dang bud med la sogs pa dang /yang 'jig rten pas skyes bu la sogs pa can du mngon sum nyid kyi sems pa dang sems pa med pa dang bden pa dang mi bden pa la sogs pa nyid du yongs su gcod cing / myur du 'khyud pa dang brdeg pa la sogs pa'i don la nye bar 'jug la/ thos pa la sogs pas the tshom mi skye ba nyid du gzhan gyi sems rjes su dpag ste/de ltar yang 'dod pa'i sems kyi de ma thag tu tshig gi brjod pa'i bya ba ston la de med pa na mi ston pa'i rjes su 'gro ba dang ldog pa'i bdag nyid can du 'dod pa'i sems dang lhan cig pas tshig tu brjod pa la sogs pas rgyu dang 'bras bu'i dngos por rtogs pa'i bdag nyid kyis de'i 'dod pa'i sems kyis myong ba'i dus su rnam par chad pa'i tshig gis brjod pa la sogs pa mthong nas de'i rgyur gyur pa'i 'dod pa'i rjes su dpog par byed pas/rgyud gzhan la gnas pa ste/ tshad ma dang gzhal bya'i dngos po thams cad ni kun rdzob pas na yang dag pa'i kun rdzob la brten pa nyid du bya ste/gzhan du na ni thams cad 'grub par 'gyur ba'i phyir ro/ /de ltar yang rmi lam la sogs pa bzhin du ji ltar 'dod pa'i don kun tu thob pa tsam gyi don dam par ni ma yin pa can gyi dngos po'i yul nyid ni tha snyad pa'i tshad mar rnam par gzhag pa las gzhan du ni min no//de ltar yang bshad pa/ 'di ltar kun du tha snyad ni/ /tshad ma yi ni mtshan nyid do/ /zhes so/ /'dir kun rdzob tu yang ji srid du bsgrub bya dang sgrub byed du gnas pa de srid du tshul gsum pa'i rtags nyid kyis bsgrub par bya ba yod pa'am/dgag pa 'grub ste phyogs chos dang 'brel pas tshu rol mthong ba rnams kyis kyang mngon sum gyi rtags 'dzin par byed na kun rdzob pa'i ngo bo nyid med pa gzung bar 'gyur la/ tshu rol mthong ba rnams kyis dngos po'i ngo bo la goms pa'i mngon sum du ni mi myong ba'i phyir ro//'o na 'chad par 'gyur ba'i rjes su dpag pas sngon po la sogs pa rnams kyi rang bzhin la gnod pa'i phyir ji ltar na de rnams la mngon sum gyi tshad ma zhe na/ kun rdzob pa'i dngos po'i ngo bo rnams la des mi gnod de/ cung zhig bsgrub bya kho na la de ltar sgro btags pa'am bden pa'i rnam pa kho na bzlog bya'i phyir ro//tha snyad pa'i mngon sum gyi spyod yul gyi don ni rmi lam la sogs pa bzhin kun rdzob tu nges par byed pa la/ byis pa rnams kyis don dam pa'i ngo bo nyid la sogs pa sgro 'dogs pa la rjes su dpag pas gnod par 'gyur gyi/ mthong ba la sogs pa'i don gyi tha snyad la ni ma yin no//gang ma 'khrul pa de ni mngon sum de la rjes su dpag pas mi gnod la gnod pa ni bden par sgro btags pa nyid la sogs pa la ste/ de la ma 'khrul pa de med ces pas na mngon sum la skur pa 'debs par thal bar mi 'gyur ro/ /de yang chos thams cad bdag med par sgrub pa ni gang rten cing 'brel par 'byung ba las skyes pa de don dam par rang bzhin gyis stong ste/dper na sgyu ma lta bu'o/ /rten cing 'brel par 'byung ba las skyes pa'i rtsod pa'i gnas su gyur pa'i dngos po rnams kyang ngo zhes pa ni rang bzhin gyi gtan tshigs te/ de yang ba lang rdzi la sogs pa rnams la grags pas chos can ma grub pa med la/ dmigs par rung ba ma dmigs pa las/ gang gang du de bden par dmigs pa de de'i 'bras bu zhes rjes su 'gro ba'i sgo nas sam/ gzhan rnams yod pa'i mthu dang ldan pa'i rgyu rnams gang med na gang mi 'byung bas de de'i 'bras bu'o zhes ldog pa'i sgo nas kun rdzob pa'i rgyu dang 'bras bu'i dngos por grub pa ni kun rdzob pa'i de nyid 'thad la/snga nas yod pa'i chos la byed pa po nyid dang / bya ba dag gi byed pa po gcig pa nyid ni brtags pa ste/ rgyu dang rkyen tshogs pa'i rten cing 'brel pa las skye bar 'gyur ba la ni chos zhes brjod de/skye ba'i chos ni chos gzhan la brten nas bdag nyid thob la/ de ni bcom ldan 'das kyis gsungs te/ 'di yod pa las 'di 'byung ba dang 'di skyes pas 'di skye bar 'gyur zhes pas ni 'gal ba med de mthun pa'i phyogs la yod pa'i phyir ro/ /ma nges pa yang ma yin te don dam pa'i rang bzhin gyi skye ba mi 'thad pa'i phyir dang /mi sbyor ba ni 'thad pa'i phyir ro/ /don dam par rgyu dang 'bras bu'i dngos po grub pa med pa'i phyir ro/ /ma grub pa ni don dam par shes pa'i bdag nyid kyis bdag nyid la 'dzin pa la sbyor bar mi 'thad pa'i phyir ro//rang rig pa'i shes pa rnams kyang rang rig pa tsam du bya bas snga ma dang phyi ma'i dngos po gang du yang mi 'dzin pa'i phyir rgyud gcig nyid du btags pas dngos por med pa'i phyir dang / rgyu tha dad pa can rnams kyang phan tshun mi rig pa'i phyir dang / dmigs pa'i dus su yang rgyu dang 'bras bur mngon par 'dod pa dag 'gegs pa'i phyir ro//rim gyis 'byung ba'i blos snga ma dang phyi ma'i dngos po nyams su myong nas de'i rjes la de la sems rnam pa can gyi blos rjes su mtshams sbyor bas snga ma khyad par can du 'dus byas pa'i sgo nas snga ma dang phyi ma'i dngos po rtogs pa nyid dang rgyu dang 'bras bu'i dngos po rtogs pa nyid de zhes bya zhe na//de ni kun rdzob kyi bdag nyid du 'gyur te kun tu myong ba'i dus kyi rang gi ngo bo tsam rig pa ste/ gang du 'di nyid rnam par gzhag pa med pas de nyid la mngon sum gyis ni rgyu dang 'bras bu'i dngos por grub pa med do/ /de nyid kyis ni rjes su dpag pa yang med pa ste/gang yang ji ltar 'bras bu skad cig la rang gi rgyu'i skad cig gi dngos po mthong la de med na de de'i rgyu'i skad cig dang dus mnyam pa'i dngos po ma lus pa sna tshogs par gyur pa'i skad cig ma'i dngos po yang mthong la de med na mi mthong zhes pa ni de'i rgyu nyid du 'gyur ba'i phyir na/rgyud gang zhig gi rgyu dang 'bras bu'i dngos po ni rigs pa ma yin te/ 'dir ni don dam pa pa'i rgyu dang 'bras bu'i dngos po'i sgrub pa'i skabs yin pa'i phyir ro/ /skad cig ma las gzhan pa yang don dam pa pa'i rgyu ni ma grub la/ rtag pa'i don ni rgyu dang 'bras bu'i dngos por med pas mngon sum gyis lhan cig gzung bar mi nus pa nyid pas bdag dang dbang phyug la sogs pa'i 'bras bu'i bde ba la sogs par ni rjes su 'gro ba grub pa med la/bden pa de dang ma bral bar gang du yang bde ba mi skye'o/ /de la ldog pa yang med de/ rtag pa nyid kyis ldog pa can min pa'i phyir ro//de'i phyir na don dam par rgyu dang 'bras bu'i dngos por grub pa'i tshad ma cung zad kyang yod pa ma yin no/ /gang yang don dam pa pa'i 'bras bu'i skyed pa po rang las sam gzhan las sam gnyi ga las sam gnyi ga ma yin pa las sam rgyu med pa las gyur te/ de la thog ma med pa nas yod pa dang med pa'i dngos po'i bdag nyid la ni rgyu nyid mi 'thad la/med pa ni mo gsham gyi bu'i rjes su 'gro ba bzhin du med cing rang nyid ma skyes pa la rang las skye ba ni med la/ rdzogs kyang cha nas med par skyes pas na sems pa bzhin rang las ji ltar skye bar 'gyur/gang zhig rdzogs pa min pas gang zhig rdzogs par 'gyur ba ni de de'i ngo bo nyid du sbyor ba ni ches thal bar 'gyur ba'i phyir ro/ /thams cad du yang dngos po rnams ni grangs can gyi 'dod pas rtag tu ngo bo nyid kyis gnas pa'i mngon par gsal te/ mngon par gsal bar byed pa rnams kyis mngon par gsal bar rtag tu gnas pa'i phyir mngon par mi gsal ba la sogs pa'i rnam pa gzhan mi rigs pas/gsal ba byed pa rnams kyis cung zad ma byas pa'i phyir na/ rtag tu yang dngos po rnams thams cad rtag tu mngon par gsal ba la sogs par thal ba ni bzlog par dka'o//gzhan yang gang du gang rang las skye ba la ni yul la sogs pa nges par mi 'gyur te/ gzhan la ltos pa'i 'di gzhan las skye bar gyur pa'i nye bar mkho ba med pa la ltos pa ni rigs pa mi yin zhing ltos par bya ba ni rtag tu nye ba'i phyir rtag tu 'di nyid skye bar 'gyur ro/ /de nyid kyis na tha snyad du yang rang las skye ba mi srid la/gzhan las ni dus snga ma dang phyi ma'i dus dag ngo bo gcig par mngon par 'dod pas rtag pa la skye ba'i tha snyad kyang mi rigs te/ rtag pa la rim dang cig car gyi bya ba byed pa nyid med pa'i phyir na/ de la tshad mas gzhan du nye bar brjod pas ci zhig btags pa 'thad de/de'i rtag pa ni nus pa thams cad dang bral ba'i ngo bo ri bong gi rwa dang khyad par med de/ dngos po thams cad dang bral ba nyid ni dngos po med pa'i mtshan nyid do/ /mi rtag pa skad cig ma'i dngos po la skye bar yang mi rigs te/ mi rtag pa'i dngos po ni skad cig mas gnas pa'i chos nyid gzhan du 'thad pas byas so//de 'das pa las mi skye ste/ 'das pa med pa nyid kyis na rgyu med pa las skye bar 'gyur bas so/ /ma 'ongs pa las kyang min te/ med pa nyid kyis 'bras bu bskyed pa ni nam mkha'i me tog la sogs pa bzhin no//da ltar byung bas kyang min te/ de'i yang skyed par byed pa'i 'bras bu dang dus mnyam pa'am dus tha dad pa ste/ dang po ni min te/ 'bras bu bskyed pa'i sngon du rgyu med pa nyid kyis ri bong gi rwa bzhin du nus pa la sbyor ba med pa'i phyir ro/ /gang yang rgyu'i bdag nyid thob pa'i dngos po des 'bras bu yang de dang dus mnyam du des rdzogs she na ni/gang gang gi rgyu la dus tha dad pas kyang lam mngon pa min de 'das pas ma 'ongs pa skyed pa la sbyor ba med pa'i phyir ro/ /de nas rgyu yod pa'i skad cig ma gnyis pa la skad cig mas bar chod par 'bras bu yod pa nyid du skyed na de la yang rgyu med de skad cig ma yin pa'i phyir na/de ltar ni rgyu skad cig tu yod pas 'bras bu dus gzhan gyis bar ma chod par u0f37'bras bu'i nang du phra mor gyur pa'i dus gzhan ni med pas/ dus gcig tu 'gyur ro/ /cha shas med pa'i snga ma d ang /phyi ma'i skad cig ma dag ni thams cad kyi bdag nyid kyis kun tu reg pas de'i yang skad cig ma gcig gi nang du skad cig ma thams cad 'dus pas bskal pa yang skad cig tsam du 'gyur te/ rdul phra rab rnams thams cad kyi bdag nyid kyis kun tu sbyor na gong bu yang rdul phran tsam du 'gyur ba bzhin no//de'i yang ji ltar dngos po rnams kyi yul rim gyis snang ba'i kun rdzob pa'i tshad mas gnod pa'i phyir la de ltar dus kyi rim pa la yang 'gyur te/ rmi lam la sogs pa rnams su bskal pa la sogs pa'i snang ba bzhin no/ /yul gcig pa'i skad cig mas bar ma chod pa la cha shas dang bcas pa'i phyir dus kyi mtha'i bar nyid du de'i mtshan nyid nyams par 'gyur te/dngos po rab tu bcom pa dngos med dang lhan cig bar ma chod kyang dus gcig pa nyid du mi 'gyur bas/ de ltar rgyu dang 'bras bu dag rgyun ma chad kyang dus mnyam min zhes pa ni mi 'thad de/ dngos po med pa ni gang du tha snyad du yang yod pa min te/ji ltar sngon po ni yul gzhan du yang sngon po min pa las log pa rang gi rgyu las skyes la/ de ltar dus gzhan la yang ngo / /dngos po'i ngo bo nyid 'jig par 'gyur ba'i 'jig pa ni 'dir yul dang dus dag gi ngo bo ldog pa tsam 'ba' zhig la tha snyad du byed pa las ci yang min no//'jig pas na 'jig ces pa'i med pa'i bdag nyid ni don dam par dngos po med pa nyid kyis de nyid dang gzhan nyid spangs pa kho na ste/ dngos po la dngos po med do zhes pa dngos po dgag pa'i tha snyad tsam yin no/ /de'i phyir 'dir bar ma chod pa la sogs pa can gyis ma yin no//rgyu dang 'bras bu dag ni dngos po nyid du khas len pas bar chad pa la sogs par sems par bya ste/ de nyid ni don dam par gzhan las skye bar yang rigs pa ma yin la/ gtso bo dang dbang phyug dang rang dang gzhan las skye ba yang ma yin te/ so sor brjod pa'i skyon ma rungs pa'i phyir ro//kha cig dag tsher ma la sogs pa rnams kyi rno ba la sogs pa'i rgyu ma mthong bas med pa nyid bzhin du dngos po rnams rang bzhin gyis skye bar brjod de/ de la ma mthong ba nyid du ma grub ste/ don dam par ni chos rnams thams cad ma skyes pa'i phyir la/ kun rdzob tu ni skye ba'i rgyu med pa can du bsgrub pa mi 'grub bo/ /gang du yang sa bon la sogs pa dag las tsher ma la sogs pa dag skye bar 'gyur ba de rnams kyi rno ba la sogs pa gang du rgyu med pa can las mi skye ste/ rgyu med pa can nyid la rno ba la sogs pa'i tsher ma la sogs pa nges par 'gyur na khyad par med pas de lta na ni thams cad la thams cad kyi bdag nyid kyis 'gyur na/sa bon la sogs pa rnams ni 'jig rten pa la mngon sum nyid du rgyu dang 'bras bu'i dngos por grub pa'i phyir dam bca' ba mngon sum dang 'gal ba'o/ /gtan tshigs ni gzhan dag la bsgrub par bya ba la nges pa bskyed par khas blangs pa'i phyir rang gi tshig dang 'gal ba dang gzhan la rgyu'i rkyen gyi sbyor ba don med par 'gyur ro//de la 'dir rgyu med par smra ba dag la tha snyad du yang mngon sum la sogs pa rnams kyis gnod la/ gang yang yod pa la 'bras bu skye ba ni de'i cha shas med pas gzhan rnams kyis sngar med pa'i khyad par ma bskyed pa'i phyir ro//med pa las kyang mi skye ste/ yod pa dang med pa dag phan tshun 'gal ba'i phyir ro/ /'o na med ces pa ci zhig yod/ cung zhig gang skye bar 'gyur ba de snga na med ces pa de rgyu 'di las med par skye bar 'gyur zhes pa'i bya ba ni khyad par gzhan gyi tha snyad lo//de lta na ni de lta bu'i lta ba ni bdag cag gis dgag par mi byed do/ /sgra don gyi sgyu ma dang rmi lam la sogs pa yang mi 'byung ba 'byung la/ byung ba yang ma byung bar mthong ba'i phyir na/ gang du yang kun rdzob pa'i dngos po rnams sgyu ma la sogs pa bzhin du skyes nas gnas pa de rnams la bdag cag gis sgro btags pa'i rnam pa dgag pa la 'gal ba las byung ba med pas sgra don nyid du thams cad kyi gzhan du ni ma yin no//yod pa dang med pa nyid ngo bo gcig pa nyid du med do/ /dngos po dang dngos po med pa dag 'gal ba'i phyir ro//'gag pa dang skye ba ni rjes su 'gro ba dang bcas pa'o zhes pa'i 'dod pa ni ci yang min te/ gang yang rgyu las 'pho ba'i cha de la rgyu gzhan gyi bya ba med la/ gang du yang bya ba sngon du 'gro ba dang bcas pa ni med pa nyid de/ yod pa dang med pa'i bye brag dang bral ba'i rnam pa gzhan la skye ba yang yod pa ma yin te/phan tshun spangs nas gnas pa'i mtshan nyid can 'di dag la ni rnam pa gzhan mi srid pa'i phyir ro/ /ngo bo nyid kyis med pa la ni dngos po'am dngos po med par de'i ngo bo med pa'i phyir dang rnam pa gzhan te yang yod pa dang med pa 'dus pa'i phyir ro/ / de nyid kyis na bstan bcos su de yongs su bcad cing de las gzhan pa rnam par bcad nas rnam pa de las gzhan ni med pa gsal bar byas zhes so/ /de nyid don dam pa'i ngo bo las log pa'i rten cing 'brel par 'byung ba nyid dngos po la ngo bo nyid kyi med pa la sogs pa des khyab pa'o zhes pas khyab pa grub la/ma nges pa yang ma yin te/ tha snyad du ni sngags la sogs pa'i rkyen gyis sgyu ma la sogs pa ji ltar skye bar mthong ba ni gnyi ga la grub pa'o/ /'o na khyod kyi 'dod pas dngos po thams cad la dngos po nyid tsam bkag na don gyi bya ba'i nus pa'i mtshan nyid kho na'i dngos po'i mtshan nyid med pas 'on kyang gsal ba yang yod pa yin no zhe na/de la thog ma dgag pa ni rnam par shes pa ni sngon po la sogs pa'i rnam pa don dam par nus pa thams cad kyis stong pa'o/ /kun rdzob tu rten cing 'brel par 'byung ba ni dngos po med par rang rig pa'i mngon sum gyis 'grub pas/des gsal ba'i mtshan nyid can gyis sems can med pa'i phyir ro/ /de'i gsal bar byed pa yang gsal ba nyid du bden par 'gyur zhes pa'i gsal ba'i mtshan nyid kyis dngos po'i ngo bo nyid stong pa nyid du bsgrub par bya ba la sgrub byed dang bral ba ste/dpe dang phyogs la mngon sum gyis gnod pas gtan tshigs ma nges par 'gyur zhes bya zhe na/ de ltar min te/ don dam pa'i mngon sum ni ji ltar yang grub pa med la/ gang du gsal ba bden par yod ces pa ni gang du bsgrub par bya ba btags pa la sogs pa can du 'gyur la/rang gsal ba'i sngon po la sogs pa'i rnam pa la lkog tu gyur pas the tshom zhes pa ni byis pas kyang brjod par mi nus so/ /skye ba nyid du shes shing mthong yang de gang du gsal ba med pas gnas zhes pa ni/ rnam par rig par smra ba rnams kyi grub mtha' ste/ de gang du gtan tshigs la the tshom za na ldog pa'i dogs pa yang med do/ /de nas rigs pas gang gis dngos po rnams kyi dngos po skye ba la gnod par 'gyur ba de kun rdzob tu yang gnod par 'gyur bas/ de'i gtan tshigs ma grub po zhe na/ min te/ gang gi phyi'i rgyu la sogs pa skye ba bzhin du 'dir skye ba thams cad yul dang dus dang rgyu'i khyad par la ltos pa yang khyod kyis kun rdzob nyid du rnam par gzhag par bya ste/thog ma med pa nas rang rang gi rjes su mthun pa'i rgyu dang rkyen gyis phan tshun rjes su bskyed la/ de yang ji ltar nges par rnam par gzhag par byed pa ni dus mnyam pa'i dus tha dad pa gal te rnam par gzhag pa de ltar ni 'gal ba med do//skad cig ma ma yin pa nyid la sogs pa'i skyon yang de la 'jug pa med de/ sgra don la 'gal ba 'jug pa med pa'i phyir ro/ /sgyu ma dang rmi lam lta bu'i chos rnams kyi ngo bo nyid ni skad cig ma dang skad cig ma ma yin pa'i chos su mi sbyor ba'i phyir ro//gang du gzhan du 'dus byas pa rnams skad cig ma nyid du gsungs pa de ni bag med pa rnams 'dus byas dag la kun tu yid byung nas rim gyis bdag med pa'i de kho na nyid la gzhug pa'i phyir ro/ /gal te don dam par ngo bo nyid med kyang dngos po yul dang dus la sogs pa nges pas so sor snang na des ri bong gi rwa la sogs pa yang ci'i phyir nges par mi 'gyur zhe na/khyod la yang 'di 'dri bar bya'o/ /rab rib can la sogs pa la yul sgra don la sogs pa dang ri bong gi rwa la sogs pa dngos po med pa nyid mnyam yang / ji ltar na skra shad la sogs pa nyid sgra don du snang bar 'gyur la/ri bong gi rwa la sogs pa ma yin/ 'di rab rib la sogs pa ni rgyu'i nus pas de ltar nges she na/ ji ltar dngos po med pa la nus pa nges pas mthong ba'i phyir zhe na/ gzhan du yang rgyu'i nus pa nges pas de ltar rnam par gzhag par nges par ci'i phyir mi 'dod/shes pa'i ngo bo nyid kyis na rab rib can la skra shad la sogs pa rnams la bden pa nyid du mi rigs zhes brjod pa nyid na/ shes pa dang shes bya dag las gzhan pa'i dngos po'i ngo bo nyid du yang yod pa ma yin no/ /snang ba nyid kyi skra shad la sogs pa rnams ni 'jig rten du tshad mar rab tu grags pa nyid la dngos por ni med pa nyid do//de nyid kyis na gang zhig don dam par ma skyes pa de ni kun rdzob tu yang mi skye ste/ dper na mo gsham gyi bu la sogs pa rnams bzhin la don dam par dngos po ma skyes zhes pas thal bar 'gyur ba'i gtan tshigs la sgyu ma la sogs pa rnams gzung ba la sogs pa rnams kyis gtan tshigs ma nges par 'gyur ba la ni bzlog pa la yang tshad ma med pas ldog pa la the tshom za la/don dam par med pas kun rdzob tu yang med na/ kun rdzob kyi bden pa nub par 'gyur la/ gang du kun rdzob tu yang mo gsham gyi bu la sogs pa mi skye ba ni de la sogs pa'i tshogs pa dang bral ba la ste/don dam pa'i rang bzhin dang bral bas ni ma yin no/ /'o na ji ltar gtan tshigs ma grub pa la sogs par yongs su spong ba'i nus pa med de/ dngos po rnams thams cad rtag tu yod pa min pa la dgag pa'i sbyor bas sgro 'dogs pa nyid kyi ngo bo dgag pa'i sbyor bas zhes brtags pa'i ngo bo nyid dgag pa ni bsgrub par bya ba grub pa la bsgrub par 'gyur ba'i don med ces pa ni spang dka'o zhes pa la min te/tshad mas gnod pa ni brtags pa'i ngo bo nyid la yin pa'i phyir te/ rang rig pa'i mngon sum ni don dam par yod pa'i yongs su grub pa'i ngo bo'i dngos po rnams kyi ngo bo nyid rnams la tshad mas gnod ces pa ste/de yang brtags pa'i ngo bo la gzhan du rigs pas sgro btags pa dang ldan nas gzung ba dang 'dzin pa'i ngo bo nyid du rig pa min pas grub la bsgrub pa ni ma yin te/'dir ji ltar sgyu ma mkhan gyis shes pa la sgyu ma'i skyes pa dang bud med la sogs pa'i yul la de nyid la de'i ngo bo nyid med pas/ de'i gzugs la mngon par zhen par 'gyur ba de la mngon par zhen pa med pas dben pa nyid du dmigs pa'i nges pa bskyed pa'i rgyur de'i yul du rnam gzhag byed pa de bzhin du gzhan la mngon sum la rtogs pa dang ldan pa rnams kyi mnyam du byung ba'i 'khrul pa'i rgyu mtshan skye bar byed la/de kho na nyid du de'i ngo bo mngon par zhen pa med par nges pa'i rgyu nyid kyis na/ des dben pa'i yul rnam par gzhag pa'o//de bzhin du rjes su dpag pa'i shes pa'i yul nang gi sgro btags pa'i dngos po thun mong gi yin yang dngos po ji lta ba bzhin la dmigs pa'i tshul gyis de'i yul yang tshad mar 'dod do/ /de'i ngo bo nyid med kyang de nyid pas na rang gi bdag nyid la mi 'jug pa'i 'gal ba yang med de/spyi bo'i ngo bos chos thams cad ngo bo nyid med par rnam par gzhag pa'i phyir te/ de la spyi'i mtshan nyid nyid kyi blo'i ngo bo ni nang du son pa'i phyir ro/ /yod pa'i gtan tshigs skad cig mas 'jig pa'i blo bzhin du/ 'o na sgro btags pas rnam pas stong pa'i gzugs la sogs pa kho na ngo bo nyid med pa'i sgras brjod la/de'i yang gzugs la sogs pa'i ngo bo nyid mngon sum gyi phyir de'i ngo bo nyid du gyur pa la ngo bo nyid med pa yang mngon sum gyi bum pas dben pa'i sa phyogs bzhin du dmigs pas de'i bdag nyid du gyur pa'i bum pas dben pas byis pas der dmigs par mi byed la/'dir yang de ltar mngon sum gyis de ltar dmigs par rung ba'i mtshan nyid ma dmigs pa ni med pa'i tha snyad du rung ba'i phyir na/ med pa nyid kyi ngo bo nyid med ces pa la rjes su dpag pas gnod ce na/ min te/ dngos po rnams la sgro btags pa'i rnam pas dben pa nyid la ngo bo nyid med par brjod de/de la dngos po'i ngo bo skad cig ma bzhin du gzung nas 'dzin kyang 'khrul bas sgro btags pa ma yin pa'i de kho na nyid can gyi skye ba la sogs pa'i rnam pa log pa'i ngo bo'i phyir na/ tshu rol mthong ba rnams kyis nges par mi 'gyur la/de 'dir nges par mi 'thad pa'i mngon sum nyid med la mngon sum gyis gnod pa med la/ nges pa skyed pa byed pa can ni mngon sum du byas pa'i tha snyad du byed pa'i mthong ba'i lam la sogs pa rnams su'o/ /de ltar gzung ba yang tha snyad du mi rung ba'i phyir gzung ba med pas brtags pa ste/'dir dmigs pa'i rig byar ma gyur pa nyid yod pas de de la rjes su dpag pa'i gnod pa med do/ /don dam par zhes pas khyad par du byas pas ma brtags na nyams dga' ba'i dngos po'i nges pa ma brtags pas yid ches pa'i gnod pa med pa nyid do//de nyid kyis na 'di thams cad la bcom ldan 'das kyis dgongs nas gsungs pa ste/ gang zhig rkyen rnams kyis bskyed de la skye med de/ /de yi skye ba ngo bo nyid du yod pa min/ /gang zhig rkyen la rag las de ni stong par bshad/ /gang zhig stong nyid shes pa de ni bag yod yin//zhes so/ /de bzhin du de kho na nyid rtogs pa dang rjes su mthun pa'i rjes su dpag pa bsam pa'i rang bzhin can nam/ sgom pa'i rang bzhin can gyis ji lta ba bzhin du rab tu rnam par 'byed pa'i shes pas chos rnams thams cad kyi bud shing sreg pa nyid kyi rjes su thob pa ste/de yang thams cad du ni 'di ltar des sgro btags pa'i chos kyi bud shing bsregs pas rab tu zhi ba rnam par 'byed pa 'bar bas brtags pa nye bar zhi ba'i mtshan nyid kyi mchog tu mya ngan las 'das pa'i 'gro bar 'gyur te/ de ltar yang dbu ma rtsa ba las/ dngos dang dngos med mchog 'dzin pa//zad pa mya ngan 'das zhes brjod/ /ces te/ rnam par rtog pa med pa'i 'jig rten las 'das pa'i ye shes kyi rgyun mur thug pa med pa ni nam mkha' ji srid du rjes su gnas pa kho na'o/ /chos mchog las phyin ci log gi bdag nyid kyang mos pa la sogs pas rjes su dpag pa la 'jug pas mngon sum du bya ba thob nas chos kyi dbyings kun du 'gro ba so sor rtogs pa zhes pa'i rjes su dpag pas bkag kyang 'jig rten las 'das pa'i ye shes nye bar zhi ba ni ma yin no//bud shing mes zad la zad pa'i gser bzang po bzhin du ste/ de nyid kyis na/dmigs pa med pas rab tu zhi/ /zhes pa ste/ rnam par rtog pa can gyi blo zhes pa'i don no/ /brtags pa'i rnam pa la sogs pa'i khyad par las gzhan pa de kho na nyid rtogs pa'i thabs kyang yod pa ma yin pas/ 'dir yang bsgrub bya dang sgrub byed la sogs pa'i tha snyad thams cad kun rdzob la kun rdzob ci zhig ce na/brjod pa ngo bo nyid med pa'i dngos po rnams la ngo bo nyid can du phyin ci log pa'i rnam pas sgro btags pa can gyi 'khrul pa'i blo ste/ kun rdzob ni 'dis 'dir de kho na nyid la kun tu sgrib par byed cing g.yogs pas so/ /de sgro btags pa'i dngos po la kun rdzob pa zhes brjod pa'am/brtag tu med pas kun rdzob ste/ phyin ci ma log pa'i de kho na nyid la dmigs pa la 'jug pa'i rjes su dpag pa de'i stobs las byung ba can gyi bsams pa las byung ba can gyi shes rab dang bsgoms pa las byung ba can gyi mngon sum gyis de kho na nyid ni rjes su ma brtags pa ste/de'i rgyu mthun pa ni brtags pa zhes brjod la/ de kho na nyid kyi don la rgyab kyis phyogs nas 'di thams cad la phyin ci log pa'i sgra don gyi rnam pas 'dzin pa'i shes pa ni ma brtags pa ste/ rnam par mi rtog pa'i ye shes ni ma yin zhing rnam par brtags na dngos po med pa tsam yang ma yin no//de grags pa'i phyir 'di thams cad sgra don gyi ngo bo las med pas kun rdzob pa'o/ /yang na 'jig rten las 'das pas yid ches pas kun rdzob ste/ 'jig rten la rab tu grags pa'i don 'di thams cad kun rdzob nyid du mthar thug pa'i phyir la/ cung zhig shin tu lkog tu gyur pa'i rnam pa thams cad du so sor nges pa'i las dang 'bras bu la sogs pa'i rnam par gzhag pa ni thams cad mkhyen pa'i ye shes kho na las gzhan pas kyang 'di mi shes pas gang du dngos po rnams la rtag pa la sogs pa nyid du brtags pa de ni log pa'i kun rdzob tu brjod de/nges par gzung yang de med pa'i phyir ro//bdag la sogs pa dang bral ba'i chos 'di rnams ni rgyu dang bcas pa can zhes pa ni yang dag pa'i kun rdzob tu yod par brjod do/ /yang ni shes pa dang shes bya'i ngo bo'i phung po lnga can ni kun rdzob ste/ gang du 'phags pa klu sgrub kyis gsungs pa/ rgyu dang rkyen las kun 'byung ba'i/ /gzhan gyi dbang ni kun rdzob pas/ /gzhan gyi dbang zhes grags pa ste/ /don dam nyid ni bcos ma yin/ /zhes so/ /de rnams rten cing 'brel pa las 'byung ba des na gzhan gyi dbang ste gang phung po lnga'i mtshan nyid ni kun rdzob tu sgyu ma lta bu'i rang bzhin la don dam par ngo bo nyid med pa nyid kyi mtshan nyid can gyi stong pa nyid do//gal te don dam par spros pa thams cad las 'das pa na/ des don ci zhig grub nas 'di dag don dam par 'gyur ba med pas/ ji ltar na de shes pas kun du brtags pa na ci yang ma yin pa'i phyir ro zhe na/brjod pa/ chos thams cad la bdag med pa'i mtshan nyid can de kho na nyid kyi rigs dang ldan pa des mchog tu bsgribs pa mthar song ba dang bcas pa spang bar 'dod cing don du gnyer ba rnams kyi don du 'gyur zhes pa'i don ni don dam pa zhes brjod do/ /dam pa ni phyin ci ma log pa'i ye shes kyi yul gyi don te don dam pa'o//'jig rten las 'das pa'i ye shes kyang sgyu ma la sogs pa dang khyad par med pa nyid kyis yang dag pa'i kun rdzob kyi ngo bo 'di yang don dam pa'i yul zhes pas don dam pa'o/ /gang yang rjes su dpag pa'i bdag nyid kyis thos pa dang bsams pa dang bsgoms pa las byung ba'i shes rab ni don dam pa rtogs pa dang rjes su mthun pas de yang nye bar btags pa ste/phyin ci ma log pa'i don yul yin pa'i phyir na don dam pa'o/ /kun rdzob dang don dam pa'i bye brag 'di rnams kyis 'chad par 'gyur ba'i ngag rnams kyi ni so so'i skye bo'i gnas skabs rnams dang /de kho na nyid rtogs pa'i skabs la ji ltar rigs par shes par bya'o/ /de la kho na nyid kyi mtshan nyid kyi don dam pa sgom pa rnams kyis gang du kun nas nyon mongs pa'i lhag ma ma lus par spangs pa'i rnal 'byor pa rnams kyis gong nas gong du shes rab la sogs pa'i yon tan gyi khyad par yang rtogs par 'gyur bas/de'i don chen po'i sgrub pa po'i phyir de nyid la dam pa'i sgras rjod par byed par rigs pa'o/ /shes pa yang don dam pa ste/ ma lus pa'i yon tan phun sum tshogs pa la gnas par byed pas don chen po'i bsgrub pa'o//nyid ces bya ba ni don dam par cung zad byed pa nyid kyis ni ma yin no/ /'di nyid ni yang dag pa'i shes pa'i bdag nyid can te/ don dam pa'i dbang du byas na/ don dam par dngos po med ces pa dang / mi skye zhes bya bar brjod pa ni yang dag pa'i shes pas grub pa las/'di rnams skye ba med ces bya bar dgongs te/ gang yang rung ba don dam par ni/ de kho na nyid kyi rnam pas btags par byas na yod pa min zhes bya ba dang / skye bar mi 'gyur ro zhes pa'i don to/ /de kho na nyid kyi mtshan nyid can gyi don dam pa dang /'dus byas pa'i mtshan nyid can gyi kun rdzob dag lhan cig min zhes tha dad pa nyid min la gnyi ga nyid du yang mi 'dod kyi/ cung zhig de kho na nyid dang gzhan nyid dag tu brjod du med pa nyid de/ 'dus byas pa nyid dang don dam pa'i mtshan nyid kyi dngos po nyid la ni de nyid dang gzhan pa nyid kyi rnam par rtog pa srid pa'i phyir ro//spyi'i mtshan nyid kyang don dam par dngos po med pa'i phyir de nyid dang gzhan nyid du 'di gnyis su brjod du med pa nyid kho na'o/ /yod pa'i dngos po la de nyid dang gzhan pa nyid du brtags kyi dngos po rnams kyi ngo bo nyid med pa la ni de mi srid ces pas na 'gal ba med pa kho na'o//dmigs pa'i sgro btags pa'i tshul gyis rjod par byed pas don dam dang kun rdzob nyid du 'gyur gyi/ de ni spros pa thams cad las shin tu 'das pa'i phyir ro/ /de yang ma lus pa'i rtog pa'i dra ba dang bral ba'i 'jig rten las 'das pa'i ye shes kyis sgro btags pa'i chos thams cad kyi snang ba med pas so sor rang gis dmigs pa med par rig par 'gyur kyi/de yang dmigs pa ni ma yin te/ ji skad du lha'i bu ji srid du rnam pa thams cad kyi mchog dang ldan pa'i rnam pa thams cad mkhyen pa'i ye shes kyi yul las 'das pa ni don dam pa'i bden pa'o zhes gsungs te/sgyu ma la sogs pa dang khyad par med pa'i phyir dang / ye shes kyi bdag nyid dang don dam par na yang dag pa'i kun rdzob kyi ngo bo de kho na nyid rtogs pa dang rjes su mthun pa'i phyir dang yul de kho na nyid kyi phyir na don dam pa'i ngo bo'o zhes pa la ltos pa'i dbye bas gcig gnyi ga'i ngo bo nyid kyang 'gal ba ma yin pa nyid do//gang zhig sa bcu par khams gsum po 'di rnams sems tsam zhes pa dang / gang yang lang kar gshegs pa las/ don yod ma yin sems nyid de/ /bag chags kyis ni dkrugs pa'i sems//don du snang ba rab tu skye/ /zhes gsungs te/ de rgya chen por bcom ldan 'das ma las dang mdo sde rnams las ngo bo nyid med pa nyid du bstan par gsungs par rigs kyi/ don dam pa pa nyid la ma yin zhing kun rdzob tu phyi rol gyi don med pa nyid la yang ma yin gyi/cung zhig rim gyis don dam pa la bzhugs par byed pa'i phyir sems tsam nyid du bstan pa nyid la/ kha cig gis log par bsgrubs pa ste/ dang po sems tsam nyid la brten nas phyi rol gyi don gyi ngo bo nyid med pa nyid du so sor bsgrub cing / de'i rjes la sems tsam de yang don dam par don med pa nyid kyang gzung ba dang 'dzin pa'i bag chags kyis dkrugs pa'i dbang gis sems phyin ci log nas rnam par chad pa'i sngon po la sogs pa can gyi don dam par yod pa snang bar byed cing sgro 'dogs par byed pa'i sgro 'dogs pa'i rnam par rtog pa skyed ces pa'i don du snang ba la/kun rdzob tu ni rnam par shes pa bzhin du phyi rol gyi don yang yod de/ gzhan du na sa bcu pa las/ sa brgyad pa'i byang chub sems dpa'i sa rdul phra rab kyi tshad nyid dang / dben pa nyid du shes shing 'jig rten gyi khams ji snyed pa'i sa'i khams kyi rdul phra rab kyi dkar por gyur pa shes la/de bzhin du chu'i khams dang me'i khams dang rlung gi khams su yang shes zhes gsungs pa dang 'gal bar 'gyur ro/ /yid ches pa dang 'gal te/ rnam par shes pa bzhin du phyi rol gyi don kyang nges pa'i phyir te/ tha snyad du dngos po gnyis su bden pa ni ba lang rdzi la yang grags la/rigs pas dpyad par bya na gnyi ga yang dpyad mi bzod pa des na dngos po med pa'o/ /de lta bas na shes rab kyis bsgrub pa'i dbang du byas nas bcom ldan 'das ma la phung po lnga po rnams kyang khyad par med par stong pa nyid du bstan to//de nyid kyis na shes pa dang shes byas stong pa'i gnyis su med pa'i shes pa ni cung zad dngos po med de/ de nyid kyis ni 'phags pa lang kar gshegs par yang gsungs te/ blo gros chen po 'di dag kyang gcig la gcig gis stong pa nyid pas thams cad kyang smad par byas pa ste/de khyod kyis yongs su spang bar bya'o zhes pa dang / 'phags pa klu sgrub kyis kyang / 'di dag thams cad sems tsam zhes/ /gang zhig thub pas bstan pa ni/ /byis pa rnams kyi skrag pa ni/ /spong ba'i don la de nyid min/ /zhes te/ 'on kyang mdo dag las sems tsam du bstan pa ni gzhan byed pa po dang spyod pa po'i 'bras bur kun tu brtags pas dgag pa ste/sems las ma gtogs pa gzhan byed pa po la sogs pa ni tha snyad du yang ma grub pa'i phyir ro/ /de ltar na/ yang phyi rol med par smra ba'i sangs rgyas pa rnams kyis sems can gyi 'jig rten dang /'di ltar snod kyi 'jig rten sems kho nar byed pa ni shin tu ngo mtshar te/ las las skyes pa'i 'gro bar brjod pa'i lus dang las dang sems pa las gang yod pa ni min zhes brjod pa ni sems la ni chos thams cad ltos pas gtso bo nyid du bsgrub pa'i phyir te/chos rnams thams cad kyi sngon du sems 'gro ba'i phyir ro/ /de nyid la de kho na nyid can gyi dngos po khas mi len la/ gang yang dngos po med pa yang min te/ dngos po dang dngos po med pa las log pa'i mtshan nyid can gyi phyir ro/ /de'i dngos po ma grub pas yul med pa la dgag pa'i sbyor ba med de/med pa la dgag bya dang dgag byed kyi 'jug pa med pas de sngon du 'gro ba can gyi de yang mi grub la/ dngos po dang dngos po med pa'i rnam par rtog pa dag gis ni rnam par rtog pa rnams thams cad la khyab pa'i phyir khyab byed med pa la khyab bya mi srid pas de kho na nyid du na dngos po dang dngos po med par mchog tu 'dzin pa dang bral bas/ma brtags na nyams dga' ba'i dngos po 'di rnams la shes rab kyi spyan gyis brtags na nang dang phyi rol gyi snying po dang bral bas gang du bsgoms pa'i stobs rdzogs pas skyon thams cad bkag nas bdag med pa mthong ba mngon sum du gyur nas de dang 'gal ba'i phyir nyon mongs pa'i sgrib pa dang shes bya'i sgrib pa spong bar 'gyur te/'dir 'ching ba med pas sprin dang bral ba'i nyi ma'i 'od zer bzhin du nam mkha'i mtha' klas par rten cing 'brel pa las las 'byung ba'i dngos po don dam par skye ba la sogs pa'i brtags pa dang bral ba'i rgyun mi 'chad pa rnal 'byor pa'i mngon sum gyi snying rje dang shes rab kyi rang bzhin gyi kun rdzob pa'i ye shes kyi snang ba yang dag par skye la/'di nyid de kho na nyid mthong ba ste/ gang du shes rab kyis brtags pa na chos thams cad mi mthong gi /gang du yid la byed pa dang / gnyid log pa'am mig btsums pa bzhin gyis ni ma yin no/ /de lta bu'i bag chags ma spangs na/ 'du shes med pa'i snyoms par 'jug pa la sogs pas langs pa nyid na/ gzugs la sogs pa la mngon par zhen pa'i rtsa ba can gyi 'dod chags la sogs pa rnams skye bar 'gyur bas rnal 'byor pa grol bar mi 'gyur ro//gzugs la sogs pa'i yul gyi the tshom spangs pa med na/ de'i yid la byed pa spong bar mi nus te/ sreg byed yongs su ma spangs par sreg pa yongs su mi spong ba bzhin no//de'i phyir na ji skad du bshad pa'i mthong ba med pa'i sbyor ba'i shes rab kyi pha rol tu phyin pa bsgoms pas the tshom gyi sa bon dang bral ba nyid kyis gzugs la sogs pa la mngon par zhen pa bsal bar bya'o/ /de ltar yang dngos po dang dngos po med pa la sogs pa'i tshul gyis dpyad pas the tshom dang ldan pa de dang bral nas gzugs la sogs pa la mngon par zhen pa dang bral bas chos thams cad ngo bo nyid med par rtogs la de nyid shes rab kyi pha rol tu phyin pa zhes snga nas bshad do//'dir chos thams cad don dam par ngo bo nyid ni sgrib pa thams cad spangs pa dang rnam pa thams cad mkhyen pa nyid rtogs par byed pa lam gyi mchog ste/de nyid kyis na 'dis mngon par 'dod pa thams cad nye bar bsgrubs pas 'phags pa rab 'byor la 'thad pa nye bar bstan pa'o/ /sems kyi rang bzhin 'od gsal zhes pa ni rang bzhin ni ngo bo nyid kyis ngo bo nyid med pa nyid la/'od gsal ba ni de'i ngo bo nyid la glo bur ba'i yang dag pa ma yin pa'i kun tu brtags pa'i mun pa mtha' dag nub pa ste/ 'dir mngon par zhen pa med pa la sogs pa'i rnam pa dang tha mi dad pa'i kun rdzob kyi ngo bo sems la don dam par ngo bo nyid med pas sems ma mchis zhes pa'i ma yin par dgag pa dang med par dgag pa ste/kun rdzob tu yod pa la don dam par don yod pa min zhes pa nyid tsam la yid rjes su gnas pas phyin ci log par mthong nas smras pa ni yod dam zhes pa ste/rigs pas dngos po med pa'i phyir te/ ma yin par dgag pa'i sbyor ba min gyi 'on kyang med par dgag pa la ste/ de la yang yod pa dang med pa tsam du btags pa yang yod pa min zhes pa la dgongs nas gsungs pa ni ci yang zhes pa la sogs pa ste/ sems ni dngos po tsam la sems med pa ni de'i dngos po'i sems med pa nyid de/de la brjod pa ni med ces pa ste/ 'di brjod ma thag pa'i gnyi ga'i yod pa nyid dang med pa nyid du mi dmigs pa ste sgrub pa po med pa'i phyir ro/ /med pa ni gnod byed dam pa yod pa'i phyir te/ dngos po dang dngos po med pa gnyi ga las yang dag par 'das pa'i phyir zhes pa de la dgongs nas slar dri zhing rgol ba la sbyor ba'o//sems med ces pa ni sems dngos po med pa tsam nyid mngon par 'dod pa la dgongs pa'o/ /yod pa dang med pa'i ngo bos yod pa'i sgro btags pa ni mi rigs pa nyid la/ sems chos can gyi yul med pa nyid la dgag pa'i sbyor ba med pas/sems med pa nyid kyang med ces gsungs pa ni ci ltar yang 'di zhes pa la/ rnal 'byor pa'i kun rdzob tu so sor rig par 'dod nas gsungs pa ni 'gyur ba med ces pa ste/ rang bzhin gyis 'od gsal ba'i phyir dang / sems 'gyur ba'i 'dod chags la sogs pa rnams kyis ma gos pa'i phyir na 'gyur ba med pa'o/ /spros pa thams cad nye bar zhi zhing rnam par rtog pa thams cad kyi spyod yul ma yin pa'i phyir na rnam par rtog pa med pa'o/ /de'i phyir sems des kyang rlom sems su mi byed de/ de'i yang ngo bo nyid stong pa nyid dang ro gcig pa'i phyir ro//de lta yin yang de'i sems rang bzhin gyis 'od gsal zhes dmigs pa de'i yang rlom sems med pa'i rnam pa ste/ ji ltar sems ni sems med pa'i dang / de ltar gzugs la sogs pa rnams la gzugs la sogs pa med ces pa don gyis rtogs te gang du phung po lnga rnams stong pa nyid du mnyam par gsungs la 'dir ni rang bzhin gyi phyir dang mchog tu skyes bu'i don gyi rgyu nyid kyis na gtso bo'i phyir na/gzugs la sogs pa rnams kyang byang chub sems kyi ngo bo nyid du bsgrub par mngon par 'dod pa nyid do/ / drod la sogs pa dbye ba rnams kyi dmigs pa dang rnam pa ste/ de dang de'i mi mthun pa'i phyogs ni ldog pa'i dbye bas shes par bya'o/ /'on kyang mi zhes pa ni gsal ba 'di rnam pa zhes pa'i don to/ /nyon mongs pa med pa zhes pa'i snyoms par 'jug pa pa ni rnam pa gnyis te/ gcig gis ni pha rol gyi rgyud kyi nyon mongs pa yang mi 'gog ste/de 'dir gzung bar bya ba ma yin la/ gang du rnam par rtog pa'i nyon mongs pa 'gegs pa de 'dir gzung bar bya'o/ /skabs yin pa'i phyir ro/ /'dir yang zhes pa ni 'di lta bu'i dmigs pa dang rnam pa khyad par du 'phags pa ni drod chung ngu nas phyir mi ldog pa'o zhes pa ste/gang zhig dbang po rnon po dang 'bring dang shes rab rtul pos ni rab tu dga' ba dang / mi g.yo ba dag la'o/ /shes rab kyi pha rol tu phyin pa dang ma bral zhes pa ni des gong nas gong du yang ngo / /drod chung ngu'i rang bzhin ni gong gi rnams la yang rjes su sbyor ba'i phyir bcu gnyis po rnams kyi rgyu nyid kyi khyad par gyi dbang du byas nas bstan bcos su/theg pa gsum char thob pa'i rgyu zhes te/ byang chub sems dpa' rnams kyi drod la sogs pa ni byang chub rnam pa gsum thob pa'i rgyu ste/ kha cig phyir mi ldog pa la rigs kyi stobs kyis dman pa'i byang chub kyang thob pa'i phyir la/nyan thos dang rang sangs rgyas kyi theg pa can dag gi drod la sogs pa ni bla na med pa'i byang chub gang du yang thob par mi byed do/ /gang du gsungs pa'i nyan thos kyi sa zhes pa ni 'dir 'byung bar 'gyur zhes pas sa ste/de de'i rgyu mtshan no/ /mnyan par bya ba ni gzhung ngo / /gzung bar bya ba ni sems la gzhag par bya ba'o/ /klag par bya ba ni rjed pa'i phyir kha ton du bya ba'o/ /kun chub par bya ba ni don te rnam pa thams cad du shes par bya ba'o/ /rab tu gdon par bya ba ni gzhan rnams la yang don dang gzhung dag kun tu bsgrags pa'i phyir ro//bslab par bya ba ni sems pas so/ /rnal 'byor du bya ba zhes pa'i rnal 'byor ni zhi gnas dang lhag mthong la snyoms par 'jug pa'i bya bas so/ /bsgom par bya ba ni nges par dus dang dngos por gyur pas so//rtogs par bya zhes pa ni rnal 'byor gyi las nyid kyis so/ /byang chub sems dpa' rnams kyis ni rab tu dga' ba nas ji srid du chos kyi sprin gyi bar du'o/ /thabs la mkhas pa ni kun rdzob dang don dam par ro gcig pa'i sems kyi khyad par la yang dag par 'du ba ni rdzogs pa'o//'bring ni bstan bcos las/ gzugs sogs skye 'jig ces te ming gis zhes pa ni lhag ma'o/ /gnas bral dang gnas dang zhes te/ ming de yang med ces pa ni lhag ma'o/ /'di nyid gsungs pa ni de nas zhes pa la sogs pa ste/ ma 'tshal ba ni don dam la ste mi shes pa'o//ma 'tshal zhes mdor bstan pa'i rgyas par bshad pa ni ma dmigs zhes pa ste mngon sum gyis so/ /yang dag par rjes su ma mthong zhes pa ni rjes su dpag pas so/ /ngan du byed pa'i dngos po ni yid la gcags pa ste/ mi rigs par byas pa nyid do/ /ming du btags pa tsam zhes pa ni don dam stong pas ming ngo //'di lta ste byang chub sems dpa' zhes pa ni byang chub sems dpa' zhes zer yang nye bar mtshon pa min par shes par bya'o/ /yod pa'i skye ba dang 'jig pa mi dgag ste/ don dam par ni yod pa dang dgag pa las nges par grol bas gzugs la sogs pa can la dmigs pa'i zhes gsungs pa yin no//mi gnas pa'i ther zug pa'i rtag pa dang / de dang 'dra ba rab tu rgyu ba'i rtag pas so/ /dgag bya med pa la de kho na nyid du nges par dgag pa yod pa min zhing yul med pa la bsgrub pa'i sbyor ba yod pa yang min te/dgag pa rnam par rtog pa la brten pa nyid kyang kun rdzob par 'gyur gyi de kho na nyid ni ma yin no zhes pa'i rigs pas mi gnas pa yang ma yin no/ /rnam par mi gnas pa ni rgyun mi 'dra ba nyid kyis de lta bu la rnam par mi gnas pa ste/ ther zug pa dang 'dra ba dang mi 'dra ba'i rgyun dang bral ba nyid kyi rnam pas so zhes pa'i don to//med pa nyid kyis zhes pa ste/ de kho na nyid du zhes pa ni lhag ma ste/ kun rdzob tu ni skyon med ces pa la dgongs pa'o/ /rab 'byor bstan bcos las/ brtags dang brjod du med ces te yum bar ma las/ gang yang 'di lta ste/ byang chub sems dpa' zhes pa'i chos ni brdar btags pa can no zhes gsungs te/ btags pa tsam gyi sdug bsngal la sogs pa ni dmigs pa la/ de ni gang du yang brjod par mi nus te/ phung po dang khams dang skye mched nas ji srid du sangs rgyas kyi chos ma 'dres pa'i bar gyi chos kyis so zhes brjod du med pa nyid rnam pa ste/'di la gsungs pa ni de ltar zhes pa ni ming la don med pa nyid kyis so/ /ming dang btags pa gang de zhes pa ni ming du btags pa ni sdug bsngal la sogs pa'i bden pa la'o/ /mi gnas pa ni de kho na nyid du rnam par mi gnas la/mi gnas pa yang ma yin pa ni tha snyad du nges pa'i phyir te de ni btags pa tsam mo zhes pa la dgongs pa'o/ /rnam par mi gnas pa ni de yang brtags pa'i ngo bo las rnam pa sna tshogs pa'i phung po dang khams la sogs pa'i ngo bo mi gnas la/ gang gi phyir des na brjod du med ces pa la dgongs pa'o//rnam par mi gnas pa yang ma yin pa ni tha snyad kyis gang du yang brjod par bya ba'i phyir zhes pa ni dmigs pa dang rnam pa'o/ /gal te zhes pa la sogs pa ste/ 'di ltar zhes pa ni ji skad du bshad pa'i dmigs pa dang rnam pa rnams kyis so//rjod par byed pa ni gzhung la'o/ /bstan par byed pa ni don la'o/ /nye bar bstan par byed pa ni don la sems pa'i rang bzhin gyi shes rab skyed par byed pas so/ /sems zhum par mi 'gyur zhes pa la sogs pa ni zhi gnas bskyed pa gsungs pa ste don ni snga ma bzhin no//lhag par mos pa ni zhi gnas dang lhag mthong gi stobs kyis nges par byed pa'o/ /lhag pa'i bsam pas rtse gcig pas so/ /phyir mi ldog pa'i zhes pa ni phyir mi ldog pa ste yang dag par rdzogs pa'i byang chub las phyir mi ldog par nges pa'o/ /de ni de rnams la'o/ / legs par gnas pa ni yang dag par gnas pa'o/ /gnas pa med pa'i sbyor ba ni 'khor gsum mi dmigs pa'i sbyor bas so/ /rtse mo chung ngu ni/ gzugs sogs mi gnas de dag gi/ /de yi ngo bo rang bzhin med/ /de dag gcig gis rang bzhin gcig /ces pa ste/ gzugs la sogs pa rnams la mi gnas pa ni gang gi phyir gzugs la sogs pa'i ngo bos stong pa nyid ces sems pas gnas pa mi rigs pas gzugs la sogs pa la dmigs pa'o/ /gzugs la sogs pa dang chos thams cad stong pa nyid dag phan tshun ngo bo gcig ste gzugs la sogs pa nyid stong pa nyid la stong pa nyid kho na gzugs la sogs pa'o zhes dbye ba dang bral ba'i rnam pa'o//de ltar/ de mi rtag sogs par mi gnas/ /de rnams de yi ngo bos stong / /zhes pa ste/ des gzugs la sogs pa la mi rtag pa nyid la sogs pa rnams su mi gnas te/ gang yang 'dir de rnams kyi rtag pa la sogs pa rnams ni mi rtag pa la sogs pa'i ngo bo nyid kyis stong pa nyid do zhes pa ni dmigs pa'o/ /de dag gcig gi rang bzhin gcig ces te/ mi rtag pa'o zhes mi rtag pa dang stong pa nyid dag phan tshun ngo bo gcig ste/ gzugs la sogs pa dang stong pa nyid dag bzhin no zhes pa ni rnam pa'o//de bzhin du gzugs la sogs pa dang de'i mi rtag pa la sogs par mi gnas zhes pa ni bcom ldan 'das yum chen mor rgya cher gsungs la/ de nyid 'di bsdus nas gsungs pa ni gzhan yang zhes pa la sogs pa ste/ shes rab kyi pha rol tu phyin pa la zhes pa ni/ rtse mo chung ngu'i mtshan nyid la'o/ /spyod pa ni thos pa dang bsam pa dag gis so/ /de bsgom par bya zhes pa ni zhi gnas dang lhag mthong dag gis so/ /de ci'i phyir zhes pa ste/ gnas pa ni dngos por dmigs pa la rab tu gnas pa ni sems pas so//de ltar gnas pa ni gang du gzugs la sogs pa la mngon par 'du byed pa ste/ gzugs la sogs pa'i rtsol ba dang bcas pa rnam par rtog pa la spyod pa ma lags zhes pa ni rnam par rtog pa med pa'i shes rab kyi pha rol tu phyin pa la ste/ de de la spyod pa gang na ma yin pa ni yongs su 'dzin pa ma lags pa ni dmigs pas so//rnal 'byor du byed pa ma lags pa dang / yongs su rdzogs par bgyid pa ma lags pa ni go rims ji lta ba bzhin du sbyor ba dang dngos gzhi dang rjes kyi gnas skabs rnams la'o/ /thams cad mkhyen pa nyid la zhes pa ni kun mkhyen pa gsum po rnams la'o//yongs su mi gzung ba ni mi gzung bar rigs pa'o/ /yongs su mi gzung zhes pa ni gzugs la sogs pa gang du mi gnas pa ste/ de ni mi dmigs pa'o/ /gang yang ngo bo nyid med pas gzugs la sogs pas yongs su gzung ba ma mchis pa gang lags pa de gzugs la sogs pa ma lags zhes pa ni rnam pa'o//thams cad ces pa ni gang chos thams cad la yongs su gzung ba ma mchis pa de'o/ /chos kyi dbyings la dmigs pa rgya che bas yangs pa'o/ /mngon du byas pa ni ji skad du bshad pa'i dmigs pa dang rnam pa'i khyad par dag gi sems pas mdun du gnas pa'i phyir dang /sangs rgyas thams cad kyis bsngags pa'i phyir ro/ /tshad med pa ni sangs rgyas pa'i don du snying rje chen po'am shes rab kyi sbyor bas tshad med pa'i sems can gyi don byed par nges pa'i phyir tshad med par nges pa'o//thun mong ma lags pa ni dmigs pa rtogs pa la sogs pa lnga po'i khyad par rnams kyis so/ /rtse mo 'bring gi dbang du byas nas bstan bcos su/ chos rnams mi 'dzin gang nyid dang / /de dag mtshan mar mi mthong phyir/ /zhes te/ gang zhig chos rnams thams cad mi 'dzin pa de ni de'i dmigs pa la chos kyi mtshan ma ma mthong ba ni rnam pa ste 'dir de gsung ba ni de yang zhes pa la sogs pa ste/mi rtag pa la sogs pa dang stong pa nyid kyang ste mtshan ma ni chos rnams kyi khyad par gyi mtshan nyid de/ gzugs zhes pa dang tshor ba zhes pa nas ji srid du sangs rgyas kyi chos zhes pa'i bar ro//bstan par byed pa gsungs pa ni gal te zhes pa la sogs pa ni 'dir sangs rgyas kyis bstan pa'o/ /na ni gang gi phyir ro/ /phreng ba can ni mi la kun tu rgyu'i dka' thub can no/ /'di lta ste/ bstan pa la zhugs pa'o/ /thams cad mkhyen pa'i ye shes la zhes pa ni rtse mo 'bring la'o/ /de lta bu ni byed ces pas so/ /dad pas rjes su 'brang bar gyur pa ni bstan pa'i phyogs gcig la rab tu 'byung ba'i phyir ro/ /phyogs gcig pa'i ye shes kyis zhes pa ni rtse mo 'bring gis so//gzugs yongs su mi 'dzin zhes pa ni de'i mtshan mar yid la mi byed pa'i phyir ro/ /dga' ba dang bde ba ni yid dang lus kyis te ting nge 'dzin gang dang ldan pas so/ /rnam pa'i khyad par gsungs pa ni/ de nang gi gzugs kyi yin par yang dag par rjes su mi mthong zhes pa la sogs pa ste/de ngo bo nyid med pas de'i mtshan mar yid la mi byed pa nyid kyis so/ /gzhan du yang dag par rjes su mi mthong zhes pa ni mtshan mar yid la mi byed kyang phung po lnga po rnams kun rdzob tu snang ba'i phyir te/ de ni gzugs dang / tshor ba dang / 'du shes dang / 'du byed dang /rnam par shes pa zhes pa'i phung po ste lnga po la'o/ /de la tshogs par byed cing 'dus par byed pas gzugs te/ mig dang / rna ba dang / sna dang / lce dang / lus kyi dbang po dang / gzugs dang / sgra dang / dri dang / ro dang / reg bya zhes pa'i yul lnga dang bcu zhes pa ni gzugs kyi phung po'i 'byung ba dang 'byung ba las gyur pa can gyi ngo bo'o//de las 'byung ba ni sa dang chu dang me dang rlung la/ reg bya dang mig la sogs pa bcu po ni 'byung ba las gyur pa'o/ /tshor ba'i gsum la sogs pa ni sems kyi bya ba'i ngo bo'i gnas skabs kyi khyad par gyi sems las byung ba ste/de la tshim pa po dang yongs su gdung ba po dang btang snyoms kyi yul mngon sum du byed pa'i bya ba'i yul gyi rjes su myong ba po'i rnam par shes pa'i nyams su myong ba tshor ba zhes pas na tshor ba zhes brjod la de yang rnam pa gsum ste/ bde ba dang sdug bsngal dang bde ba yang ma yin sdug bsngal yang ma yin zhes pa ni tshor ba'i phung po'o//mtshan ma ni yangs shing zhabs yangs shing ldir ba la sogs pa can du sems las byung ba gang gis 'dzin zhing yongs su gcod pa byed pa de ni mtshan mar 'dzin pa'i bdag nyid can gyi 'du shes zhes bya ste 'du shes kyi phung po'o//'di 'du byed kyi phung po 'di rnams las logs su ston pa ni rtsod pa'i rtsa bar gyur pa'i phyir dang 'khor ba'i rgyur gyur pa'i phyir tshor ba dang 'du shes log pa shig tu phung por byas pa'o/ /gnyi ga yang rtsod pa'i rtsa ba ste/ 'dod pa la dmigs pa dang lta ba la dmigs pas tshor ba dang 'du shes de dag go rims bzhin du 'khor ba'i rgyu'i yang gtso bo'i rgyu ste/tshor ba la chags shing 'du shes kyis phyin ci log pas de 'khor ba'o/ /bcom ldan 'das kyis sgrib pa spangs pa'i kun rdzob pa'i phung po lnga'i bdag nyid can ni rnam par rtog pa med pa'i mchog tu bde ba myong ba gcig tu mthar thug pa la tshor ba'i phung po gtso bo yin pas logs su rnam par gzhag go//'du shes kyi phung po ni sngon gyi gnas skabs kyi rjes su 'brangs nas gdul bya rnams kyi bsam pa'i ngor ji ltar rigs par 'du byed kyi phung po'i khongs su gtogs pa'i dran pa nye bar gzhag pa la sogs pa rnams kyi rgyu'i gnas skabs kyi rjes su 'brang bas logs su rnam par gzhag pa'o//don dam par ni tha dad pa dang tha mi dad pa la sogs pa'i spros pa thams cad kyis stong pa nyid la/ gzugs la sogs pa'i phung po rnams ni 'khor ba dang cig shos kyis gnas skabs dag tu bsgrubs shing sgrub par yang 'gyur ro//tshor ba dang 'du shes dag gis gzhan du sems pa'i spang bya dang blang ba ni 'du shes kyi phung po'o/ /de yang gong du go skabs ji lta ba bzhin du 'chad par 'gyur ba'o/ /gang du don 'dzin cing yongs su gcod pa ni rnam par shes pas rtogs la de'i shes pa ni drug ste/mig dang rna ba dang sna dang lce dang lus dang yid kyi rnam par shes pa ni rnam par shes pa'i phung po ste/ de ltar mtha' yas mu med pa'i phyogs rnams dang dus rnams kyi bgrang ba las shin tu 'das pa'i khams kyi 'gro ba la sogs pa'i dbye ba tha dad pa rnams kyi rang gi mtshan nyid 'dzin pa'i chos rnams thams cad mdor bsdu na phung po lnga'o//'di nyid 'dir shes par gsal bar byed skyed par byed ces pa'i skye mched ni bcu gnyis te/ dbang po'i dang yul gyi bcu dang yid dang chos kyi skye mched dang bcu gnyis so//de la yid kyi skye mched ni bdun gyi dngos po can te/ yul drug gi rnam par shes pa dang yid kyi dbang po ste/ de ni rnam par shes pa drug po rnams kyi nang na gang zhig rnam par shes pa'i de ma thag tu 'das pa'o/ /chos kyi skye mched la rnal 'byor spyod pa'i sa las ni chos thams cad la dmigs shing gcig pu ma yin pa'i shes pa gzhan dang thun mong ma yin pa ste/tshor ba'i phung po dang 'du shes kyi phung po dang 'du byed kyi phung po la 'dus ma byas dang bstan du med pa dang thogs pa med pa'i ngo bo dang skye mched drug dang kun rdzob kyi sa bon zhes bshad do//yid kyi skye mched rnam pa bdun du phye bas ni khams bco brgyad ces brjod do/ /mig gi khams dang gzugs kyi khams dang mig gi rnam par shes pa'i khams zhes pa nas ji srid du yid kyi khams dang yid kyi rnam par shes pa'i khams zhes pa'i bar la khams drug gi skyes bu zhes pa ni 'dir sa dang chu dang me dang rlung dang nam mkha'i khams dang rnam par shes pa'i khams te/de la lus kyi nang gi khong stong ni nam mkha'i khams so/ /gang zhig lang kar gshegs par rnam par shes pa'i tshogs brgyad du rnam par gzhag pa ni dbang po lnga'i shes pa dang yid kyi rnam par shes pa'i drug dang /de nyid bdag dang bdag gir sgro btags pa las 'jug pa'i nyon mongs pa can gyi yid dang bdun la/ drug po nyid kyi bag chags ma lus pa'i bdag nyid can gyi gnas ngan len la sogs pa'i gnas des dge ba'i rtsa ba'i bar du gcod pa'i mtshams sbyor bas khams kyi sa la 'dod chags dang bral ba yongs su bcom zhing skye ba dang 'chi zhes pa'i chos drug po'i gnas nyid de/gnas par 'gyur ba'i gnas ngan len la sogs pa 'dir kun tu zhugs par byed ces pa kun gzhi'i rnam par shes pa dang brgyad do/ / de nyid yang de las gzhan pa'i rnam par shes pa de rnams dang lhan cig tu gyur nas chos gzhan rnams kyi dge ba dang mi dge ba rnams la sems par byas pas ji ltar rigs pa'i bag chags kyi bdag nyid kyi sa bon rgyas par byas pa las/ gang zhig rgyud yongs su sgyur ba'i khyad par byed pa'i stobs ji lta ba bzhin gyis dngos po las mi ldog pa thob nas bden par dus phyis de'i 'bras bu dga' ba'am mi dga' bar mngon par 'byung bar 'gyur te/dper na rgya skyegs kyi khu bas sbabs pa'i ras bal gyi sa bon gyi me tog dang 'bras bu yang dmar por skye bar 'gyur te/'bras bu de ru de nyid skye/ /de nyid kyang / mdo dgongs pa nges par 'grel par gdul bya'i khyad par gyi ngor gsungs te/ len pa'i rnam par shes pa zab cing shin tu phra/ /sa bon thams cad chu bo'i rgyun bzhin 'bab/ /bdag tu rtogs par 'gyur na mi rung zhes/ / 'di ni byis pa'i skye bo rnams la ngas ma bstan/ /zhes so/ /de yang yang srid par nying mtshams sbyor ba rnams su lus su nye bar len pa'i len pa ste/ sngon gyi las kyi rnam par smin pa dang rnam par shes pa'i sa bon thams cad kyi 'di ni kun gyi gzhi'i rnam par shes pa dang zhes pa la'o//'di ni byis pa rnams la ni bye brag tu smra ba'i khyad par rnams la ste/ sems de bdag nyid ces mngon par rlom par byed pas nyan thos kyi theg par ma bstan to/ /de nyid kyis de thos nas de la rnam par shes pa'i bdag ces shin tu brtan pa'i mngon pa'i nga rgyal can du ma gyur cig ces kyi/gang yang 'di ltar ngar rnam par rig par smra ba rnams kyi mtshan nyid dang bral zhing dmigs pa dang rnam pa yongs su ma chad pa'i ma lus pa'i bag chags kyi gzhi la kun gzhi'i rnam par shes pa zhes pa'i btags pa ni de la mi 'thad de/ dmigs pa dang rnam pa rten 'brel ma yin pa ni rnam pa thams cad du yul ma nges pa ste/de ni rta'i rwa bzhin te/ don dam par yod pa'i rang rig pa'i mngon sum dang de'i mtshan nyid ni snga nas dpyad zin pas 'dir rgya chen pos ci zhig bya ste/ 'di ni bdun pa dang brgyad pa dag tu phye ba'i 'dod pa ni yid kyi rnam par shes pa'i kho nar rnam par bzhag go zhes pa'o//dbang po drug dang yul drug dang rnam par shes pa drug dang zhes pa bco brgyad kyis rang rang gi mtshan nyid 'dzin pa'i khams zhes pa'o/ /'dir zhes pa la sogs pa ste/ tshig ni rtse mo las te/de'i rnam grangs ni rab tu phye bas te rtse mo 'bring la zhes pa'i don to/ /mos pa ni mthar thug pa'i nges pa ma skyes pa'o/ /'di la thams cad du zhes pa ni mngon par bstan pa'o/ /thams cad mkhyen pa'i ye shes zhes pa ni rgyas par bshad pa'o/ /chos nyid ni sngon gyi bden pa'i stobs kyis te/shes rab kyi pha rol tu phyin pa'i chos la'o/ /yongs su gzung ba ni nang gi sgro btags pa'o/ /ma dmigs pa ni dngos por nye bar mthong bas so/ /mya ngan las 'das pa ni thams cad kyi mchog go/ /de la yang rlom sems su mi byed pa ni dngos po nyid kyis so//'di ni mu stegs kyi ting nge 'dzin las langs nas/ mos pa'i stobs kyis de nyid kyi phyir btang ba dbang po nyid du shes pa'i phyir ro/ /'di yang ni 'chad par 'gyur ba la yang ngo / /gang gis ni gang gi phyir gzugs la sogs pa can du sgro 'dogs par mi 'gyur ba'o//de'i nang gi sgro 'dogs pa thams cad 'gags pas rim gyis nyan thos bzhin du mya ngan las 'das par mi 'gyur zhe na gsungs pa/ bar ma do min zhes pa la sogs pa'o/ /rtse mo'i rab ni bstan bcos las/ /yongs su brtags pa'i shes rab kyis/ /thams cad rjes su mi dmigs nyid//ces te/ shes rab kyi pha rol tu phyin pa la yongs su brtags pa ni 'dir dmigs pa la thams cad rjes su mi dmigs pa ni rnam pa'o/ /de la gsungs pa ni gzhan yang zhes pa la sogs pa ste/ 'di gang 'di gang gi zhes tshol ba ni spyi'i tshol ba'o/ /ci zhes pa la sogs pa ni khyad par gyis so//de shes rab kyi pha rol tu phyin pa zhes pa ni don gyi rtogs pa'i shes rab kyi pha rol tu phyin pa'o zhes pa'o/ /nye bar brtags pa ni med par byed pa la mi dmigs par byed pas zhes pa ni rnam par brtags na'o/ /nye bar dmigs pa ni mtha' gcig tu nges pa'o/ /mi 'gong zhes pa la sogs pa ni sems med ces pa dang sbyar bar bya'o//lhag ma ni snga ma bzhin no/ /bzod pa chung ngu'i dbang du byas pa ni bstan bcos las/ gzugs sogs ngo bo nyid med nyid/ /de med pa yi ngo bo nyid/ /ces te/ gzugs la sogs pa ni gzugs la sogs pa'i ngo bo nyid dang bral ba'o zhes pa'i chos thams cad la ngo bo nyid med ces pa ni dmigs pa ste kun rdzob kyi sgo nas so//de'i ngo bo nyid med pa nyid kyi dngos po med pa'i ngo bo nyid gzugs la sogs pa zhes pa ni rnam pa ste don dam pa'i sgo nas so/ /de la gsungs pa ni/ de nas zhes pa la sogs pa ste/gzugs la sogs pa gzugs la sogs pa'i ngo bo dang bral bas zhes pa ni dmigs pa la/ ngo bo nyid kyang ngo bo nyid kyi mtshan nyid dang bral ba zhes pa'i ngo bo nyid dang bral ba'i ngo bo ni gzugs la sogs pa'i rang bzhin no zhes pa ni rnam pa ste/ gang du yang mtshan nyid cung zad med ces pa la dgongs pa'o//bzod pa 'bring ni bstan bcos las/ /de la skye med nges 'byung med/ /dag dang zhes te/ de gsungs pa ni/ de ci'i phyir zhe na zhes pa la sogs pa ste/ thams cad la skye ba med pa dang nges pa 'byung ba med pa ni 'di'i dmigs pa la/de thos par byed pa'i byang chub sems dpa'i lus dang ngag dang yid yongs su dag pa ni rnam pa ste/ lus dang ngag dang yid kyi nyes par spyod pa dang bral ba'o/ /gnas na gnas shing gsal la rdzogs pa ni mtshan ma yongs su dag pa'o/ /sems can dang snod dag pa ni sangs rgyas kyi zhing yongs su dag pa'o//chen po'i bstan bcos las/ de yi mtshan nyid med/ de yi mtshan mar mi rten pas/ /mos min 'du shes med pa yin/ /zhes te/ gzugs la sogs pa'i mtshan mas dben pa nyid ni 'di'i dmigs pa la/ gzugs la sogs pa'i mtshan ma rnams dang gzugs la sogs pa/zhes pa gang la gnas pa dang mos pa'i 'du shes de rnams las ldog pa ni rnam pa ste/ de la mos pa brtan por gyur pa ni mi gnas pa la nges pa ni mos pa la'o/ /tha snyad ni 'du shes te/ de la gsungs pa ni gzhan yang zhes pa la sogs pa ste/'gag pa ni skad cig mas 'jig pa la 'jig pa ni rgyun gyis so/ /yod dang so sor 'gag pa yi/ /dngos po lhan cig gyur pa yang / /so sor bkag pa de dag nyid/ /rnam pa thams cad shes pa min/ /zhes so//mtshan ma'i spyod pa dgag pas shes rab kyi pha rol tu phyin pa'i spyod pa yod pa ste/ mtshan ma'i spyod pa ni gzugs la sogs pa'i mtshan ma dang / gzugs la sogs pa la brten pa dang / mos pa dang 'du shes pa'i mtshan nyid can te/ de'i stobs kyi rnam pa yang gsungs pa yin te/de yang spyod ces pa la sogs pa ste/ shes rab kyi pha rol tu phyin pa'i spyod pa ni rlom sems med pa rnam pa brgyad bstan pa ste/ min zhes pa ni mi 'dzin zhes pa'i don to/ /de ltar bzod pa thob pas las la dbang du gyur pas ngan 'gror mi 'gro zhing rtag par rdzus te skye ba yin no//chos kyi mchog chung ngu'i dbang du byas pa ni bstan bcos las/ ting nge 'dzin de'i byed pa ni/ /zhes pa ste/ chos thams cad len pa med pa ni 'di'i dmigs pa la/ de'i byed pa ni rnam pa ste/ de'i byed pa ni 'dir byed pa po'o//de las gsungs pa de ni ci'i phyir zhes pa la sogs pa ste/ phyir ni gtan tshigs so/ /nye bar ma gtogs zhes pa ni bstan pa la bshad pa ni/ nye bar ma zin zhes pa ste/ chos rnams thams cad ngo bo nyid med pa'i phyir zhes pa la dgongs pa ste/ gang du chos rnams thams cad yod pa min pa nye bar bzung nas gang du de ltar gsungs pa ni/'di'i dmigs pa la 'di zhes pa la sogs pa ni rnam pa'o/ /'bring ni bstan bcos las/ lung bstan pa dang rlom pa zad/ /ces pa ste gang zhig ting nge 'dzin 'dis gnas pa la sangs rgyas rnams kyis lung bstan pa de ni dmigs pa ste/lung ston par byed pa dang / lung bstan pa'i rgyu nyid dam/ khyad par gyi gzugs la dmigs zhes pa'i don to/ /gang zhig ni ting nge 'dzin de'i rlom pa zad pa de ni rnam pa ste/ de la gsungs pa ni sangs rgyas kyi mthus zhes pa la sogs pa ste/des kyang zhes pa la sogs pa ni rnam pa'o/ /de lta bu de la zhes pa ni ji skad bshad pa'i rlom pa med pa'o/ /thams cad nas zhes pa ni chos thams cad len pa med pa'i ting nge 'dzin zhes bya ba la sogs pa'i khyad par gyis so//thams cad ces pa ni yongs su rdzogs pa'o/ /thams cad kyi chung ngu'i chung ngu'i bye brag gis kyang ngo / /thams cad ni ting nge 'dzin thob pa las brtsams nas dus thams cad du'o/ /chen po ni bstan bcos las/ gsum po phan tshun ngo bo gcig / ting 'dzin rnam par mi rtog pas/ /zhes pa ste/ ting nge 'dzin dang shes rab kyi pha rol tu phyin pa dang byang chub sems dpa' zhes pa ni gsum la de'i phan tshun gyi ngo bo ni 'di'i dmigs pa ste/ ting nge 'dzin rnam par mi rtog pa ni rnam pa'o/ /de la gsungs pa ni de skad ces gsol pa zhes pa la sogs pa ste/byang chub ni shes rab kyi pha rol tu phyin pa'i don dam par rtogs pa ste/ de nyid la sems pa ni 'dir de'i bdag nyid kyis so zhes pa ni byang chub sems dpa'o/ /rang bzhin gyis ting nge 'dzin che ba de nyid 'dis sems dpa' sems dpa' chen po ste/byang chub sems dpa' 'di nyid kyi skabs yin pa'i phyir ro/ /'dir 'di gsum gyi ngo bo gcig pa ni dmigs pa la nus sam zhes pa la sogs pas rnam pa gsungs te/ bstan par zhes pa ni tshig gis gsal bar zhes pa'o/ /mi shes par ni don dam par ngo bo nyid med pas mi snang zhing rnam par rtog pa med pa'o//yang dag par mi shes pa ni brjod du med cing rnam par rtog pa med pa ste/ 'dir nye bar bsdu ba ni/ de ltar nges 'byed cha mthun ni/ /chung ngu 'bring dang chen po yin/ /zhes pas so/ /byang chub sems dpa'i nyon mongs pa ni rnam par rtog pa'o zhes pas rnam par rtog pa dang ldan pa'i dbang du bya ba ni bstan bcos las/gzhi dang de yi gnyen po yis/ /gzung bar rtog pa rnam pa gnyis/ /rmongs dang phung sogs bye brag gis/ /rnam pa dgu zhes te/ gzung byar rnam par rtog pas na gzung ba'i rnam par rtog pa ni rnam pa gnyis te/gcig ni gzhi'i rnam par rtog pa ste ma rig pa'i gzugs la sogs pa'i phung po dang / mtha' gnyis dang / ming dang gzugs dang / kun nas nyon mongs pa dang / rnam par byang ba dang / 'phags pa'i lam la mi gnas pa dang /lam du nye bar dmigs pa dang / bdag tu nye bar dmigs pa dang / rnam par dag pa'i rtog pa'i bdag nyid na ni 'jig rten las grags pas yin la/ gnyis pa de'i gnyen po'i phyogs ni phung po dang / sgo gang dang / rigs dang / skye ba la sogs pa dang /stong pa nyid dang / pha rol tu phyin pa dang / mthong ba'i lam dang / bsgom pa'i lam dang / mi slob pa'i lam gyis rnam par rtog pa'i ngo bo ste/ 'di rnams de nas tshe dang ldan pa zhes pa la sogs pa ni go skabs phye ba dang / bcom ldan 'das la yang shA ri'i bus de nyid bstan pa'i don du gsol ba la shA ri'i bu la gsal bar 'dod nas gsungs pa ste/chos 'di gang gi yin zhes pa ni ci rdzas dang yon tan dang / las dang gtso bo dang skyes bu la sogs pa'i 'am/ phung po dang khams dang skye mched la sogs pa'i ste/ de la dmigs nas slob pa'i phyir//zhes pa la dgongs pa'o/ /gang du'ang min zhes pa ni chos thams cad la bdag med pa nyid la slob pas so zhes pa la dgongs pa'o/ /de zhes pa ni chos thams cad la mi slob ste rdzas la sogs pa dang gzugs kyi phung po la sogs pa la yang ngo / /de ltar ni de'i ngo bo nyid kyis te/ji ltar ni gang gi ngo bo nyid la mngon par zhen pa med par bden pa'o/ /so so'i skye bo ni 'phags pa ma thob pa rnams so/ /de yang byis par gyur pa'i gang du thos pa dang mi ldan pa ni mang du thos pa med pa'o/ /yod pa min pa ni don dam par yod pa min pa ste/gnod pa yod pas zhes pa'i don to/ /de ltar yod ces pa ni kun rdzob tu sgra don gyi ngo bos yod ces pa'i don to/ /mi rigs zhes pa ni yul med pa'i phyir mi rigs pa'o/ /de ni mi rtag pa la sogs pa de'i yul du rnam par rtog pa bstan pa ste/ 'di ni ma rig pa'i rnam par rtog pa dang po'o//de rnams kyi zhes pa ni byis pa so so'i skye bo rnams kyis so/ /chos thams cad ni phung po la sogs pa'o/ /brtag ces pa ni dngos po nyid do/ /gzung bar zhes pa ni gzugs la sogs pa'i phung por rnam par rtog pas so/ /mtha' gnyis zhes pa ni skye ba dang 'gag pa dag go//mi shes zhes pa ni sbyor ba'i lam ma thob pas de kho na nyid du mi nges pa'o/ /ma thob pa ni 'jig rten las 'das pa'i lam ma rtogs pas so/ /de'i phyir zhes pa la sogs pa nas/ mngon par zhen par mi byed ces pa'i bar gyis ni nye bar bsdu ba ste/de dag gis ni mtha' gnyis la zhen pa'i rnam par rtog pa'o/ /mngon par zhen zhes pa ni gnyis dang ldan pa ste de'i nges pa dang de'i rtsa ba'o/ /nye bar dmigs pa ni log pa'i shes pa'o/ /ming ni gzugs med pa'i phung po rnams la gzugs ni gzugs kyi phung po ste/de gnyis ni ming dang gzugs te phung po lnga rnams so/ /'di ni ming dang gzugs la mngon par zhen pa'i rnam par rtog pa ste/ lnga po ni gzhan rnams la yang shes par bya'o/ /'di ni gzugs la sogs pa ste/ kun nas nyon mongs pa la 'di ni rnam par byang ba nyid ces pa mi shes shing mi mthong nas khams gsum dang theg pa dman pa las nges par mi 'byung ba'o zhes pa ni kun nas nyon mongs pa dang rnam par byang ba mi shes pa'i rnam par rtog pa'o//de stong pa nyid la dad pa mi skyed cing pha rol tu phyin pa la sogs pa rnams la gnas par mi 'gyur zhes pa ni 'phags pa'i lam la rab tu mi gnas pa'i rnam par rtog pa'o//de la pha rol tu phyin pa la sogs pa dmigs par byed pas nges par 'byung bar mi 'gyur zhes pa ni lam nye bar dmigs pa'i rnam par rtog pa'o/ /de bdag dang chos su nye bar dmigs pa la zhes pa ni bdag la sogs pa nye bar dmigs pa'i rnam par rtog pa'o//ma skyes pa dang ma byung ba dang mngon par 'du bya ba med pa dang rnam par dag pa zhes pa ni rnam par dag pa'i rnam par rtog pa ste dgu pa'o// //rnam par rtog pa de rnams drod kyis bsrabs par byed cing rab tu spong bar ni mi byed de/de'i phyir de rnams dang ldan pa'o/ /de'i yang rnam par rtog pa'i mun pa bsrabs pa'i phyir na snang ba thob pa'i ting nge 'dzin la gnas pa zhes gsungs pa ste/ gzung ba'i rnam par rtog pa dang po'i dgu pa'o//gnyis pa'i dbang du byas te gsungs pa ni/ de dag gi zhes pa la sogs pa ste/ chos thams cad ni phung po la sogs pa ste/ chos thams cad ni/ phung po la sogs pa la brtags pa ni/ phung po la sogs pa las bye brag gis zhes pa ste/phung po la sogs par brtags pa'i phung po la sogs pa'i rnam par rtog pa rnam pa dgu ste/ de la gzugs su brtag pa byed pas mngon par zhen pa dang / 'gyur zhing ji srid du rnam par shes pa'i bar zhes pa ni phung po'i don gyi rnam par rtog pa'o/ / mig tu rtog par byed ces pa nas/ ji srid du chos zhes pa'i bar ni skye ba'i sgo'i don gyi rnam par rtog pa'o/ /mig dang gzugs dang mig gi rnam par shes pa'i khams zhes pa nas/ ji srid du yid dang yid kyi rnam par shes pa dang chos kyi khams zhes pa'i bar ni rigs kyi don gyi rnam par rtog pa'o//ma rig pa nas ji srid du rga shi zhes pa'i bar ni skye ba'i don gyi rnam par rtog pa'o/ /nang stong pa nyid ces pa nas/ ji srid du dngos po med pa'i ngo bo nyid ces pa'i bar ni stong pa nyid kyi don gyi rnam par rtog pa'o/ /pha rol tu phyin pa drug ces pa ni pha rol tu phyin pa'i don gyi rnam par rtog pa'o//byang chub kyi phyogs kyi chos sum cu rtsa bdun zhes pa ni mthong ba'i lam gyi rnam par rtog pa'o/ /bsam gtan dang gzugs med pa'i ting nge 'dzin la snyoms par 'jug ces pa ni bsgom pa'i lam gyi rnam par rtog pa'o/ / de bzhin gshegs pa'i stobs bcu zhes pa nas/ ji srid du rnam pa thams cad mkhyen pa nyid ces pa'i bar ni mi slob pa'i lam gyi rnam par rtog pa'o/ /lam zhes pa ni bdag med pa'i shes pa la/ yang dag pa ni de kho na nyid la/ de dag gi mtha' ni rtse mo dang spyi bo ste/ de yang lhag pa'i de kho na nyid med de/ yang dag pa'i mtha' ni stong pa nyid ces pa'i don to/ /grangs su bgrang ba'i rnam par rtog pa dgu po 'di rnams ni rtse mos bsrabs par byed cing rab tu spang bar ni mi byed do/ /'di rnams dang ldan pas sngon du 'gro ba can gyi rnam par rtog pa rnam pa dgu po rab tu spong ba nyid de/spangs la yang 'dir phyi ma'i gnyis po dang phra mor kun tu rgyu bas so/ /rnam par rtog pa ni yod pa ma yin la rnam par rtog pa'i phyir la/ rnam pa thams cad du spong ba ni mthong ba'i lam la rig par bya'o/ /des snang ba 'phel ba'i ting nge 'dzin la gnas par 'gyur zhes pa ni gzung ba'i rnam par rtog pa gnyis pa'i rnam pa dgu pa'i bshad pa'o//rdzas dang btags pa'i rten can gyis/ /'dzin pa rnam pa gnyis su 'dod/ /ces pa ni rten la dmigs pa ste/ rdzas la brten pa dang btags pa la brten pa'i zhes pa'i 'dzin pa'i rnam par rtog pa rnam pa gnyis te/'dzin pas rnam par rtog pa'i phyir ro/ /de yang go rims ji lta ba bzhin du/ rang dbang bdag sogs ngo bo yis/ /phung sogs rten la de bzhin du/ /de ni so sor rnam pa dgu/ /zhes sbyar te/ de la dang po'i dbang du byas nas gsungs pa ni de dag bden pa zhes pa la sogs pa ste/ dam pa yang dag pa'i don bstan pa rnam par mthong bar ma gyur nas bdag nyid kyis 'di lta bu'i rnam pa dgur rtogs par byed nas mngon par zhen par byed cing bdag nyid nye bar dmigs par byed do/ / 'dir nye bar mi dmigs pa'i mi mthun pa'i phyogs nyid kyi rnam par rtog pa dgu ste/ bdag dang sems can dang zhes pa nas ji srid du mthong ba por nye bar mi dmigs te/ de shin tu med pa'i phyir zhes pa'i bar ni rang dbang gi bdag nyid kyi rnam par rtog pa'o/ /gzugs zhes pa nas ji srid du rnam par shes pa'i bdag nyid kyis dmigs su med ces pa'i bar ni gcig gi bdag nyid kyi rnam par rtog pa'o//mig nas ji srid du yid kyi bar dang gzugs nas ji srid du sangs rgyas kyi chos kyi bdag nyid gcig gis dmigs su med ces pa'i bar ni rgyu'i bdag nyid kyi rnam par rtog pa'o//mig dang gzugs dang mig gi rnam par shes pa zhes pa nas ji srid du yid dang chos dang yid kyi rnam par shes pa dang gzhan pa'i bdag nyid kyis dmigs su med ces pa'i bar ni lta ba la sogs pa'i bdag nyid kyi rnam par rtog pa'o/ / rten cing 'brel bar 'byung ba zhes pa nas ji srid du gzugs med pa'i khams kyi bdag nyid kyi rten du dmigs su med ces pa'i bar ni kun nas nyon mongs pa'i rten gyi bdag nyid kyi rnam par rtog pa'o/ /bsam gtan dang po nas ji srid du gzugs med pa'i snyoms par 'jug pa'i bdag nyid kyi rten nyid kyis nye bar mi dmigs zhes pa'i bar ni 'dod chags dang bral ba'i rten gyi bdag nyid kyi rnam par rtog pa'o//'phags pa'i bden pa dang gzhan pa'i bdag nyid kyi rten gyis nye bar mi dmigs pa zhes pa ni mthong ba la brten pa'i bdag nyid kyi rnam par rtog pa'o/ /rnam par thar pa brgyad dang mthar gyis gnas pa'i snyoms par 'jug pa dgu'i bdag nyid kyis nye bar mi dmigs pa zhes pa ni bsgom pa la brten pa'i bdag nyid kyi rnam par rtog pa'o//stobs bcu nas ji srid du rnam pa thams cad mkhyen pa nyid kyi bdag nyid kyi rten gyis nye bar dmigs su med ces pa'i bar ni don byas pa nyid la brten pa'i bdag nyid kyi rnam par rtog pa ste/dgu po 'di rnams ni bzod pas bsrabs par byed cing spong ba ni mi byed do/ /'dir 'di rnams dang ldan pas sngon du 'gro bar rab tu spong ba kho na'o/ /de'i rjes la/ gzung ba med par nges pa'i rtse gcig par nges pa'i phyir de kho na nyid kyi don gyi phyogs gcig la rab tu zhugs pa'i ting nge 'dzin la gnas pa shA ri'i bus ched du gnyer nas 'di snyam du bsams nas gal te thams cad shes pa nyid la slob na de rnams la ji ltar mi dmigs pa'o//slob par mi byed ces pa ni dmigs pa'i sbyor ba zhes pa la dgongs pa'o//de ltar mi dmigs pa'i sbyor bas chos thams cad dang sa thams cad thob pa dang / yon tan rnams la nye bar 'gyur ba'i 'jig rten las 'das pa'i sa thob pa'i phyir de ltar bshad pa ni 'dzin pa'i rnam par rtog pa dang po'i dgu pa'o//de nas yang zhes pa la sogs pa ni 'dir 'dri bar 'dod pa'o/ /'dir chos kyi mchog la byang chub sems dpas sgyu ma'i skyes bu bzhin du de ltar byang chub la slob par 'gyur na/ de ltar na ni sgyu ma'i skyes bu yang slob par 'gyur zhes pa'o/ /des na zhes pa ni gang gis 'dir sgyu ma'i skyes bu nyid du mi 'dod pa ste rgyu mtshan des na'o//yang na tshig gi rgyan te/ ltar nyan pa ni khas blangs so/ /'di zhes pa ni ngag nye bar dgod pa'o/ /de ci phung po yang gzhan la sgyu ma yang gzhan zhes pa ni slar 'dri ba'i don no/ /sgyu ma nyid phung po la zhes pa ni rab 'byor gyi lan gyi don to//gang zhig gi don sgyu ma mkhan gyis sprul pa bzhin med pa nyid du grags te/ de ci'i 'dir sgyu ma'i sgra'i don to/ /de'i phyir na sgyu ma nyid du bshad do/ /sgyu ma'i don bshad nas skyes bu'i don gsungs pa ni/ 'di dag ces pa ste/ khyad par shes pa ni ming ste/shes par byed ces pa shes pa ste blo'o/ /byis pa thams cad dang thun mong gi blo ni kun shes pa'o/ /byis pa rnams kyi rab tu 'jug pa can du shes par byed cing phyin ci log pa nyid du yongs su mi shes pa'i phyir btags pa'o/ /'phags pa dang 'phags pa ma yin pa thams cad kyis tha snyad du byed pa 'di ni tha snyad do//de la 'phags pa rnams kyis ni btags pa log pa nyid du rtogs shing gzhan yang rtogs par byed la/ 'phags pa ma yin pa rnams ni bden pa nyid du 'dod cing bdag nyid kyang rab tu 'jug par byed do/ /'di la zhes pa'i bshad pa ni nye bar len pa'i phung po lnga po rnams la zhes pa'o//ming la sogs pa'i bshad pa ni byang chub sems dpa' zhes te/ ngo bo nyid med cing bdag med pa'i phung po lnga rnams la byang chub sems dpa' zhes pa ni btags pa la/ de'i phyir 'di ni sgyu ma'i skyes bu lta bu'o zhes pa ni bsdus pa'i don to//'phags pa rnam par grol ba'i sdes ni rigs kyi gnas skabs su byang chub sems dpa' zhes pa ni/ ming nyid gcig pu la sems bskyed pa'i gnas skabs su ni/ shes par byed ces par shes pa ste/ gang gi kun shes pa sems la 'jug pa'i rgyu mtshan gyis byang chub sems dpa' zhes pa ni rnam par rig pa la ste/rgyu mtshan de kun shes pa ni kun shes pa'o/ /sbyor ba'i sa bdun rnams la chos thams cad btags pa tsam nyid du rtogs pa ni btags pa'o/ /brgyad pa la sogs par mtshan ma med cing lhun gyis grub pa'i lam thob pas tha snyad tsam gyi chos thams cad brjod pas tha snyad ces gsungs so//de de bzhin no zhes pa gnyis ni yongs su mgu ba'o/ /des na zhes pa ni byang chub sems dpa' sgyu ma'i skyes bu bzhin du zhes pa ni kun rdzob tu sgyu ma'i rang bzhin don dam par ngo bo nyid med pa dang ro gcig pa'i skyes bu de bzhin du bdag nyid mthong zhes pa'i don to//sgyu ma mkhan gyis sngags la sogs pa'i tshogs pas sprul pa nyid kyi sgyu ma de'i ngo bo skyes bu de bzhin du nyon mongs pa dang las kyi tshogs pas sprul pas sgyu ma nyid bzhin du skyes bur nges par byas la/'dir sgyu ma'i skyes bu nyid yin yang ji ltar kun nas nyon mongs pa dang rnam par byang ba'i gnas skabs mthong bas so/ /'di zhes pa ni ci 'dra ba'o/ /de la zhes pa ni de 'dra ba rnams so/ /de ltar nye bar len pa'i phung po lnga po sgyu ma lta bur gsungs so/ /sngags la sogs pas sprul pa'i sgyu ma'i skyes bu ni sems med pa'i phyir gzugs kyi phung po nyid la/skye mched drug ni gang du skyes bus btags la/ yod ces pa ni zhar la 'ongs pa ste/ dbang po drug gzung ngo / /rang bzhin du ni phung po rnams la skyes bu zhes par btags pa ste/ lhag ma la yang shes par bya'o//de ltar na dgu po nyid ni phung po la sogs pa la skyes bur btags pa'i rnam par rtog pa'o/ /sgyu ma nyid gzugs la zhes pa nas ji srid du rnam par shes pa zhes pa'i bar ni phung por btags pa'i rnam par rtog pa'o/ /sgyu ma nyid mig ces pa nas ji srid du chos la zhes pa'i bar gyi skye mched du btags pa'i rnam par rtog pa'o//sgyu ma nyid mig dang gzugs rnam par shes pa zhes pa nas ji srid du sgyu ma nyid yid dang chos kyi dang yid kyi rnam par shes pa zhes pa'i bar ni zhes pa nas ji srid du sgyu ma nyid nam mkha'i khams la sgyu ma nyid rnam par shes pa'i khams zhes pa ni khams kyi rnam par rtog pa'o//sgyu ma nyid rten cing 'brel bar 'byung ba la sgyu ma nyid ma rig pa nas ji srid du sgyu ma nyid rga shi zhes pa ni rten cing 'brel par 'byung ba btags pa'i rnam par rtog pa'o/ /sgyu ma nyid byang chub kyi phyogs kyi chos sum cu rtsa bdun zhes pa ni rnam par byang bar btags pa'i rnam par rtog pa'o//sgyu ma nyid stong pa nyid dang mtshan ma med pa dang / smon pa med pa zhes pa ni mthong ba'i lam du rnam par rtog pa'o/ /sgyu ma nyid bsam gtan dang gzugs med pa'i snyoms par 'jug pa zhes pa ni bsgom pa'i lam gyi rnam par rtog pa'o//sgyu ma nyid thams cad stong pa zhes pa ni khyad par gyi lam du btags pa'i rnam par rtog pa'o/ /sgyu ma nyid stobs bcu zhes pa nas ji srid du byang chub ces pa'i bar ni mi slob pa'i lam du btags pa'i rnam par rtog pa'o//dgu po 'di rnams ni chos kyi mchog gis bsrabs par byed cing spong bar ni mi byed de/ 'dir 'di rnams dang ldan pas sngon du 'gro ba can gyi rnam par rtog pa dgu po spong ba nyid do/ /de'i rjes la bar chad med pa ting nge 'dzin la gnas par byed do/ /bar chad kyis bar chad byed par mi nus pas bar chad med pa'o//bar chad med pa'i ting nge 'dzin de'i rjes su mthong ba'i lam du 'thad de/ 'di ni 'dzin pa'i rnam par rtog pa dgu pa'i gnyis pa gsungs pa'o/ /yongs su 'dzin pa'i khyad par gyi rnam par rtog pa rnams sngon du mdor bstan nas/rigs las dang po rgyas par bshad pa ni theg pa chen po'i rigs phun sum tshogs pa rnams 'di gang zhes so sor sgrub pa la dgongs nas 'dir de'i dbang du byas pa ni bstan bcos las/ sems mi 'gong ba nyid sogs kyis/ /ngo bo nyid med sogs ston byed/ /de yi mi mthun phyogs bor ba//rnam pa kun tu yongs 'dzin yin/ /zhes te/ gang gis yang dag par 'dzin pa byed cing nang du 'jog pa dang 'dren pas yang dag par yongs su 'dzin pa la rnam pa kun ni rnam pa bzhi ste/ thabs la mkhas pa dang / dge ba'i bshes gnyen dang /de dag gis so so'i mi mthun pa'i phyogs bor ba'o/ /dge ba'i bshes gnyen gyi gnas skabs su gsungs pa ni/ skrag par mi 'gyur ram zhes pa la sogs pa ste/ 'di ltar sgyu ma'i skyes bu bstan pa la dngang ba ni skrag nas bred pa la/ skrag pa ni skrag pa dang ldan pa'o//kun tu skrag pa ni kun tu skrag pa ste/ de nyid kyi rgyun la kun tu skrag pa dang ldan pa'o/ /de'i gnyen po'i phyogs ni mi zhum pa nyid de/ kun tu mi zhum pa nyid dang / sgyid mi lug pa nyid de/ sems mi 'gong ba nyid sogs zhes pas gang du de bshad de/thabs la mkhas pa zhes pa'i don to/ /de la gang zhig chos rnams thams cad ngo bo nyid med pa la nges par bstan pa dag gis mi dmigs pa'i sbyor bas dge ba'i rtsa ba'i chos rnams la spyod pa de rnams yang dag par rdzogs pa'i byang chub tu yongs su bsngo ba ni de'i thabs la mkhas pa la bzlog pa'i thabs la mi mkhas pa la ni bdud kyis byin gyis brlabs pa 'byung ste/byang chub sems dpa' rnams kyi lus la sogs pa'i bya ba'i bdud kyi skyon rnams so/ /'di ltar zhes pa ni byang chub kyi spyod pa la bar chad byed pa nyid de de rtogs par bya ba'o/ /'di zhes pa ni ngas khyod la kun tu bshad pa'o//bdud kyi las ni bdud rang nyid kyis sangs rgyas la sogs pa'i cha byad byas nas gang zhig gis log pa'i lam ston par byed pa rnams so/ /'di dag ces pa ni byang chub kyi spyod pa la 'byed pa po nyid rtogs par bya ba ste/ don gyis gang pha rol tu phyin pa 'di rnams dag la 'byed par byed pa dang gang 'di bdud kyi las mi ston pa de ni sdig pa'i grogs po'o zhes don gyis rtogs par bya ba'o//'di dag ces pa ni nye bar bsdu ba'o/ /go cha chen po bgos pa yi/ /zhes pa 'dis ni 'dir ni go cha'i sgrub pa yang bsdus la de bsgrub par bya ba'i rten gyi dbang du byas pa ni bstan bcos las/rtogs pa yis ni chos drug dang / /gnyen po dang ni spong ba dang / /de dag yongs su gtugs pa dang / /shes rab snying brtser bcas pa dang / /slob ma thun mong min nyid dang / /gzhan gyi don gyi go rims dang / / ye shes rtsol ba mi mnga' ba/ /'jug pa'i rten la rigs zhes bya/ /zhes te/ so sor nges pa 'dir rten te sgrub pa'i rten zhes pa la sogs pas bdun pa la sogs pa rtogs pa'i go cha'i sgrub pa'i rten mdor bstan cing / de'i nang du yod pa'i 'jug pa la sogs pa'i sgrub pa rnams kyi rten yang bstan nas/rtogs pa'i chos drug ces pa la sogs pa ste rgyas par bshad de/ shugs kyis rtogs par bya ba ni sems dang po bskyed par bya ba nas brtsams pa'i drod dang rtse mo dang bzod pa dang / chos kyi mchog dang mthong ba dang bsgom pa'i lam drug po rnams la drod la sogs pa bzhi pa'i rtog pa ni chos nyid rtogs par byed pa 'di de kho na nyid la mos pa brtan pos gnyen po'i tshogs ye shes kyi mi mthun pa'i phyogs zad pa dang de dag yongs su gtugs pa ni mthar thug par 'gro ba ste/gnyen po'i phyogs rab tu son nas mthar thug pa nyid kyis mi mthun pa'i phyogs zad pa'i mthar thug pa ste/de bzhin gshegs pa'i tshul khrims la sogs pa'i phung pos tshul khrims 'chal pa la sogs pa spangs zhes pa'i don te/ shes rab dang snying rje dag ni nyan thos dang rang sangs rgyas rnams dang thun mong ma yin pa ni ye shes so//gzhan gyi don gyi go rims ni rgyun ma chad pa dang lhun gyis grub pas ye shes 'jug pa'o/ /gang zhig rang bzhin rnam par dag pa glo bur gyi dri ma rnams kyi nang du chud pa de nyid ni byang chub kyi rigs so/ /de bzhin gshegs pa'i snying po rang bzhin gyis gnas pa zhes pa'i ming can nyid kyi ma rig pa la sogs pa'i mun pa nub pa ni rim gyis sems bskyed pa nyi shu rtsa gnyis po rnams kyi rten te/de ltar yang 'phags pa rnam par grol ba'i sdes sems bskyed pa nas brtsams pa'i nges par 'byed pa'i cha dang mthun pa bzhi po rnams la zhes pa la sogs pa gsungs pa'o//de nyid kyis na seng ge bzang po'i nges par 'byed pa'i cha dang mthun pa rnams ni chos kyi dbyings kyi rten no zhes pa ni mi 'thad do/ /de yang chos thams cad ngo bo nyid kyi med pa nyid mtshan nyid ni 'phags pa'i chos kyi rgyu yin pa'i phyir na chos kyi dbyings nyid de/'dir de bstan pa ni bstan bcos kyis/ chos kyi dbyings la dbyer med phyir/ /rigs ni tha dad rung ma yin/ /zhes te/ 'di ni sangs rgyas kyi rigs 'di ni rang sangs rgyas kyi rigs 'di ni nyan thos kyi rigs zhes pa ji ltar dbye zhe na/'dir lan bstan bcos las/ rten pa'i chos kyi dbye ba yis/ /de yi dbye ba yongs su bsgrags/ /zhes pa ste/ rten pa'i sangs rgyas la sogs pa'i chos dang ldan pa rnams kyis te/ de'i chos ni dbyer med la/ 'dir ni de'i dbye bas rigs kyi dbye ba ste/ dper na nam mkha' tha mi dad pa la lam bgrod pa po mtha' dag ste/ nyi ma'i lam dang / bya khyung gi lam dang / phye ma leb kyi lam bzhin zhes pa ste/ 'di rnams bsdus nas bstan par 'dod nas rab 'byor la 'dri ba ni/ de skad ces smras pa dang zhes pa la sogs pa ste/ gzhi'i don gang lags zhes pa ni rigs ci 'dra bas yod ces pa'i don to/ /gzhi'i don med ces pa ni de'i rigs dngos po med pa ste chos kyi dbyings zhes pa'i don to/ /byang chub sems dpa'i tha snyad kyi yul gyi phung po la sogs pa gang ngo bo nyid med pa nyid dang / stong pa nyid dang / chos nyid de ni de'i chos kyi dbyings la de nyid dag par mthar son pa rtogs par 'gyur zhes pa ni byang chub ces brjod do/ /de'i phyir na rigs su gyur pa ni dngos po med pa'o/ /dngos po med pa'i mtshan nyid kyi phyir stong pa nyid do/ /yang na byang chub ni rigs su gyur la rten ni med do//kun rdzob dang phan tshun dbyer med pas/ rten dang brten pa'i dngos po'i dbye ba med do/ /btags pas byas pa'i phyir ro/ /de ci'i phyir zhe na zhes pa ni chos kyi dbyings te/ byang chub kyi rigs nyid du ji ltar ro/ /chos thams cad rtogs pas ni chos drug dang zhes pa la sogs pa rnams kyis bstan to//chags pa ni mi mthun pa'i phyogs te/ yang dag pa ma yin pa'i dngos po la nye bar dmigs pa'i phyir ro/ /de dang 'gal ba'i phyir ma chags chos te/ ji ltar rigs par de'i gnyen po'i phyir ram de 'gog pa'i phyir ro/ /de rnams la ma chags pa nyid du slob pa ni dge bar 'gyur ro//'dir de rnams kyi ma lus pa'i dri ma bsal nas chos kyi dbyings shin tu rnam par dag pa las 'byung ba'i byang chub yang dag par skye bar 'gyur ro/ /de'i phyir na 'di ltar byang chub la rigs logs na med do/ /chos rnams 'dir ji ltar rab tu bsten te/rigs dman pa la sogs pas de rnams la rab tu mi brten ce na/ 'dir bgrod byar gnas pas yod pa ste/ thams cad du son pa'i nam mkha'o zhes pa bzhin no/ /bgrod pa dang gnas zhes pas rigs las mi g.yo ba'i sbyor bas 'dzin pa'i phyir na rten no//de ltar yang ci yang med pa'i chos kyi dbyings med pa nyid la ji ltar de rnams brten ce na/ dper na nam mkha' ci yang med pa la zla ba dang nyi ma'i 'od zer gyis mun pa zad par byed pa bzhin no/ /dmigs pa'i dbang du byas pa ni bstan bcos las/dmigs pa chos rnams thams cad de/ /de yang dge la sogs pa yin/ /'jig rten pa yi rtogs pa dang / /gang dag 'jig rten 'das 'dod dang / zag bcas zag pa med chos dang / /gang dag 'dus byas 'dus ma byas/ /slob ma thun mong chos rnams dang //gang dag thub pa'i thun mong min/ /ces te sogs pas ni mi dge ba dang lung du ma bstan pa nyid la rtog par bya bas na rtogs pa ste/ dge ba la 'jig rten pa dang 'jig rten las 'das pa'i rtogs pa zhes pa ni phung po gnyis te/ de gsungs pa ni chos rnams thams cad ces pa la sogs pa ste/mngon par rtogs pa bdun gyi don rim gyis rtogs par bya ba la gang chos rnams thams cad de'i don gyi thabs su 'dir don du gnyer bar byed cing tshol bar byed pas so/ /des na de rnams la ma zhen pas kun rdzob kyi bden pa dang / don dam pa'i bden pa gnyis las mi 'da' bas dmigs pas dag par rtogs par gyur nas mngon par sangs rgyas par 'gyur te/de'i phyir na/ dmigs pas chos rnams thams cad de/ /zhes 'dis rang bzhin rjes su rtogs pa'i rang bzhin dang bral ba las dmigs pa'i chos kyi de kho na nyid bsgoms pa'i stobs kyis chos 'phen par 'gyur te/de lta na yang rang bzhin la dmigs dgos te/ de kho na nyid tsam po la dmigs pa de don du gnyer ba'i phyir ro/ /de nyid kyis na rab 'byor rnam pa thams cad mkhyen pa nyid ni dngos po med pa la dmigs pa'o zhes gsungs la/bstan bcos su yang rnam pa bzhi nyid ces so/ /'o na chos rnams dngos po med pa ste/ /ngo bo med pas ci yang med/ /ces pas ji ltar dmigs par 'gyur zhe na/ dngos med ces pa ni dngos po la dmigs pa min zhes pa la dgongs pas so/ /dngos po med pa ni gnyis su med pa ste/rab 'byor gnyis med pa ni dngos po med pa'o zhes gsungs pa ste/ don dam pa la ni gang du yang dmigs par bya ba dang / dmigs par byed pa dang / dmigs pa'i spros pa med de/ rten cing 'brel par 'byung ba nyid ni ngo bo nyid kyis ma skyes pa'i phyir yod dang med pa'i mtha' dang dbus su yongs su brtags pa'i khyad par gyis dmigs par mi nus pa'i phyir dang /dmigs pa med pa la byis pa rnams kyis skrag par byed pa'i phyir dang / de nyid gting dpogs par mi nus pa'i phyir na zab pa ste/ de ltar yang 'phags pa klu sgrub zhabs kyis gsungs te/yod dang med las rnam 'das pas/ /gang rnams la ni blo mi gnas/ /de yis zab mo dmigs med pa'i/ /rkyen gyi don la rnam par bsgom/ /zhes pa ste/ sgro 'dogs pa dang skur pa 'debs pa'i mtha' las grol ba de ni zab pa nyid do/ /gang la dngos med dngos med min//blo yi mdun na mi gnas pa/ /de la rtogs pa gzhan med pas/ /dmigs pa med nas rab tu zhi/ /rang bzhin gyis zhi ba'i rnam pas so/ /de nyid mnyam par ma bzhag pa'i gnas skabs su kun rdzob dang don dam pa'i bden pa'i bdag nyid du chos thams cad la dmigs la/mnyam par gzhag pa'i gnas skabs su rnam par rtog pa'i spros pa ma lus pa las log pa'i cir yang dmigs pa med pa la sogs pa la gnas zhes pa'o/ /dmigs pa la bsgrub pa'i dus su ni/ mtha' rtsom pa bzhin la/ 'byung bar 'gyur ba'i de'i 'bras bu'i gnas skabs ni rang bzhin gyi ched du bya ba ni mtshon bya bzhin no//de'i dbang du byas pa ni bstan bcos las/ sems can kun mchog nyid sems dang / /spong dang rtogs dang gsum po la/ /chen po gsum gyi rang 'byung gis/ /ched du bya ba 'di zhes bya//zhes te/ rang las 'byung bar 'gyur zhes pas rang 'byung ste/ byang chub sems dpa' rnams la de rnams kyi ched du bya ba ni 'dir gang ched du gnyer bar bya ba'i yang dag par rdzogs pa'i byang chub 'dod par 'gyur ba'o/ /sems can kun gyi mchog nyid du sgrub par byed pa la chen po gsum rnams kyis te/de la gsum ni sems dang / spong ba dang / rtogs pa dang gsum ste/ de la sems che ba nyid ni rdo rje lta bu la sogs pa'i sems so/ /lta ba rnams thams cad spang ba'i don du bstan pa ni spong ba chen po nyid la/ byang chub kyi sems la sogs pa nyid la zhen pa med pa nyid ni/rtogs pa chen po nyid do/ /sems chen po nyid dang / spong ba chen po nyid dang / rtogs pa chen po nyid kyis ched du gnyer bar byed ces pa ni ched du byed pa chen po'o/ /'dir ched du bya ba chen po'i yul yin pa'i phyir sems can chen po la dgongs pa'o zhes pa ni sems can chen po'o//'dir de nyid skabs su bab ces pas rtogs par bya ba'i don du zhes pa la sogs pa ste/ rtogs pa'i don ni don med par mi dmigs pas 'dod pa ste rgyu mtshan des na'o/ /sems can gyi phung po zhes pa ni mdor bstan pa la sems can gyi ris zhes bya ba ni rgyas par bshad pa'o//de'i mchog nyid ni theg pa chen pos yang dag par bsdus pa'i ched du'o/ /ma lus pa'i 'khor bar bzhugs pa la sogs pa'i sems can gyi phung po'i mchog nyid chen po ni sems can gyi phung po chen po nyid kyis brjod pa yin no//de nas zhes pa la sogs pa ste/ de'i dus la zhes pa ni go skabs te/ 'dir bdag la sogs pa bzhi ni yum chen mor ni bcu gsum gsungs te/ thams cad kyang grub mtha' tha dad pa las don gcig go/ /sgra bshad pa tsam gyis tha dad de/de la ngar 'dzin pa'i rgyu nyid kyis na bdag go/ /'gro ba rnams su chud pas na sems can no/ /srog gi dbang po'i dbang gis ris mthun pa'i lus zad pa dang mi gnas pa'o zhes pa ni srog go/ /nyon mongs pa dang las kyi dbang gis skye bar 'gyur bas rtsom pas grol ba'o/ / khams la sogs pa'i zas kyis gso bar byed ces pas gso ba'o/ /skyes bu'i lus la gnod par byed pas na skye bu ste/ skyes bu'i dbang po dang ldan pas ni ma yin te/ gzugs kyi khams pa'i skyes bu rnams nyid la skyes pa ma yin par thal bar 'gyur ba'i phyir ro/ /yang nas yang du 'gro ba rnams su 'jug par 'gyur bas na gang zag go//gtso bo yid kyi las rnams kyis 'gro ba rnams su skye bar byed ces pas na shed can no/ /shed kyi bdag po'o zhes pas ni shed bdag go/ /dge ba la sogs pa'i las kyis rten du gyur pas na byed pa po'o/ /las kyi rnam par smin par myong bas na tshor ba po'o//yid kyi rnam par shes pa gnas yin pa'i phyir shes pa po'o/ /mig la sogs pa rnam par shes pa lnga'i gnas yin pa'i phyir mthong ba po'o/ /de rnams kyi lta ba ni de dngos po yod par mngon par zhen pa'o/ /'byung ba ni 'khor ba'o//'jig pa ni mya ngan las 'das pa ste/ de gnyis la lta ba mchog tu nyid du nges pa'o/ /mya ngan las 'das pa thob nas 'chad par 'gyur zhes pas ni chad par lta ba'o/ /rtag par 'byung bar 'gyur zhes pa ni rtag par lta ba'o/ /'on kyang 'di rnams ni sngon du byung ba las phyis med do zhes pa la chad pa la gang zhig ngo bo nyid kyis yod cing med pa la med ces pa ni rtag pa'o//phung po lnga po rnams kyi lus ngo bo nyid med pa de rnams la ngo bo zhes pa ni 'jig tshogs la lta ba'o/ /de bzhin du de la sogs pa'i log par lta ba dang lta ba mchog tu 'dzin pa la sogs pa rnams so//chos zhes pa ni rigs pa'i lam zhes pa ste spong ba chen po'o/ /de nas zhes pa la sogs pa ste/ byang chub kyang sems 'di nyid la thams cad mkhyen pa yang sems 'di nyid do/ /zag pa med pa ni bag chags dang bcas pa'i 'chi 'pho ba'i zag pa thams cad med pa'o//mnyam pa med pa ni so so'i skye bo rnams dang ngo / /mi mnyam pa ni sangs rgyas de rnams dang ngo / /mnyam pa dang mi mnyam pa ste mi mnyam pa med pa'o/ /ma chags pa ni bstan pa'o/ /yongs su ma zin zhes pa ni bshad pa'o/ / lhag ma rnams ni rnam par bshad zin to zhes pa ni rtogs pa chen po'o/ /sgrub pa ni rnam pa bzhi ste/ de la go cha dang 'jug pa'i sgrub pa ni sems dpa' chen po'i sgra'i 'jug pa'i rgyu mtshan gsungs la/ gang pos de brjod pa ni de nas zhes pa la sogs pa ste/ /gang du 'jug pa nyid bgrod pa ste/'jug pa'i sgrub pa theg chen la/ /'dzeg pa yin par shes par bya/ /zhes gsungs so/ /go cha bgos zhes pa dang / theg pa yang dag par gnas zhes pa'i bar gyi tshig phyis pas sems dpa' chen po'o/ /de la pha rol tu phyin pa drug po rnams kyi so so'i go cha re re la ma lus pa nye bar gnas pa ni go cha'i sgrub pa ste/dpung gi tshogs kyis go gon pa bzhin te/ /rgyas pa ni bcom ldan 'das ma yum chen mo la'o/ /bcom ldan 'das ma 'dir ni go cha ste bsrung ba dang bsrung ba'i sgrub pa ni bar mar ro/ /thams cad du ni rnam pa thams cad rnams kyis te/ji ltar ched du byed pa la gzhan gyis mi thub pa'o/ /'dis ni bar du gcod pa thams cad la mda' so sor bsnun par 'gyur te/ 'dir bstan bcos las/ sbyin pa la sogs rnam drug la/ /de dag so sor bsdus pa yis/ / go cha'i bsgrub pa gang yin de/ /drug tshan drug gis ji bzhin bshad/ /ces te gang gis sbyin pa byed pa de ni sbyin pa ste/ rang gi rang nyid yongs su gtong zhing gzhan rang gi byed pa'i sems kyis te/ zang zing dang / mi 'jigs pa dang / chos kyi dbye ba rnam pa gsum mo/ /de la zang zing gi sbyin pa ni 'bras bu dang bcas pa ji srid du bdag nyid kyi dngos po yang yongs su gtong ba'o//mi 'jigs pa'i sbyin pa ni tshul khrims dang bzod pa dang skyed pas byas pa dang ma byas pa'i gnod pas gzhan rnams la nye bar mi 'byed pa'i phyir ro//chos kyi sbyin pa ni brtson 'grus dang bsam gtan dang shes rab kyi pha rol tu phyin pa rnams dub pa med par bsam gtan gyis gzhan du bskyed par byas pas gzhan rnams kyi bsam pa dang bag la nyal shes par byas nas shes rab kyis yang dag pa ji lta ba'i don nye bar ston pa'o/ / rang bzhin gyis kha na ma tho ba rnams kyis mi dge ba bcu rnams dang / btags pa'i kha na ma tho ba rnams las ldog par byed pa'i tshul khrims so/ /bzod pa dang lhan cig pa ni rnam pa gsum ste/ gzhan gyis gnod par byas pa la bzod pa dang / sdug bsngal la lhag par gnas pa'i bzod pa dang /mi skye ba'i chos kyi bzod pa'i mtshan nyid kyi chos la dmigs pa'o/ /dge ba'i las la spro ba'i brtson 'grus dang / sems rtse gcig pas sems par byed pa'i bsam gtan dang / stong pa nyid dang snying rje dbyer med pa'i bar du mi gnas pa'i byang chub kyi shes rab kyi pha rol tu phyin pa dang /byang chub sems kyi gzhi yin pa'i phyir rten dam pa dang dngos po mtha' dag kun tu spyod pas dngos po dam pa dang / sems can thams cad kyi phan pa dang bde ba la dbang ba yin pa'i phyir dbang dam pa dang / rnam par mi rtog pa'i ye shes kyis gzung ba'i phyir thabs la mkhas pa dam pa dang /bla na med pa yang dag par rdzogs pa'i byang chub tu yongs su bsngo ba'i phyir yongs su bsngo ba dam pa dang / nyon mongs pa dang shes bya'i sgrib pa med par byed pas kun nas 'du ba rnam par dag pa dam pa rnams ni so sor sbyin pa la sogs pa'i pha rol tu phyin pa rnams kyi mtshan nyid du byang chub sems dpa'i sa las bshad do//'dir sbyin pa dang tshul khrims dang bzod pa ni lhag pa'i tshul khrims kyi bslab pa bsam gtan ni lhag pa'i sems kyi'o/ /shes rab kyi pha rol tu phyin pa ni lhag par shes rab la/ brtson 'grus ni gsum char gyis yang lhan cig byed pa can no//sbyin pa dang / tshul khrims dang / bzod pa ni bsod nams kyi tshogs la/ bsam gtan dang / shes rab kyi pha rol tu phyin pa ni ye shes kyi tshogs so/ /brtson 'grus ni tshogs gnyi ga'i grogs te mdor bsdu na ni snying rje'i las kun sems can gyi don du byed pa'i phyir bsod nams kyi tshogs so//shes rab kyis don rtogs pa'i phyir ye shes kyi tshogs so/ /sbyin pa la sogs pa rnams ni don dam par dmigs su med kyang kun rdzob tu yod pa'i phyir rgyun ma chad pa mnyam par ma bzhag pa'i gnas skabs rnams la rab tu 'jug la ting nge 'dzin gyi gnas skabs su sbyin pa la sogs pa btang snyoms su byas nas bor ba'i phyir ro//de dag gi sbyin pa la sogs pa rnams la so sor re res mtha' dag bsdus pa la nye bar gnas pas gang zhig gi sgrub pa rgyas par bshad par byed pa ni thar pa'i cha dang mthun pa'i mtshan nyid kyi'o//go cha'i sgrub pa gsungs pa ni/ de nas zhes bya ba la sogs pa ste/ 'di ltar zhes pa ni 'di 'dra ba'i sems so/ /phyogs dang yul grangs kyis yongs su mi chod pa'i phyir go rims bzhin du gzhal du med pa dang bgrang du med pa'o/ / yongs su mya ngan las bzla bar bya zhes pa ni ji skad kyi ched du bya ba las gzhan du mi 'gyur ba ste skur pa 'debs pa'i gnyen por gsungs pa'o/ /yod pa ma yin zhes pa la sogs pa ni sgro 'dogs pa'i gnyen por ro/ /de ltar na mtha' gnyis kyi gnyen po'i dbu ma bsgrub pas so//de bzhin du thos pa las byung ba'i shes rab kyi go cha gsungs nas bsam pa'i rang bzhin brjod par 'dod nas rigs pas 'dri ba ni/ de zhes pa ste/ de la mtha' gnyis dang bral ba nyid la byed pa po gang yang mi 'thad pa'o/ /chos rnams ni phung po lnga po la/ de rnams mtha' gnyis dang bral ba nyid kyi chos nyid ni rang bzhin no//sgyu ma ni rgyu gzhan gyi dbang gis kun rdzob kyi sgra'i don te/ de la yod pa nyid la sogs pa rnams kyis brtags la/ stong pa nyid ni chos nyid nye bar gzung ba nyid du 'dod do/ /de lta bas na rgyu dang rkyen gzhan gyi dbang gis phung po lnga po rnams ni kun rdzob kyi ngo bo'i sgra don la dngos po dang dngos po med pa la sogs pa rnams ni brtags pa'i ngo bo nyid rnams so//stong pa nyid kyi chos nyid kyi rang bzhin ni yongs su grub pa'i ngo bo nyid kyi don dam par ste/kun rdzob dang de dag ro gcig nyid pas mtha' dag mtha' gnyis dang bral ba'o zhes pas mtha' gnyis dang bral ba grub pa ste/ de nyid kyi dpe gsungs pa ni/ 'di lta ste dper na zhes pa ste/ mkhas pas phul tu phyin pa'o/ /nye gnas ni slob ma'o/ /de ji snyam zhes pa ni thun mong du dri ba'o//gang yang zhes pa ni khyad par gyi'o/ /gsod pa ni bcom pa'o/ /'chi ba ni rang nyid do/ /bshig pa ni mi snang bar byas pa'o/ /mi snang ba ni rang nyid kyis so/ /bsams pa'i rang bzhin gyi shes rab gsungs nas/ bsgoms pa'i rang bzhin gyi brjod par bya ba la/bsgom pa ni rnam pa gsum ste/ zhi gnas dang / lhag mthong dang / zung du 'brel ba'o/ /de la zhi gnas kyi dbang du byas nas gsungs pa ni/ gal te zhes pa la sogs pa ste/ ming dang ni de nyid dmigs pa la ste sngon du bshad pa'i rnam pa drug gis mdor bsdus pa'i sems la yang langs pa na brnab sems dang yid mi bde ba la sogs pa mi skrag pa ste/ji ltar zhe na/ de nyid kyis mi nyams te rnam par g.yeng ba'i skyon mthong ba'i phyir ro/ /kun tu mi skrag pa ni ngang du gyur pa'i phyir ro/ /kun tu skrag pa dang ldan par mi 'gyur ba ni lhun gyis grub pa'i dbang du gyur pas mnyam par gzhag pa'i sems la 'bad rtsol mi byed pa'i phyir ro//'di tsam zhes pa ni zhi gnas 'dis sems can yongs su mya ngan las 'da' bar byed pa'i go cha brtan pas so/ /de nas zhes pa la sogs pa lhag mthong gsungs pa ni/ dmigs pa de ni don dam par min te/ don dam pa stong pa nyid de stong pa nyid mthong nas gang du gang gang gis mya ngan las 'da' bar byed par mthong ba yod pa ma yin la don ni don dam pa'o/ /rnam pa thams cad mkhyen pa nyid dang sems can gyi don la so sor go ji ltar bgos kyang bgos pa med ces gsungs pa ni/de ci'i phyir zhe na zhes pa ste/ byed pa po dang rgyu med pa'i phyir ma byas pa'o/ /'jig pa'i rgyu med pa nyid kyis ni rnam par ma bsgyur ba'o/ /gnyi ga'i lhan cig byed pa'i rkyen mi 'thad pas mngon par 'dus ma byas pa'i ste/ ma byung ba dang 'byung ba dang de khyad par du 'gro ba dang /'bras bu thob pa la mngon du phyogs par byed pa'i dbang du byas nas go rims bzhin du tshig gsum mo/ /yang na thams cad shes pa ni chos kyi dbyings nyid ni rnam par dag pa la de ni de'i rang bzhin te/ de bzhin du de nyid rtag pa'i phyir ma byas pa'o/ /'dod chags la sogs pa'i skyon gyis ma gos par byas pas mngon par 'dus ma byas pa ste/gnyen po rnams kyis sbyang du med pa'o/ /sems can zhes pa ni de rnams kyang don dam par ngo bo nyid med pa nyid kyi mtshan nyid kyi chos kyi dbyings kyi ngo bo'i phyir ro/ /de ci'i phyir zhes pa la sogs pas rab 'byor la zung du 'jug pas bgrod pa'i lam gsungs pa ste/de la phung po lnga po rnams don dam par ngo bo nyid kyis stong la de rnams ngo bo nyid kyis stong pa nyid kyi bdag nyid can gyi de bzhin nyid kyi rang bzhin dang yang bral ba nyid de/ de'i de nyid ma bcings ma grol ba'o/ /yang dag pa ma yin pa'i phyir dang /dben pa'i phyir dang / ma skyes pa'i phyir dang zhes pa gsum ni mngon sum dang rjes su dpag pa dang / lung rnams kyis de kho na nyid du skyes pa la sogs pa bzlog pa'i phyir la/ kun rdzob tu ni bcings pa dang grol ba nyid do/ /kun rdzob dang don dam pa dag dbyer med pa ni zung du 'brel ba'i lam mo//'dir gsungs pa zhes pa la sogs pa'i tshig ni 'jug pa'i dus su yang go cha mi gtong ba'i phyir ro/ /gang po'i smra ba rdzogs nas mi smra ba dang / rab 'byor gyi dri ba drug ste/ shes rab dang snying rje'i sbyor ba dang de dag phan tshun tha dad pa med pa nyid dang mi mthun pa'i phyogs las shin tu 'das pa dang gnas par nges pa dang /gnyen po'i sbyor bas shin tu sbyangs pa dang / rtogs pa po'i dbang du byas te gang ji ltar gang nas gang gis gang du gang zhig nges par 'byung bar 'gyur zhes pa ni 'phags pa rnam par grol sdes/ 'dis grol ba'i don gyi theg pa'o zhes pa'i theg pa'i don ni lhag ma ste go sla'o//ji ltar na chen po nyid ces pa ni 'dri ba dang po ste/ shes rab dang snying rje'i sbyor ba mngon par 'dod pa'o/ /ji ltar na de la yang dag par zhugs par 'gyur zhes pa ste gang gis bgrod pas de theg pa ste/'gro bar bya ba gang la 'di bya ba des 'gro bar 'gyur zhes pa'i don to/ /'gro ba ni nges pa 'byung ba'i don te/ 'di la 'dri ba ni gang nas nges par 'byung bar 'gyur zhes pa'o/ /mtshan nyid gang gis 'gro bar 'gyur ba ni 'di'i 'dri ba ni/ gang gis de yang dag par zhugs zhes pa'o//'gro ba dang song ba'i gnas skabs gang du med par 'dod pa 'dri ba ni gang du gnas par 'gyur zhes pa'o/ /'dir ni rigs dman pa la nges par 'byung ba med par 'dod pas dris pa ni/ gang zhig nas nges par 'byung bar 'gyur zhes pa'o/ / theg pa chen po zhes pa ni 'dir ro/ /'di ni zhes pas ni chen po bzung la/ tshig bla dgas ni brjod pa'o/ /tshad med pa nyid kyis ces pa ni tshad med pas so/ /de la dang pos ni dge ba'i chos thams cad 'byung ba'i phyir la/ gnyis pas ni gus pa dang / rgyun ma chad pa dang / dus yun ring po nye bar bsags pa'i phyir te snga nas bshad do//kun tu gnas zhes pa ni go cha la rab tu gnas pa ste/ 'dir go cha gong du nges par 'byung ba'i sngon du 'gro ba gang ni bsgrub pa la de ni rnam pa gnyis te/ 'jug pa'i sgrub pa dang / tshogs kyi sgrub pa'o/ /de la 'gro ba rtsom pa ni 'jug pa la bya ba'i bsam pa lci ba'i phyir tshogs te thams cad kyi rnam par tshogs pa'i phyir tshogs sam/byang chub chen po 'dis kun tu bsags pas ni tshogs so zhes pa ste/ de gnyi ga yang stong pa dang snying rje dag ro gcig pa nyid du nges pa'i pha rol tu phyin pa drug po 'di rnams kyis thams cad bsdus pa'i phyir ram/pha rol tu phyin pa'i ngo bo'i phyir ram/ pha rol tu phyin pa dang rjes su mthun pa'i phyir ram/ pha rol tu phyin pa'i 'bras bu'i phyir te/ ji ltar rigs pas so/ /khams gsum las zhes pa ni gang cung zhig mi shes pas nyon mongs pa'am/nyon mongs pa de ni 'dir khams gsum pa ste/ yang dag pa ma yin pa'i yongs su brtags pa'i sems dang sems las byung ba'i khams gsum pa'o zhes gsungs pa'i phyir te/ nyan thos theg pas ni nyon mongs pa de nyid la nges par 'byung ba'o/ / dmigs pa med pa ni mi dmigs pa'i chos kyi dbyings te/ des mtshon nas ljon pa dang lha'i rigs la sogs pas sngar med pa'i tshogs bzhin no/ /tshig drug po'i lan rnam pa drug po rnams kyis ni theg pa chen po'i che ba nyid gsungs te/ gzhal du med pas chen po nyid dang 'jug pa chen po nyid dang /nges par 'byung ba chen po nyid dang / mtshon cha chen po nyid dang / thob pa chen po nyid dang / gnas chen po nyid de/ gzhal du med pa nyid dang tshad med pa nyid kyi dbye bas rnam pa bdun yang rung ba'o/ /skur pa 'debs pa spong ba'i phyir na kun rdzob gsungs la/don dam par ni sgro 'dogs pa spong ba'i phyir te/ de gsungs pa ni 'on kyang zhes pa la sogs pa ste/ de skad ces bka' stsal pa dang zhes pa ni 'dir sngon du'o/ /de la 'jug pa'i sgrub pa'i dbang du byas pa ni bstan bcos las/ bsam gtan gzugs med sbyin sogs dang //lam dang byams la sogs pa dang / /dmigs pa med par ldan pa dang / /'khor gsum rnam par dag pa dang / /ched du bya dang mngon shes drug /rnam kun mkhyen pa'i tshul la ni/ /'jug pa'i bsgrub pa theg chen la/ /'dzeg pa yin par shes par bya//zhes te/ bsam gtan bzhi dang gzugs med pa rnams ni gzhan du rnam par 'chad par 'gyur la/ sbyin pa la sogs ni pha rol tu phyin pa drug go/ /lam ni byang chub kyi phyogs kyi chos sum cu rtsa bdun gyis bskor ba'i mthong ba dang / bsgom pa dang / khyad par gyi dang / mi slob pa'i lam gyi ngo bo la mi slob pa ni rdzogs pa'i sangs rgyas te/ bgrod par bya bas na lam zhes pa'o/ /seng ge bzang pos ni mi slob pa'i lam la khyad par gyi lam gyi ngo bo zhes rnam par gzhag pa ni ngan pa la gnas pa ste/ byang chub sems dpa'i gnas skabs su ni mi slob pa nyid mi srid pa'i phyir ro//byams pa la sogs pas 'dod pa la spyod pa'i sems can la dmigs pa'i tshangs pa'i gnas bzhi rnams ni sems can thams cad la dmigs pa'i phyir tshad med pa'o/ /bzhi ni byams pa dang / snying rje dang / dga' ba dang / btang snyoms te go rims bzhin du bde ba dang phrad pa dang / sdug bsngal dang bral ba dang bde ba dang mi 'bral zhing nyon mongs pa med pa'i bsam pa rnams te/ kye ma sems can thams cad bde ba dang ldan na ci ma rung snyam pa dang / sdug bsngal dang bral na ci ma rung snyam pa dang /bde ba dang mi bral na ci ma rung snyam pa dang / nyon mongs pa las grol na ci ma rung snyam pa nyid kyi rnam pa rnams la mnyam par gzhag pa ni tshad med pa'i 'jug pa ste/ bzhi char yang mos pas spyod pa'i sa ste/ sems can la dmigs pa'o//rab tu dga' ba la sogs pa'i bdun pa rnams la ni de bzhin nyid la dmigs pa'o/ /de'i gong du ni dmigs pa med pa rnams te/ stong pa nyid nyi shu po rnams dang chos rnams thams cad la dmigs pa med pa'i sbyor bas bsgom pa ni mi dmigs pa'i sbyor ba'i 'jug pa'o/ /sbyin pa'i pha rol tu phyin pa la spyod cing sbyin pa dang gtong ba po dang len pa po mi dmigs zhes pa nas ji srid du shes rab kyi pha rol tu phyin pa la spyod cing /de byang chub sems dpa' yid la byed par yang mi dmigs zhes pa ni 'khor gsum rnam par dag pa'i 'jug pa'o/ /sgom pa po dang bsgom par bya ba dang /bsgom pa rnams gang du yang yod pa ma yin zhes pa bsgom pa dmigs su med pas bsgom pa dang bral bar bsgom pa'i don dmigs pa med pas sbyor bas de ched du byed pas dge ba'i chos rnams thams cad la bsgom pa de ni ched du byed pa'i 'jug pa'o/ /seng ge bzang pos ni/ sems can kun mchog nyid sems la sogs pa can ched du byed pa'o zhes zer ba ni 'phags pas bris pa'i yum bar ma'i tshig ma mthong ngo zhes shes so/ /mngon par shes pa drug po rnams kyis sangs rgyas kyi zhing du 'gro la/ der yang sangs rgyas rnams la mchod pa dang / de rnams la theg pa chen po nyan pa dang /sems can rnams yongs su smin pa dang / rang gi sangs rgyas kyi zhing yongs su sbyong ba dang zhes pa ni mngon par shes pa drug gis 'jug pa'o/ /rnam pa thams cad mkhyen pa nyid rjes su thob nas chos kyi 'khor lo bskor ba la sogs pa ni rnam pa thams cad mkhyen pa nyid kyis 'jug pa'o//'jug pa 'di rnams kyis 'gro bar rtsom pa ni mos pas so/ /'gro ba'i rab tu dga' ba la sogs pas sa bdun po rnams la ni 'bad rtsol gyis so/ /theg par zhugs nas bgrod pa la mi g.yo ba la sogs pa rnams la ni 'bad pa med pas so//tshogs kyi sgrub pa'i dbang du byas nas bstan bcos las/ brtse dang sbyin pa la sogs drug /zhi gnas lhag mthong bcas pa dang / /zung du 'brel ba'i lam gang dang / /thabs la mkhas pa gang yin dang / /ye shes dang ni bsod nams dang / /lam dang gzungs dang sa bcu ni//gnyen po tshogs kyi sgrub pa yi/ /rim pa yin par shes par bya/ /zhes te/ tshogs rnams kyi mthar ji ltar srid par sgyu ma'i chos nyid du so sor blta ste/ de la dmyal ba dang yi dags dang dud 'gror gyur pa rnams kyi sdug bsngal thams cad rab tu zhi bar byed cing sangs rgyas dang bcas pa'i zhing rnams su lha dang mi rnams su bskyed pa ni snying rje'i tshogs so//sbyin pa la sogs pa'i tshogs drug ste/ pha rol tu phyin pa drug po rnams dang / zhi gnas dang lhag mthong dang zung du 'brel ba'i tshogs gsum po ni go cha'i sgrub pa ji lta ba bzhin la gang yang rnam pa thams cad mkhyen pa nyid dang ldan pa'i yid la byed pa rnams kyi pha rol tu phyin pa rnams la legs par spyod pa dang /gzhan rnams la yang yang dag par len du gzhug pa ste/ dmigs su med pa'i sbyor ba yis/ /zhes pa ni thabs la mkhas pa'i tshogs so/ / gang zhig stong pa nyid nyi shu yongs su shes pa ni ye shes kyi tshogs te/ de yang bcom ldan 'das ma yum chen mo las gsungs te/ de la nang stong pa nyid ni nang gi bdag nyid can gyi chos rnams te mig la sogs pa'i drug po rnams te/ de de rnams kyis stong pa'o/ /phyi stong pa nyid ces pa ni phyi'i chos rnams te/gzugs la sogs pa drug po la/ de de rnams kyis stong ngo / /phyi nang stong pa nyid ces pa ni phyi nang gi bdag nyid can gang zhig dbang po la gnas pas bsdus pa ste/ de yang nang gi bdag nyid can gyis ma zin pa'i phyir dang /phyi rol gyi dbang pos kyang ma bsdus pa'i phyir na de des stong la/ stong pa nyid du nye bar dmigs pa yang stong pa nyid do/ /stong pa nyid stong pa nyid ni stong pa nyid du dmigs pa'i shes pa yang 'dir stong pa nyid de/ de ni chos thams cad stong pa nyid du shes pas stong zhes pa'i don to//chen po stong pa nyid ces pa ni phyogs phyogs kyis stong la/ snod rnams kyang snod rnams kyis stong pa'o/ /don dam pa stong pa nyid ces pa ni don dam par ni mya ngan las 'das pa ste/ de des na stong pa nyid do/ /'dus byas stong pa nyid dang zhes pa ni 'dus byas pa rnams te/'dod pa dang gzugs dang gzugs med pa'i khams te/ de de rnams kyis stong pa'o/ /'dus ma byas stong pa nyid ces pa ni gang la skye ba med cing 'gag pa med la/ gnas pa las gzhan du 'gyur ba med pa de ni 'dus ma byas stong pa nyid do/ / mtha' las 'das pa stong pa nyid ces pa ni gang gi mtha' rtag pa dang chad pa nye bar mi dmigs pas mtha' dang dbus te/ des stong pa'o/ /thog ma dang tha ma med pa stong pa nyid ces pa ni 'khor ba'i thog ma med cing tha ma med pa la de'i dbus med de/ thog ma dang dbus dang tha ma ni de rnams kyis stong pa'o//dor ba med pa stong pa nyid ces pa ni gang la 'byung ba med pa de ni 'gyur ba med pa ste/ dge ba'i phyogs de des na stong pa'o/ /rang bzhin stong pa nyid ces pa ni/ gang zhig chos rnams thams cad kyi rang bzhin ni nyan thos la sogs pa rnams kyis ma byas la/byas pa dang bral bas/ de des stong pa'o/ /chos thams cad stong pa nyid ces pa ni/ chos thams cad la chos rnams kyis stong pa'o/ /rang gi mtshan nyid stong pa nyid ces pa ni/ gzugs ni mtshan nyid med pa'i gzugs/ /zhes pa la sogs pa rgyas pa ste/ chos de rnams thams cad rang gi mtshan nyid dang spyi'i mtshan nyid kyis stong pa'o//mi dmigs pa stong pa nyid ces pa ni 'das pa dang ma 'ongs pa dang da ltar byung ba dmigs su med do zhes pa ni de'i mi dmigs pa stong pa nyid de/ gdod nas rnam par dag pa'i phyir dang dus med pa rnams kyi ngo bo ni brtags pa tsam gyi phyir ro//dngos po med pa'i ngo bo nyid stong pa nyid ces pa ni gang rten cing 'brel par 'byung ba de ni dngos po med pa'i ngo bo nyid de/ de ltar yang chos rnams kyi ngo bo nyid la yang dag par sbyor ba po gang yang med do/ /rten cing 'brel pa las 'byung ba'i phyir na yang dag par sbyor ba rang gis stong pa nyid do//dngos po stong pa nyid ces pa ni dngos po ni phung po lnga po rnams te de ni stong pa'o/ /dngos po med pa stong pa nyid ces pa ni dngos po med pa ni 'dus ma byas pa nam mkha' la sogs pa ste/ de ni des stong pa nyid do/ /rang bzhin stong pa nyid ces pa ni rang bzhin gyis stong pa nyid de des stong pa nyid do//gzhan gyi ngo bo stong pa nyid ces pa ni gzhan yang 'di la dam pa'i phyir ngo bo yang gzhan rnams kyis ma byas pa nyid kyi ngo bo'i phyir te/ gzhan gyi dngos po ni de bzhin nyid chos kyi dbyings te/ de ni des stong pa nyid do/ / dpa' bar 'gro ba dang rin chen phyag rgya dang nam mkha'i mdzod dang seng ge rnam par bsgyings pa la sogs pa'i ting nge 'dzin ni bsod nams kyi tshogs la lam gyi tshogs ni rnam pa mang ste/ 'dir byang chub kyi phyogs dang / rnam par thar pa dang / snyoms par 'jug pa dang / zil gyis gnon pa'i skye mched dang /zad pa dang / gzhan nyid bshad par bya ste/ de la gang rnams la rjes su lta ba rnams kyis dran pa nye bar gnas pa de ni dran pa nye bar gzhag pa ste/ de yang dmigs bya'i dbye bas rnam pa bzhi ste/ lus dran pa nye bar gzhag pa dang / tshor ba dran pa nye bar gzhag pa dang /sems dran pa nye bar gzhag pa dang / chos dran pa nye bar gzhag pa'o/ /de la yum bar ma las/ nang gi lus dang tshor ba dang / sems dang chos rnams la lus la sogs pa'i rjes su lta zhing gnas nas lus la sogs pa dang lhan cig tu gyur pa'i rtogs pas brtags par mi byed de/de yang mi dmigs pa'i rnal 'byor gyis so/ /de bzhin du phyi rol gyi lus la sogs pa rnams dang / de bzhin du phyi dang nang gi lus la sogs pa rnams la spro ba bskyed cing dran pa dang ldan zhing shes bzhin dang ldan pas 'jig rten gyi brnab sems dang yid mi bde ba sel bar byed ces pa ste/de la nang gi lus ni rang gi mig la sogs pa drug po rnams so/ /phyi'i lus ni nang gi lus las phyi rol gyi 'dus byas pa rnams so/ /phyi nang gi lus ni rang gi lus su son pa'i lhag ma'i 'byung ba dang 'byung ba las gyur pa ste/de yang dbang po ni rang gi bdag nyid can gyi sems kyis ma zin pa'i phyir dang / phyi rol yang ma yin pa'i phyir ro/ /tshor ba la sogs pa rnams la yang rnam pa gsum ste/ lus la dmigs pa'i dbye bas rnam pa gsum phye bas te/ bde ba dang / sdug bsngal dang / bde ba dang sdug bsngal med pa'o/ /chos ni sems las byung ba rnams te/ dge ba dang mi dge ba dang lung ma bstan pa rnams so/ /lus la sogs par rjes su lta zhes pa ni lus la sogs pa'i chos nyid du rjes su blta ba'o/ /lus la sogs pa dang lhan cig tu gyur pa zhes pa ni lus la sogs pa'i 'du shes dang lhan cig tu gyur pas so//rnam par ma brtags zhes pa ni rnam par rtog pas te/ lus 'di ni bdag gi lus te/ mi rtag pa dang rtag ces pa la sogs pa'o/ /de yang rjes su lta ba ni rnam par mi rtog pa'i dmigs pa med pa'i rnal 'byor gyis te/rgyun du bsnyen bkur byas pa la yang de de'i sbyor bas spro ba med pa'o/ /rjes su lta ba ni de shes bzhin gyi rnal 'byor gyis rab tu shes pa'o/ /brjed pa med pa'i bdag nyid can dang / bsrung ba med pa can gyi rnam par g.yeng ba med pas 'jug cing dran pa la mi sbyor bas dran pa dang ldan pa ste/'di rnams kyis ni brtson 'grus dang shes rab dang dran pa rnams kyi phan yon gsungs pa'o/ /sel la zhes pa ni spangs pa la'o/ /'jig rten zhes pa ni 'jig rten gyi chos rnams te/ rnyed pa dang grags pa dang bde ba dang bstod pa rnams la brnab sems te 'dod pa'o//ma rnyed pa dang ma grags pa dang sdug bsngal ba dang smod pa rnams la ni yid mi bde ba'o/ /yang dag par 'di sems la gtsor byed ces pas yang dag pa 'am gtso bo la bcom pa nyid kyis yang dag par spong ba'o/ /de ni rnam pa bzhi ste/ 'di lta ste/mi dge ba'i chos ma skyes pa rnams mi bskyed pa'i phyir 'dun pa bskyed/ 'bad pas don du gnyer zhing brtson 'grus rtsom/ sems kyis yang dag par rab tu 'dzin pa'i yang dag par rab tu 'jog go/ /de bzhin du skyes pa rnams spangs pa la yang ngo / /de bzhin du dge ba'i chos ma skyes pa rnams bskyed pa la yang ngo //de bzhin du skyes pa rnams gnas pa dang phyir zhing 'gyur ba'i phyir 'dun pa skyed par byed pa ni go cha'i brtson 'grus kyis de bzhin du bya zhes pa'o/ /'bad pas don du gnyer ba ni sbyor ba'i brtson 'grus kyis so/ /brtson 'grus rtsom pa ni zhum pa med pa'i brtson 'grus kyis so//sems kyis rab tu 'dzin pa dang yang dag par rab tu 'jog pa ni thabs kyi brtson 'grus kyis so/ /de la rab tu 'dzin pa ni bying ba las sems stod par byed pa'o/ /yang dag par rab tu 'jog pa ni rgod pa las bkug nas mngon par sdud par byed pa'o//rdzu 'phrul ni 'jig rten las 'das pa'i chos rnams la rdzu 'phrul gyi rkang pa ni/ gnas kyi phyir na rdzu 'phrul gyi rkang pa bzhi ste/ 'dun pa'i ting nge 'dzin dang / brtson 'grus kyi ting nge 'dzin dang / sems kyi ting nge 'dzin dang / dpyod pa'i ting nge 'dzin no//de ltar yang kha cig tu ni 'dun pa drag po de nyid kyis legs par rab tu sbyor ba las sems rtse gcig pa'i mtshan nyid kyi ting nge 'dzin skyed par 'gyur ro/ /kha cig tu ni yang dag par spong ba'i brtson 'grus rnams kyis mi dge ba spong ba dang / dge ba skyed pa la rab tu sbyor ba'o//kha cig tu ni zhi gnas rab tu 'dzin pa'i btang snyoms dang / mtshan ma med pa rnams kyis sems yongs su sbyang ba dang / kha cig tu ni bdag gis mi dge ba phra mo la kun tu spyod dam/ ci min nam zhes bdag la yongs su spyod par byed ces yang dag par nye bar sems pa ste/'di rnams ni 'dun pa la sogs pa'i ting nge 'dzin to/ /skyes pa 'di rnams la ring du gyur nas kun nas dkris pa rnams kyis bag la nyal rnams spong ba'i yang dag par spong ba'i brtson 'grus rtsom par byed pas spong ba'i 'du byed brgyad po dang ldan par 'gyur ba yin te/'dun pa dang / brtson 'grus dang / dad pa dang / shin tu sbyangs pa dang / dran pa dang / shes bzhin dang / sems pa dang / btang snyoms rnams te/ de la gang du 'jig rten pa dang / 'jig rten las 'das pa rnams kyi snyoms par 'jug pa bskyed par bya'o zhes pa ni 'dun pa'o//mi dge ba'i chos thams cad ni nges par 'joms pa ni brtson 'grus so/ /gong ma'i rtogs pa'i chos yod pa nyid kyis yon tan dang ldan par nus pa nyid kyis yid ches pa ni dad pa'o/ /de sngon du 'gro ba can las shin tu sbyangs pa'o/ /de la dran pa ni shes bzhin gyi phyogs la lhag mthong gi chos ni yang dag pa'i shes rab bo//de la sems mngon par 'du byed pa ni sems pa'o/ /kun nas nyon mongs pa med pa ni btang snyoms te/ 'dun pa la sogs pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa sgom par byed do//dben pa la gnas pa dang / 'dod chags dang bral ba la gnas pa dang / rnam par gtong bas yongs su bsgyur ba ste/ de la dben pa ni nyon mongs pa rnams kyis so/ /'dod chags dang bral ba ni srid pa'i 'dod chags dang bral ba'o/ /'gog pa ni sdug bsngal lo//rnam par gtong ba ni lus kun tu gtong ba'o/ /de nyid yongs su bsgyur ba la dbang byed pas dbang po ste/ 'jig rten las 'das pa'i chos skyed par byed pa la dbang thob pa'i phyir na ste/ dad pa dang / brtson 'grus dang / dran pa dang / ting nge 'dzin dang / shes rab dang lnga'o/ / rdzu 'phrul gyi rkang pa rnams dang rab tu ldan pas rtags mthong nas gong du khyad par skye ba la nges pa skyed pas ston pa'i nyan thos rnams kyis rtogs pa la yang kun tu yid ches pa skye bar mi 'gyur te/ de ni de'i dad pa'i dbang po'o dad pa bla lhag pas brtson 'grus la sogs pa rnams bla lhag nas dbang po sgom par byed pas de ltar 'phel bar 'gyur te/ji ltar bdud la sogs pa rnams kyis rnam par g.yeng bas thub par dka' ba'i phyir dang bskyod par mi nus pa'i phyir stobs su bsgrags pa thob par 'gyur te/ dad pa'i stobs nas ji srid du shes rab kyi stobs kyi bar ro//mthong ba'i lam la yang dag pa ji lta ba bzhin gyi don rtogs pas byang chub ni rdzogs pa'i byang chub bo/ /de'i yan lag ni bdun te/ yang dag par rtogs par byed pa'i phyir yan lag ste/ dran pa dang / chos rab tu 'byed pa dang / brtson 'grus dang / dga' ba dang /shin tu sbyangs pa dang / ting nge 'dzin dang / btang snyoms so/ /de'i rjes la 'phags pa'i lam yan lag brgyad sgom par byed de/ yan lag brgyad ni yang dag pa'i lta ba dang / yang dag pa'i rtog pa dang / yang dag pa'i ngag dang / yang dag pa'i las kyi mtha' dang / yang dag pa'i 'tsho ba dang / rtsol ba dang / dran pa dang / ting nge 'dzin to/ /de la mthong ba'i lam gyis yongs su bcad pa ni yang dag pa'i lta ba'o/ /pha rol yang dag par thob pa ni yang dag pa'i rtog pa'o/ /yang dag pa'i ngag ni yang dag par kun nas lta ba'i ngag gang de thob pa'i phyir ro//yang dag pa'i ngag dang / las kyi mtha' 'tsho ba rnams ni go rims ji lta ba bzhin du gsum po rnams yang dag par bsgoms pa las 'byung bar 'gyur ba ni 'bel ba'i gtam rnam par nges pa'i shes rab dang / bya ba ma yin pa mi byed pa'i tshul khrims dang / tshod rig pas chos gos la sogs pa tshol ba sbyang sdom ste/ de rnams kyis ni dran pa nye bar gzhag pa la sogs pa sum cu rtsa bdun po rnams phyogs gcig tu bshad zin to/ /zad pa dang mi skye ba shes pa ni byang chub la de'i phyogs te/ rjes su mthun zhes pa ni byang chub kyi phyogs so//de yang byang chub sems dpa' rnams kyis kyang rnam pa thams cad du chos thams cad don du gnyer ba'i phyir dang / sems can thams cad la phan pa skyed par byed pa'i rgyu'i phyir rjes su mi dmigs pa'i sbyor ba ngo bo la so sor rtog pa'i don du stong pa dang snying rje dbyer med pa'i byang chub kyi sems kyi nang du bsdus nas bsgom par bya'o//'di rnams kyis de ltar sprul pa'i sgrib pa las rnam par grol bas zhes pa'i sgrib pa'i gnyen por rnam par thar pa brgyad de/ de la dngos pos ni gtsang ba dang mi gtsang ba gsum pos gang zhig rnal 'byor pas 'dod pa na kun tu spyod pa las bsngags pa dang /'dod chags la sogs pa'i gnyen por ni nang gi skra la sogs pa la dmigs nas snyoms par 'jug pa'i mnyam par gzhag cing / de'i rjes la 'di ltar phyi rol rnams la rnam par bsngos pa can la sogs par dmigs par byed pas bsam gtan dang po la snyoms par 'gyur ro//bsam gtan dang po'i sa pa'i bsngags pa la 'dod chags pa'i gnyen por bsam gtan gnyis po ste/ de brjod pa ni gzugs can gzugs la lta zhes pa ste/ nang gi bdag nyid can gyi gzugs la sogs par dmigs pa'i gzugs can gyi phyi rol gyi gzugs la sogs pa la dmigs nas gzugs mthong ba ste/mos pas sprul pa'i sems kyis mthong zhes pa'i don to/ /kha cig tu nang gi bdag nyid can mi dmigs pa nyid kyis phyi rol la rnam par bsngos pa la sogs par dmigs nas dang po'am gnyis pa'i bsam gtan la snga ma bzhin du snyoms par 'jug par 'gyur te/de brjod pa ni nang gi bdag nyid gzugs med pa'i 'du shes can gyis phyi rol gyi gzugs rnams mthong zhes pa ni gnyis pa'o/ /de ltar mi gtsang ba bsgoms pas sems can rnams kyi rgyud la dga' bar 'byung bar 'gyur te/ci bdag la yid du 'ong ba can gyi gzugs gtsang bar yid la byed par bsngags pa dang 'dod chags la sogs pa skye bar 'gyur ram/ 'on kyang min zhes nyams tshad pa'i phyir yid du 'ong ba'i gzugs la dmigs par byed pas bsam gtan bzhi pa la snyoms par 'jug par byed pas gtsang ba'i gzugs sprul par byed pa rnams la ro gcig pa'i 'du shes thob pas go rims bzhin du kun tu spyod pa dang mi mthun pas spong bar byed pa la sdug pa'o zhes mos par 'gyur ba zhes brjod do//de ltar na gzugs can gyi rnam par thar pa gsum dang gzugs med pa'i lnga ste/ nam mkha' mtha' yas skye mched kyi rnam par thar pa nas ji srid du tshor ba dang 'du shes 'gog pa'i rnam par thar pa'i bar du'o/ /de la gzugs med pa bzhi ste/ dag pa can du de la ro myang ba'i sgrib pa'i gnyen po'i phyir rnam par thar pa ste/zhi ba'i gnas zhes brjod do/ /'du shes dang tshor ba 'gog pa ni thar pa dang 'dra ba'i gnas te/ 'du shes med 'du shes med min gyi skye mched la gnas shing shin tu 'das nas mtshan ma rnams thams cad yid la mi byed cing 'gog pa zhi bar yid la byed pas gang sems dang sems las byung ba rnams 'gog la/mchog tu zhi ba la gnas pa'i sngon gyi las ldang ba ste/ de'i sgrib pa rab tu spong bas rnam par thar pa'o/ /'dir ji ltar 'du shes med pa la snyoms par 'jug pa rnams kyi sems kyi rgyun chad par mi 'gyur zhe na/sngon du sems kyi rgyud la bsgos pa'i las kyi 'bras bu 'ong zhing skye bar 'gyur te/ yang skye ba de nyid la de'i las sems kyi rgyud la bsgos pas mtshams sbyor bar 'gyur ba'i phyir ro/ /de nyid gang gis mtshams sbyar bar 'gyur na/ gang du snyoms par 'jug pa'i sems yun ring du 'gags pas de'i de ma thag pa'i rkyen gyis zhes pa ni gcig go//slob dpon dbyig gi bshes gnyen gyis ni sems dang bcas pa'i 'gog pa'i snyoms par 'jug pa zhes bshad la/ de la sems ji lta bu na yid kyi rnam par shes pa zhes pa ni gcig go//kun gzhi'i rnam par shes pa'o zhes pa'i rnam par rig pa tsam du smra ba ste/ de'i yang bsam par bya'o zhes pa ni gzhan dag gi'o/ /bsam gtan bzhi dang / gzugs med pa bzhi dang / 'du shes dang tshor ba 'gog pa'o zhes pa ni mthar gyis gnas pa'i snyoms par 'jug pa dgu la snyoms par zhugs pas 'jig rten las 'das pa'i lam sdud pa'i don du 'gog pa la snyoms par 'jug pa ste/des thob par byed pa'i phyir ro/ /sems gnas pas dmigs pa zil gyis mnan pas zil gyis gnon pa'i skye mched la/ zil gyis gnon pa'i skye mched de ni gzhan du brgyad de/de la dang por rnam par thar pas gnyis mngon par bsdus la gnyis pas kyang gnyis so/ /gsum pas ni bzhi ste/ de ltar yang bcom ldan 'das kyis gsungs te/ nang gzugs kyi 'du shes can gyis phyi rol gyi gzugs chung ngu mthong yang de dag zil gyis mnan nas shes so//zil gyis mnan nas mthong la de ltar 'du shes can du ma gyur zhes pa ni dang po'o/ /de bzhin du chen pos zhes pa ni gnyis pa'o/ /nang gzugs med pa'i 'du shes pas phyi rol gyi gzugs mthong ste/chung ngu de dag ces pa la sogs pa ni gsum pa'o/ /de bzhin du chen po zhes pa la sogs pa ni bzhi pa'o/ /nang gzugs med pa can gyis phyi rol gyi gzugs mthong ste/ sngon po de dag ces pa la sogs pa ni lnga pa'o/ /de bzhin du ser po zhes pa ni drug pa'o/ / de bzhin du dmar po zhes pa ni bdun pa'o/ /de bzhin du dkar po zhes pa ni brgyad pa'o/ /de la gzugs chung ngu ni sems can du bshad pa ste/ de ni tshad chung ba'i phyir ro/ /chen po la ni sems can gyi grangs dang / khyim dang khang bzangs dang ri la sogs pa ni tshad che ba'i phyir te/ des ni ji ltar rigs par rnam par thar pa rnams kyis lhag par mos pa zil gyis gnon pa'i skye mched rnams kyis zil gyis mnan te/ yang nas yang du mi snang bar byas shing mthong ba'i phyir ro/ /zil gyis mnan nas shes zhes pa ni zhi gnas kyis so/ /mthong ba ni lhag mthong gis so//de lta'i 'du shes can du gyur pa ni mngon pa'i nga rgyal med pa'i phyir ro/ /zil gyis gnon pa'i skye mched kyis zil gyis mnan pa'i sa la sogs pa rnams kyi zad par ni 'khor yug rnams su spro bas gzhan du 'dir zad par zhes brjod la/ kha cig tu de las gzhan pa'i skye mched la zhes pa ni zil gyis gnon pa'i skye mched ces brjod de/kha cig tu sa la sogs pa rnams kyis khyad par du byas pa ston par 'gyur te/ zad par sa dang / zad par chu dang / zad par me dang / zad par rlung dang / zad par sngon po dang / zad par ser po dang / zad par dmar po dang / zad par dkar po dang / zad par nam mkha' mtha' yas skye mched dang / zad par rnam shes mtha' yas skye mched dang zhes pa ste/ 'di rnams kyang 'bras bu'i don du de kho na nyid ma yin pa nyid du bsgom zhing de yang de kho na nyid ma yin pa'i ngo bo nyid kyi rnal 'byor pa rnams la 'di ltar so sor snang bar 'gyur ro//'di rnams las gzhan pa'i lam rnams kyang ma lus par lam gyi tshogs ni ji ltar rigs par brtson 'grus dang / bsam gtan dang / shes rab kyi pha rol tu phyin pas yang dag par bsdus pas so/ /gzungs zhes pa ni mtha' dag gzung bar bya ba na gzungs kyi tshogs te/a ra pa tsa na la sogs pa'i yi ge rnams las de bzhin nyid bskyed nas sgom par byed pa'i don du ste/ bsgom pa yongs su rdzogs pa na de la yi ge'i don gyi bzod pa skye bar 'gyur te/ de ni bzod pa'i gzungs so/ /blo gzungs dang ldan pa des phyogs bcu'i sangs rgyas dang byang chub sems dpa' thams cad kyis bstan pa'i phung po 'dzin pa'i rgyu ni chos kyi gzungs te/dran pa dang shes rab kyis gcig tu byas nas des 'dzin pa ni don gyi gzungs so/ /dran pa dang shes rab kyis gcig tu byas nas/ des sems can rnams rjes su gzung bar byed pa'i sgyu ma lta bu'i sngags rnams gsungs pa la dbang byed pa ni sngags kyi gzungs so//man ni shes pa la treng ni skyong ba'o/ /man ni yid la/ tra ni skyob pa ste/ stong pa nyid kyi ye shes dang snying rje dag dbyer med pa ni sngags so/ /de'i rgyu mthun pa'i phyir yi ge la yang sngags zhes brjod do//de la a ni gdod nas ma skyes pa'i phyir chos thams cad kyi sgo'o zhes pa ni chos rnams thams cad kyi yang dag pa ji lta ba bzhin so sor rig pa'i thabs te/ ci ltar zhe na/ gdod nas ma skyes pa'i phyir ro/ /gang gi phyir chos rnams thams cad ni gdod ma nas dri ma dang bcas pa'i gnas skabs nyid du yang ma skyes pa nyid de ma skyes shing ngo bo nyid med pa 'di'i ma skyes pa nyid ni a'i don la/de bzhin du ra la sogs pa rnams kyi don du yang rig par bya ste/ 'dir ni sbyin pa la sogs pa'i gzungs mthar thug pa ni tshogs kyi sgrub pa ste/chos mchog rab tu ngo bo nyid do/ /shes pa nyid gong nas gong du yon tan gyi grangs mthu cher thob par byed pa'i phyir sbyin pa la sogs pa'i pha rol tu phyin pa la lhag par gnas pa'i rnam par smin par bgyi dbye bas phye bar byas pa'i yon tan la rab tu gnas par 'gyur ba'i phyir sa zhes brjod do//de la rab tu dga' ba la sogs pa'i byang chub sems dpa'i sa bcu ni sa'i tshogs te/ de la dang po la rang dang gzhan gyi don bsgrub pa'i 'jig rten las 'das pa'i lam thob pa'i phyir rab tu dga' bar 'gyur te/'di ni byang chub sems dpa' de ni rab tu dga' ba'i sa'o/ /'chal pa'i tshul khrims kyi dri ma dang bral bas dri ma med pa'o/ /ting nge 'dzin la gnas nas chos chen po'i snang ba byed pa'i phyir 'od byed pa'o/ /byang chub kyi phyogs kyi chos rnams kyis kun nas nyon mongs pa'i bud shing bsregs pa'i phyir 'od 'phro ba'o//gang zhig 'jig rten pa dang 'jig rten las 'das pa dag gi rig pa dang mi bden pa'i shes pa dag 'gal bas yongs su rgal bar dka' ba de'i phyir sbyang dka' ba'o/ /gang gis 'dir rten cing 'brel par 'byung ba rab tu rnam par phye bas mngon du phyogs par brjod pa'i shes rab kyi pha rol tu phyin pa la gnas pa de'i phyir mngon du gyur pa'o//gang du 'dir byang chub kyi phyogs dang rten cing 'brel bar 'byung ba la dmigs pa'i mtshan ma med pa la gnas pa la 'bad pas brtsal bas de'i phyir ring du song ba'o/ /gang du 'dir de nyid rlung du gyur pa'i phyir g.yo ba ste/de'i phyir mi g.yo ba ste/ rnam par smin pa'i sa'i chos rnams thams cad lhun gyis grub pas rnam par smin pa'i bdag nyid can du byung ba'i phyir ro/ /gang du 'dir so so yang dag par rig pa rnams kyis chos ston pa'i phyir byang chub sems dpa'i legs pa ste/de'i phyir na legs pa'i blo gros so/ /gang du 'dir byang chub sems dpa' rgyal tshab tu mngon par dbang bskur bar 'gyur te/ de'i phyir na chos kyi sprin no/ /bcu po 'di rnams kyis so sor pha rol tu phyin pa drug po rnams yang dag par bsdus pa'i go rims ji lta ba bzhin gyi sbyin pa dang /tshul khrims dang / bzod pa dang / brtson 'grus dang / bsam gtan dang / shes rab dang / thabs dang / stobs dang / smon lam dang / ye shes rnams ni pha rol tu phyin par brjod de/ de la pha rol tu phyin pa drug nye bar bsags pa'i dge ba'i rtsa ba bla na med pa yang dag par rdzogs pa'i byang chub tu yang dag par yongs su bsngo ba ni thabs kyi pha rol tu phyin pa'o//de'i thabs kyis de mi zad par byed pa'i phyir ro/ /bzang por spyod pa la sogs pa'i smon lam gyi pha rol tu phyin pa'o/ /gang gis skye ba so so la pha rol tu phyin pa drug la spyod cing bsgom pa'i stobs dang so sor brtags pa'i stobs ni stobs kyi pha rol tu phyin pa'o//gang gis nyi ma re re dang so so skad cig re re la de rnams la spyod cing dgongs pa ji lta ba'i sgra ji bzhin ma yin pa'i theg pa chen po yongs su shes pa ni ye shes kyi pha rol tu phyin pa ste rnam par mi rtog pa'o/ /seng ge bzang pos ni rnam par mi rtog pa'i ye shes rjes la thob pa'i ye shes kyi pha rol tu phyin pa la rnam par rtog pa'i bdag nyid ces zer ba de ni mi rigs te/snga nas rnam par rtog pa mtha' dag spangs pas 'dir rtogs pa rab kyi mthar thug pa'i gnas skabs su dag pa 'jig rten pa'i rnam par rtog pa thams cad ni srid pa'i dogs pa yang med de/de ltar yang 'phags pa byams pas theg pa chen po'i rgyud bla mar gsungs la/ sngon gyi 'phen pa'i dbang gyur las/ /rnam rtog thams cad dang bral bas/ /yang ni 'bad pa mi mdzad de/ /lus can rnams ni yongs smin phyir//lhun gyis grub pas de nyid kyi/ /rtag tu rgyun mi 'chad par ni/ /'gro la nam mkha' gnas kyi bar/ /brtan pa la ni yang dag 'jug /rtog pa 'di rnams rjes thob pa'i/ /byang chub sems dpa' bde gshegs rnams/ /sems can yang dag sgrol ba la/ / 'jig rten na ni mnyam pa nyid/ /ces so/ /sa rnams kyi rgyas pa ni thub pa'i dgongs pa'i rgyan las so/ /yongs su sbyong ba 'di rnams ni bcom ldan 'das ma yum chen mo las bstan pa dang bcas pas so/ /de'i dbang du byas nas bstan bcos kyi tshigs su bcad pa nyi shu rtsa gsum ste/de rnams sa ji lta bas so sor byas nas bshad par bya ste/ yongs su sbyong ba rnam bcu yis/ /sa ni dang po thob 'gyur te/ /bsam dang phan pa'i dngos nyid dang / /sems can rnams la sems mnyam nyid/ /gtong dang bshes gnyen bsten pa dang //dam chos dmigs pa tshol ba dang / /rtag tu nges 'byung sems nyid dang / /sangs rgyas skur bstod dga' ba dang / /chos ston pa dang bden pa yi/ /tshig ni bcu pa yin par 'dod/ /'di dag rang bzhin mi dmigs pas/ /yongs su sbyong bar shes par bya//zhes te bsam pa ni dad pa dang 'dun pa'o/ /phan pa'i dngos po ni sems can thams cad kyi phan pa tshol ba nyid do/ /'di rnams kyi rgyu ni sems can rnams la sems mnyam pa nyid do/ /gtong ba ni sbyin pa'i pha rol tu phyin pa'o/ /dam pa'i chos ston pa po rnams la bsnyen bkur dang chos tshol ba dang /khyim gyi gnas nas nges par 'byung bas na nges par 'byung ba ste/ nges par 'byung ba de nyid 'dod pas de 'dod pa nyid de rtag tu 'dod pa'o/ /dam pa'i chos 'chad pa dang / bden pa'i tshig dang / bsam pa la sogs pa 'di rnams kyis rab tu dga' ba'i sa la'o//tshul khrims byas pa gzo dang bzod/ /rab tu dga' dang snying brtse che/ /bla ma bkur sti gus pas nyon/ /brgyad pa sbyin la sogs pa brtson/ /zhes te/ tshul khrims yongs su dag pa dang / bla ma la sogs pa rnams kyis mdzad pa'i phan pa chung ngu la yang cher dran pa dang /bzod pa ni sems can rnams la gnod sems la sogs pa med pa'o/ /mgu ba nyid ni rab tu dga' ba'o/ /sems can thams cad la yongs su gtong ba chen po dang / bla ma dang mchod par 'os pa bkur sti dang / dge ba'i bshes gnyen rnams la ston pa'i 'du shes dang /sbyin pa la sogs pa'i pha rol tu phyin pa rnams kyis ni dri ma med pa la'o/ /'od byed pa la ni/ thos pas mi ngoms nyid dang ni/ /zang zing med par chos sbyin dang / /sangs rgyas zhing kun sbyong ba dang / /'khor bas yongs su mi skyo dang / / ngo tsha khrel yod ces bya ba/ /rlom med bdag nyid de rnams lnga/ /zhes te/ thos pa mang ba dang / zang zing ni longs spyod kyi dngos po ste/ 'dir zang zing ni zang zing 'dod pa'o/ /de'i sbyin pa ni chos kyi sbyin pa la/ yongs su sbyong ba ni dag pa des de bzhin du bsod nams yongs su bsngo bas so//yongs su mi skyo ba ni sems can gyi don byed pa'i phyir ro/ /nyan thos dang rang sangs rgyas yid la byed pas ngo tsha ba ste/ rang la ltos nas so/ /khrel yod pa ni gzhan la ltos nas te/ ngo tsha khrel yod do/ /rlom pa med pa'i bdag nyid can te/des na rlom pa med pa'o/ /rnam lnga zhes pa ni yongs su sbyong ba'o/ /'od 'phro ba la ni/ nags gnas 'dod chung chog shes dang / /sbyangs pa yon tan sdom bsten dang / /bslab pa yongs su mi gtong dang / /'dod pa rnams la smod pa dang / /mya ngan 'das dang bdog kun gtong //mi zhum pa dang ltos pa med/ /ces te/ dgon par gnas par 'dod pa nyid dang / 'dod pa chung ba dang / chog shes pa dang / sbyangs pa'i yon tan dang sdom pa mi gtong ba'o/ /de yang zab mo'i chos kyi bzod pa mi gtong zhes pa gzhan dag gi'o/ /tshul khrims 'chal pa la sogs pa dang bral ba dang /bzung ba rnams mi gtong ba dang / 'dod pa rnams la smod pa dang / mya ngan las 'das pa ste/ chos rnams thams cad la mngon par 'du mi byed pa dang / bdog pa thams cad yongs su gtong ba dang / sems zhum pa med pa nyid ni dge ba'i chos la dmigs pa'i sems kun tu mi zhum pa nyid dang /dngos po thams cad la ltos pa med pa nyid do/ /sbyang dka' ba la ni/ 'dris dang khyim la 'khren pa dang / /'du 'dzir gyur pa'i gnas dang ni/ /bdag stod gzhan la smod pa dang / /mi dge las kyi lam bcu dang //rlom pas khengs dang phyin ci log /yid gnyis dang ni nyon mongs bzod/ /bcu po 'di dag rnam spangs nas/ /sa lnga pa ni yang dag 'thob/ /ces te/ 'dris pa ni khyim pa la rab tu byung ba rnams kyis te/ khyim rnams su nye bar 'gro ba ba'o//'du 'dzir gyur pa ni tshul dang mi mthun pa'i gtam rnams kyis dang bstod pa dang / brnyas pa dang / smad par byed pa'o/ /las kyi lam rnams dang / rlom pa ste/ sems gzengs mtho ba dang / khengs pa ni bla ma rnams la lus kyis mi 'dud pa nyid dang /phyin ci log ni don phyin ci log tu 'dzin pa dang / yid gnyis te/ the tshom dang / 'dod chags dang / zhe sdang dang gti mug lhag par gnas pa'o/ /mngon du gyur pa la ni/ sbyin dang tshul khrims bzod brtson 'grus/ /bsam gtan shes rab rab rdzogs pas//slob ma dang ni bse ru la/ /dga' dang skrag pa'i sems spangs la/ /blangs na mi zhum bdog pa kun/ /gtong yang mi dga' med pa dang / /dbul yang slong ba mi spong bas/ /sa ni drug pa yang dag 'thob/ /ces te/ yongs su sbyong ba bcu gnyis po rnams kyis te/ skrag pa ni yongs su zhum pa'o/ /ring du song ba la ni/ bdag dang sems can 'dzin pa dang / /srog dang gang zag chad rtag dang / /mtshan ma rgyu dang phung po dang / /khams dang skye mched dag dang ni/ /khams gsum pa la gnas chags dang / /sems ni kun tu zhum pa dang / / dkon mchog gsum dang tshul khrims dang / /de lta ba la mngon zhen dang / /stong pa nyid la rtsod pa dang / /de dang 'gal ba'i nyes pa ni/ /nyi shu gang la rnam chad pa/ /de yis sa ni bdun pa 'thob/ /rnam thar sgo gsum shes pa dang / /'khor gsum rnam par dag nyid dang / / snying rje dang ni rlom med dang / /chos mnyam nyid dang tshul gcig shes/ /mi skye ba dang bzod shes dang / /chos rnams rnam pa gcig tu ston/ /rtog pa kun tu 'joms pa dang / /'du shes lta dang nyon mongs spong / /zhi gnas nges par sems pa dang / /lhag mthong la ni mkhas pa dang / / sems dul ba dang thams cad la/ /thogs pa med pa'i ye shes dang / /chags pa'i sa min gar 'dod par/ /zhing gzhan du ni mnyam 'gro dang / /kun tu bdag gi ngo bo ni/ /ston pa nyid dang nyi shu'o/ /zhes te/ yon tan rnams yongs su rdzogs pa'i zhes pa ni lhag ma'o/ / bdag tu 'dzin pa la sogs pa ste/ nyes pa ni skyon no/ /'dzin pa ni mngon par zhen pa ste/ bdag tu 'dzin pa nas ji srid du skye mched du 'dzin pa'i bar ro/ /khams gsum pa la rab tu gnas pa ni dmigs pa la kun tu gnas pa rnams so/ /der lta ba ni sangs rgyas dkon mchog la sogs par lta ba'o//de la mngon par zhen pa nyid ni nges pa'o/ /sangs rgyas su lta ba la gnas pa nas ji srid du tshul khrims su lta ba'i bar la gnas pa'o/ /stong pa nyid chos zhes rtsod pa ste/ stong pa nyid la 'gal ba'i gnod pa'o/ /stong pa nyid yongs su rdzogs pa dang / mtshan ma med pa mngon sum du byas pa dang /smon pa med pa'i ye shes dang 'khor gsum rnam par dag pa ste/ sems can thams cad la snying rje ba dang / de rnams su yid la mi byed pa dang / chos thams cad mnyam pa nyid du ston pa dang / theg pa chen po'i tshul gcig tu gyur pa so sor rtogs pa dang /mi skye ba la bzod pa'i ye shes dang / theg pa chen po'i tshul gcig tu ston pa dang / chos rnams thams cad la rnam par rtog pa thams cad kun tu bcom pa dang / 'du shes dang lta ba log pa dang / zhi gnas la nges par sems pa dang / lhag mthong la mkhas pa dang / nyon mongs pa dang lta ba las log pa ste/ mtshan mar 'dzin pa'i 'jig tshogs la sogs pa'i lta ba dang / 'dod chags la sogs pa spong ba'o/ /sems dul ba nyid dang / mngon par zhen pa'i gnas ma yin pa dang / gang du 'dod pa'i zhing du 'gro ba ste/ mnyam zhes pa ni lhan cig pa ste/des de ltar sangs rgyas kyi dkyil 'khor rnams su bdag gi lus kun tu ston pa'o/ /brgyad pa la ni/ sems can kun yid shes pa dang / /mngon par shes pas rtse ba dang / /sangs rgyas zhing bzang bsgrub pa dang / /yongs su brtag phyir sangs rgyas bsten/ / dbang po shes dang rgyal ba yi/ /zhing sbyong sgyu ma ltar gnas dang / /bsams bzhin srid pa len pa dang / /las kyi rnam pa 'di brgyad bshad/ /ces pa ni dge ba yongs su dag pa sgrub pa dang / rnam pa thams cad kyi chos rnams la yongs su brtag pa dang / dbang po shes pa ni dbang po mchog dang mchog ma yin pa shes pa'o//sbyong ba ni yongs su sbyong ba'o/ /sgyu ma lta bu ni ting nge 'dzin gyis myur bar snyoms par 'jug pa'o/ /sangs rgyas kyi zhing ni rnam pa gnyis te/ thog ma ni snod kyi 'jig rten la/ de'i rjes la sems can gyi 'jig rten no zhes pa'o//legs pa'i blo gros la ni/ smon lam dag ni mtha' yas dang / /lha la sogs pa'i skad shes dang / /spobs pa chu bo lta bu dang / /mngal du 'jug pa mchog dang ni/ /rigs dang rus dang cho 'brang dang / /'khor dang skye ba dag dang ni/ /nges 'byung byang chub shing rnams kyi//yon tan phun sum tshogs pa yin/ /zhes pa ste/ chu bo ltar yongs su gang ba'i spobs pa dang / mngal du 'jug pa'i mchog la sogs pa'i phun sum tshogs pa dgu ste/ de la rigs ni skye bo thams cad kyis bsngags pa'i mngal du 'jug pa ste/ rgyal po la sogs pa'o/ /rus ni nyi ma la sogs par skyes pa'i rus la/ cho 'brang ni ma la sogs pa dang 'brel ba'i gnyen no/ /rang la brten pa ni 'khor la brgya byin la sogs pa mngon par dga' ba ni skye ba'o/ /sangs rgyas la sogs pas yang dag par bskul ba ni nges par 'byung ba'o//byang chub shing ni yid bzhin gyi nor bu dang 'dra ba'i a shwa t+tha la sogs pa'o/ /sangs rgyas kyi chos kyi chos thams cad kyi yon tan gyi ngo bo yongs su rdzogs pa'o/ /chos kyi sprin la ni/ sa dgu 'das nas ye shes ni/ /gang gis sangs rgyas sar gnas pa/ /de ni byang chub sems dpa'i sa//bcu pa yin par shes par bya/ /zhes te/ sa ni rigs kyi sa la sogs pa dgu ste/ de la rigs kyi sa ni mya ngan las 'das pa'i rigs can rnams kyi nges par 'byed pa'i cha dang mthun pa'i gnas skabs so/ /kha cig tu ni dang po'i nges par 'byed pa'i cha dang mthun pa'i gsum la dkar po rnam par mthong ba'i sa la/rigs kyis ni chos mchog gi gnas skabs zhes rnam par gzhag pa ste/ de 'dir bsgrub par mi bya'o/ /brgyad pa'i sa ni rgyun tu zhugs pa'i 'bras bu la zhugs pas so/ /mthong ba'i sa ni rgyun tu zhugs pa'i'o/ /bsrabs pa'i sa ni lan cig phyir 'ong ba'i'o//'dod chags dang bral ba'i sa ni phyir mi 'ong ba'i'o/ /byas pa dang ye shes kyis byas pa rtogs pa ni dgra bcom pa ste/ de'i sa ni byas pa rtogs pa'i sa'o/ /zhugs pa po rnam pa gsum dang drug po rnams bsdus pa ni nyan thos kyi sa la'o/ /nyan thos kyi sa theg pa gsum du rnam par gzhag pa la dgongs nas bdun du gsungs pa'o//rang sangs rgyas kyi ni rang sangs rgyas kyi sa'o/ /byang chub sems dpa'i sa ni byang chub sems dpa'i sa ste/ sngon du bshad pa'i sa dgu po ste/ sa dgu bo 'di rnams zhes pa ni sa'i tshogs so/ /'dir byang chub sems dpa' mos pas spyod pa'i sa la theg pa la dang po yang dag par rab tu zhugs pa'i mos pa dang /rab tu dga' ba la lhag pa'i bsam pa rnam par dag pa can 'jig rten las 'das pa'i sems bskyed pa rnams kyi sems dang po bskyed pa can dang / de la sogs pa nas sa bdun pa rnams yongs su 'bad rtsol dang bcas pas mtshan ma med pa'i spyod pa la gnas pa rnams dang /sa brgyad pa la sogs pa nas sa gsum pa mtshan ma med par lhun gyis grub pas gnas pa can nges par spyod pa la zhugs pa'i rnam par smin pa can dang / skye ba gcig gis thogs pa khyad par gyi lam la nye ba'i skye ba gcig gis thogs pa ste/nges par skye ba gcig gi rgyu bas bar chod pa ni sangs rgyas kyi sa'i phyir zhes pa ni rnam par gzhag pa'o/ /gnyen po'i tshogs kyi dbang du byas nas bstan bcos las/ mthong dang goms pa'i lam dag dang / /gzung dang 'dzin pa'i rnam rtog rnams//nye bar zhi bar bya ba'i phyir/ /gnyen po rnam pa brgyad ces bya/ /zhes te/ goms pa ni bsgoms pas so/ /'dzin pa ni 'dzin pa po ste/ rtse mo'i mngon par rtogs pa'i'o/ /mthong ba'i lam gyi gzung ba'i rnam par rtog pa ni rnam pa gnyis te/ dngos po tsam la brten pa dang /gnyen po'i phyogs la brten pa'o/ /'dzin pa'i rnam par rtog pa gnyis ni gang zag rdzas la brten pa dang / gang zag brtags pa la brten pa'o/ /de bzhin du bsgom pa'i lam la brgyad po 'di rnams spong la gnyen po brgyad ni gnyen po'i tshogs te/ de la mthong ba'i lam la de bzhin nyid la sogs pa rnams dang /rmi lam la sogs pa rnams kyi gzung ba'i dngos por dmigs pa'i rnam par rtog pa ste/ de rnams ngo bo nyid kyis stong par rtogs pa ni gnyen po'o/ /sbyin pa la sogs pa nas sangs rgyas kyi chos kyi bar rnams la gnyen po'i gnyen por nye bar dmigs pa'i rnam par rtog pa'o//de rnams ngo bo nyid kyis stong pa'i phyir zhes pas nye bar dmigs pa med pa ni gnyen po'o/ /dgra bcom pa la sogs pa rnams kyi gang zag rdzas su nye bar dmigs pa'i rnam par rtog pa'o/ /de ltar mi dmigs pa ni gnyen po'o//ming dang brda dang tha snyad la sogs pa nye bar dmigs pa ni rnam par rtog pa la de ltar mi dmigs pa ni gnyen po'o/ /bsgom pa'i lam la ni/ chos thams cad la mi gnas pa'i sbyor bas mi gnas shing mi gnas pa la yang ma yin te/ chos kyi dbyings kyi rnal 'byor gyis so zhes pa'i don to//de ltar na gzung ba'i dngos po rnams nye bar mi dmigs pa dang / sbyin pa la sogs pa rnams kyi gnyen po'i dngos po mi dmigs pa dang / rgyun tu zhugs pa la sogs pa'i gang zag gi rdzas mi dmigs pa dang / rgyun tu zhugs pa la sogs pa'i gang zag brtags pa la brten pa'i rgyun tu zhugs pa'i 'bras bu la sogs pa rnams mi dmigs pa'o//nges par 'byung bar 'gyur zhes pa 'dis nges par 'byung ba'i sgrub pa'i go skabs te/ de dag gi nges par 'byung ba ni ma lus par 'gro ba'i sgrub pa ste/ rtse mo'i mngon par rtogs pa ni bsgom pa'i lam gyi gong gi ji srid du sems bskyed pa nyi shu pa la/de'i gong du 'bras bu'i gnas skabs su byas pa'i ngo bo sgrub pa med pas nges par 'byung ba'i 'bras bu nges 'byung thob pa ste/ de ni nges par 'byung ba'i phyir sgrub pa ste/ de rnams thams cad kyi dbang du byas pa ni bstan bcos las/ched du bya dang mnyam nyid dang / /sems can don bya 'bad med dang / /shin tu nges par 'byung ba dang / /nges 'byung thob pa'i mtshan nyid dang / /rnam pa thams cad mkhyen nyid dang / /nges 'byung lam gyi spyod yul can/ /rnam pa brgyad kyi bdag nyid can/ /nges 'byung bsgrub pa yin zhes bya/zhes te/ de rnams gsungs pa ni/ de skad ces bka' stsal zhes pa la sogs pa ste/ gang gi phyir 'jig rten zil gyis mnan nas byang chub sems dpa' nges par 'byung bar 'gyur te/ de'i phyir theg pa 'di la theg pa chen po zhes brjod do/ /ci'i phyir 'dis 'jig rten zil gyis mnan pa yin na/de thob pas bdag nyid chen po thob pa'i phyir ro/ /de yang ji ltar na sems can gyi phung po'i mchog nyid du sgrub pa la sems can chen po dang / spong ba chen po dang / rtogs pa che bas chen po'o zhes pa ni ched du byed pa'i nges par 'byung ba ste/ de'i theg pa ni chen por brjod ces pa dang 'brel to//ji ltar na mnyam pa nyid na/ ji ltar nam mkha' phyogs kyi dbye bas phye yang don dam par ngo bo nyid med pa/ kha dog med pa/ dbyibs med pa/ bstan du med pa/ thogs pa med pa/ mtha' med pa/ dbus med pa/ nyams pa med pa/ 'phel ba med pa/ skye ba med pa/ 'gag pa med pa/ 'dod pa dang gzugs dang gzugs med pa'i khams dang mi ldan pa de bzhin du theg pa chen po'o zhes pa ni mnyam pa nyid kyi nges par 'byung ba'o/ /nam mkha' go phye ba'i nang du 'dus pa'i phyir te/ theg pa chen po yang de bzhin du ste/des de rnams kyi don byed pa'i phyir ro/ /'jig rten gyi khams rnams dang / phyogs rnams grangs kyis yongs su bcad pa'i phyir na gzhal du med pa dang / bgrang ba med pa dang / tshad med pa'o/ /rnam grangs 'dis ni bye brag gis so/ /ji ltar na de srid du de rnams kyi go 'byed na/gang zhig sems can dang nam mkha' dang theg pa chen po dang chos thams cad ni don dam par ngo bo nyid kyis stong / de bzhin du sems can 'di rnams ni theg pa chen pos go 'byed ces pa ni sems can gyi don gyi nges par 'byung ba'o/ /'ong ba ni 'ong ba la 'gro ba ni 'gro ba'o//gnas dang 'gro ba dang ldog pa gsum char theg pa chen po la yod pa ma yin no/ /chos rnams thams cad mi bskyed pa ni gang zhig de rnams kyi ngo bo rang bzhin ngo bo nyid kyis stong pa nyid pas/ gang nas 'ongs pa med cing gang du 'gro ba yang med la gang du gnas pa yang ma yin no/ / yongs su rdzogs pa la longs spyod pa zhes pa ni lhun gyis grub pa'i nges par 'byung ba'o/ /de bzhin du zhes pa ni nam mkha' la'o/ /sngon gyi mtha' ni 'das pa'i dus so/ /phyi ma'i mtha' ni ma 'ongs pa'o/ /dbus ni da ltar byung ba'o/ /ji ltar dus gsum mnyam pa nyid ni gang la dus gsum med pas dus gsum mnyam pa nyid de/theg pa chen po dang byang chub sems dpa' yang rang bzhin gyis stong la/ stong pa nyid la ni 'das pa dang ma 'ongs pa dang da ltar byung ba yang med la/ de la kun nas nyon mongs pa dmigs su med do/ /rnam par byang ba med do//'khor ba med do/ /mya ngan las 'das pa med do zhes pa'i mtha' med pa ni shin tu nges par 'byung ba'o/ /de nas zhes pa la sogs pa ni thob pa'i nges 'byung gi go skabs te/ thams cad mkhyen pa nyid ces pa ni rnam pa thams cad mkhyen pa nyid do/ /rjes su mthun zhes pa ni/ khyod kyis chos thams cad theg pa chen po zhes pa'i ngo bo nyid med par bstan pa de'i nang du 'dus pa'i ngo bo nyid med pa'i ye shes la de ni shes rab kyi pha rol tu phyin pa ste/de bas na rjes su mthun par bstan zhes par dgongs pa'o/ /gzhan yang zhes pa dang / de ci'i slad du zhes pa dang / gzugs zhes pa dang /de bzhin du zhes pa dang / sangs rgyas zhes pa dang / ji ltar zhes pa dang / de bzhin du zhes pa dang / ji ltar zhes pa dang / de bzhin du zhes pa dang / de ci'i zhes pa dang / med ces pa dang / de yang zhes pa'i tshig bcu gnyis po rnams ni rang bzhin gyis thob pa'i nges par 'byung ba'i dbang du byas pa la/de rnams kyis thob pa'i khyad par bcu gnyis gsungs pa ni/ de la chos thams cad la mngon par zhen pa med pa la goms pa mthar phyin pa de rnams kyis mngon par zhen pa skye ba'i sgrib pa dang bcas pa'i phung po lnga po rnam pa thams cad du log nas sgrib pa med pa'i kun rdzob kyi tshul gyis skye ba'i rnam pa thams cad mkhyen pa nyid ni byang chub sems dpas thob par 'gyur ro zhes pa ni bsdus pa'i don te//so so'i don bcom ldan 'das kyis gsungs pa brjod de/ theg pa chen po 'dir slob pa nyid ces pa nas ji srid du rjes su thob par 'gyur zhes pa'i bar te/ de la sngon gyi mtha' la sogs pa thams cad kyis gnyis su byar med pas de'i phyir med cing 'gro ba med pa'o/ /de ci'i phyir zhes pa ni de'i sngon gyi mtha'i ni sogs pa rnams ni gang du yang med pa nyid de/ gang gi phyir gzugs la sogs pa ni nam mkha' dang mnyam pa ste/ gzugs la sogs pa ngo bo nyid kyis stong pas 'dir phyi ma'i mtha' dang /snga ma dang phyi ma'i mtha'i dbus dang bral ba la de bzhin du byang chub sems dpa'o/ /med cing mi dmigs pa ni ngo bo nyid kyis stong pa nyid nye bar bzung bas so/ /byang chub sems dpa'i chos zhes pa ni byang chub sems dpa' bsgrags pa'i gzugs la sogs pa'i phung po lnga'o//thams cad nas zhes pa ni phung po dang khams la sogs pa'i sde tshan gyi dbye bas so/ /thams cad kyi ji ltar gyur pa'i yongs su rdzogs pa'i cha shas kyi sde tshan rnams kyi'o/ /yang thams cad ces pa ni sde de rnams kyi re re'i thams cad do/ / rnam pa thams cad ni rang rang gis stong pa'i phyir ro/ /thams cad shes pa nyid ni rnam pa thams cad shes pa nyid do/ /chos gang ni byang chub sems dpa' la brjod do/ /chos gang gis ni shes rab kyi pha rol tu phyin par bsgrags pas so/ /chos gang la ni rnam pa thams cad mkhyen pa nyid du bsgrags pa'i thob par bya ba la'o//gdams par bgyi ba ni med pa nyid ces pa'i don te/ de ltar gdams pa med pa la rjes su gnas pa med pa gang gis kyang cung zhig thob pa med cing zhes pa'i don to/ /sangs rgyas zhes bya ba ni sangs rgyas nyid ni rnam pa thams cad mkhyen pa nyid do//ming du btags pa tsam ste don gyis stong pa'i ming ngo / /mngon par ma grub pa med pa ni ming du btags pa nyid pas grub la/ 'dir mngon par ma grub pa'i byang chub sems dpa'i ming ma grub pas rnam pa thams cad mkhyen pa rnams thob pa ma yin no zhes pa'i don to/ /de bzhin du chos la bdag med pa'i sgo nas dang /ming gi sgo nas thob pa bkag nas/ gang zag la bdag med pa'i sgo nas dgag pa gsungs pa ni/ ci ltar zhes pa la sogs pa ste/ shin tu med pa ni mtha' gcig tu'o/ /mngon par ma grub pa ni yang dag pa ma yin pa'o/ /de bzhin du zhes pa la sogs pa ste/dngos po med pa'i ngo bo nyid ces pa 'di rnams ni dngos med pa'i ngo bo nyid ni ngo bo nyid med pa'i don to/ /gang zhig gzung ba dang 'dzin pa dang bral ba la 'jug pa med pa'am/ ma skyes pa de'i gzugs zhes pa nas ji srid du rnam par shes pa ji ltar zhes pa'i bar ni yod pa nyid ma yin no zhes pa'i don to//gang zhig kun rdzob rten cing 'brel bar 'byung ba 'di rnams kyi dngos po med pa nyid kyi ngo bo nyid stong pa nyid de ni mngon par 'jug pa med pa skye ba med pa'i de kho na nyid de de ni don dam pa'o/ /de med ces pa ni dbyer med pa dgag la/ de ji snyam zhes pa la sogs pas ni dbye bas te/ mngon par grub pa med pa'i stong pa nyid tsam po'i byang chub sems dpa' la mngon par ma grub pa'i stong pa nyid tsam pos gdams par bgyi ba'o/ /gang du yang yod pa min zhes pa ste/ don dam pa'i de kho na nyid ni tha dad pa dang tha mi dad pa la sogs pa'i sgro btags pa ma lus pa dang bral ba'i ngo bo'i phyir ro//gzhan du yang med ces pa ni kun rdzob dang don dam pa dag ro gcig pa'i phyir ro/ /de nyid kyis na 'phags pas kun rdzob la/ /rten cing 'brel par 'byung ba gang / /de ni stong pa kho nar bzhed/ /dngos po rang dbang med ces pa'i//seng ge'i sgra khyod dang mnyam med/ /ces pa dang / rang dbang med pa 'dir yang 'phags pas/ gang phyir rten 'byung ma yin pa'i/ /chos 'ga' gang du yod min pas/ /de phyir stong pa ma yin pa'i/ /chos 'ga' gang na yod pa min/ /mkhas sogs rnams la mkhas min gyi//'jig rten pa yis de rnams la/ /rtag dang mi rtag rtag 'gyur yang / /mkhas pas don du mthong ba med/ /ces te/ chos thams cad ni phung po la sogs pa'o/ /sangs rgyas kyi chos ni thob par bya ba'i stobs dang mi 'jigs pa la sogs pa'o/ /byang chub sems dpa'i chos ni sngon du thob pa'i yon tan rnams so//gang zhig rig ces pa ni byang chub sems dpa'i'o/ /sems dang bar mi 'gyur zhes pa la sogs pa'i tshig lnga rnams kyis ni zhi gnas kyi rnam pa lnga gsungs pa'o/ /phyir phyogs par mi byed ces pa'i tshig bzhi po 'di dang / zhi bar byed nye bar zhi bar byed ces pa ni sems pa la gcig tu byas nas mnyam par 'dzin par byed ces pa ste/'di rnams kyis ni ngo bo nyid med pa la mnyam par gzhag pa'i sems phyis nyams par gyur nas dngos po la chags par 'gyur ba ma yin pa'o/ /'dir bzhis rjes la nyams par bkag nas yid rjes la nyams par mi 'gyur ba'o//de ltar tshig drug gis ni zhi gnas kyi tshig dgu gsungs pa'o/ /skrag par mi 'gyur zhes pa lhag mthong la mi sngang zhes pa la sogs pa tshig gnyis kyis ni zung du 'brel pa'i lam gsungs pa'o/ /de ltar na ting nge 'dzin la skrag par mi 'gyur zhes pa ni zhi gnas kyi cha la/ yang dag par rab tu shes pas kun tu skrag par mi 'gyur ba dang /kun tu skrag pa dang ldan par mi 'gyur zhes pa ni lhag mthong gi cha'o/ /spyod ces pa ni bstan pa la lhag ma ni bshad pa'o/ /sgom pa'o zhes pa ni zhi gnas kyis so/ /nye bar rtogs pa ni lhag mthong gis te/ ngo bo nyid med pa'i rnam pas so//nges par sems pa ni nye bar rtogs par byas nas mkhas pa rnams kyis zung du 'brel ba'i lam gyis sems par byed pa ste/ 'di'i 'thad pa ni de ci'i phyir zhes pa ni 'dri ba la/ gang gi tshe zhes pa la sogs pa ni lan no/ /chos ni chos thams cad do/ /shes rab kyi pha rol tu phyin pa la zhes pa ni mngon sum du gyur pa la'o//nye bar mi rtog ces pa ni nye bar mi dmigs pa'o/ /nye bar mi 'dzin pa ni rnam par rtog par mi byed de/ rnam par mi rtog pa'i phyir ro/ /shes rab kyi pha rol tu phyin pa la zhes pas ngo bo nyid la rnam par rtog pa rnams bkag nas khyad par la rnam par rtog pa dgag pa'i phyir gsungs pa ste/gzugs skye bar yang dag par rjes su mi mthong zhes pa la sogs pa ste/ don dam par na skye ba la mi sbyor bas na gang du 'gag pa yang yod pa ma yin no/ /de bzhin du zhes pa la sogs pa ni gzugs la sogs pa la ma skyes pa dang / ma 'gags pa dag gi dbye ba med pa'i dgag byar bya ba dang /dbye ba dgag pa'i phyir gsungs pa ni/ de ltar zhes pa la sogs pa'o/ /'o na gzugs la sogs pa la rang bzhin med pas gnyis su med pa'i dngos po mi 'thad ce na/ gsungs pa ni/ gang yang zhes pa la sogs pa ste/ gang du kun rdzob kyi ngo bo gzugs la sogs pa'i phung po lnga po ni skye bar byed la/don dam par dngos po med pa'i mtshan nyid kyi skye ba med pa dang zad pa med pa dag ro gcig pas gnyis su med de/ gnyis su zhes pa ni gnyis kyi dngos po med pa'o/ /gnyis su byar med pa ni gzhan du rnam pa gnyis kyi ngo bo dang bral ba la byed pa po'i tshad ma med ces pa'o zhes pa ni gzhan dag gi ste/thob pa'i nges 'byung ngo / /rnam pa thams cad mkhyen pa nyid kyi nges par 'byung ba bstan par 'dod nas gsungs pa ni/ de bzhin du bcom ldan 'das zhes pa la sogs pa ste/ de bzhin du ni rnam pa thams cad ces pa dang 'brel lo//bya ba'i khyad par las 'di'i don ni snga ma bzhin no/ /des na zhes pa ni gang gis gnyis su med par 'di rnams bgrang bar byas pa'i rgyu mtshan des na'o/ /de'i skyon gsungs pa ni/ gal te yang zhes pa la sogs pa ste/ dka' ba'i las kyis spyod pa pos spyod pa gang de ci'i phyir spyod par 'gyur ba ni sbyor ba'i brtson 'grus kyis so//chung ngu'i don la'o/ /dka' ba ni lag pa dang rkang pa dang mgo dang lus gtong ba la sogs pa rnams kyi'o/ /de dag nyams su myong bar byed pa'i ci'i phyir spro ba ni go cha'i brtson 'grus kyis so/ /de la spyod pa med cing dmigs pa med ces pa ni rgol ba la/de skad ces/ dka' ba la sogs pa ni rab 'byor gyi lan no/ /de la thog ma 'dis zhes pa la sogs pa ni khas blangs pas so/ /ci ltar mi 'dod par 'gyur te/ don dam par ni spyod par byed pa mi 'thad la/ kun rdzob tu ni dka' ba'i 'du shes kyis dka' ba'i spyod pa yid la gcags pa ni rdzogs sangs rgyas las rnam par ldog par 'gyur bas so//yang mi 'gyur zhes pa la sogs pa'i lan gnyis pa ni mi 'gyur ba ni rdzogs par mi 'gyur ba'o/ /'on kyang zhes pa la sogs pa'i lan gsum pa ni/ sdug bsngal thams cad ces pa ni zag pa dang bcas pa thams cad kyi phung po lnga po de rnams thams cad las grol bar bya ba'o//thams cad nas ni khams dang grol ba dang gang zhig gzhan la sogs pa'i dbye bas so/ /thams cad ni ji ltar gyur pa'i sdug bsngal gsum po rnams kyis so/ /rnam pa thams cad ni dmigs pa rnams thams cad kyis so//thams cad ni lhag ma ma lus par sgrol bar bya ba'o/ /sdug bsngal gyi phung po ni sdug bsngal gyi tshogs te/ sems la so sor rab tu skyon te/ khong khro ba'o/ /gzhan yang zhes pa la sogs pa'i lan bzhi pa ni thams cad nas ni bdag dang sems can dang srog dang gso ba dang skyes bu la sogs pa'i dbye bas sam/mngon sum la sogs pa'i tshad mas so/ /thams cad ni ji ltar gyur pa'i snang ba dang mi snang ba phye ba'i khyab pa dang cig shos gnyis kyi ngo bo'o/ /rnam pa thams cad ni phung po la sogs pa rnams las tha dad kyis ji ltar tha mi dad pas so/ /thams cad ni ji ltar gyur pa'i so so'i sde tshan so so ba dang bsdus pa de rnams la/byed pa po la sogs pa'am ngo bo nyid du de ltar chos thams cad yod pa ma yin no/ /thams cad kyis ni phung po dang khams la sogs pa'i sde tshan gyi dbye bas sam rang gi mtshan nyid la sogs pas so/ /thams cad ni cha shas thams cad las ji ltar gyur pa'i sde tshan rnams kyi cha shas yongs su rdzogs pa'i phyir ram/phyi rol dang nang gi bdag nyid can no/ /yang thams cad ni ji ltar gyur pa'i sde tshan la sogs pa de thams cad ces pa'i don to/ /rnam pa thams cad ni dbye ba de thams cad kyi bdag nyid gang ma lus pa bsdus pa de rnams thams cad la zhes pa'i don to//de nyid la dka' ba spyod pa can gyi spyod pa med par thal bar 'gyur ba la lan rnam pa bzhi gsungs pa ste/ bzhi kas kyang de ltar gsal bar bya ba ni dga' ba spyod pa po yang skye ba med pa'i de lta bu'i de kho na nyid la/ de ltar de kho na nyid du mthong ba nyid kyis de ltar spyod par bya ba'o//gang du ni 'di nus par gyur na 'bras bu chen por 'gyur zhes pa'o/ /rnam pa thams cad du chos thams cad la rnam par rtog pa bkag cing bcom pa'i phyir gnas brtan no/ /gang yang tshe dang ldan pa zhes pa la sogs pa nas brtsams pa'i sgra ni de ltar snga nas bshad do//'dir ni thams cad shes pa nyid dang rnam pa thams cad mkhyen pa nyid dang sangs rgyas kyang ngo zhes pa'i don to/ /thams cad mkhyen pa'i chos rnams ni sangs rgyas su byed pa po'i chos rnams so/ /skye ba med pa ni 'phags pa'i lam mo/ /so so'i skye bo dang skye bo'i chos rnams ni 'dod chags pa'o//de thob pa'i rnam par rtog pa 'gag pa'i don du gsungs pa ni/ de skad ces smras pa dang zhes pa la sogs pa nas ji srid du shin tu spong bas sam zhes pa'i bar du'o/ /thams cad mkhyen pa nyid ces pa ni rnam pa thams cad mkhyen pa nyid do/ / rjes su thob ces pa ni gdod nas de de ltar de thams cad chos kyi dbyings kyi rang bzhin gyi phyir la/ chos kyi dbyings kyang ma skyes pa'i ngo bo'i rang bzhin nyid du rnam pa thams cad du rnam par dag pa'i phyir ro/ /de skad ces pa la sogs pa ni lan te/ chos ni byang chub sems dpar brjod pa'i'o/ /thob pa ni thob par byed pa po nyid de/sbyor ba'i gnas skabs su'o/ /thob pa yang med cing mngon par rtogs pa med pa'i rtog pa ni dngos gzhi'i gnas skabs su ste/ 'dir mi 'dod pa ni mi rigs pas thob par thal bar 'gyur ba'i phyir ro/ /rigs pa yang gsungs pa ni/ yang med ces pa la sogs pa ste/ chos kyis zhes pa ni thob pa pos te/ thob pa dang thob bya'i mtshan nyid gnyi ga dag ngo bo nyid med pa'i phyir ro/ /rab 'byor gyis gzhan yang skye ba'i phyogs kyis 'thad pa dang bral ba'i phyir gsungs pa ni/ ci zhes pa la sogs pa ste/ ma skyes pa'i phyir skye ba nyid du 'gyur ba'am ma skyes pa nyid ces pa'i gzhan du ji ltar the tshom gnyis skye ba la dang po na ni 'gal te/ma skyes pa ni med pa nyid do/ /de ni ji ltar yod par byed de/ de ltar yang gsungs pa/ tshangs pa gang zhig rten cing 'brel par 'byung ba las rnam par ma grol ba'i chos ni rdul phra mo tsam yang skye ba yang dag par rjes su mi mthong zhes te/de'i phyir na gnyi ga yang ma skyes par gsungs pas thob pa'i rnam par rtog pa dgag pas so/ /de gang du 'bad pa med par thob pa ste/ kun rdzob tu ni skye ste mi g.yo ba la sogs pa'i sa rnams la yang 'bad pa med par 'jug pa ye shes so/ /gang gi phyir chos rnams thams cad ni don dam par ni skye ba med par stong pa nyid ngo bo nyid med pa chos kyi dbyings de bzhin nyid yang dag pa'i mtha' 'jig rten zhes pas ni ngo bo nyid ngo bo nyid ces pa ni gang gi gang bdag nyid kyi ngo bo ste me'i tsha ba bzhin de'i de la ngo bo nyid ces brjod la/gang bcos ma de ni de'i bdag nyid min te/ dper na chu'i tsha ba bzhin te/de ltar 'dir chos thams cad ngo bo nyid yod pa min la med pa yang cung zad yod pa ma yin pa'i phyir te/ gang yang 'phags pas/ stong pa nyid du mi brjod cing / /mi stong zhes kyang 'gyur ba min/ /gnyis dang gnyis min zhes bya bar/ /btags pas don ni brjod par bya/ / zhes pa la sogs pa'i tshig rnams kyis rjod par byed pa ste/ bden pa'i ngo bo ni bcos ma ma yin pa'i phyir te/ gang du 'phags pas/ bcos min ngo bo nyid la ni/ /gzhan la ltos pa yod ma yin/ /zhes la/ de yang ma skyes pa ste/ rang bzhin gyis 'od gsal ba'i phyir dang / thog ma dang tha ma med pa'i phyir thob par bya ba yang med la thob pa yang med pa ste/ma 'dres par blta bar bya ste/ gang de ltar mthong ba de nyid chos rnams thams cad kyi bden pa nyid kyis sgro btags pa rnams thams cad rjes su nye bar mi dmigs pa ste de nyid yang dag pa'i shes rab kyi pha rol tu phyin pa nyid de/des phung po lnga la bden par mngon par zhen pa zad par byed cing de'i mngon par zhen pa med pa'i rgyu can des sgrib pa thams cad kun tu 'dzin pa can gyi gnas kyi phung po lnga po rnams zad par 'gyur te/ sngon gyi rlung du gyur pa rnams 'gag pa'i phyir dang / rgyu med pas de dang 'dra ba rnams kyi phyi ma rnams mi skye ba'i phyir ro byang chub sems dpa' de rang bzhin gyis 'od gsal ba'i kun rdzob dang don dam par ro gcig pa'i byang chub kyi sems kyi bdag nyid yin yang glo bur ba'i sgrib pa'i dri ma rnams kyis dri ma can du byas pa de'i de rnams zad pa ste/de zad pa'i mtshan nyid kyi rnam par dag pa snga na med pa'i phyir na thob pa'o//'khrul pa thams cad log pa las kun rdzob tu skyes pa'i shin tu rnam par dag pa'i phung po lnga po stong pa nyid kyi ye shes kyi mtshan nyid kyi rnam pa thams cad mkhyen pa nyid kyang snga ma med pa'i phyir byang chub sems dpas thob pa ste/ de'i rnam par dag pa yang dag par rig pa de nyid kyis thob pa dang mngon par rtogs pa yang dag par skye bar 'gyur zhes pa ni grub pa'i mtha'o//de la 'di ni glo bur gyi sgrib pa rnam par dag pa'i gnas brtan dag tu brjod par bya ste/ kun rdzob dang don dam pa la gnas nas skyes pa dang ma skyes pa'i rnam par gzhag pa de rnams thob pa las 'di slar dril de la dgongs nas gsungs pa ni/skyes pa nyid ces pa la sogs pa ni/ skyes pa zhes pa ni skye ba'i rgyu dang rkyen la rag las pa'i chos la mi spobs zhes pa ni skyes pa dang ma skyes pa de kho na nyid du ngo bo nyid med pa'i phyir te/ chos thams cad stong pa nyid la dmigs pa'i sems kyi rgyud gang de kho nas 'khrul pa rnams thams cad las ldog cing de dag la rnam pa thams cad mkhyen pa nyid skye bo zhes pa la dgongs pa'o/ /brjod pa'i rnam pa dang rtog pa dgag pa gsungs pa ni ma skyes pas kyang zhes pas te/ / ma skyes pa ni tshad mas grub par 'dod pa'i phyir de skad ces brjod pa'o/ /de yang med ces pa ni 'bad pas 'dri ba'i brjod pa rnams dang yid dang sgras spobs shing brjod pa'i brjod par bya ba'o/ /shin tu ni dngos po dang dngos po med pa'i mtha' dang bral ba dang spobs pa dang brjod pa dang bcas pa'i blo gsum po 'dir ma skyes pa ste/de ltar rnam pa thams cad mkhyen pa nyid kyi rnam par rtog pa med pa nyid kyis de lta bu chos rnams thams cad de la snang bar byed ces pa la dgongs pa'o/ /de rnams bshad pas ni spros pa med pa'i don dam pa'i rjes su mthun pa'i phyir ma skyes pa la don dam pa zhes brjod do//mngon par rtogs pa'i dus su ni rnam par rtog pa thams cad las grol ba gzung bar byar med pa nyid kyis skye ba med pa'i gzung bar bya ba la spobs pa ste/ 'dzin pa med pa nyid ni 'dzin pa'i spobs pa ste/ rnam par rtog pa med pas so//ji ltar de'i ngo bo nyid med kyang de'i ngo bo nyid la spobs pa zhes pas nye bar bsdu ba gsungs pa ni/ de kho na bzhin zhes pa ste/ ji ltar mthong ba spong ba la sgrib par mi nus pa'i phyir kun rdzob tu ni gang dang gang zhes pa ma brtags na nyams dga' ba nyid kyis spobs zhes pa ste/ rnam pa thams cad mkhyen pa nyid kyi nges par 'byung ba'o//lam gyi nges par 'byung ba'i go skabs rnams kyi byed pa ni/ de skad ces smras pa zhes pa la sogs pa ste/ gang dang gang zhes pa ni gang dang gang gi gnas nyid la'o/ /'byung ba zhes pa ni mthong ba'o/ /mi g.yo ba ni the tshom dang mi shes pa dag med pa'i phyir ro//'gal bar mi byed pa ni phyin ci log par mi byed de/ log pa'i shes pa med pa'i phyir ro/ /'di rnams kyi zhes pa ni lam gyi nges par 'byung ba'o/ /mi gnas pa ni mngon par zhen pa la chos ni gang de de ltar bshad pa rnams so/ /mi g.yo zhes pa 'di'i rgyas par bshad pa ni gang la yang gnas pa med pa dang spros pa med pa'i phyir na pha rol tu phyin pa drug po 'di rnams kyi nang na ji ltar na shes rab kyi pha rol tu phyin pa la mi 'da' zhes pa ni nyams par mi 'gyur ba ste/mi shes pa dang the tshom dag med pa'i phyir ro/ /'di zhes pa ni bshad ma thag pa'o//'di ni chos thams cad nyid las gzhan ma yin no/ /theg pa thams cad pa ni theg pa gsum gyi thun mong ba'o/ /de lta na ni gang dang ngo / /de nyid de'i phyir ro/ /zhum par mi 'gyur ba ni sgyid lug pas so/ /nem nur du mi 'gyur ba nyid ni the tshom gyis so//ci 'dir gzhan zhes pa ni lam gyi bar du gcod pa 'dod pas so/ /rmongs par mi 'gyur ba ni de kho na nyid ma shes pa'i ngo bos bsgrub pa min pa'o/ /gzhan du mi 'gyur ba ni kha phyir phyogs par 'gyur ba 'am/ log pa'i shes pas phyin ci log tu sgrub pa'i mtshan nyid can no//gnas pa ni lam gyi ngo bos so/ /yid la byed pa zhes pa ni rnam par rtog pa med pa'i yid kyi lam gyi bdag nyid kyis mnyam par gzhag pa'i gnas skabs rnams la'o/ /ci ltar zhes pa la sogs pa ste/ rtog pa pos yid la byed par 'dod pa'i 'dri ba ni yid la mi byed pa dang /gnas pa dag lhan cig mi gnas par 'gal ba'i phyir ro/ /mi 'gal na ni sems can thams cad shes rab kyi pha rol tu phyin pa la gnas par thal bar 'gyur ro/ /legs so legs so zhes pa ni rgol ba rgya chen por byas pa'i phyir ro/ /'on kyang zhes pa la sogs pa ni lan no/ / don du gnyer bar bya bas don te/ de nyid ni bdag gis bstan pa nyid la klan ka tshol ba'i bsam pas bstan pa'o/ /yang dag pa'i gnas mngon par brjod pas zhes pa ni rnam par rtog pas yid la byas pa ni phyin ci log la kun tu gnas pa las yang dag pa'i de kho na nyid shes rab kyi pha rol tu phyin pa la gnas pa ni rnam par rtog pa yid la byed pa mtha' dang bral ba ste/de la ni yid la byed pa nyid yid la byed par 'dod kyi rnam par rtog pas ni ma yin no/ /des yang dag pa'i tshig mngon par brjod par thal bar 'gyur ba las bzlog pa las bsams nas mi 'dod pa med pas rgol zhing /mi 'dod par brjod pa'i klan ka la rigs pas bstan par 'dod nas rang nyid kyis slar dri ba ni de ci'i phyir zhes pa ste/ de gang du yang dag pa'i gnas te/ sems can rnams ni phung po lnga'i bdag nyid can de ngo bo nyid med pa nyid kyi ngo bo nyid ni stong pa nyid la ji ltar sems can rnams ngo bo nyid med pa nyid de/de ltar de dang tha dad pa ma yin pa'i yid la byed pa yang ngo / /sems can mi bden pa'i ngo bo nyid kyis na sems can ngo bo nyid med pa ste/ de kho nar skye ba la sogs pas dben pa'o/ / sems pa las shin tu 'das pa'i phyir bsam gyis mi khyab pa'o/ /mngon par byang ma chub pa nyid ni yang dag pa'i shes pa'i yul ma yin pa nyid dang / yang dag pa ji lta ba ma yin pa nyid dang / log pa'i dngos po nyid dang sgra don nyid kyi phyir ro/ /mngon par rdzogs par byang ma chub pa ni yang dag pa'i shes pa 'dis zhes pa ste/yang dag pa ji lta ba bzhin du mngon par rdzogs par byang ma chub pa nyid de/ tshig drug po 'di rnams ni go rims ji lta ba bzhin du nges par 'byed pa'i cha dang mthun pa rnam pa bzhi dang / mthong ba dang bsgom pa'i gnas skabs su sbyar bar bya'o/ / 'dis zhes pa ni ji skad du bshad pas so/ /de lta bu'i ngo bos ni yang dag pa'i don so sor rtogs pa can gyis te/ phyin ci ma log pa'i phyir 'jug pa'i phyir 'dod pa'o/ /shes rab kyi pha rol tu phyin pa'i bdag nyid kyis gnas pa ni zhi gnas kyi ngo bo'i lam gyis nges par 'byung ba'i mtshan nyid kyis te/'di ni le'u'i don rdzogs pa'o/ /rnam pa thams cad mkhyen pa nyid kyis spyod pa spyad pa ni sems bskyed pa la sogs pa'i don bcu la de gsal bar byed pas le'u ste de'i le'u'o/ /'phags pa shes rab kyi pha rol tu phyin pa brgyad stong pa'i 'grel pa paN+Di ta chen po 'jigs med 'byung gnas sbas pas mdzad pa'i gnad kyi zla ba'i 'od las le'u dang po'o// //rnam pa thams cad mkhyen pa nyid kyi rjes la de khyad par du bsgrub pa'i phyir ram/ tha dad du phye ba'i phyir lam shes pa nyid brjod par bya ste/ gang du bstan bcos las/ mog mog por byed la sogs dang / / slob ma bse ru'i lam gang dang / /'di dang gzhan pa'i yon tan gyi/ /phan yon che ba mthong ba'i lam/ /byed pa dang ni mos pa dang / /bstod dang bkur dang bsngags pa dang / /bsngo dang rjes su yi rang dang / /yid la byed pa bla med dag /sgrub dang shin tu dag pa yis/ /bya ba 'di ni bsgom pa'i lam//byang chub sems dpa' mkhas rnams kyi/ /lam shes nyid ni de 'drar bshad/ /ces te/ gang du lam 'dis mthong ba'i lam ni byang chub sems dpa'i ste/ shin tu dag pa zhes pa ni rjes su 'jug pa ste/ shin tu rnam par dag pa can ni sangs rgyas kyi zhes bshad do//'dir 'bras bu'i gnas skabs kyi dag pa ni zhing la 'dir bshad kyi/ lam shes pa'i nang du 'dus pa ma yin pa nyid do/ /bsgom pa nyid kyi lam ni bsgom pas ji ltar na shin tu rnam par dag pa bsgom pa'i lam gyi 'bras bu yin pa'i phyir ro/ /de la thog mar/ lha rnams rung bar bya ba'i phyir//'od kyis mog mog por mdzad dang / /yul nges pa dang khyab pa dang / /rang bzhin dang ni de yi las/ /zhes pa ni rgyas par bshad pa ste/ lam shes par rung ba nyid ni sems bskyed pa la lha de rnams kyi don du mog mog por mdzad pa nyid ni dman pa dang ngan par byas pa ste/bcom ldan 'das kyi rang bzhin gyi 'od kyis zil gyis mnan pa ni lam shes pa rnams kyi rtsa ba ni sems bskyed pa ste/ de dang bral ba rnams kyis de la mi rung ba'i phyir la/ de nyid kyis na 'dir rung ba zhes brjod do/ /des na 'di nyid gtso bo la/ lhag ma ni de'i 'khor ro/ / de la mog mog por byed kyi dbang du byas nas gsungs pa ni/ de nas yang zhes pa la sogs pa ste/ de'i tshe ni dus so/ /'dus pa ni phyag byas pa la sogs pa ste/ 'khod pa ni nye ba na 'dug pa'o/ /ris ni sde'o/ /rgyal po chen po ni/ rnam thos sras la sogs pa'o/ /stong gsum gyi stong chen po'i 'jig rten gyi khams 'di dag nyid ni mi mjed de'i bdag po'o//lnga po ni gnas gtsang ma'i ris rnams la stong phrag lnga nyid do/ /'dir gzugs can gyi lha'i ris ji lta ba'i gong gi khyad par can rnams kyi 'od mthu la sogs pa rnams kyi snang bas 'od zil gyis mnan pa ni sems bskyed pa'i don gyi phyir bcom ldan 'das kyis mog mog por byas nas thams cad zil gyis mnan zhes mkhas pa nyid kyis de'i ngo bo la dga' ba skyed par 'gyur ba'i phyir ro//lhan cig skyes pa ni mngon par 'dus byas pa can ma yin pa'o//sangs rgyas kyi byin gyi rlabs ni nye bar byed pa po gang gis byas she na/ sangs rgyas kyi gzi brjid kyis te/ bcom ldan 'das kyi rang bzhin gyi 'od kyis so/ /sangs rgyas kyi mthus zhes pa ste/ sangs rgyas kyi mthus so sor bcom mo zhes pa ni mog mog por byed pa nyid kyi'o//mi mjed la sogs pa rnams kyi ji ltar skye ba dang gnas pa mdor bsdus nas brjod de/ /'dir sems can rnams kyi las kyi dbang gis mngon par ldog cing nam mkha' rab tu gnas pa la 'og tu rlung gi dkyil 'khor dpag tshad 'bum phrag bcu drug pa kha khyer yongs su bskor ba la grangs med pa'o//de'i steng du glog me'i sprin dang bcas pa'i sprin chen po las char pa'i chu'i dkyil 'khor dpangs su 'bum phrag brgyad pa'o/ /de'i steng du chu yongs su gyur pa las gser gyi dbang chen gyi dkyil 'khor dpangs su 'bum phrag gsum dang stong phrag nyi shu'o//'di gnyis kyi rgya'i tshad ni dpag tshad 'bum phrag bcu gnyis dang / stong phrag gsum dang / brgya phrag phyed dang lnga ni dbus kyi rgya'i tshad do/ /khor yug tu ni dbus kyi drang thad kyi sum 'gyur ro/ /de'i steng du ri rab gru bzhi pa bai DUr+ya dang shel dang gser dang dngul te rin po che bzhi'i rang bzhin la lho la sogs pa'i logs bzhi la logs re re la thad kar dpag tshad stong phrag brgyad cu la de'i 'khor yug tu ni zlum pos yongs su bskor ba la chu yan lag brgyad dang ldan pa'i rol mtsho bdun dang /gser gyi ri bdun te/ mtsho re re'i phyi rol du ris bskor ba'i nang gi rgya mtsho la ni dpag tshad stong phrag brgyad cu'o//de las gzhan pa'i tshul ni bcu drug pa las rim gyis phyed phyed kyis dman pa'o/ /mtha'i ri mu khyud 'dzin gyi phyi rol tu ba tsha can gyi chu'i rgya mtsho'i tshad ni 'bum phrag gsum dang / stong phrag nyi shu rtsa gnyis so/ /de'i phyi rol du lcags kyi lcags ri khyud mo ste ri brgyad pa'o//ri rab la sogs pa'i ri rnams dang gling rnams kyi chu'i nang du nub pa ni dpag tshad brgyad khri la/ chu'i steng du yang ri rab la ni yang stong phrag brgyad cu ste/ brgyad po rnams kyi dpangs su ni phyed phyed phri ba'i rngams dpangs dang mnyam pa'o/ / mu khyud 'dzin gyi ba tsha can las phyi rol gyi rgya mtsho la 'dug pa'i rang bzhin gyi gling bzhi dang / gling phran mang po ste/ de la lho dang nub kyi phyogs la sogs pa la go rims ji lta ba bzhin du 'dzam bu'i gling dang / ba lang spyod dang / byang gi sgra mi snyan dang / shar gyi lus 'phags po'o/ /sog ka pa ni 'dzam bu'i gling ste ngos gsum la/stong phrag gnyis yod shing rta'i dbyibs/ /gcig la dpag tshad phyed dang bzhi'o/ /shar gyi lus 'phags zla gam 'dra/ /ngos gsum 'di dang 'dra gcig la/ /dpag tshad phyed dang bzhi brgya'o/ /ba lang spyod gling zlum po ste/ /stong phrag phyed dang brgyad yin no//phyed dang gnyis ni dbus kyi'o/ /sgra mi snyan brgyad gru bzhi'i dbus su stong gnyis so/ /tshad byas pa 'di rnams kyi gang zhig gi phyogs la chel mi gnas te/ phyogs gang du zla ba 'char ba dang zad pa'i rim gyis rgya mtsho dba' rlabs rnams kyis nub par 'gyur ba dang / gtang bar 'gyur ba rtogs pas khang bu brtsegs pa'i mdo las ni/ 'dzam bu'i gling ni dpag tshad stong phrag bdun la/ shar gyi lus 'phags la ni brgyad do/ /ba lang spyod la dgu/ sgra mi snyan la bcu zhes gsungs pa/ rnal 'byor spyod pa'i sa las ni/ shing rta'i dbyibs kyi lho phyogs kyi tha mar ni dpag tshad lnga brgya la/lus 'phags po'i ni logs gcig la dpag tshad stong phrag gcig ces bshad do/ /'dzam bu'i gling gi 'og na dpag tshad stong phrag nyi shu na mnar med pa'i sems can dmyal ba dang / yi dags dang / klu dang / lha ma yin te/ gong nas gong du nyi tshe ba'i dmyal ba dang /yi dags dang / dud 'gro dang / mi rnams ji ltar rigs pas gling dang gling phran dang / ri dang rgya mtsho chen po la sogs pa rnams la/ chu'i gting gi ri rab kyi bar thag re re la stong phrag bcu yod pa'i bang rim bzhi pa'i rgyal po chen po bzhi ste/rnam thos sras dang / yul 'khor skyong dang / spyan mi bzang dang / 'phags skyes po rnams so/ /de'i phyi rol du de dang gnya' shing 'dzin dang mnyam pa'i nam mkha'i khang bzangs la spyod pa'i nyi ma dang zla ba la sogs pa'o/ /bang rim rnams dang ri rnams la rgyal chen bzhi'i ris rnams so//ri rab kyi rtse mo ni sum cu rtsa gsum pa rnams so/ /zur gyi lcog la gnas pa ni lag na rdo rje la sogs pa gnod sbyin rnams so/ /de'i steng du nam mkha'i khang bzangs na gnas pa'i lha ste/ ji srid du 'og min gyi bar de go rims ji lta ba bzhin du/ mtshe ma dang / dga' ldan dang / 'phrul dga' dang / gzhan 'phrul dbang byed la sogs pa dang / de la dmyal ba dang / yi dwags dang / dud 'gro dang / mi dang / lha drug ni 'dod pa'i khams dang / de'i gong du bsam gtan gsum pa re re las gsum gsum mo/ /'du shes med pa'i sems can ni 'bras bu che ba rnams kyi phyogs gcig na gnas pa'o//de la tshangs ris dang / tshangs pa mdun na 'don dang / tshangs pa chen po dang / 'od chung dang / tshad med 'od dang / 'od gsal dang / dge chung dang / tshad med dge dang / dge rgyas dang / sprin med dang / bsod nams 'phel dang / 'bras bu che dang /mi che ba dang / mi gdung ba dang / shin tu mthong dang / gya nom snang ba dang / 'og min no/ /'di la bcu gnyis ni so so'i skye bo'i sa'o/ /mi che ba la sogs pa lnga ni gnas gtsang ma'i ste/ 'di rnams la ni sa thob pa'i byang chub sems dpa' rnams dang / 'bras bu la gnas pa rnams skye bar 'gyur ro//'og min gyi steng du de dang rab tu 'brel ba nyid du gnas pa ni gang du bcom ldan 'das dang byang chub sems dpa' chen po'i sa bcu pa'i dbang phyug rnams gnas zhes pa ni gzugs kyi khams te/ 'dir bud med ni med do/ /lha'i gnas nyi shu rtsa gsum po 'di rnams kyi gnas dang /gnas 'og ji srid par/ de nas de'i gong de srid la/ dpag tshad kyi tshad ni thams cad du 'dzam bu'i gling pa rnams kyi'o/ /gzugs dang bral ba nyid dam cung zad tsam nyid kyis ni gzugs med pa nyid kyi gzugs med pa'i khams ni dmigs pa tha dad pa ste/ nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min gyi skye mched ces pa rnam pa bzhi ste/ gnas ni med de nam mkha' nyid la gnas pa'i phyir ro/ /ji ltar snang ba med pa'i 'gro ba po'i sems can rnams gang yang thams cad du nam mkha' bzhin du gnas pa ste/de ni byang chub sems dpa' rnams kyis kyang mi mthong ste/ de bzhin gshegs pa nyid kyis gzigs par 'gyur ba'o/ /de la yang shing rta'i 'phang lo'i tshad tsam gyis nam mkha' cha mtho dma' ji srid pa de srid la stong gsum gyi 'jig rten gyi khams lha dang mi tsam mo zhes pa ni khams gsum pa'o//khams gsum pa de las gzhan du yang ste/ khams gsum pa rnams la mtha' med de phyogs bcu'i nam mkha' ji srid pa de srid du 'jig rten gyi khams te/ 'og min gyi gong du yang 'dod pa'i khams/ 'dod pa'i khams kyi 'og tu yang 'og min no//de la 'dod pa'i khams dang bsam gtan dang po rnams/ bsam gtan dang po pa rnams stong la ni stong spyi phud kyi 'jig rten gyi khams so/ /de stong 'gyur gnyis la ni stong gnyis so/ /de stong 'gyur gsum la ni stong gsum ste mi mjed kyi 'jig rten gyi khams zhes grags so//gling bzhi pa bye ba phrag brgya rnams kyi 'jig rten gyi khams rnams dus gcig tu 'byung ba dang 'jig pa'o/ /dmyal ba'i 'gro ba nas bzung ste/ sems can rnams 'jig la/ chu'i dkyil 'khor nas brtsams te snod 'jig pa'o/ /de la 'dir gang zhig sems can rnams 'jig rten gyi khams gzhan du skyes nas rim gyis rgyun chad pa'i snod stong pa la nyi ma bdun gyi mes ji srid bsam gtan dang po'i bar du 'jig par 'gyur ro//chus ji srid du gnyis pa'o/ /rlung gis ni ji srid du bsam gtan gsum pa'i bar ro/ /de bzhin du 'jig pa gsum po rnams la re res 'jig pa la bar gyi bskal pa nyi shu 'jig par 'gyur ro//de nas nyi shu la nam mkha' stong pa nyid du gnas so/ /de nas nyi shu la chags par 'gyur ro/ /chags pa dang gnas par 'gyur ba'i nyi shu zhes pa'i bar gyi bskal pa brgyad cu la ni bskal pa chen po'o//de la bskal pa dang por mi rnams kyi tshe lo dpag tu med pa nas rim gyis thung ngu nas lo bcu'i tshe'i bar ji srid de ni bar gyi bskal pa'o/ /de la tshe 'phel nas tshe lo stong phrag brgyad cu rnams nas yang thung nas tshe lo bcu'i bar ji srid pa de ni gnyis pa'o/ /de bzhin du 'phel ba dang 'grib pa gzhan bcu bdun la ji srid du tshe lo stong phrag brgyad cu de rab kyi mthar thug pa nyi shu gcig ces pa dang nyi shu'i brgyad cu po rnams kyi tshad ni mnyam pa ste/de ltar brgyad cu bskal pa bzang po'o/ /de ltar gzhan yang bskal pa chen po phal che ba dpe skar ma lta bu'i bskal pa'i 'grib pa yang 'di nyid kyi dus kyi ji skad du bshad pa'i bar gyi bskal pa'i tshad kyi dus kyis yongs su bcad pa'i bskal pa stong phrag nyi shu'o//de btang nas bzang po la sogs pa'i bskal pa chen po de grangs kyi gnas gzhan drug cur gyur pa rjes su thob pa grangs med ces brjod do/ /de las bzlog nas grangs gzhan yang zhes pa ste grangs med gsum mo//de ltar bskal pa grangs med pa gsum la sbyin pa la sogs pa'i bya ba las byung ba'i gang zhig thabs goms pas bsgrub par bya ba ni sangs rgyas nyid de/ de ltar yang grangs med dang pos ni sa dang po thob par 'gyur la gnyis pas ni dri ma med pa la sogs pa'o//gsum pas ni mi g.yo ba la sogs pa'o zhes mdo sde las bshad la/ 'dir bcom ldan 'das kyis bskal pa bye ba mtha' yas pa'i dge bas nges par 'byung ba'i byang chub sems dpa' zhes gsungs so/ /de lta bu la brtson 'grus chen pos slob par byed pa na bskal pa mang po rnam par ldog par 'gyur te/ji ltar bdag cag gi ston pa byang chub sems dpar gyur pas sangs rgyas nye rgyal la brten pas bskal pa dgu bcu rnam par log cing de bzhin du shin tu sbyor ba dang / thabs chen po'i khyad par gyis bskal pa bye ba mang po rnams la ji srid du bskal pa grangs med pa gnyis rnam par log par gyur pa dang /ji srid dus gcig na yang skye ba nyung ngu rnams kyis dang / ji srid du bla na med pa'i tshul las skye ba 'di la mngon par byang chub ces gsungs pa na/ de bas 'dod pa gzhan mi 'thad do/ /'dzam bu'i gling pa rnams tshe lo stong phrag brgyad cur song nas mar 'grib pa'i lo brgya'i bar la rdzogs sangs rgyas byung bar gyur to//dus gcig tu gling bzhi par ni de bzhin gshegs pa gcig kho na 'byung bar 'gyur ba ni gdul bya'i skye bo rnams gus pa bskyed pa'i phyir ro/ /sangs rgyas mang pos gdul bar bya ba'i sems can srid pa la ni dus gcig tu de bzhin gshegs pa du ma skye bar 'gyur ba nyid de/tshogs gnyis la goms pa'i rgyu'i mthus dus gcig la mtha' yas pa'i stong gsum 'jig rten pa rnams na de bzhin gshegs pa mtha' yas pa skye bar 'gyur la/ skyes nas kyang mya ngan las 'da' ba chos dang longs spyod rdzogs pa dag ni med la/sprul pa'i sku gzugs dang dbyibs kyi khyad par la ni yod pa nyid de/ ji ltar bsod nams chung ba rnams la mi 'byung la/ de yang bsod nams bsags pa rnams kyis ni mthong bar 'gyur gyi/ bdag cag legs spyad ma byas pa rnams kyis ni mi mthong ste long ba rnams bzhin no//bdag cag gi ston pa ni 'og min du mngon par rdzogs par sangs rgyas nas/ sprul pa'i sku rnams kyis ni mi mjed kyi nang du chud pa'i gling bzhi bye ba phrag brgya rnams la rim dang cig char gyis dga' ldan du skye ba dang shi nas 'dzam bu'i gling rnams su skye ba la sogs pa nas ji srid du dgongs pa can gyis mya ngan las 'da' ba'i bar bstan pa mdzad do//rnam pa thams cad du bcom ldan 'das mar me bzhin du mya ngan las 'das pa na gang 'dir sangs rgyas la skyabs su skye bo ji ltar 'gro zhes pa la sogs pa'i sun 'byin pa srid pas/ nyan thos kyi theg pa pa rnams kyi mya ngan las 'das pa zhes pa ni mi rigs pa nyid de/de ji ltar rgya che bar 'gyur bas nyes pa 'jug par byed/ de nas yang zhes pa la sogs pa ste/ shes rab kyi pha rol tu phyin pa la ni lam shes pa la'o/ /nye bar bstan pa ni gdams ngag go/ /de'i don de nyid la'o/ /gnas par bya ba ni thos pa las byung ba'i shes rab kyis so//bslab par bya ba ni bsams pa las byung bas so/ /rnal 'byor du bya ba ni bsgoms pa las byung bas so/ /byin gyis brlabs pa la sogs pa ni mthu'i rnam grangs te/ de la mthu shes pa ni bstan pa'o/ /cig shos dag gis bshad pa'o/ /gzi brjid kyis ni spobs par nus pa bskyed pa'i mthus so//byin gyis brlabs pa ni rab tu rtogs pas so/ /de bzhin du sbyor bar nus pa rnams kyi gnas skabs su byas nas de gsungs pa ni gang zhes pa la sogs pa ste/ des bskyed par bya zhes pas ni sbyor bar nus pas so/ /de dag gis zhes pa la sogs pa ni lam dman pas thob par bya ba'i mya ngan las 'das pa yang dag pa nyid du nges pa de des thob pas so//mtshams bcad pa ni mtshams bcad pa ste/ rgyun tu zhugs pa la sogs pas bla na med pa yang dag par rdzogs pa'i byang chub kyi rgyur gang yang nas yang du de la bor ba'i skal ba med de/ji srid du sangs rgyas rnams kyis byin gyis ma brlabs kyi bar du zhes pa ni sbyor bar nus pa'i yul so sor nges pa'o/ /'on kyang zhes pa la sogs pa ni khyab pa ste/ nyan thos rnams kyis ni bag la nyal chad nas skye ba med pa skye ba phan tshun gyis bsgrub par bya ba'i sangs rgyas nyid du byed ces pa ni mi 'thad ce na/nyon mongs pa spangs pas so so'i skye bo dang thun mong gi 'khor ba rgyun chad kyang ma rig pa'i nyon mongs pa'i bag la nyal ma spangs pa de'i rkyen dang zag pa med pa'i dge ba'i rtsa ba'i rgyu de bsod nams kyi tshogs chol bas chog shes pa med pa nyid dang / sems can yongs su smin pas dub pa med pa la sogs pa ste/de la nyon mongs pa'i kun nas nyon mongs pa bzhin gyi ma rig pa'i bag chags dang / las kyi kun nas nyon mongs pa bzhin du zag pa med pa'i las mngon par 'du byed la/ skye ba'i nyon mongs pa bzhin du nyan thos dang rang sangs rgyas dang dbang du gyur pa thob pa'i byang chub sems dpa' rnams kyi 'gro ba drug tu ma 'dus pa de yid kyi rang bzhin gyi lus kyis 'jug la/de'i rkyen gyis yang skye bo'i rkyen bzhin du rgas pa dang shi ba la ni bsam gyis mi khyab pa'i yongs su bsgyur ba can gyi 'chi 'pho ba zhes dpal phreng seng ge'i nga ro'i mdo las gsungs te/de nyid kyis na theg pa gsum du gsungs pa ni dgongs pa can te/ de ltar na shes rab kyi pha rol tu phyin pa theg pa chen po'i bdag nyid 'dis 'gro zhes pa dang / der 'gro zhes pa'i lam dang / 'bras bu'i ngo bo'i theg pa ni gcig nyid la theg pa gsum du rnam par gzhag pa ni byis pa rnams theg pa chen po la zhugs pa'i drang ba'i don du ste/de ltar yang lang kar gshegs pa las/ bdag gis theg gcig bshad pa las/ /theg pa'i rnam gzhag yod min te/ /byis rnams yongs su drang don du/ /theg pa tha dad bdag gis bshad//ces pa dang / 'phags pas kyang / chos kyi dbyings la dbyer med pas/ /theg pa tha dad yod ma yin/ /theg pa gsum ni kun bshad pa/ /khyod kyis sems can gzhug pa nyid/ /ces so/ /chos kyi dbyings ni chos thams cad kyi de kho na nyid gcig pa nyid de/ de nyid grub pa'i mtha'i dbye bas tha dad pa nyid na ni mthar thug pa med par thal bar 'gyur la/phyogs gcig pa'i ye shes rnams kyis ni de kho na nyid rtogs pa med de/ rtogs na ni ches thal bar 'gyur ro/ /de'i phyir ni gang zag chos la bdag med pa'i de kho na nyid mngon sum du byed pa'i ye shes de nyid kyis mya ngan las 'das pa thob pa las yang dag pa'i chos las gzhan gyis ni min zhes pas na theg pa ni gcig nyid do//de'i phyir na lam gzhan la yang dag pa'i thar pa med ces pa bsgrub pa ni/ bden pa gnyis la 'jug pa'i mdo las/ de la yang chos thams cad ngo bo nyid med pa nyid bsgoms pas gang gis nyon mongs pa spong gi /lam gzhan gyis min te/ nyon mongs pa rnams ni dngos po la mngon par zhen pa'i rtsa ba can yin pa'i phyir zhes gsungs so/ /gang du yang gsungs pa 'jam dpal ji ltar nyon mongs pa rnams yongs su shes par 'gyur bas nyon mongs pa rnams 'dul bar 'gro bar 'gyur smras pa/don dam par ma skyes pa'i chos rnams kyi yod pa ma yin pa'i yul rnams la yod par sgro btags pas phyin ci log gi bdag nyid kyi lta ba kun tu ldang la/ de las nyon mongs pa rnams rab tu 'jug go/ /gang yang lha'i bu don dam par chos rnams ma skyes pa rab tu shes shing shes rab kyi sbyor ba mi byed pa ni phyin ci ma log pa'i rnam par rtog pa med pa ste/yod pa ma yin pa la sgro 'dogs par mi byed cing lta ba kun nas ldang bar mi byed do/ /skye ba med pa de nyid la gnas pas nyon mongs pa shin tu 'dul ba nyid du blta bar bya ste/mthong ba med pa'i sbyor bas so/ /gang du don dam par skye ba med pa'i ngo bor rab tu shes nas kyang rab tu shes pa la sbyor ba med pas ni de ltar nyon mongs pa rnams rab tu shes pa med pa'i sbyor bas yongs su shes pa yin te/ 'di lta ste dper na mche ba dug can gyi rigs brjod pas dug zhi bar 'gyur ro//de bzhin du gang nyon mongs pa'i rigs shes pa ni de'i nyon mongs pa rnams shin tu mi dmigs pa'i rnal 'byor gyis rab tu zhi bar 'gyur ro/ /gang du yang lha'i bu don dam par shin tu skye ba med pa'i dngos po rnams kyis chos rnams thams cad la kun tu brtags pa 'di ni nyon mongs pa rnams kyi rigs zhes gsungs so//mdo ting nge 'dzin gyi rgyal por yang / 'gro ba 'di rnams thams cad sangs rgyas 'gyur/ /zhes te/ 'dir yang dri ma rnams ni glo bur ba'i phyir na sems rang bzhin gyis 'od gsal bas ma lus pa'i 'gro ba rnams chos kyi dbyings kyi mtshan nyid can gyi de bzhin gshegs pa'i snying po can te/yang dag par rdzogs pa'i sangs rgyas nyid du sbyor bar rung bar yod pa nyid do zhes pa la dgongs pa'o/ /'dir theg pa gsum bstan pa ni nges pa'i don la theg pa gcig bstan pa ni dgongs pa can nyid ces pa dang /rigs med pa'i sems can yang yod ces pa'i brtags pa ni shin tu ma brtags pa'i ste/ spang bar bya'o/ /sems can rdzogs sangs rgyas la sbyor mi rung ba ni gcig kyang med ces pas gnas pa ste/ de ltar yang dbang po tha mas bden pa bsgoms pas ni bdag med par mnyam pos 'dod chags dang bral bar 'gro bar 'gyur ro//'bring gis ni cung zhig gzhan gyi don 'dod pas 'dod chags dang bral ba rtogs kyang 'dod pa'i khams rnams su dam pa'i chos nub pa na kun tu 'jug cing shes bya'i sgrib pa'i phyogs gcig gzung ba'i rnam par rtog pa spangs nas rang sangs rgyas mngon sum du byas nas rdzu 'phrul rnams dang lus kyis chos rnams ston par byed do//dbang po rab kyis ni brtse ba'i rang bzhin nyid kyis sems can thams cad 'dren pa'i bsam pa can te/ gsum char yang khams gsum pa'i nyon mongs pa'i sgrib pa tsam las grol ba'i mya ngan las 'das pa med kyang mar me zad pa bzhin du mya ngan las 'das pa'i 'du shes can gyi zag pa med pa'i khams na pad+ma'i snying po la bskul ba'am ji srid du gnas pa la/de'i de bzhin gshegs pa'i 'od zer rnams kyis rab tu sad par byas nas sems bskyed par byas nas skye ba la dbang ba dang /stobs ni mi g.yo ba la sogs pa'i dbang phyug gi byang chub sems dpa' bzhin gyi skye ba rnams kyis bsod nams dang ye shes kyi tshogs yongs su rdzogs par byed pas bskal pa grangs med pa bzhis yang dag par rdzogs pa'i sangs rgyas rtogs par 'gyur zhes pa ni khyab pa'o//smras pa zhes pa la sogs pa ni rang bzhin te/ dge ba'i phyogs ni dge ba'i tshogs te/ dge ba'i chos thams cad sems bskyed pa 'dis bsdus pa'i phyir ro zhes pas dge ba'i phyogs nyid de sbyor bar rung ba nyid kyi rang bzhin la'o/ /khyad par du 'phags pa'i zhes pa ni byang chub kyi sems kyis kun tu bsdus pa de rnams kyis te/rgyu lnga pa'o/ /chos khyad par du 'phags pa ni theg pa chen pos kun tu bsdus pa nyid do/ /'bras bu gyur pa la lhag par dmigs par bya zhes te/ thob par bya ba'o/ /de'i phyir na bar chad mi bya zhes pa ni/sgra'i don zhes pa ni byang chub kyi sems de'i las so/ /de ltar byang chub tu sems bskyed pa'i phyir na byang chub sems dpa' sems dpa' chen po rnams kyi rgyud lam shes pa nyid la spro ba bskyed pa la 'dir gsungs pa ni/ de na zhes pa la sogs pa ste/ khyod legs so zhes bya ba ni gzhan gyi don byed pa'i phyir ro//ji ltar sngon gyi rgyal ba'i sras la/ bcom ldan 'das dang / de'i nyan thos rnams kyis mang du byas pa de ltar bdag cag gis bcom ldan 'das dang de'i nyan thos rnams kyis bcom ldan 'das kyi sras byang chub sems dpa' rnams la mang du bya'o zhes pa ni bka' drin gzo ba'i don to//sngon gyi nyid ni sngon gyi rnams so/ /tshangs pa ni mya ngan las 'das pa la de la phan par spyod pa ni tshangs par spyod pa'o/ /gang dag ces pa ni rnam par phye ba'i nang du phyin ci log pa can du ma ltung ba'i ji lta ba'i don no/ /ma rtogs zhes pa'i gzhung yang kha cig gis gdams zhes pa ni bstan pa'i sgra zhes pa dang /skad kyi dbyings don du ma la 'jug pa'i phyir rjes su gzung bar bya ba ni gdams par bya bas rjes su bskor bar bya ba ni rjes su bstan par bya zhes pa'i phyi ma'i tshig gnyis pa yang dag pa'i sgra ni don yang dag pa'o/ /bdag cag nyan thos rnams kyis kyang ni rang dang ris mthun pa rnams la yang bdag nyid kyi tha snyad byed pa'i phyir ro//legs pa ni g.yo ba med pas nyan pa la'o/ /rab tu ni g.yeng ba'i yid kyis so/ /phyin ci ma log pa la bstan par bsgrub pa'i don du yid la bgyid pa bsam pa dang bsgom pa dag gis so//shes rab kyi pha rol tu phyin pa la zhes pa ni lam shes pa la'o/ /gnas par bya ba ni spyad par bya ba'o/ /de la nyan thos kyi mthong ba'i lam gyi dbang du byas te gsungs pa ni/ stong pa nyid la zhes pa la sogs pa ste/ 'phags pa rnams la bden pa nyid dang / phyin ci ma log pa nyid las/byis pa rnams la ni ma yin zhes pa ni 'phags pa'i bden pa ste/ sdug bsngal dang kun 'byung dang 'gog pa dang lam mo/ /nad kyis sdug bsngal ba la de'i nges par zad pa'i sman tshol ba bzhin gyi rim pa ste/ gnyi ga la yang bdag med par bstan pa'i skabs su sgrib pa gnyis spangs pa'i mtshan nyid can gyi 'gog pa'i bden pa don dam pa la/gsum ni kun rdzob kyi bden pa zhes pa'i gnyis po nyid ni bden pa gnyis te/ ji skad du yab sras mjal ba'i mdo sder/ rnam par blta dka' bden pa 'dir ni mkhas rnams kyis/ /rang gis mthong 'gyur gzhan gyis mnyen sogs rnams kyis min//kun rdzob dang ni gang yang de bzhin don dam las/ /bden pa gsum po cung zad yod par 'gyur ba min/ /zhes te/ nyan thos rnams las ni 'khor ba las yid byung ba'i don du gang zag gi bdag med tsam la gzhug pa'i rnam pa bzhi po bstan to//de la sdug bsngal ni sdug bsngal gyi sdug bsngal dang / rnam par 'gyur ba'i sdug bsngal dang / 'du byed kyi sdug bsngal rnams kyis sdug bsngal ba'i 'khor ba pa'i phung po rnams la sdug bsngal gyi rgyu ni kun 'byung ba'o/ /sdug bsngal zad pa ni 'gog pa'o//de thob pa'i ye shes ni lam ste/ gang 'di rnams kyi rnam pa de rnams stong pa nyid la gnas shing stong pa nyid du mthong ba'o/ /shes rab kyi pha rol tu phyin pa la ni nyan thos kyi gang zhig mthong ba'i lam la gnas par bya ba la mnyam par gzhag pa'i sems kyis te/ stong pa nyid du mthong ba dang mi dmigs pa nyid kyis te/de ni bstan bcos las/ lam shes nyid kyi tshul las ni/ /'phags pa'i bden pa bzhi dag gi/ /rnam pa mi dmigs sgo nas ni/ /nyan thos lam 'di shes par bya/ /zhes te/ nyan thos kyi sde snod la rnam pa bcu drug tu bshad de/ 'di lta ste/ rtag pa dang gzhan dang bdag gir sgro btags pa las ldog pa'i sdug bsngal ba dang mi rtag pa dang sdug bsngal dang bdag med pa dang stong pa nyid du yongs su shes pa'o/ /kun 'byung ba la chos rnam pa thams cad rgyu med pa can dang dus la sogs pa'i sems med pa'i rtog pa'i rgyu can dang gtso bo dang sgra'i tshangs pa la sogs pas yongs su bsgyur ba'i dngos po'i rgyu can dang /dbang phyug la sogs pa'i blo dang ldan pa'i rgyu can zhes pa'i sgro btags pa'i gnyen por rgyu dang kun 'byung ba dang rab tu skye ba dang rkyen no/ /'gog pa med cing thar pa dang sdug bsngal ba las thar pa med do//bsam gtan gyi bde ba kho na las gya nom pa med pa ste/ grol kyang yang 'khor ba na lhung zhes pa'i gnyen por 'gog pa zhi ba gya nom pa nges par 'byin pa'o/ /lam med de/ bdag med pa'i mtshan nyid kyi lam bdag nyid kyis rtag par yod pa'i lam ngan pa las 'dir gzhan du med pa dang las yang dag par ldog pas so zhes pa'i gnyen por lam rigs pa bsgrub pa nges par 'byung ba ste 'dir de gzung bar mi bya la/gang du yum chen mo las gsungs pa de 'dir gzung bar bya ste/ re bar 'gyur na nyan thos kyi byang chub kyang tshegs chung ngu de rnams kyis thob pa'i phyir ro/ / de la sdug bsngal ni rnam pa bzhi rnams kyis yid la byed pa de snga ma bzhin no/ /mi rtag pa las byung ba 'jig pa dang bral bar sbyor ba'i phyir dang / sdug bsngal ba la so sor mi mthun pa'i phyir dang / bdag med pa la bdag gi mtshan nyid dang bral ba'i phyir dang / zhi ba la bdag gis stong pa'i phyir te/ bdag gis stong pa ni zhi ba ste/ ro bzhin no/ /kun tu 'byung ba la ni dbye ba bcu gcig ste/ de la rnam pa bzhis spangs pas dgra bcom pa shes pa'i phyir nad dang 'bras dang zug rngu dang sdig pa dang / sdug bsngal gyi rgyu'i phyir dang / sdug bsngal gzengs bstod pa'i rgyu'i phyir dang /'dren par dka' ba'i phyir dang / 'di'i dang gzhan pa'i sdug bsngal gyi rgyu nyid kyis na sdig pa dang chos mthun pa'o/ /yang bzhi rnams kyis ni nus pa nyid du yongs su shes pa'i phyir te/ pha rol dang / rab tu 'jig pa'i chos dang / g.yo ba dang / rab tu 'joms pa ste/bdag ni bcom par mi nus pas 'dir pha rol la so sor skad cig la 'jig pa'i phyir na rab tu 'jig pa'i chos so/ /dgra bcom pa rnams kyi drungs 'byin pa'i phyir g.yo ba'o/ /rang bzhin gyi lam gyis rab tu bcom pa'i phyir rab tu 'joms pa nyid do/ /gdung bar mi byed pa'i don du yang gsum rnams kyis te/'jig pa nyid dang / nye bar 'tshe ba nyid dang / nye bar bsgyur ba nyid de/ kun tu 'dus pa la sogs pa bzhin du 'jigs pa'i rgyu'i phyir dang / 'byung po dang srin po la sogs pa dang chos mthun pa dang / mu ge dang phas kyis dgra bo la sogs pa dang chos mthun pa zhes pa'o//rten cing 'brel bar 'byung ba lugs dang mi mthun pa ni ma rig pa 'gags pas 'du byed 'gag ces pa de nas brtsams te/ ji srid du de bzhin nyid du sdug bsngal gyi phung po 'ba' zhig 'gag par 'gyur ro zhes pa'i bar du'o/ /de la bkag pas 'gag ces pas 'gog pa'i bden pa la/'dis 'gag pa 'gyur zhes pa ni 'gog pa'i lam gyi bden pa ste/ de la 'gog pa'i bden pa la ni rnam pa bdun gyis te/ bdag med pa nyid dang / zhi ba nyid dang / dben pa nyid dang / stong pa nyid dang / mtshan ma med pa nyid dang / smon pa med pa nyid dang mngon par 'du bya ba med pa nyid do//bdag ni rnal 'byor pa'i sdug bsngal gyi bdag nyid kyi phung po rnams la 'dir sdug bsngal med pas bdag med pa'o/ /nyon mongs pa nye bar zhi bas zhi ba'o/ /sdug bsngal dang nyon mongs pa'i mi gtsang ba dag nye bar zhi bas dben pa ste zhes pa'i don to//bdag dang bdag gi dang bral bas stong pa'o/ /'dus byas pa'i mtshan ma thams cad med pa'o/ /de'i khams gsum pa la smon pa'i smon pa zad pas smon pa med pa'o/ /'byung bar 'gyur ba'i las mngon par 'du byed pa med pas mngon par 'du byed pa med pa'o//lam gyi bden pa la yang rnam pa bdun po 'di rnams nyid kyis te/ 'gog pa'i thob pa po ni lam des na bdag med pa dang zhi ba dang dben pa la sogs pa'i thob par byed pa po'i phyir na lam yang bdag med pa dang zhi ba dang dben pa dang stong pa nyid dang mtshan ma med pa dang smon pa med pa dang mngon par 'du bya ba med pa ste/de lta bu'i rnam pa nyi shu rtsa dgus ni 'dir nyan thos kyi lam myur bar de'i byang chub thob pa'i phyir ro/ /de yang rnam pa 'di rnams mi dmigs pa ni lam shes pa nyid la rab tu 'jug ste/ gang gis dman pa'i lam bsgom pa'i byang chub sems dpa' thabs la mi mkhas pa dman pa'i byang chub tu 'gro bar nus te/de'i phyir rgyu des na 'di lam shes pa la go cha chen po dang thabs la mkhas pa chen po bdag nyid bsrung ba'i phyir go bgo bar bya'o/ /de la 'di'i go cha chen po 'di lta ste/ phung po lnga po rnams dang ngo bo nyid kyis stong pa nyid de las tha mi dad ces pa'i stong pa nyid dang /snying rje ro gcig pa'i byang chub kyi sems bsgom pa nyid do/ /'di ni nyan thos rnams kyi mthong ba'i lam mo/ /nges par 'byed pa'i cha dang mthun pa gsungs pa ni/ gzugs la gnas par mi bya zhes pa la sogs pa ste/ de la gzugs la sogs pa rnams la gnas pa med pa dang mngon par zhen pa med pa ni drod do//de ltar gzugs zhes pa la sogs pa ste/ gzugs la sogs pa rnams la 'dir des rang gi mtshan nyid dmigs su med pas ni u0f37rtse mo'o/ /gzugs rtag ces pa la sogs pa ste/ gzugs la sogs pa rnams la gnyis su mi dmigs p as ni bzod pa'o stong pa'o zhes dmigs pas nye bar dmigs par byed pa dang /de ltar dmigs pa ni de'i phyir stong pa nyid nye bar dmigs pa'i zhes bya ba gnyis dang / rgyun du zhugs pa'i 'bras bu la sogs pa rnams kyi khyad par la gnas pa med pas na chos mchog ste/'dir bstan bcos las/ 'phags pa nyan thos lam la ni/ /gzugs sogs phung po stong pa'i phyir/ /stong pa nyid la dbyer med pas/ /dro ba de dag mi dmigs par/ /rtse mor gyur pa dag tu 'dod/ /de la rtag la sogs tshul gyis/ /gnas pa bkag pas bzod pa rnams//sa bcu dag la brtsams nas ni/ /mi gnas rgyas par bstan pa yis/ /chos kyi mchog tu 'gyur bshad de/ /ci'i phyir zhe na sangs rgyas kyis/ /mkhyen nas chos rnams ma gzigs phyir/ /zhes te/ lam shes pa ni bshad ma thag pa'i lam gyi rgyu mtshan la gzugs la sogs pa'i phung po de rnams kyang stong pa nyid pas stong pa nyid dang gzugs la sogs pa rnams tha mi dad de/gzugs la sogs pa de rnams kyi gzugs la sogs pa de rnams la mi rtag pa la sogs pa sbyor ba rnams kyis de la gnas pa nye bar dmigs pa bkag pas sa dang po'i zhes pa la sogs pa'i yum chen mor nye bar mi dmigs pa rgya chen pos bstan pa'i phyir ro//ji ltar bstan zhe na chos rnams ma mthong ba'i phyir ro zhes pa la sogs pas so/ /bcom ldan 'das ma 'dir ni rgyun du zhugs pa'i 'bras bu la sogs pa'i khyad par rnams la mi gnas pa gsungs pas sa bcu rnams la mi gnas pa nye bar mtshon pas so//mig gi 'dus te reg pa zhes pa ste/ gang dbang po dang yul dang rnam par shes pa 'dus par gyur pas bde ba la sogs pa'i tshor ba skye bar 'gyur ba dang rjes su mthun pa'i dbang po rnam par 'gyur ba'i yongs su gcod pa po la 'dra ba tsam gyi bde ba la sogs pa dang bcas pa'i tshor ba skyed pa po'i sems las byung ba reg bya'i dbang po las byung ba'i rnam par 'gyur ba dang 'dra ba reg par byed par 'gyur zhes pa nyid de/'di dbang po'i dbye ba ni/ mig gi 'dus te reg pa nas ji srid du yid kyi 'dus te reg pa'i bar de dang / sdug pa ni gtsang ba'o//mi sdug pa ni mi gtsang ba'o/ /'dus ma byas pas dbang du phye ba ni nyon mongs pa dang / ma rig pa zad pa'i 'dus ma byas pa'i phyir ro/ /'jig rten 'di ni 'dod pa'i khams te de nyid la 'dod pa dang ldan pa'i 'jig rten la'o/ /'di nyid ni skye ba 'di nyid la'o/ /so so'i skye bo'i sa ni mos par spyod pa'i sa la'o//phung po lhag ma med ces pa ni phung po ni phung po lnga la de nyid kyi gang du lhag ma de ni 'di phung po lhag ma la nyon mongs pa 'gags pa'i mtshan nyid can mya ngan las 'das pa la gang du de yang 'gag par 'gyur ba de ni phung po lhag ma med pa'o/ /de yang nyan thos rnams dang rang sangs rgyas rnams la shes bya'i sgrib pa yod kyang gnyis po dag gi mar me bzhin du mya ngan las 'das pa'i 'du shes nyid kyis rnam par bzhag la/rdzogs sangs rgyas rnams kyi sprul pa'i sku'i bdag nyid rnams ni rnam pa thams cad du shes bya'i sgrib pa lnga spangs shing 'gags pa'i mya ngan las 'das pa'o//'dir gnyis pa bshad pa ni gzhan du na gdul bya'i ngo bo'i phyir ro/ /chos dang longs spyod rdzogs pa'i sku'i ngo bo rnams ni sgrib pa gnyis po'i bag chags dang bcas pa'i gnas skabs kyi phung po lnga 'gags nas shin tu rnam par dag pa'i stong pa nyid dang ro gcig pa'i kun rdzob kyi phung po lnga'i bdag nyid can phung po lhag ma med pa nyid du mya ngan las 'da' bar 'gyur te/'dir rnam par rtog pa thams cad de ltar mya ngan las 'das pa ste rab tu mi gnas pas so/ /'dzin zhes pas dbyings te/ gzhan gyi don bya ba'i rgyu ste/phung po lhag ma dang bcas pa las gzhan du 'di dag yod pa ma yin no//de nyid kyis ni gsungs pa ni/ /sangs rgyas yongs su mya ngan las 'das zhes pa ste/ 'khor ba kun tu brtags pa dang / mya ngan las 'das pa dag la mi gnas pa des na/ go rims bzhin du kun nas nyon mongs pa can gyi chos thams cad zad nas/zag pa med pa'i phung po lnga po rnams kyi nam mkha' ji srid par 'gro ba'i don byed pas gnas pa'i phyir ro/ /de las bzhengs pa yang ma yin zhes pa ni thob pa dang nyams pa la'o/ /gnas pa ma yin la mi gnas pa yang ma yin pa ni yid kyis rab tu mi gnas pa'i phyir dang / langs pa min pa'i phyir ro/ /mi mthun par gnas pa ma yin zhing mi mthun pa med par yang gnas pa yang ma yin pa'i phyir ni rab tu rgyu ba'i sbyor bar sngon bzhin du'o/ /yul med pa la dgag pa mi srid pas gnyi ga la mi mthun par mi gnas pa'o/ /lhag ma ni go sla'o zhes pa ni chos kyi mchog go/ji ltar na nges par 'byed pa'i cha dang mthun pa 'di rnams nyan thos rnams kyi ni/ de la 'dir 'phags pa'i lam la ched du byed pa bsgom pa'i phyir ro/ /bse ru'i lam bstan par 'dod nas gsungs pa ni/ de nas yang zhes pa la sogs pa ste/gang yang kha cig gis gang nyan thos kyi lam yang rab 'byor gyis ston par byed pa la 'di ni shin tu zab ste/ ji ltar gnod sbyin rnams dang zhes pa ni des brjod pa'o/ /ji ltar gnod sbyin gyi skad la sogs pa ni des smra ba'i phyir ro/ /de skad ces pa ni bstan pa la/ lhag ma ni bshad pa ste/sgra ni ngag go/ /tshig ni ngag gi tshogs rnams so/ smras pa ni/ tshig gi ngag rnams kyis so/ /rab tu brjod pa ni ngag gi tshogs rnams kyis so/ /'chad pa ni gdams pa'o/ /brjod pa ni rjes su bstan pa'o/ /'di yang go skabs thob pa'i phyir blo la gnas pa'i bse ru'i ye shes kyis mchog tu brtags par byas pa'o//shes par mi rung ba ni gzhan las te/ tshig gnyis kyis kun tu brtags pa'i phyir 'dir de rnams las gzhan gyis nye bar bstan pa'i don med do/ /'dir zhes pa ni phung po dang / khams dang / skye mched la sogs pa'o/ /chos gang yang smos par ma byas par ni bstan par ro//thos pa med pa ni rna bas te/ chos rnams thams cad ngo bo nyid med pa'i phyir te/ dper na sprul pa'i sangs rgyas kyis sprul pa'i 'khor rnams la chos ston par byed pa'i ston pa po bstan pa dang / 'khor srid pa'o/ /gsal ba ni zab mo'o/ / gzengs bstod pa ni gnyis brjod pa'o/ /'phags pa min pa'i spyod yul ma yin pa nyid kyis ni ring ba'o/ /spros pa med pa'i phyir phra ba'o/ /gting dpogs par dka' ba'i phyir na zab pa'o/ /nyan thos kyi lam las ches ring ba dang / ches phra ba dang / ches zab pa'i ye shes la rab tu 'jug pa'i sems pas so//ston par byed cing ni gzhung ngo / /'chad pa ni don no/ /de lta bas na 'dir med ces pa la sogs pas ni gting dpag dka' ba'i phyir te/ ye shes zab pa ston to/ /'dir bstan bcos las/ gzhan gyis bstan yang mi dgos la/ /rang 'byung rang gis rtogs pa'i phyir//bse ru lta bu'i ye shes ni/ /zab pa nyid du mngon par brjod/ /ces pa ste/ gang du gzhan dag gis bstan pa'i don med de srid par sbyor ba las rang 'byung ba nyid la/ de rnams kyis rang gi mngon du phyogs pas bsgom bya mngon par rtogs pas so/ /bse ru rnams kyis gzhan gyi don gyi bya ba ji lta bu zhe na/'dod pa tsam gyis don grub la ji ltar de rnams la thos pa ni legs par mnyan pa tsam gyis te/ gang du bstan bcos las/ gang gang don ni gang gang la/ /ji lta ji ltar nyan de dang / /de la sgra med kyang don te/ /de ni de lta de ltar snang //zhes pa ste/ gdul bar bya ba gang dang gang gi don gang dang gang la ste/ nges par 'byed pa'i cha dang mthun pa rnams sam/ 'phags pa'i lam la'o/ /de nas yang tshe dang ldan pa zhes pa la sogs pa ste/ bzod pa 'di la ma brten par/ /zhes pa ni de lta bu ni 'dir med ces pa la sogs pa bshad de/gzung ba med pa'i shes pas thob bya thos pa med ces pa'i don to/ /de bzhin du sbyar te zhes pa ni mdor bsdus nas gsum ka'i 'bras bu yang bzod pa 'di la ma brten par zhes pa dang 'brel bar bya'o zhes pa'i don to/ /'dir yang nyan thos rnams kyis kyang rang gi shes pa dang /de bzhin gshegs pa rnams kyis kyang blang bar bya ba la shin tu myur bar bse ru rnams kyis rtogs par bya ba zhes pa la dgongs pa ni de ltar bse ru rnams kyis gzung ba'i rnam par rtog pa spong ba'o/ /sngags la sogs pa'i mthus so sor snang bar byed pa'i sgyu ma'i skyes bu dang rdzu 'phrul sprul nas bstan pa dang de dang 'dra ba'o//sgyu ma dang gnyis su med ces pa ni kun rdzob kyi ngo bo nyid kho na sgyu ma nyid du sems pa'o/ /rab 'byor gyis kun rdzob kyi khyad par dang / sgyu ma dang rmi lam de dag 'dra bas kun rdzob nyid kho na'o/ /de'i phyir na sgyu ma dang sems can dang gzhan ma yin pa'i dngos po rnams kyang med de/rten cing 'brel par 'byung ba'i phyir ro/ /don dam par ni yod pa dang med pa'i khyad par med pa'i phyir la/ rigs pas ni sems can la sogs pa yang sgyu ma dang / bdag nyid gcig pa nyid do zhes pa la dgongs pa'o//yang dag par rdzogs pa'i sangs rgyas ni gzugs kyi sku ste/ yang dag par rdzogs pa'i byang chub nyid rtogs pa'i bdag nyid chos kyi sku ni mya ngan las 'das pa spros pa med pa'i rang bzhin gyi sku zhes khas blangs nas brjod kyi/ mya ngan las 'das pa las khyad par du gyur pa ni yod pa ma yin no//so sor 'dod par byed ces pa ni yid ches par byed pa la de rnams med pa ni yid ches pa po ste/ sems can rnams don dam par med pa'i phyir ro/ /phyir mi ldog pa ni rang gi nges par 'byed pa'i cha dang mthun par rtogs pa'i rang rgyal gyi byang chub la'o/ /de la mngon par rang gi byang chub la ste/'dir rang gi byang chub po/ /'dod pas ni byang chub sems dpa' la lus kyi sems can gyi don byed pa la mos pas sems dpa' chen po'o/ /lta ba phun sum tshogs pas ni shes rab 'bring pos so/ /dgra bcom pas ni rang gi mthong ba'i lam gyi sgrib pa spangs pa'i phyir na mchod 'os so//smras pa ste snang bar ma byas pas ni bstan pas so/ /yongs su gsal ba ni gsal bar ro/ /brtags pa ni nyan pa po dang ston pa po rnams kyis tha snyad du byed pa'o/ /de'i phyir rnam pa thams cad du don dam par med pa la sems can kun rdzob tu ni nang gi bdag nyid can kho na'i phung po la sogs pa la sems can du btags pa 'ba' zhig la/des sems can du btags pa la brten nas phung po la sogs pa la 'dzin pa po'i 'di rnams yod ces pa de bse ru rnams kyi 'dzin pa'i rnam par rtog pa ma spangs pa'o/ /de nas zhes pa la sogs pa ni bse ru rnams kyi rigs gsungs te/ 'dir chos kyi rnam grangs ni chos kyi dbye ba ste bse ru'i lam la'o//yang gi sgra tshig gi rgyan la/ rab 'byor zhes bya ba ni chos ston pa po la mchod pas chos la mchod pa'i phyir na'o/ /brgya byin la zhes pa ni brgya byin la ste/ 'chad par gyur pa 'di rnams su rnam par rtog ste/ me tog ces pa ni dri ma med pa nyid kyis me tog dang chos mthun pa ste bse ru'i lam gyis bsdus pa'i dge ba'i rtsa ba'o//lha rnams su ma mthong ba ni zag pa med pa nyid kyis khams las byung ba nyid ces pa la dgongs pa'o/ /mngon par gtor ba ni 'khor la sprul pa'i me tog rnams gsal bar byas pa'o/ /yid las byung zhes pa ni nye bar bsdus pa ste/yid kyi sprul pa zhes pa'i don to/ /ma skyes pa ni yid las byung ba yang dag pa ste/ don dam par skye ba med pa'i phyir ro/ /ji ltar yang gzung bya shing la sogs pa rnams la/ yod pa ma yin zhes pa ni de rnams las skyes pa ma yin pa'o/ /de ltar yid la yang ste/'dzin pa po la yang skyes pa yod pa ma yin pa ste/ gang yang skyes pa de ni ma yin zhes pa ni bse ru'i lam gyi rten du gyur pa ma yin zhes pa la dgongs pa ste/ de ltar gzhan du khyad par med par skyes pas skyes pa ste/ rigs mthun pa'o zhes pa'i don to/ /'dis bse rus gzung ba'i don gyi rnam par rtog pa spangs pas rigs mthun pa'i chos kyi dbyings ni de ltar bse ru'i lam gyi rten gyi rigs la/nyan thos kyi chos kyi dbyings las skyes pas rigs mthun pa'i bse ru'i lam gyi rten ni ma yin te/ gsungs pa/ rten pa'i chos kyi bye brag gis/ /de yi dbye ba yongs su brjod//ces pa ste/ 'dir bstan bcos las/ gzung ba'i rtog pa nyams phyir dang / /'dzin pa ma spangs phyir dang ni/ /rten gyi bse ru lta bu'i lam/ /yang dag bsdus par shes par bya/ /zhes pa ste/ ji skad du bshad pa'i nyan thos kyi lam dang 'di gnyis ni spong ba'i rten gyi khyad par dag gis rang sangs rgyas kyi lam mo zhes pa'i don to//nges par 'byed pa'i cha dang mthun pa bstan par 'dod nas gsungs pa ni/ de nas zhes pa la sogs pa ste/ ming gi tshogs rnams so/ /btags pa ni tha snyad de/ de ltar yang gzugs la sogs pa ni btags pa tsam nyid la/btags pa tsam gyi chos nyid du 'dir nye bar ston par 'gyur ro zhes pa ni drod do/ /gang zhig tshad med pa rnams la zhes pa la sogs pa ni ji ltar slob par mi 'gyur te dmigs pa med pas zhes pa ni rtse mo'o/ /gang zhig gzugs 'phel zhes pa la sogs pa ste/ 'dir gzugs la sogs pa la yongs su gzung ba med par rigs pa ni bcom ldan 'das ma yum chen mo las nang stong pa nyid la zhes pa nas ji srid du dngos po med pa'i ngo bo nyid stong pa nyid du nye bar gzung ste zhes pa ni bzod pa'o//de nas yang tshe dang ldan pa zhes pa la sogs pas ni chos kyi mchog go//de ltar zhes pa ni blo la gnas pa gsal bas mchog tu brtags pa'o/ /bcom ldan 'das ma yum chen mo las gang zhig gsungs te/ de ltar yang gzugs skye ba yang dag par rjes su mi mthong / 'gag par yang ma yin/ yongs su gzung bar yang ma yin/nub par yang ma yin zhes pa ste/ 'dir bstan bcos las/ btags pa dang ni mi 'gal bas/ /chos nyid ston pas dror gyur pa/ /rtse mor gyur pa gzugs la sogs/ /'grib pa med la sogs pas phye/ /nang stong nyid la sogs pa yi/ /gzugs sogs mi 'dzin phyir bzod pa//gzugs sogs skye ba med sogs kyis/ /rnam pa rnams kyi chos kyi mchog /ces te/ rtse mor son pa dang rtse mor son par gyur pa dang / rtse mor rtog pa dang / rtse mo'i gnas skabs zhes pa'i don gzhan ma yin no/ /de bzhin du ji srid du chos mchog bde bar ro zhes gsungs pa ni rang sangs rgyas kyi lam mo//byang chub sems dpa'i lam gyi dbang du byas pa ni/ bstan bcos las/ bden dang bden la bzod pa dang / /shes pa'i skad cig rnam bzhi ni/ /lam shes nyid las mthong ba'i lam/ /phan yon bcas pa 'di bshad do//zhes te/ bden pa re re la bzod pa gnyis dang shes pa gnyis te/ 'dir 'jig rten pa'i chos kyi mchog gi bar chad med pa'i ting nge 'dzin gyi sbyor ba'i lam gang gis nyon mongs pa rab tu spong la/ de'i rjes la dmigs pa med pa'i ting nge 'dzin mthong ba'i lam mo zhes theg pa chen po'i chos mngon pa kun las btus par bshad la/rnam par grol ba dang bar chad med pa'i lam gyi bdag nyid can gyi mi skye ba'i chos la bzod pa'i ngo bo las sdug bsngal la chos shes pa'i bzod pa dang / sdug bsngal la chos shes pa dang / sdug bsngal la rjes su shes pa'i bzod pa dang /sdug bsngal la rjes su shes pa'o/ /de bzhin du kun 'byung ba dang / 'gog pa dang / lam la ste/ da ltar byung ba'i de ltar phung po lnga ni sngon gyi nyon mongs pa dang bcas pa'i phung po lnga'i bdag nyid can gyi kun 'byung gi dbang gis 'khor ba'i phyir sdug bsngal lo/ / bsgom pa'i lam gyis spang bar bya ba nyon mongs pa dang ldan pas phyi ma'i sdug bsngal ba'i rgyur gyur pa'i phyir kun 'byung ba'o/ /'dun pa'i sems bskyed pa nas brtsams te/ lam bsgoms pas de kho na nyid rtogs par gyur nas sngon du mthong ba'i lam gyis spang bar bya ba'i nyon mongs pa ste/de yang kun 'byung dang des byas pa'i sdug bsngal nyid 'di 'gag par 'gyur zhes pa la 'gog pa'o/ /de nyid ni bsgom pa'i lam gyis spang bya'i nyon mongs pas byas pa'i sdug bsngal gyi de kho na nyid du yod pa nyid la/ phyis rtogs pa rdzogs pa'i phyir stong pa nyid dang ro gcig pas sgom par byed pa'i phyir na lam la/de nyid kyi ni sgom pa po rnam par shes pa gtso bo bas na lam zhes brjod la/ de ltar de'i bden pa bzhi po'i bdag nyid can gyi rten cing 'brel par 'byung ba'i ngo bo nyid med pa nyid kyi rnam pa ni thams cad du de kho na nyid du de ltar cha shas med pas dus gcig nyid kyis yongs su chad par 'gyur la/'dzin stangs kyi khyad par de bzhin du gsal bar 'gyur bas rnam pa mtha' dag mngon sum du byed de gang du rigs mi mthun pa'i rnam par rtog pa dang ni ma 'dres la/ mngon par 'dod pa'i rnam par rtog pa rnams kyang cig car mi srid pa'i phyir na rim gyis 'gyur te/dper na sngon po bskyod pa can la sogs pa'i khyad par la skye bos ut+pal mthong la de bzhin du gzhan dang gzhan ma yin pa skad cig la gzhan dang gzhan ma yin pa rnams su myong bas mngon sum du byed pa la rnam par rtog pa ni ji ltar mngon par 'dod pa la rab tu 'jug cing 'dzin nas rjes su mtshams sbyor ba'i ngo bo rnams te/rnam pa kun gyi ngo bo 'dzin pa nyid yin kyang rnam par shes pa'i 'gog pa gsal ba la sogs pa gang zhig sgro btags pa'i rnam par bzlog par nus la/ de nyid kyis sgro btags pa log pa'i ched dang rjes su 'brel ba'i sgrib pa spang ba ni tshad ma las gzhan med pas de ltar mi skye ba'i chos la bzod pa'i ngo bo'i sdug bsngal la chos shes pa'i bzod pa'i skad cig ma las gzhan pa'i zha nye dkar po la dngul bzhin du 'khrul pa'i rgyu mtshan gyis sgro btags pa'i rnam pa phyin ci log par rab tu skye ba'i nyon mongs pa drungs 'byin pa po nyid kyi sdug bsngal la chos shes pa la sogs pa'i skad cig bco lnga zhes pa dang /skad cig bcu drug pas mthong ba'i lam rab tu dga' ba'i sa'i dngos po ste/ des zhugs pa po la sogs pa'i rnam par gzhag pa nyid la gang du seng ge bzang pos sa'i tshogs su rab tu dga' ba'i sa skad cig ma dang po ni mthong ba'i lam la de las gzhan pa snga ma de ma thag pa'i skad cig ma nas brtsams pa'i gnyis pa la sogs pa'i skad cig ma rnams ni ji srid du sangs rgyas kyi sa'i bar gyi bsgom pa'i lam du bshad de/de la yang 'dod chags dang /khong khro dang / nga rgyal dang / ma rig pa dang / 'jig tshogs la lta ba dang / mthar 'dzin par lta ba'i 'dod pa na spyod pa drug dang / gzugs dang gzugs med pa na spyod pa de ltar zhe sdang spangs pas bcu zhes pa ste/ de ltar bcu drug rab tu spong bar 'gyur zhes pa dang / lam shes par ni mthong ba'i lam du rnam par bshad de/ byang chub sems dpa' rnams kyi mthong ba'i lam skad cig ma bcu drug pa'i mthong ba'i lam de la brgyad pa la sogs par rnam par gzhag ces pa yang bshad de/ de la 'dis ni snga ma dang phyi ma 'gal bar yang ma shes pa nyid do//de nas gnyis pa la sogs pa'i skad cig bco lnga po rnams kyang bsgom pa'i bdag nyid can gyis ni bsgom pa'i lam ni zhes brjod pa tsam na ni de ltar na ni dri ma med pa la sogs pa'i sa'i rang bzhin nyid bsgom pa'i lam la des spang bar bya ba'i bag la nyal spangs pa la lan cig ma yin pas so sor bsgrubs pas skad cig ma bco lnga po rnams la ji ltar rigs zhes pa'i tshul ngan pa mang po la don med kyang sems kyi skad cig nyi shu rtsa gnyis po'i sems bskyed pa'i dbye ba rnams kyang kun tu tha snyad pa ste/dus kyi khyad par gyis 'bras bu yongs su rdzogs pa'i mtshan nyid can gyi shes bya la shes pa yongs su rdzogs pa la ji srid du rig par bya ste/dper na mi khom pa brgyad la sogs pa'i skad cig bzhin no/ /de la nyon mongs pa spong ba'i bar chad med pa'i lam gyi bdag nyid can du gzhan brgyad po rnams la sdug bsngal la sogs pa mthong ba ni bzod par brjod la/ 'dir rjes su shes pa'i bzod pas ni khams gsum pa'i chos rnams la brjod du med pa nyid du so sor rig par 'gyur ba'i skad cig ma gnyis pa thob pas shes rab tu 'gyur nas sngon du 'dod pa'i khams la shes rab med nas der ltung ba rnams kyi chos rnams la ngo bo nyid med par so sor rig par 'gyur la/'dir de dang mnyam pa dang de'i rgyun gyis de'i rjes su bzod par gyur pa la ni rjes su shes pa'i bzod pa zhes brjod de/ rnam par grol ba'i lam gyi ngo bo des ni nyon mongs pa dang bral bar byas pa la mngon sum du byed pa'i rjes su chos shes pa brgyad do/ / de dang lhan cig spyod pa'i yang brgyad po ni nges par shes pas na gzhan du nye bar brtags nas rjes su chos shes par gzhan du brjod la/ 'di'i gnas skabs su ni snang ba dang dmigs pa dag gi kho na'i mngon sum du byed pa rnam par gzhag pa'o/ /'dir bzod pa'i rjes su nyon mongs pa las rnam par grol bas mngon sum du byas pa'i shes pa dang lhan cig spyod pa nyid kyis bzod pa la rtog pa'i shes pa la yang gzhan du mngon sum du byed par brjod do//de nyid kyis nye bar mtshon pa nyid kyis na gang gis rjes su shes pa'i bzod pa la kun tu rtog par byed pa de la sdug bsngal la rjes su shes pa zhes chos mngon pa kun las btus par bshad do//lam la rjes su shes pas ni ma mthong ba mthong ba med pas mthong ba'i lam ma yin pa nyid ces 'dod na bzod pa la rtog pa'i shes pa gzhan rnams kyang mthong ba'i lam ma yin pa nyid du thal bar 'gyur ro//de la chos shes pa'i bzod pa bzhi pos ni 'dod chags dang / khong khro dang / nga rgyal dang / ma rig pa dang / the tshom dang / 'jig tshogs la lta ba dang / mthar 'dzin par lta ba dang / log par lta ba dang / mchog tu 'dzin pa dang / tshul khrims dang / brtul zhugs mchog tu 'dzin pa rnams 'dod pa'i khams pa la so sor bcu zhes pas bzhi bcu la/ rjes su shes pa'i bzod pa bzhi po la ni de nyid la khong khro ba spangs pas bsam gtan bzhi dang gzugs med bzhir son pa'i la bdun cu rtsa gnyis zhes pa dang /nyon mongs pa brgya rtsa bcu gnyis kyi mthong bas spang bar bya ba spong bar 'gyur ro/ /de la 'dod chags ni bag la nyal gyis zhen pa'o/ /khong khro ba ni zhe sdang ngo / /yang dag pa'am yang dag pa ma yin pa'i khyad par gyis sems kyi gzengs bstod pa ni nga rgyal lo/ / rtag pa la sogs par nang du sgro btags nas de la mchog nyid du mngon par zhen pa ni lta ba mchog tu 'dzin pa'o/ /de nyid la rnam par grol ba'i lam nyid du mngon par zhen pa ni tshul khrims dang brtul zhugs mchog tu 'dzin pa ste/ lhag ma ni bshad zin to/ /'jig tshogs la lta ba ni mdo sde tshangs pa'i dra ba nas bshad pa'i lta ba drug cu rtsa gnyis nang du 'dus pa can te/de yang 'dir 'jig tshogs la lta ba ni gzhan gyi grub pa'i mtha' man ngag gis bdag tu 'dzin pa de rab tu spong bar 'gyur la/ lhan cig skyes pa'i 'jig tshogs la lta ba ni ring mo nas 'jug pa'i phyir bsgom pa'i lam de nyid kyis rab tu spong ste/lhan cig skyes pa ni sems can du lta ba'i bag chags thog ma med pa nas kyi stobs kyis byung bar gyur pa 'di rnams la bdag gi'o zhes pa'i blo ni rim gyis nyon mongs pa mtha' dag dang 'gal ba'i chos thams cad stong pa nyid du mthong nas yang nyon mongs pa 'byung ba med de/gang yang / sems kyi rang bzhin 'od gsal 'dir/ /glo bur ba yi dri ma rnams/ /de yi snga nas nus med na/ /phyis ni nub pa gang nas byung ste/ de nyid kyis na bdag de'i tshe de'i dus su ri dgas kyi rgyal po smod med lus zhes bya bar gyur zhes pa la sogs pa bcom ldan 'das kyis gsungs pa ni sngon gyi smon lam gyi shugs kyis zhes pa ste/rgyas par dgos pa med do/ /'dir mthong ba'i lam la 'jig rten pa'i nges par 'byed pa'i cha dang mthun pa rnams su mngon du gyur pa dag ces gsungs kyang / bcom ldan 'das la 'dzin pa yod pa pa rnams kyis gzung ba dang 'dzin pa'i rnam par rtog pa bzhir phye ba rnams kyis rnam par rtog pa nyid kyis phyin ci log pa'i phyir dang /dngos po dang dngos po med pa la sogs pa la mngon par zhen pa'i ngo bo ni phyin ci log pas bskyed pa'i phyir la/ de yang ma rig pa'i nang du 'dus pas ma rig pa spangs pas de ltar spang ste/de ltar yang mdo sde rgyan las nges par 'byed pa'i cha dang mthun pa rnams las gzhan pa'i mthong ba'i lam gyi gnas skabs ni gnyis las grol ba'i shes pa gzung ba dang 'dzin pa la sbyor ba dang bral ba'i phyir dang / rnam par rtog pa med pas gzung ba dang 'dzin pa'i rnam par rtog pa la mi sbyor ba'i phyir dang dri ma dang ldan pa'i mthong bas spang bar bya ba'i nyon mongs pa spangs pa'i phyir zag pa dang bcas pa gnas gzhan du mi 'jug pas de ltar 'dir sa dang por 'dod do zhes bshad la/'phags pa rnam par grol sdes kyang gzung ba dang 'dzin pa'i rnam par rtog pa bzhi pa rnams kyi gnyen po ni mthong ba'i lam zhes so//de'i phyir na seng ge bzang pos sngon du bstan pa bzhi po'i nges par 'byed pa'i cha dang mthun pa rnams nas ci rigs par mngon du rgyu ba'i gzung ba dang 'dzin pa'i rnam par rtog pa rnams ni khyad par gyi lam gyi rtse mo'i mngon par rtogs pas bsdus pa'i mthong ba dang bsgom pa'i lam bdag nyid kyis spang bar bya'o zhes bshad pa ni 'thad pa ma yin pas 'di rnams su ni bag chags 'di ltar rab tu spong bar 'gyur ba dag go zhes pa'i 'thad pa dang bcas pa bshad par bya ste/'di rnams kyi skad cig ma bcu drug pa rnams kyi khyad par gyi mtshan nyid la tshigs su bcad pa lnga ste/ de bzhin nyid dang sangs rgyas dag /phan tshun rten la brten med phyir/ /rnam grangs khas mi len pa dang / /chen po tshad med nyid dang bcas/ /dpag med mtha' gnyis med pa dang //der gnas gzugs la sogs pa la/ /sangs rgyas nyid du nges 'dzin dang / /blang med dor ba med sogs dang / /byams pa sogs dang stong nyid dang / /sangs rgyas nyid ni thob pa dang / /rnam par byang kun yongs bsdus dang / /nyam nga ba dang nad kun sel/ / mya ngan 'das 'dzin zhi nyid dang / /sangs rgyas rnams kyi srung la sogs/ /srog mi gcod pa la brtsams pa'i/ /rnam pa kun mkhyen tshul la ni/ /bdag nyid gnas te sems can dag /'god dang sbyin pa la sogs pa/ /rdzogs pa'i byang chub tu bsngo ba//lam shes nyid kyis skad cig ma/ /zhes te/ gzugs la sogs pa zhes pa ni skad cig ma brgyad pa rnams kyis sngon gyi la sogs pa dang 'brel par 'gyur te/ gzugs la sogs pa nyid du sdug bsngal ba dang / kun 'byung ba'i phyir skad cig ma brgyad pa la byams pa la sogs pa'i gzugs su mthong bas de la dmigs pa ste/gzugs la sogs pa nyid ni sems can du bshad de/ 'phags pa stong phrag nyi shu lnga pa las gsungs pa/ gzugs la sogs pa'i de bzhin nyid la yang de bzhin gshegs pa med la/ de bzhin gshegs pa yang gzugs la sogs pa'i de bzhin nyid med ces/gzugs la sogs pa rnams kyi de bzhin nyid kyi ngo bo nyid med pa nyid de bzhin gshegs pa la 'dir sems can rnams ni de bzhin nyid kho na ji lta ba de bzhin gshegs pa'i snying po can te/ 'dir phan tshun du rten dang brten pa'i dngos por ni yod pa ma yin no//rnam grangs ni tha dad pa la khas mi len pa ni tha dad par khas mi len zhes pa'i don te/ gzugs kyi de bzhin nyid las gzhan du yang de bzhin gshegs pa med la/ de bzhin gshegs pa las gzhan du yang gzugs kyi de bzhin nyid med ces rnam grangs kyis te/bye brag gzhan gyis khas mi len cing tha dad pa med ces pas tha dad pa dang tha mi dad pa nye bar dmigs su med pa gsungs la/ de'i rjes la der yang gsungs te/ gzugs la sogs par yang shes rab kyi pha rol tu phyin pa ma yin la gzugs la sogs pa las gzhan du yang shes rab kyi pha rol tu phyin pa med ces pas de bzhin nyid rjes su rtog pa nyid shes rab kyi pha rol tu phyin pa ste/'di nyid kyis na tha dad pa dang / tha mi dad pa nye bar dmigs pa gsungs la/ bcom ldan 'das ma 'dir ni mdor bsdus nas gsungs pa'i dang po'i skad cig gi gnas skabs ni de nas yang lha'i dbang po brgya byin zhes pa la sogs pa ste/le'u bstan pa las shes rab kyi pha rol tu phyin pa gzugs la sogs pa las don dam par tha dad pa yang ma yin la/ tha mi dad pa yang ma yin te/ de ltar yang gang shes rab kyi pha rol tu phyin pa dang / gang gzugs la sogs pa dang /gang yang gzugs la sogs pa'i de bzhin nyid dang / gang yang tshol ba'i chos 'di rnams thams cad ni don dam par ngo bo nyid med pa'i phyir la tha dad pa dang tha mi dad pa dag ni dngos po'i chos kyi phyir zhes pa'i sdug bsngal dang sdug bsngal gyi mtshan nyid mi dmigs pa ni sdug bsngal la chos shes pa'i bzod pa'o//brgya byin gyis chen po la sogs pa ni mdor bstan pa yin la/ rab 'byor gyis bstod pa dang bcas pas rjes su rtsom pa ni rgyas par bshad pa'o/ /de la gzugs la sogs pa rnams las chen po med ces pa nyid du yongs su mi gcod pa'i phyir ram/chos kyi dbyings kyi rang bzhin gyis na chen po la/ de la dmigs pa'i phyir shes rab kyi pha rol tu phyin pa la yang chen po nyid ces pa ni sdug bsngal la chos shes pa'o/ /pha rol tu phyin pa chen po la sogs pa'i shes pa 'di rnams kyi chos kyi dbyings dang ro gcig pas mngon par zhen pa med par blta bar byas pas mngon par zhen pa med pa zhes bshad de/gzugs la sogs pa rnams nam mkha' lta bu'i stong pa nyid pas gang yang tshad kyis yongs su ma chod pas tshad med ces pa ni sdug bsngal la rjes su shes pa'i bzod pa'o/ /gzugs la sogs pa rnams la grangs kyis yongs su ma chod pas gzhal du med ces pa ni sdug bsngal la rjes su shes pa'i bzod pa'o//mtha' nyid ni mtha' la gzugs la sogs pa rnams la mtha' med pa nyid de yul gyis yongs su ma chod pa dang / rtsom pa mtha' med de/ rtsom pa'i chos de rnams thams cad la mtha' yod pa ma yin pa la bgrang ba las shin tu 'das pa'i phyir dang /med pa nyid kyis na skye ba dang 'jig pa'i mtha' dag med pa'i phyir ro/ /de'i phyir na dbus gnas pa med la sems can la dmigs pa gnyi ga la yang bdag med pa'i shes pa la de yang mtha' med kyi/ cung zhig bgrang ba dang lhan cig sbyor bas med pa'i bgrang ba las shin tu 'das pa nyid kyis na med pa ma yin la/mi brjod pa ni grangs med pa'o/ /chos kyi tshig bla dgas zhes pa ni chos ni phung po la sogs pa la bdag dang rdzas ni med pas tshig bla dgas te med pa'i phyir ro//chos nyid kyi rang gi don mngon par brjod pa'i chos kyi tshig bla dgas ni ma yin gyis/ /rmongs pa rnams kyi rab tu spros pa dang ldan pa gang zhig glo bur bar yod pa ni rnam par brtags na g.yo ba'i phyir ro/ /gang du dngos po med pa can ni bdag dang rdzas ni med pa'i phyir ro//bdag tu btags pa'i yul phung po la sogs pa la bdag gir byed pa gang de yang med pas bdag gi bya ba med pa la rtsom pa'i yul de la med pas rtsom pa med pa'o/ /'di la zhes pa ni ston pa'i bstan pa la ste/ 'dis ni tshig thob nas kyang grub pa med par grub pa ston par byed pa'o//ci ltar sems can mtha' yas zhes pa ni bgrang ba las yang dag par 'das pa nyid kyis dang / gang du yang bdag med par tshad mas grub pa ni gzhan yang zhes pa la sogs pa ste/ dbyangs kyis ni tshig la mtha' yas pa ni 'jig rten te/ rnam par rig pa ni don shes par byed pa'i sgra dbyangs so//sgra zhes pa ni de ltar brjod pas so/ /de ltar shin tu dbyangs che ba'i phyir na zab mo'i dbyangs te/ rnga phran gyi dbyangs bzhin du rnam pa sna tshogs pa'o/ /sgra yis zhes pa la de ltar brjod do/ /ma zhugs pa ni ngal ma bsos pas so//zin kyang ni cung zhig go/ /gdod nas dag pa'i phyir ni gdod nas de ltar med pa nyid de/ yongs su dag pa nyid ni thams cad mu med pa nyid kyis so/ /rnam grangs 'dis zhes pa ni bye brag 'dis so/ /sems can mtha' med pa zhes pa ni sems can la skye ba dang 'gag pa'i mtha' dang bral ba'i phyir ro//'di ltar yang zhes pa ni de lta bu nyid do/ /bgrang ba las shin tu 'das pa nyid min zhes pa ni kun 'byung ba'i chos shes pa'i bzod pa'o/ /de'i zhes pa ni gzugs la sogs pa shes rab kyi pha rol tu phyin pa la gnas pa la sangs rgyas nyid du 'dzin pas so//sangs rgyas nyid du blta bar bya/ /zhes pa ni skad cig ma drug pa ste/ de'i gnas skabs su gsungs pa ni de nas zhes pa la sogs pa ste/ skye dgu'i bdag po ni 'jig rten skyong ba bzhi rnams te/ khyad par du 'phags pa'i chos thos nas rab tu mgu nas 'bad pa med par tshig gis ched du brjod pas ched du brjod do//chos bstan pas ni chos la yang chos ni chos rab tu gsal bar byas pa ste/ mthong ba'i lam mo/ /chos de rnams kyi chos nyid ni rang bzhin te/ de bzhin gshegs pa 'byung ba'o/ /de'i phyir na gsol ba ni gang zhes pa la sogs pa ste/ rab tu 'byung zhes pa ni skye ba zag pa med par ye shes kyi mtshan nyid la smos pa ni de'i tshig las thog mar cung zhig yid ches pa'o//de nas rim gyis gsal zhing gsal bar gyur nas gsal ba dang yid ches par gyur pa la bstan par gyur pa dang / rab tu bshad par 'gyur ba dang / rab tu brjod par 'gyur ro//de bzhin gshegs pa zhes pa la sogs pa ni skad cig ma drug po de nyid gsol ba'o/ /de nas zhes pa ni de nas brtsams nas so/ /ma bral ba ni thob pa las ma nyams pas so/ /gnas par 'gyur zhes pa ni mngon du gyur pa'i phyir ro/ /de bzhin gshegs pa nyid du gzung bar bgyi//zhes pa ni gang zhig bshad pa'i de bzhin gshegs pa nyid du nges pa'i khyad par des thob pas so/ /de thob pas lung bstan pa thob la/ de las gsungs pa ni/ gang du bdag ces pa la sogs pa ste/ lo nyung ba'i gtsang sbra can la bram ze'i khye'u zhes brjod do//chos rnams ji lta ba de bzhin nyid du rtogs pas na de bzhin gshegs pa'o/ /dgra ni nyon mongs pa la de bcom pa dang ldan pas dgra bcom pa'o/ /yang dag par phyin ci log ma lus par rtog pa 'dis ni yang dag par rdzogs pa'i sangs rgyas te/ de nyid kyis ni stong pa nyid phun sum tshogs pa gsungs pa'o//mi gsungs pa med pa'am/ phyin ci ma log par gsungs pas ston pa yin te/ phyin ci log gi tshig ni nyon mongs pa'i dbang gis sam/ mi shes pa las byung la de gnyi ga yang 'di la med pas go rims bzhin du dgra bcom pa'i phyir dang / yang dag par rdzogs pa'i sangs rgyas pa'i phyir ro//'khor ba pas ji ltar 'di 'dra ba can du nus she na/ gsungs pa/ bde bar gshegs pa ni yang srid pa las grol ba'o/ /bde ba'i sgra ni bkra shis pa dang yang phyir mi ldog pa dang / ma lus pa'i don te/ gzugs mdzes pa lta bu dang / rims nad legs par byang ba lta bu dang / bum pa legs par gang ba lta bu ste/ phyi rol gyi slob pa dang / mi slob pa rnams rnam par bcad pa go rims bzhin no/ /de la 'jig rten las 'das pa'i lam gyis gshegs pa'i phyir bkra shis par gshegs pas bde bar gshegs pa'o//de bzhin du phyi rol pa rnams kyis ni ma yin te/ dus mtshams dang bcas pa nyid kyis de'i thar pa ni thar pa ma yin pa'i phyir ro/ /yang mi ldog ces bshad pa ni slob pa de rnams la skye ba'i skyon kun tu 'byung la/ bcom ldan 'das la ni slob pa med de/de'i phyir yang mi ldog par gshegs pas bde bar gshegs pa'o/ /nyon mongs pa'i rims nad kyi lhag ma ma lus pa med pas lus dang / ngag dang / blo la lam bshad pa'i yon tan thams cad la gsal ba dang mi ldan pa med pas so/ /de la slob pa rnams kyi theg pa rnams kyi theg pa dman pa la ni dgra bcom pa rnams ji ltar srid cing yod pa ni ma yin te/bcom ldan 'das kyis ni de ma lus pa la gshegs pas bde bar gshegs pa'o/ /bde ba'i sgra ni gcig pu gcig gis don gsum 'grel ba'i tshul gyis brjod do/ /ji ltar bde bar gshegs pa na gang du rig pa dang zhabs su ldan pa ste/'dir rig pa ni lhag pa'i shes rab kyi bslab pa la/ lhag pa'i tshul khrims dang / lhag pa'i sems kyi bslab pa ni zhabs te/ rig pa de dag gi sngon du 'gro ba'i phyir ro/ /'dir rig pa'i spyan gyis bltas nas cig shos dag gi rkang pa gnyis bzhin du de bzhin gshegs pas bde bar gshegs pa'o//de la tshig 'di gnyis kyis ni ston pa po nyid kyi rgyu phun sum tshogs pa gsungs pa'o/ /'jig rten gdul bar bya ba la dus dang / dus ma yin pa yongs su mi mkhyen pa med pas 'jig rten mkhyen pa'o//skyes bu 'dul ba ni gdul bya'i gdul bar bya ba 'dul ba'i phyir ro/ /de rnams kyi kha lo sgyur ba ste/ yang dag par dul ba nyid de/ mdzes dga' dang / sor phreng dang / lteng rgyas 'od srungs dang / ser skya la sogs pa bzhin no/ /de las lhag pa med pa ni bla na med pa ste/skyes bu 'dul ba dang kha lo sgyur ba'i tshig 'di gnyis ni ston pa phun sum tshogs pa nyid kyi las gsungs pa'o/ /de lta bu'i las kyi yul ci ngan song du song ba'am zhe na/ min ces gsungs pa de lha dang mi rnams kyi ston pa zhes pa ste/ rang nyid mngon par byang chub pas shin tu ba'i blo 'di la yod ces pas ni sangs rgyas so//drang srong gi thog ma'i phyir dang de dang 'dra ba'i rang rgyal ba yang med ces rnam par bcad pa'i phyir bcom ldan 'das zhes smos pa ste/ rnam pa drug dang ldan pa dang bcom pa'i phyir la/ de la ni mi ldan pa'i phyir zhes pa ni kun 'byung la chos shes pa'o//ngo mtshar ba ni skyes pa nyid la'o/ /mchog tu ngo mtshar ba ni rjes su yongs su 'dzin pa la ste/ ji srid kyi sgra ni mtha' thug pa'i don te/ sbyin pa'i pha rol tu phyin pa nas ji srid du rnam pa thams cad mkhyen pa nyid kyi bar du zhes pa'i don to/ /skyed par byed pa ni 'gugs par byed pa'o//rjes su yongs su 'dzin pa po zhes pa'i rjes su'i sgra ni ched du'i don la/ ched du dang ldan pa dag ni rigs pa'o/ /yongs su gzung ba dang / ma btang ba dag sgrub par byed pa'i rgyur yongs su 'dzin pa ste/ ji ltar yongs su blang ba med cing dor ba med pa de ltar yongs su blang ba zhes pa'i don te/'dir bstan bcos las/ blang med dor ba med sogs dang / /zhes so/ /blang ba med pa ni rnam par rtog pa med pa ste/ 'di ni blang ba med pa'i don to/ /dor ba med pa nyid ni mi dor ba ste/ 'dir ni mi gtong ba'i don to/ /kun tu len pa ni thog ma nas yongs su 'dzin pa ste/mi 'jig pa dang mi gtong ba nyid ni thog ma nas de ltar ro zhes pa ste/ de ltar mi len pa dang / mi 'dor bdag la ni byang chub sems dpas blang du med ces pa'i don to zhes pa ni kun 'byung ba la rjes su shes pa'i bzod pa'o/ /brgya byin gyis go skabs phye ba'i phyir nye bar mtshon pa'i le'u ni brgya byin gyi le'u'o//'phags pa shes rab kyi pha rol tu phyin pa brgyad stong pa'i 'grel pa gnad kyi zla ba'i 'od ces bya ba paN+Di ta chen po 'jigs med 'byung gnas sbas pas mdzad pa las le'u gnyis pa'o// // byams pa la sogs zhes pa ni byams pa dang / snying rje dang / dga' ba dang / btang snyoms te tshad med pa bzhi ste/ de'i bdag nyid can mthong ba'i skad cig ma brgyad pa la zhes pa'i don to/ /de ston pa'i gleng gzhi/ de nas zhes pa la sogs pa ni sdud pa pos smras pa ste/ dpang du byas pa ni skad cig ma brgyad pa na theg pa dman pa ltung ba'i gnyen po la shin tu gus pa bskyed pa'i phyir te/skad cig ma de nyid la bcom ldan 'das kyis gsungs pa ni/ gang la la zhes pa la sogs pa ste/ shes rab kyi pha rol tu phyin pa zhes pa ni rab tu 'byed pa'i mthong ba'i skad cig ni shes rab la de nyid kyis theg pa dman par ltung ba'i sa las pha rol du 'gro ba ni gang 'dir gang zhig tshad med pa bzhi'i bdag nyid can du mthong ba la de ltar ni byang chub sems dpa' des thob pa ste/sems can thams cad la bdag nyid dang mnyam pa nyid du bltas nas/ des skyob pa dang /phan pa'i bdag nyid kyi phan pa 'ga' zhig gis 'dir de gang yang theg pa dman par mi ltung bas de'i phyir byams pa la sogs pa'i mthong ba ni shes rab kyi pha rol tu phyin pa ste/ de nyid skad cig ma brgyad pa'o/ /de rnams kyis gang zhig ces pa nas ji srid du kun chub par byed pa'i bar te/mngon sum du byed pa'i phyir ro/ /rab tu 'don par byed pa ni gzhan dag las rab tu ston pa'i phyir de rnams la des 'dzin pa nas ji srid du 'chang ba'i bar gyi phyir ro/ /de'i zhes pa la sogs pa ni phan yon te/ rab tu 'don par 'gyur zhes pa'i bar te/ glags tshol ba ni 'jug pa la skabs ni skyon te/de dang ldan pa ni glags lta ba'i bsam pa ni glags tshol ba'o zhes pa ni kun 'byung la rjes su shes pa'o/ /'gog pa la bcu drug ces pa bstan bcos su bshad de/ stong pa nyid bcu drug rnams kyis thob pa ni mthong ba'i skad cig ma dgu pa la ste/ de gsungs pa ni/ gzhan yang zhes pa la sogs pa ste/ 'dir yang mthong ba'i skad cig ma ni shes rab la/ pha rol tu phyin pa ni stong pa nyid bcu drug rnams kyang kun tu mthong ba'i phyir ro/ /grong las gzhu 'dom lnga brgya'i pha rol gyi gnas ni dgon pa'o/ /thog ma phub pa'i sa phyogs ni bla gab med pa'o//dgon pa las grong du 'brog dgon pa ste/ de nyal ba ni nyal ba'o/ /'byung bar 'gyur ba ni rgyun gyis 'jug pa la bsrung ba dang / bskyab pa dang bcas pa ni sba ba'o/ /de la sngags la sogs pa ni bsrung ba'o/ /srung ba po nges par sbyor ba ni bskyab pa'o/ /rang nyid nye bar son nas byin gyis brlab pa ni sbed pa'o//yang na lus kyi bde ba nye bar sgrub pa ni bsrung ba la phyi rol gyi nye bar 'tshe ba bzlog pa ni bskyab pa'o/ /nang gi nad la sogs pa las bzlog pa ni sbed pa'o/ /de rnams kyi bgyi ba ni yang dag pa'i sbyor ba ste/ ngag dang yid do zhes pa nye bar son nas byin gyis brlab pa ni sbed pa'o//sangs rgyas kyi dngos po nyid ni sangs rgyas nyid la gang gis sangs rgyas 'byung bar 'gyur ba de yongs su 'dzin te mtshan dang 'od dang dbyangs dang ting nge 'dzin dang gzungs la sogs pa phun sum tshogs pas sangs rgyas med pa'i zhing rnams su sangs rgyas kyi gzugs su bdag nyid kyis ston te/de gsungs pa ni/ de nas yang brgya byin zhes pa la sogs pa ste/ shes rab kyi pha rol tu phyin pa la zhes pa ni mthong ba'i skad cig ma bcu pa la'o/ /de la ni khyad par du 'phags pas so/ /mthong ba'i chos ni skye bas thob pa'o/ / de las byung ba'i yon tan gyis mtshan phun sum tshogs pa la sogs pa thob ces pa ni bstan pa'o/ /bshad pa ni yongs su 'dzin par gyur zhes pa ste/ 'gog pa la chos shes pa'o/ /rnam par byang ba byed pas na rnam par byang ba ste/ sbyin pa la sogs pa'i pha rol tu phyin pa la sogs pa'o//des ni thams cad yongs su bsdus pa'o/ /de gsungs pa ni/ yang ci zhes pa la sogs pa ste/ ma ni zhes pa ni 'gog pa la rjes su shes pa'i bzod pa'o/ /klan ka dang gnod par byed pa'i mu stegs rnams dang lhan cig rtsod pa dang / rgol ba dang / 'gal ba de rnams zhi la/de ltar yang de zhi nas ji ltar de rnams kyis phyis theg pa gsum po 'di thos pa dang ldan pa rnams kyis nyon mongs pa dang / ngan 'gro dang / 'khor bar bsgrags pa'i nad zad par 'gyur la/ de'i phyir gnod pa'i nad thams cad zhi bar byed pa ni mthong ba'i skad cig ma bcu gnyis la ste/de gsungs pa ni/ gzhan yang zhes pa la sogs pa ste/ chos ston pa la rtsod pa byed pa ni bzhad gad kyis so/ /rgol bar byed pa ni 'thab mos so/ /'gal bar byed pa ni phan tshun la zhe sdang bas so/ /des rtsod pa la sogs pa'i bsam pa la de bzhin ni de yin zhes pa ste/chos 'di nyid la zhes pa'i don to/ /skad cig ma bcu gnyis po 'di rnams kyi mtshan nyid la'o/ /sman ni stobs dang ldan pa'o/ /sbrul gdug pa ni de'i 'dir mche ba dug can pas sbrul gdug pa'o/ /skye bo ni lus can la/ srog chags su gyur pa ni dud 'gro'i bye brag go/ /gzi brjid kyis ni mthus so/ /stobs ni gnod par byed pa nyid kyis te/ mthus ni gnod par byar med pa nyid du'o/ /stobs bskyed pa ni de la sbyor ba'i nus pa bskyed nas so zhes pa ni 'gog pa la rjes su shes pa'o/ /'dzin pa la mngon par zhen pa de gsungs pa ni/ci'i phyir zhes pa la sogs pa ste/ shes rab kyi pha rol tu phyin pa ni skad cig ma bcu gsum shes pa ste/ lam la chos shes pa'i bzod pa'o/ /sangs rgyas rnams dang / lha rnams kyis srung ba ste/ de gsungs pa ni/ rgyal po bzhis zhes pa la sogs pa ste/shes rab kyi pha rol tu phyin pa ni skad cig ma bcu bzhi pa ste/ lam la chos shes pa'o/ /srog gcod pa spong ba ni srog mi gcod pa la de thog mar byas nas pha rol tu phyin pa drug la sogs pa nas ji srid du rnam pa thams cad mkhyen pa nyid kyi bar la gnas shing / de nyid la gzhan dag kyang dgod pa ni skad cig ma bco lnga la ste/ de gsungs pa ni/ gzhan yang zhes pa la sogs pa ste/ shes rab kyi pha rol tu phyin pa ni skad cig ma bco lnga la ste/ pha rol tu phyin pa la sogs pa rnams gzhan dag la nye bar ston pa'i tshig gzung bar 'os pa ste/ de la rang nyid kyang de rnams la gnas pa'i phyir ro zhes pa'i tshig gzung bar 'os pa'o//'di'i tshig 'jam zhing snyan pas zhes pa ni tshig 'jam pa ste/ sbyin pa la sogs pa drug po rnams la gnas pa rnams gsungs pa'i phyir ro/ /tshig ngan pa ni gsung de nyid do/ /tshig 'chal pa med pa ni/des phan pa ma yin pa dang 'dres pa'i tshig mi smra bas so zhes pa ni lam la rjes su shes pa'i bzod pa'o/ /skad cig ma bcu drug gsungs pa ni/ khro bas zhes pa la sogs pa ste/ yongs su 'dul bar byed pa ni khro ba zhi bar byed pa'i phyir ro/ /yongs su sgyur bar byed pa ni khengs pa'i mtshan nyid kyi nga rgyal zad par byed pa'i phyir ro//khon du 'dzin pa ni dgra bor ro/ /gnod sems ni zhe sdang la/ bag la nyal ni mdud par ro/ /dran pa gsungs pa ni/ de'i zhes pa la sogs pa ste/ de zhes pa ni gnod sems kyis te/ yongs su phye ba ni rnam par 'gyur bas te/de bzhin du sdang bar byed pa 'khor dang bcas pa spang bar byas la/ bdag nyid kyi sbyin pa la sogs pa rnams kyis sems can gyi phung po yang dag par rdzogs pa'i byang chub thob par byed pa'i phyir yongs su bsngo ba bstan pa ni lam la rjes su shes pa'o/ /lam shes pa'i skad cig ma 'di rnams ni mthong ba'i lam gyi'o//mthong ba'i lam 'dir ni rnam pa thams cad mkhyen pa nyid du bshad pa'i nges par 'byed pa'i cha dang mthun pa yang shes par byas la/ thar pa'i cha dang mthun pa'i go cha'i sgrub par bshad pa'i 'chad par 'gyur ba'i mtshan nyid kyi rab tu dga' ba la/ sogs pa la yang ngo / /de la sems can ni 'dir zhes pa ste/ mthong ba la sogs lam gyi rjes su 'brangs nas shes par bya'o/ /mthong ba'i lam ni 'jig rten las 'das pa nyid la/ bsgom pa'i lam de ni rnam pa gnyis te/ 'jig rten pa dang / 'jig rten las 'das pa ste/ de rnams ni rting la brjod par bya ste/ de dag gi byed pa ni chos mchog chen po'i bye brag nas brtsams nas nye bar sogs shing drod nas brtsams nas 'byung bar 'gyur ba dang / 'bras bu 'dod pas rab tu 'jug ces pa ni dang po brjod par bya ba ste/ de la bstan bcos las/ kun nas dul dang thams cad nas//nyon mongs kun las rgyal ba dang / /gnod pas brdzi ba med nyid dang / /byang chub dang ni rten mchod nyid/ /ces pa ste/ kun nas zhes pa ni yongs su zhes pa'i sgra don la/ bdag dang bdag gi dag la zhen pa med pa ni dul ba la/ bdag gi rjes su yid dga' bar mi byed pas ni yongs su dul ba dang /yongs su khengs pa med pa ste go rims bzhin du zhe sdang dang / nga rgyal dag yongs su zad pa med pa'i phyir ro/ /de skad ces smras pa gnyis dang brgya byin zhes pa la sogs pa gsol ba ni/ byed pa sdug pa 'di rnams la'o//shes rab kyi pha rol tu phyin pa ni bsgom pa'i lam mo/ /ji ltar zhes pa ni gal te zhes pa'i don to zhes pa ni yongs su dul ba dang yongs su sgyur bar byed pa'o/ /bcom ldan 'das zhes pa la sogs pa ste srog gi bar chad du 'gyur zhes pa ni de nyid la mtshon chas bsnun pas so/ /gzhan gyi gnod pa zhes pa ni ri dgas la sogs pa'i nang du song yang ngo //gzhan gyis gnod pa ni gzhan rnams kyis te/ des na rang bzhin gyi nyon mongs pa rnams kyis 'di lta ste/ bcom ldan 'das ma des na las rgyal ba nyid de/ de'i 'di ni rgyu mthun pa zhes pa dang dngos po zhes pas ni kun nas nyon mongs pa las rgyal bar byed pa'o//gal te zhes pa la sogs pa ste/ de la ni lus la'o/ /de ci'i phyir zhe na/ de la gang du mi 'phog ste/ dus thams cad dang / yul thams cad du mi mthun pa'i phyogs thams cad las mthu thogs pa med pa'i phyir go rims bzhin du chen po dang /tshad med pa dang / gzhal du med pa'o/ /de las lhag pa med pa'i phyir bla na med pa'o/ /mnyam pa med pas ni mi mnyam pa'o/ /mi mnyam pa dang mnyam pas mi mnyam pa dang mnyam pa'o/ /rnam par gnod pa ni nye bar 'joms pa ste/ de'i srog gi bar chad byed pa rnams kyis so//gzhan gyi nye bar 'ongs pas de glags rnyed par mi 'gyur zhes pa ni de rnams kyis brdzi ba med pa nyid de/ 'di rnams ni las kyis nye bar gnod pas brdzi ba med pa'i byed pa'o/ /'di la zhes pa la sogs pa ni thams cad mkhyen pa'i ye shes des so/ /rnam par gzigs pa ni gdul bar bya ba yal bar mi 'dor ba nyid do//ci'i phyir zhes pa ni de ltar thams cad mkhyen pa'i ye shes kyis gang du sangs rgyas kyi chos rnams thams cad la des ma thob pa gang yang cung zad yod pa ma yin la/ thob par bya ba 'di thob par mi 'gyur na 'di thams cad mkhyen par mi 'gyur ba'i phyir ro//des thob par bya ba dang / cig shos dag thams cad shes pa shes rab kyi mthar son nas mngon sum du byas pa'i ye shes la 'dir gzung bar bya ste/ de'i phyir 'dir thams cad mkhyen pa'i ye shes de ni yang dag par rdzogs pa'i byang chub la dbye ba ni tha snyad kyi ldog pa'i dbye ba las dngos por yod pa ni ma yin zhes pa ni rdzogs pa'i byang chub kyi byed pa'o//gzhan yang zhes pa la sogs pa ste/ chung ngu na zhes pa ni mchog tu phra ba'o/ /ma rtogs pa ni phyi rol du byas pa ste/ sngon gyi skye ba las phyis lan grangs kyis myong bar 'gyur bar nges pa'i mi dge ba'i rnam par smin pa de rnam par smin pa'i lhag ma'i 'bras bu'o//'di lta ste dper na zhes pa dpe ste snying po ni snying po ste/ byang chub sems dpa'i don gyi snying po ni byang chub pa'i snying po la/ de la 'dug pa ni byang chub rtogs pa ste/ de ltar yang rnam par gnas pa'i bskal pa'i thog ma la gser gyi rang bzhin gyi sa gzhi rnams kyi snying po khyad par du 'phags pa'i 'dzam bu'i gling gi lte ba kun tu 'dus pa ste/de yang rdo rje'i rang bzhin yin pa'i phyir dang / byang chub pa'i gdan yin pa'i phyir ni rdo rje'i gdan zhes brjod do/ / der byang chub kyi snying po la de thob pa'i khor yug tu gyur pa ni khor yug tu bskor ba'o/ /yongs su khor yug ni yongs su bskor ba'o/ /nang ni dbus su'o/ /byang chub pa'i shing ni byang chub pa'i shing ste/ de'i drung na 'dug nas byang chub rtogs pa'i phyir ro/ /de'i rtsa ba ste mngon par yongs su bcad pa'i sa phyogs so//rnam par 'tshe bar 'dod pa ni rnam par sdang bar 'dod pa'o/ /gnod par 'dod pa ni bcom par 'dod pa'o/ /'bebs par 'dod pa ni 'byung po dang sha za la sogs pa rab tu 'jug pa'i phyir ro/ /'jigs pa la sogs pa'i gnyen po'i phyir 'jigs pa med pa'o//kho na med pa dang / mi skrag pa ni byams pa chen po la sogs pa'i ming can gyi tshad med pas so/ /rab tu sgom par mdzad pa ni rdzogs par mdzad pa'o/ /rab tu ston par mdzad pa ni bdud sde dang bcas pa rnams kyis bgegs byed kyang bzod pa'i phyir ro//mchod rten ni mchod pa'i rten la/ der gyur pa ni de dang 'dra ba'o/ /bkur stir byed pa la sogs pa ni bshad zin to/ /nye bar phyin pa la skyob par byed pas skyob pa'o/ /mngon sum du nye bar phyin pa'i 'jigs pa la bskyab pa'i phyir skyabs so/ /'jigs pa med pa der gnas par byed ces pas gnas so//mchog tu dpung du gyur pas dpung gnyen la des pha rol du 'gro zhes pa ni rten mchod pa byed pa'o/ /'jig rten pa'i bsgom pa'i lam zag pa dang bcas pa ni rnam pa gsum ste/ mos pa yid la byed pa dang / bsngo ba yid la byed pa dang / rjes su yi rang ba yid la byed pa ste/de ltar yang 'jig rten pas bsam gtan dang / gzugs med pa la dmigs pa nyid kyis 'jig rten pa ste/ zag pa dang bcas pa'i bsgom pa'i lam gyis mos pa dang / bsngo ba dang rjes su yi rang ba yid la byed pa la/ zag pa med pa ni sgrub pa dang /shin tu dag pa zhes 'phags pa rnam par grol ba'i sdes bshad do/ /gang du theg pa chen po'i mngon pa kun las btus pa las bshad de/ bsgom pa'i lam ni mthong ba'i lam las gong gi 'jig rten las 'das pa dang / 'jig rten pa'o/ /'jig rten pa'i lam gang zhe na/'jig rten pa'i bsam gtan dang / gzugs med pa brgyad ces so/ /de la 'jig rten las 'das pa nyid kyi bsgom pa'i lam gang la gzhan gyi don du bsam gtan dang po la sogs pa la dmigs par byed pa de la ni 'jig rten pa zhes tha snyad du byed kyi/ nye bar btags pa ma yin pa'i 'jig rten pa zag pa dang bcas pa rang nyid rtogs pa la ltos pa ni ma yin zhes pa'i don to//de la mos pa'i dbang du byas nas bstan bcos las/ mos pa rnam gsum shes bya ste/ /rang gi don dang rang gzhan don/ /gzhan gyi don te de dag ni/ /so sor rnam pa gsum du 'dod//chung dang 'bring dang chen po la/ /chung ngu'i chung sogs dbye ba yis/ /de yang rnam gsum de lta bur/ /rnam pa nyi shu bdun du 'dod/ /ces te go rims bzhin du rang nyid dang / rang gzhan dag dang / gzhan nyid de/ don gtso bor sems pa gang gis de ltar te/ 'di dag ni rang gi don la sogs pa'i yang chung ngu la sogs pa rnams la so sor chung ngu la sogs par bya ba ste/ji ltar rang gi don gyi mos pa'i chung ngu'i chung ngu dang / chung ngu'i 'bring dang / chung ngu'i chen po dang / 'bring gi chung ngu dang / 'bring gi 'bring dang / 'bring gi chen po dang / chen po'i chung ngu dang / chen po'i 'bring dang / chen po'i chen po ste/ dgu ni drod la'o/ /de bzhin du rang gzhan don gyi dgu ni rtse mo la'o/ /gzhan gyi don gyi dgu ni bzod pa'i zhes pa ste/ mos pa dang / dad pa dang / 'dun pa dang / yid ches pa dang / mngon par 'dod pa'i mtshan nyid rnams kyis so//gang la mos na mdo dang mdo'i don gyi ngo bo bcom ldan 'das ma las te/ de la dang po ni de skad ces bka' stsal pa dang / brgya byin zhes pa la sogs pa ste/ bris pa ni rang nyid kyi sa la/ glegs bam du chud par byas pa ni gzhan gyis so/ /lha'i zhes pa ni khyad par du 'phags pa rnams kyis so//me tog ni sil ma'o/ /phreng ba ni brgyus pa las byung ba'o/ /byug pa ni mnyam du sbyor ba'o/ /phye ma ni gzhan a ka ru dang / tsan+dan la sogs pa rnams kyis so/ /chos gos ni gos la/ mchod pa rnams kyis ni zhal zas la sogs pa rnams kyis so/ / rnam pa mang po rnams kyis ni bza' bca' dang / bdug pa la sogs pa'i bye brag gi mchod pa rnams kyis ni bkur sti byed pa dang 'brel te/ mchod pa byed ces pa'i don to/ /bla mar byed pa ni gus pas so/ /rim gror byed pa ni dad par byed pa la/ mchod par byed pa ni phyag dang thal mo sbyar ba dang bstod pa la sogs pa rnams kyis so//rjed par byed pa ni g.yas kyis bskor ba rnams kyis so/ /gsol bar byed pa ni snying po la sogs pa bor ba rnams kyis so/ /sku gdung ni gdung ste mchod rten rnams su gzhag par byed pa'o/ /yongs su 'dzin par byed pa ni za ma tog la sogs par byas nas so//'chang bar byed pa ni za ma tog la sogs par khyer ba ste/ mchod rten gyi za ma tog la sogs pa de rnams ni thams cad mkhyen pa'i bdag nyid kyi lus so/ /gang thams cad mkhyen pa nyid ce na/ bla na med pa yang dag par rdzogs pa'i byang chub kyi thams cad mkhyen pa nyid do//mngon par rdzogs pa'i don gsungs pa ni mngon par rdzogs par sangs rgyas zhes pa 'di'i yang don gsungs pa ni so sor thob ces pa'o/ /'dir ni 'di nyid du'o/ /bdag gi dngos po ni 'dir bdag tu btags pa la/ lus ni gzugs kyi sku'o/ /shes rab kyi pha rol tu phyin pa dang / thabs la mkhas pa ni de dag gis nges par 'byung bar 'gyur bas so/ /'jig rten la zhes pa ni yid ches pa'i rab tu bsgom pas so/ /'di bcom ldan 'das ma mchod pa dang / de bzhin gshegs pa'i sku gdung la mchod pas zhes pa ni rang gi mos pa chung ngu'i chung ngu'o//de skad ces bka' stsal pa dang / brgya byin zhes pa la sogs pa ste/ rab tu ston par 'gyur zhes pa ni bstan pa la/ gsum pos ni bshad pa ste/ ston par 'gyur zhes pa'i don to/ /ston par 'gyur ba ni gdams par 'gyur ba la/nye bar bstan par 'gyur ba ni gzhung ngo / /kha ton byed par 'gyur zhes pa ni kha ton shin tu goms par ro/ /don chen po ni 'bras bu chen po'o/ /shes par ma gyur pa ni sgra thos par ma gyur pa'o/ /rig par ma gyur pa ni glegs bam thob par ma gyur zhes pa'o/ /phan yon chen po ni mos par spyod pa la'o//'bras bu chen po ni rab tu dga' ba la sogs pa la'o/ /rnam par smin pa chen po ni sangs rgyas kyi sa la'o/ /rig par ma gyur pa ni rig par byed pas rig pa ste/ don shes par ma gyur pa zhes pa'i don to/ /ma rig ces pa ni 'jig rten las 'das pa'i ye shes kyi bden par shes pa nyid kyis sems kyi nang du son pa'i chos nyid la ma dad pa'o//gang gis sems shin tu rnyog pa med par byed pa'i rgyun de la zhugs pa de nyid kyi 'bras bu'o/ /bdag nyid gcig pu'i so so'i byang chub ni rang byang chub bo/ /nye bar 'phel bar byed ces pa ni nye bar 'tshe ba ni mi mthun phyogs la/nye ba'i sgras ni nye bar mtshon pa ma yin te/ rab tu sbyin pa la sogs pa bzhin no/ /phyir mi ldog pa rnams la phan pas na phyir mi ldog pa'o/ /'byung bar dka' ba ni rnyed par dka' ba'o/ /brtson 'grus ni dge ba'i las la spro ba'o/ /ngan pa'i las la zhen pa ni le lo la/sems pa ni bstan pa'o/ /sems ni ting nge 'dzin to/ /'du shes pa ni dran pa la mos pa ni dad pa'o/ /de kho na nyid rab tu rnam par 'byed pa ni shes rab bo/ /'byung bar dka' ba nyid du shes pa'i 'thad pa dang bcas pa'i spyod pa lhag ma can la bsod nams lhag par shes par bya'o zhes pa ni chung ngu'i 'bring ngo //de lta bas na zhes pa la sogs pa ste/ myur du ni mnyan pa la sogs pa'o/ /yongs su 'dri ba ni the tshom gcod pa'i phyir ro/ /'dir gzhug par bya ba ni de dag gi 'thad pa dang bcas pa'i shes pas na nang du spyod pa lhag ma la bsod nams lhag par shes par bya zhes pa ni chung ngu'i chen po'o//de lta bas na zhes pa la sogs pa ste/ gser dang / dngul dang / baiDUr+ya dang / spug dang / rdo'i snying po dang / mu tig dmar po dang / karke ta na ste rin po che sna bdun no/ /de'i gzhi ni de'i rgyus so/ /bcom ldan 'das ma la dad pa dang mos pa dang dang ba rnams skyed pa la lhag pa'i bsam pa dang nyan pa la sogs pa dang don rnam par 'byed pa dang yid kyis rjes su rtog pa dang dpyod pas tshul kun tu gzhag pa'i dpyod pa bla lhag pa la bsod nams bla lhag pa ni gzhung ji lta ba bzhin no zhes pa ni 'bring gi chung ngu'o//zhog ces pa la sogs pa ste/ rdza rnga can gyi 'bras bu dang ldan pa'i 'dzam bu'i shing gis mtshon pa'i phyir 'dzam bu'i gling ste/ 'di las brtsams nas gang du phan yon bstan pa ste/ spyod pa bla lhag pa min no/ /de la gang dang gang du bshad pa'i phan yon la dad pa la sogs pas spyod pa dang bla lhag pa dang bcas pa zhes bya ba ni 'bring gi 'bring ngo //zhog ces pa la sogs pa ste/ gling chen po bzhi pa 'dir zhes pa ni/ gling chen po bzhi las 'jig rten 'dzin pa byed pas khams zhes pa ni rang gi don gyi mos pa 'bring gi chen po'o/ /zhog ces pa la sogs pa ste/ gling bzhi pa rnams kyis yongs su bsgres pa stong zhes pa ste/de de ltar yongs su bkang ba nyid kyis na spyi phud dang 'dra bas spyi phud ces pa ni rang gi don gyi mos pa chen po'i chung ngu'o/ /zhog ces pa la sogs pa ste/ 'di stong gnyis su yongs su sgyur ba zhes pa ni stong gnyis pa'i stong gi stong zhes pa'i don to//de ni bar ma'i stong ste stong dang stong chen po'i bar gyi phyir ro zhes pa ni rang gi don gyi mos pa chen po'i 'bring ngo / /zhog ces pa la sogs pa ste/ 'di lta bu'i stong gnyis pa rnams kyis yongs su bsgres pa'i stong gsum mo zhes pa'i don to/ /de ltar de bzhin du stong chen po zhes pa ni rang gi don gyi mos pa chen po'i chen po'o//zhog ces pa la sogs pa ste/ sems can thams cad snga phyi med par mi'i lus thob par 'gyur ba zhes pa ni snga phyi med par lhan cig tu zhes pa'i don to/ /yongs su brtags pa ni yongs su brtags pas so/ /ji srid 'tsho'i bar du ni mchod rten la mchod pa thams cad kyis 'dir bskal pa'am bskal pa las lhag pas ni bcom ldan 'das ma la mchod pa'i bsod nams kyi las bla lhag par nye bar bskyed pa'i shes pas spyod pa dang bla lhag ces pa ni rang gzhan don gyi mos pa chung ngu'i chung ngu'o//zhog ces pa la sogs pa ste/ 'di 'dra ba nyid ces bsam pa las 'das pas bsam gyis mi khyab pa'o//'dra ba med pas mi mnyam pa'o/ /bsod nams mngon par 'du byed pa'i bsod nams kyi las la cha ni cha shas so/ /mi phod ces pa ni mi rung mi thob ces pa'i don to/ /char yang mi phod ces pa ni/ bsnyams na zhes pa'i don to//ci ltar bgrangs kyang grangs bla lhag pas mi mnyam pa ste/ sngon gyi bsod nams kyis ji srid du bye ba khrag khrig brgya stong gis kyang phyi ma'i bsod nams dang bsnyams na mi bzod la/ yang dus phra mor gyur pas grangs su bgrangs pas da ltar byung ba la sogs pa de rnams kyis ji ltar yang mi phod pa'o//de las bla lhag pas ni mi mnyam pa'i phyir ro/ /sngon gyi bsod nams kyis ji srid du phye ba'i 'gyur gyis kyang phyi ma'i bsod nams la bsdur yang mi bzod pa'o/ /tha mi dad pa'i dpe med pas zla med pa'o/ /grangs kyi dpe med pas dpe med pa'o/ /bgrang ba'i dpe'i rgyu med pas rgyur med pa ste/de la 'dis bsdur bar mi bzod pa'o/ /dpe dang rgyur yang zhes pa ni de ltar shin tu yang mnyam pa med pas rgyur yang zhes pa ste/ mnyam pa'i don gyi gang zhig dpe'i rgyu dang nye bar 'dug nas drung na gnas pa de yang rigs pa ma yin zhes pa'i don la/ kye ma zhes pa ni bod pa ste/'phags pa zhes pa'i don to/ /kun tu rgyu ba zhes pa ni bsam pa'o/ /brtags pa ni dran pas so/ /kha don du ni yid kyis bzlas pa byas pa 'di ni zhes pa la sogs pa gsum du rnam par bshad de/ 'dir 'di las lhag pa'i rig sngags med pas gong na med pa'o/ / 'dir 'di las lhag pa'i dge ba'i chos med pas bla na med pa'o/ /mnyam pa'i rig sngags gzhan med pas mi mnyam pa'o/ /mi mnyam pa'i de bzhin gshegs pa rnams dang mnyam pa'i phyir mi mnyam pa dang mnyam pa'o/ /rab tu phye bar bgyi zhing rab tu gsal bar bgyi'o/ / byang chub kyi yan lag bdun dang ldan pa ni de'i rten yin pa'i phyir na de rnams kyis yongs su bzung nas gnas pa'o/ /brgyad khri bzhi stong zhes pa ni chos kyi phung po brgyad khri bzhi stong rnams te/ 'dod chags la sogs pa la spyod pa rnams kyi re re'i spyod pa'i gnyen por ji srid du gzhung gis yongs su rdzogs pa de srid ni chos kyi phung po ste/chos kyi phung po gcig go/ /sangs rgyas rnams kyi ye shes ni rang gis byung bas rang byung ba'o/ /bsam pa las shin tu 'das pas bsam gyis mi khyab pa'o/ /sngon du thos nas zhes pa ni sngon du thos pa las byung bas so/ /sman dang skar ma ni sman dang skar ma yang gsal bar byed par 'gyur ro//chos ni mya ngan las 'das pa ste/ chos thams cad las khyad par du 'phags pa'i phyir ro/ /de nyid kyi mnyam pa ni nyon mongs pa'i sdug bsngal nye bar zhi bar byed pa'i phyir ro/ /de'i spyod pa ni dge ba legs par spyod pa'o/ /ya nga ba ni 'chi ba'i rgyu la/de ma spangs pa ni ya nga ba ma spangs pa'o/ /'di'i rgyas par bshad pa ni lhag ma ste/ chad pas zhes pa ni ldog pa la sogs pas so/ /brjod pa ni 'ongs pa'i tshig go/ /mngon par brjod pa ni gtam gyi rgyun la/ so sor dga' mgu ba ni gos la sogs pa nye bar stobs pas so/ /byams pa'i sems kyis dang phan pa'i sems kyis te/sgyu ma la sogs pa ni ma yin pa'o/ /snying rje ni 'bras bu la ste/ 'dir snying rje ba des so sor gdod nas sdug bsngal bsal bar sems pas so/ /gdug pa ni ri dgas gtum po'o/ /sdig sbrul ni sbrul lo/ /ma gtogs zhes pa ni 'jug pa las phyi rol du byas pa'o//kun tu brtags pa ni yid la byas nas so/ /klan ka tshol ba'i bsam pa ni sdang ba dang bcas pa'i sems kyis so/ /mig gis mi rtsol ba ni yid kyis so/ /dpung gi tshogs ni dpung gi tshogs la/ de ni yan lag bzhi ste/ glang po dang /rta dang / bdag po'i shing rta dang / bkod pa 'dus pa'o/ /slar log pa ni ma zhugs pa'o/ /bar snang zhes pa ni nam mkha' nas nam mkhar son pa rnams kyis so/ /yun ring mo ni yun ring po nas so/ /ched du brjod pa ni yang yang brjod pa'o/ /ngan ngon ni nyung ngu'o/ /ji ltar shes rab kyi pha rol tu phyin pa la ni de ltar dngos po med pa nyid la'o//shes rab kyi pha rol tu phyin pa nyid kyi rgya mtsho chen po zhes pa ni chung ngu'i 'bring ngo / /de nas yang zhes pa la sogs pa ste/ pha rol tu phyin pa drug gis 'dren pa po nyid la sogs pa shes par 'thad pa dang bcas pa'i spyod pa bla lhag pa las bsod nams bla lhag par shes par byed pa'o//bsngags pa ni bstod pa'am yon tan no/ /sngon du 'gro ba ni mdun du 'gro ba'o/ /'dren pa ni sdud pa po la/ yongs su 'dren pa ni kun tu 'phel bar byed pa'o/ /shes rab kyi pha rol tu phyin pa ni rang nyid kyis mchog yin pa'i phyir pha rol tu phyin pa ste/cig shos te de rnams nyid kyang thams cad mkhyen pa nyid du yongs su sngo bar byed kyis so zhes pa ni chung ngu'i chen po'o/ /de nas zhes pa la sogs pa ste/ glegs bam du chud pa ni dam pa'i chos yun ring du gnas pa'i phyir mchod pa'i phan yon zhes pas 'dir spyod pa bla lhag pa zhes pa ni 'bring dang chung ngu'o//de skad ces bka' stsal pa zhes pa la sogs pa ni spyod pa bla lhag pa ste/ mdo ji lta ba bzhin te 'bring gi 'bring ngo / /gzhan yang zhes pa la sogs pa ste/ snag gi gnyen mtshams ni mngal gcig nas skyes pa'o/ /phan tshun rjes su sbyor ba ni 'dri ba ste/'bring gi chen po'o/ /gang su zhes pa la sogs pa ste/ lha thams cad nye bar 'ongs pa ni dad pas so/ /de rnams la chos kyi dbyings kyi sbyin pa sbyin pa'i spyod pa bla lhag pa zhes pa ni chen po'i chung ngu'o/ /de skad ces bka' stsal pa zhes pa la sogs pa ste/ lha la sogs pa gang zhig 'ongs nas mchod pa shes par rab tu gzengs bstod par 'gyur zhes dad pa'i mthu la dad pa bla lhag pa dang spyod pa bla lhag pa'o//kun tu shes te ni kun tu mtshon pa'o/ /mthar thug pa ni nges pa'o/ /'gro bar bya ba ni bya ba la'o/ /mi ma yin pa'i dri zhes pa ni mi'i lus ni mi la/ de lta ma yin pa ni mi ma yin no//mi gtsang ba med pa ni gtsang sbra la me tog la sogs pa dang ldan pas gtsang ma'o/ /byol ba ni 'phos nas so/ /ngal ba ni gnod pa'o/ /rgya chen po ni chen po la/ so sor myong bar 'gyur ba ni rtogs par 'gyur bas so/ /brkam pa ni 'dod pa la/ 'du shes ni dran pa'i zhes pa ni chen po'i 'bring ngo //kau shi ka gzhan yang zhes pa la sogs pa nas le'u yongs su rdzogs pa'i bar ni chen po'i chen po'o/ /gzhal du med pa'i yon tan ni glegs bam gang gis bcangs nas gzung ba la sogs pas 'dzin pa ni de skad ces brjod pa/ de yang pha rol tu phyin pa dang / mchod rten zhes pa gnyis te/ de dag la bsnyen bkur ni me tog la sogs pa'i mchod pa ste/ de brjod pa can gyi le'u'o/ /'phags pa shes rab kyi pha rol tu phyin pa brgyad stong pa'i 'grel ba gnad kyi zla ba'i 'od ces bya ba/ paN+Di ta 'jigs med 'byung gnas sbas pas mdzad pa las le'u gsum pa'o// //gzhan yang zhes pa la sogs pa ste/ shes rab kyi pha rol tu phyin pa nyid dang chos kyi sku nyid ro gcig pa'i phyir na shin tu mchod par bya'i/ gzugs kyi sku la ni ma yin te/ 'jig tshogs yin pa'i phyir zhes pa 'di'i don la gang zhig dad pa dang dad pa'i stobs la brten nas kyang tshod bla lhag pa ste/de ni 'dir spyod pa bla lhag pa'o/ /de ni de bzhin gshegs pa rnams kyi sku ni gdung ste/ de rnams kyis bkang nas 'dam par byed pa ni gcig khyer cig ces rjod par byed na'o/ /ri mor bgyi ba ni shin tu yang gus pa ste/ de dag las bla mar gyur pa ni bcom ldan 'das ma'o//'di ni zhes pa ni bris pa'i shes rab kyi pha rol tu phyin pa'i tshul la'o/ /yang dag pa ni 'dir de kho na nyid de chos rnams thams cad ngo bo nyid med pa nyid la/ don du gnyer bar bya bas don te/ yang dag pa'i don to/ /don dam pa ni chos kyi sku la/ de'i rjod par byed pa des de ltar sbyor nas don du gnyer ba po la gtso bo'i sku mngon par brjod pas nye bar btags pa de bzhin gshegs pa rnams kyi sku'o/ /de zhes pa ni gang du yang dag pa'i don gyi ngo bo'i sku ste/ yum chen mor gsungs pa de 'dir bshad de/ chos ni ngo bo nyid med pa nyid kyi don dam pa la/sku ni gang dag la de'o/ /'o na 'di ltar sku gzhan la yod pa ma yin nam zhe na/ gsungs pa ni min zhes pa ste/ mtshan dang dpe byad kyi 'bar ba'i sku yod na 'di ni rang bzhin gyis rtag par yod par byed pa'i don dam pa pa'i sku snyam du ma sems shig /longs spyod rdzogs pa dang sprul pa'i sku dag ni kun rdzob pa'i phyir ro//yang na dmigs par byed pa yod pa de yang 'dir rab tu g.yo ba'i chu'i nang gi zla ba bzhin te/ skad cig re res 'jig pa can gyi sku zhes pas 'jig tshogs la ste/ gzugs kyi sku de la don dam pa'i skur ma sems shig pa'o/ /chos kyi skus yongs su rdzogs pa ni bag chags dang bcas pa'i sgrib pa rab tu spangs nas rtog pa rdzogs pa ste/de'i yang dag pa'i don nyid kyi phyin ci ma log par yongs su rdzogs pa rtogs pa la chos kyi sku zhes brjod la/ de kho na don dam pa'i sangs rgyas so/ /ltos zhes pa ni mthong ba med pa'i sbyor ba ste/ de ltar yang sum brgya pa las/chos nyid du yang 'di shes na/ /de ni shes par mi nus so/ /zhes gsungs te/ chos nyid shes par mi nus zhes pa ni 'dir don dam pa chos rnams thams cad ma mthong ba nyid kyis sangs rgyas bcom ldan 'das rnams mthong zhes pa la dgongs pa ste/ 'dir gsungs pa/'di zhes pa ni chos kyi sku ste/ yang dag pa'i mtha' de bzhin nyid kyi mchog ste/ des rgyu'i gnas skabs rnams su legs par bsgoms pas rtogs nas rab tu phye ba ste/ kun tu skyes nas de ltar rab tu phye ba'o/ /de'i bdag po nyid kyis gzugs kyi sku yongs su dag pa 'bar ba dag skyed pa'o/ / de nyid ni chos kyi sku shes rab kyi pha rol tu phyin pa don dam pa ste/ de'i rtogs pa de'i rang bzhin yin pa'i phyir dang / yul yin pa shes rab kyi pha rol tu phyin pa ste/ kun rdzob kyi ngo bo la 'on kyang kun rdzob kyi ngo bo nyid kyang don dam par nges pa nyid kyis na gzugs kyi sku gnyis po dang ngo bo nyid mchog shin tu mchog nyid kyis byang chub kyi phyogs la sogs pa'i chos kyi phung po yang kun rdzob ste/shes rab kyi pha rol tu phyin pa'i bdag nyid can no/ /de'i phyir na de ni chos kyi skus kun tu bsdus zhes bshad do/ /de lta bu'i de kho na nyid dang / de kho na nyid rtogs pa'i brjod pa po nyid kyis shes rab kyi pha rol tu phyin pa ni shin tu yang gus pa'i yul yin zhes brgya byin gyis bstan shes pa ni gzhan gyi don gyi mos pa chung ngu'i chung ngu'o//'on kyang zhes pa la sogs pa ste/ 'on kyang gi sgra ni khyad par gyi don te/ gang yang de rnams la yang gus te/ de lta na yang zhes pa'i don to/ / chos ston pa'i gzhi yin pa'i phyir chos bzangs lha'i 'dun sa yin pa'i phyir lha'i 'dun sa ste/ shin tu yang yangs pa lha'i grong khyer blta na sdug pa'i bden bral gyi phyogs su'o/ /'dod ces pas na dbang po ste/ skyes bu chen po des kun du bsgrags pa la blta bar 'dod pa'o/ /shin tu dbang che bar grags pas 'dir dbang che bar grags pa ste/bsam pa chen po'i zhes pa'i don te/ de yang 'dir yang dag par rdzogs pa'i sangs rgyas te/ de'i ye shes kyi sku'i rgyu'i ngo bo dang rkyen gyi ngo bo ste/ 'di la gsungs pa ni/ de bzhin gshegs pa'i zhes pa la sogs pa ste/ de la thams cad mkhyen pa'i ye shes ni brgya byin la de bzhin gshegs pa'i gdung ni 'dir rgyu dang rkyen du gyur pa ma yin te/brgya byin gyi stan bzhin te/ sngon du chos kyi sku'i rten du gyur pas gzugs kyi sku la yang sku nyid du bshad do/ /'dir ni dbang che bar grags pa'i ye shes kyi sku'i gdan lta bu'o zhes pa'i don 'di la gang zhig dad pa dang dang bas bla lhag par spyod ces pa ni chung ngu'i 'bring ngo //zhog ces pa la sogs pa ste/ 'dir bcom ldan 'das mar bshad pa'i bdag nyid chen po la gang zhig dad pa dang dang ba dang bcas pa nyid kyis bla lhag par spyod ces pa ni chung ngu'i chen po'o//'on kyang zhes pa la sogs pa ste/ thams cad mkhyen pa'i ye shes kyis de bzhin gshegs pa mchod par bya ba nyid la/ skyed pa po de bas na gdung bas de mchod pa la smos kyang ci dgos zhes pa ni 'dir dad pa la sogs bla lhag par spyod pa'o zhes pa ni 'bring gi chung ngu'o//'on kyang zhes pa la sogs pa dang / gzung bar mi 'gyur zhes pa ni go rims ji lta ba bzhin du dman par byas nas mi 'phel bar byas shing rtsa ba dang bcas pa gsal bar bya zhes pa'i don to/ /ji ltar phyung yang nor bu rin po che de'i za ma tog de la snying du sdug par 'gyur ro//de bzhin du sangs rgyas kyi de snyed kyi yon tan rnams kyis yongs su mya ngan las 'das kyang bcom ldan 'das kyi ring bsrel mchod pa bya ba 'gyur zhes pa'i don 'di la bla lhag par spyod ces pa ni 'bring gi 'bring ngo / /ji ltar bcom ldan 'das zhes pa la sogs pa ste/ ji ltar shes rab kyi pha rol tu phyin pa las skyes pa'i phyir bstan pa'i chos gzhan rnams kyis kyang ston par byed pas na mchod pa'i 'os su 'gyur ba de ltar shes rab kyi pha rol tu phyin pa las skyes pa'i phyir de'i mthus ring bsrel yang mchod pa'i 'os su 'gyur zhes pa'i dad pa la sogs pa can gyis spyod pa bla lhag pa'i 'bring gi chen po'o//'on kyang zhes pa la sogs pa ste/ bcom ldan 'das la mchod pas dus gsum gyi de bzhin gshegs pa rnams mchod par 'gyur zhes pa'i dad pa la sogs pa can gyis spyod pa bla lhag pa spyod ces pa ni chen po'i chung ngu'o/ /gzhan yang zhes pa la sogs pa ste/dus gsum gyi de bzhin gshegs pa rnams kyang chos de ston par byed pa'i bcom ldan 'das ma'i don 'di nyid la bla lhag pa'i dad pas bla lhag par spyod de chos nyid ni chos kyi sku ste/ de yang shes rab kyi pha rol tu phyin pa'o zhes pa la sogs pa'o/ /bcom ldan 'das ma chos sku nyid du gsal bar byed pa la yang brgya byin gyis gsol pa ni pha rol tu phyin pa chen po'i zhes pa la sogs pa ste/yang dag par rab tu shes pa dang / spros pa med pa'i ye shes kyis rig pa'o/ /yang dag par rab tu mthong ba ni rnam pa thams cad kyis yang dag par kun tu mthong zhes pa ni chen po'i 'bring ngo //de nas yang brgya byin zhes pa la sogs pa ste/ theg pa chen po thams cad ni pha rol tu phyin pa rnams kyis rab tu bsdus la/ bcom ldan 'das ma ni de rnams kyi gtso bo dang sngon du 'gro ba'i phyir dang / kun tu sdud pa'i phyir zhes pa 'di la dad pa la sogs pas bla lhag par spyod pa ste/thabs kyis zhes pa la sogs pa ni bstan pa la shes rab kyi pha rol tu phyin pa dang thams cad mkhyen pa nyid du yongs su bsngos pa rnams kyi zhes pa ni bshad pa'o/ /de la pha rol tu phyin pa rnams kyi dpe'i shing de rnams kyi grib ma mnyam du ro gcig pa ni thabs la mkhas pas yongs su ma zin pa rnams kyi dpe la/yon tan chen po dang ldan pa'i phan yon mang po ni rang gi don gyi mos pa rdzogs par byed pa'i phyir la/ gzhal du med pa'i yon tan dang ldan pa ni grangs med cing tshad med pa ni yul te/ rang dang gzhan gyi mos pa la sbyor ba'i phyir ro/ /mu med pa'i yon tan dang ldan pa ni mtha' yas pa'i sems can gyi khams kyi ched du gzhan gyi don gyi mos pa 'byung ba'i phyir zhes pa ni chen po'i chen po'o//rang bzhin yin pa'i phyir shes rab kyi pha rol tu phyin pa'i gang zhig gi yon tan de rnams yongs su bsgrags pa ste le'u bzhi pa'o// //de ltar mos pa nyi shu rtsa bdun sgom pa po'i byang chub sems dpa' rnams kyi spro ba skyes pa'i phyir sangs rgyas la sogs pa rnams kyis go rims ji lta ba bzhin du de nyid la nyi shu rtsa bdun gyi bstod pa la sogs pa gsungs par mdzad de/bstod pas na bstod pa'o/ /bkur bas na bkur ba la/ bsngags pas na bsngags pa zhes pa'i don te/ bstan bcos las/ shes rab pha rol phyin pa yi/ /mos pa'i gnas skabs rnams la ni/ /dgu tshan gsum gyis bstod pa dang / /bkur ba dang ni bsngags par 'dod/ /ces te/ shes rab kyi pha rol tu phyin pa la gang zhig mos pa sngon du bshad pa'i mos pa gsum dgur byas pa de'i yon tan 'byung ba snyed kyi dbye ba rnams kyi gsum po la dgur byas pa rnams la go rims bzhin du bstod pa dang bkur ba dang bsngags par 'dod de/de la gsungs pa ni/ de nas zhes pa la sogs pa ste/ gang zhig lhag par mos zhes pas 'brel te/ji ltar tshul dang ma bral ba zhes bya ba'i bar ro/ /mngon par dad pas zhes pas 'di'i bshad pa ni rab tu rtogs pas zhes pa ste/ 'di nyid kho na la dad par bya zhes pa'i don to/ /bsam pa la la de'i dge ba'i chos rnams 'dir bsam pas bsam pa ste/ chu yi zam pa lta bu'o//de yang dad pa dang 'dun pa dag ste/ lhag par khyad par du 'phags pa'i bsam pa'i lhag pa'i bsam pa des so/ /nyan par byed pa ni don dang gzhung dag go/ /gzung bar byed pa ni rjod par byed pa'o/ /'chang bar byed pa ni sems la gzhag par byed pa la klog par byed pa ni 'don par byed pa'o//kun chub par byed pa ni rnam pa thams cad rtogs par byed pa la/ rab tu 'don par byed pa ni gzhan rnams la kun tu spel bar byed pa'o/ /'di'i rgyas par bshad pa ni gzhan dag la ston par [(]bye [,]byed [)]pa ni gzhung gis smra bar byed pa'i phyir la/ nye bar ston par byed pa ni don no/ / lung 'bogs par ni don smra ba'o/ /kha ton tu byed pa ni shin tu goms par byed pa'i phyir yang nas yang du kha ton byed pas so/ /rgya cher bcas pa ni mang po rnams la kun tu ston pas so/ /yang dag par rab tu ston pa ni bya ba rtag par rab tu ston par byed pas te gzhung gis so/ /rnam par 'grel ba ni rgya chen pos so//yid kyis rjes su rtog pa ni sems kyis rjes su brtags pa las kun tu sbyor bar byas nas lta bar byed pa ste/ zhi gnas skyed par byed pa'o/ /yongs su dpyod par byed pa ni rnam par brtags pa rnams kyis lhag mthong skyed pa'i phyir ro/ /'dis ni spyod pa ston te/ 'di las med pas na chung ngu na zhes pa'o//'chang bar byed pa ni mi 'jigs par byed pa la/ 'jog pa ni rang gi khyim la sogs par te/ bstod pa gsum po rnams kyis zhes pa ste/ tshul dang ma bral bar zhes pa'i bar gyis so/ /'phags pa dam pa rnams kyi lam gyi chos ni dam pa'i chos la/ de yun ring du gnas par byed pa ste/'di ni thun mong gi'o/ /dam pa'i chos zhes pa dang po'i bstod pa ni theg pa thams cad pa'i dbang du byas pa'o/ /sangs rgyas rnams kyi tshul ni rtogs pa ste/ phal che ba can gyi shes rab kyi pha rol tu phyin pa'o/ /de la sangs rgyas kyi tshul rgyun chad par ma gyur cig ces pas 'di gzhag par bya zhes pa'i bstod pa gnyis pa ni sangs rgyas kyi dbang du byas pa'o//tshul dang ma bral bar zhes pa 'di gzhag par bya zhes pa ni bstod pa gsum pa ste/ byang chub sems dpa'i dbang du byas pa'o/ /'dir don chen po dang 'bras bu chen po zhes pa ni don du gnyer ba po 'dis te/ 'di ni bstan pa la gzhan ni bshad pa'o/ /phan yon chen po ni ji skad bshad pa'i phan yon rnams kyis so/ /'bras bu chen po ni rgyun du zhugs pa nyid la sogs pa rnams dang / yang dag par rdzogs pa'i sangs rgyas kyi bar rnams kyi'o/ /rnam par smin pa che ba ni 'phags pa rnam pa thams cad kyi phun sum tshogs pa'i phyir ro//de bzhin du mang po zhes pa la sogs pa ni nye bar bsdu ba'o/ /yongs su mi gtang bar bya ba ni yongs su gzung zhing gtang bar mi bya ba'o/ /bsrung bar bya ba ni me dang byi ba la sogs pa rnams la'o/ /sba bar bya ba ni rkun po la sogs pa rnams la'o/ / ci'i phyir zhe na/ shin tu rnyed par dka' bas so/ /lhag par mos pa ni de bzhin du de ltar sems par byed pa'o/ /bden pa ma yin pa la rab tu 'jug pas ni mos pa brtan par mi 'gyur ro/ /don du gnyer bas don te mchod pa 'dod pas der gnyer ba la shin tu der sbyor bas na 'dun pa'o/ /sbyin par byed pa ni khas len par byed pa'o//gtod pa ni nye bar byed pa la/ 'bul ba la ni len du 'jug par byed pa'o/ /yongs su gtong ba ni yid la gcags pa med pa ste blo ni 'dod pa'o/ /yang dag par rab tu ston par byed pa ni yon tan dang ngo bo nyid la'o/ /sbyin par byed pa ni mchod pa'i phyir la/yang dag par 'byed pa ni dran pas de rnams kyi lhag par ro myang ba'i phyir ro/ /rgya che ba ni yangs pa ste/ des spyod ces pas na yangs pa can no/ /so so rang gi bdag nyid kyis zhes pa ni bstod pa chung ngu'i chung ngu'o/ /gzhan yang zhes pa la sogs pas ni bstod pa chung ngu'i 'bring ngo / / gzhan yang zhes pa la sogs pa ste/ yang dag par len du gzhug pa ni yang dag par 'dzin du gzhug pa'o/ /rab tu gzhog par byed pa ni rim pa las mi 'da' bas so/ /mngon par dad pa ni/ bcom ldan 'das ma'i yon tan la'o/ /gzhan du na ni yang dag pa'i sbyin pa por mi 'gyur ro/ / mngon par dad pa las gzhan du na ni rtag par yang dag par len pa'i snod du mi 'gyur ro/ /snyom las ni ngan la zhen pa ste/ snyom las med pa ni brtson 'grus so/ /'di ni byang chub sems dpa' la bcom ldan 'das ma 'dzin du 'jug pa ni byang chub sgrub pa'i thabs nyid pas so//yang dag par rab tu ston par byed pa ste/ rigs pa rnams kyis so/ /yang dag par 'dzin du 'jug pa ni klog pa dang mchod pa la sogs pa rnams la rab tu gzhug par byed la/ rab tu zhugs pa na gzengs stod par byed pa ste spro bar byed pa'o/ /brtson 'grus rtsom pa rnams la ni bstod pa rnams kyis yang dag par rab tu dga' bar byed pa'o//'jig rten phyin ci log pas de yis mi nus so zhes gsungs pa ni tshig gis mtshon pa ni dad pa can la des mthu dang ldan pa'i ngang nyid du gyur pas so/ /kha phyir phyogs pa rnams la rnam par mtshon pa ste/ lta ba ngan pa rnams la rigs pa rnams kyis gnod par byed pa'i phyir ro//btang snyoms pa la rjes su mtshon pa ste/ rjes su chags par byed pa'i phyir bcom ldan 'das ma de'i yon tan brjod pa'i phyir ro/ /de ltar snod du byas pa la don zhes pa'o/ /rnam par sbyong bar byed pa ni lta ba ngan pa rnams la gnod par byed pa'i phyir ro//'di ltar ni the tshom can rnams the tshom med par byed par 'gyur te/ rigs pa gzhan rnams kyis so/ /slobs shig pa ni bslab pa gsum po rnams kyis slob par byed pa ste/ bsam pas spyad pa ni zhi gnas kyis so/ /'bad pa ni lhag mthong gi sa la sems can gyi khams ni sems can gyi phung po'o//shin tu mthar thug par 'gyur ba'i phyir bla na med pa la/ phung po ni nye bar len pa'i phung po lnga pa ste/ zag pa dang bcas pa rnams so/ /de rnams ma lus par zad par byed pa ni de'i rgyu mtshan gyi mngon par zhen par 'gyur ba'i sgrib pa rnams zad pa'i phyir ro/ / yang dag pa'i mtha'i rab tu dbye ba ni chos kyi dbyings shin tu rnam par dag pa nyid dang ro gcig pa nyid kyis zag pa med pa'i phung po lnga tsam lhag pa nyid do/ /de yis de ltar zhes pa ste/ dge ba bcu la rab tu dgod pa la sogs pa'o zhes pa ni chung ngu'i chen po'o/ /bstod pa lnga po rnams kyi zhog ces pa la sogs pa ni snga ma'i cha la/de ji snyam du sems zhes pa la sogs pa ni phyi ma'i cha ste/ 'di rnams mdo las bshad pa las bsod nams bla lhag pa dang dad pa la sogs pa'i mthu bstan nas bla lhag pa'i cha rkyen gyis bla lhag par spyod pas so/ /rnam grangs kyis ni bye brag gis te/ dngos po gsum gyi mos pas gnas//zhes pa'i don te/ 'di rnams go rims bzhin du 'bring gi chung ngu dang / 'bring gi 'bring dang / 'bring gi chen po dang / chen po'i chung ngu dang / chen po'i 'bring gi bstod pa'o/ /gzhan yang zhes pa la sogs pa lnga dang / zhog ces pa dgu mdo las bshad pas bsod nams bla lhag pa la sogs pa bla lhag pa'i spyod pa ste/snga ma dang phyi ma rnams kyi gzhung ma tshang ba yod na yang bsnan par bya ba'o/ /bsam gtan bzhi la bkod ces pa ni de yang bsam gtan po ni 'dod pa'i nyon mongs pa rnams la mi sbyor zhing / 'dod pa'i dngos po rnams la dmigs pa med pa'i phyir na 'dod pa rnams kyis dben pa la nyon mongs pa dang /'dod pa'i rgyu rnams kyi lus dang ngag dang yid kyi nyes par spyod pa'i mi dge ba rnams dang bral ba'i phyir rnam par rtog pa dang bcas shing rnam par dpyod pa dang bcas pa'o/ /'dod pa'i gnyen por rnam par rtog pa dang rnam par dpyod pa dag dang kun tu sbyor bas 'dod pa'i don grub ste/lus dang sems shin tu sbyangs pas dga' ba dang bde ba dang lhan cig par gyur pa la snyoms par zhugs na so sor nyams su myong bar 'gyur ro/ /gnyis pa ni rnam par rtog pa dang / rnam par dpyod pa dag gis sems bskyod par byed pa dag gi skyon mthong bas de dag las sems rnam par log pa la mnyam par gzhag pa de rnams thams cad nas thams cad du rab tu spangs nas rnam par rtog pa med cing rnam par dpyod pa med pa nyid kyis nang gi bdag nyid rab tu dang ba la sbyor ba can no//gsum pa ni btang snyoms par rigs pa nyid kyis rnam par rtog pa dang rnam par dpyod pa bzhin du dga' ba dang btang snyoms pa'i phyir dran pa dang shes bzhin dang lhan cig pas dga' ba'i go skabs mi phyed nas de gnyis kyis shes rab lan mang du byed pas gzugs kyi lus dang yid dag gis bde ba mya ngan shin tu sbyangs pa la sbyor bas bde ba dang bcas pa'o// bzhi pa la ni bde ba yang med cing sdug bsngal ba yang med la/ bde ba dang sdug bsngal ba'i yid bde ba dang yid mi bde ba dag kyang snga nas spangs pas bsam gtan bzhi pas bde ba yang btang snyoms par dran pa yongs su dag nas de dag gis 'dir shin tu rnam par dag pa thob pas so//de la bsam gtan dang po la yan lag lnga ste/ rnam par rtog pa dang rnam par dpyod pa dag ni gnyen po'i yan lag ste/ de gnyis kyis 'dod pa dang / gnod sems dang / rnam par 'tshe ba dang / rnam par rtog pa dang bcas pa spong ba'i phyir ro/ /dga' ba dang / bde ba ni phan yon gyi yan lag go//sems rtse gcig pa nyid ni de gnyis ka'i rten gyi yan lag ste/ ting nge 'dzin la brten pa'i mthus dge ba la rnam par rtog pa la sogs pa la 'jug pas so/ /gnyis pa la bzhi ste/ /nang rab tu dang ba gnyen po'i yan lag la/ lhag ma'i yan lag ni snga ma bzhin no//gsum pa la lnga ste/ btang snyoms dang / dran pa dang / shes bzhin ni gnyen po'i yan lag la/ bde ba ni phan yon gyi yan lag go/ /rten gyi yan lag ni snga ma bzhin no/ /bzhi pa la yan lag bzhi ste/ btang snyoms yongs su dag pa dang / dran pa yongs su dag pa ni gnyen po'i yan lag la/sdug bsngal med cing bde ba med pas myong ba ni phan yon gyi yan lag go/ /rten gyi yan lag ni gong ma bzhin no/ /de la bsam gtan dang po bsgoms pa chung ngu dang / 'bring dang / chen po'i tshul gyis go rims bzhin du tshangs ris dang / tshangs pa mdun na 'don dang /tshangs pa chen po dang skal ba mnyam par skye bar 'gyur ro/ /gnyis pas ni 'od chung dang / tshad med 'od dang / 'od gsal rnams dang ngo / /gsum pas ni dge chung dang / dge chen dang / tshad med dge rnams so/ /bzhi pas ni sprin med dang / bsod nams 'phel dang / 'bras bu che rnams dang ngo //de lta bu ni bsam gtan bzhi po de rnams la dgod par byed pa'o/ /de'i gong du ni gnas gtsang ma lnga ste/ de rnams su ni 'phags pa kho na skye bar 'gyur ba ste/ 'di ni bkur ba chen po'i chen po'o/ /gzhan yang zhes pa la sogs pa ste/ mchog bsnan pa ni snga ma bzhin la/ tshad med pa ni rnam par bshad zin to//gzugs med pa bzhi nyid ni gzugs med pa rnams la de la sngon po dang ser po la sogs pa gzugs kyis sgrib cing thogs pa na/ 'du shes sna tshogs pa bde bar chags pa rnams la thams cad du nam mkha'i 'du shes bsgoms pas de rnams rnam pa thams cad du snang bar mi 'gyur nas nam mkha' mtha' yas pa nyid do zhes pa ni nam mkha' mtha' yas skye mched la kun tu dmigs pa 'di ni de ltar nam mkha' mtha' yas skye mched las nye bar bskyed nas gnas so//de shes pa gang gis nam mkha' mtha' yas pa'i skye mched la mos pa dang ldan pa de nyid la mtha' yas par mos pas thams cad du nam mkha'i 'du shes las rnam par log nas rnam shes mtha' yas skye mched la'o//rnam shes mtha' yas skye mched las nye bar bskyod nas ci yang med pa'i skye mched la dmigs pas lta bar 'gyur la/ cung zad med ces cung zad med pa nyid la dmigs par byed pa ni cung zad med pa'i skye mched do//ci yang med pa'i 'du shes la yang zhen pa dang bral zhing de las yang rnam par log la cung zad kyi 'du shes ni snga nas nub pas 'du shes med pa la phra mo'i 'du shes ni rab tu 'jug pa nyid de de las 'du shes med pa ste/ gang 'du shes med min gyi skye mched kyi ting nge 'dzin de ni 'du shes med 'du shes med min gyi skye mched de/srid pa'i rtse mo'i snyoms par 'jug pa so sor nyams su myong bar 'gyur ro/ /yan lag gi rnam par gzhag pa ni 'di rnams las gzhan pa'i yan lag gi rnam par gzhag pa yod pa ma yin te/ zhi gnas su ro gcig pa'i phyir ro zhes pa ni bkur ba dang po'o//zhog ces pa la sogs pa dang / re re bzhin pha rol tu phyin pa de ji snyam du sems zhes pa la sogs pa dang bcas pa'i go rims bzhin du chung ngu'i 'bring dang / chung ngu'i chen po dang / 'bring gi chung ngu dang / 'bring gi 'bring dang / 'bring gi chen po bkur ba'o//gzhan yang zhes pa la sogs pa ste/ 'dir rang gis kyang klog pa dang gzhan dag la yang bris nas sbyin par byed pa'i spyod pa bla lhag pa'o zhes pa ni chen po'i chung ngu'i bkur ba'o/ /gzhan yang zhes pa la sogs pa ste/ 'di'i don rnam par 'byed par bya zhes pa la sogs pa ni snga nas bshad zin to//de'i pha rol tu phyin pa la sogs pa rnams ni rgya chen po'i ngo bo las ma dad pa rnams la rab tu dad par byed par 'dod la/ 'dir 'khor gsum mi dmigs pa la sogs pa can ni don dam pa la mngon par dgongs nas gsungs pa ni don la mkhas pa zhes pa la sogs pa ste/don la mkhas pa de nyid kyi don yid la byas nas klog pa'i phyir ro/ /yig 'bru dang bcas pa rnams kyis de nyid kyi don rjod par byed pa ni yi ge rnams so/ /nye bar ston pa ni de'i don mdos yang dag par nges pa'i phyir ro/ /yongs su gsal bar byed pa ni rigs pa rnams kyis zhes pa ni bla lhag pa'i spyod pa zhes bya'o//'dir zhes pa ni brgyad pa la gnas pa la de nas zhes pa ni bdun pa la gnas pa'i phyir ro/ /'di yang nye bar bstan par bya ba'am zhes pa ni mgo smad nas gsol ba 'debs pa'am 'dri ba'o/ /nye bar bstan par mi bya zhes pa ni yongs su mi gsal ba'i phyir zhes pa la dgongs pa'o//rtogs par ma gyur pa ni blo rmongs pa ste/ des lung dang rigs pa dag gis yang dag par zin pa'i gzhan gyi tshig de las mi g.yo ba'i phyir ro/ /de zhes pa ni gang du g.yo ba'o/ /bcos ma ni mi mthun par snang ba la de'i ste/ skye ba'i rnam par bshad pa de gsum gyis de ston pa'i phyir ro/ /de la zhes pa ni de ltar gyur pas so/ /chud zos na mi rung ba ni rdzogs pa'i byang chub kyi lam la nyams par ma gyur pa'o/ /dbang po gzugs can lnga ni lus kyis bsdus pa'i phyir ram/ rdul phra rab bsags pa'i phyir lus rnams so//de ma bsgoms pa'i ni goms par ma byas pas bsdus pa'i mi gang dag de rnams so/ /dbang po ma bsdams pa'i phyir ni tshul khrims ma bsgoms pa'o/ /de la sems ma bsgoms pa ste/ ting nge 'dzin goms par ma byas pa'o/ /de las shes rab ma bsgoms pa ste/ mnyam par gzhag pa'i sems kyis yang dag pa ji lta ba bzhin ma shes pa'o//de la shes rab 'chal ba ste lta ba ngan pa'o/ /des lug ltar lkugs pa dang 'dra ba ste/ gzhan gyis legs par bshad pa rnams la mi nyan pa'i phyir dang / rang gis legs par gsungs pa mi smra ba'i phyir ro//shes rab yongs su nyams pa ni yang dag pa'i lta ba las nyams pa'i phyir ro/ /gzugs mi rtag ces pa ni nye bar mtshon pa ste/ sdug bsngal ba la sogs pa la yang blta bar bya'o/ /theg pa chen po la rtag pa med ces pas mi rtag pa nyid de/ 'di la gsungs pa ni don zhes pa ste/don dam pa ni phung po lnga po rnams stong pa nyid ngo bo nyid med pa'i mtshan nyid kyis so/ /gzhan du theg pa chen po pa rnam par rig par smra ba rnams kyis ni stong pa nyid kyi tshig la phyin ci log la gzhan du rnam par bshad pa'i tshul ni g.yang sa bzhin du yongs su spang bar bya'o/ /des ni yang dag pa'i gsung rab ma rtogs nas de'i sgra don la mngon pa'i nga rgyal gyis dngos po'i ngo bor nye bar rtogs par byed pa'i phyin ci log gis de kho na nyid ston par shes rab kyi pha rol tu phyin pa ltar nye bar ston par 'gyur ro//de ltar bcom ldan 'das kyis rnam par bshad ces pas rang nyid chud gsan zhing gzhan yang 'jig par byed do//chos thams cad ngo bo nyid med par smra bas ni phyin ci ma log pa'i shes rab kyi pha rol tu phyin pa nye bar ston par 'gyur zhes pa ni chen po'i 'bring gi bkur ba'o/ /gzhan yang zhes pa la sogs pa lnga dang zhog ces pa dgu ste/ rgyun du zhugs pa nyid kyi 'bras bu rab tu 'byed ces pa ni rdzogs par byed ces pa ste/chen po'i chen po'i bkur ba'o/ /gzhan yang zhes pa la sogs pa lnga dang zhog ces pa lnga ni chung ngu'i chung ngu'i bsngags pa'o/ /gzhan yang zhes pa la sogs pa lnga dang zhog ces pa lnga ni chung ngu'i 'bring ngo / /gzhan yang zhes pa la sogs pa lnga dang zhog ces pa lnga ni chung ngu'i chen po'o//gzhan yang zhes pa ste rang mngon par byang chub pas sangs rgyas la/ bdag nyid gcig pus so sor sangs rgyas pas rang sangs rgyas so zhes pa ni 'bring gi chung ngu'o/ /zhog ces pa la sogs pa lngas ni 'bring gi 'bring la'o/ /gzhan yang zhes pa la sogs pa ste/kha cig nyid ces pa ni dang po'o/ /nang zhes pa ni gnyis pa'o/ /gang zhig rig ces pa ni gsum pa'o/ /'di dag ces pa ni 'phel ba la sogs pa gyur pa ste/ 'phel ba ni mthong ba'i lam la'o/ /brtan pa ni bsgom pa'i lam la'o/ /yangs pa ni khyad par gyi lam la'o//yongs su rdzogs par 'gyur ba ni de bzhin gshegs pa'i sa la'o/ /'dir zhes pa ni gsum pa'o/ /de ci'i phyir zhes pa ni dang po nas dang gsum pa nas zhes pa ni 'bring gi chen po'o/ /zhog ces pa la sogs pa lngas ni chen po'i chung ngu'o//gzhan yang zhes pa la sogs pa ste/ grangs snga ma'i bsod nams las phyi ma'i bsod nams brgya 'gyur stong 'gyur zhes pa la sogs pa dang bgrang ba ni bcu 'gyur brgya 'gyur zhes pa la sogs pa'o/ /dpe ni gang gA'i klung gi bye ma snyed 'gyur zhes pa la sogs pa ste/ rgyur ni bcur 'gyur te gang gA'i klung brgya'i bye ma snyed ces pa la sogs pa'o//tshad shin tu yang mi srid pa'i phyir la/ de'i don du gang zhig dpe'am/ rgyu dang nye ba na mi 'dug pas de yang byed par sla ba ma yin no zhes pa ni chen po'i 'bring ngo / /zhog ces pa la sogs pas ni chen po'i chen po'i bsngags pa'o//bsod nams kyi rnam grangs ni tha dad pa la de gsal bar byed pa ni de'i le'u lnga pa'o// //chos kyi mchog gi chung ngu'i rnam pa ni yongs su bsngo ba yid la byed pa ste/ de'i dbang du byas pa ni bstan bcos las/ yongs su bsngo ba khyad par can/ /de yi byed pa mchog yin no//de ni dmigs med rnam pa can/ /phyin ci ma log mtshan nyid do/ /dben dang sangs rgyas bsod nams tshogs/ /rang bzhin dran pa'i spyod yul can/ /thabs mkhas mtshan ma med pa dang / /sangs rgyas rjes su yi rang dang / /khams gsum gtogs pa ma yin dang //chung dang 'bring dang chen po'o/ /de bzhin gzhan gyi bsngo ba ste/ /bsod nams cher 'byung bdag nyid do/ /zhes pa ste/ sems can thams cad kyi sbyin pa dang / tshul khrims dang / bsgoms pa las byung ba'i bsod nams pas 'di khyad par du 'phags pas na khyad par can te/ de yang 'dir sems can thams cad dang thun mong du byas nas bla na med pa yang dag par rdzogs pa'i byang chub tu yongs su sngo bar byed de/ de yang mi dmigs pa'i sbyor ba'i sa zhes pa yum chen mo las bshad de/ khyad par des yongs su bsngo ba ni khyad par can gyis yongs su bsngo ba'o/ /de gsungs pa ni de nas yang zhes pa la sogs pa ste/dpa' 'am zhes pa ni byang chub tu sems bskyed pa'i'o/ /ji skad du bshad pas khyad par du gyur pa'i phyir sems dpa' chen po ste/ 'dir yongs su bsngo ba la dmigs pa'i phyir ro zhes pas sems dpa' chen po'i rjes su yi rang ba las byung ba ni dge ba la rjes su yi rang ba ste/de yang 'dir thog mar mi dmigs pas yongs su bsngo ba rgya cher bshad de/ de'i yongs su bsngo ba de dang lhan cig par gyur pa ni mchog ste/ mchog la sogs pa'i 'bras bu'i rgyu yin pa'i phyir te/ de yang gang du go rims ji lta ba bzhin du rab tu dga' ba la sogs pa nas sa bcu gcig gis bsdus pa ste/rang gzhan gyi don phun sum tshogs pa'i rgyu'i phyir ro/ /mi mnyam pa ni sangs rgyas rnams dang ste/ de rnams thun mong ma yin zhing khyad par can no/ /phyis mnyam pa dang mi mnyam pa ni kun tu 'od kyi dang / chos kyi sprin dag ji ltar mnyam ste/mi mnyam par chos mthun pa'i phyir ro/ /sa bcu'i dbang phyug gi byang chub sems dpa' ni sangs rgyas nyid du blta bar bya'o/ /yang dag par rdzogs pa'i sangs rgyas ni ma yin no zhes rab tu gsungs pa'i phyir ro/ /de ltar na mchog la sogs pa'i tshig rnams kyis ni khyad par du bsngo ba'i byed pa gsungs so//de skad ces smras pa dang zhes pa la sogs pa ste/ 'dir phyogs bcu zhes pa ni phyogs bcu'o/ /nam mkha'i khams kyi mchog ni snod kyi 'jig rten te/ thams cad ni phyogs de rnams thams cad la thams cad du song ba ni des khyab pa ste lhug pas zhes pa'i don to//gzhal du med pa la sogs pa rnams ni khyab pa'i phyogs rnams re re zhing mngon par 'brel pa'i don la'o/ /mtha' yas mu med pa ni mtha' yas pa'i yang mtha' yas pa rnams la'o/ /de la phyogs shin tu ring zhing rgyun mi 'chad pas gzhal du med pa rnams so//grangs kyis yongs su chad pa med pas grangs med pa'o/ /phyogs su rgya dang dpangs la tshad med pas tshad med pa rnams so/ /re re zhing bsam par mi nus pa'i phyir bsam gyis mi khyab pa rnams so/ /de rnams rang nyid kyis bsam gyis mi khyab cing rang nyid kyis mthar son pa med pas mtha' yas pa ste/de bzhin du phyogs re re zhing mtha' yas pa'i stong gsum gyi stong chen po ste/ 'jig rten gyi khams rnams kyi phyogs re re zhing stong gsum gyi de'i de bzhin gshegs pa rnams zhes par 'brel to/ /'di yang re re bzhin du stong gsum dang 'brel ba'i don gyis na khyab pa'o//'o na stong gsum po gcig la de bzhin gshegs pa gcig nyid dam zhe na/ gsungs pa ni 'das pa'i dus zhes pa ste/ de la dus gcig tu/ de bzhin gshegs pa gcig ste/ thams cad du ni ma yin no/ /'das pa'i yang dus med de/thog ma med pa'i phyir gzhal du med pa'o/ /de'i 'jig rten gyi khams gcig gi yang 'das pa'i dus kyi gzhal du med pa'i de bzhin gshegs pa rnams te/ dus yun ring por rgyun ma chad pa'i phyir ro/ /de srid du de rnam grangs kyis yongs su mchod pa'i grangs med pa'o//yid kyis chu dang rgyar yangs pas yongs su chod pa med pa'i phyir gzhal du med pa'o/ /gcig cig bsams pas bsam gyis mi khyab pa rnams so/ /gcig cig sems pa la mtha' yas par 'gyur bas mtha' yas pa rnams so/ /nyon mongs pa'i dgra bcom pas dgra bcom pa rnams so//phyin ci ma log par chos thams cad shes pas yang dag par rdzogs pa'i sangs rgyas rnams so/ /srid pa'i lam gyi phyir lam ste ngar 'dzin pa'o/ /'jug pa ni srid pa dang srid pa'i gnas kyi phyir ro/ /spros pa ni dngos po dang dngos po med pa la sogs pa'i brtags pa la srid pa ni 'khor ba'o//de dag tu 'dren pa ni 'dren pa ste/ go rims bzhin du chos su lta ba dang / gang zag tu lta ba ste de dag zad pas ni chad pa'o/ /'ching zhes pa ni yang srid pa med pa ste/ yang 'ching ba'i mya ngan med pas 'ching ba med pa ste/ des 'ching ba yongs su zad pa'o//tsher ma dang 'dra bas tsher ma ste/ lta ba ngan pa la de rnams dkrugs pas na tsher ma bcom pa'o/ /lhag ma ni gleng gzhi'i nang du bshad zin to/ /sems dang po bskyed pa ni sa lta bu ste/ de nas brtsams nas zag pa med pa'i tshul khrims dang / ting nge 'dzin dang shes rab rnams go rims ji lta ba bzhin du tshul khrims kyi phung po dang /ting nge 'dzin gyi phung po dang / shes rab kyi phung po dang / sgrib pa thams cad spangs pa'i rnam par grol ba'i phung po dang rnam par grol ba'i ye shes mngon sum du byed pa'i rnam par grol ba'i ye shes mthong ba'i phung po'o/ /byang chub sems dpa' rnams la ni stobs la sogs pa yod kyang de pha rol tu son pa ma yin pas de rnam par gcad pa'i phyir pha rol tu phyin pa zhes gzung ngo //yongs su shes pa ni zag pa med pa'i lam yang dag par rdzogs pa'i sangs rgyas nyid ni bde ba ste/ nye bar zhi ba'i bde ba'i phyir ro/ /chos thams cad kyi dbang phyug la dbang byed pa ni rdzu 'phrul mngon par 'du byed pa'i bya ba la/sgrib pa med pa ni dag pa'i phyir ro/ /chags pa med pa ni ltos pa med pa'i phyir ro/ /thogs pa med pa ni thams cad du rnam pa thams cad kyi shes bya la rab tu 'jug pa'o/ /dpe med pa ni des rjes su dpag pa la khyad par can gyi dpe med pa'i phyir ro//yongs su ma bcad pas na dpag tu med pa'o/ /khyad par ma lus pa gzhan dang bral ba'i ngo bo 'dzin pa ni mngon sum la/ des de la yongs su gzhal du med pa'o/ /yang dag pa'i shes pa kho na stobs te/ thams cad zil gyis mnan pa'i phyir ro/ / sangs rgyas kyi ye shes kyi stobs ni nus pa tshad med pas rgyun ma chad pa rnam pa thams cad du 'gro ba'i don gyi bya ba la'o/ /stobs rnams kyi nang na gang zhig sangs rgyas rnams kyi ye shes dang gzigs pa ste/ thos pa mngon sum du byas pas so/ /mi 'jigs pa bzhis legs par gang ba ni rtogs pa'i chos rnams thams cad kyis so//don dam par ni yang dag pa'i ye shes rdzogs par byed pas so/ /lan gsum du bzlas shing rnam pa bcu gnyis dang ldan pa ni 'jig rten las 'das pa'i ye shes kyi chos te/ de nyid 'khor lo ste/ lha dang mi rnams la 'khor ba'i phyir ro/ /de'i bskor ba ni phyogs bcur ro//'di'i rgyas par bshad pa ni yan lag dgu rnams kyis te/ de'i chos kyi gsal byed kyi ngag ni chos kyi sgron ma'o/ /de rnams 'dzin pa ni yid la rnam par gzhag pa la de gnyis kyi ngag ni chos kyi rnga'o/ /de rnams yang dag par brdung ba ni gdul bya'i skye bos thos par byed pa'o//de nyid kyi ngag ni chos kyi dung la de gdul bya rnams kyis zhes pa ni rab tu 'bud pa'o/ /chos kyi dung de'i rab tu brjod pa de nyid la dmigs nas/ de don du gnyer ba'i rnam pa yid la byed pa'i sems pa dang bsgom pa dag gis yongs su rdzogs pa'o//bsgoms pa'i stobs las skyes pa de nyid kyis 'jig rten las 'das pa'i ye shes kyi chos kyi ral gris 'debs pa ste/ nyon mongs pa rnams rnam par 'joms pa'o/ /de nyid kyis yang skye bo mang po la rab tu 'jug pa'i chos kyi char des rab tu 'bebs pa'o/ /de nyid sgo glegs med pa'i mchod sbyin gyi phyir mchod sbyin no//chos de'i sbyin pas sems can rnams thams cad tshim par byed pa ni yang dag par 'dzud cing yongs su stobs pa'o/ /btul ba ni dran pa nye bar gzhag pa rnams dang dben pa rnams la rab tu gzhug pa'i phyir ro/ /bslabs pa ni/ yang dag par spong ba rnams dang rdzu 'phrul gyi rkang pa rnams kyi sa la/ mos pa ni dbang po dang stobs rnams kyi mtha' gcig tu nges pa'o/ /nges pa ni mya ngan las 'das par ro/ /yid kyis bsgom pa ni nges par byed pa la/ des ni phan pa ste dang bar bya zhes pa'i don to/ /ma lus par gcig tu bsdus pa ni rjes su yi rang ba ma lus pa zhes pa dang 'brel to//gcig tu ni phung po gcig tu'o/ /gcig tu mngon par bsdus pa zhes pa'i rnam par 'grel pa ni sdom zhes pa'o/ /gzhal ba ni mnyam par gzhag pa'i yid kyis rtogs pa'o/ /mchog ni rab tu 'phags pa'o//ji ltar na tshig bcu gcig ce na/ dmigs pa bcu gcig la/ de rnams ni rab kyi phyir ro/ /de gang du na dbus dang phyogs bcu la yang de bzhin gshegs pa de rnams 'khor dang bcas pa rnams la phul ba'i dge ba'i rtsa ba gang yin pa de la dmigs pa'i phyir de rnams la'o//de la zhes pa la sogs pas rab 'byor gyis 'dri ba ste/ dngos po gang dag ni phyogs bcu'i de bzhin gshegs pa la sogs pa rnams la/ dmigs pa gang dag ni de nyid kyi dge ba'i rtsa ba gang dag go/ /rnam pa gang dag ni tshul khrims dang / ting nge 'dzin gyi phung po la sogs pa rnams kyi de'i sems rjes su yi rang ba'i sems kyi nye bar dmigs par byed pa de dmigs par 'gyur ram mo//mtshan mar byed pa ni rnam par rtog par byed pa ste/ gzhan du na ni rjes su yi rang ba dang yongs su bsngo bar mi sbyor ba'i phyir ro/ /'du shes phyin ci log pa ni yod pa ma yin pa la mtshan mar yod pa nyid du gzung ba'i phyir ro//sems phyin ci log pa ni yod pa ma yin pa la dmigs pas gzung ba'i phyir ro/ /lta ba phyin ci log pa ni yod pa dang bdag tu phyin ci log pa'i yang dag pa ma yin pa'i yul la kun tu 'jug pa'i phyir ro/ /'di rnams bsgrub pa'i phyir 'dod chags kyi dpe ste/rnam par brtags pa ni sgo btags pa'o/ /kun tu brtags pa ni rgyud la yang nas yang du dmigs pa'o/ /de ltar sems pa ni yongs su bsngo ba'i sems la/ chos thams cad ces pa ni 'di'i rgyas par bshad pa'o/ /khams thams cad ces pa ni dngos po la sogs pa rnams kyi rjes su yi rang ba'i sems dang 'brel pa rnams kyis so//sems ni yongs su bsngo ba'i sems la de yang ngo bo nyid med pa'i phyir ro/ /gang du zhes pa ni gang du yongs su bsngo ba nyid du mi 'gyur zhes par dgongs pa'o/ /'gyur zhes pa ni rjes su yi rang ba dang yongs su bsngo bas sogs par 'gyur ba dag gi tsam gzung bas ni rjes su gnas pa rnam par gcod pa'i phyir ro//dad pa ni yid ches pa'o/ /dga' ba ni mos pa'o/ /dang ba ni yid rnyog pa dang bral ba'o/ /gus pa ni 'dud pa'o/ /nye bar brtan pa ni brtan par byas pa'o/ /'gong ba ni zhum pa'o/ /kun tu zhum pa ni the tshom gyis so/ /bag tsha ba ni dub pa'o//'khums par gyur pa ni dub par gyur pas so/ /skrag par rtsom pa ni skrag pa'o/ /tshogs pa'i skrag pa ni kun tu skrag pa'o/ /de'i rgyun ni kun tu skrag pa dang ldan pa'o/ /de ltar zhes pa ni 'gong ba la sogs pa med pa'o/ /gal te zhes pa ni rjes su yi rang ba po'i sems la zad ces pa ni bstan pa'o//lhag ma ni bshad pa ste/ 'gags pa ni rnam par zhig pa'i phyir ro/ /bral ba ni mi gnas pa'i phyir ro/ /rnam par gyur pa ni yang mi skye ba'o/ /gang zhes pa ni de ni ci yang min te/ ngo bo nyid med pa'i phyir ro/ /phrad pa med pa ni dus mnyam du'o/ /sems kyi chos nyid rtag pa ma yin zhe na/gsungs pa/ mi nus zhes te/ de rnams don dam par ni ngo bo nyid med pa'i mtshan nyid kyi 'dus ma byas pa nyid pas yongs su bsngo ba la sbyor ba med pa'i phyir ro/ /legs par yongs su gzung ba ni tshig ma legs pa ma yin par gzung ba la ni legs par yongs su bsngo ba nyid la sbyor ba med pa'i phyir ro//brtsams pa ni dbang du byas pa'o/ /gzhir byas pa ni 'dri ba'i gnas skabs su'o/ /'phags pa byams pas lan gsungs pa ni/ gal te zhes pa la sogs pa ste/ 'di ni gnyi ga 'di'o/ /de ltar zhes pa la ni legs par gzung ba'i phyir la/yongs su bsngo ba ni legs su bsngo ba'o/ /'di ltar yang dag par shes zhes pa ni bstan pa la/ 'di ltar sems zhes pa bshad pa ste/ phyin ci ma log pas yid la bya zhes pa'i don to/ /zad pa ni 'das pa'i phyir la/ zad pa zhes pa la sogs pa rnams kyis ni rnam grangs kyis yid la byed pa'o//mi nus pa ni med pa'i phyir ri bong gi rwa bzhin no/ /de'i chos nyid ces pa ni ngo bo nyid med pa nyid la/ chos zhes pa ni sems las byung ba rnams kyis so/ /dad pa ni sems la sogs pa rnams kyis so/ /chos rnams la ni sangs rgyas kyi chos rnams la'o//gal te zhes pa la sogs pa ni nye bar bsdu ba'o/ /'di ltar zhes pa ni dmigs pa med pa ste/ thams cad du stong pa nyid dang ro gcig par yid la byed pas zhes pa'i don to/ /'dir 'di ni 'phags pa byams pas 'das pa'i sangs rgyas kyi dbang du byas nas gsungs la/ ma 'ongs pa'i dbang du byas nas gsungs pa ni/gzhan yang zhes pa la sogs pa'o/ /da ltar byung ba'i dbang du byas nas gsungs pa ni/ gzhan yang zhes pa la sogs pa ste/ gang phyogs bcu'i 'jig rten gyi khams rnams nas sangs rgyas bcom ldan 'das kyi gdul bya med pas mya ngan las 'das pa bstan pas/de dag gzhan gyis mi mthong ba ni 'das pa'i zhes bya la/ gang mngon par rdzogs par sangs rgyas pa'i don bsgrubs pa rnams myur du mngon par rdzogs par sangs rgyas par 'gyur ba ni ma 'ongs pa zhes bya'o/ /gang yang gdul bar bya ba yod pa rnams kyis mthong bar byed pas bzhugs pa ni da ltar byung ba'o zhes pa ni mi dmigs pa'i yongs su bsngo ba gnyis pa'o//gzhan yang zhes pa la sogs pa ste/ 'dir mdor bsdu na dus gsum gyi sangs rgyas la sogs pa rnams kyi bsod nams la rjes su yi rang ba rnams kyis so/ /dgongs zhes pa ni yang dag par yid la byed pa la/chos de'i zhes pa ni yongs su bsngo bar bya ba'o/ /chos ni zad pa med pa'i bla na med pa yang dag par rdzogs pa'i byang chub shin tu rnam par dag pa'i chos nyid rtogs pa'i mtshan nyid ni yongs su bsngos pa ma yin te phyin ci ma log pas so zhes pa la dgongs pa'o//chos kyis chos la yongs su mi bsngo zhes pa ni chos rnams thams cad kyi ngo bo nyid med pa'i phyir ro/ /de ltar na yang zhes pa dang / de bzhin du yang zhes pas rnam pa gzhan gsungs pa ni/ gal te yang zhes pa la sogs pa dang / 'di zhes pa la sogs pas ni nye bar bsdu ba'o zhes pa ni phyin ci ma log pa'i yongs su bsngo ba ste gsum pa'o//gal te yang zhes pa la sogs pa ste/ bsod nams mngon par 'du byed pa ni bsod nams kyi las la/ 'du shes ni mngon par zhen pa med pa'o/ /dben pa dang zhi ba ni go rims ji lta ba bzhin du rang dang spyi'i mtshan nyid dag gis stong pa'i phyir ro//yang gal te zhes pa la sogs pas de gsungs pa ni/ shes pa dben zhing zhi ba nyid yin pas gal te des dngos po la mngon par zhen par gyur na de'i yang dag par yongs su bsngo bar mi 'gyur ro/ /de ltar zhes pa la sogs pa ni nye bar bsdu ba'o zhes pa ni dben pa'i yongs su bsngo ba gang kho na yang dag pa'i yongs su bsngo ba ste bzhi pa'o//gang yang zhes pa la sogs pas ni rang bzhin dran pa'i spyod yul gyis dran pa ste/ ci 'dra ba nyid ces pa la sogs pas ni brtag pa ste/ ci 'dra ba ni chos kyi dbyings kyi rang bzhin la/ dge ba'i rtsa ba ni rjes su yi rang ba las byung ba'i'o//gang gis yongs su bsngo ba ni sems kyis so/ /de yang ni de gnyi ga'o/ /de'i rigs can ni de nyid kyi rigs te/ gang zhig gi spyi'o/ /de'i mtshan nyid ni gang de nyid kyi spyi'i mtshan nyid do/ /de'i rigs su gtogs pa ni de'i tshogs can no/ /de'i rang bzhin can ni de'i ngo bo nyid do//gal te gang 'dis kyang ngo / /de 'dra ba nyid la sogs pa'i de kho na nyid ma yin pa la mngon par zhen pa na de ltar na yang dag par yongs su bsngos pa ma yin pa'o/ /gang 'das pa zhes pa la sogs pas ni de las gzhan pa'i de kho na nyid ma yin pa'i rnam par rtog pa gsungs pa/ma thob pa ni ma skyes pas so/ /gnas pa mi dmigs zhes pa ni rang bzhin gyis 'jig pa'i phyir dang / don dam par ngo bo nyid kyis stong pa'i phyir ro/ /de'i phyir gsum po med pas na'o/ /de la mtshan ma med pa ni rgyu med pa'i phyir ro/ /rnam pa ni yul med pa'o//de ltar zhes pa'i zad pa nyid la sogs pa ni de kho na nyid pas so/ /mtshan ma can du byed na zhes pa ni nye bar dmigs pa ste/ de ltar na yang dag par yid la byed pa ma yin pa'o/ /de la ni min ces pa'o/ /de ltar na yang ste/ de ltar mtshan ma med pa can du mi byed na yang ngo //de ste zhes pa ni de 'dra ba nyid la sogs pa can gyi mtshan ma med pa nyid dang yul med pa nyid la'o/ /mtshan ma zhes pa ni yang dag pa'i shes pas dmigs pa'o/ /sems pa ni yang dag par yid la byed pa'o/ /mtshan mar mi byed pa ni mngon par zhen par mi byed pa la/ de bzhin du 'dir zhes pa la sogs pa ni nye bar bsdus pa'o/ /de ltar sangs rgyas kyi bsod nams kyi chu bo la gang gis ngo bo nyid kyis chos nyid 'dir dran nas/ rjes su yi rang ba la sogs pa rnams kyis zhes pa ni sangs rgyas kyi bsod nams chu bo'i rang bzhin dran pa'i spyod yul gyis yongs su bsngo ba lnga pa'o//'di ltar zhes pa ni de gnyi ga la de kho na nyid yid la byed cing mtshan mar ni mi byed pa'o/ /'di nyid ces pa ni mdo'i bdag nyid can nyid la'o/ /thos pa dang mi ldan pa ni shes rab kyi pha rol tu phyin pa la'o/ /shes rab kyi pha rol tu phyin pa zhes pa ni gang yongs su bsngo ba de nyid bsod nams kyi bya ba la 'jug pa ni gting dpog par zhes pa ni thabs dang bcas pa'i yongs su bsngo ba ste drug pa'o//de ci'i phyir zhe na zhes pa la sogs pa ste/ 'di de yi zhes pa ni gong du bshad pa gang de la'o/ /bdag gi dngos po ni lus rnams so/ /'du byed de dag ni dge ba'i rtsa ba ste/ 'dir yang de dag dben zhing zhi ba la ngo bo nyid med pa'o zhes pa'i don dang / 'di dang bral ba nye bar thob pa rnams su dmigs par mi 'gyur ro zhes pa'i don to/ /'on kyang zhes pa ni gal te dmigs par mi 'gyur ba de ltar na yang ngo / /yang dag pa ji lta ba bzhin ni phyin ci ma log pas so/ / 'gags pa ni lus la sogs pa'o/ /mtshan mar byed pa ni gzung bar byed pa'o/ /rnam par brtags pa ni mngon par zhen par byed pas so/ /yang dag pa ji lta ba ma yin pa ni rnam par rtog pa'i snang ba la yang dag pa ji lta ba ni 'gags pa la sogs pa'i 'du shes can gyi nye bar dmigs pa'i bdag nyid can 'dir dmigs pa med par bla na med pa yang dag par rdzogs pa'i byang chub tu yongs su bsngo bar byed pa'o//de nyid de'i zhes pa ni shin tu yang zhes pa'i don to/ /de'i shin tu mtshan ma can du byed pas sbyor ba med pa'i phyir ro/ /de yang dug dang bcas pa ni chos kyi de kho na nyid rtogs pa las nyams pa'i mtshan nyid kyis 'chi ba'i rgyu'i phyir ro//zug rngu dang bcas pa ni 'byin dka' ba ste/ 'khor ba'i sdug bsngal gyi rgyu'i phyir ro zhes pa ni mtshan ma med pa'i yongs su bsngo ba ste bdun pa'o/ /'di lta ste dper na zhes pa la sogs pa ste/ bzang po ni kha dog la sogs pa'i rab kyi mthar phyin pa'o//de ltar yang gal te yang 'on kyang de ltar yang gzhan yang zhes pa ni tshig gi rgyan no/ /bsams te zhes pa ni kha dog la sogs pa la chags pas so/ /ro myangs pa ni ro myong bar byed pa ste/ yongs su longs spyod pa'o/ /zhu ba ni tha mar rnam par smin pa'i 'bras bu la'o//log par gzung ba ni log par thos nas so/ /log par rig pa ni log par brtags pas so/ /log par kha ton byas pa ni log par goms par byas pas so/ /legs par gsungs pa ni sangs rgyas kyis gsungs pa'o/ /dug dang bcas pa ni don med par byed pa la zhen pas 'dir dug nyid la/'di zhes pa la sogs pa ni lan no/ /skur pa ni smod pa ste/ yang dag pa ma yin par smra ba des smod pa'i phyir ro/ /sangs rgyas kyi ye shes kyis mkhyen pa dang / sangs rgyas kyi spyan gyis gzigs pa ni yongs su rdzogs pa'i sbyor ba dang rjes dag gi gnas skabs su rgyas pa'i phyir yongs su rdzogs pa la/dngos gzhi'i gnas skabs su yang dag par rab tu 'jug pa'i phyir ro zhes pa ni sangs rgyas kyis rjes su gnang ba'i yongs su bsngo ba ste brgyad pa'o/ /gzhan yang zhes pa la sogs pa ste/ tshul khrims zhes pa la sogs pa ni de bzhin gshegs pa'i tshul khrims la sogs pa'i phung po las ma gtogs pa ni mtha' yas par gyur pa ste/ tshul khrims la sogs pa'i phung po rnams ni stong pa nyid dang ro gcig ces pa la dgongs pa'o/ /yongs su bsngo ba ni yongs su sngo bar byed pa'o//chos ni yang dag par rdzogs pa'i sangs rgyas kyi'o/ /chud ma zos pa ni ma nyams pa la ma gtogs pa ni sangs rgyas kyis rjes su gnang ba'i yongs su bsngo ba'o/ /gang yang chos kyi dbyings su bsngo ba nyid dang / mnyam pa nyid bstan par 'dod nas gsungs pa ni/ de la zhes pa la sogs pa ste/gang zhig 'dir zhes pa yang dag par yongs su bsngos zhes pa dang 'brel la/ 'dis zhes pa ni bshad ma thag pa ste/ ma gtogs par yongs su bsngos pa dang / sangs rgyas kyis gnang bar yongs su bsngos pas so/ /de ltar na zhes pa ni nye bar bsdus pa'o zhes pa ni ma gtogs pa'i yongs su bsngo ba ste dgu pa'o//de nas yang zhes pa la sogs pa ste/ gang zhes pa ni ma gtogs pa kun tu bshad la/ 'di ni zhes pa nas yongs su bsngo bar bya'o zhes pa'i bar gyis ni sangs rgyas kyis rjes su gnang ba'i yongs su bsngo ba'i rgyas par bshad pa'o/ / 'di ni zhes pa ni chos kyi dbyings su yongs su bsngo ba 'di dag gis so/ /mchog la sogs pa nyid ni rab tu dga' ba la sogs pa'i sa bcu gcig pa'i rab tu mthar 'gro ba'i rgyu'i phyir ro/ /'di bshad pa'i bsod nams chen po 'byung ba la gang dad pa la sogs pa sngon du 'gro ba can ni khyad par gyi rgyu'o zhes pa ni bsod nams chen po 'byung ba'i yongs su bsngo ba chung ngu ste bcu pa'o//zhog ces pa la sogs pas 'dir bshad pa'i bla lhag pa'i bsod nams la dad pa la sogs pa sngon du 'gro ba ni khyad par gyi rgyu'o zhes pa ni bsod nams chen po 'byung ba'i 'bring gi yongs su bsngo ba ste bcu gcig pa'o//zhog ces pa la sogs pa ste/ gang yang rab 'byor zhes pa la sogs pas ni bstan pa la/ lhag ma sbyin par byed ces pa'i bar gyis ni bshad pa'o/ /'di rnams kyis zhes pa ni 'chad par 'gyur bas so/ /na ba ni nad pa la/ de'i rkyen ni ched du sman no/ / yo byad ni yongs su gding ba la sogs pa'o/ /bde bar sbyar ba ni rgyu bde ba'i rgyu la de rnams stobs rnams kyis so/ /bde ba la reg pa ni bde ba nyams su myong ba des gang gnas pa ste 'chags pa la sogs pa'o/ /re res zhes pa ni yongs su brtags pa bzung ba ste/ rim gro bya ba nyid du so sor gnas par byas la/de rnams la yang byang chub sems dpa' rim gror byed pa po'i re rer yongs su brtags par byas la so sor gnas par byed pas so/ /rim gror gnas pa gang la zhe na/ rang bzhin yin pa'i phyir sems can de rnams thams cad la'o/ /sbyin par byed pa ni sems can de rnams kyi'o//de ni 'dir dus ring du bsags pa'o/ /de'i gzhi la ni dus ring du bsags pa'o/ /de ltar rgya chen po kun tu sdud pa de srid du rgya chen po skyed par 'gyur ba'o/ /zhog ces pa la sogs pa ste/ sngon gyi ji srid du gang gA'i klung gi bye ma snyed kyi 'jig rten gyi khams kyi byang chub sems dpa'i rim gro pa so sor gang gA'i klung gi bye ma snyed kyi 'jig rten gyi khams kyi sems can rnams kyis de la de srid du rim gro byed la/sems can rnams kyis de la de srid du rim gror bya ba'i byang chub sems dpa' ni so so'i gang gA'i klung gi bye ma snyed kyi 'jig rten gyi khams rnams kyi'o zhes pa'i khyad par ni de ltar bsod nams chen po 'byung ba'i chen po'i yongs su bsngo ba ste bcu gnyis pa'o//chos mchog 'bring gi bye brag gi rjes su yi rang yid la byed pa'i dbang du byas nas bstan bcos las/ thabs dang mi dmigs pa dag gis//dge ba'i rtsa la yi rang ba/ /rjes su yi rang yid byed pa/ /bsgom pa yin par 'dir brjod do/ /zhes te de gsungs pa ni/ de nas yang tshe dang ldan pa zhes pa la sogs pa ste/ ma lus pa ni ma lus par byas pa'o/ /mchog la sogs pa bcu bzhi ni mchog nyid de phyogs bcu dang /dbus dang / dus gsum gyi dge ba la dmigs pa nyid dang rnam pa bcu bzhi yin no/ /tshig bcu gsum yod pa rnams kyis ni phyogs bcu dang dus gsum du phye bas rnam pa bcu gsum nyid do/ /de la dbus kyi phra mo'i dbang du byas nas phyogs kyi rnam par gzhag pa ste/'jig rten gyi khams kyi phyogs gcig la/ yang 'jig rten gyi khams zhes brjod pa'i phyir ro/ /rjes su yi rang ba ni byed pa'i dad pa shin tu gzengs bstod cing rang nyid kyis de thams cad bsgrub pa'i bsam pa shin tu yang byed pas so/ /mi 'dzin pa ni gzung bar bya bar mi snang ba'i phyir ro//rlom sems su mi byed pa ni dngos po nyid mi dmigs pa ste/ rang gi ngo bos mi snang ba'i phyir la/ mi rtog pa ni spyi'i mtshan nyid du'o/ /rnam par mi rtog pa ni khyad par gyi mtshan nyid kyis la/ mi mthong ba ni lta ba la mngon par zhen pa med pa'i phyir ro//yang dag par rjes su mi mthong ba ni yod par mngon par zhen pa med pa'i phyir te/ yang dag pa ma yin pa'i rtogs pas yongs su brtags pas rnam par skyed pa rnams kyis kun tu mthong ba'i phyir ro/ /ma skyes pa ni sa bon med pa'i phyir la/ nges par ma skyes pa ni ma grub pa'o//'ong ba med pa ni ma 'ongs pa'i dus med pa la/ 'gro ba med pa ni 'das pa'i dus so/ /de ltar ji srid du 'gag par yang mi 'gyur zhes pa'i bar ni ngo bo nyid med pa'i phyir ro zhes pa'i gtan tshigs te/ chos nyid kyi ngo bo nyid kyis stong pa nyid do/ /rjes su yi rang ba'i skabs su yang de ltar rjes su yi rang bar bya ba de ltar yongs su bsngo bar bya'o zhes gsungs pas ni nges par yongs su bsngo bar bya ba'i phyir ro//rjes su yi rang ba'i rnam pa las skyes pa'i rjes su yi rang ba po nyid kyi sems ni rjes su yi rang ba dang ldan pa'i bsod nams bya ba'i dngos po zhes brjod do zhes pa ni mi dmigs pa'i rjes su yi rang ba ste dang po'o//gzhan yang zhes pa la sogs pa ste/ rnam par grol ba ni mya ngan las 'das pa ste/ de yang chos kyi dbyings sgrib pa thams cad rnam par dag pa nyid kyi don dam pa de nyid bzhin don dam par rang bzhin gyis yongs su dag pa'i spros pa med pa'i sbyin pa la sogs pa thams cad do zhes pa'i don to//chags pa ni srid pa la de med pa ni chags pa med pa'o/ /srid pa'i rgyu can gyi skye ba med pas ni ma bcings pa la/ de la ma grol ba rnams kyis so/ /yongs su bsngo ba med pa'i tshul gyis zhes pa ni de yang mi dmigs pa'i phyir ro//de ci ltar zhe na/ mi 'pho ba'i ste/ gnas gzhan du 'pho ba med pa yongs su bsngo ba ste/ snga ma 'jig pas sam gzhan skyes pas ma yin pa ste/ chos kyi dbyings las gnas gzhan du 'pho ba dang 'jig pa med pas so/ /yang dag par len pa ni yang dag pa'i bla ma la ste/dus mtshams dang bcas pa yang dag par blangs pa'o/ /khros pa ni smod pa dor ba la rdeg pa ni gdung ba'o/ /spyos pa ni skyon du gyur pa dang ma gyur pa rnams kyis so/ /nga rgyal dang bcas pa ni yod pa las/ thabs ni rnam par grol ba dang 'dra ba ste/des 'di rjes su yi rang ba ni mi dmigs pas so zhes pa ni thabs kyi rjes su yi rang ba ste/ gnyis pa'o/ /yongs su bsngo ba dang rjes su yi rang ba 'di rnams ni 'dun pa la sogs pa rnams la yod mod kyi/ cung zhig 'dir rab dang bcas pas so/ /bcom ldan 'das kyis gzhan du rjes su yi rang ba sngon du 'gro ba yin kyang yongs su bsngo ba ni kha cig gis bdag nyid kyi dge ba mi zad par byed par 'dod nas yongs su bsngo zhing rjes kyi sems kyis yongs su rgyas par byed pa dang /bsod nams rgyas par byed pa dang / ser sna la sogs pa'i sems kyis mi 'dzin pa'i phyir gzhan gyi sbyin pa la sogs pa la rjes su yi rang ba'o//kha cig tu ni de ltar rjes su yi rang ba byas pa de ltar yongs su bsngo bar bya'o zhes pas 'di dag gi rim pa ni nges pa med pa nyid do/ /de'i phyir na mthar rjes su yi rang ba'am yongs su bsngo ba ste/ de'i de dag brjod pa'i le'u ni rjes su yi rang ba dang yongs su bsngo ba'i le'u ste drug pa'o// //'jig rten las 'das pa'i bsgom pa'i lam gyi sgrub pa dang shin tu dag pa zhes pa rnam pa gnyis bstan te/ de la lhan cig skyes pa'i 'dod chags dang / khong khro ba dang / nga rgyal dang /ma rig pa dang / 'jig tshogs la lta ba dang / log par lta ba drug ste/ 'dod pa na spyod pa rnams kyi de nyid la khong khro spangs pas gzugs dang gzugs med pa na spyod pa bcu zhes pa'i nyon mongs pa bcu drug rab tu spong bar 'gyur ba ni bag la nyal las mngon du rgyu ba'i gnod pa can ni med de/sngon nyid du spangs pa'i phyir ro/ /bag la nyal yang rnam pa gnyis te/ gnas dang / bag chags so/ /'dir rten cing 'brel bar 'byung ba las byung ba'i phung po la sogs pa la ngo bo nyid dang bcas par sgro btags pa nyid kyi log par lta ba las rgyu dang 'bras bu med ces pa'i skur pa 'debs pa ni ma yin no//chos mngon pa kun las btus par ni mthar 'dzin par lta ba bshad de/ 'di yang log par lta ba'i bye brag yin pa'i phyir ro/ /de la nyon mongs pa gcig cig chung ngu dang 'bring dang chen po'i bye brag gis dang /chen po'i chen po'i dbye bas rnam pa dgu ste/ 'dod pa'i khams dang bsam gtan bzhi dang gzugs med par gtogs pa nyid kyis brgyad cu rtsa gcig la/ nyon mongs pa'i gnyen pos skyon med par rtsom par bcom zhing skyon dang 'gal ba can ni bsgom pa'i lam ste/bsgom pa bsgom pas lam byed pa nyid kyis so/ /shin tu ba'i bsgom pa'i lam gyi mtha' ni sems bskyed pa gnyis kyi bdag nyid can te/ gang yang chung ngu dang 'bring dang chen po'i rnams la yang chung ngu la sogs par phye bas bye brag brgyad cu rtsa gcig la/ 'dir dang po'i brgyad cu ni gnyen po'i bye brag so sor bar chad med pa dang rnam par grol ba'i lam gyi bdag nyid can rnams te/'dir bar chad med pa nyid kyi lam du byed pa'i phyir zhes pas lam gyi rgyu yin na bar chad med pa'i lam zhes bya la/ de nyid kyis nyon mongs pa mi skye ste/ rang gi skad cig la nus pa med cing mi skye ba nas rnam par grol bar 'gyur zhes pa rnam par grol ba ste/sngon du lam gyis rtogs zhes pas lam zhes bya ba ste/ rnam par grol ba'i lam la rnam par grol ba'i phyir na/ gnyen pos nyon mongs pa skye bar mi 'gyur ba'i ngo bos spong ba'i phyir ro/ /de ltar yang chos mngon pa kun las btus par gnyen po'i bye brag skyes pas nyon mongs pa skye bar mi nus shing /bag chags su bsgrags pa'i gnas ngan len gyi bye brag 'gags pa dus mnyam du snang ba skyes pas mun pa 'gag pa bzhin la/ de ltar yang 'gags pas ma 'ongs pa'i nyon mongs pa mi skye ba'i chos nyid du gnas pa de la yang spangs so zhes bshad do//de'i dang po 'dod pa'i khams kyi rgyu mtshan ni sgrub pa'i bsgom pa'i lam gyi ngo bo rnams kyi sems bskyed pa drug pa la sogs pa'i rang bzhin gyis dri ma med pa la sogs pa'i sa dgu la'o/ /de nas gzugs dang gzugs med pa'i khams kyi bye brag bdun cu rtsa gcig ni khyad par gyi lam gyi bye brag rnam par dag pa'i bsgom pa'i lam gyi ngo bo shin tu rnam par dag pa'i bsgom pa'i lam gyi bdag nyid can zhes brjod do//sgrub pa la ltos nas shin tu rnam par dag pa'i phyir dang / bdun cu rtsa gnyis pa'i rgyu yin pa'i phyir ro//bye brag bdun cu rtsa gnyis pa ni bsgom pa'i lam gyi 'bras bu shin tu ba'i rnam par dag pa'i ngo bo ni lam shes par ma bshad de/ rdzogs pa'i sangs rgyas kyi rnam par dag par thal bar 'gyur ba'i phyir ro/ /de la sgrub pa'i dbang du byas nas bstan bcos las/de yi ngo bo nyid mchog nyid/ /kun la mngon par 'du mi byed/ /chos rnams dmigs pa med par ni/ /gtod par byed pa don chen nyid/ /ces te/ sgrub pa'i yan lag ni rnam pa lnga ste/ de bsgom pa'i lam gyi shes rab kyi pha rol tu phyin pa'i khyad par gyi ngo bo ni thams cad mkhyen pa'i ye shes yongs su rdzogs pa po nyid la sogs pa nas chos kyi 'khor lo bskor ba'i bar te/mchog nyid ni pha rol tu phyin pa drug po rnams kyis mngon par sgrub pa'i chos rnams thams cad la mngon par 'du mi byed pa ste/ nye bar dmigs pa med pas chos rnams thams cad la gtod par mi byed pa ni gtod pa la/chos rnams thams cad la nye bar dmigs pa med pa de ltar rtogs pa thob pas don chen po nyid de 'dir gsungs pa ni/ de nas yang zhes pa la sogs pa ste/ 'dir bsgom pa'i lam ni gzugs la sogs pa phyin ci ma log par mthong ba'i ngo bo nyid kyi rang bzhin gyi shes rab kyi pha rol tu phyin pa ste/ji lta bu zhe na/ gang du thams cad mkhyen pa'i ye shes yongs su rdzogs par 'gyur ba de la brjod do/ /thams cad mkhyen pa nyid ni sgrib pa thams cad bag chags kyi mtshams sbyor ba dang bcas pa spangs pa'i ye shes te/spangs pa phun sum tshogs pa dang lhan cig pas ye shes phun sum tshogs pa zhes pa'i don to/ /'dir der bskyed pa ni snang bar byed pa'o zhes pa ste/ sgrib pa'i mun pa thams cad spangs pa'i phyir snang ba la/ de la bgyid ces pa ni spangs pa phun sum tshogs pas chos thams cad so sor snang ba dang kun tu snang bar des bgyid pa'o zhes pa ni ye shes phun sum tshogs pa'o//phyag bgyi bar 'os pa'i rjes la ni bskor ba yang ngo / /'di ni spangs pa'i tshig gnyis kyis rgyas par bshad de/ gos pa med pa ni sgrib pa'i dri ma thams cad zad pa'i phyir ro/ / 'jig rten thams cad kyis nye bar ma gos pa ni khams gsum pa'i sgrib pa'i bag chags kyi dri ma zad pa'i phyir ro/ /tshig gsum gyis ni ye shes rgyas par bshad de/ chos thams cad don dam par so sor snang bas snang ba ste de byed pa'o/ /rab rib ni mi shes pa ste rab rib de dang bral ba ni ye shes so//khams gsum thams cad ni gang du des don dam par khams gsum pa'i nyon mongs pa dang lta ba'i mun pa rnams so/ /'di thams cad kyis ni rang gi don phun sum tshogs pa gsungs la/ gzhan gyi don phun sum tshogs pa'i dbang du byas nas gsungs pa ni/brten par bgyi ba ni thams cad mkhyen pa'i go 'phang 'dod pa rnams kyis so/ /mchog tu bgyid pa ni gnas te/ rgyun du zhugs pa la sogs pa de rnams kyi thabs so/ /byang chub kyi phyogs ni sum cu rtsa bdun la/ de rnams kyi bde bar bgyid pa ni bgegs sel ba'i phyir ro//'jig rten las 'das pa'i ye shes la snga nas ldongs pa rnams kyi'o/ /'jigs pa dang nye bar 'tshe ba thams cad rab tu spong ba dang snang ba ni 'jig rten las 'das pa nyid kyi bsgom pa'i lam ste/ 'di rnams kyis ni theg pa dman pa can gyi don gsungs nas/byang chub sems dpa' rnams kyi don gyi dbang du byas nas gsungs pa ni spyan lnga zhes pa ni de yang gzhan gyi don gtso bor byed pas des de nyid bsgrub pa la dmigs pa'i dbye ba ste/ lnga ni sha dang / lha dang / shes rab dang / sangs rgyas dang / chos kyi spyan rnams kyis yongs su bskor ba'o//dbyer med pas spyan te/ chos thams cad don dam par mthong ba'i phyir ro/ /mthong ba'i 'ching ba ni rnam pa gsum ste/ de la gti mug ni mi shes pa la mun pa ni mun gnag go/ /rab rib ni mun pa ste/ de la chung dang 'bring dang chen po'i dbye bas gti mug rnam pa gsum zhes pa'i don to//de rnams rnam par 'joms par byed de/ mdor bsdu na rjes kyi gnas skabs su rab rib dang bral bar byed pa ste/ rab rib ni spyi yin pa'i phyir ro/ /chos thams cad ni phung po lnga la de mi byed pa ni don dam par na ngo bo nyid med pa'i phyir de rnams de bzhin nyid dang de rnams ngo bo nyid kyis stong pa nyid kyis bdag nyid can pas mi byed pa ste/de'i thog ma dang tha ma med pa'i phyir ro/ /yang dag pa'i ye shes byed do zhe na ni ste/ ma rig pa'i bag chags la sogs pa dang bcas pa la sogs pa nyid kyis yang dag pa'i ye shes su grub pa yang don dam par rang bzhin dang bral ba'i phyir ro//de ltar ci byed ce na/ lam log pa ni chos rnams las rnam par rtog pa la/ /der ltung ba rnams la lam ste/ chos la bdag med pa'i ye shes la gzhug pa'o/ /gang gi lam la zhe na/ thams cad mkhyen pa'i la'o/ /gang zhig bshad pa'i thams cad mkhyen pa nyid ces pa de ni gzhan gyi don du yang gsungs pa ni/thams cad ces pa la sogs pa ste/ gang gi phyir bag chags kyi mtshams sbyor ba rab tu spangs pa de'i de 'dir thams cad mkhyen pa nyid ces pa'i don to/ /skye ba med pa can ni rnam par byang ba rnams la 'gag pa med pa kun nas nyon mongs pa med pa rnams so//gang yang seng ge bzang pos snang bar byed pa zhes pa la sogs pa'i tshig rnams go rims ji bzhin du drod la sogs pa bzhi dang / mthong ba'i lam gyi skad cig ma bcu drug rnams kyi dang / bsgom pa'i lam zag pa dang bcas pa rnams su don dam par gzhag pa ni mi rigs te/sgrub pa'i bsgom pa'i lam zag pa med par gsungs te/ de'i ngo bo nyid kho na nyid shes rab kyi pha rol tu phyin pa 'dir bsgrub par bya ba ni drod la sogs pa'i gnas skabs su ji ltar rigs la/ gang yang bshad pa'i sdug bsngal la chos shes pa'i bzod pa la rang gis mthong bas spang bar bya ba'i khams gsum pa'i nyon mongs pa spangs pas khams gsum thams cad kyi rab rib dang bral bar byed ces pa ni de ni shin tu yang ngo mtshar bar byed pa ste/sdug bsngal la chos shes pa'i bzod pas ni 'dod pa'i khams kyi nyon mongs pa spong bar 'gyur la/gzugs dang gzugs med pa'i ni sdug bsngal la rjes su shes pa'i bzod pa nyid kyis so zhes pa'i sngon gyi slob dpon rnams kyis bsgrubs pa 'di dang yang ji ltar mi 'gal la/ de bzhin du snga ma dang phyi mar bcom ldan 'das ma'i gsung rab la rnam par bshad pa'i tshul nyes pa mang po rnams ni gzhung mangs kyis dogs pas bdag cag gis ma spros te/legs par shes pa rnams kyis ni rnam par shes par byas la rang nyid kyis 'dor ba nyid do/ /ma skyes pa dang ma 'gags pa ni don dam par stong pa nyid kyis ngo bo dang bral ba'i phyir na gong du gsungs pa ste/ rang gi mtshan nyid stong pa nyid ces pas so/ /kun rdzob kyi ngo bo nyid rten cing 'brel bar 'byung ba'i chos rnams kyi 'jig rten dang 'jig rten las 'das pa rnams la ni skyed pa po la sogs par 'gal ba med de/ de'i phyir gsungs pa ni/ yum zhes pa la sogs pa ste/ yum ni skyed pa po ste/sangs rgyas kyi chos thams cad nyid kyi rin po che de rnams la sbyin pa po'i phyir ro/ /de las gzhan pa nyid kyi tshogs pa'i rgyu'i gnas skabs ni byang chub sems dpa' rnams kyi lus la de'i sbyin pas skyed pa po'o/ /sangs rgyas su gzung bas sangs rgyas kyi yum du don gyis rtogs par bya'o//de bzhin gshegs pa'i stobs bcu ni gnas dang gnas ma yin pa mkhyen pa'i stobs dang / las kyi rnam par smin pa mkhyen pa'i stobs dang / khams sna tshogs mkhyen pa'i stobs dang / mos pa sna tshogs mkhyen pa'i stobs dang / dbang po mchog dang mchog ma yin pa mkhyen pa'i stobs dang /thams cad du 'gro ba'i lam mkhyen pa'i stobs dang / bsam gtan dang rnam par thar pa dang ting nge 'dzin dang snyoms par 'jug pa dang kun nas nyon mongs dang rnam par byang ba las ldang ba mkhyen pa'i stobs dang / sngon gyi gnas rjes su dran pa mkhyen pa'i stobs dang /'chi 'pho dang / skye ba shes pa'i stobs dang / zag pa zad pa mkhyen pa'i stobs so/ /de la srid pa dang mi srid pa ni gnas dang gnas ma yin pa ste/ de ni 'di lta ste ngan du spyod pa can rnams la mi 'dod pa'i rnam par smin pa ni gnas yin la/ 'dod pa ni gnas ma yin zhing /las dang rnam par smin pa yang ngo / /khams sna tshogs pa ni bsod nams dang / bsod nams ma yin pa dang / mi g.yo ba dang / lhag pa'i bsam pa ste/ gzugs dang gzugs med pa'i las dang rab tu ldan pa'i bsod nams ni mi g.yo ba'o/ /mos pa sna tshogs pa ni 'dod chags dang zhe sdang la sogs pa rnams la gnas pa rnams kyi zhe sdang dang 'dod chags la sogs pa la dga' ba'o//dbang po ni dad pa dang / brtson 'grus dang / dran pa dang / ting nge 'dzin dang shes rab la/ de rnams mchog dang mchog ma yin pa'i chung ngu dang 'bring dang chen po nyid de/'di ni dbang po dman pa'o/ /'di ni 'bring ngo zhes pa la sogs pa'o/ /thams cad du 'gro ba'i lam ni 'dod chags kyi gnyen po'i lam ni 'di'o/ /'di ni zhe sdang gi zhes pa la sogs pa'o/ /bsam gtan bzhi dang / rnam par thar pa brgyad dang / ting nge 'dzin gsum ste/rnam par rtog pa dang / dpyod pa dang bcas pa dang / rnam par rtog pa med pa la dpyod pa tsam po dang / rnam par rtog pa med cing rnam par dpyod pa med pa rnams dang / gzugs med pa'i snyoms par 'jug pa bzhi dang / mthar gyis gnas pa'i snyoms par 'jug pa dgu dang /kun nas nyon mongs pa la sogs pa can no/ /de la kun nas nyon mongs pa ni ro myang ba la sogs pas so/ /rnam par byang ba ni nye bar mi dmigs pa la sogs pa ste/ rnam par ldang ba ni seng ge rnam par bsgyings pas sam thod rgal gyis so/ /sngon gyi gnas ni sngon gyi skye ba ste/de rjes su dran pa'o/ /'chi 'pho ba dang skye ba dag ni sems can rnams kyi 'chi ba dang skye ba'o/ /zag pa ni nyon mongs pa rnams la/ de rnams gang de zad pa dang lam gang zhig gis zad pa de gnyi ga'i zag pa zad pa'o/ /gnas dang gnas ma yin pa 'di rnams la thams cad nas thams cad du yang dag pa'i shes pa de nyid stobs te/cig shos kyis mi thub pa'i phyir dang / de rnams zil gyis mnan pa'i phyir ro/ /mi thub ces pa ni zil gyis mnan par mi nus pa'o/ /seng ge bzhin du shin tu dogs pa med cing rigs par smra ba la mi 'jigs pa ste/de'i mi 'jigs pa ni rnam pa bzhi ste/ mngon par byang chub pa la mi 'jigs pa dang / zag pa zad pa la mi 'jigs pa dang bar du gcod pa'i chos la mi 'jigs pa dang / nges par 'byung ba'i chos la mi 'jigs pa rnams so/ /mngon par byang chub pa ni de bzhin gshegs pa'i ye shes phun sum tshogs pa'o//zag pa zad pa ni spangs pa phun sum tshogs pa ste/ gnyi ga yang rang gi don to/ /bar du gcod pa'i chos ni mya ngan las 'das pa'i chos kyi bgegs la/ nges par 'byung ba'i chos ni mya ngan 'das pa thob par byed pa ste/ de gnyi ga la yang gzhan gyi don te/gzhan rnams la de bshad pas de rnams la mi 'jigs pa ste/ de'i dam bcas pa rab tu gnas pa nyid ces pa'i don to/ /mgon med pa ni skyabs med pa ste de rnams kyi mgon dang skyabs ni sangs rgyas bcom ldan 'das te/ de'i bgyid pa ni 'dis thams cad mkhyen pa'i ye shes yongs su rdzogs pa ste/rnam pa dgu zhes pa dang ldan pa'o/ /'di nyid thams cad mkhyen pa nyid ces pas mthu dang ldan par 'dod nas gsungs pa ni/ 'khor ba zhes pa la sogs pa ste/ 'khor ba ni zag pa dang bcas pa'i phung po lnga rnams la/ de'i gnyen po 'joms par byed pa po ni chos kyi dbyings de'i 'joms par byed pa po ste/de gsungs pa ni/ ther zug ces pa ste/ chos kyi dbyings ni ther zug par gnas pa ste/ thog ma dang tha mar ro gcig pa'i ngo bo'i phyir ro/ /de yang gnyen por gyur na ni gdod nas de nyid pas 'khor bar mi 'gyur te/shes rab kyi pha rol tu phyin pa la thog mar blo dang ldan pas gong nas gong du khyad par du 'gro bar byed pa'i lam zhes pa ste/ de nyid de'i gnyen po ste/ 'dis ni spangs pa phun sum tshogs pa gsungs la/ ye shes phun sum tshogs pa gsungs pa ni chos thams cad ces pa ste/chos rnams thams cad kyi ngo bo nyid ni ngo bo nyid med pa nyid de/ de'i khyad par ni ston pa po ste/ rang dang gzhan rnams la'o/ /gzhan gyi don du ni yongs su rdzogs pa ste/ gcig gis kyang ma rdzogs pa med pa'i phyir ro/ /lan gsum du bzlas pa rnam pa bcu gnyis dang ldan pa'i chos kyi 'khor lo ni chos bstan pa la de nyid 'khor lo ste/gdul bya'i rgyud la 'khor ba'i phyir ro/ /de'i skor ba po ni sangs rgyas rnams te/ de nyid des bskor ba'i phyir ro/ /de la chos kyi 'khor lo bden pa bzhi la lan gsum du bzlas pa ni 'di ni sdug bsngal lo/ /'di ni sdug bsngal kun 'byung ba'o//'di ni sdug bsngal 'gog pa'o/ /'di ni sdug bsngal 'gog par 'gro ba'i lam mo zhes pa ni bden pa bzhi'i ngo bo'i le'u dang po'o/ /de nyid la go rims bzhin du yongs su shes par bya ba dang / yongs su spang bar bya ba dang / mngon sum du bya ba dang / bsgom par bya ba nyid ni le'u gnyis pa'o//de'i de nyid la bdag nyid kyis yongs su shes pa dang / spangs pa dang / mngon sum du byas pa dang bsgom pa nyid ni le'u gsum pa ste/ 'di ni rnam pa bcu gnyis so/ /kun rdzob tu mo gsham gyi rang gi skad cig skye ba nyid ni rgyun 'gags pa ni mes grang ba 'gags pa bzhin du shes rab kyi pha rol tu phyin pa nyid kyis log pa'i shes pa 'gag par 'gyur ba ni sngon nas 'byung bar 'gyur ba'i yang dag pa'i shes pa de'i rgyu can des 'gags pa ste/kun rdzob tu ni ci yang med pa nyid du mi sbyor bas byang chub kyi sems nyid kyis ji ltar rigs par 'gog pa'i yang dag pa'i shes pa ni bsgom pa'i lam gyi ngo bo'o//mchog nyid gsungs pa ni ji ltar zhes pa la sogs pa ste/ gnas par bgyi ba ni gnas par byas shing mchod pa rnams kyis so/ /yid la bgyi ba ni yon tan rjes su dran pa rnams kyis so/ /phyag 'tshal bar bgyi ba ni lus ngag yid gsum gyis so//ci'i phyir 'di ni gnas skabs la 'dri ba'i rgyu ni bcom ldan 'das ma mchog nyid du'o/ /yongs su 'dren pa med pa ni yongs su 'dren pa dang bral ba'o/ /skal ba med pa ni bskor bar mi nus pa la dmus long du gyur pa ni dmus long dang 'dra ba'o zhes pa ni mchog nyid do//de nas yang zhes pa la sogs pa ste/ shes rab kyi pha rol tu phyin pa ni bsgom pa'i lam mo/ /gang zhig phung po lnga rnams kyi chos rnams thams cad ji srid du mngon par 'du mi byed cing nye bar mi dmigs pa de nyid 'di'i sgrub pa yongs su rdzogs par byed pa'o//de skad ces bka' stsal pa zhes pa la sogs pa ste/ chos gang zhes pa ni zag pa med pa'o/ /chos gang yang gtod par mi byed ces pa ni chos rnams la gtod par byed pa yang nye bar mi dmigs zhes pa'i gtod pa'o/ /de nas yang zhes pa la sogs pa ste/ming ni 'du shes la mngon par 'du byed pa ni brtags pas so/ /ji ltar gtod par mi byed ces pa ni chos rnams la gtod par mi byed pa'i rnam par rtog pa med pa'i phyir ro/ /de ltar zhes pa ni rnam par rtog pa med pas so/ /ci yang med ces pa ni chos rnams la skye ba la sogs pa rnams su yang rnam par rtog pa med pas so zhes pa la dgongs pa'o//nye bar zhes pa ni skye ba med cing 'gag pa yang med ces pa'i don to/ /'dir nye bar mi gnas pa ni cung zad byed pa med pa'i phyir ro/ /de ltar yang zhes pa ni thams cad mkhyen pa la gtod par byed pa po nyid kyang ngo //ring du byed par 'gyur zhes pa ni mngon du byed pa med pa'i phyir la/ gsog tu bgyid pa ni mngon du gyur pa'i ye shes kyi mtshan nyid med pa'i phyir ro/ /gsob tu bgyid pa ni de'i 'bras bu med pa'i phyir ro/ /mi bgyid ces pa ni skye bar 'gyur bar mi byed pa'o/ /yod pa ni 'di dag nyid kyi rnam grangs dag gi don ji lta bar khyod kyis gsungs pa'o//yongs su gsal bar ma byas pa ni bstan pa ste/ gzugs gsal bar ma byas zhes pa nas ji srid du sangs rgyas nyid ces pa'i bar ni chos gang yang med ces pa'i don to/ /de'i phyir chos gang yang ma mthong ba ste/ ring du byed ces pa la sogs pa can la/ chen por mi bgyid ces pa la sogs pa ni chos rnams thams cad kyi ngo bo nyid med pa'i phyir ro/ /sdud par mi byed g.yeng bar mi byed ces pa ni gnyis su med pa'i phyir ro/ /de ltar yang don chen por yang ngo / /rgyu mthun pa ni de'i rjes su gyur pa'i nges pas so//sems can ni phung po lnga'i bdag nyid can la/ gang zag gam rdzas kyang de bzhin no/ /ngo bo nyid ni/ mtshan nyid la skye bar ni skyed pa ste/ de dag dang bral ba nyid do/ /'di'i rgyas par bshad pa ni sems can ngo bo nyid med pa la sogs pa ste/ dben pa ni stong pa nyid la bsam gyis mi khyab pas dmigs su med pa'o//mngon par byang ma chub pa ni mngon sum gyi bya ba de la med pas so/ /yang dag pa ji lta ba ni yang dag pa'i don des ma bzung bas so/ /stobs yang dag par sgrub pa ni stobs rdzogs par byed pa cung zad med do/ /de ltar de bzhin gshegs pa ni shes rab kyi pha rol tu phyin pa zab mo 'di la zhes pa ni don chen po nyid do//sgrub pa'i yan lag drug pa dang bdun pa la yang mos pa'i rgyu dang spong ba'i rgyu yod de/ de'i dbang du byas nas bstan bcos las/ sangs rgyas bsten dang sbyin sogs dang / /thabs la mkhas pa gang yin pa//'di la mos pa'i rgyu dag yin/ /chos kyis phongs pa'i rgyu dag ni/ /bdud kyi thibs kyis non pa dang / /zab mo'i chos la ma mos dang / /phung po la sogs mngon zhen dang / /sdig pa'i grogs pos zin pa'o/ /zhes pa ste/ mos pa ni bsgom pa'i lam 'di lta ste/ de gsungs pa ni de nas yang zhes pa la sogs pa ste/mos zhes pa ni nges pa'i dngos po nyid las gzhan ma yin zhes rtogs par byed cing mos par byed par 'gyur ba ste/ de'i bshad pa ni mi bgyid ces pa la sogs pa ste/ nem nur ni gnod pa la/ the tshom ni som nyi'o/ /rmongs pa ni sgrub pa dang mi ldan pas so//rmongs par 'gyur zhes pa ni rmongs par byed par 'gyur ba'o/ /don dang zhes pa ni mngon par rtogs pa brgyad po rnams kyis so/ /don gyi tshul zhes pa ni ji ltar rang gis sems bskyed pa dang / gdams ngag ces pa la sogs pa de rnams kyi dngos po rnams kyis so//chos nyid ni ming dang tshig dang yi ge 'di rnams kyis la/ chos kyi tshul ni bsdus pa dang rgyas pa la sogs pa rnams kyis so/ /rjes su rtogs par 'gyur ba ni rjes su 'brang ba'i phyir ro/ /rjes su 'tshal bar 'gyur ba ni de bzhin du shes pas so//rjes su rtogs par 'gyur ba ni de ltar gzhan nyid do/ /de ci'i phyir zhes pa ni gang du rtags kyis te/ rtags gsungs pa ni ji srid ces pa ste/ yun ring por spyod pa ni pha rol tu phyin pa rnams la'o/ /tshul khrims bsrungs pa ni 'dis tshul khrims te/ yun ring por spyod pa can no zhes pa ni sangs rgyas bsten pa dang /sbyin pa la sogs pa'i spyod pa'o/ /de nas zhes pa la sogs pa ste/ nus zhes pa ni gang gis gang la'o/ /nyan par 'dod pa ni sgra la'o/ /rtogs pa ni don la'o/ /bsam pa ni dus gzhan du dran par ro/ /bskyed pa ni bsam pa'i dus su'o//nye bar gzung ba ni bsgom pa'i dus su sems pas brtan par byed pa'i phyir ro/ /'di ni snang bar byed pa'o/ /'di dang 'di la zhes pa ni so sor snang bar byed pa'i rten rnams la'o/ /'di ltar zhes pa ni snang bar byed pas la/ rnam pa ni mtshan nyid kyis te/ dper na ba lang gi og shal la sogs pa nyid kyis so//rtags kyis ni bcos mas te/ dper na ba lang gi dril bu la sogs pa bzhin la/ mtshan ma ni rang bzhin gyi mtshan ma ste/ dper na ba lang dkar po nyid la sogs pa bzhin no/ /bstan pa ni gzhan la'o/ /mnyan par byed pa ni gzhan las so//phung po ni phung po la sogs pa rnams kyis so/ /chos rnams thams cad la phung po la sogs pa rnams kyis rang gi mtshan nyid kyis stong pa'i phyir ni chos thams cad dben pa nyid la rgyu dang 'bras bu ni thog ma dang tha ma gnyis dang bral bas ni shin tu dben pa nyid do/ /gzhan ma med ces pa ni gzhan gang na yang ngo //ci'i phyir na skye ba'i rgyu dang bral ba nyid kyis stong pa la rang gi ngo bo dang bral ba'i phyir dben pa'o/ /'bras bu'i nus pa dang bral bas zhi ba'o/ /de ltar na zhes pa la sogs pa ni nye bar bsdus pa'o/ /gang dmigs su med pa zhes pa ni don dam par la kun rdzob tu ni nye bar dmigs pa ste/dmigs pa med pa tsam po ma yin zhes pa ni thabs la mkhas pa'o/ /chos kyis phongs pa ni phun sum tshogs pa dang bral ba nas yun ring por ngan 'gror gnas pas des nyan pa la sogs pa med pa ste/ de'i rgyu ni dam pa'i chos spong ba la de nyid ni chos kyis phongs pa dang mthun par 'gyur ba'i las te/des rgyu'i bya ba byas pa'i phyir ro/ /de'i gnas skabs ni de ltar gnas brtan zhes pa la sogs pa ste/ shes rab kyi pha rol tu phyin pa la zhes pa 'dir bsgom pa'i lam la'o/ /rnal 'byor ni yang dag par len pas na/ rnam par phye ste zhes pa ni kha cig ni yun ring por spyod pa yin la/kha cig ni min zhes pa ste/ de ji ltar zhe na/ dad pa la sogs pa'i dbang po rnams kyi tshod kyis sna tshogs pa nyid de gsungs pa ni bsnyen bkur byed pa mi 'gyur zhes pa dang 'brel to/ /sangs rgyas rnams la bsnyen bkur ma byas pa dang / yongs su ma dris pa ni dad pa dang bral bas so/ /byas pa ni lan cig byas pas so/ /bsags pa ni yang yang byed pa'o/ /kun nas bsags pa ni yongs su rdzogs pa'o/ /nye bar bsags pa ni rnam par smin pa ster ba'i nus pa thob pa'o/ /lus kyis tshogs pa ni nyan du 'ong ba'o/ / sems kyis ni rnam par g.yeng ba med pa'o/ /ngag gis ni skabs su bab pa mi smra ba'o/ /mi sbyin pa ni yang dag par ma nyan pa'o/ /mi shes pa ni gzhung la/ mi mthong ba ni don no/ /khong du mi chud pa ni bden pa gnyis kyi bdag nyid kyis la/ rig par mi byed pa ni phyin ci log tu rtogs pas so//spong bar 'gyur ba ni yid kyis btang bas so/ /skur pa ni ngag gis so/ /khro ba ni smod pa la/ nye bar bcos pa ni sun 'byin pa nyid do/ /bsregs pa ni mi dge ba rnams kyis dge ba'i rtsa ba bsregs pa'i phyir la/ 'dun pa ni dbang gi dngos po'o/ /phyir bzlog pa ni 'dun pa las so//'bral bar byed pa ni 'dis 'dun pa dang bral bar gyur pas bral bar byed pa'i phyir ro/ /mi 'jug par byed pa ni yid kyis gtong bar byed pa'i phyir ro/ /ldog par byed pa ni slar mi 'dzin par byed pa'i phyir ro/ /'di rnams kyis ni spong bar smra ste/ spong bar smra ba ni 'di la bslab par mi bya zhes pa la sogs pa'o//khro bar smra ba ni 'di ni sangs rgyas kyi gsung ma yin zhes pa'o/ /de ltar ni dang po'i stobs rnams bcom pa'i sems rmongs pas rtogs na sha khon du 'gyur ba ste/ gang gi phyir mdo sde la 'jug pa 'dul ba la snang ba chos nyid dang mi 'gal ba de ni sangs rgyas kyi gsung la/theg pa chen po'i shes rab kyi pha rol tu phyin pa la sogs pa ni mdo sde la/ byang chub sems dpa'i sde snod la sogs pa ni 'dul ba ste/ chos nyid ni khyad par du gyur pas bshad pa ni theg pa dman pa la ni theg pa chen po'i yon tan gyi tshogs med pa nyid de/khron pa la sogs pa la rgal ba med pa'i phyir dang / rgya mtsho chen po rnams kyi nang du ma song ba'i phyir na chu'i rten du ma gyur ces pa ste/ 'dir mang du brjod pa ni dgos pa med pa nyid do/ /byol song ni yongs su btang ba ste/ phyi rol du 'gyur zhes pa dang don gcig go//thams cad nas ni ji ltar gyur pa de ltar na/ thams cad kyi ni yan lag gis so/ /thams cad ni ji ltar 'gyur ba de thams cad kyis te/ bye brag rnams kyis so/ /las mngon par 'du byed pa ni las kyi bya ba'o/ /nye bar gnas pa ni byas pa'o/ /kun nas bslang ba ni nye bar bsags pa'o//'jig pa ni bshig pa ste/ gang gis mes zad par byed pa de ni mes 'jig pa'o/ /'dor bar 'gyur ba ni srid pa bar ma'i lus kyis so/ /ltung bar 'gyur ba ni skye ba'i lus kyis te/ rgyud mnyam du yang sdug bsngal mang po rnams des gang gi phyir de ltar myong bar 'gyur ba'o//ma bsad pa dang / pha bsad pa dang / dgra bcom pa bsad pa dang / dge 'dun gyi dbyen byas pa dang / de bzhin gshegs pa la ngan sems kyis khrag phyung ba zhes pa ni mtshams med pa lnga'i las te/ bar mtshams med par mnar med par skye ba'i rgyu'i phyir ro//mtshams med pa'i rgyu dang 'bras bu rnams dang 'dra ba med pas go rims ji lta ba bzhin du gzugs brnyan du yang ngam/ rjes su mthun pa'am tshul mthun pa tsam yang ma yin zhes pa ste/ gzugs brnyan la sogs pa'i tshig gsum ni don mthun pa'i shes pa ni gzhan dag gi'o/ / rnyed pa dang bkur sti ni de nyid las te/ ci'i phyir na de la lta bar yang ngo / /so rtsi'i lo ma'i 'dab ma rul ba ni/ de ma bor na gzhan rnams kyang 'jig par byed pa'o/ /so rtsi'i lo ma bzhin du rigs su skyes pa 'di rnams de bzhin no/ /nag po ni rtswa'i bye brag la sred ni rab tu grags pa ste/ zhing la ma bsal na zhing 'jig par byed pa'o//nag po'ang srin bu zhes pa kha cig ste/ nag po rang bzhin gyi rigs las skyes pa 'di rnams kyang de bzhin no/ /nag po la ni reg nas so ma btab kyang dug dang bcas par 'gyur te/ 'di nyid kyis na de dag las nyan pa dang / dad pa la sogs pa rnams lam ma yin pas phongs shing dmyal ba la sogs pa'i sdug bsngal gyis te/sdug cing drag la gnod pa chen pos so/ /snang bar byas pa ni rang bzhin gyi las kyi rnam par smin pa shes par ro/ /dkar po'i skal ba ni dge ba'i skal ba'o/ /de dang ldan par ni yang dag par skyed pa'o//sbyor ba zhes pa ni chos kyis phongs pas so/ /bdud kyis byin gyis brlabs pa zhes pa la sogs pa ni bdud kyis byin gyis brlabs pa gsungs la/ chos zab mo la mi mos pas de la dad pa dang dang ba med par gsungs so/ /gzhan yang zhes pa la sogs pa rgyu rnam pa bzhi gsungs pa ni/bdag la bstod pa dang gzhan la smod pa nyes pa'i skabs tshol bar 'gyur zhes pa ni phung po gcig la/ bstan bcos su ni de'i 'dir chos kyis phongs pa'i rgyu drug gsungs pa la mdor bsdus nas bzhi ste/ lhag ma rnams ni phung po la sogs par mngon par zhen pa'i nang du bsdus pa'i phyir te/bdag la bstod pa la sogs pa rnams kyis phung po la sogs pa la mngon par zhen pa'o/ /sgrub pa'i le'u 'dir yan lag bdun gyis sgrub pa gsal bar byas pa'i phyir ro/ /de ltar na yang ngan 'gro'i gzhung mang ba'i phyir dmyal ba'i le'u brjod pa ste bdun pa'o// //dag pa brjod par bya ste/ de ni mos par dka' ba nyid pas de gsungs pa ni/ de nas zhes pa la sogs pa ste/ don du mi gnyer ba ni 'dun pa dman pas so/ /nye bar bstan pa ni bgegs kyis so/ /legs par mi nyan pa la sogs pa ni dge ba'i bshes gnyen rnams la'o//ji tsam du zab pa zhes pa ni ming tsam du zab pas mos par dka' ba la/ gzugs la sogs pa'i sngon gyi mtha' la sogs pa la yang ma bcings ma grol ba ste/ dus gsum gyi ngo bo nyid med pa'i phyir ro/ / mchog tu mos par dka' ba ni mchog tu zab pa'i phyir ro/ /snga nas rab tu 'jug pa ni 'ching ba la snga nas dag pa'i phyir de ldog pa'i thar pa ste/ dag pa zhes rab tu grags pa'o/ /'dir yang bcings pa dang / grol ba dag ni shin tu med cing dag pa zhes pa ni mchog tu zab pa'o/ /rnam par dag pa'i mtshan nyid ni bstan bcos las/'bras bu dag pa gzugs la sogs/ /dag pa nyid de gang gi phyir/ /de gnyis tha dad ma yin zhing / /bcad du med pas dag par brjod/ /ces te/ 'bras bu dag pa ni bsgrub par bya ba ste/ de yang gzugs la sogs pa'i dag pa nyid do/ / de ci'i phyir zhes pa ni de la 'dis gong du mos par dka' ba'o/ /gnyis su med pa ni de'i bdag nyid kyis la/ gnyis su byar med pa ni phan tshun du ma 'khrul pa'i phyir ro/ /'di nyid kyi bshad pa ni tha mi dad cing gcad du med pa zhes pa'o/ /yum chen mor gsungs pa'i rnam par dag pa rab tu dbye ba'i phyir bstan bcos su/nyon mongs shes bya lam gsum gyi/ /nyams phyir slob ma bse ru dang / /rgyal sras rnams kyi dag pa ste/ /sangs rgyas rnam kun shin tu bzhes te/ nyon mongs pa rnams dang / gzung ba'i rnam par rtog pa dang / lam dang gsum pa rnams la srid pa mi shes pa'i lam gsum des spangs pa rnam par dag pa ni go rims ji bzhin du nyan thos dang rang sangs rgyas dang byang chub sems dpa' rnams te de ni rgyal ba rnams kyi sras la sangs rgyas rnams kyis ni mtha'i mtshams de las shin tu 'das pas shin tu ba la shin tu ba ni srid pa mthar gyur pa ste/bag chags dang bcas pa'i sgrib pa spangs pa'i phyir ro/ /rnam kun ni rnam pa thams cad kyi ste/ rnam kun zhes pa rgyas par bshad pa ni de la bstan bcos las/ chung ngu'i chung la sogs pa'i lam/ /dag pa sa dgu po rnams la/ /chen po'i chen po la sogs pa'i/ / dri ma yi ni gnyen po nyid/ /ces te sa rnams la dag pa dgu ste/ 'dod pa'i khams dang gzugs dang gzugs med pa brgyad po rnams te/ lam so so la sa rnam pa dgu ste/ chung ngu'i chung ngu la sogs pa phye bas bye brag brgyad cu rtsa gcig la chen po'i chen po la sogs pa'i dbye bas sa re re la skyon rnam pa dgu dgu ste brgyad cu rtsa gcig gi gnyen pos so//'dir rnam pa dgu'i lam gsungs pa ni/ gzhan yang zhes pa la sogs pa ste/ thams cad mkhyen pa zhes pa dang / rnam pa thams cad mkhyen pa nyid do zhes pa ni lam chung ngu'i chung ngu dang chung ngu'i 'bring ngo //de nas zhes pa la sogs pa ste/ zab mo'i gting dpag dka' ste/ rnam par dag pa'i phyir zhes pa ni de kho na nyid du ngo bo nyid med pa'i phyir zhes pa ni lam chung ngu'i chen po'o/ /gsal bar bgyid pa ni mun pa sel ba ste/ chos rnams thams cad rnam par dag pa'i phyir zhes pa ni 'bring gi chung ngu'o//snang ba dang bcas pa ni mthong ba ste/ rnam par dag pa'i phyir zhes pa ni 'bring gi 'bring ngo / /mtshams sbyor ba mchis pa ni srid pa gzhan du 'pho ba ste/ rnam par dag pa'i phyir zhes pa ni 'bring gi chen po'o/ /kun nas nyon mongs pa ma mchis pa ste/ rnam par dag pa'i phyir ni rang bzhin gyis chos thams cad kun nas nyon mongs pa med pa'i phyir zhes pa ni chen po'i chung ngu'o/ /thob pa med cing mngon par rtogs pa med de/ rnam par dag pa'i phyir ni chos rnams thams cad thob pa med la mngon par rtogs pa med ces pa ni chen po'i 'bring ngo / / mngon par grub pa ma mchis pa ste/ rnam par dag pa'i phyir ni chos rnams thams cad mngon par grub pa med ces pa ste/ lam chen po'i chen po'o/ /rnam pa 'di dgu ni lam ste sa re re la shes par bya'o/ /bka' stsal pa/ shin tu skye ba ma mchis zhes pa la sogs pas lam shes pa nyid yongs su rdzogs pa ste/'dir bstan bcos las/ khams gsum pa yi gnyen po nyid/ /gzhal dang gzhal bya mnyam nyid la/ /klan ka yongs su spangs pa dang / /lam yang de yi gnyen por 'dod/ /zhes pa ste/ khams gsum pa'i ma skyes pa'i rnam par dag pa'i lam ste/de gsungs pa ni shin tu zhes pa ste/ rnam par dag pa'i phyir 'dod pa'i khams la sogs pa'i ngo bor skye ba ma mchis pa zhes pa ni de'i khams gsum gyi gnyen po nyid la 'dir yang gzhal dang gzhal bya mnyam pa nyid gang du gsungs pa ni ma 'tshal ba ni mi 'dzin pa la yang dag par ma 'tshal ba ni rnam par rtog par mi byed pa'o//de gsal bar 'dod nas 'dri ba ni/ ci zhig ces pa la sogs pa ste/ rnam par dag pa'i phyir zhes pa ni shin tu med pa'i phyir zhes pa ste/ shes pa dang shes bya mnyam pa nyid do/ /klan ka ni 'dir rnam par dag pa'i mtshan nyid ni bsgom pa'i lam du mi 'thad de zhes pa'i gang du skyon brgyad po 'dir gsungs pa ni/lam gang de yang zhes pa'i yang ni kun du rtog pa dang tha dad pa'i rim pa ste/ klan ka'i zhes pa ni skyed pa la dang po'i tshig go/ /bsgom pa'i lam nyid du mi 'dod la 'dir klan ka de rnams kyi lan ni gong du btab ces pa'i don to//'di'i grub mtha' la de ltar zhum par 'dri ba ste/ 'di ni zhes pa ni rgyu la ltos pa dang bcas pa'i klan ka smos pa ste/ klan ka gzhan brgyad po rnams la/ grub pa'i mtha'i rgyu ni lam brgyad po rnams so/ / phan par yang mi bgyid la gnod par yang mi bgyid ces pa ni grub pa'i mtha' la/ gal te de gang du cung zhig mi byed na de gang du ji ltar na lam zhes pa ni klan ka la/ lan ni rnam par dag pa'i phyir ro zhes pa ste/ thams cad mkhyen pa nyid ni chos kyi dbyings rnam par dag pa nyid de/ de yang rang bzhin gyis rnam par dag pas de'i de la ni 'dir cung zad byed du med la/ glo bur gyi sgrib pa 'ba' zhig zad par 'dod pa la brjod do/ /mi 'dzin zhes pa la sogs pa grub pa'i mtha' la/ gal te bzung na rnam par rtog par gyur la de nas mi 'dzin pa ni shes rab nyid du mi 'gyur zhes pa ni klan ka ste/rnam par dag pa'i phyir zhes pa ni lan te/ gang du 'di ltar chos 'di dag ngo bo nyid med pa'i phyir don dam par na mngon pa med pa ste/ de'i phyir mthong ba med pa'i sbyor bas mthong ba ste de nyid kyis na shes rab kyi pha rol tu phyin pa rnam par dag pa'o/ /rnam par dag pa'i phyir mi 'dzin pa ni don dam pa la/kun rdzob tu ni gtong ba'o/ /phung po rnam par dag pa dang 'bras bu rnam par dag pa dang thams cad mkhyen pa rnam par dag pa gsungs te/ de yang de rnam par dag pas bdag rnam par dag pa ste ji ltar bdag rnam par shin tu med pa don dam par zhes pa ni grub pa'i mtha' la/gal te phung po dang 'bras bu dang thams cad mkhyen pa nyid rnams shin tu med na/ 'di ni cung zad min zhes pa ni klan ka la/ shin tu rnam par dag pa'i phyir zhes pa ni lan no/ /don dam par chos rnams thams cad shin tu med pa nyid/ de'i phyir na de stong pa nyid kyi ngo bo nyid kyi chos nyid la de yang kun rdzob dang ro gcig pas yod ces pa'i don to//bdag rnam par dag pas thob pa yang med la mngon par rtogs pa yang med ces pa'i grub pa'i mtha' la thob pa ni bar chad med pa'i lam gyi mngon par rtogs pa ni rnam par grol ba'i lam gyis thob ces pa ste klan ka ni snga ma bzhin la/shin tu rnam par dag pa'i phyir zhes pa ni lan te/ gang du 'di ltar chos kyi ngo bo nyid kyis chos rnams shin tu med la/ de'i de nyid kyi chos dang ro gcig pas kun rdzob tu yod de/ de yang rang bzhin gyis dag pa ste/ de'i bdag nyid la ni thams cad mkhyen pa de ltar mi 'gyur bas thob pas mngon par rtogs pa med ces pa'i don to//bdag med pas gzugs dang tshor ba la sogs pa mu med pa zhes pa ni grub pa'i mtha' la/ de gang du mthong bar 'gyur ba'i phung po la sogs pa'i mtha' ni de ji ltar mu med pa yin zhes pa ni klan ka ste/shin tu rnam par dag pa'i phyir zhes pa ni lan te/ ji ltar na bdag ni shin tu med pa nyid de/ de'i phyir gang yang gzugs la sogs pa yang de kho na nyid du de la med pa de rnams kyi mu ji ltar chos nyid dang ro gcig pas ro gcig pa yod pa min nam zhe na/ de ni rang gi ngo bos stong pa'i shin tu yang mu med pa nyid ni chos thams cad kyi spyi'i mtshan nyid yin pa'i phyir dang / khyad par can de'i dbye ba ni don dam pa ma yin pa'i phyir ro/ /de'i phyir gang yang gzugs la sogs pa rnam par dag pa de nyid 'bras bu rnam par dag pa dang / thams cad mkhyen pa nyid rnam par dag pa dang /shes rab kyi pha rol tu phyin pa rnam par dag pa zhes pa'i don to/ /gang de de ltar don dam par med pa chos rnams thams cad rtogs pa de ni shes rab kyi pha rol tu phyin pa'o zhes pa ni grub pa'i mtha' la/ de gal te de gang du rtogs na de ltar na shin tu rnam par dag pa ma yin zhes pa ni klan ka la/shin tu rnam par dag pa'i phyir ro zhes pa ni lan te/ 'di nyid 'di'i shin tu rnam par dag pa ste/ gang gis 'dir don dam par shin tu med par rang dang chos thams cad rtogs shing mthong ba'o/ / gang du chos rnams thams cad kun rdzob tu ni yod cing don dam par ni shin tu med de dngos po dang / dngos po med pa'i rtogs pa las skyes pa ni de ltar klan ka dang lan no/ /lam shes pa'i rjes la de rnams bde bar rtogs pa'am rnam par spros pa'i don du thams cad shes pa nyid brjod par bya la/de ni dngos po brgyad de de ltar yang bstan bcos las/ shes pas srid la mi gnas shing / /snying rjes zhi la mi gnas dang / /thabs ma yin pas ring ba dang / /thabs kyis ring ba ma yin nyid/ /mi mthun gnyen po'i phyogs dag dang / /sbyor dang de yi mnyam nyid dang / / nyan thos la sogs mthong ba'i lam/ /de 'dra kun shes nyid du 'dod/ /ces la/ 'di'i rgyas par bshad pa ni/ tshu rol pha rol mtha' la min/ /de dag bar na mi gnas shing / /dus rnams mnyam pa nyid shes phyir/ /shes rab pha rol phyin par 'dod/ /ces te/ shes rab kyi pha rol tu phyin pa ni thams cad shes pa nyid do//tshu rol ni 'khor ba la pha rol ni mya ngan las 'das pa'o/ /bar ni dbus la yang mi gnas pa ste/ gsum char mi dmigs zhes pa'i don to/ /shes rab dang snying rje dag yang dag par rig pas 'khor ba dang mya ngan las 'das pa dang gnyi ga'i nye bar dmigs pa dang bral bas gang du yang ste/chos nyid la ni dus gsum mnyam pa'i phyir dang / chos rnams ni ngo bo nyid nye bar mi dmigs pa'i phyir dang / de gsungs pa ni tshe dang ldan pa zhes pa la sogs pa ste/ de ni thun mong du sngon bshad nas 'dir ni khyad par gyi rang bzhin la'am/yang na gang du yang mi gnas pa ste/ gang gi rang bzhin dang bral ba rjes su mi dmigs pa gsum gyis mi gnod pa rnams so/ /shin tu rnam par dag pa'i phyir zhes pa ni don dam par yod pa ma yin pas chos rnams rtag tu shin tu rnam par dag pa'i phyir ro//nyan thos rnams ni nyon mongs pa'i ma rig pa tsam po spang ba'i rang gi sdug bsngal zad pa tsam po tshol te/ 'khor ba yongs su brtags shing shin tu yid byung nas mya ngan las 'das par brtags shing de shin tu 'dod nas 'bad pa nyid kyis myur ba myur ba nyid du yongs su mya ngan las 'da'o//byang chub sems dpa' rnams ni de lta ma yin te/ sems can thams cad kyi phyir bla na med pa'i byang chub 'dod ces pas 'khor ba dang / mya ngan las 'das pa la mi gnas pa nyid de/ de ni bstan bcos las/ de yi mtshan bcas dmigs sgo nas/ /thabs ma yin par ring ba ste//zhes te/ mtshan ma dang bcas par dmigs pas thabs ma yin pa'o/ /'di ltar yang zhes pa ni ming dang mtshan ma dag gis la/ gsog tu byed par 'gyur ba dang / gsob tu byed pa ni ming gis so/ /rgyang ring du byed par 'gyur zhes pa ni mtshan mas rgyang ring du 'gyur ba'o//bstan bcos las/ de ni thabs la mkhas pa yis/ /yang dag nye ba nyid du bshad/ /ces pa ste/ chags pa med par 'jug pa ni thabs la mkhas pa la chags pa dang zhen pa dang bden pa dang cig shos kyi ngo bo ni sgro btags pa ste/ de la gsungs pa ni/ de de bzhin no zhes pa la sogs pa ste/legs par bshad pa ni mthong ba'i lam du skad cig bcu drug rnams kyis so/ /legs par bstan pa ni sbyor ba bcu gnyis rnams kyis so/ /shin tu mthar gtugs pa ni 'khor ba dang mya ngan las 'das pa la rab tu mi gnas pas so/ /shin tu yongs su dag pa ni chags pa'i mtha' rnams rnam par spangs pas so//gang du yang ji tsam dag ni tshig gi rgyan no/ /ngo mtshar ni ming la'o/ /chags pa spong ba'i thabs la mkhas pa zhes pa ni nye bar 'gyur ba ste/ de yang chags pa rnams spyir bstan nas khyad par bshad par bya ste/ 'dir bstan bcos las/ gzugs sogs phung po stong nyid dang / /dus gsum rtogs pa'i chos rnams dang / /sbyin sogs byang chub phyogs rnams la/ /spyod pa'i 'du shes mi mthun phyogs/ /zhes te/ gzugs la sogs pa ni chos rnams la phung po ni spungs pa'o//spyod pa'i 'du shes te/ ming ngam mtshan mar byed pa'i mi mthun pa'i phyogs nyid pas mi mthun phyogs te/ chags pa dang bcas zhes pa'i don te/ de gsungs pa ni/ de nas zhes pa la sogs pa ste/ /yum bar mar sbyin pa la sogs pa'i pha rol tu phyin pa rnams dang /byang chub kyi phyogs la spyad par bya zhes par kun tu shes pa ni chags pa'o zhes gsungs pa rnams ni 'dir nye bar mtshon pa'i phyir thob par 'gyur ro/ /chags pa lhag ma gsungs pa ni 'di tsam du bskyed ces pa la sogs pa ste/ rnam grangs gang gis zhes pa ni bye brag gi lam 'di ni byang chub kyi sems dang po zhes pa ni rtogs pas dang por chags pa'o//byang chub tu yongs su bsngo bar bya zhes pa ni rnam par brtags nas yongs su bsngo ba ni gnyis pa'o/ /'di'i chags pa ni don dam par ngo bo nyid med pa'i phyir dang / sems mi rtog pa la de'i phyir gsungs pa ni mi nus zhes pa ni sems rang bzhin gyis ngo bo nyid med pa nyid la/chags par brjod pa de rnams spong ba'i don du gsungs pa ni/ 'dir bstan bcos las/ sbyin pa la sogs ngar 'dzin med/ /gzhan dag de la 'dzud pa dang / /de ni chags pa'i mtha' 'gog par/ / zhes te sbyin pa la sogs pa rnams la ngar 'dzin pa med pa ni dngos po nyid du mngon par rlom pa med pa'i mthus te/ sngon du bshad nas/ gzhan dag rlom pa med pa de la 'dzud par gsungs pa ni de'i phyir zhes pa la sogs pa ste/ de'i ming zhes pa ni rang gi chags pa spangs pa de'i rgyus so/ / phyir zhes pa ni gzhan rnams la yang dag par ston pa la sogs pa'i dus su'o/ /yang dag par bstan par bya ba ni sngon du thos pa dang mi ldan pa la nyan du gzhug pa'o/ /yang dag par dgod pa ni rjes su sgrub pa'i phyir yang dag par len du gzhug pa'o/ /yang dag par gzengs bstod pa ni bdag nyid kyis brod pa bskyed pa'o//yang dag par rab tu dga' bar bya ba ni brtson 'grus rtsom pa legs so la sogs pa rnams kyis so/ /yang dag par rjes su rtogs pas ni chags pa spangs pa'i phyir ro/ /gnod par mi byed pa ni sangs rgyas rnams la gnod par mi byed pa'o//de bzhin du ngar 'dzin pa med pa dang / sbyor ba rnam pa gnyis kyis chags pa'i mtha' rags pa rnams bkag nas/ bstan bcos las/ rgyal la sogs la chags pa phra/ /zhes te/ sangs rgyas la sogs pa gang la yang chags pa de yang phra mo ste/ stsogs pa'i sgras ni de dag dang gzhan dag gi dge ba'i rtsa ba rnams la rjes su yi rang ba la sogs pa gang yang mtshan ma dang bcas pas dmigs pa ste/de gsungs pa ni/ de nas yang zhes pa la sogs pa ste/ de ni yongs su bsngo bar mi nus zhes pa ni dus gsum du thal bar 'gyur bas na mtshan mar byed par mi nus zhing dmigs par byed mi nus te/rgyu med pa'i phyir dang rtogs par dka' ba'i phyir ro/ /gang dus gsum las grol zhes pa ni go rims ji lta ba bzhin du mig gis dang / rna bas dang / sna dang / lce dang / lus dang / yid rnams kyis mi rig pa nyid do/ /mngon par byang ma chub ces pa ni gang du de rang bzhin nyid du cung zad med pa'o//gang yang 'di rnams kyi rang bzhin de ni dngos po med pa'o/ /gang dngos po med pa de ni 'di rnams kyi rang bzhin la bsam gyis mi khyab pa ni bsam pa las 'das pa'i phyir la/ de ni gzugs dang tshor ba nas sangs rgyas kyi chos kyi bar du yod pa min te/'dir bstan bcos las/ chos kyi lam ni rang bzhin gyis/ /dben pa'i phyir na de zab nyid/ /chos rnams rang bzhin gcig par ni/ /shes pas chags pa spong ba yin/ /mthong ba la sogs bkag pa'i phyir/ /de ni rtogs par dka' bar bshad/ /gzugs la sogs par mi shes phyir//de ni bsam mi khyab par 'dod/ /ces te de ni zhes pa ni shes rab kyi pha rol tu phyin pa'i zab mo'o/ /dben pa ni stong pa'i phyir la/ chos kyi lam ni chos kyi tshogs rnams te/ /chos rnams rang bzhin gcig par shes/ /zhes pa dang 'brel to/ /gcig ces pa ni de rnams kyi rang bzhin gyi ngo bo nyid med pa nyid gang de la ste de ltar bshad do//'dir bstan bcos las/ de ltar kun shes nyid tshul la/ /mi mthun phyogs dang gnyen po dag /rnam par dbye ba ma lus pa/ /ji skad bshad pa 'di shes bya/ /zhes te/ 'di zhes pa ni chags pa dang chags pa med par brjod par byas pa'o/ /de'i phyir chags pas dmigs pa'i rnam par rtog pa ni mi mthun pa'i phyogs la chags pa med cing dmigs pa med pa ni shes rab kyi pha rol tu phyin pa ste/ gnyen po'i phyogs so/ /sbyor ba rjod par byed pa ni 'dir bstan bcos las/gzugs sogs de mi rtag sogs dang / /de ma rdzogs dang rab rdzogs dang / /sbyor ba bkag pas spyod pa ni/ /de la chags pa med nyid dang / /mi 'gyur byed po med nyid dang / /sbyor ba dka' ba rnam gsum dang / /skal ba ji bzhin 'bras thob pas/ /de ni 'bras bu yod 'dod dang //gzhan la rag las min gang dang / /shes byed rnam bdun snang ba la/ /zhes te/ de mi rtag sogs dang zhes pa ni gzugs la sogs pa la mi rtag pa nyid dang rtag pa la sogs pa'o/ /rdzogs pa ni chags pa med pa'i mi mthun pa'i phyogs kyi phyir ni de'i sgras ni chags pa bzung ste/gnyi ga'i mnyam por zas bzhin gyi gzugs la sogs pa la chags pa dang ma chags pa dag gis so zhes pa'i don to/ /spyod pa ni spyod pa byed pa ste/ de dgag pa shes rab kyi pha rol tu phyin pa la spyod pa la sbyor ba ni gzugs la sogs pa rnams la ste/ 'dir sbyor ba bcu gnyis gsungs te/'dir de 'dra ba ni/ rab 'byor gyis gsol pa/ bcom ldan 'das de ltar de zhes pa la sogs pa ste/ ji ltar na spyod par bgyi zhes pa ni ji ltar sbyor bar bgyi zhes pa'o/ /mi spyod na zhes pa ni yang dag par mi shes na'o/ /de la spyod ces pa ni gzugs la sogs pa'i phyir sbyor ba'o//gal te zhes pa la sogs pa la/ gzugs la sogs pa la mi rtag pa dang / bde ba dang / sdug bsngal ba dang / stong pa dang / mi stong pa dang / bdag dang / bdag med pa zhes mi spyod na ste/ de la mi spyod ces pa ni gzugs la sogs pa la mi rtag pa nyid la sogs pa'i sbyor ba'o//gal te zhes pa la sogs pa ste/ spyod pa ni 'di la zhes pa ste/ ma rdzogs pa dang rdzogs pa'i sbyor ba'o/ /de skad ces bka' stsal zhes pa la sogs pa nas spyod par bya ba zhes pa'i bar gyis so/ /'dir zhen pa med pa ste/ chags pa thams cad med pa'i phyir ro//de las ma bcings pa ste/ khams gsum pa'i nyon mongs pa rnams kyis so/ /de las ma grol ba ni nyon mongs pa rnams las so/ /yang dag par ma 'das pa ni khams gsum las so/ /de ltar zhes pa la sogs pa la nye bar bsdu ba'o zhes pa ni gzugs la sogs pa la chags pa dang ma chags pa'i sbyor ba'o//rab 'byor gyis gsol pa zhes pa la sogs pa ste/ 'phel ba dang 'grib pa med par 'gyur ba med pa ste nam mkha' bzhin la/ bsngags pas ni yon tan no zhes pa ni mi 'gyur ba'i sbyor ba'o/ /'di lta ste dper na zhes pa la sogs pa ste/ dang po'i kun nas nyon mongs par mi 'gyur ba ni sgra'i don la khong khro bar mi 'gyur zhes pa'o//gnyis pa'i rjes su chags par mi 'gyur zhes pa ni/ bstan pa rnams la nyams pa dang 'phel bar mi byed pas byed pa po med pa'i sbyor ba'o/ /gnas brtan zhes pa la sogs pa ste/ bcom ldan 'das ma bsgom par bya ba dga' bas de ltar gnas pa rnams kyi ched du bya ba la sogs pa rnams bya ba'i phyir de gsungs pa ni spyod pa ni zhi gnas kyis so//zhus pa ni dman pa'o/ /ya ya po ni rgod pas so/ /phyir mi ldog pa ni mi ldog pa'o/ /nam mkha' bsgom pa ni mtshan nyid gcig pa'i phyir ro//go cha med pa ni gang zhig sems can thams cad kyi don du yang dag par rdzogs pa'i byang chub kyi'o/ /nam mkha' dang zhes pa ni nam mkha' dang 'dra ba'i rnal 'byor gyis so/ /de mi gtong bas de'i bgyi ba dka' ba nyid do/ /sems can rnams dmigs su med pa'i phyir dang /kun rdzob tu mtha' yas pa'i phyir ro/ /'gro ba'i don dang byang chub ched du byed pa de ni ched du bya ba'i go cha'o zhes pa ni ched du bya bar dka' ba'i sbyor ba'o/ /nam mkha' zhes pa la sogs pa ni/ mtho ba dang 'gro ba'i bgegs bcom zhing yongs su thar par byed pa dang / mthon por mig 'degs pa ste 'di rnams dang ldan pa ni sems can don gyi sbyor ba'o//de yang bya ba dka' ste nam mkha' bzhin du sems can gyi phung po la ngo bo nyid med pas dang kun rdzob tu mtha' yas pa'i phyir zhes pa ni sbyor ba dka' ba'i sbyor ba'o/ /de nas yang zhes pa la sogs pa ste/sbyor ba'i 'bras bu ni mi byed pa ste/ kun nas nyon mongs pa can gyi chos spong ba dang / rnam par byang ba can gyi chos skyed pa dang / de gnyi ga bya bar dka' ba ste/ bcom ldan 'das ma la de dag gis mdzad pas zhes pa ni byed par dka' ba'i sbyor ba'o/ /de nas yang zhes pa la sogs pa ste/gang de ltar rnal 'byor du byed ces pa ni rgyu'i gnas skabs su la ci la zhes pa ni 'bras bu'i gnas skabs su'o/ /nam mkha' ni skar ma'i lam ste/ 'dir de dang chos mthun pa ni bla na med pa'i byang chub bo/ /bla gab med pa ni sa steng du ma bkag pas gnas kyi tshul med pa can la/'dir ni de dang chos mthun pa ni dman pa'i byang chub bo/ /de ni gnyi ga'i 'bras bu la de'i skal ba ji bzhin/ 'bras bu thob pa'i mi slu ba'i sbyor ba'o/ /de nas yang zhes pa la sogs pa ste/ bsrung ba dang bskyab pa dag dang bcas pa ni sbed pa'o/ /de ltar zhes pa ni chos thams cad la dmigs pa med pa ste/de'i rjes su 'gro ba dang ldog pa dag gis shes rab kyi pha rol tu phyin pa la brten pa nyid de'i bsrung ba ste/ de gzhan la mi brten zhes pa ni gzhan la rag las pa min pa'i sbyor ba'o/ /'on kyang zhes pa la sogs pa ste/ bcom ldan 'das ma yum chen mor rnam pa bdun du bsgrags pa gsungs te/chos rnams thams cad sgyu ma dang smig rgyu dang rmi lam dang / brag ca dang mig yor dang gzugs brnyan dang dri za'i grong khyer bzhin no zhes so/ /gang yang rnam pa bdun du snang ba de thams cad yod pa yang ma yin med pa yang ma yin par bshad de/gang zhig chos rnams thams cad don dam par ngo bo nyid kyis stong pa nyid kyi ngo bo nyid du gnas pa'i rten cing 'brel pa las 'byung ba rnams kyi kun rdzob kyi ngo bo la don dam par brjod pa ste/ de ni dpe gcig gis kyang bstan par nus pa las/ gdul bya kha cig la dpe kha cig gang gang grags pa de'i ngo bo dpe mang po gsungs te/des nye bar mtshon pas bcom ldan 'das ma 'di la brag ca nyid gsungs pa'o/ /mnyam par gzhag pa'i gnas skabs kyi dbang du byas te gsungs pa ni/ nam mkha'i zhes pa la sogs pa'o/ /mnyam par ma bzhag pa'i gnas skabs kyi dbang du byas nas gsungs pa ni/de ji snyam zhes pa la sogs pa ste/ yongs su shes par gyur nas zhes pa'o/ /des de'i ci zhig srung bar byed de snang ba rnams la de kho na nyid du ngo bo nyid med pa'i phyir ro zhes pa ni shes byed rnam bdun gyi sbyor ba'o/ /sbyor ba mnyam pa nyid kyi dbang du byas pa ni bstan bcos las/gzugs la sogs pa rlom med pa/ /rnam bzhi de yi mnyam pa nyid/ /ces te/ gzugs la sogs pa la gnas pa rnam pa bzhi rlom pa'i sbyor ba'i mnyam pa nyid de/ ji ltar yum chen mo las/ gzugs la rlom sems su mi byed/ gzugs kyis dang bdag gi gzugs dang /gzugs la dang / de bzhin du tshor ba la sogs pa la gnas nas te/ 'dis nye bar mtshon pa ni gzung ba'i rnam par rtog pa bzhi dang / 'dzin pa'i rnam par rtog pa bzhi dang / rnam par rtog pa brgyad po rnams te/ de ltar rtog pa'i sbyor ba ni mnyam pa nyid de/de gsungs pa ni/ de bas zhes pa la sogs pa ste/ gal te zhes pa yang gzhung kha cig la'o/ /gang du brag ca lta bu'i chos rnams thams cad la 'dir des dngos po la mngon par zhen pa des rlom sems pa med pa'o/ /yang dag par rjes su mi mthong ba ni blta bar bya ba rnams su'o//mi shes pa ni 'dzin pas so/ /yang dag par mi shes pa ni brtags pas so/ /de ltar gzung ba'i rnam par rtog pa rnam pa bzhi dang 'dzin pa'i rnam par rtog pa bzhi gsungs pa ni/ de dag kyang zhes pa ste/ med cing zhes pa ni sems can gyi rlom pa de brtags na'o//yang dag par mi snang zhes pa ni blta bar bya bar gzung du med la/ yang dag par med cing zhes pa ni mnyam par bzhag pa'i sems kyis shes par gyur pa'o/ /mi dmigs zhes pa ni mnyam par ma bzhag pa'i yid kyis rnam par brtag byar mi 'gyur ba'o/ /de ltar ni rnam par rtog pa rnam pa brgyad po des chos thams cad la mi spyod pa ste/de la gal te zhes pa ni sbyor ba mnyam pa nyid do/ /sbyor ba'i mnyam pa nyid kyi zhar la bstan pa mnyam pa nyid kyang 'dir bstan na yang dag par yid ches pa'i phyir gsungs pa ni de nas zhes pa la sogs pa ste/ 'jig rten gyi khams ni 'di nyid de mi mjed kyi'o//sangs rgyas stong ni gang 'dir mi mjed 'di nyid kyi bskal pa bzang po la sogs par byang chub pa rnams te/ de la thog ma bzhi mngon par sangs rgyas te/ 'khor ba 'jig dang / gser thub dang / 'od srungs dang / shAkya thub pa rnams te/ de rnams kyis bstan pa'i phyir mnyam par bstan par 'dod nas gsungs pa ni/'di dag gis zhes pa la sogs pa ste/ byams pas kyang de'i rjes la stong phrag lnga yang 'di nyid zhes pa ni bstan pa mnyam pa nyid do/ /gtso bor gsungs shing rnam par dag pa'i mngon par brjod pa po'i le'u ni rnam par dag pa'i le'u'o//'phags pa shes rab kyi pha rol tu phyin pa brgyad stong pa'i 'grel pa gnad kyi zla ba'i 'od ces bya ba paN+Di ta chen po 'jigs med 'byung gnas sbas pas mdzad pa las le'u brgyad pa'o// //bshad ma thag pa'i bstan pa mnyam pa nyid la rnam par slob par 'dod nas gsungs pa ni/de nas zhes pa la sogs pa ste/ ming tsam zhes pa ni ming gi don te kho na nyid du ni yod pa ma yin pa'o/ /'di'o zhes pa ni 'di ltar gong du gong gis gang du dngos po'i ngo bo don dam par yod pa mnyam zhing ming gis brjod pa rnams ni 'khrul pa ste/ de ni dngos po yod par ma yin la/ kun rdzob pa'i brjod pa po rnams ni brag ca lta bu na de lta na ni brjod par bya ba yod dam zhe na/ de gsungs pa ni yin zhe na/ 'dir mi dmigs te/ gang du chos gnyis don dam par med de/ de'i phyir nye bar dmigs pa med pa ste/ brjod bya dang rjod byed kyi tha snyad ni kun rdzob pa'o zhes pa la dgongs pa'o//de ltar shes rab kyi pha rol tu phyin pa'i yod pa ma yin pa ni bsgrub par bya ba la des na bstan pa mnyam pa nyid la slob par byed do/ /ci'i slad du zhe na zhes pa ni rgyu gang gis gang du yang med do zhes pa'i don te/ yod pa ma yin pas na mngon par byang chub par mi nus zhes pa la dgongs pa'o//de ltar yang zhes pa ni 'dir khyod kyis chos rnams stong pa nyid du mthong ba de bzhin du de rnams kyis mngon par byang chub nas bstan par 'gyur zhes pa'i don to/ /'dir mthong ba'i lam gyi dbang du byas nas bstan bcos las/ sdug bsngal la sogs bden pa la/ / chos shes rjes su shes bzod dang / /shes pa'i skad cig bdag nyid 'di/ /kun shes tshul las mthong ba'i lam/ /zhes pa ste/ chos ni 'dir ngo bo nyid med pa nyid la chos kyi yul shes pa ni chos shes pa'o/ /chos shes pa dang rjes su shes pa dag dang bzod pa dang chos shes pa dag dang de las gzhan pa'i skad cig ma rnams kyang de'i bdag nyid can de/de ni rim gyis bstan bcos las/ gzugs rtag ma yin mi rtag min/ /mtha' las 'das dang rnam dag dang / /ma skyes ma 'gags la sogs dang / /mkha' 'dra chags pa spangs pa dang / /yongs su 'dzin las grol ba dang //ngo bo nyid kyis brjod med dang / /gang phyir 'di don brjod pa yis/ /gzhan pa sbyin du med pa dang / /dmigs pa med par byed pa dang / /shin tu rnam dag nad mi 'byung / /ngan song chad dang 'bras bu ni/ /mngon du bya la mi rtog nyid/ /mtshan ma dag dang ma 'brel dang //dngos dang ming dang gnyis po la/ /shes pa skye ba med pa ni/ /kun shes nyid kyi skad cig ma/ /zhes te/ mtha' las 'das zhes pa ni rnam par dag pa ste/ skad cig ma gnyis pa la rnam par dag pas yongs su dag ces pa ni gsum pa'o/ /brjod pa yis zhes pa dang grol ba dang zhes pa rjes su sbyar ba'i gang phyir zhes bya ba ni rung ba'o//de ltar 'di ni thams cad shes pa'i bdag nyid kyi mthong ba'i lam gyi skad cig ma bcu drug ste/ de la de ltar yang zhes pa la sogs pas ni skad cig ma gnyis gsungs pa'o/ /gzugs la sogs pa rtag pa ma yin bcings pa ma yin grol ba ma yin la rang nyid kyis yod pa ma yin pa de ni mi rtag pa nyid la sogs pa la mi sbyor bas zhes pa'i sdug bsngal la chos shes pa'i bzod pa'o//gzugs la sogs pa ni shin tu rtag cing dag pa'o zhes pa ni sdug bsngal la chos shes pa'o/ /de skad ces bka' stsal pa zhes pa la sogs pa ste/ yongs su dag pa'i gzugs la sogs pa rnams rnam par dag pas stong pa dang /mi stong pa dang bral ba'i phyir zhes bya ba ni sdug bsngal la rjes su shes pa'i bzod pa'o/ /gzugs la sogs pa rnams rnam par dag pas skye ba med cing 'gag pa med pa kun nas nyon mongs pa med pa rnam par byang ba med pa'i mtshan nyid do zhes pa ni sdug bsngal la rjes su shes pa'o//chos rnams thams cad nam mkha' bzhin du skye ba la sogs pa med pas/ nam mkha' la zhes pa la sogs pa ni kun 'byung la chos shes pa'i bzod pa'o/ /nam mkha' bzhin du chos rnams thams cad kyis gos pa med pas shes rab kyi pha rol tu phyin pa yongs su dag pa'o zhes pa ni kun 'byung ba'i chos shes pa'o//chos rnams nam mkha' ltar yongs su 'dzin pa med pas shes rab kyi pha rol tu phyin pa yongs su dag pa'o zhes pa ni kun 'byung la rjes su shes pa'i bzod pa'o//nam mkha' zhes pa la sogs pa ste/ smrar med cing brjod du med pa ni ji ltar nam mkha' la ri bo dang chu dang rlung gi brag cas cung zad brjod du med de/ de bzhin du chos rnams thams cad ces pa ste nam mkha' la brjod du med pas shes rab kyi pha rol tu phyin pa yongs su dag pa'o zhes pa ni kun 'byung la rjes su shes pa'o//gang gis brjod pa'i 'dod pa'i don gzhan gyis thob par byed pa dang thob pa po'i brjod pas brjod pa ni ji ltar nam mkha' la brag cas cung zad brjod du med pa de bzhin du chos rnams thams cad nam mkha' ltar brjod du med pas shes rab kyi pha rol tu phyin pa yongs su dag pa'o zhes pa ni 'gog pa la chos shes pa'i bzod pa nye bar dmigs pa med la/gang dmigs pa med pa ni brag cas smrar med cing de brjod du med ces pa ni bsdus pa ste/ de yang de'i mi dmigs pa ni de'i ngo bo de la de yis te/ ji ltar nam mkha' la cung zad dmigs su med pa de ltar chos rnams te/'dir nam mkha' bzhin du dmigs su med pas yongs su dag pa'o zhes pa ni 'gog pa la chos shes pa'o/ /thams cad du yang des gos pa'i kun nas nyon mongs pa can dang / gos pa med pa'i rnam par byang ba can gyi chos de rnams kyis ma gos pa ni gos pa med pa nyid do//gnyi ga yang mi dmigs pa'i phyir yongs su dag pa'o zhes pa ni 'gog pa la rjes su shes pa'i bzod pa'o/ /de skad ces bka' stsal pa dang zhes pa la sogs pa nas 'chi ba'i dus zhes pa'i bar ni 'gog pa la rjes su shes pa'o/ /mang po zhes pa la sogs pa nas ji ltar zhes pa ni bla na med pa'i rin po che bsrungs pas kyang ste 'o na 'di nyid rin po che chen po la bsrung ba ste 'di las bsrung ba gzhan rnams kyis ci bya zhe na/gsungs pa ni/ 'on kyang zhes pa la sogs pa ste/ dgra ni bar chad med pa'o/ /ci tsam du gces par 'gyur ba ni ci tsam du rab tu gyur pa'o//'dir bsod nams la bstod pa gsungs pas ngan song la sogs pa chad pa don gyis gsungs pa'o zhes pa ni lam la chos shes pa'i bzod pa'o/ /bla na med pa zhes pa la sogs pa ste/ zhugs pa ni 'jug pa la 'di'i rnam par 'grel pa ni thams cad ces pa la sogs pa ste/mi 'jigs pa'i tshul gyis zhes pa ni rtag pa'i tshul gyis so/ /de lta na ni rnam par rtog pa can no zhe na/ gsungs pa ni/ skye ba med ces pa la sogs pa ste/ mi zhum pa ni mngon par mi zhen pa'o/ /kun nas nyon mongs par mi 'gyur ba ni mi gnas pa'o/ /yongs su mi 'dzin pa ni yang dag par mi shes pa ste/rnam pa gsum du yang rtog par mi byed pas de ltar rnam par rtog pa med pa'o zhes pa ni lam la chos shes pa'o/ /ma skyes zhes pa la sogs pa ste/ 'bras bu skye ba ma dmigs pa ni ma skyes pa'o/ /de'i rgyus gos pa med pa ste/ 'bras bu skyed pa'i mtshan ma rnams ni dri ma rnams su gyur pas so//de ltar na ci'i phyir ma gos she na/ de la shes rab kyi pha rol tu phyin pa ni rnam par rtog pa'i pha rol tu son pa'i phyir ro/ /ji ltar gos pa med pa nyid na gsungs pa de ni de ltar yang zhes pa la sogs pa ste/ skye bar byed pa'i 'bras bu rnams la yang chos thams cad kyi mtshan ma'i dri ma rnams nub par gyur pas gos pa med pa ni lam la rjes su shes pa'i bzod pa'o//gal te yang zhes pa la sogs pa ste/ de ltar yang zhes pa ni shin tu phra mo'i dngos po yang yi ge dang mi rnams kyis te/ 'dir dngos po dang /yi ge dang gnyis su snang ba rnams gsum char yang phyin ci log cing med pa'i phyir spang bar bya ba'o/ /phyin ci log gi spros pa de rnams ni med pa nyid pas 'dir de ltar spros par mi byed ces pa ni lam la rjes su shes pa'o/ /thams cad shes pa nyid 'di rnams la yang 'khor ba dang mya ngan las 'das pa la rab tu mi gnas pa nyid la sogs par sbyor bar 'gyur bas ni byang chub sems dpa' rnams kyir 'gyur la de ltar ma gyur pas ni nyan thos la sogs pa rnams su 'gyur te/chos la bdag med pa la sogs ldog pa'i sgo nas srid pa dang zhi ba la kun tu gnas pa la sogs pa'i ngo bo'i thams cad shes pa nyid ni ji srid sems bskyed pa lnga po'i bar du ste/bcom ldan 'das ma 'bring po las de gsungs pa ni/ thams cad shes pa'i ye shes kyis mthong nas kyang mthong ba las shin tu 'da' bar 'dod pa dang / lam shes pa nyid yongs su rdzogs par 'dod pa'i byang chub sems dpa' zhes te/ de la ye shes ni byang chub sems dpa'i mthong ba'i lam gyi mngon par rtogs pa la/ byang chub sems dpa'i mthong ba'i lam nyid la nyan thos la sogs pa'i rtogs pa yongs su rdzogs par 'gyur te/rjes su dpag pa rnam par bcad pas mthong ba'o/ /ye shes kyis mthong ba'i tshig ni 'khrul pa gcod pa ste/ byang chub sems dpa'i bsgom pa'i lam la nyan thos dang rang sangs rgyas kyi sa rnams bsgom lam du med par shes pa'i don du'o/ /shin tu 'das nas yang rnam pa kun mngon par rdzogs par rtogs pa la zhugs pa'o zhes 'phags pa rnam par grol sdes bshad la/de'i phyir na bstan bcos las/ nyan thos la sogs mthong ba'i lam/ /zhes te 'di nyid kyis na sdud pa tshigs su bcad pa'i 'grel pa las thams cad shes pa nyid sa bdun par rnam par gzhag pa'i seng ge bzang po'i bshad pa ni mi 'thad do//gzhan yang de'i mngon par rtogs pa la sogs pa'i khyad par rnam par gzhag pa dang / bdag cag gi dag ni mkhas pa rnams kyi rigs pas so sor brtag par bya ste/ cung zhig bdag cag gis ni mi bden par mthong nas spang byar bri bar bya'o//gzhan gyi don du ji ltar mthong ba nyid kyi don yang nas yang du mngon du byed pa ni byang chub sems dpa' rnams kyi bsgom pa'i lam mo zhes nye bar bstan pa ni go sla'o/ /'phags pa sa bcu pa'i mdo sde yang / byang chub tu sems bskyed pa la sogs pa rnams kyis rab tu dga' bar nyan thos dang rang sangs rgyas kyi lam gyi mthong ba las shin tu 'das pas bsgom pa ni ma yin no zhes pa dang yang bshad de/sems bskyed pa lnga pa las byang chub sems dpa'i byis pa so so'i skye bo thams cad dang nyan thos dang rang sangs rgyas kyi sa las shin tu 'das par gyur te/kun tu 'das par gyur nas byang chub sems dpa'i skyon med par zhugs nas de bzhin gshegs pa'i rigs su nges par skye bar 'gyur ro zhes pa dang / ring du song ba la ni byang chub sems dpa' rang gi yum gyi ye shes kyi bdag nyid chen po la gnas pa'i phyir nyan thos dang rang sangs rgyas kyi bya ba las shin tu 'da' bar 'gyur zhes gsungs so//de'i phyir na nyan thos dang rang sangs rgyas rnams la chos thams cad ngo bo nyid med pa'i shes pa yang yod ces par shes par 'gyur te/ de yod pa ma yin na phyi rol pa bzhin du khams gsum pa'i mngon du rgyu ba dang bag la nyal 'di rnams spong bar mi 'gyur te/gzugs la sogs pa'i ngo bo nyid du dmigs pas phyin ci log pa'i phyir ro/ /chos thams cad la ngo bo nyid med par yongs su shes par yongs su rdzogs pa'i chos la bdag med bsgom pa ni med la khams gsum pa'i nyon mongs pa mngon du rgyu spong ba'i thabs tsam yod pa nyid dang /gang zag gi bdag med pa ma lus par bsgom pa la de rnams kyi shes rab kyi pha rol tu phyin pa la sogs pa rnam par gzhag go zhes pa ni slob dpon zla ba'i grags pa la sogs pa rnams kyis bzhed pa gang zag la bdag med pa'i shes pa nyid ni yod pa la chos la bdag med pa'i shes pa ni med de skad cig mas bdag med par shes pas kyang ni khams gsum gyi nyon mongs pa spong bar 'gyur zhes pa ni gzhan dag gi'o//de ltar 'di dang yang 'di dang / /yang 'di yin te rnam gsum po/ /'dir ni gnas skabs gsum po dag /rdzogs par yongs su bstan pa yin//zhes bstan bcos las te/ 'dir mkhyen pa rnam pa gsum nye bar bsdu ba'i phyir gsungs pa ni yang zhes pa la sogs pa ste/ shes rab kyi pha rol tu phyin pa zhes pa ni rnam pa thams cad mkhyen pa nyid dang / lam shes pa dang / thams cad shes pa nyid la/de ltar zhes pa ni sngon du mdor bstan pa'i sems bskyed pa zhes pa la sogs pas so/ /'di dang zhes pa ni gong gi de'i rgyas par bshad pas te/ le'u gcig dang / le'u phyed dang bdun dang / le'u phyed dang gnyis pa dag gis go rims ji lta ba bzhin du'o//chos gang la yang med ces pa ni de'i sems kyi sbyor bas so/ /'jug par byed pa ni dmigs pa la nye bar gzhag par byed pas so/ /nges par 'jug par byed pa ni de'i de nyid la bzhag pas zhi gnas rdzogs par byed pa'o/ /yang dag par ston par byed pa ni mngon sum du byed pas so//nges par ston par byed pa ni yon tan khyad par rnams so/ /yongs su thob par byed pa ni 'bras bur gyur pa'i chos kyis 'phen par byed pa'o/ /nges par 'thob par byed pa ni de nyid mthar phyin pa'i tshul can no/ /med ces pa ni thams cad du de thams cad gang du chos thams cad la dmigs pa med pas so//'dir bstan pa thos nas lha rnams kyis ji ltar byas pa de gsungs pa ni/ de nas zhes pa la sogs pa ste/ skye bo'i tshogs chen po'i dga' ba skyes nas ku cho dang ga zha dag byed de/ nyid kyis 'thor zhing gtor nas bstod pa'i phyir ro/ /'di chos kyi 'khor lo bskor ba ma yin zhes pa ni gnyi ga dag mi dmigs pa'i phyir ro//gang la yang zhes pa ni chos kyi 'khor las gzhan du yang mi chags shing ma chags pas dmigs pa dang bral ba'i phyir la/ gang dmigs par 'gyur ba ni gang du mngon par byang chub par mi 'gyur ba zhig na/ gang zhig ma smos pa de yod pa ma yin pas gang la yang dag par bstan par 'gyur ba'i rnam par byang ba can gyi chos cung zhig yod pa ma yin no//mngon par ma grub pa ni ma skyes pas so/ /chos ni kun nas nyon mongs pa can gyi la/ stong pa nyid la sogs pa'i ting nge 'dzin rnams ni rnam par byang ba rnams su brjod do//bstan pa zhes pa ni don dam par bstan pas so/ /sbyin pa'i gnas su byas pa med pa ni gang zag med pas zhes pa la dgongs pas so zhes pa ni thams cad shes pa nyid kyi skabs rdzogs pa'o// //kun mkhyen pa rnam pa gsum gyi mtshan nyid bshad nas/sbyor ba brjod par bya ste/ de ni rnam pa kun mngon par rdzogs par rtogs pa ste/ de yang rnam pa thams cad mkhyen pa nyid kyi sems bskyed pa nyi shu rtsa gnyis kyi bdag nyid can de/ de'i mtha'i sems bskyed pa gnyis ni srid pa dang zhi ba mnyam zhing ro gcig pa'i zhing dag pa'i thabs la mkhas pa'i bdag nyid can ni sangs rgyas kyi sa la mi slob pa'i 'bras bu ste/de ltar yang 'phags pa rnam par grol sdes/ srid dang zhi ba mnyam nyid dang / /zhes pa'i 'grel par bshad de/ 'khor ba dang mya ngan las 'das pa mnyam pa nyid du rtogs pa na bden pa mi slob par 'gyur zhes pa dang mdo sde dgongs pa nges par 'grel par yang nyon mongs pa dang /shes bya'i sgrib pa phra ba spangs pas shes bya thams cad la thogs pa dang chags pa med par rnam pa kun mngon par rdzogs par rtogs pas bsdus pa ni sa bcu gcig pa'i sangs rgyas kyi sar brjod ces gsungs pas na/seng ge bzang po'i khyad par gyi lam la rnam pa kun mngon par rdzogs par rtogs pa rnam par gzhag pa ni mi 'thad pa nyid do/ /de ltar 'phags pa rnam par grol ba'i sdes mtshan med rab tu sbyin la sogs pa'i tshig le'ur byas pa'i 'grel par sems bskyed pa dang po nas bzung ste/ thabs la mkhas pa dang ma bral bar sbyin pa sbyin par byed cing mtshan mar ni mi byed do zhes pa dang /bcom ldan 'das ma bris shing gzhan yang rang nyid kyis dad pa la sogs pa'i thar pa'i cha dang mthun la 'jug gi /dad pa la sogs pa'i dbang por brjod par bya ba ni med do/ dbang po'i don med pa'i phyir zhes gsungs pas ni drod la sogs pa dbang po 'di rnams nyid 'byung bar 'gyur zhes pa la dgongs pa'i phyir te khyad par gyi lam la dbang po 'di rnams med pa nyid na chos kyi sku'i dbang po yang med par thal bar 'gyur ba'i phyir ro//snga ma'i bye brag rtogs nas 'dir phyi ma la rjes su 'jug ces pa rigs la/de'i yang thos pa dang bsam pa'i rang bzhin thams cad kyang dang po'i nyid du shes par bya ste/ bstan pa la 'jug pa'i rgyu'i phyir ro zhes bshad la/ phyir mi ldog pa'i rtags bshad pa yang sdug bsngal la rjes su shes pa'i bzod pa'i skad cig ma rjes su shes pa dang 'brel pas nyan thos la sogs pa'i sar ltung bar srid par 'gyur te/de ni khams gsum pa'i gnyen po 'byin pa po'i phyir ro zhes gsungs la/ 'di yang ltung ba 'di rtogs pa ni ji ltar khyad par gyi lam la gnas pa'i mtshan ma med pa lhun gyis grub pa la gnas pa nas gzhan pa rnams su srid par 'gyur/gang zhig byang chub sems dpa'i sa 'og ma la gnas pa de'i yang dag par kun 'byung la rjes su shes pa la tshad med pa rnams dgos te de la las gzhan du na dgu pa la 'gog par ltung zhes bshad cing / gang yang slob dpon dpa' bos kyang ring du song ba la yid kyis yongs su log pa kun tu srid ces bshad la/sa mi g.yo ba la yongs su mya ngan las 'da' bar dgongs zhes pa dang / bstan par 'phags pa rnam par grol ba'i sdes bshad do/ /de ltar yang dag pa'i rtogs pa'i gnas skabs su mya ngan las mi 'da' ba'i phyir snying rje chen po byed ces gsungs so//de la 'gog pa dang yongs su ldog pa dang / yongs su mya ngan las 'da' bar ltung ba ni dus de srid du sems can gyi don mi 'byung ba nyid de/ de ltar yang sa bcu par de nyid kyis 'dir mya ngan las 'das par 'gyur ba ni/ sems can thams cad kyi don rgyun chad par 'gyur ba'o zhes gsungs so//gang du bsgom pa'i lam rab kyi bye brag gis sa bcu pa can gyi 'dod pa'i khams kyi tha ma 'chad par 'gyur ba dang bcas pa zhes pa'i khyad par gyi lam dus rnam pa kun mngon par rdzogs par rtogs pa ni ma yin te/ de ni sems bskyed pa nyi shu rtsa gnyis la rnam par gnas pa yin zhes bya ste/de'i mdor bstan pa ni bstan bcos las/ rnam par sbyor ba bcas rnams dang / /yon tan skyon ni mtshan nyid bcas/ /thar dang nges 'byed cha mthun dang / /slob pa phyir mi ldog pa'i tshogs/ /srid dang zhi ba mnyam nyid dang //zhi dag bla na med pa ni/ /rnam kun mngon rdzogs rtogs pa ste/ /'di ni thabs mkhas bcas pa yin/ /zhes te/ dngos po bcu gcig gis so/ /de la rnam pa'i bshad pa ni bstan bcos las/ gzhi shes pa yi bye brag rnams/ /rnam pa zhes bya'i mtshan nyid de//kun mkhyen nyid ni rnam gsum phyir/ /de ni rnam pa gsum du 'dod/ /ces te/ gzhi la dmigs pa'i bden pa bzhi la sogs pa la/ de'i shes pa de'i bye brag rnams te/ gang gis de yongs su shes pa de rnams kyi rnam pa zhes pa ni mtshan nyid kyi ming la/de la thams cad shes pa'i rnam pa ni nyi shu rtsa bdun te/ 'dir bstan bcos las/ med pa'i rnam pa nas bzung ste/ /mi g.yo ba yi rnam pa'i bar/ /bden pa so so la bzhi dang / /lam la de ni bco lngar bshad/ /ces te/ de la sdug bsngal gyi bden pa la bzhi ste/med pa dang mnyam pa nyid dang dben pa nyid dang mi brdzi ba ni de'i rnam pa'i phyir de'i pha rol tu phyin pa nyid do/ /nam mkha' ni med pa nyid la/ nam mkha' bzhin du gzugs la sogs pa yang med pa nyid do/ /chos thams cad dmigs su med pa nyid ni bde ba dang / sdug bsngal ba dag mnyam pa nyid de/ gzhung kha cig tu ni mi mnyam pa dang mnyam pa nyid ces te/ mi mnyam pa ni sdug bsngal la/ de yis mnyam zhes pa'i don to/ /shin tu stong pa nyid ni gang zag dang rang bzhin gyis stong pa nyid do/ /gnod pa po sdug bsngal gyis gnod par bya ba'i phyir na brjod pa ni bdag la/brdzi ba med pa ni bdag med pa ste/ de'i rnam pa'i phyir ni mi brdzi ba'i pha rol tu phyin pa nyid de/ chos rnams thams cad la gnod bya dang gnod byed mi dmigs pa nyid kyis dmigs su med pa'i phyir ro/ /kun 'byung ba'i la bzhi ste/ de ltar yang gnas ni rgyu ste/tha mal pa'i phung po rnams so/ /ngo bo nyid ni bdag nyid kyi dngos po ste/ lus kyi las dang / brjod pa ngag gi las dang / ming ni yid kyis te las dang nyon mongs pa la 'di rnams med pas go rims bzhin du gnas med pa dang / ngo bo nyid med pa dang / brjod du med pa dang /ming med pa ste/ de'i rnam pa'i phyir na de'i pha rol tu phyin pa'o/ /ming ni gzugs can ma yin pa'i phung po la phung po ni lus te gzugs kyi phung po'o/ /de dag med pa ni ming med pa dang / lus med pa nyid do/ /'gro ba dang 'ong ba ni lus kyi las te/de med pa ni 'gro ba dang 'ong ba med pa'o/ /brjod pa'i rgyu ni rnam par rtog pa la de med pa ni rtog pa med pa nyid do/ /'gog pa'i gzhi ni de ltar yang 'dir 'gro bar 'gyur ba'am/ gzung ba'am/ zad pa'am/ skye ba rnams med pas go rims ji lta ba bzhin du 'gro ba ma mchis pa dang /mi 'phrogs pa dang / mi zad pa dang / mi skye ba ste/ de'i rnam pa'i phyir de'i pha rol tu phyin pa'o/ /chos thams cad 'gro ba dang / 'ong ba med pa dang / chos rnams thams cad la gzung du med pa nyid ni chos kyis chos la gzung du med de don dam par na med pa'i phyir ro/ / zad pa nyid kyis chos des de la sbyor ba med pas mi zad pa'i chos dang ldan pa nyid do/ /mngon par 'grub pa ni skye ba ste/ de la med pas mngon par ma grub pa nyid do/ /lam la bco lnga ni byed pa po med pa dang shes pa po dang / mthong ba po med pa dang / mi 'pho ba dang / dul ba med pa dang / rmi lam dang / sgra brnyan dang / mig yor dang / smig rgyu dang / sgyu ma dang / kun nas nyon mongs pa med pa dang / rnam par byang ba med pa dang / gos pa med pa dang / spros pa med pa dang / rlom pa med pa dang / g.yo ba med pa rnams te/ byed pa po med pa la sogs pa'i rnam pa'i phyir na de'i pha rol tu phyin pa'o//lam ni byed pa po med pa ste/ de nas byed pa dmigs su med pa'o/ /lam la shes pa po dang mthong ba po med pa ste/ des na shes pa po dang / mthong ba po dmigs su med pa'o/ /lam la kun tu 'pho ba med de des na 'chi 'pho ba dang skye ba dag tu mi sbyor ba ston pa'i phyir ro//lam la dul ba med pa ste/ des na dus gsum sgyu ma'i rang bzhin pas dul ba med pa'i phyir ro/ /rmi lam la sogs pa dang 'dra ba'i phyir rmi lam la sogs pa ste/ lam ni rmi lam ste/ gdul bya lta ba po la 'dod pa'i don ston pa'i phyir ro/ /lam ni brag ca ste/ yod pa ma yin pa'i sgra la sgrar dmigs pa'i phyir ro//lam ni mig yor dang gzugs brnyan dang mnyam pa ste/ gzugs kyi gzugs brnyan dmigs pa'i phyir ro/ /lam ni smig rgyu ste/ de ni chu'i phung po bzhin du med bzhin 'jig rten khams su snang ba'i phyir ro/ /lam sgyu ma ste/ rang gi rang bzhin gyis mi snang ba'i phyir de ma skyes par shes pa nyid ces pa'o//gang du lnga po 'di rnams kyis kyang lam ma skyes pa gsal bar byed pa ste/ lam ni kun nas nyon mongs pa med pa ste/ des na 'dod chags la sogs pa dmigs su med pa'o/ /lam ni rnam par byang ba med pa ste/ des na sems can nyon mongs pa ci mi dmigs pa'i phyir ro/ /lam ni nye bar gos pa med pas nam mkha' bzhin du nye bar gos pa med pa'i chos kyi dbyings te/ des na mthong ba med pa'i sbyor bas mthong ba'i phyir ro/ /lam ni spros pa med pa ste/ spros pa'i gnyen po yin pa'i phyir ro//lam ni rlom pa med pa ste/ rlom pa thams cad yang dag par bcom pa'i phyir ro/ /lam ni mi g.yo ba ste/ chos dbyings kyi ngo bo nyid kyis rtag pa'i phyir ro/ /'bras bu'i gnas skabs nyid kyis thams cad shes pa'i rnam pa ni nyan thos rnams kyi ste/ zag pa med pa nyid la/lam shes pa'i byang chub sems dpa'i rnams kyi ni zag pa dang bcas pa ste/ nyon mongs pa shin tu ma spangs pa'i phyir ro/ /rdzogs par sangs rgyas pa rnams kyi thams cad mkhyen pa'i rnam pa ni zag pa med pa nyid do/ /mdzod du ni dri ma med par bcu drug las gzhan pa'i rnam pa zhes pa ni nyon mongs pa'i sgrib pa tsam gyi gnyen po nyid pas na de ltar 'dir 'gal ba med do//lam shes pa'i rnam pa sum cu rtsa drug ni gong du bstan bcos las/ rgyu dang lam dang sdug bsngal dang / /'gog pa la ni go rims bzhin/ /de dag brgyad dang bdun dang ni//lnga dang bcu drug ces gsungs so/ /zhes te kun 'byung ba dang / lam dag ni sngon du bshad pa ni rgyu yin pa'i phyir la/ sdug bsngal dang 'gog pa dag ni 'bras bu'o/ /de la kun 'byung ba'i brgyad de/ 'dod chags dang bral ba dang / kun nas ldang ba med pa dang zhi ba dang 'dod chags med pa dang /zhe sdang med pa dang / gti mug med pa dang / nyon mongs pa med pa dang / sems can med par brjod de/ sngon du bshad pa'i phung po lnga po rnams ni kun 'byung ba'o/ /'dir chags par byed pas 'dod chags te/ chos rnams thams cad la ngo bo nyid du sgro btags pa la/'dir 'dod chags de dang bral zhes pas 'dod chags dang bral ba ste/ kun 'byung ba'i chos rnams thams cad kyi phyin ci log gi sgro btags pa'i ngo bo nyid kyis stong pa nyid do/ /kun nas ldang ba ni nyon mongs pa'i rgyu ste/ rnam par rtog pa la/de la 'di med pa ni kun nas ldang ba med pa ste/ kun 'byung ba'i chos rnams thams cad kyi rnam par rtog pa med pa nyid pas 'dzin pa med pa'i phyir ro/ /zhi ba ni kun 'byung ba'i chos rnams thams cad kyi mtshan ma dang chos kyi khyad par rnams don dam par nye bar dmigs pa med pa nyid la de'i phyir na 'dod chags med pa'i pha rol tu phyin pa dang /zhe sdang med pa'i pha rol tu phyin pa dang / gti mug med pa'i pha rol tu phyin pa ste/ skyon med pa zhes pa ni 'dir yon tan gsum gyi phyir te/ 'dod chags dang zhe sdang dang gti mug zad pa'o/ /nyon mongs pa thams cad med pas nyon mongs pa med pa'o//kun 'byung bar yongs su btags pa med pa dang / 'dzin pa med pas sems can nyid du nyon mongs par 'gyur ba'i sdug bsngal de la med pas sems can med pa ste/ kun 'byung ba'i yang dag pa'i mtha' nyid la chos dang gang zag gis stong pa nyid do/ /lam gyi bdun ni tshad med pa dang /mtha' gnyis rjes su rig pa dang / kun tu tha dad med pa dang / gzhan gyi dring mi 'jog pa dang / rnam par rtog pa med pa dang / gzhal du med pa dang / ma chags pa'o/ /lam ni tshad med pa dang / chos rnams thams cad kyi kun nas ldang ba ni kun rdzob tu skye ba la/kun nas ldang ba med pa ni don dam par skye ba med pas nye bar bzung ba'o/ /lam ni mtha' gnyis rjes su rig pa ste/ mngon par zhen pa med pa nyid du dngos po dang dngos po med pa gnyis rjes su rig pa med pas so/ /lam ni kun nas tha dad pa med pa ste/ tha dad pa nye bar mi dmigs pa'i phyir ro//lam ni gzhan gyi dring mi 'jog pa ste/ des theg pa dman pa la mi dga' ba'i phyir ro/ /lam ni rnam par rtog pa med pa ste/ rnam par rtog pa rnams rjes su mi dmigs pas so/ /lam ni gzhal du med pa ste/ gzhal du med pa'i chos nyid la dmigs pa'i phyir ro//lam ni chags pa med pa ste/ chos rnams thams cad la chags pa med pa nyid pas dmigs pa med pa nyid do/ /sdug bsngal gyi lnga ni/ mi rtag pa dang / sdug bsngal ba dang / stong pa dang / bdag med pa dang / mtshan nyid med pa'o/ /zag pa dang bcas pa'i phung po lnga ni sdug bsngal ba ste/de la mi rtag pa ni rtag par 'gyur ba med pa nyid ces pa ste/ chos thams cad 'dus ma byas pa dang ma skyes pa nyid do/ /sdug bsngal la sdug bsngal ni nam mkha' dang 'dra ste/ rang gi mtshan nyid dang bral ba'i phyir sdug bsngal stong pa dang /sdug bsngal bdag med pa ste/ 'dus byas pa'i mtshan nyid kyi skye ba dang rga ba dang mi rtag pa gsum de la med pas sdug bsngal mtshan nyid med pa'o/ /'gog pa la bcu drug ste/ de ltar yang 'gog pa ni stong pa nyid kho na rnam par dag pa nyid la stong pa nyid la ni dbyer med de/dbye ba po rnams dmigs su med pas de'i phyir na nam mkha' bzhin du 'gog pa ni mtha' med pa dang / mu med pas rgya che ba ste/ dus gsum gyis kyang yongs su ma chod pas go rims bzhin du de'i stong pa nyid bcu drug 'dir ro/ /gcig pa nyid de 'dir gsungs pa ni/ 'di ni nang stong pa nyid kyi pha rol tu phyin pa'o zhes pa nas ji srid du dngos po med pa'i ngo bo nyid stong pa nyid kyi bar zhes pa'i don te/'dir dngos po dang dngos po med pa rang gi dngos po dang gzhan gyi dngos po stong pa nyid ni ji ltar rigs pa bcu drug gi nang du bsdu ba'o/ /rnam pa thams cad mkhyen pa nyid kyi rnam pa rnams ni brgya rtsa bcu ste/gang du bstan bcos las/ dran pa nyer gzhag nas bzung ste/ /tha ma sangs rgyas nyid rnam par/ /slob ma byang chub sems dpa' dang / /sangs rgyas rnams la rim bzhin du/ /sum cu bdun dang sum cu bzhi/ /sum cu rtsa dgu dag tu bzhed//ces te/ de'i dbang du byas nas gsungs pa ni/ dran pa nye bar gzhag pa la sogs pa ste/ byang chub kyi phyogs rnams kyi re re zhing dmigs pas med pa de'i rnam pa'i pha rol tu phyin pa ste/ lus dran pa nye bar gzhag pa'i pha rol tu phyin pa nas ji srid du yang dag pa'i ting nge 'dzin gyi pha rol tu phyin pa zhes pa'i bar te/nyan thos kyi lam la brten pa'i rnam pa thams cad mkhyen pa'i sum cu rtsa bdun no/ /rnam par thar pa'i sgo gsum po rnams dang / rnam par thar pa brgyad dang / mthar gyis gnas pa'i snyoms par 'jug pa dgu dang /bden pa bzhi dang sbyin pa la sogs pa bcu rnams mi dmigs pa la re re zhing pha rol tu phyin pa ste/ 'di'i stong pa nyid kyi pha rol tu phyin pa zhes pa nas ji srid du 'di ni ye shes kyi pha rol tu phyin pa zhes pa'i bar ni byang chub sems dpa'i lam la brten pa'i sum cu rtsa bzhi'o//rnam pa thams cad mkhyen pa nyid kyi rnam pa stobs kyi pha rol tu phyin zhes pa ni stobs bcu ste/ 'dir gnas dang gnas ma yin pa mkhyen pa'i stobs la stobs kyi pha rol tu phyin pa zhes pa nas ji srid du zag pa zad pas mkhyen pa'i stobs kyi bar ni stobs kyi pha rol tu phyin pa'o//brdzi ba med pa nyid ni stobs kyi don to/ /mi 'jigs pa'i pha rol tu phyin pa ni bzhi ste/ mngon par byang chub pa dang / zag pa zad pa dang / bar chad kyi chos dang nges par 'byung ba can gyi chos rnams la mi 'jigs pa'i pha rol tu phyin pa nyid dang / de bzhin du zhum pa med pa ni mi 'jigs pa'i don to//chos dang don dang nges pa'i tshig dang spobs pa ni so so yang dag par rig pa'i pha rol tu phyin pa ni rnam pa bzhi ste/ thams cad du chos dang don dang nges pa'i tshig dang spobs pa rnams mkhyen pas thams cad mkhyen pa la/ de ni chags pa dang thogs pa las 'das pa nyid de de ni so so yang dag par rig pa'i don to//de la gsung rab yan lag bcu gnyis ni chos dang / de'i brjod par bya ba'i don no/ /chos kyi ming gi tshogs pa la sogs pa rnams kyi nges pa'i tshig dang 'gro ba drug gi skad ni nges pa'i tshig ste/ de rnams so sor rig pa'i phyir ro/ /chos la sogs pa rnams gzhan la ston pa'i phyir chos la sogs pa so so yang dag par mngon sum du 'gyur ba ni spobs pa de nyid so so yang dag par rig pa'o//sangs rgyas kyi chos de thams cad la ma 'dres par spyod ces pas ma 'dres pa ste/ gzhan rnams dang thun mong ma yin pa'i phyir ro/ /de'i rnam pa ni bco brgyad yin pa'i phyir de'i pha rol tu phyin pa ste/'di lta ste/ 'khrul pa mi mnga' ba dang / ca co dang / dran pa nyams pa mi mnga' ba de'i pha rol tu phyin pa ni gsum mo/ /sems mnyam par ma bzhag pa dang / 'du shes sna tshogs pa dang / ma brtags pa'i btang snyoms mi mnga' ba ste/ de'i pha rol tu phyin pa gsum mo//'dun pa dang / brtson 'grus dang / dran pa dang / ting nge 'dzin dang / shes rab dang / rnam par grol ba rnams yongs su nyams pa mi mnga' ba ste/ de'i pha rol tu phyin pa ni drug go/ /lus dang ngag dang yid kyi las thams cad kyi sngon du ye shes 'gro zhing ye shes kyi rjes su 'brang ba ste de'i pha rol tu phyin pa ni gsum mo//dus gsum pa thams cad du ma chags shing ma thogs pa'i ye shes 'jug ste/ de'i pha rol tu phyin pa gsum mo zhes pa ni ma 'dres pa bco brgyad kyi pha rol tu phyin pa'o/ /'dra ba dang bsam pa dang gzhal ba la des sbyor ba dang /'brel pa ni 'dres pa la/ de las yang dag par 'das shing shin tu 'das pa ni ma 'dres pa'i don to/ /chos kyi ji lta ba bzhin de nyid du gshegs pa la de bzhin gshegs pa ste/ de'i de bzhin nyid ni de bzhin gshegs pa nyid la de'i rnam pa yin pa'i phyir de'i pha rol tu phyin pa'o//sangs rgyas kyis gsungs pa'i chos rnams thams cad kyi de rnams kyi bden pa nyid la/ rang gi sems kyi bdag nyid kyis sgom par byed cing gnas par byed pa'i chos thams cad ni rang 'byung ba la de'i rnam pa'i phyir ni de'i pha rol tu phyin pa las byung bas 'di'i khongs su sdud pa'i don tam/rang gi 'dod pas 'dir 'byung bar 'gyur zhes pa ni rang 'byung ba'o/ /de'i phyir na yum chen mo las chos thams cad la dbang sgyur ba nyid nas nye bar bzung ste zhes gsungs pa de'i 'dir ni rgyur gsungs te/ chos thams cad ngo bo nyid med pa nyid la zhes pa ni chos rnams thams cad ngo bo nyid med pa nyid de/de'i phyir na de bzhin gshegs pa rnams kyi dbang sgyur ba'o zhes pa la dgongs pa ste/ chos thams cad ngo bo nyid med par rtogs pa ni gzhan gyi dring la mi 'jog pa'i phyir chos thams cad la dbang sgyur ba'o/ /rang 'byung ba'i rnam pa'o zhes pa ni gzhan dag gi'o//thams cad mkhyen pa'i ye shes dang sangs rgyas kyi zhes pa ni don gcig go/ /'dir sangs rgyas nyid kyi rnam pa tha ma ni yum chen mo la 'dir ni rnam pa thams cad mkhyen pa'i ye shes te/ de gsungs pa ni/ thams cad mkhyen pa zhes pa ste/ chos rnams thams cad kyi ngo bo nyid dang rnam pa thams cad dang de rnams kyi ye shes de'i ngo bo nyid kyis mkhyen pa'i sangs rgyas kyi lam tshol bar byed ces pa'i 'bras bu'i gnas skabs la brten nas rnam pa thams cad mkhyen pa nyid kyi rnam pa ni sum cu rtsa dgu ste/med pa'i rnam pa nas bzung ba'i rnam pa ni brgya bdun cu rtsa gsum mo//rtag pa dang mi rtag pa la sogs pa sgro btags pa ma lus par log pa'i byang chub kyi sems bskyed pa nyid kyi ngo bo la gdul bya'i bsam pa'i khyad par gyi ngor de dang de'i ldog pa'i dbye bas tha dad pa bzhin du rnam par gzhag pa ste/ de ltar na shes rab kyi pha rol tu phyin pa ni sems bskyed pa nyi shu rtsa gnyis la ji ltar rigs pa'i rnam pa rnams dang 'dres pa rnams la 'di ni ji ltar rigs pa ste/sbyor ba'i gzugs la sogs pa zhes pa la sogs pa'i tshigs su bcad pa bzhis bshad pa ni/ rnam pa kun mngon par rdzogs par rtogs pa'i skabs la gang du thams cad shes pa nyid kyi skabs su ni gzugs la sogs pa zhes pa nas kyi tshigs su bcad pa phyed dang gsum gyis sbyor bas gsungs pa ste/de ni ldog pa'i sgo nas bstan pa ni/ nyan thos rnams kyi la rjes su 'gro ba'i sgo nas ni byang chub sems dpa' rnams kyis bsgom par bya ba'o//de la dang po'i sems bskyed pa gsum ni/ mtshan med rab tu sbyin la sogs/ /yang dag bgrod la mkhas pa ni/ /rnam pa thams cad rtogs 'di la/ /thar pa'i cha dang mthun par 'dod/ /ces pa'o/ /sems bskyed pa bzhi po ni drod la sogs pa'i nges par 'byed pa'i cha dang mthun pa bzhi la drod la sogs pa rnams la re re bzhin du chung ngu dang 'bring dang chen po'i dbye bas rnam pa bcu gnyis kyi/dmigs pa mi rtag pa la sogs pa tshigs su bcad pa bdun gyis bstan pa'i rnam pa thams cad mkhyen pa nyid kyi skabs so/ /de ltar tha dad ma byas pa nyid kyi dmigs pa mi rtag pa la sogs pa zhes pa ni tshigs su bcad pa gsum gyis bzhi pa bshad pa nyid ni de ltar rnam pa kun mngon par rdzogs par rtogs pa'i skabs la ldog pa'i sgo nas ni nyan thos rnams kyi'o//gzugs sogs phung po zhes pa la sogs pa tshigs su bcad pa gsum gyis ni rang sangs rgyas kyi yang ste/tshig le'ur byas pa dag gis ni nges par 'byed pa'i cha dang mthun pa'i drod la sogs pa rnam pa bzhi'i bdag nyid can gsungs pa la/ rjes su 'gro ba'i sgo nas ni byang chub sems dpa' rnams kyi lam shes pa'i skabs la'o/ /sems bskyed pa lnga po ni mthong ba'i lam gyi rab tu dga' ba'i sa zhes pa ni mdor bstan la/rnam pa thams cad mkhyen pa nyid kyi skabs dang lam shes pa'i skabs kyi bzod pa zhes pa la sogs pa'i tshigs su bcad pa drug gis ni rgyas par bshad pa'o/ /nyan thos rnams dang rang sangs rgyas rnams kyi mthong ba'i lam gyis mdor bstan pa'i rgyas par bshad pa ni lam shes pa'i skabs kyi chos shes pa la sogs pa tshig le'ur byas pa lnga ste/thams cad shes pa'i skabs su ste/ de ltar 'di nyid kyi don gyi rnam par gzhag pa ni legs par bzhag pas gzhan du ma yin no/ /kun mkhyen pa rnam pa gsum gyi rnam pa 'di rnams kyis/bcom ldan 'das ma de stod par byed pa'i le'u ni bstod pa'i le'u ste dgu pa'o// //rnam pa rnams kyi sbyor ba brjod par bya ste/ de la bcom ldan 'das ma ni thos par yang rnyed par dka' na ji ltar na sbyor ba gsungs zhes pa bstan pa bstan bcos las/sangs rgyas rnams la bsnyen bkur bya/ /de las dge ba'i rtsa ba skrun/ /dge ba'i bshes kyis mgon bcas pa/ /'di mnyan pa yi snod yin no/ /sangs rgyas brten dang kun drin dang / /sbyin dang tshul khrims sogs spyod pas/ /len dang 'dzin pa la sogs pa'i//snod du dam pa rnams bzhed do/ /zhes te/ sngon du sangs rgyas rnams la sman la sogs pa rnams kyis bsnyen bkur byas pa'i bsod nams dang / de rnams la yang gnas dang skyed mos tshal dang mal stan dang ston mo la sogs pa rnams kyis dge ba'i rtsa ba rnams bskyed nas tshul khrims dang thos pa la sogs pa dang ldan pa rnams kyis gang 'dir bcom ldan 'das mnyan pa de ni ma tshang ba med pa'i bsnyen bkur la/gang gis ji srid du 'dzin pa dang / de bzhin nyid du sgrub pa de ni de ltar yang sangs rgyas la sogs par yang rigs pas/ de la gsungs pa ni/de nas yang zhes pa la sogs pas te/ de bzhin nyid du slob pa ni zhi gnas kyis la/ sgrub pa ni lhag mthong gis so/ /rnal 'byor du byed par 'gyur ba ni zhi gnas dang lhag mthong dag gis so/ /dad pa med ces pa la sogs pa ste/ de bzhin gshegs pas gsungs pa'i phyir phyin ci ma log pa'o zhes yang dag par yid ches pa ni dad pa'o//gzung bar 'dod pa ni bzod pa spong bar mi 'dod pa'i ni 'dod pa'o/ /don dang gzhung dag la nyan par 'dod pa ni 'dun pa la brtson 'grus ni spro ba'o/ /dge ba la bar du gcod par byed pa'i chags pa dang / zhe sdang dang / gti mug dang /le lo rnams kyi gnyen por ni bag yod pa la mngon sum dang rjes su dpag pa las thob pa'i tshig rnams kyis nges pa nyid kyi dngos po la de nyid 'di las gzhan du min zhes pa rtogs par byed pa ni mos pa ste/ gang gis mi 'phrogs pa nyid la kun tu gnas pa ni sbyin pa'i las la gtso bo ste/phas kyi rgol ba rnams kyis mi 'phrogs pa'i phyir ro/ /yongs su ma dris pa ni the tshom gyi gnas la'o/ /chung ngu ba ni byas pa ste/ gang gis dri ba yang de bzhin no/ /'di zhes pa la sogs pa ste/ de bzhin du shes rab kyi pha rol tu phyin pa dang thams cad mkhyen pa'i ye shes dag phan tshun gyi rgyu nyid du nges par bskyed pas 'di rnams la phyag 'tshal zhes pa'i don to zhes pa ni sbyor ba po rnyed par dka' ba nyid do//de nas zhes pa la sogs pas ni sbyor ba'i go skabs te/ de yang bsdus na ni byang chub kyi sems bsgom pa nyid la rgyas pa ni bstan bcos su/ gzugs la sogs pa mi gnas phyir//de la sbyor ba bkag pa'i phyir/ /de yi de bzhin nyid zab phyir/ /de rnams gting dpag dka' ba'i phyir/ /de dag tshad ni med phyir dang / /tshegs chen yun rings rtogs kyi phyir/ /lung bstan phyir mi ldog nyid dang / /nges 'byung bar chad med bcas dang //byang chub nye dang myur ba dang / /gzhan don 'phel med 'grib med phyir/ /chos dang chos min sogs mi mthong / /gzugs sogs bsam mi khyab mi mthong / /gzugs sogs de yi mtshan ma dang / /de yi ngo bo rnam mi rtog /'bras bu rin chen sbyin pa byed/ /de ni dag pa mtshams dang bcas//zhes te/ sbyor ba dang bcas pa rnam par bshad pa rnams kyi rang bzhin las sbyor ba'i phyir na tshad med pa'i bar gyi de rnams la sbyor ba dgag pa'o zhes rjes su 'brang bar byas la/ de rnams zab pa'i phyir dang / gting dpogs par dka' ba'i phyir dang / /tshad med pa'i phyir ni de rnams la sbyor ba bkag pa'o//de'i sbyor ba gsungs pa ni/ kau shi ka 'dir zhes pa la sogs pa ste/ spyod pa ni yid la byed pas so/ /gzugs la sogs pa la mi gnas pa'i ni mdor bstan pa la/ gzugs la sogs pa'i zhes mi gnas zhes pa ni rgyas par bshad pa ste/ mngon par zhen pa med ces pa'i don to/ /mi gnas zhes pa ni gzugs la sogs pa rnams la mi gnas pa'i sbyor ba'o/ /gzugs zhes pa la sogs pa ste/ mi sbyor ba ni ming dang mtshan ma dag gis yin la de ltar na mi gnas pa ni yang dag par mi shes pa ste/ gnas pa ni rnam par rtog pa med pa'i phyir zhes pa ni gzugs la sogs pa la sbyor ba med pa'i sbyor ba'o//de nas zhes pa la sogs pa ste/ zab ces pa ni gzugs la sogs pa'i de bzhin nyid zab pa'i phyir zhes pa ste/ zab pa'i sbyor ba'o/ /gting dpogs par dka' ba ni gzugs la sogs pa rnams kyis gting dpag dka' ba'i phyir ro//'o na shes rab kyi pha rol tu phyin pa nges par 'byed pa nus par 'dod pa ma yin nam zhe na gsungs pa ni gzung bar dka' ba ste/ nges par mtshan mar 'dzin pa ste/ de las ni rnam par rtog pa la shes rab kyi pha rol tu phyin pa la ni rnam par rtog pa med de/ de'i phyir na gting dpogs par dka' ba'o zhes pa ni gting dpogs par dka' ba'i sbyor ba'o//gzugs la sogs pa la tshad med pa'i phyir zhes pa ni tshad med pa'i sbyor ba'o/ /gzugs zab ces pa la sogs pa ste/ mi gnas pa ni mngon par zhen pa la sbyor ba mi byed pa ni yang dag par mi shes pas so zhes pa ni zab pa nyid do//mi sbyor ba'i sbyor ba'o/ /de bzhin du gting dpogs par dka' ba nyid ni sbyor ba med pa'i sbyor ba'o/ /de ltar tshad med pa ni sbyor ba med pa'i sbyor ba'o/ /de skad ces gsol pa dang zhes pa la sogs pa ste/ skyon cir 'gyur zhes pa ste/ 'dri ba la lan ni yum chen mor gsungs pa dran par byed do//de brjod pa ni de yang thos nas 'di la dad par mi byed cing so sor spong bar byed pas des ngan 'gror yun ring du gnas nas tshegs chen po dang yun ring por mngon par byang chub par 'gyur zhes pa ni tshegs chen po yun rings kyis mngon par rtogs pa'i sbyor ba'o//de skad ces gsol zhes pa la sogs pa ste/ rgya chen pos lung bstan par 'gyur nas mngon par rtogs par 'gyur zhes pa'i bar du ste/ gcig ma yin zhes pa ni gzhung nor ba can la/ gcig ces pa ni ma nor ba'o/ /brnyes par 'gyur ba ni thob par 'gyur ba'o//thugs byung bar byed par mi 'gyur ba ni brten par byed par 'gyur ro zhes pa ni lung bstan pa thob pa'i sbyor ba'o/ /yun ring por theg pa zhes pa la sogs pa ste/ yang dag par zhugs pa'o/ /yang nas yang du ni dpe mang du'o/ /ming mthun pa ni kha phyir bltas pa'o/ / yongs su ldog pa ni rnam par ldog par 'gyur ba la rab tu thob pa la ldog pa med pa'i sbyor bas sbyor bar 'gyur zhing rnyog pa med pas rab tu rtsol bar 'gyur zhes pa ni phyir mi ldog pa'i sbyor ba'o/ /'di lta ste dper na zhes pa la sogs pa las/ nyan pa la zhes pa'i bar ni nges par 'byung ba'i sbyor ba'o//de skad ces gsol pa dang zhes pa la sogs pa nas mnyan pa zhes pa'i bar te/ sdong po ni phung po la sdong po dang ri dgas kyi mtshan ma ni rtse mo la sogs pa'o/ /ji ltar yang na gal te yang zhes pa'i don to/ /mthar thug pa ni nges pa'o zhes pa ni bar chad med pa'i sbyor ba'o/ / 'di lta ste dper na zhes pa la sogs pa ste/ rnying pa rnams lhags pa zhes pa ni mngon par byang chub pa las nye bar sbyor ba'o/ /'di lta ste dper na zhes pa la sogs pa ste/ snyom par 'gyur ba ni ngal bar 'gyur ba'o/ /sdug bsngal ni na ba'o/ /smra ba nyid ni smra ba'am smra bar bya ba'o/ / nyams ni stobs so/ /grogs ni skyes bu dang lhan cig nyal ba'o/ /gang gi phyir sngon gyi zhes pa ste/ tshul bzhin ma yin pa yid la byed pa ni 'dod chags kyi rgyu la brten pa ni kun rtog pas kun brtan pas de skyed pas so/ /nges par skyes pa ni 'dod chags skyes pas so/ /bsgoms pas ni kun tu sbyor bas so//mang du byas pa ni yang dang yang du de ltar byas pas so/ /dga' zhing ni rjes su yi rang ba ste zhes pa ni myur du mngon par byang chub pa'i sbyor ba'o/ /de skad ces gsol pa dang zhes pa la sogs pa ste/ gang du gzhan phan 'dogs par byed pa po med pa nyid de ni ngo mtshar ba'o//ci gal te zhes pa ni yang dag par bstan pa dang yang dag par len du 'jug pa dang yang dag par dga' bar byed pa dang / yang dag par gzengs bstod pa 'ba' zhig ma yin te/ ji ltar zhe na legs par yongs su gzung ba ni rjes su gzung ba yang dag par khas len pa'o/ /legs par yongs su gtad pa ni byang chub sems dpa' rnams la yang dag par gtad nas thos pa la sbyor la yongs su gtad pa de la yang de rnams kyis bslab pa'i phyir sbyor ba zhes pa ni gzhan gyi don gyi sbyor ba'o//rab 'byor gyis gsol pa zhes pa la sogs pa ni 'phel ba dang 'grib pa med pa'i sbyor ba'o//chos ma yin zhes pa la sogs pa ni de ltar chos dang chos ma yin pa dang lung du ma bstan pa la sogs pa mi mthong ba'i sbyor ba'o/ /rab 'byor gyis gsol pa zhes pa la sogs pa ste/ chos rnams bsam gyis mi khyab pas mi mthong ba'i sbyor ba'o/ /de nas yang zhes pa la sogs pa ste/ rnam par mi rtog pa'i sbyor ba'o/ /rin po che'i phung po zhes pa ni 'bras bu rin po ches yang dag par rdzogs pa'i byang chub kyi chos kyi 'khor lo bskor ba rnams kyi rgyu'i phyir ro zhes pa ni 'bras bu rin po che rab tu sbyin pa'i sbyor ba'o/ /dag pa'i phung po zhes pa la sogs pa ste/ de rnams nyid kyi 'bras bu rnams ni nam mkha' bzhin du rnam par dag pa mthong bas so zhes pa ni dag pa'i sbyor ba'o//ngo mtshar to zhes pa la sogs pa ste/ yi ger bri ba ni bri bar nus pa'o/ /rab tu bsgrub par mi 'gyur ba ni/ rab tu 'byung bar mi 'gyur ba la yi dam ma nyams pa ni dum bur ma gyur pa'o//mtshams las mi 'da' ba ni mtshams dang bcas pa'i sbyor ba'o/ /yon tan ni sbyor ba'i bsngags pa rjod par byed pa ste/ de'i dbang du byas nas bstan bcos las/ bdud kyi mthu bcom la sogs pa/ /yon tan rnam pa bcu bzhi'o/ /zhes pa ste de la de nas yang zhes pa la sogs pa ste/dgongs par 'gyur ba ni dran par 'gyur ba'o/ /yongs su gzung bar 'gyur ba ni rjes su mthun pas gnas pa la sogs pas zhes pa ni bdud kyi mthu rnam par bcom pa'i yon tan no/ /shA ri'i bu bar chad byed par mi nus zhes pa la sogs pa ste/ sangs rgyas kyis dgongs pa'i yon tan no//de skad ces bka' stsal pa zhes pa la sogs pa ste/ mthu ni nus pa la byin gyi rlabs ni nus pa lhag par skyed pa'o/ /yongs su bzung ba ni khas blangs pa'o/ /mkhyen pa ni de la dgongs pa dang bcas pa'o/ /byin gyis rlob pa ni rang gis byas pa'o/ / gzigs pa ni sha'i mig gis so/ /rnam par gzigs pa ni sangs rgyas kyi spyan gyis zhes pa ni sangs rgyas kyis kun du gzigs pa'i yon tan no/ /byang chub sems dpa' gang de zhes pa la sogs pa ste/ de bzhin nyid ni yang dag par rdzogs pa'i byang chub kyi lam la zhes pa ni yang dag par rdzogs pa'i byang chub la nye ba'i yon tan no//gang yang zhes pa la sogs pa ste/ don du gnyer ba chen po ni de nas brtsams nas byang chub sems dpa'i sa rnams kyis so/ /phan yon chen po ni byang chub sems dpa' rnams kyi phun sum tshogs pa'i'o/ /'bras bu chen po ni srid pa dga' bar spyod ces pa ste/rus dang rigs dang mtshan nyid la sogs pa phun sum tshogs pa rnams kyis so/ /rnam par smin pa che ba ni rjes la bla na med pa'i byang chub pa'o/ /'bad pa ni dub pa ste/ yongs su dub pa ni bya bas so zhes pa ni don chen po nyid la sogs pa'i yon tan no/ /'di dag ni zhes pa la sogs pa ste/mdo sde ni shes rab kyi pha rol tu phyin pa la sogs pa'o/ /'das nas zhes pa ni yongs su mya ngan las 'das nas so/ /bar ta ni shar phyogs kyi yul lo/ /mngon par gsar la gsar bas snying por byung bas snying po'o/ /de thob nas gdul bya rnams la 'di zhes pa ni de ltar ro//chos ni chos 'di bstan pa'i phyir la/ 'dul ba ste/ nyon mongs pa 'dul ba la sogs pas so/ /bcom ldan 'das mya ngan las 'das nas lo stong phrag lngar 'jig rten du gnas pa ste/ de nas nub pa'i tshe de'i dus dang nye ba na byang zhes pa ni cha gzhan rnam par gcad pa ste/bod kyi phyogs la sogs pa'o/ /bstan pa der rgyas pa nas rab tu 'jug par 'gyur zhes pa ni bstan pa rgyas pa'i yon tan no/ /yun ring po nas theg pa la zhes pa la sogs pa ste/ dri bar byas pas na yongs su dris pa'o/ /yongs su shes pa'i phyir zhes pa ni yongs su zhus pa'o//de'i phyir yongs su 'dri bar byas pas yongs su dris pa'o/ /tshul khrims ni tshul khrims la sogs pa zhes pa ni dkar po'i chos yongs su skyong ba'i yon tan no/ /de ci'i phyir zhe na zhes pa la sogs pa ste/ tshe rabs 'phos kyang zhes pa ni de'i byang gi tshe rabs de las 'das pa rnams las yang ngo //yang dag par spyod pa ni sbyor ba rnams so/ /mngon par dga' ba ni mngon par 'dod pa'o zhes pa ni skyes bu'i brjod pa'i yon tan no/ /de dag la zhen pa la sogs pa ste/ 'dun pa'am sngags kyis zhes pa ni bsam pas sam brjod pas so zhes pa ni mi phyed pa nyid kyi yon tan no//de dag gis zhes pa la sogs pa ni skye bo mang po'i dge ba'i rtsa ba bskyed pa'i yon tan no/ /de ci'i phyir zhes pa la sogs pa ste/ gzhag par bya'o ni 'jug pa tsam gyis so/ /yang dag par bstan par bya ba ni bsgom pa rab kyis yang dag par bsgrub pas so//yang dag par dgod par bya ba ni brtan par byed par bya ba'o zhes pa ni dam bcas pa'i dngos po'i don bsgrubs pa'i yon tan no/ /de ltar yang zhes pa la sogs pa ste/ de ltar ji skad du bshad pa'i gzhan gyi don sgrub par byed pa'o/ /mos pa rgya chen po can zhes te/gzugs la sogs pa'i yul la sbyin pa rgya chen po sbyin pa nyid dang gzhan yang dge ba'i rtsa ba mngon par 'dus byas pa'i rnam par smin pa rgya chen po yongs su 'dzin cing sems can rnams kyi don du rgya chen po'i rnam par smin pa yongs su 'dzin par 'gyur ro zhes pa ni rgya chen po'i 'bras bu yongs su 'dzin pa'i yon tan no//gal te zhes pa la sogs pa ste/ lhag par dmigs par bya ba dang yang dag par 'pho bar bya ba'o zhes pa ni gzhan gyi don gyi rgya chen po yang dag par bsgrubs pa'i yon tan no/ /de skad ces bka' stsal pa dang zhes pa la sogs pa ste/chung ngu na zhes pa ni de rnams kyi yongs su dag pa'i don dang phan pa la'o/ /tshol bar 'gyur ba la kha cig dag gis rnyed par 'gyur zhes pa ste/ btsal zhing ni 'di nas der song nas so/ /rjes su btsal ba ni 'dir thob par 'gyur zhes thos nas so/ / yongs su btsal ba ni yang dag par ro/ /nye bar 'ongs par 'gyur ba ni nye bar na'o/ /nye bar gzhol bar 'gyur ba ni 'bad par gyur pas rnyed pa'o/ /nye bar phyogs pa ni 'bad pa med pas thos zhes pa ni pha rol tu phyin pa drug nges par thob pa'i yon tan no/ /ji skad du bshad pa'i sbyor ba rnams sems la bzhag cing 'dzin pas de'i phan yon rnams kyi le'u ste le'u bcu pa'o// //sbyor ba la bar chad byed pa'i skyon gyi dbang du byas pa ni bstan bcos las/ skyon ni bcu tshan bzhi bcas pa/ /drug tu nges par rtogs par bya/ /zhes te/ bzhi bcu rtsa drug po 'dir gsungs pa ni de nas zhes pa la sogs pa ste/yongs su brjod ces pa la sogs pa'i tshig gis ni spyod pa rnam pa thams cad kyi nye bar mtshon pa'o/ /yun ring mo zhes pa ni yun ring pos pha rol tu phyin pa rnams rdzogs nas des yun ring mo nyid kyis byang chub par 'gyur zhes pa ni spobs pa yun ring mo'i skyon no//de skyes na yang zhes te/ rnam par g.yengs par 'gyur ba ni rgod par 'gyur ba ste/ thabs la mi mkhas pas shin tu myur bar de las skyes pas nga rgyal skye la des byang chub sems dpa' gzhan la brnyas par byed nas nga rgyal gyis dman pa'i rigs su skyes nas yun ring pos byang chub thob par 'gyur zhes pa ni spobs pa myur ba'i skyon no//glal bar byed pa ste/ dregs pa dang bcas pas lus brkyang ba dang rgod pa ste/ gad rgyangs byed pa dang bteg pa ste dregs pas ldang bar byed pa ste zhes pa ni lus kyi las kyi yon tan dang bral bas so//rnam par g.yengs pa zhes pa la sogs pa ste/ rnam par shes pa phan tshun dang ldan pas zhes pa ni gzhan rnams kyi dran par byas pa'o/ /rang gi ni dran pa mi 'thob ces pa ste spyod lam ji ltar bde bar gnas pas brjod pas so zhes pa ni sems kyi yon tan dang bral ba'i skyon no//phan tshun zhes pa la sogs pa ste/ bzhad gad byed pa ni phan tshun lta bar byed pa'o/ /tshogs pa dang mi ldan zhes pa ni ji srid du tshogs pa nyid la glegs bam kun 'phrog par 'gyur te/ de srid du tshogs pa min zhes pa ni rnal 'byor la mi phan pa'i kha ton la sogs pa'i skyon no//bdag gis zhes pa la sogs pa ste/ de lta de ltar zhes pa ni sngon du bshad pa rnams kyis so/ /nges par 'gyur bar mi 'gyur ba ni gnas par mi 'gyur ba'o zhes pa kha phyir phyogs pa'i mtshan ma 'dzin pa'i skyon no/ /gzhan yang zhes pa la sogs pa ste/ spangs pa ni sems kyis so//bor ba ni lus dang ngag gis so/ /nges par 'byung ba ni bslab pa mthar thug par 'gro ba'o zhes pa ni rgyu las nyams pa'i skyon no/ /'di lta ste dper na zhes pa la sogs pa ste/ zan ni zas so/ /bor ba ni btang ba'o/ /kham ni kha zas so/ /kun chub par byed pa ni mngon par sbyor bar ro//yal ga dang lo ma ni mdo sde rnams la'o/ /dul ba ni dbang po rnams so/ /zhi ba ni sems pa dul ba'i phyir ro/ /mngon par 'du byed pa ni nges par rdzogs par byed pa'o/ /bslab par mi bya zhes pa ni de rnams kyi bdag nyid kyis kyang mi dmigs pas zhes pa ni gya nom pa'i ro myang bas nyams pa'i skyon no//'di lta ste dper na zhes pa la sogs pa ste/ snang ba ni gsal ba dang bcas par ro/ /der rtogs pa ni mthong nas so/ /kha dog dang dbyibs ni kha dog gi dbyibs so zhes pa ni bla na med pa'i theg pa las nyams pa'i skyon no//'di lta ste dper na zhes pa la sogs pa ste/ nang du yang dag par bzhag pa ni ting nge 'dzin la ste/ tshe 'di la zhes pa ni mthong ba'i chos la thob pa'o/ /len pa med pa ni cung zhig yongs su mi 'dzin pa ste/ dus rtag tu byang chub par ma gyur pa'i rtag par de'i so sor skye ba med pa'i phyir ro//rgyun du ni so sor bdag gi dngos pos so zhes pa ni ched du bya ba las nyams pa'i skyon no zhes pa ni bcu tshan dang po'o/ /'di lta ste dper na zhes pa la sogs pa ste shing mkhan ni shing bzo ba'o/ /ri rab kyi steng du blta na sdug ces bya ba ni brgya byin gyi gser gyi grong khyer la de'i dbus su rnam par rgyal ba zhes pa'i khang bzangs te/lo gas re rer dpag tshad nyis brgya lnga bcu ste/ gcig tu bsdus pas dpag tshad stong la nyi ma dang zla ba ni ri rab kyi phyed kyi thad ka'i phyi rol gyi nam mkha' la rgyu ba'i shel gyi khang pa zlum po ste/ go rims ji lta ba bzhin du dpag tshad lnga bcu rtsa gcig dang dpag tshad lnga bcu pa'i steng /de'i dbus kyi thad ka'i tshad kyis de dag la ste/ khang bzangs kyi tshad che chung des 'dir de dag gi khang pa brjod par bya ste/ de yang rnam par rgyal ba las shin tu tshad chung ba'o zhes pa ni thabs la kun tu rmongs pa'i skyon no//'di lta ste dper na zhes pa la sogs pa ste/ 'jig rten du 'khor los sgyur bas na 'khor los sgyur ba ste/ de'i 'khor lo ni skyes bu med par nam mkha' la 'gro ba'i rtsibs stong pa mu khyud dang lte bar bcas pa ste/ lcags dang zangs dang dngul dang gser gyi rnams ji ltar rigs pa'o//kha dog ni 'dzam bu'i chu bo'i la sogs pa bzhin la dbyibs ni skyes bu chen po'i mtshan sum cu rtsa gnyis kyis brgyan pa'i gzi brjid kyis mi thams cad zil gyis gnon pa'o/ /mthu ni 'od kyi dkyil 'khor can la/ rdzu 'phrul phun sum tshogs pa ni rin po che sna bdun dang ldan pa ste/'khor lo dang / glang po dang / rta dang / bud med dang / blon po dang / khyim bdag dang / nor bu rnams so/ /rib rib por byed pa ni rmongs par byed cing yongs su mi gsal bar byed pa'i phyir dang / chung ba'i phyir ri bo de gang gi phyir byang chub sems dpa' la 'byung bar 'gyur zhes pa ni/byang chub sems dpa' 'byung bar 'gyur ba'o/ /thob pa ni rnyed pa tsam gyis te/ mdor bsdus pa la sogs pa thos pa la sogs pa rnams kyis rnam par ldog cing kha phyir bltas par 'gyur zhes pa ni 'khor los sgyur ba dang chos mthun pa sprul pa'i sku las nyams pa'i skyon no//bcom ldan 'das kyis bka' stsal pa/ rab 'byor 'di lta ste dper na zhes pa la sogs pa ste/ ro ni drug ste rdzas kyi dbye bas phan tshun sbyar ba las ni brgyar 'gyur ro/ /de'i ro brgya pa'i kha zas spangs pa ni sems kyis la bor ba ni lus kyis so zhes pa ni kha zas ro brgya dang chos mthun pa'i longs spyod rdzogs pa'i sku las nyams pa'i skyon no//'di lta ste dper na zhes pa la sogs pa ste/ zab pa ni gzhan gyi don byed pa'i rtse mo'i phyir dang 'od gsal zhing dri ma med pa'i phyir zhes pa ni nor bu rin po che dang chos mthun pa'i chos kyi sku las nyams pa'i skyon no/ /gzhan yang zhes pa la sogs pa ste/gzugs la sogs pa nas rnam pa thams cad mkhyen pa nyid kyi bar rnams kyi spobs pa bcom ldan 'das ma la med pa'i phyir na sems rnam par g.yeng bar byed do zhes pa ni de dang de la spobs pa'i skyon no/ /de skad ces bka' stsal pa dang zhes pa la sogs pa ste/ de ltar yang shes rab kyi pha rol tu phyin pa brir med de/ gzugs dang dri la sogs pa dang bral ba'i phyir dang / med pa'i chos kyi dbyings dang ro gcig pas yod pa'i phyir ro/ /yi ge med pa ni chos thams cad la yi ge med pa'i phyir ro/ /yi ge med pa ma yin pa ni yi ge 'di rnams de'i rgyu mthun pa'i phyir te/'di rnams kyis kyang de rnams gsal bar byed pas so/ /de rnams kyis ni gzhan pa'i don des mtshon du med pa rtogs pa'i phyir ro/ /de nyid bris nas yi ge dang yi ge med par mngon par zhen pa'i skyon bzhi'o/ /gzhan yang zhes pa la sogs pa ste/ yul ni ma ga d+hA la sogs pa'o//grong ni phyug po ma yin pa rnams gnas pa'o/ /phyug po rnams gnas pa ni grong khyer ro/ /grong khyer nyid kyi tshong pa mang po gnas pa ni grong rdal lo/ /ljongs ni yul gyi ming kA sha la sogs pa'i dkyil 'khor ro/ /de'i tshogs ni yul 'khor ro/ /rgyal po'i pho brang yod pa'i grong khyer rgyal po'i pho brang 'khor ro//kun ston pa ni tshig rkyang pa'i snyan dngags so/ /la gcan ni sho gam gyi gcod pa'o/ /bi shi ka ni srang bar ro/ /shi bi ka ni shing gi khyogs khri'o/ /'tsho ba'i don gyi yo byad ni 'tsho ba'i yo byad do//de ltar bzhad gad dang sngon gyi byung tshul lo zhes pa ni 'gro bar bya ba la sogs pa yid la byed pa'i rnam par g.yeng ba'i skyon zhes pa ni bcu tshan gnyis pa'o/ /gzhan yang zhes pa la sogs pa ste/ blta bar bya ba rgyal po la sogs pa yid la byed pa ste/ rnam par g.yeng ba'i skyon no/ /la gcan gyi cho lo lta ba ni sho gam gyi gnas su sho 'gyed pa la sogs pa la lta ba'o/ /yang zhes pa la sogs pa ste/ me la sogs pa yid la byed pa ni thob par bya ba ste/ yid la byed pas rnam par g.yeng ba'i skyon no/ /gzhan yang zhes pa la sogs pa ste/bar chad byed pa ni rnam par 'jig pa'o/ /rnyed pa ni chos gos la sogs pa thob pa'o/ /bkur sti ni gus pa'o/ /tshigs su bcad pa ni grags pa'o/ /de rnams kyi ro myang ba ni shin tu dga' ba'o/ /sems la gdung ba ni chos gos la sogs pa las rnam par nyams pa rnams kyis so zhes pa ni gdung ba dang ro myang ba'i skyon no//gzhan yang zhes pa la sogs pa ste/ thabs mkhas pa ni gang gis dman pa'i byang chub tu mi ltung ba'o zhes pa ni thabs mkhas pa dang bral ba'o/ /de dag gis mdo sde zab mo dag las de'i lam gyi skyon no/ /'dir gzhan yang zhes pa'i gzhan tshig gnyis te/chos nyan pa ni slob ma la/ chos ston pa ni bla ma'o/ /snyom las ni le lo la/ bya ba mang po dang ldan pa ni khyim pa rnams te/ de yang le lo'o zhes 'dun pa dang snyom las kyis bcom pa'o/ /gzhan yang gi tshig gnyis te/ tha na zhes pa ni lhag pa med pa'o//rnyog pa dang ldan pa'i sgra zhes pa'o/ /blo dang ldan pa ni don shes pas so/ /dran pa dang ldan pa ni gnyis ka'i 'dzin pa'o/ /spong bar 'gyur zhes pa ni las byed pa pos te/ 'gro bar 'gyur zhes pa'i don te/ 'dir 'dun pa dang yul gzhan du 'gro bas nyams pa dang / mgo smos pas go ba dang / cig shos nyid kyis nyams pa dang / rnam par spros te go ba dang / cig shos nyid kyis nyams pa dang / mngon par shes pa dang / cig shos kyis nyams pa'o zhes pa'i gzhi ste/ de ltar bcu tshan gsum pa'o/ /gzhan yang zhes pa la sogs pa ste/ zang zing ni rdzas la de lhur len pa ni rin che bar byed pas na zhes pa 'di ni zang zing lhur len pa'o//de bzhin du rnyed pa la sogs pa lhur len pa'o/ /'dod pa chung ba ni ji tsam gyis rang nyid 'tsho ba de tsam 'dod ces pa ni 'dod pa chung ba'o/ /chog shes pa ni lhag pa mi 'dod pa'o/ /rab tu dben pa ni khyim pa dang mi 'brel pa'o//de ltar nor sbyin par mi 'dod pa ni zang zing 'dod pa la sogs mi sbyin pas nyams pa'o/ /gzhan yang zhes pa la sogs pa ste/ nyan par 'dod pa ni sgra'o/ /yongs su gtong bar 'dod pa ni ltos pa med par sbyin pas so/ /de ltar yang nyams pa gsum ste/dad pa dang cig shos kyis nyams pa dang / sbyin par 'dod pa dang / len par mi 'dod pas nyams pa dang / nyan par 'dod pa dang / chos la ser snas nyams pa'o/ /gzhan yang zhes pa la sogs pa ste/ de zhes pa ni gang zhig nyan par 'dod pa la sngon gyi skye ba rnams la dam pa'i chos spong ba la sogs pa'i chos kyis phongs par 'gyur ba de la yod pas de'i des chos kyi bar chad du 'gyur ba'o//'jug par mi 'gyur ba ni gzhan du 'gro bar mi 'gyur ba'o/ /so so'i tshig dang so so'i kun tu spong ba zhes pa ni mdo sde gzhan med pa des 'dod pa nyams pa'o/ / gzhan yang zhes pa la sogs pa ste/ mi 'dod pa ni nyan par mi 'dod pa ste/ las ka gzhan gyi brel bas so/ /'dir 'dod pa dang snyom las kyis nyams pa dang / gzhan 'dod pa dang mi 'dod pas nyams pa'o/ /de nas kyi gzhan gyi yang zhes pa la sogs pa'i tshig gnyis kyis ni gnyid lhur len pa dang 'dod pa gnyid kyis nyams pa'o//gzhan yang gi tshig gcig gis ni sdug bsngal gyis 'jigs nas srid pa la rgyab kyis phyogs pa'i skyon no/ /gzhan yang tshig gcig gis ni bde 'gro'i bde ba rnams kyang sdug bsngal ba'i phyir zhes srid pa la rgyab kyis phyogs pa'i skyon no//gzhan yang zhes pa'i tshig gcig gis ni gcig tu dang 'khor lhur len pas nyams pa nyid do/ /rjes su chags pas 'dod pa dang / go skabs mi phyed pas nyams pa dang / mu ge la sogs pa'i phyogs su 'gro ba dang / mi 'gro bas nyams pa'o/ /de la gcig pu dang 'khor lhur len pa nyid kyi bar ni bcu tshan bzhi pa'o/ /gzhan yang zhes pa la sogs pa ste/ 'jigs pa dang bcas pa'i phyogs su 'gro ba dang mi 'gro bas nyams pa'o/ /gzhan yang zhes pa la sogs pa ste/ khyim la lta ba dang bya ba mang po'i chos bstan pa rnams so sor spong ba'i skyon no//gzhan yang zhes pa la sogs pa ste/ /dge sbyong gi cha byad can du 'ongs pa ni bdud kyis the tshom skyed pa'i skyon no/ /gzhan yang zhes pa la sogs pa ste/ sprul pa'i dge slong gi dge 'dun dang / rang nyid sangs rgyas kyi cha byad kyi bdud kyis zab mo'i chos la spyod pa rnams dman pa'i byang chub tu lung bstan pa'i skyon no//de ltar rab 'byor zhes pa la sogs pas gzhi'i don gsungs pa ni/ bdud kyi las rnams ni mang ba ste/ de rnams la yid ches pa ni blo chung ba nyid do/ /ji ltar bdud kyis de rnams la mngon par sbyor ba de ltar sangs rgyas rnams thams cad kyis byang chub sems dpa' rnams yongs su gzung bar 'gyur zhes pa'o//bdud kyi las bsal bar byed pa'i le'u ste bcu gcig pa'o// //mtshan nyid kyi dbang du byas nas bstan bcos las/ mtshon bya gang gis shes bya ba//de yi mtshan nyid rnam gsum ste/ /shes dang khyad par dang byed pa/ /ngo bo nyid gang mtshon par byed/ /ces te/ mtshan nyid rnam pa bzhi ste/ de la de bzhin gshegs pa 'byung ba dang / 'jig rten 'jig med bdag nyid dang / /sems can sems kyi spyod pa dang / /de bsdus pa dang phyi rol son//mi zad pa yi rnam pa dag /chags bcas sogs dang rgya chen dang / /chen por gyur dang tshad med dang / /rnam shes bstan du med pa dang / /sems bltar med dang shes pa de/ /phye ba la sogs zhes bya dang / /de las gzhan yang de dag ni/ /de bzhin nyid kyi rnam par shes//thub pas de bzhin nyid rtogs dang / /gzhan la bstan pa zhes bya ni/ /thams cad shes pa nyid skabs kyi/ /shes pa'i mtshan nyid bsdus pa yin/ /shes pa 'di rnams la sbyar bar bya'o/ /zhes te/ de'i sems kyis bsdus pa ni lhan cig tu la phyi rol du son pa ni rnam par g.yeng ba'o//rgya chen po ni yangs pa ste/ 'dod pa'i khams mtha' dag la dmigs pa dang tshangs pa'i gnas la sogs pa la'o/ /chen por gyur pa ni gzugs kyi khams la dmigs pa ste/ 'dod pa bas gzugs khyad par du 'phags pa'i phyir ro/ /gang tshad med pa ni gzugs med pa'i khams kyi dmigs pa dang dmigs pa med pa la'o//'dir phye ba dang btsums pa de rnams de bzhin nyid kyi rnam par shes pas so/ /rtog pa ni de bzhin nyid rnams te gzhan rnams la yang bstan pa ste/ de la gsungs pa ni/ de nas yang zhes pa la sogs pa ste/ ma zhes pa ni yum mo//reg par mi gnas pa ni bde bar mi gnas pa'o/ /yid du mi 'ong ba ni yid du 'ong ba ste/ sdug bsngal gyi rgyu'i phyir ro/ /legs par bzung ba ni legs par rgyas pas rgyas par 'gyur ba'o/ /sba ba ni bsrung ba'o/ /bcos pa ni sbyong ba ste/ nad sel ba'i phyir ro/sdug bsngal gyi tshor ba zhes pa ni yul dang dbang po dang shes pa 'dus pa las skyes pa'i sems las byung ba'i reg pa ni sdug bsngal gyi rgyu'i phyir sdug bsngal lo/ /mi ma yin pa ni ye 'drog la/ kun tu bab pa ni thog la sogs pa'o/ /bdag gir byed pa ni rang gir 'gyur bar ro//de bzhin gshegs pa shAkya thub pa'o/ /bzhugs gyur pa ni chos kyi skus so/ /'tsho ba nyid bzhugs pa ste/ longs spyod rdzogs pa'i skus so zhes pa ni ji srid du sku tshe bzhugs pa'i bar te/ sprul pa'i skus so/ /ston pa ni thob par byed pa'o/ /'di nyid la zhes pa ni skyed pa po nyid kyis te/kun tu ston pa po ni stong pa nyid la sogs pa'i ngo bos kun tu rtogs pa'i phyir ro zhes pa ni bcom ldan 'das mas go skabs phye ba ste/ de bzhin gshegs pa 'byung ba'i shes pa'o/ /de nas zhes pa la sogs pa ste/ 'jig pa ni rnam par 'jig pa ste/ 'jig par 'gyur zhing rab tu 'jig par 'gyur te/skad cig ma'i phyir dang rgyud 'gag pa'i phyir zhes pas 'jig rten te byed pa po yang ngo / /nges pa'i tshig ni yi ge rnam pa la'o/ /ji ltar zhes pa ni des 'dir ci zhig shin tu nges zhes pa la dgongs pa'o/ /de ltar zhes pa la sogs pa ni nye bar bsdus pa'o zhes pa ni 'jig rten gyi shes pa'o//gzhan yang zhes pa la sogs pa ste/ sems can rnams yang dag par med pa dang ngo bo nyid med pas na tshad med pa dang grangs med pa'o/ /sems can dngos po med ces pa ni sems can med pas sems can gyi spyod pa rnams kyang med pa'i phyir ro//'jig rten gyi zhes pa ni sems can rnams kyang 'jig rten pa'i phyir zhes pa ni gzhal du med pa'i sems can gyi sems kyi spyod pa'i shes pa'o/ /gzhan yang zhes pa la sogs pa'i tshig gnyis te bsdus pa zhes pa ni sgro btags pa thams cad 'dir zad par byed pas sems rang bzhin gyis bsdus pa ste/gnas de ni 'dir zad pa la/ de yang sems rang bzhin gyis ni mi zad pas mi zad pa'i phyir ro/ /rnam par g.yeng ba ni kha phyir bltas pa'i phyir ro/ /mtshan nyid med ces pa ni gang gi phyir rang gi mtshan nyid kyis stong pa nyid la 'dir mi zad pa ni cha shas kyang med pas na mi zad pa dang ma bsdus pa dang ma g.yengs pa'i zhes pa ni sems bsdus pa dang g.yengs pa'i shes pa'o//gzhan yang zhes pa la sogs pa ste/ byin gyis brlabs pa ni de'i sems kyi rang bzhin stong pa nyid dang snying rje dag gis so/ /gnas pa med pa ni thog ma dang tha ma med pa ste/don dam par na 'dir don du na ngo bo nyid med pas so zhes pa'o/ /de'i phyir na 'dus byas pa'i mtshan nyid med pas 'gag pa med pa la sogs pa'o/ /rten med pa ni dbang po drug po rnams kyis kyang de'i bya ba med pa'i phyir ro/ /tshad med pa'i phyir gzhal du med pa'o//chos kyi dbyings bzhin du don dam par na 'jig pa mi 'thad pas zad pa med pa yin no/ /gang gis de ltar mi gnas pa la sogs pas so zhes pa ni sems mi zad pa'i rnam pa'i shes pa'o/ /mi zad pa'i rnam pa dang zhes pa'i dang ni rjes su bshad pa bsdu ba'i don te/ des na kun nas nyon mongs pa dang kun nas nyon mongs pa med pa'i shes pa dang /zhum pa dang rab tu bzung ba'i shes pa dang / zag pa dang bcas pa dang zag pa med pa'i shes pa yongs su gzung bar 'gyur ro/ /de la dang po gsungs pa ni/ gzhan yang zhes pa gnyis kyis te/ kun nas nyon mongs pas nyon mongs pa ma yin zhes pa ni/kun nas nyon mongs pas kun nas nyon mongs pa ste/ nyon mongs pa dang nye ba'i nyon mongs pa rnams kyis dri ma can du byas pa la/ nyon mongs pa med pa ni kun nas nyon mongs pa de rnams med de des na kun nas nyon mongs pa med pas gang du kun tu mi gnas pa ste/ ke ta'i sgra ni gnas ma sems kyi chos nyid la ni yang dag par gnas pa med de de rnams ni glo bur ba'i phyir ro//rang bzhin zhes pa ni sems kyi chos nyid ni rang bzhin nyid kyi rang bzhin gyis 'od gsal ba dri ma med pa'i rtag par kun nas nyon mongs pa'i zhes pa ni kun nas nyon mongs pa dang / kun nas nyon mongs pa med pa'i shes pa'o//gzhan yang zhes pa'i tshig gnyis te/ 'di zhes pa ni gnas med pa ni kun tu gnas pa ste/ gnas med pa nyid kyis gnas pa ste/ sems gnas pa ni sems kyi rang bzhin ma yin no zhes pa ni sems gnas pa dang rab tu gzung ba'i shes pa'o/ /gzhan yang zhes pa'i tshig gnyis te/zag pa ni yang dag pa ma yin pa'i rtog pa rnams la/ de dang sbyor bas zag pa dang bcas pa ste/ gang du yod pa ma yin pa'i rtog pas yod pa min pa'i 'dod pa dang / gzugs dang / gzugs med pa'i ngo bo rnams su brtags pa'i phyir ro/ /dngos po med pa ni stong pa nyid gzhol ba la/'di rnams kyis zhes pa ni ngo bo nyid med pa la gzhol ba'o/ /de'i phyir na lhun gyis grub pa ste/ 'dod pa dang gzugs dang / gzugs med pa'i ngo bo rnams su rnam par 'byung ba'i phyir ro/ /de la zag pa med pa'o zhes pa ni zag pa dang bcas pa dang zag pa med pa'i sems kyis shes pa'o//gzhan yang zhes pa la sogs pa'i tshig gnyis te/ gang zhes pa la sogs pa ste/ sems kyi 'dod chags dang bcas pa nyid ni sems kyi rang bzhin ma yin la/ de'i phyir na 'dod chags med pa dang 'dod chags dang bcas pa gnyis sems dang bral ba ste/ stong pa nyid pas de ltar 'dod chags dang bcas pa kho na 'dod chags dang bral ba nyid do zhes pa'i don to zhes pa ni sems 'dod chags dang bcas pa dang 'dod chags dang bral ba'i shes pa'o//gzhan yang zhes pa'i tshig gnyis kyis ni sems zhe sdang dang bcas pa dang zhe sdang dang bral ba'i shes pa'o/ / gzhan yang zhes pa'i tshig gnyis kyis ni gti mug dang bcas pa dang gti mug dang bral pa'i sems kyi shes pa'o/ /'dod chags dang bcas pa la sogs pa'i gzhan gyi sems myong bas bcom ldan 'das 'dod chags la sogs pa can du ni ji ltar yang mi 'gyur te/ gang du rang gi bag chags kyi mthu las 'ongs pa'i 'dod chags kyis 'dod chags la sogs pa can du 'byung bar 'gyur gyi/gzhan gyi bag chags kyi stobs las 'ongs pas ni ma yin pas na bcom ldan 'das myong bar byed pa por nye bar gzhag par mi 'grub pa'o/ /tshad med pa dang zhes pa bstan bcos su rjes su dang bshad pa ni/de ltar rgya chen po ma yin pa dang rgya chen po'i shes pa dang / chen por gyur pa ma yin pa dang ste/ chen por gyur pa'i shes pa rnams bsdus pa'i don to/ /'dir gzhan yang tshig gnyis ni kun nas slong ba ni rgya chen po dang skye ba ste/ de kho na nyid du ni de dang sbyor ba so sor bkag pas kun slong ba med pa'i sbyor ba la/shin tu 'phro zhing skye ba so sor bkag pa kun nas slong ba med pa dang mi sbyor ba ste/ chos nyid kyis so/ /mi 'bri ba ni bsal ba med pa ste/ de'i phyir rgya chen po ma yin pa'o/ /mi 'phel bas na de'i phyir rgya chen po ma yin pa'o/ /rnam par grol ba med pa ni khyad par du 'gro ba med pa ste/rnam par bral ba med pa'i phyir dang rnam par 'gyur ba med pa'i phyir ro/ /sems rnams zhes pa ste/ sems kyi chos nyid la'o zhes pa ni sems rgya chen po dang rgya chen po ma yin pa'i shes pa'o/ /gzhan yang zhes pa la sogs pa'i tshig gnyis te/ /rgyang ring po nas drung du 'gro ba dang 'ong ba dang drung nas rgyang ring por 'gro ba dang 'ong ba dang yongs su mi 'gro bas na ma rtogs pa ste/de rnams med pas na chen por gyur pa ma yin pa'o/ /sems de dag mnyam pa nyid ni ngo bo nyid med par mnyam pas mnyam pa ste/ mnyam pa ni de rnams dang rang bzhin gyis te/de'i phyir rang bzhin gyis mnyam pa'o zhes pa ni chen por gyur pa ma yin pa dang chen por gyur pa'i sems kyi shes pa'o/ /gzhan yang zhes pa la sogs pa ste/ rten med pa'i phyir ni sems kyi chos nyid kyis te/ /mnyam par ma bzhag pa dang mnyam par ma bzhag pa'i shes pa dang /rnam par grol ba'i dang / rnam par shes pa rnams bzung ste/ 'dir gsungs pa ni yang zhes pa'i tshig gnyis te/ de yang rten med pa'o zhes pa dang / tshad med pa'i zhes pa ni sems tshad med pa shes pa'o/ /bstan bcos su rnam shes dang zhes pa'i ngang gis ni sems bstan du yod pa dang bstan du med pa'i shes pa dang /thogs pa dang bcas pa dang thogs pa med pa'i shes pa dang / bla na yod pa dang / bla na med pa'i shes pa dang / mnyam par bzhag pa dang / mnyam par ma bzhag pa'i shes pa dang / rnam par ma grol ba dang / rnam par grol ba'i shes pa rnams bzung ste/'dir gsungs pa ni gzhan yang zhes pa'i tshig gnyis te/ mnyam pa ni bltar med pa la blta bar bya ba de rnams de ltar bstan du med pa ste/ gang du sems kyi rang bzhin ni sems kyi rang bzhin med pa nyid do/ /de nyid kho na 'di rnams kyi ngo bo nyid ces pa'i dbus kyi tshig phyis pas so//mtshan nyid med pa'i phyir zhes pa ni sems kyi mtshan nyid yang dag par rig pa na/ don dam par de gang du med pa'i phyir dang dngos po'i ngo bo la don phyin ci log tu sgro btags pa des dben pa'i phyir ro/ /spyan gsum ni sha dang lha dang shes rab kyi'o/ /thams cad la zhes pa ni chos dang sangs rgyas kyis kyang zhes pa ni sems bstan du yod pa dang /bstan du med pa'i shes pa'o/ /gzhan yang zhes pa'i tshig gnyis te/ med pa zhes pa ni med cing yod pa ma yin pa la yod pa nyid du rgyud las 'khor ba thog ma med par brtags pa ste/ gang don dam pa stong pa nyid de de'i phyir na dmigs pa'i dbang du gyur pa ste stong pa'o//thogs pa dang bcas pa ni tshad mas gnod pa'i phyir te/ skyes pa dang ma skyes pa dang yod pa dang med pa dang / gzung ba dang 'dzin pa gnyis kyi rnam pa'i rtag pa dang chad pa la sogs pa dang gnyis dang yang dag pa dang bden pa nyid du sgro btags pa de med pas gnyis su med pa yang dag pa ste/gang gi phyir don dam par ni ma byung ma skyes shing kun tu 'byung ba gzhan du rten cing 'brel bar 'byung ba ni kun rdzob tu'o/ /de ltar na tshad ma rnams kyis mi gnod pa'i phyir thogs pa med pa'o zhes pa ni/ thogs pa dang bcas pa dang thogs pa med pa'i shes pa'o/ /gzhan yang zhes pa'i tshig gnyis te/ gang zhes pa ni bla na yod pa yang bla na yod pa min te de la rlom pa med pa'i phyir ro/ /rdul phra mo tsam yang zhes pa ni gzung ba dang / 'dzin pa dang bral ba gnyis su med pa'i bden pa myong ba yod ces pa gang brtags pa de la rdul phra mo tsam yang nye bar dmigs su med de ngo bo nyid med pa'i phyir te/'dir gsungs pa ni spros pa med ces pa'o/ /de bzhin du nye bar mi dmigs pa ni bla ma'i phyir bla na med pa ste/ dbus kyi tshig phyis pa'o zhes pa ni sems bla na yod pa dang bla na med pa'i shes pa'o//gzhan yang zhes pa'i tshig gnyis te mnyam pa ni chos kyi dbyings te/ des mnyam zhing de nyid du 'jug pa'o/ /de ltar min pa zhes pa ste/ mi mnyam pa dang mnyam pa'i mi mnyam pa ni mi mnyam par 'gro zhing ro sna tshogs pa'i phyir te/ de'i phyir mnyam par ma bzhag pa'o zhes pa ni/mnyam par ma bzhag pa dang bzhag pa'i sems kyi shes pa'o/ /gzhan yang zhes pa'i tshig gnyis te/ rnam par ma grol ba ni kun rdzob tu glo bur gyi sgrib pa'i 'ching ba yod pas la/ dngos po'i rang bzhin gyis ni rnam par grol ba ste/ gang du dngos po med pa dang /dngos po yod pa nyid dang bral ba'i ngo bo nyid gang dag de ni de ltar med pa'i phyir zhes ngo bo nyid dang bral bas rnam par grol ba'o zhes pa ni rnam par ma grol ba dang rnam par grol ba'i sems kyi shes pa'o/ /gzhan yang zhes pa la sogs pa ste/ bltar med pa ni don dam par so sor rang gis rig par byar med pa'i phyir ro//rnam par rig par bya ba ma yin pa ni gzhan gyis rig par bya ba ma yin pa'o/ /gzung du med pa ni rang dang gzhan gnyi gas so/ /'jig rten gyi zhes pa ni sems can gyi bdag nyid kyis 'jig rten na'o zhes pa ni bltar med pa'i sems kyi shes pa'o//gzhan yang zhes pa'i tshig gnyis te/ phye ba ni yod pa la mi mthong ba'i tshul gyis kun tu gnas pa'o zhes pa'i rnam par rtog pa ni grangs can gyi'o/ /btsums pa ni dgag pa ste/ thams cad kyi bdag nyid kyis 'jig rten zhes pa ni rgyang 'phen pa'o/ /kun tu phye ba ni de dag 'dus pa ste/'byung ba dang mi 'byung ba gcig tu gnas pa'i phyir dang tha dad par gnas pa'i phyir zhes pa ni gcer bu pa'i'o/ /rab tu bshad pa ni de dag dgag pa ste/ 'byung ba yang ma yin la mi 'byung ba yang ma yin te/ de nyid dang gzhan nyid du brjod du med pa ni gang zag smra ba'o//de ltar na btags pa la sogs pa rnams ji ltar rigs par shes par bya ste/ de thams cad ni phung po lnga po la brten pa'o zhes pa ni phye ba dang btsums pa'i shes pa'o/ /gzhan yang zhes pa la sogs pa ste/ gzugs la sogs pa'i phung po rnams ni de bzhin nyid dang de'i bdag nyid du shes pas ni de bzhin nyid kyis rnam pa'i phye ba dang /btsums pa'i shes pa'o/ /de ltar na zhes pa la sogs pa ste/ de bzhin nyid du rab tu shes par byed cing de bzhin nyid gcig pa can du rnam par 'jog par byed de/ 'di rnam pa rgya chen pos gsungs pa ste/ dngos po dang dngos po med pa dang du ma dang gcig nyid dang du ma nyid de dag dang bral ba nyid de de dag ni dngos po'i chos kyi phyir ro//tha dad pa dgag pa tsam ni de'i gcig pa nyid ces pa'i don te/ gang du du ma'i phyir dang sna tshogs pa med pa'i phyir zhes pa ni de kho na nyid du ma skyes pa'i phyir zhes gcig nyid dang /du ma nyid dang bral ba'i phyir dang / zad pa med pa'i phyir te/ zad pa ni phri ba'o/ /de dang ldan pa rnams kyi mi dang glang po dang rta la sogs pa rnams su tha dad par 'gyur ba ni nam mkha' dang 'dra ba ma yin la/ de bzhin nyid la ni gnas skabs tha dad pas kyang tha dad par mi 'gyur te 'gyur ba med pa'i phyir la/ngo bo nyid med pa nyid kyi mtshan nyid la ni de la dngos po'i chos kyi dbye ba med de gnyis su med pa'i phyir ro/ /dbyig pa gcig bcad kyang du mar 'gyur ba bzhin du de ltar phung po la sogs pa rnams kyi de bzhin nyid kyang tha dad par 'gyur ro zhe na/gsungs pa ni gnyis su byar med pa'i phyir ro zhes te/ ngo bo nyid med pa'i phyir des gcod pa la sbyor ba med ces pa la dgongs pa'o/ /'jig rten kun tu ston par 'gyur zhes pa ni de gzhan la bstan pa shes pa'o zhes pa ni de bzhin nyid mngon par byang chub pa gzhan la bstan pa'i shes pa'o zhes pa ni shes pa'i mtshan nyid nyi shu rtsa gsum mo//stong nyid mtshan ma med bcas dang / /smon pa rnam par spangs pa dang / /skye med 'gag pa med sogs dang / /chos nyid rnam par 'khrug med dang / /'du mi byed dang rnam mi rtog /rab dbye mtshan ma med nyid la//lam shes nyid kyi skabs kyis ni/ /shes pa'i mtshan nyid bsdus pa yin/ /zhes bstan bcos las te/ lam shes nyid kyi shes pa ni rgyu la/ shes pa la ltos pa ni 'dun pa ste/ de la gsungs pa ni/ de nas yang lha rnams kyi dbang po brgya byin zhes pa la sogs pa ste/chos zhes pa ni shes pa'o/ /'dir shes pa rnams kyis de'i dmigs bya gzhan brjod de/ de bshad pas kyang de rtogs pa ste/ stong pa nyid la sogs pa rnams la gcig pa'i tshig ni dmigs pa gcig pa'i phyir ro/ /mtshan nyid rnams zhes pa ni mang ba'i tshig ste/ mtshan nyid tha dad par phye bas so/ /gzhag ces pa ni rnam par gzhag pa ste/ 'jig rten gyi brda las don dam par yod pa ni ma yin no zhes pa ni stong pa nyid dang / mtshan ma med pa dang / smon pa med pa'i rnam par thar pa'i sgo'i shes pa'o/ /skye ba med pa la sogs pa brgyad ni gcig tu byas te/stong pa nyid tsam gyi phyir la/ stong pa nyid ni ngo bo nyid med pa nyid de/ ngo bo nyid med pa la ni stong pa nyid skye bar 'gyur ba'am/ 'gag par 'gyur ba'am/ kun nas nyon mongs par 'gyur ba'am/ rnam par byang bar gyur pa yod pa ma yin zhing srid pa med pa nyid mya ngan las 'das pa la/stong pa nyid ni chos kyi dbyings te/ 'phags pa'i chos rnams kyi rgyu yin pa'i phyir te/ rtag par de bzhin no zhes pas de bzhin nyid de/ 'gyur ba med pa'i phyir ro/ /mi rtag pa dang / sdug bsngal ba dang / stong pa nyid la sogs pa can ji ltar min zhes pa ni 'bri ba la/de ci'i phyir zhes pa ste/ gang gi phyir mi gnas shing nam mkha' dang 'dra bas bsdus kyang ma bzhag pa ste/ gzugs la sogs pa'i grangs kyis ma yin zhing gzugs la sogs pa'i mtshan nyid kyis ma yin te/ gzugs la sogs pa rnams ni rang nyid kyis med pa'i phyir na de rnams la yang gzugs la sogs pa'i mtshan nyid med pa'i phyir ro//mi rtag pa dang sdug bsngal ba la sogs pa ni gzugs la sogs pa'i ngo bo nyid du de la brten pa ma yin zhes pas de bzhin du yod pa ma yin te/ byis pas yongs su brtags pa'o zhes pas gzung du med do zhes pa ni skye ba med pa dang 'gag pa med pa'i shes pa'o//'di dag ma bzhag ces pa la sogs pa ste/ bskyod pa zhes pa ni rnam par dkrugs pa'am gnod par ro zhes pa ni chos nyid rnam par 'khrug pa med pa'i shes pa'o/ /'di dag ni gang gis kyang lag gis ma bzhag ces pa la sogs pas ni 'dus ma byas pa'i shes pa'o//de nas tshe dang ldan pa zhes pa la sogs pa ste/ mngon par rdzogs par sangs rgyas pa ni rnam par rtog par ma byas pa'o/ /de'i phyir zab mo'o zhes pa ni rnam par mi rtog pa'i shes pa'o/ /de bzhin gshegs pa rnams zhes pa'i chags pa med pa'i ye shes dang thams cad la thogs pa med pa'i ye shes dang /gang du shes rab kyi pha rol tu phyin pa nyid ni kun rdzob kyi mtshan nyid kyi dbye ba byas pa'o zhes pa ni rab tu dbye ba'i shes pa'o/ /chags pa ma mchis pa'i ye shes zhes pa la sogs pa ste/ chags pa ma mchis pa'i ye shes ni dmigs pa med pa'i spyod yul te/de la gnas pa rnams kyang don dam par gzugs la sogs pa'i mtshan nyid rnams ni dmigs pa med pa'o zhes pa ni mtshan nyid med pa nyid kyi shes pa'o/ /de ni nyid kyi chos brten nas/ /gnas dang gus par bya ba dang / /bla ma nyid dang mnyes pa dang / / de la mchod dang byed med dang / /kun 'jug mkhyen pa gang yin dang / /ma mthong ston par mdzad pa dang / /'jig rten stong nyid rnam pa dang / /brjod dang shes mdzad mngon sum mdzad/ /bsam mi khyab dang zhi nyid ston/ /'jig rten 'du shes 'gog pa la/ /rnam pa kun mkhyen tshul gyis ni//shes pa'i mtshan nyid ces bshad do/ /zhes bstan bcos las te/ shes pa zhes pa ni thams cad 'brel lo/ /de la gsungs pa ni/ rab 'byor ji ltar zhes pa la sogs pa ste/ chos zhes pa ni mdor bstan la/ shes rab kyi pha rol tu phyin pa zhes pa ni rgyas par bshad pa ste/mi gnas pas zhes pa ni mngon par zhen pa med pas so zhes pa ni rang gi chos la brten cing gnas pa'i shes pa'o/ /chos la zhes pa ni chos la gus par byed pa'i shes pa'o/ /bla na med pa ni bla ma'i shes pa'o/ /rjed par zhes pa ni mnyes pa'i shes pa'o//mchod par zhes pa la sogs pa ste/ rab tu bsgom pas yongs su rdzogs par 'gyur ro zhes pa ni mchod par shes pa'o/ /gzhan yang zhes pa la sogs pas ni byed pa po med pa nyid kyi shes pa'o/ /shes rab kyi pha rol tu phyin pa ni zhes pa la sogs pas ni kun tu 'jug pa'i shes pa'o//de skad ces gsol pa dang / tshe dang ldan pa zhes pa la sogs pa'i sgra gnyis pa ni ji ltar yang sngon du'o/ /chos rnams thams cad stong pa nyid de'i phyir shes pa po med cing mthong ba po med pa'o/ /mi gnas pa ni yod pa dang med pa'i tshul gyis mi gnas pa'i phyir na/ 'dir shes pa dang gnas med pas shes pa po med cing mthong ba po med pa'o//'dir de kho na nyid du ni yang dag pa'i chos rtogs nas 'jig rten ma mthong ba nyid ni mthong ba'o/ /kun rdzob tu ni ji ltar snang ba nyid kyi dngos po'o zhes pa ni ma mthong ba ston pa'i shes pa'o/ /ji ltar zhes pa la sogs pa ste/ 'jig rten ni phung po lnga'i mtshan nyid de stong pa nyid dang ngo bo nyid med pa nyid ces da ltar 'jig rten las gsal bar byed/de ltar shes par byed cing de ltar mthong bar byed pa ni gdul bar bya ba rnams la go rims ji lta ba bzhin du thos pa dang bsams pa dang bsgoms pa las byung ba'i shes pas skyed par byed do zhes pa ni stong pa nyid kyi rnam par gsal bar byed pa shes pa'i mngon sum gyis mthong ba'i shes pa'o//dbang rten du gyur pa zhes pa'am kha cig ste/ dbang rten la gnas pa'i phyir mthong ba po zhes pa'i don to/ /de ltar 'jig rten bsam gyis mi khyab pa'o zhes pa ni bsam gyis mi khyab pa'i ston pa'i shes pa'o//de ltar zhes pa ni zhi ba nyid ston pa'i shes pa'o/ /de ltar 'jig rten dben pa ni stong pa la 'jig rten ni 'dir 'jig rten gyi 'du shes de'i rnam par dag cing 'gags pa ste/ de ltar na stong pa la gang du 'jig rten gyi dbye ba 'di rnams gzung ba 'di rnams yod par mi 'gyur te/'jig rten 'di dang 'jig rten pha rol de ltar mnyam par bstan te zhes pa ni 'jig rten gyi 'du shes 'gog pa'i shes pa ste/ de ltar shes pa'i mtshan nyid rnam pa bcu gnyis so/ /shes rab kyi pha rol tu phyin pas de bzhin gshegs pa rnams la 'jig rten kun tu ston pa ni/'jig rten bstan pa la gsal bar byed pa'i le'u la yang de skad byas zhes te/ bcu gnyis pa'o// //khyad par gyi bdag nyid kyi mtshan nyid rnams brjod pa ni bstan bcos las/ bsam mi khyab sogs khyad par gyis/ /khyad zhugs bden pa'i spyod yul can//skad cig ma ni bcu drug gis/ /khyad par mtshan nyid bshad pa yin/ /zhes te lam rnams la khyad par gzhan rnams kyis te/ de yang / bsam mi khyab dang mi mnyam dang / /gzhal dang grangs las yang dag 'das/ /'phags pa kun sdud mkhas pa yis/ /rig bya thun mong min shes nyid//shes myur bri med gang med dang / /bsgrub dang yang dag 'grub pa dang / /dmigs pa rten dang bcas pa dang / /mtha' dag pa dang yongs 'dzin dang / /ro myang med dang khyad par ni/ /bcu drug bdag nyid shes bya ste/ /gang gis lam 'di gzhan dag las/ / khyad du 'phags pas khyad par lam/ /zhes te/ de la sdug bsngal gyi bden pa la dmigs pa'i mthong ba'i skad cig ma bzhi ste/ sdug bsngal la chos shes pa'i bzod pa dang / chos shes pa dang / rjes su shes pa'i bzod pa dang rjes su shes pa'o/ /'di rnams kyi khyad par ni go rims ji lta ba bzhin du bsam gyis mi khyab pa nyid dang /mi mnyam pa nyid dang / gzhal du med pa nyid dang / grangs med pa nyid de/ /de rnams gsungs pa ni/ de nas zhes pa la sogs pa ste/ bya ba chen pos zhes pa gang du byed pa chen pos nye bar gnas pa ste/ de'i phyir na zab mo zhes pa ste/ gang du de ltar bsam gyis mi khyab pa la sogs pa'i bya ba la/ de nyid kyis na mi mnyam pa dang mnyam pa'i bya ba ste/ 'dir lnga ka'i khyad par gyi bya ba bstan pa ni ma yin no/ /de bzhin gshegs pa nyid ces pa ni ji lta ba'i chos de bzhin du gshegs pa'o/ / sangs rgyas nyid ni rang nyid mngon par byang chub pa'o/ /rang 'byung ba nyid ni chos thams cad la dbang sgyur ba nyid do/ /chos thams cad kyi rnam pa thams cad la dag cing chags pa med pa dang thogs pa med pa'i ye shes ni thams cad mkhyen pa nyid do/ /ji ltar 'di bya ba bsam gyis mi khyab ce na gsungs pa ni/mi nus pa zhes te/ sems kyis zhes pa ni brjod pa yang sems la brten pa'i phyir bsam pas yul gzhan bsam pa rnams kyi sems dang bcas pa rnams te/ sems ni rnam par shes pa la/ de ni rnam pa gnyis te/ mngon sum dang cig shos so/ /de la dang po 'jig rten la ni de bzhin gshegs pa nyid la sogs pa med la/cig shos su 'gyur na ni/ de yang de'i ngo bo nyid gzung ba min te/ gang sems kyi yul med pa la ni sems las byung ba rnams dang / sems rnams yang dag par rab tu ldan pa rnams med la/ gang bsam par yang mi nus pa de ni shin tu yang gzhal bar mi nus zhes gsungs pa ni/bsam pa'am snyan par zhes te/ de'i de nyid bsam gyis mi khyab pa la sogs pa'i 'bras bu'i phyir na bsam gyis mi khyab pa la sogs pa nyid kyis mthong ba'i skad cig ma rnams su gsungs la/ bsam gyis mi khyab pa dmigs pa'i phyir yang zhes bya ba ni brjod par bya ba'o//gnas brtan zhes pa la sogs pas ni de go skabs so/ /rab 'byor chos thams cad la tshad med pa'i phyir zhes pa ni re re bzhin du gzugs dang tshor ba la sogs pa rnams la'o zhes pa'i don to/ /gzhan du na bsgrub bya dang sgrub byed dag dbye ba med par bsgrub pa'i phyir ro//nam mkha' dang mnyam pa'i phyir zhes pa ni rgyu mi mnyam pa nyid kyis bsam gyis mi khyab pa la sogs pa rnams kyang ngo zhes gsungs pa'o/ /de ci'i phyir zhes pa dang 'di lta ste zhes pa ni gzugs la sogs pa kho na'o/ /de ma lags zhes pa ni kho na nyid du na ngo bo nyid med pa'i phyir zhes pa la dgongs so//'dis kyang ni de bzhin gshegs pa'i chos nyid kyis kyang ngo zhes pa la sogs pa ste/ shin tu rnam par dag pa'i chos kyi dbyings kyi rang bzhin gyi phyir ngo bo nyid med pa nam mkha' lta bu ni de bzhin gshegs pa thams cad kyi chos so zhes bsam pa'o//mi mnyam par 'gro ba zhes pa dang 'di dang 'di mnyam zhes pa ni gnyis mnyam par nye bar gyur pa 'gyur ba las te/ mnyam par gyur pa med kyang mi mnyam pa'o/ /nam mkha' bsam gyis mi khyab ces pa la sogs pa ni nye bar bsdu ba'o/ /rnam par shes par gyur zhes pa ni don dam par ni ngo bo nyid med pa'i rnam par shes pa la bsam gyis mi khyab pa brjod pa la sogs pa ni kun rdzob tu'o zhes pa'i don to//nam mkha' nye bar len pa med pa ni nyon mongs pa'i sa bon ma bzhag pa nyid kyis lus dang ngag dang blo la yon tan bral ba'i mtshan nyid kyi bag chags med pa'o/ / chos rnams la ni bden pa bzhi po rnams la ste/ chos 'di ni lam yin pa'i phyir dang / mig ni mthong ba'i phyir zhes pa ni chos kyi mig ste mthong ba'i lam mo/ /de'i bzod pa'i skad cig rnams kyis rdul dang bral bar 'gyur zhing shes pa'i skad cig rnams kyis ni dri ma med cing rtag par dag pa'o/ / chos rnams la ni chos rnams thams cad la'o/ /bzod pa ni zag pa med pa'i shes rab ste/ de thob pa ni gang zhig sa brgyad pa la'o/ /yang bya ba chen po'i khyad par brjod par 'dod nas go skabs phye ba ni/ de nas zhes pa la sogs pa ste/ 'dir 'di dang yang dag par ldan pa ni so sor 'brel pa'o zhes pa ni sdug bsngal gyi skad cig ma bzhi pa'o//gzugs yongs su mi 'dzin zhes pa la sogs pa ste/ yongs su 'dzin par byed ces pa ni yongs su 'dzin pa'i 'du shes so/ /mngon par zhen pa ni dngos por 'dzin pa ste/ de dag gi rnam pa'i dgra bcom pa nyid do zhes pa'o//de bzhin du thams cad shes pa la sogs pa rnams la yongs su 'dzin pa med pa dang mngon par zhen pa med pa dag gis/ yang dag par 'dzin pa'i 'phags pa thams cad kyis kun tu 'dzin pa'i khyad par gyis ni kun 'byung la chos shes pa'i bzod pa'o/ /rab 'byor gyis gsol pa zhes pa la sogs pa ste/'di rnams kyis bstan pa la skal ba med pa gsungs la/ 'on kyang zhes pa la sogs pas ni skal ba dang ldan pa rnams so/ /rgyu ni rigs la bgyi ba bgyis pa ni bsod nams lhag par ro/ /dge ba'i rtsa ba ni bcom ldan 'das ma mnyan pa la sogs pa'o//gang gis ni zab pas so/ /blta bar dka' ba ni byang bar dka' ba'i phyir ro/ /'di yang ni yang dag pa'i lta ba la rtogs par dka' ba ni mi shes pa rnams kyis rtogs par dka' ba'i phyir ro/ /bgrod par dka' ba'i phyir te/ 'dir ni mkhas pas rig par bya ba ste/chos shes pa'o/ /gal te zhes pa la sogs pa ste/ dad pas rjes su 'brang ba ni tshogs kyi sa pa ste/ nges par 'byed pa'i cha dang mthun pa'o zhes pa ni gzhan dag gi'o/ /de'i sa la bskal pa dang de bas lhag pa ni bskal pa bas lhag pa'o/ /bzod pa ni chos la nges par gzhol ba'i bzod pa'o//zag pa med pa'i shes rab bo/ srid pa ni mngon par 'dod pa'o/ /tshol ba ni ji ltar na de zhes pas so/ /sems pa ni rigs pa rnams kyis so/ /'jal ba ni yongs su bcad nas de ltar gyur pa la'o/ /nye bar rtogs pa ni so sor rtogs pas so/ /nye bar sems pa ni mang du byed pas so//'di nyid ces pa ni thun mong ma yin par shes nas thun mong ma yin pa de'i khyad par byed pa'i phyir ro/ /shes par byed ces pas ni shes pa la/ mthong ba'i phyir zhes pa ni thun mong ma yin pa'i shes pa de'i khyad par gyis te/ rjes su shes pa'i bzod pa'o/ /de skad ces gsol pa dang zhes pa la sogs pa ste/'di la spyod pa na mya ngan las 'das pa ste/ rang gi byang chub po zhes pa ni myur du mngon par shes pa ste rjes su shes pa'o/ /de nas zhes pa la sogs pa ste/ pha rol tu phyin pa chen po zhes pa ni nam mkha' dang mnyam pas so/ /dang po ni rkang pa gnyis kyis so/ /'dis ni ji ltar nam mkha' la mi snang nas rang gi gnas thob par 'gyur te/nam mkha' la ni 'bri ba'am gang ba med do/ /de bzhin du shes rab kyi pha rol tu phyin pas mi snang ba'i dman pa mchog gi byang chub thob par 'gyur te/ de la ni 'bri ba dang gang ba nyid med do zhes pa ni 'bri ba dang gang ba med pa'i khyad par gyis te/'gog pa la chos shes pa'i bzod pa'o/ /bsam gyis mi khyab pa la sogs pa'i le'u ni bsam gyis mi khyab pa'i le'u ste bcu gsum pa'o// //de nas zhes pa la sogs pa ste/ thos pa dang lhan cig pa ni thos pa nyid la mos pa ni ma yin pa'o/ /mi 'gong ba ni spro ba dman pa ma yin pa'o//kun tu mi zhum pa ni mi spro ba min pa'o/ /rnam par mi gnas pa ni mi ldog pa'o/ /som nyi ni phyin ci log gi'o/ /rmongs pa la sogs pa rnams med pas na rmongs par mi 'gyur ba zhes pa la sogs pa'o/ /mngon par dga' ba ni mngon par 'dod pa'o/ / mi spong ba ni btang snyoms su mi byed pa'o/ /phyir phyogs pa ni rgyab tu kha phyir bltas pa'o/ /rjes su 'brel ba ni ji ltar 'dun pas rjes su gnas pa ste rgyun du'o/ /phyi bzhin 'gro bar 'gyur ba zhes pa ni mdor bstan pa la mi gtong bar 'gyur zhes pa ni rgyas par bshad pa ste/ lus la thogs pa zhes pa ni mdun du gyur pa nyid do//de ltar na byang chub sems dpa'i rigs gsum rnams kyis sgrub pa la gnas pas khyad par du 'gyur ro zhes pa ni chos shes pa'o/ /gang gis zhes pa la sogs pa ste/ blo rgod par 'gyur ba ni rnam par g.yeng ba'o/ /ras bal gyi 'dab ma bzhin du ni 'phrog par 'gyur ba'o//'dzin pa ni shes pa'o/ /zhugs pa ni rjes su gnas pa'o/ /yongs su bskor bar byed pa ni pha rol tu phyin pa lnga po rnams kyis yongs su bskor ba ste/ gsum po la/ rjes su'i sgra ni rjes su 'brel pa zhes pa'i don to zhes pa ni sa gsum gyis yang dag par bsgrub pa'i 'bras bu'i phyir ro zhes pa ste/rjes su shes pa'i bzod pa'o/ /'di lta ste dper na zhes pa la sogs pa ste/ dus ni 'chi ba'i'o/ /bde ba zhes pa ni mi 'jigs par ro/ /bar chad ni gegs byed pa'i dngos po'o/ /ma smas pa ni ma snad pa'o/ /nye bar 'tshe ba med pa ste nye bar 'tshe ba'i bar chad med pa'i phyir ro//gang du zhes pa ni dbus su'o/ /ya nga ba'i las ni log pa'i lam mo/ /'gro bar 'gyur ba ni ya nga bar ltung ba'o/ /dad pa la sogs pa yod pas bcom ldan 'das ma la sbyor ba'o/ /dad pa yod pa nyid ni yon tan dang ldan par nus pa nyid la yang dag par yid ches pa'o//bzod pa ni mi skye ba la sogs pa'i chos la bzod pa dang sbyor ba dang bcas pa rtsom pa nyid la'o/ /sred pa ni sbyor ba rtsom par 'dod pa nyid la'o/ /'dun pa ni gong nas gong gi gnas skabs rnams la'o/ /brtson 'grus ni sbyor ba la spro ba'o//bag yod pa ni dge ba dang mi dge ba dag la go rims ji lta ba bzhin du brten pa dang mi brten pa'o/ /mos pa ni bsgrub par bya ba bsgrub pa la'o/ /de ltar zhes pa ni nges par bstan u0f37pas so/ /lhag pa'i bsam pa ni lhag par gzhol ba'o/ /stong pa ni sgrub pa'i bar du g cod pa rnams so//gus pa ni sangs rgyas la sogs pa rnams sgrub pa las mi 'da' bar thams cad du mi stong pa'o/ /dga' ba ni sgrub par byed pa la'o/ /mgu ba ni chos rnams thams cad stong pa nyid du bsgrubs pas mngon du byed pa'o/ /rab tu dang ba ni ji skad du bshad pa'i bsgrubs pa'i yon tan dang ldan pas gus pa'i khyad par ro//dga' ba ni bsgrub par nus pa nyid kyis so/ /brtson pa mi gtong ba ni sems can thams cad kyi don du rnam pa thams cad mkhyen pa nyid thob pa'i smon lam la sbyor ba'i dam bca' ba'i khur dang brtson 'grus kyi khur mi 'dor ba'o/ /gnas par 'gyur zhes pa ni dmigs pa'i khyad par gyis te/rjes su shes pa'o/ /'di lta ste dper na zhes pa la sogs pa ste/ thabs la mkhas pa ni pha rol tu phyin pa lnga ste/ de ltar pha rol tu phyin pa drug pos yongs su bzung bas zhes pa nas ji srid du gnas par 'gyur zhes pa ni rten gyi khyad par gyis te/ lam la chos shes pa'i bzod pa'o//'di lta ste dper na zhes pa la sogs pa ste/ mnyam pa ni ma lus par sbyor ba nyid kyis bya ba thams cad la'o/ /ldan nas ni rjes su mthun pas so/ /theg pa ni theg pa'i snod du'o/ /shes rab kyi pha rol tu phyin pa dang thabs la mkhas pa dag gis te/ stong pa nyid dang snying rje dag ma lus pas so zhes pa ni chos shes pa'o//'di lta ste dper na zhes pa la sogs pa ste/ bshams pa ni mtha' dag la sbyar ba ni byed pa thams cad kyis so/ /mthun pa ni rjes su mthun pas so/ /theg pa ni bzhon pa ste snod do/ /shes rab kyi pha rol tu phyin pa dang thabs la mkhas pa dag gis stong pa dang /snying rje dag dang ma bral bas zhes pa ni chos shes pa'o/ /'di lta ste dper na zhes pa la sogs pa ste brgya nyi shu zhes pa ni tshe lo brgya dang nyi shu'o/ /yongs su gzung ba ni gzhan gyis so/ /khri ni mal khri'o/ /'jig pa ni zad par ro/ /gang gis ni phyogs gang du ji srid du ring por ro//gnas pa ni grong khyer ro zhes pa ni yongs su gzung bas te/ rjes su shes pa'i bzod pa'o/ /nye bar mtshon pa ni dpe ste/ rgya mtsho'i gru la sogs pa'o/ /de brjod pa'i le'u ste de'i dpe'i le'u ste bcu bzhi pa'o// //de nas zhes pa la sogs pa ste/ gnas par bya ba ni sgrub pas so//bslab par bya ba ni yongs su shes pa la'o/ /bsten par bya ba ni yongs su gtong bas so/ /bsnyen par bya ba ni kun tu brten pas so/ /rnal 'byor zhes pa ni rab tu sbyor ba'am mngon par sbyor ba'o/ /ma bsnyems zhes pa ni de dngos por mi 'dzin pa'o/ /mi bsnyems pa'o zhes pa ni chos rnams thams cad rnam par rtog pa med pa'o//yongs su sbyong ba ni goms pa'o/ /yang dag par rdzogs pa'i byang chub tu yang dag par yongs su bsngo ba ni rlom pa med pa dang ro myang ba med pa'o zhes pa ni ro myang ba med pa'i khyad par gyis lam la rjes su shes pa'o/ /byed pa rnam pa bcu gcig ste/ de ni bstan bcos las/ phan dang bde ba skyob pa dang / /mi rnams kyi ni skyabs dag dang / /gnas dang dpung gnyen gling dang ni/ /yongs 'dren pa zhes bya ba dang / /lhun gyis grub dang theg gsum gyi/ /'bras bu mngon du mi byed bdag /tha ma rten gyi mdzad pa ste/ /'di ni byed pa'i mtshan nyid yin//zhes te de la gsungs pa ni rab 'byor gyis gsol pa zhes pa la sogs pa ste/ dka' ba bgyid pa zhes pa la sogs pas ni go skabs so/ /'jig rten la phan pa zhes pa ni byang chub tu mngon par rdzogs par sangs rgyas nas 'gro ba lnga'i sems can yongs su dgrol bar byas nas de rnams mi 'jigs pa'i mya ngan las 'das pa la bkod cing zhes pa'i phan pa ni byed pa'o//'jig rten la bde ba zhes pa ni sems can rnams mya ngan las 'das pa'i bde ba la bkod nas zhes pa ni bde ba byed pa'o/ /'jig rten gyi skyob pa la sogs pa ni mdor bstan pa la/ ji ltar na zhes pa ni sgra brgyad po rnams kyis ni rgyas par bshad de/don du gnyer zhes pa ni go cha bgo ba'o/ /brtson 'grus ni sbyor ba la'o/ /skyabs su 'gyur ba ni skyabs byed pas so zhes pa ni skyabs kyi byed pa'o/ /skye ba la sogs pa nyid kyi chos de la sbyor bas skye ba la sogs pa'i chos can la skyob par 'gyur ro zhes pa ni skyob pa'i byed pa'o//gang la 'brel pa med pa de ni sbyor ba med pa'o/ /gang la sbyor ba med pa de ni 'brel pa med pa'o zhes pa'i gnyi ga phan tshun tha dad pa gsungs pa ste/ 'brel pa med pa'i mtshan nyid kyi ni skye ba med pa ste gdod ma nyid nas ma skyes pa'o//'gag pa med pa ni skyes pa med pa nyid kyis so/ /de'i phyir na skye ba dang 'gag pa dag gis sbyor ba med pa la/ 'brel pa med pa yang de dag nyid kyis te/ chos nyid tsam gyi phyir ro zhes pa dgongs pa'o/ /de ltar shes shing mthong bas sbyor ba med par 'gyur ro/ /'dir ni gnas par byas pas gnas te/de bstan pas gnas su 'gyur ro zhes pa ni gnas kyi byed pa'o/ /dpung gnyen ni pha rol thob pa po la gzugs kyi pha rol ni stong pa nyid de de la ni gzugs med de kun rdzob tu dbye ba ni tha snyad kyi phyir ro/ /don dam pa la ni ji ltar gzugs kyi pha rol stong pa nyid de ltar gzugs so zhes pas so//de nyid gzugs kyi ngo bo nyid de rten cing 'brel par 'byung ba dang / stong pa nyid dag tha mi dad pa'i phyir ro/ /de bzhin du tshor ba la sogs pa rnams dang de ltar chos rnams thams cad kyi yang ngo / /'o na de nyid mkhyen pa mngon par byang chub pa'o zhes de ltar yang dag par rdzogs pa'i sangs rgyas su 'gyur te/chos nyid la rnam par rtog pa med pa'i phyir ro zhe na/ 'di yang zhes pa la sogs pa ni lan te/ de ltar na ji ltar mkhyen par 'gyur zhes pa gsungs pa ni/ 'di ltar bdag cag gi zhes pa la sogs pa ste/ mchog ni pha rol la de las byung ba'i shes pa'i chos de yis bstan pas dpung gnyen du 'gyur zhes pa ni dpung gnyen gyi byed pas so//sngon gyi mtha' ni skye ba la phyi ma'i mtha' ni 'gag pa'o/ /'di dag gis yongs su chad pa ni yongs su btang ba ste/ chos rnams thams cad don dam par ngo bo nyid med pa'i phyir ro/ /gang yang de dag gis de rnams yongs su bcad pas 'di rnams zhi ba ste/sdug bsngal nye bar zhi ba'i phyir ro/ /gya nom pa ni mi gtsang ba'i nyon mongs pa nye bar zhi ba'i phyir ro/ /mya ngan las 'das pa ni yang srid pa zad pa'i phyir ro/ /ji lta ba bzhin ni don dam pa'i phyir ro/ /phyin ci ma log pa ni phyin ci log gi dmigs pa med pa'i phyir la/de nyid gling dang chos mthun pas gling ste/ ngo bo nyid med pa'i mtshan nyid kyi chos kyi dbyings des ston pas na gling du gyur pa'o zhes pa ni gling gi byed pa'o/ /sgo nga'i phyi rol gyi cha ni sbubs te/ g.yogs par byed cing sbyor ba med pas sgo nga las 'dir skyes zhes bya ba'o//ling tog ni mthong ba dang 'gal ba'i phyir te/ de nas ma rig pa'i sgo nga'i sbubs dang ling tog gis kun tu khebs pa ste/ de nyid kyis na gti mug gi mun par byas pa'o/ /snang bar zhes pa ni snang bar byed pas mun pa bcom zhing sel bar byed cing de ltar 'di rnams la snang bar byed pas na snang bar 'gyur ro zhes pa ni snang bar byed pa'o//de yang gling dang snang ba ni chos mthun te/ lung la'o/ /'on kyang gling thob par byed ces pas gling la ded dpon dang de'i las kyi gling ni 'di lta ste/ mya ngan las 'das pa'i rin po che'i gling gi tshul gyis te/'dir yum bar ma las rnam pa gsum du gling gi byed pas gsungs so/ /rang bzhin gyis chos thams cad stong pa nyid de/ des na de rnams la skye ba med pa dang 'gag pa med pa'i chos bstan pa ni yongs su 'dren pa ste/ 'di yongs su sgrol ba po dang don dam par rtogs pa po'i zhes pa ni yongs su 'dren pa'i byed pa'o//theg pa gsum po rnams kyis lhun gyis grub par sems can gyi don byed pa ni lhun gyis grub pa'i byed pa'o/ /theg pa gsum po rnams kyis 'bras bu mngon sum du mdzad pa'i bya ba'i bdag nyid can zhes pa ni kun nas nyon mongs pa can dang /rnam par byang ba can gyi chos rnams la go rims ji lta ba bzhin du bgrod bya dang bgrod pa'i 'bras bu mngon sum du byed pa'i bya ba bkag pas so zhes pa ni/ theg pa gsum gyi nges par 'byung ba de'i 'bras bu mngon sum du mi byed pa'i byed pa'o/ /nam mkha'i rten can ni nam mkha'i mthar thug pa'o//ji ltar nam mkha' zhes pa nam mkha' ni rdzas med pa tsam la/ ma byas pa ste ma skyes pa'i phyir ro/ /rnam par mi 'gyur ba ni gnas skabs gzhan du skye ba med pa'i phyir ro/ /mngon par 'dus ma byas pa ni rgyu dang rkyen rnams kyis so//gnas pa ni skye ba mi 'jig pa'o/ /yang dag par gnas pa ni khor yug tu gnas pa'o/ /rnam par gnas pa ni kha cig tu gnas pa ste/ de las bzlog pas ni mi gnas pa la sogs pa gsum ste/ thams cad rnam par rtog pa med cing lhun gyis grub pa'i ngo bo nyid kyi phyir ro zhes pa la dgongs pa'o/ji ltar nam mkha'i rten de bzhin du stong pa nyid la sogs pa'i rten te/ de nyid la rten med pa nyid rten no zhes chos rnams thams cad de ltar bstan pas rten du 'gyur ro zhes pa ni rten gyi byed pa ste/ rten de nyid thob pa'i byed pa'o/ /ma skyes pa'i rten ngo bo gang dag de bzhin te/'dis rgyas par bshad pa ni skye ba med pa'i rten can zhes pa'o/ /de'i phyir na dngos po med pa nyid du zhes pa ni de kho na nyid dngos po med pa'o/ /de ltar kun rdzob dang don dam par ro gcig pa nyid kyis rmi lam gyi ngo bo nyid do/ /bye brag gzhan gsungs pa ni/bdag ces pa ste/ ji ltar bdag med pa de bzhin du med la/ bdag gis rten byas pa bzhin du rten de rnams so zhes pa'o/ /'di rtag pa dang chad pa'i mtha' dang bral bas na mu med pa'o/ /yang dag pa'i kun rdzob kyi ngo bo rnams kyi mu la nges par 'jig pa med pas chad pa med de/ mu med pa'i ngo bo nyid do zhes pa ni gzhan dag gi'o/ /don dam pas nyon mongs pa'i sgrib pa zhi bas zhi ba la shes bya'i sgrib pa zhi ba ni mya ngan las 'das pa ste de'i rten can no/ /sgrib pa gnyi ga yang kun rdzob pa glo bur ba'i phyir la de kho nar ni ma skyes pa'o zhes pa la dgongs pa'o/ /dbyung du med pa ni chos rnams kyi yang dag pa'i kun rdzob kyi ngo bo nyid ni dbyung du med de/bar mtshams med pas yod pa'i phyir de la chad pa med pas so sor dbyung du med pa'i rten can te dri ma dang bcas pa'i gnas skabs su yang rang bzhin gyis yongs su dag pa'i de kho na nyid kyi sgrib pa med pa'i mya ngan las 'das pa'i ngo bo can gang rnams la gang du dbyung du med ces pa ni dbyung du med pa'o//kun rdzob tu sgrib pa las 'byin par brjod kyi don dam par ni ma yin no/ /de'i phyir na/ 'phags pas mya ngan 'das dang srid pa nyid/ /gnyis su yod pa ma yin te/ /srid pa yongs su shes pa la//mya ngan 'das zhes brjod pa yin/ /zhes pas ni 'gro ba dang 'ong ba dang bral ba'o/ /mi g.yo ba ni chos kyi dbyings de bzhin nyid kyi ngo bo nyid la mi 'da' zhes pa ni/ gzhan du rten pa bkag cing dmigs pa med pa'i sbyor bas thob par 'gyur ro zhes pa ni rten gyi byed pa'o/ /rten du 'gyur zhes gsungs pa'i nye bar bsdus pa'i rten du 'gyur zhes pa'o//ngo bo nyid kyi dbang du byas na bstan bcos las/ nyon mongs rtags dang mtshan ma dang / /mi mthun phyogs dang gnyen po dang / /dben dang dka' dang nges pa dang / /ched du bya dang mi dmigs dang / /mngon par zhen pa bkag pa dang //dmigs pa zhes bya gang yin dang / /mi mthun phyogs dang med dang de/ /gzhi med 'gro med skye med dang / /de bzhin nyid ni mi dmigs dang / /ngo bo nyid kyi bcu drug bdag /mtshan nyid can ltar mtshon pa yi/ /mtshan nyid bzhi par bzhed pa yin//zhes te mtshon bya dang sbyor ba'i mtshan nyid 'di la yod ces mtshan nyid ces pa'o/ /mtshon zhes pa ste/ gang yang mtshon bya la zhes pa ni 'di'i rgyas par bshad pa'o/ /'di'i go skabs ni rab 'byor gyis gsol pa zhes pa la sogs pa ste/ spyad pa ni pha rol tu phyin pa drug la'o/ /bsrung bar 'gyur zhes pa ni spyod pa po'o//'dul ba ni bsal bar rigs zhes pa'o/ /gdul bar bya ba rnams dben pa ni 'di rnams kyi ngo bo nyid de chos kyi dbyings so zhes pas de bzhin nyid du bshad do/ /'di rnams kyis ngo bo nyid rnam pa bzhi bshad de/ de dag nyon mongs pa ni 'dod chags la sogs pa'o//nyon mongs pa'i rtags ni nyon mongs pas byas pa'i lus la sogs pa'i gnas ngan len la nyon mongs pa'i mtshan ma ni tshul bzhin ma yin pa yid la byed pa la sogs pa'o/ /mi mthun pa'i phyogs dang gnyen po'i phyogs ni 'dod chags dang 'dod chags med pa dang /zhe sdang dang zhe sdang med pa dang / gti mug dang gti mug med pa'o/ /'di nyid kyi ngo bo rtogs nas gang zhig mngon par rdzogs par byang chub nas bstan par 'gyur bas rten du 'gyur zhes pa'o/ /rab 'byor gyis gsol pa/ zhes pa la sogs pa ste/ gzugs dang 'brel ba ma yin zhes pa ni gzugs la sogs pa'i ngo bo nyid rang gis rtogs pa'i phyir ma yin la/ gzugs la sogs pa'i ngo bo rnams sems can rnams kyi don gyi phyir yang ma yin zhing sa gsum gyi ngo bo nyid rang gis rtogs pa la ma yin zhing / byang chub pa'i ngo bo nyid gsum pos sems can gyi don la yang ma yin te/gsum med cing gcig nyid du gnas par blta bar bya'o zhes pa la dgongs pa'o zhes pa ni dka' ba'i ngo bo nyid do/ /de skad ces gsol pa dang zhes pa la sogs pa ste/ mngon par 'dod pa'i don ni don gyi dbang la/ sangs rgyas kyi sa nyid la zhes pa ni mtha' gcig pa'i ngo bo nyid la'o//gzhan gyis zhes pa la sogs pa ni ched du bya ba'i ngo bo nyid do/ /rab 'byor gyis gsol pa zhes pa la sogs pa ste/ zab mo ni sgom pa dang sgom pa po dang bsgom par bya ba'i shes rab kyi pha rol tu phyin pa'i dngos po dang / de la dmigs pa rnams yongs su grub pa'i dngos por nye bar mi dmigs pa'o//'dir nam mkha' sgom pa ni chos 'di dag thams cad mi sgom pa ste/ chos rnams thams cad stong pa nyid dang ro gcig pa'i phyir ro/ /de'i phyir na chags pa med par sgom pa 'di dag gis kyang mtha' yas pa sgom pa'o/ /chos rnams thams cad dmigs pa la gegs med pa de chos rnams las gzhan ma yin pa'i phyir ro//yod pa ma yin sgom pa ma yin la/ yod pa sgom pa'ang ma yin zhing / yod pa dang med pa la'ang ma yin/ gnyi ga ma yin pa'ang sgom pa min zhes pa ni yongs su 'dzin pa med pa'i sgom pa'o/ /nye bar brtag par bya ba ni shes par bya ba'o zhes pa ni nye bar dmigs pa med pa'i ngo bo nyid do//gang yang zhes pa la sogs pa ste/ mngon par zhen pa med pa ni ngo bo nyid du'o/ /rab 'byor gyis gsol pa zhes pa la sogs pa ste/ rnam par brtags pa nyid ni dmigs pa med do/ /gzhol ba dang bab pa dang 'bab pa ni sgra'i rten gyi don la ste/sbyor ba dang dngos gzhi dang rjes kyi dbye bas so/ /rgyud ces pa ni sems kyi rgyud do/ /nam mkha' la gzhol ba zhes pa ni nam mkha' lta bu'i thams cad mkhyen pa nyid la'o/ /'di ltar zhes pa ste/ shes rab kyi pha rol tu phyin pa la'o zhes pa ni lhag ma'o/ /de ltar nam mkha' lta bu nyid la gang du yul dang dus kyi tshad gzung bar mi nus pa'i phyir gzhal du med pa'o//de nyid tshad dang bral bas tshad med pa ste/ de ni gzugs nas ji srid du mi gnas pa yang ma yin zhes pa'i bar ro/ /thob pa ni tshogs kyi lam la mngon par rtogs pa ni sbyor ba'i lam mo/ / khong du chud pa ni mthong ba'i lam mo/ /lam ni 'jig rten pa'i bsam gtan dang / gzugs med pa la dmigs pa'i 'jig rten pa'i bsgom pa'i lam mo/ /lam gyi 'bras bu ni 'jig rten las 'das pa'i bsgom pa'i lam mo/ /ye shes ni chung ngu'i chung ngu la sogs pa'i ngo bo'i chung ngu'i lam mo rnam par shes pa ni chung ngu'i 'bring la sogs pa'i mtshan nyid kyi 'bring gi lam mo//skye ba ni chen po'i chung ngu'i la sogs pa'i ngo bo chen po'i lam mo/ /'jig pa ni bsgom pa'i lam gyi nyon mongs pa spong ba'i thabs kyi sbyor ba'i lam mo/ /'byung ba ni nyon mongs pa spangs pas rnam par grol ba thob pa'i bar chad med pa'i lam mo//'grib pa ni nyon mongs pas dben pa'i ye shes mngon sum du byed pa'i rnam par grol ba'i lam mo/ /'gags pa ni sgrib pa bag chags dang bcas pa spong bar byed pa'i sbyor ba dang / bar chad med pa dang / rnam par grol ba'i lam gyi bdag nyid kyi khyad par gyi lam mo//sgom pa ni rdo rje lta bu'i ting nge 'dzin te 'joms par bya ba'i sgrib pa thams cad kyi 'joms pa po'o/ /rnam par sgom pa ni mthar phyin pa'i lam mi skye ba dang zad pa shes pa'o/ /yul ni yul thun mong la'o/ /phyogs ni bye brag go/ 'di rnams la yul dang dus kyis mi khyab pa nyid kyis tshad dang mi ldan pa'i phyir la/gzhal du med pa ni de'i ngo bo dang mi sbyor ba'i sbyor ba'o/ /gzhan du na zhes pa ni gzugs la sogs pa rnams kyi ngo bo nyid la ste/ gzugs la sogs pa ni tshad dang ldan pa'i phyir ro zhes pa la dgongs pa'o/ /gzugs la sogs pa nyid thams cad mkhyen pa nyid ces pa ni/gang gi phyir rnal 'byor ba'i kun rdzob tu gzugs la sogs pa nyid stong pa nyid dang ro gcig par rtogs pas sangs rgyas nyid la/ gzhan du ni 'di dang gzugs zhes pa'i sgras gzugs la sogs pa'i chos nyid brjod pa ste/ de'i phyir 'gal ba med do zhes pa ni de ltar dmigs pa'i ngo bo nyid do//de nas zhes pa la sogs pa ste/ zab mo zhes pa ni mos par dka' ba'i phyir ro/ /gting dpag par dka' ba ni bsam pa'i shes rab kyis kyang ma yin pa'o/ /blta bar dka' ba ni 'jig rten pa'i sgom pas kyang ma yin pa'o/ / rtogs par dka' ba ni 'jig rten las 'das pas so/ /don gyi dbang du ni de'i rgyus brtson pa chung ba nyid la gzhol bar mdzad pa ni dman pas kun tu spangs pa'o/ /gang du sus kyang min zhes pa ni bya ba dgag pa'o/ /nam mkha' zhes pas ni las so/ /bdag ces pas ni byed pa po'o//chos thams cad ni thob par bya ba rnams la 'ong ba med pas so/ /'gro ba med pa ni spang bya rnams la'o/ /mi mthun pa'i zhes pa ni phyin ci ma log pa ste/ gang du gzung du med pa la rnam par rtog pa'i phyir ro/ /de ltar 'jig rten pas phyin ci log la yid ches pa'o zhes pa ni mi mthun pa'i ngo bo nyid do//lha rnams ni brgya byin la sogs pa rnams kyis nye bar mtshon pa ste/ de'i le'u ni lha'i le'u ste bco lnga pa'o// //de nas zhes pa la sogs pa ste/ thogs pa ma mchis pa ni gnod par byed pa med pa'i phyir ro/ /'dir mtshan nyid ni thogs pa med pa'i ngo bo'o//dngos po thams cad ces pa ni dngos po rnams thams cad la rjes su mi dmigs pa'i phyir ro/ /gnyis pa'i 'dra ba'i so sor 'gran pa po'i mtshan nyid 'di'o zhes pa ni so so'i mtshan nyid la de med pas 'gal ba dang bral ba'i phyir ro zhes pa ni thogs pa med pa'i ngo bo nyid do//gnas ni rab tu gnas pa ste/ bde 'gro dang ngan 'gro dang mya ngan las 'das pa de la med pas na gnas med pa'o/ /mngon par 'grub pa ma mchis pa zhes pa ni gang du yang mi gnas pa ste/ gang yang mngon par grub pa med cing gang la skye ba med pa'o/ /lam thams cad ces pa ni 'dir yod pa dang med pa la sogs pa rnams kyi skye ba la mi sbyor ba'i phyir dang /bde 'gro dang ngan 'gro dang mya ngan las 'das pa'i lam rnams med pa'i phyir lam med pa'o zhes pa ni gzhi med pa'i ngo bo nyid do/ /de nas zhes pa la sogs pa ste/ rjes su skyes zhes pa ni pha dang bu dag ma skyes pas don dam du 'dra ba'i phyir la/gal te ma skyes pa na de dag ji ltar pha dang bu dag tu 'gyur zhe na/ kun rdzob tu zhes pa la dgongs pa'o/ /ma 'ongs pa ni ma skyes pa la 'ong ba ni rnam par gzhig pa'o/ /rjes su skyes zhes pa ni rjes su rtogs pa las skyes pa'o/ /'gro bar 'gyur bas 'gro ba ste/de bkag pa ni 'gro ba med pa'i ngo bo nyid do/ /de bzhin gshegs pa'i zhes pa la sogs pa ste/ de bzhin nyid du chos thams cad gnas pa las mi 'da' ba'i phyir na/ de nyid gnas pa nyid do/ /sngon du med pa'i ngo bo nyid bskyed du med pas 'gyur ba med do/ /ngo bo nyid kyis mi 'jug pas rnam par 'gyur ba med pa'o//rnam par rtog pa'i ngo bo nyid med pas rnam par mi rtog pa'o/ /rtog pa'i yul ma yin pa'i phyir rtog pa med pa'o/ /gang la yang thogs pa med pa ni thams cad du song ba'i phyir ro/ /de la thogs pa med pa ni gang du na yang de bzhin nyid de nyid yod na de las gzhan du thogs pa nyid do zhe na/lan ni ji ltar zhes pa ste/ gcig tu ba las gang du gnyis med pa ste/ gnyis kyi dbye ba de la med pa'i phyir ro/ /gcig la yang 'brel pa can gyi dbye bas tha dad par 'gyur te/ dper na sngon gyi nam mkha' dang phyi ma'i nam mkha' lta bu ste/ de bzhin du gzugs kyi de bzhin nyid dang tshor ba'i de bzhin nyid do zhes 'gyur ro zhe na/ de la gsungs pa ni/ gnyis su byar med ces pa ste/ 'dir yang yang rtag tu de ltar zhes pa dang / gnyis su med pa ni rang nyid kyis dbyer med pa dang / de bzhin nyid ni gzhan gyis kyang dbyer med ces pa ni gnyis su med pa'i de bzhin nyid de gtan tshigs gsungs pa ni med ces pa ste/gang gang la rten pa'am/ rgyur gyur pa de ni de yis nges par gyur pa ste/ dper na khron pa'i chu nas kyi ljang bu bzhin zhes pa ni/ de bzhin nyid ni gang nas kyang ma yin zhing gang gi yang yod pa ma yin no/ /de'i phyir na gang du yang 'brel pa med pa'i phyir gang gi yang ma yin pa'o//de'i phyir rab 'byor de bzhin gshegs pa'i rjes su skyes pa'o zhes pa grub pa la/ gtan tshigs gzhan gsungs pa ni/ de lta bas na zhes pa ste/ ma byas pa'i de bzhin nyid ces pa yang ma byas pa'i de bzhin nyid 'dir rtag pa'i phyir ro//nam yang de bzhin nyid ma yin par mi 'gyur zhes pa ni rtag par de bzhin nyid kyi dngos po'i phyir te/ gnyis su med pa ni dus kyi dbye bas kyang tha dad par mi 'gyur ba'i phyir ro/ /rnam pa thams cad du zhes pa ni 'jig rten gyi khams rnams thams cad do//chos thams cad ni dngos po thams cad la'o/ /mi rtog pa ni de rnams thams cad la mi rtog pa'i phyir/ rnam par mi rtog pa ni de bzhin nyid la rnam par rtog pa thams cad spangs pa'i phyir ro/ /de bzhin du zhes pa ni thams cad du rtogs pa med cing rnam par rtog pa med pas so//bskal pa ma yin pas ni ma bcad pa'o/ /tha mi dad pas ni gzhan du 'byed pa po ma dmigs pas so/ /gnyis pa med pas 'di ni gzhan ma yin pa'i de bzhin nyid la/ de'i rjes su bgrod cing nye bar son pas de bzhin gshegs pa'o zhes pa ni kun rdzob la don dam par ni ma yin zhing zhes pa ste/'dir zhes pa ni de ltar song ba la song ba med pa'i chos dang gang zag la bdag med pas mthong bas zhes pa la dgongs pa'o zhes pa ni skye ba med pa'i ngo bo nyid do/ /de bzhin gshegs pa'i de bzhin nyid kyang zhes pa la sogs pa ste/ 'dir de bzhin nyid la thams cad du rab tu dbye ba rnams med kyi tha dad pa med par bstan pas dbye ba dgag pa ni gzugs la sogs pa 'di rnams kyi de bzhin nyid rnams la dmigs pa med pas de bzhin nyid de mi dmigs pa ni bcu drug gi ngo bo nyid do/ /de bzhin nyid 'di rnams kyi che ba'i bdag nyid gsungs pa ni/'di bstan zhes pa la sogs pa ste/ de bzhin nyid du gshegs shing mkhyen pa 'dis de bzhin gshegs pa la/ sdug ces pa la sogs pa ni bya ba'i khyad par te/ 'dir khams gsum g.yo ba'i don du gsungs dang sgra'i don la ste/ sdug la chung ngu dang 'bring dang chen po bya ba'i dbye bas te ltas chen po bco brgyad du 'gyur ro//de la 'gul ba ni mtha' dag go/ /g.yo ba ni cha shas so/ /ma lus pa shin tu 'gul ba ni 'khrugs 'khrugs pa'o/ /chem chem ni sgra'o/ /'ur 'ur ni dbyig pas brdungs pa'i khar rnga bzhin no/ /kun tu 'ur 'ur ni 'brug sgra chen po bzhin no//rnam pa drug tu g.yos pa ni ji ltar sa gzhi'i shar phyogs mtho na ni nub phyogs dma' la/ shar phyogs dma' na ni nub phyogs mtho ba'o/ /lho phyogs mtho na ni byang phyogs dma' la byang phyogs mtho na ni lho phyogs dma' ba'o/ /dbus mtho na ni mtha' dma' la//mtha' mtho na ni dbus dma'o zhes pa'o/ /'di rnams g.yo ba la sogs pa dang / lha rnams bcom ldan 'das la mnyan pa dang ldan pa rnams dga' zhing rangs nas spro ba 'di nas de ru yongs su bskyod pa dang / bstan pa spang ba bskyod pa ni/ chos rin po che'i bdag nyid chen por shes par byed pa dang /chos nyid kyi mthas so/ /yod pa ma yin pa ni 'dir nye bar mi dmigs pa'o/ /gang gis zhes pa ni rang gi chos rnams kyis te/ byed pa po dang gang yang de bzhin gshegs pa'i chos kyi rjes su skye bar bya ba'i las kyi de bzhin nyid la ji ltar spyad de/de tsam la gnas pa'i phyir/ rigs yin pas 'dab chags la lus chen po'i phyir na bya chen no/ /bar du zhes pa ni ji srid du sa'i dbus kyi 'du shes kyis te/ thar pa'i cha dang mthun pa brjod par byas pas na de gsal bar byed par 'dod nas/ shA ri'i bus gsol pa zhes pa la sogs pa ste/shes rab kyi pha rol tu phyin pa bsgom par bya zhes pa ni chos thams cad don dam par shes nas spyod pa byed pa ste/ sbyin pa'i pha rol tu phyin pa la sogs pa la mtshan ma med par byed pa'i don du thabs rnam pa thams cad mkhyen pa nyid kyi sems rtag par mi gtang zhing / bsod nams thams cad kyang byang chub tu yang dag par yongs su bsngo ba dang /rjes su yi rang ba'o/ /de'i thabs la mkhas pa ni 'dir bstan bcos las/ mtshan med rab tu sbyin la sogs/ /yang dag sgrub la mkhas pa ni/ /rnam pa thams cad rtogs 'di la/ /thar pa'i cha dang mthun par 'dod//ces pa ste mtshan ma thun mong ma yin pa'i ngo bo'i rang gi mtshan nyid dang / mtshan mar mngon par zhen pa med pa'i mtshan nyid dang / mtshan mar ma dmigs pa'i shes pa'i rnam pas sbyin pa la sogs pa'i sangs rgyas kyi chos rnams thams cad rang gi rgyud las 'byung bar yang dag par sgrub par byed pa ni mkhas pa la/shes rab kyi pha rol tu phyin pa ni thabs kyi mtshan nyid do/ /thar pa'i cha ni snod de/ de thob pa la phan pa'o/ /de'i rab tu dbye ba ni yum chen mor lnga gsungs te/ de ltar yang bstan bcos las/ sangs rgyas sogs dmigs dad pa dang //sbyin sogs spyod yul brtson 'grus dang / /bsam pa phun sum tshogs dran dang / /rnam par mi rtog ting 'dzin dang / /chos rnams rnam pa thams cad du/ /shes pa'i shes rab rnam pa lnga/ /zhes te thar pa'i cha dang mthun pa'o/ /de la gsungs pa ni/de skad ces gsol pa dang zhes te/ 'dir bstan bcos las/ rdzogs pa'i byang chub rnon po yis/ /rtogs bla rtul pos rtogs dkar bzhed/ /ces te 'di rnams kyi go skabs ni/ de nas zhes pa la sogs pa ste/ 'dir tshogs chen pos kun tu 'byung zhes pas na 'byung bar dka' ba'o//shes rab 'chal pa la sogs pa'i tshig rnams kyis ni thar pa'i cha dang mthun pa rtul po'i khyad par gsal bar byas pa'o/ /thar pa'i cha dang mthun pa rnon po rnams kyis ni rang nyid mngon par byung nas yang dag par rdzogs pa'i sangs rgyas su 'gyur ba ma mchis so zhes pa'o/ / rnam grangs 'dis zhes pa ni chos thams cad mnyam pa nyid pas so/ /bdag nyid mngon par byang chub ces pa ste/ sems can rnams gdod ma nyid nas de bzhin zhes pa ni rgol ba la/ rab 'byor la de ma bsgrubs par thob pa'i gang dag thar pa'i cha dang mthun pa chung ngu la de ni de rnams yod pa ma yin zhing 'dir thob par mi srid pas 'byung bar dka' ba'o//de yang byis pas ni kun nas sgro btags pa de nyid kyi dngos pos byang chub par rlom la/ de yang yang dag pa ma yin pa'i phyir thob par mi 'gyur ro zhes pa la dgongs pa ste/ de ltar yang byang chub ni rnam par rtog pas sam/gzhan du rnam par rtog pas sprul pa'i dngos po'i phyogs gnyis char gyis kyang rigs pa ma yin te/ byang chub ni rnam par rtog pa med pa'i phyir dang / rnam par rtog pa ma skyes pa'i phyir ro/ /de bzhin du zhes pa ni nam mkha' dang mnyam pas kyang ngo / /de ni ma yin zhes pa ni de nyid min te/phyir mi ldog pa bsgrub par 'dod nas gsungs pa ni gang phyir ldog pa'i chos de zhes pa la sogs pa ste/ chos thams cad la gnas med pa nyid du sbyor ba'i rigs pas/ de chos nyid la gnas shing / chos nyid kho na ni dag pa'i byang chub ste/ de yang rang bzhin nyid kyis dag pa'o zhes dgongs pa'o//chos rnams kyi tshul du skye ba'i de kho na nyid kyi bye brag gi de bzhin nyid la de bzhin nyid ces pa ni de kho na nyid du ma skyes pas na yod pa ma yin la/ rab tu 'byed par byed pa rnams la zhes pa ni/ brtag par bya ba rnams la'o/ /de la khyad par med pa ni byang chub sems dpa'i dbye ba rnam pa gsum mi dmigs pas so//bye brag med pa nyid ni de bzhin nyid dang ro gcig par kun tu rtogs so/ /tha dad du byar med pa ni ji skad du bshad pa'i bye brag las bzlog nas tha dad du byed par mi nus pa'i phyir ro/ /byang chub sems dpa' sems dpa' chen po 'dis nges par 'byung ba'o zhes pa'i bar gyi rgya chen pos ni rnon po rnams kyis thar pa'i cha dang mthun pas bdag nyid rdzogs pa'i byang chub tu 'byung ba'o zhes bshad pa'o//nges par 'byed pa'i cha dang mthun pa ni bzhi ste/ de la drod kyi dbang du byas nas bstan bcos las/ dro ba rnams kyi dmigs pa ni//sems can thams cad yin par bsngags/ /de dag la ni sems mnyam sogs/ /rnam pa dag ni bcur bshad do/ /zhes te/ 'di la gsungs pa ni/ de nas zhes pa la sogs pa ste/ gnas par bya ba ni spro bas so/ /bslab par bgyi ba ni goms pas so/ /sems can rnams la sems mnyam zhes pa la sogs pas ni sems gzhan bcu gsungs te/dge ba ni g.yo med pa'i sems so/ /rnam par 'tshe ba med pa ni snying rje'o/ /ma dang pha'i sems dang bu dang bu mo'i sems dang mgon med pa rnams kyi mgon byed pa'i phyir dang / rang nyid sdig pa las ldog cing //sbyin la sogs la gnas pas gzhan/ /de dag la ni 'god pa dang / /bsngags pa brjod dang mthun pa nyid/ /rtser 'gyur zhes par bstan bcos las te de dag dang ma bral bar gnas pa'o/ /de gsungs pa ni/ bdag nyid ces pa la sogs pa ste/sdig pa ni mi dge ba bcu la yongs su rgyal ba ni goms pa'o/ /ma rig pa'i rkyen gyis 'du byed ces pa la sogs pa ni lugs dang mthun pa'o/ /de la bden pa gnyis ma rtogs pa'i shes pa dang phyin ci log tu shes pa dang the tshom ni ma rig pa'o/ /des mi dge ba 'dod pa na kun tu spyod pa dang /dge ba zag pa dang bcas pa'i khams gsum gyi las 'du byed par 'gyur ro/ /des yid kyi rnam par shes pa skye ba dang / 'chi ba'i mtshan nyid can dang 'chi ba dang skye ba'i bar du gyur pa'i srid pa bar ma do 'byung bar 'gyur te/ srid pa ma son pa'i thogs pa med pas bar du yul der sbyor bar 'gyur te/ma'i lto bar mtshams sbyor ba'i skad cig la ma zhig pa dang / 'dod chags dang zhe sdang dang bcas pa rnams kyi 'dus byas pas skye ba 'dzin pa'i nur nur po'i gnas skabs kyi phung po lnga'i nang du gtogs pa ni yid kyi rnam par shes pa zhes te/ yan lag gsum pa'o//de las rnam par shes pa'i rkyen gyis ming dang gzugs te/ de la tshor ba dang / 'du shes dang / 'du byed dang / rnam par shes pa ni khyer zhes pas ni yang srid par skyed pa'i phyir ro/ /gzugs ni nur nur po'i gnas skabs so/ /de las mig la sogs pa ni skye mched drug go//de las dbang po dang yul dang rnam par shes pa rnams 'dus nas rgyu dang 'bras bu'i dngos por gnas pa rnams phan tshun du rig nas tshor ba dang bskyed pa la mngon du byed pa ni rig pa'o/ /de las bde ba la sogs pa'i tshor ba'o/ /de las mngon par 'dod pa'i mtshan nyid kyi yang srid pa la mngon par dga' ba'i ngo bo ni srid pa'o//de las 'dod pa dang / lta ba dang / tshul khrims dang / brtul zhugs kyi bdag nyid kyi dngos po len pa'i dbye ba dga' ba'i ngo bo'i ngo bo de dang bral bar ma gyur zhes pa la sogs pa'i rnam pa bzhis khyad par gyi srid pa la mngon par 'dod pa'i ngo bo ni nye bar len pa'o//de las 'du byed pa'i sa bon ma rig pa dang / sred pa dang / len pas mi slu bas skye ba skyed pa la mngon par phyogs pas srid pa'o/ /de las skye bar 'gyur te/ ming dang gzugs kyis rim gyis skye ba'o/ /des rga shi la sogs pa'o zhes phan tshun gyi rgyun can gyi yan lag bcu gnyis te/de ni gang zhig 'chi ba'i bar ma dor yang mi 'gyur zhing / rdzus te skye ba la yang mi 'gyur la/ gzugs dang gzugs med par yang ma yin no/ /de la yan lag dang po gnyis ni skye ba snga ma'i'o/ /bar gyi brgyad po ni da ltar byung ba'i skye ba'i'o//skye ba dang rga shi ni ma 'ongs pa'i skye ba'i'o zhes pa ni snga ma dang phyi ma dang bar ma rnams su rnam par gzhag pa ni kun tu rmongs pa med pa ni mi 'jug go/ /dang po dang gzhan brgyad pa dang dgu pa ni nyon mongs pa'o/ /gnyis pa dang bcu pa ni las kyi kun nas nyon mongs pa'o/ / lhag ma ni skye ba'i nyon mongs pa'o/ /nyon mongs pa ni kun nas nyon mongs pa'i dbang gis las dang skye ba kun tu 'phen la/ bden pa mthong ba ni bden pas las dang yang srid pa mi 'phan pa'i phyir ro zhes pa ni yan lag bcu gnyis pa'i rten cing 'byung ba'o/ /nyon mongs pa las dang skye ba'i rgyun gyi ngo bo'i 'khor ba la thog ma med de/thog ma yod na thog ma la rgyu med pa can du thal bar 'gyur ba'i phyir ro/ /tha ma ni rgyu zad pas rigs te/ sa bon zad pas myu gu bzhin te/ skye ba ni rgyu la ltos pa'i phyir ro/ /de'i phyir sangs rgyas so sor bskyed pa'i stong pa dang / snying rje ro gcig pa'i byang chub kyi bdag nyid kyi shes rab kyi pha rol tu phyin pa'i mtshan nyid can gyi ma rig pa'i gnyen po bsgoms pas ma rig pa rim gyis zad nas 'khor ba pa'i sems can grangs med pa yongs su mya ngan las 'da' ba'i phyir thams cad rgyun chad pa nyid du 'gyur te/'gro ba 'di dag thams cad sangs rgyas su 'gyur zhes lung las gsungs te/'dir ma rig pa 'gags pas 'du byed ces pa nas ji srid du skye ba dang / rga shi dang / mya ngan dang / smre sngags 'don pa dang / sdug bsngal ba dang / yid mi bde ba dang / 'khrug pa rnams 'gag par 'gyur zhes te/ de la phung po yongs su smin pa ni rgas pa'o/ / phung po rnying pa zhig pa shi ba'o/ /shi bar gyur pa las rmongs pas mngon par chags pas snying mi bde ba ni mya ngan no/ /mya ngan gyis kun nas bslangs nas ngag tu 'don pa ni smre sngags so/ /dbang po rnams mi gsal ba ni sdug bsngal lo/ /yid la gcags pa ni yid mi bde ba'o//sdug bsngal ba dang yid mi bde ba las byung ba ni 'khrug pa ste/ gang du 'phags pas/ ma rig 'gag par 'gyur ba ni/ /'du byed rnams ni 'byung mi 'gyur/ /ma rig 'gag par 'gyur ba ni/ /shes pa de ni bsgom pas so/ /mdo phal cher yang lugs las bzlog pa gsungs te/skye ba 'gags pas rga shi la sogs pa 'gag ces pa nas ji srid du/ ma rig pa 'gags pas 'du byed 'gag ces pa la sogs pa ni lugs las bzlog pa'o/ /yang dag par bskul ba ni yang dag par 'dzin pa la'o/ /bsngags pa brjod pa'i yon tan brjod pa'o//mthun par dka' ba'i rjes su mthun pas so zhes pa ni rtse mor gyur pa'o/ /rang bzhin rten can bden shes pa'i/ /chos mchog de bzhin sems can rnams/ /smin byed sogs kyis shes par bya/ /zhes pa bstan bcos las te/ 'dir gsungs pa ni/ de bzhin du bden pa zhes pa la sogs pa ste/sdug bsngal la sogs pa'i bden pa'i yul rnams la go rims ji lta ba bzhin du yongs su shes pa dang / spong ba dang / mngon du byed pa dang / bsgom pa rnams la rgyun du zhugs pa la sogs pa'i 'bras bu mngon sum du bya ba'i bya ba la ji srid du yang dag par bskul ba la sogs pa nas byang chub sems dpa'i skyon med par 'jug pa'i bar du'o//de ltar sems can zhes pa la sogs pa ste/ de ltar bzod par gyur pa dang chos mchog tu gyur pa'o/ /de ltar 'dod cing zhes pa la sogs pas nges par 'byed pa'i cha dang mthun pa rnams kyi 'bras bu gsungs pa'o//de bzhin nyid gtso bor bstan pa'i le'u ni de bzhin nyid kyi le'u'o/ /'phags pa shes rab kyi pha rol tu phyin pa brgyad stong pa'i 'grel pa gnad kyi zla ba'i 'od ces bya ba paN+Di ta chen po 'jigs med 'byung gnas sbas pas mdzad pa las le'u bcu drug pa'o// //tshogs kyi dbang du byas nas bstan bcos las/nges 'byed yan lag nas bzung ste/ /mthong dang bsgom pa'i lam dag la/ /byang chub sems dpa' gang dag gnas/ /de 'dir phyir mi ldog pa'i tshogs/ /zhes te phyir ldog par 'gyur ba ni phyir ldog pa la/ de ltar ma yin zhes pa ni phyir mi ldog pa ste/phyir mi ldog pa'i dge 'dun no/ /'dir dbang po rab kyi byang chub sems dpa' ni tshogs kyi sa nas kyang shes rab kyi pha rol tu phyin pa nges pa dang snying rje chen po la sbyar nas tshogs gnyis rdzogs par byed pa la/ rtag par mngon par sbyor bar dga' bas phyir mi ldog pa can no/ / dbang po 'bring ni rab tu dga' ba las sngon du de'i nges pa la sogs pa med pa'i phyir ro/ /dbang po rtul pos ni yang sa brgyad pa la sngon du bla na med pa'i de kho na nyid mngon sum du byed pa'i bya ba la nges par brtan po med pa'i ldog pa'i dogs pa 'byung bar 'gyur ba'o/ /nges 'byed yan lag nas bzung zhes pa ni tshogs kyi lam la shin tu mi zad pa'i nges pa can la ltos nas gsungs pas mngon par 'dod pa ni tshogs kyi sa la yang ste/sogs zhes pa mthar med kyang dngos po la rnam par brtags nas mthar gnas pa nyid pas phyir mi ldog pa'i rigs phyir mi ldog pa can de rnam pa bzhi ste/rdzogs pa'i byang chub kyi sems 'byung ba shin tu de la srid pas zhes pa la sogs pa bshad la/ bstan bcos su/ gzugs la sogs las ldog sogs rtags/ /rnam pa nyi shu bskyed pa yis/ /nges 'byed yan lag la gnas pa'i/ /phyir mi ldog pa'i mtshan nyid ni/ / zhes te 'dir ni phyir mi ldog pa'i mtshan nyid du shes pa'i rtags rnams te/ gzugs la sogs las ldog pa dang / /the tshom mi dal zad pa dang / /bdag nyid dge ba la gnas shing / /gzhan dag de la 'dzud pa dang / /gzhan gyi rten can sbyin sogs dang / / zab mo'i don la som nyi med/ /byams lus sogs dang sgrib pa ni/ /rnam pa lnga dang mi 'grogs dang / /bag la nyal kun 'joms pa dang / /dran pa dang ni shes bzhin dang / /gos la sogs pa gtsang ba dang / /lus la srin bu rnams mi 'byung / /gya gyu med sems sbyangs pa ni/ / len dang ser sna med pa dang / /chos nyid ldan par 'gro nyid dang / /sems can don du dmyal tshol dang / /gzhan gyis bkri bar mi 'dod dang / /lam gzhan nye bar ston 'dud la/ /'dud ces bya bar rtogs pa dang / /sangs rgyas dgyes pa'i spyod pa ste/ / rtags ni nyi shu de rnams kyis/ /drod dang rtse mo bzod pa dang / /chos mchog rnams la gnas pa ni/ /rdzogs pa'i byang chub las mi ldog /ces pa bstan bcos las te/ rtags kyis mtshon pa ste/ 'di la gsungs pa ni/ de nas zhes pa la sogs pa ste/ 'di rnams kyis rnam par byed cing gsal bar byed pas na rnam pa la/'di rnams kyis mtshon par byed pas na rtags so/ /'di rnams kyis gsal bar byed cing brtag par byed ce na mtshan ma ste/ don gcig kyang gsum po rnams kyis brjod pa ni don dag gzhan gyi dogs pa gcod pa'i don du'am rnam grangs kyis bshad pa'i phyir te/gang gi phyir ni gnyis su med pa ste/ gzugs la sogs pa rnams kyi chos rnams thams cad ni don dam pa med pa'i phyir de bzhin nyid de/ de bzhin nyid la ni gcig pa nyid dang gnyis dang mang po med pa ste/ de'i phyir na de bzhin nyid ni gnyis su med pas dbyer med pa dang gnyis su byar med pas ma bcad pa'o//rnam par rtog pa'i ngo bo dang bral bas rtog pa med pa'o/ /rnam par rtog pa'i spyod yul ma yin pa'i phyir rnam par rtog pa med pa'o/ /de ltar zhes pa ni de ltar de bzhin nyid mtshan nyid du gnas shing de bzhin nyid dang ro gcig pa'i phyir ro/ / mi rtog pa ni yang dag par ro/ /rnam par mi rtog pa ni phyin ci log tu'o/ /thos nas kyang zhes pa ni thos pa'i rjes la'o/ /song nas zhes pa ni dus phyis kyang ste/ nem nur mi byed pa ni gnod par mi byed pa'o/ /yid gnyis mi byed pa zhes pa ni/ rnam pa sna tshogs blo ni yid gnyis te/de nyid mi byed ces pa'o/ /'di rnams rgyas par bshad de/ the tshom mi byed ces pa dang / rmongs par mi byed ces pas ni mi bsgrub pa dgag pa'o/ /de kho na nyid ltar zhes pa ni thams cad don dam par te/ kun rdzob tu ni gzugs la sogs pa de ltar lhag par mos shing ste dad pas so/ / khong du chud par byed pas ni shes rab kyis so/ /'di rnams de ltar shes pa ni gtso che ba'i rtags te/ 'di'i yongs su gcod pa gsungs pa ni/ mi lta zhes pa la sogs pa ste de ltar de nyid la de dag ces te/ gzugs la sogs pa la ldog pa'i rtags shes pa'o/ /gzhan yang zhes pa la sogs pa ste/gzhan dag ste chos 'di la phyi rol pa'i rab tu byung ba rnams kyi'o/ /ngor blta ba ni gus par blta ba'o/ /shes pa ni 'jig rten pa'i ye shes kyis so/ /mthong ba ni 'jig rten las 'das pas so/ /sbyin pa ni gus par sbyin pa'o/ /mi rten pa ni rten nam skyabs su 'gro ba ma yin pa'o//de'i bden pa dang dkon mchog rnams la yid gnyis the tshom zad par gyur pas 'di rnams thams cad mi byed pa'o zhes pa ni the tshom zad pa'i rtags so/ /rab 'byor yang zhes pa la sogs pa ste/ ngan song ste dmyal ba dang / yi dags dang / dud 'gro ni ngan song gis gzung la/kla klo dang / lha tshe ring por skyes pa dang / sangs rgyas kyi gsung mi thos pa dang / log par lta ba dang / dbang po ma tshang ba'i mtshan nyid kyis mi khom pa rnams kyis nye bar mtshon pa ni bud med kyi dngos po ste bud med nyid phal cher gzhan gyi dbang du gyur pa nyid kyis dge ba'i las la mthu med pas mi khom pa'o zhes pa ni mi khom pa zad pa'i rtags so//gzhan yang zhes pa la sogs pa ste/ srog gcod pa ni srog chags gzhan dang srog chags su 'du shes pa dang / de la gsod par 'dod pa dang / nye bar zhugs pa dang / de bsad pa'o zhes pa ni yan lag lngas so//rdzas gzhan gyis bdag tu byas pa la/ bltas nas yid kyis bzung na mthus rku bas/ de'i rgyu sems kyis gzhan gyi nor 'phrog pa ni ma byin par len pa ste/ gzhan gyi nor dang / der 'du shes pa dang de 'phrog par 'dod pa dang / nye bar sbyor ba dang de blangs pa'o zhes pa ni yan lag lngas so//bgrod par bya ba ma yin pa dang / yan lag ma yin pa dang / yul dang dus dang bgrod pa ma yin pa ni 'dod pas log par g.yem pa ste/ gzhan gyi bud med dang / gzhan gyi 'du shes pa dang / de la mngon par bgrod par 'dod pa dang / nye bar rtsom pa dang bgrod pa'o zhes pa'i yan lag lngas so//gzhan la ngag gam lus kyis phan pa ma yin pa'i don bsgrubs pas na brdzun du smra ba ste/ dngos po dang 'du shes dang bslu bar smra bar 'dod pa dang smra ba la nye bar zhugs pa dang gzhan yid ches par byas pa smras pa ni yan lag lnga'o//lus kyi so sor sgrub pa ni ngag gi las dang chos mthun pas ngag gi las te/ 'dul ba so sor thar pa'i mdo'i mdor bstan du/ cang mi smra bar gyur pa'i brdzun du smra bar 'gyur zhes bshad do/ /gzhan dag nyon mongs pa'i sems kyis 'byed pa can gyi tshig ni phra ma'o/ / nyon mongs pa'i sems kyis mi snyan pa smra ba skyon sgrogs pa ni tshig rtsub mo'o/ /brdzun du smra ba la sogs pa gsum las gzhan pa'i nyon mongs pa ni ngag 'khyal pa'o/ /gang gzhan dag gi la de bdag gir gyur na zhes pa'i spro bas nges par 'dzin pa ni brnab sems so/ /sems can gzhan la gnod pa'i don du zhe sdang ba ni gnod sems so//rgyu dang 'bras bu bya ba'i dngos po med ces skur pa 'debs pa ni log par lta ba'o/ /'dir brnab sems la sogs par 'dod pas log par g.yem pa dang gzhan la gnod pa la sogs pa ste bgyis pa dang / bgyid du stsal bar 'gyur ba dang rjes su yi rang bar byed pas ni bcu gar yang 'gyur ba'o//de la 'dod chags dang / zhe sdang dang gti mug ste/ de las ldang ba'i rnam pa bdun ni lus dang ngag gis nyes par spyod pa mi dge ba bcu gang yang las pas las kyi lam zhes pa ste/ las kyi lam mo/ /de dang bral bas ni dge ba bcu'i las kyi lam ste/'dod chags med pa dang / zhe sdang med pa dang / gti mug med pas kun nas bslang ba ni thams cad kyang legs par spyod pa ste dge ba'o/ /gang gi phyir/ gang zhig brtse ba can gyis ni/ /gzhan la phan na thams cad bya/ /las de dge ba yin no zhes//rdzogs sangs rgyas rnams kun gyis gsungs/ /chang 'thung ba ni bcas pa'i kha na ma tho ba ste/ bcas pa'i kha na ma tho ba rnams la chang 'thung ba gcig pu las ci'i phyir ldog par bya zhe na bcas pa yin yang chang 'thungs pas sngon du goms pa'i bag chags kyi las ji ltar rigs par rab tu zad pas bcu ga'i nyes pa spyod pa nyid gzhan du spyod par 'gyur zhes pa ste/gang zag kha cig gis ni rang bzhin gyis kha na ma tho ba'i rgyur 'gyur ba'i phyir ldog pa de rnams kyi nang du chang 'thungs pa las ldog pa yang gsungs pa'o/ /gang zhig nyon mongs pa'i sems nyid kyis lhag par kun tu spyod pas rang nyid kho na la mi 'dod pa'i rnam par smin par 'gyur na de ni rang bzhin gyis kha na ma tho ba ste/dper na srog gcod pa la sogs pa bcu po bzhin no/ /de bzhin du chang 'thung bas ltogs pa la sogs pa la phan pa'i bsam pa nyid du 'gyur bas btung ba bzhin du kun tu spyod kyang nyes par mi 'gyur te/de'i phyir na legs 'ongs kyis dgra bcom par gyur kyang chang 'thungs shing de nas brtsams nas log par bcas par 'dul ba las bshad do/ /theg pa chen por yang gang zag thams cad kyis ma yin te/ 'dir chos ma yin pa'i dbang du byas te de'i phyir na las kyi lam bcu gcig tu ma bstan to//'dir mi dge ba'i las ni legs par byas pa ma yin no/ /yang mi bya'o zhes pa rnam par sun byung bas stobs chung bar 'gyur ba dang / dge ba zag pa med pa'i las kyi don du mngon par sbyor ba'i gnyen po kun tu spyod pas stobs chung bar 'gyur ba dang / sdom pa yang dag par blangs nas mi byed pa'i sdom pa thob pas sor chud pa'i stobs des stobs chung bar 'gyur ba dang /dkon mchog gsum la skyabs su 'gro ba dang / byang chub kyi sems kyi rten gyi stobs kyi ste/ byang chub sems ni dngos por 'dzin pa'i gnyen por 'gyur ba ste/ de'i rtsa ba can gyi ma rig pa la sogs pa'i nyon mongs pa rnams kyi gnyen por 'gyur te las thams cad rnam par sbyong bar byed de/don dam pa'i byang chub kyi sems zag pa med pa'i shes rab kyi las thams cad dmigs su med pa'i mtshan nyid kyi las rnams rnam pa thams cad du mchog tu sbyong ste/ de ltar yang rigs kyi bu bskal pa'i me dang 'dra ba'i byang chub kyi sems kyis nyes par spyod pa thams cad sreg par byed do zhes pa rgya cher gsungs so//gang du bskal pa bye ba brgya ru yang / /las rnams 'jig par mi 'gyur te/ /tshogs pa'i thob pa'i dus su ni/ /lus can rnams la 'bras 'byin 'gyur//ces te 'jig par mi 'gyur zhing 'bras bu 'byin pa ni rgyud yongs su 'gyur ba'i khyad par gyis te/ sA lu la sogs pa'i sa bon bzhin te rang gi mtshan nyid kyi gnas gzhan gyis ni ma yin no zhes pa la sogs pa ste/ mthong ba'i chos la kun tu myong bar 'gyur ba dang /skyes nas myong bar 'gyur ba dang / de las lan grangs gzhan la kun tu myong bar 'gyur ba ni las zhes bshad de/ de ltar 'gyur ba ni gnyen po bsgom pa las shes par bya'o/ /gang du bcom ldan 'das kyis sprul pa'i sku'i mthe bo'i rtse mo la bdud kyis rdo sbyar bas rma byung bar bstan te/bstan pa de thams cad ni dge ba dang mi dge ba'i bya ba la 'jug pa dang ldog pa'i don du ste/ de bzhin gshegs pa rdo rje snying po'i sku yin yang srog chags rnams la de'i rigs mthun pa kun tu bstan pa dang / gdul bya rnams la dka' ba spyod pa kun tu bstan pa dang / tshul khrims dang brtul zhugs tsam gyis dag pa ma yin te/ 'on kyang yang dag pa'i shes pas ni rnam par dag go zhes pa rab tu bstan pa'i don te/ de'i phyir te byang chub sems dpar gyur pa la yang bcom ldan 'das la 'dod pa'i khams kyi dbang phyug gi 'khor bye ba khrag khrig brgya stong phrag brgyad cu de rnams kyi mtshon chas ba spu gcig kyang mi ldang zhing rma ma btod pa la de nyid rdzogs par byang chub pa ni mi tsam gyi lha sbyin gyis rma btod pa lta smos kyang ci dgos te/mang du brjod pa la dgos pa med do/ /yang dag par 'dzud pa dang bstan par byed do zhes pa ni rtags so/ /gzhan yang zhes pa la sogs pa ste gang dang gang du chos mdo sde dang dbyangs kyis bsnyad pa la sogs pa ste/de la mdo'i sde ni gang tshigs bcad rkyang pa rnams kyis don smos pa'o/ /dbyangs kyis bsnyad pa ni mdo gang dag gi dbus dang mtha' dag tshigs bcad kyis dbyangs su bsnyad pa ste gang yang drang ba'i don du rtogs pa'i phyir ro//lung du bstan pa ni gang du nyan thos rnams 'das shing dus la bab pa na rigs pa dag la lung bstan par byed pa ni/ gang yang nges pa'i don gyi mdo sde ste/ des na don dam pa la dgongs nas bshad pa'i phyir ro/ /tshigs su bcad pa 'di gang dang gang gsungs te/tshig gnyis pa dang / tshig gsum pa dang / tshig bzhi pa dang / tshig lnga pa dang / tshig drug pas so/ /gleng gzhi ni gang yin la byas nas brjod pa'i gleng gzhis gang bstan cing gsungs te/ 'thad pa dang bcas pa bslab pa'am bcas par gsungs pa'o/ / rtogs pa brjod pa ni dpe dang ldan pas gsungs pa'o/ /de ltar 'das pa ni sngon gyi sbyor ba dang ldan pa'o/ /skyes pa'i rabs ni byang chub sems dpa'i spyod pa dang yang dag par ldan pa'o/ /shin tu rgyas pa ni gang byang chub sems dpa'i sde snod dang rab tu ldan pa ste/ sems can thams cad phan pa dang bde ba la bkod pa'i phyir ro//chos rmad du byung ba ni gang du nyan thos dang byang chub sems dpa' dang sangs rgyas rnams kyi ngo mtshar rmad du byung ba'i chos bstan pa'o/ /gtan la phab pa ni gang yang phyin ci ma log pa'i chos kyi mtshan nyid nye bar bstan pa'o zhes pa ni gsung rab yan lag bcu gnyis kyi chos so//sbyin pa dang gzhan la phan pa zhes pa ste/ de rnams nyid kyis so/ /ji ltar chos kyi sbyin pa de ltar gzhan sbyin pa dang tshul khrims la sogs pas kyang ngo zhes pa ni gzhan gyi rten can gyi sbyin pa la sogs pa'i rtags so/ /gzhan yang zhes pa la sogs pa ni zab mo'i don la som nyi med pa'i rtags so//phan pa zhes pa la sogs pas ni byams pa'i lus la sogs pa'i rtags so/ /chung bar 'gyur zhes pa la sogs pa ni nye bar mtshon pa ste/ 'dod pa la 'dun pa dang gnod sems dang rmugs pa dang gnyid dang rgod pa dang 'gyod pa dang the tshom zhes pa ni sgrib pa lnga dang mi 'grogs pa'i rtags so//de la rmugs pa ni thibs pa ste lus dang sems blun par byed pa nyid kyis sems dmigs par sbyor ba las nyams pa'o/ /gnyid ni rnam par shes pa lnga sdud par byed pa'i ngo bo'i yid kyang rmongs par byed pa'i rgyu bas gnyis gcig tu bgrang bar bya ste/ zas ma snyoms pa'i shes pa nyid dang / g.yel ba dang mi dga' ba dang glal ba dang sems bying ba nyid ces pas de gnyis rgyas par byed do/ /rgod pa ni chags pa'i yul dran pa'i 'dod chags kyi cha can gyi sems nye bar ma zhi ba'o/ /'gyod pa ni mi rigs pa byed pas sems nye bar ma zhi ba'o/ /de'i phyir na nye bar ma zhi bar chos mthun pas gnyis gcig tu byas pa'o//bden pa dang dkon mchog la sogs pa la yod pa dang med pa'am bden nam mi bden nam zhes pa la sogs pa'i rnam pa can de gnyi ga'i cha la 'jug pa'i som nyi'i bdag nyid can gyi blo ni the tshom mo//mi 'dzin ces pa ni thams cad ji ltar byung ba'i de ltar gyi bag la nyal nyon mongs pa'i 'ching ba bcom pa ni bag la nyal ba kun 'joms pa'i rtags so/ /de'i phyir na rnam pa thams cad mkhyen pa nyid kyi skabs su bzod pa 'bring gi 'grel par 'phags pas nyon mongs par 'gyur ba thams cad la sems skye ba med pas lus la sogs pa yongs su dag par rtogs zhes bshad do//des zhes pa ste 'gro ba ni 'grod pa'o/ /log pa ni 'ong ba'o/ /'khrug pa ni rnam par g.yengs pa'o/ /bul ba mi byed pa'i bul ba ni rnam par g.yengs pas so/ /mthong ba bzhin zhes pa ni bltas na la'o//'di rnams ni nye bar mtshon pa ste/ 'chag pa dang gnas pa dang 'dug pa dang nyal ba rnams la rnam par mi g.yeng ba'o zhes pa ni dran pa dang bcas pa'i shes bzhin gyi rtags so/ /rab 'byor yang zhes pa la sogs pa ste/ shig dang mi sbyor bas shig med pa la gzob pa dang ni gtsang sbra'o//gnod pa med pa ni nad kyi'o/ /skyon nye bar 'tshe ba med do zhes pa ni chos gos la sogs pa gtsang ba'i rtags so/ /gang dag zhes pa la sogs pa ste/ mngon par 'phags pa ni khyad par du 'phags pa'o zhes pa ni srin bu mi 'byung ba'i rtags so//rab 'byor gyis gsol pa zhes pa la sogs pa ste/ sems la bya ba nyung ba ni 'dod pa chung ba'i phyir dang rnam par g.yeng ba med pa'i phyir ro/ /sems gang zhig gya gyu nas rang gi skyon 'chab pa'i thabs byed pa ni g.yo'o/ /gang du gzhan slu ba'i don du yang dag pa ma yin pa'i yon tan kun tu ston pa ni sgyu'o//'khyog pa nyid kyis gya gyu ste/ de ni gzhan slu ba'i phyir yon po ste/ de med pa ni gya gyu med pa'i rtags so/ /gzhan yang zhes pa la sogs pa ste/ rnyed pa la sogs pa lhur len pa nyid bkag pa ni sbyangs pa'i yon tan gyis nye bar mtshon pa'o zhes pa ni sbyangs pa'i yon tan yang dag par len pa'i rtags so//phrag dog ces pa ste gzhan gyi yon tan la de srid du phrag dog dang / ser sna mi 'dzin pas ni pha rol tu phyin pa drug gi mi mthun pa'i phyogs nye bar mtshon pa'o zhes pa ni ser sna med pa la sogs pa nyid kyi rtags so/ / chos zab mo zhes pa la sogs pa ste/ yang dag par zhes pa ni yang dag par sbyor ba la'o/ /chos nyid dang sbyor ba ni thams cad la kun tu 'gro ba'o zhes pa ni chos nyid dang ldan pa 'gro ba nyid kyi rtags so/ /gzhan yang zhes pa la sogs pa ste/ slar yang gshegs par gyis zhes pa ni de yin zhes pa la so sor zhes pa ni nges pa nyid dang shin tu ba nyid kyis yongs su spongs shig pa'o//de ltar zhes pa ni byang chub kyi sems btang bar gyur na'o/ /de ltar na yang zhes pa ni 'di 'dra ba zer ba na'o/ /'dir 'jig rten rnams kyi don du'o zhes pa ni sems can don du dmyal ba khas len pa ste dmyal ba tshol ba'i rtags so//gzhan yang zhes pa la sogs pa ste gang khyod kyis thos pa zhes pa ni shes rab kyi pha rol tu phyin pa la sogs pa so sor bshad pa'o/ /gang khyod kyis gzung ba zhes pa ni byang chub kyi sems dang pha rol tu phyin pa'i spyod pa yongs su spongs shig pa'o/ / yang dag pa ma yin pa'i rnam pa sna tshogs par smra ba ni snyan dngags mkhan la de'i las ni snyan dngags so/ /phyir mi ldog pa'i dbyings te rang bzhin no zhes pa ni gzhan gyis bkri bar mi 'dod pa'i rtags so/ /gzhan yang zhes pa la sogs pa ste/ 'di nyid du khyod ces pa la sogs pas ni nyan thos la sogs pa'i lam 'dzin du 'jug pa ste mngon par mi 'grub cing zad par 'gyur zhes pa ni bdud kyi lam gzhan nye bar bstan pa la bdud ces bya ba rtogs pa'i rtags so//gal te zhes pa la sogs pa ste/ gzhan las ni bdud la sogs pas theg pa chen po de dang bral ba'i phyir te gtong ba'i don du smra ba ni bral ba'i tshig la/yongs su ma nyams pa ni mi g.yo ba'o/ /chos 'di nyid chos nyid de theg pa chen po'i spyod pa'o/ /de'i yid phyir mi ldog pa ni kha phyir bltas par mi 'gyur ba'o/ /gzhan du mi 'gyur ba ni phyir mi ldog nas theg pa dman pa la rin che bar mi byed do zhes pa'i don to//de dag ces pa ni bral ba'i tshig la/ de ltar zhes pa ni ji ltar sangs rgyas kyis rjes su bsngags pa'o zhes pa ni spyad pa la sangs rgyas rjes su yi rang ba'i rtags so/ /de ltar rtags nyi shu'o/ /bstan bcos las/ mthong ba'i lam la bzod pa dang //shes pa'i skad cig bcu drug ni/ /byang chub sems dpa' mi ldog pa'i/ /mtshan nyid yin par shes par bya/ /gzugs sogs 'du shes ldog pa dang / /sems brtan theg pa dman dag las/ /rnam log bsam gtan la sogs pa'i/ /yan lag yongs su zad pa dang //lus sems yang ba nyid dang ni/ /'dod pa spyod la thabs mkhas dang / /rtag tu tshangs par spyod pa dang / /'tsho ba rnam par dag nyid dang / /phung sogs bar chad med nyid dang / /tshogs dang dbang sogs bcas pa yi/ /g.yul 'gyed ser sna la sogs la//sbyor dang rjes su sbyor ba yi/ /gnas pa so sor bkag pa dang / /chos ni rdul tsam mi dmigs nyid/ /rang gi sa la nges pa nyid/ /sa gsum la ni gnas pa dang / /chos kyi don du srog gtong ba/ /de 'dra'i skad cig bcu drug ni/ /blo ldan mthong ba'i lam gnas kyi//phyir mi ldog pa'i rtags dag yin/ /ces pa ste mtshan nyid kyi rtags rnam pa bcu drug la rim pa bzhin du gsungs pa ni/ gzhan yang zhes pa la sogs pa ste/ 'dun pa zlog par byed pa ni 'dun pa dang / rang gi mtshan nyid ni rang bzhin no/ /chos ni gzugs la sogs pa'o//mi skye ba shes pa'i bzod pa 'dis de ltar ro zhes pa ni gzugs la sogs pa'i 'du shes las ldog pa'i sdug bsngal la chos shes pa'i bzod pa'i rtags so/ /gzhan yang zhes pa la sogs pa ste/ 'dun pa zlog par byed pa ni 'dun pa dang bral bar byed pa'o/ /shes par 'gyur zhes pa 'jig rten las 'das pa'i ye shes kyis so//don med par nyon mongs pa ni byang chub kyi sems dang bral bar byed pa la kun tu sbyor ba'o/ /de la zhes pa la sogs pa ni yang dag par rdzogs pa'i byang chub kyi nges pa brtan pas te sdug bsngal la chos shes pa'i rtags so//gzhan yang zhes pa la sogs pa ste/ de ltar ni theg pa dman pa la rnam par log pa'i sdug bsngal la rjes su shes pa'i bzod pa'i rtags so/ /de dag 'dod na zhes pa la sogs pa ste/ de ltar na bsam gtan la sogs pa'i yan lag yongs su zad pa ste/ 'dod pa skye ba'i rnam par 'ching ba'i 'dod chags la sogs pa dang bral ba thob pas stobs chung ba ni sdug bsngal la rjes su shes pa'i rtags so//gzhan yang zhes pa la sogs pa ste/ 'dir ming la ched cher byed pa ma yin zhes pa la sogs pa ni sems yang ba nyid pas so/ /de 'gro ba dang 'ong ba zhes pa la sogs pa can ni lus yang ba nyid do//de gnyi gas ni kun 'byung la chos shes pa'i bzod pa'i rtags so/ /gal te zhes pa la sogs pa ste/ ji skad du bshad pa nyid kyi rnam shes la thabs kyis des ldog pa ni 'dod pa la spyod pa dang thabs la mkhas pa ste/ de ni chos shes pa'i rtags so/ / don du mi gnyer zhes pa ni nges par yid bde ba bskyed pas dga' ba rnams la'o/ /shin tu bde ba skyed pa ni rang bzhin gyis dga' ba rnams la ste stong pa'i rang bzhin gyis so/ /mnyam pa dang mi mnyam pa ni rigs pa dang mi rigs pa'o/ /kun tu 'joms pa ni gnod pa'o/ /thar pa'i cha dang mthun pa'i dad pa la sogs pa lnga rnams dang /nges par 'byed pa'i cha dang mthun pa bzhi po rnams mthong ba'i lam gyi skad cig ma bdun po rnams la/ skyes bu dam pa la sogs pa'i tshig bcu drug po rnams der sbyar bar bya'o/ /gang du seng ge bzang pos mthong ba'i lam gyi skad cig ma bcu drug thob pa la go rims ji lta ba bzhin du skyes bu dam pa la sogs pa'i tshig bcu drug go zhes bshad de/de ni rigs pa ma yin te/ skad cig ma bdun pa'i bar du rtogs pa'i skabs su bab pa'i phyir ro/ /rtag tu tshangs par spyod nyid ni rjes su shes pa'i bzod pa'i rtags so/ / gzhan yang zhes pa la sogs pa ste/ sngags kyi rigs pa ni sngags kyi khyad par te/ lha pho'i rnams so/ /rtsi ni 'bras bu sbyin pa'i nang rnams so/ /lha mo'i sngags ni rigs pa'o/ /sman ni rtsi'o/ /stsogs pas ni 'khrul 'khor dang rgyud la sogs pa can bzung ngo / /'thab pa ni lus kyis so//rtsod pa ni ngag gi'o zhes pa ni 'tsho ba rnam par dag pa'i ste rjes su shes pa'i rtags so/ /gzhan yang zhes pa la sogs pa ste/ sbyor ba dang rjes su sbyor bas rjes su sbyor ba ste/ des lhan cig sbyor ba ste/ 'di'i 'thad pa ni yum chen mor de ltar yang de stong pa nyid la gnas pas chos gang la yang dman pa'am khyad par can du yang dag par rjes su mi mthong zhes gsungs te/'di rnams 'dir tshig gnyis kyis gsungs so/ /kun nas nyon mongs pa'i phyogs las 'byung ba nyid ni 'du 'dzi'i yul yin pa'i phyir te 'du 'dzi la dga' ba ste/de nyid med pa nyid la gtam tsam yang med pa'i phyir gtam mo/ /khyad par du 'phags pa'i phyir rgyal po'i la/ kun nas nyon mongs pa 'gog pa'i de nyid gtam ste/ mngon sum du ma byas pa nyid kyi gtam tsam gyi phyir ro/ /de ltar gtam gyi don ni 'dir ji ltar rigs pas so zhes pas ni phung po la sogs pa la sbyor ba dang rjes su sbyor ba la gnas pa dang bral ba'i phyir 'gog pa la chos shes pa'i bzod pa'i rtags so//rkun po zhes pa ni sgrib pa rnam pa lnga ste/ dge ba'i nor 'phrog pa'i phyir ro zhes pa ni chos shes pa'i rtags so/ /dmag mi zhes pa ni dge ba'i chos kyi tshogs te rjes su shes pa'i rtags so//'thab mo ni de'i sde'i mi mthun pa'i phyogs rnams kyis gnod pa ste 'thabs na thob par 'gyur ba ni 'gog pa mya ngan las 'das pa'i rnam par grol ba'o/ /de'i yang gnas gzhan du mi 'jug pa ni de'i phyir mig la sogs pa rnams la rnam par rtog pa med pas grong zhes pa la sogs pa ste/grong ni mig la sogs pa lnga po ste/ lus la dbang po bsags pa'i phyir te/ sems can gyi 'jig rten no zhes pa'i don to/ /grong khyer ni sems can rnams kyi rten yin pa'i phyir snod kyi 'jig rten no/ /grong rdal ni dbang pos nges par bgrod bya yin pa'i phyir yul lnga rnams so//ljongs la sogs pa ni snod kyi bye brag go/ /bdag dang bdag gi rnam par rtog pa zad par gyur pa ni thar pa'o zhes pa gsungs pa ni/ bdag med ces pa la sogs pa ste/ 'di yang gong du bshad pa rnams kyi bye brag gi rnam par rtog pa'o/ /dbang po la sogs pa'i 'thab mo'i gtam gyi sbyor ba dang rjes su sbyor ba la gnas pa dang bral ba la rjes su shes pa'i rtags so//yum chen mor ni de sbyin pa la sogs pa'i pha rol tu phyin pa rnams la spyod pas rjes su sbyor ba la sogs pas mi gnas so zhes gsungs te/ de la gsungs pa ni/ ma bral zhes pa la sogs pa ste shes rab kyi pha rol tu phyin pa nyid kyi gtam ni so sor rtogs pa la thams cad mkhyen pa nyid ni byang chub kyi sems so/ /mi mthun pa'i phyogs kyi phyir 'thab mo ste/ ser sna la sogs pa'o/ /gnyen po'i phyir mtshang 'dru ba ste sbyin pa la sogs pa'o/ /de dag gnyi ga sems la rgyu ba'i stobs mnyam pa nyid ni rtsod pa'o//gang du gnyen pos mi mthun pa'i phyogs stobs chung bar byas pa ni rgol ba'o/ /mi 'byed pa ni mnyam pa nyid du shes pa'o/ /'byed pa ni sna tshogs pa nyid kyi rnam par rtog pa'o zhes pa ste lam la chos shes pa'i bzod pa'o//gzhan yang zhes pa la sogs pa ste/ gal te zhes pa ni 'dir snga nas te/ 'dir de la gsungs pa ni de la gang phyir ldog pa'am min pa'i chos rdul tsam yang yang dag par rjes su mi mthong ste/ de ltar na yang rang nyid kyis phyir mi ldog pa'i sa la the tshom du mi 'gyur ro/ / zhum pa ni spro ba dman pa nyid do/ /nem nur ni rnam pa thams cad du stong pa'o/ /rnam par sel ba ni dman par byed pa'o/ /phyir mi ldog pa ni sems kyis bdag nyid phyir mi ldog pa nyid du nges pa'o/ /gzhan gyis bkri ba'i dbang du mi 'gro zhes pa ni rang nyid phyir mi ldog pa'i sa la brtan zhing nges pa ste chos shes pa'i rtags so//gal te yang zhes pa la sogs pa ste/ 'di nyid ces pa ni skye ba 'di nyid la'o/ /gzhan du ma gsungs pa ni mkhas pa ni rig pa ste/ drug cu rtsa bzhi'i cha rnams dang rgyu rig pa la sogs pa dang / skar ma'i shes pa rnams so zhes pa ni don rtogs pa ste/bla na med pa yang dag par rdzogs pa'i byang chub tu 'byung bar 'gyur ba nyid do zhes pa'o/ /sangs rgyas su byin gyis brlab pa ni sprul pa'o/ /gnyis su med ces pa ni de kho na nyid du'o/ /de ltar ni bdud kyi las so/ /skye ba med pa'i chos zhes te de ltar de bzhin gshegs pas gsungs pa'i theg pa chen po las/gzhan ma yin pa nyid la bsgom pa dang ldan pa'i bdag nyid can gyis yang dag par rdzogs pa'i byang chub par 'gyur zhes pa ste/ gnas gsum ni sa gsum la/ der mi gnas pa'i shin tu ba la bdud kyis kyang mi phyed par nges par ni rjes su shes pa'i bzod pa'i rtags so//gzhan yang zhes pa la sogs pa ste/ bdag yongs su gtong ba ni 'tshong ba la sogs pas so/ /srog yongs su gtong ba ni 'chi ba'o/ /sangs rgyas rnams kyis bstan pa'i chos ni chos thams cad stong pa nyid pa ste/ de la rang dang gzhan gyis 'dzin pa'i phyir srog kyang gtong ba dang /de yang sangs rgyas rnams la ji lta ba bzhin du dga' ba dang gus pa chos la byed de de bzhin gshegs pa'i chos kyi sku'o zhes shes shing bdag nyid kyis kyang 'dod na sangs rgyas nyid mthong ba'i phyir ro/ /nyan thos kyi yang zhes pa ni nye bar mtshon pa ste byang chub sems dpa'i yang lha la sogs pa'i yang ngo zhes pa ni chos kyi don du srog gtong ba ste rjes su shes pa'i rtags so//phyir mi ldog pa ni rnam pa dang rtags dang mtshan ma bcu drug gsal bar byed pa'i le'u 'phags pa shes rab kyi pha rol tu phyin pa brgyad stong pa'i 'grel pa gnad kyi zla ba'i 'od ces bya ba paN+Di ta chen po 'jigs med 'byung gnas sbas pas mdzad pa las le'u bcu bdun pa'i 'grel pa'o// //nges par 'byed pa dang mthong ba'i lam dag gi phyir mi ldog pa'i rtags grangs dang khyad par gyis bshad nas bsgom pa'i lam ni zab pa ste de la gnyi gas kyang ji ltar brjod par mi nus pa 'dir bstan bcos las/bsgom pa'i lam ni zab pa ste/ /zhes pa de la gsungs pa ste/ gsol to zhes pa ni yon tan chen po'i tshogs te/ mchog tu zab pa ste gang yang bskal pa grangs med pa gnyis su bar ma chad par 'bad pas thob ste/ de'i phyir dang khyad par du shes par mi nus pa'i phyir na tshad med pa'o//kun tu brjod par mi nus pa'i phyir na dpag tu med pa'o/ /grangs las shin tu 'das pas mtha' yas pa'o/ /mchog tu rgya che ba'i phyir na mu med pa'o/ /mi 'phags pa ni yang dag par gzung du med pa'o/ /yang dag par shes par mi nus zhes pa ni bsgom pa'i lam gyi zab pa nyid pas so//rab 'byor gyis gsol pa zhes pa la sogs pa ste/ spyod de zhes pa ni bstan par nus kyang cung zhig sems can gyi don du mi 'gyur ro zhes pa la dgongs pa'o/ /thams cad zab ces pa ni khyab pa'i don to/ /gnas zhes pa ni bsgom pa'i lam gyi dmigs pa la'o//bstan du gsol zhes pa ni gsal bar brjod pa zhes pa'i don to/ /brtsams pa ni bstan par bya ba la'o/ /shes par 'dod pa ni bsgom pa'i lam la sbyor bar 'dod pa ste/ 'dir bstan bcos las/ zab mo stong pa nyid la sogs/ /zab pa de ni sgro 'dogs dang / /skur pa'i mtha' las grol ba nyid//ces te/ lam gyi zab pa dmigs pa stong pa nyid la sogs pas zab mo zhes pa la dgongs pa ste/ de la gsungs pa ni/ zab ces pa ni chos thams cad kyi ngo bo nyid med pa stong pa nyid la de nyid mtshan ma med pa ste/ de nyid rig pas mtshan ma'i sgro btags pa 'gag pa'i phyir ro//de nyid smon pa med pa ste/ de rig pas khams gsum pa la smon pa med do/ /de nyid ni mngon par 'du mi byed pa ste de rnams kyi yang srid par 'gyur ba'i las mi byed pa'i phyir ro/ /de nyid ma byung ste de rnams su las kyis mi 'byung ba'i phyir ro/ /de nyid ni skye ba med pa ste de rnams la rang bzhin gyis skye ba med pa des shes pa'i phyir ro//de nyid dngos po med pa ste/ rdzas su med pa'i phyir ro/ /de nyid ni 'dod chags dang bral ba ste/ de rigs pas nyon mongs pa'i bag la nyal kun tu 'joms pa'i phyir ro/ /de nyid 'gog pa ste de rnams su yang srid pa 'gog pa'i phyir ro//de nyid ni mya ngan las 'das pa ste/ de rnams kyi bag chags yang dag par bcom pa'i phyir ro/ /de nyid bral ba ste de rnams kyi zag pa dang bcas pa'i phung po dang mchog tu bral ba'o zhes pa'i stong pa nyid la sogs pa'i'o/ /rab 'byor gyis gsol ba 'debs shing 'dri ba ni chos rnams ni stong pa nyid la sogs pa rnams kyi'o//chos thams cad ni phung po dang khams dang skye mched la sogs pa rnams kyi'o/ /byis pa la gzung bya gzugs la sogs pa ji ltar zab pa 'di rang nyid kyis 'dri ba ni ji ltar zhes pa ste/ gang la zhes pa ni gang du gzugs la sogs pa'i de bzhin nyid de gzugs la sogs pa rten cing 'brel pa las skye bar byed pa ni kun rdzob la de nyid don dam par ni yod pa ma yin te/'dir gzugs la sogs pa'i zab pa nyid ni zhib mo mkhas pa rnams kyis rig par bya ba ni gzugs la sogs pa rnams las kyang bzlog pa ste/de rnams la sgyu ma'i skyes bu la sogs pa rnams bzhin du/ bden pa nyid du sgro btags pa rnams med pa'i phyir ro zhes pa ni sgro 'dogs pa'i mtha' las grol ba nyid do/ /mya ngan las 'das pa yang bstan zhes pa ni rten cing 'brel pa las skyes pa rnams kyi de rnams bzhin du yang dag pa'i kun rdzob kyi ngo bo rnams su yod pa nyid la/don dam par ni stong pa nyid dang ro gcig pas/ rab tu mi gnas pa'i mya ngan las 'das pa nyid pas so zhes pas ni/ skur pa'i mtha' las grol ba nyid do zhes pa ni stong pa nyid zab pa'o/ /de'i lam gsungs pa ni bstan bcos las/nges 'byed yan lag dang mthong ba'i/ /lam dang bsgom pa'i lam nyid la/ /yang dang yang du sems pa dang / /'jal dang nges rtog bsgom pa'i lam/ /zhes te myur ba ni rgyun la'o/ /rgyun dang ldan pas sems pa la sogs pa'i ngo bo'i bsgom pa'i lam gyi stong pa nyid la sogs pa dang dmigs pas/stong pa nyid la sogs pa la brten pa'i nges par 'byed pa yan lag la sogs pa ji ltar na bsgom pa'i lam gyi bdag nyid yul yin na/ 'dir bstan bcos las/ de ni rgyun chags pa yin pa'i phyir bzhed do zhes te/ rgyun dang ldan pa ni bsgom pa'i lam ste de la snga nas reg pas yul yin la/phyis yul can yin zhes pas 'gal ba med pa'o/ /'dir bcom ldan 'das kyis bka' stsal zhes pa la sogs pa ste/ 'di ni zhes pa ni stong pa nyid la sogs pa'i shes rab ces pa rnam par rtog pa'i pha rol tu phyin pa nyid ni shes rab kyi pha rol tu phyin pa nyid de/mthong ba'i lam dang bsgom pa'i lam la nges par 'byed pa'i cha dang mthun pa yang de'i don du bas na shes rab kyi pha rol tu phyin pa'o/ /de la ni 'brel pa rnams gsum ste/ de la 'dzin zhes pa'i don to/ /gnas par bya'o zhes pa ni sems pas gcig tu nges pas so//bslab par bya ba ni 'jal bas zhi gnas skyed pa'o/ /bsgrub par bya zhes pa ni nges par rtogs pas lhag mthong skyed pas so/ /gzhag pa ni gzhung mnyan nas so/ /bshad pa ni don shes pas so/ /nye bar bstan pa ni snying po bsgrags pas so/ /rigs pa ni bzhi ste/ ltos pa'i rigs pa ni rgyu la ltos nas 'bras bu skye ba'o//rgyu dang 'bras bu'i rigs pa ni de rnams kyis so sor 'bras bu'i khyad par skyed pas so/ /'thad pa bsgrub pa'i rigs pa ni/ tshad ma gang gis don gang sgrub par 'gyur ba'o/ /chos nyid kyi rigs pa ni ngo bo nyid kyis nges pa'i chos rnams te/ mes sreg par byed la de bzhin chus gsher ba'o zhes pa la sogs pa'o/ /mngon par 'dod pas lhag par dmigs pa ni dben par skyil mo krung bcas la gus pas rtag tu spyod pa ni sems pa'o/ /de bzhin nyid la zhi gnas kyi bye brag rnam pa dgus sems mnyam par byed pa ni 'jal ba'o/ / chos rnam par 'byed cing rab tu rnam par 'byed/ yongs su rtog par byed yongs su dpyod par byed par 'gyur zhes pa'i rnam pa bzhis ni lhag mthong ste nges par rtog pa'o/ /de la ji tsam du gyur pa nyid kyi shes pa ni rnam par 'byed pa ste/ phung po lnga po nyid ces pa la sogs pa'o/ /ji lta ba bzhin du gyur pa nyid kyi shes pas ni rab tu rnam par 'byed pa ste/thams cad 'di rnams stong pa nyid ces pa la sogs pa'o/ /rnam par rtog pa med pa'i yid kyis shes rab dang lhan cig tu gyur pas mtshan mar byed pa ni yongs su rtog pa'o/ /'di 'dir ro zhes pas dpyod pa'o zhes pa ni bsgom pa'i lam gyi ngo bo'o//de ni rnam pa dgu ste/ chung ngu 'bring dang chen po rnams so/ /chung ngu sogs su yang phye bas/ /zhes bstan bcos las te/ yang gi sgra ni mi mthun pa'i phyogs rnam pa dgu ste/ chung ngu'i chung ngu dang / chung ngu'i 'bring dang / chung ngu'i chen po dang / 'bring gi chung ngu dang / 'bring gi 'bring dang / 'bring gi chen po'o/ /chen po'i chung ngu dang / chen po'i 'bring dang / chen po'i chen po ste/ 'di rnams kyis lugs las bzlog pas mi mthun pa'i phyogs dgu zad par byed de/ chen po'i chen po nas chung ngu'i chung ngu'i bar ro/ /de yang rnam par rtog pa'i bsgom pas spang bar bya ba'i nyon mongs pa'i rnam par rtog pa rnams kyi ji ltar rigs par gos kyi dri ma rags pa sngon du bkrus nas rjes la phra ba 'khru ba de bzhin du sems kyis te/'di la gsungs pa na de ltar zhes pa la sogs pa ste/ ji skad du bshad pa'i rim gyis te/ sgrub par byed pa ni zhi gnas kyis so//nye bar sems pa ni lhag mthong gis so/ /nye bar rtogs pa ni gnyi gas so/ /rab tu sbyor bar byed pa ni zhi gnas kyi brtson 'grus kyis so/ /rtsol bar byed pa ni lhag mthong gi brtson 'grus kyis so/ /don du gnyer ba ni gnyi ga'i brtson 'grus kyis so/ /rab tu dang ba rab tu 'byung bar 'gyur ro zhes pa ni rab tu dang ba can du byed pa'i yon tan rnams so//dbang med pa ni mi nus pas so/ /'khor ba ni ma 'ongs pa'i skye ba'i rgyun no/ /bor ba ni btang ba'o/ /rgyab kyis phyogs pa ni ma 'ongs pa ni mi bgrod pa'o/ /'dor ba ni gtong ba'o/ / mthar phyin pa ni ma 'ongs pa'i mtha' dang sngon gyi mtha' sel bas so/ /bstan pa dang bshad pa zhes pa ni bstan pa dang / bshad pa dag gis bstan pa'i phyir ro/ /gnas pa ni bsam pas the tshom gcod pa'o/ /slob pa ni zhi gnas kyis so/ /bsgrub pa ni lhag mthong gis so/ /nye bar sems pa ni gnyi ga dag gis so//de ltar rnal 'byor du byed pa ni sgom pas rtogs par byed pa'o/ /'di rnams kyis lan gcig bshad nas gnyis pa gsungs pa ni/ de dag kyang zhes pa la sogs pa ste/ spong ngo zhes pa ni bsgom pa'i lam chung ngu'i chung ngu'o/ /rab 'byor de ltar zhes pa la sogs pa ste/khyad par du 'phags pa ni bsod nams mang ba nyid kyis so/ /rab tu 'phags so zhes pa ni chung ngu'i 'bring ngo / /gzhan yang zhes pa la sogs pa ste/ sbyin par byed pa ni dregs pa med pas so/ /rab tu 'jog par byed pa ni yid la gcags pa med par ro zhes pa ni chung ngu'i chen po'o//gzhan yang zhes pa la sogs pa ste yid la byed pas gnas zhes pa ni 'bring gi chung ngu'o/ /gzhan yang zhes pa la sogs pas ni 'bring gi 'bring ngo / /gzhan yang zhes pa la sogs pas ni 'bring gi chen po'o/ /gzhan yang zhes pa la sogs pas ni chen po'i chung ngu'o//gzhan yang zhes pa la sogs pas ni chen po'i 'bring ngo / /gang zhig nang du yang dag 'jog la rnal 'byor du byed pa dang ma bral ba ni shes rab kyi pha rol tu phyin pa la ste/ de ni de'i bsgom pa'i lam chen po'i chen po'o/ /rab 'byor gyis gsol pa zhes pa la sogs pa ste/bsod nams zhes pa ni bsod nams mngon par 'du byed pa'i yang rnam par rtog pas so/ /'dir bsgom pa'i lam gyi dus su don dam par med pa'i phyir stong pa nyid dang / byis pa rnams kyis ma shes pa can gyi stong pa nyid ni ma shes pa nyid du don gcig go/ /bdag po med pa'i phyir gsog go//gzung du med pa'i phyir gsob bo/ /'dzin pa med pa'i phyir snying po med pa'o/ /de ltar zhes pa dang stong pa nyid la sogs pa rnams kyis zhes pa ni bsod nams 'phel ba la rgol ba'i lan no/ /rab 'byor gyis gsol ba zhes pa la sogs pa ste bye brag ni tha dad pa'o/ /gcod pa ni tha dad du byed pa ste/de dag rnam par spyad pa dang don de gnyi ga'i nye bar len pa'o/ /de ltar zhes pa dang / tshad ni rags pa yongs su gcod pa'o/ /grangs ni bgrang bas zad par mi nus pas mi zad pa'o/ /bla lhag par brjod pa ni bla dgas te/ gtso bo brjod pa'o zhes pa'i don te/ kyang mi zad ces pa ni nam mkha' bzhin no//yang gzhal du med pa ni nam mkha' nyid bzhin no/ /chos 'di rnams ni mi zad pa dang tshad med pa dang stong pa nyid la sogs pa rnams kyi mngon par brjod pa'i sgras bstan pas so/ /'di dag gis zhes pa ni thugs rjes bstan pas te de'i mngon par brjod pa ni rgyu mthun pa'o/ /de yang 'dir rgyas par bshad pa ni 'dir bstan bcos las/grangs med la sogs bstan pa rnams/ /dam pa'i don du bzod ma yin/ /kun rdzob de dag thugs brtse ba'i/ /rgyu mthun gyur pa thub pa bzhed/ /ces te/ bzod pa ma yin na ni mi rigs zhes pa ste/ brgal ba dang ldan pa'o//rab 'byor gyis gsol pa zhes pa la sogs pa ste/ ngag gi spyod yul ma yin pa'i phyir brjod du med pa'o/ /pha rol tu phyin pa'i don gyi zhes pa ni stong pa nyid kyi mtshan nyid de/ 'dir bstan bcos las/ brjod du med pa'i dngos po la/ /nyams pa dang ni 'phel mi rigs//bsgom zhes bya ba'i lam gyis ni/ /ci zhig thob cing ci zhig nyams/ /zhes te/ rtogs zhes pa'i brjod du med pa la ni nyams pa dang 'phel ba med pas ni ji ltar na byang chub ces pa la sogs pa gsungs pa ni 'on kyang zhes pa la sogs pa ste/ des 'di snyam du zhes pa ni gang gis sbyin pa sbyin pas so//de dag ces pa ni gang gi sems bskyed pa de rnams dang yang dag par ldan pa rnams kyis so/ /nyung ngu ni yang nas yang du la/ mang du ni rgyun du ste/ 'dir bstan bcos las/ byang chub ji lta de bzhin du/ /de yang 'dod pa'i don sgrub byed//byang chub de bzhin nyid mtshan nyid/ /de yang de yi mtshan nyid bzhed/ /ces te 'di dag dang zhes pa dang / de dang zhes pa ni bsgom pa'i lam mo/ /ji ltar thugs rje chen po'i dbang gis bla na med par byang chub pas gdul bar bya ba rnams kyi bsod nams dang ye shes kyi tshul gyis kun rdzob tu mngon par 'dod pa'i don gyi sgrub pa po'o//de ltar bsgom pa'i lam de bzhin nyid kyi sgyu ma lta bus kun rdzob tu mi mthun pa'i phyogs dang gnyen po'i phyogs dag 'grib pa dang 'phel ba'i rim gyis bya ba byed pa ste/ de bzhin gyi ngo bo nyid sgyu ma'i rang bzhin spros pa med pa'i phung po lnga'i bdag nyid can gyi chos kyi sku la sogs pa'i rang bzhin de bzhin gshegs pa'i ngo bo nyid kyi byang chub de ltar de bsgom pa'i lam de bzhin nyid kyi ngo bo nyid do zhes pa'i don to//nyung ba dang mang pas zhes pa ni sbyor ba dang rjes kyi gnas skabs dag la'o/ /dngos po bzhi'i skabs su ni de'i rang bzhin nyid pas gnas pa mi 'thad do//stong pa nyid gtso che ba'i le'u ni stong pa nyid kyi le'u ste bco brgyad pa'o// //de nas zhes pa la sogs pa ni rgol ba la/ de skad ces gsol pa dang zhes pa ni lan te/ 'dir bstan bcos las/ sems ni snga mas byang chub bar/ / rigs min phyi mas kyang ma yin/ /mar me'i dpe yi tshul gyis ni/ /zab mo'i chos nyid rnam pa brgyad/ /ces pa ste/ byang chub ces pa rjes su sbyar bar bya'o/ /le'u bco brgyad pa la ni byang chub de bzhin nyid 'ba' zhig kho na'i mtshan nyid du gsungs pa yin la/ de 'khor dang bcas pa'i byang chub kyi mtshan nyid ni rnam pa brgyad kyis zab pa ste/'dir bstan bcos las/ skye ba dang ni 'gag pa dang / /de bzhin nyid dang shes bya dang / /shes dang spyod dang gnyis med pa/ /thabs mkhas pa la zab pa nyid/ /ces te gnyis su med pa dang thabs la mkhas pa zhes pa ni gnyis so//de skad ces gsol pa dang zhes pa la sogs pas ni zab pa'i go skabs te/ gzhan pas zhes pas ni med par ro/ /de skad ces gsol pa dang bcom ldan 'das kyis zhes pa la sogs pas zab mo rnam pa brgyad gsungs pa ni/ sems gang zhes pa ni 'khrul pa la/ 'gag pa ni sgrib pa gnyis po bag chags dang bcas pa'i gnas rgyud la zad pas zad pa'o/ /ma lags zhes pa ni min pa nyid de/ 'khrul pa'i rgyu'i dngos po dang / dngos po med pa la sogs pa la mngon par zhen pa spangs pa dang / rnam par 'jog pa'i rgyu med pa'i phyir te snga ma dang phyi ma'i skad cig ma dag gis kyang ma yin la de la ma brten pa'i don khyad par du 'phags pa yang skyed du med ces pa la dgongs pa'o zhes pa ni skye ba zab pa'o//sems gang zhes pa ni ma 'khrul pa las byung ba ni kun rdzob tu ste gzugs brnyan bzhin no/ /'gag pa'i chos can zhes pa ni 'dri ba ste so sor skad cig re re'i mthar g.yo ba'i chu'i zla ba bzhin du g.yo ba ni kun rdzob tu la/don dam par ni ngo bo nyid kyis stong pa'o zhes pa la dgongs nas gsungs pa ni/ ma lags zhes pa ste/ lan la 'gag pa'i chos can zhes pa gzhung kha cig las te kun rdzob tu skad cig mas zad ces pa'i don te/kun rdzob tu yang skad cig re res 'gag pa'i chos can te/ 'gag par 'gyur te rgyud 'gags pas so zhes pa la dgongs pa'i lhun gyis grub pa'i ngang gis skye ba'i snying rje chen pos smon lam btab pa la sogs pa rnams kyis de khyad par du mi zad pa byas pa'i phyir ro zhes pa la dgongs pa'o//ma skyes zhes pa ni ma 'ongs pa la/ ma 'gags zhes pa ni dngos po mi 'jug pa'i ngo bo'i phyir rnam par 'jig pa'o/ /gang 'gags pa'i chos can zhes pas rgyun chad pa ni des ji ltar bskal pa grangs las 'das pa rnams su gang du sems can gyi phung po ma lus pa rnams sangs rgyas nyid du rdzogs par byed pa la/sems can gcig cig kyang rdzogs pa'i byang chub par mi 'gyur ba'o/ /med ces pa ni snying rje chen po dang smon lam dag yul med pa nyid kyis dngos po med pa des na 'gag par mi 'gyur ba'o/ /min zhes pa ni gdul bya la bsod nams med pas btang snyoms kyi gnas skabs bzhin du/mdzad pa med kyang thugs rje chen po dang smon lam la sogs pa'i yon tan gyi tshogs rnam par rtog pa dang ma 'dres par lhun gyis grub pa'i ngang gis 'jug pa'i shin tu rnam par dag pa rtogs pa'i rgyun rnal 'byor pa'i kun rdzob kyi ngo bo ni ji ltar nam mkha' ji srid du 'gag 'gyur ni bshad zin kyang 'dir rigs pa gzhan gyis bshad do//gang du 'gog pa'i chos can zhes pa'i tshig de'i rnam par bshad pa dang / seng ge bzang po'i bshad pa'i khyad par ni bye brag med dam zhes dpyad par bya'o//sems gang da ltar byung ba la ma skyes pa dang ma 'gags pa'i chos can zhes pa ni ngo bo nyid med pas thog ma dang tha ma med pa'o/ /chos ni mya ngan las 'das pa ste sgrib pa dang bcas pa'i phung po lnga'i bdag nyid kyi rten mi 'jug pa tsam ni med pa'o/ /chos nyid ni stong pa nyid de kun rdzob tu skyes pa ni sgyu ma'i skyes bu bzhin 'gag pa'o zhes pa ni 'gag pa zab pa'o//de nyid la gnas par 'gyur zhes pa ni nam mkha' ji srid bar ro/ /gnas na ther zug ma yin pa ni dus gsum pa'i byang chub sems dpa' rnams kyi don dam par ngo bo ni de bzhin nyid bzhin no//ma lags zhes pa ni kun rdzob pa'i skad cig ma'i gzugs la sogs pa'i phung po'i ngo bo nyid ni rgyun rab tu byung bas brtags pa'i phyir ro zhes pa la dgongs pa'o/ /de bzhin nyid zab bo zhes pa ni gzugs la sogs pa'i dngos po kun du rtog pa de las tha mi dad pas kyang gting dpag par dka'o zhes pa ni de bzhin nyid zab pa'o//de bzhin nyid la sems zhes pa ni des rig pa'i phyir de'i rten pa ma lags pa ni shes pas tha dad pa'i rig bya la mi sbyor bas so/ /sems la de bzhin nyid ces pa ni dbye ba med do zhes pa la dgongs pa'o/ /ma lags zhes pa ni sems dang de bzhin nyid dag don dam par ngo bo nyid med pa dag tu tha dad pa med la/kun rdzob tu ni ma yin te/ rten cing 'brel ba las 'byung ba'i sems nyid la de bzhin nyid ces brjod do/ /de bzhin nyid las gzhan du zhes pa ni mtshan nyid tha dad pas so/ /ma lags pa ni mtshan nyid tha dad pa ni ldog pa'i dbye ba tsam gyi phyir ro//de nyid la de bzhin nyid du tha mi dad pa dang tha dad pa med par sems kyis shes par bya'i zhes pa ni shes bya zab pa'o/ /yang dag par zhes pa la sogs pa ste/ ma lags zhes pa ni de bzhin nyid kyi ngo bo nyid kyi phyir de bzhin nyid ni de bzhin nyid du de kho na nyid yang dag par rjes su mi mthong ba ste/'di mthong ba med pa nyid mthong ba ni shes pa zab pa'o/ /zab pa ni shes rab kyi pha rol tu phyin pa'i don la'o/ /yang dag par spyod pa ni dmigs pa'i rgyu mtshan la'o/ /mi 'jug pa ni 'byung bar mi 'gyur ba'o/ / yang dag par spyod pa med par 'gyur ba ni snang bar mi 'gyur ba'o/ /de'i phyir chos des thams cad du spyod pa ni spyod pa zab pa'o/ /mtshan ma zhes pa ni gnyis kyi mtshan ma la 'am gnyis med pa'i mtshan ma la'o/ /mtshan ma ni gnyis dang gnyis med pa'i mtshan ma'i 'byung bar 'gyur ba ma zhig pa'o//ma lags zhes pa ni 'di nyid spangs zhes pa'i don to zhes pa ni gnyis su med pa zab pa'o/ /ji ltar zhes pa ni cung zhig go/ /mtshan ma spangs zhes pa ni sangs rgyas kyi chos rnams yongs su ma rdzogs par zhes pa la dgongs pa'o/ /'di nyid du zhes pa ni skye ba 'di nyid la'o//mtshan nyid gang zhes pa ni gang zhig chos kyi mtshan ma dang / gang yang chos nyid kyi mtshan ma de thams cad shes pa'o/ /mtshan ma med pa la yang zhes pa ni chos kyi dbyings la'o/ /yongs su 'dris pa ni goms pa tsam byed pa'o zhes pa ni thabs la mkhas pa'i zab pa'o/ / de la zab pa brgyad pa ni byang chub la ring la lhag ma rnams ni nye ba ste/ de ltar bstan bcos las/ chos rnams rmi lam 'dra ba'i phyir/ /srid dang zhi bar mi rtog la/ /zhes te mi slob pa'i dge 'dun gyis mtshan nyid yongs su gsal bar byed pa'i phyir 'khor ba dang mya ngan las 'das pa mnyam pa nyid ces 'phags pa rnam par grol sdes bshad de/de la gsungs pa ni/ de nas zhes pa la sogs pa ste/ bsgom pa'i lam gyi yang dag pa'i ye shes rnam par rtog pa med pa ni nyon mongs pa dang 'dra ba'i phyir na nyon mongs pa la langs pa'i tshe ni ye shes la rmi lam lta bu'i phyir na rmi lam ste/'di nyid nyin mo'i shin tu goms pas ni rmi lam du yang shes rab kyi pha rol tu phyin pa rnam par 'phel te/ rnam par rtog pa la bye brag ste rnam par rtog pa med pa la ni bye brag med do/ /shes rab kyi pha rol tu phyin pa la ma gos pa la zhes pa ni bsgom pa'i lam la goms pas so zhes pa ni 'khor ba dang /mya ngan las 'das pa mnyam pa nyid do/ /shA ri'i bu zhes pa la sogs pa ste/ 'dir rmi lam dang sad pa ni grags pa kho na gsungs par bya'o/ /chos rnams rmi lam lta bu nyid ni dper na rmi lam du sbyin pa dang rnam par 'tshe ba la sogs pa rnams la bsod nams dang sdig pa mi 'byung ba de bzhin du sad pa na yang mi 'gyur ro zhes pa ni rgal ba la gal te gnyid log pa'i las dmigs pa dang bcas pa'i phyir legs par sad do zhes pa la sogs pa sad pa'i rnam par rtog pas byas na ni sad pa la yang 'bras bu dang bcas par 'gyur la ngas legs par sad do zhes pa la sogs pa'i sad pa'i rnam par rtog pa nyid kyis dmigs pa'i phyir shin tu yang 'bras bu dang bcas pa'o zhes pa'i lan no//sad pa'i gnas skabs su yang dngos po rmi lam lta bu la de dang rjes su mthun pa'i don du dngos po la sogs par mngon par zhen pa rnams kyi dge ba la sogs pa rnam par gzhag pa ste cung zhig gnyid log pa ni 'khrul pa'i rgyu nyid kyis mi gsal zhes 'khrul pas 'bras bu chung bar bsgrubs la/rmi lam du yang las dang 'bras bu'i dngos por bden pa ni dge slong la sogs pa med pa'i skyon du 'gyur te/bslab pa byin pa can bzhin du sdom pa dang sdom pa ma yin pa dag ni bcom ldan 'das kyis bcas pa'i dbang gis rnam par gzhag par byas pa'i phyir ro/ /zad pa'i 'du shes zhes pa ni zad pa ni mya ngan las 'das pa la/ de'i 'du shes ni 'dzin pa'o/ /yang dag pa'i don du brtags pa ni brtags pa'o//phyin ci log tu brtags pas ni rnam par rtog pa'o de bzhin du zhes pa ste nam mkha' bzhin du'am/ de bzhin gshegs pa bzhin du'o/ /sems dang sems pa dang blo dang rnam par rtog pa zhes pa rnams ni don gcig go/ /dben pa zhes pa ni ngo bo nyid med pa nyid kyis so//phyin ci log ni blos yod pa ma yin pa nyid la mtshan mar byas shing dmigs par byas nas so/ /lus kyis mngon sum du byed ces pa ni lus kyi gnas des gzhan du mi 'jug nas lus kyis mngon sum du byed pa can ni lus kyis mngon sum mo/ /don 'di zhes pa ni rgol ba 'di rnams kyi'o//lan 'don pa ni lan btab pa'o/ /chos gang zhes pa ni byams pa'i 'dri bar bya ba la lan ldon par bya ba'o/ /chos gang gis ni tshig gis so/ /chos gang ni shA ri'i bu'i'o/ /'jigs pa skye bar 'gyur ba ni sdang ba'o/ /kun tu byung nas skrag pa ni kun tu skrag pa'o//de'i rgyun ni kun tu skrag pa dang ldan pa'o/ /stobs bskyed pa ni bsgom pa la zhes pas bag chags rgyas pa ste/ 'dir bstan bcos las/ las med la sogs klan ka yi/ /lan ni ji skad bshad par zad/ /ces pa ni 'khor ba dang mya ngan las 'das pa mnyam pa nyid la brgal ba dang lan rnams te/de ltar bstan bcos las/ sems can 'jig rten ji bzhin du/ /snod kyi 'jig rten ma dag pa/ /de la dag par bsgrub pa yi/ /sangs rgyas zhing ni dag pa nyid/ /ces te bstan pa gcig la sangs rgyas gcig 'byung bar 'gyur te/ de'i sangs rgyas kyi zhing ste sems can dang snod kyi 'jig rten dag pa'o/ /de'i yongs su dag pa ni gang zhe na/ ma dag pa ni gcan gzan gyi dgon pa la sogs pa nyid dang / mtho dman la sogs pa'i mtshan nyid kyi la/ de rnams la rang gi sangs rgyas kyi zhing yongs su dag par sgrub pa'i phyir ro//bdag gi sangs rgyas kyi zhing du rnam pa thams cad du de ltar ma gyur ces pa ni/ bgrod dka' ba'i sa'i dgon pa dang / gcan gzan rnams kyi dgon pa dang / chus spangs pas chu'i dgon pa dang / gal te 'dod pa'i sgra ni gang gi don du'o/ /'jig rten zhes pa ni snod kyi 'jig rten no//dri zhim pa dang ro zhim dang / /bsil dang yang dang dngas pa dang / /gtsang dang mgrin pa bde ba dang / /lto bar nad mi byed ces pa'i/ /chu ni yan lag brgyad srid pa'o/ /bde ba dang phrad pa ni bde ba dang sbyor bas so/ / bde ba dang ldan pas ni kun tu phan pas 'di rnams la zhes pa ni bde ba dang ldan pa'o/ /thams cad du ni kun la'o/ /nad kyi dgon pa la ni nad kyis nye bar 'tshe ba'o/ /'di ltar zhes pa ni sems kyi skad cig gzhal na sngon ni 'byung bar mi 'gyur bas mtha' med pa ste/ de kho na nyid du ngo bo nyid med pa cha shas med pa'i skad cig ma'i mtha' ni yod pa ma yin pa'o//mang zhes pa ni gang dag gis don med par 'gyur ba rnams so/ /sngon gyi mtha' med pas gang du mngon par byang chub par 'gyur ba'o zhes pa ni sangs rgyas kyi zhing yongs su dag pa'o/ /de nas zhes pa la sogs pa ste/chags pa med par zhen pa ni ma rig par ro/ /bar snang gi nam mkha' la zhes pa ni 'di nyid nam mkha' 'ba' zhig la'o/ /yongs su grub pa ni yongs su grub pa bzhin du dbang du gyur pa'o/ /nges pa ni tshad chad pas so/ /ma legs pa ni sdug bsngal lo/ / sring mo gang gA'i lha mo'i kun tu bstan pa'i le'u ste bcu dgu pa'o// //thabs la mkhas pa brgyad par bshad pa'i bstan bcos las/ de yi yul dang sbyor ba dang / /dgra rnams las ni 'das pa dang / /mi gnas ji bzhin shugs dang ni/ /thun mong ma yin mtshan nyid dang / / ma chags pa dang mi dmigs dang / /mtshan ma smon dang zad pa dang / /de yi rtags dang tshad med pa/ /thabs la mkhas pa rnam pa bcu/ /zhes te thabs la mkhas pa 'di'i yul dang / de'i sbyor ba la dang po goms pa la dgra rnams las shin tu 'das pa la sogs pa'i dbye ba bcu ste/ gang dag gi mtshan ma dang smon lam zad par byas pa la de bzhin du bshad de/mtshan ma zad pa dang smon lam zad pa de la gsungs pa ni/ de nas zhes pa la sogs pa ste/ stong pa nyid la zhes pa ni stong pa nyid kyi ting nge 'dzin la'o/ /rgyud la ni rgyun du'o/ /de la ni stong pa nyid la'o/ /chos nyid ni chos kyi rang bzhin la/chos nyid kyis ni chos kyi snying pos so/ /stong pa nyid kho na sgrib pa med pa nyid pas dri ma med pas yang dag pa'i mtha'o zhes pa ni thabs la mkhas pa'i yul lo/ /de skad ces bka' stsal pa dang zhes pa la sogs pa ste/ mnyam par ma bzhag pa nyid ces pa ni mngon sum du bya bar des dmigs pa med pa la dbang ba nyid do//dmigs pa las ni de nyid la'o/ /bar skabs der zhes pa ni ji srid du 'dis sangs rgyas kyi chos yongs su ma smin pa'i bar du'o/ /bsten pa ni nye bar sgrub pa nyid kyis so zhes pa ni thabs la mkhas pa'i sbyor ba'o/ / 'di lta ste dper na zhes pa la sogs pa ste/ dpa' ba ni 'jigs pa med pa'o/ /brtson 'grus ni spro ba'o/ /brtan pa ni rab tu gnas pa'o/ /spobs pa ni mngon par sems pa'o/ /sgrub pa ni rjes su gnas pa'o/ /gang gi dus la sogs pa gang dang ldan pa de shes pas dus la sogs pa shes pa'o//rtogs pa ni lus dang ngag dang sems sbyangs pa nyid can no/ /des song ba ni thob pa'o/ /mtshon cha ni sgrib yol dang go cha la sogs pa'o/ /dran pa ni mi brjed pa'o/ /blo gros ni mngon par 'jal ba'o/ /rtogs pa ni shes pa'o/ /mos pa ni 'dzin pa la/ chos lugs ni chos lugs shes pa'o//'jigs pa med pa ni mkhas pa'o/ /de ltar dgra bo nyid ni phyir rgol ba bar chad byed pa de rnams las 'das pa ni tshad med bzhi rnams kyis zhes pa ni thabs la mkhas pa dang po'o/ /'di lta ste dper na zhes pa la sogs pa ste/ rgyu ba ni 'gro ba'o/ /gnas pa ni 'dug pa'o//de la yang mi rten mi gnas pa ni der yang mi gnas pa'o/ /der yang mi gnas pa ni gnas der mi gnas pa ste/ stong pa nyid la sogs par mi ltung zhing mi gnas zhes pa'i don to zhes pa ni mi gnas pa'i thabs so/ /'di lta ste dper na zhes pa la sogs pa ste/ mda' steng du 'phangs pa nyid la mda' gzhan dag gis phul bas yun ring du mi ltung ste/de ltar sangs rgyas kyi chos yongs su ma smin bar du mngon sum du mi byed la/ sems la sems gzhan gyi shugs de las mi 'da' bas 'phel ba ni ji ltar shugs kyi thabs so/ /de skad ces bka' stsal pa dang zhes pa la sogs pa ste/spyod pa ni zhi gnas kyis so/ /gnas pa ni lhag mthong gis so/ /ting nge 'dzin la mnyam par gzhog pa ni gnyi gas so/ /bdag gis zhes pa ni nga yis so/ /mngon par sgrub pa ni nges par rdzogs par byed pa'o/ /ting nge 'dzin 'di nyid rnam par thar pa'i sgo ste/grol ba'i sgo yin pa'i phyir ro/ /sems bskyed pa ni sems mngon par sgrub pa'o/ /des 'di ltar ni dka' ba spyod pa po'o/ /'di nyid ni nyan thos dang rang sangs rgyas thams cad dang thun mong ma yin pa'i thabs so/ /gzhan yang zhes pa la sogs pa ste/ yod pa ni chos thams cad don dam par yod pa nyid du'o//de'i 'du shes ni sgro btags pas te/ yod pa sgro btags nas zhes pa'o/ /de spong ba ni sems can rnams mngon par rdzogs par sangs rgyas pa'o/ /chos bstan par bya'o zhes pa la sogs pa'i sgro btags pa'o/ /de nyid ni dmigs pa stong pa nyid la sogs par kun tu sems pa'i snyoms par 'jug pa la zhen pa med pa'i 'o//de dang sbyor ba ni ma chags pa'i thabs so/ /gzhan yang zhes pa la sogs pa ste/ chos kyi 'du shes ni phung po dang khams la sogs pa'i sgro btags pa'o/ /de nyid ni dmigs pa la stong pa nyid la sogs pa'i snyoms par 'jug pa la ni dmigs pa med pa ste/de dang sbyor ba ni mi dmigs pa'i thabs so/ /gzhan yang zhes pa la sogs pa ste bud med dang skyes pa dang gzugs dang sgra zhes pa ni de ltar mtshan ma'i 'du shes la mtshan ma med pa'i snyoms par 'jug pa ni mtshan ma med pa ste/de dang sbyor ba ni mtshan ma med pa'i thabs so/ /gzhan yang zhes pa la sogs pa ste/ lha dang brgya byin dang 'khor los sgyur bar bya'o zhes pa la sogs pa srid pa'i longs spyod la dga' ba ni smon pa la/ de'i rtsa ba can gyi phyin ci log rnams la smon pa med pa'i snyoms par 'jug pa ni smon pa med pa ste/de dang sbyor ba ni smon pa med pa'i thabs so/ /gang de ltar zhes pa la sogs pa ste mi dmigs pa la sogs pa'i thabs kyis rnam par thar pa'i sgo gsum gyi yul brjod nas rigs pas 'di rnams mngon par 'du byed pa med pa la sogs pas lhag par yul du byed na don yod par byed pas de brjod par rigs zhes pa'o//mngon par 'du byed pa med par lhung zhes pa ni dman pa'i byang chub dag tu'o/ /khams gsum pa'i 'khor bar ro/ /'di skad ces zhes pa la sogs pa ste/ 'dri bar byas zhes pa ni mkhas pa la'o/ /gal te dris pa na stong pa nyid la sogs pa can kho na bsgom pa'o//de yang yongs su dris pa las mngon sum du mi byed pa ste/ de la thabs ni sems can thams cad yongs su mi gtong ba'i sems la sogs pa'o zhes pa ni 'di rnams de'i phyir mi ldog pa'i rtags su bshad do/ /de'i phyir de'i rtags 'dis zhes pa ni de'i rtags kyi thabs so//rab 'byor zhes pa la sogs pa ste/ gang de ltar lan ldon pa nyung ba ni 'dir ches nyung ba'o zhes pa ni tshad med pa'i thabs so/ /le'u dgu pa de nyid kyi phyed nas brtsams te nyi shu pa'i phyed kyi bar gyi le'u bcu gcig po ni rnam pa kun tu mngon par rdzogs par rtogs pa'o// //'di las gong du rtse mo'i mngon par rtogs pa/ khyad par gyi lam la brjod par bya ste/ de ltar yang sa bcu po'i gnas skabs kyi khyad par la bco lnga pa la sogs pa nas kyi sems bskyed pa drug ni khyad par gyi lam gyis te/ de la dang po'i lnga la re re bzhin la sbyor ba dang dngos gzhi dang rjes so//de'i dngos gzhi la yang chung ngu dang / 'bring dang chen po'i chen po dbye ba ste/ yang chung ngu la sogs pa rnams la chung ngu'i chung ngu la sogs pa'i dbye ba rnam pa gsum gyis rnam pa bcu bzhi ni gzugs dang gzugs med pa'i khams kyi gnas bdun du so sor dgu dgu la brgyad par bdun zhes pa ni rnam pa bdun cur 'gyur ro//de la dang po'i sems bskyed pa dag dang sems bskyed pa'i bye brag gnyis ni rtse mo'i mngon par rtogs pa ste/ lhun gyis grub par gyur pa'i lam nyid yin na yang dus de srid du sems can gyi don rgyun chad pa med par sgrub par 'dod pa dang /cig car skye ba dgag pa rjod par byed pas/ thar pa'i cha dang mthun pa dang nges par 'byed pa'i cha dang mthun pa med pa med ces pa de shugs kyis rtogs par byed pas thar pa'i cha dang mthun pa'i bdag nyid can la gsum dang / rtags dang rnam par 'phel ba dang bsten pa'i ting nge 'dzin rnams kyi nges par 'byed pa'i cha dang mthun pa bzhi po rnams ni rnam pa thams cad mkhyen pa bshad pa'i rigs pas nges par byas la/re re bzhin chung ngu dang 'bring dang chen po'i dbye bas de ltar bcu gnyis so/ /mthong ba'i lam gyi sbyor ba'i gnas skabs su gnyis dang /dngos gzhi'i gnas skabs su gnyis so/ /bsgom pa'i lam gyi yang sbyor ba'i gnas skabs su gnyis dang dngos gzhi'i gnas skabs su dgu zhes pas bye brag sum cu'o/ /'dir mthong ba'i lam gyi sbyor ba'i bye brag dag las gzung ba'i rnam par rtog pa gnyis spong bar byed la/dngos gzhi'i gnas skabs kyi bye brag dag la ni 'dzin pa'i rnam par rtog pa dag go/ /bsgom pa'i lam gyi yang sbyor ba'i bye brag dag la ni gzung ba'i rnam par rtog pa dag la gnyis spong bar byed la dngos gzhi'i bye brag dag la ni 'dzin pa'i rnam par rtog pa gnyis po spong bar 'gyur te/so sor gnyen po'i bye brag re res rnam par rtog pa'i bye brag gnyis spong ste/ de yang sems bskyed pa dgu ni dgu re re la mi mthun phyogs gnyis gnyis te bco brgyad gzhom la cha shas kyis dbye ba ste zhes pa ni rnam pa la de ni bsgom pa'i lam gyi dngos gzhi'o zhes pa ni gnyen po rnam pa brgyad rnams te gnyen po rnam pa brgyad ces bya zhes bshad pas so//'di rnams su rnam par rtog pa rnams kyis bsgom pa nyid pas rnam par rtog pa brjod do/ /rgyu las 'bras bu nye bar btags pa'i phyir te/ dngos po nyid kyi dri ma phra mo drungs byung ba la shin tu 'bad par bya'o zhes pa ni slob pa rnams la dgongs pas/mngon du rgyu'i rnam par rtog pa rnams ni mi g.yo ba la sogs pa rnams la srid pa ma yin zhes rig par bya'o/ /'o na 'di nyid du rnam par rtog pa brgyad po rnams spong ba ni gzugs khams kyi bshad pa dang / 'phags pa rnam par grol ba'i sdes ni khams gsum gyis bsdus pa rnams spong zhes pa dang /ji ltar mi 'gal zhe na khams gsum gyis bsdus pa ni 'jig rten pa'i nges par 'byed pa'i cha dang mthun pa'i gnas skabs kyis kun tu sbyor ba can gyi gang zhig gi rnam par rtog pa yod pa rnams te/ 'di gzugs kyi khams su ni ji ltar rigs par spong bar 'gyur zhes pa ni don gyis 'gal ba med do//ji ltar yang rnam par rtog pa bzhi po'i dbye ba rnams kyi khams gsum gyis bsdus pa rnams ni rab tu dga' ba'i sa la sngar bshad pa bzhin du ma rig pa'i nang du 'dus pa rnams ni ma rig pa spangs pas spong ba nyid las rab tu phye nas ma rig pa spong bar ni mi 'dod pa nyid do//bsgom pa'i lam gyi 'dod pa'i khams kyi dgu po rnams ni dri ma med pa la sogs pa'i gnyen po'i bye brag rnams kyis spong la/ gzugs kyi khams rnams kyi yang ma rig pa'i bag chags kyi bye brag bco lnga gdul bya'i ngor byas pa'i de bzhin nyid la sogs pa'i rnam par rtog pa'i bag chags kyis dbye ba rnam pa bdun cu rtsa gnyis ni gnyen po'i bye brag bco lnga rnams kyis spong zhing de las gzhan pa'i ma rig pa'i bag chags kyis bye brag ma bshad pa'i gzung ba dang 'dzin pa'i rnam par rtog pa'i bag chags kyi bye brag rnams ni gzhan pa'i gnyen po'i bye brag rnams kyis spong bas bsam gtan bzhi pa dang gzugs med pa'i khams zhes pa rnam par gzhag pa ni 'phags pa'i dgongs pa dang 'gal ba med de/de yang rtse mo'i mngon par rtogs pa ni bstan bcos kyis mdor bstan la/ de yi rtags dang rnam 'phel dang //bstan dang sems kun gnas pa dang / /mthong zhes bya dang sgom pa zhes/ /bya ba'i lam ni so so la/ /rnam par rtog pa rnam bzhi yi/ /gnyen po rnam pa bzhi dang ni/ /bar chad med pa'i ting nge 'dzin/ /log par sgrub dang bcas pa ni/ /rtse mo'i mngon rtogs zhes te/de rgyas par bshad pa ni bstan bcos las/ rmi lam na yang chos rnams kun/ /rmi lam lta bu'i mthong la sogs/ /rtse mor phyin pa'i sbyor ba'i rtags/ /rnam pa bcu gnyis dag tu bzhed/ /ces te rtse mo thob pa ni kun mkhyen pa gsum gyi sbyor ba rab kyi mthar phyin pa ste/de la gsungs pa ni/ yang gal te zhes pa la sogs pas rtags dang po'o/ /gzhan yang zhes pa la sogs pas ni gnyis pa'o/ /gzhan yang zhes pa la sogs pas ni gsum pa'o/ /gzhan yang zhes pa la sogs pas ni bzhi pa'o/ /gzhan yang zhes pa la sogs pas ni lnga pa'o//gzhan yang zhes pa la sogs pas ni drug pa'o/ /gzhan yang zhes pa la sogs pa ste/ mthong zhes pa ni bdag nyid kyis so/ /gal te zhi bar 'gyur zhes pa ni bdun pa'o/ /gzhan yang zhes pa la sogs pa ste/ zin pa ni byin gyis brlabs pa'o//babs pa ni zhugs pa'o/ /byin gyi rlabs ni bden pa'i byin gyi rlabs so/ /gal te bden pa'i byin gyi rlabs kyis song bar gyur na zhes pa ni brgyad pa'o/ /thabs la mkhas pa la sogs pa rnams kyis spyad pa ni yongs su shes pa ste/ de'i don gyi le'u ste nyi shu pa'o// //theg pa la gsar du zhugs pa log pa'i nga rgyal skyed par byed pa'i phyir bdud nye bar 'ong bar 'gyur ba 'dir bdud kyi las kyi gnas skabs ni/ yang de la zhes pa la sogs pa ste/ de la ni bden pa ni byin gyis brlabs pa'o/ /spro ba ni rang gi las kyi go skabs thob pa ste byed pa'i don du spro ba'o//stobs ni spro ba'i nus pa'o/ /gzi brjid ni mthu'i nus pa'o/ /mdangs ni gsal bar gyur pas gzi brjid du gyur pa'o/ /brtson pa zhes pa ni bdag nyid la nga rgyal ba'o/ /brnyas pa ni ma gus pa'o/ /rngan chen byed pa ni nang du bzhad gad byed pa'o//sting bar byed pa ni yid kyis so/ /'phya ba ni skyon sgrogs pa'o/ /smod pa ni skyon ston par byed pa'o/ /skyed pa ni skyed par byed pa'o/ /'phel ba ni sngon du 'gro bar byed pa'o/ /rton pa ni brtan par byed pa'o/ /rgyas par ni yongs su gang bar byed pa'o/ /'byung ba ni dmigs mthon por blta ba'o//gzhan rnams las lhag pa'i sems khengs pa ni nga rgyal gyi thun mong ste/ sngon du bshad zin la 'dir ni dman pa las mtho ba ni nga rgyal lo/ /mnyam pa nyid ni che ba'i nga rgyal lo/ /khyad par du 'phags pa ni nga rgyal las kyang nga rgyal lo/ /ma thob par phyir mi ldog pa nyid bdag gis thob bo snyam pa ni mngon pa'i nga rgyal lo//phyir mi ldog pa'i yang dag pa'i yon tan ma yin pa rnams dang ldan pa la yon tan dang ldan snyam pa ni log pa'i nga rgyal lo/ /bdud kyi 'ching ba ni nga rgyal lo/ /ming ston pa ni ming brjod pa'o/ /rtul ba ni dbang po rtul ba'o//dgon pa nyid la sogs pa ni sbyangs pa'i yon tan no/ /grong las phyi rol du rgyang grags ni mchog tu dgon pa ste/ de nyid du gnas pa ni dgon pa la'o/ /bsod snyoms pa ni de nyid la longs spyod pas bsod snyoms pa'o/ /phyag dar khrod pa nyid la dgon pas phyag dar khrod pa'o//gcig par du ma lus par zan la sogs pa blangs nas longs spyod pas na phyis mi len pa'o/ /stan gcig la za ba ni stan gcig pa'o/ /lan gcig bting ba la rtag tu nyal ba ni gzhi ji bzhin pa'o/ /chos gos gsum las lhag pa thams cad gtong bas chos gos gsum pa'o//dur khrod la nye bar gnas pas dur khrod pa'o/ /shing rtsa nyid du gnas pas shing drung ba'o/ /cog pus mtshan mo 'das par byed pas cog pu'o/ /steng du ma bkab pas ni bla gab med pa ste/ de nyid du gnas pas bla gab med pa'o/ /bal gyi dang gso ma la sogs pa nyid gon pas phying pa pa'o//nyung du tshol bas 'dod pa nyung ba'o/ /de tsam nyid kyis chog shes pa'o/ /gcig pu nyid kyi phyir rab tu dben pa'o/ /mthong ba'i chos ni skye ba nyid la myong ba ni mthong ba'i chos la'o/ /byin gyis brlabs pa ni mi 'gyur ba'o/ / sbyangs pa'i yon tan gyi sdom pa'i bsngags pa ste/ yid kyis gzhan la nga rgyal bar byed ces pa ni don to/ /ming zhes pa ni phyir mi ldog pa'i sgra dang de'i yon tan gyi sgra'o/ /khengs pa ni bla ma rnams la mi gus pa'o/ /rjes su 'brang zhes pa ni rjes su shes pa ste/ 'di'i rgyas par bshad pa ni phyi ma'i gnyis kyis te/rjes su brtags pa ni bdag gi ming ji zhes bya bar 'gyur zhes pas so/ /rjes su dpyad pa ni bdag gi ming 'di zhes bya bar 'gyur zhes pas so/ /lung ston par 'gyur ba zhes pa ni bdud kyis so/ /rjes su 'brang ba ni kun tu 'dod pa'i 'o/ /bstan pa ni smras pa'o//gang ci myong ba ni ming la/ lung bstan pa zhes pa la sogs pa ste/ ring bar kun tu 'byung zhes pa ni de rnams kyis de rnams bde 'gror skye ba'o/ /phra mo phra ba ni mtshon par dka' ba'o/ /dben pa'i gnas ni dben par gnas pa'o/ /dben pa ni stong pa'o/ /dben pa dang bral ba ni grong gi nang ngam de dang nye ba'i sa phyogs so//yid la byed pas dben zhes pa ni yid la byed pa rnams kyis dben pa'o/ /chung ngus ni mngon par zhen pas gnas pa'o/ /'bring ni gnas pa'o/ /chags pa ni chen po ste dmigs pa'o/ / des de tsam zhes pa ni bdag bstod pa'i dmigs pa dang ldan pa'o/ /'dres pa ni rab tu byung ba dang khyim pa'o/ /ma 'dres pa ni rab tu byung ba kho na'o/ /byang chub sems dpa' gdol pa ni de dang 'grogs par mi bya ba'i phyir ro/ /byang chub sems dpa' sun 'byin pa ni rang gi skyon gyi sde rnams sun 'byung ba'i phyir ro//byang chub sems dpa'i gzugs brnyan ni lus 'dra ba'i phyir ro/ /byang chub sems dpa' bcos bu ni mi mthun pa'i phyir ro/ /byang chub sems dpa' ka na da ba ni ngang pa lta bu rnams las de rnams nag po'i phyir ro/ /rkun po ni chos ma yin pa sbed pa'i phyir rkun po ste de rnams kyi 'dod pa ma yin pa'i phyir ro//chom rkun ni log pa'i sbyin gnas kyi phyir ro/ /mthu ni stobs so/ /sun 'byin pa ni 'jigs pas so/ /de la yang zhes pa ni de 'dra ba la yang ngo / /ji ltar ni sems can thams cad la'o/ /'di yang zhes pa ni gang gi yang zhes pa la sogs pa can no//mngon par shes pa ni so sor rtogs nas pha rol gnon pa ni skyes bu'i byed pa'o/ /bdud kyi las kyi spyod pa po'i le'u ste nyi shu rtsa gcig pa'o// //de nas yang zhes pa la sogs pa ste shes rab kyi pha rol tu phyin pa 'di zhes pa ni rtogs par bya ba'i gtso bo'i phyir te ji ltar de gcig pu de ltar lhan cig pa drug po ste/'dir gsungs pa ste/ thams cad ces pa la sogs pa dang / gang du drug po nyid ces pa la sogs pa ste/ de de nyid mthar thug par gyur pa ni ston pa ste/ gang zhig gi 'bras bu la de'i sngon gyi mthar nyid ni lam mo//snang ba ni 'jig rten las 'das pa'i ye shes te rab tu dga' ba la'o/ /sgron ma ni rab tu 'bad pa'i bgrod pa'i lam gyi dri ma med pa la sogs pa'i sa drug pa rnams la'o/ /'od ni nyin mo'i snang ba ste/ de yang 'bad pa med pas bgrod pa'i lam ste/ mi g.yo ba la sogs pa rnams la'o/ / ma ni gzung zhing gsos pas so/ /pha ni sa bon bzhag pas so/ /shes pa ni gang zhig mthong ba'i la'o/ /rtogs pa ni bsgom pa'i lam gyi la'o/ /nges par 'byung ba ni rdzogs pa'o/ /nang du 'dus pa ni ji ltar rigs par ro zhes pa ni lung bstan pa dang bshes gnyen bsten pa'i ste rtags dgu pa'o/ /'di la zhes pa la sogs pa ste/gang gi phyir 'di nyid rab tu 'dren pas de'i phyir na gzhan gyi dring mi 'jog pa nyid ces pa la sogs pas ni gzhan gyi dring mi 'jog pa ste bcu pa'o/ /rab 'byor gyis gsol pa zhes pa la sogs pa chags pa med pa'i mtshan nyid ni dmigs pa med pa'i mtshan nyid do//de nyid kyis na gzugs la sogs pa yang dben pa'i phyir dang / stong pa'i phyir ro/ /'dzin pa ni mtshan mar mngon par zhen pa'o zhes dngos po nyid kyi 'dzin pa ste/ bcom ldan 'das ma'i chos de nyid ni chags pa med pa'i mtshan nyid la/ de ltar yang kun nas nyon mongs pa dang rnam par byang ba yod ces pa ni bcu gcig pa'o//rab 'byor gyis gsol pa zhes pa la sogs pa ste/ mi brdzi ba ni 'phrogs par mi nus pa'o zhes pa ni mi brdzi ba nyid thob pa ste bcu gnyis pa'o/ /de'i rjes su bstan bcos las/ 'dzam bu'i gling gi skye bo rnyed//sangs rgyas mchod pa'i dge la sogs/ /dper mdzad nas ni rnam mang du/ /rnam 'phel bcu drug bdag nyid do/ /zhes bshad do/ /'dzam bu'i gling gi skye bo rnams ji snyed pa gang yang sangs rgyas mchod pa'i dge ba gang zhig thog ma gang du dper byed pa yang zhes pa yang zhog pa'o//mang zhes pa ni dpe med par gsungs pa'o/ /de la gal te zhes pa la sogs pa ste/ ji srid tshol ba ni ji snyed du gnas pa'i'o/ /yid la byed pas zhes pa ni rnam par 'phel bas bsdus pa rnams kyis so/ /zhog pa ni spongs zhes pa'o/ /gnod pa med par gyur pa ni gnod pa med pa'i gnas su gyur pa skyed/'dod chags dang bral ba ma thob pa bzhin 'bras bu med par byed pa'o/ /sbyin pa po ni yang dag par len du 'jug pa'o/ /sbyin bdag ni sbyin pa po'o/ /shes rab kyi pha rol tu phyin pa dang ldan pa'i yid la byed pa ni nyin mtshan gyi tshul gyis te rnam par 'phel ba dang po'o//'di lta ste dper na zhes pa la sogs pa ste/ shes rab kyi pha rol tu phyin pa dang ldan pa'i yid la byed pas skad cig tsam yang gnas par byed ces pa ni gnyis pa'o/ /rab 'byor zhes pa la sogs pa ste/ mi skye ba'i chos la bzod pa thob pas lung bstan pa thob pa ni gsum pa'o//rab 'byor zhes pa la sogs pa ste/ lung bstan pa dang mngon par byang chub pa ni rlom pa med pa'i phyir zhes pa ni bzhi pa'o/ /dge ba'i bshes gnyen la sogs pa'i le'u ste nyi shu rtsa gnyis pa'o// //yang de'i tshe zhes pa la sogs pa ste/'jig rten ni nyan thos la sogs pa'i theg pa la thabs la mi mkhas pa rnams te/ byang chub sems dpas zil gyis mnan cing de rnams kyis zil gyis mi non par 'gyur ba ni lnga pa'o/ /tshul khrims ma nyams pa la sogs pa ni mthar gyis gnas pa'i mngon par rtogs par bshad par bya'o//de ltar slob par byed pa zhes pa la sogs pa ste/ 'jig rten skyong ba nye bar 'ong ba la sogs pa rnams kyi phan yon rnams kyi ni drug pa'o/ /brgya byin gyis bshad pa'i le'u ste nyi shu rtsa gsum pa'o// //de nas yang zhes pa la sogs pa ste/zhum pa ni rjes su 'brel pa'o/ /yin nam ma yin zhes pa la sogs pa rnams kyi phan yon rnams kyi ni drug pa'o ste/ ji ltar mdo sde gzhan du de bzhin gshegs pas gsungs pa'i rigs par byed pa nyid 'di la med ces pa'i don to/ /gting dpog par rab tu gnas pa'i 'o/ / ro myang ba ni 'dod pa'i'o/ /ming dang rus ni 'dzin par ro/ /spro ba nye bar bsags pa ste/ lus dang sems zhes pa ni bdun pa'o/ /ji ltar yang zhes pa la sogs pas ni brgyad pa'o/ /gang 'dis phyir mi ldog par mngon par rlom pas byang chub sems dpa' mang po don med par byed pa'i rgyu de nye bar mtshon pa'i le'u ni mngon pa'i nga rgyal gyi le'u ste nyi shu rtsa bzhi pa'o// //de nas zhes pa la sogs pa ste/ slob par byed pa ni gong ma la'o/ /gang 'di skad ces pa la sogs pa ni 'thad pa'o/ /shes kyi pha rol tu phyin pa la slob ces pa ni lam gyi ngo bo nyid la'o/ /sangs rgyas kyi sa la slob pa ni 'bras bu la'o//bdud rtsi'i khams ni thar pa'o/ /mgon du gyur pa 'dod pa ni mgon nyid 'dod pa'o/ /mngon par 'phags pa ni shin tu phul du byung ba'o/ /bya ba ni bya gsod pas so/ /gdol pa ni 'dzem pa med par gsod pas so/ /nya pa ni nya gsod pa'o//shan pa ni ma he gsod par byed pas shan pa'o/ /long ba ni mig med pa'o/ /'on pa ni rna ba med pa'o/ /zhar ba ni mig gcig pa'o/ /rdum po ni dpung pa 'khyog pa'o/ /sgur po ni rgyab sgur ba'o/ /lag rdum ni lag pa dang bral ba'o/ /zha bo ni rje ngar chag pa'o/ /grum po ni 'gro mi shes pa'o//lkugs pa ni brjod pa med pa'o/ /dig pa ni tshig mi brtan pa'o/ /smra ba mi gsal ba ni lce mi bde ba'o/ /ku co can ni sgra chen po 'byin pa'o/ /yan lag nyams pa ni yan lag dman pa'o/ /yan lag ma tshang ba ni yan lag ma chog pa'o/ /yan lag mi sdug pa ni mi dang mi mthun pa'i yan lag go//nges par 'gro bar 'gyur ba ni nges par rdzogs par 'gyur ba'o/ /de dag ces pa ni stobs la sogs pa yongs su dag pa'o/ /shes par bya ba'o/ /mthong bar bya ba'o zhes pa ni rnam par 'phel ba dgu pa'o/ /'di lta ste dper na zhes pa la sogs pa ste/sa le sbram ni shin tu phul du phyin pa'i gser ro/ /ba tsha ba can ni ba tsha can dang bcas pa'i sa'o/ /gram pa ni chu med pa'o/ /rtswa ni ne'u rtswa la sogs pa'o/ /sdong dum ni shing skams pa'i phur pa'o/ /tsher ma 'dzin pa ni tsher ma can de myos byed la sogs pa'o/ / sna tshogs pa ni gang dag de rnams so zhes pa ni bcu pa'o/ /gzhan yang zhes pa la sogs pa ste/ 'khor los sgyur ba'i rgyal po'i srid thob par gyur nas gnas zhes pa la sogs pa dang de bzhin du zhes pas ni bcu gcig pa'o/ /gzhan yang zhes pa la sogs pas ni bcu gnyis pa'o/ / gzhan yang zhes pa ni bcu gsum pa'o/ /gzhan yang zhes pa la sogs pa ste/ dge ba rab tu skye ba dang 'gal bas 'dod chags dang zhe sdang dang gti mug ni tha ba'o/ /the tshom ni bden pa dang dkon mchog rnams la yid gnyis so/ /phrag dog ni gzhan gyi phun sum tshogs pa la khong nas 'khrugs pa'o zhes pa ni bcu bzhi pa'o//'di lta ste dper na zhes pa la sogs pa ste/ mi shes pa zhes pa ni shes rab kyi pha rol tu phyin pa'i mi mthun pa'i phyogs la'o/ /bsod nams kyi mchog ni bsod nams kyi mchog go/ /sangs rgyas kyi yul ni sangs rgyas kyi chos ma lus pa'o//khyu mchog ni de'i ngo bo nyid la dbang sgyur ba'o/ /rnam par rol pa ni rdzu 'phrul gyi cho 'phrul gyis so/ /seng ge'i sgra sgrogs pa ni rjes su bstan pa'i cho 'phrul gyis so/ /sangs rgyas rnams kyi phun sum tshogs pa ni 'phags pa'i dge 'dun gnyi ga'i dbang phyug go//rnam par spyod pa ni yongs su shes nas so/ /gnas par mi byed pa ni de rnams la mi gnas pa'o zhes pa ni bco lnga pa'o/ /gal te yang zhes pa la sogs pa ste bcu drug pa'o/ /bslab pa'i brjod pa po'i le'u ste nyi shu rtsa lnga pa'o// //bstan pa rgyas par bshad pa 'di bstan bcos las/kun mkhyen nyid gsum chos rnams kyi/ /yongs su rdzogs pa bla med pas/ /sems can don yongs mi gtong ba/ /nges pa zhes ni mngon par brjod/ /ces pa ste/ rnam par rtog pa med pa rtogs pa'i gnas skabs kyi kun mkhyen pa gsum gyi chos rnams kyi sangs rgyas kyi chos bla na med pa yongs su rdzogs pa ni bstan pa la/mthong ba dang bsgom pa dang khyad par dang mi slob pa'i lam gyi rtogs pa'i go rims bzhin gyis/ sgrol ba dang smin pa dang dbugs 'byung ba dang yongs su mya ngan las 'das pa ni sems can gyi don te/ 'di la gsungs pa ni/ de nas zhes pa la sogs pa ste sems 'jug pa ni rab tu dang ba'o//sems bskyed pa ni kye ma bdag gis 'di rnams rtogs par bgyi zhes pa'o/ /bsam par byed pa ni sems par byed pa'o/ /mnyam par gzhag pa ni skyon med pa la'o/ /pha rol gyi 'gram ni mya ngan las 'das par ro/ /'dod pa ni dga' bar byed pa'i phyir ro//yongs su gzung ba ni yongs su mi gtong ba'i sbyor bas so/ /sangs rgyas zhes pa 'di'i rgyas par bshad pa ni thams cad mkhyen pa nyid ces pa ste/ kun mkhyen pa gsum po rnams kyi thams cad mkhyen pa'i dngos po rnams kyis gang du thams cad mkhyen par 'gyur ba'o//de la chos thams cad kyi rnam pa thams cad yang dag par mkhyen pa ni 'dir thams cad mkhyen pa nyid la chos 'di rang nyid las byung bas zhes pa ni rang byung chos thams cad la dbang sgyur ba'o zhes pa'i don to/ /de'i chos rnams rang byung nyid kyis gang kun tu bsdus pas 'di la 'phrog pa med pa ni de ltar mi 'phrogs pa ste/bag chags dang bcas pa'i sgrib pa las nges par grol ba'o zhes pa'i don to/ /de'i chos rnams kyang mi 'phrogs pa nyid kyis kun tu bsdus pas yongs su rdzogs par 'gyur ba yin no zhes pa ni yongs su rdzogs pa'i bshad pa'o/ /sems can gyi don yongs su mi gtong ba gsungs pa ni/bdag gis zhes pa la sogs pa ste/ 'di rnams kyis zhes pa ni lung gi tshig yin pas so/ /ji ltar zhes pa ni ji ltar bdag gis zhes pa la de ni bstan pa dang / sems kyis gnas pa'i ting nge 'dzin te/ bstan bcos su yang / gling bzhi pa ni stong dag dang //stong gnyis gsum dag dper mdzad nas/ /bsod nams mang po nyid kyis ni/ /ting 'dzin yongs su bsgrags pa yin/ /zhes te gling bzhi pa'i 'jig rten gyi khams dang / stong dang stong gnyis pa dang / stong gsum pa de rnams kyi dpes bsod nams mang po nyid du gsungs kyi mngon sum du byas pa ni ma yin no//de la gsungs pa ni/ gang de rnams zhes pa la sogs pa ste/ de'i zhes pa ni tshul mi mthun pa nyid kyis so/ /chos nyid ni chos kyi tshogs sam/ ngo bo nyid do/ /srang grangs ni srang gi tshad kyis so/ /tshad ni srang 'di tsam zhes pa'o/ /'dir 'dzam bu'i gling la sogs pa'i tshad ni bsod nams yongs su bsngo ba'i dpe la/bstan bcos su ni nye bar brtags nas byas pa ste/ 'o na rjes su yi rang ba tsam la 'di tsam yin gyi bsod nams yongs su bsngo ba'i ting nge 'dzin la ma yin zhe na/ rjes su yi rang ba'i bsod nams kyang gzhal du med pa dang mang po nyid kyis so zhes pa la dgongs pas skyon med do//bdud kyis byin gyis brlabs pa zhes pa ni bdud kyis spro ba med par byas pa'o/ /mi nyan pa ni sgra la'o/ /mi shes pa ni don to/ /ma mthong ba ni gus pas so/ /mi sems pa ni mngon du gyur pa mi byed pa'o//bdud bzhin du sems can gyi don las rnam par nyams par byed pas na bdud kyi phyogs so/ /mngon par sgrub pa ni rdzogs par byed pa'o/ /de skad ces gsol pa dang zhes pa la sogs pas ni brgya byin gyis bsngags pa'o/ /gang dag gis zhes pa ni theg pa chen po la yang dag par gnas pa rnams kyis so//gang dag gis zhes pa la sogs pa ni sems dang po bskyed pa la sogs pa rnams kyis kyang ste/ yum chen mor bshad pa rjes su yi rang ba 'ba' zhig gis ma yin te/ rang gi rgyud la bskyed pa dang gzhan gyis mngon par bsgrubs pa'i dge ba'i rtsa ba de la yang gzhan du rjes su yi rang bar byas nas rdzogs pa'i byang chub tu yongs su bsngo bar bya'o zhes gsungs so//de nyid kyi rjes su yi rang ba dang ldan pa'i dge ba'i rtsa ba la dmigs pa'i ting nge 'dzin te/ yang dag par rdzogs pa'i byang chub tu yongs su bsngo ba'i rnam par sems gnas pa'i ngo bo nyid do//su zhig gnas par 'gyur te chos thams cad stong pa nyid pas so zhes pa ni sems kun tu gnas pa'o/ /mthong bas spang bar bya ba'i rnam par rtog pa'i gnyen po dang bcas pa'i dbang du byas pa ni bstan bcos las/ 'jug pa dang ni ldog pa yi//de dag so sor dgu dag nyid/ /gzung ba'i rnam rtog dag shes bya/ /ji bzhin yul gyi bdag nyid can/ /sems can rdzas dang btags yod pa'i/ /rnam rtog de ni 'dzin par 'dod/ /so so'i skye bo 'phags dbye bas/ /so so de dag dgu bdag nyid/ /gal te gzung don de bzhin med//de dag gang gis 'dzin par 'dod/ /de ltar de dag 'dzin pa yi/ /ngo bos stong pa mtshan nyid do/ /zhes te 'jug pa'i phyogs dang ldog pa'i phyogs la dbye ba dgu ste/ gzung ba ni gzung byar rnam par brtags pa'i phyir la/ de dag bdag nyid ji bzhin yul/ /zhes pa ni rnam par rtog pa dag ste/phyin ci log tu rnam par brtag par bya zhes pas rnam par rtog pa ste/ so so'i skye bo rnams la ni rdzas su yod pa la/ 'phags pa rnams la ni btags par yod pa'o/ /sems can gyi 'dzin pa'i rnam par rtog pa rnams ni 'dzin pa ste/ yod pa ma yin pa nyid las 'dzin cing rnam par btags pas so//'dzin pa'i ngo bos zhes pa ni 'dzin pa'i sems can gyi ngo bos so/ /'dzin pa'i rnam par rtog pa de dag dang rnam pa bzhi la 'di la yang rnam par rtog pa'i yul gyis dbye bas re re la rnam pa dgu dgu'o/ /de la dang po'i dbang du byas pa ni bstan bcos las/ngo bo nyid dang rigs dang ni/ /lam ni yang dag 'grub pa dang / /shes pa'i dmigs pa ma 'khrul dang / /mi mthun phyogs dang gnyen po dang / /rang gi rtogs dang byed pa dang / /byed po des byed 'bras bu la/ /'jug pa'i phyogs kyi rten can gyi/ /rnam rtog de ni rnam dgur 'dod//ces te byed pa po de'i byed pa dang bya ba'i 'bras bu'i ngo bo nyid la sogs pa'i dgu po ni 'jug pa'i phyogs te/ byang chub sems dpa'i blang bya yin pa'i phyir de la brten pa ste de'i dbang du byas nas gsungs pa ni/ rab 'byor gyis gsol pa zhes pa la sogs pa ste/ sgyu ma mkhan gyis sprul pa'i glang po la sogs pa ni sgyu ma la/de bzhin du gzhan rten cing 'brel par 'byung ba las 'byung ba'i kun rdzob kyi ngo bor rab tu bsgrags pa yang de kho na nyid du ni yod pa ma yin pas na de yang sgyu ma lta bu'o/ /ji ltar sems sgyu ma lta bu ste/ /de'i phyir sems ni de kho na nyid du ni gang du yang 'dzin pa po ma yin zhing /de'i gzung bya'i dngos po yang cung zad yod pa ma yin la/ kun rdzob tu ni sgyu ma bzhin du gzung ba dang 'dzin par tha snyad byed de/ don dam par ni gnyi ga yang yod pa ma yin no/ /de'i phyir na sgyu ma lta bu'o/ /de med pas ji ltar mngon par byang chub par 'gyur zhes pa ni 'dri ba la/ma lags zhes pa ni med pa'i phyir zhes pa la dgongs pa'o/ /gzhan du zhes pa ni gzhan de'i chos kyi bdag nyid kyis so/ /ma lags zhes pa ni shin tu med pas de'i phyir mchis pa dang ma mchis pa ma yin no zhes pa la dgongs pa'o/ / med ces pa ni rnam par shes pa'i ngo bo nyid kyi med pa la yod pa dang ni 'gag pa dag ni 'brel ba med pas so zhes pa la dgongs pa'o/ /de'i phyir zhes pa ni ngo bo nyid kyis stong pa la 'dzin pa po'i sbyor ba med pa'i phyir ro/ /shin tu 'dzin pa med pa nyid de la gsungs pa ni ji ltar 'dir ngo bo nyid kyis stong pa'i phyir 'dzin pa po med pa'o//de bas na kun tu spyod pa can yang 'dzin pa po ma yin te/ de rnams kyang ngo bo nyid kyis stong pa'i phyir ro/ /dmigs par 'gyur ba'i chos thams cad la yang gzung ba yod pa ma yin te/ de rnams kyang ngo bo nyid med pa'i phyir la 'di nyid ni dmigs pas gzung ba'i mtshan nyid kyi phyir ro//bsgom par bgyi ba ma lags pa ni bong bu'i rwa bzhin pas yang dang yang du blo mi gzhug pa'o/ /chos ni kun tu rtogs par bya ba la sogs pa'o/ /kun tu bgrod pa po ni bskyed pa'o/ /dben pa ni cung zad byed pa med pa'i phyir ro//ji ltar zhes pa ni dben pa la thob par bya ba yod pa ma yin no zhes pa la dgongs pa'o/ /ji ltar ni min pa nyid de/ shin tu dben pa la sgrub pa'i sbyor ba med pa'i phyir ro/ /de nyid kyi phyir zhes pa ni 'bras bu ni rgyu dang rjes su mthun pa'i phyir ro/ /yod pa shes pa ni de'i rnam par rtog par 'gyur bas shes rab kyi pha rol tu phyin pa ma yin no//de ltar zhes pa la sogs pa ni nye bar bsdu ba'o/ /mngon par rdzogs par sangs rgyas pa yang med ces pa ni mngon par byang chub pa la rnam par rtog pa med pa'i phyir ro/ /mngon par rdzogs par sangs rgyas zhes pa ni dngos por sgro btags pa rnams gsum 'di la med la/de'i stong pa nyid kyi yang dag pa'i kun rdzob tshul gyis yod ces pa la dgongs pa'o/ /'di dag ni kun rdzob la stong pa nyid ni don dam pa'o/ /zab mo la zhes pa ni gang 'di'i don gzhan gyis dpyod par mi nus pas so/ /dka' ba byed pa ni gang zhig mngon sum du byed par zhugs kyang sems can la ltos nas mngon sum du mi byed pas so//gsungs pa'i don zhes bya ba ni dgongs pa can no/ /dka' ba ni gzhan rnams la yin gyi byang chub sems dpa' ni bla ba ste/ thabs la mkhas pa'i phyir de'i yang thabs ni shes rab kyi pha rol tu phyin pa nyid de 'di de nyid gsungs pa ni de ltar na zhes pa la sogs pa ste/gang zhig ni byang chub sems dpa' la/ gang ni zab mo'i don to/ /gang 'dis ni shes rab kyi pha rol tu phyin pa bsgrags pas so/ /mi zhum pa ni gzhol bar mi 'gyur ba'o/ /'di'i ched du bya ba drug ste/ mi 'gong ba ni 'di la mos pa 'bring du mi 'gyur ba'o//kun tu mi zhum pa ni 'di la mos pa chung ngur mi 'gyur ba'o/ /yid phyir phyogs par mi 'gyur ba ni mos pa med par mi 'gyur ba'o/ /mi dngang ba ni 'di rnams gtong bar 'dod pa ma yin pa'o/ /kun tu mi skrag pa ni gtong bar mi byed pa'o/ / kun tu skrag pa dang ldan par mi 'gyur ba ni rgyun du gtong ba ma yin pa'o/ /de nyid la gang 'dir mngon du gyur pa shin tu dga' bar 'gyur bas/ des 'di la spyod par 'gyur zhes pa rtogs te/ 'dir ngo bo nyid la sogs pa'i don dgu rnams ni 'jug pa'i phyogs te/ byang chub sems dpa' rnams kyis blang bar bya ba'i phyir la/rnam par rtog pa'i tshogs de rnams ni yang dag pa ma yin pa'i shes pa'o/ /de la rang bzhin ni rang gis bsam pa ste/ bdag bla na med pa yang dag par rdzogs pa'i byang chub tu gshegs par 'gyur ba ni de'i lam gyis zhes pa ste/ byang chub kyi sems kyis zhes pa'i don to//de'i rnam par rtog pa ni bdag gis dang byang chub dang shes rab kyi pha rol tu phyin pa la zhes pas gang zhig stong pa nyid shes pa dang / mnyam par ma bzhag pa'i de'i shes pa'o/ /mnyam par bzhag pa'i shes pas ni gsum du rlom pa ste/ bdag gis spyod pas bdag byang chub chen po la nye ba'am/bdag gis dman pa'i byang chub dag ni bsrings so zhes pa dag ni ngo bo nyid kyi rnam par rtog pa la 'di'i gnyen po ni bcom ldan 'das ji ltar na sems sgyu ma lta bus zhes pa nas brtsams te/ 'di lta ste dper na zhes pa'i bar gyis sngon gyi rnams so/ /'di lta ste dper na zhes pa la sogs pa ste/nye zhes pa dang ring zhes pa dang gang du bdag sangs rgyas kyi rigs zhes pa ni rnam par rtog pa'i kun tu rmongs pa ste/ 'di'i gnyen po ni nam mkha' dang mnyam pa'i phyir de'i rigs kyang don bzhin du rnam par rtog pa med pa ste/ shes rab kyi pha rol tu phyin pa pa'o zhes pa ni rigs kyi rnam par rtog pa'o//'di lta ste dper na zhes pa la sogs pa ste/ bdag la lam zhes pa ni lam yang dag par 'grub pa'i rnam par rtog pa'o/ /kun tu rmongs pa la 'di'i gnyen po ni 'dus pa sgyu ma'i skyes bu lta bu'i phyir te/ de bzhin du rnam par rtog pa med pa'i shes rab kyi pha rol tu phyin pa'o zhes pa'o//'di lta ste dper na zhes pa la sogs pa ste/ snang brnyan ni gzugs brnyan gyis te/ rtsom pa'i gzugs brnyan gyi khyad par gyi snang brnyan shes pa de'i yul du skye bar 'gyur te/ de'i rtsom pa ni gzugs brnyan gyi bdag nyid ma shes pa gang zhig la ni dmigs su med pa nyid pas de 'dir shes pas dmigs pa ni 'khrul pa ste/de la ni ma skyes pa la de ni nye ba dang ring ba'o zhes pa ni nye ba dang ring bas yang dag par 'grub par yod pa kun tu rmongs pa ste de'i gnyen po ni gzugs brnyan ltar rnam par rtog pa med pa'i shes rab kyi pha rol tu phyin pa'o zhes pa'o//'di lta ste dper na zhes pa la sogs pa ste/ gnyen po ni 'joms pa po la mi mthun pa'i phyogs ni 'joms par bya ba'o zhes pa ni mi mthun pa'i phyogs kyis rnam par rtog pa'i rmongs pa ste/ 'di'i gnyen po ni ji ltar de bzhin gshegs pa la sdug pa dang mi sdug pa dag med pa de bzhin du rnam par rtog pa med pa'i shes rab kyi pha rol tu phyin pa la spyod kyang ngo zhes pa'o//ji ltar zhes pa la sogs pa ste/ yang dag pa ma yin pa la brtags pas rtogs pa la/ de'i rnam par rig nas brtags pas rnam par rtog pa ste/ de dag rab tu spangs pa'i de bzhin gshegs pa de bzhin du rnam par rtog pa med pa'i shes rab kyi pha rol tu phyin pa la spyod cing de la rnam par rtog pas rig cing rnam par brtags pa ni rang gis rtogs pa'i rnam par rtog pa'i rang gis rtogs pa la rmongs pa ste/de'i gnyen po ni rtogs pa dang rnam par rtog pa rab tu spangs pa'i shes rab kyi pha rol tu phyin pa'i zhes pa'o//'di lta ste dper na zhes pa la sogs pa ste/ shes rab kyi pha rol tu phyin pa bsgom par bya ste/ des nye ba dang ring bar 'gyur zhes pa ni byed pa po'i rnam par rtog pa'i byed pa po la rmongs pa ste/ de'i gnyen po ni byed pa po de bzhin gshegs pa'i sprul pa lta bu'i phyir la/de ltar byed pa po'i rnam par rtog pa med pa ni shes rab kyi pha rol tu phyin pa'o zhes pa'o/ /'di lta ste dper na zhes pa la sogs pa ste/ sprul pas bya ba byed cing bya bar rnam par rtog par mi byed pa de bzhin du byang chub sems dpa' shes rab kyi pha rol tu phyin pa sgom par byed pa la rnam par rtog par ni mi byed do zhes pa ni gnyen po la rnam par rtog pa ni de'i bya ba'i rnam par rtog pa'o//'di lta ste dper na zhes pa la sogs pa ste/ shing gi skyes bus bya ba byed cing rnam par rtog par mi byed pa de bzhin du byang chub sems dpa' byang chub bsgoms nas thob par 'gyur la/ de la rnam par rtog par mi byed pa ni gnyen po la byang chub tu rnam par rtog pa ni bya ba'i 'bras bu'i rnam par rtog pa'o//sgyu ma lta bu'i sems nye bar mtshon pa'i le'u ste nyi shu rtsa drug pa'o// //gzung ba'i rnam par rtog pa gnyis pa'i dbang du byas nas bstan bcos las/ srid dang zhi bar ltung ba'i phyir//rtog pa min pa nyid dang ni/ /yongs su 'dzin pa med pa dang / /lam gyi rnam pa ma tshang dang / /gzhan gyi rkyen gyis 'gro ba dang / /ched du bya ba log pa dang / /nyi tshe ba dang sna tshogs nyid/ /gnas dang 'jug la rmongs pa dang / /rjes la 'gro zhes bya ba yi/ /rnam rtog dgu yi bdag nyid ni//ldog pa'i phyogs kyi rten can gyi/ /nyan thos la sogs yid las byung / /zhes te rtogs pa dman pa la sogs pa'i skyon ni byang chub sems dpa'i rab tu spang bar bya ba'i dngos po bas ldog pa'i phyogs kyi rten can de nyan thos la sogs pa rnams kyi yid las byung bas de rnams spang bar bya ba yin pa'i phyir te/de gsungs pa ni/ de nas zhes pa la sogs pa ste/ 'dir ni gnyen po'i phyogs rnams brjod par 'gyur la/ de las bzlog pas ni rnam par rtog pa yang rtog par 'gyur ro/ /khyad par can gyi 'bras bu bla na med pa yang dag par rdzogs pa'i byang chub ni snying po'o//de'i rgyu mtshan dang ldan pas gzengs bstod pa dang shes rab kyi pha rol tu phyin pa dag 'di gnyi ga la bdag med pa'i shes pas de rnams la spyod pas 'khor ba la yid byung ba'i mya ngan las 'das par don du gnyi ga mi dmigs pa'i phyir ro/ /de la 'dir rdzogs pa'i byang chub tu 'gro bar 'gyur zhes pa ni gnyen po ste/gzhan du na pha rol tu phyin pa lngas ni 'khor bar ltung ba'am/ gang zag la bdag med par shes pas mya ngan las 'das pa'o/ /de'i phyir na shes rab kyi pha rol tu phyin pa med na/ byang chub sems dpar bsgrags pa ni mi 'thob bo zhes pa ni rtogs pa dman pa nyid kyi rnam par rtog pa'o//skyabs ni snying po ste las dang chos dang bgrod bya rnams la shin tu dga' bas so zhes pa ni don to/ /bzlog pas ni snying po ma yin pa mi dga' ba nyid do/ /'dir pha rol tu phyin pa la sogs pa rnams la dga' ba nyid kyi spyod pa ni shes rab kyi pha rol tu phyin pa dang bcas pas yongs su 'dzin par nus te/dper na shin tu spyang pos lam du lag par mtshon cha dang bcas pa bzhin no zhes pa ni gnyen po la/ gzhan du na shin tu dga' bar mi 'gyur ro zhes pa ni yongs su 'dzin pa med pa'i rnam par rtog pa'o/ / de nas zhes pa la sogs pa ste/ phyag bya ba ni gang la ni sgrub pa mtha' dag ste gzhan la rag ma las pa'i phyir dang / ched du bya ba la mi ldog pas mngon par sgrub pa nyid ni sgrub pa ste pha rol tu phyin pa lnga rnams so/ /de dag ces pa ni gnyis char gyis bdag med par rig pa la'o/ /de'i phyir na zab mo zhes pa de ni gnyen po la de la 'jug pa nyid kyi lam dang bral bar byed par 'gyur na/de'i de la bdud la sogs pa rnams kyis shin tu 'gyed par mi 'gyur te/ go cha ma byas pa'i 'thab mo pa la pha rol 'thab mo rnams kyis bzhin no zhes pa ni lam gyi rnam par ma tshang ba'i rnam par rtog pa'o//de ltar zhes pa la sogs pa ste/ de ltar shes rab kyi pha rol tu phyin pa pha rol tu phyin pa rnams kyi gtso bo ste/ de yang gtso bo des 'khor ba dang mya ngan las 'das pa dag tu mi dmigs pa'i phyir ro/ /ji ltar de la pha rol tu phyin pa pa rnams kyis 'khor bar mi ltung la/ de ltar gang zag gi bdag med pa'i dbang gis yang dag pa'i mtha' mngon sum du mi byed nas/gal te gtso bo ma yin na ni dman pa'i byang chub tu yang dag pa'i mtha' mngon sum du byed par 'gyur ba nyid do zhes pa ni gzhan gyi rkyen gyis 'gro ba'i rnam par rtog pa'o/ /'dis kyang zhes pa la sogs pa ste 'chad par 'gyur bas so//ji ltar mngon sum du mi byed na/ ched du bya bas mi 'jug pa ste/ ched du bya ba ni yang dag par rdzogs pa'i byang chub 'dod pa'o/ /ji ltar de lngas mi ldog na gang de srid du shes rab kyi pha rol tu phyin pas de las ldog pa med de/ de'i don nyid du de la spyod pa'i phyir ro/ /cig shos de rnams kyang de la rjes su gnas pas de rnams kyang mi ldog ste/'di lta ste/ chu bran thams cad ni chu klung chen por rjes su zhugs nas rgya mtsho chen po nyid du 'gro zhing ldog par mi 'gyur ro zhes pa ni ched du bya ba log pa'i rnam par rtog pa la/ de nas yang zhes pa la sogs pa ste/ go cha bgos pa zhes pa 'dis ni bya bar dka' ba nyid du ston pa ste/mtha' yas pa rnams kyi don byed par mi nus pa'i phyir ro/ /de ltar na yang 'di nyid kho na go char bya ba ste/ 'di lta bu'i bsam pa rgya chen po las gzhan pas rang dang gzhan dag gi don byed par mi nus pa'i phyir ro zhes pa ni gnyen po'o/ /sems can thams cad kyi don gang gis kyang mi byed pas bdag nyid kyis gdul bar bya ba rnams kyi don du go cha bya'o zhes pa ni nyi tshe ba'i rnam par rtog pa'o//sna tshogs pa nyid kyi rnam par rtog pa'i gnyen por ni mnyam pa nyid de/ de rnams 'dod pa'i mchog tu dga' bar byed pa ste/ de gsungs pa ni/de nas yang zhes pa la sogs pa ste/ gdul bar bya ba can gyis sems can rnams la 'dul bar rigs la/ de ltar na yang gang gis dka' ba byed pa brjod pa ni/ de bzhin du zhes pa la sogs pa ste/ de ci'i phyir zhes pa ni ji ltar chos mthun pas so/ /nam mkhas nam mkha' lta bu'i sems can rnams dang ji ltar rtsod na/gsungs pa ni/ 'di yang zhes pa la sogs pa ste/ sems can gang gis gdul bar 'dod pa de yang sems can med pa'i phyir yongs su bral bar 'gyur zhes pa'o/ /'thab pa ste rtsod pa'o/ /ji ltar yang gdul bar bya ba med pa de ltar gdul ba yang de'i shin tu dka' bar byed pa nyid de/de ltar sems can thams cad bdag dang mnyam pa nyid du blta bar bya'o/ /gang bdag dang gzhan gyi don byed par nus par 'gyur ba ni zhum par mi 'gyur zhing sgyid lug par mi 'gyur la/ shin tu dga' bar 'gyur nas de shes rab kyi pha rol tu phyin pa la spyod pas ni gang gis gang du yang ma yin te/chos la bdag med pa mthong ba'i phyir ro/ /'dir lan ni/ sems can zhes pa ste/ chos thams cad ni dben pa dang mnyam pa nyid ces pa'i rgya chen po ni gnyen po'o/ /sems can sna tshogs dang chos sna tshogs pa de la med pa'i ro gcig pa'i shes rab kyi pha rol tu phyin pa'o zhes pa ni sna tshogs pa nyid kyi rnam par rtog pa'o//de ltar lha'i bu dag la sogs pa ste/ zhum par mi 'gyur ba ni gnas pa dang 'jug pa dag la mi rmongs par 'gyur ba la/ gang gis bgrod par bya ba dang gang du gnas par bya ba zhes pa ni chos thams cad mnyam pa nyid du yang dag par rig par bya ba dang /shes rab kyi pha rol tu phyin pa dag la des kun tu mi rmongs pas gang gi byang chub pas des bgrod pa byed na byang chub la gnas par byed pa ste/ de yang de'i 'gro ba dang gnas pa nyid kyi rgyu dang 'bras bu'i gnas skabs ni rang la dbang yod pa nyid la/des yongs su bsngo bas pha rol tu phyin pa lnga rnams kyis kyang de nyid du 'gro bar 'gyur zhing de nyid du gnas par 'gyur zhes pas ni gnyen po'o/ /mi mkhas pa pha rol tu phyin pa lnga rnams dang drug pa spros pa med pa la de'i gnas pa dang 'jug pa dag tu ma nges pa ni gnas pa dang 'jug pa la rmongs pa'i rtog pa la/gang la zhes pa la sogs pa ste/ shes rab kyi pha rol tu phyin pa la sngon du spyod ces pa ni gnyen po'o/ /yul rgya chen po'i phyir pha rol tu phyin pa lnga rnams la sngon du 'jug pa la yul zhib mo'i phyir rjes la drug pa'o zhes pa ni rjes la 'gro ba'i rnam par rtog pa'o//de'i rjes la bstan bcos las/ 'dzin dang so sor sdud pa dang / /yid la byed dang khams rnams ni/ /gsum char nye bar 'brel pa dang / /gnas dang mngon par zhen pa dang / /chos kyi dngos por brtags pa dang / / chags pa dang ni gnyen po dang / /ji ltar 'dod bzhin 'gro nyams pa/ /'dzin pa po dang shes par bya/ /zhes te rdzas su yod pa'i bdag tu 'dzin pa po gzhan dang shes rab kyi pha rol tu phyin pa des kyang cung zad 'dzin par byed cing cung zad mos par byed do zhes pa ni 'dzin pa dang so sor thar pa'i rnam par rtog pa la/de yang 'dzin par mi byed pa dang / thar par mi byed ces pa ni gnyen po'o/ /'dzin par 'gyur ba nyid du chos de rnams yid la byed pa'i rnam par rtog pa la chos de rnams dang bcas pa yid la mi byed ces pa ni gnyen po'o/ /yid la byed pa nyid kyi chos rnams ni khams gsum dang 'brel pas so zhes pa ni khams gsum dang 'brel pa'i rnam par rtog pa la/'dir khams gsum dang 'brel par mi byed do zhes pa ni gnyen po'o/ /khams gsum la gnas pa ji ltar 'brel par mi byed ces pa ni gnas kyi rnam par rtog pa la 'dir gang du yang gnas pa med do zhes pa ni gnyen po'o//bden par mngon par zhen pa la ji ltar gnas pa ma yin zhes pa ni mngon par zhen pa'o/ /rnam par rtog pa la 'di la cung zad kyang mngon par zhen par mi byed do zhes pa ni gnyen po'o/ /byang chub sems dpa' brtags pa'i dngos po rnams kyis sbyin pa'i pha rol tu phyin pa nas ji srid du rnam pa thams cad mkhyen pa nyid kyi bar du byed pa yod do zhes pa ni brtags pa'i dngos po'i rnam par rtog pa la de yang 'dir yod pa ma yin no zhes pa ni gnyen po'o//chags pa nyid kyi yang dag par rdzogs pa'i byang chub tu des mngon par rdzogs par sangs rgyas par 'gyur te/ gzhan du na phyir phyogs so zhes pa ni chags pa'i rnam par rtog pa la//chos thams cad ni chags pa med cing yongs su 'dzin pa med pa ste/ chags pa med pa la ni cung zad mngon par rdzogs par sangs rgyas par 'gyur ba med de/ de ltar spyod na shes rab kyi pha rol tu phyin pa la spyod do zhes pa ni gnyen po'o/ /sbyin pa'i pha rol tu phyin pa stong zhes pa la sogs pa ni gnyen po'i phyogs kyi rnam par rtog pa la de yang byang chub sems dpa' la yod pa ma yin no zhes pa ni gnyen po'o//chos rnams thams cad rnam pa thams cad du dmigs su med par ji ltar 'dod par 'gro ba de las nyams pa de ni byang chub sems dpa' la yod do zhes pa ni ji ltar 'dod par 'gro ba las rnam par nyams pa'i rtogs pa la de yang de la med do zhes pa ni gnyen po'o//dbye ba dgu po 'di rnams ni yum chen mor gsungs la 'dir ni thun mong du rdzas su yod pa'i 'dzin pa po'i rnam par rtog pa ste/ de'i gnyen po gsungs pa ni/ de nas zhes pa la sogs pa ste/mkhyen bzhin zhes pa ni bcom ldan 'das la mi mkhyen pa'i chos cung zad med pas so/ /byang chub sems dpa' ni 'jig rten du rab tu grags pa'i rdzas su yod pa'i gang zag gi ngo bo ste/ de rgyu gang gis na zhum par 'gyur zhes pa ni rdzas su yod pa 'dzin pa'i rnam par rtog pa pa la de'i gnyen po ni dmigs su med pa ste/de gsungs pa ni dben pa'i phyir ro zhes pa ste/ med pa'i phyir la/ de ni rang yang med na gang du zhum par 'gyur zhes pa ste/ de ltar bstan bcos las/ ched bzhin nges par mi 'byung dang / /lam dang lam min nges 'dzin dang //'gog dang bcas pa'i skye ba dang / /dngos po ldan dang mi ldan dang / /gnas dang rigs ni 'jig pa dang / /don du gnyer dang rgyu med dag /phyir rgol ba ni dmigs pa dang / /'dzin pa'i rnam rtog gzhan yin no/ /zhes te so so'i skye bo dang po pa rnams dang nyan thos dang rang sangs rgyas kyi 'phags pa rnams la rnam par rtog pa 'di dgu ste/de rnams kyis rab tu spang bar bya ba ma yin pa'i phyir la/ de rnams kyis gnyen po drug pa ni mdo ji lta ba bzhin du ste/ dper na shing rta rnams kyis yang dag pa'i lam du khyer nas ji ltar ched du bya ba khyer ba de bzhin du drug pas lnga rnams so zhes pa ni gnyen po la drug pa med na ji ltar ched du bya ba khyer ba po med pas so zhes pa ni nges par 'byung ba'i rnam par rtog pa'o//rnam pa thams cad mkhyen pa'i lam ni byang chub sems dpa' rnams kyi lam la/ dman pa'i byang chub kyi lam ni de rnams kyi lam ma yin te/de dag min par nges par 'dzin pa ni drug po zhes pa de nyid ni gnyen po la/ de med pa la lam dang lam ma yin par nges par 'dzin pa med pa ni rnam par rtog pa'o/ /chos nyid tshad mar byas na 'di rnams gang la yang skye ba dang 'gag pa ma yin no zhes pa ni gnyen po la skye ba po ni sangs rgyas kyi chos rnams la 'gag pa po ni de'i sgrib pa rnams so zhes pa ni skye ba dang 'gag pa'i rnam par rtog pa'o//chos rnams thams cad ldan pa yang ma yin la bral ba yang ma yin no zhes pa ni gnyen po la ldan pa dang mi ldan pa zhes pa'i ldan pa dang mi ldan pa'i rnam par rtog pa'o/ /gzugs la sogs pa nas ji srid du rnam pa thams cad mkhyen pa nyid kyi bar la gnas par mi bya zhes pa la rnal 'byor du byed pas chos rnams gang la yang mi gnas pa'i phyir ro zhes pa ni gnyen po la/gzugs nas rnam pa thams cad mkhyen pa nyid kyi bar la gnas par bya'o snyam pa ni gnas kyi rnam par rtog pa'o//byang chub chen po 'dod pas pha rol tu phyin pa rnams la bslab par bya'o zhes pa ni gnyen po la/ de la bslabs pas kyang der mi 'gyur zhes pa'i don du gnyer ba med pa ni rnam par rtog pa'o/ /drug pa ni sangs rgyas kyi chos thams cad kyi rgyu ste rgya mtsho la rin po che thams cad bzhin la/ de yongs su bsgoms pas dkar po'i chos te sangs rgyas kyi chos rnams kyang 'byung bar 'gyur ro zhes pa ni gnyen po la/drug pa med na rgyur mi 'gyur ro zhes pa'i rgyu med pa ni rnam par rtog pa'o/ /de shes rab kyi pha rol tu phyin pa la spyod pa na rdzogs pa'i sangs rgyas rnams kyis dgongs par 'gyur ba ni gzugs la sogs pa rnam pa med la/'on kyang gang du gzugs la sogs pa med pa nas ji srid du rnam pa thams cad mkhyen pa nyid kyis de ltar dgongs par 'gyur ro zhes pa ni gnyen po la/ drug pa med na rgyur mi 'gyur/ /gzugs la sogs pa nas ji srid du rnam pa thams cad mkhyen pa nyid kyi bar du dgongs par 'gyur zhes pa'i phyir rgol ba ni dmigs pa ni rnam par rtog pa ste/dbye ba 'di rnams ni yum chen mor gsungs pa 'dir ni spyi'i brtags par yang dag par 'dzin pa can gyi rnam par rtog pa de'i gnyen por gsungs pa ni/ yang mi bgyid ces pa la sogs pa ste/ chos gang la yang zhes pa ni bdag dang brtags pa'i yang la yul gyi phung po la sogs pa'o//zhum par 'gyur ba ma mchis zhes pa ni de rnams rang nyid kyis med pa'i phyir ro/ /gang gis ni sems kyis la/ gang ni byang chub sems dpa'o/ /'di nyid ni gnyen po gsungs pa'o/ /ma mchis zhes pa ni rjes su yod pa'i sems can gyi ngar 'dzin pa'i yul phung po la sogs pa la byang chub sems dpa'o zhes pa ni brtags par yod pa'i 'dzin pa'i rnam par rtog pa bzhi'o//'dir shes rab kyi pha rol tu phyin pa la spyod pas ji ltar shes par bya ba de gsungs pa ni/ 'on kyang zhes pa la sogs pa ste/ brjod pa ni gzhung ngo / /bshad pa ni don to/ /bstan pa ni khyad par ma yin par brjod pa'o/ /nye bar bstan pa ni snying por gsungs pa'o/ /zhum par mi 'gyur ba ni dman par mi 'gyur ba'o/ /bag mi tsha ba ni dub pas so/ /bag tsha ba dang mi ldan pas ni rgyud la dub pas so/ /kun tu mi zhum pa ni sems smad nas so//yang dag par mi zhum pa ni rgyud de dman pas phyir phyogs par mi byed pa ni kha phyir bltas par ro/ /bcom zhing phyir phyogs par mi byed pa ni yang phyir phyogs par mi byed pa'o/ /mi dngang ba ni skrag pa la nye bar phyogs pa'i phyir ro//kun tu mi skrag pa ni yang dag par mi skrag pas so/ /kun tu skrag pa dang mi ldan pa ni de de nyid kyis so/ /gal te zhes pa la sogs pa ni shin tu yang phan yon chen por gsungs pa ste/ rjes su 'dzin zhes pa ni khyad par skyed pa'o/ /dgongs pa ni dran pas so/ /ming ni 'du shes pa'o//rus ni drang srong la sogs pa'o/ /stobs ni lus kyi stobs dang rdzu 'phrul gyi stobs so/ /bsngags pa ni yongs su khyad par du 'phags pa'i yon tan no/ /gzugs ni kha dog dang dbyibs so/ /ched du brjod pa ni yon tan la dga' ba 'byung bas so/ /ched du brjod pa ni ched du brjod pa'o//chags pa thams cad ces pa ni thams cad la yang dag pa ma yin pa'i nye bar dmigs pa rnams so/ /rang bzhin shes rab kyi pha rol tu phyin pa dang khyad par med pa'i gnas skabs 'dod nas/ rab 'byor gyis gsol pa ni gang du bcom ldan 'das zhes pa la sogs pa ste/de bzhin nyid ni rnam par grol ba'o zhes pa ni de bzhin nyid ni stong pa nyid pas rnam par shes pa la sogs pa'i chos gang dang yang bral ba de nye bar dmigs par mi 'gyur la/ 'on gyi rigs pa ni de'i bdag nyid kyis te/ chos thams cad sgyu ma'i glang po la sogs pa rnams bzhin kun rdzob kyi ngo bo rnams ngo bo nyid med pa nyid dang ro gcig pa'i phyir la/kun tu sgro btags pa'i chos ni rnam pa thams cad du yang dmigs par mi 'gyur ba'o/ /de la gang gis 'di shes pa la sogs pa ni de bzhin nyid ni re zhig dmigs su med do zhes pa ste/ de la ngo bo nyid cung zad gzung du med pa'i phyir ro//gang zhig ces pa ni byang chub sems dpa' la/ med pa ni rnam par 'joms pa'o/ /brtsams pa ni dbang du byas pa'o/ /chos gsungs pa ni rigs par smra ba'o/ /chos kyi ni sangs rgyas kyi mya ngan las 'das pa'i'o/ /chos kyi rjes su ni rjes su mthun pa'i lam mo/ /chos thams cad dben pa ni dben pa ste stong pa nyid la de gnas pa ni ting nge 'dzin to//chos thams cad ni dmigs pa med pa ste de la gnas pa'i snying po la sogs pa'i le'u ste nyi shu rtsa bdun pa'o// //mthong ba'i lam la sogs pa'i shes rab kyi pha rol tu phyin pa la gnas pa ni nges par byang chub par thob pa por rigs pas des de la de ltar gyur pa'i rgyu gsum gyis dbang du byas nas bstan bcos las/byang chub gzhan la kun ston dang / /de yi rgyu ni yongs gtod dang / /de thob bar chad med pa'i rgyu/ /bsod nams mang po'i mtshan nyid do/ /zhes te des byang chub ni ji skad bshad pa na gnas pas thob pa ste/ de'i rjes la med na mi 'byung ba'i shes par byed pa'i gtan tshigs rnam pa gsum ste/ gzhan la yang dag par ston pa dang / byang chub tu lung bstan pa dang / 'byung ba rnams kyi byang chub kyi rgyur yongs su gtad pas bsod nams mang po'i zhes pa ste/ 'dir mod las de nas zhes pa la sogs pa ste/ me tog bkram pa zhes bya bar lung bstan pas gzhan du 'dir khyad par du 'phags pa'i 'jig rten gyi khams zhes pa mtshon te/'jig rten gyi khams rgyas par bshad nas/ tshe dang dam pa'i chos dag ni nges pa'i phyir ro/ /gnas par byed pa zhes pa ni rang bzhin des gnas pas byang chub thob pa ni rgyu dang po'o/ /gang la yang zhes pa la sogs pa ste/shes rab kyi pha rol tu phyin pa la spyod pa rnams kyi yon tan gsum po'o/ /gang yang 'di rnams la zhes pa la sogs pas ni/ gang 'di thos pa nyid na so sor spong bar mi byed pa de rnams kyi yon tan gsungs pa ni/ smod par mi byed pa ni yid kyis smod par ro/ /'gal bar mi byed pa ni yid kyis gtong bar ro//'khrug par ni de nyid la 'khrugs par ro/ /'jigs par mi byed pa ni sbas nas gzhag pa'o/ /spong bar mi byed pa ni snying po med pa nyid du bsgrags pas so/ /'gog par mi byed pa ni yang dag pa ma yin pa'i gnod pa'i tshig brjod pas so/ /de la dmigs pa ni bdun pa'o//yongs su gtad pa ni gnyer gtad pa'o/ /rjes su gtad pa ni de nyid rjes su 'brang ba can gyis te/ rjes su yongs su gtad pa'o/ /yi ge kun tu 'dus pa ni yi ge'i tshogs so/ /gal te zhes pa la sogs pa ni gleng bslang ba'o/ /de bas na zhes pa la sogs pas ni gtad pa gnyis pa'o//chud gzan par byas pa ni stor bar byas pa'o/ /myur du dran pa med pa ni btang ba'o/ /dran par ma nus pa ni phyir brjed pa'o/ /nyes pa ni nyes par byed par ro/ /bsnyen bkur byas pa dang kun tu dga' bar byas pa ni mgu ba'o/ /yun ni sa bon bskyed pa'i phyir ro//skyed par byed pa ni sa bon rgyas par byed pas so/ /'byin pa ni skyed par byed pa'i phyir ro/ /gzung bar bya zhes pa la sogs pa ni gleng bslang ba la/ de lta bas na zhes pa la sogs pa ni gtad pa gsum pa'o/ /shin tu rigs pa ni legs par bton pa'o/ /chos kyi sku zhes pa ni shes rab kyi pha rol tu phyin pa nyid chos kyi sku ste 'di dag la bsnyen bkur la sogs pa ste/sbyin par bya ba ni me tog la sogs pa'o/ /bstan par bya ba ni bstan pa la sogs pa la'o/ /dge bar bya ba ni bsod nams 'dod pas so/ /reg par gnas pa ni de nyid mngon sum du gyur pas so/ /yon tan dang ldan pa zhes pa ni dge ba la sogs pa rnams kyi'o//bskal pa'am/ de bas lhag pa ni gal te mang bar 'dod par gyur pa'o/ /gang yang zhes pa la sogs pas ni gleng bslang ba la/ de bas na zhes pa la sogs pas ni gtad pa bzhi pa ste/ lan bzhir zhes pas ni brjod par bya ba gnyis pa can du brjod la gsungs pa rnams ni gsungs pa thun mong du gcig tu byas pa'o//yongs su smin par bya ba dang / yongs su gtad par bya ba dang kun tu gtad pa dag ni don gcig go/ /de ltar rnam pa bzhir yongs su gtad par ni rgyu gnyis pa la/ kun dga' bo 'di dag ces pa la sogs pa ni gleng bslang ba la/ dus kyi mtha'i skad cig ma brgya nyi shu la de'i skad cig go//skad cig ma de drug cu la thang cig go/ /thang cig sum cu la yud tsam dang chu tshod dang dbyu gus de ltar bsod nams mang po skyed pa ni rgyu gsum pa'o/ /de nas zhes pa la sogs pa ste/ rgya mtsho lta bu ni rgya chen por 'gro ba'i phyir ro/ /zab mo nyid ni bsam gtan gyi phun sum tshogs pa'o//mi bskyod pa nyid ni shes rab phun sum tshogs pa'o/ /chags pa med pa zhes pa ni dmigs pa med pa nyid dam/ thogs pa med pa'i ye shes nyid do/ /tshad med pa ni rgya chen po'o/ /nyes pa zad pa ni dus kyi nyes pa zad pa'o/ /mtha' ni grangs nges pa'o/ /tshad chad pa ni tshad kyis yongs su bcad pa'o//gzhal du med pa'i phyir ni dmigs su med pas so/ /zad pa ni phri ba'o/ /yongs su zad pa ni dngos po'o/ /nam mkha' zad pa med pa'i phyir ro zhes pa ni dmigs pa med pa nam mkha' bzhin du zad pa med pa'i phyir ro/ /gang du thams cad ces pa ni chos thams cad skye ba med pa des na de rnams dmigs pa med pa'i mtshan nyid can bas shes rab kyi pha rol tu phyin pa yang nam mkha' bzhin du zad pa med do zhes pa'o//mngon par bsgrub par bya ba ni mngon sum du bya ba'o/ /gzugs la sogs pa rnams zad pa med pa nyid kyis zhes pa ni ma skyes pas so/ /de ltar zhes pa la sogs pa ste/mtha' gnyis ni skye ba dang 'jig pa'o/ /bar du skyes nas gnas pa'o/ /ma 'dres pa ni gzhan dag dang thun mong ma yin pa'o/ /chos cung zad kyang med ces pa ni phung po rnams kyis kun tu bsdus pa rnams so/ /ji ltar zhes pa ni rten cing 'brel par 'byung ba mthong bas so/ / rtag pa ni thog ma dang tha ma med pa'o/ /brtan pa ni gnas pa ste/ ma skyes shing rtag tu mi 'jig pa'i phyir ro/ /rtag pa ni tha ma med cing skyes nas yod pa'o/ /yongs su 'gyur ba med pa ni chos can snang ba dang mi snang ba'i ngo bos rnam par ldog pa med pa'i phyir ro/ /byed pa po dang tshor ba po nyid ces pa ni 'dzin pa po'i 'dzin pa med pa'i phyir ro//'di rnams kyis ni byang chub brjod do/ /'dir bstan bcos las/ /dri ma zad dang mi skye ba'i/ /ye shes byang chub ces brjod de/ /zad med skye med phyir de dag /go rims bzhin du shes par bya/ /zhes te dri ma ni nyon mongs pa rnam par rtog pa la/ zad pa ni shin tu med pa ste/ye shes ni zad pa shes pa'o/ /mi skye ba'i ye shes ni gtan du ba nyid kyis mi skye ba'i ye shes la/ byang chub kyi mtshan nyid ni gzhan mi srid pas 'di nyid mtshan nyid du gsungs la/ mthong ba'i lam gyis zad pa'i rnam par rtog pa rnams la zad pa dang mi skye ba rnam par mthong ba'i don to//de ltar yang bstan bcos las/ 'gag pa med pa'i rang bzhin la/ /mthong zhes bya ba'i lam gyis ni/ /rnam par rtog rigs ci zhig zad/ /skye med rnam pa ci zhig thob/ /ces te rnam par rtog pa rnams kyis rang bzhin gyi de bzhin nyid la gang la yang zad pa'am skye bar 'gyur ba med la/rigs nyid ni rigs te bye brag go/ /de la ni rnam par rtog pa skye ba cung zad med ces pa la sogs pa ste/ de ltar yang chos thams cad rang bzhin gyis ngo bo nyid med pa nyid do/ /de la bden par yod pa nyid 'dir med pas ci zhig zad la/ kun rdzob tu ni sgrib pa dang bcas pa'i rgyu zad cing yang skye ba med par nye bar bstan pa'o//gang zhig gis gzung ba dang 'dzin pa'i rnam pa med pa'i gnyis su med pa'o/ /rang rig don dam pa pa la yod ces pa mngon par zhen par byed pa dang / gang yang phung po lnga rnams don dam par yod ces pa de'i dbang du byas nas bstan bcos las/chos rnams yod ces bya ba dang / /shes bya la yang ston pa yi/ /sgrib pa zad par 'dod pa yi/ /ston pas gzhan du brjod pa gang / /'di la kho bos mtshar du brtsis/ /'di la bsal ba gang yang med/ /gzhag par bya ba cung zad med/ /yang dag nyid la yang dag lta//yang dag mthong ba rnam par grol/ /zhes te zhes bya ba dang sgra yis rnam par spyod pa'o/ /dngos po la mngon par zhen pa ma spangs pas kyang shes bya'i sgrib pa spong zhes pa ni ngo mtshar ba ste/ mi mthun pa'i phyogs dang gnyen po dag sbyor ba med pa'i phyir ro/ /'di la gzhag pa cung zad med pa ni chos rnams thams cad rang bzhin gyis med pa'i phyir ro//bsal bar bya ba cung zad med pa ni de rnams ngo bo nyid med pas stong pa nyid de thog ma dang tha ma med pa'i phyir ro/ /de rnams ngo bo nyid med pa nyid kyis ji lta ba'i yang dag pa la/ yang dag pa nyid kyis blta bar bya ste/ gang du yang dag pa mthong na nyon mongs pa dang /shes bya'i sgrib pa las rnam par grol bar 'gyur ba'o/ /de'i phyir na yang dag pa ma yin pa'i chos rnams mthong ba ni mi mthun pa'i phyogs so/ /de rnams ngo bo nyid med pa nyid du mthong ba ni gnyen po'o/ /de ltar na sgyu ma'i glang pos gzhan sgyu ma'i glang po las rgyal ba bzhin phyin ci log bzlog nas de kho na mthong ba can no//de lta bas na zhes pa la sogs pa ste/ byang chub dang de thob pa'i rgyu yang zhar la bshad la/ rang bzhin ni mthong ba'i lam gyi mthong bas spang bar bya ba'i rnam par rtog pa rnams spong la/ de'i phyir ni mthong ba'i dus kyi shes rab kyi pha rol tu phyin pa la zhes pa ni mthong ba'i lam gyi bdag nyid can la spyod par bya ba'o//shes rab kyi pha rol tu phyin pa la ni zhes pa la sogs pa ste/ pha rol tu phyin pa drug bsgom pas yongs su rdzogs par 'gyur zhes pa dang 'brel to/ /thams cad ces pa ni re re la tshogs pa rnams te/ bden pa re res kyang drug po yang dag par bsdus pas so zhes pa la dgongs pa'o//'dir pha rol tu phyin pa drug po nyid ni drug car mthong ba'i lam ste/ 'di'i mtshan nyid tsam bcom ldan 'das ma 'dir bshad la/ yum chen mo ni rgya chen pos thams cad bsdus pa ste/ 'dir bstan bcos las/ sbyin pa la sogs re res kyang / / gang zhig de rnams gcig bsdus pa/ /skad cig gcig pa'i bzod pa yis/ /bsdus pa de 'dir mthong ba'i lam/ /zhes te/ gcig nyid ni gcig cig ste/ don de'i sbyin pa la sogs pa drug po'i dngos po gcig cig la sbyin pa la sogs pa drug po rnams kyis te/ rang nyid las gzhan pa lnga po rnams kyis phan tshun gcig cig gis bsdus nas nye bar gnas pa ni 'dir rtse mo'i mngon par rtogs pa'i mthong ba'i lam gyi lam la chos shes pa'i bzod pas bsdus pa ni skad cig ma gcig ste/bcu drug rnams ma yin pa ste/ gang zhig yum bar ma las/ sbyin pa'i pha rol tu phyin pa la zhes pa nas ji srid du shes rab kyi pha rol tu phyin pa'i bar la gnas pa zhes pa la sogs pa gsungs so//de'i phyir na sdug bsngal la chos shes pa'i bzod pa'i bsdus pa po zhes smra ba'i seng ge bzang po la gnod pa chen po ste/ 'dir ni chos shes pa'i bzod pa'i gnas skabs kyi 'dod pa'i khams kyi nyon mongs pa'i bye brag gang zhig rnams ni ma yin te/de'i bag chags rnams kyang snga nas spangs pa'i phyir ro/ /rnam par rtog pa med pa'i gnas skabs 'dir ni thugs rje chen po la sogs pa'i mngon sum du gyur nas sems can gyi don yang dag par sgrub par byed pa'i mthong ba'i lam gyi rtogs par 'gyur ba ni seng ge rnam par bsgyings pa'i ting nge 'dzin la/bsgom pa'i lam du thod rgal gyi ting nge 'dzin te de dag brjod par 'dod nas gsungs pa ni/ thams cad kyang zhes pa la sogs pa ste/ thabs la mkhas pa zhes pa ni thabs la mkhas pa ste/ de la brten pa'i phyir thabs te seng ge'i rnam par bsgyings pa dang thod rgal gyi ting nge 'dzin no//mkhas pa'i rten cing 'brel par 'byung ba la lugs las 'byung ba dang lugs las bzlog pa las rnam par blta ba ste/ ma rig pa'i rkyen gyis 'du byed ces pa nas ji srid du skye ba'i rkyen gyis rga shi dang mya ngan dang sdug bsngal ba dang yid mi bde ba dang 'khrug pa rnams 'byung bar 'gyur zhes pa ni lugs las 'byung ba la/ma rig pa 'gags pas 'du byed 'gag ces pa nas ji srid du skye ba la sogs pa 'gag par 'gyur ba ni lugs las bzlog pa'o/ /de la bsam gtan dang po nas ji srid du 'gog pa'i snyoms par 'jug pa'i bar gyi dgu la lugs las 'byung bas snyoms par 'jug par 'gyur la/'gog pa'i snyoms par 'jug pa las langs nas 'du shes med min gyi skye mched nas ji srid du bsam gtan dang po dang dgu la lugs las bzlog pas snyoms par 'jug pa zhes pa ni seng ge rnam par bsgyings pa'i ting nge 'dzin la/thod rgal gyi ting nge 'dzin ni bsam gtan dang po la snyoms par zhugs nas gnyis pa dang gsum pa dang bzhi pa dang nam mkha' mtha' yas skye mched dang / rnam shes mtha' yas skye mched dang / ci yang med pa'i skye mched dang / 'du shes med 'du shes med min skye mched dang /'gog pa'i snyoms par 'jug pa'o/ /de las langs nas bsam gtan dang po la/ de las langs nas 'gog pa'i snyoms par 'jug pa dang / bsam gtan gnyis pa dang / 'gog pa la dang / bsam gtan gsum pa dang / 'gog pa la dang / bsam gtan bzhi pa dang /'gog pa la dang / nam mkha' mtha' yas skye mched dang / 'gog pa la dang / rnam shes mtha' yas skye mched dang / 'gog pa la dang / ci yang med pa'i skye mched dang / 'gog pa la dang / 'du shes med 'du shes med min skye mched dang / 'gog pa la'o/ /de las langs nas mnyam par ma bzhag pa'i sems la'o//de las 'gog pa las snyoms par 'jug go/ /de las langs nas mnyam par ma bzhag pa'i sems la gnas so/ /de las langs nas 'du shes med min gyi skye mched la'o/ /de las mnyam par ma bzhag pa la'o/ /de nas cung zad med pa'i skye mched la'o//de las mnyam par ma bzhag pa la'o/ /de las langs nas rnam shes mtha' yas skye mched la'o/ /de las mnyam par ma bzhag pa la'o/ /de las nam mkha' mtha' yas skye mched la'o/ /de las mnyam par ma bzhag pa la'o/ /de las bsam gtan bzhi pa la'o//de las mnyam par ma bzhag pa la'o/ /de las bsam gtan gsum la'o/ /de las mnyam par ma bzhag pa la'o/ /de las bsam gtan gnyis pa la'o/ /de las mnyam par ma bzhag pa la'o/ /de las bsam gtan dang po la'o/ /de las mnyam par ma bzhag pa la'o//de la dang po nas 'gro ba nas gnas rgyu la gnyis pa la bcu bdun 'ong ba la bco brgyad de/ 'phags pa'i dgongs pa 'di las gzhan du seng ge bzang pos rnam par gzhag pa ni rigs pa ma yin te/ de la bstan bcos las/ de nas seng ge rnam bsgyings pa'i/ /ting nge 'dzin la snyoms zhugs nas//rten cing 'brel 'byung lugs mthun dang / /lugs mi mthun la rtog par byed/ /'gog dang bcas pa'i snyoms 'jug dgur/ /rnam pa gnyis su song 'ongs nas/ /'dod par gtogs pa'i rnam par shes/ /mnyam gzhag min pa'i mtshams bzung nas/ / thod rgal du ni snyoms 'jug pas/ /gcig dang gnyis gsum bzhi dang lnga/ /drug dang bdun dang brgyad brgal nas/ /'gog pa'i bar du mi mnyam 'gro/ /zhes te/ dang po nas 'gog pa'i snyoms par 'jug pa dgu la rim gyis song nas/ yang gcig la sogs par rim pa las bzlog nas 'gog pa dang bcas par byas shing /cig shos brgyad po la bgrod pa ste/ rnam pa gnyis kyis 'gro ba'o/ /de rjes la 'dod pa ni kun tu spyod pa'i mnyam par ma bzhag pa'i mtshams su bgrod byar byas nas 'ong bar byed pa ni mi 'dra bar 'gro zhes pa ste/ mnyam par ma bzhag pa las mnyam par bzhag la/mnyam par bzhag pa las yang mnyam par ma bzhag pas so zhes pa'i don to/ /thod rgal gyi snyoms par 'jug pa'i ting nge 'dzin gyi ji ltar na mnyam par ma bzhag pa'i sems snyoms par 'jug pa na snyoms par 'jug pa las 'phos pas nye bar brtag pa'i zhes pas 'gal ba med do//gang yang byang chub sems dpa' bsam gtan dang gzugs med pa la snyoms par 'jug par 'gyur ba ni de la mngon par dga' ba'i gnas ma yin pas de'i kun nas nyon mongs par 'gyur ba med pa'i phyir la/ cung zhig bsam gtan gyi bde bas nga rgyal ba'i sems can gyi dbang du byed la/gzugs med par ni thar par mngon par rlom pa can gyi'o zhes pa ni rtse mo'i mngon par rtogs pa'i bsgom pa'i lam mo/ /de yongs su rdzogs par 'gyur ba ni gal te bsgom pas spang bar bya ba'i rnam par rtog pa dgu tshan bzhi zad par 'gyur ba ste/de rnams kyi gnyen po yum chen mo las gsungs pa ni/ 'dir shugs kyis rtogs par 'gyur la/ der gsungs pa mdor bsdus nas bshad par bya ste/ de la thog ma'i rnam par rtog pa dgu po'i dbang du byas nas bstan bcos las/ mdor bsdus rgyas dang sangs rgyas kyis//bstang bas yongs su ma bzung ba/ /dus gsum yon tan med pa dang / /legs pa'i lam ni rnam gsum la/ /gzung ba'i rnam rtog 'di gcig ste/ /sbyor ba'i rnam pa'i spyod yul can/ /zhes te shes rab kyi pha rol tu phyin pa sbyor ba'i khyad par can gyi yul du rnam par rtog pa ni kun tu rmongs pa'o//rgyas zhes gsungs pa ni thog ma'i shes bya la 'jug pa'i ngor yin pas gzhan du gsungs pa ni rgya chen po ni rgya che la rmongs pa'i rnam par rtog pa ste/ de'i gnyen por ni byang chub sems dpa' mang po la bslab par mi bya ba ste/ sbyin pa la sogs pa nas ji srid du stobs la sogs pa rnams la'o zhes pa'o//mdor bsdus pa la rmongs pa ni mdor bsdus pa'i rnam par rtog pa ste/ de'i gnyen por ni gang la yang bslab par bya ba med ces pa ste/ mang po rnams kyang de rnam rtog /stong pa nyid dang ro gcig pa'i phyir ngo bo nyid gcig pa nyid do/ /rdzogs sangs rgyas rnams kyis bstan pa ni gang yongs su ma bzung ba la de med pa ni rnam par rtog pa ste/de'i gnyen po ni gang shes rab kyi pha rol tu phyin pa la slob pa nyid kyis sbyin pa'i pha rol tu phyin pa nas ji srid du rnam pa thams cad mkhyen pa nyid rjes su thob par 'gyur la/ des 'di ltar shes par bya ste/ phyogs bcu'i sangs rgyas thams cad kyis bstang bas bdag yongs su ma bzung ba ste/rang gi yum la de rnams kyis bka' drin gzo bar byed do zhes pa'o/ /yon tan ni bsngags pa la/ de med pa ni sbyor ba dang mthong ba dang bsgom pa'i dus su gyur pa'i phyir te/ dus gsum pa can gyi de'i rnam par rtog pa gsum ste/de rnams kyi gnyen po ni rjes su bsngags pa med pa rjes su gsungs pa'o zhes pa'o/ /de'i rjes su bsngags pa ni shes rab kyi pha rol tu phyin pa la spyod pa la dang / sbyor ba dang mngon par sgrub pa dang / sgom par byed ces pas go rims bzhin du legs pa'i lam ste/ mya ngan las 'das pa'i lam la sbyor ba la sogs pa'i dbye bas phye ba rnam pa gsum gyi rnam par rtog pa la/de rnams kyi gnyen po ni go rims bzhin du gzugs dang tshor ba la sogs pa zhi ba dang / dbang du gyur pa dang stong zhing snying po med pas de rnams la spyad par bya ba dang / nam mkha' stong pa nyid du mngon par bsgrub pas mngon par bsgrub par bya ba dang /nam mkha' stong pa nyid du bsgom pas bsgom par bya'o zhes pa'o/ /gnyis pa'i dbang du byas nas bstan bcos las/ gnyis pa sems dang sems byung rnams/ /'jug pa'i yul can yin bzhed de/ /sems mi skyed dang byang chub kyi//snying po yid la mi byed dang / /theg pa dman pa yid byed dang / /rdzogs pa'i byang chub yid mi byed/ /bsgom dang bsgom pa med pa dang / /de dag las ni bzlog nyid dang / /ji bzhin don min rnam rtog pa/ /bsgom pa'i lam las shes par bya/ /zhes te ji tsam du spyod pas 'dir yun ring du spyod par 'gyur ba yin zhes pa'i 'dri ba ni byang chub sems dpa' mi skye ba'i rnam par rtog pa la/lam ni sems dang po bskyed pa nas bzung ba nyid ces pa'o/ /ji srid du byang chub snying po'i bar du yid la byed ces pa ni 'di'i mi mthun pa'i phyogs te/ ji ltar 'dir spyod par bya/ mngon par bsgrub par bya/ bsgom par bya zhes pa ni byang chub snying po'i bar du yid la byed pa ste rnam par rtog pa'o/ /theg pa dman pa yid la byed pa rnams kyi go skabs mi 'byed do zhes pa ni gnyen po la theg pa dman pa dag yid la byed pa ni rnam par rtog pa rnam pa thams cad mkhyen pa nyid yid la byed pa rab tu rnam par mi 'jog pa nyid kyis 'dir spyod pa de ltar spyad par bya ste/ji ltar sems dang sems las byung ba mi 'jug par bya'o zhes pa ni gnyen po'o/ /de ltar na ni rnam par mi 'jug pa nyid do zhes pa ni rdzogs pa'i byang chub yid la mi byed pa'i rnam par rtog pa'o//ji ltar bsgoms pas rnam pa thams cad mkhyen pa nyid rjes su thob par 'gyur zhes pa ni bsgom pa'i rnam par rtog pa'o/ /min zhes pa ni gnyen po de ci dmigs pa med pas na ni de ltar na ni dngos po med pa de thob par 'gyur bas zhes pa ni bsgom pa med pa'i rnam par rtog pa'o/ /de ltar dmigs pa med pa dang dmigs pa med pa ma yin pa dag gis bsgoms pas kyang ma yin la ma bsgoms pas kyang thob par 'gyur ba min zhes pa ni bsgoms pas ma yin pa la sgom pa med pas kyang ma yin pa'i rnam par rtog pa la/de dag gis ma yin zhes pa ni gnyen po'o/ /de ji ltar na des rjes su thob par 'gyur na/de bzhin nyid dang yang dag pa'i mtha' dang chos kyi dbyings kyis so zhes pa ni/ gnyen po la gang gis gzhan du thob par rlom zhing de phyin ci log la mngon par zhen pa ni ji bzhin don min pa'i rnam par rtog pa'o/ /rnam par rtog pa dgu tshan gsum pa'i dbang du byas nas bstan bcos las/sems can btags pa'i spyod yul dang / /chos btags pa dang stong min nyid/ /chags dang rab 'byed bdag nyid dang / /dngos por byed dang theg par ni/ /gsum du de ltar bsgrags pa dang / /yon ni dag pa ma yin dang / /spyod pa rnam par 'khrugs pa la/ / 'dzin pa dang por shes par bya/ /zhes te sems can nye bar mi dmigs pas gdags par mi bya'o zhes pa ni 'di'i mi mthun pa'i phyogs ni rjes su yod pa'i sems can du gdags par bya'o zhes pa ste sems can du btags pa'i rnam par rtog pa'o/ /gzugs la sogs pa nas ji srid du rnam pa thams cad mkhyen pa nyid kyi bar la bslab par bya'o zhes pa ni chos su btags pa'i rnam par rtog pa la/rang gi mtshan nyid kyis stong pas chos thams cad la nye bar dmigs pa bkag nas mngon par 'du mi byed pas bslab par bya'o zhes pa ni gnyen po'o/ /rang gi mtshan nyid kyis stong pas chos thams cad 'jig pa'o zhes pa ni/'di mi mthun pa'i phyogs la chos thams cad rang gi mtshan nyid kyis stong pa ma yin zhes pa ni stong pa nyid ma yin pa'i rnam par rtog pa'o/ /chos rnams dang chos rnams la dmigs pa dag la 'dir spyod pa de yang mi dmigs pa'i dmigs pa med pa'o ni shes rab kyi pha rol tu phyin pa la/'di'i mi mthun pa'i phyogs ni chos rnams nye bar dmigs pas chos rnams nye bar mi dmigs pa'o zhes pa ni/ chags pa'i bdag nyid can gyi chags pa'i rnam par rtog pa'o/ /chos rnams la rab tu rnam par 'byed par bya ste/ de yang ngo bo nyid dmigs pa med pa'i sbyor bas te/'di'i mi mthun pa'i phyogs ni ngo bo nyid nye bar dmigs pas 'di'i gzugs so zhes pa nas/ ji srid du 'di ni rnam pa thams cad mkhyen pa'i bar ro zhes pa ni rab tu 'byed pa'i bdag nyid kyi rnam par rtog pa'o/ /dngos po med pa byas la de la 'dir spyad par bya ste/ gang du chos thams cad ni ma byas pa rnam par ma byas pa mngon par 'du ma byas pa ni gnyen po la/ 'di'i mi mthun pa'i phyogs ni gzugs la sogs pa'i dngos por byas nas/ bcom ldan 'das ma la spyod ces pa ni dngos po'i ched du byed pa'i rnam par rtog pa'o/ / gal te yang chos thams cad ma byas pa de ltar na yang / ji ltar de bzhin gshegs pa'i sprul pas mngon par byang chub nas theg pa gsum rnams kyi chos kyi 'khor lo bskor la/ 'jig rten gyi tha snyad kyi sems can yongs su smin par byed pa ste/ don dam par ni de ltar de bzhin gshegs pa yang yod pa ma yin la zhes pa ni gnyen po'i lam mi mthun pa'i phyogs ni theg pa gsum ni don dam par rnam par gzhag pa'o zhes pa ni/theg pa gsum gyi rnam par rtog pa'o/ /de bzhin gshegs pa rab tu gnas pa nyid la yon ni mya ngan las 'das kyang mi zad pa ste/de ltar sprul pa la yang ste/ gang zhig chos nyid de bzhin gshegs pa'i de nyid sprul pa'i yang ste/ 'di'i mi mthun pa'i phyogs ni gal te de bzhin gshegs pa sprul pa lta bu ni ji ltar de'i yon dag par 'gyur zhes pa ni yon yongs su dag pa ma yin pa'i phyir rnam par rtog pa'o//spyod pa ni sbyin pa'i pha rol tu phyin pa la sogs pa'i chos nyid la 'jug pa la/ de'i rnam par 'khrug pa ni chos nyid las 'byed pa ste/ 'di'i gnyen po ni bcom ldan 'das kyis sprul pa'i chos bstan pa de rnams kyi ngo bo nyid rnams rnam par 'khrug par ni mi byed do zhes pa ni spyod pa rnam par 'khrug pa'i rnam par rtog pa'o//rnam par rtog pa dgu tshan bzhi pa'i dbang du byas nas bstan bcos las/ sems can btags dang de rgyu ba'i/ /yul can bsgom pa'i lam 'brel pa/ /de la gnod pa byed pa yi/ /mi mthun phyogs gzhan rnam pa dgu//thams cad mkhyen nyid gsum dag gis/ /bdag nyid ji bzhin sgrib rnam gsum/ /zhi lam de bzhin nyid sogs dang / /mtshungs par ldan dang mi ldan dang / /mi mnyam sdug bsngal la sogs dang / /gnyis su med la kun rmongs pa/ /rnam par rtog pa tha mar bzhed//ces te sems can du btags pa dang / sangs rgyas dang byang chub sems dpa' la sogs par btags pa dang / de'i rgyu'i rnam pa thams cad mkhyen pa la sogs pa'i bsgom pa'i lam gyi yul dag la mi mthun pa'i phyogs rnam pa gsum gyi sgrib pa ni gsum du kun tu rmongs pa'i rnam par rtog pa'o//rnam pa thams cad kyis chos rnams rjes su rtogs pa 'dis na de bzhin gshegs pa ni rnam pa thams cad mkhyen pa nyid do zhes pa ni rnam pa thams cad mkhyen pa nyid la kun tu rmongs pa'i rnam par rtog pa'o/ /nyan thos dang rang sangs rgyas dang byang chub sems dpa'i lam rnams byang chub sems dpas rdzogs par bya zhing de rnams kyi lam gyi bya ba yang bya la/yang dag pa'i mtha' ni mngon sum du mi byed pa des na lam shes pa ni byang chub sems dpa'i lam shes pa'o zhes brjod pa ni lam shes pa la kun tu rmongs pa'o/ /gang zhig phyi dang nang gi chos 'di rnams thams cad ni des kyang shes la lam thams cad dang rnam pa thams cad kyis ni ma yin te/des na nyan thos dang rang sangs rgyas kyi ni thams cad shes pa nyid ces brjod do zhes pa ni thams cad shes pa la kun tu rmongs pa'o/ /gang la gnas nas zhi ba mngon sum du byed pa de ni zhi ba'i lam mo zhes bya ba ni zhi ba la kun du rmongs pa la/gang la yang mi gnas pa nyid kyi yang dag pa'i mtha' mngon sum du mi bya'o zhes pa ni gnyen po'o/ /'di nyid kyis na shes rab kyi pha rol tu phyin pa nyid bzhin du zhi ba la gang du yang mi gnas pa nyid ces brjod do zhes pa ni lam la kun tu rmongs pa'i rnam par rtog pa'o/ /'di ni de bzhin nyid dang ldan pa dang mi ldan pa ma yin te/de ltar yang 'di ni ngo bo nyid med pa bstan du med la thogs pa med pa'i mtshan nyid gcig pa ste/ 'di lta ste/ mtshan nyid med pa'i phyir la zhes pa 'di'i mi mthun pa'i phyogs ni de bzhin nyid la sogs pa dang mtshungs par ldan pa dang mi ldan pa'i shes rab kyi pha rol tu phyin pa'o zhes pa ni de bzhin nyid la sogs pa dang mtshungs par ldan pa dang mi ldan pa'i rnam pa ste/shes rab kyi pha rol tu phyin pa ni lam gzhan dang mnyam pa nyid ni 'di'i gnyen po la/ bdud dang mu stegs dang theg pa gzhan gang gis kyang sgrib par mi nus te/ de'i phyir thun mong ma yin no zhes pa ni mi mnyam pa nyid la kun tu rmongs pa'i rtog pa'o//spyod pa 'dis sdug bsngal ba dang kun 'byung ba dang 'gog pa dang lam la sogs pa'i don du spyad par bya'o zhes pa ni 'di mi mthun pa'i phyogs te spyad par mi bya'o zhes pa ni sdug bsngal la sogs pa kun tu rmongs pa'i rnam par rtog pa'o//'dod chags la sogs pa'i don dang ldan pa ma yin te/ de dag gi rang bzhin ni de bzhin nyid de 'dod chags la sogs pa rnams la de bzhin nyid kyis gang du yang phan pa'am gnod pa byed pa ma yin no zhes pa ni de la kun tu rmongs pa'i rnam par rtog pa'o/ /ji ltar gnyis su med pa dang gnyis su med pa ma yin pa'i chos nye bar dmigs te/de ltar na gnyis su med pa dang gnyis su med pa'i chos kyi rjes su thob par 'gyur ro zhes pa ni 'di'i gnyen po la gnyis dang gnyis ma yin pa gnyis/ de med pa ni kun tu rmongs pa'i rnam par rtog pa'o/ /'o na rnam pa 'di lta bu'i rnam par rtog pa rnams snga nas spangs pas ji ltar na 'dir rtogs pa rab kyi mthar phyin pa'i gnas skabs su spong bar bstan par 'gyur zhe na/skyon med de de dag gi phyir phra ba gting ring por zhugs pa'i mngon par shes pa chen po'i gegs byed pa po'i kun tu rmongs pa'i sa bon ni bcu pa la rab tu spong bar 'gyur zhes dgongs pa nges par 'grel pa la sogs pa'i mdo las gsungs pas so//yang dgongs pa nges par 'grel pa las drug pa dang bdun pa nas bzung ste/ nyon mongs pa mngon du rgyu stobs chung nas bag la nyal la sa brgyad pa la ni bag la nyal las nyon mongs pa'i mngon du rgyu ni shes bya'i sgrib pa la kun tu gnas pa tsam nyid nas nye bar bzung ste zhes pa dang /gzhung 'grel las kyang sa brgyad pa rnams kyi byang chub sems dpa' la ni nyon mongs pa'i mngon du rgyu ni shin tu phra ba yang med do zhes pa ste/ de lta bas na thog ma med pa can gyi dngos po med pa mngon par zhen pa'i ngo bo'i ma rig pa ni de dang 'gal ba'i ngo bo nyid pa'i shes pas spong zhing de'i kun nas ldang ba'i gzung ba'i rnam par rtog pa la sogs pa yang spong bar 'gyur ro//de ci'i phyir na ma rig pa dang dngos su 'gal ba'i byang chub kyi sems ni de ltar byang chub sems dpa' rnams kyis nges par bsgom par bya ba bstan to//kha cig gis yang de ltar bshad pa'i rnam par gzhag pa las gzhan du so sor sgrub par byed/ rnam pa kun mngon par rdzogs par rtogs pa'i mtshan nyid kyi sbyor ba'i 'dun pa nas kyi sems bskyed pa bcu dgu po rnams la/ sems bskyed pa re re zhing sbyor ba rab kyi mthar phyin pa'i gnas skabs ni rtse mo'i mngon par rtogs pa las/sbyor ba'i go rims kyis gnas skabs nyid ni mthar gyis pa'i mngon par rtogs pa'o/ /nyi shu pa ni sbyor ba rab kyi mthar phyin pa dang go rims rnams kyi mthar thug pa'i gnas skabs te/ skad cig ma gcig la mngon par byang chub pa'o//rtse mo'i mngon par rtogs pa'i khyad par gyis lam gyi rtags dang / rnam par 'phel ba dang / brtan pa dang / sems kun tu gnas pa ni go rims ji lta ba bzhin du drod dang / rtse mo dang / bzod pa dang chos kyi mchog gi ngo bo rnams dang / rab tu dga' ba'i sa'i mthong ba'i lam gyi sdug bsngal la chos shes pa'i bzod pa'i mtshan nyid kyi skad cig ma gcig la rnam par rtog pa bzhi'i mngon par rgyu rab tu spong ba'i ngo bor ldog pas rab tu phye ba'i rnam pa bzhi ste skad cig ma gcig pa 'di nyid kyis 'dod pa'i khams kyi de ltar sdug bsngal gyi mthong bas spang bar bya ba'i rnam par rtog pa rnams kyi rab tu spong bar 'gyur la/khams gong ma gnyis ni ci rigs par skad cig ma gzhan rnams kyis te zhes pa mngon par rtogs pa gzhan du bshad de/ de lta na ni skad cig ma dang por yang bshad la/ ci'i phyir yang 'dir bshad ce na dang po la de kho na nyid mthong yang sbyin pa la sogs pa rnams phan tshun med cing shin tu bsdu ba bsgrub par 'dod pas na 'di'i don med pa ma yin no//'o na rnam pa thams cad mkhyen pa nyid kyi skabs su rnam par rtog pa bzhi po ji ltar bstan pa de ltar mthong ba'i lam gyi skad cig ma gcig gi spang byar rnam par rtog pa rnams ci'i phyir ma bstan zhe na/de dang der 'dul bar bya ba rtogs par 'dod pa med pas zhes pa ste rgya cher spong ba'i dgos pa med de/ bsgom pa'i lam du ni rtogs pa'i bye brag brgyad cu rtsa gcig ste/ de la dri ma med pa la sogs pa'i bye brag drug gis rnam par rtog pa bzhi'i mngon du gyur pas spong bar 'gyur zhes pa ste/de rnams kyang ldog pa'i dbye bas rnam pa bzhi la/ mi g.yo ba la sogs pa'i bye brag rnams kyis ni rnam par rtog pa brgyad rnams dang gzhan yang bag chags kyis de ltar lhag ma rnams spong bar 'gyur zhing / bye brag brgyad cu pa ni bar chad med pa'i ting nge 'dzin te/ rdo rje lta bu dang bar chad med pa'i lam mo//bye brag gi brgyad cu rtsa gcig pa ni bsgoms pas bgrod par bya ba'i lam ste/ de ltar bsgom pa'i lam dang rnam par grol ba'i lam dang / rnam par smin pa dang chos kyi skur rnam par gzhag go/ /mngon par rtogs pa gzhan gyi bshad pa'i rnam par gzhag pa ni 'dir ji ltar rig par shes par bya'o//'dir bshad pa'i dang po'i gnas skabs su gnas pa rnams ni 'phags pa rnam par grol ba'i sde'i dgos pa ma yin te/ gang yang tshu rol pa yis rnam par gzhag pa ste/ de ltar yang des bshad de/ bzhi pa'i rtse mo mngon par rtogs pa'i rnam par 'phel ba ni rnam par rtog pa med pa ste/shes rab kyi pha rol tu phyin pa'o zhes pa dang rtogs pas na ji ltar na sems can gyi don yongs su mi gtong zhe na/ de ltar yang dag par rtogs pa'i gnas skabs kyi byang chub sems dpa'i mya ngan las 'da' bar ltung ba bzlog pa'i don du thugs rje chen pos mngon du byed pa la dgongs pas so zhes pa dang /ji ltar srid pa'i rnam par rtog pa bzhi dang / gnyen po dag ni mthong ba dang bsgom pa'i lam dag gi rnam pa bzhi rtogs pa por rnam par bshad pas kyang de rnam pa bzhir bshad pa'o zhes pa ni gcig cig gi zhes pa la sogs pas na sgrib pa dang bral ba ste/'dir mthong ba'i lam gyis bzod pa skyes pas 'dod pa dang gzugs dang gzugs med pas bsdus par skyes pa'i nyon mongs pa brgya rtsa brgyad mthong ba'i lam gyis spang bar bya ba rnam par rtog pas yang dag par bsdus pa rab tu spong bar 'gyur ro zhes pa ni 'dod pa la sogs pas bsdus pa'i brgya rtsa brgyad po gang 'jig rten pa'i nges par 'byed pa'i cha dang mthun pa'i kun tu sbyor ba can de'i 'dir ji ltar rigs par spong bar 'gyur zhes pa la dgongs pa ste/rnam par bshad pa 'di'i rgyas par ni rtse mo'i mngon par rtogs pa la sogs pa la/ gzhan gyis rnam par bshad pa la chos shes pa'i bzod pas ni 'dod par gtogs pa'i spong ba la/rjes su shes pa'i bzod pas ni khams gong ma'i 'o zhes pas ji ltar na gcig gis brgya rtsa brgyad spong ste zhog cig /skabs su bab pa brjod pa ni rtse mo'i mngon par rtogs zhes pa 'di'i rnam par 'phel ba'i gnas skabs su ni rgyun gyis rnam par rtog pa med pa'o zhes mngon par 'dod pa ste gzhan du ni ci zhig 'dis sa thams cad du yang rnam par rtog pa med pa'o//de ltar gyur pas rnam par rtog pa'i rtogs pa ni 'jig rten pa'i bzod pa'i gnas skabs su ni rnam pa thams cad du mi srid do/ /de'i phyir mya ngan las 'das pa ltung ba ni dogs pa yang med la/kun mkhyen pa gsum gyi chos rnams kyi bla na med pa yongs su rdzogs pa ma yin no/ /ji ltar yang skad cig ma gcig gi mthong ba'i lam la rtogs pa po rnam pa bzhi rnams gang gis de'i gnyen po rnam pa bzhi par 'gyur te/ chos shes pa'i bzod pas ni gzugs dang gzugs med pa'i khams kyi nyon mongs pa la yang med la/de yongs su sgrub pa'i mngon par rtogs pas gzhan du byas nas rnam par gzhag pa 'gal bar 'gyur te/ gang du lam la rjes su shes pa'i skad cig ma nyid ni 'dir mthong ba'i lam ste/ chos shes pa'i bzod pa'i skad cig rnams kyis ni 'dod pa'i khams kyi nyon mongs pa spong ba la ltos par khams gsum pa'i rnam par rtog pa spong ba'i tshig ni rigs so zhes gsungs la/de'i sun 'byin pa ni snga nas kyang brjod zin to/ /'dir kha cig gi 'dod pas bsgom pa'i lam la rtogs pa'i bye brag dgu nyid de de la chung ngu'i chung ngu'i bye brag rtogs par 'dod pa'i khams la sogs pa'i sa dgu po rnams kyi nyon mongs pa'i bye brag chen po dgu lan cig gis spong bar 'gyur te/ji srid du rtogs pa chen po'i chen pos nyon mongs pa'i bye brag chung ngu'i chung ngu la sogs pa dgu spong bar 'gyur te/ de ltar rtogs pa'i bye brag dgu po rnams kyi sa dgu'i nyon mongs pa'i bye brag brgyad cu rtsa gcig spong bar 'gyur ro zhes pa de ni rigs pa ma yin te/de ltar na khams gsum du gyur pa'i bag chags dang bcas pa'i nyon mongs pa'i bye brag ma lus pas spangs pa'i rtogs pa'i bye brag dgu po de ltar chos kyi skur 'gyur bas byang chub sems dpa'i sa bcur mi 'gyur te/sems bskyed pa bco lnga la sogs pa rnams las med par 'gyur ro/ /bsgom pa'i lam gyi rtogs pa'i bye brag dgu pa la/ byang chub sems dpa' phyir mi 'ong bar bsgrubs pas gnod par 'gyur zhing / dgra bcom pa'i 'bras bu la gnas pa'i rnam par gzhag pa med par 'gyur la/de las gzhan pa'i gang zag la sogs pa'i rnam par gzhag pa 'jig par 'gyur ro zhes pas na/ sngon bshad pas rnam par gzhag pas rnam par gzhag ste rnam pa de lta bu'i brjod pa la dga' ba la dogs pa med do//de ltar gzugs la sogs pa'i rnam par rtog pa'i bdag nyid can rnams kyi sa la/ yams nad 'di dag zad nas ni/ /yun rings lon nas dbugs phyin ltar/ /rnam pa kun tu 'gro ba yi/ /bde bsgrub yon tan phun tshogs kun/ /rgya mtsho che la chu bo bzhin/ /'bras bu mchog gis spa ba yi//sems dpa' chen po de la ni/ /rnam pa kun tu sten par byed/ /ces pa bstan bcos las/ rang bzhin gyis grub pa'i yon tan 'ba' zhig bgrod pa'i skyon med pa'i phung po ste/ yun ring por skyon zad par rab tu rten pa bzhin du bsten nas skyon thams cad spangs pa ni spang ba'o//chu bo ni tshogs so/ /de'i zhes pa la sogs pa ni phan yon no/ /'dir zhes pa ni bsgom pa'i lam gyi bye brag gi tha ma ste/ bye brag de gong ma ni rdo rje lta bu dang / bar chad med pa'i lam ste/ ji srid du bar chad med pa'i ting nge 'dzin nas sangs rgyas nyid kyi rtogs pa'i bar du rnam par gzhag pa ste/de'i dbang du byas nas bstan bcos las/ stong gsum skye bo nyan thos dang / /bse ru rtogs pa phun tshogs dang / /byang chub sems dpa' skyon med la/ /bkod pa'i dge rnams dper mdzad nas/ /bsod nams mang po nyid kyis kyang / /sangs rgyas nyid thob bar med de//bar chad med pa'i ting nge 'dzin/ /de ni rnam pa kun mkhyen nyid/ /ces te bar chad med pa ni gang du sangs rgyas nyid thob pa la bar chad med de/ bar ma chod pa'i dgu'o/ /bsod nams mang po nyid ni yum chen mor gsungs la 'dir ni dmigs pa can gyi byang chub sems dpa' gang zhig bsod nams byin pa bas/ting nge 'dzin gyi se gol dang yud tsam du yang snyoms par 'jug par byed pa bsod nams mang po nyid kyis te/ tshig le'ur byas par ni kyang gis brjod do/ /don kun tu bsdus pa'i phyir 'di nyid gsungs la/ de zhes pa ni sangs rgyas nyid de rnam pa thams cad mkhyen pa'i mtshan nyid do//'di yi dmigs pa dngos med de/ /bdag po dran pa yin par bzhed/ /rnam pa zhi nyid 'di la ni/ /rab tu smra rnams brgyud mar rgol/ /zhes bstan bcos las te/ 'di rnams ni rnam pa thams cad mkhyen pa nyid rnams so/ /dmigs pa dngos med ni chos rnams thams cad la ngo bo nyid med pa'i stong pa nyid do//dran pa ni bdag po'i rkyen la/ rnam pa zhi ba nyid ni rnam par rtog pa thams cad nub pa'i rang bzhin no/ /'di la ni thams cad mkhyen pa nyid la'o/ /rab tu smra rnams brgyud mar rgol ba ni rab tu 'phrog par byed pa'i phyir chod pa ste/ 'di la gsungs pa ni/ thabs la mkhas pa thams cad yongs su bzung bar 'dod pas zhes pa la sogs pa ste/ thabs las 'byung bas thabs te rnam pa thams cad mkhyen pa nyid la/ de'i mkhas pa ni log par bsgrubs pa rnams sel bas so/ /shes rab kyi pha rol tu phyin pa la zhes pa ni bar chad med pa'i ting nge 'dzin gyi mtshan nyid la'o//spyod par bya ba ni sbyor ba dang mngon par sgrub pas so/ /mngon par bsgrubs nas bsgom par bya'o/ /bsgoms pa rnams la de'i rjes la rnam pa thams cad mkhyen pa nyid thob pas log par bsgrubs pa rnams thams cad zad pas so zhes pa la dgongs pa'o/ / mngon par sgrub par byed pa ni mngon par 'du byed pa'o/ /mngon par bsgrub par bya ba ni klong du 'gyur bar bya ba'o/ /gang gis zhes pa ste gang gis ni mtshams so/ /skal ba med pa zhes pa la sogs pas ni de bzhin gshegs pas dgongs pa'i phan yon gsungs kyi/ bar chad med pa'i ting nge 'dzin la snyoms par zhugs pa'i ni ma yin te/de la ni ngan 'gro 'am bde 'gro med de bar chad med par byang chub thob ste lhag ma ni go sla'o/ /log par bsgrubs pa'i dbang du byas nas bstan bcos las/ dmigs pa 'thad dang de yi ni/ /ngo bo nyid nges gzung ba dang / /rnam kun mkhyen pa'i tshul dang ni//dam pa'i don dang kun rdzob dang / /sbyor dang dkon mchog gsum po dang / /thabs bcas thub pa'i rtogs pa dang / /phyin ci log ni lam bcas dang / /gnyen po mi mthun phyogs dag dang / /mtshan nyid dang ni bsgom pa la/ /'dod pa rnams kyis log rtog pa/ /rnam pa kun mkhyen nyid rten can//rnam pa bcu drug smra rnams kyis/ /zhes te ji ltar bcu drug na gang du bcu drug po de rnams ni rang gi don du ste/ dmigs pa 'thad pa la sogs pa rnams so/ /ji ltar na rnam pa thams cad mkhyen pa nyid la brten zhe na/ dmigs pa la sogs pa 'di rnams kyis yul te/yul gyi 'brel pas rnam pa thams cad mkhyen pa'i yul nyid du nye bar brtags pa ni log par sgrub pa ste/ phal che ba ni gnyen po gsungs pas shes par bya ste/ yum chen mo las de la dang po'i 'dus byas dang 'dus ma byas pa yang rang bzhin gyis stong zhes pas cung zad med pa la ji ltar dmigs pa gang gis brjod par 'gyur te/rab 'byor rnam pa thams cad mkhyen pa nyid ni dngos po med pa la dmigs pa'o zhes pas ni log par sgrub pa la kun rdzob tu chos rnams thams cad dmigs zhes pa ni lan te zhes pa ni dmigs pa 'thad pa'o/ /gal te chos rnams thams cad dngos po med pa ni ji ltar na las dang po pas sbyin pa la sogs pa la spyod par 'gyur zhe na/lan ni sbyin pa dang sbyin bdag dang sbyin pa po rnams kyi chos rnams dngos po med pa'i ngo bo nyid du nges par gzung ba'i thabs la mkhas pas kun rdzob tu spyod cing yongs su 'dris par byed do zhes pa ni de'i ngo bo nyid nges par gzung ba'o//bden pa mthong bas de ltar dngos po dang dngos po med par dmigs su med pa la ji ltar dngos po med par kun du shes zhes pa ni log par sgrub pa la/ lan ni kun rdzob tu sbyin pa la sogs pa rnam par dpyod cing sbyin pa la sogs pa so sor med pa'o zhes shes na don dam pa ni ma yin te/'dir sbyin pa la sogs pa'i lam gyi bye brag rnams thams cad dang rnam pa thams cad de rnam pa shes pa nyid kyis ye shes la dngos po dang dngos po med par dmigs su med do zhes pa ni rnam pa thams cad mkhyen pa'i ye shes kyis bdag nyid kun rdzob kyang gzhan la don dam pa yang gzhan nam zhes pa ni 'dri ba la/lan ni kun rdzob nyid don dam pa ste/ de dag gi de bzhin nyid ni gcig nyid do/ /gang du 'phags pa klu sgrub kyis/ /kun rdzob stong pa nyid du bshad/ /stong pa nyid ni kun rdzob ste/ /med na mi 'byung nges pa'i phyir/ /byas dang mi rtag dag bzhin no//zhes gsungs te/ 'on kyang phung po sprul pa rnams la don dam pa'i dngos po'i 'du shes rnams yod pa ma yin no zhes pa ni kun rdzob tu bstan te/ kun rdzob tu yang dngos po med pa'i 'du shes rnams kyi dngos po'i zhes pa'o/ /don dam par ni dngos po ma yin pa la dngos po med pa yang ma yin no zhes pa ni bden pa gnyis la'o//sbyor ba dang spyod pas 'di'i tshul la nye bar dmigs pa nyid kyis te/ gzhan du na gang gis gang la sbyin zhes pa ni ji ltar spyod pa la lan ni/ sprul pa bzhin du chos thams cad stong pa nyid kyis sbyin pa la sogs pa rnams kyang thams cad du 'khor gsum nye bar mi dmigs pas so zhes pa ni sbyor ba la'o//gal te rtogs par byed ces pas sangs rgyas na thams cad mkhyen pa de la mi 'grub ste gzung ba dang 'dzin pa dag gis so/ /de nas rtogs bya med na de lta na ni ci zhig rtogs par byed pas sangs rgyas zhes te/ 'di'i lan ni rtogs bya dang rtogs byed rab tu rtogs pa'i yang dag pa'i ye shes de la shin tu yod pa min zhes pa ni rtogs pa la'o//yang gsungs pa ni/ yang dag pa'i don ni sangs rgyas zhes te/ de ltar yang kun rdzob kyi phung po lnga'i ngo bo nyid don dam pa'i ngo bo nyid med pa'o zhes pa ni bden pa gnyis kyi bdag nyid ni yang dag pa'i don gyi yul te/stong pa nyid dang ro gcig pa nyid gang gis mngon sum pa de ni de ltar brjod du med pa ste/ gzhan yang de brjod pa ni/ chos rnams thams cad ji lta ba bzhin du mngon par sangs rgyas pas de ltar sangs rgyas zhes pa ste/ji lta ba bzhin du de bzhin nyid dang ro gcig pa'i rnam pa thams cad du ma lus pa yang dag par sgrib pa dang bcas pas dben pa'i ye shes nyid kyis sangs rgyas nyid 'di la shin tu yod pas sangs rgyas so/ /rtogs par byed ces pas kyang sangs rgyas te/ byed pa po dang de lta ba la'o//'dir chos rnams thams cad la don dam par ngo bo nyid med pas gzung ba dang 'dzin pas gzung ba rnam pa thams cad du mi srid la kun rdzob tu ni ma brtags pa na nyams dga' ba'i ji lta ba de ltar ro zhes pa ni sangs rgyas dkon mchog la'o/ /chos ni chos nyid ngo bo nyid med pa nyid du phung po lnga po rnams kyi rang bzhin don dam pa'i phyir sgrib pa gnyis kyi bag chags dang bcas pa spangs nas rnam par dag pa bla na med pa'i byang chub kyi yang gnas yin pa'i phyir dkon mchog go zhes pa ni chos dkon mchog ste/gtso bo rtogs par 'gyur zhes pas byang chub ces brjod de/gang du ngo bo nyid med par rtogs par 'gyur ba ni de'i de bzhin gshegs pa'i ye shes de kun rdzob pa'i chos thams cad las khyad par 'phags pa'i phyir chos dkon mchog la/ gtso bo'i chos 'di'i yul nyid pas kyang nye bar brtags pas bla na med pa'i byang chub bo/ /de la chos nyid kyi phyogs kyi dbang du byas nas gsungs pa ni byang chub ni stong pa nyid dang de bzhin nyid yang dag pa'i mtha' dang chos nyid dang chos kyi dbyings so zhes pa ste/stong pa nyid ni ngo bo nyid dang / de bzhin nyid ni 'gyur ba med pa'i phyir ro/ /yang dag pa'i mtha' ni de kho na nyid kyi rtse mo'i phyir ro//chos nyid ni chos kyi rang bzhin gyi phyir ro/ /chos kyi dbyings ni 'phags pa'i chos rnams kyi rgyu'i phyir ro/ /ye shes kyi phyogs kyi dbang du byas nas gsungs pa ni/ byang chub ni de bzhin nyid dang phyin ci ma log pa'i de bzhin nyid dang gzhan ma yin pa'i de bzhin nyid dang gzhan dang ldan pa ma yin pa'i dngos po ni byang chub bo zhes pa la/byang chub ni rtogs pa'i de bzhin nyid de/ de nyid don dam par ngo bo nyid med de/ kun rdzob kyi ngo bo'i dngos po la ni dngos po'i ngo bo yod pa ma yin pas so/ /phyin ci log ni yod pa dang med pa nyid la sogs pa'i phyin ci log de bzhin nyid de 'khrul pa med pa nyid do//gzhan ma yin pa'i de bzhin nyid ni kun rdzob tu gzhan du ma rig pas dben pa'i ngo bo sgro btags pas de ltar gzhan du ma yin pa ste/ kun rdzob kyi ngo bo nyid kho na de'i de bzhin nyid dang don dam pa ste/ bden pa nyid dang mi bden pa nyid la sogs pa'i spros pas stong pa nyid do//gzhan dang ldan pa'i dngos po ma yin zhes pa ni byang chub kyi rang bzhin ni don dam par ngo bo nyid med pa nyid de/ de la bden pa'i dngos po dang bden pa'i dngos por shes pa nyid kyi ma rig pa'i bag chags kyis byas pa ni gzhan dang ldan pa'i dngos po la/ ma rig pa'i bag chags zad pas de dang bral ba ni gzhan dang ldan pa ma yin pa'i dngos po ste/ 'khrul pa thams cad kyis dben pa'i kun rdzob dang don dam par ro gcig pa'i ye shes ni byang chub bo zhes pa'i don to/ /yang gsungs pa ni/ sangs rgyas rnams kyis rtogs pa la byang chub ces pa ste/ yang chos nyid kyi phyogs kyi dbang du byas nas gsungs pa ni/ sangs rgyas rnams kyis mngon par rtogs par bya bas de'i phyir byang chub ces bya ba ni rtogs par 'gyur ba'i byang chub kyi las la ste/ rab kyi mthar son pa ni de bzhin gshegs par gzung bar bya la/ de yang phung po lnga po rnams kyis stong pa nyid kho na'o//'o na phung po lnga po ngo bo nyid med pa'i phyir te/ de'i stong pa nyid kyang gzung du med la/ byang chub ni de'i de rnams dang rang rang gis kyang stong pa nyid pas 'dzin pa ma yin pa la gang yang gzung ba dang 'dzin pa'i dbye ba med cing dbye ba med pa ma yin te/ tha dad pa dang tha dad pa med pa dag ni dngos po'i chos kyi phyir ro//de'i phyir na rnam pa med pa ma yin la/ rnam pa dang bcas pa yang ma yin zhes pa ji ltar brjod pa'i mtshan nyid ni byang chub bo zhes pa ni legs par sgrub pa la/ bden pas ma rig pa'i bag chags dang bcas pa spong gi /don dam pa ni phung po la sogs pa rnams kyi gzung ba dang 'dzin pa'i tha dad dang tha dad la sogs pa'i spros pa mtha' dag pa'i log pa'i rnam par rtog pa med pa la yongs su dag pa'i kun rdzob ma brtags na nyams dga' ba'i de kho na nyid rtogs pa ni byang chub ste/kun rdzob tu yang gdul bya kha cig la yang ldog pas phye nas rnam par gzhag pa'o//ma rig pa dang bcas nas skyes pa'i chos rnams thams cad ni don dam par ngo bo nyid kyis stong pa'i phyir gzung ba la sogs pa ldog pas rang rig pa la sogs pa ldog par tshad mas nges pas ma brtags nyams gzung ba la sogs pa dang rang rig pa la sogs pa ni kun rdzob tu rnam par gzhag par bya'o//ma rtogs pa la ni dngos po la cung zhig rtogs pa'i tshad ma dang ldan pa la ni gzhan du 'dir cung zhig ni kun rdzob pa la cung zhig ni dngos po'o zhes te/ rgya cher spros pas dgos pa med pa'o/ /de'i phyir stong pa nyid dang ro gcig pa'i stong pa nyid kyis yul la rnam par dag pa'i blos stong pa nyid du rtogs pa de nyid chos dkon mchog ces pa ni chos dkon mchog go//'dir byang chub sems dpa'i dge 'dun ni dge 'dun dkon mchog ste/ de yang sems bskyed pa'i byang chub sems dpa' rnams las thams cad de'i khongs su gtogs par 'gyur ro zhes pa de ni mi 'thad de/yang dag par bcom pa'i phyir dang / mi 'bral ba dang mi byed pa dang mi 'phrogs pa'i phyir ro zhes pa'i don te/ gang gi phyir gang gis rtogs zhes pa ni log par sgrub pa la/ lan ni yang dag rdzogs pa'i byang chub ni lha dang bcas pa bdud dang bcas pa'i 'jig rten gyis gzhom du med cing dman pa'i byang chub kyi chos rnams dang mi dge ba rnams kyis mi 'phrogs pa ste/ji skad du bshad pa'i nges par 'byed pa'i yan lag nas bzung ste zhes pa la sogs pa ni dge 'dun dkon mchog la'o/ /tshig le'ur byas pa las thabs la mkhas pa thabs su bshad pa ni/yul gyis yul can bstan pa ste/ gal te yang bden pa mthong ba dang ma mthong ba dag gi thabs la mkhas par bshad nas/ de ltar na yang de srid du dman pa'i byang chub dag las ldog pa med de/ sbyin pa la sogs pa rnams ni dmigs pa med pas med do zhes pa ni log par sgrub pa la lan ni thams cad mkhyen pa'i sems kyis sbyin pa la sogs pa rnams la spyod pa'i kun rdzob dang /don dam par 'khor gsum mi dmigs shing sbyin pa la sogs pa rnams kyi rnam par smin par sems can thams cad rnam par grol ba'i phyir yang dag par rdzogs pa'i byang chub tu yongs su sngo bar byed de zhes pa la sogs pa can ni thabs la mkhas pa'o zhes pa ni thabs la mkhas pa la'o//rtogs pa la ni mngon par rtogs pa la/ thub pa zhes pa ni thub pa nyid kyi rtogs pa la mngon du phyogs pa'i yang dag par rtogs ni dngos po dang dngos po med pa dang /gnyi ga'i ngo bor rtogs pa bkag pas de la mngon par rtogs pa med do zhes pa ni log par rtogs pa la/ lan ni mngon par rtogs pa yod de/ gang du spros pa med pa'i dngos po ma yin zhing dngos po med pa ma yin no zhes pa ni mngon par rtogs pa'o//gal te shes rab kyi pha rol tu phyin pa ni phyin ci log bzhi'i spros pa dang bral ba'i phyir de ni nyan thos kyi lam du 'gyur gyi sangs rgyas kyi lam ni ma yin no zhes pa'i lan ni/ ji srid du rnam par rtog pa'i spros pa dang bcas pa de thams cad ni phyin ci log ste/ de'i gnyen po ni spros pa med pa chos kyi dbyings rnam par rtog pa med pa'i phyir de spro bar mi byed cing rnam par rtog par mi byed la dngos po dang dngos po med pa'i spros pa med de/gnyi ga yang ngo bo nyid med pa'i phyir ro zhes pa ni phyin ci log pa'o/ /'dir byang chub sems dpa'i lam shes pa nyid kyis lam rnams thams cad kyi 'bras bu dang bcas par byed cing /de'i lam de'i yongs su rdzogs par byed pas de'i 'bras bu mngon sum du byed nas brgyad pa dang dgu rgyun du zhugs pa la sogs par thal bar 'gyur zhes pa'i lan ni/ sems can gang zhig gang gis 'bras bu la rnam par dgod par bya ba de de'i la rnam par dgod de srid du sangs rgyas nyid kyi bar la ste/rang bzhin nyid ni theg pa dman pa'i sa thams cad ye shes kyis mthong nas mi gnas shing byang chub sems dpa'i skyon med pa la gnas par 'gyur ro zhes pa ni lam la'o/ /gal te mi mthun pa'i phyogs kyi nyon mongs pa de rnams 'dul ba'i chos 'dul ba de gal te yod na/de ltar na sems can nyon mongs pa med de/ des de rnams kyi ldan pa 'am mi ldan par khas blang bar mi bya'o zhes pa'i lan ni/ de ltar 'phags pa'i gang zag rnams thams cad de nyon mongs pa dang nye ba'i nyon mongs pa la sogs pa rnams dang ldan pa dang mi ldan pa yang min la bral ba yang ma yin pa'i mtshan nyid gcig pa ste/'di lta ste mtshan nyid med pa'o zhes pa la 'di ni de bzhin du chos 'dul ba ste/ gang zhig ldan pa dang bral ba'i rtog pa 'dul bas so zhes pa la dgongs pa'o zhes pa ni gnyen po dang mi mthun pa'i phyogs dag la ste/chos la dngos po med pa ni chos kyi mtshan nyid do zhes pa ni log par sgrub pa la/ lan ni/ bcom ldan 'das kyis chos rnams thams cad kyi mtshan nyid tha dad par bstan par bstan pa ni sems can rnams gzhug pa'i phyir kun rdzob tu la/ don dam par ni chos rnams thams cad kyi mtshan nyid dmigs su med pa'i phyir mtshan nyid la bslab par mi bya zhing mtshan nyid med pas kyang ma yin la/gang du de bzhin gshegs pa rnams skyes kyang rung ma skyes kyang rung ste/ mtshan nyid kyi dbyings 'di ni de bzhin du gnas so zhes pa ni mtshan nyid la'o/ / gal te rang dang spyi'i mtshan nyid med pas chos rnams thams cad mtshan nyid med pas na ji ltar de ltar de rnams sgom par byed par 'gyur na rab 'byor dngos po med pa'i ngo bo nyid kyis chos rnams la dngos por 'du shes pas shes rab kyi pha rol tu phyin pa bsgom pa med de phyin ci log gi phyir la/ de bzhin du dngos po med pa'i 'du shes kyis kyang ma yin no//lan ni chos kyi 'du shes kyis bsgom pa'i bsgom pa dang bral bas ni shes rab kyi pha rol tu phyin pa bsgom pa ste/ bden pa mthong ba ni chos rnams thams cad dngos po med pa'i ngo bo nyid kyis bsgom par 'gyur bas/ dngos po'i 'du shes kyis ma yin zhing / dngos po med pa'i 'du shes kyis kyang ma yin te/dngos po dang dngos po med pa'i 'du shes thams cad rab tu bkag pa'i phyir te/ 'du shes ni spros pa la/ shes rab kyi pha rol tu phyin pa ni spros pa med pa'o zhes pa ni bsgom pa la ste/ le'u nyi shu pa'i phyed phyi ma nas brtsams nas ji srid du le'u phyed dang dgu rnams ni rtse mo'i mngon par rtogs pa ste lnga pa'o//me tog bkram pa'i de bzhin gshegs pa byang chub sems dpa'i gnas skabs su le'u 'dir lung bstan pa ste/ 'dir des nye bar mtshon pa'i le'u'o/ /'phags pa shes rab kyi pha rol tu phyin pa brgyad stong pa'i 'grel pa gnad kyi zla ba'i 'od ces bya ba paN+Di ta chen po 'jigs med 'byung gnas sbas pas mdzad pa las le'u ste nyi shu rtsa brgyad pa'o// //bstan bcos su/ rnam gsum rnam bcu mthar gyis pa/ /zhes bstan pa ni/ mthar gyis pa'i mngon par rtogs pa ste/rtse mor mngon par rtogs pa'i rjes kyi bye brag sum cu rtsa gcig pa nas brtsams te cig car skye bar bkag pa'i phyir rnam par bstan pa rnams la/ thar pa'i cha dang mthun pa la gsum/ snga ma bzhin du nges par 'byed pa'i cha dang mthun pa la bye brag bcu gnyis/ mthong ba'i lam la bye brag bcu drug /bsgom pa'i lam la bye brag dgu'o zhes pas na bye brag bzhi bcu ste/ de la bye brag re re la sbyin pa la sogs pa bye brag bcu gsum yang shes par bya ste/ de ltar yang 'phags pa rnam par grol ba'i sdes bshad de/ bcom ldan 'das ji ltar na byang chub sems dpas mthar gyis bya ba dang mthar gyis bslab pa dang /mthar gyis bsgrub pa rab tu shes par bya zhes pa'i 'grel pa bya ba smos pas ni sems bskyed par shes la/ bslab par smos pas ni nges par 'byed pa'i cha dang mthun pa'o/ /sgrub pa smos pas ni mthong ba dang bsgom pa'i lam dag gis te gsum smos pas mthar gyis pa'i mngon par rtogs par bshad do//de'i rgyas par bshad pa ni/ /sbyin pa shes rab bar dag dang / /sangs rgyas la sogs dran dang chos/ /dngos med ngo bo nyid kyis te/ /mthar gyis pa yi bya bar bzhed/ /bya ba dang bslab pa dang sgrub pa'o zhes pa ni don to//'dir gsungs pa ni/ gzhan yang zhes pa la sogs pa ste/ 'di ltar ni 'chad par 'gyur ba'i shes rab kyi pha rol tu phyin pa mthar gyis pa'i bya bar shes par bya'o/ /chos thams cad ni pha rol tu phyin pa drug go/ /chos ni 'di ltar lam la byang chub ni de nyid do/ / chags pa med pa ni gegs med pa nyid de/ byang chub sems dpa' rnams kyis mthar gyis bya ba'i sems dang po bskyed pa la sogs pa rnams la ste/ 'di lta ste byang chub sems dpa' sems dang po bskyed pa nas brtsams nas sbyin pa'i pha rol tu phyin pa la spyod cing / gzhan rnams kyang de la yang dag par len du gzhug ste/sbyin pa des kyang longs spyod kyi phung po chen po thob nas sbyin par byed cing / sangs rgyas kyi zhing yongs su sbyong bar byed pa dang / sems can rnams theg pa gsum la rab tu bkod nas 'khor ba las yongs su sgrol bar byed pa de thams cad na dmigs pa med pa'i bya ba ste/ngo bo nyid med pa'i phyir ro zhes pa ni sbyin pa'i pha rol tu phyin pas mthar gyis pa'i bya ba'o/ /de ltar tshul khrims la sogs pa'i pha rol tu phyin pa drug po rnams kyang drug car mthar gyis bya ba'o/ /chos thams cad mi phyed ces pa ni rjes su dran pa drug ste/ chos thams cad sems kyis 'dzin pa'i phyir te/de rnams dbyer mi phyed pas nyid de dngos po med pa'i ngo bo nyid kyi phyir te/ de ltar na yang byang chub sems dpa'i sems dang po bskyed pa nas bzung ste/ rnam pa thams cad mkhyen pa nyid dang ldan pa'i yid la byed pa rnams kyis chos thams cad dngos po med pa'i ngo bo nyid du lhag par mos pa'i chos rjes su dran pa sgom par byed cing /gzhan yang de la rab tu 'god par byed la/ de yang dngos po med pa'i ngo bo nyid pas chos thams cad mngon par byang chub nas chos bstan pas sems can thar par byed pa med do/ /de la sangs rgyas bcom ldan 'das ni gzugs la sogs pa'i phung po rnams kyi rten cing 'brel par 'byung bar yid la byed la/don dam par ni dngos po med pa'i ngo bo nyid kyi phyir/ de rnams la dran pa med cing yid la byed pa med pa ni sangs rgyas rjes su dran pa'o/ /de shes rab kyi pha rol tu phyin pa la spyod pa na dge ba'i chos rnams la ji srid du 'dus byas dang 'dus ma byas pa'i chos rnams kyi yid la mi byed de/de rnams dngos po med pa'i ngo bo nyid kyi phyir de ltar yid la mi byed do zhes pa ni chos rjes su dran pa'o/ /gang 'dir bcom ldan 'das kyi phyir mi ldog pa'i byang chub sems dpa'i dge 'dun dang /nyan thos kyi dge 'dun skyes bu chen po'i gang zag brgyad rnams te/ de'i ngo bo nyid ni yod pa ma yin no zhes pa la mi byed pa ni dge 'dun rjes su dran pa'o/ /de nas shes rab kyi pha rol tu phyin pa la spyod pa nyid na/ ma nyams shing skyon med la ma 'dres shing lhad ma zhugs pa/ gzhan du rnyog par ma gyur cing 'dra 'drer ma song ba la smad pa'i mkhas pas bsngags shing shin tu dag pa'i ting nge 'dzin la gnas pa'i tshul khrims la gnas pa nyid de/ de'i tshul khrims dang dngos po med pa'i ngo bo nyid du yid la bya'o zhes pa de ltar yid la mi byed pa ni tshul khrims rjes su dran pa'o//de la ma nyams pa ni mi 'phra ba ste/ bslab pa mang po las ma 'das pa'o/ /skyon med pa ni ji ltar blangs pa la gcig la yang mi 'da' ba'o/ /ma 'dres pa ni srid pa'i spyod pa phyir ma bsngos pa'i phyir ro/ /lhad ma zhugs pa ni mi dge ba nyid dang 'dres pa med pa'i phyir ro/ / ma nyams pa la sogs pa'i yon tan dang ldan pa gang de rnyog par ma gyur pa ste/ sred pa len pa la sems can thar par byed pa'i phyir ro/ /de'i phyir na 'phags pa rnams kyi bsngags pa'i ting nge 'dzin la ldog par mi 'gyur te/ tshul khrims dang ldan pa'i sems pas mnyam par gzhag pa'i phyir ro/ / de shes rab kyi pha rol tu phyin pa la spyod pa na zang zing dang chos te bdag gi yan lag dang nying lag kyang gtong zhing / de thams cad dngos po med pa'i ngo bo nyid du yid la byed pas so zhes de ltar yid la mi byed pa ni rtog pa rjes su dran pa'o/ /gang de rgyun du zhugs pa dang rgyal chen bzhi'i rigs rnams ji srid du gzhan 'phrul dbang byed kyi bar gyi lha rnams su skyes pa de rnams thams cad dngos po med pa'i ngo bo nyid do zhes pas dran pa med cing yid la byed pa med pa ni lha rnams rjes su dran pa'o//de ltar rjes su dran pa drug po rnams ni mthar gyis pa'i bya ba drug go/ /chos thams cad 'byung ba med pa'i phyir zhes pa ni rang gi mtshan nyid 'dzin pa'i phyir na chos te/phung po lnga la sogs pa nas ji srid du rnam pa thams cad mkhyen pa nyid kyi bar ni de ltar chos rnams thams cad la/ de rnams 'byung ba med pa ma skyes pa'i dngos po med pa'i ngo bo nyid mang du byung bar shes pas ni mthar gyis pa'i bya ba shes par bya'o//de yang shes rab kyi pha rol tu phyin pa la spyod pas sems dang po bskyed pa nas nye bar bzung ste/ chos thams cad dngos po med pa'i ngo bo nyid du lhag par smos pas dran pa nye bar gzhag pa nas ji srid du rnam pa thams cad mkhyen pa nyid kyi bar du sgom par byed cing / de yang dngos po med pa'i ngo bo nyid pas chos thams cad mngon par byang chub pa med pas chos kyi 'khor lo skor bar byed cing theg pa gsum po rnams kyis sems can rnams 'khor ba las yongs su grol bar byed pa'o zhes pa ni chos thams cad dngos po med pa'i ngo bo nyid pa ste mthar gyis pa zhes bya ba bcu gsum mo//'di'i gang gi klan ka ni rang bzhin nyid kyis bsams shing / lan ni/ rgyus kyis btab par brjod par bya ste/ gal te ngo bo nyid stong pa nyid rnams kyi pha rol tu phyin pa la sogs pa sgom par byed na/ de na ni de bsgom pa don med do/ /ri bong gi rwa bsgom pa bzhin no zhes pa ni klan ka la/lan gsum pa ni/ chos thams cad 'gyur ba med par mnyam pa nyid ces pa ste/ 'gyur ba med pa ni chos kyi dbyings te rang bzhin gyis ngo bo nyid med pas de mnyam pa ste ro gcig pa la/ kun rdzob kyi ngo bo'i chos rnams thams cad dang / de'i bdag nyid kyi don dam pa'i chos nyid la bsgom par bya ba med pa ni 'phags pa'i chos kyi rgyur 'gyur ba ste/de ji ltar na don med par 'gyur ro/ /'o na so sor rang rig pa'i bdag nyid dang 'dzin pa'i rnam par rig pa yang yod la/ de las gzung ba yang yod ces pas chos rnams thams cad la ngo bo nyid med pa mi rigs so zhes pa ni klan ka la/lan ni/ chos thams cad bdag med cing rnam par rig pa med do zhes pa ste bdag nyid rtag pa gcig pa'i ngo bo nyid ni kun rdzob tu yang yod pa ma yin la/ rnam par rig pa'i rnam par shes pa ni don dam par med pa ste/ gang du shes rab kyi rjes su rtogs pa'i tshad mas nges la/'dir 'dzin pa po med pas gzung ba dang 'dzin pa med pas te/ rten cing 'brel pa las skyes pa'i phyir dang / gcig pa dang du ma dang bral ba'i phyir na chos thams cad ngo bo nyid med pa nyid du grub ste/ gzugs la sogs pa sgra rnams kyis gang rjod par byed pa de nyid gzugs la sogs pa ste/de dag ni yod pas gang du ngo bo nyid med pa yin zhes pa ni klan ka la/ lan ni/ ming tsam zhes pa la sogs pa ste/ don gyis stong pa'i ming ni ming tsam la/ des chos de rnams la thams cad mngon par rjod par byed de/ des na de rnams tha snyad du yod do zhe na/min te/ de ni gang du yang med de/ don med pas gang du yang rjod pa po med pa'i phyir dang / rjod par byed pa yang gang du yang med de/ lus kyi 'am/ sems la brjod par bya ba dang rjod byed dag med pas so/ /chos thams cad ces bya ba la sogs pa nye bar bsdu ba'o//tha snyad med par ni brjod pa med pa ste/ 'di rnams la de dag med pa'i phyir ro/ /de'i phyir na brjod du med pa'o/ /'o na gzugs la sogs pa rnams la tshad ma dang ldan pa'i phyir na stong pa nyid kyang tshad ma dang ldan pa la de ltar de la dmigs pa'i shes rab kyi pha rol tu phyin pa ni tshad dang ldan par 'gyur ba'i phyir mi 'dod pa zhes pa la/lan gsungs pa ni/ chos thams cad la tshad med ces pa ste/ chos rnams thams cad la ni tshad med de/ ngo bo nyid med pa'i phyir nam mkha' lta bu nyid de/ des na de'i stong pa nyid rnams kyang tshad med la/ des shes rab kyi pha rol tu phyin pa la dmigs pas tha dad pa med pa'i phyir ro//gal te phung po la sogs pa med na gang gis 'di brjod par 'gyur zhes pa ni klan ka la/ lan gsungs pa ni/ chos thams cad mtshan ma med pa'o zhes pa ste/ mtshan mas sgro btags pa'i rang gi mtshan ma med pa ste/ mtshan ma nub cing chos thams cad sgyu ma bzhin du ngo bo nyid med pa 'di la/ de ni shes rab kyi pha rol tu phyin pa ste/ des rten cing 'brel par 'byung bar phung po la sogs pa rnams sgyu ma'i skyes bu la sogs pa bzhin spros pa med par snang bar 'gyur ro/ /'o na 'dir rnam par rtog pa'i mtshan ma rnams yongs su spangs pa'i chos kyi dbyings yang dag par yid la byed kyi shes kyi pha rol tu phyin pa ni ma yin no zhes pa ni klan ka la/lan ni/ chos thams cad nges par 'byed pa med pa zhes te chos thams cad ngo bo nyid du rtogs pa mngon sum du byed pa ni nges par 'byed pa ste/ des na shes rab kyi pha rol tu phyin pa nyid do//de ltar na de'i de nyid yang dag par yid la byed pa thos pa dang bsgom pas nye bar blangs nas lhun gyis grub par chos thams cad stong pa nyid kyi spros pa med pa'i ye shes skye bar 'gyur ba de ni de'i rtogs pa'o/ /'o na shes rab kyi pha rol tu phyin pas su zhig dag par 'gyur te/bdag med pas de'i 'dod pa med pa'i phyir dang / sems med so sor skad cig gis tha dad pa'i phyir te/ de ltar na sems kyi rgyud de yang mi dag pa'am/ dag kyang rang bzhin du mi 'gyur ba'i phyir ro zhes te/ phyogs dang po ltar na ni de la dag par med de/ sol ba bdar bar byed pa nyid bzhin no//gnyis pa ltar na ni don med do/ /de'i sems kyi chos nyid dag pa na ni de 'gyur ba med pa ma yin pa'i phyir ro zhes pa ni klan ka la/ lan ni/ chos thams cad rang bzhin gyis yongs su dag pa'i zhes pa ste/ chos thams cad la ngo bo nyid med de/ de'i de yongs su dag par bya ba dgos pa des na shes rab kyi pha rol tu phyin pa la rjes su gnas par bya ba'o//'gyur ba med pa'i phyir zhes pa'i ma nges pa ni chos nyid kyi rang bzhin de ni rang bzhin gyis yongs su dag pa nyid la/ glo bur gyi sgrib pa'i dri ma rnams kyis dri ma can du byas pa ni de'i ngo bo nyid ma yin pa'i phyir te/nam mkha' lta bu la sprin dang khug rna la sogs pa lta bu rnams ni phyis shes rab kyi pha rol tu phyin pa nyid kyis de rnams bzlog nas yang dag par 'gyur te/ rlung la sogs pa rnams kyis sprin la sogs pa bsal ba'i nam mkha' bzhin no/ /'o na shes rab kyi pha rol tu phyin pa bcom ldan 'das kyis bstan pa na/mtshan ma can gyi ye shes skye bar 'gyur bas/ de'i shes rab kyi pha rol tu phyin pa yang mtshan ma med par rigs pa yin no zhes pa ni rgol ba la/ lan ni/ chos thams cad brjod du med pa'o zhes pa la sogs pa ste/ chos rnams thams cad brjod du med pa'i phyir tshig rnams kyi rang bzhin gyis ngo bor bstan du med pa la smos pa 'ba' zhig gi phyir te/don dam par mthong bas ni de'i rjes su rig par byed pa'o/ /'o na su zhig 'di dag ste/ gal te nyon mongs pa zad pas de ltar yang srid par 'gyur te/ 'dir rgyu zad pas skye ba zad par 'gyur na/de'i 'du shes kyis lhag ma ma lus pa rnams ni ji srid du tshe'i bar du gnas la/ rang nyid kyis 'gag par 'gyur bas de ltar nyan thos kyi byang chub tu 'gyur ro zhes pa la/ lan ni/ tshig gsum gyis te/ chos rnams thams cad 'gag pa med pa'o zhes pa ni zag pa med pa'i chos rnams ni zad pa med pa'i phyir na/de ji ltar 'gag par 'gyur te/ spros pa mnyam pa nyid dang / skyon med pa nyid dang / ro gcig pa nyid du gnas pas/ spangs pas khyad par med pa'i phyir ro/ /chos thams cad ni kun nas nyon mongs pa can las mya ngan las 'das pa thob pa de ni ji ltar de rnams kyi de bzhin nyid de ltar ro zhes pa'i ye shes kyi de bzhin nyid mnyam pa nyid des so//ji ltar de bzhin nyid mnyam pa nyid na gsungs pa ni/ chos thams cad ces pa ste/ mi 'gro mi 'ong bas dus med pa'i phyir ro/ /chos thams cad ni kun nas nyon mongs pa can rnams las mya ngan las 'das pa thob pa de ni ji ltar de rnams kyi de bzhin nyid de ltar ro zhes pa'i ye shes kyi de bzhin nyid mnyam pa nyid des so//ji ltar de bzhin nyid mnyam pa nyid na gsungs pa ni/ chos thams cad ces pa ste/ mi 'gro mi 'ong bas dus med pa ste/ mi 'gro ba ni 'das pa'i dus med pa ste/gang du 'gro bar bya ba dang / gang 'gro bar bya ba de dag med pa'i phyir ro/ /gang du yang ma skyes pa de rnams kyi skye ba med pa'i dus med pa rnams la med pa ni shes pa med pa'i phyir la/ 'gro ba dang 'ong ba dag la ni shes pa sngon du 'gro ba'i phyir te/ de'i phyir na mi skye zhing shin tu mi skye zhes pa'o//gang du byang chub sems dpa' rnams kyi rang gi don phun sum tshogs pa rab tu bsgrubs pa nyid na ni 'dir 'di rnams rang gi don la dga' ba'i phyir dga' ba yang dmigs par 'gyur te don dam par na dka' ba ste/ sems can rnams mchog tu mtha' yas pa'i phyir dang / log par sgrub pa mang ba'i phyir ro zhes pa ni klan ka la/lan ni/ bdag ces pa la sogs pa ste/ bdag dang gzhan du mi mthong ba'i phyir te/ sems can rnams thams cad dang bdag nyid mnyam pa nyid du mthong bas zhes pa'i don to/ /'di'i gong dga' ba'i 'du shes kyi gnyen po ji lta ji ltar so sor kun tu rtogs par byas pas de la gsungs pa ni rgya mtsho'i sgras so//de la tshu rol gyis mthong ba'i sems can rnams kyis dgra bcom pa nyid la sogs pa rnams la dga' ba'i 'du shes bzlog pa gsungs pa ni/ thams cad ces pa ste/ chos thams cad ni sems can gyi tha snyad kyi yul las 'phags pas dgra bcom pa ste/gang du rang bzhin gyis yongs su dag pa'i chos nyid dang ro gcig pa'i phyir na bsgom par rigs pa'o/ /khur rnams su sgro 'dogs pa med de/ de ltar khur yang ngo bo nyid med pa'i phyir ro/ /sems can gdul bar bya ba rnams kyi phyir phyogs bcu'i sangs rgyas kyi zhing du 'gro ba'i dka' ba'i 'du shes bzlog pa'i phyir gsungs pa ni/thams cad ces pa ste/ gzugs la sogs pa rnams kyi rang bzhin gyi de bzhin nyid ni de'i ngo bo nyid du med pas/ de'i yul du gyur pa'i chos med pa'i phyir la/ phyogs kyang ma yin te/cha med pa'i phyir nam mkha' bzhin no/ /'khor ba'i bden pa la dga' ba'i 'du shes bzlog pa'i don du gsungs pa ni chos rnams thams cad la 'khor ba rnams kyis 'gog pa rab tu tshim pa nyid dang bde ba'i 'du shes bskyed pa nyid la de/ kye ma 'du byed rnams mi rtag /skye dang 'jig pa'i chos can la/ /skyes nas 'gag par 'gyur ba ste/ /de rnams nye bar zhi ba bde/ /zhes pa ni nyan thos kyi 'dul ba'o/ /byang chub sems dpa'i 'dul ba'i dbang du byas nas gsungs pa ni/ dga' ba med ces pa ste/ dga' ba ni shin tu myur bas mya ngan las 'das pa ste/byang chub sems dpa' rnams la de med pa ni dga' ba med pa'o/ /dga' ba dang bral ba ni 'khor ba la shin tu yid byung ba ste/ de med pa ni de rnams kyi dga' ba dang bral ba med pa ste/ shes rab kyi pha rol tu phyin pa 'khor ba dang mya ngan las 'das pa dag la rab tu mi gnas pa'i phyir so sor kun tu rtog pa'o//chags pa med ces pa la sogs pas ni 'dod chags dang bral ba'i phyir so sor rtog pa'o/ /chos thams cad la chags pa med ces pa ni mngon par zhen pa rnams med pa ste/ chags pa dang ma chags pa dang de dag la chags pa dang bral ba de dag dmigs su med pas so zhes pa ni rnam par spong ba'i phyir so sor rtog pa'o//chos thams cad ni lam thams cad de/ mngon par rtogs pa bdun gyi sa la/ byang chub ni snga nas bshad zin to/ /de'i phyir na gsungs pa ni/ sangs rgyas kyi ye shes khong du chud par byed ces pa ste/khong du chud pa thob pas de ltar byang chub thob par bslang ba'i phyir rtog pa'i don du so sor rtog pa'o/ /chos thams cad ni stong pa nyid dang / mtshan ma med pa dang / smon pa med pa ste/ ngo bo nyid dang bral ba dang / mtshan ma thams cad nub pa dang / khams gsum la smos pa med pas go rims ji lta ba zhes pa ni lam mdor bsdus pa'o/ /gal te rnam par thar pa'i sgo las gzhan pa yang de rnams kyi lam ni/ de ltar na de bsgoms na dman pa'i byang chub tu ltung bar 'gyur bas so/ /thams cad med ces pa ni chos rnams thams cad de thams cad ni byang chub sems dpa'i lam gyi sman te/theg pa dman pa la mos pa'i nad chen po sel bar byed pa ni gang du byams pa ste de rnams kyi sngon du 'gro ba can la/ 'on kyang de rnams thams cad la ste/ byams pa la sogs pa'i tshad med pa bzhi la gnas pa ni tshangs par 'gyur ba ste/tshangs pa dang 'dra ba la de'i skyon mi skye bar byed pas so zhes pa ni 'di rgyas par bshad pa'o/ /thams cad ces pa ni skyon thams cad de byams pa la sogs pa rnams kyi mi mthun pa'i phyogs go rims ji lta ba bzhin du gnod sems dang rnam par 'tshe ba dang dga' ba med pa dang khong khro ba'i bag la nyal lo//smon pa med pa ni mya ngan las 'da' ba la spro ba dang bral ba'i phyir ro/ /khong khro ba med pa ni 'khor ba la shin tu yid byung ba med pa'i phyir ro zhes pa ni mthar gyis pa'i mngon par rtogs pa bcu gsum pa zhar la byung ba dang bcas pa'o/ /bstan bcos su/ skad cig gcig mngon rdzogs byang chub//mtshan nyid kyis ni rnam pa bzhi/ /ces pa ni mdor bstan pa ste/ de ni khyad par gyi lam gyi sems bskyed pa bcu drug po'i bdag nyid kyi bye brag bdun cu rtsa gcig pa ni bag la nyal thams cad bcom pa'i phyir rdo rje lta bu yang dag pa'i don bsgom pa rab kyi mthar phyin pa'i gnas skabs te/cig car du rnam par smin pas rmi lam ltar gnyis kyi de kho na nyid ro gcig tu rtogs pa'i bar chad med pa'i lam dang sangs rgyas kyi sa'i rnam par grol ba'i sems bskyed pa'i ngo bo ste/ des ma 'ongs pa'i sems skyed par byed pa la mi slob cing sgrib pa rnams las rnam par grol bar 'gyur te/de'i sgrib pa skyes pa ni 'gag par byed la des da ltar byung ba ni lam gyis spong ba'o zhes pa'i rnam pa 'di ni snga nas bshad pa'o/ /'dir skad cig ma gcig la mngon par byang chub pa'i rgyas par bshad pa ni/ sbyin la sogs pa re re yis/ /zag med chos kun bsdus pa'i phyir//thub pa'i skad cig gcig pa yi/ /rtogs pa 'di ni shes par bya/ /ji ltar skyes bu zo chun rgyud/ /rdog thabs gcig gis bskyod pa ni/ /thams cad cig car 'gul ba ltar/ /skad cig gcig shes de bzhin no/ /zhes te/ shes rab kyi pha rol tu phyin pa la spyod pa'i thub pa dang /byang chub sems dpa'i sbyin pa la sogs pa re res kyang sems kyi skad cig gis stong pa nyid kyi ngo bo la dmigs par byed pas zag pa med pa'i chos thams cad bsdus pas 'phags nas skad cig la rtogs pa'i sems gcig gis skad cig ma mngon par rtogs pa ste/ sbyin pa la sogs pa'i sems zag pa med pa gcig la dmigs par byed pas kyang ni zag pa med pa'i chos kyi tshogs rnams cig car sngon du byed de sngon gyi 'phen pa'i mthus drangs nas zo chun la rtog pa bzhin no//'di la gsungs pa ni/ rgya mtsho mu med ces pa ste/ gang du shes rab kyi pha rol tu phyin pas yongs su bzung ba'i phyir dang /rnam pa thams cad mkhyen pa'i yid la byed pa dang ma bral ba'i phyir stong pa nyid dang ro gcig pa'i zab pa dang rgya che ba'i sbyin pa la sogs pa'i sems kyi skad cig re re la ni shes rab kyi pha rol tu phyin pa zhes brjod de/ de'i mu med pa ni mu med pa'i zag pa med pa'i chos rnams kun tu drangs pa nyid la/de la yang de rnams kyi phan tshun du 'brel pa yun ring por yongs su 'dris pa'i phyir te/ de ji ltar shes par bya na/ zab pa dang rgya che ba'i rgya mtsho mu med pa nyid ni cig car gzhol bar 'gro ba'i chu rnams kyi 'dren pa ngo bo nyid kyis de'i de rnams kyang phan tshun 'brel pa'i phyir ro//de ltar na rgya mtsho mu med pa'i dpes so zhes pa'i don te zhes pa ni zag pa med pa'i chos thams cad sems kyi skad cig gis mngon par rtogs pa ste dang po'o/ /bstan bcos su/ gang tshe chos dkar thams cad kyi/ /rang bzhin shes rab pha rol phyin//rnam smin chos nyid gnas skabs skyes/ /de tshe skad cig gcig ye shes/ /zhes te/ rnam par smin pa las skyes pa'i chos ni rnam par smin pa'i chos te/ de'i gnas skabs su ni 'di'i 'o zhes te de ltar bshad de/ shes rab kyi pha rol tu phyin pa de yang mi g.yo ba'i gnas skabs nas brtsams pa ni thams cad dge ba'i chos rnams te/zag pa dang bcas pa dang zag pa med pa rnams gang 'dis sngon du ngo bo nyid med pa nyid du bsgoms nas gang yang phyis mi mthun pa'i phyogs thams cad dang bral nas/ rnam par byang ba ma lus pa'i phyogs rnam par smin nas skyes pa rnams kyi zag pa med pa'i chos rnams la/de rnams ngo bo nyid med par yang dag par rig pa can gyi dkar po'i rang bzhin can thams cad gang du skyes pa de nyid sems kyi skad cig gcig la de nyid kyi chos rnams la lhun gyis grub pa ste/ 'dir gsungs pa ni/ nam mkha' zhes pa ste/shes rab kyi pha rol tu phyin pa ni rnam par smin pa'i chos nyid kyis gnas skabs dang thams cad dkar po'i rang bzhin can te/ de'i phyir na mu med pa ste/ chos de rnams kyang ngo bo nyid med pa dang ro gcig par lhun gyis grub pa'i rnam par smin pa las skyes pa'i phyir la/ de'i mu med pa nyid ji ltar zhe na/nam mkha' mu med pa'i dpe ste/ ji ltar nam mkha' la mu med do/ /ngo bo nyid med pa dang lhun gyis grub pa yongs su 'gyur ba med do zhes pa ni rnam par smin pa las byung ba'i dkar po'i chos rnams thams cad sems kyi skad cig gcig gi sa la mngon par rtogs pa ste/gnyis pa ni bstan bcos su/ chos rnams rmi lam ltar gnas pa'i/ /sbyin la sogs la spyod pa yis/ /mtshan nyid med nyid chos rnams ni/ /skad cig ma ni gcig gis rtogs/ /zhes te/ rtogs pa ni blos te shes zhes bya ba'i don to/ /rmi lam lta bu dang dri za'i grong khyer lta bu dang gzugs brnyan lta bu rnams la'o zhes pa ni yum chen mor gsungs la/bstan bcos su tshig gcig nyid de/ 'di rnams thams cad don gcig pa'i phyir la/ de yang don rang bzhin du rnam pa sna tshogs pa'i mtshan nyid rnams kyis so sor snang bar byed pa rnams la/'di dag ni ji ltar mtshan nyid med cing ngo bo nyid med pa'i phyir mtshan nyid med pa nyid de/ de'i chos phung po lnga po rnams ni sgyu ma dang rmi lam la sogs pa'i ngo bo nyid kyi phyir mtshan nyid med pa nyid la gnas nas pha rol tu phyin pa drug yongs su rdzogs par byed cing chos rnams thams cad kyi kun nas nyon mongs pa dang /rnam par byang ba'i ngo bo rnams la mtshan nyid med pa nyid du skad cig ma gcig la shes pa ste/ de la gsungs pa ni/ ri rab ces pa la sogs pa ste/ ri rab sna tshogs pa nyid ni kha dog bzhi'i rin po che'i rang bzhin gyi phyir ro/ /de bzhin du shes rab kyi pha rol tu phyin pa la ni//stong pa nyid pas sgyu ma'i rang bzhin rnams kyi chos rnams ro gcig pa nyid pas rnam pa sna tshogs pa nyid du rig par bya'o zhes pa ni mtshan nyid med pa'i chos thams cad sems kyi skad cig gcig la mngon par rtogs te/ gsum pa'o/ /bstan bcos su/ rmi lam na ni de mthong nyid//gnyis kyi tshul du mi mthong ltar/ /chos rnams gnyis su med pa nyid/ /skad cig ma ni gcig gis mthong / /zhes pa ste/ rmi lam du mthong ba'i mi dang glang po dang rta la sogs pa can ni rmi lam ste/ des de mthong ba dang / sad pa la tha dad du mi mthong ste/ don dam par de dag ma skyes pa'i phyir ro//de'i 'di ltar thams cad du chos rnams kyi chos la yang ngo zhes pa ni chos rnams ni gzugs la sogs pa rnams la gzung ba dang 'dzin pa dang / rtag pa dang chad pa dang / thog ma dang tha ma gnyis su med pa'i stong pa nyid kyis ngo bo nyid med pa nyid du skad cig gcig la mthong ba ste/de la gsungs pa ni/ gzugs zhes pa la sogs pa ste/ mu med pa ni rtag pa la sogs pa'i ste/ de ltar yang bshad pa/ yod ces bya ba dang med ces bya ba gnyi ga yang mtha' la/ dag ces bya ba dang ma dag ces bya ba 'di yang mtha' nyid de/de'i phyir gnyi ga'i mthar ni rnam par spang ba nyid byas shing / mkhas pas dbus la yang ni/ gnas par byed pa yod pa ma yin zhes te/ de rnams dang bral ba'i phyir mu med pa nyid de/ gzugs la sogs pa rnams dang shes rab kyi pha rol tu phyin pa phung pos yang dag par bsdus pa rnams la'o zhes pa ni chos thams cad gnyis su med pa'i de kho na nyid sems kyi skad cig la mngon par rtogs pa ste bzhi pa'o gdul bar bya ba'i ngor ldog pa'i dbye bas rnam pa bzhir phye yang skad cig gis mngon du byed de/dper na snod tha dad kyang der son pa'i nam mkha' la ni tha dad med de/ sgrib pa med pa nyid du mnyam pa'i phyir ro//de bzhin du gzugs dang tshor ba la sogs pa'i dngos po tha dad kyang der son pa'i de kho na nyid skye ba med pa'i mtshan nyid la ni tha dad pa med pas de kho na nyid ni gcig pa nyid du shes par bya ste/ de yang shes pa'i skad cig ma gcig pa'i mngon par rtogs pa ste/ mngon par rtogs pa bdun pa'o//mngon par rtogs pa brgyad pa ni chos kyi sku ste 'du shes med 'du shes med min gyi chung ngu'i chung ngu'i mi mthun pa'i phyogs kyi bye brag la/ gnyen po'i bye brag chen po'i chen po dngos gzhi dang rjes kyi ngo bo'i sems bskyed pa nyi shu rtsa gcig pa dang / nyi shu rtsa gnyis pa'i ngo bo'i kun du 'od ces bsgrags pa'i sangs rgyas kyi sa der gnas pa'i dngos po'i sku gsum dang mdzad pa dang bcas pa ni sngon du mdor bstan las/ngo bo nyid yongs rdzogs bcas dang / /sprul pa zhes dang rnam gsum dang / /chos sku mdzad dang bcas pa ste/ /rnam pa bzhir ni yang dag brjod/ /ces pa/chos kyi lam ste mngon par rtogs pa bdun gyi ngo bo'i chos kyis thob par bya ba'i sku ni chos kyi sku la/ sku ni lus te sangs rgyas rnams kyi sku ni rnam pa gsum ste/ bcom ldan 'das ma yum chen mor rnam pa thams cad du yongs su dag pa'i zag pa med pa'i chos rnams kyi gang zhig rang bzhin de ni de bzhin gshegs pa yin par shes par bya la/de dag nyid kyi chos rnams rtogs pa'i phyir mtshan sum cu rtsa gnyis dang dpe byad bzang po brgyad cus brgyan pa'i de bzhin gshegs pa'i skus byang chub sems dpa' rnams la theg pa chen po'i mchog gi chos bla na med pa'i dga' ba dang mgu ba dang sems pa dang bde ba la nye bar longs spyod pa ston par byed la/de dag nyid kyi chos rnams thams cad rtogs pas de bzhin gshegs pa nas phyogs bcu mtha' yas mu med pa'i 'jig rten gyi khams su dus thams cad du rnam pa sna tshogs pa'i sprul pa'i sprin rnams kyis sems can rnams kyi don byed do zhes gsungs pa dang /mdo sde rgyan las kyang / sangs rgyas rnams sku mdor bsdus nas/ /rnam pa gsum du shes bya ste/ /rten dang rang gzhan don du 'dir/ /sku gsum rnams ni bstan pa yin/ /zhes pa dang / 'phags pa klu sgrub kyis kyang sku gsum du bstan te/gang zhig gcig min du ma yin zhes pa la sogs pa dang / 'phags pa rnam par grol ba'i sdes kyang chos kyi sku ni gsum ste/ ngo bo nyid dang longs spyod rdzogs pa dang / sprul pa'o zhes bshad do/ /gang zhig sgrib pa'i bag chags ma lus pa dang bcas pa'i rten gyi phung po lnga gzhan du mi 'jug pa'i rnam pa thams cad du yongs su dag pa'i kun rdzob kyi ngo bo'i spros pa med pa rtogs pa'i bdag nyid byang chub kyi phyogs la sogs pa'i sangs rgyas kyi chos de rnams ni ngo bo nyid kyi skus yang dag par bsdus pa ste/chos dang chos nyid dag la dbye ba med pa'i phyir dang / kun rdzob tu chos rnams ni chos nyid kyi yul yin pa'i phyir ro//mtshan nyid kyi dbye ba ni de rnams kyi rgyu'i gnas skabs kyi rjes su 'brang ba ste/ kun rdzob la/ gzhan dag gis chos kyi tshogs 'di rnams sangs rgyas rnams kyi longs spyod rdzogs pa'i sku'o zhes bshad pa ni de'i lung ni ma yin te/ sngags kyi tshul du yang rtogs pa'i bdag nyid kyi chos kyi tshogs ni chos kyi sku'i yul gyi gtso bo nyid pas chos kyi skur nye bar btags kyi gang du yang longs spyod rdzogs pa'i skur 'dod pa ni med do//de nyid kyi chos kyi tshogs la sku bzhi pa nyid du pha rol tu phyin pa'i tshul du seng ge bzang pos rang bzos rnam par gzhag pa byas pa ni spang bar bya ba nyid do//de la ngo bo nyid ni rang bzhin gyi ngo bo nyid kho na nyid kyis te/ gdul bar bya ba la sogs pa rnams la khyab pa'o/ /ngo bo nyid dam srid pa rnam par dag pa gzhan du rab kyi mthar son pa'i ngo bo nyid kyi sku ni spros pa mtha' dag rnam par log pa'i ngo bo nyid med pa nyid kyis mya ngan las 'da' ba ste/'dir rnam par rtog pa thams cad de ltar zad cing sgrib pa'i 'ching ba rab tu spangs nas rnam par grol ba'i sku dang chos nyid kyi sku ni chos kyi skur yang brjod de/ mtha' yas pa'i chos kyi gnas yin pa'i phyir ro/ /de la ni lam gyis thob par bya ba dang byed pa po med de/ bcos ma ma yin pa'i phyir ro//'di ni bstan bcos su/ thub pa'i ngo bo nyid sku ni/ /zag med chos rnams rnam kun du/ /rnam par dag 'gyur gang dag yin/ /de dag rang bzhin mtshan nyid can/ /zhes te/ rang bzhin ni ma skyes pa'i chos nyid chos kyi dbyings la/ de nyid ni 'dir 'bras bu'i gnas skabs kyi chos kyi dbyings rnam par dag pa la de nyid shin tu rnam par dag pa'i chos kyi dbyings kyis te/shin tu rnam par dag ces pa dang / chos rnams kyi chos nyid ces pa dag don la tha dad med par 'dir gsungs pa ni nyi ma'i 'od kyi dkyil 'khor zhes pa la sogs pa ste/ sangs rgyas kyi chos rnams kyi shin tu rnam par dag pa'i chos kyi dbyings ni nyi ma lta bu la de'i rang bzhin gyi shes rab kyi pha rol tu phyin pa mtha' yas pa'i ye shes kyi ngo bos phyogs bcur khyab pa'i ni 'od kyi tshogs bzhin te/des gang zhig gi mu med pa'i shes bya snang bar byed la/ de'i 'od kyi dkyil 'khor gyis mu med pa'i shes bya kun du snang bar byed pa bzhin no zhes pa ni ngo bo nyid kyi sku'o/ / kun du longs spyad pas longs spyod de nyams su myong ba'o/ /longs spyod pa las rab du byung bas so zhes pa dang / longs spyod pa po dang longs spyad par bya bas kyang sku la longs spyod pa'i phyir yang sku de longs spyod rdzogs pa'i sku'o/ /byang chub sems dpa' rnams kyis chos bstan pa rjes su myong ba'i phyir na/ longs spyod par bya'o zhes pas kyang longs spyod rdzogs pa'i sku ste/de'i dbang du byas nas gsungs pa ni/ sgra thams cad ces pa la sogs pa ste/ ston pas bstan pa la nyan pa nyid kyis byang chub sems dpa' rnams kyis gang zhig theg pa chen po mchog gi chos rtogs pa de la/ 'dir shes rab kyi pha rol tu phyin pa la longs spyod par brjod do/ /gang yang de skye ba rnams la chung ngu dang 'bring dang chen po'i yid bde ba'i mtshan nyid rnams kyi dga' ba dang mgu ba dang rab tu sim pa rnams kyi bde ba'i nyams su myong ba de yang longs spyod pa ste/de'i mu med pa nyid ni sgra thams cad mu med pa nyid pas de'i rgyur gyur pas so/ /gang du de dag la ston pa byang chub sems dpa'i rtogs pa dag la go rims ji lta ba bzhin du mu med pa nyid du mkhyen pa dang bskyed pa bstan pa'i sgra dang bskyed bya dang skyed byed kyang ste/de ji ltar na thams cad ces ni bya sna tshogs pa la rjes su mthun pa rnams kyis rnam pa thams cad kyi gsal bar byed pa'i phyir ro/ /mu med pa ni tha ma med pa'i skus ston par byed pas mu med pa'i phyir la de bzhin gshegs pa'i yang dag par rtogs pa yang mu med pa nyid de/gang du zhe na/ gsungs pa ni/ sangs rgyas thams cad ces pa la sogs pa ste/ ji skad du bshad pa'i ston pa nyid ni 'dir theg pa chen po'i chos yang dag par rtogs pa'i shes rab kyi pha rol tu phyin pa ste/de'i mu med pa nyid ni sangs rgyas kyi chos rnams thams cad kyi yang dag par sgrub pa mu med pa'i phyir ro/ /chos de rnams ni bcom ldan 'das ma yum chen mor gsungs la/ 'dir bstan bcos su ni/ byang chub phyogs mthun tshad med dang / /rnam par thar dang mthar gyis ni//snyoms 'jug dgu yi bdag nyid dang / /zad par bcu yi bdag nyid dang / /zil gyis gnon pa'i skye mched ni/ /rab tu dbye bas rnam brgyad dang / /nyon mongs med dang smon med mkhyen/ /mngon shes so sor yang dag rig /rnam pa thams cad dag bzhi dang / /dbang bcu dang ni stobs bcu dang //mi 'jigs pa ni bzhi dag dang / /srung ba med pa rnam gsum dang / /dran pa nyer gzhag rnam gsum dang / /bsnyel ba mi mnga'i chos nyid dang / /bag chags yang dag bcom pa dang / /skye la thugs rje chen po dang / /thub pa kho na'i ma 'dres chos/ /bco brgyad bshad pa gang yin dang //rnam pa thams cad mkhyen nyid ni/ /chos kyi sku zhes brjod pa yin/ /zhes pa ste/ mthar gyis ni mthar gyis te gzhan dang 'brel pa'o/ /srung ba med pa ni srung bar byed pa med pa'o/ /chos kyi sku zhes pa ni 'dir zag pa med pa'i chos kyi tshogs la/ bzhi zhes pa ni gnas yongs su dag pa dang /dmigs pa yongs su dag pa dang / sems yongs su dag pa dang / ye shes yongs su dag pa'o/ /de dag la nyon mongs pa'i phyogs rnams thams cad kyi bag chags rnams kyi gnas ngan len rnams la mi gnas pa mthar thug pas/ rang gi bdag nyid kyi lus ji ltar 'dod par len cing gnas pa dang 'chi 'pho ba la dbang sgyur ba ni thams cad du gnas par yongs su dag pa'o//dmigs pa rnam pa thams cad du sprul pas yongs su bsgyur ba'i kun du brtags pa rnams la dbang sgyur ba ni rnam pa thams cad du dmigs pas yongs su dag pa'o/ /snga ma bzhin du sems kyi gnas ngan len thams cad dang bral zhing sems la rnam pa thams cad kyi dge ba'i rtsa ba'i nye bar bsags pa ni rnam pa thams cad du sems yongs su dag pa'o//snga ma bzhin du ma rig pa'i phyogs kyi gnas ngan len thams cad dang bral bas shes bya dang shes pa la dbang sgyur ba nyid ni rnam pa thams cad du ye shes yongs su dag pa'o//bcu zhes pa'i tshe la dbang ba ni ji ltar 'dod par tshe gnas pa dang gtong bas so/ /sems la dbang ba ni ji ltar 'dod par bsam gtan la sogs pa la snyoms par 'jug pa dang ldan pas so/ /yo byad la dbang ba ni ji ltar 'dod pa'i nye bar mkho ba'i rjes su gnas pa ste/'jig rten gyi khams thams cad du du ma'i bkod pa'i rgyan gyis so sor brgyan par byin gyis brlabs pa la sogs pa kun du ston pas so/ /las la dbang ba ni ji ltar 'dod par lus dang ngag gis las 'grub pa'o/ /skye ba la dbang ba ni thams cad du skye ba'i skye mched rnams ji ltar 'dod par skye ba'o//rdzu 'phrul la dbang ba ni ji ltar 'dod pa rnams mngon par shes pa'o/ /smon lam la dbang ba ni smon lam thams cad yang dag par 'phel ba'o/ /mos pa la dbang ba ni gang du ji ltar mos par 'gyur ba de de nyid du 'gyur ba ste/ ji ltar 'jig rten gyi khams thams cad sangs rgyas kyis yongs su gang bar rtogs pa la sogs pa'o//ye shes la dbang ba ni gang zhig shes par 'dod pa de shes pa'o/ /chos la dbang ba ni mdo sde la sogs pa chos kyi rnam par gzhag pa rnams la mkhas pa'o/ /bcu po de rnams kyang mi g.yo ba la sogs pa skye bar 'gyur ro/ /srung ba med pa gsum ni/de bzhin gshegs pa'i sku'i spyod pa yongs su dag pa ste/ de la ma dag pa'i kun du spyod pa rtsa bar bya ste/ gzhan gyis gshe bar 'gyur du 'ong snyam pa med pa'o zhes pa ni dang po'o/ /de bzhin du gsung gi las ni gnyis pa'o/ /de bzhin du thugs kyi phrin las ni gsum pa'o/ /dran pa nye bar gzhag pa rnam pa gsum ni de bzhin gshegs pa chos ston pa la gus par nyan pa rnams la rjes su chags pa med cing mi nyan pa rnams la yang khong khro ba med pa/gnyi ga dag la yang med pa de thams cad du btang snyoms su gnas pa ste/ dran pa dang ldan la shes bzhin dang ldan pa'o zhes pa'o/ /bsnyel ba mi mnga' ba'i chos nyid ni sangs rgyas rnams kyi sems can gyi don gyi bya ba dus las mi 'da' ba'o//nyon mongs pa spangs kyang gang du nyon mongs pa'i bag chags ma spangs pa dang bcas pa nyon mongs pa ma spangs pa bzhin du 'dod de/ ji ltar spre'ur sngon gyur pa'i dgra bcom pas mchongs pas yur ba la rgal ba dang sngon du bram zer gyur pa'i 'phags pa pu lin da bad pas gang gA'i lha mo la dmangs rigs mor brjod pa de lta bu dang ni de bzhin gshegs pa la bral ba nyid la/thugs rje chen po'i bsam pa gang gis bcom ldan 'das dus thams cad dus drug tu byas pa'i 'jig rten la rnam par gzigs te su zhig nyams par 'gyur zhing su zhig 'phel bar 'gyur zhes pa la sogs pa'o//rnam pa thams cad mkhyen pa nyid ni chos thams cad ngo bo nyid khyad par dang / mtshan nyid kyi dbye ba'i mthar thug pa'i ye shes la/ nyon mongs pa ni 'thab pa dang rtsod pa la sogs pa 'dir nyon mongs pa'i rgyu de nyon mongs pa'i nyon mongs pa la/bdag tu dmigs pa las 'di rnams skye bar 'gyur ro zhes pas ting nge 'dzin 'di la snyoms par zhugs nas de las langs nas grong la sogs par zhugs pa na de dmigs par byed pa la/ de la de rnams kyi nyon mongs pa skye bar mi 'gyur ba ste/ nyon mongs pa med pa de ni byams pa gtso bo'o//bstan bcos las/ nyan thos nyon mongs med pa'i lha/ /mi yi nyon mongs yongs spong nyid/ /rgyal bas grong sogs de rnams kyi/ /nyon mongs rgyun gcod nyon mongs med/ /ces te nyan thos kyi nyon mongs pa med pa ni nyan thos des sems can rnams kyi nyon mongs pa'i rgyun mthong ba yongs su spangs kyi/kun nas nyon mongs pa med pa mngon sum du byas pa ni ma yin la/ bde bar gshegs pas ni rang gi yang mthong la gzhan gyi nyon mongs pa rab tu 'byung bar rgyun gcod de ma mthong ba'i yang ngo zhes pa'i don to/ /'di shes par bya'o zhes smon nas bsam gtan la snyoms par 'jug pas 'jig rten gyi sngon byung ba la sogs pa la ye shes skye bar 'gyur ba ni de ltar nyan thos rnams kyi smon nas mkhyen pa'o//de bzhin gshegs pa'i dbang du byas nas/ bstan bcos las/ sangs rgyas smon nas mkhyen pa ni/ /lhun gyis grub dang chags spangs dang //thogs pa med dang rtag gnas dang / /'dri ba kun lan 'debs par bzhed/ /ces te/ lhun gyis grub pa ni rnam par rtog pa med pa'i phyir ro/ /chags pa spangs pa ni ltos pa med pa'i phyir ro/ /thogs pa med pa ni thams cad du bar chad med pa'i phyir ro/ / rtag tu gnas pa ni rtag par thugs mnyam par gzhag pa la gnas pa'i phyir ro/ /'dri ba kun lan 'debs pa ni 'dri ba kun gyi lan 'debs pa'i phyir ro/ /'dir byang chub kyi phyogs la sogs pa'i chos kyi phung po 'di rnams longs spyod rdzogs pa'i sku dang / sprul pa'i sku ro gcig pa nyid kyis ngo bo nyid kyi sku nyid bdag por gyur nas/sems can gyi don gyi dbang gis khyab pa nyid rtag pa nyid de/ de'i dbang du byas nas bstan bcos las/ rgyu ni yongs su smin gyur nas/ /gang dang gang don gang tshe la/ /gang tshe bya ba phan gyur pa/ /de dang de la de snang ngo / /lha yi rgyal pos char phab kyang / / sa bon mi rung mi 'khrungs ltar/ /sangs rgyas rnams ni byung gyur kyang / /skal ba med pas bzang mi myong / /de ltar mdzad pa rgya cher phyir/ /sangs rgyas khyab par nges par brjod/ /de nyid zag pa med pa'i phyir/ /rtag pa zhes kyang brjod pa yin/ /zhes te/ de ltar ngo bo nyid kyi sku'o/ /de snang ba ni longs spyod rdzogs pa dang /sprul pa'i sku ste snang ba'i phyir ro/ /ci'i phyir na dus rtag tu phan pa ma yin zhe na/ de gsungs pa ni/ char phab ces pa ste/ sa bon du mi rung bar gyur pa'i sA lu la sogs pa lta bu la/ sangs rgyas rnams kyi longs spyod rdzogs pa dang sprul pa'i sku rnams kyi skal ba med de rang gi las kyi gnod pa byas nas skye ba'i rgyu dang bral ba'i phyir ro//bzang po de ni phan pa la/ mdzad pa rgya che ba ni/ skal ba dang ldan pa thams cad la phan par byed pa ste/ de nyid mdzad pa'i longs spyod rdzogs pa'i sku sangs rgyas kyi zhing yongs su dag pa la 'og min la sogs pa rnam pa sna tshogs shing bsam gyis mi khyab cing mtha' yas pa'i rin po che'i rang bzhin gyi gzhal yas khang du 'khor la sogs pa skye bar 'gyur te/nam mkha' ji srid gnas par kun tu gnas te/ de'i sangs rgyas kyi zhing ji srid lta bu/ sangs rgyas kyi zhing gang de la gtso bo nyid du ji ltar 'thad na/ 'jig rten rnam pa gnyis te/ sems can gyi 'jig rten dang snod kyi 'jig rten no/ /sems can yongs su dag pa'i dbang du byas nas gsungs pa ni/ sems can thams cad ces pa la sogs pa ste/ de la snod du sems can gang cung zhig skye bar gyur pa de thams cad 'phags pa'i sa thob pa'i byang chub sems dpa' ste/de'i sems can gyi khams thams cad kyi sems can gyi phung po de'i bsod nams dang ye shes kyi tshogs dag mu med pa nyid kyis la/ shes rab kyi pha rol tu phyin pas ni 'dir bcom ldan 'das kyis gang sems can de rnams rtogs pa'i phyir nam mkha' ji srid du yongs su smin par byed pa ste/sa'i khams zhes pa la sogs pa nas/ ji srid du rnam par shes pa'i khams kyi bar ro/ /de ltar yang de la snod kyi 'jig rten ni sa gzhi lag mthil ltar mnyam pa la/ khang bzangs dang / ldum ra dang / lding khang dang / dpag bsam gyi ljon pa la sogs pas yongs su bskor ba'i sems can rnams kyi gnas mchog tu 'bar ba'i gser la sogs pa'i rin po che sna bdun gyi rang bzhin gyis 'jig rten gyi khams gzhan du mas gsal bar byed pa'i 'od zer chen po rab tu byung nas steng du nam mkha'i mthil dang rjes su mthun pa'i snang bar byed pa dang /'phags pa'i dge slong dag khams drug gi sems can gyi khams drug car la ni 'dir skyes bu'o zhes gsungs pa'i phyir te/'dir de rnams kyi yang lus mdangs dang ldan zhing 'od kyi dkyil 'khor can de sa dang rjes su mthun pa kha dog dang dbyibs te/ de la kun tu 'bad pa med par longs spyod cing yongs su longs spyod pa'i sems can rnams kyi lha'i 'jig rten las kyang khyad par du 'phags shing /gang dag 'di rnams la nye bar longs spyod pas nges par dge ba dang bde ba dang nges par kha na ma tho ba med pa dang nges par dbang sgyur ba ste/ 'di 'dra bar khams drug yongs su dag pa mu med cing mthar thug pa med pa'i phyir dang /shin tu rol pa'i phyir ro/ /'dir de mu med pas de'i rgyur gyur pa'i phyir/ bcom ldan 'das kyi shes rab la mu med pa nyid du rjes su rig par bya'o/ /de skyes pa'i byang chub sems dpa' rnams mtha' yas pa'i 'jig rten gyi khams su song nas/ sems can rnams kyi mi dge ba bsags pa gzhom par bya ba dang /de'i gnyen po dge ba bsags par shes pa de rnams la tshad med pas de'i yongs su gcod pa po'i de rnams kyi shes rab las tshad med pa gsungs pa ni/ dge ba zhes pa la sogs pa ste/ ji srid du des de rnams la chos ston par byed pa de rnams thams cad kyis dge ba'i chos kun du bsags pa de rnams tshad med pas so//de'i rnam par gzhag pa po de rnams kyi shes rab la tshad med do zhes bya ba gsungs pa ni/ chos thams cad ces pa la sogs pa dang / chos thams cad ting nge 'dzin ces pa la sogs pa ni chos rnams 'dzin pa dang ting nge 'dzin la sems gnas pa nyid de mu med pa nyid so sor thob pa ste/thob pa ni byang chub sems dpa' rnams la de skyes pa po'i phyir bcom ldan 'das kyi shes rab la mu med pa nyid do/ /sangs rgyas thams cad ces pa la sogs pa ste/ sangs rgyas ni longs spyod rdzogs pa'i sku la de'i chos thams cad ni mtshan dang dpe byad rnams te de rnams kyi mu med pa nyid de yongs su mi chod par mnyam pa ste/de bzhin gshegs pa las gzhan la de 'dra ba rnams med pa'i phyir ro/ /des bcom ldan 'das kyi shes rab de dang 'dra ba mu med pa nyid kyi gang gang gis de'i rgyu shes pa nyid la rjes su gnas pas so/ /'di ltar bstan bcos las/mtshan ni sum cu rtsa gnyis dang / /dpe byad brgyad cu'i bdag nyid ni/ /theg chen nye bar longs spyod pas/ /thub pa'i longs spyod rdzogs skur bzhed/ /phyag zhabs 'khor los mtshan dang rus sbal zhabs/ /phyag dang zhabs sor dra bas 'brel ba dang / /phyag ni zhabs bcas 'jam zhing gzhon sha chags//'di yi sku yi bdun dag mtho ba dang / /sor mo ring dang rting yangs sku che drang / /zhabs long mi mngon spu ni gyen du phyogs/ /byin pa e n+ya ya 'dra phyag ring mdzes/ /mdoms kyi sba ba sbubs su nub pa'i mchog /pags pa gser mdog pags pa srab pa dang / / spu ni re re nas g.yas legs 'khrungs dang / /zhal mdzod spus brgyan ro stod seng ge 'dra/ /'di yi dpung pa'i mgo zlum thal gong rgyas/ /'di la ro mi zhim pa ro mchog snang / /sku ni n+ya gro d+ha ltar chu zheng gab/ /gtsug tor yar 'phags ljags rings mdzes pa dang / /tshangs dbyangs 'gram pa seng ge 'dra dang tshems//shin tu dkar dang thags bzang tshad mnyam dang / /grangs ni bzhi bcu tham pa tshang ba dang / /spyan ni mthon mthing spyan rdzi ba mchog gi /'dra ba 'di dag sum cu rtsa gnyis mtshan/ /zhes te/ 'di gom pa snyoms pa dang / phyag dang zhabs dag mnyam zhing 'khor los mtshan pa'o//shin tu rab tu gnas pa'i phyir rus sbal lta bu'i zhabs so/ /ngang pa'i rgyal po ltar phyag dang zhabs dag la dra bas sbrel ba'o/ /phyag dang zhabs dag gi rgyab dang phrag pa dag dang mgul pa la sku sha nye bar bsags pa'i phyir te sku'i bdun mtho ba'o/ /che ba ni che ba'i phyir ro/ /zhabs kyi long bu mi mngon pa dang /de yang spu gyen du phyogs pa dang shin tu sbas pa'i zhabs kyi long bu mi mngon pa la sogs pa ni mdo la'o/ /'dir brla'i rtsa ba man chod ni thams cad zhabs su de ltar gtang bar bya'o/ /phyag ring ba nyid ni yongs su brkyang ba ni brlabs ring ba nyid pus mo'i lha nga khebs pa'i phyir ro/ / mdoms kyi sba ba sbubs su nub pa ni mdoms kyi sba ba sbubs su nub pa ste/ sbubs kyis g.yogs shing rab tu bkab pas 'di'i mdoms kyi sba ba sbubs su nub pa'i mchog go/ /mdzod spu ni thig le'i gnas su dkar po'i g.yas su 'khyil ba rtse mo gyen du bstan pa'o/ /'di'i ro stod ni seng ge lta bu'o//zlum pa ni mgrin pa shin tu yongs su zlum pa ste/ legs par 'byor ba'i mgrin pa'i phyir ro/ /'di'i thal gong dag ni nang gi bar gang ba dang bcas pa ste/ der nye bar bsags pa'o zhes pa ni thal gong rgyas pa'o/ /n+ya gro d+ha ni 'dom gang ba ste/ lte ba'i gong dang 'og gi rkang pa'i mthil nas ji srid du mgo bo'i bar dang lag pa gnyis kyi bar 'dom gang mnyam pa'i sku'o//gtsug tor ni dbu la dkris pa'i rnam pa can no/ /'gram pa seng ge ni zla ba'i dkyil 'khor tshes bcu gnyis pa dang 'dra ba'i phyir ro/ /'di'i bcu'i tshad rnams kun du bsgyur bas so zhes pa ni bzhi bcu pa rnams so//ba mchog ni khyu mchog ste ba lang gi mchog go/ /'di la mtshan ni gang gang gis/ /sgrub par byed pa'i rgyu gang yin/ /de dang de ni rab rdzogs par/ /mtshan ni 'di rnams yang dag 'grub/ /ces pa bstan bcos las te/ sgrub byed rgyu'i mtshan nyid ni longs spyod rdzogs pa'i sku ste/yang bstan bcos las/ bla ma skyel la sogs pa dang / /yang dag blang ba bsten pa dang / /bsdu ba bsten dang gya nom pas/ /dngos po sbyin dang gsad bya ba/ /thar par byed dang dge ba ni/ /yang dag blangs pa spel la sogs/ /sgrub byed rgyu yi mtshan nyid de/ /mdo las ji skad 'byung ba bzhin/ / ces te/ bla ma rnams la bsu ba dang bskyal ba dang chos mnyan nas 'khor lo la sogs pa sbyin pa ni dang po'i mtshan nyid do/ /blangs pa yang dag bsten pa ni gnyis pa'o/ /bsdu ba'i dngos po bsten pa ni gsum pa'o/ /gya nom pa ni bza' ba dang btung ba la sogs pa sbyin pa'i phyir ro/ /bcings pa dgrol ba'i phyir dang /srog rjes su gzung ba'i phyir dang / srog gcod pa las ldog pa bsten pa ste gsum pa'o/ /chos yang dag par blangs pa dag spel ba ste/ dgu ni bcu'i 'o/ /bsnyen bkur dang rig pa bzo ba la sogs pa sbyin pa dang yod cing bdog pa la slong ba'i skye bo mi spong ba dang / skye bo thams cad la tshangs par spyod pa lan du bcug pa dang /gsang bar bya ba'i tshig bsrung ba dang / gya nom pa'i stan gyi gding g.yogs la sogs pa sbyin pa dang / khang bzangs dang / gos la sogs pa sbyin pa dang / 'du 'dzi la sogs pa spangs pa dang / skye bo thams cad bla ma ji lta ba'i gnas la 'jog pa dang /rnam pa thams cad du ngag rtsub po'i tshig gis mi smod pa dang / snyan par smra ba nyid dang / legs par smra ba nyid kyis rjes su mthun pa dang / sman sbyin pa dang nad pa'i nye gnas dang / kun dga' ra ba'i gnas la sogs pa byed du 'jug pa dang / gnas gzhi la sogs pa rnams la lhag par rab tu sbyin pa dang /'jam po la sogs par smra ba dang / 'jig rten gyi khams thams cad kyi sems can rnams dam pa'i chos rnam par shes par byed pa dang / ngag 'khyal pa spangs pas skye bo thams cad rin po che la sogs pa dang / 'tsho ba rnam par dag pa nyid dang bden par smra ba nyid dang /phra ma'i tshig la sogs pa med pa dang / sems can thams cad la bu gcig pa bzhin du blta ba dang / khong khro ba la sogs pas dben par ston pa dang / byin pa e n+ya ya 'dra ba la sogs pa rnams kyi rgyu ni go rims ji lta ba bzhin du nyi shu rtsa gnyis so/ /mtshan rnams las gzhan pa'i mdzes par byed pa'i dpe byad rnams kyi dbang du byas nas bstan bcos las/thub pa'i sen mo zangs mdog dang / /mdog snum mtho dang sen mo rnams/ /zlum rgyas byin gyis phra ba dang / /rtsa mi mngon dang mdud pa med/ /long bu mi mngon zhabs mnyam dang / /seng ge glang chen bya dang ni/ / khyu mchog stabs gshegs g.yas phyogs dang / /mdzes gshegs drang dang 'khril bag chags/ /byi dor byas 'dra rim pa 'tsham/ /gtsang dang 'jam dang dag pa'i sku/ /dpe byad yongs su rdzogs pa nyid/ /sku yi kho lag yangs shing bzang / /gom snyoms spyan ni dag pa dang / /shin tu gzhon mdog can nyid dang //sku zhum med dang rgyas pa dang / /yan lag shin tu rnam dbyes dang / /gzigs pa mu med dag pa dang / /dku zlum skabs phyin ma rnyongs dang / /phyam me ba dang lte ba ni/ /zab dang g.yas su 'khyil pa dang / /kun nas blta na sdug pa dang / /kun spyod gtsang dang sku la ni/ / sme ba gnag bag med pa dang / /phyag ni shing bal ltar 'jam dang / /phyag ris mdangs yod zab rings dang / /zhal ni ha cang mi ring dang / /mchu ni bim pa ltar dmar dang / /ljags mnyen pa dang srab pa dang / /dmar dang 'brug gi sgra nyid dang / /gsung mnyen mnyam dang mche ba ni/ /zlum dang dkar dang rno ba dang //byin gyis phra dang shangs mtho dang / /mchog tu dag pa nyid dang ni/ /spyan yangs pa dang rdzi ma stug /pad+ma'i 'dab ma 'dra ba dang / /smig tshugs ring dang 'jam pa dang / /snum dang spu ni g.yas phyogs dang / /phyag ring rgyas dang snyan mnyam dang / /nyams pa rnam par spangs pa dang //dpral ba legs par dbyes pa dang / /dbyes che ba dang dbu rgyas dang / /dbu skra bung ba ltar gnag dang / /stug 'jam ma 'dzings ngo bo dang / /mi bshor skyes bu'i yid 'phrog dang / /dpal gyi be'u dang bkra shis ni/ /g.yung drung 'khyil bas brgyan pa ste//sangs rgyas dpe byad bzang por bzhed/ /ces te/ gzugs rnams kyi gzugs brnyan 'di 'char ba de ltar 'di'i sku la 'dir gzugs brnyan shar ba'o/ /spu mnyam pa dang de la sen mo zangs kyi mdog nyid dang / snum pa nyid dang / sen mo mtho ba nyid dang / sen mo zlum pa nyid dang / sor mo byin gyis phra ba nyid dang / rtsa mi mngon pa nyid dang / rtsa'i mdud pa med pa nyid dang / long bu mi mthong ba nyid dang / zhabs mnyam pa nyid dang / seng ge'i 'gros kyis gshegs pa nyid dang / glang po che'i 'gros kyis gshegs pa nyid dang / ngang pa'i stabs kyis gshegs pa nyid dang / khyu mchog gi stabs kyis gshegs pa nyid dang / g.yas phyogs su bskor zhing gshegs pa nyid dang / mdzes par gshegs pa nyid dang / yon po ma yin pa'i sku nyid dang / 'khril bag chags pa'i sku nyid dang / byi dor byas pa lta bu'i sku nyid dang / rim par 'tsham pa'i sku nyid dang / gtsang ba'i sku nyid dang /'jam pa'i sku nyid dang / dag pa'i sku nyid dang / dpe byad yongs su rdzogs pa nyid dang / yangs shing mdzes pa'i sku nyid dang / gom pa snyoms pa nyid dang / spyan rnam par dag pa nyid dang / shin tu gzhon mdog can gyi sku nyid dang / ma zhum pa'i sku nyid dang / /rgyas pa'i sku nyid dang /shin tu rnam par phye ba'i sku nyid dang / yan lag dang nying lag shin tu rnam par mdzes pa nyid dang / gzigs pa rab rib med pa nyid dang / dku zlum pa nyid dang / dku skabs phyin pa nyid dang / dku ma rnyongs pa nyid dang / sku mnyam pa nyid dang / lte ba zab pa nyid dang / lte ba g.yas phyogs su 'khyil pa nyid dang /kun nas blta na sdug pa nyid dang / kun du spyod pa gtsang ba nyid dang / sku la sme ba'i gnag bag med pa nyid dang / phyag shing bal ltar 'jam pa nyid dang / phyag gi ri mo snum pa nyid dang / phyag gi ri mo ring ba nyid dang / zhal ha cang mi ring ba nyid dang / mchu bim pa ltar dmar ba nyid dang /ljags mnyen pa nyid dang / ljags srab pa nyid dang / ljags dmar ba nyid dang / shangs mtho ba nyid dang / shangs gtsang ba nyid dang / spyan yangs pa nyid dang / rdzi ma stug pa nyid dang / dkar ba dang gnag pa'i pad+ma'i 'dab ma lta bu'i spyan nyid dang / smin 'khyugs ring ba nyid dang /smin ma snum pa nyid dang / smin ma 'jam pa nyid dang / phyag ring zhing rgyas pa nyid dang / snyan mnyam pa nyid dang / dpral ba legs par mdzes pa nyid dang / dpral ba'i dbyes che ba nyid dang / dbu yongs su rgyas pa nyid dang / dbu skra bung ba ltar gnag pa nyid dang / dbu skra stug pa nyid dang /dbu skra 'jam pa nyid dang / dbu skra ma 'dzings pa nyid dang / dbu skra mi bshor ba nyid dang / dpal gyi be'u dang / bkra shis dang / g.yung drung 'khyil pa rnams phyag dang zhabs kyi mthil rnams la'o zhes pa'i dpe byad brgyad cu rnams dang / mtshan rnams ni gdul bar bya ba'i dad pa mngon par 'phel ba'i phyir rnam par gzhag pa nyid de/'di dag la ni 'di 'dra ba zhes bya bar mi nus pa nyid do/ /longs spyod rdzogs pa dang sprul pa'i sku dag la ni rnam pa sna tshogs shing bsam gyis mi khyab pa'i kha dog dang dbyibs la sogs pa rnams su bla na med pa'i tshul du mang du bstan pa'i phyir dang mdo sde yang ste/rnam par rtog pa med pa'i yid bzhin gyi nor bu'i de bzhin gshegs pa'i bdag po dang / rang gi mos pa'i dbang gis de bzhin gshegs pa gser gyi kha dog la sogs pa'i sku mthong bar 'gyur ro zhes pas so/ /mtshan dang po 'di rnams ni byang chub sems dpa' rnams dang 'khor los sgyur ba rnams la yang yod mod kyi/cung zhig de bzhin gshegs pa rnams kyi yul na gnas pa dang / gsal ba dang rdzogs pa rnams kyis bla na med pa'o/ /sprul pa ni sprul pa ste des na sprul pa'i sku de ni mya ngan las 'da' zhing thams cad nas thams cad du nam mkha' ji srid bar dus ji lta ba dang bsam pa ji lta bar mtha' dag gi mngon par mtho ba dang nges par legs pa yang dag par sgrub pa'i sprul pa'i las rnams la shAkya thub pa de bzhin gshegs pa la sogs pa'i skur sprul par byed do zhes pa ni sprul pa yang yin la sku yang yin pas sprul pa'i sku ste/de'i dbang du byas nas bstan bcos las/gang gis srid pa ji srid par/ /'gro la phan pa sna tshogs dag /mnyam du mdzad pa'i sku de ni/ /thub pa'i sprul sku rgyun mi 'chad/ /de bzhin las kyang rgyun mi 'chad/ /'di ni 'khor ba yin par 'dod/ /ces te/ de ltar sems can mnyam po la mi mnyam par so sor snang ba ni sems can rnams kyi bdag po'i dbang gis te/'di la gsungs pa ni/ chos thams cad ces pa la sogs pa ste/ ji srid du chu dang / thang dang bar snang la rgyu ba'i brtan pa dang g.yo ba rnams kyi lus ngag gis kun du bsdus pas ni chos rnams la sems can rnams gdul ba'i phyir bcom ldan 'das kyis mtha' yas pa'i 'jig rten gyi khams sprul pa nyid ni chos thams cad de/de rnams mu med pa nyid pas bcom ldan 'das kyi shes rab kyi pha rol tu phyin pa la mu med pa ste des sprul pa nyid do/ /stong pa nyid ces pa la sogs pa ni ji ltar sprul pa'i sku rnams mtha' yas pa de ltar de rnams kyi stong pa nyid kyang mtha' yas pa nyid do//gang gi stong pa nyid na rang gi ngo bo nyid kyi sems dang sems las byung ba'i rang bzhin rgyud pa'i blo rnams kyis te/ sgyu ma'i skyes bu bzhin te/ mu med pa ni snga ma bzhin no/ /ji ltar de rnams kyi lus dang ngag sprul pa de bzhin du sems dang sems las byung ba yang ji ltar sprul par ma gyur na/de'i nye bar len pa'i rgyu med pa'i phyir te/ snga na med pa'i sems can rnams 'byung ba med pa'i phyir ro/ /'o na sangs rgyas rnams ni sku dang gsung dang thugs sprul pa'i sbyor ba'i thabs kyi las can zhes gsungs pa ni bden par 'dod de/'on kyang bden pa'i nye bar len pa'i rgyu can te/ lha'i byin gyis brlabs nas rmi lam mthong ba bzhin te/ ngag gi don shes par byed pa bzhin te/ 'di la gsungs pa ni/ sems zhes pa la sogs pa ste/ sna tshogs pa'i 'jig rten gyi khams kyi mtha' yas pa'i sems can gyi spyod pa rnams la rnam par gzigs nas sprul pa sna tshogs pa rnams kyis bcom ldan 'das kyis de rnams la chos ston par byed de/'di la gsungs pa ni/ sems kyi spyod pa zhes pa la sogs pa'o/ /sems can de rnams kyis ji ltar nye bar bstan pa'i chos la kun du dmigs par byed pa'i gnyen po dang ldan pa'i dge ba'i chos skye bar gyur nas mi mthun pa'i phyogs kyi mi dge ba'i chos rnams rab tu spong bar byed de/'di la gsungs pa ni/ dge ba zhes pa la sogs pa'o/ /sprul pa nyid ni ji ltar bcom ldan 'das kyi sku ste/ sgyu ma mkhan gyis sprul pa'i glang po che la sogs pa'i sgyu ma'i rnam pa ni de'i skur 'gyur ba med do//rang gi lus nyid du byin gyis brlabs shing sprul nas rang gi lus bzhin du 'gro ba dang / tha snyad la sogs pa dang dka' spyad rnams su rnam par spros pa de'i bcom ldan 'das kyi sku'o zhes pa ni sprul pa'i sku'o/ /de la sku gsum po 'di rnams kyang ni rtag pa ste/ngo bo nyid ni rang bzhin gyis rtag pas rtag pa ste/ thog ma dang tha ma med pa'i phyir ro/ /longs spyod rdzogs pa'i sku ni de rten pas rtag pas rtag pa ste/ thog ma 'dod kyang tha ma med pa'i phyir ro/ /de ltar byang chub kyi phyogs la sogs pa'i chos kyi tshogs kyang ngo / /sprul pa'i sku ni rgyun rtag pa ste rtag tu 'byung zhing nub pa dang /nub nas yang nas yang du yul tha dad par rtag tu 'jug pas na de ltar mdzad pa yang rtag pa nyid do/ /de la d+h+r-ing ni kun tu gnas pa ste/ zhes pa nyid la gang du yang 'jig par 'gyur ba med do zhes pa ni chos so/ /chos kyang 'di la sku yang 'di lta ste/ lus yin pa'i phyir ro zhes pa'o/ /chos kyi sku ni bcom ldan 'das rnams kyis 'dus ma byas pa'i don dam pa ste/ de la brten pa'i byang chub kyi phyogs la sogs pa dang / longs spyod rdzogs pa dang sprul pa'i sku dang gsum ni de ltar kun rdzob kyi ngo bo ste 'jig rten las 'das pa'i lam gyis 'dus byas pa'i don dam par ni ngo bo nyid med pa'i mtshan nyid can chos kyi sku'i ngo bo ste go rims ji lta ba bzhin du yang dag par rdzogs pa'i sangs rgyas rnams dang /sa bcu pa'i byang chub sems dpa' rnams dang / de las cig shos kyang byang chub sems dpa' rnams la sogs pa rnams la yang so sor snang bar byed de/ ji ltar chos kyi sku la brten pa nyid na ni chos kyi sku nyid mngon par byang chub par gyur nas longs spyod rdzogs pa'i sku'i rtse mo la 'di las sprul pa'i sku yang de dang der 'byung ste/cung zhig chos kyi sku dang longs spyod rdzogs pa'i sku dang sprul pa de'i 'od zer dag las kyang sprul pa'i skur 'gyur ba'o/ /'dir sems bskyed pa'i dngos gzhi dang rjes ni ye shes lnga'i bdag nyid de/de ltar yang sangs rgyas kyi sa'i mdor sangs rgyas kyi sa shin tu rnam par dag pa'i chos kyi dbyings kyis bsdus pa'i me long lta bu dang / mnyam pa nyid dang / so sor kun du rtog pa dang / bya ba nan tan no zhes gsungs pa ni/ de la bag chags dang bcas pa'i sgrib pa gnyis las grol ba'i snying rje dang shes rab gnyis su med pas chos kyi dbyings kun du rtogs pa ni shin tu rnam par dag pa chos kyi dbyings kyi ye shes so//me long lta bu'i ye shes ni gang du nam mkha' ji srid pa'i rdul phra rab kyi mu med pa'i khams gsum pa'i sems can dang /cig shos kyi dngos po thams cad ji ltar ring ba dang nye ba'i yul dang 'das pa dang / ma 'ongs pa dang / da ltar byung ba'i dus kyi so sor gnas pa me long bzhin du gzugs brnyan gsal bar so sor snang ba'o/ /mnyam pa nyid kyi ye shes ni gang gis de ltar mthong ba'i 'gro ba de rnams chos la bdag med par mnyam par nges shing sems can thams cad rtog par bdag dang mnyam pa nyid kyi sems de rnams kyis thob pa'o//so sor kun tu rtog pa'i ye shes ni gang gis de ltar mnyam par bzhag pa nyid kyis bcom ldan 'das la rnam par rtog pa med pa nyid kyang rang gi sngon gyi smon lam dang / sems can gyi bsod nams kyi dbang gis sems can thams cad kyi sems kyi spyod pa so sor brtags pa'o/ /bya ba nan tan gyi ye shes ni de ltar so sor brtags pa nyid kyis 'gro ba la ji ltar rigs par mdzad pas gnas pa'o/ /ye shes lnga po 'di rnams dang / /gzhan yang mngon par shes pa dang / stobs dang mi 'jigs pa la sogs pa'i grangs las 'das pa'i sangs rgyas kyi ye shes kun rdzob pa la rnam par rtog pa med pa de rnams ni gang yang yang dag par rdzogs pa'i sangs rgyas kyi bde ba'o zhes bcom ldan 'das ma las gsungs pa na bde ba chen po'i rang bzhin te/longs spyod rdzogs pa'i sku dang lhan cig spyod de/gzugs dang ro gcig bzhin du tshogs pa gcig la brten pa'i 'brel pa dang gzhan pa'i cha med pas gnas pa cig car ba'i rgyud la phan tshun dbye bas rnam par gzhag pa ni gang du yang dbye ba med de/ ldog pa'i dbye ba rnams kyi phye bas rnam par gzhag pa la dgongs pa ste/ don dam pa ni dbye ba dang dbye ba med pa la sogs pa'i spros pa mtha' dag gis stong pa nyid do//dbu ma pa gzhan gyis 'dod pas de nyid de ltar yod pa ma yin pa nyid de/ de bzhin gshegs pa'i ye shes na ni/ de ltar rnam par dag pa'i kun rdzob chad pa'i lta bas smod par byed pa nyid de/ de'i phyir bcom ldan 'das kyis kun rdzob kyi ngo bo'i so sor rang gis rig pa ni chad pa med pa nyid de/sgrib pa dang bcas pa'i phung po lnga'i mtshan nyid kyi rten gzhan du mi 'jug pa'i rang gi bsod nams dang ye shes kyi tshogs kyi dbang gis sgrib pa med pa'i phung po lnga po rnams kun rdzob tu gzhan du yod pa nyid de/ 'dir rab tu dga' ba la sogs pa'i sa nas brtsams nas/mi mthun pa'i phyogs ma rig pa la sogs pa'i mun pa 'grib pa nyid kyis mu med pa'i mngon par shes pa la sogs pa ye shes kyi snang ba bsags pa nyid kyi rim gyis mun pa med nas sa bcu pa la mu med pa nyid kyi bdag nyid can du byed pas bcu gcig pa la med ces ci'i phyir 'dir rigs te/de la ni ma rig pa la sogs pa ma lus pa'i mun pa'i 'khrul pa spangs nas dang / ma 'dres pa'i bla na med pa'i bsam gyis mi khyab pa'i mngon par shes pa la sogs pa'i ye shes kyi snang ba mu med pa'i khams gsum pa rnams na mtshams med pa 'phro ba nyid du rigs kyi chad par ni ma yin te/shin tu rnam par dag pa rtogs pa'i rgyud la kun rdzob kyi ngo bo nyid med na mu med pa'i sems can rnams kyi rgyud kyi rig pa dang / mngon par shes pa dang / stobs dang ma 'dres pa la sogs pa'i chos kyi phung po yang ye shes lnga rnams gang gis mkhyen cing gang gis chos bstan pa rnams kyi gzhan du don byed pa snying rje chen pos smon lam btab pa rab tu sad pa'i dbang gis gang du gzugs kyi sku snang bar 'gyur ba'o zhe na/gang yang bcom ldan 'das ma 'di'i yongs su bsngo ba'i le'ur rdzogs pa'i byang chub kyi bde ba zhes pa des gnod par 'gyur te/ de'i phyir yang myong ba'i bdag can ni bcom ldan 'das so//de'i phyir/ 'tshe ba med pa'i yang dag don/ /rtogs pa shin tu rgyas rnams kyi/ /chad pa med de bde gzung dang / /snying brtse bde ba'i bdag nyid kyis/ /ji ltar gsungs pa'i rigs pas ni/ /thams cad kun du 'byung bar 'gyur/ /ji ltar na des yongs su gcod par byed pa'i dngos po rnams la ni mtha' med de/dper na bden pa'i rmi lam gyi shes pas mi slu ba ste/ de ltar rnal 'byor pa rnams kyi shes pa shes rab kyi pha rol tu phyin pa'i thabs la mkhas pa la goms pa'i mthus ma rig pa la sogs pa'i sgrib pa spangs pas phyogs bcur nam mkha' ji srid par byung zin pa dang 'byung ba dang 'byung bar 'gyur ba'i kun rdzob kyi ngo bo'i snod kyi 'jig rten dang /sems can gyi 'jig rten dang / grangs med pa nyid kyi mtha' yas pa la de ltar de'i mngon sum ni gang yang slu ba med pas mngon sum gyi tshad mas rnam par gzhal bar bya ste/ ngo bo nyid kyi dngos por ni des cung zhig kyang nye bar dmigs pa med do//de yang chos yang dag par sdud par/ mthong ba med pa nyid ni chos thams cad kyi mthong ba dam pa'o zhes gsungs te/ ji ltar na chos thams cad la bdag med pa rnal 'byor pa rnams kyi mngon sum ste/ de ni dngos po med pa'o zhe na/ de lta ma yin te/gzugs brnyan lta bu'i phung po lnga po rnams kyis bdag med pa'i de kho na nyid mngon sum du byed pa'i ye shes skye bar 'gyur te/ de nyid la mthong ba med par brjod kyi/ med pa dgag pa'i tshul gyis ni ma yin te/ de ltar yang blo gros chen po byang chub sems dpas sgyu ma dang rmi lam bzhin du chos thams cad nye bar bstan par bya ste/mthong ba dang mthong ba med pa'i mtshan nyid kyi phyir ro zhes te de la mthong ba'i mtshan nyid ni kun rdzob la mthong ba med pa'i mtshan nyid ni don dam pa nyid do zhes pa ni mdo'i don to/ /gang yang chos rnams thams cad don dam par skye ba med pa dang ro gcig pa nyid du mngon sum pas don dam par ngo bo nyid med kyang kun rdzob tu mngon sum la sogs par rnam par gzhag ste/de'i phyir na bcom ldan 'das kyis mngon sum nyid la ma lus pa'i dngos por skyes pa'i rnam pa thams cad lag mthil du skyu ru ra bzhag pa bzhin du gsal bar rig ste/ rnal 'byor pa'i ting nge 'dzin ni bsam gyis mi khyab pa la sbyor ba'i phyir ro//yang gsungs te/ mkhyen pa'i skad cig gcig la ni/ /shes bya'i dkyil 'khor kun khyab pa'i/ /yon tan rin chen bsam mi khyab/ /chu bo'i 'khor ba ji srid 'jug /ces pa ni 'dir bcom ldan 'das kyis rnam pa thams cad mkhyen pa nyid ye shes su rnam par gzhag ste/ ma lus pa'i phyin ci log spangs kyang thugs rje chen po'i sngon gyi smon lam gyi dbang gis ji srid du sems can gyi las dang nyon mongs pa dang nam mkha' ji srid par gnas pa nyid do//bcom ldan 'das kyis kyang byang chub sems dpar gyur pa na smon lam bskyed par byas te/ ji ltar sangs rgyas bcom ldan 'das rnams ltar bdag gis rnam par rtog pa med pa'i yid bzhin gyi nor bu bzhin du ji ltar rjes su mthun pa'i sems can gyi don sgrub par byed pa'i mchog tu yongs su mthar thug pa'i sangs rgyas kyi mdzad pa yang ji srid nam mkha' gnas kyi bar du gnas nas phan par byed ces pa ste/'dir de ltar sgyu ma la sogs pa rnams sngags dang sman la sogs pa'i rang gi rgyu tshogs pa'i gzhan dbang gis 'jug ste/de ltar rnal 'byor pa rnams kyi ye shes la sogs pa yang sgyu ma ste ma brtags na nyams dga' ba rnams kyi rab tu 'jug pa nyid de/ rkyen sna tshogs pa'i dbang gis sgyu ma rnams kyang sna tshogs par ston pa'i phyir ro//rnal 'byor pa rnams kyis ni/ sgyu ma'i mkhan po bzhin du des sgyu ma ji ltar yang dag par yongs su shes nas de kho na nyid du mngon par zhen par mi byed de/ gang zhig de'i skye ba la sogs pa'i sgyu ma rnams la byis pas rtogs ldan gyi skye bo bzhin du ji ltar mthong ba la bden pa mngon par zhen pas de ni byis pa zhes brjod la/de la rnal 'byor pa'i ye shes la sogs pa sgyu ma ni ji ltar rang dang rjes su mthun pa'i bsod nams dang ye shes kyi tshogs kyi rgyu ste/ bcom ldan 'das rnams kyi mi gnas pa'i mya ngan las 'das pa'i rgyu ni snying rje dang shes rab bo/ /de'i phyir na byang chub sems dpa' rnams la thabs dang shes rab zung du 'brel ba'i bgrod pa'i lam gsungs pa'o//'o na chos thams cad stong pa nyid kyi de kho na nyid mthong ba can gyi bcom ldan 'das kyis ji ltar phyi rol gyi don dang rnam par shes pa dag kha cig tu ji skad du bshad pa'i sku gsum gyi bdag nyid can gyi chos kyi sku de'i kha cig tu yod ces pa dang kha cig tu dgag par byed na kun rdzob tu yod par byed de kun rdzob ces ni mi brjod pa ni bden par mngon par zhen pa can gyi gdul bar bya ba 'jug pa'i don du'o//don dam par dgag pa byed de/ bden pa nyid du sgro btags pa'i rjes su brjod pa ji ltar na rjes su brjod pa de stong pa nyid mthong ba la ni sgro btags kyi snang ba med pa'i phyir ro//'jig rten gyi blo nyid kyi rjes su brjod pa ste/ 'jig rten gyi blo de lta bu blo ni thog ma med pa'i ma rig pa'i dbang gis te/ des 'dod chags dang bcas pa la sogs pa'i sems bzhin du shes pa nyid kyis rjes su brjod nas bcom ldan 'das kyis dgag pa mdzad do//rnam par rtog pa med kyang 'khor lo 'khor ba bzhin du sngon gyi 'phen pa'i shugs kyis skal ba dang ldan pa'i gdul bya rnams la ston par byed pa'i ston pa po nyid du dmigs pa'i phyir ro/ /skyes bu nor bu rin chen bzhin//kun du dmigs pa tsam gyis te/ /ji ltar 'dod pa'i rtsig sogs las/ /ston pa'i sgra ni 'byung 'gyur te/ /de la rtog pa med kyang ni/ /sngon gyi 'phen pas 'jug par 'gyur/ /kun du sems can kun don la/ /phyogs rnams kun du tha dad do/ /zhes te zhar la 'ongs pa spros pas dgos pa med do//ji skad du bshad pa'i sku gsum gyi bdag nyid can gyi chos kyi sku de'i mdzad pa mdor bsdus nas gsungs pa ni/ seng ge'i sgra zhes pa la sogs pa ste/ ri dgas rnams kyi mchog ni seng ge la de dang chos mthun pas lha dang mi la sogs pa rnams thams cad kyi skyes bu'i mchog ni de bzhin gshegs pa ste/des na seng ge zhes brjod do/ /de'i chos ni bsam pa thams cad yongs su rdzogs par byed pa dang / pha rol gyi rgol ba'i ri dgas rnams 'jigs par byed pas seng ge'i sgra zhes brjod de/ seng ge'i rgyal mtshan bzhin la/ de'i sgra ni ston pa po ste/ bcom ldan 'das kyi ste/ des shes rab kyis dgongs par byas nas pha rol tu 'gro bas na/ pha rol tu phyin par rig par bya'o/ /de yang seng ge'i sgras ni mdzad pa nyi shu rtsa bdun bstan pa la/ de ni rgyas par yum chen mor blta bar bya ste/ de'i dbang du byas te/ bstan bcos las/ 'gro rnams zhi ba'i las dang ni//bsdu rnams bzhi la 'god pa dang / /kun nas nyon mongs bcas pa yi/ /rnam par byang ba rtogs pa dang / /sems can rnams don ji bzhin du/ /don dang pha rol phyin drug dang / /sangs rgyas lam dang rang bzhin gyi/ /stong pa nyid dang gnyis zad dang / /brda dang dmigs pa med pa dang //lus can rnams ni yongs smin dang / /byang chub sems dpa'i lam dang ni/ /mngon par zhen pa bzlog pa dang / /byang chub thob dang sangs rgyas zhing / /yongs su dag par bya ba dang / /tshad med pa dang sems can don/ /sangs rgyas rten sogs yon tan dang / /byang chub yan lag lam rnams ni//chud mi za dang bden mthong dang / /phyin ci log ni spangs pa dang / /de gzhi med pa'i tshul dang yang / /rnam par byang dang tshogs dang ni/ /'dus byas 'dus ma byas pa la/ /tha dad yongs su mi shes dang / /mya ngan 'das la dgod pa ste/ /chos kyi sku yi phrin las ni/ /rnam pa nyi shu bdun du 'dod//ces te/ bcom ldan 'das kyis de rnams gzung ba'i don du sprul pa ste/ gang dmyal ba rnams kyi dmyal ba'i me zhi ba dang / dud 'gro rnams la rang gi sha la sogs pa'i sbyin pa dang / yi dags la bza' ba dang btung ba la sogs pa sbyin pa nyid kyis chos ston pa la sems mngon par dad par byed pas de rnams lha dang mi rnams su skye bar byed pa nas lha nas yang theg pa dman pa la mos pa'i chos bstan pas mngon par dad par byed pas mi rnams su skye bar byed pa nas ji srid du nyan thos kyi byang chub kyi bar la 'god par byed do zhes pa ni 'gro ba rnams zhi ba'i phrin las so// gang yang mi rnams la nang dang phyi rol gyi zang zing gi sbyin pa rnams dang 'jig rten pa dang 'jig rten las 'das pa'i chos kyi sbyin pa rnams kyi don spyod pa dang / don mthun pa rnams kyis slob par byed do zhes pa ni bsdu ba'i dngos po bzhi la 'god pa'i phrin las so/ /kun nas nyon mongs pa'i sgrib pa dang / shes bya'i sgrib pa la/rnam par byang ba ni de dag 'gags pa'i rang bzhin/ de yang gang zag dang chos la bdag med pa'i shes pas so zhes pa ni kun nas nyon mongs pa dang rnam par byang ba shes pa la 'god pa'i phrin las so/ /dper na sgyu ma mkhan gyis rnam pa sna tshogs pa'i dngos po sprul te/ de yang 'jig rten pas de thams cad rdzas med pa'o zhes mi shes te/gang du shes rab kyi pha rol tu phyin pa la spyod pa des rang gi ngo bo stong pa nyid dang ro gcig pa nyid du phung po la sogs pa mthong la/ don dam par ni sems can yod pa ma yin te/ btags pa'i chos rnams ni ngo bo nyid med pas so zhes pa ni sems can gyi don la ji lta ba bzhin du bdag nyid 'god pa'i phrin las so//de sbyin pa sbyin par byed cing gzhan rnams kyang sbyin pa la 'god par byed pa ni/ de bzhin du tshul khrims srung bar byed ces pa la sogs pa'i tshig gis ni de ltar pha rol tu phyin pa drug la 'god pa'i phrin las so//de dge ba bcu'i las kyi lam la yang dag par blangs so zhes pa la sogs pa ni sangs rgyas kyi lam la 'god pa'i phrin las so/ /byang chub sems dpa' rnams kyi pha rol tu phyin pa la sogs pa'i chos rnams te/ de rnams kyi 'khor gsum dang 'bras bu ni rang bzhin gyis stong pa nyid du bstan cing /de de rnams kyi ji srid du bla na med pa'i byang chub rtogs par 'gyur gyi bar sgom par byed do zhes pa ni/ stong pa nyid la mngon par 'god pa'i phrin las so/ /chos thams cad rang bzhin gyis stong pa nyid la rang bzhin gyi stong pa nyid kyi chos rnams kyang rang bzhin gyis stong pa nyid ces pa ni gnyis su med pa'i chos la 'god pa'i phrin las so//yang dag par rdzogs pa'i sangs rgyas bcom ldan 'das rnams kyis chos gang yang don dam par ma dmigs la/ kun rdzob tu ni chos rnams mngon par rdzogs par sangs rgyas nas bstan pa ste/ phung po khams la sogs pa dang pha rol tu phyin pa la sogs pa dang rnam pa thams cad mkhyen pa nyid la sogs pa'o zhes pa ni brda can gyi ye shes la 'god pa'i phrin las so//gal te pha rol tu phyin pa la sogs pa'i chos rnams la de rnams kyi 'khor gsum dang 'bras bu nye bar mi dmigs dang de yang dag par rdzogs pa'i sangs rgyas par nus so zhes pa ni dmigs pa med pa la 'god pa'i phrin las so//gal te yang byang chub sems dpa' shes rab kyi pha rol tu phyin pa la spyod pas sems can rnams don dam par dmigs su med pa de ltar na yang kun rdzob tu sems can la lta ste/ sems can rnams ni dngos por mngon par zhen nas kun nas nyon mongs par 'gyur ba ste/de de rnams kyis te spong ba'i phyir theg pa gsum po rnams kyis yongs su smin par byed do zhes pa ni sems can yongs su smin pa'i phrin las so/ /de pha rol tu phyin pa re re la sogs pa la spyod pa'i dkar po'i chos rnams la sems can rnams kyis dang /chos thams cad stong pa nyid la slob par byed do zhes pa ni byang chub sems dpa'i lam la 'god pa'i phrin las so/ /de de ltar stong pa nyid la yongs su brtags te chos rnams thams cad stong pa nyid la stong pa nyid du mngon par zhen par mi byed cing sbyin pa la sogs pa la spyod par byed la de rnams dang de'i 'bras bu rnams la bzlog par bya'o zhes pa ni mngon par zhen pa thams cad spong ba la 'god pa'i phrin las so//byang chub nyid ni lam la lam nyid ni byang chub ste/ de ltar na byang chub sems dpa' sangs rgyas su 'gyur te de yang sangs rgyas kyi chos thams cad yongs su rdzogs pas gang du byang chub rtogs par 'gyur te de nyid gshegs pas so zhes pa ni byang chub thob pa la 'god pa'i phrin las so//de phung po dang khams la sogs pa'i chos thams cad kyi 'du shes kyi gnas ngan len bzlog cing rang dang gzhan rnams pha rol tu phyin pa la sogs pa'i dge ba rnams thams cad la 'god de/ de'i dge bas rang dang gzhan rnams rdzogs par byang chub pa'i rang gis sangs rgyas kyi zhing yongs su sbyong ba'i phyir yongs su bsngo ba dang smon lam 'debs par byed do zhes pa ni sangs rgyas kyi zhing yongs su sbyong ba la 'god pa'i phrin las so//de ltar sems dang po bskyed pa can gyi byang chub sems dpa' yang dag par rdzogs pa'i byang chub tu nges la nges pa ji ltar na ngan 'gror skye bar 'gyur zhe na/gang yang dag par rdzogs pa'i byang chub tu sems bskyed nas/ pha rol tu phyin pa drug la sogs pa rnams la spyod pa de la ni mi khom pa brgyad mi srid do/ /de lta na ni ji ltar dud 'gro'i skyes gnas su skye na/ des zag pa dang bcas pa dang zag pa med pa'i dge ba'i chos thams cad dang ldan pas sems can gyi don du skye ba la dbang bas bsams bzhin du len gyi dud 'gro'i sdug bsngal gyi tshor ba rnams myong ba ni ma yin no//'di lta ste/ de bzhin gshegs pa ni mchog la dbang ba nyid du thob pas 'jig rten gyi khams rnams thams cad kyi rdul phra rab kyi dkyil 'khor du rab tu zhugs nas/cig car du mtha' yas pa'i bdag gi lus gzhan gyi don du sprul par byed do zhes pa ni yang dag par rdzogs pa'i byang chub la nges par 'god pa'i phrin las so/ /de shes rab kyi pha rol tu phyin pa la gnas nas phyogs bcu'i 'jig rten gyi khams grangs med pa rnams ni sems can rnams kyi don byed kyang gos pa med de stong pa nyid la gnas nas dkar po'i chos rnams thams cad la gnas par 'gyur te/chos thams cad ni stong pa nyid las gzhan na med pas so zhes pa ni gzhal du med pa'i sems can gyi don la dgod pa'i phrin las so//des 'di ltar bstan par bya ste/ gang phyogs bcu'i 'jig rten gyi khams gang ga'i klung gI bye ma snyed kyi de bzhin gshegs pa gang de rnams thams cad kyang rang gi ngo bos stong pa ste/ gal te de stong pa nyid du ma gyur na de phyogs gcig par 'gyur bas de'i chos thams cad chos thams cad kyis stong ngo zhes pa shes rab kyi pha rol tu phyin pa la gnas shing /mngon par shes pa drug mngon par bsgrubs nas de ltar yang phyogs bcu'i 'jig rten gyi khams grangs med pa'i sems can rnams kyi don skad cig ma gcig la 'gro ba drug gi sems can gyi gzugs rnam pa sna tshogs pa'i kha dog tu sprul pa rnams kyis yang dag par sgrub par byed do//lha la sogs pa nyan thos dang byang chub sems dpa'i 'khor ji srid du phyogs bcu'i 'jig rten gyi khams grangs med pa rnams la sprul pa'i dbyangs kyis rtogs par byed de/ dbyangs des kyang rnam pa du ma'i chos rnams ston par byed la/gzhan sprul pa rnams la byed du 'jug pa'am/ nam mkha' la yang chos ston pa'i sgra 'byung bar byed pas yul dang bza' ba dang btung ba dang bzhon pa dang gos dang rin po che la sogs pa rnam pa sna tshogs pa sems can gyi don du sprul pa de rdzu 'phrul gyis phyogs bcu'i de bzhin gshegs pa rjes su nye bar song ba de rnams la bsnyen bkur byed cing de rnams la chos mnyan nas dge ba'i rtsa ba gzhan skyed par byed de/mngon par zhen pa ni mi byed de/ stong pa nyid kyis stong pa nyid la mngon par zhen pa yod pa ma yin no/ /de'i lha'i mig gis phyogs bcu'i 'jig rten gyi khams rnams kyi sems can rnams mthong nas rdzu 'phrul gyis mngon par shes pas der song nas khyab bdag thob par byas nas de rnams la chos ston par byed do//lha'i rna bas phyogs bcu'i sangs rgyas rnams la chos nyan cing 'dzin par byas nas de rnams la ston par byed do/ /sems kyi rnam grangs shes shing sems can rnams kyi spyod pa shes nas ji ltar sems pa de la de bstan pa rnams kyi chos ston par byed de/des rnam pa du ma'i bdag nyid kyis sngon gyi gnas dang gzhan dag gis rjes su dran pa nas sngon gyi de bzhin gshegs pa rnams dang chos kyi rjes su dran nas de'i gdul bya'i sems can rnams la ston par byed do//de'i zag pa shes pa'i bdag nyid dang gzhan gyi nyon mongs pa zad nas ji srid du chos rnams thams cad ni chos rnams thams cad kyis stong ngo zhes pa'i bar du yang dag pa ji lta ba bzhin du mkhyen nas sems can rnams la rjes su mthun pa'i chos ston par byed do//gang yang de'i tshig la gnas par mi 'dod pa de rnams kyi mgo bo 'gas pa la sogs pas bsdigs nas bskul ba rnams kyi bdag nyid kyi gsung 'dzin du gzhug par byed do/ /de'i mngon par shes pa de rnams kyis gang du 'dod par sems can gyi don bdag gis lus 'dzin par byed do//de la bde ba dang sdug bsngal gyi rjes su chags pa dang / khong khro ba rnams kyis gos pa med de/ 'di'i mngon par shes pa thams cad kyang skye bo so so la kun tu 'byung bar 'gyur la/ dud 'gro'i skye gnas la sogs pa'i 'chi ba yang yod pa ma yin no zhes pa ni phyogs bcu'i sangs rgyas bsnyen pa la sogs pa'i phrin las so//byang chub sems dpa'i byang chub kyi yan lag gang zhe na/ pha rol tu phyin pa drug nas ji srid du sangs rgyas kyi chos ma 'dres pa'i bar te/ gal te de rnams la spyod na 'khor gsum du dmigs pa med pas rang dang gzhan la yang dag par rtog par byed pa'i phyir der yongs su sngo bar byed de/gal te 'di rnams byang chub sems dpa'i chos yin na/ de ltar na sangs rgyas kyi chos gang yin zhe na/ de'i phyir gang 'di rnams nyid kyi bag chags kyi mtshams sbyor bar thams cad rab tu spangs par gyur nas/ chos thams cad la mngon par byang chub pa na/de ltar byang chub sems dpa' ma yin no zhes pa ni byang chub kyi yan lag la 'god pa'i phrin las so/ /gal te yang chos rnams thams cad don dam par rang gi mtshan nyid kyis stong pa ste de ltar na yang kun rdzob tu las yod cing las kyi 'bras bu yod de/ sems can rnams kyi rang gi mtshan nyid kyis stong pa'i chos rnams shes par ma gyur la/ma shes pas gang zag dang chos rnams su rtogs par byas nas las mngon par 'du byed de/ de'i ngan du spyod pa des ngan 'gro gsum du ltung bar byed cing legs par spyad pas ni lha dang mi rnams su skye bar 'gyur la/kha cig gis ni gang zag gi bdag med pa yongs su shes nas bde 'gro dang / ngan 'gro spangs nas mya ngan las 'da' bar 'gyur ro/ /byang chub sems dpa' rnams kyis ni/ gnyi ga'i bdag med pa shes shing pha rol tu phyin pa la sogs pa'i dge ba'i tshogs rnams yongs su rdzogs par byas nas/rim gyis sa bcu rtogs nas skad cig ma gcig la yang dag par ldan pa'i shes rab kyis chos rnams thams cad mngon par byang chub nas sangs rgyas bcom ldan 'das su 'gyur ro zhes pa ni las dang 'bras bu'i 'brel pa chud mi za ba la 'god pa'i phrin las so//byang chub sems dpa' bden pa'i shes pa rnams kyis mya ngan las 'das pa ma yin te/ ji ltar na bden pa bzhi yang ngo bo nyid med pas des chos cung zad kyang bden pa'am mi bden par mi dmigs te/ des chos rnams thams cad stong pa'o zhes mthong bas sdug bsngal yongs su shes pa dang /kun 'byung ba spangs pa dang / 'gog pa mngon du byed pa dang lam sgom par byed na bden par dmigs pa'i sems bskyed pa med pa'i chos rnams thams cad stong pa nyid du mthong ba'i thabs la mkhas pas chos ston par byed do zhes pa ni bden pa bzhi la 'god pa'i phrin las so/ / byams pas gsol pa/ gal te chos thams cad dngos po med pa'i ngo bo nyid ni ji ltar byang chub sems dpa' phung po rnams nas ji srid du sangs rgyas kyi chos rnams kyi bar du bslab par bya la/ gal te 'du byed kyi mtshan ma'i dngos po de nyid brjod du med pa'i dbyings zhes pa rnam par nyams pa nyid do//bcom ldan 'das kyis bka' stsal pa/ gang brjod du med pa'i dbyings shes rab kyi rgyu bas nye bar dmigs par gyur nas/ de 'dus byas kyi mtshan ma'i dngos po'am/ gsol pa de ni ma lags so zhes pa dang / byams pa mtshan nyid ni rnam pa gsum ste/ kun brtags pa'i ngo bo nyid dang /rnam par brtags pa'i ngo bo nyid dang / chos nyid kyi ngo bo nyid kyi ngo bo nyid do zhes te/ go rims ji lta ba bzhin du kun du brtags pa dang / gzhan gyi dbang dang / yongs su grub pa'i ngo bo nyid do/ /de la sgyu ma'i skyes bu la sogs pa nyid yin pa'i phung po lnga rnams la gang du don dam par yod pa nyid dam/med pa nyid dang gnyi ga ma yin pa dang / gzhan yang rtag pa la sogs pa nyid du sgro 'dogs pa de thams cad ni brtags pa'i ngo bo nyid de brtags pa'i rang bzhin no/ /phung po lnga la sogs pa de rnams kyang sgyu ma'i skyes bu la sogs pa bzhin du kun rdzob tu rgyu dang rkyen la rag las pa la skyes pa ni gzhan dbang ste/de rnams kun rdzob kyi ngo bor gnas shing / brtags pa'i ngo bo nyid dang bral ba ni rnam par brtags pa'i ngo bo nyid dang / gzhan gyi dbang gi ngo bo nyid do/ /de rnams nyid kyi phung po lnga la sogs pa rnams la sgyu ma'i skyes bu la sogs pa bzhin pa gang zhig ni rang bzhin nyid kyis don dam pa la gnas pa ste/rtag par ngo bo nyid med pa nyid ni stong pa nyid dang bdag med pa nyid dang yang dag pa'i mtha' dang / chos kyi dbyings dang chos kyi ngo bo nyid kyi don dam pa ste/ de ni yongs su grub pa'i ngo bo nyid/ rtag pa'i phyir la/ de ltar yang 'phags pa lang kar gshegs pa las/brtags pa'i ngo bo med pa dang / /gzhan gyi dbang ni yod pa nyid/ /sgro 'dogs pa dang skur 'debs pa'i/ /mtha' la rtog pa brlag par 'gyur/ /zhes te/ 'dir gang zhig ji skad du bshad pa'i kun tu brtags pas dngos po la ngo bo nyid du sgro 'dogs par byed de de'i sgro 'dogs pa dgag pa'i tshul du gsungs pa ni/brtags pa'i ngo bo nyid med do zhes pa'o/ /gang yang kun rdzob ces pa'i ji skad du bshad pa'i gzhan gyi dbang gi ngo bo nyid ni med pa ma yin te/ de'i don du gsungs pa ni/ gzhan gyi dbang ni yod pa nyid ces pa'o/ /gang yang ji skad bshad pa'i 'di ltar mtha' gnyis su brtags pas zhes pas dbu ma sgrub pa la 'jug par byed de/g.yang sa'i gnas na gnas pa'i phyir/ /brlag par 'gyur ba gsungs pa ni/ /sgro 'dogs pa dang skur 'debs pa'i/ /mtha' la rtog pa brlag par 'gyur/ /zhes pa ste/ 'dir gang zhig de dang der gzhan gyi dbang gi ngo bo nyid yod par bstan pa dang / dngos po rnams kyi skye ba la sogs pa bstan pa de thams cad ni kun rdzob pa nyid kyi ngo bor skye bo'i dbang du byas nas skrag pa'i gnas yongs su spang ba'i don du ste/ byis pa rnams gzhug pa la dgongs nas gsungs pa nyid du rig par bya'o//don dam par ni ma yin te/ mdo sde rnams la de bkag ste ji skad du 'phags pa lang kar gshegs pa las/ blo yis rnam par phye byas nas/ /gzhan dbang med cing kun brtags med/ /grub pa'i ngo bo yod min na/ /ji ltar blo ni rnam brtags min//ngo bo nyid dang rnam shes dang / /dngos po dang ni gnas med de/ /rtog ge ngan pa'i dbang gyur pa'i/ /byis pa rnams kyis 'di rnams brtag /ces gsungs te/ 'phags pa klu sgrub kyis kyang / stong nyid bdag nyid gcig dngos la/ /sems kyis 'di rnams brtags pa ste/ /brtags pa dang ni gzhan dbang dang //de bzhin yongs su grub nyid de/ /ma skyes pas na chos rnams ni/ /stong pa nyid ces rab tu bsgrags/ /phung po lnga ni mdor bsdus na/ /chos rnams thams cad ces su brjod/ /ces gsungs pa'o/ /de ltar na don dam par ro gcig pa'i kun rdzob kyi ngo bo nyid ni ngo bo nyid med pa'i phyir tha dad pa dang tha mi dad pa dang gzung ba dang 'dzin pa dang rtag pa dang chad pa la sogs pa gnyis kyi sgro btags pa dang bral ba'i dag pa'i gnas skabs kyi phung po lnga ni ji srid nam mkha'i bar du gnas te/de ltar mtha' gnyis spangs nas dbu ma'i lam la gnas pa dang ldan pa'i byang chub sems dpa'i dbang thob pa gang zhig thabs la mkhas pas 'khor ba kun tu mthong nas/de 'khor ba 'di yongs su mi gtong la/ gang stong pa nyid du yang nye bar mi dmigs pa la rab tu gnas pa nyid de de ni 'di'i mya ngan las 'das pa yongs su mi gtong ba'o/ /gsol pa rnam par rtog pa med pa'i phyir ma lus pa'i mtshan nyid ji ltar 'dod/gang gzugs la sogs pa'i chos rnams thams cad gang yang de rnams kyi stong pa nyid dang gang yang de rnams kyi de ltar dngos po dang dngos po med pa gnyis dang / gang yang spros pa med pa ste/ 'di rnams su rnam par rtog pa med pa'i ma lus pa'i mtshan nyid do/ / rab 'byor gyis gsol pa/ dngos po med pa'i ngo bo nyid kyi chos rnams la ji ltar las dang 'bras bu rnam par gzhag ces pa la/ bcom ldan 'das kyis bka' stsal pa/ chos rnams thams cad dngos po med pa'i ngo bo nyid du ma shes nas/ sems can rnams phyin ci log gis kun nas bslang ba'i rnam par rtog pa rnams kyis las byas pas ji ltar las kyi 'bras bu thob par 'gyur te/de la rtag pa dang bde ba dang bdag dang gzhan gyi phyin ci ma log bzhi ni gang zag la bdag med pa'i mi mthun pa'i phyogs la/ dngos po la mngon par zhen pa ni chos la bdag med pa'i mi mthun pa'i phyogs so zhes pa ni phyin ci log spang ba la 'god pa'i phrin las so//phyin ci log gi sems can rnams las mngon par 'du byed la des kun nas nyon mongs par 'gyur ba ni tha snyad du las dang don dam par ma yin no/ /dngos po skra'i rtse mo bye bar gshags pa'i cha shas tsam cung zad kyang yod pa ma yin la gang la gnas pa nyid kyis las byed pa de ni ji ltar rmi lam dang sgyu ma la sogs pa bzhin zhes pa ni phyin ci log dang dngos po med pa nyid du shes pa la 'god pa'i phrin las so//gang chos rnams kyi mnyam pa nyid de bzhin nyid dang yang dag pa'i mtha' dang mya ngan las 'das pa la de yang 'jig rten gyi tha snyad kyis tha snyad du byed kyi don dam par ni ma yin te/brjod du med pa'i phyir ro zhes pa ni rnam par byang ba la 'god pa'i phrin las so/ /gal te yang chos thams cad rmi lam lta bu ste dngos po med pa de ltar na yang de ma shes nas sems can rnams dngos po la mngon par zhen pas las byas nas bde 'gro dang ngan 'gror 'gro bar 'gyur te/de rnams kyi phyin ci log spong ba'i phyir byang chub sems dpa'i tshogs la spyod pa de srid du mngon par byang chub pa'i bar du sems can rnams yongs su smin par byed do zhes pa ni rnam par byang ba'i tshogs la 'god pa'i phrin las so//bcom ldan 'das kyis bka' stsal pa/ 'di dag nyid ni mngon par rtogs pa ste/ gang du gnyis dang gnyis med pa'i spros pa med pa'i chos mnyam pa nyid de/ de nyid chos thams cad la de nyid so so'i skye bo dang 'phags pa'i gang zag rnams la/ de nyid sangs rgyas dkon mchog dang chos dkon mchog dang dge 'dun dkon mchog ste/mnyam pa nyid kyi phyir chos nyid la/ chos nyid la ni tha dad pa nyid yod pa ma yin te/ de ni 'dus byas ma yin la 'dus ma byas pa yang ma yin te/ gang 'dus byas kyi khams dang 'dus ma byas gnyi gar ldan pa yang ma yin la/mi ldan pa ma yin pa'i mtshan nyid do zhes pa ni 'dus byas dang 'dus ma byas pa tha mi dad do/ /mi shes pa la 'god pa'i phrin las so/ /rab 'byor chos thams cad ni ngo bo nyid kyis stong pa ste/ de ni de bzhin gshegs pa rnams kyis ma mdzad pa ste/ gang yang ngo bo nyid kyis stong pa nyid des dngos po dang dngos po med pa la mchog tu brtags nas zad pa ni mya ngan las 'das pa'o zhes pa ni mya ngan las 'das pa la 'god pa'i phrin las so//mdzad pa khyab pa nyid du bstan par 'dod nas gsungs pa ni/ chos thams cad la 'khrug pa med pa nyid pas zhes pa ste/ mdzad pa'i kun tu spyod pas so//chos thams cad ni phrin las kyi mdzad pa nyi shu rtsa bdun te de 'khrug pa med pa nyid ni gnod byed med pa nyid de des shes nas phyogs bcu'i 'jig rten gyi khams rnams na gnas pa'i sems can thams cad la rnam pa thams cad kyis ji ltar snod la rgyun chad pa med pas nam mkha' ji srid bar du rab tu 'jug pa'i phyir bcom ldan 'das kyis shes rab kyi pha rol tu phyin pa la 'khrug pa med pa nyid de de 'dra ba can du rtogs par bya'o zhes pas gsungs pa ni chos kyi sku'i mdzad pa'o//rgya mtsho mu med pa nyid phas kyi ngag la sogs pa rnams ni 'khrug pa med pa'i ngag gi mthar thug pa la/shes rab kyi pha rol tu phyin pa la zhes pa ni khyad par gsungs pa'o/ /de rnams don dam pa'i ngo bo nyid du mthar gyis bstan par 'dod nas gsungs pa ni/ de ci'i phyir zhes pa la sogs pa ste/ 'dir rgya mtsho ni mu med pa nyid la de ltar phung po lnga rnams rgya mtsho dang 'dra ba ste/de bzhin du phung po'i nang du son pa'i shes rab kyi pha rol tu phyin pa dang gang gi phyir gzugs la sogs pa ji srid de rnams thams cad stong pa nyid de/ de nas ldan pa yang ma yin bral ba yang ma yin te mtshan nyid gcig pa ste/ 'di lta ste/ mtshan nyid med pa'o zhes pa la sogs pa'o//de bzhin du nam mkha' dang 'dra ba la sogs pa la yang shes par bya ste/ ji srid du mi dmigs pa'i bar du'o zhes pa'o/ /'khrug pa med pa ni mi shes pa'o/ /de ltar zhes pa ni ji ltar 'dod pas mngon par rtogs pa brgyad 'khor dang bcas pa rnams rgyas par bstan pa de ltar 'dir rjes su tshor bar bya ba'o//rjes su rig par byed pa ni yi ge'i tshogs kyis nyan par byed pa'o/ /rnam par dpyod par byed pa ni don gyi khog gis shes par byed pa'o/ /'jug pa ni dang bar byed pa'o/ /rtogs par byed pa ni rab tu shes par byed pa'o/ /sems pa ni rig pa rnams kyis rnam par brtags par byed pa'o//'jal ba ni de lta bu nyid des gnod pa med ces pa ste/ gang du gnas pa la byis pa nus pa zad nas dub nas myos pa dang brgyal ba 'am 'chi bar 'gyur bas/ de la gnas nas gzhan du sems pas de rnams la 'jal bar byed pa'o/ / ji ltar 'di rnams ni bcom ldan 'das mchog tu rnal 'byor gyi dbang phyug gis gzigs pa de ltar bstan pa ste/ bdag cag gis 'di las gzhan du mi bsam ste/ rtog ge'i spyod yul ma yin pa'i phyir ro zhes pa'o/ /nye bar rtog pa ni 'di rnams la de ltar thams cad gcod pa'i phyir 'di lta bu nyid kyis kun du rtog par byed pa'o zhes pa ste/de ltar shin tu the tshom chod nas sgom par byed pa'i sgom pa ni rnam pa bzhi ste/ zhi gnas dang / lhag mthong dang / zhi gnas lhag mthong la mngon par dga' bas so/ /ji lta bar yid la byed ce na/ gsungs pa ni rgyu thams cad ces pa la sogs pa ste/bdag ces pa dang / bdag gi zhes pa dang / gzugs zhes pa nas ji srid du rnam par shes pa'i bar zhes pa nyid la sogs pa thams cad kyi spros pa la mngon par zhen pas yid la byed pa thams cad ni rab tu smra ba rnams dang bdud rnams dang nyon mongs pa rnams kyis bskyod pa'o//yon tan thams cad ni byang chub sems dpa'i'o/ /de ltar mngon par rtogs pa brgyad kyis rgyas par bstan nas/ de ltar mdor bstan pa ni bstan bcos las/ mtshan nyid de yi sbyor ba dang / /de rab de yi go rims dang / /de mtha' de yi rnam smin ni/ /don bsdus gzhan de rnam pa drug /ces te/ yang na mdo'i don rnam pa drug ste/ rnam pa thams cad mkhyen pa nyid dang / lam shes pa nyid dang / thams cad shes pa nyid dang / gsum de ni shes rab kyi pha rol tu phyin pa'i mtshan nyid la rnam pa kun mngon par rdzogs pa rtogs pa ni 'di la sbyor ba'i sbyor ba'o//rtse mo'i mngon par rtogs pa ni sbyor ba 'di'i rab kyi'o/ /mthar gyis pa'i mngon par rtogs pa ni sbyor ba 'di'i go rims so/ /skad cig ma gcig la mngon par rtogs pa ni sbyor ba 'di'i mthar thug pa'o/ /chos kyi sku ni 'di'i rnam par smin pa'o/ / yang bstan bcos las/ rnam pa gsum ni yul gyi rgyu/ /sbyor ba bzhi yi bdag nyid dang / /chos sku phrin las 'bras bu ni/ /gzhan du don bsdus rnam pa gsum/ /zhes te/ yang na mdo'i don ni gsum ste/ rgyu dang / sbyor ba dang 'bras bu'o/ /de la sbyor ba'i rgyu'i yul ni kun mkhyen pa rnam pa gsum la/de'i sbyor ba ni rnam pa bzhi ste/ sbyor ba spyi'i phyir ro/ /rgyu'i 'bras bu ni chos kyi sku dang phrin las so/ /'di las gzhan pa'i rtag par rab tu ngu ba la sogs pa'i le'u gsum ni/ go sla ba'i phyir mngon par rtogs pa'i rgyan gyi tshig le'u byas pas ma bshad do/ / rjes su rig pa'i brjod pa'i le'u'o/ /'phags pa shes rab kyi pha rol tu phyin pa brgyad stong pa'i 'grel pa gnad kyi zla ba'i 'od ces bya ba paN+Di ta chen po 'jigs med 'byung gnas sbas pas mdzad pa las rjes su rig pa'i le'u ste nyi shu rtsa dgu pa'o// //ji ltar bcom ldan 'das ma nyid btsal bar bya ba de lta bu'i rnam par bshad pa gsungs pa ni/gzhan yang zhes pa la sogs pa ste/ rtag par rab tu ngu ba ni de la tshogs kyi sa la gnas pa chos kyi rgyun gyis sangs rgyas rnams la gdams ngag thob pa ste/ de ltar ni sa bcu pa'i dbang phyug go/ /lus ngal ba la sogs pa yid la byed pa rnams dgag pa ni shin tu brtson 'grus che ba'i don to//gang la yang smon par mi byed ces pa la sogs pa ni rnam par g.yeng ba dgag pa ste/ smon par mi byed pa ni zhen par mi byed pa'o/ /g.yon phyogs nas dang de bzhin du zhes pa la sogs pas ni de kho na nyid ni ma yin pa yid la byed pa dgag pa'o//bdag las ma g.yos shing 'jig tshogs las ma g.yos zhes pa ni 'jig par 'gyur bas 'jig pa la/ bsags pas tshogs pa ste/ mi rtag pa'i gzugs la sogs pa ni 'jig tshogs te/ 'jig tshogs ni gang zag tu brtags pa la ste/ 'dir gang zag rdzas su yod pa'i tshul gyis ma g.yos pa dang btags par yod pas kyang ma yin pa ste/gnyi ga yang dmigs su med pa'i phyir ro/ /gzugs las kyang ma g.yos pa zhes pa la sogs pa ste/ chos rnams thams cad kyang dmigs su med pa'i phyir ro/ /'dir 'di rnams kyis 'di rnams su sgro btags nas g.yo ba'o//rnam par byang ba ni phyir mi ldog pa'o/ /snang ba ni thar pa'i lam ston pa rnams kyis so/ /mos pa'i sems 'di nyid kyis de ltar zhes pa ni kun du rtog pa'o/ /mtshan ma yongs su spangs pa zhes pa ni bstan pa la/ bshad pa ni dngos po zhes pa ste/ dngos po ni chos su lta ba dang /sems can du lta ba dang / bdag tu lta ba la ngo bo nyid med pa ni skye ba med cing 'gag pa med pa'o/ /gang la yang skye ba med pa dang 'gag pa med pa de la dngos po med pa ste/ de'i phyir dngos po med pa'o zhes ston par byed pa ni dge ba'i bshes gnyen la de las bzlog pa ston pa ni sdig pa'i grogs po'o//bsgrub par byas nas te rjes su gnas na'o/ /byas pa shes pa ni thos pa shes pas so/ /byas pa tshor ba ni thos pa'i 'bras bu shes pas so/ /yongs su rtogs la zhes pa ni bsam pa'o/ /'jig rten gyi zang zing ni gos sar pa la sogs pa'o/ /bsten par zhes pa la sogs pa'i tshig gsum ni chung ngu dang 'bring dang chen po'i dbye bas longs spyod par ro zhes pa'i don to//zil gyis mnan pa skyon can du byed pa'o/ /sems can 'dul ba'i phyir ni sems can rnams kyi sems bsrung ba'i don to/ /yongs su bzung ba nye bar gzung ba'i phyir zhes pa ni yongs su gzung ba'i don du'o//chags pa ni sred pa'o/ /dmigs pa ni nye bar dmigs pa'o/ /kun rdzob la gnas pa'i thabs nye bar bstan nas don dam pa la gnas nas gsungs pa ni/ de'i skad cig ces pa ste/ dge slong ni 'phags pa chos 'phags te/ bud med drug khri brgyad stong dang lhan cig tu 'dod pa'i yon tan lnga la rgyun ma chad par rol pa ste/gzugs dang sgra dang dri dang / ro dang reg bya rnams so/ /de nyid ma thob na 'dod par byed cing dga' bar byed pas na 'dod pa la/ thob nas yon tan du byed cing yang nas yang du longs spyod pas na yon tan te/'dod pa'i yon tan dang yang dag pa'i tshul ni don dam pa'i rab tu 'byed pa'o/ /chos thams cad ni phung po lnga rnams la/ sems can med pa la sogs pas ni gang zag la bdag med pa dang / sgyu ma lta bu la sogs pas ni chos la bdag med pa gsungs pa'o/ /yid mi skyo ba ni lo bdun du ting nge 'dzin la snyoms par zhugs pa nyid kyis so//sgra de las zhes pa ni so sor sgrogs pa'i tshig la ste/ skyo ba med pa ni dub pa med pa'o/ /rjes su bstan pa ni gdams pa'o/ /tshogs kyis pa la mngon par shes pa dam pa med kyang 'phags pa chos 'phags kyi byin gyi rlabs kyis so//mthong ba'i nus pa dang bral nas smras pa ni yongs su ma mthong zhes pa'o/ /ngu ba ni 'chi ma 'dzag pa'o/ /cho nge ni dbyangs kyis so/ /mya ngan ni gdung bar byed pas so/ /smre sngags ni brjod pas so/ /rjes su 'brel pa ni kun du ldan pa'o/ /rjes su 'brel par 'gyur ba'i tshig yod kyang de nyid do//bskor ba ni yongs su bskor ba'o/ /'obs ni 'obs su bskor ba'o/ /'byor pa ni nor phun sum tshogs pa'o/ /rgyas pa ni khang pa la skyed mos tshal la sogs pas mdzes pa'o/ /bde ba ni rnam par 'tshe ba med pa'i phyir ro/ /lo legs pa ni bza' ba dang btung ba rnyed par sla ba'i phyir ro/ / yangs pa ni rgya che ba'o/ /mang po ni rnam pa sna tshogs pa'i skye ba'o/ /'khor gang dag de la de ltar de dang 'dra ba'i mi rnams kyang gang gis de bzhin no/ /bar ni nang la tshong khang ni nyo tshong byed pa'i gnas te der khyams lnga brgya rnams su ma lus pa bkram pa'o/ /khyams rnams kyi ra ba'i bar du gnyi ga gnas byung ba'i phyir ro//ri mo sna tshogs su bris pa ni de la sna tshogs pas rmad du gyur pa'i phyir ro/ /lta bu ni grong dang rjes su mthun pa'i phyir ro/ /'dzer dogs med pa ni kun du gnod pa med pa ste/ skye bo'i khyogs khri'i bzhon pa rnams kyi rkang gis 'gro ba rnams kyis 'ong ba'i gnas dang /kun du 'gro ba'i gnas rnams kyi srang bar yangs pa der de rnams kyis gnas par byed pas legs par byed pa'o/ /khyogs khri ni bzung nas bgrod pa'o/ /bzhon pa ni shing rta'o/ /mthon dman med pa'i phyir phan tshun 'dra ba'i phyir na mtshungs pa rnams kyis so/ /zlum po'i mda' yab ste/ra ba las cung zhig mtho bar son pa'o/ /zlum po las shing bzung ba las thams cad 'dir yod pas thams cad dang ldan pa'o/ /dril bu g.yer kha'i dra ba ni rin po che'i phreng bas sbrel bas mda' yab kyi shing la sbrel ba'i rin po che'i chun 'phyangs du mas 'phyang ngo / /snyan pa ni sgra thos nas bde ba'i phyir ro//yid du 'ong ba ni sems bde ba'i phyir ro/ /'jam pa ni yid 'phrog pa'i phyir ro/ /yan lag lnga ni pi wang dang gling bu la sogs pa'o/ /rol mo mkhan ni dri za'i gar glu mkhan gyis so/ /rtse dga' ba ni thos pas so/ /dga' mgu ni yid kyis so/ /yongs su spyod pa ni lus dang ngag yongs su dga' bas so//rjes su mthun pa zhes pa ni klung la sogs pa dang rjes su mthun pas chu 'bab pa dang ldan pa'o/ /mngon par skyes pa ni mngon par skyes pa rnams kyis so/ /gya nom pa ni gya nom pa rnams kyis so/ /chu zheng ni zlum pa nyid kyi'o/ /sngon po zhes pa la sogs pa ni mdor bstan pa ste//sngon po dang lhan cig skyes pa'i phyir kha dog sngon po'o/ /kun du sbyor ba las byung ba'i phyir sngon po lta bur ston pa'o/ /gnyi ga'i 'od kyis sprul pas mig lam du gsal ba'i phyir 'od sngon po 'byung ba'o/ /de bzhin du ser po la zhes pa la sogs pa la yang shes par bya'o//sangs rgyas kyi tshul ni shes rab kyi pha rol tu phyin pa ste de la ri mor byed pa ni de la mchog tu dang ba'o/ /rjes su 'gro ba ni legs su 'gro bas so/ /thos pa ni gang rnams kyis so/ /dbus kyi bzhi mdo ni mngon par mtshon par bya ba'i gnas kyi'o/ /khor yug ni so sor logs kyi'o//khang pa'i longs spyod ni khang pa'i yongs su bskor ba'o/ /nye bar spyod pa ni me tog dang 'bras bu la sogs pa'o/ /yongs su longs spyod pa ni ma lus pa'i nags dang gnas la sogs pa'o/ /bar ni mtshams so/ /de bar ni skabs so/ /dbang du gyur pa ni yang dag par 'du ba ste 'dod pa'i yon tan lnga po de rnams kyis dbang po thams cad rjes su bzung ba'o//ldan pa ni de dang sbyor bas ldan pa can no/ /rtse ba ni ngag gis so/ /dga' ba ni yid kyis so/ /dga' dgur spyod pa ni lus kyis so/ /de srid du ni dpag tu med pa'i dus nas so//bstan pas mtshams ni zla ba'i bye brag khyad par du gyur pa'i rigs so/ /steng snying po can ni rgya nag po'i dar te gdan de'i steng du 'di bting ba'o/ /shing bal gyis bkang ba'i sngas zhes pa yang gzhan dag gi'o/ /ka shi ka'i gos ni bA rA Na sI'i gos bzang po bting ba'o/ /dga' ba ni sems rtse gcig tu gnas par gyur pa'o//mu tig ces pa ni dra ba dang dra ba phyed pa rnams 'phyang ba'i phyir ro/ /mngon par gtor ba ni bkram pa'o/ /rab tu gtor ba ni logs gsum du'o/ /kun du rab tu gtor ba ni logs bzhi kar ro/ /chos kyi bsam pa rnam par dag pa ni chos la dad pa dang 'dun pa dag rnam par dag pa'o//chos la gus pa ni dge ba'i bshes gnyen gyi phyir ro/ /bsten pa ni skal ba dang ldan pa'o/ /log par mi ltung ba ni ngan 'gror mi 'gro ba'o/ /rgyun ma chad pa ni rgyun ma chad par ro/ /dga' ba ni tshim pa la mgu ba ni dga' ba chen po sngon du 'gro ba'o/ / de gcig pa nyid kyi phyir yid rang ba'o/ /dga' bar mthar thug pa ni rab tu dga' ba'o/ /dga' ba dang lhan cig par gyur pa ni dang ba'o/ /dga' ba dang yid bde ba ni 'di las de skyes pa'o/ /de'i zhes pa ni de las so/ /rgyu la mi gnas pa ste ma skyes pa'o/ /chos thams cad ces pa ni 'du shes shin tu mnyam par gzhag pas so//de'i mthu'i ting nge 'dzin ni de ltar mngon sum du byed pa'i thabs chen po'i phyir ro/ /'di lta ste chos thams cad kyi ngo bo nyid la rnam par lta zhes bya ba la sogs pa ste/ chos thams cad kyi ngo bo nyid ni don dam par ngo bo nyid med pa nyid de la blta ba med pa'i sbyor bas rnam par blta ba'o//chos thams cad kyi ngo bo nyid mi dmigs pa ni chos thams cad kyi ngo bo nyid don dam par dmigs su med pa'i phyir ro/ /chos thams cad kyi ngo bo nyid shes pa las nges par 'byung ba ni chos thams cad kyi ngo bo nyid don dam par yod pa la sogs pa'i sgro btags pa de'i shes pas mngon par shes pas mngon par zhen pa de la log pa'o//gzhung kha cig tu ni chos thams cad mi shes pa las nges par 'byung ngo zhes kyang zer ro/ /chos thams cad tha dad pa med pa nyid ni chos thams cad med pa nyid do/ /gang zhig mnyam par bsgrub par bya ba la'o/ / chos thams cad la 'gyur ba med par mthong ba ni chos thams cad tha dad par 'gyur ba'i phri ba dang bsnan pa la sogs pa med pa'i phyir ro/ /chos thams cad kun du snang bar byed pa ni chos thams cad kyi yang dag pa'i kun rdzob rnams de bzhin nyid dang ro gcig pa nyid du mthong ba'i phyir ro/ /chos thams cad mun pa dang bral ba ni chos rnams thams cad ma rig pa la sogs pa dang bral ba'o//chos thams cad mi shes pa sel ba ni chos rnams thams cad ma rig pa 'gags pa la sogs pa rnam par rtog pa 'jig pa'i phyir ro/ /chos thams cad mi shes pa sel ba ni chos thams cad stong pa nyid dang ro gcig pa can du byed pa'i phyir ro//chos thams cad dmigs pa med pa ni chos rnams thams cad kun nas nyon mongs pa dang rnam par byang ba'i bdag nyid du dmigs su med pa'i phyir ro/ /me tog bkram pa ni byang chub kyi yan lag gi me tog la sbyor ba'i phyir ro/ /chos thams cad bdag gi dngos po sgrub pa ni chos rnams thams cad kyi dngos po nyid kyis mngon par shes pa la sogs pa'i don sgrub pa'i phyir ro//sgyu ma rnam par spangs pa'i thugs rjes ji lta ba bzhin la dgongs nas tha snyad du byed pa'i phyir ro/ /me long gi dkyil 'khor gyi snang ba bsgrub pa ni me long gi dkyil 'khor la snang ba bzhin gyis longs spyod rdzogs pa'i sku la sogs pa mngon par sgrub pa'i phyir ro//sems can thams cad kyi sgra sgrub pa ni sems can rnams la phan pa nye bar sgrub pa'i bsam pas sems can thams cad kyi sgra sgrub pa'i phyir ro/ /rdul dang bral ba ni 'dod chags la sogs pa'i rdul yang dag par spangs pa'i phyir ro//sems can thams cad mngon par dga' ba ni sems can thams cad 'khor ba'i sdug bsngal las nges par thar nas rdzogs pa'i byang chub kyi bde ba thob par byed pa'i chos ston pa'i phyir ro/ /gzhung kha cig las ni sems can thams cad mngon par sgrol zhes zer ba ni go sla'o//sems can thams cad kyi sgra la mkhas pa'i rjes su song ba ni sems can thams cad la chos ston pa'i kha na ma tho ba med pa'i lus la sogs pa'i las kyi thabs la mkhas pa'i rjes su song ba'o/ /sgra dang tshig 'bru sna tshogs mngon par sgrub pa ni sgra sna tshogs pa dang /tshig dang 'bru rnams kyis stong pa nyid du ston pa'i phyir ro/ /khengs pa med pa ni/ gzugs la sogs pa'i stong pa nyid las sgrub pa la kun du rmongs pa med pa'i phyir dang / de ston pa'i so so yang dag par rig pa rnams kyi rang bzhin du tha snyad med de/mig dang gzugs la sogs pa'i shes pa'i rang bzhin dang gang zag la sogs pa'i 'dod pa'i tha snyad du byar med pa'i phyir ro/ /sgrib pa med pa'i rnam par thar pa thob pa ni 'jig rten gyi khams thams cad kyi bdag la sogs pa'i mtshan nyid rnams kyi sgrib pa las rnam par grol ba'o//rdul dang bral ba ni stong pa nyid la yang 'dzin pa la sogs pa'i mngon par zhen pa med pa'i phyir ro/ /ming dang nges pa'i tshig dang yig 'bru ni ming ni brda la bsam pas rjes su rtogs pa'i sbyin pa la sogs pa ni tshig rnams sam dus la sogs pa'i yig 'brus rnam par gzhag pa'i phyir ro//chos thams cad la lhag mthong ni 'dus byas pa'i mtshan nyid dang bral bar mthong ba'i phyir ro/ /chos thams cad yul dang bral ba ni chos rnams thams cad kyi yul la gzung ba dang 'dzin pa gnyis su yod pa nyid la sogs pa'i phyin ci log tu mi mthong ste/ chos rnams thams cad stong pa nyid du ngo bo nyid med pa'i phyir ro/ /chos thams cad la sgrib pa med pa'i mtha' ni 'dus ma byas pa rnams su yang mtshan mar mi 'dzin pa'i phyir ro/ /nam mkha' dang mtshungs pa ni chos rnams thams cad la stong pa nyid dang ro gcig pa'i nam mkha' dang mnyam pa nyid du rtogs pa'i phyir ro//rdo rje lta bu ni chos thams cad stong pa nyid du dmigs pa la rtse gcig pa nyid kyis te/ sgrib pa thams cad kyi dben pa po nyid kyis ni rdo rje dang 'dra ba'o/ /gzugs kyi rdul sel ba ni gzugs kyi rdul bsal ba'i mtshan dang dpe [(]byed [,]byad [)]kyis 'bar ba'i gzugs kyi sku ste/gang yang longs spyod rdzogs pa dang sprul pa'i mtshan nyid do/ /phun sum tshogs pas mdzes par byas pa ni phun sum tshogs pa'i mi mthun phyogs kyis gang zag dang chos su sgro 'dogs pa de la med pas phun sum tshogs pas mdzes pa ste/ gnyi ga bdag med pa'i dri ma med pas mdzes pa'o//rgyal ba thob pa ni mtshan ma med pa nyid kyis yang dag pa'i chos rnams thams cad ston pas sems can gyi don dang rjes su mthun pa'i rgyal ba thob pa'i phyir ro/ /phyir mi ldog pa'i mig rnam pa thams cad kyi chos sgrub pa'i mig la bar chad med pa'i phyir ro/ / chos kyi dbyings su nges pa ni chos kyi dbyings kyi rang bzhin nyid la the tshom gyi phyin ci log dang bral ba'i phyir nges pa brtan pos kun du gnas pa'o/ /chos kyi dbyings su nges par 'byung ba ni thugs rje chen pos bsgom pa rnams kyi chos rnams thams cad chos kyi dbyings mtshan ma med pa nyid kyis nges pa'i phyir ro//dbugs 'byin pa sbyin pa ni mya ngan las 'das pa'i mtshan ma'i gnyen po nyid kyis mi gnas pa'i mya ngan las 'das pa thob pa'i dbugs 'byin pa sbyin pa'i phyir ro/ /seng ge mngon par sgrogs pa ni rang dang gzhan gyi bya ba'i yang dag pa'i don la lus la sogs pa rtse gcig pas sbyor bas bstan pa la sogs pa'i gnas skabs rnams su skrag pa dang bral ba nyid kyis seng ge bzhin du mngon par sgrogs pa'i phyir ro//sems can thams cad zil gyis gnon pa ni chos thams cad yongs su mi 'dzin pas bdud la sogs pa'i sems can thams cad zil gyis gnon pa'i phyir ro//rdul dang bral ba ni byang chub kyi sems la nga rgyal la sogs pa'i rdul dang bral ba'i phyir ro/ /kun nas nyon mongs pa med pa ni ming la sogs pa la mngon par zhen pa'i kun nas nyon mongs pa med pa'i phyir ro/ /pad+ma bkod pa ni rang bzhin gyis rnam par dag pa'i chos rnams thams cad la bsam pa dang bral ba nyid kyis yongs su longs spyod kyang nyon mongs par mi 'gyur ba'i phyir pad+ma la chus bzhin no//nem nur gcod pa ni chos thams cad kyi de kho na nyid sgrub pa la thams cad du 'gro ba'i nem nur bzlog pa'i phyir ro//snying po thams cad kyi rjes su son pa ni byang chub kyi sems la sogs pa'i rnam par dag pa'i snying po'i rjes su son pa'i phyir ro/ /chos thams cad la mngon par 'phags pa chos thams cad la yod pa nyid la sogs pa brtags pa rnam par dag pa'i byams pa la sogs pa'i tshad med pa rnams kyis khyad par du 'phags pa'i phyir ro//mngon par shes pa dang / stobs dang / mi 'jigs pa la sogs pa thob pa ni chos rnams thams cad yongs su 'dzin pa med pa'i ting nge 'dzin gyi mthus so/ /chos thams cad nges par 'bigs pa ni chos kyi dbyings so sor 'bigs pa'i phyir ro//chos thams cad kyi 'byor pa'i rgya mtsho ni bla na med pa'i gzhi ste mthong ba las rnam par log pa kun du 'dzin pa ni nyid kyis de rgya mtshor gyur pa'i phyir ro/ /chos thams cad kyi phyag rgya ni chos thams cad kyi phung po la sogs pa rnams kyis 'byor pa ste/ srid pa dang zhi bar mi gnas pa'i mya ngan las 'das pa des rgyas btab pas rdzogs pa'i byang chub kyi bde ba dang dga' ba 'byin par byed pa'o//'byor pa ni bden pa ma yin pa sgro btags pa dang bral ba'i stong pa nyid de nyid yang dag pa'i kun rdzob kyi ngo bo'i chos rnams kyi phyag rgya'o/ /chos thams cad la khyad par med par ston pa ni chos rnams thams cad la gang zag gi bdag med par mnyam par rtogs pa'i phyir ro//lta bar 'gyur ba'i thibs po thams cad rnam par spangs pa ni/ rtag pa dang chad pa la sogs pa'i lta ba dang bral ba'i phyir ro/ /mun pa dang bral ba ni brtags pa thams cad kyi mun pa dang 'dres pa bcom pa'i phyir ro//chos thams cad kyi mtshan ma dang bral ba ni chos rnams thams cad la mtshan mar sgro btags pa dang bral ba'i phyir ro/ /chags pa thams cad las grol ba ni phyi dang nang gi chos rnams thams cad la chags pa med pa'i sbyin pa la sogs pa la rab tu 'jug pa'o/ /le lo thams cad dang bral ba ni gnas skabs thams cad du gzhan gyi don bya ba brtson 'grus rtsom pa'i phyir ro//chos zab mo 'od byed pa ni chos thams cad stong pa nyid kyis gdul bar bya ba rnams la 'od byed pa'i phyir ro/ /ri rab 'dra ba ni spros pa med pa'i shes rab kyis ma g.yos pa'i phyir ro/ /mi 'phrogs pa'i kun du bzang po'i dngos po rnams las rnam par mi ldog pa'o//bdud kyi dkyil 'khor rnam par 'joms pa ni stong pa nyid dang ro gcig pa'i phyir 'dod pa kun la longs spyod kyang zhen pa dang bral bas bdud thams cad rnam par bcom pa'i phyir ro/ /'jig rten gsum la mngon par ma zhen pa ni spros pa med pa'i shes rab mngon du byas pas mngon par zhen pa spang ba'i phyir ro//'od zer sgrub pa ni ma lus pa'i brtags pa'i rtog pas ma gos pa nyid kyis thams cad du bsal ba'i shes rab kyi 'od zer bsgrub pa'i phyir ro/ /de bzhin gshegs pa mthong ba ni de bzhin gshegs pa'i de bzhin nyid kyi chos kyi sku mthong ba'i phyir ro//de bzhin gshegs pa thams cad mthong ba ni thun mong ma yin pa'i shes rab kyis ma lus pa'i rang dang gzhan dag la yongs su gsal bar byed pas kun du rmongs pa thams cad dang bral nas de bzhin gshegs pa la sogs pa mthong ba'i gnas su gyur pa'i phyir ro//ting nge 'dzin 'di rnams la drug cu rtsa gnyis nye bar mtshon pa ste/ grangs med pa'i ting nge 'dzin rnams te/ ting nge 'dzin de rnams yang mos pas spyod pa'i sa kun du spyod pa na 'phags pa chos 'phags kyi byin gyi rlabs dang rang gi bsod nams dang ye shes kyi stobs las skyes pas rmi lam gyi gnas skabs bzhin du dus de ji srid du mthong ba'o//gang yang dkon mchog sprin las mos pas spyod pa'i sa las grangs med pa'i ting nge 'dzin rnams rtogs par bshad pa de yang dus de srid du kho nar ro/ /thams cad du yang ting nge 'dzin rnams rgyun du mthong ba ni kha cig rab tu dga' ba la sogs pa'i sa rnams la ste/rnam pa thams cad nas thams cad du ni bskal pa grangs med pa gsum gyis sangs rgyas kyi sa la ste/ thabs la mkhas pa ni rab tu dga' ba'i sa la yang grangs med pa'i ting nge 'dzin rnams dus de srid du mthong ba'o/ /gang 'dir 'di dag gis bstan par rab tu mthong ba de nyid na sangs rgyas nyid du 'gyur ro zhes pa'i thal 'gyur de ni yid 'phrog pa ma yin te/gal te thabs la mkhas pas thams cad du mthong bar gyur kyang de rnams kyi de lta na yang bsgom pa'i lam gyi rab tu spang bar bya ba'i dri ma rnams kyis gsal ba ma yin pa'i phyir dang shin tu ring du 'phro ba'i rab kyi mthar ma phyin pa'i phyir na de nyid du sangs rgyas su 'gyur ba ni ma yin no//de de rnams la zhes pa ni de mos pas spyod pa'i sa la gnas par byed pa ni 'di rnams kyi ting nge 'dzin rim gyis skye ba rnams la gnas shing / ting nge 'dzin gzhan gyi yon tan sngon gyi ting nge 'dzin yongs su ma btang ba las skyes la/ phyogs bcu'i 'dir zhes pa ni phyogs bcu'i 'jig rten te/ 'jig rten gyi khams thams cad kyi zhes pa'i don to/ /sangs rgyas zhes pa ni sa bcu pa las rab tu dga' ba la sogs pa'i sa la sangs rgyas brgya la sogs pa mthong zhes gsungs pa nges par 'byung ba nyid kyis so//'dir ni gdams pa po de bzhin gshegs pa'i byin gyi rlabs dang 'phags pa chos 'phags kyi mthus mos par spyod pa'i sa pas grangs med pa'i de bzhin gshegs pa mthong bar gyur to/ /'gro ba zhes pa ni 'gro ba ni khong khro ba med pa des thob pa'o//bslabs pa ni bslab pa rnams thob pa'o/ /de'i byas pa ni gang nyid sngon des byas pa'o/ /gsung bar bya ba ni sems kyis dran par bya'o/ /na bza' ni gos so/ /de'i gdung ba ni mgo rdebs pa'o zhes pa'i don to/ /mi dga' ba ni mya ngan gyis so/ /yongs su gdung ba ni yid mi dga' ba'o//mi g.yo ba nas brtsams nas zag pa zad pa'i mngon par shes pa srid kyang rnam pa thams cad du ma lus pa ni sangs rgyas kyi sa la'o zhes pa ni sa bcu'i dbang phyug chos 'phags la mngon par shes pa lngar bshad pa'o/ /dga' ba ni 'dod pa'o/ /mgu ba ni dga' ba'o/ / yon tan bzhin du legs par sems pa'o/ /rnyog pa med pa ni dad pa'o/ /de'i yon tan rnams la ngo mtshar ba ni ri mor byed pa'o/ /mngon par dga' ba ni gus pa nyid do/ /des zhes pa ni bdag gi lus dus yun thung ngur btsongs pa'i rin gyis so/ /mngon par shes pa yod par srid kyang de'i rin gyis chos nyan pa don du gnyer ba nyid ni mngon par shes pa la longs spyod pa'i dran pa dang bral ba'i phyir dang /tshong dpon gyi bu mo la sogs pa rnams kyang chos tshol ba la so sor spro ba dang ldan pas so/ /dga' ba'i sems zhes pa ni dga' ba des sems sbyangs pa'o/ /de las nyis 'gyur du dga' bar 'gyur ba'i phyir rab tu dga' ba'i sems so//sbyin par bya ba zhes pa ni chos la mchod pa don du gnyer bas bar chad du yang ma brtsis pa'o/ /rgyu rnams kyis ni gnod pa'o/ /yon tan gyi rigs ni mi rnams dang thun mong gi yon tan la khyad par ni mi las shin tu 'das pa'i yon tan no/ /bzod pa ni rang gi bya ba 'dod pa'i phyir yang ngo //yul can ni de la ma zhen pa'o/ /spros pa ni spong ba can du'o/ /skad cig dang thang cig la nye bar len pa ni nyan pa po rnams kyi dad pa'i bye brag go/ /bla ma zhes pa ni bla ma'i rgyu mtshan no/ /rol mo ni rang bzhin gyi rol mo'i bye brag go/ /rab tu mang ba ni bye brag mang po'i phyir ro//rnyed par dka' ba ni don dam pa ste rgya chen po'i don to/ /chings ma bdun gyi mdud pa bdun la rang gi ming gi rgya rnams kyis rgyas btab pa'o/ /thogs pas ni snyim pas so/ /gsal zhes pa ni khyad par lhan cig mthong ba'i phyir te/ byed pa ni lhan cig tu mtha' zhes pa'i don to/ / rtag par rab tu ngu ba nye bar mtshon pa'i le'u'o/ /'phags pa shes rab kyi pha rol tu phyin pa brgyad stong pa'i 'grel pa gnad kyi zla ba'i 'od ces bya ba paN+Di ta chen po 'jigs med 'byung gnas sbas pas mdzad pa las le'u sum cu pa'o// //de skad ces smras pa dang zhes pa la sogs pa ste/stong pa nyid kyi rnam grangs rnams ni rgyu mtshan gyi dbye ba tha dad de/ nam mkha'i khams ni nam mkha' dang de bzhin nyid chos mthun pa nyid kyis so/ /'o na mtshan la sogs pas rnam par mdzes pa'i sku de bzhin gshegs pa ma yin nam zhe na/ gsungs pa ma yin zhes te/ de bzhin nyid la shin tu rnam par dag pa ni de bzhin gshegs pa ste/de ni de'i ngo bo nyid kyi sku'o/ /de bzhin du de bzhin nyid la sogs pa dang de bzhin gshegs pa dag dbyer med par gsungs nas/ shin tu dbyer med par bstan par 'dod nas gsungs pa ni/ gang yang zhes pa la sogs pa ste/ 'di rnams kyi de bzhin nyid la sogs pa rnams dang chos thams cad de phung po dang khams la sogs pa rnams kyi gcig ces pa ni mdor bstan pa'o//yang gcig ces pa ni rgyas par bshad pa'o/ /'dir nyi ma gung gi dus ni de'i tshe 'ong ba'o/ /mngon par chags pa zhes pa ni byed pa po stong pa ste zhes pa ni don gyis rtogs pa'i khyad par gyi phyir ro//chos kyi sku zhes pa ni ngo bo nyid med pa'i sku ste kun rdzob tu ni gzugs sku las 'gro ba dang 'ong ba'i tha snyad med pa'o/ /glang po'i tshogs zhes pa la sogs pa'i tshogs ni 'dus pa'o/ /yongs su rdzogs pa ni yang dag pa'i don to/ / brdzun du smra ba dang chos mthun pa ni slu ba po nyid pas so/ /'di gsungs pa ni yang dag pa ma yin pa zhes pa ste/ don yod pa ni sbyin par byed pa'i 'bras bu che ba'i phyir te/ lus yongs su grub pa ni srid pa'i mchog 'dzin pa nyid do/ /gang du yang 'gro ba med pa ni mya ngan las 'das pa'i dus su ste/mya ngan las 'das pa na/ 'gro ba ni gang du yang yod pa ma yin pas so/ /sngon gyi spyod pa ni sngon gyi lam gyi gnas skabs kyi sbyin pa la sogs pa'i bsod nams dang ye shes kyi tshogs kyi dge ba'i rtsa ba'i sbyor ba'o/ /rgyu ni nye bar len pa'i rgyu ste snying rje chen po'i smon lam gyi tshogs kyi shugs kyi bdag nyid do//rkyen ni lhan cig byed pa'i rgyu ste/ de ni 'dir gdul bar bya ba'i sems can gyi dge ba'i rtsa ba du ma ste/ de gnyi ga'i rgyu dang rkyen gyi tshogs la ni dgu ste/ de'i rgyas par bshad pa ni sngon gyi phrin las rnam par smin pas zhes pa ste/ sngon gyi dge ba la rjes su gnas pa khyad par du gyur pa rab kyi mthar son pas yongs su sgyur ba'i phyir ro//kha cig dag ni sgra ni nye bar len pa ni sgra'i rdul phra rab bo zhes so/ /rlung gi rdul phra rab ces pa ni gzhan dag gi'o/ /pi wang ni rgyud dgus dkris pa can no/ /nye ba'i sgra ni gtso bo ma yin pa'i rgyud la'o/ /rgyu med pa ma yin pa ni sgra'i'o//dkrogs pa ni kun du bskyod pa'o/ /spa bkong bar gyur pa ni grib ma yang med pa'o/ /slar yang the tshom mi 'jug go zhes pa ni the tshom spangs pas nye bar mtshon pa nyid kyi mthong ba'i lam gyis rab tu spang bar bya ba'i nyon mongs pa spangs nas bdag nyid kyis mthong ba'i lam rtogs par gsal bar bya'o//mngon par bkab ces pa ni de'i mdun du lus thams cad sa la phab pa'o/ /zhugs pa ni bskyod pa'o/ /gang bdag ni gang du bdag rjes su bslabs pa ni rjes su byed pa'o/ /lha'i ni nam mkha' las byung ba'o/ /sems gzhan du gyur pa ni sa'i chag chag gis kha phyir phyogs pa'o//'di snyam du ni so sor brtag pa'o/ /glags pa ni go skabs so/ /lhag par gnas pa ni mi byed pa'o/ /yongs su tshol ba ni rtsol ba'o/ /shes rab kyi pha rol tu phyin pa ni chos thams cad mnyam pa nyid de/ ji ltar chos thams cad mnyam pa nyid ni de yang chos kyi dbyings la dmigs pa de dang /chos thams cad mnyam pa nyid pas so/ /gang du chos rnams thams cad ni rang gi mtshan nyid rnams kyis dben pas 'dir de yang rang gi mtshan nyid rnams kyis dben pas so/ /gang chos rnams thams cad dben pa las mi g.yo bas te de'i yang dben pa las mi g.yo ba'o/ /chos rnams thams cad cung zad rlom sems med pa ni ngo bo nyid med pa'i phyir la de'i yang rlom sems med pa'o//dben pa dang ni mi g.yo ba de la gang gis kyang khengs par byed pa med de/ ji lta zhe na/ rang bzhin gyis dben pa ni bstan pa ste des de yang bstan pa nyid de/ de de bzhin nyid dang ro gcig pa'i chos rnams thams cad ni rang gi mtshan nyid kyis med pa'i phyir te/de bzhin nyid du de yang ngo / /mu ni sngon gyi mtha' dang phyi ma'i mtha' dag la chos rnams thams cad la de med pa ste/ 'das pa dang ma 'ongs pa dag med pa'i phyir te de'i phyir mu med pa nyid do/ /de bzhin nyid du de yang ngo / /don dam par chos thams cad la ngo bo nyid med pas de'i phyir skye bar 'gyur ba med pa'i sgyu ma'i skyes bu bzhin te/de'i phyir skye ba med pa ste/ de bzhin du de yang ngo / /'gag pa med pa ni de med pa'i phyir la de bzhin du de yang ngo / /nam mkha' mu med pa ni phyogs bcu dus gsum rnams su'o/ /de ltar des phyogs bcu dus gsum pa'i chos rnams stong pa nyid du gsal bar byed pa'i phyir ro//phyogs bcu'i mtha' yas pa'i 'jig rten gyi khams rnams ni mu med pa'i rgya mtsho rnams kyis gang zhing de bzhin nyid dang gang yang chos rnams thams cad kyi dang / gang yang shes rab kyi pha rol tu phyin pa sna tshogs pa nyid de chos thams cad kyi de bzhin nyid la dmigs pa'i phyir ro//ji ltar nam mkha' cung zad rnam par mi rtog ste ci yang med pa'i phyir ro/ /de bzhin du shes rab kyi pha rol tu phyin pa ste ngo bo nyid med pa'i phyir dang rnam par rtog pa'i pha rol tu son pa'i phyir ro/ /nam mkha' bzhin du gzugs kyi phung po mu med pa nyid de/ gang la gzhan du gzugs med pa de la mu med pa'am snang ba med pa ste/de bzhin du de'i de bzhin nyid snang bar byed pa'i shes rab kyi pha rol tu phyin pa la mu med pa nyid do/ /ji ltar rgya mtsho mu med pa nyid pas shes rab kyi pha rol tu phyin pa mu med pa nyid du rnam par shes pa de ltar sems can mtha' yas pa rnams kyi tshor ba dang /'du shes dang / 'du byed dang / rnam par shes pa dang / sa'i khams dang / chu dang / me dang / rlung dang / nam mkha' dang / rnam par shes pa'i khams mu med pa yang bshad par bya'o/ /rnam par shes pa'i phung po mu med pa nyid dang rnam par shes pa'i khams mu med pa dag gi khyad par gang zhe na/phung po dang khams kyi sgra dag gis sbyor ba byas pa'o/ /sems 'dzin pas chos te ting nge 'dzin la rdo rje lta bu'i ting nge 'dzin te/ de la ni gang chos rnams thams cad mnyam pa nyid de/ de bzhin du de la chos rnams thams cad mnyam pa nyid pas so/ /chos thams cad kun tu tha mi dad pa dbye bas tha mi dad pa ni 'byed pa po rnams kyi rang gi mtshan nyid rnams med pa'i phyir te/de bzhin du de la yang tha dad pa med pa'o/ /chos thams cad cung zad kyang dmigs su med de/ gzugs kyi phung po bems po'i phyir dang / lhag ma rnams kyang bdag nyid dang gzhan du 'dzin pa nyid du sbyor ba med pa'i phyir dang / dmigs pa yang med pa ste/ 'dzin pa po med pa'i phyir ro/ /de bzhin du shes rab kyi pha rol tu phyin pa yang dmigs pa med pa ste/ dmigs par mi gyur pa'i phyir dang / de las ngo bo nyid med pa'i phyir de rnams kyis de la yang nye bar dmigs pa med pa nyid de/ kun rdzob tu ma brtags na nyams dga' ba'i gzung ba dang 'dzin pa ni tha dad du'o//rnam par mi 'jigs pa ni gzhan la tshig rnams kyis ston pas te/ de ni de rnams kyis de'i phyir mi 'jigs pa ste/ de rnams mnyam pa nyid pas so/ /de bzhin du gang zhig gi dmigs pa thams cad kyis shes rab kyi pha rol tu phyin pa de'o//'dod pa ni bya ba ste chos thams cad la ji ltar gang yang gang du yang skye bar mi 'gyur la/ kun rdzob tu 'di'i rkyen nyid tsam gyis 'di las 'di 'byung ba 'di med na 'di mi 'byung ba ni re zhig pa'i rgyu dang 'bras bu'i dngos po la/ don dam pa la ni 'di mi 'dod de/ de bzhin du shes rab kyi pha rol tu phyin pa pa yang ngo //chos thams cad spros pa med pa'i phyir dang bsam gyis mi khyab pa'i phyir shes rab kyi pha rol tu phyin pa yang bsam gyis mi khyab pa'o/ /rig par bya zhes pa ni chos thams cad mnyam pa nyid la sogs pa'i tshig rnams dang 'brel te/ mthar gsal bar byed pa'i phyir ro/ /de nas zhes pa la sogs pa ste/gang zhig rim pa'i gang zhig rnam pa thams cad kyi shes rab kyi pha rol tu phyin pa bstan pa des de ltar ting nge 'dzin sum cu skyes pa ste/ de la chos thams cad mnyam pa nyid la sogs pa'i rnam pa'i phyir ting nge 'dzin yang de ltar bshad do/ /ji ltar 'di rnams kyi rnam pa ni bye brag 'di rnams kyi dngos po shes pa'i phyir na ji skad du bshad pa'i gzhi shes pa'i zhes pa la sogs pa de ji ltar na dmigs pa ni de nyid kyi gzhi dang ldan pas so//yang na chos thams cad mnyam pa nyid la sogs pa nyid la dmigs pa la de la dmigs pa'i phyir ting nge 'dzin la yang de skad ces brjod do//dngos po la gnas nas rnam pa ji lta ba'i mtshan ma med pa la sogs pa brgya stong 'bum phrag gis sa dang po rtogs la/ ting nge 'dzin brgya stong thob ces pa'i sa bcu'i tshig ni 'di rnams kyis nye bar mtshon pa ste/ cung zhig nges par brgya thob pa nyid la ma nges pa ni brgyad las mang bar gzhan yang rmi lam gyi gnas skabs bzhin du dus re zhig tu ting nge 'dzin so sor snang ngo zhes pa ni gzhan dag gi'o//chos 'phags kyis mtshon pa'i le'u ste sum cu rtsa gcig pa'o// //de thob ma thag tu zhes pa la sogs pa ste/ tshul ni mngon par rtogs pa brgyad do/ /ming ni rnam pa thams cad mkhyen pa nyid la sogs pa'o//rnam grangs 'dis kyang zhes pa ni rtag par rab tu ngu ba'i byung tshul 'dis kyang ngo / /de lta bas na zhes pa la sogs pa dang / rjes su bstan pa'i sgra'i bar gyis ni yongs su gtad pa dang po'o/ /de bzhin gshegs pa'i byin gyi rlabs kyis zhes pa ni des bar du gcod pa bzlog pa'i phyir dang /rjes su bstan pa ni yongs su gtad pa ste/ ji ltar 'di nyan pa la sogs pa rgyun mi 'chad par 'gyur ba de ltar khyod kyis zhes pa'i don to/ /'di la gsungs pa ni 'di zhes bya ba la sogs pa ste/ de ci'i phyir zhes pa la sogs pa ni yongs su gtad pa gnyis pa'o/ / gleng bslang ba'o/ /'di las ni kun du bstod pa'o/ /sku 'di las ni gleng bslang ba gcig la yongs su gtad pa gnyis pa'o/ /gang du gsungs pa'i lan gnyis lan gsum du yang zhes pa ni yongs su gtad do ni gtod pa byed pa'o/ /rjes su gtad do ni rjes su mthun pas gtad pa'o//skyes bu tha ma zhes pa ni ma gus pa'o/ /ci'i phyir 'di bdag gi dngos po bzhin du gus par bya zhes gsungs pa ni/ ji srid du zhes pa la sogs pa ste/ de bzhin gshegs pa bzhugs zhes pa ni gang du bcom ldan 'das ma 'di nyid de bzhin gshegs pa'i rgyu dang 'bras bu'i gnas skabs dag gi mu med pa'i yon tan rnams dang ngo bo nyid kyi yang rgyu yin pas na 'dir mchog tu gus par bya bar rigs zhes pa la dgongs pa de'i yang rgyu dang 'bras bu'i gnas skabs dag gi yon tan gyi che ba mdo sde mtha' yas la mang po bstan pa de'i zhad tsam brjod pa ni bcom ldan 'das ma la shin tu yang dag pa'i khyad par bskyed pa'i phyir te/de ltar yang 'phags pa dkon mchog brtsegs pa las tshogs kyi sa la dang po dang bdun pa'i sems bskyed pa'i byang chub sems dpa'i ye shes kun du skyed par byed pa thams cad rnam par rtog pa med pas yang dag par bskyed cing mnyam pa'i sems kyis sems can rnams thams cad kyang de'i ye shes la rab tu sbyor bar byed/des byang chub sems dpa' de la yang sngon du sangs rgyas mthong / lha stobs dang ldan par 'gyur bas spro ba skyed par byed kyi/ rnam par thar pa brgyad la bsam gtan byed pa'i dgra bcom pa rnams la ni ma yin te/ de'i sangs rgyas kyi gdung rgyud mi gcad par gnas par 'gyur ro zhes gsungs pa dang /byang chub sems dpa'i sde snod las kyang / rnam par thar pa gnyis pa'i sems bskyed pa dang po'i byang chub sems dpa'i sems bskyed pa'i phan yon gsungs pa ni sems bskyed pa dang bcas pas sems can thams cad kyi sbyin gnas su 'gyur zhing bla mar gyur pa'i bsod nams kyi zhing pha dang 'dra ba ste/bsod nams rab tu bskyed pa rnams kyang gegs med pa yongs su 'dzin cing gang gis bsrungs shing de la ma zhen pas gnyid log pa dang bag med pa na yang sdig sbrul dang gnod sbyin dang mi ma yin pa de na gnas pa rnams kyis tho 'tshams par mi nus so//yongs su 'jug pa'i skye bo de la bsod nams kyis nad nyung bar 'gyur ro/ /skye bar gnod pa med par 'gyur ro/ /'di'i dran pa brjed ngas par mi 'gyur ro/ /sems nyams par mi 'gyur ro/ /gzhan gyi lag tu 'ongs kyang mi 'grub pa'i sems can rnams kyi yams dang nye bar 'tshe ba dang log 'dren ma rungs pa'i sngags kyi tshig dang rig pa'i tshig rnams de'i lag tu song bas 'grub par 'gyur na/grub pa rnams la lta ci smos la/ gang du sangs rgyas kyi zhing du gnas pa der 'jigs pa dang bag tsha ba dang mu ge'i skyon dang mi ma yin pas byas pa'i nye bar 'tshe ba rnams mi 'byung zhing byung na yang nye bar zhi bar 'gyur ro//gal te brgya lam na dmyal ba dang ngan 'gro'i sa rnams su skye ba na yang der yang de tsam gyis shin tu myur bar gyur pas grol bar 'gyur ro/ /dmyal ba rnams su sdug bsngal gyi tshor ba chung bar gyur pa dang / shin tu myur bar yid 'byung ba skye bar 'gyur zhing sems can de rnams la snying rje chen po'i sems skye bar 'gyur ro zhes gsungs so//yum chen mor yang mos pas spyod pas byang chub sems dpa'i snying rje phyogs bcu'i phyogs re re zhing gang gA'i klung gi bye ma snyed kyi 'jig rten gyi khams ji snyed kyi dmyal ba dang / dud 'gro dang yi dags la sogs pa'i sems can rnams rang gi lus kyi 'od kyis kun du snang bar byas nas sdug bsngal thams cad zhi bar byas nas kyang sangs rgyas dang bcas pa'i lha dang mi rnams su skye bar byed de/sangs rgyas la sogs pa yid la byed pa nyan du bcug nas de yid la byas pas de rnams ngan 'gro rnams las byung nas yang dag par rdzogs pa'i sangs rgyas mnyes par byed pa dang rjes su mthun par sbyor ba yongs su bzung nas/pha rol tu phyin pa drug la sogs pa rnams kyang rgyun mi 'chad par lhag par 'phel bar 'gyur zhing rab tu dga' ba'i sa byang chub sems dpa' gnon par gyur nas byis pa'i skye bo thams cad dang nyan thos dang rang sangs rgyas kyi sa las 'das par 'gyur zhing byang chub sems dpa'i skyon med par skye bar 'gyur nas/de bzhin gshegs pa'i rigs mi gcod kyi mthong ba'i lam la'o zhes gsungs so/ /sa bcu pa las kyang / skad cig ma gcig gis ting nge 'dzin brgya thob cing snyoms par 'jug pa dang /sangs rgyas brgya mthong ba dang / de rnams kyi byin gyi rlabs yang dag par shes la 'jig rten gyi khams brgya g.yo ba dang kun du snang bar byed pa dang sangs rgyas kyi zhing brgyar 'gro zhing sems can brgya smin par byed pa dang / bskal pa brgyar gnas shing sngon gyi mtha' dang phyi ma'i mtha' la rab tu 'jug cing chos zhal brgyas rab tu rnam par 'byed par byed pa dang /lus brgyar ston par byed do/ /lus re re la byang chub sems dpa' brgya'i 'khor kun tu ston par byed ces gsungs te/ sngon gyi mtha' dang phyi ma'i mtha' dag la 'jug par 'gyur ba ni sems can rnams sdig pa las bzlog pa'i bdag por byas nas las kyi 'gro ba nye bar ston pa'o//rab tu rnam par 'byed pa ni rang gi blo yongs su smin pa'i don du chos kyi rnam grangs rnams kyi don sems par byed ces pa'o/ /thams cad du brgya bzung ba ni nges par 'gyur ba nyid kyis so//thabs la mkhas pas ni grangs med de/ grangs med pa'i sangs rgyas mthong ba ni tshogs kyi sa nas kyang ngo / /'di rnams kyi yang grangs nges pa dang ma nges pa dag ni sngon gyi sa'i yon tan rnams bzhin 'dis phyi ma rnams la rjes su zhugs nas rab tu gyur pa yang thog ma'i dbye bas shes par bya'o//de nyid kyi dpag tu med pa'i yon tan gyi rten du gyur pa'i byang chub sems dpa' nyid yang 'dzam bu'i gling gi dbang phyug tu 'gyur ro/ /dbang phyug chen po'i bdag po thob pa dang chos rjes su bsrung ba'i phyir phung po yongs su gtong yang zad par mi 'gyur te/ des 'khor los sgyur ba'i rgyal po'i ma chags pa dang dga' bas 'dod pa la longs spyod pa yang rnam pa mang po ston par byed cing de la yang chags pa med do//'jig rten pa'i phun sum tshogs pa thams cad kyi nye bar 'tsho ba kun du 'dzin cing de la chags par 'gyur ba ni ma yin te/ sgyu ma lta bur chos thams cad bsgoms pas yang sems can gdul bar bya ba nye bar bzung ba'i phyir nyon mongs pa la dbang du gyur pa thob nas/bsam pa'i khyad par sgyu ma'i skyes bu lta bus 'dod pa las rgyal ba'i sras rnams yongs su longs spyod kyi sdug pas ni ma yin no/ /yang na mi 'dod pas ni 'dir khyim dang chung ma la sogs pa'i 'khor los sgyur ba'i rgyal po yang spangs nas de bzhin gshegs pa'i bstan pa la rab tu 'byung bar 'gyur la/ji ltar yang 'di nyid rab tu byung nas de ltar gong ma'i yang rang gi sa rnams la ste/ de bzhin du sa 'di'i yon tan rnams dang / sa snga ma'i yon tan gyis sprin la sogs pa'i mngon par shes pa 'dir gsal bar byas nas ring du yang 'gro bar byed pa'o//de'i yang gong nas gong gi sa'i yon tan ni mu med pa rnams te/ de ltar na yang de'i yon tan gyi zhad tsam brjod par bya ste/ ji skad du 'phags pa sa bcu pa las/ dri ma med pa'i sa pa'i byang chub sems dpa' yang de nyid rin po che sna bdun dang ldan pa'i gling bzhi la dbang ba'i 'khor los sgyur ba'i rgyal por 'gyur te/ting nge 'dzin la sogs pa ni 'di'i sngar bshad pa'i brgya'i gnas su stong phrag bshad pa'i yon tan rnams so/ /'od byed pa la legs par so sor brtags pa'i ye shes kyis yang nas yang du dam pa'i chos tshol ba la mngon par brtson pas gnas shing nyin mtshan du chos nyan pa don du gnyer zhing chos smra ba po la dga' bar byed pa'i 'du shes can du 'gyur zhing des phyi dang nang gi dngos po gang sbyin par mi byed pa cung zad kyang med la/bla ma'i spyod pas nye bar gnas pa gang sbyin par byed cing /des gang yang lus la gnod pa na yang sbyin par mi byed pa med la/ rtag tu sbyin pa'i rgyus chos la gus pa rab tu son pas des nor dang rgyal srid dang / mtho ris su skye ba dang 'jig rten pa'i rnam par dag pa dang / bdag gi dngos pos kyang chos la bla mar byed do//de yang chos kyis dga' bar byed par 'gyur gyi 'khor los sgyur ba'i rgyal po dang / tshangs pa dang brgya byin gyis ni ma yin no/ /yang dag par rdzogs pa'i sangs rgyas su 'jog pa'i chos kyi tshig gcig la yang de'i don du stong gsum gyi stong chen po'i 'jig rten gyi khams tshangs pa'i 'jig rten gyi bar du re zhig mes yongs su gang ba la bdag nyid mchong ba la yang spro bar byed la/de nyid yang sum cu rtsa gsum pa'i dbang por gyur nas dge bas sems can 'dod pa'i 'dam las 'byin par 'dod pa ste 'di'i yon tan no/ /ting nge 'dzin la sogs pa'i yon tan ni brgya'i gnas su stong phrag bshad pa'i yon tan rnams so//'od 'phro ba la yang de nyid rab mtshe ma'i lha'i rgyal por gyur nas khyab bdag byas nas sems can rnams kyi 'jig tshogs la lta ba yang dag par bcom pa la mkhas pas sems can rnams yang dag pa'i lta ba la rab tu 'god pa'i phyir ro//ting nge 'dzin la sogs pa 'di'i yon tan ni brgyar bshad do/ /sbyang dka' ba la ni brgya'i gnas su bye ba phrag stong gis bshad pa'i ting nge 'dzin la sogs pa'i yon tan rnams te yang dga' ldan gyi lha'i rgyal por gyur nas mnga' bdag byas nas sems can thams cad mu stegs kyi skye mched thams cad bzlog pa la mkhas pas sems can rnams bden pa rnams la rab tu dgod par 'dod pas so//mngon par gyur pa la ni brgya'i gnas su bye ba khrag khrig brgya stong gis bshad pa'i yon tan rnams te yang de nyid las 'phrul dga'i lha'i rgyal po byas nas sems can rnams kyi mngon par nga rgyal ba so sor sbyang ba la mkhas pas sems can rnams rten cing 'brel par 'byung ba la gzhug par 'dod pas so//ring du song ba la sems can la phan pa'i don du bsam gtan dang rnam par thar pa'i ting nge 'dzin gyi snyoms par 'jug pa la snyoms par zhugs nas mngon par shes pa drug gis kyang ste/de ltar yang phyogs bcu'i 'jig rten gyi khams grangs med pa rnams kyi sems can rnams kyi don skad cig ma gcig la 'gro ba drug gi sems can gyi gzugs rnam pa sna tshogs sprul pa rnams kyis yang dag par sgrub par byed de/ lha la sogs pa dang nyan thos dang byang chub sems dpa'i 'khor gyis ji srid du phyogs bcu'i 'jig rten gyi khams grangs med pa rnams su sprul pas go bar byed la/de'i yang dbyangs rnams kyis rnam pa du ma'i chos ston par mdzad pa'am/ gzhan dag sprul pa mdzad pa'am/ nam mkha' las kyang chos ston pa'i sgra 'byung la yul rnams dang ston mo dang bza' ba dang btung ba dang gos dang rin po che la sogs pa rnam pa sna tshogs pa sems can gyi don du sprul pa dang /dud 'gro'i skye gnas su skye ba dag kyang ston par mdzad de de'i ting nge 'dzin la sogs pa'i yon tan ni brgya'i gnas su bye ba khrag khrig brgya stong gi phrag gis ston pa'o//yang des gzhan 'phrul dbang byed kyi lha'i dbang po mnga' bdag tu mdzad nas sems can rnams mngon par rtogs pa shes pa rnams kyis nye bar sdud pa'o/ /mi g.yo ba la byang chub sems dpa'i chos thams cad kyi yang dag pa ji lta ba la 'jug cing thams cad du sems yid kyi rnam par shes pa'i rnam par rtog pa'i 'du shes dang bral ba'i chos skye ba med pa can gyi bzod pa thob pa'o zhes brjod la/de thob nas ji ltar gzhan gyi ngan 'gro dang bde 'gror rnam par smin pa'i las kyi sgrib pa de rnams yang dag par bcad nas sangs rgyas bcom ldan 'das rnams kyis 'di skad ces bka' stsal te/legs so legs so rigs kyi bu 'di nyid ni de ltar sangs rgyas kyi chos rtogs par bya ba la 'di nyid don dam pa'i bzod pa'o/ /'on kyang bdag cag gi stobs bcu dang mi 'jigs pa dang sangs rgyas kyi chos ma 'dres pa yang dag par sangs rgyas pa de re zhig khyod la yang dag par yod pa ma yin pas de btsal ba la mngon par dga' bar gyis la brtson 'grus rtsoms shig dang 'di nyid kyis bzod pa'i sgo nas ma btang zhig dang /gang khyod de ltar zhi ba la gnas pas rjes su thob cing zhi ba 'dis byis pa so so'i skye bo la dgongs pa ma yin te/ 'on kyang rigs kyi bu sngon gyi smon lam rjes su dran pa dang sems can gyi don yang dag par thob pa'i ye shes kyi sgo bsam gyis mi khyab pa gang 'dir chos thams cad kyi stong pa nyid chos thams cad dmigs su med pa ste/gang 'di dag gi yang yud tsam cig gis ye shes lhun gyis grub pas thams cad mkhyen pa'i ye shes kyis gnon par byed do/ /de ni sngon gyi 'bad pa dang bcas pa'i lam gyi bskal pa brgya stong gis kyang re zhig gzhal du med par thob par nus pa ma yin no//'jig rten gyi khams rnams kyi sems can rnams kyang so so'i rab tu dbye ba na/ ji srid du rdul phra rab kyi cha de srid kyang yang dag pa ji lta ba bzhin du rab tu shes te/ ji 'dra ba'i yang sems can rnams kyi lus su rnam par phye ba'i kha dog dang rtags dang chu dang zheng dang mos pa dang bsam pa dang de rnams dang /sangs rgyas kyi zhing rnams dang / sangs rgyas kyi 'khor gyi dkyil 'khor rnams su yang de dang der de ltar rang gi lus kun du ston par byed de/ dge sbyong dang bram ze dang rgyal rigs dang khyim bdag dang 'dod pa drug na spyod pa dang /tshangs pa'i gzugs su kun tu ston par byed la rang rang gi 'khor gyi dkyil 'khor rnams ji srid du 'og min gyi bar gyi 'khor gyi dkyil 'khor rnams la 'og min gyi gzugs kun du ston cing nyan thos dang rang sangs rgyas dang byang chub sems dpa' dang de bzhin gshegs pa'i gzugs kun du ston pa ni gzugs de dang des gdul bar bya ba'i sems can rnams kyi don gyi phyir ro//sems dang po bskyed pa 'dis gang zhig gi smon lam chen po bcu la sogs pa dang / gzhan yang grangs med pa'i smon lam mngon par grub pa ni de las gzhan pa'i de'i yongs su dag pa'i thabs so zhes pa ni smon lam gyi pha rol tu phyin pa 'di'i bla lhag par 'gyur ba'o//sa 'di la ni shin tu phra ba'i nyon mongs pa rgyu ba yang yod pa ma yin pas de ltar 'dod pa lnga yongs su longs spyod pa mi srid pa nyid de/ de lta na yang sems can yongs su smin pa'i rgyur 'dod pa'i yon tan lnga la byang chub sems dpa' rjes su gnas pa'o//de ltar yang bdag cag gi ston pa byang chub sems dpa'i don mthun pas sems can sdud pa'i phyir grags 'dzin dang skye dgu'i bdag mo la sogs pa'i bud med nyi khri bzhi stong rnams la re re zhing bdag gi lus mngon par sprul nas de rnams thams cad la rol par mdzad de/sa bcu pa'i dbang phyug 'phags pa chos 'phags kyang bud med drug khri brgyad stong rnams dang lhan cig tu 'dod pa'i yon tan lnga po rnams la rol pa dang ldan pa ste/ sa 'di la byang chub sems dpa' yang tshangs pa chen po nyid du gyur nas stong dang po la dbang sgyur ba'i mnga' bdag thob nas sems can rnams pha rol tu phyin pa la nye bar bsdu ba'i phyir te/ting nge 'dzin la sogs pa'i yon tan ni brgya'i gnas su stong gsum gyi 'jig rten gyi khams stong phrag brgya'i rdul phra rab kyi grangs kyis gsungs pas so/ /legs pa'i blo gros la byang chub sems dpa' 'dod na yi ge gcig gi skad kyis chos thams cad kyi tshig rab tu dbye ba'i skad 'byin par 'gyur ro//ba spu'i bu ga rnams nas 'od kyi 'od zer nam mkha' nas byung bas 'jig rten gyi khams brgya'i gzugs la sogs pa rnams gsal bar byed do/ /'dir 'di ni mdor bsdus pa'i bstan pa phun sum tshogs pa'o//'di yang stong gnyis pa'i bdag po khyab bdag tshangs pa chen por gyur nas sems can rnams la pha rol tu phyin pa la sogs pa'i gdams ngag rnams la ste/ brgya'i gnas su stong gsum grangs med pa'i brgya stong phrag bcu'i 'jig rten gyi khams kyi rdul phra rab kyi grangs kyis ston pa 'di'i yon tan rnams ni ting nge 'dzin la sogs pa stobs kyi pha rol tu phyin pa 'di bla lhag par gyur pa ste/de la bsam pa'i stobs kyis nyon mongs pa mngon du rgyu ba med pa'i phyir ro/ /lhag pa'i bsam pa'i stobs kyis ni sa'i ye shes yongs su sbyangs pa'i phyir ro//gzugs kyi stobs kyis ni chos brjod pa med pa'i phyir ro/ /ting nge 'dzin gyi stobs kyis ni rtag pa g.yo ba med pa'i phyir ro/ /yang dag par 'phel ba'i stobs kyis ni mu med pa'i 'jig rten gyi khams kyi spyod pa rnam par phye ba la mkhas pa'i phyir ro/ /dbang gi stobs kyis ni mngon par 'dod pa thams cad kyis yongs su rdzogs pa thob pa'i phyir ro//spobs pa'i stobs kyis ni sangs rgyas kyi chos thams cad rab tu rnam par 'byed pa la mkhas pa'i phyir ro/ /smon lam gyi stobs kyis ni sangs rgyas kyi chos thams cad kyi spyod pa rnams kyi sbyor ba mi gtong ba'i phyir ro//pha rol tu phyin pa'i stobs kyis ni bdag nyid sangs rgyas kyi chos kyis yongs su smin pa dang / sems can yongs su smin pa'i sems can thams cad la phan pa spyod pa yongs su mi gtong ba'i phyir ro/ /byams pa chen po'i stobs kyis ni sems can thams cad kyi skyabs su sbyor ba rjes su mi gtong ba'i phyir ro//snying rje chen po'i stobs kyis ni sems can thams cad kyi sdug bsngal sel ba'i phyir ro/ /chos nyid kyi stobs kyis ni sgyu ma lta bu la sogs pa'i chos nyid mngon sum du byed pa'i phyir ro/ /de bzhin gshegs pa thams cad kyis byin gyis brlabs pa'i stobs kyis ni rnam pa thams cad mkhyen pa'i ye shes mngon du gyur pa'i phyir ro zhes pa'i stobs ni mdo sder bshad pa'o//chos kyi sprin la byang chub sems dpa' thams cad mkhyen pa'i ye shes kyis dbang bskur ba dang ldan pa zhes bya ba'i ting nge 'dzin mngon du gyur la de'i rjes la 'di ltar stong phrag bcu'i bar gyi tshad tsam gyi rin po che'i pad+ma chen po 'byung bar 'gyur zhing rnam pa thams cad kyi mchog dang ldan pa'i rin po che'i phras so sor spras pas ji srid du yongs su gang ste stong gsum pa brgya stong phrag bcu'i rdul phra rab dang mnyam pa'i rin po che pad+ma chen pos yongs su bskor ba de dang rjes su mthun pa'i byang chub sems dpa'i sku kun tu bzhugs te/de de'i ting nge 'dzin so sor thob nas pad+ma de la bzhugs pa kun tu mthong bar gyur nas phyogs bcu'i 'jig rten gyi khams nas 'dus pa'i byang chub sems dpa' rnams kyis byang chub sems dpa' de la yongs su bskor nas lta bar byed cing de rnams khor yug gi pad+ma rnams la 'dug par 'gyur te/de'i tshe yang 'jig rten gyi khams thams cad kun tu g.yo bar 'gyur zhing / ngan 'gro thams cad rab tu sbyangs nas thams cad skal ba dang bcas par spyod pa la byang chub sems dpa' 'dus pa rnams kyis 'jig rten gyi khams thams cad kyi lha dang mir gyur pa la yang dag par brjod pa kun tu gsungs pas sems bde ba skyed pa yang dag par rdzogs pa'i sangs rgyas thams cad la bsam gyis mi khyab pa'i mchod pa dang /bsnyen bkur la rab tu zhugs pa dang / de bzhin gshegs pa thams cad kyi 'khor gyi dkyil 'khor la shes par byed par 'gyur zhing /byang chub sems dpa' de'i yang lus thams cad kyi yan lag las 'od zer rnam par spros nas/ bgrang ba las shin tu 'das pa'i phyogs bcu'i nam mkha'i mtha' klas pa'i de bzhin gshegs pa'i 'khor gyi dkyil 'khor rnams snang bar byas nas steng gi bar snang la 'od zer chen po'i tshogs kyi dkyil 'khor du byas nas de bzhin gshegs pa thams cad la mchod pa dang bsnyen bkur ba la rab tu 'jug par byed do//ji srid du phyogs bcu ma lus pa'i chos kyi khams kyi khongs su gtogs pa'i me tog la sogs pa dang /gdugs dang na bza' dang rin po che'i rgyan la sogs pa'i brtags pa rnams kyis 'jig rten thams cad kyi yul las yang dag par 'das pa'i sna tshogs pa'i bkod pa'i rin po che la sogs pa'i char gyis/ re re bzhin gyis de bzhin gshegs pa'i 'khor gyi dkyil 'khor la sprin bzhin du rab tu 'bab par byed do//de'i rjes la de rnams de bzhin gshegs pa rnams kyi zhabs kyi 'og tu nub par gyur nas/ der yang phyogs bcu'i mthas gtugs pa'i rab 'byam gyi 'jig rten gyi khams kyi grangs med pa'i byang chub sems dpa' ji snyed pas sa dgu pa la rab tu gnas pa rnams 'ongs nas byang chub sems dpa' de la yang dag par mchod par byas nas lta bar byed cing ting nge 'dzin stong phrag bcu la snyoms par 'jug par 'gyur la/de bzhin gshegs pa de rnams kyi smin mtshams kyi mdzod spu nas thams cad mkhyen pa nyid kyi mngon par shes pa dang ldan pa zhes bya ba'i 'od zer la grangs med pa'i 'od zer gyis yongs su bskor ba rnams kyis phyogs bcu mu med pa'i 'jig rten gyi khams rab 'byam rnams kun du snang bar byed pa'i de bzhin gshegs pa'i rnam par 'phrul pa kun tu ston cing grangs med pa'i byang chub sems dpa' rnams yang dag par bskul zhing 'ongs nas/byang chub sems dpa' de'i lus kyi mchog de la snun par 'gyur la de'i 'khor gyi 'od zer ni 'khor gyi byang chub sems dpa' rnams kyi dbu la nub par gyur to/ /de ni byang chub sems dpa' ye shes chen pos mngon par dbang bskur ba zhes brjod do/ / yang dag par rdzogs pa'i sangs rgyas kyi yul bsam gyis mi khyab pa zhes bya ba'i rnam par thar pa'i sgo thob par gyur to/ /rang gi smon lam gyi stobs bskyed pas de'i rnam pa sna tshogs pa'i skus skad cig ma gcig la phyogs bcu'i 'jig rten gyi khams grangs med pa rnams kyi rdul phra rab ji snyed pa de snyed kyi 'jig rten gyi khams su spros pa'i dge ba'i bdud rtsi'i rgyun rnams kyi char gyis bsam pa ji lta bar sems can rnams kyi thog ma med pa'i dus can gyi mi shes pa las kun du byung ba'i nyon mongs pa'i rdul kun 'bar ba rnams thams cad zhi bar byed pas sa 'di la chos kyi sprin zhes brjod la/de srid kyi 'jig rten gyi khams rnams dang dga' ldan du gnas pa nye bar bzung nas ji srid du yongs su mya ngan las 'das pa chen po'i bar gyis de bzhin gshegs pa thams cad kyi mdzad pa la lhag par gnas te/ grangs med pa'i 'jig rten gyi khams kyi rdul phra rab kyi ji snyed pa de snyed kyi lus du ma skad cig ma gcig la sprul pa'i lus re re la de snyed kyi phyag rnams dang /de snyed kyi dbu dang dbu re re zhing de snyed kyi ljags ston par byed la/ phyag re res gang gA'i klung gi bye ma snyed kyi me tog rnams thogs shing de rnams kyis sangs rgyas bcom ldan 'das rnams la gtor bar byed cing /de bzhin du bdug pa la sogs pa rnams dang / ji snyed kyi na bza' dang gdugs dang rin po che la sogs pa rnams kyi bkod pas so/ /ljags de rnams kyis sangs rgyas de rnams kyi bstod pa gsungs shing sems kyi skad cig re re la phyogs bcur spros nas song bas mngon par byang chub pa'i bkod pa nas ji srid du yongs su mya ngan las 'das pa chen po'i bar gyi bkod pa byin gyis brlabs nas ji snyed kyi zhal gyis phyogs re re mtha' yas mu med pa'i 'jig rten gyi khams g.yo bar byed pa dang /ri rab chen po la sogs pa'i ri du ma skra nyag mas bcings nas 'jig rten gyi khams gzhal du med par 'phen par byed kyang sems can de rnams la skrag par byed pa med do//de ltar de la sogs pa'i grangs med pa'i ting nge 'dzin 'phel zhing mngon par shes pas rnam par rol par mngon par ston par byed do/ /de skye ba gcig gis thogs pa'i gnas gtsang ma'i lha'i rgyal po mnga' bdag tu yang de nyid du gyur nas sems can rnams pha rol tu phyin pa'i gdams ngag rnams la bkod par 'dod pa de ltar brtson 'grus rtsom par byed/gang gi phyir skad cig ma gcig la phyogs bcur bgrang ba las 'das pa'i rdul phra rab ji snyed pa de snyed kyi ting nge 'dzin so sor thob cing de snyed kyi sangs rgyas mthong bar 'gyur zhing /de rnams kyi byin gyi rlabs shes par 'gyur ba dang / de snyed kyi 'jig rten gyi khams g.yo bar 'gyur zhing kun tu snang bar byed pa dang de snyed kyi zhing du 'gro zhing de snyed kyi sems can rnams yongs su smin par byed pa dang / de snyed kyi bskal par gnas shing sngon gyi mtha' dang phyi ma'i mtha' yang 'jug par 'gyur zhing de snyed kyi chos kyi sgo rab tu rnam par 'byed par 'gyur zhing de snyed kyi sku rnams ston par mdzad cing sku re re la yang de snyed kyi byang chub sems dpa' 'khor du ma rnams dang /rang gi sku'i ba spu'i bu ga nas bgrang ba las 'das pa'i sangs rgyas bcom ldan 'das te re re zhing gzhal du med pa'i byang chub sems dpa'i 'khor rnams dang skad cig re re la gzhan dang gzhan du yang ston par byed la/gdul bar bya ba nyid brtags pa la kun tu spyod pas de las gzhan pa'i lha dang mi la sogs pa'i dbye ba tha dad pa'i 'gro ba lnga'i 'khor ba rnams la tha dad pa'i brgya byin dang tshangs pa dang 'jig rten skyong ba la sogs pa nyan thos dang rang sangs rgyas dang de bzhin gshegs pas gdul bar bya ba'i sems can rnams 'dul ba nyid la lhun gyis grub pas brgya byin la sogs pa'i gzugs su kun tu gnas nas chos ston par byed do//de lta bu 'di'i yon tan mdor bsdus nas bstan pa ste/ji skad du kye rgyal ba'i sras rnams de lta bu nyid kyis de bzhin du re zhig chos kyi sprin gyis bskal pa grangs med par bstan par byas kyang phyogs gcig tsam bstan par 'gyur na/ de bzhin gshegs pa'i sa la lta smos kyang ci dgos/ de yang kye rgyal ba'i sras dag gal te phyogs bcu'i phyogs re re'i phyogs kyi mu med pa'i 'jig rten gyi khams kyi rdul phra rab dang mnyam pa'i sangs rgyas kyi zhing rnams su de ltar sa thob pa'i byang chub sems dpas gang bar gyur cing de rnams kyis mu med pa'i bskal par mngon par bsgrubs pa'i byang chub sems dpa'i spyod pas mngon par bsgrubs pas ni de bzhin gshegs pa'i ye shes la gnas pa'i de bzhin gshegs pa'i yul gyi skad cig ma gcig la ji srid bskal pa bye ba khrag khrig brgya stong gi char yang grangs su bgrang bar yang nas ji srid du dpe dang rgyur yang mi bzod do zhes gsungs so//de yang bcom ldan 'das kyi yon tan rnams ni kun du 'od la rnam pa thams cad rnams yongs su dag pa mthar phyin par gang de rnams thams cad du yongs su rdzogs pa'i phyir bsam gyis mi khyab pa'i ye shes kyi yul rnams dang de la cig shos kyi yon tan mtha' dag dang ldan pa'i de bzhin gshegs pa'i chos kyi sku dang tha mi dad pa gnas pas phyogs bcu'i 'jig rten gyi khams su gnas pa'i mgon med pa'i 'gro ba rnams la rnam pa thams cad kyis snod ji lta ba la rgyun mi 'chad pas nam mkha' ji srid du rab tu 'jug cing mgon du gyur te/sangs rgyas bcom ldan 'das de rnams nyid kyis sangs rgyas bcom ldan 'das kyi ye shes kyi shes rab kyi pha rol tu phyin pa'i bdag nyid kyi ba spu re re'i bu ga nas dpe byad dang skyes bu chen po'i mtshan dang stobs dang mi 'jigs pa dang sangs rgyas kyi chos ma 'dres pa la sogs pa'i yon tan gyi khyad par rnams kyis yongs su bcad pa'i mthu rnams mngon par 'dzin pa ni rang gi ye shes kyi yul bsam gyis mi khyab pas bskal pa grangs med par tshe byin gyis brlabs nas de ltar myur ba myur bar phrin las gzhal med par 'gyur bas/gal te mngon par brjod kyang de lta na yang yon tan yongs su rdzogs par mi nus na/ sa bcu pa'i byang chub sems dpa' dang snga nas nyan thos dang rang sangs rgyas rnams kyi ltar/ sangs rgyas kyi yon tan mthar thug pa shes pa'am/ mngon par brjod pa lta smos kyang ci dgos pa gang 'di rnams kyi mtshan nyid ni bdag cag ma rig pa'i rab rib kyi mun par gyur pa ji lta ba rnams shin tu lkog tu 'gyur bas de bzhin gshegs pa'i yon tan mngon par brjod pa'i skabs su ji ltar 'gyur/de lta na yang 'phags pa klu sgrub la sogs pa la brten nas the tshom bzlog pas bdag cag gis de bzhin gshegs pa'i ngo bo nyid kyis shes rab kyi pha rol tu phyin pa'i ngo bo nyid kyi mthu'i yon tan phyogs gcig gi zhad tsam mngon par brjod kyang /byis pa rnams ni rang bzhin yon tan gyis dbul zhing mos pas bcom pas thos kyang de lta bu'i yon tan kun tu 'phel ba la blos ma mos la de'i chos la mkhas pa rnams kyis ni yang rkang dang dpyi la zhes pa bcom ldan 'das ma shes rab kyi pha rol tu phyin pa dang de'i ngo bo rnams dang de'i rgyu'i ngo bo dang de gnyi ga'i mngon par brjod pa po la mngon par rab tu brten par 'gyur ro//de la phan pa ni des dad pa tsam dang yang mngon par rab tu ldan na ma nges pa'i rnam par smin pa rnams kyi sdig pa rnams kyi phung po myong bar mi 'gyur zhing lha rnams dang mi rnams kyi phun sum tshogs pa rjes su myong bar gyur nas de'i rjes la dngos po dang dngos po med pa la mngon par zhen pa'i rtsa ba can gyi phyir ma lus pa'i nyon mongs pa dang las dang skye ba'i kun nas nyon mongs pa'i tshogs rab tu 'byung ba'i de'i gnyen por gyur pa gcig pa nyid kyis legs pa'i grong khyer du rab tu 'jug cing gnas par byed pa ji skad du bshad pa'i shes rab kyi pha rol tu phyin pa sgom par byed pa 'di nyid du don du gnyer ba rnams kyis ring du spang bar byas pa ni ma lus pa'i lam ngan pa la dka' ba'i rnam par rtog pa la dga' ba'o//de ltar lung dang rigs pa rnams kyi sgron mas gsal bar byas pa ni gang zhig bdag nyid chen po rnams kyis gsal bar byas pa'i phyir dang /ma lus pa'i skye bo rnams kyi ded dpon dpa' bo rnams gshegs shing rjes su gshegs pa'i phyir/ de nyid bdag nyid kyis nges par ston par 'dod pa rnams kyis blo dam pa mkhas pa las nges par byas pa'i bcom ldan 'das ma'i gnad kyi zla ba'i 'od la thos pa dang bsam pa dag la mchog tu gus pa'i gnas su byas nas gus pa dang bcas pa yun ring por ma bral zhing shes rab kyi pha rol tu phyin pa bsgom pas tshogs la sogs pa'i sa non nas rim gyis bla na med pa'i byang chub kyi pha rol tu son nas kun du gnas par 'gyur ro//bcom ldan 'das ma'i rdzogs pa gsal bar bya ba'i phyir sdud par byed pa pos smras pa ni/ de skad ces bya ba la sogs pa ste/ de skad ni shes rab kyi pha rol tu phyin pa'i mdo sde rin po che gsungs pa dang ldan pa ste/ ston pa pos bla na med pa'i chos bstan pas dga' bar gyur nas nyan pa pos kyang gsungs pa la mngon par bstod pa'o//'jig rten ni tshogs te byang chub sems dpa' la sogs pa dang lha la sogs pa dang bcas pa ni 'jig rten zhes pa'o/ /yongs su gtad pa'i mngon par brjod pa'i le'u 'o/ /'phags pa shes rab kyi pha rol tu phyin pa brgyad stong pa'i 'grel pa gnad kyi zla ba'i 'od ces bya ba paN+Di ta chen po 'jigs med 'byung gnas sbas pas mdzad pa las yongs su gtad pa'i le'u ste sum cu rtsa gnyis pa'o// //rin chen phung por skye bo phal chen rin chen rnyed par 'gyur min zhing / /ma rtogs brgyus nas ji ltar yang ni rin chen blo yis mkha' la sgrogs//nang gnas yon tan rin chen rang bzhin 'di ni bdag gis kun 'byin pa'i/ /phrag dog med pa de yis rtag tu mkhas rnams brgyan par gyis/ /stong nyid thub pas rgyas btab phun sum tshogs pa yi/ /mtshon bya'i gnas kyi lam ldan mun pa dang bral ba//'phags pa'i gsung gi nyi ma'i 'od zer dang / /ldan kyang mi 'bral rnams kyis mthong ma yin/ /yum gyi rab 'dod che mchog gsal bar bsgrags pa las thob pa'i/ /bsod nams rnams kyis de lam 'bras bu 'gro bas bgrod 'gyur phyir/ /bdag gis dpag med yum gyi yon tan rab tu gsal byas pa'i//'tsho ba'i rgyags byin sgrib med phun sum tshogs gyur cig /bde gshegs gsung dang bla ma bsnyen bkur nas ni yang dag pa'i/ /'grel pa byed pa 'jigs med kyis ni snying rjes byas pa 'di/ /phyogs rnams ma lus mi mthun phyogs las rgyal nas ji srid du//'gro ba thub pa'i sku gsung thugs kyis spro ba'i bar du gsal gyur cig /'phags pa shes rab kyi pha rol tu phyin pa brgyad stong pa'i 'grel ba paN+Di ta chen po 'jigs med 'byung gnas sbas pas mdzad pa'i gnad kyi zla ba'i 'od ces bya ba rdzogs so// //