CLOSE WINDOW

D3795
བོད་ཡིག

@##/ /rgya gar skad du/ a b+hi sa ma yA lang+kA ra br-it+ti pin+t+rAr+tha/ bod skad du/ mngon par rtogs pa'i rgyan gyi 'grel pa'i bsdus don/ bcom ldan 'das ma shes rab kyi pha rol tu phyin ma la phyag 'tshal lo/ /mngon rtogs rgyan gyi mtshan nyid can/ /rang bzhin med cing rtog las 'das//dpag bsam shing bzhin 'bras bzang ni/ /stsol mdzad rgyal yum dga' ma rgyal/ /shes rab mi gsal bstan bcos kun/ /phyi rol gyur bdag gang na zhig /zab mo'i don ston dpal ldan ni/ /bzang po'i 'grel pa'ang gang na ste/ /de lta'ang dag pa'i dge bshes kyis//rjes su gzung phyir tshig dang ni/ /ngag dag la ni ltos med par/ /de yi bsdus don bdag gis bya/ /slob dpon dpal seng ge bzang po 'di'i zhal snga nas/ shes rab kyi pha rol tu phyin pa'i yul la rmongs pa dang / de'i ldog pa dag phongs pa thams cad dang /phun sum tshogs pa thams cad kyi rgyu yin par gzigs nas/ rang nyid de kho na shes rab kyi pha rol tu phyin pa'i de kho na'i nye bar bsnyad pa thugs su chud de/ gzhan la yang de rtogs par bya bar bzhed pas/ dang por re zhig rtogs pa dang ldan pa rnams bstan bcos la 'jug pa'i yan lag tu shes rab kyi pha rol tu phyin ma la phyag 'tshal ba sngon du 'gro ba can gyi 'brel pa dang /brjod bya dang / de'i dgos pa rnams gsungs pa ni/ shes rab pha rol phyin pa la/ /zhes bya ba la sogs pa'o/ /de la bcom ldan 'das byams pas mdzad pa'i mngon par rtogs pa'i rgyan tshig le'ur byas pa ni gzhung 'di'i brjod bya yin te/bshad par bya ba yin pa'i phyir ro/ /de yang rgyas pa dang / 'bring dang / mdor bsdus pa'i rgyal ba'i yum thams cad kyi rgyan nyid du bcom ldan 'das ma pham pa'i dgongs pa las rtogs par byed pa rnams kyis khong du chud pa ni bstan bcos 'di'i dgongs pa yin te bsgrub par bya ba yin pa'i phyir ro//de'i yang dgos pa ni thos pa dang bsam pa dang bsgom pa rab kyi mthar phyin pa na/ de bzhin gshegs pa'i ye shes gang yin pa shes rab kyi pha rol tu phyin pa zhes bya ba'i ming gzhan dang ldan pa ste/skyes bu'i don mtha' dag de'i tshe nyid grub pas na dgos pa gzhan tshol ba med pa'i phyir ro/ /de ltar bstan bcos dang dgos pa dag gam/ dgos pa dang dgos pa'i dgos pa dag gi rgyu dang 'bras bu'i dngos po'i 'brel pa ni shugs kyis brjod pa yin no//dgos pa'i dgos pa yang phyag byed pa'i yul nyid du brjod pa'i phyir na logs shig tu ma brjod de/ yul gyi khyad par nye bar bzung ba nyid kyis de rtogs pa'i phyir ro/ /gal te shes rab kyi pha rol tu phyin pa'i yul can gyi rmongs pa bzlog pa ni sngon gyi slob dpon rnams nyid kyis byas zin la/ma byas so zhe na yang khyod kyis kyang ji ltar byed snyam pa'i dogs pa bsal ba'i don du gsungs pa ni/ 'gro ba'i zhes bya ba la sogs pa'o/ /don ni 'di yin te/ bcom ldan 'das ma'i bshad pa dang / TI ka mdzad pa'i 'phags pa dang / slob dpon dag gis ni dngos po dang /lam dang / rnam pa thams cad bsdus pa yin yang / mngon par rtogs pa dang sbyar ba la ma ltos par bshad pa'i phyir dang / shes bya nang gi tshul can la brten pa'i phyir na rmongs pa rnam pa thams cad du bzlog pa ma yin no/ /'grel pa dang rnam 'grel mdzad pa'i 'phags pa dang slob dpon dag gi yang /mngon par rtogs pa dang sbyar ba yin yang / kun gyi rgyan du ma gyur ba'i phyir dang / ma tshang pa'i phyir na dogs pa ma bzlog pa kho na'o/ /[(]khi [,]kho [)]bo ni bcom ldan 'das byams pas nye bar bstan pa'i phyir dang / slob dpon rnam par snang mdzad bzang po'i bka' drin las/gzhi dang lam dang rnam pa mtha' dag bsdus pas/ mngon par rtogs pa dang sbyar ba dang kun gyi rgyan du 'gyur ba'i phyir dang / dogs pa mtha' dag rnam par gcod pas dbu ma dang sbyar ba'i phyir na rmongs pa bzlog pa yin no/ /de skad du yang slob dpon seng ge bzang po sems can gyi don la mngon par phyogs te shes rab kyi pha rol tu phyin pa ston pa na/po ti du ma dag na 'don pa du ma dang 'chad pa po rnams kyis bshad pa na yang phan tshun 'gal ba mthong bas skyo ba skyes te/ mtha' gcig tu gnas pa na thugs rje chen po dang ldan pa'i bcom ldan 'das byams pas/de'i skyo ba bsal ba'i phyir/ mngon par rtogs pa dang bcas pa'i bcom ldan 'das ma yang bshad do zhes zer ba rjes su thos pa yin te/ de'i phyir na shes rab kyi pha rol tu phyin pa'i yul can gyi rmongs pa bzlog pa'i phyir/ kho bo'i 'di kun gyi rgyan du gyur pa mngon par rtogs pa'i rgyan bshad do zhes bya ba yin no//kun gyi rgyan du gyur pa ni mngon par rtogs pa'i yan lag dang / de'i rang bzhin dang / de bsdus pa bshad pa rnam pa gsum mo/ /shes rab kyi pha rol tu phyin pa la phyag 'tshal ba'i sgo nas kun mkhyen gsum gyi bdag nyid can/ nyan thos la sogs pa'i theg pa gsum la gang zag rnam pa gnyis ka yang 'jug pa bshad pa ni/mngon par rtogs pa'i yan lag go/ /kun mkhyen gsum gyis don brgyad bstan pa'i phyir mya ngan las 'das pa gsum dang sbyar ba ni mngon par rtogs pa'i rang bzhin yin pas bstan pa yin no/ / rgol ba dang lan dag gis gzhi dang / lam dang / rnam pa thams cad bsdus par bstan pas yum rnam pa gsum ka yang mngon par rtogs pa thams cad dang sbyar ba ni mngon par rtogs pa bsdu ba ste/ de ltar na/ 'phags pa byams pa bdag nyid dam pa rnams dang spyod pa mthun par bstan pa'i phyir zhes bya ba la sogs pa ni kun gyi rgyan du gyur pa nyid du bstan par rtogs par bya'o//phyag 'tshal ba'i tshigs su bcad pa'i don rnam pa gsum po 'di nyid bstan bcos su bstan par bzhed nas/ skye bo blo gros dman pa dag /ces bya ba la sogs pa'i rtsod pa smras so/ /bsam pa ni gal te kun mkhyen gsum tsam zhig bstan par 'dod na ni de'i tshe ma byas pa dang mtshungs te/de ni rgyal ba'i yum rnam pa gsum kar yang gsal ba'i phyir ro/ /de des don brgyad ston pa yin na de'i tshe 'bras bu med de kun mkhyen gsum las lhag pa'i don ni rnam pa gsum kar yang ma mthong ba'i phyir ro zhes bya ba'o//'di la mngon par rtogs pa'i yan lag bstan pa lan 'debs pa ni rnam pa thams cad mkhyen pa nyid lam zhes bya ba la sogs pa'o/ /mdo'i don mngon par rtogs pa dang / de'i yan lag chos spyod rnam pa bcu po thos pa dang bsams pa las byung ba'i shes pas bde blag tu yul du byed pa ni bstan bcos kyi dgos pa yin la/de nyid chung ngu dang 'bring dang chen po'i dbye bar gyur pa'i bsgoms pa las byung ba'i shes pas mngon du byas pa ni dgos pa'i dgos pa yin no/ /de nyid kyi phyir/ yi ge 'dri mchod sbyin pa dang //nyan dang klog dang 'dzin pa dang / /'chang dang kha don byed pa dang / /de sems pa dang bsgom pa'o/ /zhes bya ba chos spyod bcu yin par 'chad pa ni mi 'thad de/ de ni mngon par rtogs pa'i yan lag nyid kyis de las tha dad par bstan pa'i phyir na byang chub kyi sems dang sbyin pa la sogs pa rnams ni mngon par rtogs pa nyid kyis mngon du byed pa srid pa'i phyir ro//de ltar bsam pa yin te gal te yang bcom ldan 'das nyid kyis kun mkhyen gsum gyis bsdus pa'i don snang bar mdzad pa de lta na yang shin tu zab pa'i phyir rtogs par dka' bas na/ kho bo cag gis gsal bar byas pa yin no//mdor bsdus pa dang rgyas par bstan pas mngon par rtogs pa'i rang gi ngo bo bstan pa'i phyir na/ de ltar 'brel pa la sogs pa/ /zhes bya ba la sogs pa gsungs so/ /de la mngon par te kun tu 'dis sam 'di rtogs pa ste/ shes so zhes byed pa dang las su sgrub pa'o//rnam pa thams cad mkhyen pa la sogs pa bdun ni lam yin la/ brgyad pa de bzhin gshegs pa'i sku bzhi'i mtshan nyid ni 'bras bu'i mngon par rtogs pa yin no/ /de byang chub sems dpa' sems dpa' chen po sems bskyed pas/ rnam pa gang gis lam gang dag tu gang zhig dmigs par bya ba'i rnam pa de dag dang /lam de dag dang / dngos po de thos pa dang bsams pa dang bsgoms pa las byung ba'i shes rab kyis/ tha dad pa'i yul du byed pa'i phyir na/ kun mkhyen pa gsum ni yul yin no/ /yul du byas pa'i rnam pa la sogs pa de dag mtshungs par sbyor ba'i phyir na gnas skabs kyi dbye bas sbyor ba rnam pa bzhi'o//sbyor ba yang bya ba'i rang bzhin pa'i phyir te rdzogs pa na rten cing 'brel bar 'byung ba'i dbang gis kun rdzob dang don dam pa'i bden pa'i mtshan nyid kyi sku bzhi 'grub pa'o/ /de ltar na mngon par rtogs pa gzhan la mi ltos te rang dang gzhan gyi phun sum tshogs pa ni 'di dag tsam gyis 'grub pa'i phyir ro//lam dang 'bras bu'i bdag nyid kyi mngon par rtogs pa de'i rang bzhin yang mdor bsdus pa dang / rgyas pa dang / de rnam par bshad pas gsal ba des na de rim gyis brjod pa ni/shes rab pha rol phyin pa ni/ /zhes bya ba la sogs pa'o/ /de'i don ni 'di yin te/ rnam pa la sogs pa rnams so sor yul du byas kyang / so sor sgom par byed mi nus pa'i phyir na/ bsdoms pa kho nas bsgom par bya ba yin no/ /de ltar na yang rnam pa kun mngon par rtogs pa la sogs pa la dbye ba med pa'i phyir na/mngon par rtogs pa mtha' dag kun mkhyen gsum gyis bsdus te/ de ltar na mdor bsdus pa dang rgyas par bstan nas mngon par rtogs pa mtha' dag bshad pa yin no/ /da ni mngon par rtogs pa spyir bshad kyang de kho na bzhin du rtogs par mi nus pas na khyad par du bshad pa'i phyir gsungs pa ni/de ltar bsdus pa'i don zhes bya ba la sogs pa'o/ /gang gi phyir mngon par rtogs pa brgyad pa thob na rnam pa thams cad mkhyen pa nyid thob la/ de yang lam shes pa nyid la sogs pa med par mi 'gyur ba des na kun mkhyen pa gsum po rnams kyi nang nas rnam pa thams cad mkhyen pa nyid 'bras bu yin pa des na de dang por bshad pa yin no zhes bya ba'i don to//de la rnam pa thams cad mkhyen pa nyid ni rnam pa thams cad rtogs pa yin la/ de'i yang rten dang / rnam par dag pa dang / sbyor ba dang /rgyu dang / yul dang / 'bras bu dang / rang gi ngo bo'i rang bzhin can/ byang chub kyi sems dang gdams ngag la sogs pa rnams kyi rnam pa las dang po pa nas bzung ste/ sangs rgyas kyi sa'i bar rnams na yod pa gang yin pa de dag gi tha dad pa rnam par gzhag pa ni mngon par rdzogs pa po'i khyad par bstan pa'o//de la rten byang chub kyi sems kyi mtshan nyid dang / dmigs pa dang / rab tu dbye ba rnams las mtshan nyid brjod pa ni sems bskyed pa ni zhes bya ba la sogs pa'o/ /smon pa dang 'jug pa'i mtshan nyid can/ byang chub kyi sems rnam pa gnyi ga yang gzhan gyi don du yang dag par rdzogs pa'i byang chub 'dod pa nyid las mi 'da' yang lus dang ngag dang yid kyi las yod pa dang /med pa las mtshan nyid tha dad par rtogs par bya'i dmigs pa tha dad pa ni ma yin te/ gzhan gyi don dang / yang dag par rdzogs pa'i byang chub mos pa'i yul yin pa'i phyir ro//gal te yang rab tu dbye ba khyad par med pa shes pa de ltar na yang 'jug pa kho na'i yin gyi smon pa ni ma yin te/ de la ni sa'i khyad par srid pa'i phyir dang / gzhan la ni 'dun pa tsam nyid kyi sa thams cad la khyad par med pa'i phyir ro//de dag gi rab tu dbye ba la yang ming dang / dpe dang / rang gi ngo bo dang / bsdu ba'i sgo nas bdag nyid ji lta ba bzhin gyi byed pa shes par bya'o/ /de la byang chub kyi sems kyi rnam pa ji snyed pa de thams cad ni mtshan nyid dang / dmigs pa dang / rab tu dbye bas bsdus la/des na ma tshang ba dang lhag par srid pa'i dogs pa mi bya'o/ /de la las dang po pa ni dad pa dang chos kyi rjes su 'brang ba gnyis dang / mthong bas thos pa dang rnam pa gsum yin la/ de'i dbye bas sa tha dad pa yin gyi dngos su ni las dang po pa'i sa la dbye ba yod pa ma yin no//de nyid kyi phyir 'dun pa dang / bsam pa dang / lhag pa'i bsam pa'i sgras sems la byung ba gzung ba yin no/ /'chad par 'gyur ba'i chung ngu dang / 'bring dang / chen po'i nges 'byed kyi cha la gnas pa ni 'jug pa'i lam yin te/ sa dang po mthong ba'i lam yin pa'i phyir na gnyis pa la sogs pa ni chung ngu dang /'bring dang / chen po'i dbye bas tha dad pa'i bsgom pa'i lam gyi rang bzhin yin no zhes bya bar grub po/ /bcu gcig pa sangs rgyas kyi sa la 'jug pa na me long la sogs pa'i ye shes lnga sgrub pa'i byed pa rnam pa lnga'o/ / gal te sems bskyed pa gcig pu nyid kyis sangs rgyas nyid thob pa'i phyir na/ gang gis lam shes pa la sogs pa la mngon par rtogs pa tha dad par 'gyur ba gdams ngag la sogs pa la ltos pa ci yod ce na/ gal te gzhi med pa'i rnam pa tsam bsgom par nus na 'di bden pa zhig na/dmigs pa dang gnyen po'i khyad par dang bral ba'i rnam pa'i khyad par ni mi srid pa'i phyir ro/ /de nyid kyi phyir kun mkhyen gsum yul yin par brjod de/ so sor yul du byas pa rnams rnam pa kun mngon par rdzogs par rtogs par sbyor ba'i phyir ro/ /yongs su shes par byas pa'i kun mkhyen gsum nyid dbang du byas pa'i don du yang rnam pa thams cad dang /lam dang / gzhi shes pas bsdus pas kun mkhyen gsum nyid sgom par byed do zhes bya ba 'di'i don ni 'di nyid yin no/ /de nyid kyi phyir gdams ngag gis byang chub kyi sems sgrub pa'i rnam par dag pa bshad pa'i phyir dbye ba zhar la brjod nas zhes gsungs so//gang gi phyir rnam par rtog pa ni byang chub sems dpa' rnams kyi nyon mongs pa yin la/ /dmigs pa dang bcas pa'i spyod pas kyang rnam par rtog pa mi ldog pa des na sgrub pa dang / dmigs pa dang rten rnams su dmigs pa la log par zhen pa thams cad ldog pa'i phyir na/dngos po mtha' dag la rlom sems med pa'i phyir dus thams cad sems zhum pa med pa'i rang bzhin nyid kyis theg pa chen po la gnas par 'gyur zhing / sems brten pa yang ting nge 'dzin thob pa'i phyir na the tshom dang phyin ci log dang bral bar 'gyur ro//de nas rnam pa thams cad mkhyen pa nyid yongs su rdzogs nas lam rnam par dag pa na/ sangs rgyas nyid du 'gyur ro/ de ltar na las dang po'i sa nas brtsams te/ sangs rgyas kyi sa'i bar du gdams ngag gis byang chub kyi sems sgrub pa rnam par dag pa yin no//dge 'dun dkon mchog la log par rtogs pa yod pas na/ de'i khyad par ston pa'i dge 'dun dkon mchog gi skabs su zhes bya ba la sogs pa gsungs so/ /don ni 'di yin te/ mthong ba'i lam gyi sems kyi skad cig bcwa lnga la dbang po rtul po dang rnon po dad pa dang chos kyi rjes su 'brang ba'i dbye bas bdag nyid ji lta ba bzhin nyon mongs pa spangs pa'i phyir 'bras bu dang po la zhugs pa nyid rnam pa gnyis so//gang zhig 'dod pa'i khams su 'jig rten pa'i bsgom pa'i lam gyi nyon mongs pa ma spangs pa de ni ma thong ba'i lam sems kyi skad cig ma bcu drug la rgyun tu zhugs pa yin no//gang zhig 'jig rten pa'i bsgom pa'i lam gyi nyon mongs pa rnam pa bzhi spangs pa de ni lha'am mi rnams su lan cig rigs 'dzin pa'i phyir na/ lha dang mi'i rigs nas rigs su skye ba'i rgyun tu zhugs pa dag go//'dod pa na spyod pa'i nyon mongs pa rnam pa lnga'am drug spangs pa na/ go rims ji lta ba bzhin 'bras bu gnyis pa la zhugs pa dang / 'bras bu la gnas pa dag go/ /'dir yang snga ma bzhin bar chad gcig pa 'bras bu gnyis pa la gnas pa yin no/ /de nas 'dod pa na spyod pa'i nyon mongs pa rnam pa bdun spangs pa na/dbang po rtul po dang rnon po 'bras bu gsum pa la zhugs pa gnyis so/ /gang zhig 'dod pa na spyod pa'i nyon mongs pa rnam pa dgu spangs pa'i phyir de mi 'ong ba de ni yongs su mya ngan las 'das pa dang / gong du 'pho ba'i dbye bas rnam pa gnyis so//de la dang po ni skye ba dang mngon par 'grub pa'i kun tu sbyor ba dag spangs pa dang ma spangs pa'i phyir na bar ma do dang / gnyi ga ma spangs pa'i phyir na gzugs kyi khams su dang / mngon par 'du byed pa dang / mngon par 'du mi byed pa'i phyir na/ de nyid du lam mngon du byas pas sdug bsngal mthar phyin pa thob pa na/go rims ji lta ba bzhin du bar ma do dang / skye gnas dang / mngon par 'du byed pa dang bcas pa dang / mngon par 'du byed pa med par yongs su mya ngan las 'da' ba'i dbye bas rnam pa bzhi'o/ /gnyis pa yang dad pa dang mthong bas thob pa'i khyad par gyis 'og min gyi mthar thug pa dang srid pa'i rtse mo'i mthar thug pa'i dbye bas na rnam pa gnyis so/de la dang po ni 'jig rten pa'i bsgom pa'i lam gyis rang gi rigs su gtogs pa'i nyon mongs pa chung ngu dang / 'bring dang / chen po'i dbye ba spangs pa na/'phar ba dang / phyed du 'phar ba dang / gnas thams cad du 'chi 'pho ba nyid kyis 'og min du 'jug pas na rnam pa gsum mo/ /gnyis pa yang 'jig rten pa'i bsgom pa'i lam gyis gzugs kyi khams pa'i nyon mongs pa ma spangs pa dang / spangs pa'i phyir na/ mthong ba'i chos la zhi ba dang / lus kyis mngon sum du byed pa'i dbye ba rnam pa gnyis so/ /de nas srid pa'i rtse mo'i nyon mongs pa rnam pa brgyad spangs pa'i phyir na dgra bcom pa'i 'bras bu la zhugs pa'o/ /nyon mongs pa ma lus pa spangs pa'i dgra bcom pa ni sangs rgyas dkon mchog gi nang du 'dus pa des na de ni nang du mi bsdu'o//sangs rgyas ma byung ba na rang lam mngon du gyur pa'i phyir rang sangs rgyas kyang yin no/ /de ltar byas pa des na 'bras bu la gnas pa dang zhugs pa'i dbye bas 'bras bu dang po ni rnam pa lnga'o/ /gnyis pa ni rnam pa gsum mo//gsum pa ni rnam pa bcu'o/ /bzhi pa ni gcig nyid do/ /rang sangs rgyas kyang yin no/ /rtogs par sla ba nyid kyis na dang po dang gnyis pa'i 'bras bu la gnas pa dang / 'bras bu bzhi pa la zhugs pa ni tshigs su bcad pas ma brjod do/ /las dang po pa'i bsod nams kyi tshogs kyi yan lag thar pa'i cha dang mthun pa ma brjod par grub pa des na de ma brjod par mos pa'i spyad pa spyod pa'i ye shes kyi tshogs kyi yan lag bden pa rtogs pa dang /rjes su mthun pa sgrub pa'i sbyor ba nges 'byed kyi yan lag rnam pa bzhi ston pa ni las dang po pa de ltar gdams ngag thob pa zhes bya ba la sogs pa'o//'dir yang nges 'byed kyi cha dang mthun pa'i ngo bo ma bstan par de'i khyad par bstan par mi nus pa'i phyir na/ ngo bo dang de dag rim pa bzhin du brjod pa ni byang chub sems dpa' rnams kyi zhes bya ba la sogs pa'o//dgongs pa ni kun 'byung la sogs pa'i bden pa bzhi po rnams la rten cing 'brel par 'byung ba'i mtshan nyid kyi rgyu dang / rtogs bzhin pa'i rang bzhin 'bras bu dang / stong pa nyid kyi mtshan nyid kyi ngo bo dang / tha mi dad pa'i bdag nyid chos nyid de/ bzhi po rnams kyis sam mngon par zhen pa mngon pa med pa la sogs pa'i rnam pa rnams kyis/dmigs pa rnams la sgrub pa rnam pa bcu gnyis skye ba zhes bya ba yin no/ /bstan zin pa'i khyad par gyi rab tu dbye ba bstan pa'i phyir/ dmigs pa dang zhes bya ba la sogs pas 'dri ba dgod pa'o/ / bden pa bzhi la gnas pa'i rnam pa mi rtag pa nyid la sogs pa bcu drug po rnams kyi nyan thos la sogs pas gzugs la sogs pa la dmigs par byed pa'i rnam pa gang yin pa de dag ni byang chub sems dpa' mngon par zhen pa dang / mngon par ma zhen pa 'gog pa la sogs pa'i rnam par dmigs par byed do//ji ltar nyan thos la sogs pa'i rnam pa de ni chung ngu'i dmigs par 'gyur ba de bzhin du de'i rnam pa mngon par zhen pa la sogs pa 'gog pa gang yin pa de ni 'bring gi dmigs par bya ba yin no/ /'bring gi rnam pa chos kyi brda rgyun mi 'chad pa dang 'dra ba dag ngo bo nyid kyis med pa gang yin pa de ni chen po'i dmigs pa yin no//de bzhin du rtse mo la sogs pa 'og ma dag la yang sbyar bar bya'o/ /'di skad brjod pa yin te byang chub sems dpa' ni gnas skabs gang du rnam pa gang gis gang zhig dmigs par byed pa'i dmigs pa dang rnam pa de dag gi khyad par la mngon par zhen pa med la/mngon par zhen pa med pa yang mi dmigs pa'i sbyor bas chos kyi dbyings rtogs par 'gyur ba yin te/ chos kyi dbyings ni mngon par zhen pa med pa dang / dmigs pa med pa'i mtshan nyid can yin pa'i phyir ro//nyan thos la sogs pa dang / byang chub sems dpa'i dmigs pa nyid du bden pa bzhir 'dod pa'i phyir na dmigs pa dang rnam pa dag de la rten pa nyid du shes par bya'o zhes bstan pa'i don du/ dmigs pa mi rtag pa la sogs pa zhes bya ba la sogs pa'i phyogs nye bar bkod do//'o na ji ltar mi rtag pa nyid la sogs par mngon par zhen pa bkag pa la sogs pa'i rnam par dmigs pa/ theg pa gsum ka rtogs pa'i rgyu yin te/ de ltar na ni bla na med pa'i byang chub sgrub par byed pa nyid du 'gyur ba'i phyir ro zhe na/gal te theg pa gnyis yongs su shes pa med par sangs rgyas nyid du 'gyur na ni de bden no/ /'di ltar thams cad shes pa nyid dang lam shes pa nyid dag gis gzhi dang lam thams cad shes nas rnam pa thams cad mkhyen pa nyid kyis dngos po thams cad kyi rnam pa mtha' dag mngon du byed pa yin te/rnam pa thams cad mkhyen pa nyid ni 'bras bu nyid kyis na zhes bya ba la sogs pa bshad zin pa yin no/ /des na theg pa gnyis ni byang chub sems dpa' yongs su shes par bya ba yin la/ gcig ni shes nas mngon du bya ba yin pa'i phyir na 'gal ba med do//byang chub sems dpa'i nyon mongs pa ni rnam par rtog pa yin pa'i phyir/ de yod na chos kyi dbyings mi rtogs so/ /des na 'chad par 'gyur ba'i mthong ba'i lam dang / bsgom pa'i lam gyis spang bar bya ba yin pa'i phyir/ sbyor ba'i lam du de spang ba ma yin no//de lta yin dang nyan thos la sogs pa la ni yod kyang med pa dang / khyad par med pa'i phyir na/ med do zhes bya ba dang de yod pa nyid kyis byang chub sems dpa'i sbyor ba khyad par du gyur pa yin no zhes kyang brjod pa yin no/ /'di skad brjod de kun nas nyon mongs pa'i dngos po dang /gang zag rdzas su yod pa'i rten can gzung ba dang 'dzin par rnam par rtog pa dag gis srid par skye bas na rnam par byang ba'i dngos po dang / skyes bu btags par yod pa'i rten can gzung ba dang 'dzin pa'i rnam par rtog pa dag gis mya ngan las 'das par 'gyur ba yin no/ /bden par 'dod pa ni mi gnas pa'i mya ngan las 'das pa yin te/de'i phyir rnam par rtog pa nyid lam gyis spang bar bya ba yin no zhes bya ba yin no/ /des na khyad par bzhi po 'di ni dge ba'i bshes gnyen gyi khyad par nyid las 'gyur ba des na de'i khyad par ston pa ni/ tshigs su bcad pa sbyar ba dang mthun pa zhes bya ba'o//gang gi tshe thabs mkhas pa'i stobs kyis chos thams cad ngo bo nyid med par shes pa de'i tshe dmigs pa la sogs pa'i khyad par can du 'gyur ro zhes bya ba'i don to/ /de ltar sbyor bas rtogs pa'i khyad par bshad nas rtogs pa po brjod pa ni sgrub pa dang ldan pa zhes bya ba'o//rtogs pa po'i gnas skabs kyi dbye ba dang / rang bzhin dag gis 'chad bzhin pa'o/ /rigs rtogs pa'i rgyur 'gyur ba des na dang por gnas skabs kyi dbye ba bcu gsum brjod pa ni/ re zhig dang por zhes bya ba'o/ /byang chub sems dpa' ni byang chub tu sems bskyed pa la dmigs nas bstan zin pa'i nges par 'byed pa'i cha dang mthun pa'i rnam pa bzhi'i stobs kyis chos kyi dbyings bltas te/bsgom pa'i lam chung ngu'i chung ngu la sogs pas rnam par sbyangs nas/ gnyen pos mi mthun pa'i phyogs drung 'byin par byed la/rlom par yang mi byed do/ /rlom pa med bzhin du yang snying rje dang shes rab dag gis thun mong ma yin pa'i chos thob pas/ theg pa gsum la sems can 'dul ba na/ sangs rgyas nyid thob par 'gyur te/ de ltar gong nas gong du mngon par 'phel bas na rigs rnam pa bcu gsum mo//rang gi ngo bor bstan par 'dod pas phyogs snga ma dgod pa ni gal te chos kyi dbyings zhes bya'o/ /sangs rgyas kyi chos thams cad ni so sor nges pa nyid du 'di la gnas te/ de na gal te rten gyi mtshan nyid kyi rigs la dbye ba med pa de ltar na yang thog ma med pa srid pa nas yod pa'i dngos po la mngon par zhen pa'i dri mas sbags pa nyid kyis sbyor ba la sogs pa la ltos nas gang gis tshogs sogs pa/rtog pas byas pa'i dbye ba yod pa nyid do/ /de skad du yang / kun nas nyon mongs rnam dag pa/ /de ni dri bcas dri ma med//chu khams gser dang nam mkha' rnams/ /dag pa bzhin du dag par 'dod/ /ces gsungs so/ /gnas skabs bcu gsum gyis dmigs par bya ba'i yul rnam pa brgyad dang / rang gi ngo bo nyid gsum dang ldan par brjod pa ni sgrub pa'i rten du gyur pa ji skad bshad pa zhes bya ba'o//phung po lnga dang / bsam gtan bzhi dang / nye bar len pa'i phung po dang / dran pa nye bar gzhag pa dang / 'dod pa la sogs pa'i khams dang / de bzhin nyid dang 'phags pa'i skye bo dang 'brel pa'i bsam gtan bzhi dang / sangs rgyas kyi chos nyid ni dge ba dang / mi dge ba dang / lung du ma bstan pa'i sgras brjod par bya ba'i chos thams cad de/ 'jig rten pa la sogs pa rnam pa gnyis po bzhis sbyor ba'i lam la sogs pa rnams kyis dmigs par byed do/ /des na spyi dang / khyad par gyi ngo bos dmigs pa rnam pa bcu gcig go/ /sbyor ba rnams la 'di sgrub pas ched du bya bas na bsgrubs pa'i 'bras bu ni ched du bya ba'o//de'ang rang gi don dang gzhan gyi don gnyis las/ rang gi don spangs pa dang rtogs pa'i dbye bas rnam pa gsum mo/ /des de ltar rten la sogs pa'i drug po rnams kyi rang gi ngo bo dang rab tu dbye ba gnyis yongs su shes pa las de rnams la bsgrub par 'gyur ba yin no//de yang spyi dang khyad par gyi dngos pos yul dang sbyor ba gnyis la grangs ji lta ba bzhin du/ dkar ba'i chos dang pha rol tu phyin pa drug rjes su sgrub pa'i rang bzhin las kyi dbye bas 'bras bu tha dad pa'i phyir rnam pa bzhir 'gyur ro//des na de rang gi ngo bo dang / rab tu dbye ba dag bstan pa'i phyir/ /de ltar sgrub pa'i zhes bya ba la sogs pa gsungs so/ /nyon mongs pa dang bral ba'i sbyor ba rnams su 'dis go cha bgos pas na 'di'i rang gi ngo bo ni brtson 'grus yin la/ sbyin pa la sogs pa drug tshan drug gi yin pa'i phyir na rab tu dbye ba ni sum cu rtsa drug ste de bzhin du gzhan la yang ngo //'di ltar bsam pa yin te sbyor ba'i lam gyis pha rol tu phyin pa drug gi rang bzhin rtogs pa na/ mthong ba'i lam gyi sa la gnas pa'i byang chub sems dpa' bsgom pa'i lam gyis snying rje la sogs pa rnam pa mngon du byed pa ni tshogs bsags pa las khyad par gyi lam gyi ched du bya ba rnam pa gsum la sogs pa thob pas na bya ba byas par 'gyur ro//zhes bya ba yin no/ mngon par rtogs pa dang po 'di'i don ni 'di yin te/ tshul ji lta ba bzhin byang chub kyi sems rnam pa gnyis bskyed pa na de mthar thug par 'gro bar bya ba'i don du dge ba'i bshes gnyen las gdams ngag bzung ste/sbyor ba rtsom pa'i dus su rang gi gnas skabs dang / chos rnams kyi rang bzhin la rnam par lta ba na rang dang gzhan gyi don gyi ched du byas nas go cha la sogs pa sgrub pa spyod pa'i rang bzhin rnam pa bzhis chos thams cad kyi rnam pa thams cad mngon du byed do//des na don bcu po 'di rnams kyis rnam pa thams cad bsdus pa yin no zhes bya ba'o/ /skabs dang po'o// //bshad zin pa'i rnam pa rnams ni gnyen po bsgom pa med par mi 'grub pas na/lam shes pa nyid kyi gnyen po gsungs pa ni/ rnam pa thams cad mkhyen pa nyid rtogs pa ni zhes bya ba'o/ /lam gyi yan lag dang / de'i rang gi ngo bo dang / de'i rgyu dang de'i 'bras bu rnams spyir brjod par bya ba yin no/ /de la dang po lam gyi yan lag gsungs pa ni/lam shes pa nyid skye bar rung ba nyid du zhes bya ba'o/ /rlom pa med pa nyid dang / byang chub tu sems bskyed pa nyid dang / theg pa thams cad pa nyid dang / /rnam pa thams cad du nyon mongs pa ma spangs pa nyid dang / sems can thams cad kyi don bsgrub pa'i mtshan nyid rten dang /so sor nges pa dang / khyab pa dang / rang bzhin dang / las kyi ming can rnams ni gnyen po'i yan lag yin pa'i phyir na/ lam gyi yan lag tu brjod do/ /de bas na de med par lam shes pa mi 'byung ba'i phyir re zhig de yul du byas pa yin no zhes brjod par 'gyur ro//lam gyi rang bzhin brjod pa'i skabs su re zhig nyan thos kyi lam gyi rang bzhin brjod pa ni de ltar rten la sogs pa zhes bya ba'o/ /bden pa dang de'i rnam pa rnams la theg pa'i dbye bas tha dad pa med pa'i phyir/ dmigs pa dang / mi dmigs pas byas pa'i dbye ba brjod par bya ba yin no//de ltar yin yang theg pa dang po la yang byang chub sems dpa' mi dmigs pa'i sbyor bas dmigs par bya ba'i bden pa rnam pa dang mi 'dra ba dang / lhag par 'gyur ba yin no/ /'di ltar sdug bsngal dang kun 'byung gnyis kyi rnam pa mi 'dra ba brgyad po rnams kyi mthar re re la yid 'byung ba dang /'dod chags dang bral ba dang / 'gog pa'i rnam pa gsum mo/ /de rnams kyi dang po ni mi mthun par 'gyur ba nyid dang / gnyen po dang bsam pa nyid kyis na/ pha rol nyid dang / 'jig pa'i chos can nyid ces bya ba gnyis so/ /gnyis pa yang rang gi ngo bo rnam par mi gnas pa nyid dang /rgyu la ma ltos par 'jigs pa nyid kyis na/ g.yo ba dang / rab tu 'jig pa rnam pa gnyis so/ /gsum pa la ni 'jig rten 'di dang phyi ma gnyis su 'jigs pa dang bcas pa dang / sems yod pa dang / sems med pas byas pa'i nye bar 'tshe ba dang / bcas pa rnams kyis na 'jigs pa dang / 'go ba'i nad dang / nye bar 'tshe ba'i rnam pa gsum ste/ de ltar rnam pa bdun ni lhag pa yin no/ /de bzhin du 'gog pa la'ang mi mthun pa'i rnam pa bzhi'i mthar rtag tu phan pa'i bzhi nyid kyis na/ stong pa nyid dang / mtshan ma med pa dang /smon pa med pa dang / mngon par 'du byed pa med pa'i rnam pa rnams lhag par gyur pa yin no/ /lam la rnam pa lhag pa'i rgyu mtshan med pa'i phyir na mi 'dra ba tsam du zad do/ /des na bden pa bzhi la rten pa'i rnam pa nyi shu rtsa drug po 'di rnams byang chub sems dpa' dang 'brel par yin yang yongs su shes par bya ba'i chos kyi sgrub byed yin pa'i phyir na nyan thos kyi lam nyid yin pas na 'gal ba 'ga' yang med do//dang po'i lam gyi rang bzhin brjod zin to/ /de'i rgyu brjod pa ni bden pa bzhi yongs su shes pa ni zhes bya ba'o/ /'di la yang rnam pa'i khyad par dang / de'i rgyu brjod par bya ba yin no/ /de la stong pa nyid rnams la tha mi dad par dmigs pa dang / de mi dmigs pa dang / rtag pa la sogs par dmigs pa'i gnas 'gog pa dang / sa bcu pa'i gnas 'gog pa'i mtshan nyid rnam pa bzhi po rnams kyis bden pa bzhi yul du byas pa na/ lam gyi rnam pa lngar bshad pa skye zhing / rnam pa de dag kyang tshad mas ma dmigs pa'i phyir khyad par du 'phags pa yin no/ /theg pa dang po gnyis la ni rnam pa'i khyad par med pa'i phyir na/ 'bras bu dang dmigs pa'i rnam pa dag gis khyad par nye bar mtshon par byed pa gsungs pa ni nyan thos kyi lam zhes bya ba la sogs pa'o//de la gzhan gyi nye bar ston pa la mi ltos par rang 'byung gi ye shes nyid dang / zab pa nyid ni 'bras bu'i khyad par yin la/ gzung ba'i rtog pa ma dmigs pa dang / 'dzin pa'i rtog pa tsam gyis sngar bshad pa'i rnam pa rnams kyi sgo nas bden pa la dmigs pa zhes bya ba ni dmigs pa dang rnam pa'i khyad par ro//khyad par 'di gnyis ni rgyu'i khyad par med par mi 'byung bas na de brjod pa ni nges par 'byed pa'i cha dang mthun pa thob na zhes bya ba yin no/ /gzugs la sogs pa gzung ba'i mtshan nyid ma dmigs pa'i phyir na/de brda las byung ba tsam nyid dang / 'grib pa dang / 'phel ba med pa nyid dang / nang stong pa nyid la sogs pa nyid du yongs su mi 'dzin pa dang / skye ba dang 'gag pa bkag pa'i rnam pa rnams kyis dmigs pa ni rgyu'i khyad par ro//theg pa dang po'i 'bras bu ni theg pa gnyis pa'i 'bras bu brjod pa'i shugs kho nas bde blag tu rtogs te/ des na logs su ma bshad do/ /theg pa gsum pa ni lam gyi skad cig ma rnam pa'i khyad par dag kho na nas khyad par du bya ba ste/des na de dag rim pa bzhin bshad pa na/ rang sangs rgyas kyi lam gyi mjug thogs su zhes bya ba'o/ /don 'di yin te sngar bshad pa'i chung ngu'i chung ngu la sogs pa nges par 'byed pa'i cha dang mthun pa bcu gnyis kyi de ma thag tu sdug bsngal la chos shes pa'i bzod pa'i skad cig skye la//de yang ngo bo nyid kyi sku'i mtshan nyid sangs rgyas dang / chos thams cad kyi de bzhin nyid gnyis la phan tshun rten dang brten pa'i dngos po mi dmigs pa'i rnam pas dmigs pa na/ byang chub sems dpa'i lam nyid 'thob bo/ /de bzhin du sdug bsngal la chos shes pa'i skad cig la yang gzugs la sogs pa'i chos kyi dbyings su sbyor ba rnams la/chen po nyid la sogs pa'i rnam pa bsgoms pas na de bzhin du 'gyur ro/ /de ltar na yang sdug bsngal mthong bas spang bar bya ba'i nyon mongs pa spong ba dang / de las rnam par grol ba grangs ji lta ba bzhin skye'o/ /de yang chos kyi dbyings zag pa med pa nyid du rtogs pa'i phyir/ mthong ba'i lam gyi skad cig ma thams cad kyi rgyu'i dngos por 'gyur zhing / bdag nyid kyang mthong ba'i lam zhes bya bar 'gyur ba yin no/ /de bzhin du lam gyi skad cig ma phyi ma rnams la yang so sor rnam pa'i khyad par rtogs par bya'o//rnam pa tha dad pas skad cig rnams tha dad kyang / chos kyi dbyings mthong ba'i lam la khyad par ci yod ce na/ brjod pa sbyor ba'i lam brten pa/ sdug bsngal gyi bden pa rtogs par bya ba'i chos rnam par spyod pa bdag por byas nas/gang gi sdug bsngal mthong bas spang bar bya ba'i nyon mongs pa spong bar 'gyur ba'i nyon mongs par 'gyur ba chos thams cad kyi sdug bsngal gyi bden pa'i dngos po mngon du byed pa'i shes pa 'jig rten las 'das pa skye ba yin no//des kyang the tshom dang phyin ci log las 'das pa'i phyir na/ sdug bsngal nyid 'dod cing bzod la yongs su tshol te/ 'di ni sdug bsngal la chos shes pa'i bzod pa'o/ /de nyid kyis nyon mongs pa rnam par grol bar 'gyur te/ chos nyid kyi mtshan nyid ni rnam par grol ba yin pa'i phyir ro//des na rnam par grol ba mngon du byed pa ni sdug bsngal la chos shes pa'i bzod pa'o/ /bzod pa dang shes pa de dag kyang 'phags pa'i chos rnams kyi rjes su 'gro ba yin no zhes bya ba'i rnam par bzod pa'i phyir na sdug bsngal la rjes su shes pa'i bzod pa'o//de'i stobs kyis kyang rjes su 'gro ba nges par 'dzin par byed pa'i mngon sum zag pa med pa snang ba gang yin pa de ni sdug bsngal la rjes su shes pa'o/ /de bzhin du bden pa lhag ma rnams la yang bzod pa dang / shes pa rnams khong du chud par bya'o//de ltar yin dang skad cig bcu drug po rnams la yang shes bya la shes pa skye ba nyid yongs su rdzogs pa nyid mthong ba'i lam gyi skad cig yin no/ /de la yang chos shes pa'i bzod pa dang / chos shes pa gnyis kyis gzung ba rtogs pa dang / rjes su shes pa'i bzod pa dang /rjes su shes pa gnyis kyis 'dzin pa yang rtogs pa na/ byang chub sems dpa' mtshan ma med pa dang / mi dmigs pa la gnas pas mthong ba'i lam la gnas par 'gyur ro/ /'o na ji ltar mthong ba'i lam dang skad cig gcig la mngon par rtogs par bshad ce na/'bras bu'i mngon par rtogs pa la dgongs pa'i phyir ro/ /'di ltar bshad zin pa'i lam gyi sdug bsngal spong ba ni kun 'byung spong ba med par mi 'byung la/ de nyid kyang 'gog pa yin no/ /des na 'bras bu gcig yin pa'i phyir mthong ba'i lam skad cig gcig mngon par rtogs pa yin no//rtogs pa'i mngon par rtogs pa la yang / gal te skad cig ma bcu drug gis rtogs pa'i rnam pa tha dad pa de lta na yang / chos kyi dbyings rtogs pa la ni tha dad pa ci yang med do/ /de ltar ma yin na mig ser can la sogs pa'i mthong ba bzhin du da dung yang 'khrul pa mi ldog pa'i phyir/ji ltar mthong ba'i lam du 'gyur/ de lta na yang de bsgom pa'i lam gyis rnam par dag par mi 'gyur te/ mthong ba dag pa mi 'thad pa'i phyir ro/ /des na chos kyi dbyings ni skad cig gcig la rtogs pa can yin no//de gcig pa'i phyir na lam yang skad cig gcig nyid do/ /de ltar lam gsum gyi rang bzhin brjod ma thag tu/ de'i rgyu brjod par rigs pa yin mod kyi de ni rnam pa thams cad mkhyen pa'i skabs su bshad zin pa'i phyir de ma brjod par lam gyi phyogs gcig gi 'bras bu bshad pa'i phyir brjod pa ni mthong ba'i lam gyi mjug thogs su zhes bya'o//'di skad brjod pa yin te/ 'chad par 'gyur ba bsgom pa'i lam zag pa dang bcas pa dang / zag pa med pa dag gis mthong ba'i don dag pas mthar phyin pa na khyad par gyi lam zhes bya ba mthong ba'i don rnam par dag pa'i gnas skabs su 'gyur ba yin no//de la gnas pa'i byang chub sems dpa' ni zhi gnas dang lhag mthong dang ldan pa'i sems brtan par gyur pa na nyon mongs pa dang / nye ba'i nyon mongs pa thams cad rgyu nga rgyal dang chags pa dag ldog la/de ldog pa na yang de'i rgyu can gyi sdug bsngal dang kun 'byung ba ldog go/ /des na sgrib pa gnyis spangs pas sangs rgyas kyi chos mtha' dag mngon du byed pa na de'i bdag po las bzhi'i yul mchod par bya ba nyid du 'gyur ro/ /de nyid kyi phyir na lam dang po gnyis la/ byang chub sems dpa' la bsgom pa'i lam gyi byed pa med pa'i phyir na ma brjod do//yongs su shes pa'i ni mthong ba'i lam nyid kyis rdzogs pa'i phyir ro/ /'o na ji ltar theg pa gnyis kyis bsgom pa'i lam mngon du ma byas par rnam pa thams cad mkhyen pa nyid 'thob ces brtsad par ni mi bya ste/mthong ba'i lam bzhin du bsgom pa'i lam la yang rnam pa'i khyad par yongs su shes par byar med pa'i phyir ro/ /'di ltar sbyor ba rnams la yang byang chub sems dpa' mi dmigs pa la sogs pa'i rnam pas sbyor ba'i phyir/ mi rtag pa la sogs pa'i rnam pa can gyi sbyor ba las khyad par du 'phags pa yin te/des na mthong ba'i lam gyi rnam pa rnams kyang khyad par 'gyur ba yin no/ /gang gis bsgom pa'i lam gyi rnam pa khyad par du yongs su shes par bya bar 'gyur ba de bzhin du/ mthong ba'i lam gyi rnam pa rnams la ni rang gi ngo bos khyad par yod pa ma yin no//des na theg pa tha ma bsgom pa'i lam yongs su shes pa kho nas dang po gnyis kyis bsgom pa'i lam shes pa'i phyir/ rnam pa thams cad mkhyen pa nyid 'thob pa la 'gal ba 'ga' yang yod pa ma yin no/ /'jig rten las 'das pa'i lam gyi skabs yin no//bsgom pa'i lam nyid du khyad par med pa'i phyir na zag pa dang bcas pa yang bstan to/ /de yang sbyor ba dang dngos dang mjug gi dbye bas mos pa la sogs pa'i ming can rnam pa gsum mo/ /de las yul dang / rab tu dbye ba dang / 'bras bu'i dbye bas dbye ba brjod pa'i phyir/byed pa'i 'og tu zhes gsungs so/ /zag pa dang bcas pa yin pa'i phyir rang dang gzhan gnyi ga'i don gyis na mos pa'i yul gsum mo/ /de dag kyang so sor chung ngu'i chung ngu la sogs pa'i rim pas/ dmigs pa'i rnam pa tha dad pa'i phyir mos pa'i rnam pa yang sum cu rtsa bdun no//mos pas shes rab kyi pha rol tu phyin pa la 'jug pa na yang bstod pa dang bkur ba dang bsngags pa'i rang bzhin chung ngu dang 'bring dang chen po rnams kyi yang chung ngu la sogs pa'i dbye bas 'bras bu rnam pa nyi shu bdun 'thob pa'i phyir sbyor ba rdzogs par 'gyur ro zhes ston pa ni de bsgom pa'i zhes bya ba la sogs pa'o//legs par bsags pa'i sbyor ba thams cad mkhyen pa nyid du yongs su bsngo ba ni rtsa ba yin pa des na/ bla na med pa'i byang chub la sogs pa dmigs pa rnam pa bcu gcig dang ldan pa'i mos pa'i khyad par mi dmigs pa la sogs pa'i rnam pa can rnams kyis mos par bya ba'i don la dmigs pa na/theg pa gsum la gdul bar bya ba'i sems can rnams la/ de'i lam nye bar bstan pas byed pa thob pa'i phyir zag pa dang bcas pa'i bsgom pa'i lam thob pa yin no zhes sbyor bar byed pa ni de ltar mos pa la zhes bya ba la sogs pa'o//thob pa'i lam la rjes su yi rang ba'i mtshan nyid mjug rgyas pa'o/ /des na rjes su yi rang bas lam spel ba brjod pa ni/ de ltar legs par bsngos pa zhes bya ba'o/ /'di ltar bsam pa yin te/ mthong ba'i lam gyi de ma thag tu bshad zin to//sbyor ba dang dngos dang mjug gi dbye bas bsgom pa yongs su rdzogs pa na/ 'jig rten las 'das pa'i lam yin no zhes bya ba'o/ /de nyid kyi phyir bsgom pa'i lam zag pa dang bcas pa dang zag pa med pa gsungs pa ni zag pa dang bcas pa'i 'og tu zhes bya ba'o//lam gyi thob par bya ba don 'dis mngon par 'grub par byed pas na/ mngon par 'grub pa'i lam gyis thob pa/ rnam par dag pa'i lam gyis spyi dang khyad par du rnam par dag pa'i phyir/ ngo bo nyid la sogs pa rtogs pa rnam pa lnga'o/ /chos thams cad phyin ci ma log par mthong ba'i rang bzhin gyi lam du sangs rgyas nyid nges pa'i phyir na/chos thams cad kyi khyad par skyed pa la 'thad pa ma yin no/ /de ltar na yang de gsum mi dmigs pa kho nas sangs rgyas kyi chos rnams thams cad skye la/ de las sangs rgyas nyid kyi mtshan nyid kyi don chen po yin no zhes bya ba'i don to//spyi dang khyad par gyi dngos pos rnam par dag pa gnyi ga'i skye ba dang 'gog pa'i rgyu dag len pa dang 'dor ba nyid la rtogs pa'i phyir/ len pa dang 'dor ba dag gi yul rim par brjod pa ni de'i 'og tu gang zhig ces bya ba la sogs pa'o/ /re zhig rnam par rtog pa dang po ni mngon par zhen pa log pa'i mtshan nyid can yin pa'i phyir/dge sbyong gi 'bras bu yang mi dmigs pa'i lam gyis thob pa na gang la mngon par zhen par 'gyur ba'i 'bras bu lus pa ci zhig yod/ des na mngon par zhen pa la sogs pa nyid lam log pa nyid lam rnam par dag pa yin no//des na de'i khyad par brjod pa ni rnam par dag pa spyir brjod na zhes bya ba'o/ /khyad par de yang byed pa dang yul gyi khyad par med par bstan par mi nus pa des na/ dang por byed pa'i khyad par brjod par bya ba yin no/ /de la nyan thos dang rang sangs rgyas kyis rang rang gi nges 'byed kyi cha dang mthun pa rtogs pa'i rim gyis lam mngon du gyur pa na go rims ji lta ba bzhin du nyon mongs pa'i sgrib pa dang /gzung ba'i rnam par rtog pa'i mtshan nyid shes bya'i sgrib pa spangs pa'i phyir dang / byang chub sems dpa' ni sngar brjod pa'i theg pa gsum gyis bsdus pa'i nges par 'byed pa'i cha dang mthun pa'i rim gyis lam mngon sum du byas pa na lam gsum gyi sgrib pa spangs pa'i phyir/spros pa med pa'i ting nge 'dzin thob na tshad ma dang gzhal bya thams cad kyi rang bzhin ma dmigs pa'i phyir/ mi mthun pa'i phyogs dang gnyen po gang rang bzhin ni mtshungs pa nyid kyis sgrib pa'i phyir rnam par rtog pa yang spang ba'i phyir/lam gyis rdzogs pa'i byang chub shin tu rnam par dag pa yin no/ /de la bsdus pa'i don ni 'di yin te/ lam gyi yan lag rnam pa lnga rdzogs pa na/ bdag nyid ji lta ba bzhin du nges par 'byed pa'i cha dang mthun pa las ma 'das par nyan thos kyi lam gyis thams cad kyi gnyen po mthong ba na/rang sangs rgyas kyi lam gyis gzung ba'i rnam par rtog pa dang bral ba dang / byang chub sems dpa'i lam gyis 'dzin pa'i rnam par rtog pa dang bral ba rtogs nas bsgom pa'i lam zag pa dang bcas pa zag pa med pa dag gis des spang bar bya ba'i nyon mongs pa'i tshogs spangs pa na/rnam pa thams cad mkhyen pa nyid kyi skabs su bshad pa'i rnam pa thams cad 'grub po zhes bya ba yin no/ /skabs gnyis pa'o// //lam thams cad skye ba'i rgyu gzhi thams cad rtogs pa thams cad shes pa'i rang gi ngo bo dang /rgyu mtshan dang / mi mthun pa'i phyogs dang / gnyen po dang / lam dang / de'i yan lag dang / nye bar bsdu ba rnams las/ rang gi ngo bo rtogs pa med par phyi ma rnams rtogs par mi nus pa'i phyir na/ re zhig brjod pa gzhi thams cad ces bya ba la sogs pa'o//brtse ba dang shes rab dag gis rtag pa dang chad pa'i mtshan nyid dang / 'khor ba dang mya ngan las 'das pa'i mtshan nyid dang de'i bar te/ de rnams su gnas pa dang bral ba'i rang bzhin thams cad shes pa yin pa'i phyir rang bzhin de dang bral ba nyan thos la sogs pa rnams la shes rab kyi pha rol tu phyin pa'i phyogs gcig tu gyur pa thams cad shes pa nyid srid pa ma yin no zhes bya ba ni kun mkhyen pa nyid kyi skabs su zhes bya ba la sogs pa'i gzhung gi don yin no//kun shes pa nyid la khyad par med na ji ltar shes rab kyi pha rol tu phyin pa yod pa dang /med pa yin zhes skye bo blo gros dman pa'i dogs pa bzlog pa'i don du gnyis pa rgyu'i khyad par gsungs pa ni lugs las zhes bya ba la sogs pa'o/ /gzugs la sogs pa'i rang bzhin rtogs pa nyid chos thams cad kyi mnyam pa nyid rtogs pa yin la/de yang dngos po dang / dngos po med par shes pa spangs pas gzugs la sogs pa dmigs pa ni 'gyur gyi gzhan du ma yin no/ /des na rjes su 'gro ba dang ldog pa dag gi thabs mkhas pa dang 'brel ba yin pa de ldog na ldog pa nyid do/ /des na nyan thos la sogs pa la ni chos thams cad mnyam pa nyid du rtogs pa yod pa ma yin no//mi mthun pa'i phyogs dang gnyen po dngos por gyur pa 'ga' yang med pa'i phyir kun rdzob tu yod pa rgyu dang 'bras bu'i dngos pos de dag rnam par gzhag pa yin no/ /de lta yin dang gzhan gyi kun brtags pa'i bdag la sogs pa'i gnyen po nyid kyis stong pa nyid la sogs pa 'jug pa yin yang mngon par zhen pa dang bcas pa yang bya ba yin pa'i phyir mi mthun pa'i phyogs nyid do//byang chub sems dpa' rang nyid nga rgyal med par sbyin pa la sogs pa la zhugs pa ni gzhan dag de kho na ltar nges par sbyor ba gnyen po yin te/ mngon par zhen pa med pa'i phyir ro/ /spyir mngon par zhen pa mi mthun pa'i phyogs yin pas na/ de bzhin gshegs pa la sogs par mngon par zhen pa yang mi mthun pa'i phyogs nyid do/ /des na shes pa dang shes bya'i phung po gnyis kyis bsdus pa'i dngos po rnams la rang bzhin gcig pa can nyid du rtogs pa de'i gnyen po yin no//de ltar na mi rtag pa nyid la sogs pa dang / de bzhin gshegs pa nyid la sogs par mngon par zhen pa ni kun nas nyon mongs pa rab tu zhi ba'i thabs yin pas/ rtag pa la sogs pa'i gnyen po yin yang / shes bya'i sgrib pa rang bzhin yin pa'i phyir na chos thams cad mi dmigs pa dang /rang bzhin gcig pa nyid du shes pa dag gis spong ba yin te/ des na mtshan nyid kyis mi mthun pa'i phyogs dang / gnyen po re re la yang rnam pa gnyis yin no/ /don 'di yin te/ mi rtag pa nyid dang / de bzhin gshegs pa nyid la sogs par dmigs pa'i dus na gal te rtag pa nyid la sogs pa'i gnyen po nyid dang /bsod nams kyi tshogs kyi rgyu dag gis de dag mtshan mar byed na mi mthun pa'i phyogs su 'gyur ba yin no/ /'on te chos thams cad ma skyes pa nyid kyi phyir gang zhig gnyen por gyur pa 'ga' yang 'ga'i yang mi mthun pa'i phyogs ma yin no zhes mtshan ma med pa'i sbyor bas nges par rtogs pa de'i tshe ni byang chub sems dpa'i de ni gnyen po yin no//gnyen pos mi mthun pa'i phyogs spangs pa de yang lam las 'gyur ba'i phyir lam brjod par rigs pa yin yang 'bras bu ni rgyu la rag las pa'i phyir na/ lam gyi rgyu'i rab tu dbye ba dang /rnam pa re zhig brjod pa ni/ de ltar mi mthun pa'i phyogs la sogs pa brjod nas zhes bya ba'o/ /'di skad brjod pa yin te gzugs dang tshor ba la sogs pa la/ gzugs su rung ba la sogs pa mtshan nyid dang / mi rtag pa nyid la sogs pa rnams la brtags pas stong pa la sogs pa dang /ma rdzogs pa dang / rdzogs pa la rab tu 'jigs pa nyid dang / ma chags pa la yid brtan du med pa nyid dang / 'gyur ba med pa nyid la skad cig dang / byed pa po ma yin pa la byed pa nyid dang / rnam pa thams cad mkhyen pa nyid kyi bdag nyid ched du bya ba bkag pa nyid dang /lam shes pa nyid kyi rang bzhin sbyor ba dka' ba nyid dang / thams cad shes pa'i rang bzhin byed pa dka' ba nyid gsum la/ thob pa stong pa nyid dang rten cing 'brel bar 'byung ba nyid dang / yongs su mya ngan las 'das pa'i chos nyid rnams dang / rgyun tu zhugs pa la sogs pa'i 'bras bu thob pa stong pa nyid la lhag par mos pa'i rang bzhin dang /gzhan gyi rkyen gyis mi 'gro ba nyid la rtogs pa'i dngos po nyid dang / yongs su gyur pa la sogs pa snang ba rnam pa bdun la/ rang gi ngo bo stong pa nyid kyis rjes su sgrub pa'i mngon par zhen pa dor ba'i phyir gong du mngon par spel bas/sbyor ba rnam pa bcu po ni re re la yang / gzugs la sogs pa la mngon par zhen pa med pa dang / rlom pa med pa la sogs pa rnam pa bzhis rtogs par bya'o/ /nus pa'i rgyu sbyor ba rnam pa bcu yod na/ 'bras bu mthong ba'i lam 'byung bas/de'i rang gi ngo bo dang rnam pa ston pa ni/ sbyor ba mnyam pa nyid so sor rtogs nas zhes bya ba'o/ /rang bzhin med pa'i ngo bo can gzugs la sogs pa la rtag pa dang mi rtag pa nyid kyi rang bzhin dang mi ldan pa la sogs pa'i rnam pa bcu drug gis sdug bsngal la chos shes pa'i bzod pa la sogs pa'i skad cig ma bcu drug bsgom pa na/byang chub sems dpa'i mthong ba'i lam nyid sgrub par byed pa yin no/ /mthong ba'i lam skyes pa nas yang dngos po thams cad kyi rnam pa phyin ci ma log par rtogs kyi rnam pa thams cad rtogs pa ni ma yin no/ /kun mkhyen gsum gyi mjug bsdu ba ni rtogs sla'o//'di thams cad kyis ni 'di skad brjod pa yin te/ thabs mkhas pa'i stobs kyis chos thams cad kyi rang gi ngo bo rtogs pa'i dbang du byas te/ mi mthun pa'i phyogs dang gnyen po yongs su shes pas sngon du 'gro ba can gyi sbyor ba brtsams pa dang ldan pa la gzugs la sogs pa la rtag pa dang mi rtag pa nyid kyis dben pa la sogs pa'i rnam pa can la mthong ba'i lam skad cig ma bcu drug skye la/de skyes pa na yang sngar bshad pa'i lam shes pa'i rnam pa rnams skye ba yin no zhes bya ba yin no/ /gal te lam shes pa nyid ni med na mi 'byung ba nyid kyis de yongs su shes pa'i dus kho nar thams cad shes pa nyid kyang shes pa ma yin nam/des na de ston pa btags zin pa 'thag pa 'dis ci bya/ de ste sngar ni byang chub sems dpa'i dbang du byas pa'i phyir/ nyan thos la sogs pa'i thams cad shes pa nyid ma brjod na/'o na ni lam shes pa nyid kyis lam thams cad ma bsdus pa des na rnam pa thams cad mkhyen pas kyang chos thams cad kyi rnam pa thams cad mi mkhyen par 'gyur zhing / thams cad shes pas kyang nyan thos la sogs pa bsdus pa na gang zag gcig la mngon par rtogs pa brgyad med par 'gyur ro zhe na/bsam pa ma shes na thams cad bden no/ /'di ltar/ lam shes nyid kyi tshul la ni/ /'phags pa'i bden pa bzhi dag gi/ /rnam pa mi dmigs sgo nas ni/ /nyan thos lam 'di shes par bya/ /zhes sngar bshad zin to/ /'di'i don ni 'di yin te/bden pa bzhi nyid pha rol gyis kun brtags pa la sogs pa'i gnyen por mi rtag pa nyid la sogs pa'i rnam pa rnams kyi sgo nas nyan thos la sogs pas mngon du byed do/ /byang chub sems dpa' ni de dag nyid mi dmigs pa'i rnam pa yin te/ de ltar na rnam pa'i khyad par nye bar mtshon pa lhur byed pas ma shes par nyan thos la sogs pa'i lam yin la/de ltar kun shes nyid lugs la/ /mi mthun phyogs dang gnyen po dag /rnam par dbye ba ma lus pa/ /ji skad bshad pa 'dir shes bya/ /zhes bya ba gsungs pa'i phyir na/ 'dir ni mi mthun pa'i phyogs dang gnyen po yongs su shes pa sngon du 'gro ba can sbyor ba ji lta ba bzhin dngos po thams cad rtogs par byed pa yin no//de lta na yang snga mar lam nyid rtogs par bya ba yin la phyi mar ni lam gyi dngos po rtogs par bya ba yin pas/ des na ji ltar btags pa 'thad pa yin/ de nyid kyi phyir mngon par rtogs pa gnyi ga yang byang chub sems dpa' nyid kyi yin pa'i phyir mngon par rtogs pa gzhi tha dad par thal bar 'gyur ba'i nyes pa yang med do//de nyid kyi phyir gang zag gsum dang 'brel ba'i nges par 'byed pa'i cha dang mthun pa gsum pa ni sngar gyi skabs gnyis su ci rigs par bshad zin pa'i phyir 'dir brjod pa ma yin no//de lta ma yin na lam bzhin du de'i rgyu rnams kyang brjod par bya bar thal lo/ /lam gyi dngos po rtogs na/ lam rtogs pa dang / dngos po rtogs pa sngon du 'gro ba can mi 'gyur ro zhes brjod par mi bya ste/ lam med par 'ga' yang rtogs pa med pa'i phyir ro//'dis ni mngon par rtogs pa'i rim pa brjod pa yin gyi dngos po gnas pa'i rim pa brjod pa ma yin no/ /de yang lam med par mi 'byung ba des na de yang lam sngon du 'gro ba can du 'dod pa kho na'o/ /des na thams cad legs par gnas so/ / skabs gsum mo// //de ltar yul gyi mngon par rtogs pa bstan nas/ yul rtogs par sbyor ba'i 'bras bu yin pa'i phyir na/ sbyor ba'i mngon par rtogs pa brjod pa ni thams cad mkhyen pa nyid gsum yongs su shes par bya ba'o/ /yongs su shes pa'i yul gyi dbang du gyur pa dang rab tu gyur pa dang bstan par 'gyur ba dang /mthar phyin pa'i dbye bas sbyor ba yang rnam pa bzhi'o/ /de la dang po ni kun mkhyen gsum gyi rnam pa'i bdag nyid kyi dmigs pa dang / rjes su sgrub pa'i rang bzhin gyi sbyor ba dang / de skye ba dang mi skye ba'i rgyu mtshan nyid yon tan dang skyon dang /mtshan nyid kyi bdag nyid yongs su shes pa'i rgyu dang / thar pa'i cha mthun gyi mtshan nyid zag pa dang bcas pa'i lam dang / nges 'byed kyi cha mthun zag pa med pa'i lam dang / slob pa phyir mi ldog pa'i mtshan nyid chung ngu dang / 'bring dang / chen po'i rtogs pa dang / mnyam pa nyid kyi mtshan nyid chos kyi sku'i ched du bya ba dang / zhing yongs su dag pa'i mtshan nyid gzugs kyi sku'i ched du bya ba dang / thabs mkhas pa'i mtshan nyid gzhan gyi don gyi ched du bya ba'i rnam pa dbye ba bcu gcig go/ /de la dmigs par 'gyur ba'i rnam pa rnams kyi spyi'i khyad par gyi ngo bos rang gi ngo bo dang /rab tu dbye ba brjod par bya'o/ /rang bzhin gang gis rtag pa la sogs par 'dzin pa'i mi mthun pa'i phyogs kyi gnyen por gyur pa mi rtag pa nyid la sogs pa la dmigs pa de yang thun mong ma yin pa'i phyir rnam pa rnams kyi rang gi mtshan nyid yin no/ /kun mkhyen gsum gyi so so'i lam gyi gnas skabs kyi khyad par gang yin pa de ni rnam pa rnams kyi rab tu dbye ba yin no//'di gnyi ga yang re zhig spyir ston pa ni rtag pa la sogs par 'dzin pa zhes bya'o/ /khyad par la ni rtag pa'i rang bzhin dang / ma skyes pa dang / bdag dang / des byin gyis brlabs pa nyid mi dmigs pa'i phyir/rim pa ji lta ba bzhin du/ sdug bsngal gyi bden pa la/ med pa dang / mi skye ba dang / dben pa dang / mi rdzi ba'i rnam pa rnams so/ /de bzhin du rnam pa phyi ma rnams la yang bdag nyid ji lta ba bzhin gyi rgyur sbyar bar bya'o/ /lam gyi bden pa la ni lta ba'i dbye bas mi mthun pa'i phyogs nyon mongs pa dang shes bya'i sgrib pa'i rang bzhin can tha dad pa yin no//des na de sbyor ba'i don du gsungs pa ni nyon mongs pa'i sgrib pa'i gnyen po nyid du zhes bya ba la sogs pa'o/ /don 'di yin te/ nyan thos dang rang sangs rgyas dag gis nyon mongs pa'i sgrib pa spang bya nyid du mtshungs pa'i phyir sdug bsngal la sogs pa'i bden pa la gnas pa/mi rtag pa nyid la sogs pa'i mtshan nyid can med pa la sogs pa'i rnam pa bcu drug mtshungs pa kho na'o/ /rang sangs rgyas kyis ni thun mong ma yin pa'i phyir shes bya'i sgrib pa'i gnyen por gyur pa/ zag pa dang bcas pa dang / /zag pa med pa'i bsgom pa dang mthong ba'i lam la brten pa/ rigs pas 'thad pa'i skye ba med pa'i phyir/ skye ba med pa rnam par rig par byed pa nyid nye bar bzung nas ngo bo med pa la sogs pa'i mtshan nyid rmi lam la sogs pa'i rnam pa lnga'o/ /des na 'dod chags dang zhe sdang dang /gti mug ngo bo nyid med pa dang / rten gyi rang bzhin nyon mongs pa'i sems can mi dmigs pa dang / nam mkha' ltar na rang bzhin gyis 'od gsal ba nyid kyis nye bar ma gos pa dang / ma dmigs pas rlom pa thams cad las 'das pa dang / dmigs pa thams cad bcom pas mi g.yo ba nyid dang /'khor ba ji srid par chos kyi dbyings gnas pa nyid la brten nas go rims ji lta bar kun nas nyon mongs pa la sogs pa'i gnyen por gyur pa/ kun nas nyon mongs pa med pa la sogs pa'i rnam pa drug go /de ltar na thams cad shes pa nyid kyis rnam pa bcu gcig bsdus pa'o//lhag ma la ni rtogs par sla'o/ /'on kyang brjod par bya ba 'di yod de rnam pa thams cad mkhyen pa nyid kyi rnam pa rnams kho nas thams cad shes pa nyid kyi gnyis kyis rnam pa rnams bsdus pa'i phyir de gnyis logs su bstan pas ci bya/ 'on te tha dad par bstan pa yin yang / phyis sdud pa yin na de lta na 'o na rnam pa thams cad mkhyen pa nyid kyang 'ba' zhig bstan par thal lo zhe na/ brjod pa dngos po dang lam shes pa'i rnam pa thams cad rtogs kyang / rnam pa thams cad rtogs pa med pa'i phyir dang /rnam pa thams cad rtogs pa yod na ni med na med pa nyid kyis de rtogs pa yang yod pa'i phyir/ rnam pa thams cad mkhyen pa nyid kyis de gnyis kyang bsdus pa yin no/ /rnam pa rnams ni de bzhin du phan tshun bsdus pa ma yin te/ /'dir de rnams nyid dmigs par 'dod pa'i phyir ro//rnam pa thams cad mkhyen pa nyid tsam logs su bstan pa yang ma yin te/ dngos po lam gyi rnam pa la gnas pa'i rnam pa rnams nyid rnam pa thams cad mkhyen pa nyid kyi rnam pa yin pa'i phyir te/ rnam pa thams cad mkhyen pa nyid ni rnam pa tsam nyid yin pa'i phyir ro//de ltar na yang thams cad shes pa nyid kyis/ dngos po thams cad rtogs pa sngon du 'gro ba can gyi lam shes pa nyid kyis lam thams cad rtogs pa na rnam pa thams cad mkhyen pa nyid kyis kun mkhyen pa gsum gyi rnam pa rtogs pa'i phyir na/ thams cad shes pa nyid gang gnyis lan gnyis bzlas pa yin no zhes 'bad pas shes par bya ba yin no//de nyid kyi phyir rnam pa de rnams yul nyid kyis de'i rten kun mkhyen gsum po rnams kyang yul yin no/ /rnam pa de rnams kyang bsgom pa'i mtshan nyid kyi sgrub pa'i yul du byas pa yin pa'i phyir sgrub pa sbyor ba brjod par bya ba yin no//de yang rtogs pa po'i gnas skabs kyi dbye ba rnam pa nyi shur 'gyur ba'i phyir re zhig brjod pa ni/ sbyor ba khyad par can dag gis/ /zhes bya ba'o/ /bsam pa ni 'di yin te/ bdag po dang nye bar len pa dang / lhan cig byed pa'i rkyen la brten nas gang gi tshe byang chub sems dpa' la/sangs rgyas brten pa dang yang dag par 'dri ba la sogs pas chos kyi spyod pa skyes pa de'i tshe gzugs la sogs pa la mi gnas pa la sogs pa'i rnam pas sbyor ba'i skye ba'o/ /'di ltar gzugs la sogs pa rnams la mngon par zhen pa med pa'i sbyor bas gnas pa ni mi sbyor ba'i mi sbyor bas mngon par brtson la des kyang gzugs la sogs pa de dag rnam pa chung ngu dang 'bring dang chen po'i mtshan nyid zab pa dang /gting dpag dka' ba dang / tshad med pa nyid rtogs pa'i lam dang po pa dang gzhan la rim pa ji lta ba bzhin du yang dag pa ma yin par sbyor ba sgrub pa dang /mi sgrub pa nyid kyis 'bad pa dang bde blag tu chos kyi dbyings rtogs pa dang / lung bstan pa dang / phyir mi ldog pa'i sa thob pa na rim bzhin du nges par 'byung ba dang / mi ldog pa nyid dang / nye bar gyur pa dang / myur du mngon par byang chub par 'gyur ro//de nas gzhan gyi don byed pa ni/ 'phel ba dang 'grib pa med pa'i chos can spyir chos dang chos ma yin pa la sogs pa dang / khyad par du gzugs bsam gyis mi khyab pa la sogs pa la/ 'du shes thams cad spangs pa'i phyir rnam par mi rtog pa 'bras bu rin chen sbyin pas/sngar lo skor du mngon par sbyor bas sems kyi rgyud legs par bsgrub pa rab kyi mthar phyin pa thob par 'gyur ro/ /de ltar na sbyor ba'i lam la rnam pa lnga dang / mthong ba'i lam la gcig dang / bsgom pa'i lam la chung ngu'i chung ngu la sogs pa'i rim pas dgu dang khyad par gyi lam la gsum dang /bar chad med pa'i lam la gnyis te/ de ltar rtogs pa'i rim pas lam lngas bsdus pa'i sbyor ba nyi shu brjod pa yin no/ /gsum pa skye ba'i rgyu brjod pa ni/ sbyor ba'i 'og tu de dag gi yon tan zhes bya'o/ /'di skad brjod pa yin te/sbyor ba rtsom pa'i gnas skabs su de bzhin gshegs pa'i byin gyi rlabs thob pas bdud kyi mthu bcom pa la sogs pa'i yon tan skyes pa na ji skad bshad pa'i sbyor ba rnams 'grub pa yin no zhes bya ba yin no/ /bzhi pa mi skye ba'i rgyu bshad pa ni de'i 'og tu yang gang zhig spangs nas zhes bya ba'o//'di ltar bsams pa yin te/ sbyor ba rtsom pa na gal te skyon bzhi bcu rtsa drug po rnams kyi nang nas skyon gcig yod na yang de'i tshe sngar bshad pa'i de bzhin gshegs pas byin gyis brlabs pa dang / dgongs pa la sogs pa'i yon tan bskyed par bya ba ma yin no zhes bya ba'o//lnga pa yongs su shes pa'i rgyu brjod pa ni/ go rims ji lta ba bzhin du zhes bya ba'o/ /de'ang rang gi ngo bo dang / rab tu dbye ba bshad pas bde blag tu rtogs pa'i phyir na/ de gnyis brjod par bya'o/ /de la rang bzhin ni sbyor ba'i nye bar mtshon par byed pa yin no//rtogs pa dang / rnam par dag pa dang / 'bras bu sbyin par nus pa dang / de mnyam pa nyid thob pa'i bdag nyid can shes pa dang / khyad par dang byed pa dang / ngo bo ni rab tu dbye ba'o/ /de la re zhig rtogs pa ni yul gyi dbye bas tha dad pa na sbyor ba mtshon par byed pa yin te/des na yul gyi khyad par nye bar ston pa sngon du 'gro ba can de'i nang tshan gyi dbye ba brjod pa ni de la shes pa'i mtshan nyid ces bya ba'o/ /don 'di yin te/ sdug bsngal la sogs pa'i bden pa la brten pa'i skad cig ma bcu drug po rnams la yod pa'i sngar bshad pa'i kun mkhyen gsum gyi rnam pa gang yin pa de dag rnams kyi rtogs pas sbyor ba mtshon par byed do zhes bya ba yin no//tha dad par nye bar mtshon pa de rnams kyi rnam par dag pa spyi yin pa des na de'i bdag nyid khyad par gyi mtshan nyid brjod pa ni/ de ltar bar skabs kyi tshigs su bcad pa dgu pa zhes bya ba'o/ /bsam gyis mi khyab pa la sogs pa'i khyad par can du gyur pa nyid ni rnam par dag pa'i rang bzhin yin no/ yul gyi khyad par dang rjes su mthun pa nyid ni rab tu dbye ba'o/ /des na kun mkhyen gsum nyid spyir bden pa bzhi la brten pa'i skad cig ma bcu drug po rnams la/rnam par dag pa skyes pa na/ khyad par gyi sbyor ba mtshon par byed pa yin no zhes bya ba'i don to/ /de nyid kyi phyir rgyu ma tshang ba med pa can gyi byed pa'i khyad par skad cig gnyis pa la 'gyur ba yin pa'i phyir na/byed pas sbyor ba mtshon par brjod pa ni/ khyad par gyi mtshan nyid kyis rnam par bcad pa rnams kyi zhes bya ba'o/ /rgyu rtogs pa'i yul gyi khyad par du 'gyur ba'i phyir gzhan gyi don grub pa yang de kho na bzhin du khyad par du 'gyur ro zhes bya ba'i don to/ /bya ba'i khyad par yod na 'bras bu'i khyad par 'grub pa'i phyir/des kyang sbyor ba mtshon par bya ba yin no zhes gsungs pa ni byed pa'i mtshan nyid kyis shes par byas pa rnams kyi zhes bya ba'o/ /gang gi phyir kun mkhyen rnam pa gsum gyi yul can gyi bya ba'i khyad par nyid las 'bras bu'i khyad par yin gyi/byang chub sems dpa' rnams 'bras bu mngon du byed pa ni ma yin no zhes bya ba'i don to/ /de ltar mtshan nyid bzhi po rnams kyis yongs su shes par byas pa'i sbyor ba rnams dge ba'i rtsa ba dang ldan pa'i sems kyi rgyud la skye ba'i phyir drug pa thar pa'i cha dang mthun pa zag pa dang bcas pa'i lam brjod pa'i thar pa'i cha dang mthun pa'i dge ba'i rtsa ba dang ldan pa kho na la zhes bya ba'o//'dir thar pa ni nyon mongs pa dang bral ba'i khyad par ro/ /de'i cha ni phan pa'i phyir na thar pa'i cha dang mthun pa'o/ de yang rang gi ngo bo dang / rab tu dbye ba yongs su shes pa sngon du 'gro ba can bsgom pa na de ltar 'gyur ba'i phyir/de gnyis rdzogs par bya ba yin no/ /de la mtshan ma med pa la dmigs pa'i shes pa'i rnam pas/ sbyin pa la sogs pa rnam pa thams cad mkhyen pa nyid kyi mthar thug pa'i sangs rgyas kyi chos thams cad rang gi rgyud la yang dag par grub par byed pa na/shes rab kyi pha rol tu phyin pa'i mtshan nyid kyi thabs mkhas pa gang yin pa de ni de'i rang gi ngo bo yin no/ /dkon mchog gsum la sogs pa'i dmigs pa lnga po rnams la dad pa la sogs pa khyad par can du gyur pa dbang du sgyur ba ma yin pa'i phyir dbang po'i rang bzhin ma yin zhing /dge ba'i rtsa ba nyid du khyad par med kyang dmigs pa la sogs pa'i dbye bas rang bzhin lngar gyur pa gang yin pa ni rab tu dbye ba'o/ /de nyid kyi phyir na chung ngu dang 'bring dang chen po'i dbye bas de skye ba'i phyir theg pa yang tha dad pa yin no//bdun pa zag pa med pa'i gnas skabs kyi sbyor ba brjod pa ni/ thar pa'i cha dang mthun pa skyed pa zhes bya ba'o/ /de yang dmigs pa dang rnam pa'i dbye bas rnam par gzhag na bde blag tu shes pa'i phyir/ de gnyis brjod par bya ba yin no/ /de la re zhig dmigs pa ni bzhi po rnams kyi tha dad pa med par sems can thams cad yin no//de rnams nyid la chags pa dang bcas pa dang chags pa med pa rnam pa gnyis so/ /bcu nyid kyis ni dang po'i rnam pa'o/ /gnyis pa'i dge ba dang mi dge ba dang / bsngags pa brjod pa dang rjes su mthun pa gnyis kyi so sor rang dang gzhan la dmigs pa tha dad pa'i phyir rnam pa bzhi'o//rnam pa de rnams nyid kyis rang dang gzhan gyi rten can gyi bden pa bzhi la dmigs par 'thad pa'i phyir na gsum pa'i rnam pa bzhi'o/ /rang dang gzhan la gnas pa'i smin par byed pa dang / grol bar byed pa'i ni yang dag par phrad par byed pa'i bzhi pa'i rnam pa'o//gal te kun mkhyen gsum ka la yang nges 'byed kyi cha dang mthun pa brjod zin pa ma yin nam/ yang 'dir brjod pas ci bya/ 'on te sngar ni so sor nges pa nyid du brjod pa yin la/ 'di ni spyir brjod pa yin no zhe na/ de lta na 'o na bsgom par bya ba'i dbye bas sgom pa yang tha dad par 'gyur ro zhes bya ba'i dogs pa sel ba brjod pa ni/ rnam pa dang lam dang gzhi thams cad bsgom pa'i zhes bya ba'o/ /'di skad brjod pa yin te/ kun mkhyen gsum du brjod pa'i nges par 'byed pa'i cha dang mthun pa'i stobs kyis/dngos po dang lam dang rnam pa thams cad rtogs pa'i don du 'jig rten las 'das pa'i mthong ba dang bsgom pa thob pa'i phyir na/ rnam pa kun mngon par rtogs pa'i mtshan nyid khyad par gyi lam byang bar byed pa'i dus su/ chung ngu dang 'bring dang chen po'i rim pas zag pa med pa'i shes pa skye la/rim pa de yang rang gi ngo bos tha snyad tha dad pa med pa'i phyir na nges par 'byed pa'i cha dang mthun pa la sogs par bstan pa yin no/ /thar pa'i cha dang mthun pa'i byed pa ni seng ge rnam par lta ba'i tshul gyis snga ma kho nar yin gyi/ 'dir yang ni ma yin te/kun mkhyen gsum dang 'brel ba'i nges 'byed kyi cha dang mthun pa thob pa ni de sngon du 'gro ba can yin pa'i phyir dang / khyad par gyi lam la de'i byed pa med pa'i phyir ro/ /des na rnam pa kun mngon par rdzogs par rtogs pa'i kun mkhyen pa nyid gsum gyi spyir sbyor ba'i lam la sogs pa nye bar bkod pa/thar pa'i cha dang mthun pa bzhin du byos shig ce na/ de ltar ni ma yin te/ /khyad par thams cad med pa'i phyir mi srid pa'i phyir ro/ /de nyid kyi phyir kun mkhyen gsum gyi rnam pa rnams khyad par kho nar nye bar bkod do//thar pa'i cha dang mthun pa'i yang chung ngu dang / 'bring dang chen po'i tha dad pa'i mtshan nyid ni theg pa'i dbye ba nyid kyis nye bar bkod kyi spyir ni ma yin te/ des na ji ltar chos mthun pa'i dpe yin te/ de nyid kyi phyir spyir yongs su shes par byas pa rnams rnam pa kun mngon par rdzogs par rtogs pas de kho na ltar bsgoms nas dbang du gyur pa'i phyir dbang du gyur pa'i sbyor ba zhes brjod do//brgyad pa chung ngu la sogs pa'i dbye bas tha dad pa'i phyir mi ldog pa'i mtshan nyid brjod pa ni/ phyir mi ldog pa'i byang chub sems dpa'i dge 'dun zhes bya ba'o//de yang dmigs pa dang rnam pa'i khyad par rtogs na bde blag tu rtogs pa'i phyir de gnyis brjod par bya ba yin no/ /de la re zhig dmigs pa ni sbyor ba'i lam la sogs pa'i gnas skabs na yod pa 'phags pa'i bden pa bzhi'o//rnam pa yang gzugs la sogs pa las ldog pa la sogs pa'i bdag nyid kyis/ /bdag nyid so so la nges pa kho na yin pa des na de la brten pa kho nar rtogs par bya'o/ /bsgom pa'i lam la ni/ rang gi ngo bo dang /rab tu dbye ba dang / bsdu ba dang / byed pa dang / yul rnams brjod par bya ba yin no/ /de la rang gi ngo bo khyad par can dang khyad par can gyi dbye bas ston pa ni/ de'i 'og tu bsgom pa'i lam la gnas pa'i zhes gsungs so/ /don 'di yin te sgro 'dogs pa dang /skur ba'i mtha' dang bral ba'i zab pa'i khyad par dang ldan pa/ /sbyor ba la sogs pa'i lam gyis mthong ba'i don gyi yul dang / ting nge 'dzin gyi sbyor ba dang / dngos dang / mjug yod pa'i shes rab kyi stobs kyis skyes pa/ bsam pa la sogs pa'i shes pa ni khyad par can yin no zhes bya ba'o/ /gnyis pa rab tu dbye ba bstan pa'i phyir brjod pa ni/ de rnam pa du zhig ce na zhes bya ba la sogs pa'o/ /bsgoms pa las byung ba'i shes pa'i rang bzhin du tha dad pa med kyang /sa dgu la brten pa'i mi mthun pa'i phyogs kyi rnam par rtog pa'i dbye bas rnam pa dgu nyid do zhes bya ba'i don to/ /gsum pa bsdu ba bshad pa'i phyir/ rgyal ba'i yum dang de las zhes gsungs so/ /'di ltar dgongs pa yin te/ ci 'di de kho nar med pa nyid du thal lam/'on te kun rdzob tu dang po ltar yin no zhe na/ ma yin te/ rnam par rtog pa med pa'i rang bzhin gcig la tha dad pa mi 'dod pa'i phyir ro/ /gnyis pa la yang gzhan la ltos pa'i tha dad pa khas len pa na ltos par bya ba rnam pa dgu yin pas ltos par byed pa du ma nyid du ji ltar thal/bzhi pa byed pa bstan pa'i phyir/ stong pa nyid kyi mtshan nyid gyis/ /zhes gsungs so/ /don 'di yin te/ gal te de kho nar mi mthun pa'i phyogs dang gnyen po dag yod na de log pa dang / mngon par 'grub par byed pa yang 'gyur ba zhig na/de dag med na ni chos thams cad byed pa med pa nyid des na lam gyis ci bya zhes bya ba'o/ /'dir kun rdzob la brten pa'i 'jig rten pa dang / 'jig rten las 'das pa'i dpes lan brjod pa ni de lta ni ma yin te zhes bya ba'o//gal te de kho nar rgyu dang 'bras bu'i dngos po mi 'thad pa'i phyir/ lam gyi byed pa med par brjod na/ de'i tshe ni lhag pa brjod pa med do/ /sgro btags pa rnam par bcad la/ btags pa'i 'bras bu ni rang bzhin med pa nyid kyis de la byed pa 'ga' yang med pa'i phyir dang /de la 'dzin pa'i tshad ma mngon sum dang rjes su dpag pa dag btags pa'i yul can nyid kyis/ de kho na'i rang bzhin can gyi byed pa rnam par 'jig mi nus pa'i phyir ro/ /'on te tha snyad du de med pa brjod na de'i tshe yang mar me la sogs pa la mngon sum gyis dmigs pas sgrub byed kyi tshad ma yod pa'i phyir/de la ni yod pa'i tha snyad kho nar 'thad kyi dgag pa ma yin no/ /mi dgag pa'i gnyen po bsgoms pas 'dod pa'i rnam par rtog pa las thob pa ldog par ni da lta rang gi rgyud las mthong ba yang yin te/ des na yang dag pa'i kun rdzob la brten nas byed pa 'gog pa ma yin no//rang bzhin med pa la rang bzhin dngos po med pa'i phyir na/ de la byed pa 'ga' yang ji ltar yang med do zhe na/ ma yin te/ rang bzhin la yang nye bar bstan pa'i rnam par rtog pa gnyis 'jug pa na/gang yang rung bar gnas pa'i phyir dang gcig la 'dod pa sgrub par byed na/ gzhan la btags pa'i ngo bo dgag par mi nus pa'i phyir ro/ /yang dag pa'i kun rdzob la brten pa'i rgyu dang 'bras bu'i dngos po 'di ni rang nyid kyis TI kAr rgyas par bsgrub pa'i phyir na 'dir mi spro'o//de'i phyir sgyu ma lta bu'i chos thams cad la/ /yang dag pa'i kun rdzob tu mi mthun pa'i phyogs dang gnyen po'i tha snyad yod pa na/ /de'i log pa dang mngon par 'grub pa'i mtshan nyid kyi byed pa dang / de kho na bzhin du yin te/ des na lam gyis ci yang byar med pa ma yin no/ /lnga pa yul bstan pa'i phyir/ bsgom pa'i lam la gnas pa'i zhes gsungs so/ /byang chub sems dpa' ni/ khyad par gyi lam rtogs pa'i mthus/ rnam par thar pa'i sgo bsam gyis mi khyab pa thob pa'i phyir na/skye ba la sogs pa'i yul rnam pa brgyad la phan tshun 'gal ba'i don rjes su bsgrub kyang / rang dang gzhan gyi don thob pa las mi nyams so zhes bya ba ni/ bsgom pa'i lam zab mo yin no/ /slob pa'i chos thob pa'i ched du bya ba ni/ thun mong ma yin pa'i chos kyi sku yin pas na/ mnyam pa nyid kyis de ston pa ni/ slob pa'i tshogs kyi zhes bya ba'o/ /de la mnyam pa nyid kyis rang gi ngo bo dang / de'i rten gyi tha snyad brjod par bya ba yin no/ /de la dang po ni re zhig 'dir spang bya dang / blang bya'i mtshan nyid 'khor ba dang mya ngan las 'das pa dag rang gi ngo bo med par rtogs pa'i phyir/sgro 'dogs kyi rnam par rtog pa log pa mnyam pa nyid de bzhin nyid ces bya ba'i ming tsam du shes par bya'o/ /gnyis pa yang sgrub par byed pa dang /gnod par byed pa de la brten pa'i tha snyad kyi yul can mi dmigs pa na/ thog ma med pa'i dus can gyi phyin ci log goms pa'i dbang gis 'jig rten gyi 'jug pa kun rdzob kyi ming can yin par shes par bya'o/ /bcu pa gzugs kyi sku'i ched du bya ba'i mtshan nyid zhing rnam par dag pa brjod pa ni gnyi ga dang mnyam pa nyid du zhes bya ba ste rtogs sla'o//bcu gcig pa gzhan gyi don gyi ched du bya ba brjod pa ni/ rang gi sangs rgyas kyi zhing rnam par dag pa zhes bya ba'o/ /gzhan gyi don bya ba'i rang bzhin yin pa'i phyir na/dbye ba dang / yul dang / rang gi ngo bo rnams brjod par bya ba yin no/ /de la lam gyi ngo bo nyid kyis mngon du bya ba'i phyir sa bcu dang / /kun mkhyen gsum gyis bsdus pas rdzogs pa yin pa'i phyir shes rab kyi pha rol tu phyin pa dang /mi gnas pa'i mya ngan las 'das pa sgrub par byed pa nyid kyis na thabs la mkhas pa ni go rims ji lta ba bzhin du gzhan gyi don gyi rab tu dbye ba dang / yul dang / rang gi ngo bo yin no/ /bsam pa ni 'di yin te/ yul gyi mngon par rtogs pa brjod pa/dmigs pa la sogs pa'i dbye bas gcig tu byas nas bsgom par bya ba'i kun mkhyen gsum po rnams la/ rnam pa kun mngon par rtogs par brjod pa'i rnam pa bskyed la/ /rnam pa de rnams su yul du byas te skyed pa dang / mi skyed pa'i rgyu dag len pa dang /spong ba sngon du 'gro ba can mtshan nyid shes pas mtshon pa'i sbyor ba brtson pa yin no/ /de'i dus na yang nges par 'byed pa'i cha dang mthun pa la sogs pa'i ming can/ chung ngu dang 'bring dang chen po'i dbye bas tha dad pa'i khyad par gyi lam yongs su dag pa ni/slob pa'i chos ma lus pa yongs su rdzogs par 'gyur ro/ /de nas mnyam pa nyid kyi rang bzhin chos kyi sku bdag por byas nas/ sangs rgyas kyi zhing rnam par dag pas bstan pa'i gzugs kyi skus thabs mkhas pas 'phangs pa'i sems can gyi don 'grub po zhes bya ba ni kun mkhyen gsum gyis bsdus pa'i chos thams cad dbang du 'gyur ba'i sbyor bas dbang du gyur pa yin no//skabs bzhi pa'o// //de ltar kun mkhyen gsum gyis rnam pa dbang du gyur pa rnams kyi lam thams cad rab tu gyur pa na/rab tu 'gro ba yin pa'i phyir/ /rab tu 'gro ba'i sbyor ba brjod pa ni/ rnam pa thams cad mngon par rdzogs pa las zhes bya ba'o/ /gal te yang lam snga ma snga ma rab tu gyur pa na lam phyi ma phyi ma mngon du 'gyur ba de ltar na yang khyad par gyi lam la thun mong ma yin pa'i mtshan nyid med pa'i phyir na sbyor ba'i lam la sogs pa rab tu gyur pa'i sgo nas de rab tu gyur pa brjod par bya ba yin no//de la dro ba la sogs pa sbyor ba'i lam rnam pa bzhi la dro ba la sogs pa rtags bcu gnyis kyi rab tu gyur pa'i 'thob pa dang /rtse mo la brten pa'i rnam par 'phel ba bcu drug gis rab tu gyur pa 'phel ba dang / bzod pa la sogs pa kun mkhyen gsum gyi chos nges pas/ 'phel ba mthar phyin pa dang / rtse mo la brten pa sems yang dag par gnas pa rab tu gyur pas brtan par gyur pa zhes bya ba ni sbyor ba'i lam rab tu gyur pa'o//de'i rjes la mthong ba'i lam gyi rab tu gyur pa yin pas/ de'i spang bya dang / rgyu dang / 'bras bu dang / byed pa dang / rang gi ngo bo dang / sgom pa rnams brjod par bya'o/ / de la spang bya'i rab tu dbye ba dang / yul dag brjod par bya ba yin pa'i phyir/ gzung ba dang / 'dzin pa'i rnam par rtog pa so sor 'jug pa dang ldog pa'i rten can nyid kyi gzhir gyur pa dag la so sor dbye ba rnam pa dgu ston pa ni/ nges par 'byed pa'i cha dang mthun pa'i 'og tu zhes bya ba'o//de dag gi dbye ba ni yul gyi sgo nas dbye ba yin pa des na de brjod pa ni/ gzung ba'i rnam par rtog pa dang po zhes bya ba'o/ /don 'di yin te rang gi ngo bo dang 'dzin pa dang so sor thar pa la sogs pa rnam pa bcwa brgyad kyi yul can/'jug pa'i phyogs kyi rten can/ gzung ba dang 'dzin pa'i rnam par rtog pa gnyis kyis srid pa dang / zhi bar lhung ba'i rgyu mtshan rtogs pa dman pa nyid dang / ji ltar ched du bya ba'i nges par 'byung ba med pa nyid la sogs pa yul rnam pa bcwa brgyad dang ldan pa'i gzung ba dang 'dzin pa'i rnam pa rtogs pa gnyis kyis 'jug pa na/mthong ba'i lam du gyur pa'i gegs yin pa'i phyir/ de dag lhag ma med par spang bar bya ba yin no zhes bya ba'o/ /gnyis pa rgyu brjod pa ni/ de ltar mthong ba'i lam la zhes bya ba'o//'di'i yang mtshan nyid dang / rab tu dbye ba gnyis brjod par bya ba las/ de'i mtshan nyid ni de la theg pa'i rgyu nyid yin la/ gzhan dag byang chub la sogs pa la 'god pa la sogs pa la rab tu dbye ba'o/ /gsum pa 'bras bu brjod pa ni gang gi don du zhes bya ba'o//de yang rang gi ngo bo dang / de ltar snang ba rtogs na bde bar rtogs pa'i phyir/ de gnyis rim gyis brjod pa ni/ dri ma zad dang zhes bya ba la sogs pa'o/ /'chad par 'gyur ba'i lam gyi stobs kyis nyon mongs pa dang shes bya'i sgrib pa'i mtshan nyid kyi dri ma rnams skye ba dang 'gag pa med par yongs su shes pa nyid dang /chos thams cad phyin ci ma log par rtogs pa'i mtshan nyid do/ /des na mtshan nyid pa ni ngo bo yin no/ /spros pa thams cad dang bral ba'i byang chub la ngo bo nyid ni 'ga' yang yod pa ma yin te/dngos po'i mtshan nyid sngon du 'gro ba nyid med pa'i phyir ro/ /gnyis pa de ltar snang ba brjod pa ni/ gang gi phyir de ltar yin pa zhes bya ba ste rtogs par sla'o/ /bzhi pa byed pa brjod pa ni/ de ltar byed pa'i phyogs zhes brjod pa'o//lam gyi byed pa ni 'di kho na yin te/ gzugs la sogs pa la rang bzhin gyis stong pa nyid kyis bsnan pa dang / bsal ba log pa gang yin pa'o/ /des chos thams cad byed pa med pa'i phyir na/ sgro 'dogs pa thams cad ldog pa'i mtshan nyid ni/ byang chub chen po yin no zhes bya ba'i don to/ /lnga pa rang gi ngo bo brjod pa ni/ de ltar zhar la 'ongs pa brjod nas zhes bya ba'o/ /drug pa sgom pa brjod pa ni de skye ba zhes bya ba'o/ /brjod ma thag pa'i mthong ba'i lam rab tu gyur pas/ nyon mongs pa dang shes bya'i sgrib pa'i mtshan nyid rnam par rtog pa rnam pa bzhi spangs pa na/de la 'jigs pa med pa'i phyir/ seng ge lta bur rnam par rol pas na de dang mthun pa'i ting nge 'dzin la snyoms par zhugs nas mi dmigs pa'i sbyor bas lugs dang mthun pa dang / mi mthun pa'i ngo bo nyid med pa'i mtshan nyid rten cing 'brel bar 'byung ba mngon du byed do zhes bya ba'i don to//gsum pa bsgom pa'i lam rab tu gyur pa brjod pa ni/ de ltar mthong ba'i lam brjod nas zhes bya ba'o/ /'dir yang rang gi ngo bo dang spang bya dang / 'bras bu rnams rtogs na bde blag tu rtogs pa'i phyir na/re zhig rang gi ngo bo brjod pa ni/ 'dod par gtogs pa'i zhes bya ba'o/ /bsam gtan dang po la sogs pa thod rgal nyid kyis/ 'dod pa na spyod pa mnyam par ma bzhag pa'i shes pa mtshams su byas pa'i phyir/ mi mnyam par 'gro bas na 'di'i rang gi ngo bo ni mi mnyam par 'gro ba yin no//gnyis pa spang bar bya ba ni rab tu dbye ba dang / yul gyi dbye bas snga ma bzhin du rtogs par bya'o/ /gzhan yang lam gnyi ga yang so sor mi mthun pa'i phyogs su gyur pa'i rnam par rtog pa rnam pa bzhi bshad zin pa'i phyir na/gnyen po yang de kho na bzhin du shes par bya'o zhes ston pa ni bsgom pa'i lam gyi mi mthun pa'i phyogs rnam pa bzhi zhes bya ba'o/ /gsum pa 'bras bu brjod pa ni/ snga ma bzhin du zhes bya ba ste rtogs par sla'o/ /bzhi pa bar chad med pa'i lam rab tu gyur pa brjod pa ni/bsgom pa'i lam gyi rjes la zhes bya ba'o/ /'di la yang mtshan nyid dang / dmigs pa dang / rgyu dang /rnam pa dang / spang bya rnams brjod par bya ba las/ re zhig mtshan nyid gsungs pa ni/ stong gsum gyi skye bo zhes bya ba la sogs pa'o/don 'di yin te/ theg pa gsum po rnams la skal ba ji lta ba bzhin sems can thams cad 'god pa'i bsod nams mang ba nyid kyis rnam pa thams cad mkhyen pa nyid thob pa dang / sangs rgyas nyid thob pa la bar chad med pa'i phyir/ sangs rgyas nyid sgrub par byed pa ni mtshan nyid yin no zhes bya ba'o//de'i dmigs pa la sogs pa ji lta bu zhig ces bya ba la sogs pa ni dmigs pa la sogs pa brjod pa ste rtogs par sla'o/ /bsdus pa'i don ni 'di yin te/ khyad par gyi lam la gnas pa la/ gal te ji skad brjod pa'i lam bzhi rab tu gyur pa de'i tshe bsgom pa'i chos kyi rtse mo thob pa'i phyir na rtse mo mngon par rtogs pa yin no zhes bya ba'o//skabs lnga pa'o// //de ltar rab tu gyur pa thob kyang / thog ma med pa'i dus tsam gyi bag chags kyi sa bon can gyi rnam par rtog pa mi mthun pa'i phyogs du ma skyes pas skyes pa nyid kyis/de'i gnyen po yang dus nges pa nyid med pa'i phyir/ lam gyis thob par bya ba'i sangs rgyas kyi chos thams cad kyang ma nges par thob pa yin no/ /de lta na yang de dag brtan par gyur pa ma yin te/ /des na brtan par bya ba'i don du sngar bshad pa'i lam gyi go rims can gyi bsgom pa yin pas na/gsum pa brtan par gyur pa'i sbyor ba gsungs pa ni/ rtse mo'i mngon par rtogs pa thob pa zhes bya ba'o/ /'dir yang khyad par gyi lam gyi rang bzhin nyid kyis/ rang la brtan pa'i khyad par ci yang med pa'i phyir/chung ngu dang 'bring dang chen po'i dbye bas/ sangs rgyas kyi chos rnams thams cad brtan par gyur pa ni/ sbyor ba'i lam la sogs par bsnyad pa yin no/ /de ltar yin na de ma thag pa'i skabs gnyis su brjod pa'i don rnams nyid sbyin pa la sogs pa'i rang gi ngo bor grub pa'o//skabs drug pa'o// //de ltar brten par gyur pa'i don rnams bar chad med pa'i ting nge 'dzin gyis skad cig gcig gis mi slob pa'i lam la 'jug pa'i phyir/ skad cig ma gcig la mngon par rdzogs par byang chub pa ni mthar thug par 'gro ba'i sbyor ba yin te/de las gong du bslab par bya ba med pa'i phyir ro/ /skad cig gcig pa zag pa med pa de la yang dngos por na dbye ba 'ga' yang med pa des na/ rnam par smin pa yin pa dang rnam par smin pa ma yin pa'i dbye ba mtshan nyid med pa dang /gnyis su med pa'i mtshan nyid kyi dbye bas ldog pa'i tha dad pa la brten nas rang gi ngo bo dang / dbye ba brjod pa ni/ mthar gyis pa'i mngon par rtogs pa sgom pa ni zhes bya ba ste go sla'o/ /skabs bdun pa'o// //de ltar sbyor ba'i mngon par rtogs pas spros pa med pa'i ting nge 'dzin gyi mtshan nyid shes rab kyi pha rol tu phyin pa thob pa na/rang dang gzhan gyi don gyi rang bzhin gyi 'bras bu yin pas na/ chos kyi sku'i mtshan nyid 'bras bu'i mngon par rtogs pa brjod pa ni/ skad cig ma gcig gis mngon par rdzogs par byang chub pa zhes bya ba la sogs pa'o//de yang rang dang gzhan gyi don gyi dbye bas rnam pa gnyis so/ /de la dngos po ni don dam pa dang / kun rdzob kyi bden pa la brten nas rnam pa gnyis yin yang kun rdzob la brten pa de bzhin gshegs pa dang /byang chub sems dpa' dang nyan thos la sogs pa dang / thun mong ba nyid kyis rnam pa gsum yin pa'i phyir na rnam pa bzhir 'gyur ro/ /gnyis pa la yang las dang po'i sa nas brtsams nas/ sangs rgyas kyi sa'i mthar thug pa'i dbang du byas te/ gang zag gcig gi dbang du byas nas rnam pa nyi shu rtsa gnyis yin no zhes bya ba ni 'bras bu'i mngon par rtogs pa'o//de ltar na yul dang / rang bzhin dang / 'bras bu bshad pa'i sgo nas mngon par rtogs pa'i rang bzhin brjod nas/ bsdu ba brjod pa'i don du gsungs pa ni rgyas pa la dad pa'i sems can zhes bya ba la sogs pa ste go sla'o//kun gyi rgyan du gyur pa nyid dang / goms pa dang / de'i tshig le'ur byas pa rnam par dbye phyir zhes dam bcas pa gsum po gang yin pa de gzhung gzugs par bzhed nas/ re zhig dang por gzhung 'dzugs pa ni la la las don zhes bya ba la sogs pa'o/ /rgyal ba'i yum rgyas pa dang / 'bring bzhin du rgyal ba'i yum mdor bsdus pa ni byang chub kyi sems rnam pa nyi shu rtsa gnyis la sogs pa mngon par rtogs pa 'ga' zhig ma mthong yang / gdams ngag la sogs pa nye bar blangs pa'i shugs nyid las de 'grub po/ /gdams ngag la sogs pa la nye bar blangs pa gang yin pa de ni gzhung dang 'don pa la sogs pa tha dad kyang don tha mi dad pa'i phyir na/ kun gyi rgyan du gyur pa nyid mi 'gal lo zhes bya ba'i don to/ / gnyis pa gzhung gzugs la bshad pa ni/ 'phags pa rnam par grol sde'i zhes bya ba la sogs pa'o/ /bcom ldan 'das byams pa'i bshad pa las don rtogs pa yin yang / 'phags pa rnam par grol sde'i lugs kyi rjes su 'jug pa nyid kyis/ bcom ldan 'das ma'i tshig dang ngag gi sdeb sbyor ma byas par bdag gis bshad do zhes bya ba'i don to//gsum pa gzhung 'dzugs pa ni/ mkhan po yang dag ces bya ba la sogs pa brjod pa de rtogs sla'o/ /bdag nyid kyis gzhung byas pa'i bsod nams yongs su bsngo ba dang / khengs bskyungs pa dang / rtogs pa'i khyad par brjod pa ni/ de spel bas byung ba'i zhes bya ba la sogs pa brjod pa yin no/ /bdag gi mkhan pos mdzad pa la/ /dag pa'i bsdus don bris pa las/ /thob pa'i dge ba gang yin des/ /'gro ba myur du rgyal bar gyur/ /nub kyi sgo glegs dpal mkhas pa chen po shes rab 'byung gnas blo gros kyis mdzad pa mngon par rtogs pa'i rgyan gyi bshad pa bsdus don rdzogs so// //paN+Di ta chen po su ma ti kIrti dang / lo ts+tsha ba blo ldan shes rab kyis bsgyur ba'o// //