CLOSE WINDOW

D3793
བོད་ཡིག

@##/ /rgya gar skad du/ a b+hi sa ma ya a laM kA ra nA ma pradz+nyA pA ra mi ta u pa de sha shAs+t+ra br-id ti / bod skad du/ shes rab kyi pha rol tu phyin pa'i man ngag gi bstan bcos mngon par rtogs pa'i rgyan zhes bya ba'i 'grel pa/ bam po dang po/ sangs rgyas dang byang chub sems dpa' thams cad la phyag 'tshal lo//shes rab pha rol phyin pa la/ /de'i rgyan tshig le'ur byas pa dag /kun gyi rgyan du 'gyur bar ni/ /rnam par dbye phyir gus phyag 'tshal/ /'gro la chags pas kun chags mdzad/ /'phags pa thogs med skyob nyid kyis//mi pham mgon la gsan nas ni/ /bstan bcos chen po'i rnam bshad mdzad/ /'gro don rtsa lag dbyig gi gnyen/ /rang gi mos pa gtsor byed pas/ /shes bya nang gi yin pa la/ /yang dag rten nas rnam par bkrol/ /'phags pa'i khongs su gtogs pa yi//rnam par grol ba zhes byas kyang / /des byas byas pa min mthong nas/ /dbu mar gnas pa'i blos rnam phye/ /de yi 'og tu rnam grol sde/ /dad pa'i sa la gnas pa yis/ /bstan bcos mtha' dag ma rnyed par/ /rang dang rjes mthun rnam bshad byas//de ltar mkhas pas snang byas shing / /'ga' zhig kho nas ma rnyed pa'i/ /bstan bcos mtha' dag 'di de ltar/ /rnyed pa gang de ya mtshan no/ /de ltas shin tu rnyed dka' ba / /zab mo'i lam 'di ci zhig ltar/ /sangs rgyas dbang gis rnyed pa ni//mkhas pa rnams kyis dbye ba'i rigs/ /rnam pa kun du bdag gi ni/ /spyod yul min yang bsod nams dag /bsgrub dang mthun phyir rang gzhan la/ /phan gdags 'dod pas spro ba skyes/ /'phags pa byams pa rang nyid dam pa'i spyod pa dang mthun par rab tu ston pas/so so rang gi rig pa'i ye shes kyis shes rab kyi pha rol tu phyin pa'i yul can gyi rab tu dang ba ni legs pa thams cad 'thob pa'i rgyu'i gtso bo yin no zhes bya bar nges par bzung nas/ gzhan dag bcom ldan 'das ma yon tan rin po che phul du dbyung du med cing dpag tu med pa'i 'byung gnas la don gyis 'jug par bya ba'i phyir rab tu dang ba bskyed pa'i ched du/re zhig dang por yum la yon tan ji lta ba bzhin du brjod pa sngon du 'gro ba can gyi phyag 'tshal ba/ /nyan thos zhi ba tshol rnams kun shes nyid kyis nyer zhir khrid mdzad gang yin dang //'gro la phan par byed rnams lam shes nyid kyis 'jig rten don sgrub mdzad pa gang / /gang dang yang dag ldan pas thub rnams rnam pa kun ldan sna tshogs 'di gsungs pa / /nyan thos byang chub sems dpa'i tshogs bcas sangs rgyas kyi ni yum de la phyag 'tshal//zhes bya ba gsungs so/ /tshigs su bcad pa 'dis ni 'di'i che ba'i bdag nyid phul du byung ba dang ldan pa brjod de/ de thos nas re zhig dad pa'i rjes su 'brang ba rnams ni 'di la the tshom med par myur du rab tu dad pa skye'o/ /chos kyi rjes su 'brang ba rnams kyang gcig dang du ma'i ngo bo nyid dang bral ba'i phyir zhes bya ba la sogs pa'i tshad mas gzhi dang lam dang rnam pa skye ba med par yongs su shes pa tshigs su bcad pa'i don gyi mtshan nyid kyi yum la gnod pa ma mthong nas/shes rab kyi pha rol tu phyin pa thams cad mkhyen pa nyid gsum gyi bdag nyid tshul gsum pa can/sangs rgyas la sogs pa bskrun par mdzad pa ni gdon mi za bar srid pa nyid de zhes nges par gzung ste/ de la rab tu dang ba skyed par byed pa nyid do/ /de la rab tu dang bas kyang de'i yon tan mngon par 'dod pa'i gang zag gnyis ka yang de dang de la brten pa'i gsung rab la rnam pa thams cad du gzung ba la sogs pa'i don du shin tu gus par byed do//de nas thos pa las byung ba la sogs pa'i shes pa skye ba'i rim gyis legs pa'i mchog 'thob par 'gyur ro/ /de'i phyir bcom ldan 'das ma la rab tu dang ba ni legs pa thams cad 'thob pa'i rgyu'i gtso bo yin no//de la thams cad mkhyen pa nyid gsum gyis ni don brgyad bsdus la de dag kyang shes rab kyi pha rol tu phyin pa yin zhing des kyang 'chad par 'gyur ba'i tshul gyis don thams cad phun sum tshogs pa yin no zhes de ltar thugs la bzhag nas thams cad mkhyen pa nyid gsum gyi sgo nas shes rab kyi pha rol tu phyin pa la bstod do//nyan thos dang de'i phyogs su bslan pa rnam par thar pa cung zad tsam zhig gis lhag pa rim pa gcig gis bstan pa rang sangs rgyas kyang ste/ mya ngan las 'da' bar 'dod pa rnams gzhi thams cad skye ba med par yongs su shes pa nyid kyis phung po dang bcas pa dang phung po med pa'i mtshan nyid kyis mya ngan las 'das pa rnam pa gnyis thob par mdzad pa gang yin pa dang /byang chub sems dpa' 'khor ba ji srid par 'gro ba'i don byed pa rnams lam thams cad skye ba med par rtogs pa'i ngo bo nyid kyis 'gro ba mtha' dag gi don sgrub par mdzad pa gang yin pa dang /rnam pa thams cad skye ba med par thugs su chud pa gang dang ldan na/ sangs rgyas yang dag par bsdams pa'i sku can rnal 'byor can gyi dbang phyug gi gtso bo rnams spyod pa'i gnyen por chos kyi 'khor lo ma lus pa rnam pa thams cad bskor bar mdzad pa/sangs rgyas nyan thos la sogs pas yongs su bskor ba de sgrub par byed pa nyid kyi yul de la phyag 'tshal lo/ /de ltar phyag 'tshal ba dang bstod pa sngon du 'gro ba'i bstan bcos mngon par rtogs pa'i rgyan gzhi dang gnyen po dang rnam pa rnams las gang yang rung ba zhig bsdus pa mdzad na/phyogs dang po ltar na ni 'bad pa don med pa yin te/ shes rab kyi pha rol tu phyin pa 'di las ni mtshan nyid kyi bstan bcos dag las mi smos pa'i gzhi gang yin pa de 'byung ba ni med do/ / gnyis pa ltar na yang rnam par byang ba'i dngos po bsdus pa'i phyir kun nas nyon mongs pa'i dngos po ma bsdus pas 'di gang gi gnyen po yin pa khong du chud par mi 'gyur ro/ /gsum pa ltar na yang rnam pa gzhi med pa tsam zhig bsdus pa'i phyir don rtogs pa med pas/ cung zad kyang ma bshad pa'i phyir don med pa yin no snyam du gzhan dag sems par 'gyur ba ma yin nam zhe na/de ni ma yin te/ gang gi phyir nyan thos dang rang sangs rgyas dang byang chub sems dpa' dang / bla na med pa'i sangs rgyas rnams kyis go rims ji lta ba bzhin thams cad mkhyen pa nyid gsum gyis mngon par rtogs pa mtha' dag bsdus pas na phyogs gsum car gyis kyang bsdus pa'i phyir ro//'di ltar rgyal ba'i yum bar ma las rab 'byor thams cad shes pa nyid ni nyan thos dang rang sangs rgyas rnams kyi yin no/ /lam shes pa nyid ni byang chub sems dpa' rnams kyi yin no//rnam pa thams cad mkhyen pa nyid ni de bzhin gshegs pa dgra bcom pa yang dag par rdzogs pa'i sangs rgyas kyi yin no/ /bcom ldan 'das ci'i slad du thams cad 'tshal ba nyid nyan thos dang rang sangs rgyas rnams kyi lags/ rab 'byor thams cad ni phyi dang nang gi chos rnams ji snyed pa 'di tsam yin la/ de dag kyang nyan thos dang rang sangs rgyas rnams kyis shes kyi/ lam thams cad kyis kyang ma yin la/ rnam pa thams cad du yang ma yin pas de'i phyir nyan thos dang rang sangs rgyas rnams kyi ni thams cad shes pa nyid ces bya'o//bcom ldan 'das ci'i slad du lam gyi rnam pa 'tshal ba nyid byang chub sems dpa' rnams kyi lags/ rab 'byor byang chub sems dpa' rnams kyis ni nyan thos kyi lam gang yin pa dang rang sangs rgyas kyi lam gang yin pa dang sangs rgyas kyi lam gang yin pa'i lam thams cad bskyed par bya zhing lam thams cad shes par bya'o//de dag kyang yongs su rdzogs par bya zhing de dag gis lam gyi bya ba yang bya la/ smon lam yongs su rdzogs par ma byas pa dang sems can rnams yongs su smin par ma byas pa dang sangs rgyas kyi zhing yongs su ma sbyangs par de dag gis yang dag pa'i mtha' mngon sum du ni mi bya'o//de'i phyir byang chub sems dpa' rnams kyi ni lam gyi rnam pa shes pa nyid ces bya'o/ /bcom ldan 'das ci'i slad du rnam pa thams cad mkhyen pa nyid de bzhin gshegs pa dgra bcom pa yang dag par rdzogs pa'i sangs rgyas kyi lags/rab 'byor rnam pa gang dag dang rtags gang dag dang mtshan ma gang dag gis chos rnams rab tu brjod pa'i rnam pa de dag dang rtags de dag dang mtshan ma de dag de bzhin gshegs pas thugs su chud de de'i phyir de bzhin gshegs pa dgra bcom pa yang dag par rdzogs pa'i sangs rgyas kyi ni rnam pa thams cad mkhyen pa nyid ces bya'o//de bzhin du mdor bsdus pa las kyang nyan thos kyi sa la slob par 'dod pas kyang zhes bya ba la sogs pa gsungs la/ rgyas pa las kyang rgya cher gsungs so//de la thams cad shes pa nyid ni gzugs la sogs pa'i chos la mi rtag pa la sogs pa'i rten can 'bras bu bdag tu rmongs pa spangs pa can yin no/ /lam shes pa nyid ni theg pa thams cad kyis nges par 'byung ba dang / de kho na nyid mngon sum du mi byed pa'i rten can 'bras bu sems can ma bsdus pa sdud pa la sogs par byed pa can yin no//rnam pa thams cad mkhyen pa nyid ni chos thams cad skye ba med pa'i rten can/ 'bras bu nam mkha'i khams kyi mthas gtugs par sems can gyi don rgyun mi 'chad pa dang / yang dag pa nyid kyi mtha' rtogs pa dang /bag chags kyis mtshams sbyor ba nyid spangs pa can yin no/ /de lta bas na mngon par rtogs pa'i rgyan ni gzhi dang gnyen po dang rnam pa thams cad bsdus pas mngon par rtogs pa ril rdzogs par bstan pa yin no/ /zhes bya ba 'di 'thad pa yin no//skye bo blo gros dman pa dag bcom ldan 'das rgyas pa dang 'bring dang mdor bsdus pa la dad pa'i sems can la phan 'dogs par bzhed pa thugs rje can nyid kyis rgyal ba'i yum de dang de las mngon par rtogs pa brgyad kyi rim pa shes rab kyi pha rol tu phyin pa'i don mtha' dag gsal bar mdzad pa ma yin nam/bcom ldan 'das 'phags pa ma rgyal ba las rgyal bas yang de bstan pa la don ci zhig yod snyam du dogs pa bsal ba'i phyir/ don la the tshom bskyed pa nyid kyis 'jug pa'i yan lag rang gi bstan bcos kyi brjod par bya ba dang / dgos pa dang dgos pa'i yang dgos pa dang 'brel ba khong na yod pa rnams gsungs te/ rnam pa thams cad mkhyen nyid lam/ /ston pas 'di la bshad pa gang / /gzhan gyis myong ba ma yin te/ /chos spyod bcu yi bdag nyid kyi/ /mdo don dran pa la bzhag nas/ / blo dang ldan pas mthong 'gyur phyir/ /bde blag tu ni rtogs pa zhes/ /bya ba rtsom pa'i dgos pa yin/ /zhes bya ba yin no/ /rnam pa thams cad mkhyen pa nyid ni sangs rgyas nyid kyi lam ste mngon par rtogs pa thams cad nye bar mtshon pa lhur len pa yin no//bcom ldan 'das cho 'phrul rnam pa gsum gyis 'gro ba mtha' dag la rjes su ston par mdzad pa de nyid kyis rgyal ba'i yum rnam pa gsum car las brjod par bya ba nyid du bstan pa gang yin pa / rjod par byed pa dang brjod par bya ba dag thabs dang thabs kyis bsgrub par bya ba'i tshul gyis 'brel par mdzad pa phyi rol pa dang cig shos kyi 'dod chags dang bral ba la sogs pa chos thams cad bdag med pa la goms par ma byas pa rnams kyis thos pa las byung ba la sogs pa'i shes pa skye ba'i rim gyis ma myangs pa ste/byang chub sems dpa' rang dang gzhan gyi don du phun sum tshogs pa sgrub pa ci la yang ma rag par chas pa dag kho nas nyams su myong ba shin tu gsal bas bzhag pa'i bag chags las byung ba'i dran pa'i shes pa la/shes rab kyi pha rol tu phyin pa'i mdo'i don ma lus pa mngon par rtogs pa brgyad kyi bdag nyid byang chub kyi sems dang sbyin pa la sogs pa sgrub pa'i spyod pa legs par bzhag nas/chos kyi dbyings kun du 'gro ba rtogs pa'i mtshan nyid sa rab tu dga' ba la sogs pa rtogs pa'i rim pas rnam pa thams cad mngon sum du byed par 'gyur ba zhes bya ba dgos pa'i yang dgos pa'i yang ched du mngon par 'dod pa'i shes rab kyi pha rol tu phyin pa'i don byang chub kyi sems dang sgrub pa la sogs pa'i mtshan nyid gdul bya rnams kyis bde blag tu rtogs par 'gyur ba ni bstan bcos rtsom pa'i dgos pa yin no//de ltar 'brel pa la sogs pa bsnyad nas/gdul bya rnams kyis bde blag tu rtogs par bya ba'i phyir dang / bstan bcos kyi don rnam par dbye ba byas pa yang ma 'dzings pa nyid kyis bshad pa sla bar gzigs nas tshig le'ur byas pa bco lngas mdo dang rgyas par bstan pas shes rab kyi pha rol tu phyin pa'i lus rnam par bzhag pa gsungs te/shes rab pha rol phyin pa ni/ /dngos po brgyad kyis yang dag bshad/ /rnam kun mkhyen nyid lam shes nyid/ /de nas thams cad shes pa nyid/ /rnam kun mngon rdzogs rtogs pa dang / /rtse mor phyin dang mthar gyis pa//skad cig gcig mngon rdzogs byang chub/ /chos kyi sku dang de rnam brgyad/ /sems bskyed pa dang gdams ngag dang / /nges 'byed yan lag rnam bzhi dang / /sgrub pa yi ni rten gyur pa/ /chos kyi dbyings kyi rang bzhin dang / /dmigs pa dag dang ched dang ni//go cha 'jug pa'i bya ba dang / /tshogs ni nges par 'byung bcas rnams/ /thub pa'i rnam kun mkhyen pa nyid/ /mog mog por byed la sogs dang / /slob ma bse ru'i lam gang dang / /'di dang gzhan pa'i yon tan gyis/ /phan yon che ba mthong ba'i lam/ / byed pa dang ni mos pa dang / /bstod dang bkur dang bsngags pa dang / /bsngo dang rjes su yid rang ba/ /yid la byed pa bla med dag /sgrub dang shin tu dag pa zhes/ /bya ba 'di ni bsgom pa'i lam/ /byang chub sems dpa' mkhas rnams kyi/ /lam shes nyid ni de 'drar bshad//shes pas srid la mi gnas shing / /snying rjes zhi la mi gnas dang / /thabs ma yin pas ring ba dang / /thabs kyis ring ba ma yin nyid/ /mi mthun gnyen po'i phyogs dag dang / /sbyor dang de yi mnyam nyid dang / /nyan thos la sogs mthong ba'i lam//de 'dra kun shes nyid du 'dod/ /rnam pa sbyor bar bcas rnams dang / /yon tan skyon ni mtshan nyid bcas/ /thar dang nges 'byed cha mthun dang / /slob pa phyir mi ldog pa'i tshogs/ /srid dang zhi ba mnyam nyid dang / /zhing dag bla na med pa ni/ /rnam kun mngon rdzogs rtogs pa ste//'di ni thabs mkhas bcas pa yin/ /de yi rtags dang rnam 'phel dang / /brtan dang sems kun gnas pa dang / /mthong zhes bya dang bsgom pa zhes/ /bya ba'i lam ni so so la/ /rnam par rtog pa rnam bzhi yi/ /gnyen po rnam pa bzhi dang ni//bar chad med pa'i ting nge 'dzin/ /log par bsgrub dang bcas pa ni/ /rtse mo'i mngon rtogs mthar gyis pa/ /rnam gsum rnam bcu skad cig ma/ /gcig gis mngon rdzogs byang chub pa/ /mtshan nyid kyis ni rnam pa bzhi/ / ngo bo nyid longs rdzogs bcas dang / /de bzhin gzhan pa sprul pa ni/ /chos sku mdzad pa dang bcas pa/ /rnam pa bzhir ni yang dag brjod/ /ces bya ba yin no/ /de la tshig le'ur byas pa dang po gnyis kyis ni dngos po brgyad bsdus pa'i phyir mdor bstan pa yin no/ / tshig le'ur byas pa bcu gsum gyis ni de dag nyid kyi don bsdus nas rgyas par bshad de/ /de ltar na bsdus pa dang rgyas par bshad pa'i phyir legs par bshad pa yin no/ /bsdus pa'i don gyi tshig le'ur byas pa rnams ni/ bstan bcos mdzad pa nyid kyis/ sems bskyed pa ni gzhan don phyir//zhes bya ba la sogs pa 'chad par 'gyur ba'i bstan bcos mtha' dag gis 'chad pas/ de dag rnam par bshad pas bshad par bsams te/ zlos pa'i nyes par 'gyur du dogs nas rnam par ma bkrol lo/ /de ltar bsdus pa'i don kun bstan nas/byang chub sems dpa' byang chub rjes su 'thob par 'dod pas 'bras bu yin pa'i phyir rnam pa thams cad mkhyen pa nyid thob par bya dgos pas/ dang por rnam pa thams cad mkhyen pa nyid de sdud pa'i tshig le'ur byas pa rnam par bshad pa'i sgo nas bshad par bzhed de/sems bskyed pa rang gi ngo bo dmigs pa dang bcas pa/ sems bskyed pa ni gzhan don phyir/ /yang dag rdzogs pa'i byang chub 'dod/ /ces gsungs te/ sangs rgyas su grub nas gzhan gyi don gyi phyir skal ba ji lta ba bzhin du 'bad par bya'o zhes sems bskyed pa gzhan gyi don du yang dag par rdzogs pa'i byang chub 'dod pa'i mtshan nyid smon pa dang 'jug pa'i ngo bo nyid rnam pa gnyis so//yang dag par rdzogs pa'i byang chub 'dod pa nyid ni de don du gnyer ba dge ba'i chos la 'dun pa sems las byung ba yin la/ sems bskyed pa ni sems yul khyad par du 'phags pa snang ba can 'byung ba ma yin nam/ji ltar na de sems bskyed pa yin par 'gyur zhe na bden mod kyi/ 'on kyang 'dir dge ba'i chos la 'dun pa'i mtshan nyid don du gnyer ba yod na byang chub kyi sems bskyed pas rgyus [(]'bas [,]'bras [)] bu bstan pa yin te/de ltar don du gnyer ba'i byang chub sems dpa'i dge ba'i chos thams cad 'phel bar 'gyur ro zhes shes par bya ba'i phyir nye bar btags pa la rten pa yin pas nyes pa med do/ /rnam pa gcig tu na smon lam ni don du gnyer ba ste/ yang dag par rdzogs pa'i byang chub 'dod pa nyid yin la/de dang lhan cig spyod pa'i sems bskyed pa de'i sgrar bstan pa ni de ltar na byang chub sems dpa' rnams la smon lam dang ldan pa'i sems de skye'o zhes bya bar shes par bya ba'i phyir yin no/ /yang gang 'dod pa'i bdag nyid dang / gang gi don du sems bskyed pa yang dag par rdzogs pa'i byang chub de ni gang yin gzhan gyi don ni gang yin zhe na/de dang de ni mdo bzhin du/ /bsdus dang rgyas pa'i sgo nas brjod/ /ces bya ba gsungs te / rgyal ba'i yum rnam pa gsum car las kyang shes rab kyi pha rol tu phyin pa dang / sbyin pa la sogs pa thams cad la sbyin par bya ba dang /sbyin pa po dang len pa po la sogs pa mi dmigs par bsgrub par bya'o zhes shes par byed pa'i don can dang / sems can thams cad skal ba ji lta ba bzhin du mya ngan las 'das pa dang / ser sna can la sogs pa rnams sbyin pa la sogs pa la dgod par 'dod pas shes rab kyi pha rol tu phyin pa 'di nyid la bsgrub par bya'o zhes bya ba la sogs pa rab tu ston pa lhur byed pa'i ngag gis mdo'i don dang mi 'gal bar bsdus pa dang rgyas pa'i sgo nas yang dag par rdzogs pa'i byang chub dang gzhan gyi don bstan te/de ltar na sems bskyed pa ni gzhan gyi don gyi phyir yang dag par rdzogs pa'i byang chub 'dod pa'i bdag nyid yin par shes par bya'o/ /gtsug lag gi gzhung skabs kyi don ston pa lhur len pa ni thams cad las kyang gsungs mod kyi tshig mangs su dogs nas khungs nyid du ma bris so//de ltar sems bskyed pa dmigs pa dang rang gi ngo bo dang bcas pa brjod nas/ da ni de'i rab tu dbye ba rnam pa nyi shu rtsa gnyis bar skabs kyi tshigs su bcad pa/ de yang sa gser zla ba me/ /gter dang rin chen 'byung gnas mtsho//rdo rje ri sman bshes gnyen dang / /yid bzhin nor bu nyi ma glu/ /rgyal po mdzod dang lam po che/ /bzhon pa bkod ma'i chu dang ni/ /sgra snyan chu bo sprin rnams kyis/ /rnam pa nyi shu rtsa gnyis so/ /zhes bya ba dag gis bshad de/ 'dun pa dang / bsam pa dang /lhag pa'i bsam pa dang / sbyor ba dang / sbyin pa dang / tshul khrims dang / bzod pa dang / brtson 'grus dang / bsam gtan dang / shes rab dang / thabs mkhas pa dang / smon lam dang / stobs dang / ye shes kyi pha rol tu phyin pa dang / mngon par shes pa dang / bsod nams dang / ye shes dang / byang chub kyi phyogs dang mthun pa'i chos dang / snying rje dang lhag mthong dang / gzungs dang / spobs pa dang / chos kyi dga' ston dang / bgrod pa gcig pa'i lam dang / chos kyi sku dang ldan pa ni/ go rims bzhin du sa dang / gser bzang po dang /zla ba tshes pa dang / me dang / gter chen po dang / rin po che'i 'byung khungs kyi gnas dang / rgya mtsho chen po dang / rdo rje dang / ri'i rgyal po dang / sman dang / dge ba'i bshes gnyen dang / yid bzhin gyi nor bu dang / nyi ma dang / chos kyi sgra dbyangs snyan pa dang //rgyal po chen po dang / bang mdzod dang / lam po che dang / bzhon pa dang / bkod ma'i chu dang / sgra snyan pa dang / chu bo'i rgyun dang / sprin lta bu ste/ chos dkar po thams cad kyi gzhi'i dngos po dang / byang chub kyi bar du mi 'gyur ba dang / dge ba'i chos mtha' dag rnam par 'phel bar 'gyur ba dang /thams cad mkhyen pa nyid gsum gyi sgrib pa'i bud shing sreg pa dang / sems can thams cad tshim par byed pa dang / yon tan rin po che'i rten gyi dngos po dang / mi 'dod pa thams cad thog tu bab pas mi 'khrugs pa dang / yid ches pa brtan pas mi phyed pa dang /dmigs pa'i rnam par g.yeng bas mi bskyod pa dang / nyon mongs pa dang shes bya'i sgrib pa'i nad rab tu zhi ba dang / gnas skabs thams cad du sems can gyi don yongs su mi gtong ba dang / ji ltar smon pa'i 'bras bu 'grub pa dang / gdul bya yongs su smin par byed pa dang / gdul bya 'dun par byed pa'i chos ston pa dang / mthu thogs pa med pas gzhan gyi don sgrub pa dang / bsod nams dang ye shes kyi tshogs mang po'i mdzod lta bu dang / 'phags pa thams cad gshegs shing rjes su gshegs pa dang / 'khor ba dang mya ngan las 'das pa gang du yang mi ltung bas bde blag tu 'gro ba dang / thos pa dang ma thos pa'i chos 'dzin pas mi zad pa dang / thar pa 'dod pa'i gdul bya la snyan par sgrogs pa dang / gzhan gyi don bya ba tha mi dad pa dang / dga' ldan gyi gnas na bzhugs pa la sogs pa kun du ston par rung ba nyid kyis grangs bzhin no//de ltar na/ de yang sa gser zla ba me/ /zhes bya ba la sogs pas sems bskyed pa nyi shu rtsa gnyis bshad pa yin no/ /de la dang po gsum ni chung ngu dang 'bring dang chen po nyid kyis las dang po pa'i sas bsdus so/ / de'i 'og tu gcig ni sa dang po la 'jug pa'i lam gyis bsdus so/ /de'i 'og tu bcu ni rab tu dga' ba la sogs pa sa bcus bsdus te/ mthong ba dang bsgom pa'i lam gyi spyod yul can yin no/ /de'i 'og tu lnga ni khyad par gyi lam gyis bsdus so/ /de'i 'og tu sems bskyed pa gsum ni sbyor ba dang dngos dang mjug gi sgo nas sangs rgyas kyi sas bsdus te/de ltar na sems bskyed pa'i rab tu dbye ba ni las dang po pa'i sa nas bzung ste sangs rgyas kyi sa'i bar gyis bsdus pa yin no/ /dbye ba zhar la brjod nas de ltar byang chub kyi sems dang po la sogs pa bskyed pa'i byang chub sems dpa' dus ji lta ba bzhin du don du gnyer bar byed pa'i byang chub kyi sems bskyed pa dang /des 'phangs pa'i chos 'grub par bya ba'i phyir yon tan thob pa yongs su bsrung ba'i don gyis mngon par 'phel bar bya ba'i phyir 'doms pa ni gdams ngag ste/ sgrub dang bden pa rnams dang ni//sangs rgyas la sogs dkon mchog gsum/ /ma zhen yongs su mi ngal dang / /lam ni yongs su 'dzin pa dang / /spyan lnga dang ni mngon shes kyi/ /yon tan drug dang mthong lam dang / /bsgom zhes bya la gdams ngag ni//bcu yi bdag nyid shes par bya/ /zhes gsungs pa yin no/ /byang chub kyi sems kyi rab tu dbye ba ji skad bshad pa bsgrub pa la/ kun rdzob dang don dam pa'i bden pa las mi 'da' bas nyan thos la sogs pa dang thun mong ma yin pa mi dmigs pa'i tshul gyis 'jug par bya'o zhes slob pa sgrub pa la 'doms pa dang /sdug bsngal la gzugs la sogs pa 'bras bur gyur pa'i stong pa nyid dang / shes rab kyi pha rol tu phyin pa dag de bzhin nyid kyi ngo bor rang bzhin gcig go zhes bya ba dang / kun 'byung ba la stong pa nyid dang gzugs la sogs pa rgyur gyur pa dag tha mi dad pa nyid kyis gzugs la sogs pa ni kun 'byung ba dang 'gog pa dang kun nas nyon mongs pa dang rnam par byang ba'i chos can ma yin no zhes bya ba dang /'gog pa la stong pa nyid skye ba dang / 'gag pa dang / kun nas nyon mongs pa dang / rnam par byang ba dang / nyams pa dang 'phel ba la sogs pa dang bral ba la ni gzugs med pa nas ma rig pa skye ba yang med/ ma rig pa 'gag pa yang med/ sangs rgyas kyang med/ byang chub kyi bar du yang med do zhes bya ba dang / lam la sbyin pa la sogs pa'i pha rol tu phyin pa dang / bdag nyid dam nang stong pa nyid la sogs pa ni phyi stong pa nyid la sogs sngon gyi mtha' dang phyi ma'i mtha' dag phan tshun ldan pa dang mi ldan pa ma yin pa nyid du sgrub bo zhes ston pa bden pa la 'doms pa dang /sangs rgyas la sogs sangs rgyas dang byang chub dag mtshan nyid kyis sangs rgyas su byed pa'i chos kyi mtshan nyid rnam pa thams cad mkhyen pa nyid mi dmigs pa la gzugs la sogs pa mi sbyor bas dmigs par bya ba dang dmigs par byed pa nyid du shes pa zhes bya ba dang /chos la thams cad mkhyen pa nyid gsum gyis bsdus pa'i gzhi dang / gnyen po dang / rnam pa mtha' dag bsdus pa dag gis bsdus pa'i chos thams cad ngo bo nyid med do zhes bya ba dang /dge 'dun la sangs rgyas dkon mchog gi khongs su gtogs pa nyid kyi dgra bcom pa ma gtogs pa 'bras bu la gnas pa dang zhugs pa'i bye brag gis skyes bu chen po bdun po rang sangs rgyas dang lhan cig brgyad po dbang po rtul po la sogs pa'i bye brag gis grangs nyi shur chad pa byang chub sems dpa' 'phags pa slob pa phyir mi ldog pa rnams la skye ba med pa nyid du 'jug par bya'o zhes lung 'bogs pa dkon mchog gsum la 'doms pa dang /brtson 'grus brtsams pa nyid kyis ji skad bshad pa'i don la nan tan byed pa la/lus la sogs pa'i bsod nams nyid kyis la la mngon par zhen par 'gyur bas ma zhen pa la lus la sogs pa ngo bo nyid med par bstan pa'i 'doms pa dang / dus yun ring po zhig tu goms par byas kyang 'dod pa'i don ma grub na dngang ba'i rang bzhin can yongs su skyo bar 'gyur bas yongs su ngal ba med pa la gzugs la sogs pa nas yang dag par rdzogs pa'i byang chub kyi bar la rlom pa med pa nyid du bstan pa'i gdams ngag dang /phyogs bcu na bzhugs pa'i sangs rgyas la sogs pa las don re re'i phyir lam gyi lung nod par bya na sems zhum par 'gyur bas lam yongs su gzung ba la chos rnams rang bzhin gyis ma skyes pa nyid du bslab pa'i gdams ngag dang /sha'i dang / rnam par smin pa las byung ba'i lha'i dang / shes rab dang chos dang sangs rgyas kyi spyan grangs ji lta ba bzhin du dngos po so sor nges pa dang /sems can thams cad kyi 'chi 'pho ba dang / skye ba dang / chos thams cad la rnam par mi rtog pa dang / 'phags pa'i gang zag thams cad rtogs pa dang / chos thams cad rnam pa thams cad du mngon par rdzogs par byang chub pa'i yul can rnams de bzhin nyid du gcig pa nyid du bsgrub bo zhes slob pa spyan lnga la 'doms pa dang /rdzu 'phrul dang / lha'i rna ba dang / gzhan gyi sems shes pa dang / sngon gyi gnas rjes su dran pa dang / mngon par 'du byed pa las byung ba lha'i mig dang / zag pa zad pa shes pa'i mngon par shes pa sa g.yo ba la sogs pa dang /'jig rten gyi khams thams cad na gnas pa'i sgra chung ngu dang cig shos thos pa dang / gzhan gyi sems 'dod chags dang bcas pa la sogs pa yongs su shes pa dang / rang dang gzhan gyi tshe rabs snga ma du ma rjes su dran pa dang /gzugs thams cad mthong ba dang / nyon mongs pa dang shes bya'i sgrib pa spong bar byed pa rnams gzod ma nas zhi ba nyid du rtogs par bya'o zhes ston pa mngon par shes pa drug la 'doms pa dang / mthong ba'i lam bden pa bzhis bsdus pa skad cig ma bcu drug gi ngo bo nyid chos dang rjes su shes pa'i bzod pa dang /shes pa'i bdag nyid la/ rnal 'byor pa chos thams cad ngo bo nyid med par rtogs pas sgyu ma mkhan bzhin du thams cad la mngon par zhen pa med pa'i lus can des spang bar bya ba'i dngos po'i gnyen po nyid du rnam par sgom par byed do zhes ston pa mthong ba'i lam la 'doms pa dang /'dus byas dang 'dus ma byas dag ngo bo gcig pa nyid kyis phan tshun tha dad par gdags par mi nus pa bzhin du/ ji skad bshad pa'i mthong ba'i lam gyis mngon sum du byas pa'i dngos po las tha mi dad pa la dmigs pa'i phyir mthong ba dang bsgom pa dag tha dad du gyur pa med pas bsgom pa'i lam mtshan nyid pa rnam par bzhag pa ni med kyi/'on kyang de ni rten cing 'brel bar 'byung ba'i chos nyid kyis des spang bar bya ba'i dngos po'i gnyen po nyid du rnam par sgom par byed do zhes bsgom pa'i lam la 'doms pa ste/de ltar na byang chub kyi sems dang / des 'phangs pa'i chos kyi ngo bo nyid kyi shes rab kyi pha rol tu phyin pa la sgrub pa'i rnam pa gang yin pa mi dmigs pa dang / de'i dmigs pa gang yin pa 'phags pa'i bden pa bzhi dang /rten gang yin pa skyabs gsum dang khyad par du 'gro ba'i rgyu gang yin pa ma chags pa dang / mi ldog par 'gro ba'i rgyu gang yin pa yongs su mi ngal ba dang / theg pa gzhan gyis mi 'gro ba'i rgyu gang yin pa lam yongs su 'dzin pa dang / gzhan gyis dring mi 'jog par 'gro ba nyid kyi rgyu gang yin pa spyan lnga dang /rnam pa thams cad mkhyen pa nyid yongs su rdzogs pa'i rgyu gang yin pa mngon par shes pa drug dang / mthar thug pa'i rgyu gang yin pa mthong ba dang bsgom pa'i lam dag ste/ de dag thams cad gdams ngag gi skabs su bstan te/ 'di tsam kho nas don thams cad phun sum tshogs par 'gyur bas gdams ngag ni rnam pa bcu'o//dge 'dun dkon mchog gi skabs su bde blag tu rtogs par bya ba'i phyir bar skabs kyi tshigs su bcad pa gnyis po/ dbang po rtul dang rnon po dag /dad dang mthong thob rigs nas rigs/ / bar chad gcig par skyes nas dang / /byed dang byed min 'og min 'gro/ /'phar gsum srid rtse'i mthar thug 'gro/ /gzugs kyi chags bcom mthong ba yi/ /chos la zhi lus mngon sum byed/ /bse ru dang ni nyi shu'o/ /zhes bya ba gsungs so/ /'chad par 'gyur ba'i lam shes pa nyid kyis bsdus pa mthong ba'i lam skad cig bcu drug la brten nas dad pa dang chos kyi rjes su 'brang ba'i bye brag gis 'bras bu dang po la zhugs pa rnam pa gnyis so//de'i 'og tu rgyun tu zhugs pa yin no/ /de'i 'og tu de nyid lha dang mi'i rigs nas rigs su skye ba nyid kyis gzhan rnam pa gnyis yin no//de'i 'og tu dbang po rtul po dang rnon po dad pa dang mthong bas thob pa dag 'bras bu gnyis pa la zhugs pa gcig kho na yin no/ /de'i 'og tu lan cig phyir 'ong ba yin no/ /de'i 'og tu de nyid gzhan bar chad gcig pa yin no/ / de'i 'og tu snga ma bzhin du dad pa dang mthong bas thob pa 'bras bu gsum pa la zhugs pa yin no/ /de'i 'og tu phyir mi 'ong ba ste/ bar ma do dang / skyes nas dang / mngon par 'du byed pa dang bcas pa dang / mngon par 'du byed pa med par yongs su mya ngan las 'da' ba zhes bya ba rnam pa bzhi'o//de'i 'og tu de nyid 'og min gyi mthar thug par 'gro ba ste/ 'phar ba dang phyed du 'phar ba dang / gnas thams cad du 'pho ba nyid kyis gong du 'pho ba gzhan rnam pa gsum mo/ /de'i 'og tu de nyid srid pa'i rtse mo'i mthar thug par 'gro ba ni gzugs kyi 'dod chags dang bral ba ste/mthong ba'i chos la zhi ba dang lus kyis mngon sum du byed pa gzhan rnam pa gnyis so/ /de'i 'og tu dgra bcom pa nyid kyi 'bras bu la zhugs pa yin no/ /de'i 'og tu rang sangs rgyas te nyi shu'o/ /las dang po pa de ltar gdams ngag thob pa la nges par 'byed pa'i yan lag 'byung bas nges par 'byed pa'i yan lag /dmigs pa dang ni rnam pa dang / /rgyu dang yongs su 'dzin pa dang / /byang chub sems dpa' skyob pa yi/ /drod sogs bdag nyid ji bzhin du/ /rnam rtog bzhi po ldan bsten pa//chung dang 'bring dang chen po rnams/ /nyan thos bse ru lta bu dang / /bcas pa dag las khyad par 'phags/ /zhes bya ba gsungs te/ byang chub sems dpa' rnams kyi thos pa la sogs pa rab kyi mthar phyin pa thob pa thar pa'i cha dang mthun pa dad pa la sogs pa'i mtshan nyid kyi dge ba'i rtsa ba'i 'og tu bden pa bzhi rtogs pa dang rjes su mthun pa nges par 'byed pa'i cha dang mthun pa bzhi po 'jig rten pa'i bsgoms pa las byung ba dro bar gyur pa zhes bya ba'i dge ba'i rtsa ba dang /de'i 'og tu rtse mor gyur pa dang / de'i 'og tu bzod par gyur pa dang / de'i 'og tu chos kyi mchog ces bya ba chung ngu la sogs pa'i rim gyis skye bas sam/byang chub sems dpa' dang 'brel pa'i dbang po rtul po la sogs pa gang zag gi bye brag gis chung ngu dang 'bring dang chen po 'chad par 'gyur ba dmigs pa'i khyad par gyi ngo bo nyid bden pa bzhi'i dngos po la dmigs pa dang /chos su lta ba'i gnyen po nyid kyis mngon par zhen pa med pa la sogs pa'i rnam par zhugs pa dang / theg pa gsum car rtogs pa'i rgyu'i ngo bo dang / dge ba'i bshes gnyen thabs la mkhas pa'i mtshan nyid kyis yongs su 'dzin pa dang ldan pa dang / mthong ba dang bsgom pas spang bar bya ba'i gzung ba dang 'dzin pa'i rnam par rtog pa rnam pa bzhi po 'chad par 'gyur ba'i tshul dang 'brel bar 'byung ba ni nyan thos la sogs pa'i dro ba la sogs pa las khyad par du 'phags pa yin no//de dag gi dro bar gyur pa la sogs pa'i dge ba'i rtsa ba ni/ lugs las gzugs su rung ba la sogs pa'i mtshan nyid kyi dngos po'i bdag nyid kyi bden pa bzhi la dmigs pa dang /bdag tu lta ba'i gnyen po nyid kyis mi rtag pa la sogs pa'i rnam par zhugs pa dang / rang gi theg pa rtogs pa kho na'i ched du dang / yongs su 'dzin pa dang bral ba dang /rnam par rtog pa rnam pa bzhi dang mi ldan par 'byung ngo zhes 'byung ba'i phyir ro/ /byang chub sems dpa' rnams kyi nges par 'byed pa'i cha dang mthun pa rnams ni/ thabs mkhas pa'i stobs kyis kha cig tu ni rgyu'i sgo nas/ kha cig tu ni 'bras bu'i sgo nas/ kha cig tu ni ngo bo nyid kyi sgo nas/kha cig tu ni chos nyid kyi rnam pa'i sgo nas/ ji ltar srid pa bzhin bden pa bzhi'i dngos po la dmigs pa yin la/ snga ma bzhin du rnam pa gzhan gyis kyang bden pa bzhi la kun du dmigs so zhes bya bar shes par bya'o/ /mdor bsdus te rnam par bkrol ba tsam du brjod par 'dod pas ma spros so//gang gi phyir 'di ni rnam par gzhag pa gzhan kho na yin te/ de'i phyir theg pa gzhan la brten nas ni gang du yang sun 'byin pa brjod par mi bya'o/ /dmigs pa dang rnam pa'i khyad par ji lta bu yin zhe na/ de'i phyir dmigs pa dang rnam pa dag bar skabs kyi tshigs su bcad pa bdun gyis bshad de/dmigs pa mi rtag la sogs pa/ /bden pa'i rten can de yi ni/ /rnam pa mngon zhen la sogs 'gog /theg pa gsum car 'thob pa'i rgyu/ /gzugs sogs 'du 'god gnas bral dang / /gnas dang btags dang brjod du med//ces bya'o/ /de la chung ngu'i dmigs pa ni sdug bsngal la sogs pa'i bden pa bzhi po la rten pa mi rtag pa la sogs pa'i rnam pa bcu drug yin no/ /de'i rnam pa ni sdug bsngal la sogs pa'i bden pa la mngon par zhen pa dang dmigs pa la sogs pa 'gog pa yin no//dro ba la sogs pa thams cad kyang theg pa gsum car rtogs pa 'thob pa'i rgyu'i ngo bo yin par khong du chud par bya'o/ /'bring gi dmigs pa ni mos pa dang de kho na nyid yid la byed pa dag gis grangs bzhin du gzugs la sogs pa bsgrub pa dang / dgag pa dag mi dmigs shing ma mthong ba zhes bya ba yin no//rnam pa ni ming thams cad med pa nyid kyis rgyun mi 'dra ba dang rgyun 'dra bar 'jug pa'i mtshan nyid dag med pa zhes bya ba yin no/ /chen po'i dmigs pa ni gzugs nas sangs rgyas zhes bya ba'i bar chos thams cad brdar btags pa'i chos tha snyad pa yin no zhes bya ba yin no//rnam pa ni dge ba la sogs pa nyid kyi chos gang du yang brjod du med pa zhes bya ba yin te/ de ltar na rnam par mi rtog pa'i ye shes kyi me'i snga ltas yin pa'i phyir dro bar gyur pa dmigs pa dang rnam pa dang ldan pa rnam pa gsum mo//gzugs sogs mi gnas de dag ni/ /de yi ngo bor rang bzhin med/ /de dag gcig gi rang bzhin gcig /de mi rtag sogs par mi gnas/ /de rnams de yi ngo bos stong / /de dag gcig gi rang bzhin gcig /chos rnams mi 'dzin gang yin dang //de dag mtshan mar mi mthong phyir/ /shes rab kyis ni yongs rtog pa/ /thams cad dmigs su med par ro/ /zhes bya ba la/ chung ngu'i dmigs pa ni gzugs la sogs pa ni gzugs la sogs pa rang gi ngo bo dang bral ba'i ngo bo nyid yin pas/ rang gi ngo bo stong pa nyid kyis gzugs la sogs pa la mi gnas pa zhes bya ba yin no//rnam pa ni don dam par gzugs la sogs pa'i chos thams cad dang / stong pa nyid dag phan tshun ngo bo gcig yin pas stong pa nyid la mi rtag pa la sogs pa med pa nyid kyis gzugs la sogs pa de dag la rtag pa dang mi rtag pa la sogs pa nyid du mi gnas pa zhes bya ba yin no//'bring gi dmigs pa ni chos kyi dbyings kyi ngo bo nyid kyis mi rtag pa la sogs pa dang stong pa nyid rnams ni rang gi ngo bo nyid med pa yin pas/ mi rtag pa nyid la sogs pa dang stong pa nyid dag phan tshun bdag nyid gcig pa zhes bya ba yin no//rnam pa ni ngo bo nyid bkag pas gzugs la sogs pa la rang gir mi byed pa zhes bya ba gang yin pa de yin no/ /chen po'i dmigs pa ni ngo bo nyid med pa nyid kyis gzugs la sogs pa de dag la sngon po la sogs pa'i mtshan mar mi mthong ba zhes bya ba yin no//rnam pa ni shes rab kyis yang dag par chos rab tu rnam par 'byed pas dngos po thams cad mi dmigs par nges par rtog pa zhes bya ba yin no/ /de ltar na dge ba'i rtsa ba g.yo ba'i rtse mo yin pa'i phyir rtse mor gyur pa dmigs pa dang rnam pa dang ldan pa rnam pa gsum mo//gzugs sogs ngo bo nyid med nyid/ /de med pa nyid ngo bo nyid/ /de dag skye med nges 'byung med/ /dag dang de dag mtshan ma med/ /de yi mtshan mar mi rten pas/ /mos min 'du shes med pa yin/ /ces bya ba la/ chung ngu'i dmigs pa ni mtshan nyid kyi ngo bo nyid dang /ngo bo nyid kyi mtshan nyid dag stong pa nyid du gcig pa nyid kyis gzugs la sogs pa'i ngo bo nyid med pa nyid ces bya ba yin no/ /rnam pa ni skye bo dmigs pa can gyi ngor gzugs la sogs pa dngos po med pa nyid ngo bo nyid do zhes bya ba yin no/ / 'bring gi dmigs pa ni rang bzhin gyis ma skyes pa nyid kyis gzugs la sogs pa la skye ba yang med mya ngan las 'das pa yang med ces bya ba yin no/ /rnam pa ni chos thams cad kyi rang gi ngo bo rtogs pa kho nas lus la sogs pa rnam pa thams cad du rnam par dag pa zhes bya ba yin no//chen po'i dmigs pa ni rang dang spyi'i mtshan nyid mi 'thad pas chos thams cad mtshan ma med pa nyid do zhes bya ba yin no/ /rnam pa ni rang bzhin kho nas gzugs la sogs pa'i mtshan ma rnams kyi rten dang bral ba nyid kyis mos pa yid la byed pas mi mos shing de kho na nyid yid la byed pas yongs su shes pa med pa zhes bya ba yin te/de ltar na ngan 'gro med pas chos chen po la bzod pa'i phyir bzod par gyur pa dmigs pa dang rnam pa dang ldan pa rnam pa gsum mo/ /ting 'dzin de yi byed pa nyid/ /lung ston pa dang rlom pa zad//gsum po phan tshun ngo bo gcig /ting 'dzin rnam par mi rtog pa/ /de ltar nges 'byed cha mthun ni/ /chung dang 'bring dang chen po yin/ /zhes bya ba la chung ngu'i dmigs pa ni chos thams cad skye ba med pa dang dpa' bar 'gro ba la sogs pa'i ting nge 'dzin bsgom par bya'o zhes bya ba yin no//rnam pa ni rang gi smon lam dang bsod nams dang ye shes dang chos kyi dbyings kyi stobs kyis lhun gyis grub par 'jig rten gyi khams thams cad du skal ba ji lta ba bzhin du ting nge 'dzin gyi byed pa 'jug pa zhes bya ba yin no//'bring gi dmigs pa ni yang dag par zhugs pa'i ting nge 'dzin dang ldan pa'i rnal 'byor pa la sangs rgyas rnams lung ston par mdzad pa 'di ni chos nyid do zhes bya ba yin no/ /rnam pa ni rnam par rtog pa thams cad mi 'thad pas byang chub sems dpa' ting nge 'dzin gyi rang gi ngo bo rtogs pa la bdag ni mnyam par bzhag pa'o snyam pa la sogs pa'i shes pa mi 'byung ba zhes bya ba yin no//chen po'i dmigs pa ni chos nyid kyis ting nge 'dzin dang byang chub sems dpa' dang shes rab kyi pha rol tu phyin pa dang don gsum phan tshun ngo bo gcig pa'o zhes bya ba yin no//rnam pa ni chos thams cad yod pa ma yin pa nyid kyis ting nge 'dzin du rnam par mi rtog pa ni thabs dam pa'o zhes bya ba yin te/ de ltar na 'jig rten pa'i chos thams cad kyi mchog yin pa'i phyir chos kyi mchog ces bya ba dmigs pa dang rnam pa dang ldan pa rnam pa gsum mo//dmigs pa mi rtag la sogs pa/ /bden pa'i rten can/ zhes bya ba ma gtogs par/ dmigs pa dang rnam pa khyad par can gyi chos can dang chos brjod pas brjod par bya ba yin yang dmigs pa dang rnam pa khyad par can gyi chos brjod pas thams cad du brjod pa ni/khyad par gzhan spong ba dang mi spong ba ma gtogs par 'di dag la don gyi khyad par ni 'ga' yang med do zhes lugs las 'byung ba'i phyir ro/ /rnam pa gcig tu na tshig le'ur byas pa bsdeb pa'i ngor tha dad par brjod kyang / mngon par zhen pa la sogs pa bkag pa dang ldan pa dag de kho nar sgrub pa dang dgag pa dang bral bar 'gyur ba'i phyir sdug bsngal la sogs pa'i bden par gtogs pa kho na dmigs pa dang rnam par bya ba yin te 'og ma dag la yang de bzhin du shes par bya'o//rnam par rtog pa bzhi dang ldan pa yang don gsal bar bya ba'i phyir bar skabs kyi tshigs su bcad pa/gzhi dang de yi gnyen po yis/ /gzung bar rtog pa rnam pa gnyis/ /rmongs dang phung sogs bye brag gis/ /de ni so sor rnam pa dgu/ /zhes bya ba gsungs te/ gzung bar rnam par rtog pa kun nas nyon mongs pa'i gzhi'i rten can dang gnyen po'i rten can nyid kyis rnam pa gnyis la ma rig pa dang rnam par byang ba'i phung po la sogs pa'i rab tu dbye bas rnam pa dgu'o//rdzas dang btags pa'i rten can gyis/ /'dzin pa'ang rnam pa gnyis su 'dod/ /rang dbang bdag sogs ngo bo dang / /phung sogs rten las de bzhin no//zhes bya ba ni/ gang zag rdzas su yod pa dang / skyes bu btags par yod pa la dmigs pas 'dzin par rnam par rtog pa yang rnam pa gnyis yin la/ bdag rang dbang can dang / phung po la sogs pa la dmigs pa nyid kyis so sor de ltar rnam pa dgu'o/ /de la mdor bsdus pa'i don ni 'di yin te/kun nas nyon mongs pa'i gzhi'i rten can/ ma rig pa dang / gzugs la sogs pa'i phung po dang / ming dang gzugs la mngon par zhen pa dang / mtha' gnyis la chags pa dang / kun nas nyon mongs pa dang rnam par byang ba mi shes pa dang /'phags pa'i lam la mi gnas pa dang / dmigs pa dang / bdag la sogs pa dang / rnam par dag pa skyed pa la sogs pa la gzung bar rnam par rtog pa rnams dang / gnyen po'i rten can/ phung po dang / skye ba'i sgo dang / rigs dang / skye ba dang / stong pa nyid dang / pha rol tu phyin pa'i don dang / mthong ba dang / bsgom pa dang / mi slob pa'i lam la gzung bar rnam par rtog pa rnams dang / gang zag rdzas su yod pa'i rten can bdag /rang dbang can dang / gcig pu dang / rgyu dang / lta ba po la sogs pa'i bdag dang / kun nas nyon mongs pa dang /'dod chags dang bral ba dang / mthong ba dang / bsgom pa dang / don byas pa'i rten la 'dzin par rnam par rtog pa rnams dang / skyes bu btags par yod pa'i rten can phung po dang skye mched dang / khams dang / rten cing 'brel par 'byung ba dang / rnam par byang ba dang / mthong ba dang / bsgom pa dang / khyad par dang / mi slob pa'i lam la 'dzin par rnam par rtog pa rnams te/ de lta bu'i rnam par rtog pa bzhi dang nges par 'byed pa'i cha dang mthun pa bzhi po grangs bzhin du ldan pa yin no/ /tshigs su bcad pa sbyar ba dang mthun par yongs su 'dzin pa sngar gsungs na yang de'i stobs kyis ji skad bshad pa khyad par du 'gyur ro zhes bstan pa'i phyir yang mjug thogs su bar skabs kyi tshigs su bcad pa/sems mi 'gong ba nyid la sogs/ /ngo bo nyid med sogs ston byed/ /de yi mi mthun phyogs bor ba//rnam pa kun du yongs 'dzin yin/ /zhes bya ba gsungs te/ sems mi 'gong zhing mi skrag pa la sogs pa'i thabs mkhas pas bsam pa ji lta ba bzhin du dngos po mtha' dag bdag med pa la sogs par ston par byed pa/ mi mthun pa'i phyogs kyi chos ser sna la sogs pa dang mi ldan pa ni dge ba'i bshes gnyen yin pas yongs su 'dzin pa yin no//sgrub pa dang ldan pa la nges par 'byed pa'i cha dang mthun pa ji skad bshad pa dang / mthong ba'i lam la sogs pa gzhan yang 'byung bas sgrub pa'i rten du gyur pa/ rtogs pa yi ni chos drug dang //gnyen po dang ni spong ba dang / /de dag yongs su gtugs pa dang / /shes rab snying brtser bcas pa dang / /slob ma thun mong min nyid dang / /gzhan gyi don gyi go rims dang / /ye shes rtsol ba mi mnga' bar/ /'jug pa'i rten la rigs shes bya//zhes bya ba gsungs so/ /re zhig dang por 'jig rten pa'i nges par 'byed pa'i cha dang mthun pa rnams so/ /de'i 'og tu 'jig rten las 'das pa mthong ba'i lam dang bsgom pa'i lam dag go/ /de'i 'og tu de dag skyes pa'i stobs kyis rkun po phyung ba dang sgo 'phar bcad pa ltar dus mnyam du gnyen po dang mi mthun pa'i phyogs skye ba dang 'gag pa dag go//de'i 'og tu de dag mi dmigs pas de dag skye ba dang 'gag pa dang ldan pa'i rnam par rtog pa spangs pa'o/ /de'i 'og tu sngon gyi smon lam dang sbyin pa la sogs pa thabs la mkhas pa'i stobs kyis 'khor ba dang mya ngan las 'das pa la mi gnas pa'i mtshan nyid kyi shes rab dang thabs so//de'i 'og tu de dag skyes pas nyan thos la sogs pa dang thun mong ma yin pa'i chos so/ /de'i 'og tu bsam pa ji lta ba bzhin du gzhug pa la sogs pa la ldem por dgongs pa'i sgo nas theg pa gsum gyi lam la dgod pa'i mtshan nyid kyi gzhan gyi don gyi go rims so//de'i 'og tu 'khor ba ji srid par mtshan ma med cing lhun gyis grub par gzhan gyi don gyi ye shes 'byung ba'i phyir te/ 'di ni go rims yin no/ /'dis kyang skyes bu'i don thams cad phun sum tshogs pa yin no//sgrub pa'i chos kyi gnas skabs tha dad pa'i bye brag gis byang chub sems dpa' rnam pa bcu gsum po ji skad du bshad pa'i chos kyi gzhir gyur pa'i chos kyi dbyings kyi ngo bo nyid kho na la rigs zhes bstan to/ /gal te chos kyi dbyings kho na 'phags pa'i chos rtogs par 'gyur ba'i rgyu yin pa'i phyir de'i bdag nyid can gyi byang chub sems dpa' bla na med pa'i sangs rgyas kyi chos rnams kyi rang bzhin du gnas pa'i rigs yin na /'o na ni de'i tshe de ni spyir gnas pa yin pa'i phyir byang chub sems dpa' kho na ma yin no snyam pa'i skye bo blo dman pa'i ngor dogs pa bsu nas bar skabs kyi tshigs su bcad pa/chos kyi dbyings la dbyer med phyir/ /rigs ni tha dad rung ma yin/ /zhes bya ba gsungs so/ /ji ltar nyan thos kyi theg pa la sogs pa rtogs pa'i rim gyis dmigs pa de bzhin du/'phags pa'i chos rtogs par bya ba'i phyir/ chos kyi dbyings rgyu'i ngo bor rnam par 'jog pa'i sgo nas rigs nyid du tha snyad 'dogs so/ /zhes bya ba'i lan zhig kyang gzigs mod kyi/ sla chos nyid du 'jig rten pa'i dngags kyis lan gzhan du/ rten pa'i chos kyi bye brag gis/ /de yi dbye ba yongs su brjod/ /ces bya ba gsungs te/ dper na 'jim pa gcig las mngon par grub cing me lce gcig gis so btang ba'i rten bum pa la sogs pa/ brten pa sbrang rtsi dang li kha ra la sogs pa'i snod nyid kyis tha dad pa de bzhin du/ rten pa'i chos theg pa gsum gyis bsdus pa/rtogs par bya ba tha dad pa nyid kyis rten tha dad pa nyid do zhes bstan to/ /ji skad bshad pa'i sgrub pa'i rten gyi dmigs pa gang yin zhe na/ dmigs pa/ dmigs pa chos rnams thams cad de/ /de yang dge la sogs pa yin//'jig rten pa yi rtogs pa dang / /gang dag 'jig rten 'das 'dod dang / /zag bcas zag pa med chos dang / /gang dag 'dus byas 'dus ma byas/ /slob ma thun mong chos rnams dang / /gang dag thub pa'i thun mong min/ /zhes bya ba gsungs te/re zhig dang por spyir dge ba dang mi dge ba dang lung du ma bstan pa ste go rims bzhin du dge sbyong gi tshul nyid dang srog gcod pa la sogs pa dang lung du ma bstan pa'i lus kyi las la sogs pa'o/ /de'i 'og tu de dag nyid la 'jig rten pa la sogs pa rnam pa gnyis po'i dbye ba bzhi nyid kyis lhag ma rnams te grangs bzhin du byis pa'i skye bo thams cad dang 'brel ba'i phung po lnga dang /'phags pa'i skye bo thams cad kyis bsdus pa'i bsam gtan bzhi dang / bdag tu lta ba'i gnyen po ma yin pa'i nye bar len pa'i phung po lnga dang / der lta ba'i gnyen po dran pa nye bar gzhag pa bzhi dang /rgyu dang rkyen la rag las pa 'dod pa'i khams la sogs pa dang / rgyu la mi ltos pa de bzhin nyid dang / 'phags pa'i skye bo thams cad kyi rgyud la 'byung ba'i bsam gtan bzhi dang / yang dag par rdzogs pa'i sangs rgyas kyi rgyud la 'byung ba'i chos can stobs bcu ste/de lta bu la sogs pa chos thams cad ji lta ba bzhin du rtogs pa'i rim gyis dmigs pas na/ dmigs pa rnam pa bcu gcig go/ /dmigs pa de lta bu la sgrub pa'i ched du bya ba gang yin zhe na/ ched du bya ba/ sems can kun mchog nyid sems dang //spong dang rtogs dang gsum po la/ /chen po gsum gyi rang 'byung gi/ /ched du bya ba 'di shes bya/ /zhes bya ba gsungs so/ /rnam pa thams cad du rnam pa thams cad mkhyen pa nyid yongs su shes pa'i sgo nas 'byung bar 'gyur ba'i sangs rgyas byang chub sems dpa' rnams nyid kyi/sems can thams cad sems can kun gyi mchog nyid kyi sems chen po nyid dang / spong ba chen po nyid dang / rtogs pa chen po nyid kyi dbang du byas te/ de ltar sgrub pa la 'jug pa de'i phyir chen po nyid gsum dang ldan pas tshad du bya ba gsum du shes par bya'o//de ltar sgrub pa'i rten du gyur pa la sogs pa brjod nas/ de'i rang gi ngo bo gang yin zhe na/ thams cad mkhyen pa nyid gsum gyi yul la spyir dge ba'i chos kyi rten can dang rnam pa kun mngon par rdzogs par rtogs pa la sogs pa mngon par rtogs pa rnam pa bzhi la/mngon par rtogs pa re re zhing pha rol tu phyin pa drug gi rten can gyi bya ba ni sgrub pa ste/ de ltar ji lta ba bzhin du sbyor ba dang mthong ba dang bsgom pa dang khyad par gyi lam gyi ngo bo nyid kyi sgrub pa'i mtshan nyid go cha dang 'jug pa dang tshogs dang nges par 'byung ba rnams kyi nang nas brtson 'grus kyi ngo bo nyid kyis dang po go cha'i sgrub pa gsungs pa/de dag so sor sbyin la sogs/ /rnam pa drug tu bsdus pa yis/ /go cha'i sgrub pa gang yin de / /drug tshan drug gis ji bzhin bshad/ /ces bya ba yin te/ chos kyi sbyin pa la sogs pa sbyin par byed pa na/nyan thos kyi yid la byed pa la sogs spong ba dang / skye bo thams cad kyis mi snyan par smra ba nyid bzod pa dang / 'dun pa skyed pa dang / theg pa gzhan dang ma 'dres pa'i rtse gcig pa nyid dang / bla na med pa yang dag par rdzogs pa'i byang chub tu bsngo ba rnams/go rims bzhin du sbyin par bya ba la sogs pa mi dmigs pa'i go cha nyid kyis byed pa dang / de bzhin du tshul khrims srung bar byed/ bzod pa rdzogs par byed/ brtson 'grus rtsom/ bsam gtan sgrub/ shes rab sgom par byed do/ /de ltar sbyin pa la sogs pa'i pha rol tu phyin pa so sor sbyin pa la sogs pa bsdus pas na drug tshan drug gis/rnam pa sum cu rtsa drug yin mod kyi sbyin pa la sogs pa drug chos mthun pa'i phyir go cha'i sgrub pa rnam pa drug go/ //bam po gnyis pa/ de ltar go bgos pa la 'jug pa 'byung bas gnyis pa 'jug pa'i sgrub pa/bsam gtan gzugs med sbyin sogs dang / /lam dang byams la sogs pa dang / /dmigs pa med dang ldan pa dang / /'khor gsum rnam par dag pa dang / /ched du bya dang mngon shes drug / rnam kun mkhyen pa'i tshul la ni/ /'jug pa'i sgrub pa theg chen la/ /'dzeg pa yin par shes par bya/ /zhes bya ba gsungs te/ bsam gtan dang gzugs med pa'i snyom par 'jug pa dang / sbyin pa la sogs pa pha rol tu phyin pa drug dang / mthong ba dang / bsgom pa dang /mi slob pa dang khyad par gyi lam dang / tshad med pa bzhi dang / mi dmigs pa dang ldan pa dang / dngos po thams cad la 'khor gsum dag pa dang / ched du bya ba dang / mngon par shes pa drug dang / rnam pa thams cad mkhyen pa nyid dag la yang dag par gnas pa'i mtshan nyid ni/theg pa chen po'i chos mtha' dag gnon pa'i ngo bo nyid yin pas 'jug pa'i sgrub pa rnam pa dgu'o/ /de ltar 'jug pa byas pa la tshogs skye bas gsum pa tshogs kyi sgrub pa/ brtse dang sbyin la sogs pa drug /zhi gnas lhag mthong bcas pa dang / / zung du 'brel pa'i lam gang dang / /thabs la mkhas pa gang yin dang / /ye shes dang ni bsod nams dang / /lam dang gzungs dang sa bcu dang / /gnyen po'i tshogs kyi sgrub pa yi/ /rim pa yin par shes par bya/ /zhes bya ba gsungs te/ snying rje chen po dang / sbyin pa dang /tshul khrims dang / bzod pa dang / brtson 'grus dang / bsam gtan dang / shes rab dang / zhi gnas dang / lhag mthong dang / zung du 'brel ba'i lam dang / thabs mkhas pa dang / ye shes dang / bsod nams dang / mthong ba la sogs pa'i lam dang /tshig la sogs pa'i gzungs dang / sa dang gnyen po rnams mi dmigs pas kun rdzob kyi bden pa las mi 'da' bar theg pa chen po'i don mtha' dag sgrub pas snying rje la sogs pa 'di dag gis yang dag par 'grub pa'i ngo bos byang chub chen po 'dzin par byed pa'i phyir na snying rje chen po la sogs pa ni tshogs yin pas/tshogs kyi sgrub pa rnam pa bcu bdun no/ /de la ye shes kyi tshogs ni/ nang dang / phyi dang / de gnyis ka dang / stong pa dang / chen po dang / don dam pa dang / 'dus byas dang / 'dus ma byas dang / mtha' las 'das pa dang / thog ma dang / tha ma med pa dang / dor ba med pa dang / rang bzhin dang / chos thams cad dang / rang gi mtshan nyid dang / mi dmigs pa dang / dngos po med pa'i ngo bo nyid dang / dngos po dang dngos po med pa dang / rang gi ngo bo dang / gzhan gyi ngo bo stong pa nyid kyi bye brag gis rnam pa nyi shu'o//'dir smras pa/ nang dang phyi rol rnams dang ni/ /gnyis dang stong pa'i dngos po dang / /phyogs dang mya ngan 'das lam dang / /rkyen las skyes dang cig shos dang / /mtha' 'das thog ma dor ba med/ /rang bzhin dang ni chos kun dang / / chos skye la sogs 'das sogs dang / /ldan dang cig shos ngo bo dang / /mkha' dang stong pa zhes bya dang / /chos kyi gzhan gyi ngo bo nyid/ /rang rang ngo bos stong pa'i phyir/ /stong pa nyid ni nyi shur 'dod/ /sa'i tshogs la sa gang gi yongs su sbyong bar 'gyur ba'i chos gang dag yin pa de dag bstan pa'i phyir bar skabs kyi tshigs su bcad pa nyi shu rtsa gsum gsungs pa /yongs su sbyong ba rnam bcu yis/ /sa ni dang po 'thob 'gyur te/ /bsam dang phan pa'i dngos nyid dang / /sems can rnams la sems mnyam nyid/ /gtong dang bshes gnyen sten pa dang //dam chos dmigs pa tshol ba dang / /rtag tu nges 'byung sems nyid dang / /sangs rgyas skur 'dod dga' ba dang / /chos ston pa dang bden pa yi/ /tshig ni bcu pa yin par 'dod/ /'di dag rang bzhin mi dmigs pas/ /yongs su sbyong bar shes par bya//zhes bya ba ni/ rim pa ji lta ba bzhin gzhi thams cad la gya gyu med pa'i bsam pa dang / rang dang gzhan gyi dgos pa la phan pa nyid dang / sems can thams cad la sems gcig pa nyid dang / bdog pa thams cad yongs su gtong ba dang / dge ba'i bshes gnyen mgu bar byed pa dang /theg pa gsum du gtogs pa'i dam pa'i chos kyi dmigs pa 'dod pa dang / khyim na gnas pa la mngon par mi dga' ba dang / bla na med pa'i sangs rgyas kyi sku 'dod pa dang / dam pa'i chos rab tu ston pa dang / bden par smra ba nyid ces bya ba de lta bu'i mtshan nyid kyi chos bcus rnam pa thams cad du bskyed par bya ba yin pa'i phyir/ yongs su sbyong ba'i rgyu'i khyad par ngo bo nyid mi dmigs pas khyad par du byas pa'i mtshan nyid kyi yongs su sbyong ba dag kho nas sa dang po rab tu dga' ba 'thob pa yin no//tshul khrims byas pa gzo dang bzod/ /rab tu dga' dang snying brtse che/ /bkur sti bla ma la gus nyan/ /brgyad pa sbyin la sogs la brtson/ /zhes bya ba ni/ dge ba'i chos dang / sems can gyi don bya ba dang / sdom pa'i tshul khrims dang /gzhan gyis phan pa byas pa dran pa dang / gzhan gyis gnod pa byas pa la sogs pa bzod pa dang / dge ba'i chos sgrub pa la 'gyod pa med pa dang / skye bo thams cad la byams pa dang / mkhan po la sogs pa la 'dud pa dang / dge ba'i bshes gnyen gyis bstan pa'i chos sgrub pa dang /sbyin pa la sogs pa'i pha rol tu phyin pa drug la spro ba zhes bya ba de lta bu'i yongs su sbyong ba snga ma bzhin yongs su sbyang ba byas pa'i khyad par rnam pa brgyad kyis sa gnyis pa dri ma med pa 'thob pa yin no/ /thos pas mi ngoms nyid dang ni//zang zing med par chos sbyin dang / /sangs rgyas zhing kun sbyong ba dang / /'khor bas yongs su mi skyo dang / /ngo tsha khrel yod ces bya ba/ /rlom med bdag nyid de rnam lnga/ zhes bya ba ni/ dam pa'i chos mnyan pas ngoms mi shes pa dang / rnyed pa la sogs pa la mi lta ba'i sems kyis dam pa'i chos rab tu ston pa dang / rang gi sangs rgyas kyi zhing rten dang brten pa kun du sbyong ba dang / phan btags pa'i sems can mi mthun pa la sogs pa mthong bas yongs su mi skyo ba dang / rang dang gzhan la ltos nas mi dge ba'i chos mi byed pa zhes bya ba de lta bu'i yongs su sbyong ba rnam pa lnga po//snga ma bzhin du ngo bo nyid du mi rtog pas yongs su sbyang ba byas pas sa gsum pa 'od byed pa rtogs pa yin no/ /nags gnas 'dod chung chog shes dang / /sbyangs pa yang dag sdom bsten dang / / bslab pa yongs su mi gtong dang / /'dod pa rnams la smod pa dang / /mya ngan 'das dang bdog kun gtong / /mi zhum pa dang lta ba med/ /ces bya ba ni/ dgon par gnas pa dang / rnyed pa ma thob pa la mngon par 'dod pa med pa dang / rnyed pa thob pa la lhag par don du gnyer ba med pa dang /bsod snyoms pa nyid la sogs pa sbyangs pa'i yon tan yang dag par sdom pa dang / bslab pa blangs pa srog la sogs pa'i phyir yang yongs su mi gtong ba dang / 'dod pa'i yon tan la nyes dmigs su lta bas smod pa dang / gdul bya dang 'tsham par mya ngan las 'das pa la gzhol bar byed pa dang /bdog pa thams cad yongs su gtong ba dang / dge ba sgrub pa la sems mi zhum pa dang / dngos po thams cad la mi lta ba zhes bya ba de lta bu'i yongs su sbyong ba snga ma lta bu rnam pa bcus sa bzhi pa 'od 'phro ba can gnon pa yin no//'dris dang khyim la 'khren pa dang / /'du 'dzir gyur pa'i gnas dang ni/ /bdag bstod gzhan la brnyas pa dang / /mi dge'i las kyi lam bcu dang / /rlom pas khengs dang phyin ci log /blo ngan dang ni nyon mongs bzod/ /bcu po 'di ni rnam spangs na//sa lnga pa ni yang dag 'thob/ /ces bya ba ni/ rnyed pa la sogs pa'i don du rab tu byung ba la sogs pa dang 'grogs pa dang / dad pa can gyi khyim nye bar mi ston pa dang / skye bo mang po'i grong la sogs pa dang / bdag la bsngags pa dang / gzhan la smod pa dang / mi dge ba'i las kyi lam bcu dang / thos pa la sogs pas rlom zhing gzhan la mi 'dud pa dang / dge ba dang mi dge ba la bzlog ste mngon par zhen pa dang / log par lta ba la sogs pa blo gros ngan pa dang / 'dod chags la sogs pa nyon mongs pa thams cad la phyogs par byed pa zhes bya ba de lta bu'i mtshan nyid kyi chos bcu rnam par spong zhing bzlog pa'i chos don gyis 'phangs pa yongs su sbyong ba rnam pa bcus snga ma bzhin du sa lnga pa sbyang dka' ba 'thob pa yin no//sbyin dang tshul khrims bzod brtson 'grus//bsam gtan shes rab rab rdzogs pas/ /slob ma dang ni bse ru la/ /dga' dang skrag pa'i sems spangs pa/ /bslangs na mi zhum bdog pa kun/ /btang yang mi dga' med pa dang / /dbul yang slong ba mi spong bas/ /sa ni drug pa yang dag 'thob/ / ces bya ba ni/ /pha rol tu phyin pa drug yongs su rdzogs pas nyan thos dang rang sangs rgyas la 'dod pa dang / ngo bo nyid mi dmigs pa la skrag pa dang / slong ba po'i skye bos bslangs na zhum pa dang / bdog pa thams cad rang gi ngang gis gtong bar zhugs pa la mi dga' ba dang / bkren yang slong ba'i skye bo spong ba'i sems spong ba ste/ de lta bu'i yongs su sbyong ba bcu gnyis kyis snga ma bzhin du sa drug pa mngon du gyur pa kun shes par 'gyur ba yin no/ /bdag dang sems can 'dzin pa dang / /srog dang gang zag chad rtag dang / /mtshan ma rgyu dang phung po dang /khams dang skye mched dag dang ni/ /khams gsum po la gnas dang chags/ /sems ni kun du zhum pa dang / /dkon mchog gsum dang tshul khrims la/ /der lta ba yi mngon zhen dang / /stong pa nyid la rtsod pa dang / /de dang 'gal ba'i nyes pa ni/ /nyi shu gang la rnam chad pa//de yis sa ni bdun pa 'thob/ /ces bya ba ni/ bdag dang / sems can dang / srog dang / gang zag dang / chad pa dang / rtag pa dang / mtshan ma dang / rgyu dang / phung po dang / khams dang / skye mched dang / khams gsum pa la gnas pa dang / chags pa dang / sems kun du zhum pa dang / sangs rgyas dang / chos dang / dge 'dun dang / tshul khrims su lta ba'i mngon par zhen pa dang / stong pa nyid la rtsod pa dang / 'gal ba rjod pa 'dzin pa yongs su spangs pa ste/ nyes pa de lta bu nyi shu dang bral nas/ bzlog pa'i chos don gyis 'phangs pa yongs su sbyong ba rnam pa nyi shus snga ma bzhin du sa bdun pa ring du song ba kun shes par 'gyur ba yin no//don gyis 'phangs pa'i chos nyid bstan pa'i phyir/ rnam thar sgo gsum shes pa dang / /'khor gsum rnam par dag nyid dang / /snying rje dang ni rlom med dang //chos mnyam nyid dang tshul gcig shes/ /mi skye ba dang bzod shes dang / /chos rnams rnam pa gcig tu ston/ /rtog pa kun du 'joms pa dang / /'du shes lta dang nyon mongs spong / /zhi gnas nges par sems pa dang / /lhag mthong la ni mkhas pa dang //sems dul ba dang thams cad la/ /thogs pa med pa'i ye shes dang / /chags pa'i sa min gar 'dod par/ /zhing gzhan du ni mnyam 'gro dang / /kun du bdag gi ngo bo ni/ /ston pa nyid dang nyi shu'o/ /zhes bya ba gsungs te/ rnam par thar pa'i sgo stong pa nyid dang /mtshan ma med pa dang / smon pa med pa yang dag par shes pa dang / dge ba bcu'i las kyi lam la gsad par bya ba dang / gsod pa po dang / bsad pa mi dmigs pa la sogs pa dang / skye bo thams cad la dmigs pa'i snying brtse ba dang / dngos por dmigs pa med pa dang /chos thams cad mnyam pa nyid du rtogs pa dang / theg pa chen po gcig tu rtogs pa dang / mi skye ba yongs su shes pa dang / chos zab mo la nges par rtogs pa'i bzod pa khong du chud pa dang / shes bya thams cad theg pa chen po'i thabs kyi sgo nas rab tu ston pa dang /rtog pa thams cad gcod pa dang / mtshan mar 'dzin pa'i rtog pa med pa dang / 'jig tshogs la lta ba la sogs pa lnga 'dor ba dang / 'dod chags la sogs pa nyon mongs pa spong ba dang / zhi gnas sgom pa dang / shes rab dang thabs la mkhas par byed pa dang /sems nye bar zhi ba dang / gzugs la sogs pa la thogs pa med pa'i ye shes dang / mngon par zhen pa'i gnas ma yin pa dang / ji ltar 'dod pa bzhin du dus mnyam du sangs rgyas kyi zhing thams cad du 'gro ba dang / gdul bya dang mthun par thams cad du bdag gi lus rab tu ston pa zhes bya ba yongs su sbyong ba rnam pa nyi shu po 'dis kyang snga ma bzhin du sa bdun pa rtogs par 'gyur ba yin no//sems can kun yid shes pa dang / /mngon par shes pas brtse ba dang / /sangs rgyas zhing bzang sgrub pa dang / /yongs su brtag phyir sangs rgyas bsten//dbang po shes dang rgyal ba yi/ /zhing sbyong sgyu ma ltar gnas dang / /bsams bzhin srid pa len pa dang / /las ni rnam pa 'di brgyad bshad/ /ces bya ba ni/ sems can thams cad kyi sems kyi spyod pa ji lta ba bzhin shes pa dang / 'jig rten gyi khams su rdzu 'phrul gyi mngon par shes pas brtse ba dang / sangs rgyas kyi zhing rten gser la sogs pa'i ngo bor yongs su bsgyur ba dang / rnam pa thams cad du chos yongs su brtag pas sangs rgyas mnyes par byed pa dang / lha'i mig skyed pa dang / sangs rgyas kyi zhing rten pa sems can yongs su sbyong ba dang /thams cad du sgyu ma lta bur gnas pa dang / sems can thams cad kyi don mthong nas blo sngon du btang ba'i skye ba yongs su 'dzin pa zhes bya ba yongs su sbyong ba'i chos de lta bu rnam pa brgyad kyis snga ma bzhin du sa brgyad pa mi g.yo ba nyams su myong bar 'gyur ba yin no//smon lam dag ni mtha' yas dang / /lha la sogs pa'i skad shes dang / /spobs pa chu bo lta bu dang / /mngal du 'jug pa mchog dang ni/ /rigs dang rus dang cho 'brang dang / /'khor dang skye ba dag dang ni/ /nges 'byung byang chub shing rnams dang //yon tan phun sum tshogs pa yin/ /zhes bya ba ni/ smon lam mtha' yas pa dang / lha la sogs pa sems can thams cad kyi skad shes pa dang / spobs pa chu bo ltar mi zad pa dang / skye bo thams cad kyis bsngags pa'i mngal du 'jug pa dang /rgyal po la sogs par gnas pa dang / nyi ma la sogs pa las skyes pa dang / ma la sogs pa dang legs par 'brel pa'i gnyen dang / rang dbang ba'i 'khor dang / brgya byin la sogs pas mngon par bstod par skye ba dang / sangs rgyas la sogs pas bskul te nges par 'byung ba dang /yid bzhin gyi nor bu dang 'dra ba'i shing a shwad tha la sogs pa dang / sangs rgyas kyi chos kyi ngo bor gyur pa'i yon tan thams cad yongs su rdzogs par byed pa zhes bya ba de lta bu'i phun sum tshogs pa'i mtshan nyid kyi yongs su sbyong ba rnam pa bcu gnyis pos / snga ma bzhin du yongs su sbyang ba byas pa'i khyad par dag gis sa dgu pa legs pa'i blo gros mngon du byed pa yin no//rgyu'i sa rnams kyi yongs su sbyong ba de ltar nges par bstan nas/ 'bras bu'i sa nyid du de dag ma bshad par sa thams cad bsdu ba'i sgo nas sa bcu pa'i mtshan nyid/ sa dgu 'das nas ye shes ni//gang gis sangs rgyas sar gnas pa/ /de ni byang chub sems dpa'i sa/ /bcu pa yin par shes par bya/ /zhes bya ba gsungs te/ nyan thos la sogs pa'i rigs dang / 'bras bu dang po la zhugs pa dang / rgyun tu zhugs pa dang / lan cig phyir 'ong ba dang /phyir mi 'ong ba dang / dgra bcom pa nyid ces bya ba drug dang / tshul gsum rnam par bzhag par dgongs pas bsdus pa lhag ma zhugs pa gsum dang / rang sangs rgyas rnams go rims bzhin du/ rigs dang / brgyad pa dang / mthong ba dang / bsrabs pa dang /'dod chags dang bral ba dang / byas pa rtogs pa dang / nyan thos dang / rang sangs rgyas kyi sa rnams dang / ji skad bshad pa'i byang chub sems dpa'i sa rnam pa dgu po gcig kho na ste/ de ltar sa dgu 'das nas sa bcu pa la ni byang chub sems dpa' sangs rgyas kho nar brjod par bya'i yang dag par rdzogs pa'i sangs rgyas ni ma yin no//zhes 'byung ba'i phyir/ sangs rgyas kyi sa de la smon lam shes pa gang gis gnas pa de ni byang chub sems dpa'i sa bcu pa yin par shes par bya ba yin no/ /gnyen po'i tshogs la bar skabs kyi tshigs su bcad pa/mthong dang goms pa'i lam dag la/ /gzung dang 'dzin pa'i rnam rtog rnams/ /nye bar zhi bar bya ba'i phyir/ /gnyen po rnam pa brgyad ces bya/ /zhes bya ba gsungs te/ gzung ba'i rnam par rtog pa kun nas nyon mongs pa'i dngos po tsam dang gnyen po'i rten can gnyis dang /'dzin pa'i rnam par rtog pa gang zag rdzas su yod pa dang skyes bu btags pa'i rten can gnyis so sor mthong ba'i lam dang bsgom pa'i lam la spong bas/ bzung ba dang 'dzin par rnam par rtog pa brgyad nye bar zhi bar bya ba'i phyir/ bden pa gnyis ka'i rnam pa la brten nas mngon du bya ba'i mi mthun pa'i phyogs kyi rab tu dbye bas lam gnyis po kho na'i gnas skabs kyi khyad par gnyen po rnam pa brgyad do/ /de ltar tshogs bsags pa la nges par 'byung bas bzhi pa nges par 'byung ba'i sgrub pa/ ched du bya dang mnyam nyid dang //sems can don dang 'bad med dang / /mtha' las 'das par nges 'byung dang / /thob pa'i mtshan nyid nges 'byung dang / /rnam pa thams cad mkhyen nyid dang / /lam gyi yul can nges 'byung ste/ /rnam pa brgyad kyi bdag nyid 'di/ /nges 'byung bsgrub pa yin zhes bya//zhes bya ba gsungs te/ ched du bya ba ji skad bshad pa dang / chos thams cad mnyam pa nyid dang / sems can gyi don phyad par byed pa dang / mtshan ma med par thams cad byed pa nyid kyis lhun gyis grub pa dang / rtag pa dang chad pa dang bral ba'i ngo bo'i gnas skabs kyi khyad par dang /theg pa gsum gyi don thams cad 'thob pa dang / ji skad bshad pa'i rnam pa thams cad mkhyen pa nyid dang / de'i khyad par gyi lam ste/ nges par 'byung bar bya ba'i gzhi de lta bu dag las khyad par du 'phags pa'i chos gzhan med pa'i phyir thams cad mi dmigs pa nyid kyis nges par 'byung ba rnam pa brgyad yin pas nges par 'byung ba'i sgrub pa ni rnam pa brgyad yin no//shes rab kyi pha rol tu phyin pa'i man ngag gi bstan bcos mngon par rtogs pa'i rgyan ces bya ba las/ skabs dang po'i 'grel pa'o// //rnam pa thams cad mkhyen pa nyid rtogs pa ni lam shes pa nyid yongs su shes pa med na med pas lam shes pa nyid/lha rnams rung bar bya ba'i phyir/ /'od kyis mog mog por mdzad dang / /yul nges pa dang khyab pa dang / /rang bzhin dang ni de yi las/ /zhes bya ba gsungs te/ lam shes pa nyid skye bar rung ba nyid du bsgrub pa'i phyir/de bzhin gshegs pa'i rang bzhin gyi 'od dag gis lha la sogs pa'i rnam par smin pa'i 'od mog mog por mdzad pa ni nga rgyal bcom pa'i rgyud kho na la rtogs pa skye'o zhes bya bar shes par bya ba'i phyir mdzad de/ de'i phyir tshig zur gyis rten brjod pa yin no//de yang byang chub tu sems bskyed pa kho na yin pas yul so sor nges pa yin no/ /theg pa gsum rnam par bzhag pa ni dgongs pa can yin gyi/ mtshan nyid pa ni ma yin no zhes lugs las 'byung bas skye bo thams cad bla na med pa yang dag par rdzogs pa'i byang chub kyi mthar thug pa can yin te/de'i phyir 'dod chags dang bral ba dang / cig shos kyi rnal 'byor pas kyang sangs rgyas nyid thob par bya ba'i phyir lam shes pa nyid bsgom par bya ba yin pas khyab pa yin no/ /byang chub tu sems bskyed pa ni 'khor ba ji srid par sems can gyi don byed par zhugs pa nyid kyis nyon mongs pa rnam pa thams cad du spangs pa ma yin pa zhes bya ba ni rang bzhin yin no//de'i 'og tu de lta bu'i rang bzhin can gyi las ni yang dag pa'i mtha' mngon du mi byed pa dang shes rab dang thabs la mkhas pas sems can yongs su ma bsdus pa yongs su sdud pa la sogs pa yin pas byed pa yin no//de ltar rten la sogs pa brjod nas lam shes pa nyid kyi skabs su lam thams cad rdzogs par bya dgos pas/ nyan thos kyi lam/ lam shes nyid kyi tshul la ni/ /'phags pa'i bden pa bzhi dag gi//rnam pa mi dmigs sgo nas ni/ /nyan thos lam 'di shes par bya/ /zhes bya ba gsungs te/ de la sdug bsngal gyi bden pa'i go rims bzhin du/ mi rtag pa dang / sdug bsngal ba dang / stong pa dang / bdag med pa ste/ de dag gi mtshan nyid zhi ba'i rnam pa bzhi dag dang /kun 'byung ba'i bden pa'i rgyu dang / kun 'byung ba dang / rab tu skye ba dang / rkyen gyi ngo bo nyid dang / nad dang / 'bras dang / zug rngu dang / sdig pa'i rnam pa rnams dang / yid 'byung ba dang / 'dod chags dang bral bar bya ba dang / 'gog pa'i phyir zhugs pa yin no zhes 'byung ba'i phyir/sdug bsngal dang kun 'byung gi bden pa de dag nyid so so'i yid 'byung ba dag gi mtshan nyid kyi pha rol dang 'jig pa'i chos can gyi rnam pa'i ngo bo nyid dag dang / 'dod chags dang bral ba dag gi ngo bo g.yo ba dang rab tu 'jig pa'i rnam pa dag dang /'gog pa'i rang gi ngo bo 'jigs pa dang nad 'go ba dang 'tshe ba'i rnam pa rnams dang / 'gog pa'i bden pa'i 'gog pa'i rang gi ngo bo bdag med pa dang / zhi ba dang gya nom pa'i rnam pa'i bdag nyid dben pa dang / nges par 'byung ba'i mtshan nyid stong pa nyid dang mtshan ma med pa dang smon pa med pa dang mngon par 'du byed pa med pa'i rnam pa dag dang /lam gyi bden pa'i lam dang / rigs pa dang / sgrub pa dang / nges par 'byin pa'i rnam pa rnams/ ngo bo nyid mi dmigs pa'i sgo nas lam shes pa nyid kyi skabs su nyan thos rnams kyi lam yin par byang chub sems dpas de ltar yongs su shes par bya'o//bden pa bzhi yongs su shes pa ni/ nges par 'byed pa'i cha dang mthun pa rtogs pa sngon du 'gro ba can yin pas lam brjod nas nges par 'byed pa'i cha dang mthun pa/ 'phags pa nyan thos lam la ni//gzugs la sogs pa stong pa'i phyir/ /stong pa nyid rnams dbyer med pas/ /dro ba de dag mi dmigs pas/ /rtse mor gyur pa dag tu 'dod/ /de la rtag la sogs tshul gyis/ /gnas pa bkag pas bzod pa rnams/ /sa bcu dag las brtsams nas ni/ / mi gnas rgyas par bstan pa yis/ /chos kyi mchog tu 'gyur bshad de/ /ci phyir zhe na sangs rgyas kyis/ /mkhyen nas chos rnams ma gzigs phyir/ /zhes bya ba gsungs te/ gzugs la sogs pa'i phung po rang rang gi ngo bo nyid kyis stong pa'i phyir stong pa nyid rnams phan tshun tha dad pa med pa dang /gzugs la sogs pa snga ma bzhin du mi dmigs pa dang de bzhin du gzugs la sogs pa la rtag pa'ang ma yin mi rtag pa yang ma yin no zhes dmigs pa'i tshul gyis gnas pa bkag pa dang / gang gi phyir de bzhin gshegs pas byang chub mngon par rdzogs par sangs rgyas nas chos rnams ma gzigs pa zhes bya ba tshad ma'i skyes bus ma dmigs pa'i gtan tshigs kyi 'thad pas/sa rab tu dga' ba la sogs pa la mi gnas pa rgyas par ji skad du bstan pa zhes bya ba'i rnam pa de rnams kyis/ go rims bzhin du bden pa'i dmigs pa la nges par 'byed pa'i cha dang mthun pa skye bo zhes bya ba yin no//nyan thos kyi lam gyi mjug thogs su rang sangs rgyas kyi lam brjod par rigs mod kyi/ nyan thos rnams las de dag ji ltar khyad par du 'phags na gang gis na de dag gi lam gzhan yin snyam pa'i dogs pa bsu bar re zhig khyad zhugs pa nyid du sgrub pa/rang byung bdag nyid rtogs pa'i phyir/ /gzhan gyis bstan yang mi dgos la/ /bse ru lta bu'i ye shes ni/ /zab pa nyid du mngon par brjod/ /ces bya ba gsungs te/ lung las nyan thos rnams ni gzhan gyis bstan pa la ltos nas rang gi byang chub rtogs par 'gyur la/gzhan dag kyang brjod pa dang bcas pa'i chos bstan pas dge ba la 'jug par byed do zhes 'byung ngo / /rang sangs rgyas rnams ni sngon thos pa la sogs pa mngon par 'dus byas pas gzhan gyis bstan pa la mi ltos par bdag nyid kyis rang gi byang chub mngon par rtogs par 'gyur te/de'i phyir de dag la sangs rgyas la sogs pas bstan mi dgos so zhes bya ba ni khyad zhugs pa nyid gcig yin no/ /sgrar brjod pa'i chos bstan pa'i sgo nas nyan pa po rnams kyis 'chad pa po'i shes pa'i rtsal rtogs par byed na/de dag ni rang gis thob pa'i ye shes la sogs pa'i mthus sgra med pa'i chos bstan pas/ gzhan dag dge ba bcu la sogs pa la 'jug par byed de/ de'i phyir de dag gi ye shes mi rtogs pa nyid ni khyad zhugs pa gnyis pa yin no/ /yang ji ltar sgra med par chos ston snyam pa'i dogs pa bsu bar/gang gang don ni gang gang la/ /ji lta ji ltar nyan 'dod pa/ /de de la don de dang de/ /sgra med kyang de de ltar snang / /zhes bya ba gsungs te/ rnam par ma brtags rnam par ma dpyad par tshig tu mi smra bas brjod pa ni rnam par g.yeng ba yin la/de yang rgyud 'khrug par byed pa yin pas/ byang chub sems dpa' 'di ltar sangs rgyas su gyur nas brjod pa med par chos ston par gyur cig ces smon lam btab po/ /de bas na sangs rgyas dang 'dra ba'i phyir/ rang sangs rgyas nyid kyi gnas skabs na yang smon lam la sogs pa'i mthus/sgra med kyang gang zhig don gang la rnam pa ji ltar nyan par 'dod pa de'i rnam par shes pa la don de rnam pa de kho na ltar snang bar 'gyur bas sgra med par chos ston pa zhes bya ste/ chos ston pa'i sgra'i don ni 'di ltar brjod par bya ba'i chos nyan pa po'i rnam par shes pa la shin tu bskrun cing bskyed pa zhes bya ba 'di yin no//de ltar khyad zhugs pa brjod nas khyad zhugs pa rnams kyi lam ni khyad par du 'phags pa kho na yin pas rnal ma rang sangs rgyas kyi lam/ gzung don rtog pa spong phyir dang //'dzin pa mi spong phyir dang ni/ /rten gyis bse ru lta bu'i lam/ /yang dag bsdus par shes par bya/ /zhes bya ba gsungs te/ rang sangs rgyas kyi lam la ji skad bshad pa'i bden pa sgom pa kho na dang / dngos po ji lta ba bzhin du rten cing 'brel bar 'byung ba bsgoms pas gzung ba dang 'dzin pa'i don gyi rnam par rtog pa dag go rims bzhin du spangs pa dang ma spangs pa dang rang sangs rgyas kyi theg pas bsdus pa'i rten pa'i chos kyi gzhi'i khyad par gyis khyad par du 'phags pa dang ldan pa'i chos rtogs par byang chub sems dpas shes par bya'i rnam pa thams cad shes par ni ma yin no zhes bya ba ni rang sangs rgyas kyi lam mo//nges par 'byed pa'i cha dang mthun pa thob na ji skad bshad pa'i lam skye bas nges par 'byed pa'i cha dang mthun pa/ btags pa'i chos nyid mi 'gal bar/ /ston pa'i rnam pa dror gyur pa/ /rtse mor gyur pa gzugs la sogs//'grib pa med la sogs pas phye/ /nang stong nyid la sogs pa yis/ /gzugs sogs mi 'dzin phyir bzod pa/ /gzugs sogs skye ba med sogs kyi/ /rnam pa can ni chos kyi mchog /ces bya ba gsungs te/ gzugs la sogs pa'i chos kyi brda las byung ba'i btags pa'i chos nyid dang mi 'gal bar rab tu ston pa dang /gzugs la sogs pa la don dam par 'grib pa dang 'phel ba med pa la sogs pa'i don du slob pa dang / ngo bo nyid kyis stong pa nyid kyi phyir gzugs la sogs pa la nang dang phyi la sogs pa stong pa nyid kyis yongs su mi 'dzin pa dang /gzugs la sogs pa skye ba dang 'gag pa la sogs pa med pa zhes bya ba'i rnam pa rnams kyis go rims bzhin du bden pa bzhi'i dmigs pa la nges par 'byed pa'i cha dang mthun pa skye ba yin no/ /rang sangs rgyas kyi lam gyi mjug thogs su byang chub sems dpa'i lam/bden dang bden la bzod pa dang / /shes pa'i skad cig rnam bzhi yis/ /lam shes nyid la mthong ba'i lam/ /phan yon bcas pa 'di bshad do/ /zhes bya ba gsungs te/ lam shes pa nyid kyi skabs su byang chub sems dpas chos shes pa'i bzod pa dang /chos shes pa dang / rjes su shes pa'i bzod pa dang / rjes su shes pa zhes bya ba bzod pa dang / shes pa'i skad cig ma bzhi po so sor sdug bsngal la sogs pa'i bden pa dang 'brel ba dag dang ldan pa 'di dang gzhan pa'i yon tan dag dang ldan pa bsgom par bya ba ni mthong ba'i lam phan yon chen po zhes brjod do//rnam pa ji lta bur bsgom par bya zhe na/ de bzhin nyid dang sangs rgyas dag /phan tshun rten pa rten med phyir/ /rnam grangs khas mi len pa dang / /chen po tshad ma med bcas dang / /tshad med pa dang mtha' med dang //der gnas gzugs la sogs pa la/ /sangs rgyas nyid du nges 'dzin dang / /blang med dor ba med sogs dang / /byams la sogs dang stong nyid dang / /sangs rgyas nyid ni 'thob pa dang / /rnam par byang kun yongs bsdus dang / /nyam nga ba dang nad kun sel//mya ngan 'das 'dzin zhi nyid dang / /sangs rgyas rnams kyis srung la sogs/ /srog mi gcod pa la sogs pa/ /rnam pa kun mkhyen tshul la ni/ /bdag nyid gnas te sems can dag /'god dang sbyin pa la sogs pa/ /rdzogs pa'i byang chub tu bsngo ba//lam shes nyid kyi skad cig ma/ /zhes bya ba gsungs te/ don dam pa'i tshul nyid kyis de bzhin nyid dang / sangs rgyas dag la rten dang brten pa'i dngos po med pas de'i phyir de dag phan tshun rnam grangs kyis gnas par khas mi len pa dang / gzugs la sogs pa'i chos kyi dbyings kyi ngo bo nyid kyis chen po nyid dang / de bzhin du de dag tshad ma med pa nyid dang / snga ma bzhin du nam mkha' tshad med pa nyid kyis de dag tshad med pa zhes bya ba de lta bu ni sdug bsngal gyi bden pa'i rnam pa dag yin no/ /gzugs la sogs pa la ngo bo nyid med pa nyid kyis rtag pa dang chad pa'i mtha' nyid la sogs pa med pa dang /shes rab kyi pha rol tu phyin pa la gnas pa ni chos kyi dbyings kyi ngo bo nyid kyis gzugs la sogs pa la de bzhin gshegs pa nyid du nges par 'dzin pa dang / de bzhin du de la gnas pa ni/ chos thams cad la blang ba dang dor ba med par sgom pa la sogs pa dang / ngo bo nyid med par mos pa sngon du 'gro ba'i tshad med pa bzhi bsgom par bya'o zhes bya ba de lta bu ni kun 'byung ba'i bden pa'i rnam pa dag yin no/ /gzugs la sogs pa'i ngo bo gnyug ma rang bzhin kho nas stong pa nyid dang /chos kyi dbyings dang mnyam pa'i dge ba'i rtsa ba rnams kyi 'bras bu de bzhin gshegs pa nyid 'thob pa dang / shes rab kyi pha rol tu phyin par gnyen po rnams rnam pa thams cad du bsdus pa dang / de nyid kyis phyi dang nang gi 'tshe ba rab tu zhi ba zhes bya ba de lta bu ni 'gog pa'i bden pa'i rnam pa dag yin no//ngo bo nyid med pa sgom pa kho nas gzugs la sogs pa dang / mya ngan las 'das pa la mngon par zhen pa zhi ba dang / shes rab dang thabs la mkhas pa la zhugs pa la sangs rgyas rnams kyis bsrung ba dang bskyab pa dang sba ba dag mdzad pa dang / sangs rgyas nyid mngon par 'dod pas bdag nyid srog gcod pa spong ba la sogs pa rnam pa thams cad mkhyen pa nyid la gnas nas de nyid la gzhan dag 'god pa dang / sbyin pa la sogs pa mi zad par byed 'dod pas yang dag par rdzogs pa'i byang chub tu bsngo bar bya'o zhes bya ba de lta bu ni lam gyi bden pa'i rnam pa dag yin te/de lta bu ni lam shes pa nyid kyi skad cig ma dag yin no/ /kha cig ni 'dir tshig le'ur byas pa'i don nye bar mtshon pa lhur len pa'i gzhung gis rnam pa'i don ma bshad par mthong ba'i lam gyi skad cig ma bcu drug nye bar mtshon pa nyi tshe mdzad pa zad de/bshad pa dang ma bshad pa'i nges par 'byed pa'i cha dang mthun pa la sogs pa'i don gyi tshig le'ur byas pa rnams su'ang de bzhin du blta bar bya'o zhes zer ro/ /gzhan dag na re de dag gis ni bsgom pa'i rim pa la sogs pa ma bstan pa'i phyir/ mngon par rtogs pa'i rim pa cung zad kyang ma bstan to/ /gzhan yang dmigs pa dang ni rnam pa dang / /zhes bya ba la sogs pa'i tshigs su bcad pa'i don kyang ji ltar drang zhes zer ro/ /mthong ba'i lam gyi mjug thogs su bsgom pa'i lam brjod par bya ba yin pa las/ brjod par bya ba nyung ba nyid dang gdul bya 'bras bu la gzhol ba nyid du zhugs pa'i phyir re zhig de'i byed pa/ kun nas zhi dang thams cad la/ /'dud dang nyon mongs las rgyal dang / gnod pas brdzi ba med nyid dang / /byang chub dang ni rten mchod nyid/ /ces bya ba gsungs te/ rnam pa thams cad du sems la rang dbang nyid du byed pa dang / dge ba'i bshes gnyen la sogs pa skye bo thams cad la 'dud pa dang / 'dod chags la sogs pa zil gyis gnon pa dang / pha rol gyis byas pa'i gnod pa rjes su sgrub pa'i yul ma yin pa nyid dang / yang dag par rdzogs pa'i byang chub sgrub pa dang / rten gyi yul mchod par bya ba nyid du byed pa zhes bya ba byed pa rnam pa drug yin no/ /byed pa'i 'og tu bsgom pa'i lam ste/ de yang zag pa dang bcas pa dang zag pa med pa'i bye brag gis rnam pa gnyis so/ /de'i phyir bsgom pa'i lam zag pa dang bcas pa mos pa dang /bsngo ba dang rjes su yi rang ba yid la byed pa zhes bya ba rnams kyi nang nas bsgom pa'i lam dang po mos pa yid la byed pa zhes bya ba/ mos pa rang gi don dang ni/ /rang gzhan don dang gzhan don dang / /rnam gsum shes bya de yang ni/ / chung dang 'bring dang chen po ste/ /so sor rnam pa gsum du 'dod/ /chung ngu'i chung sogs dbye ba yis/ /de yang rnam gsum de ltar na/ /rnam pa nyi shu bdun du 'dod/ /ces bya ba gsungs te/ rang dang gnyis ka dang gzhan gyi don la dmigs pa nyid ji ltar mos pa bzhin mthong ba'i dge ba'i chos kyi rten yin na yang bsgom pa'i lam gyi dbang du byas pa las dang por mngon du mi byed pa'i ngo bo yang rnam pa gsum mo//de dag kyang re re zhing chung ngu la sogs pa'i bye brag gis rnam pa gsum yin la/ de yang so sor chung ngu'i chung ngu la sogs pa'i dbye bas rnam pa gsum yin te/de ltar na dgu tshan gsum gyis mos pa rnam pa nyi shu rtsa bdun no/ /de sgom pa'i byang chub sems dpa' spro ba bskyed pa'i phyir/ de ltar mos pa la sangs rgyas la sogs pas bstod pa la sogs pa mdzad do/ /zhes bstod pa dang bkur ba dang bsngags pa/shes rab pha rol phyin pa la/ /mos pa'i gnas skabs rnams la ni/ /dgu tshan gsum gyis bstod pa dang / /bkur ba dang ni bsngags par 'dod/ /ces bya ba gsungs te/ ji ltar mos pa bzhin mthong ba'i chos kyi mtshan nyid kyi shes rab kyi pha rol tu phyin pa la zhugs pa'i mos pa yid la byed pa dang po dang gnyis pa dang gsum pa ste/gnas skabs dgu dag tu so sor rnam pa dgus go rims bzhin du gong nas gong du mngon par dga' bar byed cing bstod pa dang / bkur ba dang / bsngags par 'dod de des na bstod pa la sogs pa 'di dag ni don yang dag pa ji lta ba bzhin rtogs pa'i mtshan nyid can yin gyi gcam bu'i ngo bo ni ma yin no//de ltar mos pa la bsngo ba 'byung bas gnyis pa bsngo ba yid la byed pa zhes bya ba/ yongs su bsngo ba khyad par can/ /de yi byed pa mchog yin no//de ni dmigs med rnam pa can/ /phyin ci ma log mtshan nyid do/ /dben dang sangs rgyas bsod nams tshogs/ /rang bzhin dran pa'i spyod yul can/ /thabs bcas mtshan ma med pa dang / /sangs rgyas rjes su yi rang dang / /khams gsum gtogs pa ma yin dang //chung dang 'bring dang chen po yi/ /bsngo ba gzhan ni rnam gsum po/ /bsod nams che 'byung bdag nyid do/ /zhes bya ba gsungs te/ ji skad bshad pa'i mos pa khyad par can dang / mi dmigs pa dang / phyin ci ma log pa dang / dben pa dang / de bzhin gshegs pa'i dge ba'i rtsa ba'i tshogs kyi rang bzhin dran pa dang / thabs la mkhas pa dang bcas pa dang / mtshan ma med pa dang / sangs rgyas kyis gnang ba dang / khams gsum par ma gtogs pa dang / chung ngu dang / 'bring dang / chen po ste/ bsod nams chen po 'byung ba zhes bya ba de ltar ming du btags pa'i yid la byed pa go rims bzhin du bla na med pa'i byang chub dang /tshul khrims la sogs pa'i phung po dang / sngo bar byed pa'i sems dang / bdag la sogs pa dang ldan pa'i dngos po dang / dus gsum gyi sangs rgyas kyi dge ba dang /sbyin pa la sogs pa dang / mtshan ma dang / lam thams cad dang / 'dod pa la sogs pa'i khams dang / dge ba bcu la sogs pa'i las kyi lam dang / rgyun tu zhugs pa la sogs pa dang / bla na med pa'i byang chub la gnas pa rnams mi dmigs pa la dmigs pa /theg pa gsum gyis gdul bar bya ba'i sems can la lam nye bar ston pa'i rgyu'i ngo bo byed pa dang ldan pa rnams kyis sems can thams cad kyi don du mi zad par bya ba'i phyir/ bla na med pa yang dag par rdzogs pa'i byang chub tu bsngo ba rnam pa bcu gnyis byed do/ /de ltar legs par bsngos pa'i dngos po mngon par spel bar bya ba yin pas gsum pa rjes su yi rang ba yid la byed pa zhes bya ba/thabs dang mi dmigs pa dag gis/ /dge ba'i rtsa la yi rang ba/ /rjes su yi rang yid byed pa/ /bsgom pa yin par 'dir brjod do/ / zhes bya ba gsungs te/ rab tu dga' ba'i sems kyis kun rdzob tu thabs kyis dge ba'i rtsa ba rnams dmigs nas don dam par mi dmigs pa nyid kyis rjes su yi rang bar bya ba dag yin no/ /de la bsdus pa'i don ni mos pa yid la byed pas ni 'byung khungs dag nas gser gyi gar bu bzhin du bsod nams mngon par 'du byed do//bsngo ba yid la byed pas ni de gser mgar gyis rgyan bzhin du yang dag par rdzogs pa'i byang chub kyi yan lag tu byed do/ /rjes su yi rang ba yid la byed pas ni rang dang gzhan gyi bsod nams byas pa mnyam pa nyid 'thob bo zhes bya ba 'di yin no//zag pa dang bcas pa'i 'og tu zag pa med pa'i bsgom pa'i lam ste/ de yang rnam pa gnyis so/ /de'i phyir dang po mngon par sgrub pa'i mtshan nyid kyi bsgom pa'i lam/ de yi ngo bo nyid mchog nyid/ /kun la mngon par 'du mi byed//chos rnams dmigs su med par ni/ /gtod par byed pa don chen nyid/ /ces bya ba gsungs te/ gzugs la sogs pa phyin ci ma log par mthong ba ni ngo bo nyid do/ /gzhan gyis sangs rgyas nyid mi 'thob pa ni mchog nyid do/ /chos thams cad kyi khyad par skye ba med par rtogs par sbyor ba ni kun la mngon par 'du mi byed pa'o//de lta bu'i ngo bo nyid la sogs pa dang ldan pa'i lam gyi chos rnams mi dmigs pa nyid du rnal 'byor pa'i rgyud la skyed pa ni gtod par byed pa'o/ /don chen po sangs rgyas nyid du byed pa'i phyir don chen po nyid do/ /de'i 'og tu gang zhig yongs su bzung ba dang bor bas 'thob par 'gyur ba 'di'i skye ba dang mi skye ba'i rgyu gang zhig yin snyam pa'i the tshom bsal ba'i sgo nas gnyis pa shin tu rnam par dag pa'i mtshan nyid/sangs rgyas bsten dang sbyin sogs dang / /thabs la mkhas pa gang yin pa/ /'di la mos pa'i rgyu dag yin//chos kyis phongs pa'i rgyu dag ni/ /bdud kyi thibs kyis non pa dang / /zab mo'i chos la ma mos dang / /phung po la sogs mngon zhen dang / /sdig pa'i grogs pos yongs zin pa'o/ /zhes bya ba gsungs te/ sangs rgyas mnyes par byed pa dang /sbyin pa la sogs pa'i pha rol tu phyin pa rdzogs par byed pa dang / zhi gnas la mkhas pa zhes bya ba ni skye ba'i rgyu dag yin no/ /bdud kyis gnod pa byas pa dang / chos zab mo la ma mos pa dang / dngos por 'dzin pa dang / mi dge ba'i grogs po dang 'grogs pa zhes bya ba ni mi skye ba'i rgyu dag yin no//de ltar 'thob pa dang mi 'thob pa'i rgyu dag bshad nas/ skabs su bab pa'i rnam par dag pa spyir/ 'bras bu dag pa gzugs la sogs/ /dag pa nyid de gang gi phyir/ /de gnyis tha dad ma yin zhing / /bcad du med pas dag par brjod//ces bya ba gsungs te/ 'phags pa'i gang zag gi dge sbyong gi tshul gyi 'bras bu gang yin pa de'i mi mthun pa'i phyogs thams cad dang bral ba nyid kyis rnam par dag pa gang yin pa de nyid/ gzugs la sogs pa rnam par dag pa yin te/ 'bras bu dang gzugs la sogs pa rnam par dag pa ni gzugs la sogs pa la bdag tu mngon par zhen pa la sogs pa dang bral bas rab tu phye ba nyid kyis/gang gi phyir de dag gi rnam par dag pa tha mi dad cing bcad du med pa nyid de/ rang dang spyi'i mtshan nyid tha dad pa nyid ma yin pa de'i phyir de ltar rnam par dag par brjod do//rnam par dag pa spyir brjod nas da ni khyad par du/ nyon mongs shes bya lam gsum gyi/ /nyams phyir slob ma bse ru dang / /rgyal sras rnams kyi dag pa ste/ /sangs rgyas rnam kun shin du ba/ /zhes bya ba gsungs te/ 'dod chags la sogs pa'i nyon mongs pa dang //de dang shes bya'i sgrib pa'i phyogs gcig po gzung ba'i don gyi rnam par rtog pa dang theg pa gsum gyi lam gyi sgrib pa gsum spangs pa'i phyir go rims bzhin du nyan thos dang rang sangs rgyas dang byang chub sems dpa' rnams kyi dag pa yin no/ / nyon mongs pa dang shes bya'i sgrib pa bag chags dang bcas pa rnam pa thams cad du spangs pa'i phyir shin tu rnam par dag pa chos kyi dbyings las byung ba nyid ni bla na med pa'i sangs rgyas kyi yin par 'dod do/ /lam shes pa nyid kyi skabs su rnam par dag pa smos pa'i zhar la sangs rgyas dang nyan thos la sogs pa'i rnam par dag pa go rims bzhin du/shin tu ba dang cig shos su bshad pa de ji lta bu yin zhe na/ sa dgu la ni chen po yi/ /chen po la sogs dri ma yi/ /gnyen po chung ngu'i chung ngu la/ /sogs pa'i lam ni dag pa yin/ /zhes bya ba gsungs te/'dod pa'i khams dang / bsam gtan dang / gzugs med pa'i snyoms par 'jug pa dag ste/ sa dgu la mi mthun pa'i phyogs chen po'i chen po la sogs pa rnam pa dgu'i gnyen po'i ngo bor go rims bzhin du lam chung ngu'i chung ngu la sogs pa rnam pa dgu rnam pa thams cad dang /cig shos su rnam par dag pa'i rgyu yin pa'i phyir rnam par dag pa shin tu ba dang cig shos zhes bya'o/ /ji ltar shin tu ba yin zhe na/ de la klan ka spangs pa yis/ /lam ni 'jal dang gzhal bya dag /mnyam pa nyid kyis khams gsum gyi//gnyen po nyid du 'dod pa yin/ /zhes bya ba gsungs te/ de la gnyen po ni chen po'i chen po la sogs pa mi mthun pa'i phyogs ni chung ngu'i chung ngu la sogs par rigs so zhes bya ba'i klan ka /gos la chags pa'i dri ma phra mo bsal ba la btso blag mkhan che thang du 'bad pa'i dpes spangs pa'i sgo nas bsgom pa'i lam shin tu ba ji skad du bstan pa de/khams gsum pa'i rnam pa can gyi shes pa dang shes bya dag mi dmigs pa nyid kyis mnyam pa nyid gang yin pa de nyid mtha' dag gi gnyen po'i ngo bo nyid yin pa'i phyir/sangs rgyas kyi rnam par dag pa shin tu ba yin par rnam par bzhag go/ /shes rab kyi pha rol tu phyin pa'i man ngag gi bstan bcos mngon par rtogs pa'i rgyan ces bya ba las skabs gnyis pa'i 'grel pa'o// //gzhi thams cad yongs su shes pa med par lam legs par yongs su shes pa med pas thams cad shes pa nyid/tshu rol pha rol mtha' la min/ /de dag bar na mi gnas pa/ /dus rnams mnyam pa nyid shes phyir/ /shes rab pha rol phyin par 'dod/ /ces bya ba gsungs te/ dus gsum pa'i chos rnams skye ba med pa'i rnam pa mnyam pa nyid du rtogs pas/sangs rgyas dang byang chub sems dpa' rnams la nye bar gyur par 'dod pa'i shes rab kyi pha rol tu phyin pa gang yin pa de ni/ shes rab kyis tshu rol gyi mtha' 'khor ba dang / snying rjes pha rol gyi mtha' mya ngan las 'das pa ste/ go rims bzhin du rtag pa dang chad pa'i mtshan nyid dang de dag gi bar na yang mi gnas pas srid pa dang zhi ba la mi gnas pa yin no/ /kun shes pa nyid kyi skabs las bzlog ste bstan pas/ nyan thos la sogs pa la dus gsum mnyam pa nyid du shes pa med pa'i phyir/ yang dag pa'i shes rab kyi pha rol tu phyin pa dang ring bar gyur pas rang gi rtogs pa tsam gyi shes rab kyi pha rol tu phyin pa snying brtse ba dang shes rab dang bral ba'i phyir dngos po dang /dngos po med par dmigs pa nyid kyis 'khor ba dang mya ngan las 'das pa la gnas pa yin par shes par bya'o//lugs las/ rten cing 'brel par 'byung ba gang / /de nyid khyod ni stong par bzhed/ /ces 'byung ba'i phyir/ dus gsum mnyam pa nyid du shes pa ni gzhi rtogs pa kho na yin la/ de yang thams cad la yod pa nyid ma yin nam/ ji ltar na nyan thos dang byang chub sems dpa' la sogs pa la yang dag pa'i shes rab kyi pha rol tu phyin pa ring ba dang cig shos su 'gyur zhe na/de ni mtshan mar dmigs sgo nas/ /thabs ma yin pas ring ba ste/ /de ni thabs la mkhas pa yis/ /yang dag nye ba nyid du bshad/ / ces bya ba gsungs te/ sgyu ma mkhan gyis sprul pa'i dngos po snang ba la de'i rang gi ngo bo mi shes pas dngos por mngon par zhen pa nyid kyis ngo bo nyid med par mi snang ba bzhin du/ dge ba'i bshes gnyen la sogs pa thabs mkhas pa dang bral ba'i phyir dngos po mtshan ma dang ldan par rtogs pas nyan thos la sogs pa dngos po'i ngo bo mi shes pa rnams la mnyam pa nyid kyi ye shes med de/de'i phyir de dag la rgyal ba'i yum ring bar gyur to/ /byang chub sems dpa' dus ring mo zhig nas dge ba'i bshes gnyen yang dag par mgu bar byas pa'i man ngag phyin ci ma log pa can bden pa gnyis la rten pa'i thos pa la sogs pa'i skye ba'i thabs la mkhas pas/dngos por mngon par zhen pa'i 'khrul pa'i mtshan ma bsal ba rnams la ni/ gzugs la sogs pa'i chos yongs su shes pa de nyid mnyam pa nyid du yongs su shes pa yin te/de'i phyir de dag la yum 'di yang dag par nye bar gyur pas/ thabs ma yin pas ni ring ba nyid yin la thabs kyis ni mi ring ba nyid yin no/ /de ltar nyan thos la sogs pa'i yum ring bar gyur pa'i bsgrub pa nyid mi mthun pa'i phyogs yin par/gzugs sogs phung po stong nyid dang / /dus gsum gtogs pa'i chos rnams dang / /sbyin sogs byang chub phyogs rnams la/ /spyod pa'i 'du shes mi mthun phyogs/ /zhes bya ba gsungs te/ gzugs la sogs pa dus gsum pa'i chos zag pa dang bcas pa dang zag pa med pa dang /gnyis ka'i ngo bo dngos por ma gyur pa thams cad la/ dngos por dmigs pa nyid kyis gzhan gyis kun brtags pa'i bdag la sogs pa stong pa nyid du lta ba dang / sgrub pa'i 'du shes ni de dag gi gnyen po yin na yang phyin ci log tu zhugs pa nyid kyis spang bar bya ba yin pa'i phyir/mi mthun pa'i phyogs yin no/ /byang chub sems dpa' rnams kyi bzlog ste gnyen po yin par/ sbyin la sogs la ngar 'dzin med/ /gzhan dag de la sbyor byed pa/ /de ni chags pa'i mtha' 'gog pas/ /rgyal la sogs la chags pa phra//zhes bya ba gsungs te/ 'khor gsum rnam par dag pas sbyin pa la sogs pa la bdag med par rtogs pas rang dang gzhan sbyor ba ni/ yang dag par zhugs pa'i phyir dang chags pa'i tshogs kyi gnas thams cad bkag pas blang bar bya ba yin pa'i phyir/rnam pa thams cad du gnyen po yin no/ /de bzhin gshegs pa la sogs pa la phyag 'tshal ba la sogs pa ni bsod nams kyi tshogs kyi rgyu yin pa nyid kyis gnyen po yin mod kyi/ chags pa phra mo'i ngo bo nyid kyis rnam pa thams cad du ma yin pas mi mthun pa'i phyogs yin no// //bam po gsum pa/ yang ji ltar chags pa phra mo mi mthun pa'i phyogs yin zhe na/ chos kyi lam ni rang bzhin gyis/ /dben pa'i phyir na de zab nyid/ /ces bya ba gsungs te/ gang gi phyir chos kyi rigs rnams ngo bo nyid kho nas stong pas/de dag zab pa nyid yin pa de'i phyir/ de bzhin gshegs pa la dmigs pa yang mi mthun pa'i phyogs yin no/ /'o na ji ltar spang zhe na/ chos rnams rang bzhin gcig par ni/ /shes pas chags pa spong ba yin/ /zhes bya ba gsungs te/ gzugs la sogs pa'i chos thams cad rang bzhin gcig pa kho na ste/'di lta ste rang bzhin med pa zhes shes pa dang shes bya mnyam pa nyid du gcig par yongs su shes pa ni chags pa spong ba yin no/ /yang ji ltar chos rnams rang bzhin gyis zab pa yin zhe na/ mthong ba la sogs bkag pa yis//de ni rtogs par dka' bar bshad/ /ces bya ba gsungs te/ gang gi phyir rnam par shes pa thams cad kyis dmigs pa'i don bsal bas rang bzhin de rtogs par dka' ba nyid du bshad pa de'i phyir de zab pa nyid yin no/ /yang de ltar rtogs par dka' ba nyid ci yin zhe na/gzugs la sogs par mi shes phyir/ /de ni bsam mi khyab par 'dod/ /ces bya ba gsungs te/ gang gi phyir gzugs la sogs pa nas sangs rgyas kyi chos ma 'dres pa'i rnam pa'i bar gyi rang bzhin yongs su mi shes pas bsam pa las 'das pa nyid du 'dod pa de'i phyir/de ni rtogs par dka' ba nyid yin no/ /de ltar mi mthun pa'i phyogs la sogs pa brjod nas mjug bsdu bar/ de ltar kun shes nyid lugs la/ /mi mthun gnyen po'i phyogs dag gi /rnam par dbye ba ma lus pa/ /ji skad bshad pa 'dir shes bya/ / zhes bya ba gsungs te/ thams cad shes pa nyid kyi skabs su de ltar bshad pa'i tshul gyis go rims bzhin du nyan thos dang byang chub sems dpa' la sogs pa'i mi mthun pa'i phyogs dang gnyen po'i rab tu dbye ba shes par bya'o/ de ltar mi mthun pa'i phyogs la sogs pa brjod nas/ de dag rnam par bsgom pa'i sbyor ba gang yin zhe na/ sbyor ba / gzugs sogs de mi rtag sogs dang / /de ma rdzogs dang rab rdzogs dang / /de la chags pa med nyid la/ /spyod pa bkag pa'i sbyor ba dang / /mi 'gyur byed po med nyid dang / /bya dka' rnam gsum sbyor ba dang //skal ba ji bzhin 'bras thob pas/ /'bras yod 'dod pa de dang ni/ /gzhan las rag las med gang dang / /snang ba rnam bdun shes byed do/ /zhes bya ba gsungs te/ gzugs la sogs pa'i chos thams cad dang / de dag nyid kyi mi rtag pa dang / stong pa nyid la sogs pa dang / so sor ma rdzogs pa dang rdzogs pa nyid dang / chags pa med pa dang / gzhan du mi 'gyur ba dang / byed pa po med pa nyid dang / go rims bzhin du thams cad mkhyen pa nyid gsum gyi bdag nyid kyi ched du bya ba dang sbyor ba dang byed pa rnams kyi bya dka' ba nyid dang /skal ba ji lta ba bzhin du 'bras bu 'thob pas mi stong pa nyid dang / gzhan gyi rkyen gyis mi 'gro ba nyid dang / yongs su 'gyur ba dang / mnyam du tshogs pa dang / 'gal ba dang / rkyen dang / ma 'phos pa dang /rten med pa dang / byed pa po ma yin pa rnams su shes pa la snang ba bdun la sgrub pa'i yongs su shes pa bsal ba'i sgo nas/ byang chub sems dpa' rnams kyi de dang de la sbyor ba rnam pa bcu rjes su 'gro ba'i sgo nas bstan pas/ shugs kyis na nyan thos la sogs pa'i ji skad bshad pa las bzlog ste sbyor ba yin no//mnyam pa nyid kyi sgo nas sbyor ba bsgom dgos pas/ sbyor ba'i 'og tu mnyam pa nyid/ /gzugs la sogs la rlom med pa/ /rnam bzhi de yi mnyam pa nyid/ /ces bya ba gsungs te/ gzugs la sogs pa la mngon par zhen pa dang /sngon po la sogs pa'i mtshan ma dang / spros pa dang rtogs pa'i rlom pa rnams rnam pa thams cad du mi dmigs pa ni sbyor ba'i mnyam pa nyid yin no/ /sbyor ba'i mnyam pa nyid so sor rtogs nas mthong ba'i lam bsgom dgos pas mthong ba'i lam/sdug bsngal la sogs bden pa la/ /chos shes rjes su shes pa dang / /bzod shes skad cig bdag nyid 'di/ /kun shes tshul la mthong ba'i lam/ /zhes bya ba gsungs te/ bden pa so so la chos shes pa'i bzod pa dang / chos shes pa dang rjes su shes pa'i bzod pa dang rjes su shes pa ste/de ltar skad cig ma bcu drug gi bdag nyid ni/ thams cad shes pa nyid kyi skabs su mthong ba'i lam yin no/ /bden pa'i rnam pa gang yin zhe na/ gzugs rtag ma yin mi rtag min/ /mtha' las 'das dang rnam dag dang //ma skyes ma 'gags la sogs dang / /mkha' 'dra chags pa spangs pa dang / /yongs su 'dzin las grol ba dang / /ngo bo nyid kyis brjod med dang / /gang phyir 'di don brjod pa yis/ /gzhan la sbyin du med pa dang / /dmigs pa med par byed pa dang / / shin tu rnam dag nad mi 'byung / /ngan song chad dang 'bras bu ni/ /mngon du bya la mi rtog nyid/ /mtshan ma dag dang ma 'brel dang / /dngos dang ming dang gnyis po la/ /shes pa skye ba med pa ni/ /kun shes nyid kyi skad cig ma/ /zhes bya ba gsungs te/ ngo bo nyid med pa'i phyir gzugs la sogs pa rtag pa dang mi rtag pa nyid dang bral bas na rtag pa yang ma yin mi rtag pa yang ma yin pa dang /sdug bsngal ba dang sdug bsngal ba ma yin pa dang bral ba nyid kyis rtag pa dang chad pa'i mtha' dang bral ba dang stong pa dang mi stong pa dang bral ba'i phyir rnam par dag pa dang /bdag dang bdag med pa'i ngo bo nyid yin pas ma skyes pa dang / ma 'gags pa dang / kun nas nyon mongs pa ma yin pa dang / rnam par byang ba ma yin pa zhes bya ba la sogs pa ni/ sdug bsngal gyi bden pa'i rnam pa dag yin no/ /rgyu dang rgyu ma yin pa gsog nyid kyi phyir nam mkha' dang 'dra ba dang /kun 'byung ba dang / kun 'byung ba med pa dang / mi ldan pa'i phyir/ nyon mongs pa dang nye ba'i nyon mongs pa thams cad spangs pa dang / rab tu skye ba dang / rab tu mi skye ba dang ma 'brel bas yongs su 'dzin pa las grol ba dang rkyen dang rkyen ma yin pa las rnam par grol ba'i phyir/rang gi ngo bos brjod du med pa zhes bya ba ni kun 'byung ba'i bden pa yin no/ /gang gi phyir 'gog pa dang / 'gog pa med pa dang ma 'brel pa de'i phyir/ 'gog pa'i bden pa'i don tshig tu brjod pas rgyud gzhan la sbyin du med pa dang /zhi ba dang ma zhi ba med pas dmigs pa med par phyed pa dang / gya nom pa dang / gya nom pa ma yin pa dang bral ba'i phyir/ mtha' gnyis las 'das shing rnam par dag pa dang / nges par 'byung ba dang nges par 'byung ba med pa yang med pa'i phyir nad thams cad mi skye ba zhes bya ba ni 'gog pa'i bden pa yin no//lam dang lam ma yin pa dang bral ba'i phyir ngan song chad pa dang / rigs pa dang rigs pa ma yin pa dang ma 'dres pa'i phyir 'bras bu mngon sum du bya ba'i don gyi thabs la rnam par mi rtog pa nyid dang /sgrub pa dang sgrub pa ma yin pa las rnam par grol ba nyid kyis chos thams cad kyi mtshan ma dag dang ma 'brel pa dang / nges par 'byin pa dang nges par 'byin pa ma yin pa med pa nyid kyis brjod par bya ba dang rjod par byed pa'i ngo bo'i mtshan nyid shes bya dang sgra gnyis la shes pa skye ba med pa zhes bya ba ni lam gyi bden pa yin te/de lta bu'i rnam pa can gyi kun shes pa nyid kyi skad cig ma de dag ni byang chub sems dpa' rnams kyi mthong ba'i lam yin no/ /nyan thos rnams kyis de las bzlog pa mi rtag pa la sogs pa'i rnam pa dag tu bsgom par bya ba ni kun shes pa nyid la mthong ba'i lam yin no//nyan thos kyi lam ni byang chub sems dpas yongs su shes par bya ba yin gyi/ mngon du bya ba ni ma yin pas bsgom pa'i lam ni ma bstan to/ /de ltar rgyas par bstan nas don mtha' dag sdud par byed pa nyid kyis thams cad mkhyen pa nyid gsum mjug bsdu bar/de ltar 'di dang yang 'di dang / /yang 'di yin te rnam gsum po/ /'di ni gnas skabs gsum po dag /rdzogs par yongs su bstan pa yin/ /zhes bya ba gsungs te/ bshad ma thag pa'i tshul du rnam pa thams cad mkhyen pa nyid 'di dang /lam shes pa nyid 'di dang / thams cad shes pa nyid 'di ste/ de ltar le'u gsum gyi rnam pa gsum po yongs su rdzogs par mdzad pa yin no/ /shes rab kyi pha rol tu phyin pa'i man ngag gi bstan bcos mngon par rtogs pa'i rgyan zhes bya ba las/skabs gsum pa'i 'grel pa'o// //thams cad mkhyen pa nyid gsum yongs su shes pa ni/ dbang du bya ba'i phyir yang rnam pa thams cad dang lam dang gzhi shes pa bsdu ba'i sgo nas/ thams cad mkhyen pa nyid gsum sgom par byed pas/rnam pa kun mngon par rdzogs par rtogs pa/ gzhi shes pa yi bye brag rnams/ /rnam pa zhes bya mtshan nyid de/ /kun mkhyen nyid ni rnam gsum phyir/ /de ni rnam pa gsum du 'dod/ /ces bya ba gsungs te/ rtag pa la sogs par 'dzin pa mi mthun pa'i phyogs kyi gnyen po'i chos nyid kyi ngo bo nyid mi rtag pa la sogs pa la dmigs pa'i ye shes kyi bye brag rnams rnam pa nyid du rnam par gzhag pa ni mtshan nyid de/ de dag kyang thams cad mkhyen pa nyid gsum gyi bye brag gis rnam pa gsum kho nar bzhed do//rnam pa rnams spyir bstan nas/ da ni khyad par du/ med pa'i rnam pa nas bzung ste/ /mi g.yo ba yi rnam pa'i bar/ /bden pa so so la bzhi dang / /lam la de ni bco lngar bshad/ /ces bya ba gsungs te/ de la thams cad shes pa nyid kyi dbang du byas nas/med pa dang / mi skye ba dang / dben pa dang / mi brdzi ba dang / gnas med pa dang / nam mkha' dang / brjod du med pa dang / ming med pa dang 'gro ba med pa dang mi 'phrogs pa dang mi zad pa dang skye ba med pa'i rnam pa ste bcu gnyis ni go rims bzhin du sdug bsngal la sogs pa'i bden pa gsum gyi/mi rtag pa la sogs pa'i mtshan nyid dag yin no/ /nyon mongs pa'i sgrib pa'i gnyen po nyid du zag pa med pa'i lam gcig dang / thams cad shes pa nyid kyis rang sangs rgyas rnams kyang bsdus pas de'i phyir de dag gi shes bya'i sgrib pa'i gnyen po nyid du bsgom pa'i lam zag pa dang bcas pa dang /zag pa med pa gnyis yin pas lam rnam pa gsum mo/ /de la dang po la byed pa po med pa dang / shes pa po med pa dang / 'pho ba med pa dang / 'dul ba med pa'i rnam pa ste/bzhi ni go rims bzhin du lam la sogs pa'i mtshan nyid dag yin no/ /gnyis pa la rmi lam dang / sgra brnyan dang / mig yor dang / smig rgyu dang / sgyu ma'i rnam pa ste lnga ni/ go rims bzhin du ngo bo nyid med pa dang / ma skyes pa dang /ma 'gags pa dang / gzod ma nas zhi ba dang rang bzhin gyis mya ngan las 'das pa'i mtshan nyid spyir shes bya'i sgrib pa'i gnyen por gyur pa dag yin no/ /gsum pa la kun nas nyon mongs pa med pa dang / rnam par byang ba med pa dang / gos pa med pa dang /spros pa med pa dang / rlom pa med pa dang / mi g.yo ba'i rnam pa ste/ drug ni go rims bzhin du shes bya'i sgrib pa kun nas nyon mongs pa dang / rnam par byang ba dang / nyon mongs pa'i bag chags dang / gzugs la sogs pa'i spros pa dang / rang gi rtogs pa dang /yongs su nyams par rnam par rtog pa rnams kyi so sor nges pa'i gnyen por gyur pa dag yin no/ /de ltar na lam gyi bden pa la rnam pa bco lnga ste/ spyir na thams cad shes pa nyid kyi rnam pa nyi shu rtsa bdun yin no/ /de'i 'og tu lam shes pa nyid kyi rnam pa/rgyu dang lam dang sdug bsngal dang / /'gog pa la ni go rims bzhin/ /de dag brgyad dang bdun dang ni/ /lnga dang bcu drug ces bsgrags so/ /zhes bya ba gsungs te/ kun nas nyon mongs pa dang cig shos kyi phyogs la brten nas/ kun 'byung ba dang /lam gyi bden pa dag ni rgyu yin la/ sdug bsngal dang 'gog pa'i bden pa dag ni 'bras bu yin par don gyi sgo nas bstan te/ kun 'byung ba dang / lam dang / sdug bsngal dang / 'gog pa'i bden pa la grangs bzhin du rnam pa brgyad dang zhes bya ba la sogs pa khong du chud par bya'o//de la 'dod chags dang bral ba dang / mi gnas pa dang / zhi ba dang / 'dod chags med pa dang / zhe sdang med pa dang / gti mug med pa dang / nyon mongs pa med pa dang / sems can med pa'i rnam pa dag ni go rims bzhin du rgyu gang yin pa ste/'dun pa dang / 'dod chags dang / dga' ba dang / kun 'byung ba gang yin pa ste/ 'dod chags dang / zhe sdang dang / gti mug dang / rab tu skye ba gang yin pa ste/ kun du rtog pa dang / rkyen gang yin pa ste sems can du mngon par zhen pa/ de rnams kyi gnyen por gyur pa gsum dang /gsum dang / gcig dang gcig ste/ de ltar na rgyu'i bden pa'i rnam pa brgyad yin no/ /tshad med pa dang / mtha' gnyis dang ma 'brel ba dang / tha mi dad pa dang / mchog tu 'dzin pa med pa dang / rnam par mi rtog pa dang / gzhal du med pa dang /chags pa med pa'i rnam pa dag ni/ go rims bzhin du sems can thams cad la go skabs 'byed pa'i lam dang / ji ltar sems can thams cad la go skabs 'byed pa dang / rigs pa gang yin pa dang / ji ltar rigs pa yin pa dang / sgrub pa gang yin pa dang /ji ltar sgrub pa yin pa dang / nges par 'byin pa gang yin pa de rnams kyi ngo bo nyid/ gnyis dang gnyis dang / gnyis dang gcig ste/ de ltar na lam gyi bden pa'i rnam pa bdun yin no/ /mi rtag pa dang / sdug bsngal ba dang / stong pa dang bdag med pa'i rnam pa dang /lnga pa mtshan nyid med pa'i rnam pa'i ngo bo nyid rnams te/ de ltar na sdug bsngal gyi bden pa'i rnam pa lnga yin no/ /'gog pa'i rnam pa'i ngo bo nyid ni nang dang phyi dang gnyis ka'i dngos po rnams dgag pas/ nang dang phyi dang gnyis ka stong pa nyid kyi rnam pa ste gsum dang /zhi ba'i rnam pa'i ngo bo nyid btags pa'i bdag stong pa dang / snod kyi 'jig rten dang / don dam pa dang / 'dus byas dang / 'dus ma byas dang / rtag pa dang chad pa'i mtha' dang / 'khor ba thog ma dang tha ma med pa dang / rtogs pa'i chos dor ba med pa la mngon par zhen pa dgag pas/stong pa dang / chen po dang / don dam pa dang / 'dus byas dang / 'dus ma byas dang / mtha' las 'das pa dang / thog ma dang tha ma med pa dang / dor ba med pa stong pa nyid kyi rnam pa ste brgyad dang / gya nom pa'i rnam pa gzhan gyis kun brtags pa'i byed pa po dgag pas/rang bzhin stong pa nyid kyi rnam pa dang / nges par 'byung ba'i rnam pa yul du 'khrul pa'i bdag nyid brtags pa dang / mtshan nyid dang / dus su 'khrul pa rnams dgag pas/ chos thams cad dang /rang gi mtshan nyid dang / mi dmigs pa stong pa nyid kyi rnam pa ste gsum dang nges par 'byung ba'i rnam pa kho na ngo bo nyid dgag pas dngos po med pa'i ngo bo nyid stong pa nyid kyi rnam pa gcig ste/ de ltar na 'gog pa'i bden pa'i rnam pa ni bcu drug yin la/ spyir na lam shes pa nyid kyi rnam pa sum cu rtsa drug yin no/ /de'i 'og tu rnam pa thams cad mkhyen pa nyid kyi rnam pa/ dran pa nyer gzhag nas bzung ste/ /sangs rgyas rnam pa'i mthar thug rnams/ /lam gyi bden pa'i rjes mthun par/ /kun mkhyen gsum du phye bas na/ / slob ma byang chub sems dpa' dang / /sangs rgyas rnams la rim bzhin de/ /sum cu bdun dang sum cu bzhi/ /sum cu rtsa dgu dag tu bzhed/ /ces bya ba gsungs te/ dran pa nye bar gzhag pa nas bzung ste/ sangs rgyas kyi rnam pa'i mthar thug pa rnams ni thams cad mkhyen pa nyid gsum gyis bsdus pa'i lam yin pa'i sgo nas/rnam pa thams cad mkhyen pa nyid kyis 'phags pa'i gang zag thams cad bsdus pa'i phyir/ grangs bzhin du nyan thos rnams la rnam pa sum cu rtsa bdun dang / byang chub sems dpa' rnams la sum cu rtsa bzhi dang /sangs rgyas rnams la sum cu rtsa dgur bzhed do zhes bya ba yin no/ /de la thams cad shes pa nyid la dang por dngos po la yongs su rtog pa'i lam la/ bden pa bzhi la 'jug par bya ba'i phyir/ lus dang / tshor ba dang / sems dang / chos rang dang spyi'i mtshan nyid kyis yongs su brtags pa dran pa nye bar gzhag pa'i rnam pa bzhi'o de'i 'og tu zhugs pa la brtson 'grus 'byung bas rtsol ba las byung ba'i lam la mi dge ba dang dge ba skyes pa dang ma skyes pa dag go rims bzhin du yang dag par spong ba dang mi bskyed pa dang /spel ba dang / bskyed pa'i rgyu'i brtson 'grus yang dag par spong ba'i rnam pa bzhi'o/ /brtson 'grus dang ldan pa ni sems las su rung ba nyid du byed pas/ ting nge 'dzin yongs su sbyong ba'i lam la/ 'dun pa dang / brtson 'grus dang / sems dang / dpyod pa'i ting nge 'dzin spong ba'i 'du byed dang ldan pa'i rdzu 'phrul gyi rkang pa'i rnam pa bzhi'o//sems yongs su sbyang ba byas pa la dro ba dang rtse mo'i sbyor ba 'byung bas mngon par rtogs par sbyor ba'i lam la dro ba dang rtse mo'i ngo bo nyid/ dad pa dang / brtson 'grus dang / dran pa dang / ting nge 'dzin dang /shes rab kyi dbang po'i rnam pa lnga'o/ /dro ba la sogs pa thob pa la bzod pa dang chos kyi mchog 'byung bas mngon par rtogs pa dang 'brel ba'i lam la bzod pa dang chos mchog gi ngo bo nyid/ dad pa dang / brtson 'grus dang / dran pa dang / ting nge 'dzin dang /shes rab kyi stobs kyi rnam pa lnga'o/ /dro ba la sogs pa bzhi rtogs pa la bden pa mthong ba'i lam 'byung bas/ mngon par rtogs pa'i lam la dran pa dang / chos rab tu rnam par 'byed pa dang / brtson 'grus dang / dga' ba dang / shin tu sbyangs pa dang /ting nge 'dzin dang / btang snyoms yang dag byang chub kyi yan lag gi rnam pa bdun no/ /bden pa mthong ba yongs su shes pa la bsgom pa'i lam 'byung bas/ rnam par dag par nges par 'byin pa'i lam la yang dag pa'i lta ba dang / rtog pa dang / ngag dang / las kyi mtha' dang / 'tsho ba dang / rtsol ba dang / dran pa dang / ting nge 'dzin 'phags pa'i lam yan lag brgyad kyi rnam pa brgyad de/ de ltar na slob ma rnams la kun shes pa nyid kyi lam gyi rten can gyi rnam pa sum cu rtsa bdun yin no/ /lam shes pa nyid la gnyen po'i lam//lta bas byas pa'i gnyen po dang / /de'i rgyu mtshan gyi rnam par rtog pa'i gnyen po dang / khams gsum pa la smon pa'i gnyen po zhes bya ba de lta bu'i ngo bo nyid la go rims bzhin du stong pa dang / bdag med pa'i rnam pa'i ngo bo nyid ni rnam par thar pa'i sgo dang po'o//'gog pa dang / lam gyi bden pa'i rnam pa'i ngo bo nyid ni gnyis pa'o/ /mi rtag pa dang / sdug bsngal ba dang / kun 'byung ba'i bden pa'i rnam pa'i ngo bo nyid ni gsum pa ste/ de ltar na rnam par thar pa'i sgo gsum gyi rnam pa gsum mo//sprul pa'i lam la/ gzugs kyi 'du shes rnam par ma bshig pa dang rnam par bshig pa'i phyir/ go rims bzhin du nang gzugs can dang gzugs can ma yin pas phyi rol gyi gzugs rnams la lta'o zhes bya ba sprul pa'i sgrib pa'i gnyen por rnam par thar pa 'di gnyis dang /gzugs sdug pa dang mi sdug pa sprul pa la go rims bzhin du dga' ba dang mi dga' ba'i kun nas nyon mongs pa de dag gi gnyen por sdug pa'i rnam par thar pa'i sgo lus kyis mngon sum du byas nas rdzogs par byas te/ gnas so zhes bya ba rnam par thar pa gcig ste de ltar na rnam par thar pa'i sgo rnam pa gsum mo//mthong ba'i chos la bde bar gnas pa'i lam la thar pa dang mthun par gnas pa'i lam gyi rang bzhin la gzugs med pa'i snyoms par 'jug pa'i rnam pa bzhi dang zhi bar gnas pa'i lam gyi rang bzhin la 'du shes dang tshor ba 'gog pa'i rnam pa gcig ste de ltar na rnam pa lnga'o//'jig rten las 'das pa'i lam la bsam gtan bzhi dang gzugs med pa dang 'gog pa'i snyoms par 'jug pa dag ste dgu'o/ /spong ba'i lam la bar chad med pa'i lam gyi rnam pa bden pa bzhis bsdus pa nyon mongs pa dang mi ldan pa'i mtshan nyid bzhi'o//sangs rgyas nyid kyi lam la/ sbyin pa la sogs pa'i pha rol tu phyin pa rnam pa bcu ste/ de ltar na byang chub sems dpa' rnams la lam shes pa nyid kyi lam gyi rten can gyi rnam pa sum cu rtsa bzhi'o//rnam pa thams cad mkhyen pa nyid kyi rnam pa ni shin tu phul du byung ba'i phyir thun mong ma yin pa'i lam gcig pu kho na yin te/ de la ni gnas dang gnas ma yin pa dang / las kyi rnam par smin pa dang / mos pa sna tshogs dang / 'jig rten gyi khams du ma dang /dbang po mchog dang mchog ma yin pa dang / thams cad du 'gro ba'i lam dang / kun nas nyon mongs pa dang / rnam par byang ba dang / sngon gyi gnas rjes su dran pa dang / 'chi 'pho dang / skye ba dang / zag pa zad pa mkhyen pa'i stobs kyi rnam pa bcu dang /nga ni sangs rgyas so zhes bdag nyid zhal gyis 'ches pa dang / 'dod chags la sogs pa bar chad byed pa nyid du brjod pa dang / thams cad shes pa nyid la sogs pa'i lam nges par 'byung ba nyid du rab tu bstan pa dang / bdag nyid kyi zag pa zad pa nyid du zhal gyis bzhes pa la rgol ba po med pas mi 'jigs pa'i rnam pa bzhi dang /rnam grangs dang / chos kyi mtshan nyid dang / yul gyi skad dang / chos rab tu dbye ba'i yul la go rims bzhin du chos dang / don dang / nges pa'i tshig dang / spobs pa so so yang dag par rig pa'i rnam pa bzhi dang /'khrul pa dang / ca co dang / dran pa nyams pa dang / thugs mnyam par ma bzhag pa dang / tha dad pa nyid kyi 'du shes dang / so sor ma brtags pa'i btang snyoms mi mnga' ba'i rnam pa drug dang / 'dun pa dang / brtson 'grus dang / dran pa dang /ting nge 'dzin dang / shes rab dang / rnam par grol ba las nyams pa mi mnga' ba'i rnam pa drug dang / sku dang gsung dang thugs kyi phrin las rnams ye shes sngon du 'gro zhing ye shes kyi rjes su 'brang ba'i rnam pa gsum dang / 'das pa dang / ma 'ongs pa dang /da ltar byung ba la/ ma chags ma thogs pa'i ye shes kyi rnam pa gsum ste/ de ltar sangs rgyas kyi chos ma 'dres pa bco brgyad kyi rnam pa dag dang / sangs rgyas thams cad kyis bshad pa'i de bzhin nyid dang / chos thams cad la mnga' sgyur ba'i rang 'byung dang /rnam pa thams cad mngon par rdzogs par byang chub pa'i sangs rgyas nyid kyi rnam pa gsum ste/ de ltar na sangs rgyas rnams kyi rnam pa thams cad mkhyen pa nyid kyi lam gyi rten can gyi rnam pa ni sum cu rtsa dgu'o/ /de la thams cad shes pa nyid kyi rnam pa ni nyan thos dang byang chub sems dpa'i bye brag gis/go rims bzhin du zag pa med pa dang / zag pa dang bcas pa dag kyang yin no/ /lam shes pa nyid kyi rnam pa ni byang chub sems dpa' rnams kyi nyon mongs pa shin tu ma spangs pa'i phyir zag pa dang bcas pa kho na yin no//rnam pa thams cad mkhyen pa nyid kyi lam gyi rnam pa ni yang dag par rdzogs pa'i sangs rgyas kyis nyon mongs pa dang shes bya'i sgrib pa'i bag chags dang bcas te rnam pa thams cad du spangs pas chos thams cad la mnga' sgyur ba'i phyir zag pa med pa kho na dag yin te/rnam pa rnams gcig tu bsdoms na rnam pa brgya bdun cu rtsa gsum yod do/ /sbyor ba khyad par can dag gis rnam pa rnams bsgom dgos na de dag kyang sbyor ba po med par brjod par mi nus pas mnyan pa la sogs pa'i snod sbyor ba po/ sangs rgyas rnams la lhag par byas//de la dge ba'i rtsa ba bskrun/ /dge ba'i bshes kyi mgon bcas pa/ /'di mnyan pa yi snod yin no/ /sangs rgyas bsten dang kun 'dri dang / /sbyin dang tshul khrims sogs spyod pas / /len dang 'dzin pa la sogs pa'i/ /snod du dam pa rnams bzhed do//zhes bya ba gsungs te/ 'das pa dang da ltar byung ba'i sangs rgyas rnams la spyir dge ba'i rtsa ba bskrun cing sbyangs pa dang / de bzhin gshegs pa rnams la lus la sogs pa'i bsnyen bkur gyis mnyes par bya ba dang / the tshom gyi don yongs su 'dri ba dang /sbyin pa la sogs pa'i pha rol tu phyin pa bcu sgrub pa dang ldan pa dang / dge ba'i bshes gnyen dag gis byin gyis brlabs pa rnams ni/ go rims ji lta bar rnam pa'i mtshan nyid can gyi yum 'di'i gzhung mnyan pa dang / 'dzin pa dang / don mi brjed pa dang / tshul bzhin yid la byed pa'i snod nyid yin par sangs rgyas la sogs pa bzhed do/ /de ltar sbyor ba po bstan nas sbyor ba/ gzugs la sogs la mi gnas phyir/ /de la sbyor ba bkag pa'i phyir/ /de yi de bzhin nyid zab phyir/ /de rnams gting dpag dka' ba'i phyir//de dag tshad ni med phyir dang / /tshegs chen yun rings rtogs pa'i phyir/ /lung bstan phyir mi ldog nyid dang / /nges 'byung bar chad med bcas dang / /byang chub nye dang myur ba dang / /gzhan don 'phel med 'grib med phyir/ /chos dang chos min sogs mi mthong //gzugs sogs bsam mi khyab mi mthong / /gzugs sogs de yi mtshan ma dang / /de yi ngo bo rnam mi rtog /'bras bu rin chen sbyin byed dang / /de ni dag pa mtshams dang bcas/ /zhes bya ba gsungs te/ gzugs la sogs pa la ngo bo nyid med pa nyid kyis mi gnas pa dang /de dag la mi sbyor ba nyid sbyor ba yin pa dang / gzugs la sogs pa de dag nyid de bzhin nyid kyi ngo bo nyid kyis zab pa dang / gting dpag dka' ba dang / tshad med pa zhes bya ba de ltar rtogs pa rnams kyi grangs bzhin du gzugs la sogs pa la mi gnas pa dang /mi sbyor ba dang / zab pa dang / gting dpag dka' ba dang / tshad med pa'i sbyor ba ste lnga dang / shes rab kyi pha rol tu phyin pa la skrag pa dang mi skrag pa dang / yang dag par 'dzin pa dang / bar chad kyi chos spong ba dang / rtag tu chos sgom pa dang /zag pa med pa'i chos gsar gyi rten nyid dang / 'bras bu chos kyi sku mngon par 'grub pa dang / chos kyi 'khor lo rab tu bskor ba dang / 'phel ba dang 'grib pa mi mthong ba dang / 'dod pa'i khams su mi dmigs pa dang / gzugs la sogs pa bsam gyis mi khyab pa'i rnam par rlom pa med pa dang /gzugs dang / de'i mtshan ma dang / de'i ngo bo nyid du rnam par mi rtog pa dang / 'bras bu dang po mthong ba dang / gzugs rnam par dag pa dang / lo skor du mngon par brtson pa mi 'dor ba zhes bya ba la sogs pa'i sgrub pa dang ldan pa rnams kyi go rims bzhin du/tshegs chen pos yun ring po zhig nas mngon par rdzogs par 'tshang rgya ba dang / lung bstan pa 'thob pa dang / phyir mi ldog pa nyid dang / nges par 'byung ba dang / bar chad med pa dang / yang dag par mngon par rdzogs pa'i byang chub la nye ba dang /myur du mngon par rdzogs par byang chub pa dang / gzhan gyi don dang / 'phel ba dang / 'grib pa med pa dang / chos dang chos ma yin pa la sogs par mi dmigs pa dang / gzugs la sogs pa bsam gyis mi khyab pa'i rnam pa 'gog pa dang /gzugs la sogs pa'i dngos por rnam par mi rtog pa dang / 'bras bu rin po che sbyin pa dang / rnam par dag pa dang / sa mtshams la sbyor ba dang rnam pa bco lnga ste sbyor ba nyi shu yin no/ /yon tan mthong ba sngon du btang na sbyor ba rnams la shin tu goms par byed pas sbyor ba'i 'og tu de dag gi yon tan/bdud kyi mthu bcom la sogs pa/ /yon tan rnam pa bcu bzhi'o/ /zhes bya ba gsungs te/ bdud kyi mthu bcom pa dang / sangs rgyas kyis dgongs shing mkhyen pa nyid dang / sangs rgyas kyis mngon sum du mdzad pa dang /yang dag par rdzogs pa'i byang chub dang nye bar gyur pa dang / don chen po nyid la sogs pa dang / yul dpyad pa dang / zag pa med pa'i yon tan thams cad rdzogs pa dang / smra ba'i skyes bu nyid dang / mi phyed pa nyid dang / dge ba'i rtsa ba thun mong ma yin pa skye ba dang /dam bcas pa'i don ji lta ba bzhin du sgrub pa dang / 'bras bu rgya chen po yongs su 'dzin pa dang / sems can gyi don sgrub pa dang / nges par 'thob pa zhes bya ba'i yon tan rnams te/ grangs bzhin du sangs rgyas rnams kyis byin gyis brlabs pa dang /dgongs pa dang ye shes kyis gzigs pa dang / nye bar gyur pa dang / phan yon chen po dang / bya ba byed pa dang / gnyen po'i chos yongs su rdzogs pa dang / rnam pa thams cad mkhyen pa nyid kyi gtam brjod pa dang / grogs mdzad pa dang / dga' ba rgya chen po skyed pa dang / de'i dam bcas pa'i tshig la rjes su yi rang ba dang / chos zab mo mngon par 'dod pa dang / sems can gyi don byed pa dang / shes rab kyi pha rol tu phyin pa tshang bar rnyed pa zhes bya ba de dag phyin ci ma log pa'i sbyor ba la mngon par dga' ba la 'byung zhing 'thob pas yon tan bcu bzhi yin no//de'i 'og tu yang gang zhig yongs su spangs pas sbyor ba rnams bsgom par bya ba sbyor ba'i bar chad byed pa'i skyon gang dag cig yin zhe na/ de dag gi bar chad du 'gyur ba'i skyon/ skyon ni bcu tshan bzhir bcas pa/ /drug tu nges par rtogs par bya//zhes bya ba gsungs te/ tshegs chen pos 'thob pa dang / /spobs pa ha cang myur ba dang / lus kyi gnas ngan len dang / sems kyi gnas ngan len dang / rigs pa ma yin pas bskyed pa'i kha don byed pa la sogs pa dang / phyir phyogs pa'i rgyu mtshan 'dzin pa nyid dang /rgyu la mngon par zhen pa nyams pa dang / gya nom pa'i ro myang ba nyams pa dang / rnam pa thams cad du theg pa'i mchog kun du 'dzin pa nyams pa dang / rtag tu ched du bya ba nyams pa zhes bya ba ni bcu tshan dang po'o/ /rgyu dang 'bras bu 'brel pa nyams pa dang /gong na med pa nyams pa dang / yul rnam pa mang po la rnam par rtog pa'i spobs pa 'byung ba dang / yi ger 'dri ba la mngon par zhen pa dang / dngos po med pa la mngon par zhen pa dang / yi ge la mngon par zhen pa dang / yi ge med pa la mngon par zhen pa dang /yul la sogs pa yid la byed pa dang / rnyed pa dang bkur sti dang tshigs su bcad pa'i ro myang ba dang / lam ma yin pas thabs la mkhas pa tshol ba zhes bya ba ni bcu tshan gnyis pa'o/ /grangs bzhin du nyan pa po dang 'chad pa po dag snga ma dang phyi ma gang yang rung ba dang mngon par 'brel bas/'dun pa dang / snyom las kyis nyams pa dang / 'dun pa'i yul tha dad pas nyams pa dang / 'dod chen chung ba dang 'dod chen chung ba ma yin pa nyid kyis nyams pa dang / sbyangs pa'i yon tan dang ldan pa dang mi ldan pa dag dang /dge ba dang dge ba ma yin pa'i chos nyid dang / gtong ba dang ser sna byed pa dang / sbyin pa dang mi len pa dang / mgo smos pas go ba dang / rnam par spros pas go ba nyid dang / mdo la sogs pa'i chos mngon par shes pa dang mngon par mi shes pa nyid dang /pha rol tu phyin pa drug dang ldan pa dang / mi ldan pa zhes bya ba ni bcu tshan gsum pa'o/ /de kho na bzhin du thabs dang thabs ma yin pa la mkhas pa dang / gzungs thob pa dang ma thob pa dag dang / yi ger 'dri 'dod pa dang / yi ger 'dri mi 'dod pa dag dang /'dod pa'i 'dun pa dang bral ba dang ma bral ba nyid ces bya ba bzhi dang / ngan song gi 'gro ba la phyir phyogs pa dang / bde 'gror 'gro ba la yid bde ba ste gnyis dang / 'chad pa po dang nyan pa po dag snga ma dang phyi ma gang yang rung ba 'brel pas grangs bzhin du gcig pu dang /'khor la mngon par dga' ba nyid dang / go skabs mi 'byed pa nyid dang rjes su 'brel par 'dod pa nyid dang / zang zing cung zad tsam 'dod pa nyid dang / de sbyin par mi 'dod pa nyid dang / srog gi bar chad du 'gyur ba dang mi 'gyur ba'i phyogs su 'gro ba zhes bya ba bzhi ste/bcu tshan bzhi pa'o/ /de bzhin du mu ge byung ba'i phyogs su 'gro ba dang mi 'gro ba dang / chom rkun pa la sogs pas dkrugs pa'i phyogs su 'gro ba dang mi 'gro ba dang / khyim lta bas yid mi bde ba zhes bya ba gsum dang / bdud kyis 'byed pa'i sbyor ba dang bcos ma nye bar sgrub pa dang / yul ji lta ba bzhin ma yin par dga' ba bskyed pa zhes bya ba gzhan gsum ste/ de ltar na skyon bzhi bcu rtsa drug yin no/ /go rims bzhin du yon tan dang skyon blang ba dang dor bas sbyor ba rnams bsgom par bya ba ni mtshan nyid shes pa sngon du 'gro ba can yin pas skyon gyi 'og tu de dag gi mtshan nyid/gang gis mtshon de mtshan nyid du/ /shes bya de yang rnam pa gsum/ /shes pa khyad par byed pa ste/ /ngo bo nyid gang mtshon bya yang / /zhes bya ba gsungs te/ byed par sgrub pas 'dis sbyor ba rnams mtshon par byed pas na/shes pa dang / khyad par dang / byed pa dang / las su sgrub pas de rnams mtshon par bya ba yin pas ngo bo nyid kyi mtshan nyid de/ mtshan nyid ni rnam pa bzhir shes par bya'o/ /de la shes pa'i mtshan nyid thams cad mkhyen pa nyid gsum gyi dbye bas tha dad pa la/re zhig thams cad shes pa nyid kyi sgo nas/ de bzhin gshegs pa 'byung ba dang / /'jig rten 'jig med bdag nyid dang / /sems can sems kyi spyod pa dang / /de bsdus pa dang phyir ltas dang / / mi zad pa yi rnam pa dang / /chags bcas sogs dang rgya chen dang / /chen por gyur dang tshad med dang / /rnam shes bstan du med pa dang / /sems bltar med dang shes pa de/ /g.yo ba la sogs zhes bya dang / /de las gzhan yang de dag ni/ /de bzhin nyid kyi rnam par shes//thub pas de bzhin nyid rtogs de/ /gzhan la bstan pa zhes bya 'di/ /thams cad shes pa nyid skabs kyi/ /shes pa'i mtshan nyid bsdus pa yin/ /zhes bya ba gsungs te/ de bzhin gshegs pa 'byung ba dang / 'jig rten 'jig pa med pa dang / sems can gyi sems kyi spyod pa dang / sems bsdus pa dang / sems rnam par g.yengs pa dang / sems mi zad pa'i rnam pa dang / sems 'dod chags dang bcas pa la sogs pa dang / sogs pa zhes bya ba'i sgras bsdus pa sems 'dod chags dang bral ba dang / sems rgya chen po dang / sems chen por gyur pa dang / sems tshad med pa dang / sems bstan du med pa dang / sems bltar med pa dang / sems g.yo ba la sogs pa dang / g.yo ba la sogs pa de bzhin nyid kyi rnam pa can dang / de bzhin gshegs pas de bzhin nyid rtogs pa de gzhan la bstan cing btags pa zhes bya ba 'di rnams kyi shes pa'i rnam pa'i bye brag bcu drug gis /tshul bzhin du thams cad shes pa nyid kyi sbyor ba rnams ji lta ba bzhin mtshon pas na/ shes pa'i mtshan nyid thams cad shes pa nyid kyis bsdus pa yin no//de'i 'og tu lam shes pa nyid kyi sgo nas/ stong nyid mtshan ma med bcas dang / /smon pa rnam par spangs pa dang / /skye med 'gag pa med sogs dang / /chos nyid rnam par 'khrug med dang / /'du mi byed dang rnam mi rtog /rab dbye mtshan nyid med nyid la//lam shes nyid kyi skabs kyis ni/ /shes pa'i mtshan nyid yin par bzhed/ /ces bya ba gsungs te/ stong pa dang / mtshan ma med pa dang / smon pa med pa dang / skye ba med pa dang / 'gag pa med pa dang / sogs pa zhes bya ba'i sgras bsdus pa/kun nas nyon mongs pa med pa dang / rnam par byang ba med pa dang / dngos po med pa dang / ngo bo nyid dang / rten med pa dang / nam mkha'i mtshan nyid de drug dang / chos nyid rnam par 'khrug pa med pa dang / 'du mi byed pa dang / rnam par mi rtog pa dang /rab tu dbye ba dang / mtshan nyid med pa zhes bya ba 'di rnams kyi shes pa'i rnam pa'i khyad par bcu drug gis ji lta ba bzhin du lam shes pa nyid kyi sbyor ba dag mtshon pas na shes pa'i mtshan nyid lam shes pa nyid kyis bsdus pa yin no/ /de'i 'og tu rnam pa thams cad mkhyen pa nyid kyi sgo nas/de ni nyid kyi chos rten nas/ /gnas dang gus par bya ba dang / /bla ma nyid dang mnyes pa dang / /de la mchod dang byed med dang / /kun du 'jug mkhyen gang yin dang / /ma mthong ston par mdzad pa dang / /'jig rten stong nyid rnam pa dang / /brjod dang shes mdzad mngon sum mdzad//bsam mi khyab dang zhi nyid ston/ /'jig rten 'du shes 'gog pa la/ /rnam pa kun mkhyen tshul la ni/ /shes pa'i mtshan nyid ces bshad do/ /zhes bya ba gsungs te/ de bzhin gshegs pa de nyid kyi chos la mngon par brten nas gnas pa dang /gus par bya ba dang / bla mar bya ba dang / mnyes par bya ba dang mchod pa dang byed pa med pa nyid dang / thams cad du 'gro ba dang / ma mthong ba'i don ston pa dang / 'jig rten stong pa nyid kyi rnam pa dang / 'jig rten stong pa nyid du brjod pa dang / 'jig rten stong pa nyid du shes par mdzad pa dang /'jig rten stong pa nyid du mthong bar mdzad pa dang / bsam gyis mi khyab pa nyid du ston pa dang / zhi ba nyid du ston pa dang / 'jig rten 'gog pa dang / 'du shes 'gog pa zhes bya ba 'di rnams kyi shes pa'i rnam pa'i bye brag bcu drug gis ji lta ba bzhin du rnam pa thams cad mkhyen pa nyid kyi sbyor ba dag mtshon pas na/shes pa'i mtshan nyid rnam pa thams cad mkhyen pa nyid kyis bsdus pa yin no/ /de ltar bar skabs kyi tshigs su bcad pa dgus shes pa'i mtshan nyid spyi'i ngo bo nyid du brjod nas/shes pa'i rnam pas yongs su bcad pa rnams kyi khyad par shes par bya ba yin pas shes pa'i mtshan nyid kyi 'og tu bar skabs kyi tshigs su bcad pas khyad par gyi mtshan nyid/ bsam mi khyab sogs khyad par gyis/ /khyad zhugs bden pa'i spyod yul can/ / skad cig ma ni bcu drug gis/ /khyad par mtshan nyid bshad pa yin/ /zhes bya ba gsungs te/ bsam gyis mi khyab pa dang / mi mnyam pa la sogs pa'i khyad par gyis khyad par du byas pa'i sdug bsngal la sogs pa'i bden pa'i yul can chos dang rjes su shes pa'i bzod pa dang shes pa'i mtshan nyid bcu drug gis lam shes pa nyid la sogs pa'i sbyor ba dag mtshon pas na khyad par gyi mtshan nyid yin no//yang bsam gyis mi khyab pa la sogs pa'i khyad par gang yin zhe na/ bar skabs kyi tshigs su bcad pa gsum po/ bsam mi khyab dang mi mnyam dang / /gzhal dang bgrang las yang dag 'das/ /'phags pa kun sdud mkhas pa yis/ /rig bya thun mong min shes nyid/ /shes myur bri dang gang med dang / /sgrub dang yang dag 'grub pa dang / /dmigs pa rten dang bcas pa dang / / mtha' dag pa dang yongs 'dzin dang / /ro myang med dang khyad par ni/ /bcu drug bdag nyid shes bya ste/ /gang gis lam ni gzhan dag las/ /khyad du 'phags pas khyad par lam/ /zhes bya ba gsungs te/ yang dag par rdzogs pa'i sangs rgyas la sogs pas legs par yongs su bzung ba'i shes rab kyi stobs kyis bsam gyis mi khyab pa nyid dang /mi mnyam pa nyid dang / gzhal ba las yang dag par 'das pa dang / bgrang ba las yang dag par 'das pa dang / 'phags pa'i gang zag thams cad sdud pa dang / skyes bu mkhas pas rig par bya ba nyid dang /nyan thos la sogs pa'i spyod yul ma yin pa'i dngos po yongs su shes pa dang / rang gi lugs la ltos pa'i mngon par shes pa shin tu myur ba'i shes pa dang / kun rdzob dang don dam pa'i bden pa la brten pa'i chos thams cad bri ba med pa dang /gang ba med pa'i ngo bo dang / 'khor gsum rnam par dag pas sbyin pa la sogs pa'i pha rol tu phyin pa drug tu rab tu sgrub pa dang / yang dag pa'i sbyor bas bskal pa du mar bsgrubs pa'i bsod nams dang ye shes yang dag par 'grub pa dang / rnam par mi rtog par chos thams cad la dmigs pa dang /chos kyi dbyings kyi ngo bo nyid byang chub sems dpa'i rten dang / smon lam la sogs pa'i pha rol tu phyin pa yongs su rdzogs pa'i rgyu'i tshogs pa dang / dge ba'i bshes gnyen gyis thabs kyis yongs su bzung ba dang /mngon par zhen pa'i ro myang ba med pa dang bcu drug gi bdag nyid ces bya ba ni/ go rims bzhin du sdug bsngal la sogs pa'i bden pa'i skad cig ma rnams kyi khyad par yin te/ gang gis nyan thos la sogs pa'i lam rnams las byang chub sems dpa' la sogs pa'i lam shes pa nyid la sogs pa gnyis ni/khyad par gyi lam yin par khyad zhugs so/ /de'i phyir de dag gi ni ji skad bshad pa'i khyad par dang bral ba'i mngon par zhen pa la sogs pa skye ba'i mtshan nyid kyis go sla ba'i phyir ma bshad do/ /khyad par gyi mtshan nyid kyis rnam par bcad pa rnams kyi byed pa gang yin zhe na/bar skabs kyi tshigs su bcad pa gnyis kyis byed pa'i mtshan nyid/ phan dang bde dang skyob pa dang / /mi rnams kyi ni skyabs dag dang / /gnas dang dpung gnyen gling dang ni/ /yongs 'dren pa zhes bya ba dang //lhun gyis grub dang theg gsum gyi/ /'bras bu mngon sum mi byed bdag /tha ma rten gyi mdzad pa ste/ /'di ni byed pa'i mtshan nyid yin/ /zhes bya ba gsungs te/ ma 'ongs pa'i phan pa dang / tshe 'di'i bde ba dang / sdug bsngal med pa'i rnam par smin pa ma yin pa'i chos nyid nye bar bsgrub pa'i don gyis/thams cad shes pa nyid kyi phan pa la sogs pa'i byed pa gsum mo/ /gtan du phan pa dang / sdug bsngal gyi rgyu bzlog pa dang / 'khor ba dang mya ngan las 'das pa mnyam pa nyid du rtogs pa dang / rang dang gzhan gyi don rtogs pa'i rten gyi ngo bo dang /gzhan gyi don sgrub pa dang / sems can gyi don lhun gyis grub par 'jug pa dang / theg pa gsum gyi nges par 'byung ba'i 'bras bu mngon sum du mi byed pa zhes bya ba 'di rnams dus ji lta ba bzhin du yang dag par nye bar sgrub pa'i don gyis lam shes pa nyid kyi skyabs la sogs pa'i byed pa bdun no//rnam pa thams cad mkhyen pa nyid kyi chos thams cad ston pa nye bar bsgrub pa'i don gyis/ rnam pa thams cad mkhyen pa nyid la ni rten gyi mdzad pa gcig ste/ de ltar na byed pa'i rnam pa dag gis ji lta ba bzhin du thams cad mkhyen pa nyid gsum gyi sbyor ba dag mtshon pas na byed pa'i mtshan nyid yin no//byed pa'i mtshan nyid kyis shes par byas pa rnams kyi ngo bo nyid gang yin zhe na/ bar skabs kyi tshigs su bcad pa gsum gyis ngo bo nyid kyi mtshan nyid/ nyon mongs rtags dang mtshan ma dang / / mi mthun phyogs dang gnyen po dang / /dben dang dka' dang nges pa dang / /ched du bya dang mi dmigs dang / /mngon par zhen pa bkag pa dang / /dmigs pa zhes bya gang yin dang / /mi mthun thogs pa med dang de/ /gzhi med 'gro med skye med dang / /de bzhin nyid ni mi dmigs dang //ngo bo nyid bcu drug bdag nyid/ /mtshon cha lta bur mtshon pas na/ /mtshan nyid bzhi par bzhed pa yin/ /zhes bya ba gsungs te/ 'dod chags la sogs pa'i nyon mongs pa dang / de'i rtags lus kyi gnas ngan len dang / de'i mtshan ma tshul bzhin ma yin pa yid la byed pa la sogs pa dang /'dod chags dang 'dod chags med pa la sogs pa mi mthun pa'i phyogs dang gnyen po dag stong pa nyid kyis thams cad shes pa nyid kyi dben pa'i ngo bo nyid bzhi'o/ /don dam par med pa'i sems can mya ngan las bzla bar dka' ba dang /theg pa gzhan du mi ltung ba'i mtshan nyid kyi mtha' gcig tu nges pa dang / yun ring po nas bsgrub par bya ba mchog nyid kyi ched du bya ba dang / bsgom par bya ba dang sgom pa po'i chos mi dmigs pa dang / dngos por mngon par zhen pa mtha' dag bkag pa zhes bya ba de lta bu dag ni lam shes pa nyid kyi ngo bo nyid lnga'o//thams cad shes pa nyid dang lam shes pa nyid kyis bsdus pa'i dngos po'i khyad par la dmigs pa dang / 'jig rten gyi sgrub pa'i 'dzin pa la sogs pa las bzlog ste bstan pas mi mthun pa dang /gzugs la sogs pa thogs pa med par shes pa dang / shes bya dang shes pa mi dmigs pas gzhi med pa dang / de bzhin nyid kyis 'gro ba med pa dang / gzugs la sogs pa ngo bo nyid med pas skye ba med pa dang / dngos po dang dngos po med pa la sogs pa gsum gyi ngo bo de bzhin nyid mi dmigs pa zhes bya ba de lta bu dag ni rnam pa thams cad mkhyen pa nyid kyi ngo bo nyid bdun no//de ltar na ngo bo nyid bcu drug gis ji lta ba bzhin du thams cad mkhyen pa nyid gsum gyi sbyor ba dag mtshan nyid dang ldan pa bzhin du mtshon pas de ltar na bzhi pa ngo bo nyid kyi mtshan nyid du bzhed do//de ltar na spyir gcig tu bsdoms na ni mtshan nyid dgu bcu rtsa gcig tu 'gyur ro/ /thar pa'i cha dang mthun pa'i dge ba'i rtsa ba dang ldan pa kho na la ji skad bshad pa'i sbyor ba yongs su shes pa 'byung bas/ thar pa'i cha dang mthun pa/ mtshan med rab tu sbyin la sogs/ /yang dag sgrub la mkhas pa ni/ /rnam pa thams cad rtogs 'di la/ /thar pa'i cha dang mthun par 'dod/ /ces bya ba gsungs te/ mtshan ma med par/ dmigs pa'i shes pa'i rnam pas/ sbyin pa la sogs pa'i pha rol tu phyin pa nas rnam pa thams cad mkhyen pa nyid la thug pa rnams rang gi rgyud la skyed par mkhas pa ni/rnam pa thams cad mngon par rdzogs par rtogs pa 'di la thar pa'i cha dang mthun pa yin par 'dod do/ /mkhas pa de gang yin zhe na/ de bstan pa'i phyir bar skabs kyi tshigs su bcad pa/sangs rgyas sogs dmigs dad pa dang / /sbyin sogs spyod yul brtson 'grus dang / /bsam pa phun tshogs dran pa dang / /rnam par mi rtog ting 'dzin dang / /chos rnams rnam pa thams cad du/ /shes pa'i shes rab dang rnam lnga/ / rdzogs pa'i byang chub rnon po yis/ /rtogs sla rtul pos rtogs dkar bzhed/ /ces bya ba gsungs te/ dad pa dang / brtson 'grus dang / dran pa dang / ting nge 'dzin dang / shes rab khyad par can/ dbang po'i ngo bo nyid ma yin pa grangs bzhin du/ sangs rgyas dang / sbyin pa dang / bsam pa phun sum tshogs pa dang / rnam par mi rtog pa dang / chos thams cad kyi rnam pa thams cad yongs su shes pa la sogs pa'i yul rnam pa lnga la mkhas pa yin no/ /de lta mod kyi thams cad kyis bla na med pa'i byang chub 'thob pa ma yin te/ 'di ltar dad pa la sogs pa chen po rnon pos ni bla na med pa yang dag par rdzogs pa'i byang chub rtogs par sla la/de dag nyid rtul pos ni rtogs par dka'o zhes bya ba 'di ni chos nyid yin pas shugs kyis na 'bring po rnams kyis ni rang sangs rgyas kyi byang chub rtogs la/ chung ngu rnams kyis ni nyan thos kyi byang chub rtogs so zhes bya ba 'di 'phangs pa yin no//thar pa'i cha dang mthun pa skyes pa'i spro ba can la nges par 'byed pa'i cha dang mthun pa 'byung bas/ dro ba rnams kyi dmigs pa 'dir/ /sems can thams cad yin par bsngags/ /de dag nyid la sems mnyam sogs//rnam pa dag ni bcur bshad do/ /bdag nyid sdig pa las ldog cing / /sbyin la sogs la gnas pas gzhan/ /de dag la ni 'god pa dang / /bsngags pa brjod dang mthun pa nyid/ /rtser gyur de bzhin bzod pa ni/ /rang gzhan rten can bden shes pa/ / chos mchog de bzhin sems can rnams/ smin byed sogs kyis shes par bya/ /zhes bya ba gsungs te/ rnam pa thams cad mngon par rdzogs par rtogs pa 'di la mnyam pa dang / byams pa dang /phan pa dang / khong khro ba med pa dang / rnam par 'tshe ba med pa'i sems kyi rnam pa lnga dang /pha dang ma'i sems dang / spun dang sring mo'i sems dang / bu dang bu mo'i sems dang / bshes dang grogs kyi sems dang / gnyen dang snag gi gnyen mtshams kyi sems kyi rnam pa gzhan lngas/ sems can la dmigs pa ni dro bar gyur pa yin par bzhed do//mdor na mi dge ba dang dge ba la grangs bzhin du spong ba dang len pa'i sgo nas ldog pa dang zhugs pa'i bdag nyid can/ de'i sgo nas gzhan rnams sdig pa las ldog pa dang / dge ba la gnas pa dag la sbyor ba'i rnam pa gnyis dang /gzhan bdag nyid de bzhin nyid du zhugs pa la bsngags pa brjod pa dang / mthun par byed pa rnam pa gnyis po chos kyi rab tu dbye bas ni rnam pa mtha' yas pa zhes bya ba de rnams kyis sems can la dmigs pa ni rtse mor gyur pa yin no/ /rtse mor gyur pa la rang dang gzhan gyi rten gyi dbye bas dmigs pa dang rnam pa dag ji lta ba de bzhin du sbyor ba dang bsngags pa brjod pa dang mthun pa nyid kyi rnam pa rnams kyis rang dang gzhan gyi rten gyi sdug bsngal la sogs pa'i bden pa la dmigs pa ni bzod pa yin no//snga ma bzhin du rang dang gzhan gyi rten can kho na smin par byed pa dang grol bar byed pa la sogs pa'i rnam pa dag gis sems can la dmigs pa ni chos kyi mchog yin te/de ltar na nges par 'byed pa'i cha dang mthun pa yin no/ /rnam pa dang lam dang gzhi thams cad rnam par bsgom pa'i dbye bas go rims bzhin du rnam pa thams cad mkhyen pa nyid la sogs pa mngon par rtogs pa rnam pa gsum la 'jig rten pa'i nges par 'byed pa'i cha dang mthun pa rtogs pa sngon du 'gro bas 'jig rten las 'das pa'i mthong ba dang bsgom pa'i lam rtogs pa yin la rnam pa kun mngon par rdzogs par rtogs pa la sogs pa gsum la ni bsgom pa gong nas gong gi gnas skabs kyi khyad par gyis/rnam pa thams cad du khyad par gyi lam gyis bsdus pa'i ye shes zag pa med pa chung ngu dang 'bring dang chen po rim gyis skye ba yin pas cig car skye ba dgag par bya ba'i phyir nges par 'byed pa'i cha la sogs pa'i tha snyad du gsungs pa yin par shes par bya'o//phyir mi ldog pa'i byang chub sems dpa'i dge 'dun la ji skad bshad pa'i nges par 'byed pa'i cha dang mthun pa 'byung bas phyir mi ldog pa'i byang chub sems dpa'i dge 'dun gyi mtshan nyid/ nges 'byed yan lag nas bzung ste/ /mthong dang goms pa'i lam dag la/ /byang chub sems dpa' gang dag gnas/ /de 'dir phyir mi ldog pa'i tshogs/ /zhes bya ba gsungs te/ dpa' bo gang dag nges par 'byed pa'i cha dang mthun pa bzhi dang / mthong ba'i lam dang bsgom pa'i lam 'chang bar 'gyur ba la/de dang de rtogs pa'i tshul gyis gnas pa de dag ni/ byang chub sems dpa' slob pa phyir mi ldog pa'i dge 'dun yin no// //bam po bzhi pa / de rnams kyi mtshan nyid ma 'dres pa gang yin zhe na/ re zhig bar skabs kyi tshigs su bcad pa gcig gis nges par 'byed pa'i cha dang mthun pa la gnas pa rnams kyi mtshan nyid/gzugs la sogs las ldog sogs rtags/ /rnam pa nyi shur brjod pa yis/ /nges 'byed yan lag la gnas pa'i / /phyir mi ldog pa'i mtshan nyid 'di//zhes bya ba gsungs te/ gzugs la sogs pa las ldog pa dang / the tshom med pa la sogs pa'i rnam pa/ rnam pa nyi shus nges par 'byed pa'i cha dang mthun pa la gnas pa rnams kyi phyir mi ldog pa'i mtshan nyid shes par bya ba yin no/ /yang ldog pa la sogs pa'i mtshan nyid de dag gang yin zhe na/de dag bstan pa'i phyir bar skabs kyi tshigs su bcad pa drug po/ gzugs la sogs las ldog pa dang / /the tshom mi ngal zad pa dang / /bdag nyid dge ba la gnas shing / /gzhan dag de la 'god pa dang //gzhan gyi rten can sbyin sogs dang / /zab mo'i don la'ang som nyi med/ /byams lus sogs dang sgrib pa ni/ /rnam pa lnga dang mi 'grogs dang / /bag la nyal kun 'joms pa dang / /dran pa dang ni shes bzhin dang / /gos la sogs pa gtsang ba dang //lus la srin bu rnams mi 'byung / /gya gyu med sems sbyangs pa ni/ /len dang ser sna med sogs dang / /chos nyid ldan par 'gro nyid dang / /sems can don du dmyal tshol dang / /gzhan gyis dkri bar mi btub dag /lam gzhan nye bar ston bdud la//bdud ces bya bar rtogs pa dang / /sangs rgyas dgyes pa'i spyod pa ste/ /rtags ni nyi shu de dag gis/ /drod dang rtse mo bzod bcas dang / /chos mchog rnams la gnas pa ni/ /rdzogs pa'i byang chub las mi ldog /ces bya ba gsungs te/ ngo bo nyid med pa nyid kyis gzugs la sogs pa'i chos las ldog pa dang /shes nas dad pa thob pas the tshom zad pa dang / smon lam grub pas log par lta ba dang / dmyal ba dang / yi dags dang / dud 'gror skye ba dang / sangs rgyas kyi bka' mi thos pa dang / yul mtha' 'khob tu skye ba dang /dbang po ma tshang ba dang / glen pa dang / lkugs pa'i dngos po dang / lha tshe ring por skye ba zhes bya ba mi khom pa brgyad zad pa dang / snying rjes bdag dang gzhan dge ba'i chos la sbyor ba dang / bdag dang gzhan du brje ba nyid kyis sems can gzhan gyi yul la yongs su bsngos pa'i sbyin pa la sogs pa dang /chos yang dag par rtogs pas zab mo'i don la yang som nyi mi byed pa dang / gzhan la phan pa nyid du zhugs pas byams pa'i lus dang ngag dang yid kyi las dang / sbyor ba phun sum tshogs pas sgrib pa lnga po/ 'dod pa la 'dun pa dang /gnod sems dang / gnyid dang / rmugs pa dang / rgod pa dang / 'gyod pa dang / the tshom dag dang mi 'grogs pa dang / gnyen po rnam par bsgoms pa nyid kyis ma rig pa la sogs pa'i bag la nyal ba thams cad 'joms pa dang / rtag tu mnyam par gzhag pa nyid kyis dran pa dang shes bzhin dang ldan pa dang /gtsang sbra kun du spyod pa nyid kyis gos la sogs pa yongs su spyod pa gtsang ba zhes bya ba rnam pa bcu gcig dang / dge ba'i rtsa ba 'jig rten las mngon par 'phags pa nyid kyis lus la srin bu'i rigs brgyad khri mi 'byung ba dang /dge ba'i rtsa ba rnam par dag pas sems gya gyu med pa dang / rnyed pa dang bkur sti la sogs pa la mi lta ba nyid kyis phyag dar khrod pa nyid la sogs pa sbyangs pa'i yon tan yang dag par len pa dang / sbyin pa la sogs pa'i khyad par bsgrubs pas de dag dang 'gal ba ser sna dang 'chal ba'i tshul khrims la sogs pa med pa dang /chos thams cad yang dag par sdud pa nyid kyis chos nyid dang mi 'gal bar shes rab kyi pha rol tu phyin pa dang ldan par 'gro ba dang / 'gro ba bdag nyid kyis byas pa nyid kyis gzhan gyi don du dmyal ba 'dod pa zhes bya ba rnam pa drug dang /rtogs pa la yid ches pa'i chos nyid kyis gzhan gyis bkrir mi btub pa dang / sangs rgyas nyid kyi thabs shes pa la mkhas pa nyid kyis lam ltar bcos pa nye bar ston pa'i bdud la bdud nyid du rtogs pa zhes bya ba rnam pa gnyis dang /'khor gsum rnam par dag pas spyod pa thams cad la sangs rgyas dgyes pa zhes bya ba rnam pa gcig gis go rims bzhin du dro ba dang / rtse mo dang / bzod pa dang / chos kyi mchog rnams la gnas pa'i byang chub sems dpa' bla na med pa'i byang chub las phyir mi ldog pa yin par rtags nyi shu po 'di dag gis shes par bya'o nges par 'byed pa'i cha dang mthun pa'i phyir mi ldog pa'i mtshan nyid kyi 'og tu/mthong ba'i lam gyi phyir mi ldog pa'i mtshan nyid bar skabs kyi tshigs su bcad pa gcig gis gsungs pa/ mthong ba'i lam la bzod pa dang / /shes pa'i skad cig bcu drug ni/ /byang chub sems dpa' mi ldog pa'i/ /mtshan nyid yin par shes par bya/ /zhes bya ba gsungs te/ sdug bsngal la sogs pa'i bden pa'i sgo nas/ chos dang rjes su shes pa'i bzod pa dang / shes pa'i skad cig ma bcu drug ni/ byang chub sems dpa' mthong ba'i lam la gnas pa rnams kyi phyir mi ldog pa'i mtshan nyid yin no/ /skad cig ma'i rnam pa ci 'dra ba zhig mtshan nyid yin zhe na/ rnam pa rnams bar skabs kyi tshigs su bcad pa lngas gsungs pa ni/ gzugs sogs 'du shes ldog pa dang / /sems brtan theg pa dman dag las/ /rnam log bsam gtan la sogs pa'i/ /yan lag yongs su zad pa dang / /lus sems yang ba nyid dang ni/ /'dod la spyod la thabs mkhas dang / / rtag tu tshangs par spyod nyid dang / /'tsho ba rnam par dag nyid dang / /phung sogs bar chad byed rnams dang / /tshogs dang dbang sogs bcas pa yi/ /g.yul 'gyed ser sna la sogs la/ /sbyor dang rjes su sbyor ba yi/ /gnas pa so sor bkag pa dang / /chos ni rdul tsam mi dmigs nyid//rang gi sa la nges pa nyid/ /sa gsum la ni gnas pa dang / /chos kyi don du srog gtong ba/ /de 'dra'i skad cig bcu drug ni/ /blo ldan mthong ba'i lam gnas kyi/ /phyir mi ldog pa'i rtags dag yin/ /zhes bya ba yin te/ rang gi mtshan nyid stong pa nyid kyis gzugs la sogs pa'i chos su rtog pa las ldog pa dang /sangs rgyas la sogs pas byin gyis brlabs pas bla na med pa'i byang chub kyi sems brtan pa nyid dang / theg pa chen po'i chos khyad par can bsgrubs pas/ nyan thos dang rang sangs rgyas kyi theg pa las sems rnam par log pa dang /chos rab tu rnam par 'byed pa'i mthus bsam gtan dang / gzugs med pa'i snyoms par 'jug pa la sogs par skye ba'i yan lag yang dag par yongs su zad pa zhes bya ba bzhi ni sdug bsngal gyi rnam pa yin no/ /mi dge ba dang bral ba nyid kyis lus dang sems yang ba dang /sems can gdul ba'i thabs la mkhas pa'i mthus mngon par zhen pa med par 'dod pa la nye bar spyod pa dang / yul gyi nyes dmigs mthong bas rtag tu tshangs par spyod pa nyid dang / skyes bu dam pa'i chos nyid kyis 'tsho ba'i yo byad yang dag par rnam par dag pa nyid ces bya ba bzhi ni kun 'byung ba'i rnam pa yin no//stong pa nyid la gnas pa nyid kyis phung po dang / skye mched dang / khams rnams la sbyor ba dang rjes su sbyor ba dag tu mi bya'o zhes/ de ltar sbyor ba dang rjes su sbyor ba'i gnas pa so sor bkag pa dang /mi mthun pa'i phyogs bsal ba nyid kyis rtogs pa'i bar chad byed pa'i tshogs rnams la snga ma bzhin du sbyor ba dang rjes su sbyor ba'i gnas pa so sor bkag pa dang / rnam par rtog pa'i skyon yongs su shes pa nyid kyis byang chub kyi tshogs sbyin pa la sogs pa la snga ma bzhin du sbyor ba dang rjes su sbyor ba'i gtam la gnas pa so sor bkag pa dang /gzung ba dang 'dzin pa dag spang bar bya ba nyid kyis dbang po dang rten grong khyer la sogs pa'i g.yul 'gyed pa snga ma bzhin du sbyor ba dang rjes su sbyor ba'i gnas pa rjes su bkag pa zhes bya ba bzhi ni 'gog pa'i rnam pa yin no//sbyin pa la sogs pa'i khyad par rtogs pas ser sna dang 'chal ba'i tshul khrims la sogs pa la sbyor ba dang rjes su sbyor ba'i gnas pa so sor bkag pa dang / chos thams cad rnam par thar pa'i sgo gsum gyi ngo bo nyid yin pas rtogs pa'i chos rdul tsam yang mi dmigs pa dang /mngon par yid ches pa thob pas thams cad mkhyen pa nyid gsum gyi bdag nyid kyi rang gis gsum la ji lta ba bzhin du nges pa nyid kyis gnas pa dang / gcig tu gzhol ba nyid kyis rnam pa thams cad mkhyen pa nyid la sogs pa'i chos kyi don du srog gtong ba zhes bya ba bzhi ni lam gyi rnam pa yin te/de ltar na bzod pa dang shes pa'i skad cig ma rnam pa bcu drug gis bsdus pa 'di rnams yang dag par thob pa na/ dag pa 'jig rten pa gzung ba dang 'dzin par mngon par ma zhen pa'i rnam pa can rjes kyi sems kyis bsdus pas rang dang mthun pa'i 'bras bu gzugs la sogs pa'i 'du shes bzlog pa la sogs pa bskyed pa'i phyir/byang chub sems dpa' mthong ba'i lam la gnas pa'i phyir mi ldog pa'i mtshan nyid dag yin no/ /rnal 'byor pa rnams kyi tha snyad ni sems can gdul ba'i dgos pa'i dbang ma gtogs par thams cad du rtogs pa dang mthun pa kho na yin no zhes shes par bya ba'i phyir nye bar btags nas bshad de /de lta ma yin na rnal 'byor pa'i rgyud la so so rang gis rig pa'i skad cig ma rnams ji ltar gzhan yid ches par byed pa'i mtshan nyid dag yin/de'i 'og tu bsgom pa'i lam la gnas pa'i phyir mi ldog pa'i mtshan nyid yin pa las/ lugs las khyad par ma bzung bar khyad par can gyi blo mi skye'o zhes 'byung ba'i phyir re zhig bsgom pa'i lam gyi khyad par/bsgom pa'i lam ni zab pa ste/ /zab mo stong pa nyid la sogs/ /zab pa de ni sgro 'dogs dang / /skur pa'i mtha' las grol ba nyid/ /ces bya ba gsungs te/ stong pa nyid la sogs pa la yang gzugs med la/ stong pa nyid la sogs pa gzugs las gzhan pa yang ma yin pas/go rims bzhin du stong pa nyid la sogs pa la sgro 'dogs pa dang skur pa'i mtha' las grol ba nyid gang yin pa de ni zab mo ste/ stong pa nyid la sogs pa yin la/ zab mo nyid dang ldan pa'i phyir bsgom pa'i lam zab pa yin no/ /de ltar khyad par bstan nas khyad par gyi gzhi/nges 'byed yan lag dang mthong ba'i/ /lam dang bsgom pa'i lam nyid la/ /yang dang yang du sems pa dang / /'jal dang nges rtog bsgom pa'i lam/ /zhes bya ba gsungs te/ thos pa dang bsams pa dang bsgoms pa las byung ba'i shes rab dag gam/ting nge 'dzin gyi sbyor ba dang dngos dang rjes las byung ba'i shes rab kyis/ go rims bzhin du nges par 'byed pa'i yan lag la sogs pa gsum la nges par mthong ba'i don yang dang yang du sems pa dang / 'jal ba dang nges par rtog pa dag ni bsgom pa'i lam rgyun chags pa yin no//de rnam pa du zhig ce na/ de ni rgyun chags yin pa'i phyir/ /chung dang 'bring dang chen po rnams/ /chung ngu'i chung sogs dbye ba yis/ /rnam pas rnam pa dgur bzhed do/ /zhes bya ba gsungs te/ byang chub sems dpa' rnams kyi nyon mongs pa ni rnam par rtog pa'o zhes 'byung ba'i phyir/mun pa shin tu chen po ni snang ba chung ngus sel la/ chung ngu ni chen pos sel to zhes bya ba'i dpes rnam par rtog pa chen po dang 'bring dang chung ngu rnams re re zhing / chen po dang 'bring dang chung ngu'i bye brag gis tha dad pa'i phyir/ de dag gi gnyen po chung ngu dang 'bring dang chen po rnams kyang re re zhing chung ngu dang 'bring dang chen po'i bye brag gis tha dad pa'i phyir de ltar na don dam par stong pa nyid kyi mtshan nyid kyi rnam pa'i sgo nas rnam par rtog pa'i gnyen po'i dbye ba las grangs bzhin du/ 'dod pa'i khams la sogs pas dgu dag tu rnam pa dgu rgyun chags su 'byung ba'i phyir/bsgom pa'i lam yin no/ /rgyal ba'i yum de dang de las rnam pa re re'i dbang du mdzad de/ bsod nams grangs med pa dang / gzhal du med pa dang / tshad med pa skye bar gsungs pa'i phyir bye brag rnam pa mang ba ma yin nam/ji ltar rnam pa dgu zhes bya zhe na/ grangs med la sogs bstan pa rnams/ /dam pa'i don du bzod ma yin/ /kun rdzob tu ni thugs brtse ba'i/ /rgyu mthun de dag thub pa bzhed/ /ces bya ba gsungs te/ grangs med pa dang / gzhal du med pa dang /tshad med pa bstan pa tshig tu brjod pa'i ngo bo rnams kyis ni/ don dam par na bsgom pa'i lam ji skad bshad pa'i mtshan nyid can don gcig tu rab tu sbyar ba la ldog pa la ltos nas nye bar bskyed pa'i tha dad pa nyid kyi ngo bor dbye bar bya ba bzod pa ma yin no/ / kun rdzob tu ni bshad pa'i chos kyi ngo bo nyid ji skad bshad cing bstan pa de dag byis pa'i skye bo rnams la 'bras bu chen po skye ba rab tu ston pa nyid kyis dmigs pa med pa'i thugs rje chen po'i rang bzhin gyi chos kyi dbyings kyi rgyu mthun par gyur pa yin par de bzhin gshegs pa bzhed pas mang po nyid du thal bar mi 'gyur ro//stong pa nyid kyi mtshan nyid kyis goms pa phul du byung ba byar med pa ma yin nam/ de'i phyir cung zad kyang mi byed pa kho na'o snyam pa'i skye bo blo dman pa'i ngor dogs pa bsu bar/ dngos po brjod du med pa la/ /nyams pa dang ni 'phel mi rung //bsgom zhes bya ba'i lam gyis ni/ /ci zhig nyams shing ci zhig 'thob/ /ces bya ba gsungs te/ chos nyid kyi rang gi ngo bor 'dod pa'i lam gyi dngos po/ ngo bo nyid med pa nyid kyis yang dag par na de nyid dang / gzhan nyid dang gnyis ka dang gnyis ka ma yin pa nyid du brjod du med pa la sgom pa phul du phyin par byar med pa'i phyir/mi mthun pa'i phyogs dang gnyen po dag go rims bzhin du 'bral ba dang skye bar mi rung ngo / /de bas na sgom pa zhes bya ba'i lam gyis mi mthun pa'i phyogs kyi ngo bo ni ci zhig por rnam par byang ba ni ci zhig 'thob ste/cung zad kyang mi byed pa nyid pas nye bar dgod par mi bya ba kho na'o zhe na/ de lta ma yin te/ 'di ltar/ byang chub ji lta de bzhin du/ /'di ni 'dod pa'i don sgrub byed/ /byang chub de bzhin nyid mtshan nyid/ /de yang de yi mtshan nyid bzhed//ces bya ba gsungs te/ ji ltar khyad par du byar med pa'i de bzhin nyid kyi byang chub spros pa med pa'i ye shes kyi bdag nyid chos kyi sku la sogs pa'i rang bzhin gyi sangs rgyas kyi bdag po tsam gyis/ gdul bya'i skye bo rnams kyi bsod nams dang ye shes kyi rjes su mthun par don khyad par can snang ba'i sems bskyed pa'i sgo nas mngon par 'dod pa'i don byed pa de bzhin du/bsgoms pas glo bur gyi dri ma dang bral ba'i sgo nas mngon sum du byas pa'i lam de bzhin nyid kyi mtshan nyid 'di yang kun rdzob tu mngon par 'dod pa'i don gyi bya ba byed do//don dam par ni nyams pa dang 'phel ba dgag pa'i tshul du bzhed pas de'i tshe sbyor ba med pa nyid sbyor ba yin pa'i phyir nyes pa med do/ /de lta yin na yang kun rdzob tu yang don byed par mi rung ngo snyam pa'i dogs pa bsu bar/ sems ni snga mas byang chub par/ /rigs min phyi mas kyang ma yin//zhes bya ba gsungs te/ snga phyir gyur pa'i sems re re la sangs rgyas kyi byang chub sgrub par byed pa'i rnam pa thams cad mkhyen pa nyid la sogs pa'i don mtha' dag mi snang ba'i phyir/ re res byang chub par ni rigs pa ma yin no/ /'dod pa'i don sgrub par byed pa snang ba'i sems cig car byung ba mang po nyid kyis kyang ma yin te/sems can rnams ni rnam par shes pa'i rgyud re re ba'o zhes 'byung bas mi srid pa'i phyir ro/ /bla na med pa'i sangs rgyas kyi byang chub sgrub par byed pa dran pa nye bar gzhag pa la sogs pa sangs rgyas kyi chos ma 'dres pa bco brgyad kyi bar rtogs par 'gyur ba'i rang gi ngo bo rim gyis 'byung ba sems byung ba snga phyir gyur pa mang po nyid kyis kyang ma yin te/de byung ma thag tu rjes su 'gro ba med pa nyid du 'jig pas na phan tshun 'brel pa med pa'i phyir ro/ /de bas na ji ltar don khyad par can snang ba'i sems bskyed pa'i sgo nas don byed ce na/de ni yang dag pa ma yin pas/ mar me'i dpe yi tshul gyis ni/ /zab mo'i chos nyid rnam pa brgyad/ /ces bya ba gsungs te/ ji ltar me lce dang snying po phrad pa'i skad cig ma dang po la/ rang gi rgyus phan tshun gyi sgo nas dus mnyam du phrad pa bskyed pas khyad par can du ma byas pa'i phyir/skad cig ma gnyis pa med par rgyu dang 'bras bu'i mtshan nyid sreg par byed pa dang / bsreg par bya ba med la/ de bzhin du me lce dang snying po khyad par can skye ba skad cig ma gnyis pa la yang / rtag tu yod pa la sogs par thal bar 'gyur bas skad cig ma dang po med par/kun rdzob tu yang 'byung ba med pa'i phyir/ rgyu dang 'bras bu'i mtshan nyid sreg par byed pa dang / bsreg par bya ba med do/ /gang gi phyir de lta yin pa de'i phyir gang gi tshe rkyen nyid 'di pa tsam gyi bdag nyid kyi rten cing 'brel par 'byung ba'i chos nyid kyis ma brtags gcig pur nyams dga' ba nyid du rgyu dang 'bras bu 'brel pa'i stobs kyis gnyis ka phrad pa'i khyad par can gyi skad cig dang po la ltos nas/des byas pa mthu phul du phyin pa dang ldan pa'i khyad par can skad cig ma gnyis pa la sogs pa yod na/de'i tshe rgyu med par zhig kyang rgyu dang 'bras bu dag go rims bzhin du dus mnyam du skye ba dang 'jig par dmigs pas/ sreg par byed pa dang bsreg par bya ba yod do/ /de bas na skad cig ma dang pos kyang skad cig ma gnyis pa la ma ltos par snying po ma bsregs la skad cig ma gnyis pas kyang me lce'i skad cig ma dang po la ma ltos par snying po ma bsregs pa zhes bya ba mar me'i dpe'i tshul skad cig ma snga phyir gyur pa gnyis yul gcig la nye bar sbyor ba shes par byed pa lhur len pas/skad cig ma snga ma bzhin du byang chub sgrub par byed pa dngos po tshad yod pa zhig snang ba'i rnam par shes pa snga ma la brten nas/de la snang ba'i don gyis dben pa lhag par khyad par du 'phags pa'i don snang ba'i rnam par shes pa phyi ma skye bas byang chub 'thob par rigs so/ / ji skad smos pa'i dpe kho nas zab mo'i chos nyid rnam pa brgyad kyang khong du chud par bya ba yin pas/ bsgom pa'i lam la gnas pa'i byang chub sems dpa' phyir mi ldog pa rnams kyi mtshan nyid brjod pa'i phyir/ zab mo rnam pa brgyad yul gang la yin zhe na/ skye ba dang ni 'gag pa dang //de bzhin nyid dang shes bya dang / /shes dang spyod dang gnyis med dang / /thabs mkhas pa la zab pa nyid/ /ces bya ba gsungs te/ skad cig snga ma dang phyi ma dag gis kyang ma yin ngo bo nyid med pas kyang ma yin la sgom pas rtogs par bya ba'i don khyad par du 'phags pa bskyed do zhes bya ba rten cing 'brel par 'byung ba dang /dngos po thams cad byung ba nyid nas rang bzhin gyis ngo bo nyid med la kun rdzob tu yang 'gag go zhes bya ba 'gag pa dang / gnas skabs thams cad du de bzhin nyid goms kyang de mngon du mi byed ces bya ba de bzhin nyid dang /de bzhin nyid kyi rang bzhin gyi chos thams cad la sbyin pa la sogs pa rnam pa du ma rjes su sgrub pa zhes bya ba shes bya dang / de bzhin nyid kyi ngo bo nyid kyis mthong ba med pa nyid mthong ba yin no zhes bya ba shes pa dang / chos nyid kyis thams cad la spyod pa med pa nyid spyod pa'o zhes bya ba spyod pa dang gnyis su med pa'i ngo bo nyid du thams cad sgrub po zhes bya ba gnyis su med pa dang /tshogs thams cad yongs su rdzogs pa la de'i 'bras bu sangs rgyas nyid mi thob zhes bya ba thabs la mkhas pa ste/ bsam gyis mi khyab pa'i rnam par thar pa thob pa'i sgo nas phan tshun 'gal ba'i don sgrub pas zab pa nyid yin no//slob pa phyir mi ldog pa'i tshogs mtshan nyid dang bcas pa bshad zin to/ /slob pa'i tshogs kyi chos thob pa sangs rgyas nyid thob par bya ba'i phyir 'bad pas/ sangs rgyas nyid 'thob pa'i rgyu mtshan 'khor ba dang mya ngan las 'das pa mnyam pa nyid/chos rnams rmi lam 'dra ba'i phyir/ /srid dang zhi bar mi rtog pa/ /las med la sogs klan ka yi/ /lan ni ji skad bshad par zad/ /ces bya ba gsungs te/ 'khor ba dang rnam par byang ba mi mthun pa dang gnyen po rnams snang brnyan tsam gyi ngo bos rmi lam dang 'dra ba nyid du rtogs pa'i phyir 'khor ba dang mya ngan las 'das pa dag la tha dad pa nyid du rnam par mi rtog pas na mnyam pa nyid do//rmi lam dang 'dra ba nyid yin na mi dge ba bcu dang sbyin pa la sogs pa med pas/ gnyid ma log pa'i gnas skabs na yang gnyid log pa'i gnas skabs bzhin du 'gyur ba ma yin nam zhes bya ba'i klan ka rnams kyi lan ni/ ji ltar phyi rol gyi don du smra ba'i lugs la skad cig ma nyid kyis rgyu med par 'jig pa yin la/ grub pa'i mtha' las kyang / 'jig rten sna tshogs las las skyes/ /zhes 'byung ba'i phyir/ don dam par sus kyang su yang bsad pa med/ ma bsad pa yang ma yin/ sus kyang su'i nor blangs pa yang med/ ma blangs pa yang ma yin/ zhes bya ba la sogs pa'i phyogs la rgyun 'jug pa dang 'gal ba'i dngos po bskyed pa la gsod pa la sogs par rtog pa'i sgo nas/tshul bzhin ma yin pa'i yid la byed pa la sogs pa dang ldan pa la mi dge ba la sogs pa dang 'dra bar srog gcod pa la sogs pa rnam par 'jog pa de bzhin du/ dngos po rmi lam dang 'dra yang phyin ci log gi 'ching ba mtha' dag ma nyams pa rnams la de dang mthun pa'i don gyi dngos po la sogs pa la mngon par zhen pas zhes bya ba la sogs pa'i lan de dang de phyogs gzhan nas gsungs so zhes bya bar khong du chud par bya'o//gzhan yang / rmi lam sems ni gnyid kyis nyams//des na 'bras bu 'dra ma yin/ /zhes bya bas dpe ma grub po/ de bzhin du rmi lam na yang dge ba dang mi dge ba spyad pa ni/ sad pa'i gnas skabs na kye ma byas so legs par byas so zhes rjes su yid rang na/ rjes kyi gnas skabs kyi sems kyis mngon par zhen pa'i gsos kyis yongs su gsos te/de'i phyir yang dpe ma grub pas 'khor ba dang mya ngan las 'das pa ni mnyam pa nyid do/ /gnyis ka mnyam pa nyid du rnam par bsgom pa ni rang gi sangs rgyas kyi zhing du sangs rgyas su 'gyur bas/de'i 'og tu sangs rgyas kyi zhing yongs su dag pa/ sems can 'jig rten de bzhin du/ /snod kyi 'jig rten ma dag pa/ /de la dag par bsgrub pa yis/ /sangs rgyas zhing ni dag pa nyid/ /ces bya ba gsungs te/ sems can dang snod kyi 'jig rten gyi bye brag gis/sangs rgyas kyi zhing rnam pa gnyis la go rims bzhin du bkres pa dang skom pa dang / rdo ba dang tsher ma la sogs pa nyid kyis ma dag pa gang yin pa de'i gnyen por lha'i nye bar spyad pa dang / gser gyi sa phyogs la sogs pa dag pa bskyed pa'i sgo nas rnam par dag pa ni sangs rgyas kyi zhing rnam par dag pa'o//rang gi sangs rgyas kyi zhing rnam par dag pa bsgrubs pa ni thabs mkhas pas skal ba ji lta ba bzhin du sangs rgyas kyi mdzad pa bya dgos pas thabs la mkhas pa/ yul dang sbyor ba can 'di ni/ /dgra rnams las ni 'das pa dang //mi gnas ji bzhin shugs dang ni/ /thun mong ma yin mtshan nyid dang / /ma chags pa dang mi dmigs dang / /mtshan ma smon lam zad pa dang / /de yi rtags dang tshad med pa/ /thabs la mkhas pa rnam pa bcu/ /zhes bya ba gsungs te/ bar chad kyi chos las yang dag par rgal bas lha la sogs pa'i bdud las 'das pa dang /chos thams cad mnyam pa nyid rnam par bsgoms pas mi gnas par gnas pa dang / smon lam grub pas gzhan gyi don sngon gyi shugs kyis 'phags pa byed pa dang / dka' ba spyod pa thams cad shin tu goms pa nyid kyis thun mong ma yin pa dang /chos dkar po rnam par dag pas chos thams cad la 'dzin pa med pa dang / rnam par thar pa'i sgo stong pa nyid kyis mi dmigs pa dang / rnam par thar pa'i sgo mtshan ma med pa nyid kyis mtshan ma med pa dang /rnam par thar pa'i sgo smon pa med pa nyid kyis smon pa med pa dang / dri ba sngon du btang ba can phyir mi ldog pa'i chos brjod pas phyir mi ldog pa'i rtags dang / yul thams cad shes pa nyid kyis tshad med pa ste/ shes rab kyi pha rol tu phyin pa'i yul rnam pa bcu mngon sum du bya ba la dus dang dus ma yin pa shes pa'i sbyor ba ni thabs la mkhas pa yin no//shes rab kyi pha rol tu phyin pa'i man ngag gi bstan bcos mngon par rtogs pa'i rgyan ces bya ba las/ skabs bzhi pa'i 'grel pa'o// //rnam pa thams cad mngon par rdzogs par rtogs pa thob pa la/rab kyi mthar phyin pa'i rtogs pa 'byung bas/ go sla bar bya ba'i phyir rtags la sogs pa bsnyad pa sngon du 'gro ba'i rtse mo'i mngon par rtogs pa/ rmi lam na yang chos rnams kun/ /rmi lam lta bur lta la sogs/ /rtse mor phyin pa'i sbyor ba'i rtags//rnam pa bcu gnyis dag tu bzhed/ /ces bya ba gsungs te/ shin tu goms pa'i phyir rmi lam gyi gnas skabs na yang chos thams cad rmi lam dang 'dra ba la sogs par lta ba dang / nyan thos la sogs pa'i sa la dga' ba'i sems mi bskyed pa dang /de bzhin gshegs pa la sogs pa mthong ba dang / sangs rgyas kyi rdzu 'phrul gyi rnam par 'phrul pa dmigs pa dang / chos ston pa'i sems skye ba dang / dmyal ba la sogs pa'i sems can mthong ba sngon du 'gro ba rang gi sangs rgyas kyi zhing du ngan song spong ba rjes su dran pa dang /grong khyer la sogs pa tshig pa rab tu zhi bar byed pa'i bden pa'i byin gyis brlabs grub pa dang / gnod sbyin la sogs pa mi ma yin pa med par byed pa'i bden pa'i tshig grub pa dang / rang nyid mngon par shes pas pha rol gnon pa'i dge ba'i bshes gnyen bsten pa dang /rnam pa thams cad du shes rab kyi pha rol tu phyin pa la slob pa dang / chos thams cad la mngon par zhen pa med pa dang / sangs rgyas kyi byang chub la nye bar gyur pa zhes bya ba rnam pa bcu gnyis ni rtse mo'i mngon par rtogs pa thob pa'i gnas skabs kyi khyad par gyi rtags yin no//de ltar rtags kyis mtshon pa'i rnam par 'phel ba rnam pa du zhig yod ce na/ rnam par 'phel ba/ 'dzam bu gling gi skye bo snyed/ /sangs rgyas mchod pa'i dge la sogs/ /rnam mang du ni dper mdzad nas//rnam 'phel bcu drug bdag nyid do/ /zhes bya ba gsungs te/ 'dzam bu'i gling la sogs pa stong gsum gyi 'jig rten gyi khams kyi sems can snyed kyis de bzhin gshegs pa la mchod pa bas lhag pa dang / khyad par du shes rab kyi pha rol tu phyin pa yid la byed pa dang /mi skye ba'i chos la bzod pa thob pa dang / byang chub par bya ba dang byang chub par byed pa'i chos rnams mi dmigs pa dang / dge ba bcu la sogs pa dang / gzugs med pa'i snyoms par 'jug pa thob pa las khyad par du 'phags pa dang / lha'i ris thams cad nye bar 'ong ba dang /bdud thams cad zil gyis gnon pa dang / ston pa dang 'dra bar skye bo la mtshungs par gnas pa zhes bya ba bsod nams rnam pa brgyad dang / yang rnam pa thams cad du thabs la mkhas pas bslab pa yongs su dag pa dang / sangs rgyas kyi rigs can du 'gyur ba dang /'bras bu sangs rgyas nyid 'thob pa'i rgyu mtshan dang / pha rol tu phyin pa'i mi mthun pa'i phyogs kyi sems mi skye ba dang / gzugs la sogs pa dang ldan par rtogs pa'i sems rab tu mi skye ba dang / pha rol tu phyin pa kun bsdus pa shes pa dang /phun sum tshogs pa thams cad 'thob pa dang / yang dag par rdzogs pa'i byang chub la nye bar gyur pa zhes bya ba bsod nams gzhan rnam pa brgyad dang / me tog la sogs pas sangs rgyas mchod pa'i dge ba la sogs pa rnam pa mang po dper mdzad nas gong nas gong du khyad par du 'phags pa nyid kyis gnas skabs bcu drug gi ngo bo nyid ni rnam par 'phel ba yin no//de ltar rnam par 'phel bas rnam par spel ba'i rang dbang du gyur pa mthar phyin pa'i mtshan nyid rnams ni nges par brtan pa yin pas nges par brtan pa/ kun mkhyen nyid gsum chos rnams kyi//yongs su rdzogs pa bla med pa/ /sems can don yongs mi gtong ba/ /brtan pa zhes ni mngon par brjod/ /ces bya ba gsungs te/ de ltar yang dag pa'i thabs la mkhas pa'i stobs kyis rnam par mi rtog pa rtogs pa'i gnas skabs na/ snying rje chen po mngon du byed pa'i ngo bos sems can gyi don yongs su mi gtong ba'i mtshan nyid/ rnam pa thams cad mkhyen pa nyid la sogs pa ji skad bshad pa'i thams cad mkhyen pa nyid gsum gyi chos sems bskyed pa la sogs pa gong du smos pa rnams yongs su rdzogs pa bla na med pa ni nges par brtan pa yin no//de ltar nges par brtan par byed pas nges par brtan par 'gyur ba'i mtshan nyid ni sems kun du gnas pa yin pas sems kun du gnas pa/ gling bzhi pa dang stong dag dang / /stong gnyis gsum dag dper mdzad nas/ /bsod nams mang po nyid kyis ni//ting 'dzin yongs su bsgrags pa yin/ /zhes bya ba gsungs te/ tshad srid pa ni srang tshad kyis gzhal bar nus so zhes bya ba'i tshul gyis gling bzhi pa la sogs pa stong gsum pa'i 'jig rten gyi khams rnams kyis pha rol tu phyin pa la sogs pa thams cad kyi ngo bo nyid ting nge 'dzin gyi bsod nams dang ye shes kyi so sor dper mdzad nas de dag las khyad par du 'phags shing tshad las 'das pa'i bsod nams mang po nyid kyis ting nge 'dzin gyi mtshan nyid brjod pa ni sems kun du gnas pa yin no//rtags la sogs pa de dag ni go rims bzhin du dro ba la sogs pa nges par 'byed pa'i cha dang mthun pa bzhi'i ngo bo yin par khong du chud par bya'o//nges par 'byed pa'i cha dang mthun pa'i 'og tu mthong ba'i lam yin te/ de la mi mthun pa'i phyogs gnyen po dang bcas pa rnam pa bzhi yod pas re zhig mi mthun pa'i phyogs gzung bar rnam par rtog pa gnyis po/'jug pa dang ni ldog pa la/ /gzung ba'i rnam rtog so sor de/ /dgu yi bdag nyid ji bzhin yul/ /min pa'i bdag nyid dag shes bya/ /zhes bya ba gsungs te/ 'jug pa dang ldog pa mi dmigs pa dang / dmigs pa'i ngo bo nyid dag la go rims bzhin du byang chub sems dpa' dang nyan thos la sogs pa'i chos len pa dang 'dor ba'i sgo nas gzung ba'o zhes gzung bar rnam par rtog pa nyon mongs pa dang 'dra ba mi mthun pa'i phyogs su gyur pa yul gyi dbye bas so sor rnam pa dgu yod pa ni dngos po dang ma 'brel bar 'jug pa nyid kyis phyin ci [(]lag [,]log [)]tu snang ba'i phyir yul ji lta ba bzhin ma yin pa'i rang gi ngo bo dag tu shes par bya'o//de ltar gzung bar rnam par rtog pa'i phyogs gnyis bstan nas 'dzin par rnam par rtog pa gnyis po/ so so'i skye bo 'phags dbye bas//sems can rdzas dang btags yod par/ /rnam rtog 'dzin pa dag tu 'dod/ /de dag so sor dgu bdag nyid/ /gal te gzung don de bzhin med/ /de dag gang gi 'dzin par 'dod/ /de ltar de dag 'dzin pa yi/ /ngo bos stong pa'i mtshan nyid do//zhes bya ba gsungs te/ so so'i skye bo dang 'phags pa'i gang zag dag gi go rims bzhin du skyes bu rdzas dang btags par yod pa'i rten can gyi 'dzin pa dag yod pas 'dzin par rnam par rtog pa [(]gags [,]gegs [)]byed pa yin pa'i phyir mi mthun pa'i phyogs su gyur pa yul gyi dbye bas so sor rnam pa dgu yod pa ni/gang gi tshe de dag gi yul gyi dngos por gyur pa gzung ba'i don dag de bzhin du gzung ba'i ngo bor yod pa ma yin zhes bya ba de'i tshe gang gi yang 'dzin pa ma yin te/ de'i phyir de dag ni 'dzin pa'i ngo bos dben pa'i ngo bo yin pas phyin ci log tu snang ba'i phyir/yul ji lta ba bzhin ma yin pa'i rang gi ngo bo dag tu shes par bya'o/ /gzung ba'i rnam par rtog pa dang po 'jug pa'i rten can ji ltar rnam pa dgu yin zhe na/ ngo bo nyid dang rigs dang ni/ /lam ni yang dag 'grub pa dang / /shes pa'i dmigs pa ma 'khrul dang //mi mthun phyogs dang gnyen po dang / /rang gis rtogs dang byed pa dang / /de yi las bya'i 'bras bu la/ /'jug pa'i phyogs kyi rten can gyi/ /rnam rtog de ni rnam dgur 'dod/ /ces bya ba gsungs te/ dben pas dben pa ma rtogs pa'i ngo bo nyid dang /sa mi g.yo ba la sogs pa la 'jug pas sangs rgyas kyi rigs su nges pa dag / sgyu ma lta bur rtogs pas mthong ba la sogs pa'i lam yang dag par 'grub pa dang / snang brnyan tsam du zad pas shes pa'i dmigs pa ma 'khrul ba dang / yon tan dang skyon mthong ba sngon du 'gro ba'i blang bar bya ba dang /dor bar bya ba nyid kyis gnyen po dang mi mthun pa'i phyogs dang dri ma thams cad dang bral ba nyid kyis rang gis rtogs pa dang / dman zhing gya nom pa ma yin pa nyid kyis nyan thos la sogs pa'i sa thag sring bar byed pa dang / bsam pa ji lta ba dang mthun par sprul pas sems can gyi don gyi las dang /yang dag pa'i thabs la mkhas pa'i stobs kyis skye bo thams cad mya ngan las 'das pa la dgod par bya ba'i 'bras bu la skyon med pa nyid kyis gzung bar bya ba nyid du 'jug par bya'o zhes bya ba gzung ba'i rnam par rtog pa dang po 'jug pa'i phyogs kyi rten can rnam pa dgu po mthong ba'i lam gyi sbyor ba'i gnas skabs kyis spang bar bya bar bzhed pa yin no//gzung ba'i rnam par rtog pa gnyis pa ldog pa'i rten can ji ltar rnam pa dgu yin zhe na/ srid dang zhi bar ltung ba'i phyir/ / rtogs pa dman pa nyid dang ni/ /yongs su 'dzin pa med pa dang / /lam gyi rnam pa ma tshang dang / /gzhan gyi rkyen gyis 'gro ba dang / /ched du bya ba log pa dang / /nyi tshe ba dang sna tshogs nyid/ /gnas dang 'jug la rmongs pa dang / /rjes la 'gro zhes bya ba la/ / rnam rtog dgu yi bdag nyid 'di/ /ldog pa'i phyogs kyi rten can te/ /nyan thos la sogs yid las 'byung / /zhes bya ba gsungs te/ 'khor ba dang mya ngan las 'das pa gang yang rung ba zhig tu ltung ba nyid kyis rtogs pa dman pa nyid dang / dge ba'i bshes gnyen thabs la mkhas pa dang bral ba nyid kyis yongs su 'dzin pa med pa dang /shes bya'i sgrib pa mtha' dag gi gnyen po ma yin pa nyid kyis sgrub pa'i lam ma tshang ba dang / de bzhin gshegs pa la sogs pa'i gdams ngag la ltos pa dang bcas pa nyid kyis gzhan gyi rkyen gyis 'gro ba nyid dang sems can thams cad kyi mchog nyid kyi sems chen po nyid la sogs pa la mi 'jug pa nyid kyis ched du bya ba log pa dang /nyon mongs pa'i sgrib pa'i gnyen po nyid kyis nyi tshe ba'i lam gyi byed pa dang / dmigs pa dang bcas pa nyid kyis 'bras bu dang po la sogs pa rtogs pa tha dad pa nyid dang /ma rig pa'i bag la nyal ba thams cad ma spangs pa nyid kyis gnas pa dang 'gro ba mi shes pa dang / theg pa chen po thams cad sdud par byed pa nyid kyis rnam pa thams cad mkhyen pa nyid mya ngan las 'das pa thams cad kyi mjug tu 'gro ba la nyes pa dang bcas pa nyid kyis gzung bar bya ba ma yin pa nyid du ldog par bya'o zhes gzung bar rnam par rtog pa gnyis pa ldog pa'i phyogs kyi rten can nyan thos dang rang sangs rgyas kyi rgyud la blang bar bya ba nyid du 'byung ba rnam pa dgu po byang chub sems dpa' rnams kyi mthong ba'i lam gyi sems dang /sems las byung ba 'jug pa'i gnas skabs kyis spang bar bya bar bzhed pa yin no/ /so so skye bo'i 'dzin pa'i rnam par rtog pa dang po skyes bu rdzas su yod pa'i rten can ji ltar rnam pa dgu yin zhe na/'dzin pa dang ni 'dor ba dang / /yid la byed dang khams rnams ni/ /gsum po dag dang nyer 'brel dang / /gnas dang mngon par zhen pa dang / /chos kyi dngos po btags pa dang / /chags pa dang ni gnyen po dang / /ji ltar 'dod bzhin 'gro nyams la//'dzin pa dang por shes par bya/ /zhes bya ba gsungs te/ kun rdzob tu sgyu ma bzhin du 'dzin pa dang gtong ba dang / yang dag pa nyid du yid la mi byed par yid la byed pa dang / chos nyid kyi khams gsum car dang nye bar 'brel pa dang / stong pa nyid du mi gnas pas gnas pa dang /dngos po la mngon par ma zhen pas thams cad la mngon par zhen pa dang / rdzas su yod pa med pas chos thams cad btags pa dang / de kho na nyid shes pa'i ma chags pas mngon par ma zhen pa sngon du 'gro ba'i chags pa dang /mnyam pa nyid sgom pa'i gnyen po nyid kyis gnyen po dang / shes rab kyi pha rol tu phyin pa yang dag par ma shes pa nyid kyis/ ji ltar 'dod pa bzhin du 'gro ba thogs pa la don dam pa'i dngos por mngon par zhen pas 'dzin par rnam par rtog pa dang po rnam pa dgu mthong ba'i lam gyi sbyor ba'i gnas skabs kyis spang bar bya bar bzhed pa yin no//'dzin par rnam par rtog pa gnyis pa skyes bu btags par yod pa'i rten can ji ltar rnam pa dgu yin zhe na/ ched bzhin nges par mi 'byung dang / /lam la lam min nges 'dzin dang / /'gag dang bcas pa'i skye ba dang //dngos po ldan dang mi ldan dang / /gnas dang rigs ni 'jig pa dang / /don du gnyer dang rgyu med dang / /phyir rgol ba ni dmigs pa la/ /'dzin pa'i rnam rtog gzhan yin no/ /zhes bya ba gsungs te/ nyan thos la sogs pa'i nges par 'byung ba nyid kyis ched du bya ba ji lta ba bzhin du nges par mi 'byung ba dang /rang gi mngon par 'dod pa'i lam med pas lam gzhan la lam ma yin par nges par 'dzin pa dang / rgyu dang 'bras bu kun rdzob kyi ngo bos skye ba dang / 'gag pa dang / bar chad med pa dang cig shos su snang ba nyid kyis dngos po mtha' dag ldan pa dang mi ldan pa dang /nam mkha' la gnas pa'i bya dang 'dra ba nyid kyis gzugs la sogs pa la gnas pa dang / byang chub kyi sems bskyed pa la sogs pa'i sgo nas nyan thos la sogs pa'i rigs 'jig pa dang / de bzhin nyid las khyad par du 'phags pa'i chos med pas 'dod pa med pa dang /don dam pa'i bden pa la brten nas rgyu med pa dang ser sna shin tu goms par byas pa'i chos nyid kyis bdud la sogs pa phyir rgol ba'i dngos po dmigs pa la btags pa'i dngos por mngon par zhen pa nyid kyis 'dzin pa'i rnam par rtog pa gnyis pa rnam pa dgu mthong ba'i lam gyi sems dang sems las byung ba 'jug pa'i gnas skabs kyis spang bar bya bar bzhed pa yin no//de ltar na bar skabs kyi tshigs su bcad pa dgus rnam pa bzhi nyid las so sor mthong ba'i lam gyi mi mthun pa'i phyogs rnam pa dgu yin la/de dag spang ba nyid du gnyen po rnam pa bzhi yang de bzhin du dbye bas tha dad do zhes bya bar khong du chud par bya'o/ /de ltar mthong ba'i lam la mi mthun pa'i phyogs gnyen po dang bcas pa bstan nas/ byang chub chen po 'grub par byed pa'i mthong ba'i lam rgyu gang dang bcas par bzhed pa'i rgyu gang yin pa de bar skabs kyi tshigs su bcad pa/byang chub la gzhan ston pa dang / /de yi rgyu ni yongs gtong dang / /de thob bar chad med pa'i rgyu/ /bsod nams mang po'i mtshan nyid do/ /zhes bya ba gsungs te/'chad par 'gyur ba'i mtshan nyid can gyi byang chub la gzhan dag mthong ba'i lam la sogs pa ston pas rab tu 'god pa ni gcig yin no/ /byang chub kyi rgyu mtshan kho nar de dag la yang dag pa'i tshig dang don la sogs pa'i sgo nas shes rab kyi pha rol tu phyin pa yang dag par so sor gtong ba ni gnyis pa yin no//byang chub thob par byed pa'i bar chad med pa'i rgyu shes rab kyi pha rol tu phyin pa rang gis sgom pa la sogs pa'i bsod nams ches mang ba'i mtshan nyid ni gsum pa yin no/ /gang gi don du mthong ba'i lam rgyu de lta bu dang bcas par bzhed pa'i byang chub chen po de gang yin zhe na/bar skabs kyi tshigs su bcad pas byang chub chen po/ dri ma zad dang mi skye ba'i/ /ye shes byang chub ces brjod de/ /zad med skye med phyir de dag /go rims bzhin du shes par bya/ /zhes bya ba gsungs te/ nyon mongs pa dang shes bya'i sgrib pa'i dri ma skyes pa dang ma skyes pa nyid du brtags pa rnams ni/chos kyi dbyings las ma gtogs par/ /'di ltar chos yod ma yin te/ /zhes 'byung bas/ chos kyi dbyings kyi ngo bo nyid rnams nam mkha' bzhin du 'gag pa dang skye ba med pa'i phyir ram/gcig dang du ma'i ngo bo nyid dang rgyu dang 'bras bu'i mtshan ma la sogs pas 'thad pa'i dngos po med pas nam mkha'i pad+ma bzhin du 'gag pa dang skye ba med pa'i phyir go rims bzhin du dri ma rnams zad pa dang mi skye ba'i shes pa chos thams cad phyin ci ma log par rtogs pa'i mtshan nyid chos kyi sku la sogs pa ji lta ba bzhin gyi bdag nyid ni byang chub chen po yin par brjod do//gang gi phyir de lta yin pa'i phyir/ gang dag dngos po 'jig pa'i bsam pas zad pa la zad do snyam pa'i shes pa dang / dngos po mi skye ba'i bsam pas mi skye ba la mi skye'o snyam pa'i shes pa ni zad pa dang mi skye ba'i shes pa yin par brjod cing /byang chub kyang zad pa dang mi skye ba shes pa yin par brjod pa de dag la zad pa dang mi skye ba med pa kho nas shes pa de rung ba ma yin no zhes bar skabs kyi tshigs su bcad pas gsungs pa/'gog pa med pa'i rang bzhin la/ /mthong zhes bya ba'i lam gyis ni/ /rnam par rtog rigs ci zhig zad/ /skye med rnam pa ci zhig 'thob/ /ces bya ba yin te/ skyes pa dang ma skyes pa dag go rims bzhin du zad pa dang skye ba'i gegs byed pa'i mtshan nyid kyi 'gog pa dang bral ba don dam par de bzhin nyid kyi ngo bo'i rang bzhin yin na dngos po la log par mngon par zhen pa khyed kyis mthong ba'i lam gyi stobs kyis rnam par rtog pa la sogs pa'i ngo bo skyes pa ni ci zhig zad/mi skye ba'i chos can ma skyes pa ni ci zhig skyes te/ cung zad kyang med pa kho na yin pas de'i phyir kho bo cag gi gzhung lugs kho na khas blang bar bya'o snyam du dgongs pa yin no/ /de lta ma yin te/ chos yang dag par yod par khas len na bcom ldan 'das kyis nyon mongs pa dang shes bya'i sgrib pa'i rnam par rtog pa rnam pa thams cad du spangs pa ngo mtshar che ba'i gnas yin no zhes bar skabs kyi tshigs su bcad pas gsungs pa/gzhan gyi chos rnams kyang yod la/ /shes bya la yang ston pa yi/ /sgrib pa zad par brjod pa gang / /de la kho bos mtshar du brtsis/ /zhes bya ba yin te/de la skye ba dang 'jig pas stong pa'i phyir bdag med do snyam du bsgoms pas bdag tu mngon par zhen pa yongs su bor nas des dben pa'i phung po la sogs pa rten cing 'brel par 'byung ba skye ba dang 'jig pa'i chos can la yang dag par dmigs te/ sngon po dang de'i blo dag lhan cig dmigs pa nges pa'i phyir 'di ni sems tsam kho na yin gyi/phyi rol gyi don ni med do zhes bya ba yid la byed cing 'dzin pa'i rnam pa can gyi sems la mngon par zhen pa yongs su ma bor bas phyi rol gyi don du mngon par zhen pa spangs te/ gzung ba med na 'dzin pa med do snyam du nges par sems pas 'dzin pa'i rnam pa'i mtshan nyid rnam par rig pa tsam de yang bsal te/ gnyis su med pa'i ye shes 'ba' zhig 'di yang dag par yod pa'i ngo bo yin no snyam du nges par byas nas/ de yang rten cing 'brel bar 'byung ba yin pa'i phyir sgyu ma bzhin du ngo bo nyid med pa ste/yang dag par na gcig tu dngos po dang dngos po med pa la sogs par brtag pa'i ngo bo dang bral ba yin no snyam du bsgoms pas bsgom pa'i stobs grub pa na kha cig la nor bu dang dngul la sogs pa'i shes pa bzhin du 'khrul pa'i mtshan ma mtha' dag spangs pa sgyu ma lta bu'i bdag nyid du snang ba'i blo rnam par mi rtog pa so so rang gis rig par bya ba ci zhig ltar yang dag par skyes na/rnal 'byor pas shes bya'i sgrib pa yang dag par spong ngo / /de lta ma yin te/ dus thams cad du nam mkha' rdzas med pa tsam gyi ngo bo 'dzin pa bzhin du bskyed du med pa dang spang du med pa'i rang gi ngo bo 'dzin pa'i phyir skad cig ma'i chos shes pa tsam gyi ngo bo dang /shes bya'i mtshan nyid rnams gal te don dam par yod pa nyid du gyur na de'i tshe gnyen po bsgoms pas nam mkha' bzhin du de dag la cung zad kyang mi byed do//de'i phyir gzhan dag gis dngos por mngon par zhen pa'i phyin ci log mi ldog pas bcom ldan 'das kyis shes bya'i sgrib pa rnam pa thams cad du spangs pa gang yin pa dang / chos rnams kyang yod par khas len pa gang yin pa de ni phan tshun 'gal ba'i don khas len pas kho bos ngo mtshar du brtsis so zhes bya ba yin no//de ltar yod pa'i phyogs bsal nas ngo bo nyid med pa'i phyogs brtan por mdzad pas thar pa 'dod pa rnams kyis 'di kho na khas blang bar bya'o zhes bar skabs kyi tshigs su bcad pas gnas pa'i phyogs/'di la bsal bya ci yang med/ /bzhag par bya ba cung zad med/ /yang dag nyid la yang dag lta/ /yang dag mthong nas rnam par grol/ /zhes bya ba gsungs te/ gang gi phyir dngos por mngon par zhen pa las grol bar mi 'thad pa de'i phyir chos gang la yang skur pa 'debs pa dang /sgro 'dogs pa'i ngo bos bsal ba dang bzhag pa ma byas par gzugs la sogs pa rten cing 'brel par 'byung ba kun rdzob tu yang dag par yod pa'i ngo bo 'di nyid la rang bzhin med pa la sogs pa'i ngo bor brtag par bya ste/ de ltar na sgyu ma'i glang pos sgyu ma'i glang po gzhan zhig pham par byas pa bzhin du phyin ci log ldog pas de kho na nyid mthong na rnam par grol bar 'gyur ro//de ltar zhar la 'ongs pa brjod nas rnal ma mthong ba'i lam nyid/ sbyin pa la sogs re rer ni/ /de dag phan tshun bsdus pa gang //skad cig gcig pa'i bzod pa yis/ /bsdus pa de 'dir mthong ba'i lam/ /zhes bya ba gsungs te/ sbyin pa la sogs pa pha rol tu phyin pa drug po dag so sor sbyin pa la sogs pa'i ngo bo re rer snga ma bzhin du phan tshun bsdus pa gang yin pa skad cig ma gcig pa sdug bsngal la chos shes pa'i bzod pas bsdus pa 'khor gsum rnam par dag pas rab tu phye ba rnam pa sum cu rtsa drug can skyes pa gang yin pa de ni/rtse mo'i mngon par rtogs pa 'dir mthong ba'i lam yin no/ /de skyes pa na 'dod pa dang gzugs dang gzugs med pa'i khams kyi dbye bas rnam par rtog pa bzhi po so sor rnam pa dgu nyid kyis gzung ba dang 'dzin pa'i rnam par rtog pa brgya rtsa brgyad spangs pas/de dag gis bsdus pa'i rnam par rtog pa skyed par byed pa'i bag chags kyi nyon mongs pa brgya rtsa brgyad spangs pa rten cing 'brel par 'byung ba'i chos nyid kyis 'thob bo//de la dbang du bya ba'i phyir de nyid yang dang yang du sgom par byed do zhes bar skabs kyi tshigs su bcad pas gsungs pa/ de nas seng ge rnam bsgyings pa'i/ /ting nge 'dzin la snyoms zhugs nas/ /rten cing 'brel 'byung lugs mthun dang //lugs mi mthun la rtog par byed/ /ces bya ba yin te/ mthong ba'i lam 'thob pa'i rnal 'byor pa de nyon mongs pa dang shes bya'i sgrib pa'i 'jigs pa med pa'i phyir ting nge 'dzin seng ge rnam par [(]bskyings [,]bsgyings [) pa la snyoms par zhugs nas/dus phyis rten cing 'brel par 'byung ba la ma rig pa'i rkyen gyis 'du byed rnams so/ /zhes bya ba la sogs pa lugs dang mthun pa dang / skye ba 'gags pas rga shi 'gag go zhes bya ba la sogs pa lugs dang mi mthun par yang dag par rtog go/ /de ltar mthong ba'i lam brjod nas mi mthun pa'i phyogs spong ba la sogs pa ni rten grub pa sngon du 'gro ba yin na go sla bas rten bsgom pa'i lam/'gog dang bcas pa'i snyoms 'jug dgur/ /rnam pa gnyis su song 'ongs nas/ /'dod par gtogs pa'i rnam par shes/ / mnyam bzhag min pa'i mtshams bzung ste/ /thod rgal du ni snyoms 'jug pa/ /gcig dang gnyis gsum bzhi dang lnga/ /drug dang bdun dang brgyad brgal nas/ /'gog pa'i bar du mi 'drar 'gro/ /zhes bya ba gsungs te/ byang chub sems dpa' rnams ni bsam gtan dang po nas bzung ste 'gog pa'i bar du song nas/de'i 'og tu 'gog pa nas bzung ste/ bsam gtan dang po'i bar du 'ongs te/ de ltar lugs dang mthun pa dang lugs dang mi mthun pa rnam pa gnyis kyis/ bsam gtan bzhi dang gzugs med pa bzhi dang 'gog pa'i mtshan nyid kyi snyoms par 'jug pa dgu la song zhing 'ongs nas yang bsam gtan dang po la snyoms par zhugs te/de las langs nas 'gog pa la'o/ /de bzhin du 'du shes med 'du shes med min skye mched kyi bar las 'gog pa la snyoms par zhugs te/de las langs nas de ma thag pa'i snyoms par 'jug pa la dmigs te/ 'dod pa na spyod pa'i rnam par shes pa mtshams kyi ngo bor bzhag nas thabs mkhas pa'i stobs kyis langs te/ rnam par shes pa mnyam par ma bzhag pa de lta bu de mngon du byas nas//de'i 'og tu 'gog pa la'o/ /de nas mnyam par ma bzhag pa la'o/ /de'i 'og tu 'gog pa gcig pu bor la 'du shes med 'du shes med min skye mched la'o/ /de nas mnyam par ma bzhag pa la'o/ /de nas gnyis bor la ci yang med pa'i skye mched la'o//de nas mnyam par ma bzhag pa la'o/ /de bzhin du brgyad kyi bar du bor nas bsam gtan dang po la'o/ /de nas mnyam par ma bzhag pa la'o/ /de ltar gcig la sogs pa bor nas 'gog pa'i snyoms par 'jug pa la thug pa'i bar du mi 'dra ba'i sgo nas 'gro bas na mi 'dra bar 'gro ba thod rgal gyi snyoms par 'jug pa la dbang ba nyid kyi mtshan nyid mngon sum du byed pas na bsgom pa'i lam yin no//de ltar bsgom pa'i lam brjod nas de la spang ba'i phyir mi mthun pa'i phyogs rnam pa bzhi brjod dgos pas/re zhig gzung ba'i rnam par rtog pa dang po/ mdor bsdus rgyas dang sangs rgyas kyis/ /bstang bas yongs su ma bzung dang / /dus gsum yon tan med pa dang / /legs pa'i lam ni rnam gsum la/ /gzung ba'i rnam rtog 'di gcig ste/ /sbyor ba'i rnam pa'i spyod yul can//zhes bya ba gsungs te/ mdor bsdus pa la dga' ba'i sems can rjes su 'dzin pas chos mdor bsdus pa dang / rgyas pa la dga' ba'i sems can rjes su 'dzin pas chos rgyas pa dang / ji skad bshad pa bzhin don la nan tan mi byed pas sangs rgyas kyis bstang ste yongs su ma bzung ba dang /byung ba 'gags pa nyid kyis sbyor ba'i lam gyi yon tan med pa dang / yang dag par skye ba'i rgyu dang mi ldan pas mthong ba'i lam gyi yon tan med pa dang / ma 'ongs pa med pa nyid kyis bsgom pa'i lam yon tan med pa dang / phyin ci log zhi ba nyid la sogs pas mya ngan las 'das par sbyor ba'i lam dang / stong pa nyid mngon par sgrub pa nyid kyis mthong ba'i lam dang / rang bzhin med par sgom par byed pa nyid kyis bsgom pa'i lam la gzung ba'i rnam par rtog pa dang po gnas skabs 'dir spang bar bya ba nyid kyis bsgom pa'i lam gyi sbyor ba'i gnas skabs kyi yul can rnam pa dgu'o//de ltar dang po bstan nas gzung ba'i rnam par rtog pa gnyis pa/ gnyis pa sems dang sems byung rnams/ /'jug pa'i yul can yin bzhed de//sems mi skye dang byang chub kyi/ /snying po yid la mi byed dang / /theg pa dman pa yid byed dang / /rdzogs pa'i byang chub yid mi byed/ /bsgom dang sgom pa med pa dang / /de dag las ni bzlog nyid dang / /ji bzhin don min rnam rtog pa/ /bsgom pa'i lam la shes par bya //zhes bya ba gsungs te/ dge ba'i bshes gnyen la sogs pa dang bral bas byang chub kyi sems mi skye ba dang / sangs rgyas la dmigs pa'i bsod nams khyad par du 'phags pa med pas byang chub kyi snying po yid la mi byed pa dang / nyan thos kyi rigs can nyid kyi phyir de'i theg pa yid la byed pa dang / rang sangs rgyas kyi rigs can nyid kyi phyir de'i theg pa mngon du byed pa dang / shes rab kyi pha rol tu phyin pa sgrub pa med pas yang dag par rdzogs pa'i byang chub yid la mi byed pa dang / dmigs pa dang bcas pa nyid kyis bsgom pa dang /dmigs pa med pa nyid kyis sgom pa med pa dang / dmigs pa yang med mi dmigs pa yang med pas sgom pa yang med sgom pa med pa yang ma yin pa dang / phyin ci log tu mngon par zhen pas don ji lta ba bzhin ma yin pa nyid la gzung ba'i rnam par rtog pa gnyis pa/gnas skabs de na spang bar bya ba nyid kyis bsgom pa'i lam gyi sems dang sems las byung ba 'jug pa'i gnas skabs kyi yul can rnam pa dgu'o/ /de ltar gnyis pa bstan nas 'dzin pa'i rnam par rtog pa dang po/ sems can btags pa'i spyod yul dang //chos btags pa dang stong min nyid/ /chags dang rab 'byed bdag nyid dang / /dngos por byed dang theg gsum dang / /yon ni dag pa ma yin dang / /spyod pa rnam par 'khrugs pa la/ /'dzin par byed pa dang por de/ /shes par bya ba bsgrags pa yin//zhes bya ba gsungs te/ rdzas su yod par mi skye bas sems can du btags pa dang / snang ba tsam du zad pa'i phyir chos su btags pa dang / thams cad du 'gro ba'i phyir rnam pa thams cad mkhyen pa nyid la sogs pa'i chos stong pa ma yin pa nyid dang /rnam pa thams cad du mngon par zhen pa ma spangs pas chos la chags pa dang / ngo bo nyid med par rtogs pas chos rab tu 'byed pa dang / ched du bya ba mi byed pas dngos po'i ched du bya ba byed pa dang / gzugs la sogs pa la mi dmigs pa'i phyir theg pa gsum gyis nges par 'byung ba dang /yang dag par rab tu ma zhugs pa nyid kyis yon ma dag pa dang / sbyin pa la sogs par dmigs te bsgrubs pas spyod pa rnam par 'khrugs pa la snga ma bzhin du 'dzin par rnam par rtog pa bsgom pa'i lam gyi sbyor ba'i gnas skabs kyi yul can rnam pa dgu'o// //bam po lnga pa/ de ltar dang po bstan nas 'dzin pa'i rnam par rtog pa gnyis pa/ sems can btags dang de rgyu yi/ /yul can de yis rnam 'joms pas/ /bsgom pa'i lam dang 'brel pa yis / /mi mthun phyogs gzhan rnam pa dgu//zhes bya ba gsungs te/ mi mthun pa'i phyogs 'dzin pa'i rnam par rtog pa gnyis pa sems can du btags pa dang / der rnam par gzhag pa'i rgyu snang ba tsam gyi yul can bsgom pa'i lam gyis yang dag par spang bar bya ba yin pa'i phyir de dang 'brel pa rnam pa dgu'o//ji ltar rnam pa dgu yin zhe na/ bar skabs kyi tshigs su bcad pa rnam pa gnyis kyis gsungs pa/ bdag nyid ji bzhin kun mkhyen ni/ /gsum gyi sgrib pa rnam gsum dang / /zhi lam de bzhin nyid sogs dang / /mtshungs par ldan dang mi ldan dang //mi mnyam sdug bsngal la sogs dang / /nyon mongs rnams kyi rang bzhin dang / /gnyis su med la kun rmongs la/ /rnam par rtog pa tha mar bzhed/ /ces bya ba yin te/ rnam pa thams cad yongs su ma shes pas rnam pa thams cad mkhyen pa nyid kyi sgrib pa la kun du rmongs pa dang /lam thams cad yongs su ma shes pas lam shes pa nyid kyi sgrib pa la kun du rmongs pa dang / gzhi thams cad yongs su ma shes pas thams cad shes pa nyid kyi sgrib pa la kun du rmongs pa dang / shes rab kyi pha rol tu phyin pa yongs su ma shes pas thams cad zhi ba'i lam la kun du rmongs pa dang /gzugs la sogs pa'i shes bya dang / de bzhin nyid dag yongs su ma shes pas de bzhin nyid la sogs pa dang mtshungs par ldan pa dang mi ldan pa la kun du rmongs pa dang / bdud la sogs pa'i rang gi ngo bo yongs su ma shes pas mi mnyam pa nyid la kun du rmongs pa dang /don la sgra ji bzhin du 'dzin pa nyid kyis sdug bsngal la sogs pa'i bden pa la kun du rmongs pa dang / 'dod chags la sogs pa'i ngo bo nyid yongs su ma shes pas nyon mongs pa'i rang bzhin la kun du rmongs pa dang /gzung ba dang 'dzin pa'i mtshan nyid yongs su ma shes pas gnyis su med pa la kun du rmongs pa la/ snga ma bzhin du 'dzin pa'i rnam par rtog pa tha ma bsgom pa'i lam gyi sems dang sems las byung ba 'jug pa'i gnas skabs kyi yul can rnam pa dgur bzhed pa yin no//bsgom pa'i lam gyi mi mthun phyogs rnam pa bzhi po de dag spang ba nyid du gnyen po rnam pa bzhi yang de'i dbye bas tha dad do zhes bya bar khong du chud par bya'o/ /snga ma bzhin du rnam par rtog pa brgya rtsa brgyad spangs pa dang dus mnyam pa kho nar de dag gis bsdus pa nyon mongs pa brgya rtsa brgyad spangs pas yon tan phun sum tshogs pa thams cad byang chub sems dpa' bsgom pa'i lam la gnas pa la rten to zhes bya ba bar skabs kyi tshigs su bcad pa dag gis gsungs pa/yams nad 'di rnams zad nas ni/ / yun rings lon nas dbugs phyin ltar/ /rnam pa kun du 'gro ba yi/ /bde sgrub yon tan phun tshogs kun/ /rgya mtsho che la chu bo bzhin/ /'bras bu mchog gis spa ba yi/ /sems dpa' chen po de la ni/ /rnam pa kun du rten par byed/ /ces bya ba yin te/ bsgom pa'i lam la goms pas rnam par rtog pa'i rigs bzhi po 'tshe bar byed pa nyid kyis yams kyi nad du gyur pa 'di rnams zad nas [(]gags [,]gegs [)]byed pa med pas dga' bas dbugs phyin pa thob pa bzhin du/ snying rjes gzhan gyi dbang du gyur pas rnam pa thams cad du 'gro ba'i bde ba bskyed par mkhas pa'i yon tan phun sum tshogs pa theg pa gsum gyis bsdus pa thams cad rgya mtsho chen po la chu bo dag bzhin du/byang chub sems dpa' bsgom pa'i lam la gnas pa 'bras bu rab kyi mthar phyin pa thob pa de dag gis mdzes par gyur pa la rnam pa thams cad mngon du 'ong ba'i rnam pas rten par byed do//bsgom pa'i lam gyi rjes la bar chad med pa'i lam yin pas/ bar chad med pa'i ting nge 'dzin/ /stong gsum skye bo nyan thos dang / /bse ru'i rtogs pa phun tshogs dang / /byang chub sems dpa'i skyon med la//bkod pa'i dge ba dper mdzad nas/ /bsod nams mang po nyid kyis ni/ /sangs rgyas nyid kyi bar med de/ /bar chad med pa'i ting nge 'dzin/ /de ni rnam pa kun mkhyen nyid/ /ces bya ba gsungs te/ 'ga' zhig gis stong gsum gyi stong chen po'i 'jig rten gyi khams kyi sems can rnams nyan thos dang rang sangs rgyas dang byang chub sems dpa'i skyon med pa la bkod nas/bsod nams skyed pa gang yin pa de dper mdzad nas de bas khyad par du 'phags par bsod nams mang ba nyid kyis rnam pa thams cad mkhyen pa nyid gang yin pa de sangs rgyas nyid yin pas sangs rgyas nyid 'thob pa'i bar chad med pa'i ting nge 'dzin gang yin pa de ni 'dir bar chad med pa'i ting nge 'dzin zhes bya'o//de'i dmigs pa la sogs pa ji lta bu zhig yin zhe na/ bar skabs kyi tshigs su bcad pas dmigs pa la sogs pa gsungs pa/'di yi dmigs pa dngos med de/ /bdag po dran pa yin par bzhed/ /rnam pa zhi nyid 'di la ni/ /rab tu smra rnams brgyud mar rgol/ /zhes bya ba yin te/ bar chad med pa'i ting nge 'dzin 'di'i dmigs pa'i rkyen ni chos thams cad dngos po med par dmigs pa yin no//bdag po'i rkyen ni dran pa yin no/ /rnam pa ni rang bzhin gyis zhi ba nyid yin no/ /gnas 'di la ni gting dpag dka' ba'i phyir rab tu smra ba thabs la mkhas pa ma rtogs pa rnams kyi klan ka'i rgol ba brgyud mar 'byung bas thabs la mkhas pas de dag bsal bar bya ste/'dis ni 'di'i zab pa nyid bsnyad do snyam du dgongs pa yin no/ /blo'i nor can rnams kyis log par rtog pa ji lta bu zhig bsal bas ting nge 'dzin de bskyed par bya zhe na/ ting nge 'dzin gyi 'og tu log par rtog pa/dmigs pa 'thad dang de yi ni/ /ngo bo nyid nges gzung ba dang / /rnam kun mkhyen nyid ye shes dang / /dam pa'i don dang kun rdzob dang / /sbyor dang dkon mchog gsum po dang / /thabs bcas thub pa'i rtogs pa dang / /phyin ci log ni lam bcas dang //gnyen po mi mthun phyogs dag dang / /mtshan nyid dang ni bsgom pa la/ /smra ba rnams kyi log rtog pa/ /rnam pa kun mkhyen nyid rten can/ /rnam pa bcu drug dag tu bzhed/ /ces bya ba gsungs te/ 'dus byas dang 'dus ma byas kyi khams dag dngos por med pa nyid kyis dmigs pa 'thad pa dang rnam pa thams cad du rang bzhin med pa'i phyir dmigs pa'i ngo bo nyid nges par gzung ba dang /dngos po dang dngos po med pa mi dmigs pas rnam pa thams cad mkhyen pa nyid kyi ye shes dang / de bzhin nyid kyi ngo bo nyid kyis kun rdzob dang don dam pa'i bden pa gnyis dang /sbyin pa la sogs pa mi dmigs pas sbyor ba dang / rtogs par bya ba med pas sangs rgyas dkon mchog dang / ming du btags pa tsam du zad pas chos dkon mchog dang / gzugs la sogs par dmigs pa bkag pas dge 'dun dkon mchog dang /sbyin pa la sogs par mi dmigs pas thabs la mkhas pa dang / dngos po dang dngos po med pa dang gnyis ka'i ngo bo rtogs pa bkag pas de bzhin gshegs pa'i mngon par rtogs pa dang / spros pa rnam par gzhag pa'i mi rtag pa nyid la sogs pa nyid kyis rtag pa la sogs par phyin ci log pa dang /lam rnam par bsgoms pa'i 'bras bu mngon sum du mi byed pas lam dang / dor ba dang blang ba med pas mi mthun pa'i phyogs dang gnyen po dag dang chos can med pas chos kyi mtshan nyid dang /rang dang spyi'i mtshan nyid mi 'thad pas sgom pa la/ skye bo byang chub sems dpa'i thabs la mkhas pa mi shes pa'i rab tu smra ba nyid thams cad kyi log par rtogs pa phan tshun 'gal ba'i don bsgrubs pas mi 'thad pa nyid kyis the tshom gyi ngo bo ji skad bshad pa'i yul can nyid kyis rnam pa thams cad mkhyen pa nyid kyi rten can log par rtog pa bcu drug go//de bas na kun rdzob dang don dam pa'i sgo can gyi klan ka la go rims bzhin du don dam pa dang kun rdzob kyi sgo nas lan gdab dgos pas/ byang chub sems dpa' dge ba 'dod pa rnams kyis bden pa gnyis ka la rten pa'i thabs la mkhas pas rnam pa stong du bsal ba sngon du 'gro ba'i nges pa rnam pa thams cad du yang dag par bskyed nas bar chad med pa'i ting nge 'dzin bskyed par bya'o//shes rab kyi pha rol tu phyin pa'i man ngag gi bstan bcos mngon par rtogs pa'i rgyan zhes bya ba las/skabs lnga pa'i 'grel pa'o// //rtse mo'i mngon par rtogs pa thob pa so so ba dang bsdus pa nyid du rtogs pa'i don rnams go rims bzhin du blags nas brtan por bya ba'i phyir rnam par sgom par byed pas mthar gyis pa'i mngon par rtogs pa/sbyin pa shes rab bar dag dang / /sangs rgyas la sogs dran dang chos/ /dngos med ngo bo nyid kyis de/ /mthar gyis pa yi bya bar bzhed/ /ces bya ba gsungs te/ pha rol tu phyin pa bzhi ni shes rab kyi pha rol tu phyin pa'i nang du 'dus pa'i phyir/sbyin pa'i pha rol tu phyin pa la sogs pa 'khor gsum rnam par dag pas rab tu phye ba drug rnam pa thams cad du yongs su rdzogs pas sa bcu yang dag par sgrub par byed pa dang / dran pa nye bar gzhag pa la sogs pa dang / byang chub kyi yan lag gi rnam pa dang /'phags pa'i lam yan lag brgyad pa ste/ don dam par dran pa med pa'i mtshan nyid kyi sangs rgyas rjes su dran pa rnam pa gsum po/ go rims bzhin du nges par 'byed pa'i cha dang mthun pa dang mthong ba dang bsgom pa'i lam rjod par byed pa dang /de bzhin du dge ba dang mi dge ba dang lung du ma bstan pa'i chos rjes su dran pa dang / snga ma bzhin du byang chub sems dpa' 'phags pa phyir mi ldog pa'i dge 'dun rjes su dran pa dang / de bzhin du tshul khrims dang / gtong ba dang / lha rjes su dran pa dang gzugs la sogs pa'i chos thams cad dngos po med pa'i ngo bo nyid du khong du chud pas rtogs pa gang yin pa de ni 'dir mthar gyis pa'i bya bar bzhed pa yin no//shes rab kyi pha rol tu phyin pa'i man ngag gi bstan bcos mngon par rtogs pa'i rgyan zhes bya ba las/ skabs drug pa'i 'grel pa'o// //mthar gyis pa'i mngon par rtogs pa rnam par bsgoms pa ni shin tu goms par bya ba'i phyir de dag nyid skad cig ma gcig gis bsgoms pas skad cig ma gcig pa'i mngon par rdzogs par byang chub pa yin te/ de yang mtshan nyid kyis rnam pa bzhi yod pas/dang po rnam par smin pa ma yin pa zag pa med pa'i chos thams cad skad cig ma gcig pa'i mtshan nyid kyi skad cig ma gcig pa'i mngon par rdzogs par byang chub pa/ sbyin pa la sogs re res kyang / /zag med chos kun bsdus pa'i phyir/ /thub pa'i skad cig gcig pa yi//rtogs pa 'di ni shes par bya/ /zhes bya ba gsungs te/ lugs las chos kyi dbyings kyi rang gi ngo bor/ dngos gcig dngos po kun gyi ngo bo nyid/ /dngos kun dngos po gcig gi ngo bo nyid/ /gang gis dngos gcig de bzhin nyid mthong ba//de yis dngos kun de bzhin nyid du mthong / /zhes 'byung ba'i phyir/ mang pos gcig bsdus pa 'ba' zhig tu ma zad kyi/ 'on kyang sbyin pa la sogs pa'i ye shes dmigs par bya ba'i skad cig ma gcig po dngos po so sor nges par 'dzin pa'i phyin ci log dang bral ba'i ngo bos/sbyin pa la sogs pa nas dpe byad bzang po brgyad cu'i bar gyi mtshan nyid kyi chos rnams bsdus pa'i phyir thub pa byang chub sems dpa'i rtogs pa ni skad cig ma gcig pa'i mngon par rdzogs par byang chub pa'o/ /zhes bya bar shes par bya'o/ /yang ji ltar na zag pa med pa'i ye shes gcig dmigs na zag pa med pa thams cad bsdus pa yin zhe na/'jig rten pa'i dpe/ ji ltar skyes bus zo chun rgyud/ /rdog thabs gcig gis bskyod pa na/ /thams cad cig car 'gul ba ltar/ /skad cig gcig shes de bzhin no//zhes bya ba gsungs te/ dper na skyes bus rdog thabs gcig gis bskyod na bzo bo mkhas pas sngon bzo legs par byas pa'i mthus zo chun gyi rgyud thams cad cig car dus gcig tu 'gul ba de bzhin du sngon gyi smon lam gyi 'phen pa dang / chos kyi dbyings kyi mthus skad cig ma gcig kho na la/zag pa med pa'i ye shes gcig dmigs na rigs mthun pa thams cad mngon du byed pa yin no/ /de ltar dang po bstan nas gnyis pa rnam par smin pa'i chos nyid kyi gnas skabs kyi zag pa med par chos thams cad skad cig ma gcig pa'i mtshan nyid kyi skad cig ma gcig pa'i mngon par rdzogs par byang chub pa/gang tshe chos dkar thams cad kyi/ /rang bzhin shes rab pha rol phyin/ /rnam smin chos nyid gnas skabs skyes/ /de tshe skad cig gcig ye shes/ /zhes bya ba gsungs te/ gang gi tshe byang chub sems dpas gnyen po bsgoms pas mi mthun pa'i phyogs thams cad dang bral ba na rnam par byang ba'i phyogs rnam par smin pa'i chos nyid kyi gnas skabs dri ma thams cad dang bral bas ston ka'i zla ba'i 'od bzhin du dkar ba'i ngo bo nyid skyes pa de'i tshe/skad cig ma gcig kho na la rnam par smin pa'i gnas skabs su gyur pa'i zag pa med pa rnams rtogs pa'i ye shes ni/shes rab kyi pha rol tu phyin pa'i skad cig ma gcig pa'i mngon par rdzogs par byang chub pa yin no/ /de ltar gnyis pa bstan nas gsum pa mtshan nyid med par chos thams cad skad cig ma gcig pa'i mtshan nyid kyi skad cig ma gcig pa'i mngon par rdzogs par byang chub pa/sbyin pa la sogs spyod pa yis/ /chos kun rmi lam 'drar gnas nas/ /chos rnams mtshan nyid med pa nyid/ /skad cig ma ni gcig gis rtogs/ /zhes bya ba gsungs te/sngon chos thams cad rmi lam lta bur goms pas tshogs gnyis nyams su myong bar byas nas rtogs pa'i gnas skabs na nye bar len pa'i phung po la sogs pa rmi lam gyi ngo bo nyid kyi chos thams cad la/ sbyin pa la sogs pa'i pha rol tu phyin pa drug sgrub pas gnas te/sbyin pa la sogs pa'i ngo bo nyid nges par rtogs pa'i rnam pa can skad cig ma gcig kho nas chos thams cad ni mtshan nyid med pa'o zhes kun nas nyon mongs pa dang rnam par byang ba'i ngo bo'i chos rnams mtshan nyid med pa nyid du shes pas na/ skad cig ma gcig pa'i mngon par rdzogs par byang chub pa yin no//de ltar gsum pa bstan nas bzhi pa gnyis su med pa'i mtshan nyid du chos thams cad skad cig ma gcig pa'i mtshan nyid kyi mngon par rdzogs par byang chub pa/ rmi lam dang ni de mthong nyid/ /gnyis kyi tshul du mi mthong ltar//chos rnams gnyis su med pa yi/ /de nyid skad cig gcig gis mthong / /zhes bya ba gsungs te/ yun ring mo zhig nas bar chad med par gnyis su snang ba spong ba la goms pa ngang du gyur pas gnyis su snang ba'i bag chags drungs phyung ba'i byang chub sems dpa' gang gi tshe gzung ba dang 'dzin pa'i tshul du/rmi lam la gzung ba dang rmi lam mthong ba la 'dzin par mi mthong ba de'i tshe chos thams cad kyang de lta bu'i chos nyid yin no zhes chos rnams kyi de kho na nyid gnyis su med pa skad cig ma gcig kho nas rtogs pas na skad cig ma gcig pa'i mngon par rdzogs par byang chub pa yin no//shes rab kyi pha rol tu phyin pa'i man ngag gi bstan bcos mngon par rtogs pa'i rgyan zhes bya ba las/ skabs bdun pa'i 'grel pa'o// //skad cig ma gcig pa'i mngon par rdzogs par byang chub pa rnam par bsgoms pa'i skad cig ma gnyis pa la chos kyi sku mngon par rdzogs par byang chub pa yin te/de yang ngo bo nyid kyi sku la sogs pa'i dbye bas rnam pa bzhi yin pas/ dang po ngo bo nyid kyi sku/ /thub pa'i ngo bo nyid sku ni/ /zag pa med pa'i chos gang dag / thob gyur rnam kun rnam dag pa/ /de dag rang bzhin mtshan nyid can/ /zhes bya ba gsungs te/ thub pa sangs rgyas bcom ldan 'das kyi ngo bo nyid kyi sku ni/ dran pa nye bar gzhag pa la sogs pa ye shes kyi bdag nyid/ 'jig rten las 'das pa'i chos kyi dbyings kyi ngo bo nyid kyis zag pa med pa dri ma rnams glo bur ba nyid kyis rnam pa thams cad du rnam par dag cing rang bzhin gyis dben pa'i mtshan nyid du gyur pa gang dag yin pa de dag gi rang gi ngo bo nyid skye ba med pa'i ngo bo nyid ni 'di yin te/bcos ma ma yin pa'i don gyis 'jig rten las 'das pa'i lam gyis 'thob kyi byas pa ni ma yin pas rnam par shes pa sgyu ma lta bus chos thams cad rtogs pas thob pa yin no//sku lhag ma gsum po don dam par chos nyid kyi ngo bo yang dag pa'i kun rdzob tu snang ba ji ltar mos pas rab tu phye ba ni sangs rgyas dang byang chub sems dpa' dang /nyan thos la sogs pa'i spyod yul du rnam par gzhag pa yin no/ /zhes bstan pa'i phyir lugs las/ gang phyir dben pa dben gyur las/ /tha mi dad pa nyid du 'dod/ /ces 'byung ba'i phyir de dang tha mi dad kyang tha dad par rnam par gzhag go/ /de ltar sku dang po bstan nas gnyis pa chos kyi sku spros pa med pa'i ye shes kyi bdag nyid zag pa med pa'i dran pa nye bar gzhag pa la sogs pa'i ngo bo//byang chub phyogs mthun tshad med dang / /rnam par thar dang mthar gyis ni/ /snyoms 'jug dgu yi bdag nyid dang / /zad par bcu yi bdag nyid dang //zil gyis gnon pa'i skye mched ni/ /rab tu dbye bas rnam brgyad dang / /nyon mongs med dang smon mkhyen dang / /mngon shes so so yang dag rig /rnam pa thams cad dag bzhi dang / /dbang bcu dang ni stobs bcu dang / /mi 'jigs pa ni bzhi dag dang //bsrung ba med pa rnam gsum dang / /dran pa nyer gzhag rnam gsum dang / /bsnyel ba mi mnga'i chos nyid dang / /bag chags yang dag bcom pa dang / /skye la thugs rje chen po dang / /thub pa kho na'i ma 'dres chos/ / bcwa brgyad bshad pa gang yin dang / /rnam pa thams cad mkhyen nyid dang / /chos kyi sku zhes brjod pa yin/ /zhes bya ba gsungs te/ dran pa nye bar gzhag pa la sogs pa nas/ 'phags pa'i lam yan lag brgyad pa'i bar byang chub kyi phyogs rnams dang / snga ma bzhin du byams pa la sogs pa tshad med pa tshangs pa'i gnas pa rnams dang /nang gzugs can dang gzugs can ma yin par 'du shes pas phyi rol gyi gzugs rnams la lta ba zhes bya ba gnyis dang / sdug pa'i rnam par thar pa lus kyis mngon sum du byas te rdzogs par byas nas gnas pa zhes bya ba gcig dang /nam mkha' dang / rnam par shes pa dang / ci yang med pa dang / 'du shes med 'du shes med min skye mched ces bya ba bzhi dang / 'du shes dang tshor ba 'gog pa zhes bya ba gcig ste/ de ltar rnam par thar pa brgyad dang /gzugs kyi khams kyi bsam gtan bzhi dang / gzugs med pa'i snyoms par 'jug pa bzhi dang / 'gog pa'i snyoms par 'jug pa zhes bya ba snyoms par 'jug pa dgu dang / sa dang / chu dang / me dang / rlung dang / sngon po dang / ser po dang / dmar po dang /dkar po dang / nam mkha' dang / rnam par shes pa zhes bya ba zad par rnam pa bcu dang / nang gzugs dang gzugs med par 'du shes pa dag gis so sor chung ngu dang chen po'i rnam pa dag tu phyi rol gyi gzugs rnams la blta zhing de dag zil gyis mnan nas shes zhes bya ba bzhi dang /nang gzugs med par 'du shes pa dag kho nas sngon po dang / ser po dang / dmar po dang / dkar po dag zil gyis mnan nas mthong zhes bya ba rnam pa bzhi ste/ de ltar zil gyis gnon pa'i skye mched rnam pa brgyad dang / pha rol gyi rgyud du gtogs pa'i nyon mongs pa'i dgra'i rgyun drungs 'byin pa'i ting nge 'dzin zhes bya ba gang yin pa nyon mongs pa med pa dang / yang dag par mtshan ma thams cad dang bral zhing chags pa bcom pa the tshom sel bar mdzad pa'i smon lam grub pas 'khor ba ji srid pa dang rnam par grol ba ji srid pa'i gnas skabs su 'jug pa zhes bya ba smon nas mkhyen pa dang /sngar bshad pa'i mngon par shes pa drug dang / so so yang dag par rig pa bzhi dang / rten dang dmigs pa dang thugs dang ye shes yongs su dag pa zhes bya ba dag pa bzhi dang /tshe dang / sems dang / yo byad dang / las dang / skye ba dang / mos pa dang / smon lam dang / rdzu 'phrul dang / ye shes dang / chos la dbang ba zhes bya ba dbang bcu dang / sngar bshad pa'i stobs bcu dang / mi 'jigs pa bzhi dang / de bzhin gshegs pa'i sku dang gsung dang thugs kyi spyod pa yongs su dag pa ste/ 'di la phyin ci log gi kun du spyod pa gzhan gyis yongs su shes pa'i bsnyengs pas bcab par bya'o snyam pa'i dgongs pa mi mnga'o zhes bya ba bsrung ba med pa rnam pa gsum dang / chos ston pa na nyan par 'dod pa dang / nyan par mi 'dod pa dang gnyis ka dag la go rims bzhin du rjes su chags pa dang / khong khro ba dang / gnyis kas dben pa kho nar btang snyoms su dran pa dang ldan par gnas so/ /zhes bya ba dran pa nye bar gzhag pa rnam pa gsum dang /sems can gyi don mdzad pa'i dus las mi 'da' ba'i mtshan nyid ces bya ba bsnyel ba mi mnga' ba'i chos nyid dang / nyon mongs pa dang shes bya'i sgrib pa'i bag la nyal gyi ngo bo'i sa bon spangs pas bag chags yang dag par bcom pa dang / skye bo mtha' dag la phan pa'i bsam pa nyid ces bya ba skye bo la thugs rje chen po nyid dang /sangs rgyas kyi chos ma 'dres pa bcwa brgyad dang / rnam pa thams cad mkhyen pa nyid dang / dang zhes bya ba'i sgras bsdus pa lam shes pa nyid la sogs pa sngar bshad pa dag kyang yin te/ byang chub kyi phyogs dang mthun pa la sogs pa spros pa med pa'i ye shes kyi bdag nyid gnas gyur pas gyur pa thams cad kyang chos kyi skur mngon par brjod pa yin no zhes bya ba ni kha cig gi'o//gzhan dag ni/ thub pa'i ngo bo nyid sku ni/ /zag pa med pa'i chos gang dag /thob gyur rnam kun rnam dag pa/ /de dag rang bzhin mtshan nyid can/ /zhes bya ba'i sgra ji bzhin nyid du 'jig rten las 'das pa'i zag pa med pa'i chos rnams kho na khas blangs nas ngo bo nyid kyi sku ni de dag gi rang bzhin skye ba med pa nyid gang yin pa de'i mtshan nyid can yin te/de nyid kyang chos nyid kyi sku yin pa las chos kyi sku'o zhes ngo bo'i rkyen mi mngon par byas nas bstan to zhes rnam par bshad nas/ chos kyi sku gang dag gi rang bzhin gyi mtshan nyid can yin pa'i zag pa med pa'i chos de dag kyang gang dag cig yin zhe na/byang chub phyogs mthun tshad med dang / /zhes bya ba la sogs pa'i tshig le'ur byas pa la 'jug par byed do/ /gzhan dag na re de dag gi ltar na rnal 'byor pa'i kun rdzob tu don khyad par can snang ba skyed pa'i sgo nas/ gnas yongs su gyur pas gyur pa/ chos ston pa la sogs pa'i don gyi bya ba mdzad pa gnyis su med pa'i sems dang sems las byung ba gdon mi za bar khas blang dgos pa rnams ji ltar bsdu zhes zer ro//kha cig na re/ ngo bo nyid longs rdzogs bcas dang / /de bzhin gzhan pa sprul pa ni/ /chos sku mdzad par bcas pa ste//rnam pa bzhir ni yang dag brjod/ /ces bya ba'i tshig le'ur byas pa las/ ngo bo nyid ces bya ba'i sgra'i mjug thogs su chos kyi sku zhes bya ba'i sgra mi 'byung bas sku ni gsum kho na'o zhes zer ro/ /gzhan dag na re dgos pa nye bar bstan pa'i shugs kyis tshig le'ur byas pa sbyar ba'i ngor/ye shes kho na dang mdzad pa sbyar ba'i phyir de skad du gsungs pa yin te/ de'i phyir phyogs gzhan nas sku bzhir gsungs pa thams cad mi 'gal bar 'gyur ro zhes zer ro/ /nyan thos la sogs pa'i nyon mongs pa med pa'i ting nge 'dzin las sangs rgyas kyi nyon mongs pa med pa'i ting nge 'dzin khyad par du bya ba'i phyir bar skabs kyi tshigs su bcad pa/nyan thos nyon mongs med pa'i lta/ /mi yi nyon mongs yongs spong nyid/ /grong sogs su de'i nyon mongs rnams/ /rgyun gcod rgyal ba'i nyon mongs med/ /ces bya ba gsungs te/nyan thos la sogs pa'i nyon mongs pa med pa'i ting nge 'dzin ni/ bdag mthong ba las 'ga' zhig gi nyon mongs pa skye bar 'gyur na mi rung ngo zhes/ mi'i nyon mongs pa skye ba yongs su spong ba nyid yin no/ /de bzhin gshegs pa rnams kyi nyon mongs pa med pa'i ting nge 'dzin ni/grong la sogs par skye bo mtha' dag gi nyon mongs pa'i rgyun drungs 'byin par mdzad pa yin no/ /nyan thos la sogs pa'i smon nas shes pa bas/ de bzhin gshegs pa'i smon nas mkhyen pa khyad par du bstan pa'i phyir bar skabs kyi tshigs su bcad pa/sangs rgyas smon nas mkhyen pa ni/ /lhun gyis grub dang chags spangs dang / /thogs pa med dang rtag gnas dang / /dri ba kun lan 'debs par bzhed/ /ces bya ba gsungs te/ de bzhin gshegs pa'i smon nas mkhyen pa ni/ mtshan ma med pa nyid du rang gi ngang gis 'jug pa dang /dngos po la mngon par ma zhen pas/ gzugs la sogs pa la chags pa dang bral ba dang / nyon mongs pa dang shes bya'i sgrib pa bag chags dang bcas te spangs pas shes bya thams cad la thogs pa med pa dang / 'khor ba ji srid par gnas pa'i phyir rtag tu gnas pa dang /yang dag pa'i so sor rig pa brnyes pas 'dri ba'i lan 'debs par mdzad pa yin par bzhed do/ /nyan thos la sogs pa yi ni bzlog pa nyid kyis de lta ma yin no/ /rtag tu thugs rje chen po'i ngo bo nyid kyi chos kyi sku la bzhugs na yang / rtag tu ji ltar don mi mdzad/ /ces bya ba'i lan gdab pa'i phyir/ bar skabs kyi tshigs su bcad pa/ rgyu ni yongs su smin gyur nas/ /gang dang gang la gang dang ni/ /gang tshe bya ba phan gyur pa/ /de dang de la de snang ngo / /zhes bya ba gsungs te/ dge ba'i bshes gnyen la sogs pa dang phrad pas sngon bskyed pa'i dge ba'i rtsa ba'i sa bon sangs rgyas la sogs pa la dmigs pa'i rgyu yongs su brtas par gyur nas sems can gang la gang gi dus su chos bstan pa la sogs pa mdzad nas /yun du 'phrod par gyur pa de'i tshe/de'i don bya ba'i phyir sngon gyi smon lam grub pas/ bcom ldan 'das de dang der snang ba dang 'tsham par don gyi bya ba mdzad pas dus thams cad du yid bzhin gyi nor bu ltar nye bar gnas kyang / rang gi las kyi nyes pas bskyed pa la rgyu ma tshang bas/ 'bras bu smin par mdzad par mi snang ngo snyam du dgongs pa yin no//de ji lta bu zhig snyam pa la bar skabs kyi tshigs su bcad pas dpe/ lha yi rgyal pos char phab kyang / /sa bon mi rung mi 'khrung ltar/ /sangs rgyas rnams ni byung gyur kyang / /skal ba med pas bzang mi myong //zhes bya ba gsungs te/ dper na lha'i dbang pos char phab tu zin kyang til la sogs pa'i sa bon rul ba'i ngo bo la sogs pa sa bon mi rung bar gyur pa mi 'khrung pa de bzhin du sangs rgyas yid la re ba mtha' dag yongs su rdzogs par mkhas pa rnams byung yang skal ba med pas dam pa'i chos mnyan pa la sogs pa'i bzang po thob par mi 'gyur ro//ye shes kyi bdag nyid kyi chos kyi sku rnal 'byor pa so sor nges pa'i rgyud kyi rten la yod pa skad cig re re la 'byung ba ji ltar khyab pa dang / rtag pa zhes kyang brjod ce na/ bar skabs kyi tshigs su bcad de gsungs pa/de ltar mdzad pa rgya che'i phyir/ /sangs rgyas khyab par nges par brjod/ /de nyid zad pa med pa'i phyir/ /rtag pa zhes kyang brjod pa yin/ /zhes bya ba yin te/ de ltar ji skad bshad pa'i tshul gyis thams cad du snang ba'i sgo nas bya ba mdzad pa rgya che ba'i phyir dang /rgyun chags su 'khor ba ji srid par bzhugs kyang bcom ldan 'das la zad pa mi mnga' ba'i phyir go rims bzhin du sangs rgyas khyab pa dang / rtag pa zhes mngon par brjod do/ /de ltar sku gnyis bstan nas/ gsum pa longs spyod rdzogs pa'i sku gzugs kyi sku'i ngo bo nyid mtshan dang dpe byad bzang pos 'bar ba/mtshan ni sum cu rtsa gnyis dang / /dpe byad brgyad cu'i bdag nyid 'di/ /theg chen nye bar longs spyod phyir/ /thub pa'i longs spyod rdzogs skur bzhed/ /ces bya ba gsungs te/ mtshan sum cu rtsa gnyis dang /dpe byad bzang po brgyad cu'i ngo bo nyid 'di ni byang chub sems dpa' chen po sa bcu la bzhugs pa rnams dang / thabs cig tu theg pa chen po'i chos kyi longs spyod kyi dga' ba dang bde ba shin tu kha na ma tho ba med pa nye bar spyod pa'i phyir/ sangs rgyas bcom ldan 'das kyi longs spyod rdzogs pa'i sku yin no//mtshan sum cu rtsa gnyis po de dag gang dag cig yin zhe na/ bar skabs kyi tshigs su bcad pa lnga ni/ phyag zhabs 'khor lo'i mtshan dang rus sbal zhabs/ /phyag dang zhabs sor dra bas 'brel pa dang / /phyag ni zhabs bcas 'jam zhing gzhon sha chags//'di yi sku ni bdun dag mtho ba dang / /sor mo ring dang rting yangs sku che drang / /zhabs 'bur mi mngon spu ni gyen du phyogs/ /byin pa e na ya'i 'dra phyag ring mdzes/ /'doms kyi sba ba sbubs su nub pa'i mchog /pags pa gser mdog pags pa srab pa dang //spu ni re re nas g.yas legs 'khrungs dang / /zhal mdzod spus brgyan ro stod seng ge'i 'dra/ /'di yi dpung pa'i mgo zlum thal gong rgyas/ /'di la ro mi zhim pa ro mchog snang / /sku ni n+ya gro d+ha ltar chu zheng gab/ /gtsug tor dbur ldan ljags ring mdzes pa dang //tshangs dbyangs 'gram pa seng ge'i 'dra dang tshems/ /shin tu dkar dang tshad mnyam thags bzang dang / /grangs ni bzhi bcu tham pa tshang ba dang / /spyan ni mthon mthing spyan rdzi ba mchog gi /'dra ba 'di dag sum cu rtsa gnyis mtshan//zhes bya ba gsungs te/ bla ma rnams la skyel ba dang bsu ba la sogs pas phyag dang zhabs 'khor lo'i mtshan dang ldan pa nyid dang / sdom pa yang dag par blangs pa la brtan pa nyid kyis rus sbal bzhin du zhabs shin tu gnas pa nyid dang / bsdu ba'i dngos po bzhi bstan pas phyag dang zhabs kyi sor mo ngang pa'i rgyal po lta bur dra bar 'brel pa nyid dang /bza' ba dang bca' ba la sogs pa gya nom pa byin pas phyag dang zhabs 'jam zhing gzhon sha chags pa nyid dang / bldag pa la sogs pa shin tu gya nom pa byin pas phyag dang zhabs dang thal gong dang /ltag pa'i phyogs mtho ba'i phyir bdun mtho ba nyid dang / gsad par bya ba las thar bar byas pas sor mo ring ba nyid dang / 'tsho ba la phan btags pa nyid kyis rting pa yangs pa nyid dang / srog gcod pa spangs pa nyid kyis sku che zhing drang ba nyid dang /dge ba'i chos yang dag par blangs pas zhabs long bu mi mngon pa nyid dang / dge ba yang dag par blangs pa spel bas sku'i spu gyen du phyogs pa nyid dang / rig pa dang bzo la sogs pa gus par byas te byin pas byin pa ri dgas e na ya'i lta bu dang / nor bdog pa la slong ba po'i skye bo phyir ma spangs pas phyag ring zhing mdzes pa nyid dang /skye bo thams cad tshangs par spyod pa yang dag par len du 'jug pa dang / gsang ba'i gsang tshig bsrungs pas 'doms kyi sba ba sbubs su nub pa nyid dang / gding ba gya nom pa byin pas mdog gser 'dra ba nyid dang /khang bzang la sogs pa dam pa byin pas pags pa 'jam pa nyid dang / 'du 'dzi la sogs pa yongs su spangs pas spu re re nas g.yas phyogs su 'khyil ba nyid dang / skye bo bla ma thams cad gnas ji lta ba bzhin du bkod pas zhal mdzod spus brgyan pa nyid dang / rnam pa thams cad du kha drag gi tshig gis khyad du ma bsad pas ro stod seng ge'i 'dra ba nyid dang / snyan par smra ba dang legs par smra ba'i rjes su mthun par byas pas dpung mgo shin tu zlum pa nyid dang / sman la sogs pa byin pas thal gong rgyas pa nyid dang / skye bo nad pa'i g.yog byas pas ro bro ba'i mchog mkhyen pa nyid dang /nags tshal dang kun dga' ra ba la sogs pa byed pa yang dag par len du bcug pas shing n+ya gro d+ha ltar chu zheng gab pa nyid dang / gtsug lag khang la sogs pa lhag par byin pas dbu gtsug tor dang ldan pa nyid dang / 'jam po la sogs pa gsung bas ljags ring ba nyid dang /'jig rten gyi khams thams cad kyi sems can la dam pa'i chos go bar byas pas tshangs pa'i dbyangs nyid dang / tshig kyal pa spangs pas 'gram pa seng ge'i 'dra ba nyid dang / skye bo thams cad bkur ba la sogs pas tshems dkar ba nyid dang /'tsho ba rnam par dag pa nyid kyis tshems mnyam pa nyid dang / bden pa'i tshig kun du spyad pas tshems thags bzang ba nyid dang / phra ma'i tshig spangs pas tshems bzhi bcu mnga' ba nyid dang / sems can thams cad la bu gcig pa dang 'dra bar bltas pas spyan mthon mthing nyid dang /khong khro ba la sogs pa med par bltas pas rdzi ma ba'i lta bu nyid do/ /rgyu grub pas mtshan 'grub bo zhes bar skabs kyi tshigs su bcad pa/ 'di la mtshan ni gang gang gi /sgrub par byed pa'i rgyu gang yin/ /de dang de ni rab rdzogs pas/ /mtshan ni 'di dag yang dag 'grub//ces bya ba gsungs te/ mtshan gang gis sgrub par byed pa'i rgyu gang yin pa de rab tu rdzogs pas mtshan sum cu rtsa gnyis po 'di dag 'byung ngo / /rgyu de gang yin zhe na/ de'i 'og tu bar skabs kyi tshigs su bcad pa dag gis/ bla ma skyel la sogs pa dang / / yang dag blangs pa brtan pa dang / /bsdu ba bsten dang gya nom pa'i/ /dngos po sbyin dang gsad bya ba/ /thar bar byed dang dge ba ni/ /yang dag blangs pa spel la sogs/ /sgrub byed rgyu yi mtshan nyid de/ /mdo las ji skad 'byung ba bzhin/ /zhes bya ba gsungs te/ tshig le'ur byas pa 'di gnyis ni/gong nyid du mtshan bshad par bkrol zin pas yang mi bri'o/ /de ltar mtshan rnams brjod nas bar skabs kyi tshigs su bcad pa bcu gnyis kyis dpe byad bzang po gsungs pa/ thub pa'i sen mo zangs mdog dang / /mdog snum mtho dang sor mo rnams/ / zlum rgyas byin gyis phra ba dang / /rtsa mi mngon dang mdud pa med/ /long bu mi mngon zhabs mnyam dang / /seng ge glang chen bya dang ni/ /khyu mchog stabs gshegs g.yas phyogs dang / /mdzes gshegs drang dang 'khril bag chags/ /byi dor byas 'dra rim par 'cham/ /gtsang dang 'jam dang dag pa'i sku//mtshan ni yongs su rdzogs pa dang / /sku yi kho lag yangs shing bzang / /gom snyoms pa dang spyan gnyis ni/ /dag dang gzhon sha can nyid dang / /sku zhum med dang rgyas pa dang / /shin tu grims pa'i sku nyid dang / /yan lag shin tu rnam 'byes dang //gzigs pa sgrib med dag pa dang / /dku zlum skabs phyin ma rnyongs dang / /phyang nge ba dang lte ba ni/ /zab dang g.yas phyogs 'khyil ba dang / /kun nas blta na sdug pa dang / /kun spyod gtsang dang sku la ni/ /sme ba gnag bag med pa dang / /phyag ni shing bal ltar 'jam dang //phyag ris mdangs yod zab ring dang / /zhal ni ha cang mi ring dang / /mchu ni bim pa ltar dmar dang / /ljags mnyen pa dang srab pa dang / /dmar dang 'brug gi sgra nyid dang / /gsung mnyen 'jam dang mche ba zlum/ /rno dang dkar dang mnyam pa dang //byin gyis phra dang shangs mtho dang / /mchog tu dag pa dag dang ni/ /spyan yangs pa dang rdzi ma stug /pad+ma'i 'dab ma 'dra ba dang / /smin tshugs ring dang 'jam pa dang / /snum dang spu ni mnyam pa dang / /phyag ring rgyas dang snyan mnyam dang / /nyams pa rnam par spangs pa dang //dpral ba legs par 'byes pa dang / /dbyes che ba dang dbu rgyas dang / /dbu skra bung ba ltar gnag dang / /stug dang 'jam dang ma 'dzings dang / /mi bshor dri zhim skyes bu yi/ /yid ni 'phrog par byed pa dang / /dpal gyi be'u dang bkra shis ni//sangs rgyas dpe byad bzang por bzhed/ /ces bya ba yin te/ 'du byed thams cad la 'dod chags dang bral ba nyid kyis sen mo zangs kyi mdog lta bu nyid dang / sems can thams cad la phan pa'i lhag pa'i bsam pa nyid kyis sen mo mdog snum pa nyid dang / rigs kyi mchog las skyes pas sen mo mtho ba nyid dang /tshul kha na ma tho ba med pa nyid kyis sor mo rnams zlum pa nyid dang / dge ba'i rtsa ba bsags pa nyid kyis sor mo rnams rgyas pa nyid dang / yang dag par mthar gyis zhugs pa nyid kyis sor mo rnams byin gyis phra ba nyid dang / lus la sogs pa'i las dang 'tsho ba rab tu bsrungs pa nyid kyis rtsa mi mngon pa nyid dang / nyon mongs pa'i mdud pa 'grol ba nyid kyis rtsa mdud pa med pa nyid dang / shin tu sbas pa'i chos kyi blo gros can nyid kyis long bu mi mngon pa nyid dang / bgrod dka' ba'i gnas thams cad las skye bo sgrol bar mdzad pa nyid kyis zhabs mi mnyam pa med pa dang /mi zil gyis gnon pa la mkhas pa nyid kyis seng ge'i stabs su gshegs pa nyid dang / klu zil gyis gnon pa la mkhas pa nyid kyis glang po che'i stabs su gshegs pa nyid dang / nam mkha' la gshegs par mkhas pa nyid kyis ngang pa'i stabs su gshegs pa nyid dang / skyes bu'i khyu mchog tu mkhas pa nyid kyis khyu mchog gi stabs su gshegs pa nyid dang / skor phyogs kyi lam dang mthun par gshegs pa nyid kyis g.yas phyogs su ldog cing gshegs pa nyid dang /mdzes par mkhas pa nyid kyis mdzes par gshegs pa nyid dang / rtag tu sems gya gyu mi mnga' ba nyid kyis mi yo bar gshegs pa nyid dang / yon tan yang dag par brjod par mdzad pa nyid kyis sku 'khril bag chags pa nyid dang /sdig pa'i chos dang ma 'bags pa nyid kyis sku byi dor byas pa lta bu nyid dang / gdul bya dang 'tsham pa'i chos ston par mdzad pa nyid kyis sku rim par 'tsham pa nyid dang / sku la sogs pa kun du spyod pa gtsang ba'i phyir sku rnam par dag pa nyid dang /thugs thugs rje can gyi phyir sku 'jam pa nyid dang / thugs rnam par dag pa'i phyir sku rnam par dag pa nyid dang / chos 'dul ba yongs su rdzogs pa'i phyir mtshan rdzogs pa nyid dang / yangs shing mdzes pa'i yon tan rdzogs pa'i phyir sku'i kho lag yangs shing bzang ba nyid dang /thams cad la thugs snyoms pa'i phyir gom pa snyoms pa nyid dang / rnam par dag pa'i chos ston pa'i phyir spyan rnam par dag pa nyid dang / chos go sla bar ston pa'i phyir sku shin tu gzhon sha can nyid dang / thugs rtag tu ma zhum pa'i phyir sku zhum pa med pa nyid dang /dge ba'i rtsa ba yang dag par 'phags pa'i phyir sku rgyas pa nyid dang / yang srid pa zad pa nyid kyis sku shin tu grims pa nyid dang / rten cing 'brel par 'byung ba shin tu rnam par phye ba ston par mdzad pa nyid kyis yan lag dang /nying lag shin tu rnam par 'byes pa nyid dang / tshig gi don shin tu rnam par dag pa ston pas gzigs pa rab rib med cing rnam par dag pa nyid dang / slob ma tshul khrims phun sum tshogs par gyur pa nyid kyis dku zlum pa nyid dang / 'khor ba'i skyon gyis ma sbags pa nyid kyis dku skabs phyin pa nyid dang /nga rgyal gyi 'gying bag bcom pa nyid kyis dku ma rnyongs pa nyid dang / chos zad pa rnam par bzlog pa nyid kyis phyal phyang nge ba nyid dang / chos zab mo rtogs pa nyid kyis lte ba zab pa nyid dang / slob ma mthun par 'dzin par 'gyur ba nyid kyis lte ba g.yas phyogs su 'khyil pa nyid dang /'khor kun nas mdzes par gyur pa nyid kyis kun nas mdzes pa nyid dang / thugs gtsang ba nyid kyis kun du spyod pa gtsang ba nyid dang / dus ma yin pa'i chos 'dul ba dang bral ba nyid kyis sku la sme ba dang gnag bag med pa nyid dang / lus la sogs pa zo mdog bde ba 'thob pa'i chos ston par mdzad pa nyid kyis phyag shing bal ltar shin tu 'jam pa nyid dang / mdangs yod pa'i dge sbyong chen po brnyes pa nyid kyis phyag gi ri mo mdangs yod pa nyid dang / chos zab mo la gnas pa nyid kyis phyag gi ri mo zab pa nyid dang / phyi rjes su yang dag par yongs su dag pa'i chos ston par mdzad pa nyid kyis phyag gi ri mo ring ba nyid dang / bslab pa rab tu mang po kun ston par mdzad pa nyid kyis zhal ha cang mi ring ba nyid dang / 'jig rten thams cad gzugs brnyan dang 'dra bar rtogs pa nyid kyis mchu bim pa ltar dmar ba nyid dang /tshig 'jam pos 'dul ba nyid kyis ljags mnyen pa nyid dang / yon tan 'thad pa mang ba nyid kyis ljags srab pa nyid dang / chos 'dul ba byis pa'i skye bo chags pa can gyis gting dpag dka' ba nyid kyis ljags dmar ba nyid dang / bsnyengs pa thams cad mi mnga' ba nyid kyis 'brug gi sgra dang ldan pa nyid dang /snyan pa la sogs par gsung ba nyid kyis gsung snyan zhing mnyen la 'jam pa nyid dang / srid par kun du sbyor ba bsdams pa nyid kyis mche ba zlum pa nyid dang / skye bo gdul dka' ba 'dul bar mdzad pa nyid kyis mche ba rno ba nyid dang /chos 'dul ba shin tu dkar ba nyid kyis mche ba dkar ba nyid dang / mnyam pa'i sa la gnas pa nyid kyis mche ba mnyam pa nyid dang / mthar gyis mngon par rtogs pa yang dag par rab tu ston par mdzad pa nyid kyis mche ba byin gyis phra ba nyid dang / shes rab mchog la gnas pa nyid kyis shangs mtho ba nyid dang /skye bo gtsang ma phun sum tshogs pa nyid kyis shangs gtsang ba nyid dang / chos shin tu rgya che ba'i phyir spyan yangs pa nyid dang / sems can gyi tshogs drangs pa nyid kyis rdzi ma stug pa nyid dang / 'gro ba gzhon nu ma thams cad mngon par mgu ba nyid kyis spyan dkar nag 'byes shing pad+ma'i 'dab ma rangs pa lta bu nyid dang /rtag tu phyi rjes su gzigs pa nyid kyis smin tshugs ring ba nyid dang / chos 'dul ba 'jam po la mkhas pa nyid kyis smin ma 'jam pa nyid dang / thugs kyi rgyud dge bas brlan pa nyid kyis smin ma snum pa nyid dang /kun du skyon gzigs pa nyid kyis smin ma'i spu mnyam pa nyid dang / mchog tu gnod pa bzlog par mdzad pa nyid kyis phyag ring zhing rgyas pa nyid dang / 'dod chags la sogs pa'i g.yul las rnam par rgyal ba nyid kyis snyan mnyam pa nyid dang / sems can thams cad kyi rgyud ma nyams par mdzad pa nyid kyis snyan gyi dbang po ma nyams pa nyid dang /lta bas byas pa thams cad kyis gzhan du mi 'gyur ba nyid kyis dpral ba legs par 'byes pa nyid dang / smra ba thams cad 'joms par mdzad pa nyid kyis dpral ba dbyes che ba nyid dang /smon lam gyi mchog yongs su rdzogs pa nyid kyis dbu shin tu rgyas pa nyid dang / yul gyi dga' ba bzlog par mdzad pa nyid kyis dbu skra bung ba ltar gnag pa nyid dang / mthong ba dang bsgom pas spang bar bya ba'i bag la nyal spangs pa'i phyir dbu skra stug pa nyid dang / bstan pa blo 'jam pos yongs su shes pa nyid kyis dbu skra 'jam pa nyid dang /thugs 'dod chags la sogs pas ma 'khrugs pa nyid kyis dbu skra ma 'dzings pa nyid dang / rtag tu tshig mi rtsub pa nyid kyis dbu skra mi bshor ba nyid dang / byang chub kyi yan lag gi me tog bkram pa nyid kyis dbu skra dri zhim pa nyid dang /rnam pa thams cad du mdzes par gyur pa nyid kyis phyag dang zhabs dpal gyi be'u dang bkra shis dang g.yung drung 'khyil pas brgyan pa nyid yin no/ /de ltar sku gsum bstan nas/ bzhi pa sprul pa'i sku byis pa'i skye bo thams cad dang thun mong ba/ gang gis srid pa ji srid par//'gro la phan pa sna tshogs dag /mnyam du mdzad pa'i sku de ni/ /thub pa'i sprul sku rgyun mi 'chad/ /ces bya ba gsungs te/ shAkya thub pa la sogs pa'i gzugs gang gis 'khor ba ji srid par 'jig rten gyi khams thams cad du sems can rnams kyi 'dod pa'i don mnyam pa nyid du mdzad pa'i sku de ni rgyun chags pa nyid kyis sangs rgyas bcom ldan 'das kyi sprul pa'i sku rgyun mi 'chad pa yin no//de ltar ngo bo nyid kyi sku'i bdag nyid bsgoms pa'i stobs las byung ba sangs rgyas la sogs pa'i yul nyid du ye shes la sogs pa la ltos nas rab tu brtags pa'i sku gsum bstan nas/kun rdzob tu ye shes kho na longs spyod rdzogs pa'i sku la sogs par snang ba skyed pa'i sgo nas don bya ba mdzad pas na/ gdul bya'i skye bo'i snang ba la brten pa'i las de'i bdag po la brten nas byung ba rnams ni chos kyi sku'i yin no zhes/de bzhin 'khor ba ji srid 'di'i/ /las 'di rgyun mi 'chad par 'dod/ /'gro rnams zhi ba'i las dang ni/ /bsdu rnam bzhi la dgod pa dang / /kun nas nyon mongs bcas pa yi/ /rnam par byang ba rtogs pa dang / /sems can rnams don ji bzhin gyi/ / don dang pha rol phyin drug dang / /sangs rgyas lam dang rang bzhin gyis/ /stong pa nyid dang gnyis zad dang / /brda dang dmigs pa med pa dang / /lus can rnams ni yongs smin dang / /byang chub sems dpa'i lam dang ni/ /mngon par zhen pa bzlog pa dang / /byang chub thob dang sangs rgyas zhing //rnam par dag dang nges pa dang / /sems can don ni tshad med dang / /sangs rgyas bsten sogs yon tan dang / /byang chub yan lag las rnams ni/ /chud mi za dang bden mthong dang / /phyin ci log ni spangs pa dang / /de gzhi med pa'i tshul dang ni//rnam par byang dang tshogs dang ni/ /'dus byas 'dus ma byas pa la/ /tha dad yongs su mi shes dang / /mya ngan 'das la dgod pa ste/ /chos kyi sku yi phrin las ni/ /rnam pa nyi shu bdun du bzhed/ /ces bya ba gsungs te/ dang por 'gro ba bzang po dang bzang po ma yin pa la mngon par zhen pa med par gnas pa'i mtshan nyid 'gro ba rab tu zhi ba'i phrin las mdzad nas/sbyin pa la sogs pa bsdu ba'i dngos po bzhi la bkod de/ thos pa las byung ba la sogs pa'i shes pas mi mthun pa'i phyogs dang gnyen po dor ba dang blang bar bya ba'i sgo nas rtogs par mdzad nas/sgyu ma mkhan bzhin du rjes su chags pa la sogs pas rnam par dben pa nyid kyis sems can gyi don te gzhan gyi don byams pa la sogs pa'i mtshan nyid ji lta ba'i bdag nyid la bkod de/ de'i rjes la rang gi don 'khor gsum rnam par dag pas rab tu phye ba'i pha rol tu phyin pa drug la goms pa la'o//de'i 'og tu rang dang gzhan gyi don gyi mtshan nyid sangs rgyas kyi lam ste/ dge ba bcu'i las kyi lam la'o/ /de nas chos thams cad rang bzhin gyis stong pa nyid goms pa la'o//de'i rjes la sbyin pa'i pha rol tu phyin pa la brten nas sa dang po chos kyi dbyings kun du 'gro ba rtogs pa'i mtshan nyid gnyis su med pa'i chos la'o/ /de nas tshogs yongs su rdzogs pa'i rgyur gyur pas sa gnyis pa la sogs par tshul khrims la sogs pa'i pha rol tu phyin pa'i chos thams cad brdar btags pa'i shes pa la 'god do//de bzhin du rim gyis shes rab kyi pha rol tu phyin pa la brten nas sa drug pa la shes pa dang / shes bya'i dngos por mngon par ma zhen pa'i mtshan nyid chos thams cad dmigs su med pa la'o//de'i 'og tu sa bdun pa la thabs kyi pha rol tu phyin pa'i stobs kyis sems can yongs su smin par byed pa la'o/ /de nas stobs kyi pha rol tu phyin pa'i stobs kyis sa brgyad pa la nyan thos la sogs pa dang thun mong ma yin pa'i byang chub sems dpa'i lam la'o//de nas de nyid la chos thams cad la mngon par zhen pa spangs pa la'o/ /de'i rjes la sa dgu pa la smon lam gyi pha rol tu phyin pa'i mthus byang chub thob pa la'o/ /de'i 'og tu ye shes kyi pha rol tu phyin pa'i stobs kyis sa bcu pa la sangs rgyas kyi zhing sna tshogs rnam par dag pa la bkod nas/yang de nyid la skye ba gcig gis thogs pa'i rang gi ngo bo yang dag par rdzogs pa'i byang chub tu so sor nges pa dang / phyogs bcu'i 'jig rten gyi khams kyi sems can gyi don dang 'jig rten gyi khams thams cad du sangs rgyas kyi drung du nye bar 'gro ba la sogs pa'i yon tan la bkod de/de lta bu'i rim pas yang de nyid la khyad par gyi lam gyi rang gi ngo bo byang chub mtha' dag 'dren par byed pa'i chos kyi mtshan nyid byang chub kyi yan lag dang / las dang 'bras bur 'brel pa chud mi za ba dang / dngos po thams cad yang dag pa ji lta ba bzhin rtogs pa dang /phyin ci log thams cad spangs pa dang / phyin ci log gzhi med pa spangs pa'i ye shes dang / rang bzhin gyis yongs su dag pa'i mtshan nyid kyi byang chub sems dpa'i rnam par byang ba dang / dri ma thams cad dang bral ba'i rnam par byang ba'i rgyu'i tshogs dang /stong pa nyid kyi ngo bo nyid kyis 'dus byas dang 'dus ma byas tha mi dad par yongs su shes pa la bkod nas/ de bzhin gshegs pa'i sa la mya ngan las 'da' ba la 'god par mdzad de/ de ltar na chos kyi sku bzhin du 'di'i phrin las rnam pa nyi shu rtsa bdun yang 'khor ba ji srid par bzhed pas mdzad pa yin no//sems bskyed pa dang po dang tha ma'i las bstan pa'i go rims bstan pa'i rim pas lhag ma bar gyi tshig gi don rnams kyi go rims kyang khong du chud par bya ste/ tshig mangs su dogs pas bdag gis ni ma bris so//shes rab kyi pha rol tu phyin pa'i man ngag gi bstan bcos mngon par rtogs pa'i rgyan zhes bya ba las/ skabs brgyad pa'i 'grel pa'o// //rgyas pa la dga' ba'i sems can la phan gdags par de ltar don brgyad kyi sgo nas rnam par bshad nas/ yang gzhan du rnam par bshad pa/mtshan nyid de yi sbyor ba dang / /de rab de yi go rims dang / /de mtha' de yi rnam smin ni/ /don bsdus gzhan te rnam pa drug /ces bya ba gsungs te/ dang por rnam pa thams cad mkhyen pa nyid la sogs pa thams cad mkhyen pa nyid gsum ni mngon par mtshon pa'i gnas nyid yin pas mtshan nyid do//de nas dbang du bya ba'i phyir 'dis thams cad mkhyen pa nyid gsum sgom pa la sbyor bas na rnam pa thams cad mngon par rdzogs par rtogs pa ni thams cad mkhyen pa nyid gsum gyi sbyor ba'o/ /de nas shin tu goms pas phul du byung bar 'gro ba'i phyir rtse mo'i mngon par rtogs pa ni thams cad mkhyen pa nyid gsum gyi rab kyi gnas skabs yin no//de nas rtogs pa'i dngos po nges par bya ba'i phyir so so ba dang mtha' dag tu rnam par bsgoms pa'i don gzhung srong bar byed pas mthar gyis pa'i mngon par rtogs pa ni thams cad mkhyen pa nyid gsum gyi go rims kyi gnas skabs yin no//de nas khyad par du 'gror med pas yang dag par skad cig ma gcig pa'i mngon par rdzogs par byang chub pa ni/ thams cad mkhyen pa nyid gsum gyi mthar thug pa'i gnas skabs yin no/ /de nas de'i 'bras bu yin pas chos kyi sku mdzad pa dang bcas pa ni thams cad mkhyen pa nyid gsum gyi rnam par smin pa yin no//de ltar na yum thams cad kyi don bsdus pa gzhan rnam pa drug ste/ snga ma kho na bzhin du bshad par bya ba yin no/ /bar ma la dga' ba'i sems can la phan gdags par de ltar don bsdus pa drug gi sgo nas rnam par bshad nas/ yang mdor bsdus pa la dga' ba'i sems can la phan gdags par gzhan du rnam par bshad pa/ yul ni rnam pa gsum po rgyu/ /sbyor ba bzhi yi bdag nyid dang / /chos sku phrin las 'bras bu ni/ /don bsdus gzhan te rnam pa gsum/ /zhes bya ba gsungs te/ dang por rnam pa thams cad mkhyen pa nyid la sogs pa thams cad mkhyen pa nyid gsum gyi ngo bo nyid ni 'jug pa'i yul gyi rgyu yin no//de ji ltar rab tu sbyor zhe na/ de'i 'og tu rnam pa thams cad mngon par rdzogs par rtogs pa la sogs pa mngon par rtogs pa rnam pa bzhi ni sbyor ba yin no/ /sbyor ba de lta bu dang ldan pa'i rgyu de'i 'bras bu ci zhig yin zhe na/de'i 'og tu chos kyi sku phrin las dang bcas pa ni 'bras bu yin pas/ rgyal ba'i yum rnam pa gsum gyi don bsdus pa gzhan rnam pa gsum ste/ de kho na bzhin du bshad par bya ba yin no/ /la la las don gzhan las tshig /gzhan las rnam grangs ming gis te//mkhas pa rnams kyis yum kun la'ang / /don bsdus de tsam shes par bya/ /de lta min na thams cad kyi/ /rim pa legs par bsdus ma yin/ /de la bsdus sogs rab dbye bas/ /khyad par yod pa kho nar zad/ /'phags pa rnam par grol sde yi/ /mthu yis don mthong sgo nas ni//go bar sla phyir tshig dang ni/ /ngag sogs sbyor ba ma byas par/ /mkhan po yang dag rnam snang mdzad/ /bla ma bzang la phyag 'tshal nas/ /tshig le'ur byas pa'i 'grel gsal ba/ /'di ni seng ge bzang pos byas/ /de bsdebs pa las byung ba yi/ /dge ba bdag gis gang thob pa//de yis skye bo thams cad ni/ /bde gshegs shes rab thob par shog /shes rab mi gsal bstan bcos kun/ /phyi rol gyur bdag gang na zhig /'phags blo'i spyod yul bdag nyid che/ /bstan bcos don ni gang na yin/ /'on kyang spyod yul ma yin la/ /rang dang gzhan gyi don gyi ngor/ /bdag gis 'bad bgyis nongs pa la//skye bo mkhas rnams bzod par mdzod/ /kye ma gzhung lugs sna tshogs kyis/ /dub pa bdag gis ngal gso'i gnas/ /shes rab pha rol phyin pa'i lugs/ /ring mo zhig nas mthong ba yin/ /shes rab kyi pha rol tu phyin pa'i man ngag gi bstan bcos mngon par rtogs pa'i rgyan zhes bya ba'i 'grel pa/ slob dpon seng ge bzang pos mdzad pa rdzogs so// //rgya gar gyi mkhan po bid+yA ka ra pra b+hA dang / zhu chen gyi lo tsA ba ban de dpal brtsegs kyis bsgyur zhing zhus te gtan la phab pa'o// //slad kyis paN+Di ta dpal go mi 'chi med la sogs pa dang / lo tsA ba dge slong blo ldan shes rab kyis legs par gtan la phab pa'o// /